﻿एज्रा.
2.
बेबीलोन ङा पिप नेबुकदनेसरमी यहूदा नु यरूसलेम ङा मुर आन कली ग्‍याइश्‍शा बेबीलोन लाइश्‍शो बाक्‍त। मेको ग्‍याइश्‍शा लाइक्‍चा पुंइसीशो आन दाते ङा यहूदा नु यरूसलेम आंम आंम सहरम लेश्‍शा जाक्‍शो मुर आन नें मार बाक्‍तेक्‍म देंशा हना, 
जेरूब-बाबेल नु बेबीलोन रे यरूसलेम जाक्‍ब येशुआ, नेहेम्‍याह सेरायाह, रेलायाह, मोरदेकै, बिल्‍शान, मिस्‍पार, बिग्‍वाइ, रेहुम नु बानाह जाक्‍शो बाक्‍तेक्‍म। मेको इस्राएली सु सु नु गिश मुर बाक्‍तेक्‍म देंशा हना, 
पारोश आ चच युइ २,१७२ 
शेफत्‍याह आ चच युइ ३७२ 
आराह आ चच युइ ७७५ 
पहाथ-मोआब आ चच युइ आ तौ येशुआ नु योआब आस चच युइ २,८१२ 
एलाम आ चच युइ १,२५४ 
जत्‍तु आ चच युइ ९४५ 
जक्‍काइ आ चच युइ ७६० 
बानी आ चच युइ ६४२ 
बेबाइ आ चच युइ ६२३ 
अज्‍गाद आ चच युइ १,२२२ 
अदोनीकाम आ चच युइ ६६६ 
बिग्‍वाइ आ चच युइ २,०५६ 
आदीन आ चच युइ ४५४ 
आतेर आ मुर हिज्‍कीयाह आ चच युइ ९८ 
बेजाइ आ चच युइ ३२३ 
योराह आ चच युइ ११२ 
हाशुम आ चच युइ २२३ 
गिब्‍बार आ चच युइ ९५ 
बेथलेहेम ङा १२३ 
नेतोफाह ङा ५६ 
अनाथोथ ङा १२८ 
अज्‍मावेथ ङा ४२ 
किरयथ-यारीम केफीरा नु बेयरोथ ङा ७४३ 
रामाह नु गेबा ङा ६२१ 
मिकमास ङा १२२ 
बेथेल नु ऐ ङा २२३ 
नेबो ङा ५२ 
मग्‍बीश आ चच युइ १५६ 
अर्को एलाम आ चच युइ १,२५४ 
हारीम आ चच युइ ३२० 
लोद, हादीद नु ओनो सहर ङा ७२५ 
यरीको सहर ङा ३४५ 
नु सेनाह आ चच युइ ३,६३० जना बाक्‍तेक्‍म। 
लेश्‍शो चढ़ेब सु सु बाक्‍तेक्‍म देंशा हना, येदायाह आ चच युइ, येशुआ आ खिं ङा मुर ९७३ 
इम्‍मेर आ चच युइ १,०५२ 
पश्‍हुर आ चच युइ १,२४७ 
नु हारीम आ चच युइ १,०१७ जना बाक्‍तेक्‍म। 
लेश्‍शा जाक्‍शो लेवी आ मुर सु सु बाक्‍तेक्‍म देंशा हना, येशुआ नु कदमीएल आस चच युइ, नु होदावीयाह आ चच युइ ७४ जना बाक्‍तेक्‍म। नेहेम्‍याह १२:८ 
कुम्‍सो पाइबपुकीमी आसाफ आ चच युइ १२८ जना बाक्‍तेक्‍म। 
लाप्‍चो खाल पाइब सु सु बाक्‍तेक्‍म देंशा हना, शाल्‍लुम, आतेर, ताल्‍मोन, अक्‍कुब, हतीता नु शोबाइ आन चच युइ नेल्‍ल पा १३९ जना मुर बाक्‍तेक्‍म। 
परमप्रभु यावे आ खिंमी गेय पाइब वाइल आन चच युइ सु सु बाक्‍तेक्‍म देंशा हना, एज्रा ८:२० सीहा, हासुफा, तब्‍बाओथ, 
केरोस, सीआहा, पादोन, 
लेबानाह, हगावाह, अक्‍‍कुब, 
हागाब, शाम्‍लाइ, हानान, 
गिददेल, गहार, रेआयाह, 
रेसीन, नेकोदा, गज्‍जाम, 
उज्‍जा, पासेआह, बेसाइ, 
अस्‍नाह, मेउनीम, नेफीसीम, 
बाकबुक, हकुफा, हारहुर, 
बस्‍लुथ, मेहीदा, हारशा, 
बारकोस, सीसेरा, तेमाह, 
नेसीयाह नु हतीफा आन चच युइ बाक्‍तेक्‍म। 
