﻿تَرُشُي.
24.
شِ سُولِ دَنفِ شَنبِ، عَنَنِيَسِ، نَشَن قِندِشِ سّرّشّدُبّ كُنتِفِ رَ، نُن قٌرِيٍ نَشَ قَ عٍ نُن شُنمَقَلّ ندٍ، نَشَن شِلِ تٍرِتُلٌ. عٍ نَشَ ثْلُ كَلَمُ مَنفّ شْن مَ. 
عٍ تٌ ثْلُ شِلِ، تٍرِتُلٌ نَشَ سٌ عَ تْوحّفّقٍ يِ مَسٍنيِ رَ. «قٍلِسِ مَنفّ قَنيِ، يِ بْشِ بِرِن دْشْشِ بْحّسَ كُي عِ شَ قٍ كٌلٌنيِ نُن عِ شَ شَشِلِ قَنيِ نَن سَابُي رَ. 
عِ بَرَ مُشُ رَ سّيوَ هّيرِ شُنفبٍ رَ. 
ﭑ مُ وَ مَ عِ رَبُقٍ، كْنْ ﭑ بَرَ عِ مَشَندِ عِ شَ عِ تُلِ مَتِ مُشُ شَ مَسٍنيِ رَ دٌندٌرٌنتِ. 
مُشُ بَرَ عَ تٌ يِ شّمّ مِشِ حَاشِ نَ عَ رَ. عَ يُوِقِيٍ تَفِ عِسٌمَ نَشٍيٍ نَ دُنِحَ بِرِن. عَ تَن نَن نَ عِسَ نَسَرّتِكَ شَ حَمَ شُنيِ رَ. 
عَ مَن نَشَ وَ هْرْ مْبَنشِ مَبٍرٍقٍ. مُشُ نَشَ عَ سُشُ. مُشُ نَشَ وَ عَ مَكِيتِقٍ مُشُ شَ سّرِيّ كِ مَ، 
كْنْ سْورِ مَنفّ لِسِيَ نَشَ قَ، عَ نَشَ عَ بَ مُشُ يِ سّنبّ شُنفبٍ رَ. 
عَ نَشَ عَ كَلَمُلَيٍ يَامَرِ عٍ شَ قَ عِ شْن مَ. شَ عِ قَن ثْلُ مَشْرِن، عِ قَمَ عَ كٌلٌندٍ مُشُ عَ سُشُشِ قٍ نَشَن مَ.» 
يُوِقِيٍ نَشَ تِن نَ مَسٍنيِ رَ، عٍ قَن نَشَ عَ قَلَ عَ نَ نَ كِ نّ. 
مَنفّ نَشَ ثْلُ يَامَرِ عَ قَن شَ وْيّن. ثْلُ نَشَ عَ مَسٍن عَ بّ، «ﭑ عَ كٌلٌن، يِ بْشِ مَكِيتِمَ نَن عِ رَ كَبِ حّ وُيَشِ. نَ كُي، ﭑ نَن مَ قٍ شُنمَقَلَمَ نّ عِ بّ لَنلَنتٍيَ كُي. 
شِ قُ نُن قِرِن مُ دَنفِ كَبِ ﭑ نَشَ سِفَ دَرِ سَلَمُ سَلِدٍ. 
عٍ مُ نُ مُشُ نُن مِشِ لِ سْنشْ رَ هْرْ مْبَنشِ كُي، شَ نَ مُ عَ رَ سَلِدٍ شُنشُرِيٍ كُي. ﭑ مُ سْنشْي رَتٍشِ تَا كُي، ﭑ مُ فَلِ كُي عِسٌشِ. 
عٍ مُ نْمَ سٍسٍ مَسٍندٍ، عٍ ﭑ كَلَمُمَ نَشَن مَ. 
ﭑ نَشَن مَسٍنمَ عِ بّ نَ نَن يَ. ﭑ نَن ﭑ بٍنبَيٍ مَرِفِ عَلَ نَن بَتُمَ عَلْ عِسَ شَ كِرَ عَ مَسٍنشِ كِ نَشّ، عٍ عَ قَلَمَ كِرَ نَشَن بّ عَ وُلٍ كِرَ. نَشَن سّبّشِ تَوُرٍتَ مُنسَ نُن نَمِحْنمّيٍ شَ كِتَابُي كُي، ﭑ لَ نَ بِرِن نَ. 
