﻿يَبُرَ.
40.
دَوُدَ شَ بّيتِ بّيتِبَيٍ شَ مَنفّ بّ 
ﭑ بَرَ ﭑ شَشِلِ تِ عَلَتَلَ رَ، عَ بَرَ عَ تُلِ مَتِ ﭑ نَ. 
عَ بَرَ ﭑ بَ بٌورَ شْورَ، عَ ﭑ سَنيِ رَدِكِ قَنيٍ رَ. 
عَ بَرَ بّيتِ نّينّ سَ ﭑ بْحّ مَ نَشَن قِندِشِ تَنتُي رَ عَلَ بّ. مِشِ فبٍفبٍ نَ نَ مّ، عٍ فَاشُمَ نّ عَلَ يَ رَ، عٍ عٍ يّتّ تَشُ عَلَتَلَ رَ. 
حّلّشِنيِ نَ عَدَ مَ نَن بّ نَشَن عَ شَشِلِ تِشِ عَلَتَلَ رَ، نَشَن مُ عَ كٌبٍ رَتٌشِ يّتّ عِفبٌي مَ، نَشَن مُ عَ كٌبٍ رَتٌشِ كُيٍ بَتُقٍ مَ. 
ﭑ مَرِفِ عَلَتَلَ، عِ بَرَ عِ شَ قٍ قَنيِ فبٍفبٍ مَسٍن مُشُ بّ. عِ مَنِيّ مُ نَ. ﭑ وَ مَ نَ بِرِن تَفِ رَبَقٍ مِشِيٍ بّ، كْنْ عِ شَ قٍ قَنيِ وُيَ هَن عَ بَرَ دَنفِ عَ عِ. 
عِ مُ وَ مَ سّرّشّ تُن شَ شْن مَ. عِ بَرَ ﭑ تُلِ رَبِ. عِ مُ وَ مَ سّرّشّ فَن دَاشِ شْن مَ، عِ مُ وَ مَ سّرّشّ يُنُبِ شَقَرِ دَاشِ قَن شْن مَ. 
ﭑ بَرَ قَ كِتَابُي مَكُنتَنشِ رَ نَشَن سّبّشِ ﭑ بّ. 
ﭑ مَرِفِ عَلَ، ﭑ بَرَ تِن عِ وَشْنقٍ مَ. عِ شَ سّرِيّ نَ ﭑ سٌندٌنيِ كُي. 
ﭑ تِنشِنيِ مَسٍنمَ حَمَ بّ. عِ شَ عَ كٌلٌن عَلَتَلَ، ﭑ مُ قَمَ دُندُدٍ عِ شَ قٍ مَ. 
ﭑ مُ نْمَ دُندُدٍ عِ شَ نْندِ مَ. ﭑ عِ شَ قٍ قَنيِ نُن عِ شَ مَرَكِسِ قٍ قَلَمَ نّ. ﭑ مُ عِ شَ قٌنِسِرٍيَ نُن عِ شَ نْندِ نْشُنمَ حَمَ مَ. 
عِ تَن عَلَتَلَ، عِ مُ قَمَ تٌندِدٍ ﭑ بّ عِ شَ مَرَقَنيِ مَ. عِ شَ قٌنِسِرٍيَ نُن عِ شَ نْندِ ﭑ كَنتَمَ نّ تّمُي بِرِن. 
تْورّ فبٍفبٍ بَرَ ﭑ نَبِلِن. ﭑ مَ يُنُبِ قَن بَرَ فبٌ هَن عَ بَرَ دَنفِ عَ عِ. عٍ بَرَ وُيَ دَنفِقٍ ﭑ شُنسّشّيٍ رَ. لِمَنِيَ بَرَ بَ ﭑ يِ رَ. 
عَلَتَلَ، يَندِ، ﭑ نَتَنفَ. عَلَتَلَ، يَندِ، ﭑ مَلِ. 
نَشٍيٍ وَ مَ ﭑ نِي بَقٍ، نَشٍيٍ وَ مَ ﭑ مَ قٍ حَاشِ شْن مَ، عٍ بِرِن شَ مَكُيَ ﭑ نَ يَافِ كُي. 
نَشٍيٍ ﭑ مَيٍلٍمَ، يَافِ شَ عٍ دّ عِشَرَ. 
نَشٍيٍ بِرِن بِرَشِ عِ قْشْ رَ، عٍ شَ سّيوَ، عٍ شَ حّلّشِن عِ شَ قٍ رَ. نَشٍيٍ وَ مَ عِ شَ كِسِ شْن مَ، عٍ شَ عَ قَلَ تّمُي بِرِن، «تَنتُي نَ عَلَتَلَ بّ.» 
سٍتَرٍ نُن مِسِكِينّ نَن نَ ﭑ نَ، كْنْ مَرِفِ بَرَ رَتُ ﭑ مَ قٍ مَ. عِ تَن نَن نَ ﭑ مَ مَلِمَ رَ عَ نُن ﭑ نَكِسِمَ. ﭑ مَرِفِ عَلَتَلَ، عِ نَشَ دُفُندِ! 
