﻿عَننَبِ يٍرٍ مِ.
9.
«شَ عَ سَ لِ ﭑ مِشِ ندٍ سْتْ نَشٍيٍ نَ بِيَاسِ كُي، ﭑ كَقُمَ نٍيٍ نَن مَ، ﭑ نَ ﭑ مَ حَمَ رَبّحِن. ﭑ وَ مَ ﭑ مَكُيَقٍ نّ عٍ رَ، بَرِ مَ يّنّلَيٍ نُن يَنقَنتٍيٍ نَن عٍ رَ. 
عٍ دّ وُلٍ قَلَمَ عَلْ سْورِ نَشَن تَنبّ وٌلِمَ. وُلٍ سّنبّ فبٌ عٍ يَ مَ، عٍ مُ نْندِ كٌلٌن. عٍ لُمَ يُنُبِ رَبَ رَ، عٍ مُ ﭑ كٌلٌن.» عَلَتَلَ شَ مَسٍنيِ نَن نَ كِ. 
«وٌ نَشَ لَ وٌ بٌورٍ رَ، وٌ نَشَ لَ وٌ نفَشَكٍرٍنيِ رَ، بَرِ مَ بِرِن لُمَ نّ عٍ بٌورٍ مَدَشُ رَ، عٍ بِرِن بِرَ تْوحّفّ قْشْ رَ. 
كَنكَن وُلٍ قَلَمَ عٍ بٌورٍ بّ، يَنقَنتٍيَ فبٌ عٍ يَ مَ. عٍ دّ بَرَ وُلٍ مَتِنكَن، عٍ لُمَ نَ يُنُبِ كِرَ نَن شْن مَ. 
يَنقَنتٍيٍ نَن عٍ رَ، عٍ مُ وَ مَ ﭑ تَن كٌلٌنقٍ.» عَلَتَلَ شَ مَسٍنيِ نَن نَ كِ. 
مَنفّ عَلَتَلَ بَرَ عَ مَسٍن، «ﭑ قَمَ نّ عٍ مَتٌدٍ، عَلْ شَبُي نَشَن وُرٍ رَشُنُمَ عَلَكٌ عَ فبِ شَ بَ. ﭑ قَمَ نّ قٍ ندٍ رَبَدٍ عٍ شَ حَاشُحَ شَ قٍ رَ. 
وُلٍ قَلّ نَن عٍ رَ، يَنقَنتٍيَ رَقَن عٍ مَ. عٍ قٍ قَنيِ قَلَمَ عٍ بٌورٍ بّ عٍ دّ نَن كُي، كْنْ يَنقَنتٍيَ نَ عٍ بْحّ مَ. 
عَ مُ لَنمَ ﭑ شَ عٍ حَشَنكَتَ نَ قٍ مَ؟ عَ مُ لَنمَ شّ عٍ سَرٍ شَ قِ؟» عَلَتَلَ شَ مَسٍنيِ نَن نَ كِ. 
«ﭑ يَ يٍ رَ مِنِمَ فٍيَيٍ نُن فبٍنفبٍرٍنيِيٍ شَ قٍ رَ. نَ بِرِن فَنشِ، مِشِ مُ نَ، شُرُ سٍ مُ نَ. 
ﭑ فّمّيٍ مَلَنمَ نّ يِرٍ دَرِ سَلَمُ نُ نَ دّننَشّ، مّننِ شَ قِندِ وُلَءِ بَرٍيٍ شْنيِ رَ. ﭑ يُدَيَ تَايٍ قِندِ مَ نّ فبَلٌي يِرٍ رَ، مِشِ يٌ مُ لُ نَا.» 
«عَدَ مَدِ مُندُن نْمَ نَ قٍ قَهَامُدٍ؟ شَ عَلَ بَرَ نَ تَفِ رَبَ مِشِ ندٍ بّ، عَ شَ عَ مَسٍن مُشُ بّ. بٍ بْشِ قِندِشِ فبَلٌي بْشِ نَن نَ، عَ بِرِن فَنشِ، مِشِ مُ نَ.» 
عَلَتَلَ بَرَ عَ مَسٍن، «نَ فبَلٌي عٍ لِشِ نّ بَرِ مَ عٍ بَرَ ﭑ مَ سّرِيّ رَبٌلٌ ﭑ نَشَن قِشِ عٍ مَ. عٍ مُ عٍ تُلِ مَتِشِ ﭑ مَ مَسٍنيِ رَ، عٍ مُ ﭑ مَ يَامَرِيٍ رَبَتُشِ. 
