MAT 1:1 ಯೆಸು ಕ್ರಿಸ್ತನು ಖಾಂದಾನ. ತೆ ದಾವಿದನಾ ಖಾಂದಾನನೊ ವ್ಹೈ. ದಾವಿದ ಅಬ್ರಹಾಮನಾ ಖಾಂದಾನನೊ ವ್ಹೈ.
MAT 1:2 ಅಬ್ರಹಾಮ ಇಸಾಕನೊ ಬಾ ವ್ಹೈ. ಇಸಾಕ ಯಾಕೊಬನೆ ಪಡ್ದಿಲಿದ್ಯೊ. ಯಾಕೊಬ ಯಹುದನೆ ವರಿ ತಿನಾ ಭಾಯೊನೆ ಪಡ್ದಿಲಿದ್ಯೊ.
MAT 1:3 ಯೆಹುದ ತಾಮಾರಳಮಾ ಪೆರೆಚನನೆ ಬಿ ಜೆರಹನನೆ ಪಡ್ದಿಲಿದ್ಯೊ. ಪೆರೆಚನ ಹೆಚ್ರೊನನೆ ಪಡ್ದಿಲಿದ್ಯೊ.
MAT 1:4 ಹೆಚ್ರೊನ ಅರಾಮನೆ ಪಡ್ದಿಲಿದ್ಯೊ. ಅರಾಮ ಅಮ್ಮಿನಾದಾಬನೆ ಪಡ್ದಿಲಿದ್ಯೊ. ಅಮ್ಮಿನಾದಾಬ ನಹಶೊನನೆ ಪಡ್ದಿಲಿದ್ಯೊ. ನಹಶೊನ ಸಲ್ಮೊನನೆ ಪಡ್ದಿಲಿದ್ಯೊ.
MAT 1:5 ಸಲ್ಮೊನ ರಾಹಾಬಳಮಾ ಬೊವಜನನೆ ಪಡ್ದಿಲಿದ್ಯೊ. ಬೊವಜನ ರುತಳಮಾ ಓಬೆದನೆ ಪಡ್ದಿಲಿದ್ಯೊ. ಓಬೆದ ಇಷಯನನೆ ಪಡದಿಲಿದ್ಯೊ.
MAT 1:6 ಇಷಯನ ರಾಜೊ ಥಯಲ ದಾವಿದನೆ ಪಡ್ದಿಲಿದ್ಯೊ. ದಾವಿದ ಉರಿಯನನಿ ಬೈಕೊ ಥಯಲವಾಲಿಮಾ ಸೊಲೊಮೊನನೆ ಪಡ್ದಿಲಿದ್ಯೊ.
MAT 1:7 ಸೊಲೊಮೊನ ರೆಹಬ್ಬಾಮನೆ ಪಡ್ದಿಲಿದ್ಯೊ. ರೆಹಬ್ಬಾಮ ಅಬಿಯನನೆ ಪಡ್ದಿಲಿದ್ಯೊ. ಅಬಿಯನ ಆಸನನೆ ಪಡ್ದಿಲಿದ್ಯೊ.
MAT 1:8 ಆಸನ ಯೆಹೊಷಾಫಾಟನೆ ಪಡ್ದಿಲಿದ್ಯೊ. ಯೆಹೊಷಾಫಾಟನ ಯೆಹೊರಾಮನನೆ ಪಡ್ದಿಲಿದ್ಯೊ. ಯೆಹೊರಾಮ ಉಜ್ಜಿಯನನೆ ಪಡ್ದಿಲಿದ್ಯೊ.
MAT 1:9 ಉಜಜಿಯನ ಯೊತಾಮನೆ ಪಡ್ದಿಲಿದ್ಯೊ. ಯೊತಾಮ ಆಹಾಜನನೆ ಪಡ್ದಿಲಿದ್ಯೊ. ಆಹಾಜನ ಹಜ್ಕಿಯನನೆ ಪಡ್ದಿಲಿದ್ಯೊ.
MAT 1:10 ಹಿಜ್ಕಿಯನ ಮನಸ್ಸೆಯನೆ ಪಡ್ದಿಲಿದ್ಯೊ. ಮನಸ್ಸೆಯ ಆಮೊನನೆ ಪಡ್ದಿಲಿದ್ಯೊ.
MAT 1:11 ಆಮೊನ ಯೊಷಿಯನನೆ ಪಡ್ದಿಲಿದ್ಯೊ. ಮನಕ್ಹೊ ಬಾಬೆಲನೆ ಧರಿಲಿನ ಮಯಲ ಟೈಮಮಾ ಯೊಷಿಯನ ಯೆಕೊನ್ಯನೆ ವರಿ ತಿನಾ ಭಾಯೊನೆ ಪಡ್ದಿಲಿದ್ಯೊ.
MAT 1:12 ಬಾಬೆಲನೆ ಧರಿಲಿನ ಗಯಲ್ಪರ ಯೆಕೊನ್ಯನ ಶೆಯಲ್ತಿಯನನೆ ಪಡ್ದಿಲಿದ್ಯೊ. ಷೆಯಲ್ತಿಯನ ಜೆರುಬಾಬೆಲನೆ ಪಡ್ದಿಲಿದ್ಯೊ.
MAT 1:13 ಜೆರುಬಾಬೆಲ ಅಬಿಹೊದನನೆ ಪಡ್ದಿಲಿದ್ಯೊ. ಅಬಿಹೊದನ ಎಲ್ಯಕಿಮನೆ ಪಡ್ದಿಲಿದ್ಯೊ. ಎಲ್ಯಕಿಮನ ಅಜೊ಼ರನನೆ ಪಡ್ದಿಲಿದ್ಯೊ.
MAT 1:14 ಅಜೊ಼ರನ ಸದೊಕನೆ ಪಡ್ದಿಲಿದ್ಯೊ. ಸದೊಕ ಅಖಿಮನೆ ಪಡ್ದಿಲಿದ್ಯೊ. ಅಖಿಮ ಎಲಿಹೊದನನೆ ಪಡ್ದಿಲಿದ್ಯೊ.
MAT 1:15 ಎಲಿಹೊದನ ಎಲಿಯಾಜರನೆ ಪಡ್ದಿಲಿದ್ಯೊ. ಎಲಿಯಾಜರ ಮತ್ತಾನನೆ ಪಡ್ದಿಲದ್ಯೊ. ಮತ್ತಾನ ಯಾಕೊಬನೆ ಪಡ್ದಿಲಿದ್ಯೊ.
MAT 1:16 ಯಾಕೊಬ ಮರಿಯಳನೊ ಮಟಿ ಥಯಲ ಯೊಸೆಫನೆ ಪಡ್ದಿಲಿದ್ಯೊ. ಎಜ ಮರಿಯಳಮಾ ಕ್ರಿಸ್ತ ಕವಾಲೊ ಯೆಸು ಹುಟ್ಟ್ಯೊ.
MAT 1:17 ಇಮ್ಮ ಅಬ್ರಹಾಮತು ದಾವಿದಲಕ್ಕಾ ವಟ್ಟಜ ಚೌದಾ ತಲೆಮಾರೊ ವ್ಹೈ. ದಾವಿದ ಪೈಲಾ ಥೈನ ಬಾಬೆಲನೆ ಧರಲಿನ ಗಯೆಲಕ್ಕಾ ಚೌದಾ ತಲೆಮಾರೊ ವ್ಹೈ. ಬಾಬೆಲನೆ ಧರಿಲಿನ ಗಯೆಲ ಟೈಮತಾ ಕ್ರಿಸ್ತ ಲಕ್ಕಾ ಚೌದಾ ತಲೆಮಾರೊ ವ್ಹೈ.
MAT 1:18 ಯೆಸು ಕ್ರಿಸ್ತ ಕಿಮ್ಮ ಹುಟ್ಯೊ ಕದ್ಯಾಮ ತಿನಿ ಯಾ ಥಯಲ ಮರಿಯಳನೆ ಯೊಸೆಫನಾ ಕ್ಹಾತೆ ನಾತ್ರು ಥಯುತು ತ್ಯುನೆ ಮಳಾತಿ ಪೈಲಾ ತೆ ಪವಿತ್ರ ಆತ್ಮಾ ಕ್ಹು ಪೆಟೆ ವ್ಹತ್ತಿ ಕೈನ ಗ್ವತ ಥಯು.
MAT 1:19 ತೆನೈಸೊ ತಿನೊ ಮಾಟಿ ಥಯಲ ಚೊ಼ಕೊ ಮನಕ್ಹ ರ‍್ಹಯಲಕ್ಹು ತೆ ವಾತ ಕಿನೆ ಕವಾನೆ ಮನಸ ನೈ ರ‍್ಹಯಲಕ್ಹು, ಕಿನೆಜ ಗ್ವತ್ತ ವಾಚಿ ತಿನೆ ಚ್ಹೊಡಿಪಡು ಕೈನ ಕರ‍್ಯೊತೊ.
MAT 1:20 ತೆ ಎ ವಿಚಾರ ಕರಾನಾ ಟೈಮಮಾ ಪ್ರಭುನೊ ಧುತ ಕ್ಹಪನಮಾ ದಿಕ್ಹಿನ ಎ ಯೊಸೆಫ, ದಾವಿದನಾ ಖಾಂದಾನವಾಲಾ, ತಾರಿ ಬೈಕೊ ಥಯಲ ಮರಿಯಳನೆ ಹಿವಾ ಕರಿಲಿವಾನೆ ಬುಚ್ಕುನಕೊ. ತೆ ಪೆಟೆ ರ‍್ಹಯಲ ಪವಿತ್ರಾತ್ಮಾಕ್ಹುಜ ವ್ಹೈ.
MAT 1:21 ತೆ ಯಕ್ಕ ಪಟ್ಟಾನೆ ಜನ್ನಸ; ತು ತಿನೆ ಯೆಸು ಕೈನ ನಾಮ ಮ್ಹೆಲು; ಕಾ ಕದ್ಯಾಮ ಎಜ ತಿನಾ ಮನಕ್ಹೊನೆ ತ್ಯುನಾ ಪಾಪೊಕ್ಹು ಚೊಡೈನ ವಚಾಡಸ ಕದ್ಯೊ.
MAT 1:22 ಪ್ರಭು ಪ್ರವಾದಿನಾ ಮೂಲಕ ಕದಲ ವಾತ ಪುರಾ ಥಾವಾನಾ ಹುತಿ ಎ ಕ್ಹಾರು ಥಯು; ತೆ ವಾತ ಸು ವ್ಹೈ ಕದ್ಯಾಮ-
MAT 1:23 ದೆಕ, ಯಕ್ಕ ಜಾಂಜಿಮಾನ ಛೊಕ್ರಿ ಪೆಟೆ ರ್‍ಹೈನ ಪಟ್ಟಾನೆ ಜನ್ನಸ; ತಿನೆ ಇಮ್ಮಾನುವೆಲ ಕೈನ ನಾಮ ಮ್ಹೆಲಸ ಕವಾನು ವ್ಹೈ. ಕ್ಹುದಾ ಅಪ್ನಾ ಕ್ಹಾತೆ ಛೆ ಕೈನ ಎ ನಾಮನು ಮತಲಬ ವ್ಹೈ.
MAT 1:24 ತೆಳಾಮಾ ಯೊಸೆಫ ನಿಂದರಮಾತೊ ಉಟಿನ ಪ್ರಭುನೊ ಧುತ ಅಪಣೆ ದಿದಲ ತಿಮ್ಮ ತಿನಿ ಬೈಕೊನೆ ಹಿವಾ ಕರಿಲಿದ್ಯೊ.
MAT 1:25 ತೆನೈಸೊ ಮರಿಯಳ ಪಟ್ಟಾನೆ ಜನ್ನೆಲಕ್ಕಾ ಯೊಸೆಫ ತಿನಾ ಕ್ಹಾತೆ ಶರಿರನಾ ಸಂಭಂದಕ್ಹು ನ್ಹೊತೊ. ಯೊಸೆಫ ತೆ ಪಟ್ಟಾನೆ ಯೆಸು ಕೈನ ನಾಮ ಮ್ಹೆಲ್ಯೊ.
MAT 2:1 ಹೆರೊದ ರಾಜೊ ಥಯಲ ಟೈಮಮಾ ಯೆಸು ಯುದಾಯನಾ ಬೆತ್ಲೆಹೆಮ ಕವಾನಾ ಗಾಮಮಾ ಹುಟ್ಯೊ. ಯೆಸು ಹುಟ್ಟಲ್ಪರ, ಪುರ್ವ ದೆಶನಾ ದಕ್ಹಾ ಗ್ಯಾನಿಯೊ ಯೆರುಸಲೆಮೆ ಆಯಾ.
MAT 2:2 ತೆ ಗ್ಯಾನಿಯೊ ಮನಕ್ಹೊನೆ, ಯೆಹುದಿಯೊನೊ ರಾಜೊ ಹುಟ್ಯೊಸ ನೈ? ತೆ ಕಿಜಾ ಛೆ? ತೆ ಹುಟ್ಯೊಸ ಕೈನ ದೆಕಾಡಾನಿ ಚಿಕ್ಕಿ ಪುರ್ವ ದಿಕ್ಕಮಾ ಹುಟ್ಟಲ ದೆಕಿನ ತಿನೆ ಆರಾಧನಾ ಕರಾನೆ ಆಯಾಸ ಕದ್ಯಾ.
MAT 2:3 ಯಹುದಿಯೊನಾ ಎ ನಯಾ ರಾಜಾ಼ನಿ ವಿಶಯ ಗ್ವತ್ತ ಥಯಲ್ಪರ ಹೆರೊದ ವರಿ ಯೆರುಸಲೆಮನಾ ಕ್ಹಾರಾ ಮನಕ್ಹೊ ಗಲಿಬಿಲಿ ಥಯಾ.
MAT 2:4 ತೆಳಾಮಾಜ಼, ಹೆರೊದ ಕ್ಹಾರ ಖಾಸ ಯಾಜಕೊನೆ ಶಾಸ್ತ್ರಿಯೊನೆ ಸಭೆ ಮಳೈನ ಕ್ರಿಸ್ತ ಹುಟ್ಟನಿ ಜ಼ಗಾ ಕೈ ವ್ಹೈ? ಕೈನ ಪುಚ್ಯೊ.
MAT 2:5 ತ್ಯುನೆ, ಯುದಾಯನಾ ಬೆತ್ಲೆಹೆಮ ಕವಾನಾ ಗಾಮಮಾ ಹುಟ್ಟಸ. ಕಾ ಕದ್ಯಾಮ ಪ್ರವಾದಿ ಪವಿತ್ರ ಗ್ರಂಥಮಾ ಇಮ್ಮ ಬರದ್ಯೊಸ.
MAT 2:6 ಯಹುದ ಸಿಮೆನಿ ಬೆತ್ಲೆಹೆಮ, ಯಹುದನಾ ಖಾಸ ಗಾಮೊಮಾ ತು ನಕ್ಕರಬಿ ನ್ಹಾನು ನ್ಹವೈ. ಯಕ್ಕ ಅದಿಪತಿ ತಾರಾಮಾತೊಜ ಆವಸ, ತೆ ಮಾರಾ ಮನಕ್ಹೊ ಥಯಲ ಇಸ್ರಾಯೆಲೊನೆ ಆಳಾಲೊ ವ್ಹೈ ಕವಾನು ಪ್ರವಾದಿನಾ ಮುಲಕ ಬರ್ದಲ ಛೆ ಕೈನ ಕದ್ಯಾ.
MAT 2:7 ತೆಳಾಮಾ ಹೆರೊದ ಪುರ್ವ ದಿಕ್ಕನಾ ದೆಶನಾ ಗ್ಯಾನಿಯೊನೆ ಚೊರಿಕ್ಹು ಬಲೈನ, ತ್ಯನೆ ತೆ ಚಿಕ್ಕಿನೆ ದೆಕಲ ಕರೆಕ್ಟ ಟೈಮ ತ್ಯುನೊಕಂತೊ ಗ್ವತ್ತ ಕರಿಲಿದ್ಯೊ.
MAT 2:8 ಹೆರೊದ ತೆ ಗ್ಯಾನಿಯೊನೆ, ತುಮೆ ಗೈನ ಚೊಕಿತರಾ ಪುಚ್ಚಿಲಿನಿ ತೆ ಬಚ್ಚು ಕಜಾ ಶೆ ಕೈನ ಗ್ವತ್ತ ಥಯಲ್ಪರ ಐನ ಮನೆ ತಿಳಸಾವೊ. ತೆಳಾಮಾ ಮಿ ಗೈನ ತಿನೆ ಆರಾಧನಾ ಕರುಸ ತಿಮ ಕೈನ ತ್ಯುನೊನೆ ಬೆತ್ಲೆಹೆಮನೆ ವಳೈನ ದಿದ್ಯೊ.
MAT 2:9 ತೆ ಗ್ಯಾನಿಯೊ ರಾಜಾ಼ನಿ ವಾತ ಐಕಿನ ತ್ಯಾಂತಾ ಗಯೆಲ್ಪರ, ಪುರ್ವ ದಿಕ್ಕಮಾ ಹುಟ್ಟಲ ಚಿಕ್ಕಿನೆ ವರಿ ದೆಕಯಾ. ತ್ಯುನೆ ತೆ ಚಿಕ್ಕಿನಾ ಪಾಚಾ಼ ಗಯಾ. ತೆ ಚಿಕ್ಕಿ ತ್ಯುನಾ ಅಗಿ ಜಾತಿ ಪಟ್ಟೊ ರ‍್ಹಯಲ ಜ಼ಗಾಪರ ಗೈನ ಹುಬ್ರೈ.
MAT 2:10 ತ್ಯುನೆ ತೆ ಚಕ್ಕಿನೆ ದೆಕಿನ ಘನ್ನಾಕಿ ಕ್ಹುಶಿ ಥಯಾ.
MAT 2:11 ತ್ಯುನೆ ತೆ ಘರೆ ಆಯೆಲ್ಪರ, ಪಟ್ಟಾನೆ ಮರಿಯಳ ಕನ್ನ ದೆಕಿನ, ಸಾಷ್ಟಾಂಗ ಥೈನ ಆರಾಧನಾ ಕರ‍್ಯಾ ತೆನೈಸೊ ತ್ಯುನೆ ತೆ ಪಟ್ಟಾನಾ ಹುತಿ ಲಾಯೆಲ ಕಾಣಿಕೆ ಕಾಡಿನ ಕ್ಹೊನು, ಧುಪ ವರಿ ಬಾಸನಾ ದ್ರವ್ಯೊನೆ ದಿದ್ಯಾ.
MAT 2:12 ತೆನೈಸೊ ಕ್ಹುದಾ ತೆ ಗ್ಯಾನಿಯೊನಾ ಕ್ಹಪನ್ಮಾ ಐನ, ತುಮೆ ಹೆರೊದ ಕನ್ನಫರಿನ ಜೌ ನೈ ಕೈನ ಹುಶಾರ ಕರ‍್ಯೊ. ತ್ಯುನೆ ಬಿಜಿ ಯಕ್ಕ ಜ಼ಗಾನಾ ಮುಲಕ ತ್ಯುನಾ ದೆಶನೆ ಫರಿನ ಗಯಾ.
MAT 2:13 ಗ್ಯಾನಿಯೊ ಫರಿನ ಗಯೆಲ್ಪರ ಪ್ರಭುನೊ ದುತ ಯೊಸೆಫನೆ ಕ್ಹಪನ್ಮಾ ದಿಕ್ಹಿನಿ, ಉಟ್ಟ! ಬಚ್ಚಾನೆ ವರಿ ತಿನಿ ಯಾನೆ ಬಲೈಲಿನ ಇಜಿಪ್ಟನೆ ನ್ಹಾಟಿನ ಜಾ. ಹೆರೊದ ಬಚ್ಚಾನೆ ಹುಡ್ಕಾನು ಶುರು ಕರಸ. ತೆ ಬಚ್ಚಾನೆ ಕ್ಹಲಾಸ ಕರು ಕೈನ ಕೈಲಿದ್ಯೊಸ. ‘ಸುಜ ಕೆಟ್ಟ ನತ್ತಿ’ ಕೈನ ಮಿ ತುನೆ ಕದೆ ಲಕ್ಕಾ ತು ಇಜಿಪ್ಟಮಾ ರ‍್ಹೈನ” ಕೀನ ಕದ್ಯೊ.
MAT 2:14 ತೆಳಾಮಾಜ಼, ಯೊಸೆಫ ಉಟಿನ ಬಚ್ಚಾನೆ ವರಿ ತಿನಿ ಯಾನಾ ಕ್ಹಾತೆ ಇಜಿಪ್ಟನೆ ರಾತ್ನಾ ಟೈಮಮಾ ಗೈಪಡ್ಯೊ.
MAT 2:15 ಹೆರೊದ ಮರೆಲಕ್ಕಾ ಯೊಸೆಫ ಇಜಿಪ್ಟಮಾಜ ವ್ಹತ್ತೊ. ಮಿ ಮಾರಾ ದಿಕ್ರಾನೆ ಇಜಿಪ್ಟಮಾತೊ ಬಲಾಯೊ ಕೀನ ಪ್ರವಾದಿ ನಾ ಮುಲಕ ಪ್ರಭು ಕದಲ ವಾತ ಇನಾಕ್ಹು ಪುರಾ ಥೈ.
MAT 2:16 ಗ್ಯಾನಿಯೊ ತಿನೆ ಮೊಸ ಕರ‍್ಯಾಸ ಕೈನ ಗ್ವತ್ತ ಥಯಲ್ಪರ ಹೆರೊದ ಘನ್ನೊ ಶಿಟ್ಟ ಥಯೊ. ತೆಳಾಮಾ ಬಚ್ಚು ಉಟ್ಟಲ ಟೈಮ ಹೆರೊದ ಗ್ಯಾನಿಯೊಕ್ಹು ಗವ್ತ ಕರಿಲಿದ್ಯೊತೊ. ತೆ ಬಚ್ಚು ಹುಟ್ಟಿನ ಬೆ ವರಕ್ಹ ಥಯಾತಾ. ತಿನಾಹುತಿ ಹೆರೊದ ಬೆತ್ಲೆಹೆಮಮಾ ವರಿ ತಿನಾ ಆಜು಼ ಬಾಜುನಾ ಗಾಮೊಮಾ ರ‍್ಹಯಲ ಬೆ ವರಕ್ಹನಾ ವರಿ ತ್ಯುನಾತಿ ನ್ಹಾನಾ ರ‍್ಹಯಲ ಕ್ಹಾರಾ ಪಟ್ಟಾವೊನೆ ಕ್ಹಲಾಸ ಕರು ಕೈನ ಆಗನ್ಯಾ ದಿದ್ಯೊ.
MAT 2:17 ಅಮ್ಮ ಕ್ಹುದಾ ತಿನೊ ಪ್ರವಾದಿ ಥಯಲ ಯೆರೆಮಿಯನಾ ಮುಲಕ ಕದಲ ಎ ವಾತ ಪುರಾ ಥೈ.
MAT 2:18 ರಾಮಮಾ ಬೊಂಬಡ್ಯಾ ಮಾರಾನು ಐಕು ಐವು; ರುವಾನು ವರಿ ಘನ್ನು ಗೊಳಾಟ ಉಂಟ ಥಯು; ರಾಹೆಳ ತ್ಯುನಾ ಬಚ್ಚಾವೊನ ಹುತಿ ರ‍್ಹೈನ ತ್ಯನೆ ನೈ ರ‍್ಹಯಲಕ್ಹು ಸಮಾಧಾನ ಹೊಂದಿಲಿದ್ಯಾವಾಚಿ ವ್ಹತ್ತಿ.
MAT 2:19 ಹೆರೊದ ಮರಲ್ಪರ, ಪ್ರಭನೊ ದುತ ಯೊಸೆಫನೆ ಕ್ಹಪನ್ಮಾ ದಿಕ್ಹಿನ. ಯೊಸೆಫ ಇಜಿಪ್ಟಮಾ ರ‍್ಹತಾಮಾಜ಼ ಆ ಥಯು.
MAT 2:20 ಕ್ಹುದಾನೊ ದುತ ತಿನೆ, ಉಟ್ಟ! ಪಟ್ಟಾನೆ ವರಿ ತಿನಿ ಯಾನೆ ಬಲೈಲಿನ ಇಸ್ರಾಯೆಲನೆ ಜಾ. ಪಟ್ಟಾನೆ ಕ್ಹಲಾಸ ಕರು ಕೈನ ಪರಯತ್ನ ಕರಾಲಾ ಮರಿ ಗಯಾಸ” ಕೈನ ಕದ್ಯೊ.
MAT 2:21 ತಿನಾಹುತಿ ಯೊಸೆಫ ಪಟ್ಟಾನೆ ವರಿ ಪಟ್ಟಾನಿ ಯಾನೆ ಬಲೈಲಿನ ಇಸ್ರಾಯೆಲನೆ ಗಯೊ.
MAT 2:22 ತೆನೈಸೊ ಹೆರೊದ ಮರಲ್ಪರ ತಿನೊ ದಿಕ್ರೊ ಥಯಲ ಅರ್ಖೆಲಾಯ ಯುದಾಯನೊ ರಾಜೊ ಥಯೊಸ ಕರಿನ ಕವಾನು ಐಕಿನ ತ್ಯಾ ಜಾ಼ವಾನೆ ಭುಚ್ಚಕ್ಯೊ. ಕ್ಹಪನ್ಮಾ ದಿದಲ ಹುಶಾರಕಿ ಲಿಂಗತಜ ತೆ ತೆ ಜ಼ಗಾನೆ ಛೊಡಿನ ಗಲಿಲಾಯ ಗಾಮನೆ ಗೈನ,
MAT 2:23 ನಜರೆತ ಕವಾನಾ ಗಾಮ್ಮಾ ರ‍್ಹಯಲೊ. ಕ್ರಿಸ್ತನನೆ ‘ನಜ಼ರೆತನೊ’ ವ್ಹೈ ಕೈನ ಬಲಾವಸ” ಕೈನ ಕ್ಹುದಾ ಪ್ರವಾದಿಯೊನಾ ಮುಲಕ ಕದಲ ಅಮ್ಮ ಪುರಾ ಥಯು.
MAT 3:1 ತೆ ಕಾಲಮಾ ಬಾಪ್ತಿಸ್ಮಾ ದಿವಾಲೊ ಯೊಹಾನ ಯುದಾಯನಾ ರಾನ್ಮಾ ಬೊದನೆ ಕವಾನು ಶುರು ಕರ‍್ಯೊ.
MAT 3:2 ಸ್ವರ್ಗನೊ ರಾಜ್ಯ ನಜಿಕ ಆಯೊಸ. ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡ್ದಿನ ಕ್ಹುದಾಕನ ಫರೊ” ಕೈನ ತೆ ಬೊದನೆ ಕರ‍್ಯೊ.
MAT 3:3 ಪ್ರಭುನಾ ಹುತಿ ವಾಟ ತಯ್ಯಾರ ಕರೊ; ತಿನಿ ವಾಟ ಸಿದಾ ಚೊ಼ಕಿ ಕರೊ ಕೈನ ರಾನ್ಮಾ ಅಡ್ಡಾಲಾನಿ ಆವಾಜ ಐಕು ಆವಾಡುಸ. (ಯೆಶಾಯ 40:3) ಕೈನ ಬಾಪ್ತಿಸ್ಮಾ ದಿವಾಲಾ ಯೊಹಾನನಾ ಹುತಿ ಪ್ರವಾದಿ ಥಯಲ ಯೆಶಾಯ ಕದಲ ವ್ಹೈ.
MAT 3:4 ಯೊಹಾನನಾ ವಣ್ಣಾ ಹುಂಟಾನಾ ಬಾಲೊಕ್ಹು ಕರಲ ವ್ಹತ್ತಾ. ತಿನೆ ಕಂಬರನೊ ಪಟ್ಟೊ ವ್ಹತ್ತೊ. ತಿನೆ ಫಿರಕಾ ವರಿ ರಾನನು ಜೆನ ಅನ್ನ ಲಿಂಗತ ವ್ಹತ್ತು.
MAT 3:5 ಮನಕ್ಹೊ ಯೊಹಾನನು ಉಪದೆಶ ಐಕಾನೆ ಯೆರುಸಲೆಮತಾ, ಯುದಾಯ ವರಿ ಯೊರ್ದನ ನದಿನಾ ಬಗಲ ದಂಡಿಕನ ರ‍್ಹಯಲ ಕ್ಹಾರಾ ಜ಼ಗಾತಾ ಆವಾಡಾತಾ.
MAT 3:6 ಮನಕ್ಹೊ ತ್ಯುನೆ ಕರಲ ಪಾಪ ವಪ್ಪಿ ಲಿದಲ್ಪರ ಯೊಹಾನ ತ್ಯುನೊನೆ ಯೊರ್ದನ ನದಿಮಾ ಬಾಪ್ತಿಸ್ಮಾ ದಿವಾಡೊತೊ.
MAT 3:7 ಘನ್ನಾ ಫರಿಸಾಯರೊ ವರಿ ಸದ್ದುಕಾಯರೊ ಯೊಹಾನನಾ ಹತೆ ಬಾಪ್ತಿಸ್ಮಾ ಕರೈಲಿವಾನಾ ಹುತಿ ಆಯಾ. ಯೊಹಾನ ತ್ಯುನೊನೆ ದೆಕಿನ, ತುಮೆ ಕ್ಹಾರಾ ಕ್ಹಾಪೊ ವ್ಹೈ! ಆವಾನೆ ರ‍್ಹಯಲ ಕ್ಹುದಾನಾ ಶಿಟ್ಟಕ್ಹು ವಾಚಾನೆ ತುಮೊನೆ ಹುಶಾರಕಿ ದಿದಲವಾಲು ಕುನ್ನ ವ್ಹೈ?
MAT 3:8 ತುಮಾರು ಮನಸ ಕ್ಹರಿಮಾಜ಼ ಕ್ಹುದಾ ಬಗಲ ಛೆ ಕೈನ ಕವಾನು ತುಮೆ ಕರಾನಾ ಕಾಮೊಕ್ಹು ದೆಕಾಡೊ.
MAT 3:9 ‘ಅಬ್ರಹಾಮ ಅಪ್ನೊ ಬಾ ವ್ಹೈ’ ಕೈನ ತುಮೆ ಸ್ವಕ್ಕ ಕರಾನು ಕಾ? ಕ್ಹುದಾ ಅಬ್ರಹಾಮನಾ ಹುತಿ ನ್ಯ್ಹಾ ರ‍್ಹಯಲ ದಗಡಾವೊಕ್ಹುಬಿ ಬಚ್ಚಾ ಹುಟ್ಸಾವಾನೆ ಥಾವಸ ಕೈನ ಮಿ ತುಮೊನೆ ಕೌಸ.
MAT 3:10 ಝಾಡೊ ಕತ್ರಿನ ನಾಕಾನೆ ಕೊಡ್ಲಿ ಹಮ್ನಾಜ ತಯ್ಯಾರ ಛೆ. ಚೊ಼ಕು ಫಲ ನೈ ದಿವಾನಾ ಹರಯಕ್ಕ ಝಾಡನೆ ಕತ್ರಿನ ಆಗಮಾ ಘಾಲಸ.
MAT 3:11 ತುಮಾರಾ ಮನಸೊ ಕ್ಹುದಾ ಬಗಲ ಫರ್xಯಾಸ ಕವಾನೆ ದೆಕಾಡಾನಾ ಹುತಿ ಮಿ ತುಮೊನೆ ಪಾನಿಮಾ ಬಾಪ್ತಿಸ್ಮಾ ಕರೌಸ. ತೆನೈಸೊ ಮಾರಾ ಪಾಚೊ಼ ಆವಾಲೊ ಮಾರಾತಿ ತಾಕತವಾಲೊ ವ್ಹೈ. ತಿನಾ ಚಪ್ಲೊ ಛೊಡಾವಾನೆಬಿ ಮಿ ಯೊಗ್ಯ ನ್ಹವೈ. ತೆ ತುಮೊನೆ ಪವಿತ್ರ ಆತ್ಮಾಮಾ ಆಗಮಾ ಬಾಪ್ತಿಸ್ಮಾ ಕರಾವಸ.
MAT 3:12 ತೆ ಬಿಯ್ಯಾವೊನೆ ಸ್ವಚ್ಛ ಕರಾನೆ ತಯ್ಯಾರ ಥಯೊಸ. ತೆ ಬಿಯ್ಯಾವೊನೆ ಕೊಂಡಾವೊಕ್ಹು ಜುದೊ ಕರಿನ ಚೊ಼ಕಾ ಬಿಯ್ಯಾವೊನೆ ಕಣಜಮಾ ಭರೈನ ಕೊಂಡಾವೊನೆ ನೈ ಇಜ್ಜಾ಼ವಾನಿ ಆಗಮಾ ಬಾಳಿ ಪಡಸ” ಕೈನ ಕದ್ಯೊ.
MAT 3:13 ತೆ ಟೈಮ ಯೊಹಾನನಾ ಹತೆ ಯೆಸು ಬಾಪ್ತಿಸ್ಮಾ ಲಿವಾನೆ ಗಲಿಲಾಯತೊ ಯೊರ್ದನ ನದಿನೆ ಆಯೊ.
MAT 3:14 ತೆನೈಸೊ ಯೊಹಾನ, ಮಿಜ಼ ತಾರಾ ಹತೆ ಬಾಪ್ತಿಸ್ಮಾ ಕರೈ ಲಿವಾನು ಛೆ. ಇಮ್ಮ ರ‍್ಹತಾಮಾ ತು ಮಾರಾಕ್ಹು ಬಾಪ್ತಿಸ್ಮಾ ಲಿವಾನೆ ಮಕನ ಆವಾನು ಕಾ? ಕೈನ ತಿನೆ ಹುಬ್ರಾಡಾನೆ ದೆಕ್ಯೊ.
MAT 3:15 ಯೆಸು "ಹಮ್ನಾ ತು ಇನಿ ಒಪ್ಪಿಲೆ ಅಪೆ ಕಾಮೊ ಕರಾನು ಶೆ" ಕದ್ಯೊ. ತೆಳಾಮಾ ಯೊಹಾನ ಯೆಸುನೆ ಬಾಪ್ತಿಸ್ಮಾ ದಿವಾನೆ ಒಪ್ಪಿಲಿದ್ಯೊ.
MAT 3:16 ಯೆಸು ಬಾಪ್ತಿಸ್ಮಾ ಲಿನಾ ಪಾನಿಮಾತೊ ಉಪ್ಪರ ಆಯೊ, ತೆಳಾಮಾಜ಼ ಹಬಾಳ ಕ್ಹುಲ್ಯು ಕ್ಹುದಾನಿ ಆತ್ಮಾ ಖಬುತರನಾ ರುಪ್ಮಾ ಉತರಿ ತಿನಾ ಉಪ್ಪರ ಆವಾನು ಯೆಸು ದೆಕ್ಯೊ.
MAT 3:17 ತೆಳಾಮಾ ಸ್ವರ್ಗಮಾತು ಆವಾಜ ಐಯು "ಆ ಮಾರೊ ಮಾಯಾನೊ ದಿಕ್ರೊ ಯೆಸು ವ್ಹೈ, ಅನೆ ಮಿ ಘನ್ನೊ ಮೆಚ್ಚೊಸ".
MAT 4:1 ತೆಳಾಮಾ ಕ್ಹುದನಿ ಆತ್ಮಾ ಸೈತಾನಕ್ಹು ಪರಿಕ್ಷಾ ಲಿವಾನ ಹುತಿ ತಿನೆ ರಾಣಮಾ ಲಿನ ಗಯೊ.
MAT 4:2 ಯೆಸು ಚಾಲಕ್ಹ ದಿನ್ನ ರಾತ ಸುಜ ಕ್ಹಾದ್ಯೊ ನೈ. ಪಾಚಾ಼ತು ತಿನೆ ಘನ್ನಿ ಬುಕ್ಕ ಲಾಗಿ.
MAT 4:3 ತೆಳಾಮ ಯೆಸುನೆ ಪರಿಕ್ಷಾ ಲಿವಾನಾ ಹುತಿ ಸೈತಾನ ಕನ ಐನ ತು ಕ್ಹುದಾನೊ ದಿಕ್ರೊ ರ‍್ಹಯೊಮ ಆ ದಗ್ಡಾನೆ ರೊಟ್ಲೊ ಥಾ ಕೈನ ಆಗನ್ಯಾ ದೆ” ಕದ್ಯೊ.
MAT 4:4 ಯೆಸು ತಿನೆ ಮನಕ್ಹ ರೊಟ್ಲೊ ಕ್ಹಾದ್ಯಾಮಾಜ ಜಿವ್ತೊ ರ್xಹತೊ ನೈ, ಕ್ಹುದಾನಾ ನಾ ಮ್ಹೊಡಾಕ್ಹು ಆವಾನಾ ವಾತೊಕ್ಹು ಜಿವ್ತೊ ರ‍್ಹವಸ ಕೈನ ಬರ್ದನ ಶೆ ತೊ.
MAT 4:5 ತೆಳಾಮಾ ಸೈತಾನ ತಿನೆ ಯೆರೊಸಲೆಮನಾ ದೆವಾಲಯನಕನ ಲಿನ ಗೈನ, ದೆವಾಲಯನಾ ಕ್ಹಾರಾವೊತಿ ಉಪ್ಪರ ಜ಼ಗಾಪರ ಹುಬ್ರಾಡಿನ,
MAT 4:6 ತು ಕ್ಹುದಾನೊ ದಿಕ್ರೊ ರ‍್ಹಯೊಮ ಉಪ್ಪರತೊ ಉಡ ತೆ ತಾರಾಹುತಿ ತಿನಾ ದೆವದುತೊನೆ ಆಗನ್ಯಾ ದಿವಸ ತ್ಯುನೆ ತಾರಾ ಪಗೊ ದಗ್ಡಾನೆ ಲಾಗಾನೆ ದಿದ್ಯಾವಾಚಿ ತುನೆ ಹತೊ ಮಾ ಉಚೈಲಿವಸ” ಕೈನ ಬರ್ದಲ ಛೆ ತೊ.
MAT 4:7 ತೆ ವಾತೆ ಯೆಸು ತಾರಾ ಕ್ಹುದಾ ಥಯಲ ಕರ್ತಾನೆ ಪರಿಕ್ಷಾ ಕರು ನೈ ಕೈನ ಬಿ ಬರ್ದಲ ಶೆ.
MAT 4:8 ಪಾಚಾ಼ತೊ ಸೈತಾನ ತಿನೆ ಘನ್ನೊ ಉಚ್ಚು ರ‍್ಹಯಲ ಡೊಂಗರಪರ ಲಿನ ಗೈನ ಆ ಲೊಕಮಾ ರ‍್ಹಯಲ ಹರಯಕ ರಾಜ್ಯ ದೆಕಾಡಿನ ತ್ಯಾ ರ‍್ಹಯಲ ಹರಯಕ ವೈಭವ ದೆಕಾಡಿನ
MAT 4:9 ತು ಮನೆ ಅಡ್ಡ ಪಡ್ಯಾರೆ ಆ ಕ್ಹಾರು ಮಿ ತುನೆ ದ್ಯುಸ” ಕದ್ಯೊ.
MAT 4:10 ಯೆಸು ತಿನೆ ಸೈತಾನ ತು ಗೈ ಪಡ, ತಾರೊ ಕ್ಹುದಾ ಥಯಲ ಕರ್ತಾನೆ ಯಕ್ಕಜ ಅಡ್ಡ ಪಡಿನ ತಿನೆ ಯಕ್ಕಲಾನೆಜ ಆರಾದನಾ ಕರು ಕೈನ ಬರ್ದಲ ಛೆ ತೊ” ಕದ್ಯೊ.
MAT 4:11 ತಿನಾಹು ಸೈತಾನ ತಿನೆ ಛೊಡಿನ ಗೈ ಪಡ್ಯೊ ತೆಳಾಮಾ ದಕ್ಹಾ ದೆವದುತೊ ಐನ ತಿನೆ ಉಪಚಾರ ಕರ‍್ಯಾ
MAT 4:12 ಯೊಹಾನನೆ ಜೆಲ್ಮಾ ಘಾಲ್ಯಾಸ ಕೈನ ಯೆಸುನೆ ಗೊತ್ತ ಥಯು, ತಿನಾಹುತಿ ಯೆಸು ಗಲಿಲಾಯಾನೆ ಫರಿನ ಗಯೊ.
MAT 4:13 ತೆಳಾಮ ತೆ ನಜರೆತಮಾ ರ‍್ಹಯಾ ಬಗರ ತ್ಯಾಂತೊ ಗೈನ ಗಲಿಲಾಯನಾ ಸರೊವರನಾ ಕ್ಹಾಮು ರ‍್ಹಯಲ ಕಪೆನೌರ್ಮ ಕವಾನಾ ಗಾಮಮಾ ರ‍್ಹಯೊ. ತೆ ಗಾಮ ಜೆಬುಲೊನ ವರಿ ನಫ್ತಾಲಿನ ಸಿಮೆಕನ ಶೆ.
MAT 4:14 ಪ್ರವಾದಿ ಥಯಲ ಯೆಶಾಯ ಕದಲ ನಿಂಗತ ಥಯು ತೆ ಸು ವ್ಹೈ ಕದ್ಯಾರೆ
MAT 4:15 ಜೆಬುಲೊನ ಸಿಮೆ ವರಿ ನಫ್ತಾಲಿನ ಸಿಮೆ , ಯೊರ್ದನನಾ ಬಾಜು, ಸಮುದ್ರಕನ ರ‍್ಹಯಲ ಸಿಮೆ, ಬಿಜಾ಼ ಜಾ಼ತನಾ ಮನಕ್ಹೊ ರ‍್ಹಯಲ ಗಲಿಲಾಯ ಸಿಮೆ
MAT 4:16 ಅಮ್ಮ ಅಂದಾರಮಾ ರ‍್ಹಯಲ ಆ ಗಾಮ ವಾಲಾ ಮನಕ್ಹೊನೆ ಮ್ಹೊಟು ಉಜಾಲು ದಿಕ್ಹ್ಯು. ಮೌತನಾ ಅಂದಾರಾಮಾ ರ‍್ಹಯಲವಾಲಾ ದೆಶನಾ ಮನಕ್ಹೊನೆ ಸುರ‍್ಯಾನು ಉಜಾಲು ಪಡ್ಯು”
MAT 4:17 ತೆ ದಿನತೊ ಯೆಸು ಬೊದನೆ ಕರಾನು ಸುರು ಕರ‍್ಯೊ, ಪರಲೊಕ ರಾಜ್ಯ ಜಲ್ದಿ ಆವಾನು ಶೆ, ತಿನಾಹುತಿ ತುಮೆ ಕ್ಹುದಾಕನ ತುಮಾರಾ ಮನಸೊ ಫರಾವೊ ವರಿ ತುಮಾರಿ ಪಾಪನಿ ಜಿವ್ನಾ ಬದ್ಲಿ ಕರಲಿವೊ” ಕೈನ ಯೆಸು ಬೊದನೆ ಕರ‍್ಯೊ.
MAT 4:18 ಗಲಿಲಾಯಾನ ಸರೊವರಕನ ಯೆಸು ಜಾ಼ತಾಮಾ, ತೆಳಾಮಾ ಪೆತ್ರಕೈನ ಕೈಲಿವಾಲಾ ಸಿಮೊನ ವರಿ ತಿನೊ ಭೈ ಥಯಲ ಅಂದ್ರೆಯನೆ ದೆಕ್ಯೊ, ತ್ಯುನೆ ತ್ಯುನಾ ಮಚ್ಲಿಯೊ ಧರಾನಾ ಬಲಿಯೊ ಸಿದಾ ಕರಾಡಾತಾ, ತ್ಯುನೆ ಭಂಬಿಜಾನಾ ಮಚ್ಲಿಯೊ ಧರಾಲಾ ವ್ಹತ್ತಾ.
MAT 4:19 ಯೆಸು ತ್ಯುನೊನೆ ಆವೊ ಮಾರಾ ಪಾಚಾ಼ ಆವೊ, ಮಿ ತುಮೊನೆ ಮನಕ್ಹೊನೆ ಧರಾನಾ ಬೆಸ್ತರೊ ಕರುಸ” ಕೈನ ಕದಲ ಬರೊಬ್ಬರಜ
MAT 4:20 ತ್ಯುನೆ ತ್ಯುನಾ ಮಚ್ಲಿಯೊ ಧರಾನಾ ಬಲಿಯೊ ಛೊಡಿನ ತಿನಾ ಪಾಚಾ಼ ಗಯಾ.
MAT 4:21 ವರಿ ಯೆಸು ಆಗೊ ಜಾ಼ತಾಮಾ ಹಜು಼ನ ಬೆ ಭಾಯೊನೆ ದೆಕ್ಯೊ ತ್ಯುನೆ ಕುನ್ನ ವ್ಹೈ ಕದ್ಯಾರೆ ಜೆಬೆದಾಯನೊ ದಿಕ್ರೊ ಥಯಲ ಯಾಕೊಬ ವರಿ ತಿನೊ ನ್ಹಾನೊ ಭೈ ರ‍್ಹಯಲ ಯೊಹಾನ. ಆ ಭಂಬಿ ಜ಼ನಾ ತಿನಾ ಬಾ ನಾ ಕ್ಹಾತೆ ಮಚ್ಲಿ ಧರಾನಿ ಬಲಿಯೊ ಸಿದಾ ಕರಾಡಾತಾ, ತೆ ತ್ಯುನೊನೆಬಿ ಮಾರಾ ಪಾಚಾ಼ ಆವೊ ಕದ್ಯೊ .
MAT 4:22 ತೆಳಾಮಾಜ಼ ತ್ಯುನೆ ತಿನಾ ಬಾನೆ ತ್ಯುನೆ ರ‍್ಹಯಲ ಹಡ್ಗಾನೆ ಛೊಡಿನ ತಿನಾ ಪಾಚಾ಼ ಗಯಾ.
MAT 4:23 ತೆ ಥಯಲ್ಪರ ಯೆಸು ಗಲಿಲಾಯ ಪುರಾ ಫರಿನ ತ್ಯಾ ರ‍್ಹಯಲ ಸಭಾ ಮಂದಿರಮಾ ಉಪದೆಶ ಕರತೊ ಪರಲೊಕ ರಾಜ್ಯನಿ ಸುವಾರ್ತಾ ಕತೊ ಮನಕ್ಹೊಮಾ ರ‍್ಹಯಲ ಹರಯಕ ರೊಗ , ತ್ರಾಸ ಅರಾಮ ಕರತೊ ಆಯೊ.
MAT 4:24 ತಿನಿ ಸುದ್ದಿ ಸಿರಿಯಾ ದೆಶಮಾ ಫೈಲಿ ಗಯಲಕ್ಹು ಮನಕ್ಹೊ ಅರಾಮ ನೈ ರ‍್ಹಯಲ ವಾಲಾವೊನೆ ಕದ್ಯಾರೆ ತರಾ ತರಾನಾ ರೊಗೊಮಾ ರ‍್ಹೈನ ತ್ರಾಸ ಕ್ಹಾವಾವಾಲಾವೊನೆ ಬೆಹೊಶ ಥೈ ಜಾ಼ವಾನಾವಾಲಾವೊನೆ ಪಾರ್ಶಿಮಾರಾಲವಾಲಾವೊನೆ ತಿಕನ ಲಾಯಾ. ತೆ ತ್ಯುನೊನೆ ಅರಾಮ ಕರ‍್ಯೊ.
MAT 4:25 ವರಿ ಗಲಿಲಾಯ ದೆಕಪೊಲಿ ಯುದಾಯ ಕವಾನಾ ಗಾಮೊತಾ ವರಿ ಯೊರ್ದನ ನದಿಕನ ರ‍್ಹಯಲ ಆಜು಼ ಬಾಜುನಾ ಗಾಮೊನಾ ಮನಕ್ಹೊ ತಿನಾ ಪಾಚಾ಼ ಗುಂಪ ಗುಂಪ ಥೈನ ಗಯಾ.
MAT 5:1 ಯೆಸು ತೆ ಮನಕ್ಹೊನು ಗುಂಪ ದೆಕಿನ ಡೊಂಗರ ಚ಼ಡಿನ ಬೈಟಲ್ಪರ ತಿನಾ ಶಿಷ್ಯಾ ತಿಕನ ಆಯಾ.
MAT 5:2 ತೆ ತ್ಯುನೊನೆ ಉಪದೆಶ ಕರತೊ ಸು ಕದ್ಯೊ ಕದ್ಯಾರೆ -
MAT 5:3 ಆತ್ಮಾಮಾ ಗರಿಬ ರ‍್ಹಯಲ ವಾಲಾ ಧನ್ಯ ವ್ಹೈ; ಪರಲೊಕ ರಾಜ್ಯ ತ್ಯುನು ವ್ಹೈ.
MAT 5:4 ದುಕ್ಕ ಪಡಾಲಾ ಧನ್ಯ ವ್ಹೈ; ತ್ಯುನೆ ಸಮಾಧಾನ ಹೊಂದಿಲಿವಸ.
MAT 5:5 ಶಾಂತ ರ‍್ಹವಾಲಾ ಧನ್ಯ ವ್ಹೈ; ತ್ಯುನೆ ಆ ಲೊಕಮಾ ಘನ್ನಾ ದಿನ್ನ ರ‍್ಹವಸ.
MAT 5:6 ನಿತಿನಾ ಹುತಿ ಭುಕ್ಕಾ ವರಿ ತರಕ್ಹಾ ರ‍್ಹಯಲವಾಲಾ ಧನ್ಯ ವ್ಹೈ; ತ್ಯುನೊನೆ ತೃಪ್ತಿ ಥಾವಸ.
MAT 5:7 ಕರುಣಾ ಕುನ್ನ ದೆಕಾಡಸ ಧನ್ಯ ವ್ಹೈ; ತ್ಯುನೊನೆ ಕರುಣಾ ಮಳಸ.
MAT 5:8 ನಿರ್ಮಲಚಿತ್ತ ರ‍್ಹಯಲವಾಲಾ ಧನ್ಯ ವ್ಹೈ. ತ್ಯುನೆ ಕ್ಹುದಾನೆ ದೆಕಸ.
MAT 5:9 ಸಮಾಧಾನ ಕರಾಲಾ ಧನ್ಯ ವ್ಹೈ. ತ್ಯುನೆ ಕ್ಹುದಾನಾ ಬಚ್ಚಾ ವ್ಹೈ ಕೈನ ಕವೈಲಿವಸ.
MAT 5:10 ನಿತಿನಾ ಹುತಿ ತ್ರಾಸ ಖಾವಾಲಾ ಧನ್ಯ ವ್ಹೈ. ಸ್ವರ್ಗಲೊಕ ರಾಜ್ಯ ತ್ಯುನು ವ್ಹೈ.
MAT 5:11 ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಕದ್ರಾಯಮ, ತ್ರಾಸ ಕರ‍್ಯಾಮ ವರಿ ತುಮಾರಾ ಉಪ್ಪರ ಕೆಟ್ಟ ವಿಶಯ ಸುಳ್ಳ ಘಾಲ್ಯಮ ತುಮೆ ಧನ್ಯ ವ್ಹೈ.
MAT 5:12 ಕ್ಹುಶಿ ಥಾವೊ, ಆನಂದಕ್ಹು ರ‍್ಹವೊ. ಸ್ವರ್ಗಲೊಕಮಾ ತುಮಾರಾಹುತಿ ಕೈದಲ ಹೆಚ್ಕಿ ಫಲ ತುಮೆ ವ್ಹಂದಿಲಿವೊಶಿ. ತುಮಾರಾತಿ ಪೈಲಾ ಜಿವ್ತಾ ರ‍್ಹಯಲ ಪ್ರವಾದಿಯೊನೆಬಿ ಮನಕ್ಹೊ ಇಮ್ಮಜ಼ ಕರ‍್ಯಾ
MAT 5:13 ತುಮೆ ಜಿಮಿನನೆ ಮಿಟ್ಟು ಥಯಾಸ. ತೆನೈಸೊ ಮಿಟ್ಟುಜ ತಿನು ಸ್ವಾದ ಜ಼ವೈ ಲಿದ್ಯಮ ತಿನೆ ವರಿ ಮಿಟ್ಟಾನು ಸ್ವಾದ ಕರಾನೆ ಥಾತು ನೈ; ತೆವಾ ಮಿಟ್ಟಾಕ್ಹು ಸುಜ಼ ಉಪಯೊಗ ನತ್ತಿ. ಮನಕ್ಹೊ ತಿನೆ ಭಾರಾ ನಾಕಿನ ತಿನಾ ಉಪ್ಪರ ಚಾಲಸ.
MAT 5:14 ತುಮೆ ದುನಿಯಾನೆ ಉಜಾಲು ಥಯಾಸ. ಡೊಂಗರಪರ ಭಾಂದಲ ಗಾಮ ನೈ ಝಕಾತು.
MAT 5:15 ಮನಕ್ಹೊ ದಿವ್ವಾನೆ ಹಂಡಾಮಾ ಝಾಕಿನ ನೈ ಮ್ಹೆಲ್ತಾ. ಮನಕ್ಹೊ ದಿವ್ವಾನೆ ದಿವ್ವಾನಾ ಖಂಬಾಪರ ಮ್ಹೆಲಸ. ತೆಳಾಮಾ ಘರಮಾ ರ‍್ಹಯಲ ಕ್ಹಾರಾವೊನೆ ಉಜಾಲು ಪಡಸ.
MAT 5:16 ತಿನಾ ಲಿಂಗತ ತುಮೆ ಮನಕ್ಹೊನೆ ಉಜಾಲು ಥೈನ ರ‍್ಹೌ. ಇಮ್ಮ ತ್ಯುನೆ ತುಮಾರಾ ಚೊ಼ಕಾ ಕಾಮೊ ದೆಕಿನ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನೆ ಸ್ತುತಿ ಕರಾದೆ.
MAT 5:17 ಮಿ ಮೊಶೆನು ಧರಮಶಾಸ್ತ್ರ ರ‍್ಹವಾದೆ ಪ್ರವಾದಿಯೊನಾ ಉಪದೆಶೊ ರ‍್ಹವಾದೆಕಾಡಿಪಡಾನೆ ಆಯೊಸ ಕೈನ ತಿಳ್ದಲಿವೊ ನಕೊ. ಮಿ ತೆ ಕ್ಹಾರಾವೊನೆ ನಾಶ ಕರಾನೆ ನೈ ತೆ ಕ್ಹಾರು ಪುರಾ ಕರಾನೆ ಅಯೊಸ.
MAT 5:18 ಮಿ ತುಮೊನೆ ಕ್ಹರಿಜ ಕೌಸ. ಸ್ವರ್ಗ ವರಿ ಜಿಮಿನ ನಾಶ ಥಾಯೆಲಕ್ಕಾ ಧರಮಶಾಸ್ತ್ರಮಾತು ಸುಜ಼ ನುಚ್ಚಾತು ನೈ. ಕ್ಹಾರು ಪುರಾ ಥಯೆಲಕ್ಕಾ ಧರಮ ಶಾಸ್ತ್ರಮಾನು ಯಕ್ಕ ಅಕ್ಷರ ರ‍್ಹವಾದೆ ತೆನೈಸೊ ತಿಮಾನಿ ಯಕ್ಕ ಚಿಕ್ಕಿ ರ‍್ಹವಾದೆ ನುಚ್ಚಾತು ನೈ.
MAT 5:19 ಮನಕ್ಹ ಹರಿ ಯಕ್ಕ ಆಗನ್ಯಾನೆ, ಕದ್ಯಾಮ ನ್ಹಾನಾ ನ್ಹಾನಾ ಆಗನ್ಯಾನೆ ವಿಧೆಯ ಥೈನ ರ‍್ಹೌ. ಯಕ್ಲೊ ಕಯಾಬಿ ಆಗನ್ಯಾನೆ ವಿಧಯ ನೈ ಥೈನ ಜಿವ್ನಾ ಕರ್ತೊ ತೆ ಅಗನ್ಯಾನೆ ಬಿಜಾಬಿ ವಿಧೆಯ ಥೈನ ರ‍್ಹೌ ನೈ ಕೈನ ಬೊದನೆ ಕರ‍್ಯೊಮ ತೆ ಸ್ವರ್ಗಲೊಕಮಾ ಘನ್ನೊ ನ್ಹಾನೊ ವ್ಹೈ ಕೈನ ಕವೈಲಿವಸ. ತೆನೈಸೊ ದರಮ ಶಾಸ್ತ್ರನೆ ವಿಧೆಯ ಥೈನ ಜಿವ್ನಾ ಕರ್ತೊ ದರಮ ಶಾಸ್ತ್ರನೆ ವಿಧೆಯ ಥೌ ಕೈನ ಬಿಜಾವೊನೆ ಬೊದನೆ ಕರಾಲೊ ಪರಲೊಕ ರಾಜ್ಯಮಾ ಕ್ಹಾಸ ಥೈನ ರ‍್ಹವಸ.
MAT 5:20 ಧರಮ ಉಪದೆಶ ಕರಾಲಾವೊತಿ ಫರಿಸಾಯರೊತಿಬಿ ತುಮೆ ಚೊ಼ಕು ರ‍್ಹಯಲ ಕರು. ನೈತೊ ತುಮೆ ಪರಲೊಕನಾ ರಾಜ್ಯನೆ ನೈ ಜಾ಼ತಾ.
MAT 5:21 ಕಿನೆಜ ಖಲಾಸ ಕರು ನೈ ಖಲಾಸ ಕರಾಲೊ ನ್ಯಾಯನಾ ಫೈಸ್ಲಾನೆ ಮ್ಹೈ ಥಾವಸ ಕೈನ ಘನ್ನಾ ಕಾಲ ಪಾಚಾ಼ ಅಪ್ನ ಮನಕ್ಹೊನೆ ಕದಲ ತುಮೆ ಐಕ್ಯಾಸ.
MAT 5:22 ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ ಕಿನಾಜ ಉಪ್ಪರ ಶಿಟ್ಟ ಥಾವೊ ನಕೊ. ಹರಯಕ್ಲೊ ತುಮಾರೊ ಭೈ ವ್ಹೈ. ತುಮೆ ಬಿಜಾವೊಪರ ಶಿಟ್ಟ ಥಯಾಮ ನ್ಯಾಯನಾ ಫೈಸ್ಲಾನೆ ಗುರಿ ಥವೊಶಿ. ತುಮೆ ಕಿನೆಬಿ ಕೆಟ್ಟ ವಾತೊ ಬೊಲ್ಯಾಮ, ಯೆಹುದಿಯೊನಾ ನ್ಯಾಯ ಸಭೆಮಾ ವಿಚಾರಣೆನೆ ಗುರಿ ಥಾವೊಶಿ. ತುಮೆ ಕಿನೆತುಬಿ ಪಿಸಾಳೊ ಕೈನ ಬಲಾಯಾಮ, ಆಗನಿ ನರಕಮಾ ಮಳಾನಾ ಖತ್ರಾಮಾ ಛೆ.
MAT 5:23 ತಿನಾಹುತಿ ತುಮೆ ತುಮಾರಿ ಕಾಣಿಕೆ ಬಲಿನಾ ಕಟ್ಟಾನಾ ಕ್ಹಾಮಾ ಕ್ಹುದಾನೆ ಛಡಾತಾಮಾ, ತುಮಾರಾ ಭೈನೆ ತುಮಾರಾ ಉಪ್ಪರ ಸುಬಿ ಬೆಜ್ಜಾರ ಛೆ ಕೈನ ತುಮೊನೆ ಶೆಂ ಐಮ,
MAT 5:24 ತೆಳಾಮಾ ತುಮಾರಿ ಕಾಣಕಿನೆ ಬಲಿನಾ ಕಟ್ಟಾಕನ ಛೊಡಿನ ಜಾವೊ, ಪೈಲಾ ತಿನಾ ಕ್ಹಾತೆ ಸಮಾಧಾನ ಕರಿಲಿವೊ. ಪಾಚ್ಲತಾ ಐನ ತುಮಾರಿ ಕಾಣಕಿ ಛಡಾವೊ.
MAT 5:25 ತುಮಾರೊ ವಿರೊದಿ ತುಮೊನೆ ನ್ಯಾಯಲಯಮಾ ಜಗ್ಗಿಲಿನ ಜಾ಼ತಾಮಾ ಜಲ್ದಿಜ ತಿನಾ ಕ್ಹಾತೆ ಯಕ್ಕ ಥಾವೊ. ತುಮೆ ನ್ಯಾಯಾಲಯನೆ ಜಾ಼ವಾತಿ ಪೈಲಾ ಎ ಕರು. ತುಮೆ ತಿನಾ ಕ್ಹಾತೆ ಯಕ್ಕ ನೈ ಥಯಾರೆ, ತೆ ತುಮೊನೆ ನ್ಯಾಯಾದಿಪತಿನೆ ವಪ್ಪಿಸಾವಸ. ನ್ಯಾಯಾದಿಪತಿ ತುಮೊನೆ ಜೈಲಮಾ ಘಾಲಾನೆ ಕೈದಾಲಾನೆ ವಪ್ಸಾವಸ.
MAT 5:26 ತೆಳಾಮಾ ತುಮೆತುಮಾರಿ ಕ್ಹಾರಿ ಸಾಲಾ ಚುಕಾಯೆಲಕ್ಕಾ ಜೈಲಮಾತಾ ಭಾರಾ ಆತಾ ನೈ ಕೈನ ಮಿ ತುಮೊನೆ ಕೌಸ.
MAT 5:27 ವ್ಯಭಿಚಾರ ಕರೊ ನಕೊ ಕವಾನು ತುಮೆ ಕ್ಹಾಲಿ ಐಕ್ಯಾಸ.
MAT 5:28 ತೆನೈಸೊ ಯಕ್ಲೊ ಮನಕ್ಹ ಬಿಜಿ ಬಾಕ್ಡಿನೆ ದೆಕಿನ ತಿನಾ ಕ್ಹಾತಿ ಶರಿರ ಸಂಬಂದ ಮ್ಹೆಲಾನೆ ವಿಚಾರಕರ‍್ಯೊಮ, ತೆ ತೆಳಾಮಾಜ಼ ತಿನಾ ಮನಸಮಾ ತಿನಾ ಕ್ಹಾತೆ ವ್ಯಭಿಚಾರ ಕರ‍್ಯೊಸ ಕೈನ ಮಿ ತುಮೊನೆ ಕೌಸ.
MAT 5:29 ತಾರೊ ಸಿದಾ ಬಗಲನೊ ಡೊಳೊ ತುನೆ ಪಾಪಮಾ ಮ್ಹೈ ಕರಾನೆ ಕೊಶಿಶ ಕರ‍್ಯೊಮ, ತಿನೆ ಕಿತ್ತಿನ ನಾಕ. ತಾರು ಪುರಾ ಅಂಗ ನರಕಮಾ ಪಡಾತಿ ತಾರಾ ಅಂಗನು ಯಕ್ಕ ಭಾಗ ಜವೈಲಿವಾನು ಚೊ಼ಕು ವ್ಹೈ.
MAT 5:30 ತಾರೊ ಸಿದಾ ಬಗಲನೊ ಹತ್ತ ತುನೆ ಪಾಪಮಾ ಮ್ಹೈ ಕರಾನೆ ಕೊಶಿಶ ಕರ‍್ಯೊಮ, ತಿನೆ ಕಾಟಿನ ನಾಕಿಪಡ.ತಾರು ಪುರಾ ಅಂಗ ನರಕಮಾ ಪಡಾತಿ ತಾರಾ ಅಂಗನು ಯಕ್ಕ ಭಾಗ ಜವೈಲಿವಾನು ಚೊ಼ಕು ವ್ಹೈ.
MAT 5:31 ತಿನಿ ಬೈಕೊನೆ ಛೊಡಿ ಪಾಡು ಕವಾಲೊ, ತಿನೆ ತಲಾಕನು ಪತ್ರ ದಿವಾದೆ’ ಕೈನ ಕದಲ ಛೆ.
MAT 5:32 ತೆನೈಸೊ ಮಿ ಕವಾನು ಸುವೈ ಕದ್ಯಾಮ, ತಿನಿ ಬೈಕೊನೆ ಛೊಡಾಲೊಜ಼ ತೆ ವ್ಯಬಿಚಾರ ಕರಾನೆ ಕಾರಣ ಥಾವಸ. ಬೈಕೊ ಬಿಜಾ ಯಕ್ಕ ದಾಣಗಾನಾ ಕ್ಹಾತೆ ಅಂಗನು ಸಂಬಂದ ಮ್ಹೆಲ್ಲಿದಿಮ ಯಕ್ಕಜ಼ ತಿನೆ ಮಾಟಿ ಛೊಡಸಕಸ. ತಲಾಕ ಥಯಲವಾಲಿನೆ ಹಿವಾ ಕರಿಲಿದಲವಾಲೊಬಿ ವ್ಯಬಿಚಾರ ಕರಲವಾಲೊ ಥಾವಸ.
MAT 5:33 ತುಮೆ ಘಾಲಲ ಕ್ಹಮ್ಮ ದಾಟಿನ ಜಾ಼ವೊನಕೊ. ಪ್ರಭುನೆ ತುಮೆ ಕರಲ ಕ್ಹಮ್ಮ ಪುರಾ ಕರುಜ಼’ ಕೈನ ಅಪ್ನಾ ಪುರ್ವಕರೊನೆ ಕದಲ ತುಮೆ ಐಕ್ಯಾಸ.
MAT 5:34 ತೆನೈಸೊ ಮಿ ಸು ಕೌಸ ಕದ್ಯಾಮ, ಕ್ಹಮ್ಮ ಘಾಲೊಜ ನಕೊ. ಸ್ವರ್ಗಪರ ಕ್ಹಮ್ಮ ಘಾಲೊ ನಕೊ, ಕಾಕದ್ಯಾಮ ಸ್ವರ್ಗ ಕ್ಹುದಾನಿ ಸಿಂಹಾಸನ ವ್ಹೈ.
MAT 5:35 ಜಿಮಿನಪರ ಕ್ಹಮ್ಮ ಘಾಲೊ ನಕೊ. ಕಾಕದ್ಯಾಮ ಜಿಮಿನ ಕ್ಹುದಾನಿ ಪಗ್ಗ ಮ್ಹೆಲಾನಿ ಜ಼ಗಾ ವ್ಹೈ. ಯೆರುಸಲೆಮಪರಬಿ ಕ್ಹಮ್ಮ ಘಾಲೊ ನಕೊ. ಕಾಕದ್ಯಾಮ ತೆ ಗಾಮ ತೆ ಮ್ಹೊಟಾ ರಾಜಾ಼ನು ಗಾಮ ವ್ಹೈ.
MAT 5:36 ತುಮಾರಾ ಮಾತಾಪರ ಕ್ಹಮ್ಮ ಘಾಲೊ ನಕೊ. ತುಮಾರಾ ಮಾತಾನಾ ಬಾಲೊನು ಯಕ್ಕ ಬಾಲನೆ ಧೊಳು ವರಿ ಕಾಳೊ ಕರಾನೆ ತುಮೊಕ್ಹು ನೈ ಥಾತು.
MAT 5:37 ಹುಂ ಕದ್ಯಾಮ ‘ಹುಂ’ ಕವೊ. ನೈ ಕದ್ಯಾಮ ‘ನೈ’ ಕವೊ. ತುಮೆ ಇತ್ತಿ ಉಪ್ಪರ ಕವಾನು ಸೈತಾನಕ್ಹು ಆಯಲ ವ್ಹೈ.
MAT 5:38 ಡೊಳಾನೆ ಡೊಳೊ, ದಾತನೆ ದಾತ’ ಕೈನ ಕದಲ ತುಮೆ ಐಕ್ಯಾಸ.
MAT 5:39 ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ಕೆಟ್ಟ ರ‍್ಹಯಲವಾಲಾನಾ ವಿರುದ್ದ ಹುಬ್ರ್ಯವೊ ನಕೊ. ಕಯೊಬಿ ತುಮಾರಾ ಸಿದಾ ಬಗಲನಾ ಗಾಲೆ ಮಾರ‍್ಯಾಮ, ತಿಎ ವರಿಯಕ್ಕ ಗಾಲ ದಿವೊ.
MAT 5:40 ಕಯೊಬಿ ತುಮಾರಾ ಉಪ್ಪರಲ್ಯಾ ಅಂಗಡಾನಾಹುತಿ ನ್ಯಾಯಾಲಯನೆ ಜಗ್ಗಿಲಿನ ಜಾತೊ ರ‍್ಹಯಲಾಮ, ತುಮಾರು ಮ್ಹೈನು ಅಂಗಡುಬಿ ತಿನೆ ದಿಪಾಡೊ.
MAT 5:41 ಕಯೊ ಸೈನಿಕಬಿ ತಿನಾ ಕ್ಹಾತೆ ಯಕ್ಕ ಮೈಲ ದುರ ಆ ಕೈನ ಜಬರದಸ್ತಿಕರ‍್ಯೊಮ, ತಿನಾ ಕ್ಹಾತೆ ಬೆ ಮೈಲ ದುರ ಜಾವೊ.
MAT 5:42 ಕಯೊಬಿ ತುಮೊಕನ ರ‍್ಹಯಲ ಸುಬಿ ಪುಚ್ಯೊಮ, ತಿನೆ ದಿವೊ. ತುಮೊಕ್ಹು ಸಾಲಾ ಮಾಂಗಿಲಿವಾನೆ ಆಯಲವಾಲಾನೆ ದಿದ್ಯಾವಾಚಿ ರ‍್ಹವೊ ನಕೊ.
MAT 5:43 ತಾರಾ ದೊಸ್ತೊನೆ ಮಯಾ ಕರ ವರಿ ತಾರಾ ದುಶ್ಮನೊನೆ ದ್ವೆಶ ಕರ’ ಕೈನ ಕದಲ ತುಮೆ ಐಕ್ಯಾಸ.
MAT 5:44 ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ತುಮಾರಾ ದುಶ್ಮನೊನೆ ಮಯಾ ಕರೊ. ತುಮೊನೆ ಕಟ್ಟ ಕರಾಲಾ ಮನಕ್ಹೊನಾಹುತಿ ಪ್ರಾಥನಾ ಕರೊ.
MAT 5:45 ತೆಳಾಮಾ ತುಮೆ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನಾ ಕ್ಹರಿನಾ ಬಚ್ಚಾ ಥಾವೊಶಿ. ತುಮಾರೊ ಬಾ ಚೊ಼ಕಾವೊನಾಹುತಿಬಿ ವರಿ ಕೆಟ್ಟ ರ‍್ಹಯಲವಾಲಾವೊನಾಹುತಿಬಿ ಸುರ‍್ಯಾನು ಉಜಾಲು ದಿವಸ ವರಿ ಪಾನಿ ಆವಾ ಲಗಾಡಸ.
MAT 5:46 ತುಮೊನೆ ಮಯಾ ಕರಾನಾ ಮನಕ್ಹೊನೆ ತುಮೆ ಮಯಾ ಕರ‍್ಯಾಮ, ತಿನಾಕ್ಹು ತುಮೊನೆ ಸು ಫಲ ಮಳಸ? ಬುಭಾಡೊಲಿವಾಲಾ ತಿಮ್ಮಜ ಕರಸ.
MAT 5:47 ತುಮೆ ತುಮಾರಾ ದೊಸ್ತೊನೆ ಯಕ್ಕಜ಼ ಚೊ಼ಕಾ ರ‍್ಹಯಾಮ,ತುಮೆ ಬಿಜಾವೊತಿ ಚೊ಼ಕಾ ಸು ನ್ಹವೈ. ಕ್ಹುದಾ ನೈ ವಳಕ ಮನಕ್ಹೊಬಿ ತ್ಯುನಾ ದೊಸ್ತೊನೆ ಚೊ಼ಕಾ ಥೈನ ರ‍್ಹವಸ.
MAT 5:48 ತಿನಾಹುತಿ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಪರಿಪುರ್ಣ ಥೈನ ರ‍್ಹಯಲ ಲಿಂಗತ ತುಮೆಬಿ ಪರಿಪುರ್ಣ ಥೈನ ರ‍್ಹೌ.
MAT 6:1 ಹುಶಾರ ರ‍್ಹವೊ ತುಮೆ ಚೊ಼ಕಾ ಕಾಮೊ ಮನಕ್ಹೊನಾ ಕ್ಹಾಮಾ ಕರೊ ನಕೊ. ಮನಕ್ಹೊ ದೆಕು ಕೈನ ತುಮೆ ತೆಕ್ಹಾರು ಕರ‍್ಯಾಮ ಸ್ವರ್ಗಮಾ ರ‍್ಹಯಲ ತುಮಾರಾ ಬಾಕ್ಹು ತುಮೊನೆ ಪ್ರತಿಫಲ ನೈ ಮಳ್ತು.
MAT 6:2 ತುಮೆ ಗರಿಬ ಮನಕ್ಹೊನೆ ಕರಾನು ದಾನನಾಹುತಿ ದೆಕಾಡಿನ ದಿವೊ ನಕೊ. ತುಮೆ ಕಪಟಿಯೊ ಲಿಂಗತ ಕರು ನೈ. ತ್ಯುನೆ ಕರಾನಾ ದಾನನೆ ಮನಕ್ಹೊನೆ ದೆಕಾಡಿನ ದಿವಾನಾಹುತಿ ಕಪಟಿಯೊ ಸಭಾ ಮಂದಿರೊಮಾ ವರಿ ಒಣಿಯೊಮಾ ಪಾಂಯೊ ವಜಾ಼ಡಸ. ಮನಕ್ಹೊಕ್ಹು ಮರ್ಯಾದಿ ಲಿವಾನುಜ ತ್ಯುನು ಉದ್ದೆಶ ವ್ಹೈ.
MAT 6:3 ತಿನಾಹುತಿ ತುಮೆ ಗರಿಬೊನೆ ದೆತಾಮಾ ಘನ್ನಾ ದಡೈನ ದಿವೊ. ತುಮೆ ಕರಾನು ಕಿನೆಜ ಗ್ವತ್ತ ಥೌ ನೈ.
MAT 6:4 ತುಮೆ ದಾನ ದಡೈನ ದ್ಯು. ದಡೈನ ಕರಾನಾ ಕಾಮೊ ದೆಕಾಲೊ ತುಮಾರೊ ಬಾ ತುಮೊನೆ ಪ್ರತಿಧಫಲ ದಿವಸ.
MAT 6:5 ತುಮೆ ಪ್ರಾಥನಾ ಕರತಾಮಾ ಕಪಟಿಯೊ ಲಿಂಗತ ಪ್ರಾಥನಾ ಕರೊ ನಕೊ. ಕಪಟಿಯೊ ಸಭಾಮಂದಿರಮಾ ವರಿ ಒಣಿಯೊನಾ ಮುಲಾವೊಮಾ ಹುಬ್ರೈನ ಜೊ಼ರ ಪ್ರಾಥನಾ ಕರಾನು ಪಸಂದ ಕರಸ. ತ್ಯುನೆ ಪ್ರಾಥನಾ ಕರಾನು ಮನಕ್ಹೊ ದೆಕು ಕೈನಜ ತ್ಯುನಿ ಆಸ ವ್ಹೈ. ತ್ಯುನೆ ತೆಳಾಮ ತಿನು ಪುರಾ ಪ್ರತಿಫಲ ಹೊಂದಿಲಿದ್ಯಾಸ ಕೈನ ಕ್ಹರಿಮಾಜ಼ ಕೌಸ.
MAT 6:6 ತುಮೆ ಪ್ರಾಥನಾ ಕರು ಕದ್ಯಾಮ, ತುಮಾರಿ ಖೊಲಿಮಾ ಗೈನ ಬಾಕಲ ಜಾಕಿನ ತುಮೊನೆ ನೈ ದಿಕ್ಹಾಲಾ ಬಾನೆ ಪ್ರಾಥನಾ ಕರೊ. ದಡೈನ ಕರಾನಾ ಕಾಮೊ ದೆಕಾಲೊ ತುಮಾರೊ ಬಾ ತುಮೊನೆ ಪ್ರತಿಫಲ ದಿವಸ.
MAT 6:7 ತುಮೆ ಪ್ರಾಥನಾ ಕರತಾಮಾ ಕ್ಹುದಾನೆ ನೈ ತಿಳದಿಲಿದಲ ಮನಕ್ಹೊಲಿಂಗತ ಪ್ರಾಥನಾ ಕರೊ ನಕೊ. ತ್ಯುನೆ ಮತಲಬ ನೈ ರ‍್ಹಯಲ ಸಂಗತಿಯೊ ಕತಾಜ ರ‍್ಹವಸ ಅಮ್ಮ ಪ್ರಾಥನಾ ನಕೊ. ತ್ಯುನೆ ಘನ್ನಾ ವಿಶಯ ಕವಾಕ್ಹು ಕ್ಹುದಾ ತ್ಯುನಿ ಪ್ರಾಥನಾ ಐಕಸ ಕವಾನು ತ್ಯನಿ ವಿಚಾರ ವ್ಹೈ.
MAT 6:8 ತುಮೆ ತ್ಯುನಾ ಲಿಂಗತ ನೈ ಥಾವೊ ನಕೊ. ತುಮೆ ಮಾಂಗಾತಿ ಪೈಲಾಜ ತುಮೊನೆ ಸು-ಸು ಚಾ಼ಯೆ ಕವಾನು ತುಮಾರಾ ಬಾನೆ ಗ್ವತ್ತ ಛೆ.
MAT 6:9 ತಿನಾ ಹುತಿ ತುಮೆ ಇಮ್ಮ ಪ್ರಾಥನಾ ಕರೊ.
MAT 6:10 ಸ್ವರ್ಗಮಾ ರ‍್ಹಯಲ ಹಮಾರಾ ಬಾ, ತಾರು ನಾಮ ಪರಿಶುದ್ಧ ವ್ಹೈ ಕೈನ ಕವೈಲಿವಾದೆ ತಾರಿ ರಾಜ್ಯ ಆವಾದೆ ತಾರಿ ಚಿತ್ತ ಸ್ವರ್ಗಾಮಾ ಥಾಯೆ ಲಿಂಗತ ಭುಲೊಕಮಾ ಥಾವಾದೆ.
MAT 6:11 ಹಮಾರು ಹರ ದಿನ್ನನು ಅನ್ನ ಹಮ್ನಾಜ಼ ದೆ.
MAT 6:12 ಹಮೊನೆ ತಪ್ಪ ಕರೆಲವಾಲಾವೊನೆ ಹಮೆ ಮಾಫ ಕರೆ ಲಿಂಗತ ಹಮಾರ ತಪ್ಪೊ ಮಾಫ ಕರ.
MAT 6:13 ಹಮೊನೆ ಶೊದನೆಮಾ ಪಡೆತೆ ಕೆಟ್ಟಕ್ಹು ಹಮೊನೆ ವಚಾಡ.
MAT 6:14 ತುಮೆ ಮನಕ್ಹೊನಾ ತಪ್ಪೊ ಮಾಫ ಕರ‍್ಯಾಮ ಸ್ವರ್ಗಾಮಾ ರ‍್ಹವಾಲೊ ಬಾ ತುಮಾರಾ ತಪ್ಪೊ ಮಾಫ ಕರಸ.
MAT 6:15 ತೆನೈಸೊ ತುಮೆ ಮನಕ್ಹೊನಾ ತಪ್ಪೊ ಮಾಫ ನೈ ಕರ‍್ಯಾಮ ತುಮಾರೊ ಬಾ ಬಿ ತುಮಾರಾ ತಪ್ಪೊ ಮಾಫನೈ ಕರತೊ.
MAT 6:16 ತುಮೆ ಉಪಾಸ ಕರತಾಮಾ ತುಮಾರಾ ಮ್ಹೊಡು ಉತಾರಿಲಿವೊ ನಕೊ. ಕಪಟಿಯೊ ತಿಮ್ಮಜ ಕರಸ. ತೆನೈಸೊ ತುಮೆ ಕಪಟಿಯೊ ಲಿಂಗತ ರ‍್ಹವೊ ನಕೊ. ತ್ಯುನೆ ಉಪಾಸ ಕರಾಡಾಸ ಕವಾನು ಮನಕ್ಹೊನೆ ದೆಕಾಡಾನಾ ಹುತಿ ತ್ಯುನಾ ಮ್ಹೊಡಾ ಉತಾರಿ ಲಿವಸ. ತೆ ಕಪಟಿಯೊ ತ್ಯುನೊನೆ ಆವಾನು ಪ್ರತಿಫಲ ಪುರಾ ಹೊಂದಿಲಿದ್ಯಾಸ ಕೈನ ಮಿ ತುಮೊನೆ ಕ್ಹರಿ ಕವುಸ.
MAT 6:17 ತಿನಾಹುತ ತುಮೆ ಉಪಾಸ ಕರತಾಮಾ, ಮ್ಹೊಡು ದ್ವೈಲಿವೊ; ಮಾತಾನೆ ತೆಲ ಲಗಾಡಿಲಿವೊ.
MAT 6:18 ತೆಳಾಮಾ ತುಮೆ ಉಪಾಸ ಕರಾಡಾಸ ಕವಾನು ಮನಕ್ಹೊನೆ ಗ್ವತ್ತ ಥಾತು ನೈ. ತೆನೈಸೊ ತುಮೊನೆ ನೈ ದಿಕ್ಹಾಲೊ ತುಮಾರೊ ಬಾ ತುಮೊನೆ ದೆಕಸ. ದಡೈನ ಕರಾನಾ ಕಾಮೊ ದೆಕಾಲೊ ತುಮಾರೊ ಬಾ ತುಮೊನೆ ಪ್ರತಿಫಲ ದಿವಸ.
MAT 6:19 ತುಮಾರಾ ಹುತಿ ಎ ಜಿಮಿನಪರ ಆಸ್ತಿ ಕರಿಲಿವೊ ನಕೊ.ತೆ ಕ್ಹಾರು ನುಶಿ ಲಾಗಿನ ಹಾಳ ಥಾವಸ. ಚ್ವಟ್ಟಾ ತುಮಾರಾ ಘರಪರ ಡೊಳೊ ಮ್ಹೆಲಿನ ತುಮೊಕನ ರ‍್ಹವಾನು ಕಾಳ್ಳಿವಸ.
MAT 6:20 ತಿನಾಹುತಿ ತುಮಾರಿ ಆಸ್ತಿ ಪರಲೊಕಮಾ ಕರಿವೊ. ತ್ಯಾ ತೆ ಕ್ಹಾರಾನೆ ನುಶಿಯೊಬಿ ನೈ ಲಾಗತಾ ಜಂಗಬಿ ನೈ ಲಾಗತು. ಚ್ವಟ್ಟಾ ಡೊಳೊ ಮ್ಹೆಲಿನ ಕಾಳ್ಳೆತಾಬಿ ನೈ.
MAT 6:21 ತುಮಾರಿ ಆಸ್ತಿ ಕಜಾ ರ‍್ಹವಸ ತ್ಯಾಜ ತುಮಾರು ಮನಸ ರ‍್ಹವಸ.
MAT 6:22 ಡೊಳೊ ಅಂಗನೆ ಉಜಾಲು ಥಯೊಸ. ತಾರೊ ಡೊಳೊ ಕರೆಟ್ಟ ರ‍್ಹಯೊಮ, ತಾರು ಪುರಾ ಅಂಗ ಉಜಾಲಾಕ್ಹು ರ‍್ಹವಸ.
MAT 6:23 ತೆನೈಸೊ ತಾರೊ ಡೊಳೊ ಕೆಟ್ಟ ರ‍್ಹಯಲೊಮ, ತಾರು ಪುರಾ ಅಂಗ ಅಂದಾರಾಮಾ (ಪಾಪಮಾ) ಭರಲ ರ‍್ಹವಸ. ತಾರಾಮಾ ರ್xಹವಾನು ಯಕ್ಕಜ ಉಜಾಲು ಕ್ಹರಿಮಾಜ಼ ಅಂದಾರು ಥಯುಮ, ತೆಳಾಮಾ ಮರಣನಾ ಅಂದಾರಾಮಾ ರ್xಹಶಿ.
MAT 6:24 ಕಯೊಬಿ ಬೆ ಮಾಲಕೊನೆ ಯಕ್ಕಜ ಟೈಮಮಾ ಸೆವಾ ನೈ ಕರಸಕ್ತೊ. ತೆ ಯಕ್ಕ ಮಾಲಕನೆ ದ್ವೆಶ ಕರಿನ ವರಿ ಯಕ್ಲಾನೆ ಮಯಾ ಕರಸ ತೆನೈಸೊ ಯಕ್ಕ ಮಾಲಕನಾ ಪಾಚೊ಼ ಗೈನ ವರಿ ಯಕ್ಲಾನೆ ಇನ್ಕಾರಸ. ತಿನಾಹುತಿ ತು ಕ್ಹುದಾನೆ ವರಿ ದೊಕ್ಡಾನೆ ಯಕ್ಕಜ ಟೈಮಮಾ ಸೆವಾ ನೈ ಕರಸಕ್ತೊ.
MAT 6:25 ತಿನಾಹುತಿ ತುಮಾರಾ ಜಲಮನೆ ಚಾ಼ಯೆ ಥಯಲ ಅನ್ನನಾ ಹುತಿ ರ‍್ಹವಾದೆ ಅಂಗನೆ ಚಾ಼ಯೆ ಥಯಲ ವಣ್ಣಾನಾ ಹುತಿ ರ‍್ಹವಾದೆ ತುಮೆ ಚಿಂತಾ ಕರು ನೈ. ಜ಼ಲಮ ಅನ್ನತಿಬಿ ಅಂಗ ವಣ್ಣಾತಿಬಿ ಘನ್ನು ಖಾಸ ವ್ಹೈ ಕೈನ ಮಿ ತುಮೊನೆ ಕೌಸ.
MAT 6:26 ಪಕ್ಷಿಯೊಕನ್ನ ದೆಕೊ ತ್ಯುನೆ ಬಿತ್ತತಾ ನೈ, ಕಾಟತಾ ನೈ ತೆತೆ ಕಣಜಮಾ ಜಮಾ ಕರಲೆತಾ ನೈ. ತೆತೆ ಪರಲೊಕಮಾ ರ‍್ಹವಾಲೊ ತುಮಾರೊ ಬಾ ತ್ಯುನೊನೆ ಅನ್ನ ದಿವಸ ತುಮೆ ತೆ ಪಕ್ಷಿಯೊತಿಬಿ ಘನ್ನಾ ಅಮುಲ್ಯ ವ್ಹೈ ಕವಾನು ತುಮೊನೆ ಗ್ವತ್ತ ಛೆ.
MAT 6:27 ತುಮೆ ಚಿಂತಾ ಕರಾಕ್ಹು ತುಮಾರಿ ಆಯಸ ಜಾಸ್ತ ಸು ನೈ ಥಾತಿ ನೈ.
MAT 6:28 ವಣ್ಣಾವೊನಾ ಹುತಿ ಚಿಂತಾ ಕರಾನು ಕಾ ಖೆತರಮಾ ರ‍್ಹವಾನಾ ಫುಲ್ಲೊನೆ ದೆಜೊ. ತ್ಯುನೆ ಬೆಳದಾನು ದೆಕೊ. ತ್ಯುನೆ ರಾಬತಾ ನೈ ತೆತೆ ತ್ಯುನಾ ಹುತಿ ವಣ್ಣಾ ಶಿಲೆತಾ ನೈ.
MAT 6:29 ತೆನೈಸೊ ಮಿ ತುಮೊನೆ ಕವಾನು ಸು ವ್ಹೈ ಕದ್ಯಾಮ, ಸೊಲೊಮೊನ ತಿನಿ ವೈಭವಕ್ಹು ರ‍್ಹತಾಮಾಬಿ ಎ ಫುಲ್ಲೊಮಾ ಯಕ್ಕನೆ ರ‍್ಹವಾನಿ ಕ್ಹುಬಸುರತ ರ‍್ಹಯಲ ವಣ್ಣಾ ಘಾಲಿದ್ಯೊ ನೈ.
MAT 6:30 ವಾಟ್ಮಾ ರ‍್ಹಯಲ ಚಾರಾನೆ ಕ್ಹುದಾ ತಿಮ್ಮ ವರಾಡಸ. ಚಾರೊತಬಿ ಹಮ್ನಾ ರ‍್ಹೈನ ವಂತಾ ಆಗನಾ ಪಾಲೆ ತಾವಸ. ತಿನಾಹುತಿ ಕ್ಹುದಾ ತುಮೊನೆ ಕ್ಯಕ್ಲೊಕಿ ಜಾಸ್ತ ಪೆರಾಡಸ ಕವಾನು ತುಮೊನೆ ಗ್ವತ್ತ ಛೆ. ಕಮ್ಮ ವಿಶವಾಸ ರ‍್ಹಯಲವಾಲಾವೊ ಲಿಂಗತ ಥಾವೊ ನಕೊ.
MAT 6:31 ಹಮೆ ಸು ಖೌ? ಸು ಪಿವು? ಸು ಪೆರಲ್ಯು? ಕೈನ ಚಿಂತಾ ಕರೊ ನಕೊ.
MAT 6:32 ಕ್ಹುದಾನೆ ನೈ ತಿಳದಿಲಿದಲ ಕ್ಹಾರಾ ಮನಕ್ಹೊ ಎ ಕ್ಹಾರು ಪಡ್ದಿಲಿವಾನೆ ಕೊಶಿಶ ಕರಸ. ಚಿಂತಾ ಕರೊ ನಕೊ, ಕಾ ಕದ್ಯಾಮ ಎ ಕ್ಹಾರು ತುಮೊನೆ ಜರುರತ್ತ ಛೆ ಕೈನ ಪರಲೊಕಮಾ ರ್xಹಲವಾಲಾ ತುಮಾರಾ ಬಾನೆ ಗ್ವತ್ತ ಛೆ.
MAT 6:33 ತಿನಾಹುತಿ ತುಮೆ ಕ್ಹುದಾನಾ ರಾಜ್ಯನಾ ಹುತಿ ವರಿ ತಿನಿ ಚಿತ್ತನಾ ಲಿಂಗತ ಕಾಮೊ ಕರಾನೆ ಘನ್ನಾ ಹರಬಡು. ತೆಳಾಮಾ ತುಮೊನೆ ಜರುರತ್ತ ರ‍್ಹಯಲ ಕ್ಹಾರುಬಿ ದಿವಸ.
MAT 6:34 ತಿಕ್ಹುನೆ ವಂತ್ತಾನಾ ಹುತಿ ಚಿಂತ್ತಾ ಕರೊ ನಕೊ. ಹರ ದಿನ್ನ ತಿನುಜ ರ‍್ಹಯಲ ಕ್ಯಕ್ಲಾಕಿ ತ್ರಾಸೊ ಹೊಂದಲ ರ‍್ಹವಸ. ವಂತ್ತಾಬಿ ತಿನುಜ ರ‍್ಹಯಲ ಚಿಂತ್ತಾ ಹೊದಲ ರ‍್ಹವಸ.
MAT 7:1 ಬಿಜಾ಼ವೊನೆ ಫೈಸಲೊ ಕರೊ ನಕೊ. ತೆಳಾಮ ಕ್ಹುದಾ ತುಮೊನೆ ಫೈಸಲೊ ನೈ ಕರತೊ.
MAT 7:2 ತುಮೆ ಬಿಜಾ಼ವೊನೆ ಫೈಸಲೊ ಕರ‍್ಯಾಮ, ತಿನಾ ಲಿಂಗತಜ ಫೈಸಲೊ ಥಾವಸ. ತುಮೆ ಬಿಜಾ಼ವೊನೆ ಮಾಫ ಕರ‍್ಯಾಮ ತುಮೊನೆಬಿ ಮಾಫಿ ಮಳಸ.
MAT 7:3 ತಾರಾ ಕ್ಹುದನಾ ಡೊಳಾಮಾ ರ‍್ಹವಾನಿ ಛಕ್ಕಿ ತು ದೆಕ್ಯಾ ಬಗರ ತಾರಾ ಭೈನಾ ಡೊಳಾಮಾ ರ‍್ಹಯಲ ಬಾರಿಕ ಕಸಾ ಕಾ ದೆಕಶಿ?
MAT 7:4 ತಾರಾ ಡೊಳಾಮಾ ರ‍್ಹಯಲ ಬಾರಿಕ ಕಸಾ ಮಿ ಭಾರೊ ಕಾಡುಸ ಕೈನ ತಾರಾ ಭೈನೆ ಕಾ ಕಶಿ? ಪೈಲಾ ತಾರೊ ಡೊಳೊ ದೆಕಿಲೆ! ತಾರಾ ಡೊಳಾಮಾ ಛಕ್ಕಿ ಹಜುನ ಛೆ.
MAT 7:5 ತು ಕಪಟಿ ವ್ಹೈ ತಾರಾ ಡೊಳಾಮಾ ರ‍್ಹವಾನಿ ಛಕ್ಕಿನೆ ಭಾರೊ ಕಾಡ. ತೆಳಾಮಾ ತಾರಾ ಭೈನಾ ಡೊಳಾಮಾ ರ‍್ಹವಾನಿ ಬಾರಿಕ ಕಸಾ ಕಾಡಾನೆ ತುನೆ ಚೊಕಿತಾ ದಿಕ್ಹಸ.
MAT 7:6 ಪರಿಶುದ್ದ ರ‍್ಹಯಲ ಚಿಜೊ ಕುತ್ರಾವೊನೆ ಘಾಲೊ ನಕೊ. ತ್ಯುನೆ ಫರಿನ ತುಮೊನೆ ಕಡ್ಡಸ. ಡುಕ್ಕುರೊನಾ ಕ್ಹಾಮಾ ತುಮಾರಾ ಮುತ್ತೊ ನಾಕೊ ನಕೊ. ತ್ಯುನೆ ಮುತ್ತೊನೆ ಖುಂದಿಪಡಸ.
MAT 7:7 ಮಾಂಗಿಲಿವೊ, ತೆಳಾಮಾ ತುಮೊನೆ ದಿವಸ. ಹುಡ್ಕೊ, ತೆಳಾಮಾ ತುಮೊನೆ ಮಳಸ. ಬಾಕಲ ವಜಾಡೊ, ತೆಳಾಮಾ ತೆ ತುಮಾರಾ ಹುತಿ ಕ್ಹುಲಸ.
MAT 7:8 ಹೊ, ಪುಚ್ಚತೊಜ ರ‍್ಹವಾಲೊ ಪಡ್ದಿಲಿವಸ, ಹುಡಕ್ತೊ ರ‍್ಹವಾಲಾನೆಜ಼ ಮಳಸ, ವಜಾ಼ಡತೊ ರ‍್ಹವಾಲಾನೆಜ಼ ಬಾಕಲ ಕ್ಹುಲಸ.
MAT 7:9 ತುಮಾರೊ ದಿಕ್ರೊ ರೊಟ್ಲೊ ಪುಚ್ಯೊಮ ದಗ್ಡೊ ದಿವೊಶಿ ಸು?
MAT 7:10 ಮಚ್ಲಿ ಪುಚ್ಯಾಮ, ಕ್ಹಾಪ ದಿವೊಶಿ ಸು?
MAT 7:11 ತುಮೆ ಕ್ಹುದಾ ಲಿಂಗತ ಚೊ಼ಕಾತೊ ನವ್ಹೈ, ಕೆಟ್ಟ ರ‍್ಹಯಲಾತೊಬಿ ತುಮಾರಾ ಬಚ್ಚಾವೊನೆ ಚೊ಼ಕಾಜ಼ ಚಿಜೊ ದ್ಯು ಕೈನ ತುಮೊನೆ ಗ್ವತ್ತ ಛೆ. ಇಮ್ಮ ರ‍್ಹತಾಮಾ ಪರಲೊಕನೊ ತುಮಾರೊ ಬಾ ಬಿ ತಿನೆ ಪುಚ್ಚಾಲಾವೊನೆ ಛೊಕಾ ಚಿಜೊ ಕ್ಹರಿಮಾಜ಼ ದಿವಸ.
MAT 7:12 ತುಮೊನೆ ಬಿಜಾ ಸು ಕರು ಕೈನ ತುಮೆ ಆಶಾ ಕರೊಶಿತೊ ತೆಜ಼ ತುಮೆ ತ್ಯುನೊನೆ ಕರೊ. ಎ ಮೊಶೆನು ಧರ್ಮಶಾಸ್ತ್ರನು ವರಿ ಪ್ರವಾದಿವೊನಾ ಬೊದನೆನು ಸಾರಾಂಶ ವ್ಹೈ.
MAT 7:13 ತ್ರಾಸನಾ (ಇಕ್ಕಟ್ಟನಾ) ಬಾಕಲಕ್ಹು ಪರಲೊಕ ರಾಜ್ಯಮಾ ಪ್ರವೆಶ ಕರೊ. ನರಕನೆ ಜಾ಼ವಾನಿ ವಾಟ ಮ್ಹೊಟಿ ವ್ಹೈ, ಬಾಕಲ ಘನ್ನು ಮ್ಹೊಟು ಶೆ. ಘನ್ನಾ ಜ಼ನಾ ತೆ ಬಾಕಲಮಾ ಜಾ಼ವಸ.
MAT 7:14 ತೆನೈಸೊ ನಿತ್ಯಜಿವನೆ ರ‍್ಹಯಲ ಬಾಕಲ ಘನ್ನು ನ್ಹಾನು ಛೆ, ವಾಟ ಕಷ್ಟನಿ ಛೆ. ದಕ್ಹಾಜ಼ ಜ಼ನಾ ತೆ ವಾಟನೆ ಇನಿಲಿವಸ.
MAT 7:15 ಸುಳ್ಳ ಪ್ರವಾದಿಯೊನಾ ಹುತಿ ಹುಶಾರ ರಹೊ. ತ್ಯುನೆ ಬಕ್ರಾವೊ ಲಿಂಗತ ದಿಕ್ಹಿನ ತುಮೊಕನ ಆವಸ. ತೆನೈಸೊ ತೊಳೊ ಲಿಂಗತ ಕ್ಹರಿಮಾಜ಼ ಕೆಟ್ಟ ರ‍್ಹಯಲ ಲಿಂಗತಜ ಛೆ.
MAT 7:16 ತ್ಯುನಾ ಕರಾನಾ ಕಾಮೊಕ್ಹು ತುಮೆ ತ್ಯುನೊನೆ ತಿಳ್ದಿಲಿವೊಶಿ. ಕಾಟಾವೊನಾ ಝಾಡಮಾ ಕಿಮ ದ್ರಾಕ್ಷಿಯೊ ಮಳತಾ ನೈ ತಿನಾ ಲಿಂಗತ ಚೊ಼ಕಾ ಕಾಮೊ ಕೆಟ್ಟ ಮನಕ್ಹೊಕ್ಹು ನೈ ಆತಾ.ಅಂಜುರೊ ಕಾಟಾವೊನಾ ಝಾಡಮಾ ನೈ ಮಳ್ತಾ.
MAT 7:17 ತಿನಾ ಲಿಂಗತ ಹರಿ ಯಕ್ಕ ಚೊ಼ಕು ಝಾಡ ಚೊ಼ಕು ಫಲ ದಿವಸ. ಕೆಟ್ಟ ಝಾಡ ಕೆಟ್ಟ ಫಲ ದಿವಸ.
MAT 7:18 ಚೊ಼ಕು ಝಾಡ ಕೆಟ್ಟ ಫಲ ದೆತು ನೈ ವರಿ ಕೆಟ್ಟ ಝಾಡ ಚೊ಼ಕು ಫಲ ದೆತು ನೈ.
MAT 7:19 ಚೊ಼ಕು ಫಲ ನೈ ದಿವಾನಾ ಝಾಡನೆ ಕತ್ರಿನ ಆಗಮಾ ನಾಕಸ.
MAT 7:20 ಎ ಸುಳ್ಳ ಬೊಧಕರೊನೆ ತ್ಯುನೆ ದಿವಾನಾ ಫಲಕ್ಹುಜ (ಕಾಮೊಕ್ಹುಜ಼) ತುಮೆ ತಿಳದಿಲಿವೊಶಿ.
MAT 7:21 ಮಿ ಪ್ರಭುನೊ ವ್ಹೈ ಕೈನ ಕ್ಹಾಲಿ ಕದಲಕ್ಹು ಮನಕ್ಹ ಪರಲೊಕ ರಾಜ್ಯನೆ ಪ್ರವೆಶ ಕರಾನು ಸಾದ್ಯ ನತ್ತಿ. ಪರಲೊಕಮಾ ರ‍್ಹಯಲ ಮಾರಾ ಬಾನಾ ಮನಸನೆ ಚೊ಼ಕು ಲಾಗಲಿಂಗತ ಕರಾಲಾಜಾ ಪರಲೊಕ ರಾಜ್ಯನೆ ಪ್ರವೆಶ ಕರ ಸಕಸ.
MAT 7:22 ಲಾಸ್ಟನಾ ದಿನೊಮಾ ಘನ್ನಾ ಜ಼ನಾ ಮನೆ, ತುಜ಼ ಮಾರೊ ಪ್ರಭು ವ್ಹೈ! ತಾರಾ ವಿಶಯಮಾ ಹಮೆ ಬೊಧನೆ ಕರ‍್ಯಾಸ.ತಾರಾ ನಾಮನಾ ಮಿಲ ಭುತ್ಡಾವೊನೆ ಛೊಡಾಯಾಸ ವರಿ ಘನ್ನಾ ಅದ್ಬುತ ಕಾಮೊ ಕರ‍್ಯಾಸ ಕೈನ ಕವಸ.
MAT 7:23 ತೆನೈಸೊ ಮಿ ತ್ಯುನೊನೆ, ಅಧರ್ಮಿಯೊ, ಮಕಂತಾ ಜಾ಼ವೊ. ತುಮೆ ಕುನ್ನ ವ್ಹೈ ಮನೆ ಗ್ವತ್ತ ನತ್ತಿ ಕೈನ ಚೊ಼ಕಿತರಾ ಕೈಪಡುಸ.
MAT 7:24 ಮಾರಾ ವಾತೊ ಐಕಿನ ತೆ ವಾತೊನೆ ವಿಧೆಯ ಥೈನ ರ‍್ಹಯಲ ಹರಯಕ್ಲೊ ತಿನಾ ಘರನೆ ದಗ್ಡಾಪರ ಭಾಂದವಾಲಾ ಶಾಣಾನೆ ಮಳ್ಯೊಸ.
MAT 7:25 ಜೊ಼ರ ರ‍್ಹಯಲ ಪಾನಿ ಐನ ಉಪ್ಪರ ಚ಼ಡಸ. ವಾರೊ ಛುಟಿನ ತೆ ಘರನೆ ಲಾಗಸ. ತೆನೈಸೊ ತೆ ಘರ ದಗ್ಡಾಪರ ಭಾಂದಲಕ್ಹು ತೆ ಪಡ್ಯು ನೈ.
MAT 7:26 ತೆನೈಸೊ ಮಾರಾ ವಾತೊ ಐಕಿನಬಿ ತಿನೆ ವಿದೆಯ ನೈ ಥಯಲವಾಲೊ ಬುದ್ಧಿ ತೆವಾಲೊ ಥಯೊಸ. ತೆ ಬುದ್ಧಿ ತೆವಾಲೊ ಉಸುಕಪರ ತಿನು ಘರ ಭಾಂದ್ಯೊ.
MAT 7:27 ಜೊ಼ರ ಪಾನಿ ಐನ ಉಪ್ಪರ ಚ಼ಡಸ. ವಾರೊ ಛುಟಿನ ತೆ ಘರನೆ ಲಾಗಸ. ತೆಳಾಮಾ ತೆ ಘರ ಪಡಿಗಯು.
MAT 7:28 ಯೆಸು ಎ ವಾತೊ ಕದಲ್ಪರ ಎ ಸಂಗತಿಯೊನೆ ಐಕಿನ ಮನಕ್ಹೊ ಘನ್ನಾ ಘಾಬ್ರಾ ಥಯಾ.
MAT 7:29 ಕಾ ಕದ್ಯಾಮ, ತೆ ಧರ್ಮೊಪದೆಶಕರೊ ಲಿಂಗತ ಉಪದೆಶ ಕರ‍್ಯಾವಾಚಿ ಅಧಿಕಾರ ರ‍್ಹಯಲೆಲವಾಲಾ ಲಿಂಗತ ಉಪದೆಶ ಕರ‍್ಯೊ.
MAT 8:1 ಯೆಸು ಡೊಂಗರಪರತೊ ಉತ್ರಿನ ಹೆಟೊ ಆಯೊ. ಮನಕ್ಹೊ ಗುಂಪ-ಗುಂಪ ಥೈನ ಯೆಸುನಾ ಪಾಚಾ಼ ಆಯಾ.
MAT 8:2 ತೆಳಾಮಾ ಯಕ್ಕ ಕುಷ್ಠ ರೊಗಿ ಯೆಸುಕನ ಆಯೊ. ತೆ ಯೆಸುನಾ ಅಗೊ ಅಡ್ಡ ಪಡಿನ, ಪ್ರಭು, ತು ಮನಸ ಕರ‍್ಯೊಮ ಮನೆ ಅರಾಮ ಕರಶಿ” ಕದ್ಯೊ.
MAT 8:3 ಯೆಸು ತಿನೆ ಮುಟ್ಟಿನ, ತುನೆ ಅರಾಮ ಕರಾನೆ ಮನೆ ಮನಸ ಛೆ, ಅರಾಮ ಥಾ” ಕದ್ಯೊ. ತೆಳಾಮಾಜ಼ ತಿನೆ ರ‍್ಹಯಲ ಕುಷ್ಠ ರೊಗ ಗೈನ ಅರಾಮ ಥಯೊ.
MAT 8:4 ಯೆಸು ತಿನೆ, ಎ ಕಿಮ್ಮ ಥಯು ಕೈನ ಕಿನೆ ಕೌ ನಕೊ. ಹಮ್ನಾ ತು ಗೈನ ಯಾಜಕನೆ ತಾರು ಅಂಗ ದೆಕಾಡ. ಅರಾಮ ಥಯಲವಾಲಾ ಮೊಶೆನಿ ಆಗನ್ಯಾ ಲಿಂಗತ ದಿವಾನಿ ಕಾಣಿಕ ದೆ. ತು ಅರಾಮ ಥಯಲನೆ ತೆ ಸಾಕ್ಷಿ ಥೈನ ರ‍್ಹವಾದೆ" ಕೈನ ಕದ್ಯೊ.
MAT 8:5 ಯೆಸು ಕಪೆನೌರ್ಮ ಕವಾನಾ ಗಾಮೆ ಗಯೊ. ತೆ ಗಾಮಮಾ ಗಯಲ ಬರೊಬ್ಬರ ಸೈನ್ಯನೊ ಅದಿಕಾರಿ ಯಕ್ಲೊ ಐನ,
MAT 8:6 ಪ್ರಭು, ಮಾರಾ ಆಳನೆ ತೌ ಐನ ವಚ್ಚಾ಼ನಾಪರ ಪಡ್ಯೊಸ. ತೆ ಘನ್ನಾ ದುಖಕ್ಹು ನೆಳ್ಳಾಡೊಸ” ಕೈನ ಮದತ ಮಾಂಗಿಲಿದ್ಯೊ.
MAT 8:7 ಯೆಸು ತೆ ಅಧಿಕಾರಿನೆ, ಮಿ ಐನ ತಿನೆ ಅರಾಮ ಕರುಸ” ಕೈನ ಕದ್ಯೊ.
MAT 8:8 ತಿಕ್ಹುನೆ ತೆ ಅದಿಕಾರಿ, ಪ್ರಭು, ತು ಮಾರ ಘರೆ ಆವಾ ಅಕ್ಲಿ ಬಿ ಯೊಗ್ಯತೆಬಿ ಮನೆ ನತ್ತಿ. ತಿನೆ ಅರಾಮ ಥಾವಾದೆ ಕೈನ ತು ಆಗನ್ಯಾಪಿಶ್ಯೊಮ ಬಸ, ತಿನೆ ಅರಾಮ ಥಾವಸ.
MAT 8:9 ಮಿ ಬಿ ಬಿಜಾ ಅಧಿಕಾರಿಯೊನಾ ಹತ್ಮಾ ವ್ಹತ್ತೊ. ಮಾರಾ ಅಧಿನಮಾ ಸಿಪಾಯಿಯೊ ಛೆ. ಮಿ ಯಕ್ಕ ಸಿಪಾಯಿನೆ ‘ಜಾ’ ಕದ್ಯೊ ಕದ್ಯಾಮ ತೆ ಜಾ಼ವಸ; ಬಿಜೆಕ್ಲಾನೆ ‘ಆ’ ಕದ್ಯೊ ಕದ್ಯಾಮ ತೆ ಆವಸ. ಮಿ ಮಾರಾ ಸೆವಕನೆ, ‘ಆಂ ಕರ’ ಕದ್ಯೊ ಕದ್ಯಾಮ ತೆ ವಿದೆಯತೆಕ್ಹು ಕರಸ. ತುನೆಬಿ ಎಜ ತರಾನು ಅಧಿಕಾರ ಶೆ ಕೈನ ಕವಾನು ಮನೆ ಗ್ವತ್ತ ಛೆ” ಕೈನ ಕದ್ಯೊ.
MAT 8:10 ಎ ಐಕಿನ ಯೆಸು ಘಾಬ್ರೊ ಥಯೊ. ಯೆಸು ತಿನಾ ಕ್ಹಾತೆ ರ‍್ಹಯಲವಾಲಾವೊನೆ, ಮಿ ಇಸ್ರಾಯೆಲಮಾ ಬಿ ಅಕ್ಲಾ ಬರ್xಹೊಕಾನಾ ಮನಕ್ಹನೆ ದೆಕ್ಯೊ ನೈ ಕೈನ ತುಮೊನೆ ಕ್ಹರಿಮಾಜ಼ ಕೌಸ” ಕದ್ಯೊ.
MAT 8:11 ಘನ್ನಾ ಮನಕ್ಹೊ ಪುರ್ವ ವರಿ ಪಶ್ಚಿಮ ದಿಕ್ಕೊತಾ ಆವಸ. ತ್ಯುನೆ ಪರಲೊಕ ರಾಜ್ಯಮಾ ಅಬ್ರಹಾಮ, ಇಸಾಕ, ಯಾಕೊಬ ಇವ್ನಾ ಕ್ಹಾತೆ ಬೈಟಿನ ಖಾವಸ.
MAT 8:12 ತೆನೈಸೊ ಪರಲೊಕ ರಾಜ್ಯ ನೈ ಹೊಂದಲವಾಲಾವೊನೆ ಭಾರಾ ಅಂದಾರಾಮಾ ಭಿರಕೈ ಪಡಸ. ತ್ಯಾ ತ್ಯುನೆ ಗೊಳಾಡಸ ವರಿ ದುಖಕ್ಹು ದಾತೊ ಖಾವಸ” ಕದ್ಯೊ.
MAT 8:13 ಪಾಚಲ್ತೊ ಯೆಸು ತೆ ಅಧಿಕಾರಿನೆ, ದಿಕ್ರಾ ಜಾ ತು ನಂಬಲಿಂಗತಜ಼ ತಾರಾ ಸೆವಕನೆ ಅರಾಮ ಥಾವಸ” ಕದ್ಯೊ. ತೆಜ ಟೈಮಮಾ ತಿನಾ ಸೆವಕನೆ ಅರಾಮ ಥಯು.
MAT 8:14 ಯೆಸು ಪೆತ್ರಾನಾ ಘರೆ ಗಯೊ. ತ್ಯಾ ಪೆತ್ರಾನಿ ಪ್ಹೈ ಘನ್ನಾ ತೌಕ್ಹು ವಚ್ಚಾನಾಪರ ಕ್ಹುರಯಲ ಯೆಸು ದೆಕ್ಯೊ.
MAT 8:15 ಯೆಸು ತಿನೊ ಹತ್ತ ಮುಟ್ಟೆಲ ಬರೊಬರ ತೌ ತಿನೆ ಛೊಡಿನ ಗೈ ಪಡ್ಯೊ. ತೆಳಾಮಾ ತೆ ಉಟಿನ, ತಿನಿ ಸೆವಾ ಕರಿ.
MAT 8:16 ತೆ ದಿನ್ನೆ ಕ್ಹಾಂಜೆ ಮನಕ್ಹೊ ಕೆಟ್ಟ ಆತ್ಮಾ ಧರೆಲವಾಲಾ ಘನ್ನಾ ಜ಼ನಾ ಯೆಸುಕನ ಬಲೈಲಿನ ಆಯಾ. ಯೆಸು ಖಾಲಿ ವಾತೊಕ್ಹು ಕೆಟ್ಟ ಆತ್ಮಾವೊನೆ ತ್ಯುನಾಮಾತೊ ನ್ಹಟಾಡ್ಯೊ; ರೊಗೊಮಾ ರ‍್ಹಯಲ ಕ್ಹಾರಾ ಮನಕೊನೆ ಅರಾಮ ಕರ‍್ಯೊ.
MAT 8:17 ತೆ ಅಪ್ನಾ ತ್ರಾಸೊ ಕ್ಹಾದ್ಯೊ, ಅಪ್ನಾ ರೊಗೊ ಉಚೈಲಿದ್ಯೊ (ಯೆಶಾಯ 53:4) ಕೈನ ಯೆಶಾಯ ಕವಾಲಾ ಪ್ರವಾದಿಕ್ಹು ಕದಲ ವಾತ ಪುರಾ ಥೈ.
MAT 8:18 ಯೆಸು ತಿನಾ ಸುತ್ತೆ ರ‍್ಹಯಲ ಕ್ಹಾರಾ ಮನಕ್ಹೊನೆ ದೆಕಿನ ತಿನಾ ಶಿಷ್ಯಾವೊನೆ ಸಮುಂದರನಾ ಬಿಜಿ ದಂಡಿ ಬಗಲ ಜಾ಼ವಾನೆ ಕದ್ಯೊ.
MAT 8:19 ತೆಳಾಮಾ ಧರ್ಮವುಪದೆಶ ಕರಾಲೊ ಯೆಸುಕನ ಐನ, ಗುರು, ತು ಕಯಾ ಜ಼ಗಾಬಿ ಗಯೊಮ ಮಿ ತಾರಾ ಪಾಚೊ಼ ಔಸ” ಕದ್ಯೊ.
MAT 8:20 ಯೆಸು ತಿನೆ, ನರಿಯೊನೆ ಗುಹೆ ಛೆ, ಪಕ್ಷಿಯೊನೆ ಗುಡೊ ಛೆ. ತೆನೈಸೊ ಮನಕ್ಹನಾ ದಿಕ್ರಾನೆ ಮಾತು ಮ್ಹೆಲಾಯಕ್ಲಿ ಜ಼ಗಾ ನತ್ತಿ” ಕದ್ಯೊ.
MAT 8:21 ಶಿಷ್ಯಾವೊನಾ ಯಕ್ಲೊ ಯೆಸುನೆ, ಮಿ ಪೈಲಾ ಗೈನ ಮಾರಾ ಬಾನು ತನ್ನದಿನ್ನು ಕರಿನ ಆವಾನೆ ಮನೆ ಅಪ್ಪಣೆ ದೆ. ಪಾಚಲ್ತೊ ಮಿ ತಾರಾ ಪಾಚೊ಼ ಔಸ” ಕದ್ಯೊ.
MAT 8:22 ತೆನೈಸೊ ಯೆಸು ತಿನೆ, ಮರಲವಾಲಾಜ ತ್ಯುನಾ ತ್ಯುನಾಮಾ ಮರಲವಾಲಾವೊನು ತನ್ನದಿನ್ನು ಕರಿಲಿವಾದೆ. ಮಾರಾ ಪಾಚೊ಼ ಆ” ಕೈನ ಕದ್ಯೊ.
MAT 8:23 ಯೆಸು ಹಡ್ಗಾಮಾ ಗಯೊ ತಿನಾ ಶಿಷ್ಯಾಬಿ ತಿನಾ ಕ್ಹಾತೆ ಗಯಾ.
MAT 8:24 ಹಡ್ಗೊ ದಂಡಿ ಛೊಡಲ್ಪರ ಮ್ಹೊಟೊ ವಾರಾನು ತುಫಾನ ಸಮುದ್ರಪರ ಐಯು. ತೆನೈಸೊ ಯೆಸು ಹಡ್ಗಾಮಾ ಕ್ಹುರಾಯೊತೊ.
MAT 8:25 ಯೆಸುನಾ ಶಿಷ್ಯಾ ತಿಕನ ಗೈನ ತಿನೆ ಉಟಾಡಿನ, ಪ್ರಭು, ಹಮೊನೆ ವಚಾ಼ಡ! ಹಮೆ ಡುಬಾಡಸ!” ಕೈನ ಕದ್ಯಾ.
MAT 8:26 ಯೆಸು, ತುಮೆ ಭುಚ಼ಕಾನು ಶ್ಯಾನೆ? ತುಮೊಮಾ ನಕ್ಕರಬಿ ಬರೊಕ್ಹೊ ನತ್ತಿ” ಕೈನ ಉತ್ತರ ದಿನ ಉಟಿನ ಹುಬ್ರೈನ ತೆ ತುಫಾನನೆ ಅಗನ್ಯಾ ದಿದ್ಯೊ. ತೆಳಾಮಾಜ಼ ತೆ ತುಫಾನ ಹುಬ್ರೈ ಗಯು. ಸಮಂದರ ಶಾಂತ ಥಯು.
MAT 8:27 ತ್ಯುನೆ ಕ್ಹಾರಾ ಘಾಬ್ರಾ ಥಯಾ. ಎ ಕ್ಯವೊ ಮನಕ್ಹ ವ್ಹೈ? ಬಿರುಗಾಳಿ ವರಿ ಪಾನಿ ಇನೆ ವಿಧೆಯ ಥಾವಸ್ತೊ” ಕೈನ ಬೊಲಿಲಿದ್ಯಾ.
MAT 8:28 ಯೆಸು ಸಮುಂದರನಾ ಬಿಜೆಕ ದಂಡಿಕ ರ‍್ಹಯಲ ಗದರೆನ ಕವಾನಾ ಗಾಮೆ ಆಯೊ.ತ್ಯಾ ಕೆಟ್ಟ ಆತ್ಮಾ ಧರಲ ಬೆಜ಼ನಾ ಯೆಸುಕನ ಆಯಾ. ತ್ಯುನೆ ಮಜಾ಼ರೊನಾ ಗವಿಯೊನಾ ವ್ಹತ್ತಾ ವರಿ ಘನ್ನಾ ಖತರನಾಕ ವ್ಹತ್ತಾ. ತಿನಾಹುತಿ ಮನಕ್ಹೊ ತ್ಯುನಿ ವಾಟಕನ ಜಾ಼ತಾ ನ್ಹೊತಾ.
MAT 8:29 ತ್ಯುನೆ ಭಂಬಿಜ಼ನಾ ಯೆಸುಕನ ಐನ. ತು ಹಮೊನೆ ಸು ಕರು ಕೈನ ವಿಚಾರ ಕರ‍್ಯೊಸ? ಕ್ಹುದಾನಾ ದಿಕ್ರಾ, ಟೈಮ ಆವಾತಿ ಪೈಲಾ ಹಮೊನೆ ಶಿಕ್ಷಾ ದಿವಾನೆ ಆಯೊ ಸು?” ಕೈನ ಜೊ಼ರ ಅಡ್ಡಿನ ಕದ್ಯಾ.
MAT 8:30 ತೆ ಜ಼ಗಾಕನ ಢುಕ್ಕುರೊನು ಮ್ಹೊಟ್ಟು ಗುಂಪ ಚ಼ರಾಡುತು.
MAT 8:31 ತೆ ಕೆಟ್ಟ ಆತ್ಮಾವೊ, ಹಮೆ ಎ ಭಂಬಿಜ಼ನಾವೊನೆ ಛೊಡಿನ ಜಾ಼ವಾವರ್ಕ್ಹು ತು ಕರಾನೊ ರ‍್ಹಯೊಮ, ದಯಾ ಕರಿನ ಹಮೊನೆ ತೆ ಡುಕ್ಕುರೊಮಾ ವಳಾ” ಕೈನ ಮಾಂಗಿಲಿದ್ಯಾ.
MAT 8:32 ಯೆಸು ತ್ಯುನೊನೆ, ಜಾ಼ವೊ” ಕದ್ಯೊ. ತೆಳಾಮಾ ತೆ ಕೆಟ್ಟ ಆತ್ಮಾವೊ ತೆ ಭಂಬಿ ಜ಼ನಾವೊನೆ ಛೊಡಿನ ಢುಕ್ಕುರೊಮಾ ಗಯಾ. ತೆಳಾಮಾಜ಼ ಕ್ಹಾರಾ ಢುಕ್ಕುರೊ ಡೊಂಗರನಾ ಹೆಟಾ ನ್ಹಾಟಿನ ಸಮುಂದರಮಾ ಪಡಿನ ಪಾನಿಮಾ ಡುಬಿ ಗಯಾ.
MAT 8:33 ತೆಳಾಮ ಢುಕ್ಕುರೊ ಚ಼ರಾವಾಲಾ ಗಾಮಮಾ ನ್ಹಾಟಿನ ಗೈನ ಢುಕ್ಕುರೊನೆ ಬಿ ಕೆಟ್ಟ ಆತ್ಮಾವೊ ಧರಲವಾಲೊನೆಬಿ ಥಯಲ ಮನಕ್ಹೊನೆ ಕದ್ಯಾ.
MAT 8:34 ತೆಳಾಮ ತೆ ಗಾಮನಾ ಕ್ಹಾರಾ ಮನಕ್ಹೊ ಯೆಸುನೆ ದೆಕಾನೆ ಗೈನ, ತ್ಯುನಿ ಜ಼ಗಾ ಛೊಡಿನ ಜಾ಼ ಕೈನ ತಿನೆ ಮಾಂಗಿಲಿದ್ಯಾ.
MAT 9:1 ಯೆಸು ಹಡ್ಗೊ ಚ಼ಡಿನ ಸಮುಂದರ ದಾಟಿನ ತಿನಾ ಸ್ವಂತ ಗಾಮೆ ಗಯೊ.
MAT 9:2 ತೆಳಾಮಾ ದಕ್ಹಾ ಜ಼ನಾ ಯಕ್ಕ ಲಕ್ವೊ ಮಾರಲ ರೊಗಿನೆ ಯೆಸು ಕನ ಲಾಯಾ ತೆ ತಿನಾ ವಚ್ಚಾನಾಪರ ಕ್ಹುರಯೊತೊ. ಯೆಸು ಎ ಮನಕ್ಹೊಮಾ ರ‍್ಹಯಲ ಮ್ಹೊಟ್ಟೊ ಭರೊಕ್ಹೊ ದೆಕಿನ ಲಕ್ವೊ ಮಾರ ರೊಗಿನೆ, ಎ ಜಾಂಜಿಮಾನ ಪಟ್ಟಾ, ಕ್ಹುಶಿ ಥಾ. ತಾರಾ ಪಾಪೊ ಮಾಫ ಥಯಾಸ” ಕೈನ ಕದ್ಯೊ.
MAT 9:3 ತ್ಯಾ ರ‍್ಹಯಲ ಧರಮ ಉಪದೆಶಕೊ ತೆ ಐಕಿನ, ಎ ಕ್ಹುದಾನಿ ದುಶಣೆ ವ್ಹೈ” ಐನ ತ್ಯುನೊಮಾಜ಼ ಕೈಲಿದ್ಯಾ.
MAT 9:4 ತ್ಯುನೆ ಇಮ್ಮ ವಿಚಾರ ಕರಾನು ಯೆಸುನೆ ಗ್ವತ್ತ ಥಯುತು. ತೆ ತ್ಯುನೊನೆ, ತುಮೆ ಕಾ ಕೆಟ್ಟ ವಿಚಾರ ಕರಾಡಾಸ?
MAT 9:5 ಕಯು ಆಸಾನ ವ್ಹೈ? ಎ ಲಕ್ವೊ ಮಾರಲ ರೊಗಿನೆ, ‘ತಾರಾ ಪಾಪೊ ಮಾಫ ಥಯಾಸ’ ಕೈನ ಕವಾನು ಸು ತೆನೈಸೊ ‘ಉಪ್ಪರ ಉಟ್ಟ ಚಾ಼ಲ’ ಕೈನ ಕವಾನು ಸು?
MAT 9:6 ತೆನೈಸೊ ಮನಕ್ಹನಾ ದಿಕ್ರಾನೆ ಪಾಪ ಮಾಫ ಕರಾನೆ ಭುಲೊಕಮಾ ಅದಿಕಾರ ಛೆ ಕವಾನು ಮಿ ತುಮೊನೆ ಗ್ವತ್ತ ರ‍್ಹೌ” ಕದ್ಯೊ. ಪಾಚಲ್ತೊ ಯೆಸು ಲಕ್ವೊ ಮಾರಲ ರೊಗಿನೆ, ಉಟ್ಟ, ತಾರು ವಚ್ಚಾ಼ನೊ ಲಿನ ಘರೆ ಜಾ಼” ಕದ್ಯೊ.
MAT 9:7 ತೆಳಾಮಾ ತೆ ಉಟಿನ ಘರೆ ಗಯೊ.
MAT 9:8 ಮನಕ್ಹೊ ಎ ದೆಕಿನ ಘಾಬ್ರಾ ತಿಬ್ರ ಥಯಾ. ಮನಕ್ಹೊನೆ ಹೈ ಅದಿಕಾರ ದಿದಲಕ್ಹು ಮನಕ್ಹೊ ಕ್ಹುದಾನೆ ಸ್ತುತಿ ಕರ‍್ಯಾ
MAT 9:9 ಯೆಸು ಜಾ಼ತಾಮಾ, ಮತ್ತಾಯ ಕವಾಲಾ ಮನಕ್ಹನೆ ದೆಕ್ಯೊ. ಮತ್ತಾಯ ಭು ಭಾಡೊ ಲಿವಾನಾ ಕಟ್ಟಾಪರ ಬೆಟ್ಯೊತೊ. ಯೆಸು ತಿನೆ, ಮಾರಾ ಪಾಚೊ಼ ಆ” ಕದ್ಯೊ. ತೆಳಾಮಾ ಮತ್ತಾಯ ಉಟಿನ ಯೆಸುನಾ ಪಾಚೊ಼ ಗಯೊ.
MAT 9:10 ಯೆಸು ಮತ್ತಾಯನಾ ಘರಮಾ ಗೈನ ಖಾವಾನೆ ಬೈಟ್ಯೊ. ಘನ್ನಾ ಮನಕ್ಹೊ ಭು ಭಾಡೊ ಲಿವಾಲಾ ವರಿ ಕೆಟ್ಟ ಮನಕ್ಹೊಬಿ ಯೆಸುನಾ ಕ್ಹಾತೆ ವರಿ ತಿನಾ ಶಿಷ್ಯಾವೊನಾ ಕ್ಹಾತೆ ಖಾವಾನೆ ಬೈಟ್ಯಾ.
MAT 9:11 ಎ ದೆಕಿನ ಪರಿಸಾಯರೊ ಯೆಸುನಾ ಶಿಷ್ಯಾವೊನೆ, ತುಮಾರೊ ಬೊದಕ ಭು ಭಾಡೊ ಲಿವಾಲಾವೊನಾ ಕ್ಹಾತೆ ವರಿ ಕೆಟ್ಟ ಮನಕ್ಹೊನಾ ಕ್ಹಾತೆ ಕಾ ಖಾವಸ?” ಕೈನ ಪುಚ್ಯಾ.
MAT 9:12 ಪರಿಸಾಯರೊ ಕದಲ ಐಕಿನ ಯೆಸು ತ್ಯುನೊನೆ, ಅರಾಮ ರ‍್ಹಯಲ ಮನಕ್ಹೊನೆ ಡಾಕ್ಟರನಿ ಜ಼ರುರತ ನತ್ತಿ. ರೊಗಮಾ ರ‍್ಹಯಲ ಮನಕ್ಹೊನೆ ಡಾಕ್ಟರನಿ ಜರುರತ ಛೆ.
MAT 9:13 ತುಮೆ ಜಾ಼ವೊ, ‘ಮನಿ ಬಲಿ ನಕೊ, ಮರ್ಗಾ ಚಾ಼ಯೆ’ ಕೈನ ಪವಿತ್ರ ಗ್ರಂಥಮಾ ಬರದಲ ವಾಕ್ಯಾನು ಮತಲಬ ಶಿಕ್ಕಿಲಿವೊ. ಮಿ ನಿತಿವಂತವಾಲಾವೊನೆ ಬಲಾವೊನೆ ನತ್ತಿ ಆಯೊ, ಪಾಪಿಯೊನೆ ಬಲಾವಾನೆ ಆಯೊಸ” ಕೈನ ಕದ್ಯೊ.
MAT 9:14 ಪಾಚಲ್ತಾ ಯೊಹಾನನಾ ಶಿಷ್ಯಾ ಯೆಸುಕನ ಆಯಾ. ತ್ಯುನೆ ಯೆಸುನೆ, ಹಮೆ ವರಿ ಪರಿಸಾಯರೊ ತೆಳಾಮ ತೆಳಾಮಾ ಉಪಾಸ ಕರಿಯೆಸ. ತೆನೈಸೊ ತಾರಾ ಶಿಷ್ಯಾ ಕಾ ಉಪಾಸ ನೈ ಕರ್ತಾ?” ಕೈನ ಪುಚ್ಯಾ.
MAT 9:15 ಯೆಸು, ಹಿವಾನಾ ಟೈಮಮಾ ನ್ಹೌರಾನಾ ಕ್ಹಾತೆ ರ‍್ಹವಾನಾ ದೊಸ್ತೊ ದುಖಿ ನೈ ಥಾತಾ. ತೆನೈಸೊ ನ್ಹೌರೊ ತ್ಯುನೊನೆ ಛೊಡಿನ ಜಾ಼ವಾನೊ ಟೈಮ ಆವಸ. ತೆಳಾಮಾ ತ್ಯುನೆ ದುಖಿ ಥಾವಸ ವರಿ ಉಪಾಸ ಕರಸ.
MAT 9:16 ಯಕ್ಲೊ ಪ್ಹಾಟಿಗಯಲ ಜು಼ನ್ನಾ ಅಂಗ್ಡಾನೆ ನವಾ ಫಡ್ಕಾನು ಥಿಗ್ಡು ಘಾಲಿನ ಶಿತಾ ನೈ. ಯಕ್ಕೆಳೆ ಶಿಯಾತೊಬಿ, ತೆ ತಿಗ್ಡು ಅಂಗ್ಡಾಪರತು ಕಿತೈಜಾ಼ವಸ. ತೆಳಾಮಾ ತೆ ಅಂಗ್ಡು ಬಿದಕ್ಹು ಫಾಟಿ ಜಾ಼ವಸ.
MAT 9:17 ತೆನೈಸೊ ಮನಕ್ಹೊ ನವು ದ್ರಾಕ್ಷಿಯೊನು ರಕ್ಹ ಜು಼ನ್ನಿಯೊ ದ್ರಾಕ್ಷಿಯೊನಾ ರಕ್ಹನಾ ಕೈಚಿಲಾಮಾ ನೈ ಘಾಲ್ತಾ; ಕಾ ಕದ್ಯಾಮ ಜುನ್ನಿಯೊ ಕೈಚಿಲಾ ಫಾಟಿ ಜಾ಼ವಸ; ವರಿ ದ್ರಾಕ್ಷಿಯೊನು ರಕ್ಹ ನಕೈ ಜಾ಼ವಸ. ತಿನಾ ಹುತಿ ಮನಕ್ಹೊ ಕೆಳಾಮಾಬಿ ನವು ದ್ರಾಕ್ಷಿಯೊನು ರಕ್ಹ ನವಾ ಕೈಚಿಲಾವೊಮಾ ಘಾಲಸ. ತೆಳಾಮಾ ಭಂಬಿ ಉಗ್ರಸ” ಕದ್ಯೊ.
MAT 9:18 ಯೆಸು ಎ ಸಂಗತಿಯೊ ಕತಾಮಾ ಸಭಾಮಂದಿರನೊ ಅದಿಕಾರಿ ಯಕ್ಲೊ ತಿಕನ ಐನ ತಿನೆ ಡೊಗ್ಗಿನ ನಮಸ್ಕಾರ ಕರಿನ, ಮಾರಿ ದಿಕ್ರಿ ಹಮನಾತೊಬಿ ಮರಿ ಗೈ. ತು ಐನ ತಿನೆ ಮುಟ್ಯೊಮ ತೆ ವರಿ ಜ್ಯುತಿ ಥಾವಸ” ಕೈನ ಕದ್ಯೊ.
MAT 9:19 ತಿನಾಹುತಿ ಯೆಸು ಉಟಿನ ಅದಿಕಾರಿನಾ ಕ್ಹಾತೆ ಗಯೊ. ತಿನಾ ಕ್ಹಾತೆ ಶಿಷ್ಯಾಬಿ ಗಯಾ.
MAT 9:20 ಬಾರಾ ವರಕ್ಹತಿ ರಕ್ತ ಕುಸಮ ರೊಗಮಾ ರ‍್ಹಯಲ ಯಕ್ಕ ಬಾಕ್ಡಿ ತ್ಯಾ ವ್ಹತ್ತಿ. ತೆ ಬಾಕ್ಡಿ ಯೆಸುನಾ ಪಾಚಿ ಐನ ತಿನಾ ಉಪ್ಪರಲ್ಯಾ ಅಂಗಡಾನಿ ತುದಿನೆ ಮುಟ್ಟಿ.
MAT 9:21 ತೆಳಾಮ ತೆ ಬಾಕ್ಡಿ, ಮಿ ತಿನಾ ಅಂಗಡಾನೆ ಮುಟ್ಟಿಮ ಬಸ, ಮಿ ಅರಾಮ ಥೈ ಜೌಸ” ಕೈನ ವಿಚಾರ ಕರಿಲಿದಿತಿ.
MAT 9:22 ಯೆಸು ಪಾಚೊ಼ ಫರಿನ ತೆ ಬಾಕ್ಡಿನೆ ದೆಕಿನ, ದಿಕ್ರಿ, ಖುಶಿ ಥಾ! ತಾರಾ ಭರೊಕ್ಹಾಕ್ಹುಜ ತುನೆ ಅರಾಮ ಥಯುಸ” ಕೈನ ಕದ್ಯೊ. ತೆಳಾಮಾ ತೆ ಅರಮ ಥೈ.
MAT 9:23 ಪಾಚಲ್ತೊ ಯೆಸು ಅದಿಕಾರಿನಾ ಕ್ಹಾತೆ ಅಗೊ ಗೈನ ತಿನಾ ಘರಮಾ ಗಯೊ. ಮಾತಿ ಕರಾನಾ ಹುತಿ ಆಯಲ ಭಜ್ನಿ ವಾಲಾವೊನೆ ಬಿ ವರಿ ರವಾಲಾವೊನೆ ಬಿ ಯೆಸು,
MAT 9:24 ದುರ ಜಾವೊ, ಚೊಕ್ರಿ ಮರಿ ನತ್ತಿ. ತೆ ನಿಂದರ ಕರಾಡಿಸ” ಕದ್ಯೊ. ತೆನೈಸೊ ತ್ಯುನೆ ಯೆಸುನೆ ಕದರಾಯಾ.
MAT 9:25 ಮನಕ್ಹೊನೆ ಘರಮಾತೊ ಭಾರೊ ವಳಾಯಲ್ಪರ ಯೆಸು ಛೊಕ್ರಿನಾ ಖೊಲಿಮಾ ಗಯೊ. ಯೆಸು ಛೊಕ್ರಿನು ಹತ್ತ ದರಲ್ಪರ ತೆ ಛೊಕ್ರಿ ಉಟಿನ ಹುಬ್ರೈ.
MAT 9:26 ಎ ಸುದ್ದಿ ಸುತ್ತೆ ರ‍್ಹಯಲ ಗಾಮೊಮಾ ಫೈಲಿ.
MAT 9:27 ಯೆಸು ತ್ಯಾಂತೊ ಜಾ಼ತಾಮಾ ಬಿ ಕುಡ್ಡಾ ತಿನಾ ಪಾಚಾ಼ ಲಾಗ್ಯಾ. ತ್ಯುನೆ, ದಾವಿದನಾ ದಿಕ್ರಾ, ಹಮೊನೆ ದಯಾ ದೆಕಾಡ” ಕೈನ ಜೊ಼ರ ಅಡ್ಯಾ.
MAT 9:28 ಯೆಸು ಘರಮಾ ಗಯೊ. ಕುಡ್ಡಾ ಬಿ ತಿನಾ ಕ್ಹಾತೆ ಗಯಾ. ಯೆಸು ತ್ಯುನೊನೆ, ಮಿ ತುಮೊನೆ ಅರಾಮ ಕರುಸ ಕೈನ ತುಮೆ ಭರೊಕ್ಹೊ ಕರೊಶಿ ಸು?” ಕೈನ ಪುಚ್ಯೊ. ಕುಡ್ಡಾ, ಹೊ ಪ್ರಭು, ಹಮೆ ಭರೊಕ್ಹೊ ಕರಿಯೆಸ” ಕೈನ ಉತ್ತರ ದಿದ್ಯಾ.
MAT 9:29 ತೆಳಾಮಾ ಯೆಸು ತ್ಯುನಾ ಡೊಳಾ ಮುಟ್ಟಿನ, ತುಮೆ ಭರೊಕ್ಹೊ ಕರಲ ಲಿಂಗತಜ ತುಮೊನೆ ಅರಾಮ ಥಾವಾದೆ” ಕದ್ಯೊ.
MAT 9:30 ತೆಳಾಮಾಜ಼ ತ್ಯುನೊನೆ ಡೊಳಾ ಆಯಾ. ಎ ವಿಶಯ ಕಿಜೆಜ಼ ಕೌ ನೈ” ಕೈನ ಯೆಸು ತ್ಯುನೆನೊ ಹುಶಾರಕಿ ದಿದ್ಯೊ.
MAT 9:31 ತೆನೈಸೊ ತೆ ಕುಡ್ಡಾ ತ್ಯಾಂತಾ ಗೈನ ಯೆಸುನಿ ಸುದ್ದಿ ತೆ ಗಾಮ್ನಾ ಸುತ್ತೆ ಫೈಲಾಯಾ.
MAT 9:32 ತ್ಯುನೆ ಭಂಬಿಜ಼ನಾ ಜಾ಼ತಾಮಾ ದಕ್ಹಾ ಜ಼ನಾ ವರಿ ಯಕ್ಲಾನೆ ಯೆಸುಕನ ಲಾಯಾ. ತಿನಾಮಾ ಕೆಟ್ಟ ಆತ್ಮಾ ರ‍್ಹಯಲಕ್ಹು ತೆ ಮುಕೊ ಥಯೊತೊ.
MAT 9:33 ಯೆಸು ತೆ ಕೆಟ್ಟ ಆತ್ಮಾನೆ ತಿನೆ ಛೊಡಿನ ಜಾ಼ ಕೈನ ಆಗನ್ಯಾ ದಿದ್ಯೊ. ತೆ ಬೊಲಾನು ಶುರು ಕರ‍್ಯೊ. ಎ ದೆಕಲ ಮನಕ್ಹೊ ಘಾಬ್ರಾ ತಿಬ್ರಾ ಥೈನ, ಇಸ್ರಾಯೆಲಮಾ ಹೌ ಕಾಮ ದೆಕ್ಯಾಜ ನತ್ತಿ” ಕದ್ಯಾ.
MAT 9:34 ತೆನೈಸೊ ಪರಿಸಾಯರೊ, ಎ ಕೆಟ್ಟ ಆತ್ಮಾವೊನಿ ಮಾಲಕನಿ ತಾಕತಕ್ಹು ಕೆಟ್ಟ ಆತ್ಮಾವೊನೆ ಛೊಡಾವಸ” ಕದ್ಯಾ.
MAT 9:35 ಯೆಸು ಕ್ಹಾರಾ ಗಾಮೊಮಾ ವರಿ ಕ್ಹಾರಾ ಖೆಡಾವೊಮಾ ಪ್ಹರ‍್ಯೊ. ಯೆಸು ತ್ಯುನಾ ಸಭಾಮಂದಿರೊಮಾ ಉಪದೆಶ ಕರಿನ ಪರಲೊಕ ರಾಜ್ಯನಿ ವಿಶಯನಾ ಹುತಿ ಚೊ಼ಕಿ ಸುವಾರ್ತೆ ಕದ್ಯೊ. ಕ್ಹಾರಾ ತರಾನಾ ರೊಗೊನೆ ದುಕ್ಕೊನೆ ಅರಾಮ ಕರ‍್ಯೊ.
MAT 9:36 ದುಕ್ಕೊಕ್ಹು ವದ್ಯಾಡಾಲಾ ವರಿ ಸಹಾರೊ ನೈ ರ‍್ಹಯಲವಾಲಾ ಘನ್ನಾ ಮನಕ್ಹೊನೆ ಯೆಸು ದೆಕಿನ ದುಖಿ ಥಯೊ. ಕುರಬುರ‍್ಯೊ ನೈಸೊ ಬಿಚ಼ಡಿಗಯಲ ಬಕ್ರಾವೊಲಿಂಗತ ತ್ಯುನೆ ಛೆ ಕೈನ ತ್ಯುನೊನೆ ಮರಗ್ಯೊ.
MAT 9:37 ಯೆಸು ತಿನಾ ಶಿಷ್ಯಾವೊನೆ, ಬೆಳಿ ಘನ್ನಿ ಛೆ, ತೆನೈಸೊ ಕಾಮ ಕರಾಲಾ ದಕ್ಹಾ ಜ಼ನಾ ಛೆ.
MAT 9:38 ಬೆಳಿನೊ ಮಾಲಕ ಕ್ಹುದಾಜ ವ್ಹೈ. ತಿನಾ ಹುತಿ ಘನ್ನಾ ಕಾಮವಾಲಾವೊನೆ ಸುಗ್ಗಿ ಕಾಲನಾ ಹುತಿ ವಳೌಕೈನ ತಿನೆ ಪ್ರಾಥನಾ ಕರೊ” ಕೈನ ಕದ್ಯೊ.
MAT 10:1 ಯೆಸು ತಿನಾ ಬಾರಾ ಶಿಷ್ಯಾವೊನೆ ಬಲೈನ, ತ್ಯುನೊನೆ ಕೆಟ್ಟ ಆತ್ಮಾವೊನೆ ಛೊಡಾವಾನೆಬಿ ವರಿ ಕ್ಹಾರಾ ತರಾನಾ ರೊಗೊ ವರಿ ದುಕ್ಕೊನೆ ಅರಾಮ ಕರಾನೆ ಅದಿಕಾರ ದಿದ್ಯೊ.
MAT 10:2 ಬಾರಾ ಜ಼ನಾ ಅಪೊಸ್ತಲೊನಾ ನಾಮೊ ಇಮ್ಮ ಛೆ: ಪೈಲಾರ ಪೆತ್ರಾ ಕವೈಲಿವಾಲೊ ಸಿಮೊನ, ತಿನೊ ಭೈ ಥಯಲ ಅಂದ್ರೆಯ, ಜೆಬೆದಾಯನೊ ದಿಕ್ರೊ ಥಯಲ ಯಾಕೊಬ, ತಿನೊ ನ್ಹಾನೊ ಭೈ ಥಯಲ ಯೊಹಾನ,
MAT 10:3 ಫಿಲಿಪ್ಪ ವರಿ ಬಾರ್ತೊಲೊಮಾಯ, ತೊಮ, ಭು ಭಾಡೊ ಲಿವಾಲೊ ಮತ್ತಾಯ, ಅಲ್ಫಾಯನೊ ದಿಕ್ರೊ ಥಯಲ ಯಾಕೊಬ, ತದ್ದಾಯ,
MAT 10:4 ಯಹುದಿಯೊನಾ ರಾಜಕಿಯ ಪಕ್ಷನೆ ಮಳಲ ಸಿಮೊನ, ಯೆಸುನೆ ಧರಿನ ದಿದಲ ಇಸ್ಕರಿಯೊತ ಯುದ, ಇವುನೆಜ.
MAT 10:5 ಯೆಸು ಎ ಬಾರಾ ಅಪೊಸ್ತಲೊನೆ ದಕ್ಹಾ ಆಗನ್ಯಾ ದಿನ ಪರಲೊಕ ರಾಜ್ಯನಾ ಹುತಿ ತಿಳಸಾವಾನೆ ತ್ಯುನೊನೆ ವಳಾಯೊ. ಯೆಸು ತ್ಯುನೊನೆ ಕದಲ ಸು ವ್ಹೈ ಕದ್ಯಾಮ: ಯೆಹುದ್ಯೊ ನೈ ರ‍್ಹಯಲ ಮನಕ್ಹೊಕನ ರ‍್ಹವಾದೆ ಸಮಾರ್ಯವಾಲಾ ರ‍್ಹಯಲ ಕಯಾಬಿ ಗಾಮೊನೆ ಜಾ಼ವೊ ನಕೊ.
MAT 10:6 ತೆನೈಸೊ ತ್ಯುನೊಕ್ಹು ಚುಕೈಲಿನ ಬಕ್ರಾವೊಲಿಂಗತ ರ‍್ಹಯಲ ಇಸ್ರಾಯೆಲರೊಕನ ಜಾ಼ವೊ,
MAT 10:7 ಪರಲೊಕ ರಾಜ್ಯ ಭೆಗಿನ ಅವಸ ಕೈನ ಭೊದನೆ ಕರೊ.
MAT 10:8 ರೊಗಿಯೊನೆ ಅರಾಮ ಕರೊ. ಮರಲವಾಲಾವೊನೆ ವಚಾ಼ಡೊ. ಕುಷ್ಠರೊಗಿಯೊನೆ ಅರಾಮ ಕರೊ. ಮನಕ್ಹೊನೆ ಭುತ್ಡಾವೊಕ್ಹು ಛೊಡಾವೊ. ಮಿ ತುಮೊನೆ ಎ ಅದಿಕಾರೊ ಫ್ರಿಮಾ ದ್ಯುಸ. ತಿನಾಹುತಿ ಬಿಜಾವೊನೆಬಿ ಫ್ರಿಮಾ ಮದತ ಕರೊ.
MAT 10:9 ತುಮಾರಾ ಕ್ಹಾತೆ ದೊಕ್ಡಾ ರ‍್ಹವಾದೆ ತಾಂಬು, ಕ್ಹೊನು ರುಪ್ಪು ರ‍್ಹವಾದೆ ಲಿಂಜಾವೊ ನಕೊ.
MAT 10:10 ಕೊತಳಾ ರ‍್ಹವಾದೆ ಹೆಚ್ಕಿ ವಣ್ಣಾ ರ‍್ಹವಾದೆ ಚಪ್ಲೊ ರ‍್ಹವಾದೆ ಉರುಗೊಲು ರ‍್ಹವಾದೆ ಲಿಂಜಾ಼ವೊ ನಕೊ. ಕಾಮ ಕರಾಲಾನೆ ಚಾ಼ಯೆ ಥಯಲ ದಿವಸ.
MAT 10:11 ತುಮೆ ಕಯಾಬಿ ಗಾಮಮಾ ಗಯಲ ಟೈಮಮಾ ತ್ಯಾ ರ‍್ಹವಾನಾ ಚೊ಼ಕಾ ಮನಕ್ಹನೆ ವಳಕೊ, ತುಮೆ ತೆ ಗಾಮ ಛೊಡಿನ ಜಾ಼ಯೆಲಕ್ಕಾ ತಿನಾ ಘರಮಾ ರ‍್ಹವೊ.
MAT 10:12 ತೆ ಘರಮಾ ತುಮೆ ಗಯಲ್ಪರ, ‘ತುಮೊನೆ ಚೊ಼ಕು ಥಾವಾದೆ ಕೈನ ಕವೊ.
MAT 10:13 ತೆ ಘರಮಾ ರ‍್ಹವಾಲಾ ಮನಕ್ಹೊ ತುಮೊನೆ ಮಳೈಲಿದ್ಯಾಮ ತುಮಾರಾ ಆಶಿರ್ವಾದನೆ ತ್ಯುನೆ ಯೊದ್ಯ ರ‍್ಹಯಲಕ್ಹು ತೆ ಆಶಿರ್ವಾದ ತ್ಯುನೊನೆ ಮಳಾದೆ. ತ್ಯುನೆ ತುಮೊನೆ ನೈ ಮಳೈಲಿದ್ಯಾಮ, ತುಮಾರಿ ಆಶಿರ್ವಾದ ತುಮೊನೆ ವಾಪಸ ಆವಾದೆ.
MAT 10:14 ಯಕ್ಕ ಘರವಾಲಾ ನೈತೊ ಯಕ್ಕ ಗಾಮವಾಲಾ ತುಮೊನೆ ನೈ ಮಳೈಲಿದ್ಯಾಮ ತ್ಯುನೆ ತುಮಾರಿ ವಾತ ನೈ ಐಕ್ಯಾಮ ತುಮೆ ತೆ ಜ಼ಗಾನೆ ಛೊಡಿನ ಜಾ಼ತಾಮಾ, ತುಮಾರಾ ಪಗೆ ಲಾಗಲ ಧುಳ ಝಾಡ್ಸಿ ಪಾಡೊ.
MAT 10:15 ಫೈಸಲಾನಾ ದಿನ್ನಮಾ ಎ ಗಾಮನಿ ಗತಿ ಸೊದೊಮ ವರಿ ಗೊಮೊರತಿಬಿ ಘನ್ನಿ ಕೆಟ್ಟ ಥಾವಸ ಕೈನ ಮಿ ತುಮೊನೆ ಕ್ಹರಿಮಾಜ಼ ಕೌಸ.
MAT 10:16 ಐಕೊ! ನರಿಯೊನಾ ವಚ್ಮಾ ಬಕ್ರಾವೊನೆ ಛೊಡಲ ಲಿಂಗತ ಮಿ ತುಮೊನೆ ವಳಾವಾಡೊಸ. ತಿನಾಹುತಿ ತುಮೆ ಕ್ಹಾಪೊ ಲಿಂಗತ ಹುಶಾರ ಕ್ಹಬುತರ ಲಿಂಗತ ಕಪಟ ನೈಸೊವಾಲಾ ಥೈನ ರ‍್ಹವೊ.
MAT 10:17 ಮನಕ್ಹೊನಾ ಹುತಿ ಹುಶಾರ ರ‍್ಹವೊ ತುಮೊನೆ ತ್ಯುನೆ ಧರಿಲಿನ ನ್ಯಾಯಾಲಯನೆ ಬಲೈಲಿನ ಜಾ಼ವಸ. ತ್ಯುನೆ ತ್ಯುನಾ ಸಭಾಮಂದಿರೊಮಾ ಬಾರಕೊಲೊಕ್ಹು ಮಾರಸ.
MAT 10:18 ತುಮೊನೆ ಅದಿಕಾರಿಯೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಬಲೈಲಿನ ಜಾ಼ವಸ. ಮಾರಾ ಹುತಿ ಮನಕ್ಹೊ ತುಮೊನೆ ಇಮ್ಮ ಕರಸ. ತೆನೈಸೊ ತುಮೆ ತೆ ರಾಜಾ಼ವೊನೆಬಿ ಅದಿಕಾರಿಯೊನೆಬಿ ಯಹುದಿಯೊ ತೆ ಮನಕ್ಹೊನೆ ಮಾರಾ ವಿಶಯಮಾ ಕವೊಶಿ.
MAT 10:19 ತುಮೊನೆ ಧರಿಲಿನ ಗಯಲ್ಪರ ತುಮೆ ಸು ಬೊಲು, ಕಿಮ್ಮ ಬೊಲು ಕವಾನು ಚಿಂತಾ ನಕೊ ಕರೊ. ತುಮೆ ಕವಾನು ತೆ ಟೈಮಮಾ ಕವಾಲಗಾಡಸ.
MAT 10:20 ಬೊಲಾಲಾ ಕ್ಹರಿಮಾಜ಼ ತುಮೆ ನ್ಹವೈ. ತುಮಾರಾ ಬಾನಿ ಆತ್ಮಾಜ಼ ತುಮಾರಾ ಮುಲಕ ಬೊಲಸ.
MAT 10:21 ಭಾಯೊ ಸ್ವಂತ ಭಾಯೊನೆಜ಼ ವಿರುದ ಥೈನ ತ್ಯುನೊನೆ ಮರಣನಿ ಸಜಾನೆ ವಪ್ಪಿಸಾವಸ. ಬಾವೊ ತ್ಯುನಾ ಸ್ವಂತ ಬಚ್ಚಾವೊನೆ ವಿರುದ್ದ ಥೈನ ತ್ಯುನೊನೆ ಮರಾನಿ ಸಜಾನೆ ವಪ್ಪಿಸಸ.
MAT 10:22 ತುಮೆ ಮಾರಾ ಪಾಚಾ಼ ಆವಾಕ್ಹು ಕ್ಹಾರಾ ಮನಕ್ಹೊ ತುಮೊನೆ ದ್ವೆಶ ಕರಸ. ತೆನೈಸೊ ಲಾಸ್ಟ ಲಕ್ಕಾ ತಡ್ದಿಲಿವಾಲೊ ರಕ್ಷಣೆ ವ್ಹಂದಿಲಿವಸ.
MAT 10:23 ಯಕ್ಕ ಗಾಮಮಾ ತುಮೊನೆ ತ್ರಾಸ ಕರ‍್ಯಾಮ ಬಿಜಾ಼ ಗಾಮೆ ಜಾವೊ. ಮನಕ್ಹನೊ ದಿಕ್ರೊ ಫರಿನ ಆವಾತಿ ಪೈಲಾ ತುಮೆ ಇಸ್ರಾಯೆಲನಾ ಕ್ಹಾರಾ ಗಾಮೊನೆ ಜಾ಼ವಾನು ಕ್ಹಾರಾಯೆಲಜ಼ ನೈ ರ‍್ಹತಾ ಕೈನ ಮಿ ತುಮೊನೆ ಕ್ಹರಿ ಕೌಸ.
MAT 10:24 ಶಿಷ್ಯೊ ಗುರುತಿ ಹೆಚ್ಕಿ ನ್ಹವೈ. ಆಳ ತಿನಾ ಮಾಲಕತಿ ಕ್ಹಾಸ ನ್ಹವೈ.
MAT 10:25 ಶಿಷ್ಯೊ ತಿನಾ ಗುರು ಲಿಂಗತ ಥಯೊಮ ಬಸ್ಸ. ಆಳ ತಿನಾ ಮಾಲಕ ಲಿಂಗತ ಥಯೊಮ ಬಸ್ಸ. ಘರನಾ ಮ್ಹೊಟಾನೆ ಬೆಲ್ಜೆಬುಲ (ಭುತಡು) ಕೈನ ಬಲಾಯಾಮ, ತೆ ಘರವಾಲಾವೊನಾ ಬಿಜಾ಼ವೊನೆ ವರಿ ದಕ್ಹಾ ಕೆಟ್ಟ ನಾಮೊಕ್ಹು ಬಲಾತಾ ನೈ ಸು?
MAT 10:26 ತಿನಾಹುತಿ ಮನಕ್ಹೊನೆ ಭುಚ಼ಕೊ ನಕೊ. ಝಕಾಯಲ ಕ್ಹಾರು ಭಾರು ಆವಸ. ದಡಿ ರ‍್ಹಯಲ ಹರಿಯಕ್ಕ ವಾತ ಭಾರು ಆವಸ.
MAT 10:27 ಮಿ ಅಂದಾರಾಮಾ ಎ ವಾತೊ ತುಮೊನೆ ಝಾಕಿನ ಕವಾಡೊಸ. ತೆನೈಸೊ ತುಮೆ ಎ ವಾತೊ ಉಜಾಲಾಮಾ ಕೌ ಕೈನ ಮಾರಿ ಆಸ ವ್ಹೈ. ಮಿ ತುಮೊನೆ ಎ ವಿಶಯೊ ತುಮೊನೆ ಹಲ್ಲು ಕವಾಡೊಸ. ತೆನೈಸೊ ತುಮೆ ಎ ವಿಶಯೊ ಕ್ಹಾರಾ ಮನಕ್ಹೊನೆ ಜೊ಼ರ ವದ್ರಿನ ಕವೊ.
MAT 10:28 ಮನಕ್ಹನೆ ಭುಚ಼ಕೊ ನಕೊ. ತ್ಯುನೆ ತುಮಾರು ಅಂಗ ಯಕ್ಕಜ಼ ಖಲಾಸ ಕರಸ. ತೆ ಮನಕ್ಹೊ ಆತ್ಮಾನೆ ಖಲಾಸ ನೈ ಕರ್ತಾ. ಅಂಗನೆ ವರಿ ಆತ್ಮಾನೆ ನರಕಮಾ ಘಾಲಾಲಾ ಕ್ಹುದಾನೆ ಯಕ್ಕಜ಼ ಭುಚ಼ಕೊ.
MAT 10:29 ಬಾಜ಼ರೊಮಾ ಬೆ ಚಿಮ್ಣಿಯೊನೆ ಯಕ್ಕ ಬಿಲ್ಲಾನೆ ಇಕ್ಕಸ. ತೆನೈಸೊ ತುಮಾರೊ ಬಾ ಅಪ್ಪಣೆ ದಿದ್ಯಾ ಬಗರ ತ್ಯುನೊಮಾ ಯಕ್ಕಬಿ ನೈ ಮರ್ತು.
MAT 10:30 ತುಮಾರಾ ಮಾತಾಮಾ ಕಕ್ಲಾ ಬಾಲೊ ಛೆ ಕವಾನುಬಿ ಕ್ಹುದಾನೆ ಗ್ವತ್ತ ಛೆ.
MAT 10:31 ತಿನಾಹುತಿ ಭುಚ಼ಕೊ ನಕೊ. ತುಮೆ ಘನ್ನಾ ಚಿಮ್ಣಿಯೊತಿಬಿ ಘನ್ನಾ ಕಿಮ್ಮತನಾ ಥಯಾಸ.
MAT 10:32 ಯಕ್ಲೊ ಬಿಜಾ಼ವೊನಾ ಕ್ಹಾಮೊ, ತೆ ಮಾರೊ ವ್ಹೈ ಕೈನ ಕದ್ಯೊಮ, ಮಿಬಿ ಪರಲೊಕಮಾ ರ‍್ಹಯಲ ಮಾರಾ ಬಾನಾ ಕ್ಹಾಮೊ ತೆ ಮಾರೊ ವ್ಹೈ ಕೈನ ಕೌಸ.
MAT 10:33 ತೆನೈಸೊ ಯಕ್ಲೊ ಮನಕ್ಹೊನಾ ಕ್ಹಾಮೊ, ತೆ ಮಾರೊ ನ್ಹವೈ ಕೈನ ಕದ್ಯೊಮ, ಮಿಬಿ ಪರಲೊಕಮಾ ಮಾರಾ ಬಾನಾ ಕ್ಹಾಮೊ ತೆ ಮಾರೊ ನ್ಹವೈ ಕೈನ ಕೌಸ.
MAT 10:34 "ಎ ದುನಿಯಾಮಾ ಮಿ ಶಾಂತ ಕರಾನೆ ಆಯೊಸ ಕೈನ ವಿಚಾರ ಕರೊ ನಕೊ. ಮಿ ಶಾಂತ ಕರಾನೆ ಆಯೊ ನತ್ತಿ, ತಲ್ವಾರ ಘಾಲಾನೆ ಆಯೊಸ.
MAT 10:35 ಕಿಮ್ಮ ಕದ್ಯಾಮ ದಿಕ್ರಾನೆಬಿ ಬಾನೆ, ದಿಕ್ರಿನೆಬಿ ಮಾನೆ, ಫೈನೆಬಿ ವ್ಹೌನೆಬಿ ಬೆದ-ಭಾವ ಹುಟ್ಸಾವಾನೆ ಆಯೊಸ.
MAT 10:36 ಇಮ್ಮ ಯಕ್ಕ ಮನಕ್ಹನೆ ತ್ಯುನಾ ಘರವಾಲಾಜ಼ ದುಶ್ಮನೊ ಥಾವಸ.
MAT 10:37 ಬಾಪನಾ ಉಪ್ಪರ ರ‍್ಹವಾದೆ ಮಾನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ; ದಿಕ್ರಾನಾ ಉಪ್ಪರ ರ‍್ಹವಾದೆ ದಿಕ್ರಿನಾ ಉಪ್ಪರ ರ‍್ಹವಾದೆ ಮಾರಾ ಉಪ್ಪರ ಮ್ಹೆಲಾತಿ ಜಾಸ್ತ ಮಯಾ ಕರಾಲೊ ಮನೆ ಯೊಗ್ಯ ನತ್ತಿ.
MAT 10:38 ಕುನ್ನತಬಿ ಮಾರಾ ಪಾಚೊ಼ ಆತಾಮಾ ತಿನೆ ದಿವಾನಿ ಶಿಲುವಿ (ತ್ರಾಸೊ) ಉಚೈಲಿದ್ಯಾ ಬಗರ, ತೆ ಮಾರಾ ಪಾಚೊ಼ ಆವಾಲೊ ನ್ಹವೈ.
MAT 10:39 ಮನೆ ಮಯಾ ಕರಾತಿ ಜಾಸ್ತ ತಿನಾ ಜಲಮನೆ ಮಯಾ ಕರಾಲೊ ತಿನೆ ಜವೈಲಿವಸ. ಮಾರಾಹುತಿ ತಿನು ಜ಼ಲಮ ಜವೈಲಿವಾಲೊ ತಿನೆ ಪಡ್ದಿಲಿವಸ.
MAT 10:40 ತುಮೊನೆ ಮಳೈ ಲಿವಾಲೊ ಮನೆಬಿ ಮಳೈ ಲಿವಸ. ಮನೆ ಮಳೈ ಲಿವಾಲೊ ಮನೆ ವಳಾಯಲವಾಲಾನೆ (ಕ್ಹುದಾನೆ) ಬಿ ಮಳೈ ಲಿವಸ.
MAT 10:41 ಪ್ರವಾದಿನೆ ಪ್ರವಾದಿ ವ್ಹೈ ಕೈನ ಮಳೈಲಿವಾಲೊ ತೆ ಪ್ರವಾದಿನೆ ಆವಾನು ಪ್ರತಿಫಲ ಪಡ್ದಿಲಿವಸ. ನಿತಿವಂತವಾಲಾನೆ ನಿತಿವಂತ ವ್ಹೈ ಕೈನ ಮಳೈಲಿವಾಲೊ ತೆ ನಿತಿವಂತನೆ ಆವಾನು ಪ್ರತಿಫಲ ಪಡ್ದಿಲಿವಸ.
MAT 10:42 ವರಿ ಎ ನ್ಹಾನಾವೊಮಾ ಯಕ್ಲಾನೆ ಯೆಸುನೊ ಶಿಷ್ಯಾ ವ್ಹೈ ಕೈನ ಕುನ್ನತಬಿ ಯಕ್ಕ ತಾಂಬಿಯೊ ಥಂಡು ಪಾನಿತುಬಿ ಪಿವಾನೆ ದಿದ್ಯೊಮ ತಿನೆ ಆವಾನು ಪ್ರತಿಫಲ ತಿನೆ ಚು಼ಕ್ತೊಜ಼ ನೈ ಕೈನ ತುಮೊನೆ ಕ್ಹರಿಮಾಜ಼ ಕೌಸ” ಕದ್ಯೊ.
MAT 11:1 ಯೆಸು ತಿನಾ ಬಾರಾ ಜ಼ನಾ ಶಿಷ್ಯಾವೊನೆ ಎ ಸಂಗತಿಯೊ ಕದಲ್ಪರ ಪಾಚಲ್ತೊ ತ್ಯಾಂತೊ ಗೈನ ಕ್ಹುದಾನಿ ವಾತೊ ಕವಾನೆ ವರಿ ಉಪದೆಶ ಕರಾನೆ ಗಲಿಲಾಯ ಗಾಮೆ ಗಯೊ.
MAT 11:2 ಬಾಪ್ತಿಸ್ಮಾ ದಿವಾಲೊ ಯೊಹಾನ ಜೆಲಮಾ ವ್ಹತ್ತೊ. ಯೆಸು ಕರಾನಾ ಕಾಮೊ ತಿನೆ ಗ್ವತ ಥಯಾ. ತಿನಾಹುತಿ ಯೊಹಾನ ತಿನಾ ದಕ್ಹಾ ಶಿಷ್ಯಾವೊನೆ ಯೆಸುಕನ ಮೊಕಲ್ಯೊ.
MAT 11:3 ಯೊಹಾನನಾ ಶಿಷ್ಯಾ ಯೆಸುನೆ, ಯೊಹಾನ ಕದಲತಿಮ್ಮ ಆವಾಲೊ ತುಜ಼ ವೈಸು ನೈತೊ ಬಿಜಾ಼ ಯಕ್ಲಾನಾ ಹುತಿ ಹಮೆ ಕೈದೆ ಸು?” ಕೈನ ಕದ್ಯಾ.
MAT 11:4 ತೆ ವಾತೆ ಯೆಸು, ತುಮೆ ನ್ಹ್ಯಾ ಐಕಲ ವರಿ ದೆಕಲ ಕ್ಹಾರು ಯೊಹಾನನೆ ಕವೊ.
MAT 11:5 ಕುಡ್ಡಾವೊನೆ ಡೊಳಾ ಆವಸ; ಲಂಗ್ಡಾ ರ‍್ಹಯಲ ಚಾ಼ಲಸ; ಕುಷ್ಟ ರೊಗಿಯೊ ಅರಾಮ ಥಾವಸ; ಕಿವ್ಡಾ ಐಕಸ; ಮರಲವಾಲಾ ಜಿವ್ತಾ ಥಾವಸ ವರಿ ಗರಿಬ ರ‍್ಹಯಲವಾಲಾವೊನೆ ಕ್ಹುದಾನಿ ವಾತೊ ಕವಸ.
MAT 11:6 ಮನೆ (ಯೆಸುನೆ) ವಪ್ಪಿಲಿವಾಲೊ ಧನ್ಯ ವ್ಹೈ” ಕೈನ ಉತ್ತರ ದಿದ್ಯೊ.
MAT 11:7 ಯೊಹಾನನಾ ಶಿಷ್ಯಾ ತ್ಯಾಂತಾ ಜಾ಼ತಾಮಾ ಯೆಸು ಮನಕ್ಹೊನಾ ಕ್ಹಾತೆ ಯೊಹಾನನಾ ಹುತಿ ಕವಾನು ಶುರು ಕರ‍್ಯೊ. ಯೆಸು, ತುಮೆ ಸು ದೆಕು ಕೈನ ರಾನ್ಮಾ ಗಯಾತಾ? ವಾರಾಕ್ಹು ಹಲ್ಲಾನಾ ಧಾಂಡಾನೆ ಸು? ನೈ!
MAT 11:8 ಕ್ಹರಿಮಾಜ಼ ತುಮೆ ಸು ದೆಕಾನೆ ಗಯಾತಾ? ಚೊ಼ಕಾ ವಣ್ಣಾ ಘಾಲ್ಲಿನ ರ‍್ಹಯಲ ಮನಕ್ಹನೆ ಸು? ನೈ! ಚೊ಼ಕಾ ವಣ್ಣಾ ಘಾಲ್ಲಿದಲ ಮನಕ್ಹೊ ರಾಜಾ಼ವೊನಾ ಮಹೆಲೊಮಾ ರ‍್ಹವಸ.
MAT 11:9 ತಿಮ್ಮ ರ‍್ಹಯಾಮ, ಸು ದೆಕಾನೆ ಗಯಾತಾ? ಯಕ್ಕ ಪ್ರವಾದಿನೆ ಸು? ಹೊ! ಯೊಹಾನ ಪ್ರವಾದಿತೊ ಮ್ಹೊಟೊ ವ್ಹೈ ಕೈನ ಮಿ ತುಮೊನೆ ಕೌಸ.
MAT 11:10 ಯೊಹಾನನಾ ಹುತಿ ಪವಿತ್ರ ಗ್ರಂಥಮಾ ಅಮ್ಮ ಬರ್ದಲ ಛೆ; ದೆಕ! ಮಿ (ಕ್ಹುದಾ) ಮಾರಾ ದುತನೆ ತಾರಾ ಅಗೊ ಮೊಕ್ಲುಸ. ತೆ ತಾರಿ ವಾಟ ತಯ್ಯಾರ ಕರಸ. ಮಲಾಕಿ 3:1
MAT 11:11 ಬಾಪ್ತಿಸ್ಮಾ ದಿಲಾವಾಲೊ ಯೊಹಾನ ಪೈಲಾ ಜಿವ್ತಾ ರ‍್ಹಯಲ ಮನಕ್ಹೊತಿ ಮ್ಹೊಟೊ ವ್ಹೈ. ತೆನೈಸೊ ಪರಲೊಕ ರಾಜ್ಯಮಾ ರ‍್ಹವಾಲೊ ನ್ಹಾನೊಬಿ ಯೊಹಾನತಿಬಿ ಮ್ಹೊಟೊ ವ್ಹೈ ಕೈನ ಕ್ಹರಿಮಾಜ಼ ಮಿ ತುಮೊನೆ ಕೌಸ.
MAT 11:12 ಬಾಪ್ತಿಸ್ಮಾ ದಿವಾಲೊ ಯೊಹಾನ ಆಯಲ ಟೈಮತೊ ನ್ಹ್ಯಾ ಲಕ್ಕಾ ಪರಲೊಕ ರಾಜ್ಯ ಘನ್ನಾ ತಾಕತನಾ ಯುದ್ದೊನೆ ಮ್ಹೈ ಥಯುಸ. ಹಿಂಸೆನೆ ಉಪಯೊಗ ಕರಿನ ಮನಕ್ಹೊ ರಾಜ್ಯ ಲಿವಾನೆ ಕೊಶಿಶ ಕರಸ.
MAT 11:13 ಕ್ಹಾರಾ ಪ್ರವಾದನೆ ವರಿ ಮೊಶೆನು ಧರಮ ಶಾಸ್ತ್ರ ಯೊಹಾನ ಆಯೆಲಕ್ಕಾ ಪರಲೊಕ ರಾಜ್ಯನಾ ಹುತಿ ಪೈಲಾಜ ಕದ್ಯಾಸ.
MAT 11:14 ಧರಮ ಶಾಸ್ತ್ರನೆ ವರಿ ಪ್ರವಾದಿಯೊ ಕದಲ ತುಮೆ ಬರೊಕ್ಹೊ ಕರಾನಾ ರ‍್ಹಯಮ ಎ ಯೊಹಾನಜ ಎಲಿಯ ವ್ಹೈ. ತೆ ಆವಸ ಕೈನ ಧರಮ ಶಾಸ್ತ್ರ ಕದಲ ಛೆ.
MAT 11:15 ಮನಕ್ಹೊ, ಮಿ ಕವಾನು ಐಕೊ. ವರಿ ತಿಳ್ದಿಲಿವೊ!
MAT 11:16 ಎ ಕಾಲನಾ ಮನಕ್ಹೊನಾ ಹುತಿ ಮಿ ಸು ಕೌ? ತ್ಯುನೆ ಕೈ ತರಾನಾ ಛೆ? ಎ ಕಾಲನಾ ಮನಕ್ಹೊ ಬಾಜ಼ರೊಮಾ ಬೈಟಲ ಬಚ್ಚಾ ಲಿಂಗತ ಛೆ. ಯಕ್ಕ ಗುಂಪನಾ ಬಚ್ಚಾ ಬಿಜಾ಼ ಗುಂಪನಾ ಬಚ್ಚಾವೊನೆ ಅಮ್ಮ ಕವಸ:
MAT 11:17 ಹಮೆ ತುಮಾರಾ ಹುತಿ ವಜಾ಼ಡ್ಯಾ ತುಮೆ ನ್ಹಾಚ್ಯಾ ನೈ. ಹಮೆ ರವಾನಾ ರಿಕಾಡೊ ಕದ್ಯಾ ತುಮೆ ರೊಯಾ ನೈ.
MAT 11:18 ಆಜ಼ನಾ ಮನಕ್ಹೊ ಎ ಬಚ್ಚಾ ಲಿಂಗತ ಛೆ ಕೈನ ಮಿ ಕದ್ಯಲ ಶಾನೆ ವ್ಹೈ? ಕಾಕದ್ಯಾಮ ಯೊಹಾನ ಆಯೊ. ತೆನೈಸೊ ತೆ ಬಿಜಾ಼ ಮನಕ್ಹೊ ಲಿಂಗತ ಖಾದ್ಯೊ ನೈ; ದ್ರಾಕ್ಷಿಯೊನು ರಕ್ಹ ಪಿದ್ಯೊ ನೈ. ವರಿಬಿ ಮನಕ್ಹೊ, ‘ತಿನೆ ಕೆಟ್ಟ ಆತ್ಮಾ ಧರ‍್ಯುಸ’ ಕೈನ ಕವಸ.
MAT 11:19 ಮನಕ್ಹನೊ ದಿಕ್ರೊ ಆಯೊ. ತೆ ಬಿಜಾ಼ ಮನಕ್ಹೊ ಲಿಂಗತ ಅನ್ನ ಖಾವಸ; ವರಿ ದ್ರಾಕ್ಷಿಯೊನು ರಕ್ಹ ಪಿವಸ. ತೆನೈಸೊ ಮನಕ್ಹೊ, ‘ತಿನೆ ದೆಕೊ! ತೆ ಮ್ಹೊಟಿ ಕುಡಿವಾಲೊ ವ್ಹೈ, ತೆ ಪಿದೊಡೊ ವ್ಹೈ, ಭು ಭಾಡೊ ಲಿವಾಲಾ ವರಿ ಪಾಪಿಯೊ ತಿನಾ ದೊಸ್ತೊ ವ್ಹೈ’ ಕೈನ ಕವಸ. ತೆನೈಸೊ ತ್ಯುನು ಗ್ಯಾನ ತ್ಯುನೆ ಕರಾನಾ ಕಾಮೊಕ್ಹು ದೆಕಾಡಿನ ದಿವಸ.
MAT 11:20 ಪಾಚಲ್ತೊ ಯೆಸು, ತೆ ಕಯಾ ಗಾಮೊಮಾ ಘನ್ನಾ ಅದ್ಭುತ ಕಾಮೊ ಕರ‍್ಯೊತೊತೊ ತೆ ಗಾಮೊನೆ ಇನ್ಕಾರ‍್ಯೊ. ಕಾಕದ್ಯಾಮ ತೆ ಗಾಮೊಮಾ ರ‍್ಹಯಲ ಮನಕ್ಹೊ ತ್ಯುನಿ ಜಿವನಾ ಬದಲಿ ಕರಿಲಿದ್ಯಾ ನೈ ವರಿ ಪಾಪ ಕರಾನು ಛೊಡ್ಯಾ ನೈ.
MAT 11:21 ಯೆಸು ಸು ಕದ್ಯೊ ಕದ್ಯಾಮ; "ಬೆತ್ಸಾಯಿವಾಲಾ, ತುಮಾರಿ ಗತಿ ಮಿ ಸು ಕೌ? ಬೆತ್ಸಾಯಿದ, ತಾರಿ ಗತಿ ಮಿ ಸು ಕೌ! ಮಿ ತುಮೊಮಾ ಘನ್ನಾ ಅದ್ಭುತ ಕಾಮೊ ಕರ‍್ಯೊ. ತೆಜ ಅದ್ಭುತ ಕಾಮೊ ತೊರ, ಸಿದೊನಮಾ ಕರಲ ರ‍್ಹವತ್ತೊ, ತ್ಯುನಾ ಮನಕ್ಹೊ ಘನ್ನಾ ಕಾಲ ಪೈಲಾಜ ತ್ಯುನಿ ಜಿವತ ಬದಲಿ ಕರಿಲೆತಾತಾ; ತ್ಯುನಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕೊತ್ಳಾ ಭಾಂದಿಲೆತಾತಾ; ತ್ಯುನಾ ಅಂಗಪರ ರಾಕ ಘಾಲಿಲೆತಾತಾ.
MAT 11:22 ತೆನೈಸೊ ಫೈಸಲಾನಾ ದಿನ್ನಮಾ ತೊರ, ಸಿದೊನತಿಬಿ ತುಮಾರಿ ಸ್ಥಿತಿ ಘನ್ನಿ ಕಷ್ಟಮಾ ಮ್ಹೈ ಥಾವಸ ಕೈನ ಮಿ ತುಮೊನೆ ಕೌಸ.
MAT 11:23 ಕಪೆನೌರ್ಮಿ, ತು ಪರಲೊಕೆ ಜಾಶಿ ಕೈನ ವಿಚಾರ ಕರಶಿ ಸು? ನೈ! ತು ನರಕೆ ಜಾಶಿ. ಮಿ ತುಮೊಮಾ ಘನ್ನಾ ಅದ್ಭುತ ಕಾಮೊ ಕರ‍್ಯೊ. ಸೊದೊಮಮಾ ತೆ ಅದ್ಭುತ ಕಾಮೊ ಕರ‍ಲ ರ‍್ಹವತ್ತೊ ತೆ ಮನಕ್ಹೊ ಪಾಪ ಕರಾನು ಛೊಡಿಪಡತಾತಾ ವರಿ ಹಜು಼ನ ಲಕ್ಕಾ ತೆ ಗಾಮ ಉಗ್ರಲ ರ‍್ಹತುತು.
MAT 11:24 ತೆನೈಸೊ ಫೈಸಲಾನಾ ದಿನ್ನಮಾ ತಾರಿ ಪರಿಸ್ಥಿತಿ ಸೊದೊಮತಿಬಿ ಕೆಟ್ಟ ಸ್ಥಿತಿನೆ ಮ್ಹೈ ಥಾವಸ ಕೈನ ಮಿ ತುಮೊನೆ ಕೌಸ."
MAT 11:25 ಪಾಚಲ್ತೊ ಯೆಸು, ಪರಲೊಕ ವರಿ ಜಿಮಿನನೊ ಪ್ರಭು ಥಯಲ ಬಾ, ಮಿ ತುನೆ ಸ್ತುತಿ ಕರುಸ. ಕಾಕದ್ಯಾಮ, ತು ಎ ಕ್ಹಾರಾ ವಾತೊ ಗ್ಯಾನಿಯೊನೆಬಿ ಮಾತು ಹುಶಾರ ರ‍್ಹಯಲವಾಲಾವೊನೆಬಿ ಝಾಕಿನ ಮ್ಹೆಲ್ಯೊಸ. ತೆನೈಸೊ ನ್ಹಾನಾ ಬಚ್ಚಾ ಲಿಂಗತ ರ‍್ಹಯಲ ಎ ಮನಕ್ಹೊನೆ ತು ದೆಕಾಡ್ಯೊಸ.
MAT 11:26 ಹೊ ಬಾ, ಎ ಕ್ಹರಿಮಾಜ಼ ತಾರಿ ಚಿತ್ತ ವ್ಹೈ ಕೈನ ತು ಇಮ್ಮ ಕರ‍್ಯೊಸ.
MAT 11:27 ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.
MAT 11:28 ಕಷ್ಟಮಾ ರ‍್ಹಯಲವಾಲಾ, ವಜ್ಜು಼ ಉಚೈಲಿದಲವಾಲಾ, ತುಮೆ ಕ್ಹಾರಾ ಮಕನ ಆವೊ. ಮಿ ತುಮೊನೆ ಸಮಾಧಾನ ದ್ಯುಸ.
MAT 11:29 ಮಾರಿ ನೊಗನೆ ಖಾಂದೊ ದಿನ ಮಾರಾಕ್ಹು ಶಿಕ್ಕೊ. ಮಿ ಸಾತ್ವಿಕ ದಿನ ರ‍್ಹಯಲಕ್ಹು ತುಮೆ ತುಮಾರಿ ಆತ್ಮಾವೊನೆ ಸಮಾಧಾನ ದೆಕೊಶಿ.
MAT 11:30 ಹೊ, ತುಮೊನೆ ಮಾರಿ ನೊಗ ನರಮ ಥೈಸ; ಮಾರು ವಜ್ಜು಼ ತುಮೊನೆ ಹಲ್ಕು ಥಯುಸ.”
MAT 12:1 ತೆ ದಿನ್ನ ಸಬ್ಬತ ದಿನ್ನ ಯೆಸು ಫಸಲ ರ‍್ಹಯಲ ಖೆತರೊನಾ ವಾಟಕಂತೊ ಚಾ಼ಲ್ಯೊತೊ. ಯೆಸುನಾ ಶಿಷ್ಯಾ ತಿನಾ ಕ್ಹಾತೆ ವ್ಹತ್ತಾ ವರಿ ಭುಕ್ಕಾ ಥಯಾತಾ. ತಿನಾಹುತಿ ಶಿಷ್ಯಾ ಭುಟ್ಟಾ ಕಿತ್ತಿಲಿನ ಖಾವಾನು ಶುರು ಕರ‍್ಯಾ.
MAT 12:2 ಎ ದೆಕಲ ಫರಿಸಾಯರೊ ಯೆಸುನೆ, ದೆಕ! ಸಬ್ಬತ ದಿನ್ನೆ ನೈ ಕರಾನಾ ಕಾಮೊನಾಹುತಿ ಯಹುದಿಯೊನಾ ಧರಮ ಶಾಸ್ತ್ರಮಾ ಕದಲ ನಿಯಮೊನಾ ವಿರುದ್ದ ತಾರಾ ಶಿಷ್ಯಾ ಕರಾಡಾಸ” ಕೈನ ಕದ್ಯಾ.
MAT 12:3 ತೆ ವಾತೆ ಯೆಸು, ತೆಬಿ ವರಿ ತಿನಾ ಕ್ಹಾತೆ ರ‍್ಹಯಲ ಮನಕ್ಹೊ ಭುಕ್ಕಾ ಥಯಲ ಟೈಮಮಾ ದಾವಿದ ಸು ಕರ‍್ಯೊ ಕವಾನು ತುಮೆ ಒದ್ಯಾ ನತ್ತಿ ಸು?
MAT 12:4 ದಾವಿದ ಕ್ಹುದಾನಾ ಘರಮಾ ಗಯೊ. ಕ್ಹುದಾನೆ ಚ಼ಡಾಯಲ ರೊಕ್ಲೊ ದಾವಿದ ವರಿ ತಿನಾ ಕ್ಹಾತೆ ರ‍್ಹಯಲ ಮನಕ್ಹೊಬಿ ಖಾದ್ಯಾ. ತ್ಯುನೆ ತೆ ರೊಕ್ಲೊ ಖಾವಾನು ಧರಮ ಶಾಸ್ತ್ರನೆ ವಿರೊದ ಥಯುತು. ತೆ ಖಾವಾನೆ ಕ್ಹಾಲಿ ಯಾಜಕೊನೆ ಅವಕಾಶ ವ್ಹತ್ತು.
MAT 12:5 ಹರಿಯಕ್ಕ ಸಬ್ಬತ ದಿನ್ನಮಾ ಯಾಜಕೊ ದೆವಾಲಯಮಾ ಸಬ್ಬತ ದಿನ್ನನಾ ನಿಯಮೊನೆ ದಾಟಿನ ಗಯಾತುಬಿ ತ್ಯುನೆ ತಪ್ಪ ಕರಲವಾಲಾ ನೈ ಥಾತಾ ಕೈನ ತುಮೆ ಮೊಶೆನಾ ಧರಮ ಶಾಸ್ತ್ರಮಾ ಒದ್ಯಾ ನತ್ತಿ ಸು?
MAT 12:6 ತೆನೈಸೊ ದೆವಾಲಯತಿಬಿ ಮ್ಹೊಟೊ ನ್ಹ್ಯಾ ಛೆ ಕೈನ ಮಿ ತುಮೊನೆ ಕೌಸ.
MAT 12:7 ಪಶು ಬಲಿಯೊನೆ ಮನೆ ನಕೊ, ಮರ್ಗಾಜ ಮನೆ ಚಾ಼ಯೆ” ಕೈನ ಪವಿತ್ರ ಗ್ರಂಥ ಕವಸ. ತಿನು ಮತ್ಲಬ ತುಮೆ ತಿಳ್ದಿಲಿದ್ಯಾ ನತ್ತಿ. ತುಮೆ ತಿನು ಮತ್ಲಬ ತಿಳ್ದಿಲಿದ್ಯಾಮ ತಪ್ಪ ನೈ ಕರಲ ಇವ್ನೊನೆ ತಪ್ಪ ಕರಲವಾಲಾ ವ್ಹೈ ಕೈನ ಫೈಸಲೊ ನೈ ಕರ‍್ತಾ.
MAT 12:8 ಮನಕ್ಹನೊ ದಿಕ್ರೊ ಸಬ್ಬತ ದಿನ್ನನೆ ಮಾಲಕ ಥಯೊಸ" ಕೈನ ಕದ್ಯೊ.
MAT 12:9 ಯೆಸು ತೆ ಜ಼ಗಾ ಛೊಡಿನ ತ್ಯುನಿ ಸಭಾಮಂದಿರಮಾ ಗಯೊ.
MAT 12:10 ತೆ ಸಭಾಮಂದಿರಮಾ ಯಕ್ಕ ಮನಕ್ಹನೊ ಹತ್ತ ಕುಕ್ಹೈ ಗಯೊತೊ. ಯಹುದಿಯೊಮಾ ದಕ್ಹಾ ಜ಼ನಾ ಯೆಸುನಾ ಉಪ್ಪರ ತಪ್ಪ ಘಾಲಾನೆ ಕಾರಣ ಹುಡ್ಕಾಡಾತಾ. ತಿನಾಹುತಿ ತ್ಯುನೆ ಯೆಸುನೆ ಸಬ್ಬತ ದಿನ್ನಮಾ ರೊಗ ರ‍್ಹಯಲವಾಲಾವೊನೆ ಅರಾಮ ಕರಾನು ಚೊ಼ಕು ವ್ಹೈ ಸು?” ಕೈನ ಪುಚ್ಯಾ.
MAT 12:11 ಯೆಸು, ತುಮೊಮಾ ಕಿಕನಬಿ ಯಕ್ಕ ಬಕ್ರು ರ‍್ಹಯಮ ತೆ ಬಕ್ರು ಸಬ್ಬತ ದಿನ್ನಮಾ ಉಂಡಿ ಖಾಡಿಮಾ ಪಡ್ಯಾಮ, ತುಮೆ ತೆ ಬಕ್ರಾನೆ ಉಂಡಿ ಖಾಡಿಮಾತಾ ಭಾರಾ ಕಾಡೊಶಿ.
MAT 12:12 ಮನಕ್ಹ ಬಕ್ರಾತಿ ಕೆಕ್ಲೊಕಿ ಮ್ಹೊಟೊ ವ್ಹೈ. ತಿನಾಹುತಿ ಸಬ್ಬತ ದಿನ್ನಮಾ ಚೊ಼ಕಾ ಕಾಮೊ ಕರಾನು ಮೊಶೆನಾ ಧರಮ ಶಾಸ್ತ್ರನಾ ನಿಯಮನೆ ಚೊ಼ಕು ವ್ಹೈ” ಕೈನ ಉತ್ತರ ದಿದ್ಯೊ.
MAT 12:13 ತೆ ಥಯಲ್ಪರ ಯೆಸು ಹತ್ತ ಕುಕ್ಹೈ ಗಯಲ ಮನಕ್ಹನೆ, ತಾರೊ ಹತ್ತ ದೆಕಾಡ” ಕದ್ಯೊ. ತೆ ತಿನೊ ಹತ್ತ ಯೆಸುಕನ ಅಗೊ ಕರ‍್ಯೊ. ತೆಳಾಮಾಜ಼, ತಿನೊ ಹತ್ತ ಬಿಜೆಕ್ಕ ಹತ್ತ ಲಿಂಗತ ಅರಾಮ ಥಯು.
MAT 12:14 ತೆನೈಸೊ ಪರಿಸಾಯರೊ‍ ತ್ಯಾಂತಾ ಗೈನ ಯೆಸುನೆ ಖಲಾಸ ಕರಾನೆ ವಿಚಾರ ಕರ‍್ಯಾ.
MAT 12:15 ಪರಿಸಾಯರೊ ಸು ಕರಾಡಾಸ ಕೈನೆ ಯೆಸುನೆ ಗ್ವತ ಥಯುತು. ತಿನಾಹುತಿ ಯೆಸು ತೆ ಜ಼ಗಾ ಛೊಡಿನ ಗಯೊ. ಘನ್ನಾ ಮನಕ್ಹೊ ತಿನಾ ಪಾಚಾ಼ ಗಯಾ. ಯೆಸು ಘನ್ನಾ ಮನಕ್ಹೊನಾ ರೊಗೊ ಅರಾಮ ಕರ‍್ಯೊ.
MAT 12:16 ತೆನೈಸೊ ತೆ ಕುನ್ನ ವ್ಹೈ ಕೈನ ಬಿಜಾ಼ ಮನಕ್ಹೊನೆ ಕೌ ನೈ ಕೈನ ತೆ ಮನಕ್ಹೊನೆ ಕದ್ಯೊ.
MAT 12:17 ಪ್ರವಾದಿ ಥಯಲ ಯೆಶಾಯ ಕದಲ ಲಿಂಗತ ಥಾವಾನಾಹುತಿ ಯೆಸು ಎ ಕ್ಹಾರು ಕರ‍್ಯೊ. ಯೆಶಾಯ ಸು ಕದ್ಯೊತೊ ಕದ್ಯಾಮ;
MAT 12:18 ದೆಕೊ, ಎ ಮಾರೊ ಸೆವಕ ವ್ಹೈ; ಇನೆ ಮಿ ಇನಿಲಿದ್ಯೊಸ; ಎ ಮನೆ ಪಸಂದ ಛೆ; ಮಾರೊ ಮಯಾನೊ ವ್ಹೈ. ಇನಾಮಾ ಮಾರಿ ಆತ್ಮಾ ಭರುಸ; ಎ ಬಿಜಾ ಮನಕ್ಹೊನೆಬಿ ನ್ಯಾಯನೊ ಫೈಸಲೊ ಕವಸ.
MAT 12:19 ಎ ಲಡೈ ಕಾಡತೊ ನೈ, ವದರತೊ ನೈ; ಒಣಿಯೊಮಾ ಇನಿ ಅವಾಜ಼ ಕಿನೆಜ ಐಕು ಆತು ನೈ.
MAT 12:20 ಛೆಟಲ ಧಾಂಡಾನೆ ಭಾಗ್ಯಾವಾಚಿ ಇಜೈ ಜಾ಼ತು ರ‍್ಹಯಲ ದಿವ್ವಾನೆ ಲಗಾಡ್ಯಾವಾಚಿ ನ್ಯಾಯನೆ ಜಿತ್ತಾನಾಹುತಿ ವಳೈನ ದಿವಸ.
MAT 12:21 ಕ್ಹಾರಾ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲಸ.” ಯೆಶಾಯ 42:1-4.
MAT 12:22 ತೆಳಾಮ ದಕ್ಹಾ ಮನಕ್ಹೊ ಯಕ್ಲಾನೆ ಯೆಸುಕನ ಲಾಯಾ. ತಿನಾಮಾ ಭುತ್ಡಾ ರ‍್ಹಯಲಕ್ಹು ತೆ ಕುಡ್ಡೊ ಥೈನ ವ್ಹತ್ತೊ ವರಿ ಮುಕೊ ಥೈನ ವ್ಹತ್ತೊ. ಯೆಸು ತೆ ಮನಕ್ಹನೆ ಅರಾಮ ಕರಲಕ್ಹು ತೆ ಮನಕ್ಹ ಬೊಲಾನೆ ಬಿ ವರಿ ದೆಕಾನೆ ಬಿ ಸಾದ್ಯ ಥಯು.
MAT 12:23 ಮನಕ್ಹೊ ಕ್ಹಾರ ಘಾಬ್ರಾ ಥಯಾ. ಕ್ಹುದಾ ಮೊಕ್ಲಿನ ದ್ಯುಸ ಕದಲ ದಾವಿದನೊ ದಿಕ್ರೊ ಎಜ಼ (ಯೆಸು) ವಸ” ಕೈನ ಬೊಲಿದ್ಯಾ.
MAT 12:24 ಮನಕ್ಹೊ ಎ ಕ್ಹಾರು ಬೊಲ್ಲಿವಾನು ಐಕಲ ಪರಿಸಾಯರೊ, ಯೆಸು ಬೆಲ್ಜೆಬೊಲನಾ ತಾಕತಕ್ಹು ಮನಕ್ಹೊನೆ ಭುತ್ಡಾವೊಕ್ಹು ಛೊಡಾವಸ. ಬೆಲ್ಜೆಬೊಲ ಭುತ್ಡಾವೊನೊ ಅಧಿಪತಿ ವ್ಹೈ” ಕದ್ಯಾ.
MAT 12:25 ಪರಿಸಾಯರೊ ವಿಚಾರ ಕರಾನಾ ಸಂಗತಿಯೊ ಯೆಸುನೆ ಗ್ವತ್ತ ಥಯಾತಾ. ತಿನಾಹುತಿ ಯೆಸು ತ್ಯುನೊನೆ, ತಿನಾಕ್ಹು ತಿನೆಜ಼ ವಿರೊದ ಥೈನ ತೆಜ಼ ಹೊರಾಡಾನು ರಾಜ್ಯ ನಾಶ ಥಾವಸ. ತಿನಾ ಲಿಂಗತ ತುಟಿಗಯಲ ಹರಿಯಕ್ಕ ರಾಜ್ಯ ಸ್ಥಿರ ನೈ ರ‍್ಹತು. ಭೆದಭಾವ ಹೊಂದಲ ಹರಿಯಕ್ಕ ಕುಟುಂಬ ಅಭಿವೃದ್ಧಿ ಥಾತು ನೈ.
MAT 12:26 ಇಮ ರ‍್ಹತಾಮಾ ಸೈತಾನ ತಿನಾ ಸ್ವಂತ ಭುತ್ಡಾವೊನೆ ಭಾರೊ ಘಾಲ್ಯೊಮ ತಿನಾಮಾಜ ತೆ ಬೆದ ಹುಟ್ಟಾಯೆಲಿಂಗತ ಥಾವಸ. ತೆಳಾಮಾ ತೆ ವರಿ ತಿನು ರಾಜ್ಯ ಯಕ್ಕ ಥೈನ ಹುಬ್ರಾವಾನೆ ಕಿಮ್ಮ ಸಾದ್ಯ ಛೆ?
MAT 12:27 ಮಿ ಬೆಲ್ಜೆಬೊಲನಾ ತಾಕತಕ್ಹು ಭುತ್ಡಾವೊನೆ ಛೊಡೌಸ ಕೈನ ತುಮೆ ಕವೊಶಿ. ತೆ ಕ್ಹರಿ ರ‍್ಹಯಮ, ತುಮಾರಾ ಮನಕ್ಹೊ ಕೈ ತಾಕತಕ್ಹು ಭುತ್ಡಾವೊನೆ ಛೊಡಾವಸ? ತಿನಾಹುತಿ ತುಮಾರಾ ಸ್ವಂತ ಮನಕ್ಹೊಜ ತುಮೊನೆ ನ್ಯಾಯತಿರ್ಪ ಕರಾಲಾ ಥಾವಸ.
MAT 12:28 ತೆನೈಸೊ ಮಿ ಕ್ಹುದಾನಿ ತಾಕತಕ್ಹು ಭುತ್ಡಾವೊನೆ ಛೊಡೌಸ. ಕ್ಹುದಾನಿ ರಾಜ್ಯ ತುಮಾರಾ ನಜಿಕ ಐಸ ಕವಾನು ಎ ದೆಕಾಡಿನ ದಿವಸ.
MAT 12:29 ಯಕ್ಕ ಮನಕ್ಹ ತಾಕತ ವರನಾ ಘರಮಾ ಹೊಕ್ಕಿನ ತಿನು ಸಂತ ರ‍್ಹಯಲ ಕಾಳ್ಯು ಕೈನ ರ‍್ಹಯಮ, ಪೈಲಾ ತೆ ತಾಕತವರವಾಲಾನೆ ಭಾಂದಿನ ಘಾಲು. ತೆಳಾಮಾ ತೆ ತಾಕತವರವಾಲಾನಾ ಘರ್ನಿ ಆಸ್ತಿ ತೆ ಕಾಳ್ಳಿವಾನೆ ಸಾದ್ಯ ಥಾವಸ.
MAT 12:30 ಮಾರಾ ಕ್ಹಾತೆ ನೈ ರ‍್ಹಯಲವಾಲೊ ಮನೆ ವಿರೊದಿ ಥಯೊಸ. ಮಾರಾ ಕ್ಹಾತೆ ಮಳಲವಾಲೊ ಜಾಸ್ತಕರಾಲೊ ಥಾವಸ.
MAT 12:31 ತಿನಾಹುತಿ ಮಿ ತುಮೊನೆ ಕವಾನು ಸು ವೈ ಕದ್ಯಾಮ , ಮನಕ್ಹೊ ಕರಾನಾ ಹರಿಯಕ್ಕ ಪಾಪೊನೆ ಕವಾನಾ ಹರಿಯಕ್ಕ ದೊಷನಾ ವಾತೊನೆ ಮಾಫಿ ಛೆ. ತೆನೈಸೊ ಪವಿತ್ರ ಆತ್ಮಾನಿ ದೊಷಣೆನೆ ಮಾಫಿ ನತ್ತಿಜ಼ ನತ್ತಿ.
MAT 12:32 ಮನಕ್ಹನಾ ದಿಕ್ರಾನೆ ವಿರೊದ ಥೈನ ಬೊಲ್ಯಾಮ ತಿನೆ ಬಿ ಮಾಫಿ ಛೆ. ತೆನೈಸೊ ಪವಿತ್ರಾತ್ಮಾನಾ ವಿರೊದ ಥೈನ ಬೊಲ್ಯಾಮ ತಿನೆ ಮಾಫಿ ಇಹಲೊಕಮಾ ರ‍್ಹವಾದೆ ಪರಲೊಕಮಾ ರ‍್ಹವಾದೆ ನತ್ತಿಜ ನತ್ತಿ.
MAT 12:33 ತುಮೊನೆ ಚೊ಼ಕು ಫಲ ಚಾ಼ಯೆ ಥಯಲ ರ‍್ಹಯಮ ತುಮೆ ಚೊ಼ಕು ಝಾಡ ಹೊಂದಿಲಿದಲ ರ‍್ಹೌ. ತುಮಾರು ಝಾಡ ಚೊ಼ಕು ನೈ ರ‍್ಹಯಲ ರ‍್ಹಯಮ ತೆ ಕೆಟ್ಟ ಫಲಜ ಛೊಡಸ. ಝಾಡನೆ ತಿಮಾ ಛೊಡಾನಾ ಫಲಕ್ಹುಜ಼ ತಿಳದಿಲಿವಾನೆ ಥಾವಸ.
MAT 12:34 ತುಮೆ ಕ್ಹಾಪೊ ವ್ಹೈ! ತುಮೆ ದುಷ್ಠೊ ವ್ಹೈ.! ಕಿಮ ತುಮೆ ಚೊ಼ಕು ಕವೊಶಿ? ತುಮಾರಾ ಮನಸ್ಮಾ ಭರಲಜ ತುಮಾರು ಮ್ಹೊಡು ಬೊಲಸ.
MAT 12:35 ಚೊ಼ಕೊ ರ‍್ಹಯಲವಾಲೊ ತಿನಾ ಮನಸ್ಮಾ ಚೊ಼ಕಾನುಜ ಮ್ಹೆಲಿಲಿದಲ ರ‍್ಹವಸ. ತಿನಾ ಹುತಿ ತೆ ತಿನಾ ಮನಸ್ಮಾ ಆವಾನು ಚೊ಼ಕುಜ ಬೊಲಸ. ತೆನೈಸೊ ದುಷ್ಟ ತಿನಾ ಮನಸ್ಮಾ ಕೆಟ್ಟ ರ‍್ಹಯಲಜ ಭರಿಲಿದಲ ರ‍್ಹವಸ. ತಿನಾಹುತಿ ತೆ ತಿನಾ ಮನಸ್ಮಾ ಆವಾನು ಕೆಟ್ಟಜ಼ ಬೊಲಸ.
MAT 12:36 ಮನಕ್ಹೊ ಅರುವಾಚಿ ಬೊಲಲ ಹರಿಯಕ್ಕ ವಾತನೆ ನ್ಯಾಯನಾ ದಿನ್ಮಾ ಜವಾಬ ದ್ಯು ಲಾಗಸ.
MAT 12:37 ತುಮಾರಾ ವಾತೊಕ್ಹುಜ ತುಮೊನೆ ನಿತಿವಂತರೊ ಕೈನ ರ‍್ಹವಾದೆ ಅಪರಾದಿಯೊ ಕೈನ ರ‍್ಹವಾದೆ ಫೈಸಲೊ ದಿವಸ” ಕದ್ಯೊ.
MAT 12:38 ತೆಳಾಮಾ ದಕ್ಹಾ ಫರಿಸಾಯರೊ ವರಿ ಧರಮೊಪದೆಶಕರೊ ಯೆಸುನೆ, ಬೊದಕ, ತು ಕದಲ ಕ್ಹರಿ ವ್ಹೈ ಕೈನ ದೆಕಾಡಾನಾ ಹುತಿ ಯಕ್ಕ ಅದ್ಭುತ ಕಾಮ ಕರ” ಕೈನ ಕದ್ಯಾ.
MAT 12:39 ಯೆಸು, ದುಷ್ಟರೊ ವರಿ ಪಾಪಿಯೊ ಅದ್ಭುತ ಕಾಮ ದೆಕಾನೆ ಮನಸ ಕರಸ. ತೆನೈಸೊ ತ್ಯುನೊನೆ ಯಕ್ಕ ಬಿ ಅದ್ಭುತ ಕಾಮ ದೆಕಾಡತಾ ನೈ.
MAT 12:40 ಪ್ರವಾದಿ ಥಯಲ ಯೊನ ತನ್ನ ದಿನ್ನ ಲಕ್ಕಾ ದಿನ್ನ ರಾತ ಯಕ್ಕ ಮ್ಹೊಟ್ಟಿ ಮಚ್ಲಿನಾ ಪೆಟಮಾ ಕಿಮ್ಮ ವ್ಹತ್ತೊ ತಿನಾ ದಾಕ್ಹಲಜ ಮನಕ್ಹನೊ ದಿಕ್ರೊಬಿ ಮಜಾರಮಾ ತನ್ನ ದಿನ್ನ-ದಿನ್ನ ರಾತ ಲಕ್ಕಾ ರ‍್ಹವಸ. ಎನೈಸೊ ಬಿಜು ಕಯುಜ ಅದ್ಭುತ ಕಾಮ ತ್ಯುನೊನೆ ದೆಕಾಡತಾ ನೈ.
MAT 12:41 ಫೈಸಲಾನಾ ದಿನ್ನಮಾ ನಿನೆವ ಗಾಮನಾ ಮನಕ್ಹೊ ಆಜ಼ಬಿ ಜಿವತಾ ರ‍್ಹಯಲ ತುಮಾರಾ ಕ್ಹಾತೆ ಹುಬ್ರೈನ ತುಮೊನೆ ಅಪರಾದಿಯೊ ಕೈನ ಫೈಸಲೊ ಕರಸ. ತುಮೆ ಅಪರಾದಿಯೊ ವ್ಹೈ ಕೈನ ಕವಸ. ಕಾಕದ್ಯಾಮ ಯೊನ ಕತಾಮಾ ತ್ಯುನೆ ತ್ಯುನಿ ಜಿವನಾ ಬದಲಿ ಕರಿಲಿದ್ಯಾ. ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ ಮಿ ಯೊನತಿಬಿ ಮ್ಹೊಟೊ ವ್ಹೈ.
MAT 12:42 "ಫೈಸಲಾನಾ ದಿನ್ನೆ ದಕ್ಷಿಣ ದೆಶನಿ ರಾಣಿ ಆಜ಼ ಜಿವ್ತಾ ರ‍್ಹಯಲ ತುಮಾರಾ ಕ್ಹಾತೆ ಉಟಿನ ಹುಬ್ರೈನ ತುಮೊನೆ ತಪ್ಪ ಕರಾಲಾ (ಅಪರಾದಿಯೊ) ವ್ಹೈ ಕೈನ ದೆಕಾಡಿನ ದಿವಸ. ಕಾಕದ್ಯಾಮ, ತೆ ರಾಣಿ ಸೊಲೊಮೊನನಿ ಗ್ಯಾನ ಐಕಾನೆ ಘನ್ನಿ ದುರತಿ ಐ. ಮಿ ತುಬಿ ಸೊಲೊಮೊನತಿ ಮ್ಹೊಟೊ ವ್ಹೈ ಕೈನ ತುಮೊನೆ ಕೌಸ.
MAT 12:43 ಕೆಟ್ಟ ಆತ್ಮಾ ಮನಕ್ಹಮಾತಿ ಭಾರಿ ಆಯಲ್ಪರ ಅರಾಮ ಕರಾನಾ ಹುತಿ ಜ಼ಗಾ ಹುಡಕತಿ ಪಾನಿ ನೈರ‍್ಹಯಲ ಜ಼ಗಾವೊಕನ ಫರಸ. ತೆನೈಸೊ ತೆ ಕೆಟ್ಟ ಆತ್ಮಾನೆ ಚಾಯೆ ಥಯಲ ಅರಾಮ ಕರಾನಿ ಜ಼ಗಾ ನೈ ಮಳ್ತಿ.
MAT 12:44 ತೆಳಾಮಾ ತೆ, ಮಿ ಛೊಡಿನ ಆಯಲ ಘರೆ ಫರಿನ ಜೌ಼ಸ ಕೈನ ಕೈಲಿವಸ. ಪಾಚಲ್ತಿ ತೆ ತಿಕನ ವರಿ ಆಯಲ್ಪರ ತೆ ಘರ ಕ್ಹಾಲಿ ರ‍್ಹಯಲ ರ‍್ಹವಸ. ವ್ಹಚಲ ನೈಸೊ ಚೊಕಿ ತರಾ ತಯ್ಯಾರ ಕರಲ ರ‍್ಹವಸ.
MAT 12:45 ತೆಳಾಮಾ ತೆ ಕೆಟ್ಟ ಆತ್ಮಾ ಗೈನ ತಿನಾತಿಬಿ ಕೆಟ್ಟ ರ‍್ಹಯಲ ಕ್ಹಾತ ಕೆಟ್ಟ ಆತ್ಮಾವೊನೆ ಬಲೈ ಲಾವಸ. ತೆ ಕೆಟ್ಟ ಆತ್ಮಾವೊ ತೆ ಮನಕ್ಹನಾ ಅಂಗಮಾ ಗೈನ ತ್ಯಾ ರ‍್ಹವಾನು ಶುರು ಕರಸ. ತೆಳಾಮಾ ತೆ ಮನಕ್ಹನೆ ಪೈಲಾತಿಬಿ ಜಾಸ್ತ ತ್ರಾಸ ಥಾವಸ. ಎ ದಿನ್ನೊಮಾ ರ‍್ಹಯಲ ಕೆಟ್ಟ ಮನಕ್ಹೊನೆ ಇನಾಲಿಂಗತಜ಼ ಥಾವಸ ಕದ್ಯೊ.
MAT 12:46 ಯೆಸು ಮನಕ್ಹೊನಾ ಕ್ಹಾತೆ ಬೊಲ್ತೊ ರ‍್ಹತಾಮಾ, ತಿನಿ ಯಾ ವರಿ ತಿನಾ ಭಾಯೊ ಐನ ಭಾರಾ ಹುಬ್ರಯಾ. ತ್ಯುನೆ ತಿನಾ ಕ್ಹಾತೆ ಬೊಲು ಕೈನ ವ್ಹತ್ತಾ.
MAT 12:47 ಯಕ್ಲೊ ಯೆಸುನೆ, ತಾರಿ ಯಾ ವರಿ ಭಾಯೊ ತಾರಾ ಹುತಿ ಭಾರಾ ಕೈದಾಡಾಸ, ತ್ಯುನೆ ತಾರಾ ಕ್ಹಾತೆ ಬೊಲು ಕೈನ ಕವಾಡಾಸ ಕದ್ಯೊ.
MAT 12:48 ಯೆಸು, "ಮಾರಿ ಯಾ ಕುನ ವ್ಹೈ? ಮಾರಾ ಭಾಯೊ ಕುನ ವ್ಹೈ?" ಕೈನ ಪುಚ್ಚಿನ,
MAT 12:49 ತಿನಾ ಶಿಷ್ಯಾವೊಕನ ಹತ್ತ ದೆಕಾಡಿನ, "ದೆಕೊ! ಇವ್ನೆಜ ಮಾರಿ ಯಾ ವರಿ ಭಾಯೊ ವ್ಹೈ.
MAT 12:50 ಪರಲೊಕಮಾ ರ‍್ಹಯಲ ಮಾರಾ ಬಾನಾ ಚಿತ್ತನಾ ಪ್ರಕಾರ ಚಾಲಾಲೊಜ ಮನೆ ಭೈ ವ್ಹೈ, ಭೆನ ವ್ಹೈ ವರಿ ಯಾ ವ್ಹೈ” ಕೈನ ಕದ್ಯೊ.
MAT 13:1 ತೆಜ ದಿನ್ನೆ ಯೆಸು ಘರಮಾತೊ ಗೈನ ಸಮುಂದರನಾ ದಂಡಿಕನ ಬೈಟ್ಯೊ.
MAT 13:2 ಘನ್ನಾ ಮನಕ್ಹೊ ಯೆಸುನಾ ಸುತ್ತೆ ಆಯಲಕ್ಹು, ತೆಳಾಮಾ ಯೆಸು ಹಡಗಮಾ ಗೈನ ಬೆಟ್ಯೊ. ಮನಕ್ಹೊ ಕ್ಹಾರಾ ದಂಡಿಕನ ಹುಬ್ರಯಾತಾ.
MAT 13:3 ತೆಳಾಮಾ ತೆ ಸಾಮ್ಯನಾ ಮುಲಕ ಘನ್ನಾ ವಿಶಯೊ ತ್ಯುನೊನೆ ಬೊಧನೆ ಕರ‍್ಯೊ. ಯೆಸು ತ್ಯುನೊನೆ ಆಂ ಸಾಮ್ಯ ಕದ್ಯೊ: ಯಕ್ಲೊ ರೈತ ಬಿಯ್ಯಾ ಬಿತ್ತಾನಾ ಹುತಿ ಗಯೊ.
MAT 13:4 ತೆ ಬಿಯ್ಯಾ ಬಿತ್ತತಾಮಾ ದಕ್ಹಾ ಬಿಯ್ಯಾ ರೊಡನಾ ಬಾಜುಮಾ ಪಡ್ಯಾ. ಪಕ್ಷಿಯೊ ಐನ ಕ್ಹಾರಾ ಬಿಯ್ಯಾ ಖೈಪಡ್ಯಾ.
MAT 13:5 ದಕ್ಹಾ ಬಿಯ್ಯಾ ದಗಡಾ ರ‍್ಹಯಲ ವಾಟಪರ ಪಡ್ಯಾ. ತೆ ಜ಼ಗಾ ಜಿಮಿನ್ಪರ ಮಾತಿ ಕಮ್ಮ ರ‍್ಹಯಲ ಹುತಿ ಬಿಯ್ಯಾ ಭೆಗಿನ ಬೆಳದ್ಯಾ.
MAT 13:6 ತೆನೈಸೊ ತಡಕೊ ಪಡಿನ ತೆ ಝಾಡೊ ಕುಕ್ಹೈ ಗಯಾ. ಕಾಕದ್ಯಾಮ ತ್ಯುನೊಮಾ ಬೆರ ಘಟ್ಟ ನ್ಹೊತು.
MAT 13:7 ಬಿಜಾ಼ ದಕ್ಹಾ ಬಿಯ್ಯಾ ಕಾಟಾವೊನಾ ಝಾಡೊಮಾ ಪಡ್ಯಾ. ಕಾಟಾವೊನಾ ಝಾಡೊ ಬೆಳದಿನ ಚೊ಼ಕಾ ಝಾಡೊನೆ ಝಾಕಿಪಡ್ಯಾ.
MAT 13:8 ಬಿಜಾ಼ ದಕ್ಹಾ ಬಿಯ್ಯಾ ಚೊ಼ಕಿ ಜಿಮಿನ್ಪರ ಪಡ್ಯಾ. ತೆ ಬೆಳ್ದಿನ ಕಾಳೊ ದಿದ್ಯಾ. ದಕ್ಹಾ ಝಾಡೊ ಕ್ಹೊ ಯಕ್ಲಾ, ದಕ್ಹಾ ಝಾಡೊ ಕ್ಹಾಟ ಯಕ್ಲಾ, ವರಿ ದಕ್ಹಾ ಝಾಡೊ ಮುವತ್ತ ಯಕ್ಲಾ ಕಾಳೊ ಛೊಡ್ಯಾ.
MAT 13:9 ಮಾರಾ ಆಗನ್ಯಾನೆ ಕಾನದಿನ ಐಕಾಲಾ ಮನಕ್ಹೊ, ಐಕೊ!”
MAT 13:10 ತೆಳಾಮಾ ಶಿಷ್ಯಾ ಯೆಸುಕನ ಐನ, "ತು ಸಾಮ್ಯ ಮುಕಾಂತರ ಮನಕ್ಹೊನೆ ಉಪದೆಶ ಕವಾನು ಶಾನೆ?" ಕೈನ ಪುಚ್ಯಾ.
MAT 13:11 ತೆಳಾಮಾ ಯೆಸು, "ಪರಲೊಕ ರಾಜ್ಯ ದಡಿ ರ‍್ಹಯಲ ಕ್ಹರಿನೆ ಕ್ಹಾಲಿ ತುಮೆಜ ತಿಳ್ದಿಲೆಸಕೊಶಿ. ಎ ದಡಿ ರ‍್ಹಯಲ ಕ್ಹರಿ ಬಿಜಾ ಮನಕ್ಹೊನೆ ಕಳ್ತು ನೈ.
MAT 13:12 ಕಮ್ಮ ಗ್ಯಾನ ರ‍್ಹಯಲವಾಲೊ ಹಜು಼ನ ಹೆಚ್ಕಿ ಗ್ಯಾನ ಪಡ್ದಿಲಿನ ತೆ ಘನ್ನೊ ಗ್ಯಾನಿ ಥಾವಸ. ತೆನೈಸೊ ಗ್ಯಾನ ನೈ ರ‍್ಹಯಲವಾಲೊ ತಿಕನ ರ‍್ಹವಾನಿ ಗ್ಯಾನಬಿ ಜ಼ವೈ ಲಿವಸ.
MAT 13:13 ಎ ಕಾರಣಕ್ಹುಜ಼ ಮಿ ಎ ಸಾಮ್ಯ ಮುಕಾಂತರ ತ್ಯುನೊನೆ ಕೌಸ. ಎ ಮನಕ್ಹೊ ದೆಕ್ಯಾತಬಿ ದಿಕ್ಹತು ನೈ, ಐಕಿನಬಿ ತಿಳ್ದಿ ಲೆತಾನೈ.
MAT 13:14 ಹೆವಾವೊನಾ ಹುತಿ ಯೆಶಾಯ ಸು ಕದ್ಯೊಸ ಕದ್ಯಾಮ, ತುಮೆ ಕಾನೊ ರ‍್ಹೈನ ಐಕ್ಯಾತಬಿ ತಿಳ್ದಿಲೆತಾ ನೈ. ತುಮೆ ಡೊಳಾ ರ‍್ಹೈನ ದೆಕ್ಯಾತಬಿ ದಿಕ್ಹತುಜ಼಼ ನೈ.
MAT 13:15 ಎ ಮನಕ್ಹೊನು ಮನಸ ಘಟ್ಟ ಥಯು; ಇವ್ನಾ ಕಾನೊ ಕಿವ್ಡಾ ಥಯಾ; ಇವ್ನೆ ಡೊಳಾ ಝಾಕಿಲಿದ್ಯಾಸ. ತ್ಯುನೆ ಡೊಳಾಕ್ಹು ದೆಕಿನ ಕಾನೊಕ್ಹು ಐಕಿನ ಮನಸಕ್ಹು ತಿಳ್ದಿಲಿನ ಮಕನ ಫರಿನ ಮಾರಾಕ್ಹು ಅರಾಮ ಥೌ ನೈ ಕೈನ ಕರಿಲಿದ್ಯಾಸ.
MAT 13:16 ತುಮೆ ಧನೈ ವ್ಹೈ. ತುಮೊನೆ ದಿಕ್ಹಾನಾ ಸಂಗತಿಯೊ ತುಮೊನೆ ಕವಾನಾ ವಿಶಯೊ ತಿಳ್ದಿಲೆಸಕೊಶಿ.
MAT 13:17 ಮಿ ತುಮೊನೆ ಕ್ಹರಿಜ಼ ಕೌಸ, ತುಮೆ ಹಮ್ನಾ ದೆಕಾನಾ ಸಂಗತಿಯೊ ದೆಕಾನೆ ವರಿ ಹಮ್ನಾ ತುಮೆ ಐಕಾನಾ ಸಂಗತಿಯೊನೆ ಐಕಾನೆ ಘನ್ನಾ ಪ್ರವಾದಿಯೊ ವರಿ ಚೊ಼ಕಾ ಮನಕ್ಹೊ ಆಸ ಕರ‍್ಯಾ. ತೆನೈಸೊ ತ್ಯುನೊನೆ ಥಯು ನೈ.
MAT 13:18 ಇಮ್ಮ ರ‍್ಹತಾಮಾ ಬಿತ್ತಾಲಾ ರೈತನಾ ಹುತಿ ಕದಲ ಸಾಮ್ಯನು ಅರ್ಥ ಐಕೊ.
MAT 13:19 ರಸ್ತಾನಾ ಬಾಜು಼ಮಾ ಪಡಲ ಬಿಯ್ಯಾ ಕದ್ಯಾಮ ಸು ವ್ಹೈ? ಪರಲೊಕನಾ ಹುತಿ ಕದಲ ಐಕಿನ ತಿನೆ ತಿಳ್ದಿಲಿದ್ಯಾವಾಚಿ ರ‍್ಹಯಲ ಮನಕ್ಹ ಬಿಯ್ಯಾ ಪಡಲ ರಸ್ತಾನಾ ಬಾಜುನಿ ವಾಟ ವ್ಹೈ. ಕೆಟ್ಟ ರ‍್ಹಯಲವಾಲೊ (ಸೈತಾನ) ಐನ ತೆ ಮನಕ್ಹನಾ ಮನಸಮಾ ಬಿತ್ತಲ ಬಿಯ್ಯಾ ಕಾಳಿನ ಜಾ಼ವಸ.
MAT 13:20 ದಗ್ಡಾವೊನಿ ಮಾತಿಪರ ಪಡಲ ಬಿಯ್ಯಾ ಕದ್ಯಾಮ ಸು ವ್ಹೈ? ಕ್ಹುದಾನಾ ವಾತೊ ಐಕಲ ಬರೊಬರ ತೆ ಖುಶಿಕ್ಹು ಸ್ವಿಕಾರ ಕರಾಲೊ ಮನಕ್ಹಜ ಬಿಯ್ಯಾ ಪಡಲ ದಗ್ಡಾವೊನಿ ಜಿಮಿನ ವ್ಹೈ.
MAT 13:21 ತೆನೈಸೊ ತೆ ಮನಕ್ಹ ಕ್ಹುದಾನಾ ವಾತೊ ತಿನಾ ಜಿವಿತಮಾ ಮ್ಹೆಲಿಲೆತೊ ನೈ. ತೆ ಮನಕ್ಹ ಕ್ಹುದಾನಾ ವಾತೊ ದಕ್ಹಿಯೆಳಜ ಚಾಲಿಲಿನ ಜಾ಼ವಸ. ತೆ ಕ್ಹುದಾನಾ ವಾತೊ ಸ್ವಿಕಾರ ಕರಿಲಿದಲಕ್ಹು ತಿನೆ ಕಷ್ಟ ರ‍್ಹವಾದೆ ತ್ರಾಸ ರ‍್ಹವಾದೆ ಆತಾಮಾ ತಿನೆ ಜಲ್ದಿನ ಛೊಡಿ ಪಡಸ.
MAT 13:22 "ಕಾಟಾನಾ ಝಾಡೊಮಾ ಪಡಲ ಬಿಯ್ಯಾ ಕದ್ಯಾಮ ಸು ವ್ಹೈ? ಕ್ಹುದಾನಾ ವಾತೊ ಐಕಿನಬಿ ಲೊಕನಿ ಚಿಂತಾಕ್ಹು ವರಿ ದೊಕ್ಡಾನಾ ಉಪ್ಪರ ರ‍್ಹಯಲ ಮಯಾಕ್ಹು ಕ್ಹುದಾನಿ ವಾತೊನೆ ತಿನಾಮಾ ಬೆಳ್ದೆ ನೈಸೊ ಕರಾಲೊಜ಼ ಬಿಯ್ಯಾ ಪಡಲ ಕಾಟಾವೊನಾ ಝಾಡೊನಿ ಜಿಮಿನ ವ್ಹೈ. ತಿನಾಹುತಿ ಕ್ಹುದಾನಾ ವಾತೊ ತೆ ಮನಕ್ಹನಾ ಜಿವಿತಮಾ ಫಲ ನೈ ದೆತಾ.
MAT 13:23 ಚೊ಼ಕಿ ಜಿಮಿನಪರ ಪಡಲ ಬಿಯ್ಯಾ ಕದ್ಯಾಮ ಸು ವ್ಹೈ? ಕ್ಹುದಾನಾ ವಾತೊ ಐಕಿನ ತಿನೆ ತಿಳ್ದಿಲಿದಲ ಮನಕ್ಹಜ ಬಿಯ್ಯಾ ಪಡಲ ಚೊಕಿ ಜಿಮಿನ ವ್ಹೈ. ತೆ ಮನಕ್ಹ ಬೆಳ್ದಿನ ದಕ್ಹಿ ಸಲಾ ಕ್ಹೊ ಯಕ್ಲು ದಕ್ಹಿ ಸಲಾ ಕ್ಹಾಟ ಯಕ್ಲು ವರಿ ದಕ್ಹಿ ಸಲಾ ಮುವ್ವತ್ತ ಯಕ್ಲು ಫಲ ದಿವಸ” ಕೈನ ಕದ್ಯೊ.
MAT 13:24 ತೆ ಥಯಲ್ಪರ ಯೆಸು ತ್ಯುನೊನೆ ವರಿಯಕ್ಕ ಸಾಮ್ಯನಾ ಮುಲಕ ಕ್ಹುದಾನಿಯೊ ವಾತೊ ಕದ್ಯೊ. ತೆ ಸುವೈ ಕದ್ಯಾಮ: ಪರಲೊಕ ರಾಜ್ಯ ಚೊ಼ಕಾ ಬಿಯ್ಯಾ ತಿನಾ ಖೆತರಮಾ ಬಿತ್ತಲ ಯಕ್ಕ ರೈತ ಲಿಂಗತ ಛೆ.
MAT 13:25 ತೆ ರಾತ ಮನಕ್ಹೊ ಕ್ಹಾರಾ ಕ್ಹುರಯಲ ರ‍್ಹತಾಮಾ, ತೆ ಟೈಮಮಾ ತಿನೊ ದುಶ್ಮನ ಐನ ಘೌಂನಾ ವಚ್ಮಾ ಹಣಜಿ ಬಿತ್ತಿನ ಗೈಪಡ್ಯೊ.
MAT 13:26 ತೆ ಘೌಂ ಬೆಳ್ದಿನ ಬಿಯ್ಯಾ ದಿವಸ. ತಿನಾ‍ ಕ್ಹಾತೆಜ ಹಣಜಿಬಿ ಬೆಳ್ದಸ.
MAT 13:27 ತೆಳಾಮ ತೆ ರೈತನಾ ಆಳೊ ತಿಕನ ಐನ, ತಾರಾ ಖೆತರಮಾ ತು ಚೊ಼ಕಾ ಬಿಯ್ಯಾ ಬಿತ್ಯೊತೊ. ಹಣಜಿ ಕಿಜಾ಼ಂತಿ ಐ?” ಕೈನ ಪುಚ್ಯಾ.
MAT 13:28 ತೆ ಮನಕ್ಹ, ‘ಯಕ್ಲೊ ದುಶ್ಮನ ಹಣಜಿ ಬಿತ್ಯೊಸ" ಕೈನ ಉತ್ತರ ದಿದ್ಯೊ. ತೆ ಆಳೊ, ಹಮೆ ಗೈನ ಹಣಜಿ ಕಿತ್ತೆ ಸು?" ಕೈನ ಪುಚ್ಯಾ.
MAT 13:29 ತೆ ಮನಕ್ಹ, ‘ನಕೊ, ಕಾಕದ್ಯಾಮ ತುಮೆ ಹಣಜಿ ಕಿತ್ತತಾ ಟೈಮಮಾ ಘೌಂ ಬಿ ಕಿತ್ತಿಪಾಡೊಶಿ.
MAT 13:30 ಸುಗ್ಗಿಕಾಲ ಆಯೆಲಕ್ಕಾ ಹಣಜಿ ಘೌಂ ಮಳಿನ ಬೆಳ್ದಾದೆ. ಸುಗ್ಗಿಕಾಲನಾ ಟೈಮಮಾ ಮಿ ಕಾಮ ಕರಾಲಾವೊನೆ, ಪೈಲಾ ಹಣಜಿ ಕಾಟಿನ ತಿನೆ ಬಾಳಾನಾಹುತಿ ಭಾರೊ ಭಾಂದಿನ, ಪಾಚಲ್ತಾ ಘೌಂನೆ ಮಳೈನ ತಿನೆ ಮಾರಾ ಕಣಜಮಾ ಲಿನಾವೊ ಕೈನ ಕೌಸ’ ಕೈನ ಉತ್ತರ ದಿದ್ಯೊ.”
MAT 13:31 ಪಾಚಲ್ತೊ ಯೆಸು ಮನಕ್ಹೊನೆ ವರಿಯಕ್ಕ ಸಾಮ್ಯ ಕದ್ಯೊ; ಪರಲೊಕರಾಜ್ಯ ಸಾಸ್ವಿ ಕಾಳ ಲಿಂಗತ ಛೆ. ಯಕ್ಲೊ ತಿನೆ ಖೆತರಮಾ ಬಿತ್ಯೊ.
MAT 13:32 ತೆ ಕ್ಹಾರಾ ಬಿಯ್ಯಾವೊತಿ ನ್ಹಾನೊ ಬಿಯ್ಯೊ ವ್ಹೈ. ತೆನೈಸೊ ತೆ ಬೆಳ್ದಲಪರ ಖೆತರನಾ ಝಾಡೊತಿಬಿ ಮ್ಹೊಟು ರ‍್ಹವಸ. ತೆ ಝಾಡ ಥಯಲ್ಪರ ಪಕ್ಷಿಯೊ ಐನ ತಿನಾ ಠೊಂಗಿಯೊಮಾ ಗುಡ ಕರಿಲಿಯೆ ಲಿಂಗತ ಮ್ಹೊಟಾ ರ‍್ಹವಸ.”
MAT 13:33 ಪಾಚಲ್ತೊ ಯೆಸು ಮನಕ್ಹೊನೆ ವರಿಯಕ್ಕ ಸಾಮ್ಯ ಕದ್ಯೊ; ಪರಲೊಕರಾಜ್ಯ ಯಕ್ಕ ಬಾಕಡಿ ರೊಟ್ಲಾ ಕರಾನೆ ಯಕ್ಕ ಮ್ಹೊಟಾ ಪರಾತಮಾ ಲೊಟಮಾ ಮಳಾಯಲ ಖಾಟಾ ಲಿಂಗತ ಛೆ. ತೆ ಖಾಟು ಮಕ್ಹಳಲ ಪುರಾ ಲೊಟನೆ ಫುಗ್ಗಾವಸ.”
MAT 13:34 ಯೆಸು ಎ ಕ್ಹಾರು ಸಾಮ್ಯನಾ ಮುಲಕ ಕದ್ಯೊ. ತೆ ಉಪದೆಶ ಕರ‍್ತಾ ಟೈಮಮಾ ಸಾಮ್ಯ ಉಪಯೊಗ ಕರ‍್ತೊತೊ.
MAT 13:35 ಪ್ರವಾದಿ ಕದ್ಯಲ ಎ ವಾತ ಇನಾಕ್ಹು ಪುರಾ ಥಯು: "ಮಿ ಸಾಮ್ಯನಾ ಮುಲಕ ಉಪದೆಶ ಕರುಸ; ದುನಿಯಾ ಸೃಷ್ಟಿ ಥಾವಾತಿ ಪೈಲಾ ದಡಿರ‍್ಹಯಲ ಕ್ಹಾರು ಭಾರೊ ಲೌಸ.”
MAT 13:36 ಯೆಸು ಮನಕ್ಹೊನು ಗುಂಪನೆ ಛೊಡಿನಿ ಘರಮಾ ಗಯೊ. ತೆಳಾಮಾ ತಿನಾ ಶಿಷ್ಯಾ ತಿಕನ ಐನ ಸಾಮ್ಯನೊ ಮತ್ಲಬ ಹಮೊನೆ ಕೆ ಕದ್ಯಾ
MAT 13:37 ಯೆಸು ಅಮ ಜವಾಬ ದಿದ್ಯೊ, ಖೆತರಮಾ ಚೊ಼ಕೊ ಬಿಯ್ಯೊ ಬಿತ್ತಾಲೊ ಮನಕ್ಹನೊ ದಿಕ್ರೊ ವ್ಹೈ.
MAT 13:38 ತೆ ಖೆತರ ಎ ದುನಿಯಾ ವ್ಹೈ ಚೊ಼ಕೊ ಬಿಯ್ಯೊ ಸ್ವರ್ಗನಾ ಕ್ಹುದಾನಾ ಬಚ್ಚಾ ವ್ಹೈ.
MAT 13:39 ಹಣಜಿ ಕದ್ಯಾಮ ಕೆಟ್ಟ ಮನಕ್ಹನಾ ಬಚ್ಚಾ಼ ವ್ಹೈ ತಿನೆ ಬಿತ್ತಾಲೊ ದುಶ್ಮನ ಸೈತಾನ ವ್ಹೈ. ಸುಗ್ಗಿನೊ ಟೈಮ ಕದ್ಯಾಮ ದುನಿಯಾ ಖಲಾಸ ಥಾವಾನಾ ಟೈಮ್ಮಾ ಕಾಟಾಲಾ ಕದ್ಯಾಮ ದೆವದುತೊ ವ್ಹೈ.
MAT 13:40 ಕಿಮ ಹಣಜಿ ಇನಿನ ಜ಼಼ಮಾ ಕರಿನ ಬಾಳಿಪಾಡಸ ತಿಮ್ಮಜ಼ ದುನಿಯಾ ಖಲಾಸ ಥಾವಾನಾ ಟೈಮ್ಮಾ ಇಮ್ಮಜ಼ ಥಾವಸ.
MAT 13:41 ಮನಕ್ಹನೊ ದಿಕ್ರೊ ತಿನಾ ದುತೊನೆ ಮೊಕ್ಲಸ.ತ್ಯುನೆ ತಿನಾ ರಾಜ್ಯಮಾ ಪಾಪನೆ ಕಾರಣಥಯಲವಾಲಾ ಕ್ಹಾರಾ ಅಧರ್ಮಿಯೊನೆ ಮಳೈನ ಆಗನಿ ಇರಮಾ ಘಾಲಿಪಾಡಸ.
MAT 13:42 ತ್ಯಾ ರವಾನು ವರಿ ಕಟ್ಟ-ಕಟ್ಟ ದಾತೊ ಖಾವಾನು ರ‍್ಹವಸ.
MAT 13:43 ತೆಳಾಮಾ ಕ್ಹರಿಕ್ಹು ರ‍್ಹಯಲವಾಲಾ ತ್ಯುನಾ ಬಾನಾ ರಾಜ್ಯಮಾ ಸುರ‍್ಯಾನಾನಿಂಗತ ಉಜಾಲಾವಾಲಾ ಥೈನ ದಿಕ್ಹಸ. ಐಕಾಲಾ ಕಾನೊ ರ‍್ಹಯಾಮ ಐಕಾದೆ ಕೈನ ಕದ್ಯೊ.
MAT 13:44 ಸ್ವರ್ಗ ರಾಜ್ಯನಾ ಖೆತರ ಝಾಕಿನ ಮ್ಹೆಲಲ ನಿಧಿನೆ ಹೊಲಿಕೆ ಥೈಸ. ಯಕ್ಲೊ ಇಕ್ಕಾತೊ ಲಿನ ಝಾಕಿನ ಮ್ಹೆಲಿನ ತಿನೆ ಥಯಲ ಕುಶಿಕ್ಹು ಗೈನ ತಿನೆ ರ‍್ಹಯಲ ಕ್ಹಾರು ಇಕ್ಕಿನ ತೆ ಖೆತರ ಲಿದ್ಯೊ.
MAT 13:45 ವರಿ ಸ್ವರ್ಗನೊ ರಾಜ್ಯ ಚೊ಼ಕಾ ರ‍್ಹಯಲ ಮುತ್ತೊ ಹುಡಕಾಲೊ ವ್ಯಾಪಾರಿ ಥಯೊಸ.
MAT 13:46 ತೆ ಯಕ್ಕ ಘನ್ನು ಮೊಗು ರ‍್ಹಯಲ ಮುತ್ತ ಇಕ್ಕಾತು ಲಿನ ಗೈನ ತಿಕನ ರ‍್ಹಯಲ ಇಕ್ಕಿನ ತೆ ಲಿದ್ಯೊ.
MAT 13:47 "ಸ್ವರ್ಗನು ರಾಜ್ಯ ಸಮುದ್ರಮಾ ರ‍್ಹಯಲ ಸಮುದ್ರಮಾ ರ‍್ಹಯಲ ಕ್ಹಾರಿಯೊ ಮಚ್ಲಿಯೊ ಧರಾನಿ ಬಲಿ ನಿಂಗತ ಛೆ
MAT 13:48 ತೆ ಭರಲ್ಪರ ಮಚ್ಲಿ಼ಯೊ ಧರಾಲಾ ತ್ಯುನೆ ಧಂಡಿಯೆ ಲೈನ ಚೊ಼ಕಿಯೊ ಮಚ್ಲಿಯೊ ಇನಿಲಿನ ಕೆಟ್ಟ ಮಚ್ಲಿ಼ಯೊ ನಾಕಿಪಾಡಸ.
MAT 13:49 ಇನಾನಿಂಗತಜ಼ ದುನಿಯಾಬಿ ಖಲಾಸ ಥಾವಸ. ದೆವದುತೊ ಐನ ನಿತಿವಂತವಾಲಾವೊಮಾತಾ ಕೆಟ್ಟ ರ‍್ಹಯಲವಾಲಾವೊನೆ ಜು಼ದಾ ಕರಿನ ತ್ಯುನೊನೆ ಆಗನಿ ಇರಮಾ ಘಾಲಿಪಾಡಸ.
MAT 13:50 ತ್ಯಾ ರವಾನು ವರಿ ಕಟ್ಟ-ಕಟ್ಟ ದಾತೊ ಖಾವಾನು ರ‍್ಹವಸ.
MAT 13:51 ಎ ಕ್ಹಾರಿಯೊ ಸಂಗತಿಯೊ ಕಳಿಯೊಸು ಕೈನ ಪುಚ್ತಾ಼ಮಾ, ಕ್ಹಾರಾ ಶಿಷ್ಯಾ ಕಳ್ಯುಸ ಕದ್ಯಾ.
MAT 13:52 ತೆಳಾಮ ತೆ ತ್ಯುನೊನೆ ಇಮ್ಮ ರ‍್ಹತಾಮಾ ಸ್ವರ್ಗನಾ ಹುತಿ ಉಪದೆಶ ಹೊಂದಿನ ಶಿಕ್ಕಿಲ ಹರಿಯಕ್ಲೊ ಶಾಸ್ತ್ರೊಪದೆಶಕ, ಬೊಕ್ಕಸಮಾತೊ ನವಾ ಸಾಮನೊ, ಜು಼ನ್ನಾ ಸಾಮನೊ ಭಾರಾ ಕಾಡಲ ಘರ್ನೊ ಮಾಲಕನಿ ಹೊಲಿಕೆ ಥಯೊಸ ಕೈನ ಕದ್ಯೊ.
MAT 13:53 ಯೆಸು ಎ ಸಾಮ್ಯ ಕೈನ ಮುಗ್ಸಲ್ಪರ ತ್ಯಾಂತೊ ಗೈ ಪಡ್ಯೊ.
MAT 13:54 ತೆ ಥಯಲ್ಪರ ತೆ ತಿನಾ ಸ್ವಂತ ಗಾಮೆ ಐನ ತಿವ್ನಿ ಸಭಾಮಂದಿರಮಾ ಮನಕ್ಹೊನೆ ಉಪದೆಶ ಕರಾಡ್ಯೊತೊ. ತಿವ್ನೆ ತೆ ಐಕಿನ ಘಾಬ್ರಾ ಥೈನ, ಇನೆ ಎ ಗ್ಯಾನ ಮ್ಹೊಟಾ ಕಾಮೊ ಕರಾನು ಕಿಜ್ಗಾಂತು ಐಯು ವಸೆ?
MAT 13:55 ಎ ಐಲಾ ಬಡಗ್ಯಾನೊ ದಿಕ್ರೊ ನ್ಹವೈ ಸು? ಇನಿ ಯಾ ಮರಿಯಳ ನ್ಹವೈ ಸು? ಯಾಕೊಬ, ಯೊಸೆಫ, ಸಿಮೊನ, ಯುದ ಇವ್ನೆ ಇನಾ ಭಾಯೊ ನ್ಹವೈ ಸು?
MAT 13:56 ಇನಿಯೊ ಭೆನೊ ಅಪೊಮಾ ನತ್ತಿ ಸು? ವರಿ ಎ ಕ್ಹಾರು ತಿನೆ ಕಿಜ್ಗಾಂತೊ ಆಯುಸ? ತಿನಾ ಹುತಿ ತಿನೆ ಠುಕ್ರಾಯಾ
MAT 13:57 ತೆನೈಸೊ ತ್ಯುನೊನೆ ತೆ ಪ್ರವಾದಿ ಬಿಜಿ ಜ಼ಗಾ ಕಿಜ್ಗಾ಼ ರ‍್ಹಯೊತಬಿ ತಿನಿ ಮರ್ಯಾದಿ ಛೆ. ಸ್ವಂತ ದೆಶಮಾ ವರಿ ಸ್ವಂತ ಗಾಮ್ಮಾ ಮರ್ಯಾದಿ ಮಳತಿ ನೈ.
MAT 13:58 ತ್ಯುನೊಮಾ ಬರೊಕ್ಹೊ ನೈ ರ‍್ಹಯಲ ಹುತಿ ತಿನಾಹುತಿ ತ್ಯಾ ಮ್ಹೊಟಾ ಕಾಮೊ ಕರ‍್ಯೊ ನೈ.
MAT 14:1 ತೆ ಟೈಮಮಾ ಹೆರೊದ ಗಲಿಲಾಯ ಗಾಮ್ಮಾ ರಾಜೊ಼ ವ್ಹತೊ. ಯೆಸುನಿ ಸುದ್ದಿ ಕ್ಹಾರುಜ಼ ತಿನೆ ಗ್ವತ್ತ ಥಯು.
MAT 14:2 ಹೆರೊದ ತಿನಾ ಆಳೊನೆ ಎ ಬಾಪ್ತಿಸ್ಮಾ ದಿಲಾವಾಲೊ ಯೊಹಾನ ವ್ಹೈಸು; ಮರಲವಾಲಾಮಾತೊ ಉಟಿನ ಆಯೊಸ. ತಿನಾಹುತಿ ಮ್ಹೊಟಾ-ಮ್ಹೊಟಾ ಕಾಮೊ ಕರಾನಿ ತಾಕತ ತಿನಾಮಾ ಛೆ ಕೈನ ಕದ್ಯೊ.
MAT 14:3 ಹೆರೊದ ತಿನಾ ಭೈನಿ ಬೈಕೊನಾ ಹುತಿ ಯೊಹಾನನೆ ಧರೈನ ಜೆಲ್ಮಾ ಘಾಲಾಲಗಾಡ್ಯೊತೊ.
MAT 14:4 ಯೊಹಾನ ಹೆರೊದನೆ ತು ತಿನೆ ತಾರಿ ಬೈಕೊ ಕರಿಲಿನ ಮುಕ್ಕಿಲಿವಾನು ನ್ಯಾಯ ನ್ಹವೈ.
MAT 14:5 ಹೆರೊದ ತಿನೆ ಖಲಾಸ ಕರೌ ಕೈನ ಕೈಲಿದ್ಯೊತುಬಿ ಮನ್ಹೊಕ್ಹು ಭುಚ್ಕಾಡ್ಯೊತೊ, ಕಾ ಕದ್ಯಾಮ ತಿನೆ ತೆ ಪ್ರವಾದಿ ವ್ಹೈ ಕೈನ ಗ್ವತ್ತ ವ್ಹತು.
MAT 14:6 ತೆನೈಸೊ ಹೆರೊದ ಹುಟ್ಟಲ ದಿನ್ನಾ ದಿನ್ನೆ ಹೆರೊದ್ಯನಿ ದಿಕ್ರಿ ಆಯಲ ಮನಕ್ಹೊನಾ ಕ್ಹಾಮಿ ನ್ಹಾಚ಼ಲ ಹೆರೊದನೆ ಪಸಂದ ಆಯು.
MAT 14:7 "ತುನೆ ಸು ಚಾ಼ಯೆ ತೆ ಮಾಂಗ ತುನೆ ಮಿ ದ್ಯುಸ ಕೈನ. ಕೈನ ವಾತ ದಿದ್ಯೊ.
MAT 14:8 ತೆ ಛೊಕ್ರಿ ತಿನಿ ಮಾನಿ ವಾತ ಐಕಿನ ಬಾಪ್ತಿಸ್ಮಾ ದಿಲಾವಾಲೊ ಯೊಹಾನನಿ ಗರ್ದನ ಕತ್ರಿನ ಪರಾತಮಾ ಮ್ಹೆಲ್ಲಿನ ಮನೆ ಮಂಗೈನ ದ್ಯು ಕೈನ ಕೈಲಿದಿ.
MAT 14:9 ತೆ ಛೊಕ್ರಿ ಮಾಂಗಿಲಿದಲಾ ಹುತಿ ಐಕಿನ ಹೆರೊದ ಘನ್ನೊ ದುಖಿ ಥಯೊ ತೆ ದಿದಲ ವಾತನಾ ಹುತಿಬಿ ದುಖಿ ಥಯೊ.ಕಾ ಕದ್ಯಾಮ ತ್ಯಾ ಐಯಲ ಮನಕ್ಹೊನಾ ಕ್ಹಾಮೊ ವಾತ ದಿದ್ಯೊತೊ.
MAT 14:10 ತೆ ಯೊಹಾನನಿ ಗರ್ದನ ಕತ್ರಿಲಾವೊ ಕೈನ ಆಳೊನೆ ಮೊಕಲ್ಯೊ.
MAT 14:11 ತ್ಯುನೆ ಯೊಹಾನನು ಗರ್ದನ ಮಾತ ಕತ್ರಿನ ಪರಾತ್ಮಾ ಲೈನ ಹೆರೊದ್ಯಳನಿ ದಿಕ್ರಿನಾ ಹತ್ಮಾ ದಿದ್ಯೊ.ತೆ ಗೈನ ತಿನಿ ಯಾನಾ ಹತ್ಮಾ ದಿದಿ.
MAT 14:12 ಯೊಹಾನನಾ ಶಿಷ್ಯಾ ಐನ ತಿನು ಮರಲ ಅಂಗ ಲಿಂಗೈನ ಮಜಾ಼ರಮಾ ಮ್ಹೆಲ್ಯಾ. ತೆಳಾಮ ತ್ಯುನೆ ಯೆಸುಕನ ಗೈನ ಕ್ಹಾರು ಕದ್ಯಾ.
MAT 14:13 ಯೆಸು ಎ ಕ್ಹಾರು ಐಕಿನ ಹಡಗೊ ಚ಼ಡಿನ ತ್ಯಾಂತೊ ತೆ ಜ಼ಗಾ ಛೊಡಿನ ಕುನ್ನಜ಼ ನೈಸೊ ಜ಼ಗಾ ಗಯೊ. ಎ ಸುದ್ದಿ ಐಕಲ ಕ್ಹಾರಾ ಮನಕ್ಹೊ ತ್ಯುನಾ ತ್ಯುನಾ ಗಾಮ್ತಾ ಚಾ಼ಲ್ತಾ ಯೆಸುನಾ ಪಾಚಾ಼-ಪಾಚಾ಼ ಆಯಾ.
MAT 14:14 ಯೆಸು ಮನಕ್ಹೊತಿ ಪೈಲಾ ಐನ ತೆ ಗುಂಪನೆ ದೆಕಿನ ತ್ಯುನೊನೆ ಮರಗನಿ ತ್ಯುನಾ ರೊಗೊನೆ ಅರಾಮ ಕರ‍್ಯೊ.
MAT 14:15 ಕ್ಹಾಂಜ ಥಾತಾಮಾ ತಿನಾ ಶಿಷ್ಯಾ ತಿಕನ ಐನ ಎ ರಾನ ವ್ಹೈ ಹಮ್ನಾ ಕ್ಹಾಂಜ಼ಬಿ ಥೈಸ ತೆ ಮನಕ್ಹೊನೆ ತ್ಯುನಾ ತ್ಯುನಾ ಗಾಮೊನೆ ಮೊಕಲ ಕಾ ಕದ್ಯಾ ತ್ಯುನೊನೆ ಖಾವಾನೆ ಅನ್ನ ಕರಿಲಿವಾದೆ ಕದ್ಯಾ.
MAT 14:16 ತೆನೈಸೊ ಯೆಸು, ತ್ಯುನೊನೆ ತ್ಯುನೆ ಜಾ಼ವಾನಿ ಜ಼ರುರತ್ತ ನತ್ತಿ. ತುಮೆಜ಼ ತ್ಯುನೊನೆ ಸುಬಿ ಅನ್ನ ಖಾವಾನೆ ದಿವೊ ಕದ್ಯೊ.
MAT 14:17 ತೆಳಾಮ ತಿನಾ ಶಿಷ್ಯಾ, "ಅಪೊನೆ ಪಾಂಚ಼ ರೊಕ್ಲ ವರಿ ಬೆ ಮಚ್ಲಿ಼ಯೊ ಛೆ ಕೈನ" ಕತಾಮಾ.
MAT 14:18 ಯೆಸು ತ್ಯುನೊನೆ, "ತೆ ರೊಕ್ಲ ವರಿ ಮಚ್ಲಿ಼ಯೊ ಮಕನ ಲೈನ ದಿವೊ ಕದ್ಯೊ.”
MAT 14:19 ತೆಳಾಮಾ ತೆ ಮನಕ್ಹೊನಾ ಗುಂಪನೆ ಚಾ಼ರಾಪರ ಬೈಟೊ ಕೈನ ತೆ ಪಾಂಚ಼ ರೊಕಲಾ ಬೆ ಮಚ್ಲಿಯೊ ಲಿನ ಹಬಾಳನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕಲಾ ಭಾಗಿನ ಶಿಷ್ಯಾವೊಕನ ದಿದ್ಯೊ. ತ್ಯುನೆ ಮನಕ್ಹೊನೆ ವಾಟ್ಯಾ.
MAT 14:20 ಕ್ಹಾರ ಮನಕ್ಹೊ ಪೆಟ ಭರಿನ ಖಾದ್ಯಾ ವರಿ ಉಗ್ರಲ ರೊಕಲಾನಾ ತುಕಡಾ ಮಳಾತಾಮಾ ಬಾರಾ ಟೊಪ್ಲಿಯೊ ಭರಿಯೊ.
MAT 14:21 ಅನ್ನ ಖಾದಲವಾಲಾ ಮನಕ್ಹೊಮಾ ಹೆಣಮನಕ್ಹೊನೆ ವರಿ ಬಚ್ಚಾವೊನೆ ಛೊಡಿನ ದಾಣ್ಗಾಜ಼ ಪಾಂಚ಼ ಹಜಾ಼ರ ವ್ಹತಾ.
MAT 14:22 ಎ ಥಯಲ್ಪರ ತೆ ತಿನಾ ಶಿಷ್ಯಾವೊನೆ ಮಿ ಆ ಮನಕ್ಹೊನಾ ಗುಂಪನೆ ಮೊಕ್ಲೆಲಕ್ಕಾ ತುಮೆ ಹಡ್ಗೊ ಚ಼ಡಿನ ಮುತ್ತಿ ಪೈಲಾ ತುಮೆ ಬಿಜಿ ದಂಡಿಯೆ ಜಾ಼ವೊ ಕೈನ ಜ಼ಬರದಸ್ತಿಯೆ ಮೊಕಲ್ಯೊ.
MAT 14:23 ಮನಕ್ಹೊನಾ ಗುಂಪನೆ ಮೊಕಲಿನ ಯಕ್ಲೊಜ಼ ಪ್ರಾಥನಾ ಕರಾನಾ ಹುತಿ ಡೊಂಗರ್ಪರ ಗಯೊ.ವರಿ ಕ್ಹಾಂಜ಼ ಥಯಲಹುತಿ ತ್ಯಾ ಯಕ್ಲೊಜ಼ ವ್ಹತೊ.
MAT 14:24 ತೆ ಟೈಮ್ಮ ಶಿಷ್ಯಾ ಗಯಲ ಹಡಗೊ ಸಮುದ್ರನಾ ವಚ್ಮಾ಼ ವ್ಹತೊ ಹಡ್ಗಾನಾ ವಿರುದ್ದ ವಾರೊ ಛುಟಲಹುತಿಸುಮುದ್ರನಿಯೊ ಧಡ್ಕಿಯೊ ಲಾಗಾಕ್ಹು ಹಡ್ಗೊ ಪಾನಿಮಾ ಡುಬಾಡ್ಯೊತೊ.
MAT 14:25 ತೆ ಟೈಮ್ಮಾ ರಾತ್ನಾ ಚಾರ ವಾಸ್ತಾ ಯೆಸು ಸಮುದ್ರಪರ ಚಾ಼ಲ್ತೊ ತ್ಯುನೊಕನ ಆವಾಡ್ಯೊತೊ.
MAT 14:26 ತೆ ಸಮುದ್ರಪರ ಚಾ಼ಲ್ತೊ ಆವಾನು ತಿನಾ ಶಿಷ್ಯಾ ದೆಕಿನ ಭುತ್ಡು ವ್ಹೈ ಕೈನ ಘನ್ನಾ ಭುಚ್ಕಿನ ಅಡ್ಡ್ಯಾ.
MAT 14:27 ತೆಕ್ಲಾಮಾಜ಼಼ ಯೆಸು ತ್ಯುನೆ ದೆಕಿನ ಭುಚ್ಕೊ಼ ನಕೊ ಮಿ ವ್ಹೈ ಕೈನ ಕದ್ಯೊ.
MAT 14:28 ತೆಳಾಮ ಪೆತ್ರಾ, "ಪ್ರಭು ಕ್ಹರಿಮಾಜ಼ ತು ರ‍್ಹಯೊಮ, ಮನೆ ಪಾನಿಪರ ಚಾ಼ಲಿನ ಆವಾನೆ ಅಪ್ಪಣೆ ದೆ" ಕದ್ಯೊ.
MAT 14:29 ಯೆಸು, ತೆಳಾಮ ಪೆತ್ರಾ "ಆ" ಕದ್ಯೊ. ತೆಳಾಮ ತೆ ಹಡ್ಗಾಮಾತೊ ಉತ್ರಿನ ಪಾನಿಪರ ಚಾ಼ಲಾಡ್ಯೊ.
MAT 14:30 ತೆಳಾಮಾ ಪೆತ್ರಾ ವಾರಾನೆ ದೆಕಿನ ಭುಚ್ಕಿ಼ನ ಪಾನಿಮಾ ಡುಬಾಡ್ಯೊ, ಕರ್ತಾ ಮನೆ ವಚಾ಼ಡ ಕೈನ ವದರ‍್ಯೊ.
MAT 14:31 ಯೆಸು ತಿನೆ ಹತ್ತ ಧರಿನ ಎ ಅಲ್ಪ ವಿಶ್ವಾಸಿ ಕಾ ಸಂಶೊ ಕರ‍್ಯೊ. ಕದ್ಯೊ.
MAT 14:32 ಪೆತ್ರಾ ವರಿ ಯೆಸು ಹಡ್ಗೊ ಚ಼ಡಲ್ಪರ ಸಮುದ್ರಪರ ರ‍್ಹಯಲ. ವಾರೊ ಶಾಂತ ಥಯೊ.
MAT 14:33 ತೆಳಾಮಾ ಹಡ್ಗಾಮಾ ರ‍್ಹಯಲ ಶಿಷ್ಯಾ "ತು ಕ್ಹರಿಮಾಜ಼ ಕ್ಹುದಾನೊ ದಿಕ್ರೊ" ವ್ಹೈ ಕೈನ ಆರಾಧನಾ ಕರ‍್ಯಾ.
MAT 14:34 ತ್ಯುನೆ ಸಮುಂದರ ದಾಟಿನ ಗೆನೆಜರೆತ ಗಾಮನಿ ದಂಡಿ ಬಗಲ ಆಯಾ.
MAT 14:35 ತ್ಯಾ ರ‍್ಹಯಲ ಮನಕ್ಹೊ ತಿನೆ ವಳಕಿನ ಸುತ್ತೆ ರ‍್ಹಯಲ ಕ್ಹಾರಾ ಗಮೊನೆ ಮನಕ್ಹೊನೆ ಮೊಕಲಿನ ರೊಗ್ಮಾ ರ‍್ಹಯಲವಾಲಾ ಕ್ಹಾರಾ ಮನಕ್ಹೊನೆ ತಿಕನ ಲಾಯಾ.
MAT 14:36 ತ್ಯುನೆ ತಿನೆ ತು ಘಾಲ್ಲಿದಲ ವಣ್ಣಾನಿಯೊ ತುದಿ ತುಬಿ ಮುಟ್ಟಾನೆ ದೆ ಕೈನ ತಿಕನ ಮಾಂಗಿಲಿದ್ಯಾ. ವರಿ ತಿನೆ ಮುಟ್ಟಲ ಕ್ಹಾರಾ ಮನಕ್ಹೊ ಅರಾಮ ಥಯಾ.
MAT 15:1 ತೆಳಾಮ ಯೆರುಸಲೆಮತಾ ಪರಿಸಾಯರೊ, ವರಿ ಶಾಸ್ತ್ರಿಯೊ ಯೆಸು ಕನ ಐನ,
MAT 15:2 "ತಾರಾ ಶಿಷ್ಯಾ ಶಾನಾ ಮನಕ್ಹೊ ಕರಲ ಪದ್ದತನೆ ಕಾ ದಾಟಿನ ಜಾ಼ವಸ? ತ್ಯುನೆ ಖಾತಾಮಾ ತ್ಯುನಾ ಹತೊ ಧ್ವಯಿಲೆತಾ ನೈ ಕಾ? ಕೈನ ಪುಚ್ಯಾ.
MAT 15:3 ತಿನಾಹುತಿ ತೆ ತ್ಯುನೊನೆ ಸು ಕದ್ಯೊ ಕದ್ಯಾಮ ತುಮೆ ತುಮಾರಾ ಪದ್ದತನಾ ಹುತಿ ಕ್ಹುದಾನಿ ಆಜ್ಞಾನೆ ಕಾ ದಾಟೊಶಿ?
MAT 15:4 "ತಾರಾ ಮಾ ಬಾಪನೆ ಮರ್ಯಾದಿ ದ್ಯು ಕೈನ ಬಾನೆ ರ‍್ಹವಾದೆ ಯಾನೆ ರ‍್ಹವಾದೆ ದೊಷ ದಿದಲವಾಲೊ ಮರಸ ಕೈನ ಕ್ಹುದಾ ಕದ್ಯೊ.
MAT 15:5 ತೆನೈಸೊ ಯಕ್ಕ ಮನಕ್ಹ ತಿನಾ ಮಾ ಬಾಪ್ನೆ ತುಮೊನೆ ಮದತ ಕರಾನೆ ಮನೆ ಥಾತು ನೈ, ಕಾಕದ್ಯಾಮ ಮಾರಾಮಾ ರ‍್ಹವಾನು ಕ್ಹುದಾನೆ ಒಪ್ಪಿಸಾಯೊಸ ಕೈನ ಕದ್ಯೊಮ,
MAT 15:6 ತೆ ‘ತಿನಾ ಮಾಪನೆ ಸನ್ಮಾನ ಕರು ನೈ’ ಕವೊಶಿ. ಇಮ್ಮ ತುಮಾರಿ ಪದ್ದತನಾ ಹುತಿ ಕ್ಹುದಾನಿ ವಾಕ್ಯನೆ ಇನ್ಕಾರ ಕರ‍್ಯಾಸ.
MAT 15:7 ತುಮೆ ಕಪಟಿಯೊ ವ್ಹೈ, ತುಮಾರಾಹುತಿ ಯೆಶಾಯ ಕರೆಟ್ಟ ಪ್ರವಾದನೆ ಕರಿನ, ತೆ ಕವಾನು ಸು ವ್ಹೈ ಕದ್ಯಾಮ,
MAT 15:8 ಎ ಮನಕ್ಹೊ ತ್ಯುನಾ ಮ್ಹೊಡಾವೊಕ್ಹು ಮನೆ ಸನ್ಮಾನ ಕರಸ ತೆನೈಸೊ ತ್ಯುನಾ ಮನಸೊ ಮಕ್ಹು ಘನ್ನಾ ದುರ ಛೆ.
MAT 15:9 ಮನಕ್ಹೊ ವಿಚಾರ ಕರಲ ಕಟ್ಟಳೆನೆ ತ್ಯುನೆ ಉಪದೆಶ ಕರಿನ ಬೊದನೆ ಕರಾಕ್ಹು ಮನೆ ವ್ಯರ್ಥ ಆರಾಧನಾ ಕರಸ ಕವಾನು ವ್ಹೈ.
MAT 15:10 ಪಾಚ಼ಲ್ತೊ ಯೆಸು ಮನಕ್ಹೊನಾ ಗುಂಪನೆ ಅಗೊ ಬಲೈನ ತ್ಯುನೊನೆ, ಐಕಿನ ತಿಳ್ದಿಲಿವೊ,
MAT 15:11 ಮ್ಹೊಡಾಮಾ ಜಾ಼ವಾನು ಮನಕ್ಹನೆ ಅಶುದ್ದ ನೈ ಕರ‍್ತು, ಮ್ಹೊಡಾತು ಭಾರಾ ಆವಾನಾ ವಾತೊಜ಼ ಮನಕ್ಹನೆ ಅಶುದ್ದ ಕರಸ ಕೈನ ಕದ್ಯೊ.
MAT 15:12 ತೆಳಾಮಾ ಶಿಶ್ಯಾ ಐನ ತಿನೆ, ಪರಿಸಾಯೊ ಎ ವಾತ ಐಕಿನ ಬೆಜ್ಜಾ಼ರ ಥಯಾ ಕೈನ ತುನೆ ಗ್ವತ್ತ ಥಯು ಸು ಕೈನ ಪುಚ್ಯಾ.
MAT 15:13 ತಿನೆ ತೆ ಪರಲೊಕನೊ ಮಾರೊ ಬಾ ನೈ ಗಡಾಯಲ ಕ್ಹಾರಾ ಝಾಡೊನೆ ಬೆರ ಕ್ಹಮೆತ ಕಿತ್ತಿನ ನಾಕಿಪಡಸ.
MAT 15:14 ತ್ಯುನೊನೆ ಛೊಡೊ, ತ್ಯುನೆ ಕಡ್ಡಾವೊನೆ ವಾಟ ದೆಕಾಡಾಲಾ ಕುಡ್ಡಾ ಲಿಂಗತ ಛೆ. ಕುಡ್ಡೊ ಕುಡ್ಡಾನೆ ವಾಟ ದೆಕಾಡ್ಯಮ ತ್ಯುನೆ ಭಂಬಿ ಜ಼ನಾ ಖಾಡಿಮಾ ಪಡಸ ಕದ್ಯೊ.
MAT 15:15 ತೆಳಾಮಾ ಪೆತ್ರಾ, ಎ ಸಾಮ್ಯ ಹಮೊನೆ ತಿಳಸೈನ ಕೆ ಕದ್ಯೊ,
MAT 15:16 ತಿನಾಹುತಿ ಯೆಸು, "ತುಮೆಬಿ ಹಜು಼ನ ಗ್ಯಾನ ನೈಸೊವಾಲಾ ಥಯಾಸ?
MAT 15:17 ಮ್ಹೊಡಾಮಾ ಜಾ಼ವಾನು ಪೆಟಮಾ ಗೈನ ಜಿರ್ಣ ಥೈನ ಜಾ಼ವಾನು ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ ಸು?
MAT 15:18 ತೆನೈಸೊ ಮ್ಹೊಡಾಮಾತಾ ಭಾರಾ ಸು ಆವಸ ಕ್ಹಾರು ಮನಸಮಾತು ಆವಸ. ಎಜ಼ ಮನಕ್ಹನೆ ಅಶುದ್ದ ಕರಸ.
MAT 15:19 ಕಾಕದ್ಯಾಮ ಮನಸಮಾತು ಕೆಟ್ಟ ವಿಚಾರೊ, ಖಲಾಸ ಕರಾನು, ವ್ಯಬಿಚಾರ, ಜಾರತ್ವ, ಚೊ಼ರಿ, ಸುಳ್ಳ ಸಾಕ್ಷಿ ವರಿ ದುಶಣೆ ಹೊರಾಟ ಆವಸ.
MAT 15:20 ಹೆವಾಜ಼ ಮನಕ್ಹನೆ ಅಶುದ್ದ ಕರಸ. ತೆನೈಸೊ ಹತ್ತ ಧ್ವಯಾ ಬಗರ ಅನ್ನ ಖಾವಾನು ಮನಕ್ಹನೆ ಅಶುದ್ದ ನೈ ಕರ‍್ತು ಕದ್ಯೊ.
MAT 15:21 ಪಾಚ಼ಲ್ತೊ ಯೆಸು ತ್ಯಾಂತೊ ಗೈನ ತುರ ಸಿದೊನ ಗಾಮನಾ ಪ್ರಾಂತೊನೆ ಗಯೊ.
MAT 15:22 ತೆ ಜ಼ಗಾತಿ ಕಾನಾನ್ಯನಿ ಥಯಲ ಯಕ್ಕ ಬಾಕಡಿ ಐ, ಕರ್ತ, ದಾವಿದನಾ ದಿಕ್ರಾ, ಮಾರಾ ಉಪ್ಪರ ಮರ್ಗಾ ಮ್ಹೆಲ, ಮಾರಿ ದಿಕ್ರಿನೆ ಭುತಡು ಧರಿನ ಘನ್ನಿ ತ್ರಾಸ ಕ್ಹಾವಾಡಿಸ ಕೈನ ಅಡ್ಡಿ.
MAT 15:23 ತೆನೈಸೊ ತೆ ತಿನೆಸುಜ಼ ಜವಾಬ ದಿದ್ಯೊ ನೈ. ತೆಳಾಮಾ ತಿನಾ ಶಿಶ್ಯಾ ಐನ, ತೆ ಅಪ್ನಾ ಪಾಚಿ ಅಡ್ಡತಿ ಆವಾಡಿಸ. ತಿನೆ ವಳೈಪಡ ಕೈನ ತಿನೆ ಮಾಂಗಿಲಿದ್ಯಾ.
MAT 15:24 ತೆ ವಾತೆ ಯೆಸು ಸು ಕದ್ಯೊ ಕದ್ಯಾಮ ಜ಼ವೈಗಯಲ ಬಕ್ರಾ ಲಿಂಗತ ರ‍್ಹವಾಲಾ ಇಸ್ರಾಯೆಲ ಘರ್ದಾನವಾಲಾವೊನಾ ಕನ ನೈಸೊ ಬಿಜಾ಼ ಕಿಕನಜ಼ ಮನೆ ವಳಾಯಲವಾಲೊ ನ್ಹವೈ ಕದ್ಯೊ.
MAT 15:25 ತೆಳಾಮಾ ತೆ ಹೆಣ ಮನಕ್ಹ ಯೆಸುನಾ ಕ್ಹಾಮಿ ಅಡ್ಡ ಪಡಿನ, ಕರ್ತಾ ಮನೆ ಸಹಾಯ ಕರ ಕದಿ.
MAT 15:26 ತಿನಾಹುತಿ ಯೆಸು, "ಬಚ್ಚಾ ಖಾವಾನೊ ರೊಕ್ಲೊ ಲಿನ ಕುತ್ರಾನಾ ಬಚ್ಚಾವೊನೆ ಘಾಲಾನು ಕರೆಟ್ಟ ನ್ಹವೈ ಕೈನ ಜವಾಬ ದಿದ್ಯೊ.
MAT 15:27 ತೆ ಹೆಣ ಮನಕ್ಹ, "ಹೊ ಪ್ರಭು, ತೆನೈಸೊ ಕುತ್ರಾನಾ ಬಚ್ಚಾ಼ತುಬಿ ತ್ಯುನಾ ಮಾಲಕನಾ ಟೆಬಲಪರ‍್ತಾ ಪಡಲ ರೊಕ್ಲಾನಾ ತುಕ್ಡಾ ಖಾವಸತೊ ಕದಿ.
MAT 15:28 ತೆಳಾಮಾ ಯೆಸು ತೆ ಬಾಕಡಿನೆ, "ಯಾ, ತಾರೊ ಬರೊಕ್ಹೊ ಮ್ಹೊಟೊ ವ್ಹೈ. ತು ಸೊಚಲ ತಿಮ್ಮ ತುನೆ ಥಾವಾದೆ ಕೈನ ಜವಾಬ ದಿದ್ಯೊ. ತೆ ಟೈಮಮಾ ತಿನಿ ದಿಕ್ರಿನೆ ಅರಾಮ ಥಯು.
MAT 15:29 ಯೆಸು ತ್ಯಾಂತೊ ಗೈನ ಗಲಿಲಾಯ ಸಮಂದರ ಕನ ಗಯೊ. ತೆಳಾಮಾ ತೆ ಯಕ್ಕ ಡೊಂಗರ ಚ಼ಡಿನ ಬೈಟ್ಯೊ.
MAT 15:30 ತೆಳಾಮಾ ಮನಕ್ಹೊನು ಮ್ಹೊಟು ಗುಂಪ ತಿಕನ ಆಯಾ ಲಂಗಡಾ, ಕುಡ್ಡಾ, ಮುಕಾ, ಹತೊಪಗೊ ನೈ ರ‍್ಹಯಲವಾಲಾ ಹೆವಾ ಹಜು಼ನ ಘನ್ನಾ ಜ಼ನಾವೊನೆ ತ್ಯುನಾ ಕ್ಹಾತೆ ಬಲೈಲಿನ ತ್ಯುನೊನೆ ಯೆಸುನಾ ಪಗೊಕನ ಛೊಡ್ಯಾ. ತೆ ತ್ಯುನೊನೆ ಅರಾಮ ಕರ‍್ಯೊ.
MAT 15:31 ಮುಕಾ ಬೊಲಾನು, ಲಂಗ್ಡಾ ಚಾ಼ಲಾನು, ಅರಾಮ ಕುನ ವ್ಹತಾ ಡೊಳಾ ನೈ ರ‍್ಹ ಡೊಳಾ ಐನ ದೆಕಿನ ಕ್ಹಾರ ಮನಕ್ಹೊ ಘಾಬ್ರ ಕೈನ ಇಸ್ರಾಯಲ ಕ್ಹುದಾ ಸ್ತುತ ವಾಲಾವೊನೆ.
MAT 15:32 ಯೆಸು ತಿನಾ ಶಿಷ್ಯಾ ಬಲೈನ, "ಮಿ ಎ ಮನಕ್ಹೊನಾ ಹುತಿ ದುಖಿ ಥಯೊಸ. ತ್ಯುನೆ ತನ್ನ ದಿನ ಮಾರ ಕ್ಹಾತೆ ಛೆ. ಹಮ್ನಾ ತ್ಯುನೊನೆ ಖಾವನೆ ಸುಜ಼ ನತ್ತಿ. ತ್ಯುನೊನೆ ಭುಕ್ಕಾ ಮೊಕ್ಲಾನೆ ಮನೆ ಮನಸ ನತ್ತಿ. ತ್ಯುನೆ ಘರೆ ಜಾ಼ತಾಮಾ ಸುಸ್ತ ಥಾಸ" ಕೈನ ಕದ್ಯೊ.
MAT 15:33 ಶಿಷ್ಯಾವೊನೆ ಯೆಸು, ‘ಎ ಮನಕ್ಹೊನೆ ಚಾ಼ಯೆ ಥಯೆ ಲಿಂಗತ ರೊಕ್ಲಾ ಎ ರಾನಮಾ ಅಪೊನೆ ಕಿಜಾ಼ಂತು ಮಳಸ?” ಕೈನ ಪುಚ್ಯಾ.
MAT 15:34 ಯೆಸು, ತುಮೊಕನ ಕಕ್ಲಾ ರೊಕ್ಲಾ ಛೆ? ಕೈನ ಪುಚ್ಚಲಕ್ಹು ತ್ಯುನೆ, ಕ್ಹಾತ ರೊಕ್ಲಾ ಛೆ ವರಿ ದಕ್ಹಾ ನ್ಹಾನಾ ಮಚ್ಲಿ಼ಯೊ ಛೆ ಕದ್ಯಾ.
MAT 15:35 ತೆಳಾಮಾ ತೆ ಮನಕ್ಹೊನಾ ಗುಂಪನೆ, ಜಿಮಿನಪರ ಬೈಟೊ ಕೈನ ಅಪ್ಪಣೆ ದಿದ್ಯೊ.
MAT 15:36 ತೆ ಕ್ಹಾತ ರೊಕ್ಲಾ ವರಿ ಮಚ್ಲಿ಼ಯೊ ಲಿನ ಕ್ಹುದಾನೆ ಸ್ತೊತ್ರ ಕರಿನ ತೆ ರೊಕ್ಲಾ ಭಾಗಿನ ಶಿಷ್ಯಾವೊನೆ ದಿದ್ಯೊ. ತೆ ಶಿಷ್ಯಾ ಮನಕ್ಹೊನೆ ವಾಟ್ಯಾ.
MAT 15:37 ಮನಕ್ಹೊ ಪೆಟ ಭರಿನ ಖಾದ್ಯಾ ವರಿ ಉಗ್ರಲ ಅನ್ನ ಶಿಷ್ಯಾ ಕ್ಹಾತ ಟೊಪ್ಲಿಯೊ ಭರಿ ಲಿದ್ಯಾ.
MAT 15:38 ತೆ ದಿನ್ನ ಅನ್ನ ಖಾದ್ಯಲವಾಲಾವೊಮಾ ಬಾಕ್ಡಿಯೊ ಬಚ್ಚಾ಼ವೊನೆ ಛೊಡಿನ ಚಾರ ಹಜಾ಼ರ ದಾಣ್ಗಾ ವ್ಹತ್ತಾ.
MAT 15:39 ತೆ ಥಯಲ್ಪರ ಯೆಸು ತೆ ಮನಕ್ಹೊನಾ ಗುಂಪನೆ ಘರೊಯೆ ವಳೈನ ಹಡಗೊ ಛಡಿನ ಮಗದಾನ ಕವಾನಾ ಸಿಮೆನೆ ಗಯೊ.
MAT 16:1 ಪಾಚ಼ಲ್ತಾ ಪರಿಸಾಯರೊ ಸದ್ದುಕಾಯರೊ ಐನ ಪರಿಕ್ಷಾ ಕರಾನಾಹುತಿ, ತು ಪರಲೊಕತು ಯಕ್ಕ ಸುಚಕ ಕಾಮ ಹಮೊನೆ ದೆಕಾಡು ಕೈನ ಪುಚ್ಯಾ.
MAT 16:2 ಯೆಸು ತ್ಯುನೊನೆ, ‘ಖಾಂಜ಼ ಥಯಲ್ಪರ ಹಬಾಳ ಲಾಲ ಥಯಮ ಚೊ಼ಕಿ ವಾತಾವರಣ ರ‍್ಹವಸ’ ಕವೊಶಿ.
MAT 16:3 ಪಾಟೆ, ‘ಹಬಾಳ ಮ್ಹಾಡ ಘಾಲಿನ ಲಾಲ ಥಯಮ ಹಮ್ನಾ ವಾರೊ ಪಾನಿ ಆವಸ' ಕವೊಶಿ. ಹಬಾಳಮಾ ದಿಕ್ಹಾನಾ ಸುಚನೆ ತಿಳ್ದಿಲಿವಾಲಾ ಥಯಾಸ, ತೆನೈಸೊ ಆಂ ಕಾಲಮಾನಾ ಸುಚನೆ ತಿಳ್ದಿಲಿವಾನೆ ತುಮೊನೆ ಥಾವಾಡು ನತ್ತಿ ಸು?
MAT 16:4 ವ್ಯಬಿಚಾರಿ ಲಿಂಗತ ರ‍್ಹಯಲ ಎ ದುಶ್ಟ ಸಂತತಿ ಸುಚಕ ಕಾಮ ದೆಕು ಕೈನ ಹುಡಕಸ. ತೆನೈಸೊ ಯೊನನು ಸುಚಕ ಕಾಮ ಛೊಡಿನ ಬಿಜು಼ ಕಯುಜ಼ ನೈ ಮಳ್ತು ಕೈನ ಜವಾಬ ದಿದ್ಯೊ. ಪಾಚ಼ಲ್ತೊ ಯೆಸು ತ್ಯುನೊನೆ ಛೊಡಿನ ಗಯೊ.
MAT 16:5 ಶಿಶ್ಯಾ ಅನ್ನನಿ ಭುತ್ತಿ ಲಿವಾನು ಇಕ್ಹರಿನ ಬಿಜಿ ದಂಡಿಯೆ ಆಯಾತಾ.
MAT 16:6 ಯೆಸು ತ್ಯುನೊನೆ ಹುಶಾರ ರ‍್ಹವೊ! ಪರಿಸಾಯರೊ ವರಿ ಸದ್ದುಕಾಯರೊನಾ ಕ್ಹಾಟಾ ಲೊಟನಾ ವಿಶಯಮಾ ಹುಶಾರ ರ‍್ಹವೊ ಕೈನ ಕದ್ಯೊ.
MAT 16:7 ತಿನಾಹುತಿ ಶಿಷ್ಯಾ, ಅಪೆ ಅನ್ನನಿ ಭುತ್ತಿ ಲಿದ್ಯಾ ಬಗರ ಆಯಲಕ್ಹು ಇಮ್ಮ ಕದ್ಯೊವಸ ಕೈನ ತ್ಯುನಾ ತ್ಯುನಾಮಾ ಬೊಲಿ ಲಿವಾಡಾತಾ.
MAT 16:8 ಯುಸು ತೆ ತಿಳ್ದಿಲಿನ , ಅಲ್ಪ ವಿಶ್ವಾಸಿಯೊ, ಅನ್ನನಿ ಭುತ್ತಿ ಲಾಯಾ ನತ್ತಿ ಕೈನ ತುಮೊಮಾ ಕಾ ಬೊಲಿ ಲಿವಾಡಾಸ?
MAT 16:9 ತೆ ಪಾಂಚ಼ ರೊಕ್ಲಾ ಪಾಂಚ಼ ಹಜಾರ ಮನಕ್ಹೊನೆ ವಾಟಲಪರ ಕಕ್ಲಾ ಟೊಪ್ಲಿಯೊ ಭರಿಲಿದ್ಯಾತಾ?
MAT 16:10 ತೆನೈಸೊ ಕ್ಹಾತ ರೊಕ್ಲಾ ಚಾರ ಹಜಾ಼ರ ಮನಕ್ಹೊನೆ ವಾಟಲಪರ ಕಕ್ಲಾ ಟೊಪ್ಲಿಯೊ ಭರ‍್ಯಾತಾ? ತುಮೆ ಹಜು಼ನ ತಿಳ್ದಿಲಿದ್ಯಾ ನತ್ತಿ ಸು? ತುಮೊನೆ ಶೆಂ ನತ್ತಿ ಸು?
MAT 16:11 ಮಿ ರೊಕ್ಲಾನಾಹುತಿ ಬೊಲ್ಯೊ ನತ್ತಿ, ಕವಾನು ತುಮೊನೆ ಕಿಮ್ಮ ಗೊತ್ತ ಥಯು ನೈ? ತೆನೈಸೊ ಮಿ ತುಮೊನೆ ಕದಲ ಸುವೈ ಕದ್ಯಾಮ, ಪರಿಸಾಯರೊ ವರಿ ಸದ್ದುಕಾಯರೊನು ಕ್ಹಾಟಾ ಲೊಟನಾ ವಿಶಯಮಾ ಹುಶಾರ ರ‍್ಹೌ ಕವಾನುಜ಼ ಕದ್ಯೊ.
MAT 16:12 ತೆಳಾಮಾ ಶಿಶ್ಯಾ ರೊಕ್ಲಾನು ಕ್ಹಾಟೊ ಲೊಟನಾ ಹುತಿ ಪರಿಸಾಯರೊ ವರಿ ಸದ್ದುಕಾಯರೊನಾ ಬೊದನೆನಾ ಹುತಿ ಹುಶಾರ ರ‍್ಹವೊ ಕೈನ ಕದ್ಯೊ ಕವಾನು ತಿಳ್ದಿಲಿದ್ಯಾ.
MAT 16:13 ಯೆಸು ಫಿಲಿಪ್ಪನಾ ಕೈಸರೈ ಕವಾನಾ ಗಾಮನಾ ಪ್ರಾಂತ್ಯನೆ ಆಯಲ್ಪರ, ಮನಕ್ಹೊ ಮನಕ್ಹನೊ ದಿಕ್ರೊ ಥಯಲ ಮನೆ ಕುನ್ನ ವ್ಹೈ ಕವಸ ಕೈನ ಶಿಶ್ಯಾವೊನೆ ಪುಚ್ಯೊ.
MAT 16:14 ತೆಳಾಮಾ ಶಿಷ್ಯಾ, "ತುನೆ ದಕ್ಹಾ ಜ಼ನಾ ಸ್ನಾನಿಕ ಥಯಲ ಯೊಹಾನ ಕವಸ, ದಕ್ಹಾ ಜ಼ನಾ ಎಲಿಯಾ ಕವಸ ವರಿ ಬಿಜಾ಼ ದಕ್ಹಾ ಜ಼ನಾ ಯೆರೆಮಿಯ ಕವಸ, ತೆನೈಸೊ ಪ್ರವಾದಿಯೊಮಾ ಯಕ್ಲೊ ಕವಸ ಕೈನ ಕದ್ಯಾ.
MAT 16:15 ಯೆಸು ಶಿಶ್ಯಾವೊನೆ, ತುಮೆ ಮನೆ ಕುನ್ನ ವ್ಹೈ ಕವೊಶಿ ಕೈನ ಪುಚ್ಯೊ?
MAT 16:16 ತೆಳಾಮಾ ಸಿಮೊನ ಪೆತ್ರಾ, ತು ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ವ್ಹೈ ಕೈನ ಜವಾಬ ದಿದ್ಯೊ.
MAT 16:17 ಯೆಸು, ಯೊನನೊ ದಿಕ್ರೊ ಥಯಲ ಸಿಮೊನ, ತು ಧನ್ಯ ವ್ಹೈ. ಕಾಕದ್ಯಾಮ ಎ ಮನಕ್ಹಕಂತು ತುನೆ ಗೊತ್ತ ನತ್ತಿ ಥಯು, ಪರಲೊಕಮಾ ರ‍್ಹವಾಲೊ ಮಾರೊ ಬಾಜ಼ ಎ ಕ್ಹಾರು ತಿಳ್ಸಾಯೊಸ ಕೈನ ಕದ್ಯೊ.
MAT 16:18 ಮಿಬಿ ಎಜ಼ ತುನೆ ಕೌಸ, ತು ಪೆತ್ರಾ ವ್ಹೈ, ಎ ದಗಡಾನಾ ಉಪ್ಪರ ಮಿ ಮಾರಿ ಸಭೆ ಭಾಂದುಸ.ಪಾತಾಳನಿ ತಾಕತ ತಿನೆ ಹರಾನೈ ಸಕ್ತಿ.
MAT 16:19 ಪರಲೊಕ ರಾಜ್ಯನಿ ಚಾವಿಯೊ ತುಮೆ ದ್ಯುಸ. ಭುಲೊಕಮಾ ತು ಕಯು ಭಾಂದಶಿ ತೆ ಪರಲೊಕ ರಾಜ್ಯಮಾಬಿ ಭಂದಾವಸ. ವರಿ ಭುಲೊಕಮಾ ತು ಕಯು ಖೊಲಶಿ ತೆ ಪರಲೊಕಮಾಬಿ ಖೊಲಲ ರ‍್ಹವಸ ಕೈನ ಕದ್ಯೊ.
MAT 16:20 ತೆಳಾಮಾ ಯೆಸು , ಮಿ ಕ್ರಿಸ್ತ ಥಯೊಸ ಕವಾನು ಕಿನೆಜ಼ ಕವೊ ನಕೊ ಕೈನ ತಿನಾ ಶಿಶ್ಯಾವೊನೆ ಆಗನ್ಯಾ ದಿದ್ಯೊ.
MAT 16:21 ತೆ ದಿನತೊ ಯೆಸು ತೆ ಯೆರುಸಲೆಮೆ ಗೈನ ಶಾನಾವೊತಿಬಿ ಖಾಸ ಯಾಜಕೊಕ್ಹುಬಿ ಶಾಸ್ತಿಯೊಕ್ಹುಬಿ ಘನ್ನಾ ತ್ರಾಸೊ ಖೈನ ಮರಿನ ತನ್ವಾ ದಿನ್ನೆ ಉಟಿನ ಆವಾನು ಜರುರಿ ವ್ಹೈ ಕೈನ ತಿನಾ ಶಿಶ್ಯಾವೊನೆ ಕವಾನೆ ಶುರು ಕರ‍್ಯೊ.
MAT 16:22 ತೆಳಾಮಾ ಪೆತ್ರಾ ತಿನೆ ಸೈಡಮಾ ಬಲೈಲಿನ ಗೈನ, ಕರ್ತಾ, ಕ್ಹುದಾ ತುನೆ ತೆ ತ್ರಾಸ ನಕೊ ದಿವಾದೆ.ತುನೆ ಇಮ್ಮ ಕೆಳಾಮಾಜ಼ ಥೌ ನೈ ಕೈನ ತೆ ಭುಚ್ಕಾಡಾನೆ ಶುರು ಕರ‍್ಯೊ.
MAT 16:23 ಯೆಸು ತೆಳಾಮಾ ಪೆತ್ರಾನೆ, ಸೈತಾನ, ಮನೆ ಛೊಡಿನ ಜಾ಼. ಮನೆ ತು ಅಡ್ಡಿ ಥಯೊಸ, ಕಾಕದ್ಯಾಮ ತು ಕ್ಹುದಾನಾ ವಿಚಾರಕ್ಹು ಸೊಚಾ಼ನು ಛೊಡಿನ ಮನಕ್ಹನಾ ವಿಚಾರೊ ನಿಂಗತ ವಿಚಾರ ಕರಾಡೊಸ ಕೈನ ಕದ್ಯೊ.
MAT 16:24 ಪಾಚ಼ಲ್ತೊ ಯೆಸು ತಿನಾ ಶಿಶ್ಯಾವೊನೆ ಸು ಕದ್ಯೊ ಕದ್ಯಾಮ ಕುನತುಬಿ ಮಾರಒ ಪಾಚೊ಼ ಆವಾನೆ ಮನಸ ಕರ‍್ಯೊಮ ತೆ ತಿನೆಜ಼ ಇನ್ಕಾರಿನ ತಿನಿ ಶಿಲುವಿ ಉಚೈಲಿನ ಮಾರಾ ಪಾಚೊ಼ ಆವಾದೆ.
MAT 16:25 ತಿನಾ ಜ಼ಲಮನೆ ವಚಾ಼ಡಿಲ್ಯು ಕವಾಲೊ ತಿನೆ ಜವೈ ಲಿವಸ. ತೆನೈಸೊ ಮಾರಾಹುತಿ ತಿನೊ ಜ಼ಲಮ ಜ಼ವೈಲಿದ್ಯಲವಾಲೊ ತಿನೆ ಪಡ್ದಿಲಿವಸ.
MAT 16:26 ಯಕ್ಕ ಮನಕ್ಹ ಭುಲೊಕ ಕ್ಹಾರು ಕಮೈಲಿದ್ಯೊತಬಿ ತಿನೊ ಜ಼ಲಮ ಜ಼ವೈಲಿದ್ಯೊಮ ತಿನೆ ಲಾಭ ಸು ವ್ಹೈ? ತೆನೈಸೊ ಯಕ್ಲೊ ತಿನಾ ಜ಼ಲಮನಾಹುತಿ ಸು ದೆಸಕಸ?
MAT 16:27 ಮನಕ್ಹನೊ ದಿಕ್ರೊ ತಿನಾ ಬಾನಿ ಮಹಿಮಾನಾ ಕ್ಹಾತೆ ತಿನಾ ದುತೊನಾ ಕ್ಹಾತೆ ಆವಸ. ತೆಳಾಮಾ ತೆ ಯಕೆಕ್ಲಾವೊನೆ ತೆ ಕರಲ ಕಾಮ ನಿಂಗತ ಪ್ರತಿ ಫಲ ದಿವಸ.
MAT 16:28 ತುಮೊನೆ ಕ್ಹರಿಜ಼ ಕೌಸ ನ್ಹ್ಯಾ ಹುಬ್ರಯಲವಾಲಾವೊಮಾ ದಕ್ಹಾ ಜ಼ನಾ ಮನಕ್ಹನೊ ದಿಕ್ರೊ ತಿನಾ ರಾಜ್ಯಮಾ ಆವಾನು ದೆಕೆ ಲಕ್ಕಾ ಮರ್ತಾಜ಼ ನೈ ಕದ್ಯೊ.
MAT 17:1 ಛೆ ದಿನ್ನ ಥಯಲ್ಪರ, ಯೆಸು ಪೆತ್ರಾನೆ ಯಾಕೊಬನೆ ತಿನೊ ನ್ಹಾನೊ ಭೈ ಯೊಹಾನನೆ ಕುನ್ನಜ಼ ನೈರ‍್ಹಯಲ ಉಚ಼್ಚಾ ಡೊಂಗರಪರ ಬಲೈಲಿನ ಗಯೊ.
MAT 17:2 ತ್ಯಾ ಯೆಸು ತ್ಯುನಾ ಕ್ಹಾಮೊ ರುಪಾಂತರ ಥಯೊ. ತಿನು ಮ್ಹೊಡು ಸುರ್ಯಾನಾ ನಿಂಗತ ಮಿಂಚಾ಼ಡುತು. ತಿನಾ ವಣ್ಣಾ ಉಜಾಲಾ ನಿಂಗತ ಧೊಳಾ ಥಯಾ.
MAT 17:3 ತೆಳಾಮಾ ಮೊಶೆಬಿ ಎಲಿಯಾಬಿ ತಿನಾ ಕ್ಹಾತೆ ಬೊಲ್ತಾ ರ‍್ಹಯಲ ತ್ಯುನೊನೆ ದಿಕ್ಹ್ಯಾ.
MAT 17:4 ತೆಳಾಮಾ ಪೆತ್ರಾ ಯೆಸುನೆ, ಕರ್ತಾ, ಅಪೆ ನ್ಹ್ಯಾಜ಼ ರ‍್ಹವಾನು ಚೊ಼ಕು ವ್ಹೈ. ತು ಮನಸ ಕರ‍್ಯೊಮ, ನ್ಹ್ಯಾ ತನ್ನ ಝುಪ್ಡಾ ಭಾಂದುಸ. ತುನೆ ಯಕ್ಕ, ಮೊಶೆನೆ ಯಕ್ಕ, ಎಲಿಯಾನೆ ಯಕ್ಕ ಕದ್ಯೊ.
MAT 17:5 ತೆ ಹಜ಼ುನ ಬೊಲ್ತೊ ರ‍್ಹತಾಮಾಜ಼ ಉಜಾಲಾನು ಮ್ಹಾಡ ಐನ ತ್ಯುನಾ ಉಪ್ಪರ ಐಯು. ತೆನೈಸೊ ತೆ ಮ್ಹಾಡಮಾತು ಎ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಪಸಂದ ಕರ‍್ಯೊಸ. ಎ ಕವಾನು ಐಕೊ ಕೈನ ಅವಾಜ಼ ಅಯು.
MAT 17:6 ಶಿಶ್ಯಾ ಎ ಐಕಿನ ಘನ್ನಾ ಘಾಬ್ರಾ ಥೈನ ಉಂದಾ ಪಡ್ಯಾ.
MAT 17:7 ತೆಳಾಮಾ ಯೆಸು ತ್ಯುನೊಕನ ಐನ ತ್ಯುನೊನೆ ಮುಟ್ಟಿನ, ಉಟೊ ಭುಚ಼್ಕೊ ನಕೊ ಕದ್ಯೊ.
MAT 17:8 ತ್ಯುನೆ ಡೊಳಾ ಉಚೈನ ಉಪ್ಪರ ದೆಕ್ತಾಮಾ ಯೆಸುನೆ ಛೊಡಿನ ವರಿ ಕುನ್ನಜ಼ ದಿಕ್ಹ್ಯು ನೈ.
MAT 17:9 ತ್ಯುನೆ ತೆ ಡೊಂಗರ ಉತ್ರಿನ ಆತಾಮಾ ಯೆಸು ತ್ಯುನೊನೆ, ಆಂ ದರ್ಶನನಾಹುತಿ ಮನಕ್ಹನೊ ದಿಕ್ರೊ ಮರಿನ ಜಿವ್ತೊ ಥಯೆ ಲಕ್ಕಾ ಕಿನೆಜ಼ ಕೌ ನೈ ಕೈನ ಆಗನ್ಯಾ ದಿದ್ಯೊ.
MAT 17:10 ತೆಳಾಮಾ ತಿನಾ ಶಿಷ್ಯಾ, ಕ್ರಿಸ್ತ ಆವಾತಿ ಪೈಲಾ ಯಲಿಯಾ ಆವಸ ಕೈನ ಧರ್ಮೊಪದಶಕರಾಲಾ ಕವಾನು ಕಾ? ಕೈನ ಪುಚ್ಯಾ.
MAT 17:11 ತೆ ವಾತೆ ಯೆಸು, ಎಲಿಯ ಆವಾನೊ ಛೆ ಕೈನ ಕವಾನು ಕ್ಹರಿ ವ್ಹೈ. ಕ್ಹರಿಮಾಜ಼ ಎಲಿಯ ಐನ ಕ್ಹಾರು ಕರೆಟ್ಟ ಕರಸ.
MAT 17:12 ವರಿಬಿ ಮಿ ತುಮೊನೆ ಸು ಕೌಸ, ಕದ್ಯಾಮ, ಎಲಿಯ ಹಮ್ನಾ ಆಯೊಸ. ವರಿಬಿ ತೆ ಕನ್ನ ವ್ಹೈ ಕೈನ ಮನಕ್ಹೊನೆ ಗ್ವತ್ತ ಥಯು ನೈ. ಮನಕ್ಹೊ ತ್ಯುನಾ ಮನಸೆ ಆಯಲತಿಮ್ಮ ತಿನೆ ತರಾಸ ಕರ‍್ಯಾ. ತಿನಾನಿಂಗತಜ಼ ತ್ಯುನೆ ಮನಕ್ಹನಾ ದಿಕ್ರಾನೆ ತ್ರಾಸ ದಿವಸ ಕೈನ ಕೈನ ಕದ್ಯೊ.
MAT 17:13 ಯೆಸು ಕವಾನು ಬಾಪ್ತಿಸ್ಮಾ ದಿಲಾವಾಲೊ ಯೊಹಾನನಾ ಹುತಿ ಕವಾಡ್ಯೊಸ ಕವಾನು ವ್ಹೈ ಕೈನ ಶಿಶ್ಯಾ ತಿಲದಿಲಿದ್ಯಾ.
MAT 17:14 ಯೆಸು ವರಿ ತಿನಾ ಶಿಷ್ಯಾ ವರಿಬಿ ಮನಕ್ಹೊಕನ ಗಯಾ.ಯಕ್ಲೊ ಯೆಸುಕನ ಐನ ತಿನಾ ಕ್ಹಾಮೊ ಉಂದೊ ಪಡಿನ,
MAT 17:15 "ಪ್ರಭು ಮಾರಾ ದಿಕ್ರಾನೆ ಮರಗ, ತೆ ಮಡ್ಡ ರೊಗಕ್ಹು ಘನ್ನೊ ತ್ರಾಸ ಖಾವಾಡ್ಯೊಸ. ತೆ ಹಗಲೆಲ ಆಗಮಾ ನೈತೊ ಪಾನಿಮಾ ಪಡಸ.
MAT 17:16 ಮಿ ಮಾರಾ ದಿಕ್ರಾನೆ ತಾರಾ ಶಿಷ್ಯಾವೊಕನ ಲಾಯೊ, ತೆನೈಸೊ ತ್ಯುನೆ ತಿನೆ ಅರಾಮ ಕರಾನೆ ಥಯು ನೈ ಕದ್ಯೊ.
MAT 17:17 ಯೆಸು, "ಅಯ್ಯೊ, ಬರೊಕ್ಹೊ ನೈಸೊ ಗ್ಯಾನ ನೈಸೊವಾಲಾವೊನಾ ಬಚ್ಚಾ಼ವೊ, ಹಜು಼ನ ಕೆಕ್ಲಾದಿನ್ನ ತುಮಾರಾ ಕ್ಹಾತೆ ರ‍್ಹೌ? ವರಿ ಕೆಕ್ಲಾ ದಿನ್ನ ತುಮೊನೆ ತಡ್ದಿಲ್ಯು? ತೆ ಪಟ್ಟಾನೆ ಮಕನ ಲಿನ ಆವೊ ಕೈನ ಕದ್ಯೊ.
MAT 17:18 ತೆ ಪಟ್ಟಾಮಾ ರ‍್ಹಯಲ ಭುತ್ಡಾನೆ ಯೆಸು ಭುಚ್ಕಾಡ್ತಾಮಾ ಭುತ್ಡು ತಿಮಾತು ಗೈ ಪಡ್ಯು. ತಞೆಳಾಮಾಜ಼ ತೆ ಪಟ್ಟಾನೆ ಅರಾಮ ಥಯು.
MAT 17:19 ತೆಳಾಮಾ ಶಿಷ್ಯಾ ಯೆಸು ಯಕ್ಲೊಜ಼ ರ‍್ಹತಾಮಾ ತಿಕನ ಐನ, ತೆ ಪಟ್ಟಾಮಾ ರ‍್ಹಯಲ ಭುತ್ಡಾನೆ ಛೊಡಾವಾನೆ ಹಮೆ ಕೊಶಿಶ ಕರ‍್ಯಾತಬಿ ಹಮಾರಾ ಹತೆ ಕಾ ಥಯು ನೈ ಕೈನ ಕದ್ಯಾ.
MAT 17:20 ತೆ ವಾತೆ ಯೆಸು ತುಮೊಮಾ ಬರೊಕ್ಹೊ ನೈ ರ‍್ಹಯಲ ಹುತಿ ತಿನೊ ಕಾರಣ ವ್ಹೈ.
MAT 17:21 ಮಿ ತುಮೊನೆ ಕ್ಹರಿಜ಼ ಕೌಸ. ತುಮಾರೊ ಬರೊಕ್ಹೊ ಸಾಸವಿ ಕಾಳ ಯಕ್ಲಿ ರ‍್ಹೈ ತಬಿ, ಆ ಡೊಂಗರನೆ ನ್ಯಾಂತೊ ತ್ಯಾ ಜಾ಼ ಕೈನ ತುಮೆ ಕದ್ಯಾತಬಿ ತೆ ಜಾ಼ವಸ. ತುಮಾರಾ ಹತೆ ನೈ ಥಾವಾನು ಕಾಮೊಜ಼ ರ‍್ಹತು ನೈ ಕೈನ ಕದ್ಯೊ.
MAT 17:22 ಯಕ್ಕಸಲಾ ಶಿಷ್ಯಾ ಗಲಿಲಾಯಾಮಾ ಮಳ್ಯಾ. ಯೆಸು ತಿನಾ ಶಿಷ್ಯಾವೊನೆ, "ಮನಕ್ಹನಾ ದಿಕ್ರಾನೆ ಮನಕ್ಹೊನಾ ಹತ್ಮಾ ದಿವಸ.
MAT 17:23 ತ್ಯುನೆ ತಿನೆ ಖಲಾಸ ಕರಸ. ವರಿಬಿ ತನ್ವಾ ದಿನ್ಮಾ ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಅವಸ” ಕೈನ ಕದ್ಯೊ.
MAT 17:24 ಯೆಸು ತಿನಾ ಶಿಷ್ಯಾ ಕಪೆನೌರ್ಮಿಯೆ ಗಯಾ. ದೆವಾಲಯನೆ ಯಹುದ್ದಿಯೊಕ್ಹೊ ಭು ಭಾಡೊ ವಸುಲಿ ಕರಾಲಾ ಪೆತ್ರಾಕನ ಐನ, ತುಮಾರಾ ಭೊದಕೊ ದೆವಾಲಯನಾ ಭು ಭಾಡೊ ದೆತಾ ನೈಸು ? ಕೈನ ಪುಚ್ಯಾ.
MAT 17:25 ತೆ ವಾತೆ ಪೆತ್ರಾ ಹೊ ದಿವಸ. ಕೈನ ಕದ್ಯೊ. ಪಾಚಾ಼ತೊ ಪೆತ್ರಾ ಯೆಸು ರ‍್ಹಯಲ ಘರ್ಮಾ ಗಯೊ. ತೆ ಎ ವಿಚಾರ ಕಾವತಿ ಪೈಲಾಜ಼ ಯೆಸು ತಿನೆ ಭುಲೊಕನಾ ರಾಜಾ಼ ಮನಕ್ಹೊಕಂತು ಘನ್ನಾ ತರಾನಾ ಭು ಭಾಡಾ ಮಾಂಗಿಲಿವಸ. ತೆನೈಸೊ ಭು ಭಾಡೊ ದಿವಾಲಾ ಮನಕ್ಹೊ ಕುನ್ನ ವ್ಹೈ? ರಾಜಾನಾ ದಿಕ್ರಾ ನೈತೊ ಬೆಜಾ಼ ಮನಕ್ಹೊ? ತಾರು ವಿಚಾರ ಸು ವ್ಹೈ? ಕೈನ ಪುಚ್ಯೊ.
MAT 17:26 ಪೆತ್ರಾ, "ಬಿಜಾ಼ ಮನಕ್ಹೊ ಭು ಭಾಡೊ ದಿವಸ. ಕೈನ ಕದ್ಯೊ. ಯೆಸು ಪೆತ್ರಾನೆ, ತಿಮ್ಮ ರ‍್ಹಯುಮ ರಾಜಾ಼ನಾ ದಿಕ್ರಾ ಭು ಭಾಡೊ ದ್ಯುನೈ.
MAT 17:27 ವರಿಬಿ ಭು ಭಾಡೊ ಲಿವಾಲಾವೊನೆ ಅಪೆ ಕಾ ಶಿಟ್ಟ ಲಾವಾ ವರಕ್ಹು ಕರಿಯೆ? ತೆ ಭು ಭಾಡೊ ದೆ. ಸಮುದ್ರಮಾ ಗೈನ ಮಚ್ಲಿಯೊ ಧರ್ರ ತುನೆ ಮಳಲ ಪೈಲಾನಿ ಮಚ್ಲಿನು ಮ್ಹೊಡು ಖುಲ್ಲಾ ಕರ, ತಿನಾ ಮ್ಹೊಡಾಮಾ ಭು ಭಾಡೊನೆ ದಿವಾನೆ ಚಾ಼ಯೆ ಥಯಲ ಯಕ್ಕ ಬಿಲ್ಲೊ ದೆಕಶಿ. ತೆ ಲಿನ ಐನ ಭು ಭಾಡೊ ಲಿವಾಲಾನೆ ದೆ.ತಿನಾಹುತಿ ಮಾರೊ ವರಿ ತಾರೊ ಭು ಭಾಡೊ ದಿದಲ ನಿಂಗತ ಥಾವಸ. ಕೈನ ಕದ್ಯೊ.
MAT 18:1 ತೆ ಟೈಮ ಶಿಷ್ಯಾ ಯೆಸುಕನ ಐನ, ಪರಲೊಕ ರಾಜ್ಯಮಾ ಕುನ್ನ ಮ್ಹೊಟು ವ್ಹೈ? ಕೈನ ಪುಚ್ಯಾ.
MAT 18:2 ಯೆಸು ನ್ಹಾನಾ ಬಚ್ಚಾನೆ ಕ್ಹಾಮೊ ಬಲೈನ ತ್ಯುನಾ ವಚ್ಮಾ ಹುಬ್ರಾಡಿನ,
MAT 18:3 ತ್ಯುನೊನೆ ತುಮಾರು ಮನಸ್ಸ ಬದಲಾವಣೆ ಥೈನ ನ್ಹಾನಾ ಬಚ್ಚಾವಿ ನಿಂಗತ ನೈ ಥಯಾಮ ತುಮೆ ಪರಲೊಕ ರಾಜ್ಯಮಾ ಆವಾನು ನೈಕೈನ ತುಮೊನೆ ಕ್ಹರಿಜ ಕೌಸ.
MAT 18:4 ಅಮ್ಮ ರ‍್ಹತಾಮಾ ಕುನ್ನ ಆ ನ್ಹಾನಾ ಬಚ್ಚಾನಿಂಗತ ತಿನೆ ತೆಜ ತಗ್ಗಿಸಿಲಿವಸ ತೆಜ ಪರಲೊಕ ರಾಜ್ಯಮಾ ಮ್ಹೊಟೊ ವ್ಹೈ.
MAT 18:5 ತೆನೈಸೊ ಕುನಬಿ ಮಾರಾ ನಾಮಮಾ ಹವಾ ನ್ಹಾನಾ ಬಚ್ಚಾನೆ ಮಳೈಲಿವಸತೊ ಮನೆಜ ಮಳೈಲಿವಾಲೊ ಥಯೊಸ.
MAT 18:6 ತೆನೈಸೊ ಮಾರಾಮಾ ಭರೊಕ್ಹೊ ಮ್ಹೆಲಾಲಾ ಆ ನ್ಹಾನಾವೊಮಾ ಯಕ್ಲಾನೆ ಕುನಬಿ ಅಡ್ಡಿ ಕರ‍್ಯಾಮ ಥ್ಯವಾನೆ ಗರ್ದನೆ ಮ್ಹೊಟೊ ನಾಕಾನೊ ದಗ್ಡಾನೆ ಭಾಂದಿನ ತಿನೆ ಸಮಂದರಮಾ ಡುಬಾಡಿ ಪಡಾನೂ ತಿನೆ ಚೊ಼ಕು ವ್ಹೈ.
MAT 18:7 ಮನಕ್ಹೊನೆ ಪಾಪನೆ ಚಲಾವಾನೂ ಸಂಗತಿಯೊನಾ ಹುತಿ ಮಿ ಆ ಲೊಕನಾ ವಿಷಯಮಾ ದುಖ ಪಡ್ದುಸ. ತೆ ಕೆಳಾಮಾಬಿ ರ‍್ಹವಸ.ತೆನೈಸೊ ತಿನೆ ಕಾರಣ ಥಾವಾನೂ ಮನಕ್ಹನೆ ಘನ್ನು ತ್ರಾಸ ಥಾವಸ.
MAT 18:8 ತಾರೊ ಹತ್ತ ರ‍್ಹವಾದೆ ತಾರೊ ಪಗ್ಗ ರ‍್ಹವಾದೆ ತುನೆ ಪಾಪಮಾ ಕ್ಹಾಪ್ಡಾವರಕ್ಹು ರ‍್ಹಯಾಮ ತಿನೆ ಕತ್ರಿನ ಭಿರಕೈ ಪಡ. ಭಂಬೆ ಹತೊ, ಬೆ ಪಗೊವಾಲೊ ರ‍್ಹೈಯಲವಾಲೊ ನಿತ್ಯ ಆಗಮಾ ಘಾಲಾತಿಜ ಅಂಗನು ಹಿನ ಥಯಲ ನೈತೊ ಲಂಗ್ಡೊ ಥಯಲ ಜಿವನಾಮಾ ಸೆರಾನೂ ತುನೆ ಚೊ಼ಕುವ್ಹೈ.
MAT 18:9 ತಾರ ಡೊಳಾ ತುನೆ ಪಾಪಮಾ ಕ್ಹಾಪ್ಡಾಯಾರೆ ತಿನೆ ಕಿತ್ತಿನ ಭಿರಕೈ ಪಡ, ಬೆ ಡೊಳಾ ರ‍್ಹಯಲವಾಲೊ ಆಗನಾ ನರಕಮಾ ಘಾಲಾತಿಜ ಯಕ್ಕಜ ಡೊಳಾವಾಲೊ ಥೈನ ಜಿವನಮಾ ಸೆರಾನೂ ತುನೆ ಚೊ಼ಕು ವ್ಹೈ.
MAT 18:10 ಆ ನ್ಹಾನಾವೊಮಾ ಯಕ್ಲೊಬಿ ರ‍ಹೈತಬಿ ತಪ್ಪ ಕರೆವಾಚಿ ದೆಕಿಲಿವೊ. ಕಾ ಕದ್ಯಮ ಪರೊಲೊಕಮಾ ರ‍್ಹವಾನಾ ದುತೊ ಮಾರಾ ಸ್ವರ್ಗನೊ ಬಾನೂ ಮ್ಹೊಡಾನೆ ದೆಕ್ತಾ ರ‍್ಹವಸತೊ ಕೈನ ತುಮೊನೆ ಕೌಸ.
MAT 18:11 ಮನಕ್ಹೊನೊ ದಿಕ್ರೊ ಕೆಟ್ಟಿನ ಗಯಲ ಹುಡ್ಕಿನ ರಕ್ಷಾಕರಾನಾ ಹುತಿ ಆಯೊ.
MAT 18:12 ತುಮಾರಾಮಾ ಯಕ್ಲಾ ಮನಕ್ಹನೆ ಕ್ಹೊ ಬಕ್ರಾ ರ‍್ಹಯಾಮ ತ್ಯುನಾಮಾ ಯಕ್ಕ ಬಕ್ರು ತಪ್ಸಿಲಿನ ಗಯುಸ ಕೈನ ಮ್ಹೆಲ್ಲಿವೊ. ತೆಳಾಮಾ ತುಮೊನೆ ಸು ಅನಸಾವಸ? ತೆ ಉಗ್ರಲ ನೌವದಪರನೌ ಬಕ್ರಾವೊನೆ ಡೊಂಗರಪರ ಛೊಡಿನ ತಪ್ಸಲಿನ ಗಯಲ ತೆ ಯಕ್ಕ ಬಕ್ರಾನೆ ಹುಡ್ಕಿಲಿನ ನೈ ಜಾತಾತೊ?
MAT 18:13 ತೆ ತಿನೆ ಮಳ್ಯಾರೆ, ನೈ ತಪ್ಸಿಲಿನ ರ‍್ಹವಾನಾ ನೌವದಪರ ನೌ ಬಕ್ರಾತಿಬಿ ತೆ ಯಕ್ಕ ಬಕ್ರಾನಾಹುತಿ ಘನ್ನೊ ಖುಷಿ ಥೌಸ ಕೈನ ತುಮೊನೆ ಕ್ಹರಿಜ ಕೌಸ.
MAT 18:14 ತಿಮ್ಮಜ ಆ ನ್ಹಾನಾವೊಮಾ ಯಕ್ಲೊಬಿ ನಾಶ ಥೈನ ಜಾವಸ ಪರಲೊಕಮಾ ರ‍್ಹವಾನು ತುಮಾರಾ ಬಾನೂ ಚಿತ್ತ ನವೈ.
MAT 18:15 ತಾರೊ ಭೈ ತಾರಾ ವಿರುದ್ದ ತಪ್ಪ ಕರ‍್ಯಾರೆ, ಗೈನ ತು ತೆ ಯಕ್ಲೊಜ ರ‍್ಹತಾಮಾ ತಿನೊ ತಿನೆ ಅರು ಥಯು ಕೈನ ತಿಳಸಾ. ತೆ ತಾರಾ ವಾತನೆ ಐಕ್ಯಾಮ ತಾರಾ ಭೈನೆ ತು ಕಮೈಲೆಸಿ.
MAT 18:16 ಪಾಚಾತೊ ತೆ ತಾರಿ ವಾತ ನೈ ಐಕ್ಯಾಮ ಬೆ ತನ್ನ ಸಾಕ್ಷಿಯೊನೆ ಮ್ಹೊಡಾಕ್ಹು ಹರಿಯಕ್ಕ ವಾತ ಸ್ಥಿರ ಪಡಸಾನಾಹುತಿ ಯಕ್ಲಾನೆ ನೈತೊ ಬೆಜ಼ನಾವೊನೆ ತಾರಾ ಕ್ಹಾತೆ ಬಲೈಲಿನ ಜಾ.
MAT 18:17 ತೆ ತಿನಿ ವಾತ ನೈ ಐಕ್ಯಾಮ ತೆ ವಾತನೆ ಸಭೆಮಾ ಕೆ. ತೆ ಸಭೆನಾ ವಾತೊನೆ ನೈಐಕ್ಯಾಮ ತೆ ತುನೆ ಅನ್ಯ ನಿಂಗತಬಿ ಸುಂಕವಾಲಾ ನಿಂಗತಬಿ ರ‍್ಹವಾದೆ.
MAT 18:18 ಭುಲೊಕಮಾ ತುಮೆ ಸುಸು ಭಾಂದ್ಯೊಸಿತೊ ತೆ ಪರಲೊಕಮಾಬಿ ಭಾಂದಲ ರ‍್ಹವಸ. ವರಿ ಭುಲೊಕಮಾ ಸುಸು ಕ್ಹೊಲೊಸಿತೊ ತೆ ಪರಲೊಕಮಾ ಕ್ಹುಲಾವಸ ಕೈನ ತುಮೊನೆ ಕ್ಹರಿಜ ಕೌಸ.
MAT 18:19 ತೆನೈಸೊ ತುಮಾರಾಮಾ ಮಾಂಗಿಲಿವಾ ಅಕ್ಲು ಕಯುಬಿ ರ‍್ಹೈತಬಿ ಯಕ್ಕ ವಿಷಯ ಥೈನ ಭುಲೊಕಮಾ ಯಕ್ಕಜ ಮನಸವಾಲಾ ಥಯಾತಬಿ ತೆ ಪರಲೊಕಮಾ ರ‍್ಹವಾನು ಮಾರಾ ಬಾಕ್ಹು ತ್ಯುನೊನೆ ಥಾವಸ ಕೈನ ತುಮೊನೆ ಕೌಸ.
MAT 18:20 ಕಾ ಕದ್ಯಾಮ ಬೆಜ಼ನಾ ರ‍್ಹೈನೆಕಾ ತನ್ನಜ಼ನಾ ರ‍್ಹೈನೆಕಾ ಮಾರಾ ನಾಮಂಪರ ಮಳಿನ ಆವಸ ತ್ಯುನಾ ವಚ್ಮಾ಼ ಮಿ ರ‍್ಹೌಸ. ಕೈನ ಕದ್ಯೊ.
MAT 18:21 ತೆಳಾಮ ಪೆತ್ರಾ ತಿಕನ ಐನ, ಕರ್ತಾ ಮಾರೊ ಭೈ ಮರಾ ವಿರುದ್ದ ಪಾಪ ಕರ‍್ಯೊಮ ಕೆಕ್ಲಿಸಲಾ ತಿನಿ ಮಾಫ ಕರು? ಖಾತಾ ಸಲಾ ವ್ಹೈಸು? ಕೈನ ಕದ್ಯೊ.
MAT 18:22 ಯೆಸು ತಿನೆ, "ಕ್ಹಾತ ಸಲಾ ಕೈನ ನೈ ಸತ್ತರಪರ ಕ್ಹಾತ ಸಲಾ” ಕೈನ ಮಿ ತುನೆ ಕೌಸ.
MAT 18:23 ತಿನಾಹುತಿ ಪರಲೊಕ ರಾಜ್ಯ ತಿನಾ ಆಳೊಕ್ಹು ಲೆಕ್ಕೊ ಲಿವಾನಾಹುತಿ ಯಕ್ಕ ರಾಜಾ಼ನೆ ಹೊಲಿಕೆ ಥೈಸ.
MAT 18:24 ತೆ ಲೆಕ್ಕೊ ಲಿವಾನೆ ಶುರು ಕರ‍್ತಾಮಾ ದಕ್ಹ ಹಜಾ಼ರ ಕ್ಹೊನಾನಾ ಬಿಲ್ಲಾ ದಿವಾಲಾ ಆಳನೆ ತೆ ರಾಜಾ಼ಕನ ಲಾಯಾ.
MAT 18:25 ತೆ ಸಾಲಾ ತಿರ್ಸಾನೆ ತಿಕನ ಸುಜ಼ ನೈ ರ‍್ಹಯಲಕ್ಹು ತಿನೊ ಮಾಲಕ ತಿನೆ, ತಿನಿ ಬೈಕೊನೆ, ಬಚ್ಚಾ಼ವೊನೆ ತಿನೆ ರ‍್ಹಯಲ ಕ್ಹಾರು ಇಕ್ಕಿನ ತೆ ಸಾಲಾ ದ್ಯು ಕೈನ ಅಪ್ಪಣೆ ದಿದ್ಯೊ.
MAT 18:26 ತೆಳಾಮ ತೆ ಆಳ ಉಂದಾ ಗುಡಗಾ ಘಾಲಿನ ತಿನು ಮಾತು ಝುಕೈನ ಮಾಲಕನೆ, "ಮಾಲಕ, ಮಾರಾ ಉಪ್ಪರ ತಾಳ್ಮೆ ರ‍್ಹವಾದೆ, ತಾರು ಕ್ಹಾರು ಮಿ ದ್ಯುಸ” ಕದ್ಯೊ.
MAT 18:27 ತೆ ಆಳ ರಾಜೊ ಕನಿಕರ ಪಡಿನ ತಿನೆ ಛೊಡೈನ ತೆ ಸಾಲಾ ಕ್ಹಾರಿ ಮಾಫಕರಿ ಪಡ್ಯೊ.
MAT 18:28 "ಪಾಚ಼ಲ್ತೊ ತೆ ಸೆವಕ ಭಾರೊ ಐನ ತಿನೆ ಕ್ಹೊ ರುಪ್ಪಾನಾ ಬಿಲ್ಲಾ ದಿವಾಲಾ ಯಕ್ಕ ಆಳನೆ ದೆಕಿನ ತಿನೆ ಧರಿನ ನಡ್ಡಿ ಚಿಕಲಿನ, ಮಾರಿ ಸಾಲಾ ಫೆಡ’ ಕೈನ ಕದ್ಯೊ.
MAT 18:29 " ತೆನೈಸೊ ತಿನಾ ಕ್ಹಾತೆ ಆಳಬಿ ಉಂದಾ ಗುಡ್ಗಾ ಘಾಲಿನ ಮಾರಾ ಉಪ್ಪರ ತಾಳ್ಮೆ ರ‍್ಹವಾದೆ ಮಿ ತಿರಸುಸ’ ಕೈನ ಮಾಂಗಿಲಿದ್ಯೊ.
MAT 18:30 " ತೆನೈಸೊ ತೆ ಒಪ್ಪೆವಾಚಿ ಗೈನ ತೆ ಸಾಲಾ ತಿರಸಾಯೆ ಲಕ್ಕಾ ತಿನೆ ಜೆಲಮಾ ಘಲಾಯೊ.
MAT 18:31 ತಿನಾ ಕ್ಹಾತೆ ಆಳೊ ಚಾಲಲ ಸಂಗತಿಯೊನೆ ದೆಕಿನ ಘನ್ನು ದುಕ್ಹ ಪಡ್ದಿನ ತಿನಾ ರಾಜಾಕನ ಐನ ಚಾಲಲ ಕ್ಹಾರು ತಿಕನ ಕದ್ಯಾ.
MAT 18:32 ತೆಳಾಮಾ ತೆ ರಾಜೊ ತಿನೆ ಬಲೈನ, ‘ಓ, ದುಷ್ಟ ಆಳ, ತು ಮನೆ ಮಾಂಗಿ ಲಿದಲಕ್ಹು ತಾರಿ ಸಾಲಾ ಕ್ಹಾರಿ ಮಾಫ ಕರುಸ.
MAT 18:33 ಮಿ ತುನೆ ಮರಗಲ ನಿಂಗತ ತುಬಿ ರ‍್ಹತಬಿ ತಾರಾ ಕ್ಹಾತೆ ಆಳನೆ ಮರಗಾನೂ ನ್ಹೊತು? ತಿಮ್ಮ ಕೈನ.
MAT 18:34 ರಾಜೊ ಸಿಟ್ಟ ಥೈನ ತಿನೆ ದಿವಾನಿ ಸಾಲಾನೆ ತಿರಸೆಲಕ್ಕಾ ತಿನೆ ಪಿಡಿಸೊನಾ ಹತೊಮಾ ದ್ಯುಸ.
MAT 18:35 " ತುಮಾರಾಮಾ ಹರಯಕ್ಲೊ ತಾರಾ ಭೈನೆ ಮನಸಕ್ಹುಜ ನೈ ಮಾಫ ಕರ‍್ಯಾಮ ಮಾರೊ ಬಾಬಿ ತುಮೊನೆ ತಿಮ್ಮಜ ಕರಸ ಕೈನ ಕದ್ಯೊ.
MAT 19:1 ಅಮ್ಮ ರ‍್ಹತಾಮಾ ಯೆಸು ಆ ವಾತೊ ಮೂಗಸಲಪರ ಗಲಿಲಾಯ ಛೊಡಿನ ಯೊರ್ದಾನ್ ತಳಾನಾ ಹಿಂಗೆ ರ‍್ಹಯಲ ಯುದಾಯ ಪ್ರಾಂತ್ಯನೆ ಗಯೊ.
MAT 19:2 ಮನಕ್ಹೊನು ಮ್ಹೊಟು ಗುಂಪ ತಿನಾ ಪಾಚಾ ಗಯಾ, ತೆ ತ್ಯುನೊನೆ ತ್ಯಾಜ಼ ಅರಾಮ ಕರ‍್ಯೊ.
MAT 19:3 ಪರಿಸಾಯರೊ ಯೆಸುನೆ ಪರಿಕ್ಷಾ ಕರಾನೆ ತಿನಾ ಕ್ಹಾಮಾ ಐನ, ಯಕ್ಲೊ ಕಯಾಬಿ ಯಕ್ಕ ಕಾರಣಕ್ಹು ತಿನಿ ಬೈಕೊನೆ ಛೊಡಿ ಪಡಾನೂ ಶಾಸ್ತ್ರಮಾ ಛೆ ಸು? ಕೈನ ಪುಚ್ತಾಮಾ,
MAT 19:4 ತೆ ಉತ್ತರ ದಿನ, ಮನಕ್ಹೊನೆ ಸೃಷ್ಟಿ ಕರಲವಾಲೊ ಅದಿತೊಜ಼ ತ್ಯುನೊನೆ ಗಂಡ ವರಿ ಹೆಣ್ಣ ಕೈನ ಸೃಷ್ಟಿ ಕರ‍್ಯೊ.
MAT 19:5 ಆ ಕಾರಣಕ್ಹುಜ಼ ದಾಣ್ಗೊ ಯಾ ಬಾನೆ ಛೊಡಿನ ತಿನಿ ಬೈಕೊನೆ ಮಳೈಲಿವಸ. ತ್ಯುನೆ ಭಂಬಿ ಜ಼ನಾ ಯಕ್ಕಜ಼ ಅಂಗ ಥೈನ ರ‍್ಹವಸ ಕವಾನು ತುಮೆ ಓದ್ಯಾಸತೊ?’
MAT 19:6 ಅಮ್ಮ ರ‍್ಹತಾಮಾ ತ್ಯುನೆ ಬೆಜ಼ನಾ ನ್ಹವೈ ಯಕ್ಕ ಅಂಗ ಥಯಾಸ. ತಿನಾಹುತಿ ಕ್ಹುದಾ ಮಳಾಯಲನೆ ಮನಕ್ಹ ಜು಼ದು ಕರು ನೈ ಕದ್ಯೊ.
MAT 19:7 ತಿನಾಹುತಿ ತ್ಯುನೆ ಯೆಸುನೆ, ಇಮ್ಮ ರ‍್ಹಯಮ ತಾಲಾಕನು ಪತ್ರ ದಿನ ತಿನೆ ಛೊಡಿಪಡು ಕೈನ ಮೊಶೆ ಕಾ ಆಗನ್ಯಾ ದಿದ್ಯೊ? ಕೈನ ಪುಚ್ಯಾ.
MAT 19:8 ತೆಳಾಮಾ ಯೆಸು ತ್ಯುನೊನೆ, ಮೊಶೆ ತುಮಾರಾ ಮಂಡತನಾಹ್ಉ ತುಮಾರಿಯೊ ಬೈಕೊನೆ ಛೊಡಿಪಡಾನೆ ಅಪ್ಪಣೆ ದಿದ್ಯೊ. ತೆನೈಸೊ ಆದಿತು ಇಮ್ಮ ನ್ಹೊತು ಕದ್ಯೊ.
MAT 19:9 ವರಿ ವ್ಯಬಿಚಾರನಾ ಕಾರಣಕ್ಹು ನೈಸೊ ತಿನಿ ಬೈಕೊನೆ ಛೊಡಿನ ವರಿಯಕ್ಲಿನೆ ಹಿವಾ ಕರಿಲಿವಾಲೊ ವ್ಯಬಿಚಾರ ಕರಲ ನಿಂಗತ ವ್ಹೈ; ವರಿ ಮಾಟಿ ಛೊಡಲವಾಲಿನೆ ಹಿವಾ ಕರಿಲಿವಾಲೊ ವ್ಯಬಿಚಾರ ಕರಲ ನಿಂಗತ ವ್ಹೈ ಕೈನ ತುಮೊನೆ ಕೌಸ ಕದ್ಯೊ.
MAT 19:10 ತಿನಾಹುತಿ ಶಿಶ್ಯಾ ಯೆಸುನೆ, ಬೈಕೊನಾ ಕ್ಹಾತೆ ಮಾಟಿನೊ ರಿಸ್ತೊ ಇಮ್ಮ ರ‍್ಹಯಮ ಹಿವಾ ಕರಿಲಿವಾನು ಚೊ಼ಕು ನ್ಹವೈ ಕದ್ಯಾ.
MAT 19:11 ತೆನೈಸೊ ಯೆಸು ತ್ಯುನೊನೆ, ಎ ವಾತನೆ ಕ್ಹಾರಾ ಸ್ವಿಕಾರ ನೈ ಕರ‍್ತಾ ತೆನೈಸೊ ಕಿನೆ ತೆ ವರಾ ದಿದಲ ಛೆ ತ್ಯುನೆ ಯಕ್ಕಜ಼ ತಿನೆ ಸ್ವಿಕಾರ ಕರಸ.
MAT 19:12 ಮಾನಾ ಪೆಟಮಾತಾಜ಼ ನಪುಸಕ ಥೈನ ಹುಟ್ಟಲವಾಲಾ ದಕ್ಹಾ ಜ಼ನಾ ಛೆ ವರಿ ಮನಕ್ಹೊಕ್ಹು ನಪುಸಕ ಥೈಯಲವಾಲಾ ದಕ್ಹಾ ಜ಼ನಾ ಛೆ ವರಿ ಪರಲೊಕ ರಾಜ್ಯನಾಹುತಿ ತ್ಯುನೊನೆ ತ್ಯುನೆಜ಼ ನಪುಸಕ ಕರಿಲಿದಲವಾಲಾ ದಕ್ಹಾ ಜ಼ನಾ ಛೆ. ಎ ಬೊದನೆನೆ ಸ್ವಿಕಾರ ಕರಾಲಾ ಸ್ವಿಕಾರ ಕರಾದೆ ಕೈನ ಕದ್ಯೊ.
MAT 19:13 ದಕ್ಹಾ ಜ಼ನಾ ತ್ಯುನಾ ನ್ಹಾನಾ ಬಚ್ಚಾ಼ವೊನೆ ಯೆಸುಕನ ಬಲೈಲಿನ ಐನ, ತ್ಯುನಾ ಉಪ್ಪರ ತೆ ಹತೊ ಮ್ಹೆಲಿನ ಪ್ರಾರ್ಥನಾ ಕರು ಕೈನ ಮಾಂಗಿಲಿದ್ಯಾ. ತೆನೈಸೊ ಶಿಶ್ಯಾ ತ್ಯುನೊನೆ ಭುಚ್ಕಾಡ್ಯಾ.
MAT 19:14 ತೆನೈಸೊ ಯೆಸು, ನ್ಹಾನಾ ಬಚ್ಚಾ಼ವೊನೆ ಛೊಡೊ. ಮಕನ ಆವಾನೆ ತ್ಯುನೊನೆ ಅಡ್ಡ ಕರೊ ನಕೊ. ಕಾಕದ್ಯಾಮ ಪರಲೊಕ ರಾಜ್ಯ ಹೆವಾವೊನುಜ಼ ವ್ಹೈ ಕೈನ ಕದ್ಯೊ.
MAT 19:15 ವರಿ ತ್ಯುನಾ ಉಪ್ಪರ ಹತ್ತ ಮ್ಹೆಲಿನ ಪಾಚ಼ಲ್ತೊ ತ್ಯಾಂತೊ ಗಯೊ.
MAT 19:16 ಯಕ್ಕ ಮನಕ್ಹ ಯೆಸುಕನ ಐನ, ಬೊದಕ ಮಿ ಹಮೆಶಾನು ಜ಼ಲಮ ವ್ಹಂದಿಲಿವಾನೆ ಕಯು ಚೊ಼ಕು ಕಾಮ ಕರು? ಕೈನ ಪುಚ್ಯೊ.
MAT 19:17 ಯೆಸು ತಿನೆ, ಚೊ಼ಕಾನಾಹುತಿ ಮನೆ ಶಾನೆ ಪುಚ್ಚಶಿ? ಚೊ಼ಕೊ ರ‍್ಹಯಲವಾಲೊ ಯಕ್ಲೊಜ಼ ವ್ಹೈ. ತೆ ಜ಼ಲಮ ವ್ಹಂದಿಲಿವ ಕೈನ ಕದ್ಯಾಮ ಕ್ಹುದಾನಿ ಆಗನ್ಯಾವೊನೆ ವಿದೆಯ ಥೈನ ಚಾ಼ಲ ಕೈನ ಕದ್ಯೊ.
MAT 19:18 ತಿನಾಹುತಿ ತೆ, ತೆ ಕಯಾ ವ್ಹೈ? ಕೈನ ಪುಚ್ತಾಮಾ ಯೆಸು, ನರಹತ್ಯ ಕರು ನೈ, ವ್ಯಬಿಚಾರ ಕರು ನೈ, ಚೊ಼ರಿ ಕರು ನೈ, ಸುಳ್ಳ ಸಾಕ್ಷಿ ಕೌ ನೈ.
MAT 19:19 ತಾರ ಮಾ ಬಾಪನೆ ಮರ್ಯಾದಿ ದ್ಯು ವರಿ ತಾರಾ ನಿಂಗತಜ಼ ತಾರಾ ಬಾಜು಼ ರ‍್ಹಯಲವಾಲಾನೆ ಮಯಾ ಕರು. ಎಜ಼ ವ್ಹೈ ಕದ್ಯೊ.
MAT 19:20 ತೆ ಜಾಂಜಿಮಾನ ಮನಕ್ಹ ತಿನೆ, "ಎ ಕ್ಹಾರಾವೊನೆ ಮಿ ವಿದೆಯ ಥೈನ ಚಾ಼ಲಿಲಿನ ಗಯೊಸ” ಹಜ಼ುನ ಮಾರಾಮಾ ಸು ಕಮಿ ವಸ? ಕೈನ ಪುಚ್ಯೊ.
MAT 19:21 ಯೆಸು ತಿನೆ, ತು ಪರಿಪುರ್ಣ ಥಾವಾನೊ ರ‍್ಹಯೊಮ, ಗೈನ ತುನೆ ರ‍್ಹಯಲ ಕ್ಹಾರು ಇಕ್ಕಿನ, ಗರಿಬೊನೆ ದೆ, ತೆಳಾಮಾ ತುನೆ ಪರಲೊಕಮಾ ಆಸ್ತಿ ರ‍್ಹವಸ. ಪಾಚ಼ಲ್ತೊ ತು ಮಾರಾ ಪಾಚೊ ಆ ಕೈನ ಕದ್ಯೊ.
MAT 19:22 ತೆನೈಸೊ ತೆ ಜಾಂಜಿಮಾನ ಮನಕ್ಹ ಘನ್ನೊ ಆಸ್ತಿವಾಲೊ ರ‍್ಹಯಲಕ್ಹು ಎ ವಾತ ಐಕಿನ ದುಖಕ್ಹು ಗೈಪಡ್ಯೊ.
MAT 19:23 ತೆಳಾಮಾ ಯೆಸು ತಿನಾ ಶಿಶ್ಯಾವೊನೆ, ಆಸ್ತಿ ರ‍್ಹಯಲವಾಲೊ ಪರಲೊಕ ರಾಜ್ಯಮಾ ಜಾ಼ವಾನು ಘನ್ನು ಕಷ್ಟ ವ್ಹೈ ಕೈನ ತುಮೊನೆ ಕ್ಹರಿಜ಼ ಕೌಸ.
MAT 19:24 ಹಾಂ, ಮಿ ಫರಿನ ತುಮೊನೆ ಕೌಸ ಆಸ್ತಿ ರ‍್ಹಯಲವಾಲೊ ಕ್ಹುದಾನಿ ರಾಜ್ಯಮಾ ಜಾ಼ವಾತಿ ಹುಂಟ ಖ್ವಯಿನಾ ಡೊಳಾಮಾ ಜಾ಼ವಾನು ಆಸಾನ ವ್ಹೈ.
MAT 19:25 ಶಿಶ್ಯಾ ಎ ಐಕಿನ ಘನ್ನಾ ಘಾಬ್ರಾ ಥೈನ, ಇಮ್ಮ ರ‍್ಹಯಮ ರಕ್ಷಣೆ ವ್ಹಂದಾನೆ ಕಿಕ್ಹು ಥಾವಸ? ಕೈನ ಪುಚ್ಯಾ.
MAT 19:26 ಯೆಸು ತ್ಯುನೊನೆ ಯಕ್ಕ ಸಂವಾ ದೆಕಿನ ಎ ಮನಕ್ಹೊಕ್ಹು ಅಸಾದ್ಯ ವ್ಹೈ. ತೆನೈಸೊ ಕ್ಹುದಾನೆ ಕ್ಹಾರುಜ಼ ಸಾದ್ಯ ವ್ಹೈ ಕದ್ಯೊ.
MAT 19:27 ತೆಳಾಮಾ ಪೆತ್ರಾ ಯೆಸುನೆ, "ಹಮೆ ಕ್ಹಾರು ಛೊಡಿನ ತಾರಾ ಪಾಚಾ ಆಯಾಸ; ಇಕ್ಹು ಹಮೊನೆ ಸು ಮಳಸ? ಕೈನ ಪುಚ್ಯಾ.
MAT 19:28 ಯೆಸು ತ್ಯುನೊನೆ, ತುಮೊನೆ ಕ್ಹರಿಜ಼ ಕೌಸ, ನಯಿ ಸೃಷ್ಟಿಮಾ ಮನಕ್ಹನೊ ದಿಕ್ರೊ ತಿನಿ ಮಹಿಮಾನಾ ಸಿಂಹಾಸನಪರ ಬೈಟತಾಮಾ, ಮಾರಾ ಪಾಚಾ಼ ಆಯಲವಾಲಾ ತುಮೆಬಿ ಬಾರಾ ಸಿಂಹಾಸನೊನಾ ಉಪ್ಪರ ಬೈಟಿನ, ಇಸ್ರಾಯೆಲನಾ ಬಾರಾ ಘರ್ದಾನೊನೆ ನ್ಯಾಯ ತಿರಿಸೊಶಿ.
MAT 19:29 ವರಿ ಮಾರಾ ನಾಮನಾ ಹುತಿ ಘರೊನೆ ರ‍್ಹವಾದೆ, ಭಾಯೊನೆ ರ‍್ಹವಾದೆ, ಭೆನೊನೆ ರ‍್ಹವಾದೆ, ಬಾಪನೆ ರ‍್ಹವಾದೆ, ಮಾನೆ ರ‍್ಹವಾದೆ, ಬಚ಼್ಚಾವೊನೆ ರ‍್ಹವಾದೆ, ಜಿಮಿನನೆ ರ‍್ಹವಾದೆ, ಛೊಡಿಪಡಲ ಹರಯಕ್ಲೊ ಕ್ಹಾರು ಖೊ ಯಕ್ಲು ವ್ಹಂದಿಲಿವಸ. ತೆನೈಸೊ ಹಮೆಶಾನಾ ಜ಼ಲಮನೊ ಅದಿಕಾರಿ ಥಾವಸ.
MAT 19:30 ತೆನೈಸೊ ಪೈಲಾತಾ ರ‍್ಹಯಲವಾಲಾ ಘನ್ನಾ ಮನಕ್ಹೊ ಲಾಸ್ಟನಾ ಥಾವಸ ವರಿ ಲಾಸ್ಟನಾ ಘನ್ನಾ ಮನಕ್ಹೊ ಪೈಲಾನಾ ಥಾವಸ.
MAT 20:1 ಪರಲೊಕ ರಾಜ್ಯ ತಿನಾ ದ್ರಾಕ್ಷಿನಾ ಮಳಾನೆ ಕುಲಿನಾ ಆಳೊ ಲಾವಾನೆ ಪಾಟೆಜ಼ ಗಯಲ ಯಕ್ಕ ಮಳಾನಾ ಮಾಲಕ ನಿಂಗತ ಛೆ.
MAT 20:2 ತೆ ಯಕ್ಕ ದಿನ್ನನೆ ಯಕ್ಕ ರುಪ್ಪಾನೊ ಬಿಲ್ಲೊ ಕೈನ ಕುಲಿ ಆಳೊನಾ ಕ್ಹಾತೆ ಒಪ್ಪಂದ ಕರಿಲಿದಲಪರ ತ್ಯುನೊನೆ ದ್ರಾಕ್ಷಿಯೊನಾ ಮಳಾನೆ ವಳಾಯೊ.
MAT 20:3 ತೆ ವರಿ ಕಮ್ಮಸಿಕಮ್ಮ ನೌ ವಸ್ತಾ ಬಾಜ಼ರನಾ ಜ಼ಗಾನೆ ಗೈನ ಕಾಮ ನೈಸೊ ಗಪ್ಪ ಹುಬ್ರಯಲ ಬಿಜಾ಼ ದಕ್ಹಾ ಕುಲಿ ಆಳೊನೆ ದೆಕಿನ,
MAT 20:4 ತ್ಯುನೊನೆ, ‘ ತುಮೆಬಿ ಮಾರಾ ದ್ರಾಕ್ಷಿಯೊನಾ ಮಳಾನೆ ಜಾವೊ; ತುಮೊನೆ ಕರೆಟ್ಟ ಪಗಾರ ದ್ಯುಸ’ ಕದ್ಯೊ. ತೆಳಾಮಾ ತ್ಯುನೆ ಕಾಮೆ ಗಯಾ.
MAT 20:5 ತೆ ವರಿ ಕಮ್ಮಸಿಕಮ್ಮ ಬಾರಾ ವಸ್ತಾ ವರಿ ತನ್ನ ವಸ್ತಾ ಗೈನ ತಿನಾ ನಿಂಗತಜ಼ ಕರ‍್ಯೊ.
MAT 20:6 ಹಜಿಯಕ್ಕ ಸಲಾ ಕ್ಹಾಂಜ಼ನಾ ಟೈಮ್ಮಾ ಪಾಂಚ ವಸ್ತಾ ತೆ ಗೈನ ಬಿಜಾ ದಕ್ಹಾ ಜ಼ನಾ ಗಪ್ಪ ಹುಬ್ರಯಲ ದೆಕಿನ ತ್ಯುನೊನೆ, ‘ದಿನ ಕ್ಹಾರಿ ಯ್ಹಾ ಗಪ್ಪ ಶ್ಯಾನೆ ಹುಬ್ರಾಯಾಸ?’ ಕೈನ ಪುಚ್ಯೊ.
MAT 20:7 ತ್ಯುನೆ ತಿನೆ, ‘ಕುನ್ನಜ ಹಮೊನೆ ಕುಲಿನೆ ಬಲಾಯಾ ನೈ’ ಕದ್ಯಾ, ತೆಳಾಮಾ ತೆ ತ್ಯುನೊನೆ, ‘ತುಮೆಬಿ ಮಾರಾ ದ್ರಾಕ್ಷಿಯೊನಾ ಮಳಾನೆ ಜಾ಼ವೊ’ ಕದ್ಯೊ.
MAT 20:8 ಕ್ಹಾಂಜ಼ ಥಯಲ್ಪರ ದ್ರಾಕ್ಷಿಯೊನಾ ಮಳಾನೊ ಮಾಲಕ ತಿನಾ ಮೆಲ್ವಚಾರಕನೆ, ತೆ ಕುಲಿ ಆಳೊನೆ ಬಲೈನ ಲಾಸ್ಟನೆ ಆಯಲವಾಲಾವೊತೊ ಪಸ್ಟ ಆಯಲವಾಲಾವೊ ಲಕ್ಕಾ ಪಗಾರ ದೆ’ ಕೈನ ಕದ್ಯೊ.
MAT 20:9 ತೆಳಾಮಾ ಕ್ಹಾಂಜೆ ಪಾಂಚ಼ವಾಸ್ತಾ ಐನ ಕಾಮ ಕರಲವಾಲಾ ಆಯಲ್ಪರ, ಹರಯಕ್ಲಾನೆ ಯಕ್ಕಯಕ್ಕ ರುಪ್ಪಾನೊ ಬಿಲ್ಲೊ ದಿದ್ಯೊ.
MAT 20:10 ಪೈಲಾ ಆಯಲವಾಲಾ ತ್ಯುನೊನೆ, ಹೆಚ್ಕಿ ಮಳಸ ಕೈನ ತಿಳ್ದಿಲಿದ್ಯಾ. ತೆನೈಸೊ ತ್ಯುನೊನೆಬಿ ಯಕ್ಕಯಕ್ಕ ರುಪ್ಪಾನೊ ಬಿಲ್ಲೊಜ಼ ಮಳ್ಯೊ.
MAT 20:11 ತ್ಯುನೆ ತೆ ಲಿನ ಮಳಾನಾ ಮಾಲಕನಾ ವಿರುದ್ದ ಗುಣಗುಟ್ಟಿನ,
MAT 20:12 ‘ಲಾಸ್ಟೆ ಆಯಲ ಇವ್ನೆ ಕ್ಹಾಲಿ ಯಕ್ಕಜ಼ ತಾಸ ಕಾಮ ಕರ‍್ಯಾಸ. ಹಮೆ ಪುರಾದಿನ ತಡಕಾಮಾ ಕಷ್ಟ ಪಡಿನ ಕಾಮ ಕರ‍್ಯಾಸ. ತೆನೈಸೊ ತು ತ್ಯುನೊನೆ ಹಮೊನೆ ಯಕ್ಕಜ಼ ಕರ‍್ಯೊಸ ಸು’ ಕದ್ಯಾ.
MAT 20:13 ತಿನಾಹುತಿ ಮಾಲಕ ತ್ಯುನೊಮಾ ಯಕ್ಲಾನೆ, ‘ಐಕ ದೊಸ್ತ, ಮಿ ತುನೆ ಅನ್ಯಾಯ ಕರ‍್ಯೊ ನತ್ತಿ. ತು ಮಾರಾ ಕ್ಹಾತೆ ಯಕ್ಕ ರುಪ್ಪಾನಾ ಬಿಲಾನೆ ಒಪ್ಪಂದ ಕರಿಲಿದ್ಯಾ ನ್ಹೊತಾ ಸು?
MAT 20:14 ತಾರು ಪಗಾರ ತು ಲಿನ ಜಾ಼ ತುನೆ ದಿದಲ ತಿಮ್ಮ ಲಾಸ್ಟೆ ಆಯಲವಾಲಾನೆಬಿ ದಿವಾನು ಮಾರಿ ಪಸಂದ ವ್ಹೈ.
MAT 20:15 ಮಾರಿ ಸ್ವಂತ ಆಸ್ತಿನೆ ಮಾರಿ ಆಸ ನಿಂಗತ ಕರಾನೆ ಮನೆ ಅದಿಕಾರ ನತ್ತಿ ಸು? ಮಿ ಚೊ಼ಕೊ ಥಯಲಕ್ಹು ತು ಕಾ ಹೊಚ್ಚಿಗಿಟ್ಟಿ ಘಾಲ್ಯಾಡೊಸ?’ ಕದ್ಯೊ.
MAT 20:16 ಇಮ್ಮ ಲಾಸ್ಟನಾ ಪಸ್ಟ ಥಾವಸ ಪಸ್ಟನಾ ಲಾಸ್ಟ ಥಾವಸ ಕದ್ಯೊ.
MAT 20:17 ಯೆಸು ಯೆರುಸಲೆಮೆ ಜಾ಼ತಾಮಾ ವಾಟಮಾ ಬಾರಾ ಜ಼ನಾ ಶಿಶ್ಯಾವೊನೆ ಕುನ್ನಜ಼ ನೈ ರ‍್ಹಯಲ ಜ಼ಗಾ ಬಲೈಲಿನ ತ್ಯುನೊನೆ,
MAT 20:18 ದೆಕೊ ಅಪೆ ಯೆರುಸಲೆಮೆ ಚಾ಼ಲ್ಯಾಸ ವರಿ ಮನಕ್ಹನೊ ದಿಕ್ರಾನೆ ಕ್ಹಾಸ ಯಾಜಕೊನಾ ವರಿ ಶಾಸ್ತ್ರಿಯೊನಾ ಹತೊಮಾ ಒಪ್ಸಿನ ದಿವಸ. ತ್ಯುನೆ ತಿನೆ ಮರಣದಂಡನೆ ದಿವಸ.
MAT 20:19 ತಿನೆ ಅಪಹಾಸ್ಯ ಕರಾನಾಹುತಿಬಿ ಬಾರಕೊಲಕ್ಹು ಮಾರಾನಾಹುತಿಬಿ ಶಿಲುವಿಪರ ಘಾಲಾನಾಹುತಿಬಿ ಬಿಜಾ಼ ಮನಕ್ಹೊನಾ ಹತೊಮಾ ಒಪ್ಸಿಪಡಸ. ತೆನೈಸೊ ತೆ ತನ್ನ ದಿನ್ನಮಾ ಜಿವ್ತೊ ಥೈನ ಉಟಸ ಕೈನ ಕದ್ಯೊ.
MAT 20:20 ತೆಳಾಮಾ ಜೆಬೆದಾಯನಾ ಬಚ್ಚಾ಼ವೊನಿ ಮಾ ಥಯಲ ಬಚ್ಚಾ಼ವೊನಾ ಕ್ಹಾತೆ ಯೆಸುಕನ ಐನ; ತಿನೆ ಅಡ್ಡ ಪಡಿನ ಯಕ್ಕ ಉಪಕಾರ ಕರ ಕೈನ ಮಾಂಗಿಲಿದಿ.
MAT 20:21 ಯೆಸು ತಿನೆ, ತುನೆ ಸು ಚಾ಼ಯೆ? ಕೈನ ಪುಚ್ತಾಮಾ ತೆ ಯೆಸುನೆ, ತಾರಿ ರಾಜ್ಯಮಾ ಮಾರಾ ಎ ಬೆ ಬಚ್ಚಾ಼ವೊಮಾ ಯಕ್ಲೊ ತಾರಾ ಸಿದಾ ಬಗಲಕನ ವರಿ ಯಕ್ಲೊ ರೊಡ್ಡಾ ಬಗಲ ಬೈಟೆ ನಿಂಗತ ಅನುಗ್ರಹ ಕರ ಕದಿ.
MAT 20:22 ತಿನಾಹುತಿ ಯೆಸು ಉತ್ತರ ದಿನ, ತುಮೆ ಮಾಂಗಿಲಿವಾನು ಸು ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ. ಮಿ ಖಾವಾನು ಕಸ್ಟ ತುಮೊನೆ ಖಾವಾನೆ ಥಾವಸ ಸು? ಕೈನ ಪುಚ್ಯೊ. ತ್ಯುನೆ ಯೆಸುನೆ, ಹಮೊಕ್ಹು ಥಾವಸ ಕದ್ಯಾ.
MAT 20:23 ತೆಳಾಮಾ ಯೆಸು ತ್ಯುನೊನೆ, ಮಿ ಖಾವಾನು ತ್ರಾಸ ತುಮೆಬಿ ಖಾವೊಶಿ. ತೆನೈಸೊ ಮಾರಾ ಆಜು಼ಬಾಜು಼ಮಾ ಬೈಟಾನೆ ಅನುಗ್ರಹ ಕರಾಲೊ ಮಿ ನ್ಹವೈ, ತೆನೈಸೊ ಮಾರಾ ಬಾಕ್ಹು ತೆ ಕಿನಾಹುತಿ ತಯ್ಯಾರ ಕರಾಯಲ ಛೆ ತ್ಯುನೊನೆಜ಼ ಮಳಸ ಕದ್ಯೊ.
MAT 20:24 ಉಗ್ರಲ ದಕ್ಹ ಶಿಷ್ಯಾ ತೆ ಐಕಿನ ತೆ ಭಂಬಿ ಜ಼ನಾವೊಪರ ಶಿಟ್ಟ ಥಯಾ.
MAT 20:25 ತೆನೈಸೊ ಯೆಸು ತ್ಯುನೊನೆ ತಿಕನ ಬಲೈಲಿನ ತ್ಯುನೊನೆ, ಬಿಜಾ಼ ಮನಕ್ಹೊನಾ ಅದಿಪತಿಯೊ ತ್ಯುನಾ ಉಪ್ಪರ ಅದಿಕಾರ ಚ಼ಲಾವಸ ವರಿ ತ್ಯುನಾ ಕ್ಹಾಸ ಅದಿಕಾರಿಯೊ ತ್ಯುನಾ ಉಪ್ಪರ ಜಬರದಸ್ತಿಕ್ಹು ಅದಿಕಾರ ಚ಼ಲಾವಸ ಕವಾನು ತುಮೊನೆ ಗ್ವತ್ತ ಛೆ.
MAT 20:26 ತೆನೈಸೊ ತುಮೊಮಾ ತಿಮ್ಮ ರ‍್ಹೌನೈ. ತುಮೊಮಾ ಮ್ಹೊಟೊ ಥೈನ ರ‍್ಹೌಸ ಕವಾಲೊ ತುಮಾರೊ ಸೆವಕ ಥೈನ ರ‍್ಹವಾದೆ.
MAT 20:27 ತುಮೊಮಾ ಕ್ಹಾಸ ಥೈ ರ‍್ಹೌಸ ಕವಾಲೊ ತುಮಾರೊ ದಾಸ ಥೈನ ರ‍್ಹವಾದೆ.
MAT 20:28 ತೆನೈಸೊ ಮನಕ್ಹನೊ ದಿಕ್ರೊ ಸೆವೆ ಕರೈಲಿವಾನಾಹುತಿ ಆಯೊ ನತ್ತಿ, ಸೆವೆ ಕರಾನಾಹುತಿಬಿ, ಘನಾಜ಼ನಾವೊನೆ ಬಿಡುಗಡೆನಾಹುತಿ ತಿನೊ ಜ಼ಲಮ ದಿವಾನೆ ಆಯೊ ಕೈನ ಕದ್ಯೊ.
MAT 20:29 ತ್ಯುನೆ ಯೆರಿಕೊತಾ, ಜಾತಾಟೆಮಾ ಮನಕ್ಹೊನು ಮ್ಹೊಟು ಗುಂಪ ತಿನಾ ಪಾಚು ಅಯು.
MAT 20:30 ತೆಳಾಮಾ ವಾಟನಾ ಬಾಜು಼ಮ ಬೈಟಲ ಬೆ ಕುಡ್ಡಾ ಯೆಸು ತೆ ವಾಟಮಾತೊ ಚಾ಼ಲ್ಯೊಸ ಕೈನ ಐಕಿನ, ಪ್ರಬು, ದಾವಿದನಾ ದಿಕ್ರಾ ಹಮೊನೆ ಮರಗ ಕೈನ ವದ್ರ್ಯಾ.
MAT 20:31 ತೆನೈಸೊ ತೆ ಗುಂಪಮಾ ರ‍್ಹಯಲವಾಲಾ, ಗಪ್ಪ ರ‍್ಹವೊ ಕೈನ ತ್ಯುನೊನೆ ಭುಚ್ಕಾಡ್ಯಾ. ತ್ಯುನೆತಬಿ, ಪ್ರಭು, ದಾವಿದನಾ ದಿಕ್ರಾ, ಹಮೊನೆ ಮರಗ ಕೈನ ಜೊ಼ರ ವದ್ರ್ಯಾ.