सोलोमन आ गेय पाइब आन चच युइ सु सु बाक्‍तेक्‍म देंशा हना, सोताइ, हास्‍सोफेरेथ, पेरुदा, १राजा ९:२१ 
यालाह, दारकोन, गिददेल, 
शेफत्‍याह, हत्‍तील, पोकेरेथ-हस्‍सेबाइम नु आमी आन चच युइ बाक्‍तेक्‍म। 
परमप्रभु यावे आ खिं ङा गेय पाइब नु सोलोमन आ गेय पाइब नेल्‍ल पा ३९२ मुर बाक्‍तेक्‍म। यहोसु ९:२३ 
मिनु तेल-मेलाह, तेल-हारशा करूब, अददान नु इम्‍मेर रे लेश्‍शा जाक्‍ब यो बाक्‍तेक्‍म। तन्‍न मेकोपुकीमी आन किकी पिपी नु आन खिं ङा मुर इस्राएल ङा सु रे जाक्‍शो बाक्‍मा, मेको देंने मचबेम। 
मेकोपुकी देलायाह आ चच युइ, तोबीयाह आ चच युइ नु नेकोदा आ चच युइ नेल्‍ल पा ६५२ जना बाक्‍तेक्‍म। 
परमप्रभु कली चढ़ेब हबायाह आ चच युइ, हककोस आ चच युइ नु बारजील्‍लाइ आ चच युइ यो आन किकी पिपी नु आन खिं ङा मुर इस्राएली सु रे बोशो बाक्‍मा देंने मचबेम। बारजील्‍लाइ नें वोइश्‍शो मुर गिलाद ङा बारजील्‍लाइ आ तमी कली ग्‍युंबे पवा बाक्‍त। मिनु आ शिउ आ नें वोदा बाक्‍त। २सामुएल १७:२७; २सामुएल १९:३२ 
मेकोपुकीमी मुर आन नें ब्रेक्‍तीकेमी आन नें माल्‍तेक्‍म, तन्‍न मथिदेम। मोपतीके मेकोपुकीम चढ़ेचा मताम। मिनु चढ़ेतीक गेय रे तिल्‍चा पुंइसाक्‍म। 
मिनु ऊरीम नु थुम्‍मीममी गेय पने चाप्‍ब चढ़ेब का मग्रूम सम्‍म मेकोपुकीमी नेल्‍ल क्‍येङा चोव़खो चढ़ेतीक थोव़क रे जचा मताम। 
मिनु मेकेर जाक्‍ब मुर नेल्‍ल पा ४२,३६० बाक्‍तेक्‍म। 
मिनु मेको आन वाइलीम वाइल ७,३३७ मुर बाक्‍तेक्‍म। मेको आन दातेमी २०० कुम्‍सो पाइब मीश मुर नु वोंइश मुर यो बाक्‍तेक्‍म। 
मिनु मेको नु ७३६ शारा नु २४५ खच्‍चर बाक्‍तेक्‍म। 
मिनु मेको नु ४३५ दलओंठ नु ६,७२० गधा यो बाक्‍तेक्‍म। गन्‍ती १८:९; प्रस्‍थान २८:३०; १सामुएल १४:४१ 
मिनु मेकोपुकी यरूसलेममी बाक्‍शो परमप्रभु यावे आ खिं जाक्‍मा नोले का निक्‍शी खिं ङा ठेयब मुरपुकीमी परमप्रभु आ खिं ङोंइती ङा आ बाक्‍तीके उइ लेंशा सेल्‍चा कली ग्‍येरशा आन दाक्‍स पा क्‍येट गेम्‍तेक्‍म। 
मेकोपुकीमी आन चाप्‍स पा सेल्‍तीक गेय कली ६१ हजार सुन के आदारकोन नु ५ हजार चांदी के मीना नु चढ़ेब आन कली सहे का फेक्‍तीक वा गेम्‍तेक्‍म। आदारकोन का ८.४ ग्राम सुन के क्‍येट बाक्‍ब। चांदी के मीना का ६०० ग्राम खोदेंशो बाक्‍ब। 
मिनु चढ़ेबपुकी, लेवीपुकी नु का निक्‍शी अरु मुर यरूसलेम नु आ एर ओंथ ङा गाउंपुकीमी बाक्‍तेक्‍म। मिनु कुम्‍सो पाइबपुकी, लाप्‍चो खाल पाइबपुकी, परमप्रभु यावे आ खिंमी गेय पाइबपुकी नु लीशो इस्राएली नेल्‍ल आंम आन सहरम बाक्‍तेक्‍म। 
