﻿رْ مَ.
10.
ﭑ نفَشَكٍرٍنيِيٍ، ﭑ بْحّ وَشْنقٍ بِرِن نَ نَشَن نَ، يُوِقِيٍ شَ كِسِ سْتْ. ﭑ مَ عَلَ مَشَندِ نَن نَ كِ عٍ بّ. 
ﭑ نَ عٍ سٍيدٍ رَ، عَ عٍ سّنبّ سَشِ عَلَ شَ قٍيٍ كُي، كْنْ نَ مُ كٍلِشِ لْننِ شَ مَ. 
عٍ تٌ مُ عَ كٌلٌن عَلَ مِشِ مَتِنشِنمَ عَ يَ عِ كِ نَشّ، عٍ نَشَ كَتَ عٍ شَ عٍ يّتّ كَن مَتِنشِن. نَ كُي، عٍ مُ عٍ يّتّ مَفٌرٌ عَلَ بّ عَ تَن شَ تِنشِنيِ قِ عٍ مَ. 
عَلَ شَ مِشِ سُفَندِشِ بَرَ فّ مُنسَ شَ سّرِيّ رَكَمَلِدٍ، عَلَكٌ نَشَن يٌ نَ دَنشَنِيَ عَ مَ، نَ كَنيِ شَ تِنشِنيِ سْتْ. 
عَننَبِ مُنسَ تٌ نُ تِنشِنيِ شَ قٍ مَسٍنقٍ نَشَن سْتْمَ سّرِيّ رَبَتُقٍ مَ، عَ يِ نَن سّبّ كِتَابُي كُي، «مِشِ نَشَن يِ سّرِيّ رَبَتُمَ عَ سِمَيَ سْتْمَ نّ عَ سَابُي رَ.» 
كْنْ عَ تٌ نُ تِنشِنيِ شَ قٍ مَسٍنقٍ نَشَن سْتْمَ دَنشَنِيَ سَابُي رَ، عَ يِ نَن سّبّ، «عِ نَشَ عِ يّتّ مَشْرِن، ‹ندٍ تٍمَ كٌورٍ؟›» عَلَ شَ مِشِ سُفَندِشِ مُ فٌرٌشِ شّ كٍلِ كٌورٍ مَ؟ 
«شَ نَ مُ عَ رَ عِ عِ يّتّ مَشْرِن، ‹ندٍ فٌرٌ مَ بْشِ بُن؟›» عَلَ شَ مِشِ سُفَندِشِ مُ كٍلِشِ قَشَمِشِيٍ شَ تَفِ؟ 
كِتَابُي مُنسٍ مَسٍنشِ؟ «عَلَ شَ مَسٍنيِ مَكْرّ عِ رَ. عَ نَ عِ دّ كِرِ مَ، عَ نَ عِ بْحّ قَن مَ.» نَ مَسٍنيِ قِندِشِ دَنشَنِيَ مَسٍنيِ نَن نَ مُشُ نَشَن كَوَندِقٍ؛ 
عَ عِ نَ عَ قَلَ عِ دّ رَ عَ مَرِفِ نَن نَ عِسَ رَ، عِ مَن نَشَ لَ عَ رَ عِ بْحّ كُي عَ عَلَ بَرَ عَ رَكٍلِ قَشَمِشِيٍ تَفِ، عِ كِسِمَ نّ. 
مِشِ دَنشَنِيَمَ يِ مَسٍنيِ مَ عَ بْحّ نَن كُي، عَ تِنشِنيِ سْتْ عَلَ يَ عِ. عَ نَ لَ عَ رَ، عَ عَ قَلَمَ عَ دّ نَن نَ، عَ كِسِ سْتْ. 
كِتَابُي عَ مَسٍنشِ، «مِشِ يٌ دَنشَنِيَ عَ مَ، عَ كَنيِ مُ يَافِمَ.» 