MAT 20:32 ತೆಳಾಮಾ ಯೆಸು ಹುಬ್ರೈನ ತ್ಯುನೊನೆ ಬಲೈನ, ಮಿ ತುಮೊನೆ ಸು ಕರೊ ಕವೊಶಿ? ಕೈನ ಪುಚ್ಯೊ.
MAT 20:33 ತ್ಯುನೆ, ಪ್ರಭು, ಹಮಾರಾ ಡೊಳಾ ದಿಕ್ಹಾ ವರಕ್ಹು ಕರ ಕದ್ಯೊ.
MAT 20:34 ತೆಳಾಮಾ ಯೆಸು ಮರ್ಗಿನ, ತ್ಯುನಾ ಡೊಳಾ ಮುಟ್ಯೊ ತೆಳಾಮಾಜ಼ ತ್ಯುನೊನೆ ಡೊಳಾ ದಿಕ್ಹ್ಯಾ ತೆಳಾಮಾತಾಜ಼ ತ್ಯುನೆ ತಿನಾ ಪಾಚಾ಼ ಗಯಾ.
MAT 21:1 ಯೆಸು ವರಿ ತಿನಾ ಶಿಷ್ಯಾ ಯೆರುಸಲೆಮನಾ ನಜಿಕ ಗೈನ ಒಲಿವ ತೆಲನಾ ಝಾಡೊನಾ ಡೊಂಗರನಾ ಬಾಜು಼ಮಾ ರ‍್ಹಯಲ ಬೆತ್ಫೆನೆ ಆಯಲ್ಪರ
MAT 21:2 ಯೆಸು ಬೆ ಶಿಷ್ಯಾವೊನೆ ಬಲೈನ, ತುಮಾರಾ ಕ್ಹಾಮಾರ‍್ಹಯಲ ಖೆಡಾ ಗಾಮೊನೆ ಜಾ಼ವೊ; ಗಯಲ ಬಬ್ಬರ ತ್ಯಾ ಭಾಂದಲ ಗದ್ಡಾನೆ ತಿನಾ ಕ್ಹಾತೆ ರ‍್ಹಯಲ ಗದ್ಡಾನು ಬಚ಼್ಚು ದೆಕ್ಯೊಶಿ; ತ್ಯುನೊನೆ ಛೊಡೈನ ಮಕನ ಲಿನ ಆವೊ.
MAT 21:3 ಕುನ್ನತಬಿ ತುಮೊನೆ ಸುತಬಿ ಕದ್ಯಾಮ, ‘ಎ ಹಮಾರಾ ಪ್ರಭುನೆ ಚಾ಼ಯೆ ಥಯಾಸ’ ಕೈನ ತುಮೆ ಕವೊ; ತೆ ತೆಳಾಮಾಜ಼ ತ್ಯುನೊನೆ ಛೊಡಿನ ದಿವಸ ಕೈನ ವಳಾಯೊ.
MAT 21:4 ಪ್ರವಾದಿ ಕದಲ ವಾತ ಪುರಾ ಥಾವಾನಾಹುತಿ ಇಮ್ಮ ಥಯು; ತೆ ಸುವೈ ಕದ್ಯಾಮ,
MAT 21:5 ಚಿಯೊನ ದಿಕ್ರಿ, ದೆಕ, ತಾರೊ ರಾಜೊ಼ ತುಕನ ಆವಾಡ್ಯೊಸ; ತೆ ಚೊಕಿ ಗುಣಾ ರ‍್ಹಯಲವಾಲೊ ಥೈನ ಗದ್ಡಾನೆ, ಹೊ ಗದ್ಡಾನಾ ಬಚ್ಚಾ಼ಪರ ಚ಼ಡಿನ ಆವಾಡ್ಯೊಸ ಕೈನ ಕವೊ ಕವಾನುಜ಼ ವ್ಹೈ.
MAT 21:6 ತೆಳಾಮಾ ಶಿಶ್ಯಾ ಗೈನ ಯೆಸು ತ್ಯುನೊನೆ ಅಪ್ಪಣೆ ದಿದಲ ತಿಮ್ಮ ಕರ‍್ಯಾ.
MAT 21:7 ಗದ್ಡಾನೆ ವರಿ ತಿನಾ ಬಚ್ಚಾ಼ನೆ ಲಿನ ಐನ ತ್ಯುನಾ ಉಪ್ಪರ ತ್ಯುನಾ ವಣ್ಣಾ ಘಾಲಲ್ಪರ ಯೆಸು ಚ಼ಡಿನ ಬೈಟ್ಯೊ.
MAT 21:8 ತೆಳಾಮಾ ಮನ್ಹೊನಾ ಗುಂಪಮಾ ಘನಾ ಜ಼ನಾ ತ್ಯುನಾ ವಣ್ಣಾ ವಾಟಮಾ ವಚ್ಚಾ಼ಯಾ ಬಿಜಾ ದಕ್ಹಾಜ಼ನಾ ಝಾಡೊಕ್ಹು ಟೊಂಗಿಯೊ ವಾಟಮಾ ವಚ್ಚಾ಼ಯಾ.
MAT 21:9 ತಿನಾ ಅಗಾ ಪಾಚಾ಼ ಜಾವಾಲಾ ಮನಕ್ಹೊ, ದಾವಿದನಾ ದಿಕ್ರಾ ಹೊಸನ್ನಾ! ಕರ್ತಾನಾ ನಾಮಪರ ಆವಾಲೊ ಧನ್ಯ ವ್ಹೈ! ಉಪ್ಪರಲ್ಯಾ ಲೊಕಮಾ ಹೊಸನ್ನಾ ಕೈನ ವದ್ರ್ಯಾ.
MAT 21:10 ಯೆಸು ಯೆರುಸಲೆಮನಾ ಮ್ಹೈ ಜಾ಼ತಾಮಾ ಗಾಮಾ ಕ್ಹಾರಾ ಗದ್ದಲ ಥೈನ, ಆ ಕುನ್ನ ವ್ಹೈ? ಪುಚ್ಯಾ಼.
MAT 21:11 ತೆನೈಸೊ ತೆ ಗುಂಪನಾ ಮನಕ್ಹೊ, ಎ ಗಲಿಲಾಯನೊ ನಜರೆತನೊ ಯೆಸು ವ್ಹೈ ಕೈನ ಕದ್ಯಾ.
MAT 21:12 ಪಾಚಾ಼ತೊ ಯೆಸು ದೆವಾಲಯಮಾ ಗೈನ ತಿಮಾ ಇಕ್ಕಾನು ಲಿವಾಲಾನೆಬಿ ಕ್ಹಾರಾವೊನೆ ಭಾರೊ ಘಾಲಿನ ದೊಕ್ಡಾ ಬದ್ಲಿ ಕರಾನು ಟೆಬಲ ಕ್ಹಬುತರನಾ ಪೆಟಗಿಯೊನೆ ಢಕ್ಲಿ ಪಾಡ್ಯೊ.
MAT 21:13 ತೆ ತ್ಯುನೊನೆ, ‘ಮಾರು ಘರ ಪ್ರಾರ್ಥಾನು ಘರ ಥಯುಸ. ಕೈನ ಬರದಲ ಛೆ; ತೆನೈಸೊ ತುಮೆ ತಿನೆ ಚೊ಼ಟ್ಟಾವೊನು ಘರ ಕರಾಡ್ಯಾಸ ಕೈನ ಕದ್ಯೊ.
MAT 21:14 ತೆಳಾಮಾ ತ್ಯಾ ರ‍್ಹಯಲ ಕುಡ್ಡಾ ಲಂಗ್ಡಾ ದೆವಾಲಯಮಾ ತೆ ಆತಾಮಾ ತ್ಯುನೊನೆ ಅರಾಮ ಕರ‍್ಯೊ.
MAT 21:15 ತೆನೈಸೊ ಕ್ಹಾಸ ಯಾಜಕೊ ಶಾಸ್ರ್ತಿಯೊ ತೆ ಕರಲ ಆಶ್ಚರ್ಯ ಕರಲ ಕಾಮೊ ದೆಕಿನ ವರಿ ದಾವಿದನಾ ದಿಕ್ರಾ ಹೊಸನ್ನ ಕೈನ ಪಟ್ಟಾ ವದ್ರಾನು ದೆಕಿನ ಸಿಟ್ಟ ಥಯಾ.
MAT 21:16 ತಿನೆ , ಅವ್ನೆ ಕವಾನು ಐಕಾಡ್ಯೊಸು ಕೈನ ಕತಾಮಾ ಯೆಸು, ಹಾ, ಐಕಾಡ್ಯೊಸ, ತೆನೈಸೊ ‘ ನ್ಹಾನಾ ಬಚ್ಚಾ಼ನಾ ಮ್ಹೊಡಾಕ್ಹು ದುದ್ದ ಪಿವಾನಾ ಬಚ್ಚಾ಼ನಾ ಮ್ಹೊಡಾಕ್ಹು ತು ಸ್ತೊತ್ರಾನೆ ತಯ್ಯಾರ ಕರಸಿ’ ಕವಾನು ತುಮೆ ಕೆಳಾಮಾಬಿ ಓದ್ಯಾವಸೆತೊ? ಕೈನ ಪುಚ್ಯೊ಼.
MAT 21:17 ತೆಳಾಮಾ ತ್ಯುನೊನೆ ಛೊಡಿನ ಗಾಮತೊ ಗೈನ ಬೆಥನ್ಯಾನೆ ಐನ ತ್ಯಾ ರಾತೆ ಕ್ಹುರಯೊ.
MAT 21:18 ಪಾಟೆ ಯೆಸು ಗಾಮೆ ಗೈನ ಆತಾಮಾ ಭುಕ್ಕ ಲಾಗಿತಿ.
MAT 21:19 ವಾಟಮಾ ಯಕ್ಕ ಅಂಜು಼ರನಾ ಝಾಡನೆ ದೆಕಿನ ತಿನಾ ಕ್ಹಾಮೊ ಗೈನ ತಿಮಾ ಕ್ಹಾಲಿ ಪಾಲೊ ರ‍್ಹವಾನು ದೆಕಿನ ತಿನೆ, ಅನಾಪರ ತಾರಾಮಾ ಕೆಳಾಮಾಜ ಫಲ ದಿಯುಜ಼ ನೈ ಕೈನ ಕದ್ಯೊ. ತೆ ಟೆಮಾ ತೆ ಅಂಜುರನು ಝಾಡ ಕ್ಹುಕ್ಹೈ ಗಯು.
MAT 21:20 ಶಿಷ್ಯಾ ತೆ ದೆಕಿನ ಘಾಬ್ರಾ ಥೈನ, ಆ ಅಂಜುರನು ಝಾಡ ಯಕ್ಕಜ಼ ಟೆಮಾ ಕ್ಹುಕ್ಹೈ ಗಯುತೊ ಕೈನ ಘಾಬ್ರಾ ಥಯಾ.
MAT 21:21 ತೆನೈಸೊ ಯೆಸು, ತುಮೊನೆ ಕ್ಹರಿಜ ಕೌಸ ತುಮೆ ಸಂಶೆಕರೆವಾಚಿ಼ ನಂಬ್ಯಾಮ ಆ ಅಂಜುರನು ಝಾಡನೆ ಕರಲ ನಿಂಗತ ತುಮೆಬಿ ಕರೊಶಿ ತೆನೈಸೊ ಎ ಡೊಂಗರನೆ ‘ ತು ಕಿತ್ತಿಲಿನ ಗೈನ ಸಮಂದರಮಾ ಪಡ’ ಕೈನ ಕದ್ಯಾಮ ತೆಬಿ ಥಾವಸ.
MAT 21:22 ತುಮೆ ಭರೊಕ್ಹೊ ಕರಿನ ಪ್ರರ್ಥಾನಾಮಾ ಸುಸು ಮಾಂಗಿಲಿವೊಸಿ ತೆ ಕ್ಹಾರು ಹೊಂದಸ ಕೈನ ಕದ್ಯೊ.
MAT 21:23 ತೆ ಥಯಲ್ಪರ ಯೆಸು ಯೆಸು ದೆವಾಲಯಮಾ ಐನ ಭೊದನೆ ಕರ್ತಾಮಾ ಖಾಸ ಯಾಜಕೊ ಮನಕ್ಹೊನಾ ಮ್ಹೊಟಾ ತಿಕನ ಐನ, ತುಮೆ ಕಯಾ ಅದಿಕಾರಕ್ಹು ಎ ಕ್ಹಾರು ಕರಾಡ್ಯೊಸ? ಆ ಅದಿಕಾರ ತುನೆ ದಿದಲವಾಲೊ ಕುನ್ನ ವ್ಹೈ? ಕೈನ ಪುಚ್ಯಾ.
MAT 21:24 ಯೆಸು ತ್ಯುನೊನೆ ಕದಲ ಸುವೈ ಕದ್ಯಾಮ, ಮಿಬಿ ತುಮೊನೆ ಯಕ್ಕ ಪ್ರಶ್ನೆ ಪುಚ್ಚು಼ಸ; ತಿನೆ ತುಮೆ ಮನೆ ಉತ್ತರ ದಿದ್ಯಾಮ ತೆಳಾಮಾ ಮಿ ಕಯು ಅದಿಕಾರಕ್ಹು ಎ ಕರುಸ ಕೈನ ತುಮೊನೆ ಕೌಸ.
MAT 21:25 ಬಾಪ್ತಿಸ್ಮಾ ದಿವಾನು ಅದಿಕಾರ ಯೊಹಾನನೆ ಕಿಜಾ಼ತು ಐಯುತು ಪರಲೊಕತು ನೈತೊ ಮನಕ್ಹೊಕ್ಹು? ಕದ್ಯೊ. ತೆಳಾಮಾ ತ್ಯುನೆ, ಪರಲೊಕತು ಐಯುಸ ಕೈನ ಹಮೆ ಕದ್ಯಾಮ, ‘ತಿಮ್ಮ ರ‍್ಹಯಾಮ ತುಮೆ ತಿನೆ ಕಾ ನಂಬ್ಯಾ ನತ್ತಿ’ ಕೈನ ಅಪೊನೆ ಪುಚ್ಚಸ;
MAT 21:26 "ಮನಕ್ಹೊಕಂತು ಐಯುಸ ಕೈನ ಕದ್ಯಾಮ, ಅಪೊನೆ ಮನಕ್ಹೊನೊ ಭೆ ಛೆ. ಯೊಹಾನ ಪ್ರವಾದಿ ವ್ಹೈ ಕೈನ ಮನಕ್ಹೊ ವಪ್ಪಿಲಿದ್ಯಾಸ್ತೊ ಕೈನ ತ್ಯುನೊ ತ್ಯುನೊಮಾಜ಼ ಬೊಲ್ಲಿವಾಡ್ಯಾತಾ.
MAT 21:27 ತೆ ಥಯಲ್ಪರ ತ್ಯುನೆ, ಹಮೊನೆ ಗ್ವತ್ತ ನತ್ತಿ ಕೈನ ಯೆಸುನೆ ಕದ್ಯಾ. ತೆಳಾಮಾ ಯೆಸು ತ್ಯುನೊನೆ ಕೈ ಅದಿಕಾರಕ್ಹು ಮಿ ಎ ಕ್ಹಾರು ಕರಾಡ್ಯೊಸ ಕೈನ ಮಿಬಿ ತುಮೊನೆ ನೈ ಕತೊ.
MAT 21:28 ತೆನೈಸೊ ತುಮೊನೆ ಕಿಮ ದಿಕ್ಹಸ? ಯಕ್ಕ ಮನಕ್ಹನೆ ಬೆ ಬಚ್ಚಾ಼ ವ್ಹತಾ. ತೆ ಪಸ್ಟಲ್ಯಾ ಬಚ್ಚಾ಼ ಕೈನ ಐನ, ದಿಕ್ರಾ ತು ಆಜ಼ನಾ ದಿನ್ನೆ ಗೈನ ದ್ರಾಕ್ಷಿಯೊನಾ ಮಳಾಮಾ ಕಾಮ ಕರ, ಕೈನ ಕತಾಮಾ
MAT 21:29 ತೆಳಾಮಾ ತೆ ಪಟ್ಟೊ, , ಮಿನೈ ಜಾ಼ತೊ ಕೈನ ಕದ್ಯೊತುಬಿ ವರಿ ತಿನು ಮನಸ ಬದಲಿ ಕರ್ಲಿನ ಮಳಾಮಾ ಗಯೊ.
MAT 21:30 ತೆಳಾಮಾ ತಿನಾ ಬಿಜೆಕ್ಲಾ ದಿಕ್ರಾಕನ ಐನ ತೆಜ಼ ವಾತ ಕತಾಮಾ, ಬಾ ಮಿ ಜೌ಼ಸ, ಕೈನ ಕದ್ಯೊತುಬಿ ಗಯೊಜ಼ ನೈ.
MAT 21:31 ಎ ಭಂಬಿ ಜ಼ನಾವೊಮಾ ಬಾಪನಿ ವಾತನೆ ಕುನ್ನ ವಿಧೆಯ ಥಯು? ಕೈನ ಪುಚ್ತಾ಼ಮಾ ತ್ಯುನೆ ಪಸ್ಟಲ್ಯೊ ಕೈನ ಕದ್ಯಾ. ತೆಳಾಮಾ ಯೆಸು ತ್ಯುನೊನೆ ಸುಂಕವಾಲಾ, ವೈಭಿಚಾರ ಕರಾಲಿಯೊ ತುಮೊತಿ ಪೈಲಾ ಕ್ಹುದಾನಿ ರಾಜ್ಯಮಾ ಜಾ಼ವಸ ಕೈನ ತುಮೊನೆ ಕ್ಹರಿಮಾಜ಼ ಕೌಸ.
MAT 21:32 ಕಾ ಕದ್ಯಾಮ ಯೊಹಾನ ಕ್ಹರಿನಿ ವಾಟ ದೆಕಾಡಾಲೊ ಥೈನ ತುಮೊಕನ ಆಯೊ. ತುಮೆ ತಿನೆ ನಂಬ್ಯಾ ನೈ. ಸುಂಕವಾಲಾ ವರಿ ವೈಭಿಚಾರ ಕರಾಲಿಯೊ ತಿನೆ ನಂಬಿಯೊ; ತುಮೆ ಎ ಕ್ಹಾರು ದೆಕ್ಯಾತಬಿ ಪಶ್ಚಾತಾಪ ಪಡ್ಯಾ ನೈ, ತಿಪರ ಬರೊಕ್ಹೊ ಕರ‍್ಯಾ ನೈ.
MAT 21:33 ಬಿಜಿ಼ ಸಾಮ್ಯ ಐಕೊ, ಯಕ್ಕ ಘರ್ನೊ ಮಾಲಕ ವ್ಹತ್ತೊ. ತಿನೊ ಯಕ್ಕ ದ್ರಾಕ್ಷಿಯೊನೊ ಮಳೊ ವ್ಹತೊ. ತಿನಾ ಸುತ್ತೆ ಬೆಲಿ ಭಾಂದಿನ, ತಿಮಾ ದ್ರಾಕ್ಷಯೊನೊ ಘಾಣೊ ಘಾಲಿನ, ಕೈದಾನು ಝೊಪ್ಡು ಭಾಂದಿನ, ತೆ ದ್ರಾಕ್ಷಯೊನೊ ಮಳೊ ಬಿಜಾ಼ವೊನೆ ವತ್ತಿ ಘಾಲಿನ ತೆ ಬಿಜಾ಼ ದೆಶೆ ಗಯೊ.
MAT 21:34 ಫಲ್ಲ ದಿವಾನೊ ಟೈಮ ನಜಿಕ ಆತಾಮಾ ತೆ ಮಳಾನೊ ಮಾಲಕ ತಿನೊ ವಾಟೊ ಲಿವಾನಾ ಹುತಿ ತೆ ವತ್ತಿ ಘಲ್ಲಿದಲವಾಲಾವೊಕನ ತಿನಾ ಆಳೊನೆ ಮೊಕಲ್ತಾಮಾ,
MAT 21:35 ತೆ ವತ್ತಿ ಘಾಲ್ಲಿದಲವಾಲಾ ತೆ ಮೊಕ್ಲಲ ಆಳೊಮಾನಾ ಯಕ್ಲಾನೆ ಮಾರ‍್ಯಾ, ಯಕ್ಲಾನೆ ಕತ್ರಿಪಾಡ್ಯಾ, ಯಕ್ಲಾನೆ ದಗ್ಡಾ ಮಾರಿನ ಖಲಾಸ ಕರಿಪಾಡ್ಯಾ.
MAT 21:36 ತೆ ಮಾಲಕ ವರಿಯಕ್ಕೆಬ ಹಜು಼ನ ಘನ್ನಾ ಜ಼ನಾವೊನೆ ಮೊಕಲ್ತಾಮಾ ತ್ಯುನೆ ತ್ಯುನೊನೆಬಿ ತಿಮ್ಮಜ಼ ಕರಿಪಾಡ್ಯಾ.
MAT 21:37 ಲಾಸ್ಟಮಾ ತಿನಾ ದಿಕ್ರಾನೆತಬಿ ಮೊಕಲ್ಯೊಮ ತಿನೆತಬಿ ಮರಯಾದಿ ದಿವಸ ಕೈನ ತಿನಾ ದಿಕ್ರಾನೆ ಮೊಕಲ್ಯೊ.
MAT 21:38 ತೆನೈಸೊ ತೆ ಮಳೊ ವತ್ತಿ ಘಾಲ್ಲಿದವಾಲಾ ತಿನಾ ದಿಕ್ರಾನೆ ದೆಕಿನ, ಎಜ಼ ಉತ್ತರಾಧಿಕಾರಿ ವ್ಹೈ ಕೈನ, ಆವೊ ಇನೆಜ಼ ಖಲಾಸ ಕರಿಪಾಡಿಯೆ, ಇನೊ ರ‍್ಹಯಲ ಕ್ಹಾರುಜ಼ ಅಪೆ ಲಿಪಾಡಿಯೆ. ಕೈನ ತ್ಯುನೊ ತ್ಯುನೊಮಾಜ಼ ಬೊಲ್ಲಿದ್ಯಾ.
MAT 21:39 ತಿನೆ ದ್ರಾಕ್ಷಿಯೊನಾ ಮಳಾಮಾತಾ ಢಕ್ಲಿನ ಕಲಾಸ ಕರಿಪಾಡ್ಯಾ.
MAT 21:40 ತಿಮ ರ‍್ಹಯುಮ ದ್ರಾಕ್ಷಿಯೊನೊ ಮಳಾನಾ ಮಾಲಕ ಆತಾಮಾ ತೆ ವತ್ತಿ ಘಾಲ್ಲಿದಲವಾಲಾವೊನೆ ಸು? ಕರಸ. ಕದ್ಯೊ.
MAT 21:41 ತ್ಯುನೆ ತಿನೆ, ತೆ ಕೆಟ್ಟವಾಲಾವೊನೆ ವರಿ ಕ್ರುರ ತನಾಕ್ಹು ಖಲಾಸ ಕರಿನ ಕರೆಟ್ಟ ಟೈಮ್ಮಾ ಫಲ್ಲಮಾ ವಾಟೊ ದಿವಾಲಾನೆ ಬಿಜಾ಼ ವತ್ತಿವಾಲಾವೊನೆ ತೆ ಮಳೊ ವತ್ತಿ ಘಾಲಸ ಕೈನ ಕದ್ಯಾ.
MAT 21:42 ಯೆಸು ತ್ಯುನೊನೆ, ಘರ ಭಾಂದಾಲಾ ನಕೊ ಕೈನ ಠುಕ್ರಾಯಲ ದಗ್ಡೊಜ಼ ಖಾಸ ಮುಲಾನೊ ದಗ್ಡೊ ಥಯೊ; ಎ ಕರ್ತಾಕ್ಹುಜ಼ ಥಯು. ವರಿ ತೆ ಕ್ಹಾರು ಅಪ್ನಾ ಡೊಳಾನೆ ಆಶ್ಚರ್ಯನಿಂಗತ ದಿಕ್ಹಸ ಕವಾನು ತುಮೆ ಧರ್ಮಶಾಸ್ತ್ರಮಾ ಕೆಳಾಮಾಬಿ ಒದ್ಯಾ ನತ್ತಿ ಸು?
MAT 21:43 ತಿನಾ ಹುತಿ ಕ್ಹುದಾನು ರಾಜ್ಯ ತುಮೊಮಾತು ಕಾಡಿನ ತಿನೆ ಫಲ್ಲ ದಿವಾಲಾ ಮನಕ್ಹೊನೆ ದಿವಸ.
MAT 21:44 ಎದಗ್ಡಾಪರ ಪಡಾಲೊ ತುಕ್ಡಾ ತುಕ್ಡಾ ಥಾವಸ; ಎ ದಗ್ಡೊ ಕಿಪರ ಪಡಸ ತೆ ತ್ಯುನೊನೆ ಪುಡಿ ಪುಡಿ ಕರಸ. ಕೈನ ಕದ್ಯೊ.
MAT 21:45 ಖಾಸ ಯಾಜಕೊ ಫರಿಸಾಯರೊ ತೆ ಕದಲ ಸಾಮ್ಯ ಐಕಿನ ತ್ಯುನಾಹುತಿಜ಼ ಕವಾಡ್ಯೊಸ ಕೈನ ತಿಳದಿಲಿನ ಯೆಸುನೆ ಬಂದಿ ಕರಾನಾ ಹುತಿ ಟೈಮ ದೆಕಾಡ್ಯಾತಾ.
MAT 21:46 ತೆನೈಸೊ ತ್ಯುನೆ ತಿನೆ ಬಂದಿ ಕರಾನಾಹುತಿ ಕೊಶಿಶ ಕರ‍್ಯಾತುಬಿ ಮನಕ್ಹೊ ತಿನೆ ಪ್ರವಾದಿ ವ್ಹೈ ಕೈನ ತಿಳದಿಲಿದಲ ಹುತಿ ಮನಕ್ಹೊನಾಹುತಿ ಭುಚಕ್ಯಾ.
MAT 22:1 ಯೆಸು ವರಿ ತ್ಯುನಾ ಕ್ಹಾತೆ ಬೊಲ್ತೊ ಸಾಮ್ಯ ಲಿನ ತ್ಯುನೊನೆ ಸು ಕದ್ಯೊ ಕದ್ಯಾಮ,
MAT 22:2 ಸ್ವರ್ಗನೊ ರಾಜ್ಯ ತಿನಾ ದಿಕ್ರಾನಾ ಹಿವಾನು ಖಾವಾನು ಅನ್ನ ತಯ್ಯಾರ ಕರಲ ಯಕ್ಕ ರಾಜಾ಼ನೆ ಹೊಲಿಕೆ ಥೈಸ.
MAT 22:3 ತೆ ಹಿವಾಮಾ ಆಯಲವಾಲಾವೊನೆ ಬಲಾವಾನಾಹುತಿ ತಿನಾ ಆಳೊನೆ ಮೊಕಲ್ಯೊ, ತೆಕ್ಲು ರ‍್ಹೈತಬಿ ತ್ಯುನೊನೆ ಆವಾನೆ ಮನಸ ನ್ಹೊತು.
MAT 22:4 ತೆ ರಾಜೊ಼ ಬಿಜಾ಼ ಆಳೊನೆ ಬಲೈನ, ತುಮೆ ಹಿವಾನು ಅನ್ನ ಖಾವಾನೆ ಆಯಲ ಮನಕ್ಹೊಕನ ಗೈನ ದೆಕೊ, ಖಾವಾನು ಅನ್ನ ತಯ್ಯಾರ ಥಯುಸ; ಮಾರಿಯೊ ಬೈಲೊ, ಚ಼ರಬಿಯೊ ರ‍್ಹಯಲ ಹೊರಿಯೊನೆ ಕತರ‍್ಯೊಸ; ಕ್ಹಾರುಜ಼ ತಯ್ಯಾರ ಛೆ; ಹಿವಾನು ಅನ್ನ ಖಾವಾನೆ ಆವೊ ಕೈನ ತ್ಯುನೊನೆ ಕವೊ ಕೈನ ಮೊಕಲ್ಯೊ.
MAT 22:5 ವರಿಬಿ ತ್ಯುನೆ ಮಿ ಬಲಾಯಲನೆ ಠುಕರೈನ ಯಕ್ಲೊ ತಿನಾ ಖೆತ್ರೆ ಯಕ್ಲೊ ವ್ಯಾಪಾರ ಕರಾನಾ ಹುತಿ ಗೈ ಪಡ್ಯೊ.
MAT 22:6 ಉಗ್ರಲವಾಲಾ ತಿನಾ ಆಳೊನೆ ಧರಿನ ಮರಿಯಾದಿ ಕಾಡಿನ ಖಲಾಸ ಕರಿಪಾಡ್ಯಾ.
MAT 22:7 ರಾಜೊ಼ ಎ ಕ್ಹಾರು ಐಕಿನ, ತಿನಾ ಸೈನಿಕೊನೆ ಮೊಕ್ಲಿನ ಖಲಾಸ ಕರಲವಾಲಾವೊನೆ ತ್ಯುನೆ ಖಲಾಸ ಕರಿನ ತ್ಯುನು ಗಾಮ ಬಾಳಿಪಾಡ್ಯಾ.
MAT 22:8 ತೆಳಾಮಾ ತಿನಾ ಆಳೊನೆ, ಹಿವಾನು ಅನ್ನ ತಯ್ಯಾರ ಛೆ ತೆನೈಸೊ ತೆ ಅನ್ನ ಖಾವಾನೆ ತೆ ಮನಕ್ಹೊ ಯಗ್ಯ ನತ್ತಿ.
MAT 22:9 ತಿನಾಹುತಿ ತುಮೆ ಹಮ್ನಾ ಖಾಸ ರ‍್ಹಯಲ ರಸ್ತೆ ಗೈನ ದಿಕ್ಹಲ ದಿಕ್ಹಲ ಕ್ಹಾರಾ ಮನಕ್ಹೊನೆ ಹಿವಾನು ರ‍್ಹಯಲ ಅನ್ನ ಖಾವಾನೆ ಬಲಾವೊ.
MAT 22:10 ತಿನಾನಿಂಗತಜ಼ ಆಳೊ ಗೈನ ಕೆಟ್ಟ ರ‍್ಹೈನೆಕಾ ಚೊ಼ಕಾ ರ‍್ಹೈನೆಕಾ ಕಿನೆಜ಼ ದೆಕ್ಯಾವಾಚಿ. ಕ್ಹಾರಾವೊನೆ ಮಳೈನ ಕ್ಹಾರಾವೊನೆ ಬಲೈಲಾಯಾ. ಇನಾನಿಂಗ ಹಿವಾನು ಘರ ಮನಕ್ಹೊಕ್ಹು ಭರಿಗಯು.
MAT 22:11 ತೆಳಾಮಾ ರಾಜೊ಼ ಹಿವಾಮಾ ಆಯಲ ಮನಕ್ಹೊನೆ ದೆಕಾನಾಹುತಿ ಮ್ಹೈ ಆಯೊ, ಹಿವಾಮಾ ತಿನಾ ತಕ್ಕ ವಣ್ಣಾ ನೈ ಘಲ್ಲಿದಲ ಯಕ್ಕ ಮನಕ್ಹನೆ ರಾಜೊ಼ ದೆಕ್ಯೊ.
MAT 22:12 ತಿನೆ ದೊಸ್ತ’ ಹಿವಾನಾ ಚೊ಼ಕಾ ವಣ್ಣಾ ನೈಸೊ ತು ಕಿಮ್ಮ ಮ್ಹೈ ಆಯೊ?, ಕೈ ಪುಚ್ತಾ಼ಮಾ ತೆ ಗಪ್ಪಜ಼ ವ್ಹತೊ.
MAT 22:13 ತೆಳಾಮಾ ರಾಜೊ಼ ಆಳೊನೆ ಬಲೈನ, ತಿನಾ ಹತೊ ಪಗೊ ಭಾಂದಿನ ಭಾರಾ ಅಂದಾರಮಾ ನಾಕೊ ಕೈನ ಕದ್ಯೊ. ತ್ಯಾ ರವಾನು ಕಟ್ಟ ಕಟ್ಟ ದಾತೊ ಖಾವಾನು ರ‍್ಹವಸ.
MAT 22:14 ಇಮ್ಮ ಬಲಾಯವಾಲಾವೊಮಾ ಘನ್ನ ಜ಼ನಾ, ಇನಿಲಿದಲವಾಲಾ ದಕ್ಹಾಜ಼ ಜ಼ನಾ ವ್ಹೈ.
MAT 22:15 ತೆ ಥಯಲ್ಪರ ಫರಿಸಾಯರೊ ಗೈನ ಯೆಸುನೆ ವಾತೊಮಾ ಕಿಮ್ಮ ಧರಿಯೆ ಕೈನ ವಿಚಾರ ಕರ್ತಾ
MAT 22:16 ತಿಕನ ತ್ಯುನಾ ಶಿಷ್ಯಾವೊಎ ಯಹುದ್ದಿಯೊನಾ ಕ್ಹಾತೆ ಮಳೈನ ಮೊಕಲ್ಯಾ. ತ್ಯುನೆ ಯೆಸುನೆ, ಗುರು, ತು ಕ್ಹರಿನೊ ವ್ಹೈ ಕ್ಹುದಾನಿ ವಾಟ ದೆಕಾಡಾಲೊ ವ್ಹೈ, ಕಿನೆಜ಼ ಭುಚಕ್ತೊ ನೈ; ತು ಮನಕ್ಹೊನಾ ಮ್ಹೊಡಾ ದೆಕಿನ ಬೊಲಾಲೊ ನ್ಹವೈ ಕೈ ಹಮೊನೆ ಗ್ವತ್ತ ಛೆ.
MAT 22:17 ಇಮ್ಮ ರ‍್ಹಯುಮ ಕೈಸರನೆ ಭು ಭಾಡೊ ದಿವಾನು ಪದ್ದತ ವ್ಹೈ ಸು?ತುನೆ ಕಿಮ್ಮ ದಿಕ್ಹಸ? ಹಮೊನೆ ಕೆ ಕೈನ ಕದ್ಯೊ.
MAT 22:18 ಯೆಸು ತ್ಯುನೆ ಕವಾನು ಕ್ಹಾರು ಕೆಟ್ಟ ತಿಳದಿಲಿನ ಕಪಟಿಯೊ, ಮನೆ ಕಾ ಪರಿಕ್ಷ್ಯಾ ಕರಾಡ್ಯಾಸ?
MAT 22:19 ಟ್ಯಾಕ್ಸನೆ ದಿವಾನೊ ಬಿಲ್ಲೊ ಮನೆ ದೆಕಾಡೊ ಕತಾಮಾ ತ್ಯುನೆ ತಿನೆ ಯಕ್ಕ ಬಿಲ್ಲೊ ಲೈನ ದಿದ್ಯಾ.
MAT 22:20 ತೆಳಾಮಾ ತೆ, ಬಿಲ್ಲಾನೊ ಶಿಕ್ಕೊ ಕಿನೊ ವ್ಹೈ? ಕೈನ ಪುಚ಼ಲ ಹುತಿ
MAT 22:21 ತ್ಯುನೆ, ಕೈಸರನೊ ವ್ಹೈ ಖಯನ ಕದ್ಯಾ. ತೆಳಾಮಾ ತೆ ತ್ಯುನೊನೆ, ಕೈಸರನೆ ರ‍್ಹಯಲ ಕೈಸರನೆ ದಿವೊ; ಕ್ಹುದಾನು ರ‍್ಹಯಲ ಕ್ಹುದಾನೆ ದಿವೊ.ಕೈನ ಕದ್ಯೊ.
MAT 22:22 ತ್ಯುನೆ ಎ ವಾತೊ ಐಕಿನ ಘಾಬ್ರಾ ಥೈನ ತಿಕಂತಾ ಗೈಪಡ್ಯಾ.
MAT 22:23 ತೆಜ಼ ದಿನ್ಮಾ ಪುನರುತ್ಥಾನ ನತ್ತಿ ಕೈ ಕವಾಲಾ ದಕ್ಹಾ ಸದ್ದು ಕಾಯರೊ ತಿಕನ ಐಯಾ.
MAT 22:24 ಇವ್ನೆ ತಿನೆ, ಗುರು, ಯಕ್ಲೊ ಬಚ್ಚಾ಼ ನೈಸೊ ಮರ‍್ಯೊಮ ತಿನಿ ಬೈಕೊನೆ ತಿನೊ ನ್ಹಾನೊ ಭೈ ಹಿನಾ ಕರಿಲಿದ್ಯೊಮ ತಿನಾ ಮ್ಹೊಟಾ ಬೈನಾ ಬಚ್ಚಾ಼ ಪಡ್ದಿಲ್ಯು ಕೈನ ಮೊಶೆ ಕದ್ಯೊಸ.
MAT 22:25 ತೆನೈಸೊ ಹಮೊಮಾ ಕ್ಹಾತ ಭಾಯೊ ವ್ಹತಾ. ಪೈಲಾನೊ ಹಿವಾಕರಿಲಿನ ಮರಿಗಯೊ. ತಿನೆ ಬಚ್ಚಾ಼ ನೈಸೊಕ್ಹು ಬೈಕೊನೆ ತಿನಾ ಭೈನೆ ಛೊಡಿನೆ ದದ್ಯೊ;
MAT 22:26 ತಿನಾನಿಂಗತಜ಼ ಬೆವಾವಾಲೊ ತನ್ವಾವಾಲೊ ತಿನಾನಿಂಗತಜ಼ ಕ್ಹಾತ್ವಾಲಕ್ಕಾ ಕರ್ಯಾ.
MAT 22:27 ತ್ಯುನೆಕ್ಹಾರಾ ಮರಲ್ಪರ ತೆ ಬಾಕ್ಡಿಬಿ ಮರಿಗೈ.
MAT 22:28 ತಿಮ ರ‍್ಹಯುಮ ಪುನರುತ್ಥಾನಮಾ ತೆ ಕ್ಹಾತ ಜ಼ನಾವೊಮಾ ಕಿನಿ ಬೈಕೊ ಥೈನ ರ‍್ಹವಸ? ತೆ ಕ್ಹಾತೆ ಜ಼ನಾವವೊನೆ ಹಿವಾಕರಿಲಿದಿಸ ಕೈನ ಪುಚ್ಯಾ.
MAT 22:29 ತೆ ವಾತೆ ಯೆಸು ತ್ಯುನೊನೆ, ತುಮೆ ಕ್ಹುದಾನಿ ವಾಕ್ಯಾ ವರಿ ಕ್ಹುದಾನಿ ತಾಕತನೆ ಕ್ಹರಿಮಾಜ಼ ನೈ ತಿಳದಿಲಿದ್ಯಾವಾಚಿ ತಪ್ಪ ಅಬಿಪ್ರಾಯಮಾ ಛೆ.
MAT 22:30 ಪುನರುತ್ಥಾನ ಥಯಲ್ಪರ ಹಿವಾ ಕರಿಲೆತಾ ನೈ, ಹಿವಾ ಕರಿನ ದೆತಾಬಿ ನೈ; ಪರಲೊಕಮಾ ದೆವದುತೊ ನಿಂಗತ ರ‍್ಹವಸ.
MAT 22:31 ಮರಲವಾಲಾವೊನಾ ಹುತಿ ಪುನರುತ್ಥಾನಾ ಹುತಿ ಕೌ ಕದ್ಯಾಮ,
MAT 22:32 ಮಿ ಅಬ್ರಹಾಮನೊ ಕ್ಹುದಾ, ಇಸಾಕನು ಕ್ಹುದಾ, ಯಾಕೊಬನೊ ಕ್ಹುದಾ, ಕೈನ ಕ್ಹುದಾ ತುಮೊನೆ ಕದ್ಯೊಸ ಕೈನ ತುಮೆ ಒದ್ಯಾ ನತ್ತಿಸು, ತೆ ಮರಲವಾಲಾವೊನೆ ಕ್ಹುದಾ ನ್ಹವೈ. ತೆನೈಸೊ ಜಿವ್ತಾರ‍್ಹಯಲವಾಲಾವೊನೆ ಕ್ಹುದಾ ವ್ಹೈ ಕೈನ ಕದ್ಯೊ.
MAT 22:33 ಮನಕ್ಹೊನು ಗುಂಪ ತೆ ಕ್ಹಾರು ಐಕಿನ ಘಾಬ್ರಾಥಯಾ.
MAT 22:34 ಯೆಸು ಸದ್ದುಕಾಯರೊನೆ ಮ್ಹೊಡುಜ಼ ಬಂದ ಕರಾಯೊಸ ಕೈನ ಫರಿಸಾಯರೊ ಐಕಿನ ತ್ಯಾ ಮಳಿನ ಆಯಾ.
MAT 22:35 ತ್ಯುನೊಮಾನೊ ಯಕ್ಲೊ ಧರ್ಮುಪದೆಶಕ ತಿನೆ ಪರಿಕ್ಷಾ ಲ್ಯು ಕೈನ,
MAT 22:36 ಗುರು, ಧರ್ಮನಾ ನಿಯಮ್ಮಾ ಕಯು ಆಗನ್ಯಾ ಖಾಸ ವ್ಹೈ ತಿನೆ ಪುಚ಼ಲಹುತಿ
MAT 22:37 ಯೆಸು ತಿನೆ, ತಾರೊ ಕ್ಹುದಾ ಥಯಲ ಕರ್ತಾನೆ ತಾರಾ ಪುರಾ ಮನಸಕ್ಹು ತಾರು ಪುರಾ ಜ಼ಲಮಕ್ಹು ಮಯಾ ಕರು,
MAT 22:38 ಕವಾನಿ ಆಗನ್ಯಾ ಖಾಸ ವ್ಹೈ ವರಿ ಪೈಲಾ ವ್ಹೈ.
MAT 22:39 ಇನೆ ಸರಿ ಸಮಾನ ಬೆವಾ ಆಗನ್ಯಾ ಕೈ ವ್ಹೈ ಕದ್ಯಾಮ, ತಾರಾ ಆಜು಼ ಬಾಜು಼ವಾಲಾನೆ ಖುದ್ದನಾನಿಂಗತ ಮಯಾಕರು ಕವಾನುಜ಼ ವ್ಹೈ.
MAT 22:40 ಎ ಬೆ ಅಗನ್ಯಾ ಕ್ಹಾರಾ ಧರ್ಮ ನಿಯೊಮೊನಾ ಪ್ರವಾದಿಯೊನಾ ಗ್ರಂಥೊನೆ ಆಧಾರ ಥೈನ ಛೆ.
MAT 22:41 ಫರಿಸಾಯರೊ ಮಳಿನ ಆಯಲ ಹುತಿ ಯೆಸು ತ್ಯುನೊನೆ,
MAT 22:42 ಆವಾನೊ ರ‍್ಹಯಲ ಕ್ರಿಸ್ತಾನಾ ಹುತಿ ತುಮೊನೆ ಕಿಮ ದಿಕ್ಹಸ? ತೆ ಕಿನೊ ದಿಕ್ರೊ ವ್ಹೈ?ಕೈನ ಪುಚ಼ಲ ಹುತಿ
MAT 22:43 ತ್ಯುನೆ ತಿನೆ, ದಾವಿದನೊ ದಿಕ್ರೊ ವ್ಹೈ ಕೈನ ಕದ್ಯಾ. ತೆ ವಾತೆ ತೆ, ತಿಮ್ಮ ರ‍್ಹಯುಮ ದಾವಿದಜ಼, ಪವಿತ್ರ ಆತ್ಮಾನಿ ಪ್ರೆರಣಾಕ್ಹು ತಿನೆ ಕರ್ತಾ ಕೈನ ಕದ್ಯೊಸ್ತೊ ಎ ಕಿಮ ವ್ಹೈ?
MAT 22:44 ಮಿ ತಾರಾ ವಿರೊದಿಯೊನೆ ತಾರಾ ಪಗ್ಮಾ ಘಾಲೆಲಕ್ಕಾ ತು ಮಾರಾ ಶಿದಾ ಹತ ಬಗಲ ಬೈಟ, ಕೈನ ಕರ್ತಾನೆ ಮಾರೊ ಮಾಲಕನೆ ಕದ್ಯೊ.
MAT 22:45 ಎ ವಾತಮಾ ದಾವಿದಜ಼ ತಿನೆ ಕರ್ತಾ ವ್ಹೈ ಕೈನ, ಕದಲ್ಪರ ತೆ ತಿನೊ ದಿಕ್ರೊ ಕಿಮ್ಮ ವ್ಹೈ? ಕದ್ಯೊ.
MAT 22:46 ತೆ ವಾತೆ ಯಕ್ಲೊಬಿ ತಿನೆ ಯಕ್ಕ ವಾತಬಿ ಪುಚ್ಯಾವಾಚಿ ಗಯಾ. ತೆಳಾಮಾತಾ ತಿನೆ ಕುನ್ನಸ ಸುಜ಼ ಪುಚ಼ಾನೆ ಧೈರ್ಯ ಥೈ ನೈ.
MAT 23:1 ತೆ ಥಯಲ್ಪರ ಯೆಸು ಮನಕ್ಹೊನಾ ಗುಂಪನೆ ವರಿ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ,
MAT 23:2 ಶಾಸ್ತ್ರಿಯೊ ವರಿ ಫರಿಸಾಯರೊ ಮೊಶೆನಾ ಜ಼ಗಾಪರ ಬೈಟ್ಯಾಸ;
MAT 23:3 ತಿನಾಹುತಿ ತ್ಯುನೆ ಸು ಆಗನ್ಯಾ ಕವಸ ತುಮೆ ಕ್ಹಾರಾ ಚಲೈಲಿನ ಜಾ಼ವೊ;
MAT 23:4 ತ್ಯುನೆ ಕ್ಹಾರು ವಜ್ಜು ಭಾಂದಿನ ಮನಕ್ಹೊನಾ ಖಾಂದಾವೊಪರ ಉಚಾ಼ವಾ ಲಗಾಡಸ; ತ್ಯುನೆತೊ ಯಕ್ಕ ಬೊಟಬಿ ಲಗಾಡತಾ ನೈ.
MAT 23:5 ತ್ಯುನೆ ಕರಾನು ಕಾಮ ಕ್ಹಾರು ಮನಕ್ಹೊ ದೆಕು ಕೈನ ಕರಸ. ತ್ಯುನೆ ಭಾಂದಿಲಿವಾನಿ ಷೆ ಮ್ಹೆಲ್ಲಿವಾನಿ ಪಟ್ಟಿಯೊ ತ್ಯುನೆ ಮ್ಹೊಟಿ ಕರಸ. ತ್ಯುನೆ ಘಲ್ಲಿದಲ ವಣ್ಣಾವೊನಾ ಗೊಂಡಾ ಮ್ಹೊಟಾ ಕರಲಿವಸ.
MAT 23:6 ತೆಕ್ಲುಜ಼ ನೈಸೊ ಉತ್ಸವ ರ‍್ಹಯಲ ಜ಼ಗಾ ಖಾಸ ಮರ್ಯಾದಿ ದ್ಯು ವರಿ ಸಭಾಮಂದಿರ್ಮಾ ಖಾಸ ಖುರ್ಚಿಯೊ ಬೈಟಾನೆ ದ್ಯು;
MAT 23:7 ವಾನಿವಾಯೊಮಾ ರಸ್ತಾವೊಪರ ಪಗೆ ಪಡೈಲಿವಾನು ಮನಕ್ಹೊನಾ ಹತೆ ಗುರುವೊ ಕೈನ ಕವೈಲಿವಾನು; ಹೌ ಕ್ಹಾರುಜ಼ ತ್ಯುನೊನೆ ಪಸಂದ ವ್ಹೈ.
MAT 23:8 ವರಿಬಿ ತುಮೆ ಭೊದಕೊ ಕೈನ ಕವೈಲಿವೊ ನಕೊ; ಕಾ ಕದ್ಯಾಮ ಕ್ರಿಸ್ತ ಯಕ್ಕಲೊಜ಼ ತುಮಾರೊ ಭೊದಕ ವ್ಹೈ. ವರಿ ತುಮೆ ಕ್ಹಾರಾ ಭಾಯೊಜ಼ ವ್ಹೈ.
MAT 23:9 ಯಕ್ಲುಜ಼ ಭೊಲೊಕಪರ ಕಿನೆಜ಼ ತುಮಾರೊ ಬಾಪ ವ್ಹೈ ಕೈನ ಕವೊ ನಕೊ; ಕಾ ಕದ್ಯಾಮ ಪರಲೊಕ್ಮಾ ರ‍್ಹಯಲವಾಲೊ ಯಕ್ಕಜ಼ ತುಮಾರೊ ಬಾ ವ್ಹೈ.
MAT 23:10 ವರಿ ಗುರು, ಕೈನ ಕವೈಲಯವೊನಕೊ; ಕಾ ಕದ್ಯಾ ತುಮಾರೊ ಗುರು ಕ್ರಿಸ್ತ ಯಕ್ಲೊಜ಼ ವ್ಹೈ.
MAT 23:11 ತೆನೈಸೊ ತುಮೊಮಾ ಮ್ಹೊಟೊ ಕೈನ ಕವೈಲಿವಾಲೊ ತುಮಾರೊ ಸೆವಕ ಥೈನ ರ‍್ಹೌ.
MAT 23:12 ತಿನಾಕ್ಹು ತಿನೆ ಮ್ಹೊಟೊ ಕೈನ ಕವೈಲಿವಾಲೊ ತೆ ನ್ಹಾನೊ ಥೈನ ತಗ್ಗಿನ ರ‍್ಹೌ, ತಿನಾಕ್ಹುತೆ ತಗ್ಗಿನ ರ‍್ಹವಾಲೊ ತೆ ಮ್ಹೊಟೊ ಥೈನ ರ‍್ಹವಸ.
MAT 23:13 ಅಯ್ಯೊ ಕಪಟಿಯೊ ಶಾಸ್ತ್ರಯೊ, ಫರಿಸಾಯರೊ, ಪರಲೊಕ ರಾಜ್ಯ ನು ಬಾಕಲ ಮನಕ್ಹೊನಾ ಕ್ಹಾಮಾ ಝಾಕಿಪಾಡೊಸಿತುಮೆತೊ ಮ್ಹೈ ನೈ ಜಾ಼ತಾ. ಮ್ಹೈ ಜಾ಼ವಾಲಾವೊನೆಬಿ ಜಾ಼ವಾನೆ ದೆತಾ ನೈ.
MAT 23:14 ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊ ಮನಕ್ಹೊ ದೆಕು ಕೈನ ಮ್ಹೊಟಿಯೊ ಪ್ರಾಥನಾ ಕರೊಸಿ. ತುಮೆ ಮಾಟಿಯೊ ಮರಲ ಬಾಕ್ಡಿಯೊನಾ ಘರೊಮಾ ಹೊಕ್ಕಿನ ನಾಟಕ ಕರಿಸಿ. ತಿನಾಹುತಿ ತುಮೊನೆ ಮ್ಹೊಟಿ ಶಿಕ್ಷಾ ಮಳಸ.
MAT 23:15 ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊತುಮೆ ಯಕ್ಕ ಮನಕ್ಹನೆ ಮತಾಂತರ ಕರಾನಾಹುತಿ ಜಿಮಿನ ವರಿ ಸಮುದ್ರನೆ ಸುತ್ತ ಮಾರಿನ ಆವೊಶಿ; ತೆ ತುಮೊಮಾ ಮಳಿನ ತೆ ತುಮೊತಿಬಿ ಜಾ಼ಸ್ತಿ ಬೆ ಯಕ್ಲಿ ನರಕ್ಮಾ ಶಿಕ್ಷಾ ಮಳಸ.
MAT 23:16 ಅಯ್ಯೊ, ವಾಟಾದೆಕಾಡಾಲಾ ಕುಡ್ಡಾವೊಯಕ್ಲೊ ದೆವಾಲಯಪರ ಕ್ಹಮ್ಮ ಘಾಲ್ಯೊಮ ತೆಜ಼ ಘಮ್ಮ ವ್ಹೈ ಕವೊಶಿ.ಯಕ್ಲೊ ದೆವಾಲಯಮಾ ರ‍್ಹಯಲ ಕ್ಹೊನಾಪರ ಕ್ಹಮ್ಮ ತೆ ಪುರಾ ಕರುಜ಼ ಕೈನ ಕವೊಶಿ.
MAT 23:17 ಕುಡ್ಡಾವೊ, ಪಿಸಾಳಾವೊ, ಕಯೊ ಖಾಸ ವ್ಹೈ? ಕ್ಹೊನುಸು, ಕ್ಹೊನಾಕ್ಹು ಕರಲ ದೆವಾಲಯ ವ್ಹೈ ಸು?
MAT 23:18 ವರಿ ಯಕ್ಲೊ ಬಲಿ ದಿವಾನಾ ಕಟ್ಟಾಪರ ಕ್ಹಮ್ಮ ಘಾಲ್ಯೊಮ ತೆ ಕ್ಹಮ್ಮ ನ್ಹವೈ ಕವೊಶಿ, ತೆನೈಸೊ ತಿಮಾ ರ‍್ಹಯಲ ಕಾಣಿಕೆಪರ ಕ್ಹಮ್ಮ ಘಾಲ್ಯಾಮ ತೆ ಪುರಾ ಕರುಜ಼ ಕೈನ ಕವೊಶಿ.
MAT 23:19 ಕುಡ್ಡಾವೊ, ಪಿಸಾಳಾವೊ, ಕಯು ಜಾಸ್ತಿ ವ್ಹೈ? ಕಾಣಿಕೆ ವ್ಹೈಸುನೈತೊ ತೆ ಕಾಣಿಕೆನೆ ಪ್ರತ್ಠಾಕರಾನಿ ಬಲಿನೊ ಕಟ್ಟೊಸು?
MAT 23:20 ಇಮ ರ‍್ಹಯುಮ ಕಯೊಬಿ ಬಲಿನಾ ಕಟ್ಟಪರ ಕ್ಹಮ್ಮ ಘಾಲ್ಯೊ ತಿಪರ ತಿಮಾ ರ‍್ಹಯಲ ಕ್ಹಾವೊಪರ ಕ್ಹಮ್ಮ ಘಲಲನಿಂಗ ಥಯೊ.
MAT 23:21 ವರಿ ಕಯೊಬಿ ದೆವಾಲಯಪರ ಕ್ಹಮ್ಮ ಗಾಲ್ಯೊಮ ತಿನಾ ಉಪ್ಪರ, ತಿಮಾ ರ‍್ಹಯಲವಾಲಾಪರ ಕ್ಹಮ್ಮ ಘಾಲಲನಿಂಗತ ಥಯು.
MAT 23:22 ವರಿ ಪರಲೊಕಪರ ಕ್ಹಮ್ಮ ಘಾಲ್ಯಾಮ ಕ್ಹುದಾನಿ ಸಂಹಾಸನಪರ ತಿಪರ ಬೈಟಲವಾಲಾಪರ ಕ್ಹಮ್ಮ ಘಾಲಲನಿಂಗತ ಥಯು.
MAT 23:23 ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊ ತುಮೆ ಪುದಿನ, ಮರುಗ ಪತ್ರಿ , ಸಬಸಗಿ ಸೊಪ್ಪ, ಜಿರಾಮಾ ದಕ್ಹವಾ ಭಾಗ ದಿವೊಸಿ ಕ್ಹರಿ, ತೆನೈಸೊ ಧರ್ಮನಾ ನಿಯಮ್ಮಾ ಖಾಸ ರ‍್ಹಯಲ ಕದ್ಯಾಮ ನ್ಯಾಯ ಮರಗಾ ಬರೊಕ್ಹೊ ಛೊಡಿಪಾಡ್ಯಾಸ. ಇ ಕ್ಹಾರು ಕರು; ಎ ಕ್ಹಾರು ಛೊಡು ನೈ.
MAT 23:24 ವಾಟ ದೆಕಾಡಾಲಾ ಕುಡ್ಡಾವೊ, ತುಮೆ ಭಕ್ತಾರಾ ಸೊಸಾಲಾ ವ್ಹೈ. ತೆನೈಸೊ ಹುಂಟ ಗಳಾಲಾ ವ್ಹೈ.
MAT 23:25 ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊತುಮೆ ತಾಂಬಿಯಾ ವಾಟಕಾ ತುಮೆ ಭಾರಾ ಎಕ್ಹಾರು ಧವೊಸಿ ತೆನೈಸೊ ತ್ಯುನಾ ಮ್ಹೈ ದರಾಎ ಚೊ಼ರಿ ಕರಾನು ಕ್ಹು ಭರಲ ರ‍್ಹವಸ.
MAT 23:26 ಕುಡ್ಡೊ ರ‍್ಹಯಲ ಫರಿಸಾಯರ, ಪೈಲಾ ತೆ ಸಾಮನೊ ಕ್ಹಾರಾ ಮ್ಹೈತಾ ವಾಗಾತಿ ಕರ, ತೆಳಾಮಾ ತೆ ಭಾರಾತಾಬಿ ವಾಗಾತಿ ಥಾವಸ.
MAT 23:27 ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊ ತುಮೆ ಚು಼ನ್ನೊ ಮಾರಲ ಮಜಾ಼ರೊ ನಿಂಗತ ಛೆ. ಎ ಭಾರಾತು ವಾಗಾತಿ ದಿಕ್ಹಸ. ಮ್ಹೈತು ದೆಕ್ಯಾಮ ಮರಲವಾಲಾವೊನಾ ಹಡಕಾ ವರಿ ಗಲಿಜಿ ಭರಲ ರ‍್ಹವಸ.
MAT 23:28 ಇನಾನಿಂಗತಜ಼ ತುಮೆಬಿ ಭಾರಾತಾ ಮನಕ್ಹೊನೆ ಕ್ಹರಿನಾ ವ್ಹೈ ಕೈನ ದಿಕ್ಹೊಶಿ. ತೆನೈಸೊ ಮ್ಹೈ ಕಪಟ ವರಿ ಜ಼ಬರದಸ್ತವಾಲಾ ರ‍್ಹವೊಶಿ.
MAT 23:29 ಅಯ್ಯೊ, ಕಪಟಿಯೊ ಥಯಲ ಶಾಸ್ತ್ರಿಯೊ, ಫರಿಸಾಯರೊ, ತುಮೆ ಪ್ರವಾದಿಯೊನಿಯೊ ಮಾಜಾ಼ರೊ ಭಾಂದಿನ, ಕ್ಹರಿಕ್ಹು ರ‍್ಹಯಲವಾಲಾವೊನಿಯೊ ಮಾಜಾ಼ರೊ ಶ್ರಿಂಗಾರ ಕರೊಸಿ.
MAT 23:30 ಹಮೆ ಹಮಾರಾ ಶಾನಾವೊನಾ ಕಾಲಮಾ ರ‍್ಹವತ್ತೊ ಪ್ರಾವಾದಿಯೊನೆ ಖಲಾಸ ಕರಲ ಪಾಪಮಾ ವಾಟೊಲಿವಾಲಾ ಥಾತಾ ನ್ಹೊತಾ, ಕವೊಶಿ.
MAT 23:31 ತಿಮ ರ‍್ಹಯುಮ ಪ್ರಾದಿಯೊನೆ ಖಲಾಸ ಕರಲ ವಾಲಾವೊನಾ ಬಚ್ಚಾ಼ ವ್ಹೈ ಕೈನ ಕವಾನಿಕ್ಹು ಸಾಕ್ಷಿಯೊ ಥಯಾಸ.
MAT 23:32 ಚೊ಼ಕು ವ್ಹೈ, ತುಮೆ ತುಮಾರಾ ಶಾನಾವೊನು ಪಾಪನಿ ಅಳತಿ ಪುರಾ ಕರೊಸಿ.
MAT 23:33 ಕ್ಹಾಪೊ, ಕ್ಹಾಪನಿ ಜಾ಼ತನಾವೊ, ನರಕನಿ ಶಿಕ್ಷಾಕ್ಹು ನ ತುಮೆ ಕಿಮ್ಮ ವಾಚ್ಚೊಸಿ.
MAT 23:34 ತಿನಾಹುತಿ ದೆಕೊ, ಮಿ ತುಮೊಕನ ಪ್ರವಾದಿಯೊನೆ, ಗ್ಯಾನಿಯೊನೆ ಶಾಸ್ತ್ರಿಯೊನೆ ಮೊಕ್ಲುಸ; ತುಮೆ ತಿಮಾನಾ ದಕ್ಹಾಜ಼ನಾವೊನೆ ಖಲಾಸ ಕರೊಸಿ, ಶಿಲುಬಿಪರ ಗಾಲೊಶಿ; ದಕ್ಹಾಜ಼ನಾವೊನೆ ತುಮಾರಿ ಸಭಾಮಂದಿರೊಮಾ ಬಾರಕೊಲೊಕ್ಹು ಮಾರಿನ ಗಮ್ತಾ ಭಾರಾ ಘಾಲೊಸಿ.
MAT 23:35 ಇಮ್ಮಜ಼ ನಿತಿವಂತವಾಲೊ ಹೆಬಲನು ರಗತ ಪೈಲಾ ತುಮೆ ದೆವಾಲಯನೆ ಬಲಿನಾ ಕಟ್ಟಲಕ್ಕಾ ವಚ್ಮಾ಼ ಖಲಾಸ ಕರಲ ಬರಕಿನೊ ದಿಕ್ರಾಒ ತಯಲ ಜರಕಿನಾ ರಗತಲಕ್ಕಾ ಜಿಮಿನಪರ ಚು಼ವಾಯಲ ಕ್ಹಾರಾ ನಿತಿವಂತ ವಾಲಾವೊನು ರಗತ ಚು಼ವಾಯಲ ಅಪರಾಧ ತುಮಾರಾ ಮಾತಾವೊಪರ ಆವಸ.
MAT 23:36 ಎ ಕ್ಹಾರಾ ಅ ಸಂತತಿವಾವಾಲಾವೊಪರ ಅವಸ ಕೈನ ಮಿ ತುಮೊನೆ ಕ್ಹರಿಮಾಜ಼ ಕೌಸ.
MAT 23:37 ಯೆರುಸಲೆಮ, ಯೆರುಸಲೆಮ! ಪ್ರವಾದಿ ಜ಼ಲಮ ಕಾಡಾಲಿ, ಕ್ಹುದಾ ತುಕನ ಮೊಕ್ಳವಾಲಾವೊನೆ ದಗ್ಡಾ ಮಾರಿನ ಖಲಾಸ ಕರಾಲಿ! ಕುಕಡಿಯೊ ತಿನಾ ಬಚ್ಚಾ಼ವೊನೆ ರೆಕ್ಯಾಮಾ ಝಾಕಿಲಿದಲನಿಂಗತ ತಿನಾನಿಂಗತ ತಾರಾ ಬಚ್ಚಾ಼ವೊನೆ ಮಿ ಝಾಕಿಲಿವಾನೆ ಮನೆ ಘನ್ನು ಮನಸ ವ್ಹತು.
MAT 23:38 ದೆಕೊ, ತುಮಾರು ಘರ ಖಾಲಿ ಖಾಲಿ ಲಾಗಸ.
MAT 23:39 ಹಮ್ನಾತಾಜ಼, ಕರ್ತಾನಾ ನಾಮಪರ ಆವಾಲಾ ಧನ್ಯ ವ್ಹೈ ತುಮಾರಾಕ್ಹು ತುಮೆಜ಼ ಕಯೆಲಕ್ಕಾ ತುಮೆ ಮನೆ ದೆಕ್ತಾಜ಼ ನೈ ಕೈನ ಮಿ ತುಮೊನೆ ಕೌಸ.
MAT 24:1 ತೆ ಥಯಲ್ಪರ ಯೆಸು ದೆವಾಲಯಮಾತೊ ಜಾ಼ತಾಮಾ ತಿನಾ ಶಿಷ್ಯಾ ದೆವಾಲಯನಾ ಕಟ್ಟಡೊ ದೆಕಾಡಾನಾ ಹುತಿ ತಿನಾ ನಜಿಕ ಆಯಾ.
MAT 24:2 ತೆಳಾಮ ಯೆಸು ತ್ಯುನೊನೆ ಎ ಮ್ಹೊಟ ಗೊಡಿಯೊ ದೆಕಾಡ್ಯಾಸು? ಮಿ ತುಮೊನೆ ಕ್ಹರಿಮಾಜ಼ ಕೌಸ ನ್ಹ್ಯಾ ದಗ್ಡಾಪರ ದಗ್ಡೊ ಹುಬ್ರೆತು ನೈ, ಕ್ಹಾರುಜ಼ ಪಾಡಾಲಗಾಡಸ.
MAT 24:3 ಪಾಚಾ಼ತೊ ತೆ ತೆಲನಾ ಝಾಡೊನಾ ಡೊಂಗರಪರ ಬೈಟಲ ರ‍್ಹತಾಮಾ ತಿನಾ ಶಿಶ್ಯಾ ತಿಕನ ಐನ, ಎ ಕ್ಹಾರು ಕೆಳಾಮಾ ಥಾವಸ? ತು ಪ್ಹರಿನ ಆವಾನು ದುನಿಯಾ ಖಲಾಸ ಥಾವಾನು ವಳಕ ಸು ವ್ಹೈ?
MAT 24:4 ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ, ಕುನಬಿ ತುಮೊನೆ ಮೊಸ ಕರ‍್ಯಾವಾಚಿ ದೆಕಿಲಿವೊ. ಹುಶಾರ ರ‍್ಹವೊ.
MAT 24:5 ಕಾ ಕದ್ಯಾಮ ಮಾರಾ ನಾಮಪರ ಘನ್ನಾ ಜ಼ನಾ ಐನ ಮಿಜ಼ ಕ್ರಿಸ್ತ ವ್ಹೈ ಮಿಜ಼ ಕ್ರಿಸ್ತ ವ್ಹೈ ಕೈನ ಘನ್ನಾ ಜ಼ನಾವೊನೆ ಮೊಸ ಕರಸ.
MAT 24:6 ಯಕ್ಲೊಜ಼ ನೈಸೊ ಯುದ್ದೊ ಥಾವಾನಿಯೊ ವಳಕ ಸುದ್ದಿಯೊ ತುಮೆ ಐಕೊಶಿ. ಕಳವಳಥಯಾವಾಚಿ ದೆಕಿಲಿವೊ, ಇಮ್ಮ ಥಾವಾನು ಜ಼ರುರತ್ತ ಛೆ. ವರಿಬಿ ತೆ ಅಂತ್ಯಕಾಲ ನ್ಹವೈ.
MAT 24:7 ಇಮ್ಮ ಥಾತಾಮಾ ಮನಕ್ಹೊನಾ ವಿರುದ್ದ ಮನಕ್ಹೊ, ರಾಜ್ಯನಾ ವಿರುದ್ದ ರಾಜ್ಯ ಉಟಸ; ವರಿ ತ್ಯಾ ತ್ಯಾ ಬರಗಾಲ, ತ್ಯಾ ತ್ಯಾ ಭುಕಂಪೊ ಥಾವಸ.
MAT 24:8 ಎ ಕ್ಹಾರು ತ್ರಾಸ ಥಾವಾನು ಚಾಲು ವ್ಹೈ.
MAT 24:9 ತೆಳಾಮಾ ತುಮೊನೆ ತ್ರಾಸ ಕರಿನ ಖಲಾಸ ಕರಸ; ಮಾರಾ ಹುತಿ ತುಮೊನೆ ಕ್ಹಾರಾ ಮನಕ್ಹೊ ದ್ವೆಶಕರಸ.
MAT 24:10 ತೆಳಾಮಾ ಘನ್ನಾ ಜ಼ನಾ ಭುಚ಼್ಕಿನ ಪಾಚಾಸರ್ಕಿನ ಯಕ್ಲಾನೆ ಯಕ್ಲೊ ಧರಿನ ದಿವಸ; ಯಕ್ಲಾಪರ ಯಕ್ಲೊ ದ್ವೆಶ ಕರಸ.
MAT 24:11 ಘನ್ನಾ ಸುಳ್ಳ ಪ್ರವಾದಿಯೊ ಉಟಿನ ಘನ್ನಾ ಮನಕ್ಹೊನೆ ಮೊಸ ಕರಸ.
MAT 24:12 ಯಕ್ಲುಜ಼ ನೈಸೊ ಅಧರ್ಮ ಜಾಸ್ತಿ ಥಯಲಹುತಿ ಘನ್ನಾ ಮನಕ್ಹೊನಿ ಮಯಾಜ಼ ಥಂಡಿ ಥೈ ಜಾ಼ವಸ.
MAT 24:13 ವರಿಬಿ ಲಾಸ್ಟಲಕ್ಕಾ ತಡ್ದಿಲಿವಾಲೊ ರಕ್ಷಣೆ ಹೊಂದಿಲಿವಸ.
MAT 24:14 ಯಕ್ಲುಜ಼ ನೈಸೊ ರಾಜ್ಯನಿ ಎ ಸುವಾರ್ತೆ ಕ್ಹಾರಿಜ಼ ದುನಿಯಾಮಾ ಕ್ಹಾರಾ ಮನ್ಕಹೊನೆ ಸಾಕ್ಷಿನಾಹುತಿ ಪೈಲಾವಸ; ತೆಳಾಮಾ ಅಂತ್ಯಕಾಲ ಅವಸ.
MAT 24:15 ಪ್ರಾವಾದಿ ದಾನಿಯಲ ಕದಲ ತಿಮ್ಮಜ಼ ಹಾಳ ಕರಾನು ಕೆಟ್ಟ ವಸ್ತು ಪವಿತ್ರ ಜ಼ಗಾಪರ ಹುಬ್ರಯಲ ತುಮೆ ದೆಕ್ತಾಮಾ
MAT 24:16 ಯುದಾಯಮಾ ರ‍್ಹಯಲವಾಲಾ ಕ್ಹಾರಾಜ಼ ದೊಂಗರ್ಪರ ನ್ಹಾಟಿ ಜಾ಼ವಾದೆ;
MAT 24:17 ಮ್ಹಾಡಿಪರ ರ‍್ಹಯಲವಾಲೊ ತಿನಾ ಘರ್ಮಾ ರ‍್ಹಯಲ ಸುಜ಼ ಸಾಮನ ಲಿವಾನೆ ಜ಼ೌ ನೈ.
MAT 24:18 ಖೆತರ್ಮಾ ರ‍್ಹಯಲವಾಲೊ ತಿನಾ ವಚ್ಚಾ಼ನಾ ಲಿವಾನಾ ಹುತಿ ಜೌ಼ನೈ.
MAT 24:19 ತೆ ದಿನೊಮಾ ಪೆಟೆ ರ‍್ಹಯಲವಾಲಿಯೊನೆ, ಬಾಣತಿಯೊ ರ‍್ಹಯಲ ಹೆಣ್ಣ ಮನಕ್ಹೊ ಅಯ್ಯೊ.
MAT 24:20 ತುಮೊನೆ ಎಕ್ಹಾರು ಥಂಡನಾ ದಿನೊಮಾ ಸಬ್ಬತದಿನೊಮಾ ರ‍್ಹವಾ]ಎ ಥೌ ನೈ ಕೈನ ಪ್ರಾಥನಾ ಕರೊ.
MAT 24:21 ಕಾ ಕದ್ಯಾಮ ದುನಿಯಾ ಶುರುತಿಬಿ ಆಜ಼ಲಕ್ಕಾ ನೈ ಥಯಲ, ಇತ್ತಿ ಉಪ್ಪರ ನೈಸೊ ಥಾವಾನು ಮ್ಹೊಟೊ ತರಾಸ ತೆಳಾಮಾ ಥಾವಸ.
MAT 24:22 ಕರ್ತಾ ದಿನೊ ಕಮ್ಮ ನೈ ಕರ‍್ಯೊಮ ಯಕ್ಲೊಬಿ ಉಗರ್ತೊ ನೈ; ವರಿಬಿ ತೆ ಇನಿಲಿದಲವಾಲಾವೊನಾ ಹುತಿ ತೆ ದಿನೊ ಕಮ್ಮ ಕರಸ.
MAT 24:23 ತೆಳಾಮಾ ತೊಮೊನೆ ಕುನಬಿ ಕ್ರಿಸ್ತ ನ್ಹ್ಯಾ ಛೆ ಕ್ರಿಸ್ತ ನ್ಹ್ಯಾ ಛೆ ಕೈನ ಕದ್ಯಾಮ ತುಮೆ ನಂಬೊ ನಕೊ.
MAT 24:24 ಸುಳ್ಳ ಕ್ರಿಸ್ತೊ, ಸುಳ್ಳ ಪ್ರವಾದಿಯೊ ಉಟಿನ ಸಾಧ್ಯ ಥಯುಮ ಕ್ಹುದಾ ಇನಿಲಿದಲ ಮನಕ್ಹೊನೆ ಬಿ ಮೊಸ ಕರಾನಾ ಹುತಿ ಮ್ಹೊಟಾ ಸುಚಕ ಕಾಮೊ ಘಾಬ್ರಾ ಥಾವಾನಾ ಕಾಮೊ ಕರಿನೆ ದೆಕಾಡಸ.
MAT 24:25 ದೆಕೊ, ಮಿ ಪೈಲಾಜ಼ ಮಿ ಕವಾಡ್ಯೊಸ.
MAT 24:26 ತಿನಾಹುತಿ ಕುನಬಿ ತುಮೊನೆ ಕುನಬಿ, ದೆಕೊ, ಕ್ರಿಸ್ತ ರಾನಮಾ ಛೆ. ಕೈನ ಕದ್ಯಾಮ ತುಮೆ ರಾನ್ಮಾ ಗೈ ಪಡೊನಕೊ; ದೆಕೊ ಮ್ಹೈನಾ ಘರ್ಮಾ ಛೆ ಕೈನ ಕದ್ಯಾಮ ಬರೊಕ್ಹೊ ಕರೊ ನಕೊ.
MAT 24:27 ಕಿಮ್ಮ ಬಿಜಲಿ ಪುರ್ವಮಾ ಹುಟ್ಟಿನ ಪಶ್ಚಿಮ ಲಕ್ಕಾ ಉಜಾಲು ದಿಕ್ಹಸ ತಿನಾ ನಿಂಗತಜ಼ ಮನಕ್ಹೊನೊ ದಿಕ್ರೊ ಆವಾನು ಥಾವಸ.
MAT 24:28 ಮುರ್ದೊ ಪಡಲ ಜ಼ಗಾ ಹದ್ದೊ ಮಳಸ.
MAT 24:29 ತೆ ತ್ರಾಸನಾ ದಿನೊ ಮುಗ್ದಲ್ಪರ ಸುರ್ಯೊ ಅಂದಾರು ಥಾವಸ, ಚ಼ಂದಪ್ಪಾ ಉಜಾಲು ದಿದ್ಯಾವಾಚಿ ರ‍್ಹವಸ, ಚಿಕ್ಕಯೊ ಹಬಾಳಮಾತಿಯೊ ಪಡಸ, ಹಬಾಳಮಾ ರ‍್ಹಯಲ ತಾಕತೊ ಹಲ್ಲಸ.
MAT 24:30 ತೆಳಾಮಾ ಮನಕ್ಹೊನೊ ದಿಕ್ರೊ ಕದಲ ವಳಕ ಹಬಾಳಮಾ ದಿಕ್ಹಿನ ಆವಸ. ತೆಳಾಮಾ ಭುಲೊಕ್ಪರ ರ‍್ಹಯಲ ಕ್ಹಾರಾ ಮನಕ್ಹೊ ಛಾತಿ ಬಡೈಲಿವಸ, ವರಿ ಮನಕ್ಹನೊ ದಿಕ್ರಾನಿ ತಾಕತಕ್ಹು, ಘನ್ನಿ ಮಹಿಮಾಕ್ಹು ಹಬಾಳನಾ ಮ್ಹಾಡಪರ ಆವಾನು ದಿಕ್ಹಸ.
MAT 24:31 ತೆ ತಿನಾ ದುತೊನೆ ಪೊಂಗಾವೊನಿ ಮ್ಹೊಟಿ ಅವಾಜ಼ನಾ ಕ್ಹಾತೆ ಮೊಕ್ಲಸ. ತ್ಯುನೆ ತೆ ಇನಿಲಿದಲವಾಲಾವೊನೆ ಹಬಾಳನಾ ಯಕ್ಕ ಬಗಲ್ತೊ ಚಾ಼ರೆ ದಿಕ್ಕ ಬಗಲ್ತೊ ಮಳಾವಸ.
MAT 24:32 ಅಂಜುರ್ನಾ ಝಾಡನಿ ದೃಷ್ಟಾಕ್ಹು ಗ್ಯಾನ ಶಿಕ್ಕೊ. ತಿನಿಯೊ ಠೊಂಗಿಯೊ ಹಜು಼ನ ಕುಳಿಯೊ ರ‍್ಹತಾಮಾಜ಼ ಪಾಲೊ ಛೊಡ್ತಾಮ ತಡಕಾನೊ ದಿನ್ನ ನಜಿಕ ಐಯೊಸ ಕೈನ ತಿಳದಿಲಿವೊಸಿತೊ.
MAT 24:33 ತಿಮ್ಮಜ಼ ತುಮೆ ಎ ಕ್ಹಾರು ದೆಕ್ತಾಮಾ ತೆ ದಿನ್ನ ನಿಜಕ ಆಯೊಸ ಕೈನ ತಿಲದಿಲಿವೊ.
MAT 24:34 ಎ ಕ್ಹಾರು ಥಾಯೆಲಕ್ಕಾ ಎ ಸಂತತಿ ಮಿಟೈಜಾ಼ತಿ ನೈ ಕೈನ ತುಮೊನೆ ಕ್ಹರಿಮಾಜ಼ ಕೌಸ.
MAT 24:35 ಜಿಮಿನ ಹಬಾಲ ಮಿಟೈಜಾ಼ತು ನೈ, ತೆನೈಸೊ ಮಾರಿ ವಾಕ್ಯ ಹಮೆಶಾಬಿ ರ‍್ಹವಸ.
MAT 24:36 ತೆನೈಸೊ ತೆ ದಿನೊ ವರಿ ತೆ ಟೈಮನಾ ಹಹುತಿ, ಮಾರಾ ಬಾನೆ ಯಕ್ಕಜ಼ ಗ್ವತ್ತ ಛೆ ಬಿಜಾ಼ ಕಿನೆಜ಼ ಗ್ವತ್ತ ನತ್ತಿ. ಪರಲೊಕಮಾ ರ‍್ಹಯಲ ದುತೊನೆಬಿ ಗ್ವತ್ತ ನತ್ತಿ, ದಿಕ್ರಾನೆಬಿ ಗ್ವತ್ತ ನತ್ತಿ..
MAT 24:37 ನೊಹಾನಾ ದಿನೊ ಕಿಮ್ಮ ವ್ಹತಾ ತಿನಾನಿಂಗತಜ಼ ಮನಕ್ಹನೊ ದಿಕ್ರೊ ಆವಾನಾ ಟೈಮ್ಮಾ ರ‍್ಹವಸ.
MAT 24:38 ಕಿಮ್ಮ ಕದ್ಯಾಮ ಜಲಪ್ರಳಯ ತಿ ಪೈಲಾನಾ ದಿನೊಮಾ ನೊಹಾ ಹಡಗಾಮ ಗಯಲ ದಿನ್ನ ಲಕ್ಕಾ ಮನಕ್ಹೊ ಪಿತಾ ಖಾತಾ, ಹಿವಾ ಕರಿಲೆತಾ, ಹಿವಾ ಕರ್ತಾ ವ್ಹತಾ.
MAT 24:39 ಪ್ರಳಯನು ಪಾನಿ ಐನ ಕ್ಹಾರಾವೊನೆ ಕಿತ್ತೈ ಲಿನ ಜಾ಼ಯೆ ಲಕ್ಕಾ ತ್ಯುನೊನೆ ಸುಜ಼ ಗ್ವತ್ತ ನೈಸೊ ವ್ಹತಾತೊ. ತಿನಾನಿಂಗತಜ಼ ಮನಕ್ಹನೊ ದಿಕ್ರೊ ಆವಾನ ದಿನೊಮಾ ರ‍್ಹವಸ.
MAT 24:40 ತೆಳಾಮಾ ಬೆ ಜ಼ನಾ ಖೆತರ್ಮಾ ರ‍್ಹವಸ; ತ್ಯುನೊಮಾಮಾನಾ ಯಕ್ಲಾನೆ ಲಿವಸ, ಯಕ್ಲಾನೆ ಛೊಡಸ.
MAT 24:41 ಬೆ ಬಾಕ್ಡಿಯೊ ದಳಾನಾ ಡಗ್ಡಾಕನ ಬೈಟಿನ ದಳತಿಯೊ ರ‍್ಹವಸ; ಯಕ್ಲಿನೆ ಲಿವಸ, ಯಕ್ಲಿನೆ ಛೊಡಿಪಾಡಸ.
MAT 24:42 ಇಮ್ಮ ರ‍್ಹತಾಮಾ ಕರ್ತಾ ಆವಾನೊ ದಿನ್ನ ನೈ ಗ್ವತ್ತ ರ‍್ಹಯಲ ಹುತಿ ಹುಶಾರಮಾ ರ‍್ಹವೊ.
MAT 24:43 ಚ಼್ವಟ್ಟೊ ಕೆಳಾಮಾ ಆವಸ ಕವಾನು ಗ್ವತ್ತ ರ‍್ಹವತ್ತೊ ತೆ ತಿನಾ ಗರ್ಮಾ ಚೊ಼ರಿ ಕರಾನೆ ಆವಾಲಾನೆ ಕೈತ್ತೊ ರ‍್ಹತೊತೊ ಕೈ ತಿಳ್ದಿಲಿವೊ.
MAT 24:44 ತಿನಾ ಹುತಿ ತುಮೆಬಿ ತಯ್ಯಾರ ರ‍್ಹವೊ; ತುಮೆ ವಿಚಾರಬಿ ಕರಲ ರ‍್ಹತಾ ನೈ ತೆವಾ ಟೈಮ್ಮಾ ಮನಕ್ಹೊನೊ ದಿಕ್ರೊ ಆವಸ.
MAT 24:45 ಕದ್ಯಾಮ ಮಾಲಕ ತಿನಾ ಘರವಾಲಾವೊನೆ ಟೈಮೆ ಟೈಮೆ ಅನ್ನ ದಿವಾನಾ ಹುತಿ ತೆ ಬರೊಕ್ಹಾವಾಲಾ ನಿಂಗತ, ಗ್ಯಾನಿ ಥಯಲ ಆಳ ಕುನ್ನ ವ್ಹೈ?
MAT 24:46 ಮಾಲಕ ಆವಾನಾ ವಕ್ಹತಮಾ ಕಯೊ ಆಳ ಇಮ್ಮ ಕರಾನು ದೆಕ್ಯೊಮ ತೆ ಆಳ ಧನ್ಯ ವ್ಹೈ.
MAT 24:47 ತೆವಾನೆ ತೆ ತಿನಿ ಕ್ಹಾರಿ ಆಸ್ತಿನೆ ಮ್ಯಾನೆಜರ ಕರಿನ ಮ್ಹೆಲಸ ಕೈನ ತುಮೊನೆ ಕ್ಹರಿಮಾಜ಼ ಕೌಸ.
MAT 24:48 ತೆನೈಸೊ ತೆ ಕೆಟ್ಟ ಆಳ, ಮಾರೊ ಮಾಲಕ ಆವಾನೆ ತಡಾ ಕರಸ, ಕೈನ ತಿನಾ ಮನಸ್ಮಾ ಕೈಲಿನ
MAT 24:49 ತಿನಾ ಆಳೊನೆ ಮಾರ್ತೊ, ವರಿ ಪಿದೊಡಾವೊನಾ ಕ್ಹಾತೆ ಮಳಿನ ಪಿವಾನು ಸುರು ಕರ‍್ಯೊಮ,
MAT 24:50 ತೆ ವಿಚಾರ ನೈ ಕರಲ ದಿನೊಮಾ, ವಕ್ಹತ ನೈ ರ‍್ಹಯಲ ಗ್ವತ್ತ ಟೈಮ್ಮಾ ತೆ ಅಳನೊ ಮಾಲಕ ಐನ ತಿನೆ ಘನ್ನಿ ಮ್ಹೊಟಿ ಶಿಷಾ ದಿನ
MAT 24:51 ಕಪಟ್ಯಾವೊ ನೈಸೊ ಥಾವಾನಿ ಗತಿ ತಿನೆ ತೆ ಕರಸ.ತ್ಯಾ ರವಾನು ಕಟ್ಟ ಕಟ್ಟ ದಾತೊ ಖಾವಾನು ರ‍್ಹವಸ.
MAT 25:1 ಪರಲೊಕ ರಾಜ್ಯ ತಿವ್ನಿಯೊ ಆರ್ತಿಯೊಲಿನ ನೌರಾನಿ ಮಳಾನಾಹುತಿ ಜಾ಼ವಾಲಿಯೊ ದಕ್ಹ ಜ಼ನಿಯೊ ಜಾಂಜಿಮಾ ಛೊಕ್ರಿಯೊ ನೆ ಹೊಲಿಕೆ ಥೈಸ.
MAT 25:2 ತ್ಯುನೊಮಾ ಪಾಂಚ಼ ಜ಼ನಿಯೊ ಗ್ಯಾನಿ ಪಾಂಚ಼ ಜ಼ನಿಯೊ ಗ್ಯಾನ ನೈಸೊ ವಾಲಿಯೊ.
MAT 25:3 ಗ್ಯಾನ ನೈಸೊವಾಲಿಯೊ ಆರ್ತಿಯೊಲಿನ, ತಿನಾ ಕ್ಹಾತೆ ತೆಲ ಲಿದಿಯೊ ನೈ.
MAT 25:4 ತೆನೈಸೊ ಶಾಣಿಯೊ ರ‍್ಹಯಲವಾಲಿಯೊ ಆರ್ತಿಯೊಲಿನ ವರಿ ತಿನಾ ಕ್ಹಾತೆ ಜಾಸ್ತಿ ತೆಲ ಲಿದಿಯೊ.
MAT 25:5 ನೌರೊ ಆವಾನು ತಡಾ ಕರಲಹುತಿ ತ್ಯುನಿ ಕ್ಹಾರಿಯೊ ಝುಕ್ಕಾತಿಯೊ ಕ್ಹುರೈಯ್ಯೊ.
MAT 25:6 ವರಿ ಅರ್ದಿ ರಾತಮಾ, ದೆಕೊ, ನೌರೊ ಆವಾಡ್ಯೊಸ ತಿನೆ ಮಳಾನಾ ಹುತಿ ಚಾ಼ಲೊ, ಕವಾನು ಅವಾಜ಼ ಐಕು ಆಯು.
MAT 25:7 ತೆಳಾಮಾ ತೆ ಛೊಕ್ರಿಯಯೊ ಹುಶಾರ ಥೈನ ತಿವ್ನಿಯೊ ಆರ್ತಿಯೊ ಲಿನ ವಾಗಾತಿ ಕರಿಲಿದಿಯೊ.
MAT 25:8 ತೆಳಾಮಾ ಗ್ಯಾನ ನೈಸೊವಾಲಿಯೊ ಶಾಣಿಯೊ ರ‍್ಹಯಲ ಛೊಕ್ರಿಯೊನೆ , ತುಮೊಕನ ರ‍್ಹಯಲ ತೆಲಮಾ ಹಮೊನೆ ದಕ್ಹು ದಿವೊ.
MAT 25:9 ಕಾಕದ್ಯಾಮ ಹಮಾರಾ ದಿವ್ವಾ ಇಜ್ಜೈ ಜಾ಼ವಸ ಕೈನ ಕದಿಯೊ ತೆ ವಾತೆ ತೆ ಶಾಣಿಯೊ ಛೊಕ್ರಿಯೊ , ನೈ ಥಾತು ತುಮೊನೆ ದಿದಿಯೊಮ ಹಮೊನೆಬಿ ಥಾತು ನೈ ತುಮೊನೆಬಿ ಥಾತು ನೈ, ತುಮೆ ಇಕ್ಕಾಲಾವೊಕನ ಗೈನ ಲಿದಿಯೊಮ ಚೊ಼ಕು ವ್ಹೈ ಕದಿಯೊ.
MAT 25:10 ತ್ಯುನೆ ಇಕ್ಕಾತು ಲಾವಾನೆ ಜಾ಼ತಾಮಾ ನೌರೊ ಆಯೊ. ತಯ್ಯಾರ ರ‍್ಹಯಲವಾಲಿಯೊ ತಿನಾ ಕ್ಹಾತೆ ಹಿವಾನಾ ಘರ್ಮಾ ಗೈಪಡಿಯೊ, ಬಾಲಕ ಘಾಲಿಪಾಡ್ಯಾ.
MAT 25:11 ಪಾಚಾ಼ತಿಯೊ ಉಗ್ರಲ ಛೊಕ್ರಿಯೊ ಐನ, ಕರ್ತಾ, ಕರ್ತಾ, ಹಮಾರಾ ಹುತಿ ಬಾಕಲ ಕಾಡ ಕದಿಯೊ.
MAT 25:12 ತೆ ವಾತೆ ತೆ ತ್ಯುನೊನೆ ಅಮ್ಮ ಕದ್ಯೊ ತುಮೆ ಕುನ್ನ ವ್ಹೈ ಕವಾನು ಮನೆ ಕ್ಹರಿಮಾಜ಼ ಗ್ವತ್ತ ನತ್ತಿ.
MAT 25:13 ಕಾ ಕದ್ಯಾಮ ತೆ ದಿನ್ನ ತೆ ವಕ್ಹತ ತುಮೊನೆಬಿ ಗ್ವತ್ತ ನತ್ತಿ ತಿನಾಹುತಿ ತುಮೆ ಹುಶಾರಮಾ ರ‍್ಹವೊ.
MAT 25:14 ಕ್ಹುದಾನೊ ರಾಜ್ಯ ಕಿಮ ಛೆ ಕದ್ಯಾಮ ಯಕ್ಕ ಮನಕ್ಹ ಬಾರಲ್ಯಾ ದೆಶೆ ಜಾ಼ವಾಲೊ ಮನಕ್ಹ ತಿನಿ ಪುರಾ ಆಸ್ತಿಪರ ತಿನಾ ಆಳನೆ ಬಲೈನ ತಿನೆ ಆಸ್ತಿ ಆಳನೆ ಒಪ್ಸಿನೆ ದಿದ್ಯೊ.
MAT 25:15 ತೆ ಯಕ್ಲಾನೆ ಪಾಂಚ಼ ತಲಾಂತೊ, ಯಕ್ಲಾನೆ ಬೆ ತಲಾಂತೊ ಯಕ್ಲಾನೆ ಯಕ್ಕ ತಲಾಂತೊ ಇಮ್ಮ ತ್ಯುನಾ ತ್ಯುನಾ ಸಾಮರ್ಥನಿಂಗತ ತಲಾಂತೊ ವಪ್ಸಿನೆ ದಿನ ತೆ ಮಾಲಕ ಭಾರಲ್ಯಾ ದೆಶೆ ಗಯೊ.
MAT 25:16 ತೆಳಾಮಾಜ಼ ಪಾಂಚ಼ ತಲಾಂತೊ ಲಿದಲವಾಲೊ ಗೈನ ತಿಮಾ ವ್ಯಾಪಾರ ಕರಿನ ವರಿ ತಿಮಾ ಪಾಂಚ಼ ತಲಾಂತೊ ಕಮಾಯೊ.
MAT 25:17 ತಿನಾ ನಿಂಗತಜ಼ ಬೆ ತಲಾಂತೊ ಲಿದಲವಾಲೊ ತಿಮಾ ಬೆ ತಲಾಂತೊ ಕಮಾಯೊ.
MAT 25:18 ತೆನೈಸೊ ಯಕ್ಕ ತಲಾಂತ ಲಿದಲವಾಲೊ ಗೈನ ಜಿಮಿನ ಖಂದಿನ ತಿನೊ ಮಾಲಕ ದಿದಲ ತಲಾಂತ ಝಾಕಿನ ಮ್ಹೆಲ್ಯೊ.
MAT 25:19 ಘನ್ನಾ ದಿನ್ಪರ ಮಾಲಕ ಐನ ತಿನಾ ಆಳೊನೆ ಬಲೈನ ತ್ಯುನೊಕ್ಹು ಲೆಕ್ಕೊ ಪುಚ್ತಾ಼ಮಾ
MAT 25:20 ಪಾಂಚ಼ ತಲಾಂತೊ ಲಿದವಾಲೊ ತಿನಾ ಕ್ಹಾತೆ ವರಿ ಪಾಂಚ಼ ತಲಾಂತೊ ಕಮಾಯಲ ಲೈನ, ಮಾಲಕ, ತು ಮನೆ ಪಾಂಚ಼ ತಲಾಂತೊ ದಿದ್ಯೊತೊತೊ ಲೆ, ವರಿ ಪಾಂಚ಼ ತಲಾಂತೊ ಕಮಾಯೊಸ ಕದ್ಯೊ.
MAT 25:21 ತಿನೊ ಮಾಲಕ ತಿನೆ, ಹೊ ಬೊರೊಕ್ಹೊ ರ‍್ಹಯಲ ಚೊ಼ಕಾ ಸೆವಕ; ತು ನಕ್ಕರ ಕಾಮ್ಮಾ ಕ್ಹರಿನೊ ವ್ಹೈ; ಮ್ಹೊಟಾ ಕಾಂಪರ ತುನೆ ಮ್ಹೆಲುಸ; ತಾರಾ ಮಾಲಕನಾ ಖುಶಿಮಾ ತು ಮಳ ಕದ್ಯೊ.
MAT 25:22 ತೆಳಾಮಾ ಬೆ ತಲಾಂತೊ ವ್ಹಂದಲ ಆಳ ಐನ, ಮಾಲಕ, ತು ಮನೆ ಬೆ ತಲಾಂತೊ ದಿದ್ಯೊತೊತ; ದೆಕ, ತಿಮಾ ವರಿ ಬೆ ತಲಾಂತೊ ಕಮಾಯೊಸ, ಕದ್ಯೊ.
MAT 25:23 ತಿನೊ ಮಾಲಕ ತಿನೆ ಹೊ, ಬರೊಕ್ಹೊ ರ‍್ಹಯಲ ಚೊ಼ಕಾ ಸೆವಕ ತುಬಿ ದಕ್ಹಾಜ಼ ರ‍್ಹಯಲ ಕಾಮ್ಮಾ ಕ್ಹರಿಕ್ಹು ರ‍್ಹಯೊಸ, ಮ್ಹೊಟಾ ಕಾಂಪರ ತುನೆ ಮ್ಹೆಲುಸ; ತಾರಾ ಮಾಲಕನಾ ಖುಶಿಮಾ ತು ಮಳ. ಕದ್ಯೊ.
MAT 25:24 ತೆಳಾಮಾ ಯಕ್ಕ ತಲಾಂತ ಲಿದಲವಾಲೊ ಐನ ಮಾಲಕ, ತು ಬಿತ್ತಲಜ಼ ಕಾಟಾಲಾ ವ್ಹೈ, ತು ತುರ್ಯಾವಾಚಿ ರಾಶಿ ಕರಾಲೊ ವ್ಹೈ ರ್ಹಯಲ ಘಟ್ಟ ಮನಸ್ನೊ ಮಿ ತಿಳದ್ಯೊ.
MAT 25:25 ಮಿ ಭಹಚ್ಕಿ಼ನ ತು ದಿದಲ ತಲಾಂತ ಜಿಮಿನ್ಮಾ ಝಾಕಿನ ಮ್ಹೆಲ್ಯೊತೊ; ಅಲೆ, ತಾರು ರ‍್ಹಯಲ ತುನೆಜ಼ ದ್ಯುಸ, ಕೈನ ಕದ್ಯೊ.
MAT 25:26 ತೆಳಾಮಾ ತೆ ಮಾಲಕ ತಿನೆ ಮೈಗಳ ಥಯಲ ಕೆಟ್ಟ ಆಳ, ತು ಮನೆ ಬಿತ್ತಲಮಾಜ಼ ಕಾಟಾಲೊ ವ್ಹೈ ವರಿ ತುರ‍್ಯಾವಾಚಿ ರಾಶಿ ಕರಾಲೊ ವ್ಹೈ ಕೈನ ತಿಳದ್ಯೊಸು?
MAT 25:27 ತಿಮ್ಮ ರ‍್ಹಯುಮ, ಮಿ ದಿದಲ ದೊಕ್ಡಾ ಸವಕಾರೊಮಾ ಬಡ್ಡಿನಿಂಗತ ದಿವಾನಹೊತು ಮಿ ಆತಾಮಾ ಬಡ್ಡಿನಾ ಕ್ಹಾತೆ ವಾಪಸ ಮಾಂಗಿಲೆತೊತೊ. ಕೈನ ಕದ್ಯೊ.
MAT 25:28 ತಿಕನ ರ‍್ಹಯಲ ತಲಾಂತ ಕಾಡಿಲಿನ ದಕ್ಹ ತಲಾಂತೊ ರ‍್ಹಯಲ ಆಳಕನ ದಿದ್ಯೊ.
MAT 25:29 ರ್ಹಯಲವಾಲಾವೊ ಹಜು಼ನ ದವಸ, ತ್ಯುನೊನೆ ಹುಜ಼ುನ ಜಾಸ್ತಿ ಥಾವಸ; ನೈ ರ‍್ಹಯಲವಾಲಾವೊಕಂತು ರ‍್ಹಯಲಬಿ ಕಾಳ್ಳಿವಸ.
MAT 25:30 ವರಿ ಉಪಯೊಗ ನೈಸೊ ಆ ಆಳನೆ ಭಾರು ರ‍್ಹಯಲ ಅಂದಾರಾಮಾ ಘಾಲಿಪಾಡೊ ಕೈನ ಅಪ್ಪಣೆ ದಿದ್ಯೊ. ತ್ಯಾ ರವಾನು ಕಟ್ಟ ಕಟ್ಟ ದಾತೊ ಖಾವಾನು ರ‍್ಹವಸ.
MAT 25:31 " ಎ ನಯಸೊ ಮನಕ್ಹನೊ ದಿಕ್ರೊ ತಿನಿ ಮಹಿಮಾನಿ ಕ್ಹಾರಾ ದುತೊನಾ ಕ್ಹಾತೆ ಆತಾಮಾ ತಿನಿ ಮಹಿಮಾನಿ ಸಿಂಹಿಸನ್ಪರ ಬೈಟಸ,
MAT 25:32 ತೆಳಾಮಾ ಕ್ಹಾರಾ ದಶನಾ ಮನಕ್ಹೊ ತಿನಾ ಕ್ಹಾಮಾ ಮಳಸ. ಬಕ್ರಾ ಬಕ್ರಿಯೊ ಜು಼ದಾ ಕರಲನಿಂಗತ ತೆ ತ್ಯುನೊನೆ ಜು಼ದಾ ಕರಸ.
MAT 25:33 ಬಕ್ರಾವೊನೆ ತಿನಾ ಶಿದಾ ಬಗಲ ಬಕ್ರಿಯೊನೆ ಡಾವಾ ಬಗಲ ಹುಬ್ರಾಡಸ.
MAT 25:34 ತೆಳಾಮಾ ರಾಜೊ಼ ತಿನಾ ಶಿದಾ ಬಗಲ ರ‍್ಹಯಲವಾಲಾವೊನೆ, ಮಾರಾ ಬಾನೊ ಆಶಿರ್ವಾದ ಹೊಂದಲವಾಲಾ ಆವೊ, ಲೊಕಾಧಿತೊ ತುಮಾರಾ ಹುತಿ ತಯ್ಯಾರ ಕರಲ ರಾಜ್ಯ ತುಮಾರಾ ಹತ್ಮಾ ಪಡ್ದಿಲಿವೊ.
MAT 25:35 ಮಿ ಭುಕ್ಕೊ ವ್ಹತೊ ಮನೆ ತುಮೆ ಅನ್ನ ದಿದ್ಯಾ; ಮಿ ತರಕ್ಹೊ ವ್ಹತೊ, ಮನೆ ಪಿವಾನೆ ಪಾನಿ ದಿದ್ಯಾ, ಮಿ ಪರದೆಶಿ ವ್ಹತೊ ಮನೆ ತುಮೆ ರ‍್ಹವಾನೆ ಜ಼ಗಾ ದಿದ್ಯಾ.
MAT 25:36 ವಣ್ಣಾ ನೈಸೊವಾಲೊ ವ್ಹತೊ ತುಮೆ ಮನೆ ವಣ್ಣಾ ಘಾಲ್ಲಿವಾನೆ ದಿದ್ಯಾ. ಮಿ ಅರಾಮ ನೈಸೊ ವ್ಹತೊ ಮನೆ ತುಮೆ ಜ಼ತ್ತನ ಕರ‍್ಯಾ, ಮಿ ಜೆಲ್ಮಾ ವ್ಹತೊ, ತುಮೆ ಮನೆ ದೆಕಾನೆ ಆಯಾ, ಕೈನ ಕವಸ.
MAT 25:37 ತೆ ವಾತೆ ಕ್ಹರಿಕ್ಹು ರ‍್ಹಯಲವಾಲಾ, ಕರ್ತಾ, ಕೆಳಾಮ ಹಮೆ ತು ಭುಕ್ಕೊ ರ‍್ಹತಾಮಾ ಅನ್ನ ದಿದ್ಯಾ? ತು ದರಕ್ಹೊ ರ‍್ಹತಾಮಾ ಹಮೆ ಪಾನಿ ಪಿವಾನೆ ದಿದ್ಯಾ?
MAT 25:38 ಕೆಳಾಮಾ ತು ಪರದೆಶಿ ವ್ಹತೊ ಕೈನ ಹಮೆ ತುನೆ ದೆಕಿನ ಆಸ್ರೊ ದಿದ್ಯಾ? ತಾರಾ ವಣ್ಣಾ ದೆಕಿನ ಹಮೆ ಕೆಳಾಮಾ ತುನೆ ವಣ್ಣಾ ಘಾಲ್ಲಿವಾನೆ ದಿದ್ಯಾ?
MAT 25:39 ಕೆಳಾಮಾ ತು ಅರಾಮನೈಸೊ ದಡ್ಯೊತೊ ವರಿ ಕೆಳಾಮಾ ತು ಜೆಲ್ಮಾ ವ್ಹತೊ ಹಮೆ ಕೆಳಾಮಾ ತುನೆ ದೆಕಾನೆ ಆಯಾತಾ, ಕೈನ ಪುಚ಼್ಚಸ.
MAT 25:40 ತೆ ವಾತೆ ರಾಜೊ಼ ಆ ಮಾರಾ ಭಾಯೊಮಾ ಇಮಾನಾ ಯಕ್ಲಾನೆಬಿ ಸುಸು ಕರ‍್ಯಾ ತೆ ಕ್ಹಾರು ಮಾರಾ ಕ್ಹಾತೆ ಕರಲನಿಂಗತ ವ್ಹೈ ಕ್ಹರಿಮಾಜ಼ ಕೌಸ, ಕವಸ
MAT 25:41 ಪಾಚಾ಼ತೊ ಡಾವಾಬಗಲ ರ‍್ಹಯಲವಾಲಾವೊನೆ, ಶ್ರಾಪ ಹೊಂದಲವಾಲಾ ಮನೆ ಛೊಡಿನ ಪಿಶಾಚಿನೆ ತಿನಾ ದುತೊನೆ ತಯ್ಯಾರ ಕರಲ ಹಮೆಶಾನಿ ಆಗ್ಮಾ ಜಾ಼ವೊ.
MAT 25:42 ಮಿ ಭುಕ್ಕೊ ವ್ಹತೊ ತುಮೆ ಮನೆ ಖಾವಾನೆ ಅನ್ನ ದಿದ್ಯಾ ನೈ. ಮಿ ತರಕ್ಹೊ ವ್ಹತೊ ತುಮೆ ಮನೆ ಪಿವಾನೆ ಪಾನಿ ದಿದ್ಯಾ ನೈ.
MAT 25:43 ಪರದೆಶಿ ವ್ಹತೊ ಮನೆ ತುನೆ ಆಸ್ರೊ ಕರ‍್ಯಾ ನೈ; ವಣ್ಣಾ ನೈಸೊವಾಲೊ ವ್ಹತೊ ಮನೆ ಘಾಲ್ಲಿವಾನೆ ವಣ್ಣಾ ದಿದ್ಯಾ ನೈ. ಅರಾಮ ನೈಸೊ ವ್ಹತೊ, ವರಿ ಜೆಲ್ಮಾ ವ್ಹತೊ, ಮನೆ ತುಮೆ ಜ಼ತ್ತನ ಕರಾನೆ ಆಯಾ ನೈ ಕೈನ ಕವಸ.
MAT 25:44 ತೆ ವಾತೆ ತ್ಯುನೆ ಬಿ, ಕೆಳಾಮಾ ತು ಭುಕ್ಕೊ ವ್ಹತೊ,ತು ತರಕ್ಹೊ ವ್ಹತೊ, ತು ವಣ್ಣಾ ನೈಸೊವಾಲೊ ವ್ಹತೊ, ಕೆಳಾಮಾ ತು ಜೆಲ್ಮಾ ವ್ಹತೊ, ಕೆಳಾಮಾ ತು ಪರದೆಸಿ ವ್ಹತೊ, ಕೆಳಾಮಾ ಅರಾಮ ನೈಸೊ ವ್ಹತೊ ತುನೆ ಉಪಚಾರ ಕರ‍್ಯಾವಾಚಿ ಗಯಾ? ಕವಸ.
MAT 25:45 ತೆಳಾಮಾ ತೆ ತ್ಯುನೊನೆ ಎ ಕ್ಹಾರು ನೈಸೊ ವಾಲಾವೊನೆ ಕರ‍್ಯಾ ನತ್ತಿ ತೊ ಮನೆ ಬಿ ಕರಲನಿಂಗತ ನ್ಹವೈ ಕೈನ ಕ್ಹರಿಮಾಜ಼ ಕೌಸ.ಕವಸ.
MAT 25:46 ವರಿ ಅನಿತಿವಂತವಾಲಾ ರ‍್ಹಯಲ ಇವ್ನೆ ಹಮೆಶಾನಿ ದಂಡನೆಮಾ ಜಾ಼ವಸ ತೆನೈಸೊ ನಿತಿವಂತವಾಲಾ ಹಮೆಶಾನೊ ಜ಼ಲಮಾ ರ‍್ಹಯಲ ಜ಼ಗಾ ಜಾ಼ವಸ ಕೈನ ಕದ್ಯೊ.
MAT 26:1 ಯೆಸು ತೆ ಕ್ಹಾರಿಯೊ ವಾತೊ ಕೈನ ಮುಗ್ಸಲ್ಪರ ತಿನಾ ಶಿಶ್ಯಾವೊನೆ ಬೆ ದಿನ್ನ ಥಯಲ್ಪರ ಫಸ್ಕ ಸನ್ನ ಆವಾನೊ ಛೆ ಕೈನ ತುಮೊನೆ ಗ್ವತ್ತ ಛೆ;
MAT 26:2 ತೆಳಾಮಾ ಮನಕ್ಹೊನೊ ದಿಕ್ರಾನೆ ಶಿಲುಬಿಪರ ಘಾಲಾನಾ ಹುತಿ ವಪ್ಸಿನ ದಿವಸ ಕೈನ ಕದ್ಯೊ.
MAT 26:3 ತೆ ಕಾಲಮಾ ಖಾಸ ಯಾಜಕೊ, ಶಾನಾ ಮನಕ್ಹೊ ಕಾಯಫ ಕವಾಲೊ ಮ್ಹೊಟೊ ಯಾಜಕನಾ ಭವನಮಾ ಮಳಿನ ಐನ
MAT 26:4 ಯೆಸುನೆ ಗಪ್ಪಜ಼ ಧರಿನ ಖಲಾಸ ಕರು ಕೈನ ಮ್ಹೈನಾ ಮ್ಹೈ ವಿಚಾರ ಕರ‍್ಯಾ.
MAT 26:5 ವರಿಬಿ ಸನ್ನಮಾ ಧರುನೈ ಕೈನ, ಅಪ್ನಾ ಮನಕ್ಹೊಮಾ ಗದ್ದಲ ಥಾವಸ ಕೈನ ಬೊಲ್ಲಿದ್ಯಾ.
MAT 26:6 ಯೆಸು ಬೆಥಾನ್ಯಮಾ ಸಿಮೊನ ಕೈನ ಕವಾಲಾ ಕುಷ್ಠರೊಗಿನಾ ಘರ್ಮಾ ಖಾವಾಹುತಿ ಬೈಟಲ ಟೈಮ್ಮಾ ಯಕ್ಲಿ ಬಾಕ್ಡಿ
MAT 26:7 ಘನ್ನು ಮೊಗು ಬಾಸನು ತೆಲನಿ ಭರ್ಣಿ ಲೈನ ತಿಕನಾ ನಜಿಕ ಐನ ತೆ ತೆ ತಿನಾ ಮಾತಾಪರ ರಿಚೈ಼.
MAT 26:8 ಶಿಶ್ಯಾ ಎ ಕ್ಹಾರು ದೆಇಮ್ಮ ಸುಕ್ನಿಜ಼ ಖರ್ಚ಼ ಕರಾನು ಕಾ?
MAT 26:9 ಎ ತೆಲ ಮೊಗು ಇಕ್ಕಿನ ಗರಿಬೊನೆ ದಿವಾನೆ ಥಾತುತೊ ಕದ್ಯಾ.
MAT 26:10 ಯೆಸುನೆ ಎ ಗ್ವತ್ತ ಥಾತಾಮಾ ತ್ಯುನೊನೆ , ಎ ಬಾಕ್ಡಿನೆ ಕಾ ತ್ರಾಸ ಕರಾಡ್ಯಾಸ? ಎ ಮನೆ ಚೊ಼ಕು ಕಾಮ ಕರಿಸ.
MAT 26:11 ಗರಿಬೊ ಹಮೆಶಾಬಿ ತುಮಾಕ್ಹಾತೆ ರ‍್ಹವಸ್ತೊ, ಮಿ ತುಮಾರಾ ಕ್ಹಾತೆ ಹಮೆಶಾಬಿ ರ‍್ಹತೊ ನೈ.
MAT 26:12 ಎ ಬಾಕ್ಡಿ ಎ ತೆಲ ಮಾರಾ ಅಂಗ್ಪರ ರಿಚಾ಼ಯಲ ಮಾರಾ ಉತ್ತರ ಕ್ರೆಯೆನೆ ವ್ಹೈ.
MAT 26:13 ಮಿ ತುಮೊನೆ ಕ್ಹರಿಮಾಜ಼ ಕೌಸ, ಎ ಸುವಾರ್ತೆ ಕ್ಹಾರಿ ದುನಿಯಾಮಾ ಕವಸ ತ್ಯಾ ತ್ಯಾ ಎ ಬಾಕ್ಡಿನಾ ಹುತಿ ಶೆ ಕರಸ.
MAT 26:14 ತೆಳಾಮ ಬಾರಾ ಶಿಶ್ಯಾವೊಮಾನೊ ಯಕ್ಲೊ ರ‍್ಹಯಲ ಇಸ್ಕರಿಯುತ ಯುದ ಕವಾಲೊ ಖಾಸ ಯಾಜಕೊಕನ ಗೈನ,
MAT 26:15 ಮಿ ತಿನೆ ಧರಿನೆ ದಿವಾನೆ ತುಮೊನೆ ಮದತ ಕರ‍್ಯೊಮ ಮನೆ ತುಮೆ ಸು ದಿವೊಶಿ? ಕದ್ಯೊ. ತಿವ್ನೆ ತಿನೆ ಮುವತ್ತ ರುಪ್ಪಾನಾ ಬಿಲ್ಲಾ ದಿದ್ಯಾ.
MAT 26:16 ತೆಳಾಮಾತಾ ತಿವ್ನೆ ತಿನೆ ಧರಾನಾ ಹುತಿ ಮೌಕೊ ದೆಕಾಡ್ಯಾತಾ.
MAT 26:17 ಖಾಟೊ ನೈಸೊ ರೊಕ್ಲಾನೊ ಸನ್ನಾ ಪೈಲಾನಾ ದಿನ್ಮಾ ಶಿಶ್ಯಾ ಯೆಸುಕನ ಐನ, ಪಸ್ಕನು ಅನ್ನ ಖಾವಾನಾ ಹುತಿ ಹಮೆ ತುನೆ ಕಿಜಾ಼ ತಯ್ಯಾರ ಕರುಕೈನ ಛೆ ಕೈನ ಪುಚ಼್ಚ್ಯಾ.
MAT 26:18 ತೆ ತ್ಯುನೊನೆ ಗಾಮ್ಮಾ ಗ ಮಿ ಕವದಲವಾಲಾಕನ ಗೈನ ತಿನೆ, ಮಾರೊ ಟೈಮ ನಜಿಕ ಆಯೊಸ , ಮಿ ಮಾರಾ ಶಿಶ್ಯಾವೊನಾ ಕ್ಹಾತೆ ಪಸ್ಕ ಸನ್ನ ಕರುಸ ಕೈನ ಗುರು ಕವಾಡ್ಯೊಸ ಕೈನ ಕವೊ ಕದ್ಯೊ.
MAT 26:19 ಶಿಶ್ಯಾ ಯೆಸು ಕದಲ ತಿಮ್ಮಜ಼ ಪಸ್ಕಾನು ಅನ್ನ ತಯ್ಯಾರ ಕರ‍್ಯಾ.
MAT 26:20 ಕ್ಹಾಂಜ಼ ಥಾತಾಮಾ ತಿನಾ ಬಾರಾ ಶಿಶ್ಯಾವೊನಾ ಕ್ಹಾತೆ ಖಾವಾನು ಹುತಿ ಬೈಟ್ಯೊ.
MAT 26:21 ತ್ಯುನೆ ಅನ್ನ ಖಾತಾಮಾ ತೆ , ತುಮೊನೆ ಕ್ಹರಿಮಾಜ಼ ಕೌಸ ತುಮಾಮಾ ಯಕ್ಲೊ ಮನೆ ಧರೈನ ದಿವಸ ಕೈನ ಕದ್ಯೊ.
MAT 26:22 ತೆಳಾಮಾ ತ್ಯುನೆ ಘನ್ನಾ ದುಖಿ ಥೈನ ಕರ್ತಾ, ಮಿ ವ್ಹೈ ಸು? ಕೈನ ಹರಿಯಕ್ಲೊ ಪುಚಾ಼ನು ಶುರುಕರ‍್ಯಾ.
MAT 26:23 ತೆನೈಸೊ ಯೆಸು, "ಕುಂಡಾಮಾ ಮಾರಾ ಕ್ಹಾತೆ ಹತ್ತ ಡುಬಾಲಯವಾಲೊ ಮನೆ ಧರಿನ ದಿವಾಲೊ.
MAT 26:24 ಮನಕ್ಹನೊ ದಿಕ್ರೊ ತಿನಾ ವಿಷಯಮಾ ಬರದಲ ನಿಂಗತ ಗೈ ಪಡಸ; ತೆನೈಸೊ ಕುನಬಿ ಮನಕ್ಹನಾ ದಿಕ್ರಾನೆ ಧರಿನ ದಿವಸ್ತೊ ತಿನೆ ಆಯೊ. ತೆ ಮನಕ್ಹ ನೈ ಹುಟ್ಟಾರೆ ಕೆಕ್ಲುಕಿ ಚೊಕೊ ರ‍್ಹತುತು ಕದ್ಯೊ.
MAT 26:25 ತೆಳಾಮಾ ತಿನೆ ಧರಿನ ದ್ಯುಸ ಕೈನ ಕವಾಲೊ ಯುದಾ, ಪ್ರಭು ಮಿಜ ವ್ಹೈ? ಕೈನ ಪುಚ್ತಾಮಾ ಯೆಸು ತಿನೆ, ತು ತಿಮ್ಮ ಕದ್ಯೊತೊ ಕೈನ ಕದ್ಯೊ.
MAT 26:26 ತ್ಯುನೆ ಅನ್ನ ಕ್ಹಾತಾ ಟೈಮ್ಮಾ ಯೆಸು ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕರಿನ ತೆ ತೊಡಿನ ಶಿಶ್ಯಾವೊನೆ ದಿನ, ಕಾಡಿಲಿವೊ, ಕ್ಹಾವೊ, ಎ ಮಾರು ಅಂಗ ವ್ಹೈ ಕದ್ಯೊ.
MAT 26:27 ಪಾಚಲ್ತೊ ಪಾನಿನೊ ತಾಂಬ್ಯೊ ಲಿನ ಸ್ತೊತ್ರಾ ಕರಿನ ತ್ಯುನೊನೆ ದಿನ ಅಮಾ ರ‍್ಹವಾನೂ ಕ್ಹಾರಾಜ಼ನಾ ಪಿವೊ; ಎ ಮಾರು ರಗತ ವ್ಹೈ,
MAT 26:28 ಎ ಮಾರು ರಗತ ವ್ಹೈ. ಪಾಪ ಮಾಫನಾಹುತಿ ಘನ್ನಾ ಮನಕ್ಹೊನಾ ಹುತಿ ಚುವಾಯಲ ರಗತ.
MAT 26:29 ಮಿ ಮಾರಾ ಬಾನಾ ರಾಜ್ಯಮಾ ತಾರಾ ಕ್ಹಾತೆ ನವು ದ್ರಾಕ್ಷರಕ್ಹ ಪಿವಾನಾ ದಿನ್ನ ಲಕ್ಕಾ ಹಜು಼ನ ಎ ಪಿತೊಜ಼ ನೈ ಕೈನ ಮಿ ತುಮೊನೆ ಕೌಸ ಕದ್ಯೊ.
MAT 26:30 ತೆ ಥಯಲ್ಪರ ತ್ಯುನೆ ಕಿರ್ತನೆನು ಗಿದ್ದ ಕದಲ್ಪರ ತೆಲನಾ ಝಾಡೊನಾ ಡೊಂಗರ್ಪರ ಗೈಪಡ್ಯಾ.
MAT 26:31 ತೆಳಾಮಾ ಯೆಸು, ತ್ಯುನೊನೆ, ಕುರಬುರ‍್ಯಾನೆ ಮಾರುಸ; ಹಿಂಡನಾ ಬಕ್ರಾ ಭಿಕ್ಹರೈ ಜಾವಸ ಕೈನ ಬರದಲ ನಿಂಗತ ತುಮೆ ಕ್ಹಾರಾ ಆ ರಾತೆ ಮಾರಾ ವಿಷಯಮಾ ಪಾಚಾ ಸರಕಸ.
MAT 26:32 ತೆನೈಸೊ ಮಿ ಜ್ಯುತ್ಯೊ ಥೈನ ಉಟಲ್ಪರ ತುಮಾರಾತಿ ಪೈಲಾಜ ಗಲಿಲಾಯನೆ ಜಾವಸ ಕೈನ ಕದ್ಯೊ.
MAT 26:33 ತೆನೈಸೊ ಪೆತ್ರಾ ತಿನೆ, ಕ್ಹಾರಾಜ಼ನಾ ಮಾರಾ ವಿಷಯಮಾ ಘಾಬ್ರಾಥೈನ ಪಾಚಾ ಸರಕ್ಯಾ ಮಿತೊ ಕೆಳಾಮಾಜ ಪಾಚೊ಼ ಸರಕ್ತೊ ನೈ ಕೈನ ಉತ್ತರ ದಿದ್ಯೊ.
MAT 26:34 ಯೆಸು ಪೆತ್ರಾನೆ, ತುನೆ ಕ್ಹರಿಜ಼ ಕೌಸ, ಎಜ಼ ರಾತಮಾ ಕುಕ್ಡೊ ಬಾಂಗದಿವಾತಿ ಪೈಲಾಜ಼ ತು ಮನೆ ತನ್ನ ಸಲಾ ಒಪ್ಪಿಲೆತೊ ನೈ ಕೈನ ಕದ್ಯೊ.
MAT 26:35 ಪೆತ್ರಾ ತಿನೆ ಮಿ ತಾರಾ ಕ್ಹಾತೆ ಮರಣ ಆಯುತಬಿ ಮಿ ತುನೆ ಇನ್ಕಾರ್ತೊ ನೈ ಕೈನ ಕದ್ಯೊ.
MAT 26:36 ತೆ ಥಯಲ್ಪರ ಯೆಸು ತಿನಾ ಶಿಶ್ಯಾವೊನಾ ಕ್ಹಾತೆ ಗೆತ್ಸಮನೆ ಮಳಾಮಾ ಐನ ತ್ಯುನೊನೆ, ನ್ಹ್ಯಾಜ಼ ಬೈಟೊ, ಮಿ ಬಿಜಿಬಗಲ ಗೈನ ಪ್ರಾಥನಾ ಕರುಸ ಕೈನ,
MAT 26:37 ಪೆತ್ರಾನೆ ಜೆಬೆದಾಯನಾ ಭಂಬಿ ದಿಕ್ರಾವೊನೆ ಅಗೊ ಬಲೈಲಿನ ಗೈನ ದುಖಿ ಥೈನ ಮನಸ ದುಖಕರ್ಲಿದ್ಯೊ.
MAT 26:38 ವರಿ ತ್ಯುನೊನೆ ಮಾರಾ ಜ಼ಲಮ ಮರಾನಾ ಯಕ್ಲು ದುಖಮಾ ಪಡ್ಯುಸ; ತುಮೆ ನ್ಹ್ಯಾಜ಼ ರ‍್ಹೈನ ಮಾರಾ ಕ್ಹಾತೆ ಹುಶಾರ ರ‍್ಹವೊ ಕೈನ ಕದ್ಯೊ.
MAT 26:39 ತೆ ದಕ್ಹೊ ಅಗೊ ಗೈನ ಉಂದೊ ಪಡಿನ, ಮಾರಾ ಬಾ, ತುಕನ ಸಾದ್ಯ ಥಯುರೆ ಎ ತ್ರಾಸನೊ ಘಡೊ ಮನೆ ಛೊಡಿನ ಜಾ಼ವಾದೆ; ತೆನೈಸೊ ಮಾರಿ ಚಿತ್ತನಾ ಪ್ರಕಾರ ಥಯಾವಾಚಿ ತಾರಿ ಚಿತ್ತ ಲಿಂಗತಜ಼ ಥಾವಾದೆ ಕೈನ ಕ್ಹುದಾನೆ ಪ್ರಾರ್ಥನಾ ಕರ‍್ಯೊ.
MAT 26:40 ಪಾಚ಼ಲ್ತೊ ತೆ ಶಿಶ್ಯಾವೊಕನ ಜಾ಼ತಾಮಾ ತ್ಯುನೆ ನಿಂದರ ಕರಾನು ದೆಕಿನ ಪೆತ್ರನೆ, ಯಕ್ಕ ಟೈಮತುಬಿ ಮಾರಾ ಕ್ಹಾತೆ ಹುಶಾರ ರ‍್ಹತಾ ನೈ ಸು?
MAT 26:41 ಶೊದನೆಮಾ ಮ್ಹೈ ಥಯಾ ಬಗರ ಹುಶಾರ ರ‍್ಹೈನ ಪ್ರಾರ್ಥನಾ ಕರೊ; ಆತ್ಮಾ ಸಿದ್ದ ಥೈಸ ತೆನೈಸೊ ಅಂಗ ಬಲಹಿನ ಥಯುಸ ಕೈನ ಕದ್ಯೊ.
MAT 26:42 ಫರಿನ ಬೆವಾಸಲಾ ಗೈನ, ಮಾರಾ ಬಾ, ಮಿ ತ್ರಾಸ ಖಾದ್ಯಾ ಬಗರ ಎ ತ್ರಾಸ ಮನೆ ಛೊಡಿನ ಜಾ಼ತು ನೈ ಕವಾನು ರ‍್ಹಯಮ ತಾರಿ ಚಿತ್ತ ಲಿಂಗತ ಥಾವಾದೆ ಕೈನ ಕ್ಹುದಾನೆ ಪ್ರಾರ್ಥನಾ ಕರ‍್ಯೊ.
MAT 26:43 ತೆ ಫರಿನ ಆಯಲ್ಪರ ತ್ಯುನೆ ನಿಂದರ ಕರಾನು ದೆಕ್ಯೊ; ತ್ಯುನಾ ಡೊಳಾ ವಜ್ಜಾ಼ ಥಯಾತಾ.
MAT 26:44 ತೆ ಥಯಲ್ಪರ ವರಿ ತ್ಯುನೊನೆ ಛೊಡಿನ ಗೈನ ಫರಿನ ತೆಜ಼ ವಾತೊ ಕತೊ ತನ್ವಾ ಸಲಾಬಿ ಪ್ರಾರ್ಥನಾ ಕರ‍್ಯಾ.
MAT 26:45 ಪಾಚಲ್ತೊ ತೆ ಶಿಶ್ಯಾವೊಕನ ಐನ ತ್ಯುನೊನೆ, ತುಮೆ ಹಜು಼ನ ನಿಂದರ ಕರಿನ ಅರಾಮ ಕರಾಡಾಸ ಸು; ದೆಕೊ, ತೆ ಟೈಮ ನಜಿಕ ಆಯುಸ, ಹಮ್ನಾ ಮನಕ್ಹನೊ ದಿಕ್ರೊ ಪಾಪಿಸ್ಟೊನಾ ಹತೆ ಒಪ್ಸಾಲಗಾಡಸ.
MAT 26:46 ಉಟೊ, ಗಯ್ಯೆ; ಮನೆ ಧರೈನ ದಿವಾಲೊ ನಜಿಕ ಆಯೊಸ ದೆಕೊ ಕೈನ ಕದ್ಯೊ.
MAT 26:47 ಯೆಸು ಹಜು಼ನ ಬೊಲ್ತೊ ರ‍್ಹತಾಮಾಜ, ಬಾರಾ ಶಿಶ್ಯಾವೊಮಾ ಯಕ್ಲೊ ಥಯಲ ಯುದ ಆಯೊ. ಕ್ಹಾಸ ಯಾಜಕೊನಾ ವರಿ ಮನಕ್ಹೊನಾ ಶಾನಾವೊಕಂತಾ ಘನ್ನಾ ಜ಼ನಾವೊನು ಗುಂಪ ಚಾಕಾ, ಗುಂಡಕಾ ಲಿನ ತಿನಾ ಕ್ಹಾತೆ ಆಯಾ.
MAT 26:48 ತೆಜ಼ ನೈಸೊ ತಿನೆ ಧರಿನ ದಿವಾಲೊ ತ್ಯುನೊನೆ, ಮಿ ಕಿನೆ ಮಟ್ಟಿ ದ್ಯುಸ ತೆಜ಼ ತೆ ವ್ಹೈ; ತಿನೆ ಧರೊ ಕೈನ ಪೈಲಾಜ಼ ಕದ್ಯೊತೊ.
MAT 26:49 ತೆಳಾಮಾಜ಼ ತೆ ಯೆಸುಕನ ಐನ, ಗುರು ನಮಸ್ಕಾರ ಕೈನ ತಿನೆ ಮಟ್ಟಿ ದಿದ್ಯೊ.
MAT 26:50 ತೆಳಾಮಾ ಯೆಸು ತಿನೆ, ದೊಸ್ತ, ತು ಶಾನೆ ಆಯೊಸ ಕೈನ ಕದ್ಯೊ. ತ್ಯುನೆ ನಜಿಕ ಐನ ಯೆಸುನಾ ಉಪ್ಪರ ಹತ್ತ ಘಾಲಿನ ತಿನೆ ಧರ‍್ಯಾ.
MAT 26:51 ಯೆಸುನಾ ಕ್ಹಾತೆ ರ‍್ಹಯಲಮಾ ಯಕ್ಲೊ ಹತ್ತ ಚಾಚಿನ ತಿನು ಚಾಕು ಕಾಡಿನ ಮಹಾಯಾಜಕನಾ ಆಳನೆ ಮಾರಿನ ತಿನು ಕಾನ ಕತ್ರಿಪಡ್ಯೊ.
MAT 26:52 ತೆಳಾಮಾ ಯೆಸು ತಿನೆ, ತಾರು ಚಾಕು ಫರಿನ ಮ್ಯಾನಮಾ ಘಾಲ; ಚಾಕು ಧರ‍್ಯಲವಾಲಾ ಕ್ಹಾರಾ ಚಾಕಾಕ್ಹು ನಾಶ ಥಾವಸ.
MAT 26:53 ಮಿ ಮಾರಾ ಬಾನೆ ಮಾಂಗಿ ನೈ ಲೆಸಕ್ತೊ ಸು, ಮಾಂಗಿಲಿದ್ಯೊಮ ತೆ ಮನೆ ಹಮ್ನಾಜ಼ ಬಾರಾ ಗುಂಪತೊಬಿ ಜಾಸ್ತ ಜ಼ನಾ ದೆವದುತೊ ನೈ ವಳಾತೊ ನೈ ಕೈನ ವಿಚಾರ ಕರ್ಶಿಸು?
MAT 26:54 ವಳಾಯೊಮ ಮನೆ ಅಮ್ಮ ತಿಮ್ಮ ಥೌ ಕವಾನಾ ಶಾಸ್ತ್ರನಾ ವಾತೊ ಪುರಾ ಥಾವಾನುತಬಿ ಕಿಮ್ಮ ವ್ಹೈ? ಕೈನ ಕದ್ಯೊ.
MAT 26:55 ತೆಜ಼ ಟೈಮಮಾ ಯೆಸು ಗುಂಪ ಥೈನ ಆಯಲ ಮನಕ್ಹೊನೆ, ಚ್ವಟ್ಟಾನೆ ಧರಾನೆ ಆಯೆ ಲಿಂಗತ ಚಾಕಾ ಗುಂಡಕಾ ಲಿನ ಮನೆ ಧರಾನಾಹುತಿ ಆಯಾಸ ಸು? ಮಿ ಹರ ದಿನ್ನ ದೆವಾಲಯಮಾ ಬೈಟಿನ ಬೊದನೆ ಕರ‍್ತಾಮಾ ತುಮೆ ಮನೆ ಧರ‍್ಯಾ ನೈತೊ.
MAT 26:56 ತೆನೈಸೊ ಪ್ರವಾದಿಯೊ ಬರ್ದಲ ವಚನಾ ಪುರಾ ಥಯೆ ಲಿಂಗತ ಎ ಕ್ಹಾರು ಥಯು ಕೈನ ಕದ್ಯೊ. ತೆಳಾಮಾ ಕ್ಹಾರಾ ಶಿಶ್ಯಾ ತಿನೆ ಛೊಡಿನ ನ್ಹಾಟಿ ಗಯಾ.
MAT 26:57 ಯೆಸುನೆ ಧರಲವಾಲಾ ತಿನೆ ಮಹಾಯಾಜಕ ಥಯಲ ಕಾಯಫಕನ ಬಲೈಲಿನ ಗಯಾ, ತ್ಯಾ ಶಾಸ್ತ್ರಿಯೊ ಶಾನಾ ಮಳಿನ ಆಯಾತಾ.
MAT 26:58 ತೆನೈಸೊ ಪೆತ್ರಾ ದುರತೊ ತಿನೆ ಪಾಚೊ಼ಲಾಗಿನ, ಮಹಾಯಾಜಕನಾ ಭವನನಾ ಅಂಗಳಾಮಾ ಮ್ಹೈ ಐನ ತಿನೆ ಸು ಥಾವಸ ದೆಕು ಕೈನ ಸೈನಿಕೊನಾ ಕ್ಹಾತೆ ಬೈಟ್ಯೊ.
MAT 26:59 ತೆಳಾಮಾ ಕ್ಹಾಸ ಯಾಜಕೊ ಮ್ಹೊಟಿ ಸಬೆವಾಲಾ ಕ್ಹಾರಾ ಯೆಸುನೆ ಖಲಾಸ ಕರೌ ಕೈನ ತಿನಾ ಉಪ್ಪರ ಸುಳ್ಳ ಸಾಕ್ಷಿಯೊ ಹುಡಕ್ಯಾ; ತೆನೈಸೊ ಘನ್ನಾ ಜ಼ನಾ ಸುಳ್ಳ ಸಾಕ್ಷಿಯೊ ಅಗಾ ಆಯಾತಬಿ ಸುಜ಼ ಮಳ್ಯು ನೈ.
MAT 26:60 ಪಾಚ಼ಲ್ತಾ ಬೆ ಜ಼ನಾ ಕ್ಹಾಮಾ ಐನ,
MAT 26:61 ಮಿ ಕ್ಹುದಾನಿ ಆಲಯ ಕೆಡಶಿನ ತನ್ನ ದಿನ್ನಮಾ ಫರಿನ ಭಾಂದಸಕುಸ ಕೈನ ‘ಎ ಮನಕ್ಹ ಕದ್ಯೊ’ ಕದ್ಯಾ;
MAT 26:62 ತೆಳಾಮಾ ಮಹಾಯಾಜಕ ಉಟಿನ ಹುಬ್ರೈನ, ತು ಸು ನೈ ಕತೊ ಸು? ಇವ್ನೆ ತಾರಾ ಉಪ್ಪರ ಘಾಲಾನಾ ಆರೊಪ ಕ್ಹರಿಜ಼ ವ್ಹೈ ಸು? ಕೈನ ತಿನೆ ಪುಚ್ಯೊ. ತೆನೈಸೊ ಯೆಸು ಗಪ್ಪ ಚುಪ್ಪ ವ್ಹತ್ತೊ.
MAT 26:63 ಮಹಾಯಾಜಕ ಯೆಸುನೆ, ತುನೆ ಜಿವ್ತೊ ರ‍್ಹಯಲ ಕ್ಹುದಾನಾ ಉಪ್ಪರ ಖಮ್ಮ ಘಾಲಿನ ಪುಚ್ಚಾ಼ಡೊಸ; ತು ಕ್ಹುದಾನೊ ದಿಕ್ರೊ ಥಯಲ ಕ್ರಿಸ್ತ ರ‍್ಹಯೊಮ, ಹಮೊನೆ ಕೌ ಕೈನ ಕದ್ಯೊ.
MAT 26:64 ಯೆಸು ತಿನು ಜವಾಬ ದಿನ, ತು ಕವಾಡೊಸ; ತೆನೈಸೊ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ಇನಾ ಉಪ್ಪರ ಮನಕ್ಹನೊ ದಿಕ್ರೊ ಸರ್ವಶಕ್ತನಾ ಸಿದಾ ಬಗಲ ಬೈಟಲ ರ‍್ಹವಾನು, ಹಬಾಳನಾ ಉಪ್ಪರ ಬೈಟಿನ ಆವಾನು ದೆಕೊಶಿ ಕೈನ ಕದ್ಯೊ.
MAT 26:65 ತೆಳಾಮಾ ಮಹಾಯಾಜಕ ತಿನಾ ವಣ್ಣಾ ಫಾಡಿಲಿನ, ಎ ಕ್ಹುದಾನಿ ದುಷಣೆನಾಹುತಿ ಬೊಲ್ಯೊಸ; ಹಮೊನೆ ಸಾಕ್ಷಿಯೊ ವರಿ ಶಾನೆ ಚಾ಼ಯೆ? ದೆಕೊ ಎ ಹಮ್ನಾ ಕದಲ ದುಷಣೆನಿ ವಾತ ಐಕ್ಯಾಸತೊ;
MAT 26:66 ತುಮೊನೆ ಕಿಮ್ಮ ಲಾಗಸ? ಕತಾಮಾ, ಇ ಮರಣನಿ ಶಿಕ್ಷಾನೆ ಲಾಯಕ ವ್ಹೈ ಕೈನ ತ್ಯುನೆ ಉತ್ತರ ದಿದ್ಯಾ.
MAT 26:67 ತೆಳಾಮಾ ತ್ಯುನೆ ತಿನಾ ಮ್ಹೊಡಾನಾ ಉಪ್ಪರ ಗುದ್ಯಾ; ದಕ್ಹಾ ಜ಼ನಾ ತಿನಾ ಗಾಲೆ ಮಾರಿನ,
MAT 26:68 ಕ್ರಿಸ್ತ, ತುನೆ ಮಾರ‍್ಯಲವಾಲಾ ಕುನ್ನ ವ್ಹೈ? ಹಮೊನೆ ಪ್ರವಾದನೆ ಕೆ ಕದ್ಯಾ.
MAT 26:69 ತೆಳಾಮಾ ಪೆತ್ರಾ ಭಾರೊ ಅಂಗ್ಳಾಮಾ ಬೈಟ್ಯೊತೊ. ತ್ಯಾ ಯಕ್ಕ ದಾಸಿ ತಿಕನ ಐನ, ತುಬಿ ಗಲಿಲಾಯಮಾ ಯೆಸುನಾ ಕ್ಹಾತೆ ರ‍್ಹಯಲವಾಲೊ ವ್ಹೈನೈ ಕತಾಮಾ.
MAT 26:70 ತೆ ಇನ್ಕಾರ ಕರಿನ, ತು ಕವಾಡೊಸ ಮನೆ ಗೊತ್ತ ನತ್ತಿ ಕೈನ ಕ್ಹಾರಾ ಜ಼ನಾವೊಕನ ಕದ್ಯೊ.
MAT 26:71 ತೆ ತ್ಯಾಂತ್ಯೊ ಬಾಕಲನ ಜಾ಼ತಾಮಾ ಹಜಿ಼ಯಕ್ಲಿ ದಾಸಿ ತಿನೆ ದೆಕಿನ ತ್ಯಾ ರ‍್ಹಯಲವಾಲಾವೊನೆ, ಆ ನಜ಼ರೆತನೊ ಯೆಸುನಾ ಕ್ಹಾತೆ ರ‍್ಹಯಲವಾಲೊ ವ್ಹೈ ಕೈನ ಕದಿ.
MAT 26:72 ತೆ ಫರಿನ ಇನ್ಕಾರ ಕರಿನ ಕ್ಹಮ್ಮ ಘಾಲಿನ, ತೆ ಮನಕ್ಹನೆ ಕುನ್ನ ವ್ಹೈ ಕವಾನು ಕೈನ ಕದ್ಯೊ.
MAT 26:73 ದಕ್ಹೊ ಟೈಮ ಥಾತಾಮಾ ತ್ಯಾ ಹುಬ್ರೆಲವಾಲಾ ಕ್ಹಾಮಾ ಐನ ಪೆತ್ರಾನೆ, ನಿಶ್ಚಯಥೈನ ತುಬಿ ತ್ಯುನಾಮಾ ಯಕ್ಲೊ ವ್ಹೈ, ತಾರಿ ಜಾತ ತುನೆ ಗಲಿಲಾಯಲವಾಲೊ ವ್ಹೈ ಕೈನ ದೆಕ್ಲಾಡಿನ ದಿವಸ ಕೈನ ಕತಾಮಾ
MAT 26:74 ತೆ, ಶಾಪ ಘಾಲ್ಲಿಲಿವಾನಾಹುತಿ ಶುರು ಕರಿನ ಕ್ಹಮ್ಮ ಘಾಲಿನ, ತೆ ಮನಕ್ಹ ಕುನ್ನ ವ್ಹೈ ಕವಾನು ಮೆ ಗ್ವತ್ತ ನತ್ತಿ. ಕೈನ ಕದ್ಯೊ. ತೆಳಾಮಾ ಕುಕ್ಡೊ ಬಾಂಗ ದಿದ್ಯೊ.
MAT 26:75 ಪೆತ್ರಾನೆ ಯೆಸು, ಕುಕ್ಡೊ ಬಾಂಗ ಲಿವಾತಿ ಪೈಲಾಜ಼ ತನ್ನ ಸಲಾ ಮನೆ ಇನ್ಕಾರ ಕರಿನ ಕಸಿ ಕೈನ ಕದಲ ವಾತನೆ ಸ್ಹೆಂ ಕರಲಿನ ಭಾರಾ ಗೈನ ಘನ್ನೊ ದುಖ ಪಡ್ದಿನ ರೊಯೊ.
MAT 27:1 ಪಾಟ ಥಾತಾಮಾ ಕ್ಹಾರಾ ಕ್ಹಾಸ ಯಾಜಕೊ, ಶಾನಾ ರ‍್ಹಯಲ ಮನಕ್ಹೊ ಯೆಸುನೆ ಕಲಾಸ ಕರು ಕೈನ ಪ್ಲ್ಯಾನ ಕರ‍್ಯಾ.
MAT 27:2 ತಿನೆ ಭಾಂದಿನ ಬಲೈಲಿನ ಗೈನ ದೆಶಾದಿಪತಿ ಥಯಲ ಪೋನಥ್ಯ ಪಿಲಾತಕನ ಒಪ್ಸಿನ ದಿದ್ಯಾ.
MAT 27:3 ತೆಳಾಮಾ ತಿನೆ ಮೊಸಕ್ಹು ಧರೈನ ದಿದಲ ಯುದ ಯೆಸುನೆ ಮರವಾನಿ ಶಿಕ್ಷಾ ಥಯಲ ದೆಕಿನ , ಪಶ್ಚಾತಾಪ ಪಡಿನ ತೆ ಮುವತ್ತ ರುಪ್ಪಾನಾ ಬಿಲ್ಲಾ ಖಾಸ ಯಾಜಕೊನೆ ಷಾನಾವೊನೆ ವಾಪಾಸ ದಿಪಾಡ್ಯೊ
MAT 27:4 "ನಿರಪರಾಧಿನೆ ಮನಣನಿ ಶಿಕ್ಷಾನೆ ವಪ್ಸಿನ ದಿದಲ ಮಿ ಪಾಪ ಕರ‍್ಯೊಸ ಕದ್ಯೊ. ತೆಳಾಮಾ ತ್ಯುನೆ ಹಮೊನ ಸು ವೈ? ತುಜ಼ ದೆಕಿಲೆ ಕೈನ ಕದ್ಯಾ.
MAT 27:5 ತೆಳಾಮಾ ತೆ ದೆವಾಲಯಮಾ ತೆ ರುಪ್ಪಾನಾ ಬಿಲ್ಲಾ ನಾಕಿನ ಗೈನ ಪಾಕ್ಹೊ ಘಾಲ್ಲಿನ ಮರಿಗಯೊ.
MAT 27:6 ಖಾಸ ಯಾಜಕೊ ತೆ ರುಪ್ಪಾನಾ ಬಿಲ್ಲಾ ಲಿನ ಎ ಜಿವ ಹತ್ಯೆನೆ ದಿದಲ ಕಿಮ್ಮತ ರ‍್ಹಯಲಹುತಿ ಎ ಕಾಣಿಕೆನಿ ಪೆಟಗಿಮಾ ಘಾಲು ನೈ ಕದ್ಯಾ.
MAT 27:7 ಪಾಚಾ಼ತಾ ವಿಚಾಲ ಕರಿನ ಬಿಜಾ಼ ದೆಶವಾಲಾವೊನೆ ಮರಲವಾಲಾವೊನೆ ಮಜಾ಼ರ ಕರಾನಾ ಹುತಿ ತೆಜ಼ ದೊಕ್ಡಾವೊಮಾ ತೆ ಜ಼ಗಾ ಲಿದ್ಯಾ.
MAT 27:8 ಎನಾಹುತಿ ಹಜು಼ನಲಕ್ಕಾಬಿ ತೆ ಖೆತರ್ನೆ ಜ಼ಲಮ ಕಾಡಲ ಖೆತರ ಕೈನ ನಾಮ ಛೆ.
MAT 27:9 ತೆ ಸುವೈ ಕ್ಯಾಮ ಇಸ್ರಾಯಲನಾ ಮನಕ್ಹೊಕ್ಹು ತಿನೆ ಫಯಸಲೊ ಕರಿನ ಕಿಮ್ಮತ ರ‍್ಹಯಲ ತೆ ರುಪ್ಪಾನಾ ಮುವತ್ತ ಬಿಲ್ಲಾ ಲಿನ, ಕರ್ತಾ ಮನೆ ಅಪ್ಪಣೆ ದಿದಲ ನಿಂಗತ
MAT 27:10 ತೆ ತ್ಯುನೆ ಕುಂಬಾರನಾ ಖೆತರ್ನೆ ದಿದ್ಯಾ. ಇಮ್ಮ ಪ್ರವಾದಿ ಥಯಲ ಯೆರೆಮಿಯಾ ಕದಲ ವಾತ ಪುರಾ ಥೈ.
MAT 27:11 ಯೆಸು ದೆಶಾದಿಪತಿನಾ ಕ್ಹಾಮೊ ಹುಬ್ರೆತಾಮಾ ದೆಶಾದಿಪತಿ ತಿನೆ ತು ಯಹುದ್ದಿಯೊನೊ ರಾಜೊ಼ ವ್ಹೈ ಸು?ಕೈನ ಪುಚ್ಯೊ. ಯೆಸು ತಿನೆ ತುಜ಼ ಕದ್ಯೊತೊ ಕೈನ ಕದ್ಯೊ.
MAT 27:12 ವರಿ ಖಾಸ ಯಾಜಕೊ ಶಾನಾ ಮನಕ್ಹೊ ತಿಪರ ತಪ್ಪ ಗಾಲ್ತಾ ರ‍್ಹತಾಮ ತೆ ಸುಜ಼ ಕದ್ಯೊ ನೈ.
MAT 27:13 ತೆಳಾಮಾ ಪಿಲಾತನ, ತಾರಾ ವಿರುದ್ದ ಯಕಲಿಯೊ ಸಾಕ್ಷಿ ಕವಾಡ್ಯಾಸ, ತುನೆ ಐಕು ನತ್ತಿ ಆವಾಡ್ಯುಸು?ಕೈನ ಪುಚ್ಯೊ.
MAT 27:14 ತೆನೈಸೊ ಪಿಲಾತನೆ ಸುಜ಼ ಉತ್ತರ ದಿದ್ಯೊ ನೈ ತೆಳಾಮಾ ಪಿಲಾತನ ಘನ್ನೊ ಘಾಬ್ರೊ ಥಯೊ.
MAT 27:15 ತೆನೈಸೊ ತೆ ಸನ್ನಮಾ ಮನಕ್ಹೊ ಆಸ ಕರಾನಾ ಜೈಲಮಾ ರ‍್ಹಯಲವಾಲಾನೆ ತ್ಯುನೆ ಛೊಡಾನು ದೆಶನಾ ಅದಿಪತಿನಿ ಪದ್ದತ ವ್ಹತ್ತಿ.
MAT 27:16 ತೆ ಟೈಮಮಾ ಬರಬ್ಬ ಕವಾನೊ ಪ್ರಸಿದ್ದ ರ‍್ಹಯಲ ಯಕ್ಕ ಕೈದಿ ವ್ಹತ್ತೊ.
MAT 27:17 ಇಮ್ಮ ರ‍್ಹತಾಮಾ ತ್ಯುನೆ ಮಳಿನ ಆಯಲ ಟೈಮಮಾ ಪಿಲಾತನ, ತುಮಾರಾಹುತಿ ಕಿನೆ ಛೊಡು ಕೈನ ಆಸ ಛೆ? ಬರಬ್ಬನೆ ಸು ತೆನೈಸೊ ಕ್ರಿಸ್ತ ಕೈನ ಕವೈಲಿವಾಲಾ ಯೆಸುನೆ ಸು? ಕೈನ ತ್ಯುನೊನೆ ಪುಚ್ಯೊ.
MAT 27:18 ಕಾಕದ್ಯಾಮ ತ್ಯುನೆ ತಿಪರ ವಿರುದ್ದ ರ‍್ಹಯಲಕ್ಹು ಇಮ್ಮ ಕರ‍್ಯಾಸ ಕೈನಪಿಲಾತನನೆ ಗ್ವತ್ತ ವ್ಹತ್ತು.
MAT 27:19 ತೆನೈಸೊ ತೆ ಫೈಸ್ಲೊ ಕರಾನಾ ಕಟ್ಟಾಪರ ಬೈಟಲ ಟೈಮಮಾ ತಿನಿ ಬೈಕೊಬಿ, ತು ತೆ ನಿತಿವಂತನಾ ಮನಕ್ಹನಾ ಉಸಾಬರಿನೆ ಜೌ ನಕೊ; ತಿನಾಹುತಿ ತೆ ಟೈಮಮಾ ಕ್ಹಪನಮಾ ಘನ್ನಿ ತ್ರಾಸ ಖಾದಿಸ ಕೈನ ತಿಕನ ಗೈನ ಸುದ್ದಿ ಕೈನ ಮೊಕ್ಲಿ.
MAT 27:20 ತೆನೈಸೊ ಕ್ಹಾಸ ಯಾಜಕೊ ಶಾನಾ ಬರಬ್ಬನೆ ಛೊಡು ಕೈನ ಮಾಂಗಿಲಿವಾನೆಬಿ ಯೆಸುನೆ ಖಲಾಸ ಕರು ಕೈನ ಐಕು ಆಯೆಲಿಂಗತ ಮನಕ್ಹೊನೆ ಕೈನ ದಿದ್ಯಾ.
MAT 27:21 ತಿನಾಹುತಿ ದೆಶನೊ ಅದಿಪತಿ ತ್ಯುನೊನೆ, ಎ ಬೆ ಜ಼ನಾವೊಮಾ ಕಿನೆ ತುಮಾರಾಹುತಿ ಛೊಡು ಕೈನ ಕವೊಶಿ? ಕೈನ ಪುಚ್ತಾಮಾ ತ್ಯುನೆ ಬರಬ್ಬನೆ ಕದ್ಯಾ.
MAT 27:22 ಪಿಲಾತನ ತ್ಯುನೊನೆ, ತಿಮ್ಮ ರ‍್ಹಯಾಮ ಕ್ರಿಸ್ತ ಕೈನ ಕವೈಲಿವಾನಾ ಯೆಸುನೆ ಮಿ ಸು ಕರು? ಕೈನ ಪುಚ್ತಾಮಾ ಕ್ಹಾರಾ ಜ಼ನಾ, ತಿನೆ ಶಿಲುವಿಪರ ಘಾಲಾಲಗಾಡ ಕದ್ಯಾ.
MAT 27:23 ತಿನಾಹುತಿ ತೆ ಕಾ ಆಂ ಕರಲ ಅಪರಾದತಬಿ ಸು ವ್ಹೈ? ಕದ್ಯೊ. ತೆನೈಸೊ ತ್ಯುನೆ, ತಿನೆ ಶಿಲುವಿಪರ ಘಾಲಾಲಗಾಡ ಕೈನ ಘನ್ನಾ ಅಡ್ಯಾ.
MAT 27:24 ಮನಕ್ಹೊನು ಮನಸ ಬದ್ಲಿ ಕರಾನೆ ತಿನೆ ನೈ ಥಾತು ಕೈನ ಮನಕ್ಹೊ ವದ್ರಾನು ಚಾಲು ಕರಸ ಕವಾನು ತಿಳ್ದಿಲಿದಲ ಪಿಲಾತನ ದಕ್ಹು ಪಾನಿ ಲಿನ ಕ್ಹಾರಾ ಮನಕ್ಹೊನಾ ಕ್ಹಾಮೊ ತಿನಾ ಹತೊ ಧ್ವೈಲೆತೊ, "ಎ ಮನಕ್ಹನಾ ಮರಣನೆ ಮಿ ಜವಾಬ್ದಾರ ನ್ಹವೈ. ತಿನೆ ಶಿಲುವಿಪರ ಘಾಲಾಲಾ ತುಮೆಜ಼ ವ್ಹೈ!” ಕೈನ ಕದ್ಯೊ.
MAT 27:25 ಕ್ಹಾರಾ ಮನಕ್ಹೊ, "ತಿನಾ ಮರಣನೆ ಹಮೆಜ಼ ಜವಾಬ್ದಾರ ವ್ಹೈ. ತಿನಾ ಮರಣನೆ ಕಯುತಬಿ ಶಿಕ್ಷಾ ರ‍್ಹಯಾಮ ತಿನೆ ಹಮೆ ವರಿ ಹಮಾರಾ ಬಚ್ಚಾ಼ ಅನುಬೊಸೆಸ” ಕೈನ ಉತ್ತರ ದಿದ್ಯೊ.
MAT 27:26 ತೆಳಾಮಾ ಪಿಲಾತನ ಬರಬ್ಬನೆ ಬಿಡುಗಡೆ ಕರಿನ, ಯೆಸುನೆ ಬಾರಕೊಲೆ ಮಾರಾಲಗಾಡಿನ ಶಿಲುವಿಪರ ಛಡಾವಾನೆ ಸೈನಿಕೊನೆ ಒಪ್ಸಿನ ದಿದ್ಯೊ..
MAT 27:27 ಪಿಲಾತನಾ ಸೈನಿಕೊ ಯೆಸುನೆ ರಾಜ್ಯ ಭವನಮಾ ಬಲೈ ಲಿನಗಯಾ. ಕ್ಹಾರಾ ಸೈನಿಕೊ ಯೆಸುನಾ ಸುತ್ತೆ ಹುಬ್ರಯಾತಾ.
MAT 27:28 ಸೈನಿಕೊ ತಿನಾ ವಣ್ಣಾ ಕಾಡಿನ ತಿನೆ ಯಕ್ಕ ಲಾಲ ಅಂಗಡು ಘಾಲ್ಯಾ.
MAT 27:29 ಕಾಟಾವೊನಿ ಬಳ್ಳಿಕ್ಹು ಯಕ್ಕ ಕಿರಿಟ ಕರಿನ ತಿನಾ ಮಾತಾಪರ ಮ್ಹೆಲ್ಯಾ. ತಿನಾ ಸಿದಾ ಹತೆ ಯಕ್ಕ ಲಾಕ್ಡಿ ದಿದ್ಯಾ. ಪಾಚ಼ಲ್ತಾ ಸೈನಿಕೊ ಯೆಸುನಾ ಕ್ಹಾಮಾ ಡೊಗ್ಗಿನ, "ಯಹುದ್ಯನಾ ರಾಜಾ಼, ನಮಸ್ಕಾರ” ಕೈನ ಕದ್ರಾಯಾ.
MAT 27:30 ತಿನಾ ಉಪ್ಪರ ಥುಕ್ಯಾ. ತಿನಾ ಹತ್ಮಾನಿ ಲಾಕ್ಡಿ ಲಿನ ಮಾತಾಪರ ಮಾರ‍್ಯಾ.
MAT 27:31 ಇಮ್ಮ ಕದ್ರಾಯಲಪರ, ತಿನು ಅಂಗ್ಡು ಕಾಡಿನ ತಿನಾ ವಣ್ಣಾ ವರಿ ತಿನೆ ಘಾಲಿನ ಶಿಲುವಿಪರ ಘಾಲಾನೆ ಬಲೈಲಿನ ಗಯಾ.
MAT 27:32 ಸೈನಿಕೊ ಯೆಸುನಾ ಕ್ಹಾತೆ ಗಾಮತಾ ಭಾರಾ ಜಾ಼ತಾಮಾ ಸಿರೆನ ಗಾಮನಾ "ಸಿಮೊನ” ಕವಾಲಾ ಮನಕ್ಹನೆ ದೆಕ್ಯಾ. ತಿನಿ ಶಿಲುವಿ ಉಚೈಲಿವಾನಾಹುತಿ ತ್ಯುನೆ ತಿನೆ ಜ಼ಬರದಸ್ತಿ ಕರ‍್ಯಾ.
MAT 27:33 ತ್ಯುನೆ ಗೊಲ್ಗೊಥಾ ಕವಾನಾ ಜ಼ಗಾಯೆ ಆಯಾ. (ಗೊಲ್ಗೊಥಾ ಕದ್ಯಾಮ "ಕಪಾಲ ಜ಼ಗಾ” ಕೈನ ಮತ್ಲಬ ವ್ಹೈ.)
MAT 27:34 ಗೊಲ್ಗೊಥಾಮಾ ಸೈನಿಕೊ ತಿನೆ ಪಿವಾನೆ ದ್ರಾಕ್ಷಿಯೊನು ರಕ್ಹ ದಿದ್ಯಾ. ತೆ ದ್ರಾಕ್ಷಿಯೊನು ರಕ್ಹನೆ ದುಕ ಕಮ್ಮ ಕರಾನು ವಕ್ಹಡ ಮಳಾಯಾತಾ. ತೆ ದ್ರಾಕ್ಷಿಯೊನು ರಕ್ಹನು ಸ್ವಾದ ದೆಕಿನ ತಿನೆ ಪಿದ್ಯೊ ನೈ.
MAT 27:35 ಸೈನಿಕೊ ತಿನೆ ಶಿಲುವಿಪರ ಮೊಳಾವೊಕ್ಹು ಮಾರ‍್ಯಾ. ಪಾಚ಼ಲ್ತಾ ವಣ್ಣಾವೊನಾಹುತಿ ತ್ಯುನಾಮಾಜ಼ ಚಿಟಿ ಘಾಲಿನ ಲಿದ್ಯಾ.
MAT 27:36 ಸೈನಿಕೊ ಯೆಸುನೆ ಕೈದತಾ ತ್ಯಾಜ಼ ಬೆಟ್ಯಾತಾ.
MAT 27:37 ತೆನೈಸೊ ತಿನಾ ಉಪ್ಪರ ಘಾಲಲ ಅಪರಾದನೆ ಲಿಕ್ಕಿನ ತಿನಾ ಮಾತಾನಾ ಉಪ್ಪರ ಲಗಾಡ್ಯಾ. "ಎಜ಼ ಯೆಸು ವ್ಹೈ, ಯಹುದ್ಯೊನೊ ರಾಜೊ಼ ವ್ಹೈ” ಕವಾನುಜ಼ ತೆ ಅಪರಾದ ವ್ಹೈ.
MAT 27:38 ಯೆಸುನಾ ಬಾಜು಼ಮಾಜ಼ ಬೆ ಚ್ವಟ್ಟಾವೊನೆ ಶಿಲುವಿಪರ ಘಾಲ್ಯಾತಾ. ಯಕ್ಕ ಚ್ವಟ್ಟಾನೆ ಯೆಸುನಾ ಸಿದಾ ಬಗಲಬಿ ವರಿಯಕ್ಕ ಚ್ವಟ್ಟಾನೆ ಡಾವಾ ಬಗಲ ಘಾಲ್ಯಾತಾ.
MAT 27:39 ವಾಟಮಾ ಜಾ಼ವಾನಾ ಮನಕ್ಹೊ ಗರ್ದನ ಹಲ್ಲಾತಾ,
MAT 27:40 "ತು ದೆವಾಲಯನೆ ಪಾಡಿನ, ತಿನೆ ವರಿ ತನ್ನ ದಿನ್ನಮಾ ಭಾಂದುಸ ಕೈನ ಕವಾಡೊತೊ. ತೆನೈಸೊ ಹಮ್ನಾ ತುನೆ ತುಜ಼ ವಚಾ಼ಡಿಲೆ! ತು ಕ್ಹರಿಮಾಜ಼ ಕ್ಹುದಾನೊ ದಿಕ್ರೊ ಥಯಲ ರ‍್ಹಯೊಮ, ಶಿಲಿವಿಪರತೊ ಹೆಟೊ ಉತ್ರಿನ ಆ!” ಕೈನ ಕದ್ರಾಯಾ.
MAT 27:41 ಮಹಾಯಾಜಕೊ ಧರ್ಮ ಉಪದೆಶಕೊ ವರಿ ಯಹುದ್ಯನಾ ಶಾನಾ ತ್ಯಾ ವ್ಹತ್ತಾ. ತ್ಯುನೆಬಿ ಬಿಜಾ಼ ಮನಕ್ಹೊ ಲಿಂಗತ ಯೆಸುನೆ ಕದ್ರಾಯಾ.
MAT 27:42 "ಎ ಬಿಜಾ಼ವೊನೆ ವಚಾ಼ಡ್ಯೊ. ತೆನೈಸೊ ತಿನೆ ತೆಜ಼ ನೈ ವಚಾ಼ಡಿಲೆಸಕ್ತೊ! ಇಸ್ರಾಯೆಲನೊ ರಾಜ಼ೊ ವ್ಹೈ ಕೈನ ಮನಕ್ಹೊ ಕವಸ. ಎ ರಾಜೊ಼ ರ‍್ಹಯೊಮ ಶಿಲುವಿಪರತೊ ಹೆಟೊ ಉತ್ರಿನ ಆವಾದೆ. ತೆಳಾಮಾ ಹಮೆ ಇನೆ ಬರೊಕ್ಹೊ ಕರಿಯೆಸ.
MAT 27:43 ಎ ಕ್ಹುದಾನೆ ಬರೊಕ್ಹೊ ಕರ‍್ಯೊತೊ. ಹಮ್ನಾ ಕ್ಹುದಾನೆ ಕ್ಹರಿಬಿ ಎ ಛಾಯೆ ಥಯಲ ರ‍್ಹಯೊಮ, ಕ್ಹುದಾಜ಼ ಅನೆ ವಚಾ಼ಡಾದೆ. ‘ಮಿ ಕ್ಹುದಾನೊ ದಿಕ್ರೊ ವ್ಹೈ’ ಕೈನ ಎಜ಼ ಕೈಲಿದ್ಯೊಸತೊ” ಕೈನ ತ್ಯುನೆ ಕದ್ಯಾ.
MAT 27:44 ತಿನಾಲಿಂಗತಜ಼ ಯೆಸುನಾ ಆಜು಼ ಬಾಜು಼ಮಾ ಶಿಲುವಿಪರ ಘಾಲಲ ಚ್ವಟ್ಟಾಬಿ ತಿನೆ ಕದ್ರಾಯಾ.
MAT 27:45 ತೆ ದಿನ್ನೆ ದುಪ್ಪಾರೆ ಬಾರಾ ವಾಸ್ತಾತಾ ತನ್ನ ವಾಜೆ ಲಕ್ಕಾ ಪುರಾ ದೆಶಮಾ ಅಂದಾರು ಭರ‍್ಯುತು.
MAT 27:46 ಕಮ್ಸಿಕಮ್ಮ ತನ್ನ ವಾಸ್ತಾ ಯೆಸು, "ಎಲಿ, ಎಲಿ, ಲಮಾ ಸಬಕ್ತಾನಿ? ಕೈನ ಮ್ಹೊಟಿ ಅವಾಜ಼ಕ್ಹು ವದ್ರ್ಯೊ. ಅಮ್ಮ ಕದ್ಯಾಮ, "ಮಾರಾ ಕ್ಹುದಾ, ಮಾರಾ ಕ್ಹುದಾ, ಕಾ ಮನೆ ಹತ್ತ ಛೊಡ್ಯೊ?” ಕೈನ ಮತ್ಲಬ ವ್ಹೈ.
MAT 27:47 ತ್ಯಾ ಹುಬ್ರಯಲ ದಕ್ಹಾ ಮನಕ್ಹೊ ಎ ಐಕಿನ, "ಆಂ ಎಲಿಯಾನೆ ಬಲಾವಾಡೊಸ” ಕೈನ ಕದ್ಯಾ.
MAT 27:48 ತೆ ಮನಕ್ಹೊಮಾ ಯಕ್ಲೊ ನ್ಹಾಟಿನ ಗೈನ ಸ್ಪಂಜ ಲಿನ ಐನ, ತಿಮಾ ಕ್ಹಾಟು ರಕ್ಹ ಭರಿನ, ತಿನೆ ಯಕ್ಕ ಲಾಕ್ಡಾನೆ ಭಾಂದಿನ ತೆ ಲಾಕ್ಡಾಕ್ಹು ಸ್ಪಂಜ ಯೆಸುನೆ ಪಿವಾನೆ ದಿದ್ಯೊ.
MAT 27:49 ತೆನೈಸೊ ಬಿಜಾ಼ ಮನಕ್ಹೊ, "ತಿನಾಹುತಿ ಚಿಂತಾ ಕರು ನಕೊ, ತಿನೆ ವಚಾ಼ಡಾನೆ ಎಲಿಯಾ ಆಸ ಸು ದೆಕೆ” ಕೈನ ಕದ್ಯಾ.
MAT 27:50 ಪಾಚ಼ಲ್ತೊ ಯೆಸು ವರಿ ಮ್ಹೊಟಿ ಅವಾಜ಼ಕ್ಹು ವದ್ರಿನ ಜ಼ಲಮ ಛೊಡ್ಯೊ.
MAT 27:51 ತೆಳಾಮಾ ದೆವಾಲಯನೊ ಪಡದೊ ಉಪ್ಪರತೊ ಹೆಟಾ ಲಕ್ಕಾ ಫಾಟಿನ ಬೆ ಭಾಗ ಥಯು. ಜಿಮಿನ ಕಾಪಿ. ದಗ್ಡಾ ಫುಟಿಗಯಾ.
MAT 27:52 ಮಜಾ಼ರೊ ಖುಲ್ಯಾ, ಮರಲವಾಲಾ ಘನ್ನಾ ಕ್ಹುದಾನಾ ಮನಕ್ಹೊ ಮಜಾ಼ರೊಮಾತಾ ಜಿವ್ತಾ ಥೈನ ಉಟ್ಯಾ.
MAT 27:53 ಯೆಸು ಪುನರುತ್ಥಾನ ಥಯಲ್ಪರ, ತ್ಯುನೆ ಪವಿತ್ರ ಗಾಮ ಥಯಲ ಯೆರುಸಲೆಮೆ ಗಯಾ. ಮನಕ್ಹೊ ತ್ಯುನೊನೆ ಡೊಳೆ ನಜ಼ರೆ ದೆಕ್ಯಾ.
MAT 27:54 ಯೆಸುನೆ ಕೈದಾಲೊ ಸೆನಾದಿಪತಿ ವರಿ ಸೈನಿಕೊ ಬುಕಂಪನೆ ವರಿ ಥಯಲ ಕ್ಹಾರು ದೆಕಿನ ಘನ್ನಾ ಭುಚ್ಕಿನ, "ಎ ಕ್ಹರಿಬಿ ಕ್ಹುದಾನೊ ದಿಕ್ರೊ ವ್ಹತ್ತೊ!” ಕೈನ ಕದ್ಯಾ.
MAT 27:55 ಯೆಸುನಿ ಸೆವಾ ಕರ‍್ತಾ ಗಲಿಲಾಯತಾ ತಿನೆ ಪಾಚಾ಼ ಲಾಗಿನ ಆಯಲ ಘನ್ನಾ ಬಾಕ್ಡಿಯೊ ದುರತಾ ದೆಕ್ತಾ ಹುಬ್ರಯಾತಾ.
MAT 27:56 ತ್ಯುನೆ ಮಗ್ದಲನಿ ಮರಿಯಳ, ಯಾಕೊಬ ವರಿ ಯೊಸೆಫನಿ ಯಾ ಥಯಲ ಮರಿಯಳ, ವರಿ ಯೊಹಾನ ವರಿ ಯಾಕೊಬನಿ ಯಾ ತ್ಯಾ ವ್ಹತ್ತಿ.
MAT 27:57 ತೆ ಕ್ಹಾಂಜೆ಼ ಅರಿಮಥಾಯಮಾ ರ‍್ಹಯಲ ಯೊಸೆಫ ಕವಾಲೊ ಸೌಕಾರ ಮನಕ್ಹ ಯೆರುಸಲೆಮೆ ಆಯೊ. ಎಬಿ ಯೆಸುನೊ ಶಿಶ್ಯೊ ವ್ಹತ್ತೊ.
MAT 27:58 ತೆ ಪಿಲಾತನಕನ ಗೈನ, ಯೆಸುನು ಅಂಗ ತಿನೆ ದ್ಯು ಕೈನ ಮಾಂಗ್ಯೊ. ಯೆಸುನು ಅಂಗ ಯೊಸೆಫನೆ ದ್ಯು ಕೈನ ಪಿಲಾತನ ತಿನಾ ಸೈನಿಕೊನೆ ಅಪ್ಪಣೆ ದಿದ್ಯೊ.
MAT 27:59 ಯೊಸೆಫ ತೆ ಅಂಗ ಲಿನ, ತಿನೆ ನವಾ ಶುದ್ಧ ರ‍್ಹಯಲ ಬಾಸನಾ ಫಡ್ಕೆ ಸುತ್ತಿನ
MAT 27:60 ದಗ್ಡಾಮಾ ತೆ ಕರಾಯಲ ಮಜಾ಼ರಮಾ ಮ್ಹೆಲ್ಯೊ. ಮಜಾ಼ರನಾ ಬಾಕಲನೆ ಯಕ್ಕ ಮ್ಹೊಟ್ಟಾ ದಗ್ಡೊ ಝಾಕಿನ ಗಯೊ.
MAT 27:61 ಮಗ್ದಲನಿ ಮರಿಯಳ ವರಿ ಬಿಜಾ಼ ಯಕ್ಕ ಮರಿಯಳ ತೆ ಮಜಾ಼ರಕನ ಬೈಟ್ಯಾತಾ.
MAT 27:62 ಶುಕ್ರವಾರ ಕ್ಹರ‍್ಯಲಪರ ಮಹಾಯಾಜಕೊ ವರಿ ಪರಿಸಾಯರೊ ಪಿಲಾತನಕನ ಗೈನ,
MAT 27:63 "ಮಾಲಕ, ತೆ ಸುಳ್ಳ ಬೊಲಾಲೊ ಜಿವ್ತೊ ರ‍್ಹತಾಮಾ, ‘ತನ್ನ ದಿನ್ನ ಥಯಲ್ಪರ ಮಿ ಪುನರುತ್ಥಾನ ವ್ಹಂದುಸ’ ಕೈನ ಕದ್ಯಲ ಹಮೊನೆ ಹಜಿ಼ನ ಶೆಂ ಛೆ.
MAT 27:64 ತಿನಾಹುತಿ ತನ್ನ ದಿನ್ನಲಕ್ಕಾ ತೆ ಮಜಾ಼ರನೆ ಕೈದಾನೆ ಆಗನ್ಯಾ ದೆ. ತಿನಾ ಶಿಶ್ಯಾ ಐನ, ತಿನು ಅಂಗ ಕಾಳಿಲಿನ ಗೈನ, ತೆ ಮಜಾ಼ರಮಾತೊ ಉಟಿನ ಆಯೊಸ ಕೈನ ಮನಕ್ಹೊನೆ ಕೆಸಕಸ. ತೆಳಾಮಾ ಪಸ್ಟ ಥಯಲ ಮೊಸತಿಬಿ ಲಾಸ್ಟನುಜ಼ ಘನ್ನು ಮೊಸ ಥಾಸ” ಕೈನ ಕದ್ಯಾ.
MAT 27:65 ಪಿಲಾತ ತ್ಯುನೊನೆ, "ದಕ್ಹಾ ಕೈದಾಲಾ ಸೈನಿಕೊನೆ ಲಿನ ಗೈನ, ತುಮೊನೆ ಚಾ಼ಯೆ ಥಯಲ ತರಿಕಾಮಾ ಮಜಾ಼ರನೆ ಕೈದಾಲಗಾಡೊ” ಕೈನ ಕದ್ಯೊ.
MAT 27:66 ತ್ಯುನೆ ಗೈನ, ಮಜಾ಼ರನೆ ಸಿಕ್ಕೊ ಮಾರಿನ, ಸೈನಿಕೊನೆ ಕೈದಾನೆ ಛೊಡಿನ, ಮಜಾ಼ರನೆ ಚೊ಼ಕಾ ಕೈದಾ ಲಗಾಡ್ಯಾ.
MAT 28:1 ಸಬ್ಬತ ದಿನ್ನ ಥಯಲ್ಪರ ಐತವಾರ ಪಾಟ ಥಾವಾನಿ ವ್ಹತ್ತಿ. ಮಗ್ದಲನಿ ಮರಿಯಳ ವರಿ ಬಿಜಿ಼ ಮರಿಯಳ ಮಜಾ಼ರನೆ ದೆಕಾನೆ ಗಯಾ.
MAT 28:2 ತೆಳಾಮಾ ಘನ್ನು ಮ್ಹೊಟು ಭುಕಂಪ ಥಯು. ಕ್ಹುದಾನೊ ದುತ ಹಬಾಳತೊ ಉತ್ರಿನ ಆಯೊ. ತೆ ದುತ ಮಜಾ಼ರಕನ ಗೈನ, ಮಜಾ಼ರನಾ ಬಾಕಲಕಂತು ಮ್ಹೊಟೊ ದಗ್ಡೊ ಸರ್ಕೈನ ತೆ ದಗ್ಡಾಪರ ಬೈಟ್ಯೊ.
MAT 28:3 ಕ್ಹುದಾನೊ ದುತನು ಮ್ಹೊಡು ಬಿಜ಼ಲಿ ಲಿಂಗತ ಚಮ್ಕಾಡುತು. ತಿನಾ ವಣ್ಣಾ ಮಿಂಚ ಲಿಂಗತ ಧೊಳಾ ವ್ಹತ್ತಾ.
MAT 28:4 ಮಜಾ಼ರ ಕೈದಾಲಾ ಸೈನಿಕೊ ಕ್ಹುದಾನಾ ದುತನೆ ದೆಕಿನ ಘನ್ನ ಭುಚ್ಕಿ಼ನ ಘಾಬ್ರಾ ಥೈನ ಮರ‍್ಯಲವಾಲಾ ಲಿಂಗತ ಥಯಾ.
MAT 28:5 ದುತ ತೆ ಬಾಕ್ಡಿಯೊನೆ, "ತುಮೆ ಭುಚ್ಕೊ಼ ನಕೊ; ಶಿಲುವಿಪರ ಘಾಲಲ ಯೆಸುನೆ ತುಮೆ ಹುಡ್ಕಾಡಾಸ ಕವಾನು ಮನೆ ಗ್ವತ್ತ ಛೆ.
MAT 28:6 ತೆನೈಸೊ ಯೆಸು ನ್ಹ್ಯಾ ನತ್ತಿ. ತೆ ಕದಲ ತಿಮ್ಮ ಪುನರುತ್ಥಾನ ವ್ಹಂದ್ಯೊಸ. ಆವೊ, ತಿನು ಅಂಗ ರ‍್ಹಯಲ ಜ಼ಗಾ ದೆಕೊ.
MAT 28:7 ಜಲ್ದಿ ಗೈನ ತಿನಾ ಶಿಶ್ಯಾವೊನೆ, "ಯೆಸು ಪುನರುತ್ಥಾನ ವ್ಹಂದ್ಯೊಸ. ತೆ ಗಲಿಲಾಯೆ ಚಾ಼ಲ್ಯೊಸ. ತುಮಾರಾತಿ ಪೈಲಾಜ಼ ತೆ ತ್ಯಾ ರ‍್ಹವಸ. ತುಮೆ ತಿನೆ ತ್ಯಾ ದೆಕೊಶಿ” ಕೈನ ಕವೊ. ಮಿ ತುಮೊನೆ ಕವಾನಿ ಸುದ್ದಿ ಎಜ಼ ವ್ಹೈ, ಇಕ್ಹರೊ ನಕೊ” ಕದ್ಯೊ.
MAT 28:8 ತೆಳಾಮಾಜ಼ ತೆ ಬಾಕ್ಡಿಯೊ ಭೆಂಕ್ಹುಬಿ ಕ್ಹುಷಿಕ್ಹುಬಿ ಮಜಾ಼ರ ಕಂತಾ ಗಯಾ. ಥಯಲ ಕ್ಹಾರು ಶಿಶ್ಯಾವೊನೆ ಕವಾನೆ ತ್ಯುನೆ ನ್ಹಾಟಿನ ಜಾ಼ತಾಮಾ,
MAT 28:9 ಯೆಸು ತ್ಯುನಾ ಕ್ಹಾಮೊ ದಿಕ್ಹಿನ, "ತುಮೊನೆ ಶುಭ ಥಾವಾದೆ” ಕದ್ಯೊ. ತೆ ಬಾಕ್ಡಿಯೊ ಯೆಸುಕನ ಗೈನ, ತಿನಾ ಪಗೊ ಧರಿನ ಆರಾಧನಾ ಕರ‍್ಯಾ.
MAT 28:10 ಯೆಸು ತೆ ಬಾಕ್ಡಿಯೊನೆ, ಭುಚ್ಕೊ಼ ನಕೊ; ಮಾರಾ ಭಾಯೊಕನ ಗೈನ ಗಲಿಲಾಯೆ ಆವಾನೆ ಕವೊ. ತ್ಯುನೆ ಮನೆ ದೆಕಸ” ಕೈನ ಕದ್ಯೊ.
MAT 28:11 ತೆ ಬಾಕ್ಡಿಯೊ ಶಿಶ್ಯಾವೊನೆ ಕವಾನೆ ಗಯಾ. ತ್ಯಾ ಮಜಾ಼ರ ಕೈದಾಲಾ ದಕ್ಹಾ ಸೈನಿಕೊ ಗಾಮಮಾ ಗೈನ ಥಯಲ ಕ್ಹಾರು ಮಹಾಯಾಜಕೊನೆ ಕದ್ಯಾ.
MAT 28:12 ತೆಳಾಮಾ ಮಹಾಯಾಜಕೊ ಮ್ಹೊಟಾ ಯಹುದ್ಯೊನೆ ಮಳಿನ ಚರ್ಚೆ ಕರ‍್ಯಾ ವರಿ ಸೈನಿಕೊನೆ ಘನ್ನಾ ದೊಕ್ಡಾ ದಿನ ತ್ಯುನೊಕ್ಹು ಸುಳ್ಳ ಕವಾಲಗಾಡಾನು ಉಪಾಯ ಕರ‍್ಯಾ.
MAT 28:13 ತ್ಯುನೆ ಸೈನಿಕೊನೆ, "ರಾತನಾ ಟೈಮಮಾ ಹಮೆ ಕ್ಹುರಯಲ ಟೈಮಮಾ ಯೆಸುನಾ ಶಿಶ್ಯಾ ಐನ ತಿನು ಅಂಗ ಕಾಳಿಲಿನ ಗಯಾ ಮನಕ್ಹೊನೆ ತಿಳ್ಸಾವೊ.
MAT 28:14 ಎ ರಾಜ್ಯಪಾಲನೆ ಗ್ವತ್ತ ಥಯುಮ ಹಮೆ ತಿನೆ ಸಮಾದಾನ ಕರೆಸ ವರಿ ತುಮೊನೆ ಕಯುಜ಼ ತ್ರಾಸ ಥಯಾ ಬಗರ ದೆಕಿಲಿಯೆಸ” ಕೈನ ಕದ್ಯಾ.
MAT 28:15 ಸೈನಿಕೊ ದೊಕ್ಡಾ ಲಿನ, ತ್ಯುನೆ ಕದಲ ತಿಮ್ಮ ಕರ‍್ಯಾ. ಎ ಕಾನಿ ಹಜು಼ನಲಕ್ಕಾಬಿ ಯಹುದಿಯೊಮಾ ಫೈಲ್ಯಲ ಛೆ.
MAT 28:16 ತೆ ಥಯಲ್ಪರ ಗ್ಯಾರಾ ಜ಼ನಾ ಶಿಷ್ಯಾ ಗಲಿಲಾಯನೆ ಗೈನ ಯೆಸು ಕದ್ಯಲ ಡೊಂಗರಪರ ಗಯಾ.
MAT 28:17 ಶಿಶ್ಯಾ ಡೊಂಗರಪರ ಯೆಸುನೆ ದೆಕಿನ ತಿನೆ ಆರಾಧನಾ ಕರ‍್ಯಾ. ತೆನೈಸೊ ದಕ್ಹಾ ಶಿಶ್ಯಾ ತೆಜ಼ ಕ್ಹರಿನೊ ಯೆಸು ವ್ಹೈ ಕವಾನು ಬರೊಕ್ಹೊ ಕರ‍್ಯಾ ನೈ.
MAT 28:18 ತಿನಾಹುತಿ ಯೆಸು ತ್ಯುನೊಕನ ಐನ, ಸ್ವರ್ಗ ವರಿ ಎ ದುನಿಯಾನಿ ಕ್ಹಾರಿ ಅದಿಕಾರ ಮನೆ ದಿದಲ ಛೆ.
MAT 28:19 ತಿನಾಹುತಿ ತುಮೆ ಗೈನ, ದುನಿಯಾಮಾ ರ‍್ಹವಾನಾ ಕ್ಹಾರಾ ಮನಕ್ಹೊನೆ ಮಾರಾ ಶಿಶ್ಯಾ ಕರೊ. ಬಾನಾ, ದಿಕ್ರಾನಾ ವರಿ ಪವಿತ್ರ ಆತ್ಮಾನಾ ನಾಮಪರ ತ್ಯುನೊನೆ ಬಾಪ್ತಿಸ್ಮಾ ಕರಾವೊ.
MAT 28:20 ಮಿ ತುಮೊನೆ ಆಗನ್ಯಾ ದಿದ್ಯಲ ಕ್ಹಾರಾವೊನೆ ವಿದೆಲ ಥಾಯೆಲಿಂಗತ ಮನಕ್ಹೊನೆ ಉಪದೆಶ ಕರೊ, ಜಗತ್ತನು ಅಂತ್ಯ ಥಯೆಲಕ್ಕಾ ಹಮೆಶಾಬಿ ಮಿ ತುಮಾರಾ ಕ್ಹಾತೆ ರ‍್ಹೌಸ” ಕೈನ ಕದ್ಯೊ.
MAR 1:1 ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತನಿ ಸುವಾರ್ತೆ (ಚೊ಼ಕಿಯೊ ವಾತೊ) ಶುರು.
MAR 1:2 ಪ್ರವಾದಿ ಥಯಲ ಯೆಶಾಯ ಬುಕ್ಮಾ ಬರ್ದಲ ಲಿಂಗತ ಕ್ಹುದಾ ಕದಲ ಅಮ್ಮ ವ್ಹೈ. ಹಮ್ನಾ ಮಿ ಮಾರಿಯೊ ವಾತೊ ಕವಾಲಾನೆ ತಾರಾ ಕ್ಹಾಮೊ ಮೊಕ್ಲುಸ. ತು ಜಾ಼ವಾನಿ ವಾಟ ತೆ ಚೊ಼ಕಿ ಕರಸ.'
MAR 1:3 ಕರ್ತಾನಿ ವಾಟ ತಯ್ಯಾರ ಕರೊ; ತಿನಿ ಜಾ಼ವಾನಿ ಯಕ್ಕ ವಾಟ ಚೊ಼ಕಿ ಕರೊ; ರಾನ್ಮಾ ವದ್ರಾಲಾನು ಅವಾಜ಼ ಐಕು ಆವಾಡುಸ.
MAR 1:4 ಯೊಹಾನ ಐನ ಮನಕ್ಹೊನೆ, ತುಮೆ ಪಾಪ ಪರಿಹಾರನಾಹುತಿ ಕ್ಹುದಾಕನ ಫರಿನ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರು ಪಾಪ ಮಾಫ ಕರಸ" ಕತೊ ಮನಕ್ಹೊನೆ ಬಾಪ್ತಿಸ್ಮ ಕರಾತೊ ವ್ಹತ್ತೊ.
MAR 1:5 ತೆಳಾಮಾ ಯುದಾಯಾತಾ ವರಿ ಯೆರುಸಲೆಮಾತಾಬಿ ಕ್ಹಾರಾ ಮನಕ್ಹೊ ಯೊಹಾನಕನ ಐನ ತ್ಯುನೆ ತ್ಯುನಾ ಪಾಪನೆ ಪಶ್ಚಾತಾಪ ಕರಲಿನ ಯೊರ್ದನ ನದಿಮಾ ತಿನಾ ಹತೆ ಬಾಪ್ತಿಸ್ಮ ಕರೈಲಿವಾಡಾತಾ.
MAR 1:6 ಆ ಯೊಹಾನ ಹುಂಟನಾ ಬಾಲೊನಾ ವಣ್ಣಾ ಘಾಲ್ಲಿನ, ಕಂಬರನೆ ಯಕ್ಕ ಚಾ಼ಂಬಡಾನಿ ಪಟ್ಟಿ ಭಾಂದಿಲೆತೊತೊ; ಫಿರಕಾ ವರಿ ರಾನ್ಮಾನು ಜೆನ ತಿನು ಅನ್ನ ವ್ಹತ್ತು.
MAR 1:7 ತೆ ಮನಕ್ಹೊನೆ ಕದ್ಯೊ, ಮಾರಾ ಪಾಚೊ಼ ಆವಾಲೊ, ತೆ ಮಾರಾತಿಬಿ ಘನ್ನಿ ತಾಕತವಾಲೊ ವ್ಹೈ, ತಿನಿಯೊ ಚಪ್ಪಲನಿಯೊ ದೊರಿಯೊ ಡೊಗ್ಗಿನ ಛೊಡಾನೆಬಿ ಮಿ ಲಾಯಕ ನತ್ತಿ.
MAR 1:8 ಮಿ ತುಮೊನೆ ಪಾನಿಕ್ಹು ಬಾಪ್ತಿಸ್ಮ ಕರಾಯೊಸ. ತೆ ತುಮೊನೆ ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ಕರಾವಸ ಕೈನ ಕದ್ಯೊ.
MAR 1:9 ತೆ ದಿನ್ನಮಾ ಯೆಸು ಗಲಿಲಾಯ ಗಾಮನೆ ಮಳಲ ನಜ಼ರೆತ ಕವಾನಾ ಗಾಮತೊ ಐನ. ಯೊರ್ದನ ನದಿಮಾ ಯೊಹಾನ ರ‍್ಹಯಲ ಜ಼ಗಾ ಐನ, ತಿನಾ ಹತೆ ಬಾಪ್ತಿಸ್ಮ ಕರೈಲಿದ್ಯೊ.
MAR 1:10 ಬಾಪ್ತಿಸ್ಮ ಕರೈಲಿದಲ ಬರೊಬ್ಬರ ತೆ ಪಾನಿಮಾತೊ ಉಪ್ಪರ ಆತಾಮಾ ಸ್ವರ್ಗ ಕ್ಹುಲ್ಲಾ ಥೈನ, ಕ್ಹುದಾನಿ ಆತ್ಮಾ ಕ್ಹಬುತರ ಲಿಂಗತ ತಿಪರ ಉತರಾನು ದೆಕ್ಯೊ.
MAR 1:11 ತೆಳಾಮಾ, ತು ಮಯಾನೊ ಥಯಲ ಮಾರೊ ದಿಕ್ರೊ ವ್ಹೈ. ತುನೆ ಮಿ ಮೆಚ್ಯೊಸ. ಕೈನ ಸ್ವರ್ಗಮಾತು ಆವಾಜ಼ ಐಯು.
MAR 1:12 ತೆಳಾಮಾಜ಼ ಕ್ಹುದಾನಿ ಆತ್ಮಾ ಯೆಸುನೆ ರಾನ್ಮಾ ಚ಼ಲೈ.
MAR 1:13 ತೆ ಚಾ಼ಳಕ್ಹ ದಿನ್ನ ಕುನ್ನಜ಼ ರ‍್ಹವಾನೆ ಥಾಯೆ ನೈಸೊ ಜ಼ಗಾ ಜಾನ್ವರೊನಾ ಕ್ಹಾತೆ ರ‍್ಹೈನ, ಸೈತಾನ ಯೆಸುನೆ ಶೊದನೆಮಾ ಪಾಡಾನೆ ದೆಕ್ಯೊ. ತಿನಾ ಹತೆ ಥಯು ನೈ. ವರಿ ಕ್ಹುದಾನಾ ದುತೊ ಐನ ತಿನಿ ಸೆವಾ ಕರ‍್ಯಾ.
MAR 1:14 ಪಾಚಲ್ತಾ ಯೊಹಾನನೆ ಜೆಲಮಾ ಘಾಲಲ್ಪರ, ಯೆಸು ಗಲಿಲಾಯ ಗಾಮೆ ಐನ ಮನಕ್ಹೊನೆ ಸುವಾರ್ತೆ ಕವಾನು ಚಾ಼ಲು ಕರ‍್ಯೊ.
MAR 1:15 ತೆ ದಿನ್ನೊ ಪುರಾ ಥಯಾ ಕ್ಹುದಾನಿ ರಾಜ್ಯ ನಜಿ಼ಕ ಐ. ತುಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರಿನ ಸುವಾರ್ತೆ (ಸುವಾರ್ತೆ ಕದ್ಯಾಮ ಕ್ಹುದಾನಿಯೊ ವಾತೊ) ನಂಬೊ ಕೈನ ಕ್ಹುದಾನಿಯೊ ಚೊ಼ಕಿಯೊ ವಾತೊ ಕತೊ ಗಯೊ.
MAR 1:16 ಇಮ್ಮ ರ‍್ಹತಾಮಾ ತೆ ಗಲಿಲಾಯ ಸಮುಂದರಕನ ಜಾ಼ತಾಟೈಮಾ. ಸಿಮೊನ ವರಿ ಸಿಮೊನನೊ ನ್ಹಾನೊ ಭೈ ರ‍್ಹಯಲ ಅಂದ್ರೆಯಾ. ಸಮುಂದರಮಾ ಬಲಿ ನಾಕಾನು ದೆಕ್ಯೊ. ತ್ಯುನೆ ಬೆಸ್ತರೊ ವ್ಹತ್ತಾ. (ಕದ್ಯಾಮ ಮಚ಼್ಲಿ಼ಯೊ ಧರಾಲಾ)
MAR 1:17 ಯೆಸು ತ್ಯುನೊನೆ, ಮಾರಾಪಾಚಾ಼ ಆವೊ ಮಿ ತುಮೊನೆ ಮನಕ್ಹೊನೆ ಕ್ಹುದಾನಾ ರಾಜ್ಯಮಾ ಲಾವಾಲಾ ಲಿಂಗತ ಕರುಸ” ಕದ್ಯೊ.
MAR 1:18 ತೆಳಾಮಾಜ಼ ತ್ಯುನೆ ಬಲಿಯೊ ಛೊಡಿನ ತಿನಾ ಪಾಚಾ಼ ಗಯಾ.
MAR 1:19 ಹಜು಼ನ ದಕ್ಹಾ ದುರ ಗೈನ ಜೆಬೆದಾಯನೊ ದಿಕ್ರೊ ಯಾಕೊಬನೆ ತಿನೊ ನ್ಹಾನೊ ಭೈ ಥಯಲ ಯೊಹಾನ ಕವಾಲಾನೆ ದೆಕ್ಯೊ. ತ್ಯುನೆ ಹಡಗಾವೊಮಾ ಬೈಟಿನ ಬಲಿಯೊ ಸಿದಾ ಕರಾಡಾತಾ.
MAR 1:20 ಜೆಬೆದಾಯನೆ ಕುಲಿ ಆಳೊನಾ ಕ್ಹಾತೆ ಹಡಗಾಮಾ ಚೊ಼ಡಿನ ತಿನಾ ಪಾಚಾ಼ ಗಯಾ.
MAR 1:21 ಪಾಚಲ್ತಾ ತ್ಯುನೆ ಕಪೆನೌರ್ಮಿ ಕವಾನಾ ಗಾಮೆ ಐನ ಮುಟ್ಟ್ಯಾ. ತೆಳಾಮಾ ಸಬ್ಬತ ದಿನಮಾ ಯೆಸು ಸಭಾಮಂದಿರಮಾ ಗೈನ ಉಪದೆಶ ಕರ‍್ಯೊ.
MAR 1:22 ಮನಕ್ಹೊ ತೆ ಉಪದೆಶ ಕರಾನು ದೆಕಿನ ಘನ್ನಾ ಘಾಬ್ರಾಥಯಾ. ಕಾಕದ್ಯಾಮ ತೆ ಶಾಸ್ತ್ರಿಯೊಲಿಂಗತ ಉಪದೆಶ ಕರ‍್ಯಾವಾಚಿ ಅದಿಕಾರ ರ‍್ಹಯಲವಾಲಾ ಲಿಂಗತ ತ್ಯುನೊನೆ ಉಪದೆಶ ಕರಾಡೊತೊ.
MAR 1:23 ತೆಳಾಮಾ ತ್ಯುನಾ ಸಭಾಮಂದಿರಮಾ ಕೆಟ್ಟ ಆತ್ಮಾ ಧರಲ ಯಕ್ಕ ದಾಣಗೊ ಐನ ವದರ‍್ಯೊ.
MAR 1:24 ತೆ ಕೆಟ್ಟ ಆತ್ಮಾ , ನಜ಼ರೆತನಾ ಯೆಸು ಹಮಾರಿ ಉಸಾಬರಿ ತುನೆ ಕಾ? ಹಮ್ನೊನೆ ನಾಶ (ಹಾಳ) ಕರಾನೆ ಆಯೊ ಸು? ತುನೆ ವಳಕ್ಯಾಸ; ತು ಕ್ಹುದಾ ವಳಾಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ್ತ ಛೆ ಕೈನ ವದ್ರಿನ ಕದ್ಯೊ.
MAR 1:25 ಯೆಸು ತಿನೆ, ಭುಚ್ಕಾ಼ಡಿನ ಗಪ ರ‍್ಹೆ ಅನಾಮಾತೊ ಭಾರೊ ಜಾ಼ ಕತಾಮಾ,
MAR 1:26 ತೆ ಕೆಟ್ಟ ಆತ್ಮಾ ತಿನೆ ವದ್ಯಾಡಸಿನ ಘಾಬ್ರುಥೈನ ಛೊಡಿನ ವದ್ರಿನ ಗಯು.
MAR 1:27 ತಿನಾಹುತಿ ಕ್ಹಾರಾ ಜ಼ನಾ ಘಾಬ್ರಾಥೈನ, ಆ ಸುವೈ? ನವು ಉಪದೆಶ. ಆ ಅದಿಕಾರಕ್ಹು ಕೆಟ್ಟ ಆತ್ಮಾವೊನೆಬಿ ಆಗನ್ಯಾ ದಿವಸ ತ್ಯುನೆ ತಿನಿ ವಾತ ಐಕಸ” ಕೈನ ತ್ಯುನೊ-ತ್ಯುನೊಮಾಜ಼ ವಿಚಾರ ಕರಲಿದ್ಯಾ.
MAR 1:28 ತೆಳಾಮಾ ತಿನಿ ಸುದ್ದಿ ಗಲಿಲಾಯ ಪ್ರಾಂತ್ಯಮಾ ಫೈಲಿ ಗೈ.
MAR 1:29 ತೆ ಥಯಲ್ಪರ ಯೆಸು ವರಿ ತಿನಾ ಶಿಷ್ಯಾ ಸಭಾಮಂದಿರಮಾತಾ ಗೈನ ಯಾಕೊಬ ಯೊಹಾನನಾ ಕ್ಹಾತೆ ಸಿಮೊನ ಅಂದ್ರೆಯನಾ ಘರೆ ಆಯಾ.
MAR 1:30 ತ್ಯಾ ಸಿಮೊನನಿ ಪ್ಹೈ ತೌ ಐನ ಕ್ಹುರೈತಿ ತ್ಯುನೆ ತೆಳಾಮಾಜ಼ ಯೆಸುಕನ ಕದ್ಯಾ.
MAR 1:31 ತೆ ನಜಿಕ ಐನ ತಿನೊ ಹತ್ತ ಧರಿನ ಉಟಾಡತಾಮಾ ತಿನೆ ತೌ ರ‍್ಹಯಲ ಗೈ ಪಾಡ್ಯೊ. ತೆ ತ್ಯುನೊನೆ ಉಪಚಾರ ಕರಿ.
MAR 1:32 ಕ್ಹಾಂಜ಼ ಥೈನ ದಿನ್ನ ಡುಬ್ತಾಮಾ ಮನಕ್ಹೊ ಅರಾಮ ನೈಸೊವಾಲಾವೊನೆ ಕೆಟ್ಟ ಆತ್ಮಾ ಧರಲವಾಲಾವೊನೆ ತಿಕನ ಲಾಯಾ.
MAR 1:33 ಗಾಮವಾಲಾ ಸಿಮೊನನಾ ಘರನಾ ಬಾಕಲನಾ ಕ್ಹಾಮಾ ಗುಂಪ ಥೈನ ವ್ಹತ್ತಾ.
MAR 1:34 ತೆ ಬಿಜಾ಼-ಬಿಜಾ಼ ರೊಗೊ ರ‍್ಹಯಲವಾಲಾ ಘನ್ನಾ ಮನಕ್ಹೊನೆ ಅರಾಮ ಕರಿನ ಘನ್ನಿಯೊ ಕೆಟ್ಟ ಆತ್ಮಾವೊನೆ ಛೊಡೈನ ವರಿ ತೆ ಕುನ್ನ ವ್ಹೈ ಕೈನ ಕೆಟ್ಟ ಆತ್ಮಾವೊನೆ ಗ್ವತ್ತ ರ‍್ಹಯಲಕ್ಹು ತ್ಯುನೊನೆ ಬೊಲಾನೆ ದಿದ್ಯೊ ನೈ.
MAR 1:35 ದಿನ್ನ ನಿಕ್ಹಳಾತಿ ಅಗ್ದುರಜ಼ ತೆ ಉಟಿನ ಕುನ್ನಜ಼ ನೈಸೊ ಜ಼ಗಾ ಗೈನ ಕ್ಹುದಾನೆ ಪ್ರಾಥನಾ ಕರಾಡೊತೊ.
MAR 1:36 ಸಿಮೊನ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ತಿನೆ ಹುಡಕ್ತಾ ಆಯಾ.
MAR 1:37 ತಿನೆ ದೆಕಲ ಬರೊಬ್ಬರ ಕ್ಹಾರಾಜ಼ನಾ ತುನೆ ಹುಡಕಾಡಾಸ ಕದ್ಯಾ.
MAR 1:38 ಯೆಸು ತ್ಯುನೊನೆ ಅಪೆ ನಜಿಕ ರ‍್ಹಯಲ ಬಿಜಾ಼ ಗಾಮೆ ಗಯ್ಯೆ ತ್ಯಾಬಿ ಮಿ ಸುವಾರ್ತೆ ಕೌ; ಇನಾಹುತಿ ಮಿ ಐಪಾಡ್ಯೊ ಕದ್ಯೊ.
MAR 1:39 ಪಾಚಲ್ತೊ ಗಲಿಲಾಯ ಪ್ರಾಂತ್ಯಮಾ ಕ್ಹಾರಿ ಜ಼ಗಾ ಗೈನ ತ್ಯುನಿಯೊ ಸಭಾ ಮಂದಿರೊಮಾ ಗೈನ ಸುವಾರ್ತೆ ಕತೊ ಕೆಟ್ಟ ಆತ್ಮಾ ಛೊಡಾತೊ ವ್ಹತ್ತೊ.
MAR 1:40 ಯಕ್ಕ ಕುಷ್ಟರೊಗಿ ಯೆಸುಕನ ಐನ ತಿನಾ ಕ್ಹಾಮೊ ಉಂದಾಗುಡಗಾ ಘಾಲ್ಲಿನ ಬೈಟಿನ ತುನೆ ಮನಸ ರ‍್ಹಯುಮ ಮನೆ ಶುದ್ಧ ಕರಶಿ (ಅರಾಮ ಕರಶಿ) ಕೈನ ಮಾಂಗಿಲೆತಾಮಾ,
MAR 1:41 ಯೆಸು ತಿನೆ ಮರಗಿನ ಹತ್ತ ದಿನ ಮುಟ್ಟಿನ, ಮನೆ ಮನಸ ಛೆ ಶುದ್ಧ ಥಾ” ಕದ್ಯೊ.
MAR 1:42 ತೆಳಾಮಾಜ಼ ತಿನೊ ಕುಷ್ಟರೊಗ ಗೈನ ತೆ ಶುದ್ಧ ಥಯೊ.
MAR 1:43 ತೆಳಾಮಾ ಯೆಸು ತಿನಾ ಕ್ಹಾತೆ ಬೊಲಿನ ವಳಾಯೊ.
MAR 1:44 ಸು ಕೈನ ವಳಾಯೊ ಕದ್ಯಾಮ, ಯೆಸು ತಿನೆ, ಕಿನೆಜ಼಼ ಸು ಕೌ ನಕೊ ದೆಕ ತು ಗೈನ ಯಾಜಕನೆ ತಾರು ಅಂಗ ದೆಕಾಡ ಮೊಶೆ ಕದಲ ಪದ್ದತ ಕರಿನ ತಾರು ಶುದ್ಧವಿಚಾರ ಪುರಾಕರ. ತೆ ಮನಕ್ಹೊನೆ ಸಾಕ್ಷಿ ಥಾವಾದೆ ಕೈನ ಕ್ಹರಿಕ್ಹು ಕೈನ ತಿನೆ ವಳೈ ಪಾಡ್ಯೊ.
MAR 1:45 ವರಿಬಿ ತೆ ಗೈನ ತಿನಾ ಕ್ಹಾತೆ ಥಯಲ ಅದ್ಭುತ ಘನ್ನೊ ಸುದ್ದಿ ಕರಲ ಹುತಿ ಯೆಸುನೆ ಕಯಾಜ಼ ಗಾಮಮಾ ಖುಲ್ಲಾ ಜಾ಼ವಾನೆ ಥಯು ನೈ. ವರಿ ಕುನ್ನಜ಼ ನೈಸೊ ರ‍್ಹಯಲ ಜ಼ಗಾಪರ ವ್ಹತ್ತೊ. ವರಿ ಮನಕ್ಹೊ ಚ಼್ಯಾರೆ ಬಗಲತಾ ಆವಾಡಾತಾ.
MAR 2:1 ದಕ್ಹಾ ದಿನೊ ಥಯಲ್ಪರ ಯೆಸು ಕಪೆನೌರ್ಮಿ ಗಾಮೆ ಫರಿನ ಆಯೊ. ತೆ ಘರಮಾ (ಘರ ಕದ್ಯಾಮ ತೆ ರ‍್ಹಯಲ ಗಾಮೆ) ಆಯೊಸ ಕೈನ ಮನಕ್ಹೊನೆ ಸುದ್ದಿ ಗೊತ್ತ ಥೈ.
MAR 2:2 ಮನಕ್ಹೊ ಮಳಿನ ಆಯಲ ಹುತಿ ಘರನಾ ಬಾಕಲನಾ ಭಾರಿಬಿ ಜ಼ಗಾನ್ಹೊತಿ ಯೆಸು ತ್ಯುನೊನೆ ಉಪದೆಶ ಕರಾಡೊತೊ.
MAR 2:3 ತೆಕ್ಲಾಮಾಜ಼಼ ಯಕ್ಕ ಲಕ್ವೊ ಮಾರಲವಾಲಾನೆ ಚ಼್ಯಾರ ಜ಼ನಾ ಉಚೈಲಿನ ತ್ಯಾ ಲಾಯಾ.
MAR 2:4 ಮನಕ್ಹೊ ಗುಂಪ ಥೈನ ಹುಬ್ರಯಲ ಹುತಿ ತ್ಯುನೆ ತಿಕನ ನಜಿಕ ಆವಾನೆ ಥಯಲ ನೈಸೊಕ್ಹು ತೆ ರ‍್ಹಯಲ ಘರನಾ ಉಪ್ಪರಲಿ ಛತ್ತ ಕಾಡಿನ ಜ಼ಗಾ ಕರಿನ ಲಕ್ವೊ ಮಾರಲ ರೊಗಿನೆ ಕ್ಹುರಯಲ ವಚ್ಚಾ಼ನಾನಾ ಕ್ಹಾತೆ ಉತಾರ‍್ಯಾ
MAR 2:5 ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ಲಕ್ವೊ ಮಾರಲವಾಲಾನೆ ದಿಕ್ರಾ ತಾರು ಪಾಪ ಮಾಫ ಥಯುಸ ಕದ್ಯೊ.
MAR 2:6 ತೆಳಾಮಾ ಶಾಸ್ತ್ರಿಯೊಮಾನಾ ದಕ್ಹಾಜ಼಼ನಾ ತ್ಯಾಜ಼ ಬೈಟ್ಯಾತಾ
MAR 2:7 ಆ ಇಮ್ಮ ಕಾ ಬೊಲಾಡೊಸ? ಎ ಕ್ಹುದಾನಾ ವಿರುದ್ದ ವ್ಹೈ. ಕ್ಹುದಾನೆ ಯಕ್ಲಾನೆಜ಼ ಛೊಡಿನ ಬಿಜು಼ ಕುನ್ನ ವ್ಹೈ ಪಾಪ ಮಾಫ ಕರಸ? ಕೈನ ತ್ಯುನಾ-ತ್ಯುನಾ ಮನಸ್ಮಾ ಕೈಲಿದ್ಯಾ.
MAR 2:8 ತ್ಯುನೆ ಇಮ್ಮ ಕೈಲಿವಾನು ತೆಳಾಮಾಜ಼ ಯೆಸು ತಿಳದಿಲಿದ್ಯೊ. ಯೆಸು ತ್ಯುನೊನೆ-ತುಮೆ ತುಮಾರಾ ಮನಸ್ಮಾ ಇಮ್ಮ ಕಾ ತಿಳದಿಲಿವಾಡಾಸ? ಕಯು ಆಸಾನ (ಚೊ಼ಕು) ವ್ಹೈ
MAR 2:9 ತಾರು ಪಾಪ ಮಾಫ ಥೈ ಗಯುಸ ಕವಾನು ಸು? ಉಟಿನ ತಾರಾ ವಚ್ಚಾ಼ನಾಲಿನ ಚಾ಼ಲ ಕವಾನು ವ್ಹೈ ಸು?
MAR 2:10 ವರಿಬಿ ಪಾಪ ಮಾಫಕರಾನೆ ಮನಕ್ಹನಾ ದಿಕ್ರಾನೆ ಭ್ಹುಲೊಕಮಾ (ದುನಿಯಾಮಾ) ಅದಿಕಾರ ಛೆ ಕವಾನು ತಿಳದಿಲಿವೊ ಕದ್ಯೊ. ಲಕ್ವೊ ಮಾರಲವಾಲಾನೆ ದೆಕಿನ.
MAR 2:11 ಉಟಿನ ತಾರು ವಚ್ಚಾ಼ನು ಉಚೈನ ಘರೆ ಜಾ಼ ಕೈನ ತುನೆ ಕೌಸ ಕದ್ಯೊ.
MAR 2:12 ತೆ ಉಟಲ ಬರೊಬ್ಬರ ತೆ ವಚ್ಚಾ಼ನುಲಿನ ಕ್ಹಾರಾವೊನಾ ಕ್ಹಾಮಾತೊ ಗೈ ಪಡ್ಯೊ. ತಿನಾಹುತಿ ಕ್ಹಾರಾಜ಼ನಾ ಘಾಬ್ರಾಥೈನ - ಹಜು಼ನಲಕ್ಕಾ ಹಮೆ ಹೌ ಕೆಳಾಮಾಜ಼ ದೆಕ್ಯಾನತ್ತಿ ಕತಾ ಕ್ಹುದಾನೆ ನೆಣಸ್ತಾ ಗಯಾ.
MAR 2:13 ಯೆಸು ತ್ಯಾಂತೊ ಫರಿನ ಸಮುಂದರಕನ ಗಯೊ ಮನಕ್ಹೊನು ಗುಂಪ ತಿಕನ ಆತಾಮಾ ಯೆಸು ತ್ಯುನೊನೆ ಕ್ಹುದಾನಿಯೊ ವಾತೊ ಶಿಕ್ಲಾಯೊ.
MAR 2:14 ತೆ ತ್ಯಾಂತೊ ಜಾ಼ತಾಮಾ ಭು ಭಾಡಾನಾ ಹುತಿ. ಬೈಟಲ ಅಲ್ಫಾಯನನಾ ದಿಕ್ರೊ ಲೆವಿನೆ ದೆಕಿನ ಮಾರಾ ಪಾಚೊ಼ ಆ ಕೈನ ಬಲಾತಾಮಾ ತೆ ಉಟಿನ ತಿನಾಪಾಚೊ಼ ಗಯೊ.
MAR 2:15 ತೆ ಥಯಲ್ಪರ ಲೆವಿನಾ ಘರಮಾ ಕ್ಹಾವಾನಾ ಹುತಿ ಯೆಸು ಬೈಟ್ಯೊ ಮ್ಹೊಟು ಗುಂಪ ಯೆಸುನಾ ಪಾಚು಼ ಐಯು ತಿಮಾ ಭು ಭಾಡಾವಾಲಾ ಪಾಪಿಯೊಬಿ ಗಯಾ, ವರಿ ಘನ್ನಾ ಜ಼ನಾ ಯೆಸು ವರಿ ತಿನಾ ಶಿಷ್ಯಾವೊನಾ ಕ್ಹಾತೆ ಕುಡ್ಯಾ
MAR 2:16 ತೆವಾ ಘನ್ನಾ ಮನಕ್ಹೊ ವ್ಹತ್ತಾ. ಫರಿಸಾಯರೊ ಥಯಲ ಶಾಸ್ತ್ರಿಯೊಬಿ ಐನ. ಯೆಸು ಪಾಪಿಯೊನಾ ಕ್ಹಾತೆ ವರಿ ಭು ಭಾಡಾವಾಲಾವೊನಾ ಕ್ಹಾತೆ. ಖಾವಾನು ದೆಕಿನ ತಿನಾ ಶಿಷ್ಯಾವೊಕನ ಕದ್ಯಾ ಆ ಪಾಪಿಯೊನಾ ಕ್ಹಾತೆ ಅನ್ನ ಖಾವಾಡೊಸ್ತೊ ಕದ್ಯಾ.
MAR 2:17 ಯೆಸು ತೆ ಐಕಿನ ಜವಾಬ ದಿದ್ಯೊ ಚೊ಼ಕಾ ರ‍್ಹಯಲ ವಾಲಾವೊನೆ ಡಾಕ್ಟರನಿ ಜ಼ರುರತ ನತ್ತಿ; ರೊಗಿಯೊನೆ ಡಾಕ್ಟರನಿ ಜ಼ರುರತ ಛೆ. ಮಿ ಚೊ಼ಕಾವೊನಾ ಹುತಿ ನತ್ತಿ ಆಯೊ ಪಾಪಿಯೊನಾ ಹುತಿ ಆಯೊಸ.
MAR 2:18 ಯಕ್ಕ ಸಲಾ ಯೊಹಾನನಾ ಶಿಷ್ಯಾ ವರಿ ಫರಿಸಾಯರವಾಲಾ ಉಪಾಸ ವ್ಹತ್ತಾ. ತ್ಯುನೆ ಯೆಸುಕನ ಐನ, ಯೊಹಾನನಾ ಶಿಷ್ಯಾ ವರಿ ಫರಿಸಾಯರೊ ಉಪಾಸ ಕರಾಡಾಸ್ತೊ? ತಾರಾ ಶಿಷ್ಯಾ ಉಪಾಸ ಕಾ ಕರತಾ ನೈ?
MAR 2:19 ಕೈನ ಪುಚ್ತಾಮಾ ಯೆಸು ತ್ಯುನೊನೆ ಹಿವಾಮಾ ಆಯಲ ಮನಕ್ಹೊ. ತಿವ್ನಾ ಕ್ಹಾತೆ. ನೌರೊ ರ‍್ಹತಾಸ್ತಾ ಉಪಾಸ ಕರು ಸು ನೈ ಕರತಾ ನೈ!ಹಿವಾಮಾ ನೌರೊ ತಿವ್ನಾ ಕ್ಹಾತೆ ರ‍್ಹಯೆ ಲಕ್ಕಾ ಉಪಾಸ ಕರು ನೈ
MAR 2:20 ವರಿ ನೌರೊ ತಿವ್ನೊಕಂತೊ ಜಾ಼ವಾನೊ ಟೈಮ ಆವಸ ತೆ ಟೈಮಮಾ ತ್ಯುನೆ ಉಪಾಸ ಕರಸ.
MAR 2:21 ಕುನ್ನಜ಼ ನವಾ ವಣ್ಣಾವೊನೊ ತುಕಡೊ ಜು಼ನ್ನಾ ವಣ್ಣಾನೆ ಲಗಾಡ್ತೊ ನೈ ಲಗಾಡ್ಯಾಮ ತೆ ನೌ ಪ್ಹಡಕು ಜು಼ನ್ನಾ ಪ್ಹಡಕಾನೆ ಕುಜೈ಼ಪಾಡಸ ಫಾಟಾನು ಹೆಚ್ಕಿ ಥಾವಸ.
MAR 2:22 ಎನೈಸೊ ಕುನ್ನಬಿ ಜು಼ನ್ನಾ ಚಾ಼ಮ್ಡಾನಿ ಕೈಚಿಲಾಮಾ ನೌ ದ್ರಾಕ್ಷಾ ರಕ್ಹ ಕುನ್ನಜ಼ ಘಾಲಿನ ನೈ ಮ್ಹೆಲ್ತು. ಕಾಕದ್ಯಾಮ ಮುಕ್ಯಾಮ ತೆ ದ್ರಾಕ್ಷಾ ರಕ್ಹ ತೆ ಕೈಚಿಲಾವೊನೆ ಫಾಡಿನ ಹೆಟು ಪಡಿನ ಕೆಟ್ಟಿ ಜಾ಼ವಸ. ವರಿ ನೌ ದ್ರಾಕ್ಷಾ ರಕ್ಹ ನಯ್ಯೊ ಕೈಚಿಲಾವೊಮಾಜ಼ ಘಾಲಿನ ಮುಕ್ಕು ಕದ್ಯೊ.
MAR 2:23 ಯೆಸು ಸಬ್ಬತ ದಿನ್ನಮಾ ಖೆತ್ರೊಮಾತೊ ಜಾ಼ತಾ ಟೈಮ್ಮಾ ಯೆಸುನಾ ಶಿಷ್ಯಾ ಜಾ಼ತಾ-ಜಾ಼ತಾ ಮಕ್ಕಾ (ಬುಟ್ಟಾ) ಭಾಗಿಲೆತಾ ವ್ಹತ್ತಾ
MAR 2:24 ಫರಿಸಾಯರೊ ತಿನೆ ದೆಕಿನ ಇವ್ನೆ ಸಬ್ಬತ ದಿನಮಾ ನೈಸೊ ಕರಾನು ಕಾಮ ಕಾ ಕರಾಡಾಸ ಕೈನ ಪುಚ್ಯಾ
MAR 2:25 ಯೆಸು ತ್ಯುನೊನೆ ದಾವಿದ ವರಿ ತಿನಾ ಕ್ಹಾತೆ ರ‍್ಹಯಲವಾಲಾವೊನೆ ತಿವನೊನೆ ಸುಜ಼ ನೈಸೊ ಭುಕ್ಕಾ ಥಯಲ ಟೈಮಾ ಸುಕರ‍್ಯೊ ಕೈನ ತುಮೆ ಒದ್ಯಾನತ್ತಿ ಸು?
MAR 2:26 ತೆ ಖಾಸ ಯಾಜಕ ಥಯಲ ಅಬಿಯ್ಯಾತರನ ಕಾಲಮಾ ದಾವಿದ ಕ್ಹುದಾನಾ ಘರಮಾ ಗೈನ, ಪದ್ದತ ಲಿಂಗತ ಯಾಜಕನೆ ಛೊಡಿನ ಬಿಜು಼ ಕುನ್ನಜ಼ ಖೌ ನೈ ಕೈನ ಮೊಶೆನು ಧರಮ ಶಾಸ್ತ್ರ ಕವಸ್ತೊ. ಕ್ಹುದಾನೆ ಚ಼ಡಾಯಲ ರೊಕ್ಲೊ ತೆ ಖೈನ ತಿನಾ ಕ್ಹಾತೆ ರ‍್ಹಯಲವಾಲಾವೊನೆ ದಿದ್ಯೊತೊ ಕದ್ಯೊ
MAR 2:27 ವರಿ ಯೆಸು ಕದಲ ಸಬ್ಬತ ದಿನ್ನ ಮನಕ್ಹೊನಾಹುತಿ ಆಯೊಸ ತೆನೈತೊ ಮನಕ್ಹೊ ಸಬ್ಬತ ಹುತಿ ನತ್ತಿ ಆಯಾ
MAR 2:28 ಇಮ್ಮ ರ‍್ಹತಾಮಾ ಮನಕ್ಹನೊ ದಿಕ್ರೊ ಸಬ್ಬತ ದಿನ್ಪರ‍ ಮಾಲಕ ಥಯೊಸ ಕೈನ ಕದ್ಯೊ.
MAR 3:1 ಬಿಜೆಕ ಟೈಮಮಾ ಯೆಸು ಸಭಾಮಂದಿರಮಾ ಜಾ಼ತಾಮಾ ತ್ಯಾ ಹತ್ತ ಕುಕ್ಹೈ ಗಯಲ ಯಕ್ಲೊ ವ್ಹತ್ತೊ.
MAR 3:2 ತ್ಯುನೆ ದಕ್ಹಾ ಜ಼ನಾ ಯೆಸುಪರ ತಪ್ಪ ಕಿಮ ಘಾಲಿಯೆ ಕೈನ ವಿಚಾರ ಕರಲೆತಾ ಸಬ್ಬತ ದಿನ್ನಮಾ ತಿನೆ ಅರಾಮ ಕರಸು ಕೈನ ತಿನೆ ದೆಕತಾ ವ್ಹಂಚಘಾಲ್ತಾ (ಸೊಚ಼ತಾ) ದೆಕಾಡಾತಾ.
MAR 3:3 ಯೆಸು ಹತ್ತ ಕುಕ್ಹೈ ಗಯಲವಾಲಾನೆ ಉಟಿನ ವಚ಼ಮಾ ಆ ಕೈನ ಕದ್ಯೊ.
MAR 3:4 ಸಬ್ಬತ ದಿನ್ನಮಾ ಸು ಕರಾನು ನ್ಯಾಯ ವ್ಹೈ? ಕೆಟ್ಟ ಸು ಚೊ಼ಕು ಕರಾನು. ಜ಼ಲಮ ವಚಾ಼ಡಾನು ಚೊ಼ಕು ವ್ಹೈಸು? ಜ಼ಲಮ ಕಾಡಾನು ಚೊ಼ಕು ವ್ಹೈ? ಕೈನ ಕತಾಮಾ ತ್ಯುನೆ ಗಪ್ಪಜ಼ ವ್ಹತ್ತಾ.
MAR 3:5 ತೆಳಾಮಾ ತ್ಯುನಾ ಮನಸೊ ದಗಡಾ ಥಯಲ ದೆಕಿನ ಯೆಸು ದುಖಿ ಥಯೊ ವರಿ ತೆ ಶಿಟ್ಟಥೈನ ಸುತ್ತೆ ತ್ಯುನೊನೆ ದೆಕಿನ ಹತ್ತ ಕುಕ್ಹಾಯಲ ಮನಕ್ಹನೆ ತಾರೊ ಹತ್ತ ಅಗೊ ಕರ ಕೈನ ಕದ್ಯೊ. ತೆ ಹತ್ತ ಅಗೊ ಕರ‍್ಯೊ ಹತ್ತ ಅರಾಮ ಥಯು.
MAR 3:6 ಫರಿಸಾಯರೊ ಭಾರಾಗಯಲ ಬರೊಬ್ಬರ ಹೆರೊದ್ಯನನಾ ಗುಂಪನಾ ಕ್ಹಾತೆ ಮಳಿನ ಯೆಸುನೆ ಕೈ ಉಪಾಯಕ್ಹು ಖಲಾಸ ಕರಿಯೆ ಕೈನ ತಿನಾ ವಿರುದ್ದ ವಿಚಾರ ಕರ‍್ಯಾ.
MAR 3:7 ತೆ ಥಯಲ್ಪರ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ತೆ ಜ಼ಗಾ ಛೊಡಿನ ಸಮುಂದರನಾ ನಜಿ಼ಕ ಗಯಾ. ಗಲಿಲಾಯ ಗಾಮತಾ ಘನ್ನಾ ಮನಕ್ಹೊ ತಿನಾ ಪಾಚಾ಼ ಗಯಾ.
MAR 3:8 ಎನೈಸೊ ಯೆಸು ಹವಾ-ಹವಾ ಕಾಮೊ ಕರಸ ಕೈನ ಐಕಿನ ಗಲಿಲಾಯ ಪ್ರಾಂತ್ಯ ಯೊದಾಯಾ ಪ್ರಾಂತ್ಯಮಾತಾಬಿ ಯೆರುಸಲೆಮಾತಾಬಿ ಇದೊಮಾಯಾ ಪ್ರಾಂತ್ಯಮಾತಾಬಿ ಯೊರ್ದನ ನದಿನಾ ಬಾಜು಼ಮಾತಾಬಿ ತೊರ ಸಿದೊನ ಗಾಮ್ತಾಬಿ ಗಾಮ್ನಾ ಸುತ್ತೆ ರ‍್ಹಯಲವಾಲಾ ಯೆಸುಕನ ಆಯಾ.
MAR 3:9 ಮನಕ್ಹೊ ಗುಂಪ ಥಯಲ ಹುತಿ ತಿಪರ ಪಡಿ ಜಾ಼ವಸ ಕೈನ ಯೆಸು ಯಕ್ಕ ನ್ಹಾನೊ ಹಡ್ಗೊ ತಯ್ಯಾರ ಕರಲಿವೊ ಕೈನ ತಿನಾ ಶಿಷ್ಯಾವೊನೆ ಕದ್ಯೊ.
MAR 3:10 ಕಾಕದ್ಯಾಮ ಯೆಸು ಘನ್ನಾ ರೊಗಿಯೊನೆ ಅರಾಮ ಕರಲಹುತಿ ರೊಗಮಾ ರ‍್ಹಯಲವಾಲಾನೆ ಘನ್ನಾ ಮನಕ್ಹೊನೆ ತಿನೆ ಮುಟ್ಟಾನಾ ಹುತಿ ತಿನೆ ಢಕ್ಲಾಡಾತಾ.
MAR 3:11 ವರಿ ಕೆಟ್ಟ ಆತ್ಮಾ ಧರಲ ಮನಕ್ಹೊ ಯೆಸುನೆ ದೆಕಲ ಬರೊಬ್ಬರ ತಿನಾ ಪಗೊಮಾ ಪಡಿಜಾ಼ತಾತಾ ತು ಕ್ಹುದಾನೊ ದಿಕ್ರೊ ವ್ಹೈ ಕೈನ ವದರತಾತಾ.
MAR 3:12 ವರಿ ತಿಮ್ಮ ರ‍್ಹಯುತಬಿ ಕೆಟ್ಟ ಆತ್ಮಾವೊನೆ ಮಿ ಹವೊಜ಼ ವ್ಹೈ ಕೈನ ಕಿನೆಜ಼಼ ಕೌ ನೈ ಕೈನ ತಾಕಿತ ಕರಿನ ಕವಾಡೊತೊ.
MAR 3:13 ತೆ ಥಯಲ್ಪರ ಯೆಸು ಡೊಂಗರಪರ ಚ಼ಡಿನ ತಿನೆ ಚಾ಼ಯೆಥಯಲವಾಲಾವೊನೆ ತಿಕನ ಬಲಾಯೊ. ತ್ಯುನೆ ತಿಕನ ಆಯಾ.
MAR 3:14 ಯೆಸು ತಿನೆ ಚಾ಼ಯೆ ಥಯಲ ಬಾರಾ ಜ಼ನಾವೊನೆ ಇನಿಲಿನ ತ್ಯುನೊನೆ ಅಪೊಸ್ತಲೊ ಕೈನ ನಾಮ ಮ್ಹೆಲ್ಯೊ ತ್ಯುನೊನೆ ಸು ಕದ್ಯೊ ಕದ್ಯಾಮ ಮಿ ತುಮೊನೆ ಇನಿಲಿದಲ ವ್ಹೈ ತುಮೆ ಮಾರಾ ಕ್ಹಾತೆ ರ‍್ಹೌ ಕೈನ, ವರಿ ತುಮೆ ಗೈನ ಕ್ಹುದಾನಿಯೊ ವಾತೊ ಕವಾಹುತಿ ಮೊಕ್ಲುಸ,
MAR 3:15 ಇನಾಲಿಂಗತ ತ್ಯುನೊನೆ ಕೆಟ್ಟ ಆತ್ಮಾ ಛೊಡಾವಾನಿ ಅದಿಕಾರ ಮಳಸ.
MAR 3:16 ಯೆಸು ಇನಿಲಿದಲ ಬಾರಾ ಜ಼ನಾ ಅಪೊಸ್ತಲೊನಾ ನಾಮೊ ಅಮ್ಮ ಛೆ. ಸಿಮೊನ (ಪೆತ್ರಾ)
MAR 3:17 ಸಿಮೊನ ಕವಾಲಾನೆ ಪೆತ್ರಾ ಕೈನ ನಾಮ ಮ್ಹೆಲ್ಯೊ.
MAR 3:18 ಜ಼ೆಬೆದಾಯನೊ ದಿಕ್ರೊ ಥಯಲ ಯಾಕೊಬನೆ ವರಿ ಯಾಕೊಬನೊ ನ್ಹಾನೊ ಬೈ ಯೊಹಾನ. ಯೆಸು ತ್ಯುನೊನೆ ಬೊವನೆರಗಸ ನಾಮ ಮ್ಹೆಲ್ಯೊ ಕದ್ಯಾಮ ಬಿಜ್ಲಿನಾ ಬಚ್ಚಾ. ಕೈನ ನಾಮ ಮ್ಹೆಲ್ಯೊ ಉಗ್ರಲ ಕುನ್ನ ವ್ಹೈ ಕದ್ಯಾಮ ಅಂದ್ರೆಯಾ ಫಿಲಿಪ್ಪ ಬಾರ್ತೊಲೊಮಾಯಾ ಮತ್ತಾಯ ತೊಮ ಅಲ್ಫಾಯನೊ ದಿಕ್ರೊ ಥಯಲ ಯಾಕೊಬ ತದ್ದಾಯಾ ದೆಶನೊ ಅಭಿಮಾನಿ ಕೈನ ನಾಮ ಪಡಲ ಸಿಮೊನ.
MAR 3:19 ವರಿ ಯೆಸುನೆ ಧರಿನ ದಿದಲ ಇಸ್ಕರಿಯುತ ಯುದ ಇವ್ನೆ ವ್ಹೈ.
MAR 3:20 ಯೆಸು ಘರಮಾ ಜಾ಼ತಾಮಾ ಮನಕ್ಹೊನು ಮ್ಹೊಟು ಗುಂಪ‍ ಥೈನ ಆತಾಮಾ ಯೆಸುನೆ ವರಿ ತಿನಾ ಶಿಷ್ಯಾವೊನೆಬಿ ಖಾವಾನೆ ಟೈಮ ಮಳ್ಯೊ ನೈ.
MAR 3:21 ಎ ಐಕಿನ ತಿನಾ ಕಳ ಬಳ ಯೆಸುನೆ ಘರೆ ಲಾವಾನಾ ಹುತಿ ಧರಾನೆ ಗಯಾ. ಕಾಕದ್ಯಾಮ ಮನಕ್ಹೊ ತಿನೆ ಪಿಸಾಳೊ ಥೈಗಯೊಸ ಕವಾಡಾತಾ.
MAR 3:22 ಎನೈಸೊ ಯೆರುಸಲೆಮತಾ ಆಯಲ ಶಾಸ್ತ್ರಿಯೊ ತಿನೆ, ಬೆಲ್ಜೆಬೊಲ ತಿಮಾ ಛೆ, ತೆ ಕೆಟ್ಟ ಆತ್ಮಾವೊನೊ ಮಾಲಕ ತಿನಿ ತಾಕತಕ್ಹು ಕೆಟ್ಟ ಆತ್ಮಾವೊನೆ ಛೊಡಾವಸ” ಕದ್ಯಾ.
MAR 3:23 ಯೆಸು ತ್ಯುನೊನೆ ನಜಿ಼ಕ ಬಲೈನ, ತ್ಯುನೊನೆ ಸಾಮ್ಯ ರುಪಮಾ ಸು ಕದ್ಯೊ ಕದ್ಯಾಮ, ಸೈತಾನ ಕೆಟ್ಟ ಆತ್ಮಾನೆ ಕಿಮ ನ್ಹಟಾಡಸ?”
MAR 3:24 ಯಕ್ಕ ರಾಜ್ಯಮಾ ತಿಮಾ ಭೆದಹುಟ್ಯುಮ, ತೆ ರಾಜ್ಯ ಉಗರತು ನೈ. ತೆ ರಾಜ್ಯ ಬೆ ಭಾಗ ಥೈ ಜಾ಼ವಾಸ.
MAR 3:25 ಯಕ್ಕ ಘರಮಾ ಭೆದಹುಟ್ಯುಮ, ತೆ ಘರ ಬೆ ಭಾಗ ಥಾವಸ. ಕಯಾ ಘರಮಾ ಮನಕ್ಹೊ ಲಡೈ ಕರಸ ತೆ ಘರ ಹುಬ್ರೆತು ನೈ.
MAR 3:26 ತಿನಾಲಿಂಗತಜ಼ ಸೈತಾನನಾ ರಾಜ್ಯಮಾ ಭೆದಹುಟ್ಯುಮ, ಗುಂಪ ಥೈ ಜಾ಼ವಸ. ಎ ಘನ್ನಾ ದಿನ್ನ ಉಗರತು ನೈ ವರಿ ತ್ಯುನೆ ನಾಶ (ಹಾಳ) ಥೈ ಜಾ಼ವಸ.
MAR 3:27 ಎನೈಸೊ ಯಕ್ಲೊ ತಾಕತ ವಾಲಾನಾ ಘರಮಾ ವ್ಹಕ್ಕಿನ ಪೈಲಾ ತಿನೆ ಭಾಂದ್ಯಾವಾಚಿ ತಿನಿ ಯಕ್ಕ ಆಸ್ತಿ ಚೊ಼ರಿ ಕರಾನೆ ಥಾತು ನೈ. ಪೈಲಾ ತಿನೆ ಭಾಂದಿಲಿದಲಪರ ತಿನೊ ಘರ ಲುಟಿ ಕರಾನೆ ಥಾವಸ.
MAR 3:28 ತೆ ತ್ಯುನೊನೆ ಮಿ ತುಮೊನೆ ಕ್ಹರಿಜ಼ ಸು ಕೌಸ ಕದ್ಯಾಮ, ಮನಕ್ಹೊ ಕರಾನಾ ಪುರಾ ಪಾಪೊನೆ ವರಿ ಕ್ಹಾರಾ ಪಾಪೊಕ್ಹುಬಿ ಮಾಫಿ ಮಳಸ.
MAR 3:29 ತೆನೈಸೊ ಪವಿತ್ರ ಆತ್ಮಾನೆ ದೊಶದಿವಾಲಾನೆ ಕೆಳಾಮಾಜ಼ ಮಾಫಿ ನೈ ಮಳ್ತಿ. ತೆ ಹಮೆಶಾಬಿ ಪಾಪನೊ ಅಪರಾದಿ ಥಾವಸ ಕೈನ ಯೆಸು ಕದ್ಯೊ.
MAR 3:30 ಕಾಕದ್ಯಾಮ ಮನಕ್ಹೊ ಇನೆ ಕೆಟ್ಟ ಆತ್ಮಾ ಧರ‍್ಯುಸ ಕದ್ಯಾತಾ.
MAR 3:31 ಮನಕ್ಹೊ ತಿನಾ ಸುತ್ತೆ ಬೈಟತಾಮಾ ತಿನಿ ಯಾಬಿ ಭಾಯೊಬಿ ಐನ ಭಾರಾ ಹುಬ್ರೈನ ಯಕ್ಲಾನೆ ಬಲಾವಾನೆ ಮೊಕ್ಕಲ್ಯಾ.
MAR 3:32 ತೆ ಮನಕ್ಹ ತಿನೆ ತಾರಿ ಯಾ ತಾರಾ ಭಾಯೊ ವರಿ ಭೆನೊ ತುನೆ ಹುಡಕ್ತಾ ಐನ ಭಾರಾ ಹುಬ್ರಾಯಾಸ ದೆಕ ಕೈನ ಕದ್ಯೊ.
MAR 3:33 ತಿನಾಹುತಿ ಯೆಸು, ಮಾರಿ ಯಾ ಮಾರಾ ಭಾಯೊ ಕುನ್ನ ವ್ಹೈ? ಕೈನ ಪುಚ್ಯೊ.
MAR 3:34 ಪಾಚಲ್ತೊ ಯೆಸು, ತಿನಾ ಸುತ್ತೆ ಬೈಟಲವಾಲಾವೊನೆ ದೆಕಿನ ಅವ್ನೆಜ಼ ಮಾರಿ ಯಾ ವರಿ ಮಾರಾ ಭಾಯೊ ವ್ಹೈ.
MAR 3:35 ಕ್ಹುದಾನಿ ಚಿ಼ತ್ತಲಿಂಗತ ಚಾ಼ಲಾಲಾ ಮಾರಿ ಯಾ ವರಿ ಮಾರಾ ಭಾಯೊ ಭೆನೊ ವ್ಹೈ ಕೈನ ಕದ್ಯೊ.
MAR 4:1 ಯೆಸು ಫರಿನ ಸಮುಂದರನಿ ದಂಡಿಕನ ಉಪದೆಶ ಕರತೊ ವ್ಹತ್ತೊ ಘನ್ನಾ ಜ಼ನಾ ತಿಕನ ಮಳಿನ ಆಯಲ ಹುತಿ ತೆ ಸಮುಂದರಮಾ ರ‍್ಹಯಲ ಹಡಗಾಮಾ ಚ಼ಡಿನ ಬೈಟ್ಯೊ.
MAR 4:2 ತೆ ಕ್ಹಾರಾ ಮನಕ್ಹೊ ಸಮುಂದರನಿ ಬಾಜು಼ನಿ ಜ಼ಗಾಪರ ಹುಬ್ರಯಾತಾ ತೆಳಾಮಾ ತೆ ತ್ಯುನೊನೆ ತ್ಯುನಾ ಕ್ಹಾಮೊಜ಼ ತಿವ್ನಾ ಹುತಿ ಸಾಮ್ಯಲಿನ ಉಪದೆಶ ಕರ‍್ಯೊ. ತೆ ಉಪದೆಶ ಸು ಕದ್ಯೊ ಕದ್ಯಾಮ.
MAR 4:3 ಧ್ಯಾನ ದಿನ್ನ ಐಕೊ, ಬಿತ್ತಾಲೊ ಬಿತ್ತಾನೆ ತಿನಾ ಖೆತರಮಾ ಗಯೊ.
MAR 4:4 ತಿಮ್ಮ ತೆ ಬಿಯ್ಯಾ ಬಿತತಾಮಾ ದಕ್ಹಾ ಬಿಯ್ಯಾ ವಾಟಪರ ಪಡ್ಯಾ. ಪಕ್ಷಿಯೊ ಐನ ತೆ ಬಿಯ್ಯಾ ಖೈಪಾಡಿಯೊ.
MAR 4:5 ಬಿಜಾ಼ ದಕ್ಹಾ ಬಿಯ್ಯಾ ಮಾತಿ ಕಮ ರ‍್ಹಯಲ ದಗ್ಡಾವೊಪರ ಪಡ್ಯಾ. ವರಿ ಮಾತಿ ಕಮ ರ‍್ಹಯಲಕ್ಹು ತೆ ಭೆಗಿನ ಬೆಳದ್ಯಾ.
MAR 4:6 ವರಿ ತಡಕೊ ತಿವ್ನೊಪರ ಪಡ್ತಾಮಾ ಬೆಳದಾತಿ ಅಗ್ದುರಜ಼ ಕುಕ್ಹೈ ಗಯಾ. ಕಾಕದ್ಯಾಮ ತ್ಯುನಿಯೊ ಬೆರ ಘಟ್ಟ ನ್ಹೊತಿಯೊ.
MAR 4:7 ತೆ ಬಿಯ್ಯಾ ದಕ್ಹಾ ಬೆಳದ್ಯಾ ಕಾಟಾವೊನಿಯೊ ಕಂಠಿಯೊ ತ್ಯುನೊನೆ ಝಾಕಿಪಾಡ್ಯಾ ತೆ ಬಿಯ್ಯಾ ಫಲ ದಿದ್ಯಾನೈ.
MAR 4:8 ಹಜು಼ನ ದಕ್ಹಾ ಬಿಯ್ಯಾ ಚೊ಼ಕಿ ಜಿಮಿನ್ಪರ ಪಡ್ಯಾ ತೆ ಬೆಳದಿನ ಮುವತ್ತ ಯಕ್ಲಾ ಯಕ್ಕ ಕ್ಹಾಟ ಯಕ್ಲಾ ಕ್ಹೊ ಯಕಲಾ ಫಲದಿದ್ಯಾ.
MAR 4:9 ವರಿ ಯೆಸು ಇಮ್ಮ ಕದ್ಯೊ ಕಾನೊ ರ‍್ಹಯವಾಲಾ ಧ್ಯಾನ ದಿನ್ನ ಐಕಾದೆ ಕದ್ಯೊ.
MAR 4:10 ತೆಳಾಮಾ ಯೆಸು ಯಕ್ಲೊ ರ‍್ಹತಾಮಾ ತಿಕನ ರ‍್ಹಯಲ ಬಾರಾ ಶಿಷ್ಯಾವೊನಾ ಕ್ಹಾತೆ ಬಿಜಾ಼ದಕ್ಹಾ ಜ಼ನಾ ತೆ ಸಾಮ್ಯನಾ ಹುತಿ ಹಮೊನೆ ತಿಳಸಿನ ದೆ ಕೈನ ಮಾಂಗಿಲಿದ್ಯಾ.
MAR 4:11 ಯೆಸು ತ್ಯುನೊನೆ ಕ್ಹುದಾನಿ ರಾಜ್ಯನು ಗುಟ್ಟ ತುಮ್ನೊನೆ ದಿದ್ಯೊಸ ; ಭಾರಲ್ಯಾವೊನೆ ಸಾಮ್ಯ ಲಿಂಗತ ಕವಸ.
MAR 4:12 ತಿನಾಹುತಿ ತ್ಯುನಾ ಡೊಳಾ ರ‍್ಹೈತಬಿ ದೆಕತಾ ನೈ. ಕಾನೊ ರ‍್ಹೈತಬಿ ಐಕ್ಯಾತಬಿ ತ್ಯುನೆ ತಿಳದಿಲೆತಾನೈ ತಿಮ್ಮ ದೆಕಿನ ಐಕಿನ ತಿಳದಿಲಿದ್ಯಾಮ. ತ್ಯುನೆ ಕ್ಹುದಾಕನ ಫರಿನ ಕರಲ ಪಾಪನೆ ಕೈಲಿನ ಮಾಫಿ ವ್ಹಂದಸ.
MAR 4:13 ತೆಳಾಮಾ ಯೆಸು ತ್ಯುನೊನೆ ಪುಚ್ಯೊ ತೆಜ಼ ವಾತ ತುಮೊನೆ ನೈ ಗೊತ್ತ ಥೈಯುಮ? ಬಿಜಿ಼ ಕೈ ವಾತ ತುಮೊನೆ ಕಿಮ ಗೊತ್ತ ಥಾವಸ?
MAR 4:14 ತೆ ಬಿತ್ತಾಲೊ ಕ್ಹುದಾನಿಯೊ ವಾತೊ ಕವಾನಾ ಬಿಯ್ಯಾ ಬಿತ್ತಸ.
MAR 4:15 ದಕ್ಹಾ ಜ಼ನಾ ವಾಟಪರ ಪಡಲ ಬಿಯ್ಯಾ ಲಿಂಗತ ರ‍್ಹವಸ ಕ್ಹುದಾನಿ ವಾತೊ ಐಕಲ ಬರೊಬ್ಬರ ಸೈತಾನ ಐನ ತ್ಯುನಾಮಾ ರ‍್ಹಯಲ ಕ್ಹುದಾನಿ ವಾತೊ ಕಾಳ್ಳಿನ ಗೈ ಪಡಸ.
MAR 4:16 ದಕ್ಹಾ ಜ಼ನಾ ದಗ್ಡಾಪರ ಪಡಲ ಬಿಯ್ಯಾ ಲಿಂಗತ ರ‍್ಹವಸ. ತಿಮ್ಮ ತೆ ಮನಕ್ಹೊ ಕ್ಹುದಾನಿಯೊ ವಾತೊ ಐಕಲ ಬರೊಬ್ಬರ ಖುಶಿಕ್ಹು ರ‍್ಹವಸ.
MAR 4:17 ತಿವ್ನೊಮಾ ಬೆರ ಘಟ್ಟನೈ ರ‍್ಹಯಲಕ್ಹು ಇವ್ನೆ ದಕ್ಹಾ ಟೈಮಾ ರ‍್ಹೈನ ಪಾಚಾ಼ತಾ ಕ್ಹುದಾನಿಯೊ ವಾತೊನಾ ಹುತಿ ತ್ರಾಸ ಉರಸಾವಾನು ಐಯುಮ ಛೊಡಿಪಾಡಸ.
MAR 4:18 ಹಜು಼ನ ದಕ್ಹಾ ಜ಼ನಾ ಕಾಟಾನಿಯೊ ಕಂಟ್ಟಿಯೊಮಾ ಪಡಲ ಬಿಯ್ಯಾ ಲಿಂಗತ ರ‍್ಹವಸ ಎ ಮನಕ್ಹೊ ಹವಾವೈ ಕ್ಹುದಾನಿಯೊ ವಾತೊ ಐಕಸ
MAR 4:19 ವರಿ ತ್ಯುನೆ ಜಿವ್ನಾನಾ ಹುತಿ ಚಿಂತಾ ಕರಸ, ದೊಕಡಾವೊಪರ ಆಸ, ವರಿ ಆಸ್ತಿನಿ ಆಸಮಾ ತೆ ಕ್ಹುದಾನಿಯೊ ವಾತೊನೆ ದಾಬಿಪಾಡಸ ತೆ ಫಲ ದೆತಾ ನೈ.
MAR 4:20 ವರಿ ದಕ್ಹಾ ಜ಼ನಾ ಕ್ಹುದಾನಿಯೊ ವಾತೊ ಐಕಿನ ಕೈದಿಲಿನ ಮುವತ್ತ ಯಕಲಾ ಕ್ಹಾಟ ಯಕಲಾ ಕ್ಹೊ ಯಕಲಾ ಫಲದಿವಾಲಾ ಥಾವಸ. ಇವ್ನೆಜ಼ ಚೊ಼ಕಿ ಜಿಮಿನ್ಪರ ಪಡಲ ಬಿಯ್ಯಾ ಲಿಂಗತ ರ‍್ಹವಸ.
MAR 4:21 ಯೆಸು ತ್ಯುನೊನೆ ಕದ್ಯೊ ದಿವ್ವೊ ಲೈನ ಹಂಡ್ಲಾನಾ ನೈತೊ ಪಲಂಗನಾ ಹೆಟಾ ಮುಕ್ಕೊಶಿ ಸು? ನೈ ಮ್ಹೆಲ್ತಾ, ಉಜಾಲು ಪಡಾನಾ ಹುತಿ ಉಪ್ಪರ ಜ಼ಗಾಜ಼ ಮ್ಹೆಲಸ್ತೊ.
MAR 4:22 ಸು ದಡಲ ರ‍್ಹವಸ ತಿನೆ ಕ್ಹಾರಾವೊನಾ ಕ್ಹಾಮೊ ಲಾವಸ ವರಿ ಸು ಝಾಕ್ಯಾಸ ತೆ ಖುಲ್ಲಾ ಥಾವಸ.
MAR 4:23 ಐಕಾನೆ ಕಾನೊ ರ‍್ಹಯಲವಾಲಾ ಐಕಾದೆ. ಎಬಿ ತ್ಯುನೊನೆ ಕದ್ಯೊ ಧ್ಯಾನ ದಿವೊ.
MAR 4:24 ತುಮೆ ಕಯಾ ಪದ್ದತಿಕ್ಹು ಬಿಜಾ಼ವೊನೊ ಫೈಸಲೊ ಕರೊಶಿ ತೆಜ಼ ಪದ್ದತ ಕ್ಹು ಕ್ಹುದಾ ತುಮಾರೊ ಫೈಸಲೊ ಕರಸ ವರಿಬಿ ತಿತ್ತಿಬಿ ಘನ್ನು ಥಾವಸ.
MAR 4:25 ಕುನ್ನ ಮಾರಾ ಉಪದೆಶನೆ ಕಾನ ದಿನ್ನ ಐಕಸ ತ್ಯುನೊನೆ ಬೆ ಯಕ್ಲು ಹೆಚ್ಕಿ ಗೊತ್ತ ಥಾವಸ ಕುನ್ನ ಕಾನ ದಿನ್ನ ನೈ ಐಕ್ತು ತ್ಯುನೊಕಂತು ರಹೆಲ ಬಿ ಕಾಳ್ಳಿಪಾಡಸ.
MAR 4:26 ವರಿ ಯೆಸು "ಕದ್ಯೊ ಕ್ಹುದಾನೊ ರಾಜ್ಯ ಇನಾಲಿಂಗತ ಛೆ ಯಕ್ಕ ಮನಕ್ಹ ಬಿಯ್ಯಾ ಜಿಮಿನಮಾ ಘಾಲಿನ.
MAR 4:27 ರಾತೆ ತೆ ಕ್ಹುರೈನ ಪಾಟೆ ಉಟ್ತಾಮಾ ತೆ ಬಿಯ್ಯೊ. ಮಡಿಕಿ ಫುಟಿನ ಬೆಳದಸ ವರಿಬಿ ತೆ ಬೆಳದಾನು ತಿನೆ ಗ್ವತ್ತ ನೈ ಥಾತು.
MAR 4:28 ಮಾತಿ ಝಾಡನೆ ಬೆಳದಾನಾ ಹುತಿ ವರಿ ಫಲ ದಿವಾನೆ ಸಹಾರೊ ಕರಸ. ಪೈಲಾ ಬಿಯ್ಯು ತೆ ಫುಟಸ ಪಾಚಲ್ತೊ ತೆ ಬುಟ್ಟು ಥಾವಸ ವರಿ ತಿನು ಪುರಾ ಬುಡ ಕಾಳೊ ಥೈ ಜಾ಼ವಸ.
MAR 4:29 ಕೆಳಾಮಾ ಬಿಯ್ಯೊ ಪಾಕಸ ತೆಳಾಮ ಮನಕ್ಹೊ ದಾತಡೆ ಕಾಟಸ ಕಾಕದ್ಯಾಮ ಕಾಟಾನೊ ಟೈಮ ಐ ಜಾ಼ವಸ.
MAR 4:30 ಹಜು಼ನ ತೆ ಕದಲ ಕ್ಹುದಾನಿ ಯಕ್ಕ ರಾಜ್ಯ ಕಿನೆ ಹೊಲ್ಸಿಯೆ? ವರಿ ಯೆಸು ಪುಚ್ಯೊ ಎ ತಿಳಸಾನೆ ಕಯು ಸಾಮ್ಯ ಉಪಯೊಗಿಸಿಯೆ?
MAR 4:31 ತೆ ತಿಮ್ಮಶೆ ಯಕ್ಲೊ ಸಾಸವಿನೊ ಬಿಯ್ಯೊ ಲಿವಸ. ತೆ ದುನಿಯಾಮಾ ಕ್ಹಾರಾವೊತಿ ನ್ಹಾನೊ ರ‍್ಹಸ ತೆ ಜಿಮಿನ್ಪರ ನ್ಹಾನು ಝಾಡಥಾವಸ.
MAR 4:32 ತೆ ಬಿತ್ತಲಪರ ತೆ ಬೆಳದಿನ ಕ್ಹಾರಾ ಭಾಜಿ ಪಾಲೊನಾ ಝಾಡೊತಿಬಿ ತೆ ಮ್ಹೊಟಾ-ಮ್ಹೊಟಾ ಠೊಂಗಿಯೊ ಛೊಡಿನ ಹಬಾಳಮಾ ಉಡಾನಿಯೊ ಪಕ್ಷಿಯೊ ತಿನಿಯೊ ಠೊಂಗಿಯೊನಿ ಛವ್ಲಿಮಾ ಮಾಚೊ಼ ಕರಲಿವಸ.
MAR 4:33 ಯೆಸು ತ್ಯುನೊನೆ ಇಮ್ಮ ಘನಿಯೊ ತರಾನಿಯೊ ವಾತೊಮಾ ಮನಕ್ಹೊನೆ ತಿಳದಿಲಿವಾದೆ ಕೈನ ಕ್ಹುದಾನಿ ವಾತೊ ಕತೊತೊ. ಕಾನಿ ನೈಸೊ ಸುಜ಼ ತ್ಯುನೊನೆ ಕತೊ ನ್ಹೊತೊ ಕಾಕದ್ಯಾಮ ತ್ಯುನೆ ತಿಳದಿಲಿವಾದೆ ಕೈನ ಕತೊತೊ.
MAR 4:34 ಯೆಸು ಮನಕ್ಹೊನಾ ಕ್ಹಾತೆ ಬೊಲ್ತಾಮಾ ಸಾಮ್ಯಲಿನ ಕತೊತೊ. ತೆನೈತೊ ಯೆಸು ಯಕ್ಲೊ ರ‍್ಹತಾಮಾ ತಿನಾ ಶಿಷ್ಯಾವೊನೆ ಕ್ಹಾರು ಫೊಡಿನ ಕತೊತೊ.
MAR 4:35 ತೆ ದಿನ್ನನಾ ಕ್ಹಾಂಜ಼ ಥಾತಾಮಾ ಯೆಸು ತಿನಾ ಶಿಷ್ಯಾವೊನೆ ಸಮುಂದರನಿ ಬಿಜಿ ದಂಡಿಯೆ ಗಯ್ಯೆ ಕದ್ಯೊ.
MAR 4:36 ತ್ಯುನೆ ಮನಕ್ಹೊನು ಗುಂಪ ಛೊಡಿನ ಗಯಾ ಶಿಷ್ಯಾ ಹಡಗಾಮಾ ಗಯಾ ಕಾಕದ್ಯಾಮ ತೆಳಾಮಾಜ಼ ಯೆಸು ತಿಮಾ ಬೈಟ್ಯೊತೊ ವರಿ ತಿನೆ ತ್ಯುನೆ ಬಲೈ ಲಿಂಗಯಾ ಬಿಜಾ಼ ಹಡಗಾಬಿ ತ್ಯಾ ವ್ಹತ್ತಾ.
MAR 4:37 ತ್ಯುನೆ ಜಾ಼ತಾಮಾ ಯಕಾಕಿಜ಼ ತುಫಾನನೊ ಝೊರ ವಾರೊ ಆತಾಮಾ ಧಡಕಿಯೊ ಉಟಿಯೊ ಹಡಾಗಾನೆ ಲಾಗಿನ ತಿಮಾ ಪಾನಿ ಭರಾಡ್ಯುತು.
MAR 4:38 ಯೆಸು ಹಡಗಾಮಾ ಪಾಚೊ಼ ಮಟ್ಲು ಘಾಲ್ಲಿನ ಧಡ ನಿಂದರ ಕರ‍್ಯಾಡ್ಯೊತೊ. ತ್ಯುನೆ ಯೆಸುನೆ ಗುರು ಉಟ ಅಪೆ ಮರಿಗಯ್ಯೆಸ? ತುನೆ ಚಿಂತಾನತ್ತಿ ಸು ಕೈನ ಪುಚ್ಯಾ.
MAR 4:39 ಯೆಸು ಉಟಿನ ತುಫಾನನೆ ಬರಬಡ್ಯೊ ವರಿ ಧಡಕಿಯೊನೆ ಗಪರ‍್ಹೆ ಶಾಂತ ಥಾ ಕೈನ ಕತಾಮಾ ತೆ ತುಫಾನ ಹುಬ್ರೈಪಡ್ಯು ಕ್ಹಾರು ಶಾಂತಥಯು.
MAR 4:40 ತೆಳಾಮಾ ಯೆಸು ತಿನಾ ಶಿಷ್ಯಾವೊನೆ ತುಮೆ ಕಾ ಇಮ್ಮ ಭುಚ್ಕೊ಼ಸಿ? ತುಮೊನೆ ಹಜು಼ನಬಿ ಬರೊಕ್ಹೊ ನತ್ತಿ ಸು ಕದ್ಯೊ?
MAR 4:41 ಶಿಷ್ಯಾ ಘನ್ನಾ ಭುಚ಼ಕಿನ ಆ ಮನಕ್ಹ ಕುನ್ನ ವ್ಹೈ? ವಾರೊಬಿ ವರಿ ಸಮುಂದರನಿಯೊ ಧಡಕಿಯೊಬಿ ಇನಿ ವಾತ ಐಕಸ್ತೊ ಕೈನ ತ್ಯುನೆ ಯಕೆಕ್ಲಾಜ಼ ಬೊಲ್ಲಿದ್ಯಾ.
MAR 5:1 ಪಾಚಾ಼ತಾ ತ್ಯುನೆ ಸಮುಂದರನಿ ಬಿಜಿ ದಂಡಿಯೆ ರ‍್ಹಯಲ ಗೆರೆಸಿನೆರ ಪ್ರಾಂತ್ಯ ಮುಟ್ಯಾ.
MAR 5:2 ಯೆಸು ಹಡಗಾಮಾತೊ ಉತ್ರಿನ ಆಯಲ ಬರೊಬ್ಬರ ಕೆಟ್ಟ ಆತ್ಮಾ ಧರಲ ಯಕ್ಕ ದಾಣಗೊ ಮಜಾ಼ರೊನಿ ಗವಿಮಾತೊ ಯೆಸುನಾ ಕ್ಹಾಮೊ ಆಯೊ.
MAR 5:3 ತೆ ಮಜಾ಼ರೊನಿಯೊ ಗವಿಯೊಮಾ ರ‍್ಹತೊತೊ ತಿನೆ ಭಾಂದಿನ ಘಾಲಾನೆ ಕಿನೆಜ಼಼ ಥಾತುನ್ಹೊತು. ತಿನೆ ಬೆಡಿಯೊಕ್ಹು ಭಾಂದ್ಯಾತಬಿ ಉಪಯೊಗ ಥಾತುನ್ಹೊತು.
MAR 5:4 ಮನಕ್ಹೊ ಘನ್ನಿಸಲಾ ತಿನೆ ಹತೊ ಪಗೊ ಬೆಡಿಯೊಕ್ಹು (ಚೈನೊಕ್ಹು) ಭಾಂದ್ಯಾತಬಿ ವರಿಬಿ ತೆ ತೊಡಿಲಿನ ನಾಕಿಪಾಡತೊತೊ. ತಿನೆ ವರಿ ಕುನ್ನಜ಼ ಬೆಡಿಯೊ ಘಾಲಾನೆ ವರಿ ತಿನೆ ಹತೊಟಿಮಾ ಲಾವಾನೆ ಕುನ್ನಜ಼ ನ್ಹೊತು.
MAR 5:5 ತೆ ದಿನ್ನ ರಾತ ಮಜಾರೊಮಾ ಗವಿಯೊಮಾ ರ‍್ಹತೊತೊ. ಡೊಂಗ್ರೊಮಾ ವದರತೊ ತಿನೊ ಅಂಗ ತೆಜ಼ ದಗ್ಡೆ ಛೆಟಿಲೆತೊತೊ.
MAR 5:6 ತೆ ಯೆಸುನೆ ದುರತೊ ದೆಕಿನ ನ್ಹಾಟತೊ ಐನ ತಿನೆ ಉಂದೊ ಪಡಿನ ಝೊರ ವದ್ರಿನ
MAR 5:7 ಯೆಸು ಕ್ಹಾರಾವೊತಿ ಉಪ್ಪರ ರ‍್ಹಯಲ ಕ್ಹುದಾನಾ ದಿಕ್ರಾ ಮಾರಾ ಕ್ಹಾತೆ ಸು ಕರಶಿ? ಕ್ಹುದಾನಾ ಹುತಿ ತುಕನ ಮಾಂಗುಸ ಮನೆ ಶಿಕ್ಷಾ ನಕೊ ದ್ಯು
MAR 5:8 (ಕಾಕದ್ಯಾಮ ಎ ಕೆಟ್ಟ ಆತ್ಮಾ ಅನೆ ಛೊಡಿನ ಜಾ಼ ಕೈನ ಯೆಸು ಕದ್ಯೊ).
MAR 5:9 ವರಿ ಯೆಸು ತಿನೆ ತಾರು ನಾಮ ಸುವೈ ಕೈನ ಪುಚ಼ತಾಮಾ ತೆ ಮನಕ್ಹ ಕದ್ಯೊ ಮಾರು ನಾಮ ಗುಂಪ ವ್ಹೈ ಕಾಕದ್ಯಾಮ ಹಮೆ ಘನ್ನಾಕೆಟ್ಟ ಆತ್ಮಾವೊ ಛೆ ಕದ್ಯೊ.
MAR 5:10 ತ್ಯುನೆ ಯೆಸುಕನ ಹಮೊನೆ ಆ ಗಮ್ಮಾತೊ ಮೊಕ್ಲು ನಕೊ ಕೈನ ಯೆಸುಕನ ಘನ್ನಾ ಮಾಂಗಿಲಿದ್ಯಾ.
MAR 5:11 ತ್ಯಾಜ಼ ಡೊಂಗರಪರ ಯಕ್ಕ ಢುಕ್ಕುರೊನು ಮ್ಹೊಟು ಗುಂಪ ಚ಼ರಾಡ್ಯುತು.
MAR 5:12 ತೆ ಕೆಟ್ಟ ಆತ್ಮಾವೊ. ಯೆಸುನೆ ಐಲಾ ಢುಕ್ಕುರೊಮಾ ಜಾ಼ವಾನೆ ಹಮೊನೆ ವಳಾ ಕೈನ ಮಾಂಗಿಲಿದ್ಯಾ.
MAR 5:13 ಯೆಸು ಥಯು ಕೈನ ಜಾ಼ವೊ ಕದ್ಯೊ. ತೆ ಕೆಟ್ಟ ಆತ್ಮಾವೊ ಮನಕ್ಹನಾ ಅಂಗಮಾತಾ ಭಾರಾ ಐನ ಢುಕ್ಕಕುರೊಮಾ ಗಯಾ. ತೆ ಢುಕ್ಕುರೊನು ಗುಂಪ ನ್ಹಾಟಿನ ಗೈನ ಡೊಂಗರಪರತಾ ಸಮುಂದರಮಾ ಪಡಿನ ಡುಬಿ ಗಯಾ. ಕಮ ಜಾಸ್ತ ಬೆ ಹಜಾ಼ರ ಢುಕ್ಕುರೊ ವ್ಹತ್ತಾ.
MAR 5:14 ತ್ಯುನೊನೆ ಚ಼ರಾವಾಲಾ ನ್ಹಾಟಿನ ಗೈನ ತೆ ಸುದ್ದಿ ಗಾಮ್ಮಾ ವರಿ ಖೆತ್ರೊಮಾ ತಿಳಸ್ತಾಮಾ ಮನಕ್ಹೊ ಸು ಥಯುಸಕೈನ ದೆಕಾನೆ ಚಾ಼ಲ್ಯಾ.
MAR 5:15 ತ್ಯುನೆ ಯೆಸುಕನ ಆತಾಮಾ. ತೆ ಕೆಟ್ಟ ಆತ್ಮಾವೊ ಛೊಡಿನ ಗಯಲ ದಾಣಗಾನೆ ದೆಕಿನ ಬಾಜು಼ಮಾ ವಣ್ಣಾಘಾಲ್ಲಿನ ಚೊ಼ಕೊ ಥೈನ ಬೈಟಲ ದೆಕಿನ ಭುಚಕ್ಯಾ
MAR 5:16 ಎ ದೆಕಲವಾಲಾ ಕೆಟ್ಟ ಆತ್ಮಾವೊ ಧರಲವಾಲಾ ಮನಕ್ಹನಾ ಕ್ಹಾತೆ ಥಯಲ ವರಿ ಢುಕ್ಕುರೊನಾ ಕ್ಹಾತೆ ಥಯಲ ಹುತಿ. ಮನಕ್ಹೊನೆ ತಿಳಶ್ಯಾ.
MAR 5:17 ತ್ಯುನೆ ತಿನೆ ಗಾಮ ಛೊಡಿನ ಜಾ಼ ಕೈನ ಯೆಸುನೆ ಮಾಂಗಿಲಿದ್ಯಾ.
MAR 5:18 ಯೆಸು ಹಡ್ಗೊ ಚ಼ಡತಾಮಾ ತೆ ಕೆಟ್ಟ ಆತ್ಮಾವೊ ಧರಿನ ಛೊಡಲವಾಲೊ ಮಿ ತಾರಾ ಕ್ಹಾತೆ ಔಸ ಕೈನ ತಿಕನ ಮಾಂಗಿಲಿದ್ಯೊ.
MAR 5:19 ತೆ ತಿನೆ ರ‍್ಹವಾನೆ ದಿದ್ಯಾವಾಚಿ ತು ತಾರಾ ಘರೆ ತಾರಾ ಮನಕ್ಹೊಕನ ಜಾ಼ ಗೈನ ಸ್ವಾಮಿ ತುನೆ ಮರಗಿನ ತುನೆ ಕೆವು ಉಪಕಾರ ಕರ‍್ಯೊಸ ತೆ ವದ್ರಿನ ಕೆ.
MAR 5:20 ತೆ ಗೈನ ಯೆಸು ತಿನೆ ಕರಲ ಉಪಕಾರ ದಕ್ಹೆ ಗಾಮೊಮಾ ಕವಾನು ಶುರು ಕರ‍್ಯೊ ಐಕಿನ ಕ್ಹಾರಾ ಜ಼ನಾ ಘಾಬ್ರಾಥಯಾ.
MAR 5:21 ಯೆಸು ಫರಿನ ಹಡಗಾಮಾ ಸಮುಂದರನಿ ಬಿಜಿ ದಂಡಿಯೆ ಆತಾಮಾ ಮನಕ್ಹೊನು ಘನ್ನು ಗುಂಪಥೈನ ತಿನಾ ಸುತ್ತೆ ಆಯಾ.
MAR 5:22 ತೆಳಾಮಾ ಸಬಾಮಂದಿರಪರ ಅದಿಕಾರಿ ರ‍್ಹಯಲ ವಾಲೊ ಯಕ್ಲೊ ಯಾಯಿರಕವಾಲೊ ಐನ ಯೆಸುನೆ ದೆಕಿನ ತಿನಾ ಪಗೊಪರ ಪಡಿನ.
MAR 5:23 ಮಾರಿ ಮಯಾನಿ ನ್ಹಾನಿ ದಿಕ್ರಿ ಹಮ್ನಾ ತಿನೆ ಅರಾಮ ನತ್ತಿ (ತೆ ಮರಾ ವರಕ್ಹಿ ಥೈಸ) ತು ಐನ ತಿಪರ ಹತ್ ಮ್ಹೆಲ ಕೈನ ಮಾಂಗಿಲಿದ್ಯೊ. ತೆ ಅರಾಮ ಥಾವಸ ವರಿ ವಾಚಿ಼ಜಾ಼ವಸ.
MAR 5:24 ಯೆಸು ತಿನಾ ಕ್ಹಾತೆ ಗಯೊ ವರಿ ಘನ್ನಾ ಮನಕ್ಹೊ ತಿನೆ ಢಕಲ್ತಾ ತಿನಾ ಪಾಚಾ಼ ಗಯಾ.
MAR 5:25 ತೆಳಾಮಾ ಬಾರಾ ವರಕ್ಹತಿ ರಗತ ಕುಸುಮು ರೊಗಮಾ ಘನ್ನು ತ್ರಾಸ ಕ್ಹಾತಿ ಯಕ್ಕ ಹೆಣ ಮನಕ್ಹ ತ್ಯಾ ವ್ಹತ್ತಿ.
MAR 5:26 ತೆ ಘನ್ನಿಸಲಾ ಡಾಕ್ಟರೊಕನ ಗೈತಬಿ ಸುಜ಼ ಅರಾಮ ಥಯು ನೈ ಘನ್ನಿ ಕಷ್ಟ ಖೈನ. ಹತ್ಮಾ ರ‍್ಹಯಲ ದೊಕ್ಡಾ ಜ಼ವೈಲಿದಿತಿ. ವರಿ ರೊಗ ಹೆಚ್ಕಿ ಥಾತೊಜ಼ ವ್ಹತ್ತೊ. ವರಿ ಸುಜ಼ ಅರಾಮ ಥೈಯ್ಯು ನ್ಹೊತು.
MAR 5:27 ತೆ ಹೆಣ ಮನಕ್ಹ ಯೆಸುನಿ ಸುದ್ದಿ ಐಕಿನ. ತೆ ಗುಂಪಮಾ ತಿನಾ ಪಾಚಿ ಗೈ. ವರಿ ತಿನಾ ವಣ್ಣಾ ಧರಿ.
MAR 5:28 ತೆ ವಿಚಾರ ಸು ಕರಲಿದಿ ಕದ್ಯಾಮ ಮಿ ತಿನಾ ವಣ್ಣಾ ಮುಟ್ಟಿಮ ಬಸ ಅರಾಮ ಥೈ ಜ಼ೌಸ ಕೈನ ತಿನಾಮಾ ಕೈಲಿದಿ.
MAR 5:29 ಗುಂಪನಾ ಪಾಚಾ಼ತಿ ಐನ ತಿನಾ ವಣ್ಣಾ ಮುಟ್ಟಿ. ಮುಟ್ಟಲ ಬರೊಬ್ಬರ ತಿನು ರಗ್ತಜಾ಼ವಾನು ಹುಬ್ರೈ ಪಡ್ಯು. ಮನೆ ಕದ್ರಾವಾನೊ ರೊಗ ಗೈನ ಮಿ ಅರಾಮ ಥೈ ಕೈನ ತಿನಾಮಾ ತೆ ತಿಳದಿಲಿದಿ.
MAR 5:30 ತೆಳಾಮಾಜ಼ ಯೆಸು ಮಾರಮಾತಿ ತಾಕತ ಚಾ಼ಲಿಸ ಕೈನ ತಿನಾಮಾಜ಼ ತಿಳದಿಲಿನ ಗುಂಪಮಾ ಪಾಚೊ಼ ಫರಿನ ಮಾರಾ ವಣ್ಣಾ ಕುನ್ನ ಮುಟ್ಯು? ಕೈನ ಪುಚ಼ತಾಮಾ
MAR 5:31 ತಿನಾ ಶಿಷ್ಯಾ ತಿನೆ ಮನಕ್ಹೊ ತುನೆ ಢಕ್ಕಲಾನು ದೆಕಿನ ಮನೆ ಕುನ್ನ ಮುಟ್ಟಾಡ್ಯುಸ ಕೈನ ಪುಚ್ಚಾಡ್ಯೊಸ? ಕದ್ಯಾ.
MAR 5:32 ಯೆಸು ಸುತ್ತೆ ದೆಕಿನ ಎ ಕಾಮ ಕುನ್ನ ಕರ‍್ಯುಸ ಕೈನ ದೆಕ್ತಾಮಾ ತೆಕ್ಲಾಮಾಜ಼಼
MAR 5:33 ರ‍್ಹಯಲ ತೆ ಹೆಣ ಮನಕ್ಹ ತಿನೆ ಥಯಲ ದೆಕಿನ ಭುಚ಼ಕಿನ ಕಾಪತಿ ತಿಕನ ಐನ ಪಗೊಪರ ಆಡ್ಡ ಪಡಿನ ರ‍್ಹಯಲ ವಿಚಾರ ಕ್ಹರಿ ಕದಿ.
MAR 5:34 ಯೆಸು ತಿನೆ ಮಾರಿ ದಿಕ್ರಿ ತಾರೊ ಬರೊಕ್ಹೊ ತುನೆ ಅರಾಮ ಕರ‍್ಯೊಸ ಸಮಾಧಾನೆ ಜಾ಼ ತುನೆ ಕದ್ರಾಯಲ ರೊಗ ಗೈನ ತುನೆ ಅರಾಮ ಥೈಯುಸ ಕದ್ಯೊ.
MAR 5:35 ಯೆಸು ಹಜು಼ನ ಬೊಲ್ತಾಮಾಜ಼ ಅದಿಕಾರಿ ಥಯಲ ಯಾಯಿರನಾ ಘರ್ತೊ ಯಕ್ಲೊ ಐನ ತಾರಿ ದಿಕ್ರಿ ಮರಿ ಗೈಸ. ಹಮ್ನಾ ಕಾ ಗುರುನೆ ತರಾಸ ಕರಾಡ್ಯೊಸ ಕದ್ಯಾ.
MAR 5:36 ತ್ಯುನೆ ಕದಲ ವಾತೊ ಯೆಸು ಧ್ಯಾನ ದಿದ್ಯಾ ವಾಚಿ಼ ತಿನೆ ಸು ಕದ್ಯೊ ಕದ್ಯಾಮ. ಭುಚ಼ಕು ನಕೊ ಬರೊಕ್ಹೊ ರ‍್ಹವಾದೆ ಕದ್ಯೊ.
MAR 5:37 ವರಿ ಯೆಸು ಪೆತ್ರಾ ಯಾಕೊಬನೆ ಯಾಕೊಬ್ನೊ ನ್ಹಾನೊ ಭೈ ಯೊಹಾನ ಇವ್ನೊನೆ ಛೊಡಿನ ಕಿನೆಜ಼಼ ತಿಕನ ಆವಾನೆ ದಿದ್ಯೊ ನೈ
MAR 5:38 ತ್ಯುನೆ ಯಾಯಿರನಾ ಘರೆ ಆತಾಮಾ ದಕ್ಹಾಜ಼಼ನಾ ಘನ್ನಾ ಗದ್ದಲ ಕರತಾ ರವಾಡ್ಯಾತಾ ಯೆಸು ತೆ ದೆಕ್ಯೊ.
MAR 5:39 ಯೆಸು ಮ್ಹೈ ಗೈನ ತುಮೆ ಗದ್ದಲ ಕರಾನು ಕಾ? ರವಾನು ಕಾ? ಛೊಕ್ರಿ ಮರಿನತ್ತಿ
MAR 5:40 ನಿಂದರಕರಾಡಿಸ ಕತಾಮಾ ತ್ಯುನೆ ಯೆಸುನೆ ದೆಕಿನ ಕದ್ರೈನ ಅಕ್ಹ್ಯಾ. ವರಿ ಯೆಸು ಕ್ಹಾರಾಜ಼ನಾವೊನೆ ಭಾರೊ ಮೊಕ್ಲಿನ ತೆ ಛೊಕ್ರಿನಾ ಯಾ ಬಾ ನೆ ತಿವ್ನಾ ಕ್ಹಾತೆ ತನ ಶಿಷ್ಯಾವೊನೆಲಿನ ಛೊಕ್ರಿ ರ‍್ಹಯಲ ಜ಼ಗಾ ಬಲೈ ನಿಂಗೈನ.
MAR 5:41 ತಿನೊ ಹತ್ತ ಧರಿನ ತಲಿಥಾ ಕೊಮ ಕದ್ಯೊ. ತಿಮ್ಮ ಕದ್ಯಾಮ ನ್ಹಾನಿ ಛೊಕ್ರಿ ಮಿ ಕವಾಡ್ಯೊಸ ತು ಉಟ.
MAR 5:42 ತೆಳಾಮಾಜ಼ ತೆ ಛೊಕ್ರಿ ಉಟಿನ ಚಾ಼ಲಾಡಿ. (ತೆ ಬಾರಾ ವರಕ್ಹನಿ ವ್ಹತ್ತಿ) ತ್ಯುನೆ ಘನ್ನಾ ಘಾಬ್ರಾಥಯಾ.
MAR 5:43 ತೆಳಾಮಾಜ಼ ಯೆಸು ತ್ಯುನೊನೆ ಆ ಕಿನೆಜ಼಼ ಗೊತ್ತಥೌನೈ ಕೈನ ತಾಕಿತ ಕವಾಡ್ಯೊಸ ಕದ್ಯೊ. ತೆ ಛೊಕ್ರಿನೆ ಖಾವಾನೆ ದಿವೊ ಕದ್ಯೊ.
MAR 6:1 ಯೆಸು ತೆ ಜ಼ಗಾ ಛೊಡಿನ ತ್ಯಾಂತೊ ತಿನಾ ಸ್ವಂತ ಗಾಮೆ ಆಯೊ ಶಿಷ್ಯಾಬಿ ತಿನಾ ಪಾಚಾ಼ ಆಯಾ.
MAR 6:2 ಸಬ್ಬತ (ಐತ್ವಾರ) ದಿನ್ನ ಆತಾಮಾ ಯೆಸು ಸಭಾಮಂದಿರಮಾ ಗೈನ ಉಪದೆಶ ಕರಾನು (ಕ್ಹುದಾನಿಯೊ ಚೊ಼ಕಿಯೊ ವಾತೊ ಕವಾನು) ಶುರುಕರ‍್ಯೊ ಘನ್ನಾ ಮನಕ್ಹೊ ತ್ಯಾ ವ್ಹತ್ತಾ ಕ್ಹಾರಾಜ಼ನಾ ತಿನಿಯೊ ವಾತೊ ಐಕಿನ ಘಾಬ್ರಾಥಯಾ. ಇನೆ ಎ ವಾತೊ ಕಿಜ಼್ಗಾಂತಿಯೊ ಆಯೊಸ? ಇನೆ ಎ ಕ್ಹಾರು ಗ್ಯಾನ ಕಿಜ್ಗಾಂತು ಮಳ್ಯುಸ? ಎ ಕಿಮ ಅದ್ಭುತ ಕರಾಡ್ಯೊಸ.
MAR 6:3 ಎ ಬಡಗ್ಯಾನು ಕಾಮ ಕರಾಲೊ ನ್ಹವೈಸು? ಎ ಮರಿಯಳನೊ ದಿಕ್ರೊ ನ್ಹವೈಸು ಯಾಕೊಬ ಯೊಸೆಫ ಯುದ ವರಿ ಸಿಮೊನನೊ ಮ್ಹೊಟೊ ಭೈ ನ್ಹವೈಸು? ಇನಿಯೊ ಭೆನೊ ನ್ಹ್ಯಾಜ಼ ಅಪ್ನೊಕನ ನತ್ತಿಸು? ಇನಾ ಹುತಿ ತ್ಯುನೆ ಯೆಸುನೆ ಇನ್ಕಾರ‍್ಯಾ.
MAR 6:4 ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ, ಪ್ರವಾದಿ ಬಿಜಿ ಝಗಾ ರ‍್ಹವಾದೆ ಮರ್ಯಾದಿ ಛೆ ತೆನೈಸೊ ತಿನಾ ಸ್ವಂತ ಗಾಮ್ಮಾ ಸ್ವಂತ ಮನಕ್ಹೊಮಾ ಸ್ವಂತ ಘರಮಾ ತ್ಯಾ ಯಕ್ಕಜ಼ ಮರ್ಯಾದಿ ನತ್ತಿ ಕದ್ಯೊ.
MAR 6:5 ತೆ ತ್ಯಾ ದಕ್ಹಾಜ಼಼ನಾ ರೊಗ ರ‍್ಹಯಲ ವಾಲಾವೊಪರ ಹತ್ತ ಮ್ಹೆಲಿನ ಅರಾಮ ಕರ‍್ಯೊ ತೆ ಛೊಡಿನ ಬಿಜು಼ ಕಯುಜ಼ ಮ್ಹೊಟು ಕಾಮ ಕರಾನೆ ಥಯೊನೈ ಕಾಕದ್ಯಾಮ ತ್ಯುನೊಮಾ ಬರೊಕ್ಹೊ ನ್ಹೊತೊ
MAR 6:6 ಮನಕ್ಹೊಮಾ ಬರೊಕ್ಹೊ ನೈ ರ‍್ಹಯಲ ದೆಕಿನ ತಿನೆ ಘನ್ನು ಅಜಪ ಲಾಗ್ಯು. ತೆಳಾಮ ಯೆಸು ಗಾಮ್ಮಾ ಐನ ವರಿ ಶಿಕ್ಕಲಾವಾಡ್ಯೊತೊ.
MAR 6:7 ಪಾಚಲ್ತೊ ಯೆಸು ಸುತ್ಲ್ಯಾ ಗಾಮೊಪರ ಫರಿನ ಉಪದೆಶ ಕರತೊ ಆಯೊ. ವರಿ ಬಾರಾ ಜ಼ನಾ ಶಿಷ್ಯಾವೊನೆ ತಿಕನ ಬಲೈನ ತ್ಯುನೊನೆ ಬೆ-ಬೆ ಜ಼ನಾವೊನೆ ಮೊಕಲ್ತಾಮಾ. ವರಿ ತ್ಯುನೊನೆ ಕೆಟ್ಟ ಆತ್ಮಾವೊಪರ ಅದಿಕಾರ ದಿದ್ಯೊ.
MAR 6:8 ತೆಳಾಮಾ ತ್ಯುನೊನೆ ಸು ಕದ್ಯೊ ಕದ್ಯಾಮ. ಲಾಕ್ಕಡಿ ಛೊಡಿನ ವಾಟಮಾ ಬಿಜು಼ ಸುಜ಼ ನಿಂಜಾವೊನಕೊ. ಭುತಿ ನಕೊ ಗಾಮೆ ನಿಂಜಾ಼ವಾನಿಯೊ ಚಾ಼ಂಬಡಾನಿ ಪಟ್ಟಿನಿ ಪಿಶಿಯೊ ನಕೊ ಪಿಶಿಮಾ ದೊಕ್ಡಾ ನಕೊ.
MAR 6:9 ಚ಼ಪ್ಲೊ ಘಾಲ್ಲಿವೊ ಬೆ ಅಂಗ್ಡಾ ಲಿವೊ ನಕೊ ಕದ್ಯೊ.
MAR 6:10 ಎನೈಸೊ ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ -ತುಮೊನೆ ಕಯಾ ಘರಮಾ ಬಲೈ ಲಿವಸ ತೆ ಜ಼ಗಾ ಛೊಡಿನ ಜಾ಼ಯೆಲಕ್ಕಾ ತ್ಯಾಜ಼ ರಹೊ.
MAR 6:11 ತುಮೆ ಯಕ್ಕ ಗಾಮ್ಮಾ ಆತಾಮಾ ತ್ಯಾ ತುಮೊನೆ ಮನಕ್ಹೊ ಒಪ್ಪಿನೈಲಿದ್ಯಾಮ ಎನೈಸೊ ಮನಕ್ಹೊ ತುಮಾರಿಯೊ ವಾತೊ ನೈ ಐಕ್ಯಾಮ ತುಮಾರಾ ಪಗೊನು ಧುಳ್ಳ ತ್ಯಾಜ಼ ಝಾಡಿಸಿಲಿವೊ ತೆ ತ್ಯುನೊನೆ ಯಕ್ಕ ಸಾಕ್ಷಿ ಥೈನ ರ‍್ಹವಾದೆ.
MAR 6:12 ತ್ಯುನೆ ಗೈನ ಮನಕ್ಹೊನೆ ಪಾಪೊ ಕರಾನು ಛೊಡಿಪಾಡೊ ಕೈನ ಕವಾಡಾತಾ.
MAR 6:13 ತ್ಯುನೆ ಘನ್ನಾ ಕೆಟ್ಟ ಆತ್ಮಾವೊನೆ ಛೊಡಾಯಾ ವರಿ ಘನ್ನಾ ರೊಗಿಯೊನೆ ಒಲಿವ ತೆಲ ಮಾತಾಪರ ಲಗಾಡಿನ ಪ್ರಾಥನಾ ಕರತಾಮಾ ತ್ಯುನೊನೆ ಅರಾಮ ಥಯು.
MAR 6:14 ತೆಳಾಮಾ ರಾಜೊ಼ ಥಯಲ ಹೆರೊದ. ಯೆಸುನಿ ಸುದ್ದಿ ಐಕಿನ ಕಾಕದ್ಯಾಮ ತಿನು ನಾಮ ಘನ್ನು ಫೈಲಿಗಯುತು. ವರಿ ಮನಕ್ಹೊ ತಿನಾಹುತಿ-ಬಾಪ್ತಿಸ್ಮ ದಿಲಾವಾಲೊ ಥಯಲ ಯೊಹಾನಜ಼ ಫರಿನ ವಾಚಿ಼ನ ಆಯೊಸ. ತಿನಾಹುತಿ ಮ್ಹೊಟಾ-ಮ್ಹೊಟಾ ಕಾಮೊ ಕರಾನಿ ತಾಕತ ತಿನಾಮಾ ಛೆ ಕೈನ ಕವಾಡಾತಾ.
MAR 6:15 ವರಿ ದಕ್ಹಾ ಜ಼ನಾ ಎ ಪ್ರವಾದಿ ಥಯಲ ಎಲಿಯಾ ವ್ಹೈ ಕೈನ ಕತಾತಾ ವರಿ ದಕ್ಹಾಜ಼಼ನಾ ಎ ಪಾಚ಼ಲ್ಯಾ ರ‍್ಹಯಲ ಪ್ರವಾದಿಯೊಮಾನೊ ಯಕ್ಲೊ ಲಿಂಗತ ಛೆ.
MAR 6:16 ತೆಳಾಮಾ ಹೆರೊದ ರಾಜೊ಼ ತಿನಿ ಸುದ್ದಿ ಐಕಿನ - ಬಾಪ್ತಿಸ್ಮ ದಿಲಾವಾಲೊ ಯೊಹಾನ ವ್ಹೈಸು ಮಿ ಗರದನ ಕತ್ರಲ ಯೊಹಾನ ವಾಚಿ಼ನ ಆಯೊಸು ಕದ್ಯೊ!
MAR 6:17 ಯೊಹಾನನೆ ಧರಿಲಾವಾನೆ ತಿನಾ ಸೈನಿಕೊನೆ ಹೆರೊದ್ಯಜ಼ ಕದ್ಯೊತೊ ತೆಳಾಮಾ ತ್ಯುನೆ ಯೊಹಾನನೆ ಜೆಲಮಾ ಘಾಲ್ಯಾ ಕಾಕದ್ಯಾಮ ಹೆರೊದ ತೆ ಮುಕ್ಕಕಿಲಿದಲ ಹೆರೊದ್ಯಳನಾ ಹುತಿ ಯೊಹಾನನೆ ಧರಿಲೈನ ಜೆಲಮಾ ಭಾಂದಿನ ಘಾಲ್ಯೊತೊ. ತೆ ಹೆರೊದ್ಯಳ ಹೆರೊದನಾ ಮ್ಹೊಟೊ ಭೈ ಫಿಲಿಪ್ಪನಿ ಬೈಕೊ ವ್ಹತ್ತಿ
MAR 6:18 ಯೊಹಾನ ಹೆರೊದನೆ ಹಗ್ಲೆಲ್ಲಾ ಕತೊತೊ ತಾರಾ ಭೈನಿ ಬೈಕೊನೆ ಹಿವಾ ಕರಿಲಿವಾನು ಚೊ಼ಕು ನ್ಹವೈ ಕೈನ ಕತೊತೊ.
MAR 6:19 ತಿನಾಹುತಿ ಹೆರೊದ್ಯಳ ತಿನಾ ಉಪ್ಪರ ಶಿಟ್ಟ ಮ್ಹೆಲ್ಲಿನ ತಿನೆ ಖಲಾಸ ಕರಾವುಕೈನ ವಿಚಾರ ಕರಿತಬಿ ಹೆರೊದನಾ ಹುತಿ ತಿನಾ ಹತೆ ಥಯುನೈ.
MAR 6:20 ಹೆರೊದ ಯೊಹಾನ ಕ್ಹುದಾನೊ ಭೆ ರ‍್ಹಯಲ ವಾಲೊ ವರಿ ಪರಿಶುದ್ಧ ವ್ಹೈ ಕೈನ ತಿಳ್ದಿನ ತಿಕ್ಹು ಭುಚ಼ಕಿನ ತಿನೆ ಸು ಥಾವುನೈ ಕೈನ ಮುಕ್ಕಯೊತೊ ಎನೈಸೊ ಯೊಹಾನ ಕವಾನು ತಿನೆ ಐಕ್ತಾಮಾ ಮನಸೆ ಘನ್ನು ಗಲಿಬಿಲಿ ಥಯುತಬಿ ತಿನಿಯೊ ವಾತೊ ಧ್ಯಾನ ದಿನ್ನ ಐಕ್ತೊತೊ.
MAR 6:21 ಇಮ್ಮ ರ‍್ಹತಾಮಾ ಯಕ್ಕ ದಿನ್ನ ತಿನೆ ಅನುಕುಲ ದಿನ್ನ ಆಯೊ. ಕಿಮ ಕದ್ಯಾಮ ಹೆರೊದನಾ ಹುಟ್ಟಲ ದಿನಮಾ ತೆಳಾಮಾ ತೆ ಪ್ರಭುವೊನೆ ಸೆನಾಧಿಪತಿನೆ ಗಲಿಲಾಯ ಪ್ರಾಂತ್ಯನಾ ಶಾನಾವೊನೆ ಖಾವಾನೆ ಕರತಾಮಾ.
MAR 6:22 ಹೆರೊದಳನಿ ದಿಕ್ರಿ ಮ್ಹೈ ಐನ ನ್ಹಾಚಿ಼ನ ಹೆರೊದನಾ ಕ್ಹಾತೆ ಸಾಲಮಾ ಕ್ಹಾವಾನೆ ಬೈಟಲವಾಲಾವೊನೆ ಖುಶಿ ಕರಿ. ರಾಜೊ಼ ತೆ ಛೊಕ್ರಿನೆ ಸು ಚಾ಼ಯೆ? ಮಾಂಗ ಸು ಮಾOಗಶಿ ದ್ಯುಸ.
MAR 6:23 ತು ಮಕನ ಸು ಮಾಂಗಿಲೆಸಿ ಮಾಂಗ ಕದ್ಯೊ. ಮಾರಾ ರಾಜ್ಯಮಾನೊ ಅರಧೊವಾಟೊ ಮಾಂಗಿತಬಿ ಮಿ ತುನೆ ದ್ಯುಸ ಕೈನ ಕ್ಹಮ ಘಾಲಿನ ಕದ್ಯೊ.
MAR 6:24 ತೆಳಾಮಾ ತೆ ಛೊಕ್ರಿ ಭಾರಿ ಗೈನ ಮಿ ಸು ಮಾಂಗಿಲ್ಯು? ಕೈನ ತಿನಿ ಯಾನೆ ಪುಚ಼ತಾಮಾ ತೆ ತಿನೆ ಬಾಪ್ತಿಸ್ಮ ದಿಲಾವಾಲೊ ಥಯಲ ಯೊಹಾನನು ಮಾತು ಮಾಂಗಿಲೆ ಕದಿ.
MAR 6:25 ತೆಳಾಮಾಜ಼ ತೆ ರಾಜಾ಼ ಕನ ಭರನೆ ಐನ ಹಮ್ನಾಜ಼ ಬಾಪ್ತಿಸ್ಮ ದಿಲಾವಾಲೊ ಥಯಲ ಯೊಹಾನನು ಮಾತು ಪರಾತ್ಮಾ ಮನೆ ಲೈನ ದ್ಯು ಕೈನ ಮಾರಿ ಆಸ ವ್ಹೈ.
MAR 6:26 ತೆ ವಾತೆ ರಾಜಾ಼ನೆ ಘನ್ನು ದುಖಥಯ್ಯು ತೆ ಕ್ಹಾರಾವೊನಾ ಕ್ಹಾಮೊ ಕದಲ ಹುತಿ ತಿನೆ ಇನ್ಕಾರ ಕರಾನೆ ಥೈಯು ನೈ.
MAR 6:27 ತಿನಾಹುತಿ ರಾಜೊ಼ ಸೈನಿಕೊಮಾನಾ ಯಕ್ಲಾನೆ ಬಲೈನ ತು ಗೈನ ಯೊಹಾನನಿ ಗರದನ ಕತ್ರಿನ ಲೈನ ದೆ ಕೈನ ಅಪ್ಪಣೆ ದಿನ್ನ ಮೊಕಲ್ಯೊ.
MAR 6:28 ತೆ ಜೆಲಮಾ ಗೈನ ಯೊಹಾನನಿ ಗರದನ ಕತ್ರಿನ ಪರಾತ್ಮಾ ಮ್ಹೆಲಿನ ತೆ ಛೊಕ್ರಿನೆ ಲೈನ ದಿದ್ಯೊ. ತೆ ಛೊಕ್ರಿ ಗೈನ ತಿನಿ ಯಾನಾ ಹತ್ಮಾ ದಿದಿ.
MAR 6:29 ಯೊಹಾನನಾ ಶಿಷ್ಯಾ ಎಕ್ಹಾರು ಐಕ್ತಾಮಾ ತ್ಯುನೆ ಐನ ತಿನೊ ಮುರದೊ ಉಚೈನ ಲಿನಗೈನ ಮಜಾ಼ರಮಾ ಮ್ಹೆಲ್ಯಾ.
MAR 6:30 ಅಪೊಸ್ತಲೊ ಮಳಿನ ಯೆಸುಕನ ಐನ ತ್ಯುನೆ ತೆ ಕದಲ ತೆ ಕ್ಹಾರು ಕರಿನ ಕರಲ ಕ್ಹಾರು ಉಪದೆಶ ತಿಕನ ತಿಳಶ್ಯಾ.
MAR 6:31 ಯೆಸು ತ್ಯುನೊನೆ ಆವೊ ಅಪೆ ಕುನ್ನ ನೈಸೊ ಜ಼ಗಾ ಗೈನ ಅರಾಮ ಕರಿಯೆ ಕದ್ಯೊ. ಕಾಕದ್ಯಾಮ ಘನ್ನಾ ಮನಕ್ಹೊ ಆವಾನು ಜಾ಼ವಾನು ಕರಾಡಾತಾ ತ್ಯುನೊನೆ ಕ್ಹಾವಾನೆ ಬಿ ಟೈಮ ನ್ಹೊತೊ.
MAR 6:32 ತಿನಾಹುತಿ ತೆಳಾಮಾ ತ್ಯುನೆ ಹಡಗಾಮಾ ಗೈನ ಕುನ್ನ ನೈಸೊತ್ಯುನೆ ಯಕ್ಲಾಜ಼ ರ‍್ಹವಾನಿ ಜ಼ಗಾ ಗಯಾ.
MAR 6:33 ತ್ಯುನೆ ಜಾ಼ವಾನು ಘನ್ನಾ ಮನಕ್ಹೊ ದೆಕಿನ ತ್ಯುನೊನೆ ವಳಕಿನ ಕ್ಹಾರಾ ಗಾಮೊತಾ ಮನಕ್ಹೊ ಚಾ಼ಲ್ತಾ ನ್ಹಾಟ್ತಾ ಯೆಸು ವರಿ ತಿನಾ ಶಿಷ್ಯಾವೊತಿ ಅಗ್ದುರ ತೆ ಜ಼ಗಾಪರ ಆಯಾ.
MAR 6:34 ತೆಳಾಮಾ ಯೆಸು ಹಡಗಾಮಾತೊ ಉತ್ರಿನ ಮನಕ್ಹೊನಾ ಗುಂಪನೆ ದೆಕಿನ ಇವ್ನೆ ಕುರಬುರ‍್ಯೊ ನೈಸೊ ಬಕ್ರಾವೊಲಿಂಗತ ಛೆ ಕೈನ ಘನ್ನೊ ಮರಗಿನ ತ್ಯುನೊನೆ ಕ್ಹುದಾನಿಯೊ ವಾತೊ ಕವಾಡೊತೊ.
MAR 6:35 ತೆಕ್ಲಾಮಾಜ಼಼ ಕ್ಹಾಂಜ಼ ಥಯಲ ಹುತಿ ಯೆಸುನಾ ಶಿಷ್ಯಾ ತಿಕನ ಐನ ಆ ಕುನ್ನ ನೈಸೊ ಜ಼ಗಾ ವ್ಹೈ ಟೈಮ ಥಯೊಸ.
MAR 6:36 ಎ ಮನಕ್ಹೊನೆ ಅಪ್ಪಣೆ ದೆ ಇವ್ನೆ ಆಜು಼ ಬಾಜ಼ುನಾ ಗಾಮೆ ಗೈನ ತ್ಯುನೆ ಖಾವಾನೆ ಸುಬಿ ಕರಲಿವಾದೆ.
MAR 6:37 ತೆ ವಾತೆ ಯೆಸು "ತುಮೆಜ಼ ಇವ್ನೊನೆ ಖಾವಾನೆ ಅನ್ನ ದಿವೊ ಕದ್ಯೊ. ತೆ ವಾತೆ ತ್ಯುನೆ-ಹಮೆ ಗೈನ ಬೆಕ್ಹೊ ರುಪ್ಪಾನಾ ಬಿಲ್ಲಾಮಾ ಇವ್ನೊನೆ ರೊಕ್ಲಾ ಲೈನ ಕ್ಹಾವಾನೆ ದಿಯೆಸು?
MAR 6:38 ಕೈನ ಪುಚ಼ತಾಮಾ ಯೆಸು -ತುಮೊಕನ ಕೆಕ್ಲಾ ರೊಕ್ಲಾ ಛೆ? ಕೈನ ದೆಕಿನ ಆವೊ ಕದ್ಯೊ. ತ್ಯುನೆ ದೆಕಿನ ಐನ ಪಾಂಚ಼ ರೊಕ್ಲಾ ಬೆ ಮಚ್ಲಿ಼ಯೊ ಛೆ ಕದ್ಯಾ.
MAR 6:39 ತೆಳಾಮಾ ಯೆಸು ತ್ಯುನೊನೆ ಹಸರ ಚಾ಼ರಾಪರ ಜಿಮಿನ್ಪರ ಬೈಟೊ ಕೈನ ಅಪ್ಪಣೆ ದೆತಾಮಾ.
MAR 6:40 ಇನಾಹುತಿ ಮನಕ್ಹೊ ಕ್ಹೊ ಯಕ್ಲಾ ಐವತ್ತ ಯಕ್ಲಾ ಗುಂಪ ಥೈನ ಬೈಟ್ಯಾ.
MAR 6:41 ತೆಳಾಮಾ ಯೆಸು ತೆ ಪಾಂಚ಼ ರೊಕ್ಲಾ ಬೆ ಮಚ್ಲಿ಼ಯೊಲಿನ ಹಬಾಳನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ರೊಕ್ಲಾ ಭಾಗಿನ ತುಮೆ ಮನಕ್ಹೊನೆ ವಾಟೊ ಕೈನ ಶಿಷ್ಯಾವೊನಾ ಹತ್ಮಾ ದಿನ್ನ ತೆ ಬೆ ಮಚ್ಲಿ಼ಯೊ ಕ್ಹಾರಾವೊನೆ ವಾಟಾಲಗಾಡ್ಯೊ.
MAR 6:42 ತ್ಯುನೆ ಕ್ಹಾರಾ ಪೆಟ ಭರೆಲಕ್ಕಾ ಖಾದ್ಯಾ.
MAR 6:43 ಶಿಷ್ಯಾ ಉಗ್ರಲ ರೊಕ್ಲಾನಾ ತುಕಡಾ ಮಚ್ಲಿ಼ಯೊನಾ ತುಕಡಾ ಮಳಾತಾಮಾ ಬಾರಾ ಟೊಪ್ಲಿಯೊ ಭರಿಯೊ.
MAR 6:44 ಖಾದಲವಾಲಾವೊಮಾನಾ ಪಾಂಚ಼ ಹಜಾ಼ರ ದಾಣ್ಗಾ ವ್ಹತ್ತಾ.
MAR 6:45 ಎ ಥಯಲ್ಪರ ಯೆಸು ತಿನಾ ಶಿಷ್ಯಾವೊನೆ ಮಿ ಆ ಮನಕ್ಹೊನಾ ಗುಂಪನೆ ಮೊಕ್ಕಲಾತಿ ಅಗ್ದುರ ತುಮೆ ಹಡ್ಗೊ ಚ಼ಡಿನ ಅಗಾ ಸಮುಂದರನಿ ಬಿಜಿ ದಂಡಿಯೆ ಬೆತ್ಸಾಯಿ ಕವಾನಾ ಗಾಮೆ ಜಾವೊ ಕೈನ ಜು಼ಲಮೆ ಮೊಕಲ್ಯೊ
MAR 6:46 ಯೆಸು ಮನಕ್ಹೊನೆ ಅಪ್ಪಣೆ ದಿದಲ್ಪರ ಪ್ರಾಥನಾ ಕರಾಹುತಿ ಡೊಂಗರಪರ ಗಯೊ.
MAR 6:47 ಕ್ಹಾಂಜ಼ ಥಯಲ್ಪರ ಹಡ್ಗೊ ಸಮುಂದರನಾ ವಚ಼ಮಾ ವ್ಹತ್ತೊ. ತೆಳಾಮಾ ಯೆಸು ಯಕ್ಕಲೊಜ ದOಡಿಪರ ವ್ಹತ್ತೊ
MAR 6:48 ಯೆಸುನಾ ಶಿಷ್ಯಾ ಸಮುಂದರಮಾ ಹಡಗಾಮಾ ಬೈಟಿನ ತ್ಯುನೆ ಹಡಗಾನೆ ತ್ರಾಸ ಖಾತಾ ತೆಳಾಮಾ ತನ ಯಾ ಛೆ ವಾಸ್ತಾ ದಿನ್ನ ನಿಕ್ಹಳಾನಾ ಟೈಮಾ ಯೆಸು ಸಮುಂದರಪರ ಚಾ಼ಲ್ತೊ ತ್ಯುನಾ ಕ್ಹಾಮಾತೊ ಅಗೊ ಜೌ಼ ಕದ್ಯೊತೊ.
MAR 6:49 ಸಮುಂದರಪರ ಚಾ಼ಲಾನು ದೆಕಿನ ತ್ಯುನೆ ಭುತ್ಡು ವ್ಹೈ ಕೈನ ತಿಳ್ದಿನ ವದ್ರ್ಯಾ.
MAR 6:50 ತ್ಯುನೆ ಕ್ಹಾರಾಜ಼ನಾ ತಿನೆ ದೆಕಿನ ಭುಚ಼ಕಿನ ಘಾಬ್ರಾಥಯಾ ತೆಳಾಮಾಜ಼ ತೆ ತ್ಯುನೊನೆ ಬೊಲಿನ ತ್ಯುನೊನೆ ಧೈರ್ಯಕ್ಹು ರಹೊ ಮಿ ವ್ಹೈ ಭುಚ್ಕೊ಼ ನಕೊ ಕದ್ಯೊ.
MAR 6:51 ತೆಳಾಮಾಜ಼ ಯೆಸು ಹಡಗಾಮಾ ಚ಼ಡಿನ ತ್ಯುನೊಕನ ಆಯಲಪರ ವಾರೊ ಹುಬ್ರೈಪಾಡ್ಯೊ. ತೆಳಾಮಾ ಶಿಷ್ಯಾ ತ್ಯುನೊ ತ್ಯುನೊಮಾಜ಼ ಘನ್ನಾ ಘಾಬ್ರಾಥಯಾ.
MAR 6:52 ಕಾಕದ್ಯಾಮ ಪಾOಚ಼ ಹಜಾ಼ರ ಮನಕ್ಹೊನೆ ಅನ್ನ ಖಲಾಯಲ ತ್ಯುನೆ ತಿಳದ್ಯಾ ನ್ಹೊತಾ ತೆ ತಿನಾ ವಾಸ್ತರ ತೆ ಮ್ಹೊಟು ಕಾಮ ತ್ಯುನೆ ತಿಳದಿಲಿದ್ಯಾ ನ್ಹೊತಾ.
MAR 6:53 ತ್ಯುನೆ ಸಮುಂದರ ದಾಟಿನ ಗೆನೆಜರೆತೆ ಕವಾನಾ ದೆಶನಿ ದಂಡಿಯೆ ಮುಟ್ಟಿನ ಹಡ್ಗೊ ಭಾಂದ್ಯಾ
MAR 6:54 ತ್ಯುನೆ ಹಡಗಾಮಾತಾ ಉತ್ರಲ ಬರೊಬ್ಬರ ಮನಕ್ಹೊ ಯೆಸುನೆ ವಳಕಿನ.
MAR 6:55 ತೆ ಪ್ರಾOತ್ಯಮಾತಾ ನ್ಹಾಟ್ತಾ ಅಂಗಮಾ ಅರಾಮ ನೈಸೊ ವಾಲಾವೊನೆ ಬೊರಿಯ್ಯಾಪರ ಘಾಲ್ಲಿನ ತೆ ಕಿಜ್ಗಾ-ಕಿಜ್ಗಾ ಛೆ ಕೈನ ಪುಚಿ಼ನ ತ್ಯಾ-ತ್ಯಾ ನಿಂಜಾ಼ತಾತಾ.
MAR 6:56 ವರಿ ಯೆಸು ಕ್ಹಾರಿ ಜ಼ಗಾ ಗಯೊ ಖೆಡಾವೊಪರ ವರಿ ಗಾಮ್ಮಾ ನೈತೊ ಖೆತ್ರೊನೆ ತ್ಯಾ ಮನಕ್ಹೊ ಅಂಗಮಾ ಅರಾಮ ನೈಸೊ ವಾಲಾವೊನೆ ಬಾಜ಼ರೊನಾ ವಚ್ಮಾ಼ ಲಾತಾತಾ. ವರಿ ಯೆಸುಕನ ತಿನಾ ವಣ್ಣಾವೊನಾ ಗೊಂಡಾವೊನೆ ಮುಟ್ಟೌ ಕೈನ ತಿಕನ ಮಾಂಗಿಲಿದ್ಯಾ. ತಿನೆ ಮುಟ್ಟಲ ವಾಲಾ ಅರಾಮ ಥಯಾ.
MAR 7:1 ಎ ಥಯಲ್ಪರ ಯೆರುಸಲೆಮ್ತಾ ಆಯಲ ಫರಿಸಾಯರೊಮಾನಾ ದಕ್ಹಾ ಜ಼ನಾ ಶಾಸ್ತ್ರಿಯೊ ಕುಡಿನ ಯೆಸುನಾ ಸುತ್ತೆ ಆಯಾ.
MAR 7:2 ವರಿ ಯೆಸುನಾ ಶಿಷ್ಯಾ ತಿವ್ನಿ ಪದ್ದತಿನಿOಗತ ಹತ್ ಧ್ವಯಾವಾಚಿ ಅನ್ನ ಖಾವಾನು ದೆಕ್ಯಾ ತ್ಯುನೆ ಕಾಕದ್ಯಾಮ ತ್ಯುನಿ ಪದ್ದತ್ ಲಿಂಗತ ಖಾವಾತಿ ಅಗ್ದುರ ಹತ್ ಧ್ವಯಾನ್ಹೊತಾ.
MAR 7:3 (ಕಾಕದ್ಯಾಮ ಫರಿಸಾಯರೊ ವರಿ ಯೆಹುದಿ ತ್ಯುನೊನೆ ಮ್ಹೊಟಾ ಮನಕ್ಹೊ ಶಿಕ್ಲಾಯಲ ಪದ್ದತ ತಿವ್ನಾ ಹತೊ ಚೊ಼ಕಿ ತರಾ ಧ್ವಲಿದ್ಯಾವಾಚಿ ಖಾತಾನ್ಹೊತಾ.
MAR 7:4 ತಿನಾನಿOಗತ ಬಾಜ಼ರಮಾತಾ ಖಾವಾನು ಸುಬಿಲಾಯಮ ಧ್ವಯಾವಾಚಿ ಖಾತಾನ್ಹೊತಾ ಎ ಯಕ್ಕ ತರಾನಿ ಪದ್ದತ ತ್ಯುನೆ ಘನ್ನಿ ತರಾನಿಯೊ ಪದ್ದತೊ ಕರತಾತಾ ಎನೈಸೊ ತ್ಯುನೊಮಾ ತಾಂಬಿಯಾ ವಾಟಕಾ ತಪಾಲೊ. ಬೆಳಗಿನ ಧವಾನು ವಚ್ಚಾ಼ನಾ ಧೊತಾತಾ ಹಜು಼ನ ಘನಿಯೊ ಶುದ್ಧಾಚಾರ (ಪದ್ದತ) ಕರತಾತಾ.
MAR 7:5 ಇನಾಹುತಿ ಫರಿಸಾಯೊರೊ ಶಾಸ್ತ್ರಿಯೊ ಯೆಸುನೆ ಪುಚ್ಯಾ ತಾರಾ ಶಿಷ್ಯಾಮ್ಹೊಟಾ ಮನಕ್ಹೊತಿ ಆಯಲ ಪದ್ದತಿ ಲಿಂಗತ ಕಾ ನೈ ಚಾ಼ಲ್ತಾ? ರಾಡಿ ಹತೊ ಕ್ಹು ಅನ್ನ ಕಾ ಖಾವಸ?
MAR 7:6 ಯೆಸು ಜ಼ವಾಬ ದಿದ್ಯೊ ಕಪಟಿಯೊ ಥಯಲ ತಮಾರಾ ವಾಸ್ತರ ಯೆಶಾಯಾ ಬರ್ದಲ ಕೆಕ್ಲೊ ಕರೆಟ್ಟ ಛೆ! ತುಮೆ ಮ್ಹೈ ಯಕ್ಕ ಭಾರಾ ಯಕ್ಕ ತೆ ತಿಮ್ಮ ಬರ್ದಲ, ಕ್ಹುದಾ ಕದ್ಯೊ ಎ ಮನಕ್ಹೊ ಕ್ಹಾಲಿ ವಾತೊಕ್ಹು ಮನೆ ಮರ್ಯಾದಿ ದಿವಸ ವರಿಬಿ ತ್ಯುನು ಮನಸ ಮಕ್ಹು ಘನ್ನು ದುರ ಛೆ.
MAR 7:7 ಇವ್ನೆ ಮಾರಿ ಆರಾಧನಾ ಕರಾನು ಸುಜ಼ ಉಪಯೊಗ ನತ್ತಿ. ಕಾಕದ್ಯಾಮ ತ್ಯುನೆ ಕ್ಹುದಾನಿ ಪದ್ದತ ಛೊಡಿನ ತ್ಯುನಾ ನಿಯಮೊ ಉಪದೆಶ ಕರಸ.
MAR 7:8 ತುಮೆ ಕ್ಹುದಾನಿಯೊ ಪದ್ದತ ಛೊಡಿನ ಮನಕ್ಹೊನಿ ಪದ್ದತ ಕರೊಶಿ.
MAR 7:9 ಯೆಸು ತ್ಯುನೊನೆ ಕದ್ಯೊ ತುಮೆ ತುಮಾರಾ ಗ್ಯಾನ ಉಪಯೊಗ ಕರಲಿನ ಕ್ಹುದಾನಿ ಪದ್ದತಿ ದುರ ಕರಾಡಾಸ ವರಿ ತುಮಾರಿಯೊ ಪದ್ದತಿಯೊ ಮನಕ್ಹೊನೆ ಕರೊ ಕೈನ ಶಿಕ್ಕಲಾವಾಡ್ಯಾಸ.
MAR 7:10 ಮೊಶೆ ಸು ಕದ್ಯೊಸ ಕದ್ಯಾಮ ಯಾ. ಬಾಪನೆ ಮರ್ಯಾದಿ ದ್ಯು ವರಿ ಕೈನ ಬಾಪನೆ ರ‍್ಹ್ಯೆನೆಕಾ ಯಾನೆ ರ‍್ಹ್ಯೆನೆಕಾ ಕ್ಹರಾಪಾಲಾನೆ ಮರವಾನಿ ಶಿಕ್ಷಾ ಥಾವು ;
MAR 7:11 ತಿಮ್ಮಜ ತುಮೆ ಕವಾನು ಸುವೈ ಕದ್ಯಾಮ, ಯಕ್ಲೊ ತಿನಾ ಯಾ ಬಾಪನೆ, ದಿವಾನು ಮಿ ಕ್ಹುದಾನೆ ದಿದ್ಯೊಸ ಕವೊ ಕೈನ ಶಿಕ್ಲಾಯಾಸ್ತೊ( ತಿನು ಮತ್ಲಬ ತೆ ಕ್ಹುದಾನು ವ್ಹೈ).
MAR 7:12 ತೆ ತಿನಾ ಯಾ ಬಾಪನೆ ಆಸ್ರೊ ನೈ ಕರ‍್ಯೊ ಸುಜ಼ ತರಾಸ ನತ್ತಿ ಇಮ್ಮ ಕವೊಸಿತೊ.
MAR 7:13 ಇಮ್ಮ ತುಮೆ ಶಿಕ್ಲಾತಾ ಆಯಲ ಪದ್ದತಿಕ್ಹು. ಕ್ಹುದಾನಿಯೊ ವಾತೊನಿ ತಾಕತ ಇಕ್ಹರಿ ಪಾಡೊಶಿ. ವರಿ ಇಮ್ಮಜ಼ ಹವಾ ಕಾಮೊ ಕೆಕ್ಲಾ ಕರೊಶಿ ಕದ್ಯೊ.
MAR 7:14 ತೆ ಥಯಲ್ಪರ ಯೆಸು ಮನಕ್ಹೊನಾ ಗುಂಪನೆ ತಿಕನ ಬಲೈನ ತ್ಯುನೊನೆ ಸು ಕದ್ಯೊ ಕದ್ಯಾಮ ಕ್ಹಾರಿಯೊ ಮಾರಿಯೊ ವಾತೊ ಕಾನ ದಿನ್ನ ಐಕೊ ವರಿ ತಿಳದಿಲಿವೊ.
MAR 7:15 ಭಾರಾತು ಮನಕ್ಹೊನಾ ಮ್ಹೈ ಗೈನ ತ್ಯುನೊನೆ ಹೊಲಸ ಕರಾನು ಯಕ್ಕ ಬಿ ನತ್ತಿ;
MAR 7:16 ತೆನೈಸೊ ಮನಕ್ಹೊಮಾತು ಜಾ಼ವಾನು ತಿನೆಜ ಹೊಲಸ ಕರಸ.
MAR 7:17 ತೆ ಥಯಲ್ಪರ ಯೆಸು ಮನಕ್ಹೊನೆ ಛೊಡಿನ ಘರಮಾ ಜಾ಼ತಾಮಾ ತಿನಾ ಶಿಷ್ಯಾತಿನೆ ತೆ ವಾತನೊ ಮತ್ಲಬ ಸುವೈ ಕೈನ ಪುಚ಼ತಾಮಾ ತೆ ತ್ಯುನೊನೆ.
MAR 7:18 ಯೆಸು ಶಿಷ್ಯಾವೊನೆ ಕದ್ಯೊ. ತುಮೊನೆ ತೆಕ್ಕಲಿಬಿ ಗ್ಯಾನ ನತ್ತಿಸು? ತುಮೊನೆ ಗೊತ್ತ ಥಾತು ನೈಸು ಯಕ್ಕ ಮನಕ್ಹನಾ ಮ್ಹೈಜಾ಼ವಾನು ಕ್ಹರಿಮಾಜ಼ ತಿನೆ ಹೊಲಸ ನೈ ಕರತು. ತೆವೊ ಸುಜ಼ ನತ್ತಿ ಭಾರಾತು ಮನಕ್ಹೊನಾ ಮ್ಹೈ ಜಾ಼ವಾನು.
MAR 7:19 ಕಾಕದ್ಯಾಮ ತೆ ಮನಸ್ಮಾ ಗಯಾವಾಚಿ ಪೆಟಮಾ ಗೈನ ಪಾಚಾ಼ತು ಭಾರು ಜಾ಼ವಸ (ಯೆಸು ಎ ಕೈನ ಖಾವಾನು ಕ್ಹಾರುಬಿ ಚ಼ೊಕು ವ್ಹೈ ಕದ್ಯೊ)
MAR 7:20 ಯೆಸು ವರಿ -ಮನಕ್ಹೊನಾ ಮ್ಹೈತು ಜಾ಼ವಾನುಜ಼ ಮನಕ್ಹೊನೆ ಹೊಲಸ ಕರಸ.
MAR 7:21 ಯಕ್ಕ ಮನಕ್ಹನಾ ಮ್ಹೈತು ಕದ್ಯಾಮ ಮನಕ್ಹೊನಾ ಮನಸ ಮಾತು. ಜಾ಼ವಾನು ಕೈ ವ್ಹೈ ಕದ್ಯಾಮ ತೆ ತಿನೆ ಕೆಟ್ಟ ಕಾಮೊಮಾ ಚ಼ಲಾವಸ ತೆ ಕೈಯು ವ್ಹೈ ಕದ್ಯಾಮ ವೈಭಿಚಾರ ಕಾಮೊ ಚೊ಼ಟ್ಟಿತನಾ ಖಲಾಸ ಕರಾನು.
MAR 7:22 ಸುಳಿತನಾ ಹಾದರತನಾ ದೊಕಡಾವೊಪರ ಆಸ ಕೆಡತನಾ ಮೊಸ ಸಂಗಟ ಘಾಲ್ಲಿವಾನು ಗಾಳೊ ದಿವಾನು ಸೊಕ್ಕಕ ಸುಳ್ಳ ಬೊಲಾನು.
MAR 7:23 ಎ ಕ್ಹಾರಿಯೊ ಕೆಟ ವಿಚಾರೊ ಮನಕ್ಹೊನಾ ಮ್ಹೈತು ಗೈನ ತೆ ಮನಕ್ಹನೆ ಹೊಲಸ ಕರಸ ಕದ್ಯೊ.
MAR 7:24 ಯೆಸು ತ್ಯಾಂತೊ ಉಟಿನ ಜಾ಼ತೊ ತೊರ ಕವಾನಾ ಗಾಮ್ನಾ ನಜಿ಼ಕ ರ‍್ಹಯಲ ಪ್ರದೆಶೆ ಗಯೊ. ಗೈನ ಯಕ್ಕ ಘರಮಾ ಗಯೊ ತೆ ಕಿನೆಜ಼಼ ಗೊತ್ತ ಥಾವುನೈ ಕೈಲಿದ್ಯೊ. ತೆನೈಸೊ ತೆ ಝಕೈನ ರ‍್ಹವಾನೆ ಥಯೊ ನೈ
MAR 7:25 ತೆಳಾಮಾಜ಼ ಯಕ್ಕ ಹೆಣ ಮನಕ್ಹ ತಿನಿ ದಿಕ್ರಿನಾ ಅOಗಮಾ ಕೆಟ್ಟ ಆತ್ಮಾ ವ್ಹತ್ತಿ ಯೆಸು ತ್ಯಾ ಛೆ ಕೈನ ಸುದ್ದಿ ಐಕಿನ ತಿನಾ ಪಗೊಮಾ ಐನ ಪಡಿ.
MAR 7:26 ತೆ ಹೆಣ ಮನಕ್ಹ ಬಿಜಿ ಜಾ಼ತನಿ ವ್ಹತ್ತಿ ತೆ ಶಿರಿಯ್ಯಾ ಪೊಯಿನಿಕ್ಕಯ ಪ್ರಾOತ್ಯ ಮಾ ಹುಟ್ಟಿತಿ ತೆ ಯಹುದ್ಯೊನಿ ಜಾ಼ತನಿ ನ್ಹೊತಿ. ತೆ ತಿನಿ ದಿಕ್ರಿನು ಕೆಟ್ಟ ಆತ್ಮಾ ಛೊಡಾ ಕೈನ ಯೆಸುಕನ ಮಾಂಗಿಲೆತಾಮಾ.
MAR 7:27 ಯೆಸು ತಿನೆ- ಬಚ್ಚಾವೊನೆ ಪೈಲಾ ತೃಪ್ತ ಥಾವಾದೆ; ಬಚ಼್ಚಾಖಾವಾನೊ ರೊಕ್ಲೊ ಕಾಳ್ಳಿನ ಕುತ್ರಾವೊನಾ ಬಚ್ಚಾವೊನೆ ಘಾಲಾನು ಚೊ಼ಕು ವ್ಹೈಸು ಕದ್ಯೊ.
MAR 7:28 ತೆ ವಾತೆ ತೆ -ಸ್ವಾಮಿ ಆ ವಾತ ಕ್ಹರಿ ವ್ಹೈ ಟೆಬಲನಾ ಹೆಟಾ ರ‍್ಹಯಲ ಕುತ್ರಾವೊನಾ ಬಚ್ಚಾ ಮನಕ್ಹನಾ ಬಚ್ಚಾ಼ನಾ ಹತಮಾತಾ ಪಡಲ ರೊಕ್ಲಾನಾ ತುಕಡಾ ಖಾವಸ್ತೊ ಕೈನ ಜ಼ವಾಬ ದೆತಾಮಾ.
MAR 7:29 ಯೆಸು ತಿನಿ ವಾತೆ ತಿನೆ ಸು ಕದ್ಯೊ ಕದ್ಯಾಮ ತಾರಿ ದಿಕ್ರಿನೆ ಕೆಟ್ಟ ಆತ್ಮಾ ಛೊಡಿಪಾಡ್ಯುಸ ಜಾ಼ ಕದ್ಯೊ.
MAR 7:30 ತೆ ತಿನಾ ಘರೆ ಗೈನ ದೆಕ್ತಾಮಾ ತೆ ಛೊಕ್ರಿ ವಚ್ಚಾ಼ನಾಮಾ ಅರಾಮ ಕ್ಹುರೈತಿ ವರಿ ತಿನೆ ಕೆಟ್ಟ ಆತ್ಮಾ ಛೊಡಿನ ಗೈ ಪಡಿತಿ.
MAR 7:31 ತೆ ಥಯಲ್ಪರ ಯೆಸು ತೊರ ಗಾಮ ಛೊಡಿನ ಸಿದೊನ ಗಾಮ ಪರತೊ ದೆಕಪೊಲಿ ಗಲಿಲಾಯ ಸಮುಂದರಕನ ರ‍್ಹಯಲ 10 ಗಾಮೊ ದಾಟಿನ ಚಾ಼ಲ್ಯೊತೊ.
MAR 7:32 ತೆಳಾಮಾ ದಕ್ಹಾಜ಼಼ನಾ ತ್ವದಲಿನ ಬೊಲಾನಾ ಯಕ್ಕ ಕ್ಯುಡಾನೆ -ಯೆಸುಕನ ಬಲೈ ಲೈನ ಇಪರ ತು ಹತ್ತ ಮ್ಹೆಲ ಕೈನ ಮಾಂಗಿಲಿದ್ಯಾ.
MAR 7:33 ಯೆಸು ತಿನೆ ಮನಕ್ಹೊನಾ ಗುಂಪಮಾತೊ ಯಕ್ಕ ಬಗಲ ಬಲೈ ಲಿನ ಗೈನ ತಿನಾ ಬೊಟೊ ತಿನಾ ಕಾನೊಮಾ ಮುಕ್ಕಿನ ಥುಕ್ಕಿನ ತಿನಿ ಜಿಬ್ಬ ಮುಟ್ಯೊ. ಹಬಾಳನೆ ದೆಕಿನ ಉಸುಲ ಛೊಡಿನ ತಿನೆ
MAR 7:34 ಎಪ್ಫಥಾ ಕೈನ ಕದ್ಯೊ. ತೆ ವಾತನೊ ಮತ್ಲಬ ವ್ಹೈ ಖುಲ್ಲಾಥಾವಾದೆ ಕೈನ.
MAR 7:35 ಕತಾಮಾ ತೆಳಾಮಾಜ಼ ತಿನಾ ಕಾನೊ ಖುಲ್ಲಾಥಯಾ ತಿನಿ ಜಿಬ್ಬಬಿ ಖುಲ್ಲಾ ಥೈ ತೆ ತರಾಸನೈಸೊ ಬೊಲ್ಯೊ.
MAR 7:36 ತೆಳಾಮಾ ಯೆಸು ಕಿನೆಜ಼಼ ಎ ತಿಳಸುನಕೊ ಕೈನ ತಾಕಿತ ಕರ‍್ಯೊ ವರಿ ಕೆಕ್ಲೊ ಕದ್ಯೊತಬಿ ವರಿ ಘನ್ನಾ ಮನಕ್ಹೊಕನ ಕದ್ಯೊ.
MAR 7:37 ಎ ಐಕಲವಾಲಾ ಕ್ಹಾರಾಜ಼ನಾ ಘನ್ನಾ ಘಾಬ್ರಾಥೈನ ಕ್ಹಾರು ಚೊ಼ಕು ಕರ‍್ಯೊಸ ಕಿವ್ಡಾ ರ‍್ಹಯಲವಾಲಾನೆ ಐಕಾ ವರಕ್ಹು ಕರಸ. ಮುಕಾ ರ‍್ಹಯಲವಾಲಾನೆ ಬೊಲಾ ವರಕ್ಹು ಕರಸ ಕೈನ ತಿಳದಿಲಿದ್ಯಾ.
MAR 8:1 ತೆ ದಿನಮಾ ಮನಕ್ಹೊ,ಫರಿನ ಗುಂಪ ಥೈನ ಕುಡಿನ ಆತಾಮಾ ತ್ಯುನೊನೆ ಖಾವಾನೆ ಸು ನೈಸೊ ಯೆಸು ತಿನಾ ಶಿಷ್ಯಾವೊನೆ ನಜಿ಼ಕ ಬಲೈನ ವರಿ ಕದ್ಯೊ.
MAR 8:2 ಆ ಮನಕ್ಹೊನೆ ದೆಕಿನ ಮರಗಾ ಐಸ. ಯುನೆ ಮಕನ ಐನ ತನ ದಿನ್ನ ಥಯಾಸ. ಇವ್ನೊನೆ ಖಾವಾನೆ ಸುಜ಼ ನತ್ತಿ.
MAR 8:3 ಇವ್ನೊನೆ ಭುಕ್ಕಕಾವೊನೆಜ಼ ಘರೆ ಮೊಕ್ಕಲಿಪಾಡ್ಯಾಮ ವಾಟಮಾ ಚಕ್ಕರ ಐನ ಪಡಿಜಾ಼ವಸ ಇವ್ನೊಮಾ ದಕ್ಹಾಜ಼಼ನಾ ದುರತಾ ಆಯಾಸತೊ.
MAR 8:4 ತಿನಾ ಶಿಷ್ಯಾ ಕದ್ಯಾ ಕುನ್ನಜ಼ ನೈಸೊ ಜ಼ಗಾಮಾ ರೊಕ್ಲಾ ಕಿಜ಼್ಗಾಂತಾ ಲೈನ ಯುನು ಪೆಟ ಭರಾಯ್ಯೆ? ಕದ್ಯಾ.
MAR 8:5 ಯೆಸು ತ್ಯುನೊನೆ ಪುಚ್ಯೊ ತುಮೊಕನ ಕೆಕ್ಲಾ ರೊಕ್ಲಾ ಛೆ ಕೈನ ತ್ಯುನೊನೆ ಪುಚ಼ಲಕ್ಹು ತಿವ್ನಾ ಕ್ಹಾತ ಛೆ ಕದ್ಯಾ.
MAR 8:6 ತೆಳಾಮಾ ಯೆಸು ತೆ ಮನಕ್ಹೊನಾ ಗುಂಪನೆ ಜಿಮಿನ್ಪರ ಬೈಟೊ ಕೈನ ಅಪ್ಪಣೆ ದಿನ್ನ ತೆ ಕ್ಹಾತ ರೊಕ್ಲಾ ಲಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕ್ಲಾ ಭಾಗಿನ ತಿನಾ ಶಿಷ್ಯಾಯೊನಾ ಹತ್ಮಾ ವಾಟಾಹುತಿ ದಿದ್ಯೊ.
MAR 8:7 ತ್ಯುನೆ ತೆ ಗುಂಪಮಾ ರ‍್ಹಯಲವಾಲಾವೊನಾ ವಾಟಿನ ದಿದ್ಯಾ. ಎನೈಸೊ ತಿವ್ನೊಮಾ ದಕ್ಹಿಯೊ ನ್ಹಾನಿಯೊ ಮಚ್ಲಿ಼ಯೊ ವ್ಹತ್ತಿಯೊ ಯೆಸು ಲಿನ ಕ್ಹುದಾನೆ ಸ್ತೊತ್ರಾ ಕೈನ ತ್ಯುನೊನೆ ವಾಟಾನೆ ದಿದ್ಯೊ.
MAR 8:8 ತ್ಯುನೆ ಪೆಟ ಭರೆಲಕ್ಕಾ ಖೈನ ಉಗ್ರಲ ತುಕಡಾ ರೊಕ್ಲಾ ಮಳಾತಾಮಾ ಕ್ಹಾತ ಟೊಪ್ಲಿಯೊ ಥಯ್ಯೊ.
MAR 8:9 ಖಾದಲವಾಲಾ ಕಮ ಜಾಸ್ತ ಚಾರ ಹಜಾ಼ರ ಮನಕ್ಹೊ ವ್ಹತ್ತಾ ಪಾಚಲ್ತೊ ಮನಕ್ಹೊನೆ ಮೊಕ್ಕಲಿಪಾಡ್ಯೊ.
MAR 8:10 ಯೆಸು ತ್ಯುನೊನೆ ಮೊಕ್ಕಲಿಪಾಡಲ್ಪರ ತೆಳಾಮಾಜ಼ ತಿನಾ ಶಿಷ್ಯಾವೊನೆ ಲಿನ ಹಡ್ಗೊ ಚ಼ಡಿನ. ದಲ್ಮುಥ ಗಾಮೆ ಗಯಾ..
MAR 8:11 ತೆಳಾಮಾ ಫರಿಸಾಯರೊ ಐನ ಯೆಸುನಾ ಕ್ಹಾತೆ ತಕ್ಕರಾರ ಕರತಾ. ತಿನೆ ಪರಿಕ್ಷಾ ಲಿವಾನಾಹುತಿ ವರಿ ಕ್ಹಾಪಡಾವಾಹುತಿ - ತು ಕ್ಹುದಾಕಂತೊ ಆಯಲ ರ‍್ಹಯೊಮ ಹಬಾಳಮಾ ಯಕ್ಕ ಅಗ್ದಿ ಮ್ಹೊಟು ಕಾಮ ಕರಿನ ದೆಕಾಡ ಕದ್ಯಾ.
MAR 8:12 ತಿಕನ ಪುಚ್ತಾಮಾ ಯೆಸು ತಿನಿ ಆತ್ಮಾಮಾ ದುಕ ಕರಲಿನ ಉಸುಲ ಛೊಡ್ಯೊ ಎ ಮನಕ್ಹೊ ಅಗ್ದಿ ಮ್ಹೊಟು ಕಾಮ ಕಾ ಹುಡುಕಾನು ಕಾ? ಮಿ ತುಮೊನೆ ಕ್ಹರಿಜ಼ ಕೌಸ, ಮನಕ್ಹೊನೆ ಅಗ್ದಿ ಮ್ಹೊಟು ಕಾಮ ಕರಿನ ಸಾಕ್ಷಿ ನೈ ದೆಕಾಡತೊ.
MAR 8:13 ಕೈನ ತೆ ತ್ಯುವ್ನೊನೆ ಛೊಡಿನ ಹಡಾಗಾಮಾ ಚ಼ಡಿನ ಬಿಜಿ಼ ದಂಡಿಯೆ ಗಯೊ.
MAR 8:14 ಶಿಷ್ಯಾ ಹಡಗಾಮಾ ಜಾ಼ತಾಮಾ ರೊಕ್ಲಾವೊನಿ ಭುತಿ ಭಾಂದಿಲಿವಾನು ಇಕ್ಹರ‍್ಯಾತಾ ಹಡಗಾಮಾ ತ್ಯುನೊನೆ ಯಕಜ಼ ರೊಕ್ಲೊ ವ್ಹತ್ತೊ ಬಿಜು಼ ಸುಜ಼ ನ್ಹೊತು.
MAR 8:15 ಯೆಸು ತ್ಯುನೊನೆ. ಫರಿಸಾಯರೊ ವರಿ ಹೆರೊದನಾ ಖಾಟೊ ಲೊಟನಾ ವಾಸ್ತರ ಹುಶಾರ. ದೆಕಿ ಲಿವೊ ಕೈನ ಖರಿಮಾಜ಼಼ ತ್ಯುನೊನೆ ಕತಾಮಾ ತ್ಯುನೆ
MAR 8:16 ಅಪ್ನೊಕನ ರೊಕ್ಲಾ ನತ್ತಿ ಕೈನ ತೆ ಇಮ್ಮ ಬೊಲ್ಯೊ ಕೈನ ಶಿಷ್ಯಾ ತಿವ್ನೊಮಾಜ಼ ಬೊಲ್ಲಿವಾಡ್ಯಾತಾ.
MAR 8:17 ಯೆಸು ತೆ ತಿಳದಿಲಿನ ರೊಕ್ಲಾ ನತ್ತಿ ಕೈನ ಬೊಲ್ಲಿವಾನು ಕಾ? ತುಮೆ ಹಜು಼ನ ತಿಳದಿಲಿದ್ಯಾನತ್ತಿಸು? ತಿಳವಳಕಿ ನತ್ತಿ ಐ ಸು? ತುಮಾರಾ ಮನಸ್ಮಾ ತಿಳದ್ಯಾ ನತ್ತಿಸು?
MAR 8:18 ಡೊಳಾ ರೈನ ಬಿ ದಿಕ್ಹ್ತು ನೈಸು? ಕಾನೊ ರೈನ ಬಿ ಐಕ್ತಾ ನೈಸು? ತುಮೊನೆ ಶೆ ನತ್ತಿಸು?
MAR 8:19 ಮಿ ಪಾಂಚ಼ ರೊಕ್ಲಾ ಭಾಗಿನ ಪಾಂಚ಼ ಹಜಾ಼ರ ಮನಕ್ಹೊನೆ ವಾಟಾನೆ ದಿದಲಮಾ ಉಗ್ರಲ ತುಕಡಾ ಕೆಕ್ಲಾ ಭರ‍್ಯಾ ಕೈನ ಪುಚ಼ತಾಮಾ ತ್ಯುನೆ ಬಾರಾ ಟೊಪ್ಲಿಯೊ ಕದ್ಯಾ.
MAR 8:20 ವರಿ ಕ್ಹಾತ ರೊಕ್ಲಾ ಚಾರ ಹಜಾ಼ರ ಮನಕ್ಹೊನೆ ವಾಟಲಮಾ ಉಗ್ರಲ ಕೆಕ್ಕಲೆಯೊ ಟೊಪ್ಲಿಯೊ ಭರ‍್ಯಾ ಕೈನ ಪುಚ಼ತಾಮಾ ತ್ಯುನೆ ಕ್ಹಾತ ಟೊಪ್ಲಿಯೊ ಕದ್ಯಾ.
MAR 8:21 ತೆಳಾಮಾ ಯೆಸು ತ್ಯುನೊನೆ- ತುಮೊನೆ ಹಜು಼ನ ತಿಳವಳಕಿ ಐ ನತ್ತಿಸು? ಕೈನ ಪುಚ್ಯೊ.
MAR 8:22 ವರಿ ತ್ಯುನೆ ಬೆತ್ಸಾಯಿ ಗಾಮೆ ಆಯಾ. ತ್ಯಾ ಮನಕ್ಹೊ ಯಕ್ಕ ಕುಡ್ಡಾನೆ ಯೆಸುಕನ ಬಲೈ ಲೈನ ಅನೆ ಮುಟ್ಟ ಕೈನ ತಿಕನ ಮಾಂಗಿಲಿದ್ಯಾ.
MAR 8:23 ಯೆಸು ತೆ ಕುಡ್ಡಾನೊ ಹತ್ತ ಧರಿನ ಗಾಮ್ನಾ ಭಾರೊ ನಿಂಗೈನ ತಿನಾ ಡೊಳಾಪರ ಥುಕ್ಕಕಿನ ತಿಪರ ಹತ್ತ ಮ್ಹೆಲಿನ-ತುನೆ ಸುಬಿ ದಿಕ್ಹಾಡ್ಯುಸು? ಕೈನ ತಿನೆ ಪುಚ್ಯೊ.
MAR 8:24 ತೆ ಮಾತು ಉಚೈನ ದೆಕಿನ ಮನೆ ಮನಕ್ಹೊ ದಿಕ್ಹಾಡ್ಯಾಸ; ತ್ಯುನೆ ಝಾಡೊ ಲಿಂಗತ ದಿಕ್ಹ್ಯಾತಬಿ ಫರವಾಡ್ಯಾಸ ಕದ್ಯೊ.
MAR 8:25 ತೆಳಾಮಾ ಯೆಸು ತಿನಾ ಡೊಳಾಪರ ಫರಿನ ಹತ್ತ ಮ್ಹೆಲ್ತಾಮಾ ;ತೆ ಡೊಳಾ ಖೊಲಿನ ದೆಕ್ತಾಮಾ ತೆ ಅರಾಮ ಥಯೊತೊ. ಕ್ಹಾರು ಚೊ಼ಕಿ ತರಾ ದಿಕ್ಹಾಡ್ಯುತು
MAR 8:26 ತೆಳಾಮ ಯೆಸು ತಿನೆ ತು ಎ ಗಾಮ್ನಾ ಮ್ಹೈ ಜಾ಼ವುನಕೊ ಕೈನ ತೆ ತಿನಾ ಘರೆ ಮೊಕ್ಕಲಿಪಾಡ್ಯೊ.
MAR 8:27 ಯೆಸು ತಿನಾ ಶಿಷ್ಯಾ ಫಿಲಿಪ್ಪನ ಕೈಸರೆಯ ಕವಾನಾ ಗಾಮೆ ಮಳಲ ಗಾಮೊಯೆ ಚಾ಼ಲ್ಯಾತಾ ವಾಟಮಾ ಯೆಸು -ಮನಕ್ಹೊ ಮನೆ ಕುನ್ನ ವ್ಹೈ ಕೈನ ಕವಸ. ಕೈನ ಶಿಷ್ಯಾವೊನೆ ಪುಚ಼ತಾಮಾ. ತ್ಯುನೆ
MAR 8:28 ತುನೆ ದಕ್ಹಾಜ಼಼ನಾ ಬಾಪ್ತಿಸ್ಮ ದಿಲಾವಾಲೊ ಯೊಹಾನ ವ್ಹೈ ಕವಸ ; ದಕ್ಹಾಜ಼಼ನಾ ಎಲಿಯಾ ಕವಸ;ಹಜು಼ನ ದಕ್ಹಾಜ಼಼ನಾ ಪ್ರವಾದಿಮಾನೊ ಯಕ್ಲೊ ವ್ಹೈ ಕವಸ;
MAR 8:29 ಯೆಸು ತ್ಯುನೊನೆ ವರಿ ತುಮೆ ಮನೆ ಕುನ್ನ ವ್ಹೈ ಕವೊಸಿ? ಕೈನ ಪುಚ಼ತಾಮಾ ತಿಮಾನೊ ಪೆತ್ರಾ ತು ಕ್ರಿಸ್ತ ವ್ಹೈ ಕದ್ಯೊ.
MAR 8:30 ತೆ ವಾತೆ ಯೆಸು ಮಾರಾ ಹುತಿ ಕಿನೆಜ಼಼ ಕೌ ನಕೊ ಕದ್ಯೊ.
MAR 8:31 ಎನೈಸೊ ಮನಕ್ಹನೊ ದಿಕ್ರೊ ಘನ್ನು ಕಷ್ಟ ಖೈನ ಮ್ಹೊಟಾ ಮನಕ್ಹೊನಾ ಹತೆ ಖಾಸ ಯಾಜಕನಾ ಹತೆ ಶಾಸ್ತ್ರಿಯೊನಾಹತೆ ಇನ್ಕಾರಿನ ಮಾರಾ ಲಗಾಡಿಪಾಡಸ. ಮರಿನ ತನ ದಿನ್ಪರ‍ ವಾಚಿ಼ನ ಆವಾನು ಛೆ ಕೈನ ಉಪದೆಶ ಕವಾನು ಶುರು ಕರ‍್ಯೊ.
MAR 8:32 ತೆ ತೆಳಾಮಾ ಯೆಸು ಎ ವಾತೊ ಝಾಕಿನ ಮ್ಹೆಲ್ಯಾ ವಾಚಿ಼ ಕದ್ಯೊ. ತೆಳಾಮಾ ಪೆತ್ರಾ ತಿನೊ ಹತ್ ಧರಿನ ತಿನೆ ಗದರಸಾನೆ ಚ಼ಾಲು ಕರ‍್ಯೊ.
MAR 8:33 ತೆಳಾಮಾ ಯೆಸು ಶಿಷ್ಯಾವೊನೆ ಪಾಚೊ಼ ಫರಿನ ದೆಕಿನ ಪೆತ್ರಾನೆ ಸೈತಾನ. ಮಾರಾ ಕ್ಹಾಮೊ ಹುಬ್ರೌ ನಕೊ. ಜಾ಼. ತಾರಿ ವಿಚಾರ ವ್ಹೈ ಕ್ಹುದಾಕಂತು ಆಯಲ ವಿಚಾರ ನ್ಹವೈ ಕೈನ ಗದರಶೊ.
MAR 8:34 ತೆ ಥಯಲ್ಪರ ತಿನಾ ಶಿಷ್ಯಾವೊನಾವರಿ ಮನಕ್ಹೊನಾ ಗುಂಪನೆ ಬಲೈನ ತ್ಯುನೊನೆ ಸುಕದ್ಯೊ ಕದ್ಯಾಮ ಕಿನೆಬಿ ರ‍್ಹವಾದೆ ಮಾರಾ ಪಾಚಾ಼ ಆವಾನು ಮನಸ ರ‍್ಹಯುಮ ತಿನೆ ತೆ ಇಕ್ಹರಿನ ತಿನಿ ಶಿಲುವಿ ಉಚೈಲಿನ ಮಾರಾ ಪಾಚೊ಼ ಆವಾದೆ.
MAR 8:35 ಕಯೊಬಿ ತಿನೊ ಜ಼ಲಮ ತೆ ವಚಾ಼ಡಿಲಿವಾನೆ ಕರತೊ ರ‍್ಹಯೊಮ. ತಿನೊ ಜ಼ಲಮ ತೆ ಜ಼ವೈ ಲಿವಸ. ನೈತೊ ತಿನೊ ಜ಼ಲಮ ಮಾರಾಹುತಿ ಸುವಾರ್ತೆನಾ ಹುತಿ ಜ಼ವಾಲಿದ್ಯೊಮ ತಿನೊ ಜ಼ಲಮ ತೆ ವಚಾ಼ಡಿಲಿವಸ.
MAR 8:36 ಯಕ್ಕ ಮನಕ್ಹ ದುನಿಯಾಮಾ ಸುಬಿ ಗಳಶ್ಯೊಮ ತಿನೊ ಜ಼ಲಮ ಗೈ ಪಾಡ್ಯೊಮ ತಿನೆ ಸು ಫೈದೊ ಕದ್ಯಾಮ ಕ್ಹುದಾನಾ ಕ್ಹಾತೆ ರ‍್ಹವಾನೊ ಹಮೆಶಾನೊ ಜ಼ಲಮ ಜ಼ವೈಲಿದ್ಯೊಮ ತಿನೆ ಸು ಫೈದೊ ವ್ಹೈ? ಸುಜ಼ ನ್ಹವೈ
MAR 8:37 ಯಕ್ಲೊ ತಿನಾ ಜ಼ಲಮನೆ ಸು ಮುಕ್ಕಿಲಿವಾನು ಛೆ.
MAR 8:38 ಕ್ಹುದಾನೊ ಭೆ ನೈಸೊವಾಲಾ ಎ ಪಾಪಿ ದಿನೊಮಾ ಮಾರಾ ಹುತಿ ಮಾರಿಯೊ ವಾತೊಕ್ಹು ಕುನ್ನ ಸರಮಸ ತಿನೆ ಮನಕ್ಹನೊ ದಿಕ್ರೊ ತೆ ತಿನಾ ಬಾಪ್ನಿ ಮಹಿಮಾನಾ ಕ್ಹಾತೆ ಪರಿಶುದ್ಧ ದುತೊನಾ ಕ್ಹಾತೆ ಆತಾಮಾ ತಿನಾ ಹುತಿ. ತೆ ಸರಮಸ ಕದ್ಯೊ.
MAR 9:1 ವರಿ ಕತೊ ರ‍್ಹತಾಮಾ ಅಮ್ಮ ಕದ್ಯೊ ತುಮೊನೆ ಕ್ಹರಿ ಕೌಸ. ನ್ಹ್ಯಾ ರ‍್ಹಯಲ ವಾಲಾಮಾನಾ ದಕ್ಹಾ ಜ಼ನಾ ಕ್ಹುದಾನಿ ತಾಕತನಿ ಅದಿಕಾರಕ್ಹು ರಾಜ್ಯ ಆವಾನು ದೆಕೆಲಕ್ಕಕಾ ತ್ಯುನೆ ಮರತಾನೈ. ಕದ್ಯೊ.
MAR 9:2 ವರಿ. ಛೆ. ದಿನ್ನ ಥಯಲ್ಪರ ಯೆಸು ಪೆತ್ರಾ ಯಾಕೊಬ ಯೊಹಾನ ತ್ಯುನೊನೆಜ಼ ಜು಼ದೊ ಬಲೈ ಲಿಂಗೈನ ಉಚ್ಚಾರ‍್ಹಯಲ ಡೊಂಗರಪರ ಗಯಾ ತೆಳಾಮಾ ತ್ಯುನಾ ಡೊಳಾಕ್ಹಾಮೊ ಯೆಸುನೊ ರುಪ ಬಿಜೊ಼ಥಯೊ
MAR 9:3 ತಿನಾ ಧೊಳಾ ವಣ್ಣಾ ಘನ್ನಾ ಮಿಂಚಾ಼ಡ್ಯಾತಾ ಜಿಮಿನ್ಪರ ರ‍್ಹಯಲವಾಲಾ ಕುನ್ನಜ಼ ಯಕ್ಲು ಹಸಾ ಧೊತಾ ನೈ ತೆಕ್ಲಾ ಧೊಳಾ ವ್ಹತ್ತಾ.
MAR 9:4 ತೆಳಾಮಾ ಎಲಿಯಾ, ಮೊಶೆ, ಯೆಸುನಾ, ಕ್ಹಾತೆ ಬೊಲಾನು ತನ್ನೆ ಶಿಷ್ಯಾ ದೆಕ್ಯಾ.
MAR 9:5 ತೆಳಾಮಾ ಪೆತ್ರಾ ಯೆಸುನೆ-ಗುರು ಅಪೆ ನ್ಹ್ಯಾಜ಼ ರ‍್ಹವಾನು ಚೊ಼ಕು ವ್ಹೈ ತನ ಝುಪ್ಡಾ ಭಾಂದಿಯೆ. ತುನೆ ಯಕ್ಕ ಮೊಶೆನೆ ಯಕ್ಕ ಎಲಿಯಾನೆ ಯಕ್ಕ ಇಮ್ಮ ಕದ್ಯೊ.
MAR 9:6 ಸು ಕವೊ ಕೈನ ತಿಳದ್ಯಾವಾಚಿ ಇಮ್ಮ ಬೊಲ್ಯೊ. ತ್ಯುನೆ ಘನ್ನಾ ಭುಚ್ಕಿ಼ ಗಯಾತಾ.
MAR 9:7 ತೆಕ್ಲಾಮಾಜ಼಼ ಮ್ಹಾಡ ತ್ಯುನಾ ಉಪ್ಪರ ಐನ ಹುಬ್ರಯು. ತೆ ಮ್ಹಾಡಮಾತು ಎ ಮಾರೊ ಮಯಾನೊ ಥಯಲ ದಿಕ್ರೊ ವ್ಹೈ ಇನಿ ವಾತ ಐಕೊ ಕೈನ ಹಬಾಳಮಾತೊ ಬೊಲಲ ಅವಾಜ಼ ಐಯು.
MAR 9:8 ತೆಳಾಮಾಜ಼ ತ್ಯುನೆ ಸುತ್ತೆ ದೆಕ್ತಾಮಾ ತ್ಯುನಾ ಕ್ಹಾತೆ ಯೆಸುನೆ ಛೊಡಿನ ಬಿಜು಼ ಕುನ್ನಜ಼ ದಿಕ್ಹ್ಯು ನೈ.
MAR 9:9 ತ್ಯುನೆ ತೆ ಡೊಂಗರಪರತಾ. ಉತ್ರಿನ ಆತಾಮಾ ಯೆಸು ತ್ಯುನೊನೆ - ತುಮೆ ಎ ದೆಕಲ ಮನಕ್ಹನೊ ದಿಕ್ರೊ ಮರಿನ ಜುತೊ ಥೈನ ಉಟಿನ ಆಯೆಲಕ್ಕಾ ಕಿನೆಜ಼಼ ಕವೊನಕೊ ಕದ್ಯೊ.
MAR 9:10 ತ್ಯುನೆ ತಿನಿ ವಾತ ಐಕ್ಯಾ. ತೆ ವಾತ ಧರಿನ ಮರಿನ ಜುತೊ ಥಾವಸ ಕದ್ಯಾಮ ಸುವೈ? ಕೈನ ತ್ಯುನೊಮಾಜ಼ ಬೊಲ್ಲಿದ್ಯಾ.
MAR 9:11 ಎನೈಸೊ ತ್ಯುನೆ ಎಲಿಯಾ ಪೈಲಾ ಆವಾನು ಛೆ ಕೈನ ಶಾಸ್ತ್ರಿಯೊ ಕವಸ್ತೊ. ಎ ಕಿಮ? ಕೈನ ಯೆಸುನೆ ಪುಚ಼ತಾಮಾ ಯೆಸು.
MAR 9:12 ತೆ ಕದ್ಯೊ ಎಲಿಯಾ ಪೈಲಾ ಐನ ತಯ್ಯಾರ ಕರಸ ಕ್ಹರಿ ವ್ಹೈ ವರಿ ಮನಕ್ಹನಾ ದಿಕ್ರಾನಾ ಹುತಿ ತೆ ಘನ್ನೊ ಕಷ್ಟ ಖೈನ ಇನ್ಕಾರ ಥಾವಸ ಕೈನ. ಬರ್ದಲ ಛೆ ಎ ಕಿಮ?
MAR 9:13 ತೆನೈಸೊ ಮಿ ತುಮೊನೆ ಸು ಕೌಸ ಕದ್ಯಾಮ-ಎಲಿಯಾ ಆಯೊ ವರಿ ತಿನಿ ಪವಿತ್ರ ಗ್ರಂಥಮಾ ಪೈಲಾಜ಼ ಬರ್ದಲ ಛೆ. ತಿಮ್ಮಜ ಮನಕ್ಹೊ ತ್ಯುನಾ ಮನಸ್ಮಾ ಕೆಟ ಆಯಲ ತಿಮ್ಮಜ಼ ತ್ಯುನೆ ಕರಿಪಾಡ್ಯಾ ಕದ್ಯೊ.
MAR 9:14 ಎ ಥಯಲ್ಪರ ತ್ಯುನೆ ತಿನಾ ಉಗ್ರಲ ಶಿಷ್ಯಾವೊಕನ ಐನ ತಿವ್ನಾ ಸುತ್ತೆ ರ‍್ಹಯಲ ಮನಕ್ಹೊನು ಮ್ಹೊಟು ಗುಂಪ ತಿವ್ನಾ ಕ್ಹಾತೆ ಶಾಸ್ತ್ರಿಯೊ ತಕ್ಕರಾರ ಕರಾನು ದೆಕ್ಯಾ.
MAR 9:15 ತೆಳಾಮಾಜ಼ ಗುಂಪಮಾ ರ‍್ಹಯಲವಾಲಾ ಯೆಸುನೆ ದೆಕಿನ ಘನ್ನಾ ಘಾಬ್ರಾಥೈನ ತಿಕನ ನ್ಹಾಟಿನ ಐನ ತಿನೆ ಹತ್ ಜೊ಼ಡ್ಯಾ.
MAR 9:16 ಯೆಸು ಶಿಷ್ಯಾವೊನೆ ಪುಚ್ಯೊ? ಇವ್ನಾ ಕ್ಹಾತೆ ಸು ತಕ್ಕರಾರ ಕರಾಡಾಸ.
MAR 9:17 ಕೈನ ಪುಚ಼ಲ ಹುತಿ ತೆ ಗುಂಪಮಾನೊ ಯಕ್ಲೊ ಎ ಗುರು ಮಾರಾ ದಿಕ್ರಾನೆ ತುಕನ ಬಲೈ ಲಾಯೊಸ ಕಾಕದ್ಯಾಮ ಇನಾಮಾ ಭುತ್ಡು ಛೆ; ಎ ಬೊಲ್ತೊ ನೈ
MAR 9:18 ತೆ ಕಿಜ್ಗಾ಼ಬಿ ತಿಪರ ಐನ ತಿನೆ ಪಾಡಿಪಾಡಸ; ತೆಳಾಮಾ ತಿನಾ ಮ್ಹೊಡಾಮಾತು ಬುರುಕ ಚು಼ವಾವಸ. ವರಿ ಕಟ-ಕಟ ದಾತೊ ಖಾತೊ ಶಡ್ದೈ ಜಾ಼ವಸ ತೆ ಛೊಡಾಕೈನ ತಾರಾ ಶಿಷ್ಯಾವೊಕನ ಕೈಲಿದ್ಯೊ. ತಿವ್ನಾ ಹತೆ ಥಯ್ಯೊನೈ. ಕದ್ಯೊ.
MAR 9:19 ತಿನಾಹುತಿ ಯೆಸು ತಿನಾಶಿಷ್ಯಾವೊನೆ -ಎ ಬರೊಕ್ಹೊ ನೈಸೊವಾಲಾವೊ? ಮಿ ಹಜು಼ನ ಕೆಕ್ಲಾ ದಿನ್ನ ತುಮಾರಾ ಕ್ಹಾತೆ ರ‍್ಹೌ? ಹಜು಼ನ ಕೆಕ್ಲಾ ದಿನ್ನ ತುಮೊನೆ ತಡ್ದಿಲಿವ? ತೆ ಪಟ್ಟಾನೆ ಲಿನ ಮಕನ ಆವೊ.
MAR 9:20 ಕತಾಮಾ ತೆ ಪಟ್ಟಾನೆ ಲಿನ ಯೆಸುಕನ ಆಯಾ ತಿನೆ ದೆಕಲ ಬರೊಬ್ಬರ ತೆ ಪಟ್ಟಾನೆ ಭುತ್ಡು ಘನ್ನು ವದ್ಯಾಡಸಿನ ತೆ ಜಿಮಿನ್ಪರ ಪಡಿನ ಮ್ಹೊಡಾಮಾನು ಬುರುಕ ಚು಼ವಾತೊ ಉಳ್ಯಾಡಶು.
