﻿فَلَتِ.
6.
ﭑ نفَشَكٍرٍنيِيٍ، شَ وٌ بَرَ مِشِ ندٍ سُشُ يُنُبِ كُي، وٌ تَن نَشٍيٍ شَ دَنشَنِيَ تِلِنشِ، وٌ شَ عَ مَقُرُكُ عَلَكٌ عَ شَ فبِلٍن عَلَ مَ. كْنْ وٌ شَ وٌ حّنفِ سَ وٌ يّتّ شْن مَ، عَلَكٌ وٌ قَن نَشَ بِرَ نَ يُنُبِ كُي. 
وٌ وٌ بٌرٍ مَلِ وٌ شَ كٌتٍ شَنِندٍ. نَ كُي، وٌ عَلَ شَ مِشِ سُفَندِشِ شَ سّرِيّ نَن نَتِنمّمَ. 
شَ مِشِ عَ يّتّ عِفبٌمَ، عَ نَ عَ يّتّ مَدَشُقٍ. 
كَنكَن شَ عَ يّتّ حّرّ كِ مَتٌ، شَ عَ قَن، شَ عَ مُ قَن. عَ نَشَ عَ بٌورٍ حّرّ كِ مَتٌ، عَ قَ عَ قَلَ، «ﭑ قَن بٌورٍ بّ.» نَ كُي، عَ شَ عَ يّتّ كٍرٍن فبَنسَن مَتٌ، 
عَلَكٌ كَنكَن شَ عَ يّتّ شَ كٌتٍ شَنِن. 
مِشِ نَشَن شَرَنيِ سْتْمَ عَلَ شَ مَسٍنيِ شَ قٍ رَ، عَ لَنمَ عَ شَ عَ كَرَ مْشْ كِ قٍ قَنيِ مْولِ بِرِن نَ. 
مِشِ يٌ نَشَ وٌ مَدَشُ. عَدَ مَدِ مُ نْمَ عَلَ مَدَشُدٍ. كَنكَن قَمَ عَ يّتّ شَ وَلِ سَرٍ سْتْدٍ نّ. 
مِشِ نَشَن بِرَ مَ عَ يّتّ وَشْنقٍ حَاشِ قْشْ رَ، عَ قَمَ نّ سْنتْدٍ نَ شَشِلِ كٌبِ شَ قٍ رَ. كْنْ مِشِ نَشَن بِرَ مَ عَلَ شَشِلِ وَشْنقٍ قْشْ رَ، عَ قَمَ كِسِدٍ عَلَ شَشِلِ نَن سَابُي رَ. 
وٌن نَشَ تَفَن قٍ قَنيِ رَبَقٍ رَ. شَ وٌن مُ تَفَن، وٌن قَمَ نّ سَرٍ قَنيِ سْتْدٍ عَ وَشَتِ. 
شَ وٌن نْمَ قٍ قَنيِ ندٍ رَبَدٍ، وٌن شَ عَ رَبَ مِشِ بِرِن بّ. عَ فبٍنفبٍنيِ وٌن شَ عَ رَبَ وٌن نفَشَكٍرٍنيِ دَنشَنِيَتْييٍ بّ دَنفِقٍ مِشِ بِرِن نَ. 
وٌ يِ سّبّلِ مَتٌ، عَ شْرِ شُنفبٌ، بَرِ مَ ﭑ نَ عَ سّبّقٍ ﭑ يّتّ بّلّشّ نَن نَ. 
مِشِ نَشٍيٍ نَ وٌ كَرَشَنقٍ وٌ شَ سُننَ، عٍ وَ مَ نّ حَمَ شَ عٍ مَتْشْ. عٍ نَ نَ رَبَقٍ نّ عَلَكٌ عٍ نَشَ حَشَنكَتّ سْتْ كَوَندِ شَ قٍ رَ، نَشَن عَلَ شَ مِشِ سُفَندِشِ شَ سّرّشّ مَسٍنمَ. 
سُننَمِشِيٍ يَتِ مُ عَلَ شَ يَامَرِ بِرِن نَتِنمّمَ، كْنْ عٍ وَ مَ وٌ تَن شَ سُننَ، عَلَكٌ عٍ شَ شِلِ قَنيِ سْتْ نَ شَ قٍ رَ. 
كْنْ ﭑ تَن، ﭑ وَ مَ شِلِ قَنيِ سْتْقٍ وٌن مَرِفِ عِسَ عَلَ شَ مِشِ سُفَندِشِ شَ سّرّشّ نَن مَ قٍ رَ، نَشَن بَرَ عَ نِيَ ﭑ حّرّ كِ نُن دُنِحَ حّرّ كِ، عٍ تَفِ شَ عِكُيَ. 
سُننّ نُن سُننَتَرٍيَ تِدٍ يٌ مُ نَ نَ. قِندِقٍ مِشِ نّينّ رَ، نَ نَن تِدٍ فبٌ. 
عَلَ شَ بْحّسَ نُن هِننّ قِ مِشِ بِرِن مَ نَشٍيٍ بِرَ مَ نَ سّرِيّ قْشْ رَ، عَ نُن عَ شَ حَمَ عِسِرَيِلَ. 
عَ دْنشْي رَ، مِشِ يٌ نَشَ ﭑ تْورْ، بَرِ مَ عِسَ شَ تْورّ قْشِ نَ ﭑ قَتٍ مَ. 
ﭑ نفَشَكٍرٍنيِيٍ، وٌن مَرِفِ عِسَ، عَلَ شَ مِشِ سُفَندِشِ شَ هِننّ وٌ شَشِلِ رَ. عَمِنَ.