ﭑ لَشِ عَلَ شَ مَسٍنيِ رَ نَشَن مَسٍنشِ عَ تِنشِنتْييٍ نُن تِنشِنتَرٍ بِرِن قَمَ نّ كٍلِدٍ قَشّ مَ. يُوِقِيٍ قَن لَشِ نَ رَ. 
نَ نَن عَ تٌشِ ﭑ نَن ﭑ يّتّ كَرَشَنمَ عَلَكٌ ﭑ شَ ﭑ مَ سِمَيَ رَدَنفِ بْحّ قِيشّ كُي عَلَ نُن مِشِيٍ تَفِ. 
ﭑ مُ نُ نَ بٍ حّ وُيَشِ بُن مَ، كْنْ يَكْسِ ﭑ قَشِ هَرِفٍ ندٍ رَ ﭑ بْنسْي بّ. ﭑ قَن قَشِ سّرّشّ بَدٍ عَلَ بّ. 
عٍ ﭑ لِشِ نَ تّمُي نّ هْرْ مْبَنشِ كُي، ﭑ سّنِيّنشِ، فَلِ مُ نَ ﭑ قْشْ رَ، سْنشْي يٌ قَن مُ كٍلِ ﭑ سَابُي رَ. 
كْنْ يُوِقِ ندٍ نَشٍيٍ كٍلِ عَسِ بْشِ مَ، عٍ مُ تِن ﭑ مَ قٍ رَ. عٍ تَن شَ عٍ يّتّ مَسٍن عِ بّ، شَ قٍ ندٍ نَ عٍ بّ ﭑ مَ قٍ رَ. 
شَ نَ مُ عَ رَ نَشٍيٍ نَ بٍ، عٍ شَ عَ مَسٍن عِ بّ عٍ ﭑ تٌشِ قٍ حَاشِ نَشَن شُن، ﭑ تٌ سِفَ يُوِقِ كِيتِسَيٍ يِرٍ. 
ﭑ وْيّنيِ نَشَن قَلَشِ عٍ تَفِ نَ نَن يَ؛ ‹وٌ ﭑ مَكِيتِمَ نّ تٌ بَرِ مَ ﭑ لَشِ عَ رَ عَلَ قَمَ نّ مِشِ قَشَشِيٍ رَكٍلِدٍ.›» 
قٍلِسِ نَشَن نُ عِسَ شَ كِرَ كٌلٌن عَ قَنيِ رَ، عَ نَشَ عٍ شَ قٍ سَ سِندٍن. عَ نَشّ، «مَنفّ لِسِيَ نَ قَ، ﭑ وٌ شَ قٍ مَتٌمَ.» 
عَ نَشَ سْورِ مِشِ كّمّ شُنمَتِ يَمَرِ عَ شَ ثْلُ كَنتَ، عَ نَشَ عَ تْورْ، عَ مَن نَشَ عَ شَ مِشِ يٌ رَتْن قٍ قَنيِ رَبَقٍ رَ عَ بّ. 
شِ ندٍيٍ تٌ دَنفِ، قٍلِسِ نُن عَ شَ فِنّ دِرُ سِلَ، نَشَن نَ يُوِقِ رَ، عٍ نَشَ قَ. قٍلِسِ نَشَ ثْلُ شِلِ كَوَندِ رَبَدٍ عِسَ عَلَ شَ مِشِ سُفَندِشِ شَ قٍ رَ. ثْلُ نَشَ دَنشَنِيَ شَ قٍ قَلَ عٍ بّ عِسَ مَ، 
كْنْ عَ شَ مَسٍنيِ تٌ نُ بِنيَشِ تِنشِنيِ مَ، نُن يّتّ شُرُقٍ مَ، نُن عَلَ شَ كِيتِ نَشَن قَمَ، قٍلِسِ نَشَ فَاشُ. عَ نَشّ، «سِفَ سِندٍن. ﭑ نَ ﭑ يّتّ مَسْتْ تّمُي نَشّ، ﭑ مَن عِ شِلِمَ.» 
عَ مَن نُ وَشِ نّ ثْلُ شَ كْبِرِ قِ عَ مَ. عَ نُ عَ شِلِمَ نَ نَن مَ تّمُي بِرِن، عٍ شَ سَ عٍ بٌرٍ تٌ. 
حّ قِرِن تٌ دَنفِ، قٍلِسِ مَسَرَ مَ نَشَ قَ، ثْرُ سُ قّسِتُ. قٍلِسِ تٌ وَ عَ يّتّ مَقَنقٍ يُوِقِيٍ بّ، عَ نَشَ ثْلُ لُ فٍيلِ كُي. 