MAR 9:21 ಯೆಸು ತಿನಾ ಬಾನೆ ಇನೆ ಇಮ್ಮ ಥೈನ ಕೆಕ್ಲಾ ದಿನ್ನ ಥಯಾ. ಕೈನ ಪುಚ್ತಾ಼ಮಾ ಇನೆ ನ್ಹಾನೊ ರ‍್ಹತಮಾ ಇಮ್ಮ ಥಯುಸ. ಕದ್ಯೊ.
MAR 9:22 ವರಿ ಇನೆ ತೆ ಕೆಟ ಆತ್ಮಾ ಮಾರಿಪಾಡು ಕೈನ ಆಗಮಾ ಪಾನಿಮಾ ಪಾಡಿಪಾಡ್ಯುಸ. ತಾರಾ ಹತೆ ಥಾವಾನುರ‍್ಹಯುಮ ಮನೆ ಮರಗಿನ ಹಮ್ನೊನೆ ಸಹಾಯಾ ಕರಕೈನ ಕೈಲಿದ್ಯೊ.
MAR 9:23 ಯೆಸು ಎ ಸಾದ್ಯ ಛೆ ತಿನೆ ತಾರಾ ಹತೆ ಸುಬಿ ಥಾವಾನು ರ‍್ಹಯುಮ ಕಸಿಸು? ನಂಬಾಲಾವೊನೆ ಕ್ಹಾರುಜ಼ ಥಾವಸ ಕದ್ಯೊ.
MAR 9:24 ತೆಳಾಮಾಜ಼ ತೆ ಪಟ್ಟಾನೊ ಬಾ ಮಿ ಬರೊಕ್ಹೊ ಕರುಸ ಬರೊಕ್ಹೊ ಕಮ ಥಯೊತಬಿ ಸಹಾಯಾ ಕರ ದುಖಿ ಥೈನ ವದ್ರಿನ ಕದ್ಯೊ.
MAR 9:25 ತೆಳಾಮಾ ಯೆಸು ಮನಕ್ಹೊನು ಗುಂಪನೆ ನ್ಹಾಟಿನ ಆವಾನು ದೆಕಿನ ತೆ ಭುತ್ಡಾನೆ ಭುಚ್ಕಾ಼ಡಿನ ಎ ಕಿವುಡು ವರಿ ಮುಕಾ ಭುತ್ಡಾ ಪಟ್ಟಾನೆ ಛೊಡಿನ ಜಾ಼; ಇತ್ತಿ ಉಪ್ಪರ ಧರು ನಕೊ ಕೈನ ಮಿ ತುನೆ ಅಪ್ಪಣೆ ದ್ಯುಸ ಕದ್ಯೊ.
MAR 9:26 ತೆಳಾಮಾ ತೆ ಕೆಟ್ಟ ಆತ್ಮಾ ಪಟ್ಟಾನೆ ಘಾಬ್ರುಕರಿನ ವದ್ಯಾಡಸಿನ ಛೊಡಿನ ಗಯು. ತೆ ಪಟ್ಟೊ ಮರಲಲಿಂಗತ ಪಡಲ ದೆಕಿನ ಮನಕ್ಹೊ-ಮರಿಗಯೊಸ ಕದ್ಯಾ.
MAR 9:27 ಯೆಸು ತೆ ಪಟ್ಟಾನೆ ಹತ್ ಧರಿನ ಉಟಾಡತಾಮಾ ತೆಳಾಮಾಜ಼ ಉಟಿನ ಹುಬ್ರಯೊ.
MAR 9:28 ಯೆಸು ಘರೆ ಆತಾಮಾ ತಿನಾ ಶಿಷ್ಯಾ-ತೆ ಕೆಟ ಆತ್ಮಾನೆ ಛೊಡಾವಾನೆ ಹಮೊನೆ ಕಾ ಥಯ್ಯುನೈ ಕೈನ ಯಕ್ಲೊ ರ‍್ಹತಾಮಾ ಪುಚ಼ತಾಮಾ ಯೆಸು
MAR 9:29 ಎ ಜಾ಼ತ ಪ್ರಾಥನಾ ನೈಸೊ ವರಿ ಶಾಕ್ಹುಜ಼ ಜಾ಼ತಾನೈ ಕೈನ ತ್ಯುನೊನೆ ಕದ್ಯೊ.
MAR 9:30 ಯೆಸು ವರಿ ತಿನಾ ಶಿಷ್ಯಾ ತ್ಯಾಂತಾ ಜಾ಼ತಾ ಗಲಿಲಾಯ ಗಾಮಪರತಾ. ಚಾ಼ಲ್ಯಾತಾ ತೆ ಮನಕ್ಹೊನೆ ಗ್ವತ್ತ ಥಾವುನೈ ಕೈನ ತಿನೆ ಮನಸ ವ್ಹತ್ತು.
MAR 9:31 ಕಾಕದ್ಯಾಮ ತೆ ತಿನಾ ಶಿಷ್ಯಾವೊನೆ ಉಪದೆಶ ಕರತೊ-ಮನಕ್ಹನಾ ದಿಕ್ರಾನೆ ಮನಕ್ಹೊನಾ ಹತ್ಮಾ ದಿಪಾಡಸ. ತ್ಯುನೆ ತಿನೆ ಖಲಾಸ ಕರಿಪಾಡಸ ವರಿಬಿ. ಖಲಾಸ ಕರಲ ತನ ದಿನ್ಪರ‍ ವರಿ ತೆ ಜಿವ್ತೊ ಥೈನ ಉಟಿನ ಆವಸ ಕೈನ ಕವಾಡೊತೊ.
MAR 9:32 ವರಿ ತೆ ವಾತೊ ತ್ಯುನೊನೆ ತಿಳದ್ಯಾನೈ ಮತ್ಲಬ ತಿಳದ್ಯು ನೈ ವರಿ ತ್ಯುನೆ ತಿನೆ ತೆ ವಾತನೊ ಮತ್ಲಬ ಪುಚ್ಚಾ಼ನೆ ಭುಚ಼್ಕ್ಕಯಾ.
MAR 9:33 ವರಿ ಯೆಸು ವರಿ ತಿನಾ ಶಿಷ್ಯಾ ಕಪೆನೌರ್ಮಿಯೆ ಆಯಾ. ತೆ ತ್ಯಾ ತ್ಯುನೆ ಘರಮಾ ರ‍್ಹತಾಮಾ-ತುಮೆ ವಾಟಮಾ ರ‍್ಹತಾಮಾ ಸು ಬೊಲ್ಲಿವಾಡ್ಯಾತಾ ಕೈನ ತಿನಾ ಶಿಷ್ಯಾವೊನೆ ಪುಚ಼ತಾಮಾ.
MAR 9:34 ತ್ಯುನೆ ಗಪ್ಪಜ಼ ವ್ಹತ್ತಾ ಕಾಕದ್ಯಾಮ ತ್ಯುನೆ ವಾಟಮಾ ತ್ಯುನೊಮಾಜ಼ ಕುನ್ನ ಮ್ಹೊಟೊ ವ್ಹೈ ಕೈನ ಬೊಲ್ಲಿವಾಡ್ಯಾತಾ.
MAR 9:35 ತೆ ಬೈಟಿನ ತಿನಾ ಬಾರಾ ಶಿಷ್ಯಾವೊನೆ ಬಲೈನ ತ್ಯುನೊನೆ ತುಮೊಮಾ ಕುನ್ನ ಅಗೊ ಥಾವಾನ ಕರಸ ತೆ ಕ್ಹಾರಾವೊತಿ ಪಾಚೊ಼ ರ‍್ಹವಾದೆ ತೆ ಕ್ಹಾರಾವೊನೊ ಆಳ ಥೌ ಕೈನ.
MAR 9:36 ಯಕ್ಕ ನ್ಹಾನಾ ಬಚ್ಚಾ಼ನೆ ಲಿನ ತ್ಯುನಾ ವಚ಼ಮಾ ಹುಬ್ರಾಡಿನ ತಿನೆ ಗಳೆ ಮಳೈಲಿನ. ತ್ಯುನೊನೆ ಸು ಕದ್ಯೊ ಕದ್ಯಾಮ
MAR 9:37 ಕುನ್ನಬಿ ಮಾರಾ ನಾಮಪರ ಹವಾ ಬಚ್ಚಾವೊಮಾನಾ ಯಕ್ಲಾನೆಬಿ ಮಳೈ ಲಿದ್ಯಾಮ ತ್ಯುನೆ ಮನೆ ಮಳೈ ಲಿದಲ ಲಿಂಗತ ವ್ಹೈ ; ವರಿ ಕುನ್ನಬಿ ಮನೆ ಮಳೈ ಲಿದ್ಯಾಮ ಮನೆ ನ್ಹವೈ. ಮನೆ ಮೊಕ್ಕಲಲ ವಾಲಾನೆ ಮಳೈ ಲಿದಲ ಲಿಂಗತ ವ್ಹೈ ಕದ್ಯೊ.
MAR 9:38 ಯೊಹಾನ ಯೆಸುನೆ ಭೊದಕ ಕುನ್ನಬಿ ಯಕ್ಲೊ ತಾರಾ ನಾಮಪರ ಕೆಟ್ಟ ಆತ್ಮಾ ಛೊಡಾವಾನು ಹಮೆ ದೆಕಿನ ತೆ ಹಮೊಮಾನೊ ನೈ ರ‍್ಹಯಲ ಕ್ಹು ತಿನೆ ಹಮೆ ಅಡ್ಡಿ ಕರ‍್ಯಾಸ ಕೈನ ಕದ್ಯೊ. ಕತಾಮಾ ಯೆಸು
MAR 9:39 ತಿನೆ ಅಡ್ಡಿಕರೊನಕೊ; ಮಾರಾ ನಾಮಪರ ಅದ್ಭುತ ಕರಿನ ಯಕದುಮ ಮಾರಾಹುತಿ ಕೆಟ ಬೊಲ್ತೊ ನೈ.
MAR 9:40 ಅಪೊನೆ ವಿರೊಧ ನೈಸೊ ವಾಲೊ ತೆ ಅಪ್ನೊಜ಼ ವ್ಹೈ,
MAR 9:41 ತುಮೆ ಕ್ರಿಸ್ತನಾ ವ್ಹೈ ಕೈನ ತಿಳ್ದಿನ ತುಮೊನೆ ಕುನ್ನಬಿ ಯಕ್ಕ ತಾಂಬಿಯೊ ಪಾನಿ ಪಿವಾನೆ ದಿದ್ಯೊಮ ತಿನೆ ಆವಾನೊ ಪ್ರತಿಫಲ ತಿನೆ ಕ್ಹರಿಮಾಜ಼ ತಪ್ತೊನೈ. ಕೈನ ತುಮೊನೆ ಖರಿಮಾಜ ಕೌಸ.
MAR 9:42 ಮನೆ ನಂಬಲವಾಲಾವೊಮಾನೊ ಎ ನ್ಹಾನಾವೊಮಾನೊ ಯಕ್ಲಾನೆಬಿ ಮಪರಲ್ಯೊ ಬರೊಕ್ಹೊ ನೈಸೊ ಕರ‍್ಯೊಮ ತೆವಾನೆ ಗಳಾಮಾ ಮ್ಹೊಟೊ ದಗ್ಡೊ ಭಾಂದಿನ ಸಮುಂದರಮಾ ನಾಕಾನು‍ ಚೊ಼ಕು ವ್ಹೈ.
MAR 9:43 ಎನೈಸೊ ತಾರೊ ಹತ್ತ ತಾರೊ ಬರೊಕ್ಹೊ ನೈಸೊ ಕರಾನೊ ರಹ್ಯೊಮ ತೆ ಹತ್ ಕತ್ರಿನ ನಾಕಿಪಾಡ ಬೆ ಹತೊ ರ‍್ಹೈನ ನರಕನಿ ನೈ ಇಜ್ಜಾ಼ವಾನಿ ಆಗಮಾ ಜಾ಼ವಾತಿಬಿ ಯಕ್ಕ ಹತ್ತ ನೈಸೊ ಕ್ಹುದಾಕನ ರ‍್ಹವಾನೊ ಹಮೆಶಾನೊ ಜ಼ಲಮ ವ್ಹಂದಾನೊ ಚೊ಼ಕು ವ್ಹೈ.
MAR 9:44 ದಕ್ಹಾ ಗ್ರಿಕ ಪುಸ್ತಕೊಮಾ 44 ನಿ ವಚನಾ ಛೆ, ತೆ 48 ನಿ ವಚನ ನಿಂಗತಜ಼ ಛೆ.
MAR 9:45 ವರಿ ತಾರೊ ಪಗ ತಾರೊ ಬರೊಕ್ಹೊ ನೈಸೊ ಕರಾನೆ ರ‍್ಹಯೊಮ ತಿನೆ ಕತ್ರಿಪಾಡ ತೆ ಪಗ ಕತ್ರಿನ ನಾಕಿಪಾಡ ಬೆ ಪಗೊ ರ‍್ಹೈನ ನರಕನಿ ನೈ ಇಜ್ಜಾ಼ವಾನಿ ಆಗಮಾ ಜಾ಼ವಾತಿಬಿ ಯಕ್ಕ ಪಗ ನೈಸೊ ಕ್ಹುದಾಕನ ರ‍್ಹವಾನೊ ಹಮೆಶಾನೊ ಜ಼ಲಮ ವ್ಹಂದಾನೊ ಚೊ಼ಕು ವ್ಹೈ
MAR 9:46 ದಕ್ಹಾ ಗ್ರಿಕ ಪುಸ್ತಕೊಮಾ 46 ನಿ ವಚನಾ ಛೆ, ತೆ 48 ನಿ ವಚನ ನಿಂಗತಜ಼ ಛೆ.
MAR 9:47 ತಾರೊ ಡೊಳೊ ತಾರೊ ಬರೊಕ್ಹೊ ನೈಸೊ ಕರಾನೆ ರ‍್ಹಯೊಮ ತಿನೆ ಕಿತ್ತಿನ ನಾಕಿಪಾಡ ಬೆ ಡೊಳಾ ರ‍್ಹೈನ ನರಕಮಾ ಘಲಾಯಿಲಿವಾತಿಬಿ ಯಕ್ಕ ಡೊಳಾಕ್ಹು ಕ್ಹುದಾನಿ ರಾಜ್ಯಮಾ ರ‍್ಹವಾನು ತುನೆ ಕೆಕ್ಲು ಚೊ಼ಕು ವ್ಹೈ.
MAR 9:48 ನರಕಮಾ ತ್ಯುನೊನೆ ಕಡ್ಡಾನಾ ಕಿಡಾ ಮರತಾನೈ. ತ್ಯುನೊನೆ ಬಾಳಾನಿ ಆಗ ಇಜ್ಜಾ಼ತಿ ನೈ
MAR 9:49 ಬಲಿನೆ ಮಿಟ್ಟು ಶುದ್ಧ ಕರಸ ತಿಮ್ಮಜ಼ ಹರಿ ಯಕ್ಲಾನೆ ಆಗಕ್ಹು ಶುದ್ಧ ಕರಸ.
MAR 9:50 ಮಿಟ್ಟು ಚೊ಼ಕು ವ್ಹೈ; ಮಿಟ್ಟಾನಿಜ಼ ಸವಾದ ಗೈ ಪಡ್ಯುಮ ತಿನೆ ಶಾಕ್ಹು ಮಿಟ್ಟು ಕರೊಶಿ? ತುಮೊಮಾ ಮಿಟ್ಟಾ ನಿOಗತ ದೊಸ್ತಿ ರ‍್ಹವಾದೆ. ಯಕ್ಕಲಾಪರ ಯಕ್ಲೊ ಸಮಾಧಾನೆ ರ‍್ಹವೊ.
MAR 10:1 ಯೆಸು ತ್ಯಾಂತೊ ಉಟಿನ ಯೊರ್ದನ ನದಿನಾ ಬಿಜಿ಼ ದಂಡಿಯೆ ರ‍್ಹಯಲ ಯೊದಾಯಾ ಪ್ರಾಂತ್ಯ ಗಯೊ. ತ್ಯಾ ಮನಕ್ಹೊ ಫರಿನ ಗುಂಪ-ಗುಂಪ ಥೈನ ತಿಕನ ಆತಾಮಾ ಯೆಸು ತ್ಯುನೊನೆ ಪದ್ದತ ಲಿಂಗತ ಕ್ಹುದಾನಿಯೊ ವಾತೊ ಕವಾಡೊತೊ.
MAR 10:2 ತೆಳಾಮಾ ಫರಿಸಾಯರೊ ಕುಡಿನ ಐನ ಯೆಸುನೆ ಪರಿಕ್ಷಾ ಲಿವುಕೈನ ವಿಚಾರ ಕರಿನ ಆಯಾತಾ-ಯಕ್ಲೊ ತಿನಿ ಬೈಕೊನೆ ಛೊಡಿಪಾಡಾನು ಧರಮ ವ್ಹೈಸು ಕೈನ ಪುಚ್ಯೊ.
MAR 10:3 ತೆ ವಾತೆ ಯೆಸು - ಮೊಶೆ ತುಮೊನೆ ಸು ಆಗನ್ಯೆ ದಿದ್ಯೊಸ ಕತಾಮಾ
MAR 10:4 ತ್ಯುನೆ ತ್ಯಾಗ ಪತ್ರ ಬರ್ದಿನ ದಿನ್ನ ತಿನಿ ಬೈಕೊನೆ ಛೊಡಿಪಾಡ ಕೈನ ಮೊಶೆ ಅಪ್ಪಣೆ ದಿದ್ಯೊಸ ಕದ್ಯಾ.
MAR 10:5 ತೆಳಾಮಾ ಯೆಸು ತ್ಯುನೊನೆ ತಮಾರಿ ಮಂಡತನಾ ದೆಕಿನ ಮೊಶೆ ತೆ ಆಗನ್ಯಾ ಬರ್ದಿನ ಮ್ಹೆಲಿನ ಗಯೊಸ.
MAR 10:6 ವರಿ ಕ್ಹುದಾ ಸೃಷ್ಟಿತೊಬಿ ಮನಕ್ಹೊನೆ ದಾಣಗೊ ಹೆಣ ಮನಕ್ಹ ಕರ‍್ಯೊಸ ಇನಾಹುತಿ ಧರಮ ಶಾಸ್ತ್ರ ಕವಸ್ತೊ.
MAR 10:7 ದಾಣಗೊ ತಿನಾ ಯಾ ಬಾ ನೆ ಛೊಡಿನ ತಿನಿ ಬೈಕೊನಾ ಕ್ಹಾತೆ ಮಳಿನ ತ್ಯುನೆ ಭಂಬಿಜ಼ನಾ ಮಳಿನ ಯಕ್ಕ ಅಂಗ ಥಾವಸಕೈನ ಬರ್ದಲ ಛೆ.
MAR 10:8 ಇಮ್ಮ ರ‍್ಹಯಲ ತ್ಯುನೆ ಬೆಜ಼ನಾ ನ್ಹವೈ. ಯಕ್ಕ ಅಂಗ ಥಯಾಸ.
MAR 10:9 ತಿನಾಹುತಿ ಕ್ಹುದಾ ಕರಲ ಜೊ಼ಡಿ ಮನಕ್ಹೊ ದುರ ಕರುಜ಼ ನೈ. ಕದ್ಯೊ.
MAR 10:10 ಘರಮಾ ತಿನಾ ಶಿಷ್ಯಾ ಯೆಸುನೆ ತಿನಾಹುತಿ ಫರಿನ ಪುಚ಼ತಾಮಾ ತೆ ತ್ಯುನೊನೆ
MAR 10:11 ತಿನಿ ಬೈಕೊನೆ ಛೊಡಿನ ಬಿಜೆಕ್ಕಲಿನೆ ಹಿವಾ ಕರಲಿವಾಲೊ. ತಿನಿ ಬೈಕೊನೆ ದ್ರೊಹಿಥೈನ ವ್ಯಭಿಚಾರಕರಾಲೊ ಥಾವಸ.
MAR 10:12 ತಿನಾನಿOಗತ ಬೈಕೊ ಮಾಟಿನೆ ಛೊಡಿನ ಬಿಜೆಕ್ಕಲಾನ ಹಿವಾ ಕರಲಿದಿಮ ತೆ ವ್ಯಭಿಚಾರ ಕರಾಲಿ ವ್ಹೈ ಕದ್ಯೊ.
MAR 10:13 ತೆ ಥಯಲ್ಪರ ದಕ್ಹಾಜ಼಼ನಾ ತಿವ್ನಾ ನ್ಹಾನಾ ಬಚ್ಚಾ಼ವೊನೆ ಯೆಸುನಾ ಹತೆ ಮುಟ್ಟಾವು ಕೈನ ತಿಕನ ಲಾತಾಮಾ ತಿನಾ ಶಿಷ್ಯಾ ತ್ಯುನೊನೆ ಭುಚ್ಕಾ಼ಡ್ಯಾ.
MAR 10:14 ತೆ ಯೆಸು ದೆಕಿನ ಶಿಟ್ಟಥೈನ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ -ಬಚ್ಚಾವೊನೆ ಮಕನ ಆವಾನೆ ದಿವೊ ತ್ಯುನೊನೆ ಅಡ್ಡಿ ಕರೊ ನಕೊ. ಕ್ಹುದಾನಿ ರಾಜ್ಯ ಇವ್ನಾ ವರಕ್ಹಾವೊನೆ ವ್ಹೈ
MAR 10:15 ತುಮೊನೆ ಕ್ಹರಿಜ಼ ಕೌಸ ಕುನ್ನ ಬಚ್ಚಾ಼ನಾ ಮನಸ ಲಿಂಗತ ಕ್ಹುದಾನಿ ರಾಜ್ಯ ಕುನ್ನ ವಪ್ಪಿಲೆತಾ ನೈ. ತೆ ತಿಮಾ ಮಳತೊಜ಼ ನೈ.
MAR 10:16 ತಿಮ್ಮ ಕೈನ ಬಚ್ಚಾವೊನೆ ಅವಳಿಲಿನ ಯಕೆಕ್ಕಲಾವೊಪರ ಹತ್ ಮ್ಹೆಲಿನ ಆಶಿರ್ವಾದ ದಿದ್ಯೊ.
MAR 10:17 ಯೆಸು ವಾಟ ಧರಿನ ಜಾ಼ತಾಮಾ ಯಕ್ಲೊ ನ್ಹಾಟತೊ ತಿನಾ ಕ್ಹಾಮೊ ಐನ ಉಂದಾಗುಡಗಾ ಘಾಲ್ಲಿನ ಚೊ಼ಕಾ ಭೊದಕ ಮನೆ ಹಮೆಶಾನೊ ಜ಼ಲಮ ಮಳು ಕದ್ಯಾಮ ಮಿ ಸುಕರು ಕೈನ ಯೆಸುನೆ ಪುಚ಼ತಾಮಾ,
MAR 10:18 ಯೆಸು ತಿನೆ ಮಿ ಚೊ಼ಕೊ ವ್ಹೈ ಕೈನ ಕಾ ಕವಾಡ್ಯೊಸ? ಕ್ಹುದಾನೆ ಛೊಡಿನ ಬಿಜು಼ ಕುನ್ನಜ಼ ಚೊ಼ಕು ನ್ಹವೈ.
MAR 10:19 ತುನೆ ಆ ಗೊತ್ತ ಛೆ ಸು ನರಹತ್ಯಾ ಕರುನೈ; ವ್ಯಭಿಚಾರ ಕರುನೈ ;ಚೊ಼ರಿಕರು ನೈ; ಸುಳ್ಳ ಸಾಕ್ಷಿ ಕವೊನೈ; ಮೊಸ ಕರುನೈ ತಾರಾ ಯಾ ಬಾನೆ ಮರ್ಯಾದಿ ದ್ಯು. ಕವಾನಿಯೊ ಕ್ಹುದಾನಿಯೊ ಆಗನ್ಯಾ ತುನೆ ಗೊತ್ತ ಛೆ ಕೈನ ಕದ್ಯೊ.
MAR 10:20 ತೆ ಯೆಸುನೆ -ಭೊದಕ ಮಿ ನ್ಹಾನೊ ರ‍್ಹತಾಮಾತೊ ಬಿ ಎ ಕ್ಹಾರು ಚೊ಼ಕಿತರಾ ಕರತೊ ಆಯೊಸ. ಕೈನ ಕತಾಮಾ
MAR 10:21 ಯೆಸು ತಿನೆ ಯಕ್ಕ ಸಂವಾ ದೆಕಿನ ಮಯಾ ಕರಿನ ತಿನೆ ತುನೆ ಯಕ್ಕ ಕಮ ಥಯುಸ ಜಾ಼ ತು ಗಳಸಲ ತೆಕ್ಲು ಇಕ್ಕಿನ ಗರಿಬೊನೆ ವಾಟ ಸ್ವರ್ಗಮಾ ತು ಸೌಕಾರ ರ‍್ಹಸಿ ತು ಮಾರಾ ಪಾಚೊ಼ ಆ ಕದ್ಯೊ.
MAR 10:22 ತೆ ಘನ್ನೊ ಸೌಕಾರ ರ‍್ಹಯಲ ಹುತಿ ಎ ವಾತೆ ತೆ ಮ್ಹೊಡು ಉತಾರಲಿನ ದುಖಕ್ಹು ಗೈ ಪಾಡ್ಯೊ.
MAR 10:23 ತೆಳಾಮಾ ಯೆಸು ಸುತ್ತೆ ದೆಕಿನ ತಿನಾ ಶಿಷ್ಯಾವೊನೆ ಸೌಕಾರ ರ‍್ಹಯಲ ವಾಲೊ ಕ್ಹುದಾನಿ ರಾಜ್ಯಮಾ ಆವಾನು ಘನ್ನು ಕಷ್ಟ ಛೆ ಕದ್ಯೊ.
MAR 10:24 ಶಿಷ್ಯಾ ತಿನಿ ವಾತ ಐಕಿನ ಘಾಬ್ರಾಥಯಾ. ಯೆಸು ಫರಿನೆ ತ್ಯುನೊನೆ-ಮಾರಾ ಬಚ್ಚಾ಼ವೊ,ಕ್ಹುದಾನಿ ರಾಜ್ಯಮಾ ಮಳಾನು ಕೆಕ್ಲು ಕಷ್ಟ ವ್ಹೈ. ಕದ್ಯೊ.
MAR 10:25 ಸೌಕಾರ ರ‍್ಹಯಲ ವಾಲೊ ಕ್ಹುದಾನಿ ರಾಜ್ಯಮಾ ಸೆರಾನು ಕೆಕ್ಲೊ ಕಷ್ಟ ವ್ಹೈ ಕದ್ಯಾಮ ಹುಂಟ ಕ್ಹೊಯಿನಾ ಡೊಳಾಮಾತು ಜಾ಼ವಾನು ಆಸಾನ ವ್ಹೈ ಕದ್ಯೊ.
MAR 10:26 ಎ ವಾತೆ ತ್ಯುನೆ ವರಿ ಘಾಬ್ರಾಥೈನ. ಇಮ್ಮ ರಹ್ಯುಮ ಕಿನೆ ರಕ್ಷಣೆ ಥಾವಸ.
MAR 10:27 ಕೈನ ತ್ಯುನೊ ತ್ಯುನೊಮಾಜ಼ ಕೈಲಿವಾನು ದೆಕಿನ ಯೆಸು ತ್ಯುನೊನೆ ದೆಕಿನ ಎ ಮನಕ್ಹೊನೆ ಅಸಾದ್ಯ ವ್ಹೈ; ಕ್ಹುದಾನೆ ಅಸಾದ್ಯ ನ್ಹವೈ ಕ್ಹುದಾನೆ ಕ್ಹಾರು ಸಾದ್ಯ ವ್ಹೈ.
MAR 10:28 ಪೆತ್ರಾ ಬೊಲ್ಯೊ- ದೆಕ ಹಮೆ ಕ್ಹಾರುಜ಼ ಛೊಡಿನ ತಾರಾ ಪಾಚಾ಼ ಆವಾಡ್ಯಾಸ. ಕೈನ ಕವಾನು ಚ಼ಾಲು ಕರು ಕವಾಕ್ಹುಜ಼.
MAR 10:29 ಯೆಸು. ಮಿ ತುಮೊನೆ ಕ್ಹರಿಮಾಜ಼ ಕೌಸ ಕುನ್ನಬಿ ಮಾರಾಹುತಿ ಸುವಾರ್ತೆನಾ ಹುತಿ ಘರನೆ ರ‍್ಹವಾದೆ ಭೈ ಭೆನ ಯಾ ಬಾಪನೆ ಬಚ್ಚಾವೊನೆ ಜಿಮಿನ್ನೆ ಛೊಡಿನ.
MAR 10:30 ಛೊಡಲವಾಲಾನೆ ತಿನೆ ಹಮ್ನಾನಾ ಕಾಲಮಾ ಘರ, ಭಾಯೊ, ಭೆನೊ, ಯಾ, ಬಚ್ಚಾ, ಜಿಮಿನ ಎ ಕ್ಹಾರು ತ್ರಾಸನಾ ಕ್ಹಾತೆ ಕ್ಹಾರು ಮಳಸ. ವರಿ ಅಗಲ್ಯಾ ಜಗತಮಾ (ದುನಿಯಾ) ಕ್ಹುದಾಕನ ರ‍್ಹವಾನೊ ಹಮೆಶಾನೊ ಜ಼ಲಮ ಮಳಸ
MAR 10:31 ಘನ್ನಾ ಮನಕ್ಹೊ. ಪಾಚಾ಼ರ‍್ಹಯಲವಾಲಾ ಅಗಾ ಥಾವಸ ಅಗಾ ರ‍್ಹಯಲವಾಲಾ ಪಾಚಾ಼ಥಾವಸ ಇಮ್ಮ ಕದ್ಯೊ.
MAR 10:32 ಯೆಸು ವರಿ ತಿನಾ ಶಿಷ್ಯಾ ಯೆರುಸಲೆಮಿನಿ ವಾಟ ಧರಿನಜಾ಼ತಾಮಾ ಯೆಸು ಅಗೊ-ಅಗೊ ಚಾ಼ಲ್ಯೊತೊ. ತಿನಾ ಪಾಚಾ಼ ರಹೆಲ ಶಿಷ್ಯಾ ಗಲಿಬಿಲಿ ಥಯಾ ತಿವ್ನಾ ಕ್ಹಾತೆ ಆವಾಲಾ ಮನಕ್ಹೊ ಭುಚ಼್ಕಾ ವರಕ್ಹಾ ಥಯಾ. ತೆಳಾಮಾ ತೆ ತಿನಾ ಬಾರಾ ಶಿಷ್ಯಾವೊನೆ ಬಲೈನ ಫರಿನ ತಿನಾ ಕ್ಹಾತೆ ಅಗು ಥಾವಾನು ಕತೊರ‍್ಹತಾಮಾ ತ್ಯುನೊನೆ ಕತಾಮಾ
MAR 10:33 ದೆಕೊ ಅಪೆ ಯೆರುಸಲೆಮೆ ಚಾ಼ಲ್ಯಾಸ ವರಿ ಮನಕ್ಹನಾ ದಿಕ್ರಾನೆ ಖಾಸ ಯಾಜಕೊ ವರಿ ಶಾಸ್ತ್ರಿಯೊನಾ ಹತ್ಮಾ ಧರಿನ ದಿವಸ. ವರಿ ತ್ಯುನೆ ತಿನೆ ತಿಪರ ತಪ್ಪ ಘಾಲಿನ ಮರವಾನಿ ಶಿಕ್ಕಷಾದಿವಸ ಬಿಜಾ಼ ಮನಕ್ಹೊನಾ ಹತ್ಮಾ ದಿವಸ.
MAR 10:34 ಇವ್ನೆ ತಿನೆ ಕದ್ರಾವಸ ತಿಪರ ಥುಕ್ಕಕಸ ತ್ಯುನೆ ತಿನೆ ಬಾರಕೊಲಕ್ಹು ಮಾರಸ ವರಿ ಖಲಾಸ ಕರಿಪಾಡಸ ತೆ ತನ ದಿನ್ನ ಥಯಲ್ಪರ ಜುತೊಥೈನ ಉಟಿನ ಆವಸ. ಕದ್ಯೊ.
MAR 10:35 ತೆಳಾಮಾ ಜೆಬೆದಾಯನಾ ದಿಕ್ರಾ ಯಾಕೊಬ ಯೊಹಾನ. ಯೆಸುಕನ ಐನ ತಿನೆ ಗುರು ಹಮೆ ಯಕ್ಕ ಮಾಂಗಿಯೆಸ. ತೆ ಹಮಾರಾ ಹುತಿ ಪುರಾಕರು ಕದ್ಯಾ. ಯೆಸು ತ್ಯುನೊನೆ -
MAR 10:36 ತುಮೊನೆ ಸು ಪುರಾಕರು ಕೈನ ಕತಾಮಾ.
MAR 10:37 ತು ಮಹಿಮಾನಾ ರಾಜ್ಯ ಸಿಂಹಾಸನಿ ಪದವಿಪರ ಬೈಟತಾಮಾ ಹಮೊಮಾ ಯಕ್ಲಾನೆ ಸಿದಾಹತೆ ಯಕ್ಲಾನೆ ಡಾವಾ ಹತ್ ಬಗಲ ಹಮೊನೆ ಬೈಟಾನೆ ದೆ ಕದ್ಯಾ.
MAR 10:38 ತೆಳಾಮಾ ಯೆಸು ತ್ಯುನೊನೆ-ತುಮೆ ಸು ಪುಚಾ಼ಡ್ಯಾಸ ತುಮೊನೆ ಗೊತ್ತನತ್ತಿ. ಮಿ ಪಾನಿ ಪಿವಾನಾ ತ್ರಾಸನಾ ತಾಂಬಿಯಾಮಾ ತುಮೊನೆ ಪಿವಾನೆ ಥಾವಸು? ಮನೆ ಥಾವಾನು ಬಾಪ್ತಿಸ್ಮ ತುಮೊನೆ ಕರೈಲಿವಾನೆ ಥಾವಸು. ಕೈನ ಪುಚ್ತಾ಼ಮಾ.
MAR 10:39 ತ್ಯುನೆ-ಥಾವಸ ಕದ್ಯಾ ತೆಳಾಮಾ ಯೆಸು ತ್ಯುನೊನೆ ಮಿ ಪಿವಾನಾ ತಾಂಬಿಯಾಮಾ ತುಮೆ ಪಿವೊಸಿ. ಮನೆ ಥಾವಾನು ಬಾಪ್ತಿಸ್ಮ ತುಮೊನೆ ಥಾವಸ.
MAR 10:40 ವರಿಬಿ ಮಾರಾ ಆಜು಼ ಬಾಜು಼ಮಾ ಬೈಟಾನು ಅದಿಕಾರ ದಿವಾನು ಮಾರಾ ಹತ್ಮಾ ನತ್ತಿ. ಕ್ಹುದಾಜ಼ ದಿವಸ ತೆ ಕಿನಾಹುತಿ ತೆ ತಯ್ಯಾರ ಥೈಸ ತೆ ತಿನೆಜ ಮಳಸ ಕದ್ಯೊ.
MAR 10:41 ಉಗ್ರಲ ದಕ್ಹೆ ಶಿಷ್ಯಾ ಎ ಐಕಿನ ಯಾಕೊಬ ಯೊಹಾನ ಪರ ಶಿಟ್ಟಥಯಾ.
MAR 10:42 ಯೆಸು ಕ್ಹಾರಾವೊನೆ ನಜಿಕ ಬಲೈನ ತ್ಯುನೊನೆ ಯೆಹುದಿ ನಾಯಕೊನೆ ಕ್ಹಾರು ಅದಿಕಾರ ದಿದ್ಯಾಸ ಎ ಕ್ಹಾರು ಅದಿಕಾರ ಬಿಜಾ಼ ಮನಕ್ಹೊಪರ ರಾಜ಼ ಕರುಸ ಕವಾಲಾ ತ್ಯುನೊಪರ ಅಹಂಕಾರಕ್ಹು ರಾಜ಼ ಕರಸ. ವರಿ ತ್ಯುನೊಮಾ ಮ್ಹೊಟೊ ಜ಼ಬರದಸ್ತಿಕ್ಹು ರಾಜ಼ ಚ಼ಲಾವಸ.
MAR 10:43 ತುಮೊಮಾ ತಿಮ್ಮ ರ‍್ಹೌ ನೈ ತುಮೊಮಾ ಮ್ಹೊಟೊ ಥೌಸ ಕವಾಲೊರ‍್ಹಯೊಮ ತೆ ತಮಾರೊ ಸೆವಕ ಥೌ;
MAR 10:44 ವರಿ ತುಮೊಮಾ ಪೈಲಾ ಥೌಸಕವಾಲೊ ಕ್ಹಾರಾವೊನೊ ಆಳ ಥೌ.
MAR 10:45 ಮನಕ್ಹನೊ ದಿಕ್ರೊಬಿ ಸೆವಾ ಕರೈಲಿವಾನೆ ನತ್ತಿ ಆಯೊ. ಸೆವಾ ಕರಾನೆ. ವರಿ ತೆ ಜ಼ಲಮ ದಿನ್ನ ಘನ್ನಾಜ಼ನಾವೊನೆ ಛೊಡಾವಾನೆ ಆಯೊಸ ಕದ್ಯೊ.
MAR 10:46 ತ್ಯುನೆ ಯೆರಿಕೊವಿಯೆ ಆಯಾ ಯೆಸು ತಿನಾ ಶಿಷ್ಯಾ ಮನಕ್ಹೊನು ಗುಂಪ ತೆ ಗಾಮತಾ ಜಾ಼ತಾಮಾ ತಿಮಾಯನೊ ದಿಕ್ರೊ ಬಾರ್ತಿಮಾಯಾ ತೆ ಕುಡ್ಡೊ ಮಾOಗಾನೆ ವಾಟನಾ ಬಾಜು಼ಮಾ ಬೈಟ್ಯೊತೊ.
MAR 10:47 ತೆ ಕುಡ್ಡೊ ಭಿಕ ಮಾಂಗಾಲೊ ವ್ಹತ್ತೊ. ಎ ವಾಟಪರ ಜಾ಼ವಾನೊ ನಜ಼ರೆತನೊ ಯೆಸು ವ್ಹೈ ಕೈನ ಐಕಿನ ದಾವಿದನಾ ದಿಕ್ರಾ ಯೆಸು. ಮನೆ ಮರಗ ಕೈನ ವದ್ರಾನು ಚಾಲುಕರ‍್ಯೊ.
MAR 10:48 ಘನ್ನಾಜ಼ನಾ ತಿನೆ ಗಪ ರ‍್ಹೆ ವರಿ ತೆ ದಾವಿದನಾ ದಿಕ್ರಾ ಮನೆ ಮರಗ ಕೈನ ವರಿ ಜೊ಼ರ ವದರ‍್ಯೊ.
MAR 10:49 ತೆಳಾಮಾ ಯೆಸು ಹುಬ್ರೈನ ತಿನೆ ಬಲೈ ಲಾವೊ ಕದ್ಯೊ. ತೆಳಾಮಾ ಮನಕ್ಹೊ ತೆ ಕುಡ್ಡಾನೆ ಬಲೈನ ಖುಶಿ ಕರ ಉಟ. ತುನೆ ಬಲಾವಾಡ್ಯೊಸ ಕದ್ಯಾ.
MAR 10:50 ತೆ ತಿಪರ ವಳ್ಳಿದಲ ಪ್ಹಡಕು ನಾಕಿನ ಗಪ್ನೆ ಉಟಿನ ಯೆಸುಕನ ಆಯೊ.
MAR 10:51 ಯೆಸು ತಿನೆ ಮಿ ತುನೆ ಸುಕರು ಕೈನ ಆಸ ಛೆ. ಕೈನ ಪುಚ್ತಾ಼ಮಾ. ತೆ ಕುಡ್ಡೊ ಮನೆ ಡೊಳಾ ದಿಕ್ಹಾವರಕ್ಹಾ ಕರು. ಗುರು. ಕದ್ಯೊ.
MAR 10:52 ಯೆಸು ತಿನೆ - ಜಾ಼ ತಾರೊ ಬರೊಕ್ಹೊ ತುನೆ ಅರಾಮ ಕರ‍್ಯೊಸ ಕದ್ಯೊ. ತೆಳಾಮಾಜ಼ ತಿನಾ ಡೊಳಾ ಆಯಾ. ತೆ ವಾಟಮಾ ತಿನಾ ಪಾಚೊ಼ಗಯೊ.
MAR 11:1 ತ್ಯುನೆ ಯೆರುಸಲೆಮ್ನಾ ನಜಿಕ ರ‍್ಹಯಲ ಬೆತ್ಪ ವರಿ ಬೆಥಾನ್ಯ ಐನ ತೆಲನಾ ಝಾಡನಾ ಡೊಂಗರೊಕನ ಗಯಾ ಯೆಸು ತಿನಾ ಶಿಷ್ಯಾವೊಮಾನಾ ಬೆಜ಼ನಾವೊನೆ ಬಲೈನ ತಿನಾ ಅಗೊ ಮೊಕಲ್ಯೊ
MAR 11:2 ತ್ಯುನೊನೆ ಅಮ್ಮ ಕೈನ ಮೊಕ್ಕಲ್ಯೊತುಮಾರಾ ಕ್ಹಾಮು ರ‍್ಹಯಲ ಗಾಮೆ ಜಾವೊ ; ತ್ಯಾ ಭಾಂದಲ ಕುನ್ನಜ಼ ನೈ ಚ಼ಡಲ ಯಕ್ಕ ಗದಡಾನು ಬಚ್ಚು಼ ತುಮೆ ದೆಕೊಸಿ ; ತಿನೆ ಛೊಡಿನ ನ್ಹ್ಯಾ. ಧರಿನ ಲಿನಾವೊ.
MAR 11:3 ತುಮೊನೆ ಕುನ್ನಬಿ ಪುಚ್ಯುಮ ಮಾಲಕನೆ ಎ ಚಾ಼ಯೆಥೈಯುಸ ವರಿ ತೆಳಾನ ತೆಳಾಮಾಜ಼ ತಿನೆ ಫರಿನ ಮೊಕ್ಲಸ-
MAR 11:4 ತೆ ಶಿಷ್ಯಾ ಗೈನ ಗಾಮ್ನಾ ವಾಟೆ ರ‍್ಹಯಲ ಘರನಾ ಬಾಕಲ್ನಾ ಕ್ಹಾಮು ಗದಡಾನಾ ಬಚ್ಚಾ಼ನೆ ಭಾಂದಲ ದೆಕಿನ ಪಾಚಾ಼ತಾ ತ್ಯುನೆ ತಿನೆ ಛೊಡತಾಮಾ.
MAR 11:5 ತ್ಯಾ ಹುಬ್ರಯಲ ದಕ್ಹಾ ಜ಼ನಾ ದೆಕಿನ - ಆ ಬಚ್ಚಾ಼ನೆ ಛೊಡಿನ ತುಮೆ ಸು ಕರೊಶಿ?
MAR 11:6 ಕೈನ ಪುಚ್ತಾಮಾ ತ್ಯುನೆ ಯೆಸು ಕದಲತಿಮ್ಮ ತ್ಯುನೆ ಕತಾಮಾ ತೆ ಮನಕ್ಹೊ ಲಿನ ಜಾ಼ವಾನೆ ದಿದ್ಯಾ.
MAR 11:7 ಶಿಷ್ಯಾ ತೆ ಬಚ್ಚಾ಼ನೆ ಯೆಸುಕನ ಲೈನ ತಿವ್ನಾ ವಣ್ಣಾ ತಿಪರ ಘಾಲ್ತಾಮಾ ಯೆಸು ತಿಪರ ಚ಼ಡಿನ ಬೈಟ್ಯೊ.
MAR 11:8 ತೆಳಾಮಾ ಘನ್ನಾಜ಼ನಾ ತಿವ್ನಾ ವಣ್ಣಾ ಕಾಡಿನ ವಾಟಪರ ವಚ್ಚಾ಼ಯಾ ವರಿ ದಕ್ಹಾಜ಼಼ನಾ ತ್ಯುನಾ ಮಳಾಮಾತಾ ಗರಿಯೊ ಕತ್ರಿನ ಲೈನ ವಾಟಪರ ವಚ್ಚಾ಼ಯಾ.
MAR 11:9 ಯೆಸುನಾ ಅಗಾ ಪಾಚಾ಼ ಜಾ಼ವಾಲಾ ಕ್ಹುದಾನೆ ಸ್ತೊತ್ರಾ. ಕರ್ತಾನಾ ನಾಮಪರ ಆವಾಲಾನೆ ಆಶಿರ್ವಾದ
MAR 11:10 ಹಮಾರೊ ಬಾ ಥಯಲ ದಾವಿದನಾ ರಾಜ್ಯನೆ ಕ್ಹುದಾ ಆಶಿರ್ವಾದ ದಿವಾದೆ ತೆ ರಾಜ್ಯ ಆವಾಡ್ಯೊಸ ಸ್ವರ್ಗಮಾ ರ‍್ಹಯಲ ಕ್ಹುದಾನೆ ಸ್ತೊತ್ರಾ ಕೈನ ಜ಼ೊರ ವದ್ರ್ಯಾ.
MAR 11:11 ತೆಳಾಮಾ ಯೆಸು ಯೆರುಸಲೆಮ ಗೈನ ದೆವಾಲಯಮಾ ಗೈನ ಸುತ್ತೆ ಕ್ಹಾರು ದೆಕಿನ ತೆಕ್ಲಾಮಾಜ಼಼ ಕ್ಹಾಂಜ಼ ಥೈಗಯಲಹುತಿ ಬಾರಾ ಶಿಷ್ಯಾವೊನೆ ಬಲೈನೆ ಬೆಥಾನ್ಯ ಗೈ ಪಾಡ್ಯೊ.
MAR 11:12 ಮರನಾದಿನೆ ತ್ಯುನೆ ಬೆಥಾನ್ಯ ಛೊಡಿನ ಆತಾಮಾ ಯೆಸು ಭುಕ್ಕೊ ಥಯೊತೊ.
MAR 11:13 ವರಿ ಪಾಲೊ ಛೊಡಲ ಉOಬ್ರೊನು ಝಾಡ ದುರ ರ‍್ಹಯಲ ದೆಕ್ಯೊ. ತಿಮಾ ತಿನೆ ಖಾವಾನೆ ಸುಬಿ ಮಳಸ ಕೈನ ತಿನಾ ನಜಿಕ ಗಯೊ. ತಿನಾ ನಜಿ಼ಕ ಆತಾಮಾ ತಿಮಾ ಪಾಲೊ ಛೊಡಿನ ಬಿಜು಼ ಸುಜ಼ ದಿಖ್ಯ್ಹನೈ ತೆಳಾಮಾ ಉOಬ್ರೊನಾ ಫಲನೊ ದಿನ್ನ ನ್ಹೊತೊ.
MAR 11:14 ತೆಳಾಮಾ ಯೆಸು ತೆ ಝಾಡನೆ - ಇತ್ತಿ ಉಪ್ಪರ ಯಕ್ಲೊಬಿ ತುಕನ ಫಲ ಹಮೆಶಾಬಿ ಖೌ ನೈಸೊ ಥಾವಾದೆ. ಕದ್ಯೊ. ತಿನಾ ಶಿಷ್ಯಾ ತೆ ವಾತ ಐಕ್ಯಾ.
MAR 11:15 ತ್ಯುನೆ ಯೆರುಸಲೆಮೆ ಆತಾಮಾ ಯೆಸು ದೆವಾಲಯಮಾ ಗೈನ ತಿಮಾ ವ್ಯಾಪಾರ ಕರಾಲಾವೊನೆ ಲಿವಾಲಾವೊನೆ ದೊಕಡಾ ಬದ್ಲಿ ಕರಾವಾಲಾವೊನೆ ಮೊಕ್ಕಲಿಪಾಡಾನು ಶುರು ಕರ‍್ಯೊ ತಿವ್ನಾ ಟೆಬ್ಲೊ ಕ್ಹಬುತರನಿಯ್ಯೊ ಕುರಚಿಯೊ. ಪಾಡಿಪಾಡ್ಯೊ.
MAR 11:16 ಯಕ್ಲಾನೆಬಿ ಸಾಮಾನಲಿನ ದೆವಾಲಯಮಾ ನಿಂಜಾ಼ವಾನೆ ದಿದ್ಯೊನೈ.
MAR 11:17 ವರಿ ತೆ ಕ್ಹುದಾನಿಯೊ ವಾತೊ ಕೈನ- ಮಾರಿ ಆಲಯ ಕ್ಹಾರಿ ಜ಼ನಾಂಗನೆ ಪ್ರಾಥನಾನು ಘರ ವ್ಹೈ ಕೈನ ಕವೈಲಿವಸ ಕೈನ ಬರ್ದಲ ಛೆ ತೊ? ತುಮೆ ತೆ ಜ಼ಗಾನೆ ಚ್ವಟ್ಟಾವೊನು ಘರ ಕರಿಪಾಡ್ಯಾಸ ಕದ್ಯೊ.
MAR 11:18 ತೆ ವಾತ ಖಾಸ ಯಾಜಕ ವರಿ ಶಾಸ್ತ್ರಿಯೊ ಐಕಿನ ಯೆಸುನೆ ಕೈ ಉಪಾಯಕ್ಹು ಖಲಾಸಕರಿಯೆ ಕೈನ ಟೈಮ ದೆಕಾಡಾತಾ; ಕಾಕದ್ಯಾಮ ಮನಕ್ಹೊ ತಿನಿಯೊ ವಾತೊ ಐಕಿನ ಘನ್ನಾ ಘಾಬ್ರಾಥೈನ ವರಿ ತಿಕ್ಹು ಭುಚ಼್ಕಾಡ್ಯಾತಾ.
MAR 11:19 ತೆ ದಿನ್ನಾ ಕ್ಹಾಂಜೆ ಯೆಸು ತಿನಾ ಶಿಷ್ಯಾ ಗಾಮ ಛೊಡಿನ ಭಾರಾ ಗಯಾ.
MAR 11:20 ಪಾಟೆ ತ್ಯುನೆ ಆತಾಮಾ ತೆ ಉಂಬ್ರೊನು ಝಾಡ ಬುಡತುಜ಼಼ ಕುಕ್ಹೈಗಯಲ ದೆಕ್ಯಾ.
MAR 11:21 ತೆಳಾಮಾ ಪೆತ್ರಾ ಪಾಚು಼ ಥಯಲ ನೆಣಸಿನ ಯೆಸುನೆ - ಗುರು ದೆಕ ತು ಶ್ರಾಪ ದಿದಲ ಉOಬ್ರೊನು ಝಾಡ ಕುಕ್ಹೈ ಗಯುಸ ಕತಾಮಾ.
MAR 11:22 ಯೆಸು ಸು ಕದ್ಯೊ ಕದ್ಯಾಮ ತುಮಾರೊ ಬರೊಕ್ಹೊ ಕ್ಹುದಾಪರ ರ‍್ಹವಾದೆ.
MAR 11:23 ತುಮೊನೆ ಕ್ಹರಿಮಾಜ಼ ಕೌಸ, ಕಯೊಬಿ ರ‍್ಹವಾದೆ ಆ ಡೊಂಗರನೆ ತು ಕಿತ್ತೈನ ಸಮುಂದರಮಾ ಪಡ ಕೈನ ತಿನಾ ಮನಸ್ಮಾ ಸಂಶೊ ಕರ‍್ಯಾವಾಚಿ ತೆ ಕೈಲಿದಲ ಥಾವಸ ಕೈನ ಬರೊಕ್ಹೊ ಮ್ಹೆಲ್ಲಿದ್ಯೊಮ ತೆ ಕದಲ ತಿಮ್ಮ ಥಾವಸ.
MAR 11:24 ತೆ ಕಾರಣಕ್ಹು ತುಮೆ ಪ್ರಾಥನಾಮಾ ಸು ಮಾಂಗಿಲಿವೊಸಿ ತೆ ಕ್ಹಾರು ಮಳ್ಯುಸ ಕೈನ ಬರೊಕ್ಹೊ ಮ್ಹೆಲ್ಯಾಮ ತೆ ಕ್ಹಾರು ತುಮೊನೆ ಮಳಸ ಕೈನ ತುಮೊನೆ ಕೌಸ.
MAR 11:25 ಎನೈಸೊ ತುಮೆ ಹುಬ್ರೈನ ಪ್ರಾಥನಾ ಕರತಾಮಾ ಕಿಪರಬಿ ತುಮೆ ವಿರೊಧ ರ‍್ಹಯಾಮ ತುಮೆ ತಿನೆ ಮಾಫಕರೊ; ಮಾಫ ಕರ‍್ಯಾಮ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ತುಮಾರಾ ತಪ್ಪೊನೆ ಮಾಫಕರಸ ಇಮ್ಮ ಕದ್ಯೊ.
MAR 11:26 ತೆನೈಸೊ ತುಮೆ ಬಿಜಾ಼ವೊನೆ ಮಾಫ ನೈ ಕರ‍್ಯಾಮ, ಪರಲೊಕಮಾ ರ‍್ಹವಾಲೊ ತುಮಾರೊ ಬಾಬಿ ತುಮಾರಾ ತಪ್ಪೊ ಮಾಫ ನೈ ಕರ್ತೊ.
MAR 11:27 ತ್ಯುನೆ ಫರಿನ ಯೆರುಸಲೆಮೆ ಆತಾಮಾ ಯೆಸು ದೆವಾಲಯಮಾ ಫರತಾಮಾ ಖಾಸ ಯಾಜಕೊ ಶಾಸ್ತ್ರಿಯೊ ಮ್ಹೊಟಾ ಮನಕ್ಹೊ ಯೆಸುಕನ ಐನ -
MAR 11:28 ತು ಎಕ್ಹಾರು ಕೈ ಅದಿಕಾರಕ್ಹು ಕರಶಿ? ಯೆ ಕ್ಹಾರು ಕರಾನೆ ತುನೆ ಕುನ್ನ ಅದಿಕಾರದಿದ್ಯುಸ ಕೈ ತಿನೆ ಪುಚ್ಯಾ.
MAR 11:29 ಯೆಸು ತ್ಯುನೊನೆ - ಮಿ ತುಮೊನೆ ಯಕ್ಕ ವಾತ ಪುಚ಼್ಚುಸ,ಮನೆ ತುಮೆ ಜವಾಬ ದಿದ್ಯಾಮ ಮಿಬಿ ತುಮೊನೆ ಕಯಾ ಅದಿಕಾರಕ್ಹು ಯೆ ಕರಾಡ್ಯೊಸ ಕೌಸ.
MAR 11:30 ಬಾಪ್ತಿಸ್ಮ ಕರಾವಾನೊ ಅದಿಕಾರ ಯೊಹಾನನೆ ಕ್ಹುದಾಕಂತೊ ಆಯೊಸು? ಮನಕ್ಹೊಕಂತೊ ಆಯೊಸ? ಜವಾಬ ದಿವೊ ಕದ್ಯೊ.
MAR 11:31 ತೆಳಾಮಾ ತ್ಯುನೆ - ಕ್ಹುದಾಕಂತೊ ಆಯೊಸ ಕದ್ಯಾಮ ತುಮೆ ತಿನೆ ಕಾ ನಂಬ್ಯಾನತ್ತಿ ಕೈಪಡಸ್ತೊ; ಮನಕ್ಹತಿ ಆಯುಸ ಕದ್ಯಾಮ ಸು ಥಾವಸ ಕೈನ ತಿವ್ನೊ ತಿವ್ನೊಮಾಜ಼ ಬೊಲ್ಲಿವಾಡ್ಯಾತಾ.
MAR 11:32 ಯೊಹಾನ ಪ್ರವಾದಿ ವ್ಹೈ ಕೈನ ಸುಜ಼ ಸಂಶಯವಾಚಿ ಮನಕ್ಹೊನೆ ಗೊತ್ತ ವ್ಹತ್ತು ಇವ್ನೊನೆ ಮನಕ್ಹೊನು ಭುಚ಼್ಕ ವ್ಹತ್ತೊ.
MAR 11:33 ಇಮ್ಮ ರ‍್ಹತಾಮಾ -ಹಮೊನೆ ಗ್ವತ್ತ ನತ್ತಿ ಕೈನ ಯೆಸುನೆ ಜವಾಬ ದಿದ್ಯಾ. ತೆಳಾಮಾ ಯೆಸು ತ್ಯುನೊನೆ ಮಿ ಕೈ ಅದಿಕಾರಕ್ಹು ಎ ಕ್ಹಾರು ಕರುಸ ಕೈನ ನೈಕತೊ.
MAR 12:1 ತೆಳಾಮಾ ಯೆಸು ತಿವ್ನಾ ಕ್ಹಾತೆ ಯಕ್ಕ ಸಾಮ್ಯ ಲಿನ ಕವಾಡೊತೊ. ಯಕ್ಕ ಮನಕ್ಹ ಯಕ್ಕ ದ್ರಾಕ್ಷಿನೊ ಮಳೊ ಕರಿನ ಸುತ್ತೆ ಬೆಲಿ ಘಾಲಿನ ದ್ರಾಕ್ಷಿಯೊನು ರಕ್ಹ ಕಾಡಾಹುತಿ ಯಕ್ಕ ಖಾಡಿಲಿಂಗತ ಕರಿನ ಕೈದಾಲಾನೆ ಯಕ್ಕ ಝುಪ್ಡು ಭಾಂದಿನ ತೆ ಮಾಲಕ ದ್ರಾಕ್ಷಿಯೊನೊ ಮಳೊ ದಕ್ಹಾ ರೈತರೊನೆ ಗುತ್ತಿಗೆ ದಿನ್ನ ಗಾಮೊಪರ ಗಯೊ.
MAR 12:2 ತೆ ಥಯಲ್ಪರ ದ್ರಾಕ್ಷಿಯೊನೊ ಸಿಜ಼ನನೊ ಟೈಮ ಆತಾಮಾ ದ್ರಾಕ್ಷಿಯೊನೊ ಮಳಾನೊ ವಾಟೊ ಪುಚ್ಚಾ಼ನೆ ರೈತರೊಕನ ತೆ ಮಾಲಕ ತಿನಾ ಯಕ್ಕ ಆಳನೆ ತಿವ್ನೊಕನ ಮೊಕಲ್ಯೊ.
MAR 12:3 ತ್ಯುನೆ ತಿನೆ ಧರಿನ ಮಾರಿನ ಸುಜ಼ ದಿದ್ಯಾವಾಚಿ ಖಾಲಿ ಹತೆ ಮೊಕ್ಕಲಿಪಾಡ್ಯಾ.
MAR 12:4 ತೆ ಮಾಲಕ ಫರಿನ ವರಿ ಯಕ್ಲಾ ಆಳನೆ ಮೊಕಲ್ತಾಮಾ ತೆ ರೈತರೊ ತಿನೆ ಮಾತಾ ಮಾತಾಪರ ಮಾರಿನ ಮರ್ಯಾದಿ ಕಾಡ್ಯಾ.
MAR 12:5 ತೆ ಥಯಲ್ಪರ ಮಳಾನೊ ಮಾಲಕ ವರಿ ಯಕ್ಲಾನೆ ಮೊಕಲ್ತಾಮಾ ತಿನೆಬಿ ಖಲಾಸ ಕರಿಪಾಡ್ಯಾ. ಹಜು಼ನ ದಕ್ಹಾ ಜ಼ನಾವೊನೆ ಮೊಕಲ್ತಾಮಾ ತಿಮಾನಾ ದಕ್ಹಾ ಜ಼ನಾವೊನೆ ಮಾರಿನ ದಕ್ಹಾ ಜ಼ನಾವೊನೆ ಕತ್ರಿನ ನಾಕಿಪಾಡ್ಯಾ
MAR 12:6 ತಿನೆ ಹಜು಼ನ ಯಕ್ಲೊ ವ್ಹತ್ತೊ. ಕುನ್ನ ವ್ಹೈ ಕದ್ಯಾಮ ತಿನೊ ಮಯಾನೊ ದಿಕ್ರೊ ಮಾರಾ ದಿಕ್ರಾನೆತಬಿ ಮೊಕಲ್ಯೊಮ ತಿನೆ ಮರ್ಯಾದಿ ದೆಸಕೈನ ಮಾಲಕನಾ ತರಪತೊ ಲಾಸ್ಟಮಾ ತಿನೆ ತ್ಯುನೊಕನ ಮೊಕ್ಕಲತಾಮಾ ತೆನೈಸೊ ತೆ ರೈತರೊ
MAR 12:7 ತೆಜ಼ ವಾರಿಸದಾರ ವ್ಹೈ ಕೈನ. ಮಾಲಕನಾ ದಿಕ್ರಾನೆ ಖಲಾಸ ಕರಿಪಾಡಿಯೆ ತೆಳಾಮಾ ಎ ಪುರಾ ಅಪ್ನೊನೆ ಥೈಜಾ಼ವಸ. ಕೈನ ರೈತರೊ ಯಕ್ಲಾನಾ ಕ್ಹಾತೆ ಯಕ್ಲಾ ಬೊಲ್ಲಿವಾಡ್ಯಾತಾ.
MAR 12:8 ತಿನೆ ಧರಿನ ಖಲಾಸ ಕರಿನ ತಿನು ಅOಗ ದ್ರಾಕ್ಷಿನಾ ಮಳಾನಾ ಭಾರಾ ನಾಕಿಪಡ್ಯಾ.
MAR 12:9 ಯೆಸು ಪುಚ್ಯೊ ತಿಮ್ಮ ಥಯುಮ ದ್ರಾಕ್ಷಿನೊ ಮಳಾನೊ ಮಾಲಕ ಸುಕರೆ? ತೆ ಯಕ್ಕ ರೈತರೊನೆ ಖಲಾಸಕರಿನ ಬಿಜಾ಼ ರೈತರೊನೆ ವಪ್ಸಿನ ದಿವಸ.
MAR 12:10 ತುಮೆ ಗ್ರOಥಮಾ ಒದ್ಯಾವಸೆತೊ ಘರ ಭಾಂದಾಲಾವೊನೆ ನಕೊ ಚಾ಼ಯೆ ಕೈನ ಭಿರಕಾಯಲ ದಗ್ಡೊಜ಼ ಚಾ಼ಯೆಥಯಲ ಮುಲಾನೊ ದಗ್ಡೊ ಥಯೊ.
MAR 12:11 ಎ ಕರ್ತಾನಾ ಹತೆ ಥಯು ; ಹಮೊನೆ ಆಶ್ಚರ್ಯಲಿಂಗತ ದಿಕ್ಹಸ ನೈ.
MAR 12:12 ಎ ಸಾಮ್ಯ ಅಪ್ನಾಹುತಿ ಕದ್ಯೊ ಕೈನ ತ್ಯುನೆ ತಿಳದಿಲಿನ ತಿನೆ ಧರಾಹುತಿ ಯೆಹುದಿಯೊನಾ ಮ್ಹೊಟಾ ಮನಕ್ಹೊ ಟೈಮ ದೆಕಾಡಾತಾ ವರಿ ಮನಕ್ಹೊನೆ ಭುಚ಼ಕಿನ ತಿನೆ ಛೊಡಿನ ಗಯಾ.
MAR 12:13 ತೆ ಥಯಲ್ಪರ ಯೆಸುನೆ ವಾತೊಮಾ ತಪ್ಪ ಧರುಕೈನ ಫರಿಸಾಯರೊ ವರಿ ಹೆರೊದ್ಯೆ ಗುOಪ ಮಾನಾ ದಕ್ಹಾ ಜ಼ನಾವೊನೆ ಯೆಸುಕನ ಮೊಕ್ಕಲ್ಯಾ.
MAR 12:14 ಇವ್ನೆ ಐನ ಭೊದಕ, ತು ಕ್ಹರಿನೊಜ಼ ವ್ಹೈ. ಕಿನೆಜ಼಼ ಭುಚ಼ಕಾಲೊ ನ್ಹವೈ; ತು ಮನಕ್ಹೊನಾ ಮ್ಹೊಡಾ ದೆಕ್ಯಾವಾಚಿ ಬೊಲಾಲೊ ವ್ಹೈ ವರಿ ಕ್ಹುದಾನಿ ವಾಟ ಕ್ಹರಿಮಾಜ಼ ದೆಕಾಡಾಲೊ ವ್ಹೈ ಕೈನ ಹಮೆ ತಿಳದಿಲಿದ್ಯಾಸ ರೊಮನನಾ ಚಕ್ರವರ್ತಿನೆ ಅಪೆ ಭುಭಾಡೊ ದಿವಾನು ಅಪ್ನಾ ನಿಯಮನಾ ವಿರುದ್ದ ವ್ಹೈ ಅಪೆ ದ್ಯುಸು ನೈ.
MAR 12:15 ಯೆಸು ತಿವ್ನು ಕಪಟ ತಿಳ್ದಿನ - ಮನೆ ಕಾ ಪರಿಕ್ಷಾ ಕರಾಡಾಸ? ಮನೆ ರುಪ್ಪಾನೊ ಯಕ್ಕ ಬಿಲ್ಲೊ ಲೈನ ದೆಕಾಡೊ ಕತಾಮಾ ತ್ಯುನೆ ಲಾಯಾ.
MAR 12:16 ತೆಳಾಮಾ ತೆ ಆ ಬಿಲ್ಲಾಪರ ರ‍್ಹಯಲ ಮ್ಹೊಡು ವರಿ ನಾಮ ಕಿನು ವ್ಹೈ ಕೈನ ಪುಚ್ತಾಮಾ ತ್ಯುನೆ ಚಕ್ರವರ್ತಿನೆ ವ್ಹೈ ಕದ್ಯಾ.
MAR 12:17 ಯೆಸು ತ್ಯುನೊನೆ ಥೈಯು, ಚ಼ಕ್ರವರ್ತಿನು ರ‍್ಹಯಲ ಚ಼ಕ್ರವರ್ತಿನೆ ದಿವೊ. ಕ್ಹುದಾನು ರ‍್ಹಯಲ ಕ್ಹುದಾನೆ ದಿವೊ. ಕದ್ಯೊ. ತ್ಯುನೆ ತಿನಿ ವಿಚಾರ ದೆಕಿನ ಘನ್ನಾ ಘಾಬ್ರಾಥಯಾ.
MAR 12:18 ತೆ ಥಯಲ್ಪರ ಪುನರುತ್ಥಾನ ನತ್ತಿ ಕವಾಲಾ ಸದ್ದುಕಾಯರೊ ಯೆಸುಕನ ಐನ ಪುಚ್ಯಾ.
MAR 12:19 ಇವ್ನೆ ಯೆಸುಕನ ಐನ ಪ್ರಶ್ನೆ ಸು ಪುಚ್ಚಾಕದ್ಯಾಮ ಭೊದಕ ಮೊಶೆನಾ ನಿಯಮನಾ ಹುತಿ, ಯಕ್ಕ ಮನಕ್ಹ ಬಚ್ಚಾ ನೈಸೊ ಬೈಕೊನೆ ಛೊಡಿನ ಮರಿಗಯೊಮ ತಿನೊ ನ್ಹಾನೊ ಭೈ ತೆ ರಾOಡಿನೆ ಹಿವಾ ಕರಲಿನ ತಿನಾ ಮ್ಹೊಟಾ ಭೈನಾ ನಾಮೆ ಬಚ್ಚಾಹುಟ್ಸಾನು ಛೆ ಕೈನ ಹಮೊನೆ ಮೊಶೆ ಬರ್ದಿನ ಮ್ಹೆಲ್ಯೊಸ್ತೊ.
MAR 12:20 ಕ್ಹಾತ ಭಾಯೊ ವ್ಹತ್ತಾ. ಪಸ್ಟ ರ‍್ಹಯಲವಾಲೊ ಹಿವಾ ಕರಲಿನ ಬಚ್ಚಾ ನೈಸೊ ಮರಿಗಯೊ.
MAR 12:21 ಬೆವಾವಾಲೊ ತೆ ಹೆಣ ಮನಕ್ಹನೆ ಹಿವಾ ಕರಲಿನ ಬಚ್ಚಾ಼ ನೈಸೊ ಮರಿಗಯೊ.
MAR 12:22 ತಿನಾಲಿಂಗತಜ಼ ತನವಾವಾಲೊ ಬಿ ಇನಾಲಿಂಗತಜ಼ ಕ್ಹಾತೆ ಜ಼ನಾ ಬಚ್ಚಾ ನೈಸೊ ಮರಿ ಗೈ ಪಡ್ಯಾ. ಲಾಸ್ಟಮಾ ತೆ ಹೆಣ ಮನಕ್ಹ ಮರಿ ಗೈ.
MAR 12:23 ಪುನರುತ್ಥಾನಮಾ ತೆ ಕಿನಿ ಬೈಕೊ ಥೈನ ರ‍್ಹ್ಯೆ? ತಿನೆ ಕ್ಹಾತೆ ಜ಼ನಾ ಹಿವಾ ಕರಲಿದ್ಯಾಸ್ತೊ ಕದ್ಯಾ.
MAR 12:24 ಯೆಸು ತ್ಯುನೊನೆ, ತುಮೆ ಕಾ ತಪ್ಪಮಾ ಛೆ ವರಿ ತುಮೆ ಕಾ ತಪ್ಪ ವಿಚಾರಮಾ ಛೆ ಕಾಕದ್ಯಾಮ. ಕ್ಹುದಾನಿ ತಾಕತನೆ ರ‍್ಹವಾದೆ ಪವಿತ್ರ ಗ್ರಂಥನೆ ರ‍್ಹವಾದೆ ತಿಳದಿಲಿದ್ಯಾ ನತ್ತಿ
MAR 12:25 ಮರಲವಾಲಾ ವಾಚಿ಼ನ ಉಟಲಪರ ಹಿವಾ ಕರಲೆತಾ ನೈ, ಕರಿನ ದೆತಾಬಿ ನೈ ; ಸ್ವರ್ಗಲೊಕಮಾ ದೆವ ದುತೊ ಲಿಂಗತ ರ‍್ಹವಸ.
MAR 12:26 ತೆನೈಸೊ ಮರಲವಾಲಾ ಜಿವ್ತಾ ಥಾವಸ ಕವಾನಾ ಹುತಿ ಕೌ ಕದ್ಯಾಮ -ಮಿ ಅಬ್ರಹಾಮನೊ ಕ್ಹುದಾ ಇಸಾಕನೊ ಕ್ಹುದಾ ಯಾಕೊಬ್ನೊ ಕ್ಹುದಾ ಮೊಶೆನಾ ಕ್ಹಾತೆ ಆಗ ಲಾಗಲ ಕಾಟಾನಾ ಝಾಡಮಾತೊ ಬೊಲಲ ಮೊಶೆನಾ ಗ್ರಂಥಮಾ ಅದ್ಯಾಯಮಾ ರ‍್ಹಯಲ ಯಕ್ಕ ಸಂಗತಿ ಒದ್ಯಾನತ್ತಿ ಸು?
MAR 12:27 ತೆ ಜಿವ್ತಾ ರ‍್ಹಯಲ ವಾಲಾವೊನೆ ಕ್ಹುದಾ ಥಯೊಸ ವರಿ ಕ್ಹುದಾನೆ ನಂಬಿನ ಮರಲವಾಲಾವೊನೆ ಕ್ಹುದಾ ವ್ಹೈ ವರಿ ಕ್ಹುದಾನೆ ನಂಬ್ಯಾವಾಚಿ ಮರಲವಾವೊನೊ ಕ್ಹುದಾ ನ್ಹವೈ. ತುಮೆ ಧರಲಿದಲ ಪದ್ದತ ಘನ್ನು ತಪ್ಪ ಛೆ ಕದ್ಯೊ.
MAR 12:28 ಶಾಸ್ತ್ರಿಯೊಮಾನೊ ಯಕ್ಲೊ ತಿವ್ನಿ ತಕ್ಕರಾರ ಐಕಿನ ಯೆಸು ಚೊ಼ಕು ಜವಾಬ ದಿದ್ಯೊ ಕೈನ ತಿಳ್ದಿನ ತಿಕನ ಐನ -ಕ್ಹಾರಿ ಆಗನ್ಯಾಮಾ ಪೈಲಾ ರ‍್ಹಯಲಮ್ಹೊಟಿ ಆಗನ್ಯಾ ಕೈ ವ್ಹೈ? ಕೈನ ತಿನೆ ಪುಚ಼ತಾಮಾ
MAR 12:29 ಯೆಸು ಇಸ್ರಾಯೆಲನಾ ಮನಕ್ಹೊ ಐಕೊ ಹಮಾರೊ ಕರತಾ ಥಯಲ ಕ್ಹುದಾ ಯಕ್ಕಲೊಜ ಕರತಾ ವ್ಹೈ
MAR 12:30 ತಾರೊ ಕರತಾ ಥಯಲ ಕ್ಹುದಾನೆ ಪುರಾ ಮನಸೆ ಪುರಾ ಜ಼ಲಮಕ್ಹು ಪುರಾ ಗ್ಯಾನಕ್ಹು ಪುರಾ ತಾಕತಕ್ಹು ಮಯಾ ಕರು ಕವಾನಿ ಪೈಲಾ ಆಗನ್ಯಾ ;
MAR 12:31 ತಾರಾ ಆಜು಼ ಬಾಜು಼ವಾಲನೆ ತಾರಾನಿಂಗತಜ಼ ಮಯಾ ಕರು ಕೈನ ಕವಾನಿ ವಾತ ಬೆವಾ ಆಗನ್ಯಾ ವ್ಹೈ ;ಎ ಬೆತಿ ಮ್ಹೊಟಿ ಬಿಜಿ ಆಗನ್ಯಾ ಕೈಜ಼ ನತ್ತಿ. ಕದ್ಯೊ.
MAR 12:32 ತೆಳಾಮಾ ತೆ ಶಾಸ್ತ್ರಿ ಯೆಸುನೆ -ಭೊದಕ ಚೊ಼ಕು ಕದ್ಯೊ. ಯಕ್ಲೊ ಛೆ, ಕರತಾ ಥಯಲ ಕ್ಹುದಾ ಛೆ ತಿನೆ ಛೊಡಿನ ಬಿಜೊ಼, ಕ್ಹುದಾ ನತ್ತಿ. ತು ಕದಲ ಕ್ಹರಿಜ಼ ವ್ಹೈ
MAR 12:33 ತಿನೆ ಪುರಾ ಮನಸಕ್ಹು ಪುರಾ ಗ್ಯಾನಕ್ಹು ಪುರಾ ತಾಕತಕ್ಹು ಮಯಾಕರಾನು ವರಿ ತಿನಾಕ್ಹು ತಿನೆ ಮಯಾಕರಲಿವಾನು ತಿನಾ ಆಜು಼ ಬಾಜುನಾವೊನೆ ಮಯಾಕರಾನು ಎ ಭಂಬಿ ಕ್ಹಾರಾ ಹೊಮಾತಿಬಿ ಕ್ಹಾರಾ ಜಾನ್ವರೊನಿ ಬಲಿತಿಬಿ ತೆ ಹೆಚ್ಕಿ ವ್ಹೈ ಕದ್ಯೊ.
MAR 12:34 ತೆ ತಿನಿ ಗ್ಯಾನಕ್ಹು ಜವಾಬ ದಿದ್ಯೊ. ಯೆಸು ದೆಕಿನ - ತು ಕ್ಹುದಾನಾ ರಾಜ್ಯನೆ ದುರ ಥಯಲವಾಲೊ ನ್ಹವೈ ಕದ್ಯೊ. ತೆ ಥಯಲ್ಪರ ಯೆಸುನೆ ಪ್ರಶ್ನೆ ಕರಾನೆ ಕಿನೆಜ಼಼ ಧೈರಯ ನ್ಹೊತಿ.
MAR 12:35 ಯೆಸು ದೆವಾಲಯಮಾ ಉಪದೆಶ ಕರತಾಮಾ ತೆ ಪ್ರಶ್ನೆಕರಿನ - ಶಾಸ್ತ್ರಿಯೊ ಆವಾನೊ ರ‍್ಹಯಲ ಕ್ರಿಸ್ತನೆ ದಾವಿದನಿ ಸಂತತಿ ವ್ಹೈ ಕೈನ ಕವಸ್ತೊ, ತೆ ಕಿಮಥಾವಸ?
MAR 12:36 ದಾವಿದ ಪವಿತ್ರ ಆತ್ಮಾಕ್ಹು ಭರಿನ ಸು ಕದ್ಯೊ ಕದ್ಯಾಮ ಮಾರೊಕರತಾ ಥಯಲ ಕರ್ತಾನೆ. ಮಿ ತಾರಾ ವಿರೊಧಿಯೊನೆ ತಾರಾ ಪಗಮಾ ಘಾಲೆಲಕ್ಕಾ ಮಾರಾ ಕ್ಹಾತೆ ಮಾರಾ ಸಿದಾಹತ ಬಗಲ ಬೈಟ. ಕಿರ್ತನೆ 110: 1
MAR 12:37 ದಾವಿದಜ಼ ತಿನೆ ಕರತಾ ವ್ಹೈ ಕೈನ ಕದಲ್ಪರ ಮಸ್ಸಿಹಾ ತಿನಿಜ಼ ಸಂತತಿ ಕಿಮ ಥಾವಸ ಕೈನ ಪುಚ್ಯಾ.
MAR 12:38 ಮನಕ್ಹೊನು ಮ್ಹೊಟು ಗುಂಪ ಯೆಸುನಿಯೊ ವಾತೊ ಖುಶಿಕ್ಹು ಐಕಾಡ್ಯಾತಾ ತೆ ಉಪದೆಶ ಸುಕರ‍್ಯೊ ಕದ್ಯಾಮ -ಶಾಸ್ತ್ರಿಯೊನಾ ಹುತಿ ಹುಶಾರ ರಹೊ ತ್ಯುನೆ ಮ್ಹೊಟಾವಣ್ಣಾ ಘಾಲ್ಲಿನ ಫರಾನು ವಾನಿಯಾ, ರಸ್ತಾವೊಪರ ಮರಯಾದಿಕ್ಹು ನಮಸ್ಕಾರ ಕರೈಲ್ಯು ಕೈನ ಕೈಲೆತಾತಾ,
MAR 12:39 ಸಭಾಮಂದಿರಮಾ ಖಾಸ ಜ಼ಗಾ ಖಾವಾನೆ ಪೈಲಾಸ್ಥಾನ ದಿವಾಮಾ ಇವ್ನು ಮನಸ ಘನ್ನುರ‍್ಹವಸ
MAR 12:40 ರಾOಡಿಯೊ ಹೆಣ ಮನಕ್ಹೊನಾ ಘರಮಾ ವ್ಹಕ್ಕಕಿನ ತಿವ್ನಿ ಆಸ್ತಿ ಕಾಳ್ಳೆತಾ ಘನಿಯೆಳ ಲಕ್ಕಾ ಪ್ರಾಥನಾ ಕರಾಲಾ ಥೈನ ಇವ್ನೆ ಮ್ಹೊಟಿ ಶಿಕ್ಷಾನೆ ಗುರಿ ಥಾವಸ ಕದ್ಯೊ.
MAR 12:41 ಯೆಸು ಐನ ಬೊಕ್ಕಕಸನಾ ಕ್ಹಾಮೊ ಬೈಟಿನ ಮನಕ್ಹೊ ಕಾಣಿಕೆನಿ ಪೆಟಗಿಮಾ ದೊಕ್ಡಾ ಘಾಲಾನು ದೆಕಾಡ್ಯೊತೊ ಘನ್ನಾ ಸೌಕಾರ ರ‍್ಹಯಲ ಮನಕ್ಹೊ
MAR 12:42 ಘನ್ನು-ಘನ್ನು ಘಾಲತಾಮಾ ಯಕ್ಲಿ ರಾOಡಿ ಹೆಣ ಮನಕ್ಹ ಐನ ಬೆ ತಾಂಬಾನಾ ಬಿಲ್ಲಾ ಘಾಲಿ. ತಿನಿ ಕಿಮ್ಮತ ಯಕ್ಕ ಅಣಾ ವ್ಹೈ.
MAR 12:43 ತೆಳಾಮಾ ಯೆಸು ತಿನಾ ಶಿಷ್ಯಾವೊನೆ ನಜಿಕ ಬಲೈನ - ದೆಕೊ ತುಮೊನೆ ಕ್ಹರಿಜ಼ ಕೌಸ. ಕಾಣಿಕಿನಿ ಪೆಟ್ಕಿಮಾ ಘಾಲಲವಾಲಾವೊತಿಬಿ ಆ ರಾOಡಿ ಹೆಣ ಮನಕ್ಹ ಘಾಲಲ ಘನ್ನು ವ್ಹೈ.
MAR 12:44 ಕಿಮ ಕದ್ಯಾಮ ತ್ಯುನೊನೆ ಬಸ ಥೈನ ಉಗ್ರಲ ಘಾಲ್ಯಾಸ ;ಎ ಹೆಣ ಮನಕ್ಹ ತೆಕ್ಕಲಿ ಗರಿಬನಿ ಸ್ತಿತಿಮಾ ತಿಕನ ರ‍್ಹಯಲ ತೆಕ್ಕಲುಬಿ ಘಾಲಿಪಾಡಿಸ ಕದ್ಯೊ. ತೆ ಗರಿಬನಿ ರ‍್ಹೈತಬಿ ತಿಕನ್ನು ರ‍್ಹಯಲ ತೆಕ್ಲು ಘಾಲಿ.
MAR 13:1 ಯೆಸು ದೆವಾಲಯ ಛೊಡಿನ ಜಾ಼ತಾಮಾ ತಿನಾ ಶಿಷ್ಯಾವೊಮಾನೊ ಯಕ್ಲೊ ತಿನೆ ಗುರು. ದೆಕ ಕೆವಾ ಮಂಗಾಳಾವೊಕ್ಹು ಭಾಂದಲ ಛೆ, ಕಿಮ ಭಾಂದ್ಯಾಸ ಕದ್ಯೊ
MAR 13:2 ಯೆಸು ಕದ್ಯೊ ಎ ಚೊ಼ಕಾ ಭಾಂದಲ ದೆಕಾಡ್ಯೊಸು? ನ್ಹ್ಯಾ ಮಂಗಾಳಾವೊಪರ ಮಂಗಾಳೊ ಉಗ್ರತೊ ನೈ; ಕ್ಹಾರು ಪಾಡಾಲಗಾಡಸ ಕದ್ಯೊ.
MAR 13:3 ಪಾಚಲ್ತೊ ಯೆಸು ಒಲಿವ. ಕವಾನಾ ತೆಲನಾ ಝಾಡನಾ ಡೊಂಗರಪರ ದೆವಾಲಯನಾ ಕ್ಹಾಮೊ ಬೈಟಲ ಟೈಮಾ ಪೆತ್ರಾ ಯಾಕೊಬ ಯೊಹಾನನಾ ಅಂದ್ರೆಯ ಗ್ವತ್ತವಾಚಿ ಆಯಾ.
MAR 13:4 ಇವ್ನೆ ಎ ಕೆಳಾಮಾ ಥಾವಸ ಕೆ? ಎ ಕ್ಹಾರು ಥಾವಾನು ವಳಕ ಸುವೈ? ಹಮೊನೆ ಕೆ ಕೈನ ಯೆಸುನೆ ಪುಚ಼ತಾಮಾ
MAR 13:5 ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ - ಕುನ್ನಬಿ ತುಮೊನೆ ಮೊಸಕರಸ ಹುಶಾರಮಾ ರ‍್ಹವೊ. ದೆಕೊ
MAR 13:6 ಘನ್ನಾ ಜ಼ನಾ ಐನ ಮಾರಾ ನಾಮಪರ -ಮಿ ಕ್ರಿಸ್ತ ವ್ಹೈ ಮಿ ಕ್ರಿಸ್ತ ವ್ಹೈ ಕೈನ ಕೆಕ್ಲಾಕಿ ಜ಼ನಾವೊನೆ ಮೊಸಕರಸ.
MAR 13:7 ಎನೈಸೊ ಯುದ್ದೊಥಾವಸ ಯುದ್ದೊನಿ ಅವಾಜ಼ ಐಕೊಸಿ ಯುದ್ದೊ ಥಾವಸ ಕೈನ ಸುದ್ದಿಯೊ ತುಮೆ ಐಕ್ತಾಮಾ ಭುಚ಼ಕೊ ನಕೊ. ತಿಮ್ಮಥಾವಾನು ಛೆ ಥೈಯುತಬಿ ತೆ ಲಾಸ್ಟನೊ ದಿನ್ನ ನ್ಹವೈ.
MAR 13:8 ಮನಕ್ಹೊನಾ ವಿರುದ್ದ ಮನಕ್ಹೊ ರಾಜ್ಯನಾ ವಿರುದ್ದ ರಾಜ್ಯ ಉಟಸ ; ವರಿ ಭುಕಂಪೊ ತ್ಯಾ-ತ್ಯಾ ಥಾವಸ ;ಬರಗಾಲ ಆವಸ ಕಷ್ಟ ತ್ರಾಸ ಶುರುಥಾವಸ ಆ ಕ್ಹಾರು ಹೆಣ ಮನಕ್ಹ ಜ಼Oತಾರಮಾ ಕೆಕ್ಲೊ ತ್ರಾಸ ಥಾವಸ ತೆಕ್ಲು ತ್ರಾಸ ಥಾವಸ.
MAR 13:9 ವರಿ ತುಮಾರಾ ಹುತಿ ತುಮೆ ದೆಕಿಲಿವೊ. ತುಮೊನೆ ಧರಿನ ತುಮೊನೆ ಸಭಾಮಂದಿರಮಾ ಯಳ್ದಿನ ಲಿನಜಾ಼ವಸ ತುಮೊನೆ ಮಾರಸ ಮಾರಾಹುತಿ ತುಮೊನೆ ಮ್ಹೊಟಾ ಮನಕ್ಹೊನಾ ಕ್ಹಾಮಾ ರಾಜಾ಼ವೊನಾ ಕ್ಹಾಮಾ ಸಾಕ್ಷಿನಾಹುತಿ ಹುಬ್ರಾಡಸ ಇಮ್ಮ ತ್ಯುನೊನೆ ಸುವಾರ್ತೆ ಸಾಕ್ಷಿ ಥಾವಸ
MAR 13:10 ಪೈಲಾ ಕ್ಹಾರಿ ಜ಼ನಾಂಗನೆ ಸುವಾರ್ತೆ ಕದಲ ರ‍್ಹೌ ತೆಳಾಮಾ ಲಾಸ್ಟನೊ ದಿನ್ನ ಆವಸ
MAR 13:11 ತುಮೊನೆ ಫೈಸಲೊ ಕರಾನಿ ಜ಼ಗಾ ಧರಿಲಿನಗೈನ ದೆತಾಮಾ ಸು ಕೌ ಕೈನ ಅಗ್ದುರಜ಼ ತುಮೆ ಚಿಂತಾ ನಕೊ ಕರೊ ತೆ ಟೈಮಾ ತುಮೊನೆ ತಿಳಸಾವಾನಿಯೊ ವಾತೊಜ಼ ಬೊಲೊ ; ಬೊಲಾಲಾ ತುಮೆ ನ್ಹವೈ ತುಮೊನೆ ಪವಿತ್ರ ಆತ್ಮಾ ಬೊಲಾ ಲಗಾಡಸ.
MAR 13:12 ಎನೈಸೊ ಮ್ಹೊಟೊ ಭೈ ನ್ಹಾನಾ ಭೈನೆ. ಬಾಪ ದಿಕ್ರಾನೆ ಮರಾನೆ ವಪ್ಸಸ. ಬಚ್ಚಾ ಜ಼ನ್ನಲ ವಾಲಾವೊಪರ ಫರಿನ ಪಡಸ ತ್ಯುನೊನೆ ಖಲಾಸ ಕರಾವಸ.
MAR 13:13 ವರಿ ಮಾರಾ ನಾಮಪರ ತುಮೊನೆ ಕದ್ರಾವಸ. ತಿಮ್ಮ ಥಯಲ್ಪರಬಿ ಕುನ್ನ-ಕುನ್ನ ಲಾಸ್ಟಲಕ್ಕಕಾ ತಡ್ದಿಲಿವಾಲಾನೆ ರಕ್ಷಣೆ ಮಳಸ.
MAR 13:14 ಎನೈಸೊ ಹಾಳ ಕರಾನು ಹಸೈ ಯಕ್ಕ ಕೆಟ್ಟ ಸಾಮನ ದೆವಾಲಯಮಾ ನೈಸೊ ಹುಬ್ರವಾನಿ ಜ಼ಗಾ ಹುಬ್ರಯಲ ತುಮೆ ದೆಕಾನಾ ಟೈಮಾ (ಎ ಒದಾಲೊ ತಿಳದಿಲಿವಾದೆ). ಯುದಾಯಮಾ ರ‍್ಹಯಲ ಡೊಂಗರಪರ ನ್ಹಾಟಿ ಜಾ಼ವಾದೆ.
MAR 13:15 ಘರನಾ ಉಪ್ಪರ ರ‍್ಹಯಲ ವಾಲೊ ತಿನಾ ಘರಮಾ ಹೆಟೊ ಉತ್ರಿನ ಮ್ಹೈ ಜೌ಼ ನೈಸೊ ತಿನಾ ಘರಮಾ ಮ್ಹೈ ಗೈನ ಸುಜ಼ ಲಿಂಜೌ ನೈಸೊ,
MAR 13:16 ಖೆತರಮಾ ರ‍್ಹಯಲವಾಲೊ ಯಕ್ಲೊ ತಿನೆ ವಳ್ಳಿವಾನೆ ಜಾಡಿನಾ ಹುತಿ ಘರೆ ಜೌ಼ ನೈಸೊ,
MAR 13:17 ವರಿ ತೆ ದಿನೊಮಾ ಪೆಟೆರ‍್ಹಯಲವಾಲಿಯೊನೆ ಧೈಧಾವಾಲಾ ಬಚ್ಚಾವೊನೆ ಯಾವೊನೆ ತ್ಯುನೊನೆ ಥಾವಾನೊ ಕಷ್ಟ ಮಿ ಸು ಕೌ.
MAR 13:18 ತೆ ದಿನೊಮಾ ಸಂಕಟನಾ ದಿನೊ ರ‍್ಹಯಲ ಹುತಿ ಎ ಕ್ಹಾರು ಥಂಡನಾ ದಿನಮಾ ವರಿ ಪಾನಿನಾದಿನಮಾ ಥೌನೈ ಕೈನ ತುಮೆ ಪ್ರಾಥನಾ ಕರೊ ;
MAR 13:19 ತೆವು ಸಂಕಟ ಕ್ಹುದಾನಿ ಸೃಷ್ಟಿನಾ ದಿನೊತಿಬಿ ಹಜು಼ನಲಕ್ಕಕಾಬಿ ತೆವಾ ದಿನೊ ಆಯಾ ನತ್ತಿ. ಹವಾ ಕೆಟ ದಿನೊ ಕ್ಹುದಾ ಕರಲ ಸೃಷ್ಟಿತೊಬಿ ದಿನೊತಿಬಿ ಆಜ಼ಲಕ್ಕಾ ಥಯಾನತ್ತಿ ಅಗಾ ಥಾತಾ ನೈ
MAR 13:20 ತೆನೈಸೊ ಕ್ಹುದಾ ತೆ ದಿನೊ ಕಮ ನೈ ಕರಲ ರ‍್ಹವತ್ತೊ ಕುನ್ನಜ಼ ಉಗರತು ನೈ ತೆ ಇನಿಲಿದಲವಾಲಾವೊನಾ ಹುತಿ ತೆ ದಿನೊ ಕಮ ಕರ‍್ಯೊಸ.
MAR 13:21 ದೆಕೊ ಕುನ್ನಬಿ ತುಮೊನೆ - ಮಸ್ಸಿಹಾ ನ್ಯಾಛೆ ದೆಕೊ ಮಸ್ಸಿಹಾ ತ್ಯಾ ಛೆ ಕೈನ ಕದ್ಯಾಮ ನಂಬೊನಕೊ ;
MAR 13:22 ಸುಳ್ಳ ಮಸ್ಸಿಹಾ ವರಿ ಸುಳ್ಳ ಪ್ರವಾದಿಯೊ ಉಟಿನ. ಸಾದ್ಯಥಯೊಮ ಕ್ಹುದಾ ಇನಿಲಿದಲವಾಲಾವೊನೆ ಮೊಸಕರಾಹುತಿ ಘಾಬ್ರಾಥಾವಾನು ಕಾಮ ಅದ್ಭುತ ಕಾಮ ಕರಿನ ದೆಕಾಡಸ.
MAR 13:23 ತುಮೆ ಹುಶಾರ ರ‍್ಹವೊ;ತುಮೊನೆ ಕ್ಹಾರುಜ಼ ಅಗು ಕೈಪಾಡ್ಯೊಸ.
MAR 13:24 ಎನೈಸೊ ಸಂಕಟನಾ ದಿನೊ ಥಯಲ್ಪರ ಸುರ್ಯೊ ಕಾಳೊ ಥೈಝಾವಸ ;ಚ಼ಂದಪ್ಪಾ ಉಜಾಲು ದಿದ್ಯಾವಾಚಿ ರ‍್ಹಸ.
MAR 13:25 ಚಿಕ್ಕಿಯೊ ಹಬಾಳಮಾತಿಯೊ ಪಡಸ; ಹಬಾಳಮಾ ರ‍್ಹಯಲ ಶಕ್ತಿಯೊ ಹಲ್ಲಸ ;
MAR 13:26 ತೆಳಾಮಾ ಮನಕ್ಹನೊ ದಿಕ್ರೊ ಘನ್ನಿ ತಾಕತಕ್ಹು ಘನ್ನಿ ಮಹಿಮಾಕ್ಹು ಹಬಾಳಮಾತೊ ಆವಾನು ದಿಕ್ಹಸ.
MAR 13:27 ವರಿ ತೆ ತಿನಾ ದುತೊನೆ ಜಿಮಿನ್ಪರ ಕ್ಹಾರಿಬಗಲ ಮೊಕ್ಲಿನ ತೆ ಇನಿಲಿದಲ ವಾಲಾವೊನೆ ಮಳೈನಿ ವರಿ ಸ್ವರ್ಗಮಾ ರ‍್ಹಯಲ ವಾಲಾವೊನೆ ಮಳಾವಸ.
MAR 13:28 ಉOಬ್ರೊನು ಝಾಡನಿ ದ್ರಷ್ಟಾಂತಕ್ಹು ಗ್ಯಾನ ಸಿಕ್ಕೊ ತಿನಿಯೊ ಠೊಂಗಿಯೊ ಹಜು಼ನ ಕುಳಿಯೊ ರ‍್ಹಯಲ ಹುತಿ ಪಾಲೊ ಛೊಡತಾಮಾ ತಡಕಾನೊ ದಿನ್ನ ನಜಿಕ ಆಯೊಸ ಕೈನ ತಿಳದಿಲಿವೊಸಿ ನೈ.
MAR 13:29 ತಿಮ್ಮಜ಼ ಎ ಕ್ಹಾರು ಥಾವಾನು ತುಮೆ ದೆಕ್ತಾಮಾ ತೆ ಟೈಮ ನಜಿಕ ಛೆ, ಬಾಕಲಮಾಜ಼ ಛೆ ಕೈನ ತಿಳದೊ.
MAR 13:30 ಶೆ ಮ್ಹೆಲ್ಲಿವೊ ಎ ಕಾಲನಾ ದಕ್ಹಾ ಮನಕ್ಹೊ ಎಕ್ಹಾರು ಕ್ಹರಿಮಾಜ಼ ಥಾಯೆಲಕ್ಕಾ ಮರತಾಜ಼ ನೈ. ತುಮೊನೆ ಕ್ಹರಿಮಾಜ಼ ಕೌಸ.
MAR 13:31 ಜಿಮಿನ ಹಬಾಳ ನೈಸೊ ಥೈ ಜಾ಼ವಸ. ವರಿ ಮಾರಿಯೊ ವಾತೊ ಕೆಳಾಮಾಜ಼ ನುಚಾ಼ಯಿಜಾ಼ತಿಯೊ ನೈ.
MAR 13:32 ತೆ ದಿನೊನಾ ಹುತಿ ವರಿ ತೆ ಟೈಮನಾ ಹುತಿ ಕೆಳಾಮಾ ಆವಸ ಕೈನ ಸ್ವರ್ಗಲೊಕಮಾ ರ‍್ಹಯಲ ದುತೊನೆಬಿ ಗೊತ್ತನತ್ತಿ ದಿಕ್ರಾನೆಬಿ ಗೊತ್ತನತ್ತಿ ಮಾರಾ ಬಾನೆ ಯಕ್ಕಜ಼ ಗ್ವತ್ತ ಛೆ.
MAR 13:33 ಹುಶಾರ ರ‍್ಹವೊ ಕೈದಿನ ರ‍್ಹವೊ ತೆ ಕಾಲ ಕೆಳಾಮಾ ಆವಸ ತುಮೊನೆ ಗೊತ ನತ್ತಿ.
MAR 13:34 ಎ ಕಿಮ ವ್ಹೈ ಕದ್ಯಾಮ ಯಕ್ಲೊ ಮನಕ್ಹ ತಿನು ಘರ ಛೊಡಿನ ಬಿಜಾ಼ ದೆಶೆ ಜಾ಼ತಾಮಾ ಘರ್ನಿ ಜವಾಬ್ದಾರಿ ತಿನಾ ಆಳೊನಾ ಹತ್ಮಾ ದಿನ್ನ ಜಾ಼ತಾಮಾ ಯಕೆಕ್ಕಲಾನೆ ತಿನಾ ಕಾಮನಿ ಜವಾಬ್ದಾರಿ ನೆಮ್ಸಿನ ಬಾಕಲ ಕೈದಾಲಾನೆ ಬಲೈನ - ತು ಇವ್ನೊಪರ ತಾರಿ ನಜ಼ರ ರ‍್ಹವಾದೆ ಕೈನ ಮಿ ತುನೆ ಆಗನ್ಯೆ ದ್ಯುಸ.
MAR 13:35 ಘರನೊ ಮಾಲಕ ಕ್ಹಾಂಜ಼ನಾ ಟೈಮಾ ಅರದಿ ರಾತ ನಾಟೈಮಾ ನೈತೊ ಪಾಟ ಥಾವಾತಿ ಅಗ್ದುರ ನೈತೊ ಸುರ್ಯೊ ಉಟಲಪರ ಪಾಟನಾ ಟೈಮಾ ಘರನೊ ಮಾಲಕ ಆವಾನು ತುಮೊನೆ ಗೊತನೈ ರ‍್ಹಯಲ ಹುತಿ ಹುಶಾರಮಾ ರ‍್ಹವೊ;
MAR 13:36 ತೆ ಯಕಾಕಿಜ಼ ಐನ ತುಮೆ ಕ್ಹುರೈ ಪಡ್ಯಾಸ ಕೈನ ದೆಕಾನೊ ವ್ಹೈ.
MAR 13:37 ಮಿ ತುಮೊನೆ ಕದಲಜ಼ ಕ್ಹಾರಾವೊನೆ ಕೌಸ, ಹುಶಾರ ಥೈನ ರ‍್ಹವೊ.
MAR 14:1 ಪಸ್ಕಾನೊ ಸನ್ನ ವರಿ ಖಾಟು ನೈಸೊ ರೊಕ್ಲಾನೊ ಸನ್ನ ಆವಾನೊ ಹಜು಼ನ ಬೆ ದಿನ್ನ ರ‍್ಹತಾಮಾ ಖಾಸ ಯಾಜಕೊ ಶಾಸ್ತ್ರಿಯೊ ಯೆಸುನೆ ಉಪಾಯಕ್ಹು ಕಿನೆ ಗೊತ್ತವಾಚಿ ಧರಿನ ಖಲಾಸ ಕರಿಪಾಡಿಯೆ ಕೈನ ವಾಟ ದೆಕಾಡಾತಾ.
MAR 14:2 ಕಾಕದ್ಯಾಮ - ಸನ್ನಮಾ ಧರುನೈ ಕೈನ, ಅಪ್ನಾ ಮನಕ್ಹೊಮಾ ಗದ್ದಲ ಥಾವಸ ಕೈನ ತ್ಯುನೆ ಬೊಲ್ಲಿದ್ಯಾ.
MAR 14:3 ತೆ ಬೆಥಾನ್ಯಮಾ ಯಕ್ಕ ಕಾಲಮಾ ಮ್ಹೊಟೊ ಕುಷ್ಟರೊಗಿ ಥಯಲ ಸಿಮೊನನಾ ಘರಮಾ ಯೆಸು ಖಾವಾನೆ ಬೈಟಲ ಟೈಮಮಾ ಯಕ್ಕ ಹೆಣ ಮನಕ್ಹ ಘನ್ನು ಮೊಗಾನು ಬಾಸನು ತೆಲನಿ ಭರಣಿ ಲೈನ ತೆ ಖುಲ್ಲಾ ಕರಿನ ಯೆಸುನಾ ಮಾತಾಪರ ರಿಚೈ.
MAR 14:4 ತ್ಯಾ ರ‍್ಹಯಲ ದಕ್ಹಾಜ಼಼ನಾ ಸಿಟ್ಟಥೈನ - ಆ ಮೊಗು ತೆಲ ಹಾಳ ಕಾ ಕರಿ ಕೈನ ಯಕ್ನಾ ಯಕ್ಕ ಬೊಲ್ಲಿದ್ಯಾ?
MAR 14:5 ತೆ ತೆಲ ತನಕ್ಹೊ ರುಪ್ಪಾನಾ ಬಿಲ್ಲಾಮಾ ಇಕ್ಕಿನ ತೆ ದೊಕಡಾ ಗರಿಬೊನೆ ದಿವಾನೆಥಾತುತು ಕೈನ ತಿನೆ ಛಿ ಕದ್ಯಾ.
MAR 14:6 ಯೆಸು ಗಪರ‍್ಹವೊ ಅನೆ ಛೊಡೊ ಅನೆ ಕಾ ತ್ರಾಸ ಕರಾಡಾಸ? ಆ ಮನೆ ಘನ್ನು ಚೊ಼ಕು ಕಾಮ ಕರಿಸ.
MAR 14:7 ಗರಿಬೊ ಕೆಳಾಮಾಬಿ ತುಮೊಕನಜ಼ ರ‍್ಹವಸ ;ತುಮೊನೆ ಮನಸ ಆಯಲಟೈಮಾ ತ್ಯುನೊನೆ ಆಸ್ರೊ ಕರೊಶಿ ಮಿ ಹಮೆಶಾ ತಮಾರಾ ಕ್ಹಾತೆ ರ‍್ಹತೊನೈ.
MAR 14:8 ಆ ಹೆಣ ಮನಕ್ಹ ತಿನಾ ಹತೆ ಥಯಲ ತೆಕ್ಲು ಕರಿಸ ಆ ಹೆಣ ಮನಕ್ಹ ಮಿ ಮರಾತಿ ಅಗ್ದುರಜ಼ ಮಾರಾ ಅOಗ ಪರ ತೆಲ ಘಾಲಿಸ.
MAR 14:9 ತುಮೊನೆ ಕ್ಹರಿಜ಼ ಕೌಸ ಸುವಾರ್ತೆ ಕ್ಹಾರಿ ದುನಿಯಾಮಾ ಕಿಜ್ಗಾ಼-ಕಿಜ್ಗಾ಼ ಕವಸ ಆ ಹೆಣ ಮನಕ್ಹ ಕರಲ ಅನಿ ಶೆನಾ ಹುತಿ ತ್ಯಾ-ತ್ಯಾ ಕವಸ ಕದ್ಯೊ.
MAR 14:10 ತೆ ಥಯಲ್ಪರ ಬಾರಾ ಶಿಷ್ಯಾವೊಮಾನೊ ಯಕ್ಲೊ ಇಸ್ಕರಿಯುತ ಯುದ ಯೆಸುನೆ ಖಾಸ ಯಾಜಕೊಕನ ಧರೈನ ದ್ಯುಸ ಕೈನ ತ್ಯುನೊಕನ ಗಯೊ.
MAR 14:11 ತ್ಯುನೆ ತೆ ವಾತ ಐಕಿನ ಖುಶಿ ಥೈನ - ತುನೆ ದೊಕಡಾ ದಿಯೆಸ ಕೈನ ವಾತ ದಿದ್ಯಾ. ಇಸ್ಕರಿಯುತ ಯುದ ಯೆಸುನೆ ಧರೈನ ದಿವಾನೊ ಚೊ಼ಕೊ ಟೈಮ ದೆಕಾಡ್ಯೊತೊ.
MAR 14:12 ಖಾಟೊ ನೈಸೊ ರೊಕ್ಲಾನೊ ಪಸ್ಟಲ್ಯಾ ದಿನಮಾ ಪಸ್ಕ ಸನ್ನಾ ದಿನಮಾ ಬಕ್ರಾನಾ ಬಚ್ಚಾ಼ನೆ ಕಾಟಾನಾ ದಿನಮಾ,ತಿನಾ ಶಿಷ್ಯಾ- ಯೆಸುಕನ ಐನ ತುನೆ ಪಸ್ಕ ಸನ್ನನು ಖಾವಾನೆ ಹಮೆ ಕಿಜಾ಼ ಗೈನ ತಯ್ಯಾರ ಕರಿಯೆ ಕೈನ ತಿನೆ ಪುಚ಼ತಾಮಾ
MAR 14:13 ಯೆಸು ತಿನಾ ಶಿಷ್ಯಾವೊಮಾನಾ ಬೆ ಜ಼ನಾವೊನೆ ಬಲೈನ ತ್ಯುನೊನೆ ಸು ಕದ್ಯೊ ಕದ್ಯಾಮ - ತುಮೆ ಗಾಮ್ಮಾ ಜಾವೊ ತ್ಯಾ ಯಕ್ಲೊ ಮನಕ್ಹ ಭರಲಪಾನಿನೊ ಘಡೊಲಿನ ತುಮಾರಾ ಕ್ಹಾಮೊ ಆವಸ ;ತುಮೆ ತಿನಾ ಪಾಚಾ಼ ಜಾ಼ವೊ.
MAR 14:14 ತೆ ಕಯಾ ಘರೆ ಜಾ಼ವಸ ತೆ ಘರನಾ ಮಾಲಕನೆ - ಹಮಾರೊ ಭೊದಕ ತಿನಾ ಶಿಷ್ಯಾವೊನಾ ಕ್ಹಾತೆ ಪಸ್ಕಾ ಸನ್ನನು ಅನ್ನ ಖಾವಾನಾ ಹುತಿ ಅನ್ನ ಘಾಲಾನಿ ಜ಼ಗಾ ಕಿಜ್ಗಾ಼ ಶೆ ಕೈನ ಪುಚಾ಼ಡ್ಯೊಸ ಕವೊ.
MAR 14:15 ತೆ ಚಾ಼ಯೆಥಯಲ ಸಾಮನ ತಯ್ಯಾರ ಕರಿನ ಮ್ಹೊಟು ರ‍್ಹಯಲ ಮ್ಹಾಡಿಪರ ರ‍್ಹಯಲ ಖೊಲಿ ತುಮೊನೆ ದೆಕಾಡಸ ; ತ್ಯಾ ಆಪೊನೆ ತಯ್ಯಾರ ಕರೊ ಕೈನ ತ್ಯುನೊನೆ ವಳೈಪಾಡ್ಯೊ.
MAR 14:16 ತಿನಾ ಶಿಷ್ಯಾ ತ್ಯಾಂತಾ ಗಾಮ್ಮಾ ಗೈನ ಯೆಸು ಕದಲತಿಮ್ಮ ತಯ್ಯಾರ ರ‍್ಹಯಲ ದೆಕಿನ ತ್ಯುನೆ ಪಸ್ಕ ಅನ್ನ ತಯ್ಯಾರ ಕರ‍್ಯಾ.
MAR 14:17 ಕ್ಹಾಂಜ ಥಾತಾಮಾ ಯೆಸು ತಿನಾ ಬಾರಾ ಶಿಷ್ಯಾವೊನಾ ಕ್ಹಾತೆ ಆಯೊ
MAR 14:18 ತ್ಯುನೆ ಬೈಟಿನ ಖಾತಾಮಾ ಯೆಸು - ತುಮೊಮಾನೊ ಯಕ್ಲೊ ಮನೆ ಧರೈನ ದಿವಸ, ತೆ ಮಾರಾ ಕ್ಹಾತೆ ಖಾವಾಲೊಜ಼ ವ್ಹೈ ಕೈನ ತುಮೊನೆ ಕ್ಹರಿಮಾಜ಼ ಕೌಸ ಕದ್ಯೊ.
MAR 14:19 ತೆಳಾಮಾ ತಿನಾ ಶಿಷ್ಯಾ ದುಖಿಥೈನ - ತೆಳಾಮಾ ತ್ಯುನೆ ಮಿ ನ್ಹವೈತೊ? ಮಿ ನ್ಹವೈತೊ? ಕೈನ ತಿನೆ ಕೈಲಿವಾಡ್ಯಾತಾ.
MAR 14:20 ಯೆಸು ತ್ಯುನೊನೆ - ತೆ ಮಾರಾ ಬಾರಾಜ಼ನಾವೊಮಾನೊ ಯಕ್ಲೊ ವ್ಹೈ ಮಾರಾ ಕ್ಹಾತೆ ತಿನೊ ರೊಕ್ಲೊ ಡುಬೈನ ಖಾವಾಲೊ ವ್ಹೈ,
MAR 14:21 ಮನಕ್ಹನೊ ದಿಕ್ರೊ ಗೈ ಪಡಸ ಕ್ಹರಿ ; ತಿನಾ ಹುತಿ ಪವಿತ್ರ ಗ್ರOಥಮಾ ಬರ್ದಲ ಛೆ ವರಿ ತೆ ಮರುಜ಼. ತೆ ವರಿ ಕಯೊಬಿ ಮನಕ್ಹನಾ ದಿಕ್ರಾನೆ ಧರೈನ ದಿವಾಲಾನಿ ಗತಿ ಮಿ ಸು ಕೌ. ತೆ ಮನಕ್ಹ ನೈ ಹುಟ್ಟತ್ತೊ ತಿನೆ ಕೆಕ್ಲುಕಿ ಚೊ಼ಕು ಥಾತುತು ಕೈನ ಕದ್ಯೊ.
MAR 14:22 ತ್ಯುನೆ ಖಾವಾನೆ ಬೈಟತಾಮಾ ಯೆಸು ರೊಕ್ಲಾನೊ ತುಕಡೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ಶಿಷ್ಯಾವೊನೆ ಭಾಗಿನ ದಿನ್ನ ಆ ಮಾರು ಅಂಗ ವ್ಹೈ ಕದ್ಯೊ.
MAR 14:23 ತೆಳಾಮಾ ಯಕ್ಕ ತಾಂಬಿಯೊ ಲಿನ ಸ್ತೊತ್ರಾ ಕರಿನ ಶಿಷ್ಯಾವೊನೆ ದಿದ್ಯೊ ತ್ಯುನೆ ತೆಕ್ಲಾ ಜ಼ನಾ ತಿಮಾ ಪಿದ್ಯಾ.
MAR 14:24 ವರಿ ಯೆಸು ಶಿಷ್ಯಾವೊನೆ -ಆ ಮಾರು ರಗ್ತ ವ್ಹೈ, ಕ್ಹುದಾ ತಿನಾ ಮನಕ್ಹೊನೆ ಕ್ಹಾತೆ ವಾತದಿದಲ ರಗತ ವ್ಹೈ ಆ ಘನ್ನಾ ಜ಼ನಾವೊನಾ ಹುತಿ ಚುವಾಯಲ ರಗ್ತ ವ್ಹೈ,
MAR 14:25 ಮಿ ತುಮೊನೆ ಕ್ಹರಿಜ಼ ಕೌಸ ಕ್ಹುದಾನಿ ರಾಜ್ಯಮಾ ನೌ ದ್ರಾಕ್ಷಿಯೊನು ವೈನ(ರಖ) ಪಿಯೆಲಕ್ಕಾ ಆ ದ್ರಾಕ್ಷಿಯೊನು ವೈನ (ರಕ್ಹ) ಪಿತೊಜ಼ ನೈ ಕದ್ಯೊ.
MAR 14:26 ಪಾಚಾ಼ತಾ ತ್ಯುನೆ ಸ್ತೊತ್ರ ಕತಾ ಗಿದ್ದೊ ಕತಾ ತೆಲನಾ ಝಾಡನಾ ಡೊಂಗರಪರ ಗಯಾ.
MAR 14:27 ತೆಳಮಾ ಯೆಸು ತ್ಯುನೊನೆ - ತುಮೆ ಕ್ಹಾರಾ ಮನೆ ಛೊಡಿನ ನ್ಹಾಟಿ ಜಾವೊಸಿ. ಕಾಕದ್ಯಾಮ ಕುರುಬುರ‍್ಯಾನೆ ಕ್ಹುದಾ ಖಲಾಸ ಕರಸ, ಬಕ್ರಾ ಜವೈಜಾ಼ವಸ ಕೈನ ಪವಿತ್ರ ಗ್ರOಥಮಾ ಬರ್ದಲ ಛೆ ತೊ.
MAR 14:28 ಇಮ್ಮ ಥಯೊತಬಿ ಮಿ ಜುತೊ ಥೈನ ಉಟಿನ ಆಯಲಪರ ತುಮಾರಾತಿ ಅಗ್ದುರ ಗಲಿಲಾಯನೆ ಜೌ಼ಸ ಕದ್ಯೊ.
MAR 14:29 ಪೆತ್ರಾ ಯೆಸುನೆ - ಕ್ಹಾರಾ ತುನೆ ಛೊಡಿನ ಗಯಾತಬಿ ಮಿ ತುನೆ ಛೊಡಿನ ಜಾ಼ತೊನೈ.
MAR 14:30 ಯೆಸು. ಪೆತ್ರಾನೆ "ತುನೆ ಕ್ಹರಿಜ಼ ಕೌಸ, ಆಜ಼ನಾ ರಾತೆಜ಼ ಕುಕಡೊ ಬೆ ಸಲಾ ಬಾಂಗದಿವಾತಿ(ಅಡ್ಡಾತಿ) ಅಗ್ದುರಜ಼ ತು ಮಾರಾ ಹುತಿ ಮನೆ ಗೊತನತ್ತಿ ಕೈನ ತನ ಸಲಾ ಕಸಿ "ಕದ್ಯೊ.
MAR 14:31 ತೆ ವಾತೆ ಪೆತ್ರಾ ಥಯುತಬಿ ತಾರಾ ಕ್ಹಾತೆ ಮರ‍್ಯೊತಬಿ ಕೆಳಾಮಾಜ಼ ತು ಮನೆ ಗ್ವತ್ತ ನತ್ತಿ ಕೈನ ಕತೊಜ಼ ನೈ ಕದ್ಯೊ. ತಿನಾ ಲಿಂಗತಜ಼ ಉಗ್ರಲ ಶಿಷ್ಯಾಬಿ ಕದ್ಯಾ.
MAR 14:32 ತೆ ಥಯಲ್ಪರ ತ್ಯುನೆ ಗೆತ್ಸೆಮನೆ ಕವಾನಾ ಮಳಾಮಾ ಆಯಾ. ಯೆಸು ತಿನಾ ಶಿಷ್ಯಾವೊನೆ ನ್ಹ್ಯಾ ಬೈಟೊ ಮಿ ಪ್ರಾಥನಾ ಕರಿನ
MAR 14:33 ಔಸ ಕೈನ ಪೆತ್ರಾ ಯಾಕೊಬ ಯೊಹಾನನೆ ತಿನಾ ಕ್ಹಾತೆ ಬಲೈ ಲಿಂಗೈನ ಮನಸೆ ಬೆಜ್ಜಾರ ಕರಲಿನ.
MAR 14:34 ತೆ ತ್ಯುನೊನೆ ಕದ್ಯೊ ಮಾರಾ ಮನಸ್ಮಾ ಘನ್ನು ದುಖ ಛೆ ತೆ ಮನೆ ಮಾರು ಮನಸ ಫುಟಿ ಜಾ಼ವಾ ಲಿಂಗತ ಥಯುಸ ತುಮೆ ನ್ಹ್ಯಾಜ಼ ರ‍್ಹೈನ ಹುಶಾರ ರ‍್ಹವೊ
MAR 14:35 ತೆ ದಕ್ಹೊ ದುರ ಗೈನ ಜಿಮಿನ್ಪರ ಪಡಿನ ಪ್ರಾಥನಾ ಕರತೊ ಸಾದ್ಯ ಥಯೊಮ ಮಿ ಮರಾನಿ ಸ್ತಿತಿಮಾತೊ ವರಿ ಆ ಕಷ್ಟನಾ ಟೈಮಮಾತೊ ಮನೆ ಛೊಡಾ ಕದ್ಯೊ.
MAR 14:36 ತೆ ಪ್ರಾಥನಾ ಕರತೊ ಬಾ ಮಾರಾ ಬಾ. ತುನೆ ಕ್ಹಾರು ಸಾದ್ಯ ಛೆ. ಆ ತ್ರಾಸ್ನೊ ತಾಂಬಿಯೊ ಮಕ್ಹು ದುರ ಕರ ವರಿ ಮಾರಿ ಚಿ಼ತ್ತಲಿಂಗತ ಥೌ ನೈಸೊ ತಾರಿ ಚಿ಼ತ್ತಲಿಂಗತ ಥಾವಾದೆ ಕದ್ಯೊ.
MAR 14:37 ಯೆಸು ವರಿ ಐನ ತಿನಾ ತನ್ನೆ ಶಿಷ್ಯಾ ಕ್ಹುರಯಲ ದೆಕಿನ ಪೆತ್ರಾನೆ ಕದ್ಯೊ ಸಿಮೊನನ ತುಮೆ, ಕ್ಹುರೈ ಪಡ್ಯಾಸು? ಯಕ್ಕ ತಾಸ ತುಮೆ ಜಾ಼ಗಾ ರ‍್ಹತಾ ನೈ ಸು?
MAR 14:38 ಯೆಸು ತ್ಯುನೊನೆ ಕದ್ಯೊ. ಶೊಧನೆಮಾ ಪಡೆನೈಸೊ ಹುಶಾರ ರ‍್ಹೈನ ಪ್ರಾಥನಾ ಕರೊ; ಆತ್ಮಾ ತಯ್ಯಾರ ಛೆ ಕ್ಹರಿ ವರಿ ;ಅOಗಮಾ ತಾಕತ ನತ್ತಿ ಕದ್ಯೊ.
MAR 14:39 ತೆ ಥಯಲ್ಪರ ವರಿ ಯೆಸು ದುರ ಗೈನ ಫರಿನ ತೆಜ಼ ವಾತೊ ಕತೊ ಪ್ರಾಥನಾ ಕರ‍್ಯೊ.
MAR 14:40 ಯೆಸು ಫರಿನ ಆತಾಮಾ ಶಿಷ್ಯಾ ವರಿ ಕ್ಹುರಯಲ ದೆಕ್ಯೊ ; ತ್ಯುನಾ ಡೊಳಾ ಖೊಲಾನೆ ಥಾವಾಡ್ಯು ನ್ಹೊತು ವರಿ ತ್ಯುನೆ ಯೆಸುನೆ ಸು ಕೌ ಕೈನ ತಿಳದ್ಯುನೈ.
MAR 14:41 ತೆ ತನವಾ ಸಲಾ ಗೈನ ಆತಾಮಾ ತ್ಯುನೊನೆ ಯೆಸು ಕದ್ಯೊ - ತುಮೆ ಹಜು಼ನ ಅರಾಮ ಕ್ಹುರಯಾಸ ಸು ; ಬಸ; ತೆ ಟೈಮ ಆಯೊ ದೆಕೊ ಪಾಪಿಯೊನಾ ಅದಿಕಾರಮಾ ಮನಕ್ಹನಾ ದಿಕ್ರಾನೆ ಧರೈದಿವಸ.
MAR 14:42 ಉಟೊ ಅಪೆ ಗಯ್ಯೆ; ಮನೆ ಧರೈನ ದಿವಾಲೊ ನಜಿ಼ಕಾಯೊಸ ದೆಕೊ ಕದ್ಯೊ.
MAR 14:43 ತೆ ಹಜು಼ನ ತೆ ಬೊಲ್ತೊರ‍್ಹತಾಮಾಜ಼ ಬಾರಾ ಜ಼ನಾ ಶಿಷ್ಯಾವೊಮಾನೊ ಯಕ್ಲೊ ಯುದ ಆಯೊ ತಿನಾ ಕ್ಹಾತೆ ಮನಕ್ಹೊನು ಗುಂಪ ತ್ಯುನಾ ಹತೊಮಾ ಚಾ಼ಕಾ ಛ್ಯುರಿಯೊ ಧರ್ಲಿನ ಆಯಾ. ಖಾಸ ಯಾಜಕೊ ಶಾಸ್ತ್ರಿಯೊ ಮ್ಹೊಟಾ ಮನಕ್ಹೊ ತಿವನೊನೆ ವಳಾಯಾತಾ.
MAR 14:44 ಎನೈಸೊ ತಿನೆ ಧರೈನ ದಿವಾಲೊ ತ್ಯುನೊನೆ ಮಿ ಕಿನೆ ಮಯಾಕರಿನ ಮಟ್ಟಿಲ್ಯುಸ ತೆಜ಼ ಯೆಸು ವ್ಹೈ ತಿನೆಜ಼ ತುಮೆ ಧರ್ಲಿನ ಭಾಂದಿನ ಹುಶಾರಕ್ಹು ಕೈದಾತಾ ಬಲೈನ ಲಿನಜಾ಼ವೊ ಇಮ್ಮ ಪೈಲಾಜ಼ ಕದ್ಯೊತೊ.
MAR 14:45 ತ್ಯಾ ಆಯಲ ಬರೊಬ್ಬರ ತೆ ಯೆಸುಕನ ಯುದ ಐನ ಗುರು ಕೈನ ಮಟ್ಟಿಲಿದ್ಯೊ.
MAR 14:46 ತ್ಯುನೆ ಐನ ಯೆಸುನೆ ಘಟ್ಟ ಭಾಂದಿನ ಧರಲಿದ್ಯಾ.
MAR 14:47 ವರಿ ಯೆಸುಕನ ನಜಿ಼ಕಮಾ ಹುಬ್ರಯಲವಾಲಾವೊಮಾನೊ ಯಕ್ಲೊ ತಿನು ತಲ್ವಾರ ಕಾಡಿನ ಖಾಸ ಯಾಜಕನಾ ಆಳನೊ ಕಾನ ಕತ್ರಿಪಾಡ್ಯೊ.
MAR 14:48 ತ್ಯುನೆ ಯೆಸುನೆ ಧರ್ತಾಮಾ ಯೆಸು ತ್ಯುನೊನೆ ಮಿ ಸು ಚ್ವಟ್ಟೊ ವ್ಹೈ ತುಮೆ ಚಾ಼ಕಾ ಛ್ಯುರಿಯೊ ಲಾಯಾಸು?
MAR 14:49 ಮಿ ದಿನ್ನೆಬಿ ದೆವಾಲಯಮಾ ತುಮಾರಾ ಕ್ಹಾಮೊ ಭೊದನೆ ಕರತಾಮಾ ಮನೆ ತುಮೆ ಧರಯಾನೈ. ವರಿ ಗ್ರಂಥನಾ ವಚನೊಮಾ ರ‍್ಹಯಲ ಪುರಾ ಥಾವಾಹುತಿ ಎ ಕ್ಹಾರು ಥಯುಸ ಕೈನ ಕದ್ಯೊ.
MAR 14:50 ತೆಳಾಮಾ ತಿನಾ ಕ್ಹಾರಾಶಿಷ್ಯಾ ತಿನೆ ಛೊಡಿನ ನ್ಹಾಟಿಗಯಾ.
MAR 14:51 ತ್ಯಾ ಯಕ್ಲೊ ಜಾಂಜಿಮಾನ ಅಂಗಪರ ಶಾಲ ಘಾಲ್ಲಿನ ಯೆಸುನಾ ಪಾಚೊ಼ ಆವಾಡ್ಯೊತೊ ತ್ಯುನೆ ತಿನೆ ದೆಕಿನ ಧರಾನೆ ಆತಾಮಾ.
MAR 14:52 ತೆ ವಣ್ಣಾ ಛೊಡಿನ ತೆ ಉಗಾಡೊ ನ್ಹಾಟಿಗಯೊ.
MAR 14:53 ತೆಕ್ಲಾಮಾಜ಼಼ ತ್ಯುನೆ ಯೆಸುನೆ ಲಿನ ಮಾಹಾಯಾಜಕನಾ ಘರೆ ಗಯಾ. ತಿಕನ ತೆ ಘರಮಾ ಖಾಸ ಯಾಜಕೊ ಶಾಸ್ತ್ರಿಯೊ ಮ್ಹೊಟಾ ಮನಕ್ಹೊ ಇವ್ನೆ ಕ್ಹಾರಾ ಮಳ್ಯಾ.
MAR 14:54 ವರಿ ಪೆತ್ರಾ ದುರತೊ ತಿವ್ನಾ ಪಾಚೊ಼-ಪಾಚೊ಼ ಗೈನ ಖಾಸ ಯಾಜಕನಾ ಘರನಾ ಅಂಗಳಾಮಾ ಆಯಾ ಸಿಪಾಯಿಯೊನಾ ಕ್ಹಾತೆ ಆಗಕನ ಬೈಟಿನ ಅಂಗ ಶೆಕಿಲಿವಾಡ್ಯೊತೊ.
MAR 14:55 ತೆಳಾಮಾ ಖಾಸ ಯಾಜಕೊ ಸಭೆಮಾ ಮ್ಹೊಟಾ ರ‍್ಹಯಲ ವಾಲಾ ಯೆಸುನೆ ಖಲಾಸ ಕರುಕೈನ ಸಾಕ್ಷಿ ಹುಡಕ್ಯಾ. ವರಿ ತ್ಯುನೊನೆ ಕಯುಜ಼ ತಪ್ಪ ಕ್ಹಾಪಡ್ಯೊ ನೈ.
MAR 14:56 ಘನ್ನಾ ಜ಼ನಾ ಐನ ಯೆಸುಪರ ಸುಳ್ಳಸಾಕ್ಕಷಿ ಕದ್ಯಾ. ತೆ ಸುಳ್ಳ ಸಾಕ್ಕಷಿಯೊ ಕ್ಹರಿ ಥಯ್ಯೊನೈ.
MAR 14:57 ತೆಳಮಾ ತಿಪರ ದಕ್ಹಾ ಜ಼ನಾ ಸುಳ್ಳ ಸಾಕ್ಕಷಿಯೊ ಕವಾನೆ ಹುಬ್ರಯಾ.
MAR 14:58 ಎ ಕದ್ಯೊ. ಮನಕ್ಹೊ ಹತೆ ಭಾಂದಲ ದೆವಾಲಯ ಮಿ ಪಾಡಿನ ವರಿ ತನ ದಿನ್ನ ಥಯಲ್ಪರ ಮನಕ್ಹೊ ನೈ ಭಾಂದಲ ಮಿ ಭಾಂದುಸ ಎ ಕದ್ಯೊತೊ ಹಮೆ ಐಕ್ಯಾಸ ತ್ಯುನೆ ತಿಪರ ಸುಳ್ಳ ಸಾಕ್ಷಿ ಕವಾಡಾತಾ.
MAR 14:59 ತಿಮ್ಮ ಕದ್ಯಾತಬಿ ತ್ಯುನಿ ಸಾಕ್ಷಿ ಹೊಂದಾಣಕಿ ಥೈ ನೈ.
MAR 14:60 ತೆಳಾಮಾ ಖಾಸ ಯಾಜಕ ವಚ಼ಮಾ ಉಟಿನ ಹುಬ್ರೈನ - ತು ಸುಜ಼ ಜವಾಬ ದೆತೊನೈ ಸು? ಇವ್ನೆ ತುಪರ ತಪ್ಪ ಚ಼ಡಾವಾನು ಸುವೈ? ಯೆಸುನೆ ಪ್ರಶ್ನೆ ಪುಚ಼ತಾಮಾ.
MAR 14:61 ವರಿ ತೆ ಗಪರ‍್ಹೈನ ಸುಜ಼ ಕದ್ಯೊ ನೈ. ಫರಿನ ಖಾಸ ಯಾಜಕ - ಮಸ್ಸಿಹಾ ತುಜ಼಼ ವ್ಹೈಸು? ಸ್ತೊತ್ರಾನೆ ಯೊಗ್ಯ ಥಯಲವಾಲನೊ ದಿಕ್ರೊ ತುಜ಼಼ ವ್ಹೆಸು?
MAR 14:62 ಕೈನ ತಿನೆ ಪುಚ಼ತಾಮಾ ಯೆಸು ಹೊ ಮಿಜ಼ ವ್ಹೈ, ಎನೈಸೊ ಮನಕ್ಹನೊ ದಿಕ್ರೊ ಸರವಶಕ್ಕತನಾ ಬಾಜು಼ಮಾ ಬೈಟಾನೊ. ವರಿ ಕ್ಹುದಾ ರ‍್ಹಯಲ ಸ್ವರ್ಗಮಾತೊ ಉಜಾಲಾನಾ ಕ್ಹಾತೆ ತೆ ಆವಾನು ತುಮೆ ದೆಕೊಸಿ ಕದ್ಯೊ.
MAR 14:63 ಎ ಐಕಿನ ಖಾಸ ಯಾಜಕ ತಿನಾ ವಣ್ಣಾ ಫಾಡಿಲಿನ ಹಮ್ನಾ ಹಮೊನೆ ಇತ್ತಿ ಉಪ್ಪರ ಸಾಕ್ಷಿ ನಕೊ.
MAR 14:64 ಎ ಕ್ಹುದಾನಾ ವಿರುದ್ದ ಕದಲ ವಾತ ತುಮೆ ಕ್ಹಾರಾ ಐಕ್ಯಾಸು ನೈ ತುಮಾರಿ ವಿಚಾರ ಸುವೈ ತ್ಯುನೆ ತಿನೆ ವಿರುದ್ದ ಥೈನ ಎ ತಪ್ಪ ಕರಲವಾಲೊ ವ್ಹೈ - ಇನೆ ಮರಾನಿ ಶಿಕ್ಷಾ ದಿಯ್ಯೆ ಕದ್ಯಾ.
MAR 14:65 ತೆ ಥಯಲ್ಪರ ದಕ್ಹಾ ಜ಼ನಾ ಸಿಪಾಯಿಯೊ ತಿಪರ ಥುಕ್ಕಿನ ತಿನು ಮ್ಹೊಡು ಪ್ಹಡಕಾಕ್ಹು ಝಾಕಿನ ತಿನೆ ಮಾರ‍್ಯಾ ಹಮ್ನಾ ತುನೆ ಕುನ್ನ ಮಾರ‍್ಯೊ ಕೆ ಕವಾಡಾತಾ. ವರಿ ತಿನೆ ಕೈದಾಲಾ ತಿನಾ ಗಾಲೊಪರ ಮಾರತಾ ತಿವ್ನಾ ಹತೊಟಿಮಾ ಲಿದ್ಯಾ.
MAR 14:66 ಪೆತ್ರಾ ತ್ಯಾ ಅಂಗಳಾಮಾ ರ‍್ಹತಾಮಾ ಖಾಸ ಯಾಜಕನಿ ದಾಸಿಮಾನಿ ಯಕ್ಕಲಿ ಐ.
MAR 14:67 ತೆ ಪೆತ್ರಾ ಆಗಕ್ಹು ಅಂಗ ಶೆಕಿಲಿವಾನು ದೆಕಿನ "ತುಬಿ ನಜ಼ರೆತನಾ ಯೆಸುನಾ ಕ್ಹಾತೆ ರ‍್ಹಯಲ ವಾಲೊ ವ್ಹೈ "ಕದಿ.
MAR 14:68 ತೆ ಮಿ ನ್ಹವೈ ತು ಸು ಕವಾಡಿಸ ಮನೆ ಗೊತ್ತ ನತ್ತಿ ಕೈನ ತೆ ಯೆಸುನೆ ಇನ್ಕಾರ ಕರಿನ ಅಂಗಳಾ ಮಾತೊ ಭಾರೊ ಐಪಾಡ್ಯೊ. ತೆಳಾಮಾ ಕುಕಡೊ ಬಾಂಗದಿದ್ಯೊ.
MAR 14:69 ತ್ಯಾ ತೆ ದಾಸಿ ತಿನೆ ದೆಕಿನ ತ್ಯಾ ರ‍್ಹಯಲ ವಾಲಾವೊನೆ ತ್ಯುನೊಮಾನೊ ಎಬಿ ಯಕ್ಲೊ ವ್ಹೈ ಕತಾಮಾ.
MAR 14:70 ವರಿ ಪೆತ್ರಾ ಫರಿನ ಇನ್ಕಾರ ಕರ‍್ಯೊ ಮಿ ನ್ಹವೈ ಕದ್ಯೊ. ದಕ್ಹಿಯಳಪರ ತ್ಯಾ ಹುಬ್ರಯಲವಾಲಾ ಪೆತ್ರಾನೆ ಕ್ಹರಿಮಾಜ಼ ತು ತ್ಯುನೊಮಾನೊ ಯಕ್ಲೊ ವ್ಹೈ; ತು ಗಲಿಲಾಯವಾಲೊ ವ್ಹೈ ಕೈನ ವರಿ ಫರಿನ ಕದ್ಯಾ.
MAR 14:71 ವರಿ ಪೆತ್ರಾ-ತುಮೆ ಕವಾನು ಮನಕ್ಹ ಮನೆ ಗೊತ್ತ ನತ್ತಿ ಕೈನ ತಿನಾಕ್ಹು ತೆ ಕ್ಹರಾಪಿಲೆತೊ ಕ್ಹುದಾನಾ ಕ್ಹಮ ಘಾಲಾನು ಶುರುಕರ‍್ಯೊ. ತೆಕ್ಲಾಮಾಜ಼಼ ಕುಕಡೊ ಬಾಂಗ ದಿದ್ಯೊ.
MAR 14:72 ತೆಳಾಮಾ ಬೆ ಸಲಾ ಕುಕಡೊ ಬಾOಗ ದಿದ್ಯೊತೊ ಪೆತ್ರಾ ಐಕ್ಯೊ ಯೆಸು ತಿನೆ ಕದಲ ವಾತ ತೆ ಶೆ ಕರಿನ ಕುಕಡೊ ಬೆ ಸಲಾ ಬಾಂಗದಿವಾತಿ ಅಗ್ದುರ ತನ ಸಲಾ ಮಾರಾ ಹುತಿ ತು ಮನೆ ಗೊತ್ತ ನತ್ತಿ ಕೈನ ಕಸಿಕದಲ ತೆ ವಿಚಾರಮಾ ಉಂದಾ ಗುಡ್ಗಾ ಘಾಲ್ಲಿನ ರ‍್ವಯ್ಯೊ.
MAR 15:1 ಪಾಟ ಥಯಲ ಬರೊಬ್ಬರ ಖಾಸ ಯಾಜಕೊ ಗಡಬಡಮಾ ಮ್ಹೊಟಾ ಮನಕ್ಹೊ ಶಾಸ್ತ್ರಿಯೊ ಮ್ಹೊಟಾ ಸಭೆವಾಲಾ ಯಕ್ನಾ ಯಕ್ಕ ಮಳಿನ ತ್ಯುನೆ ವಿಚಾರ ಕರಿಲಿದಲ ತಿಮ್ಮ ಪ್ರಕಾರ ಕರ‍್ಯಾ. ತ್ಯುನೆ ಯೆಸುನೆ ಬೆಡಿಯೊಕ್ಹು ಭಾಂದಿನ ಧರ್ಲಿನ ಗೈನ ಪಿಲಾತನಕನ ದಿದ್ಯಾ.
MAR 15:2 ಪಿಲಾತನ ತಿನೆ ತು ಯಹುದ್ಯೊನೊ ರಾಜೊ಼ ವ್ಹೈ ಕೈನ ಪುಚ಼ತಾಮಾ ಯೆಸು ತುಜ಼಼ ಕದ್ಯೊತೊ ಕೈನ ಜ಼ವಾಬ ದಿದ್ಯೊ.
MAR 15:3 ಖಾಸ ಯಾಜಕೊ ತಿಪರ ಘನ್ನಾ ಸುಳ್ಳ ತಪ್ಪ ಚ಼ಡಾವಾಡ್ಯಾತಾ.
MAR 15:4 ತಿನಾಹುತಿ ಪಿಲಾತನ ವರಿಯಕಸಲಾ ತು ಸುಜ಼ ಜವಾಬ ದೆತೊ ನೈಸು? ಇವ್ನೆ ತುಪರ ಕೆಕ್ಲಾ ಅಪವಾದ ಘಾಲಾಡ್ಯಾಸ ದೆಕ ಕವಾಡೊತೊ. ತೆಕ್ಲು ಥಯು ತಬಿ
MAR 15:5 ಯೆಸು ಸುಜ಼ ಜವಾಬ ದಿದ್ಯೊನೈ ತೆ ದೆಕಿನ ಪಿಲಾತನ ಘನ್ನೊ ಘಾಬ್ರೊಥಯೊ.
MAR 15:6 ಹರಿ ಯಕ್ಕ ಫಸ್ಕಾನಾ ಸನ್ಮಾ ರಾಜ್ಯಪಾಲ ಥಯಲ ಪಿಲಾತನ ಮನಕ್ಹೊ ಮಾಂಗಲ ತೆ ಕೈದಿನೆ ಛೊಡಾನಿ ಪದ್ದತ ವ್ಹತ್ತಿ.
MAR 15:7 ತೆಳಾಮಾ ಬರಬ್ಬ ಕವಾಲೊ ಯಕ್ಕ ಕೈದಿ ವ್ಹತ್ತೊ ತೆ ಲಡೈಕರಾಲಾವೊನಾ ಕ್ಹಾತೆ ಮಳಿನ ಮನಕ್ಹೊನೆ ಖಲಾಸ ಕರ‍್ಯೊತೊ ತಿನೆ ಧರಿನ ಜೆಲಮಾ ಘಾಲ್ಯಾತಾ.
MAR 15:8 ಮನಕ್ಹೊ ಪಿಲಾತನಕನ ಗೈನ ತು ಹಮಾರಾಹುತಿ ಕರತೊ ಆಯಲ ಪದ್ದತ ಕರ ಕೈನ ಪುಚ್ಯಾ.
MAR 15:9 ಪಿಲಾತನ ತ್ಯುನೊನೆ ಪುಚ್ಯೊ ಮಿ ಯಹುದ್ಯನಾ ರಾಜಾ಼ನೆ ತಮಾರಾಹುತಿ ಛೊಡುಕೈನ ತುಮಾರಿ ಆಸ ಛೆ ಸು.
MAR 15:10 ಖಾಸ ಯಾಜಕೊಮಾ ಸOಗಟ ಹೆಚ್ಕಿ ಥಯಲ ಹುತಿ ಯೆಸುನೆ ಧರಿನ ದಿದ್ಯಾತಾ ಕೈನ ಪಿಲಾತನೆ ಗೊತ್ತ ವ್ಹತ್ತು.
MAR 15:11 ತಿತಾ ಖಾಸ ಯಾಜಕೊ - ಬರಬ್ಬನೆ ಛೊಡಕೈನ ಮನಕ್ಹೊನೆ ಪಿಲಾತನಕನ ಮಾಂಗಿಲಿವೊಕೈನ ಶಿಕ್ಕಲಾವಾಡ್ಯಾತಾ.
MAR 15:12 ತಿನಾಹುತಿ ಪಿಲಾತನ ಫರಿನ ತ್ಯುನೊನೆ - ತಿಮ್ಮ ರ‍್ಹಯುಮ ತುಮೆ ಕವಾನಾ ಯೆಹುದಿನಾ ರಾಜಾ಼ನೆ ಮಿ ಸು ಕರುಕೈನ ಪುಚ಼ತಾಮಾ ತ್ಯುನೆ
MAR 15:13 ತಿನೆ ಶಿಲುವಿಪರ ಚ಼ಡಾಕೈನ ವದ್ರ್ಯಾ.
MAR 15:14 ವರಿ ಆ ಸು ಕೆಟ್ಟ ಕರ‍್ಯೊಸ ಪಿಲಾತನ ಕದ್ಯೊ ವರಿ ತ್ಯುನೆ ಅನೆ ಶಿಲುವಿಪರ ಚ಼ಡಾ ಕೈನ ವರಿ ಜೊ಼ರವದರ‍್ಯಾ.
MAR 15:15 ತೆಳಾಮಾ ಪಿಲಾತನ ಮನಕ್ಹೊನು ಮನಸ ಸಮಾದಾನ ಕರಾಹುತಿ ಬರಬ್ಬನೆ ಛೊಡಿನ ಯೆಸುನೆ ಬಾರಕೊಲಕ್ಹು ಮಾರಖಲೈನ ಶಿಲುವಿಪರ ಚ಼ಡಾವಾನಾ ಹುತಿ ವಪ್ಸಿನ ದಿದ್ಯೊ.
MAR 15:16 ಸೈನಿಕೊ ಯೆಸುನೆ ಪಿಲಾತನ ರಾಜಾ಼ನಾ ಘರ್ಮಾತಾ ಅಂಗಳಾಮಾ ಲೈನ ತ್ಯುನಾ ಬಿಜಾ಼ ಸೈನಿಕೊನೆ ಮಳೈನ
MAR 15:17 ಯೆಸುನೆ ಘನ್ನಾ ಲಾಲ ರಾಜಾ಼ನಾ ವಣ್ಣಾ ಘಾಲಿನ ಕಾಟಾವೊನು ಕಿರಿಟ ಕರಿನ ತಿನಾ ಮಾತಾ ಪರ ಮುಕ್ಕಯಾ.
MAR 15:18 ಯೆಹುದಿನಾ ರಾಜಾ಼ ತು ಘನ್ನಾ ದಿನ್ನ ಜುತೊ ರ‍್ಹೆ ಕೈನ ನಮಸ್ಕಾರ ಕರಿನ ಪಗೆ ಪಡ್ಯಾ.
MAR 15:19 ವರಿ ಲಾಕಡಿ ತಿನಾ ಮಾತಾಪರ ಮಾರಿನ ತಿಪರ ಥುಕ್ಕಕಿನ ತಿನಾ ಕ್ಹಾಮಾ ಉಂದಾಗುಡಗಾಘಾಲ್ಲಿನ ಡಬ್ಬ ಪಡ್ಯಾ.
MAR 15:20 ಇಮ್ಮ ತಿನೆ ಕದ್ರಾಯಲ್ಪರ ತಿಪರಲ್ಯಾ ಘನ್ನಾ ಲಾಲ ರಾಜಾ಼ನಾ ವಣ್ಣಾ ಕಾಡಿನ ತಿನಾ ವಣ್ಣಾತಿನೆ ಘಾಲಿನ ತಿನೆ ಶಿಲುವಿಪರ ಚ಼ಡಾವಾನೆ ಲಿನಗಯಾ.
MAR 15:21 ತೆಳಾಮಾ ಖೆತರನಿ ವಾಟಮಾತಾ ಜಾ಼ತಾಮಾ ತೆಜ಼ ವಾಟಮಾತೊ ಯಕ್ಕ ದಾಣಗೊ ಆವಾಡ್ಯೊತೊ ಯೆಸುನಿ ಶಿಲುವಿ ಉಚೈಲೆ ಕೈನ ತಿನೆ ಜ಼ಬರದಸ್ತಿ ಕರ‍್ಯಾ ತೆ ಕುನ್ನ ವ್ಹೈ ಕದ್ಯಾಮ ಅಲೆಕ್ಸಾಂಡರ ವರಿ ರುಫಸನೊ ಬಾ ಥಯಲ ಸಿಮೊನ ಕವಾಲೊ ಕುರೆನ ಗಾಮವಾಲೊ ವ್ಹೈ.
MAR 15:22 ಪಾಚಾ಼ತಾ ತ್ಯುನೆ ಗೊಲ್ಗೊತಾ ಕವಾನಾ ಜ಼ಗಾಪರ ತಿನೆ ಲಿನ ಆಯಾ. ಗೊಲ್ಗೊಥಾ ಕದ್ಯಾಮ ಕಪಾಲ ಕವಾನಿ ಜ಼ಗಾ ವ್ಹೈ.
MAR 15:23 ತ್ಯಾ ತಿನೆ ರಗ್ತಬೊಳ ಮಳಾಯಲ ದ್ರಾಕ್ಷಿನೊ ವೈನ(ರಖ) ದಿದ್ಯಾ. ವರಿ ತೆ ಲಿದ್ಯೊ ನೈ.
MAR 15:24 ಪಾಚಾ಼ತಾ ಯೆಸುನೆ ತ್ಯುನೆ ಶಿಲುವಿಪರ ಚ಼ಡೈನ ತಿನಾ ವಣ್ಣಾವೊನೆ ಕಿನೆ-ಕಿನೆ ಸು-ಸು ಆವಸ ಕೈನ ತ್ಯುನೆ ಚಿ಼ಟಿಯೊ ಘಾಲಿನ ವಾಟಿಲಿದ್ಯಾ.
MAR 15:25 ಯೆಸುನೆ ಶಿಲುವಿಪರ ಘಾಲ್ತಾಮಾ ಪಾಟ್ನಾ ನೌ ವಾಜಾ಼ತಾ.
MAR 15:26 ತಿಪರ ಚ಼ಡಾಯಲ ತಪ್ಪ ಸು ವ್ಹೈ ಕದ್ಯಾಮ-ಎ ಯಹುದ್ಯನೊ ರಾಜೊ಼ ವ್ಹೈ ಕೈನ ಮಾತಾನಿ ಜ಼ಗಾ ಶಿಲುವಿಪರ ಬರ್ದಿನ ಲಗಾಡ್ಯಾತಾ.
MAR 15:27 ಇನಾ ಕ್ಹಾತೆ ಬೆ ಜ಼ನಾ ಚೊ಼ಟ್ಟಾವೊನೆ ಲೈನ ಯಕ್ಲಾನೆ ಸಿದಾ ಬಗಲ ಯಕ್ಲಾನೆ ಡಾವಾ ಬಗಲ ತಿನಾ ಕ್ಹಾತೆ ಶಿಲುವಿಪರ ಘಾಲ್ಯಾತಾ.
MAR 15:28 ದಕ್ಹಾ ಮುಲ ಪ್ರತಿಮಾ ಎ ವಚನಾ ಛೆ ಪವಿತ್ರ ಗ್ರಂಥ ಕವಸ
MAR 15:29 ತ್ಯಾಂತಾ ಜಾ಼ವಾಲಾ ಮಾತು ಹಲೈನ ಯೆಸುನೆ ದೆಕಿನ ಆಹಾ ತು ದೆವಾಲಯ ಪಾಡಿನ ತನ ದಿನಮಾ ಭಾಂದಾಲಾ,
MAR 15:30 ಶಿಲುವಿಪರತೊ ಉತ್ರಿನ ತಾರೊ ಜ಼ಲಮ ತು ವಚಾ಼ಡಿಲೆ ಕೈನ ತಿನೆ ಹಿನಾವಾಡ್ಯಾತಾ.
MAR 15:31 ತೆಜ಼ ಟೈಮಮಾ ಖಾಸ ಯಾಜಕೊ ಶಾಸ್ತ್ರಿಯೊ ತೆ ಬಿಜಾ಼ವೊನೆ ವಚಾ಼ಡಾಲೊ ವ್ಹೈ; ತಿನೆ ತೆ ವಚಾ಼ಡಿ ಲೆತೊನೈ.
MAR 15:32 ಇಸ್ರಾಯೆಲನೊ ರಾಜೊ಼ ಥಯಲ ಎ ಮಸ್ಸಿಹಾ ಹಮ್ನಾ ಶಿಲುವಿಪರತೊ ಉತ್ರಿನ ಆವಾದೆ. ಉತ್ರಿನ ಆಯೊಮ ಹಮೆ ಬಿ ದೆಕಿನ ಬರೊಕ್ಹೊ ಕರಿಯೆಸ ಕೈನ ತ್ಯುನೊಮಾಜ಼ ಕದ್ರೈನ ತ್ಯುನೆ ಬೊಲ್ಲಿವಾಡ್ಯಾತಾ. ತಿನಾ ಕ್ಹಾತೆ ಶಿಲುವಿಪರ ರ‍್ಹಯಲವಾಲಾ ತಿನೆ ಕದ್ರಾವಾಡ್ಯಾತಾ.
MAR 15:33 ದುಪಾರನಾ ಬಾರಾ ವಾಸ್ತಾ ದೆಶಪರ ಅಂದಾರು ಥೈ ಗಯು ತೆ ಅOದಾರು ತನ ತಾಸ ವ್ಹತ್ತು.
MAR 15:34 ದುಪಾರೆ ತನ ವಾಸ್ತಾ ಯೆಸು ಎಲೊಹಿ-ಎಲೊಹಿ ಲಮಾ ಸಬಕ್ತಾನಿ, ತಿಮ್ಮ ಕದ್ಯಾಮ ಕ್ಹುದಾ ಮಾರಾ ಕ್ಹುದಾ ಕಾ ಮಾರೊ ಹತ ಛೊಡ್ಯೊ ಕೈನ ಜೊ಼ರ ವದರ‍್ಯೊ.
MAR 15:35 ನಜಿಕ ಹಬ್ರಯಲ ದಕ್ಹಾ ಜ಼ನಾವೊಮಾನಾ ತೆ ಐಕಿನ ಹಮ್ನಾ ತೆ ಎಲಿಯಾನೆ ಬೊಲಾಡೊಸ ಕದ್ಯಾ.
MAR 15:36 ತೆಳಾಮಾ ಯಕ್ಲೊ ನ್ಹಾಟಿ ಗೈನ ಸ್ಪಂಜಮಾ ಘನ್ನು ಸಸ್ತು ರ‍್ಹಯಲ ವೈನ ಭರಿನ ಲಾಕ್ಕಡಿನೆ ಭಾಂದಿನ ಯೆಸುನಾ ಹೊಟೊನೆ ಲಗಾಡ್ಯೊ. ಛೊಡೊ ಇನೆ ಶಿಲುವಿ ಪರತೊ ಉತಾರಾನೆ ಎಲಿಯಾ ಆಸ ಸು ದೆಕಿಯೆ ಕದ್ಯೊ.
MAR 15:37 ವರಿ ಯೆಸು ಜೊ಼ರ ವದ್ರಿನ ಜ಼ಲಮ ಛೊಡ್ಯೊ.
MAR 15:38 ತೆಳಾಮಾ ದೆವಾಲಯಮಾ ರಹೆಲ ಪಡದೊ ಉಪ್ಪರತೊ ಹೆಟೊಲಕ್ಕಾ ಬೆ ತುಕ್ಡಾ ಥಯೊ.
MAR 15:39 ತೆ ಇಮ್ಮ ಜ಼ಲಮ ಛೊಡಲ ದೆಕಿನ ತ್ಯಾ ಹುಬ್ರಯಲಮಾನಾ ಶತಾದಿಪತಿ ದೆಕಿನ ಕ್ಹರಿಮಾಜ಼ ಆ ಮನಕ್ಹ ಕ್ಹುದಾನೊ ದಿಕ್ರೊ ವ್ಹೈ ಕದ್ಯೊ.
MAR 15:40 ತ್ಯಾ ದಕ್ಹಿಯೊ ಹೆಣ ಮನಕ್ಹೊಬಿ ದುರತಿಯೊ ದೆಕಾಡಿಯೊತ್ಯೊ ತಿಮಾನಿಯೊ, ತೆ ಮಗ್ದಲನಿ ಮರಿಯಳ, ನ್ಹಾನಾ ಯಾಕೊಬ ವರಿ ಯೊಸೆಫನಿ ಯಾ ಮರಿಯಳ ವರಿ ಸಲೊಮಿ ತ್ಯಾ ವ್ಹತ್ತಿಯೊ.
MAR 15:41 ಇವ್ನೆ ಯೆಸು ಗಲಿಲಾಯಮಾ ರ‍್ಹತಾಮಾ ಯೆಸುನಾ ಪಾಚಿ಼ಯೊ ಐನ ತಿನೆ ಮದತ ಕರಿಯೊತ್ಯೊ ವರಿ ತಿನಾ ಪಾಚಿ಼ಯೊ ಆವಾಲಿಯೊ ಘನ್ನಿಯೊ ಜನಿಯೊ ಹೆಣ ಮನಕ್ಹೊ ಯೆರುಸಲೆಮೆ ಐಯೊತ್ಯೊ.
MAR 15:42 ತೆಳಾಮಾಜ಼ ಕ್ಹಾಂಜ಼ ಥೈ ಗೈತಿ ತೆಳಾಮಾ ಅರಿಮಥಾಯ ಯೊಸೆಫ ಕವಾಲೊ ತ್ಯಾ ಆಯೊ ತೆ ಯಹುದ್ಯೊನೊ ಸಭಾಪರ ಮ್ಹೊಟೊ ವ್ಹತ್ತೊ ವರಿ ಕ್ಹುದಾನಿ ರಾಜ್ಯ ಆವಾನು ತೆ ಕೈದಾಡ್ಯೊತೊ ತೆಳಾಮ ಸಬ್ಬತನೊ ಪಾಚ಼ಲ್ಯೊ ದಿನ್ನ (ವರಿ ಸನ್ನ ತಯ್ಯಾರ ಕರಾನೊ ದಿನ್ನ ವ್ಹತ್ತೊ) ಪಿಲಾತನ ರಾಜ್ಯಪಾಲಕನ ಧೈರ್ಯಕ್ಹು ಐನ ಯೆಸುನು ಮರಲ ಅಂಗ ದೆ ಕೈನ ಮಾಂಗ್ಯೊ.
MAR 15:44 ಪಿಲಾತನ ರಾಜ್ಯಪಾಲ ಯೆಸು ತೆಕ್ಕಲೊ ಭೆಗಿನ ಮರ‍್ಯೊಸು ಕೈನ ಘಾಬ್ರೊಥೈನ ಶತಾದಿಪತಿನೆ ಬಲೈನ ಯೆಸು ಭೆಗಿನ ಮರ‍್ಯೊಸು ಕೈನ ತಿನೆ ಪುಚ಼್ಚಿನ
MAR 15:45 ಯೆಸು ಮರಲ ಶತಾದಿಪತಿಕ್ಹು ತಿಳ್ದಿನ ಮರಲ ಅಂಗ ಯೊಸೆಫನೆ ದಿಲಾಯೊ.
MAR 15:46 ಯೊಸೆಫ ಘನ್ನು ಮೊಗು ಪ್ಹಡಕು ಇಕ್ಕಾತೊ ಲಾಯಲ ತಿನೆ ವಾಟಮಾ ಉತಾರಿನ ತಿಮಾ ತಿನೆ ಸುತ್ತಿನ ದಗ್ಡಾಮಾ ಕಾಡಲ ಮಜಾ಼ರಮಾ ಮುಕ್ಕಕಿನ ಮಜಾ಼ರನು ಬಾಕಲ ಮ್ಹೊಟೊ ದಗ್ಡೊ ಉಳ್ಸಿನ ಝಾಕ್ಕಯೊ.
MAR 15:47 ಮಗ್ದಲನಿ ಮರಿಯಳ ಯೊಸೆಫನಿ ಯಾ ಯೆಸುನಿ ಯಾ ಮರಿಯಳ ಎ ಕ್ಹಾರು ದೆಕಾಡಿಯೊತ್ಯೊ ತಿಕ್ಹು ಯೆಸುನಿ ಮಜಾ಼ರನಿ ಜ಼ಗಾ ತ್ಯುನೊನೆ ಗೊತ್ತ ಥೈತು.
MAR 16:1 ಸಬ್ಬತ ದಿನ್ನ ಥಯಲ್ಪರ, ಮಗ್ದಲನಿ ಮರಿಯಳ. ಯಾಕೊಬನಿ ಯಾ ಮರಿಯಳ ವರಿ ಸಲೊಮಿ ಯೆಸುನಾ ಅಂಗೆ ಲಗಾಡಾನಾ ಹುತಿ ಬಾಸನು ತೆಲ ಇಕ್ಕಾತಿಯೊ ಲಯ್ಯೊ.
MAR 16:2 ಐತ್ವಾರ ದಿನ್ನ ನಸ್ಕೆ ಸುರ‍್ಯೊ ಉಟ್ತಾಮಾ ತ್ಯುನೆ ಮಜಾ಼ರಕನ ಚಾ಼ಲಿಯೊತ್ಯೊ.
MAR 16:3 ವಾಟಮಾ ಜಾ಼ತಾಮಾ ಮಜಾ಼ರನೆ ಝಾಕಲ ದಗ್ಡೊ ಮ್ಹೊಟೊರ‍್ಹಯಲ ಹುತಿ ತ್ಯುನೆ ದಗ್ಡೊ ಅಪ್ನಾಹುತಿ ಕುನ್ನ ಸರಕಾಸ? ಕೈನ ತ್ಯುನೊಮಾ ಬೊಲ್ಲಿವಾಡಿಯೊತ್ಯೊ.
MAR 16:4 ಇಮ್ಮ ರ‍್ಹತಾಮಾ ತ್ಯುನೆ ಮಾತು ಉಚೈನ ದೆಕಿನ ತೆ ದಗ್ಡೊ ಸರಕಾಯಲ ದೆಕಿನ.
MAR 16:5 ತ್ಯುನೆ ಮಜಾ಼ರಮಾ ಗೈನ ದೆಕ್ತಾಮಾ ತ್ಯಾ ಯಕ್ಲೊ ಜಾಂಜಿಮಾನ ದಾಣಗೊ ಧೊಳಾ ವಣ್ಣಾ ಘಾಲ್ಲಿನ ಶಿದಾ ಬಗಲ ಬೈಟಲ ದೆಕಿನ ತ್ಯುನೆ ಘಾಬ್ರಿಯೊ ಥಯ್ಯೊ.
MAR 16:6 ತೆ ತ್ಯುನೊನೆ ತುಮೆ ಘಾಬ್ರಿಯೊ ಥಾವೊ ನಕೊ ಶಿಲುವಿಪರ ಚ಼ಡಾಯಲ ನಜ಼ರೆತನಾ ಯೆಸುನೆ ಹುಡಕಾಡಿಯೊಸ ಮನೆ ಗೊತ ಛೆ ತೆ ಜಿವ್ತೊ ಥೈನ ಉಟ್ಯೊಸ; ತೆ ನ್ಹ್ಯಾ ನತ್ತಿ ತಿನೆ ಮುಕ್ಕಕಲ ಜ಼ಗಾ ಎಜ಼ ವ್ಹೈ ದೆಕೊ.
MAR 16:7 ತುಮೆ ಗೈನ ಎ ಸುದ್ದಿ ತಿನಾ ಶಿಷ್ಯಾವೊಕನ ವರಿ ಪೆತ್ರಾನೆ ತೆ ತುಮೊನೆ ಕದಲತಿಮ್ಮ ತುಮಾರಾತಿ ಅಗೊ ಗಲಿಲಾಯನೆ ಜಾ಼ವಸ. ತ್ಯಾ ತುಮೆ ತಿನೆ ದೆಕೊಸಿ ಕೈನ ಕವೊ ಕದ್ಯೊ,
MAR 16:8 ತ್ಯುನೆ ಘಾಬ್ರಿಯೊ ಥೈನ ಭುಚ಼ಕಿನ ಕಾಪ್ತಿಯೊ ಮಝಾರಕಂತಿಯೊ ನ್ಹಾಟಿಗಯ್ಯೊ. ತ್ಯುನೆ ಭುಚ಼್ಕಲ ಹುತಿ ಕಿಕನಜ಼ ಸುಜ಼ ಕದಿಯೊ ನೈ.
MAR 16:9 (ಹಪ್ತಾನಾ ಪಸ್ಟಲ್ಯಾ (ಐತ್ವಾರ) ದಿನಮಾ ಪಾಟೆ ಯೆಸು ಮರಿನ ಜಿವ್ತೊ ಥೈನ ಉಟಲಪರ ಮಗ್ದಲನಿ ಮರಿಯಳನೆ ಪೈಲಾ ದಿಕ್ಹ್ಯೊ. ತೆ ಕುನ್ನ ವ್ಹೈ ಕದ್ಯಾಮ ತಿನೆ ತೆ ಕ್ಹಾತ ಕೆಟ್ಟ ಆತ್ಮಾ ಛೊಡಾಯೊತೊ.
MAR 16:10 ತೆ ದಿಕ್ಹಲ ಪೈಲಾ ತಿನಾ ಕ್ಹಾತೆ ರ‍್ಹಯಲವಾಲಾವೊನಾ ತಿಳಸಿ ತ್ಯುನೆ ದುಖಪಡ್ದಿನ ರೊತಾ ಬೈಟ್ಯಾತಾ.
MAR 16:11 ತೆ ಜಿವ್ತೊ ಛೆ ಮನೆ ದಿಕ್ಹ್ಯೊಸ ಕದಲ ಐಕಿನ ತ್ಯುನೆ ಬರೊಕ್ಹೊ ಕರ‍್ಯಾ ನೈ.
MAR 16:12 ಎ ಥಯಲ್ಪರ ಶಿಷ್ಯಾವೊಮಾನಾ ಬೆ ಜ಼ನಾ ಯಕ್ಕ ಗಾಮೆ ಚಾ಼ಲತಾ ಜಾ಼ತಾಮಾ ಯೆಸು ತ್ಯುನೊನೆ ತೆ ವಳಕ ಲಾಗುನೈಸೊ ಬಿಜಾ಼ ಯಕ್ಕ ರುಪಮಾ ದಿಕ್ಹ್ಯೊ.
MAR 16:13 ತ್ಯುನೆ ಗೈನ ವರಿ ಫರಿನ ಐನ ಉಗ್ರಲವಾಲಾವೊನೆ ತಿಳಶ್ಯಾ. ವರಿಬಿ ತ್ಯುನೆ ಬರೊಕ್ಹೊ ಕರ‍್ಯಾ ನೈ.
MAR 16:14 ಲಾಸ್ಟೆ ತ್ಯುನೆ ಗ್ಯಾರಾ ಜ಼ನಾ ಶಿಷ್ಯಾ ಖಾವಾನೆ ಬೈಟಲ ಟೈಮಮಾ ತ್ಯುನೊನೆ ತೆ ದಿಖ್ಯೊ. ತೆ ಜಿವ್ತೊ ಥೈನ ಉಟಲ ದಿಕ್ಹಲ ವಾಲಾವೊನಿ ವಾತಪರ ನೈ ಬರೊಕ್ಹೊ ಕರಲಕ್ಹು ತ್ಯುನಿ ಯಕ್ಕ ಅಪನಂಬಿಕಿಕ್ಹು ತ್ಯುನಾ ಘಟ್ಟ ಥಯಲ ಮನಸೊನೆ ಭುಚ್ಕಾ಼ಡ್ಯೊ.
MAR 16:15 ಪಾಚಲ್ತೊ ತೆ ತ್ಯುನೊನೆ ತುಮೆ ಗೈನ ದುನಿಯಾಮಾ ಕ್ಹಾರಿ ಜ಼ಗಾ ಕ್ಹಾರಿ ಜಾ಼ತನಾ ಮನಕ್ಹೊನೆ ಸುವಾರ್ತೆ ಸಾರೊ.
MAR 16:16 ಕುನ್ನ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿವಾಲಾನೆ ರಕ್ಷಣೆ ಮಳಸ ಬರೊಕ್ಹೊ ನೈ ಕರಲ ವಾಲಾನೆ ಶಿಕ್ಷಾನೆ ಗುರಿ ಥಾವಸ.
MAR 16:17 ಎನೈಸೊ ಬರೊಕ್ಹೊ ಕರಲ ವಾಲಾನಾ ಹತೆ ಅದ್ಭುತ ಕರಾನು ಅದಿಕಾರ ದಿವಸ; ಮಾರು ನಾಮ ಕೈನ ಕೆಟ್ಟ ಆತ್ಮಾ ಛೊಡಾವಸ ಅಜಪನಿಯೊ ವಾತೊ ಬೊಲಸ.
MAR 16:18 ತ್ಯುನೆ ಕ್ಹಾಪೊ ಉಚಾವಸ ವರಿ ಮರಾನು ವಕ್ಹಡ ಪಿದ್ಯಾತಬಿ ಸುಜ಼ ಕೆಟ್ಟ ಥಾತು ನೈ ತ್ಯುನೆ ರೊಗಿಯೊಪರ ಹತ್ತ ಮ್ಹೆಲ್ಯಾಮ ತೆ ರೊಗಿಯೊ ಅರಾಮ ಥಾವಸ ಕದ್ಯೊ.
MAR 16:19 ಯೆಸು ಸ್ವಾಮಿ ತ್ಯುನಾ ಕ್ಹಾತೆ ಬೊಲಲಪರ ತಿನೆ ಸ್ವರ್ಗಮಾ ಕ್ಹುದಾಲಿನ ಗೈಪಡ್ಯೊ ತೆಳಾಮಾಜ಼ ಯೆಸು ಕ್ಹುದಾನಾ ಶಿದಾ ಹತ ಬಗಲ ಬೈಟ್ಯೊ.
MAR 16:20 ಶಿಷ್ಯಾ ಕ್ಹಾರಿ ಜ಼ಗಾ ಗೈನ ತೆ ವಾತೊ ಕತಾ ಗಯಾ;ವರಿ ಕರತಾ ತ್ಯುನಾ ಕ್ಹಾತೆ ರ‍್ಹೈನ ಮ್ಹೊಟಾ-ಮ್ಹೊಟಾ ಕಾಮೊ ಅದ್ಭುತ ಕರತೊ ತಿನಾ ಹುತಿ ತ್ಯುನೆ ಕವಾನಿ ಸುವಾರ್ತೆ ಘಟ್ಟ ಕರತೊ ವ್ಹತ್ತೊ)
LUK 1:1 ಸನ್ಮಾನ್ಯ ಥೆಯೊಫಿಲನ, ಹಮಾರಾ ವಚ್ಮಾ಼ ಥಯಲ ಸಂಗತಿಯೊ ವರಿ ಚರಿತ್ರೆ ತಿಳಸಾನಾಹುತಿ ಘನ್ನಾ ಜ಼ನಾ ಕೊಶಿಶ ಕರ‍್ಯಾಸ.
LUK 1:2 ಶುರುತಾಬಿ ತೆ ಸಂಗತಿಯೊ ಡೊಳೆ ದೆಕಲ ಕ್ಹುದಾನಿಯೊ ವಾತೊ ಕದಲವಾಲಾವೊನಾ ಮ್ಹೊಡೆ ಹಮೆ ಐಕಲ ಸಂಗತಿಯೊ ತ್ಯುನೆ ಬರ್ದ್ಯಾಸ.
LUK 1:3 ತಿನಾಹುತಿ ಹರಿಯಕ್ಕ ಸಂಗತಿಯೊ ಶುರುತಿಬಿ ಮಿಜ಼ ಮ್ಹೈನತ ಕರಿನ ಒದಿ ಬರ್ದಿನ ತಿಳದಿಲಿದಲ ಹುತಿ ತ್ಯುನೆ ಎ ಕ್ಹಾರು ತುನೆ ಯಕ್ಕ ಲೆವಲ (ಸಂವಾ) ತಿಳಸಾನಾ ಹುತಿ ಪುಸ್ತಕನಾ ರುಪಮಾ ಬರ್ದಿನ ಮ್ಹೆಲ್ಯೊಸ.
LUK 1:4 ತುನೆ ಕದಲ ಉಪದೆಶ ಕ್ಹರಿನಿಯೊ ವ್ಹೈ ಕೈನ ಇನಾಹುತಿ ಕ್ಕಲಿಯರ ರ‍್ಹವಾದೆ.
LUK 1:5 ಯುದಾಯನೊ ರಾಜೊ಼ ಥಯಲ ಹೆರೊದನಾ ಕಾಲಮಾ ಅಭಿಯನ್ನಾ ಆರೊನನಿ ಒಸಮಾ ಮಳಲ ಜಕರಿಯಾ ಕವಾಲೊ ಯಕ್ಕ ಯಾಜಕ ವ್ಹತ್ತೊ. ತಿನಿ ಬೈಕೊ ಯಾಜಕೊನಿ ಒಸವಾಲಿ ವ್ಹತ್ತಿ. ತಿನು ನಾಮ ಎಲಿಸಬೆತ ವ್ಹತ್ತು.
LUK 1:6 ತ್ಯುನೆ ಕ್ಹರಿಮಾಜ಼ ಕ್ಹುದಾನಿ ನಜ಼ರಮಾ ಚೊ಼ಕಾ ಥೈನ ವ್ಹತ್ತಾ. ಭಂಬಿಜ಼ನಾ ಕರ್ತಾನಿಯೊ ಕ್ಹಾರಿಯೊ ಆಗನ್ಯಾ ವರಿ ನಿಯಮೊ ನಿಶ್ಠೆ ಕಾಯ್ದಿಲಿನ ತಪ್ಪ ನೈಸೊ ಕರಾಲಾ ರ‍್ಹೈನ ವ್ಹತ್ತಾ.
LUK 1:7 ತೆನೈಸೊ ಎಲಿಸಬೆತನೆ ವರಿ ಜಕರಿಯಾನೆ ಬಚ್ಚಾ಼ನ್ಹೊತಾ; ಕಾಕದ್ಯಾಮ ಎಲಿಸಬೆತ ಗ್ವಡ್ಡ ವ್ಹತ್ತಿ. ಎನೈಸೊ ತ್ಯುನೊನೆ ಘನ್ನಿ ವೈಸ್ ಥೈತಿ.
LUK 1:8 ಯಕ್ಕ ದಿನ್ನ ಜಕರಿಯಾನಿ ಒಸನಿ ಪಾಳಿ ಆತಾಮಾ, ತೆ ಕ್ಹುದಾನಿ ಸನ್ನಿಧಿಮಾ ಯಾಜಕ ಥೈನ ಸೆವೆ ಕರಾಡೊತೊ.
LUK 1:9 ಕ್ಹುದಾನಿ ಸನ್ನಿಧಿಮಾ ಯಾಜಕೊ ಉದನೊ ಧವಾಂಡೊ ದಿವಾಹುತಿ ತಿವ್ನಿ ಪದ್ದತಿಲಿಂಗತ ಚಿಟಿಯೊ ಘಾಲ್ತಾಮಾ ತಿಮಾ ಜಕರಿಯಾನು ನಾಮ ಐಯು.
LUK 1:10 ತಿನಾಹುತಿ ಜಕರಿಯಾ ಕ್ಹುದಾನಿ ಸನ್ನಿದಿಮಾ ಗೈನ ಉದನೊ ಧವಾಂಡೊ ದೆತಾ ಟೈಮಾ ಮನಕ್ಹೊನು ಗುಂಪ ಭಾರಾಜ಼ ರ‍್ಹೈನ ಕ್ಹುದಾನೆ ಪ್ರಾಥನಾ ಕರಾಡ್ಯಾತಾ.
LUK 1:11 ತೆಳಾಮಾ ಕ್ಹುದಾನೆ ಉದನೊ ಧವಾಂಡೊ ದಿವಾನಿ ಜ಼ಗಾನಾ ಸಿದಾ ಬಗಲ ಜಕರಿಯಾನೆ ದೆವದುತ ಹುಬ್ರಯಲ ದಿಕ್ಹ್ಯು.
LUK 1:12 ಜಕರಿಯಾ ತಿನೆ ದೆಕಿನ ಘಾಬ್ರೊಥೈನ ಭುಚ್ಕ್ಕಯೊ.
LUK 1:13 ವರಿ ತೆ ದುತ ತಿನೆ ಜಕರಿಯಾ, ಭುಚ್ಕು಼ನಕೊ; ತಾರಿ ಪ್ರಾಥನಾ ಕ್ಹುದಾ ಐಕ್ಯೊಸ; ತಾರಿ ಬೈಕೊ ಎಲಿಸಬೆತ ಯಕ್ಕ ಪಟ್ಟೊ ಜ಼ನ್ನಿನ ತುನೆ ದಿವಸ. ತು ತಿನೆ ಯೊಹಾನ ಕೈನ ನಾಮ ಮ್ಹೆಲು.
LUK 1:14 ತೆ ಹುಟ್ಟಲಹುತಿ ತುಮೊನೆ ಘನ್ನಿ ಖುಶಿ ಮಳಸ; ವರಿ ತೆ ಹುಟ್ಟಲಹುತಿ ಘನ್ನಾ ಮನಕ್ಹೊಮಾ ಖುಶಿ ಥಾವಸ.
LUK 1:15 ಯೊಹಾನ ಕರ್ತಾನಿ ನಜ಼ರಮಾ ಮ್ಹೊಟೊ ಮನಕ್ಹ ಥಾವಸ; ತೆ ದ್ರಾಕ್ಷಿಯೊನು ರಕ್ಹ ರ‍್ಹವಾದೆ ವರಿ ಕಯುಬಿ ನಶಾನು ರಕ್ಹ ರ‍್ಹವಾದೆ ತೆ ಪಿತೊಜ಼ ನೈ; ಯೊಹಾನ ಹುಟ್ಟಲ ದಿನತೊಬಿ ತಿಮಾ ಪವಿತ್ರ ಆತ್ಮಾ ರ‍್ಹವಸ.
LUK 1:16 ತೆ ಇಸ್ರಾಯಲನಾ ಘನ್ನಾ ಮನಕ್ಹೊನೆ ತ್ಯುನೊ ಕ್ಹುದಾ ಥಯಲ ಕರ್ತಾಕನ ಲಾವಸ.
LUK 1:17 ವರಿ ತೆ ಕ್ಹುದಾನೊ ದುತ ಥೈನ ಅಗೊ ಜಾ಼ವಸ. ತಿನೆ ಪ್ರವಾದಿ ಥಯಲ ಎಲಿಯಾನಿಯೊ ಚ್ಯಾಳಿಯೊ ವರಿ ಶಕ್ತಿಯೊ ಯೊಹಾನನೆ ಮಳಸ; ಬಾಪೊನೆ ದಿಕ್ರಾವೊನಾ ವಚ಼ಮಾ ಸಮಾದಾನ ದಿಲಾವಸ; ನಿತಿನೈಸೊ ವಾಲಾವೊನೆ ನಿತಿವಂತನು ಗ್ಯಾನ ಸಿಕ್ಕಲಾವಸ್; ವರಿ ಮನಕ್ಹೊನೆ ಕ್ಹುದಾನಾ ಹುತಿ ತಯ್ಯಾರ ಕರಸ" ಕದ್ಯೊ.
LUK 1:18 ಜಕರಿಯಾ ತೆ ಕ್ಹುದಾನಾ ದುತನೆ"ತು ಕವಾನು ಕ್ಹರಿ ವ್ಹೈ ಕೈನ ಸು ವಳಕ ಛೆ? ಮಿ ಗಡಿಯೊ ಥೈಗಯೊಸ ವರಿ ಮಾರಿ ಬೈಕೊನೆ ಬಿ ವೈಸ ಥೈಗೈಸ "ಕದ್ಯೊ.
LUK 1:19 ತೆಳಾಮಾ ತೆ ದೆವದುತ "ಮಾರು ನಾಮ ಗಬ್ರಿಯೆಲ ವ್ಹೈ. ಮಿ ಕ್ಹುದಾ ಕನ ರ‍್ಹವಾಲೊ ವ್ಹೈ. ವರಿ ಮಿ ಕ್ಹುದಾನಿಯೊ ವಾತೊ (ಸಂದೆಶ) ಮನಕ್ಹೊಕನ ಕವಾಲೊ ವ್ಹೈ, ವರಿ ಎ ಚೊ಼ಕಿ ವಾತ ಕವಾನಾ ಹುತಿ ಕ್ಹುದಾ ಮನೆ ತುಕನ ಮೊಕ್ಕಲ್ಯೊಸ.
LUK 1:20 ಎ ಮಾರಿಯೊ ವಾತೊ ಕರೆಟ್ಟ ಟೈಮಾ ಪುರಾ ಥಾವಸ; ಎನೈಸೊ ತು ಎ ನೈ ನಂಬಲಕ್ಹು ಎಕ್ಹಾರು ಪುರಾಥಾವಾನು ದಿನ್ನಲಕ್ಕಾ ಕಿಕನಜ಼ ಸು ಕದ್ಯಾವಾಚಿ ಮುಕೊ ಥೈನ ರ‍್ಹಶಿ ಕದ್ಯೊ.
LUK 1:21 ವರಿ ಜಕರಿಯಾನಾ ಹುತಿ ಭಾರಾ ಕೈದತಾ ಹುಬ್ರಯಲ ಮನಕ್ಹೊ ದೆವಾಲಯಮಾ ತೆ ವಕ್ಹತ ಕರಲಹುತಿ ಮನಕ್ಹೊ ಘಾಬ್ರಾಥಯಾ.
LUK 1:22 ತೆಕ್ಲಾಮಾಜ಼಼ ಜಕರಿಯಾ ದೆವಾಲಯಮಾತೊ ಭಾರೊ ಆತಾಮಾ ಮನಕ್ಹೊನಾ ಕ್ಹಾತೆ ಸುಜ಼ ಬೊಲ್ಯಾವಾಚಿ ರ‍್ಹತಾಮಾ ಮನಕ್ಹೊ ಇನೆ ದೆವಾಲಯಮಾ ಕ್ಹುದಾ ಕಯೊಬಿ ಯಕ್ಕ ದರ್ಶನ ದಿದ್ಯೊಸ. ಕೈನ ಮನಕ್ಹೊ ತಿಳದಿಲಿನ. ತೆಳಾಮಾತೊಜ಼ ಜಕರಿಯಾ ಮನಕ್ಹೊನೆ ಹತಕ್ಹು ಇಶಾರೊ ಕರತೊ ಮುಕೊಥೈನೆಜ಼ ವ್ಹತ್ತೊ.
LUK 1:23 ಜಕರಿಯಾ ಯಾಜಕನಿ ಸೆವೆನಾ ದಿನೊ ಮುಗ್ದಲಪರ ತೆ ತಿನಾ ಘರೆ ಗೈಪಡ್ಯೊ.
LUK 1:24 ತೆ ದಿನೊ ಥಯಲಪರ ಜಕರಿಯಾನಿ ಬೈಕೊ ಎಲಿಸಬೆತ ಪಾಂಚ಼ ಮ್ಹ್ಯೆನಾ ಪೆಟೆ ರ‍್ಹ್ಯೆನ ಪಾಂಚ಼ ಮ್ಹ್ಯೆನಾ ಲಕ್ಕಾ ಘರಮಾತಿ ಭಾರಿ ಐ ನೈ.
LUK 1:25 ಎಲಿಸಬೆತ, ದೆಕೊ ಕರತಾ ಮಾರಾಹುತಿ ಹವು ಮ್ಹೊಟು ಕಾಮ ಕರ‍್ಯೊಸ "ಮಾರಾ ಮನಕ್ಹೊನಾ ವಚ಼ಮಾ ಮಪರ ರ‍್ಹಯಲ ಯಕ್ಕ ಕೆಟ್ಟ ನಾಮ ಕ್ಹು ವಚಾ಼ಡ್ಯೊಸ" ಕದಿ.
LUK 1:26 ಎಲಿಸಬೆತ ಛೆ ಮ್ಹ್ಯೆನಾ ಪೆಟೆ ರ‍್ಹತಾಮಾ ಕ್ಹುದಾ ತಿನಾ ಗಬ್ರಿಯೆಲ ಕವಾನಾ ದುತನೆ ಗಲಿಲಾಯ ಕವಾನಾ ಪ್ರಾಂತ್ಯಮಾ ರ‍್ಹಯಲ ನಜ಼ರೆತೆ ಕವಾನಾ ಗಾಮ್ಮಾ ರ‍್ಹಯಲ ಜಾಂಜಿಮಾನ ಚೊ಼ಕ್ರಿಕನ ವಳಾಯೊ. ತಿನೆ ಕಯಾಜ಼ ದಾಣಗಾನಾ ಕ್ಹಾತೆ ಸಂಬದ ನ್ಹೊತು.
LUK 1:27 ತಿನೆ ದಾವಿದನಾ ಖಾಂದಾನವಾಲೊ ಥಯಲ ಯೊಸೆಫನಾ ಕ್ಹಾತೆ ನಾತ್ರು ಥೈತು. ತಿನು ನಾಮ ಮರಿಯಳ ವ್ಹತ್ತು.
LUK 1:28 ದೆವದುತ ತಿನಾ ಕ್ಹಾಮೊ ಐನ "ಕ್ಹುದಾನೊ ಆಶಿರ್ವಾದ ವ್ಹಂದಲವಾಲಿ. ತುನೆ ಚೊ಼ಕು ಥಾವಾದೆ ಕರತಾ ತಾರಾ ಕ್ಹಾತೆ ಛೆ "ಕದ್ಯೊ.
LUK 1:29 ದೆವದುತನಾ ವಾತೊ ಐಕಿನ ಘನ್ನಿ ಗಲಿಬಿಲಿ ಥೈನ ಎ ಕೆವೊ ಆಶಿರ್ವಾದ ವ್ಹೈ ಕೈನ ವಿಚಾರ ಕರತಿ ಘಾಬ್ರಿ ಥೈ.
LUK 1:30 ದೆವದುತ ತಿನೆ "ಮರಿಯಳ, ಭುಚ್ಕು಼ನಕೊ. ಕ್ಹುದಾ ತುನೆ ಘನ್ನಿ ಕೃಪಾ ದಿದ್ಯೊಸ.
LUK 1:31 ಐಕ! ತು ಪೆಟೆ ರ‍್ಹೈನ ಯಕ್ಕ ಪಟ್ಟೊ ಜ಼ನ್ಸಿ. ತು ತಿನು ನಾಮ "ಯೆಸು "ಕೈನ ಮ್ಹೆಲು.
LUK 1:32 ತೆ ಮ್ಹೊಟೊ ಮನಕ್ಹ ಕೈನ ಕವೈಲಿವಸ. ಎನೈಸೊ ಕ್ಹುದಾ ಥಯಲ ಕರ್ತಾನು ದಿಕ್ರೊ ಕವೈಲಿವಸ. ವರಿ ಕ್ಹುದಾ ತಿನೆ ರಾಜೊ಼ ಥಯಲ ದಾವಿದನಾ ಲಿಂಗತ ರಾಜೊ಼ ಕರಸ.
LUK 1:33 ತೆ ಯಾಕೊಬನಾ ಖಾಂದಾನವಾಲಾವೊಪರ ಕೆಳಾಮಾಬಿ ಅದಿಕಾರ (ಹಕ್ಕ) ಚ಼ಲಾವಸ; ತಿನಿ ಯಕ್ಕ ರಾಜ್ಯನೆ ಅಂತ್ಯ ನತ್ತಿ. ಕದ್ಯೊ.
LUK 1:34 ಮರಿಯಳ ದೆವದುತನೆ "ಎ ಕಿಮ ಥಾವಸ? ಮಿ ಹಜು಼ನ ಹಿವಾ ನತ್ತಿ ಕರಲಿದಿತೊ" ಕೈನ ಕದಿ.
LUK 1:35 ದೆವದುತ ಮರಿಯಳನೆ ಪವಿತ್ರ ಆತ್ಮಾ ತುಪರ ಆವಸ. ಕ್ಹಾರಾವೊತಿ ಮ್ಹೊಟೊ ರ‍್ಹಯಲ ಕ್ಹುದಾನಿ ತಾಕತನಿ ಛವ್ಲಿ ತುಪರ ಆವಸ. ತಿನಾ ಹುತಿ ಹುಟ್ಟಾನು ಪವಿತ್ರ ಬಚ್ಚು಼ ಕ್ಹುದಾನೊ ದಿಕ್ರೊ "ಕವೈಲಿವಸ.
LUK 1:36 ಎನೈಸೊ ತಾರು ಕಳಬಳ ಥಯಲ ಎಲಿಸಬೆತ ಛೆತೊ. ತಿನೆ ವೈಸ ಥೈತಬಿ ತೆ ಯಕ್ಕ ಪಟ್ಟೊ ಜ಼ನ್ನಸ. ಬಚ್ಚಾ಼ನತ್ತಿ ಕೈನ ಮನಕ್ಹೊನಾ ಹತೆ ಕವೈಲಿದಲವಾಲಿ ತೆ ಹಮ್ನಾ ಛೆ ಮ್ಹ್ಯೆನಾ ಪೆಟೆ ಛೆ.
LUK 1:37 ಕಾಕದ್ಯಾಮ ಕ್ಹುದಾನಾ ಹತೆ ನೈ ಥಾವಾನು ಸುಜ಼ ನತ್ತಿ ಕದ್ಯೊ.
LUK 1:38 ತೆಳಾಮಾ ಮರಿಯಳ"ಮಿ ಪ್ರಭುನಿ ದಾಸಿ ವ್ಹೈ. ವರಿ ತು ಕದಲ ತಿಮ್ಮಜ಼ ಥಾವಾದೆ"ಕದಿ. ತೆಳಾಮಾ ದೆವದುತ ತ್ಯಾಂತೊ ಗೈ ಪಾಡ್ಯೊ.
LUK 1:39 ತೆಳಾಮಾಜ಼ ಮರಿಯಳ ಉಟಿನ ಗಡಬಡೆ ಯುದೆಯಮಾ ರ‍್ಹಯಲ ಡೊಂಗರೊನಾ ಪ್ರದೆಶಮಾ ರ‍್ಹಯಲ ಗಾಮೆ ಗೈ.
LUK 1:40 ತ್ಯಾ ಜಕರಿಯಾ ಕವಾಲಾನಾ ಘರಮಾ ಗೈನ ಎಲಿಸಬೆತನಾ ಗಳೆ ಮಳಿನ ಹತೊಜೊ಼ಡಿ.
LUK 1:41 ಎಲಿಸೆಬೆತ ಮರಿಯಳನೊ ಗಳೊ ಐಕ್ತಾಮಾ ಎಲಿಸಬೆತನಾ ಪೆಟಮಾ ರ‍್ಹಯಲ ಬಚ್ಚು಼ ಖುಶಿ ಥೈನ ವದ್ಯಾಡ್ಯು. ತೆಳಾಮಾ ಎಲಿಸಬೆತ ಪವಿತ್ರ ಆತ್ಮಾಕ್ಹು ಭರಿನ
LUK 1:42 ವರಿ ಜೊ಼ರ ವದ್ರಿನ ಅಮ್ಮ ಕದಿ" ಕ್ಹಾರಿಯೊ ಬಾಕ್ಡಿಯೊಮಾತಿ ಕ್ಹುದಾನೊ ಘನ್ನೊ ಆಶಿರ್ವಾದ ವ್ಹಂದಿಲಿದಲವಾಲಿ. ವರಿ ತಾರಾ ಮುಲಕ ಹುಟ್ಟಾನು ಬಚ್ಚು಼ ಕ್ಹುದಾ ಆಶಿರ್ವಾದ ದಿದಲ ವ್ಹೈ.
LUK 1:43 ಮಾರಾ ಪ್ರಭುನಿ ಯಾ ಥಾವಾಲಿ ಮಕನ ತು ಆಯಲ ಮನೆ ಕೆಕ್ಲೊ ಚೊ಼ಕೊ ನಸಿಬ ವ್ಹೈ!
LUK 1:44 ದೆಕ ತಾರೊ ಗಳೊ ಮಾರಾ ಕಾನೆ ಪಡ್ತಾಮಾಜ಼ ಮಾರಾ ಪೆಟಮಾ ರ‍್ಹಯಲ ಬಚ್ಚು಼ ಖುಶಿಕ್ಹು ವದ್ಯಾಡ್ಯು.
LUK 1:45 ಪ್ರಭು ತುನೆ ಕದಲ ವಾತೊ ಪುರಾ ಥಾವಸಜ಼ ಕೈನ ನಂಬಲವಾಲಿ ತು ಧನ್ಯ ವ್ಹೈ..
LUK 1:46 ತೆಳಾಮಾ ಮರಿಯಳ, "ಮಾರೊ ಜ಼ಲಮ ಪ್ರಭುನೆಜ಼ ಸ್ತುತಿ ಕರಸ"
LUK 1:47 ಮಾರಿ ಆತ್ಮಾ ಮಾರೊ ರಕ್ಷಕ ಥಯಲ ಕ್ಹುದಾನಾ ಹುತಿ ಖುಶಿ ಥಯುಸ್ಸ.
LUK 1:48 ಕ್ಹುದಾ ತಿನಿ ದಾಸಿನಿ ದಿನಸ್ತಿತಿ ದೆಕ್ಯೊಸ. ಆಜ಼ತಾಜ಼ ಕ್ಹಾರಾ ಮನಕ್ಹೊ ಮನೆ ಧನ್ಯ ವ್ಹೈ ಕವಸ.
LUK 1:49 ತಿನಾಹುತಿ ಸರವಶಕ್ಕತ ಥಯಲ ಕ್ಹುದಾ ಮನೆ ಮ್ಹೊಟೊ ಉಪಕಾರ ಕರ‍್ಯೊಸ. ತಿನು ನಾಮ ಪರಿಶುದ್ಧ ವ್ಹೈ.
LUK 1:50 ಕ್ಹುದಾನಾ ಭೆಮಾ ವರಿ ಭಕ್ಕತಿಮಾ ರ‍್ಹಯಲವಾಲಾವೊಪರ ತಿನಿ ಮರಗಾ ಕೆಳಾಮಾಬಿ ತ್ಯುನೊಪರ ರ‍್ಹವಸ.
LUK 1:51 ತೆ ತಿನಿ ತಾಕತಕ್ಹು ಸ್ವಕ್ಕ ರ‍್ಹಯಲವಾಲಾವೊನಾ ತ್ಯುನು ಸ್ವಕ್ಕ ಹಾಳ ಕರಿಪಾಡಸ.
LUK 1:52 ಕ್ಹುದಾ, ಸ್ವಕ್ಕ ರ‍್ಹಯಲವಾಲಾ ಅದಿಪತಿಯೊನೆ ತ್ಯುನೆ ಯಕ್ಕ ಜ಼ಗಾತೊ ಉತಾರಿನ. ತೆನೈಸೊ ಕ್ಹುದಾನೊ ಭೆ ವರಿ ಭಕ್ತಿ ರ‍್ಹಯಲ ವಾಲಾವೊನೆ ಚೊ಼ಕಿ ಜ಼ಗಾ ಹುಬ್ರಾಡಸ.
LUK 1:53 ತೆ ಭುಕ್ಕಾ ರ‍್ಹಯಲವಾಲಾವೊನಾ ಚೊ಼ಕು ರ‍್ಹಯಲ ಖಲೈನ, ತೆನೈಸೊ ಆಸ್ತಿರಹೆವಾಲಾವೊನೆ ಖಾಲಿ ಹತೆ ಮೊಕ್ಲಿಪಾಡಸ.
LUK 1:54 ಕ್ಹುದಾ ಅಪ್ನಾ ಪುರ್ವಜೊನೆ ವಾತದಿದಲ ಪುರಾ ಕರ‍್ಯೊಸ. ಅಪ್ನೊ ಮುಲ ಪಿತಾ ಥಯಲ ಅಬ್ರಾಹಮನಾ ಖಾಂದಾನವಾಲಾವೊನೆ ಕೆಳಾಮಾಬಿ
LUK 1:55 ಮರಗಾ ದೆಕಾಡು ಕೈನ ತಿನಾ ಸೆವಕೊ ಥಯಲ ಅಬ್ರಹಾಮ ಇಸ್ರಾಯೆಲನಾ ಮನಕ್ಹನೆ ಹತ ಧರ‍್ಯೊಸ ಕದಿ.
LUK 1:56 ಮರಿಯಳ ಕಮ ಜಾಸ್ತ ತನ ಮ್ಹ್ಯೆನಾ ಎಲಿಸಬೆತನಾ ಕ್ಹಾತೆ ರ‍್ಹ್ಯೆನ ಮರಿಯಳ ತಿನಾ ಘರೆ ಗೈ.
LUK 1:57 ಎಲಿಸಬೆತನೆ ದಿನೊ ಭರಿನ ಯಕ್ಕ ಪಟ್ಟೊ ಜ಼ನ್ನಿ.
LUK 1:58 ಕ್ಹುದಾ ಎಲಿಸಬೆತನೆ ಆಶಿರ್ವಾದ ದಿದಲ ಗ್ವತ್ತ ಥೈನ ತಿನಾ ಕಳಬಳ ವರಿ ಆಜು಼ ಬಾಜು಼ವಾಲಾ ತಿನಾ ಕ್ಹಾತೆ ಮಳಿನ ಘನ್ನಾ ಖುಶಿ ಥಯಾ.
LUK 1:59 ಪಟ್ಟೊ ಹುಟ್ಟಿನ ಆಟ ದಿನ್ನ ಥಾತಾಮಾ ತ್ಯುನೆ ತಿನೆ ಸುನ್ನತಿ ಕರಾಹುತಿ ಲಾಯಾ. ತ್ಯುನೆ ತೆ ಪಟ್ಟಾನು ನಾಮ ತಿನಾ ಬಾನು ನಾಮ ಜಕರಿಯಾ ಕೈನ ಮ್ಹೆಲು ಕೈನ ವ್ಹತ್ತು.
LUK 1:60 ತೆನೈಸೊ ತೆ ಪಟ್ಟಾನಿ ಯಾ ತೆ ನಾಮಿ "ನಕೊ! ತಿನೆ ಯೊಹಾನ ಕೈನ ನಾಮ ಮ್ಹೆಲೊ "ಕದಿ.
LUK 1:61 ತ್ಯಾ ಆಯಲವಾಲಾ ಮನಕ್ಹೊ ಎಲಿಸಬೆತನೆ "ತಾರಾ ಖಾಂದಾನಮಾ ಕಿನುಜ಼ ಎ ನಾಮ ನತ್ತಿತೊ "ಕದ್ಯಾ.
LUK 1:62 ಎ ಪಟ್ಟಾನೆ ಸು ನಾಮ ಮ್ಹೆಲು ಕೈನ ಸ್ವನ್ನಿ ಕರಿನ ತಿನಾ ಬಾನೆ ಪುಚ್ತಾ಼ಮಾ.
LUK 1:63 ತೆಳಾಮಾ ಜಕರಿಯಾ ಪಾಟಿ ಮಂಗೈನ "ಯೊಹಾನಜ಼ "ಮ್ಹೆಲೊ ಕೈನ ಬರ್ದಿನ ದೆಕಾಡ್ಯೊ ತಿನಾ ಹುತಿ ಕ್ಹಾರಾ ಮನಕ್ಹೊ ಘಾಬ್ರಾಥಯಾ.
LUK 1:64 ತೆಳಾಮಾಜ಼ ಜಕರಿಯಾನೆ ಬೊಲಾನಿ ತಾಕತ ಮಳಿ ತೆಳಾಮಾ ತೆ ಕ್ಹುದಾನಿ ಸ್ತುತಿ ಕರ‍್ಯೊ.
LUK 1:65 ಎ ಕ್ಹಾರು ಐಕಿನ ಆಜು಼ಬಾಜು಼ವಾಲಾ ಭುಚ್ಕ್ಕಯಾ. ವರಿ ಎ ಕ್ಹಾರಿಯೊ ವಿಚಾರೊ ಹುತಿ ಯುದಾಯಮಾನಾ ಮನಕ್ಹೊ ಬೊಲ್ಲಿವಾಡ್ಯಾತಾ.
LUK 1:66 ಐಕಲವಾಲಾ ಕ್ಹಾರಾ ಮನಕ್ಹೊ "ಎ ಪಟ್ಟೊ ಮ್ಹೊಟೊ ಥಯಲ್ಪರ ಕೆವೊ ಥಾವಸ ಕೈನ? ತಿಳ್ದಿನ ತ್ಯುನೆ ಮನಸ್ಸಮಾ ಮ್ಹೆಲ್ಲಿದ್ಯಾ ವರಿ ಕ್ಹುದಾನಿ ತಾಕತ ತಿಪರ ವ್ಹತ್ತಿ.
LUK 1:67 ಪಾಚಲ್ತೊ ಯೊಹಾನನೊ ಬಾ ಥಯಲ ಜಕರಿಯ ಪವಿತ್ರ ಆತ್ಮಾಕ್ಹು ಭರಿನ ಕ್ಹುದಾನಿಯೊ ವಾತೊ ಕದ್ಯೊ.
LUK 1:68 "ಇಸ್ರಾಯಲನಾ ಮನಕ್ಹೊನೊ ಕ್ಹುದಾ ಥಯಲ ಕರ್ತಾನೆ ಸ್ತೊತ್ರಾ ತೆ ತಿನಾ ಮನಕ್ಹೊನಾ ಹುತಿ ಆಯೊ ವರಿ ತೆ ಮನಕ್ಹೊನೆ ಛೊಡಾವಾನೆ ಆಯೊ.
LUK 1:69 ಕ್ಹುದಾ ತಿನೊ ಸೆವಕ ಥಯಲ ದಾವಿದನಾ ಖಾಂದಾನತೊ ಅಪ್ನಾ ಹುತಿ ಯಕ್ಕ ಮ್ಹೊಟಾ ರಕ್ಕಷಕನೆ ಅಪೊನೆ ದಿದ್ಯೊಸ.
LUK 1:70 ಎ ಕ್ಹಾರು ತೆ ಪುರ್ವಕಾಲನಾ ತಿನಾ ಪವಿತ್ರ ಪ್ರವಾದಿನಾ ಮ್ಹೊಡೆ ಕವಾಲಗಾಡ್ಯೊಸ.
LUK 1:71 ಕ್ಹುದಾ ಅಪ್ನೊನೆ ಅಪ್ನಾ ದುಶ್ಮನೊಕ್ಹು ವಚಾ಼ಡ್ಯೊಸ. ವರಿ ಅಪೊನೆ ನೈ ಶೆರಾಲಾವೊಕ್ಹು ವಚಾ಼ಡ್ಯೊಸ.
LUK 1:72 ಕ್ಹುದಾ ಅಪೊನೆ ಮರಗಾ ದಿವಾ ಹುತಿ ಅಪ್ನೊ ಪಿತೃ ಥಯಲ ಅಬ್ರಹಾಮನೆ ಪವಿತ್ರ ವಾತ ದಿದಲ ಶೆ ಮ್ಹೆಲ್ಯೊಸ.
LUK 1:73 ಕ್ಹುದಾ ಅಪ್ನೊ ಪಿತೃಥಯಲ ಅಬ್ರಹಾಮನೆ ವಾತ ದಿದಲಲಿಂಗತ ಕರ‍್ಯೊಸ.
LUK 1:74 ತೆ ಅಪೊನೆ ದುಶ್ಮನೊಕ್ಹು ವಚಾ಼ಡಾನೆ ವಾತ ದಿದ್ಯೊತೊ. ವರಿ ತೆ ಕಯುಜ಼ ಭೆವಾಚಿ ಆರಾಧನಾ ಕರಾನೆ ವಾಟ ಕರಿನ ದಿದ್ಯೊ.
LUK 1:75 ಇನಾಹುತಿ ಅಪೆ ತಿನಾ ಕ್ಹಾಮಾ ಅಪ್ನಿ ಜಿವ್ತಾ ರ‍್ಹಯಲ ಕ್ಹಾರಾ ದಿನೊ ತಿನಾ ಕ್ಹಾಮಾ ಪರಿಶುದ್ಧ ವರಿ ನಿತಿವಂತೊ ಥೈನ ರ‍್ಹೌ ಕೈನ ಉದ್ದೆಶ ವ್ಹತ್ತು.
LUK 1:76 ವರಿ ಜಕರಿಯಾ"ದಿಕ್ರಾ ತುತೊ ಮ್ಹೊಟೊ ಪ್ರವಾದಿ ಕೈನ ಕವೈಲೆಶಿ. ತು ಕರ್ತಾನಾ ಕ್ಹಾಮೊ ಗೈನ ತೆ ಆವಾನಾ ಟೈಮ ಲಕ್ಕಾ ತಿನಿ ವಾಟ ತಯ್ಯಾರ ಕರಶಿ.
LUK 1:77 ಪಾಪ ಮಾಫ ಥಯಾಮ ಯಕ್ಕಜ಼ ರಕ್ಷಣೆ ಥಾವಸ ಕವಾನು ತಿನಾ ಮನಕ್ಹೊನೆ ತಿಳಸ್ಸಿ.
LUK 1:78 ಅಪ್ನೊ ಕ್ಹುದಾ ಮರಗಾಲೊ ವ್ಹೈ ವರಿ ತೆ ಅಪ್ನೊಪರ ರಕ್ಕಷಣೆನು ಉಜಾಲು ದಿವಾಲೊ ವ್ಹೈ.
LUK 1:79 ವರಿ ಅಂದಾರಾಮಾ ಜಿವ್ನಾ ಕರತಾ ರ‍್ಹಯಲ ವಾಲಾವೊನೆ ಮರಾನೊ ಭೆ ರ‍್ಹಯಲವಾಲಾ ಮನಕ್ಹೊನೆ ಕ್ಹುದಾ ಆಸ್ರೊ ಕರಸ ವರಿ ತೆ ಅಪೊನೆ ಸಮಾಧಾನ ದಿವಸ.
LUK 1:80 ತೆ ಪಟ್ಟೊ (ಯೊಹಾನ) ಮ್ಹೊಟೊ ಥೈನ ಕ್ಹುದಾನಿ ಆತ್ಮಾ ಕ್ಹು ವರಿ ಅಂಗಕ್ಹು ಬೆಳದಿನ ಇಸ್ರಾಯಲನಾ ಮನಕ್ಹೊನೆ ಕ್ಹುದಾನಿಯೊ ವಾತೊ ಚಾಲು ಕರಾನಿ ದಿನ್ನ ಲಕ್ಕಾ ಕುನ್ನಜ಼ ರ‍್ಹವಾನೆ ಥಾಯೆನೈಸೊ ಜ಼ಗಾ ವ್ಹತ್ತೊ.
LUK 2:1 ತೆ ದಿನೊಮಾ ಇಡಿ ರೊಮ ರಾಜ್ಯಮಾ ಮನೊಕ್ಹೊನಿ ಗಣತಿ ಥೌ ಕೈನ ಚಕ್ರವರ್ತಿ ಥಯಲ ಅಗಸ್ಟಸ ಆದೆಶ ದಿದ್ಯೊ.
LUK 2:2 ಕುರೆನ್ಯ ಸಿರಿಯನನೊ ಅಧಿಪತಿ ಥಯಲ ಟೈಮಾ ಎಜ಼ ಪಸ್ಟ ಸಲಾ ಮನಕ್ಹೊನಿ ಗಣತಿ ಥೈ.
LUK 2:3 ವರಿ ಕ್ಹಾರಾ ಮನಕ್ಹೊ ತೆಳಾಮಾ ತ್ಯುನು ನಾಮ ದಾಖಲೊ ಕರಾಹುತಿ ತ್ಯುನಾ-ತ್ಯುನಾ ಸ್ವಂತ ಗಾಮೊನೆ ಗಯಾ.
LUK 2:4 ತಿನಾ ಹುತಿ ಯೊಸೆಫ ಗಲಿಲಾಯ ಪ್ರಾಂತ್ಯಮಾ ರ‍್ಹಯಲ ನಜ಼ರೆತೆ ಕವಾನಾ ಗಾಮತಾ ಗೈನ ಯುದೆಯಮಾ ರ‍್ಹಯಲ ಬೆತ್ಲೆಹೆಮ ಕವಾನಾ ಗಾಮೆ ಗಯೊ. ಯೊಸೆಫ ದಾವಿದನೊ ಖಾಂದಾನಾವಾಲೊ ರ‍್ಹಯಲಹುತಿ ದಾವಿದನು ಗಾಮ ಥಯಲ ಬೆತ್ಲೆಹೆಮೆ ಗಯೊ.
LUK 2:5 ತಿನಾಕ್ಹಾತೆ ನಾತ್ರು ಥಯಲ ಮರಿಯಳನೆಬಿ ಕ್ಹಾತೆ ಲಿನಗಯೊ. (ಮರಿಯಳ ತೆ ಟೈಮಾ ಪೆಟೆ ವ್ಹತ್ತಿ)
LUK 2:6 ತ್ಯುನೆ ಬೆತ್ಲೆಹೆಮ್ಮಾ ರ‍್ಹತಾಮಾ ಮರಿಯಳನೆ ದಿನೊ ಭರಿನ ಜ಼ನ್ನಾನೊ ಟೈಮ ಆಯೊ.
LUK 2:7 ಮರಿಯಳ ತಿನು ಪೈಲಾರ ಬಚ್ಚು಼ (ಯೆಸುನೆ) ಜ಼ನ್ನಿ. ತ್ಯುನೊನೆ ರ‍್ಹವಾನೆ ಜ಼ಗಾ ನೈರ‍್ಹಯಲಹುತಿ. ಮರಿಯಳ ಪಟ್ಟಾನೆ ಫಡಕಾಮಾ ಸುತ್ತಿನ ಬೈಲೊನೆ ಹಕ್ಕಿಮಾ ಚಾ಼ರೊ ಖಾವಾನಿ ಜ಼ಗಾ ಪಟ್ಟಾನೆ ಕ್ಹುರಾಡಿ.
LUK 2:8 ತೆ ದಿನನಾ ರಾತೆ ಕುರಬುರ‍್ಯಾ ತೆ ಪ್ರಾಂತ್ಯನಾ ಗಾಮ್ನಾ ಬಾಜು಼ಮಾ ತ್ಯುನಾ ಬಕ್ರಾವೊನೆ ಕೈದಾಡ್ಯಾತಾ.
LUK 2:9 ಕ್ಹುದಾನೊ ಯಕ್ಲೊ ದುತ ತ್ಯುನೊಕನ ಆಯೊ. ತೆಳಾಮಾ ಕ್ಹುದಾನಿ ಮಹಿಮಾನು ತ್ಯುನಾ ಸುತ್ತ-ಮುತ್ತ ಉಜಾಲು ಥಯು. ತ್ಯುನೆ ಘನ್ನಾ ಭುಚ್ಕ್ಕಯಾ.
LUK 2:10 ತೆ ದುತ ತ್ಯುನೊನೆ "ಭುಚ಼ಕೊ ನಕೊ ಐಕೊ ಕ್ಹಾರಾ ಮನಕ್ಹೊನೆ ಮ್ಹೊಟಿ ಖುಶಿ ಕರಾನು ಚೊ಼ಕಿ ಸುದ್ದಿ ಮಿ ತುಮೊನೆ ಕೌಸ.
LUK 2:11 ತೆ ಸುವೈ ಕದ್ಯಾಮ ಆಜ಼ನಾ ಟೈಮಮಾ ತುಮಾರಾ ಹುತಿ ದಾವಿದನಾ ಗಾಮ್ಮಾ ಯಕ್ಲೊ ರಕ್ಷಕ ಹುಟ್ಯೊಸ. ತೆ ಕರತಾ ಥಯಲ ಕ್ರಿಸ್ತ ವ್ಹೈ.
LUK 2:12 ತೆ ದುತ ತುಮೊನೆ ಗ್ವತ್ತ ಥಾವಾಹುತಿ ತಿನೆ ವಳ್ಕಾನು ಕಿಮ ಕದ್ಯಾಮ ಫಡಕಾಮಾ ಸುತ್ತಲ ಯಕ್ಕ ಪಟ್ಟಾನೆ ಹಕ್ಕಿಮಾ ಕ್ಹುರಯಲ ದೆಕೊಸಿ "ಕದ್ಯೊ.
LUK 2:13 ಗಪಕ್ಕಕನೆ ಸ್ವರಗಲೊಕಾನಾ ದೆವದುತೊನು ಗುಂಪ ಐನ ತೆ ಪೈಲಾ ಆಯಲ ದುತನಾ ಕ್ಹಾತೆ ಮಳಿನ ತ್ಯುನೆ ಕ್ಹುದಾನೆ ಸ್ತುತಿ ಕರ‍್ಯಾ.
LUK 2:14 ಉಪ್ಪರಲ್ಯಾ ಲೊಕಮ ಕ್ಹುದಾನಿ ಮಹಿಮಾ; ಭುಲೊಕಮಾ ಮನಕ್ಹೊಮಾ ಸಮಾದಾನ ಕ್ಹುದಾ ತ್ಯುನೊನೆ ವಲ್ದ್ಯೊಸ ಕೈನ ಕ್ಹುದಾನೆ ಸ್ತುತ್ತಿ ಕರತಾ ಕದ್ಯಾ.
LUK 2:15 ದೆವದುತೊ ತ್ಯುನೊ ಕಂತಾ ಸ್ವರ್ಗಲೊಕಮಾ ಗಯಲ್ಪರ ತೆ ಕುರಬುರ‍್ಯಾ "ಅಪೆ ಹಮ್ನಾ ಬೆತ್ಲೆಹೆಮೆ ಗೈನ ಕರತಾ ಅಪೊನೆ ತಿಳಸಲತಿಮ್ಮ ಎ ವಿಚಾರ ದೆಕಿಯೆ ಚಾ಼ಲೊ "ಕೈನ ತ್ಯುನೊ ತ್ಯುನೊಮಾಜ಼ ಬೊಲ್ಲಿದ್ಯಾ.
LUK 2:16 ಗಪಕ್ಕಕನೆ ಗೈನ ಮರಿಯಳನೆ ಯೊಸೆಫನೆ ಹಕ್ಕಕಿಮಾ ಕ್ಹುರಯಲ ಬಚ್ಚಾ಼ನೆ ದೆಕ್ಯಾ.
LUK 2:17 ತ್ಯುನೆ ತೆ ಬಚ್ಚಾ಼ನಾ ಹುತಿ ದೆವದುತೊ ಕದಲ ತಿಮ್ಮಜ಼ ಕುರಬುರ‍್ಯಾ ತ್ಯುನೊಕನ ದುತೊ ಕದಲ ವಾತೊ ಕದ್ಯಾ.
LUK 2:18 ಕುರಬುರ‍್ಯಾ ಕದಲ ಐಕಲವಾಲಾ ತೆಕ್ಕಲಾಜ಼ನಾ ಘಾಬ್ರಾಥಯಾ.
LUK 2:19 ವರಿ ಮರಿಯಳ ತೆ ಕ್ಹಾರಿಯೊ ವಾತೊ ತಿನಾ ಮನಸ್ಸಾಮಾ ಮ್ಹೆಲ್ಲಿನ ವಿಚಾರ ಕರಾಡಿತಿ.
LUK 2:20 ಕುರಬುರ‍್ಯಾ ದೆವದುತೊನೆ ದೆಕಲ ತ್ಯುನೆ ಕದಲ ಐಕಿನ ವರಿ ತಿನಾ ಹುತಿ ಕ್ಹುದಾನೆ ಸ್ತುತಿ ಕರತಾ ತ್ಯುನಾ ಬಕ್ರಾ ರ‍್ಹಯಲ ಜ಼ಗಾಪರ ಗಯಾ.
LUK 2:21 ತೆ ಪಟ್ಟಾನೆ ಆಟ್ವಾ ದಿನೆ ಸುನ್ನತಿ ಥೈ ತಿನು ನಾಮ "ಯೆಸು "ಕೈನ ಮ್ಹೆಲ್ಯಾ. ಮರಿಯಳನಾ ಪೆಟಮಾ ಬೆಳದಾತಿ ಪೈಲಾ ಕ್ಹುದಾನು ದುತ ಎಜ಼ ನಾಮ ಮ್ಹೆಲ ಕೈನ ಕದ್ಯೊತೊ.
LUK 2:22 ಶುದ್ಧಿಕರಣ ಕರಾನಾ ಹುತಿ ಮೊಶೆನು ಧರಮಶಾಸ್ತ್ರಮಾ ಬರ್ದಲ ತಿಮಜ಼ ಕಾರಯೊ ಕರಾನೊ ಮರಿಯಳನೊ ವರಿ ಯೊಸೆಫನೊ ಟೈಮ ಆಯೊ. ಯೆಸುನೆ ಕ್ಹುದಾನೆ ಪ್ರತಿಷ್ಟೆನಾ ಹುತಿ ತ್ಯುನೆ ತಿನೆ ಯೆರುಸೆಲೆಮನಿ ದೆವಾಲಯಮಾ ಬಲೈ ಲಾಯಾ.
LUK 2:23 ಕಾಕದ್ಯಾಮ ಪೈಲಾ ಹುಟ್ಟಲ ಪಟ್ಟಾನೆ ಕ್ಹುದಾನೆ ನೆಮ್ಸಿನ ದ್ಯು ಕೈನ ಕ್ಹುದಾನಾ ಧರಮಶಾಸ್ತ್ರಮಾ ಬರ್ದ್ಯಾಸ.
LUK 2:24 ತಿನಾಹುತಿ "ಬೆ ಕ್ಹಬುತರೊ ನೈತೊ ಬೆ ಜಂಗ್ಲಿ ಕ್ಹಬುತರೊ ಬಲಿನಾ ಹುತಿ ದ್ಯು ಕೈನ ಕ್ಹುದಾನಿ ಧರಮಶಾಸ್ತ್ರಮಾ ಕವಸ್ತೊ. ತಿನಾಹುತಿ ತ್ಯುನೆ ಯೆರೊಸೆಲಿಮೆ ಗಯಾ.
LUK 2:25 ತೆ ಕಾಲಮಾ ಸಿಮೊನ ಕವಾಲೊ ಯಕ್ಲೊ ಯೆರೊಸೆಲಿಮಾ ವ್ಹತ್ತೊ. ತೆ ಚೊ಼ಕೊ ವರಿ ಕ್ಹುದಾನೊ ಭಕ್ಕತ ವ್ಹತ್ತೊ. ಎ ಇಸ್ರಾಯೆಲನಾ ಮನಕ್ಹೊನೆ ರಕ್ಷಣೆ ದಿವಾಲೊ ಆವಸ ಕೈನ ದೆಕಾಡ್ಯೊತೊ. ವರಿ ಪವಿತ್ರ ಆತ್ಮಾ ತಿನಾ ಕ್ಹಾತೆ ವ್ಹತ್ತಿ.
LUK 2:26 ಕರತಾ ಮೊಕ್ಕಲಾಯಲ ಕ್ರಿಸ್ತನೆ ದೆಕೆ ಲಕ್ಕಾ ತು ಮರ್ತೊಜ಼ ನೈ ಕೈನ ಪವಿತ್ರ ಆತ್ಮಾ ಸಿಮೊನನೆ ತಿಳಶ್ಯೊತೊ.
LUK 2:27 ಸಿಮೊನ ಪವಿತ್ರ ಆತ್ಮಾನಾ ಮುಲಕ ದೆವಾಲಯೆ ಆಯೊ. ಯೆಹುದಿಯೊನಿ ಧರಮಶಾಸ್ತ್ರನಿ ನಿಯಮ ಪುರಾ ಕರಾನಾಹುತಿ ತಿನಾ ಮಾ ಬಾಪ ಯೆಸು ನ್ಹಾನೊ ರ‍್ಹತಾಮಾ ದೆವಾಲಯೆ ಲಿನ ಆಯಾ.
LUK 2:28 ಸಿಮೊನ ಪಟ್ಟಾನೆ ಹತಮಾ ಉಚೈಲಿನ ಕ್ಹುದಾನೆ ಸ್ತೊತ್ರ ಕೈನ ಅಮ್ಮ ಕದ್ಯೊ
LUK 2:29 "ಕ್ಹುದಾ, ತಾರಿ ವಾಗ್ದಾಲಿಂಗತ ಪುರಾ ಕರ‍್ಯೊ. ಹಮ್ನಾ ಸಮಾದಾನಕ್ಹು ಜಾ಼ವಾನೆ ತಾರಾ ಆಳನೆ ಅಪ್ಪಣೆ ಥಾವಾದೆ.
LUK 2:30 ಕಾಕದ್ಯಾಮ ತು ಹಮಾರಾ ಹುತಿ ದಿದಲ ರಕ್ಷಣೆ ಮಿ ಡೊಳೆ ದೆಕ್ಯೊ.
LUK 2:31 ತು ತಿನೆ ಕ್ಹಾರಾ ಮನಕ್ಹೊನಾ ಕ್ಹಾಮೊ ಲಾಯೊ.
LUK 2:32 ತೆ ಯೆಹೊದ್ಯೊ ನೈ ರ‍್ಹಯಲ ಮನಕ್ಹೊನೆ ತಾರಿ ವಾಟ ದೆಕಾಡಾನು ಉಜಾಲು ವ್ಹೈ. ತಿನಾಕ್ಹು ತಾರಾ ಮನಕ್ಹೊ ರ‍್ಹಯಲ ಇಸ್ರಾಯೆಲರೊನೆ ಮರ್ಯಾದಿ ಮಳಸ.
LUK 2:33 ಸಿಮೊನ ಪಟ್ಟಾನಾ ಹುತಿ ಕದಲ ವಾತೊ ಐಕಿನ ತೆ ಪಟ್ಟಾನಾ ಮಾ ಬಾಪ ಘನ್ನಾ ಘಾಬ್ರಾಥಯಾ.
LUK 2:34 ಪಾಚಲ್ತೊ ಸಿಮೊನ ಆಶಿರ್ವಾದ ದಿನ್ನ ಮರಿಯಳನೆ "ದೆಕ ಎ ಪಟ್ಟಾನಾ ಹುತಿ ಇಸ್ರಾಯಲನಾ ಘನ್ನಾ ಜ಼ನಾ ಪಡಸ ಘನ್ನಾ ಜ಼ನಾ ಉಟಸ. ದಕ್ಹಾ ಜ಼ನಾ ತಿನೆ ನೈ ವಪ್ಪಿಲೆತಾ. ಎ ಕ್ಹುದಾಕಂತೊ ಆಯೊಸ ಕವಾನು ವಳಕ ಥಾವಸ.
LUK 2:35 ಇಮ್ಮ ಮನಕ್ಹೊನಾ ಮನಸ್ಸಮಾ ರ‍್ಹಯಲ ವಿಚಾರೊ ಭಾರಿಯೊ ಆವಸ. ಅಗಿಯೊ ಥಾವಾನಿಯೊ ವಾತೊ ತಾರಾ ಮನಸ್ಸನೆ ತಲ್ವಾರ ಘಾಲಲ ಲಿಂಗತ ಥಾವಾಸ "ಕದ್ಯೊ.
LUK 2:36 ದೆವಾಲಯಮಾ ಅನ್ನಳ ಕವಾಲಿ ಯಕ್ಕ ಹೆಣ ಮನಕ್ಹ ಕ್ಹುದಾನಿಯೊ ವಾತೊ ಕವಾಲಿ ವ್ಹತ್ತಿ. ತೆ ಅಶೆರನ್ನಿ ಖಾಂದಾನ್ನಿ ಫನುವೆಲನಾ ಕುಟುಂಬವಾಲಿ ವ್ಹತ್ತಿ. ತಿನೊ ಹಿವಾ ಥೈನ ಕ್ಹಾತ ವರಕ್ಹ ಥಯಲಪರ ತಿನೊ ಮಾಟಿ ಮರಿ ಗಯೊತೊ. ತೆ ಹೆಣ ಮನಕ್ಹನಿ ವೈಸ ಘನ್ನಿ ಥೈತಿ
LUK 2:37 ತೆ ಹೆಣ ಐಂಶಿಪರ ಚಾರ ವರಕ್ಹನಿ ವ್ಹತ್ತಿ. ತೆ ರಾಂಡಿ ವ್ಹತ್ತಿ. ವರಿ ದೆವಾಲಯ ಛೊಡಿನ ಗಯಾವಾಚಿ ಉಪಾಸ ಕರತಿತಿ. ವರಿ ದಿನ್ನ ರಾತ ಪ್ರಾಥನಾ ಕರತಿ ಕ್ಹುದಾನೆ ಸ್ತುತಿ ಕರತಿತಿ.
LUK 2:38 ತೆಜ಼ ಟೈಮಾ ತೆ ಬಚ್ಚಾ಼ನಾ ಮಾ ಬಾಪಕನ ಐನ, ಕ್ಹುದಾನೆ ಸ್ತೊತ್ರಾ ಕೈನ. ಕ್ಹುದಾ ಯರುಸೆಲೆಮ ಮನೆ ಮರಗಿನ ತ್ಯಾನಾ ಮನಕ್ಹೊನೆ ಛೊಡಾವಾಹುತಿ ವಾಟ ದೆಕತಾ ರ‍್ಹಯಲವಾಲಾ ಮನಕ್ಹೊನೆ ಯೆಸುನಾ ಹುತಿ ಕದಿ.
LUK 2:39 ಕ್ಹುದಾನಾ ಧರಮಶಾಸ್ತ್ರಮಾ ರ‍್ಹಯಲ ನಿಯಮೊ ಪುರಾ ಕರಲ್ಪರ ಯೊಸೆಫ ವರಿ ಮರಿಯಳ ಗಲಿಲಾಯ ಪ್ರಾಂತ್ಯಮಾ ರ‍್ಹಯಲ ತಿವ್ನಾ ಸ್ವಂತ ಗಾಮ ಥಯಲ ನಜ಼ರೆತೆ ಫರಿನ ಗಯಾ.
LUK 2:40 ತೆ ಪಟ್ಟೊ ಬೆಳ್ದಿನ ತಾಕತ ಹೊಂದಿನ ಪುರಾ ಗ್ಯಾನಿ ಥಯೊ. ಕ್ಹುದಾನಿ ಕೃಪಾ ತಿಪರ ವ್ಹತ್ತಿ.
LUK 2:41 ತಿನಾ ಮಾ ಬಾಪ ಹರಿ ಯಕ್ಕ ವರಕ್ಹೆ ಪಸ್ಕ ಸನ್ನನಾ ದಿನ್ನೆ ಯೆರೊಸೆಲಿಮೆ ಜಾ಼ತಾತಾ.
LUK 2:42 ಇಮ್ಮ ರ‍್ಹತಾಮಾ ತೆ ಪಟ್ಟೊ ಬಾರಾ ವರಕ್ಹನೊ ಥಯಲ್ಪರ ತ್ಯುನೆ ಪಸ್ಕ ಸನ್ನಾ ನಿಯಮನಾ ಪ್ರಕಾರ ತ್ಯಾ ಗಯಾ.
LUK 2:43 ಸನ್ನಾ ದಿನ್ನೊ ಮುಗ್ದಲಪರ ತ್ಯುನೆ ಗಾಮೆ ಚಾ಼ಲ್ಯಾತಾ. ತೆನೈಸೊ ಯೆಸು ಯೆರುಸೆಲೆಮಾಜ಼ ರ‍್ಹ್ಯೆ ಗಯೊ. ಎ ಕ್ಹಾರು ತಿನಾ ಮಾ ಬಾಪನೆ ಗ್ವತ್ತ ನ್ಹೊತು. ಯೆಸು ತ್ಯುನಾ ಕ್ಹಾತೆ ಆಯಲ ತ್ಯುನಾ ದೊಸ್ತೊಮಾ ವರಿ ಕಳ ಬಳನಾ ಕ್ಹಾತೆ ವಸೆ ಕೈನ ತಿಳದ್ಯಾತಾ.
LUK 2:44 ಯೊಸೆಫ ವರಿ ಮರಿಯಳ ಯಕ್ಕ ದಿನ್ನ ಪುರಾ ಚಾ಼ಲ್ತಾ ಯೆಸುನೆ ಧುಂಡಾನೆ ಗಯಾ. ಪಾಚಾ಼ತಾ ದಿಕ್ರೊ ನೈದಿಕ್ಹಲಕ್ಹು ತ್ಯುನಾ ಕಳಬಳಮಾ ವರಿ ತ್ಯುನಾ ದೊಸ್ತೊಮಾ ನೈ ದಿಕ್ಹಲಹುತಿ ತಿನೆ ಹುಡ್ಕಾಡ್ಯಾ.
LUK 2:45 ವರಿ ತೆ ತ್ಯಾ ನೈ ದಿಕ್ಹಲ ಹುತಿ ಯೆಸುನೆ ಹುಡ್ಕಾನೆ ಯೆರೊಸೆಲಿಮೆ ಫರಿನ ಗಯಾ.
LUK 2:46 ತನವಾ ದಿನೆ ಯೆಸು ಮರಿಯಳನೆ ವರಿ ಯೊಸೆಫನೆ ದಿಕ್ಹ್ಯೊ. ಯೆಸು ದೆವಾಲಯಮಾ ಧಾರಮಿಕ ವಾತೊ ಕವಾಲಾವೊನಾ ಕ್ಹಾತೆ ಬೈಟಿನ ತ್ಯುನಿಯೊ ವಾತೊ ಐಕ್ತೊ ವರಿ ತ್ಯುನೊನೆ ಪ್ರಶ್ನೆ ಪುಚಾ಼ಡ್ಯೊತೊ.
LUK 2:47 ತಿನಿಯೊ ವಾತೊ ಐಕಿನ ತಿನಿ ಗ್ಯಾನಕ್ಹು ಜ಼ವಾಬ ದಿದಲ ದೆಕಿನ ತ್ಯುನೆ ಘನ್ನಾ ಘಾಬ್ರಾಥಯಾ.
LUK 2:48 ಯೆಸುನಾ ಮಾ ಬಾಪ ತಿನೆ ತ್ಯಾ ದೆಕಿನ ತ್ಯುನೆ ಘಾಬ್ರಾಥಯಾ. ಮರಿಯಳ ತಿನೆ "ದಿಕ್ರಾ, ತು ಹಮೊನೆ ಅಮ್ಮ ಕಾ ಕರ‍್ಯೊ? ದೆಕ ತಾರೊ ಬಾ ವರಿ ಮಿ ತಾರಾ ಹುತಿ ಘನ್ನಾ ಚಿಂತಾಕರಾಡಾತಾ. ವರಿ ತುನೆ ಹುಡ್ಕಾಡ್ಯಾತಾ ಕದಿ.
LUK 2:49 ತೆಳಾಮಾ ಯೆಸು ತ್ಯುನೊನೆ"ಮನೆ ತುಮೆ ಹುಡ್ಕಾನು ಕಾ? ಮಾರಾ ಬಾನಾ ಘರಮಾ ರ‍್ಹೌಸ ಕವಾನು ತುಮೆ ತಿಳ್ದಿಲಿನ ರ‍್ಹವಾನು ವ್ಹತು. ಕದ್ಯೊ.
LUK 2:50 ತೆನೈಸೊ ತಿನಿಯೊ ವಾತೊ ತ್ಯುನೊನೆ ತಿಳದಿಯೊ ನೈ.
LUK 2:51 ಯೆಸು ತ್ಯುನಾ ಕ್ಹಾತೆ ನಜ಼ರೆತೆ ಐನ ತಿನಾ ಮಾ ಬಾಪನೆ ವಿಧೆಯ ಥಯೊ. ತಿನಿ ಯಾ ಎ ಕ್ಹಾರಿಯೊ ವಾತೊನಾ ಹುತಿ ವಿಚಾರ ಕರಾಡಿತಿ.
LUK 2:52 ಯೆಸು ಘನ್ನು ಗ್ಯಾನ ವ್ಹಂದಿನ ವರಿ ಅಂಗಮಾ ತಾಕತ ವ್ಹಂದಿನ ಬೆಳತ್ತೊ ಆಯೊ. ಕ್ಹುದಾನಿ ನಜ಼ರಮಾ ವರಿ ಮನಕ್ಹೊನೆ ನಜ಼ರಮಾ ಚೊ಼ಕೊ ಥಾತೊ ಆಯೊ.
LUK 3:1 ಚಕ್ರವರ್ತಿ ಥಯಲ ತಿಬೆರಿಯಸ ಸಿಸರನಿ ಆಡಳಿತನೆ 15 ವರಕ್ಹ ವ್ಹತು. ತೆಳಾಮಾ, ಪೊಂತ್ಯ ಪಿಲಾತನು ಯುದೆಯ ಪ್ರಾಂತ್ಯನೆ ಹೆರೊದ ಗಲಿಲಾಯನೆ ಹೆರೊದನೊ ಭೈ ಥಯಲ ಪಿಲಪ್ಪ ಇತುರೆಯ ವರಿ ತ್ರಕೊನಿತಿ ಪ್ರಾಂತ್ಯನೆ ಲುಸನ್ಯ ಅಬಿಲೆನ ಪ್ರಾಂತ್ಯನೆ ಅಧಿಪತಿ ಥಯೊತೊ.
LUK 3:2 ಅನ್ನನ ವರಿ ಕಾಯಫನ ಖಾಸ ಯಾಜಕೊ ವ್ಹತ್ತಾ. ತೆ ಟೈಮಾ ಜಕರಿಯಾನೊ ದಿಕ್ರೊ ಥಯಲ ಯೊಹಾನ ರಾನ್ಮಾ ರ‍್ಹಯಲ ಗಾಮ್ಮಾ ರ‍್ಹತಾಮಾ ಕ್ಹುದಾನಿಯೊ ವಾತೊ ತಿನೆ ಮಳಿಯೊ.
LUK 3:3 ಯೊಹಾನ ಯೊರ್ದನ ನದಿನಾ ಆಜು಼ಬಾಜು಼ ಪ್ರಾಂತ್ಯಮಾ ಫರಿನ, ಮನಕ್ಹೊನೆ "ತುಮೆ ತುಮಾರಾ ಪಾಪ ಮಾಫ ಕರಾನಾ ಹುತಿ ಕ್ಹುದಾಕನ ಫರಿನ ಬಾಪ್ತಿಸ್ಮ ಕರೈಲಿವೊ ಇನಾಹುತಿ ಕ್ಹುದಾ ತುಮಾರಾ ಪಾಪೊಕ್ಹು ಛೊಡಾವಸ" ಕೈನ ಮನಕ್ಹೊನೆ ಕದ್ಯೊ.
LUK 3:4 ಪ್ರವಾದಿ ಥಯಲ ಯೆಶಾಯನ ಗ್ರಂಥಮಾ ಬರ್ದಲ ಲಿಂಗತಜ಼ ಥಾವಾ ಹುತಿ ಎ ಕ್ಹಾರು ಶುರು ಥಯು. ಕುನ್ನ ಯಕ್ಕ ವದ್ರಾಡ್ಯುಸ. ತೆ ಸುವೈ ಕದ್ಯಾಮ; "ಕರ್ತಾನಿ ವಾಟ ತಯ್ಯಾರ ಕರೊ ತಿನಿ ವಾಟ ಸಿದಾ ಕರೊ.
LUK 3:5 ಹರ ಯಕ್ಕ ಖಾಡಿಯೊ ಝಕಾವಸ. ಹರ ಯಕ್ಕ ಡೊಂಗರ ಸಂವಾ ಥಾವಸ. ವಾಕಾ ರಸ್ತಾ ಸಿದಾ ಥಾವಸ. ಕೆಟ್ಟ ವಾಟೊ ಚೊ಼ಕಿಯೊ ಥಾವಸ.
LUK 3:6 ಹರಿ ಯಕ್ಲೊ ಕ್ಹುದಾ ವಚಾ಼ಡಾನು ದೆಕಸ! ಕವಾನು ವದ್ರಲ ಯಕ್ಕ ಅವಾಜ಼ ಐಕು ಆವಾಡ್ಯುಸ.
LUK 3:7 ಮನಕ್ಹೊನು ಗುಂಪ ಯೊಹಾನನಾ ಹತೆ ಬಾಪ್ತಿಸ್ಮ ಕರೈ ಲಿವಾ ಹುತಿ ಆಯಾ. ಯೊಹಾನ ತ್ಯುನೊನೆ "ಎ ಕ್ಹಾಪೊನಿ ಜಾ಼ತ ವಾಲಾವೊ! ಅಗು ದಿಕ್ಹಾನು ಕ್ಹುದಾನಿ ಸಿಟ್ಟಕ್ಹು ವಾಚಾ಼ನಾ ಹುತಿ ತುಮೊನೆ ಹುಶಾರ ರ‍್ಹವೊ ಕೈನ ಕದಲವಾಲು ಕುನ್ನ ವ್ಹೈ?
LUK 3:8 ತಿಮ್ಮ ಥೈಯುಮ ತುಮಾರು ಮನಸ್ಸ ಕ್ಹುದಾ ಬಗಲ ಫರ‍್ಯುಸ ಕವಾನು ತುಮೆ ಕರಾನಾ ಕಾಮೊಕ್ಹು ದೆಕಾಡಿನ ದಿವೊ. ಅಬ್ರಹಾಮ ಅಪ್ನೊ ಮುಲ ಪಿತೃ ನ್ಹವೈಸು "ಕೈನ ತುಮೊಮಾ ಕವೈಲಿವಾಲಾ ಥಾವೊನಕೊ. ಕ್ಹುದಾ ಅಬ್ರಹಾಮನೆ ಆ ದಗ್ಡಾವೊಕ್ಹುಬಿ ಬಚ್ಚಾ಼ ದೆತೊತೊ ಕೈನ ತುಮೆ ತಿಳದಿಲಿವೊ ವರಿ ಮಿ ತುಮೊನೆ ಕೌಸ.
LUK 3:9 ಝಾಡೊ ಕತ್ರಾನಿಯೊ ಕ್ವಡಲಿ ತಯಾರ ಥೈಸ. ಚೊ಼ಕು ಫಲಾ ನೈ ದಿವಾನು ಹರ ಯಕ್ಕ ಝಾಡ ಕತ್ರಿನ ಆಗಮಾ ಘಾಲಸ "ಕದ್ಯೊ.
LUK 3:10 ತಿನಾ ಹುತಿ ಮನಕ್ಹೊ"ಹಮ್ನಾ ಹಮೆ ಸುಕರಿಯೆ? ಕೈನ ಯೊಹಾನೆನೆ ಪುಚ್ಯಾ.
LUK 3:11 ಯೊಹಾನ, ತ್ಯುನೊನೆ "ತುಮೊಕನ ಬೆ ಅಂಗ್ಡಾ ರ‍್ಹಯಾಮ, ವಣ್ಣಾ ನೈಸೊ ವಾಲಾನೆ ಯಕ್ಕ ಅಂಗ್ಡು ದಿವೊ. ತುಮೊಕನ ಅನ್ನ ರ‍್ಹಯುಮ, ತೆ ಅನ್ನ ವಾಟಿನ ಖಾವೊ "ಕದ್ಯೊ.
LUK 3:12 ದಕ್ಹಾ ಮನಕ್ಹೊ ಭುಭಾಡೊ ಲಿವಾಲಾ ಬಿ ಬಾಪ್ತಿಸ್ಮ ಲಿವಾ ಹುತಿ ಯೊಹಾನಕನ ಆಯಾ. ತ್ಯುನೆ ಯೊಹಾನನೆ"ಗುರು, ಹಮೆ ಸು ಕರಿಯೆ? ಕೈನ ಪುಚ್ಯಾ.
LUK 3:13 ಯೊಹಾನ ತ್ಯುನೊನೆ "ತುಮೊನೆ ಕೆಕ್ಕಲು ಕದ್ಯಾಸ ತೆಕ್ಲು ಲಿವೊ ವರಿ ಹೆಚ್ಕಿ ಲಿವೊ ನಕೊ "ಕದ್ಯೊ.
LUK 3:14 ವರಿ ದಕ್ಹಾ ಸ್ಯೆನಿಕೊ ಯೊಹಾನಕನ ಐನ, ಹಮಾರಾ ಹುತಿ ಸು ಕಸಿ? ಹಮೆ ಸುಕರಿಯೆ? ಕೈನ ಪುಚ್ಯಾ. ಯೊಹಾನ ತ್ಯುನೊನೆ "ತುಮೆ ಕಿನೆಜ಼಼ ಭುಚ್ಕಾ಼ಡಿನ ದೊಕ್ಡಾ ಕಾಳ್ಳಿವೊನಕೊ, ಕಿಪರಜ಼ ಸುಳ್ಳ ಸಾಕ್ಷಿ ಕವೊ ನಕೊ. ತುಮಾರಾ ಪಗಾರಮಾ ಖುಶಿ ರಹೊ "ಕದ್ಯೊ.
LUK 3:15 ಇಮ್ಮ ರ‍್ಹತಾಮಾ ಮನಕ್ಹೊ ಆವಾನೊ ರ‍್ಹಯಲ ಕ್ರಿಸ್ತನಿ ವಾಟ ದೆಕಾಲಾ ರ‍್ಹಯಲ ಹುತಿ ತ್ಯುನೆ ಕ್ಹಾರಾ ಯೊಹಾನನಿ ವಿಷಯಮಾ "ಎಜ಼ ಕ್ರಿಸ್ತ ವಸ "ಕೈನ ತ್ಯುನಾ ಮನಸ್ಸಮಾ ವಿಚಾರ ಕರಿಲಿವಾಡ್ಯಾತಾ.
LUK 3:16 ಯೊಹಾನ, ತ್ಯುನೊನೆ "ಮಿತೊ ತುಮೊನೆ ಪಾನಿಕ್ಹು ಅಂಗ ಧವೌಸ. ವರಿ ಮಾರಾತಿ ಹೆಚ್ಕಿ ತಾಕತವಾಲೊ ಆವಸ. ಮಿ ತಿನಿಯೊ ಚಪ್ಲೊನಿಯೊ ದೊರಿಯೊ ಛೊಡಾನೆಬಿ ಮಿ ಯೊಗ್ಯ ನತ್ತಿ. ತೆ ತುಮೊನೆ ಪವಿತ್ರ ಆತ್ಮಾಕ್ಹು, ಆಗಕ್ಹು ಅಂಗ ಧವಾವಸ.
LUK 3:17 ತೆ ಜ಼ಮಾ ರ‍್ಹಯಲ ಬಿಯ್ಯಾನೆ ಶುದ್ಧ ಕರಾನೆ ಆವಸ. ತೆ ಚೊ಼ಕಾ ಬಿಯ್ಯಾವೊನೆ ಕೊಂಡಾಕ್ಹು ಜು಼ದಾ ಕರಿನ ತಿನಾ ಗುಂಪಾಮಾ ಘಾಲಸ. ತೆ ಥಯಲಪರ ಕೊಂಡೊ ನೈ ಇಜ್ಜಾ಼ವಾನಿ ಆಗ್ಮಾ ಬಾಳಿಪಡಸ "ಕದ್ಯೊ.
LUK 3:18 ಯೊಹಾನ ಹಜು಼ನ ಘನಿಯೊ ವಿಷಯಮಾ ಮನಕ್ಹೊನೆ ಹುಶಾರ ಕರಿನ ವರಿ ತುಮಾರಿ ಜಿವ್ನಾ ಚೊ಼ಕಿ ಕರಿಲಿವೊ ಕೈನ ತ್ಯುನೊನೆ ಕೈಲಿದ್ಯೊ ವರಿ ಸುವಾರ್ತೆ ಕವಾಡೊತೊ.
LUK 3:19 ರಾಜ್ಯಪಾಲ ಥಯಲ ಹೆರೊದ ತಿನೊ ಭೈ ಥಯಲ ಪಿಲಿಪ್ಪಿನಿ ಬೈಕೊನೆ ಹೆರೊದ್ಯ ಕವಾಲಿನೆ ಹಿವಾ ಕರಲಿದ್ಯೊತೊ. ವರಿ ಹೆರೊದ ಕರಲ ಕ್ಹಾರಾ ಕೆಟ್ಟ ಕಾಮೊಕ್ಹು ಯೊಹಾನ ತಿನೆ ಭುಚ್ಕಾಡ್ಯೊ.
LUK 3:20 ತಿನಾಹುತಿ ಹೆರೊದ ಯೊಹಾನನೆ ಜೆಲಮಾ ಘಲೈನ ತಿನಾ ಕೆಟ್ಟ ಕಾಮೊಮಾ ಎಬಿ ಯಕ್ಕ ಮಳೈ ಲಿದ್ಯೊ.
LUK 3:21 ಯೊಹಾನನೆ ಜೆಲಮಾ ಘಾಲಾತಿ ಅಗ್ದುರ ಮನಕ್ಹೊ ತಿನಾ ಹತೆ ಬಾಪ್ತಿಸ್ಮ ಕರೈಲಿವಾಡಾತಾ. ತೆಳಮಾ ಯೆಸು ಐನ ತಿನಾ ಹತೆ ಬಾಪ್ತಿಸ್ಮ ಕರೈಲಿದ್ಯೊ. ಯೆಸು ಪ್ರಾಥನಾ ಕರತಾಮಾ ಹಬಾಳ ಖುಲ್ಲಾ ಥೈಯು.
LUK 3:22 ತೆಳಾಮಾ ಪವಿತ್ರ ಆತ್ಮಾ ಕ್ಹಹಬುತರನಾ ರುಪಮಾ ತಿಪರ ಐನ ಉತರ‍್ಯು. ತೆಳಾಮಾಜ಼ ಸ್ವರ್ಗಮಾತೊ ಅವಾಜ಼ ಆಯೊ" ತು ಮಾರೊ ಮಯಾನೊ ದಿಕ್ರೊ ವ್ಹೈ, ಮಿ ತುನೆ ಮೆಚ್ಯೊಸ "ಕೈನ ಅವಾಜ಼ ಆಯು.
LUK 3:23 ಯೆಸು ಸೆವಾ ಕರಾನು ಚಾಲು ಕರ‍್ತಾಮಾ ತಿನಿ ವೈಸ 30 ವ್ಹತ್ತಿ. ಯೆಸು ಯೊಸೆಫನೊ ದಿಕ್ರೊ ವ್ಹೈ ಕೈನ ಮನಕ್ಹೊ ತಿಳದ್ಯಾತಾ.
LUK 3:24 ಯೊಸೆಫ ಹೆಲಿಯಾನೊ ದಿಕ್ರೊ ವ್ಹೈ. ಹೆಲಿಯಾ ಮತ್ತಾತನೊ ದಿಕ್ರೊ ವ್ಹೈ. ಮತ್ತಾತನ ಲೆವಿನೊ ದಿಕ್ರೊ ವ್ಹೈ. ಲೆವಿ ಮಲ್ಕಿನೊ ದಿಕ್ರೊ ವ್ಹೈ. ಮೆಲ್ಕಿಯಾ ಯನ್ನಾಯನೊ ದಿಕ್ರೊ ವ್ಹೈ. ಯನ್ನಾಯನ ಯೊಸೆಫನೊ ದಿಕ್ರೊ ವ್ಹೈ.
LUK 3:25 ಯೊಸೆಫ ಮತ್ತಥಿಯನೊ ದಿಕ್ರೊ ವ್ಹೈ. ಮತ್ತಥಿಯಾ ಆಮೊಸನೊ ದಿಕ್ರೊ ವ್ಹೈ. ಆಮೊಸ ನಹುಮನೊ ದಿಕ್ರೊ ವ್ಹೈ. ನಹುಮನ ಎಸ್ಲಿನೊ ದಿಕ್ರೊ ವ್ಹೈ. ಎಸ್ಲಿಯಾ ನಗ್ಗಾಯಾನೊ ದಿಕ್ರೊ ವ್ಹೈ.
LUK 3:26 ನಗ್ಗಾಯಾ ಮಹಾಥನೊ ದಿಕ್ರೊ ವ್ಹೈ. ಮಹಾಥನ ಮತ್ತಥಿನೊ ದಿಕ್ರೊ ವ್ಹೈ. ಮತ್ತಥಿಯಾ ಶಿಮಿಯನೊ ದಿಕ್ರೊ ವ್ಹೈ. ಶಿಮಿಯನ ಯೊಸೆಖನೊ ದಿಕ್ರೊ ವ್ಹೈ. ಯೊಸೆಖ ಯುದನೊ ದಿಕ್ರೊ ವ್ಹೈ.
LUK 3:27 ಯುದ ಯೊನಾನನೊ ದಿಕ್ರೊ ವ್ಹೈ. ಯೊನಾನ ರೆಸನೊ ದಿಕ್ರೊ ವ್ಹೈ. ರೆಸ ಜೆರುಬಾಬೆಲನೊ ದಿಕ್ರೊ ವ್ಹೈ. ಜೆರುಬಾಬೆಲ ಸಲಥಿಯೆಲನೊ ದಿಕ್ರೊ. ವ್ಹೈ. ಸಲಥಿಯಾ ಸೆರಿಯನೊ ದಿಕ್ರೊ ವ್ಹೈ.
LUK 3:28 ಸೆರಿಯಾ ಮೆಲ್ಕಿಯನೊ ದಿಕ್ರೊ ವ್ಹೈ. ಮೆಲ್ಕಿಯಾ ಅದ್ದಿನೊ ದಿಕ್ರೊ ವ್ಹೈ. ಅದ್ದಿಯಾ ಕೊಸಾಮನೊ ದಿಕ್ರೊ ವ್ಹೈ. ಕೊಸಾಮನ ಎಲ್ಮದಾಮನೊ ದಿಕ್ರೊ ವ್ಹೈ. ಎಲ್ಮದಾಮನ ಎರನೊ ದಿಕ್ರೊ ವ್ಹೈ.
LUK 3:29 ಎರನ ಯೆಹುಷುವನೊ ದಿಕ್ರೊ ವ್ಹೈ. ಯೆಹೊಷುವಾ ಎಲಿಜೆಯೆರನೊ ದಿಕ್ರೊ ವ್ಹೈ. ಎಲಿಯೆಜರ ಯೊರೈನೊ ದಿಕ್ರೊ ವ್ಹೈ. ಯೊರೈಯ ಮತ್ತಾತನೊ ದಿಕ್ರೊ ವ್ಹೈ. ಮತ್ತಾತನ ಲೆವಿನೊ ದಿಕ್ರೊ ವ್ಹೈ.
LUK 3:30 ಲೆವಿಯ ಸಿಮೆಯೊನನೊ ದಿಕ್ರೊ ವ್ಹೈ. ಸಿಮೆಯೊನ ಯುದನೊ ದಿಕ್ರೊ ವ್ಹೈ. ಯುದ ಯೊಸೆಫನೊ ದಿಕ್ರೊ ವ್ಹೈ. ಯೊಸೆಫ ಯೊನಾವುನೊ ದಿಕ್ರೊ ವ್ಹೈ. ಯೊನಾವುನ ಎಲಕಿಮನೊ ದಿಕ್ರೊ ವ್ಹೈ.
LUK 3:31 ಎಲಿಯಕಿಮನು ಮೆಲೆಯನೊ ದಿಕ್ರೊ ವ್ಹೈ. ಮೆಲೆಯನ ಮೆನ್ನನೊ ದಿಕ್ರೊ ವ್ಹೈ. ಮೆನ್ನನ ಮತ್ತಾಥನೊ ದಿಕ್ರೊ ವ್ಹೈ. ಮತ್ತಾಥನ ನಾತಾನನೊ ದಿಕ್ರೊ ವ್ಹೈ. ನಾತಾನನ ದಾವಿದನೊ ದಿಕ್ರೊ ವ್ಹೈ.
LUK 3:32 ದಾವಿದ ಜೆಸ್ಸಿಯಾಯನೊ ದಿಕ್ರೊ ವ್ಹೈ. ಜೆಸ್ಸಿಯಾ ಒಬೆದನೊ ದಿಕ್ರೊ ವ್ಹೈ. ಒಬೆದನ ಬೊವಜನೊ ದಿಕ್ರೊ ವ್ಹೈ. ಬೊವಜನ ಸಲ್ಮೊನನೊ ದಿಕ್ರೊ ವ್ಹೈ. ಸಲ್ಮೊನನ ನಹಸ್ಸೊನನೊ ದಿಕ್ರೊ ವ್ಹೈ.
LUK 3:33 ನಹಸ್ಸೊನನ ಅಮ್ಮಿನಾದಬನೊ ದಿಕ್ರೊ ವ್ಹೈ. ಅಮ್ಮಿನಾದಾಬ ಅದ್ಮಿನನೊ ದಿಕ್ರೊ ವ್ಹೈ. ಅದ್ಮಿನನ ಅನೈರಯನೊ ದಿಕ್ರೊ ವ್ಹೈ. ಅನೈರಯ ಹೆಸ್ರೊನನೊ ದಿಕ್ರೊ ವ್ಹೈ. ಹೆಸ್ರೊನ ಪೆರೆಸನೊ ದಿಕ್ರೊ ವ್ಹೈ. ಪೆರೆಸನ ಯುದನನೊ ದಿಕ್ರೊ ವ್ಹೈ.
LUK 3:34 ಯುದನ ಯಾಕೊಬನೊ ದಿಕ್ರೊ ವ್ಹೈ. ಯಾಕೊಬ ಇಸಾಕನೊ ದಿಕ್ರೊ ವ್ಹೈ. ಇಸಾಕ ಅಬ್ರಹಾಮನೊ ದಿಕ್ರೊ ವ್ಹೈ. ಅಬ್ರಹಾಮ ತೆರೆಹನೊ ದಿಕ್ರೊ ವ್ಹೈ. ತೆರೆಹನ ನಹೊರನೊ ದಿಕ್ರೊ ವ್ಹೈ.
LUK 3:35 ನಹೊರನ ಸೆರುಗನನೊ ದಿಕ್ರೊ ವ್ಹೈ. ಸೆರುಗನ ರೆಗುವನೊ ದಿಕ್ರೊ ವ್ಹೈ. ರೆಗುವನ ಪೆಲೆಗನನೊ ದಿಕ್ರೊ ವ್ಹೈ. ಪೆಲೆಗನ ಎಬರನೊ ದಿಕ್ರೊ ವ್ಹೈ. ಎಬರನ ಸಾಲನೊ ದಿಕ್ರೊ ವ್ಹೈ.
LUK 3:36 ಸಾಲನ ಕಯಿನನೊ ದಿಕ್ರೊ ವ್ಹೈ. ಕಯಿನನ ಅರಪಕ್ಷದನೊ ದಿಕ್ರೊ ವ್ಹೈ. ಅರಪಕ್ಷದನ ಶೆಮನನೊ ದಿಕ್ರೊ ವ್ಹೈ. ಶೆಮನ ನೊಹಾನೊ ದಿಕ್ರೊ ವ್ಹೈ. ನೊಹಾ ಲಾಮೆಕನೊ ದಿಕ್ರೊ ವ್ಹೈ.
LUK 3:37 ಲಾಮೆಕನ ಮೆತುಶಲನೊ ದಿಕ್ರೊ ವ್ಹೈ. ಮೆತುಶಲ ಹನೊಕನೊ ದಿಕ್ರೊ ವ್ಹೈ. ಹನೊಕ ಯೆರೆದನೊ ದಿಕ್ರೊ ವ್ಹೈ. ಯೆರೆದನ ಮಹಲಲೆಲನ ದಿಕ್ರೊ ವ್ಹೈ. ಮಹಲಲೆಲನ ಕಯಿನಾನೊ ದಿಕ್ರೊ ವ್ಹೈ.
LUK 3:38 ಕಯಿನಾನ ಎನೊಶನೊ ದಿಕ್ರೊ ವ್ಹೈ. ಎನೊಶನ ಸೆಥನನೊ ದಿಕ್ರೊ ವ್ಹೈ. ಸೆಥನ ಆದಾಮನೊ ದಿಕ್ರೊ ವ್ಹೈ. ಆದಾಮ ಕ್ಹುದಾನೊ ದಿಕ್ರೊ ವ್ಹೈ.
LUK 4:1 ಯೆಸು ಯೊರ್ದನ ನದ್ದಿಕಂತೊ ಪಾಚೊ಼ ಫರಿನ ಆಯೊ. ತೆ ಪವಿತ್ರ ಆತ್ಮಾಕ್ಹು ಭರಯೊತೊ. ಪವಿತ್ರ ಆತ್ಮಾ ಯೆಸುನೆ ರಾನ್ಮಾ ಚ಼ಲೈ.
LUK 4:2 ತ್ಯಾ ಸೈತಾನ ತಿನೆ ಚಾ಼ಳಕ್ಹ ದಿನ್ನ ಶೊಧನೆಮಾ ಪಾಡ್ಯು. ತೆ ದಿನೊಮಾ ಯೆಸು ಸುಜ಼ ಖಾದ್ಯೊ ನ್ಹೊತೊ. ತೆ ದಿನೊ ಥಯಲ್ಪರ ಯೆಸುನೆ ಭುಕ್ಕ ಲಾಗಿ.
LUK 4:3 ತೆಳಾಮಾ ಸೈತಾನ ಯೆಸುನೆ "ತು ಕ್ಹುದಾನೊ ದಿಕ್ರೊ ರ‍್ಹಯೊಮ, ಆ ದಗಡಾನೆ ರೊಕ್ಲೊ ಥಾ ಕೈನ ಅಪ್ಪಣೆ ದೆ "ಕದ್ಯೊ.
LUK 4:4 ತೆ ವಾತೆ ಯೆಸು, ಸೈತಾನನೆ "ಮನಕ್ಹ ರೊಕ್ಲೊ ಖಾದ್ಯಾಮಜ಼ ವಾಚ್ತೊ಼ ನೈ. (ಧರಮೊಪದೆಶ ಕಾಂಡ 8:3) ಕೈನ ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ "ಕೈನ ಕದ್ಯೊ.
LUK 4:5 ತೆ ಥಯಲ್ಪರ ಸೈತಾನ ಯೆಸುನೆ ಉಚ್ಚು಼ ರ‍್ಹಯಲ ಡೊಂಗರಪರ ಬಲೈ ನಿಂಗೈನ, ಯಕ್ಕ ಕ್ಷಣಮಾ ಭುಲೊಕ್ಪರ ರ‍್ಹಯಲ ರಾಜ್ಯ ದೆಕಾಡಿನ,
LUK 4:6 "ಎ ಕ್ಹಾರಿ ರಾಜ್ಯನು ಅದಿಕಾರ ತುನೆ ದ್ಯುಸ. ಎ ಕ್ಹಾರಿ ರಾಜ್ಯನಿ ಅದಿಕಾರ ಮಾರಾ ಹತ್ಮಾ ಛೆ, ವರಿ ಎ ಮಿ ಮನಸೆ ಆಯಲವಾಲಾನೆ ದ್ಯುಸ.
LUK 4:7 ತು ಮನೆ ಅಡ್ಡ ಪಾಡ್ಯೊಮ ಎ ಕ್ಹಾರು ಮಿ ತುನೆ ದ್ಯುಸ "ಕದ್ಯೊ.
LUK 4:8 ತೆ ವಾತೆ ಯೆಸು"ತಾರೊ ಕರತಾ ಥಯಲ ಕ್ಹುದಾನೆ ಎಕ್ಕಜ಼ ಸ್ತುತಿ ಕರು, ವರಿ ತಿನೆ ಎಕ್ಕಜ಼ ಅಡ್ಡ ಪಡು ಕೈನ ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ! ಕದ್ಯೊ.
LUK 4:9 ಪಾಚಲ್ತೊ ಸೈತಾನ ಯೆಸುನೆ ಯೆರುಸೆಲೆಮೆ ಬಲೈ ನಿಂಗೈನ ದೆವಾಲಯನಿ ಘನ್ನಿ ಉಚ್ಚಿ಼ ರ‍್ಹಯಲ ಜ಼ಗಾಪರ ನಿಂಗೈನ ಹುಬ್ರಾಡಿನ"ತು ಕ್ಹುದಾನೊ ದಿಕ್ರೊ ರ‍್ಹಯೊಮ, ನ್ಹ್ಯಾಂತೊ ಹೆಟೊ ಉಡ! ಕದ್ಯೊ.
LUK 4:10 "ಕ್ಹುದಾ ತುನೆ ವಚಾ಼ಡಾನೆ ತಿನಾ ದುತೊನೆ ಅಪ್ಪಣೆ ದಿವಸ. (ಕಿರ್ತನೆ 91:1)
LUK 4:11 ತಾರಾ ಪಗೊನೆ ಮಂಗಾಳಾ ಲಾಗೆ ನೈಸೊ ತ್ಯುನೆ ತುನೆ ತ್ಯುನಾ ಹತೊಮಾ ಉಚೈಲಿವಸ ಕೈನ ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ! ಕದ್ಯೊ. (ಕಿರ್ತನೆ. 91:1)
LUK 4:12 ತೆ ವಾತೆ ಯೆಸು ತಾರೊ ಕರ್ತಾ ಥಯಲ ಕ್ಹುದಾನೆ ಪರಿಕ್ಷಾ ಕರು ನೈ ಕವಾನು ಮೊಶೆನಾ ಧರಮ ಶಾಸ್ತ್ರಮಾ ಬರ್ದಲ ಛೆತೊ ಕದ್ಯೊ. (ಧರಮೊಪದೆಶ ಕಾಂಡ 6:16)
LUK 4:13 ಸೈತಾನ ಯೆಸುನೆ ಎ ಕ್ಹಾರಿ ಪರಿಕ್ಷಾ ಲಿನ ಪಾಚಲ್ತೊ ಯೆಸುನೆ ದಕ್ಹೊ ಟೈಮ ಲಕ್ಕಾ ತ್ಯಾಂತೊ ಛೊಡಿನ ಗಯೊ.
LUK 4:14 ಯೆಸು ಪವಿತ್ರ ಆತ್ಮಾನಿ ತಾಕತ ಕ್ಹು ಭರಿನ ಗಲಿಲಾಯನೆ ಫರಿನ ಗಯೊ. ಯೆಸುನಿ ಸುದ್ದಿ ಗಲಿಲಾಯ ಪ್ರಾಂತ್ಯನಾ ಮನಕ್ಹೊಮಾ ಗ್ವತ್ತ ಥೈ.
LUK 4:15 ಯೆಸು ಸಭಾಮಂದಿರಮಾ ಕ್ಹುದಾನಿಯೊ ವಾತೊ ಕವಾನು ಶುರು ಕರ‍್ಯೊ. ತೆ ಐಕಲ ವಾಲಾ ಕ್ಹಾರಾ ಮನಕ್ಹೊ ಘನ್ನಾ ನೆಣಶ್ಯಾ.
LUK 4:16 ಯೆಸು ತೆ ಮ್ಹೊಟೊ ಥಯಲ ನಜ಼ರೆತೆ ಕವಾನಾ ಗಾಮೆ ಐನ ಸಬ್ಬತ ದಿನಮಾ ಸಭಾಮಂದಿರಮಾ ಗೈನ. ತ್ಯುನಿಯೊ ಪದ್ದತಿ ಲಿಂಗತ ಯೆಸು ಒದಾನಾ ಹುತಿ ಉಟಿನ ಹುಬ್ರಯೊ.
LUK 4:17 ಪ್ರವಾದಿ ಥಯಲ ಯೆಶಾಯಾ ಬರ್ದಲ ಪುಸ್ತಕ ಯೆಸುನೆ ಒದಾನೆ ದಿದ್ಯಾತಾ. ಯೆಸು ತೆ ಬುಕ್ಕಕಮಾನು ಒದ್ಯೊ.
LUK 4:18 "ಕ್ಹುದಾನಿ ಆತ್ಮಾ ಮಪರ ಛೆ. ಗರಿಬ ಮನಕ್ಹೊನೆ ಚೊ಼ಕಿ ಸುದ್ದಿ ಕವಾ ಹುತಿ. ಕ್ಹುದಾ ಮನೆ ಅಭಿಶೆಕ ಕರ‍್ಯೊಸ. ಪಾಪ ಕವಾನಿ ಯಕ್ಕ ಜೆಲಮಾ ರ‍್ಹಯಲವಾಲಾವೊನಾ ಮನಕ್ಹೊನೆ ಛೊ಼ಡಾವಾನೆ ವರಿ ಕುಡ್ಡಾವೊನೆ, ಡೊಳಾ ದಿವಾನೆ ವರಿ ತ್ಯುನೊನೆ ಚೊ಼ಕಿ ಸ್ತಿತಿನಾ ಹುತಿ ಮನಸ ಭಗೈ ಗಯಲವಾಲಾವೊನಾ ಹುತಿ ತ್ಯುನು ಮನಸ ಚೊ಼ಕು ಕರಾಹುತಿ. ಮನೆ ಕ್ಹುದಾ ಮೊಕ್ಕಲ್ಯೊಸ"
LUK 4:19 ಕ್ಹುದಾ ತಿನಾ ಮನಕ್ಹೊನೆ ವಚಾ಼ಡಾನೆ ನೆಮಿಸಲ ಚೊ಼ಕೊ ವರಕ್ಹ ಲಾವಾನಾ ಹುತಿ ಮನೆ ವಳಾಯೊಸ"
LUK 4:20 ತೆ ಒದಲ್ಪರ ಯೆಸು ತೆ ಯೆಶಾಯನು ಗ್ರಂಥ ಸುತ್ತಿನ ಸಬಾಮಂದಿರನಾ ಆಳನಾ ಹತ್ಮಾ ದಿನ್ನ ತ್ಯಾ ಬೈಟ್ಯೊ. ಸಬಾಮಂದಿರಮಾ ರ‍್ಹಯಲವಾಲಾ ಮನಕ್ಹೊ ಯೆಸುನೆ ಯಕ್ಕ ಸಂವಾ ದೆಕಾಡಾತಾ.
LUK 4:21 ತೆಳಾಮಾ ಯೆಸು, ತ್ಯುನೊನೆ "ಮಿ ಹಮ್ನಾ ಒದಲ ವಾಕ್ಯಾ ಆಜ಼ ಕ್ಹರಿಮಾಜ಼ ಎ ಪುರಾ ಥಯ್ಯು"ಕದ್ಯೊ.
LUK 4:22 ಕ್ಹಾರಾ ಮನಕ್ಹೊ ತಿನೆ ಘನ್ನೊ ಚೊ಼ಕೊ ವ್ಹೈಕದ್ಯಾ. ತ್ಯುನೆ ತಿನಿಯೊ ಚೊ಼ಕಿಯೊ ವಾತೊ ಐಕಿನ ಘಾಬ್ರಾಥೈನ"ಎ ಇಮ್ಮ ಕಿಮ ಬೊಲಾನೆ ಸಾದ್ಯ ಛೆ? ಎ ಯೊಸೆಫನೊ ದಿಕ್ರೊ ನ್ಹ ವ್ಹೈ ಸು? ಕೈನ ಬೊಲ್ಲಿವಾಡ್ಯಾತಾ.
LUK 4:23 ಯೆಸು ತ್ಯುನೊನೆ"ತುತೊ ಡಾಕ್ಟರ ವ್ಹೈ, ಪೈಲಾ ತುನೆ ಅರಾಮ ಕರಲೆ "ಪೈಲಾನಿ ಗಾದೆ ಮನೆ ಕವೊಸಿ ಕವಾನು ಮನೆ ಗೊತ್ತ ಛೆ" ತು ಕಪೆರನೌರ್ಮಿಮಾ ಕರಲ ದಕ್ಹಾ ಕಾಮೊ ತಾರಾ ಹುತಿ ಐಕ್ಯಾಸ. ತೆಜ಼ ಕಾಮೊ ತಾರಾ ಸ್ವಂತ ಗಾಮ್ಮಾ ಕರ" ಕೈನ ಕವಾಡ್ಯಾಸ.
LUK 4:24 ಯೆಸು ತ್ಯುನೊನೆ ಕದ್ಯೊ. ಮಿ ತುಮೊನೆ ಕ್ಹರಿಜ಼ ಕೌಸ ಪ್ರವಾದಿನೆ ತಿನಾ ಸ್ವಂತ ಗಾಮ್ಮಾ ನೈ ಮಳೈಲೆತಾ.
LUK 4:25 ಐಕೊ ಎಲಿಯಾನಾ ಕಾಲಮಾ ಕ್ಹಡಾತನ ವರಕ್ಹ ಇಸ್ರಾಯೆಲ ದೆಶಮಾ ಪಾನಿ ಐಯು ನ್ಹೊತು. ತೆಜ಼ ದೆಶಮಾ ಬರಗಾಲ ವ್ಹತ್ತು. ತೆ ಟೈಮಾ ಇಸ್ರಾಯೆಲಮಾ ರಾಂಡಿ ಬಾಕಡಿಯೊ ಘನ್ನಿಯೊ ವ್ಹತ್ತಿಯೊ ಕವಾನು ಕ್ಹರಿ ವ್ಹೈ.
LUK 4:26 ತೆನೈಸೊ ಎಲಿಯಾನೆ ಬಿಜಿ಼ಯೊ ರಾಂಡಿ ಹೆಣ ಮನಕ್ಹೊಕನ ಮೊಕ್ಕಲ್ಯಾ ವಾಚಿ ಸಿದೊನ ದೆಶನೆ ಮಳಲ ಸೆರೆಪ್ತ ಗಾಮ್ಮಾ ರ‍್ಹಯಲ ಯಕ್ಕ ರಾಂಡಿ ಹೆಣ ಮನಕ್ಹಕನ ಕ್ಹುದಾ ಎಲಿಯಾನೆ ಮೊಕಲ್ಯೊ.
LUK 4:27 ಪ್ರವಾದಿ ಥಯಲ ಎಲಿಶಾನಾ ಕಾಲ್ಮಾ ಘನ್ನಾ ಕುಸ್ಟರೊಗಿಯೊ ಇಸ್ರಾಯೆಲಮಾ ವ್ಹತ್ತಾ. ತೆನೈಸೊ ತ್ಯುನೊಮಾನಾ ಕಿನೆಜ಼಼ ಅರಾಮ ಥಯಾವಾಚಿ ಸಿರಿಯಾ ದೆಶವಾಲೊ ಥಯಲ ನಾಮಾನನೆ ಯಕ್ಕಜ಼ ಅರಾಮ ಥಯ್ಯು ಕೈನ ಕದ್ಯೊ.
LUK 4:28 ಸಬಾಮಂದಿರಮಾ ರ‍್ಹಯಲ ಕ್ಹಾರಾ ಮನಕ್ಹೊ ಎ ವಾತೊ ಐಕಿನ ಘನ್ನಾ ಶಿಟ್ಟಥಯಾ.
LUK 4:29 ಯೆಸುನೆ ಗಾಮ್ತಾ ಭಾರಾ ಘಾಲ್ಯಾ. ತೆ ಗಾಮ ಯಕ್ಕ ಡೊಂಗರಪರ ವ್ಹತ್ತು. ತ್ಯುನೆ ಯೆಸುನೆ ತ್ಯಾಂತಾ ಬಲೈನಿಂಗೈನ ಡೊಂಗರಪರತಾ ಢಕ್ಲಿಪಾಡಿಯೆ ಕೈನ ಕೈಲಿವಾಡ್ಯಾತಾ.
LUK 4:30 ತೆನೈಸೊ ಯೆಸು ತ್ಯುನಾ ವಚ್ಮಾ಼ತೊ ಗೈಪಡ್ಯೊ.
LUK 4:31 ತ್ಯಾಂತೊ ಯೆಸು ಗಲಿಲಾಯನಾ ಕಪೆನೌರ್ಮಿ ಕವಾನಾ ಗಾಮೆ ಗಯೊ. ತ್ಯಾ ಸಬ್ಬತ ದಿನಮಾ ತ್ಯುನೊನೆ ಉಪದೆಶ ಕರಾನು ಶುರು ಕರ‍್ಯೊ.
LUK 4:32 ತಿನೆ ಕ್ಹಾರು ಅದಿಕಾರ ರಹೆವಾಲಾ ಲಿಂಗತ ಕವಾಡೊತೊ. ತ್ಯುನೆ ತೆ ವಾತೆ ಘನ್ನಾ ಘಾಬ್ರಾಥಯಾ.
LUK 4:33 ತೆ ಸಬಾಮಂದಿರಮಾ ಕೆಟ್ಟ ಆತ್ಮಾ ಧರಲ ಯಕ್ಕ ದಾಣಗೊ ವ್ಹತ್ತೊ.
LUK 4:34 ತೆ ಯೆಸುನೆ ದೆಕಿನ ಜೊ಼ರ ವದ್ರಿನ ನಜ಼ರೆತನಾ ಯೆಸು! ಮಾರಿ ಉಸಾಬರಿ ತುನೆ ಕಾ? ಹಮೊನೆ ನಾಶಕರಾನೆ ಆಯೊಸು? ತುನೆ ವಳಕ್ಯೊಸ. ತು ಕ್ಹುದಾ ವಳಾಯಲ ಪರಿಶುದ್ಧ ವ್ಹೈ ಕದ್ಯು.
LUK 4:35 ವರಿ ಯೆಸು ತೆ ಕೆಟ್ಟ ಆತ್ಮಾನೆ "ಗಪ ರ‍್ಹೆ! ಇನೆ ಛೊಡಿನ ಭಾರು ಆ" ಕೈನ ಅಪ್ಪಣೆ ದಿದ್ಯೊ. ತೆ ಕೆಟ್ಟ ಆತ್ಮಾ ತೆ ದಾಣಗಾನಾ ಹೆಟು ಪಾಡಿನ ಸುಜ಼ ತರಾಸ ಕರ‍್ಯಾ ವಾಚಿ ತಿನೆ ಛೊಡಿನ ಗೈಪಡಿ.
LUK 4:36 ತೆ ದೆಕಲ ಕ್ಹಾರಾ ಮನಕ್ಹೊ"ಎ ಕೆಯ್ಯೊ ವಾತೊ ವ್ಹಸೆ! ತೆ ಅದಿಕಾರಕ್ಹು ವರಿ ತಾಕತಕ್ಹು ಕೆಟ್ಟ ಆತ್ಮಾವೊನೆ ಅಪ್ಪಣೆ ದೆತಾಮಾ, ತೆ ಗೈ ಪಡಸ್ತೊ "ತ್ಯುನೊಮಾ ಕೈನ ಬೊಲ್ಲಿದ್ಯಾ.
LUK 4:37 ವರಿ ತಿಮ್ಮ ಥೈನ ಯೆಸುನಿ ಸುದ್ದಿ ತೆ ಪ್ರಾಂತ್ಯಮಾ ಘನ್ನಿ ಜ಼ಗಾ ಗ್ವತ್ತ ಥೈ.
LUK 4:38 ಯೆಸು ಸಬಾಮಂದಿರಮಾತೊ ಗೈನ ಸಿಮೊನನಾ (ಪೆತ್ರಾ) ಘರೆ ಆಯೊ. ತ್ಯಾ ಶಿಮೊನನಿ ಫ್ಯೆ ತೌ ಐನ ಕ್ಹುರೈತಿ ತಿನೆ ಅರಾಮ ಕರ ಕೈನ ಯೆಸುಕನ ತ್ಯಾ ರ‍್ಹಯಲವಾಲಾ ಮಾಂಗಿಲಿದ್ಯಾ.
LUK 4:39 ಯೆಸು ತಿಕನ ಗೈನ ತಿನಾ ಜಡ್ಡನೆ ಭುಚ್ಕಾ಼ಡ್ಯೊ ತೆಳಾಮಾ ಸಿಮೊನನಿ ಫ್ಯೆ ಅರಾಮ ಥೈ. ತಿನಾ ಹುತಿ ತೆ ಉಟಿನ ತ್ಯುನೊನೆ ಸೆವಾ ಕರಿ.
LUK 4:40 ಸುರ‍್ಯೊ ಡುಬಲ್ಪರ, ಕಿನಾ-ಕಿನಾ ಘರಮಾ ತರಾ ತರಾನಾ ರೊಗ ರ‍್ಹಯಲವಾಲಾವೊನಾ ಯೆಸುಕನ ಲಾಯಾ. ತೆ ರೊಗಿಯೊಪರ ಯೆಸು ತಿನೊ ಹತ್ತ ಮ್ಹೆಲಿನ ಅರಾಮ ಕರ‍್ಯೊ.
LUK 4:41 ಘನ್ನಾ ಮನಕ್ಹೊನಾ ಅಂಗಮಾತಾ ಕೆಟ್ಟ ಆತ್ಮಾ ತು ಕ್ಹುದಾನೊ ದಿಕ್ರೊ ವ್ಹೈ ಕೈನ ಜೊ಼ರ ವದ್ರಿನ ತ್ಯುನಾ ಅಂಗಮಾತಾ ಭಾರಾ ಆಯಾ ಯೆಸು ತ್ಯುನೊನೆ ಬೊಲೊ ನಕೊ ಕೈನ ಕದ್ಯೊ. ಕಾಕದ್ಯಾಮ ತೆ ಕೆಟ್ಟ ಆತ್ಮಾವೊನೆ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಗೊತ್ತ ವ್ಹತ್ತು.
LUK 4:42 ಮರ್ನಾ ದಿನ್ನೆ ಪಾಟೆ ಯೆಸು ಕುನ್ನಜ಼ ನೈಸೊ ರ‍್ಹಯಲ ಜ಼ಗಾ ಯೆಸು ಗಯೊ. ಮನಕ್ಹೊ ಗುಂಪ-ಗುಂಪ ಥೈನ ತಿನೆ ಹುಡಕ್ತಾ ತೆ ರ‍್ಹಯಲ ಜ಼ಗಾ ಐನ ತು ಹಮೊನೆ ಛೊಡಿನ ಜೌ಼ ನಕೊ ಕೈನ ತಿನಾ ಸುತ್ತೆ ಹುಬ್ರಯಾ.
LUK 4:43 ವರಿ ಯೆಸು ತ್ಯುನೊನೆ"ಮಿ ಕ್ಹುದಾನಿ ರಾಜ್ಯನಿ ಸುವಾರ್ತೆ ಬಿಜಾ಼ ಗಾಮೊಮಾಬಿ ಕೌ ಇನಾ ಹುತಿಜ಼ ಮಿ ಆಯೊಸ ಕದ್ಯೊ.
LUK 4:44 ತೆ ಥಯಲ್ಪರ ಯೆಸು ಯುದಾಯ ದೆಶನಾ ಸಬಾಮಂದಿರೊಮಾ ಕ್ಹುದಾನಿಯೊ ವಾತೊ ಕವಾಡೊತೊ.
LUK 5:1 ಯಕ್ಕ ದಿನ್ನ ಯೆಸು ಗೆನೆಜರೆತ ಕವಾನಾ (ಗಲಿಲಾಯ) ನದಿನಾ ದಂಡಿಕನ ಹುಬ್ರೈಲ ಟೈಮಾ, ಮನಕ್ಹೊ ಯಕ್ಕಪರ ಯಕ್ಕ ಢಕಲ್ತಾ ತ್ಯಾ ಯೆಸುನಾ ಸುತ್ತೆ ಐನ ಕ್ಹುದಾನಿಯೊ ವಾತೊ ಐಕಾಡ್ಯಾತಾ.
LUK 5:2 ಯೆಸು ನದಿನಾ ದಂಡಿಕನ ಬೆ ಹಡಗಾ ದೆಕ್ಯೊ. ಹಡಗಾಮಾ ರ‍್ಹಯಲ ಮಚ್ಲಿ಼ಯೊ ಧರಾಲಾ ಭಾರಾ ಐನ ತ್ಯುನಿಯೊ ಬಲಿಯೊ ಧವಾಡ್ಯತಾ.
LUK 5:3 ಯೆಸು ಸಿಮೊನನೊ ಹಡ್ಗೊ ಚ಼ಡಿನ ಬೈಟ್ಯೊ ವರಿ ಹಡಗಾನೆ ದಂಡಿತೊ ನಕ್ಕರ ದುರ ಢಕಲ ಕೈನ ಯೆಸು ಸಿಮೊನನೆ ಕದ್ಯೊ. ವರಿ ಯೆಸು ಹಡಗಾಪರ ಬೈಟಿನ ಮನಕ್ಹೊನೆ ಉಪದೆಶ ಕರಾಡೊತೊ.
LUK 5:4 ಉಪದೆಶ ಕರಲ್ಪರ ಯೆಸು ಸಿಮೊನನೆ ಹಡಗಾನೆ "ಉಂಡು ರ‍್ಹಯಲ ಜ಼ಗಾ ನಿಂಗೈನ. ಮಚ್ಲಿ಼ಯೊ ಧರಾಹುತಿ ತುಮಾರಿಯೊ ಬಲಿಯೊ ಪಾನಿಮಾ ಘಾಲೊ "ಕದ್ಯೊ.
LUK 5:5 ತೆಳಾಮಾ ಸಿಮೊನ, ಯೆಸುನೆ "ಗುರು, ಹಮೆ ಕ್ಹಾರಿ ರಾತ ಕಷ್ಟಪಡದ್ಯಾತಬಿ ಯಕ್ಕ ಮಚ್ಲಿ಼ಬಿ ಮಳಿ ನೈ. ವರಿ ತು ಕದಲ ಹುತಿ ಹಮೆ ಬಲಿ ಪಾನಿಮಾ ಘಾಲಾಡ್ಯಾಸ "ಕದ್ಯೊ.
LUK 5:6 ತ್ಯುನೆ ತ್ಯುನಿಯೊ ಬಲಿಯೊ ಪಾನಿಮಾ ಘಾಲ್ತಾಮಾ ತ್ಯುನಿಯೊ ಬಲಿಯೊ ಫಾಟಿ ಜಾ಼ವಾಯಕ್ಲಿಯೊ ಮಚ್ಲಿ಼ಯೊ ಢಿಗ ಗಟ್ಳೆ ಮಳಿಯೊ.
LUK 5:7 ತೆಳಾಮಾ ತ್ಯುನೆ ಬಿಜೆಕ ಹಡಗಾಮಾ ರ‍್ಹಯಲ ತ್ಯುನಾ ದೊಸ್ತೊನೆ ಹತೊಕ್ಹು ಸ್ವನ್ನಿ ಕರಿನ ಬಲಾಯಾ ತ್ಯುನಾಬಿ ಬೆ ಹಡಗಾ ಮಚ್ಲಿ಼ಯೊ ಭರಿನ ಡುಬಾವರಖಾ ಥಯಾ.
LUK 5:8 ಸಿಮೊನ ಯೆಸುನಾ ಖಾಮೊ ಉಂದಾಗುಡ್ಗಾ ಘಾಲ್ಲಿನ ಪಗೆ ಪಡಿನ "ಸ್ವಾಮಿ, ಮಿ ಪಾಪಿ ವ್ಹೈ. ಮನೆ ಛೊಡಿನ ಜಾ಼ "ಕೈನ ಮಾಂಗಿಲಿದ್ಯೊ.
LUK 5:9 ಕ್ಹಾರಾ ಮಚ್ಲಿ಼ಯೊ ಧರಾಲಾ ಘಾಬ್ರಾಥಯಾ. (ಇವ್ನೆ ಭಂಬಿಜ಼ನಾ ಸಿಮೊನನಾ ಕ್ಹಾತೆ ವಾಟೊಲಿವಾಲಾ ವ್ಹತ್ತಾ)
LUK 5:10 ಎ ದೆಕಿನ ಜೆಬೆದಾಯನಾ ದಿಕ್ರಾ ಥಯಲ ಯಾಕೊಬ ವರಿ ಯೊಹಾನ ಘಾಬ್ರಾಥಯಾ. ಯೆಸು ಸಿಮೊನನೆ"ಭುಚ಼ಕುನಕೊ. ಆಜ಼ತೊಜ಼ ತು ಮಚ್ಲ್ಯೊ಼ ಧರಾಲೊ ನ್ಹವೈ. ವರಿ ಮನಕ್ಹೊನೆ ಕ್ಹುದಾಕನ ಲಾವಾಲೊ ಥಾಸಿ "ಕದ್ಯೊ.
LUK 5:11 ತ್ಯುನೆ ತ್ಯುನಾ ಹಡಗಾ ದಂಡಿಯೆ ಲೈನ ಭಾಂದಿನ. ಕ್ಹಾರು ಛೊಡಿನ ಯೆಸುನಾ ಪಾಚಾ಼ ಗಯಾ.
LUK 5:12 ಯಕ್ಕ ದಿನ್ನ ಯೆಸು ಯಕ್ಕ ಗಾಮ್ಮಾ ರ‍್ಹತಾಮಾ ಯಕ್ಕ ಕುಷ್ಟರೊಗಿ ಯೆಸುನೆ ದೆಕಿನ ತಿನಾ ಕ್ಹಾಮೊ ಉಂದಾ ಗುಡ್ಗಾ ಘಾಲ್ಲಿನ ಅಡ್ಡಪಡಿನ "ಪ್ರಭು, ತು ಮನಸ್ಸ ಕರ‍್ಯೊಮ ಮನೆ ಅರಾಮ ಕರಶಿ ಕೈನ ಮನೆ ಗ್ವತ್ತ ಛೆ ಕೈನ ಮಾಂಗಿಲಿದ್ಯೊ.
LUK 5:13 ಯೆಸು"ತಿನೆ ತುನೆ ಅರಾಮ ಕರಾನೆ ಮನೆ ಮನಸ್ಸೆ ಛೆ ತುನೆ ಅರಾಮ ಥಾವಾದೆ" ಕೈನ ತಿನೆ ಮುಟ್ಯೊ ತೆಳಾಮಾಜ಼ ತಿನೆ ಅರಾಮ ಥಯ್ಯು.
LUK 5:14 ಯೆಸು ತಿನೆ, ಎ ಕ್ಹಾರು ತಾರಾ ಖಾಮು ಥಯಲ ಅದ್ಭುತ ಕಿಕನಜ಼ ಕೌ ನಕೊ, ತೆನೈಸೊ ತು ಗೈನ ಸಾಕ್ಷಿ ಥಾವಾನಾ ಹುತಿ ಯಾಜಕನೆ ತಾರು ಅಂಗ ದೆಕಾಡಿನ ಮೊಶೆ ನಿಯಮ ಕರಲ ಶುದ್ಧವಿಚಾರೊ ಪುರಾಕರ ಕೈನ"ಅಪ್ಪಣೆ ದಿದ್ಯೊ.
LUK 5:15 ಗಾಮ್ಮಾ ಯೆಸುನಿ ಸುದ್ದಿ ಘನ್ನಿ ಫೈಲಿ ಗೈ. ಘನ್ನಾ ಮನಕ್ಹೊ ತಿನಿಯೊ ವಾತೊ ಐಕು ಕೈನ ತ್ಯುನಾ ರೊಗೊ ಗೈನ ಅರಾಮ ಥಾವು ಕೈನ ತಿಕನ ಆಯಾ.
LUK 5:16 ತೆಳಾಮಾ ಯೆಸು ಯಕ್ಕಲೊಜ಼ ಕುನ್ನಜ಼ ನೈಸೊ ರ‍್ಹವಾನ ಜ಼ಗಾ ಗೈನ ಪ್ರಾಥನಾ ಕರ‍್ಯೊ.
LUK 5:17 ಯಕ್ಕ ದಿನ್ನ ಯೆಸು ಮನಕ್ಹೊನೆ ಭೊದನೆ ಕರಾಡೊತೊ. ತ್ಯಾಜ಼ ಗಲಿಲಾಯ ಪ್ರಾಂತ್ಯತಾ ವರಿ ಯುದೆಯ ಯೆರುಸೆಲಿಮತಾ ಆಯಲ ಫರಿಸಾಯರೊ ವರಿ ನಿಯಮೊನಾ ಶಾಸ್ತ್ರಿಯೊ ತ್ಯಾ ವ್ಹತ್ತಾ. ರೊಗೊ ಅರಾಮ ಕರಾನಿ ಕರ್ತಾನಿ ತಾಕತ ಯೆಸುಮಾ ವ್ಹತ್ತಿ.
LUK 5:18 ಇಮ್ಮ ರ‍್ಹತಾಮಾ ಯಕ್ಕ ಲಕ್ವೊ ಮಾರಲವಾಲಾ ರೊಗಿನೆ ದಕ್ಹಾ ಜ಼ನಾ ವಚ್ಚಾ಼ನಾ ಕ್ಹಮಾತಾಜ಼ ಉಚೈನ ಯೆಸು ರ‍್ಹಯಲ ಜ಼ಗಾ ಲಾವಾನೆ ಕೊಶಿಶ ಕರ‍್ಯಾ.
LUK 5:19 ವರಿ ತ್ಯಾ ಘನ್ನಾ ಮನಕ್ಹೊನು ಕುಡಿನ ಯೆಸುನಾ ಸುತ್ತೆ ರ‍್ಹಯಲ ಹುತಿ ತ್ಯುನೊನೆ ತೆ ಲಕ್ವೊ ಮಾರಲವಾಲಾನೆ ಯೆಸುಕನ ನಿಂಜಾ಼ವಾನೆ ನೈ ಥಯಲ ಹುತಿ ತ್ಯುನೆ ಘರಪರ ನಿಂಗೈನ ಘರಪರಲ್ಯು ಛತ್ತ ಕಾಡಿನ ತೆ ರೊಗಿನೆ ವಚ್ಚಾ಼ನಾ ಕ್ಹಮಾತಾಜ಼ ಯೆಸುನಾ ಕ್ಹಾಮಾ ಉತಾರ‍್ಯಾ.
LUK 5:20 ಯೆಸು ತಿವ್ನೊ ಬರೊಕ್ಹೊ ದೆಕಿನ ತೆ ರೊಗಿನೆ, ಮಾರಾ "ದೊಸ್ತ ತಾರು ಪಾಪ ಮಾಫ ಥಯುಸ "ಕೈನ ಕದ್ಯೊ.
LUK 5:21 ತ್ಯಾ ರ‍್ಹಯಲವಾಲಾ ಶಾಸ್ತ್ರಿಯೊ ಫರಿಸಾಯರೊ. ತೆ ಐಕಿನ "ಎ ಕ್ಹುದಾನಾ ವಿರುದ್ದ ಬೊಲಾಲೊ ಕುನ್ನ ವ್ಹೈ? ಕ್ಹುದಾನೆ ಯಕ್ಲಾನೆಜ಼ ಪಾಪ ಮಾಫ ಕರಾನೆ ಥಾವಸ "ಕೈನ ತ್ಯುನೊ ತ್ಯುನೊಮಾಜ಼ ವಿಚಾರ ಕರಲಿವಾಡ್ಯಾತಾ.
LUK 5:22 ವರಿ ಯೆಸು ತ್ಯುನಿಯೊ ವಿಚಾರೊ ತಿಳದಿಲಿನ ತ್ಯುನೊನೆ"ತುಮೆ ತಮಾರಾ ಮನಸ್ಮಾ ಇಮ್ಮ ಕಾ ವಿಚಾರ ಕರಲಿವಾಡ್ಯಾಸ?
LUK 5:23 ಕಯು ಆಸಾನ ವ್ಹೈ? ತಾರು ಪಾಪ ಮಾಫ ಥಯುಸ, ಕೈನ ತೆ ಲಕ್ವೊ ಮಾರಲವಾಲಾನೆ ಕವಾನು? ನೈತೊ ಉಟಿನ ಜಾ಼ ಕವಾನು?
LUK 5:24 ತೆನೈಸೊ ಮನಕ್ಹನಾ ದಿಕ್ರಾನೆ ಭುಲೊಕ್ಪರ ಪಾಪ ಮಾಫ ಕರಾನೆ ಅದಿಕಾರ ಛೆ ಕವಾನು ತುಮೊನೆ ಗ್ವತ್ತ ರ‍್ಹೌ ಕೈನ "ತೆ ಲಕ್ವೊ ಮಾರಲವಾನೆ ದೆಕಿನ"ಉಟ! ತಾರು ವಚ್ಚಾ಼ನು ಲಿನ ಘರೆ ಜಾ಼"ಕದ್ಯೊ.
LUK 5:25 ತೆಳಾಮಾಜ಼ ತೆ ಲಕ್ವೊ ಮಾರಲವಾಲೊ ಕ್ಹಾರಾವೊನಾ ಕ್ಹಾಮೊ ಉಟಿನ ಹುಬ್ರಯೆನ, ತಿನು ವಚ್ಚಾ಼ನು ಲಿನ ಕ್ಹುದಾನೆ ಸ್ತುತಿ ಕರತೊ ತಿನಾ ಘರೆ ಗಯೊ.
LUK 5:26 ತೆಳಾಮಾ ಕ್ಹಾರಾ ಮನಕ್ಹೊ ಘನ್ನಾ ಘಾಬ್ರಾ ಥೈನ ಕ್ಹುದಾನೆ ಸ್ತುತಿ ಕರತಾ ವರಿ ಭುಚ಼ಕ್ಕತಾ"ಆಜಾ಼ನಾ ದಿನಮಾ ಹಮೆ ಯಕ್ಕ ಅದ್ಭುತ ದೆಕ್ಯಾ"ಕದ್ಯಾ.
LUK 5:27 ಪಾಚಲ್ತೊ, ಯೆಸು ತ್ಯಾಂತೊ ಜಾ಼ತಾಮಾ, ಭುಭಾಡೊಲಿವಾಲೊ ಕಟ್ಟಾಪರ ಬೈಟಲವಾಲೊ ಲೆವಿನೆ ದೆಕಿನ "ತು ಮಾರಾ ಪಾಚೊ಼ ಆ"ಕದ್ಯೊ.
LUK 5:28 ಲೆವಿ ಉಟಿನ ಕ್ಹಾರು ತ್ಯಾಜ಼ ಛೊಡಿನ ಯೆಸುನಾ ಪಾಚೊ಼ ಗಯೊ.
LUK 5:29 ಪಾಚಲ್ತೊ ಲೆವಿ ಯೆಸುನಾ ಹುತಿ ತಿನಾ ಘರಮಾ ಖಾವಾನೆ ಮ್ಹೊಟು ಫಂಕ್ಷನ ಕರಾಯೊ ತೆಳಾಮಾ ಭುಭಾಡೊಲಿವಾಲಾ ಘನ್ನಾ ಜ಼ನಾ ವರಿ ಘನ್ನಾ ಮನಕ್ಹೊ ವ್ಹತ್ತಾ.
LUK 5:30 ತೆಳಾಮ ಫರಿಸಾಯರೊ ವರಿ ಶಾಸ್ತ್ರಿಯೊ ಯೆಸುನಾ ಶಿಷ್ಯಾವೊನೆ "ತುಮೆ ಭುಭಾಡೊಲಿವಾಲಾವೊನಾ ಕ್ಹಾತೆ ವರಿ ಪಾಪಿಯೊನಾ ಕ್ಹಾತೆ ಕಾ ಅನ್ನ ಖಾವಾಡ್ಯಾಸ ವರಿ ಪಿವಾಡ್ಯಾಸ? ಕೈನ ಪುಚ್ಯಾ.
LUK 5:31 ತೆಳಾಮಾ ಯೆಸು ತೆ ಐಕಿನ ಅರಾಮ ನೈಸೊವಾಲಾನೆ ಡಾಕ್ಟರನಿ ಜ಼ರುರತ ಛೆ ಅರಾಮ ರ‍್ಹಯಲವಾಲಾವೊನಾ ನ್ಹವೈ.
LUK 5:32 ತುಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರೊ ಕೈನ ನಿತಿವಂತಕ್ಹು ರ‍್ಹಯಲವಾಲಾವೊನಾ ಮಿ ಬಲಾವಾನೆ ನತ್ತಿ ಆಯೊ. ಪಾಪಿಯೊನಾ ಹುತಿ ಆಯೊಸ" ಕದ್ಯೊ.
LUK 5:33 ದಕ್ಹಾ ಮನಕ್ಹೊ ಯೆಸುನೆ"ಫರಿಸಾಯರೊನಾ ಶಿಷ್ಯಾ ವರಿ ಯೊಹಾನನಾ ಶಿಷ್ಯಾ ಹಗ್ಲೆಲ್ಲಾ ಉಪಾಸ ವರಿ ಪ್ರಾಥನಾ ಕರಸ; ವರಿ ತಾರಾ ಶಿಷ್ಯಾ ಖಾವಾಡ್ಯಾಸ ಪಿವಾಡ್ಯಾಸ ಕೈನ ಕತಾಮಾ
LUK 5:34 ಯೆಸು ತ್ಯುನೊನೆ "ನೌರೊ ಹಿವಾನಾ ಮನಕ್ಹೊನಾ ಕ್ಹಾತೆ ರ‍್ಹಯೆಲಕ್ಕಾ ತ್ಯುನೆ ಭುಕ್ಕಾ ಜಾ಼ವಸು?
LUK 5:35 ವರಿ ನೌರಾನೆ ತ್ಯುನೊಕಂತೊ ನಿಂಜಾ಼ವೊನೊ ಟೈಮ ಆವಸ ತೆಳಾಮಾ ತ್ಯುನೆ ವಂದತ ಕರಸ" ಕದ್ಯೊ.
LUK 5:36 ಪಾಚಲ್ತೊ ಯೆಸು ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ. ತೆ ಸುವೈ ಕದ್ಯಾಮ "ಕುನ್ನಬಿ ಜು಼ನ್ನಾ ಅಂಗ್ಡಾನೆ ಥಿಗ್ಡು ಲಗಾಡಾ ಹುತಿ ನವಾ ಅಂಗ್ಡಾನೆ ಪ್ಹಾಡ್ತಾ ನೈ.
LUK 5:37 ತಿನಾಲಿಂಗತಜ಼ ನೌ (ನವು) ದ್ರಾಕ್ಷಿಯೊನೊ ರಕ್ಹ ಜು಼ನ್ನಿಯೊ ದ್ರಾಕ್ಷಿಯೊನಿ ರಕ್ಹನಿಯೊ ಚಾ಼ಮ್ಡಾನಿ ಕೈಚಿಲಾವೊಮಾ ಭರಿನ ಮುಕ್ಕತಾ ನೈ. ವರಿ ಭರಿನ ಮ್ಹೆಲ್ಯಾಮ ನೌ ದ್ರಾಕ್ಷಿಯೊನು ರಕ್ಹ ತೆ ಜು಼ನ್ನಿಯೊ ಚಾ಼ಮ್ಡಾನಿ ಕೈ ಚಿಲಾವೊನೆ ಫಾಡಿನ ಹೆಟು ಪಡಿನ ಕೆಟ್ಟಿ ಜಾ಼ವಸ, ವರಿ ಕೈಚಿಲಾ ಹಾಳ ಥೈ ಜಾ಼ವಸ.
LUK 5:38 ಮನಕ್ಹೊ ನೌ ದ್ರಾಕ್ಷಿಯೊನು ರಕ್ಹ ನೈಯೊ ಚ಼ಾಮ್ಡಾವೊನಿ ಕೈಚಿಲಾವೊಮಾ ಭರಿನ ಮ್ಹೆಲಸ.
LUK 5:39 ಜು಼ನ್ನು ದ್ರಾಕ್ಷಿಯೊನು ರಕ್ಹ ಪಿದಲವಾಲೊ ನೌ ದ್ರಾಕ್ಷಿಯೊನು ರಕ್ಹನಿ ಸ್ವಾದ ಗೊತ್ತ ಥಾತು ನೈ. ತೆ ಮನಕ್ಹ ಜು಼ನ್ನು ದ್ರಾಕ್ಷಿಯೊನು ರಕ್ಹ ನೆಜ಼ ಪಸಂದ ಕರಸ"
LUK 6:1 ಯಕ್ಕ ಸಬ್ಬತ ದಿನಮಾ ಯೆಸು ಖೆತ್ರೊಮಾತೊ ಜಾ಼ತಾ ಟೈಮಾ ತಿನಾ ಶಿಷ್ಯಾ ಖೆತ್ರೊಮಾನಾ ಬುಟ್ಟಾ ಭಾಗಿಲಿನ ಹತೊಕ್ಹು ತಿಕ್ಕಿನ ಖಾತಾ ಚಾ಼ಲ್ಯಾತಾ.
LUK 6:2 ತೆಳಾಮಾ ಪರಿಸಾಯರೊ ಯೆಸುನೆ"ತುಮೆ ಸಬ್ಬತ ದಿನಮಾ ನೈಸೊ ಕರಾನು ಕಾಮ ಕರಾಡಾಸ್ತೊ? ಎ ಮೊಶೆನಾ ಧರಮಶಾಸ್ತ್ರನಾ ವಿರುದ್ದ ವ್ಹೈ "ಕದ್ಯಾ.
LUK 6:3 ತೆ ವಾತೆ ಯೆಸು, ಫರಿಸಾಯರೊನೆ "ದಾವಿದ ತಿನಾ ಕ್ಹಾತೆ ರ‍್ಹಯೆಲವಾಲಾವೊನೆ ಭುಕ್ಕಕಲಾಗಲ ಟೈಮಾ ತೆ ಸುಕರ‍್ಯೊ ಕೈನ ತುಮೆ ಒದ್ಯಾ ನತ್ತಿಸು?
LUK 6:4 ದಾವಿದ ಕ್ಹುದಾನಿ ಸನ್ನಿದಿಮಾ ಗೈನ ಕ್ಹುದಾನೆ ಚ಼ಡಾಯಲ ರೊಕ್ಲೊ ಯಾಜಕನೆ ಛೊಡಿನ ಬಿಜು಼ ಕುನ್ನಜ಼ ನೈಸೊ ಖಾವಾನೊ ರೊಕ್ಲೊ ದಾವಿದ ಖೈನ ವರಿ ತಿನಾ ಕ್ಹಾತೆ ರ‍್ಹಯಲವಾಲಾವೊನಾ ಖಲಾಯೊಸ್ತೊ? ಕದ್ಯೊ.
LUK 6:5 ಮನಕ್ಹನೊ ದಿಕ್ರೊ ಸಬ್ಬತ ದಿನ್ಪರ‍ ಮಾಲಕ ಥಯೊಸ "ಕೈನ ಯೆಸು ಕದ್ಯೊ.
LUK 6:6 ವರಿ ಯಕ್ಕ ಸಬ್ಬತ್ ದಿನಮಾ ಯೆಸು ಸಬಾಮಂದಿರಮಾ ಗೈನ ಉಪದೆಶ ಕರ‍್ತಾಮಾ ತ್ಯಾ ಯಕ್ಲೊ ದಾಣಗೊ ಸಿದಾ ಹತ ಕುಕ್ಹೈ ಗಯಲವಾಲೊ ತ್ಯಾ ವ್ಹತ್ತೊ.
LUK 6:7 ಯೆಸು ತಿನೆ ಸಬ್ಬತ್ ದಿನಮಾ ಅರಾಮ ಕರ‍್ಯೊಮ ತಿಪರ ತಪ್ಪ ಘಾಲಿಯೆ ಕೈನ ಫರಿಸಾಯರೊ ವರಿ ಶಾಸ್ತ್ರಿಯೊ ಟೈಮ ದೆಕಾಡಾತಾ.
LUK 6:8 ವರಿ ತ್ಯುನಿ ವಿಚಾರ ಯೆಸುನೆ ತಿಳದಿತಿ. ಯೆಸು ಹತ ಕುಕ್ಹೈ ಗಯಲವಾಲಾನೆ"ತು ಐನ ನ್ಹಾ ಹುಬ್ರೆ "ಕದ್ಯೊ. ತೆ ಉಟಿನ ಐನ ಹುಬ್ರಯೊ.
LUK 6:9 ತೆಳಾಮಾ ಯೆಸು ತ್ಯುನೊನೆ"ಸಬ್ಬತ ದಿನಮಾ ಕಯು ಕಾಮ ಕರಾನು ಚೊ಼ಕು ವ್ಹೈ? ಚೊ಼ಕು ಕಾಮ ಕರಾನು ಸು ಕೆಟ್ಟಕಾಮ ಕರಾನು ಚೊ಼ಕು ವ್ಹೈ? ಜ಼ಲಮ ವಚಾ಼ಡಾನು ಸು? ಜ಼ಲಮ ಕಾಡಾನು? ಕೈನ ಪುಚ್ಯೊ.
LUK 6:10 ಯೆಸು ತಿನಾ ಸುತ್ತೆ ಹುಬ್ರಯಲವಾಲಾವೊನೆ ದೆಕಿನ, ತೆ ಮನಕ್ಹನೆ, ಯೆಸು "ತಾರೊ ಹತ ಅಗೊ ಕರ" ಕದ್ಯೊ. ತೆ ತಿನೊ ಹತ ಅಗೊ ಕರ‍್ಯೊ. ತೆಳಾಮಾಜ಼ ತಿನೊ ಹತ ಅರಾಮ ಥಯೊ.
LUK 6:11 ಫರಿಸಾಯರೊ ವರಿ ಶಾಸ್ತ್ರಿಯೊ ಘನ್ನಾ ಶಿಟ್ಟ ಥೈನ. ತ್ಯುನೆ "ಅಪೆ ಕೈ ಉಪಾಯಕ್ಹು ಯೆಸುನೆ ಸು ಕರಿಯೆ? ಕೈನ ತ್ಯುನೊ ತ್ಯುನೊಮಾಜ಼ ಬೊಲ್ಲಿವಾಡ್ಯಾತಾ. (ಪ್ಯ್ಲಾನ ಕರಾಡಾತಾ)
LUK 6:12 ಯಕ್ಕ ದಿನ್ನ ಪ್ರಾಥನಾ ಕರಾ ಹುತಿ ಯೆಸು ಡೊಂಗರಪರ ಗೈನ ಕ್ಹಾರಿ ರಾತ ಪ್ರಾಥನಾ ಕರ‍್ಯೊ.
LUK 6:13 ಮರ್ನಾ ದಿನ್ನೆ ಪಾಟೆ ಯೆಸು ತಿನಾ ಶಿಷ್ಯಾವೊನೆ ಬಲೈನ ತ್ಯುನೊಮಾನಾ ಬಾರಾ ಶಿಷ್ಯಾವೊನೆ ಇನಿಲಿನ ತ್ಯುನೊನೆ ಅಪೊಸ್ತಲೊ ಕೈನ ನಾಮ ಮ್ಹೆಲ್ಯೊ.
LUK 6:14 ತ್ಯುನೆ ಕುನ್ನ ವ್ಹೈ ಕದ್ಯಾಮ ಸಿಮೊನನೆ (ಯೆಸು ಪೆತ್ರಾ ಕೈನ ನಾಮ ಮ್ಹೆಲ್ಯೊ) ವರಿ ತಿನೊ ಭೈ ಥಯಲ ಅಂದ್ರೆಯ, ಯಾಕೊಬ, ವರಿ ಯೊಹಾನ, ಫಿಲಿಪ್ಪ ವರಿ ಬಾರ್ತೊಲೊಮಾಯ,
LUK 6:15 ಮತ್ತಾಯ ತೊಮ, ಯಾಕೊಬ (ಅಲ್ಫಾಯನೊ ದಿಕ್ರೊ) ವರಿ (ದೆಶಪರ ಮಯಾ ರ‍್ಹಯಲ ವಾಲೊ) ಸಿಮೊನ,
LUK 6:16 ಯುದ ಯಾಕೊಬನೊ ದಿಕ್ರೊ ವರಿ ಇಸ್ಕರಿಯುತ ಯುದ (ಯೆಸುನೆ ಧರೈನ ದಿದಲ ವಾಲೊ)
LUK 6:17 ಯೆಸು ವರಿ ಅಪೊಸ್ತಲೊ ಡೊಂಗರಪರತಾ ಉತ್ರಿನ ಸಿದಾ ರ‍್ಹಯಲ ಜಿಮಿನ್ಪರ ಹುಬ್ರಯಾ. ತ್ಯಾ ತಿನಾ ಪಾಚಾ಼ ಆಯಲ ಶಿಷ್ಯಾವೊನು ಮ್ಹೊಟು ಗುಂಪ ವರಿ ಯುದಾಯತಾ ಯೆರುಸೆಲೆಮ್ತಾ ತುರ ಸಿದೊನ ಗಾಮ್ತಾ ವರಿ ಸಮುಂದರನಿ ಆಜು಼ಬಾಜು಼ಮಾ ರ‍್ಹಯಲ ಮನಕ್ಹೊನು ಮ್ಹೊಟು ಗುಂಪ ತ್ಯಾ ವ್ಹತ್ತು.
LUK 6:18 ತ್ಯುನೆ ಕ್ಹಾರಾ ಯೆಸುನಿಯೊ ವಾತೊ ಐಕು ಕೈನ ವರಿ ತೆ ಮನಕ್ಹೊಮಾ ರ‍್ಹಯಲ ರೊಗೊ ಕ್ಹೊ ಅರಾಮ ಥೌ ಕೈನ ತಿಕನ ಆಯಾತಾ. ವರಿ ತ್ಯುನಾಮಾ ದಕ್ಹಾ ಮನಕ್ಹೊಮಾ ಕೆಟ್ಟ ಆತ್ಮಾ ವ್ಹತ್ತಿಯೊ. ತ್ಯುನೆ ಕ್ಹಾರಾ ಅರಾಮ ಥಯಾ.
LUK 6:19 ಕ್ಹಾರಾ ಮನಕ್ಹೊ ಯೆಸುನೆ ಮುಟ್ಟಾನಾ ಹುತಿ ಕೊಶಿಶ ಕರಾಡಾತಾ. ಕಾಕದ್ಯಾಮ ಯೆಸುಮಾತಿ ತಾಕತ ಭಾರಿ ಐನ ಕ್ಹಾರಾ ಮನಕ್ಹೊನೆ ಅರಾಮ ಕರಾಡಿತಿ!
LUK 6:20 ಯೆಸು ತಿನಾ ಶಿಷ್ಯಾವೊನೆ ದೆಕಿನ ಸು ಕದ್ಯೊ ಕದ್ಯಾಮ, "ಗರಿಬೊ ರ‍್ಹಯಲವಾಲಾ ತುಮೆ ಧನೈ ವ್ಹೈ; ಕ್ಹುದಾನಿ ರಾಜ್ಯ ತುಮಾರಿ ವ್ಹೈ.
LUK 6:21 ಭುಕ್ಕಾ ರ‍್ಹಯಲವಾಲಾ ತುಮೆ ಧನ್ಯ ವ್ಹೈ. ತುಮೆ ತೃಪ್ತ ಥಾವೊಸಿ. ವರಿ ತುಮೆ ಹಮ್ನಾ ರವಾಲಾ ತುಮೆ ಧನ್ಯ ವ್ಹೈ; ಪಾಚಾ಼ತಾ ತುಮೆ ಅಕ್ಹೊಸಿ.
LUK 6:22 ಮನಕ್ಹನಾ ದಿಕ್ರಾನಾ ಹುತಿ ಮನಕ್ಹೊ ತುಮೊಪರ ಸಿಟ್ಟ ಮ್ಹೆಲಸ ತುಮೊನೆ ಕೆಟ್ಟ ವ್ಹೈ ಕವಸ ವರಿ ತುಮಾರಿ ಮರ್ಯಾದಿ ಕಾಡಸ ವರಿ ಎ ಕ್ಹಾರು ತಡ್ದಿಲಿವಾಲಾ ತುಮೆ ಧನೈ ವ್ಹೈ.
LUK 6:23 ತೆ ಟೈಮಾ ಖುಶಿ ರ‍್ಹವೊ. ಕಾಕದ್ಯಾಮ ಸ್ವರ್ಗಮಾ ತುಮೊನೆ ಘನ್ನು ಫಲ ಮಳಸ. ಎ ಮನಕ್ಹೊ ತುಮೊನೆ ಕರಲ ತಿಮ್ಮಜ಼ ತ್ಯುನಾ ಪಿತ್ರೊಬಿ ಪ್ರವಾದಿಯೊನಾ ಕ್ಹಾತೆ ಕರ‍್ಯಾಸ.
LUK 6:24 ವರಿ ಸೌಕಾರ ರ‍್ಹಯಲವಾಲಾ ತುಮಾರಿ ಯಕ್ಕ ಪರಸ್ತಿ ಮಿ ಸು ಕೌ! ತುಮಾರಿ ಸುಖಾನಿ ಜಿವ್ನಾ ತುಮೊನೆ ಮಳಿಸ.
LUK 6:25 ಹಮ್ನಾ ಪೆಟ ಭರಲವಾಲಾ ಮನಕ್ಹೊ, ತುಮಾರಿ ಗತಿ ಮಿ ಸು ಕೌ! ತುಮೆ ಭುಕ್ಕಾ ಥಾವೊಸಿ. ಹಮ್ನಾ ಅಕ್ಹಾಲಾ ಮನಕ್ಹೊ, ತುಮಾರಿ ಗತಿ ಮಿ ಸು ಕೌ! ತುಮೆ ದುಖಿ ಥೈನ ರವೊಸಿ.
LUK 6:26 "ಮನಕ್ಹೊನಾ ಮ್ಹೊಡೆ ಕೆಳಾಮಾಬಿ ಚೊ಼ಕೊ ಛೆ ಕವೈಲಿವಾಲಾ ತುಮಾರಿ ಗತಿ ಸು ಕೌ! ತ್ಯುನಾ ಪಿತ್ರೊ ಸುಳ್ಳ ಪ್ರವಾದಿಯೊನೆ ಚೊ಼ಕಾ ಛೆ ಕತಾತಾ.
LUK 6:27 "ಮಾರಿಯೊ ವಾತೊ ಐಕಾಲಾವೊ ತುಮೊನೆ ಮಿ ಸು ಕೌಸ ಕದ್ಯಾಮ; ತುಮಾರಾ ದುಶ್ಮನೊನೆ ಮಯಾ ಕರೊ. ತುಮೊನೆ ಕದ್ರಾವಾಲಾವೊನೆ ತುಮೆ ಚೊ಼ಕು ಕರೊ.
LUK 6:28 ತುಮೊನೆ ಕ್ಹರಾಪಾಲಾವೊನೆ ತುಮೆ ಆಶಿರ್ವಾದ ಕರೊ, ತುಮೊನೆ ಕೆಟ್ಟ ಕರಾಲಾವೊನಾ ಹುತಿ ಪ್ರಾಥನಾ ಕರೊ.
LUK 6:29 ಯಕ್ಲೊ ತುಮೊನೆ ಯಕ್ಕ ಗಾಲ್ಪರ ಮಾರಯೊಮ, ತಿನೆ ಬಿಜೆಕ ಗಾಲ ಮಾರಾನೆ ದಿವೊ. ಯಕ್ಲೊ ತಮಾರಾ ಅಂಗಪರ ಉಪ್ಪರಲ್ಯೊ ಅಂಗ್ಡು ಕಾಳ್ಳಿದ್ಯೊಮ, ತುಮೆ ತಿನೆ ಮ್ಹೈನು ಅಂಗ್ಡು ದಿವೊ.
LUK 6:30 ತುಮೊಕನ ಮಾಂಗಾಲಾವೊನೆ ಹರಿ ಯಕ್ಲಾನೆ ದಿವೊ. ಯಕ್ಲೊ ತುಮೊಕನ್ನು ಸುಬಿ ಕಾಳ್ಳಿದಲ ರ‍್ಹಯೊಮ ತೆ ವಾಪಾಸ ಮಾಂಗಿಲಿವೊ ನಕೊ.
LUK 6:31 ಬಿಜಾ಼ ಮನಕ್ಹೊ ತುಮಾರಾ ಕ್ಹಾತೆ ಸು ಕರು ಕೈನ ಆಸ ಛೆ ತೆಜ಼ ತುಮೆ ತೆ ಮನಕ್ಹೊನಾ ಕ್ಹಾತೆ ಕರೊ.
LUK 6:32 ತುಮೊನೆ ಮಯಾಕರಾಲಾನೆಜ಼ ತುಮೆ ಮಯಾ ಕರ‍್ಯಾಮ ತೆ ಸು ಉಪಯೊಗ ಛೆ? ಕಾಕದ್ಯಾಮ ಪಾಪಿಯೊಬಿ ತ್ಯುನೊನೆ ಮಯಾ ಕರಾಲಾನೆಜ಼ ಮಾಯಾ ಕರಸ್ತೊ!
LUK 6:33 ತುಮೊನೆ ಚೊ಼ಕು ಕರಾಲಾವೊನೆ ತುಮೆ ಚೊ಼ಕು ಕರ‍್ಯಮ ತುಮೊನೆ ಸು ಚೊ಼ಕು ವ್ಹೈ? ಪಾಪಿಯೊಬಿ ತಿಮ್ಮಜ಼ ಕರಸ್ತೊ!
LUK 6:34 ತುಮೆ ಕಿನೆಬಿ ಸಾಲಾ ದಿದ್ಯಾಮ, ತುಮೊನೆ ಫರಿನ ದಿವಾಲಾವೊನೆ ಸಾಲಾ ದಿದ್ಯಾಮ ತುಮೊನೆ ಸು ಉಪಯೊಗ ವ್ಹೈ? ಪಾಪಿಯೊಬಿ ಬಿಜಾ಼ ಪಾಪಿಯೊನೆ ಸಾಲಾ ದಿದಲ ತೆಕ್ಲು ದಿದಲ ಮಳಸ ಕೈನ ದಿವಸ್ತೊ!
LUK 6:35 "ತಿನಾಹುತಿ ತುಮಾರಾ ದುಶ್ಮನೊನೆ ಮಯಾಕರೊ, ತ್ಯುನೊನೆ ಚೊ಼ಕು ಕರೊ, ತುಮೆ ತ್ಯುನೊನೆ ಸಾಲಾ ದೆತಾಮಾ ವರಿ ಫರಿನ ದಿವಸ ಕವಾನು ಆಸ ಮ್ಹೆಲೊ ನಕೊ. ತೆಳಾಮಾ ತುಮೊನೆ ಮ್ಹೊಟು ಪ್ರತಿಫಲ ರ‍್ಹಯಲ ರ‍್ಹವಸ, ವರಿ ಪರಾತ್ಪರ ಕ್ಹುದಾನಾ ದಿಕ್ರಾ ಥಾವೊಸಿ. ಕಾಕದ್ಯಾಮ ಕ್ಹುದಾ ಪಾಪಿಯೊನೆ, ಕೆಟ್ಟ ಮನಕ್ಹೊ ರ‍್ಹಯಲ ವಾಲಾವೊನೆ ಚೊ಼ಕೊ ವ್ಹೈ.
LUK 6:36 ತುಮಾರೊ ಸ್ವರಗನೊ ಬಾ ಥಯಲ ಕ್ಹುದಾ ಮರಗಾಲೊ ರ‍್ಹಯಲ ಲಿಂಗತಜ಼ ತುಮೆಬಿ ಮರಗಾಲಾ ರ‍್ಹವೊ.
LUK 6:37 "ಬಿಜಾ಼ವೊನೆ ತಿರಪ ಕರೊ ನಕೊ, ತೆಳಾಮಾ ತುಮೊನೆಬಿ ತಿರಪ ಥಾತು ನೈ. ಅಪರಾದಿ (ಕೆಟ್ಟ ಕರಲವಾಲೊ) ವ್ಹೈ ಕೈನ ಫೈಸಲೊ ಕರೊ ನಕೊ, ತೆಳಾಮಾ ತುಮೆಬಿ ಅಪರಾದಿ ವ್ಹೈ ಕೈನ ಫೈಸಲೊ ಥಾತೊನೈ. ಬಿಜಾ಼ವೊನೆ ತುಮೆ ಮಾಫ ಕರೊ ತುಮೊನೆಬಿ ಮಾಫಿ ಮಳಸ.
LUK 6:38 ಬಿಜಾ಼ವೊನೆ ದಿವೊ, ಕ್ಹುದಾ ತೆಳಾಮಾ ತುಮೊನೆ ಬಿ ದಿವಸ. ಚೊ಼ಕಿ ಅಳತಿ ಕರಿನ ದಾಬಿನ ಹಲೈನ ಪಡೆಲಿಂಗತ ತುಮಾರಾ ಖೊಳಾಮಾ ಘಾಲಸ ತುಮೆ ಅಳತಿ ಕರಾನಿ ಅಳತಿಕ್ಹುಜ಼ ಕ್ಹುದಾ ತುಮೊನೆಬಿ ಅಳತಿ ಕರಿನ ದಿವಸ ಕದ್ಯೊ.
LUK 6:39 ಎನೈಸೊ ಯೆಸು ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ. ತೆ ಸುವೈ ಕದ್ಯಾಮ ಯಕ್ಕ ಕುಡ್ಡೊ ಬಿಜೆಕ್ಕಲಾ ಕುಡ್ಡಾನೆ ವಾಟ ದೆಕಾಡಸ್ಸು? ತಿಮ್ಮ ಥಯುಮ ತ್ಯುನೆ ಭಂಬಿಜ಼ನಾ ಖಾಡಿಮಾ ಪಡಿ ಜಾ಼ವಸ್ತೊ.
LUK 6:40 ಗುರುತಿ ಶಿಷ್ಯೊ ಮ್ಹೊಟೊ ನ್ಹವೈ, ಶಿಷ್ಯೊ ಪುರಾ ಶಿಕ್ಕಕಲ್ಪರ ಹರಿ ಯಕ್ಲೊ ತಿನಾ ಗುರು ಲಿಂಗತ ಥಾವಸ.
LUK 6:41 ಎನೈಸೊ ತು ತಾರಾ ಡೊಳಾಮಾ ರ‍್ಹಯಲ ವ್ಹಲಸ ದೆಕ್ಯಾವಾಚಿ ಬಿಜೆ಼ಕ್ಲಾನೆ ಹಸಾಕರಲೆ ಕಾ ಕಸಿ.
LUK 6:42 ಪೈಲಾ ತು ಹಸಾ ಥಾ ತುನೆ ದೆಕಾಲೊ ತುನೆ ದೆಕಿನ ಸುದ್ರಸ.
LUK 6:43 ಚೊ಼ಕು ಝಾಡ ಕೆಟ್ಟ ಫಲ ದೆತು ನೈ, ತಿನಾಲಿಂಗತಜ಼ ಕೆಟ್ಟ ಝಾಡ ಚೊ಼ಕು ಫಲ ದೆತು ನೈ.
LUK 6:44 ಹರಿ ಯಕ್ಕ ಝಾಡ ತೆ ದಿವಾನಾ ಫಲಕ್ಹು ತಿನೆ ವಳಕಸ, ಮನಕ್ಹೊ ಕಾಟಾವೊನಾ ಝಾಡಮಾ ಉಂಬ್ರೊನು ಫಲ ನೈತೊ ದ್ರಾಕ್ಷಿಯೊ ಹುಟ್ಟತ್ಯೊ ನೈ.
LUK 6:45 ಚೊ಼ಕು ಮನಸ ರ‍್ಹಯಲವಾಲಾನಾ ಚೊ಼ಕಿಯೊ ಸಂಗತಿಯೊ ಲಾವಸ. ಮನಸ್ಮಾ ಚೊ಼ಕು ರ‍್ಹಯಲಜ಼ ಮ್ಹೊಡಾತು ಆವಸ. ವರಿ ಕೆಟ್ಟ ರ‍್ಹಯಲ ಮನಕ್ಹನಾ ಮನಸ್ಮಾ ರ‍್ಹಯಲಜ಼ ಮ್ಹೊಡಾತು ಕೆಟ್ಟ ಆವಸ.
LUK 6:46 ಎನೈಸೊ ತುಮೆ ಮನೆ ಸ್ವಾಮಿ-ಸ್ವಾಮಿ, ಕೈನ ಬಲೈನ ಮಿ ಕವಾನು ಕಾ ನೈ ಕರತಾ?
LUK 6:47 ಮಕನ ಐನ ಮಾರಿಯೊ ವಾತೊ ಐಕಿನ, ತಿನಾ ಲಿಂಗತ ಚಾ಼ಲಾಲೊ ತೆ ಕೆವೊ ವ್ಹೈ ಕೈನ ಮಿ ತುಮೊನೆ ಕೌಸ.
LUK 6:48 ತೆ ಘರ ಭಾಂದಾಲಾ ಲಿಂಗತ ಛೆ. ತೆ ಘನ್ನಿ ಉಂಡಿ ಖಾಡಿ ಖಂದಿನ ಫಾಯಾ ಘಾಲಿನ ದಗಡಾಪರ ಘರ ಭಾಂದಲ ಲಿಂಗತ ತೆ ಮನಕ್ಹ ರ‍್ಹವಸ. ಕೆಕ್ಕಲು ಜೊ಼ರ ನದಿನು ಪಾನಿ ಐನ ತೆ ಘರನೆ ಪಾನಿ ಲಾಗ್ಯು ತಬಿ ತಿನೆ ಸುಜ಼ ಥಯುನೈ. ಕಾಕದ್ಯಾಮ ತೆ ಘರ ದಗ್ಡಾಪರ ಭಾಂದಲ ವ್ಹೈ.
LUK 6:49 ತೆನೈಸೊ ಮಾರಿಯೊ ವಾತೊ ಐಕಿನ ತಿನಾಲಿಂಗತ ನೈ ಚಾ಼ಲಾಲೊ ಉಂಡಿ ಫಾಯಾ ನೈ ರ‍್ಹಯಲ ಲಿಂಗತ ಕ್ಹಾಲಿ ಜಿಮಿನ್ಪರ ಭಾಂದಲವಾಲಾ ಲಿಂಗತ ರ‍್ಹವಸ, ತೆ ನದಿನು ಪಾನಿ ತೆ ಘರನೆ ಲಾಗ್ಯುಮ ತೆ ಘರ ಭೆಗಿನ ಪಡಿಜಾ಼ವಸ"
LUK 7:1 ಯೆಸು ಮನಕ್ಹೊನೆ ಎ ಕ್ಹಾರಿಯೊ ವಾತೊ ಕೈನ ಮುಗ್ಸಲ್ಪರ ಕಪೆನೌರ್ಮಿಯೆ ಕವಾನಾ ಗಾಮೆ ಆಯೊ.
LUK 7:2 ತ್ಯಾ ಯಕ್ಲೊ ರೊಮನ್ನೊ ಸೆನಾದಿಪತಿ ವ್ಹತ್ತೊ. ಸೆನಾದಿಪತಿ ಮಯಾ ರ‍್ಹಯಲವಾಲೊ ಯಕ್ಲೊ ಆಳ ಅರಾಮ ನೈಸೊ ಮರವಾನಿ ಸ್ತಿತಿಮಾ ವ್ಹತ್ತೊ.
LUK 7:3 ತೆ ಶೆತಾದಿಪತಿ ಯೆಸುನಿ ಸುದ್ದಿ ಐಕಿನ, ತಿಕನ ರ‍್ಹಯಲ ಯಹುದ್ಯೊನಾ ನಾಯಕೊನೆ ಯೆಸುಕನ ಮೊಕ್ಲಿನ ತಿನಾ ಸೆವಕನೆ ಅರಾಮ ಕರ ಕೈನ ಮಾಂಗಿಲಿದ್ಯೊ.
LUK 7:4 ತೆ ಯಹುದ್ಯೊನಾ ನಾಯಕೊ ಯೆಸುಕನ ಐನ "ಎ ತಾರೊ ಆಶಿರ್ವಾದ ಹೊಂದಾನೆ ಎ ಸೆನಾದಿಪತಿ ಯೊಗ್ಯ ಛೆ"
LUK 7:5 ಕಾಕದ್ಯಾಮ ತೆ ಅಪ್ನಾ ಮನಕ್ಹೊನೆ ಮಯಾ ಕರಸ ವರಿ ಹಮಾರಾ ಹುತಿ ಸಭಾಮಂದಿರ ಭಾಂದಿನ ದಿದ್ಯೊಸ "ಕೈನ ಘನ್ನಾ ಮಾಂಗಿಲಿದ್ಯಾ.
LUK 7:6 ತಿನಾಹುತಿ ಯೆಸು ತಿವ್ನಾ ಕ್ಹಾತೆ ಚಾ಼ಲ್ಯೊ. ಯೆಸು ಘರಕನ್ನಾ ನಜಿಕ ಆತಾಮಾ, ತೆ ಅದಿಕಾರಿ ತಿನಾ ಸೆವಕನೆ ಮೊಕ್ಲಿನ ಯೆಸುನೆ "ಸ್ವಾಮಿ ತು ಮಾರಾ ಘರೆ ಆವಾಯಕ್ಲಿ ಮಾರಿ ಯೊಗ್ಯತೆ ನತ್ತಿ.
LUK 7:7 ತುಕನ ಆವಾನಿ ಯಕ್ಲಿಬಿ ಮನೆ ಯೊಗ್ಯತೆ ನತ್ತಿ. ತು ನ್ಹ್ಯಾಂತೊಜ಼ ಯಕ್ಕ ಅಪ್ಪಣೆ ದಿದ್ಯೊಮ ಬಸ, ಮಾರೊ ಯಕ್ಕ ಸೆವಕ ಅರಾಮ ಥಾವಸ.
LUK 7:8 ತಾರೊ ಯಕ್ಕ ಅದಿಕಾರ ಮಿ ತಿಳದಿಲಿದ್ಯೊಸ. ಮಿಬಿ ಬಿಜೆ಼ಕ್ಲಾನಾ ಅದಿಕಾರಿನಾ ಹತ್ಮಾ ಛೆ, ಮಾರಾ ಹತಮಾ ಸೈನಿಕೊ ಛೆ, ಮಿಬಿ ಯಕ್ಕ ಸೈನಿಕನೆ ಜಾ಼ ಕದ್ಯಾಮ ತೆ ಜಾ಼ವಸ, ವರಿ ಯಕ್ಲಾನೆ ಆ ಕದ್ಯಾಮ ತೆ ಆವಸ. ಮಾರಾ ಆಳನೆ, ಆ ಕರ ಕದ್ಯಾಮ ಮನೆ ತೆ ವಿಧೆಯ ಥಾವಸ "ಕೈನ ಯೆಸುಕನ ಕೆ ಕೈನ ತಿನಾ ಆಳನೆ ಮೊಕಲ್ಯೊ.
LUK 7:9 ಯೆಸು ಎ ವಾತೊ ಐಕಿನ ಘಾಬ್ರೊ ಥೈನ ತಿನಾ ಪಾಚಾ಼ ಆಯಲ ಮನಕ್ಹೊನೆ ದೆಕಿನ"ಅಕ್ಲೊ ಮ್ಹೊಟೊ ಬರೊಕ್ಹೊ ರ‍್ಹಯಲ ಮನಕ್ಹನೆ ಮಿ ಇಸ್ರಾಯಲನಾ ಮನಕ್ಹೊಮಾಬಿ ದೆಕ್ಯೊ ನತ್ತಿ "ಕದ್ಯೊ.
LUK 7:10 ತೆ ಮೊಕ್ಕಲಲ ಮನಕ್ಹೊ ಯೆಸು ಕಂತಾ ಫರಿನ ಜಾ಼ತಾಮಾ ತಿನಾ ಆಳನೆ ಅರಾಮ ಥಯಲ ದೆಕ್ಯಾ.
LUK 7:11 ಮರ್ನಾ ದಿನ್ನೆ ಯೆಸು ನಾಯಿನ ಕವಾನಾ ಗಾಮೆ ಚಾ಼ಲ್ಯಾತಾ, ಯೆಸುನಾ ಶಿಷ್ಯಾ ವರಿ ಮನಕ್ಹೊನು ಗುಂಪಬಿ ಚಾ಼ಲ್ಯಾತಾ.
LUK 7:12 ಯೆಸು ತೆ ಗಾಮ್ನಾ ನಜಿಕ ಆತಾಮಾ, ಮರಿಗಯಲ ಯಕ್ಲಾನೆ ಮಜಾ಼ರಮಾ ಮ್ಹೆಲಾನೆ ತಿನೆ ಉಚೈಲಿನ ಚಾ಼ಲ್ಯಾತಾ,ವರಿ ತೆ ರಾಂಡಿ ಬಾಕಡಿನೆ ಯಕ್ಲೊಜ಼ ದಿಕ್ರೊ ವ್ಹತ್ತೊ. ತ್ಯುನಾ ಪಾಚು಼ ಮನಕ್ಹೊನು ಮ್ಹೊಟು ಗುಂಪಬಿ ವ್ಹತ್ತು.
LUK 7:13 ಯೆಸು ತೆ ರಾಂಡಿ ಬಾಕಡಿನೆ ದೆಕಿನ ತಿನೆ ಮರಗಿನ"ರೌ ನಕೊ "ಕದ್ಯೊ.
LUK 7:14 ಯೆಸು ಮ್ಹಾಡಕನ ನಜಿಕ ಗೈನ ತೆ ಮ್ಹಾಡನೆ ಮುಟ್ತಾಮಾ ತೆ ಮ್ಹಾಡನೆ ಉಚೈಲಿದಲವಾಲಾ ಹುಬ್ರಯಾ. ತೆಳಾಮಾ ಯೆಸು ಮರವಾಲಾನೆ ಎ ಜಾಂಜಿಮಾನ ಪಟ್ಟಾ ಉಟ್ಟ ಮಿ ತುನೆ ಕೌಸ. ಕದ್ಯೊ.
LUK 7:15 ಕದಲ ಬರೊಬ್ಬರ ಮರಲವಾಲೊ ಉಟಿನ ಬೈಟ್ಯೊ ವರಿ ಬೊಲಾನೆ ಚಾಲು ಕರ‍್ಯೊ ಯೆಸು ತೆ ಪಟ್ಟಾನೆ ತಿನಿ ಮಾ ಕನ ವಪ್ಶ್ಯೊ.
LUK 7:16 ಕ್ಹಾರಾ ಮನಕ್ಹೊ ಭುಚ್ಕಾ಼ವರಕ್ಹಾ ಥೈನ ಕ್ಹುದಾನೆ ಸ್ತುತಿ ಕರತಾ, ಮ್ಹೊಟೊ ಪ್ರವಾದಿ ಅಪೊಕನ ಆಯೊಸ! ಕ್ಹುದಾ ತಿನಾ ಮನಕ್ಹೊನೆ ವಚಾ಼ಡಾನಾ ಹುತಿ ಆಯೊಸ.
LUK 7:17 ಯೆಸು ಎ ಕ್ಹಾರು ಕರಲ ಸುದ್ದಿ ಯುದಾಯಮಾಬಿ ವರಿ ಸುತ್ತೆ ರ‍್ಹಯಲ ಕ್ಹಾರಾ ಗಾಮೊಮಾ ಪ್ಹೈಲಿ ಗೈ.
LUK 7:18 ಯೊಹಾನನಾ ಶಿಷ್ಯಾ ಯೆಸುನಿ ಎ ಕ್ಹಾರಿ ಸುದ್ದಿ ಯೊಹಾನನೆ ಕದ್ಯಾ.
LUK 7:19 ಯೊಹಾನ ತಿನಾ ಶಿಷ್ಯಾವೊಮಾನಾ ಬೆ ಜ಼ನಾವೊನೆ ಬಲೈನ "ಆವಾನೊ ರ‍್ಹಯಲ ಮಸಿಹಾ ತುಜ಼಼ ವ್ಹೆಸು ನೈತೊ ಬಿಜ಼ೊ ವ್ಹೈ ಸು ತೆ ಆವಾನಾ ಹುತಿ ಹಮೆ ಕೈದಿಸು? ಕೈನ ಪುಚ್ಚಾ಼ಹುತಿ ಯೆಸುಕನ ತಿನಾ ಶಿಷ್ಯಾವೊನೆ ಮೊಕಲ್ಯೊ.
LUK 7:20 ತಿನಾ ಹುತಿ ಯೊಹಾನನಾ ಶಿಷ್ಯಾ ಯೆಸುಕನ ಐನ "ಆವಾನೊ ರ‍್ಹಯಲ ಮಸಿಹಾ ತುಜ಼಼ ವ್ಹೈಸು ಸು ಬಿಜಾ಼ನೆ ಹಮೆ ಕೈದಿಯೆ? ಕೈನ ಬಾಪ್ತಿಸ್ಮ ದಿಲಾವಾಲೊ ಯೊಹಾನ ತುನೆ ಪುಚ಼ ಕೈನ ಹಮೊನೆ ತುಕನ ಮೊಕ್ಕಲ್ಯೊಸ"
LUK 7:21 ತೆಜ಼ ಟೈಮಾ ಯೆಸು ಘನ್ನಾ ಜ಼ನಾವೊನೆ ರೊಗ ರ‍್ಹಯಲವಾಲಾವೊನಾ ಕೆಟ್ಟ ಆತ್ಮಾ ರ‍್ಹಯಲವಾಲಾವೊನಾ ಛೊಡೈನ ಅರಾಮ ಕರ‍್ಯೊ ವರಿ ಘನ್ನಾ ಮನಕ್ಹೊನೆ ಕುಡ್ಡಾವೊನೆ ದಿಕ್ಹಾ ವರಕ್ಹು ಕರ‍್ಯೊ.
LUK 7:22 ಇಮ್ಮ ರ‍್ಹತಾಮಾ ಯೆಸು ಯೊಹಾನನಾ ಶಿಷ್ಯಾವೊನೆ ತಿಳಸಾ ಹುತಿ "ತುಮೆ ಗೈನ ದೆಕಲ ಎಕ್ಹಾರು ಯೊಹಾನನೆ ಕವೊ. ಕುಡ್ಡಾವೊನೆ ಡೊಳಾ ಆವಸ ಲಂಗ್ಡಾ ರ‍್ಹಯಲ ವಾಲಾ ಚಾ಼ಲಸ ಕುಷ್ಠ ರೊಗಿಯೊ ಚೊ಼ಕಾ ಥಾವಸ. ಕ್ಯುಡಾ ರ‍್ಹಯಲ ವಾಲಾ ಐಕಸ. ಮರಲವಾಲಾ ವಾಚ಼ಸ. ಗರಿಬೊನೆ ಸುವಾರ್ತೆ ಕವಸ.
LUK 7:23 ವರಿ ಮಾರಾ ಹುತಿ ಸಂಶೊ ನೈ ಕರಲವಾಲೊ ಧನೈ ವ್ಹೈ" ಕೈನ ಮೊಕಲ್ಯೊ.
LUK 7:24 ಯೊಹಾನನಾ ಶಿಷ್ಯಾ ಗಯಲ್ಪರ, ಯೆಸು ಮನಕ್ಹೊನೆ ಯೊಹಾನನಾ ಹುತಿ ಕವಾನು ಚಾಲು ಕರ‍್ಯೊ"ಸು ತುಮೆ ದೆಕಾನೆ ರಾನ್ಮಾ ಗಯಾತಾ? ವಾರಾ ಕ್ಹು ಹಲ್ಲಾನೊ ಧಾಂಡೊಸು?
LUK 7:25 ತುಮೆ ಭಾರಾ ಸು ದೆಕಾನೆ ಗಯಾತಾ? ನರಮ ವಣ್ಣಾ ಘಾಲ್ಲಿನ ಹುಬ್ರಯಲ ಮನಕ್ಹನೆ ಸು? ನೈ ನರಮ ವರಿ ಚೊ಼ಕಾ ವಣ್ಣಾ ಘಾಲ್ಲಿದಲ ವಾಲಾ ಮ್ಹೊಟಾ-ಮ್ಹೊಟಾ ಘರೊಮಾ ರ‍್ಹವಸ.
LUK 7:26 ಮನೆ ಕವೊ, ತುಮೆ ಭಾರಾ ಸು ದೆಕಾನೆ ಗಯಾತಾ? ಪ್ರವಾದಿನೆ ಸು? ಹೊ ಮಿ ತುಮೊನೆ ಸು ಕೌಸ ಕದ್ಯಾಮ, ಯೊಹಾನ ಪ್ರವಾದಿ ತಿಬಿ ಮ್ಹೊಟೊ ವ್ಹೈ.
LUK 7:27 ದೆಕ! ಮಿ ಕ್ಹುದಾ ಮಾರಾ ದುತನೆ ತಾರಾ ಕ್ಹಾಮೊ ಮೊಕ್ಕಲುಸ. ತೆ ತಾರಾ ಹುತಿ ವಾಟ ತಯ್ಯಾರ ಕರಸ (ಮಲಾಕಿ 3:1) ಕೈನ ಯೊಹಾನನಾ ಹುತಿ ಬರ್ದ್ಯಾಸ.
LUK 7:28 ಮಿ ತುಮೊನೆ ಕೌಸ,ಎ ಜಗತ್ಮಾ ಹುಟ್ಟಲ ಮನಕ್ಹೊಮಾ ಯೊಹಾನಜ಼ ಮ್ಹೊಟೊ ವ್ಹೈ. ವರಿಬಿ ಕ್ಹುದಾನಿ ರಾಜ್ಯಮಾ ನ್ಹಾನೊಬಿ ಯೊಹಾನತೊಬಿ ಮ್ಹೊಟೊ ವ್ಹೈ "ಕದ್ಯೊ.
LUK 7:29 ಯೊಹಾನ ಉಪದೆಶ ಕರತಾಮಾ ಕ್ಹುದಾನಿಯೊ ವಾತೊ ಮನಕ್ಹೊ ಸ್ವಿಕಾರ ಕರ‍್ಯಾ. ಭು ಭಾಡೊಲಿವಾಲಾ ಸ್ವಿಕಾರ ಕರ‍್ಯಾ. ಇವ್ನೆ ಕ್ಹಾರಾ ಯೊಹಾನನಾ ಹತೆ ಬಾಪ್ತಿಸ್ಮ ಕರೈಲಿದ್ಯಾ.
LUK 7:30 ವರಿ ಫರಿಸಾಯರೊ ಶಾಸ್ತ್ರಿಯೊ ತಿನಾ ಹತೆ ಬಾಪ್ತಿಸ್ಮ ಕರೈಲಿದ್ಯಾ ವಾಚಿ ತ್ಯುನಿ ವಿಚಾರಮಾ ಕ್ಹುದಾನಿ ನಿಯಮನೆ ಇನ್ಕಾರ‍್ಯಾ.
LUK 7:31 ಇಮ್ಮ ರ‍್ಹತಾಮಾ ಯೆಸು ಎ ಕಾಲನಾ ಮನಕ್ಹೊ ಕಿನೆ ಹೊಲ್ಸು? ತ್ಯುನೆ ಕಿನೆ ಹೊಂದಾಣಕಿ ಥಾವಸ?
LUK 7:32 ತ್ಯುನೆ ಬಾಜ಼ರೊಮಾ ಬೈಟಲ ಬಚ್ಚಾ ಲಿಂಗತ ತಮಾರಾ ಹುತಿ ಪಿಂಗಿ ವಜಾ಼ಡ್ಯಾ ತುಮೆ ನ್ಹಾಚ್ಯಾ ನೈ ಮರಲ ಗಿದ್ದ ಕದ್ಯಾ ತುಮೆ ರೊಯಾ ನೈ,
LUK 7:33 ಬಾಪ್ತಿಸ್ಮ ದಿಲಾವಾಲೊ ಯೊಹಾನ ಆಯೊ. ತೆ ಬಿಜಾ಼ವೊಲಿಂಗತ ಅನ್ನ ಖಾದ್ಯೊ ನೈ ವರಿ ದ್ರಾಕ್ಷಿಯೊನು ರಕ್ಹ ಪಿದ್ಯೊ ನೈ. ತುಮೆ-ತಿನೆ ಕೆಟ್ಟ ಆತ್ಮಾ ಧರಿಸ ಕೈನ ಕವೊಸಿ.
LUK 7:34 ಮನಕ್ಹನೊ ದಿಕ್ರೊ ಆಯೊಸ ವರಿ ತೆ ಅನ್ನ ಖಾವಸ, ದ್ರಾಕ್ಷಿಯೊನು ರಕ್ಹ ಪಿವಸ. ತುಮೆ ಕದ್ಯಾ, ದೆಕೊ! ಆ ಘನ್ನು ಖಾವಸ,ವರಿ ಪಿದೊಡೊ ವ್ಹೈ ದೊಕಡಾ ಲಿವಾಲಾ ವರಿ ಪಾಪಿಯೊನೊ ದೊಸ್ತೊ ವ್ಹೈ ಕೈನ ಕವೊಸಿ.
LUK 7:35 ಕ್ಹುದಾನಿ ಗ್ಯಾನನೆ ವಪ್ಪಿಲಿದಲವಾಲಾ ಬಚ್ಚಾ಼ವೊಕ್ಹು ಕ್ಹರಿ ಕೈನ ದಿಕ್ಹಸ.
LUK 7:36 ಪರಿಸಾಯರಮಾನೊ ಯಕ್ಕ ಮನ್ಹಖ ಯೆಸುನೆ ಖಾವಾನೆ ಬಲಾಯೊ ಯೆಸು ತಿನಾ ಘರೆ ಗೈನ ಖಾವಾನೆ ಬೈಟ್ಯೊ.
LUK 7:37 ತೆಳಾಮ ತೆ ಗಾಮಮಾ ರ‍್ಹಯಲ ಯಕ್ಕ ವ್ಯಬಿಚಾರ ಕರಾಲಿ ಹೆಣ ಮನ್ಹಖ ಯೆಸು ಫರಿಸಾಯರನಾ ಘರಮಾ ಅನ್ನ ಖಾವಾಡ್ಯೊಸ ಕೈನ ತಿನೆ ಗ್ವತ್ತ ಥಯು. ತಿನಾಹುತಿ ತೆ ಹೆಣ ಮನಕ್ಹ ಭರಣಿಮಾ ಬಾಸುನು ತೆಲ ಲೈ.
LUK 7:38 ತೆ ಹೆಣ ಮನಕ್ಹ ಯೆಸು ಕನ ಐನ ತಿನಾ ಪಗೊಕನ ಬೈಟಿನ ರೊತಿ ತಿನಾ ಡೊಳಾಮಾನು ಪಾನಿ ಯೆಸುನಾ ಪಗೊ ಭಿಂಜೈನ ವರಿ ತಿನಾ ಮಾತಾನಾ ಬಾಲೊಕ್ಹು ಯೆಸುನಾ ಪಗೊ ನುಚ್ಚಿನ ವರಿ ತೆ ಹೆಣ ಮನಕ್ಹ ತಿನಾ ಪಗೊನೆ ಮಟ್ಟಿಲಿನ ತೆಲ ಪಗೊಮಾ ರಿಚೈ ಪಾಡಿ.
LUK 7:39 ಯೆಸುನೆ ತಿನಾ ಘರೆ ಖಾವಾನೆ ಬಲಾಯಲ ಫರಿಸಾಯರ ಎ ಕ್ಹಾರು ದೆಕಿನ ತಿನಾ ಮನಸ್ಮಾ"ಯೆಸು ಪ್ರವಾದಿ ರ‍್ಹಯಲ ರ‍್ಹಯೊಮ, ತಿನೆ ಮುಟ್ಟಾಲಿ ತೆ ಹೆಣ ಮನಕ್ಹನೆ ಪಾಪಿ ವ್ಹೈ ಕೈನ ತಿಳದಿಲೆತೊತೊ "ಕೈನ ಕೈಲಿದ್ಯೊ.
LUK 7:40 ತೆ ವಾತೆ ಯೆಸು ಫರಿಸಾಯರನೆ"ಸಿಮೊನ ಮಿ ತುನೆ ಯಕ್ಕ ವಾತ ಕೌ ಕೈನ ಛೆ ಕದ್ಯೊ. ತೆಳಾಮಾ ಸಿಮೊನ ಯೆಸುನೆ "ಗುರು ಕೆ "ಕದ್ಯೊ.
LUK 7:41 ತೆಳಾಮಾ ಯೆಸು ಕದ್ಯೊ, ಬೆ ಜ಼ನಾ ಮನಕ್ಹೊ ವ್ಹತ್ತಾ. ತ್ಯುನೆ ಯಕ್ಕಜ಼ ಸೌಕಾರಕನ ಸಾಲಾ ಲಿದ್ಯಾತಾ, ತಿಮಾನೊ ಯಕ್ಲೊ ಪಾಂಚ಼ ಕ್ಹೊ ರುಪ್ಪಾನಾ ಬಿಲ್ಲಾ ಲಿದ್ಯೊತೊ ವರಿ ಯಕ್ಲೊ ಐವತ್ತ ರುಪ್ಪಾನಾ ಬಿಲ್ಲಾ ಲಿದ್ಯೊತೊ.
LUK 7:42 ತ್ಯುನೊಕನ ಸಾಲಾ ವಾಪಸ ದಿವಾನೆ ಸುಜ಼ ನ್ಹೊತಾ. ತೆಳಾಮಾ ತ್ಯುನೊನೆ ಸಾಲಾ ದಿದಲ ವಾಲೊ ಸೌಕಾರ ತ್ಯುನೊನೆ ಕದ್ಯೊ, ತುಮೆ ಸಾಲಾ ವಾಪಸ ದಿವೊನಕೊ ಕದ್ಯೊ. ತೆಳಾಮಾ ಯೆಸು ಸಿಮೊನನೆ ಪುಚ್ಯೊ ತೆ ಬೆ ಜ಼ನಾವೊಮಾ ಕುನ್ನ ಸೌಕಾರನೆ ಹೆಚ್ಕಿ ಮಯಾ ಕರಸ ಕೈನ ಪುಚ್ಯೊ.
LUK 7:43 ಸಿಮೊನ ಯೆಸುನೆ "ಹೆಚ್ಕಿ ಸಾಲಾ ಲಿದಲವಾಲೊ "ಕೈನ ಕದ್ಯೊ. ಯೆಸು ಸಿಮೊನನೆ "ತು ಕರೆಟ್ಟ ಕದ್ಯೊ "ಕೈನ ಕವಸ.
LUK 7:44 ತೆ ಥಯಲ್ಪರ ಯೆಸು ತೆ ಬಾಕಡಿಕನ ದೆಕಿನ ಸಿಮೊನನೆ"ಆ ಬಾಕ್ಡಿ ದಿಕ್ಹಾಡಿಸು? ಮಿ ತಾರಾ ಘರಮಾ ಆತಾಮಾ ತು ಮಾರಾ ಪಗೊ ಧವಾನೆ ಪಾನಿ ದಿದ್ಯೊ ನೈ. ಆ ಬಾಕಡಿತೊ ರೊಯಿನ ತಿನಾ ಡೊಲಾಮಾನು ಪಾನಿಕ್ಹು ಮಾರಾ ಪಗೊ ಧ್ವಯಿನ ತಿನಾ ಮಾತಾನಾ ಬಾಲೊಕ್ಹು ಮರಾ ಪಗೊ ನುಚ್ಚಿಸ.
LUK 7:45 ತು ಮನೆ ಯಕ್ಕಬಿ ಮಟ್ಟಿಲಿದ್ಯೊ ನೈ. ಆ ತೊ ಮಾರಾ ಪಗೊನೆ ಮಟ್ಟಿಲಿವಾನು ಛೊಡಿ ನೈ.
LUK 7:46 ತುತೊ ಮಾರಾ ಮಾತೆ ತೆಲ ಲಗಾಡ್ಯೊ ನೈ. ಆ ತೊ ಮಾರಾ ಪಗೊನೆ ಬಾಸನು ತೆಲ ಲಗಾಡಿಸ.
LUK 7:47 ತಿನಾ ಹುತಿ ಮಿ ತುಮೊನೆ ಕೌಸ, ಆ ದೆಕಾಡಲ ಘನ್ನಿ ಮಯಾಕ್ಹು ಅನಾ ಪುರಾ ಪಾಪೊ ಮಾಫ ಥಯಾ. ಕಾಕದ್ಯಾಮ ಆ ಘನ್ನು ಮಯಾ ದೆಕಾಡಿಸ. ಕೈನ ಕದ್ಯೊ.
LUK 7:48 ತೆ ಥಯಲ್ಪರ ಯೆಸು ತೆ ಬಾಕಡಿನೆ "ತಾರಾ ಪಾಪೊ ಮಾಫ ಥಯಾಸ "ಕೈನ ಕದ್ಯೊ.
LUK 7:49 ಖಾವಾನೆ ಬೈಟಲವಾಲಾ ಮನ್ಹಖೊ "ಆ ತಿನೆ ತೆ ಸು ಕೈನ ತಿಳದಿಲಿದ್ಯೊಸ? ಪಾಪೊನೆ ಮಾಫ ಕರಾನೆ ಅಕನ ಕಿಮ ಸಾಧ್ಯ ಛೆ? ಕೈನ ತಿವ್ನಾ ತಿವ್ನಾಮಾಜ಼ ಬೊಲ್ಲಿವಾಡ್ಯಾತಾ.
LUK 7:50 ಯೆಸು ತೆ ಬಾಕಡಿನೆ "ತಾರೊ ಬರೊಕ್ಹೊಜ಼ ತುನೆ ರಕ್ಷಣೆ ಮಳ್ಯುಸ ಸಮಾಧಾನ ಕ್ಹು ಜಾ಼.
LUK 8:1 ಎ ಥಯಲಪರ, ಯೆಸು ಭೊದನೆ ವರಿ ಕ್ಹುದಾನಿ ರಾಜ್ಯನ ಹುತಿ ಮನಕ್ಹೊನೆ ತಿಳಸಾತೊ ಖೆಡಾವೊಪರ ಗಾಮೊಪರ ಗಯೊ ವರಿ ತಿನಾ ಕ್ಹಾತೆ 12 ಶಿಷ್ಯಾ ವ್ಹತ್ತಾ.
LUK 8:2 ದಕ್ಹಿಯೊ ಹೆಣ ಮನಕ್ಹೊ ಯೆಸುನಾ ಕ್ಹಾತೆ ವ್ಹತ್ತಿಯೊ. ತೆ ಹೆಣ ಮನಕ್ಹೊಮಾ ರ‍್ಹಯಲ ರೊಗೊಕ್ಹೊ ಅರಾಮ ಕರ‍್ಯೊತೊ ವರಿ ದಕ್ಹಿಯೊ ಹೆಣ ಮನಕ್ಹೊನೆ ತಿವ್ನೊಮಾ ರ‍್ಹಯಲ ಕೆಟ್ಟ ಆತ್ಮಾಕ್ಹು ಛೊ಼ಡಾಯೊತೊ. ಎ ಹೆಣ ಮನಕ್ಹೊಮಾನಿ ಯಕ್ಲಿನು ನಾಮ ಮರಿಯಳ ವ್ಹತ್ತು. ತೆ ಮಗ್ದಲ ಗಾಮ ವಾಲಿ ವ್ಹತ್ತಿ. ಯೆಸು ತಿನಾ ಅಂಗಮಾತೊ ಕ್ಹಾತ ಕೆಟ್ಟ ಆತ್ಮಾ ಛೊಡಾಯೊತೊ.