تَفِ رَ سَ يٌ مُ نَ يُوِقِيٍ نُن سِ فبّتّيٍ تَفِ. مَرِفِ كٍرٍن نَن نَ عٍ بِرِن بّ، عَ مَن مِشِ بِرِن كِمَ كِ قَنيِ رَ نَشٍيٍ نَ عَ شِلِ. 
عَلْ كِتَابُي عَ مَسٍنشِ كِ نَشّ، «نَشَن يٌ نَ عَلَتَلَ شِلِ، نَ كَنيِ كِسِمَ نّ.» 
كْنْ نَ كُي، عٍ نْمَ عَ شِلِدٍ دِ شَ عٍ مُ دَنشَنِيَشِ عَ مَ؟ عٍ قَ دَنشَنِيَمَ عَ مَ دِ شَ عٍ مُ نُ عَ شَ قٍ مّ؟ عٍ قَ عَ شَ قٍ مّمَ دِ شَ مِشِ يٌ مُ عٍ كَوَندِ مَ؟ 
نَ كَوَندِ قَن تِمَ عٍ بّ دِ شَ مِشِيٍ مُ شّيشِ نَ قٍ مَ؟ عَ سّبّشِ، «شّيرَيٍ، نَشٍيٍ قَمَ شِبَارُ قَنيِ رَ، عٍ قَقٍ قَن كِ قَنيِ!» 
كْنْ بِرِن شَ مُ يِ شِبَارُ قَنيِ سُشُشِ، بَرِ مَ عَننَبِ عٍسَيِ عَ مَسٍن نّ، «مَرِفِ، ندٍ لَشِ مُشُ شَ مَسٍنيِ رَ؟» 
نَ كُي، مِشِيٍ دَنشَنِيَمَ نّ عٍ تٌ بَرَ عَلَ شَ مَسٍنيِ رَ مّ. عٍ عَلَ شَ مَسٍنيِ رَ مّمَ عَ شَ مِشِ سُفَندِشِ شَ مَسٍنيِ نَن سَابُي رَ. 
كْنْ ﭑ شَ مَشْرِنيِ تِ، عٍ مُ يِ مَسٍنيِ رَ مّشِ شّ؟ عِيٌ شّ، بَرِ مَ كِتَابُي نَشّ، «عٍ شُي بَرَ مِنِ دُنِحَ بِرِن مَ، عٍ شَ مَسٍنيِ بَرَ سِفَ هَن دُنِحَ دَندٍ.» 
ﭑ مَن شَ مَشْرِنيِ تِ، عِسِرَيِلَ حَمَ مُ مَسٍنيِ قَهَامُشِ شّ؟ يَابِ قْلّ رَ، عَلَ يِ نَن مَسٍن عَننَبِ مُنسَ سَابُي رَ، «ﭑ عَ نِيَمَ نّ وٌ مِشِيٍ تْونّ نَشٍيٍ حَن مُ قِندِشِ سِ يَتِ رَ. ﭑ عَ نِيَمَ نّ وٌ بْحّ شَ تٍ سِ قَهَامُتَرٍ مَ.» 
عَننَبِ عٍسَيِ قَن نَشَ شّيرَ عِبَ لِمَنِيَ رَ عَلَ تٌ يِ مَسٍنيِ قِ عَ مَ، «مِشِيٍ بَرَ ﭑ تٌ نَشٍيٍ مُ نُ ﭑ قٍنمَ. ﭑ بَرَ ﭑ يّتّ مَسٍن مِشِيٍ بّ نَشٍيٍ مُ نُ ﭑ مَشْرِنمَ سٍسٍ مَ.» 
كْنْ عِسِرَيِلَ شَ قٍ رَ، عَ نَشّ، «كٍلِ سٌفٍتٍدٍ مَ هَن سٌفٍفٌرٌدٍ، ﭑ بّلّشّيٍ عِتَلَشِ يِ حَمَ بّ، نَشَن ﭑ شُي مَتَندِ مَ، نَشَن تٌندِ مَ ﭑ بّ.» 