عٍ بَرَ بِرَ عٍ يّتّ وَشْنقٍ قْشْ رَ، عٍ نُ بَلِ كُيٍيٍ بَتُ عٍ بَبَيٍ نَشٍيٍ مَسٍنشِ عٍ بّ. 
نَ نَن عَ رَ ﭑ تَن عِسِرَيِلَ مَرِفِ عَلَتَلَ بَرَ نَتّ تٌنفٌ يِ حَمَ شَ ثْسْنّ فٍرُن. 
ﭑ عٍ رَيٍنسٍنمَ نّ حَمَنّ مَ، عٍ تَن نُن عٍ بَبَيٍ مُ دّننَشّ كٌلٌن، ﭑ عٍ سْنتْمَ نّ سَنتِدّفّمَ رَ.» 
مَنفّ عَلَتَلَ شَ مَسٍنيِ نَن يَ؛ «وٌ وٌ تُلِ مَتِ. وٌ مِشِيٍ شِلِ نَشٍيٍ قَتَ وَدٍ، عٍ شَ عٍ وَ شُي رَ مِنِ. 
عٍ شَ عٍ شُلُن عٍ وَ شُي رَ مِنِدٍ. وٌن تَن قَن شَ وَ، يَ يٍ شَ مِنِ.» 
وَ شُي مِنِمَ سِيٌن تَا كُي؛ «وٌن بَرَ فبَلٌي سْتْ، وٌن بَرَ لُ يَافِ كُي. وٌن بَرَ كٍلِ وٌن مَ بْشِ مَ، وٌن مَ بَنشِيٍ بَرَ كَنَ.» 
«وٌ تَن فِنّيٍ، وٌ وٌ تُلِ مَتِ عَلَتَلَ شَ مَسٍنيِ رَ، وٌ وٌ تُلِ مَتِ عَ شَ وْيّنيِ رَ. وٌ وٌ شَ دِيٍ نُن وٌ بٌورٍيٍ مَتِنكَن وَ رَ، 
بَرِ مَ قَشّ بَرَ سٌ وٌن شْنيِ. وٌن مَ دِيٍ بَرَ قَشَ كِرَ رَ، وٌن مَ قٌنِكٍيٍ بَرَ قَشَ تَا كُي.» 
عَلَتَلَ شَ مَسٍنيِ نَن يَ؛ «عَ قَلَ حَمَ بّ مِشِيٍ نَ قَشَقٍ، عٍ لُشِ بْشِ مَ عَلْ مَالٍ شِرِ نَشٍيٍ شَبَشِ، كْنْ مِشِ مُ نَ نَشَن عٍ مَلَنمَ.» 
عَلَتَلَ شَ مَسٍنيِ نَن يَ؛ «لْننِلَ نَشَ عَ يّتّ مَتْشْ عَ شَ لْننِ شَ قٍ رَ. سّنبّمَ نَشَ عَ يّتّ مَتْشْ عَ سّنبّ شَ قٍ رَ. بَننَ مِشِ نَشَ عَ يّتّ مَتْشْ عَ شَ بَننَيَ شَ قٍ رَ. 
شَ مِشِ وَ مَ عَ يّتّ مَتْشْقٍ قٍ ندٍ مَ، عَ شَ عَ يّتّ مَتْشْ عَ شَ دَنشَنِيَ نَن مَ قٍ رَ. عَلَتَلَ نَن ﭑ نَ، هِننّنتٍ نَشَن تِنشِنيِ نُن سّرِيّ رَوَلِمَ دُنِحَ مَ. نَ قٍ مْولِ رَقَن ﭑ مَ.» عَلَتَلَ شَ مَسٍنيِ نَن نَ كِ. 
عَلَتَلَ شَ مَسٍنيِ نَن يَ؛ «لْشْي قَمَ قَدٍ، ﭑ مِشِ هَلَكِمَ نّ، نَشَن سُننَشِ كْنْ عَ بْحّ مُ سّنِيّن، 
عَلْ مِسِرَكَيٍ، يُدَيَكَيٍ، عٍدٌنكَيٍ، عَمٌنِكَيٍ، مٌوَبَكَيٍ، نَشٍيٍ بِرِن عٍ شُنسّشّ مَشَبَمَ نَشَن نَ عٍ شُنيِ سّيتِيٍ مَ. يِ سِ بِرِن نَشٍيٍ نَ فبٍنفبٍرٍنيِ مَ، عٍ سُننَشِ، كْنْ عٍ مُ سُننَ وَلِ رَبَمَ. هَلِ عِسِرَيِلَكَيٍ مُ سُننَ وَلِ رَبَمَ، عٍ بْحّ مُ سّنِيّن.» 