LUK 8:3 ತೆನೈಸೊ ಹೆರೊದನಾ ರಾಜ್ಯಮಾ ಅದಿಕಾರಿ ಥಯಲ ಕುಜ಼ನನಿ ಬೈಕೊ ಯೊಹಾನಳ, ಸುಸನ್ನಳ ವರಿ ಬಿಜಿ಼ಯೊ ಘನಿಯೊ ಹೆಣ ಮನಕ್ಹೊ ವ್ಹತ್ತಿಯೊ ವರಿ ತೆ ಹೆಣ ಮನಕ್ಹೊ ತಿವ್ನಾ ಸ್ವಂತ ದೊಕಡಾಕ್ಹು ಯೆಸುನೆ ವರಿ ತಿನಾ ಶಿಷ್ಯಾವೊನೆ ಸಹಾಯಾ ಕರತಿಯೊ.
LUK 8:4 ಬಿಜಾ಼-ಬಿಜಾ಼ ಗಾಮ್ತಾ ಘನ್ನಾ ಮನಕ್ಹೊ ಯೆಸುಕನ ಗುಂಪ ಥೈನ ಆತಾಮಾ ತೆ ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ.
LUK 8:5 "ಯಕ್ಲೊ ರೈತ ಬಿಯ್ಯಾ ಬಿತ್ತಾನಾ ಹುತಿ ತಿನಾ ಖೆರತೆಗಯೊ ತೆ ಬಿಯ್ಯಾ ಖೆತರಮಾ ನಾಕ್ಕತಾಮಾ ದಕ್ಹಾ ಬಿಯ್ಯಾ ಮನಕ್ಹೊ ಫರಾನಿ ವಾಟ್ಮಾ ಪಡ್ಯಾ ತೆ ಬಿಯ್ಯಾವೊನೆ ಮನಕ್ಹೊ ಖುಂದಿಪಾಡ್ಯಾ. ವರಿ ಹಬಾಳಮಾ ಉಡಾನಿಯೊ ಪಕ್ಷಿಯೊ ಐನ ತೆ ಬಿಯ್ಯಾ ಖೈಪಾಡಿಯೊ.
LUK 8:6 ಬಿಜಾ಼ ದಕ್ಹಾ ಬಿಯ್ಯಾ ಮಾತಿ ಕಮ ರ‍್ಹಯಲ ದಗ್ಡಾವೊಪರ ಪಡ್ಯಾ, ತೆ ಬಿಯ್ಯಾ ಬೆಳದ್ಯಾ ವರಿ ಪಾನಿ ನೈಸೊಕ್ಹು ಕುಕ್ಹೈ ಗಯಾ.
LUK 8:7 ವರಿ ದಕ್ಹಾ ಬಿಯ್ಯಾ ಕಾಟಾವೊನಿಯೊ ಕಂಟಿಯೊನಾ ಝಾಡೊಮಾ ಪಡ್ಯಾ ತೆ ಬಿಯ್ಯಾವೊನಾ ಕ್ಹಾತೆ ಕಾಟಾವೊನಾ ಝಾಡೊ ಬೆಳ್ದಿನ ತೆ ಬಿಯ್ಯಾವೊನೆ ಬೆಳ್ದಾನೆ ದಿದ್ಯಾ ನೈ. ಝಾಕಿ ಪಾಡ್ಯಾ.
LUK 8:8 ವರಿ ದಕ್ಹಾ ಬಿಯ್ಯಾ ಚೊ಼ಕಿ ಜಿಮಿನ್ಪರ ಪಡ್ಯಾ ತೆ ಬೆಳ್ದಿನ ಕ್ಹೊ ಯಕ್ಲಾ ಫಲ ದಿದ್ಯಾ" ಎ ವಾತೊ ಕೈನ ಯೆಸು "ಐಕಾನೆ ಕಾನೊ ರ‍್ಹಯಲ ವಾಲೊ ಐಕಾದೆ "ಕೈನ ಕದ್ಯೊ.
LUK 8:9 ಯೆಸುನಾ ಶಿಷ್ಯಾ"ಎ ಸಾಮ್ಯನು ಮತ್ಲಬ ಸುವೈ? ಕೈನ ಯೆಸುನೆ ಪುಚ್ಯಾ.
LUK 8:10 ಯೆಸು, ತ್ಯುನೊನೆ "ಕ್ಹುದಾನಿ ರಾಜ್ಯನಿ ಗುಟ್ಟ ತುಮೆ ತಿಳದಿಲಿವಾದೆ ಕೈನ ಗ್ಯಾನ ತುಮೊನೆ ದಿದ್ಯಾಸ. ಬಿಜಾ಼ ಮನಕ್ಹೊನೆ ಮಿ ಕಾನಿಕ್ಹು ಬೊಲುಸ, ಕಾಕದ್ಯಾಮ, ತ್ಯುನೆ ದೆಕ್ಯಾತಬಿ ದಿಕ್ಹತು ನೈ, ಐಕ್ಯಾತಬಿ ತಿಳ್ದಿಲೆತಾ ನೈ.
LUK 8:11 "ಎ ಸಾಮ್ಯನು ಮತ್ಲಬ ಅಮ ಛೆ. ಬಿಯ್ಯಾ ಕವಾನು ಕ್ಹುದಾನಿ ವಾತ ವ್ಹೈ.
LUK 8:12 ವಾಟ್ಮಾ ಪಡಲ ಬಿಯ್ಯಾ ಕದ್ಯಾಮ? ಕ್ಹುದಾನಿಯೊ ವಾತೊ ಕುನ್ನ ಐಕಸ. ವರಿ ಸೈತಾನ ಐನ ತ್ಯುನಾ ಮನಸೊಮಾ ರ‍್ಹಯಲ ಕ್ಹುದಾನಿ ವಾತೊ ಕಾಳ್ಳಿನ ಗೈ ಪಾಡ್ಯೊ. ತ್ಯುನೆ ಕ್ಹುದಾನಿಯೊ ವಾತೊಪರ ಬರೊಕ್ಹೊ ನೈ ರ‍್ಹಯಲ ಹುತಿ ತ್ಯುನೊನೆ ರಕ್ಷಣೆ ಥಾತಿ ನೈ.
LUK 8:13 ಕಮ ಮಾತಿ ದಗ್ಡಾಪರ ಪಡಲ ಬಿಯ್ಯಾ ಕದ್ಯಾಮ ಕುನ್ನ-ಕುನ್ನ ಕ್ಹುದಾನಿಯೊ ವಾತೊ ಖುಶಿಕ್ಹು ಐಕಿನ ತ್ಯುನೊಮಾ ಬರೊಕ್ಹೊ ಕಮ ರ‍್ಹಯಲ ಹುತಿ ತ್ಯುನೊನೆ ತರಾಸ ಆಯೊಮ ತ್ಯುನೆ ಕ್ಹುದಾತಿ ದುರ ಜಾ಼ವಸ.
LUK 8:14 ಕಾಟಾವೊನಿಯೊ ಕಂಟಿಯೊಮಾ ಪಡಲ ಬಿಯ್ಯಾ ಕದ್ಯಾಮ. ತ್ಯುನೆ ತ್ಯವಾ ಮನಕ್ಹೊ ವ್ಹೈ. ದಕ್ಹಾ ಮನಕ್ಹೊ ಕ್ಹುದಾನಿಯೊ ವಾತೊ ಐಕಿಸ ವರಿ ಇವ್ನೆ ಜಗತಿನಿ ಸುಖಮಾ ವರಿ ಚಿಂತಾಮಾ, ಸೌಕಾರನಿ ಆಸಮಾ ಆಸ್ತಿನಾ ಹುತಿ ತ್ಯುನೆ ತಿನೆಜ಼ ಹೆಚ್ಕಿ ಟೈಮ ದಿನ್ನ ತ್ಯುನೆ ಬೆಳತ್ತಾ ನೈ; ತ್ಯುನೆ ಚೊ಼ಕು ಫಲ ದೆತಾ ನೈ.
LUK 8:15 ತೆನೈಸೊ ಚೊ಼ಕಿ ಜಿಮಿನ್ಪರ ಪಡಲ ಬಿಯ್ಯಾ ಕದ್ಯಾಮ, ವರಿ ದಕ್ಹಾ ಜ಼ನಾ ಕ್ಹುದಾನಿಯೊ ವಾತೊ ಐಕಿನ ಚೊ಼ಕಾ ಮನಸ್ಮಾ ಮುಕ್ಕಕಿಲಿನ ತಡ್ದಿಲಿನ ಫಲ ದಿವಸ.
LUK 8:16 "ಕಯೊಜ಼ ಮನಕ್ಹ ದಿವ್ವೊ ಲಗಾಡಿನ ಸಾಮನಕ್ಹು ಝಾಕ್ಕತಾನೈ ನೈತೊ ಪಲಂಗನಾ ಹೆಟೊ ಝಾಕಿನ ಮ್ಹೆಲ್ತಾನೈ. ಘರಮಾ ಆವಾಲಾವೊನೆ ದಿಕ್ಹಾ ಹುತಿ ಉಜಾಲು ಪಡಾನ ಜ಼ಗಾಜ಼ ಮ್ಹೆಲಸ್ತೊ.
LUK 8:17 ಉಜಾಲಾಮಾ ಆವಾನು ಸುಜ಼ ಗುಟ್ಟ ನತ್ತಿ, ವರಿ ಸುಬಿ ಝಾಕಿನ ಮ್ಹೆಲಾಮ ತೆ ಭಾರು ಆವಸ, ತುಮೆ ಸುಬಿ ಝಾಕಿನ ಮ್ಹೆಲಲ ರ‍್ಹಯಾಮ ತೆ ತುಮೊನೆ ಮಳಸ.
LUK 8:18 ತಿನಾಹುತಿ ತುಮೆ ಕಿಮ ಕಾನ ದ್ಯು ದೆಕಿಲಿವೊ ಕಾಕದ್ಯಾಮ ರ‍್ಹಯಲ ವಾಲಾನೆ ದಿವಾಲಗಾಡಸ ನೈ ರ‍್ಹಯಲವಾಲಾಕಂತು ತೆ ತಿನು ವ್ಹೈ ಕೈನ ಕವೈಲಿವಾನು ಕಾಳ್ಳಿವಾ ಲಗಾಡಸ.
LUK 8:19 ಯೆಸುನಿ ಮಾ ವರಿ ಭಾಯೊ ತೆ ರ‍್ಹಯಲ ಜ಼ಗಾ ಐನ ಮನಕ್ಹೊನು ಗುಂಪನಾ ಹುತಿ ಯೆಸುಕನ ಜಾ಼ವಾನೆ ಥಯು ನೈ.
LUK 8:20 ತ್ಯಾ ರ‍್ಹಯಲ ಯಕ್ಲೊ ತಿನೆ "ತಾರಿ ಮಾ ತಾರಾ ಭಾಯೊ ತುನೆ ದೆಕು ಕೈನ, ಭಾರಾ ಹುಬ್ರಯಾಸ "ಕದ್ಯೊ.
LUK 8:21 ಕತಾಮಾ ಯೆಸು ತ್ಯಾ ರ‍್ಹಯಲ ಕ್ಹಾರಾವೊನೆ "ಕುನ್ನ ಕ್ಹುದಾನಿಯೊ ವಾತೊ ಐಕಿನ ತಿನಾಲಿಂಗತ ಚಾ಼ಲಸ ತ್ಯುನೆಜ಼ ಮನೆ ಮಾ ವರಿ ಭಾಯೊ ವ್ಹೈ "ಕದ್ಯೊ.
LUK 8:22 ಯಕ್ಕ ದಿನ್ನ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ಹಡ್ಗೊ ಚ಼ಡಿನ "ಅಪೆ ಸಮುಂದರನಿ ಬಿಜಿ ದಂಡಿಯೆ ಗೈಯೆ "ಕೈನ ಕದ್ಯೊ. ಕತಾಮಾ ತ್ಯುನೆ ಹಡ್ಗೊ ಚ಼ಡಿನ ಗಯಾ.
LUK 8:23 ತ್ಯುನೆ ಸಮುಂದರಪರತಾ ಜಾ಼ತಾಮಾ ಯೆಸುನೆ ನಿಂದರ ಲಾಗಿತಿ. ತೆಕ್ಲಾಮಾಜ಼಼ ಜೊ಼ರ ವಾರೊ ಸಮುಂದರಪರ ಚು಼ಟ್ಯು. ಹಡಗಾಮಾ ಪಾನಿ ಭರಾನು ಚಾಲು ಥಯು. ತಿಮ್ಮ ಥಯಲ ಹುತಿ ತ್ಯುನೆ ಭುಚಿ಼ಕಿನ ತ್ರಾಸಮಾ ಪಡ್ಯಾ.
LUK 8:24 ತಿಮ್ಮ ಥಾತಾಮಾ ಯೆಸುನಾ ಶಿಷ್ಯಾ ತ್ಯುನೆ ತಿಕನ ಐನ "ಗುರು! ಗುರು! ಅಪೆ ಡುಬಿ ಚಾ಼ಲ್ಯಾಸ" ಕೈನ ತಿನೆ ಉಟಾಡ್ಯಾ, ಯೆಸು ತೆಳಾಮಾ ಉಟಿನ ವಾರಾನೆ ಪಾನಿನಾ ಧಡಕಿಯೊನೆ ಭುಚ್ಕಾಡ್ಯೊ, ತೆ ಕ್ಹಾರು ಶಾಂತ ಥಯು.
LUK 8:25 ತೆಳಾಮಾ ಯೆಸು"ತುಮಾರೊ ಬರೊಕ್ಹೊ ಕಿಜಾ಼ ಛೆ? ಕೈನ ತ್ಯುನೊನೆ ಪುಚ್ಯೊ. ತೆಳಾಮಾ ಕ್ಹಾರಾ ಶಿಷ್ಯಾ ಭುಚ್ಕಿನ ಘಾಬ್ರಾಥಯಾ"ಎ ಕುನ್ನ ವಸ? ಪಾನಿನೆ ವಾರಾನೆ ಅಪ್ಪಣೆ ದಿವಸ, ಎ ಕ್ಹಾರು ಯೆಸು ಕದಲ ತಿಮ್ಮಜ಼ ಐಕಸ್ತೊ"ತ್ಯುನೊಮಾ ತ್ಯುನೊಮಾಜ಼ ಬೊಲ್ಲಿನ ಘನ್ನಾ ಘಾಬ್ರಾ ಥಯಾ;
LUK 8:26 ಯೆಸು ತಿನಾ ಶಿಷ್ಯಾ ಗಲಿಲಾಯತಾ ಸಮುಂದರ ದಾಟಿನ ಗೆರೆಸಿನೆರ ಕವಾನಾ ಗಾಮೆ ಆಯಾ.
LUK 8:27 ಯೆಸು ಹಡಗಾಮಾತೊ ಉತರತಾಮಾ ತೆ ಗಾಮ್ನೊ ಯಕ್ಕ ಮನಕ್ಹ ಯೆಸುಕನ ಐನ ಎ ದಾಣಗಾಮಾ ಕೆಟ್ಟ ಆತ್ಮಾ ವ್ಹತ್ತಿಯೊ. ಘನ್ನಾ ದಿನತೊ ತೆ ವಣ್ಣಾಜ಼ ಘಾಲ್ಲಿದ್ಯೊ ನ್ಹೊತೊ. ತೆ ಮಜಾ಼ರೊನಿಯೊ ಗವಿಯೊಮಾ ರ‍್ಹತೊತೊ.
LUK 8:28 ತೆ ದಾಣಗೊ ಯೆಸುನೆ ದೆಕಿನ ತಿನಾ ಕ್ಹಾಮೊ ಉಂದಾಗುಡ್ಗಾ ಘಾಲ್ಲಿನ ಜೊ಼ರ ಅವಾಜಕ್ಹು ಯೆಸು ಪರಾತ್ಪರನಾ ದಿಕ್ರಾ ಮಾರಾಕ್ಹು ತುನೆ ಸು ಥಾವಾನು ಛೆ ಮನೆ ಮರಗಿನ ಶಿಕ್ಕಷಾದಿವು ನಕೊ" ಕೈನ ವದ್ರಯು.
LUK 8:29 ಕಾಕದ್ಯಾಮ ಯೆಸು ತೆ ಕೆಟ್ಟ ಆತ್ಮಾನೆ ತಿನೆ ಛೊಡಿನ ಜಾ಼ ಕೈನ ಕದ್ಯೊ. ತೆ ಕೆಟ್ಟ ಆತ್ಮಾ ಹಗ್ಲೆಲ್ಲಾ ತೆ ದಾಣಗಾನೆ ತಿನೆ ವಶ್ಮಾ ಲೆತಿತಿ ತೆ ದಾಣಗಾನೆ ಜೆಲ್ಮಾಘಾಲಿನ ಹತೊ ಪಗೊ ಬೆಡಿಯೊಕ್ಹು ಭಾಂದ್ಯಾತಬಿ ತೆ ದಾಣಗೊ ತೆ ಕ್ಹಾರು ತೊಡಿಲಿನ ನಾಕಿಪಾಡತೊತೊ. ತಿಮಾ ರ‍್ಹಯಲ ಕೆಟ್ಟ ಆತ್ಮಾ ತಿನೆ ಮನಕ್ಹೊ ನೈಸೊ ಜ಼ಗಾ ಜಬರದಸ್ತಿಕ್ಹು ನಿಂಜಾ಼ತುತು.
LUK 8:30 ಯೆಸು ತಿನೆ "ತಾರು ನಾಮ ಸುವೈ? ಕೈನ ಪುಚ್ಯೊ. ತೆ "ಹಮಾರು ನಾಮ ಗುಂಪ ವ್ಹೈ "ಕದ್ಯೊ. ಕಾಕದ್ಯಾಮ ತೆ ಮನಕ್ಹನಾ ಅಂಗಮಾ ಘನಿಯೊ ಕೆಟ್ಟ ಆತ್ಮಾ ವ್ಹತ್ತಿಯೊ.
LUK 8:31 ವರಿ ತೆ ಪುರಾ ಕೆಟ್ಟ ಆತ್ಮಾ "ಹಮೊನೆ ಪಾತಾಳಮಾ ನಕೊ ಮೊಕ್ಕಲು ಕೈನ "ಯೆಸುಕನ ಮಾಂಗಿಲಿದ್ಯಾ.
LUK 8:32 ತ್ಯಾ ರ‍್ಹಯಲ ಯಕ್ಕ ಡೊಂಗರಪರ ಢುಕ್ಕಕುರೊನು ಮ್ಹೊಟು ಗುಂಪ ಚ಼ರಾಡುತು" ಆ ಢುಕ್ಕಕುರೊನಾ ಅಂಗಮಾ ಜಾ಼ವಾನೆ ಹಮೊನೆ ಆಗನ್ಯಾ "ದೆ ಕೈನ ತೆ ಕೆಟ್ಟ ಆತ್ಮಾವೊನು ಗುಂಪ ಮಾಂಗಿಲಿದ್ಯು. ಯೆಸು ತೆ ಕೆಟ್ಟ ಆತ್ಮಾನಾ ಗುಂಪನೆ ಆಗನ್ಯಾದಿದ್ಯೊ.
LUK 8:33 ತೆಳಾಮ ತೆ ಕೆಟ್ಟ ಆತ್ಮಾನು ಗುಂಪ ತೆ ಡುಕ್ಕಕುರೊಮಾ ವ್ಹಕ್ಕಯಾ. ತೆಳಾಮಾಜ಼ ತೆ ಢುಕ್ಕುರೊನು ಗುಂಪ ತ್ಯಾ ರ‍್ಹಯಲ ಯಕ್ಕ ತಳಾಮಾ ಡುಬಿನ ಮರಿಗಯಾ.
LUK 8:34 ಡುಕ್ಕಕುರೊ ಚ಼ರಾವಾಲಾ ಆ ಕ್ಹಾರು ಥಯಲ ದೆಕಿನ ಪುರಾ ಗಾಮವಾಲಾವೊನೆ ಕದ್ಯಾ.
LUK 8:35 ತೆ ಗಾಮನಾ ಮನ್ಹಖೊ ಯೆಸುನೆ ದೆಕಾನೆ ಆಯಾ. ತೆ ಕೆಟ್ಟ ಆತ್ಮಾ ಧರಲ ಮನ್ಹಖ ಯೆಸುನಾ ಪಗೊಕನ ಬೈಟಲ ದೆಕ್ಯಾ. ತೆ ವಣ್ಣಾ ಘಾಲಿನ, ಅರಾಮ ಥೈನ ವರಿ ಶಾಣ್ಯೊ ಥೈನ,ಕೆಟ್ಟ ಆತ್ಮಾ ತಿನೆ ಛೊಡಿನ ಗಯಾತಾ. ಆ ದೆಕಿನ ಮನ್ಹಖೊನೆ ಭುಚ್ಕ ವಾಟ್ಯು.
LUK 8:36 ಯೆಸು ತೆ ಮನ್ಹಖನೆ ಅರಾಮ ಕರಲ ತರಿಕೊ ದೆಕಲವಾಲಾ ಗಾಮನಾ ಮನ್ಹಖೊನೆ ಕದ್ಯಾ.
LUK 8:37 ತೆ ಗಾಮನಾ ಮನ್ಹಖೊ ಯೆಸುನೆ"ತು ಆ ಗಾಮ ಛೊಡಿನ ಜಾ಼ "ಕೈನ ಮಾಂಗಿಲಿದ್ಯಾ. ಕಾಕದ್ಯಾಮ ತ್ಯುನೆ ಘನ್ನಾ ಭುಚ್ಕ್ಕಯಾತಾ. ತಿನಾ ಹುತಿ ಯೆಸು ಹಡ್ಗೊ ಚ಼ಡಿನ ಜಾ಼ತಾಮಾ.
LUK 8:38 ಕೆಟ್ಟ ಆತ್ಮಾ ಛೊಡಿನ ಗಯಲ ಮನ್ಹಖ ಐನ ಯೆಸುನೆ "ಮನೆಬಿ ತಾರಾ ಕ್ಹಾತೆ ನಿಂಜಾ಼" ಕೈನ ಮಾಂಗಿಲಿದ್ಯೊ.
LUK 8:39 ತಿನೆ ಯೆಸು"ತಾರಾ ಘರೆ ಫರಿನ ಜಾ಼. ಕ್ಹುದಾ ತುನೆ ಕರಲ ಉಪಕಾರ ಮನಕ್ಹೊಕನ ಕೆ ಜಾ಼ "ಕೈನ ತಿನೆ ತ್ಯಾಂತೊ ಮೊಕ್ಲಿಪಾಡ್ಯೊ. ತಿನಾ ಹುತಿ ತೆ ಮನಕ್ಹ ತ್ಯಾಂತೊ ಗೈನ ಯೆಸು ತಿನೆ ಕರಲ ಉಪಕಾರ ಪುರಾ ಗಾಮ್ಮಾ ಕದ್ಯೊ.
LUK 8:40 ಯೆಸು ಬಿಜೆಕ ದಂಡಿಯೆ ಆತಾಮಾ ಮನ್ಹಖೊ ತಿನೆ ಮರಯ್ಯಾದಿಕ್ಹು ಬಲೈಲಿದ್ಯಾ. ಹರಯಕ್ಲಾ ತೆ ಆವಾನಾ ಹುತಿ ಕೈದಾಡ್ಯಾತಾ.
LUK 8:41 ಯಾಯಿರ ಕವಾಲೊ ಯಕ್ಕ ಮನ್ಹಖ ಯೆಸುಕನ ಆಯೊ. ತೆ ಯಾಯಿರ ಸಭಾಮಂದಿರನೊ ಅದಿಕಾರಿ ವ್ಹತ್ತೊ. ಯಾಯಿರ ಯೆಸುನಾ ಪಗೊಮಾ ಪಡಿನ ಮಾರಾ ಘರೆ ಆ ಕೈನ ಮಾಂಗಿಲಿದ್ಯೊ.
LUK 8:42 ಕಾಕದ್ಯಾಮ ತಿನೆ ಯಕ್ಕಲಿಜ಼ ದಿಕ್ರಿ ವ್ಹತ್ತಿ. ತೆ ಬಾರಾ ವರಕ್ಹನಿ ವ್ಹತ್ತಿ. ತೆ ಮರಾನಿ ಹಾಲತಮಾ ವ್ಹತ್ತಿ. ಯೆಸು ಯಾಯಿರನಾ ಘರೆ ಜಾ಼ತಾಮಾ ಮನ್ಹಖೊ ತಿನಾ ಸುತ್ತೆಬಿ ಆಯಾ.
LUK 8:43 ತೆ ಮನಕ್ಹೊನಾ ಗುಂಪಮಾ ಬಾರಾ ವರಕ್ಹತಿಬಿ ಅಂಗಮಾನು ರಗತ ಜಾ಼ವಾಲಿ ತ್ಯಾ ಯಕ್ಕ ಹೆಣ ಮನ್ಹಖ ವ್ಹತ್ತಿ. ತಿಕನ ರ‍್ಹಯಲ ಕ್ಹಾರಾ ದೊಕಡಾ ಡಾಕ್ಕಟರನೆ ಘಾಲಿತಿ. ತೆ ತೆಕ್ಲಾ ದೊಕಡಾ ಘಾಲಿತೊಬಿ ಕಯೊಜ಼ ಡಾಕ್ಕಟರನೆ ತಿನೆ ಅರಾಮ ಕರಾನೆ ಥಯುನೈ.
LUK 8:44 ತೆಳಾಮಾ ತೆ ಹೆಣ ಮನ್ಹಖ ಯೆಸುನಾ ಪಾಚಿ಼ ಐನ ಯೆಸುನು ಅಂಗ್ಡು ಮುಟ್ಟಿ. ತೆ ಹೆಣ ಮನ್ಹಖ ಯೆಸುನು ಅಂಗ್ಡು ಧರಲ ಬರೊಬ್ಬರ ತಿನೆ ಅರಾಮ ಥಯು.
LUK 8:45 ತೆಳಾಮಾ ಯೆಸು "ಮನೆ ಧರಲವಾಲು ಕುನ್ನ ವ್ಹೈ? ಕೈನ ಪುಚ್ಯೊ. ಕ್ಹಾರಾ ಮನ್ಹಖೊ ಹಮೆ ನತ್ತಿ ಧರ‍್ಯಾ ಕದ್ಯಾ. ತೆಳಾಮಾ ಪೆತ್ರಾ"ಗುರು,ಅಕ್ಲಾ ಮನ್ಹಖೊ ತುಪರ ಪಡಿನ ಢಕ್ಕಲಾಡಾಸ್ತೊ "ಕದ್ಯೊ.
LUK 8:46 ತೆನೈಸೊ ಯೆಸು ತಿನೆ ಕುನ್ನ ಯಕ್ಕ ಮನೆ ಧರಯು! ಮಾರಾಮಾತಿ ತಾಕತ ಚಾ಼ಲಿಸ ಕವಾನು ಮನೆ ಗ್ವತ್ತ ಥಯು ಕೈನ ಕದ್ಯೊ.
LUK 8:47 ಹಮ್ನಾ ಮಿ ದಡಿ ರ‍್ಹವಾನು ಚೊ಼ಕು ನ್ಹವೈ ಕೈನ ತಿಳ್ದಿನ ತೆ ಹೆಣ ಮನಕ್ಹ ಯೆಸುನಾ ಕ್ಹಾಮಿ ಐನ ತಿನಾ ಪಗೊಮಾ ಪಡಿನ ತೆ ಯೆಸುನೆ ಶಾನಾ ಹುತಿ ಮುಟ್ಟಿಕವಾನು ವರಿ ಯೆಸುನೆ ಮುಟ್ಟಲ ಬರೊಬ್ಬರ ತಿನೆ ಅರಾಮ ಥಯು ಕೈನ ಕ್ಹಾರಾವೊನಾ ಕ್ಹಾಮಿ ಕದಿ.
LUK 8:48 ತೆಳಾಮಾ ಯೆಸು ತಿನೆ"ದಿಕ್ರಿ, ತಾರೊ ಬರೊಕ್ಹೊ ತುನೆ ಅರಾಮ ಕರ‍್ಯೊಸ. ತು ಸಮಾದಾನ ಕ್ಹು ಜಾ಼" ಕೈನ ಕದ್ಯೊ.
LUK 8:49 ಯೆಸು ಹಜು಼ನ ಬೊಲ್ತೊ ರ‍್ಹತಾಮಾ ಸಬಾಮಂದಿರನೊ ಅದಿಕಾರಿಯೊಮಾನೊ ಯಾಯಿರ ಕವಾಲಾನಾ ಘರ್ತೊ ಐನ "ತಾರಿ ದಿಕ್ರಿ ಮರಿಗೈಸ ತು ಹಮ್ನಾ ಗುರುನೆ ಕಾ ತ್ರಾಸ ಕರಾಡ್ಯೊಸ "ಕೈನ ಕದ್ಯೊ.
LUK 8:50 ಯೆಸು ತೆ ಐಕಿನ ಯಾಯಿರನೆ"ಭುಚ್ಕು ನಕೊ. ಧೈರ್ಯಕ್ಹು ರ‍್ಹೆ ಬರೊಕ್ಹೊ ರ‍್ಹವಾದೆ ತಾರಿ ದಿಕ್ರಿನೆ ಅರಾಮ ಥಾವಸ "ಕೈನ ಕದ್ಯೊ.
LUK 8:51 ಯೆಸು ಯಾಯಿರನಾ ಘರೆ ಗಯೊ. ಪೆತ್ರಾನೆ, ಯೊಹಾನನೆ, ಯಾಕೊಬನೆ ವರಿ ಚೊ಼ಕ್ಕರಿನಾ ಮಾ ಬಾಪನೆ ತಿನಾ ಕ್ಹಾತೆ ಆವಾನೆ ಕದ್ಯೊ. ವರಿ ಬಿಜು಼ ಕುನ್ನಜ಼ ಔ ನೈ ಕದ್ಯೊ.
LUK 8:52 ಮರಿಗಯಲ ತೆ ಚೊ಼ಕ್ಕರಿನಾ ಹುತಿ ಕ್ಹಾರಾ ಜ಼ನಾ ರವಾಡ್ಯಾತಾ. ತೆನೈಸೊ ಯೆಸು ತ್ಯುನೊನೆ "ರವೊ ನಕೊ, ತೆ ಮರಿ ನತ್ತಿ; ಕ್ಹುರೈಸ "ಕದ್ಯೊ.
LUK 8:53 ತಿಮ್ಮ ಕತಾಮಾ ಮನಕ್ಹೊ ಯೆಸುನೆ ಕದ್ರಾಯಾ. ಕಾಕದ್ಯಾಮ ತೆ ಚೊ಼ಕ್ಕರಿ ಮರಿಗೈಸ ಕೈನ ತ್ಯುನೊನೆ ಗ್ವತ್ತ ವ್ಹತ್ತು.
LUK 8:54 ಯೆಸು ಮರಿಗಯಲ ಛೊಕ್ರಿನೊ ಹತ ಧರಿನ "ದಿಕ್ರಿ ಉಟ್ಟ"ಕದ್ಯೊ.
LUK 8:55 ತೆಳಾಮಾಜ಼ ತಿನೆ ಜ಼ಲಮ ಆಯೊ. ತೆ ಛೊಕ್ರಿ ಉಟಿನ ಹುಬ್ರೈ. ಯೆಸು ತಿನಾ ಮಾ ಬಾಪನೆ"ತೆ ಛೊಕ್ರಿನೆ ಕ್ಹಾವಾನೆ ಸುಬಿ ದಿವೊ "ಕೈನ ಕದ್ಯೊ.
LUK 8:56 ಛೊಕ್ರಿನಾ ಮಾ ಬಾಪ ಘಾಬ್ರಾ ಥಯಾ. ಎ ಥಯಲ ವಾತ ಕಿನೆಜ಼಼ ಕವೊ ನಕೊ ಕೈನ ಯೆಸು ತ್ಯುನೊನೆ ಅಪ್ಪಣೆ ದಿದ್ಯೊ.
LUK 9:1 ಯೆಸು ಬಾರಾ ಅಪೊಸ್ತಲೊನೆ ಬಲೈನ, ತ್ಯುನೊನೆ ರೊಗೊನೆ ಅರಾಮ ಕರಾನಿ ತಾಕತ ದಿನ್ನ ಕೆಟ್ಟ ಆತ್ಮಾವೊಪರ ಅದಿಕಾರ ದಿದ್ಯೊ.
LUK 9:2 ಕ್ಹುದಾನಿ ರಾಜ್ಯನಾ ಹುತಿ ಕವಾ ಹುತಿ ವರಿ ರೊಗೊಮಾ ರ‍್ಹಯಲ ವಾಲಾವೊನೆ ಅರಾಮ ಕರಾ ಹುತಿ ಯೆಸು ಅಪೊಸ್ತಲೊನೆ ಮೊಕಲ್ಯೊ.
LUK 9:3 ತೆಳಾಮಾ ಯೆಸು ಅಪೊಸ್ತಲೊನೆ ಸು ಕದ್ಯೊ ಕದ್ಯಾಮ, ತುಮೆ ಗಾಮೊಯೆ ಜಾ಼ತಾಮಾ ಲಾಕ್ಡಿ ನಕೊ ಕೈಚಿಲಾ ನಕೊ ದೊಕಡಾ ನಕೊ ಭುತ್ತಿ ನಕೊ. ಬೆ ಅಂಗ್ಡಾ ನಕೊ ನಿಂಜಾ಼ವೊ.
LUK 9:4 ತುಮೆ ಕಯಾಬಿ ಯಕ್ಕ ಘರಮಾ ರ‍್ಹತಾಮಾ ತೆ ಗಾಮ ಛೊಡಿನ ಜಾ಼ಯೆಲಕ್ಕಾ ತ್ಯಾಜ಼ ರ‍್ಹವೊ.
LUK 9:5 ವರಿ ಕಯಾಬಿ ಗಾಮ ವಾಲಾ ತುಮೊನೆ ಮಳೈ ನೈ ಲಿದ್ಯಾಮ ತುಮೆ ತೆ ಗಾಮ ಛೊಡಿನ ಜಾ಼ತಾಮಾ ತಮಾರಾ ಪಗನೆ ಲಾಗಲ ಧುಳ್ಳ ಝಾಡ್ಸಿ ಲಿವೊ ತೆ ತ್ಯುನೊನೆ ಸಾಕ್ಷಿ ಥೈನ ರ‍್ಹವಾದೆ ಕದ್ಯೊ.
LUK 9:6 ತೆಳಾಮಾ ತೆ ಬಾರಾ ಜ಼ನಾ ಅಪೊಸ್ತಲೊ ಗಾಮೊಪರ ಗೈನ ತ್ಯಾ-ತ್ಯಾ ಸುವಾರ್ತೆ ಕೈನ ರೊಗಿಯೊನೆ ಅರಾಮ ಕರತಾ ಗಯಾ.
LUK 9:7 ಯೆಸುನಾ ಹುತಿ ವರಿ ಅಪೊಸ್ತಲೊ ಕರಲ ಅದ್ಭುತ ಕಾಮೊಕ್ಹು ರಾಜ್ಯಪಾಲ ಥಯಲ ಹೆರೊದ ಘನ್ನೊ ಗಲಿಬಿಲಿ ಥಯೊ ಕಾಕದ್ಯಾಮ ಬಾಪ್ತಿಸ್ಮ ದಿಲಾವಾಲೊ ಯೊಹಾನಜ಼ ಮರಲವಾಲಾವೊಮಾತೊ ಉಟ್ಯೊಸು? ಕೈನ ದಕ್ಹಾ ಜ಼ನಾ ಕವಾಡಾತಾ.
LUK 9:8 ಹಜು಼ನ ದಕ್ಹಾ ಜ಼ನಾ "ಪ್ರವಾದಿ ಥಯಲ ಎಲಿಯಾ ಅಪೊಕನ ಆಯೊಸ ಕವಾಡಾತಾ. ಹಜು಼ನ ದಕ್ಹಾಜ಼಼ನಾ ಪೈಲಾ ರ‍್ಹಯಲ ಪ್ರವಾದಿಮಾನೊ ಯಕ್ಲೊ ಜಿವ್ತೊ ಥೈನ ಉಟ್ಯೊಸ" ಕವಾಡಾತಾ.
LUK 9:9 ತೆಳಾಮಾ ಅದಿಕಾರಿ ಹೆರೊದ "ಮಿ ಯೊಹಾನನಿ ಗರದನ ಕತ್ರಯೊಸ ವರಿ ಎ ಕ್ಹಾರು ಅದ್ಬುತ ಕರಾಲೊ ಎ ಮನಕ್ಹ ಕುನ್ನ ವ್ಹೈ? ವಿಚಾರ ಕರತೊ ಯೆಸುನೆ ದೆಕಾನೆ ಕೊಶಿಶ ಕರ‍್ಯೊ.
LUK 9:10 ಅಪೊಸ್ತಲೊ ಸುವಾರ್ತೆ ಕೈನ ಮುಗ್ಸಿನ ಐನ ತ್ಯುನೆ ಕರಲ ಕ್ಹಾರಾ ಕಾಮೊ ಯೆಸುಕನ ಕದ್ಯಾ. ತೆಳಾಮಾ ಯೆಸು ತ್ಯುನೊನೆ ಬೆತ್ಸಾಯ ಕವಾನಾ ಗಾಮ್ನಾ ನಜಿ಼ಕ ಬಲೈ ನಿಂಗೈಯೊ.
LUK 9:11 ವರಿ ಯೆಸು ತ್ಯಾ ಗಯಲ ಮನಕ್ಹೊನೆ ಗೊತ್ತ ಥಯು ತೆ ಮನಕ್ಹೊ ಯೆಸುನಾ ಪಾಚಾ಼-ಪಾಚಾ಼ ಗಯಾ. ಯೆಸು ತ್ಯುನೊನೆ ಬಲೈನ ಕ್ಹುದಾನಿ ರಾಜ್ಯನಾ ಹುತಿ ತ್ಯುನೊನೆ ಕದ್ಯೊ. ರೊಗ್ಮಾ ರ‍್ಹಯಲವಾಲಾವೊನಾ ಅರಾಮ ಕರ‍್ಯೊ.
LUK 9:12 ತೆ ದಿನ್ನಾ ಕ್ಹಾಂಜೆ಼ ಬಾರಾ ಶಿಷ್ಯಾ ಯೆಸುಕನ ಐನ, ಎ ಜ಼ಗಾಪರ ಕುನ್ನಜ಼ ರ‍್ಹತು ನೈ ತಿನಾ ಹುತಿ ಮನಕ್ಹೊನಾ ಗುಂಪ್ನೆ ಮೊಕ್ಲಿಪಾಡ ತ್ಯುನೆ ಸುತ್ತೆ ಮುತ್ತೆ ರ‍್ಹಯಲ ಗಾಮೊಯೆ ಗೈನ ತ್ಯುನೊನೆ ಖಾವಾನ ಅನ್ನನಾ ಹುತಿ ವೆವಸ್ತಾ ಕರಲಿವಾದೆ ವರಿ ರ‍್ಹವಾನೆ ಜ಼ಗಾ ಕರಲಿವಾದೆ
LUK 9:13 ವರಿ ಯೆಸು ಶಿಷ್ಯಾವೊನೆ "ತುಮೆಜ಼ ತ್ಯುನೊನೆ ಖಾವಾನೆ ಅನ್ನ ದಿವೊತೊ "ಕದ್ಯೊ, ತೆ ವಾತೆ ಶಿಷ್ಯಾ "ಹಮೊಕನ ಖಾಲಿ ಪಾಂಚ಼ ರೊಕ್ಲಾ ವರಿ ಬೆ ಮಚ್ಲಿ಼ಯೊ ಛೆ ಹಮೆ ಗೈನ ಆ ಮನಕ್ಹೊನೆ ಖಾವಾನೆ ಅನ್ನ ಇಕ್ಕಾತು ಲಾಯ್ಯೆಸು? ಕದ್ಯಾ.
LUK 9:14 ತ್ಯಾ ಕಮ್ಸಿ ಕಮ ಪಾಂಚ಼ ಹಜಾ಼ರ ದಾಣ್ಗಾ ವ್ಹತ್ತಾ, ಯೆಸು ತಿನಾ ಶಿಷ್ಯಾವೊನೆ "ಇವನೊನೆ ಐವತ್ತ-ಐವತ್ತ ಜ಼ನಾವೊನೆ ಸಾಲೆ ಬೈಟಾಡೊ "ಕದ್ಯೊ,
LUK 9:15 ತೆಳಾಮಾ ತೆ ಕದಲತಿಮ್ಮ ತ್ಯುನೆ ಕರ‍್ಯಾ ತೆ ಕ್ಹಾರಾ ಮನಕ್ಹೊ ಬೈಟ್ಯಾ.
LUK 9:16 ತೆಳಾಮಾ ಯೆಸು ತೆ ಪಾಂಚ಼ ರೊಕ್ಲಾ ವರಿ ಬೆ ಮಚ್ಲಿ಼ಯೊ ಹತ್ಮಾ ಲಿನ ಸ್ವರಗನೆ ದೆಕಿನ ತೆ ಅನ್ನನಾ ಹುತಿ ಕ್ಹುದಾನೆ ಸ್ತೊತ್ರಾ ಕೈನ ಪಾಚಲ್ತೊ ಯೆಸು ತೆ ರೊಕ್ಲಾ ಭಾಗಿನ ಶಿಷ್ಯಾವೊನೆ ಮನಕ್ಹೊನೆ ವಾಟೊ ಕೈ ದಿದ್ಯೊ.
LUK 9:17 ಹರ ಯಕ್ಲೊ ಪೆಟ ಭರಿನ ಖೈನ ತೃಪ್ತ ಥಯಾ ಉಗ್ರಲ ತುಕ್ಡಾ ಮಳಾತಾಮಾ ಬಾರಾ ಟೊಪ್ಲಿಯೊ ಭರಿಯೊ.
LUK 9:18 ಯಕ್ಕದಿನ ಯೆಸು ಯಕ್ಕಲೊಜ಼ ಪ್ರಾಥನಾ ಕರತಾಮಾ, ತಿನಾ ಶಿಷ್ಯಾಮಳಿನ ತಿಕನ ಆಯಾ, ಯೆಸು ತ್ಯುನೊನೆ ಮನಕ್ಹೊ ಮನೆ ಕುನ್ನ ವ್ಹೈ ಕವಸ? ಕೈನ ಪುಚ್ಯೊ಼.
LUK 9:19 ತೆ ವಾತೆ ಶಿಷ್ಯಾ ದಕ್ಹಾ ಮನಕ್ಹೊ ತುನೆ ಬಾಪ್ತಿಸ್ಮ ದಿಲಾವಾಲೊ ಯೊಹಾನ ವ್ಹೈ ಕವಸ. ಹಜು಼ನ ದಕ್ಹಾ ಜ಼ನಾ ಎಲಿಯಾ ವ್ಹೈ ಕವಸ, ವರಿ ದಕ್ಹಾ ಜ಼ನಾ ಪಾಚೊ಼ ರ‍್ಹಯಲ ಪ್ರವಾದಿಯೊಮಾನೊ ಯಕ್ಲೊ ಜುತೊ ಥೈನ ಉಟಿನ ಆಯೊಸ ಕವಸ.
LUK 9:20 ತೆಳಾಮಾ ಯೆಸು ಶಿಷ್ಯಾವೊನೆ"ಮನೆ ತುಮೆ ಕುನ್ನ ವ್ಹೈ ಕವೊಸಿ" ಕೈನ ಪುಚ್ಯೊ ಪೆತ್ರಾ ಯೆಸುನೆ "ತು ಕ್ಹುದಾನೊ ಮಸ್ಸಿಹಾ ವ್ಹೈ" ಕದ್ಯೊ.
LUK 9:21 ಎ ವಾತ ಕಿನೆಜ಼಼ ಕವೊ ನಕೊ ಕೈನ ಯೆಸು ಶಿಷ್ಯಾವೊನೆ ಅಪ್ಪಣೆ ಕರ‍್ಯೊ.
LUK 9:22 ಪಾಚಲ್ತೊ ಯೆಸು ಮನಕ್ಹನೊ ದಿಕ್ರೊ ಘನ್ನೊ ತ್ರಾಸ ತಡ್ದಿಲಿನ ಯಹುದ್ಯನಾ ನಾಯಕೊನಾ ಹತೆ ಖಾಸ ಯಾಜಕೊನಾ ಹತೆ ಶಾಸ್ತ್ರಿಯೊನಾ ಹತೆ ಇನ್ಕಾರ ಥೈನ ಮರವಾನೆ ಶಿಕ್ಷಾ ದಿಲಾವಸ ವರಿ ತೆ ಮರಿನ ತನ ದಿನ್ಪರ‍ ಜುತೊ ಥೈನ ಉಟಿನ ಆವಸ "ಕದ್ಯೊ,
LUK 9:23 ಯೆಸು ತಿನಿಯೊ ವಾತೊ ಕತೊ ತೆ ಕ್ಹಾರಾವೊನೆ ಸು ಕದ್ಯೊ ಕದ್ಯಾಮ ಮಾರಾ ಪಾಚೊ಼ ಔಸ ಕವಾಲೊ ತೆ ತಿನೊ ಕ್ಹಾರು ಇಕ್ಹರಿನ ದಿನ್ನೆಬಿ ತಿನಿ ಶಿಲುಬಿ ಉಚೈಲಿನ ಮಾರಾ ಪಾಚೊ಼ ಆವಾದೆ "ಕದ್ಯೊ,
LUK 9:24 ಕುನ್ನ ತಿನೊ ಜ಼ಲಮ ವಚಾ಼ಡಿಲಿವುಸ್ ಕವಾಲೊ ತಿನೊ ಜ಼ಲಮ ಜ಼಼ವೈಲಿವಸ, ಮಾರಾಹುತಿ ತಿನೊ ಜ಼ಲಮ ಜ಼ವೈಲಿವಾಲೊ ತಿನೊ ಜ಼ಲಮ ವಚಾ಼ಡಿಲಿವಸ.
LUK 9:25 ಯಕ್ಲೊ ಜಗತಮಾನು ಕ್ಹಾರು ಗಳ್ಸಿನ ಮಕ್ಕಯೊಮ ತಿನೆ ತೆ ತಿನೊ ಜ಼ಲಮ ಜ಼ವೈಲಿದ್ಯೊಮ ತಿನಾ ಹುತಿ ತಿಕ್ಹು ಸು ತಿನೆ ಫೈದೊ ಛೆ?
LUK 9:26 ಕಯೊಬಿ ಮಕ್ಹು ವರಿ ಮಾರಿಯೊ ವಾತೊಕ್ಹು ಸರಮಾವಸ ಮಿ ಮಹಿಮಾನಾ ಕ್ಹಾತೆ ಬಾ ನಿ ಮಹಿಮಾನಾ ಕ್ಹಾತೆ ವರಿ ಸ್ವರಗನಾ ಪರಿಶುದ್ಧ ದುತೊನಾ ಮಹಿಮಾನಾ ಕ್ಹಾತೆ ಆತಾಮಾ ತಿನೆ ದೆಕಿನ ಮಿ ಸರಮಾವುಸ.
LUK 9:27 ಮಿ ಕ್ಹರಿಮಾಜ಼ ಕೌಸ ನ್ಹ್ಯಾ ರ‍್ಹಯಲ ವಾಲಾವೊಮಾನಾ ದಕ್ಹಾಜ಼಼ನಾ ಕ್ಹುದಾನಿ ರಾಜ್ಯ ದೆಕೆ ಲಕ್ಕಾ ಮರತಾಜ಼ ನೈ ಕದ್ಯೊ.
LUK 9:28 ಎಕ್ಹಾರು ಕೈನ ಆಟದಿನ ಥಯಲ್ಪರ ಯೆಸು ಪೆತ್ರಾ ಯಾಕೊಬ ವರಿ ಯೊಹಾನನೆ ಬಲೈ ನಿಂಗೈನ ಪ್ರಾಥನಾ ಕರಾ ಹುತಿ ಡೊಂಗರಪರ ಗಯೊ.
LUK 9:29 ಯೆಸು ಪ್ರಾಥನಾ ಕರತಾಮಾ ತಿನು ಮ್ಹೊಡು ಬದ್ಲಿ ಥಯು ಮಿಂಚಾ಼ಡ್ಯುತು, ತಿನಾ ವಣ್ಣಾ ಘನ್ನಾ ಮಿಂಚಾ಼ಡ್ಯಾತಾ,
LUK 9:30 ತೆಳಾಮಾಜ಼ ಬೆ ಜ಼ನಾ ಯೆಸುನಾ ಕ್ಹಾತೆ ಬೊಲಾಡ್ಯಾತಾ ತ್ಯುನೆ ಕುನ್ನ ವ್ಹೈ ಕದ್ಯಾಮ ಮೊಶೆ ವರಿ ಎಲಿಯಾ,
LUK 9:31 ಎ ಭಂಬಿಜ಼಼ನಾವೊನು ರುಪಬಿ ಘನ್ನು ಮಿಂಚಾ಼ಡ್ಯುತು ಕ್ಹುದಾನಿ ಚಿತ್ತ ಥಾವಾನಾ ಹುತಿ ವರಿ ಯೆರುಸೆಲಿಮಾ ಥಾವಾನು ಯೆಸು ಮರವಾನಾ ಹುತಿ ಬೊಲಾಡ್ಯಾತಾ,
LUK 9:32 ಘನ್ನಿ ನಿಂದರಮಾ ರ‍್ಹಯಲ ಪೆತ್ರಾ ವರಿ ಯಾಕೊಬ, ಯೊಹಾನ ಹುಶಾರ ಥೈನ ಉಟ್ತಾಮಾ ಯೆಸುನಿ ಮಹಿಮಾ ವರಿ ತಿನಾ ಕ್ಹಾತೆ ಬೆ ಜ಼ನಾ ಬೊಲಾನು ದೆಕ್ಯಾ,
LUK 9:33 ತೆ ಬೆ ಜ಼ನಾ ಯೆಸುನೆ ಚೊ಼ಡಿನ ಜಾ಼ತಾಮಾ ಪೆತ್ರಾ ಯೆಸುನೆ ಗುರು ಅಪೆ ನ್ಹ್ಯಾಜ಼ ರ‍್ಹವಾನು ಚೊ಼ಕು ವ್ಹೈ ನ್ಹ್ಯಾಜ಼ ಅಪೆ ತನ ಝುಪ್ಡಾ ಭಾಂದಿಯೆ ತುನೆ ಯಕ್ಕ ಮೊಶೆನೆ ಯಕ್ಕ ಎಲಿಯಾನೆ ಯಕ್ಕ ತುನೆ ಕದ್ಯೊ. ಪೆತ್ರಾ ಸು ಕವಾಡ್ಯೊಸ ತಿನೆಜ಼ ಗೊತ್ತ ನ್ಹೊತು.
LUK 9:34 ಪೆತ್ರಾ ಎಕ್ಹಾರು ಕತಾಮಾ ಮ್ಹಾಡ ಐನ ಛವ್ಲಿ ಲಿಂಗತ ತ್ಯುನಾ ಸುತ್ತೆ ಫೈಲಿ ಗಯು ತೆಳಾಮಾ ಶಿಷ್ಯಾ ಘನ್ನಾ ಭುಚ್ಕಾ಼ ವರಕ್ಹಾ ಥಯಾ,
LUK 9:35 ತೆಳಾಮಾಜ಼ ತೆ ಮ್ಹಾಡ ಮಾತು ಅವಾಜ಼ ಐಯು "ಎ ಮಾರೊ ಮಯಾನೊ ಥಯಲ ದಿಕ್ರೊ ವ್ಹೈ ಮಿ ಇನೆ ಇನಿಲಿದ್ಯೊಸ ಇನೆ ತುಮೆ ತಿನೆ ವಿದೆಯ (ವಿಧೆಯೆ ಕದ್ಯಾಮ ತಿನು ಕ್ಹಾರುಜ಼ ಐಕಿನ ಚಾ಼ಲಾನು) ಥಾವೊ "ಕವಾನು.
LUK 9:36 ಎ ವಾತ ಥಯಲಪರ ತ್ಯುನೆ ಯೆಸುನೆ ಛೊಡಿನ ಬಿಜು಼ ಸುಜ಼ ದಿಕ್ಹ್ಯು ನೈ ಶಿಷ್ಯಾ ದೆಕಲ ಕ್ಹಾರು ಯಕ್ಕಬಿ ತೆ ದಿನೊಮಾ ಕಿನೆಜ಼಼ ಕದ್ಯಾ ವಾಚಿ ಗಪ್ಪಜ಼ ವ್ಹತ್ತಾ.
LUK 9:37 ಮರ್ನಾ ದಿನ್ನೆ ಯೆಸು, ತಿನಾ ತನ್ನೆ ಶಿಷ್ಯಾ ಡೊಂಗರಪರತಾ ಉತ್ರಿನ ಆಯಾ. ಮನಕ್ಹೊನು ಮ್ಹೊಟು ಗುಂಪ ಯೆಸುನಾ ಕ್ಹಾಮೊ ಆಯು.
LUK 9:38 ಗುಂಪ್ಮಾ ರ‍್ಹಯಲ ಯಕ್ಲೊ ಮನಕ್ಹ ವದ್ರಿನ "ಗುರು "ಮರಗಿನ ಮಾರಾ ದಿಕ್ರಾನೆ ದೆಕ ಮನೆ ತೆಜ಼ ಯಕ್ಲೊ ದಿಕ್ರೊ ಛೆ
LUK 9:39 ಯಕ್ಕ ಕೆಟ್ಟ ಆತ್ಮಾ ಮಾರಾ ದಿಕ್ರಾಪರ ಆವಸ ತೆಳಾಮಾ ತೆ ವದ್ರಾಡ್ಯಾಸ ಮ್ಹೊಡಾ ಮಾತು ಬುರುಕ ಚು಼ವಾವಸ, ಕೆಟ್ಟ ಆತ್ಮಾ ತಿನೆ ಘನ್ನೊ ತ್ರಾಸ ದಿವಸ ವರಿ ಪಾಡಿ ಪಾಡಸ.
LUK 9:40 ಮಾರಾ ದಿಕ್ರಾಮಾತು ತೆ ಕೆಟ್ಟ ಆತ್ಮಾ ಛೊಡಾಕೈನ ತಾರಾ ಶಿಷ್ಯಾವೊಕನ ಮಾಂಗಲಿದ್ಯೊ ತೆನೈಸೊ ತಿವ್ನಾ ಹತೆ ಥಯು ನೈ ಕೈನ ಯೆಸುಕನ ಕದ್ಯೊ.
LUK 9:41 ತೆಳಾಮಾ ಯೆಸು ತ್ಯುನಾ ಶಿಷ್ಯಾವೊಕನ ದೆಕಿನ ಬರೊಕ್ಹೊ ನೈಸೊ ವಾಲಾವೊನೆ ಹಜು಼ನ ಕೆಕ್ಕಲಾ ದಿನ್ನ ತುಮಾರಾ ಕ್ಹಾತೆ ಮಿ ತಡ್ದಿಲಿನ ರ‍್ಹೌ? ಕದ್ಯೊ ತೆ ಮನಕ್ಹನೆ ತಾರಾ ದಿಕ್ರಾನೆ ನ್ಹ್ಯಾ ಬಲೈಲಿನಾ ಆ ಕದ್ಯೊ.
LUK 9:42 ತೆ ಪಟ್ಟೊ ಆತಾಮಾ ತೆ ಕೆಟ್ಟ ಆತ್ಮಾ ತಿನೆ ಜಿಮಿನ್ಪರ ಪಾಡಿನ ಪಟ್ಟಾನೆ ವದ್ಯಾಡ್ಸಿನ ತೆಳಾಮಾ ಯೆಸು ತೆ ಕೆಟ್ಟ ಆತ್ಮಾ ನೆ ಭುಚ್ಕಾ಼ಡಿನ ತೆ ಪಟ್ಟಾನೆ ಅರಾಮ ಕರ‍್ಯೊ, ಪಾಚಲ್ತೊ ತೆ ಪಟ್ಟಾನೆ ತಿನಾ ಬಾನಾ ಹತ್ಮಾ ವಪ್ಸಿನ ದಿದ್ಯೊ.
LUK 9:43 ತ್ಯಾ ರ‍್ಹಯಲ ಮನಕ್ಹೊ ಕ್ಹಾರಾ ಕ್ಹುದಾನಿ ಮ್ಹೊಟಿ ತಾಕತನೆ ದೆಕಿನ ಘಾಬ್ರಾಥಯಾ. ಯೆಸು ಕರಲ ಕ್ಹಾರಾ ಕಾಮೊ ದೆಕಿನ ಮನಕ್ಹೊ ವರಿ ದಕ್ಹಾ ಘಾಬ್ರಾ ಥಯಾ. ಯೆಸು ತಿನಾ ಶಿಷ್ಯಾವೊನೆ
LUK 9:44 "ಮನಕ್ಹನಾ ದಿಕ್ರಾನೆ ದಕ್ಹಾ ಜ಼ನಾವೊನಾ ಅದಿಕಾರಮಾ ವಪ್ಸಸ್ ಎ ತುಮೆ ಇಕ್ಹರು ನೈ ಕದ್ಯೊ.
LUK 9:45 ತೆನೈಸೊ ಶಿಷ್ಯಾವೊನೆ ತಿಳದ್ಯುನೈ ಕಾಕದ್ಯಾಮ ತೆ ವಾತೊನೊ ಮತ್ಲಬ್ ಝಕಾಯಲ ವ್ಹತ್ತು ವರಿಬಿ ಯೆಸುನಾ ಶಿಷ್ಯಾ ತಿನೆ ಪುಚ್ಚಾ಼ನೆ ಭುಚ್ಕ್ಕಯಾ.
LUK 9:46 ಯೆಸುನಾ ಶಿಷ್ಯಾ ತ್ಯುನಾಮಾ ಕುನ್ನ ಮ್ಹೊಟೊ ವ್ಹೈ ಕೈನ ಬೊಲ್ಲಿವಾಡ್ಯಾತಾ,
LUK 9:47 ತ್ಯುನಿಯೊ ಮನಸ್ಸಮಾನಿ ವಿಚಾರ ಯೆಸುನೆ ಗೊತ್ತ ಥಯುತು, ತಿನಾಹುತಿ ಯೆಸು ಯಕ್ಕ ನ್ಹಾನಾ ಬಚ್ಚಾ಼ನೆ ಬಲೈನ ತಿಕನ ಹುಬ್ರಾಡಿ ಲಿದ್ಯೊ.
LUK 9:48 ಪಾಚಲ್ತೊ ಯೆಸು ತಿನಾ ಶಿಷ್ಯಾವೊನೆ "ಯಕ್ಲೊ ಮಾರಾ ನಾಮಪರ ಯಕ್ಕ ನ್ಹಾನಾ ಬಚ್ಚಾ಼ನೆ ಮಳೈ ಲಿದ್ಯೊಮ ತೆ ಮನೆ ಮಳೈಲಿದಲ ಲಿಂಗತ ವ್ಹೈ, ವರಿ ಯಕ್ಲೊ ಮನೆ ಮಳೈ ಲಿದ್ಯೊಮ ತೆ ಮನೆ ಮೊಕ್ಲಲವಾಲಾನೆ (ಕ್ಹುದಾನೆ) ಮಳೈಲಿದಲ ಲಿಂಗತ ವ್ಹೈ ಕದ್ಯೊ. ವರಿ ತುಮೊಮಾ ಕುನ್ನ ನ್ಹಾನೊ ವ್ಹೈ ತೆಜ಼ ಮ್ಹೊಟೊ ವ್ಹೈ "ಕೈನ ಕದ್ಯೊ.
LUK 9:49 ಯೊಹಾನ ಯೆಸುನೆ ಕದ್ಯೊ"ಗುರು, ತಾರಾ ನಾಮ ಪರ ಮನಕ್ಹೊಮಾ ರ‍್ಹಯಲ ಕೆಟ್ಟ ಆತ್ಮಾ ಛೊಡಾವಾನು ಹಮೆ ಯಕ್ಲಾನೆ ದೆಕ್ಯಾ. ತಿನೆ ಹಮೆ ತಡದ್ಯಾ "ಕಾಕದ್ಯಾಮ ತೆ ಹಮೊಮಾನೊ ನ್ಹವೈ.
LUK 9:50 ತೆ ವಾತೆ ಯೆಸು"ತಿನೆ ತರಬೊ ನಕೊ, ಕಾಕದ್ಯಾಮ ತುಮೊನೆ ವಿರೊದ ನೈ ರ‍್ಹಯಲ ವಾಲೊ ತುಮಾರೊಜ಼ ವ್ಹೈ ಕದ್ಯೊ.
LUK 9:51 ಯೆಸು ವರಿ ಸ್ವರಗೆ ಜಾ಼ವಾನೊ ಟೈಮ ನಜಿಕ ಆವಾಡ್ಯೊಸ, ತಿನಾಹುತಿ ಯೆರುಸೆಲೆಮೆ ಜಾ಼ವಾನಾ ಹುತಿ ಮನಸ್ಸ ಘಟ್ಟ ಕರಲಿದ್ಯೊ.
LUK 9:52 ಯೆಸು ತಿನಾ ಸಂದೆಶ ಕವಾಲಾವೊನೆ ತಿನಾತಿ ಅಗೊ ಮೊಕಲ್ಯೊ. ಯೆಸುನಾ ಹುತಿ ಕ್ಹಾರು ತಯ್ಯಾರ ಕರಾನೆ ತ್ಯುನೆ ಸಮರಯಾ ಗಾಮೆ ಗಯಾ.
LUK 9:53 ತೆನೈಸೊ ತೆ ಯೆರೊಸೆಲಿಮೆ ಜಾ಼ವಾನು ಕಾರಣ ಸು ವ್ಹೈ ಕದ್ಯಾಮ ಸಮರಯಾನಾ ಮನಕ್ಹೊ ಯೆಸುನೆ ಮರ್ಯಾದಿ ದಿದ್ಯಾ ನೈ.
LUK 9:54 ಯೆಸುನಾ ಶಿಷ್ಯಾ ಯಾಕೊಬ ವರಿ ಯೊಹಾನ "ಎ ದೆಕಿನ ಸ್ವಾಮಿ ಹಬಾಳಮಾತಿ ಆಗ ಪಡಿನ ಇವ್ನೊನೆ ಬಾಳಿಪಾಡಾದೆ ಕೈನ ಮಾಂಗಿಲಿಯೆಸು" ಕೈನ ಪುಚ್ಯಾ.
LUK 9:55 ತೆನೈಸೊ ಯೆಸು ತ್ಯುನೊನೆ ದೆಕಿನ ಭುಚ್ಕಾ಼ಡ್ಯೊ.
LUK 9:56 ಪಾಚಾ಼ತಾ ಯೆಸು ವರಿ ತಿನಾ ಶಿಷ್ಯಾ ಬಿಜೆಕ ಗಾಮೆ ಚಾ಼ಲ್ಯಾತಾ.
LUK 9:57 ತ್ಯುನೆ ವಾಟ್ಮಾ ಜಾ಼ತಾಮಾ ಯಕ್ಲೊ ಯೆಸುನೆ "ತು ಕಿಜಾ಼ ಗಯೊತಬಿ ಮಿ ತಾರಾ ಪಾಚೊ಼ ಔಸ "ಕದ್ಯೊ.
LUK 9:58 ಯೆಸು ತಿನೆ ದೆಕಿನ ಕದ್ಯೊ "ನರಿಯೊನೆ ಘರೊ ಛೆ, ಪಕ್ಕಷಿಯೊನೆ ಗುಡ ಛೆ. ತೆನೈಸೊ ಮನಕ್ಹಾನಾ ದಿಕ್ರಾನೆ ಮಾತು ಮುಕ್ಕಕಾ ಯಕ್ಕಲಿ ಜ಼ಗಾ ನತ್ತಿ "ಕದ್ಯೊ.
LUK 9:59 ಯೆಸು ಹಜು಼ನ ಯಕ್ಲಾನೆ "ಮಾರಾ ಪಾಚೊ಼ ಆ"ಕದ್ಯೊ. ವರಿ ತೆ ಸ್ವಾಮಿ ಮಿ ಪೈಲಾ ಗೈನ ಮಾರಾ ಬಾನು ತನ್ನ ದಿನ್ನು ಕಾರಾನೆ ಮೌಕೊ ದೆ ಕದ್ಯೊ.
LUK 9:60 ಯೆಸು ತಿನೆ "ಮರಲ ಮನಕ್ಹೊ ತಿವ್ನೊಮಾ ಮರಿನ ಗಯಲವಾಲಾ ತ್ಯುನೆ ತೆ ಕರಾದೆ! ತು ಗೈನ ಕ್ಹುದಾನಿ ರಾಜ್ಯನಾ ಹುತಿ ಮನಕ್ಹೊಕನ ಕೆ "ಕದ್ಯೊ.
LUK 9:61 ಬಿಜೆಕ್ಲೊ "ಸ್ವಾಮಿ, ಮಿ ತಾರಾ ಪಾಚೊ಼ ಔಸ ಪೈಲಾ ಮಾರಾ ಘರವಾಲಾವೊನೆ ಗೈನ ಮಳಿನ ಆವಾನೆ ಮೌಕೊ ದೆ "ಕದ್ಯೊ.
LUK 9:62 ಯೆಸು"ರ‍್ಹಂಟಿಪರ ಹತ ಘಾಲಿನ ಪಾಚೊ಼ ದೆಕಾಲೊ ತೆ ಕ್ಹುದಾನಿ ರಾಜ್ಯನೆ ಯೊಗೈ ನ್ಹವೈ "ಕದ್ಯೊ.
LUK 10:1 ತೆ ಥಯಲ್ಪರ ಯೆಸು ಸತ್ತರಪರ ಬೆ ಜ಼ನಾವೊನೆ ಇನಿಲಿನ ತೆ ಜೌ಼ ಕೈನ ವಿಚಾರ ಕರಲಿದಲ ಗಾಮೊಯೆ ತ್ಯುನೊನೆ ಬೆ-ಬೆ ಜ಼ನಾವೊನೆ ಪೈಲಾಜ಼ ಮೊಕ್ಲಿಪಾಡ್ಯೊ.
LUK 10:2 ಯೆಸು ತ್ಯುನೊನೆ "ಬೆಳಿ (ಮನಕ್ಹೊ) ಘನ್ನಿ ಛೆ ತೆನೈಸೊ ಕಾಮ ಕರಾಲಾ ಕಮ ಛೆ ಕ್ಹುದಾ ಬೆಳಿನೊ ಮಾಲಕ ವ್ಹೈ ವರಿ ಬೆಳಿ ಮಳಾವಾನೆ ಘನ್ನಾ ಕಾಮ ಕರಾಲಾ ಚಾ಼ಯೆ ಕೈನ ಮಾಲಕಕನ (ಕ್ಹುದಾಕನ) ಮಾಂಗಿಲಿವೊ.
LUK 10:3 ಹಮ್ನಾ ತುಮೆ ಜಾ಼ ಸಕೊಸಿ ವರಿ ಮಾರಿಯೊ ವಾತೊ ಐಕೊ ನರಿಯೊನಾ ವಚ್ಮಾ಼ ಬಕ್ರಾವೊನೆ ಮೊಕ್ಕಲಾಲಾಲಿಂಗತ ತುಮೊನೆ ಮೊಕ್ಕಲಾಡ್ಯೊಸ.
LUK 10:4 ಕೈಚಿಲಾ ರ‍್ಹೈನೆಕಾ ದೊಕ್ಡಾ ರ‍್ಹೈನೆಕಾ ಚಪ್ಲೊ ರ‍್ಹೈನೆಕಾ ನಿಂಜಾ಼ವೊನಕೊ, ವಾಟ್ಮಾ ಹುಬ್ರೈನ ಮನಕ್ಹೊನೆ ಚೊ಼ಕು ಥಾವಾದೆ ಕೈನ ಬೊಲೊನಕೊ.
LUK 10:5 ತುಮೆ ಘರಮಾ ಜಾ಼ವಾತಿ ಅಗ್ದುರಜ಼ ಆ ಘರಮಾ ಸಮಾಧಾನ ರ‍್ಹವಾದೆ ಕೈನ ತುಮೆ ಕವೊ.
LUK 10:6 ತೆ ಘರಲ್ಯಾ ಮನಕ್ಹೊ ಶಾಂತಿ ಸಮಾಧಾನವಾಲಾ ರ‍್ಹಯಾಮ ತುಮಾರೊ ಆಶಿರ್ವಾದ ತ್ಯುನೊಪರ ರ‍್ಹವಸ. ನೈತೊ ತೆ ಆಶಿರ್ವಾದ ತುಮೊನೆ ಫರಿನ ಆವಸ.
LUK 10:7 ತೆ ಘರಮಾ ರ‍್ಹೈನ ತ್ಯುನೆ ದಿವಾನು ಅನ್ನ ತುಮೆ ಖಾವೊ ವರಿ ತ್ಯುನೆ ದಿವಾನು ತುಮೆ ಪಿವೊ, ಕಾಮಕರಾಲೊ ಪಗಾರನೆ ಲಾಯಕ ವ್ಹೈ ತಿನಾಹುತಿ ತೆ ಘರ ಛೊಡಿನ ಬಿಜೆಕ ಘರಮಾ ಜಾ಼ವೊನಕೊ.
LUK 10:8 ತುಮೆ ಯಕ್ಕ ಗಾಮೆ ಜಾ಼ತಾಮಾ ತೆ ಗಾಮ್ನಾ ಮನಕ್ಹೊ ತುಮೊನೆ ಮಳೈ ಲಿದ್ಯಾಮ,ತ್ಯುನೆ ದಿವಾನು ಅನ್ನ ಖಾವೊ
LUK 10:9 ತ್ಯಾ ರ‍್ಹಯಲ ರೊಗಿಯೊನೆ ಅರಾಮ ಕರೊ, ತ್ಯಾನಾ ಮನಕ್ಹೊನೆ"ಕ್ಹುದಾನಿ ರಾಜ್ಯ ನಜಿಕ ಐಸ "ಕವೊ.
LUK 10:10 ತೆನೈಸೊ ತುಮೆ ಯಕ್ಕ ಗಾಮೆ ಜಾ಼ತಾಮಾ ತ್ಯಾನಾ ಮನಕ್ಹೊ ತುಮೊನೆ ನೈ ಮಳೈ ಲಿದ್ಯಾಮ ತುಮೆ ತೆ ಗಾಮ್ನಿಯೊ ಒಣಿಯೊಮಾ ಗೈನ,
LUK 10:11 ಅಪ್ನಾ ಪಗೊನೆ ಲಾಗಲ ಧುಳ್ಳ ತೆ ಗಾಮ್ನಾ ವಿರುದ್ದ ಝಾಡ್ಸಿಲಿಪಾಡಿಯೆಸ ಕ್ಹುದಾನಿ ರಾಜ್ಯ ನಜಿಕ ಆವಾಡಿಸ ಕವಾನು ತುಮೊನೆ ಕಳಾದೆ ಕವೊ.
LUK 10:12 ಮಿ ತುಮೊನೆ ಕ್ಹರಿಜ಼ ಕೌಸ. ಕ್ಹುದಾನಿ ನ್ಯಾಯ ಫೈಸಲಾನಾ ದಿನಮಾ ತೆ ಮನಕ್ಹೊನಿ ಗತಿ ಸೊದೊಮ ಗಾಮ್ನಾ ಮನಕ್ಹೊನಿ ಗತಿತಿಬಿ ಕಠಿಣ ಥಾವಸ ಕದ್ಯೊ,
LUK 10:13 "ಕೊರಾಜಿನ ಬೆತ್ಸಾಯಿವಾಲಾ, ತಮಾರಿ ಗತಿ ಮಿ ಸು ಕೌ! ತುಮೊಮಾ ಮಿ ಘನ್ನಾ ಸುಚಕ ಕಾಮೊ ಕರ‍್ಯೊ ತೆಜ಼ ಸುಚಕ ಕಾಮೊ ತೊರ ವರಿ ಸಿದೊನ ಗಾಮೊಮಾ ಥಾವತ್ತೊ. ತ್ಯಾನಾ ಮನಕ್ಹೊ ಪೈಲಾಜ಼ ತ್ಯುನಾ ಪಾಪೊ ಛೊಡಿನ ಪಶ್ಚಾತಾಪ ಪಡಿನ ಕೊತ್ಳಾವೊನಾ ವಣ್ಣಾ ಘಾಲ್ಲಿನ ರಾಕ ಅಂಗೆ ಲಗಾಡಿ ಲೆತಾತಾ.
LUK 10:14 ವರಿ ಕ್ಹುದಾನಿ ನ್ಯಾಯ ಫೈಸಲಾನಾ ದಿನಮಾ ತಾರಿ ಸ್ತಿತಿ ತೊರ ವರಿ ಸಿದೊನ ಗತಿತಿಬಿ ಕಠಿಣ ಥಾವಸ ಕದ್ಯೊ,
LUK 10:15 ಕಪೆನೌರ್ಮಿ ತು ಸ್ವರ್ಗಲೊಕಮಾ ಜಾ಼ಶಿಸು! ನೈ? ತು ಪಾತಾಳಮಾ ಉತರಸಿ.
LUK 10:16 ತುಮಾರಿಯೊ ವಾತೊ ಐಕಾಲಾ ಮಾರಿಯೊ ವಾತೊ ಐಕಾಲೊ ಥಾವಸ. ತುಮೊನೆ ವಪ್ಪಿಲಿವಾಲಾ ಮನೆ ವಪ್ಪಿಲಿವಸ ಮನೆ ಕುನ್ನ ನೈ ವಪ್ಪಿಲಿವಾಲೊ ಮನೆ ಮೊಕ್ಕಲಲವಾಲಾನೆ (ಕ್ಹುದಾನೆ) ನೈ ವಪ್ಪಿಲೆತೊ,ಕದ್ಯೊ.
LUK 10:17 ಸತ್ತರಪರ ಬೆ ಜ಼ನಾ ಶಿಷ್ಯಾ ಗಾಮೊಪರತಾ ಫರಿನ ಆತಾಮಾ ಘನ್ನಾ ಖುಶಿ ಕ್ಹು ವ್ಹತ್ತಾ ತ್ಯುನೆ ಯೆಸುನೆ "ಪ್ರಭು ಹಮೆ ತಾರು ನಾಮ ಕತಾಮಾ ಕೆಟ್ಟ ಆತ್ಮಾಬಿ ಹಮೊನೆ ವಿಧೆಯೆ ಥಯ್ಯೊ, ಕದ್ಯಾ.
LUK 10:18 ಯೆಸು ತ್ಯುನೊನೆ ಸೈತಾನ ಬಿಜ್ಲಿನಾ ರುಪಮಾ ಸ್ವರ್ಗಮಾತೊ ಹೆಟೊ ಪಡ್ವಾನು ಮಿ ದೆಕ್ಯೊ.
LUK 10:19 ಐಕೊ, ಕ್ಹಾಪೊ ವರಿ ಇಚ್ಚಿಯೊಪರ ಚಾ಼ಲಾನು ತುಮೊನೆ ಮಿ ಅದಿಕಾರ ದಿದ್ಯೊಸ. ವೈರಿಯೊನೆ (ಸೈತಾನ) ರ‍್ಹಯಲ ಅದಿಕಾರಿತೊಬಿ ಹೆಚ್ಕಿ ಅದಿಕಾರ ಮಿ ತುಮೊನೆ ದಿದ್ಯೊಸ ಕದ್ಯೊ. ತುಮೊನೆ ಸುಜ಼ ಕೆಡ ಕರತು ನೈ.
LUK 10:20 ಹೊ ಕೆಟ್ಟ ಆತ್ಮಾವೊಬಿ ತುಮೊನೆ ವಿಧೆಯ ಥಾವಸ ಎ ಅದಿಕಾರ ತುಮೊನೆ ಛೆ ರ‍್ಹಯಲ ಹುತಿ ಖುಶಿ ಥಯೆ ನೈಸೊ ತುಮಾರಾ ನಾಮೊ ಸ್ವರ್ಗಮಾ ಬರ್ದಲ ಛೆ ಕವಾನಾ ಹುತಿ ಖುಶಿ ಕ್ಹು ರ‍್ಹವೊ.
LUK 10:21 ಪಾಚಲ್ತೊ ಯೆಸು ಪವಿತ್ರ ಆತ್ಮಾಕ್ಹು ಘನ್ನೊ ಖುಶಿ ಥೈನ ಅಮ್ಮ ಪ್ರಾಥನಾ ಕರ‍್ಯೊ ಸ್ವರಗ ಲೊಕನೊ ಭುಲೊಕನೊ ಕ್ಹುದಾ ಥಯಲ ಬಾ ಮಿ ತುನೆ ಸ್ತುತಿ ಕರುಸ ತು ಗ್ಯಾನಿಯೊನೆ ಗ್ಯಾನ ರ‍್ಹಯಲವಾಲಾವೊನಾ ಎ ಸಂಗತಿ ಝಾಕಿನ ಮುಕ್ಕಕಲ ಹುತಿ ಮಿ ತುನೆ ಸ್ತುತಿ ಕರುಸ ವರಿ ತು ನ್ಹಾನಾ ಬಚ್ಚಾ಼ವೊಲಿಂಗತ ರ‍್ಹಯಲ ಮನಕ್ಹೊನೆ ಎ ಸಂಗತಿಯೊ. ಝಾಕಿನ ಮ್ಹೆಲ್ಯಾವಾಚಿ ಕದ್ಯೊ ಹೊ ತೆಜ಼ ತಾರಿ ಆಸ ವ್ಹತ್ತಿ.
LUK 10:22 ಮಾರೊ ಬಾ ಮನೆ ಕ್ಹಾರುಜ಼ ದಿದ್ಯೊಸ. ದಿಕ್ರೊ ಕುನ್ನ ವ್ಹೈ ಕಿನೆಜ಼಼ ಗೊತ್ತ ನತ್ತಿ. ಬಾ ನೆ ಯಕಜ಼ ಗೊತ್ತ ಛೆ. ವರಿ ಬಾ ಕುನ್ನ ವ್ಹೈ ಕವಾನು ದಿಕ್ರಾನೆ ಯಕಜ಼ ಗೊತ ಛೆ. ದಿಕ್ರೊ ಬಾನಾ ಹುತಿ ಕಿನೆ ತಿಳ್ಸಸ ತೆ ಯಕ್ಕಲೊಜ಼ ಬಾನಾ ಹುತಿ ತಿಳದಿಲಿವಸ.
LUK 10:23 ಪಾಚಲ್ತೊ ಯೆಸು ತಿನಾ ಶಿಷ್ಯಾವೊನೆ ಫರಿನ ದೆಕ್ಯೊ. ತ್ಯಾ ತಿನಾ ಶಿಷ್ಯಾ ಯಕ್ಕ ಜ಼ ವ್ಹತ್ತಾ ಯೆಸು ತ್ಯುನೊನೆ ಹಮ್ನಾ ಥಾವಾನು ಸಂಗತಿಯೊ ದೆಕಲ ತುಮೆ ಧನೈ ವ್ಹೈ.
LUK 10:24 ತಿನಾ ಹುತಿ ಮಿ ತುಮೊನೆ ಕೌಸ ಘನ್ನಾ ಪ್ರವಾದಿಯೊ ರಾಜಾ಼ ಹಮ್ನಾ ತುಮೆ ದೆಕಾನು ಎ ಸಂಗತಿಯೊ ದೆಕು ಕೈನ ವರಿ ತುಮೆ ಐಕಾನು ಸಂಗತಿಯೊ ಐಕೊ ಕೈನ ಆಸ ರ‍್ಹೈತಬಿ ತೆ ತ್ಯುನೊನೆ ಸಾದ್ಯ ಥೈಯು ನೈ "ಕದ್ಯೊ.
LUK 10:25 ತೆಳಾಮಾ ಶಾಸ್ತ್ರಿಯೊಮಾನೊ ಯಕ್ಲೊ ಯೆಸುನೆ ಪರಿಕ್ಷಾ ಲಿವೊ ಕೈನ ಉಟಿನ ಹುಬ್ರೈನ ಗುರು ಮಿ ಹಮೆಶಾನೊ ಜ಼ಲಮ ಲಿವು ಕದ್ಯಾಮ ಮಿ ಸು ಕರು ಕೈನ ಪುಚ್ಯೊ.
LUK 10:26 ತೆ ವಾತೆ ಯೆಸು ಧರಮ ಶಾಸ್ತ್ರಮಾ ಸು ಬರ್ದಲ ಛೆ? ಕದ್ಯೊ.
LUK 10:27 ತೆ ವಾತೆ ತೆ ತಾರೊ ಕ್ಹುದಾ ಥಯಲ ಕರ್ತಾನೆ ಪುರಾ ರ‍್ಹುದಯಾ ಕ್ಹು ಪುರಾ ಜ಼ಲಮಕ್ಹು ಪುರಾ ತಾಕತಕ್ಹು ಪುರಾ ಮನಸೆ ಮಯಾ ಕರು ವರಿ ತಾರಾಕ್ಹು ತು ಕೆಕ್ಲೊ ಮಯಾ ಕರಶಿ ತಾರಾ ಬಾಜು಼ವಾಲಾನೆ ತೆಕ್ಕಲೊ ಮಯಾ ಕರುಕೈನ ಕದ್ಯೊ.
LUK 10:28 ಯೆಸು ತಿನಿ ತು ಕದಲ ಕರೆಟ್ಟ ಛೆ ತು ತಿಮ್ಮಜ಼ ಕರ ತೆಳಾಮಾ ತುನೆ ಹಮೆಶಾನೊ ಜ಼ಲಮ ಮಳಸ "ಕದ್ಯೊ.
LUK 10:29 ತೆನೈಸೊ ತೆ ಮನಕ್ಹ ತೆ ಖರಿನೊ ವ್ಹೈ ಕವೈ ಲಿವಾ ಹುತಿ, ಯೆಸುನೆ"ಮಿ ಮಯಾ ಕರಾನು ಮಾರೊ ಬಾಜು಼ವಾಲೊ ಕುನ್ನ ವ್ಹೈ? ಕೈನ ತಿನೆ ಪುಚ್ಯೊ
LUK 10:30 ತೆಳಾಮಾ ಯೆಸು ತಿನೆ ಸು ಕದ್ಯೊ ಕದ್ಯಾಮ" ಯಕ್ಕ ಮನಕ್ಹ ಯೆರುಸೆಲಿಮಾ ಉತ್ರಿನ ಯೆರಿಕೊವೆ ಜಾ಼ವಾನಿ ವಾಟ್ಮಾ ಜಾ಼ತಾಮಾ. ದಕ್ಹಾ ಚ್ವಟ್ಟಾತಿನೆ ಗೊಲ ಘಾಲ್ಯಾ. ತ್ಯುನೆ ತಿನಾ ಘಾಲ್ಲಿದಲ ವಣ್ಣಾ ಫಾಡಿನ ತಿಕನ ರ‍್ಹಯಲ ತೆಕ್ಲು ಕಾಳ್ಳಿನ ತಿನೆ ಮಾರ‍್ಯಾ. ತಿನೆ ಉಟಾನೆ ಥಾಯೆ ನೈಸೊ ಜಿಮಿನ್ಪರ ಪಡಿಗಯೊತೊ. ಚ್ವಟ್ಟಾ ತಿನೆ ತ್ಯಾಜ಼ ಛೊಡಿನ ಗಯಾ. ತೆ ಮರವಾನಿ ಸ್ತಿತಿಮಾ ವ್ಹತ್ತೊ.
LUK 10:31 ತೆಜ಼ ವಾಟ್ಮಾ ಯಕ್ಲೊ ಯಾಜಕ ಚಾ಼ಲ್ಯೊತೊ ಜಾ಼ತಾಮಾ ತೆ ಪಡಲವಾಲಾನೆ ದೆಕಿನಬಿ ದೆಕೆನೈಸೊ ಗಯೊ.
LUK 10:32 ತಿನಾ ಲಿಂಗತಜ಼ ಯಕ್ಲೊ ಭು ಭಾಡೊ ಲಿವಾಲೊ ತೆ ಪಡಲ ವಾಲಾನೆ ದೆಕಿನಬಿ ನೈ ದೆಕಲ ಲಿಂಗತ ತ್ಯಾಂತೊ ಗೈ ಪಾಡ್ಯೊ.
LUK 10:33 ತೆಳಾಮಾ ಯಕ್ಲೊ ಸಮಾರಯಾವಾಲೊ ತೆಜ಼ ವಾಟ್ಮಾ ಆತಾಮಾ ತೆ ಮನಕ್ಹ ಮಾರ ಖೈನ ಪಡಲ ಜ಼ಗಾ ಐನ ತೆ ಮಾರ ಖೈನ ಪಡಲ ಮನಕ್ಹನೆ ದೆಕಿನ ಘನ್ನೊ ಮರಗ್ಯೊ.
LUK 10:34 ಸಮಾರಯಾವಾಲೊ ಬೆ ರುಪ್ಪಾನಾ ಬಿಲ್ಲಾ ತೆ ಸಮರಯಾವಾಲೊ ತೆ ಮನಕ್ಹನಾ ದುಕ್ಕಕೊಪರ ಒಲಿವ ತೆಲ ವರಿ ದ್ರಾಕ್ಷಿಯೊನೊ ರಕ್ಹ ಲಗಾಡಿನ ತೆ ದುಕ್ಕಕೊಪರ ಫಡಕಾ ಕ್ಹು ಭಾಂದಿನ. ಸಮಾರಯಾವಾಲೊ ಯಕ್ಕ ಗದಡಾಪರ ಆಯೊತೊ ತೆಜ಼ ಗದಡಾಪರ ತೆ ಮಾರ ಖಾದಲ ಮನಕ್ಹನೆ ಘಾಲ್ಲಿನ ದವಾಕ್ಹಾನಿಯೆ ನಿಂಗೈನ, ಅರಾಕಿ ಕರ‍್ಯೊ. ಮರ್ನಾ ದಿನ್ನೆ ತೆ ವಾಕ್ಹಾನಿ ವಾಲಾನೆ ದಿನ ಇನೆ ಅರಾಕಿ ಕರ ಕೈನ; ವರಿ ಹೆಚ್ಕಿ ಖರಚ಼ ಥಯಾತಬಿ ಮಿ ಬಿಜೆ಼ಕ್ಕೆಬ ಆತಾಮಾ ವರಿ ತುನೆ ದಿವ್ಸ ಕದ್ಯೊ.
LUK 10:35 ಮರ್ನಾ ದಿನೆ,ಸಮರಯಾವಾಲೊ ಬೆ ರುಪ್ಪಾನಾ
LUK 10:36 ತೆಳಾಮಾ ಯೆಸು ಶಾಸ್ತ್ರಿನೆ "ಎ ತನ ಜ಼ನಾವೊಮಾ (ಯಾಜಕ, ಭು ಭಾಡೊವಾಲೊ, ವರಿ ಸಮಾರಯಾ ವಾಲೊ) ಕುನ್ನ ಚ್ವಟ್ಟಾವೊನಾ ಹತೆ ಮಾರ ಖೈನ ಪಡಲವಾಲಾನೆ ಮನಕ್ಹನೆ ಕುನ್ನ ಮಯಾ ಕರ‍್ಯು? ಕೈನ ಪುಚ್ಯೊ.
LUK 10:37 ತೆಳಾಮಾ ಶಾಸ್ತ್ರಿ, ತೆ ಮಾರ ಖೈನ ಪಡಲವಾಲಾನೆ ಆಸ್ರೊ ಕರಲವಾಲೊ ವ್ಹೈ ಕದ್ಯೊ. ತೆಳಾಮಾ ಯೆಸು ತಿನೆ ತಿಮ್ಮ ರ‍್ಹಯುಮ, ತು ಗೈನ ತಾರಾ ಬಾಜು಼ವಾಲಾನೆ ತಿಮ್ಮಜ಼ ಮಯಾ ಕರ"ಕದ್ಯೊ.
LUK 10:38 ಯೆಸು ವರಿ ತಿನಾ ಶಿಷ್ಯಾ ಫರತಾ-ಫರತಾ ಯಕ್ಕ ಗಾಮೆ ಆಯಾ, ಮಾರಥಳ ಕವಾಲಿ ಯಕ್ಕ ಹೆಣ ಮನಕ್ಹ ಯೆಸುನೆ ತಿನಾ ಘರೆ ಆ ಕದಿ.
LUK 10:39 ತಿನೆ ಯಕ್ಕಲಿ ಮರಿಯಳ ಕವಾಲಿ ನ್ಹಾನಿ ಭೆನ ವ್ಹತ್ತಿ. ಯೆಸು ತ್ಯುನಾ ಘರೆ ಆತಾಮಾ ಮರಿಯಳ ಯೆಸುನಾ ಪಗೊಕನ ಬೈಟಿನ ತಿನು ಉಪದೆಶ ಐಕಾಡಿತಿ.
LUK 10:40 ಘರಮಾ ಘನ್ನು ಕಾಮ ರ‍್ಹಯಲ ಹುತಿ ಮಾರಥಳ ಘನ್ನಿ ಶಿಟ್ಟ ಥೈನ ಯೆಸುಕನ ಐನ, ಪ್ರಭು, ಮಾರಿ ಭೆನ ಘರನು ಪುರಾ ಕಾಮ ಮಪರ ಯಕ್ಕಲಿಪರಜ಼ ಛೊಡಿನ ತುಕನ ಐನ ಬೈಟಿಸ. ಇನಾಹುತಿ ತುನೆ ಚಿಂತಾ ನತ್ತಿಸು? ಮಾರಾ ಕ್ಹಾತೆ ಕಾಮ ಕರ ಕೈನ ತಿನೆ ಕೆ ಕದಿ.
LUK 10:41 ತೆನೈಸೊ ಯೆಸು ಮಾರಥಳನೆ "ಮಾರಥಳ, ಮಾರಥಳ, ತು ಘನ್ನಿಯೊ ಚಿಂತಾಮಾ ವರಿ ಗಲಿಬಿಲಿಮಾ ಛೆ.
LUK 10:42 ಯಕ್ಕಜ಼ ಯಕ್ಕ ಚೊ಼ಕು ರ‍್ಹಯಲ ಮರಿಯಳ ಇನಿಲಿದಿಸ. ತೆ ತಿಮಾತು ಕೆಳಾಮಾಜ಼ ಕಾಡಾನೆ ಥಾತು ನೈ "ಕದ್ಯೊ.
LUK 11:1 ಯಕ್ಕದಿನ ಯೆಸು ಯಕ್ಕ ಜ಼ಗಾಪರ ಪ್ರಾಥನಾ ಕರಾಡೊತೊ ಪ್ರಾಥನಾ ಕರಿನ ಮುಗಸ್ತಾಮಾ, ತಿನಾ ಶಿಷ್ಯಾವೊಮಾನೊ ಯಕ್ಲೊ ಯೆಸುನೆ"ಸ್ವಾಮಿ ಯೊಹಾನ ತಿನಾ ಶಿಷ್ಯಾವೊನೆ ಪ್ರಾಥನಾ ಕರಾನು ಶಿಕ್ಲಾಯಲ ಲಿಂಗತ, ಹಮೊನೆಬಿ ಪ್ರಾಥನಾ ಕರಾನು ಶಿಕ್ಲಾ ಕದ್ಯೊ.
LUK 11:2 ತೆ ವಾತೆ ಯೆಸು ತಿನೆ ತುಮೆ ಅಮ್ಮ ಪ್ರಾಥನಾ ಕರೊ ಬಾ, ತಾರು ನಾಮ ಕೆಳಾಮಾಬಿ ಪರಿಶುದ್ಧ ವ್ಹೈ ಕೈನ ಕವೈಲಿವಾದೆ. ತಾರೊ ರಾಜ್ಯ ಆವಾದೆ.
LUK 11:3 ಹಮಾರು ದಿನ್ನೆನು ಅನ್ನ ದಿನ್ನೆಬಿ ದೆ
LUK 11:4 ಹಮೊನೆ ತಪ್ಪ ಕರಲವಾಲಾನೆ ಹಮೆ ಮಾಫ ಕರಲ ಲಿಂಗತ ಹಮಾರು ಪಾಪೊ ಮಾಫ ಕರ ಹಮೊನೆ ಶೊದನೆಮಾ ಪಾಡುನಕೊ.
LUK 11:5 ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ ತುಮೊಮಾನೊ ಯಕ್ಲಾನೆ ದೊಸ್ತ ಛೆ ಕೈನ ತಿಳದಿಲಿಯೆ. ಯಕ್ಕ ದಿನ್ನ ರಾತೆ ತಿನಾ ದೊಸ್ತನಾ ಘರೆ ಗೈನ ತಿನೆ ಮಾರು ದೊಸ್ತ ಮನೆ ಮಳಾನಾ ಹುತಿ ತೆ ಘನ್ನಾ ದುರತೊ ಮಾರಾ ಘರೆ ಆಯೊಸ.
LUK 11:6 ತೆನೈಸೊ ಮಾರಾ ದೊಸ್ತನೆ ಖಾವಾನೆ ಅನ್ನ ಮಕನ ನತ್ತಿ.
LUK 11:7 ತೆ ಘರಮಾ ರ‍್ಹಯಲ ದೊಸ್ತ ಅನ್ನ ಪುಚ್ಚಾ಼ಲಾನೆ "ತು ಗೈಪಡ! ಮನೆ ತ್ರಾಸ ದ್ಯು ನಕೊ! ಬಾಕಲ ಘಾಲ್ಲಿ ಪಾಡ್ಯೊಸ! ಮಿಬಿ ವರಿ ಮಾರಿ ದಿಕ್ರಿ ಕ್ಹುರೈ ಪಡ್ಯಾಸ, ಮಿ ಉಟಿನ ರೊಕ್ಲಾ ನೈ ದೆತೊ "ಕದ್ಯೊ.
LUK 11:8 ಕ್ಹಾಲಿ ತ್ಯುನಿ ದೊಸ್ತಿ ಯಕಜ಼ ತಿನೆ ಉಟಿನ ರೊಕ್ಲಾ ದಿವಾನು ವೃಕ್ಹು ಕರತು ನೈ ಕೈನ ತುಮೊನೆ ಕೌಸ. ತೆ ಹಗ್ಲೆಲ್ಲಾ ಪುಚ್ತೊ಼ ರ‍್ಹಯ್ಯೊಮ, ತೆ ಉಟಿನ ಚಾ಼ಯೆ ಥಯಲ ರೊಕ್ಲಾ ಕ್ಹರಿಮಾಜ಼ ದಿವಸ.
LUK 11:9 ತಿನಾಹುತಿ ಮಿ ತುಮೊನೆ ಕೌಸ, ಮಾಂಗಿಲಿವೊ ತುಮೊನೆ ಮಳಸ. ಹುಡ್ಕೊ ತೆಳಾಮಾ ತುಮೊನೆ ಕ್ಹಾಪ್ಡಸ. ವಜಾ಼ಡೊ ತೆಳಾಮಾ ತುಮಾರಾ ಹುತಿ ಬಾಕಲ ಕಾಡಸ.
LUK 11:10 ಹೊ ಛೊಡ್ಯಾವಾಚಿ ಮಾಂಗಾಲಾನೆ ಮಳಸ, ಹುಡ್ಕಾಲಾನೆ ಕ್ಹಾಪ್ಡಸ, ವಜಾ಼ಡಾಲಾನೆ, ತಿನಾ ಹುತಿ ಬಾಕಲ ಕಾಡಸ.
LUK 11:11 ತುಮೊಮಾ ಕೆಕ್ಕಲಾ ಜ಼ನಾ ಬಾ ಥಯಾಸ? ತಮಾರಾ ಬಚ್ಚಾ಼ ಮಚ್ಲಿ಼ ಮಾಂಗ್ಯಾಮ, ತುಮೆ ತಿನೆ ಕ್ಹಾಪ ದಿವೊಸಿಸು ನೈ!
LUK 11:12 ತುಮಾರಾ ಬಚ್ಚಾ಼ ಇಂಡು ಮಾಂಗ್ಯಾಮ ಇಚ್ಚಿ ದಿವೊಸಿಸು? ನೈ!
LUK 11:13 ತುಮೆ ಬಿಜಾ಼ವೊಲಿಂಗತ ಕೆಟ್ಟ ರ‍್ಹಯಾತಬಿ ತುಮಾರಾ ಬಚ್ಚಾ಼ವೊನೆ ಚೊ಼ಕೊಜ಼ ದಿವೊಸಿ, ತಿನಾಲಿಂಗತಜ಼ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಬಿ ತುಮೆ ಮಾಂಗಿಲಿವಾನೆ ಪವಿತ್ರ ಆತ್ಮಾ ಕ್ಹರಿಮಾಜ಼ ದಿವಸ, ಕದ್ಯೊ.
LUK 11:14 ಯಕ್ಕ ಸಲಾ ಯೆಸು ಮುಕಿ ಕೆಟ್ಟ ಆತ್ಮಾ ಧರಲವಾಲಾನೆ ಛೊಡಾವಾಡ್ಯೊತೊ. ತೆ ಕೆಟ್ಟ ಆತ್ಮಾ ತೆ ಮನಕ್ಹಾನಾ ಅಂಗಮಾತೊ ಭಾರು ಆತಾಮಾ ತೆ ಮನಕ್ಹ ಬೊಲ್ಯೊ. ಎ ದೆಕಲ ಮನಕ್ಹೊ ಘಾಬ್ರಾಥಯಾ.
LUK 11:15 ತಿಮಾನಾ ದಕ್ಹಾ ಮನಕ್ಹೊ ಎ ಕೆಟ್ಟ ಆತ್ಮಾವೊನೊ ಅದಿಕಾರಿ ಥಯಲವಾಲೊ ಬೆಲ್ಜೆಬೊಲನಿ ತಾಕತ ಕ್ಹೊ ಛೊಡಾವಾಸ ಕದ್ಯಾ.
LUK 11:16 ಬಿಜಾ಼ ದಕ್ಹಾ ಮನಕ್ಹೊ ಯೆಸುನೆ ಪರಿಕ್ಷಾ ಲಿವಾನಾ ಹುತಿ ತು ಕ್ಹುದಾಕಂತೊ ಮಾಂಗಿಲಿನ ಯಕ್ಕ ಸುಚಕ ಕಾರಯೊ ಕರಿನ ದೆಕಾಡ ಕದ್ಯಾ.
LUK 11:17 ತೆನೈಸೊ ಯೆಸು ತ್ಯುನಿಯೊ ವಿಚಾರ ತಿಳ್ದಿನ ತ್ಯುನೊನೆ "ಫುಟಿ ಗಯಲ ವರಿ ತಿನಾ ವಿರುದ್ದ ತೆಜ಼ ಲಡಾಯಿ ಕರಾನು ರಾಜ್ಯ ಹಾಳ ಥೈ ಜಾ಼ವಸ, ಯಕ್ಕ ಕುಟುಂಬಮಾ ಭೆದ ಭಾವ ರ‍್ಹಯುಮ ತೆ ಕುಟುಂಬ ಉಗರತು ನೈ.
LUK 11:18 "ತಿನಾಲಿಂಗತಜ಼ ಸೈತಾನ ತಿನಾ ವಿರುದ್ದ ತೆಜ಼ ಲಡಾಯಿ ಕರಲಿದ್ಯುಮ, ತಿನು ಯಕ್ಕ ಅದಿಕಾರ ಕಿಮ ಉಗ್ರಸ? ಬೆಲ್ಜೆಬೊಲನಾ ತಾಕತ ಕ್ಹು ಮಿ ಕೆಟ್ಟ ಆತ್ಮಾ ಛೊಡಾವಸ ಕೈನ ತುಮೆ ಕವಾಡ್ಯಾಸ್ತೊ.
LUK 11:19 ಮಿ ಬೆಲ್ಜೆಬೊಲನಿ ತಾಕತಕ್ಹು ಕೆಟ್ಟ ಆತ್ಮಾವೊ ಛೊಡಾವಾನು ರ‍್ಹಯುಮ ತಮಾರಾ ಮನಕ್ಹೊ ಕೆಟ್ಟ ಆತ್ಮಾ ಕೈ ತಾಕತಕ್ಹು ಛೊ಼ಡಾವಸ? ತಮಾರಾ ಸ್ವಂತ ಮನಕ್ಹೊ ತುಮೊನೆ ತಪ್ಪ ಕರಾಲಾ ವ್ಹೈಕೈನ ಕವಸ್ತೊ.
LUK 11:20 ತೆನೈಸೊ ಮಿ ಕೆಟ್ಟ ಆತ್ಮಾವೊನೆ ಕ್ಹುದಾನಿ ತಾಕತ ಕ್ಹು ಛೊಡಾವಾಡ್ಯುಸ್ತೊ ಕ್ಹುದಾನಿ ರಾಜ್ಯ ತುಮಾರಾ ಕ್ಹಾಮಿ ಐಸ ಕೈನ ಎಜ಼ ಸಾಕ್ಷಿ ವ್ಹೈ.
LUK 11:21 ಯಕ್ಲೊ ತಾಕತವಾಲೊ ಲಡಾಯಿನು ಕ್ಹಾರು ಸಾಮನ ಅಂಗಪರ ಘಾಲ್ಲಿನ ತಿನು ಘರ ಕೈದತೊ ರ‍್ಹತಾಮಾ ತಿನು ಘರಮಾನು ಸಾಮನ ವಾಗಾತಿ ರ‍್ಹವಸ,
LUK 11:22 ತೆನೈಸೊ ತಿತ್ತಿಬಿ ತಾಕತವಾಲೊ ಐನ ತಿನೆ ಸೊಲ್ಸಿನ್ ಪಾಚಲ್ತೊ ತೆ ಪೈಲಾನೊ ಮನಕ್ಹ ಬರೊಕ್ಹೊ ಮ್ಹೆಲ್ಲಿದಲ ತೆ ಲಡಾಯಿನು ಸಾಮನ ಕಾಳ್ಳಿನ ತೆ ಚೊ಼ರಿಕರಲ ಕ್ಹಾರು ವಾಟಿನ ದಿವಸ,
LUK 11:23 ಮಾರಾ ಕ್ಹಾತೆ ನೈ ರ‍್ಹಯಲವಾಲೊ ಮನೆ ವಿರುದ್ದ ವ್ಹೈ. ಮಾರಾ ಕ್ಹಾತೆ ನೈ ಮಳಲವಾಲೊ ಜು಼ದಾ ಕರಾವಾಲೊ ವ್ಹೈ.
LUK 11:24 "ಕೆಟ್ಟ ಆತ್ಮಾ ಯಕ್ಕ ಮನಕ್ಹಮಾತಿ ಭಾರಿ ಆಯಲ್ಪರ ಅರಾಮ ಕರಾನೆ ಜ಼ಗಾ ಹುಡ್ಕತಿ ಪಾನಿ ನೈಸೊ ಜ಼ಗಾ ಫರಸ, ತೆನೈಸೊ ತಿನೆ ಅರಾಮ ಕರಾನೆ ಜ಼ಗಾ ನೈ ಮಳ್ತಾಮಾ ತೆ ಫರಿನ ಮಿ ರ‍್ಹಯಲ ಪೈಲಾನಾ ಮನಕ್ಹನಾ ಅಂಗಮಾ ವರಿ ಜೌ಼ಸ ಕೈನ ಕೈಲಿವಸ.
LUK 11:25 ತೆ ಮನಕ್ಹಕನ ಫರಿನ ಆತಾಮಾ ತೆ ಘರ (ಮನಕ್ಹ) ವಾಗಾತಿ ಥಯಲ ದೆಕಿನ.
LUK 11:26 ತೆ ಕೆಟ್ಟ ಆತ್ಮಾ ಗೈನ ತಿತ್ತಿಬಿ ಕೆಟ್ಟ ರ‍್ಹಯಲ ಬಿಜಿ಼ಯೊ ಕ್ಹಾತ ಕೆಟ್ಟ ಆತ್ಮಾವೊನೆ ಬಲೈಲಿನ ಆವಸ. ತೆ ಕೆಟ್ಟ ಆತ್ಮಾ ತೆ ಮನಕ್ಹನಾ ಅಂಗಮಾ ಹೊಕ್ಕಕಿನ ತ್ಯಾಜ಼ ರ‍್ಹವಸ. ತೆಳಾಮಾ ತೆ ಮನಕ್ಹನೆ ಪೈಲಾತಿಬಿ ಹೆಚ್ಕಿ ತ್ರಾಸ ಥಾವಸ ಕದ್ಯೊ.
LUK 11:27 ಯೆಸು ಎ ವಾತೊ ಕತೊ ರ‍್ಹತಾಮಾ ಯಕ್ಕ ಬಾಕ್ಡಿ ಯೆಸುನೆ ತುನೆ ಜ಼ನ್ನಿನ ರಾಕಲವಾಲಿ ಧನೈ ವ್ಹೈ. ಕೈನ ಕದಿ.
LUK 11:28 ಯೆಸು ತಿನೆ, ಕ್ಹುದಾನಿಯೊ ವಾತೊ ಐಕಿನ ತಿನೆ ಕರೆಟ್ಟ ಚಾ಼ಲಾಲಾ ಧನೈ ವ್ಹೈ ಕದ್ಯೊ.
LUK 11:29 ಮನಕ್ಹೊ ಗುಂಪ ಥೈನ ಆತಾಮಾ ಯೆಸು ತ್ಯುನೊನೆ ಸು ಕವಾನು ಚಾಲು ಕರ‍್ಯೊ ಕದ್ಯಾಮ ಎ ಕೆಟ್ಟ ಸಂತತಿಜ಼ ವ್ಹೈ. ಸುಚಕ ಕಾರಯೊ ದೆಕುಸ ಕವಾಡ್ಯೊಸ. ತೆನೈಸೊ ಯೊನನಿ ಜಿವಿತ್ಮಾ ದೆಕಾನೆ ಮಳಲ ಸುಚಕ ಕಾರ‍್ಯೊ ಬಿಜಾ಼ವೊನೆ ಕಿನೆಜ಼಼ ದೆಕಾನೆ ಮಳತು ನೈ,
LUK 11:30 ನಿನೆವಿಮಾ ರ‍್ಹಯಲ ಮನಕ್ಹೊನೆ ಯೊನ ಯಕ್ಕ ಸುಚನೆ ರ‍್ಹಯಲ ಲಿಂಗತ ಹೊತೊ. ತಿನಾ ಲಿಂಗತಜ಼ ಎ ಕಾಲ್ನಾ ಮನಕ್ಹೊನೆ ಮನಕ್ಹನೊ ದಿಕ್ರೊ ವಳಕ ಥಯೊಸ.
LUK 11:31 ನ್ಯಾಯ ತಿರಪನಾ ದಿನಮಾ ದಕ್ಕಷಿಣ ದೆಶನಿ ರಾಣಿ ಎ ಖಾಂದಾನ್ನಾ ಕ್ಹಾತೆ ಉಟಿನ ಹುಬ್ರೈನ ಇವ್ನೆ ಅಪರಾದಿ ವ್ಹೈ ಕೈನ ಕವಸ. ಕಾಕದ್ಯಾಮ ಘನ್ನಿ ದುರತಿ ಐನ ಸೊಲೊಮೊನನಿಯೊ ಗ್ಯಾನಿಯೊ ವಾತೊ ಐಕಿನ ವರಿ ತಿಳದಿಲಿವಾನೆ ಐ. ವರಿಬಿ ಮಿ ತುಮೊನೆ ಸು ಕೌಸ ಕದ್ಯೊ ಕದ್ಯಾಮ ಮಿ ಸೊಲೊಮೊನತಿ ಬಿ ಘನ್ನಿ ಗ್ಯಾನವಾಲೊ (ಯೆಸು) ವ್ಹೈ.
LUK 11:32 ನ್ಯಾಯ ತಿರಪನಾ ದಿನಮಾ ನಿನೆವೆ ಗಾಮವಾಲಾ ಎ ಸಂತ್ತತಿವಾಲಾವೊನ ಕ್ಹಾತೆ ತ್ಯುನೊನೆ ಅಪರಾದಿ ವ್ಹೈ ಕೈನ ಕವಾಲೊ ಯೊನ ಕದಲ ಕ್ಹುದಾನಿಯೊ ವಾತೊ ಐಕಿನ ತೆ ಗಾಮನಾ ಮನಕ್ಹೊ ತ್ಯುನಾ ಪಾಪನೆ ಪಶ್ಚಾತಾಪ ಪಡಿನ. ಕ್ಹುದಾ ಬಗಲ ಫರಯಾ. ತೆನೈಸೊ ಮಿ ಪ್ರವಾದಿ ಥಯಲ ಯೊನ ತಿಬಿ (ಯೆಸು) ಮ್ಹೊಟೊ ವ್ಹೈ.
LUK 11:33 ಕುನ್ನಬಿ ದಿವ್ವೊ ಲಗಾಡಿ ಸಾಮನ್ಮಾ ನೈತೊ ಬಿಜಿ ಜ಼ಗಾಮಾ ಝಾಕಿನ ಮ್ಹೆಲ್ತಾ ನೈ ಮ್ಹೈ ಆವಾಲಾವೊನೆ ಉಜಾಲು ಪಡಾ ಹುತಿ ದಿವ್ವೊ ಲೈನ ಗೊಡಿಪರ ಮ್ಹೆಲಸ.
LUK 11:34 ತಾರಾ ಡೊಳಾ ತಾರಾ ಅಂಗನೆ ಉಜಾಲು ಥಯಾಸ. ತಾರಾ ಡೊಳಾ ಸಿದಾರ‍್ಹತಾಮಾ ತಿನಾ ಲಿಂಗತ ತಾರು ಅಂಗ ಉಜಾಲಾ ಲಿಂಗತ ರ‍್ಹವಸ. ತೆ ಕೆಟ್ಟ ರ‍್ಹಯೊಮ ತಿನಾಲಿಂಗತ ಅಂಗಬಿ ಅಂದಾರಾ ಲಿಂಗತ ರ‍್ಹವಸ. ತಿನಾ ಹುತಿ ತಾರಾಮಾ ರ‍್ಹಯಲ ಉಜಾಲು ಅಂದಾರು ಥೈಯುಸು ದೆಕ.
LUK 11:35 ತಾರು ಅಂಗ ಪುರಾ ಉಜಾಲು ರ‍್ಹಯುಮ ಯಕ್ಕ ಬಗಲಬಿ ಅಂದಾರು ರ‍್ಹಯುಮ ದಿವ್ವಾನು ಉಜಾಲು ಪಡಿನ ತುನೆ ಉಜಾಲು ದಿವಾನಾ ಕಾಲಮಾ ಕಿಮ ತಿಮ್ಮಜ಼ ತೆ ಪುರಾ ಉಜಾಲು ಥೈನ ರ‍್ಹವಸ ಕದ್ಯೊ.
LUK 11:36 ತಾರು ಪುರಾ ಅಂಗ ಉಜಾಲು ರ‍್ಹೈಮ ತಾರಾ ಅಂಗನಾ ಕಯಾಜ಼ ಭಾಗನೆ ಅಂದಾರು ರ‍್ಹತು ನೈ. ಇನಾಹುತಿ ಕ್ಹಾರು ಉಜಾಲು ಥೈನಜ಼ ರ‍್ಹವಸ ಕಿನಾ ಲಿಂಗತ ಕದ್ಯಾಮ ದಿವ್ವೊ ಉಜಾಲು ದಿನ್ನ ಕ್ಹಾರಿ ಬಗಲ ಉಜಾಲು ಥೈನ ರ‍್ಹವಸ.
LUK 11:37 ತೆ ಬೊಲ್ತೊ ರ‍್ಹತಾಮಾ ಯಕ್ಲೊ ಫರಿಸಾಯರವಾಲೊ ಯೆಸುನೆ ಖಾವಾನೆ ಆ ಕೈನ ಮಾಂಗಿಲೆತಾಮಾ ತೆ ಮ್ಹೈ ಗೈನ ಖಾವಾನಾ ಹುತಿ ಬೈಟ್ಯೊ.
LUK 11:38 ಯೆಸು ತಿನಾ ಹತೊ ಧ್ವಲಿದ್ಯಾವಾಚಿ ಖಾವಾನೆ ಬೈಟಲ ದೆಕಿನ ತೆ ಫರಿಸಾಯರ ವಾಲೊ ಘಾಬ್ರೊಥಯೊ.
LUK 11:39 ಯೆಸು ಫರಿಸಾಯರನೆ ತುಮೆ ತಾಂಬಿಯಾ ವರಿ ವಾಟ್ಕಾ ಭಾರಾತು ಯಕ್ಕಜ಼ ಧವೊಸಿ. ತೆನೈಸೊ ತುಮಾರು ಮ್ಹೈನು ಮೊಸಕ್ಹು ಕೆಟ್ಟ ಕ್ಹು ಭರಿ ಗಯುಸ.
LUK 11:40 ತುಮೆ ಗ್ಯಾನ ನೈಸೊ ವಾಲಾ ವ್ಹೈ! ಮನಕ್ಹನೆ ಭಾರಾತೊಬಿ ಮ್ಹೈತೊಬಿ ಕರಲವಾಲೊ ಕ್ಹುದಾಜ಼ ವ್ಹೈ.
LUK 11:41 ತಿನಾ ಹುತಿ ಸಾಮನ್ಮಾ ರ‍್ಹಯಲ ಖಾವಾನು ಅನ್ನ ಗರಿಬೊನೆ ದಿವೊ ತೆಳಾಮಾ ತುಮೆ ಪುರಾ ಶುದ್ಧ ಥಾವೊಸಿ.
LUK 11:42 ಫರಿಸಾಯರೊ, ತುಮಾರಿ ಗತಿ ಮಿ ಸು ಕೌ! ತುಮೆ ಕ್ಹುದಾನೆ ತುಮೊಕನ ರ‍್ಹಯಲ ಹರಿ ಯಕಮಾ ಲಾಸ್ಟುನೊ ವಾಟೊ ದಿವೊಸಿ. ತುಮಾರಾ ಖೆತರಮಾ ಬೆಳ್ದಾನು ಮರುಗ, ಸದಾಪು ಹಜು಼ನ ಘನ್ನಿಯೊ ತರಕಾರಿಯೊ ಮಾ ಲಾಸ್ಟನೊ ವಾಟೊ ದಿವೊಸಿ. ವರಿ ಬಿಜಾ಼ವೊನೆ ನ್ಯಾಯ ತಿರಸಾನು ಕ್ಹುದಾನೆ ಮಯಾಕರಾನು ಇಕ್ಹರಿಪಾಡ್ಯಾಸ. ತುಮೆ ಪೈಲಾ ಕ್ಹುದಾನೆ ದಿವಾನು ಪೈಲಾ ದಿವೊ ವರಿ ಕ್ಹಾರಾವೊನೆ ಮಯಾಕರಾನು ಪೈಲಾ ಕರೊ.
LUK 11:43 ಫರಿಸಾಯರೊ ತುಮಾರಿ ಗತಿ ಮಿ ಸು ಕೌ,ಸಭಾಮಂದಿರಮಾ ಖಾಸ ಜ಼ಗಾವೊಪರ ವಾನಿಯಾನಿ ವರಿ ವಾಟ್ಪರ ಮನಕ್ಹೊ ತುಮೊನೆ ಪಗೆ ಪಡಾನು ತುಮೊನೆ ಘನ್ನು ಚೊ಼ಕು ವ್ಹೈ.
LUK 11:44 ತುಮೆ ಬುಜ್ಜೈ಼ಗಯಲ ಮಜಾ಼ರೊ ಲಿಂಗತ ವ್ಹೈ. ಮನಕ್ಹೊ ತುಮೆ ಮಜಾ಼ರೊ ನ್ಹವೈ ಕೈನ ತಿಳ್ದಿನ ತುಮೊಪರ ಚಾ಼ಲಸ.
LUK 11:45 ಎ ಕ್ಹಾರು ಕದಲ ಐಕಿನ ಧರಮ ಉಪದೆಶ ಕವಾಲೊ ಯಕ್ಲೊ ಯೆಸುನೆ ಭೊದಕ ತು ಎವಾತೊ ಕವಾಕ್ಹು ಹಮಾರಾ ಮನಕ್ಹೊನೆ ಬೆಜ್ಜಾರ ಕರಲ ಲಿಂಗತ ಥಯುಸ ಕತಾಮಾ ಯೆಸು.
LUK 11:46 ಧರಮ ಉಪದೆಶ ಕರಾಲಾವೊ, ತುಮಾರಿ ಗತಿ ಮಿ ಸು ಕೌ? ತುಮೆ ಮನಕ್ಹೊ ನೈ ಪಾಲ್ಸಾನಾ ನಿಯಮೊ ತ್ಯುನೊನೆ ಪಾಲ್ಸಾನಾ ಕವೊಸಿತೊ ವರಿ ಎ ನಿಯಮೊ ಪಾಲ್ಸುಜ಼ ಕೈನ ಮನಕ್ಹೊನೆ ವತ್ತಾಯ ಕರೊಶಿತೊ. ಮತ್ರಾ ತುಮೆ ತೆ ನಿಯಮೊ ಪಾಲಸ್ತಾ ನೈ ತೊ.
LUK 11:47 ತುಮಾರಿ ಗತಿ ಸು ಕೌ! ತುಮೆ ಪ್ರವಾದಿಯೊನೆ ಮಜಾರೊ ಭಾಂದೊಶಿ. ತೆನೈಸೊ ಪ್ರವಾದಿನೆ ಮಾರೆಲ ವಾಲಾ ತುಮಾರಾ ಬಾಪೊಜ಼ ವ್ಹೈ!
LUK 11:48 ಅನಾ ಹುತಿ ತುಮಾರಾ ಬಾಪೊ ಕರಲ ಕಾಮೊ ತುಮೆ ವಪ್ಪಿಲಿದ್ಯಾಸ ಮನಕ್ಹೊನೆ ದೆಕಾಡೊಸಿ. ತ್ಯುನೆ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತುಮೆ ತೆಜ಼ ಪ್ರವಾದಿಯೊನಿಯೊ ಮಜಾ಼ರೊ ಭಾಂದೊಸಿ!
LUK 11:49 ತಿನಾ ಹುತಿ ಕ್ಹುದಾನು ಗ್ಯಾನ ಸು ಕವಸ ಕದ್ಯಾಮ,ಮಿ ಮಾರಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಮೊಕ್ಕಲುಸ. ಮಾರಾ ದಕ್ಹಾ ಪ್ರವಾದಿಯೊನೆ ವರಿ ಅಪೊಸ್ತಲೊನೆ ಕೆಟ್ಟ ಮನಕ್ಹೊನಾ ಹತ್ಮಾ ಮರಿ ಜಾ಼ವಸ ವರಿ ದಕ್ಹಾಜ಼಼ನಾ ಕಷ್ಟಮಾ ಪಡಸ.
LUK 11:50 ತಿನಾಹುತಿ ದುನಿಯಾ ಶುರುತಿಬಿ ಮರಲ ಕ್ಹಾರಾ ಪ್ರವಾದಿಯೊನೆ ಕಾರಣ ಥಯಲ ಎ ಕಾಲನಾ ಮನಕ್ಹೊ ತುಮೆ ಶಿಕ್ಷಾನೆ ಗುರಿ ಥಾವೊಸಿ.
LUK 11:51 ಹೆಬಲನೆ ಮಾರಲ ಹುತಿ ಜಕರಿಯಾನೆ ಮಾರಲಹುತಿ ತುಮೊನೆ ಶಿಕ್ಷಾ ಮಳಸ. ಜಕರಿಯಾನೆ, ಬಲಿದಿವಾನಿ ಜ಼ಗಾ ವರಿ ದೆವಾಲಯನಾ ವಚ್ಮಾ಼ ಖಲಾಸ ಕರಾಯಾ. ಹೊ ಇವ್ನೊನೆ ಮಾರಲ ಹುತಿ ತುಮೊನೆ ಶಿಕ್ಷಾ ಮಳಸ.
LUK 11:52 ಧರಮ ಉಪದೆಶ ಕರಾಲಾ ತುಮಾರಿ ಗತಿ ಮಿ ಸು ಕೌ! ಕ್ಹುದಾನಾ ಹುತಿ ತುಮೊನೆ ಗ್ವತ್ತ ಛೆ ವರಿಬಿ ತುಮೆ ತುಮಾರು ತುಮೆಜ಼ ಕರೊಶಿ. ಮನಕ್ಹೊಕನ ಕ್ಹುದಾನಾ ಹುತಿ ಕತಾಬಿ ನೈ ಶಿಕ್ಕಲಾತಾಬಿ ನೈ "ಕೈನ ಯೆಸು ಕದ್ಯೊ.
LUK 11:53 ಯೆಸು ತ್ಯಾಂತೊ ಜಾ಼ತಾಮಾ ಧರಮ ಕರೊ ಕವಾಲಾ ವರಿ ಫರಿಸಾಯರೊ ಯೆಸುನೆ ವರಿ ದಕ್ಹಾ ತ್ರಾಸ ಕರಾನು ಚಾಲು ಕರ‍್ಯಾ. ತ್ಯುನೆ ಯೆಸುನೆ ಘನಿಯೊ ವಾತೊಮಾ ಪ್ರಶ್ನೆ ಪುಚಾ಼ನು ಚಾಲು ಕರ‍್ಯಾ.
LUK 11:54 ಯೆಸುನೆ ವಾತೊಮಾ ಧರಿಯೆ ಕೈನ ವಿಚಾರ ಕರಲೆತಾ, ಯೆಸು ಸುಬಿ ತಪ್ಪ ಕಸ ಕೈನ ಬಿಜು಼-ಬಿಜು಼ ಕವಾಡಾತಾ.
LUK 12:1 ತೆಕ್ಲಾಮಾಜ಼಼ ಹಜಾ಼ರೊಸಿ ಮನಕ್ಹೊ ಯಕ್ಲಾನಾ ಯಕ್ಲೊ ಖುಂದಾ ಯಕ್ಲಾ ಕುಡಿನ ಆಯಲ ಹುತಿ ತೆ ಪೈಲಾ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ, ಫರಿಸಾಯರೊನಾ ಖಾಟಾ ಲೊಟ್ನಿ ವಿಷಯಮಾ ಕದ್ಯಾಮ ತಿವ್ನಿ ಕಪಟತನಾ ಹುತಿ ಹುಶಾರಕ್ಹು ರ‍್ಹವೊ.
LUK 12:2 ಝಕಾಯಲ ಕಯುಜ಼ ಗ್ವತ್ತ ಥಾವಸ, ದಡೈನ ಮ್ಹೆಲಲ ಕ್ಹಾರಾವೊನಾ ಕ್ಹಾಮು ಆವಸ.
LUK 12:3 ಇಮ್ಮ ರ‍್ಹಯಲ ಹುತಿ ತುಮೆ ಅಂದಾರಾಮಾ ಕದಲ ಉಜಾಲಾಮಾ ಐಕು ಆವಸ. ವರಿ ತುಮೆ ಖೊಲಿಮಾ ರ‍್ಹೈನ ಕಾನ್ಮಾ ಕದಲ ವಾತೊ ಮ್ಹಾಡಿನಾ ಘರಮಾ ಕವಸ.
LUK 12:4 "ಮಾರಾ ದೊಸ್ತೊ ಮಿ ತುಮೊನೆ ಸು ಕೌಸ ಕದ್ಯಾಮ, ತುಮಾರಾ ಅಂಗನೆ ಖಲಾಸ ಕರಾಲಾನೆ ಭುಚ಼ಕೊ ನಕೊ ತ್ಯುನೆ ವರಿ ಬಿಜು಼ ಸುಜ಼ ಕರತಾ ನೈ.
LUK 12:5 ತುಮೆ ಕಿನೆ ಭುಜ್ಕು಼ ಕದ್ಯಾಮ, ತುಮೊನೆ ಖಲಾಸ ಕರಿನ ನರಕಮಾ ಘಾಲಾನೆ ಅದಿಕಾರ ರ‍್ಹಯಲ ವಾಲೊ ಕ್ಹುದಾನೆ ಯಕ್ಕಜ಼ ಭುಚ಼ಕು.
LUK 12:6 "ಪಾಂಚ಼ ಚಿಮ್ಣಿಯೊನಿ ಕಿಮ್ಮತ ಬೆ ಬಿಲ್ಲಾ? ರ‍್ಹಯುತಬಿ ಕ್ಹುದಾ ತ್ಯುನೊಮಾ ಯಕ್ಕನೆಬಿ ಇಕ್ಹರತೊ ನೈ.
LUK 12:7 ತಿನಾಲಿಂಗತಜ಼ ತಮಾರಾ ಮಾತಾಮಾ ಕೆಕ್ಕಲಾ ಬಾಲೊ ಛೆ ಕ್ಹುದಾನೆ ಗ್ವತ್ತ ಛೆ. ತಿನಾಹುತಿ ತುಮೆ ಭುಚಕೊ಼ ನಕೊ. ತುಮೆ ಘನಿಯೊ ಚಿಮ್ಣಿಯೊತಿಬಿ ಘನ್ನಾ ಕಿಮ್ಮತ್ನಾ ವ್ಹೈ.
LUK 12:8 "ಮಿ ತುಮೊನೆ ಸು ಕೌಸ ಕದ್ಯಾಮ, ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ವ್ಹೈ ಕದ್ಯಾಮ ಮನಕ್ಹನೊ ದಿಕ್ರೊ ಬಿ ತೆ ಮನಕ್ಹನೆ ದೆವದುತೊನಾ ಕ್ಹಾಮೊ ತಿನೆ ಮಾರೊ ವ್ಹೈ ಕೌಸ.
LUK 12:9 ವರಿ ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ನ್ಹವೈ ಕದ್ಯಾಮ, ಮನಕ್ಹನೊ ದಿಕ್ರೊ ತಿನೆ ದೆವದುತೊನಾ ಕ್ಹಾಮೊ, ತೆ ಮನಕ್ಹನೆ ಮಾರೊ ನ್ಹವೈ ಕೌಸ.
LUK 12:10 "ಕುನ್ನಬಿ ಮನಕ್ಹನಾ ದಿಕ್ರಾನಾ ವಿರುದ್ದ ಬೊಲಲ ರ‍್ಹಯೊಮ ತಿನೆ ಮಾಫ ಮಳ್ಸ. ವರಿ ಪವಿತ್ರ ಆತ್ಮಾನೆ ದೊಶ ದಿವಾಲಾನೆ ಮಾಫ ಮಳ್ತಿಜ಼ ನೈ.
LUK 12:11 ಮನಕ್ಹೊ ತುಮೊನೆ ಸಬಾಮಂದಿರಮಾ ಅದಿಕಾರಿಯೊನಾ ಕ್ಹಾಮಾ ನ್ಯಾಯಾದಿಪತಿಯೊನಾ ಕ್ಹಾಮಾ ಮಂತ್ರಿಯೊನಾ ಕ್ಹಾಮಾ ತುಮೊನೆ ಯಳ್ದಿನ ನಿಂಜಾ಼ತಾಮಾ ತ್ಯುನಾ ಕ್ಹಾಮೊ ಸು ಬೊಲುಕೈನ ತುಮೆ ಚಿಂತಾನಕೊ ಕರೊ.
LUK 12:12 ತೆ ಟೈಮಾ ತುಮೆ ಬೊಲಾನು ಪವಿತ್ರ ಆತ್ಮಾ ತುಮೆ ಸು ಕೌ ಕೈನ ತಿಳ್ಸಾವಸ"
LUK 12:13 ನಜಿಕ್ಮಾ ರ‍್ಹಯಲವಾಲೊ ಯಕ್ಲೊ ಯೆಸುನೆ, ಭೊದಕ ಹಮಾರೊ ಬಾ ಛೊಡಿನ ಗಯಲ ಮಾರಿ ಬಾನಿ ಆಸ್ತಿಮಾ ಮನೆ ವಾಟೊ ದೆ ಕೈನ ಮಾರಾ ಮ್ಹೊಟಾ ಭೈನೆ ಕೆ ಕದ್ಯೊ.
LUK 12:14 ತೆನೈಸೊ ಯೆಸು "ಮಿ ತುಮಾರಿ ನ್ಯಾಯ ಕರಾನೆ ವರಿ ತುಮಾರಾ ಬಾನಿ ಆಸ್ತಿಮಾ ತುಮೊನೆ ಭಂಬಿಜ಼ನಾವೊನೆ ವಾಟಿನೆ ದಿವಾನೆ ಮನೆ ಕುನ್ನ ಕದ್ಯುಸ?
LUK 12:15 ತೆ ಥಯಲಪರ ಯೆಸು ತ್ಯಾ ರ‍್ಹಯಲ ಮನಕ್ಹೊನೆ "ಹುಶಾರ, ಕೈಬಿ ಆಸನೆ ಸ್ವಾರಥಮಾ ಪಡೆನೈಸೊ ಜಾ಼ಗಾ ರ‍್ಹವೊ. ಕಾಕದ್ಯಾಮ ಯಕ್ಲಾನೆ ಕೆಕ್ಕಲಿಬಿ ಆಸ್ತಿ ರ‍್ಹೈತಬಿ ತೆ ಆಸ್ತಿಕ್ಹು ತೆ ಮನಕ್ಹನೊ ಜ಼ಲಮ ನೈ ವಚಾ಼ಡಿಲೆತೊ "ಕದ್ಯೊ.
LUK 12:16 ಪಾಚಲ್ತೊ ಯೆಸು ಮನಕ್ಹೊನೆ ಯಕ್ಕ ಸಾಮ್ಯ (ಸಾಮ್ಯ ಕದ್ಯಾಮ ತಿನೆ ಮಳೈನ ಕವಾನು) ಕದ್ಯೊ" ಯಕ್ಲೊ ಘನ್ನೊ ಸೌಕಾರ ವ್ಹತ್ತೊ ವರಿ ತಿನೆ ಘನ್ನಿ ಜ಼ಗಾ ವ್ಹತ್ತಿ ವರಿ ಯಕ್ಕಸಲಾ ತಿನಿ ಜಿಮಿನ್ಪರ ಘನ್ನು ಅನಾಜ಼ ಉಟ್ಯುತು.
LUK 12:17 ತೆಳಾಮಾ ತೆ ಸೌಕಾರ ರ‍್ಹಯಲವಾಲೊ ಮಿ ಹಮ್ನಾ ಸು ಕರು? ಮಾರು ಅನಾಜ಼ ಭರಿನ ಮುಕ್ಕಕಾನೆ ಜ಼ಗಾ ನತ್ತಿ! ತಿನಾಕ್ಹು ತೆ ಕೈಲಿದ್ಯೊ.
LUK 12:18 ಪಾಚಲ್ತೊ ತೆ ಸೌಕಾರ, ಮಿ ಸು ಕರು ಕವಾನು ಮನೆ ಗ್ವತ್ತ ಛೆ. ಮಾರು ಅನಾಜ಼ ಮ್ಹೆಲಾನು ಘರ ಪಾಡಿನ, ಅನಾಜ಼ ಮ್ಹೆಲಾನಾ ಹುತಿ ಮಿ ಮ್ಹೊಟು ಘರ ಭಾಂದುಸ. ವರಿ ಅನಾಜ಼ ಕ್ಹಾರು ಜ಼ಮಾ ಕರಿನ ಭರಿನ ಮ್ಹೆಲಾವುಸ್,
LUK 12:19 ಪಾಚಲ್ತೊ ಮಿ ಮಾರಾ ಹುತಿ ಘನ್ನಾ ವರಕ್ಹ ಚಾ಼ಯೆಥಯಲ ಅನಾಜ಼ ಕುಡ್ಸಿನ ಮ್ಹೆಲ್ಯೊಸ, ಖಾ. ಪಿ. ಖುಶಿ ಕರ! ಕೈಲ್ಯುಸ, ವಿಚಾರ ಕರಲಿದ್ಯೊ.
LUK 12:20 ತೆನೈಸೊ ಕ್ಹುದಾ ತಿನೆ, ತು ಗ್ಯಾನ ನೈಸೊವಾಲಾ! ಆಜ಼ ರಾತೆಜ಼ ತು ಮರಸಿ! ಹಮ್ನಾ ಕೆ ತು ಕುಡ್ಸಿನ ಮ್ಹೆಲಲ ಅನಾಜ಼ ತೆ ಸು ಥಾಸ? ತೆ ಕ್ಹಾರು ಅನಾಜ಼ ಕಿನಾ ಪಾಲ ಥಾಸ? ಕೈನ ಪುಚ್ಯೊ.
LUK 12:21 "ತಿನಾಹುತಿ ಕುಡ್ಸಿನ ಮ್ಹೆಲಲ ಆಸ್ತಿ ಲಾಸ್ಟೆ ತಿನಿ ಗತಿ ಅಮ್ಮಜ಼ ಥಾವಸ. ಎ ಮನಕ್ಹ ಕ್ಹುದಾನಿ ನಜ಼ರಮಾ ಸೌಕರ ನ್ಹವೈ.
LUK 12:22 ಯೆಸು ತಿನಾ ಶಿಷ್ಯಾವೊನೆ ಅಮ್ಮ ಕದ್ಯೊ" ಎ ಕಾರಣ ಕ್ಹು ಮಿ ತುಮೊನೆ ಸು ಕೌಸ ಕದ್ಯಾಮ, ತಿನಾ ಜ಼ಲಮನಾ ಹುತಿ ಖಾವಾನು ಅನ್ನ ವರಿ ಘಾಲ್ಲಿವಾನಾ ಹುತಿ ವಣ್ಣಾವೊನಾ ಹುತಿ ಚಿಂತಾ ಕರೊ ನಕೊ.
LUK 12:23 ಖಾವಾನಾ ಅನ್ನತಿಬಿ ಜ಼ಲಮ ಹೆಚ್ಚಿನ ವ್ಹೈ ವಣ್ಣಾವೊತಿಬಿ ಅಂಗ ಜ಼ರುರತ ವ್ಹೈ.
LUK 12:24 ಪಕ್ಕಷಿಯೊನೆ ದೆಕೊ. ತೆ ಬಿತ್ತತಿಯೊ ನೈ, ಕಾಟ್ತಿಯೊ ನೈ ತೆ ಪಕ್ಕಷಿಯೊ ಅನಾಜ಼ ತ್ಯುನಾ ಗುಡ್ಮಾ ಕುಡ್ಸಿನ ಮ್ಹೆಲ್ತಿಯೊ ನೈ. ಕ್ಹುದಾ ತ್ಯುನೊನೆ ಜ಼ತ್ತನ ಕರಸ್ತೊ. ತುಮೆ ಪಕ್ಕಷಿಯೊತಿಬಿ ಕ್ಹುದಾನಿ ನಜ಼ರಮಾ ಘನ್ನಾ ಚೊ಼ಕಾ ವ್ಹೈ.
LUK 12:25 ತುಮೆ ಅನ್ನನಾ ಹುತಿ ವಣ್ಣಾವೊನಾ ಹುತಿ ಕೆಕ್ಕಲಾ ಚಿಂತಾ ಕರ‍್ಯಾತಬಿ ತುಮೆ ನಕ್ಕರಬಿ ಬೆಳತ್ತಿ ನೈ?
LUK 12:26 ನ್ಹಾನಾ ಕಾಮೊ ತುಮೊನೆ ನೈ ಕರಾನೆ ಥಯುತಬಿ ಮ್ಹೊಟಾ ಕಾಮೊ ಕರಾನು ಕಾ ಚಿಂತಾ ಕರೊಶಿ?
LUK 12:27 ರಾನ್ಮಾ ರ‍್ಹಯಲ ಬೆಳ್ದಾನಾ ಫುಲ್ಲೊನೆ ದೆಕೊ. ತೆ ಫುಲ್ಲೊ ರಾಬ್ತಾ ನೈ. ತ್ಯುನಾ ವಣ್ಣಾ ಶಿಲೆತಾ ನೈ. ತಿಮ್ಮ ರ‍್ಹಯೊತಬಿ ಸೊಲೊಮೊನ ರಾಜಾ಼ನಿ ಅದಿಕಾರ ರ‍್ಹತಾಮಾ ತ್ಯುನಾಮಾ ಯಕ್ಕ ಫುಲ ಲಿಂಗತಬಿ ಚೊ಼ಕಾ ವಣ್ಣಾ ಘಾಲ್ಲಿದ್ಯೊನೈ.
LUK 12:28 ಎ ಬರೊಕ್ಹೊ ನೈಸೊವಾಲಾವೊ ಹಮ್ನಾ ರ‍್ಹೈನ ವ್ಹಂತ್ತಾ ಬಳಿ ಜಾ಼ವಾಲಾ ರಾನ್ಮಾನಾ ಚಾ಼ರೊನೆ ದೆಕೊ. ಕ್ಹುದಾ ತ್ಯುನೊನೆ ಕೆಕ್ಲೊ ಚೊ಼ಕೊ ಕರ‍್ಯೊಸ. ತೆ ಚಾ಼ರಾತಿಬಿ ಕ್ಹುದಾ ತುಮೊಪರ ಮಯಾ ಛೆ. ತುಮೊನೆ ಕೆಕ್ಲೊ ದೆಸ.
LUK 12:29 "ತುಮೆ ಸು ಖೌ? ಸು ಪ್ಯು? ಕೈನ ಕೆಳಾಮಾಬಿ ತುಮೆ ವಿಚಾರ ಕರೊ ನಕೊ. ವರಿ ಚಿಂತಾ ಕರೊ ನಕೊ.
LUK 12:30 ಎ ಕ್ಹಾರು ಮಳಾದೆ ಕೈನ ಎ ಭುಲೊಕ್ನಾ ಮನಕ್ಹೊ ಪ್ರಯತ್ನ ಕರಸ. ಎಕ್ಹಾರು ತುಮೊನೆ ಚಾ಼ಯೆ ಕವಾನು ಸ್ವರ್ಗಮಾ ರ‍್ಹಯಲ ತುಮಾರಾ ಬಾನೆ (ಕ್ಹುದಾನೆ) ಗ್ವತ್ತ ಛೆ.
LUK 12:31 ತೆನೈಸೊ ತುಮೆ ಪೈಲಾ ಕ್ಹುದಾನಾ ರಾಜ್ಯನಾ ಹುತಿ ಟೈಮ ದಿವೊ. ಪಾಚಾ಼ತು ತುಮೊನೆ ಚಾ಼ಯೆಥಯಲ ಕ್ಹಾರುಜ಼ ದಿವಸ.
LUK 12:32 "ನ್ಹಾನು ಮನಕ್ಹೊನು ಗುಂಪ ಭುಚ಼ಕೊ ನಕೊ, ತುಮೊನೆ ತೆ ರಾಜ್ಯ ದಿವಾನೆ ತುಮಾರಾ ಬಾನೆ ಆಸ ಛೆ.
LUK 12:33 ತುಮೊಕನ ರ‍್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ‍್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ‍್ಹತಿ ನೈ. ತಿನಾಹುತಿ ಹಮೆಶಾ ರ‍್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ.
LUK 12:34 ತಮಾರಿ ಆಸ್ತಿ ಕಿಜಾ಼ ರ‍್ಹವಸ ತ್ಯಾಜ಼ ತುಮಾರು ಮನಸ ರ‍್ಹವಸ.
LUK 12:35 ತುಮೆ ವಣ್ಣಾ ಘಾಲ್ಲಿನ ತಯ್ಯಾರ ರ‍್ಹವೊ, ತುಮಾರೊ ದಿವ್ವೊ ಲಾಗಲ ರ‍್ಹವಾದೆ.
LUK 12:36 ತುಮೆ ತೊ ತಮಾರೊ ಮಾಲಕ ಐನ ಬಾಕಲ ವಜಾ಼ಡಲ ಬರೊಬ್ಬರ ಬಾಕಲ ಕಾಡಾಲಾ ಥಾವೊ ಹಿವಾನು ಅನ್ನ ಖೈನ ಕೆಳಾಮಾ ಆವಸ ಕವಾನು ಗೊತ್ತ ನತ್ತಿ. ತುಮೆ ಕೆಳಾಮಾಬಿ ತಯ್ಯಾರ ರ‍್ಹವೊ.
LUK 12:37 ಮಾಲಕ ಐನ ಕಯೊ-ಕಯೊ ಆಳ ಹುಶಾರ ಛೆ ಕೈನ ದೆಕಸ. ತೆಜ಼ ಆಳೊ ಧನೈ ವ್ಹೈ. ತೆಜ಼ ವಣ್ಣಾ ಘಾಲ್ಲಿನ ತೆಜ಼ ಆಳೊನೆ ಮಾಲಕ ತೆ ಆಳೊನೆ ಬಲೈನ ಬೈಟಾಡಿ ಅನ್ನ ಘಾಲಿನ ದಿವಸ ಕೈನ ಮಿ ತುಮೊನೆ ಕ್ಹರಿಜ಼ ಕೌಸ.
LUK 12:38 ವರಿ ತೆ ಆಳೊ ತ್ಯುನಾ ಮಾಲಕನಾ ಹುತಿ ರಾತ್ನಾ ಬೆ ವಾಸ್ತಾ ನೈತೊ ತನ ವಾಸ್ತಾ. ಕೈದಾನು ಮಾಲಕ ದೆಕಿನ ಹಜು಼ನ ಜಾ಼ಗಾ ಛೆ ಕೈನ ತಿಳ್ದಿನ ತೆ ಘನ್ನೊ ಖುಶಿ ಥಾವಸ.
LUK 12:39 ಎ ತುಮೊನೆ ಶೆ ರ‍್ಹವಾದೆ. ಚ್ವಟ್ಟೊ ಆವಾನು ಟೈಮ ಮಾಲಕನೆ ಗ್ವತ್ತ ರ‍್ಹಯುಮ, ತೆ ತಿನಾ ಘರಮಾ ಚೊ಼ರಿಕರಾನೆ ದಿವಸ್ಸು? ನೈ.
LUK 12:40 ತಿನಾಲಿಂಗತಜ಼ ತುಮೆ ತಯ್ಯಾರ ರ‍್ಹವೊ! ತುಮೊನೆ ಗ್ವತ್ತ ನೈರ‍್ಹಯಲ ಟೈಮಾಜ಼ ಮನಕ್ಹನೊ ದಿಕ್ರೊ ಆವಸ"
LUK 12:41 ತೆಳಾಮಾ ಪೆತ್ರಾ ಯೆಸುನೆ ಗುರು ಎ ಸಾಮ್ಯ ತು ಕದಲ ಹಮಾರಾ ಹುತಿ ವ್ಹೈಸು, ಸು ಮನಕ್ಹೊನಾ ಹುತಿ ವ್ಹೈ? ಕೈನ ಪುಚ್ಯೊ.
LUK 12:42 ಯೆಸು ಅಮ್ಮ ಕದ್ಯೊ" ಗ್ಯಾನಿ ರ‍್ಹಯಲ ವರಿ ಬರೊಕ್ಹಾನೊ ಥಯಲ ಆಳ ಕುನ್ನ ವ್ಹೈ? ಟೈಮ ಟೈಮೆ ಕರೆಟ್ಟ ಕುಲಿ ಆಳೊನೆ ಅನಾಜ಼ ತುಕಾ ಕರಿನ ದಿವಾನಾ ಘರಪರ ನೆಮಿಸಲ ಆಳಜ಼ ಬರೊಕ್ಹೊ ವಾಲೊ ವ್ಹೈ.
LUK 12:43 ತೆ ಆಳ ತಿನು ಕಾಮ ಕ್ಹರಿ ಕ್ಹು ಕರತೊ ರ‍್ಹಯೊಮ, ಮಾಲಕ ಆತಾಮಾ ತೆ ಆಳನೆ ಘನ್ನಿ ಖುಶಿ ಥಾವಸ.
LUK 12:44 ಮಿ ತುಮೊನೆ ಕ್ಹರಿ ಕೌಸ. ಮಾಲಕ ಆತಾಮಾ ತಿನಿ ಆಸ್ತಿಪರ ತೆ ಆಳನೆಜ಼ ನೆಮ್ಸಸ.
LUK 12:45 ತೆನೈಸೊ ತೆ ಆಳ ಕೆಟ್ಟ ರ‍್ಹಯೊಮ ತಿನೊ ಮಾಲಕ ಭೆಗಿನ ಆತೊ ನೈ ಕೈನ, ಕೈಲಿದ್ಯೊಮ ಸು ಥಾಸ? ತೆ ಆಳ ಮಾಲಕನಾ ಬಿಜಾ಼ ಆಳೊನೆ ಮಾರಾಸ ವರಿ ಖೈನ ಪಿನ ನಶಾಮಾ ರ‍್ಹವಸ.
LUK 12:46 ಪಾಚಲ್ತೊ ತೆ ಮಾಲಕ ತೆ ಆಳನೆ ಗ್ವತ್ತ ನೈಸೊ ಟೈಮಾ ಐನ ತೆ ಆಳನೆ ಶಿಕ್ಷಾ ದಿನ್ನ ತೆ ಮಾಲಕ ಬರೊಕ್ಹೊ ನೈ ರ‍್ಹಯಲ ಮನಕ್ಹೊಮಾ ತಿನೆ ಢಕ್ಕಲಿ ಪಾಡಸ.
LUK 12:47 ತಿನೊ ಮಾಲಕ ತಿನಾಕ್ಹು ಸು ಆಸ ಮ್ಹೆಲ್ಯೊಸ ಕೈನ ತೆ ಆಳನೆ ಗೊತ್ತ ವ್ಹತ್ತು. ತೆನೈಸೊ ತೆ ಆಳ ತಯ್ಯಾರ ನ್ಹೊತೊ. ವರಿ ತಿನೊ ಮಾಲಕ ದಿದಲ ಕಾಮ ತೆ ಆಳ ಕರ‍್ಯೊ ನ್ಹೊತೊ. ತಿನಾಹುತಿ ತೆ ಆಳನೆ ಮಾಲಕ ಶಿಕ್ಷಾ ದಿವಸ!
LUK 12:48 ತೆನೈಸೊ ತಿನಾ ಮಾಲಕನಿ ಆಸ ನೈ ತಿಳದಿಲಿದಲ ಆಳ ತಪ್ಪ ಕರ‍್ಯೊಮ ತಿನೆ ಕಮ ಶಿಕ್ಷಾ ಮಳಸ. ವರಿ ತಿನಾ ಮಾಲಕ ಕದಲ ಕಾಮ ಛೊಡಿನ ತಪ್ಪ ಕಾಮ ಕರ‍್ಯೊಮ ತೆ ಆಳನೆ ಘನ್ನಿ ಶಿಕ್ಷಾ ಮಳಸ.
LUK 12:49 ವರಿ ಮಿ ಜಗತ್ಮಾ ಆಗ ಘಾಲಾನೆ ಆಯೊಸ! ಯಕ್ಕಲಾಮಾಜ಼ ಬಳ್ತು ರ‍್ಹೌ.
LUK 12:50 ವರಿ ಮಿ ಬಿಜಿ಼ ತರಾನಿ ಬಾಪ್ತಿಸ್ಮ ವ್ಹಂದು. ತೆ ವ್ಹಂದೆಲಕ್ಕಕಾ ಮಿ ಘನ್ನೊ ಕಷ್ಟಮಾ ಛೆ.
LUK 12:51 ಮಿ ಜಗತ್ನೆ ಸಮಾದಾನ ದಿವಾನೆ ಆಯೊಸ ಕೈನ ತುಮೆ ತಿಳದ್ಯಾಸು? ನೈ! ಮಿ ಜಗತ್ಮಾ ಮನಕ್ಹೊಮಾ ಭೆದ ಹುಟ್ಸಾನೆ ಆಯೊಸ!
LUK 12:52 ಆಜ಼ತೊ, ಪಾಂಚ಼ ಜ಼ನಾ ರ‍್ಹಯಲ ಕುಟುಂಬಮಾ ಭೆದ ಹುಟ್ಟಸ. ತ್ಯುನೊಮಾನಾ ತನ ಜ಼ನಾ ಬೆ ಜ಼ನಾವೊನೆ ವಿರುದ್ದ ಥಾವಸ. ಬೆ ಜ಼ನಾ ತನ ಜ಼ನಾವೊಪರ ವಿರುದ್ದ ಥಾವಸ.
LUK 12:53 ಬಾಪ ದಿಕ್ರಾಮಾ ಭೆದ ಹುಟ್ಟಸ. ದಿಕ್ರೊ ಬಾಪನೆ ವಿರೊದ ಥಾವಸ. ಬಾಪ ದಿಕ್ರಾನೆ ವಿರೊದ ಥಾವಸ. ಮಾ ವರಿ ದಿಕ್ರಿಮಾ ವಿರೊದ ಥಾವಸ. ದಿಕ್ರಿ ಮಾನೆ ವಿರುದ್ದ ಥಾವಸ. ಮಾ ತಿನಿ ದಿಕ್ರಿನೆ ವಿರುದ್ದ ಥಾವಸ. ಫೈ ವ್ಹವುಮಾ ಭೆದ ಹುಟ್ಟಸ. ವ್ಹವು ಫೈನಾ ವಿರುದ್ದ ಥಾವಸ. ಫೈ ವ್ಹವುನಾ ವಿರುದ್ದ ಥಾವಸ"
LUK 12:54 ಪಾಚಲ್ತೊ ಯೆಸು ಅಮ್ಮ ಕದ್ಯೊ "ಮ್ಹಾಡ ಪಶ್ಚಿಮ ದಿಕ್ಕಕತೊ ಮ್ಹೊಟು ಥಾವಾನು ದೆಕತಾ ರ‍್ಹತಾಮಾ ತೆ ದಿನಮಾ ಪಾನಿ ಆವಸ, ಕೈನ ಕವೊಸಿ. ತಿನಾ ಲಿಂಗತಜ಼ ಪಾನಿ ಆವಸ.
LUK 12:55 ದಕ್ಷಿಣ ದಿಕ್ತೊ ವಾರೊ ಚು಼ಟಸ, ಎ ದಿನೊಮಾ ಘನ್ನಿ ಝಳಾ ಥಾವಸ, ಕವೊಸಿ ತೆ ತಿಮ್ಮಜ಼ ಥಾವಸ,
LUK 12:56 ತುಮೆ ಕಪಟ್ಯಾ ವ್ಹೈ! ತುಮೆ ಎಕ್ಹಾರು ತಿಳದಿಲಿವೊಸಿ, ಹಮ್ನಾ ಥಾವಾನು ತುಮೆ ತಿಳದಿಲಿವಾನೆ ಥಾತು ನೈಸು?
LUK 12:57 ತುಮೆಜ಼ ಕಾ ತಿರಪ ಕರು ನೈ?
LUK 12:58 ಯಕ್ಲೊ ತುಮೊಪರ ಅಪವಾದ ಘಾಲಾನೆ ಕೊರಟೆ ಜಾ಼ತಾಮಾ ತಮಾರಿ ಸಮಶ್ಯಾ ವಾಟ್ಮಾಜ಼ ಬಗೆ ಹರಸಿಲಿವೊ ತುಮೊಕನ ಥಾವಾ ಯಕ್ಲು ಬಗೆ ಹರಸಿಲಿವೊ ನೈತೊ ತುಮೊನೆ ಬಿಜಕ್ಲೊ ಜಜ್ನಾ ಕ್ಹಾಮೊ ಯಳ್ದಿನ ನಿಂಜಾ಼ವಸ. ತೆ ಜಜ್ಜ ತುಮೊನೆ ಜೆಲ್ಮಾ ಘಾಲಾ ಲಗಾಡಸ್.
LUK 12:59 ತಿಮ್ಮ ಥೈಯುಮ ತಮೊಕನ ರ‍್ಹಯಲ ತೆಕ್ಲಾ ದೊಕಡಾ ವರಿ ಆಸ್ತಿ ಜ಼ವೈಲಿವೊಸಿ ವರಿ ತೆಕ್ಲು ಥಯು ತಬಿ ತುಮೆ ಜೆಲ್ಮಾತಾ ಭಾರಾ ಆವಾನೆ ಥಾತುಜ಼಼ ನೈ"
LUK 13:1 ತೆ ಟೈಮಾ ತ್ಯಾ ರ‍್ಹಯಲವಾಲಾ ದಕ್ಹಾಜ಼಼ನಾ ಯೆಸುಕನ ಐನ, ಗಲಿಲಾಯಮಾ ಬಲಿ ದೆತಾವಾಲಾವೊನೆ ಪಿಲಾತನ ಖಲಾಸ ಕರಾಯಲ, ಯೆಸುಕನ ಕದ್ಯಾ.
LUK 13:2 ಯೆಸು ತ್ಯುನೊನೆ ಕದ್ಯೊ"ತೆ ಖಲಾಸ ಥಯಲವಾಲಾ ಮನಕ್ಹೊ ಗಲಿಲಾಯಮಾ ರ‍್ಹಯಲ ಮನಕ್ಹೊತೊಬಿ ಘನ್ನಾ ಪಾಪಿಯೊ ವ್ಹೈ ಕೈನ ತುಮೆ ತಿಳದ್ಯಾಸು?
LUK 13:3 ಮಿ ನ್ಹವೈ "ತ್ಯುನೆ ತೆವಾ ಪಾಪಿಯೊ ನ್ಹೊತಾ, ತೆನೈಸೊ ತುಮೆ ತಮಾರಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ಹಾಳ ಥಾವೊಸಿ!
LUK 13:4 ಸಿಲೊವಾಮಾ ಗೊಪುರ ಪಡ್ತಾಮಾ,ಮರಿಗಯಲ ಅಟ್ರಾ ಜ಼ನಾವೊನಾ ಹುತಿ ತುಮಾರಿ ವಿಚಾರ ಸು ವ್ಹೈ?
LUK 13:5 ನ್ಹವೈ, ತ್ಯುನೆ ತೆವಾ ಪಾಪಿಯೊ ನ್ಹೊತಾ! ತುಮೆ ತಮಾರಾ ಪಾಪೊ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ನೈ ಫರಯಾಮ ತ್ಯುನಾ ಲಿಂಗತಜ಼ ತುಮೆ ಹಾಳ ಥಾವೊಸಿ"ಕದ್ಯೊ.
LUK 13:6 ಪಾಚಲ್ತೊ ಯೆಸು ತ್ಯುನೊಕನ ಯಕ್ಕ ಸಾಮ್ಯ ಕದ್ಯೊ; ಯಕ್ಲೊ ತಿನಾ ದ್ರಾಕ್ಷಿಯೊನಾ ಮಳಾಮಾ ಯಕ್ಕ ಅಂಜುರನು ಝಾಡ ಲಗಾಡ್ಯೊ. ವರಿ ದಕ್ಹಾ ದಿನ್ನ ಥಯಲಪರ ತೆ ಮನಕ್ಹ ತೆ ಅಂಜುರನಾ ಝಾಡಮಾ ಫಲ ಉಟ್ಯು ವಸೆ ಕರಿನ ತ್ಯಾ ಆಯೊ. ತೆ ಝಾಡಮಾ ದೆಕ್ತಾಮಾ ಫಲ ಉಟ್ಯು ನ್ಹೊತು.
LUK 13:7 ತೆ ಮನಕ್ಹ ಮಳೊ ಕೈದಾನಾ ಹುತಿ, ಯಕ್ಕ ಆಳನೆ ತೆ ಮಳಾಮಾ ಮುಕ್ಯೊ. ತೆ ಮಳಾನೊ ಮಾಲಕ ತಿನಾ ಆಳನೆ ಕದ್ಯೊ ಮಿ ಆ ಝಾಡ ಘಾಲಿನ, ತನ, ವರಕ್ಹ ಥಯಾ. ಹಜು಼ನಬಿ ಫಲ ನತ್ತಿ ದಿದ್ಯು. ಎ ಝಾಡನೆ ಕತ್ರಿಪಾಡ. ಕದ್ಯೊ. ಎ ಝಾಡನಾ ಹುತಿ ಜಿಮಿನಬಿ ಗ್ವಡ್ಡ ಥೈ ಗೈಸ. ಕದ್ಯೊ.
LUK 13:8 ತಿಮ್ಮ ಕತಾಮಾ ಆಳ ಮಾಲಕನೆ ಕದ್ಯೊ. ಮಾಲಕ ಹಜು಼ನ ಯಕ್ಕ ವರಕ್ಹ ತು ತಡ್ದಿಲೆ ಆ ಅಂಜುರನು ಝಾಡ ಫಲ ದೆಸ,ಮಿ ತೆ ಝಾಡನಾ ಸುತ್ತೆಬಿ ಖಂದಿನ ಗ್ವಬ್ರಾ ಘಾಲುಸ,
LUK 13:9 ತೆಳಾಮಾ ಅಗಲ್ಯಾ ವರಕ್ಹೆ ಎ ಝಾಡ ಫಲ ದೆಸ. ವರಿ ಎ ಝಾಡ ಫಲ ನೈ ದಿದ್ಯುಮ ಮಿಜ಼ ಕತ್ರಿನ ನಾಕಿ ಪಾಡುಸ, ಕದ್ಯೊ.
LUK 13:10 ಯೆಸು ಸಬ್ಬತ ದಿನಮಾ ಯಕ್ಕ ಸಬಾಮಂದಿರಮಾ ಉಪದೆಶ ಕರಾಡೊತೊ.
LUK 13:11 ತೆ ಸಬಾಮಂದಿರಮಾ ಯಕ್ಕ ಕೆಟ್ಟ ಆತ್ಮಾ ಧರಲ ಹೆಣ ಮನಕ್ಹ ತ್ಯಾ ವ್ಹತ್ತಿ, ತೆ ಹೆಣ ಮನಕ್ಹ ತೆ ಕೆಟ್ಟ ಆತ್ಮಾ ಕ್ಹು ಅಟ್ರಾ ವರಕ್ಹತಿಬಿ ಡುಗಿ ವ್ಹತ್ತಿ.
LUK 13:12 ಯೆಸು ತಿನೆ ದೆಕಿನ, ತಿಕನ ಬಲೈನ"ಯಾ ತುನೆ ರ‍್ಹಯಲ ರೊಗ ತುನೆ ಛೊಡಿನ ಗೈ ಪಡ್ಯುಸ" ಕದ್ಯೊ.
LUK 13:13 ಯೆಸು ತಿಪರ ಹತ ಮ್ಹೆಲ್ತಾಮಾ ತೆ ಹೆಣ ಮನಕ್ಹ ಸಿದಾ ಹುಬ್ರಯಿ, ತೆಳಾಮಾ ತೆ ಹೆಣ ಮನಕ್ಹ ಕ್ಹುದಾನೆ ಸ್ತುತಿ ಕರಿ.
LUK 13:14 ಯೆಸು ಸಬ್ಬತ ದಿನಮಾ ತೆ ಹೆಣ ಮನಕ್ಹನೆ ಅರಾಮ ಕರಲ ಹುತಿ ತೆ ಸಬಾಮಂದಿರನಾ ಅದಿಕಾರಿಯೊ ಶಿಟ್ಟ ಥೈನ "ಮನಕ್ಹೊನೆ ಕಾಮ ಕರಾ ಹುತಿ ಅಟ್ವಾಡಾನಾ ಛೆ ದಿನ್ನ ಛೆ ತೆ ದಿನೊಮಾ ಐನ ತುಮೆ ಅರಾಮ ಥಾಸಕೊಸಿ, ಸಬ್ಬತ ದಿನಮಾ ಅರಾಮ ಕರೈ ಲಿವೊ ನಕೊ "ಕದ್ಯಾ.
LUK 13:15 ತೆ ವಾತೆ ಯೆಸು, ತುಮೆ ಕಪಟ್ಯಾ ವ್ಹೈ ತುಮೆ ತುಮಾರಾ ಪಶು ಪಕ್ಷಿಯೊನೆ ದಿನ್ನೆಬಿ ತ್ಯುನೊನೆ ಪಾನಿ ಪಿಲಾವಾನೆ ಲಿನಜಾ಼ವೊಸಿ. ವರಿ ಸಬ್ಬತ ದಿನಮಾ ಎ ಕ್ಹಾರು ಕರೊಶಿ.
LUK 13:16 ಮಿ ಅರಾಮ ಕರಲ ಹೆಣ ಮನಕ್ಹ ಅಬ್ರಹಾಮನಿ ಖಾಂದಾನವಾಲಿ ವ್ಹೈ. ಸೈತಾನ ಎ ಹೆಣ ಮನಕ್ಹನೆ ಅಟ್ರಾ ವರಕ್ಹತು ಬಂದನಮಾ ಮ್ಹೆಲ್ಯುತು, ತಿನಾ ಹುತಿ ಎ ಹೆಣ ಮನಕ್ಹನೆ ಸಬ್ಬತ ದಿನಮಾ ತಿನೊ ರೊಗ ಮಿ ಅರಾಮ ಕರ‍್ಯೊ, ತಿನಾ ಹುತಿ ಕ್ಹರಿಮಾಜ಼ ಎ ತಪ್ಪ ನ್ಹವೈ"ಕದ್ಯೊ.
LUK 13:17 ಎ ವಾತೊ ಐಕಿನ ಯೆಸುನೆ ವಿರುದ್ದ ರ‍್ಹಯಲವಾಲಾ ಮನಕ್ಹೊ ಸರಮಾಯಿಗಯಾ. ವರಿ ಯೆಸು ಕರಲ ಅದ್ಭುತ ದೆಕಿನ ತ್ಯಾನಾ ಮನಕ್ಹೊ ಖುಶಿ ಥಯಾ.
LUK 13:18 ಪಾಚಲ್ತೊ ಯೆಸು"ಕ್ಹುದಾನಿ ರಾಜ್ಯ ಕಿನೆ ಹೊಲ್ಸಿಯೆ? ಮಿ ತೆ ಕಿನೆ ಹೊಲ್ಸು?
LUK 13:19 ಕ್ಹುದಾನಿ ರಾಜ್ಯ ಸಾಸವಿ ಕಾಳ ಲಿಂಗತ ಛೆ. ಯಕ್ಲೊ ತಿನಾ ಮಳಾಮಾ ಎ ಸಾಸವಿ ಕಾಳನೊ ಬಿಯ್ಯೊ ಘಾಲಸ. ತೆ ಬೆಳ್ದಿನ ಝಾಡ ಥಾವಸ, ಪಕ್ಷಿಯೊ ತೆ ಝಾಡನಿಯೊ ಠೊಂಗಿಯೊಪರ ಘರ ಭಾಂದಿಲಿವಸ. ಕದ್ಯೊ.
LUK 13:20 ವರಿ ಅಮ್ಮ ಕದ್ಯೊ ‘ಕ್ಹುದಾನಿ ರಾಜ್ಯ ಮಿ ಕಿನೆ ಹೊಲ್ಸು?
LUK 13:21 ತೆ ಖಾಟಾ ಲೊಟನೆ ಹೊಲಸ್, ತೆ ಯಕ್ಕ ಹೆಣ ಮನಕ್ಹ ತೆ ಲಿನ ಲೊಟ್ಮಾ ಪಾನಿ ಘಾಲಿನ ಮಳಾತಾಮಾ ತೆ ಲೊಟ ಖಾಟೊ ಥಯೊ "ಕದ್ಯೊ.
LUK 13:22 ಯೆಸು ಕ್ಹಾರಾ ಖೆಡಾವೊಪರ ವರಿ ಗಾಮೊಪರ ಉಪದೆಶ ಕರತೊ ಯೆರೊಸೆಲಿಮೆ ಚಾ಼ಲ್ಯೊತೊ.
LUK 13:23 ತೆ ದಿನಮಾ ಯಕ್ಲೊ ಯೆಸುನೆ"ಸ್ವಾಮಿ ದಕ್ಹಾ ಮನಕ್ಹೊ ರಕ್ಷಣೆ ಹೊಂದಸ ಕ್ಹಾಲಿ ದಕ್ಹಾ ಮನಕ್ಹೊ ಸು? ಕೈನ ಪುಚ್ಯೊ.
LUK 13:24 ತೆ ವಾತೆ ಯೆಸು ಸ್ವರಗೆ ಜಾ಼ವಾನು ಅಗ್ದಿ ನ್ಹಾನಾ ಬಾಕಲಮಾತಾ ಜಾ಼ವಾನಾ ಹುತಿ ತ್ರಾಸ ಖಾವೊ! ಘನ್ನಾ ಮನಕ್ಹೊ ತ್ಯಾ ಜಾ಼ವಾನೆ ಕೊಶಿಶ ಕರಸ, ತೆನೈಸೊ ತ್ಯುನೊಕನ ಥಾತು ನೈ.
LUK 13:25 ಘರನೊ ಮಾಲಕ ಉಟಿನ ಬಾಕಲ ಝಾಕಲ್ಪರ, ತುಮೆ ಭಾರಾ ಹುಬ್ರೈನ ಖಾಲಿ ವಜಾ಼ಡು, ವಜಾ಼ಡ್ಯಾ ತಬಿ ತೆ ಮಾಲಕ ಬಾಕಲ ಕಾಡ್ತೊ ನೈ. ಸ್ವಾಮಿ ಹಮಾರಾಹುತಿ ಬಾಕಲ ಕಾಡ! ಕೈನ ತುಮೆ ಕವೊಸಿ. ತೆ ಮಾಲಕ ತುಮೊನೆ ತುಮೆ ಕುನ್ನ ವ್ಹೈ. ಮನೆ ಗ್ವತ್ತ ನತ್ತಿ. ತುಮೆ ಕಿಜ಼ಗಾನಾ ವ್ಹೈ? ಕೈನ ಕವಸ.
LUK 13:26 ತೆಳಮಾ ತುಮೆ ಹಮೆ ತಾರಾ ಕ್ಹಾತೆ ಖಾದಲವಾಲಾ ವ್ಹೈ. ವರಿ ಪಿದಲವಾಲಾ ವ್ಹೈ. ತು ಹಮೊನೆ ಉಪದೆಶ ಕರಲವಾಲೊ ವ್ಹೈ. ಕೈನ ಕವೊಸಿ.
LUK 13:27 ತೆಳಾಮಾ ತೆ ತುಮೊನೆ, ತುಮೆ ಕುನ್ನ ವ್ಹೈ. ಮನೆ ಗ್ವತ್ತ ನತ್ತಿ, ತುಮೆ ಕಿಜ್ಗಾ಼ನಾ ವ್ಹೈ. ನ್ಹ್ಯಾಂತ್ತಾ ಗೈಪಡೊ. ತುಮೆ ಪಾಪನು ಕಾಮ ಕರಾಲಾ ಮನಕ್ಹೊ ವ್ಹೈ. ಕೈನ ಕವಸ.
LUK 13:28 "ಅಬ್ರಹಾಮ,ಯಾಕೊಬ, ಇಸಾಕ ವರಿ ಕ್ಹಾರಾ ಪ್ರವಾದಿಯೊ ಕ್ಹುದಾನಿ ರಾಜ್ಯಮಾ ರ‍್ಹಯಲ ತುಮೆ ದೆಕೊಸಿ. ವರಿ ತುಮೊನೆ ಭಾರಾ ಘಾಲಾಲಗಾಡಸ. ತೆಳಾಮಾ ತುಮೆ ಭುಚಿ಼ಕಿನ ವರಿ ಸಿಟ್ಟಕ್ಹು ವದ್ರೊಸಿ.
LUK 13:29 ಮನಕ್ಹೊ ಪುರವತಾ, ಪಶ್ಚಿಮ, ಉತ್ತರ, ದಕ್ಕಷಿಣತಾ ಆವಸ. ತ್ಯುನೆ ಕ್ಹುದಾನಿ ರಾಜ್ಯಮಾ ಖಾವಾನೆ ಬೈಟಸ್.
LUK 13:30 ಹಮ್ನಾ, ಲಾಸ್ಟೆ ರ‍್ಹಯಲ ವಾಲಾ ದಕ್ಹಾ ಜ಼ನಾ ಪಸ್ಟ ಥಾವಸ, ಪಸ್ಟ ರ‍್ಹಯಲವಾಲಾ ಲಾಸ್ಟೆ ಥಾವಸ"
LUK 13:31 ತೆ ಟೈಮಾ ದಕ್ಹಾ ಫರಿಸಾಯರೊ ಯೆಸುಕನ ಐನ, ತು "ನ್ಹ್ಯಾಂತೊ ಗೈಪಡ! ಹೆರೊದ ತುನೆ ಖಲಾಸ ಕರುಸ ಕವಾಡ್ಯೊಸ"ಕದ್ಯಾ.
LUK 13:32 ಯೆಸು ತ್ಯುನೊನೆ, ತುಮೆ ಗೈನ ತೆ ನರಿನೆ (ಹೆರೊದ್ನೆ) ಆಜಾ಼ನಾ ದಿನಮಾ ವರಿ ವ್ಹಂತ್ತಾ ಮನಕ್ಹೊನೆ ಮಿ ಕೆಟ್ಟ ಆತ್ಮಾವೊಕ್ಹು ಛೊಡೌಸ. ವರಿ ರೊಗಿಯೊನೆ ಅರಾಮ ಕರಾನು ಕಾಮ ಪುರಾ ಕರುಸ, ಮರನಾದಿನ್ನೆ ಮಾರು ಕಾಮ ಪುರಾ ಖಲಾಸ ಥಾಸ ಕವೊ.
LUK 13:33 ಪಾಚಲ್ತೊ ಮಿ ಯೆರೊಸೆಲಿಮೆ ಜೌ಼ ಕಾಕದ್ಯಾಮ ಪ್ರವಾದಿಯೊನೆ ತ್ಯಾಜ಼ ಖಲಾಸ ಕರಸ.
LUK 13:34 "ಯೆರೊಸೆಲಿ, ಯೆರೊಸೆಲಿ ತು ಪ್ರವಾದಿಯೊನೊ ಖಲಾಸ ಕರಶಿ. ಕ್ಹುದಾ ತುಕನ ಮೊಕ್ಕಲಲ ಮನಕ್ಹೊನೆ ತು ಮಂಗಾಳಾ ಮಾರಿನ ಖಲಾಸ ಕರಶಿ. ಕುಕಡಿ ತಿನಾ ಬಚ್ಚಾವೊನೆ ತಿನಾ ರೆಕ್ಕಕ್ಕಯಾನ ಹೆಟು ಬೈಟಾಡಿ ಲಿದಲ ಲಿಂಗತ ಮಿ ತಾರಾ ಮನಕ್ಹೊನೆ ಸಹಾಯಾ ಕರಾನೆ ಕೆಕ್ಕಲಿಕಿ ಸಲಾ ಮಿ ಚಿಂತಾ ಕರ‍್ಯೊ ವರಿ ತು ಮನೆ ಮರ್ಯಾದಿ ದಿದ್ಯು ನೈ.
LUK 13:35 ತಾರಿ ಯಕ್ಕ ದೆವಾಲಯ ಖಾಲಿ ಥೈ ಜಾ಼ವಸ. ಕರ್ತಾನಾ ನಾಮ ಪರ ಆವಾಲಾನೆ ಆಶಿರ್ವಾದ! ಕೈನ ಕವಾನಾ ಟೈಮ ಲಕ್ಕಾ ತು ಮನೆ ದೆಕುಜ಼ ನೈ ಕೈನ ಮಿ ತುನೆ ಕೌಸ, ಕದ್ಯೊ.
LUK 14:1 ಯಕ್ಕ ಸಬ್ಬತದಿನಮಾ ಯೆಸು ಖಾಸ ಫರಿಸಾಯನಾ ಘರಮಾ ಖಾವಾನೆ ಗಯೊ. ತ್ಯಾ ರ‍್ಹಯಲ ಮನಕ್ಹೊ ಯೆಸುನೆ ಯಕ್ಕ ಸಂವಾ ದೆಕಾಡಾತಾ.
LUK 14:2 ತೆಳಾಮಾ ಯೆಸುನಾ ಕ್ಹಾಮಾ ಜಲೊದರ ರೊಗರ‍್ಹಯಲವಾಲಾನೆ ಲೈನ ಬೈಟಾಡ್ಯಾ.
LUK 14:3 ಯೆಸು ಫರಿಸಾಯರೊನೆ ಧರಮೊಪದೆಶ ಕರಾಲಾ ಶಾಸ್ತ್ರಿಯೊನೆ"ಸಬ್ಬತ್ ದಿನಮಾ ರೊಗಿಯೊನೆ ಅರಾಮ ಕರಾನು ಚೊ಼ಕು ವ್ಹೈಸು? ಸು ತಪ್ಪ ವ್ಹೈ? ಕೈನ ಪುಚ್ಯೊ.
LUK 14:4 ತ್ಯುನೆ ಸುಜ಼ ಕದ್ಯಾ ನೈ. ತೆಳಾಮಾ ಯೆಸು ರೊಗ ರ‍್ಹಯಲ ಮನಕ್ಹನೆ ಮುಟ್ಟಿನ ಅರಾಮ ಕರಿನ ತಿನೆ ಮೊಕ್ಕಲಿಪಾಡ್ಯೊ.
LUK 14:5 ಯೆಸು ಫರಿಸಾಯರೊನೆ ವರಿ ಶಾಸ್ತ್ರಿಯೊನೆ"ಸಬ್ಬತ್ ದಿನಮಾ ತುಮಾರಾ ದಿಕ್ರಾನೆ ತುಮೆ ರಾಕಲ ಪಶುವೊನೆ ಇರಮಾ ಪಡಿಗಯಾಮ, ತೆಳಾಮಾಜ಼ ತುಮೆ ತ್ಯುನೊನೆ ಇರ ಮಾತಾಭಾರಾ ಕಾಡಿನ ವಚಾ಼ಡೊಸಿ ಕವಾನು ತುಮೊನೆ ಗ್ವತ್ತ ಛೆ "ಕದ್ಯೊ.
LUK 14:6 ತೆ ವಾತೆ ಫರಿಸಾಯರೊ ರ‍್ಹೈನೆಕಾ ಶಾಸ್ತ್ರಿಯೊ ರ‍್ಹೈನೆಕಾ ಜವಾಬ ದಿದ್ಯಾ ನೈ.
LUK 14:7 ಅತಿಥಿಯೊ ಥೈನಾಯಲ ದಕ್ಹಾ ಜ಼ನಾ ಬೈಟಾನಾ ಹುತಿ ಚೊ಼ಕಿ ಜ಼ಗಾ ಹುಡ್ಕಾನು ಯೆಸು ದೆಕಿನ ತ್ಯುನೊಕನ ಯಕ್ಕ ಸಾಮ್ಯ ಕದ್ಯೊ.
LUK 14:8 "ಯಕ್ಲೊ ತುನೆ ಹಿವಾಮಾ ಖಾವಾನೆ ಬಲಾಯೊಮ, ತು ಚೊ಼ಕಿ ಜ಼ಗಾ ಬೈಟು ನಕೊ. ತೆ ತುತ್ತಿ ಘನ್ನೊ ಚೊ಼ಕೊ ರ‍್ಹಯಲವಾಲಾನೆ ಬಲಾಯಲ ರ‍್ಹಸ.
LUK 14:9 ತು ಚೊ಼ಕಿ ಜ಼ಗಾ ಬೈಟಲ ರ‍್ಹಯೊಮ, ತುನೆ ಹಿವಾಮಾ ಬಲಾಯಲ ವಾಲೊ ತೆ ಐನ, ತುನೆ ಆ ಜ಼ಗಾ ಅನೆ ಛೊಡಿನ ದೆ ಕೈನ, ತುನೆ ಕಸ. ತೆಳಮಾ ತು ಸರಮಾಯಿನ ಲಾಸ್ಟನಿ ಜ಼ಗಾಪರ ಬೈಟೆಕ್ಹ.
LUK 14:10 ತಿನಾಹುತಿ ಯಕ್ಲೊ ತುನೆ ಹಿವಾನೆ ಬಲಾತಾಮಾ ಲಾಸ್ಟನಿ ಜ಼ಗಾಪರ ಗೈನ ಬೈಟ. ತೆಳಾಮಾ ತುನೆ ಹಿವಾನೆ ಬಲಾಯಲ ವಾಲೊ ಐನ. ದೊಸ್ತ ತು ಚೊ಼ಕಿ ಜ಼ಗಾ ಬೈಟ ಕವಸ!, ತೆಳಾಮಾ ಹಿವಾಮಾ ಆಯಲ ಕ್ಹಾರಾ ಮನಕ್ಹೊ ತುನೆ ಮರ್ಯಾದಿ ದಿವಸ.
LUK 14:11 ಕುನ್ನಬಿ ಮಿಜ಼ ಮ್ಹೊಟೊ ವ್ಹೈ ಕೈನ ಕವೈ ಲಿವಾಲೊ ನ್ಹಾನೊ ಥಾವಸ. ನ್ಹಾನೊ ಥೌಸ ಕೈನ ಕವೈಲಿವಾಲೊ ತೆ ಮ್ಹೊಟೊ ಥಾವಸ"
LUK 14:12 ಪಾಚಲ್ತೊ ಯೆಸು ಖಾವಾನಾ ಹುತಿ ಬಲಾಯಲ ಫರಿಸಾಯರನೆ"ರಾತೆ ಖಾವಾನೆ ವರಿ ದುಪಾರೆ ಖಾವಾನೆ ತಾರಾ ದೊಸ್ತೊನೆ ಭಾಯೊನೆ ಕುಟುಂಬವಾಲಾನೆ ವರಿ ಸೌಕಾರ ರ‍್ಹಯಲ ತಾರಾ ಆಜು಼ಬಾಜು಼ ವಾಲಾನೆ ಘರೆ ಬಲಾಯೊಮ, ತ್ಯುನೆ ತುನೆಬಿ ತುನೆ ಖಾವಾನಾ ಹುತಿ ಘರೆ ಬಲಾವಸ, ತೆಳಾಮಾ ತೆಜ಼ ತುನೆ ಪ್ರತಿಫಲ ಥಾವಸ.
LUK 14:13 ತಿನಾ ಬದ್ಲಿ, ತು ಖಾವಾನೆ ಅನ್ನ ಕರತಾಮಾ ಗರಿಬ ಮನಕ್ಹೊನೆ, ಅಪಾಯಿಜ಼ ರ‍್ಹಯಲವಾಲಾವೊನಾ ಲಂಗ್ಡಾವೊನೆ ವರಿ ಕುಡ್ಡಾವೊನೆ ಖಾವಾನೆ ಬಲಾ.
LUK 14:14 ತೆಳಾಮಾ ತುನೆ ಆಶಿರ್ವಾದ ಮಳಸ, ಕಾಕದ್ಯಾಮ, ಎ ಮನಕ್ಹೊ ಖಾವಾನಾ ಹುತಿ ತುನೆ ಘರೆ ಬಲಾತಾ ನೈ. ತ್ಯುನೊಕನ ಸುಜ಼ ನತ್ತಿ. ತೆನೈಸೊ ಕ್ಹರಿನಾ ಮನಕ್ಹೊ ಜಿವ್ತಾ ಥೈನ ಉಟಿನ ಆತಾಮಾ, ತುನೆ ಪ್ರತಿಫಲ ಮಳಸ "ಕದ್ಯೊ.
LUK 14:15 ಯೆಸುನಾ ಕ್ಹಾತೆ ಖಾವಾನಾ ಹುತಿ ಬೈಟಲವಾಲಾವೊಮಾ ಯಕ್ಲೊ ಎ ವಾತೊ ಐಕಿನ, ಯೆಸುನೆ"ಕ್ಹುದಾನಿ ರಾಜ್ಯಮಾ ಖಾವಾಲಾಜ಼ ಧನ್ಯ ವ್ಹೈ"ಕದ್ಯೊ.
LUK 14:16 ತೆಳಾಮಾ ಯೆಸು ತಿನೆ ಸು ಕದ್ಯೊ ಕದ್ಯಾಮ; ಯಕ್ಲೊ ಘನ್ನಾ ಮನಕ್ಹೊನೆ ಖಾವಾನಾ ಹುತಿ ಅನ್ನ ಕರಾಯಲ ಟೈಮ್ಮಾ ಘನ್ನಾ ಮನಕ್ಹೊನೆ ಬಲಾಯೊ.
LUK 14:17 ಖಾವಾನೊ ಟೈಮ ಆತಾಮಾ, ತೆ ತಿನಾ ಆಳೊನೆ ಮೊಕ್ಲಿನ, ಆವೊ ಅನ್ನ ತಯ್ಯಾರ ಛೆ, ಕೈನ ಖಾವಾನೆ ಆಯಲ ವಾಲಾವೊನೆ ಕದ್ಯೊ.
LUK 14:18 ತೆನೈಸೊ ತೆ ಖಾವಾನೆ ಆಯಲವಾಲಾ ಮನಕ್ಹೊ ಹಮೊನೆ ಆವಾನೆ ಥಾತು ನೈ ಕದ್ಯಾ. ಹರಿ ಯಕ್ಲೊ ಯಕೆಕ ನ್ಯವಾ ಕದ್ಯಾ ಪೈಲಾ ವಾಲೊ ಮಿ ಹಮ್ನಾ ಖೆತರ ಇಕ್ಕಾತು ಲಿದ್ಯೊಸ. ವರಿ ಮಿ ತ್ಯಾ ಗೈನ ಕೈದು, ಮನೆ ಮರಗಿನ ಮಾಫ ಕರ, ಕದ್ಯೊ.
LUK 14:19 ಬೆವಾವಾಲೊ, ಮಿ ಹಮ್ನಾ-ಹಮ್ನಾ ಪಾಂಚ಼ ಜೊ಼ಡಿ ಬೈಲೊ ಇಕ್ಕಾತೊ ಲಿದ್ಯೊಸ, ಮಿ ಗೈನ ತೆ ಬೈಲೊ ಚೊ಼ಕಿಯೊ ಛೆಸು ನೈ ಕೈನ ದೆಕು, ಮನೆ ಮರಗಿನ ಮಾಫ ಕರ ಕದ್ಯೊ.
LUK 14:20 ತನ್ವಾವಾಲೊ ಮಿ ಹಮ್ನಾ-ಹಮ್ನಾ ಹಿವಾ ಕರಲಿದ್ಯೊಸ, ಮನೆ ಆವಾನೆ ಥಾತು ನೈ ಕೈನ ಕದ್ಯೊ.
LUK 14:21 ತಿನಾ ಹುತಿ ತೆ ಆಳ ಪಾಚೊ಼ ಫರಿನ ಗೈನ ತಿನಾ ಮಾಲಕನೆ ತೆ ಕ್ಹಾರು ಕದ್ಯೊ. ತೆಳಾಮ ತೆ ಮಾಲಕ ಘನ್ನೊ ಸಿಟ್ಟ ಥೈನ ತಿನಾ ಆಳನೆ ಎ ಗಾಮ್ನಿಯೊ ಒಣಿಯೊಮಾ ವರಿ ಸಂದಿಯೊಮಾ ಭೆಗಿನ ಗೈನ ಗರಿಬೊನೆ ಅಪಾಯಿಜ಼ ರ‍್ಹಯಲವಾಲಾವೊನಾ ಕುಡ್ಡಾವೊನೆ ಲಂಗ್ಡಾವೊನೆ ನ್ಹ್ಯಾ ಬಲೈ ಲಿನ ಆ, ಕದ್ಯೊ.
LUK 14:22 "ತೆಳಾಮಾ ತೆ ಆಳ ಗೈನ ಐನ ಮಾಲಕ, ತು ಕದಲ ತಿಮ್ಮಜ಼ ಕರ‍್ಯೊ. ವರಿ ತೆಕ್ಲಾ ಮನಕ್ಹೊ ಆಯಾ ತಬಿ ಅಪೊಕನ ಹಜು಼ನ ಮನಕ್ಹೊನೆ ಜ಼ಗಾ ಛೆ. ಕದ್ಯೊ.
LUK 14:23 ತೆಳಾಮಾ ತೆ ಮಾಲಕ ತಿನಾ ಆಳನೆ ಕದ್ಯೊ. ತು ಗೈನ ರಸ್ತಾವೊಪರ ಜಾ಼ವಾಲಾ ಖೆತ್ರೊಮಾತಾ ಜಾ಼ವಾಲಾ ಮನಕ್ಹೊನೆ ವರಿ ಕುನ್ನ ಮಳಸ ತ್ಯುನೊನೆ ಬಲೈ ಲಿನಜ಼ ಆ, ಮಾರು ಘರ ಮನಕ್ಹೊಕ್ಹು ಭರಿ ಜಾ಼ವಾದೆ.
LUK 14:24 ಮಿ ಪೈಲಾ ಬಲಾಯಲ ಮನಕ್ಹೊಮಾ ಯಕ್ಲೊಬಿ ಮಾರಾ ಅನ್ನನು ಸವಾದ ದೆಕು ನೈ ಕದ್ಯೊ.
LUK 14:25 ಯಕ್ಕ ಸಲಾ ಘನ್ನಾ ಮನಕ್ಹೊ ಯೆಸುನಾ ಕ್ಹಾತೆ ಗುಂಪ-ಗುಂಪ ಥೈನ ಜಾ಼ತಾಮಾ ತ್ಯುನೊನೆ ದೆಕಿನ ಅಮ್ಮ ಕದ್ಯೊ.
LUK 14:26 ಮಕನ ಆವಾಲೊ ಮುತ್ತಿ (ಯೆಸುತಿಬಿ) ಹೆಚ್ಕಿ ತಿನಾ ಮಾ ಬಾಪನೆ, ಬೈಕೊನೆ, ಬಚ್ಚಾ಼ವೊನೆ ತಿನಾ ಭಾಯೊ ಭೆನೊನೆ ವರಿ ತಿನಾಕ್ಹು ತೆ ಮಯಾ ಕರಾಲೊ ರ‍್ಹಯೊಮ ತೆ ಮಾರೊ ಶಿಷ್ಯೊ ಥಾವಾನೆ ಸಾದ್ಯ ನತ್ತಿ.
LUK 14:27 ಮಾರಾ ಪಾಚೊ಼ ಆವಾಲೊ ತಿನಿ ಶಿಲುವಿ ತೆಜ಼ ಉಚೈಲಿನ ಜಾ಼ವಾಲೊ ಮಾರೊ ಶಿಷ್ಯೊ ಥಾವಾನೆ ಸಾದ್ಯ ಛೆ ಕದ್ಯೊ.
LUK 14:28 "ತು ಯಕ್ಕ ಘರ ಭಾಂದು ಕದ್ಯಾಮ ಪೈಲಾ ಬೈಟಿನ ತಿನೆ ಕೆಕ್ಲಾ ಖರಚ಼ ಥಾಸ ಕೈನ ತಿಳದಿಲಿವ. ತೆ ಘರ ಭಾಂದಾನೆ ತುಕನ ಘನ್ನಾ ದೊಕ್ಡಾ ಛೆಸು ಕೈನ ಲೆಕ್ಕೊ ಘಾಲಿನ ದೆಕ,
LUK 14:29 ನೈತೊ, ತು ಘರ ಭಾಂದಾನು ಕಾಮ ಚಾಲು ಕರ‍್ಯೊಮ ತೆ ಘರ ಭಾಂದಾನೆ ನೈಥಯುಮ,
LUK 14:30 ಮನಕ್ಹೊ ತುನೆ ದೆಕಿನ ಆ ಮನಕ್ಹ ಘರ ಭಾಂದಾನು ಕಾಮ ಚಾಲು ಕರ‍್ಯೊ ವರಿ ತಿನಾ ಹತೆ ಥಯು ನೈ ಕೈನ ತುನೆ ಕದ್ರಾವಸ,
LUK 14:31 ಯಕ್ಲೊ ರಾಜೊ಼ ಬಿಜೆಕ್ಲಾ ರಾಜಾ಼ನಾ ವಿರುದ್ದ ಯುದ್ದನೆ ಜಾ಼ತಾಮಾ, ಪೈಲಾ ತೆ ರಾಜೊ಼ ಬೈಟಿನ ವಿಚಾರ ಕರಲಿವಸ, ತಿಕನ ದಕ್ಹ ಹಜಾ಼ರ ಸೈನಿಕೊ ರ‍್ಹಯಾಮ. ಇಕ್ಹ ಹಜಾ಼ರ ಸೈನಿಕೊ ರ‍್ಹಯಲ ಹಜು಼ನ ಯಕ್ಲಾ ರಾಜಾ಼ನೆ ಸೊಲ್ಸಾನೆ ಸಾದ್ಯ ನತ್ತಿ. ಕೈನ ತೆ ರಾಜೊ಼ ವಿಚಾರ ಕರಲಿವಸ.
LUK 14:32 ತೆ ಬಿಜೆಕ್ಲಾ ರಾಜಾ಼ನೆ ನೈ ಸೊಲ್ಸಾನೆ ಥಯುಮ, ತ್ಯುನಾ ಮನಕ್ಹೊನೆ ಮೊಕ್ಲಿನ ಶಾಂತಿ ಸಮಾದಾನೆ ಬೊಲ್ಲಿನ ಫೈಸಲೊ ಕರಲಿವಸ.
LUK 14:33 ತಿನಾ ಲಿಂಗತಜ಼ ತುಮೆ ವಿಚಾರ ಕರು. ತುಮೆ ಮಾರಾ ಪಾಚಾ಼ ಔಸ ಕದ್ಯಾಮ ತುಮೊಮಾ ರ‍್ಹಯಲ ಮಾರಾ ಶಿಷ್ಯಾ ಥಾವಾನೆ ಸಾದ್ಯ ನತ್ತಿ!
LUK 14:34 ಮಿಟ್ಟು ಚೊ಼ಕು ವ್ಹೈ, ವರಿ ಮಿಟ್ಟುಜ಼ ತಿನು ಸವಾದ ಜ಼ವೈ ಲಿದ್ಯುಮ ತೆ ಮಿಟ್ಟಾನೆ ಶಾಕ್ಹುಜ಼ ಸ್ವಾದ ಕರಾನೆ ಸಾದ್ಯ ನತ್ತಿ.
LUK 14:35 ತಿನಾಹುತಿ ಮಾತಿನೆ ರ‍್ಹೈನೆಕಾ ಗೊಬ್ರಾನೆ ರ‍್ಹೈನೆಕಾ ಉಪಯೊಗ ನತ್ತಿ, ಮನಕ್ಹೊ ತಿನೆ ಭಾರಾ ನಾಕಿ ಪಾಡಸ. ಕಾನೊ ರ‍್ಹಯಲವಾಲಾ ಮಾರಿಯೊ ವಾತೊ ಐಕೊ!
LUK 15:1 ಯಕ್ಕ ದಿನ್ನ ಘನ್ನಾ ಭು ಭಾಡೊಲಿವಾಲಾ ವರಿ ಪಾಪಿಯೊ ಯೆಸು ಕವಾನು ಉಪದೆಶ ಐಕು ಕೈನ ಆಯಾತಾ.
LUK 15:2 ತೆಳಾಮಾ ಫರಿಸಾಯರೊ ವರಿ ಶಾಸ್ತ್ರಿಯೊ"ದೆಕೊ! ಎ ಮನಕ್ಹ (ಯೆಸು) ಪಾಪಿಯೊನೆ ಬಲೈನ ತ್ಯುನಾ ಕ್ಹಾತೆ ಮಳಿನ ಅನ್ನ ಖಾವಾಡ್ಯೊಸ"ಕತಾ ಯೆಸುಪರ ಗುಣ ಗುಟ್ಟಾಡ್ಯಾತಾ.
LUK 15:3 ತೆಳಾಮಾ ಯೆಸು ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ.
LUK 15:4 ತುಮೊಮಾನಾ ಯಕ್ಲಾಕನ ಕ್ಹೊ ಬಕ್ರಾ‌ ಛೆ ಕೈನ ತಿಳದಿಲಿಯೆ ತೆ ಕ್ಹೊ ಬಕ್ರಾವೊಮಾನು ಯಕ್ಕ ಬಕ್ರು ಜ಼ವೈ ಗಯುಮ, ತೆ ಮನಕ್ಹ ನವ್ವದಪರ ನೌ ಬಕ್ರಾ ತ್ಯಾಜ಼ ಛೊಡಿನ ಜ಼ವೈಗಯಲ ಯಕ್ಕ ಬಕ್ರಾನೆ ಹುಡ್ಕತೊ ಜಾ಼ವಸ. ತೆ ಬಕ್ರು ಮಳೆ ಲಕ್ಕಾ ತೆ ಹುಡ್ಕತೊಜ಼ ರ‍್ಹವಸ.
LUK 15:5 ತೆ ಮನಕ್ಹನೆ ಜ಼ವೈಗಯಲ ಬಕ್ರು ಮಳ್ತಮಾ ಘನ್ನೊ ಖುಶಿ ಥಾವಸ. ತೆ ಬಕ್ರಾನೆ ಖಾಂದಾಪರ ಉಚೈಲಿನ ತಿನಾ
LUK 15:6 ಘರೆ ಆವಸ ತೆ ತಿನಾ ದೊಸ್ತೊನೆ ವರಿ ಆಜು಼ಬಾಜು಼ವಾಲಾನೆ ಬಲೈನ ಮಾರಾ ಕ್ಹಾತೆ ಖುಶಿ ಕರೊ, ಮಾರು ಜ಼ವೈಗಯಲ ಬಕ್ರು ಮಳ್ಯುಸ ಕವಸ.
LUK 15:7 ತಿನಾ ಲಿಂಗತಜ಼, ಯಕ್ಕ ಪಾಪಿ ತಿನು ಮನಸ. ಕ್ಹುದಾ ಬಗಲ ಫರಯೊಮ ಸ್ವರಗಾಮಾ ಘನ್ನಾ ಖುಶಿ ಥಾವಸ ಕೈನ ಮಿ ತುಮೊನೆ ಕೌಸ. ನೌವ್ವದಪರ ನೌ ಮನಕ್ಹೊ ಕ್ಹುದಾಬಗಲ ಫರಲ ವಾಲಾತಿಬಿ ಯಕ್ಕ ಪಾಪಿ ಕ್ಹುದಾ ಬಗಲ ಫರಯೊಮ ತಿನಾ ವಾಸ್ತರ ಘನ್ನಾ ಖುಶಿ ಥಾವಸ.
LUK 15:8 ನೈತೊ "ಯಕ್ಕ ಹೆಣ ಮನಕ್ಹಕನ ದಕ್ಹ ರುಪ್ಪಾನಾ ಬಿಲ್ಲಾ ಛೆ ಕೈನ ತಿಳದಿಲಿಯೆ. ತೆ ಹೆಣ ಮನಕ್ಹ ತಿಮಾನೊ ಯಕ್ಕ ರುಪ್ಪಾನೊ ಬಿಲ್ಲೊ ಜ಼ವೈ ಲಿಪಾಡಸ್. ತೆ ದಿವ್ವೊ ಲೈನ ತಿನು ಘರ ಝಾಡಸ. ತೆ ರುಪ್ಪಾನೊ ಬಿಲ್ಲೊ ಮಳೆ ಲಕ್ಕಾ ಹುಡ್ಕಸ,
LUK 15:9 ಜ಼ವೈ ಗಯಲ ರುಪ್ಪಾನೊ ಬಿಲ್ಲೊ ಮಳಲ್ಪರ ತೆ ತಿನಾ ದೊಸ್ತನಾ ಕ್ಹಾತೆ ಆಜು಼ಬಾಜು಼ವಾಲಾವೊನೆ ಬಲೈನ, ಮಾರಾ ಕ್ಹಾತೆ ಖುಶಿ ಕರೊ ಜ಼ವೈ ಗಯಲ ರುಪ್ಪಾನೊ ಬಿಲ್ಲೊ ಮಳ್ಯೊಸ, ಕವಸ.
LUK 15:10 ತಿನಾ ಲಿಂಗತಜ಼ ಯಕ್ಕ ಪಾಪಿ ತಿನಾ ಪಾಪನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಯೊಮ ಸ್ವರ್ಗಮಾ ರ‍್ಹಯಲ ದೆವದುತೊ ಘನ್ನಾ ಖುಶಿ ಥಾವಸ.
LUK 15:11 ಪಾಚಲ್ತೊ ಯೆಸು ಅಮ್ಮ ಕದ್ಯೊ" ಯಕ್ಕ ಮನಕ್ಹನೆ ಬೆ ದಿಕ್ರಾ ವ್ಹತ್ತಾ.
LUK 15:12 ತಿಮಾನೊ ನ್ಹಾನೊ ದಿಕ್ರೊ, ತಿನಾ ಬಾನೆ "ತಾರಿ ಆಸ್ತಿಮಾನೊ ಮಾರೊ ವಾಟೊ ದೆ ಕೈನ ಕದ್ಯೊ. ತಿನಾಹುತಿ ತಿನೊ ಬಾ ತಿನಿ ಆಸ್ತಿಮಾನೊ ವಾಟೊ, ತಿನಾ ನ್ಹಾನಾ ದಿಕ್ರಾನೆ ವಾಟಿನ ದಿದ್ಯೊ.
LUK 15:13 "ತೆಳಾಮಾ ತಿನೊ ನ್ಹಾನೊ ದಿಕ್ರೊ ತಿನೊ ವಾಟೊ ಲಿನ ಭಾರಲ್ಯಾ ದೆಶೆ ಗೈಪಡ್ಯೊ. ತ್ಯಾ ತೆ ಕೆಟ್ಟ ಚಟಾ ಸಿಕ್ಕಕಿನ ಪುರಾ ಆಸ್ತಿ ಹಾಳ ಕರಲಿ ಪಾಡ್ಯೊ.
LUK 15:14 ದಕ್ಹಾ ದಿನ್ಪರ‍ ತೆ ರ‍್ಹಯಲ ದೆಶಮಾ ಬರಗಾಲ ಐಯು. ತೆಳಾಮಾ ತೆ ದೆಶಮಾ ಸು ನ್ಹೊತು, ತೆ ಪಟ್ಟಾನೆ ಘನ್ನಿ ಭುಕ್ಕ ಲಾಗಿತಿ ತಿನಾ ಹುತಿ ತಿನೆ ದೊಕಡಾನಿ ಜ಼ರುರತ ವ್ಹತ್ತಿ.
LUK 15:15 ತಿನಾ ಹುತಿ ತೆ ದೆಶಮಾ ರ‍್ಹಯಲ ಯಕ್ಲಾಕನ ಕುಲಿ ಕರಾನೆ ತಿಕನ ವ್ಹತ್ತೊ. ತೆ ಮನಕ್ಹ ತೆ ಪಟ್ಟಾನೆ ಢುಕ್ಕಕುರೊ ಚ಼ರಾವಾನಾ ಹುತಿ ತಿನೆ ಖೆರತೆ ಮೊಕಲ್ಯೊ.
LUK 15:16 ತೆಳಾಮಾ ತೆ ಪಟ್ಟಾನೆ ಘನ್ನಿ ಭುಕ್ಕ ಲಾಗಿತಿ ತಿನಾಹುತಿ ಢುಕ್ಕಕುರೊ ಖಾವಾನಿ ತರಕಾರಿ ಖೌಕೈನ ತೆ ಪಟ್ಟೊ ಕೈಲಿದ್ಯೊ. ತಿಮ್ಮ ರ‍್ಹಯುತಬಿ ತಿನೆ ತೆ ಖಾವಾನೆ ದಿದ್ಯೊ ನೈ.
LUK 15:17 ತೆಳಾಮಾ ತೆ ಪಟ್ಟೊ ಗ್ಯಾನ ಐಯು ತೆ ಕಾಮ ಕರಲ ತಿನೆ ತಿಳದ್ಯು. ವರಿ ತಿನಾ ಮನಸ್ಮಾ ಕೈಲಿದ್ಯೊ. ಮಾರಾ ಬಾನಾ ಘರಮಾ ರ‍್ಹಯಲ ಆಳೊನೆ ಘನ್ನು ಅನ್ನ ರ‍್ಹವಸ ಮಿ ತೊ ನ್ಹ್ಯಾ ಭುಕ್ಕೊ ಮರಾಡ್ಯೊಸ.
LUK 15:18 ಮಿ ನ್ಹ್ಯಾಂತೊ ಗೈ ಪಡಸು. ವರಿ ಮಿ ಮಾರಾ ಬಾಕನ ಗೈನ ಬಾ ಮಿ ತಾರಾ ವಿರೊದ ವರಿ ಕ್ಹುದಾನಾ ವಿರೊದ ಪಾಪ ಕರ‍್ಯೊಸ,
LUK 15:19 ತಾರೊ ದಿಕ್ರೊ ವ್ಹೈ ಕೈನ ಕವೈಲಿವಾನೆ ಯೊಗ್ಯ ನತ್ತಿ. ಮನೆ ತಾರಾ ಘರನಾ ಆಳೊಮಾ ಮಿಬಿ ಯಕ್ಲೊ ವ್ಹೈ ಕೈನ ತಿಳದಿಲೆ ಕೈನ ಕೈಲಿದ್ಯೊ.
LUK 15:20 ತಿನಾ ಲಿಂಗತಜ಼ ತೆ ತಿನಾ ಬಾಕನ ಚಾ಼ಲ್ಯೊತೊ" ತಿನೊ ನ್ಹಾನೊ ದಿಕ್ರೊ ದುರತೊ ಆವಾನು ವಳ್ಕಿನ ತಿನೆ ಮರಗಿನ ತಿಕನ ನ್ಹಾಟತೊ ಐನ ತಿನಾ ಗಳೆ ಮಳಿನ ದಿಕ್ರಾನೆ ಮಟ್ಟಿ ಲಿದ್ಯೊ.
LUK 15:21 ದಿಕ್ರೊ ತಿನಾ ಬಾಪನೆ, ಬಾ, ಮಿ ಕ್ಹುದಾ ವಿರೊದ ಥೈನ ತುನೆ ವಿರೊದ ಥೈನ ಪಾಪ ಕರ‍್ಯೊಸ. ತಾರೊ ದಿಕ್ರೊ ವ್ಹೈ ಕೈನ ಕವೈಲಿವಾನೆ ಮಿ ಯೊಗ್ಯ ನತ್ತಿ.
LUK 15:22 ತೆನೈಸೊ ಬಾಪ ತಿನಾ ಸೆವಕೊನೆ, ಐಕೊ! ಚೊ಼ಕಾ ವಣ್ಣಾ ಲೈನ ಅನೆ ಘಾಲೊ. ತಿನಾ ಬೊಟೊನೆ ಇಟ್ಟಿಯೊ ಘಾಲೊ. ಪಗೊನೆ ಚೊ಼ಕಾ ಚಪ್ಲೊ ಘಾಲೊ.
LUK 15:23 ಘಟ್ಟಮುಟ್ಟ ರ‍್ಹಯಲ ಹೊರಿನೆ ಕಾಟಿನ ಖುಶಿ ಕರಿಯೆ.
LUK 15:24 ಮಾರೊ ದಿಕ್ರೊ ಜ಼ವೈ ಗಯೊತೊ, ಎ ತಪ್ಪಿನ ಗಯೊತೊ. ಹಮ್ನಾ ವರಿ ಮಳ್ಯೊಸ" ಕದ್ಯೊ. ತೆನೈಸೊ ತ್ಯುನೆ ಖುಶಿ ಕರಾಡಾತಾ.
LUK 15:25 ತೆಳಾಮಾ ಮ್ಹೊಟೊ ದಿಕ್ರೊ ಖೆತರಮಾ ವ್ಹತ್ತೊ. ತೆ ಘರೆ ಆತಾಮಾ ಗಿದ್ದೊ ಕವಾನು ನ್ಹಾಚಾ಼ನು ಅವಾಜ಼ ಐಕ್ಯೊ.
LUK 15:26 ತಿನಾಹುತಿ ತೆ ತ್ಯುನಾ ಆಳಮಾನಾ ಯಕ್ಲಾನೆ ಬಲೈನ ಆ ಸು ಕರಾಡಾಸ? ತಿನೆ ಪುಚ್ಯೊ.
LUK 15:27 ತೆಳಾಮಾ ತೆ ಆಳ ಕದ್ಯೊ. ತಾರೊ ಜ಼ವೈಗಯಲ ಭೈ ಫರಿನ ಆಯೊಸ. ತಿನಾ ಹುತಿ ತಾರೊ ಬಾ ಘಟ್ಟ ಮುಟ್ಟ ರ‍್ಹಯಲ ಹೊರಿ ಕಾಟಾ ಲಗಾಡ್ಯೊಸ್. ವರಿ ತಾರೊ ಬಾ ಘನ್ನೊ ಖುಶಿಮಾ ಛೆ! ಕದ್ಯೊ ಕಾಕದ್ಯಾಮ ತಾರೊ ಭೈ ಫರಿನ ಆಯೊಸ.
LUK 15:28 ತೆಳಾಮಾ ತಿನೊ ಮ್ಹೊಟೊ ದಿಕ್ರೊ ಶಿಟ್ಟ ಥೈನ ತೆ ಘರಮಾ ಗಯೊ ನೈ. ತೆಳಾಮಾ ತಿನೊ ಬಾ ಭಾರೊ ಐನ ತಿನೆ ಮ್ಹೈ ಆ ಕೈನ ಮಾಂಗಿಲಿದ್ಯೊ.
LUK 15:29 ತೆಳಾಮಾ ತಿನೊ ಮ್ಹೊಟೊ ದಿಕ್ರೊ ತಿನಾ ಬಾನೆ ಮಿ ತಾರೊ ಆಳ ಥೈನ ಘನ್ನಾ ವರಘತೊ ಸೆವಾ ಕರ‍್ಯೊಸ! ವರಿ ತು ಕದಲ ತಿಮ್ಮಜ಼ ಮಿ ಐಕ್ಯೊಸ. ವರಿಬಿ ತು ಮಾರಾಹುತಿ ಮಾರಾ ದೊಸ್ತೊನಾ ಹುತಿ ಯಕ್ಕ ಬಕ್ಕರುಬಿ ಕಾಟ್ಯೊ ನತ್ತಿ. ವರಿ ತು ಮಾರಾಹುತಿ ಮಾರಾ ದೊಸ್ತೊನೆ ಖಾವಾನೆ ಅನ್ನ ಕರಾಯೊ ನತ್ತಿ.
LUK 15:30 ತೆನೈಸೊ ತಾರೊ ನ್ಹಾನೊ ದಿಕ್ರೊ ತಾರಾ ಕ್ಹಾರಾ ದೊಕ್ಡಾ ಸುಳಿಯೊನಾ ಹುತಿ ಜ಼಼ವೈ ಲಿದ್ಯೊ. ವರಿ ತೆ ಘರೆ ಫರಿನೆ ಆತಾಮಾ ತಿನಾಹುತಿ ತು ಹೊರಿ ಕಾಟಾಲಗಾಡ್ಯೊ. ಕೈನ ಕದ್ಯೊ.
LUK 15:31 ತಿಮ್ಮ ಕತಾಮಾ ತಿನೊ ಬಾ ಕದ್ಯೊ ದಿಕ್ರಾ, ತುತೊ ಮಾರಾ ಕ್ಹಾತೆ ಕೆಳಾಮಾಬಿ ರ‍್ಹಸಿ. ಮಕನ ರ‍್ಹಯಲ ಕ್ಹಾರುಜ಼ ತಾರು ವ್ಹೈ.
LUK 15:32 ಅಪೆ ಖುಶಿ ಕರು ಕಾಕದ್ಯಾಮ ತಾರೊ ಭೈ ತೊ ಜ಼಼ವೈ ಗಯೊತೊ. ತೆ ಮರಿಗಯೊತೊ ಜಿವ್ತೊ ಥಯೊಸ ವರಿ ಅಪೊಕನ ಫರಿನ ಆಯೊಸ.
LUK 16:1 ಯೆಸು ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ. ಯಕ್ಕ ಕಾಲ್ಮಾ ಯಕ್ಕ ಸೌಕಾರ ವ್ಹತ್ತೊ. ತೆ ಸೌಕರ, ತೆ ಕರಾನೊ ವ್ಯಾಪಾರ ದೆಕಿಲಿವಾಹುತಿ ಯಕ್ಕ ಆಳನೆ ಮ್ಹೆಲ್ಯೊತೊ. ದಕ್ಹಾದಿನ್ನ ಥಯಲ್ಪರ, ತೆ ಆಳ ಸೌಕಾರನೆ ಮೊಸ ಕರಾಡ್ಯೊಸ ಕವಾನು ಸೌಕಾರನೆ ಗ್ವತ್ತ ಥಯು.
LUK 16:2 ತಿನಾಹುತಿ ತೆ ಸೌಕಾರ ತಿನಾ ಆಳನೆ ಬಲೈನ, ತಾರಾ ಹುತಿ ಮನೆ ಸುದ್ದಿ ಐಸ. ಕದ್ಯೊ. ಮಾರಾ ದೊಕ್ಡಾ ತು ಶಾನಾ ಹುತಿ ಖರಚ್ಯೊ ಕರ‍್ಯೊಸ ಕೈನ? ತು ಮನೆ ಲೆಕ್ಕೊ ದೆ ತು ಕೆ. ಇತ್ತಿ ಉಪ್ಪರ ಮಿ ಕರಾನು ವ್ಯಾಪಾರ ತು ನಕೊ ದೆಕಿಲಿವ, ಕದ್ಯೊ
LUK 16:3 ತೆಳಾಮಾ ತೆ ಆಳ ತಿನಾ ಮನಸ್ಮಾ ಮಿ ಸು ಕರು ಕೈನ? ವಿಚಾರ ಕರಲಿದ್ಯೊ. ಮಾರೊ ಮಾಲಕ ಮನೆ ಕಾಮ ಪರತೊ ಕಾಡಿ ಪಾಡಸ! ಖಾಡಿಯೊ ಖಂದಾನೆ ಮನೆ ತಾಕತ ನತ್ತಿ. ಭಿಕ ಮಾಂಗಾನೆ ಮನೆ ಸರಮ ವಾಟಸ.
LUK 16:4 ಮಿ ಹಮ್ನಾ ಸು ಕರು ಕವಾನು ಮನೆ ಗ್ವತ್ತ ಛೆ! ಮಿ ಕಾಮ ಜ಼ವೈ ಲಿದಲ್ಪರ, ಮಿ ಬಿಜಾ಼ ಮನಕ್ಹೊನೆ ದೊಸ್ತಿ ಕರಲ್ಯು ಕಾಮಪರ ಲಿವಾ ವರಕ್ಹು ಮಿ ಹಮ್ನಾ ಕಯುಬಿ ಚೊ಼ಕು ಕಾಮ ಕರಿನ ದೆಕಾಡು. ಕೈನ ಕೈಲಿದ್ಯೊ.
LUK 16:5 ಪಾಚಲ್ತೊ ತೆ ಆಳ ತಿನಾ ಸೌಕಾರಕನ ಸಾಲಾ ಲಿದಲವಾಲಾವೊನೆ ತೆಕ್ಲಾವೊನೆ ಬಲೈನ. ತಿಮಾನಾ ಯಕ್ಲಾನೆ ಬಲೈನ, ತು ಮಾರಾ ಸೌಕರನಿ ಸಾಲಾ ಕೆಕ್ಕಲಿ ದಿವ್. ಕೈನ ಪುಚ್ಯೊ.
LUK 16:6 ತೆಳಾಮಾ ತೆ ಮನಕ್ಹ ಕದ್ಯೊ ಮಿ ಕ್ಹೊ ಬ್ಯಾರಲೊ ಒಲಿವ ತೆಲ ದ್ಯು ಕದ್ಯೊ. ವರಿ ತೆ ಆಳ ಸಾಲಾವಾಲಾನೆ ಕದ್ಯೊ, ತಾರೊ ಲೆಕ್ಕೊ ನ್ಹ್ಯಾಛೆ. ಬೈಟ ಭೆಗಿನ ಆ ಲೆಕ್ಕಕಾಮಾ ಛೆ ಕಿಲೊ ವ್ಹೈ ಕೈನ ಐವತ್ತ ಅಮಾ ಬರದ, ಕದ್ಯೊ.
LUK 16:7 ಪಾಚಲ್ತೊ ತೆ ಆಳ ಬಿಜೆ಼ಕ್ಲಾನೆ ಬಲೈನ ತು ಮಾರಾ ಸೌಕರನೆ ಕೆಕ್ಲಿ ಸಾಲಾ ದ್ಯು. ಕೈನ ತಿನೆ ಪುಚ್ಯೊ. ಹಜಾ಼ರ ಕೊತಳಾ ಘೌ ದ್ಯು ಕದ್ಯೊ. ತೆಳಾಮಾ ತೆ ಆಳ ತೆ ಸಾಲಾವಾಲಾನೆ ಕದ್ಯೊ ತಾರೊ ಲೆಕ್ಕೊ ನ್ಹ್ಯಾಜ಼ ಛೆ ಆ ಲೆಕ್ಕಕಮಾ ಕಮ ಬರದ. ಆಟ ಕ್ಹೊ ಕೊತಳಾ ಕೈನ ಬರದ, ಕದ್ಯೊ.
LUK 16:8 ಪಾಚಲ್ತೊ ತೆ ಸೌಕಾರ ತಿನೊ ಮೊಸ ಕರಲ ಆಳನೆ ಬಲೈನ. ತು ಕೆಕ್ಲಿ ಶಾಣೆತನಾ ಕರ‍್ಯೊಸ, ಕದ್ಯೊ. ಹೊ ಲೊಕ್ಮಾನಾ ಮನಕ್ಹೊ ಘನ್ನಾ ಶಾಣ್ಯಾ ವ್ಹೈ.
LUK 16:9 ಮೊಸ ಕರಿನ ರಾಬೆಲ ಆಸ್ತಿಕ್ಹು ದೊಸ್ತ ಕರಲಿವೊ ತೆ ಆಸ್ತಿ ತುಮೊನೆ ಛೊಡಿನ ಜಾ಼ತಾಮಾ ತ್ಯುನೆ ತುಮೊನೆ ಹಮೆಶಾ ರ‍್ಹವಾನ ಜ಼ಗಾ ಬಲೈಲಿವಸ.
LUK 16:10 ದಕ್ಹಾಮಾಜ಼ ಬರೊಕ್ಹೊ ರ‍್ಹಯಲವಾಲೊ ಘನ್ನು ರ‍್ಹಯಲ ಟೈಮಾಬಿ ಬರೊಕ್ಹಾವಾಲಾಲಿಂಗತ ರ‍್ಹವಸ. ದಕ್ಹಾಮಾಜ಼ ಅನ್ಯಾಯಮಾ ರ‍್ಹಯಲವಾಲೊ ಘನ್ನು ರ‍್ಹಯಲ ಟೈಮಾಬಿ ಅನ್ಯಾಯವಾಲೊ ರ‍್ಹವಸ.
LUK 16:11 ತಿನಾಹುತಿ ತುಮೆ ಮೊಸ ಕರಿನ ಆಸ್ತಿ ದಿದಲಮಾಜ಼ ಬರೊಕ್ಹೊ ನೈಸೊ ರ‍್ಹಯಾಮ ಮ್ಹೈನತ ಕರಲ ಕ್ಹರಿನಿ ಆಸ್ತಿ ತುಮೊನೆ ಕುನ್ನ ದಿಸವ?
LUK 16:12 ಬಿಜೆ಼ಕ್ಕಲಾನಿ ಆಸ್ತಿಪರ ಬರೊಕ್ಹೊ ನೈ ಮ್ಹೆಲಲ ರ‍್ಹಯಾಮ ತುಮಾತು ಸ್ವಂತ ರ‍್ಹಯಲ ಸಾಮನಜ಼ ತುಮೊನೆ ಕುನ್ನ ದೆತು ನೈ.
LUK 16:13 ಕಯೊ ಸೆವಕ ಯಕಜ಼ ಟೈಮಾ ಬೆ ಮಾಲಕೊನೆ ಸೆವಾ ನೈ ಕರತೊ. ಯಕ್ಕನೆ ಮಯಾ ಕರಿನ ಯಕ್ಲಾನೆ ದುರ ಕರಸ, ತುಮೆ ಯಕಜ಼ ಟೈಮಾ ಕ್ಹುದಾನೆಬಿ ವರಿ ದೊಕಡಾವೊನೆ ಸೆವೆ ನೈ ಕರತಾ"
LUK 16:14 ತೆಳಾಮಾ ಫರಿಸಾಯರೊ ಎ ಕ್ಹಾರು ಐಕಾಡ್ಯಾತಾ. ಫರಿಸಾಯರೊ ದೊಕಡಾವೊಪರ ಆಸ ರ‍್ಹಯಲ ವಾಲಾ ವ್ಹತ್ತಾ ತಿನಾಹುತಿ ತ್ಯುನೆ ಯೆಸುನೆ ಕದ್ರಾಯಾ.
LUK 16:15 ವರಿ ಯೆಸು ಫರಿಸಾಯರೊನೆ ಕದ್ಯೊ, ಮನಕ್ಹೊನಾ ಕ್ಹಾಮಾ ತುಮೆ ಚೊ಼ಕಾ ವ್ಹೈ ಕೈನ ಕವೈಲಿವೊಶಿ. ವರಿ ಕ್ಹರಿಮಾಜ಼ ತುಮಾರು ಮನಸ್ಮಾ ರ‍್ಹಯಲ ಕ್ಹುದಾನೆ ಗ್ವತ್ತ ಛೆ. ಮನಕ್ಹೊನಾ ನಜ಼ರಮಾ ಚೊ಼ಕು ರ‍್ಹಯಲ ಕ್ಹುದಾನಿ ನಜ಼ರಮಾ ಕೆಟ್ಟ ವ್ಹೈ.
LUK 16:16 "ಮನಕ್ಹೊ ಮೊಶೆ ಬರ್ದಲ ಧರಮಶಾಸ್ತ್ರ ಪ್ರಕಾರ ಪ್ರವಾದಿಯೊ ಕದಲಜ಼ ತಿಮ್ಮಜ಼ ಮನಕ್ಹೊ ಜಿವ್ನಾ ಕರು ಕವಾನಿ ಕ್ಹುದಾನಿ ಆಸ ವ್ಹತ್ತಿ. ದಿಕ್ಕಷಾಸ್ನಾನ ದಿಲಾವಾಲೊ ಯೊಹಾನನಾ ಆಯಲ ಕಾಲ್ಮಾ ಕ್ಹುದಾನಿ ರಾಜ್ಯನಾ ಹುತಿ ತಿಳ್ಸಸ, ಘನ್ನಾ ಮನಕ್ಹೊ ಕ್ಹುದಾನಿ ರಾಜ್ಯಮಾ ಜಾ಼ವಾನಾ ಹುತಿ ಘನ್ನಾ ಕಷ್ಟ ಪಡಾಡ್ಯಾಸ.
LUK 16:17 ಹಬಾಳ ಜಿಮಿನ ನೈಸೊ ಥಾವಸ ತೆನೈಸೊ ಧರಮಶಾಸ್ತ್ರಮಾ ರ‍್ಹಯಲ ಯಕ್ಕಬಿ ವಾತ ಕಾಡಾನೆ ಥಾತು ನೈ.
LUK 16:18 ಯಕ್ಲೊ ತಿನಿ ಬೈಕೊನೆ ಛೊಡಿನ ಬಿಜೆ಼ಕ್ಲಿನೆ ಹಿವಾ ಕರಲಿದ್ಯೊಮ ತೆ ವೈಬಿಚಾರ ಕರಾಲೊ ಲಿಂಗತ ಥಾವಸ. ಯಕ್ಕ ಹೆಣ ಮನಕ್ಹ ಮಾಟಿನೆ ಛೊಡಿನ ಬಿಜೆ಼ಕ್ಲಾನೆ ಹಿವಾ ಕರಲಿದಿಮ ತೆ ವ್ಯಭಿಚಾರ ಕರಾಲಿ ಲಿಂಗತ ರ‍್ಹವಸ.
LUK 16:19 ವರಿ ಯೆಸು ತ್ಯುನೊಕನ ಅಮ್ಮ ಕದ್ಯೊ" ಯಕ್ಲೊ ಸೌಕಾರ ವ್ಹತ್ತೊ, ತೆ ಸೌಕಾರ ಘನ್ನಾ ಚೊ಼ಕಾ ವಣ್ಣಾ ಘಾಲ್ಲೆತೊತೊ. ತೆ ಘನ್ನೊ ಸೌಕಾರ ರ‍್ಹಯಲ ಹುತಿ ತೆ ದಿನ್ನೆಬಿ ಚೊ಼ಕು ಚೊ಼ಕೊಜ಼ ಅನ್ನ ಖಾತೊ ಖುಶಿ ಕರ್ತೊತೊ.
LUK 16:20 ತ್ಯಾ ಲಾಜ಼ರ ಕವಾಲೊ ಯಕ್ಲೊ ಗರಿಬ ಮನಕ್ಹ ವ್ಹತ್ತೊ. ತಿನೆ ಅಂಗ ಭರಿನ ಘುಮ್ಡಾ ವ್ಹತ್ತಾ ತೆ ಲಾಜ಼ರ ಸೌಕಾರನಾ ಘರನಾ ಕ್ಹಾಮೊ ಪಡಲ ರ‍್ಹತೊತೊ.
LUK 16:21 ವರಿ ಸೌಕಾರ ಖೈನ ಉಗ್ರಲ ಭಾರು ನಾಕಲ ಅಟ್ಟು ಅನ್ನ ಖಾತೊತೊ. ಕುತ್ರಾ ಐನ ಲಾಜ಼ರನಾ ಘುಮ್ಡಾ ಚಾ಼ಟ್ತಾತಾ.
LUK 16:22 "ದಕ್ಹಾ ದಿನ್ನ ಥಯಲಪರ ಲಾಜ಼ರ ಮರಯೊ. ಸ್ವರಗನಾ ದುತೊ ಐನ ತೆ ಲಾಜ಼ರನೆ ಅಬ್ರಹಾಮಕನ ಲಿನಗಯಾ, ಯಕ್ಕ ದಿನ್ನ ತೆ ಸೌಕಾರಬಿ ಮರಯೊ. ತಿನೆ ಮಜಾ಼ರಮಾ ಬುಜ್ಜಾ಼.
LUK 16:23 ತೆನೈಸೊ ತೆ ಸೌಕಾರ ನರಕಮಾ ತ್ರಾಸ ಖಾತೊ ಘನ್ನೊ ದುರ ರ‍್ಹಯಲ ಅಬ್ರಹಾಮನಾ ಕ್ಹಾತೆ ಲಾಜ಼ರನೆ ದೆಕಿನ,
LUK 16:24 ಹಮಾರೊ ಬಾ ಅಬ್ರಹಾಮ, ಮನೆ ಮರಗಿನ ಲಾಜ಼ರನೆ ಮಕನ ಮೊಕಲ. ತೆ ತಿನೊ ಬೊಟ ಪಾನಿಮಾ ಡುಬೈನ ಮಾರಿ ಜಿಬ್ಬ ಥಂಡಿ ಥಾವಾ ವರಕ್ಹಿ ಕರ, ಮಿ ಆಗಮಾ ಬಳವಾಡ್ಯೊಸ! ಕದ್ಯೊ.
LUK 16:25 ತೆ ವಾತೆ ಅಬ್ರಹಾಮ ತಿನೆ ದಿಕ್ರಾ ತಾರಿ ಜಿವಿತಮಾ ತು ಸು ಕರ‍್ಯೊ ತುನೆ ಗ್ವತ್ತ ನತ್ತಿಸು? ತ್ಯಾ ತುನೆ ಕ್ಹಾರಿ ಸುಕಾ ವ್ಹತ್ತಿ. ತೆನೈಸೊ ಲಾಜ಼ರತೊ ತಿನಿ ಜಿವಿತ ಪುರಾ ಕಷ್ಟ ವರಿ ತ್ರಾಸ ಖಾದ್ಯೊಸ. ತಿನಾ ಹುತಿ ತೆ ಸ್ವರ್ಗಮಾ ತಿನೆ ಸುಖಾ ಛೆ. ತು ಕಷ್ಟ ಖಾವಡ್ಯೊಸ.
LUK 16:26 ತೆನೈಸೊ ತಾರಾಮಾ ಹಮಾರಾಮಾ ಘನ್ನು ಮ್ಹೊಟು ಫರಕ ಛೆ ತ್ಯಾ ಐನ ತುನೆ ಮದತ ಕರಾನೆ ಕಿನೆಜ಼಼ ಸಾದ್ಯ ನತ್ತಿ. ತೆನೈಸೊ ತು ರ‍್ಹಯಲ ಜ಼ಗಾತೊ ಹಮೆ ರ‍್ಹಯಲ ಜ಼ಗಾ ಕಿನೆಜ಼಼ ಆವಾನೆ ಸಾದ್ಯ ನತ್ತಿ.
LUK 16:27 ತೆಳಾಮಾ ಸೌಕಾರ ಕದ್ಯೊ ತಿಮ್ಮ ರ‍್ಹಯುಮ ಲಾಜ಼ರನೆ ಭುಲೊಕಪರ ರ‍್ಹಯಲ ಮಾರಾ ಬಾನಾ ಘರೆ ಮೊಕಲ!
LUK 16:28 ಮಾರಾ ಪಾಂಚ಼ ಭಾಯೊ ಛೆ ತ್ಯುನೆ ಮಿ ತ್ರಾಸ ಖಾವಾನ ಜ಼ಗಾ ಆವಾನು ನಕೊ, ಕೈನ ತ್ಯುನೊನೆ ಹುಶಾರ ಕರಾದೆ ಕದ್ಯೊ.
LUK 16:29 ತೆ ವಾತೆ ಅಬ್ರಹಾಮ, ಮೊಶೆ ಬರ್ದಲ ಧರಮ ಶಾಸ್ತ್ರ ವರಿ ಪ್ರವಾದಿಯೊನಾ ಬುಕ್ಕೊ ತ್ಯುನೊಕನ ಛೆ ತ್ಯುನೆ ತ್ಯುನಿಯೊ ವಾತೊ ಐಕಾದೆ ಕದ್ಯೊ.
LUK 16:30 ತೆ ವಾತೆ ಸೌಕಾರ, ಬಾ ಅಬ್ರಹಾಮ ತಿಮ್ಮ ಕೌ ನಕೊ ಕುನ್ನಬಿ ಮರಲವಾಲಾವೊಮಾನೊ ಯಕ್ಲೊ ಜಿವ್ತೊ ಥೈನ ಉಟಿನ ಗೈನ ತ್ಯುನೊಕನ ಕವಾದೆ ತೆಳಾಮಾ ತ್ಯುನೆ ಚೊ಼ಕಾ ಥಾಸ ಕದ್ಯೊ.
LUK 16:31 ತೆ ವಾತೆ ಅಬ್ರಹಾಮ ತಿನೆ, ನೈ! ತಾರಾ ಭಾಯೊ ಮೊಶೆನು ಧರಮ ಶಾಸ್ತ್ರ ವರಿ ಪ್ರವಾದಿಯೊ ಕದಲ ವಾತೊ ನೈ ಐಕ್ಯಾಮ, ಮರಲವಾಲಾವೊಮಾನಾ ಮನಕ್ಹೊಮಾ ಜಿವ್ತಾ ಥೈನ ಉಟಲ ವಾಲಾವೊನಿಯೊ ವಾತೊ ನೈ ಐಕ್ತಾ"ಕದ್ಯೊ.
LUK 17:1 ಯೆಸು ತಿನಾ ಶಿಷ್ಯಾವೊನೆ"ಮನಕ್ಹೊನೆ ಪಾಪಮಾ ಚ಼ಲಾವಾನಿಯೊ ಸಂಗತಿಯೊ ಖರಿಮಾಜ ಆವಸ. ವರಿ ತೆ ಕಿಕ್ಹು ಆವಸ ತೆ ಮನಕ್ಹನಿ ಗತಿ ಮಿ ಸು ಕೌ!
LUK 17:2 ತಾಕತ ಕಮ ರ‍್ಹಯಲವಾಲಾವೊನ, ಪಾಪ ಕರಾನೆ ಸಿಕ್ಕಲಾವಾಲೊ ತಿನಾ ಗರದನೆ ವಾಟ ದೆಕಾಡಾನೊ ಮ್ಹೊಟೊ ದಗ್ಡೊ ಭಾಂದಿಲಿನ ಸಮುಂದರಮಾ ಪಡಾನು ಚೊ಼ಕು ವ್ಹೈ.
LUK 17:3 ತಿನಾಹುತಿ ತುಮೆ ಹುಶಾರ ರಹೊ"ತಾರೊ ಭೈ ಪಾಪ ಕರಲ ರ‍್ಹಯೊಮ, ತಿನೆ ಭುಚ್ಕಾ಼ಡ. ವರಿ ತಾರೊ ಭೈ ಕರಲ ಪಾಪನೆ ಪಶ್ಚಾತಾಪ ಪಾಡ್ಯೊಮ ತಿನೆ ಮಾಫ ಕರ ಕದ್ಯೊ.
LUK 17:4 ತಾರೊ ಭೈ ತಾರಾ ವಿರುದ್ದ ಯಕ್ಕ ದಿನಮಾ ಕ್ಹಾತ ಸಲಾ ಪಾಪ ಕರಿನ ತೆ ಕ್ಹಾತ ಸಲಾಬಿ, ತುನೆ ಮಾಫಕರ ಕೈನ ಕದ್ಯಾಮ, ತು ತಿನೆ ಮಾಫ ಕರು "ಕೈನ ಕದ್ಯೊ.
LUK 17:5 ಅಪೊಸ್ತಲೊ ಯೆಸುನೆ "ಹಮಾರೊ ಬರೊಕ್ಹೊ ಹೆಚ್ಕಿ ಥಾವಾ ವರಕ್ಹು ಹಮೊನೆ ಆಶಿರ್ವಾದ ದೆ" ಕದ್ಯಾ.
LUK 17:6 ಯೆಸು ತ್ಯುನೊನೆ ಅಮ್ಮ ಕದ್ಯೊ, "ತುಮಾರೊ ಬರೊಕ್ಹೊ ಸಾಸಿವೆ ಕಾಳ ಯಕ್ಲೊ ಮ್ಹೊಟೊ ಬರೊಕ್ಹೊ ರ‍್ಹಯೊಮ, ತುಮೆ ಉಂಬ್ರೊನಾ ಝಾಡನೆ ತು ಕಿತೈನ ಸಮುಂದರಮಾ ಗೈನ ಪಡ ಕದ್ಯಾಮ ತುಮೆ ಕದಲ ತಿಮ್ಮಜ಼ ಥಾವಸ.
LUK 17:7 "ತುಮೊಮಾ ಯಕ್ಲಾನಾ ಖೆತರಮಾ ಕಾಮ ಕರಾಹುತಿ ಯಕ್ಕ ಆಳ ಛೆ ಕೈನ ತಿಳದಿಲಿಯೆ. ತೆ ಆಳ ಖೆತರನಿ ಜಿಮಿನ್ಪರ ಹೆರಗತೊ ರ‍್ಹವಸ, ನೈತೊ ತೆ ಆಳ ಬಕ್ರಾ ಚ಼ರಾತೊ ರ‍್ಹವಸ. ತೆ ಆಳ ಖೆತರನು ಕಾಮ ಮುಗ್ಸಿನ ಘರೆ ಆತಾಮಾ ತು ತಿನೆ ಸು ಕಸಿ? ಮ್ಹೈ ಆ ತು ಖಾವಾನೆ ಬೈಟ ಕೈನ ಕಸಿಸು?
LUK 17:8 ನೈ! ತು ತಿನೆ, ಮಾರಾ ಹುತಿ ಖಾವಾನೆ ಅನ್ನ ಕರ. ಪಾಚಲ್ತೊ ತು ಚೊ಼ಕಾ ವಣ್ಣಾ ಘಾಲ್ಲಿನ ಮನೆ ಖಾವಾನೆ ಅನ್ನ ಘಾಲಿನ ದೆ. ಮಿ ಖೈನ ಪಿದಲಪರ ತು ಖಾ ಕೈನ ತಿನೆ ಕಸಿ.
LUK 17:9 ತಾರೊ ಆಳ ತಿನೊ ಕಾಮ ಕರಲ ಹುತಿ, ತು ತಿನೆ ಘನ್ನಿ ಮರ್ಯಾದಿ ದಿವಾನೆ ಜಾ಼ವುನಕೊ. ಆಳ ರ‍್ಹಯಲಜ಼ ಮಾಲಕನಿ ವಾತ ಐಕಾ ಹುತಿ ವ್ಹೈ.
LUK 17:10 ಎಜ಼ ನಿಯಮೊ ತುಮೊನೆಬಿ ಲಾಗು ಥಾವಸ. ತುಮೊನೆ ದಿದಲ ಕಾಮೊ ತುಮೆ ಪುರಾ ಕರಲ್ಪರ"ಹಮೆ ಆಳೊ ವ್ಹೈ, ಹಮೆ ಕಾರಾನು ಕರ್ತವ್ಯ ಹಮೆ ಕರ‍್ಯಾಸ "ಕೈನ ಕೌ"
LUK 17:11 ಯೆಸು ಯೆರೊಸೆಲಿಮ ಫರತೊ ಗಲಿಲಾಯನೆ ಗಯೊ.
LUK 17:12 ತ್ಯಾ ತೆ ಯಕ್ಕ ಖೆಡೆ ಆಯೊ. ತ್ಯಾ ತಿನೆ ದಕ್ಹ ಜ಼ನಾ ದೆಕ್ಯಾ ತ್ಯುನೆ ಯೆಸುನಾ ಕ್ಹಾಮಾ ಆಯಾ ನೈ. ಕಾಕದ್ಯಾಮ ತ್ಯುನೆ ಕ್ಹಾರಾಜ಼ನಾ ಕುಷ್ಠ ರೊಗಿಯೊ ವ್ಹತ್ತಾ.
LUK 17:13 ತೆನೈಸೊ ತ್ಯುನೆ ಯೆಸುನೆ ದೆಕಿನ "ಯೆಸು! ಗುರು! ಮರಗಿನ ಮನೆ ಸಹಾಯಾ ಕರ ಕೈನ ಜೊ಼ರ ವದ್ರ್ಯಾ.
LUK 17:14 ಯೆಸು ತ್ಯುನೊನೆ ದೆಕಿನ"ಜಾ಼ವೊ ತುಮಾರು ಅಂಗ ಯಾಜೊ಼ಕೊನೆ ದೆಕಾಡೊ ಕೈನ "ತ್ಯುನೊನೆ ಕದ್ಯೊ. ತ್ಯುನೆ ಯಾಜಕೊನೆ ತ್ಯುನು ಅಂಗ ದೆಕಾಡಾನೆ ಜಾ಼ತಾಮಾಜ಼ ತ್ಯುನೊ ಕುಷ್ಟರೊಗ ರ‍್ಹಯಲ ಗೈಪಡ್ಯುತು.
LUK 17:15 ತ್ಯುನೊಮಾನೊ ಯಕ್ಲೊ ತೆ ಅರಾಮ ಥಯಲ ದೆಕಿಲಿನ ಫರಿನ ಯೆಸುಕನ ಐನ ಜೊ಼ರ ವದ್ರಿನ ಕ್ಹುದಾನೆ ಸ್ತುತಿ ಕರ‍್ಯೊ.
LUK 17:16 ತೆ ಯೆಸುನಾ ಪಗೊಮಾ ಪಡಿನ ಸ್ತುತಿ ಕರ‍್ಯೊ. ತೆ ಸಮಾರಯಾ ವಾಲೊ ವ್ಹತ್ತೊ.
LUK 17:17 ಯೆಸು ತಿನೆ ಪುಚ್ಯೊ, ತುಮೊನೆ ದಕ್ಹೆ ಜ಼ನಾವೊನೆ ಅರಾಮ ಥೈಸ್ತೊ? ಬಾಕಿನಾ ನೌ ಜ಼ನಾ ಕಿಜಾ಼ ಛೆ?
LUK 17:18 ಕ್ಹುದಾನೆ ಸ್ತುತಿ ಕರಾನೆ ಎ ಸಮಾರಯಾವಾಲನೆ ಛೊಡಿನ ಭಿಜಾ಼ ಕುನ್ನಜ಼ ಐಯುನತ್ತಿಸು? ಕೈನ ಪುಚ್ಯೊ಼.
LUK 17:19 ಪಾಚಲ್ತೊ ಯೆಸು ತಿನೆ"ಉಟ್ಟ! ಹಮ್ನಾ ತು ಘರೆ ಜಾ಼! ತು ಬರೊಕ್ಹೊ ಕರಲ ಹುತಿಜ಼ ತುನೆ ಅರಾಮ ಥಯೊಸ "ಕದ್ಯೊ.
LUK 17:20 ಫರಿಸಾಯರೊಮಾನಾ ದಕ್ಹಾ ಜ಼ನಾ ಯೆಸುನೆ, ಕ್ಹುದಾನಿ ರಾಜ್ಯ ಕೆಳಾಮಾ ಆವಸ? ಕೈನ ಪುಚ್ಯಾ. ಯೆಸು ತ್ಯುನೊನೆ "ಕ್ಹುದಾನಿ ರಾಜ್ಯ ಆವಾಡಿಸ, ತೆನೈಸೊ ತುಮಾರಾ ಡೊಳೆ ದಿಕ್ಹೆಲಿಂಗತ ಆತು ನೈ.
LUK 17:21 "ದೆಕೊ, ಕ್ಹುದಾನಿ ರಾಜ್ಯ ನ್ಹ್ಯಾ ಛೆ" ದೆಕೊ ಐಜ್ಗಾ಼ ಛೆ" ಕೈನ ಮನಕ್ಹೊ ಕಯೆಲಿಂಗತ ನತ್ತಿ. ಕ್ಹುದಾನಿ ರಾಜ್ಯ ತುಮೊಮಾ ಛೆ "ಕದ್ಯೊ.
LUK 17:22 ಪಾಚಲ್ತೊ ಯೆಸು ತಿನಾ ಶಿಷ್ಯಾವೊನೆ ಕದ್ಯೊ"ಮನಕ್ಹನಾ ದಿಕ್ರಾನೆ ತುಮೆ ಆಸ ಮ್ಹೆಲಲ ದಿನ್ನ ಆವಸ, ವರಿ ತುಮೆ ತೆ ದಿನ್ನ ದೆಕತಾ ನೈ.
LUK 17:23 ಮನಕ್ಹೊ ತುಮೊನೆ, ಐಲೊ ಐಜ್ಗಾ಼ ಛೆ! ಕವಸ. ತುಮೆ ರ‍್ಹಯಲ ಜ಼ಗಾಜ಼ ರ‍್ಹವೊ. ತಿವ್ನಾ ವಾತೊ ಐಕೊ ನಕೊ. ವರಿ ಹುಡ್ಕೊ ನಕೊ.
LUK 17:24 ಕಾಕದ್ಯಾಮ ಮನಕ್ಹನೊ ದಿಕ್ರೊ ಥಯಲ ಮಿ, ಆತಾಮಾ ತುಮೊನೆ ಗ್ವತ್ತ ಥಾವಸ. ಹಬಾಳಮಾತೊ ಉಜಾಲಾನ ವರಿ ಬಿಜ್ಲಿನಾ ರುಪಮಾ ತೆ ಆವಸ.
LUK 17:25 ತೆನೈಸೊ ಪೈಲಾ ಮನಕ್ಹನೊ ದಿಕ್ರೊ ಘನ್ನು ಕಷ್ಟ ಖೈನ ಎ ಕಾಲನಾ ಮನಕ್ಹೊ ತಿನೆ ಠುಕ್ಕರಾವಸ.
LUK 17:26 ಮನಕ್ಹನೊ ದಿಕ್ರೊ ಫರಿನ ಆವಾನಾ ಟೈಮ್ಮಾ ಎ ಜಗತ್ನಿ ಸ್ತಿತಿ ನೊಹಾನಾ ಕಾಲ್ಮಾ ಥಯಲ ಸ್ತಿತಿ ಥಾವಸ.
LUK 17:27 ನೊಹಾನಾ ಕಾಲ್ಮಾ ಹರಿ ಯಕ್ಲೊ ಖಾತಾ ಪಿತಾ, ಹಿವಾ ಕರಲೆತಾ ಹಿವಾ ಕರಾತಾ ವ್ಹಾತಾ. ನೊಹಾ ಹಡಗಾಮಾ ಗಯಲ ಟೈಮ್ಮಾ ತೆ ಮನಕ್ಹೊ ತಿಮ್ಮಜ಼ ಕರತಾತಾ. ತೆಳಾಮಾ ಘನ್ನು ಪಾನಿ ಥೈನ ಕ್ಹಾರಾ ಮನಕ್ಹೊ ಮರಿಗಯಾ.
LUK 17:28 ಲೊಟಾನಾ ಕಾಲ್ಮಾ ಕ್ಹುದಾ ಸೊದೊಮನ ದೆಶ ಕಿಮ ನಾಶ ಥೈಯುತು ತಿಮ್ಮಜ಼ ಥಾವಸ. ತೆ ಮನಕ್ಹೊ ಖಾತಾ, ಪಿತಾ, ವ್ಯಾಪಾರ ಕರತಾ ವರಿ ತ್ಯುನೆ ರ‍್ಹವಾ ಹುತಿ ಮ್ಹೊಟಾ-ಮ್ಹೊಟಾ ಘರೊ ಭಾಂದಿಲೆತಾ ವ್ಹತ್ತಾ.
LUK 17:29 ಲೊಟಾ, ಸದೊಮ ಗಾಮ ಛೊಡಿನ ಜಾ಼ತಾಮಾ ತ್ಯಾನಾ ಮನಕ್ಹೊ ತಿಮ್ಮಜ಼ ಕರಾಡಾತಾ. ತೆಳಾಮಾ ಹಬಾಳಮಾತಾ ಆಗನಾ ಮಂಗಾಳಾ ಪಡಿನ ತ್ಯುನೆ ಕ್ಹಾರಾ ಮರಿಗಯಾ.
LUK 17:30 ಮನಕ್ಹನೊ ದಿಕ್ರೊ ಫರಿನ ಆತಾಮಾ ಜಗತ್ನಿ ಸ್ತಿತಿ ಇಮ್ಮಜ಼ ಥಾವಸ.
LUK 17:31 ತೆ ದಿನೊಮಾ ಅಂಟಾಪರ ರ‍್ಹಯಲವಾಲೊ ಹೆಟೊ ಉತ್ರಿನ ತಿನಾ ಘರಮಾನು ಲಾವಾನೆ ಜೌ಼ ನೈಸೊ ನ್ಹಾಟಿ ಜಾ಼ವಾದೆ
LUK 17:32 ಲೊಟಾನಿ ಬೈಕೊನಾ ಕ್ಹಾತೆ ಥಯಲ ಶೆ ಛೆಸು.
LUK 17:33 ತಿನೊ ಜ಼ಲಮ ವಚಾ಼ಡಿಲಿವಾಲೊ ತಿನೊ ಜ಼ಲಮ ಜ಼ವೈಲಿವಸ, ವರಿ ತಿನೊ ಜ಼ಲಮ ದಿವಾಲೊ ತಿನೊ ಜ಼ಲಮ ವಚಾ಼ಡಿಲಿವಸ.
LUK 17:34 ಮಿ ಆತಾಮಾ ಯಕ್ಕ ಘರಮಾ ಬೆ ಜ಼ನಾ ಕ್ಹುರಯಲ ರ‍್ಹಯಾಮ ಯಕ್ಲಾನೆ ಲಿನಂಜಾ಼ವುಸ ಯಕ್ಲಾನೆ ಛೊಡಿನ ಜೌ಼ಸ.
LUK 17:35 ಬೆಜ಼ನಿಯೊ ಹೆಣ ಮನಕ್ಹೊ ಕಾಮ ಕರತಿಯೊ ರ‍್ಹತಾಮ ಯಕ್ಕಲಿನ ಲಿನಂಜಾ಼ವುಸ ಯಕ್ಕಲಿನ ಛೊಡಿನ ಜೌ಼ಸ.
LUK 17:36 
LUK 17:37 ಶಿಷ್ಯಾ ಯೆಸುನೆ "ಪ್ರಭು, ಎ ಕ್ಹಾರು ಕಿಜಾ಼ ಥಾವಸ? ಕೈನ ಪುಚ್ಯಾ. ಯೆಸು ತ್ಯುನೊನೆ, ಹದ್ದೊ ಮಳಿನ ಕಿ ಆಯಲ ರ‍್ಹವಸ ತ್ಯಾ ಮುರದಾ ರ‍್ಹಯಲ ರ‍್ಹವಸಜ಼ ಕೈನ ಮನಕ್ಹೊ ತಿಳದಿಲಿವಸ "ಕದ್ಯೊ.
LUK 18:1 ನಿರಾಶ ಥಯಾವಾಚಿ ಕೆಳಾಮಾಬಿ ಪ್ರಾಥನಾ ಕರು ಕೈನ ಯೆಸು ತಿನಾ ಶಿಷ್ಯಾವೊನೆ ಯಕ್ಕ ಸಾಮ್ಯ ಲಿನ ಕದ್ಯೊ.
LUK 18:2 ಯಕ್ಕ ಗಾಮಾ ಯಕ್ಕ ನ್ಯಾಯಾ ಕರಾಲೊ ವ್ಹತ್ತೊ. ತಿನೆ ಕ್ಹುದಾನೊ ಭೆ ನ್ಹೊತೊ ವರಿ ಮನಕ್ಹೊ ತಿನಾ ಹುತಿ ಸು ಬೊಲಸ ಕೈನ ತೆ ವಿಚಾರ ಕರತೊ ನ್ಹೊತೊ
LUK 18:3 ತೆಜ಼ ಗಾಮ್ಮಾ ಯಕ್ಕ ರಾಂಡಿ ಬಾಕ್ಡಿ ವ್ಹತ್ತಿ, ತೆ ಬಾಕ್ಡಿ ಘನ್ನಿ ಸಲಾ ನ್ಯಾಯಾ ಕರಾಲಾಕನ ಐನ, ನ್ಹ್ಯಾ ಯಕ್ಲೊ ಮನೆ ಘನ್ನೊ ತರಾಸ ಕರಸ. ತು ಮನೆ ಮರಗಿನ ನ್ಯಾಯ ದಿಲಾ! ಕೈನ ಮಾಂಗಿಲಿದಿ.
LUK 18:4 ತೆನೈಸೊ ತೆ ನ್ಯಾಯಾ ಕರಾಲೊ ತೆ ಬಾಕಡಿನೆ ಧ್ಯಾನ ದಿದ್ಯೊ ನೈ. ವರಿ ದಕ್ಹಾ ದಿನ್ಪರ‍ ತೆ ನ್ಯಾಯಾ ಕರಾಲೊ ತಿನಾ ಮನಸ್ಮಾ ವಿಚಾರ ಕರಲಿದ್ಯೊ ಮಿ ಕ್ಹುದಾಕ್ಹು ಬಿ ಭುಚ್ಕೊತೊ ನೈ ವರಿ ಮನಕ್ಹೊನೆ ದಾದ ನೈ ಕರತೊ.
LUK 18:5 ವರಿ ಆ ಬಾಕ್ಡಿ ಐನ ಮನೆ ಘನ್ನಿ ಕಿರಿ-ಕಿರಿ ಲಗಾಡಿಸ. ಇನು ಫೈಸಲೊ ಮಿ ಕರಿಪಾಡುಸ, ವರಿ ಎ ಬಾಕ್ಡಿ ಮನೆ ಕಿರಿ-ಕಿರಿ ನೈ ಕರತಿ, ನೈತೊ ಎ ಬಾಕ್ಡಿ ಮನೆ ಘನ್ನಿ ಕಿರಿ-ಕಿರಿ ಕರತಿಜ಼ ರ‍್ಹವಸ "ಕೈನ ಕೈಲಿದ್ಯೊ.
LUK 18:6 ಯೆಸು ಎ ಸಾಮ್ಯ ಕದಲ್ಪರ ತಿನಾ ಶಿಷ್ಯಾವೊನೆ ಕದ್ಯೊ. ಐಕೊ ತೆ ಅನ್ಯಾಯಾ ಕರಾಲೊ ನ್ಯಾಯಾದಿಪತಿ ಕದಲ ವಾತಮಾ ಮತ್ಲಬ್ ಛೆ.
LUK 18:7 ಕ್ಹುದಾನಾ ಮನಕ್ಹೊ ಕ್ಹುದಾನೆ ದಿನ್ನ ರಾತ ಪ್ರಾಥನಾ ಕರು. ಕ್ಹುದಾ ತಿನಾ ಮನಕ್ಹೊನೆ ಚೊ಼ಕು ರ‍್ಹಯಲಜ಼ ಕೆಳಾಮಾಬಿ ದಿವಸ, ಕ್ಹುದಾ ತಿನಾ ಮನಕ್ಹೊನಿ ಪ್ರಾಥನಾನೆ ಭೆಗಿನಜ಼ ಜವಾಬ ದಿವಸ.
LUK 18:8 ಕ್ಹುದಾ ತಿನಾ ಮನಕ್ಹೊನೆ ಭೆಗಿನಜ಼ ಆಸ್ರೊ ಕರಸ. ಕೈನ ತುಮೊನೆ ಕೌಸ. ತೆನೈಸೊ ಮನಕ್ಹನೊ ದಿಕ್ರೊ ಆತಾಮಾ ಜಗತ್ನಾ ಮನಕ್ಹೊಮಾ ಬರೊಕ್ಹೊ ದೆಕಸ್ಸು? ಕದ್ಯೊ.
LUK 18:9 ತೆಜ಼ ಟೈಮ್ಮಾ ತ್ಯಾನಾ ಮನಕ್ಹೊ ಹಮೆಜ಼ ಚೊ಼ಕಾವೈ ಕೈನ ತಿಳದಿಲಿದ್ಯಾತಬಿ ವರಿ ಎ ಮನಕ್ಹೊ ಹಮೆ ಬಿಜಾ಼ವೊತಿಬಿ ಚೊ಼ಕಾ ವ್ಹೈ ಕೈನ
LUK 18:10 ಯಕ್ಕ ಸಲಾ ಫರಿಸಾಯರವಾಲೊ ವರಿ ಭುಭಾಡೊಲಿವಾಲೊ ಪ್ರಾಥನಾ ಕರಾ ಹುತಿ ದೆವಾಲಯೆ ಗಯಾ.
LUK 18:11 ತೆಳಾಮಾ ಫರಿಸಾಯರವಾಲೊ ಭು ಭಾಡೊಲಿವಾಲಾನೆ ದೆಕಿನ ದುರ ಹುಬ್ರೈನ ಅಮ್ಮ ಪ್ರಾಥನಾ ಕರ‍್ಯೊ. ಕ್ಹುದಾ, ಮಿ ಬಿಜಾ಼ವೊ ಲಿಂಗತ ಭು ಭಾಡೊಲಿವಾಲೊ ನ್ಹವೈ. ಮೊಸ ಕರಾಲೊ ನ್ಹವೈ, ವೈಭಿಚಾರ ಕರಾಲೊ ನ್ಹವೈ. ತಿನಾ ಹುತಿ ಮಿ ತುನೆ ಸ್ತೊತ್ರಾ ಕೌಸ,
LUK 18:12 ಮಿತೊ ಹಪ್ತಾಮಾ ಬೆಸಲಾ ಉಪಾಸ ಕರುಸ. ಮಿ ರಾಬಲಮಾ ದಕ್ಹ್ವಾಮಾನೊ ಯಕ್ಕ ಭಾಗ ಮಿ ತುನೆ ದ್ಯುಸ! ಕೈನ ಕದ್ಯೊ.
LUK 18:13 ಭುಭಾಡೊ ಲಿವಾಲೊ ಯಕ್ಕಲೊಜ಼ ಹುಬ್ರೈನ. ಹಬಾಳನೆ ಡೊಳಾ ಉಚೈನ ದೆಕ್ಯಾವಾಚಿ ಛಾತಿ ಬಡೈಲೆತೊ, ಕ್ಹುದಾನಾ ಕ್ಹಾಮೊ ಡ್ವಗ್ಗಿನ, ಕ್ಹುದಾ ಮನೆ ಮರಗ ಮಿ ಪಾಪಿ ವ್ಹೈ. ಕೈನ ಪ್ರಾಥನಾ ಕರ‍್ಯೊ.
LUK 18:14 ತೆ ಪ್ರಾಥನಾ ಕರಲಪರ ತೆ ಕ್ಹರಿನೊ ವ್ಹೈ ಕೈನ ಫೈಸಲೊ ಥಯಲಪರ ತೆ ಘರೆ ಗಯೊ ಕೈನ ಮಿ ತುಮೊನೆ ಕೌಸ. ವರಿ ತೆ ಫರಿಸಾಯರ ಕ್ಹರಿನೊ ನ್ಹವೈ ಕೈನ ಫೈಸಲೊ ಥಯೊ. ಮಿ ವ್ಹೈಕೈನ ಕವೈಲಿವಾಲೊ ಹರಿ ಯಕ್ಲೊ ತಗ್ಗಿನ ರ‍್ಹವಾಲೊ ಥಾವಸ. ವರಿ ತಗ್ಗಿನ ರ‍್ಹವಾಲೊ ಹರಿ ಯಕ್ಲೊ ತೆ ಮಿ ವ್ಹೈ ಕೈನ ಕವೈಲಿವಸ.
LUK 18:15 ದಕ್ಹಾ ಮನಕ್ಹೊ ತಿವ್ನಾ ನ್ಹಾನಾ ಬಚ್ಚಾ಼ವೊನೆ ಯೆಸುನಾ ಹತೆ ಮುಟೌಕೈನ ತಿಕನ ಲಾಯಾ, ತೆ ತಿನಾ ಶಿಷ್ಯಾ ಐಕಿನ, ಬಚ್ಚಾ಼ವೊನೆ ಯೆಸುಕನ ಲಾವೊನಕೊ ಕೈನ ಮನಕ್ಹೊನೆ ಕದ್ಯಾ.
LUK 18:16 ಯೆಸು ತೆ ದೆಕಿನ ನ್ಹಾನಾ ಬಚ್ಚಾ಼ವೊನೆ ತಿಕನ ಬಲೈನ ತಿನಾ ಶಿಷ್ಯಾವೊನೆ ಕದ್ಯೊ, ನ್ಹಾನಾ ಬಚ್ಚಾ಼ವೊನೆ ಮಕನ ಆವಾನೆ ದಿವೊ, ತ್ಯುನೊನೆ ತರಬೊ ನಕೊ. ಕಾಕದ್ಯಾಮ ಕ್ಹುದಾನು ರಾಜ್ಯ ನ್ಹಾನಾ ಬಚ್ಚಾ಼ವೊಲಿಂಗತ ರ‍್ಹಯಲ ವಾಲಾವೊನು ವ್ಹೈ.
LUK 18:17 ಮಿ ತುಮೊನೆ ಕ್ಹರಿಜ಼ ಕೌಸ. ಬಚ್ಚಾ಼ವೊನಾ ಮನಸ ಲಿಂಗತ ವಪ್ಪಿಲಿವು. ನೈತೊ, ತುಮೆ ಕ್ಹುದಾನಿ ರಾಜ್ಯಮಾ ಜಾ಼ತಾ ನೈ. ಕದ್ಯೊ.
LUK 18:18 ಯಕ್ಲೊ ಯಹುದ್ಯೊನೊ ನಾಯಕ ಯೆಸುನೆ "ಚೊ಼ಕಿಯೊ ವಾತೊ ಕವಾಲಾ, ಹಮೆಶಾನೊ ಜ಼ಲಮ ಮಳು ಕದ್ಯಾಮ ಮಿ ಸು ಕರು? ಕೈನ ಪುಚ್ಯೊ.
LUK 18:19 ಯೆಸು ತಿನೆ"ಮನೆ ಚೊ಼ಕೊ ವ್ಹೈ ಕೈನ ಕಾ ಕವಾಡ್ಯೊಸ? ಕ್ಹುದಾ ಯಕ್ಕಲೊಜ಼ ಚೊ಼ಕೊ ವ್ಹೈ.
LUK 18:20 ಕ್ಹುದಾನಿಯೊ ಆಗನ್ಯಾ ತುನೆ ಗ್ವತ್ತ ಛೆ ಸು; ತು ವ್ಯಭಿಚಾರ ಕರು ನೈ, ಕಿನೆಬಿ ಖಲಾಸ ಕರು ನೈ, ಸುಜ಼ ಚೊ಼ರಿ ಕರು ನೈ, ಬಿಜಾ಼ ಮನಕ್ಹೊನಾ ಹುತಿ ಸುಳ್ಳ ಕೌ ನೈ, ತಾರಾ ಮಾ ಬಾಪನೆ ಮರ್ಯಾದಿ ದ್ಯು. ಕೈನ ಕದ್ಯೊ.
LUK 18:21 ತಿಮ್ಮ ಕತಾಮಾ ತೆ ಮನಕ್ಹ ಮಿ ನ್ಹಾನ್ಪಂತೊ ಎ ಕ್ಹಾರು ಕರತೊ ಆಯೊಸ, ಕೈನ ಕದ್ಯೊ.
LUK 18:22 ತೆಳಾಮಾ ಯೆಸು ತಿನೆ"ತು ಕರಾನು ಕಾಮ ಬಿಜೆಕ ಛೆ. ತಾರಿ ಆಸ್ತಿ ಇಕ್ಕಿನ ಆಯಲ ದೊಕ್ಡಾ ಗರಿಬೊನೆ ದೆ. ತೆಳಾಮಾ ತುನೆ ಸ್ವರ್ಗಮಾ ಇನೊ ಪ್ರತಿಫಲ ಮಳಸ. ತು ಮಾರಾ ಪಾಚೊ಼ ಆ"
LUK 18:23 ಯೆಸುನಿಯೊ ವಾತೊ ತೆ ಮನಕ್ಹ ಐಕ್ತಾಮಾ ಘನ್ನೊ ಬೆಜ್ಯಾರ ಥಯೊ ಕಾಕದ್ಯಾಮ ತೆ ಮನಕ್ಹ ಘನ್ನೊ ಸೌಕಾರ ವ್ಹತ್ತೊ.
LUK 18:24 ತೆಳಾಮಾ ಯೆಸು ತಿನೆಜ಼ ದೆಕಿನ, ಸೌಕಾರ ರ‍್ಹಯಲವಾಲಾ ಕ್ಹುದಾನಿ ರಾಜ್ಯಮಾ ಜಾ಼ವಾನು ಘನ್ನು ಕಷ್ಟ ಛೆ!
LUK 18:25 ಸೌಕರ ರ‍್ಹಯಲವಾಲೊ ಕ್ಹುದಾನಿ ರಾಜ್ಯಮಾ ಜಾ಼ವಾನು ಕೆಕ್ಲು ಕಷ್ಟ ಛೆ ಕದ್ಯಾಮ ಕ್ಹ್ವಯಿನಾ ಡೊಳಾಮಾತು ಹುಂಟ ಜಾ಼ವಾನು ಆಸಾನ ವ್ಹೈ"ಕದ್ಯೊ.
LUK 18:26 ಮನಕ್ಹೊ ಯೆಸುನಾ ವಾತೊ ಐಕಿನ"ತಿಮ್ಮ ಕದ್ಯಾಮ ರಕ್ಷಣೆ ಕಿನೆ ಥಾವಸ? ಕೈನ ಪುಚ್ಯಾ.
LUK 18:27 ಯೆಸು ತ್ಯುನೊನೆ"ಮನಕ್ಹನೆ ನೈ ಥಾವಾನಾ ಕಾಮೊ ಕ್ಹುದಾ ಕರಸ" ಕೈನ ಜವಾಬ ದಿದ್ಯೊ.
LUK 18:28 ಪೆತ್ರಾ"ದೆಕ ಹಮೆ ಹಮಾರಾ ಘರೊನೆ ಛೊಡಿನ ತಾರ ಪಾಚಾ಼ ಆಯಾಸತೊ" ಕೈನ ಕದ್ಯೊ.
LUK 18:29 ತೆ ವಾತೆ ಯೆಸು"ಮಿ ತುಮೊನೆ ಕ್ಹರಿಜ಼ ಕೌಸ. ಕ್ಹುದಾನಾ ರಾಜ್ಯನಾ ಹುತಿ ಕುನ್ನ ತಿನು ಘರ, ಬೈಕೊ, ಬಚ್ಚಾ, ಭಾಯೊ-ಭೆನೊ ವರಿ ತಿನಾ ಯಾ ಬಾ ನೆ ಛೊಡಲವಾಲೊ ತೆ ಛೊಡ್ಯಲತಿಬಿ ತಿನೆ ಜಾಸ್ತ ಮಳಸ. ಅಗಾ ಆವಾನಾ ದಿನ್ನೊಮಾ ಹಮೆಶಾನು ಜ಼ಲಮ ಮಳಸ.
LUK 18:30 ತೆ ತಿನಾ ಜಿಂದಗಿಮಾ ತಿತಿಬಿ ತಿನೆ ಹೆಚ್ಕಿ ಮಳಸ ವರಿ ತಿನಾ ಅಗ್ಲಿ ದುನಿಯಾಮಾ ಕ್ಹುದಾನಾ ಕ್ಹಾತೆ ಹಮೆಶಾ ಜಿವ್ತೊ ರ‍್ಹವಸ" ಕೈನ ಕದ್ಯೊ.
LUK 18:31 ತೆ ಥಯಲ್ಪರ ಯೆಸು ತಿನಾ ಬಾರಾ ಜ಼ನಾ ಅಪೊಸ್ತಲೊನೆ ಬಲೈನ ತ್ಯುನೊನೆ ಕದ್ಯೊ. ಐಕೊ! ಮಿ ಹಮ್ನಾ ಯೆರುಸಲೆಮೆ ಚಾ಼ಲ್ಯೊಸ. ಕ್ಹುದಾ ತಿನಾ ಪ್ರವಾದಿ ಕಂತೊ ಮನಕ್ಹನಾ ದಿಕ್ರಾನಾ ಹುತಿ ಬರದಾಯಲ ಹರಿಯಕ್ಕ ಸಂಗತಿ ಪುರಾ ಥಾವಸ!
LUK 18:32 ತೆ ಮನಕ್ಹ ತಿನಾ ವಿರುದ್ಧ ಉಟಿನ ಯೆಹುದಿ ನೈ ರ‍್ಹಯಲ ವಾಲಾವೊಕನ ಕ್ಹಾಪ್ಡಸ. ತ್ಯುನೆ ತಿನೆ ಕದರೈನ, ತಿನಾ ಮ್ಹೊಡಪರ ಥುಕ್ಕಕಸ, ತಿನೆ ಅಸಯ್ಯ ಕರಸ.
LUK 18:33 ತ್ಯುನೆ ತಿನೆ ಬಾರಕೊಲ ಕ್ಹು ಮಾರಸ ವರಿ ತಿನೆ ಖಲಾಸ ಕರಿಪಾಡಸ! ತೆನೈಸೊ ತೆ ತನ್ನ ದಿನ್ನ ಥಯಲ್ಪರ ವರಿ ಉಟಿನ ಆವಸ" ಕದ್ಯೊ.
LUK 18:34 ಅಪೊಸ್ತಲೊ ಆ ವಾತ ತಿಳದಿಲಿವಾನೆ ಕೊಶಿಶ ಕರ‍್ಯಾ ತಬಿ ತಿವ್ನೊಕನ ಥೈಯು ನೈ, ಕಾಕದ್ಯಾಮ ತಿನು ಮತ್ಲಬ ತ್ಯುನೊನೆ ಗ್ವತ್ತ ನ್ಹೊತು.
LUK 18:35 ಯೆಸು ಯೆರಿಕೊ ಗಾಮನಾ ಕ್ಹಾಮೊ ಜಾ಼ತಾಮಾ, ತೆ ವಾಟೆ ಯಕ್ಕ ಕುಡ್ಡೊ ಭಿಕ ಮಾಂಗತೊ ಬೈಟ್ಯೊತೊ.
LUK 18:36 ತೆ ವಾಟಮಾ ಮನಕ್ಹೊನಿ ಘನ್ನಿ ಆವಾಜ಼ ಐಕಿನ ತೆ ಕುಡ್ಡೊ"ನ್ಹ್ಯಾ ಸು ಥಾವಾಡ್ಯುಸ? ಕೈನ ಪುಚ್ಚೊ಼.
LUK 18:37 ಮನಕ್ಹೊ ತಿನೆ "ನಜ಼ರೆತನೊ ಯೆಸು ಆವಾಡ್ಯೊಸ" ಕೈನ ತಿಳಶ್ಯಾ.
LUK 18:38 ತೆ ಕುಡ್ಡೊ ಜೊ಼ರ ಆವಾಜ಼ ಕ್ಹು"ಯೆಸು, ದಾವಿದನಾ ದಿಕ್ರಾ ಮರಗಿನ ಮನೆ ಮದದ ಕರ! ಕೈನ ವದರ‍್ಯೊ.
LUK 18:39 ಮನಕ್ಹೊನು ಗುಂಪ ತೆ ಕುಡ್ಡಾನೆ ಭುಚ್ಕಾಡ್ಯಾ. ತಿನೆ ಬೊಲು ನಕೊ ಕೈನ ಕದ್ಯಾ. ತೆನೈಸೊ ತೆ ಕುಡ್ಡೊ ವರಿ ಜೊ಼ರ ಆವಾಜ಼ ಕ್ಹು "ದಾವಿದನಾ ದಿಕ್ರಾ, ಮರಗಿನ ಮನೆ ಮದದ ಕರ" ಕೈನ ಅಡ್ಡ್ಯೊ.
LUK 18:40 ಯೆಸು ತ್ಯಾಜ ಹುಬ್ರೈನ"ತೆ ಕುಡ್ಡಾನೆ ಮಕನ ಬಲೈನ ಲಾವೊ" ಕೈನ ಕದ್ಯೊ. ತೆ ಕುಡ್ಡೊ ಕ್ಹಾಮೊ ಆಯೊ, ಯೆಸು ತಿನೆ "ಮಿ ತುನೆ ಸು ಕರು ಕೈನ ತು ಕಶಿ? ಕೈನ ಕದ್ಯೊ.
LUK 18:41 ತೆಳಾಮಾ ತೆ ಕುಡ್ಡೊ "ಪ್ರಭು, ಮಾರಾ ಡೊಲಾ ವರಿ ದಿಕ್ಹಾ ವರಕ್ಹಾ ಕರ ಬಾ" ಕದ್ಯೊ.
LUK 18:42 ಯೆಸು ತಿನೆ"ತು ನಂಬಲಕ್ಹು ತುನೆ ಅರಾಮ ಥೈಯುಸ" ಕೈನ ಕದ್ಯೊ.
LUK 18:43 ತೆಳಾಮಾಜ಼ ತೆ ಕುಡ್ಡಾನೆ ಪುರಾ ದಿಕ್ಹಾಡು. ತೆ ಕುಡ್ಡೊ ಕ್ಹುದಾನೆ ಸೊತ್ರಾ ಕತೊ ಯೆಸುನಾ ಪಾಚೊ಼ ಗಯೊ. ಆ ಕ್ಹಾರು ದೆಕಿನ ಮನಕ್ಹೊ ಕ್ಹುದಾನೆ ಸೊತ್ರಾ ಕರ‍್ಯಾ.
LUK 19:1 ಯೆಸು ಯೆರಿಕೊ ಗಾಮ ಕಂತೊ ಚಾ಼ಲ್ಯೊತೊ.
LUK 19:2 ತೆ ಗಾಮ್ಮಾ ಜಕ್ಕಾಯಾ ಕವಾಲೊ ಯಕ್ಕ ಮನಕ್ಹ ವ್ಹತ್ತೊ. ತೆ ಮನಕ್ಹ ಸೌಕಾರ ವ್ಹತ್ತೊ. ವರಿ ತೆ ಭು ಭಾಡೊ ಲಿವಾಲೊ ವ್ಹತ್ತೊ.
LUK 19:3 ತೆ ಯೆಸುನೆ ದೆಕು ಕೈನ ಘನ್ನು ಮನಸ ವ್ಹತ್ತು. ವರಿ ತ್ಯಾ ಯೆಸುನೆ ದೆಕು ಕೈನ ಘನ್ನಾ ಮನಕ್ಹೊ ವ್ಹತ್ತಾ. ಜಕ್ಕಕಾಯಾ ಘನ್ನೊ ಗಿಡ್ಡೊ ವ್ಹತ್ತೊ ತಿನಾ ಹುತಿ ಮನಕ್ಹೊ ಯೆಸುನಾ ಸುತ್ತೆ ಹುಬ್ರಯಲ ಹುತಿ. ಜಕ್ಕಾಯಾನೆ ಯೆಸುನೆ ದೆಕಾನೆ ಥಯು ನೈ.
LUK 19:4 ತಿನಾಹುತಿ ಜಕ್ಕಾಯಾ ಯೆಸು ಬಿಜಿ ಜ಼ಗಾ ಜಾ಼ವಾನು ಐಕಿನ ತೆ ಜ಼ಗಾಪರ ತಿತ್ತಿ ಅಗ್ದುರಜ಼ ಯಕ್ಕ ಪಿಪ್ಳಾನಾ ಝಾಡಪರ ಚ಼ಡಿನ ಬೈಟ್ಯೊ.
LUK 19:5 ಯೆಸು ತೆ ಜ಼ಗಾಪರ ಆತಾಮಾ ಝಾಡಪರ ಚ಼ಡಿನ ಬೈಟಲ ಜಕ್ಕಕಾಯಾನೆ ದೆಕಿನ ಕದ್ಯೊ. ಜಕ್ಕಕಾಯಾ ತು ಭೆಗಿನ ಹೆಟೊ ಉತ್ರಿನ ಆ"ಆಜ಼ನಾ ದಿನ್ನೆ ತಾರಾ ಘರೆ ಔಸ ಕದ್ಯೊ.
LUK 19:6 ತೆಳಾಮಾ ಜಕ್ಕಾಯಾ ಝಾಡಪರತೊ ಹೆಟೊ ಉತ್ರಿನ ಐನ ಯೆಸುನೆ ಖುಶಿಕ್ಹು ಘರೆ ಬಲೈಲಾಯೊ.
LUK 19:7 ಮನಕ್ಹೊ ಎ ಕ್ಹಾರು ದೆಕಿನ ಯೆಸು ಜಕ್ಕಕಾಯಾ ಯಕ್ಕ ಪಾಪಿ ವ್ಹೈ ತೆ ತಿನಾ ಘರೆ ಕಾ ಜಾ಼ತೊ ವಸೆ ಕೈನ ಕವಾಡಾತಾ.
LUK 19:8 ತೆಳಾಮಾ ಜಕ್ಕಾಯಾ ಉಟಿನ ಹುಬ್ರೈನ ಯೆಸುನೆ ಪ್ರಭು ಮಿ ಮಾರಿ ಆಸ್ತಿಮಾನೊ ಹೆಚ್ಕಿ ವಾಟೊ ಗರಿಬೊನೆ ದ್ಯುಸ. ವರಿ ಕಿಕಂತು ಬಿ ಮೊಸ ಕ್ಹು ಲಿದಲ ರ‍್ಹಯೊಮ ತಿನೆ ಚಾರ ಯಕ್ಲು ಹೆಚ್ಕಿ ದ್ಯುಸ. ಕದ್ಯೊ.
LUK 19:9 ಯೆಸು ಕದ್ಯೊ ಆಜ಼ ಆ ಘರ ಉದ್ದಾರ ಥಯು, ಕಾಕದ್ಯಾಮ ಎ ಮನಕ್ಹ ಬಿ ಅಬ್ರಹಾಮನಾ ಖಾಂದಾನ ವಾಲೊ ವ್ಹೈ.
LUK 19:10 ತಿನಾಹುತಿ ಮನಕ್ಹನೊ ದಿಕ್ರೊ ಜ಼ವೈ ಗಯಲ ಮನಕ್ಹೊನೆ ಹುಡಕಿನ ರಕ್ಷಣೆ ದಿವಾನೆ ಆಯೊಸ,
LUK 19:11 ಯೆಸು ಯೆರುಸಲೆಮಿನಾ ನಜಿಕ ಆಯೊ. ದಕ್ಹಾ ಮನಕ್ಹೊ ಕ್ಹುದಾನಿ ರಾಜ್ಯ ನಜಿಕ ಐಸ ಕೈನ ತಿಳದಿಲಿದ್ಯಾತಾ. ಎ ವಿಚಾರ ಯೆಸುನೆ ಗ್ವತ್ತ ಥಯುತು. ತಿನಾ ಹುತಿ ತ್ಯುನೊಕನ ಯಕ್ಕ ಸಾಮ್ಯ ಕದ್ಯೊ.
LUK 19:12 ಯಕ್ಲೊ ಚಾ಼ಯೆ ಥಯಲ ವಾಲೊ ಘನ್ನೊ ರಾಜ್ಯಾಧಿಕಾರ ಮಳಾನಾ ಹುತಿ ಬಿಜಾ಼ ದೆಶೆ ಗಯೊ. ವರಿ ರಾಜ್ಯಾಧಿಕಾರ ಮಳಲಪರ ಫರಿನ ಐನ ತಿನಾ ಮನಕ್ಹೊಪರ ಆಳು ಕೈನ ತಿನಿ ಆಸ ವ್ಹತ್ತಿ.
LUK 19:13 ತಿನಾಹುತಿ ತಿನಾ ದಕ್ಹ ಆಳೊನೆ ಬಲೈನ ತ್ಯುನೊಮಾನಾ ಹರ ಯಕ್ಲಾನೆ ಕ್ಹೊನಾನಾ ಹಜಾ಼ರ-ಹಜಾ಼ರ ಬಿಲ್ಲಾ ದಿನ್ನ, ಮಿ ಫರಿನ ಆಯೆಲಕ್ಕಾ ಯೆ ದೊಕ್ಡಾ ಕ್ಹು ಸುಬಿ ವ್ಯಾಪಾರ ಕರೊ ಕೈನ ಕದ್ಯೊ.
LUK 19:14 ತೆನೈಸೊ ತಿನಾ ಸ್ವಂತ ದೆಶನಾ ಮನಕ್ಹೊ ತಿಪರ ಶಿಟ್ಟ ರ‍್ಹಯಲ ಹುತಿ, ಮನಕ್ಹೊನು ಯಕ್ಕ ಗುಂಪನೆ ತಿನಾ ಪಾಚಾ಼ ಮೊಕ್ಕಲ್ಯಾ. ತೆ ಗುಂಪನಾ ಮನಕ್ಹೊ ಭಾರಲ್ಯಾ ದೆಶಮಾ ಎ ಮನಕ್ಹ ಹಮೊಪರ ರಾಜೊ಼ ಥಾವಾನೆ ಹಮೊನೆ ಮನಸ ನತ್ತಿ. ಕದ್ಯಾ.
LUK 19:15 ತಿಮ್ಮ ರ‍್ಹಯು ತಬಿ ತೆ ಮನಕ್ಹ ರಾಜೊ಼ ಥಯೊ. ವರಿ ತೆ ತಿನಾ ದೆಶೆ ಫರಿನ ಆತಾಮಾ, ತಿನಾ ಕ್ಹೊನಾನಾ ಬಿಲ್ಲಾ ಲಿದಲ ವಾಲಾವೊನೆ ಬಲೈನ ತ್ಯುನೆ ತೆ ದೊಕ್ಡಾ ಕ್ಹು ಕೆಕ್ಕಲಾ ರಾಬ್ಯಾಸ ಕೈನ ಮಿ ದೆಕು ಕೈನ ಕದ್ಯೊ.
LUK 19:16 ತಿಮಾನೊ ಯಕ್ಲೊ ಆಳ ಐನ ಸ್ವಾಮಿ ತಾರಾ ಯಕ್ಕ ಹಜಾ಼ರ ರುಪ್ಯಾಯಾ ಕ್ಹು ದಕ್ಹ ಹಜಾ಼ರ ರಾಬ್ಯೊಸ"ಕದ್ಯೊ.
LUK 19:17 ರಾಜೊ಼ ತೆ ಆಳನೆ ತು ಚೊ಼ಕು ಕಾಮ ಕರ‍್ಯೊಸ ಶಬಾಶ ಕದ್ಯೊ. ಎ ನ್ಹಾನು ಕಾಮ ದಿದಲ ತು ಚೊ಼ಕಿ ತರಾ ಕರ‍್ಯೊಸ ತಿನಾ ಹುತಿ ಮಿ ತುಪರ ಬರೊಕ್ಹೊ ಮ್ಹೆಲುಸ ಕದ್ಯೊ. ಮಿ ತುನೆ ದಕ್ಹ ಗಾಮೊ ಪರ ಅದಿಕಾರಿ ಕರುಸ ಕದ್ಯೊ.
LUK 19:18 "ಬೆವಾ ಆಳ ಐನ ಸ್ವಾಮಿ, ತು ದಿದಲ ಯಕ್ಕ ಹಜಾ಼ರ ರುಪಿಯ್ಯಾ ಕ್ಹು ಪಾಂಚ಼ ಹಜಾ಼ರ ಕಮಾಯೊಸ. ಕದ್ಯೊ.
LUK 19:19 ರಾಜೊ಼ ತೆ ಆಳನೆ ಕದ್ಯೊ. ತುನೆ ಪಾಂಚ಼ ಗಾಮೊಪರ ಅದಿಕಾರ ದ್ಯುಸ. ಕೈನ ಕದ್ಯೊ.
LUK 19:20 ಪಾಚಲ್ತೊ ಬಿಜೆಕ್ಲೊ ಆಳ ಐನ ರಾಜಾ಼ನೆ ಕದ್ಯೊ. ಎ ಸ್ವಾಮಿ ತು ದಿದಲ ಯಕ್ಕ ಹಜಾ಼ರ ರುಪಿಯಾ ನ್ಹ್ಯಾಜ಼ ಛೆ
LUK 19:21 ಕಾಕದ್ಯಾಮ ತು ಘನ್ನೊ ಶಿಟ್ಟನೊ ಮನಕ್ಹ ವ್ಹೈ ತಿನಾ ಹುತಿ ಮಿ ಭುಚ಼ಕ್ಕಯೊ. ತು ತಾರು ನೈರ‍್ಹಯುತಬಿ ತು ಕಾಡಿಲೆಸಿ ವರಿ ತು ನೈ ಬಿತ್ತಲ ರ‍್ಹಯುತಬಿ ತು ತೆ ಬೆಳಿ ಕಾಟಿಲೆಸಿ ಕೈನ ಕದ್ಯೊ.
LUK 19:22 ತೆಳಾಮಾ ತೆ ರಾಜೊ಼ ತೆ ಆಳನೆ, ಕದ್ಯೊ ತು ಕೆಟ್ಟ ಆಳ ವ್ಹೈ! ತು ಕದಲ ವಾತೊ ಕ್ಹುಜ಼ ತಾರಿ ಫೈಸಲೊ ಕರುಸ, ಮನೆ ತು ಘನ್ನೊ ಶಿಟ್ಟನೊ ಮನಕ್ಹ ವ್ಹೈ ಕದ್ಯೊ
LUK 19:23 ತೆ ಕ್ಹರಿ ರ‍್ಹಯು ಕದ್ಯಾಮ, ತು ಮಾರಾ ರುಪಿಯಾ ಬಡ್ಡಿಕ್ಹು ದಿವಾನು ವ್ಹತ್ತು. ಮಿ ಫರಿನ ಆತಾಮಾ ಮನೆ ದಕ್ಹಿ ಬಡ್ಡಿತಬಿ ಮಳ್ತಿತಿ ತೊ ಕೈನ ಕದ್ಯೊ.
LUK 19:24 ತೆಳಾಮಾ ರಾಜೊ಼ ತ್ಯಾ ಹುಬ್ರಯಲ ಮನಕ್ಹೊನೆ ಕದ್ಯೊ ಆ ಆಳಕನ್ನಾ ಹಜಾ಼ರ ರುಪಿಯಾ ಕಾಳ್ಳಿನ ದಕ್ಹ ಹಜಾ಼ರ ರುಪಿಯಾ ಕಮಾಯಲ ವಾಲಾನೆ ದಿವೊ, ಕೈನ ಕದ್ಯೊ.
LUK 19:25 ತೆ ಮನಕ್ಹೊ ರಾಜಾ಼ನೆ ಕದ್ಯಾ, ಸ್ವಾಮಿ ತೆ ಆಳಕನ ಹಮ್ನಾಜ಼ ದಕ್ಹ ಹಜಾ಼ರ ರುಪಿಯಾ ಛೆತೊ ಕದ್ಯಾ.
LUK 19:26 ರಾಜೊ಼ ಕದ್ಯೊ, ಮಿ ತುಮೊನೆ ಕೌಸ ಹರಿ ಯಕ್ಕ ಮನಕ್ಹ ಕನ ದಕ್ಹು ರ‍್ಹಯಲ ವಾಲಾಕಂತು ಹಜು಼ನ ದಿವಸ ನೈರ‍್ಹಯಲವಾಲಾ ಕಂತು ರ‍್ಹಯಲ ಬಿ ಕಾಳ್ಳಿ ಪಾಡಸ.
LUK 19:27 ವರಿ ಮಾರಾ ದುಶ್ಮನೊ ಮಿ ರ‍್ಹವಾನು ತ್ಯುನೊನೆ ಮನಸೆ ನತ್ತಿ ವರಿ ತ್ಯುನೊನೆ ಧರ್ಲಿನ ಆವೊ ಮಾರಾ ಕ್ಹಾಮಾ ತ್ಯುನೊನೆ ಖಲಾಸ ಕರಿ ಪಾಡೊ"
LUK 19:28 ಯೆಸು ಎ ಕ್ಹಾರು ಕದಲ್ಪರ ಯೆರುಸೆಲೆಮೆ ಚಾ಼ಲ್ಯೊ.
LUK 19:29 ಯೆಸು ಬೆತ್ಪೆ ವರಿ ಬೆಥಾನಿಯಾ ಕವಾನಾ ಗಾಮೊನಾ ನಜಿ಼ಕ ಆಯೊ. ತೆ ಗಾಮೊಮಾ ತೆಲನಾ ಝಾಡೊನು ಡೊಂಗರ ವ್ಹತ್ತು. ಯೆಸು ತಿನಾ ಶಿಷ್ಯಾವೊಮಾನಾ ಬೆ ಜ಼ನಾವೊನ ಬಲೈನ ತ್ಯುನೊನೆ,
LUK 19:30 ಐಜ್ಗಾ಼ ದಿಕ್ಹಾನಾ ಗಾಮೆ ಜಾ಼ವೊ. ತುಮೆ ಗಾಮ್ಮಾ ಜಾ಼ತಾಮಾ ತ್ಯಾ ಯಕ್ಕ ಗದಡು ಭಾಂದಲ ದೆಕೊಸಿ ತಿಪರ ಹಜು಼ನ ಲಕ್ಕಾಬಿ ಕುನ್ನಜ಼ ಬೈಟ್ಯು ನತ್ತಿ, ತೆ ಗದಡಾನೆ ಛೊಡಿನ ಮಕನ ಲಿನ ಆವೊ.
LUK 19:31 ಕಯಾಬಿ ಮನಕ್ಹೊ ತುಮೊನೆ ಆ ಗದಡಾನೆ ಛೊಡಿಲಿನ ಕಿಜ್ಗಾ಼ ಲಿನಚಾ಼ಲ್ಯಾಸ ಕೈನ ಪುಚ್ಯಾ಼ಮ ಗುರುನೆ ಆ ಗದಡು ಚಾ಼ಯೆ ಥಯುಸ ಕೈನ ಕವೊ. ಕದ್ಯೊ.
LUK 19:32 ತೆಳಾಮಾ ತೆ ಶಿಷ್ಯಾ ಗಾಮ್ಮಾ ಗೈನ ಯೆಸು ಕದಲ ತಿಮ್ಮಜ಼ ತ್ಯುನೆ ಗದಡಾನೆ ದೆಕಿನ ತಿನೆ ಛೊಡ್ಯಾ.
LUK 19:33 ತೆಳಾಮಾ ಗದಡಾನೊ ಮಾಲಕ ಐನ ತೆ ಶಿಷ್ಯಾವೊನೆ ತುಮೆ ಅಮ್ಮ ಕಾ ಕರಾಡಾಸ? ಕೈನ ಪುಚ್ಯೊ.
LUK 19:34 ಶಿಷ್ಯಾ ತಿನೆ ಆ ಗುರುನೆ ಚಾ಼ಯೆ ಥಯುಸ ಕದ್ಯಾ.
LUK 19:35 ಶಿಷ್ಯಾ ತೆ ಗದಡಾನಾ ಬಚ್ಚಾ಼ನೆ ಯೆಸುನಾ ಕ್ಹಾಮಾ ಲಾಯಾ. ಶಿಷ್ಯಾ ತಿವ್ನಾ ವಣ್ಣಾ ಕಾಡಿನ ಗದಡಾಪರ ಘಾಲ್ಯಾ. ವರಿ ಯೆಸುನೆ ತಿಪರ ಬೈಟಾಡ್ಯಾ.
LUK 19:36 ತೆಳಾಮಾ ಯೆಸು ಯೆರುಸೆಲೆಮೆ ಚಾ಼ಲ್ಯೊ. ತ್ಯಾನಾ ಮನಕ್ಹೊ ತಿವ್ನಾ ವಣ್ಣಾ ಯೆಸು ಜಾ಼ವಾನಿ ವಾಟ್ಪರ ವಚ್ಚಾ಼ಯಾ.
LUK 19:37 ಯೆಸು ಯೆರುಸೆಲೆಮನಾ ನಜಿ಼ಕ ಐನ ತೆಲನಾ ಝಾಡನಾ ಡೊಂಗರಕನ ಆಯಾ. ತಿನಾ ಪಾಚಾ಼ ಶಿಷ್ಯಾಬಿ ಆಯಾ ವರಿ ಘನ್ನಾ ಮನಕ್ಹೊಬಿ ವ್ಹತ್ತಾ. ವರಿ ತ್ಯುನೆ ಕ್ಹಾರಾ ಕ್ಹುದಾ ಕರಲ ಕ್ಹಾರಾ ಅಧ್ಭುತ ದೆಕಿನ ಖುಶಿ ಕರತಾ ವರಿ ಸ್ತೊತ್ರಾ ಕತಾ ಆಯಾ.
LUK 19:38 ಕ್ಹುದಾನಾ ನಾಮಪರ ಆವಾಲಾ ರಾಜಾ಼ನೆ ಆಶಿರ್ವಾದ ಥಾವಾದೆ ಸ್ವರ್ಗಮಾ ಸಮಾಧಾನ ಥಾವಾದೆ ಕ್ಹುದಾನಿ ಮಹಿಮಾ ಥಾವಾದೆ "ಕೈನ ವದ್ರ್ಯಾ.
LUK 19:39 ಫರಿಸಾಯರೊಮಾನಾ ದಕ್ಹಾಜ಼಼ನಾ, ಯೆಸುನೆ ಭೊದಕ, ಇಮ್ಮ ಕ್ಹಾರು ಕೌ ನಕೊ ಕೈನ ತಾರಾ ಶಿಷ್ಯಾವೊನೆ ಕೆ ಕದ್ಯಾ.
LUK 19:40 ವರಿ ತೆ ವಾತೆ ಯೆಸು ತ್ಯುನೊನೆ "ಇವ್ನೆ ಎ ಕ್ಹಾರು ಕೌಜ಼ ಇವ್ನೆ ನೈ ಕದ್ಯಾಮ, ತಿವ್ನಾ ಬದಲ ಆ ಮಂಗಾಳಾ ಬೊಲಸ ಕದ್ಯೊ.
LUK 19:41 ಯೆಸು ಯೆರುಸೆಲೆಮಕನ ಆತಾಮಾ ತೆ ಗಾಮನೆ ದೆಕಿನ ರೊಯೊ
LUK 19:42 ವರಿ ಅಮ್ಮ ಕದ್ಯೊ "ಯೆರುಸಲೆಮ ತುನೆ ಶಾಕ್ಹು ಸಮಾಧಾನ ಥಾವಸ ಕೈನ ತು ತಿಳದಿಲಿವತ್ತೊ ಕೆಕ್ಕಲು ಕೆ ಚೊ಼ಕು ವ್ಹತ್ತು! ವರಿ ತು ತಿಳದಿಲಿದ್ಯೊ ನೈ ಕಾಕದ್ಯಾಮ ಹಮ್ನಾ ತೆ ಝಕೈ ಗಯುಸ.
LUK 19:43 ಕಾಕದ್ಯಾಮ ಯಕ್ಕ ಟೈಮ ಆವಸ ತಾರಾ ದುಶ್ಮನೊ ತಾರಾ ಸುತ್ತೆ ಗೊಡಿಯೊ ಭಾಂದಿನ ವರಿ ತಾರಾ ಸುತ್ತೆ ಬಿ ಚಾವಿಯೊ ಘಾಲಿ ಪಾಡ್ಯಾಸ.
LUK 19:44 ತುನೆ ಬಿ ತಾರಾ ಮನಕ್ಹೊನೆ ಬಿ ನಾಶ ಕರಸ ನ್ಯ್ಹಾ ದಗ್ಡಾಪರ ದಗ್ಡೊ ನೈ ಹುಬ್ರಾಡತಾ, ಕ್ಹುದಾ ತುನೆ ವಚಾ಼ಡಾನೆ ಆಯಲ ಟೈಮಾ ತು ನೈ ತಿಳದಿ ಲಿದ್ಯೊಮ ಎ ಕ್ಹಾರು ಥಾವಸ ಕದ್ಯೊ.
LUK 19:45 ಯೆಸು ದೆವಾಲಯಮಾ ಗೈನ, ತ್ಯಾ ಇಕ್ಕಾನೆ ಬೈಟಲ ವಾಲಾವೊನೆ ಭಾರೊ ಘಾಲಿ ಪಾಡಾಡ್ಯೊ.
LUK 19:46 ತ್ಯುನೊನೆ, ಯೆಸು ಕ್ಹುದಾ ಕವಸ "ಮಾರು ಯಕ್ಕ ಘರ ಪ್ರಾಥನಾನು ಘರ ಕವೈ ಲಿವಸ ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆತೊ. ತುಮೆ ತಿನೆ ಚ್ವಟ್ಟಾವೊನು ಘರ ಕರಿಪಾಡ್ಯಾಸ.
LUK 19:47 ಯೆಸು ದಿನ್ನೆ ಬಿ ಮಂದಿರಮಾ ಉಪದೆಶ ಕರಾನು ಚಾಲು ಕರ‍್ಯೊ ತಿನಾಹುತಿ ತ್ಯಾನಾ ಯಾಜಕೊ ಶಾಸ್ತ್ರಿಯೊ ವರಿ ಮನಕ್ಹೊಪರ ಮ್ಹೊಟಾ ರ‍್ಹಯಲ ವಾಲಾ ಯೆಸುನೆ ಖಲಾಸ ಕರು ಕೈನ ಟೈಮ ದೆಕಾಡಾತಾ.
LUK 19:48 ತೆನೈಸೊ ಯೆಸುನಿಯೊ ವಾತೊ ಯಕ್ಕ ಛೊಡ್ಯಾವಾಚಿ ಘನ್ನಿ ಧ್ಯಾನ ದಿನ್ನ ಮನಕ್ಹೊ ಐಕಾಡ್ಯಾತಾ. ವರಿ ತಿನಾ ಲಿಂಗತಜ಼ ಚಾ಼ಲಾಡ್ಯಾತಾ ತಿನಾ ಹುತಿ ಯಾಜಕೊ ವರಿ ಶಾಸ್ತ್ರಿಯೊ ಮ್ಹೊಟಾ ಮನಕ್ಹೊ ಯೆಸುನೆ ಕಿಮ ಖಲಾಸ ಕರಿಯೆ ಕೈನ ಟೈಮ ದೆಕಾಡಾತಾ.
LUK 20:1 ಯಕ್ಕ ದಿನ್ನ ಯೆಸು ದೆವಾಲಯಮಾ ವ್ಹತ್ತೊ. ತೆ ಮನಕ್ಹೊನೆ ಉಪದೆಶ ಕರಿನ ಸುವಾರ್ತೆ ಕವಾಡೊತೊ, ಖಾಸ ಯಾಜಕೊ ಶಾಸ್ತ್ರಿಯೊ ವರಿ ಯೆಹುದಿಯೊಮಾನಾ ಮ್ಹೊಟಾ ಮನಕ್ಹೊ ಯೆಸುಕನ ಆಯಾ.
LUK 20:2 ತುನೆ ಎ ಕ್ಹಾರು ಕರಾನು ಅದಿಕಾರ ಕುನ್ನ ದಿದ್ಯುಸ? ವರಿ ಎ ಕ್ಹಾರು ಕಯು ಅದಿಕಾರಕ್ಹು ಕರಾಡ್ಯೊಸ? ಹಮೊನೆ ಕೆ ಕದ್ಯಾ.
LUK 20:3 ತೆಳಾಮಾ ಯೆಸು ತ್ಯುನೊನೆ ಕದ್ಯೊ, ಮಿ ತುಮೊನೆ ಯಕ್ಕ ಪ್ರಶ್ನೆ ಪುಚ್ಚು಼ಸ. ತುಮೆ ಮನೆ ಕವೊ,
LUK 20:4 ಮನಕ್ಹೊನೆ ಬಾಪ್ತಿಸ್ಮ ಕರಾವಾನೊ ಅದಿಕಾರ ಯೊಹಾನನೆ ಕ್ಹುದಾ ಕಂತೊ ಆಯೊಸ ಸು ಮನಕ್ಹೊ ಕಂತೊ ಆಯೊಸ? ಮನೆ ಕವೊ ಕೈನ ಕದ್ಯೊ.
LUK 20:5 ತ್ಯುನೆ ಯಕ್ಲಾನಾ ಕ್ಹಾತೆ ಯಕ್ಲೊ ಬೊಲ್ಲಿನ ಬಾಪ್ತಿಸ್ಮ ಕರಾವಾನೊ ಯೊಹಾನನೆ ಕ್ಹುದಾ ಕಂತೊ ಆಯೊಸ ಕದ್ಯಾಮ ತುಮೆ ತಿಪರ ಕಾ ಬರೊಕ್ಹೊ ಕರ‍್ಯಾ ನೈ ಕೈನ ತೆ (ಯೆಸು) ಪುಚ್ಚಿ಼ ಪಾಡಸ್ತೊ?
LUK 20:6 ನೈ ತೊ ಮನಕ್ಹೊತಿ ಎ ಅದಿಕಾರ ಆಯೊಸ ಕದ್ಯಾಮ ಮನಕ್ಹೊ ಅಪೊನೆ ಸುಕರಸ ಕೈನ ತ್ಯುನೆ ಭುಚ಼ಕ್ಯಾ. ಕಾಕದ್ಯಾಮ ಯೊಹಾನ ಯಕ್ಕ ಪ್ರವಾದಿ ವ್ಹೈ ಕೈನ ಬರೊಕ್ಹೊ ಕರ‍್ಯಾಸ ಕೈನ ಕೈಲಿದ್ಯಾ.
LUK 20:7 ತಿನಾಹುತಿ ತ್ಯುನೆ ಹಮೊನೆ ಗ್ವತ್ತ ನತ್ತಿ ಕೈನ ಯೆಸುನೆ ಕದ್ಯಾ.
LUK 20:8 ತೆಳಾಮಾ ತ್ಯುನೊನೆ ಯೆಸು ಮಿ ಕೈ ಅದಿಕಾರಕ್ಹು ಎ ಕ್ಹಾರು ಕರಾಡ್ಯೊಸ ಕೈನ ತುಮೊನೆ ಕತೊ ನೈ "ಕದ್ಯೊ.
LUK 20:9 ಪಾಚಲ್ತೊ ಯೆಸು ಮನಕ್ಹೊಕನ ಯಕ್ಕ ಸಾಮ್ಯ ಕದ್ಯೊ. ಯಕ್ಕ ಮನಕ್ಹ ಯಕ್ಕ ದ್ರಾಕ್ಷಿಯೊನೊ ಮಳೊ ಕರಿನ ತೆ ರೈತರೊನೆ ಗುತ್ತಿಗೆಯೆ ದಿನ್ನ ತೆ ತ್ಯಾಂತೊ ಬಿಜಾ಼ ಗಾಮೆ ಗಯೊ. ವರಿ ತ್ಯಾ ಘನ್ನಾ ದಿನ್ನ ವ್ಹತ್ತೊ.
LUK 20:10 ದ್ರಾಕ್ಷಿಯೊ ಕಾಟಿನ ಇಕ್ಕಾನೊ ಟೈಮ ಆತಾಮಾ ತೆ ಮಳಾನೊ ಮಾಲಕ ತಿನೊ ವಾಟೊ ಪುಚ್ಚಾ಼ನೆ ತಿನಾ ಯಕ್ಕ ಆಳನೆ ರೈತರೊಕನ ಮೊಕಲ್ಯೊ. ತೆನೈಸೊ ತೆ ರೈತರೊ ತೆ ಆಳನೆ ಮಾರಿನ ಕ್ಹಾಲಿ ಹತೆ ಮೊಕಲ್ಯಾ.
LUK 20:11 ತಿನಾ ಹುತಿ ತೆ ಮಾಲಕ ವರಿ ಯಕ್ಲಾ ಆಳನೆ ತ್ಯುನೊಕನ ಮೊಕಲ್ಯೊ ತಿನೆ ಬಿ ತೆ ರೈತರೊಬಿ ಮಾರಿನ ಮರಿಯಾದಿ ಕಾಡಿನ ಖಾಲಿ ಹತೆ ಮೊಕ್ಕಲಿ ಪಾಡ್ಯಾ.
LUK 20:12 ವರಿಬಿ ತೆ ಮಾಲಕ ತನವಾ ಸಲಾ ತಿನಾ ಬಿಜಕ್ಕಲಾ ಆಳನೆ ಮೊಕಲ್ಯೊ, ವರಿಬಿ ರೈತರೊ ತೆ ಆಳನೆ ಘನ್ನಾ ಮಾರಿನ ತಿನೆಬಿ ಮೊಕ್ಕಲಿ ಪಾಡ್ಯಾ.
LUK 20:13 ತೆಳಾಮಾ ತೆ ದ್ರಾಕ್ಷಿನೊ ಮಳಾನೊ ಮಾಲಕ ಮಿ ಸುಕರು ಕೈನ ಕೈಲಿದ್ಯೊ? ಮಾರಾ ಮಯಾನಾ ದಿಕ್ರಾನೆ ತಬಿ ತ್ಯುನೊಕನ ಮೊಕ್ಕಲುಸ ಕೈಲಿದ್ಯೊ.
LUK 20:14 ತೆ ರೈತರೊ ತೆ ಮಾಲಕನಾ ದಿಕ್ರಾನೆ ದೆಕಿನ ತ್ಯುನೆ-ತ್ಯುನೆ ಬೊಲ್ಲಿನ ಇನೆಜ಼ ಅಪೆ ಮಳಿನ ಖಲಾಸ ಕರಿ ಪಾಡ್ಯಾಮ ಎ ಮಳೊ ಅಪೊನೆ ಥೈಜಾ಼ವಸ ಕೈನ ಬೊಲ್ಲಿದ್ಯಾ.
LUK 20:15 ತೆ ಮಾಲಕನಾ ದಿಕ್ರಾನೆ ದ್ರಾಕ್ಷಿನಾ ಮಳಾಮಾತಾ ಭಾರಾ ನಿಂಗೈನ ಖಲಾಸ ಕರಿನ ನಾಕಿಪಾಡ್ಯಾ. ತಿಮ್ಮ ಥಯುಮ ತೆ ಮಳಾನೊ ಮಾಲಕ ತ್ಯುನೊನೆ ಸು ಕರಸ? ಕೈನ ಯೆಸು ಪುಚ್ಚೊ಼.
LUK 20:16 ತೆಳಾಮಾ ತೆ ಮಾಲಕ ಐನ ತೆ ರೈತರೊನೆ ಖಲಾಸ ಕರಿನ ತೆ ದ್ರಾಕ್ಷಿನೊ ಮಳೊ ಬಿಜಾ಼ವೊನೆ ವಪ್ಸಸ" ಮನಕ್ಹೊ ಎ ಐಕಿನ ಇಮ್ಮ ಕೆಳಾಮಾಜ಼ ಥಾವು ನೈ! ಕದ್ಯಾ.
LUK 20:17 ವರಿ ಯೆಸು ತ್ಯುನೊನೆ ದೆಕಿನ ತಿಮ್ಮ ರ‍್ಹಯುಮ, ಘರ ಭಾಂದಾಲಾವೊನೆ ನೈ ಚಾ಼ಯೆ ಥಯಲ ಭಿರಕೈ ಪಾಡಲ ದಗ್ಡೊ ಮೆನ ಮುಲಾನೊ ದಗ್ಡೊ ಥಯೊ. ಎ ವಚನೊ ಮತ್ಲಬ ಸುವೈ?
LUK 20:18 ತೆ ದಗಡಾಪರ ಪಡಾಲೊ ಹರಿ ಯಕ್ಲೊ ತುಕಡಾ-ತುಕಡಾ ಥೈಜಾ಼ವಸ. ವರಿ ತೆ ದಗ್ಡೊ ತುಮೊಪರ ಪಾಡ್ಯೊಮ ತೆ ತುಮೊನೆ ಛೆಟಿ ಪಾಡಸ! ಕದ್ಯೊ.
LUK 20:19 ಯೆಸು ಎ ಕ್ಹಾರು ಕತಾಮಾ ಯೆಹುದಿಯೊನಾ ನಾಯಕೊ ಶಾಸ್ತ್ರಿಯೊ ಖಾಸ ಯಾಜಕೊ. ಐಕಿನ ಯೆಸುನೆ ಕೈ ಉಪಾಯಕ್ಹು ಧರಿಯೆ ಕೈನ ಟೈಮ ದೆಕಾಡಾತಾ. ವರಿ ಮನಕ್ಹೊನಾ ಭೆಕ್ಹು ಯೆಸುನೆ ಚೊ಼ಡಿನ ಗಯಾ.
LUK 20:20 ತಿನಾಹುತಿ ಶಾಸ್ತ್ರಿಯೊ ಯಾಜಕೊ ಯೆಸುನೆ ರೊಮ ಅದಿಕಾರಿಯೊನಾ ಹತ್ಮಾ ಧರಿನ ದ್ಯು ಕೈನ ಟೈಮ ದೆಕಾಡಾತಾ. ತ್ಯುನೆ ದಕ್ಹಾ ಮನಕ್ಹೊನೆ ಯೆಸುನೆ ಶಕ್ಕಕ ಥಾವು ನೈಸೊ ಶಿಕಲೈನ ಯೆಸುಕನ ಮೊಕಲ್ಯಾತಾ. ವರಿ ತ್ಯುನೆ ಯೆಸುನೆ ತಪ್ಪಮಾ ಧರಿಯೆ ಕೈನ ದೆಕಾಡಾತಾ.
LUK 20:21 ತಿನಾ ಹುತಿ ಯಾಜಕೊ ವರಿ ಶಾಸ್ತ್ರಿಯೊ ಶಿಕಲೈನ ಮೊಕ್ಕಲಲ ಮನಕ್ಹೊ ಯೆಸುನೆ ಉಪದೆಶ ಕರಾಲಾ ಗುರು ತು ಕ್ಹರಿನೊಜ಼ ವ್ಹೈ ತು ಮ್ಹೊಡು ದೆಕಿನ ಬೊಲಾಲೊ ನ್ಹವೈ ತು ಕ್ಹುದಾನಿ ಕ್ಹರಿನಿ ವಾಟಮಾ ಚ಼ಲಾವಾಲೊ ವ್ಹೈ!
LUK 20:22 ಹಮ್ನಾ ಹಮೊನೆ ಕೆ ಹಮೆ ರೊಮನ ಚಕ್ರವರ್ತಿನೆ ಭು ಭಾಡೊ ದಿವಾನು ಚೊ಼ಕು ವ್ಹೈಸು ಕೆಟ್ಟ ವ್ಹೈ. ಕೈನ ಪುಚ್ಯಾ.
LUK 20:23 ಯೆಸು ಎ ಮನಕ್ಹೊ ಮನೆ ಮೊಸ ಕರಾನೆ ಆಯಾಸ ಕೈನ ಗ್ವತ್ತ ವ್ಹತ್ತು.
LUK 20:24 ತಿನಾ ಹುತಿ ಯೆಸು ತಿವನೊನೆ ಯಕ್ಕ ರುಪ್ಪಾನೊ ಬಿಲ್ಲೊ ಲೈನ ಮನೆ ದೆಕಾಡೊ ತ್ಯುನೆ ಲೈನ ದೆಕಾಡ್ಯಾ ಯೆಸು ತೆ ಬಿಲ್ಲೊ ಲಿನ ಎ ಬಿಲ್ಲಾಪರ ಕಿನೊ ಸಿಕ್ಕಕೊ ಛೆ? ವರಿ ಕಿನೊ ನಾಮ ಛೆ? ಕೈನ ಪುಚ್ಯೊ಼. ತ್ಯುನೆ ಸಿಸರನೊ ವ್ಹೈ ಕದ್ಯಾ.
LUK 20:25 ತೆಳಾಮಾ ಯೆಸು ತ್ಯುನೊನೆ ಸಿಸರನೊ ರ‍್ಹಯಲ ಸಿಸರನೆ ದಿವೊ ವರಿ ಕ್ಹುದಾನು ರ‍್ಹಯಲ ಕ್ಹುದಾನೆ ದಿವೊ, ಕದ್ಯೊ.
LUK 20:26 ತೆ ಮನಕ್ಹೊ ಯೆಸು ತಿನಿ ಗ್ಯಾನಕ್ಹು ಜ಼ವಾಬ ದಿದಲ ಐಕಿನ ಘಾಬ್ರಾ ಥೈನ ಯೆಸುನೆ ಬಿಜೆ಼ಕ ಸಲಾ ಪುಚ್ಚಾ಼ನೆ ಮನಕ್ಹೊಕ್ಹು ಥಯು ನೈ.
LUK 20:27 ತೆಳಾಮಾ ಮರಿನ ಪುನರುತ್ಥಾನ ನೈ ಥಾತಾ ಕವಾಲಾ ದಕ್ಹಾ ಸದ್ದು ಕಾಯರೊ ಮನಕ್ಹೊ ಯೆಸುಕನ ಆಯಾ.
LUK 20:28 ತ್ಯುನೆ ಯೆಸುನೆ ದೆಕಿನ ಗುರು, ಯಕ್ಲೊ ಹಿವಾ ಕರಲಿನ ಬಚ್ಚಾ಼ ನೈಸೊ ಬೈ ಕೊನೆ ಚೊ಼ಡಿನ ಮರಿ ಗಯೊಮ. ತಿನೊ ನ್ಹಾನೊ ಭೈ ತೆ ಬಾಕಡಿನೆ ಹಿವಾ ಕರಲಿನ ತಿನಾ ಮ್ಹೊಟಾ ಭಾಯೊನಾ ನಾಮಪರ ಬಚ್ಚಾ಼ ಹುಟ್ಸು ಕೈನ ಮೊಶೆ ಬರ್ದಲ ಛೆತೊ.
LUK 20:29 ಯಕ್ಕ ಕಾಲ್ಮಾ ಕ್ಹಾತ ಭಾಯೊ ವ್ಹತ್ತಾ. ಪಸ್ಟಲ್ಯೊ ಭೈ ಹಿವಾ ಕರಲಿನ, ಪಾಚಲ್ತೊ ಬಚ್ಚಾ಼ ನೈಸೊ ಮರಿಗಯೊ.
LUK 20:30 ತೆಳಾಮಾ ಬೆವಾ ಭೈ ತೆ ಮಾಟಿ ಮರಲವಾಲಿ ಬಾಕಡಿನೆ ಹಿವಾ ಕರಲಿನ ತೆಬಿ ಬಚ್ಚಾ ನೈಸೊ ಮರಿಗಯೊ.
LUK 20:31 ತೆಳಾಮಾ ತನ್ವಾವಾಲೊ ತೆಜ಼ ಮಾಟಿ ಮರಲವಾಲಿ ಬಾಕಡಿನೆ ಹಿವಾ ಕರಲಿನ ತೆಬಿ ತಿಮ್ಮಜ಼ ಮರಿಗಯೊ. ತಿನಾ ಲಿಂಗತಜ಼ ಕ್ಹಾತೆ ಜ಼ನಾ ಬಚ್ಚಾ಼ ನೈಸೊ ಮರಿಗಯಾ.
LUK 20:32 ಲಾಸ್ಟಮಾ ತೆ ಬಾಕಡಿಬಿ ಮರಿ ಗೈ
LUK 20:33 ವರಿ ಮರಿನ ಪುನರುತ್ಥಾನ ಥೈನ ಉಟ್ತಾಮಾ ತೆ ಬಾಕ್ಡಿ ಕಿನಿ ಬೈಕೊ ಥೈನ ರ‍್ಹವಸ? ಕೈನ ಪುಚ್ಯಾ
LUK 20:34 ಯೆಸು ಸದ್ದುಕಾಯರೊನೆ ಕದ್ಯೊ. ದುನಿಯಾಮಾ ದಾಣ್ಗಾ ವರಿ ಹೆಣ ಮನಕ್ಹೊ ಹಿವಾ ಕರಿಲಿವಸ.
LUK 20:35 ಪುನರುತ್ಥಾನನೆ ಯೊಗ್ಯ ರ‍್ಹಯಲ ದಕ್ಹಾ ಮನಕ್ಹೊ ಜಿವ್ತಾ ಥೈನ ಉಟಿನ ಆಯಲಪರ ವರಿ ಜಿವ್ತಾ ರ‍್ಹವಸ. ತ್ಯುನೆ ನವೊ ಜ಼ಲಮ ಮಳಲ ಟೈಮ್ಮಾ ಹಿವಾಕರಲೆತಾ ನೈ.
LUK 20:36 ತೆ ಜ಼ಲಮ್ಮಾ ದೆವದುತೊ ಲಿಂಗತ ರ‍್ಹವಸ. ತ್ಯುನೊನೆ ಮರಣ ಆತೊ ನೈ. ತ್ಯುನೆ ಕ್ಹುದಾನಾ ದಿಕ್ರಾ ಥೈನ ರ‍್ಹವಸ.
LUK 20:37 ಮರಲವಾಲಾ ಪುನರುತ್ಥಾನ ಥಾವಸ ಕೈನ ಮೊಶೆ ದೆಕಾಡ್ಯೊಸ. ಆಗ ಲಾಗಲ ಝಾಡನಾ ಹುತಿ ಮೊಶೆ ಬರದತಾ ಟೈಮ್ಮಾ ಪ್ರಭು ಥಯಲ ಕ್ಹುದಾಜ಼ ಅಬ್ರಹಾಮನೊ ಕ್ಹುದಾ, ಇಸಾಕನೊ ಕ್ಹುದಾಜ಼, ವರಿ ಯಾಕೊಬನೊ ಕ್ಹುದಾಜ಼ ವ್ಹೈ ಕೈನ ಕದ್ಯೊಸ.
LUK 20:38 ಕ್ಹುದಾಜ಼ ತಿವ್ನೊ ಕ್ಹುದಾ ಥಯಲ ಹುತಿ ತ್ಯುನೆ ಕ್ಹಾರಾ ಕ್ಹರಿಮಾಜ಼ ಮರ‍್ಯಾ ನತ್ತಿ. ಕಾಕದ್ಯಾಮ ಜಿವ್ತಾ ರ‍್ಹಯಲವಾಲಾವೊನೊ ಕ್ಹುದಾ ವ್ಹೈ. ಕ್ಹುದಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ಜಿವ್ತಾ ರ‍್ಹಯಲ ಲಿಂಗತ ವ್ಹೈ.
LUK 20:39 ಶಾಸ್ತ್ರಿಯೊಮಾನಾ ದಕ್ಹಾ ಜ಼ನಾ "ಕ್ಹುದಾನಿಯೊ ವಾತೊ ಕವಾಲಾ ತು ಚೊ಼ಕು ಜವಾಬ ದಿದ್ಯೊಸ"ಕೈನ ಕದ್ಯಾ.
LUK 20:40 ಬಿಜೆ಼ಕ ಸಲಾ ಯೆಸುನೆ ಪುಚ್ಚಾ಼ನೆ ಕಿನೆ ಧೈರಯ ಥೈ ನೈ.
LUK 20:41 ಯೆಸು ತ್ಯುನೊನೆ ಕದ್ಯೊ, ಕ್ರಿಸ್ತನೆ ದಾವಿದನೊ ದಿಕ್ರೊ ವ್ಹೈ ಕೈನ ಮನಕ್ಹೊ ಕವಸ್ತೊ ಎ ಕಿಮ?
LUK 20:42 ಕಿರ್ತನೆ ಬುಕ್ಮಾ ರ‍್ಹಯಲ ದಾವಿದಜ಼ ಕದ್ಯೊಸ್ತೊ. ಪ್ರಭು (ಕ್ಹುದಾ) ಮಾರಾ ಪ್ರಭುನೆ (ಕ್ರಿಸ್ತನೆ) ಸು ಕದ್ಯೊಸ ಕದ್ಯಾಮ,
LUK 20:43 ಮಿ ತಾರಾ ದುಶ್ಮನೊನೆ ತಾರಾ ಪಗೊಮಾ ಘಾಲೆಲಕ್ಕಕಾ ಮಾರಾ ಸಿದಾ ಬಗಲ ಬೈಟ,
LUK 20:44 ದಾವಿದಜ಼ ಕ್ರಿಸ್ತನೆ ಪ್ರಭು ವ್ಹೈ ಕೈನ ಕದಲ್ಪರ ತೆ ದಾವಿದನೊ ದಿಕ್ರೊ ಕಿಮ ಥಾವಸ? ಕೈನ ಕದ್ಯೊ.
LUK 20:45 ತ್ಯಾನಾ ಮನಕ್ಹೊ ಯೆಸುನಿಯೊ ವಾತೊ ಐಕಾಡ್ಯಾತಾ.
LUK 20:46 ಯೆಸು ತಿನಾ ಶಿಷ್ಯಾವೊನೆ ಶಾಸ್ತ್ರಿಯೊನಾ ಹುತಿ ಹುಶಾರ ರ‍್ಹವೊ, ತ್ಯುನೆ ಚೊ಼ಕಾ-ಚೊ಼ಕಾ ವಣ್ಣಾ ಘಾಲ್ಲಿನ ಫರಸ ವರಿ ಬಾಜ಼ರೊಮಾ ಮನಕ್ಹೊನಾ ಹತೆ ನಮಸ್ಕಾರ ಕರೈಲೆ ಲಿವು ಕೈನ ಸಭಾಮಂದಿರಮಾ ವರಿ ಖಾವಾನೆ ಘಾಲಾನಿ ಜ಼ಗಾ ಚೊ಼ಕಿ ಜ಼ಗಾ ಬೈಟಾಡು ಕೈನ ತಿವ್ನಿ ಆಸ ರ‍್ಹವಸ.
LUK 20:47 ತ್ಯುನೆ ರಾಂಡಿ ಹೆಣ ಮನಕ್ಹೊನೆ ಮೊಸ ಕರಿನ ತ್ಯುನಾ ಘರೊ ವರಿ ತಿವ್ನಿ ಆಸ್ತಿ ಕಾಳ್ಳೆತಾ ಕ್ಹುದಾಕನ ಮ್ಹೊಟಿ-ಮ್ಹೊಟಿ ಪ್ರಾಥನಾ ಕರತಾ ತ್ಯುನೆ ಚೊ಼ಕಾ ವ್ಹೈ ಕೈನ ದೆಕಾಡಿಲಿವಸ. ಇವ್ನೊನೆ ಮ್ಹೊಟಿ ಶಿಕಶ್ಯಾ ದಿವಸ" ಕೈನ ಕದ್ಯೊ.
LUK 21:1 ಸೌಕಾರ ರಹೆಲವಾಲಾ ಮನಕ್ಹೊ ದೆವಾಲಯಮಾ ಕಾಣಿಕೆನಿ ಪೆಟಗಿಮಾ ದೊಕಡಾ ಘಾಲಾನು ಯೆಸು ದೆಕಾಡ್ಯೊತೊ.
LUK 21:2 ತೆಕ್ಲಾಮಾಜ಼಼ ಯಕ್ಕ ರಾಂಡಿ ಬಾಕ್ಡಿ ಐನ ಬೆ ತಾಂಬಾನಾ ಬಿಲ್ಲಾ ಕಾಣಿಕಿನಿ ಪೆಟಗಿಮಾ ಘಾಲಿ.
LUK 21:3 ಯೆಸು ತೆ ದೆಕಿನ ತುಮೊನೆ ಕ್ಹರಿಮಾಜ಼ ಕೌಸ. ಕ್ಹಾರಾವೊನಿ ಕಾಣಕಿತಿಬಿ ಎ ಬಾಕ್ಡಿ ಘಾಲಲ ಕಾಣಕಿ ಘನ್ನಿ ವ್ಹೈ.
LUK 21:4 ಸೌಕಾರ ರ‍್ಹಯಲ ವಾಲಾ ತ್ಯುನೊನೆ ಚಾ಼ಯೆಥಯಲ ತ್ಯುನೆ ಮುಕ್ಕಕಿಲಿನ ಉಗ್ರಲ ಕಾಣಿಕೆ ದಿದ್ಯಾ. ಆ ಬಾಕ್ಡಿ ಜಿವ್ನಾ ಕರಾನೆ ಚಾ಼ಯೆ ಥಯಲ ಕ್ಹಾರಾ ದೊಕಡಾ ಕಾಣಿಕೆ ಘಾಲಿಪಾಡಿ. ಕೈನ ಕದ್ಯೊ.
LUK 21:5 ಶಿಷ್ಯಾವೊಮಾನಾ ದಕ್ಹಾಜ಼಼ನಾ ದೆವಾಲಯನಾ ಹುತಿ ಬೊಲ್ತಾ, ಎ ಕೆಕ್ಕಲಾ ಚೊ಼ಕಾ ಮಂಗಾಳಾ ಕ್ಹು ಭಾಂದ್ಯಾಸ. ವರಿ ಮನಕ್ಹೊ ಕೈಲಿದಲ ಹರಕೆ ಕ್ಹು ಸಾಮನಕ್ಹು ಕೆಕ್ಕಲು ಚೊ಼ಕು ದಿಕ್ಹಾಡುಸ.
LUK 21:6 ಇಮ್ಮ ಕತಾಮಾ ಯೆಸು ಶಿಷ್ಯಾವೊನೆ ಕದ್ಯೊ. ತುಮೆ ನ್ಹ್ಯಾ ದೆಕಾನು ಪುರಾ ನಾಶ ಥಾವಾನೊ ಟೈಮ ಆವಸ. ವರಿ ನ್ಹ್ಯಾ ದಗಡಾಪರ ದಗ್ಡೊ ನೈ ಹುಬ್ರೆತೊ ಪಾಡಾ ಲಗಾಡಿಪಾಡಸ.
LUK 21:7 ತೆಳಾಮಾ ಶಿಷ್ಯಾ ಯೆಸುನೆ ಕದ್ಯಾ "ಗುರು, ಎಕ್ಹಾರು ಥಾವಾನು ಕೆಳಾಮಾ ವ್ಹೈ ವರಿ ಎ ಥಾವಾನು ವಳಕ ಸು ವ್ಹೈ, ಕೈನ ಪುಚ್ಯಾ.
LUK 21:8 ಯೆಸು ತ್ಯುನೊನೆ ತುಮೆ ಹುಶಾರ ರಹೊ ಮೊಸಮಾ ಪಡೊನಕೊ ಮಾರು ನಾಮ ಕೈನ ಘನ್ನಾ ಜ಼ನಾ ಆವಸ. ತ್ಯುನೆ ಐನ ಮಿಜ಼ ಕ್ರಿಸ್ತ (ಯೆಸು) ವ್ಹೈ ಕವಸ. ತುಮೆ ತಿವ್ನೊಪರ ಬರೊಕ್ಹೊ ಕರೊ ನಕೊ.
LUK 21:9 ಯುದ್ದೊನಾ ಹುತಿ ದಂಗಾವೊನಾ ಹುತಿ ಸುದ್ದಿಯೊ ಐಕೊಸಿ ವರಿಬಿ ತುಮೆ ಭುಚ಼ಕೊ ನಕೊ. ಎ ಕ್ಹಾರು ಪೈಲಾ ಥಾವು ತಿಮ್ಮ ಥಯಲ್ಪರಬಿ ತೆ ಅಂತ್ಯ ನ್ಹವೈ "ಕೈನ ಕದ್ಯೊ.
LUK 21:10 ವರಿ ಯೆಸು ತ್ಯುನೊನೆ ದೆಶನಾ ವಿರುದ್ದ ದೆಶ ಉಟಸ.
LUK 21:11 ಭುಕಂಪೊ ಥಾವಸ ಬರಗಾಲ ಪಡಸ ಮನಕ್ಹೊನೆ ಘನ್ನೊ ತ್ರಾಸ ಥಾವಸ, ಹಬಾಳಮಾ ನೈಸೊ ಥಾವಾನು ಅದ್ಭುತ ಥಾವಸ.
LUK 21:12 ವರಿ ಎ ಕ್ಹಾರು ಥಾವಾತಿ ಅಗ್ದುರ ಮನಕ್ಹೊ ತುಮೊನೆ ಧರಿಲಿನಗೈನ ತ್ರಾಸ ಕರಸ ವರಿ ತುಮೊನೆ ಸಭಾಮಂದಿರಮಾ ಲಿನಜಾ಼ವಸ, ತುಮೊನೆ ಫೈಸಲೊ ಕರಿನ ಜೆಲಮಾ ಘಾಲಾಲಗಾಡಸ. ವರಿ ರಾಜಾ಼ವೊನಾ ಕ್ಹಾಮಾ ಹುಬ್ರಾಡಸ, ತುಮೊಪರ ಅಪವಾದ ಘಾಲಸ. ತುಮೆ ಮಾರಾ ಪಾಚಾ಼ ಆವಾಕ್ಹು ಮನಕ್ಹೊ ತುಮೊನೆ ಎ ಕ್ಹಾರು ಕರಸ.
LUK 21:13 ಇನಾಹುತಿ ತುಮಾರಾ ಬರೊಕ್ಹಾನಾ ಹುತಿ ಸಾಕ್ಷಿ ಕವಾನೆ ಚೊ಼ಕೊ ಟೈಮ ವ್ಹೈ.
LUK 21:14 ತೆಳಾಮಾ ತುಮೆ ತ್ಯುನೊಕನ ಸು ಕೌ ಕೈನ ಚಿಂತಾ ಕರೊ ನಕೊ.
LUK 21:15 ಕಾಕದ್ಯಾಮ ಮಿಜ಼ ತುಮೊನೆ ಬೊಲಾನು ಗ್ಯಾನ ದ್ಯುಸ. ತಿನಾಹುತಿ ತುಮಾರಾ ದುಶ್ಮನೊ ತುಮೆ ಪುಚ಼್ಚಲ ವಾತನೆ ಜ಼ವಾಬ ದೆತಾ ನೈ.
LUK 21:16 ತುಮೊನೆ ತಮಾರಾ ಮಾ ಬಾಪ ವರಿ ಭಾಯೊ ತುಮಾರಾ ದೊಸ್ತೊ ತಮಾರಾ ವಿರುದ್ದ ಥಾವಸ. ತುಮೊಮಾನಾ ದಕ್ಹಾ ಜ಼ನಾವೊನೆ ತ್ಯುನೆ ಖಲಾಸ ಕರೈಪಾಡಸ.
LUK 21:17 ವರಿ ತುಮೆ ಮಾರಾ (ಯೆಸುನಾ) ಪಾಚಾ಼ ಆವಾಕ್ಹು ಮನಕ್ಹೊ ತುಮಾರಾ ದುಶ್ಮನೊ ಥಾವಸ.
LUK 21:18 ತಿಮ್ಮ ಥಯುತಬಿ ತುಮಾರಾ ಮಾತಾನಾ ಬಾಲನೆಬಿ ಧೊಕೊ ಥಾತೊ ನೈ.
LUK 21:19 ತುಮೆ ತಮಾರಾ ಬರೊಕ್ಹಾಪರ ಘಟ್ಟ ರ‍್ಹಯಾಮ ತಮಾರಾಕ್ಹು ತುಮೆ ವಚಾ಼ಡಿ ಲಿವೊಸಿ.
LUK 21:20 ಯೆರುಸೆಲೆಮಾನಾ ಸುತ್ತೆ ಸೈನಿಕೊ ಬೆಲಿ ಘಾಲಾನು ತುಮೆ ದೆಕೊಸಿ ತೆಳಾಮಾ ಯೆರುಸೆಲೆಮ ಹಾಳ ಥಾವಾನು ನಜಿಕ ಆಯುಸ ಕೈನ ತುಮೆ ತಿಳದಿಲಿವೊ.
LUK 21:21 ತೆಳಾಮಾ ಯುದಾಯಮಾ ರ‍್ಹಯಲ ವಾಲಾ ಮನಕ್ಹೊ ಡೊಂಗರಪರ ನ್ಹಾಟಿ ಜಾ಼ವಾದೆ ಗಾಮ್ಮಾ ರ‍್ಹಯಲ ವಾಲಾ ಭಾರಾ ನ್ಹಾಟಿ ಜಾ಼ವಾದೆ ವರಿ ಖೆಡಾಮಾ ರ‍್ಹಯಲ ವಾಲಾ ಗಾಮ್ಮಾ ಔ ನೈಸೊ ತ್ಯಾಜ಼ ರ‍್ಹವಾದೆ.
LUK 21:22 ತೆ ದಿನೊ ಕ್ಹುದಾ ತಿನಾ ಮನಕ್ಹೊನೆ ಶಿಕ್ಷಾ ದಿವಾನಾ ಟೈಮ ವ್ಹೈ ಪ್ರವಾದಿಯೊ ಬರ್ದಲ ಪುರಾ ಥಾವಸ.
LUK 21:23 ತೆ ದಿನೊಮಾ ಪೆಟೆ ರ‍್ಹಯಲ ಬಾಕಡಿಯೊನೆ ವರಿ ನ್ಹಾನಾ ಬಚ್ಚಾ಼ ರ‍್ಹಯಲಲಿಯೊನೆ ಘನ್ನು ತ್ರಾಸ ಥಾವಸ. ಕಾಕದ್ಯಾಮ ಆ ಜ಼ಗಾಮಾ ರ‍್ಹಯಲ ಮನಕ್ಹೊಪರ ತ್ರಾಸ ಆವಸ.
LUK 21:24 ಎ ಮನಕ್ಹೊಮಾ ದಕ್ಹಾ ಜ಼ನಾವೊನೆ ಸೈನಿಕೊ ಖಲಾಸ ಕರಿಪಾಡಸ ದಕ್ಹಾ ಜ಼ನಾವೊನೆ ಧರಿಲಿನಗೈನ ಬಿಜಾ಼ ದೆಶೆ ಲಿನಜಾ಼ವಸ. ವರಿ ಬಿಜಾ಼ ದೆಶವಾಲಾ ತಿವ್ನೊ ದಿನ್ನ ಥಾಯೆಲಕ್ಕಾ ಯೆರುಸೆಲೆಮಾ ರ‍್ಹವಸ.
LUK 21:25 ಸುರ‍್ಯೊ, ಚ಼ಂದಪ್ಪಾ ವರಿ ಚಿಕ್ಕಿಯೊ ಬಿಜಿ ತರಾಜ಼ ದಿಕ್ಹಸ ವರಿ ಜಿಮಿನ್ಪರ ರ‍್ಹಯಲ ಮನಕ್ಹೊಮಾ ಅಲ್ಲೊಲ ಕಲ್ಲೊಲ ಥಾವಸ.
LUK 21:26 ಹಬಾಳಮಾ ರ‍್ಹಯಲ ಶಕ್ತಿಯೊ ಹಲ್ಲಾಕ್ಹು ಜಿಮಿನಪರ ಸು-ಸು ಥಾಸ ಕೈನ ಮನಕ್ಹೊ ಭುಚ಼ಕಸ.
LUK 21:27 ತೆಳಾಮಾ ಮನಕ್ಹನೊ ದಿಕ್ರೊ (ಯೆಸು) ಮ್ಹೊಟಿ ತಾಕತಕ್ಹು ಮಹಿಮಾನಾ ಪ್ರಭಾವಕ್ಹು ಹಬಾಳಮಾತೊ ಆವಾನು ಮನಕ್ಹೊ ದೆಕಸ.
LUK 21:28 ಎ ಕ್ಹಾರು ಥಾತಾಮಾ ಉಪ್ಪರ ದೆಕೊ ಕಾಕದ್ಯಾಮ ತುಮೊನೆ ಬಿಡಗಡೆನೊ ದಿನ್ನ ಆಯೊಸ.
LUK 21:29 ಪಾಚಲ್ತೊ ಯೆಸು ಆ ಸಾಮ್ಯ ಕದ್ಯೊ. ಕ್ಹಾರಾ ಝಾಡೊಮಾತಿಬಿ ಅಂಜುರನು ಝಾಡನಿ ಚೊ಼ಕಿ ಉದಾಹರಣ ವ್ಹೈ.
LUK 21:30 ತೆ ಚಿಗರತಾಮಾಜ಼ ತಡಕಾನೊ ದಿನ್ನ ಆಯೊಸ ಕೈನ ತಿಳದಿಲಿವೊಸಿ.
LUK 21:31 ತಿನಾ ಲಿಂಗತಜ಼ ಎ ಕ್ಹಾರು ಥಾತಾಮಾ ಕ್ಹುದಾನಿ ರಾಜ್ಯ ಭೆಗಿನ ಆವಸ ಕೈನ ತಿಳದಿಲಿವೊ.
LUK 21:32 ಮಿ ತುಮೊನೆ ಕ್ಹರಿಜ಼ ಕೌಸ. ಎ ಕಾಲನಾ ಮನಕ್ಹೊ ಹಜು಼ನ ಜಿವ್ತಾ ರ‍್ಹತಾಮಾಜ಼ ಎ ಕ್ಹಾರು ಥಾವಸ.
LUK 21:33 ಹಬಾಳ ಜಿಮಿನ ಹಾಳ ಥಾವಸ ಮಿ ಕದಲ ವಾತೊ ಕೆಳಮಾಜ಼ ಹಾಳ ಥಾತಿಯೊ ನೈ!
LUK 21:34 "ತುಮೆ ಹುಶಾರ ರ‍್ಹವೊ! ಖಾವಾಮಾ ಪಿನ ನಶಾಮಾ ದುನಿಯಾನಿ ಚಿಂತಾಮಾ ಡುಬಿಜಾ಼ವೊನಕೊ ತುಮೆ ತುಮಾರು ಮನಸ ಘಟ್ಟ ಕರಲಿದಲ ಟೈಮಾಜ಼ ಲಾಸ್ಟನೊ ದಿನ್ನ ಭೆಗಿನ ಐ ಜಾ಼ವಸ.
LUK 21:35 ತೆ ದಿನ್ನ ಜಿಮಿನಪರ ರ‍್ಹಯಲ ಮನಕ್ಹೊನೆ ಘಾಬ್ರೊ ಕರಿ ಪಾಡ್ಸ.
LUK 21:36 ತಿನಾ ಹುತಿ ಕ್ಹಾರಾಜ಼ ಟೈಮ್ಮಾ ತಯ್ಯಾರ ಥೈನ ರಹೊ. ಹಮ್ನಾ ಥಾವಾನಿ ವಿಚಾರೊಕ್ಹು ವಾಚಿನ ವರಿ ಮನಕ್ಹನಾ ದಿಕ್ರಾನಾ ಕ್ಹಾಮಾ ಹುಬ್ರವಾನೆ ತಯ್ಯಾರ ರಹೊ. ವರಿ ಪ್ರಾಥನಾ ಕರೊ.
LUK 21:37 ಯೆಸು ತೆ ದಿನೊಮಾ ದಿನ್ನ ಕ್ಹಾರಿ ದೆವಾಲಯಮಾ ಮನಕ್ಹೊನೆ ಉಪದೆಶ ಕತೊತೊ. ವರಿ ರಾತ ಕ್ಹಾರಿ ಒಲಿವ ತೆಲನಾ ಝಾಡನಾ ಡೊಂಗರಪರ ರ‍್ಹತೊತೊ.
LUK 21:38 ದಿನ್ನೆ ಪಾಟೆ, ಮನಕ್ಹೊ ಭೆಗಿನ ಉಟಿನ ಗೈನ ದೆವಾಲಯಮಾ ಯೆಸುನು ಉಪದೆಶ ಐಕಾನೆ ಜಾ಼ತಾತಾ.
LUK 22:1 ಖಾಟೊ ನೈಸೊ ರೊಕ್ಲಾನೊ ಸನ್ನ ಕದ್ಯಾಮ ಫಸ್ಕ ಸನ್ನ ನಜಿಕ ಆಯೊತೊ.
LUK 22:2 ಖಾಸ ಯಾಜಕೊ ವರಿ ಶಾಸ್ತ್ರಿಯೊ. ಯೆಸುನೆ ಕಿನೆಜ಼಼ ಗ್ವತ್ತವಾಚಿ಼ ಖಲಾಸ ಕರಿಯೆ ಕೈನ ಟೈಮ ದೆಕಾಡಾತಾ.
LUK 22:3 ಯೆಸುನಾ ಬಾರಾ ಶಿಷ್ಯಾವೊನಾ ಇಸ್ಕರಿಯುತ ಯುದ ಕವಾಲೊ ಶಿಷ್ಯೊ ಬಿ ವ್ಹತ್ತೊ. ಸೈತಾನ ತಿಮಾ ಐನ ಯಕ್ಕ ಕೆಟ್ಟ ಕಾಮ ಕರಾನೆ ಸಹಾಯತಾ ಕರ‍್ಯು.
LUK 22:4 ಯುದ ಖಾಸ ಯಾಜಕಕೊಕನ ವರಿ ದೆವಾಲಯನಾ ಅದಿಕಾರಿಯೊಕನ ಐನ, ಯೆಸುನೆ ಧರಿನ ದ್ಯುಸ ಕೈನ ತ್ಯುನೊಕನ ಕದ್ಯೊ.
LUK 22:5 ತೆಳಾಮ ತೆ ವಾತ ಐಕಿನ ಯಾಜಕೊನೆ ಘನ್ನಿ ಖುಶಿ ಥೈ. ತು ಯೆಸುನೆ ಧರೈನ ದಿದ್ಯೊಮ ಹಮೆ ತುನೆ ದೊಕಡಾ ದಿಯೆಸ ಕೈನ ವಾತ ದಿದ್ಯಾ.
LUK 22:6 ಯುದ ತೆ ವಾತೆ ಒಪ್ಪಿಲಿದ್ಯೊ. ಪಾಚಲ್ತೊ ಯುದ ಯೆಸುನೆ ಧರೈನ ದಿವಾನೆ ಟೈಮ ದೆಕಾಡ್ಯೊತೊ.
LUK 22:7 ಖಾಟೊ ನೈಸೊ ರೊಕ್ಲೊ ಖಾವಾನೊ ದಿನ್ನ ಆಯೊ. ಯೆಹುದಿಯೊನಾ ಮನಕ್ಹೊ ಪಸ್ಕ, ತೆ ದಿನಮಾ ಬಕ್ರಾನಾ ಬಚ್ಚಾ಼ವೊನೆ ಕಾಟತಾತಾ.
LUK 22:8 ತೆಳಾಮಾ ಯೆಸು, ಪೆತ್ರಾ ವರಿ ಯೊಹಾನನೆ, ತುಮೆ ಗೈನ ಪಸ್ಕ ಸನ್ನನು ಅನ್ನ ಖಾವಾನಾ ಹುತಿ ಅಪೊನೆ ತಯ್ಯಾರ ಕರೊ ಕೈನ ಕದ್ಯೊ.
LUK 22:9 ತ್ಯುನೆ ಅನ್ನ ಖಾವಾನಾ ಹುತಿ ಹಮೆ ಕಿಜ್ಗಾ಼ ತಯ್ಯಾರ ಕರಿಯೆ? ಕೈನ ಯೆಸುನೆ ಪುಚ್ಯಾ.
LUK 22:10 ಯೆಸು ತ್ಯುನೊನೆ ಐಕೊ ತುಮೆ ಯೆರುಸಲೆಮ ಗಾಮ್ಮಾ ಗೈನ ತ್ಯಾ ಯಕ್ಲೊ ಭರಲ ಪಾನಿನೊ ಘಡೊ ಲಿನ ಜಾ಼ವಾಲಾನೆ ತುಮೆ ದೆಕೊಸಿ. ತುಮೆ ತಿನಾ ಪಾಚಾ಼ ಜಾ಼ವೊ ತೆ ಯಕ್ಕ ಘರಮಾ ಜಾ಼ವಸ. ತುಮೆ ತೆ ಘರಮಾ ಜಾ಼ವೊ.
LUK 22:11 ತೆ ಘರನಾ ಮಾಲಕನೆ, ಗುರು ತಿನಾ ಶಿಷ್ಯಾವೊನಾ ಕ್ಹಾತೆ ಕೈ ಖೊಲಿಮಾ ಪಸ್ಕ ಸನ್ನನು ಅನ್ನ ಖಾವಾನೆ ಬೈಟಾನೆ. ಕೈನ ಪುಚೊ಼.
LUK 22:12 ತೆಳಾಮಾ ಘರನೊ ಮಾಲಕ ಮ್ಹಾಡಿಪರ ರ‍್ಹಯಲ ಯಕ್ಕ ಮ್ಹೊಟಿ ಖೊಲಿ ದೆಕಾಡಸ. ತೆ ಖೊಲಿಮಾ ಅಪೊನೆ ಪಸ್ಕನು ಅನ್ನ ಖಾವಾನಾ ಹುತಿ ತ್ಯಾ ತಯ್ಯಾರ ಕರೊ. ಕೈನ ಕದ್ಯೊ.
LUK 22:13 ತಿನಾ ಹುತಿ ತ್ಯುನೆ ಗಯಾ. ವರಿ ಯೆಸು ಕದಲ ತೆ ಪುರಾ ಥಯು. ತ್ಯುನೆ ತ್ಯಾ ಪಸ್ಕನು ಅನ್ನ ತಯ್ಯಾರ ಕರ‍್ಯಾ.
LUK 22:14 ಪಸ್ಕನಾ ಅನ್ನ ಖಾವಾನೊ ಟೈಮ ಆಯೊ. ಯೆಸು ವರಿ ತಿನಾ ಬಾರಾ ಶಿಷ್ಯಾ ಅನ್ನ ಖಾವಾನಾ ಹುತಿ ಬೈಟ್ಯಾ.
LUK 22:15 ತೆಳಾಮ ಯೆಸು ತ್ಯುನೊನೆ ಕದ್ಯೊ ಮಿ ಕಷ್ಟಮಾ ಪಡಾತಿ ಅಗ್ದುರ ಮಿ ತುಮಾರಾ ಕ್ಹಾತೆ ಪಸ್ಕನು ಅನ್ನ ಖೌ ಕೈನ ಮಾರಿ ಘನ್ನಿ ಆಸ ವ್ಹತ್ತಿ.
LUK 22:16 ಇನೊ ಮತ್ಲಬ ವ್ಹೈ ಕ್ಹುದಾನಿ ರಾಜ್ಯ ಪುರಾ ಆಯೆಲಕ್ಕಾ ಮಿ ಬಿಜೆಕ ಪಸ್ಕನು ಅನ್ನ ಖಾತೊಜ಼ ನೈ ಕೈನ ಕದ್ಯೊ.
LUK 22:17 ಪಾಚಲ್ತೊ ಯೆಸು ದ್ರಾಕ್ಷಿಯೊನು ರಕ್ಹನೊ ತಾಂಬಿಯೊ ಲಿನ ಕ್ಹುದಾನೆ ಸ್ತೊತ್ರ ಕೈನ. ತೆ ಶಿಷ್ಯಾವೊನೆ ದಿನ್ನ ತುಮೆ ವಾಟಿನ ಪಿವೊ ಕದ್ಯೊ.
LUK 22:18 ಆಜ಼ತೊ ಮಿ ಕ್ಹುದಾನಿ ರಾಜ್ಯ ಆಯೆಲಕ್ಕಾ ಫರಿನ ದ್ರಾಕ್ಷಿಯೊನೊ ರಕ್ಹ ಪಿತೊಜ಼ ನೈ ಕದ್ಯೊ.
LUK 22:19 ವರಿ ಯೆಸು ದಕ್ಹೊ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತಿನಾ ಶಿಷ್ಯಾವೊನೆ ದಿದ್ಯೊ. ಪಾಚಲ್ತೊ ಯೆಸು, ಮಿ ತುಮಾರಾ ಹುತಿ ದಿವಾನು ಮಾರು ಅಂಗ ವ್ಹೈ. ಮಾರಿ ಶೆನಾ ಹುತಿ ತುಮೆ ಇಮ್ಮ ಕರೊ.
LUK 22:20 ವರಿ ತ್ಯುನು ಖಾವಾನು ಥಯಲಪರ, ಯೆಸು ದ್ರಾಕ್ಷಿಯೊನು ರಕ್ಹನೊ ತಾಂಬಿಯೊ ಲಿನ, ಕ್ಹುದಾ ತಿನಾ ಮನಕ್ಹೊನೆ ವಾತ ದಿದಲ ನಯ್ಯೊ ವಾತೊನಾ ಹುತಿ ವಳಕ ರ‍್ಹವಾದೆ ಮಿ ತುಮಾರಾ ಹುತಿ ದಿವಾನು ರಗತ ಎ ನೈಯೊ ವಾತೊ ಶುರು ಥಾವಸ. ಕದ್ಯೊ.
LUK 22:21 ಯೆಸು, ಮನೆ ಮೊಸ ಕರಾಲೊ ಮಾರಾಜ಼ ಕ್ಹಾತೆ ಅನ್ನ ಖಾವಾನೆ ಬೈಟ್ಯೊಸ.
LUK 22:22 ಮನಕ್ಹನೊ ದಿಕ್ರೊ ಕ್ಹುದಾನಿ ಮರ್ಜಿ ಲಿಂಗತ ಮರಸ, ತೆನೈಸೊ ಮನಕ್ಹನಾ ದಿಕ್ರಾನೆ ಮರಾನಾ ಹುತಿ ವಪ್ಸಿನ ದಿವಾಲಾ ಮನಕ್ಹನೆ ಘನ್ನು ಕೆಟ್ಟ ಥಾವಸ. ಕೈನ ಕದ್ಯೊ.
LUK 22:23 ತೆಳಾಮಾ ಶಿಷ್ಯಾ, ಅಪೊಮಾ ಎ ಕೆಟ್ಟ ಕುನ್ನ ಕರಸ? ಕೈನ ಯಕ್ನಾ ಯಕ್ಕ ಬೊಲ್ಲಿದ್ಯಾ.
LUK 22:24 ಪಾಚಲ್ತೊ ಶಿಷ್ಯಾವೊನಾ ತಿವ್ನೊಮಾ ಕುನ್ನ ಮ್ಹೊಟು ವ್ಹೈ ಕೈನ ಬೊಲ್ಲಿವಾಡ್ಯಾತಾ.
LUK 22:25 ತೆಳಾಮಾ ಯೆಸು ತ್ಯುನೊನೆ, ಎ ಲೊಕನಾ ರಾಜಾ಼ ತಿವ್ನಾ ಮನಕ್ಹೊಪರ ರಾಜ಼ ಚ಼ಲಾವಸ. ಮನಕ್ಹೊಪರ ಅದಿಕಾರ ಕರಾಲಾವೊನೆ ಕೆಟ್ಟ ಮನಕ್ಹೊ ವ್ಹೈ ಕೈನ ಕವಸ.
LUK 22:26 ತೆನೈಸೊ ತುಮೆ ತಿಮ್ಮ ಥೌ ನೈ. ಮ್ಹೊಟೊ ಮನಕ್ಹ ನ್ಹಾನೊ ಮನಕ್ಹ ಥೈನ ರ‍್ಹೌ. ನಾಯಕ ಸೆವಕ ಥೈನ ರ‍್ಹೌ.
LUK 22:27 ಚೊ಼ಕೊ ಕುನ್ನ ವ್ಹೈ? ಖಾವಾನೆ ಬೈಟಲವಾಲೊ? ನೈತೊ ತಿನೆ ಸೆವಾ ಕರಾಲೊ ಸು? ಅನ್ನ ಖಾವಾನೆ ಬೈಟಲವಾಲೊ ಚೊ಼ಕು ವ್ಹೈ ಕೈನ ತುಮೆ ತಿಳದಿಲಿದ್ಯಾಸು? ಮಿ ತುಮೊಮಾ ಸೆವಕ ಲಿಂಗತ ಛೆ!
LUK 22:28 ತುಮೆ ಮನೆ ಕಷ್ಟ ಆಯಲ ಟೈಮ್ಮಾ ಮಾರಾ ಕ್ಹಾತೆ ರ‍್ಹಯಲ ವಾಲಾ ವ್ಹೈ.
LUK 22:29 ಮಾರೊ ಬಾ (ಕ್ಹುದಾ) ಮನೆ ಅದಿಕಾರ ದಿದ್ಯೊಸ. ಮಾರಾ ಕ್ಹಾತೆ ರ‍್ಹಯಲವಾಲಾ ತುಮೊನೆ ಮಿಬಿ ತೆಜ಼ ಅದಿಕಾರ ದ್ಯುಸ.
LUK 22:30 ಮಾರಾ ರಾಜ್ಯಮಾ ತುಮೆಬಿ ಮಾರಾ ಕ್ಹಾತೆ ಅನ್ನ ಖಾವೊಸಿ ವರಿ ಪಿವೊಸಿ. ಸಿಂಹಾಸನ್ಪರ ಬೈಟಿನ ಇಸ್ರಾಯಲನಾ ಬಾರಾ ಜಾ಼ತವಾಲಾವೊನೆ ಫೈಸಲೊ ಕರೊಶಿ.
LUK 22:31 ಯಕ್ಕ ರೈತ ತಿನು ಘೌ ತುರಾನಾ ಲಿಂಗತ ಸೈತಾನ ತುಮೊನೆ ಪರಿಕ್ಕಷಾಲಿವಾನೆ ಮಾಂಗಿಲಿದ್ಯೊ. ಸಿಮೊನ, ಸಿಮೊನ (ಪೆತ್ರಾ)
LUK 22:32 ತಾರೊ ಬರೊಕ್ಹೊ ಕಮ ಥೌನೈ ಕೈನ ಮಿ ಪ್ರಾಥನಾ ಕರ‍್ಯೊ! ತು ಫರಿನ ಆಯಲ್ಪರ ತಾರಾ ಭಾಯೊನೆ ತು ತಾಕತ ಥೌ. ಕದ್ಯೊ.
LUK 22:33 ತೆ ವಾತೆ ಪೆತ್ರಾ ಯೆಸುನೆ "ಪ್ರಭು, ತಾರಾ ಕ್ಹಾತೆ ಜೆಲೆ ಜಾ಼ವಾನೆಬಿ ವರಿ ಮರಾನೆಬಿ ಮಿ ತಯ್ಯಾರ ಛೆ "ಕೈನ ಕದ್ಯೊ.
LUK 22:34 ತೆ ವಾತೆ ಯೆಸು, ಪೆತ್ರಾ, ವ್ಹಂತಾ ಪಾಟೆ ಕುಕಡೊ ಬಾಂಗ ದಿವಾತಿ ಅಗ್ದುರ ತು ಮಾರಿ ವಿಷಯಮಾ ಮನೆ ಗ್ವತ್ತ ನತ್ತಿ ಕೈನ ತನ ಸಲಾ ಕಸಿ. ಕದ್ಯೊ.
LUK 22:35 ಪಾಚಲ್ತೊ ಯೆಸು ಶಿಷ್ಯಾವೊನೆ, ಮಿ ತುಮೊನೆ ಭೊದನೆ ಕವಾನಾ ಹುತಿ ಮೊಕಲ್ತಾಮಾ ದೊಕಡಾವೊನೆ ಕೈಚಿಲಾ ವರಿ ಗಾಮೆ ನಿಂಜಾ಼ವಾನಿ ಕೈಚಿಲಾ ನೈಸೊಜ಼, ಚಪ್ಲೊ ನೈಸೊ ಮೊಕಲ್ಯೊ, ವರಿಬಿ ತುಮೊನೆ ಸುಬಿ ಕಮ ಥೈಸು? ಕೈನ ಪುಚ್ಯೊ. ತೆಳಾಮ ಶಿಷ್ಯಾ ಸುಜ಼ ಕಮ ಥೈಯು ನೈ ಕದ್ಯಾ.
LUK 22:36 ಯೆಸು ತ್ಯುನೊನೆ"ಹಮ್ನಾ ತುಮೊಕನ ದೊಕಡಾ ರ‍್ಹಯಾಮ ಕೈಚಿಲಾ ರ‍್ಹೈಮ ತೆ ಲಿನ ಜಾ಼ವೊ ತುಮೊಕನ ತಲ್ವಾರ ನೈ ರ‍್ಹಯುಮ ತುಮಾರು ಉಪ್ಪರಲ್ಯು ಅಂಗ್ಡು ಇಕ್ಕಿನ ತೆ ದೊಕಡಾಕ್ಹು ಯಕ್ಕ ತಲ್ವಾರ ನಿಂಜಾ಼ವೊ.
LUK 22:37 ತೆ ಅಪರಾದಿಮಾನೊ ಯಕ್ಲೊ ವ್ಹೈ ಕೈನ ಕವೈಲಿದ್ಯೊ. ಕೈನ ಪ್ರವಾದಿಯೊನಾ ಗ್ರಂಥಮಾ ಬರ್ದಲ ಛೆ. ಮಾರಾ ಹುತಿ ಬರ್ದಲ ಪುರಾ ಥೌ ವರಿ ತೆ ಹಮ್ನಾ ಪುರಾ ಥಾವಸ "ಕೈನ ಕದ್ಯೊ.
LUK 22:38 ತೆಳಾಮ ಶಿಷ್ಯಾ ತಿನೆ, ಪ್ರಭು, ನ್ಹ್ಯಾ ದೆಕ ಬೆ ತಲ್ವಾರ ಛೆ "ಕದ್ಯಾ. ಯೆಸು "ತೆಕ್ಲು ಬಸ್ಸ "ಕದ್ಯೊ.
