﻿عَلَ شَ مَسٍنيِ قِرِن ندٍ عَننَبِ ثْلُ نَشَن سّبّ تّسَلٌنِكِ دَنشَنِيَتْي حَمَ مَ.
1.
ثْلُ، سِلِقَنُ، نُن تِمٌتٍ نَن يِ كِ، كَتَرَبِ وٌن بَبَ عَلَ نُن مَرِفِ عِسَ عَلَ شَ مِشِ سُفَندِشِ شَ دَنشَنِيَتْي حَمَ مَ نَشٍيٍ نَ تّسَلٌنِكِ. 
وٌن بَبَ عَلَ نُن عَ شَ مِشِ سُفَندِشِ مَرِفِ عِسَ شَ هِننّ نُن بْحّسَ قِ وٌ مَ. 
ﭑ نفَشَكٍرٍنيِيٍ، مُشُ لَنمَ مُشُ شَ عَلَ تَنتُ وٌ شَ قٍ رَ تّمُي بِرِن. مُشُ شَ تَنتُي لَنشِ بَرِ مَ وٌ شَ دَنشَنِيَ شُن مَسَقٍ كِ قَنيِ، عَ نُن وٌ شَ شَنُنتٍيَ وٌ بٌرٍ بّ. 
نَ كُي، مُشُ وٌ مَتْشْمَ عَلَ شَ دَنشَنِيَتْي حَمَيٍ بّ وٌ شَ تُننَبّشِيَ نُن دَنشَنِيَ شَ قٍ رَ وٌ نَشٍيٍ مَسٍنقٍ وٌ شَ حَشَنكَتّ نُن تْورّ بِرِن كُي. 
نَ بَرَ عَلَ شَ كِيتِ تِنشِنشِ مَسٍن، بَرِ مَ وٌ نَ نَشَن عِمِنِقٍ، نَ نَن عَ مَسٍنمَ عَ وٌ دَشَ وٌ شَ لُ عَلَ شَ مَنفّيَ نِينِ بُن مَ، وٌ تْورْقٍ نَشَن شَ قٍ رَ. 
عَلَ تِنشِن. مِشِ نَشٍيٍ وٌ حَشَنكَتَمَ، عَ عٍ سَرٍ قِمَ حَشَنكَتّ نَن نَ. 
وٌ تَن نَشٍيٍ بَرَ حَشَنكَتَ، عَ مَلَبُي قِمَ نّ وٌن بِرِن مَ مَرِفِ عِسَ عَ نُن عَ شَ مَلٍكّ سّنبّمَيٍ قَمَ تّمُي نَشّ كٍلِقٍ كٌورٍ مَ. 
عٍ نُن تّ وٌلٍنشِ نَن فٌرٌ مَ. عَلَ كٌلٌنتَرٍيٍ، نَشٍيٍ مُ وٌن مَرِفِ عِسَ شَ مَسٍنيِ رَبَتُمَ، عٍ سَرٍ قِمَ حَشَنكَتّ نَن نَ. 
نَ مِشِيٍ شَ كِيتِ قِندِ مَ فبَلٌي نَن نَ دَندٍ يٌ مُ نَشَن مَ. مَرِفِ عٍ مَكُيَمَ نّ عَ يّتّ رَ نُن عَ سّنبّ نْرْشِ رَ 
عَ نَ قَ تّمُي نَشّ. نَ لْشْي عَ شَ سّنِيّنتْييٍ نُن عَ مَنتٌنيِيٍ بِرِن عَ تٌمَ نّ، عٍ كَابَ، عٍ عَ مَتْشْ. وٌ قَن لُمَ نّ نٍيٍ يَ مَ، بَرِ مَ وٌ دَنشَنِيَ نّ مُشُ شَ سٍيدٍحْشْيَ مَ. 
نَ كُي، مُشُ عَلَ مَشَندِ مَ وٌ بّ تّمُي بِرِن، عَلَكٌ وٌن مَرِفِ عَلَ شَ وٌ لُ عَلْ عَ مِشِ نَشَن شِلِشِ نَ دَشَ كِ نَشّ. مُشُ مَن عَ مَشَندِ مَ عَ شَ وٌ شَ حَنِفٍ قَنيِ بِرِن نَكَمَلِ عَ نُن وٌ شَ وَلِ قَنيِ نَشٍيٍ كٍلِمَ وٌ شَ دَنشَنِيَ مَ. نَ رَبَمَ عَ سّنبّ نَن سَابُي رَ. 
مُشُ نَ مَشَندِ تِمَ عَلَكٌ مَرِفِ عِسَ شَ مَتْشْي سْتْ وٌ سَابُي رَ، وٌ قَن شَ مَتْشْي سْتْ عِسَ رَ. يِ بِرِن نَبَمَ عَلَ نُن عَ شَ مِشِ سُفَندِشِ مَرِفِ عِسَ شَ هِننّ سَابُي نَن نَ. 