LUK 22:39 ಯೆಸು ಯೆರುಸೆಲೆಮ ಗಾಮ್ಮಾತೊ ಒಲಿವ ತೆಲನಾ ಝಾಡೊನಾ ಡೊಂಗರಪರ ಗಯೊ. ತಿನಾ ಶಿಷ್ಯಾಬಿ ತಿನಾ ಕ್ಹಾತೆ ಗಯಾ.
LUK 22:40 ಯೆಸು ತಿನಾ ಶಿಷ್ಯಾವೊನೆ"ತುಮೆ ಶೊದನೆಮಾ ಪಡೆ ನೈಸೊ ಪ್ರಾಥನಾ ಕರೊ "ಕೈನ ಕದ್ಯೊ.
LUK 22:41 ಪಾಚಲ್ತೊ ಯೆಸು ತ್ಯುನೊತಿ ದಗ್ಡೊ ಭಿರಕಾವಾನಾ ಯಕ್ಲೊ ದುರ ಗೈನ ತೆ ಉಂದಾ ಗುಡ್ಗಾ ಘಾಲ್ಲಿನ,
LUK 22:42 ಬಾ, ತುನೆ ಮನಸ ರ‍್ಹಯುಮ, ಆ ತ್ರಾಸನೊ ತಾಂಬಿಯೊ ಮಕ್ಹು ದುರ ಕರ ವರಿಬಿ ಮಾರಿ ಚಿತ್ತ ಲಿಂಗತ ನೈಸೊ ತಾರಿ ಚಿತ್ತ ಲಿಂಗತ ಕರ ಕೈನ ಪ್ರಾಥನಾ ಕರ‍್ಯೊ.
LUK 22:43 ತೆಳಾಮಾ ಸ್ವರಗತೊ ಯಕ್ಕ ದೆವದುತ ಐನ. ಯೆಸುನೆ ತಾಕತ ಭರ‍್ಯೊ.
LUK 22:44 ಯೆಸುನೆ ಘನ್ನು ತ್ರಾಸ ಥಯು. ತೆ ಪ್ರಾಥನಾಮಾ ಘನ್ನೊ ಕಷ್ಟ ಖಾದ್ಯೊ. ತಿನೊ ಘಾಮ ರಗತ ಲಿಂಗತ ಚಾ಼ಲ್ಯು.
LUK 22:45 ಯೆಸು ಪ್ರಾಥನಾ ಕರಲ್ಪರ ತಿನಾ ಶಿಷ್ಯಾವೊಕನ ಗಯೊ. ತ್ಯುನೆ ಕ್ಹುರೈ ಪಡ್ಯಾತಾ.
LUK 22:46 ಯೆಸು ತ್ಯುನೊನೆ ತುಮೆ ಕಾ ಕ್ಹುರೈ ಪಡ್ಯಾಸು? ಉಟೊ! ಶೊದನೆಮಾ ಪಡೆ ನೈಸೊ ಪ್ರಾಥನಾ ಕರೊ "ಕೈನ ಕದ್ಯೊ.
LUK 22:47 ಯೆಸು ಬೊಲ್ತೊ ರ‍್ಹತಾಮಾಜ಼, ಮನಕ್ಹೊನು ಮ್ಹೊಟು ಗುಂಪ ತ್ಯಾ ಐಯು. ಬಾರಾ ಅಪೊಸ್ತಲೊಮಾ ಯಕ್ಲೊ ತೆ ಗುಂಪನಾ ಕ್ಹಾತೆ ಆವಾಡ್ಯೊತೊ. ತೆಜ಼ ಯುದ ವ್ಹೈ. ತೆ ಯೆಸುನಾ ಕ್ಹಾಮೊ ಐನ ಮಟ್ಟಿ ದಿದ್ಯೊ.
LUK 22:48 ಯೆಸು ತಿನೆ ಯುದ ಯಕ್ಕ ಮಟ್ಟಿಲಿನ ಮನಕ್ಹನಾ ದಿಕ್ರಾನೆ ಧರೈನ ದಿವಾನೆ ಆಯೊಸು? ಕೈನ ಕದ್ಯೊ.
LUK 22:49 ಯೆಸುನಾ ಶಿಷ್ಯಾಬಿ ತ್ಯಾ ವ್ಹತ್ತಾ. ತ್ಯಾ ಥಾವಾನು ತ್ಯುನೆ ದೆಕಾಡಾತಾ. ಶಿಷ್ಯಾ ಯೆಸುನೆ, ಪ್ರಭು, ಹಮೆ ಹಮಾರಾ ತಲ್ವಾರೊ ಉಪಯೊಗ ಕರಿಯೆಸು? ಕೈನ ಪುಚ್ಯಾ.
LUK 22:50 ಶಿಷ್ಯಾವೊಮನೊ ಯಕ್ಲೊ ತಿನು ತಲ್ವಾರ ಕಾಡಿನ ಮಹಾಯಾಜಕನಾ ಆಳನೊ ಸಿದಾ ಬಗಲನೊ ಕಾನ ಕತ್ರಿ ಪಾಡ್ಯೊ.
LUK 22:51 ಯೆಸು ತಿನೆ "ಹುಬ್ರೆ" ಕದ್ಯೊ. ತೆ ಆಳನಾ ಕಾನೆ ಮುಟ್ಟಿನ ಅರಾಮ ಕರ‍್ಯೊ.
LUK 22:52 ಯೆಸುನೆ ಧರಾ ಹುತಿ ಖಾಸ ಯಾಜಕೊ, ಯಹುದ್ಯೊನಾ ಮ್ಹೊಟಾ ಮನಕ್ಹೊ. ವರಿ ಸೈನಿಕೊ ಆಯಾತಾ. ತುಮೆ ಚಾಕಾ ಛುರಿಯೊ ಲಿನ ನ್ಹ್ಯಾ ಕಾ ಆಯಾಸ? ಮಿ ಅಪರಾದಿ ವ್ಹೈ ಕೈನ ತುಮೆ ತಿಳದ್ಯಾಸು?
LUK 22:53 ದಿನ್ನೆ ಬಿ ತುಮಾರಾ ಕ್ಹಾತೆ ದೆವಾಲಯಮಾ ವ್ಹತ್ತೊ. ತುಮೆ ಮನೆ ತ್ಯಾ ಕಾ ಧರ‍್ಯಾ ನೈ? ತೆನೈಸೊ ಆಜ಼ ತಮಾರೊ ದಿನ್ನ ವ್ಹೈ. ಎ ಅಂದಕಾರನೊ ರಾಜ್ಯ ವ್ಹೈ. ಕದ್ಯೊ.
LUK 22:54 ತ್ಯುನೆ ಯೆಸುನೆ ಭಾಂದಿನ ಮಹಾಯಾಜ಼ಕನಾ ಘರೆ ಬಲೈ ಲಾಯಾ. ಪೆತ್ರಾ ತ್ಯುನಾ ಪಾಚೊ಼-ಪಾಚೊ಼ ಆಯೊ. ವರಿ ತೆ ಯೆಸುನಾ ನಜಿ಼ಕ ಆಯೊ ನೈ.
LUK 22:55 ಸೈನಿಕೊ ಖಾಸ ಯಾಜಕನಾ ಅಂಗಳಾಮಾ ಆಗ ಲಗಾಡಿನ ಅಂಗ ಶೆಕಿಲೆತಾ ಬೈಟ್ಯಾತಾ. ಪೆತ್ರಾ ಬಿ ತ್ಯುನಾ ಕ್ಹಾತೆ ಬೈಟ್ಯೊ.
LUK 22:56 ಪೆತ್ರಾ ತ್ಯಾ ಬೈಟಲ ಖಾಸ ಯಾಜಕನಿ ಆಳನಿ ದೆಕಿನ. ಆಗನಾ ಉಜಾಲಾಕ್ಹು ತೆ ಪೆತ್ರಾನೆ ವಳಕಿ. ತೆ ಆಳನಿ ಪೆತ್ರಾನೆ ಆ ಮನಕ್ಹ ಯೆಸುನಾ ಕ್ಹಾತೆ ರ‍್ಹಯಲ ವಾಲೊ ವ್ಹೈ ಕೈನ ಕದಿ.
LUK 22:57 ತೆಳಾಮಾ ಪೆತ್ರಾ. ಎ ಕ್ಹರಿ ನ್ಹವೈ ಕದ್ಯೊ. ತೆ ತಿನೆ ಯಾ ಮನೆ ತೆ ಗ್ವತ್ತ ನತ್ತಿ "ಕದ್ಯೊ.
LUK 22:58 ದಕ್ಹಿಯಳ್ಪರ ಬಿಜೆಕ್ಲೊ ಪೆತ್ರಾನೆ ದೆಕಿನ, ತುಬಿ ಯೆಸುನಾ ಕ್ಹಾತೆ ರ‍್ಹಯಲ ವಾಲಾವೊಮಾನೊ ಯಕ್ಲೊ ವ್ಹೈ"ಕದ್ಯೊ. ತೆಳಾಮಾ ಪೆತ್ರಾ ಎ ಮನಕ್ಹ "ತ್ಯುನೊಮಾನೊ ಮಿ ನ್ಹವೈ ಕದ್ಯೊ"
LUK 22:59 ವರಿ ಯಕ್ಕ ತಾಸಪರ ಬಿಜೆಕ್ಲೊ ಐನ ಪೆತ್ರಾನೆ ಆ ಮನಕ್ಹ ಕ್ಹರಿಜ಼ ಯೆಸುನಾ ಕ್ಹಾತೆ ರ‍್ಹಯಲ ವಾಲೊ ವ್ಹೈ ವರಿ ಆ ಗಲಿಲಾಯವಾಲೊಜ಼ ವ್ಹೈ "ಕದ್ಯೊ.
LUK 22:60 ತೆಳಾಮಾ ಪೆತ್ರಾ, ಎ ಮನಕ್ಹ "ತು ಸು ಕವಾಡ್ಯೊಸ ಮನೆ ಗ್ವತ್ತ ನತ್ತಿ "ಕದ್ಯೊ. ಪೆತ್ರಾ ಹಜು಼ನ ಬೊಲ್ತೊ ರ‍್ಹತಾಮಾಜ಼ ಕುಕಡೊ ಬಾಂಗ ದಿದ್ಯೊ.
LUK 22:61 ತೆಳಾಮಾ ಯೆಸು ಪೆತ್ರಾನೆ ಪಾಚ಼ೊ ಫರಿನ ದೆಕ್ಯೊ. ಪಾಟೆ ಕುಕಡೊ ಬಾಂಗ ದಿವಾತಿ ಅಗ್ದುರಜ಼ ಮಾರಿ ವಿಚಾರಮಾ ತು ತನ ಸಲಾ ಮನೆ ವಳಕ ನತ್ತಿ ಕೈನ ಕಸಿ ಕೈನ ಯೆಸು ಕದಲ ಶೆ ಕರಲಿದಿಯೊ.
LUK 22:62 ಪಾಚಲ್ತೊ ಪೆತ್ರಾ ಭಾರೊ ಗೈನ ಘನ್ನೊ ರೊಯ್ಯೊ.
LUK 22:63 ಯೆಸುನೆ ಕೈದಾಲಾ ಸೈನಿಕೊ ತ್ಯುನೆ ಯೆಸು ಮ್ಹೊಡು ಝಾಕಿನ, ತಿನೆ ಮಾರಿನ,
LUK 22:64 "ತುನೆ ಕುನ್ನ ಮಾರಯು? ಕೆ ಕೈನ ಕದ್ರಾಯಾ.
LUK 22:65 ತ್ಯುನೆ ಯೆಸುನೆ ಘನ್ನಾ ಕದ್ರೈನ ತಿಪರ ದೊಶ ಘಾಲ್ಯಾ.
LUK 22:66 ಮರ್ನಾ ದಿನ್ನೆ ಮ್ಹೊಟಾ ಮನಕ್ಹೊ ಖಾಸ ಯಾಜಕೊ ವರಿ ಶಾಸ್ತ್ರಿಯೊ ಕ್ಹಾರಾ ಮಳಿನ, ಯೆಸುನೆ ಫೈಸಲೊ ಕರಾನೆ ಬಲೈ ಲಿನಗಯಾ.
LUK 22:67 ತ್ಯುನೆ ಯೆಸುನೆ ತು "ಕ್ರಿಸ್ತ ರ‍್ಹಯೊಮ ಹಮೊನೆ ಕೆ "ಕದ್ಯಾ. ಯೆಸು ತ್ಯುನೊನೆ, ಮಿ ಕ್ರಿಸ್ತ ವ್ಹೈ ಕೈನ ಕದ್ಯೊತಬಿ ತುಮೆ ಬರೊಕ್ಹೊ ಕರತಾ ನೈ, ಕದ್ಯೊ.
LUK 22:68 ಮಿ ತುಮೊನೆ ಪುಚ್ಯೊ಼ತಬಿ ತುಮೆ ಮನೆ ಜ಼ವಾಬ ದೆತಾ ನೈ.
LUK 22:69 ತಿನಾ ಹುತಿ ಆಜ಼ತೊಜ಼ ಮನಕ್ಹನೊ ದಿಕ್ರೊ ಕ್ಹುದಾನಾ ಬಾಜು಼ಮಾ ಬೈಟಸ "ಕೈನ ಕದ್ಯೊ.
LUK 22:70 ತ್ಯುನೆ ಕ್ಹಾರಾ ಜ಼ನಾ "ತಿಮ್ಮ ರ‍್ಹಯುಮ ತು ಕ್ಹುದಾನೊ ದಿಕ್ರೊ ವ್ಹೈಸು? ಕೈನ ಪುಚ್ಯಾ. ಯೆಸು ತ್ಯುನೊನೆ, ಮಿಜ಼ ತೆ ವ್ಹೈ ತುಮೆಜ಼ ಕವಾಡ್ಯಾಸ್ತೊ "ಕದ್ಯೊ.
LUK 22:71 ತೆಳಾಮ ತ್ಯುನೆ ಹಮ್ನಾ ಅಪೊನೆ ಕಾ ಸಾಕ್ಷಿ ಚಾ಼ಯೆ? ತೆ ತಿಮ್ಮ ಕವಾನು ಅಪೆ ಐಕ್ಯಾತೊ "ಕದ್ಯಾ.
LUK 23:1 ವರಿ ತ್ಯಾ ಪಂಚ್ಯಾತಿನಾ ಹುತಿ ಕುಡಿನ ಆಯಲ ವಾಲಾ ಯೆಸುನೆ ಪಿಲಾತನಕನ ಬಲೈ ಲಿನಗಯಾ.
LUK 23:2 ತ್ಯುನೆ ಯೆಸುಪರ ದೊಷ ಘಾಲಾನೆ ಶುರು ಕರ‍್ಯಾ ಆ ಮನಕ್ಹ ಹಮಾರಾ ಮನಕ್ಹೊನೆ ತಪ್ಪ ವಾಟಮಾ ನಿಂಜಾ಼ವಾನೆ ಕವಾಡ್ಯೊಸ. ಹಮೆ ಸಿಸರನೆ ಭುಭಾಡೊ ದಿವೊನಕೊ ಕೈನ ಎ ಕವಾಡ್ಯೊಸ. ತೆನೈಸೊ ಇನಾಕ್ಹು ಎಜ಼ ಕ್ರಿಸ್ತ ವ್ಹೈ ಕೈನ ಕೈಲಿವಾಡ್ಯೊಸ. ಇನಾಹುತಿ ಹಮೆ ಇನೆ ಧರಿನ ಲಾಯಾಸ.
LUK 23:3 ತೆಳಾಮಾ ಪಿಲಾತನ ಯೆಸುನೆ "ತು ಯಹುದ್ಯೊನೊ ರಾಜೊ಼ ವ್ಹೈಸು? ಕೈನ ಪುಚ್ಯೊ. ತೆಳಾಮಾ ಯೆಸು ತುಜ಼಼ ಕವಾಡ್ಯೊಸ್ತೊ ಕೈನ ಕದ್ಯೊ.
LUK 23:4 ಪಿಲಾತನ, ಖಾಸ ಯಾಜಕೊನೆ ವರಿ ಮನಕ್ಹೊನೆ"ಮನೆ ಆ ಮನಕ್ಹಮಾ ಕಯೊಜ಼ ತಪ್ಪ ದಿಕ್ಹಾಡ್ಯು ನತ್ತಿ "ಕದ್ಯೊ.
LUK 23:5 ತೆ ವಾತೆ ತ್ಯುನೆ"ಎ ಮನಕ್ಹ ಯುದಾಯಾ ಗಾಮ್ಮಾ ಉಪದೆಶ ಕರಿನ ಮನಕ್ಹೊನೆ ಭಡ್ಕಾಯೊಸ. ಗಲಿಲಾಯಮಾ ಶುರು ಕರಿನ ಎ ಹಮ್ನಾ ನ್ಹ್ಯಾ ಆಯೊಸ" ಕೈನ ಹಗ್ಲೆಲ್ಲಾ ಕದ್ಯಾ.
LUK 23:6 ಪಿಲಾತನ ಎ ಐಕಿನ, ಎ ಮನಕ್ಹ ಗಲಿಲಾಯ ವಾಲೊ ವ್ಹೈಸು? ಕೈನ ಪುಚ್ಯೊ.
LUK 23:7 ಯೆಸು ಹೆರೊದನಾ ಅದಿಕಾರಮಾ ರ‍್ಹಯಲ ಗಾಮ ವಾಲೊ ವ್ಹೈ ಕೈನ ತಿಳದಿಲಿನ. ತೆ ಟೈಮ್ಮಾ ಹೆರೊದ ಯೆರುಸೆಲೆಮ್ಮಾ ವ್ಹತ್ತೊ. ತಿನಾಹುತಿ ಯೆಸುನೆ ಹೆರೊದಕನ ಮೊಕಲ್ಯೊ.
LUK 23:8 ಹೆರೊದ ಯೆಸುನೆ ದೆಕ್ತಾಮಾ ಘನ್ನೊ ಖುಶಿ ಥಯೊ, ಕಾಕದ್ಯಾಮ ತೆ ಯೆಸುನಾ ಹುತಿ ಕ್ಹಾರುಜ಼ ಐಕ್ಯೊತೊ ವರಿ ಯೆಸು ಕರಾನು ಅದ್ಭುತ ದೆಕು ಕೈನ ವ್ಹತ್ತೊ.
LUK 23:9 ಹೆರೊದ ಯೆಸುನೆ ಘನ್ನಾ ಪ್ರಶ್ನೆ ಪುಚ್ಯೊ. ತೆಳಾಮಾ ಯೆಸು ಯಕ್ಕಬಿ ಜ಼ವಾಬ ದಿದ್ಯೊ ನೈ.
LUK 23:10 ಖಾಸ ಯಾಜಕೊ ವರಿ ಶಾಸ್ತ್ರಿಯೊ. ತ್ಯಾಜ಼ ಹುಬ್ರಯಾತಾ. ತ್ಯುನೆ ಯೆಸುನಾ ವಿರುದ್ದ ವದ್ರಾಡ್ಯಾತಾ.
LUK 23:11 ತೆಳಾಮಾ ಹೆರೊದ ವರಿ ಸೈನಿಕೊ ಯೆಸುನೆ ಕದ್ರಾಯಾ ತ್ಯುನೆ ಯೆಸುನೆ ರಾಜಾ಼ವೊನಾ ವಣ್ಣಾ ಘಾಲಿನ ಹಿನಾಯಾ. ಪಾಚಾ಼ತಾ ಹೆರೊದ ಯೆಸುನೆ ಪಿಲಾತನಕನ ಮೊಕ್ಕಲಿ ಪಾಡ್ಯೊ.
LUK 23:12 ಪೈಲಾ ಪಿಲಾತನ ವರಿ ಹೆರೊದ ದುಶ್ಮನೊ ವ್ಹತ್ತಾ. ವರಿ ತೆ ದಿನತಾ ತ್ಯುನೆ ಭಂಬಿಜ಼ನಾ ದೊಸ್ತೊ ಥಯಾ.
LUK 23:13 ಪಿಲಾತನ ಖಾಸ ಯಾಜಕೊನೆ ಯೆಹುದಿನಾ ಮ್ಹೊಟಾ ಮನಕ್ಹೊನೆ ಕ್ಹಾರಾ ಜ಼ನಾವೊನೆ ಬಲೈನ,
LUK 23:14 ತ್ಯುನೊನೆ"ತುಮೆ ಆ ಮನಕ್ಹನೆ ಮಕನ ಬಲೈ ಲಾಯಾಸ. ಎ ಮನಕ್ಹೊನೆ ತಪ್ಪ ವಾಟಪರ ಚ಼ಲಾವಾಡ್ಯೊಸ ಕೈನ ಕದ್ಯಾ. ವರಿ ಮಿ ತಮಾರಾ ಕ್ಹಾಮೊ ಇನೆ ವಿಚಾರ ಕರ‍್ಯೊ, ಇಮಾ ಮಿ ಸುಜ಼ ತಪ್ಪ ದಿಕ್ಹ್ಯು ನೈ. ತುಮೆ ಇಪರ ಘಾಲಾನು ದೊಶ ಹೊಂದಾಡ್ಯು ನತ್ತಿ.
LUK 23:15 ಎನೈಸೊ ಹೆರೊದನೆಬಿ ಎ ಮನಕ್ಹಮಾ ಸುಜ಼ ತಪ್ಪ ದಿಕ್ಹ್ಯು ನೈ. ಹೆರೊದ ಯೆಸುನೆ ಹಮೊಕನ ವರಿ ಮೊಕಲ್ಯೊಸ, ದೆಕೊ ಯೆಸುಮಾ ಸುಜ಼ ತಪ್ಪ ನತ್ತಿ ಕರ‍್ಯೊ. ತಿನೆ ಮರವಾನಿ ಶಿಕ್ಷಾ ಥೌ ನೈ.
LUK 23:16 ತಿನಾಹುತಿ ಮಿ ಇನೆ ನ್ಹಾನಿ ಶಿಕ್ಷಾದಿನ ಛೊಡಿಪಾಡುಸ" ಕೈನ ಕದ್ಯೊ.
LUK 23:17 ಹರಿ ಯಕ್ಕ ಫಸ್ಕಾನಾ ಸನ್ಮಾ ರಾಜ್ಯಪಾಲ ಥಯಲ ಪಿಲಾತನ ಮನಕ್ಹೊ ಮಾಂಗಲ ತೆ ಕೈದಿನೆ ಛೊಡಾನಿ ಪದ್ದತ ವ್ಹತ್ತಿ.
LUK 23:18 ತೆನೈಸೊ ಮನಕ್ಹೊ ಯೆಸುನೆ ಜೊ಼ರ ವದ್ರಿನ ಮರವಾನಿ ಶಿಕ್ಷಾ ದೆ ಕೈನ ಕವಾಡಾತಾ. ವರಿ ಬರಬ್ಬನೆ ಛೊಡ ಕೈನ ಕವಾಡಾತಾ.
LUK 23:19 (ತೆ ಜೆಲಮಾ ವ್ಹತ್ತೊ ತೆ ದಕ್ಹಾ ಮನಕ್ಹೊನೆ ಖಲಾಸ ಕರ‍್ಯೊತೊ)
LUK 23:20 ಪಿಲಾತನ ಯೆಸುನೆ ಛೊಡಿಪಾಡು ಕೈನ ವ್ಹತ್ತೊ. ತಿನಾಹುತಿ ಯೆಸುನೆ ಛೊಡಿಪಾಡು ಕೈನ ಮನಕ್ಹೊನೆ ಕದ್ಯೊ.
LUK 23:21 ತೆ ನೈಸು ತ್ಯುನೆ ವರಿ ತಿನೆ ಮರವಾನಿ ಶಿಕ್ಷಾ ದೆಕಿನ ವರಿ ಜೊ಼ರ ವದ್ರ್ಯಾ. ವರಿ ತಿನೆ ಶಿಲುವಿಪರ ಚ಼ಡಾ ಶಿಲುವಿಪರ ಚ಼ಡಾ"ಕದ್ಯಾ.
LUK 23:22 ತನ್ವಾ ಸಲಾ ಪಿಲಾತನ ಮನಕ್ಹೊನೆ, ಕಾ? ತೆ ಸು ತಪ್ಪ ಕರ‍್ಯೊಸ? ತೆ ತಪ್ಪ ಕರಲವಾಲೊ ನ್ಹವೈ. ತಿನೆ ಮರವಾನಿ ಶಿಕ್ಷಾ ದಿವಾನೆ ತಿಮಾ ಸುಜ಼ ತಪ್ಪ ದಿಕ್ಹಾಡು ನತ್ತಿ. ತಿನಾ ಹುತಿ ತಿನೆ ನ್ಹಾನಿ ಶಿಕ್ಷಾ ದಿನ್ನ ಛೊಡಿ ಪಾಡುಸ "ಕದ್ಯೊ.
LUK 23:23 ವರಿ ಮನಕ್ಹೊ ವದ್ರಾನು ದೆಕಿನ ಪಿಲಾತನ ಯೆಸುನೆ ಶಿಲುವಿಪರ ಚ಼ಡೈನ ಮರವಾನಿ ಶಿಕ್ಷಾ ದಿದ್ಯೊ.
LUK 23:24 ಪಿಲಾತನ ತ್ಯುನೆ ಮಾಂಗಲ ತೆ ಪುರಾ ಕರಾನೆ ಒಪ್ಪಿಲಿದ್ಯೊ.
LUK 23:25 ಪಿಲಾತನ, ಬರಬ್ಬನೆ ಛೊಡಿನ ಯೆಸುನೆ ಶಿಲುವಿಪರ ಘಾಲಾಹುತಿ ಮನಕ್ಹೊನಾ ಹತಮಾ ದಿದ್ಯೊ.
LUK 23:26 ಸೈನಿಕೊ ಯೆಸುನೆ ಶಿಲುವಿಪರ ಚ಼ಡಾವಾನೆ ನಿಂಜಾ಼ತಾಮಾ ಖೆತರಮಾತೊ ಗಾಮ್ಮಾ ಆತೊ ರ‍್ಹಯಲ ಸಿಮೊನ ಕವಾಲಾನೆ ದೆಕ್ಯಾ. ಸಿಮೊನ ಕವಾಲೊ ಸಿರೆನ ಗಾಮವಾಲೊ ವ್ಹತ್ತೊ. ಯೆಸುನಿ ಶಿಲುವಿ ಉಚೈಲಿನ ಯೆಸುನಾ ಪಾಚೊ಼-ಪಾಚೊ಼ ಆ ಕೈನ ವತ್ತಾಯ ಕರ‍್ಯಾ.
LUK 23:27 ಘನ್ನಾ ಮನಕ್ಹೊ ಯೆಸುನಾ ಪಾಚಾ಼-ಪಾಚಾ಼ ಆವಾಡಾತಾ. ಮ್ಹೊಟು ಗುಂಪ ಥೈನ ಮಳಲ ಹೆಣ ಮನಕ್ಹೊ ಘನ್ನಿಯೊ ರವಾಡಿಯ್ಯುತೊ.
LUK 23:28 ಯೆಸು ತೆ ಹೆಣ ಮನಕ್ಹೊನೆ "ಯೆರೊಸೆಲಿಮಿನಿಯೊ ಹೆಣ ಮನಕ್ಹೊ, ಮಾರಾ ಹುತಿ ರವೊ ನಕೊ ತಮಾರಾ ಹುತಿ ತಮಾರಾ ಬಚ್ಚಾ಼ವೊನಾ ಹುತಿ ರವೊ"
LUK 23:29 ಬಚ್ಚಾ಼ ನೈಸೊ ವಾಲಿಯೊ ಚೊ಼ಕಿಯೊ ವ್ಹೈ ಬಚ್ಚಾ಼ವೊನೆ ಛಾತಿನು ದುದ್ದ ನೈ ಪಿಲಾಯಲ ವಾಲಿಯೊ ಚೊ಼ಕಿಯೊ ವ್ಹೈ. ಕೈನ ಮನಕ್ಹೊ ಕವಾನು ಟೈಮ ಆವಸ.
LUK 23:30 ತೆಳಾಮಾ ಮನಕ್ಹೊ ಡೊಂಗರನೆ ಮಪರ ಪಡ! ಕೈನ ಡೊಂಗರೊ ಹಮೊನೆ ಝಾಕಿ ಪಾಡಾದೆ ಕೈನ ವದ್ರಸ.
LUK 23:31 ಮನಕ್ಹೊ ಝಾಡ ಚೊ಼ಕು ರ‍್ಹತಾಮಾ ಇಮ್ಮ ಕರಸ. ವರಿ ಕುಕ್ಹಾಯಲ ಟೈಮ್ಮಾ ಕಿಮ ರ‍್ಹಸ? ಕೈನ ಕದ್ಯೊ.
LUK 23:32 ಯೆಸುನಾ ಕ್ಹಾತೆ ಬೆ ಚ್ವಟ್ಟಾವೊನೆ ಮರವಾನಿ ಶಿಕ್ಕಶಯಾ ದಿದ್ಯಾತಾ.
LUK 23:33 ಯೆಸುನೆ ವರಿ ಬೆ ಚ್ವಟ್ಟಾವೊನೆ ತ್ಯುನೊನೆ "ಕಪಾಲ "ಕವಾನಿ ಜ಼ಗಾಪರ ಬಲೈ ಲಿನಗಯಾ. ತ್ಯಾ ಯೆಸುನೆ ಶಿಲುವಿಪರ ಚ಼ಡಾಯಾ ಬೆ ಚ್ವಟ್ಟಾವೊಮಾ ಯಕ್ಲಾನೆ ಯೆಸುನಾ ಶಿದಾಬಗಲ ಯಕ್ಲಾನೆ ಡಾವಾ ಬಗಲ ಚ಼ಡಾಯಾ,
LUK 23:34 ತೆಳಾಮ ಯೆಸು, ಬಾ, ಅವ್ನೊನೆ ಮಾಫ ಕರ. ಅವನೆ ಸು ಕರಾಡಾಸ ತಿಳದ್ಯಾ ನತ್ತಿ "ಕೈನ ಪ್ರಾಥನಾ ಕರ‍್ಯೊ. ಸೈನಿಕೊ ಚಿಟಿಯೊ ಘಾಲಿನ ಯೆಸುನಾ ವಣ್ಣಾ ಕಿನೆ-ಕಿನೆ ವಾಟಿಲಿದ್ಯಾ.
LUK 23:35 ಮನಕ್ಹೊ ದೆಕತಾ ತ್ಯಾ ಹುಬ್ರಯಾತಾ. ಯೆಹುದಿಯೊನಾ ಮ್ಹೊಟಾ ಮನಕ್ಹೊ ಯೆಸುನೆ ಕದ್ರಾಯಾ. ತ್ಯುನೆ ಯೆಸುನೆ ತು ಕ್ಹುದಾ ಇನಿಲಿದಲ ಕ್ರಿಸ್ತ ರ‍್ಹಯೊಮ ತಿನಾಕ್ಹು ತೆ ವಚಾ಼ಡಿಲಿವಾದೆ. ಎ ಬಿಜಾ಼ವೊನೆ ವಚಾ಼ಡಲ ವಾಲೊ ನ್ಹವೈಸು? ಕದ್ಯಾ.
LUK 23:36 ಸೈನಿಕೊ ಯೆಸುನೆ ಕದ್ರಾಯಾ. ತ್ಯುನೆ ಯೆಸುಕನ ಐನ. ದಕ್ಹು ಖಾಟು ದ್ರಾಕ್ಷಿಯೊನು ರಕ್ಹ ಪಿವಾನೆ ದಿದ್ಯಾ.
LUK 23:37 ವರಿ ಯಹುದ್ಯನೊ ರಾಜೊ಼ ರ‍್ಹಯೊಮ, ತಾರಾ ಕ್ಹು ತು ವಚಾ಼ಡಿಲೆ "ಕದ್ಯಾ.
LUK 23:38 (ಶಿಲುಬಿನಾ ಉಪ್ಪರ, ಎ ಯಹುದ್ಯೊನೊ ರಾಜೊ಼ ವ್ಹೈ ಕೈನ, ಕೈನ ಬರದ್ಯಾತಾ)
LUK 23:39 ತ್ಯಾ ಚ಼ಡಾಯಲ ಬೆ ಚ್ವಟ್ಟಾವೊಮಾನೊ ಯಕ್ಲೊ ಯೆಸುನೆ "ತು ಕ್ರಿಸ್ತ ನ್ಹ ವ್ಹೈಸು? ತಿಮ್ಮ ರ‍್ಹಯುಮ ತಾರಾಕ್ಹು ತು ವಚಾ಼ಡಿ ಲೆ! ವರಿ ಹಮೊನೆಬಿ ವಚಾ಼ಡ"ಕದ್ಯೊ.
LUK 23:40 ತೆನೈಸೊ ತೆ ಬಿಜೆಕ್ಲೊ ಚ್ವಟ್ಟೊ. ತಿನೆ ಭುಚ಼್ಕಾಡ್ಯೊ. ತು ಕ್ಹುದಾ ಕ್ಹು ಭುಚ಼ಕ್ತಾ ನೈಸು? ತುನೆ ಬಿ ಎಜ಼ ಶಿಕ್ಷಾ ಥೈಸ!
LUK 23:41 ತುಬಿ ಮಿ ಪಾಪಿಯೊ ವ್ಹೈ. ಅಪೊನೆ ಅಪ್ನಾ ಪಾಪನಾ ಹುತಿ ಶಿಕ್ಷಾ ದಿದ್ಯಾಸ. ವರಿ ಎ ಮನಕ್ಹ (ಯೆಸು) ಕಯುಜ಼ ತಪ್ಪ ಕರ‍್ಯೊ ನತ್ತಿ. ಕದ್ಯೊ.
LUK 23:42 ಪಾಚಲ್ತೊ ತೆ ಚ್ವಟ್ಟೊ ಯೆಸುನೆ ತಾರೊ ರಾಜ್ಯ ಆತಾಮಾ ಮನೆ ಶೆ ಕರಿಲೆ"ಕದ್ಯೊ.
LUK 23:43 ತೆಳಾಮಾ ಯೆಸು ತಿನೆ ಐಕ! ಮಿ ಕ್ಹರಿಜ಼ ಕೌಸ. ಆಜಾ಼ನಾ ದಿನ್ನೆಜ಼ ತು ಮಾರಾ ಕ್ಹಾತೆ ಸ್ವರ್ಗಮಾ ರ‍್ಹಸಿ. ಕೈನ ಕದ್ಯೊ.
LUK 23:44 ತೆಕ್ಲಾಮಾಜ಼಼ ದುಪಾರ ಥೈಗೈತಿ ವರಿ ಇಡಿ ಭುಲೊಕ್ಪರ ಅಂದಾರು ಥೈಗೈಯುತು. ತೆ ಅಂದಾರು ದುಪಾರನಾ ಬಾರಾ ವಾಸ್ತಾತು ತನ, ವಾಜೆ ಲಕ್ಕಾ ವ್ಹತ್ತು.
LUK 23:45 ಸುರ್ಯಾನು ಉಜಾಲುಜ಼ ನ್ಹೊತು! ದೆವಾಲಯನೊ ಪಡದೊ ಫಾಟಿನ ಬೆ ಭಾಗ ಥಯೊತೊ.
LUK 23:46 ಪಾಚಲ್ತೊ ಯೆಸು"ಬಾ, ಮಾರಿ ಆತ್ಮಾ ತಾರಾ ಹತೊಮಾ ವಪ್ಸುಸ, ಕೈನ ಝೊರ ವದ್ರಿನ ಜ಼ಲಮ ಛೊ಼ಡ್ಯೊ.
LUK 23:47 ತ್ಯಾ ರ‍್ಹಯಲ ಸೈನಿಕೊನೊ ಅದಿಕಾರಿ ತಿಮ್ಮ ಥಯಲ ದೆಕಿನ"ಎ ಮನಕ್ಹ ಕ್ಹರಿನೊಜ಼ ವ್ಹೈ ಕೈನ ಮನೆ ಗ್ವತ್ತ ವ್ಹತ್ತು" ಕೈನ ಕ್ಹುದಾನಿ ಸ್ತುತಿ ಕರ‍್ಯೊ.
LUK 23:48 ಎ ಕ್ಹಾರು ದೆಕಾನೆ ಗಾಮತಾ ಘನ್ನಾ ಮನಕ್ಹೊ ಆಯಾತಾ. ವರಿ ಎ ಕ್ಹಾರು ದೆಕಿನ ಘನ್ನಾ ದುಕಿ ಥೈನ ಫರಿನ ತ್ಯುನಾ ಗಾಮೆ ಗಯಾ.
LUK 23:49 ಯೆಸುನಾ ದೊಸ್ತೊ ಬಿ ತ್ಯಾ ವ್ಹತ್ತಾ. ಗಲಿಲಾಯತಿಯೊ ಯೆಸುನಾ ಪಾಚಿ಼ಯೊ ಆಯಲ ಹೆಣ ಮನಕ್ಹೊಬಿ ತ್ಯಾ ವ್ಹತ್ತಿಯೊ. ತ್ಯುನೆ ದುರತಿಯೊಜ಼ ಎ ಕ್ಹಾರು ದೆಕಾಡಿಯೊತ್ಯೊ.
LUK 23:50 ಅರಿಮಥಾಯ ಕವಾನು ಯೆಹುದಿಯೊನು ಯಕ್ಕ ಗಾಮ ವ್ಹತ್ತು. ಯೊಸೆಫ ಎಜ಼ ಗಾಮವಾಲೊ ಚೊ಼ಕೊ ವ್ಹತ್ತೊ. ಎ ಕ್ಹುದಾನಾ ಹುತಿ ಕ್ಹಾರು ತಿಳದಿಲಿದ್ಯೊತೊ. ವರಿ ಕ್ಹುದಾನು ರಾಜ್ಯ ಆವಸ ಕವಾನು ಇನೆ ಗ್ವತ್ತ ವ್ಹತ್ತು.
LUK 23:51 ಯೊಸೆಫ ಯಹುದ್ಯೊನೊ ಮನಕ್ಹೊಪರ ಮ್ಹೊಟೊ ವ್ಹತ್ತೊ. ವರಿ ಯೆಹುದಿಯೊನಾ ಮನಕ್ಹೊ ಯೆಸುನೆ ಖಲಾಸ ಕರಿಯೆ ಕೈನ ಕತಾಮಾ ತೆ ವಾತೆ ವಪ್ಯೊನ್ಹೊತೊ.
LUK 23:52 ಯೆಸುನೊ ಮರಲ ಅಂಗ ದಿಲಾ ಕೈನ ಯೊಸೆಫ ಪಿಲಾತನಕನ ಮಾಂಗ್ಯೊ.
LUK 23:53 ಪಾಚಲ್ತೊ ಯೊಸೆಫ ಯೆಸುನು ಅಂಗ ಶಿಲುವಿಪರತೊ ಹೆಟೊ ಉತಾರಿನ ನರಮ ಪ್ಹಡಕಾಮಾ ಯೆಸುನೆ ಸುತ್ತಿನ ದಗಡಾಮಾ ಕಾಡಲ ಮಜಾ಼ರಮಾ ಮ್ಹೆಲ್ಯೊ. ತೆ ಮಜಾ಼ರಮಾ ಬಿಜಾ಼ ಕಿನೆಜ಼಼ ಘಾಲ್ಯಾ ನ್ಹೊತಾ.
LUK 23:54 ವರಿ ತೆ ದಿನ್ನ ಸಬ್ಬತನೊ ತಯ್ಯಾರನೊ ದಿನ್ನ ವ್ಹತ್ತೊ.
LUK 23:55 ಗಲಿಲಾಯತಾ ಯೆಸುನಾ ಕ್ಹಾತೆ ಆಯಲ ಹೆಣ ಮನಕ್ಹೊ ಯೊಸೆಫನಾ ಪಾಚಿ಼ಯೊ ಗಯ್ಯೊ. ತ್ಯುನೆ ಯೆಸುನೆ ಮುಕ್ಕಕಲ ಮಜಾ಼ರ ದೆಕಿಯೊ.
LUK 23:56 ಪಾಚಾ಼ತಿಯೊ ತೆ ಹೆಣ ಮನಕ್ಹೊ ಯೆಸುನಾ ಅಂಗೆ ಲಗಾಡಾನಾ ಹುತಿ ಬಾಸನು ತೆಲ ಲಾವಾನಾ ಹುತಿ ಗಯ್ಯೊ. ಸಬ್ಬತ ದಿನಮಾ ತ್ಯುನೆ ಅರಾಮ ಕರಿಯೊ. ಮೊಶೆನು ಧರಮ ಶಾಸ್ತ್ರನಾ ಪ್ರಕಾರ ಸಬ್ಬತನಾ ದಿನಮಾ ಮನಕ್ಹೊ ಅರಾಮ ಕರಾನು ವ್ಹತ್ತು.
LUK 24:1 ಐತ್ವಾರನಾ ಪಾಟೆ ಹಜ಼ುನ ಮಬ್ಬ ರ‍್ಹತಾಮಾ ಯೆಸುನೆ ಮ್ಹೆಲಲ ಮಜಾ಼ರಕನ ಹೆಣ ಮನಕ್ಹೊ ಯೆಸುನಾ ಅಂಗೆ ಲಗಾಡಾನೆ ಬಾಸನು ತೆಲ ತಯ್ಯಾರ ಕರಿನ ಲಯ್ಯೊ.
LUK 24:2 ಮಜಾ಼ರನೆ ಝಾಕಲ ದಗ್ಡೊ ಸರಕಾಯಲ ದೆಕಿನ ತ್ಯುನೆ ಮ್ಹೈ ಆಯ್ಯೊ.
LUK 24:3 ವರಿ ತ್ಯುನೊನೆ ಯೆಸುನು ಮರಲ ಅಂಗ ದಿಕ್ಹ್ಯು ನೈ.
LUK 24:4 ತೆ ಹೆಣ ಮನಕ್ಹೊ ಘಾಬ್ರಿಯೊ ಥಯ್ಯೊ. ವರಿ ಘನ್ನಾ ಮಿಂಚಾ಼ನಾ ವಣ್ಣಾ ಘಾಲ್ಲಿನ ಬೆ ಜ಼ನಾ ತ್ಯುನೊಕನ ಹುಬ್ರಯಾ.
LUK 24:5 ತೆ ಹೆಣ ಮನಕ್ಹೊ ಘನ್ನಿಯೊ ಭುಚಕಿನ ತ್ಯುನಾ ಮ್ಹೊಡಾ ಹೆಟಾ ಘಾಲ್ಲಿನ ಹುಬ್ರಯ್ಯೊ. ತೆ ದುತೊ, ಜಿವ್ತಾ ರ‍್ಹಯಲ ವಾಲಾನೆ ತುಮೆ ನ್ಹ್ಯಾ ಕಾ ಹುಡಕಾಡಿಯೊಸ? ಎ ಮರಲ ವಾಲಾವೊನೆ ಮುಕ್ಕಕಾನಿ ಜ಼ಗಾ ವ್ಹೈ!
LUK 24:6 ಯೆಸು ನ್ಹ್ಯಾ ನತ್ತಿ. ತೆ ಜಿವ್ತೊ ಥೈನ ಉಟ್ಯೊಸ! ತೆ ಗಲಿಲಾಯಮಾ ರ‍್ಹತಾಮಾ ಕದಲ ವಾತ ತುಮೊನೆ ಶೆ ನತ್ತಿ ಸು?
LUK 24:7 ಮನಕ್ಹನಾ ದಿಕ್ರಾನೆ ಕೆಟ್ಟ ಮನಕ್ಹೊನಾ ಹತಮಾ ವಪ್ಸಿನ; ಶಿಲುವಿಪರ ಚ಼ಡಾಯಿನ ಖಲಾಸ ಕರಿನ ತನ ದಿನ್ಪರ‍ ಜಿವ್ತೊ ಥೈನ ಉಟಿನ ಆವಸ. ಕೈನ ಯೆಸು ಕದ್ಯೊ ನತ್ತಿ ಸು" ಕೈನ ಕದ್ಯಾ.
LUK 24:8 ತೆಳಾಮಾ ತೆ ಹೆಣ ಮನಕ್ಹೊ ಯೆಸು ಕದಲ ವಾತ ಶೆ ಕರಲಿದಿಯೊ.
LUK 24:9 ತೆ ಹೆಣ ಮನಕ್ಹೊ ಮಜಾ಼ರಮಾತಿಯೊ ಗೈನ ಯೆಸುನಾ ಗ್ಯಾರಾ ಶಿಷ್ಯಾವೊಕನ ಗಯ್ಯೊ, ತೆ ಹೆಣ ಮನಕ್ಹೊ ಮಜಾ಼ರಮಾ ಥಯಲ ಪುರಾ ತಿನಾ ಅಪೊಸ್ತಲೊಕನ ಕದಿಯೊ.
LUK 24:10 ತೆ ಹೆಣ ಮನಕ್ಹೊ ಕುನ್ನ ವ್ಹೈ ಕದ್ಯಾಮ; ಮಗ್ದಲನಿ ಮರಿಯಳ, ಯೊಹಾನನಿ, ಯಾಕೊಬನಿ ಯಾ ಥಯಲ ಮರಿಯಳ ವರಿ ಬಿಜಿ಼ಯೊ ಹೆಣ ಮನಕ್ಹೊ. ಅಪೊಸ್ತಲೊಕನ ತ್ಯುನೆ ಕ್ಹಾರು ಕದಿಯೊ.
LUK 24:11 ತೆನೈಸೊ ತಿನಾ ಅಪೊಸ್ತಲೊ ತೆ ವಾತೆ ಬರೊಕ್ಹೊ ಕರ‍್ಯಾ ನೈ. ತಿವ್ನಿವಾತೊ ಮಸ್ಕಿರಿ ಲಿಂಗತ ಲಾಗಿಯೊ.
LUK 24:12 ಪೆತ್ರಾ, ತ್ಯುನಿಯೊ ವಾತೊ ಕ್ಹರಿ ವ್ಹೈಸು ಕೈನ ದೆಕಾಹುತಿ ಯೆಸುನಿ ಮಾಜಾ಼ರ ಕನ ನ್ಹಾಟ್ಯೊ. ತೆ ಮಜಾ಼ರಕನ ಗೈನ ಮ್ಹೈ ಗೈನ ದೆಕ್ತಾಮಾ ಯೆಸುನೆ ಸುತ್ತಲ ವಣ್ಣಾ ಯಕ್ಕಜ಼ ವ್ಹತ್ತಾ. ತೆ ದೆಕಿನ ಪೆತ್ರಾ ಘಾಬ್ರೊ ಥೈನ ಗೈ ಪಾಡ್ಯೊ.
LUK 24:13 ತೆ ದಿನಮಾಜ಼ ಯೆಸುನಾ ಶಿಷ್ಯಾವೊಮಾನಾ ಬೆ ಜ಼ನಾ ಎಮ್ಮಾಹು ಕವಾನಾ ಗಾಮೆ ಚಾ಼ಲ್ಯಾತಾ. ತೆ ಗಾಮಾ ಯೆರುಸೆಲಿಮತು ಕ್ಹಾತ ಮೈಲ ದುರ ವ್ಹತ್ತು.
LUK 24:14 ತ್ಯುನೆ ಥಯಲ ಕ್ಹಾರು ಬೊಲ್ಲೆತಾ ಚಾ಼ಲ್ಯಾತಾ.
LUK 24:15 ತೆಳಾಮಾ ಯೆಸು ತ್ಯುನೊಕನ ಐನ, ತ್ಯುನಾ ಕ್ಹಾತೆ ಗಯೊ.
LUK 24:16 (ತ್ಯುನೊನೆ ಯೆಸು ವ್ಹೈ ಕವಾನು ಗ್ವತ್ತ ನ್ಹೊತು)
LUK 24:17 ಯೆಸು ತ್ಯುನೊನೆ"ತುಮೆ ಕೈ ವಿಷಯಮಾ ಬೊಲ್ಲಿವಾಡ್ಯಾಸ? ಕೈನ ಪುಚ್ಯೊ. ತಿಮ್ಮಕತಾ ತ್ಯುನೆ ತ್ಯಾಜ಼ ಹುಬ್ರಯಾ. ತ್ಯುನಾ ಮ್ಹೊಡಾ ದುಖ ಕ್ಹು ಭರಿಗಯಾತಾ.
LUK 24:18 ತ್ಯುನೊಮಾ ಕ್ಕಲೆಯೊಫಾ ಕವಾಲೊ"ತೆ ಯೆರುಸೆಲೆಮಾ ಥಯಲ ಕ್ಹಾರು ನೈ ತಿಳದಲವಾಲೊ ತು ಯಕ್ಲೊ ವ್ಹೈಸು" ಕೈನ ಕದ್ಯೊ.
LUK 24:19 ಯೆಸು ತ್ಯುನೊನೆ"ತುಮೆ ಶಾನಾ ಹುತಿ ಬೊಲ್ಲಿವಾಡ್ಯಾಸ? ಕೈನ ಪುಚ್ಯೊ. ತ್ಯುನೆ ತಿನೆ, ಹಮೆ ನಜ಼ರೆತನಾ ಯೆಸುನಾ ಹುತಿ ಬೊಲ್ಲಿವಾಡ್ಯಾಸ. ತೆ ಕ್ಹುದಾನಾ ಕಂತೊ. ವರಿ ಮನಕ್ಹೊನಾ ನಜ಼ರಮಾ ಮ್ಹೊಟೊ ಪ್ರವಾದಿ ಹೊತೊ. ತೆ ಘನಿಯೊ ಸಂಗತಿಯೊ ವರಿ ಘನ್ನಾ ಅದ್ಭುತೊನಾ ಕಾಮೊ ಕರ‍್ಯೊಸ.
LUK 24:20 ಹಮಾರಾ ಯೆಹುದಿಯೊನಾ ನಾಯಕೊ ವರಿ ಪ್ರದಾನ ಯಾಜಕೊ. ತಿನೆ ಮರವಾನಿ ಶಿಕ್ಷಾ ದಿಲಾಯಾ ವರಿ ತಿನೆ ಶಿಲುವಿಪರ ಘಾಲ್ಯಾ.
LUK 24:21 ಯೆಸು ಇಸ್ರಾಯಲನಾ ಮನಕ್ಹೊ ಬಂದನಮಾತೊ ಛೊಡಾತೊತೊ ಹಮೆ ಕೈಲೆತಾತಾ. ತೆಕ್ಲಾಮಾಜ಼಼ ಎಕ್ಹಾರು ಥೈಗಯು. ಯಕ್ಲಾಮಜ಼ ವರಿ ಯಕ್ಕ ಸಂಗತಿ ಥೈಗೈಸ. ತೆ ಮರಿನ ತನ ದಿನ್ನ ಥೈ ಗಯಾಸ.
LUK 24:22 ಆಜ಼ ಹಮಾರಾ ಕ್ಹಾತೆ ರ‍್ಹಯಲ ಹೆಣ ಮನಕ್ಹೊ ಘಾಬ್ರು ಥಾವಾನಿಯೊ ವಾತೊ ಕದಿಯೊ. ಪಾಟೆ ನಸಕೆ ತೆ ಹೆಣ ಮನಕ್ಹೊ. ಯೆಸುನೆ ಮ್ಹೆಲಲ ಮಜಾ಼ರಕನ ಗಯ್ಯೊತ್ಯೊ.
LUK 24:23 ತ್ಯಾ ತ್ಯುನೆ ಯೆಸುನು ಅಂಗ ದಿಕ್ಹ್ಯು ನೈ. ತ್ಯುನೆ ಫರಿನೆ ಐನ ಹಮೊನೆ ದೆವದುತೊ ದಿಕ್ಹ್ಯಾ ವರಿ ತೆ ದೆವದುತೊ ಯೆಸು ಮರಯೊ ನತ್ತಿ ಕೈನ ಹಮೊನೆ ಕದ್ಯಾ ಕೈನ ಕದಿಯೊ.
LUK 24:24 ತಿನಾಹುತಿ ಹಮೊಮಾನಾ ದಕ್ಹಾಜ಼಼ನಾ ಯೆಸುನಿ ಮಜಾ಼ರಕನ ಗಯಾ. ತೆ ಹೆಣ ಮನಕ್ಹೊ ಕದಲ ಲಿಂಗತಜ಼ ತೆ ಮಜಾ಼ರ ಕ್ಹಾಲಿ ವ್ಹತ್ತಿ. ತ್ಯುನೆ ಸುತ್ತೆ ಮುತ್ತೆ ದೆಕ್ಯಾ. ವರಿ ತ್ಯುನೊಮಾ ತೆ (ಯೆಸು) ಕಿನೆಜ಼಼ ದಿಕ್ಹ್ಯೊ ನೈ. ಕೈನ ಕದ್ಯಾ.
LUK 24:25 ತೆಳಾಮ ಯೆಸು ತ್ಯುನೊನೆ ಕದ್ಯೊ. ತುಮೆ ಗ್ಯಾನ ನೈಸೊವಾಲಾ ವ್ಹೈ. ವರಿ ಕ್ಹರಿ ತುಮೊನೆ ವಳಕಾನೆ ಥಾತು ನೈ. ಪ್ರವಾದಿಯೊ ಕವಾನು ಕ್ಹಾರು ತುಮೆ ನಂಬು.
LUK 24:26 ಕ್ರಿಸ್ತ ತಿನಿ ಮಹಿಮಾ ದೆಕಾಡಾತಿ ಅಗ್ದುರ ಹವಾ ತ್ರಾಸೊ ಅನುಭವಿಸು ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.
LUK 24:27 ಪಾಚಲ್ತೊ ಯೆಸು ತಿನಾ ಹುತಿ ಮೊಶೆನಾ ಗ್ರಂಥಮಾ ಬರ್ದಲ ಹರಿ ಯಕ್ಕ ಕದ್ಯೊ. ಯೆಸು ಮೊಶೆನು ಗ್ರಂಥತೊ. ಶುರು ಕರಿನ ತಿನಾ ಹುತಿ ಪ್ರವಾದಿಯೊ ಕದಲ ಕ್ಹಾರು ಕದ್ಯೊ.
LUK 24:28 ತ್ಯುನೆ ಹಮ್ಮಾಹು ಕವಾನಾ ಗಾಮನಾ ನಜಿ಼ಕ ಆತಾಮಾ. ತೆ ಅಗೊ ಗಯಲಲಿಂಗತ ಕರ‍್ಯೊ.
LUK 24:29 ತೆನೈಸೊ ತ್ಯುನೆ ಯೆಸುನೆ ಬಲೈನ ಹಮ್ನಾ, ರಾತ ಥೈಗೈಸ ಹಮಾರಾ ಕ್ಹಾತೆ ನ್ಹ್ಯಾಜ಼ ರ‍್ಹೆ ಕೈನ ತಿನೆ ಕೈಲಿದ್ಯಾ. ತಿನಾ ಹುತಿ ತೆ ತ್ಯುನಾ ಕ್ಹಾತೆ ತೆ ಗಾಮ್ಮಾ ಗಯೊ.
LUK 24:30 ಯೆಸು ತಿವ್ನಾ ಕ್ಹಾತೆ ರೊಕ್ಲೊ ಖಾವಾನೆ ಬೈಟ್ಯೊ. ತೆ ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕೈನ ತೆ ಭಾಗಿನ ತ್ಯುನೊನೆ ದಿದ್ಯೊ.
LUK 24:31 ತೆಳಾಮಾ ತ್ಯುನೆ ಯೆಸುನೆ ವಳಕ್ಯಾ. ತೆನೈಸೊ ತ್ಯುನೆ ವಳಕ್ಕತಾಮಾ ಯೆಸುನೆ ಗ್ವತ್ತ ಥೈನ ತ್ಯುನಾ ಡೊಳೆ ದಿಕ್ಹೆ ನೈಸೊ ಮಾಯಾ ಥಯೊ.
LUK 24:32 ತ್ಯುನೆ ಭಂಬಿಜ಼ನಾ"ತೆ ಅಪ್ನಾ ಕ್ಹಾತೆ ಬೊಲ್ತಾಮಾ ಅಪೊಮಾ ಆಗ ಲಾಗಲ ಲಿಂಗತ ಥೈನೈ? ಪವಿತ್ರ ಗ್ರಂಥಮಾ ರ‍್ಹಯಲ ಕ್ಹರಿಮಾನು ಮತ್ಲಬ್ ತೆ ಕತಾಮಾ ಘನ್ನು ಚೊ಼ಕು ಲಾಗ್ಯುನೈ?
LUK 24:33 ತೆಳಾಮಾಜ಼ ತ್ಯುನೆ ಉಟಿನ ಯೆರೊಸೆಲಿಮೆ ಗಯಾ. ಯೆರುಸೆಲೆಮಾ ತಿನಾ ಕ್ಹಾರಾ ಶಿಷ್ಯಾ ಮಳಿನ ಆಯಾ. ಗ್ಯಾರಾ ಶಿಷ್ಯಾ ವರಿ ತ್ಯುನಾ ಕ್ಹಾತೆ ರ‍್ಹಯಲ ಮನಕ್ಹೊ.
LUK 24:34 ಪ್ರಭು (ಯೆಸು) ಮರಲ ವಾಲಾವೊಮಾತೊ ಕ್ಹರಿಮಾಜ಼ ಜಿವ್ತೊ ಥೈನ ಉಟ್ಯೊಸ! ತೆ ಪೆತ್ರಾನೆ ದಿಕ್ಹ್ಯೊಸ ಕೈನ ಕದ್ಯಾ.
LUK 24:35 ತೆಳಾಮಾ ವಾಟ್ಮಾ ಜಾ಼ವಾಲಾ ತ್ಯುನಾ ಕ್ಹಾತೆ ಥಯಲ ತ್ಯುನೆ ತ್ಯುನೊಕನ ಕದ್ಯಾ. ವರಿ ಹಮೆ ತೆ ರೊಕ್ಲೊ ಭಾಗತಾಮಾ ತಿನೆ ವಳಕ್ಯಾ ಕೈನ ಕದ್ಯಾ.
LUK 24:36 ತ್ಯುನೆ ಭಂಬಿಜ಼಼ನಾ ತೆ ಕ್ಹಾರು ಕತಾಮಾ, ತ್ಯುನಾ ವಚ಼ಮಾ ಯೆಸು ಐನ ತುಮೊನೆ ಚೊ಼ಕು ಥಾವಾದೆ ಕದ್ಯೊ.
LUK 24:37 ತೆಳಾಮಾ ಶಿಷ್ಯಾ. ತ್ಯುನೊನೆ ಭೆ ವಾಟ್ಯೊ. ಎ ಕೆಟ್ಟ ಆತ್ಮಾ ವಸೆ ಕೈನ ತಿಳದಿಲಿದ್ಯಾ.
LUK 24:38 ವರಿ ಯೆಸು, ತ್ಯುನೊನೆ ತುಮೆ ಗಲಿ ಬಿಲಿ ಥಯಾಸ? ತುಮೆ ಡೊಳೆ ದೆಕಿನಬಿ ಕಾ ಸಂಶ್ಯೊಕರೊಶಿ?
LUK 24:39 ಮಾರಾ ಹತೊ ವರಿ ಮಾರಾ ಪಗೊ ದೆಕೊ. ಮಿಜ಼ ವ್ಹೈ! ಮನೆ ಮುಟ್ಟೊ. ಮಾರು ಜಿವ್ತು ಅಂಗ ದೆಕೊ. ಕೆಟ್ಟ ಆತ್ಮಾನೆ ಇಮ್ಮ ಅಂಗ ರ‍್ಹತು ನೈ "ಕದ್ಯೊ.
LUK 24:40 ಯೆಸು ಎ ಕದಲ್ಪರ, ಹತೊಮಾ ಪಗೊಮಾ ರ‍್ಹಯಲ ದುಕ್ಕಕೊ ದೆಕಾಡ್ಯೊ.
LUK 24:41 ತೆಳಾಮಾ ತಿನಾ ಶಿಷ್ಯಾ ಘಾಬ್ರಾಥಯಾ ವರಿ ತ್ಯುನೆ ಜಿವ್ತೊ ಥಯಲ ದೆಕಿನ ಘನ್ನಾ ಖುಶಿ ಥಯಾ. ವರಿಬಿ ತ್ಯುನೆ ಬರೊಕ್ಹೊ ಕರಾನೆ ಥಯು ನೈ. ಯೆಸು ತ್ಯುನೊನೆ ತುಮೊಕನ ಖಾವಾನೆ ಸುಬಿ ಅನ್ನ ಛೆಸು? ರ‍್ಹಯುಮ ಮನೆ ದಿವೊ ಕೈನ ಕದ್ಯೊ.
LUK 24:42 ತ್ಯುನೆ ಬಳಲ ಮಚ್ಲಿ಼ ತಿನೆ ದಿದ್ಯಾ.
LUK 24:43 ಶಿಷ್ಯಾವೊನಾ ಡೊಳಾ ಕ್ಹಾಮೊ ಯೆಸು ತೆ ಮಚ಼ಲಿ ಲಿನ ಖಾದ್ಯೊ.
LUK 24:44 ಯೆಸು ತ್ಯುನೊನೆ ಮಿ ತುಮಾರಾ ಕ್ಹಾತೆ ರ‍್ಹಯಲ ಶೆಕರಿಲಿವೊ. ಮಾರಿ ವಿಷಯಮಾ ಮೊಶೆನು ಧರಮಶಾಸ್ತ್ರಮಾ ಪ್ರವಾದಿಯೊನಾ ಗ್ರಂಥಮಾ, ಕಿರತನೆಮಾ ಬರ್ದಲ ಹರಿ ಯಕ್ಕ ಸಂಗತಿಯೊ ಪುರಾ ಥೌ ಕೈನ ಮಿ "ಕದ್ಯೊ.
LUK 24:45 ಪಾಚಲ್ತೊ ಯೆಸು ಪವಿತ್ರ ಗ್ರಂಥಮಾ ರ‍್ಹಯಲ ತಿನಾ ಹುತಿ ಬರ್ದಲ ಶಿಷ್ಯಾವೊನೆ ತಿಳಶ್ಯೊ.
LUK 24:46 ಪಾಚಲ್ತೊ, ಯೆಸು ತ್ಯುನೊನೆ "ಕ್ರಿಸ್ತ ಮರಿನ ತನ ದಿನ್ಪರ‍ ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆವಸ ಕೈನ ಬರ್ದಲ ಛೆ.
LUK 24:47 ಎಕ್ಹಾರು ಪುರಾ ಥಾವಾನು ತುಮೆ ದೆಕ್ಯಾಸ. ತುಮೆಜ಼ ಇನೆ ಸಾಕ್ಷಿ ವ್ಹೈ.
LUK 24:48 ತುಮೆ ಮನಕ್ಹೊಕನ ಜಾ಼ವೊ, ತ್ಯುನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾಬಗಲ ಫರಾಲಾವೊನೆ ಪಾಪ ಮಾಫ ಥಾವಸ ಕೈನ ಕವೊ. ತುಮೆ ಸುವಾರ್ತೆ ಯೆರುಸೆಲೆಮಾ ಶುರುಕರಿನ ಜಗತ್ನಾ ಮನಕ್ಹೊಮಾ ಮಾರಾ ನಾಮಪರ ತಿಳಸೊ.
LUK 24:49 ಐಕೊ! ಮಾರೊ, ಬಾ, ಕದಲಜ಼ ಮಿ ತುಮೊನೆ ತಿಳಸುಸ. ವರಿ ತುಮೆ ಸ್ವರಗನೆ ಶಕ್ತಿ ಮಳೆಲಕ್ಕಾ ಯೆರುಸೆಲೆಮಾಜ಼ ಕೈದಿನ ರ‍್ಹವೊ "ಕದ್ಯೊ.
LUK 24:50 ಯೆಸು ತಿನಾ ಶಿಷ್ಯಾವೊನೆ ಯೆರುಸೆಲೆಮ್ನಾ ಭಾರೊ ಬೆಥಾನಿನಾ ನಜಿ಼ಕ ಬಲೈ ಲಿನಗಯೊ. ಯೆಸು ತಿನಾ ಹತೊ ಉಚೈನ ತಿನಾ ಶಿಷ್ಯಾವೊನೆ ಆಶಿರ್ವಾದ ದಿದ್ಯೊ.
LUK 24:51 ತೆಳಾಮಾಜ಼ ಯೆಸು ತಿನಾ ಶಿಷ್ಯಾವೊಕಂತೊ ಸ್ವರಗೆ ಗೈ ಪಾಡ್ಯೊ.
LUK 24:52 ಶಿಷ್ಯಾ ಯೆಸುನೆ ತ್ಯಾ ಸ್ತುತಿ ಕರ‍್ಯಾ. ಪಾಚಾ಼ತಾ ತ್ಯುನೆ ಫರಿನ ಗಾಮ್ಮಾ ಗಯಾ. ತ್ಯುನೆ ಘನ್ನಾ ಖುಶಿಮಾ ವ್ಹತ್ತಾ.
LUK 24:53 ತ್ಯುನೆ ಹಮೆಶಾಬಿ ದೆವಾಲಯಮಾ ಕ್ಹುದಾನಿ ಸ್ತುತಿ ಕರತಾತಾ.
JOH 1:1 ಶುರುತಿ ಪೈಲಾಜ ದುನಿಯಾಮಾ ವಾಕ್ಯಾ ವ್ಹತ್ತಿ. ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ. ತೆಜ಼ ಕ್ಹುದಾ ವ್ಹತ್ತೊ.
JOH 1:2 ಕ್ಹಾರು ಶುರು ಥಾವಾತಿ ಪೈಲಾಜ ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ.
JOH 1:3 ಕ್ಹುದಾ ಕ್ಹಾರುಜ ತಿನಾ ಮುಕಾಂತರ ತಯ್ಯಾರ ಕರ‍್ಯೊ. ತೆನೈಸೊ ಸುಜ಼ ತಯ್ಯಾರ ಥಯು ನೈ.
JOH 1:4 ತಿಮಾ ಮುಲ ಜ಼ಲಮ ವ್ಹತ್ತೊ. ತೆ ಜ಼ಲಮ ಮನಕ್ಹೊನೆ ಉಜಾಲು ಥೈನ ವ್ಹತ್ತು.
JOH 1:5 ಉಜಾಲು ಅಂದಾರಾಮಾ ಉಜಾಲು ದಿದ್ಯು. ತೆನೈಸೊ ಅಂದಾರು ಉಜಾಲಾನೆ ವಳಕ್ಯು ನೈ.
JOH 1:6 ಕ್ಹುದಾ ಸಂದೆಶ ಕವಾಲಾ ಯಕ್ಕ ಮನಕ್ಹನೆ ಮೊಕಲ್ಯೊ ತಿನು ನಾಮ ಯೊಹಾನ ವ್ಹತ್ತು.
JOH 1:7 ಯೊಹಾನ ಉಜಾಲಾನಾ ಹುತಿ ಮನಕ್ಹೊಕನ ಆಯೊ. ತಿನಾ ಮುಕಾಂತರ ಕ್ಹಾರಾ ಮನಕ್ಹೊ ತೆ ಸಂದೆಶ ಐಕಿನ ತಿನೆ ನಂಬು ಕೈನ ಆಯೊ.
JOH 1:8 ಯೊಹಾನಜ ತೆ ಕ್ಹರಿನು ಉಜಾಲು ನ್ಹೊತು
JOH 1:9 ಕ್ಹರಿನು ಉಜಾಲು ವ್ಹತ್ತು. ಎ ದುನಿಯಾಮಾ ಆವಾನು ವ್ಹತ್ತು. ತೆಜ಼ ಕ್ಹರಿನು ಉಜಾಲು ಕ್ಹಾರಾ ಮನಕ್ಹೊ ಪರ ಚಮಕಸ.
JOH 1:10 ವಾಕ್ಯಾ ಕವಾಲೊ ತೆಳಾಮಾಜ಼ ದುನಿಯಾಮಾ ವ್ಹತ್ತೊ. ವರಿ ಕ್ಹುದಾ ತಿನಾ ಮುಕಾಂತರ ದುನಿಯಾ ತಯ್ಯಾರ ಕರ‍್ಯೊ. ವರಿಬಿ ತಿನೆ ಎ ದುನಿಯಾವಾಲಾ ವಳಕ್ಯಾ ನೈ.
JOH 1:11 ತೆ ತಿನಾ ಸ್ವಂತ ದೆಶೆ ಆಯೊ. ತೆನೈಸೊ ತಿನಾ ಸ್ವಂತ ಮನಕ್ಹೊ ತಿನೆ ವಪ್ಪಿಲಿದ್ಯಾ ನೈ.
JOH 1:12 ತೆನೈಸೊ ಕುನ್ನ-ಕುನ್ನ ತಿನೆ ವಪ್ಪಿಲಿದ್ಯಾ ಕದ್ಯಾಮ ತಿನಾ ನಾಮ ಪರ ಬರೊಕ್ಹೊ ಕರ‍್ಯಾ ತ್ಯುನೊನೆ ತೆ ಕ್ಹುದಾನಾ ಬಚ್ಚಾ ಥಾವಾನೆ ಹಕ್ಕ ದಿದ್ಯೊ.
JOH 1:13 ಇವ್ನೆ ರಗತಕ್ಹು ರ‍್ಹೈನೆಕಾ ಅಂಗನಾ ಆಸಕ್ಹು ರ‍್ಹೈನೆಕಾ ದಾಣ್ಗಾನಾ ಆಸಕ್ಹು ರ‍್ಹೈನೆಕಾ ಹುಟ್ಟಲ ನ್ಹವೈ. ತೆ ಇವ್ನೆ ಕ್ಹುದಾಕ್ಹುಜ ಹುಟ್ಟಲ ವ್ಹೈ.
JOH 1:14 ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ‍್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ‍್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ‍್ಹಯಲ ತಿನೆ ಮಹಿಮಾ ವ್ಹತ್ತಿ.
JOH 1:15 ಯೊಹಾನ ತಿನಾಹುತಿ ಸಾಕ್ಷಿ ದಿನ್ನ ವರಿ ವದ್ರಿನ ಕದ್ಯೊ" ಎ ತೆಜ಼ ವ್ಹೈ ಕಿನಾಹುತಿ ಮಿ ಕದ್ಯೊ, ತೆ ಮಪರ್ತೊ ಆವಸ, ಮುಪರತೊ ಆವಾಲೊ ಯಕ್ಲೊ ಮುತ್ತಿ ಮ್ಹೊಟೊ ವ್ಹೈ. ತೆ ಮಿ ಹುಟ್ಟಾತಿ ಪೈಲಾಜ ಕಾಕದ್ಯಾಮ ತೆ ಅಸ್ತಿತ್ವಮಾ ವ್ಹತ್ತೊ.
JOH 1:16 ತಿನಿ ಕರುಣಾ ವರಿ ಪರಿಪುರ್ಣ ಕೃಪಾಕ್ಹು ಭರಲ ವ್ಹತ್ತೊ. ತಿನಾಕ್ಹುಜ ಅಪೆ ಕ್ಹಾರಾ ಮನಕ್ಹೊ ಆಶಿರ್ವಾದ ಪರ ಆಶಿರ್ವಾದ ವ್ಹಂದ್ಯಾ.
JOH 1:17 ಕ್ಹುದಾ ಮೊಶೆನಾ ಮುಲಕ ನಿಯಮೊ ದಿದ್ಯೊತೊ. ತೆನೈಸೊ ಕೃಪಾ ಕ್ಹರಿ ಯೆಸು ಕ್ರಿಸ್ತನಾ ಮುಲಕ ಆಯು.
JOH 1:18 ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.
JOH 1:19 ತು ಕುನ್ನ ವ್ಹೈ? ಕೈನ ಯೊಹಾನನೆ ಪುಚ್ಚಾನಾ ಹುತಿ ಯೆರುಸಲೆಮನಾ ಯಹುದ್ಯೊನಾ ಅದಿಕಾರಿಯೊ ಯೊಹಾನಕನ ದಕ್ಹಾ ಯಾಜಕೊನೆ ವರಿ ಲೆವಿಯೊನೆ ಮೊಕಲ್ಯಾ.
JOH 1:20 ಯೊಹಾನ ಝಾಕ್ಯಾವಾಚಿ"ಮಿ ಕ್ರಿಸ್ತ ನ್ಹವೈ" ಕೈನ ಕ್ಹಾರಾವೊನಾ ಕ್ಹಾಮೊ ಕದ್ಯೊ.
JOH 1:21 ವರಿ ತ್ಯುನೆ ತಿನೆ"ತಿಮ್ಮ ರ‍್ಹಯುಮ ತು ಕುನ್ನ ವ್ಹೈ? ತು ಎಲಿಯಾ ವ್ಹೈಸು ಕೈನ ಪುಚ್ಯಾ. ತೆ"ನ್ಹವೈ, ಮಿ ಎಲಿಯಾ ನ್ಹವೈ ಕೈನ ಕದ್ಯೊ. ವರಿ ತ್ಯುನೆ"ತು ಪ್ರವಾದಿ ವ್ಹೈಸು? ಕೈನ ಪುಚ್ಯಾ. ಯೊಹಾನ"ನ್ಹವೈ, ಮಿ ಪ್ರವಾದಿ ನ್ಹವೈ ಕೈನ ಕದ್ಯೊ.
JOH 1:22 ತಿಮ್ಮ ರ‍್ಹಯುಮ"ಹಮೊನೆ ಕೆ ತು ಕುನ್ನ ವ್ಹೈ. ಹಮೊನೆ ವಳಾಯಲವಾಲಾವೊನೆ ಹಮೆ ಸು ಕೈಯೆ. ತಾರಾ ಹುತಿ ತು ಸು ಕಶಿ?
JOH 1:23 ತೆ ವಾತೆ ಯೊಹಾನ,ಪ್ರವಾದಿ ಥಯಲ ಯೆಶಾಯ ಕದಲ ತಿಮ್ಮ ಕದ್ಯೊ. "ಪ್ರಭು ಆವಾನಾ ಹುತಿ ವಾಟ ಸಿದಾ ತಯ್ಯಾರ ಕರೊ ಕೈನ ರಾನ್ಮಾ ವದ್ರಾನು ಅವಾಜ಼ ಮಿ ವ್ಹೈ"
JOH 1:24 ವಳಾಯಲ ವಾಲಾವೊಮಾನಾ ದಕ್ಹಾ ಜ಼ನಾ ಪರಿಸಾಯರೊ ವ್ಹತ್ತಾ.
JOH 1:25 ತ್ಯುನೆ ಯೊಹಾನನೆ ಪುಚ್ಯಾ"ತು ತಾರಾ ಹುತಿ"ಮಿ ಕ್ರಿಸ್ತ ಬಿ ನ್ಹವೈ ಕವಾನು ರ‍್ಹಯುಮ, ಎಲಿಯಾಬಿ ನ್ಹವೈ, ಪ್ರವಾದಿಬಿ ನ್ಹವೈ ಕೈನ ಕವಾಡ್ಯೊಸ. ಇಮ್ಮ ರ‍್ಹಯುಮ ತು ಮನಕ್ಹೊನೆ ಕಾ ಬಾಪ್ತಿಸ್ಮ ಕರಾವಾಡೊಸ?
JOH 1:26 ಯೊಹಾನ ಕದ್ಯೊ"ಮಿ ಮನಕ್ಹೊನೆ ಪಾನಿಕ್ಹು ಬಾಪ್ತಿಸ್ಮ ಕರೌಸ. ತೆನೈಸೊ ತುಮೊನೆ ಗ್ವತ ನೈ ರ‍್ಹಯಲವಾಲೊ ನ್ಹ್ಯಾ ಛೆ.
JOH 1:27 ಮಾರಾ ಪಾಚೊ಼ ಆವಾಲೊ ತೆಜ಼ ವ್ಹೈ. ತಿನಿಯೊ ಚಪ್ಲೊನಿಯೊ ದೊರಿಯೊ ಖೊಲಾನೆ ಮಿ ಯೊಗ್ಯ ನತ್ತಿ ಕೈನ ಕದ್ಯೊ.
JOH 1:28 ಯೊರ್ದನ ನದಿನಾ ತಿನಾ ಪುರ್ವ ದಿಕ್ರಾನಾ ಬಗಲ ರ‍್ಹಯಲ ಬೆಥನಿ ಕವಾನಾ ಗಾಮಮಾ ಎ ಸಂಗತಿಯೊ ಥಯ್ಯೊ. ಯೊಹಾನ ಮನಕ್ಹೊನೆ ಬಾಪ್ತಿಸ್ಮ ಕರಾನು ನ್ಹ್ಯಾಜ ವ್ಹೈ.
JOH 1:29 ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ.
JOH 1:30 ಮಿ ಗಯಲ್ಪರ ಯಕ್ಕ ಮನಕ್ಹ ಆವಸ. ತೆ ಮಾರಾತಿಬಿ ಮ್ಹೊಟೊ ವ್ಹೈ. ಕಾಕದ್ಯಾಮ ತೆ ಮಾರಾತಿಬಿ ಪೈಲಾ ಹುಟ್ಟಿನ ಅಸ್ತಿತ್ವಮಾ ರ‍್ಹಯಲವಾಲೊ ವ್ಹೈ ಕೈನ ಮಿ ಕವಾನು ಇನಾಜ ವ್ಹೈ.
JOH 1:31 ತೆ ಕುನ್ನ ವ್ಹೈ ಕವಾನು ಮನೆಬಿ ಗ್ವತ ನ್ಹೊತು. ತೆನೈಸೊ ತಿನೆ ಇಸ್ರಾಯಲೊನೆ ತಿಳ್ಸಾನಿ ಹುತಿ ಮಿ ಮನಕ್ಹೊನೆ ಪಾನಿಕ್ಹು ಬಾಪ್ತಿಸ್ಮ ದಿಲಾವಾಡ್ಯೊತೊ" ಕೈನ ಕದ್ಯೊ.
JOH 1:32 ಯೊಹಾನ ಸಾಕ್ಷಿ ದಿನ್ನ ಕದ್ಯೊ ತೆ ಕುನ್ನ ವ್ಹೈ ಕೈನ ಮನೆಬಿ ಗ್ವತ ನ್ಹೊತು. ತೆನೈಸೊ ಮನಕ್ಹೊನೆ ಬಾಪ್ತಿಸ್ಮ ದಿವಾನೆ ಮನೆ ವಳಾಯಲವಾಲೊ ಮನೆ ಪವಿತ್ರ ಆತ್ಮಾ ಸ್ವರ್ಗತು ಉತ್ರಿನ ಐನ ಯಕ್ಕ ಮನಕ್ಹನಾ ಉಪ್ಪರ ಆವಾನು ತು ದೆಕ್ಷಿ.
JOH 1:33 ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ದಿಲಾವಾಲೊ ತೆಜ಼ ಮನಕ್ಹ ವ್ಹೈ "ಕೈನ ಕದಲ ಎ ಥಾವಾನು ಮಿ ಡೊಳಾ ಕ್ಹಾಮೊ ದೆಕ್ಯೊಸ. ಪವಿತ್ರ ಆತ್ಮಾ ಸ್ವರ್ಗತೊ ಕ್ಹಬುತರನಾ ರುಪಮಾ ಉತ್ರಿನ ಐನ ತಿನಾ ಉಪ್ಪರ ಆವಾನು ಮಿ ದೆಕ್ಯೊ.
JOH 1:34 ತಿನಾಹುತಿ "ಮಿ ಸು ದೆಕ್ಯೊಸ ತೆಜ಼ ಮಿ ಕೌಸ. ತೆಜ಼ (ಯೆಸು) ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಮನಕ್ಹೊನೆ ತಿಳ್ಸುಸ "ಕದ್ಯೊ.
JOH 1:35 ಮರ್ನಾ ದಿನೆ ವರಿ ಯೊಹಾನ ತಿನಾ ಬೆ ಶಿಷ್ಯಾವೊನೆ ಕ್ಹಾತೆ ತ್ಯಾ ರ‍್ಹತಾಮಾ,
JOH 1:36 ನಜಿಕ್ಮಾ ಚಾಲ್ತೊ ರ‍್ಹತಾಮಾ ಯೆಸುನೆ ದೆಕ್ಯೊ ತೆಳಾಮಾ ಯೊಹಾನ ಕದ್ಯೊ ಎ ಕ್ಹುದಾನು ಬಕ್ರಾನು ಬಚ್ಚು಼,
JOH 1:37 ಯೊಹಾನನಾ ಎ ವಾತೊ ಐಕಿನ ತೆ ಬೆ ಶಿಷ್ಯಾ ಯೆಸುನಾ ಪಾಚಾ಼ ಗಯಾ.
JOH 1:38 ಯೆಸು ಪಾಚೊ಼ ಫರಿನ ದೆಕ್ಯೊ ತ್ಯುನೆ ಪಾಚಾ಼ ಆವಾನು ದೆಕಿನ ತುಮೊನೆ ಸು ಚಾ಼ಯೆ? ಕೈನ ಪುಚ್ಯೊ. ತೆ ಬೆ ಜ಼ನಾ, ತಿನೆ ಉತ್ತರ ದಿದ್ಯಾ" ರಬ್ಬಿ, ತು ಕಿಜ್ಗಾ ರ‍್ಹಯೊಸ? ಕೈನ ಪುಚ್ಯಾ. ರಬ್ಬಿ" ಕದ್ಯಾಮ" ಗುರು" ಇನೊ ಮತ್ಲಬ ವ್ಹೈ.
JOH 1:39 ಯೆಸು ತ್ಯುನೊನೆ "ಮಾರಾ ಕ್ಹಾತೆ ಆವೊ, ತೆಳಾಮಾ ತುಮೆಜ಼ ದೆಕೊಶಿ" ಕೈನ ಕದ್ಯೊ. ತಿನಾಹುತಿ ತೆ ಬೆಜ಼ನಾ ಗೈನ ಯೆಸು ರ‍್ಹಯಲ ಜ಼ಗಾ ದೆಕಿಲಿದ್ಯಾ. ತೆಳಾಮಾ ಕ್ಹಾಂಜ಼ನಾ ಟೈಮ್ಮಾ ಚಾರ ವಾಜಾ಼ತಾ ತೆ ದಿನೆ ತ್ಯುನೆ ತ್ಯಾಜ ಕ್ಹಾರೊ ತಿನಾ ಕ್ಹಾತೆ ವ್ಹತ್ತಾ.
JOH 1:40 ತೆ ಬೆ ಜ಼ನಾ ಯೊಹಾನನಿಯೊ ವಾತೊ ಐಕಿನ ಯೆಸುನಾ ಪಾಚಾ಼ ಗಯಲ ಬೆ ಶಿಷ್ಯಾಮಾ. ಸಿಮೊನ ಪೆತ್ರಾನೊ ನ್ಹಾನೊ ಭೈ ಥಯಲ ಅಂದ್ರೆಯ ಇವ್ನೊಮಾ ಯಕ್ಲೊ ವ್ಹತ್ತೊ.
JOH 1:41 ಪೈಲಾ, ತೆ ತಿನೊ ಭೈ ಥಯಲ ಸಿಮೊನೆ ಮಳಿನ ಕದ್ಯೊ" ಅಪೊನೆ ಮಸಿಹಾ ಮಳ್ಯೊಸ ಕದ್ಯೊ. (ಮಸ್ಸಿಹಾ ಕದ್ಯಾಮ ಕ್ರಿಸ್ತ ವ್ಹೈ)
JOH 1:42 ತೆ ಸಿಮೊನನೆ ಯೆಸುಕನ ಬಲೈ ಲಾಯೊ. ಯೆಸು ಸಿಮೊನನೆ ದೆಕಿನ"ಯೊಹಾನನೊ ದಿಕ್ರೊ ರ‍್ಹಯಲ ತಾರು ನಾಮ ಸಿಮೊನ ವ್ಹೈ. ತು ಕೆಫ ಕೈನ ಕವೈಲೆಸಿ" ಕೈನ ಕದ್ಯೊ. ಕೆಫ ಕದ್ಯಾಮ ಮ್ಹೊಟೊ ದಗ್ಡೊ ವ್ಹೈ.
JOH 1:43 ಮರ್ನಾ ದಿನೆ ಯೆಸು ಗಲಿಲಾಯೆ ಜೌ಼ಸ ಕೈನ ನಿರ್ದಾರ ಕರ‍್ಯೊ. ಯೆಸು ಫಿಲಿಪ್ಪನೆ ದೆಕಿನ ತಿನೆ"ಮಾರಾ ಪಾಚೊ಼ ಆ" ಕೈನ ಕದ್ಯೊ.
JOH 1:44 ಅಂದ್ರೆಯಾ ವರಿ ಪೆತ್ರಾ ಲಿಂಗತ ಫಿಲಿಪ್ಪಬಿ ಬೆತ್ಸಾಯಿ ಗಾಮವಾಲಾ ವ್ಹತ್ತಾ.
JOH 1:45 ಫಿಲಿಪ್ಪ ನತಾನಿಯೆಲನೆ ಮಳಿನ ತಿನೆ"ಕಿನಾಹುತಿ ಮೊಶೆ ಧರಮಶಾಸ್ತ್ರಮಾ ಬರ್ದ್ಯೊ ವರಿ ಪ್ರವಾದಿಯೊ ಬರ್ದ್ಯಾ, ತೆ ಹಮೊನೆ ಮಳ್ಯೊಸ. ತೆ ಯೊಸೆಫನೊ ದಿಕ್ರೊ ಯೆಸು ನಜರೆತವಾಲೊ ವ್ಹೈ ಕೈನ ಕದ್ಯೊ.
JOH 1:46 ತೆನೈಸೊ ನತಾನಿಯೆಲ ಫಿಲಿಪ್ಪನೆ"ನಜರೆತತೊ ಚೊ಼ಕು ರ‍್ಹಯಲ ಸುಬಿ ಆವಸ ಸು? ಕೈನ ಪುಚ್ಚೊ. ಫಿಲಿಪ್ಪ"ಐನ ದೆಕ" ಕೈನ ಜವಾಬ ದಿದ್ಯೊ.
JOH 1:47 ಯೆಸು ತಿಕನ ಆವಾನಾ ನತಾನಿಯೆಲನೆ ದೆಕಿನ ತಿನಾ ಹುತಿ"ಎ ಕ್ಹರಿನೊ ಇಸ್ರಾಯಲ ವ್ಹೈ. ಇನಾಮಾ ಕಪಟ ನತ್ತಿ" ಕೈನ ಕದ್ಯೊ.
JOH 1:48 ನತಾನಿಯೆಲ"ತು ಮನೆ ಕಿಮ್ಮ ವಳಕ್ಯೊ? ಕೈನ ಪುಚ್ಚೊ. ಯೆಸು"ಫಿಲಿಪ್ಪ ತುನೆ ಬಲಾವಾತಿ ಅಗ್ದುರಜ಼ ತು ಉಂಬ್ರೊನಾ ಝಾಡನಾ ಹೆಟೊ ರ‍್ಹತಾಮಾ ಮಿ ತುನೆ ದೆಕ್ಯೊ" ಕೈನ ಕದ್ಯೊ.
JOH 1:49 ತೆಳಾಮಾ ನತಾನಿಯೆಲ ತಿನೆ"ಗುರು, ತುಜ಼಼ ಕ್ಹುದಾನೊ ದಿಕ್ರೊ ವ್ಹೈ. ತು ಇಸ್ರಾಯಲನೊ ರಾಜೊ಼ ವ್ಹೈ" ಕೈನ ಕದ್ಯೊ.
JOH 1:50 ಯೆಸು ತಿನೆ"ತು ಉಂಬ್ರೊನಾ ಝಾಡನಾ ಹೆಟೊ ಬೆಟಲ ದೆಕ್ಯೊಸ. ಅಮ್ಮ ಮಿ ಕದಲಕ್ಹು ತು ಮಪರ ಬರೊಕ್ಹೊ ಕರ್ಸಿ ಸು? ತೆನೈಸೊ ತಿತ್ತಿಬಿ ಘನ್ನಾ ಮ್ಹೊಟಾ ಕಾಮೊ ತು ದೆಕ್ಷಿ" ಕೈನ ಕದ್ಯೊ.
JOH 1:51 ತೆನೈಸೊ ಯೆಸು ತ್ಯುನೊನೆ"ಮಿ ತುನೆ ಕ್ಹರಿಜ ಕೌಸ. ಸ್ವರ್ಗ ಖುಲ್ಲಾ ಕರಲನೆ ಮನಕ್ಹನಾ ದಿಕ್ರಾನಾ ಉಪ್ಪರ ದೆವ ದುತೊ ಉಪ್ಪರ ಜಾ಼ವಾನು ಹೆಟು ಆವಾನು ತುಮೆ ದೆಕೊಶಿ ಕೈನ ಕದ್ಯೊ.
JOH 2:1 ಬೆ ದಿನ್ನ ಥಯಲ್ಪರ ಗಲಿಲಾಯನಾ ಕಾನಾ ಕವಾನಾ ಗಾಮಮಾ ಯಕ್ಕ ಹಿವಾ ವ್ಹತ್ತೊ. ಯೆಸುನಿ ಯಾ ಬಿ ತ್ಯಾ ವ್ಹತ್ತಿ.
JOH 2:2 ಯೆಸುನೆ ವರಿ ತಿನಾ ಶಿಷ್ಯಾವೊನೆಬಿ ಹಿವಾನೆ ಬಲಾಯಾತಾ.
JOH 2:3 ಹಿವಾಮಾ ದ್ರಾಕ್ಷಿಯೊನು ರಕ್ಹ ಕ್ಹರಲ್ಪರ. ಯೆಸುನಿ ಯಾ ತಿನೆ"ತ್ಯುನೊಕನ ದ್ರಾಕ್ಷಿಯೊನು ರಕ್ಹಜ ನತ್ತಿ "ಕೈನ ಕದಿ.
JOH 2:4 ಯೆಸು"ಬೈ, ತು ಮನೆ ಕಾ ಕವಾಡಿಸ? ಮಾರು ಟೈಮ ಹಜನ ಆಯೊ ನತ್ತಿ" ಕೈನ ಜವಾಬ ದಿದ್ಯೊ.
JOH 2:5 ಯೆಸುನಿ ಯಾ ಸೆವಕೊನೆ"ತೆ ತುಮೊನೆ ಸು ಕವಸ ತೆ ಕರೊ" ಕದಿ.
JOH 2:6 ದಗ್ಡಾಕ್ಹು ಕರಲ ಛೆ ಮ್ಹೊಟಿಯೊ ಡೊಣಿಯೊ ತ್ಯಾ ವ್ಹತ್ತಿಯೊ. ಯಹುದಿಯೊನಿ ಪದ್ದತ ಲಿಂಗತ ಶುದ್ಧಾಚಾರಿಯೊನೆ ಎ ದಗ್ಡಾನಿಯೊ ಡೊಣಿಯೊ ಉಪಯೊಗ ಕರ್ತಾತಾ. ಹರಿ ಯಕ್ಕ ಡೊಣಿಯೊಮಾ ಕಮ್ಮಶಿ ಕಮ್ಮ 80 ತು 120 ಲಿಟರ ಪಾನಿ ಧರ್ತುತು.
JOH 2:7 ಯೆಸು ಸೆವಕೊನೆ"ತೆ ಡೊಣಿಯೊಮಾ ಪಾನಿ ಭರೊ" ಕೈನ ಕದ್ಯೊ. ತಿನಾಲಿಂಗತಜ಼ ಸೆವಕೊ ತೆ ಡೊಣಿಯೊಮಾ ಪಾನಿ ಕಂಟಾ ಲಕ್ಕಾ ಭರ‍್ಯಾ.
JOH 2:8 ಯೆಸು ಸೆವಕೊನೆ"ತೆ ಡೊಣಿಯೊಮಾನು ದಕ್ಹು ಪಾನಿ ಕಾಡಿನ ತೆ ಗೈನ ಅನ್ನ ಕರಾಲಾವೊನಾ ಮ್ಹೊಟಾನೆ ದಿವೊ" ಕೈನ ಕದ್ಯೊ ತಿನಾಲಿಂಗತಜ಼ ತ್ಯುನೆ ತೆ ಲಿನ ಗಯಾ.
JOH 2:9 ಅನ್ನ ಕರಾಲಾವೊಪರ ಮ್ಹೊಟೊ ರ‍್ಹಯಲವಾಲೊ ಪಾನಿ ದ್ರಾಕ್ಷಿಯೊನು ರಕ್ಹ ಬದಲಿ ಥಯಲ ಪಾನಿನು ಸವಾದ ದೆಕ್ಯೊ. ಕಿಜ್ಗಾಂತು ದ್ರಾಕ್ಷಿಯೊನು ಆಯುಸ ಕವಾನು ತಿನೆ ಗ್ವತ್ತ ನ್ಹೊತು. ತೆನೈಸೊ ಪಾನಿ ಕಾಡಲ ತೆ ಸೆವಕೊನೆ ಗ್ವತ್ತ ವ್ಹತ್ತು. ಅನ್ನ ಕರಾಲಾವೊ ಪರ ಮ್ಹೊಟೊ ರ‍್ಹಯಲವಾಲೊ ನೌರಾನೆ ಬಲಾಯೊ,
JOH 2:10 "ಮನಕ್ಹೊ ಚೊಕೊಜ ರ‍್ಹಯಲ ಮನಕ್ಹೊನೆ ದ್ರಾಕ್ಷಿಯೊನು ರಕ್ಹ ವಾಟಸ. ಅತಿಥಿಯೊ ಪಿನ ತೃಪ್ತ ಥಯಲ್ಪರ ಸಾದಾ ರ‍್ಹಯಲ ದ್ರಾಕ್ಷಿಯೊನು ರಕ್ಹ ದಿವಸ. ತೆನೈಸೊ ತು ಚೊಕೊಜ ರ‍್ಹಯಲ ದ್ರಾಕ್ಷಾರಸ ಇವ್ನೊನೆ ಮುಕ್ಯೊಸ" ಕೈನ ಕದ್ಯೊ.
JOH 2:11 ಕಾನಾ ಕವಾನಾ ಗಾಮ್ಮಾ ಯೆಸು ಕರಲ ಪೈಲಾನು ಅದ್ಭುತ ಕಾಮ ವ್ಹೈ. ತೆ ತಿನಿ ಮಹಿಮಾ ತ್ಯಾ ದೆಕಾಡಿನ ದಿದ್ಯೊ. ತಿನಾ ಶಿಷ್ಯಾ ತಿಪರ ಬರೊಕ್ಹೊ ಮ್ಹೆಲ್ಯಾ.
JOH 2:12 ತೆ ಥಯಲ್ಪರ ಯೆಸು ತಿನಿ ಮಾ, ಭಾಯೊ ವರಿ ತಿನಾ ಶಿಷ್ಯಾವೊನಾ ಕ್ಹಾತೆ ಕಪೆನೌರ್ಮ ಕವಾನಾ ಗಾಮೆ ಗಯೊ. ವರಿ ತ್ಯುನೆ ತ್ಯಾ ದಕ್ಹಾ ದಿನ್ನ ವ್ಹತ್ತಾ..
JOH 2:13 ತೆಳಾಮಾ ಯೆಹುದಿಯೊನು ಫಸ್ಕ ಸನ್ನ ನಜಿಕ ವ್ಹತ್ತು. ತಿನಾಹುತಿ ಯೆಸು ಉಪ್ಪರ ಯೆರುಸಲೆಮೆ ಗಯೊ.
JOH 2:14 ದೆವಾಲಯಮಾ ಮನಕ್ಹೊ ಬೈಲೊ, ಬಕ್ರಾ, ವರಿ ಕ್ಹಬುತರೊ ಇಕ್ಕಾನು ಯೆಸು ದೆಕ್ಯೊ. ವರಿ ದಕ್ಹಾ ಮನಕ್ಹೊ ಟೆಬ್ಲೊಕನ ಬೈಟಿನ ದೊಕ್ಡಾ ಬದಲಿ ಕರಾನು ವರಿ ವ್ಯಾಪಾರ ಕರಾಡಾತಾ.
JOH 2:15 ಯೆಸು ದಕ್ಹಾ ರಾಕ್ಹೊನಾ ತುಕ್ಡಾಲಿನ ತ್ಯುನೊಕ್ಹು ಬಾರಕೊಲ ಕರಿನ ವರಿ ಕ್ಹಾರಾ ಜಾನ್ವರೊನೆ ದೆವಾಲಯತೊ ಭಾರೊ ಖಾದ್ಯೊ, ಬೈಲೊ ವರಿ ಬಕ್ರಾ ಭಂಬಿನೆ ಮಾರಿನ ವರಿ ದೊಕ್ಡಾ ಬದಲಿ ಕರಾಲಾ ಮನಕ್ಹೊನೆ ವರಿ ತ್ಯುನಾ ದೊಕ್ಡಾ ನಾಕಿಪಾಡ್ಯೊ.
JOH 2:16 ಕ್ಹಬುತರೊ ಇಕ್ಕಾಲಾವೊನೆ"ಎ ಕ್ಹಾರು ಭಾರಾ ಲಿನ ಜಾವೊ! ಮಾರಾ ಬಾನು ಘರ ವ್ಯಾಪಾರ ಕರಾನು ಜ಼ಗಾ ಕರೊ ನಕೊ" ಕೈನ ಕದ್ಯೊ.
JOH 2:17 ತಾರಿ ಆಲಯಪರ ರ‍್ಹಯಲ ಮಯಾ ಮಾರಾಮಾ ಆಗ ಲಿಂಗತ ಬಳಸ. (ಕಿರ್ತನೆ 69:9) ಕೈನ ಪವಿತ್ರ ಗ್ರಂಥಮಾ ಬರ್ದಲ ವಾಕ್ಯಾ ತಿನಾ ಶಿಷ್ಯಾ ಶೆ ಕರಲಿದ್ಯಾ. ಯಹುದ್ಯೊ ಯೆಸುನೆ"ಯಕ್ಲು ಕ್ಹಾರು ಕರಾನು ತುನೆ ಕುನ್ನ ಅದಿಕಾರ ದಿದ್ಯುಸ ಹಮೊನೆ ಸಬುತ ದೆಕಾಡ? ಕೈನ ಪುಚ್ಯಾ.
JOH 2:18 ಯೆಹುದಿಯೊನಾ ಅದಿಕಾರಿಯೊ ತಿಕನ ಐನ ತು ಹಮೊನೆ ಕಯು ಅದ್ಭುತ ಕಾಮನು ವಳಕ ದೆಕಾಡಶಿ? ತಿಕ್ಹು ತು ಸು ಕರಾಯೊಸ ತೆ ಕರಾನೆ ತುನೆ ಅದಿಕಾರ ಛೆ ಕವಾನು ಸಬುತ ದೆಕಾಡಾನಾ ಹುತಿ ಪುಚ್ಚ್ಯಾ.
JOH 2:19 ಯೆಸು"ಎ ದೆವಾಲಯ ಪಾಡಿಪಾಡೊ, ಅಗಲ್ಯಾ ತನ್ನ ದಿನ್ಮಾ ವರಿ ಫರಿನ ತೆ ಭಾಂದುಸ" ಕೈನ ಕದ್ಯೊ.
JOH 2:20 "ತಿನಾಹುತಿ ಯಹುದ್ಯೊ ತಿನೆ, ಎ ದೆವಾಲಯ ಭಾಂದಾನೆ ಚಾಳಕ್ಹಪರ ಛೆ ವರಕ್ಹ ಲಾಗ್ಯಾಸ! ವರಿ ತು ತನ್ನ ದಿನ್ಮಾ ಎ ಫರಿನ ಭಾಂದಶಿ ಸು? ಕೈನ ಪುಚ್ಯಾ.
JOH 2:21 ತೆನೈಸೊ ಯೆಸು ಕೈ ದೆವಾಯಲನಾ ಹುತಿ ಕವಾಡೊತೊ ತೆ ತಿನಾ ಸ್ವಂತ ಅಂಗನಾ ಹುತಿಜ ಕವಾಡೊತೊ.
JOH 2:22 ಯೆಸು, ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆತಾಮಾ ತಿನಾ ಶಿಷ್ಯಾ ತಿನಿಯೊ ವಾತೊ ಶೆ ಕರಿನ, ತ್ಯುನೆ ಪವಿತ್ರ ಗ್ರಂಥ ವರಿ ತೆ ಕದಲ ವಾತೊಪರ ಬರೊಕ್ಹೊ ಕರ‍್ಯಾ.
JOH 2:23 ಯೆಸು ಫಸ್ಕ ಸನ್ನಾ ಹುತಿ ಯೆರುಸಲೆಮ್ಮಾ ವ್ಹತ್ತೊ. ತೆ ಕರಲ ಅದ್ಭುತೊ ಮನಕ್ಹೊ ದೆಕಿನ ತಿಪರ ಬರೊಕ್ಹೊ ಕರ‍್ಯಾ.
JOH 2:24 ತೆನೈಸೊ ಯೆಸು ತಿನೆ ತೆಜ಼ ತ್ಯುನಾ ಬರೊಕ್ಹಾಪರ ಛೊಡಿನ ದಿದ್ಯೊ ನೈ. ಕಾಕದ್ಯಾಮ ತೆ ತ್ಯುನೊನೆ ವಳಕ್ಯೊತೊ.
JOH 2:25 ಕುನ್ನಜ ಮನಕ್ಹೊನಾ ಹುತಿ ತಿನೆ ಕವಾನೆ ಸುಜ಼ ಜರುರತ ನ್ಹೊತಿ. ಮನಕ್ಹನಾ ಮನಸ್ಮಾ ಸು ಛೆ ಕವಾನು ಯೆಸುನೆ ಗ್ವತ್ತ ವ್ಹತ್ತು.
JOH 3:1 ಯಕ್ಲೊ ಯಹುದಿಯೊನೊ ಅದಿಕಾರಿ ವ್ಹತ್ತೊ ತಿನು ನಾಮ ನಿಕೊದೆಮ ವ್ಹತ್ತು. ತೆ ಫರಿಸಾಯರ ಗುಂಪನೊ ಸದಸ್ಯ ವ್ಹತ್ತೊ.
JOH 3:2 ಯಕ್ಕ ರಾತೆ ನಿಕೊದೆಮ ಯೆಸುಕನ ಆಯೊ. ನಿಕೊದೆಮ"ಗುರು, ತು ಕ್ಹುದಾ ವಳಾಯಲ ಮಾಸ್ತರ ವ್ಹೈ ಕೈನ ಮನೆ ಗ್ವತ್ತ ಛೆ. ತು ಕರಾನಾ ಆ ತರಾನಾ ಅದ್ಭುತೊ ಕ್ಹುದಾನೊ ಆಸ್ರೊವಾಚಿ ಕುನ್ನಜ ನೈ ಕರತು "ಕೈನ ಕದ್ಯೊ.
JOH 3:3 ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ನವೊ ಥೈನ ಹುಟ್ಟುಜ. ಯಕ್ಲೊ ನವೊ ಥೈನ ನೈ ಹುಟ್ಯೊಮ ತೆ ಕ್ಹುದಾನಿ ರಾಜ್ಯ ನೈ ದೆಕತೊ "ಕೈನ ಉತ್ತರ ದಿದ್ಯೊ.
JOH 3:4 ನಿಕೊದೆಮ"ಮನಕ್ಹೊ ಗಡಿಯೊ ಥಯಲ್ಪರ ಹುಟ್ಟಾನು ಕಿಮ್ಮ? ಯಕ್ಲೊ ತಿನಿ ಯಾನಾ ಪೆಟ್ಮಾ ವರಿಯಕ್ಕೆಮ ಜಾ಼ವಾನೆ ಸಾಧ್ಯ ಛೆಸು? ಕೈನ ಪುಚ್ಚೊ.
JOH 3:5 ತಿನೆ ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ಪಾನಿಕ್ಹು ಆತ್ಮಾಕ್ಹು ಹುಟ್ಟುಜ. ನೈತೊ ತೆ ಕ್ಹುದಾನಿ ರಾಜ್ಯನೆ ನೈ ಜಾತೊ.
JOH 3:6 ಅಂಗ ಯಕ್ಕ ಮನಕ್ಹೊ ಶರಿರಮಾ ತಿನಾ ಮಾ ಬಾ ಕ್ಹು ಹುಟ್ಯೊಸ. ತೆನೈಸೊ ಆತ್ಮಿಕಮಾ ತೆ ಆತ್ಮಾ ಕ್ಹು ಹುಟ್ಯೊಸ.
JOH 3:7 "ತು ನವೊ ಥೈನ ಹುಟ್ಟುಜ "ಕೈನ ಮಿ ಕದಲ ಕ್ಹು ಘಾಬ್ರೊ ಥೌ ನಕೊ.
JOH 3:8 ವಾರೊ ತಿನೆ ಮನಸ ಆಯಲ ಜ಼ಗಾ ಜಾ಼ವಸ. ವಾರೊ ಆವಾನು ಆವಾಜ ತು ಐಕ್ಸಿ. ತೆನೈಸೊ ವಾರೊ ಕಿಜ್ಗಾತೊ ಆವಾಡ್ಯೊಸ ವರಿ ಕಿಜಾ಼ ಜಾ಼ವಸ ತುನೆ ಗ್ವತ ನೈ ಥಾತು. ಆತ್ಮಾಕ್ಹು ಹುಟ್ಟಲ ಹರಿ ಯಕ್ಲೊ ತಿನಾಲಿಂಗತ ಛೆ "ಕೈನ ಕದ್ಯೊ.
JOH 3:9 ನಿಕೊದೆಮ"ಎ ಕ್ಹಾರು ಕಿಮ್ಮ ಸಾಧ್ಯ ಛೆ? ಕೈನ ಪುಚ್ಚೊ.
JOH 3:10 ಯೆಸು"ತು ಇಸ್ರಾಯಲನೊ ಮಾಸ್ತರ ವ್ಹೈ. ತೆನೈಸೊ ತುನೆ ಎ ಸಂಗತಿಯೊ ಹಜು಼ನ ಗ್ವತ್ತ ನತ್ತಿ ಥಯು ಸು?
JOH 3:11 ಮಿ ತುನೆ ಕ್ಹರಿಜ ಕೌಸ. ಅಪೊನೆ ಗ್ವತ್ತ ರ‍್ಹಯಲನಾ ಹುತಿ ಅಪೆ ಬೊಲಿಯೆಸ. ಅಪೆ ದೆಕಲನೆ ಸಾಕ್ಷಿ ದಿಯೆಸ. ತೆನೈಸೊ ಹಮೆ ಕವಾನು ತುಮೆ ಸ್ವಿಕಾರ ಕರ್ಲೆತಾ ನೈ.
JOH 3:12 ಮಿ ಎ ದುನಿಯಾನಿ ಸಂಗತಿಯೊನಾ ಹುತಿ ಸು ಕದ್ಯೊತಬಿ ತುಮೆ ಬರೊಕ್ಹೊ ನೈ ಕರ್ತಾ. ಇಮ್ಮ ರ‍್ಹಯೊಮ ಮಿ ಸ್ವರ್ಗನಿ ಸಂಗತಿಯೊನಾ ಹುತಿ ಕದ್ಯೊಮ ತುಮೆ ಕಿಮ ಬರೊಕ್ಹೊ ಕರೊಶಿ?
JOH 3:13 ಸ್ವರ್ಗತೊ ಉತ್ರಿನ ಆಯಲ ಮನಕ್ಹನೊ ದಿಕ್ರೊ ಯಕ್ಲೊಜ ವ್ಹೈ. ತೆನೈಸೊ ಬಿಜು಼ ಕುನ್ನಜ ಸ್ವರ್ಗನೆ ಗಯು ನತ್ತಿ.
JOH 3:14 "ಮೊಶೆ ಉಸುಕನಾ ಗಾಮಮಾ ತಾಂಬಾನಾ ಕ್ಹಾಪನೆ ಉಚ್ಚು ರ‍್ಹಯಲ ಖಾಂಪರ ಮ್ಹೆಲ್ಯೊ. ತಿನಾಲಿಂಗತಜ಼ ಮನಕ್ಹನಾ ದಿಕ್ರಾನೆಬಿ ಉಚೈನ ಉಚ್ಚು ರ‍್ಹಯಲ ಖಂಬಾಪರ ಮ್ಹೆಲಸ.
JOH 3:15 ತಿನಾಹುತಿ ತಿಪರ ಬರೊಕ್ಹೊ ಮ್ಹೆಲಾಲೊ ಹರಿ ಯಕ್ಲೊ ಹಮೆಶಾನೊ ಜ಼ಲಮ ಹೊಂದಿಲಿವಸ" ಕೈನ ಕದ್ಯೊ.
JOH 3:16 ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ.
JOH 3:17 ಕ್ಹುದಾ ತಿನಾ ದಿಕ್ರಾನೆ ಎ ದುನಿಯಾಮಾ ವಳಾಯಲ, ತಿನಾ ಮುಲಕ ಎ ದುನಿಯಾನಾ ಮನಕ್ಹೊನೆ ಅಪರಾದಿ ವ್ಹೈ ಕೈನ ಫೈಸಲೊ ಕರಾನೆ ನ್ಹವೈ. ತೆನೈಸೊ ರಕ್ಷಣೆ ವ್ಹಂದಿಲ್ಯು ಕೈನ ಕ್ಹುದಾ ತಿನೆ ವಳಾಯೊ.
JOH 3:18 ಕ್ಹುದಾನಾ ದಿಕ್ರಾಪರ ಬರೊಕ್ಹೊ ಮ್ಹೆಲಾವಾಲಾನೆ ಫೈಸಲೊ ನೈ ಥಾತೊ. ತೆನೈಸೊ ನೈ ಬರೊಕ್ಹೊ ಕರಾಲಾನೆ ತೆಳಾಮಾಜ಼ ಫೈಸಲೊ ಥಯೊಸ. ಕಾಕದ್ಯಾಮ ತೆ ಕ್ಹುದಾನೊ ಯಕ್ಲೊಜ ದಿಕ್ರಾಪರ ಬರೊಕ್ಹೊ ಮ್ಹೆಲ್ಯೊ ನೈ.
JOH 3:19 ತೆ ನ್ಯಾಯನೊ ಫೈಸಲೊ ಅಮ್ಮ ರ‍್ಹವಸ ಉಜಾಲು ದುನಿಯಾಮಾ ಆಯು ವರಿಬಿ ಮನಕ್ಹೊ ಉಜಾಲಾನಾ ಬದಲ ಅಂದಾರಾನೆ ಮಯಾ ಕರ‍್ಯಾ ಕಾಕದ್ಯಾಮ ತಿನಾ ಕಾಮೊ ಕೆಟ್ಟ ವ್ಹೈ.
JOH 3:20 ಕೆಟ್ಟ ಕರಾಲೊ ಹರಯಕ್ಲೊ ಉಜಾಲಾನೆ ಇನ್ಕಾರಸ. ತೆ ಉಜಾಲಾಮಾ ಆತೊ ನೈ. ಕಾಕದ್ಯಾಮ ತ್ಯುನೆ ಕರ‍ಲ ಕೆಟ್ಟ ಕಾಮೊ ಕ್ಹಾರಾ ಉಜಾಲಾಮಾ ದಿಕ್ಹು ಕೈನ ಮನಸ ರ‍್ಹತು ನೈ..
JOH 3:21 ತೆನೈಸೊ ಕುನ್ನ ಕ್ಹರಿನಿ ಕಾಮ ಕರಸ ತೆ ಉಜಾಲಾನಾ ನಜಿಕ ಆವಸ. ಕಾಕಾದ್ಯಾಮ ಉಜಾಲು ತ್ಯುನು ಕಾಮ ದಿಕ್ಹಾದೆ ಕೈನ ತ್ಯುನೆ ಸು-ಸು ಕರ‍್ಯಾಸ ತೆ ಕ್ಹಾರು ಕ್ಹುದಾನಾ ಮುಲಕ ಕರಾಯಲ ಛೆ.
JOH 3:22 ಎ ಥಯಲ್ಪರ, ಯೆಸು ವರಿ ತಿನಾ ಶಿಷ್ಯಾ ಯುದೆಯ ಕವಾನಾ ಪ್ರಾಂತ್ಯನೆ ಗಯಾ. ತ್ಯಾ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ದಕ್ಹಾ ದಿನ್ನ ರ‍್ಹೈನ, ಮನಕ್ಹೊನೆ ಬಾಪ್ತಿಸ್ಮ ಕರಾಯೊ.
JOH 3:23 ಯೊಹಾನಬಿ ಸಲಿಮನಾ ನಜಿಕ ರ‍್ಹಯಲ ಐನೊನ ಗಾಮ್ಮಾ ಬಾಪ್ತಿಸ್ಮ ಕರಾವಾಡ್ಯೊತೊ. ಕಾಕದ್ಯಾಮ ತ್ಯಾ ಘನ್ನು ಪಾನಿ ರ‍್ಹಯಲಕ್ಹು ಯೊಹಾನ ತ್ಯಾ ಮನಕ್ಹೊ ತ್ಯಾ ಐನ ಬಾಪ್ತಿಸ್ಮ ಕರೈಲಿವಾಡಾತಾ.
JOH 3:24 (ತೆಳಾಮಾ ಯೊಹಾನೆ ಹಜು಼ನ ಜೈಲಮಾ ಘಾಲ್ಯಾ ನ್ಹೊತಾ)
JOH 3:25 ಯೊಹಾನನಾ ಶಿಷ್ಯಾವೊನಾ ದಕ್ಹಾ ಜ಼ನಾವೊನೆ ಯಕ್ಲಾ ಯೆಹುದಿಯೊನಾ ಪದ್ದತನಿ ಶುದ್ಧಾಚಾರನಾ ಹುತಿ ವಾದ-ವಿವಾದ ಚಾ಼ಲಾಡ್ಯುತು.
JOH 3:26 ತಿನಾಹುತಿ ಶಿಷ್ಯಾ ಯೊಹಾನ ಕನ ಐನ"ಗುರು, ತುನೆ ಶೆ ಛೆಸು? ತೆ ಮನಕ್ಹ ಯೊರ್ದನನಿ ಪುರ್ವ ದಿಕ್ಮಾ ತಾರಾ ಕ್ಹಾತೆ ವ್ಹತ್ತೊ ವರಿ ತು ತಿನಾ ಹುತಿ ಕದ್ಯೊತೊತೊ? ತೆ ಮನಕ್ಹೊನೆ ಬಾಪ್ತಿಸ್ಮ ದಿಲಾವಾಡ್ಯೊಸ. ಘನ್ನಾ ಮನಕ್ಹೊ ತಿಕನ ಚಾ಼ಲ್ಯಾಸ "ಕೈನ ಕದ್ಯಾ.
JOH 3:27 ಯೊಹಾನ, ಕಯಾಜ ಮನಕ್ಹನೆ ತ್ಯಾಲಕ್ಕಾ ಮಳತು ನೈ, ಕಿಜಾ಼ ಲಕ್ಕಾ ತಿನೆ ಕ್ಹುದಾ ದೆತೊ ನೈ.
JOH 3:28 ತುಮೆ ಕ್ಹಾರಾ ಸಾಕ್ಷಿ ಥಯಾಸ ಮಿ ಕದ್ಯೊತೊ; ಮಿ ಕ್ರಿಸ್ತ ನ್ಹೈ. ತೆನೈಸೊ ಮನೆ ತಿನಾತಿ ಪೈಲಾ ವಳಾಯಲ ವ್ಹೈ.
JOH 3:29 ನೌರಿ ನೌರಾನಿಜ ವ್ಹೈ. ನೌರಾನೆ ಸಹಾಯ ಕರಾಲೊ ದೊಸ್ತ ನೌರೊ ಆವಾನಾ ಹುತಿ ಕೈದತೊ ರ‍್ಹವಸ ವರಿ ತೆ ಬಲಾವಸ ಕೈನ ಕಾನ ದಿನ್ನ ಐಕ್ತೊ ರ‍್ಹವಸ. ನೌರಾನೊ ಗಳೊ ಐಕ್ತಾಮಾ ತೆ ದೊಸ್ತ ಘನ್ನೊ ಖುಶಿ ಥಾವಸ. ತೆಜ಼ ಮಾರಿ ಖುಶಿ ಪುರಾ ಥಯು.
JOH 3:30 ತೆ ಮ್ಹೊಟೊ ಥೌ ವರಿ ಮಿ ನ್ಹಾನೊ ಥೌ.
JOH 3:31 "ಉಪ್ಪರ್ತೊ ಆವಾಲೊ ಯಕ್ಲೊ ಬಿಜಾ಼ ಕ್ಹಾರಾ ಮನಕ್ಹೊತಿಬಿ ಮ್ಹೊಟೊ ವ್ಹೈ. ಕುನ್ನ ದುನಿಯಾವಾಲೊ ವ್ಹೈ ತೆ ದುನಿಯಾನೆ ಸಂಭಂದ ರ‍್ಹಯಲವಾಲೊ ವ್ಹೈ. ತೆ ದುನಿಯಾನಾನಿ ಸಂಗತಿಯೊನಾ ಹುತಿ ಬೊಲಸ. ಕುನ್ನ ಸ್ವರ್ಗತು ಆವಸ ತೆ ಕ್ಹಾರಾವೊತಿ ಮ್ಹೊಟೊ ಥಯೊಸ.
JOH 3:32 ತೆ ದೆಕಲ ಕ್ಹಾರಾನಾ ಹುತಿ ವರಿ ಐಕಲ ಕ್ಹಾರಾನಾ ಹುತಿ ಸಾಕ್ಷಿ ದಿವಸ. ತೆನೈಸೊ ತಿನಿ ಸಾಕ್ಷಿನೆ ಮನಕ್ಹೊ ಸ್ವಿಕಾರ ನೈ ಕರ‍್ತಾ.
JOH 3:33 ತೆನೈಸೊ ತಿನಿ ಸಾಕ್ಷಿನೆ ಕುನ್ನ ಸ್ವಿಕಾರ ಕರಿಲಿವಸ ತೆ ಅಮ್ಮ ಕರಾಕ್ಹು ಕ್ಹುದಾಜ ಕ್ಹರಿ ವ್ಹೈ ಕೈನ ದೆಕಾಡಿನ ದಿವಸ.
JOH 3:34 ಕಾಕದ್ಯಾಮ ಕ್ಹುದಾ ಕಿನೆ ಮೊಕ್ಲ್ಯೊಸ ತೆ ಕ್ಹುದಾನಿಯೊ ವಾತೊ ಬೊಲಸ. ಕಾಕದ್ಯಾಮ ಕ್ಹುದಾ ತಿನೆ ಪರಿಪುರ್ಣ ಆತ್ಮಾ ದಿದ್ಯೊಸ.
JOH 3:35 ಬಾ ದಿಕ್ರಾನೆ ಮಯಾ ಕರಸ. ಬಾ ದಿಕ್ರಾನೆ ಹರಯಕ್ಕ ಪರ ಅದಿಕಾರ ದಿದ್ಯೊಸ.
JOH 3:36 ಕುನ್ನ ದಿಕ್ರಾ ಪರ ಬರೊಕ್ಹೊ ಮ್ಹೆಲಸ ತಿನೆ ಹಮೆಶಾನೊ ಜ಼ಲಮ ಮಳಸ. ತೆನೈಸೊ ದಿಕ್ರಾನೆ ವಿಧೆಯ ನೈ ಥಾತೊ ತಿನೆ ತೆ ಜ಼ಲಮ ಕೆಳಾಮಾಜ ಮಳ್ತೊ ನೈ. ಕ್ಹುದಾನಿ ಶಿಟ್ಟ ತಿನಾ ಉಪ್ಪರ ರ‍್ಹವಸ" ಕೈನ ಉತ್ತರ ದಿದ್ಯೊ.
JOH 4:1 ತೆ ಯೊಹಾನತಿಬಿ ಹೆಚ್ಕಿ ಶಿಷ್ಯಾ ಕರಲಿನ ತ್ಯುನೊನೆ ಬಾಪ್ತಿಸ್ಮ ಕರಾವಾಡ್ಯೊಸ ಕೈನ ಕವಾನಿ ಸುದ್ದಿ ಫರಿಸಾಯರೊನೆ ಗ್ವತ್ತ ಥಯುಸ ಕೈನ ಯೆಸುನೆ ಗ್ವತ್ತ ಥಯು.
JOH 4:2 ಕ್ಹರಿಮಾಜ಼ ಮನಕ್ಹೊನೆ ಬಾಪ್ತಿಸ್ಮ ದಿಲಾಯಲ ಯೆಸು ನ್ಹವೈ. ತಿನಾ ಶಿಷ್ಯಾಜ಼ ದಿಲಾಯಾ.
JOH 4:3 ಮನಕ್ಹೊ ಸು ಕವಾಡ್ಯಾಸ ಕವಾನು ಯೆಸು ಐಕಿನ ತೆ ಯುದಾಯ ಛೊಡಿನ ವರಿ ಗಲಿಲಾಯಯೆ ಗಯೊ.
JOH 4:4 ತೆ ಸಮಾರ್ಯಾ ಪ್ರಾಂತ್ಯಮಾತೊಜ ಗಲಿಲಾಯೆ ಜಾ಼ವಾನಿ ವಾಟ ದಾಟಿನ ಜಾ಼ವಾನು ವ್ಹತ್ತು.
JOH 4:5 ಯೆಸು ಸಮರ್ಯಾ ಕವಾನೆ ಗಾಮ್ಮಾ ರ‍್ಹಯಲ ಸುಖಾರ ಕವಾನಿ ಜ಼ಗಾಪರ ಆಯೊ. ಯಾಕೊಬ ತಿನಾ ದಿಕ್ರಾ ಯೊಸೆಫನೆ ದಿದಲ ಜ಼ಗಾನಾ ನಜಿಕ ಎ ಗಾಮ ಛೆ.
JOH 4:6 ಯಾಕೊಬನಿ ಇರ ತ್ಯಾಜ ವ್ಹತ್ತಿ. ಯೆಸು ಘನ್ನು ದುರತೊ ಚಾಲ್ತೊ ಆಯಲ ಹುತಿ ತೆ ಸುಸ್ತ ಥಯೊತೊ. ತಿನಾಹುತಿ ತೆ ಇರಕನ ಬೈಟ್ಯೊ. ತೆಳಾಮಾ ಕಮ್ಸಿ ಕಮ ದುಪ್ಪಾರ ಥೈತಿ.
JOH 4:7 ಸಮಾರ್ಯಾವಾಲಿ ಯಕ್ಕ ಬಾಕ್ಡಿ ಪಾನಿ ಲಿವಾನೆ ತೆ ಇರಕನ ಐ. ಯೆಸು ತಿನೆ"ಮನೆ ಪಿವಾನೆ ದಕ್ಹು ಪಾನಿ ದೆಶಿ ಸು? ಕೈನ ಪುಚ್ಯೊ.
JOH 4:8 ಯೆಸುನಾ ಶಿಷ್ಯಾ ಖಾವಾನಾ ಹುತಿ ಇಕ್ಕಾತು ಅನ್ನಲಾವಾನೆ ಗಾಮೆ ಗಯಾತಾ.
JOH 4:9 ಸಮಾರ್ಯಾವಾಲಿ ತೆ ಬಾಕ್ಡಿ ತುತೊ ಯಹುದಿ ವ್ಹೈ. ಮಿತೊ ಸಮಾರ್ಯಾವಾಲಿ ವ್ಹೈ" ಪಿವಾನೆ ಪಾನಿ ತು ಮಕನ ಪುಚ್ಚಾನು ಕಾ? ಕದಿ. ಯೆಹುದಿಯೊನಾ ಮನಕ್ಹೊ ಸಮಾರ್ಯಾವಾಲಾನಾ ಕ್ಹಾತೆ ಕಯುಜ಼ ಸಂಭಂದ ಮ್ಹೆಲ್ತಾ ನ್ಹೊತಾ..
JOH 4:10 ಯೆಸು ತಿನೆ"ಕ್ಹುದಾ ಸು ದಿವಸ ಕವಾನು ತುನೆ ಗ್ವತ್ತ ನತ್ತಿ ಪಾನಿ ಪುಚ್ತಾಮಾ ಮಿ ಕುನ್ನ ವ್ಹೈ ಕವಾನು ತುನೆ ಗ್ವತ್ತ ನತ್ತಿ. ತುನೆ ಎ ಕ್ಹಾರು ಗ್ವತ್ತ ರ‍್ಹವತ್ತೊ, ತು ಮಕನ ಮಾಂಗಿಲೆತಿತಿ, ವರಿ ಮಿ ತುನೆ ಜಿವ ಜಲ ದೆತೊತೊ "ಕದ್ಯೊ.
JOH 4:11 ತೆ ಬಾಕ್ಡಿ ಅಯ್ಯಾ, ತೆ ಜಿವ ಜಲ ತುನೆ ಕಿಜ್ಗಾ ಮಳಸ? ಇರ ಘನ್ನಿ ಉಂಡಿ ಛೆ ವರಿ ತಿಮಾತು ಪಾನಿ ಕಾಡಾನೆ ತುಕನ ಸುಜ಼ ಸಾಮನ ನತ್ತಿ.
JOH 4:12 ಹಮೊನೆ ಆ ಇರ ಯಾಕೊಬ ದಿದ್ಯೊಸ. ತೆಬಿ ಎಜ಼ ಪಾನಿ ಪಿದ್ಯೊ. ತೆನೈಸೊ ತಿನಾ ಬಚ್ಚಾಬಿ ಎಜ಼ ಇರನು ಪಾನಿ ಪಿದ್ಯಾ ತಿನಾ ಜಾನ್ವರೊಬಿ ಎಜ಼ ಇರಮಾನು ಪಾನಿ ಪಿತಾತಾ. ಹಮಾರೊ ಪಿತೃ ಥಯಲ ಯಾಕೊಬತಿಬಿ ತು ಮ್ಹೊಟೊ ವ್ಹೈಸು? ಕೈನ ಕದಿ.
JOH 4:13 ಯೆಸು, ಎ ಪಾನಿ ಪಿವಾಲಾ ಹರಿ ಯಕ್ಲಾನೆ ಫರಿನ ತರಕ್ಹ ಲಾಗಸ,
JOH 4:14 ವರಿ ಮಿ ದಿವಾನು ಪಾನಿ ಕುನ್ನ-ಕುನ್ನ ಪಿವಸ ತ್ಯುನೊನೆ ಫರಿನ ತರಕ್ಹ ಲಾಗ್ತಿಜ ನೈ. ಮಿ ದಿವಾನು ಪಾನಿ ತ್ಯುನಾ ಮ್ಹೈತು ಜ಼ಲಮ ದಿವಾನು ಪಾನಿನು ಝರಿಲಿಂಗತ ರ‍್ಹವಸ. ವರಿ ತೆ ತ್ಯುನೊನೆ ಹಮೆಶಾನೊ ಜ಼ಲಮ ದಿವಸ" ಕೈನ ಕದ್ಯೊ.
JOH 4:15 ತೆ ಬಾಕ್ಡಿ ಯೆಸುನೆ"ಗುರು, ತೆ ಪಾನಿ ಮನೆ ದೆ! ತೆಳಾಮಾ ಮನೆ ವಟ್ಟಜ ತರಕ್ಹ ಲಾಗ್ತಿ ನೈ. ಪಾನಿ ಲಿನ ಜಾ಼ವಾಲಾನೆ ಮಿ ನ್ಯ್ಹಾ ವರಿ ಆವಾನೆ ಜರುರತ್ತ ರ‍್ಹತಿ ನೈ" ಕೈನ ಕದಿ.
JOH 4:16 ಯೆಸು ತಿನೆ"ತು ಗೈನ ತಾರಾ ಮಾಟಿನೆ ಬಲೈ ಲಿನ ಫರಿನ ಆ "ಕದ್ಯೊ.
JOH 4:17 ತೆ ಬಾಕ್ಡಿನೆ "ಮನೆ ಮಾಟಿ ನತ್ತಿ" ಕದಿ. ಯೆಸು ತಿನೆ"ತಾರೊ ಮಾಟಿ ನತ್ತಿ ಕೈನ ಕ್ಹರಿ ಕದಿ.
JOH 4:18 ಕ್ಹರಿಮಾಜ಼ ತುನೆ ಪಾಂಚ಼ ಜ಼ನಾವೊನಾ ಕ್ಹಾತೆ ಹಿವಾ ಥಯಾತಾ. ವರಿಬಿ ತು ಹಮ್ನಾ ಕಿನಾ ಕ್ಹಾತೆ ಛೆ ತೆ ಕ್ಹರಿಮಾಜ಼ ತಾರೊ ಮಾಟಿ ನ್ಹವೈ. ತು ಮನೆ ಕ್ಹರಿಜ ಕದಿ" ಕೈನ ಕದ್ಯೊ.
JOH 4:19 ತೆ ಬಾಕ್ಡಿ, ಗುರು, ತು ಪ್ರವಾದಿ ವ್ಹೈ ಕೈನ ಮನೆ ದಿಕ್ಹಾಡ್ಯೊಸ.
JOH 4:20 ಹಮಾರಾ ಸಮಾರ್ಯಾನಾ ಪಿತ್ರೊ ಆ ಡೊಂಗರಪರ ಆರಾಧನಾ ಕರ್ತಾತಾ ತೆನೈಸೊ ಮನಕ್ಹೊ ಆರಾಧನಾ ಕರಾನಿ ಜ಼ಗಾ ಯೆರುಸಲೆಮ ವ್ಹೈ ಕೈನ ಯೆಹುದಿಯೊ ಥಯಲ ತುಮೆ ಕವೊಶಿ" ಕದಿ.
JOH 4:21 ಯೆಸು ತಿನೆ"ಎ ಬಾಕ್ಡಿಮನೆ ನಂಬ! ತು ಹಬ್ದಾತಿ ಕೆಳಾಮಾಜ ಬಾನೆ ಯೆರುಸಲೆಮಾ ರ‍್ಹೈನೆಕಾ ಆ ಡೊಂಗರಪರ ರ‍್ಹೈನೆಕಾ ಆರಾಧನಾ ಕರಾನೆ ನೈ ಥಾತು.
JOH 4:22 ತುಮೆ ಸಮಾರ್ಯಾವಾಲಾ ಕಿನೆ ಆರಾದನಾ ಕರಾಡಾಸ ತುಮೊನೆ ಗ್ವತ್ತ ನತ್ತಿ. ತೆನೈಸೊ ಹಮೆ ಯಹುದಿಯೊ ಕಿನೆ ಆರಾದನಾ ಕರಿಯೆಸ ಕೈನ ಹಮೊನೆ ಗ್ವತ್ತ ಛೆ. ಕಾಕದ್ಯಾಮ ಬಿಡುಗಡೆ ಯೆಹುದಿಯೊಕ್ಹುಜ಼ ಆವಸ.
JOH 4:23 ಕ್ಹರಿಕ್ಹು ಆರಾಧನಾ ಕರಾಲಾ ಬಾನಿ ಆರಾಧನಾ ಆತ್ಮಾಕ್ಹು ವರಿ ಕ್ಹರಿಕ್ಹು ಕರಾನೊ ಟೈಮ ಆವಸ. ತೆ ಟೈಮ ಹಮ್ನಾಜ ಆಯೊಸ. ವರಿ ತೆವಾಜ ಆರಾಧನಾ ಕರಾಲಾವೊನೆ ಬಾ ಹುಡ್ಕಸ.
JOH 4:24 ಕ್ಹುದಾ ಆತ್ಮಾ ವ್ಹೈ. ತಿನಾ ಹುತಿ "ಕ್ಹುದಾನೆ ಆರಾಧನಾ ಕರಾಲಾ ಆತ್ಮಾಕ್ಹು ಕ್ಹರಿಕ್ಹು ಆರಾಧನಾ ಕರು" ಕೈನ ಕದ್ಯೊ.
JOH 4:25 ತೆ ಬಾಕ್ಡಿ ಮಸ್ಸಿಹಾ ಆವಸ ಕವಾನು ಮನೆ ಗ್ವತ್ತ ಛೆ. ತೆ ಆತಾಮಾ ಮನೆ ಹರಿ ಯಕ್ಕ ಕವಸ ಕೈನ ಕದಿ. ಮಸ್ಸಿಹಾ ಕದ್ಯಾಮ ಕ್ರಿಸ್ತ ವ್ಹೈ.
JOH 4:26 ತೆಳಾಮಾ ಯೆಸು ತಿನೆ, ತಾರಾ ಕ್ಹಾತೆ ಬೊಲಾಲೊ ಮಿಜ಼ ತೆ ವ್ಹೈ ಕೈನ ಕದ್ಯೊ.
JOH 4:27 ತೆ ಟೈಮ್ಮಾ ತಿನಾ ಶಿಷ್ಯಾ ಫರಿನ ಆಯಾ. ಯೆಸು ಯಕ್ಕ ಬಾಕ್ಡಿನಾ ಕ್ಹಾತೆ ಬೊಲಾನು ದೆಕಿನ ಘನ್ನಾ ಘಾಬ್ರಾ ಥಯಾ. ತೆನೈಸೊ ತ್ಯುನೆ, ತುನೆ ಸು ಚಾ಼ಯೆ? ಕೈನ ತು ತಿನಾ ಕ್ಹಾತೆ ಸು ಬೊಲಾಡೊಸ? ಕೈನ ತ್ಯುನೆ ಕುನ್ನಜ ತ್ಯುನೊನೆ ಪುಚ್ಯಾ ನೈ.
JOH 4:28 ಪಾಚಾ಼ತಿ ತೆ ಬಾಕ್ಡಿ, ತಿನೊ ಪಾನಿನೊ ಘಡೊ ತ್ಯಾಜ ಛೊಡಿನ ಗಾಮ್ಮಾ ಫರಿನ ಗೈನ ಮನಕ್ಹೊಕನ,
JOH 4:29 "ಮಿ ನ್ಯ್ಹಾ ಲಕ್ಕಾಬಿ ಕರಲ ಹರಿ ಯಕಬಿ ಯಕ್ಕ ಮನಕ್ಹ ಮನೆ ಕದ್ಯೊ. ಐನ ತುಮೆ ತಿನೆ ದೆಕೊ. ತೆಜ಼ ಕ್ರಿಸ್ತ ವಸೆ ಸು? ಕೈನ ಕದಿ.
JOH 4:30 ತಿನಾಹುತಿ ಮನಕ್ಹೊ ತಿನೆ ದೆಕಾನೆ ಗಾಮ್ಮಾತಾ ಭಾರಾ ಆಯಾ.
JOH 4:31 ತೆಕ್ಲಾಮಾಜ಼ ಯೆಸುನಾ ಶಿಷ್ಯಾ "ಗುರು, ಅನ್ನ ಖಾ ಕೈನ ತಿನೆ ಘನ್ನಾ ಕದ್ಯಾ.
JOH 4:32 ತೆ ವಾತೆ ಯೆಸು, ಮಕನ ಖಾವಾನೆ ಅನ್ನ ಛೆ. ತೆ ಅನ್ನನಾ ಹುತಿ ತುಮೊನೆ ಗ್ವತ್ತ ನತ್ತಿ ಕದ್ಯೊ.
JOH 4:33 ತಿನಾಹುತಿ ಶಿಷ್ಯಾ, ಕುನ್ನಬಿ ತಿನೆ ಪೈಲಾಜ ಅನ್ನ ಲೈನ ದಿದ್ಯಾ ವಸೆ ಸು? ತ್ಯುನೊ-ತ್ಯುನೊಮಾಜ಼ ಬೊಲ್ಲಿದ್ಯಾ.
JOH 4:34 ಯೆಸು ತ್ಯುನೊನೆ, ಮನೆ ಮೊಕ್ಲಲವಾಲೊ ಮಿ ಸು ಕರು ಕೈನ ಆಸ ಕರಸ ತೆ ಕರಾನುಜ ಮನೆ ಅನ್ನ ವ್ಹೈ. ತೆ ಮನೆ ದಿದಲ ಕಾಮ ಪುರಾ ಕರು.
JOH 4:35 ಸುಗ್ಗಿನೆ ಹಜು಼ನ ಚಾರ ಮ್ಹೈನಾ ಕೈದು, ಕೈನ ತುಮೆ ಕವೊಸಿ. ತೆ ಮಿ ತುಮೊನೆ ಕವಾಡ್ಯೊಸ, ತುಮಾರಾ ಡೊಳಾ ಖುಲ್ಲಾ ಕರೊ. ಖೆತರನಾ ಸುತ್ತೆ ದೆಕೊ, ತೆ ಕಾಟಾನೆ ತಯ್ಯಾರ ಥಯಾಸ..
JOH 4:36 ಹಮ್ನಾಬಿ, ಬೆಳಿ ಕಾಟಾಲಾವೊನೆ ಕುಲಿ ಮಳಸ. ತೆ ಬೆಳಿ ಹಮೆಶಾ ರ‍್ಹವಾನೆ ಜ಼ಲಮನಾ ಹುತಿ ಮಳಾವಸ. ತಿನಾ ಹುತಿ ಬಿತ್ತಾಲಾ ವರಿ ಕಾಟಾಲಾ ಮಳಿನಜ ಖುಶಿ ಥಾವಸ.
JOH 4:37 ಯಕ್ಲೊ ಬಿತ್ತಸ, ಯಕ್ಲೊ ತೆ ಬೆಳೆನೆ ಕಾಟಸ. ಕವಾನಿ ಯಕ್ಕ ಕಹಾವತ ಕ್ಹರಿ ವ್ಹೈ.
JOH 4:38 ತುಮೆ ನೈ ರಾಬಲ ಬೆಳಿ ಕಾಟಾನೆ ತುಮೊನೆ ಮೊಕ್ಲಾಡ್ಯೊಸ. ಬಿಜಾ಼ ರಾಬ್ಯಾ, ತೆನೈಸೊ ತ್ಯುನೆ ರಾಬಲ ಹುತಿ ತುಮೆ ಫೈದೊ ಖಾವೊಸಿ" ಕೈನ ಕದ್ಯೊ.
JOH 4:39 ತೆ ಗಾಮನಾ ಘನ್ನಾ ಸಮಾರ್ಯಾವಾಲಾ ಮನಕ್ಹೊ ಯೆಸುನೆ ನಂಬ್ಯಾತಾ. ಕಾಕದ್ಯಾಮ ತೆ ಬಾಕ್ಡಿ ತಿನಾಹುತಿ ತ್ಯುನೊನೆ"ಮಿ ಕರಲ ತೆಕ್ಲುಬಿ ಮನೆ ತೆ ಕದ್ಯೊತೊ" ಕೈನ ಕದಿತಿ.
JOH 4:40 ಸಮಾರ್ಯಾವಾಲಾ ಯೆಸುಕನ ಐನ ಹಮಾರಾ ಕ್ಹಾತೆ ರ‍್ಹೆ ಕೈನ ಕೈಲಿದ್ಯಾತಾ. ತಿನಾಹುತಿ ತೆ ತ್ಯಾ ಬೆ ದಿನ್ನ ವ್ಹತ್ತೊ.
JOH 4:41 ತೆ ಕದಲ ವಾತೊ ತ್ಯಾನಾ ಮನಕ್ಹೊ ಘನ್ನಾ ನಂಬ್ಯಾತಾ.
JOH 4:42 ತ್ಯುನೆ ತೆ ಬಾಕ್ಡಿ ತೆ ಕದಲ ವಾತೊಕ್ಹು ಹಮೆ ಯೆಸುನೆ ನಂಬ್ಯಾತಾ. ತಿನಾ ಹುತಿ ಹಮೆಜ಼ ಖುದ್ದ ದೆಕಿನ ಹಮೆ ನಂಬಿಯೆಸ. ಕ್ಹರಿಮಾಜ಼ ಎಜ಼ ದುನಿಯಾನೆ ವಚಾ಼ಡಾಲೊ ವ್ಹೈ ಹಮ್ನಾ ಹಮೊನೆ ಗ್ವತ್ತ ಥಯುಸ ಕೈನ ಕದ್ಯಾ.
JOH 4:43 ಬೆ ದಿನ್ನ ತ್ಯಾ ರ‍್ಹಯಲ್ಪರ ಯೆಸು ತ್ಯಾಂತೊ ಗಲಿಲಾಯೆ ಗಯೊ.
JOH 4:44 ಪ್ರವಾದಿನೆ ತಿನಾ ಸ್ವಂತ ಗಾಮ್ಮಾ ಮರ್ಯಾದಿ ನತ್ತಿ ಖುದ್ದನಾ ಹುತಿ ಯೆಸುಜ ಕದ್ಯೊ.
JOH 4:45 ತೆ ಗಲಿಲಾಯಯೆ ಆತಾಮಾ, ತ್ಯಾನಾ ಮನಕ್ಹೊ ತಿನೆ ಬಲೈ ಲಿದ್ಯಾ. ಕಾಕದ್ಯಾಮ ತೆ ಫಸ್ಕ ಸನ್ನನಾ ಟೈಮ್ಮಾ ಯೆಸು ಕರಲ ಕ್ಹಾರಾ ಕಾಮೊ ದೆಕ್ಯಾತಾ. ತೆ ಸನ್ನಮಾ ತೆ ಕ್ಹಾರಾ ಮನಕ್ಹೊ ಗಲಿಲಯಾಯೆ ಗಯಾತಾ.
JOH 4:46 ಯೆಸು ಗಲಿಲಾಯನಾ ಕಾನಾ ಗಾಮೆ ವರಿ ಯಕ್ಕೆಮ ಆಯೊ. ತೆ ಪಾನಿಕ್ಹು ದ್ರಾಕ್ಷಿಯೊನು ರಕ್ಹ ಕರಲ ತೆ ಗಾಮ್ಮಾ ವ್ಹೈ. ತೆಜ಼ ಗಾಮ್ಮಾ ಯಕ್ಕ ಮ್ಹೊಟೊ ಅದಿಕಾರಿ ಕಪೆನೌರ್ಮಿಮಾ ರ‍್ಹತೊತೊ. ತಿನಾ ದಿಕ್ರಾನೆ ಅರಾಮ ನ್ಹೊತು.
JOH 4:47 ಯೆಸು ಯುದೆಯತೊ ಐನ ಗಲಿಲಾಯಮಾ ಛೆ ಕೈನ ಸುದ್ದಿ ತೆ ಐಕ್ಯೊ. ತಿನಾ ಹುತಿ ತೆ ತಿಕನ ಗೈನ ತಿನಾ ದಿಕ್ರಾನೆ ಅರಾಮ ಕರಾನಾಹುತಿ ತಿನೆ ಕಪೆನೌರ್ಮಿ ಔ ಕೈನ ತಿಕನ ಕೈಲಿದ್ಯೊ. ತಿನೊ ದಿಕ್ರೊ ಮರ್ವಾನಿ ಪರಸ್ತಿತಿಮಾ ವ್ಹತ್ತೊ.
JOH 4:48 ಯೆಸು ತಿನೆ"ಸುಚಕ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ದೆಕ್ಯಾವಾಚಿ ಮನೆ ನಂಬತಾಜ಼ ನೈ" ಕೈನ ಕದ್ಯೊ.
JOH 4:49 ತೆ ಮ್ಹೊಟೊ ಅದಿಕಾರಿ"ಸ್ವಾಮಿ, ಮಾರೊ ದಿಕ್ರೊ ಮರಾತಿ ಪೈಲಾಜ ತು ಔ" ಕೈನ ಮಾಂಗಿಲಿದ್ಯೊ.
JOH 4:50 ಯೆಸು ತಿನೆ"ಜಾ಼ ತಾರೊ ದಿಕ್ರೊ ವಾಚಸ "ಕೈನ ಕದ್ಯೊ. ಯೆಸುನಿ ವಾತ ನಂಬಿನ ತೆ ತಿನಾ ಘರೆ ಗಯೊ.
JOH 4:51 ತೆ ಘರೆ ಜಾ಼ತಾಮಾ ತಿನಾ ಆಳೊ ತಿಕನ ಐನ"ತಾರೊ ದಿಕ್ರೊ ಅರಾಮ ಥಯೊಸ "ಕೈನ ಕದ್ಯೊ.
JOH 4:52 ತೆ, ಮಾರಾ ದಿಕ್ರಾನೆ ಕೆಳಾಮಾ ಅರಾಮ ಥಯು ಕೈನ ಪುಚ್ಚೊ. ತೆಳಾಮಾ ತೆ ಆಳೊ "ತಾರಾ ದಿಕ್ರಾನೆ ಕಾಲ ದುಪಾರೆಜ ಯಕ್ಕ ವಾಸ್ತಾ ತಿನೆ ರ‍್ಹಯಲ ತೌ ಛೊಡಿನ ಗೈ ಪಾಡ್ಯೊಸ" ಕೈನ ಕದ್ಯಾ.
JOH 4:53 ತಾರೊ ದಿಕ್ರೊ ವಾಚಸ" ಕೈನ ಯೆಸು ಕದಲ ಎಜ಼ ಟೈಮೆ ವ್ಹೈ ಕೈನ ತೆ ದಿಕ್ರಾನಾ ಬಾನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ ವರಿ ತಿನಾ ಘರವಾಲಾ ಕ್ಹಾರಾ ಯೆಸುನೆ ನಂಬ್ಯಾತಾ.
JOH 4:54 ಯೆಸು ಯುದೆಯತೊ ಗಲಿಲಾಯಯೆ ಆಯಲ್ಪರ ಎ ಬೆಂವಾ ಸುಚಕ ಕಾರ್ಯ ವ್ಹೈ.
JOH 5:1 ಎ ಥಯಲ್ಪರ ಯೆಸು ಯೆಹುದಿಯೊನಾ ಯಕ್ಕ ಸನ್ನನಾ ಹುತಿ ಯೆರುಸಲೆಮೆ ಗಯೊ.
JOH 5:2 ಯೆರುಸಲೆಮಾ ಪಾಂಚ಼ ಮಂಟಪೊ ಮಳಲ ಯಕ್ಕ ವ್ಹಂಡ ಛೆ. ಯಹುದಿಯೊನೆ ವಾತೊಮೊ ತಿನೆ "ಬೆತ್ಸಥ" ಕೈನ ಕವಸ. ಎ ವ್ಹಂಡ "ಬಕ್ರಾನು ಬಾಕಲ" ಕವಾನಿ ಜ಼ಗಾನಾ ನಜಿಕ ಛೆ.
JOH 5:3 ವ್ಹಂಡಕನ ರ‍್ಹಯಲ ಮಂಟಪಮಾ ಘನ್ನಾ ರೊಗಿಯೊ ಪಡಲ ರ‍್ಹತಾತಾ. ತ್ಯುನಾಮಾ ದಕ್ಹಾ ಜ಼ನಾ ಕುಡ್ಡಾ ವ್ಹತ್ತಾ. ದಕ್ಹಾ ಜ಼ನಾ ಲಂಗ್ಡಾ ವ್ಹತ್ತಾ, ವರಿ ದಕ್ಹಾ ಜ಼ನಾ ಲಕ್ವೊ ಮಾರಲವಾಲಾ ವ್ಹತ್ತಾ. ತ್ಯುನೆ ಪಾನಿ ಹಲ್ಲೆಲಕ್ಕಾ ಕೈದತಾ ರ‍್ಹತಾತಾ,
JOH 5:4 ಕಾಕದ್ಯಾಮ ಹರಿಯಕ್ಕಸಲಾ ದಕ್ಹೊ ಟೈಮ್ಮ ಥಯಲ್ಪರ ಪ್ರಭುನೊ ದುತ ಹೆಟೊ ಉತ್ರಿನ ಐನ ತೆ ವ್ಹಂಡಮಾನು ಪಾನಿ ಹಲಾತೊತೊ ಅರಾಮ ನೈಸೊವಾಲೊ ಕಯೊಬಿ ಮನಕ್ಹ ಪಾನಿ ಹಲ್ತಾಮಾ ಪೈಲಾ ಗೈಯಾಮ ತೆ ಕಯಾಬಿ ರೊಗ್ಮಾ ರ‍್ಹಯೊತಬಿ ಅರಾಮಾ ಥಾತೊತೊ.
JOH 5:5 ಮುವತ್ತಪರ ಆಟ ವರಕ್ಹತೊ ರೊಗ್ಮಾ ರ‍್ಹಯಲವಾಲೊ ಯಕ್ಲೊ ತ್ಯಾ ಪಡಲ ವ್ಹತ್ತೊ.
JOH 5:6 ಯೆಸು ತಿನೆ ದೆಕ್ಯೊ. ತೆ ಘನ್ನಾ ದಿನ್ನತೊ ರೊಗ್ಮಾ ರ‍್ಹಯಲ ತಿನೆ ಗ್ವತ್ತ ವ್ಹತ್ತೊ. ತಿನಾಹುತಿ ತೆ ತಿನೆ"ಅರಾಮ ಥಾವಾನೆ ಮನಸ ಛೆ ಸು? ಕೈನ ಪುಚ್ಯೊ.
JOH 5:7 ತೆ ರೊಗಿ"ಅಯ್ಯಾ, ಪಾನಿ ಭರ್ತಾಮಾ ಉತಾರಾನೆ ಮನೆ ಕುನ್ನಜ ಆಸ್ರೊ ಕರ್ತು ನೈ. ಮಿ ಕ್ಹಾರಾವೊತಿ ಪೈಲಾಜ ಪಾನಿಮಾ ಉತ್ರಾನೆ ಕೊಶಿಶ ಕರುಸ. ತೆನೈಸೊ ಹರಯಕ್ಕ ಸಲಾ ಮತ್ತಿಬಿ ಪೈಲಾಜ ಉತ್ರಿಪಡಸ ಕೈನ ಕದ್ಯೊ.
JOH 5:8 ತೆಳಾಮಾ ಯೆಸು"ಉಟಿನ ಹುಬ್ರೆ! ತಾರು ವಚ್ಚಾ಼ನು ಉಚೈನ ಲಿನ ಜಾ಼" ಕೈನ ಕದ್ಯೊ.
JOH 5:9 ತೆಳಾಮಾಜ಼ ತೆ ಮನಕ್ಹ ಅರಾಮ ಥೈನ ತಿನಾ ವಚ್ಚಾನ ಲಿನ ಚಾಲ್ಯೊ. ಎ ಕ್ಹಾರು ಥಯಲ ಸಬ್ಬತನಾ ದಿನ್ನಮಾ ವ್ಹೈ.
JOH 5:10 ತಿನಾಹುತಿ ಯೆಹುದಿಯೊನಾ ಅದಿಕಾರಿಯೊ ಅರಾಮ ಥಯಲ ತೆ ಮನಕ್ಹನೆ"ಆಜ ಸಬ್ಬತನೊ ದಿನ್ನ ವ್ಹೈ. ತು ವಚ್ಚಾ಼ನಾ ಉಚೈಲಿನ ಜಾ಼ವಾನು ಅಪ್ನಾ ಧರಮಶಾಸ್ತ್ರನಾ ವಿರುದ್ದ ವ್ಹೈ" ಕದ್ಯಾ.
JOH 5:11 ತೆಳಾಮಾ ತೆ"ಮನೆ ಅರಾಮ ಕರಲವಾಲೊ ಮನಕ್ಹ "ತಾರು ವಚ್ಚಾ಼ನು ಲಿನ ಜಾ಼" ಕದ್ಯೊ ಕೈನ ಉತ್ತರ ದಿದ್ಯೊ.
JOH 5:12 ತಿನೆ ತ್ಯುನೆ"ತಾರು ವಚ್ಚಾ಼ನು ಉಚೈಲಿನ ಜಾ಼ವಾನೆ ತುನೆ ಕದಲವಾಲು ಕುನ್ನ ವ್ಹೈ? ಕೈನ ಪುಚ್ಯಾ.
JOH 5:13 ತೆನೈಸೊ ಅರಾಮ ಥಯಲ ಮನಕ್ಹನೆ ಯೆಸು ಕುನ್ನ ವ್ಹೈ ಕವಾನು ಗ್ವತ್ತ ನ್ಹೊತು. ತೆ ಜ಼ಗಾಪರ ಘನ್ನಾ ಮನಕ್ಹೊನು ಗುಂಪ ವ್ಹತ್ತು. ಯೆಸು ತೆ ಜ಼ಗಾತೊ ತ್ಯುನೊಕಂತೊ ಗಪ್ಪ ಗೈಪಡ್ಯೊ.
JOH 5:14 ತೆ ಥಯಲ್ಪರ ಯೆಸು ತೆ ಮನಕ್ಹನೆ ದೆವಾಲಯಮಾ ದೆಕಿನ ತಿನೆ, ಐಕ ಹಮ್ನಾ ತು ಅರಾಮ ಥಯೊಸ. ತೆನೈಸೊ ಪಾಪ ಕರಾನು ಛೊಡಿಪಾಡ. ತಿನಾಹುತಿ ತುನೆ ಕಯುಜ಼ ಕೆಟ್ಟ ಥೌ ನೈ! ಕದ್ಯೊ.
JOH 5:15 ತೆಳಾಮಾ ತೆ ಮನಕ್ಹ ತೆ ಯಹುದ್ಯೊನಾ ಅದಿಕಾರಿಯೊ ಕನ ಗೈನ ತಿನೆ ಅರಾಮ ಕರಲವಾಲೊ ಯೆಸು ವ್ಹೈ ಕೈನ ಕದ್ಯೊ.
JOH 5:16 ತಿನಾಹುತಿ ತ್ಯುನೆ ಯೆಸು ಎ ಕಾಮೊ ಸಬ್ಬತ ದಿನ್ನೊಮಾ ಕರಲಹುತಿ ತ್ಯುನೆ ತಿನೆ ತ್ರಾಸ ಕರಾನು ಶುರು ಕರ‍್ಯಾ.
JOH 5:17 ತೆನೈಸೊ ಯೆಸು ತ್ಯುನೊನೆ "ಮಾರೊ ಬಾ ತಿನಾ ಕಾಮೊ ಕೆಳಾಮಾಬಿ ಕರ್ತೊಜ ರ‍್ಹವಸ. ತಿನಾಹುತಿ ಮಿಬಿ ಕಾಮ ಕರ್ತೊಜ" ಕೈನ ತಿನಾಹುತಿ ಕದ್ಯೊ.
JOH 5:18 ಎ ವಾತ ಯೆಹುದಿನಾ ಅದಿಕಾರಿಯೊ ತಿನೆ ಖಲಾಸ ಕರುಜ ಕೈನ ಫೈಸಲೊ ಕರಾ ವರ್ಕ್ಹು ಥಯು, ತೆಕ್ಲುಜ ನೈಸೊ ತೆ ಕ್ಹುದಾನಿ ಸಬ್ಬತನು ನಿಯಮ ತೊಡ್ಯೊ ನ್ಹೊತೊ, ತೆನೈಸೊ ತೆ ಕ್ಹುದಾ ತಿನೊ ಸ್ವಂತ ಬಾ ವ್ಹೈ ಕೈನ ಕದ್ಯೊ ವರಿ ಇನಾಲಿಂಗತ ತಿನಾಕ್ಹು ತಿನೆ ಕ್ಹುದಾ ಲಿಂಗತ ಕರಿಲಿದ್ಯೊತೊ.
JOH 5:19 ತಿನಾಹುತಿ ಯೆಸು ತ್ಯುನೊನೆ"ಮಿ ತುಮೊನೆ ಕ್ಹರಿಜ ಕೌಸ. ದಿಕ್ರೊ ತಿನಾಕ್ಹು ತೆ ಸುಜ಼ ನೈ ಕರತೊ, ಬಾ ಕರಾನು ದೆಕಿನ ತೆಬಿ ತಿಮ್ಮಜ ಕರಸ. ಬಾ ಕರಾನಾ ಕಾಮೊಜ ದಿಕ್ರೊಬಿ ಕರಸ.
JOH 5:20 ಬಾ ದಿಕ್ರಾನೆ ಮಯಾ ಕರಸ ವರಿ ತೆ ಕರಾನಾ ಕ್ಹಾರಾ ಕಾಮೊ ದಿಕ್ರಾನೆ ದೆಕಾಡಸ. ಇತ್ತಿಬಿ ಹೆಚ್ಕಿ ಕಾಮೊ ಬಾ ದಿಕ್ರಾನೆ ದೆಕಾಡಸ. ತೆಳಾಮಾ ತುಮೆ ಕ್ಹಾರಾ ಘಾಬ್ರಾ ಥಾವೊಶಿ.
JOH 5:21 ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾಲಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ.
JOH 5:22 "ಎನೈಸೊ ಬಾ ತಿನಾಕ್ಹು ತೆ ಕಿನೆ ಫೈಸಲೊ ಕರ‍್ತೊ ನೈ ತೆನೈಸೊ ಬಾ ಪೈಸ್ಲೊ ಕರಾನು ಪುರಾ ಅದಿಕಾರ ದಿಕ್ರಾನೆ ದಿದ್ಯೊಸ.
JOH 5:23 ತಿನಾಹುತಿ ಕ್ಹಾರಾ ಜ಼ನಾ ಬಾನೆ ಮರ್ಯಾದಿ ದಿದಲ ಲಿಂಗತ ದಿಕ್ರಾನೆಬಿ ಮರ್ಯಾದಿ ದ್ಯುಕೈನ ಕ್ಹುದಾ ಇಮ್ಮ ಕರ‍್ಯೊ. ಕುನ್ನ ದಿಕ್ರಾನೆ ಮರ್ಯಾದಿ ನೈ ದೆತು ತೆ ತಿನೆ ಮೊಕ್ಲಲವಾಲೊ ಬಾನೆ ಮರ್ಯಾದಿ ನೈ ದೆತೊ.
JOH 5:24 "ಮಿ ತುಮೊನೆ ಕ್ಹರಿಜ ಕೌಸ. ಮಾರಿ ವಾತ ಐಕಿನ ಮನೆ ಮೊಕ್ಲಲವಾಲಾನೆ ನಂಬಾಲೊ ಹಮೆಶಾನೊ ಜ಼ಲಮ ವ್ಹಂದಿಲಿದ್ಯೊಸ. ತಿನೆ ಫೈಸಲೊ ಥಾತೊ ನೈ. ತೆನೈಸೊ ತೆ ಹಮ್ನಾಜ ಮರಣ ದಾಟಿನ ಜ಼ಲಮಮಾ ಆಯೊಸ.
JOH 5:25 ಮಿ ತುಮೊನೆ ಕ್ಹರಿಜ ಕೌಸ ಮರಲವಾಲಾ ಕ್ಹುದಾನಾ ದಿಕ್ರಾನು ಅವಾಜ಼ ಐಕಾನೊ ದಿನ್ನ ಆವಸ. ತೆ ಹಮ್ನಾಜ ಆಯುಸ. ಕುನ್ನ ಐಕಸ ತ್ಯುನೆ ಜ಼ಲಮ ವ್ಹಂದಿಲಿವಸ.
JOH 5:26 ಬಾ ಜ಼ಲಮ ದಿವಾನಿ ತಾಕತ ತೆ ವ್ಹಂದಲಲಿಂಗತ ದಿಕ್ರಾನೆ ಜ಼ಲಮ ದಿವಾನಿ ತಾಕತ ದಿದ್ಯೊಸ,
JOH 5:27 ವರಿ ಕ್ಹಾರಾ ಮನಕ್ಹೊನೊ ಫೈಸಲೊ ಕರಾನು ಅದಿಕಾರ ಬಾ ದಿಕ್ರಾನೆ ಬಿ ದಿದ್ಯೊಸ. ಕಾಕದ್ಯಾಮ ತೆ ದಿಕ್ರೊ ಮನಕ್ಹೊನೆ ದಿಕ್ರೊ ಥಯೊಸ.
JOH 5:28 "ತಿನಾಹುತಿ ಘಾಬ್ರಾ ಥಾವೊ ನಕೊ. ಕಾಕದ್ಯಾಮ ಮರಲವಾಲಾ ಕ್ಹಾರಾ ತಿನೊ ಅವಾಜ಼ ಐಕಾನೊ ದಿನ್ನ ಆವಸ.
JOH 5:29 ವರಿ ತ್ಯುನೆ ತಿವ್ನೊ ಮಾತೊ ಉಟಿನ ಆವಸ; ಕುನ್ನ ಚೊ಼ಕು ಕರಲ ರ‍್ಹವಸ ತ್ಯುನೆ ಜಿವ್ತಾ ಥೈನ ಉಟಸ, ವರಿ ಕುನ್ನ ಕೆಟ್ಟ ಕರ‍್ಯುಸ ಜಿವ್ತಾ ಥೈನ ತ್ಯುನೊನೆ ಪೈಸ್ಲೊ ಥಾವಸ.
JOH 5:30 "ಮಾರಾಕ್ಹು ಮಿಜ಼ ಸುಜ಼ ಕರತೊ ನೈ. ಕ್ಹುದಾ ಕದಲ ತಿಮ್ಮಜ ಮಿ ಐಕಿನ ಫೈಸಲೊ ಕರುಸ. ತಿನಾಹುತಿ ಮಾರೊ ಫೈಸಲೊ ಕರೆಟ್ಟ ವ್ಹೈ. ಕಾಕದ್ಯಾಮ, ಮಾರಿ ಮರ್ಜಿ ಲಿಂಗತ ಕರಾಡ್ಯೊ ನತ್ತಿ. ಮನೆ ವಳಾಯಲವಾಲಾನಿ ಮರ್ಜಿ ಲಿಂಗತ ಕರುಸ.
JOH 5:31 "ಮಾರಾ ಹುತಿ ಮಿಜ಼ ಸಾಕ್ಷಿ ದಿದ್ಯೊಮ, ತೆ ಸಾಕ್ಷಿ ಕ್ಹರಿನಿ ನ್ಹವೈ.
JOH 5:32 ತೆನೈಸೊ ಮಾರಿ ಹುತಿ ಸಾಕ್ಷಿ ದಿವಾಲೊ ಯಕ್ಕ ಮನಕ್ಹ ಛೆ. ತೆ ದಿವಾನಿ ಸಾಕ್ಷಿ ಕ್ಹರಿಜ ವ್ಹೈ ಕೈನ ಮನೆ ಗ್ವತ್ತ ಛೆ.
JOH 5:33 "ತುಮೆ ಯೊಹಾನ ಕನ ಸಂದೆಶ ಕವಾಲಾವೊನೆ ಮೊಕ್ಲ್ಯಾ. ತೆ ತುಮೊನೆ ಕ್ಹರಿನಾ ಹುತಿ ಸಾಕ್ಷಿ ದಿದ್ಯೊಸ.
JOH 5:34 ತೆನೈಸೊ ಮಾರಾ ಹುತಿ ಮನಕ್ಹೊನೆ ಕವಾನಾ ಹುತಿ ಮನೆ ಮನಕ್ಹನಿ ಸಾಕ್ಷಿನಿ ಜರುರತ್ತ ನತ್ತಿ. ತೆನೈಸೊ ತುಮೊನೆ ಬಿಡುಗಡೆ ಥಾವಾನಾ ಹುತಿ ಮಿ ಎ ಸಂಗತಿಯೊ ಕವಾಡ್ಯೊಸ.
JOH 5:35 ಯೊಹಾನ ದಿವ್ವೊ ಲಾಗಲಲಿಂಗತ ವ್ಹತ್ತೊ ತೆ ಉಜಾಲು ದಿದ್ಯೊ, ವರಿ ತುಮೆ ತಿನು ಉಜಾಲಾನೆ ದಕ್ಹಾ ಟೈಮ ಖುಶಿಕ್ಹು ಅನುಭವ ಲಿವಾನೆ ದೆಕ್ಯಾ.
JOH 5:36 ತೆನೈಸೊ ಮಾರಿ ಸಾಕ್ಷಿ ಯೊಹಾನತಿಬಿ ಮ್ಹೊಟಿ ಸಾಕ್ಷಿ ಛೆ. ಮಿ ಕರಾನಾ ಕಾಮೊಜ ಮಾರಿ ಸಾಕ್ಷಿಯೊ ಥಯೊಸ. ಬಾ ಮನೆ ದಿದಲ ಎ ಕಾಮೊಜ, ಬಾ ಮನೆ ವಳಾಯೊಸ ಕೈನ ದೆಕಾಡಸ.
JOH 5:37 ವರಿ ಮನೆ ವಳಾಯಲ ಬಾ ಮಾರಾ ಹುತಿ ಸಾಕ್ಷಿ ದಿದ್ಯೊಸ. ತೆನೈಸೊ ತುಮೆ ತಿನಿ ಆವಾಜ ಕೆಳಾಮಾಜ ಐಕ್ಯಾ ನೈ. ತೆ ಕಿಮ್ಮ ಛೆ ಕೈನ ತುಮೆ ಕೆಳಾಮಾಜ ದೆಕ್ಯಾ ನೈ.
JOH 5:38 ವರಿ ತುಮೆ ಬಾನು ಉಪದೆಶನೆ ಬರೊಕ್ಹೊ ಕರ‍್ಯಾ ನೈ. ಕಾಕದ್ಯಾಮ ಬಾ ವಳಾಯಲವಾಲಾನೆ ತುಮೆ ಬರೊಕ್ಹೊ ಕರ‍್ಯಾ ನೈ.
JOH 5:39 ತುಮೆ ಪವಿತ್ರ ಗ್ರಂಥೊ ಅಬ್ಯಾಸ ಕರೊಶಿ. ಕಾಕದ್ಯಾಮ ತೆ ಪವಿತ್ರ ಗ್ರಂಥ ತುಮೊನೆ ಹಮೆಶಾನೊ ಜ಼ಲಮ ದಿವಸ ಕವಾನು ತುಮಾರಿ ವಿಚಾರ ವ್ಹೈ ತೆನೈಸೊ ತೆಜ಼ ಪವಿತ್ರ ಗ್ರಂಥೊಮಾ ಮಾರಾ ಹುತಿ ತಿಳ್ಸಾವಸ!
JOH 5:40 ತೆನೈಸೊ ಜ಼ಲಮ ವ್ಹಂದಿಲಿವಾನೆ ತುಮೆ ಮಕನ ಆವಾನೆ ಮನಸ ಕರ‍್ತಾ ನೈ.
JOH 5:41 ಮನಕ್ಹತಿ ಆವಾನಿ ಹೊಗಳಿಕೆ ಮನೆ ನಕೊ.
JOH 5:42 ತೆನೈಸೊ ತುಮೆ ಕೆವಾ ಮನಕ್ಹೊ ವ್ಹೈ ಕೈನ ಮನೆ ಗ್ವತ್ತ ಛೆ. ವರಿ ಕ್ಹುದಾನಾ ಉಪ್ಪರ ತುಮೊನೆ ಮಯಾ ನತ್ತಿ ಕೈನ ಮನೆ ಗ್ವತ ಛೆ.
JOH 5:43 ಮಿ ಮಾರಾ ಬಾನಾ ಅದಿಕಾರನಾ ಕ್ಹಾತೆ ಆಯೊಸ. ತೆನೈಸೊ ತುಮೆ ಮನೆ ಸ್ವಿಕಾರ ನೈ ಕರಿಲೆತಾ. ತೆನೈಸೊ ಕುನ್ನಬಿ ಯಕ್ಲೊ ತಿನಾ ಸ್ವಂತ ಅದಿಕಾರಕ್ಹು ಆಯಾಮ ತುಮೆ ತಿನೆ ಸ್ವಿಕಾರ ಕರೊಶಿ.
JOH 5:44 ತುಮೆ ಯಕ್ನೆ ಯಕ್ಕ ಸನ್ಮಾನ ದ್ಯು ಕೈನ ಆಸ ಕರೊಶಿ. ತೆನೈಸೊ ಯಕ್ಕಜ಼ ಕ್ಹುದಾತಿ ಆವಾನಿ ಸನ್ಮಾನ ಲಿವಾನೆ ತುಮೆ ಕೆಳಾಮಾಜ ಕೊಶಿಶ ನೈ ಕರ‍್ತಾ. ಇಮ್ಮ ರ‍್ಹಯುಮ ತುಮೆ ಮನೆ ಕಿಮ್ಮ ಬರೊಕ್ಹೊ ಕರೊಶಿ?
JOH 5:45 ಮಿ ಬಾನಾ ಕ್ಹಾಮೊ ಹುಬ್ರೈನ ತುಮೊನೆ ತಪ್ಪ ಕರಲವಾಲಾ ವ್ಹೈ ಕೈನ ಕೌಸ ಕೈನ ತುಮೆ ವಿಚಾರ ಕರೊ ನಕೊ. ತುಮೊನೆ ವಚಾ಼ಡಸ ಕೈನ ತುಮೆ ಆಸ ಕರಲ ಮೊಶೆ ತುಮಾರಾ ಉಪ್ಪರ ಸಾಕ್ಷಿ ಕವಸ.
JOH 5:46 ತುಮೆ ಕ್ಹರಿಬಿ ಮೊಶೆನೆ ಬರೊಕ್ಹೊ ಕರಲ ರ‍್ಹವತೊ, ಮಪರಬಿ ಬರೊಕ್ಹೊ ಕರ‍್ತಾತಾ. ಕಾಕದ್ಯಾಮ ತೆ ಮಾರಾ ಹುತಿಜ ಬರ್ದ್ಯೊಸ.
JOH 5:47 ತೆನೈಸೊ ಮೊಶೆ ಬರ್ದಲ ತುಮೆ ಬರೊಕ್ಹೊ ನೈ ಕರ‍್ತಾ ಇಮ್ಮ ರ‍್ಹಯುಮ ಮಿ ಕವಾನಿಯೊ ವಾತೊಪರ ತುಮೆ ಕಿಮ್ಮ ಬರೊಕ್ಹೊ ಕರ ಸಕೊಶಿ?
JOH 6:1 ತೆಳಾಮಾ, ಯೆಸು ಗಲಿಲಾಯ ಸಮುಂದರ ದಾಟಿನ ಬಿಜಿ ದಂಡಿಯೆ ಗಯೊ. ತೆ ಸಮುಂದರನೆ ತಿಬೆರಿಯ ಸಮುಂದರಬಿ ಕವಸ.
JOH 6:2 ಘನ್ನಾ ಮನಕ್ಹೊ ಯೆಸುನಾ ಪಾಚಾ಼ ಗಯಾ. ಕಾಕದ್ಯಾಮ ತ್ಯುನೆ ಯೆಸುನಾ ಮುಲಕ ರೊಗಿಯೊನೆ ಅರಾಮ ಕರಾನು ಅದ್ಭುತ ದೆಕ್ಯಾತಾ.
JOH 6:3 ತೆಳಾಮಾ ಯೆಸು ಡೊಂಗರ ಚ಼ಡಿನ ತಿನಾ ಶಿಷ್ಯಾವೊನಾ ಕ್ಹಾತೆ ಬೈಟ್ಯೊ.
JOH 6:4 ಯಹುದ್ಯೊನಾ ಫಸ್ಕ ಸನ್ನ ಘನ್ನು ನಜಿಕ ವ್ಹತ್ತು.
JOH 6:5 ಯೆಸು ಡೊಳಾ ಉಚೈನ ದೆಕ್ತಾಮಾ, ತಿಕನ ಆವಾನು ಮನಕ್ಹೊನು ಮ್ಹೊಟು ಗುಂಪನೆ ದೆಕಿನ ತಿನಾಹುತಿ ಫಿಲಿಪ್ಪನೆ"ಎ ಕ್ಹಾರಾ ಮನಕ್ಹೊನೆ ಚಾ಼ಯೆ ಥಯಲ ತೆಕ್ಲು ಅನ್ನ ಅಪೆ ಕಿಜ್ಗಾ ಲಿಯೆ? ಕೈನ ಪುಚ್ಯೊ.
JOH 6:6 ಫಿಲಿಪ್ಪನೆ ಪರಿಕ್ಷಾ ಕರಾಹುತಿ ತೆ ಅಮ್ಮ ಪುಚ್ಯೊ. ತೆನೈಸೊ ಕ್ಹರಿಮಾಜ಼ ತೆ ಸು ಕಾಮ ಕರು ಕವಾನು ತಿನೆ ಪೈಲಾಜ ಗ್ವತ್ತ ವ್ಹತ್ತು
JOH 6:7 ಫಿಲಿಪ್ಪ "ನ್ಹ್ಯಾ ರ‍್ಹಯಲ ಹರಿ ಯಕ್ಲಾನೆ ರೊಕ್ಲಾನು ಯಕ್ಕ ತುಕ್ಡೊ ದ್ಯು ಕದ್ಯಾಮ, ಬೆಕ್ಹೊ ರುಪ್ಪಾನಾ ಬಿಲ್ಲಾ ತಿಬಿ ಜಾಸ್ತಿ ಚಾ಼ಯೆ" ಕೈನ ಕದ್ಯೊ.
JOH 6:8 ಯೆಸುನೊ ಬಿಜೆಕ್ಲೊ ಶಿಷ್ಯೊ ರ‍್ಹಯಲ ಸಿಮೊನ ಪೆತ್ರಾನೊ ಭೈ ಅಂದ್ರೆಯಾ ಕದ್ಯೊ,
JOH 6:9 "ನ್ಹ್ಯಾ ರ‍್ಹಯಲ ಯಕ್ಲಾ ಪಟ್ಟಾಕನ ಘ್ಹೌನಾ ಪಾಂಚ಼ ರೊಕ್ಲಾ ವರಿ ಬೆ ನ್ಹಾನಿಯೊ ಮಚ್ಲಿಯೊ ಛೆ. ತೆನೈಸೊ ಕ್ಹರಿಮಾಜ಼ ತೆ ಎ ಮನಕ್ಹೊನಾ ಗುಂಪನೆ ಬಸ್ಸ ಥಾತು ನೈ" ಕೈನ ಕದ್ಯೊ.
JOH 6:10 ಯೆಸು"ಮನಕ್ಹೊನೆ ಬೈಟಾನೆ ಕವೊ" ಕೈನ ಕದ್ಯೊ. ತೆ ಜ಼ಗಾಪರ ಚಾರೊ ಘನ್ನೊ ಬೆಳದ್ಯೊತೊ ತ್ಯಾ ಬೈಟಲವಾಲಾವೊಮಾ ಕಮ್ಸೆ ಕಮ ಪಾಂಚ಼ ಹಜಾರ ದಾಣ್ಗಾಜ ವ್ಹತ್ತಾ.
JOH 6:11 ಪಾಚಲ್ತೊ ಯೆಸು ತೆ ರೊಕ್ಲಾ ಲಿನ ಕ್ಹುದಾನೆ ಸ್ತೊತ್ರಾ ಕರಿನ, ಬೈಟಲ ಮನಕ್ಹೊನೆ ವಾಟ್ಯೊ. ತೆ ಮಚ್ಲಿಯೊನೆಬಿ ತಿನಾಲಿಂಗತ ಕರ‍್ಯೊ. ಕ್ಹಾರಾ ಜ಼ನಾ ತ್ಯುನೊನೆ ಚಾ಼ಯೆ ಥಯಲ ತೆಕ್ಲು ಕೈನ ತೃಪ್ತ ಥಯಾ.
JOH 6:12 ತ್ಯುನೆ ಕ್ಹಾರಾ ಕೈನ ತೃಪ್ತ ಥಯಲ್ಪರ ಯೆಸು ತಿನಾ ಶಿಷ್ಯಾವೊನೆ"ಉಗ್ರಲ ತುಕ್ಡಾ ಕ್ಹಾರಾ ಜಮಾ ಕರೊ. ಕಯುಜ಼ ಹಾಳ ಕರೊ ನಕೊ ಕೈನ ಕದ್ಯೊ.
JOH 6:13 ವರಿ ಶಿಷ್ಯಾ ಮನಕ್ಹೊನೆ ವಾಟಲ ಪಾಂಚ಼ ರೊಕ್ಲಾಮಾ ಉಗ್ರಲ ತುಕ್ಡಾವೊಕ್ಹು ಬಾರಾ ಟೊಪ್ಲಿಯೊ ಭರ‍್ಯಾ.
JOH 6:14 ಯೆಸು ಕರಲ ಎ ಅದ್ಭುತ ಕಾಮ ದೆಕಲ ಕ್ಹಾರಾ ಮನಕ್ಹೊ"ಎ ದುನಿಯಾಮಾ ಆವಾನೊ ರ‍್ಹಯಲ ಪ್ರವಾದಿ ಕ್ಹರಿಮಾಜ಼ ಎಜ಼ ವ್ಹೈ" ಕೈನ ಕವಾಡಾತಾ.
JOH 6:15 ತಿನೆ ಜಬರದಸ್ತಿಕ್ಹು ರಾಜೊ಼ ಕರಾನೆ ಮನಕ್ಹೊ ವಿಚಾರ ಕರಾಡಾಸ ಕೈನ ಯೆಸುನೆ ಗ್ವತ್ತ ಥೈಯುತು. ತಿನಾಹುತಿ ತ್ಯಾಂತೊ ತೆ ಯಕ್ಲೊಜ ಡೊಂಗರಪರ ವರಿ ಗಯೊ.
JOH 6:16 ತೆ ದಿನ್ನಾ ಖಾಂಜೆ ಯೆಸುನಾ ಶಿಷ್ಯಾ ಸಮುಂದರನೆ ಗಯಾ.
JOH 6:17 ತಿನಾಹುತಿ ಶಿಷ್ಯಾ ಹಡ್ಗೊ ಚ಼ಡಿನ ಸಮುಂದರನಾ ತಿನಾ ದಂಡಿತಾ ಕಪೆನೌರ್ಮಿಯೆ ಚಾ಼ಲ್ಯಾತಾ. ತೆಳಾಮಾ ಅಂದಾರು ಥಯುತು. ಯೆಸು ತ್ಯುನೊಕನ ಹಜು಼ನ ಆಯೊ ನ್ಹೊತೊ.
JOH 6:18 ತೆಳಾಮಾ ವಾರೊ ಘನ್ನೊ ಜೊ಼ರ ಆವಾಡ್ಯೊತೊ. ಸಮುಂದರನಾ ಧಡ್ಕಿಯೊ ಮ್ಹೊಟಿಯೊ ಥಾವಾಡ್ಯಾತಾ.
JOH 6:19 ತ್ಯುನೆ ಹುಟ್ಟ ಘಾಲತಾ ತನ್ನ ನೈತೊ ಚಾರ ಮೈಲ ಯಕ್ಕ ಹಡಗಾನೆ ಚಲಾಯಲ ಪರ ಯೆಸುನೆ ದೆಕ್ಯಾ. ತೆ ಪಾನಿ ಪರ ಚಾಲ್ತೊ ಹಡಗಾನಾ ನಜಿಕ ಆವಾನು ದೆಕಿನ ತ್ಯುನೆ ಭುಚ್ಕ್ಯಾ.
JOH 6:20 ಯೆಸು ತ್ಯುನೊನೆ"ಭುಚ಼ಕೊ ನಕೊ, ಮಿಜ಼ ವ್ಹೈ" ಕೈನ ಕದ್ಯೊ.
JOH 6:21 ತೆಳಾಮಾ ತ್ಯುನೆ ಯೆಸುನೆ ಹಡಗಾಮಾ ಬಲೈಲ್ಯು ಕೈನ ಕರ‍್ಯಾತಾ. ತೆಕ್ಲಾಮಾಜ಼, ತ್ಯುನೆ ಜೌ ಕೈನ ರ‍್ಹಯಲ ಜ಼ಗಾನಿ ದಂಡಿಯೆ ಹಡ್ಗೊ ಆಯೊ.
JOH 6:22 ಮರ್ನಾ ದಿನ್ನೆ ಬಿಜಿ ದಂಡಿಯೆ ರ‍್ಹಯಲ ಮನಕ್ಹೊನಾ ಗುಂಪನೆ ತ್ಯಾ ಯಕ್ಕಜ಼ ಹಡ್ಗೊ ವ್ಹತ್ತೊ ಕೈನ ಗ್ವತ್ತ ವ್ಹತ್ತು. ಯೆಸು ಶಿಷ್ಯಾವೊನಾ ಕ್ಹಾತೆ ಗಯೊ ನ್ಹೊತೊ ಕೈನ ತ್ಯುನೊನೆ ಗ್ವತ್ತ ವ್ಹತ್ತು. ಕಾಕದ್ಯಾಮ ತ್ಯುನೆ ತಿನೆ ಪಾಚಾ಼ ಛೊಡಿನ ಗಯಾತಾ.
JOH 6:23 ತೆಳಾಮಾ ಬಿಜಿಯೊ ಹಡಗಾ ತಿಬೆರಿಯಸ ಸಮುಂದರಮಾತಾ ಕರ್ತಾನೆ ಸ್ತೊತ್ರಾ ಕದಲ್ಪರ ದಿದಲ ರೊಕ್ಲಾ ಮನಕ್ಹೊನು ಗುಂಪ ಖಾದಲ ಜ಼ಗಾನಾ ನಜಿಕ ದಂಡಿಯೆ ಐನ ಮುಟ್ಯಾ.
JOH 6:24 ಯೆಸು ವರಿ ತಿನಾ ಶಿಷ್ಯಾ ತ್ಯಾ ನೈ ರ‍್ಹಯಲ ಮನಕ್ಹೊ ದೆಕಿನ ಹಡಗಾ ಚ಼ಡಿನ ಯೆಸುನೆ ಹುಡ್ಕತಾ ಕಪೆನೌರ್ಮಿಯೆ ಗಯಾ.
JOH 6:25 ಮನಕ್ಹೊ ಯೆಸುನೆ ಸಮುಂದರನಿ ಬಿಜಿ ದಂಡಿಪರ ದೆಕ್ಯಾ. ತ್ಯುನೆ ತಿನೆ"ಗುರು ತು ನ್ಹ್ಯಾ ಕೆಳಾಮಾ ಆಯೊ? ಕೈನ ಪುಚ್ಯಾ.
JOH 6:26 ತೆಳಾಮಾ ಯೆಸು ತ್ಯುನೊನೆ, ಮಿ ತುಮೊನೆ ಕ್ಹರಿಜ ಕೌಸ ತುಮೆ ಮನೆ ಮಿ ಕರಲ ಅದ್ಭುತ ಕಾಮೊ ದೆಕಲಕ್ಹು ಹುಡಕಾಡ್ಯಾ ನತ್ತಿ ತೆನೈಸೊ ರೊಕ್ಲೊ ಪೆಟ ಭರಿನ ಖಾದಲ ಹುತಿ ಹುಡ್ಕಾಡ್ಯಾಸ.
JOH 6:27 ಹಾಳ ಥಾವಾನು ರ‍್ಹಯಲ ಅನ್ನನಾ ಹುತಿ ರಾಬೊ ನಕೊ ತೆನೈಸೊ ಹಮೆಶಾನಾ ಜ಼ಲಮ ದಿವಾನು ಅನ್ನನಾಹುತಿ ರಾಬೊ. ತೆ ಮನಕ್ಹನೊ ದಿಕ್ರೊ ದಿವಸ. ತಿಪರ ಬಾ ಥಯಲ ಕ್ಹುದಾ ಅದಿಕಾರನೊ ಶಿಕ್ಕೊ ಮಾರ‍್ಯೊಸ.
JOH 6:28 ಮನಕ್ಹೊ ಯೆಸುನೆ"ಹಮೆ ಕಯಾ ಕಾಮೊ ಕರು ಕೈನ ಕ್ಹುದಾ ಆಸ ಕರಸ? ಕೈನ ಪುಚ್ಯಾ.
JOH 6:29 ಯೆಸು ತ್ಯುನೊನೆ"ಕ್ಹುದಾ ಮೊಕ್ಲಲವಾಲಾನೆ ತುಮೆ ನಂಬು ಎ ಕಾಮಜ ಕ್ಹುದಾ ತುಮೊಕ್ಹು ಆಸ ಕರಸ" ಕೈನ ಕದ್ಯೊ.
JOH 6:30 ತಿನಾಹುತಿ ಮನಕ್ಹೊ" ಕ್ಹುದಾ ಮೊಕ್ಲಲವಾಲೊ ತುಜ಼಼ ವ್ಹೈ ಕೈನ ದೆಕಾಡಾನಾ ಹುತಿ ತು ಕಯು ಅದ್ಭುತ ಕಾಮ ಕರಶಿ?
JOH 6:31 ಅಪ್ನಾ ಪಿತೃವೊನೆ ಕ್ಹುದಾ ಉಸುಕನಿ ಜಿಮಿನಪರ ದಿದಲ ಮನ್ನಾ ಖಾದ್ಯಾ. ಪವಿತ್ರ ಗ್ರಂಥಮಾ ಬರ್ದಲ ಛೆ "ಕ್ಹುದಾ ತ್ಯುನೊನೆ ಖಾವಾನೆ ಸ್ವರ್ಗತೊ ರೊಕ್ಲಾ ದಿದ್ಯೊ "ಕೈನ ಕದ್ಯಾ.
JOH 6:32 ಯೆಸು"ಮಿ ತುಮೊನೆ ಕ್ಹರಿಜ ಕೌಸ ತುಮಾರಾ, ಮನಕ್ಹೊನೆ ಸ್ವರ್ಗತೊ ರೊಕ್ಲೊ ದಿದಲವಾಲೊ ಮೊಶೆ ನ್ಹವೈ. ತೆನೈಸೊ ಮಾರೊ ಬಾ ತುಮೊನೆ ಸ್ವರ್ಗತೊ ಕ್ಹರಿನೊ ರೊಕ್ಲೊ ದಿವಸ.
JOH 6:33 ಕ್ಹುದಾ ದಿವಾನೊ ತೆ ರೊಕ್ಲೊ ಸ್ವರ್ಗತೊ ಉತ್ರಿನ ಆಯೊಸ ವರಿ ದುನಿಯಾನೆ ಜ಼ಲಮ ದಿವಸ. ತೆಜ಼ ಕ್ಹುದಾ ದಿವಾನೊ ರೊಕ್ಲೊ ವ್ಹೈ.
JOH 6:34 ಮನಕ್ಹೊ ತಿನೆ"ಗುರು, ತೆ ರೊಕ್ಲೊ ಹಮೊನೆ ಹಮೆಶಾಬಿ ದೆ" ಕದ್ಯಾ.
JOH 6:35 ಯೆಸು ತ್ಯುನೊನೆ"ಮಿಜ಼ ಜ಼ಲಮ ದಿವಾನೊ ರೊಕ್ಲೊ ವ್ಹೈ. ಮಕನ ಆವಾಲಾನೆ ಕೆಳಾಮಾಜ ಭುಕ್ಕ ಲಾಗ್ತಿ ನೈ. ಮಪರ ಬರೊಕ್ಹೊ ಮ್ಹೆಲಲ ವಾಲಾವೊನೆ ಕೆಳಾಮಾಜ ತರಕ್ಹ ಲಾಗ್ತಿ ನೈ.
JOH 6:36 ಮಿ ತುಮೊನೆ ಪೈಲಾಜ ಕದಲ ಲಿಂಗತ, ತುಮೆ ಮನೆ ದೆಕ್ಯಾ ತಬಿ ಹಜು಼ನಬಿ ತುಮೆ ಬರೊಕ್ಹೊ ಕರಾಡ್ಯಾ ನತ್ತಿ.
JOH 6:37 ಮಾರೊ ಬಾ ದಿವಾನಾ ತೆ ಕ್ಹಾರಾ ಮನಕ್ಹೊ ಮಕನ ಆವಸ. ವರಿ ಕುನ್ನ ಮಕನ ಆವಸ ತ್ಯುನೊನೆ ಮಿ ಕೆಳಾಮಾಜ ಢಕ್ಲಿಪಾಡ್ತೊ ನೈ.
JOH 6:38 ಕಾಕದ್ಯಾಮ ಮಿ ಸ್ವರ್ಗತೊ ಮಾರಿ ಚಿತ್ತ ಲಿಂಗತ ಕರಾನೆ ಆಯೊಸ ಕೈನ ತಿಳ್ದೊ ನಕೊ. ತೆನೈಸೊ ಕುನ್ನ ಮನೆ ವಳಾಯೊಸ ತಿನಿ ಚಿತ್ತ ಪುರಾ ಕರಾನೆ ಆಯೊಸ.
JOH 6:39 ವರಿ ಮನೆ ಮೊಕ್ಲಲವಾಲಾನಿ ಮರ್ಜಿ ಅಮ್ಮ ವ್ಹೈ ಕ್ಹುದಾ ಮೊಕ್ಲಲವಾಲಾನೆ ಮಿ ಕಿನೆಜ಼ ಜವೈ ಲ್ಯು ನೈ ವರಿ ಲಾಸ್ಟನಾ ದಿನೊಮಾ ಜಿವ್ತೊ ಕರಿ ಉಟಾಡು.
JOH 6:40 ದಿಕ್ರಾನೆ ದೆಕಿನ ತಿಪರ ಬರೊಕ್ಹೊ ಮ್ಹೆಲಾಲೊ ಹರಿ ಯಕ್ಲೊ ಹಮೆಶಾನೊ ಜ಼ಲಮ ವ್ಹಂದ್ಯೊಸ. ಲಾಸ್ಟನಾ ದಿನ್ಮಾ ಮಿ ತೆ ಮನಕ್ಹನೆ ಜಿವ್ತೊ ಕರಿನ ಉಟಾಡುಸ ಮಾರೊ ಬಾ ಆಸ ಕರಾನು ಎಜ಼ ವ್ಹೈ" ಕದ್ಯೊ.
JOH 6:41 ಯಹುದ್ಯೊ ಯೆಸುನಾ ಹುತಿ ಗುಣ ಗುಟ್ಟಾಡಾತಾ. ಕಾಕದ್ಯಾಮ"ಸ್ವರ್ಗತೊ ಉತ್ರಿನ ಆವಾಲೊ ರೊಕ್ಲೊಜ ಮಿ ವ್ಹೈ ಕವಾಡೊತೊ.
JOH 6:42 ಯಹುದ್ಯೊ, ಎ ಯೊಸೆಫನೊ ದಿಕ್ರೊ ಯೆಸು ನ್ಹವೈ ಸು? ಇನಾ ಮಾ ಬಾಪ ಅಪೊನೆ ಗ್ವತ್ತ ಛೆ" ಮಿ ಸ್ವರ್ಗತೊ ಉತ್ರಿನ ಆಯೊಸ ಕೈನ ಎ ಕಿಮ್ಮ ಕವಾಡ್ಯೊಸ? ಕದ್ಯಾ.
JOH 6:43 ತೆ ವಾತೆ ಯೆಸು"ತುಮೆ ಗುಣ ಗುಟ್ಟಾನು ಹುಬ್ರಾಡೊ.
JOH 6:44 ಕುನ್ನಜ ಕಿಜಾ಼ ಲಕ್ಕಾ ನೈ ಆತಾ ಕದ್ಯಾಮ ಮನೆ ಮೊಕ್ಲಲ ಬಾ ತ್ಯುನೊನೆ ನೈ ಮೊಕಲ್ತೊ. ಬಾ ಮನೆ ಮೊಕ್ಲೊಸ ವರಿ ಬಾ ಮಕನ ಮನಕ್ಹೊ ಬಲೈ ಲಾವಸ. ಲಾಸ್ಟನಾ ದಿನೊಮಾ ತೆ ಮನಕ್ಹೊನೆ ಜಿವ್ತೊ ಕರಿನ ಉಟಾಡುಸ.
JOH 6:45 "ಪ್ರವಾದಿಯೊನಾ ಪುಸ್ತಕೊಮಾ ಅಮ್ಮ ಬರ್ದ್ಯಾಸ ವರಿ ತ್ಯುನೆ ಕ್ಹಾರಾ ಕ್ಹುದಾಕ್ಹು ಶಿಕ್ಕಲವಾಲಾ ರ‍್ಹವಸ. ಕುನ್ನ ಬಾ ಕ್ಹು ಐಕಿನ ಶಿಕ್ಕಿನ ತೆ ಮಕನ ಆವಸ.
JOH 6:46 ಬಾ ಕ್ಹು ಆಯಲವಾಲೊ ಯಕ್ಕಜ಼ ಬಾನೆ ದೆಕಲವಾಲೊ ವ್ಹೈ. ಬಿಜೊ ಕಯೊಜ ಬಾನೆ ಕೆಳಾಮಾಜ ದೆಕ್ಯಾ ನತ್ತಿ.
JOH 6:47 "ಮಿ ತುಮೊನೆ ಕ್ಹರಿಜ ಕೌಸ. ನಂಬಲವಾಲೊ ಹಮೆಶಾನೊ ಜ಼ಲಮ ವ್ಹಂದಸ.
JOH 6:48 ಮಿಜ಼ ಜ಼ಲಮ ದಿವಾನೊ ರೊಕ್ಲೊ ವ್ಹೈ.
JOH 6:49 ತುಮಾರಾ ಪಿತ್ರೊ ತ್ಯುನೊನೆ ಕ್ಹುದಾ ಉಸುಕನಿ ಜಿಮಿನ್ಮಾ ದಿದಲ ಮನ್ನಾ ಖಾದ್ಯಾತಾ ರ‍್ಹೈತುಬಿ ತ್ಯುನೆ ಮರಿ ಗಯಾ.
JOH 6:50 ತೆನೈಸೊ ಸ್ವರ್ಗತೊ ಉತ್ರಿನ ಆವಾನೊ ರೊಕ್ಲೊ ಕುನ್ನ ಖಾವಸ ತೆ ನೈ ಮರ್ತೊ.
JOH 6:51 ಸ್ವರ್ಗತೊ ಉತ್ರಿನ ಆಯಲ ಜ಼ಲಮ ರ‍್ಹಯಲ ರೊಕ್ಲೊ ಮಿಜ಼ ವ್ಹೈ. ಎ ರೊಕ್ಲೊ ಖಾವಾಲೊ ಹಮೆಶಾಬಿ ಜಿವ್ತೊ ರ‍್ಹವಸ. ಎ ರೊಕ್ಲೊಜ ಮಾರು ಅಂಗ ವ್ಹೈ. ಎ ದುನಿಯಾನೆ ದ್ಯುಸ ಕಾಕದ್ಯಾಮ‍ ತ್ಯುನೆ ಜಿವ್ತಾ ರ‍್ಹೌ.
JOH 6:52 ತೆಳಾಮಾ ಯಹುದ್ಯೊ"ಎ ಮನಕ್ಹ ತಿನಾ ಅಂಗನೆ ಅಪೊನೆ ಖಾವಾನೆ ಕಿಮ್ಮ ದಿವಾನೆ ಥಾವಸ? ಕೈನ ತ್ಯುನೊ ತ್ಯುನೊಮಾ ಶಿಟ್ಟಕ್ಹು ವಾದ-ವಿವಾದ ಕರ್ತಾ ಪುಚ್ಯಾ.
JOH 6:53 ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ತುಮೆ ಮನಕ್ಹನಾ ದಿಕ್ರಾನು ಅಂಗ ಖಾದ್ಯಾವಾಚಿ ತಿನು ರಗತ ಪಿದ್ಯಾವಾಚಿ. ತುಮೊಮಾ ಜ಼ಲಮ ರ‍್ಹತೊ ನೈ.
JOH 6:54 ಕುನ್ನ ಮಾರು ಅಂಗ ಖಾವಸ ವರಿ ಕುನ್ನ ಮಾರು ರಗತ ಪಿವಸ ತೆ ಹಮೆಶಾನೊ ಜ಼ಲಮ ವ್ಹಂದಿಲಿವಸ. ವರಿ ಮಿ ತಿನೆ ಹಮೆಶಾನೊ ಜ಼ಲಮ ವ್ಹಂದಿಲಿದ್ಯೊಸ. ಲಾಸ್ಟನಾ ದಿನ್ನೆ ಮಿ ತೆ ಮನಕ್ಹನೆ ಜಿವ್ತೊ ಕರುಸ.
JOH 6:55 ಮಾರು ಅಂಗ ಕ್ಹರಿನು ಅನ್ನ ಥಯೊಸ. ಮಾರು ರಗತ ಕ್ಹರಿನು ಪಾನಿ ಥಯೊಸ.
JOH 6:56 ಕುನ್ನ ಮಾರು ಅಂಗ ಖಾವಸ ವರಿ ಕುನ್ನ ಮಾರು ರಗತ ಪಿವಸ ತೆ ಮಾರಾಮಾ ರ‍್ಹವಸ ಮಿ ತಿನಾಮಾ ರ‍್ಹೌಸ.
JOH 6:57 "ಜಿವ್ತೊ ರ‍್ಹಯಲ ಬಾಜ ಮನೆ ವಳಾಯೊ. ವರಿ ತಿನಾಕ್ಹುಜ ಮಿ ಜಿವ್ತೊ ರ‍್ಹೌಸ, ತಿನಾಹುತಿ ಕುನ್ನ ಮನೆ ಖಾವಸ ತೆ ಮಾರಾಕ್ಹುಜ ಜಿವ್ತೊ ರ‍್ಹವಸ.
JOH 6:58 ಎ ಸ್ವರ್ಗೊ ಉತ್ರಿನ ಆಯಲ ರೊಕ್ಲೊ ವ್ಹೈ ತುಮಾರಾ ಪತೃ ಮನ್ನಾ ಖಾದ್ಯಾ ವರಿ ಮರಿಗಯಾ, ತೆನೈಸೊ ಕುನ್ನ ಎ ರಕ್ಲೊ ಖಾವಾಸ ತೆ ಹಮೆಶಾಬಿ ಜಿವ್ತೊ ರ‍್ಹವಸ.
JOH 6:59 ಯೆಸು ಕಪೆನೌರ್ಮಿಮಾ ಸಬಾಮಂದಿರಮಾ ಉಪದೆಶ ಕರ್ತಾಮಾ ಎ ಕ್ಹಾರಾ ಕದ್ಯೊ.
JOH 6:60 ಎ ಐಕಲ ತಿನಾ ಶಿಷ್ಯಾವೊನಾ ಘನ್ನಾ ಜ಼ನಾ"ಎ ಉಪದೆಶ ಕಠಿಣ ಛೆ. ಇನೆ ಕುನ್ನ ವಪ್ಪಿಲಿವಸ? ಕದ್ಯಾ.
JOH 6:61 ತಿನಾ ಶಿಷ್ಯಾ ಆಸ ಕರಾನು ತಿಳ್ದಿಲಿದಲ ಯೆಸು"ಎ ಉಪದೆಶಕ್ಹು ತುಮೊನೆ ತ್ರಾಸ ಥಾವಾಡುಸ ಸು?
JOH 6:62 ಯಕ್ಕೆಳೆ ತುಮೆ ಮನಕ್ಹನಾ ದಿಕ್ರೊ ಪೈಲಾ ಕಿಜಾ಼ ವ್ಹತ್ತೊ ವರಿ ಫರಿನ ತ್ಯಾಜ ಜಾ಼ವಾನು ದೆಕ್ಯಾಮ ತುಮೆ ಸು ಕರೊಶಿ?
JOH 6:63 ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.
JOH 6:64 ವರಿಬಿ ತುಮಾರಾವೊಮಾ ದಕ್ಹಾ ಜ಼ನಾ ಬರೊಕ್ಹೊ ನೈ ಕರ‍್ತಾ" ಕೈನ ಕದ್ಯೊ. ತಿನೆ ಬರೊಕ್ಹೊ ನೈ ಕರಲವಾಲಾ ಕುನ್ನ-ಕುನ್ನ ವ್ಹೈ ಕೈನ ತಿನೆ ಮೊಸ ಕರಾಲು ಕುನ್ನ ವ್ಹೈ ಕವಾನು ಯೆಸುನೆ ಪೈಲಾತುಜ಼ ಗ್ವತ್ತ ವ್ಹತ್ತು.
JOH 6:65 ಯೆಸು ಬೊಲ್ತೊಜ ಮಿ ಇನಾಹುತಿ ತುಮೊನೆ ಇನಾಲಿಂಗತ ಕದಲ "ಬಾನಿ ಇಜಾಜತ ನೈಸೊ ಕುನ್ನಜ ಮಕನ ನೈ ಆಸಕ್ತೊ.
JOH 6:66 ಎ ವಾತನಾ ಹುತಿ ಯೆಸುನಾ ಪಾಚಾ಼ ಜಾ಼ವಾಲಾ ಘನ್ನಾ ಜ಼ನಾ ತಿನೆ ಛೊಡಿನ ಗಯಾ ವರಿ ಕೆಳಾಮಾಜ ತಿನಾ ಪಾಚಾ಼ ಆಯಾ ನೈ.
JOH 6:67 ಯೆಸು ತಿನಾ ಬಾರಾ ಶಿಷ್ಯಾವೊನೆ"ತುಮೆಬಿ ಮನೆ ಛೊಡಿನ ಜೌ ಕೈನ ಕರ‍್ಯಾಸ ಸು? ಕೈನ ಪುಚ್ಚೊ.
JOH 6:68 ಸಿಮೊನ ಪೆತ್ರಾ ಯೆಸುನೆ"ಪ್ರಭು, ಹಮೆ ಕಿಕನ ಗಯ್ಯೆ? ಹಮೆಶಾನೊ ಜ಼ಲಮ ದಿವಾನಾ ವಾತೊ ತಾರಾಮಾ ಛೆ.
JOH 6:69 ಹಮೆ ತುಪರ ಬರೊಕ್ಹೊ ಕರಿಯೆಸ. ತು ಕ್ಹುದಾಕಂತೊ ಆಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ ಛೆ "ಕೈನ ಉತ್ತರ ದಿದ್ಯೊ.
JOH 6:70 ಪಾಚಲ್ತೊ ಯೆಸು ಕದ್ಯೊ ಸು ಮಿ ತುಮೊನೆ ಬಾರಾ ಜ಼ನಾವೊನೆ ಇನಿಲಿದ್ಯೊ ನತ್ತಿ ಸು? ವರಿಬಿ ತುಮೊಮಾ ಯಕ್ಲೊ ಸೈತಾನ ಛೆ.
JOH 6:71 ಯೆಸು ಸಿಮೊನ ಇಸ್ಕರಿಯುತನಾ ದಿಕ್ರೊ ಯುದನಾ ಹುತಿ ಬೊಲಾಡ್ಯೊತೊ. ಯುದಾ ಬಾರಾ ಜ಼ನಾ ಅಪೊಸ್ತಲೊಮಾ ಯಕ್ಲೊ ವ್ಹತ್ತೊ. ತೆನೈಸೊ ಅಗೊ ಯೆಸುನೆ ಮೊಸ ಕರಾಲೊ ಎಜ಼ ವ್ಹೈ.
JOH 7:1 ಎ ಥಯಲ್ಪರ, ಯೆಸು ಗಲಿಲಾಯ ಪುರಾ ಗಾಮಮಾ ಫರ‍್ಯೊ. ಕಾಕದ್ಯಾಮ ಯುದೆಯಮಾ ಜಾ಼ವಾನೆ ಯೆಸುನೆ ಮನಸ ನ್ಹೊತು. ತ್ಯಾನಾ ಯಹುದ್ಯೊ ತಿನೆ ಖಲಾಸ ಕರಾನೆ ಕೈದಾಡಾತಾ.
JOH 7:2 ತೆಳಾಮಾ ಯಹುದ್ಯೊನಾ ಗುಡಾರಮಾ ಅನ್ನ ಕರಿನ ಖಾವಾನೊ ಸನ್ನನೊ ಟೈಮ ಥಯೊತೊ.
JOH 7:3 ತಿನಾಹುತಿ ಯೆಸುನಾ ಭಾಯೊ ತಿನೆ"ತು ನ್ಹ್ಯಾಂತೊ ಯುದೆಯನೆ ಜಾ಼. ತೆಳಾಮಾ ತ್ಯಾ ರ‍್ಹವಾನಾ ತಾರಾ ಹಿಂಬಾಲಕೊ ತು ಕರಾನಾ ಅದ್ಭುತ ಕಾಮೊ ದೆಕಸ.
JOH 7:4 ಕಯೊಬಿ ಮನಕ್ಹ ಮನಕ್ಹೊನಾ ಕ್ಹಾಮೊ ಪ್ರಸಿದ್ದಿನೆ ಆವಾನೆ ಕರಸ ತೆ ತಿನಾ ಕಾಮೊ ದಡೈನ ಕರ‍್ತೊ ನೈ. ಕಾಕದ್ಯಾಮ ತು ಅದ್ಭುತ ಕಾಮೊ ಕರ್ಸಿ ತಿನಾಹುತಿ ದುನಿಯಾಮಾ ತುನೆ ತುಜ಼಼ ದೆಕಾಡಿನ ದೆ.
JOH 7:5 ಯೆಸುನಾ ಭಾಯೊ ಬಿ ತಿನೆ ಬರೊಕ್ಹೊ ಕರ‍್ತಾ ನ್ಹೊತಾ.
JOH 7:6 ಯೆಸು ತಿನಾ ಭಾಯೊನೆ"ಮನೆ ಕರೆಟ್ಟ ಟೈಮ ಹಜು಼ನ ನತ್ತಿ ಆಯೊ. ತುಮೊನೆ ತುಬಿ ಜಾ಼ವಾನೆ ಕ್ಹಾರೊ ಟೈಮ ಕರೆಟ್ಟ ಛೆ.
JOH 7:7 ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ.
JOH 7:8 ತಿನಾಹುತಿ ತುಮೆ ಸನ್ನ ಕರಾನೆ ಜಾವೊ ಮಿ ಎ ಸನ್ನ ಕರಾನೆ ನೈ ಜಾತೊ. ಮನೆ ಕರೆಟ್ಟ ಟೈಮ ಹಜು಼ನ ಆಯೊ ನತ್ತಿ" ಕದ್ಯೊ.
JOH 7:9 ಯೆಸು ಇಮ್ಮ ಕೈನ ಗಲಿಲಾಯಮಾ ರ‍್ಹಯೊ.
JOH 7:10 ತಿನಾಹುತಿ ಯೆಸುನಾ ಭಾಯೊ ಸನ್ನನಾ ಹುತಿ ಗಯಾ. ತ್ಯುನೆ ಗಯಲ್ಪರ ತೆಬಿ ಮನಕ್ಹೊನೆ ದಿಕ್ಹ್ಯಾವಾಚಿ ದಡಿನ ಗಯೊ.
JOH 7:11 ಸನ್ನಮಾ ಯಹುದ್ಯೊನಾ ಅದಿಕಾರಿಯೊ"ಯೆಸು ಕಿಜ್ಗಾ ಛೆ" ಕೈನ ಪುಚ್ತಾ ತಿನೆ ಹುಡ್ಕಾಡಾತಾ.
JOH 7:12 ತ್ಯಾ ಮನಕ್ಹೊನು ಮ್ಹೊಟು ಗುಂಪ ವ್ಹತ್ತು. ತೆ ಮನಕ್ಹೊಮಾ ಘನ್ನಾ ಜ಼ನಾ ಯೆಸುನಾ ಹುತಿ ಯಕ್ಕನೆ ಯಕ್ಕ ಕುಚು-ಕುಚು ಬೊಲ್ಲಿವಾಡ್ಯಾತಾ" ತೆ ಚೊ಼ಕೊ ವ್ಹೈ" ಕೈನ ದಕ್ಹಾ ಜ಼ನಾ ಕದ್ಯಾ. ಬಿಜಾ಼ ದಕ್ಹಾ ಜ಼ನಾ"ನ್ಹವೈ, ತೆ ಮನಕ್ಹೊನೆ ಮೊಸ ಕರಾಡ್ಯೊಸ" ಕೈನ ಕವಾಡಾತಾ.
JOH 7:13 ತೆನೈಸೊ ಯೆಸುನಾ ಹುತಿ ಕೆಟ್ಟ ಬೊಲಾನೆ ತೆ ಮನಕ್ಹೊಮಾ ಕಿನೆಜ಼ ತೆಕ್ಲು ದಮ್ಮ ನ್ಹೊತು. ಕಾಕದ್ಯಾಮ ಮನಕ್ಹೊ ಯಹುದ್ಯನಾ ನಾಯಕೊನೆ ಭುಚಿ಼ಕಿನ ವ್ಹತ್ತಾ.
JOH 7:14 ಕಮ್ಮಶಿ ಕಮ್ಮ ಸನ್ನನು ಅರ್ದು ಭಾಗ ಕ್ಹರಿ ಗೈತು. ತೆಳಾಮಾ ಯೆಸು ದೆವಾಲಯನೆ ಗೈನ ಉಪದೆಶ ಕರಾನು ಶುರು ಕರ‍್ಯೊ.
JOH 7:15 ಯಹುದ್ಯೊನಾ ಅದಿಕಾರಿಯೊ ಘಾಬ್ರಾ ಥಯಾ" ಎ ಮನಕ್ಹ ಕೆಳಾಮಾಜ ಎ ಕಿಜಾಜ ಅಬ್ಯಾಸ ನತ್ತಿ ಕರ‍್ಯೊ. ಎ ಅಕ್ಲು ಕ್ಹಾರು ಕಿಮ್ಮ ಶಿಕ್ಯೊ? ಕೈನ ಪುಚ್ಚಿ ಲಿವಾನು ಶುರು ಕರ‍್ಯಾ.
JOH 7:16 ಯೆಸು ತ್ಯುನೊನೆ"ಮಿ ಉಪದೆಶ ಕರಾನಾ ಸಂಗತಿಯೊ ಮಾರಿಯೊ ಸ್ವಂತ ನ್ಹವೈ. ತೆನೈತೊ ಮಾರು ಉಪದೆಶ ಮನೆ ವಳಾಯಲವಾಲಾತು ಕ್ಹುದಾ ಕಂತು ಆವಸ.
JOH 7:17 ಕ್ಹುದಾ ಆಸ ಕರಾನು ಕರಾಲಾನೆ ಮಾರು ಉಪದೆಶ ಕ್ಹುದಾತಿ ಆಯುಸ ತೆನೈಸೊ ಮಾರು ಸ್ವಂತ ನ್ಹವೈ ಕೈನ ಗ್ವತ್ತ ಥಾವಸ.
JOH 7:18 ಕುನ್ನ ತಿನಾ ಸ್ವಂತ ಅದಿಕಾರಕ್ಹು ಬೊಲಸ ತಿನಾಕ್ಹು ತಿನೆ ಮಹಿಮಾ ಕರ್ಲಿವಸ. ತೆ ನಯಸೊ ಕುನ್ನ ತಿನೆ ಮೊಕ್ಲುಸ ತಿನಿ ಮಹಿಮಾ ಕರಾನೆ ಆಸ ಕರಸ. ತೆ ಕ್ಹರಿನೊ ವ್ಹೈ ವರಿ ತಿನಾಮಾ ಕಯುಜ಼ ತರಾನು ಸುಳ್ಳ ನತ್ತಿ. ತಿ
JOH 7:19 ಮೊಶೆ ತುಮೊನೆ ಧರಮಶಾಸ್ತ್ರ ದಿದ್ಯೊ ನತ್ತಿ ಸು? ವರಿ ತುಮೆ ತಿಮಾನಿಯೊ ನಿಯೊಮೊ ಲಿಂಗತ ಚಾ಼ಲ್ತಾ ನೈ ಕರ‍್ತಾ ಕಾ ತುಮೆ ಮನೆ ಮಾರಾನೆ ಕೊಶಿಶ ಕರೊಶಿ?
JOH 7:20 ಮನಕ್ಹೊ ಕದ್ಯಾ"ತುನೆ ಭುತಡು ಧರ‍್ಯುಸ. ತುನೆ ಕುನ್ನ ಮಾರಾನೆ ಕೊಶಿಶ ಕರಾಡ್ಯುಸ ಕದ್ಯಾ.
JOH 7:21 ಯೆಸು ತ್ಯುನೊನೆ"ಮಿ ಕರಲ ಯಕ್ಕ ಅಧ್ಭುತ ಕಾಮ ಕರ‍್ಯೊತೊ ತುಮೆ ಕ್ಹಾರಾ ಘಾಬ್ರಾ ಥಯಾಸ.
JOH 7:22 ಮೊಶೆ ತುಮೊನೆ ಸುನ್ನತಿ ಹುತಿ ಆಗನ್ಯಾ ದಿದ್ಯೊತೊ. ತೆನೈಸೊ ಕ್ಹರಿನಿಜ ಸುನ್ನಿತಿ ಕವಾನಿ ಸಂಸ್ಕಾರ ತುಮೊನೆ ದಿದಲವಾಲೊ ಮೊಶೆ ನ್ಹವೈ. ತಿತ್ತಿಬಿ ಪೈಲಾಜ ರ‍್ಹಯಲ ತುಮಾರಾ ಪಿತೃಕ್ಹು ಎ ಸಂಸ್ಕಾರ ಆಯುಸ. ತಿನಾಹುತಿ ಕೆಳಾಮಾಬಿ ಯಕ್ಕೆಮ ತುಮೆ ಸಬ್ಬತ ದಿನ್ಮಾ ಬಚ್ಚಾವೊನೆ ಸುನ್ನತಿ ಕರಾವೊಸಿ.
JOH 7:23 ಇಮ್ಮ ರ‍್ಹಯುಮ ರಾಮ ಕರಾನಾ ದಿನ್ಮಾ ಕಿನೆಬಿ ರ‍್ಹೈನೆಕಾ ಸುನ್ನತಿ ಇನಾಹುತಿ ಕರಸ ಕದ್ಯಾಮ ಮೊಶೆನು ನಿಯಮ ತೊಡು ನೈ ಕದ್ಯಾಮ ಇಮ್ಮ ರ‍್ಹಯುಮ ಯಕ್ಕ ಮನಕ್ಹ ಮೊಶೆನಿ ಆಗನ್ಯಾನೆ ವಿಧೆಯ ಥಾವಾನಾ ಹುತಿ ಸಬ್ಬತ ದಿನ್ಮಾ ಸುನ್ನತಿ ಕರೈಲೆಸಕಸ ಕವಾನು ಎ ದೆಕಾಡಿನ ದಿವಸ. ಇಮ್ಮ ರ‍್ಹತಾಮಾ, ಸಬ್ಬತ ದಿನ್ಮಾ ಯಕ್ಲಾನು ತಿನು ಪುರಾ ಅಂಗ ಅರಾಮ ಕರಾನಾಹುತಿ ತುಮೆ ಕಾ ಶಿಟ್ಟ ಥಯಾಸ?
JOH 7:24 ಭಾರೊ ದೆಕಾಡಾನಾ ಹುತಿ ಫೈಸಲೊ ಕರ‍್ಯಾವಾಚಿ ಕರೆಟ್ಟ ಫೈಸಲೊ ಕರೊ" ಕೈನ ಕದ್ಯೊ.
JOH 7:25 ಪಾಚಲ್ತೊ, ಯೆರುಸಲೆಮಮಾ ರ‍್ಹಯಲ ದಕ್ಹಾ ಮನಕ್ಹೊ"ಅದಿಕಾರಿಯೊ ಕಲಾಸ ಕರಾನೆ ಕೊಶಿಶ ಕರಾನು ಎಜ಼ ಮನಕ್ಹನೆ ವ್ಹೈ ಸು?
JOH 7:26 ತೆನೈಸೊ ದೆಕೊ ಎ ಕ್ಹಾರಾ ಮನಕ್ಹೊನಾ ಕ್ಹಾಮೊಜ಼ ಬೊಲ್ತೊ ರ‍್ಹವಸ. ವರಿ ತೆ ಮನಕ್ಹೊ ತಿನಾ ವಿರುದ್ದ ಸುಜ಼ ಬೊಲಾಡ್ಯಾ ನತ್ತಿ. ಯಕ್ಕ ಟೈಮ ಎಜ಼ ಕ್ಹರಿನೊ ಕ್ರಿಸ್ತ ವ್ಹೈ ಕವಾನಾ ವಳಕ್ಯಾಸು?
JOH 7:27 ವರಿಬಿ ಎ ಮನಕ್ಹ ಕಿಜಾತೊ ಆಯೊಸ ಕವಾನು ಹಮೊನೆ ಗ್ವತ್ತ ಛೆ. ತೆನೈಸೊ, ಕ್ರಿಸ್ತ ಆತಾಮಾ, ತೆ ಕಿಜಾತೊ ಆಯೊಸ ಕೈನ ಕಿನೆಜ಼ ಗ್ವತ್ತ ನತ್ತಿ. ಕೈನ ಬೊಲ್ಲಿದ್ಯಾ.
JOH 7:28 ಯೆಸು ದೆವಾಲಯಮಾ ಹಜು಼ನ ಉಪದೆಶ ಕರ‍್ತಾಮಾ ತೆಳಾಮಾ ತೆ ಜೊ಼ರ ವದ್ರಿನ "ಹೊ, ತುಮೊನೆ ಮಾರಾ ಹುತಿ ಗ್ವತ್ತ ಛೆ. ಮಿ ಕಿಜಾತೊ ಆಯೊಸ ಕವಾನು ತುಮೊನೆ ಗ್ವತ್ತ ಛೆ. ತೆನೈಸೊ ಮಿ ಆಯಲ ಮಾರಾ ಸ್ವಂತ ಅಧಿಕಾರಕ್ಹು ನ್ಹವ್ಹೈ. ಮನೆ ಮೊಕ್ಲ್ಯೊಸ ತೆ ಕ್ಹರಿನೊ ವ್ಹೈ. ತುಮೊನೆ ತಿನಾಹುತಿ ಗ್ವತ್ತ ನತ್ತಿ.
JOH 7:29 ತೆನೈಸೊ ಮಿ ತಿನೆ ವಳಕ್ಯೊಸ. ವರಿಬಿ ಮಿ ತಿನಾಕ್ಹುಜ ಆಯೊಸ. ವರಿ ತೆಜ಼ ಮನೆ ಮೊಕ್ಲ್ಯೊಸ" ಕದ್ಯೊ.
JOH 7:30 ಎ ಐಕಿನ ಮನಕ್ಹೊ ತಿನೆ ಧರಾನೆ ಕೊಶಿಶ ಕರ‍್ಯಾ. ತೆನೈಸೊ ಯೆಸುಪರ ಕಿನೆಜ಼ ಹತ ಘಾಲಾನೆ ಸಾದ್ಯ ಥಯು ನೈ. ಕಾಕದ್ಯಾಮ ಯೆಸುನೆ ಹಜು಼ನ ಕರೆಟ್ಟ ಟೈಮ ಆಯೊ ನ್ಹೊತೊ.
JOH 7:31 ತೆನೈಸೊ ಗುಂಪಮಾನಾ ಘನ್ನಾ ಮನಕ್ಹೊನು ಯೆಸುಪರ ಬರೊಕ್ಹೊ ಮ್ಹೆಲ್ಯಾ. ವರಿ ಕದ್ಯಾ ತ್ಯುನೆ"ಕ್ರಿಸ್ತ ಆವಾಡ್ಯೊಸ ಕೈನ ಹಮೆ ದೆಕಾಡ್ಯಾಸ. ಕ್ರಿಸ್ತ ಆತಾಮಾ ಎ ಮನಕ್ಹ (ಯೆಸು) ಕರ‍ಲತಿಬಿ ಹೆಚ್ಕಿ ಸುಚಕ ಕಾಮೊ ಕರಾಲೊ ವ್ಹೈ ಸು? ನ್ಹವೈ! ತಿನಾಹುತಿ ಎಜ಼ ಕ್ರಿಸ್ತ ವಸೆ" ಕದ್ಯಾ.
JOH 7:32 ಯೆಸುನಾ ಹುತಿ ಮನಕ್ಹೊನು ಗುಂಪ ಕುಚು಼-ಕುಚು಼ ಬೊಲನು ಪರಿಸಾಯರೊ ಐಕ್ಯಾ. ತಿನಾಹುತಿ ಖಾಸ ಯಾಜಕೊ ವರಿ ಫರಿಸಾಯರೊ ಯೆಸುನೆ ಧರಾನಾ ಹುತಿ ದಕ್ಹಾ ಕೈದಾಲಾವೊನೆ ಜ಼ನಾವೊನೆ ಮೊಕಲ್ಯಾ.
JOH 7:33 ತೆಳಾಮಾ ಯೆಸು"ಹಜು಼ನ ದಕ್ಹಾ ಟೈಮ ಮಿ ತುಮಾರಾ ಕ್ಹಾತೆ ರ‍್ಹೌಸ. ಪಾಚಲ್ತೊ ಮನೆ ಮೊಕ್ಲಲವಾಲಾಕನ ಜೌ಼ಸ.
JOH 7:34 ತುಮೆ ಮನೆ ಹುಡಕೊಸಿ, ವರಿಬಿ ಮನೆ ವಳಕ್ತಾಜ ನೈ. ವರಿ ಮಿ ರ‍್ಹಯಲ ಜ಼ಗಾ ತುಮೆ ಆತಾ ನೈ" ಕೈನ ಕದ್ಯಾ.
JOH 7:35 ಯಹುದ್ಯೊನಾ ಅದಿಕಾರಿಯೊ ತ್ಯುನೊ ತ್ಯುನೊಮಾಜ಼"ಇನೆ ಅಪೆ ವಳಕೆ ನೈಸೊ ಎ ಕಿಜಾ಼ ಜಾ಼ವಸ? ಅಪ್ನಾ ರ‍್ಹಯಲ ಗ್ರಿಕ ಮನಕ್ಹೊನಾ ಗಾಮ್ಮಾ ಗೈನ ಗ್ರಿಕ ವಾಲಾವೊನೆ ಉಪದೆಶ ಕರಸ ಸು?
JOH 7:36 ಎ "ತುಮೆ ಮನೆ ಹುಡ್ಕೊಶಿ ತೆನೈಸೊ ತುಮೆ ಮನೆ ಹುಡಕ್ತಾ ನೈ ಕವಸ ತೆನೈಸೊ ಎ ಮಿ ಕಿಜಾ಼ ಚಾಲ್ಯೊಸ ತುಮೆ ನೈ ಆತಾ ಕೈನ ಕವಸ. ಇನು ಮತ್ಲಬ ಸು ವ್ಹೈ? ಕೈನ ಯಕ್ಕನೆ ಯಕ್ಕ ಬೊಲ್ಲಿದ್ಯಾ.
JOH 7:37 ಸನ್ನನು ಲಾಸ್ಟ ದಿನ್ನ ಐಯುತು. ತೆ ಕ್ಹಾರಾತಿ ಕಾಸ ದಿನ್ನ ಐಯು ತೆ ದಿನ್ನೆ ಯೆಸು ಹುಬ್ರೈನ, ಜೊ಼ರ ವದ್ರಿನ "ಕಿನೆಬಿ ತರಕ್ಹ ಲಾಗಲ ರ‍್ಹಯಮ ತೆ ಮಕನ ಐನ ಪಿವಾದೆ.
JOH 7:38 ಮಾರಾ ಉಪ್ಪರ ಬರೊಕ್ಹೊ ಮ್ಹೆಲಲವಾಲಾನಾ ಪೆಟಮಾತು ಜ಼ಲಮನು ಪಾನಿನಿ ಝರಿಯೊ ವೈನ ಜಾ಼ವಸ. ಪವಿತ್ರ ಗ್ರಂಥ ತಿಳ್ಸಾವಾನು ಎಜ಼ ವ್ಹೈ "ಕೈನ ಜೊ಼ರ ವದ್ರಿನ ಕದ್ಯೊ.
JOH 7:39 ಯೆಸು ಪವಿತ್ರಾ ಆತ್ಮಾನಾ ಹುತಿ ಎ ಕುನ್ನ ತಿಪರ ಬರೊಕ್ಹೊ ಮ್ಹೆಲಲವಾಲಾನೆ ತೆ ತ್ಯುನೆ ಪಡ್ದಿಲಿವಾನು ವ್ಹತ್ತು. ತೆಳಕ್ಕಾ ಪವಿತ್ರ ಆತ್ಮಾ ದಿದಲ ನ್ಹೊತಿ ಕಾಕದ್ಯಾಮ ಹಜುಬಿ ಯೆಸು ಮಹಿಮಾತು ಜಿವ್ತೊ ಥೈನ ಉಟ್ಯೊ ನ್ಹೊತೊ. ಕದ್ಯೊತೊ ತಿನೆ ಬರೊಕ್ಹೊ ಕರಲವಾಲಾ ವ್ಹಂದಿಲಿವಾನು ಪವಿತ್ರ ಆತ್ಮಾನಾ ಹುತಿ ಕದ್ಯೊ. ತೆ ಹಜು಼ನ ತಿನಿ ಮಹಿಮಾ ನೈ ವ್ಹಂದಿಲಿದಲಕ್ಹು ಪವಿತ್ರ ಆತ್ಮಾ ಹಜು಼ನ ದಿದ್ಯೊ ನ್ಹೊತೊ.
JOH 7:40 ಎ ಸಂಗತಿಯೊ ಐಕಲ ಮನಕ್ಹೊನಾ ಗುಂಪಮಾನಾ ದಕ್ಹಾ ಜ಼ನಾ"ಎ ಮನಕ್ಹ ಕ್ಹರಿಬಿ ಪ್ರವಾದಿ ವ್ಹೈ" ಕದ್ಯಾ.
JOH 7:41 ದಕ್ಹಾ ಜ಼ನಾ"ತೆ ಮಸ್ಸಿಹಾ ವ್ಹೈ" ಕವಸ. ಬಿಜಾ಼ ದಕ್ಹಾ ಜ಼ನಾ"ಮಸ್ಸಿಹಾ ಗಲಿಲಾಯತೊ ನೈ ಆತೊ! ಕವಸ.
JOH 7:42 ಕ್ರಿಸ್ತ ದಾವಿದನಾ ಕುಟುಂಬತೊ ದಾವಿದ ರ‍್ಹಯಲ ಬೆತ್ಲೆಹೆಮ ಗಾಮತೊ ಆವಸ ಕೈನ ಪವಿತ್ರ ಗ್ರಂಥ ಕವಸ್ತೊ" ಕದ್ಯಾ.
JOH 7:43 ಇಮ್ಮ ಯೆಸುನಾ ಹುತಿ ಮನಕ್ಹೊನಾ ಗುಂಪಮಾ ಭಾಗೊ ಥಯಾ.
JOH 7:44 ದಕ್ಹಾ ಜ಼ನಾ ಯೆಸುನೆ ಧರು ಕೈನ ವ್ಹತ್ತಾ. ತೆನೈಸೊ ಕುನ್ನಜ ತಿಪರ ಹತ್ತ ಉಚೈಯು ನೈ.
JOH 7:45 ದೆವಾಲಯನೆ ಕೈದಾಲಾವೊನಾ ಪಾಚಾ಼ ಫರಿನ ಗಯಲ ಪರ, ಖಾಸ ಯಾಜಕೊ ವರಿ ಪರಿಸಾಯರೊ ತ್ಯುನೊನೆ"ತುಮೆ ತಿನೆ ಕಾ ಧರಿನ ಲಾಯಾ ನೈ? ಕೈನ ಪುಚ್ಯಾ.
JOH 7:46 ದೆವಾಲಯನೆ ಕೈದಾಲಾ"ಹಜು಼ನ ಲಕ್ಕಾಬಿ ತೆ ಬೊಲಲ ಲಿಂಗತ ಕುನ್ನಜ ಬೊಲ್ಯು ನತ್ತಿ ಕೈನ ಉತ್ತರ ದಿದ್ಯಾ.
JOH 7:47 ಪರಿಸಾಯರೊ"ಇಮ್ಮ ರ‍್ಹಯುಮ, ಯೆಸು ತುಮೊನೆಬಿ ಮರಳ ಕರ‍್ಯೊಸ!
JOH 7:48 ಅದಿಕಾರಿಯೊಮಾ ನೈತೊ ಫರಿಸಾಯರೊಮಾ ಯಕ್ಲೊ ತಬಿ ತಿಪರ ಬರೊಕ್ಹೊ ಕರ‍್ಯಾಸು?
JOH 7:49 ತೆನೈಸೊ ಎ ಮನಕ್ಹೊನೆ ಧರಮಶಾಸ್ತ್ರನಾ ಹುತಿ ಸುಜ಼ ಗ್ವತ್ತ ನತ್ತಿ. ತ್ಯುನೆ ಕ್ಹುದಾನಾ ಶ್ರಾಪನೆ ಮ್ಹೈಥಯಾಸ" ಕೈನ ಕದ್ಯಾ.
JOH 7:50 ತೆನೈಸೊ ತ್ಯುನೊಮಾ ನಿಕೊದೆಮ ವ್ಹತ್ತೊ. ಪೈಲಾ ಯೆಸುನೆ ದೆಕಾನೆ ಗಯೊತೊ.
JOH 7:51 ನಿಕೊದೆಮ"ಯಕ್ಕ ಮನಕ್ಹನಿ ವಾತ ಐಕ್ಯಾವಾಚಿ ಫೈಸಲೊ ಕರಾನಾ ಅಪ್ನು ಧರಮಶಾಸ್ತ್ರ ಇಜಾಜತ ನೈ ದೆತು. ತೆ ಕರಲ ಹಮೆ ತಿಳದಿಲಿಯೆ ಲಕ್ಕಾ ತಿನೆ ಫೈಸಲೊ ಕರಾನೆ ನೈ ಥಾತು" ಕೈನ ಕದ್ಯೊ.
JOH 7:52 ತ್ಯುನೆ ತಿನೆ"ತು ಗಲಿಲಾಯನೊ ವ್ಹೈ ಸು? ಪವಿತ್ರ ಗ್ರಂಥ ಅಬ್ಯಾಸ ಕರ. ಗಲಿಲಾಯತೊ ಕಯೊ ಪ್ರವಾದಿ ನೈ ಆತೊ ಕೈನ ತೆಳಾಮಾ ತುನೆ ಗ್ವತ್ತ ಥಾವಸ" ಕೈನ ಉತ್ತರ ದಿದ್ಯಾ.
JOH 7:53 ಪಾಚಾ಼ತಾ ತ್ಯುನೆ ಕ್ಹಾರಾ ತ್ಯುನಾ-ತ್ಯುನಾ ಘರೆ ಗಯಾ.
JOH 8:1 ಯೆಸು ಒಲಿವ ಝಾಡೊನೊ ಡೊಂಗರಪರ ಗಯೊ.
JOH 8:2 ವರಿ ತ್ಯಾಂತೊ ಹೆಟೊ ಉತ್ರಿನ ತೆ ದೆವಾಲಯ ಫರಿನ ಗಯೊ. ಕ್ಹಾರಾ ಮನಕ್ಹೊ ಯೆಸುಕನ ಮಳಿನ ಸುತ್ತೆ ಹುಬ್ರಯಾ. ತೆ ಬೈಟಿನ ಮನಕ್ಹೊನೆ ಉಪದೆಶ ಕರ‍್ಯೊ.
JOH 8:3 ಧರ್ಮೊಪದೆಶ ಕರಾಲಾ ವರಿ ಪರಿಸಾಯರೊ ಯಕ್ಕ ಬಾಕ್ಡಿನೆ ತ್ಯಾ ಲಿನ ಆಯಾ. ತೆ ಬಾಕ್ಡಿ ವ್ಯಭಿಚಾರ ಕರ‍್ತಾಮಾ ಕ್ಹಾಪಡಿತಿ. ತ್ಯುನೆ ತೆ ಬಾಕ್ಡಿನೆ ಮನಕ್ಹೊನಾ ಗುಂಪನಾ ಕ್ಹಾಮಾ ಲೈನ ಹುಬ್ರಾಡ್ಯಾ,
JOH 8:4 ತೆಳಾಮಾ ಯೆಸುನೆ ಮನಕ್ಹೊ"ಗುರು, ಎ ಬಾಕ್ಡಿ ವ್ಯಭಿಚಾರ ಕರ‍್ತಾಮಾ ಕ್ಹಾಪಡಿಸ.
JOH 8:5 ಹವಾ ಕಾಮೊ ಕರಾಲಿ ಹರಿ ಯಕ್ಕ ಬಾಕ್ಡಿನೆ ದಗ್ಡಾ ಮಾರಿನ ಖಲಾಸ ಕರು ಕೈನ ಮೊಶೆನಾ ಧರಮಶಾಸ್ತ್ರಮಾ ಆಗನ್ಯಾ ದಿದ್ಯೊಸ. ಇನಾಹುತಿ ತು ಸು ಕಶಿ? ಕೈನ ಪುಚ್ಯಾ.
JOH 8:6 ಯೆಸುನೆ ವಾತೊಮಾ ಕ್ಹಾಪಡೈನ ತಿಪರ ತಪ್ಪ ಘಾಲಾನೆ ಥಾವಸ ಕೈನ ತೆ ವಾತ ಪುಚ್ಯಾ. ತೆನೈಸೊ ಯೆಸು ಹೆಟೊ ಬೈಟಿನ ಹತನಾ ಬೊಟಕ್ಹು ಜಿಮಿನಪರ ಬರ್ದಾನು ಶುರು ಕರ‍್ಯೊ.
JOH 8:7 ತ್ಯುನೆ ತೆಜ಼ ಪ್ರಶ್ನೆ ವರಿ ಪುಚ್ಯಾ. ತೆಳಾಮಾ ಯೆಸು ಸಿದಾ ಬೈಟಿನ"ತೊಮೊಮಾ ಪಾಪ ನೈ ಕರಲವಾಲೊ ತಿನೆ ಪೈಲಾ ದಗ್ಡೊ ಮಾರಾದೆ" ಕೈನ,
JOH 8:8 ವರಿ ತೆ ಡ್ವಗ್ಗಿನ ಜಿಮಿನಪರ ಬರ್ದ್ಯೊ.
JOH 8:9 ಯೆಸುನಿಯೊ ಎ ವಾತೊ ಐಕಿನ ಪೈಲಾ ತ್ಯಾ ರ‍್ಹಯಲ ಶಾನಾತಿ ಧರಿನ ಹರಿ ಯಕ್ಲಾ ಮನಕ್ಹೊ ಗೈಪಡ್ಯಾ. ಲಾಸ್ಟೆ ತ್ಯಾ ಹುಬ್ರಯಲ ಯೆಸು ಯಕ್ಲೊಜ ವ್ಹೈ. ವರಿ ತೆ ಬಾಕ್ಡಿ ತಿನಾ ಕ್ಹಾಮಿ ಹುಬ್ರೈತಿ.
JOH 8:10 ಯೆಸು ಸಿದಾ ಹುಬ್ರೈನ"ಬೈ, ತ್ಯುನೆ ಕ್ಹಾರಾ ಕಿಜಾ಼ ಛೆ? ತುಪರ ತಪ್ಪ ಘಾಲಲವಾಲಾ ಯಕ್ಲಾಬಿ ನತ್ತಿ ಸು? ಕೈನ ಪುಚ್ಯೊ.
JOH 8:11 ತೆ ಬಾಕ್ಡಿ"ಸ್ವಾಮಿ, ತ್ಯುನೊಮಾನೊ ಯಕ್ಲೊಬಿ ನತ್ತಿ" ಕದಿ. ಯೆಸು ತಿನೆ"ಮಿ ತುಪರ ತಪ್ಪ ನೈ ಘಾಲ್ತೊ. ತು ಹಮ್ನಾ ಜಾ಼, ಹಬ್ದಾತಿ ತು ಪಾಪ ಕರು ನಕೊ" ಕೈನ ಕದ್ಯೊ.
JOH 8:12 ಪಾಚಾ಼ತಾ, ಯೆಸು ವರಿ ಮನಕ್ಹೊನಾ ಕ್ಹಾತೆ ಬೊಲ್ತೊ"ಮಿಜ಼ ಎ ದುನಿಯಾನೆ ಉಜಾಲು ವ್ಹೈ. ಮಾರಾ ಪಾಚೊ಼ ಆವಾಲೊ ಯಕ್ಲೊಬಿ ಅಂದಾರಾಮಾ ಕೆಳಾಮಾಜ ಚಾಲ್ತೊನೈ. ತೆ ಜ಼ಲಮ ದಿವಾನು ಉಜಾಲು ವ್ಹಂದಿಲಿದಲವಾಲೊ ಥಾವಸ ಕದ್ಯೊ.
JOH 8:13 ಫರಿಸಾಯರೊ ಯೆಸುನೆ"ತು ತಾರಾ ಹುತಿ ಸಾಕ್ಷಿ ದಿವಾಡೊಸ. ತೆನೈಸೊ ಎ ಸಾಕ್ಷಿ ಕ್ಹರಿ ನ್ಹವೈ" ಕೈನ ಕದ್ಯಾ.
JOH 8:14 ಯೆಸು, ಹೊ"ಮಿಜ಼ ಮಾರಾ ಹುತಿ ಕವಾನಿ ಎ ಸಾಕ್ಷಿ ಕ್ಹರಿ ಛೆ. ಕಾಕದ್ಯಾಮ ಮಿ ಕಿಜಾತೊ ಆಯೊಸ ಕವಾನು ಮಿ ಕಿಜಾ಼ ಜೌ಼ಸ ಕವಾನು ಮನೆಜ ಗ್ವತ್ತ ಛೆ. ತೆನೈಸೊ ಮಿ ಕಿಜಾತೊ ಆಯೊಸ ಮಿ ಕಿಜಾ಼ ಜೌ಼ಸ ಕವಾನು ತುಮೊನೆ ಗ್ವತ್ತ ನತ್ತಿ"
JOH 8:15 ತುಮೆ ಮನಕ್ಹೊ ಕರಲ ಲಿಂಗತ ಫೈಸಲೊ ಕರಾಡಾಸ. ತೆನೈಸೊ ಮಿ ಕಿನೆಜ಼ ಫೈಸಲೊ ಕರ್ತೊ ನೈ.
JOH 8:16 ತೆನೈಸೊ ಯಕ್ಕೆಳೆ ಮಿ ಫೈಸಲೊ ಕರ‍್ಯೊಮ ತೆ ಕ್ಹರಿನೊ ರ‍್ಹವಸ. ಕಾಕದ್ಯಾಮ ಮಿ ಯಕ್ಲೊಜ ನತ್ತಿ ಮನೆ ವಳಾಯಲವಾಲೊ ಮಾರೊ ಬಾ ಮಾರಾ ಕ್ಹಾತೆ ರ‍್ಹವಸ.
JOH 8:17 ತುಮಾರಾ ಧರ್ಮ ಶಾಸ್ತ್ರಮಾ ಅಮ್ಮ ಬರ್ದಲ ಛೆ ಬೆ ಜ಼ನಾ ಕದಲ ಸಾಕ್ಷಿ ಕ್ಹರಿ ವ್ಹೈ.
JOH 8:18 ಮಾರಾ ಹುತಿ ಸಾಕ್ಷಿ ಕವಾಲೊ ಮಿ ಯಕ್ಲೊ ವರಿ ಮನೆ ವಳಾಯಲವಾಲೊ ಮಾರೊ ಬಾ ವರಿ ಯಕ್ಕ ಸಾಕ್ಷಿ ಥಯೊಸ "ಕೈನ ಉತ್ತರ ದಿದ್ಯೊ.
JOH 8:19 ತೆಳಾಮಾ ತ್ಯುನೆ"ತಾರೊ ಬಾ ಕಿಜಾ಼ ಛೆ? ಕೈನ ಪುಚ಼್ಚಾ. ಯೆಸು ತ್ಯುನೊನೆ "ತುಮೊನೆ ಮಿ ರ‍್ಹೈನೆಕಾ ಮಾರೊ ಬಾ ರ‍್ಹೈನೆಕಾ ಗ್ವತ್ತ ನತ್ತಿ. ಯಕ್ಕೆಳೆ ತುಮೆ ಮನೆ ತಿಳ್ದಿಲಿದಲ ರ‍್ಹವತ್ತೊ, ಮಾರಾ ಬಾನೆಬಿ ತಿಳ್ದಿಲಿದಲ ರ‍್ಹತಾತಾ" ಕೈನ ಕದ್ಯೊ.
JOH 8:20 ಯೆಸು ದೆವಾಲಯಮಾ ಕಾಣಿಕೆನಿ ಪೆಟಕಿ ಕನ ಹುಬ್ರೈನ ಉಪದೆಶ ಕರ್ತಾಮಾ ಎ ವಾತೊ ಕದ್ಯೊ. ತಿಮ್ಮ ರ‍್ಹಯುತಬಿ ತಿನೆ ಧರ‍್ಯು ನೈ ಕಾಕದ್ಯಾಮ ತಿನೆ ಧರಾನೊ ಟೈಮ ಹಜು಼ನ ಆಯೊ ನ್ಹೊತೊ.
JOH 8:21 ವರಿ ಯೆಸು ತ್ಯುನೊನೆ"ಮಿ ಚಾಲ್ಯೊಸ ತುಮೆ ಮನೆ ಹುಡ್ಕೊಶಿ. ತೆನೈಸೊ ತುಮೆ ತುಮಾರಾ ಪಾಪೊಮಾಜ ಮರೊಶಿ. ಮಿ ಜಾ಼ವಾನಿ ಜ಼ಗಾ ಪರ ತುಮೆ ನೈ ಆಸ್ತಾ" ಕೈನ ಕದ್ಯೊ.
JOH 8:22 ಎ ಯಹುದಿಯೊನೆ ತೆ ತಿನೊಜ ಜ಼ಲಮ ಲಿವಸ ಸು? ತಿನಾಹುತಿ ತೆ ಮಿ ಕಿಜಾ಼ ಜೌ಼ಸ ತ್ಯಾ ತುಮೊನೆ ಆವಾನೆ ನೈ ಥಾತು ಕೈನ ಕವಾಡ್ಯೊಸ ಸು? ಕೈನ ತ್ಯುನಾ-ತ್ಯುನಾಮಾ ಬೊಲ್ಲಿವಾ ವರ್ಕ್ಹು ಥಯು.
JOH 8:23 ತೆನೈಸೊ ಯೆಸು"ತುಮೆ ಹೆಟಲ್ಯಾ ವ್ಹೈ ಮಿ ಉಪ್ಪರಲ್ಯೊ ವ್ಹೈ. ತುಮೆ ಎ ದುನಿಯಾನಾ ವ್ಹೈ ತೆನೈಸೊ ಮಿ ಎ ದುನಿಯಾನೊ ನ್ಹವ್ಹೈ.
JOH 8:24 ತಿನಾಹುತಿ ಮಿ ಕದಲ ವ್ಹೈ ತುಮೆ ತುಮಾರಾ ಪಾಪೊಮಾ ಕರೊಶಿ ಕೈನ ವರಿ ತುಮೆ ಮಿ ಕುನ್ನ ವ್ಹೈ ಕೈನ ಮಿಜ಼ ತೆ ವ್ಹೈ ಕೈನ ಬರೊಕ್ಹೊ ನೈ ಕರ‍್ಯಾಮ ತುಮೆ ತುಮಾರಾ ಪಾಪೊಮಾಜ ಮರೊಶಿ" ಕೈನ ಕದ್ಯೊ.
JOH 8:25 ತೆಳಾಮಾ ತ್ಯುನೆ"ತು ಕುನ್ನ ವ್ಹೈ? ಕೈನ ಪುಚ್ಯಾ. ಯೆಸು ತ್ಯುನೊನೆ"ಮಿ ಕುನ್ನ ವ್ಹೈ ಕವಾನು ತುಮೊನೆ ಪೈಲಾತೊ ಕತೊ ಆಯೊತೊ, ತೆಜ಼ ಮಿ ವ್ಹೈ.
JOH 8:26 ತುಮಾರಾ ಹುತಿ ಫೈಸಲಾನಾ ಹುತಿ ಕವಾನೆ ಘನ್ನು ಛೆ. ತೆನೈಸೊ ವಳಾಯಲವಾಲೊ ಕ್ಹರಿನೊ ವ್ಹೈ ವರಿ ಮಿ ತಿಕಂತೊ ಸು ಐಕ್ಯೊಸ ತೆಜ಼ ದುನಿಯಾನೆ ಕೌಸ.
JOH 8:27 ಯೆಸು ಕಿನಾಹುತಿ ಬೊಲಾಡೊಸ ಕವಾನು ಮನಕ್ಹೊ ತಿಳ್ದಿಲಿದ್ಯಾ ನೈ. ಯೆಸು ತ್ಯುನೊನೆ ಬಾನಾ (ಕ್ಹುದಾ) ಹುತಿ ಕವಾಡೊತೊ.
JOH 8:28 ತಿನಾಹುತಿ ತೆ ತ್ಯುನೊನೆ"ಕೆಳಾಮಾ ತುಮೆ ಮನಕ್ಹನಾ ದಿಕ್ರಾನೆ ಉಪ್ಪರ ಚಡಾವೊಶಿ, ತೆಳಾಮಾ ತೆಜ಼ ಮಿ ವ್ಹೈ ಕವಾನು ತುಮೊನೆ ಗ್ವತ್ತ ಥಾವಸ ವರಿ ಮಿ ಕರಾನು ಮಾರಾ ಸ್ವಂತ ಚಿತ್ತಕ್ಹು ನ್ಹವ್ಹೈ. ತೆನೈಸೊ ಮಾರೊ ಬಾ ಕದಲ ತಿಮ್ಮ ಮಿ ಶಿಕ್ಲಾವಾಡೊಸ ಕೈನ ಕದ್ಯೊ.
JOH 8:29 ಮನೆ ವಳಾಯಲವಾಲೊ ಮಾರಾ ಕ್ಹಾತೆ ಛೆ. ತೆ ಮನೆ ಯಕ್ಲಾನೆಜ ಛೊಡಿನ ದಿದ್ಯೊ ನೈ. ತಿನಾಹುತಿ ಮಿ ಕೆಳಾಮಾಬಿ ತಿನೆ ಪಸಂದ ರ‍್ಹಯಲಜ ಕರುಸ "ಕೈನ ಕದ್ಯೊ.
JOH 8:30 ಯೆಸು ಎ ಸಂಗತಿಯೊ ಕತಾಮಾ, ಘನ್ನಾ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ.
JOH 8:31 ತಿನಾಹುತಿ ಯೆಸು ತಿಪರ ಬರೊಕ್ಹೊ ಮ್ಹೆಲಲ ಯಹುದಿಯೊನೆ"ತುಮೆ ಮಾರಾ ಉಪದೆಶನೆ ವಿಧೆಯ ಥಯಲ ರ‍್ಹವತ್ತೊ, ತುಮೆ ಕ್ಹರಿಬಿ ಮಾರಾ ಪಾಚಾ಼ ಆವಾಲಾ ಥಯಾಸ.
JOH 8:32 ತುಮೆ ಕ್ಹರಿನೆ ತಿಳ್ದಿಲಿವೊಸಿ. ವರಿ "ತೆ ಕ್ಹರಿ ತುಮೊನೆ ಸ್ವತಂತ್ರ ಕರಸ" ಕೈನ ಕದ್ಯೊ.
JOH 8:33 ತೆಳಾಮಾ ತ್ಯುನೆ, ಹಮೆ ಅಬ್ರಹಾಮನಾ ಸಂತತಿವಾಲಾ ವ್ಹೈ. ಹಮೆ ಕೆಳಾಮಾಜ ಕಿನಾ ಗುಲಾಮೊ ನ್ಹೊತಾ. ಇಮ್ಮ ರ‍್ಹಯುತಬಿ"ಹಮೊನೆ ಸ್ವತಂತ್ರ ಥಾವಾಸ ಕೈನ ತು ಕವಾನು ಶಾನೆ? ಕದ್ಯಾ.
JOH 8:34 ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ಪಾಪ ಕರಾಲೊ ಹರಿ ಯಕ್ಲೊಬಿ ಪಾಪನೆ ಗುಲಾಮ ಥಯಾಸ.
JOH 8:35 ಗುಲಾಮ ಯಕ್ಕ ಘರಮಾ ಹಮೆಶಾ ರ‍್ಹತೊ ನೈ. ತೆನೈಸೊ ದಿಕ್ರೊ ಕುಟುಂಬಮಾ ಹಮೆಶಾ ರ‍್ಹಯಲವಾಲೊ ವ್ಹೈ.
JOH 8:36 ತಿನಾಹುತಿ ದಿಕ್ರೊ ತುಮೊನೆ ಸ್ವತಂತ್ರ ಕರ‍್ಯೊಮ, ತುಮೆ ಕ್ಹರಿಮಾಜ಼ ಸ್ವತಂತ್ರ ಥಯಾಸ.
JOH 8:37 ತುಮೆ ಅಬ್ರಹಾಮನಾ ಸಂತತಿವಾಲಾ ವ್ಹೈ ಕೈನ ಮನೆ ಗ್ವತ್ತ ಛೆ. ತೆನೈಸೊ ತುಮೆ ಮನೆ ಖಲಾಸ ಕರಿಯೆ ಕೈನ ಕೈಲಿದ್ಯಾಸ. ಕಾಕದ್ಯಾಮ ಮಿ ಕವಾನಾ ವಾತೊ ವಪ್ಪಿಲಿವಾತಾ ನೈ.
JOH 8:38 ಮಾರೊ ಬಾ ದೆಕಾಡಲಜ ಮಿ ತುಮೊನೆ ಕೌಸ. ತುಮೆತೊ ತುಮಾರೊ ಬಾ ತುಮೊನೆ ಕದಲ ಕರೊಶಿ" ಕೈನ ಕದ್ಯೊ.
JOH 8:39 ತ್ಯುನೆ"ಅಬ್ರಹಾಮ ಹಮಾರೊ ಬಾ ವ್ಹೈ" ಕೈನ ಕದ್ಯಾ. ಯೆಸು"ತುಮೆ ಕ್ಹರಿಮಾಜ಼ ಅಬ್ರಹಾಮನಾ ಬಚಚಾ ರ‍್ಹಯಾಮ ಅಬ್ರಹಾಮ ಕರಲ ಕಾಮೊಜ ಕರ್ತಾತಾ.
JOH 8:40 ಮಿ ಕ್ಹುದಾಕ್ಹು ಐಕಲ ಕ್ಹರಿಜ ತುಮೊನೆ ಕವಾಲೊ ಮನಕ್ಹ ಮಿ ಥಯೊಸ. ತೆನೈಸೊ ತುಮೆ ಮನೆ ಖಲಾಸ ಕರಾನೆ ಕೊಶಿಶ ಕರಾಡಾಸ. ಅಬ್ರಹಾಮ ತೆವೊ ಸುಜ಼ ಕರ‍್ಯೊ ನೈ.
JOH 8:41 ತಿನಾಹುತಿ ತುಮಾರೊ ಸ್ವಂತ ಬಾ ಕರಲಜ ತುಮೆ ಕರಾಡಾಸ ಕೈನ ಕದ್ಯೊ. ತೆನೈಸೊ ತ್ಯುನೆ"ಹಮೆ ವ್ಯಭಿಚಾರಕ್ಹು ಹುಟ್ಟಲ ನ್ಹವೈ. ಕ್ಹುದಾ ಯಕ್ಲೊಜ ಹಮೊನೆ ಬಾ ವ್ಹೈ. ವರಿ ಹಮೆ ತಿನಾ ಕ್ಹರಿನಾ ಬಚಚಾ ಥಯಾಸ "ಕೈನ ಕದ್ಯಾ.
JOH 8:42 ಯೆಸು ತೆ ಯಹುದಿಯೊನೆ"ಕ್ಹುದಾ ಕ್ಹರಿಮಾಜ಼ ತುಮಾರೊ ಬಾ ರ‍್ಹಯೊಮ, ತುಮೆ ಮನೆ ಮಯಾ ಕರ್ತಾತಾ. ಕಾಕದ್ಯಾಮ, ಮಿ ಕ್ಹುದಾ ಕಂತೊ ಆಯೊಸ ವರಿ ಮಿ ನ್ಹ್ಯಾ ಛೆ. ಮಿ ಆಯಲ ಮಾರು ಸ್ವಂತ ಅದಿಕಾರಕ್ಹು ನ್ಹವೈ. ಕ್ಹುದಾಜ ಮನೆ ಮೊಕ್ಲ್ಯೊಸ.
JOH 8:43 ಮಿ ಕವಾನಿಯೊ ಎ ಸಂಗತಿಯೊ ತುಮೆ ಕಾ ಕಳೈ ಲೆತಾ ನೈ? ಕಾಕದ್ಯಾಮ ಮಿ ಕದಲ ವಾತೊ ತುಮೊನೆ ತಡ್ದಿಲಿವಾನೆ ಥಾತು ನೈ.
JOH 8:44 ಸೈತಾನಜ ತುಮಾರೊ ಬಾ ವ್ಹೈ. ತುಮೆ ತಿನಾಜ ಸಂತಾನ ವ್ಹೈ. ವರಿ ತುಮಾರಾ ಬಾ ಲಿಂಗತ ಚಾಲಾನೆ ಮನಸ ಕರೊಶಿ. ತೆ ಪೈಲಾತೊಬಿ ಖಲಾಸ ಕರಾಲೊ ರ‍್ಹಯಲ ಹುತಿ ಕ್ಹರಿನೆ ವಿರೊಧಿ ವ್ಹೈ. ತಿಮಾ ಕ್ಹರಿ ಕವಾನು ನತ್ತಿಜ ತೆ ಸ್ವಭಾವ ಲಿಂಗತ ಸುಳ್ಳ ಬೊಲಸ. ತೆ ಸುಳ್ಳ ಕವಾಲು ವ್ಹೈ ತೆ ಸುಳ್ಳನೊ ಬಾ ವ್ಹೈ.
JOH 8:45 ತೆನೈಸೊ ಮಿ ಕ್ಹರಿಜ ಕೌಸ ತಿನಾಹುತಿ ತುಮೆ ನಂಬ್ತಾ ನೈ.
JOH 8:46 ಮಾರಾಮಾ ಪಾಪ ದೆಕಾಡಿನ ದಿವಾಲೊ ತುಮೊಮಾ ಕುನ್ನಬಿ ಛೆ ಸು? ತೆನೈಸೊ ಮಿ ಕ್ಹರಿ ಕದ್ಯೊಮ ತುಮೆ ಕಾ ನಂಬ್ತಾ ನೈ?
JOH 8:47 ಕುನ್ನ ಕ್ಹುದಾನೊ ವ್ಹೈ ತೆ ಕ್ಹುದಾ ಕವಾನಿಯೊ ವಾತೊ ಐಕಸ. ಇನಾಹುತಿ ತುಮೆ ಮಾರಿ ವಾತೊ ನೈ ಐಕ್ತಾ. ಕಾಕದ್ಯಾಮ ತುಮೆ ಕ್ಹುದಾನಾ ನ್ಹವ್ಹೈ "ಕದ್ಯೊ.
JOH 8:48 ಯಹುದ್ಯೊ ತಿನೆ, ಸು ಹಮೆ ಕವಾನು ಕರೆಟ್ಟ ನ್ಹೊತು ಸು ತು ಸಮಾರ್ಯವಾಲೊ ವ್ಹೈ ಕೈನ ತಾರಾಮಾ ಕೆಟ್ಟ ಆತ್ಮಾ ಛೆ "ಕೈನ ಕದ್ಯಾ.
JOH 8:49 ಯೆಸು ತ್ಯುನೊನೆ"ಮಾರಾಮಾ ಕೆಟ್ಟ ಆತ್ಮಾ ನತ್ತಿ. ಮಿ ಮಾರಾ ಬಾನೆ ಮರ್ಯಾದಿ ದ್ಯುಸ, ವರಿಬಿ ತುಮೆ ಮನೆ ಮರ್ಯಾದಿ ದೆತಾ ನೈ.
JOH 8:50 ಮನೆ ಮರ್ಯಾದಿ ಮಳು ಕೈನ ಮಿ ಕೊಶಿಶ ಕರಾಡ್ಯೊ ನತ್ತಿ. ಮನೆ ಮರ್ಯಾದಿ ಮಳು ಕೈನ ಕವಾಲೊ ಬಿಜೆಕ್ಲೊ ಛೆ. ತೆಜ಼ ನ್ಯಾಯಾದಿಪತಿ ವ್ಹೈ.
JOH 8:51 ಮಿ ತುಮೊನೆ ಕ್ಹರಿ ರ‍್ಹಯಲಜ ಕೌಸ. ಮಾರಿ ವಾಕ್ಯಾನೆ ವಿಧೆಯ ಥಾವಾಲೊ ಕೆಳಾಮಾಜ ಮರತೊ ನೈ" ಕೈನ ಕದ್ಯೊ.
JOH 8:52 ಯೆಹುದಿಯೊ ತಿನೆ"ಕ್ಹರಿಮಾಬಿ ತಾರಾಮಾ ಕೆಟ್ಟ ಆತ್ಮಾ ಛೆ ಕೈನ ಹಮ್ನಾ ಹಮೊನೆ ಗ್ವತ್ತ ಥಯು! ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿಗಯಾ ತೆನೈಸೊ ವರಿಬಿ "ಮಾರಿ ಉಪದೆಶನೆ ವಿಧೆಯ ಥಾವಾಲೊ ಕೆಳಾಮಾಜ ಮರ್ತೊಜ ನೈ ಕೈನ ತು ಕವಾಡ್ಯೊಸ.
JOH 8:53 ಹಮಾರೊ ಬಾ ಥಯಲ ಅಬ್ರಹಾಮತೊ ತು‍ ಮ್ಹೊಟೊ ವ್ಹೈ ಕೈನ ಕೈಲಿದ್ಯೊ ಸು? ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿ ಗಯಾ ಇಮ್ಮ ರ‍್ಹತಾಮಾ, ತಾರಾಕ್ಹು ತು ಕುನ್ನ ವ್ಹೈ ಕೈನ ತಿಳ್ದಿಲಿದ್ಯೊಸ? ಕೈನ ಪುಚ್ಯಾ.
JOH 8:54 ಯೆಸು ತ್ಯುನೊನೆ"ಮಾರಾಕ್ಹು ಮಿಜ಼ ಮಹಿಮಾ ಕರ್ಲಿದ್ಯೊಮ, ತೆ ಮಹಿಮಾನೆ ಕಯುಜ಼ ಕಿಮ್ಮತ ನತ್ತಿ. ಮಾರೊ ಬಾಜ ಮನೆ ಮಹಿಮಾನೆ ಕರಾವಸ. ತುಮೆ ಕಿನೆ ತುಮಾರೊ ಬಾ ಕವೊಶಿ ತೆ ಕ್ಹುದಾಜ ವ್ಹೈ.
JOH 8:55 ತೆನೈಸೊ ತುಮೆ ತಿನೆ ಕ್ಹರಿಮಾಜ಼ ವಳಕ್ಯಾ ನತ್ತಿ. ತೆನೈಸೊ ಮಿ ತಿನೆ ವಳಕ್ಯೊಸ. ಮಿ ತಿನೆ ವಳಕ್ಯೊ ನತ್ತಿ ಕದ್ಯಾಮ ತುಮಾರಾ ಲಿಂಗತ ಸುಳ್ಳ ಕವಾಲೊ ಥೌಸ. ಮಿ ತಿನೆ ವಳಕ್ಯೊಸ. ತೆನೈಸೊ ಮಿ ತಿನಿ ವಾಕ್ಯಾನೆ ವಿಧಯ ಥೌಸ.
JOH 8:56 ಮಿ ಆವಾನೊ ದಿನ್ನ ತೆ ದೆಕಸ ಕೈನ ತುಮಾರೊ ಬಾ ಥಯಲ ಅಬ್ರಹಾಮ ಘನ್ನೊ ಖುಶಿ ಥಯೊ. ತೆ ದಿನೊ ದೆಕ್ಯೊ ವರಿ ತೆ ಘನ್ನೊ ಖುಶಿ ಥಯೊ ಕೈನ ಕದ್ಯೊ.
JOH 8:57 ತ್ಯುನೆ ಯೆಸುನೆ, ತು ಹಜು಼ನ ಐವತ್ತ ವರಕ್ಹನೊಬಿ ನತ್ತಿ ತು ಅಬ್ರಹಾಮನೆ ದೆಕಿ ಪಾಡ್ಯೊ ಸು? ಕೈನ ಕದ್ಯಾ.
JOH 8:58 ಯೆಸು ತ್ಯುನೊನೆ"ಮಿ ತುಮೊನೆ ಕ್ಹರಿಜ಼ ಕೌಸ. ಅಬ್ರಹಾಮ ಹುಟ್ಟಾತಿ ಪೈಲಾಜ ಮಿ ಛೆ" ಕೈನ ಕದ್ಯೊ.
JOH 8:59 ಎ ಐಕಲ ಬರೊಬ್ಬರ ಮನಕ್ಹೊ ತಿನೆ ನಾಕಾನೆ ದಗ್ಡಾ ಲಿದ್ಯಾ. ತೆನೈಸೊ ಯೆಸು ದಡಿ ರ‍್ಹೈನ ದೆವಾಲಯಮಾತೊ ಗೈಪಡ್ಯೊ.
JOH 9:1 ಯೆಸು ಚಾಲ್ತೊ ಜಾ಼ತಾ ಟೈಮ್ಮಾ ಯಕ್ಕ ಹುಟ್ಟತೊಜ ಕುಡ್ಡೊ ರ‍್ಹಯಲ ವಾಲಾನೆ ದೆಕ್ಯೊ.
JOH 9:2 ಯೆಸುನಾ ಶಿಷ್ಯಾ ತಿನೆ"ಗುರು ಆ ಮನಕ್ಹ ಕುಡ್ಡೊ ಥೈನ ಹುಟ್ಟಾನೆ ಕಿನು ಪಾಪ ಕಾರಣ ವ್ಹೈ? ತೆ ಕರಲ ಪಾಪ ವ್ಹೈ ಸು ತಿನಾ ಮಾ ಬಾಪ ಕರಲ ಪಾಪ ವ್ಹೈ? ಕೈನ ಪುಚ್ಯಾ.
JOH 9:3 ಯೆಸು ತ್ಯುನೊನೆ"ತಿನು ಪಾಪ ರ‍್ಹೈನೆಕಾ ತಿನಾ ಮಾ ಬಾಪ ಕರಲ ಪಾಪ ರ‍್ಹೈನೆಕಾ ಕಾರಣ ನವೈ. ಕ್ಹುದಾನು ಕಾಮ ತಿಮಾ ದಿಕ್ಹು ಕೈನ ಇಮ್ಮ ಥಯುಸ.
JOH 9:4 ಮನೆ ವಳಾಯಲವಾಲಾನು ಕಾಮ ಅಪೆ ದಿನ್ನ ರ‍್ಹತಾಮಾಜ ಕರು. ರಾತ ಆವಸ. ತೆಳಾಮಾ ಕುನ್ನಜ ಕಾಮ ನೈ ಕರತು.
JOH 9:5 ಮಿ ಆ ದುನಿಯಾಮಾ ರ‍್ಹತಾಮಾ, ಮಿಜ಼ ಆ ದುನಿಯಾನೆ ಉಜಾಲು ಥಯೊಸ" ಕದ್ಯೊ.
JOH 9:6 ಯೆಸು ಎ ವಾತ ಕದಲ್ಪರ ಜಿಮಿನ್ಪರ ಥುಕ್ಕಿನ ತಿಕ್ಹು ಚುಕೊಲ ಕರಲಿನ ತೆ ಮನಕ್ಹನಾ ಡೊಳಾವೊನೆ ಲಗಾಡ್ಯೊ.
JOH 9:7 ಯೆಸು ತೆ ಮನಕ್ಹನೆ"ಗೈನ ಸಿಲೊವಾ ತಳಾಮಾ ಧ್ವಲೆ" ಕೈನ ಕದ್ಯೊ. ಸಿಲೊವಾ ಕದ್ಯಾಮ "ವಳಾಯಲವಾಲೊ" ತಿನಾಲಿಂಗತ ತೆ ಗೈನ ಧ್ವಲಿದ್ಯೊ. ತೆಳಾಮಾ ತೆ ಆತಾಮಾ ಡೊಳಾ ದಿಕ್ಹ್ಯಾ.
JOH 9:8 ವರಿ ಎ ಮನಕ್ಹ ಪೈಲಾ ಭಿಕ ಮಾಂಗ್ತೊತೊ ದೆಕಲ ದಕ್ಹಾ ಜ಼ನಾ ವರಿ ತಿನಾ ಆಜು಼ ಬಾಜುವಾಲಾ"ದೆಕಿನ! ಹಮೆಶಾಬಿ ಭಿಕ ಮಾಂಗ್ತೊ ಬೈಟಾಲೊ ಎಜ಼ ನ್ಹವೈ ಸು ಕೈನ ಪುಚ್ಯಾ.
JOH 9:9 ದಕ್ಹಾ ಮನಕ್ಹೊ"ಹೊ ತೆಜ಼ ವ್ಹೈ ಕೈನ ಕದ್ಯಾ. ಎ ದಕ್ಹಾ ಜ಼ನಾ"ನ್ಹವೈ ಎ ತೆ ಮನಕ್ಹ ನ್ಹವೈ. ಎ ತಿನಾ ಲಿಂಗತಜ಼ ಛೆ ಕದ್ಯಾ. ತಿನಾಹುತಿ ತೆ ಮನಕ್ಹ "ಮಿಜ಼ ತೆ ವ್ಹೈ" ಕೈನ ಕದ್ಯೊ.
JOH 9:10 ಮನಕ್ಹೊ ತುನೆ"ತುನೆ ದಿಕ್ಹಾನು ಕಿಜಾ಼ ಮಳ್ಯು? ಕೈನ ಕದ್ಯಾ.
JOH 9:11 ತೆ ಮನಕ್ಹ ತ್ಯುನೊನೆ "ಯೆಸು ಕವಾಲೊ ದಕ್ಹು ಚುಕೊಲ ಕರಿನ ಮಾರಾ ಡೊಳೆ ಲಗಾಡಿನ ಸಿಲೊವಾ ಇರಮಾ ಧ್ವಲೆ ಕೈನ ಕದ್ಯೊ. ತಿನಾಲಿಂಗತಜ಼ ಮಿ ಗೈನ ಧ್ವಲಿದ್ಯೊ. ಹಮ್ನಾ ಮನೆ ದಿಕ್ಹಸ ಕೈನ ಕದ್ಯೊ.
JOH 9:12 ಪರಿಸಾಯರೊ ತೆ ಮನಕ್ಹನೆ, ತೆ ಮನಕ್ಹ ಹಮ್ನಾ ಕಿಜ್ಗಾ ಛೆ? ಕೈನ ಪುಚ್ಯಾ. ತೆ ಮನಕ್ಹ "ಮನೆ ಗ್ವತ್ತ ನತ್ತಿ "ಕೈನ ಕದ್ಯೊ. ಪಾಚಾ಼ತಾ ಮನಕ್ಹೊ ತೆ ಮನಕ್ಹನೆ ಪರಿಸಾಯರೊ ಕನ ಬಲೈ ಲಾಯಾ. ಪೈಲಾ ಕುಡ್ಡೊ ರ‍್ಹಯಲ ಎಜ಼ ವ್ಹೈ.
JOH 9:13 ಯೆಸು ಮಾತಿ ಲಿನ ಚುಕೊಲ ಕರಿನ ತಿನಾ ಡೊಳಾ ಅರಾಮ ಕರ‍್ಯೊ. ಯೆಸು ಎ ಕಾಮ ಕರಲ ಸಬ್ಬತ ದಿನ್ಮಾ ವ್ಹೈ. ತಿನಾಹುತಿ ತ್ಯುನೆ ತೆ ಮನಕ್ಹನೆ "ಕಿಮ ದಿಕ್ಹಾಡ್ಯು" ಕೈನ ಪುಚ್ಯಾ. ತೆ ಮನಕ್ಹ"ತೆ ಮಾರಾ ಡೊಳಾನೆ ಚುಕೊಲ ಲಗಾಡ್ಯೊ. ಮಿ ಧ್ವಲಿದ್ಯೊ. ಹಮ್ನಾ ಮನೆ ಡೊಳಾ ದಿಕ್ಹಾಡ್ಯಾಸ ಕೈನ ಕದ್ಯೊ.
JOH 9:14 ಯೆಸು ಚುಕೊಲ ಕರಿನ ತಿನಾ ಡೊಳಾವೊನೆ ಅರಾಮ ಕರ‍್ಯೊ. ಯೆಸು ಎ ಕಾಮ ಕರಲ ಸಬ್ಬತ ದಿನ್ನಮಾ ವ್ಹೈ.
JOH 9:15 ತಿನಾಹುತಿ ಫರಿಸಾಯರೊ ತೆ ಮನಕ್ಹನೆ ವರಿ ಯಕ್ಕೆಮ, ತುನೆ ಡೊಳಾ ಕಿಮ್ಮ ಆಯಾ? ಕೈನ ಪುಚ಼್ಚಾ. ತೆ ಮನಕ್ಹ"ತೆ ಮಾರಾ ಡೊಳಾವೊನೆ ಚುಕೊಲ ಲಗಾಡ್ಯೊ. ಮಿ ಧ್ವಲಿದ್ಯೊ. ಹಮ್ನಾ ಮನೆ ಡೊಳಾ ದಿಕ್ಹಾಡಾಸ" ಕೈನ ಉತ್ತರ ದಿದ್ಯೊ.
JOH 9:16 ಫರಿಸಾಯರೊಮಾ ದಕ್ಹಾ ಜ಼ನಾ"ಎ ಮನಕ್ಹನೆ ಕ್ಹುದಾ ಕಂತೊ ಆಯಲವಾಲೊ ನ್ಹವ್ಯ. ಕಾಕದ್ಯಾಮ ಎ ಅರಾಮ ಕರಾನಾ ದಿನ್ನನೆ ಪಾಲನ ಕರ್ತೊ ನೈ "ಬಿಜಾ಼ ಮನಕ್ಹೊ"ಎ ಪಾಪಿ ರ‍್ಹಯೊಮ ಹವಾ ಅಧ್ಭುತ ಕಾಮೊ ಕಿಮ ಕರಸ? ಕದ್ಯಾ. ಇಮ್ಮ ತ್ಯುನೊ ತ್ಯುನೊಮಾ ವಾದ-ವಿವಾದ ಥಯು.
JOH 9:17 ಫರಿಸಾಯರೊ ವರಿ ಯಕ್ಕೆಮ, ಅರಾಮ ಥಯಲವಾಲಾವೊನೆ"ತೆ ಮನಕ್ಹ ತುನೆ ಡೊಳಾ ದಿಕ್ಹೆ ಲಿಂಗತ ಕರ್ಯೊ ತೆನೈಸೊ ತಿನಾಹುತಿ ತುನೆ ಸು ಕಶಿ? ಕೈನ ಪುಚ್ಯಾ. ತೆ ವಾತೆ "ತೆ ಯಕ್ಕ ಪ್ರವಾದಿ" ಕೈನ ಕದ್ಯೊ.
JOH 9:18 ಎ ಮನಕ್ಹ ಪೈಲಾ ಕುಡ್ಡೊ ವ್ಹತ್ತೊ. ಹಮ್ನಾ ತಿನಾ ಡೊಳಾ ದಿಕ್ಹಾಡಾಸ ಕೈನ ಯೆಹುದಿಯೊನಾ ನಾಯಕೊ ತಿನಾ ಮಾ ಬಾಪನೆ ಬಲೈ ಲಾಯೆ ಲಕ್ಕಾ ನಂಬ್ಯಾ ನೈ.
JOH 9:19 ತ್ಯುನೆ ತಿನಾ ಮಾ ಬಾಪನೆ"ಆ ತುಮಾರೊ ದಿಕ್ರೊ ವ್ಹೈ ಸು? ಎ ಹುಟ್ತಾಮಾತೊಜ ಕುಡ್ಡೊ ವ್ಹೈ ಕೈನ ಕವೊಶಿ ತಿಮ್ಮ ರ‍್ಹಯುಮ ಹಮ್ನಾ ಇನೆ ಕಿಮ ದಿಕ್ಹಾಡ್ಯುಸ? ಕೈನ ಪುಚ್ಯಾ.
JOH 9:20 ತಿನಾ ಮಾ ಬಾಪ"ಆ ಹಮಾರೊ ದಿಕ್ರೊ ವ್ಹೈ ಕವಾನು ಹಮೊನೆ ಗ್ವತ್ತ ಛೆ. ವರಿ ಎ ಹುಟ್ತಾಮಾತೊಬಿ ಕುಡ್ಡೊ ಛೆ ಕವಾನು ಹಮೊನೆ ಗ್ವತ್ತ ಛೆ.
JOH 9:21 ತೆನೈಸೊ ಕುನ್ನ ಮಾತಿ ಲಗಾಡಿನ ತಿನೆ ದಕ್ಹಾ ವರಕ್ಹು ಕರ‍್ಯು ಕವಾನು ಹಮೊನೆ ವರಿ ಇನೆ ಕಿಮ್ಮ ದಿಕ್ಹಾಡುಸ ಕವಾನು ಹಮೊನೆ ಗ್ವತ್ತ ನತ್ತಿ. ತಿನೆಜ ಪುಚ್ಚೊ. ತೆ ತಿನಾ ಹುತಿ ಕವಾಯಕ್ಲೊ ಹಜು಼ನ ಜಾಂಜಿಮಾನ ಛೆ" ಕದ್ಯಾ.
JOH 9:22 ತಿನಾ ಮಾ ಬಾಪ ಗಿನೆ ಯೆಹುದಿಯೊನಾ ನಾಯಕೊನೆ ಭುಚ್ಕಲ ಹುತಿ ಇಮ್ಮ ಕದ್ಯಾ. ಕಾಕದ್ಯಾಮ ತ್ಯುನೆ ಪೈಲಾತಾಜ ವಿಚಾರ ಕರ್ಲಿದ್ಯಾತಾ ಕುನ್ನ ಯೆಸುನೆ ಕ್ರಿಸ್ತ ವ್ಹೈ ಕೈನ ಕವಸ ತಿನೆ ಸಭಾಮಂದಿರಮಾತಾ ಭಾರಾ ಘಾಲಿಯೆಸ ಕೈನ ಯಹುದ್ಯೊನಾ ನಾಯಕೊ ಕದ್ಯಾತಾ.
JOH 9:23 ತಿನಾ ಹುತಿಜ ತಿನಾ ಮಾ ಬಾಪ"ತೆ ಮ್ಹೊಟೊ ಥಯೊಸ ತಿನೆ ಪುಚ್ಚೊ" ಕೈನ ಕದ್ಯಾ.
JOH 9:24 ಯಹುದಿಯೊನಾ ನಾಯಕೊ, ಕುಡ್ಡೊ ರ‍್ಹಯಲ ತೆ ಮನಕ್ಹನೆ ಬೆಂವಾ ಸಲಾ ಮ್ಹೈ ಬಲೈನ, ವರಿ "ತು ಕ್ಹುದಾನಾ ಕ್ಹಾಮೊ ಕ್ಹರಿ ಬೊಲ. ತುನೆ ಡೊಳಾ ದಿದಲ ಮನಕ್ಹ ಪಾಪಿ ವ್ಹೈ ಕೈನ ಹಮೊನೆ ಗ್ವತ ಛೆ" ಕದ್ಯಾ.
JOH 9:25 ತೆ ಮನಕ್ಹ "ತೆ ಪಾಪಿ ವ್ಹೈ ಸು ನ್ಹವೈ ಮನೆ ಗ್ವತ್ತ ನತ್ತಿ. ತೆನೈಸೊ ಮಿ ಕುಡ್ಡೊ ವ್ಹತ್ತೊ; ಹಮ್ನಾ ಮಿ ದಿಕಾಡೊಸ ಕವಾನು ಮನೆ ಗ್ವತ್ತ ಛೆ ಕದ್ಯೊ"
JOH 9:26 ಯಹುದಿಯೊನಾ ನಾಯಕೊ" ತೆ ತುನೆ ಸು ಕರ‍್ಯೊ? ತೆ ತಾರಾ ಡೊಳಾವೊನೆ ಕಿಮ ಅರಾಮ ಕರ‍್ಯೊ? ಕೈನ ಪುಚ್ಯಾ.
JOH 9:27 ತೆ ಮನಕ್ಹ ತ್ಯುನೊನೆ"ತೆಳಾಮಾಜ಼ ತುಮೊನೆ ಕದ್ಯೊಸ್ತೊ. ತೆನೈಸೊ ತುಮೆ ಮನೆ ಕಾನ ದಿದ್ಯಾನೈ. ಹಮ್ನಾ ತೆ ವರಿ ಕಾ ಪುಚ್ಚಾಡ್ಯಾಸ? ತುಮೆಬಿ ತಿನಾ ಶಿಷ್ಯಾ ಥೌಸ ಕೈ ಕೈಲಿದ್ಯಾಸು? ಕೈನ ಕದ್ಯೊ.
JOH 9:28 ತ್ಯುನೆ ತೆ ಮನಕ್ಹನೆ ಕದ್ರೈನ"ತು ತಿನಾ ಪಾಚಾ಼ ಜಾ಼ವಾಲೊ ಥಾವಾಡ್ಯೊಸ. ಹಮೆ ಮೊಶೆನಾ ಪಾಚಾ಼ ಜಾ಼ವಾಲಾ ವ್ಹೈ.
JOH 9:29 ಕ್ಹುದಾ ಮೊಶೆನಾ ಕ್ಹಾತೆ ಬೊಲ್ಯೊಸ ಕವಾನು ಹಮೊನೆ ಗ್ವತ್ತ ಛೆ. ತೆನೈಸೊ ಎ ಮನಕ್ಹ ಕಿಜಾತೊ ಆಯೊಸ ಕವಾನುಬಿ ಹಮೊನೆ ಗ್ವತ್ತ ನತ್ತಿ "ಕೈನ ಕದ್ಯಾ.
JOH 9:30 ತೆ ಮನಕ್ಹ"ಎ ಘನ್ನು ಘಾಬ್ರಾ ಥಾವಾನು ಸಂಗತಿ ವ್ಹೈ. ತೆ ಕಿಜಾತೊ ಆಯೊಸ ಕವಾನು ತುಮೊನೆ ಗ್ವತ್ತ ನತ್ತಿ. ತೆನೈಸೊ ತೆ ಮನೆ ಡೊಳಾ ದಿದ್ಯೊ.
JOH 9:31 ಕ್ಹುದಾ ಪಾಪಿಯೊನೆ ನೈ ಐಕ್ತೊ ಕೈನ ಅಪೊನೆ ಕ್ಹಾರಾವೊನೆ ಗ್ವತ್ತ ಛೆ. ತೆನೈಸೊ ಕ್ಹುದಾ ತಿನೆ ಭಕ್ತಿಮಾ ರ‍್ಹವಾಲಾವೊನೆ ವರಿ ತಿನಿ ಆಸ ಲಿಂಗತ ಕರಲಾವಾಲಾವೊನಿ ಐಕಸ.
JOH 9:32 ಪೈಲಾತಾ ಕುನ್ನಬಿ ಕುಡ್ಡೊ ರ‍್ಹಯಲವಾಲಾನೆ ಡೊಳಾ ದಿದಲ ಕೆಳಾಮಾಜ ಐಕ್ಯಾ ನತ್ತಿ.
JOH 9:33 ಎ ಮನಕ್ಹ ಕ್ಹುದಾ ಕಂತೊ ನೈ ಆಯಲ ರ‍್ಹವತ್ತೊ ಇಕನ ಸುಜ಼ ಕರಾನೆ ಥಾತು ನ್ಹೊತು" ಕೈನ ಕದ್ಯೊ.
JOH 9:34 ತ್ಯುನೆ ತಿನೆ"ಪಾಪಮಾಜ ಹುಟ್ಟಿನ ಬೆಳದಲವಾಲೊ ತು ವ್ಹೈ! ಹಮೊನೆ ಶಿಕ್ಲಾವಾಡೊಸ ಸು? ಕೈನ ಉತ್ತರ ದಿದ್ಯಾ. ವರಿ ತ್ಯುನೆ ತಿನೆ ಸಭಾಮಂದಿರಮಾತಾ ಭಾರಾ ಢಕಲ್ಯಾ.
JOH 9:35 ತ್ಯುನೆ ತೆ ಮನಕ್ಹನೆ ಭಾರಾ ಘಾಲ್ಯಲ ಯೆಸುನೆ ಗ್ವತ್ತ ಥಯು. ಯೆಸು ತೆ ಮನಕ್ಹನೆ ಮಳಿನ"ತು ಮನಕ್ಹನಾ ದಿಕ್ರಾಪರ ಬರೊಕ್ಹೊ ಕರಶಿ ಸು? ಕೈನ ಪುಚ್ಚೊ.
JOH 9:36 ತೆಳಾಮಾ ತೆ ಮನಕ್ಹ ತಿನೆ"ಸ್ವಾಮಿ, ತೆ ಮನಕ್ಹನೊ ದಿಕ್ರೊ ಕುನ್ನ ವ್ಹೈ? ಮನೆ ಕೆ. ಕಾಕದ್ಯಾಮ ಮಿ ತಿಪರಜ ಬರೊಕ್ಹೊ ಕರೆ ಲಿಂಗತ ಥಾವಾದೆ" ಕೈನ ಕದ್ಯೊ.
JOH 9:37 ಯೆಸು"ತು ತಿನೆ ದೆಕ್ಯೊಸ. ವರಿ ಹಮ್ನಾ ತಾರಾ ಕ್ಹಾತೆ ಬೊಲಾಜೊಜ಼ ತೆಜ಼ ವ್ಹೈ" ಕೈನ ಕದ್ಯೊ.
JOH 9:38 ತೆ ಮನಕ್ಹ"ಹೊ ಪ್ರಭು, ಮಿ ಬರೊಕ್ಹೊ ಕರುಸ" ಕೈನ ಕದ್ಯೊ. ಪಾಚಲ್ತೊ ತೆ ತಿನಾ ಕ್ಹಾಮೊ ಅಡ್ಡ ಪಾಡ್ಯೊ.
JOH 9:39 ಯೆಸು"ಎ ದುನಿಯಾನೆ ಫೈಸಲೊ ಕರಾನೆ ಆಯೊಸ. ವರಿ ಕುಡ್ಡಾ ದೆಕೆ ಲಿಂಗತ ಥೌ ಕೈನ ಡೊಳಾ ರ‍್ಹಯಲವಾಲಾ ಕುಡ್ಡಾ ಥೌ ಕೈನ ಮಿ ಆಯೊ" ಕೈನ ಕದ್ಯೊ.
JOH 9:40 ಯೆಸುನಾ ಕ್ಹಾತೆ ರ‍್ಹಯಲ ದಕ್ಹಾ ಫರಿಸಾಯರೊ ಎ ಐಕಿನ"ಕ್ಹರಿಮಾಜ಼ ತು ಹಮೆಬಿ ಕುಡ್ಡಾ ವ್ಹೈ ಕೈನ ಕವಾಡ್ಯೊಸ ಸು? ಕೈನ ಸವಾಲ ಕರ‍್ಯಾ.
JOH 9:41 ಯೆಸು ತ್ಯುನೊನೆ"ತುಮೆ ಕ್ಹರಿಬಿ ಕುಡ್ಡಾ ರ‍್ಹಯಮ ಪಾಪ ಕವಾನಾ ಅಪರಾದನೆ ಗುರಿ ಥಾತಾ ನ್ಹೊತಾ. ತೆನೈಸೊ ತುಮೆ"ಹಮೊನೆ ಡೊಳಾ ದಿಕ್ಹಸ ಕೈನ ಕವೊಶಿ. ತಿನಾಹುತಿ ತುಮೆ ಪಾಪಿಯೊಜ ಥಯಾಸ" ಕೈನ ಕದ್ಯೊ.
JOH 10:1 ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ಬಕ್ರಾನಿ ಹಕ್ಕಿಮಾ ಬಾಕಲಮಾತೊ ಆಯವಾಚಿ ಬಿಜಿ ಬಗಲ್ತೊ ಗೊಡಿ ಉಡಿನ ಆವಾಲೊ ಚ್ವಟ್ಟೊಜ ವರಿ ಕಾಳ್ಳಿನ ಜಾ಼ವಾಲೊ ವ್ಹೈ.
JOH 10:2 ಕುನ್ನ ಬಾಕಲಮಾತೊ ಆವಸ ತೆ ಮನಕ್ಹ ಕುರಬುರ‍್ಯೊ ವ್ಹೈ.
JOH 10:3 ಕೈದಾಲೊ ಕುರಬುರ‍್ಯಾನೆ ಬಾಕಲ ಕಾಡಸ. ವರಿ ಬಕ್ರಾ ತಿನಾ ಅವಾಜ಼ ಐಕಸ. ತೆ ಬಕ್ರಾವೊನೆ ನಾಮ ಲಿನ ಬಲಾತಾಮಾ ಬಕ್ರಾ ತಿನಿ ಅವಾಜ಼ ಐಕಸ. ವರಿ ತೆ ತ್ಯುನಾ ಅಗು ಚಾಲ್ತೊ ಪಾಚೊ಼ ಬಲೈ ಲಿನ ಜಾ಼ವಸ.
JOH 10:4 ಕೆಳಾಮಾ ತೆ ತಿನಾ ಕ್ಹಾರಾ ಬಕ್ರಾವೊನೆ ಭಾರೊ ಬಲೈ ಲಿನ ಜಾ಼ವಸ ತೆಳಾಮಾ ತೆ ಅಗೊ-ಅಗೊ ಜಾ಼ವಸ ತಿನಾ ಬಕ್ರಾ ತಿನಾ ಪಾಚಾ಼-ಪಾಚಾ಼ ಜಾ಼ವಸ. ಕಾಕದ್ಯಾಮ ತೆ ಬಕ್ರಾ ತಿನಿ ಸ್ವರ ವಳಕಸ..
JOH 10:5 ತೆನೈಸೊ ಬಕ್ರಾ ತ್ಯುನೊನೆ ನೈ ಗ್ವತ್ತ ರ‍್ಹಯಲ ಮನಕ್ಹನಾ ಪಾಚಾ಼ ಕೆಳಾಮಾಜ ನೈ ಜಾ಼ತಾ. ತಿನಾಹುತಿ ತ್ಯುನೆ ತೆ ತಿಕಂತಾ ದುರ ಜಾ಼ವಸ. ಕಾಕದ್ಯಾಮ ತ್ಯುನೆ ನೈ ಗ್ವತ್ತ ರ‍್ಹಯಲ ಮನಕ್ಹನೊ ಅವಾಜ಼ ವಳಕ್ತಾ ನೈ "ಕೈನ ಕದ್ಯೊ.
JOH 10:6 ಯೆಸು ಕದಲ ಎ ಸಾಮ್ಯ ತ್ಯುನೊನೆ ಕದ್ಯೊ. ತೆನೈಸೊ ಇನು ಮತ್ಲಬ ತ್ಯುನೊನೆ ಗ್ವತ್ತ ಥಯು ನೈ.
JOH 10:7 ತಿನಾಹುತಿ ಯೆಸು ವರಿ"ಮಿ ತುಮೊನೆ ಕ್ಹರಿಜ ಕೌಸ. ಮಿಜ಼ ಬಕ್ರಾವೊನೆ ಬಾಕಲ ವ್ಹೈ.
JOH 10:8 ಮಿ ಆವಾತಿ ಪೈಲಾ ಆಯಲವಾಲಾ ಚವಟ್ಟಾ ವ್ಹತ್ತಾ ವರಿ ಉದಾಳ್ಳಿವಾಲಾ ವ್ಹತ್ತಾ. ಬಕ್ರಾ ತ್ಯುನು ಐಕ್ಯಾ ನೈ.
JOH 10:9 ಮಿಜ಼ ಬಾಕಲ ವ್ಹೈ. ಕುನ್ನ ಮಾರಾ ಮುಲಕ ಮ್ಹೈ ಜಾ಼ವಸ ತೆ ಬಿಡುಗಡೆ ವ್ಹಂದಿಲಿವಸ. ತೆ ಮ್ಹೈ ಆ ಸಕಸ. ಭಾರೊಬಿ ಜಾ಼ ಸಕಸ ವರಿ ತಿನೆ ಚಾರೊ ಮಳಸ.
JOH 10:10 ಚ್ವಟ್ಟೊ ಚೊ಼ರಿ ಕರಾನೆ ಖಲಾಸ ಕರಾನೆ ಹಾಳ ಕರಾನೆಜ ಆವಸ. ಮಿತೊ ಜ಼ಲಮ ದಿವಾನೆ ಆಯೊಸ ತೆ ಪರಿಪುರ್ಣ ಜ಼ಲಮ ವ್ಹೈ.
JOH 10:11 "ಮಿಜ಼ ಚೊ಼ಕೊ ಕುರಬುರ‍್ಯೊ ವ್ಹೈ. ಚೊ಼ಕೊ ಕುರಬುರ‍್ಯೊ ಬಕ್ರಾವೊನೆ ಹುತಿ ತಿನು ಜ಼ಲಮ ದಿವಸ.
JOH 10:12 ಕುಲಿ ಆಳ ಕುರಬುರ‍್ಯೊ ನ್ಹವೈ ವರಿ ಬಕ್ರಾ ಕುಲಿ ಆಳನಾ ಸ್ವಂತನಾ ನ್ಹವೈ. ತಿನಾಹುತಿ ಕುಲಿ ಆಳ ತೊಳ ಆವಾನು ದೆಕಿನ ಬಕ್ರಾವೊನೆ ಛೊಡಿನ ನ್ಹಾಟಿ ಜಾ಼ವಸ. ತೆಳಾಮಾ ನರಿಯೊ ಬಕ್ರಾವೊಪರ ಹಮ್ಲೊ ಕರಿನ ತ್ಯುನೊನೆ ಜುದಾ ಕರಿ ಪಡಸ.
JOH 10:13 ತೆ ಮನಕ್ಹ ನ್ಹಾಟಿ ಜಾ಼ವಸ. ಕಾಕದ್ಯಾಮ ತೆ ಖಾಲಿ ಕುಲಿ ಆಳ ವ್ಹೈ. ತೆ ಬಕ್ರಾವೊನೆ ಹುತಿ ಕ್ಹರಿಮಾಜ಼ ಚಿಂತಾ ನೈ ಕರ‍್ತೊ.
JOH 10:14 "ಮಿ ಚೊ಼ಕೊ ಕುರಬುರ‍್ಯೊ ವ್ಹೈ. ತಿಮ್ಮ ಮಿ ಮನೆ ಬಾ ತಿಳ್ದಿಲಿದ್ಯೊಸ ತಿಮ್ಮ ಬಾನೆ ಮಿ ತಿಳ್ದಿಲಿದ್ಯೊಸ. ತಿನಾ ಲಿಂಗತಜ ಮಿ ಮಾರಾ ಬಕ್ರಾವೊನೆ ವಳಕುಸ ವರಿ ತೆ ಮನೆ ವಳಕಸ. ವರಿ ಮಿ ಮಾರಾ ಬಕ್ರಾವೊನಾ ಹುತಿ ಜ಼ಲಮ ದಿವಾನೆ ತಯ್ಯಾರ ಛೆ.
JOH 10:15 ಮನೆ ಬಿಜಾ಼ ಬಕ್ರಾಬಿ ಛೆ. ತೆ ನ್ಹ್ಯಾ ರ‍್ಹವಾನಾ ಆ ಹಕ್ಕಿಮಾ ನತ್ತಿ. ಮಿ ತೆ ಬಕ್ರಾವೊನೆಬಿ ಮ್ಹೈ ಲೌಜ.
JOH 10:16 ತೆ ಬಕ್ರಾ ಮಾರಿ ಸ್ವರ ಐಕಸ. ತೆಳಾಮಾ ಯಕ್ಕಜ಼ ಗುಂಪ ರ‍್ಹವಸ ವರಿ ಯಕ್ಲೊಜ ಕುರಬುರ‍್ಯೊ ರ‍್ಹವಸ.
JOH 10:17 ಬಾ ಮನೆ ಮಯಾ ಕರಸ. ಕಾಕದ್ಯಾಮ ಮಿ ಮಾರೊ ಜ಼ಲಮ ವರಿ ವ್ಹಂದಿಲಿವಾನಾ ಹುತಿ ದಿವ್ಸ.
JOH 10:18 ಮಾರೊ ಜ಼ಲಮ ಮಕಂತೊ ಕುನ್ನಜ ನೈ ಉದಾಳೆ ಲೆಸಕ್ತು; ಮಿಜ಼ ತಿನೆ ಮಾರಿ ಇಷ್ಟಾಕ್ಹು ದಿವ್ಸ. ಮಾರೊ ಜ಼ಲಮ ದಿವಾನೆಬಿ ವರಿ ತಿನೆ ವಾಪಸ ಲಿವಾನೆಬಿ ಮನೆ ಹಕ್ಕ ಛೆ. ಇಮ್ಮ ಕರು ಕೈನ ಬಾಜ ಮನೆ ಆಗನ್ಯಾ ದಿದ್ಯೊಸ "ಕೈನ ಕದ್ಯೊ.
JOH 10:19 ವರಿ ಎ ಸಂಗತಿಯೊ ಐಕಿನ ಯೆಹುದಿಯೊಮಾ ವರಿ ಭೆದ ಹುಟ್ಯು.
JOH 10:20 ತ್ಯುನೊಮಾ ಘನ್ನಾ ಜ಼ನಾ"ತಿನಾಮಾ ಭುತಡು ಛೆ. ಎ ಪಿಸಾಳೊ ಛೆ. ತಿನು ಕಾ ಐಕಾಡಾಸ? ಕೈನ ಕದ್ಯಾ.
JOH 10:21 ತೆನೈಸೊ ಬಿಜಾ಼ ಮನಕ್ಹೊ"ಎ ವಾತೊ ಭುತಡು ಧರಲ ಮನಕ್ಹನಿಯೊ ವಾತೊ ನ್ಹವ್ಯೆ. ಕುಡ್ಡಾವೊನಾ ಡೊಳಾ ದಿವಾನೆ ಭುತಡಾಕ್ಹು ಥಾವಸ ಸು? ಕೈನ ಕದ್ಯಾ.
JOH 10:22 ಯೆರುಸಲೆಮಮಾ ದೆವಾಯಲನೆ ಕರಾನಿ ಪ್ರತಿಷ್ಟೆನು ಸನ್ನ ಚಾಲಾಡ್ಯುತು. ತೆಳಾಮಾ ಥಂಡನಾ ದಿನ್ನೊ ವ್ಹತ್ತಾ.
JOH 10:23 ಯೆಸು ದೆವಾಲಯಮಾ ಸೊಲೊಮೊನನಾ ಮಂಟಪ ಕನ ಫರಾಡೊತೊ.
JOH 10:24 ತೆಳಾಮಾ ಯೆಹುದಿಯೊನಾ ಅದಿಕಾರಿಯೊ ಯೆಸುನಾ ಅಗಾ ಪಾಚಾ಼ ಹುಬ್ರಯಾ. ತ್ಯುನೆ ತಿನೆ"ಹಜು಼ನ ಕೆಕ್ಲಿ ಯೆಳ ತಾರಾ ಹುತಿ ಹಮೊಕ್ಹು ಕೆಕ್ಲಾ ದಿನ್ನ ಝಾಕಿನ ಮ್ಹೆಲ್ಸಿ? ಕ್ಹರಿ ಸು ಛೆ ಖುಲ್ಲಾ ಕೆ. ತು ಕ್ರಿಸ್ತ ವ್ಹೈ ಸು? ಕೈನ ಪುಚ್ಯಾ.
JOH 10:25 ತೆ ವಾತೆ ಯೆಸು "ಮಿ ತೆಳಾಮಾಜ಼ ತುಮೊನೆ ಕದ್ಯೊ. ತೆನೈಸೊ ತುಮೆ ಬರೊಕ್ಹೊ ಕರ‍್ಯಾ ನೈ. ಮಿ ಮಾರಾ ಬಾನಾ ಅದಿಕಾರಕ್ಹು ಕರಾನಾ ಅದ್ಭುತ ಕಾಮೊ ಮಾರಾಹುತಿ ಸಾಕ್ಷಿ ದಿವಸ.
JOH 10:26 ತೆನೈಸೊ ತುಮೆ ಬರೊಕ್ಹೊ ನೈ ಕರ‍್ತಾ. ಕಾಕದ್ಯಾಮ ತುಮೆ ಮಾರಾ ಬಕ್ರಾ ನ್ಹವ್ಹೈ.
JOH 10:27 ಮಾರಾ ಬಕ್ರಾ ಮಾರಿ ಆವಾಜನೆ ಐಕಸ. ಮಿ ತ್ಯುನೊನೆ ತಿಳ್ದಿಲಿದ್ಯೊಸ ವರಿ ತೆ ಬಕ್ರಾ ಮಾರಾ ಪಾಚಾ಼ ಆವಸ.
JOH 10:28 ಮಾರಾ ಬಕ್ರಾವೊನೆ ಮಿ ಹಮೆಶಾನೊ ಜ಼ಲಮ ದಿವ್ಸ. ತ್ಯುನೆ ಕೆಳಾಮಾಬಿ ಮರ್ತಾ ನೈ, ವರಿ ತ್ಯುನೊನೆ ಕುನ್ನಜ ಮಕಂತಾ ಉದಾಳಿನ ದುರ ಕರಾನೆ ಥಾತು ನೈ.
JOH 10:29 ತ್ಯುನೊನೆ ಮಾರೊ ಬಾಜ ಮನೆ ದಿದ್ಯೊ. ತೆ ಕ್ಹಾರಾವೊತಿಬಿ ಮ್ಹೊಟೊ ವ್ಹೈ. ತ್ಯುನೊನೆ ಮಾರಾ ಬಾನಾ ಹತ್ತಮಾತಾ ಕುನ್ನಜ ನೈ ಉದಾಳಿ ಲೆಸಕ್ತು.
JOH 10:30 ಬಾ ವರಿ ಮಿ ಯಕ್ಕಜ಼ ವ್ಹೈ "ಕೈನ ಉತ್ತರ ದಿದ್ಯೊ.
JOH 10:31 ತೆಳಾಮಾ ವರಿ ಯಹುದ್ಯೊ ಯೆಸುನೆ ಮಾರಾನಾ ಹುತಿ ದಗ್ಡಾ ಇನಿಲಿದ್ಯಾ.
JOH 10:32 ತೆನೈಸೊ ಯೆಸು ತ್ಯುನೊನೆ"ಮಿ ಬಾಕಂತೊ ಘನ್ನಾ ಚೊ಼ಕಾ ಕಾಮೊ ಕರಿನ ದೆಕಾಡ್ಯೊಸ. ವರಿ ಎ ಚೊ಼ಕಾ ಕಯಾ ಕಾಮ್ನಾ ಹುತಿ ತುಮೆ ಮನೆ ದಗ್ಡಾಲಿನ ಮಾರಾನೆ ದೆಕಾಡ್ಯಾಸ? ಕೈನ ಪುಚ್ಯಾ.
JOH 10:33 ಯಹುದ್ಯೊ"ಹಮೆ ತುನೆ ದಗ್ಡಾಲಿನ ಮಾರಾನು ತು ಕರಲ ಕಯಾಜ ಕಾಮೊಕ್ಹು ನ್ಹವೈ. ತು ಕರಾನಾ ಕ್ಹುದಾನಿ ದುಷಣೆನಾ ಹುತಿಜ ವ್ಹೈ. ತು ಖಾಲಿ ಯಕ್ಕ ಮನಕ್ಹ ರ‍್ಹೈನ ತುನೆ ತುಜ಼಼ ಕ್ಹುದಾಜ ವ್ಹೈ ಕೈನ ಕೈಲಿವಾಡ್ಯೊಸ! ಕೈನ ಉತ್ತರ ದಿದ್ಯಾ.
JOH 10:34 ತಿನೆ ಯೆಸು "ತುಮಾರಾ ಧರಮಶಾಸ್ತ್ರಮಾ" ಮಿ ತುಮೆ ಕ್ಹುದಾವೊ ಕೈನ ಕದಲ "ಬರ್ದಲ ನತ್ತಿ ಸು? ಕೈನ ಉತ್ತರ ದಿದ್ಯೊ.
JOH 10:35 ಯಕ್ಕೆಳೆ ತೆ ತ್ಯುನೊನೆ ಕ್ಹುದಾವೊ ವ್ಹೈ ಕೈನ ಕ್ಹುದಾನಿ ವಾತೊ ಐಯೊಸ ತ್ಯುನೊನೆ ಕ್ಹುದಾವೊ ವ್ಹೈ ಕೈನ ಬಲಾವಾನು ರ‍್ಹಯುಮ ಪವಿತ್ರ ಗ್ರಂಥನೆ ಸುಳ್ಳ ಕವಾನೆ ಥಾತು ನೈ.
JOH 10:36 ಇಮ್ಮ ರ‍್ಹವಾನು ರ‍್ಹಯುಮ ಬಾ ತಿನಾ ಸ್ವಂತವಾಲಾ ವ್ಹೈ ಕೈನ ಇನಿಲಿನ ದುನಿಯಾಮಾ ಮೊಕ್ಲಲವಾಲಾನ ಹುತಿ ಕಿ ರ‍್ಹಸ? ಮಿ "ಕ್ಹುದಾನೊ ದಿಕ್ರೊ ವ್ಹೈ" ಕೈನ ಕದಲ ಹುತಿ ತುಮೆ ಮಿ ದುಷಣೆ ಕರಾಡ್ಯೊಸ ಕೈನ ಕವಾನು ಕಾ?
JOH 10:37 ಮಾರೊ ಬಾ ಕಾಮೊ ಮಿ ನೈ ಕರ‍್ಯಾಮ, ಮಿ ಕವಾನು ಬರೊಕ್ಹೊ ಕರೊ ನಕೊ.
JOH 10:38 ತೆನೈಸೊ ಮಿ ತಿಮ್ಮ ಕರಾನು ರ‍್ಹಯುಮ ತಿಮ್ಮ ರ‍್ಹಯುತಬಿ ತುಮೆ ಮನೆ ನಂಬಾಡ್ಯಾ ನತ್ತಿ. ಅದ್ಭುತನೆ ನಂಬೊ ಇಮ್ಮ ಬಾ ಬಿ ಮಾರಾಮಾ ಛೆ ವರಿ ಮಿ ತಿಮಾ ಛೆ ಕೈನ ತುಮೊನೆ ಗ್ವತ್ತ ಥಾವಸ.
JOH 10:39 ಯೆಸುನೆ ಧರಾನೆ ಯಹುದ್ಯೊ ವರಿ ಕೊಶಿಶ ಕರ‍್ಯಾ. ತೆನೈಸೊ ಯೆಸು ತ್ಯುನಾಕ್ಹು ಚುಕೈಲಿದ್ಯೊ.
JOH 10:40 ಪಾಚಲ್ತೊ ಯೆಸು ಯೊರ್ದನ ನದಿನಾ ಬಿಜಿ ದಂಡಿಯೆ ಫರಿನ ಗಯೊ. ಯೊಹಾನ ಪೈಲಾ ಬಾಪ್ತಿಸ್ಮ ಕರಾವಾನಿ ಜ಼ಗಾಯೆ ಯೆಸು ಗೈನ ತ್ಯಾಜ ರ‍್ಹಯೊ.
JOH 10:41 ತೆಳಾಮಾ ಘನ್ನಾ ಮನಕ್ಹೊ ತಿಕನ ಆಯಾ" ಯೊಹಾನ ಕೆಳಾಮಾಜ ಅದ್ಭುತ ಕಾಮೊ ಕರ‍್ಯೊ ನೈ. ತೆನೈಸೊ ಯೊಹಾನ ಎ ಮನಕ್ಹನಾ ಹುತಿ ಕದಲ ಹರ ಯಕ್ಕ ಕ್ಹರಿ ವ್ಹೈ "ಕೈನ ಕದ್ಯಾ.
JOH 10:42 ವರಿ ತ್ಯಾ ಘನ್ನಾ ಮನಕ್ಹೊ ಯೆಸುಪರ ಬರೊಕ್ಹೊ ಕರ‍್ಯಾ.
JOH 11:1 ಲಾಜರ ಕವಾಲೊ ಯಕ್ಲೊ ಅರಾಮ ನೈಸೊ ವ್ಹತ್ತೊ. ತೆ ಬೆಥಾನ್ಯ ಕವಾನಾ ಗಾಮಮಾ ವ್ಹತ್ತೊ. ಮರಿಯಳ ವರಿ ತಿನಿ ಭೆನ ರ‍್ಹಯಲ ಮಾರ್ಥಳ ಎಜ಼ ಗಾಮ್ಮಾ ವ್ಹತ್ತಾ.
JOH 11:2 ಪ್ರಭುನೆ (ಯೆಸುನೆ) ಬಾಸನು ತೆಲ ಲಗಾಡಿನ ತಿನಾ ಪಗೊನೆ ತಿನಾ ಮಾತಾನಾ ಬಾಲೊಕ್ಹು ನುಚಚಲವಾಲಿ ಎ ಮರಿಯಳ ವ್ಹೈ. ಅರಾಮ ನೈ ರ‍್ಹಯಲ ಲಾಜರ ಮರಿಯಳನೊ ಭೈ ವ್ಹತ್ತೊ.
JOH 11:3 ತಿನಾಹುತಿ ಭಂಬಿ ಭೆನೊ ಯೆಸುನೆ"ಪ್ರಭು, ತಾರೊ ಮಯಾನೊ ದೊಸ್ತ ಥಯಲ ಲಾಜರ ಅರಾಮ ನೈಸೊ ಪಾಡ್ಯೊಸ" ಕವಾನು ಸಂದೆಶ ಮೊಕ್ಲಿಯೊ.
JOH 11:4 ಯೆಸು ಎ ಐಕಿನ"ಎ ರೊಗ ಕ್ಹುದಾನಿ ವರಿ ಕ್ಹುದಾನಾ ದಿಕ್ರಾನೆ ಮಹಿಮಾನಾ ಹುತಿ ಐಸ ತೆನೈಸೊ ಮರಾನಾ ಹುತಿ ನ್ಹವೈ" ಕೈನ ಕದ್ಯೊ
JOH 11:5 ಯೆಸು ಮಾರ್ಥಳ, ತಿನಿ ಭೆನನೆ ವರಿ ಲಾಜರನೆ ಮಯಾ ಕರ್ತೊತೊ.
JOH 11:6 ಲಾಜರ ಅರಾಮ ನೈಸೊ ಛೆ ಕವಾನಿ ವಾತ ತೆ ಐಕಲ್ಪರಬಿ ತೆ ರ‍್ಹಯಲ ಜ಼ಗಾಜ ಹಜು಼ನ ಬೆ ದಿನ್ನ ಲಕ್ಕಾ ರ‍್ಹಯೊ.
JOH 11:7 ಪಾಚಲ್ತೊ ತೆ ತಿನಾ ಶಿಷ್ಯಾವೊನೆ"ಅಪೆ ಯುದೆಯನೆ ಫರಿನ ಗಯ್ಯೆ" ಕೈನ ಕದ್ಯೊ.
JOH 11:8 ಶಿಷ್ಯಾ ತಿನೆ"ಗುರು, ದಕ್ಹಾ ಪೈಲಾಜ ಯೆಹುದಿಯೊ ತುನೆ ದಗ್ಡಾವೊಕ್ಹು ಕಲಾಸ ಕರಾನೆ ದೆಕ್ಯಾ. ಹಮ್ನಾ ತು ವರಿ ತ್ಯಾ ಜೌ ಕೈನ ಕವಾಡ್ಯೊಸ ತೊ? ಕೈನ ಉತ್ತರ ದಿದ್ಯಾ.
JOH 11:9 ಯೆಸು ತ್ಯುನೊನೆ "ದಿನ್ಮಾ ಬಾರಾ ಘಂಟಾ ರ‍್ಹವಸ ವ್ಹೈ ಸು ನೈ? ದಿನ್ನಮಾ ಚಾಲಾಲೊ ಪಡತೊ ನೈ. ಕಾಕದ್ಯಾಮ ಎ ದುನಿಯಾನಿ ಉಜಾಲಾಕ್ಹು ತೆ ದೆಕಸ.
JOH 11:10 ತೆನೈಸೊ ರಾತಮಾ ಚಾಲಾಲೊ ಟೆಕ್ಹ ಲಾಗಿನ ಪಡಸ. ಕಾಕದ್ಯಾಮ ದೆಕಿನ ಚಾಲಾನೆ ತಿನೆ ಕಯುಜ಼ ಉಜಾಲು ನೈ ರ‍್ಹತು" ಕೈನ ಉತ್ತರ ದಿದ್ಯೊ.
JOH 11:11 ಯೆಸು ಎ ಸಂಗತಿ ಕದಲ ಪರ"ಅಪ್ನೊ ದೊಸ್ತ ಥಯಲ ಲಾಜರ ಹಮ್ನಾ ಕ್ಹುರಯೊಸ. ತಿನೆ ಉಟಾಡಾನೆ ಮಿ ತ್ಯಾ ಚಾಲ್ಯೊಸ" ಕೈನ ಕದ್ಯೊ.
JOH 11:12 ಶಿಷ್ಯಾ ತಿನೆ"ಪ್ರಭು, ತೆ ನಿಂದರ ಕರತೊ ರ‍್ಹಯಲ ಅರಾಮ ಥಾವಸ" ಕೈನ ಉತ್ತರ ದಿದ್ಯಾ.
JOH 11:13 ಲಾಜರ ಮರಿ ಗಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊ. ತೆನೈಸೊ ಲಾಜರ ಕ್ಹರಿಮಾಜ಼ ಕ್ಹುರಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊಸ ಕೈನ ಶಿಷ್ಯಾ ತಿಳ್ದಿಲಿದ್ಯಾ.
JOH 11:14 ತಿನಾಹುತಿ ಯೆಸು ತ್ಯುನೊನೆ ಕರೆಟ್ಟ"ಲಾಜರ ಮರಿ ಗಯೊಸ ಕೈನ ಕದ್ಯೊ.
JOH 11:15 ತೆನೈಸೊ ತುಮಾರಾ ಹುತಿ ಮಿ ತ್ಯಾ ನೈ ರ‍್ಹಯಲ ಹುತಿ ಖುಶಿ ಥೌಸ. ಕಾಕದ್ಯಾಮ, ತೆಳಾಮಾ ತುಮೆ ಮಪರ ಬರೊಕ್ಹೊ ಕರೊಶಿ. ಆವೊ, ತಿಕನ ಗಯ್ಯೆ" ಕೈನ ಕದ್ಯೊ.
JOH 11:16 ತೆಳಾಮಾ ಔಳಿ ಜೌಳಿ ಕವಾಲೊ ತೊಮ, ಆವೊ "ಅಪೆಬಿ ಗುರುನಾ ಕ್ಹಾತೆ ತ್ಯಾ ಗೈಯೆ ವರಿ ತಿನಾ ಕ್ಹಾತೆ ಮರಿಯೆ" ಕೈನ ಕದ್ಯೊ.
JOH 11:17 ಯೆಸು ಬೆಥಾನಿಯೆ ಆಯೊ. ಹಮ್ನಾ ತುಬಿ ಲಾಜರ ಮರಿನ ಮಜಾರಮಾ ರ‍್ಹೈನ ಚಾರ ದಿನ್ನ ಥಯಾ ಕೈನ ಗ್ವತ್ತ ಥಯು.
JOH 11:18 ಬೆಥಾನ್ಯ ಯೆರುಸಲೆಮತಿ ಕಮ್ಸೆ ಕಮ್ಮ ಬೆ ಮೈಲ ದುರ ವ್ಹತ್ತು.
JOH 11:19 ಘನ್ನಾ ಯಹುದ್ಯೊ ಮಾರ್ಥಾ ವರಿ ಮರಿಯಳಕನ ಆಯಾತಾ. ತ್ಯುನೊನೆ ತ್ಯುನೊ ಭೈ ಥಯಲ ಲಾಜರನಾ ಮರಣನಾ ಹುತಿ ಸಮಾದಾನ ಕರಾನೆ ತ್ಯುನೆ ಆಯಾತಾ.
JOH 11:20 ಯೆಸು ಆವಾಡ್ಯೊಸ ಕೈನ ಐಕಿನ ಮಾರ್ಥಳ ತಿನೆ ಮಳಾನೆ ಭಾರಿ ಗೈ. ತೆನೈಸೊ ಮರಿಯಳ ಘರ್ಮಾಜ ವ್ಹತ್ತಿ.
JOH 11:21 ಮಾರ್ಥಳ ಯೆಸುನೆ"ಪ್ರಭು, ತು ನ್ಹ್ಯಾ ರ‍್ಹವತ್ತೊ, ಮಾರೊ ಭೈ ಮರ್ತೊ ನ್ಹೊತೊ.
JOH 11:22 ತೆನೈಸೊ ಹಮ್ನಾಬಿ ತು ಸುಬಿ ಕ್ಹುದಾನೆ ಪುಚ್ಚೊ ತುಬಿ ತೆ ತುನೆ ದಿವಸ ಕವಾನು ಮನೆ ಗ್ವತ್ತ ಛೆ" ಕೈನ ಕದಿ.
JOH 11:23 ಯೆಸು ತಿನೆ"ತಾರೊ ಭೈ ವರಿ ಜಿವ್ತೊ ಥೈನ ಉಟಿನ ಆವಸ" ಕೈನ ಕದ್ಯೊ.
JOH 11:24 ಮಾರ್ಥಳ ತಿನೆ"ಪುನರುತ್ಥಾನ ಥಾವಾನಾ ಲಾಸ್ಟನಾ ದಿನ್ನೆ ತೆ ವರಿ ಉಟಿನ ಆವಸ ಕೈನ ಮನೆ ಗ್ವತ್ತ ಛೆ" ಕೈನ ಉತ್ತರ ದಿದಿ.
JOH 11:25 ಯೆಸು ತಿನೆ"ಮಿಜ಼ ಪುನರುತ್ಥಾನ ವ್ಹೈ ವರಿ ಮಿಜ಼ ಜ಼ಲಮ ವ್ಹೈ. ಮಪರ ಬರೊಕ್ಹೊ ಕರಾಲೊ ತೆ ಮರಲಪರಬಿ ವರಿ ಜಿವ್ತೊ ಥಾವಸ.
JOH 11:26 ವರಿ ಜಿವ್ತೊ ರ‍್ಹೈನ ಮಪರ ಬರೊಕ್ಹೊ ಕರಾಲೊ ಕೆಳಾಮಾಬಿ ಮರ್ತೊಜ ನೈ. ತು ಎ ಬರೊಕ್ಹೊ ಕರಶಿ ಸು? ಕದ್ಯೊ.
JOH 11:27 ತೆಳಾಮಾ ಮಾರ್ಥಳ"ಹೊ ಪ್ರಭು, ತು ಕ್ರಿಸ್ತ ವ್ಹೈ ಕೈನ ಮಿ ಬರೊಕ್ಹೊ ಕರುಸ, ಕ್ಹುದಾನೊ ದಿಕ್ರೊ ಥಯಲ ಎ ದುನಿಯಾನೆ ಆವಾಲೊ ತುಜ಼಼ ವ್ಹೈ" ಕೈನ ಉತ್ತರ ದಿದಿ.
JOH 11:28 ಮಾರ್ಥಳ ಇಮ್ಮ ಕದಲ ಪರ, ತಿನಿ ಭೆನ ಥಯಲ ಮರಿಯಳ ಕನ ಫರಿನ ಗೈ. ತೆ ತಿನಾ ಕ್ಹಾತೆ ಬೊಲಿನ"ಗುರು ತುನೆ ಬಲಾವಾಡೊಸ" ಕೈನ ಕದಿ.
JOH 11:29 ಎ ಐಕಲ ಬರೊಬ್ಬರ ಮರಿಯಳ ಉಟಿನ ಯೆಸು ಮಳಾನೆ ಗೈ.
JOH 11:30 ಯೆಸು ಹಜನ ಗಾಮನಾ ಮ್ಹೈ ಆಯೊ ನ್ಹೊತೊ. ಮಾರ್ಥಳ ತಿನೆ ಮಳಲ ಜ಼ಗಾಪರ ತೆ ವ್ಹತ್ತೊ.
JOH 11:31 ಯಹುದ್ಯೊ ಮರಿಯಳನಾ ಕ್ಹಾತೆ ಘರಮಾ ವ್ಹತ್ತಾ. ತ್ಯುನೆ ತಿನೆ ಸಮಾದಾನ ಕರಾಡಾತಾ. ಮರಿಯಳ ಉಟಿನ ಜಲ್ದಿ ಜಾ಼ವಾನು ತ್ಯುನೆ ದೆಕ್ಯಾ. ತೆ ರವಾನಾ ಹುತಿ ಮಜಾರ ಕನ ಚಾ಼ಲಿಸ ಕೈನ ತ್ಯುನೆ ತಿಳ್ದಿಲಿನ ತಿನಾ ಪಾಚಾ಼ ಗಯಾ.
JOH 11:32 ಯೆಸು ರ‍್ಹಯಲ ಜ಼ಗಾಯೆ ಮರಿಯಳ ಗೈ. ತೆ ಯೆಸುನೆ ದೆಕಲ ಬರೊಬ್ಬರ ತಿನಾ ಪಗೊನೆ ಅಡ್ಡ ಪಡಿನ"ಪ್ರಭು, ತು ನ್ಹ್ಯಾ ರ‍್ಹವತ್ತೊ, ಮಾರೊ ಭೈ ಮರತೊ ನ್ಹೊತೊ" ಕೈನ ಕದಿ.
JOH 11:33 ಮರಿಯಳ ವರಿ ತಿನಾ ಕ್ಹಾತೆ ಆಯಲ ಯೆಹುದಿಯೊನು ರವಾನು ಯೆಸು ದೆಕಲ ಪರ, ತಿನಾ ಮನಸೆ ಲಾಗಿನ ಘನ್ನೊ ದುಖ ಥಯೊ.
JOH 11:34 ಯೆಸು ತ್ಯುನೊನೆ"ತಿನೆ ಕಿಜಾ಼ ಮ್ಹೆಲ್ಯಾಸ? ಕೈನ ಪುಚ್ಚೊ. ತಿನೆ ತ್ಯುನೆ"ಪ್ರಭು, ಐನ ದೆಕ" ಕದ್ಯಾ.
JOH 11:35 ಯೆಸು ರ‍್ವಯೊ.
JOH 11:36 ತೆಳಾಮಾ ಯಹುದ್ಯೊ"ದೆಕೊ! ಎ ಲಾಜರನೆ ಕೆಕ್ಲೊ ಮಯಾ ಕರಸ" ಕದ್ಯಾ.
JOH 11:37 ತೆನೈಸೊ ದಕ್ಹಾ ಯಹುದ್ಯೊ"ಯೆಸು ಕುಡ್ಡಾವೊನಾ ಡೊಳಾ ಅರಾಮ ಕರ‍್ಯೊತೊ ನೈ; ಲಾಜರನೆಬಿ ಸಹಾಯ ಕರಿನ ತಿನೆ ಮರಣಕ್ಹು ಚುಕೌಸು ನೈ? ಕೈನ ಕದ್ಯಾ.
JOH 11:38 ಯೆಸು ತಿನಾ ಮನಸ್ಮಾ ವರಿ ಘನ್ನೊ ದುಖ ಥೈನ, ಲಾಜರ ರ‍್ಹಯಲ ಮಜಾರಕನ ಆಯೊ. ತೆ ಮಜಾರ ಯಕ್ಕ ಗವಿ ವ್ಹತ್ತಿ. ತಿನಾ ಮ್ಹೊಡಾನೆ ಮ್ಹೊಟೊ ದಗ್ಡೊ ಝಾಕ್ಯಾತಾ.
JOH 11:39 "ತೆ ದಗ್ಡೊ ಕಾಡಿ ಪಾಡೊ "ಕೈನ ಯೆಸು ಕದ್ಯೊ. ತೆಳಾಮಾ ಲಾಜರನಿ ಮ್ಹೊಟಿ ಭೆನ ಮಾರ್ಥಳ"ಲಾಜರ ಮರಿನ ಚಾರ ಥೈ ಗೈಯಾಸ. ತಿನಾಹುತಿ ತ್ಯಾ ಕೆಟ್ಟ ಬಾಸ ಛೆ" ಕೈನ ಕದಿ.
JOH 11:40 ತೆ ವಾತೆ ಯೆಸು, ಮಾರ್ಥಳನೆ ಮಿ ತುನೆ ಕದಲ ಶೆ ಕರ್ಲೆಶಿಸು? ತು ಬರೊಕ್ಹೊ ಕರಿಮ ಕ್ಹುದಾನಿ ಮಿ,ಹಿಮಾ ದೆಕಸಿ ಕೈನ ಮಿ ತುನೆ ಕದ್ಯೊತೊ "ಕೈನ ಕದ್ಯೊ.
JOH 11:41 ತಿನಾ ಹುತಿ ಸಮಾದಿನಿ ಝಾಕಲ ದಗ್ಡೊ ಕಾಡ್ಯಾ. ತೆಳಾಮಾ ಯೆಸು ಡೊಳಾ ಉಚೈನ ಸ್ವರ್ಗನೆ ದೆಕಿನ ಬಾ ಮಾರಿ ಪ್ರಾಥನಾ ಐಕಲ ಹುತಿ ಮಿ ತುನೆ ಕೊಂಡಾಡುಸ.
JOH 11:42 ತು ಹಮೆಶಾಬಿ ಮಿ ಕವಾನು ಐಕಸಿ ಕವಾನು ಮನೆ ಗ್ವತ್ತ ಛೆ. ವರಿಬಿ ಮಾರಾ ಸುತ್ತೆ ಮುತ್ತೆ ಮನಕ್ಹೊನಾ ಹುತಿ ಮಿ ಎ ಕ್ಹಾರು ಕವಾಡ್ಯೊಸ. ತು ಮನೆ ಮೊಕ್ಲಲಲ ಹುತಿ ತ್ಯುನೆ ಬರೊಕ್ಹೊ ಕರುಜ ಕೈನ ಮಿ ಆಸ ಕರುಸ. ಕೈನ ಕದ್ಯೊ.
JOH 11:43 ಎ ಕ್ಹಾರು ಕದಲ್ಪರ ಯೆಸು ಜೊ಼ರ ಆವಾಜಕ್ಹು"ಲಾಜರ, ಭಾರೊ ಆ" ಕೈನ ಬಲಾಯೊ.
JOH 11:44 ಮರಿ ಗಯಲ ತೆ ಮನಕ್ಹ ಭಾರೊ ಆಯೊ. ತಿನಾ ಹತೊ ಪಗೊ ಫಡ್ಕಾಕ್ಹು ಭಾಂದಲ ವ್ಹತ್ತಾ. ತಿನು ಮ್ಹೊಡು ಫಡಕಾಕ್ಹು ಸುತ್ತಲ ವ್ಹತ್ತು. ತೆಳಾಮಾ ಯೆಸು ತ್ಯುನೊನೆ"ತಿನೆ ಖೊಲೊ ವರಿ ಜಾ಼ವಾನೆ ದಿವೊ.
JOH 11:45 ಮರಿಯಳನೆ ಮಳಾನೆ ಆಯಲ ಘನ್ನಾ ಯಹುದ್ಯೊ ತ್ಯಾ ವ್ಹತ್ತಾ. ಯೆಸು ಕರಲ ಎ ಕಾಮ ದೆಕಿನ ಇವ್ನಾಮಾ ಘನ್ನಾ ಜ಼ನಾ ತಿನಾ ಉಪ್ಪರ ಬರೊಕ್ಹೊ ಮ್ಹೆಲ್ಯಾ.
JOH 11:46 ತೆನೈಸೊ ದಕ್ಹಾ ಜ಼ನಾ ಫರಿಸಾಯರೊ ಕನ ವಾಪಸ ಗೈನ ಯೆಸು ಕರಲ ಕದ್ಯಾ.
JOH 11:47 ತೆಳಾಮಾ ಯಾಜಕೊ ವರಿ ಫರಿಸಾಯರೊ ಯಹುದಿಯೊನಾ ವಿಚಾರ ಕರಾನಾ ಸಭೆಮಾ ಬಲೈನ"ಹಮೆ ಸು ಕರಿಯೆ? ಎ ಮನಕ್ಹ ಘನ್ನಾ ಸುಚಕ ಕಾಮೊ ಕರಾಡ್ಯೊಸ.
JOH 11:48 ಎ ಕಾಮೊ ಕರಾನೆ ಹಮೆ ತಿನೆ ಮೌಕೊ ದಿದ್ಯಾಮ ಮನಕ್ಹೊ ಕ್ಹಾರಾ ಇನಾ ಉಪ್ಪರ ಬರೊಕ್ಹೊ ಕರಸ. ತೆಳಾಮಾ ರೊಮನಾ ರಾಜ್ಯವಾಲಾ ಐನ ಅಪ್ನಾ ದೆವಾಲಯನೆ ಅಪ್ನಾ ದೆಶನೆ ಹಾಳ ಕರಸ" ಕದ್ಯಾ.
JOH 11:49 ತ್ಯುನಾಮಾ ಕಾಯಫ ಕವಾಲೊ ಯಕ್ಲೊ ವ್ಹತ್ತೊ. ತೆ ವರಕ್ಹ ಖಾಸ ಯಾಜಕ ಥಯೊತೊ. ತೆ"ತುಮೊನೆ ಸುಜ಼ ಗ್ವತ್ತ ನತ್ತಿ!
JOH 11:50 ಇಡಿ ಜನಾಂಗ ಹಾಳ ಥಾವಾತಿ ಯಕ್ಲೊ ತ್ಯುನಾ ಹುತಿ ಮರಾನು ಚೊ಼ಕು ವ್ಹೈ. ತೆನೈಸೊ ತುಮೆ ಇನೆ ತಿಳ್ದಿಲಿವಾಡ್ಯಾ ನತ್ತಿ" ಕೈನ ಕದ್ಯೊ.
JOH 11:51 ಎ ಕಾಯಫನು ಸ್ವಂತ ವಿಚಾರ ನ್ಹೊತಿ. ತೆ ವರಕ್ಹನೊ ಖಾಸ ಯಾಜಕ ವ್ಹತ್ತೊ. ತಿನಾ ಹುತಿ ಯೆಹುದಿಯೊನಾ ಹುತಿ ಯೆಸು ಮರಾಡ್ಯೊಸ ಕೈನ ತೆ ಪ್ರವಾದನೆ ಕರ‍್ಯೊ.
JOH 11:52 ಹೊ, ಯೆಹುದಿಯೊನಾ ಹುತಿ ಕ್ಹಾರಿ ದುನಿಯಾಮಾ ಜುದಾ ಥಯಲ ಕ್ಹುದಾನಾ ಕ್ಹಾರಾ ಬಚ್ಚಾವೊನೆ ಮಳೌ ಕೈನ ತೆ ಮರಾಲೊ ವ್ಹತ್ತೊ.
JOH 11:53 ತೆಳಾಮಾತಾಜ ಯೆಹುದಿಯೊನಾ ನಾಯಕೊ ಯೆಸುನೆ ಖಲಾಸ ಕರಾನೆ ವಿಚಾರ ಕರಾನು ಶುರು ಕರ‍್ಯಾ.
JOH 11:54 ಯೆಸು ಯುದಾಯಾ ಪ್ರಾಂತ್ಯಮಾ ನಾಯಕೊ"ಪಾಪಮಾಜ ಹುಟ್ಟಿನ ಬೆಳದಲವಾಲೊ ತು ವ್ಹೈ! ಹಮೊನೆ ಉಪದೆಶ ಕರಶಿ ಸು? ಕೈನ ಉತ್ತರ ದಿದ್ಯಾ. ತೆನೈಸೊ ತ್ಯುನೆ ತಿನೆ ಜಬರದಸ್ತಿಕ್ಹು ಭಾರಾ ಘಾಲ್ಯಾ.
JOH 11:55 ತೆಳಾಮಾ ಯೆಹುದಿಯೊನು ಪಸ್ಕ ಸನ್ನ ನಜಿಕ ವ್ಹತ್ತು. ಪಸ್ಕ ಸನ್ನನಾ ಪೈಲಾಜ ತ್ಯುನಾ ಗಾಮೊತಾ ಘನ್ನಾ ಮನಕ್ಹೊ ಯೆರುಸಲೆಮೆ ಗಯಾತಾ. ಖಾಸ ರ‍್ಹಯಲ ಕಾಮೊ ಕರಿನ ಪಸ್ಕ ಸನ್ನನೆ ತ್ಯುನೊನೆ ಖುದ್ದ ಕರಿಲ್ಯು ಕೈನ ತ್ಯುನೆ ಗಯಾತಾ.
JOH 11:56 ತ್ಯುನೆ ತ್ಯಾ ಯೆಸುನೆ ಹುಡ್ಕಾಡಾತಾ ವರಿ ತ್ಯುನೆ ದೆವಾಲಯಮಾ ತ್ಯುನೆ ಯಕ್ಕ ಜ಼ಗಾ ಮಳಿನ, ತುಮಾರಿ ವಿಚಾರ ಸು ವ್ಹೈ? ತೆ ಕ್ಹರಿಮಾಜ಼ ಆ ಸನ್ನನೆ ನೈ ಆತೊ ಸು? ಕೈನ ಯಕ್ನೆ ಯಕ್ಕ ಪುಚ್ಚಾಡಾತಾ.
JOH 11:57 ಖಾಸ ಯಾಜಕೊ ವರಿ ಫರಿಸಾಯರೊ, ಯೆಸು ಕಿಜಾ಼ ಛೆ ಕವಾನು ಕಿನೆತಬಿ ಗ್ವತ್ತ ಥಯುಮ ತ್ಯುನೊನೆ ಕೌ ಕೈನ ಆಗನ್ಯಾ ದಿದ್ಯಾತಾ. ತ್ಯುನೆ ತಿನೆ ಧರು ಕೈನ ವ್ಹತ್ತಾ.
JOH 12:1 ಪಸ್ಕ ಸನ್ನೆ ಹಜು಼ನ ಛೆ ದಿನ್ನ ರ‍್ಹತಾಮಾಜ ಯೆಸು ಬೆಥಾನಿಯೆ ಗಯೊ. ಲಾಜರ ರ‍್ಹಯಲ ಗಾಮಜ ಬೆಥಾನ್ಯ ವ್ಹೈ. ಯೆಸು ಮರಲವಾಲಾವೊಮಾತೊ ಉಟಾಡಲ ಮನಕ್ಹಜ ಲಾಜರ ವ್ಹೈ.
JOH 12:2 ತ್ಯುನೆ ಯೆಸುನೆ ರಾತನು ಅನ್ನ ತಯ್ಯಾರ ಕರ‍್ಯಾ. ಮಾರ್ಥಳ ಅನ್ನ ಘಾಲಿನ ದಿವಾಡಿತಿ. ಯೆಸುನಾ ಕ್ಹಾತೆ ಅನ್ನ ಖಾವಾಲಾವೊಮಾ ಲಾಜರಬಿ ವ್ಹತ್ತೊ.
JOH 12:3 ತೆಳಾಮಾ ಮರಿಯಳ ಜಟ ಮಾಂಸಕ್ಹು ಕರಲ ಘನ್ನು ಮೊಗು ರ‍್ಹವಾನು ಬಾಸನು ತೆಲನಿ ಭರಣಿ ಲಿನ ಯೆಸುನಾ ಪಗೊಪರ ರಿಚೈ. ವರಿ ತಿನಾ ಮಾತಾನಾ ಬಾಲೊಕ್ಹು ತಿನಾ ಪಗೊ ನುಚ್ಚಿ. ತೆ ಬಾಸನು ತೆಲನಿ ಚೊ಼ಕಿ ಬಾಸ ಕ್ಹಾರಾ ಘರಮಾ ಫೈಲಿ ಗೈತಿ.
JOH 12:4 ಇಸ್ಕರಿಯೊತ ಯುದ ತ್ಯಾ ವ್ಹತ್ತೊ. ತೆ ಯೆಸುನಾ ಶಿಷ್ಯಾವೊಮಾನೊ ಯಕ್ಲೊ ವ್ಹತ್ತೊ. ಅಗೊ, ಯೆಸುನೆ ಮೊಸ ಕರ‍ಲವಾಲೊ ಎಜ಼ ವ್ಹೈ.
JOH 12:5 ತೆ"ತೆ ಬಾಸನು ತೆಲನಾ ಕಿಮ್ಮತ ತನ್ನ ಕ್ಹೊ ರುಪ್ಪಾನಾ ಬಿಲ್ಲಾ ಕ್ಹು ಇಕ್ಕಿನ ತೆ ದೊಕ್ಡಾ ಗರಿಬೊನೆ ಕಾ ದಿದಿ ನೈ. ಕೈನ ಪುಚ್ಚೊ.
JOH 12:6 ತೆನೈಸೊ ಯುದನೆ ಗರಿಬೊನಾ ಹುತಿ ಕ್ಹರಿಬಿ ಚಿಂತಾ ನ್ಹೊತಿ. ತೆ ಚವಟ್ಟೊ ರ‍್ಹಯಲಕ್ಹು ತಿಮ್ಮ ಕದ್ಯೊ. ಶಿಷ್ಯಾವೊನಿ ಗುಂಪನಾ ಹುತಿ ರ‍್ಹಯಲ ದೊಕಡಾವೊನಿ ಗಲ್ಲೊ ತಿಕನ ವ್ಹತ್ತಿ. ತೆ ತೆಳಾಮಾ-ತೆಳಾಮಾ ತೆ ಪೆಟಗಿಮಾನಾ ದೊಕ್ಡಾ ಕಾಳೆತೊತೊ.
JOH 12:7 ಯೆಸು ತಿನೆ"ತಿನೆ ತರಬು ನಕೊ. ಮನೆ ಶವಸಂಸ್ಕಾರಮಾ ಕರಾನಿ ಪದ್ದತ ತೆ ಹಮ್ನಾ ಕರಾಡಿಸ.
JOH 12:8 ಗರಿಬೊ ಕೆಳಾಮಾಬಿ ತುಮಾರಾ ಕ್ಹಾತೆ ರ‍್ಹವಸ ತೆನೈಸೊ ಮಿ ತುಮಾರಾ ಕ್ಹಾತೆ ಹರ ಹಮೆಶಾ ನೈ ರ‍್ಹತೊ" ಕೈನ ಉತ್ತರ ದಿದ್ಯೊ.
JOH 12:9 ಯೆಸು ಬೆಥಾನಿಮಾ ಛೆ ಕವಾನಿ ಸುದ್ದಿ ಘನ್ನಾ ಯಹುದ್ಯೊ ಐಕಿನ ತಿನೆ ವರಿ ಮರಿನ ಜಿವ್ತೊ ಥಯಲ ಲಾಜರನೆ ದೆಕು ಕೈನ ತ್ಯಾ ಗಯಾ.
JOH 12:10 ತೆನೈಸೊ ಖಾಸ ಯಾಜಕೊ ಲಾಜರನೆಬಿ ಖಲಾಸ ಕರಾನೆ ವಿಚಾರೊ ಕರ‍್ಯಾ.
JOH 12:11 ಲಾಜರಕ್ಹು ಘನ್ನಾ ಯಹುದ್ಯೊ ತ್ಯುನಾ ನಾಯಕೊಕ್ಹು ದುರ ಥೈನ ಯೆಸುನಾ ಉಪ್ಪರ ಬರೊಕ್ಹೊ ಮ್ಹೆಲಾಡತಾ. ತಿನಾ ಹುತಿಜ ಯೆಹುದಿಯೊನಾ ನಾಯಕೊ ಲಾಜರನೆಬಿ ಖಲಾಸ ಕರು ಕೈನ ವ್ಹತ್ತಾ.
JOH 12:12 ಮರ್ನಾ ದಿನ್ನೆ ಯೆಸು ಯೆರುಸಲೆಮೆ ಆವಾಡ್ಯೊಸ ಕವಾನಿ ಸುದ್ದಿ ತ್ಯಾನಾ ಮನಕ್ಹೊನಾ ಮ್ಹೊಟಾ ಗುಂಪನೆ ಗ್ವತ್ತ ಥಯು. ಪಸ್ಕ ಸನ್ನನಾ ಹುತಿ ಆಯಲ ಘನ್ನಾ ಜ಼ನಾ ತ್ಯಾ ವ್ಹತ್ತಾ.
JOH 12:13 ಮನಕ್ಹೊ ಖಜುರನಾ ಗರಿಯೊ ಲಿನ ಯೆಸುನೆ ಮಳಾನೆ ಗಯಾ ವರಿ ಹೊಸನ್ನಾ ಕೈನ ಜೊ಼ರ ವದ್ರಾಡ್ಯಾ. ಧನ್ಯ ವ್ಹೈ ತೆ ಪ್ರಭುನಾ ನಾಮಪರ ಆವಾಡ್ಯೊಸ. ಧನ್ಯ ವ್ಹೈ ಇಸ್ರಾಯಲನೊ ರಾಜಾ಼ನೆ ಕ್ಹುದಾ ಆಶಿರ್ವಾದ ದಿವಾದೆ.
JOH 12:14 ಯೆಸುನೆ ತ್ಯಾ ಯಕ್ಕ ಗದಡು ಮಳ್ಯು, ತಿನಾ ಉಪ್ಪರ ಬೈಟಿನ ಚಾಲ್ಯೊ. ಪವಿತ್ರ ಗ್ರಂಥ ಕದಲ ಲಿಂಗತ ಎ ಥಯು;
JOH 12:15 "ಸಿಯೊನಾನಾ ಮನಕ್ಹೊ, ಭುಚಕು ನಕೊ! ತುಮಾರೊ ರಾಜೊ಼ ಗದಡಾನಾ ಬಚ್ಚಾನಾಪರ ಬೈಟಿನ ಆವಾಡ್ಯೊಸ.
JOH 12:16 ಯೆಸುನಾ ಶಿಷ್ಯಾ ತೆ ಟೈಮಮಾ ಎ ತಿಳ್ದಿಲಿದ್ಯಾ ನೈ. ತೆನೈಸೊ ಯೆಸು ಮಹಿಮಾತೊ ಉಟಿನ ಆತಾಮಾ, ಎ ಸಂಗತಿಯೊ ತಿನಾ ಹುತಿ ಧರ್ಮ ಶಾಸ್ತ್ರಮಾ ಬರ್ದಲ ಛೆ ಕವಾನು ಶಿಷ್ಯಾವೊನೆ ಶೆ ಆಯಿ; ವರಿ ಮನಕ್ಹೊ ತಿನಾ ಕ್ಹಾತೆ ಅಮ್ಮ ಕರ‍್ಯಾತಾ.
JOH 12:17 ಯೆಸು ಲಾಜರನೆ ಮರಣಮಾತೊ ತಿನೆ ಜಿವ್ತೊ ಕರಿನ ಉಟಾಡಲ ಪರ ಘನ್ನಾ ಮನಕ್ಹೊ ಯೆಸುನಾ ಕ್ಹಾತೆ ವ್ಹತ್ತಾ. ತ್ಯುನೆ ತಿನಿ ಸಾಕ್ಷಿ ವ್ಹತ್ತಾ..
JOH 12:18 ಯೆಸು ಕರಲ ಎ ಅದ್ಭುತ ಕಾಮ ಐಕಿನ, ಘನ್ನಾ ಮನಕ್ಹೊ ಯೆಸುನೆ ಮಳಾನೆ ಚಾ಼ಲ್ಯಾತಾ.
JOH 12:19 ತಿನಾಹುತಿ ಫರಿಸಾಯರೊ ಕದ್ಯಾ "ದೆಕೊ! ಅಪ್ನಿ ವಿಚಾರ ಉಪಯೊಗ ನೈಸೊ ಥೈ. ಮನಕ್ಹೊ ತಿನೆಜ ಹಿಂಬಾಲಕೊ ಥಾವಾಡ್ಯಾಸ" ಕೈನ ಯಕ್ಕನೆ ಯಕ್ಲಾ ಬೊಲಿಲಿದ್ಯಾ.
JOH 12:20 ಫಸ್ಕ ಸನ್ನನೆ ಹುತಿ ಆರಾಧನಾ ಕರಾನೆ ಆಯಲವಾಲಾವೊಮಾ ದಕ್ಹಾ ತ್ಯಾ ಗ್ರಿಕನಾ ಮನಕ್ಹೊಬಿ ವ್ಹತ್ತಾ.
JOH 12:21 ತೆ ಗ್ರಿಕ ಮನಕ್ಹೊ ಫಿಲಿಪ್ಪ ಕನ ಗಯಾ. (ಫಿಲಿಪ್ಪ ಗಲಿಲಾಯನೊ ಬೆತ್ಸಾಯಿ ಕವಾನಾ ಗಾಮ ವ್ಹತ್ತೊ) ತ್ಯುನೆ"ಸಾಬ, ಹಮೆ ಯೆಸುನೆ ದೆಕು" ಕೈನ ತಿಕನ ಮಾಂಗಿಲಿದ್ಯಾ.
JOH 12:22 ತೆ ಥಯಲ್ಪರ ಫಿಲಿಪ್ಪ ಅಂದ್ರೆಯ ಕನ ಗೈನ ಎ ವಿಚಾರ ಕದ್ಯೊ. ಪಾಚಲ್ತೊ ಅಂದ್ರೆಯ ವರಿ ಫಿಲಿಪ್ಪ ಮಳಿನಜ ಯೆಸು ಕನ ಗೈನ ಎ ವಿಷಯ ಕದ್ಯಾ.
JOH 12:23 ಯೆಸು ತ್ಯುನೊನೆ"ಮನಕ್ಹನಾ ದಿಕ್ರಾನೆ ತಿನಿ ಮಹಿಮಾ ವ್ಹಂದಿಲಿವಾನೊ ಟೈಮ ಹಮ್ನಾ ಆಯೊಸ ಕೈನ ಜವಾಬ ದಿದ್ಯೊ.
JOH 12:24 ಮಿ ತುಮೊನೆ ಕ್ಹರಿಬಿ ಕೌಸ. ಕಿದಾ ಲಕ್ಕಾ ಘೌನೊ ಬಿಯ್ಯೊ ಜಿಮಿನ ಪರ ಪಡಿನ ಮರತೊ ನೈ ತೆ ಲಕ್ಕಾ ತೆ ಯಕ್ಕಜ಼ ರ‍್ಹವಸ. ವರಿ ತೆ ಕೆಳಾಮಾ ಮರಸ ತೆಳಾಮಾ ತೆ ಮೊಜಾನೆ ಥಾಯೆ ನೈಸೊ ಯಕ್ಲು ಘೌನಾ ಕಾಳೊಥಾವಸ.
JOH 12:25 ಕುನ್ನ ತಿನಾ ಸ್ವಂತ ಜ಼ಲಮನೆ ಮಯಾ ಕರಸ ತೆ ತಿನೆ ಜವೈಲಿವಸ. ಕುನ್ನ ತಿನಾ ಜ಼ಲಮನೆ ದ್ವೆಶ ಕರಸ ತೆ ತಿನೆ ಹಮೆಶಾನೊ ಜ಼ಲಮನಾ ಹುತಿ ಕೈದಸ.
JOH 12:26 ಕುನ್ನ ಮಾರಿ ಸೆವೆ ಕರು ಕೈನ ಛೆ ತೆ ಮಾರಾ ಪಾಚೊ಼ ಔ. ವರಿ ಮಿ ಕಿಜಾ಼ ರ‍್ಹೌಸ ತ್ಯಾ ಮಾರಾ ಸೆವಕೊಬಿ ರ‍್ಹವಸ ವರಿ ಮಾರೊ ಬಾ ಮಾರಿ ಸೆವಾ ಕುನ್ನ ಕರಸ ತ್ಯುನೊನೆ ಮರ್ಯಾದಿ ದಿವಸ ಕದ್ಯೊ.
JOH 12:27 ಯೆಸು ವಾತ ಅಗಿ ಬಡೈನ"ಹಮ್ನಾ ಮಾರು ಜ಼ಲಮ ಬುಚ್ಕಾಡ್ಯುಸ. ಮಿ ಸು ಕೌ? ಸು ಅಮ್ಮ ಕೌಸು"ಬಾ, ಎ ಟೈಮ ಮಪರ ಆವಾನೆ ನಕೊ ದ್ಯು? ನ್ಹವೈ! ತೆನೈಸೊ ಇನಾಹುತಿಜ ಮಿ ಆಯೊಸ. ಕಾಕದ್ಯಾಮ ತ್ರಾಸನಾ ಟೈಮ್ಮಾತೊಜ ಜೌ.
JOH 12:28 ಬಾ, ತಿನಾ ನಾಮನೆ ಮಹಿಮಾ ಕರ್ಲಿವಾದೆ ತೆಳಾಮಾ ಹಬಾಳಮಾತಿ ಆಕಾಶವಾಣಿ ಥೈ ಮಿ ಇನಿ ಮಹಿಮಾ ಕರ‍್ಯೊಸ ವರಿಬಿ ಮಿ ಇನಿ ಮಹಿಮಾ ಕರುಸ.
JOH 12:29 ತ್ಯಾ ಹುಬ್ರಯಲ ಮನಕ್ಹೊನು ಗುಂಪ ಎ ಆವಾಜ ಐಕಿನ "ತೆ ಗುಡುಗ ವ್ಹೈ" ಕದ್ಯಾ. ತೆನೈಸೊ ಬಿಜಾ಼ ಮನಕ್ಹೊ"ಕ್ಹುದಾನೊ ದುತ ಯಕ್ಲೊ ಯೆಸುನಾ ಕ್ಹಾತೆ ಬೊಲ್ಯೊ" ಕದ್ಯಾ.
JOH 12:30 ಯೆಸು ಮನಕ್ಹೊನೆ"ತೆ ಆವಾಜ ಆಯಲ ಮಾರಾ ಚೊ಼ಕಾನಾ ಹುತಿ ನ್ಹವೈ ತುಮಾರಾ ಚೊ಼ಕಾನಾ ಹುತಿ ವ್ಹೈ.
JOH 12:31 ಎ ದುನಿಯಾನೆ ಫೈಸಲೊ ಥಾವಾನೊ ಟೈಮ ಹಮ್ನಾ ಆಯೊಸ.. ಹಮ್ನಾ ಎ ದುನಿಯಾನೊ ಅದಿಪತಿನೆ ಭಾರಾ ಕಾಡಸ.
JOH 12:32 ಮಿ ಜಿಮಿನ ಪರತೊ ಕೆಳಾಮಾ ಉಪ್ಪರ ಜೌ಼ಸ. ತೆಳಾಮಾ ಮಿ ಕ್ಹಾರಾ ಮನಕ್ಹೊನೆ ಮಕನ ಯಳ್ದಿ ಲ್ಯುಸ" ಕೈನ ಕದ್ಯೊ.
JOH 12:33 ತೆ ಮರಾನಾ ತರಿಕಾನೆ ಯೆಸು ಎ ವಾತನಾ ಮುಲಕ ದೆಕಾಡ್ಯೊ.
JOH 12:34 ಮನಕ್ಹೊ"ಕ್ರಿಸ್ತ ಹರ ಹಮೆಶಾ ಜಿವ್ತೊ ರ‍್ಹವಸ ಕೈನ ಹಮಾರು ಧರಮಶಾಸ್ತ್ರ ಕವಸ. ಇಮ್ಮ ರ‍್ಹತಾಮಾ"ಮನಕ್ಹನೊ ದಿಕ್ರೊ ಉಪ್ಪರ ಜಾ಼ವಸ "ಕೈನ ತು ಕವಾನು ಶಾನೆ? ಎ ಮನಕ್ಹನೊ ದಿಕ್ರೊ ಕುನ್ನ ವ್ಹೈ? ಕೈನ ಪುಚ್ಯಾ.
JOH 12:35 ತಿನೆ ಯೆಸು"ಹಜು಼ನ ದಕ್ಹಿಯೆಳ ಉಜಾಲು ತುಮಾರಾ ಕ್ಹಾತೆ ರ‍್ಹವಸ. ತಿನಾಹುತಿ ಉಜಾಲು ತುಮಾರಾ ಕ್ಹಾತೆ ರ‍್ಹತಾಮಾಜ ಚಾ಼ಲೊ. ತೆಳಾಮಾ ಅಂದಾರು ತುಮೊನೆ ಸುತ್ತಿ ಲೆತು ನೈ. ಕಾಕದ್ಯಾಮ ಅಂದಾರಾಮಾ ಚಾಲಾಲಾನೆ ತೆ ಕಿಜಾ಼ ಚಾಲ್ಯೊಸ ಕವಾನು ಗ್ವತ್ತ ನೈ ಥಾತು.
JOH 12:36 ತಿನಾಹುತಿ ತುಮೊಕನ ಉಜಾಲು ಹಜು಼ನ ರ‍್ಹತಾಮಾಜ ತಿಪರ ಬರೊಕ್ಹೊ ಮ್ಹೆಲೊ. ತೆಳಾಮಾ ತುಮೆ ಉಜಾಲಾನಾ ಬಚ್ಚಾ ಥಾವೊಶಿ" ಕೈನ ಕದ್ಯೊ. ಎ ಸಂಗತಿಯೊ ಕದಲ ಪರ ಯೆಸು ತ್ಯಾಂತೊ ಗೈನ, ತಿನೆ ಮನಕ್ಹೊ ನೈಸೊ ಹುಡಕಾನಿ ಜ಼ಗಾಯೆ ಗಯೊ.
JOH 12:37 ಯೆಸು ಘನ್ನಾ ಮ್ಹೊಟಾ ಕಾಮೊ ಕರ‍್ಯೊ. ಮನಕ್ಹೊ ತೆ ಕಾಮೊ ಕ್ಹಾರಾ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾ ನೈ.
JOH 12:38 ಇನಾಹುತಿ, ಪ್ರವಾದಿ ಥಯಲ ಯೆಶಾಯ ಕದಲ ವಾತೊ ಪುರಾ ಥಾವಾನು. ತೆ ಸು ವ್ಹೈ ಕದ್ಯಾಮ "ಪ್ರಭು, ಅಪೆ ಕದಲ ಸಂದೆಶಪರ ಕುನ್ನ ಬರೊಕ್ಹೊ ಕರ‍್ಯುಸ? ಪ್ರಭುನಿ ತಾಕತ ಕಿನೆ ಗ್ವತ್ತ ಥಯು? ಯೆಶಾಯ 53:1
JOH 12:39 ತಿನಾಹುತಿಜ ಮನಕ್ಹೊ ಬರೊಕ್ಹೊ ಕರ‍್ಯಾ ನೈ. ಕಾಕದ್ಯಾಮ ಯೆಶಾಯ ವರಿ ಯಕ್ಕ ಜ಼ಗಾ ಅಮ್ಮ ಕದ್ಯೊಸ;
JOH 12:40 "ತ್ಯುನಾ ಡೊಳಾವೊಕ್ಹು ನೈ ದಿಕ್ಹೆ ಲಿಂಗತ ತ್ಯುನಾ ಮನಸೊಕ್ಹು ನೈ ತಿಳ್ದಿಲಿದಲ ಲಿಂಗತ ಬದ್ಲಿ ಥೈನ ಅರಾಮ ನೈ ಥಾಯೆ ಲಿಂಗತ ತೆ ತ್ಯುನೊನೆ ಕುಡ್ಡಾ ಕರ‍್ಯೊಸ, ತ್ಯುನಾ ಮನಸೊನೆ ದಗ್ಡಾ ಕರ‍್ಯೊಸ" ಯೆಶಾಯ 6:10
JOH 12:41 ಯೆಶಾಯ ಎ ಕದಲ ತೆ ತಿನಿ ಮಹಿಮಾ ದೆಕ್ಯೊತೊ ವರಿ ತಿನಾಹುತಿ ಬೊಲ್ಯೊತೊ.
JOH 12:42 ತೆನೈಸೊ ಘನ್ನಾ ಮನಕ್ಹೊ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ಘನ್ನಾ ಯೆಹುದಿಯೊನಾ ನಾಯಕೊಬಿ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ತೆನೈಸೊ ತ್ಯುನೆ ಫರಿಸಾಯರೊನೆ ಭುಚಿ಼ಕಿನ ತ್ಯುನೊ ಬರೊಕ್ಹೊ ದೆಕಾಡಿನ ದಿದ್ಯಾ ನೈ. ತ್ಯುನೊನೆ ಫರಿಸಾಯರೊ ಸಭಾಮಂದಿರತಾ ಭಾರಾ ಘಾಲಸ ಕೈನ ಭುಚುಕ ತ್ಯುನೊನೆ ವ್ಹತ್ತು.
JOH 12:43 ಎ ಮನಕ್ಹೊ ಕ್ಹುದಾನಿ ಮಹಿಮಾತಿಬಿ ಮನಕ್ಹೊನಿ ಹೊಗಳಿಕೆನಾ ಹುತಿಜ ಘನ್ನಿ ಮಯಾ ವ್ಹತ್ತಿ.
JOH 12:44 ಪಾಚಲ್ತೊ ಯೆಸು ಜೊ಼ರ ಅಮ್ಮ ಕದ್ಯೊ; "ಕುನ್ನ ಮಪರ ಬರೊಕ್ಹೊ ಕರಸ ತೆ ಕ್ಹಾಲಿ ಮಪರ ಯಕ್ಕಜ಼ ಬರೊಕ್ಹೊ ನೈ ಕರ್ತೊ ಮನೆ ವಳಾಯಲವಾಲಾಪರಬಿ ಬರೊಕ್ಹೊ ಕರಸ.
JOH 12:45 ಕುನ್ನ ಮನೆ ದೆಕಸ ತೆ ಮನೆ ವಳಾಯಲವಾಲಾನೆಬಿ ದೆಕಸ.
JOH 12:46 ಮಿ ದುನಿಯಾಮಾ ಉಜಾಲು ಥೈನ ಆಯೊ. ಕಾಕದ್ಯಾಮ ಕುನ್ನ ಮಪರ ಬರೊಕ್ಹೊ ಮ್ಹೆಲಸ ತೆ ಅಂದಾರಾಮಾ ರ‍್ಹೌ ನೈ.
JOH 12:47 "ಮಿ ಎ ದುನಿಯಾಮಾ ಆಯಲ ಮನಕ್ಹೊನೆ ಫೈಸಲೊ ಕರಾನೆ ನ್ಹವೈ. ಎ ದುನಿಯಾಮಾ ರ‍್ಹವಾನಾ ಮನಕ್ಹೊನೆ ಉದ್ದಾರ ಕರಾನೆ ಆಯೊಸ. ತಿನಾ ಹುತಿ ಮಾರಿ ವಾತೊ ಐಕಿನಬಿ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ಫೈಸಲೊ ಕರಾಲೊ ಮಿ ನ್ಹವೈ.
JOH 12:48 ಮಾರಾ ಉಪ್ಪರ ಬರೊಕ್ಹೊ ನೈ ಕರಾಲಾನೆ ವರಿ ಮಿ ಕವಾನು ಇನ್ಕಾರಾಲಾವೊನೆ ಫೈಸಲೊ ಕರಾನು ಮಿ ಕದಲ ವಾತೊಜ ವ್ಹೈ. ಲಾಸ್ಟನಾ ದಿನ್ನೆ ತೆಜ಼ ತಿನೆ ಫೈಸಲೊ ಕರಸ.
JOH 12:49 ಎ ಕ್ಹರಿ ವ್ಹೈ ಮಿ ಕದಲ ಕಾಕದ್ಯಾಮ, ಮಾರಾ ಅದಿಕಾರಕ್ಹು ಸುಜ಼ ಕದ್ಯೊ ನತ್ತಿ ಮನೆ ಕುನ್ನ ಮೊಕಲ್ಯುಸ.
JOH 12:50 ಬಾನಿ ಆಗನ್ಯಾ ಹಮೆಶಾನಾ ಜ಼ಲಮ ಕನ ಚ಼ಲಾವಸ ಕೈನ ಮನೆ ಗ್ವತ್ತ ಛೆ. ತಿನಾಹುತಿ ಬಾ ಮನೆ ಕದಲ ಸಂಗತಿಯೊಜ ಮಿ ಕೌಸ"
JOH 13:1 ಫಸ್ಕ ಸನ್ನ ಯಕ್ಕ ದಿನ್ನ ಪೈಲಾನು ದಿನ್ನ ಐಯುತು. ತೆ ಎ ಜಗತ ಛೊಡಿನ ಬಾ ಕನ ಜಾ಼ವಾನೊ ಟೈಮ ನಜಿಕ ಆಯುಸ ಕವಾನು ಯೆಸುನೆ ಗ್ವತ್ತ ಥಯು. ಎ ಲೊಕಮಾ ರ‍್ಹಯಲ ತಿನಾ ಮನಕ್ಹೊನೆ ತೆ ಹಮೆಶಾಬಿ ಮಯಾ ಕರ್ತೊತೊ. ವರಿ ತೆ ತ್ಯುನೊನೊಪರ ರ‍್ಹಯಲ ಘನ್ನಿ ಮಯಾ ದೆಕಾಡ್ಯೊ.
JOH 13:2 ಯೆಸು ವರಿ ತಿನಾ ಶಿಷ್ಯಾ ರಾತೆ ಖಾವಾನಾ ಹುತಿ ಬೈಟ್ಯಾತಾ. ಯೆಸುನೆ ಮೊಸ ಕರು ಕೈನ ಸೈತಾನ ಇಸ್ಕರಿಯುತ ಯುದನೆ ವಿಚಾರ ಘಾಲ್ಯು. ಯುದ ಸಿಮೊನನೊ ದಿಕ್ರೊ ವ್ಹೈ.
JOH 13:3 ಬಾ ಹರ ಯಕ್ಕಪರ ತಿನೆ ಅದಿಕಾರ ದಿದ್ಯೊಸ ಕವಾನು ಯೆಸುನೆ ಗ್ವತ್ತ ವ್ಹತ್ತು. ತೆನೈಸೊ ತೆ ಕ್ಹುದಾ ಕಂತೊ ಆಯಲ ವರಿ ಹಮ್ನಾ ಕ್ಹುದಾ ಕನ ಫರಿನ ಜಾ಼ವಾನಾ ಹುತಿ ತಿನೆ ಗ್ವತ್ತ ವ್ಹತ್ತು.
JOH 13:4 ತ್ಯುನೆ ಅನ್ನ ಖಾತಾಮಾ ಯೆಸು ಉಟಿನ ತಿನು ಉಪ್ಪರಲ್ಯು ಅಂಗ್ಡು ಕಾಡಿನ ಮ್ಹೆಲ್ಯೊ; ವರಿ ಯಕ್ಕ ಟುವಾಲ ಲಿನ ತಿನಾ ಕಂಬರೆ ಭಾಂದಿಲಿದ್ಯೊ.
JOH 13:5 ಪಾಚಲ್ತೊ ಯಕ್ಕ ತಾಂಬ್ಯಾಮಾ ಪಾನಿ ಭರ‍್ಯೊ. ಶಿಷ್ಯಾವೊನಾ ಪಗೊ ಧ್ವಯಿನ ತೆ ಭಾಂದಿಲಿದಲ ತೆ ಫೆರ್ಲಿದಲ ಟುವಾಲಕ್ಹು ತ್ಯುನಾ ಪಗೊ ನುಚ್ಯೊ.
JOH 13:6 ತೆ ಸಿಮೊನ ಪೆತ್ರಾಕನ ಆಯಲ ಪರ ಪೆತ್ರಾ"ಪ್ರಭು, ಹಮಾರಾ ಪಗೊ ತು ಧ್ವೌ ನೈ" ಕದ್ಯೊ.
JOH 13:7 ಯೆಸು"ಹಮ್ನಾ ಮಿ ಸು ಕರಾಡ್ಯೊಸ ಕವಾನು ತುಮೊನೆ ಗ್ವತ್ತ ನತ್ತಿ. ತೆನೈಸೊ ಅಗು ತುನೆ ಗ್ವತ್ತ ಥಾವಸ" ಕೈನ ಉತ್ತರ ದಿದ್ಯೊ.
JOH 13:8 ಪೆತ್ರಾ ತಿನೆ"ನೈ! ಮಾರಾ ಪಗೊ ತು ಕೆಳಾಮಾಜ ಧ್ವೌ ನೈ" ಕೈನ ಕದ್ಯೊ. ಯೆಸು "ತಾರಾ ಪಗೊ ಮಿ ನೈ ಧ್ವಯೊಮ ತು ಮಾರೊ ಶಿಷ್ಯೊ ಕೆಳಾಮಾಜ ಥಾತೊ ನೈ" ಕದ್ಯೊ.
JOH 13:9 ತೆಳಾಮಾ ಸಿಮೊನ ಪೆತ್ರಾ, ಪ್ರಭು, ಮಾರಾ ಪಗೊ ಯಕ್ಕಜ಼ ನೈಸೊ ಮಾರಾ ಹತೊ ವರಿ ಮಾತು ಧೊ" ಕೈನ ಮಾಂಗಿಲಿದ್ಯೊ.
JOH 13:10 ಯೆಸು ತಿನೆ "ಅಂಗ ಧ್ವಯಲವಾಲಾನು ಅಂಗ ಕ್ಹಾರು ಶುದ್ಧ ರ‍್ಹವಸ. ತೆ ತಿನಾ ಪಗೊ ಧ್ವೈಲಿದ್ಯಮ ಬಸ್ಸ. ತುಮೆಬಿ ಶುದ್ಧ ಥಯಾಸ, ತೆನೈಸೊ ತುಮೊಮಾ ಹರ ಯಕ್ಲೊ ಶುದ್ಧ ನತ್ತಿ.
JOH 13:11 ತಿನೆ ಮೊಸ ಕರಾಲೊ ಕುನ್ನ ವ್ಹೈ ಕೈನ ತಿನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ"ತುಮಾರಾಮಾ ಹರ ಯಕ್ಲೊ ಶುದ್ಧ ನತ್ತಿ" ಕೈನ ಕದ್ಯೊ.
JOH 13:12 ಯೆಸು ತ್ಯುನಾ ಪಗೊ ಧ್ವಯಲ ಪರ ತಿನು ಉಪ್ಪರಲ್ಯು ಅಂಗ್ಡು ಘಾಲಿನ ವರಿ ತಿನಿ ಜ಼ಗಾಪರ ಬೈಟ್ಯೊ. ವರಿ ಅಮ್ಮ ಕದ್ಯೊ; "ಹಮ್ನಾ ಮಿ ಸು ಕರ‍್ಯೊ ತೆ ತುಮೊನೆ ಗ್ವತ್ತ ಥಯು ಸು?
JOH 13:13 ತುಮೆ ಮನೆ"ಗುರು ವರಿ ಪ್ರಭು ಕೈನ ಬಲಾವೊಸಿ. ತುಮೆ ಇಮ್ಮ ಬಲಾವಾನು ಕರೆಟ್ಟ ವ್ಹೈ. ಕಾಕದ್ಯಾಮ ಮಿ ತೆಜ಼ ವ್ಹೈ.
JOH 13:14 ತಿನಾಹುತಿ ಪ್ರಭು ವರಿ ಗುರು ಥಯಲ ಮಿ ತುಮಾರಾ ಪಗೊ ಸೆವಕ ಲಿಂಗತ ಧ್ವಯೊಸ. ಕಾಕದ್ಯಾಮ ತುಮೆಬಿ ಬಿಜಾ಼ವೊನಾ ಪಗೊ ಧೌ.
JOH 13:15 ಎ ಕಾಮೊನೆ ಮಿಜ಼ ಸಾಕ್ಷಿ ಥಯೊಸ. ಕಾಕದ್ಯಾಮ ಮಿ ತುಮೊನೆ ಕರಲ ತಿಮ್ಮಜ಼ ತುಮೆಬಿ ಬಿಜಾ಼ವೊನಾ ಕ್ಹಾತೆ ಕರು.
JOH 13:16 ಮಿ ತುಮೊನೆ ಕ್ಹರಿಜ ಕೌಸ. ಸೆವಕ ಮಾಲಕ್ತಿ ಮ್ಹೊಟೊ ನ್ಹವೈ. ತಿನಾಹುತಿ ಸಂದೆಶ ಹುತಿ ಆಯಲವಾಲೊ ಮೊಕ್ಲಲವಾಲಾತಿ ಮ್ಹೊಟೊ ನ್ಹವೈ.
JOH 13:17 ತುಮೆ ಎ ಸಂಗತಿಯೊ ತಿಳದಿಲಿನ ಇನಾಲಿಂಗತ ಚಾ಼ಲಿಲಿನ ಗಯಾಮ ಖುಶಿಕ್ಹು ರ‍್ಹವೊಸಿ.
JOH 13:18 "ಮಿ ತುಮಾರಾ ಕ್ಹಾರಾವೊನಾ ಹುತಿ ಬೊಲಾಡ್ಯೊ ನತ್ತಿ. ಮಿ ಇನಿಲಿದಲ ಮನಕ್ಹೊನಾ ಹುತಿ ಮನೆ ಗ್ವತ್ತ ಛೆ. ತೆನೈಸೊ "ಮಾರಾ ಕ್ಹಾತೆ ಖಾದಲವಾಲೊ ಮನೆ ಮೊಸ ಕರ‍್ಯೊ "ಕವಾನಿ ಎ ಪವಿತ್ರ ಗ್ರಂಥಮಾನಿ ವಾತ ಪುರಾ ಥೌ.
JOH 13:19 ತೆ ಪುರಾ ಥಾತಾಮಾ ಮಿಜ಼ ಕ್ರಿಸ್ತ ವ್ಹೈ ಕೈನ ತುಮೆ ಬರೊಕ್ಹೊ ಕರು ಕೈನ, ತೆ ಪುರಾ ಥಾವಾತಿ ಪೈಲಾಜ ಎ ತುಮೊನೆ ಕವಾಡ್ಯೊಸ.
JOH 13:20 ಮಿ ತುಮೊನೆ ಕ್ಹರಿಜ ಕೌಸ ಮಿ ಮೊಕ್ಲಲ ಕಿನೆಬಿ ವಪ್ಪಿಲಿವಾಲೊ ತೆ ಮನೆ ವಪ್ಪಿಲಿವಾಲೊ ಥಯೊಸ. ಮನೆ ವಪ್ಪಿಲಿದಲವಾಲೊ ಮನೆ ಮೊಕ್ಲಲವಾಲಾನೆ ವಪ್ಪಿಲಿದವಾಲೊ ಥಯೊಸ"
JOH 13:21 ಯೆಸು ಎ ಸಂಗತಿಯೊ ಕದಲ್ಪರ ಮನಸ್ಮಾ ದುಖ ಥೈನ"ಮಿ ತುಮೊನೆ ಕ್ಹರಿಜ ಕೌಸ ತುಮೊಮಾನೊ ಯಕ್ಲೊ ಮೊಸ ಕರಾನೆ ಚಾಲ್ಯೊಸ" ಕೈನ ಖುಲ್ಲಾಜ ಕದ್ಯೊ.
JOH 13:22 ಯೆಸುನಾ ಶಿಷ್ಯಾ ಕ್ಹಾರಾ ಯಕ್ಲಾನೆ ಯಕ್ಲೊ ದೆಕಾನು ಚಾಲು ಕರ‍್ಯಾ. ತೆ ಕಿನಾ ಹುತಿ ಕವಾಡ್ಯೊಸ ಕವಾನು ತ್ಯುನೊನೆ ಗ್ವತ್ತ ಥಯು ನೈ.
JOH 13:23 ಶಿಷ್ಯಾವೊಮಾನೊ ಯಕ್ಲೊ ಯೆಸುನಾ ಬಾಜು಼ಮಾ ವ್ಹತ್ತೊ. ತಿನೆ ಯೆಸು ಘನ್ನೊ ಮಯಾ ಕರ್ತೊತೊ.
JOH 13:24 ಸಿಮೊನ ಪೆತ್ರಾ ಎ ಶಿಷ್ಯಾನೆ "ಕಿನಾ ಹುತಿ ಕವಾಡ್ಯೊಸ ಕೈನ ಪುಚ್ಚಿನ ತಿಳ್ದಿಲಿವಾನೆ ಇಶಾರೊ ಕರ‍್ಯೊ.
JOH 13:25 ತೆ ಶಿಷ್ಯೊ ಯೆಸುನಾ ಬಗಲ ಡ್ವಗ್ಗಿನ"ಪ್ರಭು, ತೆ ಕುನ್ನ ವ್ಹೈ? ಕೈನ ಪುಚ್ಯೊ.
JOH 13:26 ಯೆಸು"ಮಿ ಎ ರೊಕ್ಲೊ ಥಾಳಾಮಾ ಡುಬೈನ ಕಿನೆ ದ್ಯುಸ ತೆಜ಼ ಮನೆ ಮೊಸ ಕರಸ ಕೈನ ರೊಕ್ಲಾನೊ ತುಕ್ಡೊ ಲಿನ ತೆ ಥಾಳಾಮಾ ಡುಬೈನ ಇಸ್ಕರಿಯೊತ ಸಿಮೊನನೊ ದಿಕ್ರೊ ಥಯಲ ಯುದನೆ ದಿದ್ಯೊ.
JOH 13:27 ಯುದ ತೆ ರೊಕ್ಲಾನೊ ತುಕ್ಡೊ ಲೆತಾಮಾಜ಼ ಸೈತಾನ ತಿನಾಮಾ ವ್ಹಕ್ಯೊ. ಯೆಸು ಯುದನೆ"ತು ಸು ಕರಾನು ಛೆ ತೆ ಭೆಗಿನ ಕರ" ಕೈನ ಕದ್ಯೊ.
JOH 13:28 ತೆನೈಸೊ ಯೆಸು ಯುದನೆ ತೆ ಇಮ್ಮ ಕಾ ಕದ್ಯೊ ಕೈನ ಖಾವಾನೆ ಬೈಟಲವಾಲವೊಮಾನಾ ಕಿನೆ ಕಳ್ಯು ನೈ.
JOH 13:29 ಶಿಷ್ಯಾನಿ ಸಮುದಾಯನಿ ದೊಕ್ಡಾನಿ ಪಿಶಿನಿ ಜವಾಬ್ದಾರಿ ಯುದನಾ ಹತ್ಮಾ ವ್ಹತ್ತಿ. ತಿನಾಹುತಿ ಸನ್ನನೆ ಚಾ಼ಯೆ ಥಯಲ ದಕ್ಹಾ ಸಾಮನೊ ಲಿನ ಆವಾನಾ ಹುತಿ ಗರಿಬ ಮನಕ್ಹೊನೆ ದಿವಾನಾ ಹುತಿ ಯೆಸು ತಿನೆ ಕದ್ಯೊ ವಸೆ ಕೈನ ದಕ್ಹಾ ಶಿಷ್ಯಾ ತಿಳದಿಲಿದ್ಯಾ.
JOH 13:30 ಯೆಸು ದಿದಲ ರೊಕ್ಲೊ ಲಿದಲ ಬರೊಬ್ಬರ ಯುದ ತ್ಯಾಂತೊ ಗೈಪಡ್ಯೊ. ತೆಳಾಮಾ ರಾತ ಥೈ ಗೈತಿ.
JOH 13:31 ಯುದ ಗಯಲ್ಪರ ಯೆಸು"ಹಮ್ನಾ ಮನಕ್ಹನಾ ದಿಕ್ರಾನೆ ಮಹಿಮಾ ಥೈ. ವರಿ ತಿನಾ ಮುಲಕ ಕ್ಹುದಾನೆ ಮಹಿಮಾ ಥೈಸ.
JOH 13:32 ಯಕ್ಕೆಳೆ ತಿನಾ ಮುಲಕ ಕ್ಹುದಾನಿ ಮಹಿಮಾನಾ ಹುತಿ ಥಾವಾನಿ ರ‍್ಹಯುಮ ಕ್ಹುದಾ ತಿನಾಮಾಜ಼ ದಿಕ್ರಾನೆ ಮಹಿಮಾ ಕರಸ. ವರಿ ತೆ ತೆಕ್ಲಾಮಾಜ಼ ತಿನೆ ಮಹಿಮಾ ಕರಸ ಕದ್ಯೊ.
JOH 13:33 ಯೆಸು "ಮಾರಾ ದಿಕ್ರಾವೊ, ಹಜು಼ನ ದಕ್ಹೊ ಟೈಮ ಮಿ ತುಮಾರಾ ಕ್ಹಾತೆ ರ‍್ಹೌಸ. ತುಮೆ ಮನೆ ಹುಡ್ಕೊಶಿ. ವರಿ ಮಿ ಯಹುದಿಯೊನೆ ಕದಲಜ಼ ತುಮೊನೆ ಕೌಸ. ಮಿ ಕಿಜಾ಼ ಚಾಲ್ಯೊಸ ತುಮೊನೆ ತ್ಯಾ ಆವಾನೆ ಥಾತು"
JOH 13:34 ಮಿ ತುಮೊನೆ ಯಕ್ಕ ನಯಿ ಆಗನ್ಯಾ ದ್ಯುಸ" ತುಮೆ ಯಕ್ಕನೆ ಯಕ್ಕ ಮಯಾ ಕರೊ. ಮಿ ತುಮೊನೆ ಕಿಮ್ಮ ಮಯಾ ಕರು ತುಮೆಬಿ ತಿನಾ ಲಿಂಗತ ಮಯಾ ಕರುಜ.
JOH 13:35 ಯಕ್ಕೆಳೆ ತುಮೆ ಯಕ್ನಾ ಯಕ್ಕ ಮಯಾ ಕರ‍್ಯಾಮ, ತುಮೆ ಮಾರಾ ಶಿಷ್ಯಾ ವ್ಹೈ ಕವಾನು ಕ್ಹಾರಾವೊನೆ ಗ್ವತ್ತ ಥಾವಸ ಕೈನ ಕದ್ಯೊ.
JOH 13:36 ಸಿಮೊನ ಪೆತ್ರಾ ಯೆಸುನೆ "ಪ್ರಭು, ತು ಕಿಜಾ಼ ಚಾಲ್ಯೊಸ? ಕೈನ ಪುಚ್ಯೊ. ಯೆಸು "ಮಿ ಜಾ಼ವಾನಿ ಜ಼ಗಾ ಹಮ್ನಾ ತು ಮಾರಾ ಪಾಚ಼ೊ ನೈ ಆಸಕ್ತೊ. ತೆನೈಸೊ ತು ಅಗೊ ಮಾರಾ ಪಾಚೊ಼ ಆಶಿ" ಕೈನ ಕದ್ಯೊ.
JOH 13:37 ಪೆತ್ರಾ"ಪ್ರಭು, ಹಮ್ನಾ ಮಿ ತಾರಾ ಪಾಚೊ಼ ಆವಾನೆ ಕಾ ನೈ ಥಾತು? ಮಿ ತಾರಾ ಹುತಿ ಮರಾನೆಬಿ ತಯ್ಯಾರ ಛೆ" ಕೈನ ಕದ್ಯೊ.
JOH 13:38 ಯೆಸು"ತು ಮಾರಾಹುತಿ ಕ್ಹರಿಮಾಜ಼ ಮರಾನೆ ತಯ್ಯಾರ ಛೆ ಸು? ಮಿ ತುನೆ ಕ್ಹರಿಜ ಕೌಸ. ಕುಕ್ಡೊ ಬಾಂಗ ದಿವಾತಿ ಪೈಲಾಜ ತು ತನ್ನ ಸಲಾ ಮಾರಾ ಹುತಿ ಮಿ ತುನೆ ವಳಕ ನತ್ತಿ ಕೈನ ಕಶಿ" ಕದ್ಯೊ.
JOH 14:1 ಯೆಸು ತ್ಯುನೊನೆ "ತುಮಾರು ಮನಸ ಕಳವಳ ಕರಿಲಿವೊ ನಕೊ. ಕ್ಹುದಾ ಪರ ವರಿ ಮಪರಬಿ ಬರೊಕ್ಹೊ ಮ್ಹೆಲೊ.
JOH 14:2 ಮಾರಾ ಬಾನಾ ಘರಮಾ ಘನ್ನಾ ಖೊಲಿಯೊ ಛೆ. ತೆ ನೈ ರ‍್ಹಯಲ ರ‍್ಹವತ್ತೊ, ಮಿ ಗೈನ ತ್ಯಾ ಜ಼ಗಾ ತಯ್ಯಾರ ಕರುಸ ಕೈನ ಕತೊ ನ್ಹೊತೊ.
JOH 14:3 ಮಿ ಗೈನ ತುಮಾರಾ ಹುತಿ ಜ಼ಗಾ ತಯ್ಯಾರ ಕರಲ್ಪರ ವರಿ ಐನ ತುಮೊನೆ ಮಾರಾ ಕ್ಹಾತೆ ಬಲೈಲಿನ ಜೌ಼ಸ. ಇಮ್ಮ ಮಿ ರ‍್ಹಯಲ ಜ಼ಗಾ ತುಮೆ ರ‍್ಹವೊಶಿ.
JOH 14:4 ಮಿ ಜಾ಼ವಾನಿ ಜ಼ಗಾ ತುಮೊನೆ ಗ್ವತ್ತ ಛೆ" ಕೈನ ಕದ್ಯೊ.
JOH 14:5 ತೊಮ ಯೆಸುನೆ"ಪ್ರಭು, ತು ಜಾ಼ವಾನು ಕಿಜಾ಼ ವ್ಹೈ ಕೈನ ಹಮೊನೆ ಗ್ವತ್ತ ನತ್ತಿ. ಇಮ್ಮ ರ‍್ಹತಾಮಾ ತೆ ವಾಟ ಹಮೆ ಕಿಮ್ಮ ತಿಳ್ದಿಲಿವಾನೆ ಥಾವಸ? ಕದ್ಯೊ.
JOH 14:6 ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು.
JOH 14:7 ಯಕ್ಕೆಳೆ ತುಮೆ ಮನೆ ಕ್ಹರಿಬಿ ತಿಳ್ದಿಲಿದಲ ರ‍್ಹಯಮ, ಮಾರಾ ಬಾನೆಬಿ ಚೊ಼ಕಿ ತರಾ ತಿಳ್ದಿಲೆತಾತಾ. ತೆನೈಸೊ ಹಮ್ನಾತಾ ತುಮೆ ಬಾನೆ ತಿಳ್ದಿಲಿದ್ಯಾಸ ವರಿ ದೆಕ್ಯಾಸ "ಕೈನ ಕದ್ಯೊ.
JOH 14:8 ಫಿಲಿಪ್ಪ ಯೆಸುನೆ "ಪ್ರಭು, ಹಮೊನೆ ಬಾನೆ ದೆಕಾಡ ತೆಕ್ಲುಜ಼ ಬಸ" ಕೈನ ಕದ್ಯೊ.
JOH 14:9 ಯೆಸು "ಫಿಲಿಪ್ಪ ಮಿ ಅಕ್ಲಾ ಟೈಮತೊ ತುಮಾರಾ ಕ್ಹಾತೆ ರ‍್ಹೈತಬಿ ತು ಮನೆ ತಿಳ್ದಿಲಿದ್ಯೊ ನತ್ತಿ ಸು? ಮನೆ ದೆಕಲವಾಲೊ ಬಾನೆಬಿ ದೆಕಲವಾಲೊ ವ್ಹೈ. ತಿನಾಹುತಿ "ಬಾನೆ ಹಮೊನೆ ದೆಕಾಡ, ಕೈನ ಕಾ ಪುಚ್ಚಾಡಾಸ? ಕೈನ ಉತ್ತರ ದಿದ್ಯೊ.
JOH 14:10 ಮಿ ಬಾ ಮಾ ಛೆ ವರಿ ಬಾ ಮಾರಾಮಾ ಛೆ ಕೈನ ತುಮೆ ಕ್ಹರಿಬಿ ಬರೊಕ್ಹೊ ನೈ ಕರ‍್ತಾ ಸು? ಮಿ ತುಮೊನೆ ಕವಾನಿ ಸಂಗತಿಯೊ ಮಾರಾಕ್ಹು ಆಯಲ ನ್ಹವೈ. ತೆನೈಸೊ ತೆ ಮಾರಾಮಾ ರ‍್ಹವಾನಾ ಬಾನಾ ವ್ಹೈ ವರಿ ತೆ ತಿನು ಕಾಮ ಕರಾಡ್ಯೊಸ.
JOH 14:11 ಮಿ ಬಾಮಾ ಛೆ ವರಿ ಬಾ ಮಾರಾಮಾ ಛೆ ಕವಾನಿ ಮಾರಿ ವಾತ ಪರ ಬರೊಕ್ಹೊ ಕರೊ. ತೆನೈಸೊ ಮಿ ಕರಲ ಅದ್ಭುತ ಕಾಮೊಕ್ಹು ತಬಿ ಮಪರ ಬರೊಕ್ಹೊ ಕರೊ.
JOH 14:12 "ಮಿ ತುಮೊನೆ ಕ್ಹರಿಜ ಕೌಸ. ಮಪರ ಬರೊಕ್ಹೊ ಮ್ಹೆಲಾಲೊ ಮಿ ಕರಲಜ ಕಾಮೊ ಕರಸ. ತೆ ಮಿ ಕರಾನಾ ಕಾಮೊತಿಬಿ ಮ್ಹೊಟಾ ಕಾಮೊ ಕರಸ. ಕಾಕದ್ಯಾಮ ಮಿ ಬಾ ಕನ ಚಾ಼ಲ್ಯೊಸ.
JOH 14:13 ವರಿ ತುಮೆ ಮಾರಾ ನಾಮ ಪರ ಸುತಬಿ ಮಾಂಗಿಲಿದ್ಯಾರೆ, ಮಿ ತುಮಾರಾ ಹುತಿ ತೆ ಕರುಸ. ತಿನಾಹುತಿ ದಿಕ್ರೊ ಬಾನೆ ಮಹಿಮಾ ಲಾವಸ.
JOH 14:14 ತುಮೆ ಮಾರಾ ನಾಮ ಪರ ಸುತಬಿ ಮಾಂಗಿಲಿದ್ಯಾರೆ, ಮಿ ತೆ ಕರುಸ.
JOH 14:15 "ಯಕ್ಕೆಳೆ ತುಮೆ ಮನೆ ಮಯಾ ಕರಾಲಾ ಥಯಲ ರ‍್ಹಯಮ, ಮಾರಾ ಆಗನ್ಯಾನೆ ವಿಧೆಯ ಥೈನ ಚಾಲೊಶಿ.
JOH 14:16 ಮಿ ಬಾನೆ ಮಾಂಗಿಲಿವಸ. ತೆಳಾಮಾ ತೆ ಬಿಜಾ಼ ಯಕ್ಲಾ ಸಹಾಯಕನೆ ತುಮೊನೆ ದಿವಸ. ತೆ ಸಹಾಯಕ ಹಮೆಶಾಬಿ ತುಮಾರಾ ಕ್ಹಾತೆ ರ‍್ಹವಸ.
JOH 14:17 ಕ್ಹರಿನೊ ಆತ್ಮಾಜ಼಼ ತೆ ಸಹಾಯಕ ವ್ಹೈ. ಎ ದುನಿಯಾ ತಿನೆ ಸ್ವಿಕಾರ ನೈ ಕರತು. ಕಾಕದ್ಯಾಮ ದುನಿಯಾ ತಿನೆ ದೆಕ್ತಾ ನೈ, ತಿಳ್ದಿಲೆತಾಬಿ ನೈ. ತೆನೈಸೊ ತುಮೆ ತಿನೆ ತಿಳ್ದಿಲಿದ್ಯಾಸ. ತಿನಾಹುತಿ ತೆ ತುಮಾರಾ ಕ್ಹಾತೆ ಜಿವ್ನಾ ಕರಸ ವರಿ ತುಮಾರಾಮಾ ರ‍್ಹವಸ.
JOH 14:18 "ಮಿ ತುಮೊನೆ ಪರ್ದೆಶಿ ಲಿಂಗತ ಛೊಡಿನ ನೈ ಜಾತೊ. ಮಿ ತುಮೊಕನ ಔಸ.
JOH 14:19 ಹಜು಼ನ ದಕ್ಹಿ ಯೆಳ ಥಯಲ್ಪರ ಎ ದುನಿಯಾ ಮನೆ ದೆಕ್ತಿ ನೈ. ತೆನೈಸೊ ತುನೆ ಮನೆ ದೆಕೊಶಿ. ಕಾಕದ್ಯಾಮ ಮಿ ಜಿವ್ತೊ ರ‍್ಹೌಸ ವರಿ ತುಮೆಬಿ ಜಿವ್ತಾ ರ‍್ಹವೊಶಿ.
JOH 14:20 ತೆ ದಿನ್ನೆ ತುಮೆ ಮಿ ಮಾರಾ ಬಾ ಮಾ ರ‍್ಹವಾನು, ತುಮೆ ಮಾರಾಮಾ ರ‍್ಹವಾನು ವರಿ ಮಿ ತುಮಾರಾಮಾ ರ‍್ಹವಾನು ತಿಳ್ದಿಲಿವೊಶಿ.
JOH 14:21 ಯಕ್ಲೊ ಮಾರಿ ಆಗನ್ಯಾವೊನೆ ಸ್ವಿಕಾರ ಕರಿನ ತಿನಾ ಲಿಂಗತ ಚಾಲ್ಯೊಮ, ತೆ ಮನೆ ಮಯಾ ಕರಾಲೊ ಥಯೊಸ. ಕುನ್ನ ಮನೆ ಮಯಾ ಕರಸ ತಿನೆ ಮಾರೊ ಬಾ ಬಿ ಮಯಾ ಕರಸ ವರಿ ಮಿ ತಿನೆ ಮಯಾ ಕರುಸ. ವರಿ ಮಿ ತಿನೆ ಮನೆಜ ದೆಕಾಡಿನ ದಿವ್ಸ" ಕೈನ ಉತ್ತರ ದಿದ್ಯೊ.
JOH 14:22 ತೆಳಾಮಾ ಯುದ ಎ ಇಸ್ಕರಿಯುತ ಯುದ ನ್ಹವೈ. ತೆನೈಸೊ "ಪ್ರಭು, ತು ತುನೆ ಎ ದುನಿಯಾನೆ ನೈ ದೆಕಾಡ್ಯಾವಾಚಿ ಹಮೊನೆ ದೆಕಾಡುಸ ಕವಾನು ಶಾನೆ? ಕೈನ ಪುಚ್ಚೊ.
JOH 14:23 ಯೆಸು ಅಮ್ಮ ಜವಾಬ ದಿದ್ಯೊ; ಮನೆ ಮಯಾ ಕರಾಲೊ ಮಾರಾ ಉಪದೆಶನೆ ವಿಧೆಯ ಥಾವಸ. ಮಾರೊ ಬಾ ತಿನೆ ಮಯಾ ಕರಸ. ಹಮೆ ಭಂಬಿ ಜ಼ನಾ ತಿಕನ ಐನ ತಿನಾ ಕ್ಹಾತೆ ರ‍್ಹಯೆಸ.
JOH 14:24 ಕುನ್ನ ಮನೆ ನೈ ಮಯಾ ಕರ‍್ತೊ, ತೆ ಮಾರಿ ಉಪದೆಶನೆ ವಿಧೆಯ ನೈ ಥಾತೊ. ತುಮೆ ಐಕಾನಿ ಎ ಉಪದೆಶ ಮಾರಿ ನ್ಹವೈ, ಮನೆ ವಳಾಯಲ ಮಾರಾ ಬಾನು ವ್ಹೈ.
JOH 14:25 "ಹಜು಼ನ ಮಿ ತುಮಾರಾ ಕ್ಹಾತೆ ರ‍್ಹತಾಮಾಜ ಎ ಸಂಗತಿಯೊ ಕ್ಹಾರಾ ತುಮೊನೆ ಕದ್ಯೊಸ.
JOH 14:26 ತೆನೈಸೊ ಬಾ ಮಾರಾ ನಾಮ ಪರ ವಳೈನ ದಿವಾನು ಪವಿತ್ರ ಆತ್ಮಾ ತುಮೊನೆ ಹರಿ ಯಕ್ಕಬಿ ಉಪದೆಶ ಕರಸ. ವರಿ ಮಿ ತುಮೊನೆ ಕದಲ ಕ್ಹಾರಾ ಸಂಗತಿಯೊ ತುಮೊನೆ ಶೆ ದಿಲಾವಸ.
JOH 14:27 "ಮಿ ಶಾಂತಿ ದಿವ್ಸ. ಮಾರಿ ಶಾಂತಿ ತುಮೊನೆ ದಿವ್ಸ. ಮಿ ಎ ದುನಿಯಾ ದಿದಲಲಿಂಗತ ತುಮೊನೆ ದೆತೊ ನೈ. ತಿನಾಹುತಿ ತುಮಾರು ಮನಸೊ ಕಳವಳ ಥೌ ನೈ ವರಿ ತುಮೆ ಭುಚ಼ಕೊ ನಕೊ.
JOH 14:28 ಮಿ ಜೌ಼ಸ. ತೆನೈಸೊ ತುಮೊಕನ ಫರಿನ ಔಸ "ಕೈನ ಮಿ ತುಮೊನೆ ಕವಾನು ತುಮೆ ಐಕ್ಯಾಸ. ತುಮೆ ಮನೆ ಮಯಾ ಕರಾಲಾ ರ‍್ಹಯಮ, ಮಿ ಬಾಕನ ಜಾ಼ವಾಕ್ಹು ಖುಶಿ ಥಾತಾತಾ. ಕಾಕದ್ಯಾಮ ಬಾ ಮಾರಾತಿ ಮ್ಹೊಟೊ ವ್ಹೈ.
JOH 14:29 ಎ ಥಾವಾತಿ ಪೈಲಾ ಮಿ ತುಮೊನೆ ಕದ್ಯೊಸ. ಇಮ್ಮ ರ‍್ಹತಾಮಾ, ಎ ಥಾತಾಮಾ ತುಮೆ ಬರೊಕ್ಹೊ ಕರೊಶಿ.
JOH 14:30 "ಮಿ ತುಮಾರಾ ಕ್ಹಾತೆ ಹಜು಼ನ ಘನಿಯೆಳ ಬೊಲ್ತೊ ನೈ. ಎ ದುನಿಯಾನೊ ಅದಿಪತಿ ಆವಾಡ್ಯೊಸ. ತಿನೆ ಮಾರಾ ಉಪ್ಪರ ಕಯುಜ಼ ಅದಿಕಾರ ನತ್ತಿ.
JOH 14:31 ತೆನೈಸೊ ಮಿ ಬಾನೆ ಮಯಾ ಕರುಸ ವರಿ ಮಿ ಮಾರೊ ಬಾ ಆಗನ್ಯಾ ಕರಲ ತಿಮ್ಮಜ ಕರಾಡ್ಯೊಸ ಕೈನ ದುನಿಯಾ ತಿಳ್ದಿಲ್ಯುಜ "ಆವೊ ಅಪೆ ನ್ಹ್ಯಾಂತಾ ಗಯ್ಯೆ"
JOH 15:1 ಮಿ ಕ್ಹರಿನು ದ್ರಾಕ್ಷಿಯೊನಿ ಬಳ್ಳಿ ವ್ಹೈ. ವರಿ ಮಾರೊ ಬಾ ಖೆತರವಾಲೊ ವ್ಹೈ.
JOH 15:2 ಮಕನ ರ‍್ಹಯಲ ಫಲ ನೈ ದಿವಾನು ಹರಯಕ್ಕ ಜಡನೆ ತೆ ಕತ್ರಿನ ನಾಕಸ. ಫಲ ದಿವಾನು ಠೊಂಗಿ ಹಜು಼ನ ಹೆಚ್ಕಿ ಫಲಾ ದಿಯೆ ಲಿಂಗತ ತಿನೆ ಶುದ್ಧ ಕರಸ.
JOH 15:3 ಮಿ ತುಮೊನೆ ಕದಲ ಉಪದೆಶ ಕ್ಹು ತುಮೆ ಹಮ್ನಾಜ ಶುದ್ಧ ಥಯಾಸ.
JOH 15:4 ತುಮೆ ಮಾರಾಮಾ ಮ್ಹೈ ಥೈನ ರ‍್ಹವೊ, ತೆಳಾಮಾ ಮಿ ತುಮೊಮಾ ಮ್ಹೈ ಥೈನ ರ‍್ಹೌಸ. ಕಯು ಠೊಂಗಿ ತಿನಾಕ್ಹು ತೆ ಫಲ ನೈ ದೆತು. ತೆ ದ್ರಾಕ್ಷಿಯೊನಿ ಬಳ್ಳಿಮಾ ಮ್ಹೈ ಥೈನ ರ‍್ಹೌ. ತೆ ತುಮೊನೆಬಿ ಲಾಗು ಥಾವಸ. ತುಮಾರಾಕ್ಹು ತುಮೆ ಫಲ ನೈ ದೆಸಕ್ತಾ. ತುಮೆ ಮಾರಾಮಾ ಮ್ಹೈ ಥೈನ ರ‍್ಹವೊ.
JOH 15:5 "ಮಿಜ಼ ದ್ರಾಕ್ಷಿಯೊನಿ ಬಳ್ಳಿ ವ್ಹೈ ತುಮೆ ಠೊಂಗಿಯೊ ವ್ಹೈ. ಯಕ್ಲೊ ಮಾರಾಮಾ ಮ್ಹೈ ಥೈನ ರ‍್ಹಯೊಮ ವರಿ ಮಿ ತಿನಾಮಾ ಮ್ಹೈ ಥೈನ ರ‍್ಹಯೊಮ, ತೆಳಾಮಾ ತೆ ಘನ್ನು ಫಲ ದಿವಸ. ತೆನೈಸೊ ತೆ ಮನೆ ಛೊಡಿನ ಸುಜ಼ ನೈ ಕರಸಕ್ತಾ.
JOH 15:6 ಮಾರಾಮಾ ರ‍್ಹಯಲವಾಲೊ ವರಾಯಲ ಠೊಂಗಿ ಲಿಂಗತ ರ‍್ಹವಸ. ತಿನೆ ಜಮಾ ಕರಿನ ಆಗಮಾ ಘಾಲಸ. ತೆ ಆಗಮಾ ಪಡಿನ ಮರಿ ಜಾ಼ವಸ.
JOH 15:7 ತುಮೆ ಮಾರಾಮಾ ಮಾರಿ ವಾಕ್ಯಾ ತು ಮಾರಾಮಾ ರ‍್ಹಯುಮ ಸು ಚಾ಼ಯೆ ತೆ ಮಾಂಗಿಲಿವೊ, ತೆ ತುಮೊನೆ ಮಳಸ.
JOH 15:8 ತುಮೆ ಘನ್ನು ಫಲ ದಿನ್ನ, ಮಾರಾ ಬಾನಿ ಮಹಿಮಾ ದೆಕಾಡೊ. ಇನಾಹುತಿ ತುಮೆ ಮಾರಾ ಶಿಷ್ಯಾ ಥಾವೊಶಿ.
JOH 15:9 "ಕಿಮ್ಮ ಬಾ ಮನೆ ಮಯಾ ಕರಸ ತಿಮ್ಮಜ ಮಿ ತುಮೊನೆ ಮಯಾ ಕರುಸ. ಮಾರಿ ಮಯಾಮಾ ರ‍್ಹವೊ.
JOH 15:10 ಯಕ್ಕೆಳೆ ತುಮೆ ಮಾರಿ ಆಗನ್ಯಾವೊನೆ ವಿಧೆಯ ಥಯಾಮ, ತುಮೆ ಮಾರಿ ಮಯಾಮಾ ಮ್ಹೈ ಥೈನ ರ‍್ಹವೊಶಿ. ಮಿ ಮಾರಾ ಬಾನಾ ಆಗನ್ಯಾನೆ ವಿಧೆಯ ಥೌಸ ವರಿ ತಿನಿ ಮಯಾಮಾ ಛೆ.
JOH 15:11 ಮನೆ ರ‍್ಹವಾನಿ ಖುಶಿ ತುಮೆ ವ್ಹಂದಿಲಿವ ಕೈನ ಮಿ ತುಮೊನೆ ಎ ಸಂಗತಿಯೊ ಕದ್ಯೊಸ. ತುಮಾರಿ ಖುಶಿ ಪರಿಪುರ್ಣ ಖುಶಿ ಥೈನ ರ‍್ಹೌ ಕೈನ ಕದ್ಯೊ.
JOH 15:12 ಮಿ ತುಮೊನೆ ಮಯಾ ಕರಲ ಲಿಂಗತ ತುಮೆ ಯಕ್ಕನೆ ಯಕ್ಕ ಮಯಾ ಕರು ಕವಾನು ಮಿ ತುಮೊನೆ ದಿವಾನಿ ಆಗನ್ಯಾ ವ್ಹೈ.
JOH 15:13 ದೊಸ್ತೊನಾ ಹುತಿ ತಿನು ಸ್ವಂತ ಜ಼ಲಮ ದಿವಾನಾ ಮಯಾತಿಬಿ ಬಿಜಿ ಮಯಾ ಕೈಜ಼ ನತ್ತಿ.
JOH 15:14 ಮಿ ದಿದಲ ಆಗನ್ಯಾ ಲಿಂಗತ ಚಾ಼ಲ್ಯಾಮ, ತುಮೆ ಮಾರಾ ದೊಸ್ತೊ ವ್ಹೈ.
JOH 15:15 ಹಮ್ನಾತೊ ಮಿ ತುಮೊನೆ ಮಾರಾ ಸೆವಕೊ ಕೈನ ಬಲಾತೊ ನೈ. ಕಾಕದ್ಯಾಮ ಮಾಲಕನಾ ಕಾಮೊ ಸೆವಕನೆ ಗ್ವತ್ತ ನೈ ರ‍್ಹತಾ. ತೆನೈಸೊ ಹಮ್ನಾ ಮಿ ತುಮೊನೆ ಮಾರಾ ದೊಸ್ತೊ ಕೈನ ಬಲೌಸ. ಕಾಕದ್ಯಾಮ ಮಾರಾ ಬಾ ಕಂತು ಐಕಲ ಹರಯಕ್ಕ ಮಿ ತುಮೊನೆ ಕದ್ಯೊಸ.
JOH 15:16 "ತುಮೆ ಮನೆ ಇನಿಲಿದ್ಯಾ ನತ್ತಿ; ಮಿ ತುಮೊನೆ ಇನಿಲಿದ್ಯೊಸ. ತುಮೆ ಗೈನ ಘನ್ನು ಫಲ ದ್ಯು. ಎಜ಼ ಮಿ ತುಮೊನೆ ದಿದಲ ಕಾಮ ವ್ಹೈ. ತೆ ಕೆಳಾಮಾಬಿ ರ‍್ಹವಾನು ಫಲ ವ್ಹೈ. ಇಮ್ಮ ರ‍್ಹತಾಮಾ, ತುಮೆ ಮಾರಾ ನಾಮ ಪರ ಸುಬಿ ಪುಚ್ಯಾ ತಬಿ ಬಾ ತೆ ತುಮೊನೆ ದಿವಸ.
JOH 15:17 ತುಮೆ ಯಕ್ನೆ ಯಕ್ಕ ಮಯಾ ಕರು ಕವಾನುಜ ಮಾರಿ ಆಗನ್ಯಾ ವ್ಹೈ.
JOH 15:18 "ಎ ದುನಿಯಾ ತುಮೊನೆ ದ್ವೆಶ ಕರ‍್ಯಾಮ, ತೆ ಪೈಲಾ ಮನೆ ದ್ವೆಶ ಕರಲ ಶೆ ಕರೊ.
JOH 15:19 ತುಮೆ ಎ ದುನಿಯಾನೆ ಮಳಲವಾಲಾ ರ‍್ಹಯುಮ, ಎ ದುನಿಯಾ ತಿನಾ ಸ್ವಂತ ಮನಕ್ಹೊನೆ ಮಯಾ ಕರಲ ಲಿಂಗತ ತುಮೊನೆ ಮಯಾ ಕರಸ. ತೆನೈಸೊ ಮಿ ತುಮೊನೆ ಎ ದುನಿಯಾತೊ ಇನಿಲಿದ್ಯೊಸ. ತಿನಾಹುತಿ ತುಮೆ ಎ ದುನಿಯಾನೆ ಮಳಲವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ತುಮೊನೆ ದ್ವೆಶ ಕರಸ.
JOH 15:20 "ಸೆವಕ ತಿನಾ ಮಾಲಕತಿ ಮ್ಹೊಟೊ ನ್ಹವೈ "ಕೈನ ಮಿ ತುಮೊನೆ ಕದಲ ವಾತ ಶೆ ಕರಿಲಿವೊ. ಮನಕ್ಹೊ ಮನೆ ತ್ರಾಸ ಕರಲ ಲಿಂಗತ ತುಮೊನೆ ತ್ರಾಸ ಕರಸ ವರಿ ಮಾರಿ ಉಪದೆಶನೆ ವಿಧೆಯ ಥಯಾಮ ತುಮಾರಾ ಉಪದೆಶನೆ ವಿಧೆಯ ಥಾವಸ.
JOH 15:21 ಮನಕ್ಹೊ ಮಾರಾ ರ‍್ಹಯಲ ಹುತಿ ಎ ಕ್ಹಾರು ತುಮೊನೆ ಕರಸ. ಮನೆ ವಳಾಯಲವಾನೆ ತ್ಯುನೆ ತಿಳ್ದಿಲಿದ್ಯಾ ನತ್ತಿ.
JOH 15:22 ಮಿ ಐನ ಎ ದುನಿಯಾನಾ ಮನಕ್ಹೊನೆ ನೈ ಬೊಲ್ಯಲ ರ‍್ಹವತ್ತೊ, ತ್ಯುನೊನೆ ತ್ಯುನೆ ಕಯಾಜ಼ ಪಾಪ ಕರಲವಾಲಾ ವ್ಹೈ ಕೈನ ಕವಾನೆ ಥಾತು ನ್ಹೊತು. ತೆನೈಸೊ ಮಿ ತ್ಯುನಾ ಕ್ಹಾತೆ ಬೊಲ್ಯೊಸ. ತಿನಾಹುತಿ ಹಮ್ನಾ ತ್ಯುನಾ ಪಾಪೊನೆ ತ್ಯುನೊನೆ ಕಯು ಅರು ನತ್ತಿ.
JOH 15:23 "ಮನೆ ದ್ವೆಶ ಕರಾಲೊ ಮಾರಾ ಬಾನೆ ದ್ವೆಶ ಕರಾಲೊ ಥಯೊಸ.
JOH 15:24 ಯಕ್ಕೆಳೆ ಮಿ ತ್ಯುನಾ ವಚ್ಮಾ ತೆ ಕಾಮೊ ನೈ ಕರತೊ ವರಿ ತೆ ಕಾಮೊ ಕುನ್ನಜ಼ ನೈ ಕರಲ ರ‍್ಹವತ್ತೊ, ತ್ಯುನೆ ಪಾಪ ಕರಲವಾಲಾ ಥಾತಾ ನ್ಹೊತಾ. ಹಮ್ನಾ ತ್ಯುನೆ ಎ ದೆಕ್ಯಾಸ ರ‍್ಹೈತುಬಿ ತ್ಯುನೆ ಮನೆ ವರಿ ಮಾರಾ ಬಾನೆ ದ್ವೆಶ ಕರಸ.
JOH 15:25 "ತ್ಯುನೆ ಮನೆ ಕಾರಣ ನೈಸೊ ದ್ವೆಶ ಕರ‍್ಯಾ "ಕೈನ ತ್ಯುನಾ ಧರಮಶಾಸ್ತ್ರಮಾ ಬರ್ದಲ ವಾತ ಕ್ಹರಿ ಥೌ ಕೈನ ಇಮ್ಮ ಥಯು.
JOH 15:26 "ಯಕ್ಕ ಸಹಾಯಕ ಆವಸ. ತೆ ಪವಿತ್ರ ಆತ್ಮಾ ವ್ಹೈ. ವರಿ ಕ್ಹುದಾನಿ ಕ್ಹರಿನೆ ದೆಕಾಡಿನ ದಿವಸ ವರಿ ತೆ ಬಾ ಕಂತೊ ಆವಸ. ಮಿ ತಿನೆ ಕ್ಹುದಾ ಕಂತೊ ವಳೌಸ ವರಿ ತೆ ಮಾರಾ ಹುತಿ ಸಾಕ್ಷಿ ದಿವಸ.
JOH 15:27 ವರಿ ತುಮೆಬಿ ಮಾರಾ ಸಾಕ್ಷಿ ದಿವೊಶಿ. ಕಾಕದ್ಯಾಮ ಪೈಲಾತಾಬಿ ತುಮೆ ಮಾರಾ ಕ್ಹಾತೆ ಛೆ.
JOH 16:1 "ಮಿ ಎ ಸಂಗತಿಯೊ ಕ್ಹಾರಾ ತುಮೊನೆ ಕದ್ಯೊಸ. ಕಾಕದ್ಯಾಮ ತುಮೆ ಬರೊಕ್ಹೊ ಛೊಡು ನೈ ಕೈನ ಕದ್ಯೊ.
JOH 16:2 ತ್ಯುನೆ ತುಮೊನೆ ಸಭಾಮಂದಿರೊಮಾತಾ ಭಾರಾ ಘಾಲಸ. ವರಿ ಯಕ್ಕ ಟೈಮ ಆವಾಡೊಸ ತ್ಯುನೆ ತುಮೊನೆ ಮಾರಸ ವರಿ ತ್ಯುನೆ ಅಮ್ಮ ವಿಚಾರ ಕರಸ ತ್ಯುನೆ ಕ್ಹುದಾನಿ ಸೆವಾ ಕರ‍್ಯಾಸ ಕೈನ.
JOH 16:3 ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.
JOH 16:4 ತೆನೈಸೊ ಹಮ್ನಾ ಮಿ ತುಮೊನೆ ಎ ಕ್ಹಾರಾ ಸಂಗತಿ ಕದ್ಯೊಸ. ಇಮ್ಮ ರ‍್ಹತಾಮಾ, ಎ ಕ್ಹಾರಾ ಸಂಗತಿಯೊ ಪುರಾ ಥಾವಾನೊ ಟೈಮ ಆಯಲ ಪರ ತೆಳಾಮಾ ತ್ಯುನಾ ಹುತಿ ತುಮೊನೆ ಪೈಲಾಜ ಕದಲ ಶೆ ಮ್ಹೆಲೊ" ಮಿ ಎ ಸಂಗತಿಯೊ ಕ್ಹಾರಾ ತುಮೊನೆ ಪೈಲಾತೊ ತಿಳ್ಸಾಯೊ ನೈ. ಕಾಕದ್ಯಾಮ, ತೆಳಾಮಾ ಮಿ ತುಮಾರಾ ಕ್ಹಾತೆ ವ್ಹತ್ತೊ.
JOH 16:5 ಹಮ್ನಾ ತುಬಿ, ಮನೆ ವಳಾಯಲವಾಲಾ ಕನ ಮಿ ಚಾಲ್ಯೊಸ. ತೆನೈಸೊ ತುಮೊಮಾ ಯಕ್ಲೊ ತುಬಿ"ತು ಕಿಜಾ಼ ಚಾಲ್ಯೊಸ? ಕೈನ ಮನೆ ಪುಚ್ಯಾ ನೈ.
JOH 16:6 ಮಿ ತುಮೊನೆ ಎ ಸಂಗತಿಯೊ ಕ್ಹಾರಾ ಕದಲ ಹುತಿ ತುಮಾರಾ ಮನಸೊ ದುಖಕ್ಹು ಭರಿ ಗಯಾಸ.
JOH 16:7 ತೆನೈಸೊ ಮಿ ತುಮೊನೆ ಕ್ಹರಿಜ ಕೌಸ. ಮಿ ಜಾ಼ವಾನು ತುಮಾರಾ ಚೊ಼ಕಾನಾ ಹುತಿಜ ವ್ಹೈ ಕಾಕದ್ಯಾಮ ಮಿ ಗೈನ ಸಹಾಯಕನೆ ತುಮೊಕನ ವಳೌಸ. ಮಿ ನೈ ಗಯೊಮ, ಸಹಾಯಕ ತುಮೊಕನ ನೈ ಆತೊ.
JOH 16:8 "ತೆ ಕೆಳಾಮಾ ಆವಸ ಪಾಪ, ನಿತಿ, ನ್ಯಾಯನೊ ಫೈಸಲೊ ಎ ವಿಷಯನಾ ಹುತಿ ದುನಿಯಾನಿ ಶಕ್ಕ ದುರ ಕರಸ.
JOH 16:9 ಮನೆ ನೈ ಬರೊಕ್ಹೊ ಕರಾಕ್ಹು ಮನಕ್ಹೊಮಾ ಪಾಪ ಛೆ ಕೈನ ತೆ ಸಹಾಯಕ ದೆಕಾಡಿನ ದಿವಸ.
JOH 16:10 ಮಿ ಬಾಕನ ಜಾ಼ವಾನು ನಿತಿನಾ ಹುತಿ ತೆ ಮನಕ್ಹೊನೆ ದೆಕಾಡಿನ ದಿವಸ. ಇತ್ತಿ ಉಪ್ಪರ ಮನೆ ತುಮೆ ದೆಕ್ತಾ ನೈ
JOH 16:11 ಕ್ಹರಿನಾ ಫೈಸಲಾನಾ ಹುತಿ ಕ್ಹರಿನೊ ತೆ ಸಹಾಯಕ ಎ ಜಗತ್ನೆ ದೆಕಾಡಿನ ದಿವಸ, ಕಾಕದ್ಯಾಮ ಎ ಜಗತ್ನಾ ಅದಿಪತಿನೆ ಫೈಸಲೊ ಥೈಗಯೊಸ.
JOH 16:12 ಮಿ ತುಮೊನೆ ಕವಾನಿಯೊ ಸಂಗತಿಯೊ ಹಜು಼ನ ಘನಿಯೊ ಛೆ. ವರಿಬಿ ತೆ ಸಂಗತಿಯೊ ತುಮೆ ಸಹಿಸಿ ನೈ ಲೆತಾ.
JOH 16:13 ವರಿ ತೆ ಸತ್ಯನಿ ಆತ್ಮಾ ಆತಾಮಾ, ತುಮೊನೆ ತೆ ಹರಿ ಯಕ್ಕ ಟೈಮ್ಮಾ ಕ್ಹರಿಕ್ಹು ಅಗೊ ಚ಼ಲಾವಸ. ಸತ್ಯನಿ ಆತ್ಮಾ ಬೊಲಾನು ತಿನು ನ್ಹವೈ. ತೆ ಐಕಲಜ ತೆ ಕವಸ. ಥಾವಾನಿಯೊ ಸಂಗತಿಯೊಜ ತುಮೊನೆ ಕವಸ.
JOH 16:14 ಕ್ಹರಿನಿ ಆತ್ಮಾ ಮಾರಿಯೊಜ ವಾತೊ ಐಕಿನ ತುಮೊನೆ ಕವಾನಾ ಮುಲಕ ಮನೆ ಮಹಿಮಾ ಕರಸ.
JOH 16:15 ಮಾರಾ ಬಾನೆ ರ‍್ಹಯಲ ಕ್ಹಾರುಜ ಮಾರು ವ್ಹೈ. ತಿನಾಹುತಿ, ಪವಿತ್ರ ಆತ್ಮಾ ಮಾರಿಯೊಜ ವಾತೊ ಐಕಿನ, ತುಮೊಕನ ಕವಸ ಕೈನ ಕದ್ಯೊ.
JOH 16:16 ದಕ್ಹಿಯೆಳ ಥಯಲ್ಪರ ತುಮೆ ಮನೆ ದೆಕ್ತಾ ನೈ. ತೆ ಥಯಲ್ಪರ ದಕ್ಹು ಟೈಮ ಥಯಲ್ಪರ ತುಮೆ ಮನೆ ವರಿ ದೆಕೊಶಿ"
JOH 16:17 ಶಿಷ್ಯಾವೊನಾ ದಕ್ಹಾ ಜ಼ನಾ"ದಕ್ಹಿಯೆಳ ಪರ ತುಮೆ ಮನೆ ನೈ ದೆಕ್ತಾ. ತೆನೈಸೊ ಪಾಚಾ಼ತಾ ದಕ್ಹು ಟೈಮ ಥಯಲ್ಪರ ಮನೆ ವರಿ ದೆಕೊಶಿ. ಕಾಕದ್ಯಾಮ ಮಿ ಬಾಕನ ಚಾಲ್ಯೊಸ "ಕೈನ ತೆ ಕದಲನು ಮತ್ಲಬ ಸು ವ್ಹೈ? ಕೈನ ಯಕ್ನೆ ಯಕ್ಕ ಬೊಲಿ ಲಿವಾನು ಶುರು ಕರ‍್ಯಾ.
JOH 16:18 ಶಿಷ್ಯಾ"ದಕ್ಹಿಯೆಳ ಕದ್ಯಾಮ ಸು ವ್ಹೈ? ತಿನಿ ವಾತ ಅಪೊನೆ ಗ್ವತ್ತ ನತ್ತಿ ಥಾವಾಡು"
JOH 16:19 ಶಿಷ್ಯಾ ಇನಾಹುತಿ ತಿನೆ ಪುಚ್ಚಸ ಕೈನ ಯೆಸುನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ"ದಕ್ಹಿಯೆಳ ಥಯಲ್ಪರ ತುಮೆ ಮನೆ ನೈ ದೆಕ್ತಾ. ತೆನೈಸೊ? ಪಾಚಾ಼ತಾ ದಕ್ಹು ಟೈಮ ಥಯಲ್ಪರ ಮನೆ ದೆಕೊಶಿ "ಕೈನ ಮಿ ಕದಲನು ಮತ್ಲಬ ಸು ವ್ಹೈ ಕೈನ ತುಮೆ ಯಕ್ನೆ ಯಕ್ಕ ಪುಚ್ಚಾಡ್ಯಾಸ ಸು?
JOH 16:20 ತುಮೊನೆ ಕ್ಹರಿಜ ಕೌಸ. ತುಮೆ ರವೊಶಿ, ಗೊಳಾಡೊಶಿ. ತೆನೈಸೊ ದುನಿಯಾ ಖುಶಿ ಥಾವಸ. ತುಮೆ ದುಖಿ ಥಾವೊಶಿ, ತೆನೈಸೊ ತುಮಾರು ದುಖ ಖುಶಿ ಥಾವಸ.
JOH 16:21 ಪೆಟೆ ರ‍್ಹಯಲ ಬಾಕ್ಡಿ ಜನ್ನಾನೊ ಟೈಮ ಆತಾಮಾ ತ್ರಾಸ ಖಾವಸ. ಬಚ್ಚು಼ ಹುಟ್ಟಲ ಪರ, ದುನಿಯಾಮಾ ಯಕ್ಕ ಬಚ್ಚು಼ ಹುಟ್ಯು ಕೈನ ಖುಶಿಕ್ಹು ತೆ ತಿನೆ ಥಯಲ ತ್ರಾಸ ಇಕ್ಹರಿ ಪಾಡಸ.
JOH 16:22 ಎ ತುಮೊನೆಬಿ ಲಾಗು ಥಾವಸ. ಹಮ್ನಾ ತುಮೆ ದುಖಮಾ ಛೆ. ತೆನೈಸೊ ತುಮೆ ನೆ ವರಿ ದೆಕಲ್ಪರ ಖುಶಿ ಥಾವೊಶಿ. ತೆ ಖುಶಿನೆ ಕುನ್ನಜ ತುಮೊ ಕಂತು ನೈ ಕಾಳೆತು.
JOH 16:23 ತೆ ದಿನೊಮಾ ತುಮೆ ಮನೆ ಸುಜ಼ ಪುಚತಾ ನೈ. ಮಿ ತುಮೊನೆ ಕ್ಹರಿಜ ಕೌಸ. ತುಮೆ ಮಾರಾ ನಾಮಪರ ಸು ಪುಚ್ಯಾ ತಬಿ ಬಾ ತುಮೊನೆ ದಿವಸ.
JOH 16:24 ಹಜು಼ನ ಲಕ್ಕಾ ತುಮೆ ಮಾರಾ ನಾಮಪರ ಸು ಮಾಂಗಿಲಿದ್ಯಾ ನೈ, ಮಾಂಗೊ ವರಿ ತೆಳಾಮಾ ತುಮೊನೆ ಮಳಸ. ವರಿ ತುಮಾರಿ ಖುಶಿ ಪುರಾ ಥಾವಸ.
JOH 16:25 "ಮಿ ತುಮೊನೆ ಎ ಸಂಗತಿಯೊ ಕಾನಿಯೊನಾ ಮುಕಾಂತರ ಕದ್ಯೊ. ವರಿ ಟೈಮ ಆವಸ. ತೆಳಾಮಾ ಮಿ ಕಾನಿ ಕದ್ಯಾವಾಚಿ ಮಾರಾ ಬಾನಾ ಹುತಿ ಸಿದಾ ವಾತೊಮಾ ಕೌಸ.
JOH 16:26 ತೆಳಾಮಾ ತುಮೆ ಮಾರಾ ನಾಮಪರ ಬಾಕನ ಮಾಂಗಿಲಿವೊಸಿ. ತೆಳಾಮಾ ಮಿ ತುಮಾರಾ ಹುತಿ ಬಾನೆ ಮಾಂಗಿಲಿವಾನು ಜರುರತ್ತಜ ರ‍್ಹತಿ ನೈ.
JOH 16:27 ಹೊ, ಬಾಜ ಕ್ಹುದ್ದ ತುಮೊನೆ ಮಯಾ ಕರಸ. ತುಮೆ ಮನೆ ಕಯಾ ಕರಲ ಹುತಿ ವರಿ ಮಿ ಕ್ಹುದಾ ಕಂತೊ ಆಯೊಸ ಕೈನ ತುಮೆ ಬರೊಕ್ಹೊ ಕರಲ ಹುತಿ ತೆ ತುಮೊನೆ ಮಯಾ ಕರಸ.
JOH 16:28 ಮಿ ಬಾಕಂತೊ ಎ ದುನಿಯಾಮಾ ಆಯೊ. ಹಮ್ನಾ ಮಿ ಎ ದುನಿಯಾ ಛೊಡಿನ ಬಾಕನ ವರಿ ಚಾಲ್ಯೊಸ "ಕೈನ ಕದ್ಯೊ.
JOH 16:29 ತೆಳಾಮಾ ಶಿಷ್ಯಾ"ಹಮ್ನಾ ತು ಮಾರಾ ಕ್ಹಾತೆ ಕರೆಟ್ಟ ಬೊಲಾಡೊಸ. ನೈ ಕಳಾನು ಕಠಿನ ವಾತೊ ತು ಉಪಯೊಗ ನತ್ತಿ ಕರಾಡ್ಯೊ ನತ್ತಿ.
JOH 16:30 ತುನೆ ಕ್ಹಾರಿಯೊ ಸಂಗತಿಯೊ ಕಳಿಯೊಸ ಕೈನ ಹಮೊನೆ ಹಮ್ನಾ ಕಳಿಯೊ. ಯಕ್ಲೊ ಪ್ರಶ್ನೆ ಪುಚ್ಚಾತಿ ಪೈಲಾಜ ತು ತಿನಾ ಪ್ರಶ್ನೆನೆ ಜವಾಬ ದೆಶಿ. ಇನಾಹುತಿ, ತು ಕ್ಹುದಾಕಂತೊ ಆಯೊಸ ಕೈನ ಹಮೆ ಬರೊಕ್ಹೊ ಕರಿಯೆಸ" ಕೈನ ಕದ್ಯಾ.
JOH 16:31 ಯೆಸು ತ್ಯುನೊನೆ"ಸು ತುಮೆ ಹಮ್ನಾ ಬರೊಕ್ಹೊ ಕರೊಶಿ?
JOH 16:32 ಮನೆ ಐಕೊ ತುಮೆ ಜುದಾ ಥಾವಾನೊ ಟೈಮ ಆಯೊಸ. ತುಮೊಮಾ ಹರಿ ಯಕ್ಲೊ ತಿನಾ ಸ್ವಂತ ಘರೆ ಜಾ಼ವಸ. ತುಮೆ ಮನೆ ಯಕ್ಲಾನೆಜ ಛೊಡಿನ ಜಾವೊಸಿ. ತೆನೈಸೊ ಕ್ಹರಿಮಾಜ಼ ಮಿ ಕೆಳಾಮಾಜ ಯಕ್ಲೊ ನತ್ತಿ. ಕಾಕದ್ಯಾಮ ಬಾ ಮಾರಾ ಕ್ಹಾತೆ ಛೆ.
JOH 16:33 "ತುಮೊನೆ ಮಾರಾಮಾ ಶಾಂತಿ ಮಳಾದೆ ಕೈನ ಮಿ ತುಮೊನೆ ಎ ಕ್ಹಾರಿಯೊ ಸಂಗತಿಯೊ ಕದ್ಯೊಸ. ಎ ದುನಿಯಾಮಾ ತುಮೊನೆ ತ್ರಾಸ ದಿವಸ. ವರಿಬಿ ಧೈರ್ಯಕ್ಹು ರ‍್ಹವೊ! ಕಾಕದ್ಯಾಮ ಮಿ ಎ ದುನಿಯಾನೆ ಝಿತ್ಯೊಸ" ಕೈನ ಕದ್ಯೊ.
JOH 17:1 ಎ ಕ್ಹಾರಾ ಸಂಗತಿಯೊ ಕದಲ್ಪರ ಯೆಸು ಸ್ವರ್ಗ ಬಗಲ ದೆಕಿನ ಅಮ್ಮ ಪ್ರಾಥನಾ ಕರ‍್ಯೊ; "ಬಾ, ಟೈಮ ಆಯೊಸ. ತಾರಾ ದಿಕ್ರಾನೆ ಮಹಿಮಾ ಕರ. ತಿನಾಹುತಿ ತೆ ದಿಕ್ರೊ ತುನೆ ಮಹಿಮಾ ಕರಾದೆ.
JOH 17:2 ಕಾ ದ್ಯಾಮ ಕ್ಹಾರಾ ಮನಕ್ಹೊ ಪರ ತು ತಿನೆ ಅದಿಕಾರ ದಿದ್ಯೊಸ. ಅಮ್ಮ ತೆ ತು ತಿನೆ ದಿದಲ ಕ್ಹಾರಾವೊನೆ ಹಮೆಶಾನೊ ಜ಼ಲಮ ದಿವಾದೆ.
JOH 17:3 ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.
JOH 17:4 ತು ಮನೆ ದಿದಲ ಕಾಮ ಮಿ ಪುರಾ ಕರ‍್ಯೊ. ಮಿ ಜಿಮಿನ ಪರ ಮಹಿಮಾ ದೆಕಾಡ್ಯೊ.
JOH 17:5 ಹಮ್ನಾ, ಬಾ, ತು ತಾರಾ ಸನ್ನಿದಿಮಾ ಮಾರಿ ಮಹಿಮಾ ಕರ. ಎ ದುನಿಯಾ ಸೃಷ್ಟಿ ಥಾವಾತಿ ಪೈಲಾ ಮಿ ತಾರಾ ಕ್ಹಾತೆ ಹೊಂದಿಲಿದಲ ಮಹಿಮಾ ಮನೆ ದೆ.
JOH 17:6 "ತು ಎ ದುನಿಯಾನಾ ಮನಕ್ಹೊನೆ ಮನೆ ದಿದ್ಯೊ ಮಿ ತ್ಯುನೊನೆ ತುನೆ ದೆಕಾಡಿನ ದಿದ್ಯೊ. ತ್ಯುನೆ ತಾರಾ ವ್ಹತ್ತಾ, ತೆನೈಸೊ ತು ತ್ಯುನೊನೆ ಮನೆ ದಿದ್ಯೊ ವರಿ ತ್ಯುನೆ ತಾರಿ ಆಗನ್ಯಾವೊನೆ ವಿಧೆಯ ಥಯಾ.
JOH 17:7 ತು ಮನೆ ದಿದಲ ಹರಯಕ್ಕಬಿ ತಾರಾಕ್ಹು ಆಯುಸ ಕವಾನು ಇವ್ನೊನೆ ಹಮ್ನಾ ಗ್ವತ್ತ ಥಯು.
JOH 17:8 ತು ಮನೆ ದಿದಲ ಸಂದೆಶ ಮಿ ಇವ್ನೊನೆ ದಿದ್ಯೊಸ. ಇವ್ನೆ ತೆ ಸಂದೆಶ ಸ್ವಿಕಾರ ಕರಿಲಿದ್ಯಾಸ. ಮಿ ಕ್ಹರಿಬಿ ತುಕಂತೊ ಆಯೊಸ ತ್ಯುನೊನೆ ಗ್ವತ್ತ ಛೆ. ತುಜ಼಼ ಮನೆ ವಳಾಯಲ ವ್ಹೈ ಕೈನ ಇವ್ನೆ ಬರೊಕ್ಹೊ ಕರ‍್ಯಾಸ.
JOH 17:9 ಮಿ ಇವ್ನಾ ಹುತಿ ಪ್ರಾಥನಾ ಕರುಸ. ಎ ದುನಿಯಾಮಾ ರ‍್ಹವಾನಾ ಮನಕ್ಹೊನಾ ಹುತಿ ಮಿ ಪ್ರಾಥನಾ ಕರಾಡೊ ನತ್ತಿ. ತೆನೈಸೊ ತು ಮನೆ ದಿದಲ ಇವ್ನಾ ಹುತಿ ಪ್ರಾಥನಾ ಕರಾಡ್ಯೊಸ. ಕಾಕದ್ಯಾಮ ಇವ್ನೆ ತಾರಾ ವ್ಹೈ.
JOH 17:10 ಮಾರಾಮಾ ರ‍್ಹವಾನು ಕ್ಹಾರು ತಾರುಜ ವ್ಹೈ ವರಿ ತುಕನ ರ‍್ಹವಾನು ಕ್ಹಾರು ಮಾರುಜ ವ್ಹೈ. ಇನಾಹುತಿ ಮನೆ ಮಹಿಮಾ ಥೈಸ.
JOH 17:11 "ಹಮ್ನಾ ಮಿ ತುಕನ ಆವಾಡ್ಯೊಸ. ಹಜು಼ನ ಮಿ ಎ ದುನಿಯಾಮಾ ರ‍್ಹತೊ ನೈ. ವರಿಬಿ ಇವ್ನೆ ಹುಜನ ಎ ದುನಿಯಾಮಾ ರ‍್ಹವಸ. ಪವಿತ್ರ ಥಯಲ ಬಾ, ತು ಮನೆ ತಾರಾ ನಾಮನಿ ತಾಕತಕ್ಹು ಇವ್ನೊನೆ ಕೈದಿನ ವಚಾಡ. ತೆ ನಾಮನೆ ಮಿ ಹಮೆಶಾ ಮ್ಹೆಲು. ತುಬಿ ಮಿ ಮಳಿನ ರ‍್ಹಯಲ ಲಿಂಗತ ಇವ್ನೆ ಯಕ್ಕ ಥೈನ ರ‍್ಹವಾನೆ ತೆಳಾಮಾ ಥಾವಸ.
JOH 17:12 ಮಿ ಇವ್ನಾ ಕ್ಹಾತೆ ರ‍್ಹತಾಮಾ ತಾರಾ ನಾಮನಿ ತಾಕತ ಕ್ಹು ಇವ್ನೊನೆ ಕೈದಿನ ವಚಾ಼ಡ್ಯೊ. ತೆ ನಾಮ ಮನೆ ತು ದಿದ್ಯೊತೊ. ಪವಿತ್ರ ಗ್ರಂಥಮಾ ರ‍್ಹಯಲ ಪುರಾ ಥಾವಾನಾ ಹುತಿ ಮಿ ತ್ಯುನೊನೆ ವಚಾಡು ವರಿ ತ್ಯುನೊಮಾನೊ ಯಕ್ಲೊಬಿ ಹಾಳ ಥಯೊ ನೈ. ವಿನಾಶನೊ ದಿಕ್ರೊ ಥಯಲವಾಲಾನೆ ಛೊಡಿನಜವೈ ಜಾ಼ವಾನೆ ಇನಿಲಿದಲ (ಯುದ ಕವಾಲೊ) ಯಕ್ಕಲೊಜ ಇವ್ನೊಮಾ ಹಾಳ ಥಯೊ.
JOH 17:13 "ಹಮ್ನಾ ಮಿ ತುಕನ ಆವಾಡ್ಯೊಸ. ವರಿಬಿ ಮಿ ಎ ದುನಿಯಾಮಾ ರ‍್ಹತಾಮಾಜ ಎ ಸಂಗತಿಯೊನಾ ಹುತಿ ಪ್ರಾಥನಾ ಕರುಸ. ಎ ಮನಕ್ಹೊ ಮಾರಿ ಖುಶಿ ವ್ಹಂದಿಲ್ಯು ಕೈನ ವರಿ ಮಾರಿ ಖುಶಿ ಪುರಾ ರ‍್ಹೌ ಕೈನ ಎ ಸಂಗತಿಯೊ ಕವಾಡ್ಯೊಸ.
JOH 17:14 ಮಿ ಇವ್ನೊನೆ ತಾರಿ ವಾಕ್ಯಾ ದಿದ್ಯೊಸ. ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ. ಮಿ ಎ ದುನಿಯಾನೆ ಕೈ ತರಾ ಮಿ ನತ್ತಿ ಮಳ್ಯೊ. ತಿನಾ ಲಿಂಗತಜ ಇವ್ನೆ ಎ ಲೊಕನೆ ಮಳಲ ವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ.
JOH 17:15 "ತು ಇವ್ನೊನೆ ಎ ದುನಿಯಾಮಾತೊ ಕಾಳ್ಯು ಕೈನ ಮಿ ಪುಚ್ಚಾಡೊ ನತ್ತಿ. ತೆನೈಸೊ ಇವ್ನೊನೆ ಕೆಟ್ಟಕ್ಹು ವಚ್ಚಾಡಿನ ಚೊ಼ಕಿ ಥರಾ ರ‍್ಹೌ ಕೈನ ಮಿ ಪ್ರಾಥನಾ ಕರಾಡ್ಯೊಸ.
JOH 17:16 ಮಿ ಎ ದುನಿಯಾಮಾ ಕಿಮ ನತ್ತಿ ಮಳ್ಯೊ ತಿನಾ ಲಿಂಗತಜ ಇವ್ನೆ ಎ ದುನಿಯಾನಾ ನ್ಹವೈ.
JOH 17:17 "ತಾರಿ ಕ್ಹರಿನಾ ಮುಲಕ ತು ಇವ್ನೊನೆ ತಾರಿ ಸೆವೆನೆ ಸಮರ್ಪಣೆ ಕರಿ ಲೆ. ಕ್ಹರಿನಾ ಹುತಿ ತಾರಾ ವಾತೊ ಕ್ಹರಿಜ ವ್ಹೈ.
JOH 17:18 ತು ಮನೆ ಎ ದುನಿಯಾಮಾ ವಳಾಯಲ ಲಿಂಗತ ಮಿ ಇವ್ನೊನೆ ಎ ದುನಿಯಾಮಾ ಮೊಕ್ಲೊಸ.
JOH 17:19 ಇವ್ನೆ ಕ್ಹರಿಮಾಜ಼ ತಾರಿ ಸೆವೆನೆ ಒಪ್ಸಿನ ದಿವ್ ಕೈನ ಮನೆ ಮಿಜ಼ ತುನೆ ಒಪ್ಸಿನ ದಿದ್ಯೊಸ.
JOH 17:20 "ಮಾರಿ ಪ್ರಾಥನಾ ಇವ್ನಾ ಹುತಿ ಯಕ್ಕಜ಼ ನ್ಹವೈ ತೆನೈಸೊ ಇವ್ನಿಯೊ ವಾಕ್ಯಾಕ್ಹು ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನಾ ಹುತಿ ಪ್ರಾಥನಾ ಕರುಸ.
JOH 17:21 ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ.
JOH 17:22 ತು ಮನೆ ದಿದಲ ಮಹಿಮಾ ಮಿ ಎ ಮನಕ್ಹೊನೆ ದಿದ್ಯೊಸ. ಇನಾಹುತಿ ತ್ಯುನೆ ಯಕ್ಕ ಥಾವಾವೆ ಕಿಮ್ಮ ತು ವರಿ ಮಿ ಯಕ್ಕ ಛೆ.
JOH 17:23 ಮಿ ಇವ್ನೊಮಾ ರ‍್ಹೌಸ ವರಿ ತು ಮಾರಾಮಾ ಛೆ. ಇಮ್ಮ ತ್ಯುನೆ ಪುರಾಜ ಯಕ್ಕ ಥೈನ ರ‍್ಹವಸ. ತುಜ಼಼ ಮನೆ ಮೊಕ್ಲಲ ಹುತಿ ತು ಮನೆ ಮಯಾ ಕರಲ ಲಿಂಗತ ಎ ಮನಕ್ಹೊನೆಬಿ ಮಯಾ ಕರಶಿ ಕೈನ ಎ ದುನಿಯಾ ವಳಕಸ.
JOH 17:24 "ಬಾ, ತು ಮನೆ ದಿದಲ ಇವ್ನೆ, ಮಿ ರ‍್ಹವಾನಿ ಕ್ಹಾರಿ ಜ಼ಗಾ ಮಾರಾ ಕ್ಹಾತೆ ರ‍್ಹೌ ಕೈನ ವರಿ ಮಾರಿ ಮಹಿಮಾ ದೆಕು ಕೈನ ಆಸ ಕರುಸ. ಎ ದುನಿಯಾ ತಯ್ಯಾರ ಥಾವಾತಿ ಅಗ್ದುರಜ಼ ತು ಮನೆ ಮಯಾ ಕರಲ ಹುತಿ ತುಜ಼಼ ಎ ಮಹಿಮಾ ದಿದ್ಯೊ.
JOH 17:25 ನಿತಿ ಕ್ಹು ರ‍್ಹಯಲ ಬಾ, ಎ ದುನಿಯಾ ತುನೆ ವಳಕಿ ನತ್ತಿ ವರಿಬಿ ಮಿ ತುನೆ ವಳಕ್ಕಯೊಸ. ವರಿ ತುಜ಼಼ ಮನೆ ಮೊಕ್ಕಲ್ಯೊಸ ಕವಾನು ಎ ಮನಕ್ಹೊನೆ ಗ್ವತ್ತ ಛೆ.
JOH 17:26 ಮಿ ತಾರು ಕ್ಹರಿನು ರುಪ ಇವ್ನೊನೆ ವಳಕ ಲಗಾಡ್ಯೊಸ. ಮಿ ತಾರು ರುಪ ವರಿ ಇವ್ನೊನೆ ದೆಕಾಡುಸ. ತೆಳಾಮಾ ತಾರಿ ಮಯಾ ಮಪರ ಕಿಮ್ಮ ಛೆ, ತೆಜ಼ ಮಯಾ ಇವ್ನೊಮಾ ರ‍್ಹವಸ ವರಿ ಮಿ ಇವ್ನೊಮಾ ರ‍್ಹೌಸ"
JOH 18:1 ಯೆಸು ಪ್ರಾಥನಾ ಕರಲ ಪರ ತಿನಾ ಶಿಷ್ಯಾವೊನಾ ಕ್ಹಾತೆ ಗಯೊ. ತ್ಯುನೆ ಕಿದ್ರೊನ ಕಣವಿ ದಾಟಿನ ಗಯಾ. ಯಕ್ಕ ಮಳಾಮಾ ಗಯೊ.
JOH 18:2 ಯೆಸುನೆ ಮೊಸ ಕರಲ ಯುದನೆಬಿ ಎ ಜ಼ಗಾ ಗ್ವತ್ತ ವ್ಹತ್ತಿ. ಕಾಕದ್ಯಾಮ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ತೆಳಾಮಾ-ತೆಳಾಮಾ ಆತೊತೊ.
JOH 18:3 ಯುದ ಸೈನಿಕೊನು ಯಕ್ಕ ಗುಂಪ ಖಾಸ ಯಾಜಕ ವರಿ ಫರಿಸಾಯರೊನಾ ಕೈದಾಲಾ ದಕ್ಹಾ ಮನಕ್ಹೊನೆ ಬಲೈ ಲಿನ ಮಳೊ ಆಯೊ. ತ್ಯುನೆ ಬರಚಿಯೊ, ಅಯುದೊಕ್ಹು ತಯ್ಯಾರ ಥೈನ ಆಯಾತಾ.
JOH 18:4 ತಿನೆ ಥಾವಾನು ಹರಯಕ್ಕ ಯೆಸುನೆ ಗ್ವತ್ತ ವ್ಹತ್ತು. ತೆ ಅಗೊ ಗೈನ"ತುಮೆ ಕಿನೆ ಹುಡಕಾಡಾಸ? ಕೈನ ಪುಚ್ಚೊ.
JOH 18:5 ತ್ಯುನೆ ತಿನೆ "ನಜರೆತನಾ ಯೆಸುನೆ" ಕೈನ ಉತ್ತರ ದಿದ್ಯಾ. ತೆ "ತೆ ಮಿಜ಼ ವ್ಹೈ" ಕದ್ಯೊ. ಯೆಸುನೆ ಮೊಸ ಕರಲ ಯುದ ತ್ಯಾ ತ್ಯುನಾ ಕ್ಹಾತೆ ಹುಬ್ರಯೊತೊ.
JOH 18:6 ತೆ"ತೆ ಮಿಜ಼ ವ್ಹೈ" ಕದಲ ಪರ ತ್ಯುನೆ ಪಾಚಾ಼ ಸರಕಿನ ಜಿಮಿನ ಪರ ಪಡ್ಯಾ.
JOH 18:7 ಯೆಸು ತ್ಯುನೊನೆ ವರಿ "ತುಮೆ ಕಿನೆ ಹುಡಕಾಡಾಸ? ಕೈನ ಪುಚ್ಚೊ. ತ್ಯುನೆ"ನಜರೆತನಾ ಯೆಸುನೆ" ಕೈನ ಕದ್ಯಾ.
JOH 18:8 ಯೆಸು, ತೆಳಾಮಾ ಕದಲ ತಿಮ್ಮ "ತೆ ಮಿಜ಼ ವ್ಹೈ ಕೈನ ತುಮೊನೆ ಕದ್ಯೊಸ್ತೊ. ತುಮೆ ಮನೆ ಹುಡುಕತಾ ರ‍್ಹಯುಮ, ಉಗ್ರಲ ಇವ್ನೊನೆ ಜಾ಼ವಾನೆ ದಿವೊ" ಕೈನ ಕದ್ಯೊ.
JOH 18:9 "ತು ಮನೆ ದಿದಲ ಮನಕ್ಹೊಮಾ ಮಿ ಜವೈಲಿದ್ಯೊ ನೈ" ಕೈನ ಯೆಸು ಪೈಲಾಜ ಕದಲ ವಾತ ಅಮ್ಮ ಕ್ಹರಿ ಥೈ.
JOH 18:10 ಸಿಮೊನ ಪೆತ್ರಾಕನ ಯಕ್ಕ ತಲ್ವಾರ ವ್ಹತ್ತು. ತೆ ತಿನಿ ತಲ್ವಾರ ಕಾಡಿನ ಖಾಸ ಯಾಜಕನಾ ಸೆವಕನೊ ತಿನೊ ಸಿದಾ ಬಗಲನೊ ಕಾನ ಕತ್ರಿ ಪಾಡ್ಯೊ. ತೆ ಸೆವಕನು ನಾಮ ಮಾಲ್ಕುಸ ವ್ಹತ್ತು.
JOH 18:11 ಯೆಸು ಪೆತ್ರಾನೆ"ತಾರಿ ತಲ್ವಾರ ಮ್ಯಾನಮಾ ಘಾಲ! ಬಾ ಮನೆ ದಿದಲ ತ್ರಾಸನೊ ತಾಂಬ್ಯೊ ಮಿ ತೆ ಸ್ವಿಕಾರ ಕರು" ತು ಇಮ್ಮ ಸೊಚತೊ ಸು? ಕೈನ ಕದ್ಯೊ.
JOH 18:12 ಪಾಚಾ಼ತಾ ತೆ ರೊಮನಾ ಸೈನಿಕೊ, ತ್ಯುನಾ ಸೆನಾದಿಪತಿ ವರಿ ಯಹುದಿಯೊನೆ ಕೈದಾಲಾ ಯೆಸುನೆ ಧರಿನ ಭಾಂದಿನ, ಲಾಯಾ.
JOH 18:13 ಅನ್ನಸಕನ ಲಾಯಾ. ತೆ ವರಕ್ಹ ಕಾಯಫ ಖಾಸ ಯಾಜಕ ವ್ಹತ್ತೊ. ಅನ್ನ ಕಾಯಫನೊ ಮಾಮೊ ವ್ಹೈ.
JOH 18:14 ಕ್ಹಾರಾ ಮನಕ್ಹೊನಾ ಹುತಿ ಯಕ್ಲೊಜ ಮರಾನು ಚೊ಼ಕು ವ್ಹೈ ಕವಾನು ಯೆಹುದಿನಾ ಅದಿಕಾರಿಯೊನೆ ಸಲಹೆ ದಿದಲವಾಲೊ ಎಜ಼ ಕಾಯಫ ವ್ಹೈ.
JOH 18:15 ಸಿಮೊನ ಪೆತ್ರಾ ವರಿ ಯೆಸುನಾ ಶಿಷ್ಯಾವೊನಾ ಬಿಜೆಕ್ಲೊ ಯೆಸುನಾ ಪಾಚಾ಼ ಗಯಾ. ತೆ ಬಿಜೆಕ್ಲಾ ಶಿಷ್ಯಾನೆ ಖಾಸ ಯಾಜಕನಿ ವಳಕ ವ್ಹತ್ತಿ. ತಿನಾಹುತಿ ತೆ ಖಾಸ ಯಾಜಕನಾ ಘರನಾ ಅಂಗಳ ಕನ ಗಯೊ.
JOH 18:16 ತೆನೈಸೊ ಪೆತ್ರಾ ಭಾರಲ್ಯಾ ಬಾಕಲನಾ ನಜಿ಼ಕ ಹುಬ್ರಯೊ. ಖಾಸ ಯಾಜಕನಿ ವಳಕ ರ‍್ಹಯಲ ವರಿ ಯಕ್ಕ ಶಿಷ್ಯೊ ಭಾರೊ ಐನ ದ್ವಾರನು ಬಾಕಲ ಕೈದಾಲಿ ಕನ ಐನ ತಿನಾ ಕ್ಹಾತೆ ಬೊಲಿನ ಪೆತ್ರಾನೆ ಮ್ಹೈ ಬಲೈಲಿನ ಗಯೊ.
JOH 18:17 ದ್ವಾರನು ಬಾಕಲ ಕೈದಾಲಿ ಪೆತ್ರಾನೆ"ತೆ ಮನಕ್ಹನಾ ಕ್ಹಾತೆ ರ‍್ಹಯಲ ಶಿಷ್ಯಾವೊಮಾನೊ ತುಬಿ ಯಕ್ಲೊ ನ್ಹವೈಸು? ಕೈನ ಪುಚ್ಚಿ. ಪೆತ್ರಾ"ನ್ಹವೈ, ಮಿ ನ್ಹವೈ" ಕೈನ ಕದ್ಯೊ.
JOH 18:18 ತೆಳಾಮಾ ಥಂಡ ರ‍್ಹಯಲ ಹುತಿ ಕೈದಾಲಾ ವರಿ ಸೆವಕೊ ಆಗ ಲಗಾಡಿನ ತಿನಾ ಸುತ್ತೆ ಹುಬ್ರೈನ ತ್ಯುನೆ ಶೆಕಿಲಿವಾಡ್ಯಾತಾ. ಪೆತ್ರಾ ತ್ಯುನಾ ಕ್ಹಾತೆ ತ್ಯಾ ಗೈನ ಹುಬ್ರೈನ ಶೆಕಿಲಿವಾಡೊತೊ.
JOH 18:19 ಖಾಸ ಯಾಜಕ ಯೆಸುನೆ ತಿನಾ ಶಿಷ್ಯಾವೊನಾ ಹುತಿ ತೆ ಉಪದೆಶ ಕರಲ ಸಂಗತಿಯೊನಾ ಹುತಿ ಪ್ರಶ್ನೆ ಪುಚ್ಯೊ.
JOH 18:20 ತಿನಾ ಹುತಿ ಯೆಸು "ಮಿ ಮನಕ್ಹೊನಾ ಕ್ಹಾತೆ ಬೊಲ್ಯೊಸ" ಹಮೆಶಾಬಿ ಸಬಾಮಂದಿರೊಮಾ ವರಿ ದೆವಾಲಯಮಾ ಬೊದನೆ ಕರ‍್ಯೊಸ. ಯಹುದ್ಯೊ ಕ್ಹಾರಾ ತ್ಯಾ ಮಳಿನ ಆತಾತಾ. ಮಿ ಕಯುಜ಼ ಝಾಕಿನ ಕದ್ಯೊ ನತ್ತಿ.
JOH 18:21 ಇಮ್ಮ ರ‍್ಹತಾಮಾ, ತು ಮನೆ ಪ್ರಶ್ನೆ ಪುಚ್ಚಾನು ಕಾ? ಮಾರು ಉಪದೆಶ ಐಕಲ ಮನಕ್ಹೊನೆ ಪುಚ್ಚೊ ಮಿ ಕದಲ ತ್ಯುನೊನೆ ಗ್ವತ್ತ ಛೆ ಕೈನ ಕದ್ಯೊ.
JOH 18:22 ಯೆಸು ಇಮ್ಮ ಕದಲ ಬರೊಬ್ಬರ, ತ್ಯಾ ಹುಬ್ರಯಲ ಕೈದಾಲಾವೊಮಾನೊ ಯಕ್ಲೊ ಯೆಸುನೆ ಛಕ್ಕಡ ಮಾರಿನ"ತು ಖಾಸ ಯಾಜಕನಾ ಕ್ಹಾತೆ ತಿಮ್ಮ ಬೊಲಾನೆ ಕಕ್ಲಿ ಧೈರ್ಯ ಛೆ" ಕದ್ಯೊ
JOH 18:23 ಯೆಸು ತಿನೆ, ಯಕ್ಕೆಳೆ "ಮಿ ತಪ್ಪ ಬೊಲ್ಯಲ ರ‍್ಹಯಮ ಮಿ ಕದಲ ತಪ್ಪ ವ್ಹೈ ಕೈನ ಕ್ಹಾರಾವೊನೆ ಕ್ಹಾಮೆ ಕೆ ಮಿ ಸು ತಪ್ಪ ಕದ್ಯೊ. ತೆನೈಸೊ ಮಿ ಕದಲ ಕರೆಟ್ಟ ಕದಲ ರ‍್ಹಯುಮ ತು ಮನೆ ಮಾರ‍್ಯೊ ಶಾನೆ? ಕೈನ ಉತ್ತರ ದಿದ್ಯೊ.
JOH 18:24 ತೆಳಾಮಾ ಅನ್ನಸ ಯೆಸುನೆ ಭಾಂದಿನ, ಖಾಸ ಯಾಜಕ ಥಯಲ ಕಾಯಫ ಕನ ವಳೈನ ದಿದ್ಯೊ.
JOH 18:25 ಸಿಮೊನ ಪೆತ್ರಾ ತ್ಯಾಜ ಹುಬ್ರೈನ ಶೆಕಿಲಿವಾಡೊತೊ. ತ್ಯಾಂತಾ ತ್ಯುನೆ ಪೆತ್ರಾನೆ"ತೆ ಮನಕ್ಹನಾ ಶಿಷ್ಯಾವೊನಾ ತುಬಿ ಯಕ್ಲೊ ವ್ಹೈ ನೈ? ಕೈನ ಪುಚ್ಯಾ. ತೆನೈಸೊ ಪೆತ್ರಾ"ನ್ಹವೈ, ಮಿ ನ್ಹವೈ" ಕೈನ ಕದ್ಯೊ.
JOH 18:26 ಖಾಸ ಯಾಜಕನಾ ಸೆವಕೊಮಾ ಯಕ್ಲೊ ಪೆತ್ರಾ ಕಾನ ಕಾಟಲ ಸೆವಕನೊ ಸಂಬದಿಕ ವ್ಹತ್ತೊ. ತೆ ಸೆವಕ"ತು ಮಳಾಮಾ ತಿನಾ ಕ್ಹಾತೆ (ಯೆಸುನಾ ಕ್ಹಾತೆ) ರ‍್ಹಯಲ ಮಿ ದೆಕಲ ಲಿಂಗತ ಛೆ" ಕೈನ ಕದ್ಯೊ.
JOH 18:27 ತೆನೈಸೊ ಪೆತ್ರಾ ವರಿ"ನ್ಹವೈ, ಮಿ ತಿನಾ ಕ್ಹಾತೆ ನ್ಹೊತೊ" ಕದ್ಯೊ. ತೆಳಾಮಾಜ಼ ಕುಕ್ಡೊ ಬಾಂಗ ದಿದ್ಯೊ.
JOH 18:28 ಪಾಚಾ಼ತಾ ಯಹುದ್ಯೊ ಯೆಸುನೆ ಕಾಯಫನಾ ಘರತಾ ರೊಮ ರಾಜ್ಯಪಾಲನಾ ಭವನ ಕನ ಲಿನ ಆಯಾ. ತೆಳಾಮಾ ಪಾಟ ಥೈತಿ. ಯಹುದ್ಯೊ ಭವನನಾ ಮ್ಹೈ ಗಯಾ ನೈ. ತ್ಯುನೆ ಪಸ್ಕ ಸನ್ನನು ಅನ್ನ ಚಾ಼ಯೆ ಕೈನ ರ‍್ಹಯಲ ಹುತಿ ತ್ಯುನೊನೆ ಅಶುದ್ಧೊ ಥೈನ ಕರಿಲಿವಾನೆ ಪಸಂದ ಕರ‍್ಯಾ ನೈ.
JOH 18:29 ತಿನಾಹುತಿ ಪಿಲಾತನ ತೆ ಯಹುದ್ಯೊ ಕನ ಐನ"ಎ ಮನಕ್ಹನಾ ಉಪ್ಪರ ತುಮೆ ಘಾಲ್ಯಲ ಅಪರಾದ ಸು ವ್ಹೈ? ಕೈನ ಪುಚ್ಚೊ.
JOH 18:30 ಯಹುದ್ಯೊ"ಎ ಯಕ್ಕ ಕೆಟ್ಟ ಮನಕ್ಹ ವ್ಹೈ. ತಿನಾಹುತಿ, ಹಮೆ ಇನೆ ತುಕನ ಬಲೈನ ಲಾಯಾಸ" ಕೈನ ದಿದ್ಯಾ.
JOH 18:31 ಪಿಲಾತನ ಯಹುದಿಯೊನೆ"ಯಹುದ್ಯೊ ಥಯಲ ತುಮೆಜ಼ ಅನೆ ಬಲೈ ಲಿನ ಗೈನ ತುಮಾರಾ ಧರಮಶಾಸ್ತ್ರನಾ ಲಿಂಗತ ಫೈಸಲೊ ಕರೊ" ಕೈನ ಕದ್ಯೊ. ಯಹುದ್ಯೊ"ತೆನೈಸೊ ಯಕ್ಲಾನೆ ಮೌತನೊ ಫೈಸಲೊ ಕರಾನೆ ಹಮಾರು ಕಾನುನ ಮೌಕೊ ನೈ ದೆತು" ಕೈನ ಉತ್ತರ ದಿದ್ಯಾ.
JOH 18:32 ತಿನೆ ಮರಾನಾ ತರಿಕಾನಾ ಹುತಿ ಯೆಸು ಕದಲ ವಾತ ಇಮ್ಮ ಕ್ಹರಿ ಥಾವಾನಾ ಹುತಿ ಇಮ್ಮ ಥಯು.
JOH 18:33 ಪಾಚಲ್ತೊ ಪಿಲಾತನ, ಭವನಮಾ ಫರಿನ ಗೈನ, ಯೆಸುನೆ ಬಲೈನ"ತು ಯಹುದ್ಯೊನೊ ರಾಜೊ಼ ವ್ಹೈ ಸು? ಕೈನ ಪುಚ್ಚೊ.
JOH 18:34 ಯೆಸು"ಎ ತಾರು ಸವಾಲ ವ್ಹೈ ಸು? ತೆನೈಸೊ ಮಾರಾ ಹುತಿ ಬಿಜಾ಼ ಮನಕ್ಹೊ ತುನೆ ತಿಳಸ್ಯಾ ಸು? ಕದ್ಯೊ.
JOH 18:35 ತೆಳಾಮಾ ಪಿಲಾತನ ಕದ್ಯೊ"ಮಿ ಯಹುದ್ಯನೊ ನ್ಹವೈ! ತಾರಾ ಸ್ವಂತ ಮನಕ್ಹೊ ವರಿ ತ್ಯುನಾ ಖಾಸ ಯಾಜಕೊ ತುನೆ ಬಲೈನ ಐನ ಮಾರಾ ಕ್ಹಾಮಾ ಹುಬ್ರಾಡ್ಯಾಸ. ತು ಸು ಕರ‍್ಯೊ? ಕೈನ ಪುಚ್ಚೊ.
JOH 18:36 ಯೆಸು"ಮಾರಿ ರಾಜ್ಯ ಎ ದುನಿಯಾನೆ ಮಳಲ ನ್ಹವೈ. ತೆ ಎ ದುನಿಯಾನೆ ಮಳಲ ರ‍್ಹವತ್ತು ಯಹುದ್ಯೊನಾ ಹತ್ಮಾ ಕ್ಹಾಪಡ್ಯಾವಾಚಿ ಮಿ ಕ್ಹಾಪಡೆ ನೈಸೊ ಮಾರಾ ಸೆವಕೊ. ತೆನೈಸೊ ಮಾರಿ ರಾಜ್ಯ ನ್ಹ್ಯಾನು ನ್ಹವ್ಹೈ" ಕದ್ಯೊ
JOH 18:37 ಪಿಲಾತನ"ತಿಮ್ಮ ರ‍್ಹಯುಮ ತು ರಾಜೊ಼ ವ್ಹೈ ಸು? ಕದ್ಯೊ. ಯೆಸು ತಿನೆ"ತುಜ಼಼ ಮನೆ ರಾಜೊ಼ ವ್ಹೈ ಕೈನ ಕವಾಡ್ಯೊಸ. ಮಿ ಮನಕ್ಹೊನೆ ಕ್ಹರಿ ಹುತಿ ಕವಾನೆ ಮಿ ಎ ದುನಿಯಾಮಾ ಹುಟ್ಯೊಸ. ಕ್ಹರಿಮಾ ರ‍್ಹಯಲ ಹರಿ ಯಕ್ಲೊ ಮಿ ಕದಲ ಐಕಸ ಕೈನ ಕದ್ಯೊ.
JOH 18:38 ಪಿಲಾತನ "ಕ್ಹರಿ ಕದ್ಯಾಮ ಸುವ್ಹೈ? ಕೈನ ಪುಚ್ಚಿನ ವರಿ ಯಹುದ್ಯೊಕನ ಭಾರೊ ಆಯೊ. ತೆ ಯಹುದಿಯೊನೆ"ಎ ಮನಕ್ಹಪರ ಅಪವಾದ ಘಾಲಾನೆ ಮನೆ ಸುಜ಼ ದಿಕ್ಹಾಡ್ಯು ನತ್ತಿ.
JOH 18:39 ವರಿಬಿ ಫಸ್ಕ ಸನ್ನಮಾ ಮಿ ತುಮಾರಾ ಹುತಿ ಕೈದಿಯೊಮಾನಾ ಯಕ್ಲಾನೆ ಬಿಡುಗಡೆ ಕರಾನು ಹಮಾರಿ ಪದ್ದತ ವ್ಹೈ. ಮಿ ಯಹುದ್ಯೊನಾ ರಾಜಾ಼ನೆ ಬಿಡುಗಡೆ ಕರುಕೈನ ತುಮಾರಿ ಆಸ ಛೆಸು? ಕೈನ ಪುಚ್ಯು.
JOH 18:40 ಯಹುದಿ "ನೈ ತಿನೆ ನ್ಹೈ" ಬರಬ್ಬನೆ ಬಿಡುಗಡೆ ಥಾವಾದೆ" ಕೈನ ವದ್ರ್ಯಾ. ಬರಬ್ಬ ಯಕ್ಲೊ ಹೊರಾಟ ಕರಾಲೊ ವ್ಹೈ.
JOH 19:1 ಪಾಚಾ಼ತಾ, ಯೆಸುನೆ ಧರಿನ ಲಿನ ಗೈನ, ಬಾರಕೊಲ ಕ್ಹು ಮಾರು ಕೈನ ಪಿಲಾತನ ಆಗನ್ಯಾ ದಿದ್ಯೊ.
JOH 19:2 ಸೈನಿಕೊ ಕಾಟಾವೊನಾ ಝಾಕ್ರಾಕ್ಹು ಯಕ್ಕ ಕಿರಿಟ ಕರಿನ ಯೆಸುನಾ ಮಾತಾ ಪರ ಮ್ಹೆಲ್ಯಾ. ಪಾಚಾ಼ತಾ ಸೈನಿಕೊ ಯೆಸುನೆ ಜಾಂಬಳಾನು ಕಲರ ರ‍್ಹಯಲ ಮ್ಹೊಟು ಅಂಗ್ಡು ಘಾಲ್ಯಾ.
JOH 19:3 ಸೈನಿಕೊ ಹಗ್ಲೆಲ್ಲಾ ಯೆಸು ಕನ ಐನ"ಯಹುದ್ಯೊನಾ ರಾಜಾ಼ ತು ಘನ್ನಾ ಕಾಲ ಜಿವ್ತೊ ರ‍್ಹವಾದೆ" ಕೈನ ಕತಾ ತಿನಾ ಗಾಲೊಪರ ಮಾರ‍್ಯಾ.
JOH 19:4 ಪಿಲಾತನ ವರಿ ಭಾರೊ ಐನ, ಯಹುದಿಯೊನೆ"ದೆಕೊ ಮಿ ಯೆಸುನೆ ತುಮೊಕನ ಲಾವಾಡ್ಯೊಸ. ಮನೆ ತಿಮಾ ಕಯುಜ಼ ಅಪರಾದ ದಿಕ್ಹ್ಯು ನೈ ಕವಾನು ತುಮೊನೆ ಗ್ವತ್ತ ರ‍್ಹವಾದೆ ಕೈನ ಕದ್ಯೊ.
JOH 19:5 ತೆಳಾಮಾ ಯೆಸು ಭಾರೊ ಆಯೊ. ತಿನಾ ಮಾತಾಪರ ಕಾಟಾನು ಕಿರಿಟ ಘಾಲ್ಯಾತಾ ವರಿ ಜಾಂಬಳಾನು ಕಲರನು ಅಂಗ್ಡು ತಿನೆ ಘಾಲ್ಯಾ. ಪಿಲಾತನ ಯಹುದಿಯೊನೆ"ದೆಕೊ, ಎಜ಼ ಮನಕ್ಹ ವ್ಹೈ" ಕೈನ ಕದ್ಯೊ.
JOH 19:6 ಖಾಸ ಯಾಜಕೊ ಯಹುದಿಯೊನೆ ದೆವಾಲಯ ಕೈದಾಲಾ ಯೆಸುನೆ ದೆಕಿನ"ತಿನೆ ಶಿಲುಬಿಪರ ಘಾಲ ತಿನೆ ಶಿಲುಬಿಪರ ಗಾಲ" ಕೈನ ವದ್ರ್ಯಾ. ತೆನೈಸೊ ಪಿಲಾತನ"ತುಮೆಜ಼ ತಿನೆ ಲಿನ ಗೈನ ಶಿಲುಬೆಪರ ಘಾಲೊ ಮನೆ ತಿಮಾ ಕಯುಜ಼ ಅಪರಾದ ದಿಕ್ಹ್ಯು ನೈ ಕೈನ ಕದ್ಯೊ.
JOH 19:7 ಯೆಹುದಿಯೊ "ಹಮೊನೆ ಯಕ್ಕ ನಿಯಮ ಛೆ ತಿನಾಲಿಂಗತ ಇನಿ ಮರವಾನಿ ಶಿಕ್ಷಾ ಥೌಜ. ಕಾಕದ್ಯಾಮ ಎ ತಿನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕೈಲಿದ್ಯೊಸ ಕೈನ ಕದ್ಯೊ.
JOH 19:8 ಎ ಕವಾನು ಪಿಲಾತನ ಐಕಿನ ಘನ್ನೊ ಭುಚಿ಼ಕಿನ,
JOH 19:9 ವರಿ ಭವನಮಾ ಗೈನ ಯೆಸುನೆ"ತು ಕಿಜಾತೊ ಆಯೊಸ? ಕೈನ ಪುಚ್ಯೊ. ತೆನೈಸೊ ಯೆಸು ಸುಜ಼ ಕದ್ಯೊ ನೈ?
JOH 19:10 ಪಿಲಾತನ"ಮಾರಾ ಕ್ಹಾತೆ ಬೊಲ್ತೊ ನೈಸು? ತುನೆ ಛೊಡಾವಾನೆ ಅದಿಕಾರ ತುನೆ ಶಿಲುಬಿ ಪರ ಘಾಲಾನು ಅದಿಕಾರಬಿ ಮನೆ ಛೆ ಕವಾನು ತುನೆ ಗ್ವತ್ತ ಛೆ ಸು? ಕೈನ ಕದ್ಯೊ.
JOH 19:11 ಯೆಸು ತಿನೆ "ಮಪರ ತುನೆ ರ‍್ಹಯಲ ಅದಿಕಾರ ಛೆ. ತೆ ಕ್ಹುದಾಜ ತುನೆ ದಿದಲ ಅದಿಕಾರ ವ್ಹೈ. ತಿನಾಹುತಿ ಮನೆ ತಾರಾ ಹತ್ಮಾ ದಿದಲವಾಲಾವೊನೆ ಘನ್ನು ಪಾಪ ದೊಶ ರ‍್ಹವಸ ಕೈನ ಕದ್ಯೊ.
JOH 19:12 ಎ ಥಯಲ್ಪರ ಯೆಸುನೆ ಬಿಡುಗಡೆ ಕರಾನೆ ಪಿಲಾತನ ಕೊಶಿಶ ಕರ‍್ಯೊ. ತೆನೈಸೊ ಯೆಹುದಿಯೊ"ತಿನಾಕ್ಹು ತಿನೆ ರಾಜೊ಼ ವ್ಹೈ ಕೈನ ಕೈಲಿವಾನು ಕಯೊಬಿ ಮನಕ್ಹ ರ‍್ಹೈನಕಾ ಸಿಸರನೊ ವಿರೊಧಿ ವ್ಹೈ. ತಿನಾಹುತಿ ತು ಎ ಮನಕ್ಹನೆ ಬಿಡುಗಡೆ ಕರ‍್ಯೊಮ ತು ಸಿಸರನೊ ದೊಸ್ತ ನ್ಹವೈ ಕೈನ ತಿನೊ ಮತ್ಲಬ ವ್ಹೈ ಕೈನ ವದ್ರ್ಯಾ.
JOH 19:13 ಯಹುದಿಯೊ ಕದಲ ಐಕಿನ ಪಿಲಾತನ ಯೆಸುನೆ ಭಾರೊ ಬಲೈನ ಹಾಸುಗಲ್ಲ ಕವಾನು ಕಟ್ಟಾಕನ. ರ‍್ಹಯಲ ಫೈಸಲಾನಿ ಜ಼ಗಾಪರ ಬೈಟ್ಯೊ. ಇಬ್ರಿಯ ವಾತೊಮಾ ತಿನು ನಾಮ ಗಬ್ಬಥ ವ್ಹೈ
JOH 19:14 ತೆ ಪಸ್ಕ ಸನ್ನನು ತಯ್ಯಾರನೊ ದಿನ್ನ ವ್ಹೈ. ವರಿ ತೆಳಾಮಾಜ಼ ದುಪಾರ ಥೈಗೈತಿ ಪಿಲಾತನ ಯೆಹುದಿಯೊನೆ"ದೆಕೊ, ತುಮಾರೊ ರಾಜೊ಼" ಕೈನ ಕದ್ಯೊ.
JOH 19:15 ಯಹುದಿಯೊನೆ"ಲಿವೊ, ತಿನೆ ಶಿಲುಬಿಪರ ಘಾಲೊ" ಕೈನ ವದ್ರ್ಯಾ. ಪಿಲಾತನ ಯಹುದಿಯೊನೆ"ತುಮಾರಾ ರಾಜಾ಼ನೆ ಶಿಲುಬಿಪರ ಘಾಲು ಕೈನ ಆಸ ಕರೊಶಿ ಸು? ಕೈನ ಕದ್ಯೊ. ಖಾಸ ಯಾಜಕ"ಹಮೊನೆ ಸಿಸರನೆ ಛೊಡಿನ ಬಿಜೊ ಕಯೊ ರಾಜೊ಼ ನತ್ತಿ" ಕೈನ ಕದ್ಯಾ.
JOH 19:16 ತೆಳಾಮಾ ಪಿಲಾತನ ಯೆಸುನೆ ಶಿಲುಬಿಪರ ಘಾಲಾನೆ ತಿವ್ನಾ ಹತ್ಮಾ ದಿದ್ಯೊ. ಸೈನಿಕೊ ಯೆಸುನೆ ಬಲೈಲಿನ ಗಯಾ.
JOH 19:17 ಯೆಸು ತಿನಿ ಸ್ವಂತ ಶಿಲುಬಿ ಉಚೈಲಿನ ಭಾರೊ ಆಯೊ. ಕಪಾಲ ಕವಾನಿ ಜ಼ಗಾಪರ ಗಯೊ. ಯಹುದಿಯೊನಿ ವಾತೊಮಾ ಎ ಜ಼ಗಾನು ನಾಮ ಗೊಲ್ಗೊಥಾ" ವ್ಹೈ.
JOH 19:18 ತ್ಯುನೆ ತ್ಯಾ ಯೆಸುನಿ ತಿನಾ ಕ್ಹಾತೆ ಬಿಜಕ್ಲಾ ಬೆ ಜ಼ನಾವೊನೆ ಶಿಲುಬಿಪರ ಘಾಲ್ಯಾ. ತ್ಯುನೆ ಭಂಬಿಜ಼ನಾ ಆಜು಼ ಬಾಜು಼ಮಾ ಘಾಲಿನ, ಯೆಸುನೆ ತ್ಯುನಾ ವಚ್ಮಾ ಘಾಲ್ಯಾ.
JOH 19:19 ಪಿಲಾತನ ಯಕ್ಕ ಫಳಿಪರ ಬರ್ದಿನ ಶಿಲುಬೆನಾ ಉಪ್ಪರ ಲಗಾಡ್ಯೊ. ತೆ ಫಳಿಪರ"ನಜರೆತನೊ ಯೆಸು ಯಹುದಿಯೊನಾ ರಾಜ಼ೊ ಕವಾನು ಬರ್ದ್ಯೊತೊ.
JOH 19:20 ತೆ ಫಳಿಪರ ಇಬ್ರಿಯ ವಾತೊಮಾ ಲ್ಯಾಟಿನ ವರಿ ಗ್ರಿಕ ವಾತೊಮಾ ಬರ್ದಲ ವ್ಹತ್ತು. ಫಳಿಪರ ಬರ್ದಲ ಘನ್ನಾ-ಘನ್ನಾ ಮನಕ್ಹೊ ಒದ್ಯಾ. ಕಾಕದ್ಯಾಮ ಯೆಸು ಶಿಲುಬಿಪರ ಘಾಲ್ಯಾತಾ ತೆ ಜ಼ಗಾ ಗಾಮನಾ ನಜಿಕ ವ್ಹತ್ತು.
JOH 19:21 ಖಾಸ ಯಾಜಕೊ ಪಿಲಾತನನೆ ತೆ ಯಹುದಿಯೊನೊ ರಾಜ಼ೊ ವ್ಹೈ ಕೈನ ಬರ್ದೊ ನಕೊ. ತೆನೈಸೊ"ಎ ತಿನೆ ಯಹುದಿಯೊನೊ ರಾಜೊ಼ ಕೈನ ಕೈಲಿದ್ಯೊಸ "ಬರ್ದೊ.
JOH 19:22 ಪಿಲಾತನ"ಮಿ ಬರ್ದಾಯಲ ಬದಲಿ ಕರಾನೆ ಥಾತು ನೈ ಕೈನ ಕದ್ಯಾ.
JOH 19:23 ಸೈನಿಕೊ ಯೆಸುನೆ ಶಿಲುಬಿಪರ ಘಾಲ್ಯಲಪರ ತಿನಾ ವಣ್ಣಾ ಚಾರ ಭಾಗ ಕರಿನ ಯಕೆಕ್ಲೊ ಯಕೆಕ ಭಾಗ ವಾಟಿಲಿದ್ಯಾ. ತ್ಯಾಂತಾ ತೆನೈಸೊ ತಿನು ಮ್ಹೈನು ಅಂಗ್ಡುಬಿ ಕಾಡಿಲಿದ್ಯಾ. ತೆ ಹೊಲಗಿ ನೈಸೊ ಉಪ್ಪರತಾ ಶಿಯಲ ವ್ಹತ್ತು.
JOH 19:24 ತಿನಾಹುತಿ ಸೈನಿಕೊ"ಅಪೆ ಅನೆ ಫಾಡಿನ ಪಾಲ ಕರು ನೈ. ಅಪೆ ಚಿಟಿ ಘಾಲಿನ ತೆ ಕಿನೆ ಆವಸ ದೆಕೆ" ಕೈನ ಬೊಲಿನ ಅಮ್ಮ ಕರ‍್ಯಾ" ತ್ಯುನೆ ಮಾರಾ ವಣ್ಣಾ ತ್ಯುನಾಮಾ ಪಾಲ ಕರಿಲಿದ್ಯಾ" ಮಾರಾ ಅಂಗ್ಡಾನಾ ಹುತಿ ಚಿಟಿ ಘಾಲ್ಯಾ" ಕಿರ್ತನೆ 22:18 ಕೈನ ಪವಿತ್ರ ಗ್ರಂಥಮಾ ಬರ್ದಲ ವಾತ ಅಮ್ಮ ಪುರಾ ಥೈ.
JOH 19:25 ಯೆಸುನಿ ಯಾ, ಯಾನಿ ಭೆನ, ಕ್ಲೊಪನನಿ ಬೈಕೊ ಥಯಲ ಮರಿಯಳ ವರಿ ಮಗ್ದಲನಿ ಮರಿಯಳ ಶಿಲುಬಿ ಕನ ಹುಬ್ರಯಾತಾ.
JOH 19:26 ಯೆಸು ತಿನಿ ಯಾನೆ ತ್ಯಾ ಹುಬ್ರಯಲ ತಿನಾ ಮಯಾನೊ ಶಿಷ್ಯಾನೆ ದೆಕಿನ ತಿನಿ ಯಾನೆ"ಯಾ ದೆಕ, ತಾರೊ ದಿಕ್ರೊ" ಕೈನ ಕದ್ಯೊ.
JOH 19:27 ಪಾಚಲ್ತೊ ಯೆಸು ತೆ ಶಿಷ್ಯಾನೆ"ದೆಕ, ತಾರಿ ಯಾ" ಕದ್ಯೊ. ತೆ ದಿನ್ನತೊ ತೆ ಶಿಷ್ಯೊ ತಿನೆ ಬಲೈಲಿನ ಗೈನ ತಿನಾ ಘರಮಾ ಮ್ಹೆಲಿದ್ಯೊ.
JOH 19:28 ಎ ಥಯಲ್ಪರ ಕ್ಹಾರು ಪುರಾ ಥಯು ಕೈನ ತಿಳ್ದಿಲಿನ ಪವಿತ್ರ ಗ್ರಂಥನಿ ವಾತ ಪುರಾ ಕರಾನಾ ಹುತಿ ತೆ"ಮನೆ ತರಕ್ಹ ಲಾಗಿಸ" ಕೈನ ಕದ್ಯೊ.
JOH 19:29 ತ್ಯಾ ಖಾಟು ರಕ್ಹ ಭರಲ ಹಂಡೊ ವ್ಹತ್ತು. ಸೈನಿಕೊ ಸ್ಪಂಜ ಖಾಟಾ ರಕ್ಹಮಾ ಡುಬೈನ ಹಿಸ್ಸೊಪ್ ಕವಾನಾ ಝಾಡನಿ ಲಾಕ್ಡಿನೆ ಟಂಗೈನ ತಿನೆ ಉಪ್ಪರ ಉಚೈನ ಯೆಸುನಾ ಮ್ಹೊಡಾನೆ ಲಗಾಡ್ಯಾ.
JOH 19:30 ಯೆಸು ಖಾಟು ರಕ್ಹನೆ ಸುರ್ಕಿನ"ಪುರಾ ಥಯು" ಕೈನ ಮಾತು ಜು಼ಕೈನ ಜ಼ಲಮ ಛೊಡ್ಯೊ.
JOH 19:31 ತೆ ದಿನ್ನ ತಯ್ಯಾರಿನು ದಿನ್ನ ವ್ಹತ್ತು. ಮರ್ನಾ ದಿನ್ನೆ ಖಾಸ ಸಬ್ಬತ ದಿನ್ನ ವ್ಹತ್ತು. ಸಬ್ಬತ ದಿನ್ನೆ ಅಂಗೊ ಶಿಲುಬಿ ಪರ ಚಡಾನು ಯಹುದಿಯೊನೆ ಪಸಂದ ನ್ಹೊತು. ತಿನಾಹುತಿ ತ್ಯುನಾ ಪಗೊನೆ ತೊಡಿನ ಜಲ್ದಿ ಖಲಾಸ ಕರಾನು ಆಜ್ಞಾ ದಿವ ಕೈನ ತ್ಯುನೆ ಪಿಲಾತನ ಕನ ಮಾಂಗಿಲಿದ್ಯಾ.
JOH 19:32 ತಿನಾಹುತಿ ಸೈನಿಕೊ ಐನ ಯೆಸುನಾ ಕ್ಹಾತೆ ಶಿಲುಬಿ ಪರ ಚ಼ಡಾಯಲ ಬೆ ಜ಼ನಾವೊನಾ ಪಗೊ ಭಾಗಿ ಪಾಡ್ಯಾ.
JOH 19:33 ಪಾಚಾ಼ತಾ ತ್ಯುನೆ ಯೆಸುನಾ ನಜಿಕ ಆಯಲ ಪರ ತೆ ತೆಳಾಮಾಜ಼ ಮರ‍್ಯಲ ದೆಕಿನ ತಿನಾ ಪಗೊ ತೊಡ್ಯಾ ನೈ.
JOH 19:34 ತೆನೈಸೊ ಸೈನಿಕೊಮಾನೊ ಯಕ್ಲೊ ತಿನಿ ಬರ್ಚಿಕ್ಹು ಯೆಸುನಾ ಪಾಖಳಿಮಾ ಚೊಟ್ಯೊ. ಪಾಖಳಿಮಾತು ರಗತ ವರಿ ಪಾನಿ ಭಾರು ಐಯು.
JOH 19:35 ಎ ದೆಕಲವಾಲೊ ಇನಾಹುತಿ ಕದ್ಯೊಸ. ತುಮೆಬಿ ಬರೊಕ್ಹೊ ಕರು ಕೈನ ತೆ ತುಮೊನೆ ಎ ತಿಳ್ಸಾಯೊಸ. ತೆ ಕವಾನಿ ಸಂಗತಿಯೊ ಕ್ಹರಿಜ ವ್ಹೈ. ತೆ ಕವಾನು ಕ್ಹರಿ ವ್ಹೈ ಕೈನ ತಿನೆ ಗ್ವತ್ತ ಛೆ.
JOH 19:36 ಪವಿತ್ರ ಗ್ರಂಥಮಾ ಬರ್ದಲ"ತಿನಾ ಹಡಕಾವೊಮಾ ಯಕ್ಕಬಿ ನೈ ತೊಡಸಕ್ತಾ" ಕವಾನಿ ವಾತ ಇಮ್ಮ ಪುರಾ ಥೈ.
JOH 19:37 ಪವಿತ್ರ ಗ್ರಂಥನಾ ವರಿ ಯಕ್ಕ ಜ಼ಗಾ"ಮನಕ್ಹೊ ತ್ಯುನೆ ಬರ್ಚಿಕ್ಹು ಚೊಟೈ ಲಿದ್ಯಲಕ್ಹು ತಿನೆಜ ಡೊಳಾ ಫಾಡಿನ ದೆಕಸ" ಕೈನ ಬರ್ದಲ ಛೆ.
JOH 19:38 ಪಾಚಾ಼ತಾ, ಅರಿಮಥಾಯ ಗಾಮನೊ ಯೊಸೆಫ ಕವಾಲೊ ಯೆಸುನು ಅಂಗ ತಿನೆ ದೆ ಕೈನ ಪಿಲಾತನ ಕನ ಮಾಂಗಿಲಿದ್ಯೊ. ಯೊಸೆಫ ಯೆಸುನೊ ಯಕ್ಕ ಅನುಯಾಯಿ ವ್ಹತ್ತೊ. ತೆನೈಸೊ ತೆ ಯೆಹುದಿಯೊನಾ ಅದಿಕಾರಿಯೊನೆ ಭುಚಿ಼ಕಿನ ರ‍್ಹಯಲಕ್ಹು ತಿನಾ ಹುತಿ ಮನಕ್ಹೊನೆ ಕದ್ಯೊ ನ್ಹೊತೊ. ಯೆಸುನು ಅಂಗ ಲಿನ ಜಾ಼ವಾನೆ ಪಿಲಾತನ ತಿನೆ ಅಪ್ಪಣೆ ದಿದ್ಯೊ. ತಿನಾಹುತಿ ತೆ ಐನ ಯೆಸುನು ಅಂಗ ಲಿನ ಗಯೊ.
JOH 19:39 ನಿಕೊದೆಮ ಯೊಸೆಫನಾ ಕ್ಹಾತೆ ಗಯೊ. ಪಾಚೊ಼ ಯಕ್ಕೆಮ, ರಾತೆ ಯೆಸು ಕನ ಐನ ತಿನಾ ಕ್ಹಾತೆ ಬೊಲಲವಾಲೊಜ ನಿಕೊದೆಮ ವ್ಹೈ. ತೆ ಮುವತ್ತ ಕಿಲೊ ತೆಕ್ಲು ಬಾಸನು ತೆಲ ಲಿನ ಆಯೊ. ತೆ ಬಾಸನು ತೆಲ ರಕ್ತಬೊಳ ವರಿ ಅಗರು ಮಳೈನ ಕರಲ ವ್ಹೈ.
JOH 19:40 ಎ ಭಂಬಿ ಜ಼ನಾ ಯೆಸುನು ಅಂಗ ಲಿನ ತಿನೆ ಬಾಸನು ತೆಲ ಲಗಾಡಿನ ಖಾದಿನಾ ಫಡಕಾಕ್ಹು ಸುತ್ಯಾ. ಯಹುದ್ಯೊ ಪದ್ದತ ಲಿಂಗತಜ ಸಮಾದಿ ಕರಾನೆ ತಯ್ಯಾರ ಕರ‍್ಯಾ.
JOH 19:41 ಯೆಸುನೆ ಶಿಲುವಿ ಪರ ಘಾಲ್ಯಲ ಜ಼ಗಾ ಯಕ್ಕ ಕ್ಹೆತರ ವ್ಹತ್ತು. ತೆ ಕ್ಹೆತರಮಾ ಯಕ್ಕ ನಯಿ ಮಜಾರ ವ್ಹತ್ತಿ. ತಿಮಾ ಕೆಳಾಮಾಜ ಕಿನೆ ಸಮಾದಿ ಕರ‍್ಯಾ ನ್ಹೊತಾ.
JOH 19:42 ತೆ ಸಬ್ಬತನು ತಯ್ಯಾರನು ದಿನ್ನ ಶುಕ್ರಾರ ವ್ಹತ್ತು. ವರಿ ಸಮಾದಿ ಘನ್ನಿ ನಜಿಕ ವ್ಹತ್ತಿ. ತಿನಾಹುತಿ ತ್ಯುನೆ ಯೆಸುನೆ ತಿಮಾ ಮ್ಹೆಲ್ಯಾ.
JOH 20:1 ಐತ್ವಾರ ಪಾಟೆ ಮಗ್ದಲನಿ ಮರಿಯಳ ಯೆಸುನಾ ಅಂಗ ರ‍್ಹಯಲ ಮಜಾರ ಕನ ಐ. ತೆಳಾಮಾ ಹಜು಼ನ ಅಂದಾರು ವ್ಹತ್ತು. ಮಜಾರನಾ ಬಾಕಲನೆ ಝಾಕಲ ಮ್ಹೊಟೊ ದಗ್ಡೊ ತ್ಯಾಂತೊ ಸರಕಾಯಲ ದೆಕಿನ ಮರಿಯಳ
JOH 20:2 ಸಿಮೊನ ಪೆತ್ರಾ ವರಿ ಯೆಸು ಮಯಾ ಕರಾನಾ ವರಿಯಕ್ಲಾ ಶಿಷ್ಯಾ ಕನ ನ್ಹಾಟಿನ ಐನ"ತ್ಯುನೆ ಮಜಾರಮಾತಾ ಪ್ರಭುನೆ ಲಿನ ಗಯಾಸ, ತಿನೆ ಕಿಜಾ಼ ಮ್ಹೆಲ್ಯಾಸ ಕವಾನು ಹಮೊನೆ ಗ್ವತ್ತ ನತ್ತಿ" ಕೈನ ಕದಿ.
JOH 20:3 ತಿನಾಹುತಿ ಪೆತ್ರಾ ವರಿಯಕ್ಕ ಶಿಷ್ಯೊ ಮಜಾರ ಕನ ಗಯಾ.
JOH 20:4 ತ್ಯುನೆ ಭಂಬಿ ಜ಼ನಾ ನ್ಹಾಟತಾ ಗಯಾ. ತೆನೈಸೊ ತೆ ವರಿಯಕ್ಕ ಬಿಜೊ ಶಿಷ್ಯೊ ಪೆತ್ರಾತಿಬಿ ಜೊ಼ರ ನ್ಹಾಟತೊ ಮಜಾರ ಕನ ಗೈನ ಪೈಲಾ ಮುಟ್ಯೊ.
JOH 20:5 ತೆ ಶಿಷ್ಯೊ ಡೊಗ್ಗಿನ ಮ್ಹೈ ದೆಕ್ಯೊ. ತ್ಯಾ ಫಡಕಾನಾ ತುಕ್ಡಾ ಪಡ್ಯಾತಾ ತೆನೈಸೊ ತೆ ಮ್ಹೈ ಗಯೊ ನೈ.
JOH 20:6 ಪಾಚಲ್ತೊ ಆಯಲ ಪೆತ್ರಾ ಸಿದಾ ಮಜಾರನಾ ಮ್ಹೈ ಹೊಕ್ಯೊ. ಖಾದಿನಾ ಫಡಕಾ ತ್ಯಾ ಪಡಲ ತೆ ದೆಕ್ಯೊ.
JOH 20:7 ಪಸ್ಟ ನ್ಹಾಟಿನ ಗಯಲ ತೆ ಶಿಷ್ಯೊಬಿ ಮ್ಹೈ ಗಯೊ. ವರಿ ದೆಕ್ಯೊ, ವರಿ ಬರೊಕ್ಹೊ ಕರ‍್ಯೊ. ತೆ ಪ್ಹಡಕು ಸುತ್ತಲ ರ‍್ಹೈನ, ಬಿಜಾ಼ ಖಾದಿನಾ ಫಡಕಾವೊತಿ ಜ಼ುದು ಥೈನ ಪಡ್ಯುತು.
JOH 20:8 ಪಾಚಲ್ತೊ ತೆ ವರಿಯಕ್ಕ ಶಿಷ್ಯೊ ಮ್ಹೈ ಗಯೊ. ಮಜಾರ ಪೈಲಾ ಗೈನ ಮುಟ್ಯಲವಾಲೊ ತೆ ಶಿಷ್ಯೊ ವ್ಹೈ. ತೆ ಥಯಲ ಕ್ಹಾರು ದೆಕಿನ ಬರೊಕ್ಹೊ ಕರ‍್ಯೊ.
JOH 20:9 ತೆ ಮರಿನ ವರಿ ಜಿವ್ತೊ ಥೈನ ಆವಸ ಕವಾನು ಪವಿತ್ರ ಗ್ರಂಥಮಾ ಬರ್ದಲ ಎ ಶಿಷ್ಯಾವೊನೆ ಹಜು಼ನ ಗ್ವತ್ತ ನ್ಹೊತು.
JOH 20:10 ಪಾಚಾ಼ತಾ ಶಿಷ್ಯಾ ಪಾಚಾ಼ ಫರಿನ ಘರೆ ಗಯಾ.
JOH 20:11 ತೆನೈಸೊ ಮರಿಯಳ ರೊತಿ ಮಜಾರನಾ ಭಾರಿ ಹುಬ್ರೈತಿ. ತೆ ರೊತಿ ಡೊಗ್ಗಿನ ಮಜಾರಮಾ ದೆಕ್ತಾಮಾ,
JOH 20:12 ಧೊಳಾ ವಣ್ಣಾ ಘಾಲ್ಲಿದಲ ಬೆ ಕ್ಹುದಾನಾ ದುತೊ ದೆಕಿ. ಯೆಸುನು ಅಂಗ ಮ್ಹೆಲಲ ಜ಼ಗಾ ಕನ ತ್ಯುನೊಮಾ ಯಕ್ಲೊ ಯೆಸುನಾ ಮಾತಾ ಕನ ವರಿ ಯಕ್ಲೊ ಪಗೊ ರ‍್ಹಯಲ ಜ಼ಗಾ ಕನ ಬೈಟ್ಯೊತೊ.
JOH 20:13 ಕ್ಹುದಾನಾ ದುತೊ ಮರಿಯಳನೆ"ಬೈ, ಕಾ ರವಾಡಿಸ? ಕೈನ ಪುಚ್ಯಾ. ಮರಿಯಳ"ಮಾರಾ ಪ್ರಭುನು ಅಂಗ ದಕ್ಹಾ ಜ಼ನಾ ಲಿನ ಗಯಾಸ. ತ್ಯುನೆ ತಿನೆ ಕಿಜಾ಼ ಮ್ಹೆಲ್ಯಾಸ ಕವಾನು ಮನೆ ಗ್ವತ್ತ ನತ್ತಿ" ಕೈನ ಉತ್ತರ ದಿದಿ.
JOH 20:14 ಮರಿಯಳ ಇಮ್ಮ ಕೈನ ಪಾಚಿ ಫರತಾಮಾ ಯೆಸು ತ್ಯಾಜ ಹುಬ್ರಯಲ ದೆಕಿ. ತೆನೈಸೊ ತೆ ಯೆಸುಜ ವ್ಹೈ ಕವಾನು ತಿನೆ ಗ್ವತ್ತ ನ್ಹೊತು.
JOH 20:15 ಯೆಸು ತಿನೆ"ಬೈ, ಕಾ ರವಾಡಿಸ? ತು ಕಿನೆ ಹುಡಕಾಡಿಸ? ಕೈನ ಪುಚ್ಚೊ. ತೆ ಕ್ಹೆತರ ದೆಕಿಲಿವಾಲೊ ವಸೆ ಕೈನ ಮರಿಯಳ ತಿಳ್ದಿಲಿನ ತಿನೆ"ಬಾ, ತು ಯೆಸುನೆ ಲಿನ ಗಯೊಸ ಸು? ತಿನೆ ಕಿಜಾ಼ ಮ್ಹೆಲ್ಯೊಸ, ಮನೆ ಕೆ. ಮಿ ಗೈನ ತಿನೆ ಲಿನ ಔಸ" ಕೈನ ಕದಿ.
JOH 20:16 ಯೆಸು ತಿನೆ"ಮರಿಯಳ" ಕದ್ಯೊ. ಮರಿಯಳ ಯೆಸು ಕನ ಫರಿನ, ಇಬ್ರಿಯ ಭಾಶಾಮಾ "ರಬ್ಬುನಿ" ಕದಿ. ರಬ್ಬುನಿ ಕದ್ಯಾಮ "ಗುರು ವ್ಹೈ"
JOH 20:17 ಯೆಸು ತಿನೆ ಮನೆ ಮುಟ್ಟು ನಕೊ. ಮಿ ಬಾಕನ ಹಜು಼ನ ಫರಿನ ಗಯೊ ನತ್ತಿ. ತೆನೈಸೊ ಮಾರಾ ಭಾಯೊಕನ (ಶಿಷ್ಯಾ) ಗೈನ ಮಾರೊ ಬಾ ತುಮಾರೊ ಬಾ ಮಾರೊ ಕ್ಹುದಾ ತುಮಾರೊ ಕ್ಹುದಾ ಥಯಲವಾಲೊ ಮಿ ಫರಿನ ಚಾಲ್ಯೊಸ. ಕವಾನು ತ್ಯುನೊಕನ ಕೆ ಕೈನ ಕದ್ಯೊ.
JOH 20:18 ಮಗ್ದಲನಿ ಮರಿಯಳ ಶಿಷ್ಯಾವೊಕನ ಗೈನ ಮಿ ಪ್ರಭುನೆ ದೆಕಿಶಿ ಕೈನ ಕದಿ ತೆ ಕ್ಹಾರಿಯೊ ಸಂಗತಿಯೊ ಕದಿ.
JOH 20:19 ತೆ ದಿನ್ನ ಐತ್ವಾರ ವ್ಹತ್ತೊ. ತೆ ದಿನ್ನಾ ಕ್ಹಾಂಜೆ ಶಿಷ್ಯಾ ಕುಡಿನ ವ್ಹತ್ತಾ. ಯೆಹುದಿಯೊನಾ ಅದಿಕಾರಿಯೊನೆ ಭುಚಿ಼ಕಿನ ಬಾಕಲೊ ಘಾಲ್ಲಿನ ಘರನಾ ಮ್ಹೈ ವ್ಹತ್ತಾ. ತೆಳಾಮಾ ಯೆಸು ತ್ಯುನಾ ವಚ್ಮಾ ಐನ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ.
JOH 20:20 ಯೆಸು ಇಮ್ಮ ಕದಲ್ಪರ ತಿನಾ ಹತೊ ವರಿ ಪಾಕ್ಹಳಿ ದೆಕಾಡ್ಯೊ. ಪ್ರಭುನೆ ದೆಕಿನ ತ್ಯುನೆ ಘನ್ನಾ ಖುಶಿ ಥಯಾ.
JOH 20:21 ಪಾಚಲ್ತೊ ಯೆಸು ವರಿ ಶಾಂತಿ ತುಮೊಮಾ ರ‍್ಹವಾದೆ ಬಾ ಮನೆ ಮೊಕಲ್ಯೊ. ತಿನಾ ಲಿಂಗತಜ ಮಿ ತುಮೊನೆ ಮೊಕಲಾಡೊಸ. ಕೈನ ಕದ್ಯೊ.
JOH 20:22 ಯೆಸು ಇಮ್ಮ ಕದಲ್ಪರ ಶಿಷ್ಯಾವೊಪರ ಯೆಸು ಪ್ಹುಕ್ಕಿನ ಪವಿತ್ರ ಆತ್ಮಾನೆ ಸ್ವಿಕಾರ ಕರೊ.
JOH 20:23 ತುಮೆ ಕಿನಾ ಪಾಪ ಮಾಫ ಕರೊಶಿ ತ್ಯುನಾ ಪಾಪೊ ಮಾಫ ಕರಸ. ತುಮೆ ಕಿನಾ ಪಾಪೊ ಮಾಫ ನೈ ಕರತಾ ತ್ಯುನಾ ಪಾಪೊ ಮಾಫ ನೈ ಕರತಾ. ತ್ಯುನಾ ಪಾಪೊನೆ ಮಾಫಿ ನೈ ಮಳ್ತಿ ಕೈನ ಕದ್ಯೊ.
JOH 20:24 ಯೆಸು ಆತಾಮಾ ಔಳಿ ಜೌಳಿ ಕವಾಲೊ ತೊಮ ಶಿಷ್ಯಾವೊನಾ ಕ್ಹಾತೆ ನ್ಹೊತೊ. ಬಾರಾ ಶಿಷ್ಯಾವೊಮಾನಾ ತೊಮ ಕವಾಲೊ ಯಕ್ಲೊ ವ್ಹತ್ತೊ.
JOH 20:25 ಉಗ್ರಲ ಶಿಷ್ಯಾ ತೊಮಾನೆ ಹಮೆ ಪ್ರಭುನೆ ದೆಕ್ಯಾ ಕೈನ ಕದ್ಯಾ. ವರಿಬಿ ತೊಮಾ ತಿನಾ ಹತೊಮಾ ರ‍್ಹಯಲ ಮೊಳಾ ಮಾರಲ ದುಕಪರ ವರಿ ಪಾಕ್ಹಳಿಯೊನು ದುಖಪರ ಹತ ಮ್ಹೆಲಿನ ದೆಕೆ ಲಕ್ಕಾ ಮಿ ನಂಬತೊ ನೈ ಕೈನ ಕದ್ಯೊ.
JOH 20:26 ಯಕ್ಕ ಹಪ್ತೊ ಥಯಲಪರ ಕ್ಹಾರಾ ಶಿಷ್ಯಾ ಯಕ್ಕ ಘರಮಾ ಮಳ್ಯಾತಾ. ತೊಮಾ ತ್ಯುನ ಕ್ಹಾತೆ ವ್ಹತ್ತೊ. ಪುರಾ ಬಾಕಲೊ ಘಾಲ್ಯಾತಾ ತೆಳಾಮಾ ಯೆಸು ಐನ ತ್ಯುನಾ ವಚ್ಮಾ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ.
JOH 20:27 ಪಾಚಲ್ತೊ ಯೆಸು ತೊಮಾನೆ ತಾರೊ ಬೊಟ ಘಾಲಿನ ಮಾರಾ ಹತೊ ದೆಕ. ತಾರೊ ಹತ ಮಾರಿಯೊ ಪಾಕ್ಹಳಿಮಾ ಘಾಲ ಸಂಶೊ ಕರ‍್ಯಾವಾಚಿ ಮನೆ ನಂಬಾಲೊ ಥಾ. ಕೈನ ಕದ್ಯೊ.
JOH 20:28 ತೊಮಾ ಯೆಸುನೆ "ಮಾರಾ ಪ್ರಭು ಮಾರಾ ಕ್ಹುದಾ "ಕೈನ ಕದ್ಯೊ.
JOH 20:29 ಯೆಸು ತುತೊ ಮನೆ ತು ದೆಕಿನ ನಂಬ್ಯೊ ಮನೆ ದೆಕ್ಯಾವಾಚಿ ನಂಬಾಲಾ ‍ಕ್ಹರಿಮಾಜ಼ ಧನೈ ವ್ಹೈ. ಕೈನ ಕದ್ಯೊ.
JOH 20:30 ಯೆಸು ಹಜು಼ನ ತಿನಾ ಶಿಷ್ಯಾವೊನಾ ಕ್ಹಾಮೊ ಅದ್ಭುತ ಕಾಮೊ ಕರ‍್ಯೊ. ಎ ಅದ್ಭುತ ಕಾಮೊ ಪುಸ್ತಕಮಾ ಬರ್ದ್ಯಾ ನತ್ತಿ.
JOH 20:31 ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.
JOH 21:1 ತೆ ಥಯಲ್ಪರ, ವರಿ ಯಕ್ಕಸಲಾ ಯೆಸು ತಿನಾ ಶಿಷ್ಯಾವೊನೆ ತಿಬೆರಿಯಾ ಸಮುಂದರಕನ ದಿಕ್ಹ್ಯೊ. ತೆ ಅಮ ಥಯು;
JOH 21:2 ದಕ್ಹಾ ಶಿಷ್ಯಾ ತ್ಯಾ ಮಳಿನ ವ್ಹತ್ತಾ. ತ್ಯುನೆ ಕುನ್ನ ವ್ಹೈ ಕದ್ಯಾಮ, ಸಿಮೊನ ಕವಾಲೊ ಪೆತ್ರಾ, ದಿದುಮ ಕವಾಲೊ ತೊಮ, ಗಲಿಲಾಯನೆ ಮಳಲ ಕಾನಾ ಗಾಮವಾಲೊ ನತಾನಿಯೆಲ, ಜೆಬೆದಾಯನಾ ಭಂಬಿ ದಿಕ್ರಾನೆ ವರಿ ಬೆ ಜ಼ನಾ ಶಿಷ್ಯಾ.
JOH 21:3 ಪೆತ್ರಾ, ತ್ಯುನೊನೆ "ಮಿ ಮಚ್ಲಿಯೊ ಧರಾನೆ ಚಾಲ್ಯೊಸ "ಕದ್ಯೊ. ಉಗ್ರಲ ಶಿಷ್ಯಾ "ಹಮೆಬಿ ತಾರಾ ಕ್ಹಾತೆ ಐಯೆಸ ಕೈನ ಕದ್ಯಾ. ತಿಮ್ಮ ಕತಾಮಾ ಕ್ಹಾರಾ ಶಿಷ್ಯಾ ಮಳಿನ ಹಡಗಾಮಾ ಚಡ್ಯಾ. ತ್ಯುನೆ ಕ್ಹಾರಿ ರಾತ ಸಮುಂದರಮಾ ಬಲಿಯೊ ಘಾಲ್ಯಾ. ಯಕ್ಕಬಿ ಮಚ್ಲಿ ಮಳಿ ನೈ.
JOH 21:4 ತೆ ದಿನ್ನೆ ದಿನ್ನ ನಿಕ್ಹಳ್ತಾಮಾ, ಯೆಸು ದಂಡಿಪರ ಹುಬ್ರಯೊತೊ. ತೆನೈಸೊ ತೆಜ಼ ಯೆಸು ವ್ಹೈ ಕೈನ ವಳಕ್ಯಾ ನೈ.
JOH 21:5 ತೆಳಾಮಾ ತೆ ತಿನಾ ಶಿಷ್ಯಾವೊನೆ "ದೊಸ್ತೊ, ತುಮೊನೆ ಮಚ್ಲಿಯೊ ಮಳಿಯೊ ಸು, ಕೈನ ಪುಚ್ಯೊ. ಶಿಷ್ಯಾ"ನತ್ತಿ" ಕೈನ ಕದ್ಯಾ.
JOH 21:6 ಯೆಸು "ತುಮಾರೊ ಹಡಗನಾ ಸಿದಾ ಹತ ಬಗಲ ತುಮಾರಿಯೊ ಬಲಿ ನಾಕೊ ತ್ಯಾ ದಕ್ಹಿಯೊ ಮಚ್ಲಿಯೊ ಮಳಸ, ಕೈನ ಕದ್ಯಾ. ಶಿಷ್ಯಾ ಕದಲ ತಿಮ್ಮಜ ಕರ‍್ಯಾ. ಘನ್ನಿಯೊ ಮಚ್ಲಿಯೊ ಬಲಿಮಾ ಕ್ಹಾಪ್ಡಲ ಹುತಿ ತ್ಯುನೆ ಬಲಿಯೊ ಹಡಗಾಮಾ ಜಗ್ಗಾನೆ ಥಯು ನೈ.
JOH 21:7 ಯೆಸುನೊ ಮಯಾನೊ ಶಿಷ್ಯಾನೆ"ತೆ ಮನಕ್ಹನೆ ಪ್ರಭು, ಕೈನ ಕದ್ಯೊ. ತೆಳಾಮಾಜ಼ ಪೆತ್ರಾ ತಿನು ಅಂಗ್ಡು ಘಾಲ್ಲಿನ ಪಾನಿಮಾ ಉಡ್ಯೊ. ಪೆತ್ರಾ ಪೈಲಾಜ ತಿನು ಅಂಗ್ಡು ಕಾಡಿನ ಮ್ಹೆಲ್ಯೊತೊ.
JOH 21:8 ಉಗ್ರಲ ಶಿಷ್ಯಾ ಹಡಗಾಮಾ ಚ಼ಡಿನ ಗೈಪಡ್ಯಾ. ತ್ಯುನೆ ಬಲಿಯೊ ಭರಿನ ಮಚ್ಲಿಯೊ ದಂಡಿಯೆ ಜಗ್ಗಿಲಿನ ಗಯಾ. ತ್ಯುನೆ ದಂಡಿತಾ ಘನ್ನಾ ದುರ ನ್ಹೊತಾ ಕ್ಹಾಲಿ 300 ಪುಟ ಯಕ್ಲಾ ದುರ ವ್ಹತ್ತಾ.
JOH 21:9 ಶಿಷ್ಯಾ ಹಡಗಾಮಾತಾ ಉತ್ರಿನ ದಂಡಿಪರ ಜಾ಼ತಾಮಾ ಆಗನಾ ಕಂಡಾ ದೆಕ್ಯಾ. ಆಗ ಪರ ಮಚ್ಲಿಯೊ ವ್ಹತ್ತಿಯೊ. ವರಿ ದಕ್ಹಾ ರೊಕ್ಲಾಬಿ ವ್ಹತ್ತಾ.
JOH 21:10 ಪಾಚಲ್ತೊ ಯೆಸು"ತುಮೆ ಧರಲ ಮಚ್ಲಿಯೊಮಾ ದಕ್ಹಿಯೊ ಲಿನ ಆವೊ" ಕೈನ ಕದ್ಯೊ.
JOH 21:11 ಪೆತ್ರಾ ಹಡಗಾಮಾ ಗೈನ ಬಲಿ ದಂಡಿಯೆ ಜಗ್ಗಿಲಿನ ಆಯೊ. ಬಲಿ ಮ್ಹೊಟಿಯೊ ಮಚ್ಲಿಯೊಕ್ಹು ಭರಿ ಗೈತಿ. ತಿಮಾ 153 ಮಚ್ಲಿಯೊ ವ್ಹತ್ತಿಯೊ. ತೆ ಘನ್ನಿಯೊ ವಜ್ಜಿಯೊ ರ‍್ಹೈತಬಿ ಬಲಿ ಪ್ಹಾಟಿ ನ್ಹೊತಿ.
JOH 21:12 ಯೆಸು ತ್ಯುನೊನೆ "ಐನ ಖಾವೊ" ಕೈನ ಕದ್ಯೊ. ಶಿಷ್ಯಾವೊಮಾನಾ ಯಕ್ಲೊಬಿ "ತು ಕುನ್ನ ವ್ಹೈ? ಕೈನ ತಿನೆ ಪುಚ್ಯಾ ನೈ. ತೆ ಪ್ರಭು ವ್ಹೈ ಕೈನ ತ್ಯುನೊನೆ ಗ್ವತ್ತ ವ್ಹತ್ತು.
JOH 21:13 ಯೆಸು ನಜಿಕ ಐನ ರೊಕ್ಲಾ ಲಿನ ವರಿ ತ್ಯುನೊನೆ ದಿದ್ಯೊ. ಇನಾಲಿಂಗತಜ಼ ಮಚ್ಲಿಯೊಬಿ ಲಿನ ಇಮ್ಮಜ ಕರ‍್ಯೊ.
JOH 21:14 ಯೆಸು ಪುನರುತ್ಥಾನ ಥಯಲ್ಪರ ತಿನಾ ಶಿಷ್ಯಾವೊನೆ ದಿಕ್ಹಲ ಎ ತನ್ವಾ ಸಲಾ ವ್ಹೈ.
JOH 21:15 ತ್ಯುನೆ ಖಾದಲ್ಪರ ಯೆಸು ಪೆತ್ರಾನೆ "ಯೊಹಾನನೊ ದಿಕ್ರಾ ಸಿಮೊನ, ನ್ಹ್ಯಾ ರ‍್ಹಯಲ ಇವ್ನೆ ಮನೆ ಮಯಾ ಕರಾತಿಬಿ ತು ಮನೆ ಜಾಸ್ತಿ ಮಯಾ ಕರಶಿ ಸು? ಕೈನ ಪುಚ್ಯೊ. ಪೆತ್ರಾ "ಹೊ ಪ್ರಭು ಮಿ ತುಪರ ಮಯಾ ಛೆ ಕವಾನು ಕದ್ಯೊ. ಯೆಸು ಪೆತ್ರಾನೆ "ಮಾರಾ ಬಕ್ರಾವೊನೆ ಚರಾ ಕೈನ ಕದ್ಯೊ.
JOH 21:16 ವರಿ ಬೆವಾ ಸಲಾ ಯೆಸು ಪೆತ್ರಾನೆ "ಯೊಹಾನನಾ ದಿಕ್ರಾ ಥಯಲ ಸಿಮೊನ ತು ಮನೆ ಮಯಾ ಕರಶಿ ಸು? ಕೈನ ಪುಚ್ಯೊ. ಪೆತ್ರಾ "ಹೊ, ಪ್ರಭು ಮಿ ತುಪರ ಮಯಾ ಛೆ ಕವಾನು ತುನೆ ಗ್ವತ್ತ ಛೆ" ಕದ್ಯೊ. ಯೆಸು ಪೆತ್ರಾನೆ "ಮಾರಾ ಬಕ್ರಾವೊನೆ ಕೈದಶಿ ಸು?
JOH 21:17 ಯೆಸು, ತನ್ವಾ ಸಲಾ "ಯೊಹಾನನಾ ದಿಕ್ರಾ ಸಿಮೊನ ತು ಮನೆ ಮಯಾ ಕರಶಿ ಸು? ಕೈನ ಪುಚ್ಯೊ. ಯೆಸು "ತು ಮನೆ ಮಯಾ ಕರಶಿ ಸು? ಕೈನ ತನ ಸಲಾ ಪುಚ್ತಾಮಾ ಪೆತ್ರಾನೆ ದುಖ ಥಯು. ಪೆತ್ರಾ "ಪ್ರಭು, ತುನೆ ಹರಿ ಯಕ್ಕ ಗ್ವತ್ತ ಛೆ. ಮಿ ತುಪರ ಮಯಾ ಮ್ಹೆಲ್ಯೊಸ ಕವಾನು ತುನೆ ಗ್ವತ್ತ ಛೆ ಕದ್ಯೊ. ಯೆಸು ಪೆತ್ರಾನೆ "ಮಾರಾ ಬಕ್ರಾವೊನೆ ಚರಾ.
JOH 21:18 ಮಿ ತುನೆ ಕ್ಹರಿಜ ಕೌಸ. ತು ಜಾಂಜಿಮಾನ ರ‍್ಹತಾಮಾ ಕಂಬರ ಭಾಂದಲಿನ ತುನೆ ಮನಸ ರ‍್ಹಯಲ ಜ಼ಗಾ ಗಯೊ. ವರಿಬಿ ತು ಗಡಿಯೊ ಥಾತಾಮಾ ತಾರಿ ಮರ್ಜಿಲಿಂಗತ ಹತೊ ಅಗೊ ನೈ ಕರತೊ ಕರಶಿ ವರಿ ಬಿಜಕ್ಲೊ ತಾರಿ ಕಂಬರ ಭಾಂದಿನ ತುನೆ ಮನಸ ನೈ ರ‍್ಹಯಲ ಜ಼ಗಾ ಲಿನ ಜಾ಼ವಸ.
JOH 21:19 ಕ್ಹುದಾ ಮಹಿಮಾ ಕರಿಲಿವಾನಾ ಹುತಿ ಪೆತ್ರಾ ಕೈ ತರಾ ಮರಸ ಕವಾನು ದೆಕಾಡಾ ಹುತಿ ಯೆಸು ಇಮ್ಮ ಕದ್ಯೊ. ಪಾಚಲ್ತೊ ಯೆಸು ಪೆತ್ರಾನೆ "ಮಾರಾ ಪಾಚೊ಼ ಆ"
JOH 21:20 ಪೆತ್ರಾ ಪಾಚೊ಼ ಫರಿನ ದೆಕ್ತಾಮಾ ಯೆಸುನೊ ಮಯಾನೊ ಶಿಷ್ಯೊ ತ್ಯುನಾ ಪಾಚಾ಼ ಆವಾನು ದೆಕ್ಯಾ. ರಾತೆ ಖಾವಾನಾ ಟೈಮ್ಮಾ ಯೆಸುನಾ ಛಾತಿಪರ ಲಾಗಿನ"ಪ್ರಭು, ತುನೆ ಮೊಸ ಕರಾಲೊ ಕುನ್ನ ವ್ಹೈ? ಕೈನ ಪುಚಲ ಶಿಷ್ಯೊ ಎಜ಼ ವ್ಹೈ.
JOH 21:21 ಪೆತ್ರಾ ತ್ಯುನಾ ಪಾಚಾ಼ ಆತಾ ರ‍್ಹಯಲ ಎ ಶಿಷ್ಯಾನೆ ದೆಕ್ತಾಮಾ "ಪ್ರಭು, ಇನಾಹುತಿ ಸು ವ್ಹೈ? ಕೈನ ಪುಚ್ಚೊ.
JOH 21:22 ಯೆಸು "ಮಿ ಆಯೆಲಕ್ಕಾ ತೆ ಜಿವ್ತೊ ರ‍್ಹೌ ಕೈನ ಮನೆ ಮನಸ ರ‍್ಹಯುಮ ತಿನಾ ಹುತಿ ತುನೆ ಸು ವ್ಹೈ? ತು ಮಾರಾ ಪಾಚೊ಼ ಆ ಕೈನ ಕದ್ಯೊ.
JOH 21:23 ಇನಾಹುತಿ ಶಿಷ್ಯೊ ಮರ್ತೊಜ಼ ನೈ ಕೈನ ವಾತ ಕ್ಹಾರಾ ಭಾಯೊಮಾ ಫೈಲಿ ಗೈ. ತೆ ನೈಸು ಯೆಸು ತೆ ಮರ್ತೊಜ಼ ನೈ ಕೈನ ತಿನೆ ಕದ್ಯೊ ನತ್ತಿ. ಮಿ ಆಯೆಲಕ್ಕಾ ತೆ ರ‍್ಹೌ ಮನೆ ಮನಸ ರ‍್ಹಯೊಮ ತೆ ತುನೆ ಕಾ? ಕೈನ ತೆ ಕದ್ಯೊಸ.
JOH 21:24 ಎ ಸಂಗತಿಯೊ ಹಮ್ನಾ ಬರ್ದಲ ವರಿ ಇನಾಹುತಿ ಹಮ್ನಾ ಸಾಕ್ಷಿ ಕವಾಲೊ ಎಜ಼ ವ್ಹೈ. ತೆ ಕವಾನು ಕ್ಹರಿ ವ್ಹೈ ಕೈನ ಹಮೊನೆ ಗ್ವತ್ತ ಛೆ.
JOH 21:25 ಯೆಸು ಹವಾ ಘನ್ನಾ ಕಾಮೊ ಕರ‍್ಯೊ. ತಿಮಾನು ಕ್ಹಾರುಜ಼ ಬರ್ದು ಕದ್ಯಾಮ ಬರ್ದಾನು ಪುಸ್ತಕಮಾ ಕ್ಹಾರಿ ಜಗತ್ತಜ ನೈ ಪುರ್ತಿ ಕೈನ ಮಿ ನೆಣಸುಸ.
ACT 1:1 ಮಯಾನಾ ಥೆಯೊಫಿಲ, ಯೆಸು ಕರಲ ಕಾಮೊನಾ ಹುತಿ ವರಿ ದಿದಲ ಬೊಧನೆನಾ ಹುತಿ ಹರಿಯಕ್ಕ ಮಿ ಮಾರಾ ಪೈಲಾನಾ ಬುಕ್ಮಾ ಬರ್ದ್ಯೊಸ.
ACT 1:2 ಮಿ ಯೆಸುನಾ ಪುರಾ ಜಿವ್ನಾನಾ ಹುತಿ ಕದ್ಯಾಮ ತೆ ಸ್ವರ್ಗನೆ ಗಯೆ ಲಕ್ಕಾ ಥಯಲ ಕ್ಹಾರಿ ಸಂಗತಿಯೊ ಬರ್ದ್ಯೊ. ಯೆಸು ಸ್ವರ್ಗನೆ ಜಾ಼ವಾತಿ ಪೈಲಾ, ತೆ ಇನಿಲಿದಲ ಅಪೊಸ್ತಲೊನಾ ಕ್ಹಾತೆ ಬೊಲ್ಯೊ; ತ್ಯುನೆ ಸು ಕಾಮ ಕರಾನು ಹೊತ್ತು ಪವಿತ್ರ ಆತ್ಮಾನಿ ಮದತಕ್ಹು ತ್ಯುನೊನೆ ತಿಳಶ್ಯೊ.
ACT 1:3 ಎ ತಿನಿ ಮೌತ ಥಯಲ್ಪರ ಥಯಲ ಸಂಗತಿಯೊ ವ್ಹೈ. ತೆ ಜಿವ್ತೊ ರ‍್ಹಯಲ ತೆ ಅಪೊಸ್ತಲೊನೆ ದೆಕಾಡಿನ ದಿದ್ಯೊ ವರಿ ತಿನಿ ತಾಕತಕ್ಹು ಘನ್ನಾ ಅದ್ಭುತ ಕಾಮೊ ಕರಾಕ್ಹು ತೆ ದೆಕಾಡಿನ ದಿದ್ಯೊ. ಯೆಸು ಜಿವ್ತೊ ಥೈನ ಉಟಿನ ಆಯಲ್ಪರ ಚಾ಼ಳಕ್ಹ ದಿನ್ನ ಲಕ್ಕಾ ಅಪೊಸ್ತಲೊ ತಿನೆ ಘನ್ನಿ ಸಲಾ ದೆಕ್ಯಾ. ಯೆಸು ಕ್ಹುದಾನಾ ರಾಜ್ಯನಾ ಹುತಿ ಅಪೊಸ್ತಲೊನಾ ಕ್ಹಾತೆ ಬೊಲ್ಯೊ.
ACT 1:4 ಯಕ್ಕ ಸಲಾ, ಯೆಸು ತ್ಯುನಾ ಕ್ಹಾತೆ ಅನ್ನ ಖಾತಾಮ, ಯೆರುಸಲೆಮ ಛೊಡಿನ ಜೌ಼ ನೈ ಕೈನ ತ್ಯುನೊನೆ ಕದ್ಯೊ" ಬಾ ತುಮೊನೆ ಯಕ್ಕ ವಾಗ್ದಾನ ಕರ‍್ಯೊಸ. ಮಿ ಪೈಲಾಜ಼ ತಿನಾ ಹುತಿ ತುಮೊನೆ ತಿಳ್ಸಾಯೊಸ. ಎ ವಾಗ್ದಾನನು ವರ್ದಾನ ಲಿವಾನಾ ಹುತಿ ಯೆರುಸಲೆಮಮಾ ಕೈದತ್ತಾ ರ‍್ಹವೊ.
ACT 1:5 ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ಹಜು಼ನ ದಕ್ಹಾ ದಿನೊಮಾ ತುಮೊನೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಥಾವಸ" ಕದ್ಯೊ.
ACT 1:6 ಅಪೊಸ್ತಲೊ ಕ್ಹಾರಾ ಮಳ್ತಾಮಾ, ತ್ಯುನೆ ಯೆಸುನೆ"ಪ್ರಭು, ತು ಇಸ್ರಾಲಯನಾ ಮನಕ್ಹೊನೆ ತ್ಯುನಿ ರಾಜ್ಯ ಫರಿನ ದಿವಾನು ಎಜ಼ ಟೈಮಮಾ ವ್ಹೈಸು? ಕೈನ ಪುಚ಼್ತಾಮಾ.
ACT 1:7 ಯೆಸು ತ್ಯುನೊನೆ, ಕೆಳೆ ಕಿನೆ ಸು ದ್ಯು ಕಯಾ ಟೈಮಮಾ ದ್ಯು ಕವಾನಾ ಅದಿಕಾರ ರ‍್ಹಯಲ ಬಾನೆ ಯಕ್ಕಜ಼ ವ್ಹೈ. ತುಮೆ ತೆ ಕ್ಹಾರು ತಿಳ್ದಿಲಿವಾನೆ ನೈ ಥಾತು.
ACT 1:8 ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ.
ACT 1:9 ಯೆಸು ಎ ಸಂಗತಿಯೊ ಅಪೊಸ್ತಲೊನೆ ಕದಲ್ಪರ ಅಪೊಸ್ತಲೊ ದೆಕ್ತಾ ರ‍್ಹತಾಮಾಜ಼ ಹಬಾಳ ಪರ ಯೆಸುನೆ ಉಚೈ ಲಿದ್ಯಾ. ಮ್ಹಾಡ ತಿನೆ ಜಾ಼ಕಿಪಾಡಲ ಹುತಿ ತ್ಯುನೆ ತಿನೆ ದೆಕ್ಯಾ ನೈ.
ACT 1:10 ಯೆಸು ಜಾ಼ತಾಮಾ ಅಪೊಸ್ತಲೊ ಹಬಾಳನೆಜ಼ ದೆಕ್ತಾ ಹುಬ್ರಯಾತಾ. ತೆಳಾಮಾ, ಧೊಳಾ ವಣ್ಣಾ ಘಾಲ್ಲಿದಲ ಬೆ ಜ಼ನಾ ದಾಣ್ಗಾ ತ್ಯುನಾಕ್ಹು ತ್ಯುನೆ ತಿನಾ ಬಾಜು಼ಮಾ ಹುಬ್ರೈನ,
ACT 1:11 "ಗಲಿಲಾಯವಾಲಾ ಕಾ ಹಬಾಳನೆಜ಼ ದೆಕ್ತಾ ಹುಬ್ರಯಾಸ? ಯೆಸು ತುಮಾರಾ ಡೊಳಾವೊನಾ ಕ್ಹಾಮೊ ಸ್ವರ್ಗನೆ ಕಿಮ್ಮ ಗಯೊ ತಿನಾ ಲಿಂಗತಜ಼ ವಾಪಸ ಆವಸ" ಕೈನ ಕದ್ಯಾ.
ACT 1:12 ಪಾಚಾ಼ತಾ ಅಪೊಸ್ತಲೊ ಆಲಿವ ಝಾಡೊನಾ ಡೊಂಗರತಾ ಯೆರುಸಲೆಮನೆ ವಾಪಸ ಗಯಾ.
ACT 1:13 ಅಪೊಸ್ತಲೊ ಗಾಮಮಾ ಐನ ತ್ಯುನೆ ರ‍್ಹಯಲ ಜ಼ಗಾಯೆ ಗಯಾ. ತೆ ಉಪ್ಪರಲ್ಯಾ ಮಹಡಿ ಪರ ವ್ಹತ್ತು. ತೆ ಅಪೊಸ್ತಲೊ ಕುನ್ನ-ಕುನ್ನ ವ್ಹೈ ಕದ್ಯಾಮ; ಪೆತ್ರಾ, ಯೊಹಾನ, ಯಾಕೊಬ, ಅಂದ್ರೆಯ, ಫಿಲಿಪ್ಪ, ತೊಮ, ಬಾರತೊಲೊಮಾಯ, ಮತ್ತಾಯ, ಯಾಕೊಬ (ಅಲ್ಫಾಯನೊ ದಿಕ್ರೊ) ದೆಶನೊ ಮಯಾ ಥಯಲ ಸಿಮೊನ ವರಿ ಯಾಕೊಬ್ನೊ ದಿಕ್ರೊ ಯುದ.
ACT 1:14 ಅಪೊಸ್ತಲೊ ಕ್ಹಾರಾ ಮಳಿನ ವ್ಹತ್ತಾ. ತ್ಯುನೆ ಯಕ್ಕಜ಼ ಉದ್ದೆಶಕ್ಹು ಛೊಡ್ಯಾವಾಚಿ ಪ್ರಾಥನಾ ಕರಾಡಾತಾ. ದಕ್ಹಿಯೊ ಬಾಕ್ಡಿಯೊನೆ ಯೆಸುನಿ ಯಾ ಮರಿಯಳ ತಿನಾ ಭಾಯೊ ಅಪೊಸ್ತಲೊನಾ ಕ್ಹಾತೆ ವ್ಹತ್ತಾ.
ACT 1:15 ದಕ್ಹಾ ದಿನ್ನ ಥಯಲ್ಪರ ವಿಸ್ವಾಸಿಮಾ ಭಾಯೊ ಥಯಲ ಸಭೆ ಥೈನ ಮಳ್ಯಾತಾ. ತ್ಯಾ ಕಮ್ಸಿ ಕಮ್ಮ ಯಕ್ಹೊನ ಇಕ್ಹ ಜ಼ನಾ ವ್ಹತ್ತಾ. ಪೆತ್ರಾ ಉಟಿನ ಹುಬ್ರೈನ ಅಮ್ಮ ಕದ್ಯೊ;
ACT 1:16 "ಭಾಯೊ ಭೆನೊ, ಪವಿತ್ರ ಆತ್ಮಾ ದಾವಿದನಾ ಮುಲಕ ಪವಿತ್ರ ಗ್ರಂಥಮಾ ಪೈಲಾಜ಼ ಕದಲ ಸಂಗತಿಯೊ ಪುರಾ ಥಾವಾನು ವ್ಹತ್ತು. ಅಪ್ನಾ ಸ್ವಂತ ಗುಂಪಮಾನೊ ಯುದನ ಹುತಿ ದಾವಿದ ಕದ್ಯೊಸ.
ACT 1:17 ಯುದ ಅಪ್ನಾ ಕ್ಹಾತೆ ಸೆವೆ ಕರ‍್ಯೊ. ಯೆಸುನೆ ಧರೆಲಕ್ಕಾ ಯುದ ವಾಟ ದೆಕಾಡಾಲೊ ಥಾವಸ ಕೈನ ಪವಿತ್ರ ಆತ್ಮಾ ತಿಳಸಾಯೊತೊ"
ACT 1:18 ಎ ಮೊಸನು ಕಾಮ ಕರಾನೆ ಯುದನೆ ದೊಕ್ಡಾ ದಿದ್ಯಾತಾ. ತೆ ದೊಕ್ಡಾಕ್ಹು ಯಕ್ಕ ಖೆತರ ತಿನಾಹುತಿ ಲಿದ್ಯಾ. ತೆನೈಸೊ ಯುದ ಮಾತು ಹೆಟು ಕರಿನ ಪಡಲ್ಪರ ತಿನು ಪೆಟ ಫುಟಿ ಗೈಯು. ತಿನಾ ಕ್ಹಾರಾ ಅತ್ತೊಡಾ ಭಾರಾ ಆಯಾ.
ACT 1:19 ಆ ಕ್ಹಾರು ಯೆರುಸಲೆಮನಾ ಕ್ಹಾರಾ ಮನಕ್ಹೊನೆ ಗ್ವತ್ತ ಥೈಯು. ತಿನಾಹುತಿ ತ್ಯುನೆ ತೆ ಖೆತರನೆ ಅಕೆಲ್ದಮಾ ಕೈನ ನಾಮ ಮ್ಹೆಲ್ಯಾ. ತ್ಯುನಾ ವಾತೊಮಾ ಅಕೆಲ್ದಮಾ ಕದ್ಯಾಮ ‘ರಗತನು ಹೊಂಡ’ ಕದಲ ಲಿಂಗತ ವ್ಹೈ.
ACT 1:20 ತಿನು ಘರ ಹಾಳ ಥಾವಾದೆ! ತ್ಯಾ ಕುನ್ನಜ಼ ರ‍್ಹಯಲ ನೈಸೊ ಥಾವಾದೆ. ಕಿರ್ತನೆ. 69:25 ಕೈನ ಕಿರ್ತನೆನಾ ಪುಸ್ತಕಮಾ ಯುದನಾ ಹುತಿ ಲಿಕ್ಕಲ ಛೆ ತೆನೈಸೊ ಬಿಜೆಕ್ಲೊ ತಿನು ಕಾಮ ಲಿವಾದೆ’ ಕಿರ್ತನೆ. 109:8 ಕೈನ ಬರ್ದಲ ಛೆ.
ACT 1:21 ತಿನಾಹುತಿ ಬಿಜೆಕ್ಲೊ ಹಮಾರಾ ಕ್ಹಾತೆ ಮಳಿನ, ಯೆಸುನು ಪುನರುತ್ಥಾನನೆ ಸಾಕ್ಷಿ ಥೌ. ಪ್ರಭು ಥಯಲ ಯೆಸು ಅಪ್ನೊಕನ ರ‍್ಹತಾಮಾ ತೆ ಅಪ್ನಾ ಗುಂಪಮಾ ರ‍್ಹಯಲ ವಾಲಾವೊಮಾನೊ ಯಕ್ಲೊ ರ‍್ಹೌ.
ACT 1:22 ಯೊಹಾನ ಬಾಪ್ತಿಸ್ಮ ದಿವಾನಾ ಶುರು ಕರಲ ದಿನ್ನತೊ ಧರಿನ ಯೆಸು ಅಪ್ನೊಕಂತೊ ಸ್ವರ್ಗನೆ ಗಯಲ ದಿನ್ನ ಲಕ್ಕಾ ಅಪ್ನಾ ಕ್ಹಾತೆ ರ‍್ಹಯಲವಾಲೊ ರ‍್ಹೌ"
ACT 1:23 ಅಪೊಸ್ತಲೊ ಬೆ ಜ಼ನಾವೊನೆ ಸಭೆನಾ ಕ್ಹಾಮಾ ಹುಬ್ರಾಡ್ಯಾ. ಯಕ್ಲೊ ಬಾರಸಬ ಕವಾಲೊ ಯೊಸೆಫ. ಅನೆ ಯುಸ್ತ ಕೈನ ಬಲಾತಾತಾ. ವರಿ ಯಕ್ಲೊ ಮತ್ತೀಯ.
ACT 1:24 ಮತ್ತಿಯವಾವೊನೆ ಬೆ ಜ಼ನಾವೊ ಹುಬ್ರಾಡಿನ ಪ್ರಾರ್ಥನೆ ಕರತ್ತೊ,ಕರ್ತಾ ಕ್ಹಾರಾವೊನಾ ಮನಸ್ಸ ವಳಾಕಾವಾಲೊ ಯುದ ಅಪೊಸ್ತಲ ಕವಾಲೊ ತೆ ಸೆವಾ ಜ಼ಗಾಕ್ಹು ಹಾಳ ಥೈನ ತೆ ನೈಜಾ಼ವಾನು ಜ಼ಗಾಕನ ಗಯೆಲಕ್ಹು ತೆ ಸ್ಥಾನ ಹೊಂದಾನಾಹುತಿ ತೆ ಬೆಜ಼ನಾವೊಮಾ ತು ಇನಿಲಿದಲ ದೆಕಾಡಿನ ದ್ಯುಕೈನ ಪ್ರಾರ್ಥಾನಾ ಕರ‍್ಯಾ.
ACT 1:25 ತೆಳಾಮಾ ತ್ಯುನೆ ಅಮ್ಮ ಪ್ರಾಥನಾ ಕರ‍್ಯಾ" ಪ್ರಭು ತು ಕ್ಹಾರಾ ಮನಕ್ಹೊನು ಮನಸ್ಸ ತಿಳ್ದಿಲಿದ್ಯೊಸ. ಎ ಕಾಮ ಕರಾನಾ ಹುತಿ ಎ ಬೆ ಜ಼ನಾವೊಮಾ ತು ಕಿನೆ ಇನಿಲಿದ್ಯೊಸ ಕವಾನು ಹಮೊನೆ ದೆಕಾಡ. ಯುದ ಎ ಕಾಮನೆ ವಿರುದ್ದ ಥೈನ ತೆ ಕಿಜಾ಼ ಜಾ಼ವಾನು ವ್ಹತ್ತು ತ್ಯಾ ಗಯೊ. ಪ್ರಭು, ತಿನಿ ಜ಼ಗಾಪರ ಅಪೊಸ್ತಲ ಕುನ್ನ ಥೌ ಕೈನ ಹಮೊನೆ ದೆಕಾಡ"
ACT 1:26 ಪಾಚಾ಼ತಾ ಅಪೊಸ್ತಲೊ ತ್ಯುನಾ ಬೆ ಜ಼ನಾವೊಮಾ ಇನಿಲಿವಾನೆ ಚಿಟಿ ಘಾಲ್ಯಾ. ಚಿಟಿ ಮತ್ತಿಯನೆ ಆಯಲ ಹುತಿ ಗ್ಯಾರಾ ಜ಼ನಾವೊನಾ ಕ್ಹಾತೆ ತೆಬಿ ಅಪೊಸ್ತಲ ಥಯೊ.
ACT 2:1 ಪಂಚಾಶತ್ತಮ ಸನ್ನಮಾ ತ್ಯುನೆ ಕ್ಹಾರಾ ಜ಼ನಾ ಯಕ್ಕ ಜ಼ಗಾ ಮಳಿನ ಆಯಾ ತೆಳಾಮಾ, ಯಕ್ಕ ದುಮ್ಮ ಹಬಾಳಮಾತು ಯಕ್ಕ ಆವಾಜ಼ ಐಯು.
ACT 2:2 ತುಫಾನ ಆವಾಡುಸ ಕೌ ತಿಮ್ಮ ವ್ಹತ್ತು ತೆ ಆವಾಜ಼. ತ್ಯುನೆ ಬೈಟಲ ಘರಮಾ ಪುರಾ ತೆ ಆವಾಜ಼ ಭರಿ ಗಯುತು.
ACT 2:3 ತೆನೈಸೊ ಆಗ ಲಿಂಗತ ರ‍್ಹಯಲ ಸುಯಕ್ಕ ತ್ಯುನೆ ದೆಕ್ಯಾ. ತೆ ಆಗ ಜು಼ದಿ ಥೈನ ತ್ಯಾ ರ‍್ಹಯಲ ಹರಯಕ್ಕ ಮನಕ್ಹ ಪರ ಗೈನ ಹುಬ್ರಯು.
ACT 2:4 ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರ‍ಲ ವ್ಹತ್ತಾ ವರಿ ಬಿಜಾ಼-ಬಿಜಾ಼ ಭಾಶಾಮಾ ಬೊಲಾನು ಶುರು ಕರ‍್ಯಾ. ಪವಿತ್ರ ಆತ್ಮಾಜ಼಼ ತ್ಯುನೊನೆ ತೆ ತಾಕತ ದಿದ್ಯುತು.
ACT 2:5 ಘನ್ನಾ ಧಾರಮಿಕೊ ಘನ್ನಾ ಯೆಹುದಿಯೊ ತೆ ಟೈಮಮಾ ಯೆರುಸಲೆಮಮಾ ವ್ಹತ್ತಾ. ತ್ಯುನಾಮಾ ಜಗತನಾ ಹರಯಕ್ಕ ದೆಶತಾ ಆಯಲ ಮನಕ್ಹೊ ವ್ಹತ್ತಾ.
ACT 2:6 ತೆ ಆವಾಜ಼ ಐಕಿನ ತೆ ಮನಕ್ಹೊ ಗುಂಪ ಥೈನ ಮಳಿನ ಐನ ಅಪೊಸ್ತಲೊ ಬೊಲಾನು ಹರ ಯಕ್ಲಾನೆ ತ್ಯುನಿ ತ್ಯುನಿ ಭಾಶಾಮಾ ಐಕು ಆವಾನು ದೆಕಿನ ತ್ಯುನೆ ಘಾಬ್ರಾ ಥಯಾ.
ACT 2:7 ಎ ದೆಕಲ ಕ್ಹಾರಾ ಜ಼ನಾ ಘಾಬ್ರಾ ಥಯಾ. ಇಮ್ಮ ಕರಾನೆ ಅಪೊಸ್ತಲೊನೆ ಕಿಮ್ಮ ಸಾಧ್ಯ ಥಯು ಕೈನ ತ್ಯುನೊನೆ ಗ್ವತ್ತ ಥಯು ನೈ" ಬೊಲ್ತಾ ರ‍್ಹಯಲ ಎ ಮನಕ್ಹೊ (ಅಪೊಸ್ತಲೊ) ಗಲಿಲಾಯನಾ ನ್ಹವೈಸು.
ACT 2:8 ತೆನೈಸೊ ಇವ್ನೆ ಅಪ್ನಿ ಸ್ವಂತ ಭಾಶಾಮಾ ಬೊಲಲ ಲಿಂಗತ ಐಕಾಡಾಸ್ತೊ, ಎ ಕಿಮ್ಮ ಸಾಧ್ಯ ಛೆ? ಅಪೆ ಬಿಜಿ಼ ಬಿಜಿ಼ ಜ಼ಗಾನಾ ವ್ಹೈ.
ACT 2:9 ಅಪ್ನೊಮಾ ಪಾರಥ್ಯರೊ, ಮೆದ್ಯರೊ, ಎಲಾಮ್ಯರೊ, ಮೆಸೊಪೊತಾಮ್ಯರೊ, ಯುದಾಯರೊ, ಕಪ್ಪದೊಕ್ಕಯರೊ, ಪೊಂತ, ಆಸ್ಯ, ಫ್ರುಗ್ಯ, ಪಂಫುಲ,
ACT 2:10 ಫ್ರಿಜಿನಾ ಮನಕ್ಹೊ,ಪಾಂಫಿಲಿನಾ ಮನಕ್ಹೊ,ಇಜಿಪ್ತನಾ ವರಿ ಸಿರೆನಾ ಕ್ಹಾಮಾ ಲಿವಿನಾ ಕ್ಹಾಂದಾನಾ ರೊಮ್ನಾ ಮನಕ್ಹೊ ವ್ಹತ್ತಾ.
ACT 2:11 ಧರಮನೆ ಚಾ಼ಲಾಲಾ ಕ್ರೆತ್ಯವಾಲಾ ವರಿ ಅರಬಿ ದೆಶನಾ ಛೆ. ಅಪೊಮಾ ದಕ್ಹಾ ಜ಼ನಾ ಹುಟ್ಟಲತಾಬಿ ಯೆಹುದಿಯೊ ವ್ಹೈ. ಬಾಕಿನಾ ಪರಿವರ್ತನ ವ್ಹಂದಲವಾಲಾ ವ್ಹೈ. ಅಪೆ ಬಿಜಾ಼ ಬಿಜಾ಼ ದೆಶನಾ ವ್ಹೈ. ತೆನೈಸೊ ಎ ಮನಕ್ಹೊ ಬೊಲಾನು ಅಪ್ನಿ ಸ್ವಂತ ಭಾಶಾಮಾ ಅಪೊನೆ ಐಕು ಆವಾಡುಸ! ತ್ಯುನೆ ಕ್ಹುದಾನಾ ಹುತಿ ಕವಾನಿ ಮ್ಹೊಟಿಯೊ ಸಂಗತಿಯೊ ಅಪೊನೆ ಕ್ಹಾರಾವೊನೆ ಗ್ವತ್ತ ಥಾವಾಡುಸ" ಕೈನ ಕದ್ಯಾ.
ACT 2:12 ಕ್ಹಾರಾ ಘಾಬ್ರಾ ಥಯಾ. ತ್ಯುನೆ "ಎ ಸು ಥಾವಾಡುಸ? ಕೈನ ಯಕ್ಕನೆ ಯಕ್ಕ ಪುಚ್ಚಾ಼ಡಾತಾ.
ACT 2:13 ದಕ್ಹಾಜ಼಼ನಾ ಅಪೊಸ್ತಲೊನೆ ದೆಕಿನ ಅಕ್ಹಾತಾ"ಇವ್ನೆ ಘನ್ನು ದ್ರಾಕ್ಷಾ ರಕ್ಹ ಪಿನ ಅಮ್ಮ ಕರಾಡಾಸ" ಕೈನ ಕದ್ರಾಯಾ.
ACT 2:14 ತೆಳಾಮಾ ಪೆತ್ರಾ ಗ್ಯಾರಾ ಜ಼ನಾ ಅಪೊಸ್ತಲೊನಾ ಕ್ಹಾತೆ ಉಟಿನ ಹುಬ್ರಯೊ. ಕ್ಹಾರಾ ಮನಕ್ಹೊನೆ ಘಟ್ಟ ಆವಾಜ಼ಕ್ಹು ಅಮ್ಮ ಕದ್ಯೊ "ಯೆಹುದ್ಯೊ, ಯೆರುಸಲೆಮಮಾ ರ‍್ಹವಾನಾ ಕ್ಹಾರಾ ಮನಕ್ಹೊ, ಮಿ ಕವಾನು ಕಾನ ದಿನ ಐಕೊ. ತುಮೆ ತಿಳ್ದಿಲಿವಾನಿಯೊ ಸಂಗತಿಯೊ ಮಿ ತುಮೊನೆ ಕೌಸ.
ACT 2:15 ತುಮೆ ತಿಳ್ದಿಲಿದಲ ಲಿಂಗತ ಎ ಮನಕ್ಹೊ ನಶಾಮಾ ರ‍್ಹಯಲವಾಲಾ ನ್ಹವೈ. ಹಮ್ನಾ ಪಾಟ್ನಾ ನೌ ವಾಜಾಸ.
ACT 2:16 ತೆನೈಸೊ ಆ ಟೈಮಮಾ ನ್ಹ್ಯಾ ಥಾವಾನಿಯೊ ಸಂಗತಿಯೊನಾ ಹುತಿ ಪ್ರವಾದಿ ಥಯಲ ಯೊವೆಲ ಅಮ್ಮ ಬರ್ದ್ಯೊಸ;
ACT 2:17 ಕ್ಹುದಾ ಅಮ್ಮ ಕವಸ; ಲಾಸ್ಟನಾ ದಿನೊಮಾ ಮಾರಿ ಆತ್ಮಾ ಖಾರಾವೊಪರ ಆವಸ ತೆನೈಸೊ ತುಮಾರಾ ಕ್ಹಾತೆ ರ‍್ಹಯಲ ದಾಣ್ಗಾ ವರಿ ಬಾಕ್ಡಿಯೊ ಪ್ರವಾದನೆ ಕರಸ ವರಿ ಜಾಂಜಿಮಾನೊನೆ ದರ್ಶನ ಥಾವಸ ತುಮಾರಾ ಮ್ಹೊಟಾ ಮನಕ್ಹೊನೆ ಕ್ಹಪನೊ ಪಡಸ
ACT 2:18 ತೆನೈಸೊ ತೆ ದಿನೊಮಾ ಮಿ ಮಾರಾ ದಾಸ ದಾಸಿಯೊನಾ ಉಪ್ಪರ ಮಾರಿ ಆತ್ಮಾ ಘಾಲುಸ. ತ್ಯುನೆ ಪ್ರವಾದನೆ ಕರಸ.
ACT 2:19 ಮಿ ಹಬಾಳ ಪರ ಅದ್ಭುತ ಕಾಮೊ ಕರಿನ ದೆಕಾಡುಸ, ಜಿಮಿನಪರ ಮ್ಹೊಟಾ ಕಾಮೊ ದೆಕೊಶಿ, ರಗತ ಆಗನು ವಾಪಲಿಂಗತ ಧವಾಂಡೊ ದೆಕೊಸಿ
ACT 2:20 ಸುರ‍್ಯೊ ಅಂದಾರೊ ಥಾವಸ,ಚಂದಪ್ಪಾ ರಗತನಾ ರಂಗನೊ ಥಾವಸ
ACT 2:21 ತೆನೈಸೊ ಕರ್ತಾನು ನಾಮ ಕೈಲಿವಾಲಾವೊನೆ ರಕ್ಷಣೆ ಥಾವಸ.
ACT 2:22 ಇಸ್ರಾಯಲನಾ ಮನಕ್ಹೊ ಎ ವಾತೊ ಐಕೊ ಕ್ಹುದಾನಜರೆತನಾ ಯೆಸುನಾ ಮುಲಕ ಕರಲ ಮ್ಹೊಟಾ ಕಾಮೊ ವರಿ ಅದ್ಭುತ ಕಾಮೊನಾ ಮುಲಕ ತೆ ಚೊ಼ಕಿ ತರಾ ದೆಕಾಡಿನ ದಿದ್ಯೊಸ. ಎ ಸಂಗತಿಯೊ ತುಮೆ ಕ್ಹಾರಾ ಜ಼ನಾ ದೆಕ್ಯಾಸ. ತಿನಾಹುತಿ ಎ ಕ್ಹಾರು ಕ್ಹರಿಜ಼ ವ್ಹೈ ಕೈನ ತುಮೊನೆ ಗ್ವತ್ತ ಛೆ.
ACT 2:23 ಯೆಸುನೆ ತುಮೊಕನ ವಪ್ಸಾಯಾ. ತುಮೆ ಕೆಟ್ಟ ಮನಕ್ಹೊನಾ ಮದತಕ್ಹು ತಿನೆ ಶಿಲುಬಿ ಪರ ಘಾಲ್ಯಾ. ತೆನೈಸೊ ಎ ಕ್ಹಾರು ಥಾವಸ ಕವಾನು ಕ್ಹುದಾನೆ ಗ್ವತ್ತ ವ್ಹತ್ತು. ಎ ಕ್ಹುದಾನಿ ಚಿತ್ತ ವ್ಹತ್ತಿ. ಘನ್ನಾ ಟೈಮನಾ ಪಾಚೊ಼ಜ಼ ಎ ಫೈಸ್ಲೊ ಥಯಲ ವ್ಹತ್ತೊ.
ACT 2:24 ಯೆಸು ಮೌತನೊ ತ್ರಾಸ ಖಾದ್ಯೊ. ತೆನೈಸೊ ಕ್ಹುದಾ ತಿನೆ ಛೊಡಾಯೊ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಮೌತನೆಬಿ ಯೆಸುನೆ ಧರಲಿವಾನೆ ಥಯು ನೈ.
ACT 2:25 ದಾವಿದ ಯೆಸುನಾ ವಿಷಯನಾ ಹುತಿ ಅಮ್ಮ ಕದ್ಯೊಸ ಕರ್ತಾ ಹಮೆಶಾಬಿ ಮಾರಾಖಾತೆ ಛೆ ಮಿ ಕೆಳೆಜ ಪಡು ನೈಕೈನ ತೆ ಮಾರಾ ಬಾಜು಼ಮಾ ಛ.
ACT 2:26 ತಿನಾಹುತಿ ಮಾರಾ ಮನಸ್ಮಾ ಖುಶಿ ಥಾವಸ. ಮಾರಿ ಜಿಬ್ ಕೆಳಾಮಾಬಿ ಜೊಸಖು ತಿನೆ ಸ್ತೊತ್ರ ಕವಸ ಮಾರು ಅಂಗ ಕೆಳಾಮಾಬಿ ನಿರಾಸೆ ನೈ ಥಾತು.
ACT 2:27 ಕಾಕದ್ಯಾಮ ತು ಮಾರಿ ಜಿವ ಆತ್ಮಾನೆ ಪಾತಾಳಮಾ ಛೊಡತೊ ನೈ. ತಾರಾ ಮಯಾನಾ ಆಳನೆ ಪಡೆಲ ಜ಼ಗಾ ಪಡಾನೆ ದಿನ ಕ್ಹಡಾನೆ ದಿದ್ಯೊ ನೈ.
ACT 2:28 ತು ಮನೆ ಜ್ಯು ಮಳಾನಿ ವಾಟ ದೆಕಾಡಿನ ದಿದ್ಯೊ ತಾರಾ ಪ್ರಸನ್ನತೆಮಾ ಕ್ಹುಶಿ ಕರೊ.
ACT 2:29 "ಮಾರಾ ಭಾಯೊ ಭೆನ, ಅಪ್ನೊ ಮುಲ ಪಿತೃ ಥಯಲ ದಾವಿದನಾ ವಿಷಯಮಾ ಮಿ ತುಮೊನೆ ಕ್ಹರಿಜ಼ ಕೌಸ. ತೆ ಮರಿ ಗಯೊ ವರಿ ತಿನಿ ಸಮಾದಿ ಥೈ. ತಿನಿ ಸಮಾದಿ ಅಪ್ನಾ ವಚ್ಮಾ಼ ಎ ದಿನ್ನ ಲಕ್ಕಾ ಛೆ.
ACT 2:30 ದಾವಿದ ಯಕ್ಕ ಪ್ರವಾದಿ ವ್ಹತ್ತೊ ವರಿ ‘ತಾರಾ ಘರನಾ ಯಕ್ಲಾನೆ ತಾರಾ ಲಿಂಗತ ರಾಜೊ಼ ಕರುಸ’ ಕೈನ ಕ್ಹುದಾ ತಿನೆ ಕ್ಹಮ್ಮ ಘಾಲಿನ ವಾಗ್ದಾನ ಕರಲ ತಿನೆ ಗ್ವತ್ತ ವ್ಹತ್ತು.
ACT 2:31 ತೆ ಥಾವಾತಿ ಪೈಲಾಜ಼ ದಾವಿದನೆ ಗ್ವತ್ತ ಥಯುತು. ತಿನಾಹುತಿ ದಾವಿದ ಮೌತಮಾತೊ ಜಿವ್ತೊ ಥಾವಾನಾ ಕ್ರಿಸ್ತನಾ ಹುತಿ ತಿನೆ ಪಾತಾಳಮಾ ಛೊಡತಾ ನೈ ತಿನು ಅಂಗ ನೈ ಕ್ಹಡತು ಕೈನ ಕದ್ಯೊ.
ACT 2:32 ತಿನಾಹುತಿ ಕ್ಹುದಾ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಯೆಸುನೆಜ಼ ಅಪೆ ಕ್ಹಾರಾ ಜ಼ನಾ ಸಾಕ್ಷಿಯೊ ಥಯಾಸ.
ACT 2:33 ಯೆಸು ಸ್ವರ್ಗನೆ ಗಯೊ. ಹಮ್ನಾ ಯೆಸು ಕ್ಹುದಾನಾ ಕ್ಹಾತೆ ಛೆ, ಕ್ಹುದಾನಾ ಸಿದಾ ಬಗಲ ಛೆ. ಹಮ್ನಾ ಬಾ (ಕ್ಹುದಾ) ಪವಿತ್ರ ಆತ್ಮಾ ಯೆಸುನೆ ದಿದ್ಯೊಸ. ಪವಿತ್ರ ಆತ್ಮಾ ದಿವ್ಸ ಕೈನ ಕ್ಹುದಾ ವಾಗ್ದಾನ ಕರ‍್ಯೊತೊ. ತಿನಾಹುತಿ ಯೆಸು ಹಮ್ನಾ ತೆ ಆತ್ಮಾನೆ ದಿದ್ಯೊಸ. ತುಮೆ ದೆಕಾನು ವರಿ ಐಕಾನು ಆಜ ವ್ಹೈ.
ACT 2:34 ಸ್ವರ್ಗನೆ ಗಯಲವಾಲೊ ದಾವಿದ ನ್ಹವೈ, ಯೆಸುಜ಼ ವ್ಹೈ. ದಾವಿದಜ಼ ಇನಾ ಹುತಿ ಕವಸ,
ACT 2:35 ಮಿ ತಾರಾ ವಿರೊಧಿಯೊನೆ ತಾರಾ ಪಗನು ಥಳ ಕರೆಲಕ್ಕಾ ತು ಮಾರಾ ಬಾಜು಼ಮಾ ಬೈಟಶಿ ಕೈನ ಕ್ಹುದಾ ಥಯಲ ಕರ್ತಾ ಮಾರಾ ಕರ್ತಾನೆ ಕದ್ಯೊ’ ಕೈನ.
ACT 2:36 "ತಿನಾಹುತಿ ಯೆಹುದಿಯೊ ಕ್ಹಾರಾ ಎ ಕ್ಹರಿಬಿ ತಿಳದಿಲಿವ. ಕ್ಹುದಾ ಯೆಸುನೆ ಪ್ರಭು ಥೈನ ಕ್ರಿಸ್ತ ಥೈನ ಕರ‍್ಯೊಸ. ತುಮೆ ಶಿಲುಬಿ ಪರ ಘಾಲ್ಯಲ ಮನಕ್ಹಜ಼ ತೆ ವ್ಹೈ"
ACT 2:37 ಎ ಐಕಲ ಪರ ತ್ಯಾನಾ ಪುರಾ ಮನಕ್ಹೊ, ತ್ಯುನಾ ಮನಸ್ಸೊಮಾ ಮ್ಹೆಲಿದ್ಯಲವಾಲಾ ಥೈನ ಪೆತ್ರನೆ ವರಿ ತಿನಾ ಕ್ಹಾತೆ ರ‍್ಹಯಲ ಅಪೊಸ್ತಲೊನೆ "ಭಾಯೊ, ಹಮ್ನಾ ಹಮೆ ಸು ಕರು? ಕೈನ ಪುಚ್ಯಾ.
ACT 2:38 ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.
ACT 2:39 ತೆ ವಾಗ್ದಾನ ತುಮೊನೆ ತುಮಾರಾ ಬಚ್ಚಾವೊನೆ ದುರ ರ‍್ಹಯಲ ಮನಕ್ಹೊನೆಬಿ ದಿದಲ ಛೆ. ಅಪ್ನೊ ಕ್ಹುದಾ ಥಯಲ ಪ್ರಭು ತಿಕನ ಬಲಾವಾನಾ ಹರ ಯಕ್ಲಾನೆ ಎ ವಾಗ್ದಾನ ದಿದ್ಯೊಸ" ಕೈನ ಕದ್ಯೊ.
ACT 2:40 ಪೆತ್ರಾ ಹಜು಼ನ ಘನ್ನಾ ವಾತೊಕ್ಹು ತ್ಯುನೊನೆ ಹುಶಾರ ಕರಿನ"ಎ ಕೆಟ್ಟ ಸಂತತಿವಾಲಾಕ್ಹು ಚು಼ಕೈಲಿವೊ" ಕೈನ ಮಾಂಗಿಲಿದ್ಯೊ.
ACT 2:41 ಪೆತ್ರಾನಿ ವಾತೊನೆ ವಪ್ಪಿಲಿದ್ಯಲವಾಲಾ ಬಾಪ್ತಿಸ್ಮ ಕರೈಲಿದ್ಯಾ. ತೆ ದಿನ್ನ ತನ್ನ ಹಜಾ಼ರ ಮನಕ್ಹೊ ತ್ಯಾ ಮಳ್ಯಾತಾ.
ACT 2:42 ಇವ್ನೆ ಅಪೊಸ್ತಲೊನಿ ಬೊಧನೆ ಐಕಾಮಾಬಿ ಭಾಯೊನಾ ಕ್ಹಾತೆ ರೊಕ್ಲೊ ತೊಡಾಮಾಬಿ ಪ್ರಾಥನಾ ಕರಾಮಾ ವ್ಹತ್ತಾ.
ACT 2:43 ಅಪೊಸ್ತಲೊ ಘನ್ನಾ ಚೊ಼ಕಾ ವರಿ ಅದ್ಭುತ ಕಾಮೊ ಕರಾಡಾತಾ; ವರಿ ಹರ ಯಕ್ಲಾನೆ ಕ್ಹುದಾ ಪರ ಭೆ ಐಯು.
ACT 2:44 ಕ್ಹಾರಾ ವಿಶ್ವಾಸಿಯೊ ಮಳಿನ ರ‍್ಹವಾಡಾತಾ. ತ್ಯುನೆ ಹರ ಯಕ್ಕ ವಾಟಿ ಲಿವಾಡಾತಾ.
ACT 2:45 ತ್ಯುನಾ ತ್ಯುನಾ ಆಸ್ತಿಯೊ ಇಕ್ಕಿನ ಆಯೆಲ ದೊಕಡಾಕ್ಹು ಕ್ಹಾರಾವೊನೆ ತ್ಯುನಾ ತ್ಯುನಾ ಜರುರತ್ತಕ್ಹು ವಾಟಿಲಿವಾಡಾತ್ತಾ.
ACT 2:46 ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ.
ACT 2:47 ತ್ಯುನೆ ಕ್ಹುದಾನೆ ಸ್ತುತಿ ಕತಾರ‍್ಹತಾತಾ ವರಿ ಕ್ಹಾರಾ ಮನಕ್ಹೊ ತಿನೆ ಪಸಂದ ಕತಾರ‍್ಹತಾತಾ ದಿನ್ನೆಬಿ ಘನ್ನಾ-ಘನ್ನಾ ಮನಕ್ಹೊ ರಕ್ಷಣೆ ವ್ಹಂದಿಲೆತಾತಾ; ಪ್ರಭು ತ್ಯುನೊನೆ ಕ್ಹಾರಾವೊನೆ ಸಭೆನೆ ಮಳಾತೊತೊ.
ACT 3:1 ಯಕ್ಕ ದಿನ್ನ ಪೆತ್ರಾ ವರಿ ಯೊಹಾನ ದುಪ್ಪಾರನಾ ಟೈಮೆ ತನ್ನ ವಾಸ್ತಾ ಚ಼ಾಲಾನೆ ಪ್ರಾಥನಾನಾ ಹುತಿ ದೆವಾಲಯನೆ ಆಯಾ.
ACT 3:2 ದೆವಾಲಯಮಾ ಜ಼ಾವಾಲಾವೊಕಂತೊ ಭಿಕ ಮಾಂಗಾನಾಹುತಿ ತಿನೆ ದೆವಾಲಯನಾ ಸುಂದರ ದ್ವಾರಬಾಕಲಕನ್ನ ದಿನ್ನೆ ಬೈಟಾಡತಾತಾ.
ACT 3:3 ತೆ ದೆವಾಲಯಮಾ ಜ಼ಾವಾಲಾ ಪೆತ್ರಾ ವರಿ ಯೊಹಾನನೆ ದೆಕಿನ ಭಿಕ ದಿವೊ ಕೈನ ಪುಚ಼್ತಮಾ.
ACT 3:4 ಪೆತ್ರಾ ವರಿ ಯೊಹಾನ ಭಂಬಿಜ಼ನಾ ತಿನೆ ಯಕ್ಕಸಂವಾ ದೆಕಿನ. ಪೆತ್ರಾ "ಹಮೊನೆ ದೆಕ"ಕದ್ಯೊ.
ACT 3:5 ತೆ ತ್ಯುನೊಕ್ಹು ಸುಬಿ ಮಳಸ ಕೈನ ತ್ಯುನೊನೆ ದೆಕ್ಯೊ.
ACT 3:6 ತೆಳಾಮಾ ಪೆತ್ರಾ ಕ್ಹೊನು ರುಪ್ಪುತೊ ಮಕನ ನತ್ತಿ, ಮಕನ ರವಾನು ತುನೆ ದ್ಯುಸ. ನಜರೆತನಾ ಯೆಸು ಕ್ರಿಸ್ತನಾ ನಾಮಪರ ಚಾ಼ಲ ಕದ್ಯೊ
ACT 3:7 ತಿನೆ ಸಿದಾಹತ್ತ ಧರಿನ ಉಟಾಡ್ಯೊ. ತೆಳಾಮಾಜ಼ ತಿನಾ ಪಗೊಮಾ ವರಿ ಗುಡ್ಗಾವೊಮಾ ತಾಕತ ಐ;
ACT 3:8 ತೆ ಜಿ಼ಗ್ದಿನ ಹುಬ್ರೈನ ಚ಼ಾಲ್ಯೊ; ಚ಼ಾಲ್ತೊ ಉಡತೊ ಕ್ಹುದಾನೆ ಸ್ತುತಿ ಕರ‍್ತೊ ತ್ಯುನಾ ಕ್ಹಾತೆ ದೆವಾಲಯಮಾ ಗಯೊ.
ACT 3:9 ತೆ ಚ಼ಾಲಾನು ವರಿ ಕ್ಹುದಾನೆ ‍ಸ್ತುತಿ ಕರಾನು ರ‍್ಹಯಲ ಕ್ಹಾರಾ ಮನಕ್ಹೊ ದೆಕಿನ.
ACT 3:10 ಎ ದೆವಾಲಯನಾ ಸುಂದರ ದ್ವಾರಬಾಕಲಕನ ಬೈಟಿನ ಭಿಕ ಮಾಂಗಾಲೊ ವ್ಹೈ. ಕೈನ ವಳಕಿನ. ತಿನೆ ಥಯಲ ಅದ್ಭುತ ದೆಕಿನ ಘನ್ನಾ ಘಾಬ್ರಾ ಥಯಾ. ಪೆತ್ರಾನು ದೆವಾಲಯಮಾ ಸಂದೆಶ
ACT 3:11 ತೆ ಪೆತ್ರಾ ವರಿ ಯೊಹಾನನೆ ಧರ್ಲಿನಜ಼ ರ‍್ಹತಾಮಾ ಘಾಬ್ರಾ ಥಯಲ ತೆ ಮನಕ್ಹೊ ಕ್ಹಾರಾ ತ್ಯುನೊಕನ ಸೊಲೊಮೊನ ಕವಾನಾ ಮಂಟಪಕನ ರ‍್ಹಯಲ ಪೆತ್ರಾ ವರಿ ಯೊಹಾನಕನ ಗುಂಪ ಗುಂಪ ಥೈನ ನ್ಹಾಟಿನ ಆಯಾ.
ACT 3:12 ಪೆತ್ರಾ ತಿನೆ ದೆಕಿನ ಇಸ್ರಾಯಲನಾ ಮನಕ್ಹೊ, ತುಮೆ ಕಾ ತಿಕ್ಹು ಘಾಬ್ರಾ ಥಾವೊಶಿ? ತುಮೆ ಹಮೊನೆ ಯಕ್ಕಸಂವಾ ದೆಕಾನು ಶಾನೆ ವ್ಹೈ. ಹಮೆ ಸ್ವಂತ ತಾಕತಕ್ಹು ರ‍್ಹವಾದೆ ಕ್ಹುದಾಪರ್ಲಿ ಭಕ್ತಿಕ್ಹು ಇನೆ ಚ಼ಾಲೆಲ ಲಿಂಗತ ಕರ‍್ಯಾಸ ಕೈನ ತಿಳ್ದಿಲಿವೊ ನಕೊ.
ACT 3:13 ಆ ಕಾರ್ಯ ಕರಲ ಹಮೆ ನ್ಹವೈ ಕ್ಹುದಾ ವ್ಹೈ. ಅಬ್ರಹಾಮನೊ ಕ್ಹುದಾ, ಇಸಾಕನೊ ಕ್ಹುದಾ, ವರಿ ಯಾಕೊಬ್ನೊ ಕ್ಹುದಾ. ತೆಜ಼ ಅಪ್ನಾ ಕ್ಹಾರಾ ಪಿತೃವೊನೊ ಕ್ಹುದಾ ವ್ಹೈ. ತೆ ತಿನೊ ಖಾಸ ಸೆವಕ ಥಯಲ ಯೆಸುನೆ ಮಹಿಮಾ ಕರೆಯೆಸ. ತೆನೈಸೊ ತುಮೆ ಯೆಸುನೆ ಖಲಾಸ ಕರಾನೆ ವಪ್ಸಿನ ದಿದ್ಯಾ. ಯೆಸುನೆ ಛೊಡಾನೆ ಪಿಲಾತನ ಫೈಸ್ಲೊ ಕರ‍್ಯೊತೊ. ತೆನೈಸೊ ಪಿಲಾತನನೆ, ಹಮೊನೆ ಯೆಸು ನಕೊ ಕೈನ ಇನ್ಕಾರ‍ ಕರ‍್ಯಾ.
ACT 3:14 ಯೆಸು ಪರಿಶುದ್ಧ ವ್ಹತ್ತೊ ವರಿ ಚೊ಼ಕು ವ್ಹತ್ತೊ. ತೆನೈಸೊ ತುಮೆ ತಿನೆ ಇನ್ಕಾರ‍್ಯಾ. ತಿನಾ ಬದ್ಲಿ ಕಲಾಸ ಕರಲವಾಲಾನೆ ಛೊಡು ಕೈನ ಪಿಲಾತನ ಕನ ಮಾಂಗಿಲಿದ್ಯಾ.
ACT 3:15 ಇಮ್ಮ ತುಮೆ ಜ಼ಲಮ ದಿವಾಲಾನೆ ಖಲಾಸ ಕರಾಯಾಸ! ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಉಟಾಡ್ಯೊ. ಇನೆ ಹಮೆಜ಼ ಸಾಕ್ಷಿಯೊ ವ್ಹೈ.
ACT 3:16 "ತುಮಾರಾ ಡೊಳಾ ಕ್ಹಾಮು ರ‍್ಹವಾನು ಇನಿ ವಳಕ ತುಮೊನೆ ಕ್ಹಾರಾವೊನೆ ಛೆ. ಎ ಅರಾಮ ಥಯಲನೆ ಎ ಯೆಸುನಾ ನಾಮ ಪರ ಮ್ಹೆಲಲ ಬರೊಕ್ಹೊಜ಼ ಕಾರಣ ವ್ಹೈ. ತೆ ನಾಮಜ಼ ಅನೆ ತಾಕತಕ್ಹು ಭರ‍್ಯು. ತಿನಾ ಮುಲಕ ಥಯಲ ಬರೊಕ್ಹೊಜ಼ ಇನೆ ತುಮಾರಾ ಕ್ಹಾಮೊ ಅರಾಮ ಕರ‍್ಯು.
ACT 3:17 "ಭಾಯೊ ತುಮೆ ಕರಲ ರ‍್ಹವಾದೆ, ತುಮೆ ಗ್ವತ್ತ ವಾಚಿ ಯೆಸುನೆ ಇಮ್ಮ ಕರ‍್ಯಾಸ ಕೈನ ಮನೆ ಗ್ವತ್ತ ಛೆ. ತುಮಾರಾ ನಾಯಕೊಬಿ ತಿಳ್ದಿಲಿದ್ಯಾ ನೈ.
ACT 3:18 ಕ್ರಿಸ್ತ ತ್ರಾಸ ಖೈನ ಮರಸ ಕೈನ ಕ್ಹುದಾ ತಿನಾ ಪ್ರವಾದಿಯೊನಾ ಮುಲಕ ಪೈಲಾಜ಼ ಕದಲ ಇಮ್ಮ ಪುರಾ ಕರ‍್ಯೊಸ.
ACT 3:19 ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ.
ACT 3:20 ತೆಳಾಮಾ ಪ್ರಭು ತುಮೊನೆ ಆತ್ಮಿಕನಿ ತಾಕತ ದಿವಸ. ತೆ ಕ್ರಿಸ್ತ ಕೈನ ಇನಿಲಿದಲ ಯೆಸುನೆಜ಼ ತುಮೊನೆ ದಿವಸ.
ACT 3:21 "ತೆನೈಸೊ ಕ್ಹಾರು ಸಿದಾ ಕರಾನೊ ದಿನ್ನ ಆಯೆ ಲಕ್ಕಾ ಯೆಸು ಸ್ವರ್ಗಮಾಜ಼ ರ‍್ಹೌ. ಕ್ಹುದಾ ಘನ್ನಾ ದಿನ್ನನಾ ಪಾಚೊಜ಼ ತಿನಾ ಪವಿತ್ರ ಪ್ರವಾದಿಯೊನಾ ಸಂದೆಶನಾ ಮುಲಕ ಬೊಲಲ ಪರ, ಎ ಕಾಲನಾ ಹುತಿ ಕದ್ಯೊ.
ACT 3:22 ತಿನಾಹುತಿ ಮೊಶೆ ಅಮ್ಮ ಕದ್ಯೊಸ "ತುಮಾರೊ ಕ್ಹುದಾ ಥಯಲ ಪ್ರಭು ತುಮೊನೆ ಯಕ್ಕ ಪ್ರವಾದಿ ದಿವಸ. ತುಮಾರಾ ಭಾಯೊನಾ ವಚ್ಮಾತೊಜ಼ ತೆ ಪ್ರವಾದಿ ಆವಸ. ತೆ ಮಾರಾ ಲಿಂಗತಜ಼ ರ‍್ಹವಸ. ತೆ ಪ್ರವಾದಿ ಕವಾನಿ ಹರಯಕ್ಕನೆಬಿ ತುಮೆ ವಿಧೆಯ ಥೌ.
ACT 3:23 ತಿನೆ ನೈ ವಿಧೆಯ ಥಯಲವಾಲಾ ಕ್ಹುದಾನಾ ಮನಕ್ಹೊಕ್ಹು ಜು಼ದೊ ಕರಿನ ಹಾಳ ಕರಸ.
ACT 3:24 "ಸಮುವೆಲ ವರಿ ತಿಪರ್ತಾ ಆಯಲ ಪ್ರವಾದಿಯೊ ಎ ದಿನೊಮಾ ಥಾವಾನಾ ಹುತಿ ಪೈಲಾಜ ಕದ್ಯಾಸ.
ACT 3:25 ತೆ ಪ್ರವಾದಿಯೊ ಕದಲ ಸಂಗತಿಯೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರಾ ಪಿತೃವೊನಾ ಕ್ಹಾತೆ ಬೊಲಲ ವಾತೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರೊ ಪಿತೃ ಥಯಲ ಅಬ್ರಹಾಮನೆ, ‘ತಾರಿ ಸಂತತಿಕ್ಹು ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊ ಆಶಿರ್ವಾದ ವ್ಹಂದಿಲಿವಸ’ ಕೈನ ಕದ್ಯೊ.
ACT 3:26 ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"
ACT 4:1 ಪೆತ್ರಾ ವರಿ ಯೊಹಾನ ಮನಕ್ಹೊನಾ ಕ್ಹಾತೆ ಬೊಲ್ತಾಮಾ, ದಕ್ಹಾ ಮನಕ್ಹೊ ತ್ಯುನೊಕನ ಆಯಾ. ತ್ಯಾ ದಕ್ಹಾ ಯಾಜಕೊ ವ್ಹತ್ತಾ. ದಕ್ಹಾ ಸದ್ದುಕಾಯರೊ ವ್ಹತ್ತಾ ವರಿ ದೆವಾಲಯ ಕೈದಾಲಾ ಸೈನಿಕೊನೊ ಅಧಿಪತಿ ವ್ಹತ್ತೊ.
ACT 4:2 ಎ ಭಂಬಿ ಅಪೊಸ್ತಲೊ ಮನಕ್ಹೊನೆ ಉಪದೆಶ ಕರಾನು ದೆಕಿನ ತ್ಯುನೆ ಶಿಟ್ಟ ಥಯಾತಾ. ಯೆಸುನಿ ತಾಕತಕ್ಹು ಮನಕ್ಹೊ ಪುನರುತ್ಥಾನ ಥಾವಸ ಕೈನ ಪೆತ್ರಾ ವರಿ ಯೊಹಾನ ಕವಾಡಾತಾ.
ACT 4:3 ಯೆಹುದಿಯೊನಾ ನಾಯಕೊ ಪೆತ್ರಾ ವರಿ ಯೊಹಾನನೆ ಧರಿನ ಮರ್ನಾ ದಿನ್ನ ಲಕ್ಕಾ ಜೆಲ್ಮಾ ಘಾಲ್ಯಾ.
ACT 4:4 ತೆನೈಸೊ ಪೆತ್ರಾ ವರಿ ಯೊಹಾನನಿ ಬೊಧನೆ ಐಕಿನ ಘನ್ನಾ ಮನಕ್ಹೊ ಬರೊಕ್ಹೊ ಕರ‍್ಯಾ. ತೆಳಾಮಾ ತೆ ಪಂಚಾತಿಮಾ ವಿಶ್ವಾಸಿಯೊ ಥಯಲ ದಾಣ್ಗಾವೊನಾ ಇಸಾಬ ಪಾಂಚ಼ ಹಜಾ಼ರನೆ ಚ಼ಡ್ಯು.
ACT 4:5 ಮರ್ನಾ ದಿನ್ನೆ ಯೆಹುದಿ ನಾಯಕೊ, ಯೆಹುದಿನಾ ಮ್ಹೊಟಾ ಶಾನಾ ನಾಯಕೊ ವರಿ ಧರಮ ಶಿಕ್ಲಾವಾನಾ ಯೆರುಸಲೆಮಮಾ ಸಭೆ ಥೈನ ಮಳ್ಯಾತಾ.
ACT 4:6 ತ್ಯಾ ಮ್ಹೊಟೊ ಯಾಜಕ ಅನ್ನಸ, ಕಾಯಫ,ಯೊಹಾನ ವರಿ ಅಲೆಕ್ಸಾಂಡರ ವ್ಹತ್ತಾ. ಮ್ಹೊಟಾ ಯಾಜಕನಾ ಘರವಾಲಾ ಕ್ಹಾರಾ ಜ಼ನಾ ತ್ಯಾ ವ್ಹತ್ತಾ.
ACT 4:7 ತ್ಯುನೆ ಪೆತ್ರಾ ಯೊಹಾನನೆ ತ್ಯಾ ರ‍್ಹಯಲ ಕ್ಹಾರಾ ಮನಕ್ಹೊನಾ ಕ್ಹಾಮಾ ಹುಬ್ರಾಡ್ಯಾ. ಯೆಹುದಿ ನಾಯಕೊ ತ್ಯುನೊನೆ "ತುಮೆ ಎ ಲಂಗ್ಡಾನೆ ಕಿಮ್ಮ ಅರಾಮ ಕರ‍್ಯಾ? ತುಮೆ ಕೈ ತಾಕತ ಉಪಯೊಗ ಕರ‍್ಯಾ? ಎ ಕಿನಾ ಅದಿಕಾರಕ್ಹು ಕರ‍್ಯಾಸ? ಕೈನ ಪುಚ್ಯಾ.
ACT 4:8 ತೆಳಾಮಾ ಪೆತ್ರಾ, ಪುರಾ ಪವಿತ್ರ ಆತ್ಮಾಕ್ಹು ಭರ‍್ಯೊ. ತೆ ತ್ಯುನೊನೆ "ಮನಕ್ಹೊಪರ ಮ್ಹೊಟಾ ರ‍್ಹಯಲವಾಲಾ ವರಿ ಶಾನಾವೊ,
ACT 4:9 ಎ ಲಂಗ್ಡಾನೆ ಥಯಲ ಚೊ಼ಕಾನಾ ಹುತಿ ತೆ ಕಿಮ ಅರಾಮ ಥಯೊ ಕೈನ ತುಮೆ ಹಮೊನೆ ಪುಚಾ಼ಡಾಸ ಸು,
ACT 4:10 ನಜರೆತನಾ ಯೆಸು ಕ್ರಿಸ್ತನಾ ನಾಮಕ್ಹು ಎ ಮನಕ್ಹನೆ ಅರಾಮ ಥಯುಸ ಕವಾನು ತುಮೆ ವರಿ ಇಸ್ರಾಯೆನಾ ಕ್ಹಾರಾ ಮನಕ್ಹೊ ತಿಳ್ದಿಲಿವ ಕೈನ ಮಿ ಆಸ ಕರುಸ! ತುಮೆ ಯೆಸುನೆ ಶಿಲುಬಿ ಪರ ಘಾಲ್ಯಾ. ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಎ ಮನಕ್ಹ ಲಂಗ್ಡೊ ವ್ಹತ್ತೊ, ತೆನೈಸೊ ಹಮ್ನಾ ಎ ಅರಾಮ ಥಯೊಸ ವರಿ ಯೆಸುನಾ ನಾಮಕ್ಹು ತುಮಾರಾ ಕ್ಹಾಮೊಜ಼ ಹುಬ್ರಯೊಸ!
ACT 4:11 ಘರ ಭಾಂದಾಲಾ ತುಮೆ ನಕೊ ಕೈನ ಛೊಡ್ಯಲ ದಗ್ಡೊಜ಼ ಯೆಸು ವ್ಹೈ.
ACT 4:12 ರಕ್ಷಣೆ ಯೆಸುಕ್ಹುಜ಼ ವ್ಹೈ ಬಿಜಾ಼ ಕಿಕನಜ಼ ನೈ ಮಳ್ತು. ತಿನಾ ನಾಮಕ್ಹುಜ಼ ನೈಸೊ ಹಬಾಳನಾ ಹೆಟಾ ರ‍್ಹಯಲ ಮನಕ್ಹೊನೆ ದಿದಲ ಬಿಜಾ಼ ಕಯಾ ನಾಮಕ್ಹುಬಿ ಅಪೊನೆ ರಕ್ಷಣೆ ನೈ ಥಾತು" ಕೈನ ಕದ್ಯೊ.
ACT 4:13 ಪೆತ್ರಾ ವರಿ ಯೊಹಾನನೆ ಖಾಸ ಕಯಿಬಿ ತರಬೆತಿ ಗ್ಯಾನ ರ‍್ಹವಾದೆ ನತ್ತಿ ಕವಾನು ಯೆಹುದಿಯೊನಾ ನಾಯಕೊನೆ ಗ್ವತ್ತ ವ್ಹತ್ತು. ತೆನೈಸೊ ತ್ಯುನೆ ಭುಚಕ್ಯಾವಾಚಿ಼ ಬೊಲಾನುಬಿ ನಾಯಕೊ ದೆಕಾಡಾತಾ. ತಿನಾಹುತಿ ಎ ನ್ಯಾಯಕೊ ಘನ್ನಾ ಘಾಬ್ರಾ ಥಯಾ. ಪೆತ್ರಾ ವರಿ ಯೊಹಾನ ಯೆಸುನಾ ಕ್ಹಾತೆ ವ್ಹತ್ತಾ ಕಾವಾನು ಎ ಥಯಲಪರ ಗ್ವತ್ತ ಥಯು.
ACT 4:14 ಎ ಭಂಬಿ ಅಪೊಸ್ತಲೊನಾ ಬಾಜು಼ಮಾ ಹುಬ್ರಾಯಲ ಅರಾಮ ಥಯಲ ಲಂಗ್ಡಾನೆ ತ್ಯುನೆ ದೆಕ್ಯಾ. ತಿನೆ ಅರಾಮ ಥಯಲ ತ್ಯುನೆ ದೆಕ್ಯಾ. ತಿನಾಹುತಿ ಅಪೊಸ್ತಲೊನಾ ವಾತೊನಾ ವಿರುದ್ಧ ತ್ಯುನೆ ಸುಜ಼ ಕವಾನೆ ಥಯು ನೈ.
ACT 4:15 ಯೆಹುದಿ ನಾಯಕೊ ಅಪೊಸ್ತಲೊನೆ ಸಭೆತಾ ಭಾರಾ ಮೊಕ್ಲಿನ,
ACT 4:16 "ಇವ್ನೊನೆ ಅಪೆ ಸು ಕರಿಯೆ? ಇವ್ನೆ ಮ್ಹೊಟಾ ಅದ್ಭುತ ಕಾಮೊ ಕರಾನು ಯೆರುಸಲೆಮಮಾ ರ‍್ಹಯಲ ಹರಯಕ್ಕನೆ ಗ್ವತ್ತ ಛೆ. ಎ ಅದ್ಭುತ ಕಾಮೊ ಕರೆಟ್ಟ ರ‍್ಹಯಲ ಹುತಿ ತಿನೆ ಮಾಂಡ್ಯಾ ವ್ಹೈ ಕೈನ ಕವಾನೆ ನೈ ಥಾತು.
ACT 4:17 ತೆನೈಸೊ ತೆ ಮನಕ್ಹನಾ ಹುತಿ ಮನಕ್ಹೊನೆ ಕಯೆ ನೈಸೊ ಅಪೆ ತ್ಯುನೊನೆ ಭುಚ್ಕಾಡು. ತೆಳಾಮಾ ಎ ಸಮಾಚಾರ ಮನಕ್ಹೊನಾ ವಚ್ಮಾ಼ ಫೈಲ್ತಿ ನೈ" ಕೈನ ತ್ಯುನೆ ಬೊಲಿಲಿದ್ಯಾ.
ACT 4:18 ತಿನಾಹುತಿ ಯೆಹುದಿ ನಾಯಕೊ ಪೆತ್ರಾ ವರಿ ಯೊಹಾನನೆ ಮ್ಹೈ ಬಲೈನ, ಯೆಸುನಾ ನಾಮಪರ ಸುಜ಼ ಕೌ ನೈ ಕೈನ, ಸುಜ಼ ಬೊದನೆ ಕರು ನೈ ಕೈನ ತಾಕಿತ ಕರ‍್ಯಾ.
ACT 4:19 ತಿಮ್ಮ ಕತಾಮಾ ಪೆತ್ರಾ ವರಿ ಯೊಹಾನ ತ್ಯುನೊನೆ "ಹಮೆ ತುಮೊನೆ ವಿದೆಯ ಥಯೆ ಸು ಕ್ಹುದಾನೆ ವಿದೆಯ ಥಯೆ? ಇಮಾ ಕಯು ಕ್ಹುದಾನೆ ಚಾ಼ಯೆ ಥಯಲ ವ್ಹೈ? ತುಮೆಜ಼ ಕವೊ.
ACT 4:20 ಹಮೆತೊ ಗಪ್ಪ ನೈ ರ‍್ಹೆ ಸಕ್ತಾ. ಹಮೆ ದೆಕಲ ವರಿ ಐಕಲ ಸಂಗತಿಯೊನಾ ಹುತಿ ಮನಕ್ಹೊನೆ ಕೌಜ಼" ಕೈನ ಉತ್ತರ ದಿದ್ಯಾ.
ACT 4:21 ಯೆಹುದಿ ನಾಯಕೊನೆ ಅಪೊಸ್ತಲೊನೆ ಶಿಕ್ಷಾ ದಿವಾನೆ ಕಯಿಜ಼ ವಾಟ ದಿಕ್ಹಿ ನೈ, ಕಾಕದ್ಯಾಮ, ಥಯಲ ಕಾಮೊನಾ ಹುತಿ ಮನಕ್ಹೊ ಕ್ಹಾರಾ ಕ್ಹುದಾನೆ ಸ್ತುತಿ ಕರಾಡಾತಾ.
ACT 4:22 ಎ ಸುಚಕ ಕಾಮೊಕ್ಹು ಅರಾಮ ಥಯಲ ಮನಕ್ಹೊನಿ ವೈಸ ಚಾ಼ಳಕ್ಹತಿಬಿ ಜಾಸ್ತ ವೈಸ ವ್ಹತ್ತಿ! ತಿನಾಹುತಿ ಯೆಹುದಿ ನಾಯಕೊ ಅಪೊಸ್ತಲೊನೆ ವರಿ ತಾಕಿತ ಕರಿನ ವಳೈ ಪಡ್ಯಾ.
ACT 4:23 ಪೆತ್ರಾ ವರಿ ಯೊಹಾನ ಯೆಹುದಿಯೊನಾ ನಾಯಕೊ ತ್ಯುನೊನೆ ಛೊಡ್ತಾಮಾ ತ್ಯುನೆ ಸಭೆತಾ ಗೈನ ತ್ಯುನಿ ಸಮುದಾಯನೆ ಗಯಾ. ಮ್ಹೊಟಾ ಯಾಜಕೊ ವರಿ ಯೆಹುದಿಯೊನಾ ಶಾನಾ ನಾಯಕೊ ತ್ಯುನೊನೆ ಕದಲ ಹರಯಕ್ಕ ತ್ಯುನೆ ತ್ಯುನಿ ಸಮುದಾಯಮಾ ತಿಳ್ಸಾಯಾ.
ACT 4:24 ಎ ಐಕಲಪರ ವಿಶ್ವಾಸಿಯೊ ಯಕ್ಕ ಮನಸ್ಸಕ್ಹು ಕ್ಹುದಾನೆ ಝೊರ ಪ್ರಾಥನಾ ಕರ‍್ಯಾ; "ಮಾಲಕ, ಹಬಾಳನೆ ಜಿಮಿನನೆ ಸಮುಂದರನೆ ವರಿ ದುನಿಯಾಮಾ ರ‍್ಹವಾನು ಹರಯಕ್ಕನೆ ಸೃಷ್ಟಿ ಕರಲವಾಲೊ ತುಜ಼಼ ವ್ಹೈ.
ACT 4:25 ಹಮಾರೊ ಪಿತೃ ಥಯಲ ದಾವಿದ ತಾರೊ ಸೆವಕ ವ್ಹತ್ತೊ. ತೆ ಪವಿತ್ರ ಆತ್ಮಾನಾ ಮದತಕ್ಹು ಎ ವಾತೊ ಬರ್ದ್ಯೊಸ;
ACT 4:26 ಭುಲೊಕನಾ ರಾಜಾ಼ ಜಾ಼ವಾನೆ ತಯ್ಯಾರ ಛೆ;
ACT 4:27 ಕ್ಹರಿಬಿ ತಿನಾ ಲಿಂಗತ ಥಯು ಹೆರೊದನೊ ರಾಜೊ಼, ಪೊಂತಿಯಸ ಪಿಲಾತನ, ಸಂತತಿಯೊ ವರಿ ಇಸ್ರಾಯಲ ಗಾಮತಾ ಕ್ಹಾರಾ ಮಳಿನ ಯೆಸುನೆ ವಿರೊದ ಕರಲ ಪರ ಎ ಸಂಗತಿಯೊ ಕ್ಹರಿಜ಼ ಥಯಾ. ಕ್ರಿಸ್ತ ಥಯಲ ಯೆಸು ತಾರೊ ಪವಿತ್ರ ಸೆವಕ ಥಯೊಸ. ತು ತಿನೆ ಅಭಿಷೆಕ ಕರ‍್ಯೊಸ.
ACT 4:28 ಯೆಸುನೆ ವಿರುದ್ಧ ಥೈನ ಮಳಿನ ಆಯಲ ಎ ಮನಕ್ಹೊ ತಾರಿ ವಿಚಾರ ಪುರಾ ಥಾಯೆ ಲಿಂಗತ ಕರ‍್ಯಾ. ತಾರಿ ತಾಕತಕ್ಹು ತಾರಿ ಚಿತ್ತಕ್ಹು ಎ ಥಯು.
ACT 4:29 ಪ್ರಭು, ತ್ಯುನೆ ಕವಾನು ಐಕ. ತ್ಯುನೆ ಹಮೊನೆ ಭುಚ್ಕಾಡಾನೆ ಕೊಶಿಶ ಕರಾಡಾಸ! ಪ್ರಭು ಹಮೆ ತಾರಾ ಸೆವಕೊ ವ್ಹೈ. ತಾರಿ ವಾಕ್ಯಾ ಭೆ ವಾಚಿ ಕವಾನೆ ತುಜ಼಼ ಹಮೊನೆ ಮದತ ಕರ.
ACT 4:30 ತಾರೊ ಹತ್ತ ಅಗೊ ಕರಿನ ಯೆಸುನಾ ನಾಮನಾ ಮುಲಕ ರೊಗಿಯೊನೆ ಅರಾಮ ಕರ; ಸುಚಕ ಕಾಮೊ ಅದ್ಭುತ ಕಾಮೊ ಕರ" ಕೈನ ತ್ಯುನೆ ಪ್ರಾಥನಾ ಕರ‍್ಯಾ.
ACT 4:31 ಇಮ್ಮ ವಿಶ್ವಾಸಿಯೊ ಪ್ರಾಥನಾ ಕರ‍್ತಾಮಾ, ತ್ಯುನೆ ಸಭೆ ಮಳಲ ಜ಼ಗಾ ಹಲ್ಯು. ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರಿನ ವರಿ ಕ್ಹುದಾನಿ ವಾಕ್ಯಾ ಭೆ ವಾಚಿ ಕದ್ಯಾ.
ACT 4:32 ವಿಶ್ವಾಸಿಯೊನು ಮನಸ್ಸ ಜ಼ಲಮ ಯಕ್ಕಜ಼ ವ್ಹತ್ತು. ಸಮುದಾಯಮಾ ರ‍್ಹಯಲ ಕುನ್ನಬಿ ರ‍್ಹೈನಕಾ ತಿಕನ ರ‍್ಹಯಲ ಕ್ಹಾರು ತಿನು ವ್ಹೈ ಕೈನ ಕವಾಡಾ ನ್ಹೊತಾ. ತಿನಿ ಜ಼ಗಾ, ತ್ಯುನೆ ಹರಯಕ್ಕನೆ ವಾಟಿಲಿವಾಡಾತಾ.
ACT 4:33 ಪ್ರಭು ಥಯಲ ಯೆಸು ಕ್ಹರಿಬಿ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊಸ ಕೈನ ಅಪೊಸ್ತಲೊ ಘನ್ನಾ ಜೊ಼ರೆ ಮನಕ್ಹೊನೆ ಕವಾಡಾತಾ. ಕ್ಹುದಾ ವಿಶ್ವಾಸಿಯೊ ಕ್ಹಾರಾವೊನೆ ಘನ್ನೊ ಆಶಿರ್ವಾದ ಕರ‍್ಯೊ.
ACT 4:34 ತ್ಯುನೆ ಕ್ಹಾರಾವೊನಾ ಜ಼ರುರತೊ ಪುರಾ ಥಾವಾಡಾತಾ. ಜ಼ಗಾ ವರಿ ಘರೊ ರ‍್ಹಯಲ ಹರಯಕ್ಲಾ ತೆ ಇಕ್ಕಿನ,
ACT 4:35 ಆಯಲ ದೊಕ್ಡಾ ಅಪೊಸ್ತಲೊನಾ ಹತೊಮಾ ದೆತಾತಾ.. ಪಾಚಾ಼ತಾ ತೆ ಹರಯಕ್ಲಾನೆ ತಿನಾ ತಿನಾ ಜ಼ರುರತ ಲಿಂಗತ ವಾಟಿಲೆತಾತಾ.
ACT 4:36 ತೆ ವಿಶ್ವಾಸಿಯೊಮಾ ಯೊಸೆಫ ಕವಾಲೊ ವ್ಹತ್ತೊ. ಅಪೊಸ್ತಲೊ ತಿನೆ ಬಾರ್ನಬ ಕೈನ ಬಲಾತಾತಾ. ಬಾರ್ನಬ ಕದ್ಯಾಮ ‘ಧೈರೈವಾಲೊ’ ಸೈಪ್ರಸ್ಮಾ ಹುಟ್ಟಲ ಎ ಲೆವಿ ವ್ಹತ್ತೊ.
ACT 4:37 ಯೊಸೆಫನೆ ಯಕ್ಕ ಖೆತರ ವ್ಹತ್ತು. ತೆ ತಿನೆ ಇಕ್ಕಿನ ಆಯಲ ದೊಕ್ಡಾ ಅಪೊಸ್ತಲೊನಾ ಹತೊಮಾ ಮ್ಹೆಲ್ಯೊ.
ACT 5:1 ಅನನಿಯ ಕವಾಲೊ ಯಕ್ಲೊ ವ್ಹತ್ತೊ. ತಿನಿ ಬೈಕೊನು ನಾಮ ಸಫೈರಳ ವ್ಹೈ. ಅನನಿಯ ತಿಕನ ರ‍್ಹಯಲ ದಕ್ಹಿ ಜಿಮಿನ ಇಕ್ಯೊ.
ACT 5:2 ತೆನೈಸೊ, ಆಯಲ ದೊಕ್ಡಾಮಾ ಯಕ್ಕ ಭಾಗ ತೆ ಅಪೊಸ್ತಲೊನಾ ಪಗೊ ಕನ ಮ್ಹೆಲ್ಯೊ. ತೆ ದಕ್ಹಾ ದೊಕ್ಡಾ ತಿನಾಹುತಿ ಝಾಕಿನ ಮ್ಹೆಲ್ಯೊ. ತಿನಿ ಬೈಕೊನೆ ತೆ ಕ್ಹಾರು ಗ್ವತ್ತ ವ್ಹತ್ತು. ತಿನೆ ತೆ ವಪ್ಪಿಲಿದಿತಿ.
ACT 5:3 ಪೆತ್ರಾ"ಅನನಿಯ, ತಾರು ಮನಸ್ಸ ಆಳಾನೆ ತು ಸೈತಾನನೆ ವಪ್ಸಿನ ಕಾ ದಿದ್ಯೊಸ? ತು ಸುಳ್ಳ ಕೈನ, ಪವಿತ್ರ ಆತ್ಮಾನೆ ಮೊಸ ಕರಾನೆ ಕೊಶಿಶ ಕರ‍್ಯೊಸ. ತು ತಾರಿ ಜಿಮಿನ ಇಕ್ಯೊ, ತೆನೈಸೊ ಆಯಲ ದೊಕ್ಡಾಮಾ ಯಕ್ಕ ಭಾಗ ತು ತಾರಾ ಹುತಿ ಮ್ಹೆಲಿದಲ ಕಾ ವ್ಹೈ?
ACT 5:4 ತು ಜಿಮಿನ ಇಕಾತ್ತಿ ಅಗ್ದುರಜ಼ ತೆ ತಾರಿ ಥೈತಿ. ತು ಇಕ್ಕಲ ಪರಬಿ ಆಯಲ ದೊಕ್ಡಾ ತಾರಾ ಥಯತಾ. ಎ ಕೆಟ್ಟ ಕಾಮೊ ಕರಾನೆ ತು ಕಾ ವಿಚಾರ ಕರ‍್ಯೊ? ತು ಸುಳ್ಳ ಕದಲ ಕ್ಹುದಾನೆ ವ್ಹೈ ಮನಕ್ಹೊನೆ ನ್ಹವೈ ಕದ್ಯೊ.
ACT 5:5 ಅನನಿಯಾ ಆ ಐಕಲ ಪರಬಿ ತೆಳಾಮಾ ಹೆಟೊ ಪಡಿನ ಮರಿ ಗಯೊ. ಎ ಸುದ್ದಿ ಐಕಿನ ಹರಿಯಕ್ಕಲೊ ಭುಚ್ಕಾ಼ ವರಕ್ಹಾ ಥಯಾ.
ACT 5:6 ದಕ್ಹಾ ಜಾಂಜಿಮಾನೊ ಐನ ತಿನು ಅಂಗ ಪ್ಹಡ್ಕಾಮಾ ಸುತ್ತಿನ ತ್ಯುನೆ ತೆ ಅಂಗನೆ ಉಚೈಲಿನ ಮಜಾ಼ರಮಾ ಮ್ಹೆಲ್ಯಾ.
ACT 5:7 ಕಮ್ಸೆ ಕಮ ತನ್ನ ವಾಸ್ತಾ ಥಯಲ ಪರ ತಿನಿ ಬೈಕೊ ಥಯಲ ಸಪೈಲರ ಮ್ಹೈ ಐ. ಥಯಲ ಸಂಗತಿಯೊನಾ ಹುತಿ ಸಪೈಲರ ನೆ ಗೊತ್ತ ನೊತು.
ACT 5:8 ಪೆತ್ರಾ ತಿನೆ "ತುಮಾರಿ ಜ಼ಮಿನಕ್ಹು ತುಮೊನೆ ಕೆಕ್ಲಾದೊಕ್ಡಾ ಆಯಾತಾ. ಕ್ಹರಿಮಾಜ಼ ಅಕ್ಲಾಜ಼ ದೊಕ್ಡಾ ವ್ಹೈಸು? ಕದ್ಯೊ. ಸಫೈಲರ "ಹೊ, ತೆಕ್ಲಾಜ಼ ವ್ಹೈ ಕದಿ.
ACT 5:9 ತೆಳಾಮಾ ಪೆತ್ರಾ ತಿನೆ ತು ವರಿ ತಾರೊ ಮಾಟಿ ಪ್ರಬುನಿ ಆತ್ಮನೆ ಪರಿಕ್ಷಾ ಲಿವಾನೆ ಕಾ ವಪ್ಪಿಲಿದ್ಯಾ? ದೆಕ ತಾರಾ ಮಾಟಿನೆ ಸಮಾದಿ ಕರಿನ ಐಯಲ ಮನಕ್ಹೊ ಬಾಕಲ ಕನ ಆಯಾಸ ತ್ಯುನೆ ತುನೆ ತಿನಾ ಲಿಂಗತಜ಼ ಉಚೆ಼ಲಿನ ಜಾ಼ವಸ ಕದ್ಯೊ.
ACT 5:10 ತೆಳಾಮಾಜ಼ ಸಫೈಲರ ತಿನಾ ಪಗೊಕನ ಪಡಿನ ಜ಼ಲಮ ಛೊಡಿ ತೆ ಜಾ಼ಂಜಿಮಾನೊ ಮ್ಹೈ ಐನ ದೆಕ್ತಾಮಾ ತೆ ಮರಿ ಗೈತಿ ತ್ಯುನೆ ತಿನೆ ಉಚೈಲಿನ ಗೈನ ತಿನಾ ಮಾಟಿನಾ ಬಾಜು಼ಮಾ ಬುರ‍್ಯಾ.
ACT 5:11 ಎ ಸಂಗಯೊತಿನಾ ಹುತಿ ಸಬೆನಾ ಕ್ಹಾರಾ ಮನಕ್ಹೊ ವರಿ ಐಕಲ ಕ್ಹಾರಾಜ಼ನಾ ಭುಚ್ಕಾ಼ ವರಕ್ಹಾ ಥಯಾ.
ACT 5:12 ಅಪೊಸ್ತಲೊ ಕೆಕ್ಲಾಕಿ ಸುಚಕ ಕಾಮೊ ಅಬ್ದುತ ಕಾಮೊ ಕರ‍್ಯಾ ಮನಕ್ಹೊ ಕ್ಹಾರಾ ತೆ ಕಾಮೊ ದೆಕ್ತಾತಾ. ವರಿ ಅಪೊಸ್ತಲೊ ಮಳಿನ ಸೊಲೊಮೊನಾ ಮಂಟಪಮಾ ರ‍್ಹತಾತಾ.
ACT 5:13 ತ್ಯುನಾ ಕ್ಹಾತೆ ಹುಬ್ರವಾನೆ ಬಿಜು಼ ಕಿನೆಜ಼ ಧೈರ್ಯ ಥೈ ನೈ ರ‍್ಹೈತಬಿ ಮನಕ್ಹೊ ಕ್ಹಾರಾ ಅಪೊಸ್ತಲೊನಾ ಹುತಿ ಚೊ಼ಕಿಯೊ ಸಂಗತಿಯೊ ಕವಾಡಾತಾ.
ACT 5:14 ತೆನೈಸೊ ಘನ್ನಾ ಮನಕ್ಹೊ ಗುಂಪಮಾ ಮಳಿನ ಆತಾತಾ ವರಿ ದಾಣ್ಗಾ ಬಾಕ್ಡಿಯೊ ಕರ್ತಾಪರ ಬರೊಕ್ಹೊ ಮ್ಹೆಲಿನ ತ್ಯುನಾ ಕ್ಹಾತೆ ಶಾಮಿಲ ಥಯಾ.
ACT 5:15 ಇಮ್ಮ ರ‍್ಹತಾಮಾ ಅಪೊಸ್ತಲೊನಿ ಸುದ್ದಿ ಐಕಿನ ಮನಕ್ಹೊ ಕ್ಹಾರಾ ಅರಾಮ ನೈಸೊ ವಾಲಾವೊನೆ ಪಲಂಗನಾ ಕ್ಹಾತೆ ವರಿ ವಚ್ಚಾನಾನಾ ಕ್ಹಾತೆಜ಼ ಉಚೈ ಲೈನ ತ್ಯುನಿ ಜಾ಼ವಾನಿ ವಾಟಪರ ಲೈ ಪಡತಾತಾ ಕಾಕದ್ಯಾಮ ಪತ್ರಾನಿ ಛೌಲಿ ಪಡ್ಯಾಮ ಅರಾಮ ಥಾವಸ ಕೈನ ತ್ಯುನೊನೆ ಬರೊಕ್ಹೊ ವ್ಹತ್ತೊ..
ACT 5:16 ಜೆರುಸಲೆಮನಾ ಸುತ್ತೆ ಮುತ್ತೆನಾ ಗಾಮೊ ಮಾತಾ ಮನಕ್ಹೊ ಆವಾಡಾತಾ. ತ್ಯುನೆ ರೊಗ್ಯೊನೆ ಭುತ್ಡಾ ದರಲ ವಾಲಾವೊನೆ ಉಚೈಲಿನ ಆವಾಡಾತಾ. ಎ ಕ್ಹಾರಾ ಮನಕ್ಹೊನೆ ಅರಾಮ ಥಯ್ಯೊ.
ACT 5:17 ಪ್ರದಾನ ಯಾಜಕೊ ವರಿ ತ್ಯುನಾ ದೊಸ್ತೊ ಕ್ಹಾರಾ ಸದ್ದುಕಾಯೊ ಅಪೊಸ್ತಲೊ ಕಾಮೊನಾ ಹುತಿ ಸಂಗಟ ಘಾಲಿದ್ಯಾ ವರಿ ತ್ಯುನೊನೆ ಸುಬಿ ಕರು ಕೈನ ವಿಚಾರ ಕರಲಿದ್ಯಾ
ACT 5:18 ತ್ಯುನೆ ಅಪೊಸ್ತಲೊನೆ ಧರೈನ ಜೆಲಮಾ ಘಾಲ್ಯಾತಾ.
ACT 5:19 ತೆನೈಸೊ ಕರ್ತಾನೊ ದುತ ರಾತೆ ಜೆಲನಾ ಬಾಕ್ಲೊ ಖುಲ್ಲಾ ಕರಿನ ತ್ಯುನೊನೆ ಭಾರೊ ಬಲೈಲೈನ,
ACT 5:20 "ಗೈನ ದೆವಾಲಯಮಾ ಹುಬರೈನ. ಯೆಸುಮಾ ರ‍್ಹಯಲ ಎ ನವಿ ಜಿವಿತನಾ ಹುತಿ ಹರಿ ಯಕ್ಕ ಮನಕ್ಹೊನೆ ಕವೊ" ಕದ್ಯೊ.
ACT 5:21 ತೆನೈಸೊ ತ್ಯುನೆ ಪಾಟ್ಟೆ ದೆವಾಲಯನೆ ಗೈನ ಉಪದೆಶ ಕರಾಡಾತಾ. ತ್ಯುನೆ ಉಪದೆಶ ಕರಾನು ಐಕಿನ ಮಹಾ ಯಾಜಕೊ ವರಿ ತ್ಯುನಾ ಕ್ಹಾತೆ ರ‍್ಹಯಲ ಸಬೆನಾ ಮ್ಹೊಟಾ ಮನಕ್ಹೊ ಸಬೆನೆ ವರಿ ಇಸ್ರಾಯೆಲನಾ ಶ್ಯಾನಾವೊನೆ ಮಳೈನ ತ್ಯುನೊನೆ ವರಿ ಜೆಲಮಾತಾ ಬಲೈಲೌ ಕೈನ ಜೆಲೆ ವಳಾಯಾ.
ACT 5:22 ಸಿಪಾಯೊ ಅಪೊಸ್ತಲೊ ಜೆಲಮಾ ನೈ ರ‍್ಹಯಲ ದೆಕಿನ ಕವಾನೆ ಫರಿನ ಆಯಾ.
ACT 5:23 ಜೆಲನಾ ಕ್ಹಾರಾ ಬಾಕಲೊ ಘಾಲೆಲ ವ್ಹತ್ತಾ ವರಿ ಜೆಲನೆ ಕಾಯ್ದಾಲಾ ಘನ್ನಾ ಹುಶಾರಕ್ಹು ವ್ಹತ್ತಾ ಸಿಪಾಯೊ ಜೆಲನಾ ಬಾಕಲೊ ಕಾಡ್ತಾಮಾ ತ್ಯಾ ಯಕ್ಲೊಬಿ ನ್ಹೊತೊ ಕೈನ ಐನ ಕವಸ.
ACT 5:24 ದೆವಾಲಯನಾ ಅದಿಕಾರಿಯೊ ವರಿ ಮಹಾಯಾಜಕೊ ಆ ಕ್ಹಾರು ಐಕಿನ ಸು ಥೈಯು ಗಯುಸ ಕೈನ ಘಾಬ್ರಾ ಥಾಯಾ.
ACT 5:25 ಪಾಚಾ಼ ತು ಬಿಜೆಕ್ಲೊ ಐನ ತ್ಯುನೊನೆ"ಐಕಿನ! ತುಮೆ ಸೆರೆಮನಿಮಾ ಘಾಲಲ ಮನಕ್ಹೊ ದೆವಾಲಯಮಾ ಅಂಗಳಾಮಾ ಹುಬ್ರಯಾಸ. ತುನೆ ಮನಕ್ಹೊನೆ ಉಪದೆಶ ಕರಾಡಾತಾ" ಕದ್ಯೊ.
ACT 5:26 ತೆಳಾಮಾ ದಳಪತಿ ವರಿ ತ್ಯಾನಾ ಮನಕ್ಹೊ ಕನ ಅಪೊಸ್ತಲೊನೆ ಫರಿನ ಬಲಾಯಾ. ವರಿಬಿ ಸೈನಿಕೊ ಜ಼ಬರದಸ್ತಿ ಕರ‍್ಯಾನೈ ಕಾಕದ್ಯಾಮ ತುನೆ ಮನಕ್ಹೊ ಬುಚೆ಼ಕ್ಯಾ. ಮನಕ್ಹೊ ಶಿಟ್ಟ ಥೈನ ಮುಕಲ್ಯಾ ತ್ಯುನೊನೆ ಖಲಾಸ್ಸ ಕರಸ ಕೈನ ತುನೆ ಬುಚೆ಼ಕೈ.
ACT 5:27 ತ್ಯುನೆ ಅಪೊಸ್ತಲೊನೆ ಸಭೆನೆ ಬಲೈಲಿನ ಐನ ಯೆಹುದಿ ನಾಯಕೊನೆ ಕ್ಹಾಮಾ ಹುಬರಾಡ್ಯಾ. ಪ್ರಧಾನ ಯಾಜಕೊ ಅಪೊಸ್ತಲೊನೆ.
ACT 5:28 "ಎ ಮನಕ್ಹನು ವಾಸ್ತರ ತುಮೆ ಬೊದನೆ ಕರುನೈ ಕೈನ ಹಮೆ ತುಮೊನೆ ಅಪ್ಪಣೆ. ವರಿಬಿ ತುಮೆ ರ‍್ಹಯಲ ಸುವೈ? ತುಮೆ ಜೆರುಸೆಲಿಮಾ ತುಮಾರಿ ಉಪದೆಶನೆ ಕರಿಪಾಡ್ಯಾಸ. ಎ ಮನಕ್ಹನೆ (ಯೆಸುನಾ) ಮೌತನೆ ಜವಾಬ್ದಾರ ತಯಿನ ತುಮೆ ಕೊಶಿಶ" ಕದ್ಯಾ.
ACT 5:29 ಪೆತ್ರಾ ವರಿ ಉಗ್ರಲ ಅಪೊಸ್ತಲೊ"ಹಮೆ ವಿದೆಯತೆ ಕೈನ ಕ್ಹುದಾನೆ ವ್ಹೈ ತುಮೊನೆ ನ್ಹವೈ!
ACT 5:30 ತುಮೆ ಯೆಸುನೆ ಶಿಲುವಿಪರ ಘಾಲಿನ ಖಲಾಸ ಕರ‍್ಯಾ. ವರಿಬಿ ಕ್ಹುದಾ ಯೆಸುನೆ ಮರಲವಾಲಾವೊನೆ ಮಾತೊ ಜುತೊ ಕರ‍್ಯೊ!
ACT 5:31 ಕ್ಹುದಾ ತಿನೆ ಇಸ್ರಾಯೆಲ ಮನಕ್ಹೊನೆ ಪಾಪ ಮಾಫ ಕರಾನಾಹುತಿ ತಿನೆ ಪ್ರಭು ಥೈನ, ರಕ್ಷಕ ಥೈನ ತಿನಾ ಶಿದಾ ಹತ್ತ ಬಗಲ ಉನ್ನತ ಸ್ಥಾನಪರ ಉಟಾಡ್ಯೊ.
ACT 5:32 ತೆ ಕಾಮ್ಮೊನೆ ಹಮೆ ಸಾಕ್ಷಿ ವ್ಹೈ ಕ್ಹುದಾ ತಿನೆ ನಂಬಿನ ಚಾಲಿದೆಲವಾಲಾವೊನೆ ದಿದಲ ಪವಿತ್ರಾತ್ಮಜ ಸಾಕ್ಷಿ ವ್ಹೈ ಕೈನ ಕದ್ಯಾ.
ACT 5:33 ಮ್ಹೊಟಾ ಮನಕ್ಹೊ ತೆ ವಾತೊ ಐಕಿನ ಶಿಟ್ಟ ಥೈನ ತ್ಯುನೊನೆ ಖಲಾಸ ಕರು ಕೈನ ವಿಚಾರ ಕರ‍್ಯಾ.
ACT 5:34 ತಿನಾಹುತಿ ಕ್ಹಾರಾ ಮನಕ್ಹೊಕ್ಹು ಮರ್ಯಾದಿ ದಿದೆಲ ಧರಮಶಾಸ್ತ್ರಿ ಥಯಲ ಗಮಲಿಯೆಲ ಕವಾಲೊ ಯಕ್ಕ ಫರಿಸಾಯ ಮ್ಹೊಟಾ ಸಬೆಮಾ ಉಟಿನ ಹುಬ್ರೈನ ತೆ ಮನಕ್ಹೊನೆ ದಕ್ಹಿಯೆಳ ಭಾರಾ ಜೌವು ಕೈನ ಅಪ್ಪಣೆ ಕರ‍್ಯೊ.
ACT 5:35 ತೆಳಾಮಾ ಸಬೆವಾಲಾವೊನೆ,ಇಸ್ರಾಯೆಲನಾ ಮನಕ್ಹೊ ತಮೆ ತೆ ಮನಕ್ಹೊನಾ ವಿಷಮಾ ಲಿವಾನು ನಿರ್ಧಾರನಾ ಹುತಿ ಹುಶಾರ ರ‍್ಹವೊ.
ACT 5:36 ಇನಾಹುತಿ ಪೈಲಾ ಥೈಯಲ ಕವಾಲೊ ಯಕ್ಲೊ ಉಟಿನ ತೆ ಯಕ್ಲೊ ಮಹಾಪುರುಷ ಕವಾನು ಕಲಿದ್ಯೊ. ತಿನಾ ಪಮಾಫ ಕಮ್ಸೆ ಕಮ್ಮ ಕ್ಹೊ ಮನಕ್ಹೊ ಮಳೆಲಿದ್ಯಾ,ತೆ ಮಾರಿ ಪಡ್ಯಾ,ವರಿ ತಿನೆ ನಂಬಾವಾವೊನೆ ಇಕ್ಹರಿನ ನೈಸೊವಾಲಾ ಥಯಾ.
ACT 5:37 ತಿನಾ ತೆಳಾಮಾ ಜನಗಣತಿನಾ ಕಾಲಮಾ ಗಲಿಲಾಯನೊ ಯುದಾ ಫರಿನ ಪಡಾನಾಹುತಿ ಉಟಿನ ಮನಕ್ಹೊ ತಿನಾ ಪಮಾಫ ಮಳೆಲಿವಾನಾಹುತಿ ಘನ್ನಾ ಮನಕ್ಹೊ ತಿನೆ ಕದ್ಯಾ. ತೆ ನಾಶ ಥಯೊ ವರಿ ತಿನೆ ನಂಬಲವಾಲಾವೊನೆ ಚದರಿನ ಗಯಾ.
ACT 5:38 ಇಮ್ಮ ರ‍್ಹತಾಮಾ ಮಿ ತಮನೊನೆ ಸು ಕೌ ಕದ್ಯಾಮ ತಮೆ ತೆ ಮನಕ್ಹೊನಾ ಕ್ಹಾತೆ ಜಾವೊ ನಕೊ,ತ್ಯುನೊನೆ ಚ್ಹೊಡೊ. ಕಾಕದ್ಯಾಮ ತೆ ವಿಚಾರ ತೆನೈಸೊ ಇ ಕಾಮ್ಮ ಮನಕ್ಹೊಕ್ಹು ಥಯಲ ತೆಜ಼ ಕೆಟ್ಟಸ;
ACT 5:39 ತೆ ಕ್ಹುದಾಕ್ಹು ಥಯಲ ತಿನೆ ಕೆಟ್ಟಾನಾಹುತಿ ತಮೊಕ್ಹು ನೈ ಥಾತು; ತಮೆ ಯಕ್ಕ ಸಲಾ ಕ್ಹುದಾನಾ ವಿರುದ್ದ ಯುದ್ದ ಕರಾಲಾ ಥೈನ ದೆಕಾಡಿನ ದಿವೊ ಕೈನ ಕದ್ಯಾ.
ACT 5:40 ತ್ಯುನೆ ತಿನಾ ವಾತೊನೆ ಒಪ್ಪಿನ ಅಪೊಸ್ತಲಾ ಬಲೈನ ಮಾರಿನ ಯೆಸುನು ನಾಮಲಿನ ಬೊಲುಜ಼ ನೈಕೈನ ಅಪ್ಪಣೆ ದಿನ ತ್ಯುನೊನೆ ಛೊಡಿ ಪಾಡ್ಯಾ.
ACT 5:41 ಅಪೊಸ್ತಲೊ ತ್ಯುನೆ ಯೆಸುನು ನಾಮಕ್ಹು ಮರ್ಯಾದಿ ಕಾಡಾನಾಹುತಿ ಯೊಗ್ಯ ನತ್ತಿ ಕೈನ ಕ್ಹುಶಿ ಥಯಾ.
ACT 5:42 ಮ್ಹೊಟಾ ಸಭೆನಾ ಕ್ಹಾಮಾ ಗೈನ, ಹರಯಕ್ಕ ದಿನ ಚು಼ಕ್ಯಾವಾಚಿ ದೆವಾಲಯಮಾ ಬಿ ವರಿ ಘರ ಘರಮಾ ಉಪದೆಶ ಕರತ್ತಾ ಕ್ರಿಸ್ತ ಥಯಲ ಯೆಸುನಾ ಹುತಿ ಚೊ಼ಕು ಸುರ್ವಾತ್ತಾ ಕತ್ತಾ ವ್ಹತ್ತಾ.
ACT 6:1 ಯೆಸುನಾ ಶಿಷ್ಯಾ ಹೆಚ್ಕಿ಼ ಥಾವಾಡಾತಾ. ತೆನೈಸೊ ತೆ ಟೈಮಮಾ ಗ್ರಿಕನಾ ಮನಕ್ಹೊ ವರಿ ಇಬ್ರಿಯನಾ ಶಿಷ್ಯಾ ಚಾ಼ಡಿ ಕದ್ಯಾ. ತೆ ಸು ವ್ಹೈ ಕದ್ಯಾಮ ತ್ಯುನೆ ಮಾಟಿಮರಲವಾಲಿಯೊನೆ ಆರಾಕಿ ಶಿದಾ ನೈ ಕರತಾ ಕೈನ ವರಿ ತಿವ್ನೊ ವಾಟೊ ತ್ಯುನೊನೆ ನೈ ದೆತಾ ಕೈನ ಬೊಲ್ಯಾಡಾತಾ.
ACT 6:2 ತೆಳಾಮಾ ಬಾರಾ ಅಪೊಸ್ತಲೊ ಕ್ಹಾರಾ ಶಿಷ್ಯಾವೊನಾ ಗುಂಪನೆ ಸಭೆನೆ ಬಲೈನ ತ್ಯುನೊನೆ ಕ್ಹುದಾನಿ ವಾಕ್ಯಾ ಭೊಧನೆ ಕರಾನಾ ಅಪ್ನು ಕಾಮ ವ್ಹೈ. ತೆ ಹುಬ್ರೈ ಪಡಾನು ಚೊ಼ಕು ನ್ಹವೈ! ಅಪೆ ಮನಕ್ಹೊನೆ ಅನ್ನನಿ ಮದತ ಕರಾತಿಬಿ ಹೆಚ್ಕಿ ಕ್ಹುದಾನಿ ವಾಕ್ಯಾ ಉಪದೆಶ ಆಗು ಬಡಾವಾನು ಚೊ಼ಕು ವ್ಹೈ.
ACT 6:3 ತಿನಾಹುತಿ, ಭಾಯೊ, ಪವಿತ್ರಾತ್ಮಖು ಭರಲ ವರಿ ಗ್ಯಾನಖು ಭರಲ ತಿವ್ನಿ ಸಾಕ್ಷಿನಿ ಜಿವ್ನಾ ಚೊ಼ಕಿ ರ‍್ಹೌ ವರಿ ತ್ಯುನೆ ಬರೊಕ್ಹಾನಾ ಲಾಯಕ ರ‍್ಹೌ ತ್ಯವಾ ಕ್ಹಾತ ಜ಼ನಾವೊನೆ ಇನಿಲಿವೊ ಹಮೆ ತ್ಯುನೊನೆ ಆ ಕಾಮ ಒಪ್ಸಿನ ದಿಯೆಸ
ACT 6:4 ತೆಳಾಮಾ ಹಮ್ನೊನೆ ಕ್ಹಾರೊ ಟೈಮ ಪ್ರಾಥನಾನೆ ವರಿ ಉಪದೆಶ ಕವಾನೆ ಥಾವಸ ಕೈನ ಕದ್ಯಾ.
ACT 6:5 ತೆಳಾಮಾ ಕ್ಹಾರಾ ವಿಶ್ವಾಸಿಯೊ ಎ ವಿಚಾರನೆ ವಪ್ಪಿಲಿದ್ಯಾ. ತಿನಾಹುತಿ ತ್ಯುನೆ ಪವಿತ್ರತ್ಮಾಕ್ಹು ಭರಲ ವರಿ ಬರೊಕ್ಹಾನಾ ಲಾಯಕ ರ‍್ಹಯಲ ಸ್ತೆಫನ, ಫಿಲಿಪ್ಪ, ಪ್ರೊಖೊರ, ನಿಕೊನೊರ ತಿಮೊನ ಪರ್ಮೆನ ವರಿ ನಿಕೊಲಾಯ ಮತಾಂತರ ಥೈನ ಯಹುದಿ ಥೈನ ಎ ಅಂತಿಯೊಕ್ಯಯವಾಲೊ ಥಯೊತೊ ಇವ್ನೊನೆ ಇನಿಲಿದ್ಯಾ.
ACT 6:6 ತೆ ಥಯಲ್ಪರ ಅಪೊಸ್ತಲೊ ತ್ಯುನೊನೆ ಖಾಮಾ ಬಲೈನ ತಿವ್ನಾ ಮಾತಾಪರ ಹತೊ ಮುಕ್ಕಿನ ಪ್ರಾರ್ಥನಾ ಕರಿನ ತೆ ಕಾಮನಾ ಹುತಿ ನೆಮಶ್ಯಾ.
ACT 6:7 ವರಿ ಕ್ಹುದಾನಿ ವಾಕ್ಯಾ ಘನ್ನಾ ಮನಕ್ಹೊಕನ ಫೈಲತಿ ಗೈ, ಯೆರುಸೆಲೆಮಾ ರ‍್ಹಯಲ ಶಿಷ್ಯಾವೊನು ಗುಂಪ ಮ್ಹೊಟು ಥಾತು ಚಾ಼ಲ್ಯು. ಘನ್ನಾ ಯೆಹುದಿಯೊನಾ ಯಾಜಕೊ ಯೆಸು ಕ್ರಿಸ್ತಪರ ಬರೊಕ್ಹೊ ಮುಕ್ಯಾ.
ACT 6:8 ಸ್ತೆಫಾನ ಕ್ಹುದಾನಿ ಕೃಪೆ ವರಿ ತಾಕತಕ್ಹು ಭರಲವಾಲೊ ಥೈನ ಮನಕ್ಹೊನಾ ವಚ್ಮಾ ಅದ್ಬುತ ಕಾಮೊ ವರಿ ಸುಚಕ ಕಾಮೊ ಕರತೊ ವ್ಹತ್ತೊ.
ACT 6:9 ತೆನೈಸೊ ದಕ್ಹಾ ಯೆಹುದಿಯೊ ಐನ ತಿನಾಕ್ಹಾತೆ ವಾದ ವಿವಾದ ಕರಾಡ್ಯಾ. ಇವ್ನೆ ಸಭಾಮಂದಿರನಾ ವ್ಹತಾ. ಸಿರೆನ ವರಿ ಅಲೆಕ್ಸಾಂಡ್ರಿಯಾತಾ ಆಯಲ ಯೆಹುದಿಯೊನಾ ಹುತಿ ತೆ ಸಭಾಮಂದಿರ ವ್ಹತ್ತಿ. ಸಿಲಿಸಿನಾ ವರಿ ಎಶ್ಯಾತಾ ಆಯಲ ಯೆಹುದಿಯೊ ತ್ಯುನಾ ಕ್ಹಾತೆ ವ್ಹತ್ತಾ.
ACT 6:10 ತಿನಾಹುತಿ ವಿವೆಕಕ್ಹು ಬೊಲಾನೆ ಪವಿತ್ರ ಆತ್ಮಾ ತಿನೆ ಮದತ ಕರಿತಿ. ಸ್ತೆಫನನಾ ವಾತೊ ಘನ್ನಿ ಶಕ್ತಿ ರ‍್ಹಯಲಕ್ಹು ತಿನಾ ಕ್ಹಾತೆ ವಾದ ವಿವಾದ ಕರಾನೆ ತ್ಯುನೊನೆ ಸಾದ್ಯ ಥಯು ನೈ.
ACT 6:11 "ಸ್ತೆಫಾ ಮೊಶೆನಾ ವರಿ ಕ್ಹುದಾನಾ ವಿರುದ್ದ ಕೆಟ್ಟ ವಾತೊ ಬೊಲ್ಯೊಸ "ಕೈನ ಕವೊ ಕೈನ ದಕ್ಹಾಜ಼಼ನಾವೊನೆ ದೊಕ್ಡಾ ದಿನ ಶಿಕ್ಲಾಯಾ.
ACT 6:12 ಇಮ್ಮ ತ್ಯುನೆ ಮನಕ್ಹೊನೆ ವರಿ ಶ್ಯಾನವೊನೆ ಧರ್ಮೊಪದೆಶಕೊನೆ ಭಡಕಾಯಾ. ತ್ಯುನೆ ಆ ವಾತ ಐಕಿನ ಘನ್ನಾ ಶಿಟ್ಟ ಥೈನ ಸ್ತೆಫನನೆ ಧರಲೈನ ಯೆಹುದಿಯೊನಾ ಮ್ಹೊಟಾ ಮನಕ್ಹೊನಾ ಸಭೆನೆ ಲಿನ ಗಯಾ.
ACT 6:13 ತೆಳಾಮಾ ತ್ಯುನೆ ದಕ್ಹಾ ಸುಳ್ಳ ಸಾಕ್ಷಿ ಕವಾಲಾವೊನೆ ಬಲೈ ಲೈನ "ಎ ಮನಕ್ಹ ದೆವಾಲಯನಾ ವರಿ ಮೊಶೆನಾ ನಿಯೊಮೊನಾ ವಿರುದ್ದ ಹಮೆಶಾಬಿ ಕೆಟ್ಟ ಬೊಲಸ ಕೈನ ಕವಾಲಗಾಡ್ಯಾ.
ACT 6:14 ನಜೆರೆತನೊ ಯೆಸು ಎ ದೆವಾಲಯ ಪಾಡಿನ ಮೊಶೆನಾ ನಿಯೊಮೊನೆ ಬದಲಿ ಕರಸ ಕೈನ ಕವಾನು ಹಮೆ ಐಕ್ಯಾಸ "ಕೈನ ಕದ್ಯಾ.
ACT 6:15 ಸಭೆಮಾ ಬೈಟಲವಾಲಾ ಕ್ಹಾರಾ ಸ್ತೆಫನನೆ ಯಕ್ಕಜ಼ ಸಂವಾ ದೆಕ್ತಾಮಾ ತಿನು ಮ್ಹೊಡು ದೆವದುತ ಲಿಂಗತ ದಿಕ್ಹಾಡುತು.
ACT 7:1 ತೆಳಾಮಾ ಮ್ಹೊಟೊ ಯಾಜಕ ಸ್ತೆಫನನೆ"ಎ ಸಂಗತಿಯೊ ಕ್ಹರಿ ವ್ಹೈಸು? ಕೈನ ಪುಚ್ಯೊ.
ACT 7:2 ತೆ ವಾತೆ ಸ್ತೆಫನ ಅಮ್ಮ ಉತ್ತರ ದಿದ್ಯೊ; "ಮಾರಾ ಬಾವೊ, ಭಾಯೊ, ಮಿ ಕವಾನು ಧ್ಯಾನ ದಿನ್ನ ಐಕೊ. ಅಪ್ನೊ ಪಿತೃ ಥಯಲ ಅಬ್ರಹಾಮನೆ ಸ್ವರ್ಗಮಾತೊ ಕ್ಹುದಾ ದಿಕ್ಹ್ಯೊ. ಅಬ್ರಹಾಮ ಹಾರಾನಮಾ ರ‍್ಹವಾತಿ ಅಗ್ದುರ ಮೆಸಪೊಟೆಮಾ ವ್ಹತ್ತೊ.
ACT 7:3 ಕ್ಹುದಾ, ಅಬ್ರಹಾಮನೆ ತಾರು ದೆಶ ತಾರಾ ಮನಕ್ಹೊನೆ ಛೊಡಿನ ಮಿ ತುನೆ ದೆಕಾಡಾನಾ ದೆಶೆ ಜಾ಼’ ಕೈನ ಕದ್ಯೊ.
ACT 7:4 ತಿನಾಹುತಿ ಅಬ್ರಹಾಮನೆ ಖಾಲ್ದಿಯಾ ದೆಶ ಛೊಡಿನ ಹಾರಾನ ಕವಾನಾ ಗಾಮೆ ಗೈನ ರ‍್ಹವಾನೆ ಗಯೊ. ವರಿ ತಿನಬಾ ಮರೆಲಪರ ತುಮೆ ರಹವಾನಿ ಜ಼ಗಾ ಬಲೈ ಲಾಯೊ
ACT 7:5 ನ್ಯ್ಹಾತಿನೆ ಪಗ ಮ್ಹೆಲಾ ಅಕ್ಲಿಬಿ ಜ಼ಗಾ ಕ್ಹುದಾ ತಿನಾ ಹಕ್ಮಾ ದಿದ್ಯೊ ನೈ. ತುಪರತೊ ತಾರಿ ಸ್ವಂತ ಸಂತತಿನೆ ದ್ಯುಸ ಕವಾನಿ ವಾಗ್ದಾನ ಯಕ್ಕಜ಼ ವ್ಹತ್ತಿ. ತೆಳಾಮಾ ಅಬ್ರಹಾಮನೆ ಬಚ್ಚಾ಼ಬಿ ನ್ಹೊತಾ.
ACT 7:6 ತೆನೈಸೊ ಕ್ಹುದಾ ಅಬ್ರಹಾಮನೆ, ತಾರಾ ಸಂತತಿಯೊ ಬಿಜಾ಼ ದೆಶಮಾ ಜಾ಼ವಸ ವರಿ ತ್ಯುನಾ ಗುಲಾಮೊ ಥಾವಸ ವರಿ ಚ್ಯಾರಕ್ಹೊ ವರಕ್ಹ ತ್ಯಾನಾ ಮನಕ್ಹೊ ತ್ಯುನೊನೆ ಘನ್ನಾ ತ್ರಾಸ ಕರಸ.
ACT 7:7 ತೆನೈಸೊ ತ್ಯುನೊನೆ ಗುಲಾಮ ಕರಿಲಿವಾಲಾ ಜ಼ನಾಂಗನೆ ಮಿ ಶಿಕ್ಷಾ ದ್ಯುಸ. ತ್ಯಾಂತಾ ತ್ಯುನೆ ಭಾರಾ ಐನ ಮನೆ ತೆ ಜ಼ಗಾಪರ ಆರಾಧನಾ ಕರಸ ಕೈನ ಕದ್ಯೊ.
ACT 7:8 ಕ್ಹುದಾ ಅಬ್ರಹಾಮನಾ ಕ್ಹಾತೆ ಯಕ್ಕ ವಡಂಬಡಿಕೆ ಕರ್ಲಿದ್ಯೊ. ತೆ ವಡಂಬಡಿಕೆ ವಳಕ ಖತ್ನಾ ವ್ಹೈ. ಇಮ್ಮ ರ‍್ಹತಾಮಾ ಅಬ್ರಹಾಮನೆ ಯಕ್ಕ ಪಟ್ಟೊ ಥಯೊ. ತೆ ಪಟ್ಟಾನೆ ಆಟ್ವಾ ದಿನ್ನೆ ಖತ್ನಾ ಕರ‍್ಯಾ. ತಿನಾ ದಿಕ್ರಾನು ನಾಮ ಇಸಾಕ ವ್ಹೈ. ಇಸಾಕಬಿ ತಿನಾ ದಿಕ್ರಾನೆ ಖತ್ನಾ ಕರ‍್ಯೊ. ವರಿ ಯಾಕೊಬ ತಿನಾ ಕ್ಹಾರಾ ಪಟ್ಟಾವೊನೆ ಖತ್ನಾ ಕರಾಯೊ. ಎಜ಼ ಬಾರಾ ಪಟ್ಟಾವೊಖು ಬಾರಾ ಕ್ಹಾಂದಾನೊ ಥಯಾ.
ACT 7:9 ಯಾಕೊಬನಾ ದಿಕ್ರಾ ಯೊಸೆಫಪರ ಸಂಗಟ ಘಾಲ್ಲಿನ ತಿನೆ ಇಜಿಪ್ತವಾಲಾವೊನೆ ಇಕ್ಕಿಪಾಡ್ಯಾ. ತೆನೈಸೊ ಕ್ಹುದಾ ಯೊಸೆಫನಾ ಕ್ಹಾತೆ ವ್ಹತ್ತೊ.
ACT 7:10 ಯೊಸೆಫನೆ ತ್ಯಾ ಘನ್ನೊ ತ್ರಾಸ ಆಯೊ. ವರಿಬಿ ಕ್ಹುದಾ ತೆ ಕ್ಹಾರಾ ತ್ರಾಸೊಕ್ಹು ತಿನೆ ವಚಾ಼ಡ್ಯೊ. ತೆಳಾಮಾ ಫರೊಹನ ಇಜಿಪ್ತನೊ ರಾಜೊ಼ ವ್ಹತ್ತೊ. ಕ್ಹುದಾ ಯೊಸೆಫನೆ ದಿದಲ ಗ್ಯಾನಕ್ಹು ಫರೊಹನ ಯೊಸೆಫನೆ ತಿನಾ ರಾಜ್ಯಪರ ಅದಿಕಾರಿ ವರಿ ಘರನಾ ಮನಕ್ಹೊಪರಬಿ ಅದಿಕಾರಿ ಕರ‍್ಯೊ.
ACT 7:11 ಇಜಿಪ್ತ ವರಿ ಕಾನಾನಮಾ ಬರಗಾಲ ಆತಾಮಾ ಮನಕ್ಹೊ ತ್ರಾಸೊಮಾ ಪಡ್ಯಾ ಅಪ್ನಾ ಪುರವಿಕೊಬಿ ಅನ್ನ ಮಳೆ ನೈಸೊ ಭುಕ್ಕಾ ರ‍್ಹೈ ಗಯಾ.
ACT 7:12 ಇಜಿಪ್ತ ದೆಶಮಾ ಅನಾಜ಼ ಛೆ ಕವಾನು ವಳಕಿನ ಯಾಕೊಬ ತಿನಾ ದಿಕ್ಕರಾವೊನೆ ಪಸ್ಟ ಸಲಾ ತ್ಯಾ ಮೊಕಲ್ಯೊ.
ACT 7:13 ತೆ ಥಯಲ್ಪರ ತ್ಯುನೆ ತ್ಯಾ ಬೆವಾ ಸಲಾ ಗಯಾ. ಎ ಸಲಾ ತೆ ಕುನ್ನ ವ್ಹೈ ಕೈನ ಕವಾನು ಯೊಸೆಫ ತಿನಾ ಭಾಯೊನೆ ಕದ್ಯೊ. ವರಿ ಯೊಸೆಫನಾ ಘರದಾನಾ ಹುತಿ ಫರೊಹನನೆ ಗ್ವತ್ತ ಥಯು.
ACT 7:14 ಪಾಚಲ್ತೊ ಯೊಸೆಫ ತಿನೊ ಬಾ ಥಯಲ ಯಾಕೊಬನೆ ವರಿ ತಿನಾ ಪುರಾ ಘರದಾನಾವಾಲಾ ವರಿ ಸತ್ತರಪರ ಪಾಂಚ಼ ಜ಼ನಾವೊನೆ ಇಜಿಪ್ತನೆ ಬಲೈಲಿದ್ಯೊ.
ACT 7:15 ತಿನಾಹುತಿ ಯಾಕೊಬ ಇಜಿಪ್ತೆ ಐನ ತೆ ವರಿ ತಿನಾ ಬಚ್ಚಾ಼ ಮರೆ ಲಕ್ಕಾ ತ್ಯಾಜ಼ ವ್ಹತ್ತಾ.
ACT 7:16 ತ್ಯುನಾ ಮುರ್ದಾವೊನಾ ಹಡ್ಕಾ ಫರಿನ ಶೆಕೆಮನೆ ಲಿನ ಗಯಾ. ತ್ಯಾ ಹಮೊರ ಕವಾಲಾನಾ ಬಚ್ಚಾ಼ವೊಕ್ಹು ಅಬ್ರಹಾಮ ರೊಪ್ಪೊ ಲಿದಲ ಮಜಾ಼ರೊಮಾ ಮ್ಹಲ್ಯಾ.
ACT 7:17 "ಕ್ಹುದಾ ಅಬ್ರಹಾಮನೆ ದಿದಲ ವಾಗ್ದಾನ ಪುರಾ ಥಾವಾನು ದಿನ್ನ ನಜಿಕ ಆಯು. ಯಕ್ಲಾಮಾಜ಼ ಇಜಿಪ್ತ ದೆಶಮಾ ಅಪ್ನಾ ಮನಕ್ಹೊನಿ ಸಂಖ್ಯಾ ಘನ್ನಿ ಬೆಳದಿತಿ.
ACT 7:18 ಲಾಸ್ಟಮಾ ಯೊಸೆಫನಿ ವಳಕ ನೈ ರ‍್ಹಯಲ ರಾಜೊ಼ ಇಜಿಪ್ತ ಆಳಾನೆ ಶುರು ಕರ್ಯೊ
ACT 7:19 ಎ ರಾಜೊ಼ ಹಮಾರಾ ಮನಕ್ಹೊನೆ ಮೊಸ ಕರ‍್ಯೊ. ತೆ ಅಪ್ನಾ ಪಿತೃವೊನೆಬಿ ಕೆಟ್ಟ ಕರ‍್ಯೊ. ತ್ಯುನಾ ನ್ಹಾನಾ ಬಚ್ಚಾ಼ ಮರು ಕೈನ ತ್ಯುನೊನೆ ಭಾರೊ ನಾಕ್ಯೊ.
ACT 7:20 ಎಜ಼ ಟೈಮಾ ಮೊಶೆ ಹುಟ್ಯೊತೊ. ತೆ ದೆಕಾನೆ ಘನ್ನೊ ಚಂದ ವ್ಹತ್ತೊ. ವರಿ ತೆ ತನ್ನ ಮ್ಹೈನಾ ಲಕ್ಕಾ ಘರಮಾಜ಼ ಬೆಳದ್ಯೊತೊ.
ACT 7:21 ಪಾಚಾ಼ತಾ ತಿನೆ ಘರ್ಮಾತಾ ಭಾರಾ ಮ್ಹೆಲ್ತಾಮಾ, ರಾಜಾ಼ನಿ ದಿಕ್ರಿ ತೆ ಪಟ್ಟಾನೆ ಲಿನ ತಿನಾ ಸ್ವಂತ ದಿಕ್ರಾ ಲಿಂಗತ ಜ಼ತ್ತನ ಕರಿ.
ACT 7:22 ತೆ ಇಜಿಪ್ತ ರಾಜ್ಯನಿ ಕ್ಹಾರಿಜ಼ ವಿದ್ಯಾ ಶಿಕ್ಯೊ. ವರಿ ಮನಕ್ಹೊನಾ ಕ್ಹಾಮೊ ಬೊಲಾನೆ ವರಿ ತಿವ್ನಾ ಕ್ಹಾತೆ ರ‍್ಹವಾನೆ ಘನ್ನೊ ಶಾಣ್ಯೊ ಥಯೊ.
ACT 7:23 ಮೊಶೆ ಚಾ಼ಳಕ್ಹ ವರಕ್ಹನೊ ಥಯಲ್ಪರ ತೆ ತಿನಾ ಭಾಯೊನೆ ಮಳು ಕೈನ ಮನಸ ಕರ‍್ಯೊ.
ACT 7:24 ತೆಳಾಮಾ ತ್ಯಾ ಯಕ್ಲೊ ಇಜಿಪ್ತವಾಲಾನಾ ಹತೆ ಘನ್ನೊ ತ್ರಾಸ ಖಾವಾನು ಮೊಶೆ ದೆಕಿನ ತಿನೆ ಮದದ ಕರಾನೆ ಗೈನ ಶೆಡ ಮ್ಹೆಲ್ಲಿನ ಇಜಿಪ್ತವಾಲಾನೆ ಖಲಾಸ ಕರಿ ಪಾಡ್ಯೊ.
ACT 7:25 ತಿನಾ ಸ್ವಂತ ಮನಕ್ಹೊನೆ ಕ್ಹುದಾ ತಿನೆ ನೆಮಶ್ಯೊಸ ಕೈನ ತಿನಾ ಮನಕ್ಹೊ ವಳಕಿ ಲೆಸ ಕೈನ ಮೊಶೆ ತಿಳ್ದಿಲಿದ್ಯೊತೊ. ತೆನೈಸೊ ತ್ಯುನೆ ತಿನೆ ತಿಳ್ದಿಲಿದ್ಯಾ ನೈ.
ACT 7:26 ಮರ್ನಾ ದಿನ್ನೆ ಇಸ್ರೆಲನಾ ಬೆ ಜ಼ನಾ ಲಡೈ ಕಾಡಾನು ಮೊಶೆ ದೆಕ್ಯೊ. ತ್ಯುನೊನೆ ಸಮಾಧಾನ ಕರಾನೆ ಕೊಶಿಶ ಕರ‍್ಯೊ. ತ್ಯುನೊನೆ ಭಾಯೊ ತುಮೆ ತುಮೆ ಅನಾ ಲಿಂಗತ ಲಡೈ ಕಾಡಾನು ತುಮೊನೆ ಚೊ಼ಕುಲಾಗ ಸು?
ACT 7:27 ತೆನೈಸೊ ತ್ಯುನೊಮಾನೊ ಅನ್ಯಾಯ ಕರಾಲೊ ಯಕ್ಲೊ ಮೊಶೆನೆ ಪಾಚೊ಼ ಢಕ್ಲಿನ ಹಮಾರೊ ಫೈಸ್ಲೊ ಕರಾನೆ ಅದಿಕಾರ ಕುನ್ನ ದಿದ್ಯುಸ? ಕೈನ ಪುಚ್ಯೊ.
ACT 7:28 ವರಿ ತೆ ಕಾಲ ಇಜಿಪ್ತವಾಲಾನೆ ಖಲಾಸ ಕರಲಲಿಂಗತ ಮನೆ ಬಿ ಖಲಾಸ ಕರು ಕೈನ ಛೆ ಸು? ಕೈನ ಪುಚ್ಯೊ.
ACT 7:29 ಎ ಕದಲ ಐಕಿನ ಮೊಶೆ ಇಜಿಪ್ತ ಛೊಡಿನ ನ್ಹಾಟಿನ ಗೈನ ಮಿದ್ಯಾನ ಕವಾನಾ ಗಾಮ್ಮಾ ಗೈನ ಬಿಜಾ಼ ದೆಶವಾಲಾ ಲಿಂಗತ ರ‍್ಹವಾಡ್ಯೊ. ತ್ಯಾ ತಿನೆ ಬೆ ಪಟ್ಟಾ ಹುಟ್ಯಾ.
ACT 7:30 ಚಾಳಕ್ಹ ವರಕ್ಹ ಥಯಲ್ಪರ ಯಕ್ಕ ದಿನ್ನ ಮೊಶೆನೆ ಸಿನಾಯಿ ಕವಾನಾ ಡೊಂಗರಪರ ಝಾಡಮಾ ಆಗ ಲಾಗಲ ದೆಕ್ಯೊ ವರಿ ತಿಮಾ ಯಕ್ಕ ದೆವ ದುತ ದಿಕ್ಹ್ಯೊ
ACT 7:31 ಎ ಕ್ಹಾರು ಮೊಶೆ ದೆಕಿನ ಆಶ್ಚರ್ಯ ಥೈನ ತಿನೆ ನಜಿಕ ಗೈನ ದೆಕು ಕೈನ ಜಾ಼ತಾಮಾ ತ್ಯಾ ಪ್ರಭು ಝೊರ ಅವಾಜ಼ಕ್ಹು;
ACT 7:32 ‘ಮಿ ತಾರಾ ಪಿತೃವೊನೊ ಕ್ಹುದಾ ವ್ಹೈ; ಅಬ್ರಹಾಮ, ಇಸಾಕ ವರಿ ಯಾಕೊಬ್ನೊ ಕ್ಹುದಾ ವ್ಹೈ’ ಕೈನ ಕತಾಮಾ ಮೊಶೆ ಥರ ಥರ ಕಾಪ್ತೊ ಪಾಚೊ಼ ಸರಕಿ ಗಯೊ ವರಿ ಡೊಳಾ ಉಚೈನ ದೆಕ್ಯೊಬಿ ನೈ.
ACT 7:33 ಕರ್ತಾ ತಿನೆ"ತು ಘಾಲ್ಲಿದಲ ಕಾರಮಲಿಯೊ ದುರ ಮ್ಹೆಲ. ಕಾಕದ್ಯಾಮ ತು ಹುಬ್ರಯಲ ಜ಼ಗಾ ಪವಿತ್ರ ವ್ಹೈ.
ACT 7:34 ಇಜಿಪ್ತಮಾ ರ‍್ಹಯಲ ಮಾರಾ ಮನಕ್ಹೊನಿ ಕೆಟ್ಟ ಸ್ತಿತಿ ಮನೆ ಗ್ವತ್ತ ಛೆ. ತ್ಯುನೆ ನೆಳ್ಳಾನು ದೆಕಿನ ತ್ಯುನೊನೆ ಬಿಡುಗಡೆ ಕರಾನೆ ಹೆಟೊ ಉತ್ರಿನ ಆಯೊಸ. ಆ, ಮಿ ತುನೆ ಇಜಿಪ್ತೆ ಮೊಕ್ಲುಸ ಕದ್ಯೊ.
ACT 7:35 ಅಪ್ನೊ ಫೈಸ್ಲೊ ಕರಾನೆ ಅದಿಕಾರ ತುನೆ ಕುನ್ನ ದಿದ್ಯೊಸ? ಕೈನ ಇಸ್ರಾಯಲೊಕ್ಹು ತಿರಸ್ಕಾರ ಥಯಲಜ಼ ಎ ಮೊಶೆ ವ್ಹೈ. ಆಗ ಲಾಗಲ ಝಾಡಮಾ ದಿಕ್ಹಲ ದುತನಾ ಮುಲಕ ಕ್ಹುದಾ ಅದಿಪತಿ ಕರಿನ ವಿಮೊಚ಼ಕ ಕರಿನ ನೆಮ್ಸಲ ಇನೆಜ಼ ವ್ಹೈ.
ACT 7:36 ಇಜಿಪ್ತಮಾ ಲಾಲ ಸಮುಂದರಮಾ ಚಾ಼ಳಕ್ಹ ವರಕ್ಹ ಉಸುಕನು ಗಾಮ್ಮಾ ಅದ್ಭುತ ಕಾಮೊ ವರಿ ಸುಚಕ ಕಾಮೊ ಕರಿನ ಇಸ್ರೆಯಲೊನೆ ಬಿಡುಗಡೆ ಕರಲವಾಲೊಜ಼ ಎ ವ್ಹೈ.
ACT 7:37 ಕ್ಹುದಾ ಮನೆ ಮೊಕ್ಲಲ ಲಿಂಗತ ತುಮಾರಿ ಜನಾಂಗ್ತೊಜ಼ ಯಕ್ಕ ಪ್ರವಾದಿನೆ ಮೊಕಲ್ಯೊಸ ಕೈನ ಇಸ್ರೆಲೊನೆ ತಿಳಸಲ ಎಜ಼ ಮೊಶೆ ವ್ಹೈ.
ACT 7:38 ಇಸ್ರಾಯಲೊ ಉಸುಕನಾ ಗಾಮ್ಮಾ ಸಬೆ ಮಳ್ತಾಮಾ ತ್ಯುನಾ ಕ್ಹಾತೆ ರ‍್ಹೈನಜ಼ ಸಿನಾಯಿ ಡೊಂಗರಪರ ಬೊಲಲ ದೆವ ದುತನಾ ಕ್ಹಾತೆ ಅಪ್ನಾ ಪಿತೃವೊನಾ ಕ್ಹಾತೆ ಸಂಭಾಶಣೆ ಕರಲ ವಾಲೊಜ಼ ಎಜ಼ ವ್ಹೈ. ಜ಼ಲಮ ರ‍್ಹಯಲ ತೆ ವ್ಹಂದಿಲಿನ ಅಪೊನೆ ದಿದ್ಯೊ.
ACT 7:39 ತೆನೈಸೊ ಅಪ್ನಾ ಪಿತೃವೊ ತಿನೆ ವಿದೆಯ ಥಾವಾನೆ ಇನ್ಕಾರ‍್ಯಾ. ವರಿ ತ್ಯುನೆ ಇಜಿಪ್ತ ದೆಶ ಜಾ಼ವಾನೆ ಮನಸ ಕರ‍್ಯಾ.
ACT 7:40 ಅಪ್ನಾ ಪಿತೃವೊ ಆರೊನನೆ, ‘ಮೊಶೆ ತುಮೊನೆ ಇಜಿಪ್ತ ದೆಶತೊ ಲಿನ ಆಯೊ. ತೆನೈಸೊ ತಿನೆ ಸು ಥೈಯು ಹಮೊನೆ ಗ್ವತ್ತ ನತ್ತಿ. ತಿನಾಹುತಿ ಹಮಾರಾ ಕ್ಹಾಮೊ ಜಾ಼ವಾನೆ ವರಿ ಹಮೊನೆ ಚ಼ಲಾವಾನೆ ದಕ್ಹಾ ದೆವಸ್ಥಾನೊ ಕರ’ ಕದ್ಯಾ.
ACT 7:41 ತಿನಾಹುತಿ ಮನಕ್ಹೊ ಬೈಲನಾ ಬಚ಼್ಚಾನು ಯಕ್ಕ ಮುರ್ತಿ ಕರಿನ, ತಿನೆ ಬಲಿ ದಿದ್ಯಾ. ತೆ ಮನಕ್ಹೊ ತ್ಯುನಾ ಹತೊಕ್ಹು ಕರಿಲಿದಲ ಮುರ್ತಿನಾ ವಿಷಯಮಾ ಘನ್ನಾ ಖುಶಿ ಕರ‍್ಯಾ!
ACT 7:42 ತೆನೈಸೊ ಕ್ಹುದಾ ತ್ಯುನೊನೆ ವಿರುದ್ದ ಥೈನ, ಹಬಾಳನಾ ರ‍್ಹಯಲ ಸುರ‍್ಯಾನೆ ವರಿ ಚ಼ಂದಪ್ಪಾನೆ ಚುಕ್ಕಿಯೊನೆ ಪುಜಾ ಕರೆ ಲಿಂಗತ ತ್ಯುನೊನೆ ಛೊಡಿ ಪಾಡ್ಯೊ. ಇನಾಹುತಿ ಪ್ರವಾದಿಯೊನಾ ಪುಸ್ತಕೊಮಾ ಅಮ್ಮ ಬರ್ದಲ ಛೆ; ಕ್ಹುದಾ ಅಮ್ಮ ಕವಸ, ‘ಯೆಹುದಿನಾ ಮನಕ್ಹೊ ಥಯಲ ತುಮೆ ಚ಼ಾಳಕ್ಹ ವರಕ್ಹ ಲಕ್ಕಾ ಉಸುಕನಾ ಗಾಮಮಾ ರ‍್ಹತಾಮಾ ಮನೆ ಯಜ್ಞ ದಿದ್ಯಾ ನೈ?
ACT 7:43 ತುಮೆ ತುಮಾರಾ ಕ್ಹಾತೆ ಮೊಲೊಖನ ಗುಡಾರ ವರಿ ತುಮಾರಾ ರೆಫಾ ದೆವಸ್ಥಾನ ಚಿಕ್ಕಿನು ರುಪ ಉಚೈಲಿನ ಗಯಾ ಪುಜಾ ಕರಾನಾ ಹುತಿ ತುಮೆ ಕರಿಲಿದಲ ಮುರ್ತಿಯೊ ಎಜ಼ ವ್ಹೈ. ತಿನಾಹುತಿ ಮಿ ತುಮೊನೆ ಬಾಬಿಲೊನನಾ ಹತ್ಮಾ ದಿಪಾಡುಸ. ಅಮ್ಮೊಸಾ 5:25-27
ACT 7:44 ಕ್ಹುದಾ ಅಪ್ನಾ ಪಿತೃವೊನಾ ಕ್ಹಾತೆ ಕಯಾ ಗುಡಾರಮಾ ಬೊಲ್ಯೊತೊ ತೆ ಗುಡಾರ ಎ ಯೆಹುದಿಯೊನಾ ಕ್ಹಾತೆ ಉಸುಕನಾ ಗಾಮಮಾ ವ್ಹತ್ತು. ಎ ಗುಡಾರ ತಯ್ಯಾರ ಕರಾನಿ ನಿಯಮ ಕ್ಹುದಾ ಮೊಶೆನೆ ಕೈನ ದಿದ್ಯೊ. ಕ್ಹುದಾ ತಿನೆ ದೆಕಾಡಲ ರುಪ ಲಿಂಗತ ಮೊಶೆ ತೆ ತಯ್ಯಾರ ಕರ್ಯೊ.
ACT 7:45 ಪಾಚಲ್ತೊ ಬಿಜಾ಼ ಜನಾಂಗನಾ ಗಾಮೊನೆ ವಶಮಾ ಕರಿಲಿವಾನೆ ಯೆಹುಶುವಾ ಅಪ್ನಾ ಪಿತೃವೊನೆ ಅಗೊ ಚ಼ಲಾಯೊ. ಅಪ್ನಾ ಮನಕ್ಹೊ ತೆ ದೆಶೊನೆ ಗಯಲ ಪರ, ಕ್ಹುದಾ ಬಿಜಾ಼ ಮನಕ್ಹೊನೆ ತ್ಯಾಂತೊ ವಳೈ ಪಾಡ್ಯೊ. ಅಪ್ನಾ ಮನಕ್ಹೊ ತೆ ನವಾ ದೆಶಮಾ ಗಯಲ ಪರ ಎ ಗುಡಾರ ತ್ಯುನಾ ಕ್ಹಾತೆ ಲಿನ ಗಯಾ. ಅಪ್ನಾ ಮನಕ್ಹೊ ಎ ಗುಡಾರನೆ ತ್ಯುನಾ ಪಿತೃವೊ ಕಂತು ಸ್ವಿಕಾರ ಕರಿಲಿನ ದಾವಿದನಾ ಕಾಲ ಲಕ್ಕಾ ತೆ ಮ್ಹೆಲ್ಲಿದ್ಯಾತಾ.
ACT 7:46 ಕ್ಹುದಾ ದಾವಿದನೆ ಘನ್ನೊ ಮೆಚ಼್ಚೊ. ‘ಯಾಕೊಬನಾ ಕ್ಹುದಾ ಥಯಲ ತಾರಾ ಹುತಿ ಯಕ್ಕ ಆಲಯ ಭಾಂದಾನೆ ಮನೆ ಮೌಕೊ ದೆ’ ಕೈನ ದಾವಿದ ಕ್ಹುದಾ ಕನ ಮಾಂಗಿಲಿದ್ಯೊ.
ACT 7:47 ತೆನೈಸೊ ಪ್ರಾಥನಾನಿ ಆಲಯ ಭಾಂದಲ ದಾವಿದನೊ ದಿಕ್ರೊ ಸೊಲೊಮೊನಜ಼ ವ್ಹೈ.
ACT 7:48 "ತೆನೈಸೊ ಮನಕ್ಹೊ ತ್ಯುನಾ ಹತೊಕ್ಹು ಕರಲ ಘರೊಮಾ ಮಹೊನ್ನತ ರ‍್ಹತೊ ನೈ. ಪ್ರವಾದಿ ಅಮ್ಮ ಬರ್ದ್ಯೊಸ;
ACT 7:49 ಪ್ರಭು ಅಮ್ಮ ಕವಸ, ಸ್ವರ್ಗ ಮಾರಿ ಸಿಂಹಾಸನ ವ್ಹೈ. ಜಿಮಿನ ಮಾರಿ ಪಗೊ ಮ್ಹೆಲಾನಿ ಜ಼ಗಾ ವ್ಹೈ. ತುಮೆ ಮಾರಾ ಹುತಿ ಕಯಾ ತರಾನಿ ಘರ ಭಾಂದ ಸಕೊಶಿ? ಮಿ ಅರಾಮ ಕರಾನಿ ಜ಼ಗಾ ಕಿಜ್ಗಾ ಛೆ?
ACT 7:50 ಶೆಂ ರ‍್ಹವಾದೆ, ಎ ಸಾಮನೊ ಕ್ಹಾರು ಕರಲವಾಲೊ ಮಿಜ಼ ವ್ಹೈ! ಯೆಶಾಯ 66:1-2
ACT 7:51 ಜಿದ್ದಕರಾಲಾವೊ, ತುಮಾರು ಮನಸ್ಸ ವರಿ ಹತೊ ಚೊ಼ಕಾ ನೈ ರ‍್ಹಯಲಕ್ಹು ತುಮೆ ತಿನಿ ವಾತ ನೈ ಐಕಲಖು ವರಿ ಪವಿತ್ರಾತ್ಮ ತಮನೊನೆ ತಿಳಸಾವಾನಿ ವಿಷಯಮ್ಮಾ ತುಮೆ ಕೆಳಾಮಾಬಿ ವಿರುದ್ದ ಥೈನ ವ್ಹತ್ತಾ. ತಮಾರಾ ಪಿತೃವೊ ಅಮ್ಮಜ಼ ಕರ‍್ಯಾ ವರಿ ತುಮೆ ತ್ಯುನಾಲಿಂಗತ ಛೆ!
ACT 7:52 ಜುವತ್ತಾ ರ‍್ಹಯಲ ಪ್ರವಾದಿಯೊಮಾ ಹರಯಕ್ಲಾನೆ ತಮಾರಾ ಪಿತೃವೊ ತ್ರಾಸ ಕರ‍್ಯಾ. ನಿತಿವಾಲೊ ಯಕ್ಲೊ ಆವಸ ಕೈನ ಘನ್ನಾ ಟೈಮನಾ ಪಚಾ಼ಜ಼ ತೆ ಪ್ರವಾದಿಯೊ ಕದ್ಯಾ. ತಿನಾಹುತಿ ತಮಾರಾ ಪಿತೃವೊ ತೆ ಪ್ರವಾದಿಯೊನೆ ಖಲಾಸ ಕರಿ ಪಾಡ್ಯಾ. ಹಮ್ನಾ ತಿನಾಲಿಂಗತ ಸುಜ಼ ತಪ್ಪ ನೈ ಕರಲವಾಲಾ ಯೆಸು ಕ್ರಿಸ್ತನಾ ವಿರುದ್ದ ಥೈನ ತಿನೆಬಿ ಖಲಾಸ ಕರಿ ಪಡ್ಯಾ.
ACT 7:53 ಕ್ಹುದಾ ತಿನಾ ದುತೊನಾ ಮುಕಾಂತರ ದಿದಲ ಮೊಶೆನು ಧರಮಶಾಸ್ತ್ರ ಲಿನ ತುಮೆಜ಼ ತಿನೆ ವಿಧೆಯ ಥಾತಾ ನೈ!
ACT 7:54 ಸ್ತೆಫನಾ ಆ ವಾತೊ ಐಕಿನ ತೆ ಯೆಹುದಿಯೊನಾ ಮ್ಹೊಟಾ ಶ್ಯಾನ್ಯಾ ಘನ್ನಾ ಶಿಟ್ಟ ಥಯಾ. ತ್ಯುನೆ ಶಿಟ್ಟಕ್ಹು ಸ್ತೆಫಾನಾ ಉಪ್ಪರ ದಾತೊ ಕ್ಹಾವಾಡಾತ್ತಾ.
ACT 7:55 ತೆನೈಸೊ ಸ್ತೆಫನ ಪವಿತ್ರಾತ್ಮಕ್ಹು ಭರಿನ ತೆ ಸ್ವರ್ಗನೆ ದೆಕಿನ ಕ್ಹುದಾನಿ ಮಹಿಮಾ ವರಿ ಕ್ಹುದಾನಾ ಬಾಜು಼ಮಾ ಬೈಟೆಲ ಯೆಸುನೆ ದೆಕ್ಯೊ,
ACT 7:56 ದೆಕೊ ಸ್ವರ್ಗ ಖುಲ್ಲಾ ಥಯಲ ಮನಕ್ಹನೊ ದಿಕ್ರೊ ಕ್ಹುದಾನಾ ಶಿದಾ ಬಗಲ ಹುಬ್ರಯೆಲ ಮಿ ದೆಕಾಡೊಸ! ಕದ್ಯೊ.
ACT 7:57 ತೆಳಮಾ ಯೆಹುದಿಯೊನಾ ನಾಯಕೊ ಜೊ಼ರ ವದ್ರಿನ, ತ್ಯುನಾ ಕಾನೊ ಹತ್ತೊಕ್ಹು ಝಾಕಿಲಿದ್ಯಾ. ತ್ಯುನೆ ಕ್ಹಾರಾ ಸ್ತೆಫನ ಕನ ಮಳಿನ ನ್ಹಾಟತ್ತಾ,
ACT 7:58 ತಿನೆ ಗಾಮ್ತಾ ಭಾರಾ ಎಳದಿನ ಲೈನ ತೆ ಮರೆಲಕ್ಕಾ ತಿನಾ ಉಪ್ಪರ ದಗ್ಡಾ ನಾಕ್ಯಾ ಸ್ತೆಫಾನೆ ವಿರುದ್ದ ಥೈನ ಸುಳ್ಳ ಕದಲ ಮನಕ್ಹೊ ತ್ಯುನಾ ಅಂಗ್ಡಾ ಕಾಡಿನ ಸೌಲಾ ಕವಾಲಾನೆ ದಿನ,
ACT 7:59 ಸ್ತೆಫನನೆ ದಗ್ಡಾ ನಾಕ್ಯಾ ತೆನೈಸೊ ಸ್ತೆಫನ ಪ್ರಾರ್ಥನಾ ಕರತೊ "ಪ್ರಭು ಥಯಲ ಯೆಸು ಮಾರಿ ಆತ್ಮಾನೆ ಒಪ್ಸುಸ" ಕದ್ಯೊ.
ACT 7:60 ತೆ ಉಂದಾಘುಡಗಾ ಘಾಲಿನ "ಪ್ರಭು ಆ ಪಾಪ ತ್ಯುನಾ ಉಪ್ಪರ ಘಾಲು ನಕೊ! ಕೈನ ಜ಼ಲಮ ಛೊಡ್ಯೊ.
ACT 8:1 ಸೌಲಾನೆ ತಿನೆ ಖಲಾಸ ಕರಲ ತಿನೆ ಪಸಂದ ಐಯು. ತೆ ದಿನಮಾ ಯೆರುಸಲೆಮಾ ರ‍್ಹಯಲ ಸಭೆನೆ ಘನ್ನು ತ್ರಾಸ ಥಯು. ಅಪೊಸ್ತಲೊನೆ ಛೊಡಿನ ಬಿಜಾ಼ ಕ್ಹಾರಾ ವಿಶ್ವಾಸಿಯೊ ಯುದಾಯಮಾ, ಸಮಾರ್ಯಮಾ ಬಿಕರೈಗಯಾ.
ACT 8:2 ತೆನೈಸೊ ಸೌಲಾ ಘರೊ ಘರೊಮಾ ಗೈನ ಮನಕ್ಹೊನೆ ಯಳ್ದಿಲೈನ ಕ್ಹಾರಾವೊನೆ ಜೆಲ್ಮಾ ಘಲೈನ ರ‍್ಹಯಲ ಸಭೆನೆ ಹಾಳ ಕರಾಡೊತೊ
ACT 8:3 ವಿಸ್ವಾಸಿಯೊ ಜೆರುಸಲೆಮ ಛೊಡಿನ ಗೈ ಪಡಾಡಾತಾ. ಅಪೊಸ್ತಲೊ ಯಕ್ಕಜ಼ ತ್ಯಾಜ ವ್ಹತ್ತಾ. ವಿಸ್ವಾಸಿಯೊ ಜುದೆಯ ವರಿ ಸಮಾರ್ಯನಾ ಬಿಜಿ-ಬಿಜಿ ಜ಼ಗಾ ಗಯಾ.
ACT 8:4 ತಿಮ್ಮ ಝುದಾ ಥಯಲ ಮನಕ್ಹೊ ತ್ಯಾ ತ್ಯಾ ಗೈನ ಸುವಾರ್ತೆ ಕವಾಡಾತಾ.
ACT 8:5 ಪಿಲಿಪ್ಪ ಸಮಾರ್ಯಾ ಕವಾನಾ ಗಾಮೆ ಗೈನ ಕ್ರಿಸ್ತನಾ ಹುತಿ ತ್ಯಾ ರ‍್ಹಯಲ ಮನಕ್ಹೊಕನ ಸುವಾರ್ತೆ ಕವಾಡೊತೊ.
ACT 8:6 ಗುಂಪ ಥೈನ ಕುಡಿನ ರ‍್ಹಯಲ ಮನಕ್ಹೊ ಫಿಲಿಪ್ಪ ಕವಾನಿಯೊ ವಾತೊ ಐಕಿನ ತೆ ಕರಲ ಸುಚಕ ಕಾಮೊ ದೆಕಿನ ತೆ ಕದಲ ಸಂಗತಿಯೊನೆ ಧ್ಯಾನ ದಿನ ಐಕ್ಯಾ.
ACT 8:7 ತ್ಯಾ ಘನ್ನಾ ಮನಕ್ಹೊಮಾತಾ ಭುತ್ಡಾ ವದ್ರಿನ ಭಾರಾ ಆಯಾ, ವರಿ ಘನ್ನಾ ಜ಼ನಾ ಲಕ್ವೊ ಮಾರಲವಾಲಾ ರೊಗಿಯೊನೆ ವರಿ ಹತೊ ಪಗೊ ವಾಕಾ ರ‍್ಹಯಲವಾಲಾ ಮನಕ್ಹೊ ಅರಾಮ ಥಯಾ.
ACT 8:8 ತಿನಾಹುತಿ ತೆ ಗಾಮನಾ ಮನಕ್ಹೊ ಘನ್ನಾ ಖುಶಿ ಥಯಾ.
ACT 8:9 ತೆನೈಸೊ ಘನ್ನಾ ದಿನತೊ ತೆ ಗಾಮ್ಮಾ ರ‍್ಹಯಲ ಸಿಮೊನ ಕವಾಲೊ ತೆ ಯಕ್ಕ ಮ್ಹೊಟೊ ಮನಕ್ಹ ವ್ಹೈ ಕೈನ ಕೈಲಿನ ಮಾಟಾ ಮಂತ್ರಾ ಕರ್ತೊ ಸಮರ್ಯಾಮಾ ರ‍್ಹಯಲ ಮನಕ್ಹೊಮಾ ಭೆ ಘಾಲ್ಯೊತೊ. ವರಿ ಮಿಜ಼ ವ್ಹೈ ಕೈನ ಘನ್ನು ಹೊತ್ತು ತಿಮಾ.
ACT 8:10 ನ್ಹಾನಾ ಮನಕ್ಹೊತಿ ಮ್ಹೊಟಾ ಮನಕ್ಹೊ ಕ್ಹಾರಾ, ಇಕನ ಮ್ಹೊಟಿ ಕ್ಹುದಾನಿ ತಾಕತ ಛೆ ಕೈನ ಕವೈಲೆತೊ ತಿನಿ ತೆ ಕದಲಜ಼ ತಿಮ್ಮ ಐಕ್ತಾತಾ.
ACT 8:11 ಘನ್ನಾ ದಿನ್ತಾ ತೆ ಕರಾನಾ ಮಾಟಾ ಮಂತ್ರಾಮಾ ರ‍್ಹಯಲ ಮನಕ್ಹೊ ತೆ ಕದಲ ತಿಮ್ಮಜ಼ ಐಕ್ತಾತಾ.
ACT 8:12 ತೆನೈಸೊ ಫಿಲಿಪ್ಪ ಕ್ಹುದಾನಿ ರಾಜ್ಯನಾ ಹುತಿ ವರಿ ಯೆಸು ಕ್ರಿಸ್ತನಾ ಹುತಿ ಚೊ಼ಕಿಯೊ ವಾತೊ ಕವಾಕ್ಹು ದಾಣ್ಗಾ ವರಿ ಬಾಕ್ಡಿಯೊ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿದ್ಯಾ.
ACT 8:13 ತೆಳಾಮಾ ಸಿಮೊನಬಿ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿದ್ಯೊ ಫಿಲಿಪ್ಪನಾ ಕ್ಹಾತೆ ಹಮೆಶಾ ರ‍್ಹೈನ ಸುಚಕ ಕಾಮೊ ಮ್ಹೊಟಾ ಕಾಮೊ ಥಾವಾನು ದೆಕಿನ ಘಾಬ್ರೊ ಥಾತೊತೊ.
ACT 8:14 ಸಮರ್ಯಾ ಗಾಮವಾಲಾ ಕ್ಹುದಾನಿ ವಾಕ್ಯಾ ಸ್ವಿಕಾರ ಕರಲ ವಾತ ಯೆರುಸೆಲೆಮಾ ರ‍್ಹಯಲ ಅಪೊಸ್ತಲೊ ಐಕಿನ, ಪೆತ್ರಾನೆ ವರಿ ಯೊಹಾನೆ ತ್ಯುನೊಕನ ಮೊಕಲ್ಯಾ.
ACT 8:15 ತ್ಯುನೆ ತೆ ಮನಕ್ಹೊಕನ ಐನ ತ್ಯುನೊನೆ ಪವಿತ್ರ ಆತ್ಮಾ ಮಳಾದೆ ಕೈನ ತ್ಯುನಾ ಹುತಿ ಪ್ರಾಥನಾ ಕರ‍್ಯಾ.
ACT 8:16 ಕಾಕದ್ಯಾಮ ತ್ಯುನೊಮಾ ಕಿನೆಜ಼಼ ಹಜು಼ನಬಿ ಪವಿತ್ರ ಆತ್ಮಾ ಮಳಿ ನ್ಹೊತಿ. ತ್ಯುನೆ ಕ್ಹಾಲಿ ಯೆಸು ಕ್ರಿಸ್ತನಾ ನಾಮಪರ ಬಾಪ್ತಿಸ್ಮ ಯಕ್ಕಜ಼ ಕರೈಲಿದ್ಯಾತಾ. ತಿನಾಹುತಿಜ ಯೊಹಾನ ವರಿ ಪೆತ್ರಾ ತ್ಯಾ ಪ್ರಾರ್ಥನಾ ಕರ‍್ಯಾ.
ACT 8:17 ಅಪೊಸ್ತಲೊ ತೆ ಮನಕ್ಹೊನಾ ಮಾತಾಪರ ಹತೊ ಮ್ಹೆಲ್ತಾಮಾ ತ್ಯುನೊಪರ ಪವಿತ್ರ ಆತ್ಮಾನಿ ವರಾ ಮಳಿ.
ACT 8:18 ಪೆತ್ರಾ ವರಿ ಯೊಹಾನ ಮನಕ್ಹೊನಾ ಮಾತಾಪರ ಹತ ಮ್ಹೆಲ್ತಾಮಾ ಪವಿತ್ರ ಆತ್ಮಾ ಮಳಾನು ಸಿಮೊನೆ ದೆಕಿನ ದೊಕ್ಡಾಲೈನ ಅಪೊಸ್ತಲೊನಾ ಕ್ಹಾಮೊ ಮುಕ್ಕಿನ,
ACT 8:19 ವರಿ "ಮಿ ಕಿನಾ ಮಾತಾಪರ ಹತ ಮ್ಹೆಲುಸ ತ್ಯುನೆ ಪವಿತ್ರ ಆತ್ಮಾನಿ ವರಾ ಮಳು ಕೈನ ಮನೆ ತೆವೊ ಅದಿಕಾರ ದಿವೊ ಕೈನ ತ್ಯುನೊನೆ ಕದ್ಯೊ.
ACT 8:20 ತೆಳಾಮಾ ಪೆತ್ರಾ ತಿನೆ, ತಾರು ರುಪ್ಪು ತಾರಾ ಕ್ಹಾತೆಜ಼ ಹಾಳ ಥೈನ ಜಾ಼ವಾದೆ. ಕ್ಹುದಾ ದಿವಾನಿ ವರಾ ದೊಕ್ಡಾ ದಿನ್ನ ಇಕ್ಕಾತು ಲಿವಾನು ವ್ಹೈ ಕೈನ ತಿಳ್ದಿಲಿದ್ಯೊಸ?
ACT 8:21 ಎ ಕಾಮಮಾ ತುನೆ ವಾಟೊಜ಼ ನತ್ತಿ ಕಾಕದ್ಯಾಮ ತಾರು ಮನಸ ಕ್ಹುದಾನಾ ಕ್ಹಾಮು ಚೊ಼ಕು ನತ್ತಿ.
ACT 8:22 ತಿನಾ ಹುತಿ ತು ತುಕನ ರ‍್ಹಯಲ ಕೆಟ್ಟತನಾ ಛೊಡಿನ ತು ಕರಲ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರ ಕರ್ತಾ ತಾರಾ ಮನಸ್ಮಾ ರ‍್ಹಯಲ ವಿಚಾರೊನೆ ಮಾಫ ಕರಸ ತಿಕನ ಮಾಂಗಿಲೆ.
ACT 8:23 ತು ಘನ್ನಾ ಕೆಟ್ಟ ವಿಚಾರೊಕ್ಹು ಭರ‍್ಯೊಸ ವರಿ ಪಾಪ ತುಪರ ರಾಜ ಕರಸ, ಕೈನ ಕದ್ಯಾ.
ACT 8:24 ತೆ ವಾತೆ ಸಿಮೊನ, ತುಮೆ ಕದಲ ವಾತೊ ಲಿಂಗತ ಕಯುಜ಼ ಮಪರ ರ‍್ಹಯೆ ನೈಸೊ ಮಾರಾ ಹುತಿ ಕರ್ತಾಕನ ಮಾಂಗಿಲಿವೊ ಕೈನ ಕದ್ಯೊ.
ACT 8:25 ಇಮ್ಮ ರ‍್ಹೈನ ತ್ಯುನೆ ಕರ್ತಾನಿ ವಾಕ್ಯಾ ತ್ಯುನೆ ರ‍್ಹಯಲ ಕ್ಹಾರಿ ಜ಼ಗಾ ಕದಲ್ಪರ ಯೆರುಸೆಲೆಮ ಫರಿನ ಐನ ಸಮರ್ಯಾಮಾ ರ‍್ಹಯಲ ಮನಕ್ಹೊನಾ ಗಾಮೊಯೆ ಗೈನ ಸುವಾರ್ತೆ ಕದ್ಯಾ.
ACT 8:26 ಕರ್ತಾನೊ ದುತ ಫಿಲಿಪ್ಪನೆ ತು ಉಟಿನ ದಕ್ಷಿಣನಾ ಕ್ಹಾಮೊ ರ‍್ಹಯಲ ಜೆರುಸೆಲಿಮ್ಮಾ ಗಾಜನೆ ಜಾ಼ವಾನಿ ವಾಟೆ ಜಾ಼ ತೆ ವಾಟ್ಮಾ ಕುನ್ನಜ಼ ಆತು ಜಾ಼ತು ನೈ ಕೈನ ಕದ್ಯೊ.
ACT 8:27 ತಿನಾ ಲಿಂಗತಜ಼ ಫಿಲಿಪ್ಪ ದುತ ಕದಲ ಲಿಂಗತಜ ಗಯೊ ತೆ ವಾಟ್ಮಾ ಇಥೊಪಿಯಾನೊ ಯಕ್ಲೊ ಮನಕ್ಹ ದಿಕ್ಹೊ ತೆ ಮನಕ್ಹ ಇಥಿಯೊಪಿಯಾನಾ ಕಂದಾಕೆ ಕವಾಲಿ ರಾಣಿನಾ ದರಬಾರಮಾ ಯಕ್ಕ ಅದಿಕಾರಿ ವ್ಹತ್ತೊ. ತೆ ತಿನಾ ದೊಕ್ಡಾ ಕ್ಹಮಾಳಾವಾಲೊ ವ್ಹೈ. ತೆ ಮನಕ್ಹ ಜೆರುಸಲೆಮನೆ ಕ್ಹುದಾನಿ ಆರಾಧನಾ ಕರಾನೆ ಗಯೊತೊ.
ACT 8:28 ತೆ ತಿನಾ ಗಾಮೆ ಫರಿನ ರಥಮಾ ಬೈಟಿನ ಯೆಶಾಯನು ಬುಕ್ಕ ಒದತೊ ಚಾ಼ಲ್ಯೊತೊ.
ACT 8:29 ಪವಿತ್ರ ಆತ್ಮಾ ಫಿಲಿಪ್ಪನೆ, ತು ಅಗೊ ಗೈನ ರಥಾನಾ ಕ್ಹಾಮೊ ಹುಬ್ರೆ" ಕದ್ಯೊ.
ACT 8:30 ತಿನಾ ನಿಗಂತಜ ಫಿಲಿಪ್ಪ ಅಗೊ ಗೈನ ತೆ ಯೆಶಾಯನಿ ಪ್ರವಾದನೆ ಒದಾನು ಐಕ್ಯೊ. ತು ಒದಾನು ತುನೆ ಗ್ವತ್ತ ಥಾವಾಡ್ಯುಸು? ಕೈನ ತಿನೆ ಪುಚ್ಯೊ.
ACT 8:31 ತೆ ಅದಿಕಾರಿ ತಿನೆ ಮಿ ಒದಾನು ಕುನ್ನಬಿ ತಿಳಶ್ಯಾವಾಚಿ ಮನೆ ಕಿಮ ಗ್ವತ್ತ ಥಾಸ? ಕೈನ ಕದ್ಯೊ. ರಥಾ ಚ಼ಡಿನ ಬೈಟಾ ಕೈನ ಫಿಲಪ್ಪನೆ ತೆ ಅದಿಕಾರಿ ಬಲಾಯೊ.
ACT 8:32 ತೆ ಒದಾನು ಪ್ರವಾದನೆ ಅಮ್ಮ ವ್ಹತ್ತಿ; ಕತ್ರಾನಿ ಜ಼ಗಾಪರ ನಿಂಜಾಯಲ ಬಕ್ರಾ ಲಿಂಗತ ತೆ ವ್ಹತ್ತೊ. ಬಕ್ರು ಕಿಮ ಬಾಲೊ ಕತ್ರಾಲಾನಾ ಕ್ಹಾಮು ಗಪ್ಪ ರ‍್ಹವಸ ತಿನಾ ಲಿಂಗತಜ಼ ತೆ ಗಪ್ಪ ವ್ಹತ್ತೊ. ತೆ ವಟ್ಟಜ ಮ್ಹೊಡು ಖೊಲ್ಯೊ ನೈ.
ACT 8:33 ತಿನಿ ಮರ್ಯಾದಿ ಕಾಡ್ಯಾ ತಿನೆ ನ್ಯಾಯ ಮಳ್ಯೊ ನೈ ಲಾಸ್ಟೆ ತಿನೊ ಜಲಂಬಿ ಕಾಡಿ ಪಡ್ಯಾ ತಿನಾ ಖಾಂದಾನನಾ ಹುತಿ ಕುನ್ನ ಬೊಲಸಕಸ
ACT 8:34 ತೆ ಮನಕ್ಹ ಪಿಲಿಪನೆ ಎ ಪ್ರವಾದಿ ಕಿನಾ ಹುತಿ ಕವಾಡ್ಯೊಸ. ತಿನಾ ಹುತಿಜ಼ ವ್ಹೈ ಸು? ಸು ಬಿಜಾ಼ ಪ್ರವಾದಿನಾ ಹುತಿ ವ್ಹೈ ಸು? ಮನೆ ಕೆ ಕೈನ ಫಿಲಿಪ್ಪನೆ ಕೈಲಿದ್ಯೊ.
ACT 8:35 ತಿನಾಹುತಿ ಫಿಲಿಪ್ಪ ತಿನೆ ಯೆಶಾಯನಾ ಬುಕ್ಕಕಂತೊ ಧರಿನ ಯೆಸು ಸ್ವಾಮಿನಾ ವಿಷಯಮಾ ಹರಿಯಕ್ಕ ತಿಳಸಾಯೊ.
ACT 8:36 ತ್ಯುನೆ ವಾಟ್ಮಾ ಜಾ಼ತಾಮಾ ಯಕ್ಕ ತಳಾನಾ ನಜಿಕ ಆಯಾ. ತೆಳಾಮಾ ತೆ ಮನಕ್ಹ ದೆಕ ನ್ಹ್ಯಾ ಪಾನಿ ಛೆ ಬಾಪ್ತಿಸ್ಮ ಲಿವಾನೆ ಮನೆ ಸುಬಿ ಅಡ್ಡ ಛೆಸು? ಕೈನ ಫಿಲಿಪ್ಪನೆ ಪುಚ್ಯೊ಼.
ACT 8:37 ತೆ ವಾತೆ ಫಿಲಿಪ್ಪ ತಾರಾ ಮನಸ ಕ್ಹರಿನೆ ನಂಬಾನೊ ರ‍್ಹಯೊಮ ಬಾಪ್ತಿಸ್ಮ ಕರೈಲೆ ಸಕಸ ಕೈನ ಕದ್ಯೊ. ತೆ ವಾತೆ ಯೆಸು ಕ್ರಿಸ್ತನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಬರೊಕ್ಹೊ ಕರುಸ ಕೈನ
ACT 8:38 ರಥಾ ಹುಬ್ರಾಡಾನೆ ಆಗ್ಯಾ ದಿದ್ಯೊ" ತೆಳಾಮಾ ಅದಿಕಾರಿ ವರಿ ಫಿಲಿಪ್ಪ ಪಾನಿಮಾ ಉತ್ರ್ಯಾ ಫಿಲಿಪ್ಪ ಅದಿಕಾರಿನೆ ಬಾಪ್ತಿಸ್ಮ ದಿಲಾಯೊ.
ACT 8:39 ತ್ಯುನೆ ಪಾನಿಮಾತಾ ಭಾರಾ ಆತಾಮಾ ಕರ್ತಾನಿ ಆತ್ಮಾ ಫಿಲಿಪ್ಪನೆ ಲಿನ ಗೈ ಅದಿಕಾರಿನೆ ತೆಳಾಮಾತೊ ತೆ ದಿಕ್ಹ್ಯೊಜ಼ ನೈ. ತೆ ಜಾ಼ವಾನಿ ವಾಟೆ ಜಾ಼ತಾಮಾ ಖುಶಿಮಾಜ಼ ಗಯೊ.
ACT 8:40 ತೆ ಥಯಲ್ಪರ ಫಿಲಿಪ್ಪ ಅಜೊತಿಮಾ ದಿಕ್ಹಿನ ತ್ಯಾಂತೊ ಕೈಸೆರೆ ಆಯೆಲಕ್ಕಾ ಕ್ಹಾರಾ ಗಾಮೊಮಾ ಸುವಾರ್ತೆ ಕತೊಜ಼ ಗಯೊ.
ACT 9:1 ಸೌಲಾ ಕರ್ತನಾ ಶಿಷ್ಯಾವೊನೆ ಭುಚ್ಕಾ಼ಡತೊ ವರಿ ತ್ಯುನೊನೆ ಖಲಾಸ ಕರು ಕೈನ ಕೊಶಿಶ ಕರಾಡೊತೊ. ತಿನಾಹುತಿ ತೆ ಮ್ಹೊಟಾ ಯಾಜಕಕನ ಗೈನ,
ACT 9:2 ಪ್ರಭುನಾ ಉಪ್ಪರ ಬರೊಕ್ಹೊ ಮ್ಹೆಲಲ ದಾಣ್ಗಾ ರ‍್ಹಯಾತಬಿ ಬಾಕ್ಡಿಯೊ ರ‍್ಹಯ್ಯೊತಬಿ ತೆ ತ್ಯುನೊನೆ ಭಾಂದಿನ ಯೆರುಸೆಲೆಮೆ ಲೌ ಕೈನ ದಮಸ್ಕಮಾ ರ‍್ಹಯಲ ಬಿಜಿಯೊ ಸಭಾಮಂದಿರೊಮಾ ರ‍್ಹಯಲವಾಲಾವೊನೆ ಚಿಟಿಯೊ ದ್ಯು ಕೈನ ತಿಕನ ಮಾಂಗಿಲಿದ್ಯೊ.
ACT 9:3 ತಿನಾಹುತಿ ತೆ ದಮಸ್ಕನೆ ಜಾ಼ತಾ ಟೈಮಾ ತಿನಾ ಕ್ಹಾಮು ಮ್ಹೊಟ್ಟೊ ಉಜಾಲು ಹಬಾಳಮಾತು ಉತ್ರಿನ ಐಯು.
ACT 9:4 ತೆಳಾಮಾ ತೆ ಜಿಮಿನ್ಪರ ಪಡ್ತಾಮಾ -ಸೌಲಾ ಸೌಲ, ತು ಮನೆ ಕಾ ತ್ರಾಸ ಕರಾಡ್ಯೊಸ ಕೈನ ಯಕ್ಕ ಆವಾಜ ಐಕ್ಯೊ.
ACT 9:5 ತೆಳಾಮಾ ತೆ, ಪ್ರಭು ತು ಕುನ್ನ ವ್ಹೈ” ಕೈನ ಪುಚ಼ತಾಮಾ ತು ಕಿನೆ ತ್ರಾಸ ಕರಾಡೊಸ ದೆಕ ತೆ ಯೆಸುಜ಼ ಮಿ ವ್ಹೈ.
ACT 9:6 ತೆ ವಾತೆ ಕರ್ತಾ ತಿನೆ ತು ಉಟಿನ ಗೈನ ಗಾಮ್ನಾ ಮ್ಹೈ ಜಾ಼, ತ್ಯಾ ತು ಸುಕರು ಕೈನ ಮಿ ತುನೆ ತಿಳಸೌಸ.
ACT 9:7 ತಿನಾ ಕ್ಹಾತೆ ಆಯಲವಾಲಾ ಕ್ಹಾಲಿ ಅವಾಜ಼ ಯಕ್ಕಜ಼ ಐಕ್ಯಾ ತ್ಯಾ ಕುನ್ನಜ ನೈ ರ‍್ಹಯಲ ದೆಕಿನ ಘನ್ನಾ ಘಾಬ್ರಾ ಥಯಾ.
ACT 9:8 ಸೌಲಾ ಜಿಮಿನ್ಪರ್ತೊ ಉಟಿನ ಡೊಳಾ ಕಾಡಿನ ದೆಕ್ತಾಮಾ ಕುನ್ನಜ಼ ದಿಕ್ಹು ನೈ. ತೆಳಾಮಾ ತಿನಾ ಕ್ಹಾತೆ ಆಯಲ ಮನಕ್ಹೊ ತಿನೊ ಹತ್ತ ಧರಿನ ದಮಸ್ಕ ಗಾಮೆ ಲಿನ ಗಯಾ;
ACT 9:9 ತಿನೆ ತನ್ನ ದಿನ್ನ ಲಕ್ಕಾಬಿ ಡೊಳಾ ದಿಕ್ಹ್ಯಾ ನೈ ವರಿ ತೆ ತನ್ನ ದಿನ್ನ ಲಕ್ಕಾಬಿ ಅನ್ನ ಖಾದ್ಯೊನೈ ಪಾನಿಬಿ ಪಿದ್ಯೊ ನೈ.
ACT 9:10 ದಮಸ್ಕ ಗಾಮಮಾ ಅನನಿಯ ಕವಾಲೊ ಯೆಸು ಸ್ವಾಮಿನೊ ಯಕ್ಕ ಶಿಶ್ಶೊ ವ್ಹತ್ತೊ; ಕರ್ತಾ ತಿನೆ ದರ್ಶನಮಾ, ಅನನಿಯಾ ಕೈನ ಬಲಾತಾಮಾ ತೆ ಪ್ರಭು ಮಿ ನ್ಹ್ಯಾ ಛೆ” ಕದ್ಯೊ.
ACT 9:11 ಪ್ರಭು ಅನನಿಯನೆ, ತು ಉಟಿನ ಮಿ ಕದಲ ವಾಟೆ ಜಾ಼ ತುನೆ ತ್ಯಾ ಯುದನು ಘರ ಮಳಸ ತೆ ಘರಮಾ ಗೈನ ತ್ಯಾ ತಾರ್ಸತೊ ಆಯಲ ಸೌಲನಾ ಹುತಿ ಪುಚ್ಚ ತೆ ಹಮ್ನಾ ತ್ಯಾ ಪ್ರಾರ್ಥನಾ ಕರಾಡೊಸ.
ACT 9:12 ಪೌಲ ಯಕ್ಕ ದರ್ಶನ ದೆಕ್ಯೊಸ ತೆ ಸು ವ್ಹೈ ಕದ್ಯಾಮ; ಅನನಿಯ ಕವಾಲೊ ಯಕ್ಕ ಮನಕ್ಹ ಮ್ಹೈ ಐನ ತಿನಾ ಮಾತಾಪರ ಹತ ಮ್ಹೆಲಸ ತೆಳಾಮಾ ಫರಿನ ತಿನೆ ಡೊಳಾ ದಿಕ್ಹಸ ಕೈನ ಕದ್ಯೊ.
ACT 9:13 ತೆ ವಾತೆ ಅನನಿಯಾ - ಪ್ರಭು, ತೆ ಮನಕ್ಹ ಯೆರುಸೆಲಿಮಮಾ ತಾರಾ ಪರಿಶುದ್ಧ ಮನಕ್ಹೊನೆ ಕೆಕ್ಲು ಕೆಟ್ಟ ಕರ‍್ಯೊಸ ಕವಾನು ಮಿ ಮನಕ್ಹೊನಾ ಮ್ಹೊಡಾತೊ ಐಕ್ಯೊಸ.
ACT 9:14 ತೆ ಹಮ್ನಾ ದಮಸ್ಕ ಗಾಮೆ ಆಯೊಸ ವರಿ ತುಪರ ಬರೊಕ್ಹೊ ಮ್ಹೆಲಾವಾಲಾ ಮನಕ್ಹೊನೆ ಜೆಲಮಾ ಘಾಲಾನು ಅದಿಕಾರ ಮ್ಹೊಟಾ ಯಾಜಕೊ ತಿನೆ ದಿದ್ಯಾಸ ಕೈನ ಕದ್ಯೊ.
ACT 9:15 ತೆನೈಸೊ ಕರ್ತಾ ತಿನೆ, ತು ಜಾ಼; ಮ್ಹೊಟಾ ಕಾಮನಾ ಹುತಿ ಮಿ ಸೌಲಾನೆ ಇನಿಲಿದ್ಯೊಸ. ತೆ ಮಾರಾ ಹುತಿ ರಾಜಾ಼ವೊನೆ ಯಹುದಿಯೊನೆ ವರಿ ಬಿಜಾ಼-ಬಿಜಾ಼ ಮನಕ್ಹೊವೊನೆಬಿ ತಿಳಸು ಕೈನ ಛೆ.
ACT 9:16 ತೆ ಮಾರಾ ನಾಮಪರ ಕೆಕ್ಲೊ ತ್ರಾಸ ಖೌ ಕೈನ ತಿನೆ ಮಿಜ಼ ದೆಕಾಡಿನ ದ್ಯುಸ ಕೈನ ಕದ್ಯೊ.
ACT 9:17 ತೆಳಾಮಾ ಅನನಿಯಾ ಪೌಲಾ ರ‍್ಹಯಲ ಘರ್ಮಾ ಗೈನ ತಿನಾ ಮಾತಾಪರ ತಿನಾ ಹತೊ ಮ್ಹೆಲಿನ, ಮಾರಾ ಭೈ, ತು ಆಯಲ ವಾಟ್ಮಾ ತುನೆ ದಿಕ್ಹಲ ಪ್ರಭು ಥಯಲ ಯೆಸು ತುನೆ ಡೊಳಾ ದಿಕ್ಹಾ ವರಕ್ಹು, ತು ಪವಿತ್ರ ಆತ್ಮಾಕ್ಹು ಭರು ಕೈನ ಮನೆ ತುಕನ ಮೊಕ್ಲ್ಯೊಸ ಕೈನ ಕದ್ಯೊ.
ACT 9:18 ತೆಳಾಮಾ ತಿನಾ ಡೊಳಾಮಾತು ಪರಿ ಲಿಂಗತ ಸು ಯಕ್ಕ ಪಡಿನ ತಿನಾ ಡೊಳಾ ದಿಕ್ಹ್ಯಾ. ತೆಳಾಮಾ ತೆ ಬಾಪ್ತಿಸ್ಮ ಕರೈಲಿದ್ಯೊ.
ACT 9:19 ತೆಳಾಮಾ ತೆ ಅನ್ನ ಖಾದ್ಯೊ. ತೆ ದಮಸ್ಕಮಾ ರ‍್ಹಯಲ ಯೆಸು ಸ್ವಾಮಿನಾ ಶಿಷ್ಯಾವೊನಾ ಕ್ಹಾತೆ ತ್ಯಾಜ ದಕ್ಹಾ ದಿನ್ನ ವ್ಹತ್ತೊ.
ACT 9:20 ತೆ ತೆಳಾಮಾಜ಼ ಸಬಾಮಂದಿರೊಮಾ ಯೆಸುನಾ ಹುತಿ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕವಾನು ಶುರು ಕರ‍್ಯೊ.
ACT 9:21 ತೆ ಐಕಲವಾಲಾ ಕ್ಹಾರಾ ಮನಕ್ಹೊ ಗಾಬ್ರಾ ಥೈನ ಕ್ರಿಸ್ತನು ನಾಮ ಕವಾಲಾವೊನೆ ಯೆರುಸೆಲೆಮಮಾ ಖಲಾಸ ಕರಾಲೊ ಎಜ಼ ನ್ಹವ್ಹೈ ಸು? ಯೆಸುನಾ ಶಿಷ್ಯಾವೊನೆ ಬೆಡಿಯೊ ಘಾಲಿನ ಖಾಸ ಯಾಜಕೊಕನ ಲಿನಜಾ಼ವಾದೆ ಕೈನ ನ್ಹ್ಯಾ ಆಯೊಸ ಸು ಕೈನ ಬೊಲ್ಲಿದ್ಯಾ.
ACT 9:22 ಸೌಲಾ ವರಿ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಘನ್ನಾ ಬರೊಕ್ಹಾಕ್ಹು ಜೊ಼ರ-ಜೊ಼ರ ಕವಾಡೊತೊ. ತೆ ಕವಾನಾ ವಾತೊ ಕ್ಹರಿ ರ‍್ಹಯಲಕ್ಹು ದಮಸ್ಕಮಾ ರ‍್ಹಯಲ ಯೆಹುದಿಯೊ ತಿನೆ ಸುಜ಼ ಬೊಲ್ಯಾ ನೈ.
ACT 9:23 ಘನ್ನಾ ದಿನ್ನೊ ಥಯಲ್ಪರ ಯಹುದಿಯೊ ಸೌಲನೆ ಖಲಾಸ ಕರು ಕೈನ ವಿಚಾರ ಕರಿಲಿದ್ಯಾ.
ACT 9:24 ತಿನೆ ಖಲಾಸ ಕರಾನಾ ಹುತಿ ತ್ಯುನೆ ದಿನ್ನ ರಾತ ಗಾಮ್ನಾ ಬಾಕಲನಾ ಕ್ಹಾಮಾ ತ್ಯುನೆ ಕೈದತಾತಾ. ತೆನೈಸೊ ತ್ಯುನೆ ವಿಚಾರ ಕರಿಲಿದಲ ಸೌಲಾನೆ ಗ್ವತ್ತ ಥಯು.
ACT 9:25 ತೆನೈಸೊ ಸೌಲಾನೆ ಯೆಸು ಸ್ವಾಮಿನಾ ಶಿಷ್ಯಾ ರಾತನಾ ಟೈಮಮಾ ತಿನೆ ಬಲೈ ಲಿನ ಗೈನ, ಯಕ್ಕ ಟೊಪ್ಲಾಮಾ ಬೈಟಾಡಿನ ಗೊಡಿನಾ ಸಂದಿಮಾ ಉತಾರ‍್ಯಾ.
ACT 9:26 ತೆ ಯೆರುಸಲೆಮೆ ಐನ ಶಿಷ್ಯಾವೊನಾ ಕ್ಹಾತೆ ಮಳು ಕೈನ ಕೊಶಿಶ ಕರ‍್ತಾಮಾ ತ್ಯಾ ರ‍್ಹಯಲವಾಲಾ ತಿನೆ ಯೆಸುನಾ ಶಿಷ್ಯೊ ನ್ಹವೈ ಕೈನ ನಂಬಿನ ಭುಚ಼ಕ್ಯಾ.
ACT 9:27 ತೆನೈಸೊ ಬಾರ್ನಬ ತಿನಿ ಮದತ ಕರನಾ ಹುತಿ ಅಪೊಸ್ತಲೊಕನ ಬಲೈಲಿನ ಗೈನ ತೆ ದಮಸ್ಕನಿ ವಾಟ್ಮಾ ಕರ್ತಾನೆ ದೆಕಲ ವರಿ ತಿನಾ ಕ್ಹಾತೆ ಬೊಲಲ ದಮಸ್ಕಮಾ ಯೆಸುನಾ ನಾಮಪರ ಧೈರ‍್ಯಕ್ಹು ಕೈನ ತ್ಯುನೊನೆ ತಿಳಸೈನ ದಿದ್ಯೊ.
ACT 9:28 ತೆ ಥಯಲ್ಪರ ಸೌಲಾ ಯೆರೊಸೆಲಿಮಾ ರ‍್ಹೈನ ತ್ಯುನೊಕನ ಆತಾ ಜಾ಼ತಾ ರ‍್ಹಯಲವಾಲಾವೊನ ಪ್ರಭುನಾ ನಾಮಪರ ಧೈರ್ಯಕ್ಹು ಭೊದನೆ ಕರ‍್ತೊ ವ್ಹತ್ತೊ.
ACT 9:29 ವರಿ ಗ್ರಿಕಮಾ ಬೊಲಾಲಾ ಯಹುದಿಯೊನಾ ಕ್ಹಾತೆ ವಾದ-ವಿವಾದ ಕರ‍್ತೊತೊ. ತೆನೈಸೊ ತ್ಯುನೆ ತಿನೆ ಖಲಾಸ ಕರು ಕೈನ ಕೊಶಿಶ ಕರ‍್ತಾತಾ.
ACT 9:30 ಕ್ರಿಸ್ತಮಾ ಭಾಯೊ ರ‍್ಹಯಲವಾಲಾವೊನೆ ಎ ಕ್ಹಾರು ಗ್ವತ್ತ ಥಾತಾಮಾ ತ್ಯುನೆ ತಿನೆ ಕೈಸರೈಯೆ ಲಿನ ಗೈನ, ತ್ಯಾಂತಾ ತಾರ್ಸನೆ ಮೊಕಲ್ಯಾ.
ACT 9:31 ಇಮ್ಮ ರ‍್ಹತಾಮಾ ಯುದಾಯ ವರಿ ಗಲಿಲಾಯ ಸಮಾರ್ಯಾ ಸಿಮೆಮಾ ರ‍್ಹಯಲ ಸಬೆ ಸಮಾಧಾನ ವ್ಹಂದ್ಯು ವರಿ ಕರ್ತಾನಿ ಭೆಮಾ ಪವಿತ್ರ ಆತ್ಮಾ ಕ್ಹು ಪ್ರೊತ್ಸಾಹ ಹೊಂದಿನ ಬೆಳದತು ಆಯು.
ACT 9:32 ಪೆತ್ರಾ ಕ್ಹಾರಿ ಬಗಲ ಫರಿನ ಆತಾಮಾ ಲುದ್ದಮಾ ರ‍್ಹಯಲ ಕ್ಹುದಾನಾ ಮನಕ್ಹೊಕನ ಆಯೊ.
ACT 9:33 ತ್ಯಾ ಲಕ್ವೊ ಮಾರಲವಾಲಾನೆ ಆಟ ವರಕ್ಹತೊ ವಚ್ಚಾ಼ನಾಪರ ಪಡಲ ಐನೆಯ ಕವಾಲೊ ಯಕ್ಲಾ ಮನಕ್ಹನೆ ದೆಕ್ಯೊ.
ACT 9:34 ಪೆತ್ರಾ ತಿನೆ ಐನೆಯಾ ಯೆಸು ಕ್ರಿಸ್ತ ತುನೆ ಅರಾಮ ಕರಸ ತು ಉಟಿನ ತಾರು ವಚ್ಚಾ಼ನು ತುಜ಼಼ ಮಡಚ಼ ಕೈನ ಕದ್ಯೊ. ತೆಳಾಮಾಜ಼ ತೆ ಉಟ್ಯೊ.
ACT 9:35 ವರಿ ಲುದ್ದಮಾ, ಶಾರೊನಮಾ ರ‍್ಹವಾಲಾ ಕ್ಹಾರಾ ಮನಕ್ಹೊ ತಿನೆ ದೆಕಿನ, ತ್ಯುನೆ ಕರ್ತಾಕನ ಫರ‍್ಯಾ.
ACT 9:36 ಯೊಪ್ಪ ಗಾಮಾಮಾ ತಬಿಥಾ ಕವಾಲಿ ಯಕ್ಕ ವಿಸ್ವಾಸಿ ವ್ಹತ್ತಿ. ತೆ ನಾಮನೆ ಗ್ರಿಕಮಾ ಭಾಶಾಮಾ ದೊರ್ಕ ಕದ್ಯಾಮ ಚಿಗರಿ ವ್ಹೈ. ತೆ ಚೊ಼ಕಾ ಕಾಮೊ ವರಿ ದಾನ ಧರ್ಮ ಘನ್ನಾ ಕರತಿತಿ.
ACT 9:37 ತೆ ಕಾಲಮಾ ತೆ ರೊಗ ಲಾಗಿನ ಮರಿಗೈ. ತಿನಾ ಮರಲ ಅಂಗನೆ ಧ್ವಯಿನ ಉಪ್ಪರಲ್ಯಾ ಅಂಟಾಪರ ಖೊಲಿಮಾ ಮ್ಹೆಲ್ಯಾ.
ACT 9:38 ಯೊಪ್ಪನಾ ನಜಿಕ ರ‍್ಹಯಲ ಹುತಿ ಪೆತ್ರಾ ತ್ಯಾ ಛೆ ಕೈನ ಶಿಷ್ಯಾ ಐಕಿನ ಬೆ ಮನಕ್ಹೊನೆ ತಿಕನ ಮೊಕಲ್ಯಾ. ತಡಾ ಕರ‍್ಯಾವಾಚಿ ಹಮೊಕನ ಔ ಕೈನ ಮಾಂಗಿಲಿದ್ಯಾ.
ACT 9:39 ಪೆತ್ರಾ ಉಟಿನ ತ್ಯುನಾ ಕ್ಹಾತೆ ಗಯೊ. ತೆ ಆಯಲಬರೊಬ್ಬರ ತ್ಯುನೆ ತಿನೆ ಅಂಟಾಪರ ರ‍್ಹಯಲ ಖೊಲಿಮಾ ಬಲೈಲಿನ ಗಯಾ ತ್ಯಾ ಮಾಟಿ ಮರಲವಾಲಿಯೊ ರವಾಡಿಯೊತ್ಯೊ. ತೆ ನಜಿಕ ಹುಬ್ರೈನ ದೊರ್ಕಳ ತ್ಯುನಾ ಕ್ಹಾತೆ ರ‍್ಹತಾಮಾ ಕರಿನ ದಿದಲ ಪೆರಿಲಿವಾನಾ ವಣ್ಣಾ ಪೆತ್ರಾನೆ ದೆಕಾಡಿಯೊ.
ACT 9:40 ಪೆತ್ರಾ ತ್ಯುನೊನೆ ಕ್ಹಾರಾವೊನೆ ಭಾರೊ ಮೊಕಲಿನ ಉಂದಾಗುಡಗಾ ಘಾಲ್ಲಿನ ಪ್ರಾಥನಾ ಕರಿನ ಮುರ್ದಾ ಬಗಲ ಫರಿನ ತಬಿಥಾ ಉಟ್ಟ ಕದ್ಯೊ. ತೆ ಡೊಳಾ ಕಾಡಿನ ಪೆತ್ರಾನೆ ದೆಕಿನ ಉಟಿನ ಬೈಟಿ.
ACT 9:41 ತೆ ತಿನೊ ಹತ ಧರಿನ ಉಟಾಡಿ ಮಾಟಿ ಮರಲವಾಲಿಯೊಕನ ವರಿ ಕ್ಹುದಾನಾ ಮನಕ್ಹೊಕನ ಲಿನ ಗೈನ ಜಿವಿತಿ ಥಯಲವಾಲಿನೆ ತ್ಯುನಾ ಕ್ಹಾಮೊ ಹುಬ್ರಾಡ್ಯೊ.
ACT 9:42 ಎ ಸಂಗತಿ ಯೊಪ್ಪಮಾ ಫೈಲಿನ ಘನ್ನಾ ಜ಼ನಾ ಪ್ರಭು ಪರ ಬರೊಕ್ಹೊ ಮ್ಹೆಲ್ಯಾ.
ACT 9:43 ತೆ ಥಯಲ್ಪರ ಪೆತ್ರಾ ಯೊಪ್ಪಮಾ ಚಾ಼ಮ್ಡಾನು ಕಾಮ ಕರಾಲೊ ಸಿಮೊನ ಕವಾಲಾನಾ ಘರಮಾ ವ್ಹತ್ತೊ.
ACT 10:1 ಕೈಸರೈಯ ಗಾಮಮಾ ಕೊರ್ನೆಲಿಯ ಕವಾಲೊ ವ್ಹತ್ತೊ. ರೊಮನಾ ಸೈನ್ಯನೆ ಮಳಲ ‘ಇಟಲಿನಾ ದಳ’ ಮಾ ತೆ ಅದಿಕಾರಿ ವ್ಹತ್ತೊ.
ACT 10:2 ಕೊರ್ನೆಲಿಯ ಕ್ಹುದಾನೊ ಭಕ್ತ ವ್ಹತ್ತೊ. ತೆ ವರಿ ತಿನಾ ಘರಮಾ ರ‍್ಹಯಲ ಬಿಜಾ಼ ಕ್ಹಾರಾ ಜ಼ನಾ ಕ್ಹರಿನಾ ಕ್ಹುದಾನೆ ಆರಾಧನಾ ಕರ‍್ತಾತಾ. ತೆ ಗರಿಬೊನೆ ದೊಕ್ಡಾವೊನಿ ಮದತ ಕರ್ತೊತೊ. ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ್ತೊತೊ.
ACT 10:3 ಯಕ್ಕ ದಿನ್ನ ದುಪ್ಪಾರೆ ತನ್ನ ವಾಸ್ತಾನಾ ಸುಮಾರೆ ಕೊರ್ನೆಲಿಯನೆ ಯಕ್ಕ ದರ್ಶನ ಥಯು. ತೆ ತಿನೆ ಯಕ್ಕಜ಼ ಸಂವಾ ದೆಕ್ಯೊ. ತೆ ದರ್ಶನಮಾ ಕ್ಹುದಾನೊ ದುತ ಯಕ್ಲೊ ತಿಕನ ಐನ"ಕೊರ್ನೆಲಿಯ "ಕೈನ ಬಲಾಯೊ.
ACT 10:4 ಕೊರ್ನೆಲಿಯ ಕ್ಹುದಾನಾ ದುತನೆ ದೆಕಿನ ಭೆಂಕ್ಹು "ಸ್ವಾಮಿ, ಆ ಸುವೈ? ಕೈನ ಪುಚ್ಯೊ. ತೆ ಕ್ಹುದಾನೊ ದುತ ತಿನೆ "ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.
ACT 10:5 ಹಮ್ನಾ ಸಿಮೊನ ಕವಾಲಾ ಮನಕ್ಹನೆ ಬಲೈಲಿನ ಆವಾನಾ ಹುತಿ ತು ಮನಕ್ಹೊನೆ ಯೊಪ್ಪ ಗಾಮೆ ವಳಾ. ಸಿಮೊನನೆ ‘ಪೆತ್ರಾ’ ಕೈನ ಬಲಾವಸ.
ACT 10:6 ಸಿಮೊನ ಚಾ಼ಮ್ಡಾನು ಕಾಮ ಕರಾಲಾನಾ ಘರಮಾ ಛೆ. ತಿನು ಘರ ಸಮುಂದರನಾ ದಂಡಿಯೆ ಛೆ "ಕೈನ ಕದ್ಯೊ.
ACT 10:7 ಕೊರ್ನೆಲ್ಯನ ತಿನಾ ಕ್ಹಾತೆ ಬೊಲಲ ದೆವದುತ ಗಯಲ್ಪರ, ತಿನಾ ಘರ್ಮಾ ರ‍್ಹಯಲ ಆಳೊಮಾ ಬೆ ಜ಼ನಾ ವರಿ ತಿನಾ ಕ್ಹಾಮಾ ಕೆಳಾಮಾಬಿ ರ‍್ಹವಾಲಾ ಸಿಪಾಯಿಯೊಮಾ ಯಕ್ಕ ಕ್ಹುದಾನಾ ಭಕ್ತನೆ ಬಲೈನ,
ACT 10:8 ಕೊರ್ನೆಲಿಯ ತೆ ತನ್ನೆ ಜ಼ನಾವೊನೆ ಹರಯಕ್ಕ ಕದ್ಯೊ. ಪಾಚಲ್ತೊ ತ್ಯುನೊನೆ ಯೊಪ್ಪ ವಳಾಯೊ.
ACT 10:9 ಮರ್ನಾ ದಿನ್ನೆ ಎ ಮನಕ್ಹೊ ಯೊಪ್ಪನಾ ನಜಿಕ ರ‍್ಹತಾಮಾ ದುಪ್ಪಾರ ಥೈತಿ. ತೆ ಟೈಮಮಾ ಪೆತ್ರಾ ಪ್ರಾಥನಾ ಕರಾನಾ ಹುತಿ ಘರ್ನಾ ಉಪ್ಪರ ಗಯೊ.
ACT 10:10 ಪೆತ್ರಾನೆ ಭುಕ್ಕ ಲಾಗಿನ ಅನ್ನ ಖೌ ಕೈನ ಲಾಗ್ಯುತು. ತ್ಯಾ ತಿನೆ ಅನ್ನ ಕರಾಡಾತಾ. ತ್ಯಾ, ಪೆತ್ರಾನೆ ಯಕ್ಕ ದರ್ಶನ ಥಯು.
ACT 10:11 ಖುಲ್ಲಾ ಥಯಲ ಹಬಾಳಮಾತು ಕಯುಬಿ ಯಕ್ಕ ಚಿಜ಼ ಉತ್ರಿನ ಆವಾನು ತೆ ದೆಕ್ಯೊ. ತೆ ಮ್ಹೊಟೊ ಥಾಳೊ ಲಿಂಗತ ವ್ಹತ್ತು. ತಿನಾ ಚಾರೆ ಮುಲಾವೊನೆ ರಾಖೊಕ್ಹು ಭಾಂದಿನ ಜಿಮಿನ ಪರ ಉತಾರಾಡಾತಾ.
ACT 10:12 ತಿಮಾ ಕ್ಹಾರಾ ತರಾನಾ ಜಾನವರೊ ವ್ಹತ್ತಾ. ಕದ್ಯಾಮ ಚಾ಼ಲಾನಾ ಜಾನವರೊ ಫರಾನಾ ಕಿಡಾ ವರಿ ಉಡಾನಾ ಪಕ್ಷಿಯೊ ವ್ಹತ್ತಾ.
ACT 10:13 ತೆಳಾಮಾ ಯಕ್ಕ ಅವಾಜ಼"ಪೆತ್ರಾ, ಉಟ್ಟ! ಕಾಟಿನ ಖಾ "ಕೈನ ಕದ್ಯೊ.
ACT 10:14 ತೆನೈಸೊ ಪೆತ್ರಾ"ಪ್ರಭು, ಮಿ ತಿಮ್ಮ ನೈ ಕರಸಕ್ತೊ! ಪವಿತ್ರ ನೈ ರ‍್ಹಯಲನೆ ವರಿ ಶುದ್ಧ ನೈ ರ‍್ಹಯಲನೆ ಮಿ ಕೆಳಾಮಾಜ಼ ಖಾದಲವಾಲೊ ನ್ಹವೈ "ಕೈನ ಕದ್ಯೊ.
ACT 10:15 ತೆನೈಸೊ ತೆ ಅವಾಜ಼ ತಿನೆ"ಕ್ಹುದಾ ಎ ಕ್ಹಾರು ಶುದ್ಧ ಕರ‍್ಯೊಸ. ಎ ಕ್ಹಾರಾನೆ ಪವಿತ್ರ ನ್ಹವೈ ಕೈನ ಕೌ ನಕೊ "ಕೈನ ವರಿ ಕದ್ಯು.
ACT 10:16 ಇಮ್ಮ ತನ್ನ ಸಲಾ ಥಯು. ಪಾಚಾ಼ತು ತೆ ಪರಾತನೆ ಹಬಾಳಮಾ ವಾಪಸ ಲಿವಾ ಲಗಾಡ್ಯು.
ACT 10:17 ಪೆತ್ರಾ ತೆ ದೆಕಲ ಎ ದರ್ಶನನು ಮತ್ಲಬ ಸು ವಸೆ ಕೈನ ಘಾಬ್ರೊ ಥಯೊ. ತೆಕ್ಲಾಮಾಜ಼಼, ಕೊರ್ನೆಲಿಯ ವಳಾಯಲ ಮನಕ್ಹೊ ಸಿಮೊನನು ಘರ ಗ್ವತ್ತ ಕಳಿ ಲಿದ್ಯಾ. ತ್ಯುನೆ ಗೆಟಕನ ಹುಬ್ರೈನ,
ACT 10:18 "ಸಿಮೊನ ಪೆತ್ರಾ ನ್ಹಾ ರ‍್ಹವಸ ಸು? ಕೈನ ಪುಚ್ಯಾ.
ACT 10:19 ಎ ದರ್ಶನನಾ ಹುತಿ ಪೆತ್ರಾ ಹಜು಼ನ ಸೊಚಾ಼ಡೊತೊ. ತೆನೈಸೊ ಪವಿತ್ರ ಆತ್ಮಾ ತಿನೆ"ಸಿಮೊನ, ತುನೆ ತನ್ನ ಜ಼ನಾ ಹುಡಕ್ತಾ ಆಯಾಸ.
ACT 10:20 ತು ಉಟಿನ ಹೆಟೊ ಗೈನ ತ್ಯುನಾ ಕ್ಹಾತೆ ಜಾ಼ವಾ ಹುತಿ ಪಾಚೊ಼ ಸರಕು ನಕೊ. ಮಿಜ಼ ತ್ಯುನೊನೆ ತುಕನ ವಳಾಯೊಸ "ಕೈನ ಕದ್ಯೊ.
ACT 10:21 ತಿನಾಹುತಿ ಪೆತ್ರಾ ಹೆಟೊ ಉತ್ರಿನ ತ್ಯುನೊ ಕನ ಗೈನ"ತುಮೆ ಹುಡ್ಕಾನೊ ಮನಕ್ಹ ಮಿಜ಼ ವ್ಹೈ, ತುಮೆ ನ್ಹ್ಯಾ ಕಾ ಆಯಾಸ? ಕೈನ ಪುಚ್ಯೊ.
ACT 10:22 ತೆ ಮನಕ್ಹೊ "ಕೊರ್ನೆಲಿಯ ಕವಾನಾ ಯಕ್ಕ ಶತಾದಿಪತಿ ಛೆ. ತೆ ಧಾರ್ಮಿಕ ಮನಕ್ಹ ವ್ಹೈ. ತೆ ಕ್ಹುದಾನೆ ಆರಾಧನಾ ಕರಸ. ಯೆಹುದಿ ಮನಕ್ಹೊ ಕ್ಹಾರಾ ತಿನೆ ಮರ್ಯಾದಿ ದಿವಸ. ತುನೆ ತಿನಾ ಘರೆ ಬಲಾವಾನೆ ಕರಿನ ತು ಕವಾನಿಯೊ ಸಂಗತಿಯೊ ಐಕು ಕೈನ ಕ್ಹುದಾನೊ ದುತ ಯಕ್ಲೊ ಕೊರ್ನೆಲಿಯನೆ ಕದ್ಯೊಸ "ಕೈನ ಕದ್ಯಾ.
ACT 10:23 ಪೆತ್ರಾ ತ್ಯುನೊನೆ ಮ್ಹೈ ಬಲೈನ, ತೆ ರಾತ ತ್ಯಾಜ಼ ರ‍್ಹೌ ಕೈನ ಮಾಂಗಿಲಿದ್ಯೊ. ಮರ್ನಾ ದಿನ್ನೆ ಪೆತ್ರಾ ತಯ್ಯಾರ ಥೈನ, ತೆ ತನ್ನೆ ಜ಼ನಾವೊನಾ ಕ್ಹಾತೆ ಗಯೊ. ಯೊಪ್ಪನಾ ವಿಸ್ವಾಸಿಯೊಮಾ ದಕ್ಹಾ ಜ಼ನಾ ತಿನಾ ಕ್ಹಾತೆ ಗಯಾ.
ACT 10:24 ಮರ್ನಾ ದಿನ್ನೆ ತ್ಯುನೆ ಗಾಮೆ ಕೈಸರೈಯ ಮುಟ್ಯಾ. ಕೊರ್ನೆಲಿಯ ತ್ಯುನಾ ಹುತಿ ಕೈದಾಡೊತೊ. ತೆ ತಿನಾ ಸಂಬಂದಿಕೊನೆ ವರಿ ಖಾಸ ದೊಸ್ತೊನೆ ಪೈಲಾಜ಼ ತಿನಾ ಘರೆ ಬಲೈ ಲಿದ್ಯೊತೊ.
ACT 10:25 ಪೆತ್ರಾ ಘರ ಆತಾಮಾ ಕೊರ್ನೆಲಿಯ ತಿನೆ ಮಳಿನ ಕೊರ್ನೆಲಿಯ ಪೆತ್ರಾನಾ ಪಗೆ ಪಡಿನ ನಮಸ್ಕಾರ ಕರ‍್ಯೊ.
ACT 10:26 ತೆನೈಸೊ ಪೆತ್ರಾ ತಿನೆ ಉಪ್ಪರ ಉಟಾಡಿನ"ಉಟಿನ ಹುಬ್ರೆ! ಮಿ ತಾರಾ ಲಿಂಗತಜ಼ ಯಕ್ಕ ಮನಕ್ಹ ವ್ಹೈ "ಕೈನ ಕದ್ಯೊ.
ACT 10:27 ಪೆತ್ರಾ ಕೊರ್ನೆಲಿಯನಾ ಕ್ಹಾತೆ ವಾತೊ ಬೊಲ್ತಾಮಾ. ಪಾಚಲ್ತೊ ಪೆತ್ರಾ ಮ್ಹೈ ಗಯಲ್ಪರ, ತ್ಯಾ ಬಲಾವಾನೆ ಕರಲ ಮನಕ್ಹೊನು ಮ್ಹೊಟು ಗುಂಪನೆ ದೆಕ್ಯೊ.
ACT 10:28 ಪೆತ್ರಾ ತ್ಯುನೊನೆ"ಯಕ್ಲೊ ಯೆಹುದಿ ಬಿಜಾ಼ ಮನಕ್ಹೊನಾ ಕ್ಹಾತೆ ಸಂಬಂಧ ಮ್ಹೆಲ್ಯಾನು ರ‍್ಹವಾದೆ ತ್ಯುನೊನೆ ಮಳಾನು ರ‍್ಹವಾದೆ ಅಪ್ನಾ ಯೆಹುದಿ ಧರಮಶಾಸ್ತ್ರನಾ ವಿರುದ್ದ ವ್ಹೈ ಕೈನ ತುಮೊನೆ ಗ್ವತ್ತ ಛೆ. ತೆನೈಸೊ ಕಯಾಬಿ ಮನಕ್ಹನೆ ಪವಿತ್ರ ನೈ ರ‍್ಹಯಲ ವ್ಹೈ ಕೈನ ಶುದ್ಧ ನೈ ರ‍್ಹಯಲ ವ್ಹೈ ಕೈನ ಬಲೌ ನೈ ಕೈನ ಕ್ಹುದಾ ಮನೆ ದೆಕಾಡಿನ ದಿದ್ಯೊಸ.
ACT 10:29 ತಿನಾಹುತಿ, ಮನೆ ನ್ಹ್ಯಾ ಔ ಕೈನ ಬಲಾಯಲ ಮನಕ್ಹೊನಾ ಕ್ಹಾತೆ ಮಿ ವಾದ-ವಿವಾದ ಕರ‍್ಯೊ ನೈ. ತೆನೈಸೊ ತುಮೆ ಮನೆ ಕಾ ಬಲಾಯಾಸ ಕೈನ ಹಮ್ನಾ ತುಬಿ ಕವೊ? ಕದ್ಯೊ.
ACT 10:30 ತೆಳಾಮಾ ಕೊರ್ನೆಲಿಯ, ತನ್ನ ದಿನ್ನನಾ ಪಾಚೊ಼, ಮಿ ಮಾರಾ ಘರಮಾ ಪ್ರಾಥನಾ ಕರಾಡೊತೊ. ತೆಳಾಮಾ ದುಪ್ಪಾರನಾ ತನ್ನ ವಾಜ್ಯಾತಾ. ತಿನಾಕ್ಹು ತೆ ಯಕ್ಕ ಮನಕ್ಹ ಮಾರಾ ಕ್ಹಾಮೊ ಹುಬ್ರಯೊ. ತೆ ಘಾಲ್ಲಿದಲ ವಣ್ಣಾ ಘನ್ನಾ ಚಮ್ಕಾಡಾತಾ.
ACT 10:31 ತೆ ಮನಕ್ಹ, ‘ಕೊರ್ನೆಲಿಯ! ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ.
ACT 10:32 ತಿನಾಹುತಿ ದಕ್ಹಾ ಮನಕ್ಹೊನೆ ಯೊಪ್ಪ ಗಾಮೆ ವಳೈನ ಸಿಮೊನ ಕವಾಲಾ ಪೆತ್ರಾನೆ ಆ ಕೈನ ಮಾಂಗಿಲೆ. ಪೆತ್ರಾ ಚಾ಼ಮ್ಡಾನು ಕಾಮ ಕರಾಲಾನಾ ಸಿಮೊಮನ ಕವಾಲಾನಾ ಘರಮಾ ರ‍್ಹಯೊಸ. ತಿನು ಘರ ಸಮುಂದರನಾ ದಂಡಿಕನ ಛೆ’ ಕದ್ಯೊ.
ACT 10:33 ತಿನಾಹುತಿ, ಮಿ ತೆಳಾಮಾಜ಼ ತುನೆ ಬಲಾವಾನೆ ಕರ‍್ಯೊ. ತು ನ್ಹ್ಯಾ ಆಯಲ ಉಪಕಾರ ಥಯು. ಹಮೊನೆ ತಿಳಸಾ ಕೈನ ಪ್ರಭು ತುನೆ ಆಜ್ಞಾ ಕರಲ ಹರಯಕ್ಕ ಐಕಾನೆ ಹಮೆ ಕ್ಹಾರಾ ಕ್ಹುದಾನಿ ಸನ್ನಿದಿಮಾ ಮಳ್ಯಾಸ "ಕೈನ ಕದ್ಯೊ.
ACT 10:34 ಪೆತ್ರಾ ಬೊಲಾನು ಶುರು ಕರಿನ ಅಮ್ಮ ಕದ್ಯೊ; "ಕ್ಹುದಾನೆ ಕ್ಹಾರಾ ಜ಼ನಾ ಯಕ್ಕಜ಼ ವ್ಹೈ ಕೈನ ಮನೆ ಹಮ್ನಾ ಕ್ಹರಿಜ಼ ಗ್ವತ್ತ ಥಯು.
ACT 10:35 ತಿನೆ ಆರಾಧನೆ ಕರಾಲಾ ನಿತಿವಂತ ಕುನ್ನಬಿ ರ‍್ಹೈನಕಾ ತ್ಯುನೊನೆ ಕ್ಹುದಾ ಸ್ವಿಕಾರ ಕರಿ ಲಿವಸ. ತೆ ಕೈ ಜಾ಼ತನಾ ಮನಕ್ಹೊ ವ್ಹೈ ಕವಾನು ಖಾಸ ನ್ಹವ್ಹೈ.
ACT 10:36 ಕ್ಹುದಾ ತಿನು ಸಂದೆಶ ಇಸ್ರಾಯೆಲನಾ ಮನಕ್ಹೊಕನ ಮಕಲ್ಯೊ. ಯೆಸು ಕ್ರಿಸ್ತನಾ ಮುಲಕ ಶಾಂತಿ ಐಸ ಕವಾನಿ ಸುವಾರ್ತೆನೆ ಕ್ಹುದಾ ತ್ಯುನೊನೆ ವಳಾಯೊ. ಯೆಸು ಕ್ಹಾರಾ ಮನಕ್ಹೊನೆ ಪ್ರಭು ಥಯೊಸ!
ACT 10:37 ಯುದೆಯ ಪ್ರಾಂತ್ಯ ಸು ಥಯುಸ ಕವಾನು ತುಮೊನೆ ಗ್ವತ್ತ ಛೆ. ಗಲಿಲಾಯಮಾ ಯೊಹಾನ ಬಾಪ್ತಿಸ್ಮನಾ ಹುತಿ ಮನಕ್ಹೊನೆ ಬೊದನೆ ಕರಲ್ಪರ ತೆ ಶುರು ಥಯು.
ACT 10:38 ನಜರೆತನಾ ಯೆಸುನಾ ಹುತಿ ತುಮೊನೆ ಗ್ವತ್ತ ಛೆ. ಕ್ಹುದಾ ತಿನೆ ಪವಿತ್ರ ಆತ್ಮಾನೆ ತಾಕಾತನೆ ದಿವಾನಾ ಮುಲಕ ತಿನೆ ಅಭಿಶೆಕ ಕರ‍್ಯೊ. ತೆ ಕ್ಹಾರಿ ಜ಼ಗಾ ಮನಕ್ಹೊನೆ ಚೊ಼ಕು ವರಿ ಅರಾಮ ಕರ್ತೊ ಫರ‍್ಯೊ. ಭುತ್ಡಾವೊಕ್ಹು ತ್ರಾಸ ಖಾವಾಲಾವೊನೆ ಯೆಸು ಅರಾಮ ಕರ‍್ಯೊ. ಕ್ಹುದಾ ಯೆಸುನಾ ಕ್ಹಾತೆ ವ್ಹತ್ತೊ ಕವಾನು ತೆ ದೆಕಾಡಿನ ದಿದ್ಯು.
ACT 10:39 "ಯುದೆಯಾ ಪ್ರಾಂತ್ಯ ವರಿ ಯೆರುಸಲೆಮಮಾ ಯೆಸು ಕರಲ ಕ್ಹಾರಾ ಕಾಮೊ ಅಪೆ ದೆಕ್ಯಾ. ತೆ ಕಾಮೊನೆ ಹಮೆ ಸಾಕ್ಷಿಯೊ ಥಯಾಸ. ತೆನೈಸೊ ಯೆಸುನೆ ಖಲಾಸ ಕರ‍್ಯಾ. ತ್ಯುನೆ ತಿನೆ ಶಿಲುಬಿ ಪರ ಮಾರ್ಯಾ ವರಿ ತಿಪರ ಚ಼ಡಾಯಾ.
ACT 10:40 ತೆನೈಸೊ, ಕ್ಹುದಾ ತಿನೆ ತನ್ವಾ ದಿನ್ನೆ ಮೌತಮಾತೊ ಜಿವ್ತೊ ಕರಿನ ಉಟಾಡ್ಯೊ! ಯೆಸುನೆ ದೆಕಾನೊ ಮೌಕೊ ಕ್ಹುದಾ ದಿದ್ಯೊ.
ACT 10:41 ತೆನೈಸೊ ಯೆಸು ಕ್ಹಾರಾ ಮನಕ್ಹೊನೆ ದಿಕ್ಹ್ಯೊ ನೈ. ಕ್ಹುದಾ ಪೈಲಾಜ಼ ಸಾಕ್ಷಿ ಥೈನ ಇನಿಲಿದಲ ಮನಕ್ಹೊ ತಿನೆ ದೆಕ್ಯಾ! ಯೆಸು ಜಿವ್ತೊ ಥೈನ ಉಟಿನ ಆಯಲ್ಪರ ಹಮೆ ತಿನಾ ಕ್ಹಾತೆ ಖಾದ್ಯಾ ವರಿ ಪಿದ್ಯಾ.
ACT 10:42 "ಮನಕ್ಹೊನೆ ಬೊದನೆ ಕರು ಕೈನ ಯೆಸು ಹಮೊನೆ ಅಪ್ಪಣೆ ದಿದ್ಯೊ. ಜಿವ್ತಾ ರ‍್ಹಯಲ ಮನಕ್ಹೊನೆಬಿ ವರಿ ಮರಲ ಮನಕ್ಹೊನೆಬಿ ಕ್ಹುದಾಕ್ಹು ನ್ಯಾಯಾದಿಪತಿ ಥೈನ ಇನಿಲಿದಲ ಮನಕ್ಹ ತೆಜ಼ ವ್ಹೈ ಕವಾನು ಮನಕ್ಹೊನೆ ತಿಳ್ಸಾವೊ ಕೈನ ತೆ ಹಮೊನೆ ಕದ್ಯೊ.
ACT 10:43 ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ.
ACT 10:44 ಪೆತ್ರಾ ಹಜು಼ನ ತಿಮ್ಮ ಕತಾಮಾಜ಼, ತಿನು ಸಂದೆಶ ಐಕಾಲಾವೊನಾ ಉಪ್ಪರ ಪವಿತ್ರ ಆತ್ಮಾ ಉತ್ರಿನ ಆಯೊ.
ACT 10:45 ಪೆತ್ರಾನಾ ಕ್ಹಾತೆ ಆಯಲ ಯೆಹುದಿನಾ ವಿಶ್ವಾಸಿಯೊ ಥಂಡಾ ಥಯಾ. ಯೆಹುದಿ ನೈಸೊ ಮನಕ್ಹೊನೆಬಿ ಪವಿತ್ರ ಆತ್ಮಾನಿ ವರಾ ಉತ್ರಿನ ಆಯಲ ದೆಕಿನ ತ್ಯುನೆ ಘಾಬ್ರಾ ಥಯಾ.
ACT 10:46 ಕಾಕದ್ಯಾಮ ತ್ಯುನೆ ಬಿಜಿ಼ ಬಿಜಿ಼ ಭಾಶಾಮಾ ಬೊಲ್ತಾ ಕ್ಹುದಾನೆ ಸ್ತೊತ್ರಾ ಕರಾನು ತೆ ಯೆಹುದಿನಾ ವಿಶ್ವಾಸಿಯೊ ಐಕ್ಯಾ. ಪಾಚಲ್ತೊ ಪೆತ್ರಾ ಬೊಲ್ತೊ
ACT 10:47 "ಪಾನಿಮಾ ಬಾಪ್ತಿಸ್ಮ ನೈ ಲಿಯೆ ಲಿಂಗತ ಅಪೆ ಎ ಮನಕ್ಹೊನೆ ಅಡ್ಡ ಕರಾನೆ ಸಾಧ್ಯ ನತ್ತಿ. ಅಪೆ ಹೊಂದಿಲಿದಲ ಲಿಂಗತ ಇವ್ನೆ ಪವಿತ್ರ ಆತ್ಮಾ ಹೊಂದಿಲಿದ್ಯಾ "ಕೈನ,
ACT 10:48 ತಿನಾಹುತಿ ಯೆಸು ಕ್ರಿಸ್ತನಾ ನಾಮಪರ ಬಾಪ್ತಿಸ್ಮ ಕರೈ ಲಿವಾನೆ ತ್ಯುನೊನೆ ಅಪ್ಪಣೆ ದಿದ್ಯೊ. ಪಾಚಾ಼ತಾ ತ್ಯುನೆ ತ್ಯುನಾ ಕ್ಹಾತೆ ದಕ್ಹಾ ದಿನ್ನ ಲಕ್ಕಾ ರ‍್ಹೌ ಕೈನ ಪೆತ್ರಾ ಕನ ಮಾಂಗಿಲಿದ್ಯಾ.
ACT 11:1 ಯೆಹುದಿ ನೈಸೊ ವಿಸ್ವಾಸಿಯೊ ಕ್ಹುದಾನಿ ವಾಕ್ಯಾನೆ ಸ್ವಿಕಾರ ಕರ‍್ಯಾಸ ಕವಾನು ಅಪೊಸ್ತಲೊನೆ ಯುದೆಯನಾ ವಿಸ್ವಾಸಿಯೊನೆ ಗ್ವತ್ತ ಥಯು.
ACT 11:2 ತೆನೈಸೊ ಪೆತ್ರಾ ಯೆರುಸಲೆಮೆ ಆಯಲ್ಪರ ದಕ್ಹಾ ಯೆಹುದಿನಾ ವಿಶ್ವಾಸಿಯೊ ಖತ್ನಾ ಕರೈಲ್ಯು ಕೈ ಕವಾಲಾ ತಿನಾ ಕ್ಹಾತೆ ವಾದ ವಿವಾದ ಕರ‍್ಯಾ.
ACT 11:3 ತ್ಯುನೆ"ಯೆಹುದಿ ನೈಸೊ ರ‍್ಹಯಲ ವರಿ ಖತ್ನಾ ನೈ ಕರೈ ಲಿದಲವಾಲಾವೊನಾ ಘರೊನೆ ತು ಗಯೊ! ತು ತ್ಯುನಾ ಕ್ಹಾತೆ ಅನ್ನಬಿ ಖಾದ್ಯೊ"ಕದ್ಯಾ.
ACT 11:4 ತಿನಾಹುತಿ ಪೆತ್ರಾ ಥಯಲ ಸಂಗತಿಯೊ ಕ್ಹಾರಾ ತ್ಯುನೊನೆ ತಿಳ್ಸಾಯೊ.
ACT 11:5 ಪೆತ್ರಾ ತ್ಯುನೊನೆ"ಮಿ ಯೊಪ್ಪ ಗಾಮಮಾ ವ್ಹತ್ತೊ. ಮಿ ಪ್ರಾಥನಾ ಕರ‍್ತಾಮಾ ಮನೆ ಯಕ್ಕ ದರ್ಶನ ಥಯು. ತೆ ದರ್ಶನಮಾ, ಹಬಾಳತು ಉತ್ರಿನ ಆವಾನು ಯಕ್ಕ ಚಿಜ಼ ದೆಕ್ಯೊ. ತೆ ಮ್ಹೊಟೊ ಥಾಳೊ ಲಿಂಗತ ವ್ಹತ್ತು. ತಿನಾ ಚಾರೆ ಮುಲಾವೊನೆ ರಾಕ್ಹೆ ಭಾಂದಿನ ತೆ ಉತ್ರಿನ ಐನ ಮಾರಾ ನಜಿಕ ಹುಬ್ರಯು.
ACT 11:6 ಮಿ ತಿಮಾ ದೆಕ್ಯೊ. ತಿಮಾ ಜಾನವರೊ ಖತರ್ನಾಕ ಜಾನವರೊ ಇಶಾಡಾನಾ ಜಾನವರೊ ಉಡಾನಾ ಪಕ್ಷಿಯೊ ವ್ಹತ್ತಾ.
ACT 11:7 ತೆಳಾಮಾ, ‘ಪೆತ್ರಾ, ಉಟ್ಟ! ಇಮಾ ರ‍್ಹಯಲ ಕಿನೆಬಿ ಖಲಾಸ ಕರಿನ ಖಾ! ಕೈನ ಮನೆ ಕವಾನಿ ಅವಾಜ಼ ಐಕ್ಯೊ.
ACT 11:8 "ತೆನೈಸೊ ಮಿ, ‘ಪ್ರಭು, ಮಿ ತಿಮ್ಮ ನೈ ಕರಸಕ್ತೊ! ಪವಿತ್ರ ನೈ ರ‍್ಹಯಲ ವರಿ ಶುದ್ಧ ನೈ ರ‍್ಹಯಲ ಸುಬಿ ರ‍್ಹವಾದೆ ಮಿ ಕೆಳಾಮಾಜ಼ ನತ್ತಿ ಖಾದ್ಯೊ’ ಕೈನ ಕದ್ಯೊ.
ACT 11:9 "ತೆನೈಸೊ, ‘ಎ ಕ್ಹಾರಾನೆ ಕ್ಹುದಾ ಶುದ್ಧ ಕರ‍್ಯೊಸ. ಎ ಕ್ಹಾರು ಶುದ್ಧ ನ್ಹವೈ ಕೈನ ಕೌ ನಕೊ! ಕೈನ ತೆ ಅವಾಜ಼ ಮನೆ ಜವಾಬ ದಿದ್ಯು.
ACT 11:10 "ಇಮ್ಮ ತನ್ನ ಸಲಾ ಥಯು. ಪಾಚಾ಼ತು ತೆ ಪುರಾ ಚಿಜ಼ ಹಬಾಳೆ ವಾಪಸ ಲಿದ್ಯಾ.
ACT 11:11 ತೆಜ಼ ಟೈಮಮಾ ಮಿ ರ‍್ಹಯಲ ಘರೆ ತನ್ನ ಜ಼ನಾ ಆಯಾ. ಎ ತನ್ನೆ ಜ಼ನಾವೊನೆ ಸೆಜರೆಯ ಗಾಮತಾ ವಳಾಯಾತಾ.
ACT 11:12 ಶಕ್ಕ ಕರ‍್ಯವಾಚಿ ತ್ಯುನಾ ಕ್ಹಾತೆ ಜಾ಼ ಕೈನ ಪವಿತ್ರ ಆತ್ಮಾ ಮನೆ ಕದ್ಯೊ. ನ್ಹ್ಯಾ ರ‍್ಹವಾನಾ ಎ ಛೆ ಜ಼ನಾ ಭಾಯೊ ಮಾರಾ ಕ್ಹಾತೆ ಆಯಾ. ಹಮೆ ಕೊರ್ನೆಲಿಯನಾ ಘರೆ ಗಯಾ.
ACT 11:13 ತಿನಾ ಘರಮಾ ಕ್ಹುದಾನು ದುತ ಯಕ್ಲೊ ಹುಬ್ರಯಲ ತೆ ದೆಕಲ ಕೊರ್ನೆಲಿಯ ಮನೆ ಕದ್ಯೊ. ತೆ ಕ್ಹುದಾನೊ ದುತ ಕೊರ್ನೆಲಿಯನೆ, ‘ದಕ್ಹಾ ಮನಕ್ಹೊನೆ ಯೊಪ್ಪ ಗಾಮೆ ವಳಾ. ಸಿಮೊನ ಪೆತ್ರಾನೆ ಬಲಾವಾನೆ ಕರಿನ ತುಮೊಕನ ಬಲಾವಾನು ಕರಲೆ.
ACT 11:14 ತೆ ತುಮೊಕನ ಸಂದೆಶ ಲಾವಸ. ತೆ ಸಂದೆಕ್ಹು ತುನೆ ತಾರಾ ಘರವಾಲಾವೊನೆ ರಕ್ಷಣೆ ಕರಸ’ ಕೈನ ಕದ್ಯೊ.
ACT 11:15 ಮಿ ಮಾರಿ ಉಪದೆಶ ಶುರು ಕರಲ್ಪರ, ಶುರುವಾತಮಾ ಪವಿತ್ರ ಆತ್ಮಾ ಅಪ್ನಾ ಉಪ್ಪರ ಆಯಲ ಲಿಂಗತ ತ್ಯುನಾ ಉಪ್ಪರಬಿ ಆಯೊ.
ACT 11:16 ತೆಳಾಮಾ ಮಿ ಪ್ರಭುನಾ ವಾತೊ ಶೆಂ ಕರ‍್ಯೊ. ‘ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ತುಮೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಲಿವೊಶಿ. ಕೈನ ಪ್ರಭು ಕದ್ಯೊತೊ.
ACT 11:17 ಪ್ರಭು ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲ ಅಪೊನೆ ದಿದಲ ವರಾನೆಜ಼ ಕ್ಹುದಾ ಎ ಮನಕ್ಹೊನೆ ದಿದ್ಯೊ. ಇಮ್ಮ ರ‍್ಹತಾಮಾ ಮಿ ಕ್ಹುದಾನು ಕಾಮ ಹುಬ್ರಾಡಾನೆ ಸಾಧ್ಯ ನ್ಹೊತು "ಕದ್ಯೊ.
ACT 11:18 ಯಹುದ್ಯ ವಿಶ್ವಾಸಿಯೊ ಎ ಸಂಗತಿಯೊ ಐಕಲ್ಪರ ವಾದ-ವಿವಾದ ಹುಬ್ರಾಡೊ, ಕ್ಹುದಾನೆ ಸ್ತುತಿ ಕರ್ತಾ"ತಿಮ್ಮ ರ‍್ಹಯಮ ಅಪ್ನಾ ಲಿಂಗತಜ಼ ತ್ಯುನಾ ಮನಸೊ ಫರೈಲಿನ ಜ಼ಲಮ ಹೊಂದಿಲಿವಾನೆ ಕ್ಹುದಾ ಯೆಹುದಿ ನೈ ರ‍್ಹಯಲವಾಲಾವೊನೆ ಮೌಕೊ ದಿದ್ಯೊಸ "ಕದ್ಯೊ.
ACT 11:19 ಸ್ತೆಫನನೆ ಖಲಾಸ ಕರ‍ಲ್ಪರ ಥಯಲ ತ್ರಾಸಕ್ಹು ವಿಶ್ವಾಸಿಯೊ ದುರ ದುರ ಥಯಾ. ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಘನ್ನಾ ದುರ ರ‍್ಹಯಲ ಫೆನಿಶ್ಯ, ಸೈಪ್ರಸ್ ವರಿ ಅಂತಿಯೊಕ್ಯನೆ ಗಯಾ. ವಿಶ್ವಾಸಿಯೊ ಎ ಜ಼ಗಾವೊಮಾ ಸುವಾರ್ತೆ ತಿಳಸಾಯಾ. ತೆನೈಸೊ ತ್ಯುನೆ ಯೆಹುದಿಯೊನೆಜ಼ ತಿಳಸಾಯಾ.
ACT 11:20 ಎ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಸೈಪ್ರನ್ ವರಿ ಸಿರೆನ್ ಜ಼ಗಾವಾಲಾ ವ್ಹತ್ತಾ. ಎ ಮನಕ್ಹೊ ಅಂತಿಯೊಕ್ಯನೆ ಆಯಲ್ಪರ ತ್ಯುನೆ, ಪ್ರಭು ಥಯಲ ಯೆಸುನಿ ವಿಷಯಮಾ ರ‍್ಹಯಲ ಸುವಾರ್ತೆ ತ್ಯಾನಾ ಗ್ರಿಕ ಮನಕ್ಹೊನೆಬಿ ತಿಳಸಾಯಾ.
ACT 11:21 ಪ್ರಭು ವಿಶ್ವಾಸಿಯೊನೆ ಮದತ ಕರಾಡೊತೊ. ಮನಕ್ಹೊ ಘನ್ನಾ ಸಂಖ್ಯೆಮಾ ಪ್ರಭುನೆ ಬರೊಕ್ಹೊ ಕರಿನ ಚಾ಼ಲಾನು ಶುರು ಕರ‍್ಯಾ.
ACT 11:22 ಅಂತಿಯೊಕ್ಯಮಾ ರ‍್ಹಯಲ ಎ ನವಾ ವಿಶ್ವಾಸಿಯೊನಾ ಹುತಿ ಯೆರುಸಲೆಮನೆ ಸಬೆವಾಲಾವೊನೆ ಗ್ವತ್ತ ಥಯು. ತಿನಾಹುತಿ ಜೆರುಸಲೆಮನಾ ವಿಶ್ವಾಸಿಯೊ ಬಾರ್ನಬನೆ ಅಂತಿಯೊಕ್ಯನೆ ವಳಾಯಾ.
ACT 11:23 ಬಾರ್ನಬ ಚೊ಼ಕೊ ಮನಕ್ಹ ವ್ಹತ್ತೊ. ತೆ ಪವಿತ್ರ ಆತ್ಮಾಕ್ಹು ಭರಲ ವ್ಹತ್ತೊ ವರಿ ಪುರಾ ಬರೊಕ್ಹೊ ರ‍್ಹಯಲವಾಲೊ ವ್ಹತ್ತೊ. ಬಾರ್ನಬ ಅಂತಿಯೊಕ್ಯನೆ ಗಯಲ್ಪರ, ಕ್ಹುದಾ ತೆ ಮನಕ್ಹೊನೆ ಘನ್ನೊ ಆಶಿರ್ವಾದ ಕರಾನು ದೆಕ್ಯೊ. ಇಕ್ಹು ಬಾರ್ಬನನೆ ಘನ್ನಿ ಖುಶಿ ಥಯು. ಅಂತಿಯೊಕ್ಯಮಾ ರ‍್ಹವಾಲಾ ವಿಶ್ವಾಸಿಯೊನೆ ಕ್ಹಾರಾ ತೆ ಪ್ರೊತ್ಸಾಹ ಕರ‍್ಯೊ.
ACT 11:24 ತೆ ಚೊ಼ಕೊ ವ್ಹೈ. ಪವಿತ್ರ ಆತ್ಮಾ ಕ್ಹು ಭರಲವಾಲೊ ವರಿ ಬರೊಕ್ಹಾಕ್ಹು ಭರಲವಾಲೊ ವ್ಹತ್ತೊ. ತಿನಾಹುತಿ ತ್ಯಾ ಐನ ಕ್ಹುದಾನು ಕೃಪಾನಾ ಕಾಮೊ ದೆಕ್ತಾಮಾ ಘನ್ನೊ ಖುಶಿ ಥಯೊ. ತುಮೆ ಘಟ್ಟ ಮನಸಕ್ಹು ಕರ್ತಾಮಾ ಹುಬ್ರೊ ಕೈನ ತ್ಯುನೊನೆ ಗ್ಯಾನ ಕದ್ಯೊ.
ACT 11:25 ಪಾಚಲ್ತೊ ಬಾರ್ನಬ ಸೌಲಾನೆ ಹುಡಕ್ತೊ ತಾರ್ಸ ಗಾಮೆ ಗಯೊ.
ACT 11:26 ಬಾರ್ನಬ ತ್ಯಾ ಸೌಲಾನೆ ಮಳಿನ ತಿನೆ ಅಂತಿಯೊಕ್ಯನೆ ಬಲೈಲಿನ ಗಯೊ. ಸೌಲಾ ವರಿ ಬಾರ್ನಬ ಅಂತಿಯೊಕ್ಯಮಾ ಯಕ್ಕ ವರಕ್ಹ ಪುರಾ ಸಭೆನಾ ಅನ್ಯುನ್ಯತೆಮಾ ರ‍್ಹೈನ ಘನ್ನಾ ಮನಕ್ಹೊನೆ ಬೊದನೆ ಕರ‍್ಯಾ. ಯೆಸುನಾ ಹಿಂಬಾಲಕೊನೆ "ಕ್ರೈಸ್ತರೊ "ಕವಾನು ನಾಮ ಆಯಲ ಅಂತಿಯೊಕ್ಯಮಾಜ಼ ವ್ಹೈ.
ACT 11:27 ತೆ ಕಾಲಮಾ ದಕ್ಹಾ ಪ್ರವಾದಿಯೊ ಯೆರುಸಲೆಮತಾ ಅಂತಿಯೊಕ್ಯನೆ ಗಯಾ.
ACT 11:28 ಎ ಪ್ರವಾದಿಯೊಮಾ "ಅಗಬ "ಕವಾಲೊ ಯಕ್ಲೊ ವ್ಹತ್ತೊ. ಅಗಬ ಅಂತಿಯೊಕ್ಯಮಾ ಪವಿತ್ರ ಆತ್ಮಾನಿ ಪ್ರೆರಣೆಕ್ಹು"ಪುರಾ ದುನಿಯಾನೆ ಮ್ಹೊಟಿ ಬರಾ ಆವಾನಿ ಛೆ "ಕದ್ಯೊ. ಎ ಬರಗಾಲ ಕ್ಲಾಡಿಯಸ್ ಚಕ್ರವತಿನಾ ಕಾಲಮಾ ಐಯುತು.
ACT 11:29 ಯುದೆಯಮಾ ರ‍್ಹವಾನಾ ಭಾಯೊ ಭೆನೊನೆ ಮದತ ಕರಾನೆ ವಿಶ್ವಾಸಿಯೊ ನಿರ್ಧಾರ ಕರ‍್ಯಾ. ವಿಶ್ವಾಸಿಯೊಮಾ ಹರಯಕ್ಲಾ ತ್ಯುನೊನೆ ಥಯಲ ತೆಕ್ಲು ತ್ಯುನೊನೆ ವಳೈನ ದಿವಾನೆ ವಿಚಾರ ಕರ‍್ಯಾ.
ACT 11:30 ತ್ಯುನೆ ದೊಕ್ಡಾ ಮಳೈನ ಬಾರ್ನಬ ವರಿ ಸೌಲಾನೆ ದಿದ್ಯಾ. ಪಾಚಾ಼ತಾ ಬಾರ್ನಬ ವರಿ ಸೌಲಾ ತಿನೆ ಲೈನ ಯುದೆಯಮಾ ರ‍್ಹಯಲ ಸಭೆನಾ. ಮ್ಹೊಟಾವೊನೆ ದಿದ್ಯಾ.
ACT 12:1 ತೆ ಕಾಲಮಾ ರಾಜೊ಼ ಹೆರೊದ ಸಭೆವಾಲಾವೊಮಾ ದಕ್ಹಾ ಜ಼ನಾವೊನೆ ತ್ರಾಸ ಕರಾನೆ ಶುರು ಕರ‍್ಯೊ,
ACT 12:2 ಯೊಹಾನನಾ ಭೈನೆ ಯಾಕೊಬನೆ ತಲ್ವಾರಕ್ಹು ಖಲಾಸ ಕರಾ ಲಗಾಡ್ಯೊ. ಯಾಕೊಬ ಯೊಹಾನನೊ ಮ್ಹೊಟೊ ಭೈ ವ್ಹೈ.
ACT 12:3 ಯೆಹುದಿಯೊ ಅನೆ ಮೆಚ್ಚಿ ಲಿದ್ಯಾಸ ಕವಾನು ಹೆರೊದನೆ ಗ್ವತ್ತ ಥಯು. ತಿನಾಹುತಿ ತೆ ಪೆತ್ರಾನೆ ಧರಿನ ಎ ಥಯಲ ಯೆಹುದಿಯೊನಾ ಪಸ್ಕ ಸನ್ನನಾ ಕಾಲಮಾ ಜೈಲಮಾ ಘಾಲಾ ಲಗಾಡ್ಯೊ.
ACT 12:4 ಕ್ಹೊಳಾ ಜ಼ನಾ ಸಿಪಾಯೊ ಪೆತ್ರಾನೆ ಕೈದಾಡಾತಾ. ಪಸ್ಕ ಸನ್ನನು ಕಾಲ ಕ್ಹರಲ ಪರ ಪೆತ್ರಾನೆ ಮನಕ್ಹೊನಾ ಕ್ಹಾಮಾ ಹುಬ್ರಾಡು ಕೈನ ವ್ಹತ್ತೊ.
ACT 12:5 ಇಮ್ಮ ಪೆತ್ರಾ ಜೈಲಮಾ ರ‍್ಹತಾಮಾ ಸಭೆವಾಲಾ ತಿನಾಹುತಿ ಮನಸೆ ಕ್ಹುದಾನೆ ಪ್ರಾಥನಾ ಕರಾಡಾತಾ.
ACT 12:6 ಪೆತ್ರಾ ಬೆ ಸೈನಿಕೊನಾ ವಚ್ಮಾ ನಿಂದರ ಕರಾಡೊತೊ. ತಿನೆ ಬೆ ಕಾಕ್ಹಳಿಕ್ಹು ಭಾಂದ್ಯಾತಾ. ಘನ್ನಾ ಸೈನಿಕೊ ಜೈಲನಾ ಬಾಕಲ ಕನ ಕೈದಾಡಾತಾ. ತೆಳಾಮಾ ರಾತ ಥೈತಿ. ಮರ್ನಾ ದಿನ್ನೆ ಪೆತ್ರಾನೆ ಮನಕ್ಹೊನಾ ಕ್ಹಾಮಾ ಲೌ ಕೈನ ಹೆರೊದ ವಿಚಾರ ಕರ‍್ಯೊತೊ.
ACT 12:7 ಅಚಾನಕ ಪ್ರಭುನೊ ದುತ ಯಕ್ಲೊ ತ್ಯಾ ಹುಬ್ರಯೊ. ಉಜಾಲು ಖೊಲಿಮಾ ದಿಕ್ಹ್ಯು. ಕ್ಹುದಾನು ದುತ ಪೆತ್ರಾನಿ ಪಾಕ್ಹಳಿನೆ ಧರಿನ ತಿನೆ ಉಟಾಡಿನ "ಭರ್ನೆ ಉಟ್ಟ" ಕದ್ಯೊ. ತೆಳಾಮಾಜ಼ ಕಾಕ್ಹಳಿಯೊ ಪೆತ್ರಾನಾ ಹತೊಮಾತಾ ತುಟಿನ ಪಡ್ಯಾ.
ACT 12:8 ಕ್ಹುದಾನೊ ದುತ ಪೆತ್ರಾನೆ "ವಣ್ಣಾ ಘಾಲ್ಲೆ, ಪಗೊಮಾನಿಯೊ ಘಾಲ್ಲೆ "ಕದ್ಯೊ. ತಿನಾ ಲಿಂಗತಜ಼ ಪೆತ್ರಾ ಕರ‍್ಯೊ. ಪಾಚಲ್ತೊ ಕ್ಹುದಾನೊ ದುತ"ತಾರು ಉಪ್ಪರ್ಲ್ಯು ಅಂಗ್ಡು ಭಾಂದಿಲಿನ ಮಾರಾ ಪಾಚೊ಼ ಆ" ಕದ್ಯೊ.
ACT 12:9 ಕ್ಹುದಾನೊ ದುತ ಭಾರೊ ಗಯೊ. ಪೆತ್ರಾ ತಿನಾ ಪಾಚೊ಼ ಗಯೊ. ಕ್ಹುದಾನೊ ದುತ ಕ್ಹರಿಮಾಜ಼ ಇಮ್ಮ ಕರಾಡ್ಯೊಸ ಕವಾನು ಪೆತ್ರಾನೆ ಗ್ವತ್ತ ನ್ಹೊತು. ತೆ ಕ್ಹಪನ ದೆಕಾಡೊ ವಸೆ ಕೈನ ತೆ ತಿಳ್ದಿಲಿದ್ಯೊತೊ.
ACT 12:10 ಪೆತ್ರಾ ವರಿ ಕ್ಹುದಾನೊ ದುತ ಪಸ್ಟನು ವರಿ ಬೆವಾನು ಕೈದಾನಿ ಜ಼ಗಾ ದಾಟ್ಯಾ. ಪಾಚಾ಼ತಾ ತ್ಯುನೆ ತ್ಯುನೊನೆ ಗಾಮ ಕನ ಲಿನ ಜಾ಼ವಾನಾ ಲ್ಹೊಡಾನಾ ಬಾಕಲೆ ಆಯಾ. ತೆ ಬಾಕಲ ತ್ಯುನೊನೆ ತಿನಾಕ್ಹು ತೆಜ಼ ಕಡೈಯು. ಪೆತ್ರಾ ವರಿ ತೆ ಕ್ಹುದಾನೊ ದುತ ತೆ ಬಾಕಲನಾ ಮುಲಕ ಭಾರಾ ಐನ ಯಕ್ಕ ಒಣಿ ದಾಟ್ಯಾ. ತೆಳಾಮಾ ಅಚಾನಕ ತೆ ಕ್ಹುದಾನೊ ದುತ ತಿನೆ ಛೊಡಿನ ಗಯೊ.
ACT 12:11 ಥಯಲ ಸಂಗತಿ ತೆಳಾಮಾ ತಿಳ್ದಿಲಿದಲ ಪೆತ್ರಾ "ಪ್ರಭು ಮಕನ ತಿನಾ ದುತನೆ ಕ್ಹರಿಮಾಜ಼ ವಳಾಯೊ ಕೈನ ಹಮ್ನಾ ಮನೆ ಗ್ವತ್ತ ಥಯು. ತೆ ಮನೆ ಹೆರೊದನಾ ಹತ್ಮಾತೊ ಪಾರ ಕರ‍್ಯೊ. ಮನೆ ಸುಬಿ ಥಾವಸ ಕೈನ ಯೆಹುದಿವಾಲಾ ವಿಚಾರ ಕರ‍್ಯಾತಾ. ತೆನೈಸೊ ಪ್ರಭು ಮನೆ ತೆ ತ್ರಾಸಕ್ಹು ವಚಾ಼ಡ್ಯೊ "ಕೈನ ಕೈಲಿದ್ಯೊ.
ACT 12:12 ಪಾಚಲ್ತೊ ಪೆತ್ರಾ ಮರಿಯಳನಾ ಘರೆ ಗಯೊ. ತೆ ಯೊಹಾನನಿ ಯಾ ವ್ಹೈ. ಯೊಹಾನನೆ ಮಾರ್ಕ ಕೈನ ಬಲಾತಾತಾ. ಘನ್ನಾ ಮನಕ್ಹೊ ತ್ಯಾ ಮಳ್ಯಾ. ತ್ಯುನೆ ಕ್ಹಾರಾ ಪ್ರಾಥನಾ ಕರಾಡಾತಾ.
ACT 12:13 ಪೆತ್ರಾ ಭಾರ್ಲ್ಯು ಬಾಕಲ ವಜಾ಼ಡ್ಯೊ. ಕುನ ವ್ಹೈ ಕೈನ ಪುಚ್ಚಾ಼ನೆ ರೊದೆ ಕವಾನಿ ಸೆವಕಿ ಐ.
ACT 12:14 ರೊದೆ ಪೆತ್ರಾನಿ ಅವಾಜ಼ ವಳಕಿ. ತಿನೆ ಘನ್ನಿ ಖುಶಿ ಥೈ. ಬಾಕಲ ಕಾಡಾನು ತೆ ಇಕ್ಹರಿನ, ಘರೆ ಆಯಲ ಮನಕ್ಹೊ ಕನ ನ್ಹಾಟಿನ ಗೈನ "ಪೆತ್ರಾ ಬಾಕಲ ಕನ ಹುಬ್ರಯೊಸ" ಕದಿ.
ACT 12:15 ತೆ ವಿಶ್ವಾಸಿಯೊ ತಿನೆ ತುನೆ ಪಿಸಾಳು ಲಾಗ್ಯುಸ! ಕದ್ಯಾ. ತೆನೈಸೊ ತೆ ಕವಾನು ಕ್ಹರಿಜ಼ ವ್ಹೈ ಕೈನ ಕದಿ. ತಿನಾಹುತಿ ತ್ಯುನೆ"ತೆ ಪೆತ್ರಾನೊ ದುತ ರ‍್ಹೌ "ಕೈನ ಕದ್ಯಾ.
ACT 12:16 ತೆನೈಸೊ ಪೆತ್ರಾ ಬಾಕಲ ವಜಾ಼ಡತೊಜ಼ ವ್ಹತ್ತೊ. ತೆ ವಿಶ್ವಾಸಿಯೊ ಬಾಕಲ ಕಾಡಲ ಪರ ತ್ಯುನೆ ಪೆತ್ರಾನೆ ದೆಕಿನ ಘಾಬ್ರಾ ಥಯಾ.
ACT 12:17 ಪೆತ್ರಾ ತ್ಯುನೊನೆ ಗಪ್ಪ ರ‍್ಹೌ ಕೈನ ಇಶಾರೊ ಕರ‍್ಯೊ. ಪ್ರಭು ತಿನೆ ಜೈಲಮಾತೊ ಛೊಡಾಯಲ ತರಿಕಾನೆ ತೆ ತ್ಯುನೊನೆ ಕೈನ "ಯಾಕೊಬನೆಬಿ ವರಿ ಭಾಯೊನೆಬಿ ಎ ಸಂಗತಿ ಕವೊ" ಕೈನ ಕದ್ಯೊ. ಪಾಚಲ್ತೊ ಪೆತ್ರಾ ಬಿಜೆಕ್ಕ ಜ಼ಗಾನೆ ತ್ಯಾಂತೊ ಗಯೊ.
ACT 12:18 ಮರ್ನಾ ದಿನ್ನೆ, ಪೆತ್ರಾ ಸು ಥಯೊ ಕೈನ ಸೈನಿಕೊನಾ ವಚ್ಮಾ ಮ್ಹೊಟಿ ಗದ್ದಲ ಉಟಿತಿ.
ACT 12:19 ಹೆರೊದ ಕ್ಹಾರಿ ಜ಼ಗಾ ಹುಡಕಿತಬಿ ಪೆತ್ರಾ ಮಳ್ಯೊ ನೈ. ತಿನಾಹುತಿ ಹೆರೊದ ಕೈದಾಲಾವೊನೆ ಪುಚ್ಚಿನ ತ್ಯುನೊನೆ ಖಲಾಸ ಕರಾನಿ ಶಿಕ್ಷಾ ದಿವಸ.. ಪಾಚಲ್ತೊ ಹೆರೊದ ಯುದೆಯತೊ ಸೆಜರೆಯ ಗಾಮೆ ಐನ ತ್ಯಾಜ಼ ದಕ್ಹಾ ದಿನ್ನ ವ್ಹತ್ತೊ.
ACT 12:20 ಟೈರ ವರಿ ಸಿದೊನ ಗಾಮೊಮಾ ಮನಕ್ಹೊನಾ ಉಪ್ಪರ ಹೆರೊದ ಘನ್ನೊ ಶಿಟ್ಟ ಥಯೊತೊ. ತೆ ಮನಕ್ಹೊ ಕ್ಹಾರಾ ಹೆರೊದನೆ ಮಳಾನೆ ಕ್ಹಾರಾ ಜ಼ನಾ ಮಳಿನ ಗಯಾ. ತ್ಯುನೆ ಬ್ಲಾಸ್ತನ ತ್ಯುನೊಕನ ವಲಸಿ ಲಿದ್ಯಾ. ಬ್ಲಾಸ್ತನ ರಾಜಾ಼ನೊ ಖಾಸ ಸೆವಕ ವ್ಹತ್ತೊ. ತೆ ಮನಕ್ಹೊ ತ್ಯುನಾ ಕ್ಹಾತೆ ಶಾಂತಿ ಸಮಾಧಾನ ಕರಿಲ್ಯು ಕೈನ ಹೆರೊದನೆ ಮಾಂಗಿಲಿದ್ಯಾ. ಕಾಕದ್ಯಾಮ ತ್ಯುನಾ ಗಾಮೆ ಹೆರೊದ ಗಾಮತೊ ಆಹಾರ ಮಂಗೈಲಿವಾನೊ ವ್ಹತ್ತೊ.
ACT 12:21 ತ್ಯುನೊನೆ ಮಳಾನಾ ಹುತಿ ಹೆರೊದ ಯಕ್ಕ ದಿನ್ನೆ ಸೊಚಿನ ಮ್ಹೆಲ್ಯೊ. ತೆ ದಿನ್ನೆ ಹೆರೊದ ಸುಂದರ ರ‍್ಹಯಲ ರಾಜವಸ್ತ್ರ ಘಾಲ್ಲಿದ್ಯೊತೊ. ತೆ ತಿನಿ ಸಿಂಹಾಸನನಾ ಉಪ್ಪರ ಬೆಟಿನ ಮನಕ್ಹೊನೆ ಶಿಕ್ಲಾಯೊ.
ACT 12:22 ತೆ ಮನಕ್ಹೊ"ಎ ಆವಾಜ಼ ಮನಕ್ಹನಿ ನ್ಹವ್ಹೈ, ಕ್ಹುದಾನಿಜ಼ ವ್ಹೈ" ಕೈನ ಅಡ್ಡ್ಯಾ.
ACT 12:23 ಹೆರೊದ ಎ ಹೊಗಳಿಕೆ ತೆಜ಼ ಸ್ವಿಕಾರ ಕರಿಲಿದ್ಯೊ. ಕ್ಹುದಾನೆ ಮಹಿಮೆ ಕರ‍್ಯೊ ನೈ. ತಿನಾಹುತಿ ತೆಜ಼ ಕ್ಷಣಮಾ, ಪ್ರಭುನೊ ಯಕ್ಕ ದುತ ತಿನೆ ರೊಗ ಲಾಯೊ. ತಿನಾ ಅಂಗನಾ ಮ್ಹೈನಾ ಭಾಗನೆ ಕಿಡಾ ಖಾದಲಕ್ಹು ತೆ ಮರಿ ಗಯೊ.
ACT 12:24 ಕ್ಹುದಾನಿ ಸಂದೆಶ ಫೈಲಾಡಿತಿ ವರಿ ಘನ್ನಾ ಘನ್ನಾ ಮನಕ್ಹೊನಾ ಉಪ್ಪರ ಪ್ರಭಾವ ಪಡಾಡುತು. ಇಕ್ಹು ವಿಶ್ವಾಸಿಯೊನು ಸಮುದಾಯ ಮ್ಹೊಟು ಥಾವಾನು ಶುರು ಥಯು.
ACT 12:25 ಬಾರ್ನಬ ವರಿ ಸೌಲಾ ಯೆರುಸಲೆಮಮಾ ತ್ಯುನು ಕಾಮ ಕ್ಹರಾಯಲಪರ ಅಂತಿಯೊಕ್ಯನೆ ಫರಿನ ಗಯಾ. ಮಾರ್ಕ ಕವಾಲೊ ಯೊಹಾನ ತ್ಯುನಾ ಕ್ಹಾತೆ ವ್ಹತ್ತೊ.
ACT 13:1 ಅಂತಿಯೊಕ್ಯನಾ ಸಭೆಮಾ ದಕ್ಹಾ ಪ್ರವಾದಿಯೊ ವರಿ ಉಪದೆಶ ಕರಾಲಾ ವ್ಹತ್ತಾ. ತ್ಯುನೆ ಕುನ್ ವ್ಹೈ ಕದ್ಯಾಮ; ಬಾರ್ನಬ, ಸಿಮೆಯೊನ್ ಇನೆ ನಿಗರ ಕೈನಬಿ ಬಲಾತಾತಾ. ಲುಸಿಯಸ ಸಿರೆನ ಗಾಮ ವಾಲೊ ವ್ಹೈ. ಮೆನಹೆನ ಹೆರೊದ ರಾಜಾ಼ನಾ ಕ್ಹಾತೆ ಬೆಳದಲವಾಲೊ ವರಿ ಸೌಲಾ ವ್ಹೈ.
ACT 13:2 ಇವ್ನೆ ಕ್ಹಾರಾ ಪ್ರಭುನಿ ಸೆವೆ ಕರಾಡಾತಾ ವರಿ ಉಪಾಸ ಕರಾಡಾತಾ. ಪವಿತ್ರ ಆತ್ಮಾ ತ್ಯುನೊನೆ"ಮಿ ಖಾಸ ರ‍್ಹಯಲ ಕಾಮೊನಾ ಹುತಿ ಬಾರ್ನಬ ವರಿ ಸೌಲಾನೆ ಇನಿಲಿದ್ಯೊ. ತೆ ಕಾಮೊನಾ ಹುತಿ ತ್ಯುನೊನೆ ಪ್ರೊತ್ಸಾಹ ಕರೊ "ಕೈನ ಕದ್ಯೊ.
ACT 13:3 ತಿನಾಹುತಿ ಸಭೆವಾಲಾ ಉಪಾಸ ರ‍್ಹೈನ ಪ್ರಾಥನಾ ಕರ‍್ಯಾ. ತ್ಯುನೆ ಬಾರ್ನಬ ವರಿ ಸೌಲಾನಾ ಉಪ್ಪರ ಹಸ್ತಾರ್ಪಣೆ ಕರಿನ ತ್ಯುನೊನೆ ವಳೈನ ದಿದ್ಯಾ.
ACT 13:4 ಬಾರ್ನಬ ವರಿ ಸೌಲಾನೆ ಪವಿತ್ರ ಆತ್ಮಾಜ಼಼ ವಳೈನ ದಿದ್ಯೊ. ತ್ಯುನೆ ಸೆಲುಸಿಯಾ ಗಾಮೆ ಗಯಾ. ಪಾಚಾ಼ತಾ ತ್ಯುನೆ ಸೆಲುಸಿಯಾತಾ ಸೈಪ್ರಸ ದ್ವಿಪೆ ಹಡಗಾಮಾ ಪ್ರಯಾಣ ಕರ‍್ಯಾ.
ACT 13:5 ಬಾರ್ನಬ ವರಿ ಸೌಲಾ ಸಲಾಮಿಸ ಗಾಮೆ ಆಯಲ್ಪರ ಯೆಹುದಿನಾ ಸಭಾ ಮಂದಿರಮಾ ಕ್ಹುದಾನಿ ಸಂದೆಶ ಕದ್ಯಾ. ಮಾರ್ಕ ಕವೈಲಿವಾಲೊ ಯೊಹಾನ ಮದತ ಕರಾನಾ ಹುತಿ ತ್ಯುನಾ ಕ್ಹಾತೆ ವ್ಹತ್ತೊ.
ACT 13:6 ತ್ಯುನೆ ತೆ ದ್ವಿಪಮಾ ಪ್ರಯಾಣ ಕರ‍್ತಾ ಪಾಫೊಸ್ ಕವಾನಾ ಗಾಮೆ ಗಯಾ. ಮಂತ್ರ ತಂತ್ರ ಕರಾಲಾ ಯಕ್ಕ ಯೆಹುದಿವಾಲಾನೆ ತ್ಯುನೆ ಪಾಫೊಸಿಮಾ ದೆಕ್ಯಾ. ತಿನು ನಾಮ "ಬಾರ್ ಯೆಸು" ತೆ ಯಕ್ಕ ಸುಳ್ಳ ಪ್ರವಾದಿ ವ್ಹೈ.
ACT 13:7 ಸೆರ್ಗ್ಯ ಪೌಲಾ ರಾಜ್ಯಪಾಲನಾ ನಜಿಕಜ಼ ತೆ ಕೆಳಾಮಾಬಿ ರ‍್ಹತೊತೊ. ಸೆರ್ಗ್ಯಪೌಲಾ ಗ್ಯಾನಿ ವ್ಹತ್ತೊ. ತ್ಯುನೆ ಕ್ಹುದಾನಿ ವಾಕ್ಯಾನೆ ಐಕಾನೆ ಬಾರ್ನಬ ವರಿ ಸೌಲಾನೆ ಬಲಾವಾನೆ ಕರ‍್ಯೊ.
ACT 13:8 ತೆನೈಸೊ ಮಾಟಾ ಮಂತ್ರಾ ಕರಾಲೊ ರ‍್ಹಯಲ ಎಲಿಮ ಬಾರ್ನಬ ವರಿ ಸೌಲಾನೆ ವಿರುದ್ಧ ವ್ಹತ್ತೊ. ಗ್ರಿಕ ಭಾಶಾಮಾ ಎಲಿಮ ಕೈನ ಬಲಾತಾತಾ. ರಾಜ್ಯಪಾಲ ಯೆಸುಪರ ಬರೊಕ್ಹೊ ನೈ ಮ್ಹೆಲೆ ಲಿಂಗತ ಕರಾನೆ ಎಲಿಮ ಕೊಶಿಶ ಕರಾಡೊತೊ.
ACT 13:9 ತೆನೈಸೊ ಪೌಲಾ ಸೌಲಾನು ವರಿಯಕ್ಕ ನಾಮ ಪೌಲಾ ವ್ಹೈ. ಪವಿತ್ರ ಆತ್ಮಾಕ್ಹು ಭರ‍್ಯೊ. ಪೌಲಾ ಎಲಿಮನೆ ಡೊಳಾ ಫಾಡಿನ ದೆಕಿನ,
ACT 13:10 ತಿನೆ, ತು ಸೈತಾನನೊ ದಿಕ್ರೊ ವ್ಹೈ! ಹರಯಕ್ಕ ಚೊ಼ಕಾನೆ ತು ದುಶ್ಮನ ವ್ಹೈ! ತು ಕೆಟ್ಟ ತಂತ್ರೊಕ್ಹು ಸುಳ್ಳಕ್ಹು ಭರಲ ಛೆ. ಪ್ರಭುನಿ ಸತ್ಯನೆ ಸುಳ್ಳ ಕೈನ ಬದಲಾನೆ ತು ಕೊಶಿಶ ಕರಾಡ್ಯೊಸ!
ACT 13:11 ಐಕ, ಪ್ರಭುನೊ ಹತ್ತ ತಾರಾ ವಿರುದ್ದ ಉಚಾಯೊಸ.. ತು ಕುಡ್ಡೊ ಥೈನ ದಕ್ಹಿಯೆಳ ಸುಜ಼ ದೆಕ್ತೊ ನೈ; ಸುರ್ಯಾನು ಉಜಾಲುಬಿ ನೈ ದೆಕ ಸಕ್ತೊ "ಕದ್ಯೊ. ತೆಳಾಮಾ ಎಲಿಮನೆ ಕ್ಹಾರು ಅಂದಾರು ಥಯು. ತಿನೆ ಕುನ್ನತಬಿ ಹತ್ತ ಧರಿನ ಚ಼ಲಾವೊ ಕೈನ ತೆ ಕಾಪ್ತೊ ಸುತ್ತೆ ಚಾ಼ಲ್ಯೊ.
ACT 13:12 ಇನೆ ದೆಕಲ ರಾಜ್ಯಪಾಲ ಪ್ರಭುನೆ ಬರೊಕ್ಹೊ ಕರ‍್ಯೊ. ಪ್ರಭುನಿ ವಿಶಯ ಥಯಲ ಉಪದೆಶ ಐಕಿನ ಘಾಬ್ರೊ ಥಯೊ.
ACT 13:13 ಪೌಲಾ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ಪಾಫೊಸಿನತಾ ನೌಕಾಯಾನ ಕರ‍್ಯಾ. ಪಾಂಫಿಲಿನಾ ಪ್ರಾಂತ್ಯಮಾ ರ‍್ಹಯಲ ಪೆರ್ಗ ಕವಾನಾ ಗಾಮೆ ತ್ಯುನೆ ಆಯಾ. ತೆನೈಸೊ ಮಾರ್ಕ ಕವೈಲಿವಾಲೊ ಯೊಹಾನ ತ್ಯುನೊನೆ ಛೊಡಿನ ಯೆರುಸಲೆಮೆ ಫರಿನ ಗಯೊ.
ACT 13:14 ತ್ಯುನೆ ತ್ಯುನು ಪ್ರಯಾಣ ಪೆರ್ಗತಾ ಅಗಾ ಬಡೈನ, ಪಿಸಿದಿ ಗಾಮನಿ ರ‍್ಹಯಲ ಅಂತಿಯೊಕ್ಯನೆ ಗಯಾ. ತ್ಯುನೆ ಅಂತಿಯೊಕ್ಯನೆ ಸಬ್ಬತ ದಿನ್ನೆ ಯೆಹುದಿನಾ ಸಭಾ ಮಂದಿರಮಾ ಗೈನ ಬೆಟ್ಯಾ.
ACT 13:15 ಮೊಶೆನಾ ಧರಮಶಾಸ್ತ್ರ ವರಿ ಪ್ರವಾದಿಯೊನಾ ಗ್ರಂಥೊ ಒದ್ಯಾ. ಪಾಚಾ಼ತಾ ಸಭಾ ಮಂದಿರನಾ ನಾಯಕೊ ಪೌಲಾ ಬಾರ್ನಬನೆ, ಭಾಯೊ, ನ್ಹ್ಯಾ ರ‍್ಹವಾನಾ ಮನಕ್ಹೊನೆ ಮದತ ಥಯೆ ಲಿಂಗತ ಸು ತುಬಿ ತುಮೆ ಕವಾನು ರ‍್ಹಯಮ ಕವೊ "ಕವಾನು ಸಂದೆಶ ವಳಾಯಾ.
ACT 13:16 ಪೌಲಾ ಉಟಿನ ಹುಬ್ರೈನ ತಿನಾ ವಾತೊ ಐಕು ಕೈನ ಮನಕ್ಹೊನೆ ಹತೆ ಇಶಾರೊ ಕರಿನ ಅಮ್ಮ ಕದ್ಯೊ; "ಮಾರಾ ಯೆಹುದಿನಾ ಭಾಯೊ, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಬಿಜಾ಼ ಮನಕ್ಹೊ, ಮಿ ಕವಾನು ಐಕೊ!
ACT 13:17 ಇಸ್ರಾಯೆಲನೊ ಕ್ಹುದಾ ಅಪ್ನಾ ಪಿತೃವೊನೆ ಇನಿಲಿದ್ಯೊ. ಇಜಿಪ್ತಮಾ ಪ್ರವಾಸಿಯೊ ಥೈನ ರ‍್ಹವಾಲಾ ತಿನಾ ಮನಕ್ಹೊನೆ ಕ್ಹುದಾ ಮದತ ಕರಿನ ಅಭಿವೃದ್ದಿ ಕರ‍್ಯೊ. ಕ್ಹುದಾ ತಿನಿ ಮ್ಹೊಟಿ ತಾಕತ ಕ್ಹು ತ್ಯುನೊನೆ ತೆ ದೆಶತೊ ಚ಼ಲಾಯೊ.
ACT 13:18 ಉಸುಕನಾ ಗಾಮಮಾ ತ್ಯುನೊನೆ ಚಾ಼ಳಕ್ಹ ವರಕ್ಹ ತ್ಯುನೊನೆ ತಡ್ದಿಲಿದ್ಯೊ.
ACT 13:19 ಕಾನಾನ್ ಕ್ಹಾತ ಪ್ರಾಂತ್ಯನೆ ಹಾಳ ಕರಿನ ತಿನಾ ಮನಕ್ಹೊನೆ ತೆ ದೆಶ ಸ್ವಾದಿನ ಕರಿನ ದಿದ್ಯೊ.
ACT 13:20 ಎ ಕ್ಹಾರು ಕ್ಹೊನೈವತ್ತ ವರಕ್ಹ ಲಕ್ಕಾ ಚಾ಼ಲ್ಯು" ಎ ಥಯಲ್ಪರ ಪ್ರವಾದಿ ಥಯಲ ಸಮುವೆಲನಾ ಕಾಲ ಲಕ್ಕಾ ಕ್ಹುದಾ ಅಪ್ನಾ ಮನಕ್ಹೊನೆ ನ್ಹಾಯಸ್ಥಾಪಕೊನೆ ದಿದ್ಯೊ.
ACT 13:21 ಪಾಚಾ಼ತಾ ಮನಕ್ಹೊ ತ್ಯುನೊನೆ ರಾಜೊ಼ ಚಾ಼ಯೆ ಕೈನ ಮಾಂಗಿಲಿದ್ಯಾ ಕ್ಹುದಾ ತ್ಯುನೊನೆ ಕಿಶನನೊ ದಿಕ್ರೊ ರ‍್ಹಯಲ ಸೌಲಾನೆ ದಿದ್ಯೊ. ಸೌಲಾಬೆನ್ಯಾನಿನ್ ಘರ್ದಾನನೊ ವ್ಹೈ. ತೆ ಚಾ಼ಳಕ್ಹ ವರಕ್ಹ ಲಕ್ಕಾ ರಾಜೊ಼ ಥಯೊತೊ.
ACT 13:22 ಕ್ಹುದಾ ಸೌಲಾನೆ ಕಾಡಲ ಪರ ದಾವಿದನೆ ತ್ಯುನೊ ರಾಜೊ಼ ಥೈನ ಕರ್ಯೊ. ‘ಇಶಯನನೊ ದಿಕ್ರೊ ಥಯಲ ದಾವಿದ ಮನೆ ಮೆಚ್ಚಿಗೆ ಥಯಲವಾಲೊ ವ್ಹೈ. ತೆ ಮಾರಿ ಆಸ ಲಿಂಗತ ಕಾಮೊ ಕರಸ’ ಕೈನ ಕ್ಹುದಾ ತೆ ದಾವಿದನಾ ಹುತಿ ಕದ್ಯೊಸ.
ACT 13:23 "ಕ್ಹುದಾ ತಿನಾ ವಾಗ್ದಾನನಾ ಲಿಂಗತ ದಾವಿದನಾ ಸಂತಾನಮಾನೊ ಯಕ್ಲಾನೆ ಇಸ್ರಾಯೆಲ ರಕ್ಷಕ ಥೈನ ವಳೈನ ದಿದ್ಯೊಸ. ತೆಜ಼ ಯೆಸು ವ್ಹೈ.
ACT 13:24 ಯೆಸು ಆವಾತಿ ಪೈಲಾ ಬಾಪ್ತಿಸ್ಮಾ ದಿಲಾವಾಲೊ ಯೊಹಾನ ಯೆಹುದಿನಾ ಕ್ಹಾರಾ ಮನಕ್ಹೊನೆ ‘ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾ ಕನ ಫರಿನ ಬಾಪ್ತಿಸ್ಮ ಕರೈ ಲಿವೊ’ ಕೈನ ಬೊದನೆ ಕರ‍್ಯೊ.
ACT 13:25 ‘ಮಿ ಕುನ್ನ ವ್ಹೈ ಕೈನ ಸೊಚೊ಼ಶಿ ತುಮೆ? ಮಿ ಕ್ರಿಸ್ತ ನ್ಹವ್ಹೈ. ತೆ ಮಾರಾ ಪಾಚೊ಼ ತೆ ಆವಸ. ತಿನಾ ಚಪ್ಪಲನಿ ದೊರಿಯೊಬಿ ಖೊಲಾನೆ ಮಿ ಯೊಗ್ಯ ನ್ಹವ್ಹೈ’ ಕೈನ ಯೊಹಾನ ತಿನು ಕಾಮ ಕರಿನ ಪುರಾ ಕರ್ತಾಮಾ ಕೈಲಿದ್ಯೊಸ.
ACT 13:26 "ಮಾರಾ ಭಾಯೊ, ಅಬ್ರಹಾಮನಾ ಕುಟುಂಬನಾ ಬಚ್ಚಾ಼, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಯೆಹುದಿಯೊ ನೈ ರ‍್ಹಯಲವಾಲಾ, ಐಕೊ! ಎ ರಕ್ಷಣೆನಾ ಸಂದೆಶನೆ ವಳಾಯಲ ಅಪ್ನಾ ಹುತಿಜ಼ ವ್ಹೈ.
ACT 13:27 ಯೆರುಸಲೆಮಮಾ ರ‍್ಹಯಲ ಯೆಹುದಿಯೊ ವರಿ ಯೆಹುದಿನಾ ನಾಯಕೊ ಯೆಸುಜ಼ ರಕ್ಷಕ ವ್ಹೈ ಕವಾನು ತಿಳ್ದಿಲಿದ್ಯಾ ನೈ. ಪ್ರವಾದಿಯೊ ಯೆಸುನಾ ಹುತಿ ಬರ್ದಲ ವಾತೊ ಹರ ಸಬ್ಬತ್ತನಾ ದಿನ್ನೆ ಒದತಾತಾ. ತೆನೈಸೊ ತ್ಯುನೆ ತಿಳ್ದಿಲಿದ್ಯಾ ನೈ. ತೆ ಯೆಹುದಿಯೊ ಯೆಸುನೆ ಅಪರಾದಿ ವ್ಹೈ ಕೈನ ಪೈಸ್ಲೊ ಕರ‍್ಯಾ. ಇಮ್ಮ ಕರಾನಾ ಮುಲಕ ತ್ಯುನೆ ಪ್ರವಾದಿ ಕದಲ ಪುರಾ ಕರ‍್ಯಾ!
ACT 13:28 ಯೆಸು ಮರುಜ಼ ಕವಾನೆ ಕರೆಟ್ಟ ಕಾರಣ ತ್ಯುನೆ ಕಂಡ ಧರಾನೆ ನೈ ಥಯು ತುಬಿ ಯೆಸುನೆ ಖಲಾಸ ಕರೌ ಕೈನ ಪಿಲಾತನ ಕನ ಮಾಂಗಿಲಿದ್ಯಾ.
ACT 13:29 "ಪವಿತ್ರ ಗ್ರಂಥಮಾ ಬರ್ದಲ ಲಿಂಗತ ಯೆಸುನೆ ಥಾವಾನು ರ‍್ಹಯಲ ಕ್ಹಾರು ಕೆಟ್ಟ ಯಹುದಿಯೊ ತಿನೆ ಕರ‍್ಯಾ. ಪಾಚಾ಼ತಾ ತ್ಯುನೆ ಯೆಸುನೆ ಶಿಲುಬಿತಾ ಹೆಟಾ ಉತಾರಿನ ಮಝಾರಮಾ ಮ್ಹೆಲ್ಯಾ.
ACT 13:30 ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ!
ACT 13:31 ಎ ಥಯಲ್ಪರ ಗಲಿಲಾಯತಾ ಯೆಸುನಾ ಕ್ಹಾತೆ ಯೆರುಸಲೆಮೆ ಆಯಲವಾಲಾ, ಘನ್ನಾ ದಿನ್ನ ಲಕ್ಕಾ ತಿನೆ ದೆಕ್ಯಾ. ಹಮ್ನಾ ತ್ಯುನೆಜ಼ ಮನಕ್ಹೊನೆ ಸಾಕ್ಷಿಯೊ ಥಯಾಸ.
ACT 13:32 "ಕ್ಹುದಾ ಅಪ್ನಾ ಪಿತೃವೊನೆ ಕರಲ ವಾಗ್ದಾನನಾ ವಿಷಯಮಾ ರ‍್ಹಯಲ ಸುವಾರ್ತೆ ಹಮೆ ತುಮೊನೆ ಕೈಯೆಸ.
ACT 13:33 ಹಮೆ ತ್ಯುನಾ ತ್ಯುನಾ ಸಂತತಿವಾಲಾ ಥಯಾಸ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಾನಾ ಮುಲಕ ತೆ ವಾಗ್ದಾನ ಅಪ್ನಾ ಹುತಿ ಪುರಾ ಕರ‍್ಯೊಸ. ಇನಾ ಹುತಿ ಬೆಂವಾ ಕಿರ್ತನೆಮಾ ಅಮ್ಮ ಬರ್ದಲ ಛೆ, ತುಜ಼಼ ಮಾರೊ ದಿಕ್ರೊ ವ್ಹೈ. ಆಜ಼ಜ಼ ಮಿ ತುನೆ ಪಡ್ದಿಲಿದ್ಯೊ. ಕಿರ್ತನೆ 2:7
ACT 13:34 ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಹುತಿ ತೆ ವರಿ ಕೆಳಾಮಾಜ಼ ಸಮಾದಿಮಾ ಗೈನ ಖಡ್ತು ನೈ ಕವಾನಿ ವಿಷಯಮಾ ಕ್ಹುದಾ ಅಮ್ಮ ಕದ್ಯೊಸ. ‘ಮಿ ದಾವಿದನೆ ಕರಲ ಕ್ಹರಿ ಪವಿತ್ರ ರ‍್ಹಯಲ ವಾಗ್ದಾನೊ ತುನೆ ದಿವ್ಸ. ಯೆಶಾಯ 55:3
ACT 13:35 ತೆನೈಸೊ ವರಿಯಕ್ಕ ಜ಼ಗಾ ಪರ ಕ್ಹುದಾ ಇಮ್ಮ ಕವಸ. ‘ತು ತಾರು ಪರಿಶುದ್ಧ ಅಂಗನೆ ಸಮಾದಿಮಾ ಖಡಾನೆ ಛೊಡತೊ ನೈ. ಕಿರ್ತನೆ 16:10
ACT 13:36 "ದಾವಿದ ತಿನಿ ಜಿವಿತಮಾ ಕ್ಹುದಾನಿ ಚಿತ್ತ ಲಿಂಗತ ಜಿವ್ನಾ ಕರ‍್ಯೊ. ಪಾಚಲ್ತೊ ತೆ ಮರ‍್ಯೊ. ದಾವಿದನೆ ತಿನಾ ಪಿತೃವೊನಾ ಕ್ಹಾತೆ ಸಮಾದಿ ಕರ‍್ಯಾ. ತಿನು ಅಂಗ ಸಮಾದಿಮಾ ಕ್ಹಡಿ ಗಯು!
ACT 13:37 ತೆನೈಸೊ ಕ್ಹುದಾಕ್ಹು ಜಿವ್ತೊ ಥೈನ ಉಟಾಡಲ ಯೆಸುನು ಅಂಗ ಸಮಾದಿಮಾ ಕ್ಹಡ್ಯು ನೈ.
ACT 13:38 ಭಾಯೊ ಭೆನೊ, ಎ ತುಮೊನೆ ಗ್ವತ್ತ ರ‍್ಹವಾದೆ; ತಿನಾ ಮುಲಕ ತುಮಾರಾ ಪಾಪೊನೆ ಮಾಫಿ ಮಳಸ. ಮೊಶೆ ಧರಮಶಾಸ್ತ್ರನೆ, ತುಮೊನೆ ತುಮಾರಾ ಪಾಪೊಕ್ಹು ಛೊಡಾವಾನೆ ಥಯು ನೈ. ತೆನೈಸೊ ಯೆಸು ಪರ ಬರೊಕ್ಹೊ ಮ್ಹೆಲಾಲೊ ಹರಯಕ್ಲೊ ತಿನಾ ಮುಲಕ ತಿನಾ ಕ್ಹಾರಾ ಪಾಪೊಕ್ಹು ಛುಟಸ.
ACT 13:39 ತಿನಾಹುತಿ ಪ್ರವಾದಿಯೊ ತಿಳಸಾಯಲ ಎ
ACT 13:40 ಪ್ರವಾದಿಯೊನಾ ದಕ್ಹಾ ಸಂಗತಿಯೊ ತುಮೊಮಾ ಕ್ಹರಿ ಥಾಯೆ ನೈಸೊ ಹುಶಾರ ರ‍್ಹವೊ.
ACT 13:41 ಕದ್ರಾವಾಲಾ, ಘಾಬ್ರಾ ಥಾತಾ ಹಾಳ ಥೈನ ಜಾ಼ವೊ. ತುಮೆ ನೈ ಬರೊಕ್ಹೊ ಕರಾನು ಯಕ್ಕ ಕಾಮ ಮಿ ಕರುಸ. ಬಿಜೊ಼ ಯಕ್ಲೊ ತುಮೊನೆ ತೆ ವಿವರಣೆ ಕರ‍್ಯೊ ತುಬಿ ತುಮೆ ನೈ ಬರೊಕ್ಹೊ ಕರ‍್ತಾ (ಹಬಕ್ಕುಕ 1:5)
ACT 13:42 ಪೌಲಾ ವರಿ ಬಾರ್ನಬ ಸಭಾಮಂದಿರತಾ ಜಾ಼ತಾಮಾ, ಎ ಸಂಗತಿಯೊನಾ ಹುತಿ ಹಜು಼ನ ಜಾಸ್ತ ತಿಳ್ಸಾನಾ ಹುತಿ ಅಗಲ್ಯಾ ಸಬ್ಬತ್ ದಿನ್ನೆ ವರಿ ಔ ಕೈನ ಮನಕ್ಹೊ ತ್ಯುನೊ ಕನ ಮಾಂಗಿಲಿದ್ಯಾ.
ACT 13:43 ಸಭೆ ಕ್ಹರಲ ಪರ ಘನ್ನಾ ಯಹುದಿಯೊ ಪೌಲಾ ಬಾರ್ನಬನೆ ತೆ ಜ಼ಗಾತಾ ಪಾಚಾ಼ ಲಾಗ್ಯಾ. ಯೆಹುದಿಯೊನಾ ಧರ್ಮನೆ ಮಳಲ ಘನ್ನಾ ಬಿಜಾ಼ ಮತನಾ ತೆ ಯೆಹುದಿಯೊನಾ ಕ್ಹಾತೆ ವ್ಹತ್ತಾ. ಧರ್ಮ ಬದ್ಲಿ ಕರಲ ಇವ್ನೆಬಿ ಕ್ಹರಿನಾ ಕ್ಹುದಾನೆ ಆರಾಧನೆ ಕರಾಡಾತಾ. ಪೌಲಾ ಬಾರ್ನಬ ತ್ಯುನಾ ಕ್ಹಾತೆ ಬೊಲಿನ, ಕ್ಹುದಾನಿ ಕೃಪೆಮಾ ಬರೊಕ್ಹೊ ಮ್ಹೆಲಿನ ಅಗು ಬಡು ಕೈನ ಪ್ರೊತ್ಸಾಹ ಕರ‍್ಯಾ.
ACT 13:44 ಅಗಲ್ಯಾ ಸಬ್ಬತ ದಿನ್ನೆ, ಪ್ರಭುನಿ ವಾಕ್ಯಾ ಐಕಾನಾ ಹುತಿ ಘನ್ನಾ ಗಾಮನಾ ಕ್ಹಾರಾ ಮನಕ್ಹೊ ತ್ಯಾ ಆಯಾ.
ACT 13:45 ಇನೆ ದೆಕಿನ ಯಹುದಿಯೊನೆ ಘನ್ನು ಅಸೈ ಥಯು. ತ್ಯುನೆ ಪೌಲಾನಾ ವಾತಾ ದೊಶ ಕರಿನ ತಿನೆ ವಿರುದ್ದ ವಾದ-ವಿವಾದ ಕರ‍್ಯಾ.
ACT 13:46 ತೆನೈಸೊ ಪೌಲಾ ಬಾರ್ನಬ ಘನ್ನಾ ಧೈರ್ಯಾಕ್ಹು ಬೊಲಿನ"ಹಮೆ ಕ್ಹುದಾನಿ ವಾಕ್ಯಾ ಯೆಹುದಿಯೊ ಥಯಲ ತುಮೊನೆ ಪೈಲಾ ಕೌ. ತೆನೈಸೊ ತುಮೆ ತುಮೊನೆ ಹಮೆಶಾನು ಜ಼ಲಮನೆ ಪಾತ್ರ ನ್ಹವೈ ಕೈನ ತಿರಸ್ಕಾರ ಕರಾಡಾಸ. ತಿನಾಹುತಿ ಹಮೆ ಬಿಜಾ಼ ಧರ್ಮವಾಲಾವೊ ಕನ ಗೈಯೆಸ!
ACT 13:47 ಕಾಕದ್ಯಾಮ ಪ್ರಭು ಹಮೊನೆ ದಿದಲ ಆಜ್ಞಾ ಅಮ್ಮ ಛೆ ದುನಿಯಾನಾ ಲಾಸ್ಟ ಲಕ್ಕಾ ಕ್ಹಾರಾ ಮನಕ್ಹೊನೆ ತು ವಚಾ಼ಡಾಲೊ ಥೌ ಕೈನ ಮಿ ತುನೆ ಬಿಜಾ಼ ಜನಾಂಗೊನೆ ಉಜಾಲು ಕರ‍್ಯೊಸ. (ಯೆಶಾಯ 49:6)
ACT 13:48 ಪೌಲಾ ಎ ವಾತೊ ಐಕಿನ ಯೆಹುದಿ ನೈಸೊ ಮನಕ್ಹೊ ಘನ್ನಾ ಖುಶಿ ಥೈನ ಪ್ರಭುನಿ ಸಂದೆಶನಾ ಹುತಿ ಸ್ತುತಿ ಕರ‍್ಯಾ. ಹಮೆಶಾನು ಜ಼ಲಮ ವ್ಹಂದಿಲಿವಾನೆ ಇನಿಲಿದಲ ಕ್ಹಾರಾ ಬರೊಕ್ಹೊ ಕರ‍್ಯಾ.
ACT 13:49 ಪ್ರಭುನಿ ಸಂದೆಶ ತೆ ಕ್ಹಾರಾ ಗಾಮಮಾ ಕದ್ಯಾ.
ACT 13:50 ತೆನೈಸೊ ಯೆಹುದಿಯೊ ದಕ್ಹಾ ಧಾರ್ಮಿಕ ಬಾಕ್ಡಿಯೊನೆ ಗಾಮನಾ ನಾಯಕೊನೆ ಪ್ರೊತ್ಸಾಹ ಕರಿನ, ಪೌಲಾ ಬಾರ್ನಬನಾ ಉಪ್ಪರ ತ್ಯುನೆ ಶಿಟ್ಟ ಥಾಯೆ ಲಿಂಗತ ತ್ಯುನೊನೆ ವಿರೊದಿಯೊ ಥಾಯೆ ಲಿಂಗತ ಕರಿನ ಪೌಲಾ ಬಾರ್ನಬನೆ ಗಾಮತಾ ಭಾರಾ ಘಾಲ್ಯಾ.
ACT 13:51 ತಿನಾಹುತಿ ಪೌಲಾ ಬಾರ್ನಬ ತ್ಯುನಾ ವಿರುದ್ದ ಥೈನ ತ್ಯುನಾ ಪಗೊನು ಧುಳ್ಳ ಝಾಡ್ಸಿನ, ಇಕೊನಿಯಾ ಗಾಮೆ ಗಯಾ.
ACT 13:52 ತೆನೈಸೊ ತಂತ್ಯಯೊಕ್ಕನಾ ವಿಸ್ವಾಸಿಯೊ ಖುಶ ಥಯಾತಾ ವರಿ ಪವಿತ್ರ ಆತ್ಮಾಕ್ಹು ಭರ‍್ಯಾತಾ.
ACT 14:1 ಪೌಲಾ ಬಾರ್ನಬ ಇಕೊನಿಯಾ ಗಾಮೆ ಗಯಾ. ಹರಯಕ್ಕ ಗಾಮಮಾಬಿ ತ್ಯುನೆ ಬೊಲಲ ಲಿಂಗತ ನ್ಹ್ಯಾಬಿ ಯೆಹುದಿಯೊನಾ ಸಭಾಮಂದಿರಮಾ ಗೈನ ಮನಕ್ಹೊನೆ ಬೊಧನೆ ಕರ‍್ಯಾ. ಪೌಲಾ ಬಾರ್ನಬನಿ ಚೊ಼ಕಿ ಬೊದನೆ ಐಕಿನ ಘನ್ನಾ ಯೆಹುದಿಯೊ ವರಿ ಗ್ರಿಕವಾಲಾ ಬರೊಕ್ಹೊ ಕರ‍್ಯಾ.
ACT 14:2 ತೆನೈಸೊ ಯೆಹುದಿಯೊಮಾ ನೈ ಬರೊಕ್ಹೊ ಕರಲ ದಕ್ಹಾ ಯೆಹುದಿ ನೈಸೊವಾಲಾವೊನೆ ಮನಸ ಭಾಯೊನೆ ವಿರುದ್ದ ಥೈನ ಮನಕ್ಹೊನೆ ಕದ್ರೈನ ಕೆಡ್ಸಿ ಪಡ್ಯಾ.
ACT 14:3 ತೆನೈಸೊ ಪೌಲಾ ಬಾರ್ನಬ ಇಕೊನಿಯಾಮಾ ಘನ್ನಾ ದಿನ್ನ ರ‍್ಹೈನ ಪ್ರಭುನಾ ಹುತಿ ಧೈರ್ಯಕ್ಹು ಬೊಲ್ಯಾ. ಪ್ರಭು ತ್ಯುನಾ ಮುಲಕ ಸುಚಕ ಕಾಮೊ ವರಿ ಅದ್ಭುತ ಕಾಮೊ ಕರಿನ ತಿನಿ ಕೃಪಾನಿ ಸಂದೆಶ ದೆಕಾಡಿನ ದಿದ್ಯಾ.
ACT 14:4 ತೆನೈಸೊ ತೆ ಗಾಮನಾ ಮನಕ್ಹೊ ಬೆ ಭಾಗ ಥಯಾ ದಕ್ಹಾ ಜ಼ನಾ ಯೆಹುದಿವಾಲಾ ಕಂತಾ ಥಯಾ ದಕ್ಹಾ ಮನಕ್ಹೊ ಅಪೊಸ್ತಲೊಕನ ಥಯಾ.
ACT 14:5 ಯೆಹುದಿಯೊ ನೈಸೊಲಾವಾವೊಮಾ ವರಿ ಯೆಹುದಿಯೊಮಾ ದಕ್ಹಾ ತ್ಯುನಾ ನಾಯಕೊನಾ ಕ್ಹಾತೆ ಮಳಿನ ಅಪೊಸ್ತಲೊನೆ ದಗ್ಡಾ ನಾಕಿನ ಖಲಾಸ ಕರು ಕೈನ ವ್ಹತ್ತಾ.
ACT 14:6 ಎ ಗ್ವತ್ತ ಥಯಲ ಪೌಲಾ ಬಾರ್ನಬ ತೆ ಗಾಮ ಛೊಡಿನ ಲುಕವೊನಿಯಾನಾ ಗಾಮೊ ರ‍್ಹಯಲ ಲುಸ್ತ್ರ ವರಿ ದರ್ಬೆನೆ ವರಿ ತೆ ಗಾಮೊನಾ ಸುತ್ತಮುತ್ತ ರ‍್ಹಯಲ ಜ಼ಗಾವೊನೆ ಗಯಾ.
ACT 14:7 ತ್ಯುನೆ ತ್ಯಾಬಿ ಸುವಾರ್ತೆ ಕದ್ಯಾ.
ACT 14:8 ಲುಸ್ತ್ರಮಾ ಯಕ್ಕ ಮನಕ್ಹ ವ್ಹತ್ತೊ. ತಿನಾ ಪಗೊಮಾ ತಾಕತ ನ್ಹೊತಿ. ಹುಟ್ಯಲ ತೆಳತೊ ಲಂಗ್ಡೊ ವ್ಹತ್ತೊ ತೆ ಕೆಳಾಮಾಜ಼ ಚಾ಼ಲ್ಯೊ ನ್ಹೊತೊ.
ACT 14:9 ಎ ಮನಕ್ಹ ತೆ ಬೆಟಲ ಜ಼ಗಾಜ಼ ಪೌಲಾನಿ ವಾತೊ ಐಕಾಡೊತೊ. ಪೌಲಾ ತಿನೆ ಡೊಳಾ ಕಾಡಿನ ದೆಕ್ಯೊ. ಕ್ಹುದಾ ಅರಾಮ ಕರಸ ಕವಾನೊ ಬರೊಕ್ಹೊ ತಿನಾಮಾ ರ‍್ಹಯಲ ಪೌಲಾ ದೆಕಿನ,
ACT 14:10 ತಿನೆ"ಉಟ್ಟ, ತಾರಾ ಪಗೊಪರ ಹುಬ್ರೆ" ಕೈನ ಜೊ಼ರ ಕದ್ಯೊ. ತೆಳಾಮಾಜ಼ ತೆ ಮನಕ್ಹ ಜಿಗ್ದಿನ ಹುಬ್ರೈನ ಚಾ಼ಲಾನು ಶುರು ಕರ‍್ಯೊ.
ACT 14:11 ಪೌಲಾ ಕರಲ ಎ ಕಾಮ ದೆಕಲ ಮನಕ್ಹೊ ತ್ಯುನಾ ಸ್ವಂತ ಲುಕವೊನಿ ಬಾಶಾಮಾ "ದಿವಸ್ತಾನೊ ಮನಕ್ಹನು ರುಪ ಲಿನ ಅಪೊಕನ ಉತ್ರಿನ ಆಯಾಸ" ಕೈನ ಕದ್ಯಾ.
ACT 14:12 ಮನಕ್ಹೊ ಬಾರ್ನಬನೆ "ಜೆಯುಸ "ಕ್ಹುದಾ ಕೈನ ಖಾಸ ಬೊದಕ ಥಯಲ ಪೌಲಾನೆ "ಹೆರ್ಮೆ "ಕ್ಹುದಾ ಕೈನ ಬಲಾಯಾ.
ACT 14:13 ಜೆಯುಸನಿ ಗುಡಿ ಗಾಮನಾ ನಜಿಕಮಾ ವ್ಹತ್ತಿ. ಎ ಗುಡಿನೊ ಪುಜಾರಿ ದಕ್ಹಾ ಗೈಯೊ ವರಿ ಫುಲ್ಲೊ ಗಾಮನಾ ಬಾಕಲ ಕನ ಲಿನ ಆಯೊ. ತೆ ಪುಜಾರಿ ವರಿ ಮನಕ್ಹೊ ಪೌಲಾ ಬಾರ್ನಬನೆ ಬಲಿ ದಿನ ತ್ಯುನೊನೆ ಆರಾಧನಾ ಕರು ಕೈನ ವ್ಹತ್ತಾ.
ACT 14:14 ಎ ಐಕಿನ ಅಪೊಸ್ತಲ ಥಯಲ ಪೌಲಾ ಬಾರ್ನಬ ತ್ಯುನಾ ವಣ್ಣಾ ಫಾಡಿ ಲಿನ ಮನಕ್ಹೊನಾ ಗುಂಪಮಾ ಗೈನ ಅಮ್ಮ ವದ್ರಿನ ಕದ್ಯಾ;
ACT 14:15 "ಮನಕ್ಹೊ ತುಮೆ ಎ ಕಾಮೊ ಕರಾನು ಶಾನೆ? ಹಮೆ ಕ್ಹುದಾವೊ ನ್ಹವ್ಹೈ. ಹಮೆ ತುಮಾರಾ ಲಿಂಗತ ಮನಕ್ಹೊಜ಼ ವ್ಹೈ. ತುಮೊನೆ ಸುವಾರ್ತೆ ಕವಾನಾ ಹುತಿ ಹಮೆ ಆಯಾಸ. ವ್ಯರ್ಥ ರ‍್ಹಯಲ ಕಾಮೊ ತುಮೆ ಛೊಡಿ ಪಡೊ; ಜಿವ ಸ್ವರುಪ ಥಯಲ ಕ್ಹುದಾ ಕನ ಫರೊ. ಹಬಾಳನೆ ಜಿಮಿನನೆ ಸಮುಂದರನೆ ವರಿ ತೆ ಕ್ಹಾರಾವೊಮಾ ರ‍್ಹವಾನು ಹರಯಕ್ಕನೆ ತಯ್ಯಾರ ಕರಲವಾಲೊ ತೆಜ಼ ವ್ಹೈ.
ACT 14:16 "ಪೈಲಾನಾ ಕಾಲಮಾ ಕ್ಹುದಾ ಕ್ಹಾರಾ ಜನಾಂಗೊನೆ ತ್ಯುನಿ ಇಶ್ಟಾ ಲಿಂಗತ ಚಾ಼ಲಾನೆ ಛೊಡಿನ ದಿದ್ಯೊ.
ACT 14:17 ತೆನೈಸೊ ತೆ ಯಕ್ಲೊಜ಼ ಕ್ಹರಿನೊ ಕ್ಹುದಾ ವ್ಹೈ ಕವಾನು ತೆ ತಿನಾ ಚೊ಼ಕಾ ಕಾಮೊಕ್ಹು ದೆಕಾಡಾಡೊಸ. ತೆ ತುಮೊನೆ ಹಬಾಳಮಾತೊ ಪಾನಿ ತುಮಾರಾ ಅನ್ನನಾ ಹುತಿ ಹಮೆಶಾಬಿ ಸುಗ್ಗಿ ಕಾಲ ದಿನ್ನ ತುಮಾರಾ ಮನಸೊ ಖುಶಿಕ್ಹು ಭರಾಡೊಸ"
ACT 14:18 ಪೌಲಾ ಬಾರ್ನಬ ಅಕ್ಲು ಕ್ಹಾರು ಕದ್ಯಾ ತುಬಿ ಯಜ್ಞ ದಿನ್ನ ಆರಾಧನಾ ಕರೆ ನೈಸೊ ಮನಕ್ಹೊನೆ ಹುಬ್ರಾಡಾನೆ ಘನ್ನಾ ಕೊಶಿಶ ಕರು ಲಾಗ್ಯು.
ACT 14:19 ಪಾಚಾ಼ತಾ ದಕ್ಹಾ ಯೆಹುದಿಯೊ ಅಂತಿಯೊಕ್ಯತಾ ವರಿ ಇಕೊನಿಯತಾ ಐನ ಪೌಲಾನೆ ವಿರುದ್ದ ಮನಕ್ಹೊನೆ ಭಡಕೈನ ಪೌಲಾನೆ ದಗ್ಡಾ ನಾಕಿನ, ತೆ ಮರ‍್ಯೊ ಕೈನ ತಿಳ್ದಿಲಿನ ಗಾಮತಾ ಭಾರಾ ಜಗ್ಗಿನ ಕಾಡ್ಯಾ.
ACT 14:20 ತೆನೈಸೊ, ಯೆಸುನಾ ಶಿಷ್ಯಾ ತಿನಾ ಸುತ್ತೆ ಆತಾಮಾ ತೆ ಉಟಿನ ಗಾಮಮಾ ಗಯೊ. ಮರ್ನಾ ದಿನ್ನೆ ತೆ ವರಿ ಬಾರ್ನಬ ದರ್ಬೆ ಗಾಮನೆ ಗಯಾ.
ACT 14:21 ಪೌಲಾ ಬಾರ್ನಬ ದರ್ಬೆ ಗಾಮಮಾಬಿ ಸುವಾರ್ತೆ ಕದ್ಯಾ. ಘನ್ನಾ ಮನಕ್ಹೊ ಯೆಸುನಾ ಶಿಷ್ಯಾ ಥಯಾ. ಪೌಲಾ ಬಾರ್ನಬ ಲುಸ್ತ್ರ, ಇಕೊನಿಯ ವರಿ ಅಂತಿಯೊಕ್ಯ ಗಾಮೊಯೆ ಫರಿನ,
ACT 14:22 ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ.
ACT 14:23 ಪೌಲಾ ಬಾರ್ನಬ ಹರ ಯಕ್ಕ ಸಭೆನೆ ಮ್ಹೊಟಾವೊನೆ ಇನಿ ಲಿದ್ಯಾ. ತ್ಯುನೆ ಎ ಮ್ಹೊಟಾವೊನಾ ಹುತಿ ಉಪಾಸ ರ‍್ಹೈನ ಪ್ರಾಥನಾ ಕರಿನ ತ್ಯುನೊನೆ ಪ್ರಭುನಾ ಹತ್ಮಾ ವಪ್ಸಿನ ದಿದ್ಯಾ.
ACT 14:24 ಪೌಲಾ ಬಾರ್ನಬ ಪಿಸಿದಿ ಗಾಮತಾ ಪಾಂಪಿಲಿಯ ಗಾಮೆ ಆಯಾ.
ACT 14:25 ತ್ಯುನೆ ಕ್ಹುದಾನಿ ಸಂದೆಶನೆ ಪೆರ್ಗ ಗಾಮಮಾ ಬೊದನೆ ಕರಿನ, ತ್ಯಾಂತಾ ಅತ್ತಾಲಿಯ ಗಾಮೆ ಆಯಾ.
ACT 14:26 ತ್ಯಾಂತಾ ತ್ಯುನೆ ಸಿರಿಯಾಮಾ ಅಂತಿಯೊಕ್ಯನೆ ನೌಕಾಯಾನ ಕರ‍್ಯಾ. ಹಜು಼ನ ಲಕ್ಕಾ ಕರಿನ ಕ್ಹರಾಯಲ ಸೆವಾನಾ ಕಾಮನಾ ಹುತಿ ಕ್ಹುದಾನಾ ಹತ್ಮಾ ವಪ್ಸಿನ ದಿದಲವಾಲಾ ಎ ಗಾಮನಾ ವಿಶ್ವಾಸಿಯೊಜ಼ ವ್ಹೈ.
ACT 14:27 ಪೌಲಾ ಬಾರ್ನಬ ನ್ಹ್ಯಾ ಆಯಲ್ಪರ, ಸಭೆವಾಲಾ ಕ್ಹಾರಾವೊನೆ ಮಳೈನ, ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ತ್ಯುನೊನೆ ಕದ್ಯಾ. ವರಿ "ಬಿಜಾ಼ ಜನಾಂಗವಾಲಾಬಿ ಬರೊಕ್ಹೊ ಕರೆ ಲಿಂಗತ ಕ್ಹುದಾ ಬಾಕಲ ಕಾಡ್ಯೊಸ" ಕೈನ ತಿಳ್ಸಾಯಾ.
ACT 14:28 ತ್ಯಾ ಪೌಲಾ ಬಾರ್ನಬ ಶಿಷ್ಯಾವೊನಾ ಕ್ಹಾತೆ ಘನ್ನಾ ದಿನ್ನ ವ್ಹತ್ತಾ.
ACT 15:1 ಪಾಚಾ಼ತಾ ದಕ್ಹಾ ಮನಕ್ಹೊ ಯುದೆಯತಾ ಅಂತಿಯೊಕ್ಯನೆ ಆಯಾ" ತುಮೆ ಸುನ್ನತಿ ನೈ ಕರಾಯಾಮ ತುಮೊನೆ ಬಿಡುಗಡೆ ಥಾತು ನೈ. ಸುನ್ನತಿ ಕರೈಲ್ಯು ಕೈನ ಮೊಶೆ ಕದ್ಯೊಸ "ಕೈನ ತ್ಯುನೆ ಯೆಹುದಿಯೊ ನೈ ರ‍್ಹಯಲ ವಿಸ್ವಾಸಿಯೊನೆ ಉಪದೆಶ ಕರಾನು ಶುರು ಕರ‍್ಯಾ.
ACT 15:2 ಪೌಲಾ ಬಾರ್ನಬ ಎ ಉಪದೆಶನೆ ತ್ಯುನಾ ವಿರುದ್ದ ದೆಕಾಡಿನ ತ್ಯುನಾ ಕ್ಹಾತೆ ವಾದ ಕರ‍್ಯಾ. ಎ ಸಮಸ್ಯಾನಾ ಹುತಿ ಅಪೊಸ್ತಲೊನಾ ಕ್ಹಾತೆ ವರಿ ಬಿಜಾ಼ ಶಾನಾವೊನಾ ಕ್ಹಾತೆ ಚರ್ಚಾ ಕರಾನೆ ಪೌಲಾ ಬಾರ್ನಬನೆ ವರಿ ಬಿಜಾ಼ ದಕ್ಹಾ ಜ಼ನಾವೊನೆ ಯೆರುಸಲೆಮೆ ವಳಾವಾನೆ ಸಭೆ ಮಳಾನೆ ಫೈಸ್ಲೊ ಕರ‍್ಯಾ.
ACT 15:3 ತಿನಾಲಿಂಗತ ಸಭೆವಾಲಾ ಇವ್ನೊನೆ ಸಭೆ ವಳೈಯು. ಇವ್ನೆ ಫೆನಿಶ್ಯ ವರಿ ಸಮಾರ್ಯ ವಾಟತಾ ಗಯಾ. ಯೆಹುದಿ ನೈಸೊ ಮನಕ್ಹೊ ಕ್ಹರಿನೊ ಕ್ಹುದಾ ಕನ ಫರಲನಾ ಹುತಿ ಎ ಗಾಮೊಮಾ ಕದ್ಯಾ. ಎ ಐಕಿನ ಭಾಯೊನೆಬಿ ಘನ್ನಿ ಖುಶಿ ಥೈ.
ACT 15:4 ಪೌಲಾ ಬಾರ್ನಬ ವರಿ ಬಿಜಾ಼ ಯೆರುಸಲೆಮ ಮುಟ್ಯಾ. ಅಪೊಸ್ತಲೊ, ಶಾನಾ ವರಿ ಸಭೆವಾಲಾ ಇವ್ನೊನೆ ಸ್ವಾಗತ ಕರ‍್ಯಾ. ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ಪೌಲಾ ಬಾರ್ನಬ ವರಿ ಬಿಜಾ಼ ಕದ್ಯಾ.
ACT 15:5 ಯೆರುಸಲೆಮಮಾ ರ‍್ಹಯಲ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಫರಿಸಾಯರೊನಾ ಗುಂಪನೆ ಮಳಲವಾಲಾ ವ್ಹತ್ತಾ. ತ್ಯುನೆ ಉಟಿನ ಹುಬ್ರೈನ, ಯೆಹುದಿಯೊ ನೈ ರ‍್ಹಯಲವಾಲಾ ವಿಶ್ವಾಸಿಯೊ ಸುನ್ನತಿ ಕರೈಲಿವ ಮೊಶೆನಾ ಧರಮಶಾಸ್ತ್ರನೆ ವಿಧೆಯ ಥೌ ಕೈನ ಅಪೆ ತ್ಯುನೊನೆ ಕೌ "ಕೈನ
ACT 15:6 ಪಾಚಾ಼ತಾ ಅಪೊಸ್ತಲೊ ವರಿ ಶಾನಾ ಎ ಸಮಸ್ಯಾನೆ ಪರಿಕ್ಷಾ ಕರಾನೆ ಮಳಿನ ಆಯಾ.
ACT 15:7 ಘನ್ನಿ ಚರ್ಚಾ ಥೈ. ಪಾಚಾ಼ತಾ ಪೆತ್ರಾ ಉಟಿನ ಹುಬ್ರೈನ ತ್ಯುನೊನೆ"ಮಾರಾ ಭಾಯೊ, ತುಮೊನೆ ಗ್ವತ್ತ ರ‍್ಹಯಲ ತಿಮ್ಮ, ಯೆಹುದಿ ನೈಸೊ ಮನಕ್ಹೊನೆ ಸುವಾರ್ತೆ ಕವಾನಾ ಹುತಿ ತುಮಾರಾ ವಚ್ಮಾ಼ತೊ ಕ್ಹುದಾ ಮನೆ ಘನ್ನಾ ದಿನ್ನಾ ಪಾಚೊ಼ ಇನಿಲಿದ್ಯೊ. ತ್ಯುನೆ ಮಾರಾಕ್ಹು ಸುವಾರ್ತೆ ಐಕಿನ ಬರೊಕ್ಹೊ ಕರ‍್ಯಾ.
ACT 15:8 ಕ್ಹಾರಾ ಮನಕ್ಹೊನಾ ವಿಚಾರೊ ಗ್ವತ್ತ ರ‍್ಹಯಲ ಕ್ಹುದಾ ಯೆಹುದಿ ನೈಸೊ ಮನಕ್ಹೊನೆ ಸ್ವಿಕಾರ ಕರಿಲಿದ್ಯೊ. ಕ್ಹುದಾ ಹಮೊನೆ ಪವಿತ್ರ ಆತ್ಮಾ ದಿದಲ ಲಿಂಗತಜ಼ ತ್ಯುನೊನೆಬಿ ಪವಿತ್ರ ಆತ್ಮಾ ದಿನ್ನ ಎ ಕ್ಹರಿ ದೆಕಾಡ್ಯೊಸ.
ACT 15:9 ಕ್ಹುದಾ ದೃಶ್ಟಿಮಾ ತ್ಯುನೊನೆಬಿ ಹಮೊನೆಬಿ ಕಯು ಫರಕ ನತ್ತಿ. ತ್ಯುನೆ ಬರೊಕ್ಹೊ ಕರಲ್ಪರ, ಕ್ಹುದಾ ತ್ಯುನಾ ಮನಸೊ ಶುದ್ಧ ಕರ‍್ಯೊ.
ACT 15:10 ಇಮ್ಮ ರ‍್ಹತಾಮಾ, ಯೆಹುದಿಯೊ ನೈಸೊವಾಲಾ ಭಾಯೊನಾ ಖಾಂದಾನಾ ಉಪ್ಪರ ವಜ಼್ಜು ಕಾ ಘಾಲೊಶಿ? ತುಮೆ ಕ್ಹುದಾನೆ ಶಿಟ್ಟ ಕರು ಕೈನ ಕೊಶಿಶ ಕರಾಡಾಸು? ಹಮೊನೊ ರ‍್ಹಂದೆ ಹಮಾರಾ ಪಿತೃನೆ ರ‍್ಹಂದೆ ತೆ ವಜ್ಜು ಉಚಾವಾ ವರಕ್ಹು ತಾಕತ ನ್ಹೊತಿ!
ACT 15:11 ತಿನಾಹುತಿ ಹಮೆ ರ‍್ಹಂದೆ ತ್ಯುನಾಹುತಿ ರಕ್ಷಣೆ ಹೊಂದಾನಾ ಹುತಿ ಪ್ರಭು ಥಯಲ ಯೆಸುನಾ ಮರಗಾಕ್ಹು ಕೈನ ಹಮೆ ನಂಬ್ಯೆಸ! ಕದ್ಯೊ.
ACT 15:12 ತೆಳಾಮಾ ಕ್ಹಾರಿ ಸಭಾ ಗಪ ವ್ಹತ್ತಿ. ತ್ಯುನೆ ಪೌಲಾ ವರಿ ಬಾರ್ನಬನೆ ಕಾನ ದಿನ್ನ ಐಕ್ಯಾ. ಯೆಹುದಿ ನೈಸೊ ಮನಕ್ಹೊನಾ ವಚಾಮಾ ಕ್ಹುದಾ ತಿನಾ ಮುಕಾಂತರ ಕರಲ ಕ್ಹಾರಾ ಅದ್ಭುತ ಕಾಮೊ ವರಿ ಸುಚಕ ಕಾಮೊನಾ ಹುತಿ ಪೌಲಾ ಬಾರ್ನಬ ಕದ್ಯಾ.
ACT 15:13 ತೆನೈಸೊ ಯಾಕೊಬ, ಮಾರಾ ಭಾಯೊ ಮನೆ ಕಾನ ದಿನ್ನ ಐಕೊ.
ACT 15:14 ಯೆಹುದಿ ನೈಸೊ ಮನಕ್ಹೊ ಕ್ಹುದಾ ತಿನಿ ಮಯಾ ಕಿಮ್ಮ ದೆಕಲಾಡ್ಯೊ ಸಿಮೊನ ಹಮನೊನೆ ತಿಳಸಾಯೊ ಪೈಲಾಜ ಹಮನಾಜ, ಕ್ಹುದಾ ಯೆಹುದಿಯೊ ನೈಸೊ ಮನಕ್ಹೊನೆ ಮಳೆಲಿದ್ಯಾಸ. ತ್ಯುನೊನೆ ತ್ಯುನಾ ಮನಕ್ಹೊ ವ್ಹೈ ಕೈನ ಕರಲಿದ್ಯೊ.
ACT 15:15 ಪ್ರವಾದಿಯೊನಾ ವಾತೊಬಿ ತಿನೆ ಸಾಮರಸ್ಯ ಥೈಯುಸ.
ACT 15:16 ತೆ ಥಯಲಪರ ಅಪೆ ಪಾಚಾ಼ ಪ್ಹರ‍್ಯಾ. ಮಿ ದಾವಿದನು ಘರ ವರಿ ಭಾಂದೆಯೆಸ ತೆ ಪಡಿ ಗಯುಸ. ತಿನಾಹುತಿ ತುಟಿ ಗಯೆಲ ತಿನು ಘರನಾ ತುಕಡಾ ಮಿ ವರಿ ಯಕ್ಕ ಕರುಸ. ಮಿ ತಿನು ಘರ ನವು ಕರುಸ.
ACT 15:17 ತೆನೈಸೊ ಬಿಜಾ಼ ಮನಕ್ಹೊ ಪ್ರಭುನಾ ಹುತಿ ಹುಡಕಸ. ಯೆಹುದಿಯೊ ನೈಸೊ ಮನಕ್ಹೊ ಕ್ಹಾರಾ ವರಿ ಮಾರಾ ಮನಕ್ಹೊ ಥೈಯಾಸ. ಪ್ರಭು ಯೆ ಕದ್ಯೊಸ. ತೆ ಕ್ಹಾರಾ ಕಾಮೊ ಕರಾಲೊ ತೆಜ಼ ವ್ಹೈ.
ACT 15:18 ಪೈಲಾತೊಜ ಯೆ ಕ್ಹಾರಾ ಕಾಮೊ ತಿಳಸಾಡೊಸ.
ACT 15:19 ತಿನಾಹುತಿ, ಕ್ಹುದಾ ಕನ ಫರಿನ ಯೆಹುದಿಯೊ ನೈಸೊ ಭಾಯೊನೆ ಅಪೆ ತರಾಸ ದ್ಯುನೈ.
ACT 15:20 ತಿನಾಹುತಿ ಅಪೆ ತ್ಯುನೊನೆ ಯಕ್ಕ ಪತ್ರ ಲಿಕಿನ ತೆ ವಿಷಯೊ ಕ್ಹಾರಾ ತಿಳಸಯೆ ಮುರ್ತಿನೆ ಚಡಾಯೆಲ ಅನ್ನ ಖಾವೊ ನಕೊ. ತೆ ಅನ್ನ ಅಶುದ್ಧ ವ್ಹೈ. ಕೈಯುಜ ಲೈಂಗಿಕ ಪಾಪ ಕರೊ ನಕೊ. ರಗತ ಖಾವೊ ನೈಕೊ. ನಡ್ಡಿ ಚಿಕಲಿನ ಜಾನವರೊನು ಮಾಕ್ಹ ಕ್ಹಾವೊ ನೈಕೊ.
ACT 15:21 ತ್ಯುನೆ ತೆ ಕ್ಹಾರು ಕರು ನೈ. ಕಾಕದ್ಯಾಮ ಮೊಶೆನಾ ಧರಮಶಾಸ್ತ್ರನೆ ಬೊಧಿಸ ಕರಲ ಮನಕ್ಹೊ ಹರಯಕ್ಕ ಗಾಮ್ಮಾ ಹಜುಬಿ ಛೆ. ಘನ್ನಾ ವರಕ್ಹತ್ತಾ ಹರಯಕ್ಕ ಸಬ್ಬತ ದಿನಮಾ ಮೊಶೆನಾ ವಾತೊ ಒದತ್ತಾ ಕೈನ ಕದ್ಯೊ.
ACT 15:22 ತೆಳಾಮಾ ಅಪೊಸ್ತಲೊ, ಸಭೆನಾ ಮ್ಹೊಟಾ ಮನಕ್ಹೊ ವರಿ ಕ್ಹಾರಿ ಸಬೆನಿ ಇಜಾಜತ ಲಿನ ತ್ಯುನಾಮಾ ದಕ್ಹಾಜ಼಼ನಾ ವೊನೆ ಇನಿಲಿನ ಪೌಲಾ ವರಿ ಬಾರ್ನಬನಾ ಕ್ಹಾತೆ ದಕ್ಹಾ ಮನಕ್ಹೊ ಅಂತಿಯೊಕ್ಯನೆ ವಳಾವಾನು ಚೊ಼ಕು ವ್ಹೈ ಕೈನ ನಿರ್ದಾರ ಕರ‍್ಯಾ. ತಿನಾಹುತಿ ಭಾಯೊಮಾ ಖಾಸ ವ್ಹೈ ಕೈನ ಕವೈಲಿವಾಲೊ ಬಾರಬನ ಕೈನ ಕವೈಲಿವಾಲಾ ಯುದನೆ ವರಿ ಶಿಲಾನೆ ಇನಿಲಿನ
ACT 15:23 ತ್ಯುನಾ ಹತ್ತಮಾ ಪತ್ರನೆ ದಿನ ವಳಾಯಾ. ತೆ ಪತ್ರಮಾ ಅಮ್ಮ ಲಿಕ್ಯಾತ್ತಾ. ಭಾಯೊ, ಅಪೊಸ್ತಲೊ ವರಿ ಶಾನಾ, ಅಂತಿಯೊಕ್ಯ,ಸಿರಿಯ,ಕಿಲಿಕ್ಯ ರ‍್ಹವಾಲಾ ಯೆಹುದ್ಯ ನೈ ರ‍್ಹಯಲ ಭಾಯೊನೆ ನಮಸ್ಕಾರ.
ACT 15:24 ಹಮಾರಾ ಸಮುದಾಯನಾ ತಮನೊ ಕನ ಆಯೆಲ ದಕ್ಹಾಜ಼಼ನಾ ತಮನೊನೆ ದಕ್ಹಾ ಸಂಗತಿಯೊ ಕವಾನಾಹುತಿ ತಮನೊನೆ ತ್ರಾಸನೆ ಘನು ಕರಿನ ತಮಾರಾಮಾ ಗಲಿಬಿಲಿ ಕರಾನಾಹುತಿ ಸುದ್ದಿ ಹಮನೊನೆ ಗ್ವತ್ತ ಥಯು. ತಿನಾಹುತಿ ಇಮ್ಮ ಕರಾನಾಹುತಿ ಹಮೆ ತ್ಯುನೊನೆ ಕದ್ಯಾನ್ಹೊತ್ತಾ.
ACT 15:25 ತಿನಾಹುತಿ ಹಮೆಕ್ಹಾರಾ ದಕ್ಹಾ ಜ಼ನಾ ಸರ್ವಾನುಮತಕ್ಹು ಇನಲಿನ ತಮನೊ ಕನ ವಳಾವಾನೆ ಫೈಸಲೊ ಕರ‍್ಯಾ. ಮಾರಾ ಮಯಾನಾ ಭಾಯೊ ಥಯಲ ಬಾರ್ನಬ ವರಿ ಪೌಲಾನಾ ಕ್ಹಾತೆ ತ್ಯುನೆ ಆವಾಡಾಸ.
ACT 15:26 ಬಾರ್ನಬ ವರಿ ಪೌಲಾ ಹಮಾರೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಸೆವಾನಾ ಹುತಿ ಹಮಾರಾ ಜ಼ಲ್ಮೊ ದಿದ್ಯಾಸ.
ACT 15:27 ತಿನಾಹುತಿ ಹಮೆ ಯುದಾನೆ ವರಿ ಸಿಲನೆ ತ್ಯುನಾ ಕ್ಹಾತೆ ವಳಾಯೊಸ. ಹೆಟ್ಟಾ ಮ್ಹೆಲೆಲ ಸಂಗತಿಯೊ ಕ್ಹಾರಾ ತ್ಯುನೆ ತಮನೊನೆ ತಿಳಸಾವಸ.
ACT 15:28 ತಮನೊನೆ ಹಜು ಘನು ವಜ್ಜು ರ‍್ಹವಾಂದೆ ಕೈನ ಪವಿತ್ರಾತ್ಮನಿ ನಿರ್ಧಾರ ತಿನೆ ಹಮೆ ಒಪ್ಪಿಲಿದ್ಯಾ. ತಮೆ ತೆ ನಿಯಮೊನೆ ಯಕ್ಕಜ಼ ಅನುಸರಿಸಸ.
ACT 15:29 ಅನಾಕ್ಹು ಹೆಚ್ಚಗಿ ವಜು ತಮಾರಾ ಉಪ್ಪರ ಉಚೈವು ನೈ ಕೈನ ಪ್ರವಿತ್ರಾತ್ಮನೆ ಬಿ ಅಪನೊನೆ ಬಿ ಚೊ಼ಕು ದಿಕ್ಹು;ತಮೆ ಹುಶಾರಕ್ಹು ರ‍್ಹೈನ ತ್ಯುನಾ ಕ್ಹಾತೆ ನೈ ಗಯಾಮಾ ತಮ್ಮನೊನೆ ಬಿ ಚೊ಼ಕು ಥಾವಸ.
ACT 15:30 ತ್ಯುನೆ ಅಮ್ಮ ಅಪ್ಪಣೆ ಲಿನ ಅಂತಿಯೊಕ್ಯನೆ ಐನ ಸಭೆನೆ ಮಳೈನ ತೆ ಪತ್ರನೆ ತ್ಯುನೊನೆ ಒಪ್ಪಸ್ಯಾ.
ACT 15:31 ತ್ಯುನೆ ಒದಿನ ತ್ಯುನಾಕ್ಹು ಧೈರ್ಯ ಲಿನ ಕ್ಹುಶಿ ಥಯಾ.
ACT 15:32 ಯುದಾ, ಸಿಲಾ ತ್ಯುನೆಜ ಪ್ರವಾದಿಯೊ ಥಯಲಕ್ಹು ಭಾಯೊನೆ ಘನ್ನಾ ವಾತೊಕ್ಹು ಕೈನ ಘಟ್ಟ ಕರಿನ ಕದ್ಯಾ.
ACT 15:33 ತ್ಯಾ ದಕ್ಹಾ ದಿನ ರ‍್ಹಯೆಲ ಪರ ತ್ಯುನೊನೆ ವಳಾಯೆಲವಾವೊ ಕನ ವರಿ ಜೌಕೈನ ಭಾಯೊಕ್ಹು ಅಪ್ಪಣೆ ಲಿದ್ಯಾ.
ACT 15:34 ತಿನಾಹುತಿ ಸಿಲಾನೆ ತ್ಯಾಜ ರ‍್ಹವಾನು ಚೊ಼ಕುಜ ವ್ಹೈ ಕೈನ ದಿಕ್ಹು.
ACT 15:35 ತಿನಾಹುತಿ ಪೌಲಾ ವರಿ ಬಾರ್ನಬ ಅಂತಿಯೊಕ್ಯಮಾ ಹುಬ್ರೈನ ಬಿಜಾ಼ ದಕ್ಹಾಜ಼಼ನಾವೊನಾ ಕ್ಹಾತೆ ಉಪದೆಶ ಕರತ್ತಾ ಕರ್ತಾ ವಾಕ್ಯ ಕವಾನು ಸುವಾರ್ತೆ ಕತ್ತಾ ವ್ಹತ್ತಾ.
ACT 15:36 ದಕ್ಹಾ ದಿನೊ ಥಯಲ ಪರ ಪೌಲಾ ಬಾರ್ನಬ; ಅಪೆ ಕರ್ತಾನಿ ವಾಕ್ಯ ಕೈನ ಕ್ಹಾರಾ ಗಾಮ್ಮೊನೆ ವರಿ ಗೈನ ತ್ಯಾ ರ‍್ಹಯಲ ಭಾಯೊ ಕಿಮ್ಮ ಛೆ ಕೈನ ದೆಕಾನೆ ಆ ಕೈನ ಕದ್ಯೊ.
ACT 15:37 ತಿನಾಹುತಿ ಬಾರ್ನಬ ಮಾರ್ಕ ಕವೈಲಿವಾಲೊ ಯೊಹಾನನೆ
ACT 15:38 ತ್ಯುನಾ ಕ್ಹಾತೆ ಬಲೈಲಿನ ಜೌವು ಕತ್ತಾಮಾ ಪೌಲಾ; ಹಮಾರಾ ಕ್ಹಾತೆ ಸವೆ ನೈಸೊ ಪಂಫುಲ್ಯಮಾ ಹಮ್ಮನೊನೆ ಚ್ಹೊಡಿಪಾಡೆಲ ಬಲೈ ಲೌವು ಕೈನ ಜಾ಼ವಾನಾ ಹುತಿ ಚೊ಼ಕು ನ್ಹವೈ ಕೈನ ಶೆ ಕರಲಿದ್ಯಾ.
ACT 15:39 ತೆ ವಿಷಯಮಾ ಘನ್ನು ವಾಗ್ವಾದ ಥಯಲಕ್ಹು ತ್ಯುನೆ ಯಕ್ನಾ ಯಕ್ಕ ಲಡಾಡಾತ್ತಾ. ಬಾರ್ನಬ ಮಾರ್ಕನೆ ಬಲೈಲಿಂಗೈನ ಸಮುಂದರನಿ ವಾಟತ್ತಾ ಕುಪ್ರದ್ವಿಪನೆ ಗಯಾ.
ACT 15:40 ಪೌಲಾ ಸಿಲಾನೆ ಇನಲಿನ ಭಾಯೊಕ್ಹು ಕರ್ತಾನಾ ಕೃಪಾ ಆಶ್ರಮನೆ ವಳೈ ಲಿವಾಲೊ ಥೈನ ತ್ಯಾತ್ಯಾ
ACT 15:41 ಗೈನ ಸಿರಿಯಾ ವರಿ ಕಿಲಿಕ್ಯ ಸಿಮೆಮಾ ಜಾತ್ತಾ ಕ್ಹಾರಾ ಸಭೆನೆ ಘಟ್ಟ ಕರಾಡಾತ್ತಾ.
ACT 16:1 ಪೌಲಾ ದರ್ಬೆ ವರಿ ಲುಸ್ತ್ರ ಗಾಮೊಯೆ ಗಯೊ. ತಿಮೊಥಿ ಕವಾಲೊ ಕ್ರಿಸ್ತನೊ ಶಿಷ್ಯೊ ತ್ಯಾ ವ್ಹತ್ತೊ. ತಿನಿ ಯಾಬಿ ವಿಸ್ವಾಸಿ ವ್ಹತ್ತಿ. ತಿನೊ ಬಾ ಗ್ರಿಕವಾಲಾ ವ್ಹತ್ತೊ.
ACT 16:2 ಲುಸ್ತ್ರ ವರಿ ಇಕೊನಿಯ ಗಾಮ್ನಾ ವಿಸ್ವಾಸಿಯೊ ತಿಮೊಥಿನೆ ಮರ್ಯಾದಿ ದೆತಾತಾ; ವರಿ ತಿನಾ ಹುತಿ ಚೊ಼ಕುಜ಼ ಕತಾತಾ.
ACT 16:3 ಪೌಲಾ ತಿಮೊಥಿನೆ ತ್ಯುನಾ ಕ್ಹಾತೆ ಬಲೈಲಿಂಜಾ಼ವಾನೆ ಮನಸ ಕರ‍್ಯೊ. ತೆನೈಸೊ ತಿಮೊಥಿನೊ ಬಾ ಗ್ರಿಕವಾಲೊ ವ್ಹೈ ಕೈನ ತ್ಯಾನ ಕ್ಹಾರಾ ಮನಕ್ಹೊನೆ ಗ್ವತ್ತ ವ್ಹತ್ತು. ತಿನಾಹುತಿ ಪೌಲಾ ಯೆಹುದಿಯೊನಾ ಮನಕ್ಹೊನೆ ಮೆಚ್ಸಾನಾ ಹುತಿ ತಿಮೊಥಿನೆ ಸುನ್ನಿತಿ ಕರಾಯೊ.
ACT 16:4 ತೆ ಥಯಲ್ಪರ ಪೌಲಾ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ಬಿಜಾ಼ ಗಾಮೊಯೆ ಗಯಾಸ, ಯೆರೊಸೆಲಿಮಾನಾ ರ‍್ಹಯಲ ಅಪೊಸ್ತಲೊ ವರಿ ಶಾನಾ ಮನಕ್ಹೊ ತ್ಯುನೊನೆ ವಿಧೆಯ ಥೌ ಕೈನ ಕದ್ಯಾ.
ACT 16:5 ಇನಾಹುತಿ ಸಭೆ ಬರೊಕ್ಹೊಮಾ ತಾಕತವರ ಥಯಾ ವರಿ ಸಂಖ್ಯಾಮಾ ದಿನೆ ದಿನೆ ಜಾಸ್ತಿ ಥಾವಾಡ್ಯಾ.
ACT 16:6 ಪೌಲಾ ವರಿ ಕ್ಹಾತೆ ರ‍್ಹಯಲವಾಲಾ ಫ್ರಿಜಿಯಾ ವರಿ ಗಲಾತ್ಯ ಪ್ರಾಂತ್ಯನಾ ಮುಲಕ ಗಯಾ. ಎಶ್ಯಾ ಸಿಮೆಮಾ ಸುವಾರ್ತೆ ಕೌ ನೈಸೊ ಪವಿತ್ರ ಆತ್ಮಾ ತ್ಯುನೊನೆ ತರ್ಬ್ಯೊ.
ACT 16:7 ಪೌಲಾ ತಿಮೊಥಿ ಮುಸಿಯಸಸ ನಾಡನಾ ನಜಿಕ ಗಯಾ. ತ್ಯುನೆ ಬಿಥೊನಿಯಾ ನಾಡಮಾ ಜೌ಼ ಕೈನ ವ್ಹತ್ತಾ. ತೆನೈಸೊ ಯೆಸುನಿ ಆತ್ಮಾ ತ್ಯುನೊನೆ ತ್ಯಾ ಜೌ಼ ನೈಸೊ ತಡದಿ.
ACT 16:8 ತಿನಾಹುತಿ ತ್ಯುನೆ ಮುಸಿಯಸಸ ನಾಡಪರ್ತಾ ಶಿದಾ ತ್ರೊವಾ ಗಾಮೆ ಆಯಾ.
ACT 16:9 ತೆ ದಿನ್ನಾ ರಾತೆ ಪೌಲಾನೆ ಯಕ್ಕ ದರ್ಶನ ಥಯು. ತೆ ಸು ವ್ಹೈ ಕದ್ಯಾಮ
ACT 16:10 ಪೌಲಾನೆ ಎ ದರ್ಶನ ಥಯಲ ತೆಳಾಮಾಜ಼ ತೆ ಮನಕ್ಹೊನೆ ಚೊ಼ಕು ಸಂದೆಶ ಕವಾನೆ ಕ್ಹುದಾ ಹಮೊನೆ ಬಲಾಯೊಸ ಹಮೆ ತಿಳ್ದಿಲಿನ ಮೆಕೆದೊನಿಯಾನೆ ಜ಼ವಾನೆ ತಯ್ಯಾರ ಥಯಲ ಥಯಾ.
ACT 16:11 ಹಮೆ ತ್ರೊವಾಮಾ ಹಡಗೊ ಚ಼ಡಿನ ಸಮುಂದರಮಾತಾ ಸಿದಾ ಐನ ಸಮೊಥ್ರಾನೆ ಆಯಾ. ಮರ್ನಾ ದಿನ್ನೆ ನೆಯಪೊಲ ಮುಟ್ಟಿನ
ACT 16:12 ತ್ಯಾಂತಾ ಮೆಕೆದೊನಿಯಾನೆ ಖಾಸ ಗಾಮ ರ‍್ಹಯಲ ಪಿಲಿಪ್ಪಿನೆ ಆಯಾ. ಎ ರೊಮವಾಲಾವೊನೆ ಪ್ರವಾಸನೆ ಜ಼ಗಾ ಥಯುಸ.
ACT 16:13 ನದಿನಾ ದಂಡಿಯೆ ರ‍್ಹಯಲ ಕ್ಹುದಾನಿ ಪ್ರಾಥನಾ ಕರಾನಿ ಜ಼ಗಾ ಛೆ ಕೈನ ತಿಳ್ದಿನ ಸಬ್ಬತ ದಿನ್ಮಾ ಗಾಮ್ನಾ ಭಾರಾ ಗೈನ ತ್ಯಾ ಮಳಿನ ಆಯಲ ಬಾಕ್ಡಿಯೊನಾ ಕ್ಹಾತೆ ಬೈಟಿನ ಬೊಲ್ಯಾ.
ACT 16:14 ಹಮಾರಿಯೊ ವಾತೊ ಐಕಲವಾಲಾವೊಮಾ ಲುದ್ಯ ಕವಾಲಿ ಬಾಕ್ಡಿ ವ್ಹತ್ತಿ. ತೆ ಜಾ಼ಂಬ್ಳಾನೊ ಕಲರ್ನು ವಣ್ಣಾ ಇಕ್ಕಾಲಿ ಥುವತೈರ ಕವಾನಿ ಗಾಮವಾಲಿ ಕ್ಹುದಾನಿ ಪೌಲಾ ಕವಾನಿಯೊ ವಾತೊನೆ ಧ್ಯಾನ ದಿವಾಹುತಿ ಕರ್ತಾ ತಿನೆ ಮನಸ ಖುಲ್ಲಾ ಕರ‍್ಯೊ.
ACT 16:15 ತಿನಾ ಘರವಾಲಾ ಬಾಪ್ತಿಸ್ಮ ಕರೈಲಿದಲಪರ ತೆ ಕರ್ತಾನೆ ಬರೊಕ್ಹೊ ಕರಾಲಿ ವ್ಹೈ ಖಯನ ತುಮೆ ಮಾರಾ ಹುತಿತಿಳ್ದಿಲಿದಲ ರ‍್ಹವಾಮಾ ಮಾರಾ ಘರ್ಮಾ ಐನ ರ‍್ಹೌ ಕೈನ ಮಾಂಗಿಲಿನ ಹಮೊನೆ ವತ್ತಾಯ ಕರ‍್ಯೊ.
ACT 16:16 ತೆ ತಯಲ್ಪರ ಪ್ರಾಥನಾ ಥಾವಾನಿ ಜ಼ಗಾಪರ ಅಪೆ ಜಾ಼ತಾಮಾ ಸಕ್ಣಾ ಕವಾಲಿ ಯಕ್ಕ ಹೆಣ ಮನಕ್ಹ ತ್ಯುನಾ ಕ್ಹಾಮಿ ಐ. ತೆ ಬಾಕ್ಡಿ ಸಕಾಣಾ ಕವಾಕ್ಹು ತಿನಾ ಮಾಲಕನೆ ಘನ್ನಿ ಆದಾಯಾ ಥಾತಿತಿ.
ACT 16:17 ಹಮೆ ಜಾ಼ತಾಮಾ ತೆ ಬಾಕ್ಡಿ ಹಮಾರಾ ಪಾಚಿ಼ ಐನ ಎ ಮನಕ್ಹೊ ಪರಾತ್ಪರ ಥಯಲ ಕ್ಹುದಾನಾ ಸೆವಕೊ ವ್ಹೈ; ತುಮೊನೆ ರಕ್ಷಣೆನು ಮಾರ್ಗ ದೆಕಾಡಾತಾ ರ‍್ಹವಸ. ಕೈನ ವದ್ರಿನ ಕತಿತಿ.
ACT 16:18 ತೆ ಘನ್ನಾ ತಿನತಿಬಿ ಇಮ್ಮಜ಼ ಕರತಿ ರ‍್ಹಯಲ ಹುತಿ ಪೌಲಾ ಘನ್ನೊ ಬೆಜ್ಜಾರ ಥಯೊ. ತಿನಾ ಪಾಚೊ಼ ಫರಿನ ತಿಮಾ ರ‍್ಹಯಲ ಕೆಟ್ಟ ಆತ್ಮಾನೆ; ತಿನೆ ಛೊಡಿನ ಜಾ಼ ಕೈನ ಯೆಸು ಕ್ರಿಸ್ತನಾ ನಾಮಪರ ತುನೆ ಆಗನ್ಯಾ ದ್ಯುಸ. ಕದ್ಯೊ. ತೆಳಾಮಾಜ಼ ತೆ ಕೆಟ್ಟ ಆತ್ಮಾ ತಿಮಾತಿ ಚೊ಼ಡಿನ ಗೈಪಡಿ.
ACT 16:19 ತಿನಾ ಮಾಟಿಯೊ ತ್ಯುನಿ ಆಸ್ತಿನು ಕೈದಾನು ತಪ್ಪೆಲ ನ್ಹವೈ ಕೈನ ತಿಳ್ದಿನ ಪೌಲಾನೆ ವರಿ ಸಿಲಾನೆ ಧರಿನ ಬಾಜಾರಮಾ ಅದಿಕಾರಿಯೊ ಕನ ಯಳದಿಲಿನ ಗಯಾ.
ACT 16:20 ತ್ಯುನೊನೆ ಅದಿಕಾರಿಯೊ ಕನ ಲೈನ ;ತೆ ಮನಕ್ಹೊ ಹಮಾರಾ ಗಾಮ್ನೆ ಘನ್ನಾ ಹಾಳ ಕರಾಡಾಸ;
ACT 16:21 ತ್ಯುನೆ ಯಹುದ್ಯೊ ಥೈನ ರೊಮವಾಲಾ ಥಯಲ ಹಮೆ ಅವಲಂಬನೆ ಕರಿನ ನೈ ಕರಾನಾ ಪದ್ದತಿಯೊ ನೈ ಕರು ಕೈನ ಕವಾಡಾಸ.
ACT 16:22 ತೆಳಾಮಾ ಮನಕ್ಹೊ ಕ್ಹಾರಾ ಗುಂಪ ಕರಿನ, ತ್ಯುನೊನೆ ವಿರುದ್ದ ಥೈನ ಮಳಿನ ಉಟ್ಯಾ. ವರಿ ಅದಿಕಾರಿಯೊ; ತ್ಯುನಾ ವಣ್ಣಾ ಫಾಡಿನ, ಕಾಡಿನ, ಬಾರಕೊಲಕ್ಹು ಮಾರು ಕೈನ ಅಪ್ಪಣೆ ದಿದ್ಯಾ.
ACT 16:23 ತ್ಯುನೊನೆ ಘನ್ನಾ ಮಾರೊ ಕ್ಹಲೈನ ಜೆಲಮಾ ಘಾಲಿನ, ತ್ಯುನೊನೆ ಘನಿ ಹುಶಾರಕ್ಹು ಕೈದು ಕೈನ ಜೆಲನಾ ಮಾಲಿಕನೆ ಆಜ್ಞೆ ದಿದ್ಯಾ.
ACT 16:24 ತೆ ಅಪ್ಪಣೆ ಹೊಂದಿನ ತ್ಯುನೊನೆ ಜೆಲನಾ ಮ್ಹೈನಿ ಖೊಲಿಮಾ ಘಾಲಿನ ತ್ಯುನಾ ಹತ್ತೊ ಪಗೊನೆ ರಾಕ್ಹ ಭಾಂದಿನ ಬಿಗದ್ಯಾ.
ACT 16:25 ಅರದಿ ರಾತೆ ಪೌಲ ವರಿ ಸಿಲಾ ಪ್ರಾರ್ಥನಾ ಕರ್ತಾಮಾ ಕ್ಹುದಾನೆ ಸ್ತುತಿನಾ ಗಿದ್ದೊ ಕವಾಡ್ಯಾತಾ; ಜೆಲಮಾ ರ‍್ಹಹೆಲವಾಲಾ ಕ್ಹಾರಾ ಲಕ್ಷ ದಿನ ಐಕಾಡಾತ್ತಾ.
ACT 16:26 ಯಕ್ಕದುಮ್ಮ ಮ್ಹೊಟು ಭುಕಂಪ ಥೈಯು; ಜೆಲನಾ ಗೊಡಿಯೊ ಹಲ್ಲಿಯೊ. ತೆಳಾಮಾಜ಼ ಬಾಕಲೊ ಕ್ಹುಲಿ ಗಯಾ, ಕ್ಹಾರಾವೊನಾ ಬೆಡಿಯೊ ಚ್ಹುಟಿ ಗಯಾ.
ACT 16:27 ಜೆಲನೊ ಮಾಲಿಕ ನಿಂದರಕ್ಹು ಹುಶಾರ ಥೈನ ಜೆಲನಾ ಬಾಕಲೊ ಕ್ಹುಲಾನು ದೆಕಿ ಜೆಲಮಾ ರ‍್ಹಹೆಲವಾಲಾ ಕ್ಹಾರಾ ನ್ಹಾಟಿ ಗಯಾಸ ಕೈನ ಕೈಲಿನ ತಲವಾರಕ್ಹು ಆತ್ಮಹತ್ಯೆ ಕರಲಿವಾಡೊತ್ತೊ.
ACT 16:28 ತಿನಾಹುತಿ ಪೌಲಾ ಮ್ಹೊಟಿ ಆವಾಜಕ್ಹು ಅಡ್ಡಿನ ತಿನೆ ತು ಸುಜ಼ ಕರಲ್ಯು ನಕೊ,ಹಮೆ ಕ್ಹಾರಾ ಯ್ಹಾಜ ಛೆ ಕೈನ ಕದ್ಯಾ.
ACT 16:29 ತೆಳಾಮಾ ತೆ; ದಿವೊ ಲೌವು ಕೈನ ಅಡ್ಡಿನ ಮ್ಹೈ ಉಡಿನ ಬುಚುಕ್ಹು ಕಾಪತ್ತೊ ಪೌಲ ವರಿ ಸಿಲನಾ ಕ್ಹಾಮೊ ಅಡ್ಡ ಪಾಡ್ಯೊ.
ACT 16:30 ವರಿ ತ್ಯುನೊನೆ ಭಾರೊ ಬಲೈನ ಸ್ವಾಮಿಯೊ, ಹಮೆ ರಕ್ಷಣೆನಾ ಹುತಿ ಸು ಕರು ಕೈನ? ಪುಚ್ಚಾ಼ನೆ,
ACT 16:31 ತ್ಯುನೆ ಕರ್ತಾ ಥಯಲ ಯೆಸುನಾ ಉಪ್ಪರ ಬರೊಕ್ಹೊ ಮ್ಹೆಲ,ತೆಳಾಮಾ ತು ರಕ್ಷಣೆ ಹೊಂದಶಿ, ತಾರಾ ಘರನಾ ಕ್ಹರಾ ರಕ್ಷಣೆ ಥಾವಸ ಕೈನ,
ACT 16:32 ತಿನೆಬಿ, ತ್ಯುನಾ ಘರಮಾ ರ‍್ಹಹೆಲವಾಲಾ ಕ್ಹಾರಾವೊನೆ ಕ್ಹುದಾನಿ ವಾಕ್ಯಾ ತಿಳಸೈನ ದಿದ್ಯಾ.
ACT 16:33 ತೆಳಾಮಾ ತೆ ರಾತ್ತನಾ ತೆಜ಼ ಟೈಮ್ಮಾ ತ್ಯುನೊನೆ ಬಲೈಲಿನ ಗೈನ ತ್ಯುನಾ ದುಕೊ ಕ್ಹಾರಾ ನುಚಿನ ತೆಳಾಮಾ ತೆ ತ್ಯುನಾ ಕ್ಹಾರಾವೊನಾ ಕ್ಹಾತೆ ಮಳಿನ ಬಾಪ್ತಿಸ್ಮ ಲಿದ್ಯೊ.
ACT 16:34 ತೆಳಾಮಾ ತ್ಯುನೊನೆ ತಿನಾ ಘರೆ ಬಲೈಲಿನ ಗೈನ ಅನ್ನ ಕ್ಹಲಾಯೊ ತೆ ವರಿ ತಿನಾ ಘರವಾಲಾವೊನಾ ಕ್ಹಾತೆ ಕ್ಹುದಾನೆ ನಂಬಿನ ಕ್ಹುಶಿ ಥಯಾ.
ACT 16:35 ಪಾಟ ಥಯಲ ಪರ ಅಧಿಕಾರಿಯೊ; ತೆ ಮನಕ್ಹೊನೆ ಚ್ಹೊಡಿಪಾಡ ಕೈನ ಸಿಪಾಯೊನೆ ಕೈನ ವಳಾವೊ.
ACT 16:36 ಜೆಲನೊ ಮಾಲಿಕ ತೆ ವಾತೊ ಕ್ಹಾರಾ ಪೌಲಾನೆ ಕವೊ;ಅಧಿಕಾರಿಯೊ ತಮನೊನೆ ಚ್ಹೊಡಿಪಾಡು ಕೈನ ವಳಾಯಾಸ,ತಿನಾಹುತಿ ಹಮ್ನಾ ತಮೆ ಸಮಾಧಾನಕ್ಹು ಜಾವೊ ಕೈನ ಕದ್ಯೊ.
ACT 16:37 ತಿನಾಹುತಿ ಪೌಲಾ ತ್ಯುನೊನೆ "ಹಮನೊನೆ ಶಿಕ್ಷಾ ದಿವಾ ವರಕ್ಹು ಕೈಯುಜ ಅಪರಾದ ಹಮೆ ನತ್ತಿ ಕರ‍್ಯಾ. ತೆನೈಸೊ ಹಮೆ ರೊಮವಾಲಾ ವ್ಹೈ. ತೆನೈಸೊ ಹಮನೊನೆ ಮ್ಹೈನಾ ಮ್ಹೈ ಛಡಿಕ್ಹು ಮಾರ‍್ಯಾ ಲಗಡ್ಯಾ. ಜೆಲಮಾ ಘಾಲ್ಯಾ; ಹಮ್ನಾ ಗುಪ್ತಕ್ಹು ಹಮನೊನೆ ವಳೈಪಡುಸ ಕದ್ಯಾ? ನತ್ತಿ,ತೆ ಸಾಧ್ಯನತ್ತಿ. ನ್ಯಾಯಾಧಿಪತಿ ತ್ಯುನಾಕ್ಹು ತ್ಯುನೊ ಔ ಕೈನಹಮನೊನೆ ಬಿಡುಗಡೆ ಕರಾದೆ" ಕದ್ಯೊ.
ACT 16:38 ಜವಾನೊ ತೆ ವಾತೊ ಕ್ಹಾರಾ ನ್ಯಾಯಾಧಿಪತಿನೆ ವರದಿ ಕರ‍್ಯಾ. ತ್ಯುನೊ ಪೌಲಾ ವರಿ ಸಿಲಾ ರೊಮನಾ ಪೌಲಾ ವ್ಹೈ ಕೈನ ಭುಚ಼ಕ್ಯಾ.
ACT 16:39 ತಿನಾಹುತಿ ತ್ಯುನೆ ಐನ ಮಾಫಿ ಮಾಂಗಿನ,ಜೆಲಮಾತ್ತಾ ಬಿಡುಗಡೆ ಕರಿನ ಗಾಮ್ಮ ಛೊಡಿನ ಜೌಕೈನ ಮಾಂಗಿಲಿದ್ಯಾ.
ACT 16:40 ಪೌಲಾ ವರಿ ಸಿಲ ಜೆಲಮಾತ್ತಾ ಗೈನ ಲಿಡಿಯಳನಾ ಘರೆ ಗಯಾ. ಭಕ್ತ ವಿಸ್ವಾಸಿಯೊನೆ ಸಂಧಿಸಿನ ತ್ಯುನೊನೆ ಪ್ರೊತ್ಸಾಹನಾ ವಾತೊ ಕೈನ ತ್ಯಾಂತ್ಯಾ ಗಯಾ.
ACT 17:1 ಪೌಲ ವರಿ ಸಿಲ ಅಗಾ ಪ್ರಯಾಣ ಕರಿ ಅಂಪಿಪೊಲಿ ವರಿ ಅಪೊಲೊನ್ಯ ಕವಾನಾ ಗಾಮೊ ದಾಟಿನ ಥೆಸಲೊನಿಕನೆ ಆಯಾ. ತ್ಯಾ ಯಹುದ್ಯೊನಿ ಸಬಾಮಂದಿರ ವ್ಹತ್ತಿ.
ACT 17:2 ಪೌಲ ತಿನಿ ಪದ್ದತನಿಂತ ತ್ಯಾ ರಹೆಲ ಮನಕ್ಹೊಕನ ಗೈನ ತನ ಐತವಾರೊ ಕ್ಹುದಾನಾ ವಾತೊ ತ್ಯುನಾ ಕ್ಹಾತೆ ವಾದಸಿನ
ACT 17:3 ತೆ ವಾಕ್ಯನು ಅರ್ಥ ತಿಳಸಾಯಾ. ಕ್ರಿಸ್ತ ತರಾಸ ಕ್ಹಯಿನ ಮರಿನ ಉಟಿನ ಆವಾನು ಜ಼ರುರತ ಛೆ ಕೈನ ಮಿ ತಮನೊನೆ ಪ್ರಸಿದ್ದಿಪಡಿಸಾನಾ ಹುತಿ ಯೆಸು ತೆ ಕ್ರಿಸ್ತ ವ್ಹೈ ಕೈನ ಸ್ಥಿರಪಡಿಸ್ಯಾ.
ACT 17:4 ತಿಮಾ ದಕ್ಹಾಜ಼಼ನಾ ಕ್ಹುದಾನಾ ಭಕ್ತೊ ಥೈಯೆಲ ಗ್ರಿಕನು ಮ್ಹೊಟು ಗುಂಪ ವರಿ ಪ್ರಮುಖ ಬಾಕಡಿಯೊಮಾ ದಕ್ಹಜ಼ನಾ ವಾದಸಿನ ಪೌಲ ವರಿ ಸಿಲಾನೆ ಮಳೆಲಿದ್ಯಾ.
ACT 17:5 ನಂಬೆಲವಾಲ ಯಹುದ್ಯೊ ಸಂಗಟ ಪಡಿನ ಬಾಜಾ಼ರಮಾ ಫರಾವಾಲಾ ದಕ್ಹಾಜ಼಼ನಾ ಪಾಲತು ಮನಕ್ಹೊನೆ ಬಲೈನ ಗುಂಪ ಕರಿನ ಗಾಮ್ಮಾ ಗದ್ದಲ ಕರಿನ ಪೌಲ ವರಿ ಸಿಲನೆ ಗಾಮಾನಾ ಸಬೆನಾ ಕ್ಹಾಮಾ ಲೌ ಕೈನೈ ತ್ಯುನೊನೆ ಹುಡಕತ್ತಾ ಯಾಸೊನಾ ಘರಕನ ಐನ ಮುಟ್ಯಾ.
ACT 17:6 ತ್ಯುನೆ ಮಳೆವಾಚಿ ಗಯೆಲುಕ್ಹು ತೆ ಮನಕ್ಹೊ ಭಾಯೊನೆ ಯಾಸೊನೆ ವರಿ ದಕ್ಹಾ ಮನಕ್ಹೊನೆ ಗಾಮಾನಾ ಅದಿಕಾರಿಯೊ ಕನ ಯಳ್ದಿನ ಲೈನ ದುನಿಯಾನೆ ಅಲೊಲ್ಲಕಲ್ಲೊಲ ಕರಲ ಮನಕ್ಹೊ ನ್ಹ್ಯಾಬಿ ಆಯಾತಾ.
ACT 17:7 ಯಾಸೊನ ತುನೊತೆ ಮಳೆಲಿದ್ಯೊತೊ, ತ್ಯುನೆ ಕ್ಹಾರಾಜ಼ನಾ ಯೆಸು ನಾಮನೊ ಬಿಜೆಕ್ಲೊ ರಾಜೊ಼ ಛೆಕೈನ ಚಕ್ರವರ್ತಿನಾ ಆಗನ್ಯೆ ವಿರುದ್ದ ಥೈನ ಚಾಲಾಡಾಸ ಕೈನ ವದರ್ಯಾ.
ACT 17:8 ಗಾಮ್ಮವಾಲಾ ವರಿ ಗಾಮ್ಮನಾ ಅದಿಕಾರಿಯೊ ಆ ವಾತೊ ಐಕಿನ ಘಾಬ್ರಾ ಥೈಯಾ.
ACT 17:9 ವಿಸ್ವಾಶಿಯೊನೆ ವರಿ ಬಿಜಾ಼ ಮನಕ್ಹೊನೆ ಜಾಮಿನ ಪರ ಛೊಡ್ಯಾ.
ACT 17:10 ತೆಳಾಮಾ ತೆ ಭಾಯೊ ರಾತಮಾ ಪೌಲಾ ವರಿ ಸಿಲಾನೆ ಬೆರೆಯೊನನೆ ಮೊಕ್ಲಾಯಾ. ತ್ಯುನೆ ತ್ಯಾ ಗೈನ ಯಹುದ್ಯೊನಾ ಸಬಾಮಂದಿರಮಾ ಗಯಾ.
ACT 17:11 ತೆ ಸಬೆವಾಲಾ ಕ್ಹುದಾನಿ ವಾಕ್ಯನೆ ಸ್ವಚ್ಚ ಮನಸೆ ಒಪಿಲಿನ ತ್ಯುನೆ ಕದಲ ವಾತೊ ವ್ಹೈಸು ನ್ಹವೈ ಕೈನ ವಪಿಲಿವಾನಹುತಿ ದಿನ್ನೆಬಿ ಪವಿತ್ರ ಗ್ರಂಥ ಪರಿಕ್ಷಾ ಕರಾನಾ ಹುತಿ ತುನೆ ಥೆಸೆಲೊನಿಕ ಸಬೆವಾಲೊತಿ ಚೊ಼ಕಾ ವ್ಹತಾ.
ACT 17:12 ತಿಮ್ಮ ರ‍್ಹತಾಮಾ ತ್ಯುನಾಮಾ ಘನ್ನಾ ಜ಼ನಾ ನಂಬ್ಯಾತಾ, ತೆನೈಸೊ ಕಾಮ ಕರಾಲಾ ಗ್ರಿಕನಾ ಬಾಕ್ಡಿಯೊಮಾ ದಾಣ್ಗಾಮಾ ಘನ್ನಾ ಜ಼ನಾ ನಂಬ್ಯಾ.
ACT 17:13 ವರಿ ಪೌಲಾ ಬೆರೆಯೊಮಾಬಿ ಕ್ಹುದಾನಿ ವಾಕ್ಯ ಪ್ರಸಿದ್ದಿಪಡಿಸಾನಾಹುತಿ ವರ್ತಮಾನಬಿ ಥೆಸೆಲೊನಿಕನಾ ಯಹುದಿಯೊನೆ ಗ್ವತ್ತ ಥಾತಾಮಾ ತ್ಯುನೆ ತ್ಯಾ ಐನ ಮನಕ್ಹೊನಾ ಗುಂಪನೆ ಪ್ರಚೊದ ಕರಿನ ತಡಾಯಾತಾ.
ACT 17:14 ತೆಳಾಮಾ ಭಾಯೊ ಪೌಲಾನೆ ಸಮುಂದರ ಕನ ಜಾ಼ವಾನೆ ತಿನೆ ವೈಳೈನ ದಿದ್ಯಾ. ತೆಳಾಮಾ ಸಿಲಾ ವರಿ ತಿಮೊಥಿ ತ್ಯಾಜ಼ ಹುಬ್ರಯಾ.
ACT 17:15 ಪೌಲಾನೆ ವಳೈಲವಾಲಾ ತಿನೆ ಅಥೆನೆತಕ ಬಲೈಲಿನ ಗಯಾ ಸಿಲಾ ವರಿ ತಿಮೊಥಿನೆ ಭೆಟಿ ಥಯಲ ಪರ ಭರನೆಜ ತಿಕನ ಆವಾನೆ ಅಪ್ಪಣೆ ಲಿನ ಪೌಲಾ ಕಂತೊ ಗಯೊ.
ACT 17:16 ಪೌಲ ತ್ಯುನಾ ಹುತಿ ವಾಟ ದೆಕತಾ ಟೆಮಾ ತೆ ಗಾಮ್ಮಾ ತ್ಯಾ ತ್ಯಾ ಮೊರ್ತಿಯೊ ದೆಕಿನ ತಿನು ಮನಸ ಬಳಾಡ್ಯುತು.
ACT 17:17 ತಿನಾಹುತಿ ತೆ ಸಬಾಮಂದಿರಮಾ ಯಹುದ್ಯೊ ವರಿ ಭಕ್ತನಾ ಕ್ಹಾತೆ ವರಿ ತ್ಯಾ ಮಳೆಲ ಮನಕ್ಹೊನಾ ಕ್ಹಾತೆ ವರಿ ದಿನ್ಯೆಬಿ ಬಾಜಾರಮಾ ವರಿ ತ್ಯಾ ದಿಕ್ಹೆಲ ಮನಕ್ಹೊನೆ ವಾದಾ ಕರಾಡೊತೊ.
ACT 17:18 ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.
ACT 17:19 ತೆ ಮನಕ್ಹೊ ತಿನೆ ಧರ್ಲಿನ ಅರಿಯೊಪಾಯ ಗಾಮ್ನೆ ಗಯಾ ವರಿ ತಿನೆ ಕದ್ಯಾ ತು ಕವಾನು ಆ ನೈ ಉಪದೆಶ ಹಮೆಬಿ ತಿಳದಿ ಲಿಯೆಸು.
ACT 17:20 ವಿಚಿತ್ರ ಥಯಲ ಸಂಗತಿಯೊನೆ ಹಮನೊನೆ ತಿಳಸಾಯಲಕ್ಹು ತಿನಾ ಬಗೆ ಹಮನೊನೆ ತಿಳದಿ ಲಿವಾನೆ ಹಮನೊನೆ ಅಪೆಕ್ಷ ಛೆ ಕದ್ಯಾ.
ACT 17:21 ಅಥೆನೆಯೊನೊ ರಹೆಲ ಗಾಮ್ಮಾ ಬಿಜಾ಼ ಗಾಮಾವಾಲಾ ನವಾ ನವಾ ಸಂಗತಿಯೊ ಕವಾನು ವರಿ ಐಕಾನು ಛೊಡಿನ ವರಿ ಬಿಜಾ಼ ಕಾಮನೆ ಟೈಮ ನೈ ದೆತಾತಾ.
ACT 17:22 ಪೌಲ ಅರಿಯೊಪಾಯಮಾ ವಚ಼ಮಾ ಹುಬರೈನ ಕದ್ಯೊ ಅಥೆನೆಯೊನಾ ಮನಕ್ಹೊ ತಮೆ ಕ್ಹಾರಾಮಾಜ ಘನ್ನಾ ಕ್ಹುದಾನೆ ನಂಬಾವಾಲಾ ವ್ಹೈ ಕೈನ ಮನೆ ದಿಕ್ಹಾಡುಸ.
ACT 17:23 ಮಿ ತಮಾರಾ ಗಾಮ್ಮಾ ಮಿ ಫರತಾಮಾ ಮನೆ ತಮೆ ಪೊಜಾ ಕರಾನಾ ದೆವಸ್ಥಾನೊ ಮೊರ್ತಿಯೊ ದೆಕ್ತಾಮಾ ತಿಮಾ ಮನೆ ಎಕ ಬಲಿಪಿಟ ಡೊಳಾನೆ ಪಡ್ಯು ತಿನಾ ಉಪ್ಪರ ‘ಅಜ್ಞಾತ ರ‍್ಹಯಲ ದೆವಸ್ಥಾನ ಕೈನ ಲಿಕ್ಯಾತಾ. ತಿನಾ ಹುತಿ ತಮೆ ಸುಜ಼ ತಿಳದ್ಯಾವಾಚಿ ಪುಜಾಕರಾನು ತಮನೊನೆ ತಿಳಸಿನ ಕವಾನೆ ಆಯೊಸ ಕದ್ಯೊ.
ACT 17:24 ಜಗತ್ಮಾ ವರಿ ತಿಮಾ ಕ್ಹಾರು‍ ಸೃಷ್ಟಿ ಕರಲ ಜಿಮಿನ ಆಕಾಶನೊ ಒಡೆಯೊ ಥೈಯೆಲ ತೆ ಹತೆ ಬಾಂದೆಲ ಗುಡಿಯೊಮಾ ವಾಸ ನೈ ಕರತೊ. ತೆಜ಼ ಕ್ಹಾರಾವೊನೆ ಉಸುಲ ಜಿವಸಾವೊನೆ ಕ್ಹಾರು ದಿವಾಲೊ ಮನಕ್ಹೊನ ಹತೆ ಮದತ ಕರಲೆವಾಲೊ ನ್ಹವೈ.
ACT 17:25 ತೆಜ಼ ಕ್ಹಾರಾವೊನೆ ಉಸುಲ ಜಿವಸಾವೊನೆ ಕ್ಹಾರು ದಿವಾಲೊ ಛೆ ಕೈಜ಼ ಜರುತ ನೈಸೊ ಮನಕ್ಹೊನ ಹತೆ ಮದತ ಕರಲೆವಾಲೊ ನ್ಹವೈ.
ACT 17:26 ಕ್ಹುದಾ ಎಕ ಮನಕ್ಹು ಕ್ಹಾರಾ ಜನಾಂಗನೆ‍‍‍ ಸೃಷ್ಟಿ ಕರಿನ ತ್ಯುನಾ-ತ್ಯುನಾ ರಹೆಲತೆ ವ್ಹಕತನೊ ತ್ಯುನಾ-ತ್ಯುನಾ ರಹೆಲ ಜ಼ಗಾನೆ ತಯಾರ ಕರಿನ ತ್ಯಾ ಮ್ಹೆಲ್ಯೊ.
ACT 17:27 ಎಕ ಟೈಮ್ಮಾ ತ್ಯುನೆ ತಡಾ ಕರ್ಯಮ ತಿನೆ ದೆಕಾನ ಹುತಿ ತ್ಯುನೊನೆ ಧುಂಡಾ ಲಗಾಡ್ಯೊ. ತೆ ಹಮನೊನೆ ತಿನಾಕ್ಹು ದುರ ಕರ್ಯೊನೈ.
ACT 17:28 ಕಾಕದ್ಯಾಮ ತಿಮಾ ಅಪೆ ಜಿವಿಸೆಸ ಚಾಲಿಯೆಸ ವರಿ ರಹೆಸ ತಮಾರಾ ಕವಿಯೊ ದಕ್ಹಾ ಜ಼ನಾ ಹಮೆ ತಿನಾ ಸಂತಾನಾ ವ್ಹೈ ಕೈನ ಕದ್ಯಾ.
ACT 17:29 ಹಮೆ ಕ್ಹುದಾ ಸಂತಾನಾ ಥಯಲ ಪರ ಕ್ಹುದಾ ಮನಕ್ಹುನು ಗ್ಯಾನಕ್ಹು ವರಿ ವಿಚಾರಕ್ಹು ಕೆತೆಲ ರುಪು ಕ್ಹೊನು ವರಿ ದಹಡಾವೊನೆ ಸಮಾನ ವ್ಹೈ ಕೈನ ಅಪೆ ಭಾವಿಸಾನೆ ಜವುನೈ.
ACT 17:30 ತೆ ಗ್ಯಾನ ನೈಸೊ ದಿನೊನೆ ಕ್ಹುದಾ ಲೆಕಾಮಾ ಲಿದ್ಯೊನೈ. ಕ್ಹುದಾ ಹಮ್ನಾ ಬಿ ಚಾರ ದಿಕೊಮಾ ಮನಕ್ಹೊನೆ ಪಚಾತಾಪ ಪಡಿನ ಮಕನ ಪ್ಹರೊ ಕೈನ ಕ್ಹುದಾ ಅಪ್ಪಣೆ ಕರ್ಯೊ.
ACT 17:31 ಕಾಕದ್ಯಾಮ ತೆ‍ಸೃಷ್ಟಿ ಕರಲ ದಾಣಗಾನೊ ಹತಕ್ಹೊ ನಿತಿಕ್ಹು ಭುಲೊಕಮಾ ಫೈಸಲೊ ಕರನಾ ಹುತಿ ಎಕ ದಿನ್ನ ಗೊತ ಕರ್ಯೊ. ತಿನೆ ಮರೆಲ ಮಾತೊ ಜುತೊ ಕರಲ ವ್ಹೈ ಕೈನ ನಂಬಾ ಹುತಿ ಕ್ಹಾರಾವೊನೆ ಆ ಕಾನಿ ದಿದೊಸ ಕೈನ ಕದ್ಯೊ.
ACT 17:32 ಮರೆಲ ಮಾತೊ ಜುತೊ ಥೈಲ ತ್ಯುನಾಹುತಿ ಐಕಿ ದಕ್ಹಾಜ಼಼ನಾ ಪೌಲಾನೆ ಹಿನಾಯಾ ತಿಮಾನಾ ದಕ್ಹಾಜ಼಼ನಾ ಕದ್ಯಾ ತು ಕದಲ ವಾತೊ ಹಮೆ ಹಜಿ ಎಕ ಸಲಾ ಐಕಿಯೆಸ ಕೈನ.
ACT 17:33 ಇಮ್ಮ ರ್‍ಹತಾಮಾ ಪೌಲಾ ತ್ಯುನಾ ವಚಮಾತೊ ಗೈ ಪಾಡ್ಯೊ.
ACT 17:34 ಬಿಜಾ಼ ದಕ್ಹಾಜ಼಼ನಾ ತಿನೆ ಮಳೆಲಿನ ನಂಬಾ ನಂಬೆಲವಾಲಾ ದಕ್ಹಾಜ಼಼ನಾ ಅರಿಯೊಪಾಯನಿ ಸಬೆಮಾ, ದಿಯೊನುಸ, ದಾಮರಿಯೆ ಕವಾಲಿ ವರಿ ದಕ್ಹಾಜ಼಼ನಾ ತ್ಯಾ ವ್ಹತ್ತಾ.
ACT 18:1 ಎ ಥಯಲ್ಪರ ಪೌಲಾ ಅಥೆನೆ ಛೊಡಿನ ಕೊರಿಂಥನೆ ಗಯೊ.
ACT 18:2 ಪೊಂತಮಾ ಕವನಾ ಗಾಮಮಾ ಹುಟ್ಟಲ ಅಕ್ವಿಳ ಕವಾನಾ ಯಕ್ಕ ಯೆಹುದಿನೆ ಪೌಲಾ ದೆಕ್ಯೊ. ಯೆಹುದಿಯೊ ಕ್ಹಾರಾ ರೊಮಾಪುರ ಛೊಡಿನ ಜೌ ಕೈನ ಕ್ಲೌದಿಯನೊ ಚಕ್ರವರ್ತಿ ಆಗನ್ಯಾ ದಿದಲ ಶಾನಾಹುತಿ ಕದ್ಯಾಮ ಅಕ್ವಿಳನೆ ತಿನಿ ಬೈಕೊ ಪ್ರಿಸ್ಕಿಳ ದಕ್ಹಾ ದಿನ್ನ ಪೈಲಾಜ಼ ಇತ್ಯಾಳ ದೆಶತಾ ಆಯಾತಾ.
ACT 18:3 ಕಾ ಕದ್ಯಾಮ ಪೌಲಾ ತ್ಯುನಾ ಘರೆ ಗೈನ ತ್ಯುನೆಬಿ ವರಿ ತೆಬಿ ಯಕ್ಕಜ಼ ವ್ಹೈ ಕೈನ ತ್ಯುನಾ ಕ್ಹಾತೆ ರ‍್ಹೈನ ಕಾಮ ಕರಾಡೊತೊ; ಗುಡಾರ ಕರಾನು ತ್ಯಯುನು ಕಾಮ ವ್ಹತ್ತು.
ACT 18:4 ತ್ಯುನೆ ಹರಿ ಯಕ್ಕ ಸಬ್ಬತ ದಿನೆ ಸಬಾಮಂದಿಮಾ ಚರ್ಚೆ ಕರಿನ ಗ್ರಿಕವಾಲಾವೊನೆ ಯೆಹುದಿಯೊನೆ ಕೈನ ದೆತೊತೊ.
ACT 18:5 ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.
ACT 18:6 ತ್ಯುನೆ ಎದುರಿಸಿನ ದೊಶ ದಿನ ತೆ ತಿನಾ ವಣ್ಣಾ ಝಾಡ್ಸಿನ ತ್ಯುನೊನೆ ತುಮೆ ಹಾಳ ಥಾವಾನೆ ತುಮೆಜ಼ ಕಾರಣ ವ್ಹೈ. ಮಿ ಶುದ್ಧ ವ್ಹೈ. ಮಿ ಆಜ಼ತೊಜ಼ ಬಿಜಾ಼ ಮನಕ್ಹೊಕನ ಜೌ಼ಸ. ಕೈನ,
ACT 18:7 ತೆ ಜ಼ಗಾ ಛೊಡಿನ ಕ್ಹುದಾಕ್ಹು ಭುಚ್ಕಾ಼ಲೊ ತಿತ ಯುಸ್ತ ಕವಾಲಾನಾ ಘರೆ ಗಯೊ. ತಿನು ಘರ ಸಭಾಮಂದಿರನಾ ಬಾಜು಼ಮಾ ವ್ಹತ್ತು.
ACT 18:8 ಸಭಾಮಂದಿರನೊ ಅದಿಕಾರಿ ರ‍್ಹಯಲ ಕ್ರಿಸ್ಪನ ತಿನಾ ಘರಲ್ಯಾ ಕ್ಹಾರಾ ಮನಕ್ಹೊ ಕರ್ತಾಪರ ಬರೊಕ್ಹೊ ಮ್ಹೆಲ್ಯೊ. ವರಿ ಕೊರಿಂಥೆಮಾ ಘನ್ನಾ ಮನಕ್ಹೊ ಪೌಲಾ ಕದಲ ಐಕಿನ ಬರೊಕ್ಹೊ ಮ್ಹೆಲಿನ ಬಾಪ್ತಿಸ್ಮ ಕರೈಲಿದ್ಯಾ.
ACT 18:9 ತೆನೈಸೊ ಕರ್ತಾ ಪೌಲಾನೆ ಯಕ್ಕ ದಿನ್ನ ರಾತೆ ದರ್ಶನ ದಿನ ತು ಭುಚ್ಕು಼ ನಕೊ; ಗಪ್ಪ ರ‍್ಹಯಾವಾಚಿ ಸುವಾರ್ತೆ ಮನಕ್ಹೊಕನ ಕತೊಜ಼ ರ‍್ಹೆ,
ACT 18:10 ಕಾಕದ್ಯಾಮ ಮಿಜ಼ ತಾರಾ ಕ್ಹಾತೆ ಛೆ; ಕುನ್ನಜ಼ ತಾರಾ ಕ್ಹಾತೆ ಕೆಟ್ಟ ಕರ್ತು ನೈ; ಎ ಗಾಮ್ಮಾ ಮನೆ ಘನ್ನಾ ಮನಕ್ಹೊ ಛೆ ಕೈನ ಕದ್ಯೊ.
ACT 18:11 ತೆ ತ್ಯಾ ಯಕ್ಕ ವರಕ್ಹ ಛೆ ಮ್ಹೈನಾ ತ್ಯಾಜ಼ ರ‍್ಹೈನ ತೆ ಮನಕ್ಹೊನೆ ಕ್ಹುದಾನಿ ವಾಕ್ಯಾ ಶಿಕ್ಲಾತೊ ವ್ಹತ್ತೊ.
ACT 18:12 ಗಲ್ಲಿಯೊನಾ ಅಖಾಯಾ ಪ್ರಾಂತ್ಯನೆ ಅದಿಪತಿ ರ‍್ಹತಾಮಾ ಯೆಹುದಿಯೊ ಮಳಿನ ಪೌಲಾಪರ ಪಡಿನ ತಿನೆ ಫೈಸ್ಲೊ ಕರಾನಿ ಜ಼ಗಾ ಲಾಯಾ.
ACT 18:13 ಎ ಕ್ಹುದಾನೆ ಧರಮಶಾಸ್ತ್ರನಾ ವಿರುದ್ದ ಮನಕ್ಹೊನೆ ಪ್ರೊತ್ಸಾಹಾ ಕರಾಡ್ಯೊಸ. ಕೈನ ಕದ್ಯಾ.
ACT 18:14 ಪೌಲಾ ಪ್ರತಿವಾದ ಕರು ಕತಾಮಾ ಗಲ್ಲಿಯೊನ ಯೆಹುದಿಯೊನೆ ಎ ಯಹುದಿಯೊ, ಅನ್ಯಾಯ, ದುಶ್ಕರ್ಮೊ ಹೆವು ಸುಬಿ ರ‍್ಹಯುಮ ಮಿ ತುಮಾರಿಯೊ ವಾತೊ ಸಮಾಧಾನಕ್ಹು ಐಕಾನು ನ್ಯಾಯ ವ್ಹೈ ಸು?
ACT 18:15 ತೆನೈಸೊ ತುಮೆ ಕರಾನಾ ವಿವಾದ ಭೊದನೆನಾ ನಾಮೊ, ತುಮಾರಾ ಧರಮಶಾಸ್ತ್ರನಾ ಹುತಿ ತಿನಾಹುತಿ ತುಮೆಜ಼ ದೆಕಿಲಿವು. ಹಯ್ಯೊ ವಿಚಾರಣೆ ಕರಾನಾ ಹುತಿ ಮನೆತೊ ಮನಸ ನತ್ತಿ ಕೈನ.
ACT 18:16 ತ್ಯುನೆ ನ್ಯಾಯ ಕರಾನಿ ಜ಼ಗಾಕಂತಾ ಮೊಕ್ಲಿಪಾಡ್ಯೊ.
ACT 18:17 ತೆಳಾಮಾ ಕ್ಹಾರಾ ಮನಕ್ಹೊ ಸಭಾ ಮಂದಿರನೊ ಅದಿಕಾರಿ ಥಯಲ ಸೊಸ್ಥೆನೆ ಧರಿನ ನ್ಯಾಯಲಯನಾ ಕ್ಹಾಮಾಜ಼ ಮಾರ‍್ಯಾ. ಗಲ್ಲಿಯೊನನ ತ್ಯುನೊಮಾ ನಕ್ಕರ ಬಿ ಧ್ಯಾನ ದಿದ್ಯೊ ನೈ.
ACT 18:18 ಪೌಲಾ ಹಜು಼ನ ದಕ್ಹಾ ದಿನೊ ಲಕ್ಕಾ ತ್ಯಾ ರ‍್ಹೈನ ತೆ ಥಯಲ್ಪರ ಭಾಯೊಕ್ಹು ಅಪ್ಪಣೆ ಲಿನ ತಿನೆ ದಿಕ್ಷೆ ರ‍್ಹಯಲ ಹುತಿ ಕೆಂಖ್ರೆಯ ಗಾಮಮಾ ಬಾಲೊ ಕಟ್ಟ ಕರೈಲಿವಾನೆ ಹಡ್ಗೊ ಚ಼ಡಿನ ಸಿರಿಯಾ ಗಾಮೆ ಚಾ಼ಲ್ಯೊ. ಕಾಕದ್ಯಾಮ ತೆ ಕ್ಹಮ ಘಾಲ್ಯೊತೊ. ಪ್ರಿಸ್ಕಿಳ ವರಿ ಅಕ್ವಿಳನಾ ತಿನಾ ಕ್ಹಾತೆ ಗಯೊ.
ACT 18:19 ಎಫೆಸೆಯೆ ಆತಾಮಾ ತ್ಯುನೊನೆ ತ್ಯಾಜ಼ ಛೊಡಿನ ತೆ ಸಭಾಮಂದಿರ್ಮಾ ಮ್ಹೈ ಗೈನ ಯಹುದಿಯೊನಾ ಕ್ಹಾತೆ ವಾದ ವಿವಾದ ಕರ‍್ಯೊ.
ACT 18:20 ತ್ಯುನೆ ತಿನೆ ಹಜು಼ನ ದಕ್ಹಾ ದಿನ್ನ ತ್ಯುನಾ ಕ್ಹಾತೆ ರ‍್ಹೆ ಕೈನ ಕೈಲೆತಾಮಾ ತೆ ವಪ್ಯಾವಾಚಿ಼,
ACT 18:21 ತಿನಾಹುತಿ ತ್ಯುನೊನೆ ಕದ್ಯೊ ಕ್ಹುದಾನಿ ಚಿತ್ತ ರ‍್ಹೈ ಕದ್ಯಾಮ ಮಿ ತುಮೊಕನ ವರಿ ಹಜಿಯಕ್ಕ ಸಲಾ ಔಸ ಕೈನ. ತೆ ಥಯಲ್ಪರ ಎಫೆಸತೊ ಸಮುಂದರಪರ್ತೊ ಪ್ರಯಾಣ ಕರಿನ ಚಾ಼ಲ್ಯೊತೊ.
ACT 18:22 ತೆ ಕೈಸರೈನೆ ಐನ ಮುಟ್ಟಲ ಪರ ಯೆರೊಸೆಲಿಮೆ ಗೈನ ಸಭೆನೆ ವಂದನೆ ಕರಿನ ತೆಳಾಮಾ ಅಂತಿಯೊಕ್ಯನೆ ಆಯೊ.
ACT 18:23 ಪೌಲಾ ಅಂತಿಯೊಕ್ಯಮಾ ದಕ್ಹಾ ದಿನ್ನ ರ‍್ಹೈನ ವರಿ ತ್ಯಾಂತೊ ಗೈನ ಗಲಾತ್ಯ ಸಿಮೆಮಾ ಫ್ರಗ್ಯಮಾ ಸಂಚಾರ ಕರ್ತಾ ಕ್ಹಾರಾ ವಿಶ್ವಾಸಿಯೊನೆ ಘಟ್ಟ ಕರ‍್ಯೊ.
ACT 18:24 ತೆಕ್ಲಾಮಾಜ಼಼ ಅಲೆಕ್ಸಾಂಡ್ರಿಯಾಮಾ ಹುಟ್ಟಲ ಅಪೊಲೊಸ ಕವಾಲೊ ಯಕ್ಲೊ ಯೆಹುದ್ದಿ ಆಯೊ. ತೆ ವಾತೊಮಾ ಹುಷಾರ ವ್ಹತ್ತೊ ಧರಮಶಾಸ್ತ್ರಮಾ ಪ್ರವಿಣ ವ್ಹತ್ತೊ.
ACT 18:25 ತೆ ಕರ್ತಾನಿ ವಾಟನಾ ಹುತಿ ಉಪದೆಶ ವ್ಹಂದಲವಾಲೊ ವ್ಹತ್ತೊ. ವರಿ ಆಸಕ್ತಿನೊ ಮನಸವಾಲೊ ವ್ಹತ್ತೊ. ಯೊಹಾನ ದಿವಾನು ಬಾಪ್ತಿಸ್ಮಾನು ಯಕ್ಕಜ಼ ವಳಕಲ ರ‍್ಹಯೊತಬಿ ಯೆಸು ಕರಾಲ ಸಂಗತಿಯೊನೆ ಸುಕ್ಷಮಕ್ಹು ಕೈನ ಉಪದೆಶ ಕರ‍್ತೊತೊ.
ACT 18:26 ತೆ ಸಭಾಮಂದಿರಮಾ ಧೈರ್ಯಕ್ಹು ಬೊಲಾನು ಶುರು ಕರ‍್ಯೊ. ತಿನಿಯೊ ವಾತೊ ಪ್ರಿಸ್ಕಿಳ ವರಿ ಅಕ್ವಿಳ ಐಕಿನ ತಿನೆ ತಿನಾ ಘರೆ ಬೈಲಿನ ಗೈನ ಕ್ಹುದಾನಿ ವಾಟನಾಹುತಿ ತಿನಿ ಸುಕ್ಷಮ ಕ್ಹು ದೆಕಾಡಿನ ದಿದ್ಯೊ.
ACT 18:27 ತೆ ಥಯಲ್ಪರ ಅಖಾಯಾನೆ ಜೌ಼ ಕೈನ ತಿನು ಮನಸ ಥಾತಾಮಾ ಭಾಯೊ ತಿನೆ ಪ್ರೊತ್ಸಾಹ ಕರಿನ ತ್ಯಾ ರ‍್ಹಯಲ ವಿಶ್ವಾಸಿಯೊ ಇವ್ನೊನೆ ಮಳೈ ಲ್ಯು ಕೈನ ಪತ್ರಿಕೆ ಬರ್ದಿನ ದಿದ್ಯಾ.
ACT 18:28 ಕಾಕದ್ಯಾಮ ತೆ ತ್ಯಾ ಗಯೆಲ ಪರ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಕ್ಹುದಾನಿ ವಾಕ್ಯಾ ಕ್ಹು ಯೆಹುದಿಯೊನೆ ದೆಕಾಡಿನ ದಿನ್ನ ಕ್ಹಾರಾವೊನಾ ಕ್ಹಾಮೊ ಧರಮಶಾಸ್ತ್ರಾನಿ ತಾಕತಕ್ಹು ಇನಾಹುತಿ ದೆಕಾಡಿನ ದೆತಾ ಯೆಹುದಿಯೊನೆ ಖಂಡನೆ ಕರಿನ ಕ್ಹುದಾನಿ ಮರ್ಗಾಕ್ಹು ಬರೊಕ್ಹೊ ಕರಲವಾಲವೊನೆ ಘನ್ನೊ ಮದತ ಕರ‍್ಯೊ.
ACT 19:1 ಅಪೊಲೊಸ ಕೊರಿಂಥಮಾ ರ್‍ಹತಾಮಾ ಪೌಲ ಬ್ಹಾರಲ್ಯಾ ಗಾಮ್ಮಾ ಫರಿನ ಎಪೆಸಮಾ ಐನ ದಕ್ಹಾಜ಼಼ನಾ ಶಿಷ್ಯಾವೊನೆ ದೆಕಿನ.
ACT 19:2 ತುಮೆ ನಂಬೆಲಪರ ಪವಿತ್ರ ಆತ್ಮಾನಿ ವರ ವ್ಹಂದಿಲಿದ್ಯಾಸು? ಕೈನ ತ್ಯುನೊನೆ ಪುಚ಼ತಾಮಾ ತ್ಯುನೆ ಕದ್ಯಾ ನತಿ ಕೈನ ಕದ್ಯಾ ಪವಿತ್ರ ಆತ್ಮಾ ಕವಾನು ಹಮೆ ಐಕ್ಯಾ ನತ್ತಿ ತ್ಯುನೊನೆ ಛೆ ಕೈನ ಗ್ವತ್ತ ನತಿ ಕೈನ.
ACT 19:3 ತೆ ತ್ಯುನೊನೆ ತಮೆ ಕೈ ತರಾನಿ ಬಾಪ್ತಿಸ್ಮ ಲಿದ್ಯಾಸ. ಕೈನ ಪುಚ಼ತಾಮಾ ತ್ಯುನೆ ಕದ್ಯಾ ಯೊಹಾನನು ಬಾಪ್ತಿಸ್ಮ ಕರಲಿದ್ಯಾಸ ಕದ್ಯಾ
ACT 19:4 ತಿನಾಹುತಿ ಪೌಲಾ ಯೊಹಾನ ಪಶ್ಚಾತ್ತಾಪ ಪಡಿನ ಕ್ಹುದಾ ಕನ ಫರಿನ ಬಾಪ್ತಿಸ್ಮ ಕರೈನ ಕದ್ಯೊ ತಿನ್ಯಾ ಐನ ವರಿ ತಿಪರ ಬರೊಕ್ಹೊ ಕರಾವಾಲಾ ಮನಕ್ಹೊವೈ ಕದ್ಯೊ.
ACT 19:5 ತ್ಯುನೆ ತೆ ವಾತೊ ಐಕಿನ ಕರ್ತಾ ಥಯಲ ಯೆಸು ನಾಮಪರ ಬಾಪ್ತಿಸ್ಮ ಕರಲಿದ್ಯಾ.
ACT 19:6 ಪೌಲಾ ತ್ಯುನೊಪರ ಹತ ಮ್ಹೆಲೆಲಪರ ಪವಿತ್ರಾತ್ಮ ತ್ಯುನಾ ಉಪ್ಪರ ಐಯ್ಯೊ. ವರಿ ತ್ಯುನೆ ಬಿಜಿಯೊ-ಬಿಜಿಯೊ ವಾತೊ ಬೊಲ್ಯಾ,ಕ್ಹುದಾನು ಸಂದೆಶ ಕತಾ ಚಾ಼ಲ್ಯಾ.
ACT 19:7 ತ್ಯುನೆ ಕಮಸೆ ಕಮ ಬಾರಾ ಜ಼ನಾ ದಾಣ್ಗಾ ವ್ಹತ್ತಾ.
ACT 19:8 ತೆ ಗಾಮ್ಮಾ ಪೌಲಾ ಸಬಾಮಂದಿರಮಾ ಗೈನ ತನ ಮ್ಹೈನಾ ತ್ಯಾ ಕ್ಹುದಾನಿ ರಾಜ್ಯನಾ ಹುತಿ ಕವಾಡೊತೊ. ಮನಕ್ಹೊನೆ ಧೈರ್ಯಕ್ಹು ಬೊಲ್ಯೊ.
ACT 19:9 ದಕ್ಹಾ ಮನಕ್ಹೊ ತ್ಯುನಾ ಮನಸಮಾ ಕಟಿನ ಕರಲಿನ ವರಿ ನಂಬ್ಯಾ ನೈ ಗುಂಪ ಕರಿನ ಮನಕ್ಹೊನ ಕ್ಹಾಮಾ ಆ ವಾಟ ಕೆಟ್ಟ ಛೆ ಕವಾನೆ ತಿನಾಹುತಿ ಪೌಲಾ ತ್ಯುನೊನೆ ಛೊಡಿನ ಗೈನ ಶಿಷ್ಯಾವೊನೆ ಬಿಜಾ಼ ಕರಿನ ತುರನ್ನ ಕವಾನಿ ಶಿಕ್ಲಾವೊನಿ ಕ್ಹೊಲಿಮಾ ತಿನಾಹುತಿ ತರ್ಕಸಾಲಿಮಾಕದ್ಯೊ
ACT 19:10 ತೆ ಬೆ ವರಕ್ಹತು ಥಯಲ ಅಸ್ಯಸಿಮೆಮಾ ಕ್ಹಾರಾ ಯೆಹುದಿಯೊ ವರಿ ಯೆಹುದಿಯೊ ನೈಸೊ ಮನಕ್ಹೊ ಗ್ರಿಕವಾಲಾ ಪ್ರಭು ಯೆಸುನು ಸಂದೆಶ ಐಕ್ಯಾ.
ACT 19:11 ಕ್ಹುದಾ ಪೌಲಾನಾ ಹತಕ್ಹು ಖಾಸ ಅದ್ಭುತ ಕರತಾ ರ‍್ಹತಾಮಾ
ACT 19:12 ತಿನಾಹುತಿ ಪೌಲಾನಾ ಉಪ್ಪರಲ್ಯಾ ವಣಾ ವರಿ ನ್ಹಾನು ಟುವಾಲ ಮನಕ್ಹೊ ಲಿನ ರೊಗಿಯೊನಾ ಉಪ್ಪರ ಘಾಲ್ತಾಮಾ ತ್ಯುನಾ ರೊಗೊ ವಾಸಿ ಥಯಾ ವರಿ ಭುತ್ಡಾ ಛೊಡಿನ ಜಾತ್ತಾತ್ತಾ.
ACT 19:13 ಭುತ್ಡಾ ಛೊಡಾವಾಲಾ ಗಾಮೊ-ಗಾಮೊ ಪ್ಹರ್ತಾ ರ‍್ಹಯಲ ದಕ್ಹಾ ಯೆಹುದಿಯೊ ಯೆಸುನು ನಾಮ ಕೈನ ಭುತ್ಡಾ ಛೊಡಾವಾನೆ ಕೊಶಿಶ ಕರ್ತಾತಾ ದಕ್ಹಾ ಕೆಟ ಆತ್ಮವೊನಾ ಉಪ್ಪರ ಪೌಲಾ ಕವಾನು ಯೆಸುನು ಕ್ಹಮ್ಮ ಕೈನ ಕರ್ತಾ ಥಯಲ ಯೆಸು ನಾಮ್ಮಪರ ಪ್ರಯೊಗ ಕರಾನೆ ಗಯಾ.
ACT 19:14 ಖಾಸ ಯಾಜಕ ಸ್ಕೆವ ಕವಾಲೊ ಎಕ ಯಹುದಿ ವ್ಹತೊ. ತಿನಾ ಕ್ಹಾತ ಬಚ್ಚಾ಼ ವ್ಹತಾ. ತ್ಯುನೆ ಬಿ ಅಮ್ಮಜ಼ ಕರತಾ ಥಾ.
ACT 19:15 ತೆನೈಸೊ ದುರಾತ್ಮ ತ್ಯುನೊನೆ ಕದ್ಯು ಯೆಸುನು ವಳಕ ಮನೆ ಛೆ ವರಿ ಪೌಲಾ ಬಿ ಮನೆ ಗೊತ್ತ ಛೆ. ತೆನೈಸೊ ತ್ಯುನೊನೆ ಗೊತ್ತಚ್ಹೆ ಕೈನ.
ACT 19:16 ವರಿ ಕೆಟ ಆತ್ಮ ಧರಲವಾಲಾ ತೆ ಮನಕ್ಹೊ ಪರ ತೆ ಆಕ್ರಮಣ ಕರಿನ ತ್ಯುನೊನೆ ಸೊಲಸಿನ ಘಾಬ್ರಾ ಥೈನ ದುಕ ಕರಲಿನ ಭೊಗಳಾ ಥೈನ ತಿನಾ ಘರಮಾ ನ್ಹಾಟಿನ ಗಯಾ.
ACT 19:17 ತೆ ಸಂಗತಿಯೊ ಎಪೆಸಮಾ ರಹೆಲ ಕ್ಹಾರಾ ಯೆಹುದಿಯೊನೆ ವರಿ ಗ್ರಿಕರೊನೆ ತಿಳ್ದಿನ ಆತಾಮಾ ತ್ಯುನೆ ಘನಾ ಭುಚ಼ಕಿ ಗಯಾ ವರಿ ಕರ್ತಾ ಯೆಸುನು ನಾಮ ಘನ್ನು ಉಚ್ಚು಼ ಥಯು.
ACT 19:18 ತ್ಯುನೊಮಾ ನಂಬೆಲವಾಲಾ ಐನ ಘನಾಜ಼ನಾ ಕ್ಹಾಮಾ ತ್ಯುನೆ ಕರಲ ಕಾಮೊ ಒಪಿಲಿದ್ಯಾ.
ACT 19:19 ತೆನೈತೊ ಮಾಟಾ ಮಂತ್ರಾ ಕರೆಲವಾಲಾ ದಕ್ಹಾ ಜ಼ನಾ ತ್ಯುನಾ ಮಾಟಾ ಮಂತ್ರಾನಾ ಬುಕೊ ಲೈನ ಬಾಳಿ ಪಾಡ್ಯಾ. ತಿನಿ ಕಿಮ್ಮತ ಹಿಸಾಬ ಕರಿನ ಐವತ್ತ ಹಜಾರ ರುಪ್ಪಾನಾ ಬಿಲ್ಲಾ ಥಯಾ ಕೈನ ಕೈಲಿದ್ಯಾ.
ACT 19:20 ತೆ ರಿತಿಮಾಜ಼ ಕರ್ತಾನಿ ವಾಕ್ಯ ಘನಿ ಬಡತಿ ತಾಕತವರ ಥೈ.
ACT 19:21 ಎ ಸಂಗತಿ ಥಯಲ ಪರ ಪೌಲಾ ಬಿ ಮಕೆದೊನ್ಯಮಾ ಅಖಾಯಾಮಾ ಸಂಚಾರ ಕರಿನ ಯೆರುಸಲೆಮೆ ಜೌ ಕೈನ ಮನಸ್ಸಮಾ ಸೊಚ಼ಾಡೊ ಥೊ. ತ್ಯಾ ಗಯೆಲ ಪರ ರೊಮಾಪುರವಾಲಾವೊಬಿ ದೆಕು ಕೈನ ಕದ್ಯೊ.
ACT 19:22 ತೆನೈಸೊ ತೆ ತಿನಾಮಾ ಸೆವೆ ಕರಾವಾಲಾ ಬೆ ಜ಼ನಾ ತಿಮೊಥಿ ವರಿ ಎರಸ್ತನ ಮಕೆದೊನ್ಯನೆ ವಳೈನ ತೆ ಆಸ್ಯಸಿಮೆಮಾ ದಕ್ಹಾ ದಿನ್ನ ವ್ಹತ್ತಾ.
ACT 19:23 ತೆ ದಿನೊಮಾ ತೆ ವಾಟನಾ ಪರ ಘನು ಧಾಂದಲ ಉಟಿತಿ.
ACT 19:24 ಕಿಮ್ಮ ಕದ್ಯಾಮ ದೆಮೈತ್ರಿ ಕವಾಲೊ ಎಕ ಅಕ್ಕಸಾಲಿಗಾ ರುಪಾಕ್ಹು ಅರ್ತೆಮಿನಿ ದೆವಿನಿ ಗುಡಿಯೊಕ್ಹು ನ್ಹಾನಾ ನ್ಹಾನಾ ಗುಡಿಯೊ ಕರಾವಾಲೊ ತೆ ಕಾಮ್ಮ ಕರಾಲಾ ಮನಕ್ಹೊನೆ ಘನು ಫಯದೊ ದೆತೊತೊ.
ACT 19:25 ತೆ ತ್ಯುನೊನೆ ವರಿ ತೆ ಕುಸುಬಿಯೊನೆ ಸಂಬಂಧ ರ‍್ಹಯಲ ಕಾಮವಾಲಾವೊನೆ ಎಕ ದಮ್ಮ ಬಲೈನ ತ್ಯುನೊನೆ ಕದ್ಯೊ ಮನಕ್ಹೊ ಆ ಕಾಮಕ್ಹು ಅಪೆ ಘನ್ನಾ ಸೌಕಾರ ಥೈಯೆಸ ಕೈನ ತಮನೊನೆ ಗ್ವತ್ತ ರ‍್ಹೌ ಕದ್ಯಾ.
ACT 19:26 ತೆ ನೈಸೊ ಹತಕ್ಹು ಕರಲ ಮೂರ್ತಿಯೊ ದೆವಸ್ಥಾನ ನ್ಹವೈ ಕೈನ ತೆ ಪೌಲಾ ಕೈನ ಎಪೆಸಮಾ ಎಕಜ಼ನೈ ಕಮ್ಮಸೆ ಕಮ್ಮ ಆಸ್ಯಸಿಮೆಮಾ ಘನಾ ಮನೊಕ್ಹೊನೆ ದೆಕಾಡಿನು ದಿವಾನು ಪ್ಹರೈಪಾಡ್ಯೊ ಕೈನ ತುಮೆ ದೆಕೊಶಿಬಿ ವರಿ ಐಕೊಶಿಬಿ.
ACT 19:27 ತಿನಾಹುತಿ ಹಮಾರಾ ಕಾಮನೆ ಲುಕ್ಸಾನ ನೈ ಆತು ಕೈನ ಅರ್ತೆಮಿನಾ ಮಹಾದೆವಿ ದೆವಸ್ಥಾನೆ ಲೆಕ್ಕಾನೆ ನೈ ಆವಾನಾ ಹುತಿ ತಿನಾ ಹುತಿ ಕ್ಹಾರಾ ಆಸ್ಯಸಿಮೆ ವಾಲಾ ಜಗತ್ನೆ ಪುಜಾ ಕರಾಲಾ ದೆವಿನು ಶೃಂಗಾರನೆ ಲುಕ್ಸಾನ ಥೈ ಕೈನ ತ್ರಾಸ ಥಾವಸ ಕದ್ಯೊ.
ACT 19:28 ತ್ಯುನೆ ಆ ವಾತೊ ಐಕೆಲ ಮನಕ್ಹೊನು ಗುಂಪ ಶಿಟ ಥೈನ ಎಪೆಸೊನಾ ಅರ್ತೆಮಿ ದೆವಿ ಮಹಾದೆವಿ ಕೈನ ವದ್ರ್ಯಾ.
ACT 19:29 ತೆಳಾಮಾ ಗಾಮ್ಮಾ ಪುರಾ ಗಲಿಬಿಲಿ ಥೈ. ಪ್ರಯಾಣಮಾ ಪೌಲಾನಾ ಕ್ಹಾತೆ ಮಕೆದೊನ್ಯ ಗಾಯೊಸೆನೆ ವರಿ ಅರಿಸ್ತಾರ್ಕನೊನೆ ಮನಕ್ಹೊ ಧರ್ಲಿನ ಮಳಿನ ನಾಟಕ ಸಾಲಿಮಾ ಹೊಕ್ಯಾ.
ACT 19:30 ಪೌಲಾ ಮನಕ್ಹೊನಾ ಗುಂಪನಾ ಕ್ಹಾಮೊ ಜಾ಼ತಾಮಾ ವಿಶ್ವಾಸಿಯೊ ತಿನೆ ಛೊಡ್ಯಾ ನೈ.
ACT 19:31 ತೆ ನೈಸೊ ಆಸ್ಯಸಿಮೆನಾ ಅದಿಕಾರಿಯೊಮಾ ದಕ್ಹಾಜ಼಼ನಾ ಪೌಲಾನಾ ದೊಸ್ತೊ ಥಯಲ ಕ್ಹು ತಿಕನ ಮನಕ್ಹೊನೆ ವಳೈನ ತು ನಾಟಕ ಸಾಲಿನಮಾ ನಕೊ ಜೌ಼ ಕೈನ ಮಾಂಗಿಲಿದ್ಯಾ.
ACT 19:32 ಮನಕ್ಹೊಮಾ ಗಲಿಬಿಲಿ ಥೈ ಕೈನ ದಕ್ಹಾಜ಼಼ನಾ ಎಕ ತರಾಮಾ ಅಡ್ಯಾಮ ಬಿಜಾ಼ ದಕ್ಹಾಜ಼಼ನಾ ಹಜೆಕ ತರಾಮಾ ಅ‍ಡ್ಡಾಡ್ಯಾ ಥಾ. ಘನಾ ಜ಼ನಾ ತ್ಯಾ ಮಳಿನ ಆಯೆಲ ಕಾರಣ ಗ್ವತ್ತ ನ್ಹೊತು
ACT 19:33 ಯೆಹುದಿಯೊ ಅಲೆಕ್ಸಾಂಡರನೆ ಅಗಾ ಢಕಲ್ತಾಮಾ ಗುಂಪಮಾ ದಕ್ಹಜ಼ನಾ ತಿನೆ ಸುಚನೆ ದಿದ್ಯಾ. ತೆಳಾಮಾ ಅಲೆಕ್ಸಾಂದ್ರನೆ ಇಶಾರೊ ಕರಿನ ಶಾಂತ ಕರಸ. ಮಳೆಲ ಮನಕ್ಹೊನೆ ಪ್ರತಿವಾದ ಕರುಕೈನ ವ್ಹತೊ.
ACT 19:34 ತೆಳಾಮಾ ತೆ ಯಹುದ್ಯೊ ವ್ಹೈ ಕೈನ ತಿಳದ ತಾಮಾ ಕ್ಹಾರಾಜ಼ನಾ ಎಕ ಅವಾಜಕ್ಹು ಎಫೆಸೊನಿ ಅರ್ತೆಮಿದೆವಿ ಮಹಾದೆವಿ ವ್ಹೈ ಕೈನ ಬೆ ಘಂಟಾ ವದ್ರ್ಯಾ.
ACT 19:35 ಲಾಸ್ಟಮಾ ಗಾಮನೊ ಮಾಲಕ ಮನಕ್ಹೊನಾ ಗುಂಪನೆ ಸಮಾಧಾನ ಕರಿನ ವರಿ ಎಪೆಸೆವಾಲಾ ಎಪೆಸ ಗಾಮ್ಮವಾಲಾ ಅರ್ತೆಮಿ ಮಹಾದೆವಿ ದೆವಸ್ಥಾನೆ ಹಬಾಳಮ್ಯಾತು ಪಡೆಲ ತಿನಾ ಮೂರ್ತಿನೆ ಮಾ ಬಾಪ ಥಯಾಸ ಕೈನ ತಿಳದಲವಾಲೊ ಮನಕ್ಹ ಕುನ ವ್ಹೈ?
ACT 19:36 ಎ ಸಂಗತಿಯೊ ನ್ಹವೈ ಕವಾನಾ ಹುತಿ ಕಿನೆಕ್ಹುಜ಼ ನೈ ಥಯಲಕ್ಹು ತುಮೆ ಶಾಂತಿಕ್ಹು ರ‍್ಹವೊ. ಗಡಬಡ ಕರಿನ ಸುಜ಼ ಕರುನೈ.
ACT 19:37 ತುಮೆ ದ್ಹರಲಿನ ಆಯೆಲ ಆ ಮನಕ್ಹೊ ಗುಡಿಮಾ ಚೊ಼ರಿ ಕರಾಲಾ ನ್ಹವೈ ಹಮಾರಿ ದೆವಿನೆ ದುಷಿಕವಾಲಾ ನ್ಹವೈ.
ACT 19:38 ತಿಮ್ಮ ರ‍್ಹಯಲಕ್ಹು ದೆಮೆತ್ರಿಯೊನೆ ತ್ಯುನಾ ಬಗಲ ರಹೆಲವಾಲಾ ಕಾಮ ಕರಾವಾವೊನೆ ಕುನಬಿ ತಿಪರ ತಪೊ ರ‍್ಹಯಾಮಾ ಫೈಸಲಾನಿ ಜ಼ಗಾವೊ ಅಧಿಪತಿಯೊ ಛೆ ಎಕನಾ ಉಪ್ಪರ ಎಕ ಅಪವಾದ ಘಾಲ್ಲಿವಾನು.
ACT 19:39 ಸುಬಿ ಘನು ವಿಚಾರಣೆ ಚಾ಼ಯೆ ಥಯು ತೆ ನ್ಯ ಫೈಸಲೊಕ್ಹು ಸಬೆಮಾ ತಿರ್ಮಾನ ಕರಸ.
ACT 19:40 ತೆ ದಿನೊಮಾ ಫೈಸಲೊಕ್ಹು ಸುಜ಼ ಕಾರಣ ನೈಸೊ ಆಯೆಲ ಮನಕ್ಹೊನಾ ವಿಷಯಮಾ ತೆ ಎಕ ದಂಗೊ ಹಮಾರಾ ಉಪ್ಪರ ತಪ್ಪ ಘಾಲಾನೆ ಕಾರಣ ಥಯು. ತೆ ತಪನಾ ಹುತಿ ವಿಚಾರ ಕರ್ಯಾಮ್ಮ ಹಮನೊಕ್ಹು ಜವಾಬ ದಿವಾನೆ ಥಾತು ನೈ ಕೈ ಕದ್ಯೊ.
ACT 19:41 ತೆ ಥಯಲ ಪರ ವಾತೊ ಐಕಿನ ಪಂಚಾತಿ ಮುಗಶ್ಯಾ.
ACT 20:1 ಗದ್ದಲ ಹುಬ್ರಯಲ್ಪರ ಪೌಲಾ ವಿಶ್ವಾಸಿಯೊನಾ ಕ್ಹಾತೆ ಬಲೈನ ಯಕ್ಕ ಜ಼ಗಾ ದೈರ್ಯದಿನ ತ್ಯುನೊಕಂತೊ ಅಪ್ಪಣೆ ಲಿನ ಮಕೆದೊನಿಯಾನೆ ಗಯೊ.
ACT 20:2 ತೆ ಗಾಮ್ಮಾ ಫರಿನ ತ್ಯಾ ರ‍್ಹಯಲ ಮನಕ್ಹೊನೆ ಘನ್ನಾ ಸಂದೆಶ ದಿನ್ನ ಧೈರ್ಯದಿನ ಗ್ರಿಸ ದೆಶೆ ಆಯೊ.
ACT 20:3 ತ್ಯಾ ತನ್ನ ಮ್ಹೈನಾ ಥಯಲ್ಪರ ಸಿರಿಯಾ ದೆಶೆ ಸಮುಂದರನಿ ವಾಟತೊ ಜೌ಼ ಕೈನ ಕೈಲೆತಾಮಾ ತಿನಾ ವಿರುದ್ದ ಯೆಹುದಿಯೊ ಪ್ಲಾನ ಕರಲ ತಿನೆ ಗ್ವತ್ತ ಥಯಲ ಹುತಿ ತೆ ಮೆಕೆದೊನಿಯಾನಿ ವಾಟತೊ ಪಾಚೊ಼ ಪ್ಹರಿನ ಜಾ಼ವಾನೆ ಫೈಸಲೊ ಕರ‍್ಯೊ.
ACT 20:4 ಪುರ್ರನೊ ದಿಕ್ರೊ ಥಯಲ ಬೆರೊಯೊ ಗಾಮವಾಲೊ ಸೊಪತ್ರನು, ಥೆಸಲೊನಿಕ ಅರಿಸ್ತಾರ್ಕ, ಸೆಕುಂದನದೆರ್ಬೆ ಥೆಸಲೊನಿಕ ಗಾಮವಾಲೊ ಗಾಯೊಸನೊ,ತಿಮೊಥಿಯೊನ, ಆಸ್ಯಸಿಮೆಮಾ ರ‍್ಹಯಲವಾಲಾ ಮನಕ್ಹೊ ತುಖಿಕನ, ತ್ರೊಫಿಮನೊ, ಆಸ್ಯಸಿಮೆ ಲಕ್ಕಾ ತಿನಾ ಕ್ಹಾತೆ ಗಯಾ.
ACT 20:5 ತ್ಯುನೆ ಪೈಲಾಜ಼ ಗೈನ ಹಮಾರಾ ಹುತಿ ತ್ರೊವಾಮಾ ಕೈದಾಡ್ಯಾತಾ.
ACT 20:6 ನೈ ಫುಗ್ಗಲ ರೊಕ್ಲಾನಾ ಸನ್ನನಾ ದಿನೊಮಾ ಪುರಾ ಥಯಲ್ಪರ ಹಮೆ ಪಿಲಿಪ್ಪಮಾತಾ ಹಡಗಾಮಾ ಪಾಂಚ಼ ದಿನೊಮಾ ತ್ರೊವಾಮಾ ಐನ ತ್ಯುನಾ ಕ್ಹಾತೆ ಮಳ್ಯಾ. ತ್ಯಾ ಕ್ಹಾತ ದಿನ್ನ ವ್ಹತ್ತಾ.
ACT 20:7 ಹಪ್ತಾನಾ ಪಸ್ಟಲ್ಯಾ ದಿನ್ಮಾ ರೊಕ್ಲೊ ತೊಡಿನ ಖಾವಾನಾ ನಿಯಮನಾ ಹುತಿ ಮಳಿನ ಆತಾಮಾ ಪೌಲಾ ತ್ಯಾ ಮಳಿನ ಆಯಲ ವಿಸ್ವಾಸಿಯೊನೆ ಭೊದನ ಕರ್ತೊ ಅರ್ದಿ ರಾತಲಕ್ಕಾ ಉಪನ್ಯಾಸ ದಿದ್ಯೊ.
ACT 20:8 ಹಮೆ ಮಳಿನ ರ‍್ಹಯಲ ಅಂಟಾನಾ ಘರ್ಪರ ಘನ್ನು ಉಜಾಲು ದಿವಾನಾ ದಿವ್ವಾ ವ್ಹತಾ.
ACT 20:9 ಯುತಿಕ ಕವಾಲೊ ಯಕ್ಲೊ ಜಾಂಜಿಮಾನ ಖಿಡ್ಕಿಕನ ಹುಬ್ರೈನ ನಿಂದರ್ಮಾ ಜ಼ುಕತ್ತೊ ರ‍್ಹವಸ. ಪೌಲಾ ಭೊದನೆ ಕರ್ತೊ ರ‍್ಹತಾಮಾ ತೆ ಜಾಂಜಿಮಾನ ತನ್ನ ಮಹಡಿ ಮ್ಹಾಡಿಪರ್ತೊ ಹೆಟೊ ಪಡಿಗಯೊ; ತಿನೆ ಉಟಾಡಾನೆ ಜಾ಼ತಾಮಾ ತೆ ಮರಿಗಯೊತೊ.
ACT 20:10 ತೆನೈಸೊ ಪೌಲಾ ಹೆಟೊ ಉತ್ರಿನ ಗೈನ ತಿಪರ ಪಡಿನ ತಿನೆ ಔಳಗಿಲಿನ; ಚಿಂತಾ ನಕೊ ಕರೊ, ತೆ ಜಿವ್ತೊ ಛೆ ಕೈನ ಕದ್ಯೊ.
ACT 20:11 ತೆಳಾಮಾ ತೆ ಉಪ್ಪರ ಗೈನ ರೊಕ್ಲೊ ತೊಡಿನ ಖೈನ ದಿನ್ನ ನಿಕ್ಹಳೆ ಲಕ್ಕಾಬಿ ತಿನಾ ಕ್ಹಾತೆ ಬೊಲಿನ ಗೈಪಡ್ಯೊ.
ACT 20:12 ತ್ಯುನೆ ತೆ ಜಿವ್ತೊ ಥಯಲ ಪಟ್ಟಾನೆ ಘರೆ ಬಲೈಲಾತಾಮಾ ತ್ಯುನೊನೆ ಘನ್ನು ಸಮಾಧಾನ ಥಯು.
ACT 20:13 ಅಪೆ ತ್ಯಾ ಪೈಲಾಜ಼ ಗೈನ ಅಸ್ಸೊಸಿಮಾ ಪೌಲಾನೆ ತ್ಯುನಾ ಕ್ಹಾತೆ ಚ಼ಡೈಲ್ಯು ಕೈನ ವ್ಹತ್ತಾ. ಸಮುಂದರನಿ ವಾಟತ್ತಾ ಪ್ರಯಾಣ ಕರ‍್ಯಾ. ಪೌಲಾ ತಿಮ್ಮಜ಼ ಅಪ್ಪಣೆ ದಿನ ಚಾ಼ಲ್ತೊ ಜೌ಼ ಕೈನ ಮನಸ ಕರ‍್ಯೊ.
ACT 20:14 ಅಸ್ಸೊಸಿಮಾ ತೆ ಅಪ್ನಾ ಕ್ಹಾತೆ ಮಳ್ತಾಮಾ ಹಮೆ ಹಮಾರಾ ಕ್ಹಾತೆ ಹಡಗಾಮಾ ತಿನೆ ಮಳೈಲಿನ ಮಿತಿಲಿನ ಗಾಮೆ ಚಾ಼ಲ್ಯಾ.
ACT 20:15 ತ್ಯಾಂತಾ ಗೈನ ಮರ್ನಾ ದಿನ್ನೆ ಖಿಯೊನ ದ್ವಪನಾ ಕ್ಹಾಮಾ ಐನ ವರಿ ತಿನಾ ಮರ್ನಾ ದಿನ್ನೆ ಸಾಮೊಸಿನನಾ ನಜಿಕ ಆಯಾ. ಮರ್ನಾ ದಿನ್ನೆ ಮಿಲೆತಕ್ಕಮಾ ಆಯಾ.
ACT 20:16 ಪೌಲಾ ಮನೆ ಸಾದ್ಯಥಯುಮ ಪಂಚಾಶತಮನಾ ಸನ್ನನೆ ಯೆರುಸೆಲಿಮಮಾ ರ‍್ಹೌ ಕೈನ ಗಡಬಡ ಕರ್ತೊ ರ‍್ಹತಾಮಾ ಆಸ್ಸಿಸಿಮಾ ರ‍್ಹವಾನೆ ಮನಸ ನೈಸೊ ಎಫೆಸ ಗಾಮ ದಾಟಿನ ಜೌ಼ ಕೈನ ವಿಚಾರ ಕರ್ಲಿದ್ಯೊ.
ACT 20:17 ತೆ ಮಿಲೆತತೊ ಎಫೆಸೆಯೆ ಮೊಕ್ಲಿನ ತ್ಯಾನಾ ಸಭೆಮಾ ಮ್ಹೊಟಾವೊನೆ ಬಲಾವಾನಾಹುತಿ ಸಂದೆಶ ವಳಾಯೊಸ.
ACT 20:18 ತ್ಯುನೆ ತಿಕನ ಆತಮಾ ತ್ಯುನೊನೆ ತೆ ಸು ಕದ್ಯೊ ಕದ್ಯಾಮ; ಮಿ ಆಸ್ಯಸಿಮೆಮಾ ಪ್ರಾಂತ್ಯ ಪಗ್ಗ ಮ್ಹೆಲಲ ಪೈಲಾ ದಿಂತಾ ತುಮಾರಾ ವಚ್ಮಾ಼ ಕ್ಹಾರಾ ಕಾಲೊಮಾ ಕಿಮ ಚಾ಼ಲಿಲಿನ ಗಯೊ ಕವಾನು ತುಮೊನೆಜ಼ ಗ್ವತ್ತ ಛೆ.
ACT 20:19 ಯೆಹುದಿಯೊನು ತ್ಯುನೆ ಮ್ಹೈನು ವಿಚಾರ ಕಸ್ಟೊಮಾ ಮಿ ಘನ್ನೊ ನಮ್ರೆತೆಕ್ಹು, ಡೊಳಾನಾ ಪಾನಿಕ್ಹು ಕರ್ತಾನಿ ಸೆವೆ ಕರಾಡ್ಯೊಸ.
ACT 20:20 ಮಿ ತುಮಾರಿ ಮನಕ್ಹೊನಾ ಕ್ಹಾಮೊ ತಮನೊನೆ ಚೊ಼ಕಾನಿಕ್ಹು ಕವಾಕ್ಹು, ಘರ ಘರಮಾ,ಐನ ತಮನೊನೆ ಸಹಾಯ ಕರಾನು ಉಪದೆಶ ಕವಾನಿಕ್ಹು ಪಾಚೊ಼ ಸರಕ್ಯಾವಾಚಿ
ACT 20:21 ಯೆಹುದಿಯೊನೆ ವರಿ ಗ್ರಿಕವಾಲಾಬಿ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರು ಕೈನ, ಅಪ್ನೊ ಕರ್ತಾ ಥಯಲ ಯೆಸುಪರ ಬರೊಕ್ಹೊ ಮ್ಹೆಲು ಕೈನ ಮಿಜ಼ ಕದ್ಯೊ.
ACT 20:22 ದೆಕೊ, ಮಿ ಹಮ್ನಾ ಪವಿತ್ರ ಆತ್ಮಾಕ್ಹು ಬಂದನಮಾ ರ‍್ಹೈನ ಯೆರುಸೆಲೆಮೆ ಚಾಲ್ಯೊಸ. ತ್ಯಾ ಮಾರಾಕ್ಹಾತೆ ಸು ತಾವಸ ಮನೆ ಗ್ವತ್ತ ನತ್ತಿ.
ACT 20:23 ತುನೆ ಜೆಲಮಾ ಬೆಡಿಯೊ ವರಿ ತ್ರಾಸೊ ಕೈದಾಡ್ಯಾಸ. ಕೈನ ಪವಿತ್ರ ಆತ್ಮಾ ಹರಯಕ್ಕ ಗಾಮೊಮಾ ಮನೆ ಎಚ್ಚರಿಕೆ ದಿದ್ಯೊಸ ಕವಾನು ಮಿ ವಳಕ್ಯೊಸ.
ACT 20:24 ತೆನೈಸೊ ಜ಼ಲಮ ವಚಾ಼ಡಿಲಿವಾನು ಶ್ರೆಷ್ಠೆ ವ್ಹೈ ಕೈನ ಮಿ ವಿಚಾರ ಕರ್ತೊ ನೈ; ಕ್ಹುದಾನಿ ಮರ್ಗಾನಾ ಹುತಿ ಸುವಾರ್ತೆ ಆಸಕ್ತಿ ಕ್ಹು ಸಾಕ್ಷಿನಾ ರೊಪಮಾ ಕವಾನು ನಿಯೊಗ ಕರ್ತಾ ಥಯಲ ಯೆಸುಕ್ಹು ಮಿ ವ್ಹಂದ್ಯೊಸ. ಎಜ಼ ನಿಯೊಗ ಉಪಯೊಗ ಕರಾನು ಮಾರಿ ಆಸ ವ್ಹೈ.
ACT 20:25 ದೆಕೊ, ಯಕ್ಲಾ ದಿನ್ನ ತುಮೊಕನ ಐನ ಕ್ಹುದಾನಿ ರಾಜ್ಯನ ಹುತಿ ಉಪ್ಪರ ತುಮೆ ಮಾರು ಮ್ಹೊಡು ಯಕ್ಲೊಬಿ ದೆಕ್ತಾ ನೈ ಕೈನ ಮನೆ ಗ್ವತ್ತ ಛೆ.
ACT 20:26 ತಿನಾಹುತಿ ಹಮ್ನಾ ಕ್ಹರಿಜ಼ ಕೌಸ, ತುಮೊಮಾ ಕುನಬಿ ಹಾಳ ಥಯಾಮ ತೆ ಮಾರಾ ತಪ್ಪಕ್ಹು ನ್ಹ ವ್ಹೈ.
ACT 20:27 ಕಾಕದ್ಯಾಮ ಯಕ್ಕಬಿ ಝಾಕ್ಯಾವಾಚಿ ಕ್ಹುದಾನಿ ಕ್ಹಾರಿ ವಿಚಾರ ತುಮೊನೆ ಕದ್ಯೊಸ.
ACT 20:28 ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.
ACT 20:29 ಮಿ ಗಯಲ್ಪರ ಘನ್ನಾ ಕ್ರುರ ರ‍್ಹಯಲ ರಾನ್ನಾ ಕುತ್ರಾ ತುಮೊಮಾ ಆವಸ ಕೈನ ಮನೆ ಗ್ವತ್ತ ಛೆ; ತೆ ಹಿಂಡನೆ ಮರಗತಾ ನೈ.
ACT 20:30 ಎನೈಸೊ ತುಮೊಮಾ ದಕ್ಹಾಜ಼಼ನಾ ಉಟಿನ ಸುಳ್ಳ ರ‍್ಹಯಲ ಭೊದನೆ ಕರಿನ ಶಿಷ್ಯಾವೊನಾ ತ್ಯುನಾ ಬಗಲ ಜಗ್ಗಿಲಿವಸ.
ACT 20:31 ತಿನಾಹುತಿ ಮಿ ಡೊಳಾಮಾನು ಪಾನಿ ಕಾಡ್ತೊ ತನ್ನ ವರಕ್ಹ ದಿನ್ನ ರಾತ ಛೊಡ್ಯಾವಾಚಿ ಹರಿ ಯಕ್ಲಾನೆ ಗ್ಯಾನ ಕದ್ಯೊಸ ಕವಾನು ತುಮೆ ಶೆ ಕರ್ಲಿನ ಹುಶಾರ ಥೈನ ರ‍್ಹವೊ.
ACT 20:32 ಮಿ ಹಮ್ನಾ ತುಮೊನೆ ವರಿ ಕ್ಹುದಾನೆ, ತಿನಾ ಕೃಪಾನಿ ವಾಕ್ಯಾಕ್ಹು ವಪ್ಸಿನ ದ್ಯುಸ. ತೆ ತುಮೊಮಾ ಭಕ್ತಿವೃದ್ದಿ ಕರಾನೆ, ಪರಿಶುದ್ಧನಾ ಕ್ಹಾತೆ ತುಮಾರಾ ಹಕ್ಕ ಅನುಗ್ರಹ ದಿವಾನೆ ಹಕ್ಕ ಥಯೊಸ.
ACT 20:33 ಮಿ ಕಿನು ಕ್ಹೊನು ರುಪ್ಪು ರ‍್ಹೈನೆಕಾ ಫೆರಾವಡಾನೆ ರ‍್ಹಯನೆಕಾ ಆಸ ಕರ‍್ಯೊ ನೈ.
ACT 20:34 ಮಿ ಮಾರಾ ಸ್ವಂತ ಹತೊಕ್ಹು ಕಾಮ ಕರಿನ, ಮನೆ ಕಮಿ ರ‍್ಹಯಲ ಮಾರಾಕ್ಹಾತೆ ರ‍್ಹಯಲವಾಲಾವೊನೆ ಚಾ಼ಯೆ ಥಯಲ ಪುರಾ ಕರ‍್ಯೊಸ ಕವಾನು ತುಮೊನೆ ಗ್ವತ್ತ ಛೆ.
ACT 20:35 ಕ್ಹಾರಿ ವಿಷಯಮಾ ಮಿ ತುಮೊನೆ ವಾಟ ದೆಕಾಡ್ಯೊಸ. ತುಮೆ ತಿಮ್ಮಜ಼ ರಾಬಿನ ತಾಕತ ನೈಸೊವಾಲಾವೊನೆ ಮದತ ಕರು; ವರಿ; ಪಡ್ದಿಲಿವಾತಿಬಿ ದಿವಾನುಜ಼ ಹೆಚ್ಕಿ಼ ಆಶಿರ್ವಾದ ವ್ಹೈ, ಕರ್ತಾ ಥಯಲ ಯೆಸು ಕ್ರಿಸ್ತ ತೆಜ಼ ಕದಲ ವಾತೊ ಶೆ ಮ್ಹೆಲ್ಯು ಕೈನ ಕದ್ಯೊ.
ACT 20:36 ಎ ವಾತೊ ತ್ಯುನೆ ಕದಲ್ಪರ ಉಂದಾ ಗುಡ್ಗಾ ಘಾಲ್ಲಿನ ತ್ಯುನಾ ಕ್ಹಾತೆ ಪ್ರಾಥನಾ ಕರ‍್ಯಾ.
ACT 20:37 ತ್ಯುನೆ ಕ್ಹಾರಾ ರೊಯಾ ತೆ ಥಯಲ್ಪರ ಪೌಲಾ; ತುಮೆ ಮಾರು ಮ್ಹೊಡು ಹಬ್ದಾತಾ ದೆಕ್ತಾ ನೈ ಕತಾಮಾ, ತ್ಯುನೆ ಕ್ಹಾರಾ ದುಖಿ ಥೈನ, ರೊತಾ ತ್ಯುನೊನೊ ಔಳ್ಗಿಲಿನ ತಿನೆ ಮಟ್ಟಿ ಲಿದ್ಯಾ.
ACT 20:38 ತ್ಯುನೆ ಘನ್ನಾ ದುಖ ಕರಲಿನ ತೆ ಥಯಲ್ಪರ ತ್ಯುನೆ ಹಡಗಾ ಲಕ್ಕಾ ತಿನಾ ಕ್ಹಾತೆ ಗೈನ ತಿನೆ ಮೊಕ್ಲಿನ ಆಯಾ.
ACT 21:1 ಹಮ್ಮೆ ತ್ಯುನೊನೆ ಛೊಡಿನ ಹಡ್ಗೊ ಚ಼ಡಲಪರ ಶಿದಾ ಐನ ಕೊಸ ದ್ವಿಪನೆ ಐನ ಮುಟ್ಯಾ. ಮರನಾದಿನ್ನೆ ರೊದ ದ್ವಿಪನೆ ಗೈನ ತ್ಯಾತಾ ಪತರ ಗಾಮೆ ಗಯಾ.
ACT 21:2 ತ್ಯಾ ಫೊಯಿನಿಕೆನೆ ಜಾ಼ವಾಲೊ ಎಕ ಹಡಗನೆ ದೆಕ್ಯಾ. ತಿನಾ ಕ್ಹಾತೆ ಜಾ಼ವಾನು ಅಗಾ ಬಡಾಯಾ.
ACT 21:3 ಅಗಾ ಕುಪ್ರದ್ವಿಪ ದೆಕಿನ ರೊಡಾಬಗಲ ಚ್ಹೊಡಿ ಸಿರಿಯದೆಶನೆ ಬಗಲ ಗೈನ ತುರ ಗಾಮೆ ಐನ ಉತರ‍್ಯಾ. ಕಾಕದ್ಯಾಮ್ಮ ತ್ಯಾ ಸಾಮನ ಉತಾರಾನು ವ್ಹತ್ತು.
ACT 21:4 ತ್ಯಾ ವಿಶ್ವಾಯೊನೆ ಹುಡಕಿನ, ದೆಕಿನ ಕ್ಹಾತ ದಿನ್ನ ತ್ಯಾ ವ್ಹತ್ಯಾ. ತ್ಯುನೆ ಪವಿತ್ರಾತ್ಮನಿ ಪ್ರೆರಣಾಕ್ಹು ಪೌಲಾನೆ ತು ಯೆರುಸಲೆಮಾ ಪಗ ನಕೊ ಮ್ಹೆಲು ಕೈನ ಕದ್ಯಾ.
ACT 21:5 ತೆ ದಿನೊ ಕ್ಹರೆಲಿನ ಹಮೆ ಜಾ಼ತಾಮಾ ತ್ಯುನೆ ಕ್ಹಾರಾ ತುನಾ ಬಾಕಡ್ಯೊ ಬಚ್ಚಾವೊನಾ ಕ್ಹಾತೆ ಹಮ್ನೊನೆ ಗಾಮ್ತಾ ಭಾರಾ ಐನ ವಳೈನ ದಿದ್ಯಾ. ಹಮ್ಮೆ ಸಮುಂದರನಿ ದಂಡಿಪರ ಐನ ಉಂದಾಘುಡಗಾ ಘಾಲಿನ ಪ್ರಾರ್ಥನಾ ಕರಿನ.
ACT 21:6 ಎಕನಾ ಎಕ ವಂದನೆ ಕರಿನ ಹಡ್ಗೊ ಚಡ್ಯಾ. ತ್ಯುನೆ ಪಾಚಾ಼ ಫರಿನ ತ್ಯುನಾ ತ್ಯುನಾ ಘರೆ ಗಯಾ.
ACT 21:7 ಹಮ್ಮೆ ತುರ ಗಾಮ್ಮಾತಾ ಗೈನ ಪ್ತೊಲೆಮಾಯನೆ ಮಳ್ಯಾ ಸಮುಂದರ ಪ್ರಯಾಣ ಕರಿನ ಕ್ಹರೆಲಿದ್ಯಾ. ತ್ಯಾತಾ ವಿಸ್ವಾಸಿಯೊನೆ ವಂದಸಿನ ತ್ಯುನಾ ಮಳತ್ತಾ ಎಕ ದಿನ್ನ ರ‍್ಹೈನ,
ACT 21:8 ಮರನಾದಿನೆ ಗೈನ ಕೈಸರೈನೆ ಐನ ಸುವಾರ್ತಿಕ ಥಯಲ ಪಿಲಿಪ್ಪನಾ ಘರೆ ಗೈನ ತಿಕನ ವ್ಹತ್ತಾ. ತೆ ತೆ ಯೆರುಸಲೆಮಾ ಸಹಾಯ ಕರಾನಾಹುತಿ ತೆ ಕ್ಹಾತ ಜ಼ನಾವೊಮಾ ಯಕ್ಲೊ ವ್ಹತ್ತೊ.
ACT 21:9 ತಿನೆ ಜಾಂಜಿಮಾನ ಥಯಲ ಚಾ಼ರ ಪಟ್ಟಾ ವ್ಹತ್ತಾ. ತ್ಯುನೆ ಕ್ಹುದಾನು ಪ್ರವಾದನೆ ಕರಾವಾಲಾ ವ್ಹತ್ತಾ.
ACT 21:10 ಹಮೆ ತ್ಯಾ ದಕ್ಹ ದಿನ ರ‍್ಹಯೆಲ ಪರ ಅಗಬ ನಾಮನೊ ಕವಾಲೊ ಎಕ ಪ್ರವಾದಿ ಯುದಾಯತೊ ಐಯೊ.
ACT 21:11 ತೆ ಹಮನೊ ಕನ ಐನ ಪೌಲಾನೊ ಕಂಬರ ಪಟ್ಟೊ ಕಾಡಿನ ತಿನಾ ಹತೊಪಗೊ ಭಾಂದಿನ ತೆ ಕಂಬರಪಟ್ಟೊ ಕಿನೊವೈ ತಿನೆ ತೆಜ಼ ರಿತಿಮಾ ಯೆರುಸಲೆಮಾ ಯೆಹುದಿಯೊ ನೈಸೊ ಮನಕ್ಹೊಕನಾ ಹತ್ತಮಾ ಒಪಸಿನ ದಿವಾನು ಕೈನ ಪವಿತ್ರಾತ್ಮ ಕವಾಡೊಸ ಕೈನ ಕದ್ಯೊ.
ACT 21:12 ಕೆಳಮಾ ತೆ ವಾತೊ ಐಕ್ತಾಮಾ ಹಮೆ ವರಿ ತೆ ಜ಼ಗಾವಾಲಾ ವ್ಹೈ. ತು ಯೆರುಸಲೆಮಿನೆ ನೈ ಜೌ ಕೈನ ಪೌಲಾನೆ ಮಾಂಗಿಲಿದ್ಯಾ.
ACT 21:13 ತೆನೈಸೊ ಪೌಲಾ, ತುಮೆ ದುಖ ಕರಲಿನ ಕಾ ಮನೆ ಛಾತಿ ಪ್ಹುಟಾ ವರಕ್ಹು ಕರಾಡಾಸ? ಮಿ ಕರ್ತಾ ಥಯಲ ಯೆಸು ನಾಮ್ಮಹುತಿ ಯೆರುಸಲೆಮಾ ಬೆಡಿಯೊ ಘಲ್ಯಾನಾಹುತಿ ಎಕ ನೈ ಮರಾನೆಬಿ ತಯಾರ ಛೆ ಕದ್ಯೊ.
ACT 21:14 ತೆ ನೈ ಒಪ್ಪಲಕ್ಹು ತಿನಾಹುತಿ ಕರ್ತಾನಿ ಮರ್ಜಿ ಥಾವಾದೆ ಕೈನ ತ್ಯುನೆ ಗಪ ಬೈಟ್ಯಾ.
ACT 21:15 ತೆ ದಿನೊ ಥಯಲಪರ ಹಮೆ ತಯ್ಯಾರ ಥೈನ ಯೆರುಸಲೆಮನೆ ಚಾ಼ಲ್ಯಾ.
ACT 21:16 ಕೈಸರೈನಕ್ಹು ದಕ್ಹಾ ಶಿಷ್ಯಾ ಹಮಾರಾ ಕ್ಹಾತೆ ಐನ ಹಮೆ ರ‍್ಹವಾಲಾನಾ ಘರಮಟ್ಟಾ ಹಮ್ನೊನೆ ಬಲೈಲಿನ ಗಯಾ ತೆ ಘರವಾಲಾ ಪೈಲಾ ಶಿಷ್ಯಾಮಾ ಎಕಲೊ ಥಯಲ ಮ್ನಾಸೊನ ಕವಾಲೊ.
ACT 21:17 ಹಮೆ ಯೆರುಸಲೆಮಿನೆ ಆತಾಮಾ ವಿಸ್ವಾಸಿಯೊ ಹಮೊನೆ ಖುಶಿಕ್ಹು ಮಳೈಲಿದ್ಯಾ.
ACT 21:18 ಮರನ್ನಾ ದಿನ್ನೆ ಪೌಲಾ ಹಮನೊನೆ ಬಲೆಲಿನ ಯಾಕೊಬನೆ ದೆಕಾನಾಹುತಿ ಗಯಾ ತ್ಯಾ ಸಭೆನಾ ಮ್ಹೊಟಾ ಮನಕ್ಹೊ ವ್ಹತ್ತಾ.
ACT 21:19 ಪೌಲಾ ತ್ಯುನೊನೆ ವಂದನೆ ಕರಿನ ಕ್ಹುದಾ ಕರಲ ಕಾಮಮೊ ಯೆಹುದಿಯೊ ನೈಸೊ ಮನಕ್ಹೊ ಕನ ಹಂಚಿಲಿದ್ಯೊ.
ACT 21:20 ತ್ಯುನೆ ಕ್ಹಾರಾ ತೆ ಐಕಿನ ಕ್ಹುದಾನಿ ಸ್ತುತಿ ಕರ‍್ಯಾ. ತೆಳಾಮಾ ತ್ಯುನೆ ತಿನೆ ; ಹಜಾರೊ ಯೆಹುದಿಯೊ ಮನಕ್ಹೊ ವಿಸ್ವಾಸಿ ಥಯಾಸ ಕೈನ ತಮೆ ದೆಕಾಡಾತ್ತಾ. ತ್ಯುನೆ ಕ್ಹಾರಾ ಧರಮಶಾಸ್ತ್ರಮಾನಾ ಮನಕ್ಹೊ ಥಯಾಥಾ.
ACT 21:21 ತುಮೆ ಯೆಹುದಿಯೊ ನೈಸೊ ಮನಕ್ಹೊನಾ ವಚ್ಮಾ಼ ರ‍್ಹಯಲಕ್ಹು ಯಹುದಿಯೊನೆ ತುಮೆ ತಮಾರಾ ಬಚಾವೊನೆ ಖತ್ನಾ ಕರೊನಕೊ. ತಮಾರಿ ಪದ್ದತಿ ಕರಿನ ನಕೊ ಚಾ಼ಲೊ ಕೈನ ಕದ್ಯೊ ಮೊಶೆನಾ ಧರಮಶಾಸ್ತ್ರನೆ ಕೆಡಸೊ ನಕೊಕೈನ ಬೊದನೆ ಕರಾಡೊತೊ ಕೈನ ಕದ್ಯಾ.
ACT 21:22 ತು ಆಯೊತೊ ಕೈನ ತ್ಯುನೆ ಕಿಮ್ಮ ವಳಕ್ಯಾ. ತಿಮ್ಮ ರ‍್ಹಯುಮ ಹಮೆ ಸು ಕರೆಯೆ?
ACT 21:23 ತಿಮ್ಮ ರ‍್ಹಯುಮ ಹಮೆ ಕದಲ ಕಾಮ ಕರ. ಹಮೊಮಾ ಕ್ಹಮ ಘಾಲಲವಾಲಾ ಚಾರ ಜ಼ನಾ ಛೆ.
ACT 21:24 ತು ತ್ಯುನೊನೆ ಬಲೈಲಿನ ಗೈನ ತ್ಯುನಾಕ್ಹಾತೆ ತುನೆಬಿ ಶುದ್ಧಕರಲಿನ ತ್ಯುನೆ ತಿನಾ ಕ್ಷೌರನಿ ಕ್ಹಮ್ಮ ಪುರಾ ಕರಾಹುತಿ ಥಾವೊನಾ ಖರ್ಚೊ ತುಬಿ ದ್ಯು. ತಿಮ್ಮ ಕರ‍್ಯಾಮ ಕ್ಹಾರಾ ತಾರಾ ವಿಷಯಮಾ ತ್ಯುನೆ ಐಕೆಲ ಸುದ್ದಿ ಕ್ಹರಿ ನ್ಹವೈ ಕೈನ ತು ಮೊಶೆನು ಧರಮಶಾಸ್ತ್ರನೆ ಕೈದಿನ ಚಾ಼ಲಾಲೊ ಕೈನ ತಿಳಿಲಿದ್ಯಾತ್ತಾ.
ACT 21:25 "ಯೆಹುದಿಯೊ ನೈಸೊ ಮನಕ್ಹೊಮಾ ಯೆಸು ನೆ ನಂಬಲವಲಾನಾಹುತಿ ಬಿ ಮುರ್ತಿನೆ ಚಡಾಯೆಲ ರಗತ, ಗರದನ ಚಿಕಲಿನ ಖಲಾಸ ಕರಲ ಜಾನವರ ಕೌ ನಕೊ ಕೈನ ವ್ಯಬಿಚಾರಕ್ಹು ವರಿ ಅನೈತಿಕ ಸಂಬಂಧಕ್ಹು ಛೊಡಿನ ದುರ ರ‍್ಹೌ ಕೈನ ಕವಾನಾ ಹುತಿ ಫೈಸಲೊ ಕರಲ ಪದ್ದತೊ ಬರ್ದಿನ ಮೊಕಲ್ಯಾಸ್ತೊ ಕದ್ಯಾ.
ACT 21:26 ತೆಳಾಮಾ ಪೌಲಾ ಮರ್ನಾ ದಿನೆ ತೆ ಚಾರ ಜನ್ನಾನಾ ಕ್ಹಾತೆ ಗೈನ ಶುದ್ಧ ರ‍್ಹಯಲ ಪದ್ದತೊ ಪುರಾ ಕರ‍್ಯೊ. ತೆಳಾಮಾ ಶುದ್ಧಚಾರನ್ಯೊ ಪದ್ದತಿಯೊ ಖಲಾಸ ಥಾವಾನಾ ದಿನ್ನಾ ಹುತಿ ಕವಾನಾ ಹುತಿ ದೆವಾಲಯಮಾ ಗಯೊ. ತ್ಯುನೊಮಾ ಹರಯಕ್ಕಲಾನಾ ಹುತಿ ಕೆಳಾಮಾ ಬಲಿ ದ್ಯುಕೈನ ತ್ಯುನೊನೆ ಕೈನ ದಿದ್ಯೊ.
ACT 21:27 ತೆ ಕ್ಹಾತ ದಿನೊ ಕ್ಹರತಾ ಟೈಮ್ಮಾ ಅಸ್ಯಸಿಮ್ಮೆತೊ ಆಯೆಲ ಯೆಹುದಿಯೊ ಪೌಲಾನೆ ದೆವಾಲಯಮಾ ದೆಕಿನ ತ್ಯಾ ಗುಂಪ ಥಯಲ ಮನಕ್ಹೊನೆ ಸರಕೈನ ತಿನ್ನೆ ಧರಿನ;
ACT 21:28 ಇಸ್ರಾಯೆಲನಾ ಮನಕ್ಹೊ, ಮನೆ ಮದತ ಕರೊ, ಅಪಾನಾ ಮನಕ್ಹೊನೆ, ಧರಮಶಾಸ್ತ್ರನೆ, ಯೆ ಆಲಯನಾ ವಿರುದ್ದ ಕ್ಹಾರಿ ಜ಼ಗಾ ಕ್ಹರವೊನೆ ಭೊದನೆ ಕವಾನು ಮನಕ್ಹ ಎಜ಼ ವ್ಹೈ. ಎನೈಸೊ ಗ್ರಿಕವಾಲಾವೊನೆ ದೆವಾಲಯಮಾ ಬಲಲೈನ ಯೆ ಪರಿಶುದ್ಧ ಜ಼ಗಾನೆ ಹೊಲಸ ಕರ‍್ಯೊಸ ಕೈನ ವದ್ರ್ಯಾ.
ACT 21:29 ಪೈಲಾ ತ್ಯುನೆ ಎಫೆಸನಾ ತ್ರೊಫಿಮ ತಿನಾ ಕ್ಹಾತೆ ಗಾಮ್ಮಾ ದೆಕಲ ಹುತಿ ತಿನೆ ಪೌಲಾ ದೆವಾಲಯಮಾ ಬಲೈನ ಆಯೊಸ ಕೈನ ತಿಳ್ದಿಲಿದ್ಯಾ.
ACT 21:30 ತೆಳಾಮಾ ಗಾಮಾ ಗದ್ದಲ ಉಟಿನ ಕ್ಹಾರಿ ಬಗಲ ಫೈಲಿ ಜಾ಼ವಸ. ಕ್ಹಾರಿ ಬಗಲ್ತಾ ಮನಕ್ಹೊ ಐನ ತ್ಯಾ ಮಳ್ಯಾ. ಪೌಲಾನೆ ಧರಿ ದೆವಾಲಯನಾ ಭಾರಾ ಯಳ್ದಿಲೈನ ಆಯೆಲ ಪರ ಬಾಕ್ಲೊ ಝಾಕ್ಯಾ.
ACT 21:31 ತ್ಯುನೆ ತಿನೆ ಖಲಾಸ ಕರಾನಾ ಹುತಿ ಕೊಶಿಸ ಕರ್ತಾಮಾ ಯೆರುಸೆಲಮಮಾ ಗಲಿಬಿಲ ಥೈನ ಕೈನ ಪಟಾಲಿನ ಅದಿಕಾರಿನೆ ಸುದ್ದಿ ಐ.
ACT 21:32 ತೆಳಾಮಾ ತೆ ಸಿಪಾಯಿಯೊನೆ ಶತಾದಿಪತಿಯೊನೆ ಲಿನ ಮನಕ್ಹೊ ಮಳಲ ಜ಼ಗಾ ಆಯೊ. ತ್ಯುನೆ ತೆ ಅದಿಕಾರಿನೆ ಸಿಪಾಯಿಯೊನೆ ದೆಕಿನ ಪೌಲಾನೆ ಮಾರಾನು ಛೊ಼ಡ್ಯಾ.
ACT 21:33 ತೆ ಸೆನಾದಿಪತಿ ತಿನಾ ನಜಿಕ ಐನ ತಿನೆ ಧರಿನ ಬೆಡಿಯೊ ಘಾಲೊ ಕೈನ ಅಪ್ಪಣೆ ದಿದ್ಯೊ; ವರಿ ಎ ಕುನ ವ್ಹೈ? ಸು ಕರ‍್ಯೊಸ? ಕೈನ ಕದ್ಯೊ.
ACT 21:34 ಕೈನ ಪುಚ್ತಾ಼ಮಾ ದಕ್ಹಾ ಜ಼ನಾ ಅಮ್ಮ ದಕ್ಹಾ ಜ಼ನಾ ತಿಮ್ಮ ಅಡ್ತಾಮಾ ಗದ್ದಲನಾ ಹುತಿ ಕ್ಹರಿನಿ ವಾತ ಗ್ವತ್ತ ನೈಸೊ ತಿನೆ ಕೊಟೆಮಾ ಬಲೈಲಿನ ಜಾ಼ವೊ ಕದ್ಯೊ.
ACT 21:35 ಕಾಕದ್ಯಾಮ ಪೌಲಾ ಪೌಟಂಗಿಯೊಪರ ರ‍್ಹತಾಮಾ ಮನಕ್ಹೊ ಢಕ್ಲಾನಾ ಹುತಿ ಸಿಪಾಯಿಯೊ ತಿನೆ ಉಚೈಲಿನ ಗಯಾ.
ACT 21:36 ಗುಂಪ ಥೈನ ಮನಕ್ಹೊ ಪಾಚಾ಼ತಾ ಐನ; ತಿನೆ ಖಲಾಸ ಕರೊ ಕೈನ ವದರ್ತಾ ತಿನಾ ಪಾಚಾ಼ ಆವಾಡಾತಾ.
ACT 21:37 ಪೌಲಾನೆ ಕೊಟೆಮಾ ಬಲೈನ ಲಿನ ಜೌ಼ ಕೈನ ಕತಾಮಾ ತೆ ಅದಿಕಾರಿನೆ ತಾರಾ ಕ್ಹಾತೆ ಯಕ್ಕ ಬೊಲಾನೆ ಮನೆ ಅಪ್ಪಣೆ ದೆಶಿಸು ಕೈನ ತೆ; ಗ್ರಿಕ ಭಾಷಾ ತುನೆ ಆವಸ್ಸು?
ACT 21:38 ದಕ್ಹಾ ದಿನ್ನ ಪಾಚಾ಼ ದಂಗೊ ಉಟಲ ತೆ ಚಾರ ಹಜಾ಼ರ ಕೆಟ್ಟ ಮನಕ್ಹೊನೆ ರಾನ್ಮಾ ಬಲೈಲಿನ ಗಯಲ ತೆ ಇಜಿಪ್ತ ತುಜ಼಼ ವ್ಹೈಸು ಕೈನ ಪುಚ್ಯೊ.
ACT 21:39 ತೆ ವಾತೆ ಪೌಲಾ ಉತ್ತರ ದಿದ್ಯೊ "ಮಿ ಯಹುದಿ, ತಾರ್ಸಮಾ ಹುಟ್ಟವಾಲೊ ವ್ಹೈ. ಕಿಲಿಕ್ಯ ಸಿಮೆನೊ ಪ್ರಖ್ಯಾತ ರ‍್ಹಯಲ ಗಾಮವಾಲೊ ವ್ಹೈ. ಎ ಮನಕ್ಹೊನೆ ದಕ್ಹಿಯೊ ವಾತೊ ಕವಾನೆ ಮನೆ ಮರಗಿನ ಅಪ್ಪಣೆ ಥೌಕೈನ ಮಾಂಗಿಲ್ಯುಸ ಕೈನ ಕದ್ಯೊ.
ACT 21:40 ಸೆನಾಧಿಪತಿ ಅಪ್ಪಣೆ ದೆತಾಮಾ, ಪೌಲಾ ಪೌಟಂಗಿಯೊಪರ ಹುಬ್ರೈನ, ಮನಕ್ಹೊನೆ ಹತ ಕರಿನ ದೆಕಾಡಿನ. ಗದ್ದಲ ಘನ್ನಿಯಳಪರ ಶಾಂತ ಥಯಲ್ಪರ ತೆ ಹಿಬ್ರಿಯ ಭಾಶಾಮಾ ಬೊಲಾನು ಶುರು ಕರ‍್ಯೊ"
ACT 22:1 "ವಿಶ್ವಾಸಿಯೊ ವರಿ ಬಾಪೊ, ಹಮ್ನಾ ಮಿ ಕವಾನಿ ಸಮರ್ಥನೆನಿ ವಾತ ವ್ಹೈ ಕೈನ ಕದ್ಯೊ.
ACT 22:2 ತೆ ತ್ಯುನಾ ಕ್ಹಾತೆ ಹಿಬ್ರಿಯ ಭಾಶೆಮಾ ಬೊಲಾನು ಐಕೊ ತ್ಯುನೆ ವರಿ ಶಾಂತ ಥೈಗೈಯಾ. ತೆಳಾಮಾ ತೆ ಸು ಕದ್ಯೊಮ;
ACT 22:3 ಮಿ ಯಹುದಿ ವ್ಹೈ. ಕಿಲಿಕ್ಯನಿ ತಾರ್ಸಮಾ ಹುಟ್ಟಲ ವ್ಹೈ,ತೆನೈಸೊ ಎ ಗಾಮ್ಮಾ ಬೆಳದಲವಾಲೊ. ಗಮಲಿಮಾ ಪಾದ ಸನ್ನಿದಿಮಾ, ಅಪ್ನಾ ಪಿತೃವೊನಾ ಧರಮಶಾಸ್ತ್ರಮಾ ಪುರಾ ಶಿಕ್ಷಣ ಲಿದ್ಯೊ; ತುಮೆ ಕ್ಹಾರಾ ಹಮ್ನಾ ಕ್ಹುದಾನಾ ಹುತಿ ಅಭಿಮಾನ ರ‍್ಹಯಲವಾಲಾವೊಲಿಂಗತ, ಮಿಬಿ ಅಭಿಮಾನಿ ಥಯೊಸ.
ACT 22:4 ಎ ವಾಟಮಾ ರ‍್ಹಯಲವಾವೊನೆ ತ್ರಾಸ ದಿವಾಲೊ ಥೈನ ದಾಣ್ಗಾವೊನೆ ವರಿ ಬಾಕ್ಡಿಯೊನೆ ಬೆಡಿಯೊ ಘಾಲಿನ, ತ್ಯುನೊನೆ ಜೆಲ್ಮಾ ಘಲಾತೊ ವ್ಹತ್ತೊ, ಖಲಾಸ ಕರಾನೆಬಿ ಪಾಚೊ಼ ಸರಕ್ತೊ ನ್ಹೊತೊ ತೆಕ್ಲೊ ತ್ರಾಸ ದೆತೊತೊ.
ACT 22:5 ಇನಾಹುತಿ ಮಾಹಾ ಯಾಜಕ, ಮ್ಹೊಟಿ ಸಬೆವಾಲಾ ಮನಕ್ಹೊ ಸಾಕ್ಷಿಯೊ ಥಯಾಸ; ತ್ಯುನಾ ಹುತಿಜ಼ ಮಿ ದಮಸ್ಕಮಾ ರ‍್ಹಯಲ ವಿಶ್ವಾಸಿಯೊನೆ ಪತ್ರೊ ಕಾಳ್ಳಿನ, ತ್ಯಾ ಗಯಲವಾಲಾವೊನೆ ಬೆಡಿಯೊಕ್ಹು ಭಾಂದಿನ ಶಿಕ್ಷಾನಾ ಹುತಿ ಯೆರೊಸೆಲಿಮೆ ಲೌ ಕೈನ ಜಾ಼ವಾಲೊ
ACT 22:6 ಮಿ ಪ್ರಯಾಣ ಕರ್ತೊ ದಮಸ್ಕನಾ ನಜಿಕ ಆತಾಮಾ ದುಪಾರ ಥೈತಿ ತೆಳಾಮಾ ಹಬಾಳಮಾತು ಯಕ್ಕ ಮ್ಹೊಟು ಉಜಾಲು ಮಾರಾ ಸುತ್ತೆ ಫೈಲಿ ಗಯು.
ACT 22:7 ಮಿ ಜಿಮಿನಪರ ಪಡ್ಯೊ ತೆಳಾಮಾ, ಸೌಲಾ, ಸೌಲಾ ಮನೆ ಕಾ ತ್ರಾಸ ದಿವಾಡ್ಯೊಸ? ಕದಲ ಮಿ ಆವಾಜ಼ ಐಕ್ಯೊ.
ACT 22:8 ತಿನಾಹುತಿ ತೆ ಉತ್ತರ ದಿದ್ಯೊ; ಕರ್ತಾ, ತು ಕುನ ವ್ಹೈ? ಕೈನ ಪುಚ್ತಾ಼ಮಾ ತೆ; ತು ತ್ರಾಸ ದಿವಾನು ನಜ಼ರೆತನೊ ಯೆಸು ಮಿಜ಼ ಕೈನ ಕದ್ಯೊ.
ACT 22:9 ಮಾರಾ ಕ್ಹಾತೆ ರ‍್ಹಯಲವಾಲಾ ಹುಜಾಲು ಯಕ್ಕಜ಼ ದೆಕ್ಯಾ, ಮರಾ ಕ್ಹಾತೆ ಬೊಲಲವಾಲಾನು ಅವಾಜ಼ ಐಕ್ಯಾ ನೈ.
ACT 22:10 ತೆಳಾಮಾ ಮಿ; ಕರ್ತಾ, ಮಿ ಸು ಕರು? ಕೈನ ಪುಚ್ತಾ಼ಮಾ ಕರ್ತಾ ಮನೆ; ತು ಉಟಿನ ದಮಸ್ಕಮಾ ಜಾ಼. ತು ಸು ಕರು ಕೈನ ಕವಾನು ತುನೆ ತ್ಯಾ ಕವಸ ಕದ್ಯೊ.
ACT 22:11 ತೆ ಉಜಾಲಾನಿ ಮಹಿಮಾಕ್ಹು ಮನೆ ಡೊಳಾ ನೈ ದಿಕ್ಹಲ ಹುತಿ ಮನಾರಾ ಕ್ಹಾತೆ ರ‍್ಹಯಲವಾಲಾ ಮಾರೊ ಹತ ಧರಿನ ದಮಸ್ಕನಾ ಗಾಮ್ಮಾ ಹತ ಧರಿನ ಲಿನ ಗಯಾ.
ACT 22:12 ತೆ ಗಾಮಮಾ ಅನನಿಯ ಕವಾಲೊ ಯಕ್ಕ ತ್ಯಾ ಧರಮಶಾಸ್ತ್ರನೆ ಕರೆಟ್ಟ ಚಾ಼ಲಾಲಾ, ತೆ ಜ಼ಗಾನಾ ಕ್ಹಾರಾ ಯಹುದಿಯೊಕ್ಹು
ACT 22:13 ಚೊ಼ಕೊ ವ್ಹೈ ಕೈನ ಕವೈಲಿದಲ ನಾಮ ಅನ್ಯನಿಯ ಕವಾಲೊ ಮನಕ್ಹ ವ್ಹತ್ತೊ. ಹುಬ್ರೈನ; ಭೈ ಥಯಲ ಸೌಲಾ ತಾರಾ ಡೊಳಾ ದಿಕ್ಹಾದೆ. ತೆಳಾಮಾಜ಼ ಮಾರಾ ಡೊಳಾ ದಿಕ್ಹ್ಯಾ, ಮಿ ತಿನೆ ದೆಕ್ಯೊ.
ACT 22:14 ತೆಳಾಮಾ ತೆ; ಹಮಾರಾ ಪಿತೃವೊನೊ ಬಾ, ತಿನಿ ಚಿತ್ತ ತು ತಿಳ್ದಿಲಿವಾನೆ, ತೆ ಕ್ಹರಿ ರ‍್ಹಯಲವಾಲಾನೆ ದೆಕಾನೆ ತಿನಾ ಮ್ಹೊಡಾಮಾತಿಯೊ ಆವಾನಿಯೊ ವಾತು ಐಕಾನೆ ಮನೆ ನೆಮಶ್ಯೊಸ.
ACT 22:15 ತು ದೆಕಿನ ಐಕಲ ಕ್ಹಾರ ಮನಕ್ಹೊನಾ ಕ್ಹಾಮೊ ತು ಸಾಕ್ಷಿ ಕೌ
ACT 22:16 ಹಮ್ನಾ ತು ಕಾ ತಡಾ ಕರಡ್ಯೊಸ? ಉಟಿನ ಕರ್ತಾನು ನಾಮ ಕೈಲಿವಾಲೊ ಥೌ ಕೈನ ಬಾಪ್ತಿಸ್ಮ ಕರೈಲಿನ ತಾರು ಪಾಪ ಧವೈಲೆ ಕೈನ ಕದ್ಯೊ ತಿನಾಹುತಿ ಪ್ರಾರ್ಥನಾ ಕರ‍್ಯೊ.
ACT 22:17 ತೆ ಥಯಲ್ಪರ ಮಿ ಯೆರುಸಲಿಮೆ ಫರಿನ ಐನ ದೆವಾಲಯಮಾ ಪ್ರಾಥನಾ ಕರ್ತಾಮಾ ಯಕ್ಕ ದರ್ಶನ ಥೈಯು.
ACT 22:18 ಮಿ ಪ್ರಭುನೆ ದೆಕ್ಯೊ ತೆ; ತು ಭೆಗಿನ ಯೆರುಸೆಲಿಮಾತೊ ಗೈಪಡ ಮರಾಹುತಿ ತು ಕವಾನಿ ಸಾಕ್ಷಿ ತ್ಯುನೆ ವಪ್ಪಿಲೆತಾ ನೈ ಕದ್ಯೊ.
ACT 22:19 ತಿನಾಹುತಿ ಮಿ,ಕರ್ತಾ, ಕ್ಹಾರಾ ಸಭಾಮಂದಿರಮಾ ತಾರಾ ಉಪ್ಪರ ಬರೊಕ್ಹೊ ಮ್ಹೆಲಾವಾಲಾವೊನೆ, ಮಿ ಜೆಲ್ಮಾ ಘಲಾತೊ ವರಿ ಮಾರ ಕ್ಹಲಾತಾಮಾ
ACT 22:20 ವರಿ ತುನೆ ಸಾಕ್ಷಿಥಯಲ ಸ್ತೆಫನು ರಗತ ನಾಕತಾ ಟೈಮ್ಮಾ, ಮಿ ಕ್ಹಾಮೊ ಹುಬರೈನ ತೆ ಸಮ್ಮತಿಸಿ,ತಿನೆ ಮಾರೆಲವಾಲಾನಾ ವಣಾ ಕಾಯಿದಾಡೊತೊ. ಕವಾನು ತ್ಯುನೆ ಗೊತ್ತಥಯಲವಾಲಾ ವ್ಹತ್ತಾ.
ACT 22:21 ತೆಳಾಮಾ ಪ್ರಭು ಮನೆ ಕದ್ಯೊ; ತು ಜಾ಼,ಮಿ ದುರ ಯೆಹುದಿಯೊ ನೈಸೊ ಮನಕ್ಹೊ ಕನ ವಳಾವಸ ಕೈನ ಕದ್ಯೊ.
ACT 22:22 ತ್ಯಾ ಲಕ್ಕಾ ಪೌಲಾನಿಯೊ ವಾತೊ ಕತಾಮಾ ವಾತೊನೆ ಕಾನ ದಿನ್ನ ಐಕ್ಯಾ ಐಕಿನ ಚಾಲಾಡಾ ತಾ. ತೆಳಾಮಾ ತಿನೆ ಜಿಮಿನಮಾತಾ ಭಾರಾಕಾಡಿಪಡು. ತೆ ಜಿತೊ ರ‍್ಹವಾನೆ ಯೊಗ್ಯ ನತಿ ಕೈನ ವದರಿವ ಕದ್ಯಾ.
ACT 22:23 ತ್ಯುನೆ ಅಡತಾ ತ್ಯುನಾ ವಣಾ ಪ್ಹಾಡಿಲೆತಾ ಮಾತಿ ಭಿರಕಾತಾ
ACT 22:24 ರೊಮ್ಮನಾ ಶತಾದಿಪತಿ ಆಗನ್ಯೆ ದಿವಸ ಮನಕ್ಹೊ ಪೌಲಾನೆ ವಿರುದ್ದ ಥೈನ ವದರತ್ತಾ ರ‍್ಹತಾಮಾ ಅದಿಕಾರಿ ತಿಳಿದಿಲಿನ ಆತ್ತಾಮಾ ತಿನೆ ಕೊಟೆಮಾ ಲೈನ ಬಾರಕೊಲಕ್ಹು ಮಾರಿನ ವಿಚಾರಣೆ ಕರಿಯೆ ಕೈನ ಅಪ್ಪಣೆ ದಿದ್ಯೊ.
ACT 22:25 ತ್ಯುನೆ ಪೌಲಾನೆ ಬಾರಕೊಲಕ್ಹು ಭಾಂದಿನ ತಿಕನ ಹುಬರೈಲ ಶತಾದಿಪತಿನೆ ; ರೊಮಾಪುರನೊ ಮನಕ್ಹ ನ್ಯಾಯ ವಿಚಾರ ಕರೆವ್ಯಾಚಿ ಬಾರಕೊಲಕ್ಹು ಮಾರಾ ಲಗಾಡಾನು ಕಯು ನ್ಯಾಯ ವ್ಹೈ? ಕದ್ಯೊ.
ACT 22:26 ಶತಾಧಿಪತಿ ತೆ ವಾತೊ ಐಕಿನ ಅದಿಕಾರಿಕನ ಗೈನ "ತು ಸು ಕರುಕೈನ ಛೆ? ತೆ ಮನಕ್ಹ ರೊಮಾಪುರವಾಲೊ ವ್ಹೈ.
ACT 22:27 ತೆಳಾಮಾ ಅದಿಕಾರಿ ಪೌಲಾನಾ ಕ್ಹಾಮೊ ಐನ. ತು ರೊಮಾಪುರನೊ ಹಕ್ಕದಾರ ವೈಸು "ಮನೆ ಕೆ ಕೈನ ತಿನೆ ಪುಚ್ಯೊ ತೆ ಹೊ ಕೈನ ಕದ್ಯೊ.
ACT 22:28 ತೆಳಾಮಾ ತೆ ಅದಿಕಾರಿ ಕದ್ಯೊ, ಮಿ ಘನ್ನಾ ದೊಕಡಾ ದಿನ್ನ ತೆ ಹಕ್ಕ ಮಿ ಲಿದ್ಯೊಸ ಕತಾಮಾ ಪೌಲಾ ಮಿತೊ ರೊಮಾಪುರ ಹಕ್ಕದಾರ ಥೈನ ಹುಟೆಲವಾಲೊ ವ್ಹೈ ಕದ್ಯೊ.
ACT 22:29 ತಿನೆ ಮಾರಿನ ವಿಚಾರ ಕರಿನ ಆಯೆಲ ಪರ ತೆಳಾಮಾ ತಿನೆ ಛೊಡಿಪಾಡ್ಯಾ. ತೆನೈಸೊ ತೆ ರೊಮಾಪುರನೊ ಹಕ್ಕದಾರ ವ್ಹೈ ಕೈನ ತಿಳ್ದಿನ ಆತ್ತಾಮಾ ತೆ ತಿನೆ ಭಾಂದಿನ ಘಾಲತ್ತಾಮಾ ಸೆನಾಧಿಪತಿ ನೆ ಬುಚುಕು ಹುಟ್ಯು.
ACT 22:30 ಮರ್ನಾ ದಿನೆ ಪಾಟೆ ಪೌಲಾನೆ ವಿರುದ್ದ ಯೆಹುದಿಯೊ ಕೈಜ಼ ತಪ್ಪಘಾಲಾನಾ ವಿಷಯಮಾ ಕ್ಹರಿನಿಜ಼ ಸಂಗತಿ ತಿಳದಿಲಿವಾನಾ ಹುತಿ ಅದಿಕಾರಿ ಮರ್ನಾದಿನ್ನೆ ತೆ ತಿನಾ ಬೆಡಿಯೊ ಕಾಡಿನ ಖಾಸ ಯಾಜಕ, ಯೆಹುದಿಯೊನಾ ಮ್ಹೊಟಾ ಸಬೆವಾಲಾ ಕುಡಿನ ಆವಾನಾ ಹುತಿ ಅಪ್ಪಣೆ ದಿನ ಪೌಲಾನೆ ಬಲೆಲಿನ ಗೈನ ತ್ಯುನಾ ಕ್ಹಾಮೊ ಹುಬಾರಾಡ್ಯೊ.
ACT 23:1 ತೆಳಾಮಾ ಪೌಲಾ ಫೈಸಲಾ ಕರಲ ಸಬೆವಾಲಾಮಾ ಎಕ್ಕಸವಾ ದೆಕಿನ; ಭಾಯೊ ಮಿ ಆ ದಿನೊಮಾ ಚೊ಼ಕಿ ಸಾಕ್ಷಿಕ್ಹು ಕ್ಹುದಾನಾ ಕ್ಹಾಮೊ ಚಾ಼ಲಿಲಿದ್ಯೊ. ಕದ್ಯೊ.
ACT 23:2 ತಿನಾಹುತಿ ಮಹಾಯಾಜಕ ಅನನಿಯ; ತಿನಾ ಮ್ಹೊಡಾಪರ ಮಾರೊ ಕೈನ ಕ್ಹಾಮಾ ಹುಬರೈಲ ವಾಲಾವೊನೆ ಅಪ್ಪಣೆ ದೆತ್ತಾಮಾ ಪೌಲಾ ತಿನೆ;
ACT 23:3 ಚು಼ನ್ನೊ ಮಾರಲ ಗೊಡಿ, ಕ್ಹುದಾ ತುನೆ ಮಾರಸ. ತು ಧರಮಶಾಸ್ತ್ರನಿಂಗತ ಮನೆ ಪೌಸಲೊ ಕರಾನೆ ಬೈಟಿನ ಧರಮಶಾಸ್ತ್ರನಾ ವಿರುದ್ದ ಮನೆ ಮಾರಾನಾ ಹುತಿ ಅಪ್ಪಣೆ ದೆಶಿಸು? ಕದ್ಯೊ
ACT 23:4 ಕ್ಹಾಮಾ ಹುಬರೆಲವಾಲಾ; ಕ್ಹುದಾ ನೆಮ್ಸಲ ಮಹಾಯಾಜಕನೆ ತು ಗಾಳೊ ದಿವಾಡ್ಯೊಸು? ಕತಾಮಾ
ACT 23:5 ಪೌಲಾ; ಭಾಯೊ ಮಹಾಯಾಜಕಕೊ ಮನೆ ತಿಳದ್ಯಾನ್ಹೊತ್ತಾ. ತಮಾರಾ ಮನಕ್ಹೊಮಾ ಅದಿಪತಿ ಥಯಲ ವಿಷಯಮಾ ಕೆಟ್ಟನು ಬೊಲು ನೈ ಕೈನ ಬರ್ದ್ಯಾಸ ಕದ್ಯೊ.
ACT 23:6 ಸಬೆಮಾ ಮನಕ್ಹೊನೆ ದೆಕತ್ತಾಮಾ ದಕ್ಹಾ ಜ಼ನಾ ಸದ್ದುಕಾಯಿವಾಲಾ,ವರಿ ದಕ್ಹಾ ಜ಼ನಾ ಫರಿಸಾಯರೊ,ರಹೆಲ ಪೌಲಾ ದೆಕಿನ; ಮಿ ಪರಿಸಾಯನೊ, ಪರಿಸಾಯನೊ ದಿಕ್ರೊ; ಮರೆಲವಾಲಾ ಪುನರುತಾನ ಥಾವಸ ಕೈನ ಆಸನಾ ಹುತಿ ಫೈಸೊಲೊ ಕರ‍್ಯೊಸೊ. ಕೈನ ವದರ‍್ಯೊ.
ACT 23:7 ತೆ ಇಮ ಕತಾಮಾ ಫರಿಸಾಯರೊನೆ, ಸದ್ದುಕಾಯವಲೊನೆ ಬಿ ವಾದ ವಿವಾದ ಹುಟ್ಯು; ಸಬೆಮಾ ಭೆದ ಹುಟ್ಯು.
ACT 23:8 ಕಾಕದ್ಯಾಮ, ಪುನರುತ್ಥಾನ ರ‍್ಹವಾದೆ , ದೆವದುತ ರ‍್ಹವಾದೆ, ಅಂಗನೈಸೊ ಆತ್ಮಾ ರ‍್ಹವಾದೆ, ನತಿ ಕೈನ ಸದುಕಾಯವಾಲಾ ಕವಾಲಾ. ತೆನೈಸೊ ಎ ಭಂಬಿ ಛೆ ಕೈನ ಫರಿಸಾಯರೊ ವಪ್ಪಿಲಿವಸ.
ACT 23:9 ತೆಳಾಮಾ ಮ್ಹೊಟಿ ಗದ್ದಲ ಥೈ. ಫರಿಸಾಯರನಾ ಬಗಲ್ತಾ ರಹೆಲವಾಲಾ ಶಾಸ್ತ್ರಿಯೊಮಾ ದಕ್ಹಾಜ಼಼ನಾ ಉಟಿನ"ತೆ ಮನಕ್ಹಮಾ ಹಮ್ಮನೊನೆ ಕೆಟ್ಟ ಸುಜ಼ ದಿಕ್ಹ್ಯು ನತ್ತಿ”, ಆತ್ಮಾ ರ‍್ಹವಾದೆ ದೆವದುತ ರ‍್ಹವಾದೆ ತಿನಾ ಕ್ಹಾತೆ ಬೊಲ್ಯಾತಬಿ ಬೊಲ್ಯೊವಸ ಕೈನ ವಾದಿಸ್ಯಾ,
ACT 23:10 ಲಡಯಿ ಘನಿ ಥಾತಾಮಾ ತ್ಯುನೆ ಪೌಲಾನೆ ಯಳ್ದಿನ ಚುರ-ಚುರ ಕರಸ ಕೈನ ಅದಿಕಾರಿ ಬುಚಕಿನ ಸಿಪಾಯೊನೆ ತುಮೆ ಗೈನ ತ್ಯುನಾ ವಚ಼ಮಾತ್ತಾ ತಿನೆ ಝಬರದಸ್ತಿ ಕರಿನ ಧರಲೈನ ಕೊಟೆಮಾ ಘಾಲುಕೈನ ಅಪ್ಪಣೆ ಕರ‍್ಯೊ.
ACT 23:11 ಕೈನ ತೆ ರಾತೆ ಕರ್ತಾ ಪೌಲಾನಾ ಕ್ಹಾತೆ ಹುಬರೈನ "ಧೈರ್ಯಕ್ಹು ರ‍್ಹೊ; ತು ಯೆರುಸೆಲಿಮ್ಮಾ ಮಾರಾ ಸಂಗತಿಯೊ ಸಾಕ್ಷಿಯೊ ಥೈಯೆಲ ಕ್ಹು ರೊಮಾಪುರಮಾ ಬಿ ಸಾಕ್ಷಿ ಥೌ ಕೈನ ಕದ್ಯೊ.
ACT 23:12 ಪಾಟ ಥಯಲಪರ ಯೆಹುದಿಯೊ ಮ್ಹೈ ವಿಚಾರ ಕರಿನ ಹಮೆ ಪೌಲಾನೆ ಖಲಾಸ ಕರೆಲಕ್ಕಾ ಅನ್ನ ಪಾನಿ ನೈ ಮುಟತ್ತಾ ಕರಿನ ಕ್ಹಮ ಘಾಲ್ಯಾ.
ACT 23:13 ಅಮ್ಮ ಕರೆಲವಾಲಾ ಚಾಳಾಕ್ಹತಿ ಹೆಚ್ಚಕಿ ಮಂದಿ ವ್ಹತ್ತಾ.
ACT 23:14 ತೆ ಮುಖ್ಯಯಾಜಕ ವರಿ ಮ್ಹೊಟಾ ಮನಕ್ಹೊ ಕನ ಗೈನ; ಹಮೆ ಪೌಲಾನೆ ಮಾರೆ ಮಟ್ಟಾ ಮ್ಹೊಡಾಮಾ ಸುಜ಼ ನೈ ಘಾಲ್ಲೆತಾ ಕೈನ ಕ್ಹಮ್ಮ ಘಾಲ್ಯಾಸ ಕದ್ಯಾ.
ACT 23:15 ತಿನಾಹುತಿ ತುಮೆಬಿ ವರಿ ನ್ಯಾಯ ಸಭೆವಾಲಾ ರೊಮನ ಶತಾಧಿಪತಿ ಕನ ಗೈನ ಪೌಲಾನಿ ಸಂಗತಿನೆ ಹಜು಼ನ ನಿಧಾನಕರಿನ ಪರಿಶಿಲನೆ ಕರಿನ ತಿನೆ ಕೊಟೆಮಾ ತುಕನ ಬಲೈನ ಔಕೈನ ಮಾಂಗಿಲಿದ್ಯಾ. ಹಮೆತೊ ತಿನಾ ಕ್ಹಾಮಾ ಆವಾತಿ ಪೈಲಾ ತಿನೆ ಮಾರಾನೆ ತಯ್ಯಾರ ಥಯಾಸ ಕೈನ ಕದ್ಯಾ.
ACT 23:16 ತ್ಯುನೆ ವಿಚಾರ ಕರಲ ಪೌಲಾನೊ ಭೆನನೊ ದಿಕ್ರೊ (ಭತ್ರಿಜೊ಼) ಐಕಿನ ಕೊಟೆಮಾ ಗೈನ ಪೌಲಾನೆ ಎ ಸುದ್ದಿ ಕದ್ಯೊ.
ACT 23:17 ಪೌಲಾ ಅದಿಕಾರಿಯೊಮಾನಾ ಯಕಲಾನೆ ಬಲೈನ ;ಆ ಜಾಂಜಿಮಾನನೆ ಅದಿಕಾರಿ ಕನ ಬಲಲಿನ ಜಾ಼; ತಿನೆ ತಿಳಸಾವೊನಿ ಯಕ್ಕ ವಾತ ಛೆ ಕೈನ ಕದ್ಯೊ.
ACT 23:18 ತಿನೆ ಅದಿಕಾರಿ ಕನ ಲಿನಗೈನ ಜೆಲಮಾ ರ‍್ಹಯೆಲ ಪೌಲಾ ಮನೆ ಬಲೈನ ಕದ್ಯೊ ಆ ಜಾಂಜಿಮಾನ ತುಕನ ಬಲೆಲಿನ ಜಾ಼ ಕೈನ ಮಾಂಗಿಲಿದ್ಯೊ. ತುನೆ ಕವಾನಿ ಯಕ್ಕ ವಾತ ಛೆ ಕೈನ ಕದ್ಯೊ.
ACT 23:19 ಅದಿಕಾರಿ ತಿನೆ ಹತ್ತಧರಲಿನ ಕುನಜ ನೈಸೊ ಜ಼ಗಾ ಬಲೆಲಿಂಗನ "ತು ಮನೆ ಕವಾನು ಸುವೈ ಕನ ಪುಚ್ಯೊ.
ACT 23:20 ತೆ ಯೆಹುದಿಯೊ ಪೌಲಾನಾ ಹುತಿ ಹಜು಼ನಬಿ ಚೊ಼ಕಿತರಾ ಒಳಕಿನ ನೆವಾ ಕೈನ ತುಮೆ ವ್ಹಂತಾ ತಿನೆ ನ್ಯಾಯಸಭೆನಾ ಕ್ಹಾಮಾ ಬಲೆ ಲೌಕೈನ ಪುಚ್ಚು಼ ಕೈನ ಒಪ್ಪಂದ ಕರಲಿದ್ಯಾಸ.
ACT 23:21 ತುಮೆ ತ್ಯುನಾ ವಾತೆ ಒಪಿಲ್ಯು ನಕೊ ಕಾಕದ್ಯಾಮ್ಮ ಚಾಳಕ್ಹತಿ ಹೆಚ್ಚಗಿ ಯೆಹುದಿಯೊನಾ ಮನಕ್ಹೊ ತಿನೆ ಖಲಾಸ ಕರೆ ಮಟಾ ಅನ್ನ ಪಾನಿ ಸುಬಿ ನೈ ಮುಟತ್ತಾ ಕೈನ ಕ್ಹಮ ಘಾಲಿನ ತಿನಾ ಹುತಿ ಪ್ಲಾನ ಕರ‍್ಯಾಸ. ತ್ಯುನೆ ತುಮಾರಾ ಪೈಸಲಾನಾ ಹುತಿ ಐಕಾನೆ ತಯಾರ ಥಯಾಸ ಕದ್ಯೊ.
ACT 23:22 ತೆಳಾಮಾ ತೆ ಅದಿಕಾರಿ ತೆ ಜಾಂಜಿಮಾನೆ ಕದ್ಯೊ ಆ ಸಂಗತಿಯೊ ಮನೆ ಗೊತ್ತ ಥಯಲ ತು ಕಿಕನಜ಼ ಕೌನಕೊ ಕೈನ ಅಪ್ಪಣೆ ದಿನ್ನ ಕೈನ ತಿನೆ ಮೊಕ್ಲಿಪಾಡ್ಯೊ.
ACT 23:23 ತೆ ಥಯಪರ ತೆ ಶತಾದಿಪತಿಮಾನಾ ಬೆ ಜ಼ನಾವೊನೆ ಬಲಲಿನ ರಾತ್ತೆ ನೌವಸ್ತಾ ಕೈಸರ ಲಕ್ಕಾ ಜೌಕೈನ ಬೆಕ್ಹೊ ಜ಼ನಾ ಸಿಪಾಯಿನೊ ಸತ್ತರಜ಼ನಾ ಘೊಡಾಪರ ಬೈಟವಾಲಾವೊನೆ ಬೆಕ್ಹೊಜ಼ನಾ ಇಟಿ ದ್ಹರಲ ಸೈನಿಕೊನೆ ತಯಾರ ಕರೊ.
ACT 23:24 ವರಿ ಘೊಡಾವೊನೆ ಸಿದ್ದಕರ‍್ಯೊ,ಪೌಲಾನೆ ಚಡೈನ, ದೆಶಾದಿಪತಿ ಥಯಲ ಫೆಲಿಕ್ಸ ಕನ ಸುರಕ್ಷಿತಕ್ಹು ಬಲಿನ ಜೌ ಕೈನ ಅಪ್ಪಣೆ ದಿದ್ಯೊ.
ACT 23:25 ಸೆನಾದಿಪತಿ ತೆ ಇನಾನಿಂಗತ ಯಕ್ಕ ಪತ್ರ ಬರ್ದ್ಯೊ"
ACT 23:26 ಮ್ಹೊಟೊ ಪ್ರತಾಪಿ ರಹೆಲ ಫೆಲಿಕ್ಸ ರಾಜ್ಯಪಾಲನೆ ಕ್ಲೌದಿಯೊಸ ಲಿಸಿಯಸನೆ ನಮಸ್ಕಾರ"
ACT 23:27 ಯೆಹುದಿಯೊ ತೆ ಮನಕ್ಹನೆ ಧರಿನ ಕಲಾಸ ಕರು ಕೈನ, ಮಿ ಸಿಪಾಯಿನಾ ಕ್ಹಾತೆ ಗೈನ ತಿನೆ ರೊಮಾಪುರನೊ ಹಕ್ಕದಾರ ವ್ಹೈ ಕೈನ ತಿನೆ ತಪಿಸ್ಯಾ.
ACT 23:28 ತೆನೈಸೊ ತಿನಾ ಉಪ್ಪರ ತಪ್ಪ ಘಾಲೆಲ ಕಾರಣ ತಿಳಸಾನಾ ಹುತಿ ತಿನೆ ತ್ಯುನಾ ನ್ಯಾಯ ಸಭೆನೆ ಬಲೈಲಿನ ಗಯಾ.
ACT 23:29 ತ್ಯಾ ತ್ಯುನೆ ಧರಮಶಾಸ್ತ್ರಾನಾ ವಿಷಯ ಧರ್ಲಿನ ತಿನಾ ವಿರುದ್ದ ತಪ್ಪ ಯಕಜ ಘಾಲ್ಯಾ ತೆನೈಸೊ ಮಾರಾನಿ ಶಿಕ್ಷಾ ರ‍್ಹೈನೆಕಾ ಬೆಡಿಯೊಕ್ಹು ಭಾಂದಾನು ರ‍್ಹೈನೆಕಾ ತಿನಾ ತಕ ಕಯುಜ಼ ಅಪರಾದ ರ‍್ಹೈನೆಕಾ ಘಾಲಾನೆ ಸ ಮನೆ ಧಿಕ್ಹಿನ ಐಯು.
ACT 23:30 ತೆ ಮನಕ್ಹನಾ ವಿರುದ್ದ ಥೈನ ಮ್ಹೈ ಪ್ಲಾನ ಘಾಲಾನಾ ಹುತಿ ಮನೆ ತಿಳ್ದಿನ ಆತ್ತಾಟೆಮ್ಮಾ, ಮಿ ತಿನೆ ತುಕನ ವಳಾಯಾಸ, ತಿನಾ ವಿರುದ್ದ ತಪ್ಪ ಘಲಾವಾಲಾ ತಾರಾ ಕ್ಹಾಮಾ ತಿನಾ ವಿರುದ್ದ ಥಯಲ ಒಪಿಲಿವಾಲಾನಿಂತ ಅಪ್ಪಣೆ ದಿದ್ಯೊ ಕೈನ.
ACT 23:31 ಸಿಪಾಯಿಯೊ ತ್ಯುನೊನೆ ಅಪ್ಪಣೆ ಥಯಲ ರಾತಮಾ ಪೌಲಾನೆ ಅಂತಿಪತ್ರಿನಾ ಗಾಮೆ ಬಲೆಲಿನ ಗಯಾ.
ACT 23:32 ಮರನಾದಿನೆ ತ್ಯುನೆ ಸವಾರನೆ ತಿನಾ ಕ್ಹಾತೆ ಜಾ಼ವಾ ವರಕ್ಹು ಕರಿನ,ತ್ಯುನೆ ಪಾಚಾಫರಿನ ಕೊಟೆಮಾ ಆಯಾ.
ACT 23:33 ಕೈಸರೈನೆ ಐನ ದೆಶಾದಿಪತಿನೆ ಪತ್ರ ಒಪಸಿನ, ಪೌಲಾನೆ ತಿನಾ ಕ್ಹಾಮಾ ಹುಬರಾಡ್ಯಾ.
ACT 23:34 ದೆಶಾದಿಪತಿ ತೆ ಕಾಗತ ಒದಿನ ಪೌಲಾ ಕಯೊ ಸಿಮೆನೊ ವ್ಹೈ? ಕೈನ ಪುಚಿ಼ನ ತೆ ಕಿಲಿಕ್ಯವಾಲೊ ವ್ಹೈ ಕೈನ ತಿಳ್ದಿನ;
ACT 23:35 "ತುಪರ ತಪ್ಪ ಕದಲವಾಲಾ ಆಯೆಲ ಪರ, ತಾರು ಕಾರ್ಯ ಪುರಾ ವಿಚಾರ ಕರುಸ ಕೈನ ಕದ್ಯೊ, ತಿನೆ ಹೆರೊದನಾ ಜೆಲಮಾಘಾಲಿನ ಕೈದು ಕೈನ ಅಪ್ಪಣೆ ದಿದ್ಯೊ.
ACT 24:1 ಪಾಂಚ಼ ದಿನ್ನ ಥಯಲ್ಪರ ಮ್ಹೊಟೊ ಯಾಜಕ ಥಯಲ ಅನನಿಯಾ ಶಾನಾವೊಮಾ ದಕ್ಹಾಜ಼಼ನಾವೊಮಾ ತೆರ್ತುಲ ಕವಾಲೊ ಯಕ್ಕ ವಕಿಲನೆ ಬಲೈಲೈನ, ಪೌಲಾನಾ ವಿರುದ್ದ ದೆಶಾದಿಪತಿನೆ ದುರ ಕದ್ಯಾ.
ACT 24:2 ಪೌಲಾನೆ ಬಲಾಯಲ್ಪರ ತೆರ್ತುಲ್ಯ ತಿಪರ ತಪ್ಪ ಘಾಲಾನೆ ಶುರು ಕರಿನ ಅಮ್ಮ ಕದ್ಯೊ"ಮ್ಹೊಟೊ ಶ್ರೆಷ್ಠ ರ‍್ಹಯಲ ಫೆಲಿಕ್ಸ, ತಾರಾ ಮುಲಕ ಹಮೊನೆ ಘನ್ನು ಸಮಾಧಾನ ಹುಟ್ಟಸ ಕೈನ, ತಾರಿ ಅಗ್ಲಿ ವಿಚಾರನಾ ಹುತಿ ಎ ದೆಶನಾ ಮನಕ್ಹೊನೆ ಕ್ಹಾರಿ ತರಾಮಾ ಕ್ಹಾರಿ ಜ಼ಗಾಮಾ, ತುಟ್ಟಿ ಗಯೆಲ ಸಂಗತಿಯೊನೆ ಸುಧಾರಣೆ ಥಾವಾನಾ ಹುತಿ
ACT 24:3 ಹಮೆ ಎ ಉಪಕಾರ ಕೃತಜ್ಙತೆಕ್ಹು ವಪ್ಪಿಲಿಯೆಸ.
ACT 24:4 ತೆನೈಸೊ ತುನೆ ಬೆಜ್ಜಾರ ಕರಾನು ಹಮೊನೆ ಮನಸ ನೈಸೊ ಹಮೆ ಖುಲ್ಲಾ ಕವಾನಿಯೊ ವಾತೊ ಮರ್ಗಾಕ್ಹು ಐಕು ಕೈನ ಮಾಂಗಿಲಿಯೆಸ.
ACT 24:5 ಎ ಮನಕ್ಹಮಾ ಅಪಾಯ ದೆಕ್ಯಾ. ದುನಿಮ್ಮಾ ಕ್ಹಾರಿ ಜ಼ಗಾ ರ‍್ಹಯಲ ಯೆಹುದಿಯೊಮಾ ದಂಗೊ ಉಟಾಡಸ ಕವಾನು, ನಜರೆನ ಕವಾನು ಪಂಥನೊ ನಾಯಕ ವ್ಹೈ ಕೈನ ದೆಕ್ಯಾಸ.
ACT 24:6 ಯಕ್ಲುಜ಼ ನೈಸೊ ತೆ ಮನಕ್ಹ, ದೆವಾಲಯಮಾ ಹೊಲಸ ಕರಾನೆ ಕೊಶಿಶ ಕರ‍್ಯೊ. ತಿನಾಹುತಿ ಹಮೆ ತಿನೆ ಧರಿನೆ ಘ್ಯಾಲ್ಯಾಸ.
ACT 24:7 ತೆನೈಸೊ ಸಹಸ್ರಾದಿ ಪತಿ ಥಯಲ ಲುಸ್ಯನ ವಚ್ಮಾ಼ ಐನ ಜ಼ಬರದಸ್ತಿ ಕರಿನ ತಿನೆ ಹಮಾರಾ ಹತೊಮಾತೊ ಛೊಡೈಲಿನ ಗಯೊ.
ACT 24:8 ಇನೆ ತುಜ಼಼ ವಿಚಾರ ಕರ‍್ಯೊಮ, ಹಮೆ ಇನಾ ಉಪ್ಪರ ಘಾಲಲ ತಪ್ಪೊ ಕ್ಹರಿ ವ್ಹೈ ಸು ಸುಳ್ಳ ವ್ಹೈಸು ಇನಾಕ್ಹು ವಳಕಿಲಿಯೆಸ ಕೈನ ಕದ್ಯೊ.
ACT 24:9 ತೆಳಾಮಾ ಯಹುದಿಯೊ ವಕಿಲನಾ ಕ್ಹಾತೆ ಮಳಿನ ಸಂಗತಿಯೊ ಕ್ಹರಿ ವ್ಹೈ ಕೈನ ತ್ಯುನೆ ತೆ ದೊಶಾರೊಪಣೆ ಕರಾಲಾವೊನಾ ಕ್ಹಾತೆ ಮಳ್ಯಾ.
ACT 24:10 ದೆಶಾದಿಪತಿ ಪೌಲಾನೆ, ತು ಬೊಲಸಕ್ಸಿ ಸ್ವನ್ನಿ ಕರ್ತಾಮಾ, ತೆ ಫರಿನ ಉತ್ತರ ಸು ದಿದ್ಯೊ ಕದ್ಯಾಮ; ತು ಘನ್ನಾ ವರಕ್ಹತೊ ಎ ದೆಶನಾ ಮನಕ್ಹೊನೆ ನ್ಯಾಯಾದಿ ಪತಿ ಥೈನ ರ‍್ಹೌ ಕೈನ, ಕೈನ ತಿಳದಿಲಿನ ಮಿ ಖುಶಿಕ್ಹು ಪ್ರತಿವಾದ ಕರಾಡ್ಯೊಸ.
ACT 24:11 ಮಿ ಕ್ಹುದಾನಿ ಅರಾಧಾನಾ ಕರಾನಾಹುತಿ ಯೆರುಸೆಲೆಮೆ ಗೈನ, ಕ್ಹಾಲಿ ಬಾರಾ ದಿನ್ನ ಥಯಾಸ ಕೈನ ತು ತಿಳ್ದಿಲೆಸಕ್ಸಿ.
ACT 24:12 ತ್ಯಾ ದೆವಾಲಯಮಾ ರ‍್ಹೈನೆಕಾ, ಸಭಾಮಂದಿರಮಾ ರ‍್ಹೈನೆಕಾ, ಗಾಮ್ಮಾ ರ‍್ಹೈನೆಕಾ, ಯೆಹುದಿನಾ ಕ್ಹಾತೆ ವಾದಾ ಕರಾನು, ನೈತೊ ಮನಕ್ಹೊನು ಗುಂಪ ಮಳಾವಾನು ಇವ್ನೆ ದೆಕ್ಯಾ ನತ್ತಿ.
ACT 24:13 ಎನೈಸೊ ಇವ್ನೆ ಮಪರ ಘಾಲಾನು ತಪ್ಪೊ ಸಾಬಿತ ಕರಾನಾಹುತಿ ತಾರಾ ಕ್ಹಾಮಾ ತುನೆ ದೆಕಾಡಿನ ದೆತಾ ನೈ.
ACT 24:14 ಯಕ್ತೊ ತಾರಾ ಕ್ಹಾಮೊ ವಪ್ಪಿಲ್ಯುಸ, ತೆ ಸು ವ್ಹೈ ಕದ್ಯಾಮ;ಇವ್ನೆ ಮನೆ ಧರ್ಮನೊ ವಿರೊದಿ ವ್ಹೈ ಕೈನ ಕವಾನು, ಮಿತೊ ಮಾರಾ ಪಿತೃ ಆರಾಧನ ಕರಾನಾ ಕ್ಹುದಾನೆಜ಼ ಮಿ ಆರಾದಾನಾ ಕರಾಲೊ ಥಯೊಸ. ಮೊಶೆನು ಧರ್ಮ ಶಾಸ್ತ್ರನಾ ಲಿಂಗತ ರ‍್ಹಯಲ ವರಿ ಪ್ರವಾದಿಯೊನಾ ಗ್ರಂಥೊಮಾ ಬರ್ದಲ ಕ್ಹಾರಿ ವಿಷಯನಾ ಹುತಿ ಬರೊಕ್ಹೊ ಕರಿಯೆಸ.
ACT 24:15 ತೆನೈಸೊ ನಿತಿವಂತವಾಲಾವೊನೆ ವರಿ ಅನಿತಿವಂತವಾಲಾವೊನೆ ಪುನರುತ್ಥಾನ ಥಾವಾಸ ಕೈನ ಇನ್ವೆ ಕ್ಹುದಾಪರ ಬರಿಕ್ಹೊ ಮ್ಹೆಲಲ ಲಿಂಗತಜ಼ ಮಿಬಿ ಆಸ ಮ್ಹೆಲಲವಾಲೊ ಥಯೊಸ.
ACT 24:16 ಇನಾಹುತಿ ಕ್ಹುದಾನಾ ಕ್ಹಾಮಾ ಶುದ್ಧ ಮನಸಕ್ಹು ರ‍್ಹವಾನೆ ಮನಸಾಕ್ಷಿಲಿಂಗತ ಮಿ ಕೆಳಾಮಾಬಿ ಮನೆ ಥಾವಾಕ್ಲು ಕೆಳಮ್ಮಾನಿ ಕೊಶಿಷ ಕರುಸ.
ACT 24:17 ದಕ್ಹಾ ವರಕ್ಹ ಥಯಲ್ಪರ, ಯೆರುಸಲೆಮ್ಮಾ ರ‍್ಹಹೆಲವಾಲಾವೊನೆ ದೊಕಡಾ ವರಿ ಕಾಣಿಕೆ ಯಜ್ಞನೆ ಒಪ್ಪಿಸಾನಾಹುತಿ ಆಯೊ.
ACT 24:18 ಮಿ ಶುದ್ಧಿಕರಿಲಿದಲ ಲಿಂಗತ, ತೆ ವಪಸ್ತಾಮಾ,ತ್ಯುನೆ ಮನೆ ದೆವಾಲಯಮಾ ದೆಕ್ಯಾ, ತೆಳಾಮಾ ಮಾರಾಕ್ಹಾತೆ ಮನಕ್ಹೊನು ಗುಂಪ ನ್ಹೊತು. ಗದ್ದಲಬಿ ನ್ಹೊತಿ. ಮನೆ ದೆಕಲವಾಲಾ.
ACT 24:19 ಆಸ್ಯಸಿಮೆತ್ತಾ ಆಯೆಲವಾಲಾ ದಕ್ಹಾ ಯೆಹುದಿಯೊ ವ್ಹೈ. ಮಾರಾ ವಿರುದ್ದ ತ್ಯುನೊನೆ ಸುಬಿ ರ‍್ಹೈಯುಮ, ತ್ಯುನೆ ಕ್ಹಾಮಾ ಅಪರಾದ ಘಾಲಾನಾ ಹುತಿ ನ್ಹ್ಯಾ ಆವಾನ ವ್ಹತು.
ACT 24:20 ನೈರ‍್ಹತಾಮ್ಮಾ ಮಿ ನ್ಯಾಯ ಸಬೆನಾ ಕ್ಹಾಮೊ ಹುಬ್ರೆತಾಮಾ, ಮಾರಾಮಾ ಅಪರಾದ ದಿಕ್ಹ್ಯುಮ ಇವ್ನೆಜ಼ ಕವಾದೆ.
ACT 24:21 ಮಿ ಇವ್ನಾ ವಚ್ಮಾ಼ ಹುಬ್ರ್ಯೆನ; ಮರಿನ ಪುನರುತ್ಥಾನ ಥಾವಸ ಕೈನ ನಂಬಾನಾಹುತಿ ತುಮೊಕ್ಹೊ ಮನೆ ವಿಚಾರಣೆನೆ ಗುರಿ ಥಾವಾಸ’ ಕೈನ ಜೊ಼ರ ವದ್ರಿನ ಕದಲ ಹುತಿ ಕೌ ಯಕ್ಕಜ಼ ತೆನೈಸೊ ಬಿಜು಼ ಸುಜ಼ ಕತಾ ನೈ ಕೈನ ಕದ್ಯೊ.
ACT 24:22 ಫೆಲಿಕ್ಸ ಎ ವಾಟ, ತಕ್ಕ ಟೈಮ್ಮ ತಿಳದಿಲಿದಲ ರ‍್ಹಯೊತಬಿ ತ್ಯುನೊನೆ; ತಿರ್ಮಾನ ಕರುಸ ಕೈನ, ಫೈಸ್ಲೊ ಕರಾನೆ ನಿರ್ಧಾರ ಕರ‍್ಯೊ.
ACT 24:23 ತೆ ಥಯಲ್ಪರ ಪೌಲಾನೆ ಕಾವಲಮಾ ಮ್ಹೆಲು ಕೈನ, ಆದರೆ ಕಟ್ಟು ನಿಟ್ಟ ನಕೊ ಚಾ಼ಯೆ ಕೈನ, ತಿನೆ ರ‍್ಹಯೆಲ ದೊಸ್ತೊನೆ ತಿನೆ ಉಪಚಾರ ಕರಾನು, ಅಡ್ಡಿಕರು ನೈ ಕೈನ ಶತಾದಿಪತಿನೆ ಅಪ್ಪಣೆ ಕರ‍್ಯಾ.
ACT 24:24 ದಕ್ಹಾ ದಿನ್ನ ಥಯಲ್ಪರ ಫೆಲಿಕ್ಸ, ಯಹುದಿಯೊನೆ ರ‍್ಹಯಲ ದ್ರೊಸಿಲ್ಲ ಕವಾಲಿ ಬಾಕ್ಡಿ ತಿನಾ ಕ್ಹಾತೆ ಐನ, ಪೌಲಾನೆ ಬಲೈನ ಕ್ರಿಸ್ತ ಯೆಸುಮಾ ಮ್ಹೆಲಾನಾ ಬರೊಕ್ಹಾನಾ ಹುತಿ ತೆ ಕವಾನಿ ವಾತೊ ಐಕ್ಯೊ.
ACT 24:25 ತಿನಾಹುತಿ ತ್ಯಾಂತೊ ಗೈನ ಪೌಲಾ ಸ್ವ ನಿಯಂತ್ರಣ ವರಿ ಅಗು ಥಾವಾನು ಚೊ಼ಕಾನಾಹುತಿ ಚೆರ್ಚಾ ಕರಿನಾಹುತಿ ಇವ್ನಾ ಹುತಿ ಕತಾಮಾ ಫೆಲಿಕ್ಸ ಭುಚಿ಼ಕಿನ ತಿನೆ; ತೆ ಕವಸ ಹಮ್ನಾ ತು ಜಾ಼; ಮಿ ತುನೆ ಟೈಮ ಮಳಲಪರ ತುನೆ ಬಲೌಸ ಕೈನ ಕದ್ಯೊ.
ACT 24:26 ತೆಜ಼ ಟೈಮ್ಮಾ ತೆ ಪೌಲಾನೆ ಸುಬಿ ತಿನೆ ಸುಬಿ ದೊಕ್ಡಾ ದೆಸ ಕೈನ ಆಸ ಕರಿನ, ತೆಳಾಮಾ ತಿನೆ ಬಲೈನ ತಿನಾ ಕ್ಹಾತೆ ಸಲ್ಲಾಪ ಕರ್ತೊತೊ.
ACT 24:27 ಬೆ ವರಕ್ಹ ಥಯಲ್ಪರ ಫೆಲಿಕ್ಸನಿ ಜ಼ಗಾಪರ ಪೊರ್ಕಿಯ ಪೆಸ್ತನ ಕವಾನೊ ರಾಜ್ಯಾಪಾಲ ಆಯೊ. ಫೆಲಕ್ಸ ಯಹುದಿಯೊನಿ ಮಯಾ ಗಳಸು ಕೈನ ಪೌಲಾನೆ ಜೆಲ್ಮಾಜ಼ ಮ್ಹೆಲಿನ ಗಯೊ.
ACT 25:1 ಫೆಸ್ತಾ ಅದಿಕಾರ ಹೊಂದೆಲ ಪರ ತನ ದಿನ್ನ ಥಯಲಪರ ಕೈಸರೈತೊ ಯೆರುಸಲೆಮ್ಮೆ ಗಯೊ.
ACT 25:2 ತ್ಯಾ ಖಾಸ ಯಾಜಕವೊ, ಯೆಹುದಿಯೊನಾ ಮ್ಹೊಟಾ ತಿನೆ ಪೌಲಾನಾ ಉಪ್ಪರ ತಪ್ಪಕೈನ ಯೆರುಸಲೆಮ್ಮಾ ವಳೌ ಕೈನ ಫೆಸ್ತ ಕನ ಮಾಂಗಿಲಿದ್ಯಾ,
ACT 25:3 ಕಾಕದ್ಯಾಮ್ಮಾ ಯೆರುಸಲೆಮ್ಮಾ ಜಾತ್ತಾಮ್ಮಾ ರಸ್ತಾಮ್ಮಾ ತಿನೆ ಮಾರಾನಾ ಹುತಿ ವಿಚಾರ ಕರ‍್ಯಾತ್ತಾ.
ACT 25:4 ಫೆಸ್ತ ಅಮ್ಮ ಕದ್ಯೊ;ಪೌಲಾ ಕೈಸರೈನಾ ಜೆಲಮ್ಮಾ ಛೆ,ಮಿ ತ್ಯಾ ಜಲದಿ ಜೌ ಕೈನ ಛೆ.
ACT 25:5 ತಿನಾಹುತಿ, ತಮಾರಾಮ್ಮಾ ಖಾಸ, ಮಾರಾಕ್ಹಾತೆ ಕೈಸರೈಮ್ಮಾ ಐನ ತೆ ಮನಕ್ಹಮಾ ಅಪರಾದ ಕೈಬಿ ರ‍್ಹೈಮ್ಮ ತಿನಾ ಉಪ್ಪರ ತಪ್ಪ ಘಾಲಾಂದೆ ಕದ್ಯಾ.
ACT 25:6 ತೆ ಯೆರುಸಲೆಮ್ಮಾ ಆಟ ದಕ್ಹತಿ ಹೆಚ್ಕಿ ದಿನೊ ಹುಬರಯಾವಾಚಿ ಕೈಸರೈನೆ ಗೈನ ಮರನಾದಿನೆ ಫೆಸ್ತ ಫೈಸಲಾನಿ ಜ಼ಗಾ ಬೈಟಿನ, ಪೌಲಾನೆ ಬಲೆಲಿನ ಆವೊ ಕೈನ ಅಪ್ಪಣೆ ದಿದ್ಯೊ.
ACT 25:7 ತೆ ಆತ್ತಾ ಟೆಮ್ಮಾ ಯೆರುಸಲೆಮಾತ್ತಾ ಆಯೆಲ ಯೆಹುದಿಯೊ, ತಿನಾ ಸುತ್ತೆ ಹುಬರೈನ ತ್ಯುನೆ ಸಾಬಿತ ನೈಥಯಲ ಘನ್ನಾ ಮ್ಹೊಟಾ ಮ್ಹೊಟಾ ತಪ್ಪೊ ಘಾಲತ್ತಾ ಟೆಮ್ಮಾ, ತ್ಯುನೊನೆ ತೆ ಯಕ್ಕಬಿ ಸಾಬಿತ ಕರಾನೆ ಥೈಯು ನೈ.
ACT 25:8 ತೆನೈಸೊ ಪೌಲಾ;ಯೆಹುದಿಯೊ ಧರಮಶಾಸ್ತ್ರನಾ ವಿಷಯಮ್ಮಾ ರ‍್ಹಂದೆ ದೆವಾಲಯನಿ ವಿಷಯಮ್ಮಾ ಥಾವಾಂದೆ, ಚಕ್ರವರ್ತಿನಾ ವಿಷಯಮ್ಮಾ ಥಾವಾಂದೆ, ಮಿ ಸುಜ಼ ತಪ್ಪ ನತಿ ಕರ‍್ಯೊ ಕೈನ ಉತ್ತರ ದಿದ್ಯೊ.
ACT 25:9 ತೆನೈಸೊ ಫೆಸ್ತಾ ಯೆಹುದಿಯೊನಿ ಮಯಾ ಗಳಸಿಲ್ಯು ಕೈನ ಆಸ ಮ್ಹೆಲಿನ ಪೌಲಾನೆ; ತು ಯೆರುಸಲೆಮನೆ ಜಾ಼ವಾವು ಕೊಶಿಶ ಕರತ್ತಾಮ್ಮಾ ತ್ಯಾ ಆ ಕಾಮನಾ ವಿಷಯಮ್ಮಾ ಮಾರಾ ಕ್ಹಾಮೊ ವಿಚಾರ ಕರಾನೆ ತುನೆ ಮನಸಚೆ? ಕೈನ ಪುಚತ್ತಾಮ್ಮಾ, ಪೌಲಾ;
ACT 25:10 ಮಿ ಪೌಲಾ ಕದ್ಯೊ ಚಕ್ರವರ್ತಿ ಥಯಲ ಕೈಸರೈನಾ ಫೈಸಲಾನಿ ಜ಼ಗಾನಾ ಕ್ಹಾಮೊ ಹುಬರಯೊಸ; ನ್ಹ್ಯಾಜ಼ ಮಾರು ವಿಚಾರಣೆ ಥೌ. ಯೆಹುದಿಯೊನೆ ಮಿ ಅನ್ಯಾಯ ನತಿ ಕರ‍್ಯೊ; ತೆ ತುನೆಬಿ ಚೊ಼ಕಿತರಾ ಗೊತ್ತ ಛೆ.
ACT 25:11 ಮಿ ಧರಮಶಾಸ್ತ್ರಾನೆ ವಿರೊದ್ದ ಥಯೊಮ್ಮ ಮೌತ್ತನಿ ಶಿಕ್ಷಾನೆ ಕಾರಣ ಥಯಲ ಸುಬಿ ಕರಲ ರ‍್ಹಯುಮ ಮೌತ್ತನಿ ಶಿಕ್ಷಾನೆ ಇನಾಕಾರತೊ ನೈ. ವರಿ ತ್ಯುನೆ ಮಾರಾ ಉಪ್ಪರ ಘಾಲೆಲ ತಪ್ಪೊ ತಾಕತ ನೈಸೊ ಪಕ್ಷಮ್ಮಾ,ಕುನಬಿ ಮನೆ ತ್ಯುನಾ ಹತೆ ಒಪಸಾನೆ ನೈ ಥಾತು. ಮಿ ಕೈಸರನಾ ಕ್ಹಾಮೊ ಕೈಲ್ಯುಸ ಕದ್ಯೊ.
ACT 25:12 ತೆಳಾಮಾ ಫೆಸ್ತಾನೆ ತ್ಯುನಾ ಸಭೆವಾಲಾವೊನಾ ಕ್ಹಾತೆ ಕ್ಹಾರು ವಿಚಾರ ಕರಲ ಪರ ಪೌಲಾನೆ; ತು ಕೈಸರನಾ ಕ್ಹಾಮೊ ಕೈಲ್ಯುಸ ಕದ್ಯೊ ತೊ ತಿನಾ ಹುತಿ ಕೈಸರ ಕನ ಜೌ ಕೈನ ಕದ್ಯೊ.
ACT 25:13 ದಕ್ಹಾದಿನೊ ಥಯಲ ಅಗ್ರಿಪ್ಪ ರಾಜೊ಼, ಬೆರ್ನಿಕೆರಾಣಿ, ಫೆಸ್ತಾನೆ,ಮಳಾನೆ ಸ್ವಾಗತ ಕರಾನೆ ಕೈಸರೈನೆ ಆಯಾ.
ACT 25:14 ತ್ಯುನೆ ದಕ್ಹಾ ದಿನ್ನ ತ್ಯಾ ರ‍್ಹತ್ತಾಮ್ಮಾ ಫೆಸ್ತಾ ಪೌಲಾನಿ ಸಂಗತಿಯೊ ರಾಜಾ಼ನೆ ತಿಳಸಿ ಕದಲ ; ಫೆಲಿಕ್ಸ ಛೊಡಿನ ಗಯೆಲ ಎಕ ಜೆಲಮ್ಮಾನೊ ಮನಕ್ಹ ವ್ಹತ್ತೊ.
ACT 25:15 ಮಿ ಯೆರುಸಲೆಮ್ಮಾ ರ‍್ಹತ್ತಾಮ್ಮಾ ಯೆಹುದಿಯೊನಾ ಖಾಸ ಯಾಜಕೊ, ಮ್ಹೊಟಾ ಮನಕ್ಹೊ ತಿನಾ ವಿಷಯಮ್ಮಾ ಮನೆ ತಪ್ಪ ಕೈನ ತಿನೆ ವಿರುದ್ದ ಥೈನ ಫೈಸಲೊ ಥಾನಾದೆ ಕೈನ ಮಾಂಗಿಲಿದ್ಯಾ.
ACT 25:16 ಮಿ ತ್ಯುನಾ ಪ್ರಾವಾದಿಯೊ ವಾದಾ ಕರಾವಾಲಾ ವೊನೆ ತ್ಯುನಾ ಕ್ಹಾಮಾಜ಼ ಹುಬರೈನ ತಿಪರ ಘಾಲೆಲ ದೊಷನಾ ಹುತಿ ಪ್ರತಿವಾದ ಕರಾನೆ ದಿದ್ಯಾವಾಚಿ ತಿನೆ ಒಪ್ಪನಿ ದಿವಾನೆ ರೊಮ್ಮಾವಲೊನಿ ಪದ್ದತ ನ್ಹೊವೈ ಕೈನ ಕದ್ಯೊ.
ACT 25:17 ತ್ಯಾ ತ್ಯುನೆ ಮಳಿನ ಮಿ ದಕ್ಹಿಯೆಳ ಬಿ ತಡಾ ಕರೆವಾಚಿ ಮರ್ನಾ ದಿನೆ ಫೈಸಲಾನಿ ಜ಼ಗಾಪರ ಬೈಟಿನ ತೆ ಮನಕ್ಹನೆ ನಿನೌ ಕೈನ ಅಪ್ಪಣೆ ದಿದ್ಯೊ,
ACT 25:18 ಯೆಹುದಿಯೊ ತ್ಯಾ ಹುಬರೈನ ತಿನಾ ಉಪ್ಪರ ತಪ್ಪ ಘಾಲ್ಯಾ. ತಿನಾಹುತಿ ಮಿ ವಿಚಾರ ಕರಲ ತ್ಯುನೆ ಅಪರಾಧಮಾ ಯಕಬಿ ತಿನಾ ಉಪ್ಪರ ಘಾಲ್ಯಾ ನೈ.
ACT 25:19 ತ್ಯುನೆ ಕದಲ ಸಂಗತಿಯೊ ತ್ಯುನಾ ಧರಮಶಾಸ್ತ್ರನಾ ಪ್ರಕಾರ ಜಿವ್ನಾ ಕರಾಡೊತೊ ಕೈನ, ಪೌಲಾ ಕವಾನು ಮರಿಗಯೆಲ ಯೆಸು ಜಿವಾಸಾಡೊಸ ಕೈನ ಯಕ್ಲಾನಾ ವಿಚಾರಮಾ, ತಿನಾ ಉಪ್ಪರ ದಕ್ಹಾ ವಿವಾದ ಥವಾನು ವಾತೊ ಬೊಲ್ಯಾ.
ACT 25:20 ಹವಾ ಕಾಮೊ ಕಿಮ್ಮ ವಿಚಾರ ಕರು ಕೈನ ಮನೆ ಕಳೆ ನೈಸೊ. ತು ಯೆರುಸಲೆಮೆ ಗೈನ ತಾರಾ ಅಪರಾಧನಾ ವಿಷಯಮಾ ವಿಚಾರ ಕರಾನಾಹುತಿ ಕೊಶಿಶ ಕರಾನೆ ಮನಸ ಛೆ ಸು? ಕೈನ ಮಿ ಪುಚ್ಯೊ಼.
ACT 25:21 ತಿನೆ ಪೌಲಾ ಚಕ್ರವರ್ತಿ ಥಯಲ ಕೈಸರನಾ ಕ್ಹಾಮೊ ಹುಬರೈನ ಕದೆಮಟಾ, ಮಾರಾ ಹುತಿ ಕೈದು ಕೈನ ಮಾಂಗಿಲೆತ್ತಾಮ್ಮಾ ಮಿ ಕೈಸರ ಕೈನ ಮೊಕಲೆ ಲಕ್ಕಾ ತಿನೆ ಕೈದಾನಾ ಹುತಿ ಅಪ್ಪಣೆ ದಿದ್ಯೊ ಕೈನ ಕದ್ಯೊ"
ACT 25:22 "ತಿನೆ ಅಗ್ರಿಪ್ಪ; ತೆ ಮನಕ್ಹ ಕಲಿವಾನು ಕತ್ತಾಮ್ಮಾ ಮನೆಬಿ ಮನಸ್ಸ ಛೆ ಕೈನ ಪುಚತ್ತಾಮ್ಮಾ ಫೆಸ್ತಾ ಉತ್ತಾರಾ ದಿದ್ಯೊ ವಂತಾ ಪುಚಸಕಸಿ ಕದ್ಯೊ"
ACT 25:23 ಮರಾನಾ ದಿನೆ ಅಗ್ರಿಪ್ಪ ರಾಜೊ಼,ಬೆರ್ನಿಕೆರಾಣಿ ಘನ್ನಾ ವತಡಕ್ಹು ಐನ ಅದಿಕಾರಿಯೊ ವರಿ ಗಾಮನಾ ಖಾಸ ಮನಕ್ಹೊನಾ ಕ್ಹಾತೆ ಸಭಾಮಂದಿರಮ್ಮಾ ಮಳಿನ ಆತ್ತಾಮ್ಮಾ ಫೆಸ್ತಾ ಅಪ್ಪಣೆ ದೆತಾಮ್ಮಾ ಪೌಲಾನೆ ಬಲೆಲಿನ ಆಯಾ.
ACT 25:24 ತೆಳಾಮಾ ಫೆಸ್ತಾ; ಅಗ್ರಿಪ್ಪ ರಾಜೊ಼,ಹಮ್ಮಾರಾ ಕ್ಹಾತೆ ಮಳಿನಾಯೆಲ ಕ್ಹಾರಾ ಮನಕ್ಹೊ, ಆ ಮನಕ್ಹನೆ ದೆಕೊಶಿನೈ,ಅನಾ ವಿಷಯಮ್ಮಾ ಯೆಹುದಿಯೊ ಆ ಅಬಾದಾತೊ ಜಿವ್ನಾ ಕರುನೈ ಕೈನ ವದರತ್ತಾ ಯೆರುಸಲೆಮ್ಮಾ ವರಿ ಯ್ಹಾಬಿ ಮನೆ ಮಾಂಗಿಲಿದ್ಯಾ.
ACT 25:25 ತೆ ಮಾರಾನೆ ದಂಡನೆ ಕಾರಣಾ ಥಾವಾನೆ ಸು ನತ್ತಿ ಕರ‍್ಯೊಕೈನ ಮನೆ ದಿಕ್ಹಿನ ಐಯು. ತೆಜ಼ ಕೈಸರನೆ ಮಾಂಗಿಲೆತ್ತಾಮ್ಮಾ ತಿನೆ ಕೈಸರಕನ ವಳಾವಾನೆ ಫೈಸಲೊ ಲಿದ್ಯೊ.
ACT 25:26 ತೆನೈಸೊ ತಿನಾಹುತಿ ಕೈಸರ ಆವಾನೆ ಕೈಜ಼ ಕಾರಣ ದಿಕ್ಹಿನ ಆಯು ನೈ. ಜೆಲಮ್ಮಾರಹೆಲವಾಲಾನಾ ಹುತಿ ಆರೊಪ ಘಾಲೆಲ ತಪ್ಪ ದಿಕ್ಹೆವಾಚಿ, ತಿನೆ ವಳಾವಾನು ಚೊ಼ಕು ನ್ಹವೈ ಕೈನ ಮನೆ ದಿಕ್ಹಿ ಐ ನೈ.
ACT 25:27 ತಿನಾಹುತಿ ವಿಚಾರ ಕರಲ ಪರ ಸುಬಿ ಲಿಕಾನೆ ಮಳಸ ಕೈನ ತಿನೆ ತಾರಾ ಕ್ಹಾಮಾ ಖಾಸ ಕರಿನ ಅಗ್ರಿಪ್ಪ ರಾಜಾ಼ ತಾರಾ ಕ್ಹಾಮಾ ಲಾಯಾಸ ಕೈನ ಕದ್ಯೊ.
ACT 26:1 ತೆಳಾಮಾ ಅಗ್ರಿಪ್ಪನೆ, ಪೌಲಾನೆ ತು ತಾರಾ ಪರಾ ಬೊಲಸಕ್ಸಿ ಕತಾಮಾ, ಪೌಲಾ ಹತ ಉಚೈನ, ಪ್ರತಿವಾದ ಸು ಕರ‍್ಯೊ ಕದ್ಯಾಮ.
ACT 26:2 ಅಗ್ರಿಪ್ಪ ರಾಜಾ಼, ಯೆಹುದಿಯೊ ಮಪರ ಆರೊಪ ದಿವಾನು ಕ್ಹಾರಾ ಆರೊಪನಾ ಹುತಿ ತಾರಾ ಕ್ಹಾಮೊ ಮಿ ಹಮ್ನಾಜ಼ ಪ್ರತಿವಾದ ಕರಾನು ರ‍್ಹಯಲ ಹುತಿ, ಮನೆ ಧನ್ಯ ವ್ಹೈನ ಕವೈಲ್ಯುಸ.
ACT 26:3 ಕಾಕದ್ಯಾಮ, ಯೆಹುದಿಯೊಮಾ ರ‍್ಹಯಲ ಕ್ಹಾರಿಯೊ ಪದ್ದತಿಯೊ, ವಿವಾದೊ ತು ಘನ್ನೊ ಬಲ್ಲಲವಾಲೊ ರ‍್ಹಶಿ. ಮಾರಿಯೊ ವಾತೊ ತಾಳ್ಮೆಕ್ಹು ಐಕು ಕೈನ ಮಾಂಗಿಲ್ಯುಸ.
ACT 26:4 ಮಿ ನ್ಹಾನೊ ರ‍್ಹತಾಮಾತೊ, ಯೆರುಸೆಲಿಮಮಾ ಮಾರಾ ಸ್ವಂತ ದೆಶನಾ ಮನಕ್ಹೊನಾ ಕ್ಹಾತೆ ರ‍್ಹೈನ, ಜಿವ್ನಾ ಕರಲ ತರಿಕೊ ಕ್ಹಾರಾ ಯಹುದಿಯೊನೆ ಗ್ವತ್ತ ರ‍್ಹಯಲಜ಼ ಛೆ.
ACT 26:5 "ಮಿ ಮಾರಾ ಧರ್ಮಮಾ ಘನ್ನು ಕಟ್ಟ ನಿಟ್ಟ ಕರಾನು ಪದ್ದತ ಫರಿಸಾಯರ ಪಾಳಿಮಾ ಕರಲ ಲಿಂಗತ ಫರಿಸಾಯರ ಲಿಂಗತ ಚಾ಼ಲಿಲಿನ ಗಯೊಸ ಕೈನ, ಶುರುತೊಬಿ ತ್ಯುನೊನೆ ಗ್ವತ್ತ ಛೆ ಸಾಕ್ಷಿ ಕವಾನು ಮನಸ ರ‍್ಹಯುಮ ತ್ಯುನೆ ಕೆ ಸಕಸ"
ACT 26:6 ಹಮ್ನಾಬಿ ಕ್ಹುದಾ ಹಮಾರಾ ಪಿತೃವೊನೆ, ದಿದಲ ವಾತ ಪುರಾ ಥಾವಸ ಕವಾನು ಆಸನಾ ಹುತಿಜ಼, ಹಮೆ ಹಮ್ನಾ ಫೈಸಲಾನಾ ಹುತಿ ನ್ಹ್ಯಾ ಹುಬ್ರಯಾಸ.
ACT 26:7 ಅಪ್ನಾ ಬಾರಾ ಖಾಂಧಾವಾಲಾ ದಿನ್ನ ರಾತ ಆಸಕ್ತಿಕ್ಹು ಕ್ಹುದಾನೆ ಆರಾದಾನಾ ಕರ್ತಾ ತೆ ವಾತನಿ ಫಲ ಮಳಾನಾ ಹುತಿ ಆಸ ಕರ್ತಾ ಛೆ. ರಾಜಾ಼, ತೆಜ಼ ಆಸನಾ ಹುತಿ ಯೆಹುದಿಯೊ, ಮಾರಾ ವಿರುದ್ದ ದೊಶಾರೊಪಣೆ ಕರಾಡಾಸ.
ACT 26:8 (ಮಲಾಕಿ 7:9) ಕ್ಹುದಾ ಮರಲವಾಲಾವೊನೆ ಉಟಾಡಲ ಬರೊಕ್ಹೊ ಕರಾನೆ ಅಸಾದ್ಯ ವ್ಹೈ ಕೈನ ತುಮೆ ಕಾ ಫೈಸ್ಲೊ ಕರೊಶಿ?
ACT 26:9 ಯಕ್ಕ ಕಾಲ್ಮಾ ನಜೆರೆತನಾ ಯೆಸುನಾ ನಾಮನೆ ವಿರುದ್ದ ಘನ್ನಾ ಕಾರ‍್ಯೊ ಕರು ಕೈನ ಹಮೆ ವಿಚಾರ ಕರ್ಲಿದ್ಯಾಸ.
ACT 26:10 ಯೆರುಸೆಲಿಮಮಾ ತಿಮ್ಮಜ಼ ಕರ‍್ಯೊತೊ. ಖಾಸ ಯಾಜಕ ಕ್ಹು ಅದಿಕಾರ ಪಡ್ದಿನ ಕ್ಹುದಾನಾ ಮನಕ್ಹೊಮಾ ಘನ್ನಾ ಜ಼ನಾವೊನೆ ಜೆಲ್ಮಾ ಮುಕ್ಕಿನ, ತ್ಯುನೊನೆ ಮರ್ವಾನಿ ಶಿಕ್ಷಾ ಥಯಲ್ಪರ, ಮಿ ತಿನೆ ಸಮ್ಮತಿ ಕರೊಸ.
ACT 26:11 ಕ್ಹಾರಿಯೊ ಸಬಾ ಮಂದಿರೊಮಾ, ಮಿ ತ್ಯುನೊನೆ ಘನ್ನಿ ಸಲಾ ತ್ಯುನೊನೆ ಶಿಕ್ಷಾ ದಿನ್ನ ತ್ಯುನೊಕ್ಹು ಕ್ಹುದಾನಾ ವಿರುದ್ದ ವಾತೊ ಬೊಲಾನಿಯೊ ಕೊಶಿಶ ಕರ‍್ಯೊ. ತೆನೈಸೊ ತ್ಯುನೊಪರ ಘನ್ನೊ ಶಿಟ್ಟ ಥೈನ ಬಿಜಾ಼ ಗಾಮ ಲಕ್ಕಾ ಗೈನ ತ್ಯುನೊನೆ ತ್ರಾಸ ಕರ‍್ಯೊ.
ACT 26:12 ಎ ಉದ್ದೆಶಕ್ಹು ಮಿ ಖಾಸ ಯಾಜಕ ಕ್ಹು ಅದಿಕಾರ, ಆದೆಶ ವ್ಹಂದಿನ ದಮಸ್ಕ ಗಾಮೆ ಜಾ಼ವಾನಿ ವಾಟ್ಮಾ ರಾಜಾ಼,
ACT 26:13 ದುಪಾರ್ನಾ ವಕ್ಹತ್ಮಾ ಆಕಾಶತೊ ಯಕ್ಕ ಉಜಾಲು ಮಾರಾ ಸುತ್ತೆ ವರಿ ಮಾರಾ ಕ್ಹಾತೆ ಆವಾಲಾವೊನಾ ಸುತ್ತೆ ಸುರ್ಯಾನು ಉಜಾಲಾ ಲಿಂಗತ ಘನು ಮಿಂಚಾ಼ನು ಮಿ ದೆಕ್ಯೊ.
ACT 26:14 ಹಮೆ ಕ್ಹರಾ ಜಿಮಿನ್ಪರ ಪಡ್ತಾಮಾ, ಸೌಲಾ, ಸೌಲಾ, ತು ಮನೆ ಕಾ ತ್ರಾಸ ಕರಾಡ್ಯೊಸ? ಕಾಟಾನಾ ಝಾಡೊನೆ ವದ್ದ್ಯೊಮ ತುನೆಜ಼ ತ್ರಾಸ ನ್ಹವೈ ಸು? ಕೈನ ಹಿಬ್ರಿನಿ ಭಾಶಾಮಾ ಕವಾನಿ ವಾತ ಐಕ್ಯೊ.
ACT 26:15 ತೆಳಾಮಾ ಮಿ, ಕರ್ತಾ, ತು ಕುನ ವ್ಹೈ? ಕತಾಮಾ ಕರ್ತಾ "ತು ತ್ರಾಸ ಕಾರಾನೊ ಯೆಸುಜ಼ ಮಿ ವ್ಹೈ.
ACT 26:16 ತು ಉಟಿನ ತಾರಾ ಪಗೊಪರ ಹುಬ್ರೆ ತುನೆ ಮಾರೊ ಸೆವಕ ಕರಿನ ಸಾಕ್ಷಿನಾ ಹುತಿ ನೆಮಸಾನಾ ಹುತಿ ತುನೆ ದಿಕ್ಹ್ಯೊಸ ಹಮ್ನಾಬಿ ಅಗೊಬಿ ತುನೆ ದೆಕಾಡಾನು ದರ್ಶನೊಮಾ, ತುನೆ ದಿಕ್ಹಲನಾ ಹುತಿ ತು ಮಾರಿ ಸಾಕ್ಷಿ ಥೈನ ರ‍್ಹೌ.
ACT 26:17 ಮಿ ತಾರಾ ಇಸ್ರಯೆಲ ಸ್ವಂತ ಮನಕ್ಹೊಕಂತೊ, ಯೆಹುದಿಯೊ ನೈಸೊ ಮನಕ್ಹೊಕ್ಹು ತ್ಯುನೊಕನ ತುನೆ ವಳೌಸ ಕದ್ಯೊ.
ACT 26:18 ತ್ಯುನೆ ಅಂದಾರಾಮಾತಾ ಉಜಾ಼ಲಾನೆ, ಸೈತನನಾ ಹತ್ಮಾತಾ ಕ್ಹುದಾಕನ ಫರಿನ, ಮಪರ ಬರೊಕ್ಹೊ ಮ್ಹೆಲಲಕ್ಹು ಪಾಪನಿ ಮಾಫಿ, ಪರಿಶುದ್ಧ ರ‍್ಹಯಲವಾಲಾವೊನಾ ಕ್ಹಾತೆ ತ್ಯುನು ಹಕ್ಕ ವ್ಹಂದಿಲಿವಾನಾ ಹುತಿ, ತ್ಯುನಾ ಡೊಳಾ ಕ್ಹುಲು ಕೈನ ಮಿ ತುನೆ ತ್ಯುನೊಕನ ವಳೌಸ” ಕದ್ಯೊ.
ACT 26:19 ತಿನಾಹುತಿ "ರಾಜಾ಼ ಥಯಲ ಅಗ್ರಿಪ್ಪ,ಮನೆ ಮಳೆಲ ಮಿ ಪರಲೊಕನು ದರ್ಶನ ದೆಕಲಪರ ತಿನೆ ಅವಿಧೆಯ ನೈ ಥೈನ.
ACT 26:20 ತೆಳಾಮಾ ದಮಸ್ಕಮ್ಮಾ ಬಿ ವರಿ ಯೆರುಸಲೆಮ್ಮಾ ಬಿ ಯುದಾಯಮ್ಮಾಬಿ ಕ್ಹಾರಾ ಸಿಮೆ ರ‍್ಹಹೆಲವಾಲಾವೊನೆ ಬಿ ಮನಕ್ಹೊನೆ"ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ
ACT 26:21 "ತೆ ತಿನಾಹುತಿ ಯೆಹುದಿಯೊ ದೆವಾಲಮ್ಮಾ ಮನೆ ಧರ್ಲಿನ ಖಲಾಸ ಕರು ಕೈನ ಕೊಶಿಶ ಕರ‍್ಯಾ.
ACT 26:22 ತೆಳಾಮಾ ಕ್ಹುದಾ ಮನೆ ಮದತ ಕರ‍್ಯೊ. ತೆ ಹಮನಾತೊ ಹಮನೊನೆ ಮದತ ಕರಾಡ್ಯೊಸ. ತಿನಾಹುತಿ ಹಮ್ನಾ ಯ್ಹಾ ಹುಬರಯೊತೊ ವರಿ ಮಿ ದೆಕೆಲ ಸಂಗತಿಯೊನಾ ಹುತಿ ಮನಕ್ಹೊನೆ ಸಾಕ್ಷಿ ಕವಾಡೊತೊ. ತಿನಾಹುತಿ ಮಿ ಕೈಜ಼ ನವು ಕದೆವಾಚಿ, ಮೊಶೆ ವರಿ ಪ್ರವಾದಿಯೊನಾ ಕ್ಹಾಮೊ ನೆರವೆರಸ ಕೈನ ಕದಲ ಸಂಗತಿಯೊ ಕತೊವ್ಹತ್ತೊ.
ACT 26:23 ಕ್ರಿಸ್ತಾ ದುಕ ಕರಲಿನ ಮರಿನ ಮರೆಲಮಾತೊ ಪೈಲಾನೊ ಥೈನ ಉಟಿನ ಐನ ಯೆಹುದಿಯೊನೆ ವರಿ ಯೆಹುದಿಯೊನೆ ನೈಸೊ ಮನಕ್ಹೊ ಕ್ಹಾರಾ ರಕ್ಷಣೆ ಉಜಾಲು ಲಾವಸ ಕೈನ ಪ್ರಸಿದ್ದಿ ಕರಾವಾಲೊ ಥಾಶಿ ಕೈನ"
ACT 26:24 ಇಮ್ಮ ಪೌಲಾ ತಿನಾಕ್ಹು ವಾದ ಕರೊತ್ತೊ ಕತ್ತಾಮ್ಮಾ ಫೆಸ್ತಾ. ಪೌಲಾ ತುನೆ ಪಿಸಾಳೊ ಧರ‍್ಯುಸು, ಘನು ಒದಾನು ತುನೆ ಪಿಸಾಳು ಕರಿಪಡಸ, ಕೈನ ವದರಿನ ಕದ್ಯೊ.
ACT 26:25 ತಿನಾಹುತಿ ಪೌಲಾ ಮಹಾರಾಜಾ಼ ಥಯಲ ಫೆಸ್ತಾ. ಮಿ ಪಿಸಾಳೊ ನ್ಹೈವೈ ಮಿ ಕವಾನು ಕ್ಹರಿನಾ ವಾತೊ ಛೆ ಕದ್ಯೊ.
ACT 26:26 ರಾಜೊ಼ ಥಯಲ ಅಗ್ರಿಪ್ಪನೆ ತೆ ಸಂಗತಿಯೊ ಗೊತ್ತ ಛೆ. ತಿನಾಹುತಿ ತಿನಾ ಕ್ಹಾಮೊ ಮಿ ಧೈರ್ಯಕ್ಹು ಬೊಲುಸಕೈ. ತೆ ಸಂಗತಿಯೊಮ್ಮಾ ಯಕ್ಕಬಿ ಜ್ಹಾಕಿಲಿದೆಲ ನತ್ತಿ ನಂಬಾನು ಸುವೈ ಕದ್ಯಾಮ, ಕಾಕದ್ಯಾಮ್ಮಾ ತೆ ಯಕ್ಕ ಮೂಲಾಮ್ಮಾ ಥಯಲ ಕಾಮ್ಮ ನ್ಹವೈ.
ACT 26:27 ರಾಜೊ಼ ಅಗ್ರಿಪ್ಪ, ಪ್ರವಾದಿಯೊನೆ ತು ನಂಬಶಿಸು? ಮನೆ ಗೊತ್ತಛೆ ಕೈನ ಕದ್ಯೊ"
ACT 26:28 "ತಿನಾಹುತಿ ಅಗ್ರಿಪ್ಪ ರಾಜೊ಼ ಉತ್ತರಾ ದಿದ್ಯೊ ; ದಕ್ಹಿ ಕೊಶಿಶಕ್ಹು "ಮನೆ ಆಸಾನಕ್ಹು ಕ್ರಿಸ್ತ ಥವಾನಾಹುತಿ ಒಂಡಬಡಿ ಸು ತು? ಕೈನ ಕತ್ತಾಮ್ಮಾ"
ACT 26:29 ಪೌಲಾ ಚೊ಼ಕು ವೈಸು ಕಟ್ಟವೈ ತೆ ಮನೆ ಖಾಸ ನ್ಹವೈ. ತು ಯಕ್ಲೊಜ಼ ನ್ಹವೈ ತೆಳಾಮಾ ಮನೆ ಕರಾನು ಹರಯಕ್ಲೊ ಮಾರಾನಿಂತ ಥೌ ಕೈನೆ ಮಿ ಕ್ಹುದಾನೆ ಪ್ರಾರ್ಥನಾ ಕರುಸ. ತಿನಾಹುತಿ ತೆ ಸಂಕೊಲೆಯೊ ಯಕ್ಕಜ಼ ತಮನೊನೆ ನಕೊ ಕೈನ ಕದ್ಯೊ.
ACT 26:30 ರಾಜೊ಼ ಅಗ್ರಿಪ್ಪ,ರಾಜ್ಯಪಾಲ ಫೆಸ್ತಾ,ಬೆರ್ನಿಕೆ ವರಿ ತ್ಯುನಾಕ್ಹಾತೆ ಬೈಟೆಲ ಮನಕ್ಹೊ ಕ್ಹಾರಾ ಹುಬರೈನ.
ACT 26:31 ತ್ಯಾತಾ ಭಾರಾ ಆಯಾ ತ್ಯುನೆ ಯಕ್ಕನೆ ಯಕ್ಕ ತೆ ಮನಕ್ಹನೆ ಮೌತನಿ ಶಿಕ್ಷಾ ದ್ಯು ನೈ ಕೈನ ವರಿ ಜೆಲಮ್ಮಾ ಘಾಲು ನೈ ಕೈನ ತೆ ಕ್ಹರಿ ಕೆಟ್ಟನು ಸುಜ಼ ನತಿ ಕರ‍್ಯೊ ಕೈನ ಕದ್ಯಾ.
ACT 26:32 ತೆಳಾಮಾ ಅಗ್ರಿಪ್ಪ ಫೆಸ್ತಾನಾ, ತೆ ಸಿಸರನೆ ಮಾಂಗಿ ನೈ ಲಿದ್ಯೊಮ್ಮ,ಅನೆ ಚೊಡಾನಿ ವಾತ್ತ ವ್ಹತ್ತಿ ಕೈನ ಕದ್ಯೊ.
ACT 27:1 ಅಪೆ ಇಟಲಿನೆ‍ ಹಡಗಾಮಾತಾ ಜೌ಼ ಕೈನ ಫೈಸ್ಲೊ ಥಯೊ. ಪೌಲಾನಾ ವರಿ ಬಿಜಾ಼ ಕೈದಿಯೊನೆ ಜುಲಿಯಸ ಕವಾಲೊ ಸೆನಾಧಿಕಾರಿ ಕೈದಾಲು ವ್ಹತ್ತೊ. ರೊಮ್ಮನೊ ಶತಾದಿಪತಿ ಥಯಲ ಜೊಲಿಯಸ ಚಕ್ರವರ್ತಿನಾ ಸೈನ್ಯಮಾ ಸೆವೆ ಕರಾಲೊ ವ್ಹತ್ತೊ.
ACT 27:2 ಹಮೆ ತೆ ಹಡ್ಗೊ ಚ಼ಡಿನ ತ್ಯಾಂತಾ ಚಾ಼ಲ್ಯಾ. ತೆ ಹಡ್ಗೊ ಅದ್ರಮಿತ್ತ ಗಾಮ್ತೊ ಆಯೊತೊ ವರಿ ಎಶ್ಯಾಮಾ ರ‍್ಹಯಲ ಬಿಜಾ಼ ಬಿಜಾ಼ ಗಾಮೊಯೆ ಜಾ಼ವಾನೆ ತಯ್ಯಾರ ವ್ಹತ್ತೊ. ಅರಿಸ್ತರ್ಕಬಿ ಹಮಾರಾ ಕ್ಹಾತೆ ಆಯೊ. ತೆ ಮೆಕೆದೊನಿಯಾನೆ ಮಳಲ ಥೆಸಲೊನಿಕ ಗಾಮವಾಲೊ ವ್ಹತ್ತೊ.
ACT 27:3 ಮರ್ನಾ ದಿನ್ನೆ ಹಮೆ ಸಿದೊನ ಗಾಮೆ ಆಯಾ. ಜೊಲಿಯಸ ಪೌಲಾನೆ ಮರಗತೊತೊ. ದೊಸ್ತೊನೆ ಗೈನ ಮಳಾನಾ ಹುತಿ ತೆ ಪೌಲಾನೆ ಅನುಮತಿ ದೆತೊತೊ. ದೊಸ್ತೊ ಪೌಲಾನೆ ಚಾ಼ಯೆ ಥಯಲ ಕ್ಹಾರುಜ಼ ದೆತಾತಾ.
ACT 27:4 ಹಮೆ ಸಿದೊನ ಗಾಮ್ತಾ ಚಾ಼ಲ್ಯಾ. ಹಮಾರಾ ವಿರುದ್ದ ವಾರೊ ಛುಟಲಹುತಿ ಹಮೆ ಸೈಪ್ರಸ ದ್ವಿಪನಾ ನಜಿಕ ನೌಕಾಯಾನ ಕರ‍್ಯಾ.
ACT 27:5 ಸಿಲಿಸಿಯಸನೆ ಪಾಂಫಿಯಾನೆ ಕ್ಹಾಮು ರ‍್ಹಯಲ ಸಮುಂದರ ದಾಟ್ಯಾ. ತೆ ಥಯಲ್ಪರ ಹಮೆ ಲುಸಿಯಾ ಪ್ರಾಂತ್ಯಮಾ ರ‍್ಹಯಲ "ಮುರ "ಕವಾನಾ ಗಾಮೆ ಆಯಾ.
ACT 27:6 ಅಲೆಕ್ಸಾಂಡ್ರಿಯಾತೊ ಆಯಲ ಹಡಗೊ "ಮುರ "ಮಾ ರ‍್ಹಯಲ ಸೆನಾದಿಕಾರಿ ದೆಕ್ಯೊ. ಎ ಹಡ್ಗೊ ಇಟಲಿಯೆ ಚಾ಼ಲ್ಯೊತೊ. ತಿನಹುತಿ ತೆ ಹಮೊನೆ ತೆ ಹಡಗಾಮಾ ಚ಼ಡಾಯೊ.
ACT 27:7 ಹಮೆ ನಿಧಕ್ಹು ಘನ್ನಾ ದಿನ್ನ ಲಕ್ಕಾ ಪ್ರಯಾಣ ಕರಾತ್ತಾ ಘನಾ ಕಷ್ಟ ಖಾತಾ ಸ್ನಿಡ ಗಾಮೆ ಮೂಟ್ಯಾ. ವಾಟ್ಮಾ ಹಜು಼ನ ಅಗಾ ಜಾ಼ವಾನೆ ಥಯು ನೈ. ತಿನಾಹುತಿ ಹಮೆ ಸಾಲ್ಮೊನೆಯ ನಜಿಕ್ಮಾ ರ‍್ಹಯಲ ಕ್ರೆಟ ದ್ವಿಪ ದಕ್ಷಿಣ ಭಾಗಮಾ ನೌಕಾಯಾನ ಕರ‍್ಯಾ.
ACT 27:8 ಹಮೆ ತ್ರಾಸ ಕ್ಹು ಕರಾವಳಿಮಾ ನೌಕಾಯಾನ ಕರ‍್ಯಾ. ತೆ ಥಯಲ್ಪರ ಹಮೆ ಚೊ಼ಕಿ ತರಾರೆವು ಕವಾನಾ ಜ಼ಗಾಪರ ಆಯಾ. ಲಸಾಯಾ ಗಾಮ ತಿನಾ ನಜಿಕ ವ್ಹತ್ತು.
ACT 27:9 ತೆನೈಸೊ ಘನ್ನೊ ವಕ್ಹತ ಥೈಗೈಯೊತೊ. ಹಮ್ನಾ ನೌಕಾಯಾನ ಕರಾನು ಘನ್ನು ಖತರ್ನಾಕ ವ್ಹತ್ತು. ಕಾಕದ್ಯಾಮ ಯೆಹುದಿಯೊನು ಉಪವಾಸನೊ ದಿನ್ನ ತೆಳಾಮಾಜ಼ ಥೈಗಯೊತೊ.
ACT 27:10 ತಿನಾಹುತಿ ಪೌಲಾ ತ್ಯುನೊನೆ"ಮನಕ್ಹೊ, ಎ ಪ್ರಯಾಣಮಾ ಹಮೊನೆ ಘನ್ನೊ ತ್ರಾಸ ಛೆ ಕೈನ ಮನೆ ತಿಳದಾಡ್ಯುಸ. ಹಡ್ಗೊ ವರಿ ತಿಮಾರ‍್ಹಯಲ ಸಾಮನ ಹಾಳ ಥಾವಸ. ಅಪ್ನೊ ಜ಼ಲಮಬಿ ಹಾಳ ಥೈ ಜಾ಼ಸ! ಕೈನ ಹುಷಾರ ಕರ‍್ಯೊ.
ACT 27:11 ವರಿಬಿ ಹಡಗಾನೊ ನಾಯಕ ವರಿ ಹಡಗಾನೊ ಮಾಲಕ ಪೌಲಾ ಕದಲನೆ ವಪ್ಯಾ ನೈ. ತಿನಾಹುತಿ ಸೆನಾದಿಕಾರಿ ಪೌಲಾನಿ ವಾತ ಐಕ್ಯಾವಾಚಿಹಡಗಾನಾ ಮಾಲಕನಿ ವರಿ ಹಡಗಾನಾ ನಾಯಕನಿ ವಾತ ಐಕ್ಯೊ.
ACT 27:12 ತೆ ರೆವು ಥಂಡಾನಾ ದಿನೊಮಾ ಹುಬ್ರವಾನೆ ಚೊ಼ಕಿ ನ್ಹೊತಿ. ತಿನಾಹುತಿ ಹಡ್ಗೊ ತ್ಯಾಂತೊ ಲಿನ ಜಾ಼ಜ಼ ಕೈನ ಘನ್ನಾ ಮನಕ್ಹೊ ಕದ್ಯಾ. ಹಮೆ ಫೆಲಿಕ್ಸನೆ ಮುಟ್ಟಿಯೆಸ ಕೈನ ತ್ಯುನಿ ಆಸ ವ್ಹತ್ತಿ. ಥಂಡನಾ ದಿನೊಮಾ ಹಡ್ಗೊ ತ್ಯಾ ರ‍್ಹವಾನು ವ್ಹತ್ತು. ಫೆನಿಕ್ಸ ಕ್ರೆಟ ದ್ವಿಪನು ಬಂದರ ತೆ ವ್ಹಂದ್ಯುತು. ಇಶ್ಯಾನನಾ ದಿಕ್ಕನೆ ಆಗ್ನೆಯಾ ದಿಕ್ಕನೆ ಕ್ಹಾಮು ರ‍್ಹಯಲ ಮ್ಹೊಡು ಕರಿನ ವ್ಹತ್ತು.
ACT 27:13 ತೆ ಥಯಲ್ಪರ ಚೊ಼ಕೊ ವಾರೊ ದಕ್ಷಿಣ ಬಗಲ್ತಾ ಛುಟಾನು ಚಾಲು ಥಯೊತೊ. ಹಡಗಾಮಾ ರ‍್ಹಯಲ ಮನಕ್ಹೊ, ಅಪೊನೆ ಚಾ಼ಯೆ ಥಯಲ ಎಜ಼ ವಾರೊ ವ್ಹೈ, ಹಮ್ನಾ ತೆ ಹಮೊನೆ ಮಳ್ಯೊ! ಕೈನ ವಿಚಾರ ಕರ್ಲಿದ್ಯಾ. ತಿನಾ ಹುತಿ ತ್ಯುನೆ ಹಡಗಾನಾ ಲಂಗತ ಉಪ್ಪರ ಯಳದ್ಯಾ. ಹಮೆ ಕ್ರೆಟ ದ್ವಿಪನಾ ಕರಾವಾಳಿಮಾ ನೌಕಾಯಾನ ಕರ‍್ಯಾ.
ACT 27:14 ತೆನೈಸೊ ಇಶಾನ್ಯ ಮಾರುತ ಕವಾನಿಬಿರುಗಾಳಿ ದ್ವಿಪಮಾ ಛುಟ್ಯೊ.
ACT 27:15 ಹಡ್ಗಗಾನೆಬಿ ಲಾಗ್ಯು ಹಡ್ಗೊ ತಿನಾ ವಿರುದ್ದ ಜಾ಼ವಾನೆ ಥಯು ನೈ. ತಿನಾ ಹುತಿ ವಾರೊ ಐನ ಹಮ್ಮಾರಾ ಹಡ್ಗೊ ಲಿನ ಗಯಾ.
ACT 27:16 ಅಪೆ "ಕಾವ್ದ "ಕವಾನಿ ದ್ವಿಪ ಮೆರೆಮಾತಾ ಗಯಾ ತೆಳಾಮಾ ಅಪೆ ಹಡಗಾಮಾ ರಯೆಲ ನ್ಹಾನಿ ದ್ವಿಪ ಲಿವಾನಾಹುತಿ ಹಮೊನೊಕ್ಹು ಥೈಯು ನೈ.
ACT 27:17 ತೆಳಾಮಾ ಡೊಣಿಮ್ಮಾ ತುಟು ನೈ ಕೈನ ಹಡಗಮ್ಮಾ ಸುತೆ ರಾಕ್ಹೊ ಭಾಂದಿನ. ತೆಳಾಮಾ ಸುರ್ತಿಸ ಕವಾನು ಕಳ್ಳುಸುಬಿಮ್ಮಾ ಹಡಗೊ ಕಿಲಗಾ ಅಟಕೆಲ ಕೈನ ತ್ಯುನೊನೆ ಬುಚುಕ ವಾಟ್ಯು. ತಿನಾಹುತಿ ತ್ಯುನೆ ಪ್ಹಡಕಾನೆ ಉತರಾಡಿನ ಡೊಣಿನೆ ಲಾಗಿನ ಜಾ಼ವಾನೆ ವಾರಾನೆ ಮೌಕೊ ಕರಿನ ದಿದ್ಯಾ.
ACT 27:18 ಬಿರುಗಾಳಿ ವರಿ ಪಾನಿ ಹಮನೊನೆ ಜೊ಼ರಕ್ಹು ಚ್ಹುಟಾಕ್ಹು ಮನಕ್ಹೊ ಹಡಗಮ್ಮಾ ದಕ್ಹಜ಼ನಾ ಸಾಮಾನೊ ಒಗದಿಪಡ್ಯಾ.
ACT 27:19 ತಿನಾ ಮೆರ್ನಾ ದಿನ ಥಯಲ ಪರ ಹಡಗನಾ ಸಾಮಾನೊ ತ್ಯುನಾ ಹತೊಕ್ಹು ನಾಕಿ ಪಡ್ಯಾ.
ACT 27:20 ಘನ್ನಾ ದಿನೊಪರ ಹಮೆ ಸುರ್ಯನೆ ಥಾವಾದೆ ನಕ್ಷತ್ರವೊನೆ ಥಾವಾದೆ ದೆಕ್ಯಾನೈ. ಮ್ಹೊಟೊ ವಾರ‍್ಯೊ ಭಿಕರ ಥಯೊತೊ. ಹಮೆ ಜ಼ಲಮ್ಮಕ್ಹು ವಾಚು ಕೈನ ನಿರಿಕ್ಷೆ ಜುನೈ ಗೈ.
ACT 27:21 ತೆ ಮನಕ್ಹೊ ಗನಾದಿನ ತಕ್ಕ ಕ್ಹಾದ್ಯಾ ನ್ಹೊತ್ತಾ. ತೆಳಾಮಾ ಯಕ್ಕ ದಿನ್ನ ಪೌಲಾ ಉಟಿನ ಹುಬರೈನ ತ್ಯುನೊನೆ ಮನಕ್ಹೊ ಕ್ರೆಟ ದ್ವಿಪಕಂತ್ತಾ ನಕೊ ಜಾವೊ ಕೈನ ಮಿ ತಮನೊನೆ ಕದ್ಯೊ. ತಮೆ ಮಾರಿ ವಾತ್ತ ಐಕಾನು ವ್ಹತ್ತು. ತೆಳಾಮಾ ತಮನೊನೆ ದುಖ ರ‍್ಹವಾದೆ ಲುಕ್ಸಾನ ರ‍್ಹವಾದೆ ನೈ ಆತುತು.
ACT 27:22 ಹಮ್ನಾ ತಬಿ ತುಮೆ ಧೈರ್ಯಕ್ಹು ರ‍್ಹೈ ಕೈನ ತಮನೊನೆ ಕವಾಡೊಸ. ತಮನೊಮ್ಮಾ ಯಕ್ಲೊಬಿ ನೈ ಮರತೊ. ತೆನೈಸೊ ಹಡ್ಗೊ ಹಾಳ ಥೈನ ಜಾ಼ವಸ.
ACT 27:23 ಕಾಕದ್ಯಾಮ ಮಿ ಕಿನೊ ವ್ಹೈ ಕೈನ, ಕಿನೆ ಸ್ತುತಿ ಕರಶಿ ತೆ ಕ್ಹುದಾಕ್ಹು ಆಯೆಲ ಯಕ್ಕ ದುತ ಗಯೆಲ ರಾತ್ತಮ್ಮಾ ಮಾರಾಕ್ಹಾತೆ ಹುಬರೈನ
ACT 27:24 ಪೌಲಾ ಬುಚಕು ನಕೊ ತು ಕೈಸರನಾ ಕ್ಹಾಮೊ ಹುಬರೌ ತೆನೈಸೊ ತಾರಾ ಕ್ಹಾತೆ ತೆ ಹಡಗಮ್ಮಾ ಪ್ರಯಾಣ ಕರಾವಾ ವಾಲಾವೊನೆ ಜ಼ಲಮ್ಮ ಕ್ಹುದಾ ತುಪರ ರ‍್ಹಯಲ ಮರಗಾ ಕ್ಹು ವಚಾಡ್ಯೊಸ ಕೈನ ಮಾರಾ ಕ್ಹಾತೆ ಬೊಲ್ಯೊ.
ACT 27:25 ತಿನಾಹುತಿ, ಮನಕ್ಹೊ ಧೈರ್ಯಕ್ಹು ರವೊ ಮನೆ ಕದಲ ಲಿಂಗತ ಥಾವಸ ಕೈನ ಕ್ಹುದಾನೆ ನಂಬೆಸೊ.
ACT 27:26 ತಿನಾಹುತಿ, ಮಿ ಕೈಜ಼ ಯಕ್ಕ ದ್ವಿಪನಿ ದಂಡಿ ಮುಟು ಕೈನ ಕದ್ಯೊ"
ACT 27:27 ಚ಼ೌದಾ ರಾತ್ತೊ ರಾತೆ ಹಮೆ ಆದ್ರಿಯ ಸಮುಂದರಮಾ ಹೈತಾ ತಿತಾ ಹಲ್ತಾ ಅಗಾ ಬಡ್ಯಾ. ಹಮೆ ಜಿಮಿನ್ನಾ ನಜಿಕ ವ್ಹತ್ತಾ ಕೈನ ಹಡಗಾಮಾ ರ‍್ಹಯಲವಾಲಾ ವಿಚಾರ ಕರ‍್ಯಾ.
ACT 27:28 ತ್ಯುನೆ ಅಳತಿ ಕರಾನು ಗುಂಡ ರಾಕ್ಹನಾ ತುದಿಯೆ ಭಾಂದಿನ ರಾಕ್ಹ ಪಾನಿಮಾ ಘಲಿನ ಪಾನಿ ಕ್ಹೊನ ಇಕ್ಹ ಅಡಿ ಉಂಡು ವ್ಹತ್ತು. ತ್ಯುನೆ ವರಿ ನಕ್ಕರ ದುರ ಗೈನ ರಾಕ್ಹ ಪಾನಿಮಾ ಗಾಲಿನ ತ್ಯಾ ಪಾನಿ ನವ್ವದ ಅಡಿ ಉಂಡು ವ್ಹತ್ತು.
ACT 27:29 ಹಡ್ಗೊ ದಗ್ಡಾನೆ ಲಾಗ್ಸ ಕೈನ ಹಡ್ಗೊ ಚಹಲಾವಾಲಾ ಭುಚ಼ಕ್ಯಾ. ತಿನಾಹುತಿ ತ್ಯುನೆ ಚಾರ ಲಂಗುರು ಪಾನಿಮಾ ಉತಾರ‍್ಯಾ. ತೆ ಥಯಲ್ಪರ ತ್ಯುನೆ ದಿನ್ನ ನಿಕ್ಹಳಾದೆ ಕೈನ ಪ್ರಾಥನಾ ಕರ‍್ಯಾ.
ACT 27:30 ಯಕ್ಕ ಸಲಾ ಹಡ್ಗೊ ಚ಼ಲಾವಾಲಾ ತೆ ದಕ್ಹಾಜ಼಼ನಾ ತೆ ಹಡ್ಗೊ ಛೊಡಿನ ಜೌ಼ ಕೈನ ಕೈಲಿವಾಡ್ಯಾತಾ. ತ್ಯುನೆ ಹಡಗೊ ಪಾನಿಮಾ ಉತಾರಿನ ಹಡಗಾನಾ ಕ್ಹಾಮಲ್ಯಾ ಹಿಸ್ಸಾಮಾ ಹಜು಼ನ ದಕ್ಹಾ ಲಂಗುರೊ ಪಾನಿಮಾ ಉತಾರಾನಾ ಲಿಂಗತ ನಾಟಕ ಕರ‍್ಯಾ.
ACT 27:31 ತೆ ಲಾಮಾ ಪೌಲಾ ಶತಾದಿಪತಿನೆ ವರಿ ಸಿಪಾಯಿಯೊನೆ; ತ್ಯುನೆ ಹಡಗಾಮಾ ಉಗರ‍್ಯಾಮ್ಮಾ ತುಮಾರು ಜ಼ಲಮ್ಮ ನೈ ವಾಚತು ಕೈನ ಕದ್ಯೊ.
ACT 27:32 ತೆಳಾಮಾ ಸಿಪಾಯಿಯೊ ಹಡಗನಾ ರಾಕ್ಹೊ ಕಟ್ಟ ಕರಿನ ತೆ ಪಡಿನ ಜೌವರಕ್ಹು ಕರ‍್ಯಾ.
ACT 27:33 ಪಾಟ ಥಾತಾಟೆಮ್ಮಾ ಪೌಲಾ ಸುಬಿ ಕ್ಹಾವಾನೆ ಲ್ಯು ಕೈನ ಕ್ಹಾರಾವೊನೆ ಮಾಂಗಿಲೆತೊ. ಹಮನಾತೊ ತಮೆ ಚ಼ೌದಾ ದಿನತ್ತಾ ಕೈದಿನ ಕ್ಹಾವಾನೆ ಲಿದೆವಾಚಿ ಬುಖಾಜ಼ ವ್ಹತ್ತಾ.
ACT 27:34 ತಿನಾಹುತಿ, ಕ್ಹಾವಾನೆ ಸುಬಿ ಲ್ಯುಕೈನ ತಮನೊನೆ ಮಾಂಗಿಲ್ಯುಸ. ತೆ ತಮನೊನೆ ಜ಼ಲಮನೆ ಜ಼ರುರತ ಛೆ. ತಮಾರಾಮ್ಮಾ ಕುನಜ ಮಾತ್ತಾಮಾತು ಯಕ್ಕ ಬಾಲಬಿ ನೈ ಉದರತ್ತು ಕೈನ ಕದ್ಯೊ.
ACT 27:35 ಅಮ್ಮ ಕೈನ ಪೌಲಾ ರೊಕ್ಲೊ ಲಿನ ಕ್ಹಾರಾವೊನಾ ಕ್ಹಾಮೊ ಕ್ಹುದಾನೆ ಸ್ತೊತ್ರ ಕರಿನ ತೆ ತೊಡಿನ ಕ್ಹಾವಾನು ಶುರು ಕರ‍್ಯೊ.
ACT 27:36 ತೆಳಾಮಾ ಕ್ಹಾರಾ ಜ಼ನಾ ಧೈರ್ಯ ಕರಲಿನ, ತ್ಯುನೆಬಿ ಅನ್ನ ಕ್ಹಾದ್ಯಾ.
ACT 27:37 ತೆಳಾಮಾ ಹಡಗಮ್ಮಾ ರಹೆಲವಾಲಾ ಹಮೆ ಕ್ಹಾರಾಜ಼ನಾ ಬೆಕ್ಹೊನ ಸತ್ತರಪರ ಕ್ಹಾತ್ತಜ಼ನಾ ವ್ಹತ್ತಾ.
ACT 27:38 ಬಸಥೈಯೆಲಕುನ ಕ್ಹಾದೆಲ ಪರ, ಉಗರೆಲ ಘ್ಹೈ ಸಮುಂದರಮ್ಮಾ ನಾಕಿನ ಹಡ್ಗೊ ಹಲಕು ಕರ‍್ಯಾ.
ACT 27:39 ಪಾಟ ಥಯಲ ಪರ ತೆ ದೆಶನು ವಳಕ ನೈಸೊ ಉಸುಬಿನಾ ದಡ ಕವಾನು ಯಕ್ಕ ಕೊಲ್ಲಿ ದೆಕಿನ ತೆ ದಡಮ್ಮಾ ಹಡ್ಗೊ ಜಾಸ ಕೈನ ಯೊಚನೆ ಕರ‍್ಯಾ.
ACT 27:40 ತ್ಯುನೆ ಲಂಗುರೊ ಕಾಡಿನ ಸಮುಂದರಮ್ಮಾ ಛೊಡಿನ ಚುಕ್ಕಾಣಿನಾ ಕಟ್ಟೊ ಚ್ಹಡಿನ, ಮ್ಹೊಟಾ ಹಾಯಿಯೊ ವಾರಾನೆ ಉಟಿನ ಭಾಂದಿನ ಡೊಣಿನೆ ತೆ ದಡನೆ ಚಾ಼ಲ್ಯಾತಾ.
ACT 27:41 ತಿನಿಹುನಾ ಹಡ್ಗೊ ವಚಮ್ಮಾತ್ಯುನೊನೆ ಮಾತಿನಿ ವಾಟ ಮಳಾತ್ತಾಮ್ಮಾ ತೆಳಾಮಾ ಹಡ್ಗೊ ಚಡ್ಯಾ. ಕ್ಹಾಮಲ್ಯು ಭಾಗ ದಿಣ್ಣೆನೆ ಲಾಗಿನ ಹಲೆವಾಚಿ ಹುಬರೈತು. ಪಾಚಲು ಭಾಗ ಹುಚ್ಚು ಅಲೆಕ್ಹು ಮಾರಕ್ಹು ಟುಟಿನ ಚುರ ಥೈಗೈಯು.
ACT 27:42 ಜೆಲಮ್ಮಾನಾ ದಕ್ಹಜ಼ನಾ ಚುಕೈಲಿದ್ಯಾಸ ಕೈನ ಸಿಪಾಯಿಯೊ ತ್ಯುನೊನೆ ಮಾರು ಕೈನ ಯೊಚನೆ ಕರಾಡಾತ್ತಾ.
ACT 27:43 ತೆಳಾಮಾ ಶತಾದಿಪತಿ ಪೌಲಾನೆ ವಚಾಡು ಕೈನ ವಿಚಾರ ಕರಿನ ತ್ಯುನೆ ಯೊಚನೆನೆ ನೊ ಕೈನ, ಇಜತ್ತಾ ನೈ ಕೈನ ಹಡಗಮ್ಮಾತ್ತಾ ಡುಕಲಿನ ಪೈಲಾ ದಂಡಿನೆ ಜೌ ಕೈನ
ACT 27:44 ಅಪೆ ಕ್ಹಾರಾ ಉಗರೆಲಮ್ಮಾ ದಕ್ಹಜ಼ನಾ ಹಲಿಗ್ಯೊನಾ ಉಪ್ಪರ, ದಕ್ಹಜ಼ನಾ ಡೊನಿನಾ ತುಕಡಾಪರ ಜೌ ಕೈನ ಅಪ್ಪಣೆ ದಿದ್ಯೊ. ತೆ ರಿತಿಕ್ಹು ಕ್ಹರಾಜ಼ನಾ ಚೊ಼ಕಿ ತರಾ ದಂಡಿ ಪೊಂಚಾ.
ACT 28:1 ಹಮ್ಮೆ ಸುರಕ್ಷಿತಕ್ಹು ದಂಡಿ ಮುಟ್ಟೆಲಪರ, ತೆ ಉಪರತೊ ದಿವೊ ಉತರಿನ ಆಯೊ.
ACT 28:2 ಬಿಜಾ಼ವಾತೊನಾ ತೆ ದ್ವಿಪವಾಲಾ ಹಮೊನೆ ವಿಶೆಷ ಸನಾಹುಬುತಿ ದೆಕಾಡ್ಯಾ. ತೆಳಾಮಾಜ಼ ಪಾನಿ ಐನ ಥಂಡ ಲಾಗಾಕ್ಹು, ತ್ಯುನೆ ಆಗ ಲಗಾಡಿನ ಹಮೊನೆ ಕ್ಹಾರಾ ಜ಼ನಾವೊನೆ ಮಳೆಲಿದ್ಯಾ.
ACT 28:3 ಪೌಲಾ ಯಕ್ಕ ಗುಂಪ ಲಾಕ್ಡಾ ಮಳೈನ,ಲೈನ ತೆ ಆಗಮ್ಮಾ ಘಾಲಕ್ಹು, ತೆ ಕೌವಕ್ಹು ಯಕ್ಕ ಕ್ಹಾಪ ಭಾರು ಐನ, ತಿನಾ ಹತೆ ಘಟ್ಟ ಧರಲಿದ್ಯುತು.
ACT 28:4 ತೆ ತಿನಾ ಹತತೊ ಜೊತಾಡುನು ದ್ವಿಪವಾಲಾ ದೆಕಿನ ; ತೆ ಮನಕ್ಹೊನೆ ಖಲಾಸ ಕರಾವಾಲೊ ವ್ಹೈ ಕದ್ಯಾ. ಸಮುಂದರ ಕಂತಾ ತಪಸಿನ ಆಯಾ ಫೈಸ್ಲಾನಿ ದೆತಾ ತ್ಯುನೊನೆ ವಾಚಾನೆ ನೈದೆತಿ ಕೈನ ತ್ಯುನಾ ತ್ಯುನಾಮ್ಮಾ ಬೊಲಿದ್ಯಾ.
ACT 28:5 ತೆನೈಸೊ ಪೌಲಾ ಕ್ಹಾಪನೆ ಆಗಮ್ಮಾ ನಾಕಿ ಪಾಡ್ಯೊ; ತಿನೆ ಸುಜ಼ ಅಪಾಯ ಥನೈ.
ACT 28:6 ತ್ಯುನೆ ; ತಿನು ಅಂಗ ಹಮ್ಮನಾ ಫುಗಸ, ತೆನೈಸೊ ತೆ ಗಪಕ್ನೆ ಮರಿ ಪಡಸ ಕೈನ ತ್ಯುನೆ ಕಾಯಿದಾಡಾತ್ತಾ ಕೆಕಲಿಕೆ ತ್ಯುನೆ ಕಾಯಿದಾಡಾತ್ತಾ. ತಿನೆ ಸುಜ಼ ಹಾನಿ ಥಯು ನೈ. ತೆ ದೆಕಿನ ತ್ಯುನೆ ತ್ಯುನೆ ವಿಚಾರ ಬದಲಿನ ತೆ ಯಕ್ಲೊ ಕ್ಹುದಾ ಕೈನ ಕಲಿದ್ಯಾ.
ACT 28:7 ತೆ ದ್ವಿಪನೊ ಖಾಸ ಥಯಲ ಪೊಪ್ಲಿನಾ ಕ್ಹೆತರೊ ಮಿ ರಹೆಲ ಜ಼ಗಾಮಾ ನಜಿಕಮ್ಮಾ ವ್ಹತ್ತಾ. ತೆ ಹಮನೊನೆ ಸ್ವಾಗತ ಕರಿನ ತನ್ನ ದಿನ ತಕ್ಕಾ ಘನ್ನಾ ಇಜತ್ತಕ್ಹು ವರಿ ಮರ್ಯಾದಿ ದಿದ್ಯಾ.
ACT 28:8 ತ್ಯುನೊ ಬಾಪ ತೌಕ್ಹು ವರಿ ರಕ್ತಬೆದಿಕ್ಹು ವಚಾನು ಧರ‍್ಯೊತೊ. ಪೌಲಾ ತಿಕನ ಗೈನ ಪ್ರಾರ್ಥಾನಾ ಕರಿನ ತಿನಾ ಹತೊ ಮ್ಹೆಲಿನ ತಿನೆ ಅರಾಮ ಕರ‍್ಯೊ.
ACT 28:9 ತೆ ಥಹೆಲ ಪರ ತೆ ದ್ವಿಪಮ್ಮಾ ಉಗರೆಲ ರೊಗಿಯೊ ಪೌಲಾ ಕನ ಐನ ಆರಾಮ್ಮ ಥಯಾ.
ACT 28:10 ತ್ಯುನೆ ಹಮನೊನೆ ಘನ್ನಾ ಮರ್ಯಾದಿ ದಿನ್ನ ಹಮೆ ತ್ಯಾತಾ ಹಮ್ಮಾರು ಪ್ರಯಾಣ ಅಗಾ ಬಡಾಯೆಲ ಪರ ಹಮನೊನೆ ಚಾಯೆಲ ಥಯಲ ಕ್ಹಾವಾನು ಲೈನ ಹಡಗಮ್ಮಾಮ್ಹೆಲಾ.
ACT 28:11 ಎ ಥಯಲ ಪರ ಅಲೆಕ್ಸಾಂಡ್ರಿಮ್ಮಾತ್ತಾ ಐನ ತೆ ದ್ವಿಪಮ್ಮಾ ಥಂಡನೊ ದಿನ್ನ ದಾಟಿನ ತ್ಯಾ ರಹೆಲ ಯಕ್ಕ ಹಡ್ಗೊ ಚ಼ಡಿನ ಚಾ಼ಲ್ಯಾ. ತೆ ಹಡಗನೆ ಅಶ್ವಿನಿ ದೆವಸ್ಥಾನ ಕವಾನು ಯಕ್ಕ ವಳಕ ವ್ಹತ್ತು.
ACT 28:12 ಹಮ್ಮೆ ಸುರಕುಸಿನೆ ಗೈನ ತ್ಯಾ ತನ್ನ ದಿನ್ನ ವ್ಹತ್ತಾ.
ACT 28:13 ತ್ಯಾತಾ ಅಗಾ ಗೈನ ರೆಗಿನ ಗಾಮ್ಮೆ ಗಯಾ. ಯಕ್ಕ ದಿನ ಥಯಲ ಪರ ತೆಂಕಣ ವಾರೊ ಆಯೆಲಕ್ಹು ಬೆವಾ ದಿನ್ನೆ ಪೊತಿಯೊಲನೆ ಗಾಮೆ ಗಯಾ.
ACT 28:14 ತ್ಯಾ ವಿಸ್ವಾಸಿಯೊ ಮನಕ್ಹೊನೆ ದೆಕ್ಯಾ. ತ್ಯುನೆ ಹಮನೊನೆ ತ್ಯುನೊ ಕೈನ ಬಲೆಲಿನ ಕ್ಹಾತ ದಿನ ರ‍್ಹೈವು ಕೈನ. ಮಾಂಗಿಲಿದ್ಯಾ ತೆಳಾಮಾ ರೊಮಾಪುರನೆ ಆಯಾ.
ACT 28:15 ತ್ಯಾ ರಹೆಲ ಭಾಯೊ ಹಮ್ಮಾರು ಸಮಾಚಾರ ಐಕಿನ ಹಮ್ಮನೊನೆ ಮಳಾನೆ ದಕ್ಹಜ಼ನಾ ಅಪ್ಪಿಯಪೆಟೆಲಕುನ ವರಿ ದಕ್ಹಾಜ಼಼ನಾ ತ್ರಿ ಛತ್ರಕವಾನು ಜ಼ಗಾಮಟಾ ಆಯಾ. ಪೌಲಾ ತ್ಯುನೊನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕರಿನ ಧೈರ‍್ಯಕ್ಹು ರ‍್ಹಯೊ.
ACT 28:16 ಹಮ್ಮೆ ರೊಮಾಪುರನೆ ಆಯಲ್ಪರ, ಪೌಲಾ ತಿನೆ ಕೈದಾಲಾ ಸಿಪಾಯಿನಾ ಕ್ಹಾತೆ ಜ಼ುದೊ ಥೈನ ರ‍್ಹೌ ಕೈನ ಅಪ್ಪಣೆ ಹೊಂದಿಲಿದ್ಯೊ.
ACT 28:17 ತನ ದಿನ್ನ ಥಯಲ್ಪರ ಯೆಹುದಿಯೊನೊ ಖಾಸ ಮನಕ್ಹೊನೆ ತಿಕನ ಬಲೈಲಿದ್ಯೊ. ತ್ಯುನೆ ಆತಾಮಾ ತೆ ತ್ಯುನೊನೆ; ಭಾಯೊ, ಮಿ ಮಾರಾ ಮನಕ್ಹೊನೆ, ಮಾರಾ ಪಿತೃವೊನೆ ಪದ್ದತಿಯೊನಾ ವಿರುದ್ದ ಥೈನ ಸುಜ಼ ಕರಾವಾಲೊ ನೈಸೊಜ಼ ಯೆರುಸಲೆಮತೊ ರೊಮವಾಲಾವೊನಾ ಹತೊಮಾ ಜೆಲಮ್ಮಾ ರ‍್ಹವಾಲೊ ಥೈನ ಒಪ್ಪಸಿ ದಿದ್ಯಾ.
ACT 28:18 ತ್ಯುನೆ ಮನೆ ವಿಚಾರಣೆ ಕರಿನ, ಮಾರಾವಾನಿ ದಂಡನೆನೆ ಕಾರಣ ಸು ನೈಸೊ ಮನೆ ಚ್ಹೊಡೌ ಕೈನ ವ್ಹತ್ತಾ.
ACT 28:19 ತಿನಾಹುತಿ ಯೆಹುದಿಯೊ ವಿರುದ್ದ ಕರಲಕ್ಹು, ಮಿ ಕೈಸರನಾ ಕ್ಹಾಮೊ ಕಲಿದ್ಯುಸ ಕೌವ ಕೈನ ಐಯು. ಮಾರಾ ಸ್ವಂತ ದೆಶವಾಲಾವೊನಾ ಉಪ್ಪರ ದೊಷಾರೊಪಣೆ ಘಾಲುನಾ ಮನಸ ಕ್ಹು ತೆ ಕದ್ಯೊ ನೈ.
ACT 28:20 ಎ ಕಾರಣನಾ ಹುತಿ ಮಿ ತುಮನೊನೆ ದೆಕಿನ ಬೊಲು ಕೈನ ಬಲೆಲಿದ್ಯೊ. ಇಸ್ರಾಯೆಲ ಮನಕ್ಹೊನಾ ಕೈದಾನಾ ಹುತಿ ಎ ಬೆಡಿಯೊಕ್ಹು ಭಂದಿ ಥಯೊಸ ಕೈನ ಕದ್ಯೊ.
ACT 28:21 ತಿನಾಹುತಿ ತ್ಯುನೆ ತಿನೆ; ತಾರಾ ವಿಷಯಮಾ ಹಮೊನೆ ಯುದಾಯತಿ ವರದಿ ಐ ನೈ, ಭಾಯೊಮಾ ಯಕ್ಲೊ ಐನ ತಾರಾ ವಿಷಯಮಾ ಕೆಟ್ಟ ರ‍್ಹಯಲ ಸುಬಿ ಕದೊನೈ. ಸುಜ಼ ಬೊಲ್ಯಾ ಬಿ ನೈ.
ACT 28:22 ತೆನೈಸೊ, ತಾರಾ ವಿಚಾರಮಾ ತಾರಾಕ್ಹುಜ಼ ಐಕು ಕೈನ ಹಮೊನೆ ಚೊ಼ಕು ವ್ಹೈ ಕೈನ ದಿಕ್ಹಸ. ತೆ ಗುಂಪನಾ ವಿಷಯಮಾ ಮನಕ್ಹೊ ಕಜ಼ಾ ಕಜಾ಼ ಕಿಜ಼ ವಿರುದ್ದ ಥೈನ ಬೊಲಸ ಕರಿನ ಕೈನ ಯಕಜ಼ ಹಮೊನೆ ಗ್ವತ್ತ ಛೆ ಕದ್ಯಾ”.
ACT 28:23 ತ್ಯುನೆ ತಿನೆ ಯಕ್ಕದಿನ್ನ ಪೌಲಾ ಗ್ವತ್ತ ಕರಾಯಲಕ್ಹು, ಘನ್ನಾ ಜ಼ನಾ ತಿನಾ ಝುಪ್ಡಾಮಾ ತಿಕನ ಆಯಾ. ತೆ ಪಾಟತೊ ಧರಿನ ಕ್ಹಾಂಜ ಮಟಾ ಕ್ಹುದಾನಾ ರಾಜ್ಯನಾ ಹುತಿ ಕ್ಹರಿಮ್ಮಾಜ಼ ಸಾಕ್ಷಿ ಕೈನ ಮೊಶೆನಾ ಧರಮಶಾಸ್ತ್ರನೆ ಪ್ರವಾದಿಯೊನಾ ಗ್ರಂಥತೊನೆ ಆದಾರ ಕರಲಿನ ಯೆಸುನಾ ವಿಷಯಮಾ ತ್ಯುನೊನೆ ಕತೊ ವ್ಹತ್ತೊ.
ACT 28:24 ತೆ ಕದಲ ವಾತೊ ದಕ್ಹಾಜ಼಼ನಾ ಐಕ್ಯಾ; ದಕ್ಹಾಜ಼಼ನಾ ನಂಬ್ಯಾವಾಚಿ ಗಯಾ.
ACT 28:25 ತ್ಯುನೆ ವಾದ ಕರಿನ ತ್ಯಾಂತಾ ಜ಼ಾವಾನೆ ತಯಾರ ಥಯಲ ಟೈಮಮಾ ಪೈಲಾ ತ್ಯುನೊನೆ ಅಮ್ಮ ಕದ್ಯೊ; ಪವಿತ್ರಾತ್ಮಾ ಪ್ರವಾದಿ ಥಯಲ ಯೆಶಾಯನಾ ಮ್ಹೊಡಾಕ್ಹು
ACT 28:26 ತಮ್ಮಾರಾ ಪಿತೃವೊನೆ ತಿಳಸೈನ ಕದಲ ಸವೈ ಕದ್ಯಾಮ; ‘ತು ತೆ ಮನಕ್ಹೊಕನ ಗೈನ ತ್ಯುನೊನೆ ಕದ್ಯೊ ತಮೆ ಕಾನೊ ಐಕ್ಯಾತಬಿ ತಿಳದಿಲೆತ್ತಾ ನೈ. ಡೊಳಾ ರ‍್ಹೈನ ದೆಕೆವಾಚಿ ರ‍್ಹವೊಸಿ ಕದ್ಯೊ.
ACT 28:27 ಕಾಕದ್ಯಾಮ ತೆ ಮನಕ್ಹೊನು ಮನಸಮ್ಮಾ ಘಟ್ಟ ಥಯಾಸ; ತ್ಯುನಾ ಕಾನೊ ಕ್ಯುಡಾ ಥಯಾಸ; ತ್ಯುನೆ ಡೊಳಾ ಝಾಕಿ ಲಿದ್ಯಾಸ ;ತ್ಯುನೆ ಡೊಳಾಕ್ಹು ದೆಕಿ, ಕಾನೊಕ್ಹು ಐಕಿನ ಮನಸ್ಸ ತಿಳಿದಿಲಎತ್ತು ಮಕನ ಫರ‍್ಯಾಮ್ಮಾ ಮಾರಾಕ್ಹು ಅರಾಮ ಕಿಮ್ಮ ಹೊಂದಿಲ್ಯು ಕೈನ ಕ್ಹುದಾ ಕ್ಹದ್ಯೊ.
ACT 28:28 ತಿನಾಹುತಿ ಪೌಲಾ ಥಯಲ ತೆ ಕ್ಹುದಾಕ್ಹು ರಕ್ಷಣೆ ಬಿಜಾ಼ ಮನಕ್ಹೊ ಕೈನ ವಳಾಯೊ ಕೈನ ತಮನೊನೆ ಚೊ಼ಕಿ ತಂಗ ಗೊತ್ತ ರ‍್ಹವಾದೆ; ತ್ಯುನೆ ತಬಿ ಐಕಸ ಕೈನ ಕದ್ಯೊ.
ACT 28:29 ತೆ ವಾತೊ ಕದಲ ಪರ ತ್ಯುನೆ ಗೈಪಡ್ಯಾ.
ACT 28:30 ತೆ ಥಯಲ ಪರ ಪೌಲಾ ಬಾಡಿಗೆ ಲಿದೆಲ ಘರಾಮ್ಮಾ ಬೆ ವರಕ್ಹ ತ್ಯಾ ರ‍್ಹೈನ ತಿಕ ಆವಾವಾ ಲಾವೊನೆ ಮರ್ಯಾದಿನ ಬಲಾವುನು ಕರ‍್ಯೊ.
ACT 28:31 ಕೈಜ಼ ಅಡ್ಡಿ ನೈಸೊ, ಘನೊ ಧೈರ್ಯಕ್ಹು ಕ್ಹುದಾನಿ ರಾಜ್ಯನಾ ಹುತಿ ಬೊದನೆ ಕರತೊ, ಕರ್ತಾ ಥಯಲ ಯೆಸುಕ್ರಿಸ್ತನಾ ವಿಷಯಮ್ಮಾ ಉಪದೆಶ ಕರತೊ ವ್ಹತ್ತೊ.
ROM 1:1 ಯೆಸು ಕ್ರಿಸ್ತನೊ ಸೆವಕ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಅಪೊಸ್ತಲ ಥಾವಾನಾ ಹುತಿ ಮನೆ ಬಲಾಯೊ. ಕ್ಹುದಾನಿ ಸುವಾರ್ತೆ ಕ್ಹಾರಾ ಮನಕ್ಹೊಕನ ಕವಾನಾ ಹುತಿ ಮನೆ ಇನಿಲಿದ್ಯೊ.
ROM 1:2 ಕ್ಹುದಾ ತಿನಾ ಮನಕ್ಹೊಕನ ಎ ಸುವಾರ್ತೆ ದಿವಾನಾ ಹುತಿ ಘನ್ನಾ ದಿನ್ನ ಪಾಚೊ಼ಜ಼ ವಾತ ದಿದಲ ತಿಮ್ಮ ತಿನಾ ಪ್ರವಾದಿಯೊನಾ ಮುಲಕ ಪವಿತ್ರ ಗ್ರಂಥಮಾ ಬರ್ದಲ ಛೆ.
ROM 1:3 ಕ್ಹುದಾನೊ ದಿಕ್ರೊ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಹುತಿಜ಼ ತೆ ಸುವಾರ್ತೆ ವ್ಹೈ. ಮನಕ್ಹ ಥೈನ ತೆ ದಾವಿದನಾ ಖಾಂದಾನಮಾ ಹುಟ್ಯೊ.
ROM 1:4 ತೆನೈಸೊ ಯೆಸು ಪವಿತ್ರ ಆತ್ಮಾನಾ ಮುಲಕ ಮ್ಹೊಟಿ ತಾಕತನಾ ಕ್ಹಾತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕೈನ ದೆಕಾಡಿನ ದಿದ್ಯೊ.
ROM 1:5 ಕ್ಹುದಾ ತಿನಾ ಮುಲಕ ಮನೆ ಕ್ರಿಸ್ತನಾ ಹುತಿ ಅಪೊಸ್ತಲ ಥಾವಾನೆ ನಸಿಬ ದಿದ್ಯೊ. ಕ್ಹಾರಾ ದೆಶನಾ ಮನಕ್ಹೊನೆ ತಿನಾ ಬರೊಕ್ಹಾಮಾ ಲೌ ಕೈನ ಕ್ಹುದಾ ಮನೆ ಎ ಭಾಗ್ಯ ದಿದ್ಯೊ.
ROM 1:6 ರೊಮಮಾ ರ‍್ಹಯಲವಾಲಾ ತುಮೊನೆ ಬಿ ಕ್ರಿಸ್ತನಾ ಥಾವಾನಾ ಹುತಿ ಕ್ಹುದಾ ಬಲಾಯಲವಾಲಾ ವ್ಹೈ.
ROM 1:7 ರೊಮಮಾ ರ‍್ಹಯಲವಾಲಾ ಕ್ಹುದಾನಾ ಸ್ವಂತ ಮನಕ್ಹೊ ಥಾವಾನಾ ಹುತಿ ಕ್ಹುದಾಜ಼ ಬಲಾಯಲವಾಲಾ ಥಯಲ ತುಮೊನೆ ಕ್ಹಾರಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ. ತುಮೆ ಕ್ಹುದಾನೆ ಮಯಾನಾ ಮನಕ್ಹೊ ಥಯಾಸ. ಅಪ್ನೊ ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.
ROM 1:8 ಪೈಲಾ, ಮಿ ತುಮಾರಾ ಹುತಿ ಯೆಸು ಕ್ರಿಸ್ತನಾ ಮುಲಕ ಮಾರಾ ಕ್ಹುದಾನೆ ಧನ್ಯವಾದ ಕೌಸ. ಕಾಕದ್ಯಾಮ ತುಮಾರೊ ಬರೊಕ್ಹೊ ಕ್ಹಾರಿ ಜಗತ್ಮಾ ಫೈಲಿ ಗಯೊಸ.
ROM 1:9 ಕ್ಹುದಾ ತಿನಿ ಸೆವೆ ತಿನಾ ದಿಕ್ರಾನಾ ಹುತಿ ಸುವಾರತೆನು ಉಪದೆಶ ಕರತೊ ಮಿ ಮಾರಾ ಮನಸೆ ತಿನಿ ಸೆವಾ ಕರಾಡ್ಯೊಸ. ಇನೆ ಕ್ಹುದಾಜ಼ ಸಾಕ್ಷಿ ವ್ಹೈ. ಕಾಕದ್ಯಾಮ ಮಿ ಪ್ರಾಥನಾ ಕರತಾಮಾ ತುಮೊನೆ ಹಮೆಶಾಬಿ ಶೆ ಕರುಸ.
ROM 1:10 ಮಾರಿ ಪ್ರಾಥನಾಮಾ ಹಮೆಶಾಬಿ ಸು ಮಾಂಗಿಲ್ಯುಸ ಕದ್ಯಾಮ ಕ್ಹುದಾನಿ ಮರ್ಜಿ ಲಿಂಗತ ತುಮೊಕನ ಕಿಮ್ಮೆಬಿ ಆವಾನೆ ಥಾವಾದೆ.
ROM 1:11 ಮಿ ತುಮೊನೆ ದೆಕಾನೆ, ತುಮೊನೆ ಆತ್ಮಿಕನಾ ಆಶಿರ್ವಾದೊ ವಾಟಿ ಲಿವಾನೆ ವರಿ ತುಮೊನೆ ಘಟ್ಟ ಕರಾನೆ ಮಾರು ಘನ್ನು ಮನಸ ಛೆ.
ROM 1:12 ಕದ್ಯಾಮ ಅಪೊಮಾ ರ‍್ಹಯಲ ಬರೊಕ್ಹೊ ಕ್ಹು ಅಪೆ ಯಕ್ನಾ ಯಕ್ಕ ಮದದ ಕರು ಕೈನ ಮಾರಿ ಆಸ ವ್ಹೈ.
ROM 1:13 ಭಾಯೊ ಭೆನೊ, ಮಿ ತುಮೊಕನ ಆವಾನೆ ಘನ್ನಿ ಸಲಾ ಕೊಶಿಶ ಕರ‍್ಯೊಸ ಕವಾನು ತುಮೊನೆ ಗ್ವತ್ತ ರ‍್ಹವಾದೆ. ತೆನೈಸೊ ಮನೆ ತುಮೊಕನ ಆವಾನೆ ದಕ್ಹಿಯೊ ವಾತೊ ತಡ್ದಿಯೊ. ಮಿ ವಿಚಾರ ಕರುಸ ಕಿಮ ಯಹುದ್ಯೊ ನೈರ‍್ಹಯಲ ಮನಕ್ಹೊಕನ ಫಲ ಮಳ್ಯುಸ ತಿನಾ ಲಿಂಗತ ತುಮೊಕ್ಹೊ ಮನೆ ಫಲ ಮಳು ಕೈನ ಮಾರಿ ಆಸ ವ್ಹೈ.
ROM 1:14 ಮಿ ಕ್ಹಾರಾ ಮನಕ್ಹೊನೆ ಕದ್ಯಾಮ ಗ್ರಿಕವಾಲಾ ವರಿ ಗ್ರಿಕ ನೈಸೊವಾಲಾ ಮನಕ್ಹೊನೆ, ವರಿ ಗ್ಯಾನಿಯೊನೆ ವರಿ ಗ್ಯಾನ ನೈಸೊವಾಲಾವೊನೆ ಸುವಾರ್ತೆ ಕವಾನು ಭಾರ ಛೆ.
ROM 1:15 ತಿನಾಹುತಿ ರೊಮಮಾ ರ‍್ಹಯಲ ತುಮೊನೆ ಸುವಾರ್ತೆ ಕವಾನೆ ಮನೆ ಘನ್ನಿ ಆಸ ಛೆ.
ROM 1:16 ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.
ROM 1:17 ಕಾಕದ್ಯಾಮ ಸುವಾರ್ತೆ ಎ ದೆಕಾಡಿನ ದಿವಸ ಕ್ಹುದಾ ಮನಕ್ಹನೆ ತಿನಾ ಕ್ಹಾತೆ ನಿತಿವಂತ ಥೈನ ಇಮ್ಮ ಕರಸ ಎ ಪೈಲಾತು ಲಾಸ್ಟ ಲಕ್ಕಾ ಬರೊಕ್ಹಾಕ್ಹು ಥಾವಸ. ಇನಾ ಲಿಂಗತ ಪವಿತ್ರ ಗ್ರಂಥ ಕವಸ; "ಕಯೊ ಮನಕ್ಹ ಕ್ಹುದಾನಾ ಕ್ಹಾಮೊ ತಿನಾಕ್ಹು ತಿನೆಜ ನಿತಿವಂತ ಕರಿಲಿವಸ ತೆ ಬರೊಕ್ಹಾಕ್ಹು ಜಿವ್ನಾ ಕರಸ"
ROM 1:18 ಕ್ಹುದಾನಿ ಶಿಟ್ಟ ಸ್ವರಗತಿ ದಿಕ್ಹಿನ ಆವಸ. ಮನಕ್ಹೊ ಕ್ಹುದಾನಾ ವಿರುದ್ದ ಕರಾನಾ ಕೆಟ್ಟ ಕಾಮೊ ವರಿ ದುಶಕೃತ್ಯನಾ ಹುತಿ ಕ್ಹುದಾ ಶಿಟ್ಟ ಥಯೊಸ. ತ್ಯುನೊನೆ ಕ್ಹರಿ ಸುವೈ ಕವಾನು ಗ್ವತ್ತ ಥಯುಸ, ತೆನೈಸೊ ತ್ಯುನಾ ಕೆಟ್ಟ ಕಾಮೊಜ಼ ಕ್ಹರಿ ಕವಾನು ಝಾಕಿ ಪಾಡಸ.
ROM 1:19 ಕ್ಹುದಾ ತ್ಯುನೊನೆ ಶಿಕ್ಷಾ ದಿವಸ. ಕಾಕದ್ಯಾಮ ಕ್ಹುದಾನಾ ಹುತಿ ತಿಳದಿಲಿವಾನು ಹರಿಯಕ್ಕ ತ್ಯುನೊನೆ ಆಸಾನ ಛೆ. ಕ್ಹುದಾಜ಼ ತೆ ಆಸಾನ ಕರ‍್ಯೊಸ.
ROM 1:20 ಮನಕ್ಹೊನಿಯೊ ಕ್ಹುದಾನಿ ಹಮೆಶಾನಿ ತಾಕತನೆ ತಿನಿ ಮಹಿಮಾ ರ‍್ಹೈನೆಕಾ ದೆಕತಾ ನೈ. ತೆನೈಸೊ ಜಗತ್ನಿ ಶುರುತಾಬಿ ತೆ ಸಂಗತಿಯೊ ಮನಕ್ಹೊನೆ ಆಸಾನ ತರಿಕಾ ಕ್ಹು ಗ್ವತ್ತ ಥಾವಸ. ಕ್ಹುದಾ ಕರಲ ಸೃಷ್ಟಿಮಾ ತೆ ಸಂಗತಿಯೊ ದಿಕ್ಹಿನ ಆವಸ. ತಿನಾಹುತಿ ಮನಕ್ಹೊ ಕರಾನಾ ಕೆಟ್ಟ ಕಾಮೊನೆ ನೆವಾ ಕವಾನೆ ಸಾದ್ಯ ನತ್ತಿ.
ROM 1:21 ಕಾಕದ್ಯಾಮ ತ್ಯುನೆ ಕ್ಹುದಾನೆ ತಿಳದಿಲಿದ್ಯಾತಬಿ ಕ್ಹುದಾನೆ ಮೆಚ್ಚಶ್ಯಾ ನೈ, ತಿನೆ ಕೃತಜ್ಞತಾ ಸ್ತುತಿ ಕರ‍್ಯಾ ನೈ. ಮನಕ್ಹೊನಿಯೊ ವಿಚಾರೊ ಸುಜ಼ ಫೈದೊ ಥಯ್ಯೊ ನೈ. ಸು ನೈ ಕಳಲ ತ್ಯುನಾ ಮನಸೊ ಅಂದಾರಾ ಕ್ಹು ಭರಿ ಗಯಾ.
ROM 1:22 ತ್ಯುನಾಕ್ಹು ತ್ಯುನೊನೆ ಗ್ಯಾನಿಯೊ ವ್ಹೈ ಕೈನ ಕೈಲಿನ ಪಿಸಾಳಾ ಥಯಾಸ.
ROM 1:23 ಹಮೆಶಾಬಿ ರ‍್ಹವಾನಿ ಕ್ಹುದಾನಿ ಆರಾಧನಾ ಕಾರಾನು ತ್ಯುನೆ ಛೊಡಿನ ದಿನ್ನ ಹಾಳ ಥಾವಾನಾ ಮನಕ್ಹೊನಾ ಲಿಂಗತ ರ‍್ಹಯಲ, ಪಕ್ಷಿಯೊ ಲಿಂಗತ ರ‍್ಹಯಲ, ಜಾನವರೊ ಲಿಂಗತ ವರಿ ಕ್ಹಾಪೊ ಲಿಂಗತ ರ‍್ಹಯಲ ಮೊರತಿಯೊ ಕರಲಿನ ತ್ಯುನೊನೆ ಆರಾಧನಾ ಕರಸ.
ROM 1:24 ಕ್ಹುದಾ ತ್ಯುನಾ ಮನಸೆ ಕರಾನಾ ಕೆಟ್ಟ ಕಾಮೊನೆ ತ್ಯುನೊನೆಜ಼ ವಪ್ಸಿನ ದಿದ್ಯೊ. ವರಿ ತ್ಯುನೊ ತ್ಯುನೊಮಾಜ಼ ಸರಮಾವಾನಾ ಕಾಮೊ ಕರಸ.
ROM 1:25 ತ್ಯುನೆ ಕ್ಹುದಾನಿ ಕ್ಹರಿನೆ ಸುಳ್ಳಮಾ ಬದಲಿ ಕರ‍್ಯಾ. ತ್ಯುನೆ ತಯ್ಯಾರ ಕರಲ ಸಾಮನ್ನೆ ಪುಜಾ ಕರ‍್ಯಾ.. ತೆನೈಸೊ ಎ ಕ್ಹಾರು ತಯ್ಯಾರ ಕರಲ ಕ್ಹುದಾನೆ ತ್ಯುನೆ ಆರಾಧನಾ ಕರಾನು ಛೊಡಿ ಪಾಡ್ಯಾ; ತೆ ಕ್ಹುದಾನೆ ಹಮೆಶಾಬಿ ಸ್ತುತಿ ಥಾವಾದೆ. ಆಮೆನ.
ROM 1:26 ತ್ಯುನೆ ಇಮ್ಮ ಕರಲ ಹುತಿಜ಼, ಕ್ಹುದಾ ತ್ಯುನೊನೆ ಸರಮಾವಾನಾ ಕಾಮ್ಮಾಜ಼ ಛೊಡಿನ ದಿದ್ಯೊ. ತ್ಯುನೆ ಬಾಕ್ಡಿಯೊ ದಾಣಗಾವೊನಾ ಕ್ಹಾತೆ ಮಳಿನ ಕರಾನಾ ಲೈಂಗಿಕ ಕಾಮೊನೆ ಹುಬ್ರಾಡಿನ, ತ್ಯುನೊ ತ್ಯುನೊಮಾಜ಼ ಸಂಭಂಧ ಮ್ಹೆಲ್ಲಿದಿಯೊ.
ROM 1:27 ತಿನಾ ಲಿಂಗತಜ಼, ದಾಣ್ಗಾ ಬಾಕ್ಡಿಯೊನಾ ಕ್ಹಾತೆ ಕರಾನು ಮಾಮುಲಿ ಲೈಂಗಿಕ ಕಾಮೊಮಾ ಹುಬ್ರಾಡಿನ ಉದ್ರೆಕ ಥೈನ ತ್ಯುನೊ ತ್ಯುನೊಮಾಜ಼ ಸಂಭಂಧ ಮ್ಹೆಲ್ಲಿದ್ಯಾ. ದಾಣ್ಗಾ ತ್ಯುನೊ ತ್ಯೊನೊಮಾಜ಼ ಸರಮಾವಾನಾ ಕಾಮೊ ಕರ‍್ಯಾ. ತ್ಯುನಿ ಕೆಟ್ಟ ನಡೆತೆಕ್ಹು ತಿನಾ ತಕ್ಕ ದಂಡ ತ್ಯುನಾ ಅಂಗನೆ ಆವಾ ವರಕ್ಹು ಕರಲಿದ್ಯಾ.
ROM 1:28 ಕ್ಹುದಾನು ಕ್ಹರಿನು ಗ್ಯಾನ ಹೊಂದಿಲಿವಾನೆ ವಪ್ಪಿಲಿದ್ಯಾ ನೈ ತ್ಯುನೊನೆ ಕ್ಹುದಾ ತ್ಯುನೊನೆ ತ್ಯುನಾ ಅಯೊಗ್ಯ ಮನಸನೆ ವಪ್ಸಿನ ದಿದ್ಯೊ. ತಿನಾಹುತಿ ತ್ಯುನೆ ನೈಸೊ ಕರಾನಾ ಕಾಮೊ ಕರಸ.
ROM 1:29 ತ್ಯುನೊಮಾ ಹರಿ ಯಕ್ಕ ತರಾನಾ ಪಾಪೊ, ದುಷ್ಟತನಾ, ಸ್ವಾರ್ಥ, ಶಿಟ್ಟ, ಸಂಗಟ ಘಾಲ್ಲಿವಾನು, ಖಲಾಸ ಕರಾನು ಲಡೈ ಕಾಡಾನು, ಸುಳ್ಳ ಬೊಲಾನು ವರಿ ಕೆಟ್ಟ ವಿಚಾರೊ ಎ ಕ್ಹಾರು ಭರಿ ಗಯೊಸ. ಯಕ್ಕಲಾಪರ ಯಕ್ಲೊ ಚಾ಼ಡಿ ಕವಸ;
ROM 1:30 ಯಕ್ಕನೆ ಯಕ್ಕ ಕೆಟ್ಟ ವಾತೊ ಬೊಲಸ. ಕ್ಹುದಾನೆ ದ್ವೆಷ ಕರಸ. ತ್ಯುನೆ ಸ್ವಕ್ಕವಾಲಾ ಥೈನ ಅಹಂಕಾರಿಯೊ ಥೈನ ವರಿ ತ್ಯುನಾ ಕ್ಹು ತ್ಯುನೆ ಮಿ ವ್ಹೈ ಕೈನ ಕವೈಲಿನ ಥಯಲ ರ‍್ಹವಸ. ತ್ಯುನೆ ಕೆಟ್ಟ ವಾತೊ ಬೊಲಾನೆ ಘನಿಯೊ ವಾಟೊ ಹುಡ್ಕಸ. ಮಾ ಬಾಪನೆ ಅವಿಧೆಯ ಥೈನ ಪಿಸಾಳಾ ಥಯಾಸ.
ROM 1:31 ತ್ಯುನೆ ದಿದಲ ವಾತ ಪುರಾ ನೈ ಕರಾಲಾ ಬಿಜಾ಼ವೊನೆ ಮರಗಾ ದೆಕಾಡಾಲಾ ಥಾತಾ ನೈ.
ROM 1:32 ಹೆವಾವೊನೆ ಮರವಾನಿ ಶಿಕ್ಷಾ ಮಳು ಕೈನ ಧರಮಶಾಸ್ತ್ರ ಕವಸ ಕವಾನು ತ್ಯುನೊನೆ ಗ್ವತ್ತ ಛೆ. ತಿಮ್ಮ ರ‍್ಹಯುತಬಿ ಹವಾ ಕಾಮೊ ಕರ‍್ತಾಜ಼ ರ‍್ಹವಸ. ವರಿ ಹವಾ ಕಾಮೊ ಕರಾನಾ ಮನಕ್ಹೊನೆ ಪ್ರೊತ್ಸಾಹಾ ಕರಸ.
ROM 2:1 "ಬಿಜಾ಼ ಮನಕ್ಹೊನೆ ಫೈಸಲೊ ಕರಿಯೆಸ "ಕೈನ ತುಮಾರಿ ವಿಷಯಮಾ ವಿಚಾರ ಕರೊ ನಕೊ. ಕಾಕದ್ಯಾಮ ತುಮೆಬಿ ಪಾಪ ಕರಿನ ಅಪರಾದಿಯೊ ಥಯಾಸ. ತುಮೆ ತೆ ಮನಕ್ಹೊನೆ ಫೈಸಲೊ ಕರೊಶಿ. ತೆನೈಸೊ ತೆಜ಼ ಕಾಮೊ ತುಮೆ ಕರೊಶಿ. ತಿನಾಹುತಿ ತುಮೆ ತ್ಯುನೊನೆ ಫೈಸಲೊ ಕರತಾಮಾ, ಕ್ಹರಿಮಾಜ಼ ತುಮೊನೆಜ಼ ಫೈಸಲೊ ಕರಿಲಿವಾಲಾ ಥಾವೊಸಿ.
ROM 2:2 ಅಪರಾದ ಕರಾಲಾ ಮನಕ್ಹೊನೆ ಕ್ಹುದಾ ಫೈಸಲೊ ಕರಸ. ತಿನೊ ಫೈಸಲೊ ಕ್ಹರಿನೊ ವ್ಹೈ ಕೈನ ಅಪೊನೆ ಗ್ವತ್ತ ಛೆ.
ROM 2:3 ತೆ ಅಪರಾದೊ ಕರಾಲಾ ಮನಕ್ಹೊನೆ ತುಮೆಬಿ ಫೈಸಲೊ ಕರೊಶಿ. ತೆನೈಸೊ ತುಮೆಜ಼ ತೆ ಅಪರಾದೊ ಕರೊಶಿ. ಇಮ್ಮ ರ‍್ಹತಾಮಾ ಕ್ಹುದಾನಿ ನ್ಯಾಯ ಕ್ಹು ಚು಼ಕೈಲಿವಾನೆ ಸಾದ್ಯ ನತ್ತಿ ಕೈನ ತುಮೊನೆ ಕ್ಹರಿಬಿ ಗ್ವತ್ತ ಛೆ.
ROM 2:4 ಕ್ಹುದಾ ತುಮಾರಿ ವಿಷಯಮಾ ಘನ್ನು ಮರಗಾಲೊ ಥಯೊಸ; ತಡ್ದಿಲಿವಾಲೊ ವ್ಹೈ. ತುಮೆ ಬದಲಿ ಥೌ ಕೈನ ಕ್ಹುದಾ ತುಮಾರಾ ಹುತಿ ಕೈದಾಡ್ಯೊಸ. ವರಿಬಿ ತುಮೆ ತಿನಿ ಮರಗಾನಾ ಹುತಿ ವಿಚಾರ ಕರತಾ ನೈ. ತುಮೆ ತುಮಾರಿ ಮನಸೊ ಜಿವ್ನಾ ಬದಲಿ ಕರಲಿವಾನೆ ಥಾವಸ ಕೈನ ಕ್ಹುದಾನಿ ಮರಗಾನೆ ತಿಳ್ದಿಲಿದ್ಯಾವಾಚಿ ಛೆ.
ROM 2:5 ತೆನೈಸೊ ತುಮೆ ಘಟ್ಟ ಮನಸನಾ ವರಿ ಮಂಡ ಚಾಳಿನಾ ಥಯಾಸ. ತಿನಾಹುತಿ ತುಮೊನೆ ಆವಾನು ರ‍್ಹಯಲ ಶಿಕ್ಷಾ ತುಮೆ ಹೆಚ್ಕಿ-ಹೆಚ್ಕಿ ಕರಲಿವಾಡ್ಯಾಸ. ಕ್ಹುದಾ ತಿನಿ ಶಿಟ್ಟ ದೆಕಾಡಾನಾ ಟೈಮಾ ತುಮೊನೆ ತೆ ಶಿಕ್ಷಾ ಥಾವಾಸ. ತೆ ದಿನ್ಮಾ ಕ್ಹುದಾನಿ ನ್ಯಾಯನಿ ಫೈಸಲೊ ಮನಕ್ಹೊ ದೆಕಸ.
ROM 2:6 ಕಾಕದ್ಯಾಮ ಕ್ಹುದಾ ಹರಿ ಯಕ್ಲಾನೆ ತ್ಯುನೆ-ತ್ಯುನೆ ಕರಲ ಕಾಮೊನಾ ತಕ್ಕ ಪ್ರತಿ ಫಲ ದಿವಸ.
ROM 2:7 ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.
ROM 2:8 ತೆನೈಸೊ ಉಗ್ರಲ ಮನಕ್ಹೊ ಸ್ವಾರಥಿಯೊ ಥೈನ,ಕ್ಹರಿಪರ ಚಾ಼ಲ್ಯಾವಾಚಿ ಕೆಟ್ಟ ಕಾಮೊಪರ ಚಾ಼ಲಾಲಾ ಥಯಾಸ. ತ್ಯುನೊಪರ ಕ್ಹುದಾನಿ ಶಿಟ್ಟ ವರಿ ರುದ್ರ ಅವತಾರ ಆವಸ.
ROM 2:9 ಕೆಟ್ಟಜ಼ ಕರಾಲಾ ಹರಿ ಯಕ್ಲಾನೆ ಕದ್ಯಾಮ ಪೈಲಾ ಯಹುದಿಯೊನೆ, ಪಾಚಾ಼ತು ಯಹುದ್ಯೊ ನೈಸೊವಾಲಾವೊನೆ ಕಷ್ಟ ತ್ರಾಸೊ ದಿವಸ.
ROM 2:10 ತೆನೈಸೊ ಚೊ಼ಕುಜ಼ ಕರಾಲಾ ಹರಿ ಯಕ್ಲಾನೆ ಕದ್ಯಾಮ ಪೈಲಾ ಯಹುದಿಯೊನೆ, ಪಾಚಲ್ತೊ ಯಹುದ್ಯೊ ನೈಸೊವಾಲಾವೊನೆ ಕ್ಹುದಾ ಮಹಿಮಾ, ಮರ್ಯಾದಿ ವರಿ ಶಾಂತಿ ದಿವಸ.
ROM 2:11 ಕ್ಹುದಾ ಕಿನು ಸೈಡ ಲಿದ್ಯಾವಾಚಿ ಕ್ಹಾರಾವೊನೆ ಯಕ್ಕಜ಼ ತರಾ ಫೈಸಲೊ ಕರಸ.
ROM 2:12 ಯೆಹುದಿ ನೈಸೊ ಮನಕ್ಹೊಕನ ಮೊಶೆನಾ ನಿಯಮೊ ನತ್ತಿ. ತೆ ಮನಕ್ಹೊ ಧರಮಶಾಸ್ತ್ರ ಗ್ವತ್ತ ನೈಸೊ ಪಾಪ ಕರಸ. ಯಹುದ್ಯೊಕನ ಧರಮಶಾಸ್ತ್ರ ಛೆ ತ್ಯುನೆಬಿ ಪಾಪ ಕರಸ ವರಿ ತ್ಯುನೊ ನ್ಯಾಯನೊ ಫೈಸಲೊ ಧರಮಶಾಸ್ತ್ರನಾ ನಿಯಮ ಪ್ರಕಾರ ಫೈಸಲೊ ಥಾವಸ.
ROM 2:13 ಧರಮಶಾಸ್ತ್ರನೆ ಐಕಲಕ್ಹು ಮನಕ್ಹೊ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಾತಾ ನೈ. ತೆನೈಸೊ ಧರಮಶಾಸ್ತ್ರ ಕವಾನಿ ಹರಿ ಯಕ್ಕ ವಾತನೆ ವಿಧೆಯ ಥಾವಾಲಾ ಮನಕ್ಹೊನೆ ಧರಮಶಾಸ್ತ್ರ ನಿತಿವಂತವಾಲಾ ಕರಸ.
ROM 2:14 ಯಹುದ್ಯೊ ನೈ ರ‍್ಹಯಲವಾಲಾ ಧರಮಶಾಸ್ತ್ರ ಹೊಂದ್ಯಾ ನತ್ತಿ. ತೆನೈಸೊ ತ್ಯುನೆ ಧರಮಶಾಸ್ತ್ರನಾ ಲಿಂಗತ ಚಾ಼ಲಿನ ಜಾ಼ವತ್ತೊ, ತ್ಯುನೊನೆ ಧರಮಶಾಸ್ತ್ರನಿ ಜ಼ರುರತ್ತಜ಼ ನ್ಹೊತಿ.
ROM 2:15 ತ್ಯುನಿ ಮನಸ್ಸನಾ ನಿಯಮೊ ಲಿಂಗತ ಕಯು ಕರೆಟ್ಟ ವ್ಹೈ, ಕಯು ತಪ್ಪ ವ್ಹೈ, ಕವಾನು ತ್ಯುನೆ ತ್ಯುನಾ ನಡತೆಕ್ಹು ದೆಕಾಡಿನ ದಿವಸ. ಎ ಕ್ಹರಿ ವ್ಹೈ ಕೈನ ತ್ಯುನಾ ಮನಸನಿ ಸಾಕ್ಷಿಕ್ಹು ದೆಕಾಡಿನ ದಿವಸ. ತ್ಯುನಿ ತೈಜ಼ ಗ್ಯಾನಕ್ಹು ತ್ಯುನೊನೆ ದೊಶಿ ವ್ಹೈ ಕೈನ ನೈತೊ ನಿರದೊಶಿ ವ್ಹೈ ಕೈನ ಫೈಸಲೊ ಕರಸ.
ROM 2:16 ಮನಕ್ಹೊನು ಮನಸ್ಮಾ ದಡಿ ರ‍್ಹಯಲ ಸಂಗತಿಯೊನೆ ಕ್ಹುದಾ ಫೈಸಲೊ ಕರಾನಾ ದಿನ್ನೆ ಎ ಕ್ಹಾರು ಥಾವಸ. ಕ್ಹುದಾ ಯೆಸು ಕ್ರಿಸ್ತನಾ ಮುಲಕ ಮನಕ್ಹೊನೆ ಫೈಸಲೊ ಕರಸ ಕವಾನು ಸುವಾರ್ತೆ ಕೈನ ದಿವಸ. ಮಿ ಮನಕ್ಹೊನೆ ಕವಾನು ತೆಜ಼ ಸುವಾರ್ತೆ ವ್ಹೈ.
ROM 2:17 "ಮಿ ಯಹುದ್ಯನೊ ವ್ಹೈ "ಕೈನ ಕೈಲಿವಾನು ತಾರಿ ವಿಷಯ ಸುತೊ ವ್ಹೈ? ಧರಮಶಾಸ್ತ್ರಮಾ ಬರೊಕ್ಹೊ ಮ್ಹೆಲಿನ ಕ್ಹುದಾನಾ ನಜಿಕ ರ‍್ಹವಾನಾ ಹುತಿ ತು ಖುಶಿ ಥಾಶಿ.
ROM 2:18 ಕ್ಹುದಾನಿ ಚಿತ್ತ ಲಿಂಗತ ರ‍್ಹಯಲ ಕಾಮೊ ಧರಮಶಾಸ್ತ್ರಕ್ಹು ಶಿಕ್ಕಲ ಹುತಿ ತು ಕೈಲೆಶಿ.
ROM 2:19 ಚೊ಼ಕಿ ರ‍್ಹಯಲ ವಾಟ ನೈ ಗ್ವತ್ತ ರ‍್ಹಯಲ ಮನಕ್ಹೊನೆ ವಾಟ ದೆಕಾಡಾಲೊ ಅಂದಾರಾಮಾ ರ‍್ಹವಾಲಾ ಮನಕ್ಹೊನೆ ಉಜಾಲು ಥೈನ ರ‍್ಹೌ ಕೈನ ತಾರಾಹುತಿ ವಿಚಾರ ಕರಲಿದ್ಯೊಸ.
ROM 2:20 ಮಡ್ಡ ರ‍್ಹಯಲವಾಲಾವೊನಾ ವಾಟ ದೆಕಾಡಾಲೊ ಲಿಂಗತ ವಳಕ ನೈ ರ‍್ಹಯಲ ಮನಕ್ಹೊನೆ ಮಾಸ್ತರ ಲಿಂಗತ ವ್ಹೈ ಕೈನ ತಾರಾಮಾ ಧರಮಶಾಸ್ತ್ರನು ಪುರಾ ಗ್ಯಾನ ವರಿ ಕ್ಹರಿ ಗ್ವತ್ತ ಛೆ ಕೈನ ತು ಕೈಲಿದ್ಯೊಸ.
ROM 2:21 ತು ಬಿಜಾ಼ವೊನೆ ಶಿಕ್ಕಲಾಶಿ. ಇಮ್ಮ ರ‍್ಹಯುಮ ತು ತುನೆಜ಼ ಕಾ ಶಿಕ್ಲೈಲೆತೊ ನೈ? ಚೊ಼ರಿ ಕರು ನೈ ಕೈನ ತು ಮನಕ್ಹೊನೆ ಕಶಿ, ತೆನೈಸೊ ತುಜ಼಼ ಚೊ಼ರಿ ಕರಶಿ.
ROM 2:22 ಮನಕ್ಹೊ ವ್ಯಭಿಚಾರ ಕರು ನೈ ಕೈನ ತುಜ಼಼ ಕಶಿ, ತೆನೈಸೊ ತುಜ಼಼ ತೆ ವ್ಯಭಿಚಾರ ನೈ ಕರ‍್ತೊ ಸು? ತು ಮೊರತಿಯೊನೆ ದ್ವೆಷ ಕರಶಿ, ತೆನೈಸೊ ತುಜ಼಼ ತೆ ಕ್ಹಾರು ಚೊ಼ರಿ ಕರ‍್ತೊ ನೈ ಸು?
ROM 2:23 ತು ಕ್ಹುದಾನಾ ಧರಮಶಾಸ್ತ್ರನಾ ಹುತಿ ಘಮಂಡ ಕರಶಿ. ತೆನೈಸೊ ತು ಧರಮಶಾಸ್ತ್ರನೆ ದಾಟಿನ ಕ್ಹುದಾನೆ ಮರ್ಯಾದಿ ಕಾಡ್ತೊ ನೈ ಸು?
ROM 2:24 "ಯಹುದ್ಯೊ ಥಯಲ ತಮಾರಾ ಹುತಿ ಯಹುದ್ಯೊ ನೈ ರ‍್ಹಯಲ ಮನಕ್ಹೊ ಕ್ಹುದಾನಾ ನಾಮನೆ ವಿರುದ್ದ ಥೈನ ಬೊಲಸ "ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ.
ROM 2:25 ತು ಧರಮಶಾಸ್ತ್ರ ಲಿಂಗತ ಚಾ಼ಲ್ಯೊ ಕದ್ಯಾಮ ತು ಕರಿಲಿದಲ ಸುನ್ನತಿನೆ ಮತ್ಲಬ ಛೆ. ತೆನೈಸೊ ತು ಧರಮಶಾಸ್ತ್ರನೆ ದಾಟಿನ ಗಯೊಮ ತುನೆ ಸುನ್ನತಿ ನತ್ತಿ ಥೈ ಕೈನ ವ್ಹೈ.
ROM 2:26 ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಸುನ್ನತಿ ಥೈ ನತ್ತಿ, ತೆನೈಸೊ ಧರಮಶಾಸ್ತ್ರ ಕವಾನು ತ್ಯುನೆ ಕರತಾ ರ‍್ಹಯಾಮ, ತ್ಯುನೆ ಕ್ಹುದಾನಿ ನಜ಼ರಮಾ ಸುನ್ನತಿ ಕರೈಲಿದಲ ಲಿಂಗತ ನ್ಹವೈ ಸು?
ROM 2:27 ಯಹುದ್ಯೊ ರ‍್ಹಯಲವಾಲಾ ತುಮೊನೆ ಬರ್ದಲ ಧರಮಶಾಸ್ತ್ರ ಛೆ ವರಿ ಸುನ್ನಿತಿ ಥೈಸ. ತೆನೈಸೊ ತುಮೆ ಧರಮಶಾಸ್ತ್ರನೆ ದಾಟಿನ ಚಾ಼ಲೊಶಿ. ಇಮ್ಮ ರ‍್ಹತಾಮಾ, ಅಂಗಮಾ ಸುನ್ನಿತಿ ನೈ ಥಯಲ ರ‍್ಹೈತಬಿ ಧರಮಶಾಸ್ತ್ರನೆ ವಿಧೆಯ ಥಾವಾಲಾ ಮನಕ್ಹೊ ತುಮೊನೆ ಅಪರಾದಿ ವ್ಹೈ ಕೈನ ದೆಕಾಡಿನ ದಿವಸ. ಎ
ROM 2:28 ಕ್ಹಾಲಿ ಭಾರಲ್ಯಾ ಅಂಗಮಾ ಯೆಹುದಿ ಥೈನ ರ‍್ಹವಾಲೊ ಯೆಹುದಿ ನ್ಹವೈ. ಕ್ಹಾಲಿ ಅಂಗನು ಭಾರಲ್ಯು ಸುನ್ನತಿ ಕ್ಹರಿನಿ ಸುನ್ನತಿ ನ್ಹವೈ.
ROM 2:29 ಮನಸ್ಮಾ ಯೆಹುದಿ ರ‍್ಹಯಲವಾಲೊಜ಼ ಕ್ಹರಿನೊ ಯೆಹುದಿ ವ್ಹೈ. ಮನಸ್ಮಾ ಥಯಲ ಸುನ್ನತಿ ಕ್ಹರಿನಿ ಸುನ್ನತಿ ವ್ಹೈ. ಎ ಸುನ್ನತಿ ಥಯಲ ಕ್ಹುದಾನಿ ಆತ್ಮಾಕ್ಹುಜ಼ ಥಯಲ ವ್ಹೈ ತೆನೈಸೊ ಬರ್ದಲ ಧರಮಶಾಸ್ತ್ರ ಕ್ಹು ನ್ಹವೈ. ಕ್ಹುದಾನಿ ಆತ್ಮಾಕ್ಹು ಮನಸ್ಮಾ ಸುನ್ನತಿ ಥಯಲ ಮನಕ್ಹ ವ್ಹೈ ಕೈನ ಕವೈಲಿವಾನು ಕ್ಹುದಾಕ್ಹು ವ್ಹೈ ತೆನೈಸೊ ಮನಕ್ಹೊ ಕ್ಹು ನ್ಹವೈ.
ROM 3:1 ಇಮ್ಮ ರ‍್ಹಯುಮ ಯೆಹುದಿ ಥೈನ ರ‍್ಹವಾನು ಫೈದೊ ಸುವೈ? ಸುನ್ನತಿ ಕರೈಲಿದಲ ವಾಲಾವೊಮಾ ಸುಬಿ ಫೈದೊ ಛೆಸು?
ROM 3:2 ಹೊ, ಯಹುದಿಯೊನೆ ಘನ್ನಾ ತರಾನು ಖಾಸ ಕವಾನು ಛೆ. ಕ್ಹಾರಾವೊತಿ ಘನ್ನು ಖಾಸ ಸು ವ್ಹೈ ಕದ್ಯಾಮ, ಕ್ಹುದಾ ಯೆಹುದಿಯೊಪರ ಬರೊಕ್ಹೊ ಮ್ಹೆಲಿನ ತಿನು ವಾಕ್ಯಾ ತ್ಯುನೊನೆ ದಿದ್ಯೊ.
ROM 3:3 ದಕ್ಹಾ ಯೆಹುದಿಯೊನಾ ಮನಕ್ಹೊ ಕ್ಹುದಾನೊ ಬರೊಕ್ಹೊ ಮ್ಹೆಲ್ಲಿದ್ಯಾನೈತೊ ಸು ಥಯು? ಇನು ಮತ್ಲಬ ಕ್ಹುದಾ ಬರೊಕ್ಹೊ ನೈಸೊ ರ‍್ಹವಸ ಸು?
ROM 3:4 ನೈ! ಕ್ಹಾರಾ ಮನಕ್ಹೊ ಸುಳ್ಳ ರ‍್ಹಯಾತಬಿ ಕ್ಹುದಾ ಕ್ಹರಿಕ್ಹು ರ‍್ಹವಾಲೊ ವ್ಹೈ. ಪವಿತ್ರ ಗ್ರಂಥ ಇಮ್ಮ ಕವಸ. ತಾರಿಯೊ ವಾತೊಮಾ ತು ಕ್ಹರಿನೊ ಫೈಸಲೊ ಕರಾಲೊ ವ್ಹೈ ಕೈನ ದೆಕಾಡಿನ ದ್ಯು. ತುನೆ ಫೈಸಲೊ ಥಾತಾಮಾ ತು ಝಿತ್ತು.
ROM 3:5 ಕ್ಹುದಾ ಕ್ಹರಿಕ್ಹು ರ‍್ಹವಾಲೊ ವ್ಹೈ ಕೈನ ಅಪೆ ಹಗ್ಲೆಲ್ಲಾ ಕರಾನಾ ತಪ್ಪೊ ದೆಕಾಡಿನ ದಿವಸ. ಇಮ್ಮ ರ‍್ಹಯೊತಬಿ ಕ್ಹುದಾ ಅಪೊನೆ ಶಿಕ್ಷಾ ದೆತಾಮಾ, ತೆ ಅನ್ಯಾಯ ಕರಾಡ್ಯೊಸ ಕೈನ ಅಪೆ ಕವಾನೆ ಥಾವಸ್ಸು? ಕ್ಹುದಾ ತಿನಿ ಶಿಟ್ಟ ಅಪ್ನೊಪರ ಲೈನ ಅನ್ಯಾಯ ಕರಸು?
ROM 3:6 ಕ್ಹರಿಜ಼ ನೈ! ಕ್ಹುದಾ ಅಪೊನೆ ಶಿಕ್ಷಾ ನೈ ದಿವತ್ತೊ, ಕ್ಹುದಾ ಜಗತ್ನೆ ಫೈಸಲೊ ಕರಾನೆ ಥಾತು ನೈ.
ROM 3:7 "ಮಿ ಕವಾನು ಸುಳ್ಳ ರ‍್ಹಯಲ ಕ್ಹುದಾನೆ ಕ್ಹರಿಮಾಜ಼ ಮಹಿಮಾ ಥಾವಸ. ಇಮ್ಮ ರ‍್ಹಯುಮ ಮನೆ "ಪಾಪಿ "ವ್ಹೈ ಕೈನ ಫೈಸಲೊ ಥಾವಾನು ಕಾ?
ROM 3:8 ಚೊ಼ಕು ಥಾವಾನಾ ಹುತಿ ಅಪೆ ಕೆಟ್ಟ ಕರಿಯೆ ಕೈನ ಕವಾಕ್ಹು ತಿನೆ ಸುಜ಼ ಫರಕ ನತ್ತಿ. ಘನ್ನಾ ಮನಕ್ಹೊ ಹಮೊನೆ ನಾಮ-ಬೊಟ ಮ್ಹೆಲಸ ವರಿ ಹಮೆ ತ್ಯಯ್ಯೊ ಸಂಗತಿಯೊ ಕಯೆಸ ಕೈನ ಕವಸ. ತೆ ಮನಕ್ಹೊ ತಪ್ಪ ಕರಾಲಾ ಥಯಾಸ. ತ್ಯುನೊನೆ ಶಿಕ್ಷಾ ಥೌ.
ROM 3:9 ಇಮ್ಮ ರ‍್ಹತಾಮಾ,ಹಮೆ ಲಾಸ್ಟಮಾ ಸು ಕೈಯೆ? ಯಹುದ್ಯೊ ಥಯಲ ಅಪೆ ಬಿಜಾ಼ವೊತಿ ಚೊ಼ಕಾ ವ್ಹೈ ಸು? ನ್ಹವೈ! ಯಹುದಿಯೊನೆ ಯಹುದ್ಯೊ ನೈಸೊವಾಲಾ ಪಾಪಮಾ ಛೆ ಕೈನ ತೆಳಾಮಾಜ಼ ದೆಕಾಡಿನ ದಿದ್ಯೊಸ.
ROM 3:10 ಪವಿತ್ರ ಗ್ರಂಥ ಅಮ್ಮ ಕವಸ" ನಿತಿವಂತವಾಲೊ ಕುನ್ನಜ಼ ನತ್ತಿ. ಯಕ್ಲೊಬಿ ನತ್ತಿ
ROM 3:11 ಯಕ್ಲೊಬಿ ಶಾಣ್ಯೊ ನತ್ತಿ. ಕ್ಹುದಾನಿ ಆರಾಧನಾ ಕರಾಲು ಕುನ್ನಜ಼ ನತ್ತಿ.
ROM 3:12 ಕ್ಹಾರಾ ಮನಕ್ಹೊ ಕ್ಹುದಾ ಕಂತಾ ಫರಿ ಗಯಾಸ. ಕ್ಹಾರಾ ಮನಕ್ಹೊ ಉಪಯೊಗ ನೈಸೊ ಥಯಾಸ. ಚೊ಼ಕು ಕರಾಲೊ ಯಕ್ಲೊಬಿ ನತ್ತಿ. ನತ್ತಿಜ಼ ನತ್ತಿ.
ROM 3:13 "ತ್ಯುನಾ ವಾತೊ ಖುಲ್ಲಾ ಥಯಲ ಮಜಾ಼ರ ಲಿಂಗತ ಛೆ. ತ್ಯುನೆ ಸುಳ್ಳ ಬೊಲಾನೆ ತ್ಯುನಿ ಜಿಬ್ಬ ಉಪಯೊಗ ಕರಸ" "ತ್ಯುನೆ ಕವಾನಾ ಸಂಗತಿಯೊ ಜ಼ಹರ ರ‍್ಹಯಲ ಕ್ಹಾಪೊಲಿಂಗತ ಛೆ.
ROM 3:14 "ತ್ಯುನಾ ಮ್ಹೊಡಾ ಕ್ಹರಾಪಾಕ್ಹು ವರಿ ಇಸಾಕ್ಹು ಭರಿ ಗಯಾಸ"
ROM 3:15 "ದುಖ ದಿವಾನೆ ವರಿ ಖಲಾಸ ಕರಾನೆ ತ್ಯುನೆ ಕೆಳಾಮಾಬಿ ತಯ್ಯಾರ ಛೆ.
ROM 3:16 ತ್ಯುನೆ ಗಯಲ ಕ್ಹಾರಿ ಜ಼ಗಾ ತ್ರಾಸೊ ವರಿ ಬರಬಾದಿ ಲಾವಸ.
ROM 3:17 ತ್ಯುನೆ ಶಾಂತಿನಿ ವಾಟ ತಿಳ್ದಿಲಿದ್ಯಾ ನತ್ತಿ"
ROM 3:18 "ತ್ಯುನಾ ನಜ಼ರಮಾ ಕ್ಹುದಾನೊ ಭೆ ನತ್ತಿ"
ROM 3:19 ಹಮೊನೆ ಹಮ್ನಾ ಗ್ವತ್ತ ಛೆ ನಿಯೊಮೊಮಾ ಸು ಕದ್ಯಾಸ. ಎ ನಿಯಮೊನಾ ಅದಿನಮಾ ಕುನ ಛೆ ತಿನೆ ತ್ಯುನೊನೆ ಧರಮಶಾಸ್ತ್ರನೆ ಅದಿನ ಥೈನ ರ‍್ಹವಾಲಾ ತ್ಯುನಾ ವಿಷಯಮಾ ಧರಮಶಾಸ್ತ್ರ ಎ ಸಂಗತಿಯೊ ಕವಾಡ್ಯುಸ. ಇನಾಹುತಿ ಹರಯಕ್ಕ ಮ್ಹೊಡು ಭಂದೈನ ವರಿ ಕ್ಹಾರಿ ಜಗತ್ತ ಕ್ಹುದಾನಿ ನ್ಯಾಯನಾ ಫೈಸ್ಲಾನೆ ಯೊಗ್ಯ ವ್ಹೈ ಕೈನ ದಿಕ್ಹಸ.
ROM 3:20 ಕಾಕದ್ಯಾಮ ಧರಮಶಾಸ್ತ್ರ ಲಿಂಗತ ಚಾ಼ಲಾನಾ ಮುಕಾಂತರ ಕಯೊಜ಼ ಮನಕ್ಹ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಾವಾನೆ ಕಿನೆಜ಼ ಸಾದ್ಯ ನತ್ತಿ. ಧರಮಶಾಸ್ತ್ರ ಅಪೆ ಕರಲ ಪಾಪೊ ದೆಕಾಡಿನ ದಿವಸ.
ROM 3:21 ತೆನೈಸೊ ಹಮ್ನಾ ಕ್ಹುದಾ ಧರಮಶಾಸ್ತ್ರ ನೈಸೊಜ಼ ಮನಕ್ಹೊನೆ ಕ್ಹುದಾ ನಿತಿವಂತವಾಲಾ ಥಾವಾ ಹುತಿ ವಾಟ ದೆಕಾಡಿನ ದಿದ್ಯೊಸ. ಎನೈಸೊ ಎ ವಾತನಿ ಸಾಕ್ಷಿ ಮೊಶೆನು ಧರಮಶಾಸ್ತ್ರ ವರಿ ಪ್ರವಾದಿಯೊ ದಿದ್ಯಾಸ.
ROM 3:22 ಬರೊಕ್ಹಾನಾ ಮುಲಕ ಕದ್ಯಾಮ ಯೆಸು ಕ್ರಿಸ್ತಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನೆ ಕ್ಹುದಾ ನಿತಿವಂತವಾಲಾ ಕರಸ. ಕ್ಹಾರಾ ಮನಕ್ಹೊ ಯಕ್ಕಜ಼ ವ್ಹೈ.
ROM 3:23 ವರಿಬಿ ಕ್ಹಾರಾ ಮನಕ್ಹೊ ಪಾಪ ಕರಿನ ಕ್ಹುದಾನಿ ಮಹಿಮಾ ದೆಕ್ಯಾವಾಚಿ ಛೆ.
ROM 3:24 ತೆನೈಸೊ ಯೆಸು ಕ್ರಿಸ್ತನ ಬಿಡುಗಡೆನಾ ಮುಕಾಂತರ ಕ್ಹುದಾನಿ ಫ್ರಿ ಗಿಫ್ಟನಿ ವರಾ ಮರಗಾಕ್ಹು ತಿನಾ ಕ್ಹಾಮಾ ನಿತಿವಂತವಾಲಾ ವ್ಹೈ ಕೈನ ಫೈಸಲೊ ಥಯೊಸ.
ROM 3:25 ಕ್ಹುದಾ ಬರೊಕ್ಹಾನಾ ಮುಕಾಂತರ ಮನಕ್ಹೊನಾ ಪಾಪೊನೆ ಮಾಫ ಕರಾನಿ ವಾಟ ದೆಕಾಡ್ಯೊಸ. ತೆ ವಾಟ ಯೆಸು ಕ್ರಿಸ್ತ ವ್ಹೈ. ಕ್ಹುದಾ ಯೆಸುನು ರಗತನಾ ಮುಲಕ ಪಾಪ ಮಾಫ ಕರಸ. ಕ್ಹುದಾ ಕರಾನು ಕ್ಹಾರುಜ಼ ಚೊ಼ಕೊಜ಼ ವ್ಹೈ. ವರಿ ಕ್ಹರಿಕ್ಹು ರ‍್ಹವಸ ಕವಾನು ಎ ದೆಕಾಡಿನ ದಿವಸ. ಕ್ಹುದಾ ಪಾಚ಼ಲ್ಯಾ ಕಾಲಮಾ ತಡ್ದಿಲಿವಾನು ಮನಕ್ಹೊನಾ ಪಾಪನೆ ದಂಡದಿದ್ಯಾವಾಚಿ ಜಾ಼ತಾಮಾ ತೆಳಾಮಾಬಿ ಕ್ಹುದಾ ನಿತಿವಂತವಾಲೊ ವ್ಹತ್ತೊ.
ROM 3:26 ಇಮ್ಮ ಕ್ಹುದಾ ತೆಜ಼ ನಿತಿವಂತವಾಲೊ ವ್ಹೈ ಕೈನ ವರಿ ಯೆಸುಪರ ಬರೊಕ್ಹೊ ಮ್ಹೆಲಲ ಕಯೊಬಿ ರ‍್ಹೈನೆಕಾ ನಿತಿವಂತವಾಲೊ ಥಾವಸ ಕೈನ ದೆಕಾಡಿನ ದಿದ್ಯೊಸ.
ROM 3:27 ತೆನೈಸೊ ಅಪೆ ಕಯಾ ವಿಷಯನಾ ಹುತಿ ಮ್ಹೊಟುಪನ ಕರಸಕೆಸ. ಕಯುಜ಼ ನ್ಹವ್ಹೈ! ವರಿ ತಿನೆ ಕಾರಣ ಸುವ್ಹೈ? ಅಪೆ ಧರಮಶಾಸ್ತ್ರ ಲಿಂಗತ ಚಾ಼ಲಾನು ತಿನು ಕಾರಣ ವ್ಹೈಸು? ನ್ಹವೈ! ತೆನೈಸೊ ಅಪೆ ಕಿಪರ ಬರೊಕ್ಹೊ ಕರೆಸ ತೆ ಅಪ್ನು ಮ್ಹೊಟಾಪನನೆ ಕಾರಣ ಥಯುಸ.
ROM 3:28 ಲಾಸ್ಟಮಾ ಮಿ ಅಮ್ಮ ಕೌಸ ಕಯೊಬಿ ಧರಮಶಾಸ್ತ್ರನಾ ಕಾಮೊಕ್ಹು ನೈ ತೆನೈಸೊ ಬರೊಕ್ಹಾಕ್ಹುಜ಼ ತೆ ನಿತಿವಂತ ವ್ಹೈ ಕೈನ ಕವೈಲಿವಸ.
ROM 3:29 ಕ್ಹುದಾ ಯಹುದ್ಯೊನೊ ಕ್ಹುದಾ ಯಕ್ಕಜ಼ ವ್ಹೈ ಸು? ತೆ ಯಹುದ್ಯೊ ನೈ ರ‍್ಹಯಲ ಮನಕ್ಹೊನೊಬಿ ಕ್ಹುದಾ ನ್ಹವೈ ಸು? ಹೊ, ತೆ ಯೆಹುದಿಯೊ ನೈ ರ‍್ಹಯಲ ಮನಕ್ಹೊನೊಬಿ ಕ್ಹುದಾ ವ್ಹೈ.
ROM 3:30 ತೆ ಖತ್ನಾ ಕರಿಲಿದಲವಾಲಾವೊನೆ ನಿತಿವಂತವಾಲಾ ವ್ಹೈ ಕೈನ ಫೈಸಲೊ ಕರಾನು ತ್ಯುನೊ ಬರಕ್ಹೊಜ಼ ಆಧಾರ ವ್ಹೈ.
ROM 3:31 ಇಮ್ಮ ರ‍್ಹತಾಮಾ, ಬರೊಕ್ಹಾನಿ ವಾಟಮಾ ಚಾ಼ಲಾನಾ ಮುಕಾಂತರ ಅಪೆ ಧರಮಶಾಸ್ತ್ರನೆ ನೈ ವಪ್ಪಿಲೆತಾ ನೈ ಸು? ನೈ! ನ್ಹವೈ ಕ್ಹರಿಜ಼ ನ್ಹವೈ! ತೆನೈಸೊ ಅಪೆ ಧರಮಶಾಸ್ತ್ರಮಾ ಹಜು಼ನ ಘನ್ನಿ ತಾಕತ ಕ್ಹು ಘಟ್ಟ ಥೈನ ರ‍್ಹವಾಡ್ಯಾಸ.
ROM 4:1 ತಿಮ್ಮ ರ‍್ಹಯುಮ, ಅಪ್ನೊ ಪಿತೃಥಯಲ ಅಬ್ರಹಾಮನಾ ಹುತಿ ಅಪೆ ಸು ಕ್ಯೆಯೆ? ತೆ ಬರೊಕ್ಹಾನಾ ಹುತಿ ಸು ಶಿಕ್ಯೊ?
ROM 4:2 ತೆನೈಸೊ ತೆ ಕರಾನಾ ಕಾಮೊಕ್ಹು ನಿತಿವಂತವಾಲೊ ವ್ಹೈ ಕೈನ ಕವೈಲಿವಾನೆ ಕಾರಣ ರ‍್ಹತುತು. ವರಿಬಿ ಅಬ್ರಹಾಮ ಕ್ಹುದಾನಾ ಕ್ಹಾಮೊ ಮಿ ವ್ಹೈ ಕೈನ ಕವೈಲಿನ ಥಯು ನೈ.
ROM 4:3 "ಅಬ್ರಹಾಮ ಕ್ಹುದಾನೆ ನಂಬ್ಯೊ. ಕ್ಹುದಾ ಅಬ್ರಹಾಮನೊ ಬರೊಕ್ಹಾನಾ ಹುತಿ ತೆ ನಿತಿವಂತವಾಲೊ ಕ್ಹುದಾ ಸ್ವಿಕಾರ ಕರ‍್ಯೊ "ಕೈನ ಪವಿತ್ರ ಗ್ರಂಥ ಕವಸ.
ROM 4:4 ರಾಬಾಲಾನೆ ಮಳಾನೊ ಪಗಾರ ಮಳು ಗಿಫ್ಟ ನ್ಹವೈ. ತೆ ತಿನೆ ಮಳಾನೊ ಹಕ್ಕ ವ್ಹೈ,ಎ
ROM 4:5 ತೆನೈಸೊ ಯಕ್ಲೊ ತೆ ಕರಾನು ಕಾಮ ಪರ ಬರೊಕ್ಹೊ ಕರಾತಿ ಕ್ಹುದಾಪರ ಬರೊಕ್ಹೊ ಮ್ಹೆಲಸ. ಕ್ಹುದಾ ಕೆಟ್ಟ ರ‍್ಹಯಲವಾಲಾನೆ ಧರಮಿ ಕರಾಲೊ ಕ್ಹುದಾ ವ್ಹೈ. ತೆ ಕ್ಹುದಾಪರ ಬರೊಕ್ಹೊ ಮ್ಹೆಲಲ ಎ ಬರೊಕ್ಹೊ ತಿನೆ ಕ್ಹುದಾನಿ ನಜ಼ರಮಾ ನಿತಿವಂತ ವ್ಹೈ ಕೈನ ದೆಕಾಡಿನ ದಿವಸ.
ROM 4:6 ಕ್ಹುದಾ ಯಕ್ಲಾನು ಚೊ಼ಕು ಕಾಮ ದೆಕ್ಯಾವಾಚಿ ತೆ ನಿತಿವಂತವಾಲೊ ವ್ಹೈಕೈನ ವಪ್ಪಿಲಿದ್ಯೊಮ ಕ್ಹರಿಮಾ ತೆ ಮನಕ್ಹ ನಸಿಬವಾಲೊ ವ್ಹೈ ಕೈನ ದಾವಿದಬಿ ಕವಸ.
ROM 4:7 "ಕಿನು ತಪ್ಪ ಮಾಫ ಥೈಗೈಯುಸ ಕಿನಾ ತಪ್ಪೊ ಝಕೈ ಗಯಾಸ. ತೆ ಕ್ಹರಿಮಾಜ಼ ನಶಿಬವಾಲೊ ವ್ಹೈ!
ROM 4:8 ಕ್ಹುದಾ ಕಿನು ತಪ್ಪ ಶೆ ನೈ ಕರತೊ ತೆ ಕ್ಹರಿಮಾಜ಼ ನಸಿಬವಾಲೊ ವ್ಹೈ.
ROM 4:9 ಎ ನಸಿಬ ಖತ್ನಾ ಕರೈಲಿದಲವಾಲಾ ಯಹುದಿಯೊನೆ ಯಕ್ಕಜ಼ ವ್ಹೈಸು? ನೈತೊ ಖತ್ನಾ ನೈ ಕರೈಲಿದವಾಲಾವೊನೆ (ಯಹುದ್ಯೊ ನೈ ರ‍್ಹಯಲ ಮನಕ್ಹೊ) ಇವ್ನೊ ನಸಿಬ ವ್ಹೈಸು? ಕ್ಹುದಾ ಅಬ್ರಹಾಮನೊ ಬರೊಕ್ಹೊ ವಪ್ಪಿಲಿದ್ಯೊಸ ಕೈನ ತೆಳಾಮಾಜ಼ ಕದ್ಯಾಸ. ತೆ ಬರೊಕ್ಹೊ ತಿನೆ ನಿತಿವಂತವಾಲೊ ಕರ‍್ಯು.
ROM 4:10 ವರಿಬಿ ಎ ಕೆಳಾಮಾ ಥಯು? ಕ್ಹುದಾ ಅಬ್ರಹಾಮನೆ ವಪ್ಪಿಲಿದಲ ತಿನೆ ಸುನ್ನತಿ ಥಾವಾತಿ ಅಗ್ದುರಜ಼ ವ್ಹೈಸು ಸುನ್ನತಿ ಥಯಲ್ಪರ ವ್ಹೈ? ಕ್ಹುದಾ ತಿನೆ ವಪ್ಪಿಲಿದಲ ಸುನ್ನತಿ ಥಾವಾತಿ ಅಗ್ದುರಜ಼ ವ್ಹೈ.
ROM 4:11 ಕ್ಹುದಾ ತಿನೆ ವಪ್ಪಿಲಿದ್ಯೊಸ ಕೈನ ದೆಕಾಡಾನಾ ಹುತಿ ಅಬ್ರಹಾಮ ಪಾಚಾ಼ತು ಸುನ್ನತಿ ಕರೈಲಿದ್ಯೊ. ಅಬ್ರಹಾಮ ಸುನ್ನತಿ ಕರೈಲಿವಾತಿ ಅಗ್ದುರಜ಼ ಬರೊಕ್ಹಾನಾ ಮುಲಕ ನಿತಿವಂತವಾಲೊ ವ್ಹತ್ತೊ. ತಿನಾಹುತಿ ಅಬ್ರಹಾಮ ಕ್ಹುದಾನೆ ಬರೊಕ್ಹೊ ಕರಾಲಾ ಕ್ಹಾರಾವೊನೆ ಆತ್ಮಿಕ ಬಾ ಥಯೊಸ ವರಿ ತ್ಯುನೆ ಸುನ್ನತಿ ನೈ ಕರೈಲಿ ತುಬಿ ತ್ಯುನೊಕ್ಹು ನ್ಯಾಯಮಾ ಸ್ವಿಕಾರ ಕರೈಲಿದಲವಾಲಾ ವ್ಹೈ.
ROM 4:12 ತೆನೈಸೊ ಸುನ್ನತಿ ಕರೈಲಿದಲ ಮನಕ್ಹೊನೆಬಿ ಅಬ್ರಹಾಮ ಮುಲ ಪಿತೃ ಥಯೊಸ. ತೆನೈಸೊ ತೆ ತ್ಯುನೊನೆ ಮುಲ ಪಿತೃ ಥಯಲ ತ್ಯುನೆ ಕರೈಲಿದಲ ಸುನ್ನತಿ ಕ್ಹು ನ್ಹವೈ. ಅಪ್ನೊ ಮುಲ ಪಿತೃ ಥಯಲ ಅಬ್ರಹಾಮ ಸುನ್ನತಿ ಕರೈಲಿವಾತಿ ಅಗ್ದುರಜ಼ ತೆ ಕಿಮ ಬರೊಕ್ಹಾಮಾ ವ್ಹತ್ತೊ ತಿನಾ ಲಿಂಗತಜ಼ ರ‍್ಹಯಲವಾಲಾವೊನೆ ತೆ ಮುಲ ಪಿತೃ ಥಯೊಸ.
ROM 4:13 ಅಬ್ರಹಾಮನೆಬಿ ತಿನಾ ಸಂತತಿನೆಬಿ ದುನಿಯಾಜ಼ ದ್ಯುಸ ಕೈನ ಕ್ಹುದಾ ವಾಗ್ದಾನ ದಿದ್ಯೊ. ತೆನೈಸೊ ಅಬ್ರಹಾಮ ಎ ವಾಗ್ದಾನ ಮಳು ಕದ್ಯಾಮ ಧರಮಶಾಸ್ತ್ರಮಾ ರ‍್ಹಯಲತಿಮ್ಮ ಚಾ಼ಲಲಕ್ಹು ನ್ಹವೈ. ಅಬ್ರಹಾಮ ನಿತಿವಂತ ಥೈನ ಬರೊಕ್ಹೊ ಕರಲಕ್ಹು ಎ ವಾಗ್ದಾನ ವ್ಹಂದಿಲಿದ್ಯೊ.
ROM 4:14 ಇಮ್ಮ ರ‍್ಹತಾಮಾ, ಕ್ಹುದಾ ದಿವಾನಿಯೊ ವಾಗ್ದಾನೊ ಧರಮಶಾಸ್ತಮಾ ರ‍್ಹಯಲ ತಿಮ್ಮ ಚಾ಼ಲಾಲಾವೊನೆ ದಿವಾನೆ ರ‍್ಹವತ್ತೊ, ಬರೊಕ್ಹೊ ಸುಜ಼ ಉಪಯೊಗ ನ್ಹೊತೊ. ತೆನೈಸೊ ಅಬ್ರಹಾಮನೆ ಕ್ಹುದಾ ದಿದಲ ವಾತ ಸುಜ಼ ಉಪಯೊಗ ನ್ಹೊತಿ.
ROM 4:15 ಧರಮಶಾಸ್ತ್ರನೆ ವಿಧೆಯ ಥಯಾವಾಚಿ ರ‍್ಹತಾಮಾ, ಧರಮಶಾಸ್ತ್ರ ಕ್ಹುದಾನೆ ಶಿಟ್ಟಲಾವಾ ವರಕ್ಹು ಥಾತುತು. ವರಿಬಿ ಧರಮಶಾಸ್ತ್ರ ನಾ ರ‍್ಹವತ್ತೊ ಅವಿಧೆಯ ಥಾವಾನೆ ಸುಜ಼ ರ‍್ಹತು ನೈ.
ROM 4:16 ತಿನಾಹುತಿ ಮನಕ್ಹೊ ಬರೊಕ್ಹೊನಾ ಮುಲಕ ವಾಗ್ದಾನ ಹೊಂದಿಲಿವಸ. ವಾತೊ ಫ್ರಿಮಾ ಮಳು ಕೈನ ವರಿ ಗಿಫ್ಟ ರ‍್ಹೌ ಕೈನ ಇಮ್ಮ ಥಯು. ವಾಗ್ದಾನ ಫ್ರಿನಿ ಗಿಫ್ಟ ರ‍್ಹಯ್ಯೊಮ, ಅಬ್ರಹಾಮನಾ ಮನಕ್ಹೊ ತೆ ವಾತೊ ಹೊಂದಿಲಿವಸ. ಎ ವಾಗ್ದಾನ ಮೊಶೆನಾ ಧರಮಶಾಸ್ತ್ರನೆ ಅಧಿನ ಥೈನ ಜಿವ್ನಾ ಕರತಾ ರ‍್ಹಯಲ ಮನಕ್ಹೊನೆ ಯಕ್ಕಜ಼ ನ್ಹವೈ, ಅಬ್ರಹಾಮ ಲಿಂಗತ ಬರೊಕ್ಹಾಮಾ ರ‍್ಹಯಲ ಕ್ಹಾರಾ ಮನಕ್ಹೊನಾ ಹುತಿ ವ್ಹೈ. ಅಬ್ರಹಾಮ ಅಪೊನೆ ಕ್ಹಾರಾವೊನೆ ಮುಲ ಪಿತೃ ಥಯೊಸ.
ROM 4:17 "ಮಿ ತುನೆ ಘನ್ನಿ ಜನಾಂಗನಾ ಮನಕ್ಹೊನೆ ಬಾ ಥಾವಾ ವರಕ್ಹು ಕರ‍್ಯೊಸ "ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. ಎ ಕ್ಹುದಾನಿ ಸನ್ನಿದಿಮಾ ಕ್ಹರಿ ವ್ಹೈ. ಮರಲವಾಲಾವೊನೆ ಜ಼ಲಮ ದಿವಾನು ಹಜು಼ನಬಿ ನೈ ಥಯಲ ಕಾಮೊ ಕರಾಲಾ ಕ್ಹುದಾನೆ ಅಬ್ರಹಾಮ ನಂಬ್ಯೊ.
ROM 4:18 ಅಬ್ರಹಾಮನೆ ಬಚ್ಚಾ಼ ಥಾವಾನೆ ವಾಟಜ಼ ನ್ಹೊತಿ. ತಿಮ್ಮ ರ‍್ಹಯುತಬಿ ತೆ ಕ್ಹುದಾಪರ ಬರೊಕ್ಹೊ ಮ್ಹೆಲ್ಯೊ ವರಿಬಿ ತೆ ಆಸ ಮ್ಹೆಲಲ ಹುತಿ ತೆ ಘನ್ನಿ ಜ಼ನಾಂಗ್ನೆ ಬಾ ಥಯೊ. ಕ್ಹುದಾ ತಿನೆ"ತು ಘನ್ನಿ ಜ಼ನಾಂಗ್ನೆ ಪಡ್ದಿಲೆಶಿ" ಕೈನ ಕದಲ ಪುರಾ ಥಯು.
ROM 4:19 ಅಬ್ರಹಾಮನೆ ಕಮ್ಸಿ ಕಮ ಕ್ಹೊ ವೈಸ ಥಯಲ ಹುತಿ ತಿನು ಅಂಗಬಿ ತಾಕತ ನೈಸೊ ಥೈ ಗಯುತು. ತಿನಾಹುತಿ ತಿನೆ ಬಚ್ಚಾ಼ ಥಾವಾನೆ ಸಾದ್ಯ ನ್ಹೊತು. ತೆನೈಸೊ ಸಾರಳನೆಬಿ ಬಚ್ಚಾ಼ ಥಾವಾ ವರಕ್ಹು ನ್ಹೊತು. ಅಬ್ರಹಾಮ ಇನಾಹುತಿ ವಿಚಾರ ಕರ‍್ಯೊ. ತಿಮ್ಮ ರ‍್ಹಯುತಬಿ ಕ್ಹುದಾಪರ ರ‍್ಹಯಲ ತಿನೊ ಬರೊಕ್ಹೊ ಕಮ ಥಯೊ ನೈ.
ROM 4:20 ಕ್ಹುದಾ ದಿದಲ ವಾಗ್ದಾನಪರ ತೆ ಸಂಶೊ ಕರ‍್ಯೊ ನೈ ವರಿ ತಿನಾ ಬರೊಕ್ಹೊನಾ ಕಮ ಥಾವಾನೆ ದಿದ್ಯೊ ನೈ. ತಿನೊ ಬರೊಕ್ಹೊಜ಼ ತಿನೆ ಘಟ್ಟ ಕರ‍್ಯು ವರಿ ತೆ ಕ್ಹುದಾನೆ ಸ್ತೊತ್ರಾ ಕದ್ಯೊ.
ROM 4:21 ಕ್ಹುದಾ ದಿದಲ ವಾಗ್ದಾನ ಪುರಾ ಕರಸ ಕೈನ ಅಬ್ರಹಾಮ ನಂಬ್ಯೊತೊ.
ROM 4:22 ತಿನಾಹುತಿ"ಕ್ಹುದಾ ಅಬ್ರಹಾಮನಾ ಬರೊಕ್ಹೊನಾ ಹುತಿ ತಿನೆ ನಿತಿವಂತವಾಲಾ ವ್ಹೈ ಕೈನ ಕ್ಹುದಾ ವಪ್ಪಿಲಿದ್ಯೊ"
ROM 4:23 "ನಿತಿವಂತ" ಕವಾನಿ ಎ ವಾತ ಅಬ್ರಹಾಮನೆ ಯಕ್ಕಜ಼ ನ್ಹವೈ.
ROM 4:24 ತೆ ಅಪ್ನಾ ಹುತಿಬಿ ಬರ್ದಲ ವ್ಹೈ. ಅಪೆ ಬರೊಕ್ಹೊ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ವಾಲಾನೆ ಅಪೆ ಬರೊಕ್ಹೊ ಮ್ಹೆಲಿಯೆಸ.
ROM 4:25 ಅಪ್ನಾ ಪಾಪೊನಾ ಹುತಿ ಯೆಸುನೆ ಮರಾನೆ ದಿದ್ಯಾ. ಅಪೊನೆ ನಿತಿವಂತವಾಲಾ ಕರಾನಾಹುತಿ ತಿನೆ ಮರಲವಾಲಾವೊಮಾತೊ ವರಿ ಜಿವ್ತೊ ಕರಿನ ಉಟಾಡ್ಯೊ.
ROM 5:1 ಇಮ್ಮ ರ‍್ಹತಾಮಾ, ಅಪೆ ಬರೊಕ್ಹಾ ಕ್ಹು ನಿತಿವಂತವಾಲಾ ಥಯಾಸ. ತಿನಾಹುತಿ ಅಪ್ನೊ ಪ್ರಬು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಕ್ಹುದಾನಾ ಕ್ಹಾತೆ ಸಮಾಧಾನ ಕ್ಹು ಛೆ
ROM 5:2 ಹಮ್ನಾ ಅಪೆ ಕ್ಹುಶಿ ಕರತಾ ರ‍್ಹಯಲ ಕ್ಹುದಾನಿ ಮರಗಾ ಕ್ಹು ಕ್ರಿಸ್ತಜ಼ ಅಪೊನೆ ಅಪ್ನೊ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ‍್ಹಯಲ ಹುತಿ ಅಪೆ ಬರೊಕ್ಹಾನಿ ಘಮಂಡಿ ಕ್ಹು ಛೆ.
ROM 5:3 ತೆನೈಸೊ ಅಪೊನಾ ತ್ರಾಸೊಮಾಬಿ ಖುಶಿ ಕ್ಹು ಛೆ. ಕಾಕದ್ಯಾಮ ಎ ತ್ರಾಸೊ ಅಪೊನೆ ಹೆಚ್ಕಿ಼ ತಡ್ದಿಲಿವಾನು ಶಿಕ್ಲಾವಸ.
ROM 5:4 ತಡ್ದಿಲಿವಾಕ್ಹು ಅಪೊಮಾ ಚೊ಼ಕಾ ಸ್ವಭಾವ ಹುಟ್ಟಸ. ಚೊ಼ಕಾ ಸ್ವಭಾವಕ್ಹು ಬರೊಕ್ಹೊ ಹುಟ್ಟಸ.
ROM 5:5 ಎ ಆಸ ಅಪೊನೆ ಕೆಳಾಮಾಜ಼ ನಿರಾಶ ಕರತು ನೈ. ಕಾಕದ್ಯಾಮ ಕ್ಹುದಾ ಅಪೊನೆ ದಿದಲ ಗಿಫ್ಟ ಪವಿತ್ರ ಆತ್ಮಾನಾ ಮುಲಕ ತಿನಿ ಮಯಾ ಘನ್ನಿ ದೆಕಾಡ್ಯೊಸ.
ROM 5:6 ಅಪೆ ಆಸ ನೈಸೊವಾಲಾ ರ‍್ಹತಾಮಾ, ಕ್ಹುದಾ ಇನಿಲಿದಲ ಟೈಮಮಾ ಕ್ರಿಸ್ತ ಅಪ್ನಾ ಕೆಟ್ಟ ರ‍್ಹಯಲವಾಲಾವೊನಾ ಹುತಿ ಮರ‍್ಯೊ.
ROM 5:7 ನಿತಿವಂತವಾಲಾನೊ ಜ಼ಲಮ ವಚಾ಼ಡಾನಾಹುತಿ ಯಕ್ಲೊ ಜ಼ಲಮ ದಿವಾನು ಅಪರುಪ ವ್ಹೈ. ಕ್ಹರಿಮಾಜ಼ ಚೊ಼ಕೊ ರ‍್ಹಯಲವಾಲೊ ಯಕ್ಲಾನಾ ಹುತಿ ಜ಼ಲಮ ದಿವಾನು ಯಕ್ಲೊ ತಯ್ಯಾರ ಥಾಸ.
ROM 5:8 ತೆನೈಸೊ ಅಪೆ ಪಾಪಿಯೊ ರ‍್ಹತಾಮಾಜ಼ ಕ್ರಿಸ್ತ ಪಾಪಿಯೊನಾ ಹುತಿ ಜ಼ಲಮ ದಿದ್ಯೊ. ಇನಾಹುತಿ ಕ್ಹುದಾ ಅಪೊಪರ ರ‍್ಹಯಲ ಘನ್ನಿ ಮಯಾ ಇಮ್ಮ ಅಪೊನೆ ದೆಕಾಡಿನ ದಿವಸ.
ROM 5:9 ಅಪೆ ಕ್ರಿಸ್ತನಾ ರಗತನಾ ಮುಲಕ ಕ್ಹುದಾನಿ ನಜ಼ರಮಾ ನಿತಿವಂತವಾಲಾ ಥಯಾಸ. ತಿನಾಹುತಿ ತಿನಾ ಮುಲಕ ಕ್ಹುದಾನಿ ಶಿಟ್ಟ ಕ್ಹು ವಾಚಿಯೆಸ.
ROM 5:10 ಕಾಕದ್ಯಾಮ ಅಪೆ ಕ್ಹುದಾನಾ ವಿರೊಧಿಯೊ ರ‍್ಹತಾಮಾಜ಼ ಕ್ಹುದಾ ತಿನಾ ದಿಕ್ರಾನಾ ಮರಣನಾ ಮುಲಕ ಅಪೊನೆ ತಿನಾ ದೊಸ್ತೊ ಕರಲಿದ್ಯೊಸ. ಹಮ್ನಾ ಅಪೆ ಕ್ಹುದಾನಾ ದೊಸ್ತೊ ಥಯಲ ಹುತಿ ಕ್ಹುದಾ ತಿನಾ ದಿಕ್ರಾನಾ ಜ಼ಲಮನಾ ಮುಲಕ ಅಪೊನೆ ವಚಾ಼ಡಾನು ಹೆಚ್ಕಿ ದೆಕಾಡಿನ ದಿವಸ.
ROM 5:11 ಯಕ್ಲುಜ಼ ನೈಸೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೆ ಕ್ಹುದಾಮಾ ಕ್ಹುಶಿ ಕ್ಹು ರ‍್ಹೈಯೆಸ. ಹಮ್ನಾ ಅಪೆ ಹಮ್ನಾ ತಿಕ್ಹುಜ಼ ಕ್ಹುದಾನಾ ದೊಸ್ತೊ ಥಯಾಸ.
ROM 5:12 ಯಕ್ಕ ಮನಕ್ಹ ಆದಾಮ ಕರಲ ಕಾಮೊಕ್ಹು ಪಾಪ ಕ್ಹಾರಿ ಜಗತ್ನೆಜ಼ ಐಯು. ತಿನಾಹುತಿ ತೆ ಪಾಜ಼ ಮರಣ ಕವಾನು ಐಯು. ತಿನಾಹುತಿ ಕ್ಹಾರಾ ಮನಕ್ಹೊ ಮರುಜ಼; ಕಾಕದ್ಯಾಮ ಕ್ಹಾರಾ ಮನಕ್ಹೊ ಪಾಪ ಕರ‍್ಯಾಸ.
ROM 5:13 ಮೊಶೆನಾ ಧರಮಶಾಸ್ತ್ರತಿ ಅಗ್ದುರಜ಼ ಜಗತ್ಮಾ ಪಾಪ ವ್ಹತ್ತು. ತೆನೈಸೊ ಧರಮಶಾಸ್ತ್ರ ನೈ ರ‍್ಹವತ್ತೊ, ಕಿನುಜ಼ ಪಾಪ ಮೊಜಾ಼ನೆ ಥಾತು ನ್ಹೊತು.
ROM 5:14 ತೆನೈಸೊ ಆದಾಮಾನಾ ಕಾಲ್ತೊ ಮೊಶೆನಾ ಕಾಲ ಲಕ್ಕಾ ಕ್ಹಾರಾ ಮನಕ್ಹೊ ಮರಾನು ಥೈಯು. ಆದಾಮ ಪಾಪ ಕರಲ ಹುತಿ ಮರ‍್ಯೊ. ಕ್ಹುದಾನಿ ವಾತ ದಾಟಿನ ಗೈಯಲ ತೆ ಪಾಪ ವ್ಹೈ. ವರಿಬಿ ಆದಾಮ ಕರಲ ಪಾಪ ಲಿಂಗತ ಮ್ಹೊಟು ಪಾಪ ನೈ ಕರಲವಾಲಾಬಿ ಮರವಾನೆಜ಼ ಥಯು. ಆದಾಮ ಅಗಲ್ಯಾ ಲೊಕಮಾ ಆವಾನೊ ರ‍್ಹಯಲ ಯಕ್ಲಾನೆ (ಕ್ರಿಸ್ತನೆ) ವಳಕ ಥಯೊತೊ.
ROM 5:15 ತೆನೈಸೊ ಕ್ಹುದಾ ಗಿಫ್ಟ ಲಿಂಗತ ದಿದಲ ಆದಾಮ ಪಾಪ ಕವಾನು ನ್ಹವೈ. ತೆ ಯಕ್ಲೊ ಪಾಪ ಕರಲ ಹುತಿ ಘನ್ನಾ ಮನಕ್ಹೊ ಮರ‍್ಯಾ. ತೆನೈಸೊ ಕ್ಹುದಾನಿ ಮರಗಾ ಮನಕ್ಹೊನೆ ಮಳಲ ತಿತ್ತಿಬಿ ಮ್ಹೊಟಿ ವ್ಹೈ. ಯೆಸು ಕ್ರಿಸ್ತ ಕವಾಲಾ ಯಕ್ಕ ದಾಣ್ಗಾನಾ ಕೃಪಾನಾ ಮುಲಕ ಕ್ಹುದಾ ದಿವಾನೊ ಫ್ರಿನೊ ಜ಼ಲಮ ಘನ್ನಾ ಮನಕ್ಹೊ ಹೊಂದಿಲಿದ್ಯಾ.
ROM 5:16 ಆದಾಮ ಯಕ್ಕ ಸಲಾ ಪಾಪ ಕರಲ ಹುತಿ ತಿನೆ ತಿನೆ ಅಪರಾದಿ ವ್ಹೈ ಕೈನ ಫೈಸಲೊ ಥಯೊ. ಕ್ಹುದಾ ದಿವಾನು ಫ್ರಿನು ಗಿಫ್ಟ ತಿನಾ ವಿರೊಧ ವ್ಹೈ. ಘನ್ನಾ ಮನಕ್ಹೊ ಪಾಪ ಕರಲ ಹುತಿ ಕ್ಹುದಾನಾ ಘನ್ನಾ ಫ್ರಿನಾ ಗಿಫ್ಟ ಆಯಾತಾ. ತೆ ಫ್ರಿನು ಗಿಫ್ಟ ಘನ್ನಾ ಮನಕ್ಹೊನೆ ನಿತಿವಂತವಾಲಾ ಕರ‍ಸ.
ROM 5:17 ಯಕ್ಲೊ ಪಾಪ ಕರ‍್ಯೊ, ತೆ ಯಕ್ಲಾನಾ ಹುತಿ ಕ್ಹಾರಾ ಜ಼ನಾವೊಪರ ಮರಣ ಕವಾನು ರಾಜ಼ ಕರ‍್ಯು. ತೆನೈಸೊ ದಕ್ಹಾ ಮನಕ್ಹೊ ಕ್ಹುದಾನಿ ಘನ್ನಿ ಮರಗಾ ಕ್ಹು ವರಿ ನಿತಿವಂತವಾಲಾ ಕರಾನಿ ತಿನಿ ಮ್ಹೊಟಿ ಗಿಫ್ಟನೆ ಸ್ವಿಕಾರ ಕರಸ. ಕ್ಹರಿಮಾಜ಼ ತ್ಯುನೆ ಯೆಸು ಕ್ರಿಸ್ತ ದಾಣ್ಗಾನಾ ಮುಲಕ,ಕ್ಹರಿನೊ ಜ಼ಲಮ ಹೊಂದಿಲಿವಸ. ವರಿ ರಾಜ಼ ಕರಸ.
ROM 5:18 ಇಮ್ಮ ರ‍್ಹೈನಬಿ ಆದಾಮನು ಯಕ್ಕ ಪಾಪ ಕ್ಹಾರಾ ಮನಕ್ಹೊನೆ ಮರವಾನೊ ಫೈಸಲೊ ಆಯೊ. ತೆನೈಸೊ ತಿನಾ ಲಿಂಗತಜ಼, ಕ್ರಿಸ್ತ ಕರಲ ಯಕ್ಕ ಚೊ಼ಕು ಕಾಮ, ಕ್ಹಾರಾ ಮನಕ್ಹೊನೆ ನಿತಿವಂತವಾಲಾ ಕರಸ. ವರಿ ತೆ ಮನಕ್ಹೊನೆ ಕ್ಹರಿನೊ ಜ಼ಲಮ ಲಾವಸ.
ROM 5:19 ಯಕ್ಲೊ ಕ್ಹುದಾನೆ ವಾತ ದಾಟಿನ ಗಯಲ ಹುತಿ ಕ್ಹಾರಾ ಮನಕ್ಹೊ ಪಾಪಿ ಥಯಾ. ತೆನೈಸೊ ಯಕ್ಲೊ ಕ್ಹುದಾನಿ ವಾತ ಪುರಾ ಕರಲ ಹುತಿ ಕ್ಹಾರಾ ಮನಕ್ಹೊ ನಿತಿವಂತವಾಲಾ ಥಾವಸ.
ROM 5:20 ಧರಮಶಾಸ್ತ್ರ ಆಯಲ ಹುತಿ ಮನಕ್ಹೊನಾ ಘನ್ನಾ ಪಾಪೊ ಹೆಚ್ಕಿ಼ ದಿಕ್ಹಿನ ಆಯಾ. ತೆನೈಸೊ ಮನಕ್ಹೊ ಘನ್ನಾ ಪಾಪೊ ಕರಲ ಟೈಮ್ಮಾ, ಕ್ಹುದಾ ತ್ಯುನೊನೆ ಹೆಚ್ಕಿ಼ ಮರಗಾ ದೆಕಾಡ್ಯೊ.
ROM 5:21 ಯಕ್ಕ ಕಾಲ್ಮಾ ಪಾಪ ಮರಣನಾ ಮುಲಕ ಅಪ್ನೊ ಪರ ರಾಜ಼ ಕರ‍್ಯು. ತೆನೈಸೊ ಕ್ಹುದಾ ಮನಕ್ಹೊನೆ ನಿತಿವಂತವಾಲಾ ಕರು ಕೈನ ತಿನಿ ಘನ್ನಿ ಮರಗಾ ದೆಕಾಡ್ಯೊ. ಎ ಮರಗಾ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಹಮೆಶಾನೊ ಜ಼ಲಮ ಲಾವಸ.
ROM 6:1 ತಿಮ್ಮ ರ‍್ಹಯಾಮ ತುಮಾರಿ ವಿಚಾರ ಸು ವ್ಹೈ? ಕ್ಹುದಾ ಅಪೊನೆ ಘನ್ನಿ ಮರಗಾ ದೆಕಾಡಸ ಕೈನ ಅಪೆ ಹಜು಼ನ ಪಾಪ ಕರತಾ ರ‍್ಹೌ ಸು?
ROM 6:2 ಕ್ಹರಿಜ಼ ನೈ! ಅಪೆ ಅಪ್ನಾ ಪಾಚ಼ಲ್ಯಾ ಪಾಪನಿ ಜಿವ್ನಾನಾ ಪಾಲೆ ಮರಿ ಗಯಾಸ. ತಿಮ್ಮ ರ‍್ಹಯಾಮ, ಅಪೆ ಪಾಪಮಾಜ಼ ಜಿವ್ನಾ ಕರಾನು ಕಿಮ ಸಾದ್ಯ ಛೆ?
ROM 6:3 ಅಪೆ ಬಾಪ್ತಿಸ್ಮ ಕರಲೆತಾಮಾ, ಕ್ರಿಸ್ತಮಾ ಪಾಲ ಲಿವಾಲಾ ಥಯಾ ಕವಾನು ತುಮೆ ಇಕ್ಹರಿ ಪಡ್ಯಾ ಸು? ಅಪ್ನಿ ಬಾಪ್ತಿಸ್ಮ ಕ್ಹು ತಿನಾ ಮರಣಮಾ ಪಾಲ ಲಿವಾಲಾ ಥಯಾ.
ROM 6:4 ತಿಮ್ಮ ರ‍್ಹತಾಮಾ, ಅಪೆ ಬಾಪ್ತಿಸ್ಮ ಕರಲೆತಾಮಾ, ಅಪೊನೆ ಕ್ರಿಸ್ತನಾ ಕ್ಹಾತೆ ಸಮಾದಿ ಥೈ ವರಿ ಅಪೆ ತಿನಾ ಮರಣಮಾ ಪಾಲ ಲಿವಾಲಾ ಥಯಾ. ಅಪೆ ಜಿವ್ತಾ ಥೈನ ಉಟಿನ ನಯಿ ಜಿವ್ನಾ ಕರುಕೈನ ಅಪೊನೆ ಕ್ರಿಸ್ತ ಕ್ಹಾತೆ ಸಮಾದಿ ಥೈ. ಕ್ರಿಸ್ತ ಬಾನಿ ಅದ್ಬುತ ಕರಾನಿ ತಾಕತ ಕ್ಹು ಮರ‍ಲವಾಲಾವೊಮಾತೊ ಜು಼ವ್ತೊ ಥೈನ ಆಯಲ ಲಿಂಗತ ಅಪೆ ಬಿ ಜಿವ್ತಾ ಥೈನ ಆಯಾಸ.
ROM 6:5 ಕಿಮ್ಮ ಅಪೆ ಕ್ರಿಸ್ತ ಮರಣನಾ ಪಾಲ ಥಯಾಸ ತಿಮ್ಮಜ಼ ತೆ ಜಿವ್ತೊ ಥೈನ ಆಯಲ ಲಿಂಗತ ಅಪೆಬಿ ಜಿವ್ತಾ ಥೈನ ಆಯಲ ತಿನಾ ಪಾಲಮಾ ಮಳ್ಯಾ.
ROM 6:6 ಅಪ್ನಿ ಜು಼ನ್ನಿ ಜಿವಿತ ಕ್ರಿಸ್ತನಾ ಕ್ಹಾತೆ ಶಿಲುಬಿಪರ ಮರಿ ಗೈಸ ಕವಾನು ಅಪೊನೆ ಗ್ವತ್ತ ಛೆ. ಅಪ್ನಿ ಪಾಪನಿ ಚಾಳಿಕ್ಹು ಅಪೊಪರ ಕಯೊ ಅದಿಕಾರ ರ‍್ಹೌ ನೈ ಕೈನ ಅಪೆ ಅಗಾ ಪಾಪನಾ ಗುಲಾಮೊ ಥೈ ರ‍್ಹೌ ನೈ ಕೈನ ಇಮ್ಮ ಥಯೊ.
ROM 6:7 ಪಾಪನಾ ಪಾಲೆ ಮರಲವಾಲೊ ಪಾಪನಾ ಹತ್ಮಾತೊ ಛೊಡೈಲಿದ್ಯೊಸ.
ROM 6:8 ಅಪೆ ಕ್ರಿಸ್ತನಾ ಕ್ಹಾತೆ ಮರಿ ಗಯಾ, ವರಿ ಅಪ್ನೊ ಬರೊಕ್ಹೊ ತಿನಾ ಕ್ಹಾತೆ ಜಿವ್ತೊ ಕರಸ ಕವಾನು ಕ್ಹರಿಜ಼ ಛೆ.
ROM 6:9 ಕ್ರಿಸ್ತ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ತೆ ವರಿ ಮರಾನೆ ಕೆಳಾಮಾಜ಼ ಸಾದ್ಯ ನತ್ತಿ ಕವಾನು ಅಪೊನೆ ಗ್ವತ್ತ ಛೆ. ಹಮ್ನಾ ಮರಣನೆ ತಿಪರ ಕಯೊ ಅದಿಕಾರ ನತ್ತಿ.
ROM 6:10 ಹೊ, ಕ್ರಿಸ್ತನೆ ಹಬ್ದಾ ಪಾಪನಿ ತಾಕತ ಸೊಲ್ಸಾನೆ ಸಾದ್ಯ ನತ್ತಿ. ಹಮ್ನಾ ತಿಮಾ ನೈ ಜಿವ್ನಾ ಛೆ. ಕ್ಹುದಾನಾ ಕ್ಹಾತೆ ಜಿವ್ತಾ ರ‍್ಹವಾನು ತೆಜ಼ ನೈ ಜಿವಿತ ವ್ಹೈ.
ROM 6:11 ತಿನಾ ಲಿಂಗತಜ಼ ತುಮೆಬಿ ತುಮೊನೆ ಪಾಪನಿ ತಾಕತನಿ ಪಾಲೆ ಮರ‍್ಯಾಸ ಕೈನ ವರಿ ಪಾಪನಿ ಅದಿಕಾರಮಾ ನಕೊ ಚಾ಼ಲೊ ಕ್ರಿಸ್ತ ಯೆಸುನಾ ಮುಕಾಂತರ ಕ್ಹುದಾನಾ ಕ್ಹಾತೆ ಜಿವ್ನಾ ಕರಿಯೆಸ ಕೈನ ತಿಳ್ದಿಲಿವೊ.
ROM 6:12 ತೆನೈಸೊ ಪಾಪ ತುಮಾರಾ ಮರಾನಾ ಅಂಗಮಾ ಇತ್ತಿ ಉಪ್ಪರ ಅದಿಕಾರ ಕರು ನೈ, ತಿನಾಹುತಿ ತುಮೆ ತುಮಾರಾ ಸ್ವಾಭಾವಿಕ ಸ್ವಭಾವನಾ ಆಸೊ ಪುರಾ ಕರು.
ROM 6:13 ತುಮಾರು ಅಂಗನು ಭಾಗನೆ ಪಾಪನಿ ಸೆವೆ ಕರಾನೆ ವಪ್ಸಿನ ದಿವೊನಕೊ. ತುಮಾರು ಅಂಗ ಪಾಪನೆ ವಪ್ಸಿನ ಕೆಟ್ಟ ಕಾಮನೆ ಚ಼ಲಾವಾನು ಚಿ಼ಜ ಕರಿಲಿವೊ ನಕೊ. ತಿನಾ ಬದ್ಲಿ ಮರಿನ ಹಮ್ನಾ ಜಿವ್ತೊ ಥೈನ ಉಟಿನ ಆಯಲ ಲಿಂಗತ ತುಮೊನೆ ಕ್ಹುದಾನೆ ವಪ್ಸಿನ ದಿಪಾಡೊ. ಚೊ಼ಕಾ ಕಾಮೊ ಕರಾನೆ ತುಮಾರು ಅಂಗ ಸಾಮನ ಥೈನ ಕ್ಹುದಾನೆ ವಪ್ಸಿನ ದಿವೊ.
ROM 6:14 ಪಾಪ ತುಮಾರೊ ಮಾಲಕ ಥೈನ ರ‍್ಹತೊ ನೈ. ಕಾಕದ್ಯಾಮ ತುಮೆ ಧರಮಶಾಸ್ತ್ರನೆ ಅದಿನ ನ್ಹವೈ ತೆನೈಸೊ ಹಮ್ನಾ ತುಮೆ ಮರಗಾಮಾ ಜಿವ್ನಾ ಕರಾಲಾ ವ್ಹೈ.
ROM 6:15 ಇಮ್ಮ ರ‍್ಹತಾಮಾ ಹಮೆ ಸು ಕರಿಯೆ? ಅಪೆ ಧರಮಶಾಸ್ತ್ರನೆ ಅದಿನಮಾ ರ‍್ಹಯಾವಾಚಿ಼ ಕ್ಹುದಾನಿ ಮರಗಾನಿ ಅದಿನಮಾ ರ‍್ಹಯಲ ಹುತಿ ಪಾಪ ಕರುಸು? ಕ್ಹರಿಜ಼ ನೈ!
ROM 6:16 ತುಮೆ ಕಿನೆತುಬಿ ತಿನಾ ಆಗನ್ಯಾ ಪಾಲ್ಸಾನೆ ವಪ್ಸಿನ ದಿವೊಶಿ. ತೆ ತುಮೊನೆ ಮಾಲಕ ಥಾವಸ ವರಿ ತುಮೆ ತಿನೆ ಗುಲಾಮೊ ಥಾವೊಶಿ. ತಿನಾಹುತಿ ತುಮೆ ಪಾಪನೆ ಗುಲಾಮೊ ಥಾವೊಶಿ ತಿನು ಪರಿಣಾಮ ಮೌತ ಥಯುಸ. ತೆನೈಸೊ ವಿಧೆಯತೆನೆ ಗುಲಾಮೊ ಥಾವಾನು ತೆ ತುಮೊನೆ ಕ್ಹುದಾನಿ ಸನ್ನಿಧಿಮಾ ನಿತಿವಂತವಾಲಾ ಕೈನ ಫೈಸಲೊ ಕರಸ.
ROM 6:17 ಪಾಚ್ಲಯಾ ದಿನೊಮಾ ತುಮೆ ಪಾಪೊನೆ ಗುಲಾಮೊ ವ್ಹತ್ತಾ. ಪಾಪ ತುಮೊನೆ ತಿನಾ ಹತೊಟಿಮಾ ಧರಲಿದ್ಯುತು. ತುಮೊನೆ ಕದಲ ವಿಷಯನೆ ತುಮೆ ಕ್ಹಾರಿ ತರಾಮಾ ವಿದೆಯ ಥಯಲ ಹುತಿ ಕ್ಹುದಾನೆ ಸ್ತೊತ್ರಾ ಥಾವಾದೆ.
ROM 6:18 ತುಮೆ ಪಾಪಕ್ಹು ಬಿಡುಗಡೆ ಥಯಾಸ. ಹಮ್ನಾ ತುಮೆ ನಿತಿನೆ ಗುಲಾಮೊ ಥಯಾಸ.
ROM 6:19 ಮನಕ್ಹೊನೆ ಕಳಲ ಉದಾಹರಣೆ ಮುಲಕ ಮಿ ಎ ತುಮೊನೆ ಕವಾಡ್ಯೊಸ. ಪಾಚ಼ಲ್ಯಾ ಕಾಲ್ಮಾ ತುಮೆ ತುಮಾರಾ ಅಂಗಕ್ಹು ಪಾಪನೆ ಕೆಟ್ಟ ಕಾಮೊನೆ ವರಿ ದುಷ್ಟ ಕಾಮೊನೆ ಗುಲಾಮ ಲಿಂಗತ ವಪ್ಸಿನ ದಿದ್ಯಾತಾ ತಿನಾ ಲಿಂಗತಜ಼ ಹಮ್ನಾ ತುಮಾರಾ ಅಂಗೊನಾ ಭಾಗನೆ ಪವಿತ್ರ ಆತ್ಮಾನೆ ವಪ್ಸಿನ ದಿದ್ಯಾಸ.
ROM 6:20 ತೆಳಾಮಾ ತುಮೆ ಪಾಪೊನೆ ಗುಲಾಮೊ ವ್ಹತ್ತಾ ವರಿ ನಿತಿನೆ ಹತೊಟಿಮಾ ಪಡ್ಯಾನ್ಹೊತಾ.
ROM 6:21 ತುಮೆ ಹಮ್ನಾ ಸರಮಾವಾನಾ ಕಾಮೊ ಕರೆ ನೈಸೊ ತುಮೆ ಸು ಪಡ್ದಿಲಿದ್ಯಾಸ? ತೆ ಕಾಮೊನು ಪರಿಣಾಮ ಮೌತ ವ್ಹೈ!
ROM 6:22 ತೆನೈಸೊ ಹಮ್ನಾ ತುಮೆ ಪಾಪಕ್ಹು ಬಿಡುಗಡೆ ಥೈನ ಕ್ಹುದಾನಾ ಗುಲಾಮೊ ಥಯಾಸ. ಇನಾಹುತಿ ತುಮೊನೆ ಪರಶುಧ್ದ ಜಿವನ ಹಮೆಶಾನು ಜ಼ಲಮ ಮಳಸ.
ROM 6:23 ಕಾ ಕದ್ಯಾ ಪಾಪನಿ ಪಗಾರ ಮರಣ ವ್ಹೈ. ತೆನೈಸೊ ಕ್ಹುದಾ ಫ್ರಿ ದಿವಾನು ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಮಾ ರ‍್ಹಯಲ ಹಮೆಶಾನೊ ಜ಼ಲಮ ವ್ಹೈ.
ROM 7:1 ಭಾಯೊ ಭೆನೊ, ತುಮೆ ಕ್ಹಾರಾ ಮೊಶೆನು ಧರಮಶಾಸ್ತ್ರನೆ ತಿಳ್ದಿಲಿವೊಶಿ. ಯಕ್ಕ ಮನಕ್ಹ ಜಿವ್ತೊ ರ‍್ಹತಾಮಾಜ಼ ಧರಮಶಾಸ್ತ್ರ ತೆ ಮನಕ್ಹನೆ ರಾಜ಼ ಕರಸ ಕವಾನು ತುಮೊನೆ ಗ್ವತ್ತ ನತ್ತಿ ಸು?
ROM 7:2 ಮಿ ತುಮೊನೆ ಯಕ್ಕ ಉದಾಹರಣೆ ಕೌಸ ಮಾಟಿ ಜಿವ್ತೊ ರ‍್ಹಯೆ ಲಕ್ಕಾ ಬೈಕೊ ಕಾನುನನಾ ಪ್ರಕಾರ ತಿನಾ ಹತ್ಮಾ ರ‍್ಹೌ. ತೆನೈಸೊ ತಿನೊ ಮಾಟಿ ಮರ‍್ಯೊಮ, ಹಿವಾನಾ ಕಾನುನ ನತ್ತಿ ತೆ ಛುಟಲ ಲಿಂಗತ ವ್ಹೈ.
ROM 7:3 ತೆನೈಸೊ ತಿನೊ ಮಾಟಿ ಜಿವ್ತೊ ರ‍್ಹತಾಮಾಜ಼ ಬಿಜೆ಼ಕ್ಲಾನೆ ಹಿವಾ ಕರಲಿದಿಮ ತೆ ವ್ಯಭಿಚಾರ ಕವಾನಾ ಪಾಪಮಾ ಪಡಲ ಲಿಂಗತ ವ್ಹೈ ಕೈನ ಧರಮಶಾಸ್ತ್ರ ಕವಸ. ತೆನೈಸೊ ತಿನೊ ಮಾಟಿ ಮರ‍್ಯೊಮ ತೆ ಹಿವಾನಾ ಬಂದನಮಾತಿ ಛುಟಿ ಗೈಸ. ಇಮ್ಮ ರ‍್ಹತಾಮಾ, ತಿನೊ ಮಾಟಿ ಮರ‍ಲ್ಪರ ಬಿಜೆ಼ಕ್ಲಾನೆ ಹಿವಾ ಕರಲಿದಿಮ ತೆ ವ್ಯಭಿಚಾರ ಕವಾನಾ ಅಪರಾದನೆ ಗುರಿ ನೈ ಥಾತಿ.
ROM 7:4 ಮಾರಾ ಭಾಯೊ ಭೆನೊ, ಇನಾಲಿಂಗತಜ಼ ತುಮಾರಾ ಜು಼ನ್ನಿಯೊ ಚಾಳಿಯೊ ಮರಿ ಗಯ್ಯೊ; ತುಮೆ ಕ್ರಿಸ್ತನಾ ಅಂಗನಾ ಮುಲಕ ಧರಮಶಾಸ್ತ್ರಕ್ಹು ಬಿಡುಗಡೆ ಥಯಾಸ. ಹಮ್ನಾ ತುಮೆ, ಮರಲ ಮನಕ್ಹೊಮಾತಾ ಜಿವ್ತೊ ಥೈನ ಉಟಿನ ಆಯಲವಾಲಾನೆ ಮಳಲವಾಲಾ ಥಯಾಸ. ಅಪೆ ಕ್ಹುದಾನಾ ಹುತಿ ಫಲ ದಿವಾನಾ ಹುತಿ ಕ್ರಿಸ್ತನೆ ಮಳಲವಾಲಾ ಥಯಾಸ.
ROM 7:5 ಅಪ್ನಿ ಮಾನವ ಸ್ವಭಾನಾ ಲಿಂಗತ ಅಪೆ ಜಿವ್ತಾ ರ‍್ಹತಾಮಾ, ಧರಮಶಾಸ್ತ್ರಕ್ಹು ಹುಟ್ಟಲ ಪಾಪನಾ ಆಸೊ ಅಪ್ನಾ ಅಂಗೊಮಾ ಕಾಮ ಕರಾಡಾಸ, ವರಿ ಅಪೆ ಎ ಕ್ಹಾರು ಮರೆ ಲಕ್ಕಾ ಕರೆಸ.
ROM 7:6 ತೆನೈಸೊ ಹಮ್ನಾ ಅಪೊನೆ ಧರಮಶಾಸ್ತ್ರಕ್ಹು ಬಿಡುಗಡೆ ಮಳ್ಯುಸ. ಕಾಕದ್ಯಾಮ. ಕಯಾ ಧರಮಶಾಸ್ತ್ರಮಾ ಭಾಂದ್ಯಾತಾ ಅಪೆ ತಿನಾಹುತಿ ಮರ‍್ಯಾಸ ಜು಼ನ್ನಾ ಅಕ್ಷರೊಕ್ಹು ನ್ಹವೈ ಆತ್ಮಾನಿ ನೈ ತರಾಮಾ ಅಪೆ ಕ್ಹುದಾನಿ ಸೆವೆ ಕರೆಸ.
ROM 7:7 ಪಾಪ ವರಿ ಧರಮಶಾಸ್ತ್ರ ಎ ಭಂಬಿ ಯಕ್ಕಜ಼ ವ್ಹೈ ಕೈನ ಮಿ ಕವಾಡ್ಯೊಸ ಕೈನ ತುಮೆ ತಿಳದಿಲಕ್ಹು. ತೆನೈಸೊ ತೆ ಕ್ಹರಿ ನ್ಹವೈ. ಪಾಪ ಕದ್ಯಾಮ ಸು ವ್ಹೈ ಕವಾನು ಶಿಕ್ಕಾನೆ ಧರಮಶಾಸ್ತ್ರ ಯಕ್ಕಜ಼ ಮನೆ ಯಕ್ಕಜ಼ ಯಕ್ಕ ವಾಟ ಥೈಸ. ಧರಮಶಾಸ್ತ್ರ ನೈ ರ‍್ಹವತ್ತೊ, ಕೆಟ್ಟ ಆಸ ಸುವೈ ಕವಾನು ಮನೆ ಗ್ವತ್ತ ಥಾತು ನ್ಹೊತು. ಬಿಜ಼ಾವೊನಾ ಸಾಮ್ನೊನೆ ತುಮೆ ಆಸ ಕರು ನೈ" ಕೈನ ಧರಮಶಾಸ್ತ್ರ ಕದಲಕ್ಹುಜ಼ ತೆ ಮನೆ ಗ್ವತ್ತ ಥಯು.
ROM 7:8 ತೆನೈಸೊ ಪಾಪ ತೆ ಆಗನ್ಯಾನೆ ಉಪಯೊಗ ಕರಿನ ಮಾರಾಮಾ ಹರಯಕ್ಕ ತರಾನಾ ಕೆಟ್ಟ ಆಸೊನೆ ಶೆ ದಿಲೈಯು. ತಿನಾಹುತಿ ತೆ ಆಜ್ಞಾಕ್ಹು ಪಾಪ ಮಾರಾ ಕ್ಹಾಮು ಐಯು. ತೆನೈಸೊ ಧರಮಶಾಸ್ತ್ರ ನೈ ರ‍್ಹವತ್ತೊ, ಪಾಪ ಕವಾನು ರ‍್ಹತುಜ಼಼ ನ್ಹೊತು..
ROM 7:9 ಮಿ ಧರಮಶಾಸ್ತ್ರನೆ ತಿಳ್ದಿಲಿವಾತಿ ಪೈಲಾ ಧರಮಶಾಸ್ತ್ರ ನೈ ರ‍್ಹಯಲವಾಲೊ ಥೈನ ಜಿವ್ತೊ ವ್ಹತ್ತೊ. ತೆನೈಸೊ ಧರಮಶಾಸ್ತ್ರನಿ ಆಜ್ಞಾ ಮಕನ ಆತಾಮಾ, ಪಾಪ ಜಿವ್ತು ಥಯು.
ROM 7:10 ಮಿ ಪಾಪನಾ ಹುತಿ ಆತ್ಮಿಕಮಾ ಮರಿ ಗಯೊ. ಜ಼ಲಮ ದಿವಾನಿ ಆಜ್ಞಾಜ಼ ಮನೆ ಮೌತ ಲೈ.
ROM 7:11 ಪಾಪ ತೆ ಆಗನ್ಯಾನೆ ಉಪಯೊಗ ಕರಿನ ಮನೆ ಮೊಸ ಕರಿನ, ಮಾರಾಮಾ ಆತ್ಮಿಕ ಮೌತ ಲೈಯು.
ROM 7:12 ಇಮ್ಮ ರ‍್ಹತಾಮಾ ಧರಮಶಾಸ್ತ್ರ ಪವಿತ್ರ ವ್ಹೈ. ಆಗನ್ಯಾ ಪವಿತ್ರ ಫೈಸಲೊ ಚೊ಼ಕು ವ್ಹೈ.
ROM 7:13 ತಿಮ್ಮ ರ‍್ಹಯುಮ, ಚೊ಼ಕೊಜ಼ ಮನೆ ಮೌತ ಲೈಯುಸ ಕೈನ ಮತ್ಲಬ ವೈಸು? ಕ್ಹರಿಜ಼ ನ್ಹವೈ! ತೆನೈಸೊ ಪಾಪ ಚೊ಼ಕೊಜ಼ ಉಪಯೊಗ ಕರಿನ ಮನೆ ಮೌತ ಲೈಯು. ಇನಾಹುತಿ, ಮಿ ಪಾಪನು ಅಸ್ಲಿ ರುಪ ದೆಕಾವರಕ್ಹು ಥಯು. ಪಾಪ ಘನ್ನು ಕೆಟ್ಟ ವ್ಹೈ ಕೈನ ಆಜ್ಞಾಕ್ಹು ಗ್ವತ್ತ ಥಯು.
ROM 7:14 ಧರಮಶಾಸ್ತ್ರ ಆತ್ಮಿಕ ರ‍್ಹಯಲ ವ್ಹೈ ಕೈನ ಅಪೊನೆ ಗ್ವತ್ತ ಛೆ. ತೆನೈಸೊ ಮಿ ಶಾರಿರಿಕ ಮನಕ್ಹ ವ್ಹೈ. ಮಿ ಪಾಪನೆ ಇಕ್ಕಲ ಗುಲಾಮ ವೈಸು ಕೈನ ಪಾಪ ಮಪರ ರಾಜ಼ ಕರಾಡ್ಯುಸ.
ROM 7:15 ಮಿ ಕರಾನಾ ಕಾಮೊ ಮನೆ ಗ್ವತ್ತ ಥಾತು ನೈ. ಮಿ ಕಯಾ ಚೊ಼ಕಾ ಕಾಮೊ ಕರು ಕೈನ ಆಸ ಕರುಸ ತೆ ಕಾಮೊ ಕರ‍್ಯಾವಾಚಿ ಮಿ ನೈ ಶೆರಾನಾ ಕೆಟ್ಟ ಕಾಮೊಜ಼ ಕರುಸ.
ROM 7:16 ಮಿ ಕರಾನಾ ಕೆಟ್ಟ ಕಾಮೊ ಕರಾನೆ ಮನೆ ನೈ ಮನಸ ರ‍್ಹೈತುಬಿ, ಧರಮಶಾಸ್ತ್ರ ಚೊ಼ಕು ವ್ಹೈ ಕೈನ ಮಿ ವಪ್ಪಿಲಿದಲ ಲಿಂಗತ ಥಯು.
ROM 7:17 ಇಮ್ಮ ರ‍್ಹತಾಮಾ ಎ ಕೆಟ್ಟ ಕಾಮೊ ಕರಾಲೊ ಕ್ಹರಿಮಾಜ಼ ಮಿ ನ್ಹವೈ. ಮಾರಾಮಾ ರ‍್ಹಯಲ ಪಾಪಜ಼ ವ್ಹೈ ಎ ಕೆಟ್ಟ ಕಾಮೊ ಕರಸ.
ROM 7:18 ಹೊ, ಮಾರಾಮಾ ಕದ್ಯಾಮ ಮಾರಾ ಮಾನವ ಸ್ವಭಾವನಿಯೊ ಚಾಳಿಯೊಮಾ ಚೊ಼ಕು ಸುಜ಼ ನತ್ತಿ ಕೈನ ಮನೆ ಗ್ವತ್ತ ಛೆ. ಚೊ಼ಕಾ ಕಾಮೊ ಕರಾನೆ ಮನೆ ಮನಸ ರ‍್ಹೈತುಬಿ ತೆ ಕರಾನೆ ಮನೆ ಥಾತು ನೈ.
ROM 7:19 ಮಿ ಕರಾನೆ ಆಸ ಕರಲ ಚೊ಼ಕಾ ಕಾಮೊ ಕರಾನೆ ಮನಸ ಕರುಸ ತೆನೈಸೊ ಮಿ ನೈ ಕರಾನಾ ತೆ ಕೆಟ್ಟ ಕಾಮೊಜ಼ ಕರುಸ.
ROM 7:20 ಇಮ್ಮ ರ‍್ಹತಾಮಾ, ಮಿ ನೈ ತೆ ಕರಾನಾ ಕಾಮೊ ಮಿ ಕರ‍್ಯೊಮ, ತೆ ಕರಾಲೊ ಕ್ಹರಿಬಿ ಮಿ ನ್ಹವೈ. ಮಾರಾಮಾ ರ‍್ಹಯಲ ಪಾಪಜ಼ ತೆ ಕೆಟ್ಟ ಕಾಮೊ ಕರಸ.
ROM 7:21 ಇಮ್ಮ ರ‍್ಹತಾಮಾ, ಮಿ ಎ ನಿಯಮ ಶಿಕ್ಶಯೊಸ; ಮಿ ಚೊ಼ಕು ಕರಾನೆ ಜಾ಼ತಾಮಾ, ಕೆಟ್ಟ ಮಾರಾಮಾ ರ‍್ಹವಸ.
ROM 7:22 ಮಾರಾ ಅಂತರಂಗಮಾ ಕ್ಹುದಾನಿ ನಿಯಮನಾ ವಿಷಯಮಾ ಮಿ ಖುಶಿ ಥೌಸ.
ROM 7:23 ತೆನೈಸೊ ಮಿ ಮಾರಾ ಅಂಗಮಾ ಬಿಜು಼ ನಿಯಮ ಕಾಮ ಕರಾನು ಮಿ ದೆಕುಸ. ಮಾರು ಅಂತರಂಗ ವಪ್ಪಿಲಿವಾನಾ ನಿಯಮನೆ ವಿರುದ್ದ ಥೈನ ತೆ ನಿಯಮ ಹೊರಾಡಸ. ಮಾರಾ ಅಂಗಮಾ ಕಾಮ ಕರಾನಾ ತೆ ಬಿಜು಼ ನಿಯಮಜ಼ ಪಾಪನು ನಿಯಮ ಭಾಂದಸ. ತೆ ನಿಯಮ ಮನೆ ಪಾಪನು ಗುಲಾಮ ಕರಸ.
ROM 7:24 ಮಿ ಕೆಕ್ಲೊ ಕೆಟ್ಟ ನಸಿಬವಾಲೊ ವ್ಹೈ. ಮನೆ ಮೌತ ಲಾವಾನಾ ಎ ಅಂಗಕ್ಹು ಮನೆ ವಚಾ಼ಡಾಲು ಕುನ್ನ ವ್ಹೈ?
ROM 7:25 ಕ್ಹುದಾ ಮನೆ ವಚಾ಼ಡಸ! ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುನಾ ಮುಲಕ ತೆ ದಿವಾನಿ ರಕ್ಷಣೆನಾ ಹುತಿ ತಿನೆ ಸ್ತೊತ್ರ ಥಾವಾದೆ! ತಿನಾಹುತಿ ಮಾರಾ ಅಂತರಂಗಮಾ ಮಿ ಕ್ಹುದಾನಿ ನಿಯಮನೆ ಗುಲಾಮ ಥಯೊಸ. ತೆನೈಸೊ ಮಾರಾ ಮಾನವ ಸ್ವಭಾವನಿಯೊ ಚಾಳಿಯೊಮಾ ಮಿ ಪಾಪನಾ ನಿಯಮೊನೆ ಗುಲಾಮ ಥಯೊಸ.
ROM 8:1 ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ‍್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ.
ROM 8:2 ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.
ROM 8:3 ಧರಮಶಾಸ್ತ್ರ ತಾಕತ ನೈಸೊ ವ್ಹತ್ತು. ಕಾಕದ್ಯಾಮ ಅಪ್ನಾ ಮಾನವ ಸ್ವಭಾವನಿಯೊ ಚಾಳಿಯೊಜ಼ ತಿನೆ ತಾಕತ ನೈಸೊ ಕರ‍್ಯು. ಇಮ್ಮ ರ‍್ಹತಾಮಾ, ಧರಮಶಾಸ್ತ್ರ ನೈ ಕರಾನು ಕ್ಹುದಾ ಕರ‍್ಯೊ. ಕ್ಹುದಾ ತಿನಾ ಸ್ವಂತ ದಿಕ್ಕರಾನೆಜ಼ ಪಾಪನಾ ಚಾಳಿಯೊನಾ ಮನಕ್ಹನಾ ಚಾಳಿಯೊಮಾ ಪಾಪನೆ ಪ್ರಾಯಶ್ಚಿತ ಥೈನ ವಳೈನ ದಿದ್ಯೊ. ತಿನಾಹುತಿ ಕ್ಹುದಾ ಪಾಪನೆ ಮೌತನೊ ಫೈಸಲೊ ದಿವಾನೆ ಮನಕ್ಹನಾ ಚಾಳಿಯೊನೆ ಉಪಯೊಗ ಕರ‍್ಯೊ.
ROM 8:4 ಹಮ್ನಾ ಅಪ್ನಾ ಚಾಳಿಯೊ ಲಿಂಗತ ಜಿವ್ನಾ ಕರ‍್ಯಾವಾಚಿ ಪವಿತ್ರ ಆತ್ಮಾ ಕದಲ ಲಿಂಗತ ಜಿವ್ನಾ ಕರಾಲಾ ಅಪೊಮಾ ಧರಮಶಾಸ್ತ್ರನಾ ನಿಯಮೊ ಥೌ ಕೈನ ಕ್ಹುದಾ ಇಮ್ಮ ಕರ‍್ಯೊ.
ROM 8:5 ತ್ಯುನಾ ಮನಕ್ಹೊ ಶಾರಿರಿಕನಿಯೊ ಚಾಳಿಯೊ ಲಿಂಗತ ಜಿವ್ನಾ ಕರಾಲಾ ಮನಕ್ಹೊ ತ್ಯುನಾ ಮನಕ್ಹೊನಾ ಸ್ವಭಾವನಿಯೊ ಚಾಳಿಯೊ ಸಂಗತಿಯೊನಾ ಹುತಿ ಯಕ್ಕಜ಼ ವಿಚಾರ ಕರಸ. ತೆನೈಸೊ ಆತ್ಮಾ ಕದಲ ಲಿಂಗತ ಜಿವ್ನಾ ಕರಾಲಾ ಮನಕ್ಹೊ ತ್ಯುನಾಕ್ಹು ಆತ್ಮಾ ಆಸ ಕರಾನಾ ಕಾಮೊನಾ ಹುತಿ ವಿಚಾರ ಕರಸ.
ROM 8:6 ಯಕ್ಲಾನಿ ವಿಚಾರ ತಿನಾ ಪಾಪನಾ ಸ್ವಭಾವ ಲಿಂಗತ ರ‍್ಹಯುಮ ತಿನೆ ಆತ್ಮಿಕ ಮೌತ ಥಾವಸ. ತೆನೈಸೊ ಯಕ್ಲಾನಿ ವಿಚಾರ ಪವಿತ್ರ ಆತ್ಮಾನಾ ಹತ್ಮಾ ರ‍್ಹಯಲ ರ‍್ಹಯುಮ, ತಿನಾಮಾ ಜ಼ಲಮ ಸಮಾದಾನ ರ‍್ಹವಸ.
ROM 8:7 ಕಾಕದ್ಯಾಮ ಯಕ್ಲಾನಿ ವಿಚಾರ ತಿನಿ ಪಾಪನಿ ಚಾಳಿನಾ ಹತ್ಮಾ ರ‍್ಹಯಲ ರ‍್ಹಯುಮ, ತೆ ಕ್ಹುದಾನೆ ವಿರೊದ ಥಯೊಸ. ತೆ ಕ್ಹುದಾನಿ ನಿಯಮನೆ ವಿಧೆಯ ಥಾತೊ ನೈ, ವಿಧೆಯ ಥಾವಾನೆ ಸಾದ್ಯಾಜ಼ ನತ್ತಿ.
ROM 8:8 ತ್ಯುನಾ ಪಾಪನಾ ಚಾಳಿಯೊ ಲಿಂಗತ ರ‍್ಹವಾಲಾ ತೆ ಮನಕ್ಹೊ ಕ್ಹುದಾನೆ ಮೆಚ್ಚಸಾನೆ ಸಾದ್ಯಾಜ಼ ನತ್ತಿ.
ROM 8:9 ತೆನೈಸೊ ತುಮೆ ತುಮಾರಾ ಪಾಪೊನಾ ಸ್ವಭಾವ ಲಿಂಗತ ನತ್ತಿ. ಕ್ಹುದಾನಿ ಆತ್ಮಾ ತುಮೊಮಾ ಕ್ಹರಿಬಿ ರ‍್ಹಯಲ ರ‍್ಹಯುಮ, ತುಮೆ ಆತ್ಮಾನಾ ಹತ್ಮಾ ಛೆ. ಕಿನಾಮಾಬಿ ಕ್ರಿಸ್ತನಿ ಆತ್ಮಾ ನೈ ರ‍್ಹಯುಮ, ತೆ ಕ್ರಿಸ್ತಮಾ ರ‍್ಹಯಲವಾಲೊ ನ್ಹವೈ.
ROM 8:10 ತೆನೈಸೊ ಕ್ರಿಸ್ತ ತುಮೊಮಾ ರ‍್ಹಯೊಮ, ಆತ್ಮಾ ತುಮಾರಿ ಜಿವಿತ ಥಯುತು, ಕಾಕದ್ಯಾಮ ತುಮಾರಾ ಅಂಗೊ ಪಾಪಕ್ಹು ಮರ‍್ಯಾತುಬಿ ತುಮೆ ಕ್ಹುದಾನಾ ಕ್ಹಾತೆ ಛೆ.
ROM 8:11 ಯೆಸುನೆ ಮೌತಕ್ಹು ಉಟಾಡಲ ಕ್ಹುದಾನಿ ಆತ್ಮಾ ತುಮೊಮಾ ರ‍್ಹಯಮ, ಕ್ರಿಸ್ತನೆ ಮೌತಕ್ಹು ಉಟಾಡಲವಾಲೊ ತುಮಾರಿ ಆತ್ಮಾ ಕಂತೊ ತುಮಾರಾ ಮರಲ ಅಂಗೊನೆ ಜ಼ಲಮ ದಿವಸ.
ROM 8:12 ತಿನಾಹುತಿ ಮಾರಾ ಭಾಯೊ, ಭೆನೊ, ಅಪೊನೆ ಯೊಗ್ಯತಾ ಛೆ, ತೆನೈಸೊ ಅಪ್ನಿ ಮಾನವ ಸ್ವಭಾವ ಅಪೊನೆ ಪಸಂದ ಆಯಲ ಲಿಂಗತ ಜಿವ್ಸಾನೆ ಸಾಧ್ಯ ನತ್ತಿ.
ROM 8:13 ತುಮಾರಿ ಪಾಪ್ನಿ ಸ್ವಭಾವ ಛಾಳಿಯೊ ಆಸ ಕರಾನಿಯೊ ಕೆಟ್ಟ ಕಾಮೊ ಕರಾನಾಹುತಿ ತುಮೆ ತುಮಾರಿ ಜಿವಿತ ಉಪಯೊಗ ಕರ‍್ಯಾಮ, ತುಮೆ ಆತ್ಮಿಕಮಾ ಮರೊಸಿ. ತೆನೈಸೊ ತುಮೆ ತುಮಾರಿ ಅಂಗನಾ ಮುಕಾಂತರ ಕರಾನಾ ಕೆಟ್ಟ ಕಾಮೊ ಪವಿತ್ರ ಆತ್ಮಾನಿ ಸಹಾಯಾ ಕ್ಹು ಹುಬ್ರಾಡ್ಯಾಮ ಜಿವ್ತಾ ರ‍್ಹವೊಶಿ.
ROM 8:14 ಕುನ್ನ ತ್ಯುನೊನೆ ಕ್ಹುದಾನಿ ಆತ್ಮಾ ಚ಼ಲಾವಾನೆ ವಪ್ಸಿನ ದಿವಸ. ತ್ಯುನೆಜ಼ ಕ್ಹುದಾನಾ ಬಚ್ಚಾ ಥಯಾಸ.
ROM 8:15 ಅಪೆ ಹೊಂದಿಲಿದಲ ಆತ್ಮಾ ವರಿ ಅಪೊನೆ ಗುಲಾಮೊ ಕರ‍್ತೊ ನೈ ವರಿ ಅಪೊಮಾ ಬೆ ಹುಟ್ಸಾತೊ ನೈ. ಅಪೆ ಹೊಂದಲಿದಲ ಪವಿತ್ರ ಆತ್ಮಾ ಅಪೊನೆ ಕ್ಹುದಾ ಬಚ್ಚಾಲಿಂಗತ ಕರಸ. ಎ ಆತ್ಮಾನಾ ಮುಲಕ ಅಪೆ ಕ್ಹುದಾನೆ ಬಾ ಬಲೈಯೆಸ.
ROM 8:16 ಅಪೆ ಕ್ಹುದಾನಾ ಬಚ್ಚಾ ಥಯಾಸ ಕೈನ ಪವಿತ್ರ ಆತ್ಮಾಜ಼಼ ಅಪ್ನಾ ಆತ್ಮಾಮಾ ಸಾಕ್ಷಿ ದಿವಸ.
ROM 8:17 ಅಪೆ ಕ್ಹುದಾನಾ ಬಚ್ಚಾ಼ ಥಯಾಮ, ಹೊ ಕ್ಹುದಾನೆ ವಾರಸ್ದಾರ ಥಯಾಸ. ವರಿ ಕ್ರಿಸ್ತನಾ ಕ್ಹಾತೆ ಛೆ, ಇಮ್ಮ ಥಯುಮ, ಕ್ರಿಸ್ತನಾ ಕ್ಹಾತೆ ಅಪೆ ವಾರಸ್ದಾರ ಥಯಾಸ. ತಿನಿ ಮಹಿಮಾಮಾ ವಾಟೊಲಿವಾ ವ್ಹೈ.
ROM 8:18 ಮನೆ ಕಳಲ ತೆಕ್ಲು ಹಮ್ನಾ ಅಪೆ ತ್ರಾಸೊಮಾ ತಡ್ದಿಲಿವಾಡ್ಯಾಸ. ವರಿಬಿ ಅಪೊನೆ ಅಗು ದಿವಾನು ಮಹಿಮಾನೆ ಎ ಕಸ್ಟ ತ್ರಾಸೊ ಹೊಲಶ್ಯಾಮ ಎ ಮೊಜಾ಼ನೆ ಥಾತೊ ನೈ.
ROM 8:19 ಕ್ಹುದಾ ತಿನಾ ಬಚ್ಚಾ಼ವೊನೆ ದೆಕಾಡಾನಾ ದಿನೊಮಾ ಕ್ಹುದಾನಿ ಕ್ಹಾರಿ ಸೃಷ್ಟಿ ಉತ್ಸಾಹಕ್ಹು ಆಸ ಕರಾಡ್ಯುಸ.
ROM 8:20 ಕ್ಹಾರಿ ಸೃಷ್ಟಿಜ಼ ನಿರಾಶನೆ ಮ್ಹೈನ ಥೈನ ಛೆ. ಇಮ್ಮ ಥಯಲ ತಿನಿ ಸ್ವಂತ ಉದ್ದೆಶಕ್ಹು ವರಿ ಮನಸಕ್ಹು ನ್ಹವೈ, ಕ್ಹುದಾನಿ ಮನಸ ಕ್ಹುಜ಼ ವ್ಹೈ ವರಿ ಇಮ್ಮ ಥೌ ಕೈನ ಕ್ಹುದಾನಿ ಆಸ ವ್ಹತ್ತಿ. ತಿನಾಹುತಿ ಸೃಷ್ಟಿ ಹಜು಼ನಬಿ ಆಸ ಕರಾಡಿಸ.
ROM 8:21 ಕ್ಹಾರಿ ಸೃಷ್ಟಿ ನಾಶಕ್ಹು ಬಿಡುಗಡೆ ಥೈನ ಕ್ಹುದಾನಾ ಬಚ್ಚಾವೊನೆ ಸ್ವತಂತ್ರ ಮಹಿಮಾ ಹೊಂದಿಲಿವಸ ಕವಾನು ವ್ಹೈ.
ROM 8:22 ಕ್ಹಾರಿ ಸೃಷ್ಟಿ ಜ಼ನ್ನಾನಿ ಬಾಣತಿ ತ್ರಾಸ ಖಾತಿ ರ‍್ಹಯಲ ಹೆಣ ಮನಕ್ಹ ಲಿಂಗತ ದುಖ ಕ್ಹು ನೆಳ್ತಿ ಹಜು಼ನ ಲಕ್ಕಾ ಕೈದಾಡ್ಯುಸ ಕವಾನು ಅಪೊನೆ ಗ್ವತ್ತ ಛೆ.
ROM 8:23 ಸೃಷ್ಟಿ ಯಕ್ಕಜ಼ ನೈ, ಅಪೆಬಿ ಅಪ್ನೊಮಾ ದುಖ ಕ್ಹು ನೆಳ್ತಾ ಕೈದಾಡ್ಯಾಸ. ಕ್ಹುದಾನಿ ವಾತನಿ ಪೈಲಾನೊ ಭಾಗ ಥಯಲ ಕ್ಹುದಾನಿ ಆತ್ಮಾನೆ ಅಪೆ ಹೊಂದಿಲಿದ್ಯಾಸ. ಅಪೊನೆ ತಿನಾ ಸ್ವಂತ ಬಚ್ಚಾ಼ ಥೈನ ಕರಿಲಿವಾನೆ ಕ್ಹುದಾ ಕರತೊ ರ‍್ಹಯಲ ಕಾಮ ಪುರಾ ಥಾವಾನುಜ಼ ಕದ್ಯಾಮ, ಅಪ್ನಾ ಅಂಗನೆ ಥಾವಾನೆ ಬಿಡುಗಡೆಜ಼ ಅಪೆ ಕೈದಾಡ್ಯಾಸ.
ROM 8:24 ಅಪೆ ರಕ್ಷಣೆ ಹೊಂದಿಲಿದ್ಯಾಸ ವರಿ ಅಪೊನೆ ಹಜು಼ನಬಿ ತೆ ಆಸ ಛೆ. ಅಪೆ ಶಾನಾಹುತಿ ಕೈದಾಡ್ಯಾಸ ತೆ ದೆಕಾಲಾ ರ‍್ಹಯಾಮ, ತೆ ಕ್ಹರಿನಿ ಆಸ ನ್ಹವ್ಹೈ. ಮನಕ್ಹೊ ತ್ಯುನೆ ಹಮ್ನಾ ಹೊಂದಿಲಿದಲ ಕೈಜ಼ ಆಸ ಕರಸಕೆಸ ಸು?
ROM 8:25 ತೆನೈಸೊ ಅಪೆ ಹಜು಼ನಬಿ ನೈ ಹೊಂದಿಲಿದಲ ರ‍್ಹಯಲ ಆಸ ಕರತಾ ತಡ್ದಿಲಿನ ತಿನಾ ಹುತಿ ಕೈದಾಡ್ಯಾಸ.
ROM 8:26 ತಿನಾ ಲಿಂಗತಜ ಅಪೊಮಾ ತಾಕತ ಕಮ ರ‍್ಹಯಲ ಹುತಿ ಅಪ್ನಿ ಕಮ ತಾಕತಮಾ ಪವಿತ್ರ ಆತ್ಮಾ ಅಪೊನೆ ಸಹಾಯಾ ಕರಸ. ಅಪೆ ಕಿಮ್ಮ ಪ್ರಾಥನಾ ಕರು ವರಿ ಶಾನಾ ಹುತಿ ಪ್ರಾಥನಾ ಕರು ಕವಾನು ಅಪೊನೆ ಗ್ವತ್ತ ನತ್ತಿ. ತೆನೈಸೊ ಪವಿತ್ರ ಆತ್ಮಾ ತೆ ಅಪ್ನಾ ಹುತಿ ಕ್ಹುದಾನೆ ಕವಾನೆ ಥಾಯೆ ನೈಸೊ ಮನಸೆ ಮಾಂಗಿಲಿವಸ.
ROM 8:27 ಅಂತರಂಗ ದೆಕಾಲೊ ಕ್ಹುದಾನೆ ಪವಿತ್ರ ಆತ್ಮಾನೆ ಮನಸ್ಮಾ ರ‍್ಹಯಲ ಕ್ಹಾರುಜ಼ ಗ್ವತ್ತ ಛೆ, ಕಾಕದ್ಯಾಮ ಕ್ಹುದಾನಿ ಚಿತ್ತ ಲಿಂಗತಜ಼ ಪವಿತ್ರ ಆತ್ಮಾ ಕ್ಹುದಾನಾ ಮನಕ್ಹೊನಾ ಹುತಿ ಕ್ಹುದಾಕನ ಮಾಂಗಿಲಿವಸ.
ROM 8:28 ಕ್ಹುದಾ ತಿನೆ ಮಯಾ ಕರಾಲಾವೊನಾ ಹುತಿ ಚೊ಼ಕಾ ಕ್ಹು ಹರಿ ಯಕ್ಕ ಕಾಮ ಆಸಾನ ಕರಸ ಕೈನ ತುಮೊನೆ ಗ್ವತ್ತ ಛೆ. ತೆ ಮನಕ್ಹೊ ಕ್ಹುದಾಜ಼ ಇನಿಲಿದ್ಯೊಸ, ಕಾಕದ್ಯಾಮ ತೆ ತಿನು ಉದ್ದೆಶ ವ್ಹತ್ತು.
ROM 8:29 ಕ್ಹುದಾ ಪೈಲಾತೊಜ಼ ತೆ ಭಾಯೊನೆ ಇನಿಲಿದ್ಯೊತೊ ವರಿ ತೆ ಮನಕ್ಹೊ ಇನಾ ದಿಕ್ರಾನಾ ಲಿಂಗತ ರ‍್ಹೌ ಕೈನ ಫೈಸಲೊ ಕರ‍್ಯೊ. ಇಮ್ಮ ರ‍್ಹತಾಮಾ, ಬರೊಕ್ಹಾಮಾ ರ‍್ಹಯಲವಾಲಾವೊಮಾ ತಿನೊ ದಿಕ್ಕರೊಜ಼ ಮ್ಹೊಟೊ ವ್ಹೈ.
ROM 8:30 ಇಮ್ಮ ರ‍್ಹತಾಮಾ ಕಿನೆ ತೆ ಬಲಾವಸ ತಿನೆ ಇನಿಲಿದ್ಯೊಸ ವರಿ ತ್ಯುನೊನೆ ತೆ ನಿತಿವಂತ ಥೈನ ಕರಸ ವರಿ ಮಹಿಮಾಮಾಬಿ ಬಲೈಲಿವಸ.
ROM 8:31 ಇಮ್ಮ ರ‍್ಹತಾಮಾ ಇನಾಹುತಿ ಅಪೆ ಸು ಕಯ್ಯೆ? ಕ್ಹುದಾ ಅಪ್ನಾ ಕ್ಹಾತೆ ರ‍್ಹತಾಮಾ, ಅಪೊನೆ ವಿರುದ್ದ ಕರಾಲಾ ಕುನ್ನ ವ್ಹೈ.
ROM 8:32 ಕ್ಹುದಾ ತಿನಾ ಸ್ವಂತ ದಿಕ್ರಾನೆ ವಚಾ಼ಡಿ ಲಿದ್ಯಾವಾಚಿ ಅಪೊನೆ ಕ್ಹಾರಾವೊನಾ ಹುತಿ ವಪ್ಸಿನ ದಿದ್ಯೊ. ತಿನಾಹುತಿ ಹಮ್ನಾ, ಕ್ಹುದಾ ಯೆಸುನಾ ಕ್ಹಾತೆ ಅಪೊನೆ ಕ್ಹಾರುಜ಼ ಕ್ಹರಿಬಿ ದಿದ್ಯಾವಾಚಿ ರ‍್ಹವಸ ಸು?
ROM 8:33 ಕ್ಹುದಾ ಇನಿಲಿದಲ ಮನಕ್ಹೊನಾ ಉಪ್ಪರ ಕುನ್ನಜ಼ ದೊಷ ನೈ ಘಾಲಸಕ್ಕತಾ? ತ್ಯುನೊನೆ ದೊಷಿ ನ್ಹವೈ ಕೈನ ಕ್ಹುದಾಜ಼ ಫೈಸಲೊ ಕರ‍್ಯೊಸ.
ROM 8:34 ಕ್ಹುದಾನಾ ಮನಕ್ಹೊ ದೊಷಿ ವ್ಹೈ ಕೈನ ಕವಾಲಾ ಕುನ್ನ ವ್ಹೈ? ಕ್ರಿಸ್ತ ಯೆಸು ಅಪ್ನಾ ಹುತಿ ಜ಼ಲಮ ದಿದ್ಯೊ. ತೆಕ್ಲುಜ಼ ನ್ಹವ್ಹೈ, ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ಹಮ್ನಾ ತೆ ಕ್ಹುದಾನಾ ಸಿದಾ ಬಗಲ ಶೆ ವರಿ ಅಪ್ನಾ ಹುತಿ ಕ್ಹುದಾಕನ ಮಾಂಗಿಲಿವಾಡೊಸ.
ROM 8:35 ತಿಮ್ಮ ರ‍್ಹಯಮ ಕ್ರಿಸ್ತನಿ ಮಯಾಕ್ಹು ಅಪೊನೆ ಜು಼ದಾ ಕರಾಲಾ ಕುನ್ ವ್ಹೈ? ತ್ರಾಸೊ ತೆನೈಸೊ ಕಷ್ಟ ತೆನೈಸೊ ಕಿರಿಕಿರಿ ತೆನೈಸೊ ಭುಕ್ಕಕು ರ‍್ಹವಾನು ತೆನೈಸೊ ಗರಿಬಿ ತೆನೈಸೊ ಮುಸಿಬತ ತೆನೈಸೊ ಮೌತನು ತ್ರಾಸ ಛೆಸು?
ROM 8:36 ಕ್ಹುದಾ, ತಾರಾ ಹುತಿ ಹಮೆ ದಿನ್ನಾ ಮೌತನೆ ಗುರಿ ಥಯಾಸ; ಮನಕ್ಹೊ ಹಮೊನೆ ಕಾಟಾನಾ ಬಕ್ಕರಿಯೊ ಲಿಂಗತ ಅಪ್ನಾ ಕ್ಹಾತೆ ಥಾವಾಡ್ಯುಸ.
ROM 8:37 ತೆನೈಸೊ ಅಪೊನೆ ಮಯಾ ಕರಲವಾಲಾ ಕ್ಹುಜ಼ ಎ ಕ್ಹಾರಿ ವಿಷಯಮಾ ಜಯಾ ಛೆ.
ROM 8:38 ಕಯುಜ಼ ತಿನಿ ಮಯಾಕ್ಹು ಅಪೊನೆ ಜು಼ದು ಕರಾನೆ ಸಾಧ್ಯ ನತ್ತಿ ಕೈನ ಮಿ ತುಮೊನೆ ಕ್ಹರಿಜ಼ ಕೌಸ; ಮೌತ ನೈತೊ ಜ಼ಲಮ ನೈತೊ, ದೆವದುತೊ ನೈತೊ ಬಿಜಾ಼ ಸ್ವರ್ಗನಾ ಅದಿಕಾರಿಯೊ ನೈತೊ ಕ್ಹಾರಾ ಅದಿಕಾರಿಯೊ ನೈತೊ ಹಮ್ನಾ ನೈತೊ ಭವಿಷ್ಯ,
ROM 8:39 ಮಹತ್ವನಿ ಸಂಗತಿಯೊ ರ‍್ಹೈನೆಕಾ, ಉಪ್ಪರ‍ಲ್ಯು ಲೊಕ ರ‍್ಹೈನೆಕಾ ಲೊಕ ರ‍್ಹೈನೆಕಾ ಬಿಜು಼ ಕಯುಬಿ ಸೃಷ್ಟಿ ರ‍್ಹೈನೆಕಾ ಅಪೊನೆ ಅಪ್ನೊ ಕರತಾ ಥಯಲ ಕ್ರಿಸ್ತ ಯೆಸುಮಾ ದಿಕ್ಹಿನ ಆಯಲ ಕ್ಹುದಾನಿ ಮಯಾಕ್ಹು ದುರ ಕರಾನೆ ಥಾತುಜ಼಼ ನೈ ಕೈನ ಕ್ಹರಿಜಮಾಜ಼ ಮನೆ ಗ್ವತ ಛೆ.
ROM 9:1 ಮಿ ಕ್ರಿಸ್ತಮಾ ಛೆ ವರಿ ತುಮೊನೆ ಕ್ಹರಿಜ಼ ಕವಾಡ್ಯೊಸ. ಮಿ ಸುಳ್ಳ ನೈ ಬೊಲ್ತೊ. ಮಾರಿಯೊ ವಿಚಾರೊ ಪವಿತ್ರ ಆತ್ಮಾನಿ ಅದಿಕಾರಮಾ ಛೆ. ಎಜ಼ ಅನೆ ಸಾಕ್ಷಿ ವ್ಹೈ.
ROM 9:2 ಮನೆ ಘನ್ನು ದುಖ ಛೆ; ಹಮೆಶಾಬಿ ಮನಸ್ಮಾ ಕಷ್ಟ ಛೆ.
ROM 9:3 ಮಾರಾ ಮನಕ್ಹೊನೆ, ಮಾರು ಮಾಕ್ಹ ವರಿ ರಗತ! ತ್ಯುನಾಕ್ಹು ಮಿ ಕ್ಹುದಾನಾ ಶ್ರಾಪನೆ ಮ್ಹೈ ಥಯೊಸ ವರಿ ಕ್ರಿಸ್ತಕ್ಹು ಜು಼ದೊ ಥಯೊ ಕೈನ ಮಿ ಆಸ ಕರುಸ. ತ್ಯುನೆ ಮಾರಾ ಭಾಯೊ ಭೆನೊ ಥಯಾಸ; ಇಹಲೊಕನಾ ಕುಟುಂಬ ಥಯಾಸ. ತ್ಯುನೊನೆ ಮದತ ಕರಾನೆ ಕ್ರಿಸ್ತನೆ ಛೊಡಿನ ಶ್ರಾಪ ಲಿವಾನೆ ತಯ್ಯಾರ ಛೆ.
ROM 9:4 ತ್ಯುನೆ ಇಸ್ರೆಲನಾ ಮನಕ್ಹೊ ವ್ಹೈ. ತ್ಯುನೆ ಕ್ಹುದಾ ಇನಿಲಿದಲ ಬಚ್ಚಾ಼ ವ್ಹೈ. ತ್ಯುನೆ ಕ್ಹುದಾನಿ ಮಹಿಮಾ ವರಿ ಕ್ಹುದಾ ತ್ಯುನಾ ಕ್ಹಾತೆ ಕರಲ ವಡಂಬಡಿಕೆ ಹೊಂದಿಲಿವಸ. ಕ್ಹುದಾ ತ್ಯುನೊನೆ ಮೊಶೆನಾ ಧರಮಶಾಸ್ತ್ರನಿ ಚೊ಼ಕಿ ಆರಾಧನೆ ತಿನಿ ವಾಗ್ದಾನ ದಿದ್ಯೊ.
ROM 9:5 ತ್ಯುನೆ ಅಪ್ನಾ ಪಿತೃವೊನಾ ಸಂತಾನೊನೆ ಮಳಲವಾಲಾ ಥಯಾಸ; ಕ್ರಿಸ್ತ ಮನಕ್ಹನು ಅಂಗ ಲಿನ ಇವ್ನಾ ಖಾಂದಾನಮಾ ಹುಟ್ಯೊ. ಕ್ರಿಸ್ತ ಕ್ಹಾರಾನೆಬಿ ಮಾಲಕ ಥಯೊಸ. ಕ್ಹಾರಾವೊಪರ ಅದಿಕಾರ ಕರಾಲಾ ಕ್ಹುದಾನೆ ಹಮೆಶಾಬಿ ಸ್ತೊತ್ರಾ ಥಾವಾದೆ! ಆಮೆನ್.
ROM 9:6 ಹೊ, ಮಿ ಯೆಹುದಿಯೊನಾ ವಿಷಯಮಾ ದುಖಿ ಥೌಸ. ಕ್ಹುದಾ ತಿನಿ ವಾಗ್ದಾನ ಪುರಾ ಕರಾನೆ ಥಯು ನತ್ತಿ ಕೈನ ಮಿ ಕವಾಡೊ ನತ್ತಿ. ಕಾಕದ್ಯಾಮ ಇಸ್ರಾಯೆಲ ಖಾಂದಾನಮಾ ಹುಟ್ಟಲವಾಲಾ ಕ್ಹುದಾನಾ ಮನಕ್ಹೊ ನ್ಹವೈ.
ROM 9:7 ತೆನೈಸೊ ಅಬ್ರಹಾಮನಾ ಮನಕ್ಹೊ ಕ್ಹುದಾನಾ ಮನಕ್ಹೊ ನ್ಹವೈ ಕ್ಹುದಾ ಅಬ್ರಹಾಮನೆ ಅಮ್ಮ ಕದ್ಯೊ ಮಿ ವಾಗ್ದಾನ ಕರು "ಇಸಾಕಕ್ಹು ಆವಾಲಾ ಬಚ್ಚಾ಼ ತ್ಯುನೆ ಯಕ್ಕಜ಼ ತಾರಾ ಮನಕ್ಹೊ ವ್ಹೈ.
ROM 9:8 ಇನು ಮತ್ಲಬ ಸುವ್ಹೈ ಕದ್ಯಾಮ, ಅಂಗಕ್ಹು ಹುಟ್ಟಲವಾಲಾ ಮನಕ್ಹೊ ಕ್ಹುದಾನಾ ಬಚ್ಚಾ಼ ನ್ಹವೈ. ವಾಗ್ದಾನನಾ ಪ್ರಕಾರ ಹುಟ್ಟಲವಾಲಾಜ಼ ಕ್ಹುದಾನಾ ಬಚ್ಚಾ಼ (ಕ್ಹರಿನಾ ಬಚ್ಚಾ಼) ಥಯಾಸ.
ROM 9:9 ಕ್ಹುದಾ ತಿನೆ, ಕರೆಟ್ಟ ಟೈಮಮಾ ಮಿ ವರಿ ಔಸ" ತೆಳಾಮಾ ಸಾರಳನೆ ಯಕ್ಕ ದಿಕ್ರೊ ರ‍್ಹವಸ ಕವಾನಿ ವಾಗ್ದಾನ ಕರ‍್ಯೊತೊ.
ROM 9:10 ತೆಕ್ಲುಜ಼ ನೈಸೊ, ರೆಬೆಕ್ಕಕಳನೆಬಿ ಬೆ ಪಟ್ಟಾ ವ್ಹತ್ತಾ. ತ್ಯುನೊನೆ ಭಂಬಿ ಜ಼ನಾವೊನೆಬಿ ಯಕ್ಕಲೊಜ಼ ಬಾ ವ್ಹೈ. ತೆಜ಼ ಅಪ್ನೊ ಪಿತೃ ಥಯಲ ಇಸಾಕ ವ್ಹೈ.
ROM 9:11 ತೆನೈಸೊ ತೆ ಭಂಬಿ ಪಟ್ಟಾ ಹುಟ್ಟಾತಿ ಪೈಲಾಜ಼, ಕ್ಹುದಾ ರೆಬೆಕ್ಕಕಳನೆ"ಮ್ಹೊಟೊ ರ‍್ಹಯಲವಾಲೊ ನ್ಹಾನಾ ರ‍್ಹಯಲವಾನೆ ಸೆವೆ ಕರಸ "ಕದ್ಯೊ. ತೆ ಪಟ್ಟಾ ಕಯುಜ಼ ಕೆಟ್ಟ ರ‍್ಹವಾದೆ ಚೊ಼ಕು ರ‍್ಹವಾದೆ ಕರಾತಿ ಪೈಲಾಜ಼ ಎ ಕ್ಹಾರು ಥಯು. ಕ್ಹುದಾ ತೆ ಪಟ್ಟಾನೆ ತಿನಾ ಸ್ವಂತ ವಿಚಾರಕ್ಹು ಇನಿಲಿದಲ ಹುತಿ ತೆ ಪಟ್ಟಾ ಹುಟ್ಟಾತಿ ಪೈಲಾಜ಼ ಇಮ್ಮ ಕದ್ಯೊ.
ROM 9:12 ಕ್ಹುದಾ ತಿನೆ ಇನಿಲಿದಲ ಹುತಿ ತಿನೆಜ಼ ಬಲೌ ಕೈನ ವ್ಹತ್ತೊ. ತೆನೈಸೊ ತೆ ಪಟ್ಟಾವೊನಾ ಕಯಾಜ಼ ಕಾಮೊ ಪರ ಆಧಾರ‍ ನ್ಹೊತು.
ROM 9:13 ತಿನಾಹುತಿಜ಼"ಮಿ ಯಾಕೊಬನೆ ಮಯಾ ಕರ‍್ಯೊ. ತೆನೈಸೊ ಎಸಾವನೆ ದ್ವೆಶ ಕರ‍್ಯೊ "ಕೈನ ಪವಿತ್ರ ಗ್ರಂಥ ಕವಸ.
ROM 9:14 ಇಮ್ಮ ರ‍್ಹಯುಮ, ಅಪೆ ಕ್ಹುದಾನೆ ಅನ್ಯಾಯ ಕರಾಲೊ ವ್ಹೈ ಕೈನ ಕೆ ಸಕೆಸ ಸು? ಕೆಳಾಮಾಬಿ, ನ್ಹವೈ.
ROM 9:15 ಕ್ಹುದಾ ಮೊಶೆನೆ"ಮಿ ಕಿನೆ ಕರುಣಾ ದೆಕಾಡು ಕೌಸ ತಿನೆ ಕರುಣಾ ದೆಕಾಡುಸ. ಮಿ ಕಿನೆ ಮರಗಾ ದೆಕಾಡು ಕೌಸ ತ್ಯುನೊನೆ ಮರಗಾ ದೆಕಾಡುಸ "ಕೈನ ಕದ್ಯೊಸ.
ROM 9:16 ತಿನಾಹುತಿ ಕ್ಹಾರು ಮನಕ್ಹ ಥಯಲ ಅಪೆ ಸು ಕರೆಸ ನೈತೊ ಅಪೊನೆ ಸು ಚಾ಼ಯೆ ಕವಾನಾ ಉಪ್ಪರ ನತ್ತಿ. ತೆನೈಸೊ ಕ್ಹಾಲಿ ಕ್ಹುದಾ ಮರ್ಗಾಕ್ಹು ಛೆ. ತಿನೆ ಇನಿಲಿವಾನು ಮನಕ್ಹೊ ಸು ಕರು ಕವಸ ತೆನೈಸೊ ಸು ಕರಾನೆ ಕೊಶಿಶ ಕರಸ ಕವಾನಾ ಉಪ್ಪರ ಆದಾರ ನತ್ತಿ ಥಯು.
ROM 9:17 ಪವಿತ್ರ ಗ್ರಂಥಮಾ ಕ್ಹುದಾ ಇಜಿಪ್ತನೊ ರಾಜಾ಼ನೆ"ಮಿ ತುಮೊನೆ ಮಾರಿ ತಾಕತ ದೆಕಾಡು ಕೈನ ಜಗತ್ಮಾ ಕ್ಹಾರಿ ಜ಼ಗಾ ಮಾರು ನಾಮ ಲೌ ಕೈನ ಮಿ ತುನೆ ರಾಜೊ಼ ಥೈನ ಕರ‍್ಯೊ "ಕೈನ ಕದ್ಯೊಸ.
ROM 9:18 ತಿನಾಹುತಿ ಕ್ಹುದಾ ತೆ ಕಿನೆ ಕರುಣಾ ದೆಕಾಡು ಕವಸ ತ್ಯುನೊನೆ ಕರುಣಾ ದೆಕಾಡಸ. ಕ್ಹುದಾ ಕಿನೆ ಮಂಡ ಕರು ಕೈನ ಕವಸ ತ್ಯುನೊನೆ ಮಂಡ ಕರಸ.
ROM 9:19 ಅಪೊಮಾ ಯಕ್ಲೊ ಕುನ್ನ ತಬಿ ಮನೆ "ಇಮ್ಮ ರ‍್ಹಯಮ, ಕುನ್ನಬಿ ತಪ್ಪಮಾ ಛೆ ಕೈನ ಕ್ಹುದಾ ಹುಡಕಾನು ಕಿಮ್ಮ ವ್ಹೈ? ಕ್ಹುದಾನಿ ಚಿತ್ತನೆ ಅಡ್ಡ ಕರಾಲಾ ಕುನ್ ವ್ಹೈ?
ROM 9:20 ತೆನೈಸೊ ಎ ಮನಕ್ಹ ಕ್ಹುದಾನೆ ಇಮ್ಮ ಪುಚ್ಚಾ಼ಲೊ ತು ಕುನ್ನ ವ್ಹೈ. ಗಾಡಗಿ ತಿನೆ ತಯ್ಯಾರ ಕರಲವಾಲಾನೆ"ತು ಮನೆ ಇಮ್ಮ ತಯ್ಯಾರ ಕಾ ಕರ‍್ಯೊ "ಕೈನ ಪುಚ಼್ಚಲ ಛೆಸು?
ROM 9:21 ಕ್ಹಾರು ಥಯಲ್ಪರ, ಗಾಡಗಿಯೊ ತಯ್ಯಾರ ಕರಾಲೊ ಮನಕ್ಹ ತೆ ಮಾತಿನೆ ಉಪಯೊಗ ಕರಾನು ಹಕ್ಕ ವ್ಹಂದಿಲಿದಲ ರ‍್ಹವಸ, ವರಿ ಯಕ್ಕಜ಼ ಮಾತಿಕ್ಹು ಬೆ ಗಾಡಗಿ ತಯ್ಯಾರ ಕರಾನೆ, ಖಾಸ ಮೌಕಾಮಾ ಯಕ್ಕ ವರಿ ದಿನ್ನೆ ಉಪಯೊಗ ಕರಾನೆ ವರಿಯಕ್ಕ ತಯ್ಯಾರ ಕರಸ.
ROM 9:22 ಕ್ಹುದಾ ಕರಲಬಿ ಅಮ್ಮಜ಼ ವ್ಹೈ. ತೆ ತಿನಿ ಶಿಟ್ಟ ದೆಕಾಡಿನ, ತಿನಿ ತಾಕತ ಮನಕ್ಹೊನೆ ದೆಕ್ಕಲಾಡಿನ ದ್ಯು ಕೈನ ವ್ಹತ್ತೊ. ವರಿಬಿ ತೆ ತಿನಿ ಶಿಟ್ಟನೆ ಗುರಿ ಥೈನ ಹಾಳ ಥಾವಾನಾ ಮನಕ್ಹೊನೆ ಘನ್ನಿ ಸಮಾದಾನಕ್ಹು ತಡ್ದಿಲಿದ್ಯೊ.
ROM 9:23 ಕ್ಹುದಾ ತಿನಿ ಮ್ಹೊಟಿ ಮಹಿಮಾ ದೆಕಾಡು ಕೈನ ಸಮಾದಾನಕ್ಹು ಕೈದಾಡೊತೊ. ತಿನಿ ಕರುಣಾ ಹೊಂದಿಲಿವಾನಾ ಮನಕ್ಹೊನೆ ಕ್ಹುದಾ ತೆ ಮಹಿಮಾ ದ್ಯು ಕೈನ ವ್ಹತ್ತೊ. ತಿನಿ ಮಹಿಮಾ ಹೊಂದಿಲ್ಯು ಕೈನ ಕ್ಹುದಾ ತೆ ಮನಕ್ಹೊನೆ ತಯ್ಯಾರ ಕರ‍್ಯೊ.
ROM 9:24 ಅಪೆಜ಼ ತೆ ಮನಕ್ಹೊ ವ್ಹೈ. ಕ್ಹುದಾ ಬಲಾಯಲ ಮನಕ್ಹೊ ಅಪೆಜ಼ ವ್ಹೈ. ಕ್ಹುದಾ ಅಪೊನೆ ಯಹುದ್ಯೊ ವಾಲಾವೊಮಾತೊ ವರಿ ಯಹುದ್ಯೊ ನೈಸೊ ವಾಲಾವೊಮಾತೊ ಬಲಾಯೊ.
ROM 9:25 ಪವಿತ್ರ ಗ್ರಂಥನಾ ಹೊಶೆಯನನಾ ಪುಸ್ತಕ್ಕಮಾ ಇಮ್ಮ ಬರ್ದಲ ಛೆ; "ಮಾರಾ ನೈ ರ‍್ಹಯಲ ಮನಕ್ಹೊನೆ ಮಾರಾ ಮನಕ್ಹೊ ವ್ಹೈ ಕೈನ ಕೌಸ. ಮನೆ ಮಯಾ ನೈ ರ‍್ಹಯಲ ವಾಲಾವೊನೆ ಮನೆ ಮಯಾ ರ‍್ಹಯಲವಾಲಾ ವ್ಹೈ ಕೈನ ಕೌಸ" ಹೊಶೆಯ 2:23
ROM 9:26 ವರಿ "ಕಯಾ ಜ಼ಗಾಪರ ತುಮೆ ಮಾರಾ ಮನಕ್ಹೊ ನ್ಹವೈ ಕೈನ ಕದ್ಯೊತೊತೊ ತೆಜ಼ ಜ಼ಗಾಪರ ತ್ಯುನೊನೆ ಜಿವ್ತೊ ರ‍್ಹಯಲ ಕ್ಹುದಾನಾ ಬಚ಼್ಚಾ ವ್ಹೈ ಕೈನ ಬಲಾವಸ" ಹೊಶೆಯ 1:10
ROM 9:27 ಎನೈಸೊ ಯೆಶಾಯ ಇಸ್ರೆಲನಾ ಹುತಿ ಅಡ್ಡಿನ ಕದ್ಯೊಸ; "ಸಮುಂದರನಿ ದಂಡಿನಾ ಉಸುಕ ಲಿಂಗತ ಇಸ್ರೆಲವಾಲಾ ಮೊಜಾ಼ನೆ ನೈ ಆಯೆ ಲಿಂಗತ ಥಾವಸ. ತೆನೈಸೊ ತೆ ಮನಕ್ಹೊಮಾ ಖಾಲಿ ದಕ್ಹಾಜ಼಼ನಾ ರಕ್ಷಣೆ ಹೊಂದಿಲಿದವಾಲಾ ವ್ಹೈ.
ROM 9:28 ಹೊ, ಪ್ರಭು ಜಿ಼ಮಿನ್ಪರ ತಿನಿ ವಾತ ಕ್ಷಣಮಾ ಪುರಾ ಕರಿಪಾಡಸ" ಯೆಶಾಯ 10:22-23
ROM 9:29 ಯೆಶಾಯ ಕದಲ ಸುವೈ ಕದ್ಯಾಮ; "ಪ್ರಭು ಸರವಶಕ್ತ ಥಯೊಸ. ಪ್ರಭು ತಿನಾ ಮನಕ್ಹೊಮಾ ದಕ್ಹಾ ಜ಼ನಾವೊನೆ ಅಪ್ನಾ ಹುತಿ ವಚಾ಼ಡ್ಯೊಸ. ತೆ ಇಮ್ಮ ನೈ ಕರತ್ತೊ, ಹಮ್ನಾ ಅಪೆ ಸೊದೊಮಿನ ಲಿಂಗತ ಗೊಮುರ ಲಿಂಗತ ರ‍್ಹತಾತಾ" ಯೆಶಾಯ 1:9
ROM 9:30 ಇನು ಮತ್ಲಬ ಸುವೈ ಕದ್ಯಾಮ, ಯಹುದ್ಯೊ ನೈ ರ‍್ಹಯಲವಾಲಾ ನಿತಿವಂತವಾಲಾ ಥಾವಾನೆ ಕೊಶಿಶ ಕರತಾ ನ್ಹೊತಾ. ತೆನೈಸೊ ತ್ಯುನೊನೆ ನಿತಿವಂತವಾಲಾ ಥೈನ ಕರ‍್ಯೊ. ತ್ಯುನೆ ಬರೊಕ್ಹಾಕ್ಹು ನಿತಿವಂತವಾಲಾ ಥಯಾ.
ROM 9:31 ಕ್ಹುದಾನಾ ಮನಕ್ಹೊನೆ, ಧರ್ಮ ಶಾಸ್ತ್ರನಾನಿಂಗತ ಚಾ಼ಲಿಲಿನ ಜಾ಼ವಾನಾನಿಂಗತ ನಿತಿವಂತವಾಲಾ ಥವಾನೆ ಕೊಶಿಕರ‍್ಯಾತುಬಿ ತ್ಯುನೆ ಥಯಾ ನೈ.
ROM 9:32 ಕಾಕದ್ಯಾಮ ಕಾಮೊಕ್ಹು ನಿತಿವಂತವಾಲಾ ಥಾವಾನೆ ತ್ಯುನೆ ಕೊಶಿಶ ಕರ‍್ಯಾ ತೆನೈಸೊ ಬರೊಕ್ಹಾನೆ ಆದಾರ ಕರಿಲಿದ್ಯಾ ನೈ. ಮನಕ್ಹೊನೆ ಪಾಡಾನ ದೆಕಾನಾ ದಗ್ಡಾಪರ ತ್ಯುನೆ ಟೆಕ್ಹ ಲಾಗಿನ ತ್ಯುನೆ ಪಡ್ಯಾ.
ROM 9:33 ಪವಿತ್ರ ಗ್ರಂಥ ತೆ ದಗ್ಡಾನಾ ಹುತಿ ಇಮ್ಮ ಕದ್ಯುಸ; "ಅದೆಕ್ಕ, ಮಿ ಸಿಯೊನಮಾ ಪಾಡಾನೆ ಯಕ್ಕ ದಗ್ಡೊ ಮ್ಹೆಲುಸ. ಎ ದಗ್ಡಾಕ್ಹು ಮನಕ್ಹೊ ಪಡಸ. ತೆನೈಸೊ ತೆ ದಗ್ಡಾಪರ ಬರೊಕ್ಹೊ ಮ್ಹೆಲಾಲೊ ಕೆಳಾಮಾಬಿ ತಿನಿ ಆಸ ಭಂಗ ನೈ ಥಾತಿ" ಯೆಶಾಯ 8:14; 28:16
ROM 10:1 ಭಾಯೊ ಭೆನೊ, ಮಾರಾ ಸ್ವಂತ ಮನಕ್ಹೊ ರಕ್ಷಣೆ ಹೊಂದಿಲ್ಯು ಕೈನ ಮಾರಿ ಘನ್ನಿ ಮ್ಹೊಟಿ ಆಸ ಛೆ. ಮಿ ಕ್ಹುದಾಕನ ತಿನಾಹುತಿ ಪ್ರಾಥನಾ ಕರಾಡ್ಯೊಸ.
ROM 10:2 ತ್ಯುನೊನೆ ಘನ್ನಿ ಕ್ಹುದಾಪರ ಭಕ್ತಿ ಛೆ ಮಿ ತಿನಾ ಹುತಿ ಮಿ ಸಾಕ್ಷಿ ದ್ಯುಸ. ಕ್ಹರಿಜ಼ ಕೌಸ. ತಿನಾಹುತಿ ತ್ಯುನೆ ಭಕ್ತಿ ಕ್ಹರಿನಿ ಗ್ಯಾನಪರ ಆದಾರ ಥಯಾ ನತ್ತಿ.
ROM 10:3 ನಿತಿವಂತ ಕರಾನು ಕ್ಹುದಾನಿ ವಾಟ ತ್ಯುನೆ ನೈ ತಿಳದಿಲಿದಲ ಹುತಿ ತ್ಯುನಿ ಸ್ವಂತ ವಾಟನಾ ಮುಲಕ ತ್ಯುನೊನೆಜ಼ ನಿತಿವಂತೊ ಥೈನ ಕರಲಿವಾನೆ ಕೊಶಿಶ ಕರ‍್ಯಾ.
ROM 10:4 ತಿನಾಮಾ ಬರೊಕ್ಹೊ ಮ್ಹೆಲಾಲೊ ಹರಯಕ್ಲೊ ನಿತಿನೊ ಫೈಸಲೊ ಹೊಂದಿಲಿವ ಕೈನ ಕ್ರಿಸ್ತ ಧರಮಶಾಸ್ತ್ರ ಪುರಾ ಕರ‍್ಯೊ.
ROM 10:5 ಧರಮಶಾಸ್ತ್ರಕ್ಹು ಥಾವಾನಾ ನಿತಿನಾ ಹುತಿ"ಧರಮಶಾಸ್ತ್ರನೆ ಚಾ಼ಲಿಲಿನ ಜಾ಼ವಾನಾ ಮುಲಕ ಜ಼ಲಮ ಪಡ್ದಿಲ್ಯು ಕೈನ ಕವಾಲೊ, ಧರಮಶಾಸ್ತ್ರ ಕವಾನಾ ಕಾಮೊ ಕರುಜ಼ "ಎ ಮೊಶೆ ಕದ್ಯೊಸ.
ROM 10:6 ತೆನೈಸೊ ಬರೊಕ್ಹಾನಾ ಮುಲಕ ನಿತಿನೊ ಫೈಸಲೊ ಹೊಂದಿಲಿವಾನಾ ಹುತಿ (ಕ್ರಿಸ್ತನೆ ಹೆಟಾ ಬಲೈಲಿನ ಆತಾಮಾ) ಕುನ್ ಪರಲೊಕನೆ ನೈ ಜಾ಼ಸ? ಕೈನ ರ‍್ಹವಾದೆ (ಕ್ರಿಸ್ತನೆ ಮರಲವಾಲಾವೊಮಾತೊ ಉಟಾಡಿನ ಲಾವಾಕ್ಹು)
ROM 10:7 "ಕುನ ಪಾತಾಳನೆ ನೈ ಜಾ಼ತು ಕೈನ ರ‍್ಹವಾದೆ ಕವೊ ನಕೊ "ಕೈನ ಪವಿತ್ರ ಗ್ರಂಥಮಾ ಕವಸ.
ROM 10:8 ಕ್ಹುದಾನಿ ವಾಕ್ಯಾ ತುಮಾರಿ ಕ್ಹಾಮಿಜ಼ ಛೆ; ತೆ ತಾರಾ ಮ್ಹೊಡಾಮಾ ತಾರಾ ಮನಸಮಾಬಿ ಛೆ ಕವಸ. ತೆ ವಾಕ್ಯಾ ಅಪೆ ಕವಾನು ಬರೊಕ್ಹಾನಿ ವಿಷಯಮಾನಿ ವಾಕ್ಯಾ ವ್ಹೈ.
ROM 10:9 ತೆ ಸುವೈ ಕದ್ಯಾಮ ತು ಯೆಸುನೆಜ಼ ಕರತಾ ವ್ಹೈ ಕೈನ ಮ್ಹೊಡಾಕ್ಹು ಕೈನ ಕ್ಹುದಾ ತಿನೆ ಮರಲ ವಾಲಾವೊಮಾತೊ ಉಟಾಡ್ಯೊಸ ಕೈನ ಮನಸಕ್ಹು ಬರೊಕ್ಹೊ ಮುಕ್ಯಾಮ ತುನೆ ರಕ್ಷಣೆ ಥಾವಸ ಕೈನ.
ROM 10:10 ಮನಸಕ್ಹು ಬರೊಕ್ಹೊ ಕರ‍್ಯಾಮ ನಿತಿ ಮಳಸ. ಮ್ಹೊಡಾಕ್ಹು ಕದ್ಯಾಮ ರಕ್ಷಣೆ ಥಾವಸ.
ROM 10:11 ತಿನಾ ಉಪ್ಪರ ಬರೊಕ್ಹೊ ಮ್ಹೆಳವಾಲೊ ಕಯೊಬಿ ನಿರಾಶ ಥಾತೊ ನೈ ಕೈನ ಶಾಸ್ತ್ರ ಕವಸ್ತೊ.
ROM 10:12 ಆ ವಿಷಯಮಾ ಯೆಹುದಿವಾಲಾನೆಬಿ ವರಿ ಗ್ರಿಕವಾಲಾನೆಬಿ ಜಾಸ್ತ ಕಮ ಸು ನತ್ತಿ. ಕ್ಹಾರಾವೊನೆಬಿ ಯಕ್ಲೊಜ಼ ಪ್ರಭು ವ್ಹೈ; ತೆ ತಿನು ನಾಮ ಕವಾಲಾವೊನೆ ಘನ್ನೊಆಶಿರ್ವಾದ ದಿವಸ.
ROM 10:13 ಅಮ್ಮ ಪವಿತ್ರ ಗ್ರಂಥ ಕದಲ ತಿಮ್ಮ ಕರ್ತಾನು ನಾಮ ಕವಾಲಾವೊನೆ ರಕ್ಷಣೆ ಮಳಸ ಕೈನ ಬರ್ದಲ ಛೆ.
ROM 10:14 ತೆನೈಸೊ ತುಮೆ ಕಿಪರ ಬರೊಕ್ಹೊ ನತ್ತಿ ಕರ‍್ಯಾ ತಿನು ನಾಮ ಕವಾನೆ ಕಿಮ ಥಾವಸ? ತಿನಿ ವಾಕ್ಯಾ ನೈ ಐಕ್ಯಾಮ ತಿಪರ ಬರೊಕ್ಹೊ ಮುಕ್ಕಾನು ಕಿಮ? ಕವಾಲೊ ನೈ ರ‍್ಹಯಾರೆ ಐಕಾನು ಕಿಮ? ಕವಾಲಾನೆ ಕವಾನೆ ಮೊಕಲ್ಯಾ ಬಗರ ತೆ ಕವಸ ಕಿಮ?
ROM 10:15 ಇನೆ ಕರೆಟ್ಟ ಚೊ಼ಕಿ ಸುವಾರ್ತೆ ಕವಾಲಾವೊನಾ ಪಗೊ ಕೆಕ್ಲಾಕಿ ಚೊ಼ಕಾ ಶೆ ಕೈನ ಬರ್ದಲ ಶೆ. ತಿಮ್ಮ ರ‍್ಹಯುತಬಿ ಚೊ಼ಕಿಯೊ ವಾತ ಕ್ಹಾರಾ ಜ಼ನಾ ಐಕ್ತಾ ನೈ.
ROM 10:16 ಆ ವಿಷಯಮಾ ಯೆಶಾಯ-
ROM 10:17 ತಿನಾಹುತಿ ಕದಲ ವಾಕ್ಯಾ ಐಕಾಕ್ಹು ಬರೊಕ್ಹೊ ಆವಸ. ವರಿ ವಾಕ್ಯಾ ಯೆಸುನಾ ಹುತಿ ತೆ ಸವಾರತೆ ಐಕಾಕ್ಹು ವರಿ ಕ್ರಿಸ್ತನಿ ವಾಕ್ಯಾ ಐಕಾಕ್ಹು ಸಂದೆಶ ಆವಸ.
ROM 10:18 ತಿಮ್ಮ ರ‍್ಹಯುತಬಿ ತ್ಯುನೊನೆ ಐಕು ಐಯು ನೈ ಕೈನ ಪುಚ್ಯೊ. ಐಕು ಆಯಲ ಕ್ಹರಿಜ಼ ವ್ಹೈ. ಕವಾವಾಲವೊನಿ ಆವಾಜ಼ ಜಿ಼ಮಿನ ಪುರಾ ಐಕೈಸ, ತಿವ್ನಾ ವಾತೊ ಜಗತ್ನಾ ಲಾಸ್ಟಲಕಾಬಿ ಫೈಲ್ಯಾಸ.
ROM 10:19 ತೆನೈಸೊ ಇಸ್ರಾಯೆಲನಾ ಮನಕ್ಹೊ ತೆ ಸುವಾರ್ತೆ ತಿಲದಿಲಿದ್ಯಾ ನೈಸು ಕೈನ ವರಿ ಮಿ ಪುಚ್ಚು಼ಸ. ಹೊ, ಆ ವಿಷಯಮಾ- ಮಾರಿ ಜನಾಂಗ ನೈ ರ‍್ಹಯಲ ವಾಲಾವೊಕ್ಹು ತುಮೊಮಾ ಹೊಚ್ಚಿಗಿಟ್ಟಿ ಹುಟಸೌಸ; ಗ್ಯಾನ ನೈಸೊವಾಲಾವೊಕ್ಹು ತುಮೆ ಶಿಟ್ಟ ಹುಟಸೌಸ ಕೈನ ಪೈಲಾಜ಼ ಮೊಶೆ ಕವಸ.
ROM 10:20 ತೆನೈಸೊ ಯೆಶಾಯ ಧೈರಕ್ಹು ಬೊಲ್ಯೊ- ಮನೆ ನೈ ಹುಡ್ಕಲ ವಾಲಾವೊನೆ ಮಳ್ಯೊ,ಮಾರಿ ವಿಷಯಮಾ ವಿಚಾರ ಕರೆಲವಾಲಾವೊನಾ ಕ್ಹಾಮೊ ಆಯೊ ಕೈನ ಕದ್ಯೊ.
ROM 10:21 ತೆನೈಸೊ ಕ್ಹುದಾ ಅಮ್ಮ ಕವಸ ತೆ ಇಸ್ರಾಯೆಲ ವಾಲಾವೊನಾ ವಿಷಯಮಾ- ಮಾರಿ ವಾತನೆ ಅವಿಧೆಯ ಥೈನ ಫರಿನ ಬೊಲಲ ಮನಕ್ಹೊನೆ ಮಿ ದಿನ್ನ ಕ್ಹಾರಿ ಹತ ಕರಿನ ಬಲಾಯೊ ಕೈನ ಕವಸ.
ROM 11:1 ತಿಮ್ಮ ರ‍್ಹಯುಮ ಕ್ಹುದಾ ತಿನಾ ಮನಕ್ಹೊನೆ ನಕೊ ಕೈನ ಢಕ್ಲಿ ಪಾಡಸ ಸು ಕೈನ ಪುಚ್ಚು಼ಸ. ಕೆಳಾಮಾಬಿ ನೈ. ಮಿಬಿ ಇಸ್ರೆಲೊನೆ, ಅಬ್ರಹಾಮನಾ ಸಂತತಿನೆ, ಬೆನ್ಯಾಮಿಯ ಖಾಂದಾನವಾಲೊ ಥಯೊಸ್ತೊ.
ROM 11:2 ಕ್ಹುದಾ ತೆ ಅಗೊ ಥೈನ ತಿನಾ ಮನಕ್ಹೊ ಥಾವಾನೆ ಗ್ವತ್ತ ಕರಿಲಿದಲ ಮನಕ್ಹೊನೆ ಢಕ್ಲಿ ಪಾಡ್ಯೊ ನೈ. ಎಲೀಯಾನಿ ಜವ್ನಾನಾ ಹುತಿ ಪವಿತ್ರ ಗ್ರಂಥ ಕವಾನಿ ವಾತ ತುಮೊನೆ ಗ್ವತ್ತ ನೈ ಥಾತು ಸು? ತೆ ಕ್ಹುದಾನಾ ಕ್ಹಾಮೊ-
ROM 11:3 ಕರತಾ"ತ್ಯುನೆ ತಾರಾ ಪ್ರವಾದಿಯೊನೆ ಖಲಾಸ ಕರ‍್ಯಾಸ, ತಾರಾ ಬಲಿ ದಿವಾನಿ ಜ಼ಗಾ ಪ್ಹೊಡಿ ಪಾಡ್ಯಾಸ, ಮಿ ಯಕ್ಲೊಜ಼ ಉಗರ್ಯೊಸ, ಹಮ್ನಾ ಮನಕ್ಹೊ ಮಾರು ಜ಼ಲಮ ಕಾಡು ಕೈನ ಕರ‍್ಯಾಸ"
ROM 11:4 ಕೈನ ಇಸ್ರೆಲೊನಾ ಉಪ್ಪರ ತಪ್ಪ ಕದಲಕ್ಹು ಕ್ಹುದಾನು ಜವಾಬ ಸು ವ್ಹೈ ಕದ್ಯಾಮ ಬಾಳನಿ ಮುರತಿನೆ ಆರಾಧನಾ ನೈ ಕರಲ ಕ್ಹಾತ ಹಜಾ಼ರ ದಾಣ್ಗಾವೊನೆ ಮಾರಾಹುತಿ ವಚಾ಼ಡಿಲಿದ್ಯೊಸ.
ROM 11:5 ತಿನಾಲಿಂಗತ ಹಮ್ನಾನಾ ಕಾಲಮಾಬಿ ಕ್ಹುದಾನಿ ಕೃಪಾಕ್ಹು ಇನಿಲಿದಲವಾಲಾ ದಕ್ಹಾ ಜ಼ನಾ ಛೆ.
ROM 11:6 ಕ್ಹುದಾನಿ ಕೃಪಾಕ್ಹು ಇನಿಲಿದಲವಾಲೊ ಕದಲ್ಪರ ಪುಣ್ಯನಾ ಕಾಮೊನಾ ಹುತಿ ಇನಿಲಿದಲ ನ್ಹವೈ ತೆಕ್ಲುಜ಼; ತಿಮ್ಮ ನೈಸೊ ಪಕ್ಷನೆ ಕೃಪಾನೆ ಹಜು಼ನಬಿ ಕೃಪಾ ನೈ ಕವಾನೆ ಥಾತು.
ROM 11:7 ಇನಾಕ್ಹು ತಿಳದಿಲಿವಾನು ಸುವೈ? ಇಸ್ರೆಲೊ ಹುಡ್ಕಲ ತ್ಯುನೊನೆ ಮಳ್ಯು ನೈ, ತ್ಯುನೊಮಾ ಇನಿಲಿದಲವಾಲಾವೊನೆ ಮಳ್ಯು. ಬಿಜಾ಼-ಜ಼ನಾ ಪಿಸಾಳಾ ಥಯಾ.
ROM 11:8 ಕ್ಹುದಾ ತ್ಯುನೊನೆ ವಜ್ಜು಼ ಕದ್ಯಾಮ ನೈ ದಿಕ್ಹಾನಾ ಡೊಳಾ ನೈ ಐಕಾನಾ ಕಾನೊ ದಿದ್ಯೊ; ಎ ವಜ್ಜು಼ ಆಜ಼ ಲಕ್ಕಾಬಿ ತಿಮ್ಮಜ಼ ಛೆ ಕೈನ ಬರ್ದಲ ತಿಮ್ಮ ತ್ಯುನೊನೆ ಥಯು.
ROM 11:9 ಎನೈಸೊ- ತ್ಯುನು ಅನ್ನಜ಼ ತ್ಯುನೊನೆ ಪಾಖೊ ಸುಜ಼ ಅಡು ಆಯೆ ನೈಸೊ ಶಿಕ್ಷಾ ಥಾವಾದೆ.
ROM 11:10 ತ್ಯುನಾ ಡೊಳಾ ಮಬ್ಬ ಥೈನ ದಿಖ್ಯಾವಾಚಿ ಥಾವಾದೆ; ತ್ಯುನಿ ಕಂಬರ ಕೆಳಾಮಾಬಿ ಡುಗಾ ಥಾವಾ ವರಕ್ಹು ಕರ ಕೈನ ದಾವಿದ ಕವಸ.
ROM 11:11 ತಿಮ್ಮ ರ‍್ಹಯುಮ ತ್ಯುನೆ ಪಡಿನ ಜಾ಼ಯೆ ಲಿಂಗತ ಪಡ್ಯಮ ಸುವೈ ಕೈನ ಪುಚ್ಚು಼ಸ. ತಿಮ್ಮ ಕೆಳಾಮಾಬಿ ಕೌ ನೈ. ತ್ಯುನೆ ಪಡಿಗಯಲಕ್ಹು ಕ್ರಿಸ್ತಕ್ಹು ಥಾವಾನಿ ರಕ್ಷಣೆ ಬಿಜಾ಼ ಮನಕ್ಹೊನೆ ಮಳಿ. ಇನಾಕ್ಹು ಕ್ಹುದಾ ತ್ಯುನಾಮಾ ಹುರುಡು ಹುಟ್ಸಾವಸ.
ROM 11:12 ಯಹುದ್ಯೊನಾ ಅಪರಾದ ಜಗತ್ನೆ ಘನ್ನಾ ಆಶಿರ್ವಾದೊ ತ್ಯುನಾ ಸೊಲನೆ ಯಹುದಿಯೊ ನೈ ರ‍್ಹಯಲ ಮನಕ್ಹೊನೆ ಘನ್ನಾ ಆಶಿರ್ವಾದೊ ಆವಾನೆ ಕಾರಣ ಥಯು. ಕ್ಹುದಾನಿ ಚಿತ್ತನಾ ನಿಂಗತ ಯೆಹುದಿಯೊ ನೈಸೊವಾಲಾವೊನೆ ಬದಲಿ ಥಾತಾಮಾ ದುನಿಯಾ ವರಿ ಜಾಸ್ತಿ ಆಶಿರ್ವಾದೊ ವ್ಹಂದಾನು ಕ್ಹರಿ ವ್ಹೈ ನೈ?
ROM 11:13 ಹಮ್ನಾ ಮಿ ಯಹುದ್ಯೊ ನೈ ರಹೆಲ ಮನಕ್ಹೊನಾ ಕ್ಹಾತೆ ಬೊಲಾಡೊಸ. ಮಿ ತ್ಯುನೊನೆ ಅಪೊಸ್ತಲ ಥಯೊಸ. ತಿನಾಹುತಿ ಮಿ ಆ ಕಾಮ ಮಾರಾ ಹತೆ ಥಯಲ ತೆಕ್ಲು ಚೊ಼ಕಿ ತರಾ ಕರುಸ.
ROM 11:14 ಮಿ ಮಾರಾ ಸ್ವಂತ ಮನಕ್ಹೊಮಾ ಅಸೈ ಕರಿನ ತ್ಯುನೊಮಾ ದಕ್ಹಾಜ಼಼ನಾ ತುಬಿ ರಕ್ಷಣೆ ಹೊಂದಿಲಿವಾ ವರಕ್ಹು ಕರುಸ ಕೈನ ಆಸ ಮನೆ ಛೆ.
ROM 11:15 ಯಹುದಿ ಮನಕ್ಹೊನೆ ಇನ್ಕಾರಲ ಹುತಿ ದುನಿಯಾ ಕ್ಹುದಾನಾ ಕ್ಹಾತೆ ಸಂಧಾನ ಥಾವಾನೆ ಸಾದ್ಯ ಛೆ. ಕದ್ಯಾಮ ತ್ಯುನೆ ಮಳೈಲಿದಲದ್ಪರ ಹಜು಼ನ ಸು ಥಾಸ? ಮರಲವಾಲಾ ಜಿವ್ತಾ ಥೈನ ಉಟಿನ ಆಯಲ ಲಿಂಗತ ಥಾವಸು ನೈ?
ROM 11:16 ರೊಕ್ಲಾನು ಪಸ್ಟಲ್ಯೊ ತುಕ್ಡೊ ಕ್ಹುದಾನೆ ಚ಼ಡಾಯಲ ಟೈಮ್ಮಾ, ಪುರಾ ರೊಕ್ಲೊಜ಼ ಕ್ಹುದಾನೊ ಥಯೊ. ಝಾಡನಾ ಬೆರಜ಼ ಕ್ಹುದಾನೆ ದಿದ್ಯಾಮ ಪುರಾ ಝಾಡಜ಼ ಕ್ಹುದಾನು ಥಯು.
ROM 11:17 ಎ, ಆಲಿವ ತೆಲನಾ ಝಾಡೊನಿಯೊ ಠೊಂಗಿಯೊ ತುಟಲ್ಪರ ರಾನ್ಮಾ ರ‍್ಹಯಲ ಆಲಿವ ಝಾಡನಿ ಯಕ್ಕ ಠೊಂಗಿ ಪೈಲಾ ರ‍್ಹಯಲ ಆಲಿವ ಝಾಡನೆ ಮಳಲ ಲಿಂಗತ ಛೆ. ಯಹುದ್ಯೊ ನೈ ರ‍್ಹಯಲ ತುಮೆ ರಾನ್ಮಾ ರ‍್ಹಯಲ ಝಾಡನಿಯೊ ಠೊಂಗಿಯೊ ಲಿಂಗತ ಛೆ. ತೆನೈಸೊ ಹಮ್ನ ತುಮೆ ಪೈಲಾನಾ ಝಾಡನೆ ತಾಕತನೆ ಜ಼ಲಮಮಾ ವಾಟೊ ಲಿವಾಲಾ ಥಯಾಸ.
ROM 11:18 ತಿನಾ ಹುತಿ ತುಟಿ ಗಯೆಲ ತೆ ಠೊಂಗಿಯೊನೆ ಇನ್ಕಾರೊ ನಕೊ. ತ್ಯುನೊನೆ ಇನ್ಕಾರಾನೆ ತುನೆ ಕಯುಜ಼ ಕಾರಣ ನತ್ತಿ. ಕಾಕದ್ಯಾಮ ತುಮೆ ಬೆರನೆ ಜ಼ಲಮ ದೆತಾ ನೈ. ಬೆರ ತುಮೊನೆ ಜ಼ಲಮ ದಿವಸ.
ROM 11:19 ಅಪೆ ತೆ ಝಾಡನೆ ಠೊಂಗಿಯೊನೆ ಮಳಿ ಕೈನ ತೆ ಠೊಂಗಿಯೊ ತುಟಿಯೊ ಕೈನ ತುಮೆ ಕೆ ಸಕೊಸಿ.
ROM 11:20 ತೆ ಕ್ಹರಿ ವ್ಹೈ. ತೆ ಠೊಂಗಿಯೊ ತುಟಿಯೊ. ತಿನೆ ಬರೊಕ್ಹೊ ನೈ ಕರಲ ಕಾರಣ ವ್ಹೈ. ತುಮೆ ತೆ ಝಾಡನು ಯಕ್ಕ ಭಾಗ ಥಯಲ ತುಮಾರಾ ಬರೊಕ್ಹಾಕ್ಹುಜ಼ ವ್ಹೈ. ತಿನಾಹುತಿ ಸ್ವಕ್ಕ ಕರು ನಕೊ, ಭುಚಿ಼ಕಿನ ರ‍್ಹೆ.
ROM 11:21 ಕ್ಹುದಾ ಪೈಲಾಜ಼ ಹುಟ್ಟಲ ಠೊಂಗಿಯೊನೆ ನೈ ವಚಾ಼ಡಲ್ಪರ ತುಮೆ ಬರೊಕ್ಹೊ ನೈ ಕರ‍್ಯಾಮ ತೆ ತುನೆ ವಚ಼ಾಡಸು?
ROM 11:22 ತಿನಾಹುತಿ ಕ್ಹುದಾ ಮರಗಾಲೊ ವ್ಹೈ ಘನ್ನೊ ಕಠೊರಬಿ ವ್ಹೈ ಕವಾನೊ ವಳಕ. ಕ್ಹುದಾ ತಿನೆ ಪಾಚಾ಼ ನೈ ಆವಾಲಾ ಮನಕ್ಹೊನೆ ಶಿಕ್ಷಾ ದಿವಸ. ತೆನೈಸೊ ತು ಕ್ಹುದಾನಿ ಮರಗಾಮಾ ರ‍್ಹಯೊಮ, ಕ್ಹುದಾ ತುನೆ ಮರಗಾಲೊ ರ‍್ಹವಸ. ನೈತೊ, ತುನೆ ಝಾಡತೊ ಕತ್ರಿನ ನಾಕಿ ಪಾಡಸ.
ROM 11:23 ಇಸ್ರಾಯೆಲ ಮನಕ್ಹೊ ತಿವ್ನಾ ಬರೊಕ್ಹೊ ನೈ ಛೊಡ್ಯಾಮ ಮಿ ತ್ಯುನೊನೆ ಭಾಂದುಸ, ಕ್ಹುದಾ ತ್ಯುನೊನೆ ವರಿ ತೆ ಝಾಡನೆ ಜೊಡ್ಸಸ.
ROM 11:24 ರಾನ್ಮಾನಿಯೊ ಠೊಂಗಿಯೊನೆ ಚೊ಼ಕಾ ಝಾಡನೆ ಠೊಂಗಿಯೊ ಥಾವಾನೆ ಆಸಾನ ನ್ಹವೈ. ವರಿಬಿ ಯಹುದ್ಯೊ ನೈ ರ‍್ಹಯಲ ತುಮೆ ರಾನ್ಮಾ ರ‍್ಹಯಲ ಒಲಿವ ಝಾಡನಾ ಕತ್ರಲ ಠೊಂಗಿಯೊ ರ‍್ಹಯಲ ಚೊ಼ಕಿಯೊ ಆಲಿವ ಝಾಡನೆ ರಾಕ್ಹ ಭಾಂದಲ ಲಿಂಗತ ಛೆ. ಯಹುದ್ಯೊ ಚೊ಼ಕಾ ರ‍್ಹಯಲ ಆಲಿವ ಝಾಡನೆ ಬೆಳದಲ ಠೊಂಗಿಯೊ. ತಿನಾಹುತಿ ತ್ಯುನೆ ತ್ಯುನಾ ಸ್ವಂತ ಝಾಡನೆ ವರಿ ಮಳಾನು ಕ್ಹರಿಬಿ ಸಾದ್ಯ ಛೆ. ಕ್ಹುದಾನೆ ಕೆಕಲು ಆಸಾನ ವ್ಹೈ.
ROM 11:25 ಭಾಯೊ, ಭೆನೊ ತುಮೊನೆ ತುಮಾರಿಕ್ಹು ತುಮೆಜ಼ ಶಾಣ್ಯಾ ವ್ಹೈ ಕೈನ ಕವೈಲಿದ್ಯಾವಾಚಿ ಹಜು಼ನ ಲಕ್ಕಾಬಿ ದಡಿ ರ‍್ಹಯಲ ಕ್ಹರಿ ತುಮೊನೆ ಕೌಸ. ತೆ ಸುವೈ ಕದ್ಯಾಮ ಇಸ್ರಾಯೆಲನಾ ದಕ್ಹಾ ಮನಕ್ಹೊ ಮಡ್ಡ ಥಯಾತಬಿ ತೆನೈಸೊ ಯಹುದ್ಯೊ ನೈ ರ‍್ಹಯಲ ಮನಕ್ಹೊ ಕ್ಹುದಾಕನ ಆತಾಮಾ ತ್ಯುನೊನೆ ಮಡ್ಡ ರ‍್ಹಯಲ ಗೈಪಡಸ.
ROM 11:26 ಇಮ್ಮ ಕ್ಹಾರಾ ಇಸ್ರಾಯೆಲೊ ರಕ್ಷಣೆ ಹೊಂದಿಲಿವಸ. ಪವಿತ್ರ ಗ್ರಂಥಮಾ ಅಮ್ಮ ಬರ್ದ್ಯಾಸ; "ಸಿಯೊನತೊ ರಕ್ಷಕ ಆವಸ; ತೆ ಯಾಕೊಬನಾ ಕುಟುಂಬಮಾತೊ ಕ್ಹಾರು ಕೆಟ್ಟತನಾ ಕಾಡಿಪಡಸ.
ROM 11:27 ಮಿ ತೆ ಮನಕ್ಹೊನಾ ಪಾಪೊ ಪರಿಹಾರ ಕರತಾಮಾ ತ್ಯುನಾ ಕ್ಹಾತೆ ಎ ವಡಂಬಡಿಕೆ ಕರುಸ.
ROM 11:28 ಯಹುದ್ಯೊ ಸುವಾರ್ತೆ ಒಪ್ಪಿಲಿದ್ಯಾ ನೈ. ತಿನಾಹುತಿ ತ್ಯುನೆ ಕ್ಹುದಾನಾ ವಿರೊಧಿ ಥಯಾಸ. ಯಹುದಿ ನೈಸೊ ಮನಕ್ಹೊನೆ ಮದತ ಥೌಕೈನ ಎ ಥಯು. ತೆನೈಸೊ ಯಹುದ್ಯೊ ಹಜ಼ುನ ಕ್ಹುದಾತಿ ಇನಿಲಿದಲ ಮನಕ್ಹೊ ಥಯಾಸ. ತಿನಾಹುತಿ ತೆ ಪಿತೃವೊನಾ ಕ್ಹಾತೆ ಕರಲ ವಡಂಬಡಿಕೆನಾ ಮುಲಕ ತ್ಯುನೊನೆ ಮಯಾ ಕರಸ.
ROM 11:29 ಕ್ಹುದಾ ವರಾ ದಿದಲ ಹುತಿಬಿ ಮನಕ್ಹೊನೆ ಬಲಾಯಲ ಹುತಿ ಪಶ್ಚಾತಾಪ ಪಡಾಲೊ ನ್ಹ ವ್ಹೈ.
ROM 11:30 ಯಕ್ಕ ಟೈಮಮಾ ಯೆಹುದಿಯೊ ನೈ ರ‍್ಹಯಲ ತಿನೆ ವಿಧೆಯ ಥೈನ ನ್ಹೊತಾ. ಹಮ್ನಾತುಬಿ ತುಮೆ ಮರಗಾ ಹೊಂದಿಲಿದ್ಯಾಸ. ಕಾಕದ್ಯಾಮ ತ್ಯುನೆ (ಯಹುದ್ಯೊ) ತಿನೆ ವಿಧೆಯ ಥಯಾ ನೈ.
ROM 11:31 ಕ್ಹುದಾ ತುಮೊನೆ ಮರಗಾ ದೆಕಾಡಲ ಹುತಿ ಹಮ್ನಾ ಯಹುದ್ಯೊ ವಿಧೆಯ ಥಾತಾ ನೈ. ತೆನೈಸೊ ತ್ಯುನೆಬಿ ಕ್ಹುದಾ ಕಂತಾ ಮರಗಾ ಹೊಂದಿಲ್ಯು ಕೈನ ಇಮ್ಮ ಥಯು.
ROM 11:32 ಕಾಕದ್ಯಾಮ ಕ್ಹಾರಾ ಜ಼ನಾ ಕ್ಹುದಾನೆ ವಿಧೆಯ ಥಯಾ ನೈ. ಕ್ಹುದಾ ಕ್ಹಾರಾವೊನೆ ಮರಗಾ ದೆಕಾಡು ಕೈನ ಕ್ಹಾರಾವೊನೆ ಮಳೈನ ಅವಿಧೆಯ ಕ್ಹು ಭಾಂದ್ಯೊಸ.
ROM 11:33 ಹೊ, ಕ್ಹುದಾನಿ ಆಸ್ತಿ ವರಿ ಘನ್ನಿ ಛೆ! ಕ್ಹುದಾನಿ ಗ್ಯಾನ ಘನ್ನಿ ಛೆ. ಕ್ಹುದಾ ಫೈಸಲೊ ಕರಾನಾ ಸಂಗತಿಯೊನೆ ಕುನ್ನಜ಼ ತಿಳ್ಸಾತುನೈ ಕ್ಹುದಾನೊ ಫೈಸಲೊ ದೆಕಾಡಾಲು ಕುನ? ತಿನಾ ವಾಟೊ ತಿಳದಿಲಿವಾನು ಕುನ?
ROM 11:34 ಪವಿತ್ರ ಗ್ರಂಥ ಕದಲ ಲಿಂಗತ; ಪ್ರಭುನು ಮನಸ ಕುನ್ ತಿಳ್ದಿಲಿದ್ಯುಸ? ಕ್ಹುದಾನೆ ಕುನ ಸಲಹೆ ಕುನ ದಿವಾನೆ ಥಾವಸ? ಯೆಶಾಯ 40:13
ROM 11:35 ಪೈಲಾ ಕ್ಹುದಾನೆ ಕುನ ಸು ದಿದ್ಯಾಸ? ಕ್ಹುದಾ ಕಿನೆಜ಼಼ ಸಾಲಾ ದಿವಾಲೊ ನ್ಹವ್ಹೈ" ಯೊಬ 41:11
ROM 11:36 ಹೊ, ಕ್ಹುದಾ ಕ್ಹಾರುಜ಼ ಸೃಷ್ಟಿ ಕರ‍್ಯೊ. ಕ್ಹಾರು ಕ್ಹುದಾನಾ ಮುಲಕ ಕ್ಹುದಾನಾ ಹುತಿಜ಼ ವ್ಹೈ. ಕ್ಹುದಾನೆ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ್.
ROM 12:1 ತಿನಾಹುತಿ ಭಾಯೊ, ಭೆನೊ, ಕ್ಹುದಾ ಘನ್ನೊ ಮರಗಾಲೊ ವ್ಹೈ ತುಮೊನೆ ಶೆ ಕರಲಿನ ತುಮೊಕನ ಸು ಮಾಂಗಿಲ್ಯುಸ ಕದ್ಯಾಮ, ತುಮೊನೆಜ಼ ಕ್ಹುದಾನೆ ಒಪ್ಸಿನ, ಮೆಚ್ಚಿಗೆ ರ‍್ಹಯಲ ಖುದ್ದನೆ ಒಪ್ಸಿನ ದಿವೊ. ಎಜ಼ ತುಮೆ ಕರಾನಿ ಕ್ಹರಿನಿ ಆರಾಧನಾ ವ್ಹೈ.
ROM 12:2 ಎ ದುನಿಯಾ ರ‍್ಹಯಲಲಿಂಗತ ನೈ ರ‍್ಹಯಾವಾಚಿ ಮನಸ ಬದ್ಲಿ ಕರಲಿನ ನವು ಮನಸ ಕರಲಿನ ರ‍್ಹವೊ. ತೆಳಾಮಾ ತುಮೆ ಕ್ಹುದಾನಿ ಚಿತ್ತನಾ ಲಿಂಗತ ಕಯು ಚೊ಼ಕು ವ್ಹೈ, ಕಯು ಕೆಟ್ಟ ವ್ಹೈ ಕವಾನು ತಿಳ್ದಿಲಿವೊಸಿ.
ROM 12:3 ಕ್ಹುದಾ ಮನೆ ಖಾಸ ಯಕ್ಕ ವರಾ ದಿದ್ಯೊಸ. ತಿನಾಹುತಿಜ಼, ತುಮೊಮಾ ರ‍್ಹಯಲ ಹರ ಯಕ್ಕಲಾವೊನೆ ಎ ಸಂಗತಿಯೊ ತಿಳ್ಸಾವಾಡ್ಯೊಸ. ತುಮೆ ತುಮಾರಾ ಔಕಾತತಿಬಿ ಘನ್ನು ತುಮಾರಾ ವಿಷಯಮಾ ತಿಳ್ದಿಲಿವೊ ನಕೊ. ತುಮೆ ತುಮಾರಿ ವಿಷಯಮಾ ಸು ತಿಳ್ದಿಲಿದ್ಯಾತಬಿ ತೆ ವಿಚಾರ ತುಮಾರಿ ಔಕಾತನೆ ಕರೆಟ್ಟ ರ‍್ಹೌ. ಕ್ಹುದಾ ತುಮೊನೆ ಕೆಕ್ಲೊ ಬರೊಕ್ಹೊ ದಿದ್ಯೊಸ ತೆ ಬರೊಕ್ಹಾ ಲಿಂಗತಜ಼ ತುಮಾರಿ ವಿಷಯಮಾ ತಿಳ್ದಿಲಿವೊ.
ROM 12:4 ಹರ ಯಕ್ಕಲಾವೊನೆ ಯಕ್ಕ ಅಂಗ ಛೆ. ತೆ ಅಂಗನೆ ಘನ್ನಾ ಭಾಗೊ ಛೆ. ತೆ ಭಾಗೊ ಯಕ್ಕಜ಼ ಕಾಮ ನೈ ಕರ‍್ತಾ.
ROM 12:5 ಇಮ್ಮ ಅಪೆ ಘನ್ನಾ ಜ಼ನಾ ರ‍್ಹಯಾತಬಿ ಕ್ರಿಸ್ತಮಾ ಅಪೆ ಕ್ಹಾರಾ ಯಕ್ಕಜ಼ ಅಂಗ ವ್ಹೈ. ಅಪೆ ತೆ ಅಂಗನಾ ಬಿಜಾ಼ ಬಿಜಾ಼ ಭಾಗೊ ಥಯಾಸ. ತೆ ಅಂಗನು ಹರ ಯಕ್ಕ ಭಾಗ ಬಿಜಾ಼ ಭಾಗೊನೆ ಮಳ್ಯುಸ.
ROM 12:6 ಅಪೆ ಕ್ಹಾರಾ ಬಿಜಾ಼-ಬಿಜಾ಼ ವರಾ ಹೊಂದಿಲಿದ್ಯಾಸ. ಕ್ಹುದಾ ಅಪೊನೆ ದಿದಲ ಕೃಪಾಕ್ಹು ಹರಯಕ್ಕ ವರಾ ಆಯುಸ. ಪ್ರವಾದನೆ ಕರಾನು ವರಾ ವ್ಹಂದಲವಾಲೊ ತಿನೆ ರ‍್ಹವಾನಾ ಬರೊಕ್ಹಾನಾ ಕ್ಹಾತೆ ತೆ ವರಾನೆ ಉಪಯೊಗ ಕರು.
ROM 12:7 ಸೆವಾ ಕರಾನಿ ವರಾ ಹೊಂದಿಲಿದಲವಾಲೊ ಸೆವಾ ಕರಾದೆ. ಶಿಕ್ಕಲಾವಾನಿ ವರಾ ಹೊಂದಿಲಿದಲ ವಾಲೊ ಶಿಕ್ಕಲಾವಾದೆ.
ROM 12:8 ಪ್ರೊತ್ಸಾಹ ಕರಾನಿ ವರಾ ಹೊಂದಿಲಿದಲವಾಲೊ ಬಿಜಾ಼ವೊನೆ ಪ್ರೊತ್ಸಾಹ ಕರಾದೆ. ವಾಟಿಲಿವಾನೊ ವರಾ ಹೊಂದಿಲಿದಲವಾಲೊ ವರಾ ಹೊಂದಿಲಿದಲವಾಲೊ ಮ್ಹೊಟಾ ಮನಸೆ ದಿವಾದೆ. ಅದಿಕಾರನಿ ವರಾ ಹೊಂದಿಲಿದಲವಾಲೊ ಅದಿಕಾರಮಾ ರ‍್ಹತಾಮಾ ಮ್ಹೈನತ ಕರಿನ ರಾಬು. ಮರಗಾನು ವರಾ ಹೊಂದಿಲಿದಲವಾಲೊ ಖುಶಿಕ್ಹು ತೆ ಕರಾದೆ
ROM 12:9 ತುಮಾರಿ ಮಯಾ ಕಪಟವಾಚಿ ರ‍್ಹವಾದೆ. ಕೆಟ್ಟ ಕಾಮೊನೆ ದ್ವೆಶ ಕರೊ. ಚೊ಼ಕಾ ಕಾಮೊ ಯಕ್ಕಜ಼ ಕರೊ.
ROM 12:10 ಕ್ರಿಸ್ತನಾ ಬರೊಕ್ಹಾಮಾ ಭಾಯೊ ಭೆನೊ ಲಿಂಗತ ರ‍್ಹೈನ ಯಕ್ನೆ ಯಕ್ಕ ಮಯಾ ಕರೊ. ತುಮೆ ತುಮಾರಾ ಹುತಿ ಆಸ ಕರಾನಿ ಮರಯಾದಿತಿಬಿ ಘನ್ನಿ ಮರ್ಯಾದಿ ತುಮಾರಾ ಭಾಯೊ ಭೆನೊನೆ ದಿವೊ.
ROM 12:11 ತುಮೆ ಪ್ರಭುನಾ ಹುತಿ ಸೆವಾ ಕರಾನೆ ಜರುರತ ರ‍್ಹಯಲ ಟೈಮಮಾ ಮೈಗಳ ಥೈನ ರ‍್ಹವೊ ನಕೊ. ಆತ್ಮಿಕನಿ ಖುಶಿಕ್ಹು ತಿನಿ ಸೆವಾ ಕರೊ.
ROM 12:12 ತುಮೊನೆ ನಿರಿಕ್ಷೆ ರ‍್ಹವಾಕ್ಹು ಖುಶಿ ರ‍್ಹವೊ. ತುಮೊನೆ ತ್ರಾಸ ರ‍್ಹತಾಮಾ ತಡ್ದಿಲಿನ ರ‍್ಹವೊ. ಕ್ಹಾರಾ ಟೈಮಮಾ ಪ್ರಾಥನಾ ಕರೊ.
ROM 12:13 ಕಮಿಮಾ ರ‍್ಹಯಲ ಕ್ಹುದಾನಾ ಮನಕ್ಹೊನೆ ಮದತ ಕರೊ. ಅತಿಥಿ ಸತ್ಕಾರ ಕರೈಲಿವಾಲಾವೊನೆ ಹುಡಕೊ, ತುಮಾರಾ ಘರೊನೆ ಬಲಾವೊ.
ROM 12:14 ತುಮೊನೆ ಕೆಟ್ಟ ಕರಾಲಾವೊನೆ ಕ್ಹರಾಪ್ಯಾವಾಚಿ ತ್ಯುನಾ ಹುತಿ ಪ್ರಭು ಕನ ಆಶಿರ್ವಾದ ಮಾಂಗೊ..
ROM 12:15 ಖುಶಿ ಥಾವಾಲಾವೊನಾ ಕ್ಹಾತೆ ಖುಶಿ ಥಾವೊ. ದುಖ ಥಾವಾಲಾವೊನಾ ಕ್ಹಾತೆ ದುಖ ಥಾವೊ.
ROM 12:16 ತುಮೆ ಯಕ್ಕನೆ ಯಕ್ಕ ಸಮಾಧಾನಕ್ಹು ಮಳಿನ ರ‍್ಹವೊ. ಸೊಕ್ಕಕ ಕರೊ ನಕೊ. ತೆನೈಸೊ ದಿನಕ್ಹು ತೆ ಕಾಮೊ ಕರೊ. ಸಮಾಜಮಾ ಕಿನೆ ನೈ ಚಾ಼ಯೆ ಥಯಲವಾಲಾ ಮನಕ್ಹೊನಾ ಕ್ಹಾತೆ ದೊಸ್ತಿ ಕರಿನ ರ‍್ಹವಾನೆ ಆಸ ಕರೊ. ತುಮೊನೆ ತುಮೆಜ಼, ಶಾಣ್ಯಾ ವ್ಹೈ ಕೈನ ತಿಳ್ದಿಲಿವೊ ನಕೊ.
ROM 12:17 ಕುನ ತಬಿ ತುಮೊನೆ ಕೆಟ್ಟ ಕರ‍್ಯೊಮ, ತಿನಾ ಲಿಂಗತ ತಿನೆ ಕೆಟ್ಟ ಕರೊ ನಕೊ. ಕ್ಹಾರಾ ಮನಕ್ಹೊ ಚೊ಼ಕು ವ್ಹೈ ಕೈನ ವಿಚಾರ ಕರಾನಾ ಕಾಮೊ ಕರಾನೆ ಕೊಶಿಶ ಕರೊ.
ROM 12:18 ಕ್ಹಾರಾ ಮನಕ್ಹೊನಾ ಕ್ಹಾತೆ ಶಾಂತಕ್ಹು ರ‍್ಹವಾನೆ ತುಮೊನೆ ಥಾಯೆ ತೆಕ್ಲು ಕೊಶಿಶ ಕರೊ.
ROM 12:19 ಮಾರಾ ಮಯಾನ ದೊಸ್ತೊ, ತುಮೊನೆ ಕೆಟ್ಟ ಕರಾನಾ ಮನಕ್ಹೊನೆ ಬದಲೊ ಲಿವಾನೆ ಕೊಶಿಶ ಕರೊ ನಕೊ. ತೆನೈಸೊ ಕ್ಹುದಾ ತಿನಾ ಶಿಟ್ಟನೆ ವಪ್ಸಿನ ದಿವೊ. ಮಿಜ಼ ಶಿಕ್ಷಾ ದಿವಾಲೊ ವ್ಹೈ. ಮಿಜ಼ ಮನಕ್ಹೊನೆ ಬದ್ಲೊಲಿವಾಲೊ ವ್ಹೈ ವರಿ ಮಿಜ಼ ಪ್ರತಿ ಫಲ ದಿವಾಲೊ ವ್ಹೈ ಕೈನ ಪ್ರಭು ಕವಸ" ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ.
ROM 12:20 ತೆನೈಸೊ ಪವಿತ್ರ ಗ್ರಂಥ ಅಮ ಕವಸ. ತುಮಾರೊ ದುಷ್ಮನ ಭುಕ್ಕೊ ಥಯೊಮ, ತಿನೆ ಖಾವಾನೆ ಅನ್ನ ದಿವೊ. ತುಮಾರೊ ದುಶ್ಮನ ಪಾನಿನೊ ತರಕ್ಹೊ ಥಯೊಮ, ತಿನೆ ಪಿವಾನೆ ಪಾನಿ ದಿವೊ. ತುಮೆ ಅಮ ಕರ‍್ಯಾಮ, ತಿನೆ ಸರಮವಾಟಸ"
ROM 12:21 ಕೆಟ್ಟತನಾ ತುಮೊನೆ ಹಾರಾ ಲಗಾಡಾನೆ ಮೌಕೊ ದಿದ್ಯಾವಾಚಿ ಚೊ಼ಕು ಕರ‍್ತಾಜ಼ ಕೆಟ್ಟನೆ ಹಾರಾ ಲಗಾಡೊ.
ROM 13:1 ತುಮೆ ಕ್ಹಾರಾ ಅದಿಕಾರಿಯೊನೆ ವಿದೆಯ ಥೈನ ರ‍್ಹೌ. ಕಾಕದ್ಯಾಮ ಕ್ಹುದಾನಿ ಅನುಮತಿ ನೈಸೊ ಕುನ್ನಜ಼ ಅದಿಕಾರಿ ಥಾತೊ ನೈ. ಹರಿ ಯಕ್ಕ ಅದಿಕಾರಿನೆ ಅದಿಕಾರ ದಿದಲ ಕ್ಹುದಾಜ಼ ವ್ಹೈ.
ROM 13:2 ತಿನಾಹುತಿ ಅಧಿಕಾರಿಯೊನೆ ವಿರೊದ ಥಯಲ ಮನಕ್ಹ ಕ್ಹರಿಮಾಜ಼ ಕ್ಹುದಾನಿ ಆಗ್ನಾನೆ ವಿರೊದ ವ್ಹೈ. ಅಧಿಕಾರಿಯೊನೆ ವಿರೊದ ರ‍್ಹಯಲ ಮನಕ್ಹೊ ತಿನಾಕ್ಹು ತಿನೆಜ಼ ಶಿಕ್ಷಾ ಲಿದಲ ಲಿಂಗತ ವ್ಹೈ.
ROM 13:3 ಚೊ಼ಕು ಕರಾಲಾ ಮನಕ್ಹೊನೆ ಅದಿಕಾರಿಯೊನೊ ಭೆ ರ‍್ಹತೊ ನೈ. ವರಿಬಿ ಕೆಟ್ಟ ಕರಾಲಾ ಮನಕ್ಹೊನೆ ಅದಿಕಾರಿಯೊನೊ ಭೆ ರ‍್ಹವಸ. ತುಮೆ ಅದಿಕಾರಿಯೊನೆ ಭೆ ನೈ ರ‍್ಹಯಲವಾಲಾ ರ‍್ಹೌ ಕೈನ ಆಸ ಕರೊಶಿಸು? ತಿಮ್ಮ ರ‍್ಹಯುಮ ತುಮೆ ಚೊ಼ಕಾ ಕಾಮೊ ಕರೊ. ತೆಳಾಮಾ ಅದಿಕಾರಿಯೊ ತುಮೊನೆ ನೆಣಸಸ.
ROM 13:4 ಕಾಕದ್ಯಾಮ ಅದಿಕಾರಿಯೊ ತುಮಾರಾ ಚೊ಼ಕಾನಾ ಹುತಿಜ಼ ನೆಮ್ಸಲ ಕ್ಹುದಾನೊ ಸೆವಕ ವ್ಹೈ. ತೆನೈಸೊ ತುಮೆ ಕೆಟ್ಟಜ಼ ಕರ‍್ಯಾಮ ಭುಚ್ಕುಜ಼. ತುಮೊನೆ ಶಿಕ್ಷಾ ದಿವಾನೆ ತಿನೆ ಅದಿಕಾರ ಛೆ. ತೆ ಅದಿಕಾರ ಉಪಯೊಗ ಕರಸ. ಅದಿಕಾರಿ ಕೆಟ್ಟ ರ‍್ಹಯಲ ಕರಾಲೊ ಮನಕ್ಹೊನೆ ಶಿಕ್ಷಾ ದಿವಾನಾ ಹುತಿ ನೆಮ್ಸಲ ಕ್ಹುದಾನೊ ಸೆವಕ ಥಯೊಸ.
ROM 13:5 ತಿನಾಹುತಿ ತುಮೆ ಅಧಿಕಾರಿನೆ ವಿಧೆಯ ಥೌ ತುಮೆ ಶಿಕ್ಷಾನೆ ಗುರಿ ಥೌಸ ಕವಾನು ಕಾರಣ ಕ್ಹು ನೈಸೊ, ತುಮಾರಿ ಮನಸನಿ ಸಾಕ್ಕಷಿಕ್ಹು ತುಮೆ ತ್ಯುನೊನೆ ವಿಧೆಯ ಥೌ.
ROM 13:6 ಎ ಕಾರಣಕ್ಹು ತುಮೆ ಭು ಭಾಡೊಬಿ ದಿವೊಸಿ. ತೆ ಅದಿಕಾರಿಯೊ ಕ್ಹುದಾನಾ ಹುತಿ ಕಾಮ ಕರಾಲಾ ಥಯಾಸ.
ROM 13:7 ಇಮ್ಮ ರ‍್ಹತಾಮಾ ತುಮೆ ಕಿನೆ-ಕಿನೆ ಸು-ಸು ದ್ಯು ತೆ ಕ್ಹಾರು ತ್ಯುನೊನೆ ದಿವೊ. ಕಯೊ ಭಾಡೊ ರ‍್ಹವಾದೆ ದಿವಾನು ರ‍್ಹಯುಮ ತೆ ದಿಪಾಡೊ. ಕಿನೆ ಮರ್ಯಾದಿ ದ್ಯು ತ್ಯುನೊನೆ ಮರ್ಯಾದಿ ದಿವೊ ಕಿನೆ ಇಜ್ಜತ ದ್ಯು ತಿನೆ ಇಜ್ಜತ ದಿವೊ.
ROM 13:8 ಮನಕ್ಹೊನೆ ಕೈ ವಿಷಯಮಾಜ಼ ಸಾಲಾಮಾ ರ‍್ಹವೊನಕೊ. ತೆನೈಸೊ ಯಕ್ಲಾನೆ ಯಕ್ಲೊ ಮಯಾ ಕರು ಕವಾನು ವಿಷಯಮಾ ಯಕ್ಕಜ಼ಮಾ ಸಲಾವಾಲಾ ಥಯಾಸ. ಬಿಜಾ಼ ಮನಕ್ಹೊನೆ ಮಯಾ ಕರಾಲೊ ಮನಕ್ಹ ಇಡಿ ಧರಮಶಾಸ್ತ್ರನೆ ವಿಧೆಯ ಥಯೊಸ.
ROM 13:9 ಕಾಕದ್ಯಾಮ "ವ್ಯಭಿಚಾರ ಕರು ನೈ, ಖಲಾಸ ಕರುನೈ, ಚೊ಼ರಿ ಕರು ನೈ, ಬಿಜಾ಼ವೊನು ಸಾಮನ್ನೆ ಆಸ ಕರು ನೈ "ಕೈನ ಧರಮಶಾಸ್ತ್ರ ಕವಸ. ಎ ಆಗನ್ಯಾ ಪೈಲಾ ಉಗ್ರಲ ಕ್ಹಾರಿಯೊ ಆಗನ್ಯಾ"ತುನೆ ತು ಮಯಾ ಕರಲಲಿಂಗತ ಬಾಜು಼ವಾಲಾ ಮನಕ್ಹೊನೆ ಮಯಾ ಕರ "ಕವಾನು ಯಕ್ಕಜ಼ ಆಗನ್ಯಾಮಾ ದಡಿ ರ‍್ಹಯುಸ.
ROM 13:10 ಮಯಾ ಬಿಜಾ಼ ಮನಕ್ಹೊನೆ ಕೆಟ್ಟ ಕರತು ನೈ. ತಿನಾಹುತಿ ಮಯಾ ಕರಾನೆಬಿ ಕ್ಹಾರಿ ಆಗನ್ಯಾವೊನೆ ವಿಧೆಯ ಥಾವಾನೆ ಸುಜ಼ ಫರಕ ನತ್ತಿ.
ROM 13:11 ಹಮೆ ಕರೆಟ್ಟ ಟೈಮ್ಮಾ ಜಿವ್ನಾ ಕರತಾ ರ‍್ಹಯಲ ಹುತಿ ಎ ಕ್ಹಾರು ಕವಾಡ್ಯೊಸ ಕವಾನು ತುಮೊನೆ ಗ್ವತ್ತ ಛೆ. ಹೊ, ತುಮೆ ಹುಷಾರ ರ‍್ಹವಾನು ಟೈಮ ಎ ವ್ಹೈ. ಅಪೆ ವಿಷ್ವಾಶಿಯೊ ಥಯಲ ಟೈಮ್ತಾಬಿ ಹಮ್ನಾ ಅಪ್ನಿ ರಕ್ಷಣೆ ನಜಿಕ ಛೆ.
ROM 13:12 ರಾತ ಕ್ಹಾರಿ ಮುಗ್ದಿ ಗೈಸ. ದಿನ್ನ ನಜಿಕ ಅಯೊಸ. ತಿನಾಹುತಿ ರಾತನಾ ಕರಾನಾ ಕಾಮೊ ಕರಾನು ಛೊಡಿನ ದಿನ್ಮಾ ಕರಾನಾ ಕಮೊ ಕರಾನೆ ತುಮೆ ಆಯುಧೊ ಘಾಲ್ಲಿನ ಯುದ್ದನೆ ತಯ್ಯಾರ ಥಾವೊ.
ROM 13:13 ದಿನ್ಮಾ ರ‍್ಹವಾನಾ ಮನಕ್ಹೊ ಲಿಂಗತ ಚೊ಼ಕಿತರಾ ಜಿವ್ನಾ ಕರಿಯೆ. ಕೆಟ್ಟ ರ‍್ಹಯಲ ವರಿ ವ್ಯರ್ಥ ರ‍್ಹಯಲ ಔತಣೊ ಅಪೆ ತಯ್ಯಾರ ಕರು ನೈ; ಪಿನ ನಿಷಾಮಾ ರ‍್ಹೌ ನೈ; ಅಪೆ ಲೈಂಗಿಕ ಪಾಪೊ ರ‍್ಹೈನೆಕಾ ವರಿ ಸರಮಾವಾನಾ ಕಾಮೊ ಕಯಾಜ಼ ಕರು ನೈ. ವಾದ ವಿವಾದ ರ‍್ಹೈನೆಕಾ ವರಿ ಲಡೈ ಲಗಾಡು ನೈ; ವರಿ ಸಂಗಟ ಘಾಲ್ಯು ನೈ.
ROM 13:14 ತೆನೈಸೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಆಯುದ್ಧ ಲಿಂಗತ ಭಾಂದಿಲ್ಯು, ತುಮಾರು ಪಾಪನು ಸ್ವಭಾವೊ ಕಿಮ ತೃಪ್ತ ಕರಿಲಿಯೆ ಕೈನ ಕೆಟ್ಟ ಕಾಮೊ ಕರಿಯೆ ಕವಾನು ಆಸ ಕಿಮ ಪುರಾ ಕರಿಯೆ ಕೈನ ವಿಚಾರ ಕರಾನು ಬಂದ ಕರೊ.
ROM 14:1 ಬರೊಕ್ಹಾಮಾ ಕಮ್ಜೊ಼ರ ರ‍್ಹಯಲ ಮನಕ್ಹನೆ ತುಮಾರಾ ಕ್ಹಾತೆ ಮಳೈ ಲಿವೊ ತಿವ್ನಾ ಸ್ವಂತ ವಿಷಯಮಾ ತಿನಾ ಕ್ಹಾತೆ ವಾಗ್ವಾದ ಕರೊ ನಕೊ.
ROM 14:2 ಯಕ್ಲೊ ಕೈ ತರಾನಿ ಅನ್ನ ಖೌ ಕೈನ ವಿಚಾರ ಕರಸ. ತೆನೈಸೊ ಬರೊಕ್ಹಾಮಾ ಬಲಹಿನ ರ‍್ಹಯಲ ಮನಕ್ಹ ತೆ ತರಕಾರಿಯೊ ಯಕ್ಕಜ಼ ಖೌ ಕೈನ ವಿಚಾರ ಕರಸ.
ROM 14:3 ಕೈ ತರಾನು ಅನ್ನ ಖೌ ಕೈನ ಬರೊಕ್ಹೊ ಕರಾನೊ ಮನಕ್ಹ ತರಕಾರಿ ಯಕ್ಕಜ಼ ಖಾವಾಲಾ ಮನಕ್ಹನೊ ಫೈಸಲೊ ಕರು ನೈ. ತಿನಾಲಿಂಗತಜ಼ ತರಕಾರಿಯೊ ಯಕ್ಕಜ಼ ಖಾವಾಲೊ ಮನಕ್ಹ ಕ್ಹಾರು ತರಾನು ಅನ್ನ ಖಾವಾಲೊ ಮನಕ್ಹನೆ ತಪ್ಪ ಕರ‍್ಯೊಸ ಕೈನ ಫೈಸಲೊ ಕರು ನೈ. ಕ್ಹುದಾ ತೆ ಮನಕ್ಹನೆ ವಪ್ಪಿಲಿದ್ಯೊಸ.
ROM 14:4 ತು ಬಿಜೆ಼ಕ್ಕಲಾ ಮನಕ್ಹನಾ ಸೆವಕನೆ ಫೈಸಲೊ ಕರಾಲೊ ತು ಕುನ ವ್ಹೈ? ತೆ ಕರತೊ ರ‍್ಹಯಲ ಚೊ಼ಕು ವ್ಹೈಸು ನೈತೊ ಕೆಟ್ಟ ವ್ಹೈಸು ಕವಾನು ತಿನೊ ಸ್ವಂತ ಮಾಲಕಜ಼ ಫೈಸಲೊ ಕರಸ. ವರಿ ತ್ಯುನೆ ಕರೆಟ್ಟಜ಼ ರ‍್ಹವಸ, ಕಾಕದ್ಯಾಮ ಪ್ರಭು ತ್ಯುನೊನೆ ಸಫಲ ಕರಾನೆ ಶಕ್ತ ಥಯೊಸ.
ROM 14:5 ಯಕ್ಲೊ ಯಕ್ಕ ದಿನ್ನನೆ ಕ್ಹಾರಾ ದಿನ್ನೊತಿಬಿ ಘನ್ನೊ ಖಾಸ ವ್ಹೈ ಕೈನ ಬರೊಕ್ಹೊ ಕರ ಸಕಸ. ವರಿಬಿ ಬಿಜೆಕಲೊ ಕ್ಹಾರಾ ಯಕ್ಕಜ಼ ದಿನೊ ವ್ಹೈ ಕೈನ ಬರೊಕ್ಹೊ ಕರಸ. ಹರಿ ಯಕ್ಕ ಮನಕ್ಹ ತಿನಾ ಸ್ವಂತ ಮನಸ್ಮಾ ರ‍್ಹಯಲ ತಿನಿ ಸ್ವಂತ ಬರೊಕ್ಹಾನಾ ಹುತಿ ಫೈಸಲೊ ಕರಿನ ರ‍್ಹೌ.
ROM 14:6 ಕಯೊ ಮನಕ್ಹ ಬಿಜಾ಼ ದಿನ್ನೊತಿ ಯಕ್ಕ ದಿನ್ನ ಖಾಸ ವ್ಹೈ ಕೈನ ವಿಚಾರ ಕರಾಲೊ ಮನಕ್ಹ ಪ್ರಭುನೆ ಸನ್ಮಾನ ದಿವಾನಾ ಹುತಿ ಕರಾಲೊ ಥಯೊಸ. ತಿನಾ ಲಿಂಗತಜ಼ ಕ್ಹಾರಿ ತರಾಕ್ಹು ಅನ್ನ ಖಾವಾಲೊ ಮನಕ್ಹ ಪ್ರಭುನೆ ಸನ್ಮಾನ ದಿವಾನೆ ತೆ ಕ್ಹಾರು ಖಾವಸ. ಹೊ, ತೆ ತೆ ಅನ್ನನಾ ಹುತಿ ಕ್ಹುದಾನೆ ಸ್ತುತಿ ಕರಸ. ವರಿ ಕುನ ತರಕಾರಿಯೊ ಖಾವಸ ತೆಬಿ ಪ್ರಭುನೆ ಸನ್ಮಾನ ದಿನಾನೆಜ಼ ತಿಮ್ಮ ಕರಸ. ತೆಬಿ ಕ್ಹುದಾನೆ ಸ್ತುತಿ ಕರಾಲೊ ಥಯೊಸ.
ROM 14:7 ಅಪ್ನೊಮಾ ಕುನ್ನಬಿ ಅಪ್ನಾ ಹುತಿ ಜಿವ್ನಾ ನೈ ಕರ‍್ತಾ ವರಿ ಅಪೆ ಅಪ್ನಾ ಹುತಿಜ಼ ನೈ ಮರ‍್ತಾ.
ROM 14:8 ಅಪೆ ಜಿವ್ತಾ ರ‍್ಹವಾನು ರ‍್ಹಯುಮ, ಪ್ರಭುನಾ ಹುತಿಜ಼ ಜಿವ್ತಾ ರ‍್ಹಯೆಸ; ಮರವಾನು ರ‍್ಹಯುಮ ಪ್ರಭುನಾ ಹುತಿಜ಼ ವ್ಹೈ. ತಿನಾಹುತಿ ಅಪೆ ಜಿವ್ತಾ ರ‍್ಹವಾನು ವರಿ ಮರಾನು ರ‍್ಹಯುಮ ಪ್ರಭುನಾಜ಼ ಹುತಿ ವ್ಹೈ.
ROM 14:9 ತಿನಾಹುತಿ ವರಿ ಜಿವ್ನಾ ಕರಾನೆ ಕ್ರಿಸ್ತ ಮರಿನ ಮಜಾ಼ರೊಮಾತೊ ಜಿವ್ತೊ ಥೈ ಆಯೊ. ಮರಿಗಯಲ ಮನಕ್ಹೊನೆ ವರಿ ಜಿವ್ತಾ ರ‍್ಹಯಲ ಮನಕ್ಹೊನಾ ಹುತಿ ತೆ ಪ್ರಭು ವ್ಹೈ ಕೈನ ದೆಕಾಡಿನ ದಿದ್ಯೊ.
ROM 14:10 ಇಮ್ಮ ರ‍್ಹತಾಮಾ, ಕ್ರಿಸ್ತಮಾ ತಾರೊ ಭೈ ಥಯಲ ತು ಕೆಟ್ಟ ವ್ಹೈ ಕವಾನು ಕಾ? ತು ತಾರಾ ಭೈ ತಿಬಿ ಚೊ಼ಕೊ ಛೆ ಕೈನ ಕೈಲಿವಾನು ಕಾ? ಅಪೆ ಕ್ಹಾರಾ ಕ್ಹುದಾನಾ ಕ್ಹಾಮಾ ಹುಬ್ರೈಯೆಸ. ತೆಳಾಮಾ ತೆ ಅಪೊನೆ ಫೈಸಲೊ ಕರಸ.
ROM 14:11 ಹೊ, ಪವಿತ್ರ ಗ್ರಂಥಮಾ ಇಮ್ಮ ಬರ್ದ್ಯಾಸ; ಹರಿ ಯಕ್ಲೊ ಮನೆ ಪಗೆ ಪಡಸ. ಹರಿ ಯಕ್ಲೊ ಮನೆ ಕ್ಹುದಾ ವ್ಹೈ ಕೈನ ಕವಸ.
ROM 14:12 ತಿನಾಹುತಿ ಅಪ್ನೊಮಾ ಹರಿ ಯಕ್ಲೊ ತ್ಯುನಿ-ತ್ಯುನಿ ಜಿವಿತನಾ ಹುತಿ ಕ್ಹುದಾಕನ ಲೆಕ್ಯೊದ್ಯು.
ROM 14:13 ತಿನಾಹುತಿ, ಅಪೆ ಯಕ್ನಾ ಯಕ್ಕ ಫೈಸಲೊ ಕರಾನು ಛೊಡಿಪಾಡು. ಅಪ್ನೊ ಭೈಯೊನೆ ವರಿ ಭೆನೊನೆ ರ‍್ಹೈನೆಕಾ ಕಮ್ಜೊ಼ರ ಕರಾನು ವರಿ ಪಾಪ ಕರಾನೆ ಕಯುಜ಼ ನೈ ಕರಾನೆ ಅಪೆ ಫೈಸಲೊ ಕರು.
ROM 14:14 ಮಿ ಪ್ರಭು ಥಯಲ ಯೆಸುಮಾ ಛೆ. ಕಯುಬಿ ಅನ್ನ ಪದಾರ್ಥನೆ ರ‍್ಹೈನೆಕಾ ಖಾವಾನು ತಪ್ಪ ನ್ಹವೈ ಕೈನ ಮನೆ ಗ್ವತ್ತ ಛೆ. ಯಕ್ಲೊ ಕಯುಬಿ ಅನ್ನ ಖಾವಾನು ತಪ್ಪ ವ್ಹೈ ಕೈನ ನಂಬ್ಯಾಮ, ತೆ ಅನ್ನ ತಿನೆ ಅಶುದ್ಧಥಾವಸ.
ROM 14:15 ತು ಖಾವಾನಿ ಅನ್ನಕ್ಹು ತಾರಾ ಭೈ ಬರೊಕ್ಹೊನಾ ತು ತ್ರಾಸ ಕರತೊ ರ‍್ಹಯೊಮ, ತು ಮಯಾ ಕರಾನಿ ವಾಟ್ಮಾ ಕ್ಹರಿಮಾಜ಼ ಚಾ಼ಲಾಡ್ಯೊ ನತ್ತಿ. ಯಕ್ಲೊ ಕಯುಬಿ ಖಾವಾನಾ ಅನ್ನನೆ ತಪ್ಪ ವ್ಹೈ ಕೈನ ಕೈ ಲಿದ್ಯೊಮ, ತು ತೆ ಅನ್ನನೆ ಖಾದ್ಯೊಮ ತಿನೊ ಬರೊಕ್ಹೊ ಪಡಿ ಜಾ಼ವಸ. ತಿನಾಹುತಿ ತು ತಿಮ್ಮ ಕರು ನೈ. ಕ್ರಿಸ್ತ ತೆ ಮನಕ್ಹನಾ ಹುತಿ ಮರ‍್ಯೊ.
ROM 14:16 ತು ಕಯೊ ಚೊ಼ಕು ವ್ಹೈ ವಿಚಾರ ಕರ‍ಶಿಸು ತೆ ಬಿಜಾ಼ವೊನೆ ಕೆಟ್ಟ ವ್ಹೈ ಕೈನ ಕೈಲಿವಾನೆ ದ್ಯು ನಕೊ.
ROM 14:17 ತೆ ನೈಸು ಕ್ಹುದಾನಿ ರಾಜ್ಯಮಾ ಖಾವಾನು ರ‍್ಹೈನೆಕಾ ಪಿವಾನು ರ‍್ಹೈನೆಕಾ ಖಾಸ ನ್ಹವೈ. ನಿತಿ ಸಮಾಧಾನ ಪವಿತ್ರ ಆತ್ಮಾನು ಥಾವಾನಿ ಖುಶಿ ತ್ಯಾ ಖಾಸ ವ್ಹೈ.
ROM 14:18 ಎ ತರಾಮಾ ಕ್ರಿಸ್ತನಿ ಸೆವೆ ಕರಾಲೊ ಕ್ಹುದಾನೆ ಖುಶಿ ಕರಾಲೊ ವ್ಹೈ. ಮನಕ್ಹೊ ತಿನೆ ಮಳೈ ಲಿವಸ.
ROM 14:19 ತಿನಾಹುತಿ ಸಮಾದಾನ ಕರಾನಾ ಕಾಮೊ ಅಪ್ನಾ ಹತೆ ಥಾವಾನು ತೆಕ್ಲು ಕೊಶಿಶ ಕರಿಯೆ.
ROM 14:20 ಕ್ಹುದಾನು ಕಾಮ ಅನ್ನಾ ಹುತಿ ಹಾಳ ಕರಾನೆ ದಿವೊ ನಕೊ. ಕ್ಹಾರು ಖಾವಾನು ಅನ್ನ ಚೊ಼ಕುಜ಼ ವ್ಹೈ. ವರಿ ಖಾವಾನೆ ಯೊಗೈ ವ್ಹೈ. ತೆನೈಸೊ ಯಕ್ಲೊ ತೆ ಖಾವಾನು ಅನ್ನನಾ ಮುಲಕ ಬಿಜಕ್ಲಾನೆ ಪಾಪಮಾ ಪಾಡಾನು ರ‍್ಹಯುಮ, ತೆ ಅನ್ನ ಖಾವಾನು ತಪ್ಪ ವ್ಹೈ.
ROM 14:21 ತು ಮಾಕ್ಹ ಖಾವಾನು ವರಿ ದ್ರಾಕ್ಷಾರಸ ಪಿವಾನು, ದ್ರಾಕ್ಷಾರಸ ಪಿದ್ಯಾವಾಚಿ ರ‍್ಹವಾನು ಚೊ಼ಕು ವ್ಹೈ. ಬರೊಕ್ಹಾ ರ‍್ಹಯಲ ತಾರಾ ಭೈನೆ ರ‍್ಹೈನೆಕಾ ಭೆನ್ನೆ ರ‍್ಹೈನೆಕಾ ಪಾಪಮಾ ಪಾಡ್ಯಾವಾಚಿ ರ‍್ಹವಾನು ಚೊ಼ಕು ವ್ಹೈ.
ROM 14:22 ಎ ಸಂಗತಿಯೊ ಯೊನಾ ಹುತಿ ತುನೆ ರ‍್ಹಯಲ ವಿಶ್ವಾಸ ತುನೆ ವರಿ ಕ್ಹುದಾನೆ ಯಕ್ಕಜ಼ ಗ್ವತ್ತ ರ‍್ಹವಾದೆ. ತಿನೆ ಚೊ಼ಕು ವ್ಹೈ ಕೈನ ತಿಳದಲ ಕಾಮೊ ತೆ ದೊಶಿ ಥೌಸ ಕೈನ ಸಂಶೊ ನೈಸೊ ಕರಾಲೊ ನಷಿಬವಾಲೊ ವ್ಹೈ.
ROM 14:23 ತೆನೈಸೊ ಯಕ್ಲೊ ತೆ ಖಾವಾನು ಅನ್ನ ದೊಶ ನತ್ತಿ ಕೈನ ಸಂಶೊ ಮ್ಹೆಲ್ಲಿನ ಖಾದ್ಯೊಮ, ತಿನಾಕ್ಹು ತಿನೆಜ಼ ತಪ್ಪ ಕರಾಲೊ ವ್ಹೈ ಕೈನ ಕವೈ ಲಿವಸ ಕಾಕದ್ಯಾಮ ತೆ ದೊಶ ನತ್ತಿ ಕವಾನೊ ಬರೊಕ್ಹೊ ತಿಕನ ನತ್ತಿ. ಬರೊಕ್ಹೊನಾ ಆದಾರ ನತ್ತಿ ಕೈನ ಕರಾನುಜ಼ ಪಾಪ ವ್ಹೈ.
ROM 15:1 ತಿನಾಹುತಿ ಬರೊಕ್ಹಾಮಾ ಕಮಿ ರ‍್ಹಯಲ ವಾಲಾವೊನೆ ಕಮಜೊ಼ರ ರ‍್ಹಯಲ ಮನಕ್ಹೊನೆ ಅಪೆ ತಡ್ದಿಲ್ಯು. ಅಪೆ ಕ್ಹಾಲಿ ಅಪ್ನು ಯಕ್ಕಜ಼ ಚೊ಼ಕು ದೆಕಿಲ್ಯು ನೈ.
ROM 15:2 ಅಪ್ನೊಮಾ ಹರಿ ಯಕ್ಲೊ ತಿನಾ ಆಜು಼ ಬಾಜು಼ ವಾಲವೊನಾ ಹುತಿ ಚೊ಼ಕಾನಾ ಹುತಿ ಬಯಸ್ತಾ ರ‍್ಹೌ. ಬರೊಕ್ಹಾಮಾ ಕಮಿ ರ‍್ಹಯಲ ವಾಲಾವೊನೆ ಹೆಚ್ಕಿ಼ ಬರೊಕ್ಹಾಮಾ ಘಟ್ಟ ರ‍್ಹವಾನೆ ಮದದ ಕರು.
ROM 15:3 ಕಾಕದ್ಯಾಮ ಕ್ರಿಸ್ತಬಿ ತಿನಾ ಜ಼ಲಮ್ಮಾ ತಿನಿ ಜಿವಿತನಾ ಹುತಿ ವಿಚಾರ ಕರ‍್ಯೊ ನೈ" ತುನೆ ಮರ್ಯಾದಿ ಕಾಡಲ ಮನಕ್ಹೊ ಮನೆ ಬಿ ಮರ್ಯಾದಿ ಕಾಡ್ಯಾ" ಕವಾನಾ ಹುತಿ ತಿನಾ ಹುತಿ ಪವಿತ್ರ ಗ್ರಂಥಮಾ ಬರ್ದಲ ಛೆ.
ROM 15:4 ಪಾಚಾಲ್ಯಾ ದಿನೊಮಾ ಬರ್ದಲ ಹರಿ ಯಕ್ಕ ಅಪ್ನಾ ಹುತಿಜ಼ ಬರ್ದಲ ಛೆ. ಅಪೆ ಕೈದಾಲಾ ರ‍್ಹೌ ಕೈನ ಎ ಸಂಗತಿಯೊ ಬರ್ದಲ ಛೆ. ಪವಿತ್ರ ಗ್ರಂಥ ಅಪೊನೆ ದಿವಾನೆ ತಡ್ದಿಲಿವಾನು ವರಿ ಕೈದಾನು ಎ ಉತ್ಸಾಹ ಆವಸ.
ROM 15:5 ತಡ್ದಿಲಿವಾನು ವರಿ ಉತ್ಸಾಹ ಕ್ಹುದಾಜ಼ ದಿದಲ ರ‍್ಹವಸ. ಕ್ರಿಸ್ತ ಯೆಸು ಆಸ ಕರಲ ವಾಟ ತುಮೆ ಕ್ಹಾರಾ ವಪ್ಪಿಲ್ಯು. ಕ್ಹುದಾ ತುಮೊನೆ ಮದದ ಕರಾದೆ.
ROM 15:6 ಇಮ್ಮ ಕ್ಹಾರಾ ತುಮೆ ಯಕ್ಕಜ಼ ಮನಸಕ್ಹು ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೊ ಬಾ ಥಯಲ ಕ್ಹುದಾನಿ ಮಹಿಮಾ ಕರುಸಿ.
ROM 15:7 ಕ್ರಿಸ್ತ ತುಮೊನೆ ಮಳೈ ಲಿದ್ಯೊ. ತಿನಾಹುತಿ ತುಮೆ ಯಕ್ನಾ ಯಕ್ಕ ಮಳೈಲ್ಯು ಎ ಕ್ಹುದಾನೆ ಮಹಿಮಾ ಕರಾಲ ಲಿಂಗತ ಥಾವಸ.
ROM 15:8 ಕ್ಹುದಾ ಅಪ್ನಾ ಪಿತೃವೊನೆ ದಿದಲ ವಾತ ಕ್ಹರಿನಿಯೊ ವ್ಹೈ ಕೈನ ದೆಕಾಡಾನಾ ಹುತಿ ಕ್ಹುದಾ ತೆ ವಾತೊ ಪುರಾ ಕರಸ ಕೈನ ಕವಾನು ದೆಕಾಡಾನಾ ಹುತಿ
ROM 15:9 ಕ್ಹುದಾ ತ್ಯುನೊನೆ ದೆಕಾಡಾನಿ ಮರಗಾನಾ ಹುತಿ ಕ್ಹಾರಾ ಯೆಹುದಿಯೊತಿನೆ ಮಹಿಮಾ ಕರಾದೆ ಕೈನ ಕ್ರಿಸ್ತ ಯಹುದ್ಯೊನೊ ಸೆವಕ ಥಯೊ. ಪವಿತ್ರ ಗ್ರಂಥಮಾ ಇಮ್ಮ ಬರ್ದ್ಯಾಸ; "ತಿನಾಹುತಿ ಯಹುದ್ಯೊ ನೈಸೊವಾಲಾವೊನಾ ವಚ್ಮಾ಼ ಮಿ ತುನೆ ಸ್ತುತಿ ಕರುಸ. ಮಿ ತಾರು ನಾಮ ಉಚ್ಚು಼ ಕರುಸ"
ROM 15:10 ಎನೈಸೊ ಪವಿತ್ರ ಗ್ರಂಥ ಅಮ್ಮ ಕವಸ; "ಯಹುದ್ಯೊ ನೈ ರ‍್ಹಯಲ ತುಮೆ ಕ್ಹುದಾನಾ ಖಾಸ ಮನಕ್ಹೊನಾ ಕ್ಹಾತೆ ತುಮೆ ಮಳಿನ ಖುಶಿ ಥಾವೊ!
ROM 15:11 ಬಿಜೆಕ ಜ಼ಗಾ ಪವಿತ್ರ ಗ್ರಂಥ ಅಮ್ಮ ಕವಸ; "ಯಹುದ್ಯೊ ನೈ ರ‍್ಹಯಲವಾಲಾ ತುಮೆ ಕ್ಹಾರಾ ಪ್ರಭುನೆ ಸ್ತುತಿ ಕರೊ. ಕ್ಹಾರಾ ಮನಕ್ಹೊ ಪ್ರಭುನೆ ಸ್ತೊತ್ರಾ ಕವಾದೆ.
ROM 15:12 ವರಿ ಯೆಶಾಯಾ ಅಮ್ಮ ಕದ್ಯೊಸ; ಇಷಯನ್ನಾ ಖಾಂದಾನಮಾ ಯಕ್ಕ ಮನಕ್ಹ ಆವಸ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಆಳಾನೆ ಆವಸ. ಯಹುದ್ಯೊ ನೈ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲಸ.
ROM 15:13 ಆಸ ದಿವಾಲೊ ಕ್ಹುದಾ ಬರೊಕ್ಹಾಕ್ಹು ಥಾವಾನಿ ಖುಶಿ ಸಮಾಧಾನ ಪುರಾ ದಿವಾದೆ ಕೈನ ತೆಳಾಮಾ ಪವಿತ್ರ ಆತ್ಮಾನಿ ತಾಕತಕ್ಹು ತುಮೊಮಾ ಭರಾದೆ
ROM 15:14 ಮಾರಾ ಭಾಯೊ ಭೆನೊ, ತುಮೊಮಾ ಚೊ಼ಕೊಜ಼ ಭರ‍್ಯುಸ ಕೈನ ಮನೆ ಕ್ಹರಿಮಾಜ಼ ಗ್ವತ್ತ ಛೆ. ಚಾ಼ಯೆ ಥಯಲ ಕ್ಹಾರುಜ಼ ಗ್ಯಾನ ತುಮೊನೆ ಛೆ ಕೈನ ವರಿ ಯಕ್ನಾ ಯಕ್ಕ ಸಲಹೆ ದಿವೊಸಿ ಕೈನ ಮನೆ ಗ್ವತ್ತ ಛೆ.
ROM 15:15 ತುಮೆ ಶೆ ಮ್ಹೆಲ್ಲಿವೊ ಕೈನ ಮಿ ಆಸ ಕರಲ ದಕ್ಹಿಯೊ ಸಂಗತಿಯೊ ತುಮೊನೆ ಧೈರ್ಯ ಕರಿನ ಬರ್ದ್ಯೊಸ. ಯೆಸು ಕ್ರಿಸ್ತನೊ ಸೆವಕ ವ್ಹೈ ಕೈನ ಖಾಸ ರ‍್ಹಯಲ ವರಾ ಮನೆ ಕ್ಹುದಾ ದಿದಲ ಹುತಿ ಮಿ ಇಮ್ಮ ಬರ್ದ್ಯೊಸ.
ROM 15:16 ಯಹುದಿ ನೈ ರ‍್ಹಯಲ ಪವಿತ್ರ ಆತ್ಮಾನಾ ಮುಲಕ ಪವಿತ್ರ ಥಯಾ. ಮನಕ್ಹೊನೆ ಮದದ ಕರಾನಾ ಹುತಿ ಕ್ಹುದಾ ಮನೆ ಯಾಜಕನಿ ಸೆವಾ ವ್ಹೈ ಕೈ ಕರಲ್ದಯ. ಕ್ಹುದಾನೆ ಸುವಾರ್ತೆ ಕೈನ ಉಪದೆಶ ಕರಿನ ಮಿ ತಿನೆ ಸೆವಕ ಥಾವಾ ವರಕ್ಹು ಕರ‍್ಯೊ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಕ್ಹುದಾಕನ ಔ ಕೈನ ಮಿ ಸೆವೆ ಕರಾ ವರಕ್ಹು ಥಯೊ. ತೆ ಮನಕ್ಹೊ ಕ್ಹುದಾನಾ ಹುತಿ
ROM 15:17 ತಿನಾಹುತಿ ಕ್ರಿಸ್ತ ಯೆಸುನೆ ಮಿ ಕ್ಹುದಾನಾ ಹುತಿ ಕರಾನಾ ಕವಾನಾ ಹುತಿ ಮಿ ಹೆಮ್ಮೆ ಕರುಸ.
ROM 15:18 ಮಿ ಮಾರಾ ಸ್ವಂತ ಕಾಮೊನಾ ಹುತಿ ಬೊಲ್ತೊ ನೈ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ತಿನೆ ವಧೆಯ ಕರಿಲಿವಾನಾ ಹುತಿ ಕ್ರಿಸ್ತ ಮಾರಾ ಮುಕಾಂತರ ವಾತೊಕ್ಹು ಕರಲ ಕಾಮೊ ಕೈಲ್ಯುಸ.
ROM 15:19 ಅದ್ಭುತ ಕಾಮೊ ಕರಾನಿ ತಾಕತ ವರಿ ಮ್ಹೊಟಾ ಕಾಮೊ ದೆಕಲ ಹುತಿ ಕ್ಹುದಾನಿ ಆತ್ಮಾನಿ ತಾಕತಕ್ಹುಜ಼ ಮಾರು ಕಾಮ ಪುರಾ. ಮಿ ಜೆರುಸೆಲಿಮತೊ ಇಲ್ಲುರಿನೆ ಪ್ರಾಂತ್ಯ ಲಕ್ಕಾ ಕ್ರಿಸ್ತನಿ ಸುವಾರ್ತೆ ಕೈನ, ಮಿ ತೆ ಕರ್ತವ್ಯ ಪುರಾ ಕರ‍್ಯೊ.
ROM 15:20 ಕ್ರಿಸ್ತನಾ ಹುತಿ ಮನಕ್ಹೊ ನೈ ಐಕಲ ಜ಼ಗಾವೊಪರ ಮಿ ಸುವಾರ್ತೆ ಕವಾನೆ ಹಮೆಶಾ ಮಿ ಆಸ ಕರುಸ. ಕಾಕದ್ಯಾಮ ಯಕ್ಲೊ ಶುರು ಕರಲ ಕಾಮಪರ ಮಿ ತೆ ಕಾಮ ಕರಾನೆ ಮನಸ ನತ್ತಿ.
ROM 15:21 ತೆನೈಸೊ ಪವಿತ್ರ ಗ್ರಂಥ ಎಬಿ ಬರ್ದ್ಯಾಸ. ತಿನಾ ಹುತಿ ನೈ ಕೈಳೈ ಲಿದಲ ಮನಕ್ಹೊ ತಿನೆ ದೆಕಸ. ತಿನಾ ಹುತಿ ನೈ ಐಕಲ ಮನಕ್ಹೊ ತಿನೆ ತಿಳ್ದಿಲಿವಸ.
ROM 15:22 ಇನಾ ಹುತಿಜ಼, ತುಮೊಕನ ಮನೆ ಆವಾನೆ ಘನ್ನಿ ಸಲಾ ಅಡ್ಚನ ಥಯು.
ROM 15:23 ತೆನೈಸೊ ಎ ಪ್ರಾಂತ್ಯಮಾ ಕರಾನಿ ಸೆವೆ ಮಿ ಕರಿನ ಮುಗಷ್ಯೊ. ವರಿ ಘನ್ನಾ ವರಕ್ಹತೊ ಮಿ ತುಮೊಕನ ಔ ಕೈನ ಕೈಲಿದ್ಯೊತೊ.
ROM 15:24 ತಿನಾ ಹುತಿ ಮಿ ಸ್ಪೆನ ದೆಶೆ ಜಾ಼ತಾಮಾ ತುಮೊನೆ ಮಳುಸ, ದಕ್ಹಿಯೆಳ ತುಮಾರಾ ಕ್ಹಾತೆ ಖುಶಿಕ್ಹು ರ‍್ಹೌಸ ಕವಾನು ಆಸ ಮನೆ ಛೆ. ಪಾಚಾ಼ತಾ ತುಮೆ ಮಾರಾ ಪ್ರಯಾಣನೆ ಆಸ್ರೊ ಕರೊಶಿ ಕೈನ ಆಸ ಕರುಸ.
ROM 15:25 ಮಿ ಕ್ಹುದಾನಾ ಮನಕ್ಹೊನೆ ಸೆವಾ ಕರಾನಾ ಹುತಿ ಜೆರುಸಲೆಮೆ ಚಾ಼ಲ್ಯೊಸ.
ROM 15:26 ಕಾಕದ್ಯಾಮ ಯೆರುಸೆಲಮಾ ರ‍್ಹವಾನಾ ಕ್ಹುದಾನಾ ಮನಕ್ಹೊಮಾ ಗರಿಬೊನಾ ಹುತಿ ದೊಕಡಾನಾ ಹುತಿ ಮದತ ಕರೊ ಕೈನ ಮೆಕೆದೊನಿ ವರಿ ಅಖಾಯನಾ ಮನಕ್ಹೊ ಆಸ ಕರ‍್ಯಾಸ.
ROM 15:27 ಮೆಕೆದೊನಿಯಾ ವರಿ ಅಖಾಯಾಮಾ ರ‍್ಹಯಲ ವಿಸ್ವಾಸಿಯೊ ತ್ಯಾನಾ ಗರಿಬ ಮನಕ್ಹೊನೆ ಕ್ಹುಶಿಕ್ಹು ದೊಕ್ಡಾವೊಕ್ಹು ಸಹಾಯಾ ಕರ‍್ಯಾಸ. ಮೆಕೆದೊನಿಮಾನಾ ವರಿ ಅಖಾಯಾಮಾನಾ ವಿಶ್ವಾಸಿಯೊ ತ್ಯುನಾ ಮನ್ಸೆಜ಼ ಎ ಕಾಮೊ ಕರ‍್ಯಾ. ತೆ ತ್ಯುನು ಕರ್ತವ್ಯ ವ್ಹೈ. ಯಹುದ್ಯೊ ನೈ ರ‍್ಹಯಲ ತ್ಯುನೆ ಆತ್ಮಿಕಾಮನಾ ರ‍್ಹಯಲ ಆಶಿರ್ವಾದೊ ಪಾಲ ಹೊಂದಿಲಿದಲ ಹುತಿ ತ್ಯುನೆ ತ್ಯುನೊಕನ ರ‍್ಹಯಲ್ಮಾ ದಿನ್ನ ತ್ಯುನೆ ತೆ ಆಶಿರ್ವಾದೊ ಹೊಂದಿಲಿದ್ಯಾಸ.
ROM 15:28 ಜೆರುಸೆಲಿಮಾ ರ‍್ಹಯಲ ಗರಿಬ ಮನಕ್ಹೊನೆ ದಿವಾನಾ ದೊಕ್ಡಾ ಎ ಕ್ಹಾರಾ ದೊಕ್ಡಾ ತ್ಯುನೊನೆ ದಿದಲ್ಪರ ಮಿ ಸ್ಪೆನೆ ಔಸ. ಮಿ ಸ್ಪೆನೆ ಆತಾಮಾ ರೊಮಾಮಾ ರ‍್ಹೈನ ಮಿ ತುಮೊನೆ ಕೈನ ಮೊಕ್ಕಲುಸ.
ROM 15:29 ಮಿ ತುಮೊಕನ ಆತಾಮಾ ಕ್ರಿಸ್ತನಾ ಘನ್ನಾ ಆಶಿರ್ವಾದ ಲೌಸ ಕೈನ ಮನೆ ಆಸ ಛೆ.
ROM 15:30 ಭಾಯೊ ಭೆನೊ, ತುಮೆ ಮಾರಾ ಹುತಿ ಪ್ರಾಥಾನಾ ಕರಾನಾ ಮುಲಕ ಮನೆ ಮಿ ಸೆವೆ ಕರೊ ಕೈನ ಮಿ ತುಮೊಕನ ಮಾಂಗಿಲ್ಯುಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ವರಿ ಪವಿತ್ರ ಆತ್ಮಾ ದಿವಾನಿ ಮಯಾ ಕ್ಹು ಪ್ರಾಥನಾ ಕರೊ. ಜುದೆಯಮಾ ರ‍್ಹಯಲ ಅವಿಶ್ವಾಸಿಯೊನಾ ಹತೆ ಮಿ ಚು಼ಕೈಲಯವಾನೆ ತುಮೆ ಪ್ರಾಥನಾ ಕರೊ. ವರಿ ಮಿ ಲಿನಂಜಾ಼ವಾನಾ ದೊಕ್ಡಾ ವರಿ ತೆ ದೊಕ್ಡಾ ಕ್ಹುದಾನಾ ಬಚ್ಚಾ಼ವೊನೆ ಮನಸೆ ಔ ಕೈನ ಪ್ರಾಥನಾ ಕರೊ.
ROM 15:31 ತೆ ಥಯಲ್ಪರ, ಕ್ಹುದಾನಿ ಚಿತ್ತ ರ‍್ಹೈಮ ಮಿ ತುಮೊಕನ ಔಸ.
ROM 15:32 ಮಿ ತುಮಾರಾ ಕ್ಹಾತೆ ಶಾಂತಿಯೆ ವರಿ ಕ್ಹುಶಿಕ್ಹು ರ‍್ಹೌಸ.
ROM 15:33 ಶಾಂತಿ ದಿವಾಲೊ ಕ್ಹುದಾ ತುಮಾರಾ ಕ್ಹಾತೆ ರ‍್ಹವಾದೆ. ಆಮೆನ್.
ROM 16:1 ಕ್ರಿಸ್ತಮಾ ರ‍್ಹೈನ ಅಪನಿ ಭೆನ ಥಯಲ ಪೊಯಿಬೆನೆ ಮಿ ತುಮೊನೆ ತಿನಾಹುತಿ ಕವಾನೆ ಆಸ ಕರುಸ. ತೆ ಕೆಂಖ್ರೆಯ ಗಾಮ್ನಿ ಸಭೆನೆ ಖಾಸ ಮದದ ಕರಿಸ.
ROM 16:2 ತುಮೆ ತಿನೆ ಪ್ರಭುನಾ ನಾಮಪರ ಮಳೈಲ್ಯು ಕೈನ ಮಿ ತುಮೊಕನ ಕೈಲ್ಯುಸ. ತಿನೆ ಚಾ಼ಯೆ ಥಯಲನೆ ಮದದ ಕರೊ. ತೆ ಮನೆ ಘನ್ನಿ ಮದದ ಕರಿಸ. ತೆನೈಸೊ ಬಿಜಾ಼ ಮನಕ್ಹೊನೆ ಬಿ ಮದದ ಕರಿಸ.
ROM 16:3 ಪ್ರಿಸ್ಕಿಳನೆ ಅಕ್ವಿಳನೆ ಮಾರಿ ವಂದನಾ ಕವೊ. ತ್ಯುನೆ ಕ್ರಿಸ್ತ ಯೆಸುಮಾ ಮಾರಾ ಕ್ಹಾತೆ ಸೆವೆ ಕರಾಡಾಸ.
ROM 16:4 ತ್ಯುನೆ ಮಾರೊ ಜ಼ಲಮ ವಚಾ಼ಡಾನಾ ಹುತಿ ತ್ಯುನೊ ಜ಼ಲಮ ದಿವಾನೆ ತಯ್ಯಾರ ಥಯಾತಾ. ಮಿ ತ್ಯುನೊನೆ ಅಭಾರಿ ಥಯೊಸ. ಮನೆ ಯಕ್ಕಜ಼ ನೈಸೊ ಯಹುದ್ಯೊ ನೈ ರ‍್ಹಯಲ ಸಭೆವಾಲಾ ತ್ಯುನೊನೆ ಆಭಾರಿ ತಯಾಸ.
ROM 16:5 ತೆನೈಸೊ ತ್ಯುನಾ ಘರೊಮಾ ಮಳಾಲಾ ಮನಕ್ಹೊನೆಬಿ ಮಾರಿ ವಂದನಾ ಕವೊ. ಮಾರೊ ಮಯಾನೊ ಥಯಲ ದೊಸ್ತ ಎಪೈನೆತನೆ ಮಾರಿ ವಂದನಾ ಕವೊ. ಎಶ್ಯಾ ದೆಶಮಾ ಯೆಸು ಸ್ವಾಮಿನೆ ನಂಬಲವಾಲಾ ಕದ್ಯಾಮ ತೆಜ಼ ಪೈಲಾ ವ್ಹೈ.
ROM 16:6 ಮರಿಯಳನಿ ಮಾರಿ ವಂದನಾ ಕವೊ. ತೆ ತುಮಾರಾ ಹುತಿ ಘನ್ನಿ ಕಷ್ಟಮಾ ಕಾಮ ಕರಿಸ.
ROM 16:7 ಅಂದ್ರೊನಿಕನೆ ವರಿ ಯುನ್ಯನೆ ಮಾರಿ ವಂದನಾ ಕವೊ. ತ್ಯುನೆ ಮಾರಾ ಕಳಬಳ ವ್ಹೈ. ತೆನೈಸೊ ತ್ಯುನೆ ಮಾರಾ ಕ್ಹಾತೆ ಜೆಲಮಾ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ತ್ಯುನೆ ಪೈಲಾಜ಼ ಕ್ರಿಸ್ತನಾ ವಿಸ್ವಾಸಿಯೊ ವ್ಹೈ.
ROM 16:8 ಪ್ರಭುಮಾ ರ‍್ಹಯಲ ಮಾರಾ ಮಯಾನಾ ದೊಸ್ತನೆ ಅಂಪ್ಲಿಯಾತನ್ನೆ ಬಿ ಮಾರಿ ವಂದನಾ ಕವೊ.
ROM 16:9 ಉರಬಾನನೆ ಬಿ ಮಾರಿ ವಂದನಾ ಕವೊ. ತೆ ಕ್ರಿಸ್ತನಾ ಹುತಿ ಮಾರಾ ಕ್ಹಾತೆ ಸೆವೆ ಕರ್ತೊತೊ. ಮಾರೊ ಮಯಾನೊ ದೊಸ್ತ ಥಯಲ ಸ್ತಾಖುನೆಬಿ ಮಾರಿ ವಂದನಾ ಕವೊ.
ROM 16:10 ಅಪೆಲನ್ನೆಬಿ ಮಾರಿ ವಂದನಾ ಕವೊ. ತೆ ಕ್ಹರಿಮಾಜ಼ ಕ್ರಿಸ್ತನೆ ಮಯಾ ಕರಸ ಕೈನ ಮೆಚ್ಚಿಕೆನೆ ಪಾತ್ರ ಥೈನ ದೆಕಾಡಿನ ದಿದ್ಯೊಸ. ಕರಕರಿನೆ ದೆಕ್ಯಾತಾ. ಅರಿಸ್ತೊಬುಲನಾ ಕುಟುಂಬಮಾ ರ‍್ಹಯಲ ಕ್ಹಾರಾ ಮನಕ್ಹೊನೆ ಮಾರು ವಂದನಾ ಕವೊ.
ROM 16:11 ಮಾರಾ ಸಂಬದಿಕೊ ಥಯಲ ಹೆರೊಡಿಯೊನನೆ ಪ್ರಭುನೆ ಮಳ್ಯಲವಾಲೊ ನಾರಕಿಸ್ಸನಾ ಕುಟುಂಬವಾಲಾ ಕ್ಹಾರಾವೊನೆ ಮಾರು ನಮಸ್ಕಾರ ಕವೊ.
ROM 16:12 ತ್ರುಫೈನಳನೆ ತ್ರುಫೊಸಳನೆಬಿ ಮಾರು ನಮಸ್ಕಾರ ಕವೊ. ತ್ಯುನೆ ಪ್ರಭುನಾ ಹುತಿ ಘನ್ನು ತ್ರಾಸ ಖೈನ ಸೆವಾ ಕರ‍್ಯಾಸ. ಮಾರಿ ಮಯಾನಿ ಭೆನ ಥಯಲ ಪೆರಸಿಸಳನೆ ಮಾರಾ ನಮಸ್ಕಾರ ಕವೊ. ತೆಬಿ ಪ್ರಭುನಾ ಹುತಿ ಘನ್ನಿ ತ್ರಾಸ ಖೈನ ಸೆವಾ ಕರಾಡಾಸ.
ROM 16:13 ವರಿ ರುಫನೆ ಮಾರು ನಮಸ್ಕಾರ ಕವೊ. ತೆ ಪ್ರಭುನಿ ಸೆವಾಮಾ ಖಾಸ ಮನಕ್ಹ ವ್ಹೈ. ತಿನಿ ಯಾ ನೆಬಿ ಮಾರು ನಮಸ್ಕಾರ ಕವೊ. ತೆ ಮನೆ ಸ್ವಂತ ದಿಕ್ರಾ ಲಿಂಗತ ದೆಕಿಲಿದಿಸ.
ROM 16:14 ಅಸುಂಕ್ಕರಿತನೆ ಪ್ಲೆಗೊನನೆಬಿ ಹೆರ್ಮೆಯನೆಬಿ ಪತ್ರೊಬನೆಬಿ ಹೆರ್ಮಾನನೆಬಿ ವರಿ ತ್ಯುನಾ ಕ್ಹಾತೆ ರ‍್ಹವಾಲಾ ಕ್ಹಾರಾ ಕ್ರಿಸ್ತ ಭಾಯೊನೆಬಿ ಮಾರಿ ವಂದನೆ
ROM 16:15 ಫಿಲೊಲೊಗನನೆ ಯುಲ್ಯಳನೆಬಿ ನೆರಯನೆಬಿ ತಿನಿ ಭೆನನೆಬಿ ವರಿ ಒಲುಂಪನೆಬಿ ವರಿ ತ್ಯುನಾ ಕ್ಹಾತೆ ರ‍್ಹವಾಲಾ ಕ್ಹಾರಾ ಕ್ಹುದಾನಾ ಮನಕ್ಹೊ ಮಾರು ನಮಸ್ಕಾರ.
ROM 16:16 ತುಮೆ ಯಕ್ಕನೆ ಯಕ್ಕ ಮಳ್ತಾಮಾ ಪವಿತ್ರ ರ‍್ಹಯಲ ನಮಸ್ಕಾರ ಕರೊ. ಕ್ರಿಸ್ತನಾ ಸಭೆವಾಲಾ ಕ್ಹಾರಾ ತುಮೊನೆ ನಮಸ್ಕಾರ ಕರಸ.
ROM 16:17 ಭಾಯೊ ಭೆನೊ, ತುಮೊಮಾ ತಪ್ಪ ಹುಟ್ಸಾವಾನಾ ಮನಕ್ಹೊನಾ ವಿಷಯಮಾ ತುಮೆ ಘನ್ನಾ ಹುಶಾರಕ್ಹು ರ‍್ಹೌ ಕೈನ ಮಿ ತುಮೊಕನ ಮಾಂಗಿಲ್ಯುಸ. ಬಿಜಾ಼ವೊನಾ ಬರೊಕ್ಹೊನಾ ಕೆಡ್ಸಾಲಾವೊನಾ ಹುತಿ ತುಮೆ ಘನ್ನಾ ಹುಶಾರಕ್ಹು ರ‍್ಹವೊ. ತುಮೆ ಶಿಕ್ಕಯಲ ಉಪದೆಶನೆ ತ್ಯುನೆ ವಿರುದ್ದ ಥಯಾಸ. ತುಮೆ ತ್ಯುನೊಕ್ಹು ದುರ ರ‍್ಹವೊ ಕೈನ ವರಿ ಮಿ ತುಮೊಕನ ಮಾಂಗಿಲ್ಯುಸ.
ROM 16:18 ಕಾಕದ್ಯಾಮ ತ್ಯವಾ ಸಂಗತಿಯೊ ಕರಲ ಮನಕ್ಹೊ ಅಪ್ನೊ ಪ್ರಭು ಥಯಲ ಕ್ರಿಸ್ತನಿ ಸೆವಾ ಕರಾಡ್ಯಾ ನತ್ತಿ. ತ್ಯುನೆ ಖಾಲಿ ತ್ಯುನೆ ಪೆಟನಾ ಹುತಿ ಕರಾಡಾಸ. ಕೆಟ್ಟನಾ ಹುತಿ ನೈ ತಿಳದ್ಯಲ ಮನಕ್ಹೊನಾ ಮನಸೊನೆ ಮೊಸ ಕರಾನೆ ತ್ಯುನೆ ಚೊ಼ಕಾ ಮಯಾನಾ ವಾತೊ ಬೊಲಸ ವರಿ ಮ್ಹೊಡಾನೆ ಪಸಂದ ಆವಾನಾ ವಾತೊ ಬೊಲಸ.
ROM 16:19 ತುಮಾರಿ ವಿಧೆಯ ಕ್ಹಾರಾ ವಿಶ್ವಾಸಿಯೊನೆ ತಿಳದಲ ಛೆ. ತಿನಾಹುತಿ ತುಮಾರಾ ವಿಷಯಮಾ ಮಿ ಘನ್ನೊ ಖುಶಿ ಥೌಸ. ತೆನೈಸೊ ಚೊ಼ಕಿಯೊ ಸಂಗತಿಯೊನಾ ಹುತಿ ತುಮೆ ಶಾಣ್ಯಾ ಥೈನ ರ‍್ಹೌಕೈನ ವರಿ ಕೆಟ್ಟ ಸಂಗತಿಯೊನಾ ಹುತಿ ಸುಜ಼ ಗ್ವತ್ತ ನೈ ರ‍್ಹಯಲವಾಲಾ ರ‍್ಹೌಕೈನ ಮಿ ಆಸ ಕರುಸ.
ROM 16:20 ವರಿ ಶಾಂತಿ ದಿವಾಲೊ ಕ್ಹುದಾ ಜ಼ಲ್ದಿಜ಼ ಸೈತಾನನೆ ಹರಾಡಿನ, ತಿನೆ ತುಮಾರಾ ಪಗನಾ ಹೆಟೊ ಘಾಲಸ. ಅಪ್ನೊ ಪ್ರಭು ಥಯಲ ಯೆಸುನಿ ಕೃಪಾ ತುಮಾರಾ ಕ್ಹಾತೆ ರ‍್ಹವಾದೆ.
ROM 16:21 ವರಿ ಮಾರಾ ಕ್ಹಾತೆ ಕಾಮ ಕರಾಲೊ ಥಯಲ ತಿಮೊಥೆಯನೆ ವರಿ ಮಾರಾ ಸಂಬಂದಿಕ ಥಯಲ ಲುಕ್ಕಯ, ಯಾಸೊನ ವರಿ ಸೊಸಿಪತ್ರ ತುಮೊನೆ ನಮಸ್ಕಾರ ಕದ್ಯಾಸ.
ROM 16:22 ಪೌಲಾ ಕವಾನಿ ಸಂಗತಿಯೊನೆ ಬರ್ದಾಲೊ ತೆರತ್ಯೆಯ ಕವಾಲೊ ಮಿ ಬಿ ತುಮೊನೆ ಪ್ರಭುಮಾ ತುಮೊನೆ ನಮಸ್ಕಾರ ಕರುಸ.
ROM 16:23 ಗಾಯನ ಮನೆ ಅಥಿತಿ ಸತ್ಕಾರ ಕರಾಡ್ಯೊಸ. ತೆನೈಸೊ ಸಭಾ ಕುಟನಾ ಹುತಿ ತಿನಾ ಘರನೆ ಉಪಯೊಗ ಕರೆಸ. ತೆಬಿ ತುಮೊನೆ ನಮಸ್ಕಾರ ಕವಾಡ್ಯೊಸ. ಎ ಗಾಮನೊ ಇಸಾಬ ಮ್ಹೆಲ್ಯಾಲೊ ಎರಸ್ತಸ ವರಿ ಅಪ್ನೊ ಬರೊಕ್ಹೊಮಾ ರ‍್ಹಯಲ ಭೈ ಕ್ವರತಬಿ ತುಮೊನೆ ನಮಸ್ಕಾರ ಕವಾಡಾಸ.
ROM 16:24 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಕೃಪಾ ಮಳಾದೆ. ಆಮೆನ್
ROM 16:25 ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.
ROM 16:26 ತೆನೈಸೊ ರಹಸ್ಯ ರ‍್ಹಯಲ ತೆ ಸತ್ಯನೆ ಹಮ್ನಾ ತುಮೊನೆ ದೆಕಾಡ್ಯಾಸ. ವರಿ ತೆ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಆಜ್ಞಾ ಕರಲ ಎಜ಼ ವ್ಹೈ. ಕ್ಹಾರಾ ಮನಕ್ಹೊ ಬರೊಕ್ಹೊ ಕರಿನ ಕ್ಹುದಾನೆ ವಿಧೆಯ ಥೌ ಕೈನ ರಹಸ್ಯ ರ‍್ಹಯಲ ಎ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಹರ ಹಮೆಶಾ ಜಿವ್ತೊ ರ‍್ಹವಸ.
ROM 16:27 ಯಕ್ಲೊಜ಼ ಗ್ಯಾನಿ ಥಯಲ ಕ್ಹುದಾನೆ ಯೆಸು ಕ್ರಿಸ್ತನಾ ಮುಲಕ ಕೆಳಾಮಾಬಿ ಮಹಿಮಾ ಥಾವಾದೆ. ಆಮೆನ್.
1CO 1:1 ಪೌಲಾ ಬರ್ದಾನು ಪತ್ರ. ಕ್ರಿಸ್ತ ಯೆಸುಮಾ ಅಪೊಸ್ತಲ ಥಾವಾನಾಹುತಿ ಮಿ ಕ್ಹುದಾನಾ ಚಿತ್ತನಿಂಗತ ಬಲಾಯಲವಾಲೊ ವ್ಹೈ. ಮಿ ಎ ಪತ್ರ ಕ್ರಿಸ್ತಮಾ ಅಪ್ನೊ ಭೈ ಥಯಲ ಸೊಸ್ಥೆನನಾ ಕ್ಹಾತೆ ಬರ್ದಾಡೊಸ.
1CO 1:2 ಕ್ರಿಸ್ತ ಯೆಸುಮಾ ಪವಿತ್ರ ಥೈನ ಕರಲ ಕೊರಿಂಥನಾ ಕ್ಹುದಾನಾ ಸಬೆವಾಲಾವೊನೆ ಎ ಪತ್ರ ಬರ್ದಾಡೊಸ. ತುಮೆ ಕ್ಹುದಾನಾ ಪವಿತ್ರ ಮನಕ್ಹೊ ಥಾವಾನೆ ಬಲಾಯಲವಾಲಾ ವ್ಹೈ. ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನಾ ಕ್ಹಾತೆ ತುಮೆಬಿ ಬಲಾಯಲವಾಲಾ ಥಯಾಸ. ಯೆಸು ಕ್ರಿಸ್ತ ತ್ಯುನೊನೆಬಿ ವರಿ ಅಪೊನೆಬಿ ಪ್ರಭು ಥಯೊಸ.
1CO 1:3 ಅಪ್ನೊ ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ.
1CO 1:4 ಕ್ರಿಸ್ತ ಯೆಸುಮಾ ಕ್ಹುದಾ ತುಮೊನೆ ದಿದಲ ಕೃಪಾನಾ ಹುತಿ ಮಿ ತುಮಾರಾ ಹುತಿ ಕೆಳಾಮಾಬಿ ಕ್ಹುದಾನೆ ಸ್ತುತಿ ಕರುಸ.
1CO 1:5 ಕಾಕದ್ಯಾಮ, ಕ್ರಿಸ್ತ ಯೆಸುಮಾ ತುಮೆ ಕ್ಹಾರಿ ತರಾಮಾ ಸೌಕಾರೊ ವ್ಹೈ, ಗ್ಯಾನಿಯೊ ವ್ಹೈ ವರಿ ವಾತೊ ಬೊಲಾಮಾ ಹುಷಾರ ಥಯಾಸ.
1CO 1:6 ಎನೈಸೊ, ಕ್ರಿಸ್ತ ಯೆಸುನಾ ಹುತಿ ಸಾಕ್ಷಿ ತುಮೊಮಾ ಛೆ ತಿನಾಹುತಿ ತುಮೆ ಘಟ್ಟ ಛೆ.
1CO 1:7 ಇಮ್ಮ ರ‍್ಹಯಮ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಆವಾನು ಕೈದತಾ ರ‍್ಹಯಲ ತುಮೆ ಕ್ಹುದಾ ಕಂತು ಆವಾನಿ ಹರಯಕ್ಕ ಆತ್ಮಿಕನಿ ವರಾ ವ್ಹಂದಿಲಿವಾನು ಚು಼ಕೈಲೆತಾ ನೈ.
1CO 1:8 ಯೆಸು ತುಮೊನೆ ಲಾಸ್ಟ ಲಕ್ಕಾ ವಚಾ಼ಡಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ನ್ಯಾಯನೊ ಫೈಸಲಾನಾ ದಿನ್ಮಾ ತುಮೆ ನಿರದೊಷಿಯೊ ಥಾವೊಶಿ.
1CO 1:9 ಕ್ಹುದಾ ಬರೊಕ್ಹೊವಾಲೊ ಥಯೊಸ. ಕ್ಹುದಾನೊ ದಿಕ್ರೊ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಜ಼ಲಮಮಾ ವಾಟೊ ಲಿವಾಲಾ ಥೌ ಕೈನ ತುಮೊನೆ ಬಲಾಯಲವಾಲೊಜ಼ ಕ್ಹುದಾ ವ್ಹೈ.
1CO 1:10 ಭಾಯೊ ಭೆನೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮ ಪರ ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ವಾದವಿವಾದ ನೈಸೊ ಬಿನ್ನಭೆದ ನೈಸೊ ಯಕ್ಕಜ಼ ಮನಸ್ಸಕ್ಹು ಯಕ್ಕಜ಼ ಉದ್ದೆಶಕ್ಹು ತುಮೆ ಯಕ್ಕಜ಼ ಥೈನ ರ‍್ಹವೊ.
1CO 1:11 ಮಾರಾ ಭಾಯೊ ಭೆನೊ, ಖ್ಲೊಯೆಯನಾ ಘರತಾ ಆಯಲ ದಕ್ಹಾ ಜ಼ನಾ ತುಮಾರಾ ಹುತಿ ಮನೆ ಕದ್ಯಾ. ತುಮಾರಾ ವಚ್ಮಾ ವಾದ ವಿವಾದ ಚಾ಼ಲಾಡುಸ ಕೈನ ಮನೆ ಗ್ವತ್ತ ಥಯು.
1CO 1:12 ಕದ್ಯಾಮ, ತುಮೊಮಾ ಯಕ್ಲೊ "ಮಿ ಪೌಲಾ ನಿಂಗತ ಚಾ಼ಲಾಲೊ ವ್ಹೈ ಕೈನ ಯಕ್ಲೊ, ಅಪೊಲೊಸ ನಿಂಗತ ಚಾ಼ಲಾಲೊ ವ್ಹೈ ಕೈನ ವರಿಯಕ್ಲೊ, ತೆ ಪೆತ್ರಾ ನಿಂಗತ ಚಾ಼ಲಾಲೊ ವ್ಹೈ ಕೈನ ವರಿಯಕ್ಲೊ, ತೆ ಕ್ರಿಸ್ತ ನಿಂಗತ ಚಾ಼ಲಾಲೊ ವ್ಹೈ ಕೈನ ಕವಸ.
1CO 1:13 ಕ್ರಿಸ್ತ ಯೆಸು ಭಾಗ ಭಾಗ ಜು಼ದೊ ಥಯೊಸ ಸು? ತುಮಾರಾ ಹುತಿ ಶಿಲುಬಿಪರ ಮರಲವಾಲೊ ಪೌಲಾ ವ್ಹೈ ಸು? ತುಮೆ ಬಾಪ್ತಿಸ್ಮ ಕರೈಲಿದಲ ಪೌಲಾನಾ ನಾಮಪರ ವ್ಹೈ ಸು?
1CO 1:14 ತುಮೊಮಾ ಕ್ರಿಸ್ಪ ವರಿ ಗಾಯನ ಇವ್ನೊನೆ ಛೊಡಿನ ಬಿಜಾ಼ ಕಿನೆಜ಼ ಮಿ ಬಾಪ್ತಿಸ್ಮ ಕರಾಯೊ ನತ್ತಿ ಕೈನ ಕ್ಹುದಾನೆ ಸ್ತೊತ್ರಾ ಕರುಸ.
1CO 1:15 ತಿನಾಹುತಿ ತುಮೊಮಾ ಕುನ್ನಜ಼ ಬಾಪ್ತಿಸ್ಮ ಮಾರಾ ನಾಮಪರ ಲಿದ್ಯಾಸ ಕವಾನು ಕೆ ನೈ ಸಕ್ತಾ.
1CO 1:16 (ಹೊ, ಸ್ತೆಫನನಾ ಘರವಾಲಾವೊನೆ ಬಾಪ್ತಿಸ್ಮ ದಿದ್ಯೊಸ. ಇವ್ನೊನೆ ನೈಸೊ ವರಿ ಕಿನೆಜ಼ ಬಾಪ್ತಿಸ್ಮ ದಿದಲ ಮನೆ ಶೆ ನತ್ತಿ)
1CO 1:17 ಯೆಸು ಕ್ರಿಸ್ತ ಮನೆ ವಳಾಯಲ ಬಾಪ್ತಿಸ್ಮ ದಿವಾನೆ ನ್ಹವ್ಹೈ. ಸುವಾರ್ತಾ ಕವಾನೆ ವಳಾಯೊಸ. ತೆಬಿ ವಾತೊಮಾ ಹುಶಾರ ರ‍್ಹವಾಕ್ಹು ನ್ಹವ್ಹೈ. ತಿಮ್ಮ ಕದಲ ರ‍್ಹಯಮ, ಕ್ರಿಸ್ತ ಯೆಸುನು ಶಿಲುಬಿಪರ ಚ಼ಡಲ ಸುಜ಼ ಉಪಯೊಗ ಥಾತುನ್ಹೊತು.
1CO 1:18 ಪವಿತ್ರ ಗ್ರಂಥ ಅಮ್ಮ ಕವಸ; "ಗ್ಯಾನಿಯೊನು ಗ್ಯಾನ ಹಾಳ ಕರುಸ.
1CO 1:19 ಶಾಣ್ಯಾವೊನಿ ಶಾಣಪನನೆ ದುರ ಕರುಸ"
1CO 1:20 ಇಮ್ಮ ರ‍್ಹತಾಮಾ, ಗ್ಯಾನಿ ಕಿಜಾ಼ ಛೆ? ವಿದ್ಯಾವಂತ ಕಿಜಾ಼ ಛೆ? ಎ ಕಾಲನೊ ತತ್ವ ಗ್ಯಾನಿ ಕಿಜಾ಼ ಛೆ? ಕ್ಹುದಾ ದುನಿಯಾನಿ ಗ್ಯಾನನೆ ಪಿಸಾಳುಪನ ಕರ‍್ಯೊಸು?
1CO 1:21 ಎ ಕ್ಹುದಾನಿ ಗ್ಯಾನನಿ ವಿಚಾರ ಅಮ ವ್ಹತ್ತು. ದುನಿಯಾ ತಿನಿ ಸ್ವಂತ ಗ್ಯಾನನಾ ಮುಲಕ ಕ್ಹುದಾನೆ ತಿಳ್ದಿಲಿದಿ ನ್ಹೊತಿ. ತಿನಾಹುತಿ ಪಿಸಾಳಾ ಲಿಂಗತ ದಿಕ್ಹಾನು ಸಂದೆಶನಾ ಮುಲಕ ಬರೊಕ್ಹೊ ಕರಾಲಾವೊನೆ ವಚಾ಼ಡಾನು ಕ್ಹುದಾನೆ ಚೊ಼ಕು ಲಾಗ್ಯು.
1CO 1:22 ಯಹುದ್ಯೊ ಅದ್ಭುತ ಕಾಮೊ ಪುಚ಼್ಚಸ. ಗ್ರಿಕವಾಲಾವೊನೆ ಗ್ಯಾನ ಚಾ಼ಯೆ.
1CO 1:23 ಅಪೆ ತುಬಿ, ಶಿಲುಬಿ ಪರ ಘಾಲ್ಯಲ ಕ್ರಿಸ್ತನಾ ಹುತಿ ಬೊಧನೆ ಕರೆಸ. ಎ ಯಹುದಿಯೊನೆ ಮ್ಹೊಟಿ ಅಡಚ಼ನ ಥೈಸ; ಯೆಹುದಿ ನೈಸೊ ಮನಕ್ಹೊನೆ ಪಿಸಾಳಾ ಲಿಂಗತ ದಿಕ್ಹಸ.
1CO 1:24 ಕ್ಹುದಾಕ್ಹು ಬಲಾಯಲ ಮನಕ್ಹೊ ಯೆಹುದಿಯೊಬಿ ಯಹುದ್ಯೊ ನೈ ರ‍್ಹಯಲವಾಲಾಬಿ ತ್ಯುನೊನೆ ಕ್ರಿಸ್ತ ಕ್ಹುದಾನಿ ತಾಕತ ಥಯೊಸ; ವರಿ ಕ್ಹುದಾನಿ ಗ್ಯಾನ ಥಯೊಸ.
1CO 1:25 ಕ್ಹುದಾನು ಪಿಸಾಳು ಪನಬಿ ಮನಕ್ಹೊನಿ ಗ್ಯಾನತಿಬಿ ಮ್ಹೊಟು ವ್ಹೈ. ಕ್ಹುದಾನಿ ಬಲಹಿನತೆಬಿ ಮನಕ್ಹೊನಿ ತಾಕತ ತಿಬಿ ತಾಕತವರ ಥಯುಸ.
1CO 1:26 ಭಾಯೊ ಭೆನೊ, ಕ್ಹುದಾ ತುಮೊನೆ ಬಲಾಯಲ ಪರ ತುಮೆ ಕಿಮ್ಮ ವ್ಹತ್ತಾ ಕೈನ ಶೆ ಕರಿಲಿವೊ. ದುನಿಯಾನಿ ಇಸಾಬಮಾ ತುಮೊಮಾ ಘನ್ನಾ ಜ಼ನಾ ಗ್ಯಾನಿಯೊ ಥಯಾ ನ್ಹೊತಾ; ಅದಿಕಾರಿಯೊ ಥಯಾ ನ್ಹೊತಾ; ಖಾಸ ಘರ್ದಾನಾವೊನೆ ಮಳಲವಾಲಾ ಥಯಾ ನ್ಹೊತಾ.
1CO 1:27 ತೆನೈಸೊ ಕ್ಹುದಾ ಎ ದುನಿಯಾನಾ ಗ್ಯಾನಿಯೊನೆ ಸರಮ ಲಾವಾನಾ ಹುತಿ ಪಿಸಾಳಾವೊನೆ ಇನಿಲಿದ್ಯೊಸ. ತಾಕತ ರ‍್ಹಯಲವಾಲಾವೊನೆ ಸರಮ ಲಾವಾನಾ ಹುತಿ ತಾಕತ ನೈಸೊವಾಲಾವೊನೆ ಇನಿಲಿದ್ಯೊಸ.
1CO 1:28 ದುನಿಯಾ ಕಿನೆ ಖಾಸ ನ್ಹವ್ಹೈ ಕೈನ ವಿಚಾರ ಕರಸ ಕಿನೆ ದ್ವೆಷ ಕರಸ ವರಿ ಕಾಮ ನೈಸೊ ವ್ಹೈ ಕೈನ ದೆಕಾಡಸ ತಿನೆಜ಼ ಕ್ಹುದಾ ಇನಿಲಿದ್ಯೊ. ದುನಿಯಾ ಕಿನೆ ಖಾಸ ವ್ಹೈ ಕೈನ ವಿಚಾರ ಕರಸ ತಿನೆ ಹಾಳ ಕರಾನೆ ಕ್ಹುದಾ ಇಮ್ಮ ಕರ‍್ಯೊ.
1CO 1:29 ಇಮ್ಮ ರ‍್ಹತಾಮಾ ಕ್ಹುದಾನಾ ಕ್ಹಾಮಾ ಕುನ್ನಜ಼ ಹೆಮ್ಮೆ ಪಡ್ದಿಲಿವಾನೆ ಸಾಧ್ಯ ನತ್ತಿ.
1CO 1:30 ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.
1CO 1:31 ತಿನಾಹುತಿ ಪವಿತ್ರ ಗ್ರಂಥ ಬರ್ದಲ ನಿಂಗತ ಹೆಮ್ಮ ಥಾವಾಲೊ ಪ್ರಭುಮಾಜ಼ ಹೆಮ್ಮೆ ಥೌ.”
1CO 2:1 ಮಯಾನಾ ಭಾಯೊ ಭೆನೊ, ಮಿ ತುಮೊಕನ ಆಯಲ ಪರ, ಮಿ ತುಮೊನೆ ಕ್ಹುದಾನು ಸತ್ಯನು ಗುಟ್ಟ ತಿಳ್ಸಾಯೊಸ. ತೆನೈಸೊ ಮಿ ಮ್ಹೊಟಿಯೊ ವಾತೊ ರ‍್ಹವಾದೆ ಮ್ಹೊಟಿ ಗ್ಯಾನ ರ‍್ಹವಾದೆ ಉಪಯೊಗ ಕರ‍್ಯೊ ನೈ.
1CO 2:2 ಮಿ ತುಮಾರಾ ಕ್ಹಾತೆ ರ‍್ಹತಾಮಾ ಯೆಸು ಕ್ರಿಸ್ತನಾ ವರಿ ತಿನಿ ಶಿಲುಬಿ ಪರ ಥಯಲ ಮೌತನೆ ಛೊಡಿನ ಬಿಜಾ಼ ಕ್ಹಾರಾ ವಿಷಯನೆ ಇಕ್ಹರಾನೆ ಪೈಸ್ಲೊ ಕರ‍್ಯೊ.
1CO 2:3 ಮಿ ತುಮೊಕನ ಆಯಲ ಪರ ಕಮಜೊ಼ರ ಥಯೊತೊ; ಭೆಂಕ್ಹು ಕಾಪಾಡೊತೊ.
1CO 2:4 ಮಾರಿ ಬೊಧನೆಮಾಬಿ ಪ್ರಸಂಗಮಾಬಿ ಮನಸ್ಸೆ ಆವಾನು ಮನಕ್ಹೊನಿ ಗ್ಯಾನನಾ ವಾಕ್ಯಾ ಮಿ ಉಪಯೊಗ ಕರ‍್ಯಾವಾಚಿ ಆತ್ಮಾನಿ ತಾಕತ ದೆಕಾಡಾನಿ ವಾಕ್ಯಾಜ಼ ಮಿ ಉಪಯೊಗ ಕರ‍್ಯೊ.
1CO 2:5 ತುಮಾರೊ ಬರೊಕ್ಹೊ ಮನಕ್ಹನಿ ಗ್ಯಾನನಾ ಉಪ್ಪರ ಆದಾರ ನೈಸೊ ಕ್ಹುದಾನಿ ತಾಕತನಾ ಉಪ್ಪರ ಆದಾರ ರ‍್ಹೌ.
1CO 2:6 ವರಿಬಿ ಶಾಣ್ಯಾ ರ‍್ಹಯಲವಾಲಾ ಮನಕ್ಹೊನೆ ಹಮೆ ಆತ್ಮಿಕನಿಯೊ ವಾತೊ ಕಯ್ಯೆಸ. ಎ ಭುಲೊಕನು ಗ್ಯಾನಬಿ ನ್ಹವ್ಹೈ, ಹಾಳ ಥಾವಾನೊ ಅದಿಪತಿಯೊನಿ ಗ್ಯಾನಬಿ ನ್ಹವೈ, ಎ ದುನಿಯಾನಾ ಅದಿಪತಿಯೊ ತ್ಯುನಿ ಅದಿಕಾರ ಜ಼ವೈಲಿವಾಲಾ ಥಾವಸ.
1CO 2:7 ಮಿ ಕವಾನಿ ಗ್ಯಾನ ಕ್ಹುದಾನಿ ರಹಸ್ಯ ಗ್ಯಾನ ವ್ಹೈ. ಮನಕ್ಹೊನೆ ಜಾ಼ಕಿನ ಮ್ಹೆಲಲ ಗ್ಯಾನ ವ್ಹೈ. ಅಪೊನೆ ಮಹಿಮೆ ಕರಾನಾ ಹುತಿ ದುನಿಯಾ ತಯ್ಯಾರ ಕರಾತಿ ಪೈಲಾಜ಼ ಕ್ಹುದಾ ಮ್ಹೆಲ್ಯೊತೊ.
1CO 2:8 ಎ ದುನಿಯಾನಾ ಕಯಾಜ಼ ಅದಿಪತಿಯೊ ಎ ಗ್ಯಾನ ತಿಳ್ದಿಲಿದ್ಯಾ ನೈ ತ್ಯುನೆ ತಿಳ್ದಿಲಿದಲ ರ‍್ಹವತ್ತೊ, ಮಹಿಮಾನಾ ಪ್ರಭುನೆ ಶಿಲುಬಿ ಪರ ಚ಼ಡಾತಾ ನ್ಹೊತಾ.
1CO 2:9 ಪವಿತ್ರ ಗ್ರಂಥಮಾ ಅಮ್ಮ ಬರ್ದ್ಯಾಸ; "ಕ್ಹುದಾ ತಿನೆ ಮಯಾ ಕರಾಲಾವೊನಾ ಹುತಿ ತಯ್ಯಾರ ಕರಲ ಕ್ಹಾರು ಡೊಳಾ ದೆಕ್ಯಾ ನೈ, ಕಾನೊ ಐಕ್ಯಾ ನೈ, ತೆನೈಸೊ ತೆ ಮನಕ್ಹನಾ ಮನಸ್ಸಮಾ ಗಯು ನೈ"
1CO 2:10 ತೆನೈಸೊ ಕ್ಹುದಾ ತಿನಿ ಪವಿತ್ರ ಆತ್ಮಾನಾ ಮುಲಕ ಅಪೊನೆ ಎ ಸಂಗತಿಯೊ ದೆಕಾಡ್ಯೊ. ಪವಿತ್ರ ಆತ್ಮಾ ಕ್ಹಾರುಜ಼ ಕ್ಹುದಾನಿ ಮ್ಹೊಟಿ ರಹಸ್ಯ ತಿಳದ್ಯೊಸ.
1CO 2:11 ಮನಕ್ಹನಾ ವಿಚಾರೊ ತಿನಿ ಅಂತರ ಆತ್ಮಾ ನೈಸೊ ವರಿ ಕುನ್ನಜ಼ ತಿಳ್ದಿಲೆತಾ ನೈ; ಕ್ಹುದಾನಾ ವಿಚಾರೊ ಕ್ಹುದಾನಿ ಆತ್ಮಾ ನೈಸೊ ವರಿ ಕುನ್ನಜ಼ ತಿಳ್ದಿಲೆತಾ ನೈ.
1CO 2:12 ಅಪೆ ವ್ಹಂದಿಲಿದಲ ಕ್ಹುದಾಕ್ಹು ಆಯಲ ಪವಿತ್ರ ಆತ್ಮಾನೆಜ಼ ವ್ಹೈ ತೆನೈಸೊ ದುನಿಯಾನಾ ಹುತಿ ರ‍್ಹಯಲ ಆತ್ಮಾ ನ್ಹವ್ಹೈ. ಕ್ಹುದಾ ಅಪೊನೆ ಫ್ರಿಮಾ ದಿದಲ ತಿಳ್ದಿಲಿವಾನಾ ಹುತಿ ಅಪೆ ತಿನೆ ವ್ಹಂದಿಲಿದ್ಯಾ.
1CO 2:13 ಅಪೆ ಎ ಸಂಗತಿಯೊ ಕತಾಮಾ ಮನಕ್ಹೊನಿ ಗ್ಯಾನಕ್ಹು ಶಿಕ್ಕಲ ವಾತೊ ಉಪಯೊಗ ಕರ‍್ಯಾವಾಚಿ ಆತ್ಮಾ ಕ್ಹು ಶಿಕ್ಕಲ ವಾತೊಜ಼ ಉಪಯೊಗ ಕರಿಯೆಸ. ಆತ್ಮಿಕ ಸಂಗತಿಯೊ ತಿಳ್ಸಾವಾನೆ ಆತ್ಮಿಕ ವಾತೊಜ಼ ಉಪಯೊಗ ಕರೆಸ.
1CO 2:14 ಆತ್ಮಿಕ ನೈಸೊ ಮನಕ್ಹ ಕ್ಹುದಾನಿ ಆತ್ಮಾನಿಯೊ ವಾತೊನೆ ಇನ್ಕಾರಸ. ತೆ ತಿನೆ ಪಿಸಾಳು ಪನ ಥೈನ ದಿಕ್ಹಸ. ತೆ ಕ್ಹಾರು ತಿಳ್ದಿಲಿವಾನೆ ತಿಕನ ನೈ ಥಾತು. ಕಾಕದ್ಯಾಮ ತೆ ವಿಷಯೊ ಆತ್ಮಿಕ ಥೈನ ವಿಚಾರ ಕರಾನೆ ಸಾಧ್ಯ ಥಾವಸ.
1CO 2:15 ಕ್ಹುದಾನಿ ಆತ್ಮಾ ವ್ಹಂದಿಲಿದಲವಾಲೊ ಕ್ಹಾರು ಪೈಸ್ಲೊ ಕರಿನ ತಿಳ್ದಿಲಿವಸ. ತೆನೈಸೊ ತಿನೆಕುನ್ನ ವಿಚಾರ ಕರಿನ ತಿಳ್ಸಾವಾನಿ ಜ಼ರುರತ ನತ್ತಿ.
1CO 2:16 ಪವಿತ್ರ ಗ್ರಂಥ ಅಮ್ಮ ಕವಸ; "ಪ್ರಭುನು ಮನಸ್ಸ ಕುನ್ ತಿಳ್ದಿಲಿದ್ಯುಸ? ಪ್ರಭುನೆ ಉಪದೆಶ ಕರಾಲು ಕುನ್ ವ್ಹೈ? ಅಪೆ ತುಬಿ, ಕ್ರಿಸ್ತ ಯೆಸುನು ಮನಸ್ಸ ರ‍್ಹಯಲವಾಲಾ ವ್ಹೈ.
1CO 3:1 ಇನಾಹುತಿ ಮಾರಾ ಭಾಯೊ ಭೆನೊ, ಮಿ ಆತ್ಮಿಕ ಮನಕ್ಹೊನಾ ಕ್ಹಾತೆ ಬೊಲಲ ಲಿಂಗತ ಪೈಲಾ ತುಮಾರಾ ಕ್ಹಾತೆ ಬೊಲಾನೆ ಥಯು ನೈ. ದುನಿಯಾನಾ ಮನಕ್ಹೊ ಕ್ರಿಸ್ತಮಾ ನ್ಹಾನಾ ಬಚ಼್ಚಾ ರ‍್ಹಯಲವಾಲಾವೊನಾ ಕ್ಹಾತೆ ಬೊಲಲ ಲಿಂಗತ ಮಿ ತುಮಾರಾ ಕ್ಹಾತೆ ಬೊಲು ಲಾಗ್ಯು.
1CO 3:2 ಮಿ ತುಮೊನೆ ಕರಲ ಉಪದೆಶ ಘಟ್ಟ ರ‍್ಹಯಲ ಅನ್ನ ಲಿಂಗತ ನೈಸೊ ದುದ್ದ ಲಿಂಗತ ವ್ಹತ್ತು; ಕಾಕದ್ಯಾಮ ಮಿ ಆಸಾನ ರ‍್ಹಯಲ ವಾತೊ ಶಿಕ್ಲಾಯೊ ವರಿ ಘನ್ನಿಯೊ ಆಳ ರ‍್ಹಯಲ ವಾತೊ ತುಮೊನೆ ಕದ್ಯೊ ನತ್ತಿ.
1CO 3:3 ತುಮೆ ಹಜು಼ನಬಿ ದುನಿಯಾನಾ ಮನಕ್ಹೊ ಲಿಂಗತ ರ‍್ಹವಾಡಾಸ. ತುಮಾರಾ ವಚ್ಮಾ ದ್ವೆಶ, ವಾದ ವಿವಾದ ಛೆ ತುಮೆ ಹಜು಼ನಬಿ ಸಾಧಾರಣ ಮನಕ್ಹೊ ಲಿಂಗತ ದೆಕಾಡಾನೆ ದೆತು ನೈಸು?
1CO 3:4 ತುಮೊಮಾ ಯಕ್ಲೊ, ಮಿ ಪೌಲಾ ಲಿಂಗತ ಚಾ಼ಲಾಲೊ ವ್ಹೈ; ವರಿಯಕ್ಲೊ ಮಿ ಅಪೊಲೊಸ ಲಿಂಗತ ಚಾ಼ಲಾಲೊ ವ್ಹೈ, ಕೈನ ತುಮಾರಾಮಾ ದುನಿಯಾನಾ ಮನಕ್ಹೊ ಲಿಂಗತ ದೆಕಾಡಿನ ದೆತಾ ನೈಸು?
1CO 3:5 ತೆನೈಸೊ ಅಪೊಲೊಸ ಕುನ್ನ ವ್ಹೈ? ಪೌಲಾ ಕುನ್ನ ವ್ಹೈ? ತುಮೊನೆ ವಿಸ್ವಾಸಮಾ ಬಲೈ ಲಾಯಲ ಸೆವಕೊ ಹಮೆ ನ್ಹವೈ ಸು? ಹಮೊಮಾ ಹರಯಕ್ಲೊ ಪ್ರಭು ದಿದಲ ಕಾಮೊಜ಼ ಕರೆಸ.
1CO 3:6 ಮಿ ಬಿಯ್ಯಾ ಬಿತ್ಯೊ; ಅಪೊಲೊಸ ಪಾನಿ ಘಾಲ್ಯೊ; ತೆನೈಸೊ ತಿನೆ ಬೆಳಸಾಯಲ ಕ್ಹುದಾಜ಼ ವ್ಹೈ.
1CO 3:7 ತಿನಾಹುತಿ ಬಿಯ್ಯಾ ಬಿತ್ತಾಲೊ ರ‍್ಹವಾದೆ, ಪಾನಿ ಘಾಲಾಲೊ ರ‍್ಹವಾದೆ ಖಾಸ ನ್ಹವೈ; ಬೆಳಸಾವಾಲೊ ಕ್ಹುದಾಜ಼ ಮ್ಹೊಟೊ ವ್ಹೈ.
1CO 3:8 ಬಿಯ್ಯಾ ಬಿತ್ತಾಲಾನಾ ವರಿ ಪಾನಿ ಘಾಲಾಲಾನು ಉದ್ದೆಶ ಯಕ್ಕಜ಼ ಥಯುಸ. ವರಿ ಹರಯಕ್ಲಾನೆಬಿ ತಿನಾ ತಿನಾ ಕಾಮ ಪ್ರಕಾರ ಪ್ರತಿ ಫಲ ಮಳಸ.
1CO 3:9 ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.
1CO 3:10 ಕ್ಹುದಾ ಮನೆ ದಿದಲ ವರಾ ಉಪಯೊಗ ಕರಿನ ಶಾಣ್ಯೊ ಶಿಲ್ಪಿ ಲಿಂಗತ ಮಿ ತೆ ಘರನೆ ಫಾಯಾ ಘಾಲ್ಯೊ. ಬಿಜಾ ಮನಕ್ಹೊ ತೆ ಫಾಯಾನಾ ಉಪ್ಪರ ಭಾಂದಾಡಾಸ. ತೆನೈಸೊ ಹರಯಕ್ಕ ಮನಕ್ಹ ತೆ ಕಿಮ್ಮ ಭಾಂದಾಡೊಸ ಕವಾನು ಹುಶಾರಕ್ಹು ರ‍್ಹೌ.
1CO 3:11 ಫಾಯಾ ಕೆಳಾಮಾಜ಼ ಘಾಲ್ಯಲ ಛೆ. ತೆ ಫಾಯಾ ಯೆಸು ಕ್ರಿಸ್ತಜ಼ ವ್ಹೈ. ತೆ ಫಾಯಾ ನೈಸೊ ಬಿಜಿ಼ ಫಾಯಾ ಬಿಜು಼ ಕುನ್ನಜ಼ ನೈ ಘಾಲಸಕ್ತು. (ಯೆಶಾಯ 28:16)
1CO 3:12 ಯಕ್ಕ ಮನಕ್ಹ ತೆ ಫಾಯಾನಾ ಉಪ್ಪರ ಕ್ಹೊನು, ರುಪ್ಪು, ಲಾಕ್ಡು, ಚಾ಼ರೊ ವರಿ ಧಾಂಡಾಕ್ಹು ಎ ಕ್ಹಾರು ಉಪಯೊಗ ಕರಿನ ಭಾಂದಸ.
1CO 3:13 ತೆನೈಸೊ ಹರ ಯಕ್ಲಾನು ಕಾಮ ಕರೆಟ್ಟ ದಿಕ್ಹಸ; ಕಾಕದ್ಯಾಮ, ಕ್ರಿಸ್ತ ಆವಾನು ಫೈಸ್ಲಾನೊ ದಿನ್ನ ತೆ ದೆಕಾಡಸ. ತೆ ದಿನ್ನ ಆಗನಾ ಕ್ಹಾತೆ ಹುಟ್ಟಸ. ತೆ ಆಗ ಹರಯಕ್ಕ ಮನಕ್ಹನಾ ಕಾಮೊ ಪರಿಕ್ಷಾ ಕರಸ. ವರಿ ಚೊ಼ಕು ಗುಣಮಟ್ಟ ದೆಕಾಡಿನ ದಿವಸ.
1CO 3:14 ಫಾಯಾನಾ ಉಪ್ಪರ ಭಾಂದಲ ಘರ ಘಟ್ಟ ರ‍್ಹಯಮ, ಭಾಂದಲವಾಲೊ ಪ್ರತಿ ಫಲ ವ್ಹಂದಿಲಿವಸ.
1CO 3:15 ತೆನೈಸೊ ಕಾಮ ಬಳಿ ಗಯುಮ, ಭಾಂದಲವಾಲಾನೆ ಲುಕ್ಸಾನ ಥಾವಸ. ತೆ ತುಬಿ ಆಗಕ್ಹು ಚುಕೈಲಿದಲವಾಲಾ ಲಿಂಗತ ರಕ್ಷಣೆ ವ್ಹಂದಿಲಿವಸ.
1CO 3:16 ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.
1CO 3:17 ಕುನ ತುಬಿ ಕ್ಹುದಾನಿ ಆಯಲ ಹಾಳ ಕರ‍್ಯಾಮ, ಕ್ಹುದಾ ತಿನೆ ಹಾಳ ಕರಸ. ಕಾಕದ್ಯಾಮ ಕ್ಹುದಾನಿ ಆಲಯ ಪರಿಶುದ್ಧ ಥಯಲ ವ್ಹೈ. ತುಮೆಜ಼ ಕ್ಹುದಾನಿ ಆಯಲ ಥಯಾಸ.
1CO 3:18 ತುಮೊನೆ ತುಮೆಜ಼ ಮೊಸ ಕರಿಲಿವೊ ನಕೊ. ತುಮೊಮಾ ರ‍್ಹಯಲವಾಲೊ ಕುನ್ ತುಬಿ ತೆ ಎ ದುನಿಯಾಮಾ ಗ್ಯಾನಿ ವ್ಹೈ ಕವಾಲೊ ತೆ ಪಿಸಾಳೊ ಥೌಜ಼. ತೆಳಾಮಾ ತೆ ಮನಕ್ಹ ಕ್ಹರಿಮಾಜ಼ ಗ್ಯಾನಿ ಥಾವಸ.
1CO 3:19 ಕಾಕದ್ಯಾಮ, ಎ ದುನಿಯಾನಿ ಗ್ಯಾನ ಕ್ಹುದಾನಿ ನಜ಼ರಮಾ ಪಿಸಾಳು ಪನ್ನ ಥಯುಸ" ಕ್ಹುದಾ ಗ್ಯಾನಿಯೊನೆ ತ್ಯುನಾ ಚಾಲಕತನಾಮಾ ತ್ಯುನೊನೆಜ಼ ಧರಸ" ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. (ಯೊಬ 5:13)
1CO 3:20 ಪ್ರಭು ಗ್ಯಾನಿಯೊನಾ ವಿಚಾರೊ ತಿಳ್ದಿಲಿದ್ಯೊಸ. ತ್ಯುನಾ ವಿಚಾರೊ ಕಾಮ ನೈಸೊ ವ್ಹೈ ಕೈನ ತಿನೆ ಗ್ವತ್ತ ಛೆ ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ.
1CO 3:21 ತಿನಾಹುತಿ ತುಮೆ ಮನಕ್ಹೊನಾ ಹುತಿ ಹೆಮ್ಮೆ ಥೌ ನೈ. ಕ್ಹಾರುಜ಼ ತುಮಾರು ವ್ಹೈ.
1CO 3:22 ಪೌಲಾ, ಅಪೊಲೊಸ ವರಿ ಪೆತ್ರಾ ತುಮಾರಾ ಥಯಾಸ. ದುನಿಯಾ, ಜ಼ಲಮ, ಮೌತ ವರಿ ವರ್ತಮಾನ ವರಿ ಭವಿಷ್ಯತ ಕಾಲನಾ ಸಂಗತಿಯೊ ತುಮಾರಾಜ಼ ವ್ಹೈ.
1CO 3:23 ತುಮೆ ಕ್ರಿಸ್ತನೆ ಮಳಲವಾಲಾ ಥಯಾಸ. ಕ್ರಿಸ್ತ ಕ್ಹುದಾನೆ ಮಳಲವಾಲೊ ಥಯೊಸ.
1CO 4:1 ಮನಕ್ಹೊ ಅಪೊನೆ ಕ್ರಿಸ್ತನಾ ಸೆವಕೊ ವ್ಹೈ ಕೈನ ತುಮೆ ತಿಳದಿಲಿದಲ ರ‍್ಹೌ. ಕ್ಹುದಾ ತಿನಾ ರಹಸ್ಯ ರ‍್ಹಯಲ ಕ್ಹರಿ ಅಪೊನೆ ಒಪ್ಸಿನ ದಿದ್ಯೊಸ ಕೈನ ಕೈಲ್ಯು.
1CO 4:2 ಇಮ್ಮ ರ‍್ಹತಾಮಾ, ಜವಾಬ್ದಾರಿ ಲಿದಲವಾಲಾ ಸೆವಕ ಮಾಲಕನೆ ಕಾಮೊಮಾ ಬರೊಕ್ಹೊವಾಲಾ ವ್ಹೈ ಕೈನ ದೆಕಾಡು.
1CO 4:3 ತುಮೆಜ಼ ಮನೆ ವಿಚಾರಣೆ ಕರ‍್ಯಾ ತುಬಿ ಕಯಾಬಿ ಮನಕ್ಹನಾ ಮುಕಾಂತರ ನ್ಯಾಯಾಲಯಮಾ ಮನೆ ವಿಚಾರಣೆ ಥೈಯು ತುಬಿ ಮಿ ಚಿಂತಾ ನೈ ಕರ‍್ತೊ. ತೆನೈಸೊ ಮನೆ ಮಿಜ಼ ವಿಚಾರಣೆ ನೈ ಕರಲೆತೊ.
1CO 4:4 ಮಿ ತಪ್ಪ ಕರ‍್ಯೊಸ ಕೈನ ಮಾರಿ ಮನಸಾಕ್ಷಿನೆ ದಿಕ್ಹಾಡು ನತ್ತಿ. ತೆ ಮನೆ ನಿರದೊಶಿ ಥೈನ ನೈ ಕರಸಕ್ತು. ಮನೆ ನ್ಯಾಯನೊ ಪೈಸ್ಲೊ ಕರಾಲೊ ಪ್ರಭು ಯಕ್ಲೊಜ಼ ವ್ಹೈ.
1CO 4:5 ತಿನಾಹುತಿ ಕರೆಟ್ಟ ಟೈಮತಿ ಪೈಲಾ ಪೈಸ್ಲೊ ಕರೊ ನಕೊ. ಅಂದಾರಾಮಾ ದಡಿರ‍್ಹಯಲ ಕ್ಹಾರಾವೊನಾ ಉಪ್ಪರ ತೆ ಉಜಾಲು ದಿವಸ. ಮನಕ್ಹೊನಾ ಮನಸೊ ರಹಸ್ಯ ರ‍್ಹಯಲ ಉದ್ದೆಶೊ ತೆ ದೆಕಾಡಿನ ದಿವಸ. ತೆಳಾಮಾ ಹರ ಯಕ್ಲಾನೆ ಆವಾನು ಹೊಗಳಿಕೆ ಕ್ಹುದಾಕ್ಹುಜ಼ ಆವಸ.
1CO 4:6 ಭಾಯೊ ಭೆನೊ, ಮಿ ತುಮಾರಾ ಹುತಿ ಎ ವಿಶಯೊಮಾ ಅಪೊಲೊಸನೆ ವರಿ ಮನೆ ಉದಾಹರಣೆ ಕರಿನ ದಿದ್ಯೊಸ. ಕಾ ಕದ್ಯಾಮ ಬರ್ದಲ ನಿಯಮೊ ಚಾ಼ಲಿಂಜಾ಼ ಕವಾನಿ ವಾಕ್ಯಾನು ಮತ್ಲಬ ತುಮೆ ಹಮಾರಾಕ್ಹು ಶಿಕ್ಕು. ತೆಳಾಮಾ ತುಮೆ ಯಕ್ಲಾನಾ ವಿಷಯಮಾ ಹೆಚ್ಕಿ ಥೈನ ವರಿಯಕ್ಲಾನೆ ದ್ವೆಶ ನೈ ಕರ‍್ತಾ.
1CO 4:7 ತುಮೊನೆ ಬಿಜಾ಼ ಮನಕ್ಹೊ ತಿಬಿ ಚೊ಼ಕಾ ಕೈನ ಕುನ್ ಕವಸ? ತುಮೊಕನ ರ‍್ಹವಾನು ಹರಯಕ್ಕ ಕ್ಹುದಾಜ಼ ತುಮೊನೆ ದಿದ್ಯೊಸ. ಇಮ್ಮ ರ‍್ಹತಾಮಾ, ತುಮಾರಾ ಸ್ವಂತ ತಾಕತಕ್ಹು ತೆ ಕ್ಹಾರು ಪಡ್ದಿಲಿದ್ಯಾಸ ಕೈನ ಕಾ ಜಂಬಾ ಕೊಚ್ಚಿಲಿವೊಶಿ? ತುಮೊಕನ ರ‍್ಹಯಲ ಕ್ಹಾರುಜ಼ ತೆ ದಿದಲ ದಾನ ನ್ಹವೈ ಸು?
1CO 4:8 ತುಮೊನೆ ಚಾ಼ಯೆ ಥಯಲ ಹರಯಕ್ಕ ತುಮೊನೆ ಛೆ ಕೈನ ತುಮೆ ತಿಳ್ದಿಲಿದ್ಯಾಸ. ತುಮೆ ತುಮೊನೆಜ಼ ಸೌಕಾರೊ ವ್ಹೈ! ಕೈನ ರಾಜಾ಼ ವ್ಹೈ ಕೈನ ತಿಳ್ದಿಲಿದ್ಯಾ ನತ್ತಿ. ತುಮೆ ಕ್ಹರಿಮಾಜ಼ ರಾಜಾ಼ ರ‍್ಹವತ್ತೊ ಮನೆ ಕೆಕ್ಲಿಕಿ ಖುಶಿ ಥಾತಿತಿ. ಹಮ್ನಾ ಹಮೆ ತುಮಾರಾ ಕ್ಹಾತೆ ರಾಜಾ಼ ಥಾತಾತಾ.
1CO 4:9 ತೆನೈಸೊ ಕ್ಹುದಾ ಮನೆಬಿ ವರಿ ಉಗ್ರಲ ಅಪೊಸ್ತಲೊನೆಬಿ ಲಾಸ್ಟ ಸ್ಥಾನ ದಿದ್ಯೊಸ ಕೈನ ಮನೆ ದಿಕ್ಹಸ. ಕ್ಹಾರಾ ಮನಕ್ಹೊನಾ ಕ್ಹಾಮಾ ಹಮೆ ಮೌತನೆ ಗುರಿ ಥಯಲವಾಲಾ ಥಯಾಸ. ಹಮೆ ದೆವ ದುತೊನೆಬಿ ಮನಕ್ಹೊನೆಬಿ ಕ್ಹಾರಿ ಜಗತ್ನೆ ಮಜಾ಼ಕ ಥಯಾಸ.
1CO 4:10 ಹಮೆ ಕ್ರಿಸ್ತನಾ ಹುತಿ ಪಿಸಾಳಾ ಥಯಾಸ. ತೆನೈಸೊ ತುಮೆ ತುಮೊನೆ ಕ್ರಿಸ್ತಮಾ ಘನ್ನಾ ಗ್ಯಾನಿಯೊ ಕೈನ ತಿಳ್ದಿಲಿದ್ಯಾಸ. ಹಮೆ ತಾಕತ ನೈಸೊವಾಲಾ ಥಯಾಸ, ತೆನೈಸೊ ತುಮೆ ತುಮೊನೆಜ಼ ತಾಕತವಾಲಾ ವ್ಹೈ ಕೈನ ತಿಳ್ದಿಲಿದ್ಯಾಸ. ಮನಕ್ಹೊ ತುಮೊನೆ ಮರ್ಯಾದಿ ದಿವಸ; ಹಮೊನೆ ತುಬಿ ತ್ಯುನೆ ಮರ್ಯಾದಿ ನೈ ದೆತಾ.
1CO 4:11 ಹಮ್ನಾಬಿ ಹಮೆ ಭುಕ್ಕಾ ಥಯಾಸ; ತರಕ್ಹಾ ಥಯಾಸ; ಘಾಲಿವಾನೆ ಕಮ್ಮ ವಣ್ಣಾ ರ‍್ಹಯಲವಾಲಾ ಥಯಾಸ. ತೆಳಾಮ ತೆಳಾಮಾ ಹಮೊನೆ ಮಾರ ಬೆಟ್ತೊ ರ‍್ಹವಸ; ಹಮೊನೆ ಘರಬಿ ನತ್ತಿ.
1CO 4:12 ಹಮೆ ಖಾವಾನಾ ಹುತಿ ಹಮಾರಾ ಹತೊಕ್ಹು ಕಷ್ಟ ಪಡ್ದಿನ ರಾಬಿಯೆಸ. ಮನಕ್ಹೊ ಹಮೊನೆ ಕ್ಹರಾಪಸ, ಹಮೆ ತುಬಿ ತ್ಯುನಾ ಹುತಿ ಆಶಿರ್ವಾದ ಮಾಂಗಿಲಿಯೆಸ. ಮನಕ್ಹೊ ಹಮೊನೆ ತ್ರಾಸ ಕರ‍್ಯಾ ತುಬಿ ತಡ್ದಿಲಿಯೆಸ.
1CO 4:13 ಮನಕ್ಹೊ ಹಮಾರಾ ಹುತಿ ಕೆಟ್ಟ ವಾತೊ ಬೊಲಸ. ಹಮೆ ತುಬಿ ತ್ಯುನೊನೆ ಚೊ಼ಕಾ ವಿಷಯೊ ಕಯೆಸ. ಆಜ಼ ಲಕ್ಕಾಬಿ ಮನಕ್ಹೊ ಹಮೊನೆ ದುನಿಯಾಮಾನಿ ಕಸಾ ವ್ಹೈ ಕೈನ ಜಿಮಿನ ಪರ ರ‍್ಹಯಲ ಹೊಲಸ ವ್ಹೈ ಕೈನ ತಿಳ್ದಿಲಿದ್ಯಾಸ.
1CO 4:14 ತುಮೊನೆ ಸರಮ ಲಾವಾನಾ ಹುತಿ ಮಿ ಕೊಶಿಶ ಕರಾಡೊ ನತ್ತಿ. ತೆನೈಸೊ ತುಮೆ ಮಾರಾ ಮಯಾನಾ ಬಚ಼್ಚಾ ಥಯಲ ಹುತಿ ತುಮೊನೆ ಹುಶಾರ ಕರಾನಾ ಹುತಿ ಎ ಸಂಗತಿಯೊ ಬರ್ದಾಡೊಸ.
1CO 4:15 ತುಮೊನೆ ಕ್ರಿಸ್ತಮಾ ದಕ್ಹ ಹಜಾ಼ರ ಜ಼ನಾ ಮಾಸ್ತರೊ ವಸೆ, ತೆನೈಸೊ ಘನ್ನಾ ಜ಼ನಾ ಬಾಪೊ ನತ್ತಿ. ಸುವಾರ್ತೆನಾ ಮುಲಕ ಕ್ರಿಸ್ತ ಯೆಸುಮಾ ಮಿಜ಼ ತುಮೊನೆ ಆತ್ಮಿಕ ಬಾ ಥಯೊಸ.
1CO 4:16 ತಿನಾಹುತಿ ತುಮೆ ಮಾರಾ ನಿಂಗತ ರ‍್ಹೌ ಕೈನ ಮಿ ತುಮೊಕನ ಮಾಂಗಿಲ್ಯುಸ.
1CO 4:17 ತಿನಾಹುತಿಜ಼, ಮಿ ತುಮೊಕನ ತಿಮೊಥೆನೆ ವಳಾವಾಡೊಸ, ತೆ ಪ್ರಭುಮಾ ಮಾರೊ ದಿಕ್ರೊ ಥಯೊಸ. ಮಿ ತಿನೆ ಮಯಾ ಕರುಸ. ತೆ ಬರೊಕ್ಹಾವಾಲೊ ಥಯೊಸ. ಮಿ ಕ್ರಿಸ್ತ ಯೆಸುಮಾ ರ‍್ಹವಾನಾ ತರಿಕಾನೆ ತೆ ತುಮೊನೆ ಶೆ ಕರಾವಸ. ಹರಯಕ್ಕಬಿ ಕ್ಹಾರಾ ಸಭೆಮಾ ಮಿ ತಿನಾ ನಿಂಗತಜ಼ ಜಿವ್ನಾ ಉಪದೆಶ ಕರುಸ.
1CO 4:18 ತುಮೊಮಾ ದಕ್ಹಾ ಜ಼ನಾ ಜಂಬಾ ಕೊಚ್ಚಿ ಲಿವಾಡಾಸ. ಮಿ ತುಮೊಕನ ವರಿ ನೈ ಆತೊ ಕೈನ ವಿಚಾರ ಕರಿನ ತುಮೆ ಜಂಬಾ ಕೊಚ್ಚಿ ಲಿವಾಡಾಸ.
1CO 4:19 ತೆನೈಸೊ ಮಿ ಘನ್ನೊ ಜ಼ಲ್ದಿ ತುಮೊಕನ ಔಸ. ಪ್ರಭುನಿ ಚಿತ್ತ ರ‍್ಹೈಮ, ಮಿ ಐನ ಜಂಬಾ ಕೊಚ್ಚಿ ಲಿವಾನಾ ವಾತ ನ್ಹವ್ಹೈ, ತ್ಯುನೆ ಸು ಕರಸಕ್ತಾ ಕವಾನು ತಿಳ್ದಿಲ್ಯುಸ.
1CO 4:20 ಕಾಕದ್ಯಾಮ ಕ್ಹುದಾನಿ ರಾಜ್ಯ ಕ್ಹಾಲಿ ವಾತ ನ್ಹವ್ಹೈ ತೆ ತಾಕತ ಥಯುಸ.
1CO 4:21 ತುಮೆ ಕಯು ಪಸಂದ ಕರೊಶಿ? ಮಿ ಲಾಕಡಿ ಲಿನ ಔ ಸು? ತೆನೈಸೊ ಮಯಾ ವರಿ ಶಾಂತಕ್ಹು ಔ ಸು?
1CO 5:1 ತುಮಾರಾ ವಚ್ಮಾ ಲೈಂಗಿಕ ಪಾಪ ಛೆ ಕೈನ ಮನಕ್ಹೊ ಕ್ಹರಿಮಾಜ಼ ಕವಾಡಾಸ. ಕ್ಹುದಾನೆ ನೈ ತಿಳ್ದಿಲಿದಲ ಮನಕ್ಹೊನಾ ವಚ್ಮಾಬಿ ನೈ ರ‍್ಹಯಲ ಕೆಟ್ಟ ತರಾನಿ ಲೈಂಗಿಕ ಪಾಪ ತೆ ಥಯುಸ. ತುಮೊಮಾ ಯಕ್ಲೊ ತಿನಾ ಬಾನಿ ಬೈಕೊನೆ (ಕದ್ಯಾಮ ಮಲ್ಮಾ ನೆ) ಮ್ಹೆಲ್ಲಿದ್ಯೊಸ ಕೈನ ಮನಕ್ಹೊ ಕವಾಡಾಸ.
1CO 5:2 ತೆನೈಸೊ ತುಮೆ ತುಮಾರಾ ವಿಷಯಮಾ ಹಜು಼ನಬಿ ಹೆಮ್ಮೆ ಪಡ್ದಿಲಿವಾಡಾಸ. ತುಮೆ ದುಖಕ್ಹು ರ‍್ಹವಾನು ವ್ಹತ್ತು. ತೆ ಪಾಪ ಕರಲ ಮನಕ್ಹನೆ ತುಮಾರಾ ಅನ್ಯುನ್ನತೆಮಾತಾ ಭಾರಾ ಘಾಲಾನು ವ್ಹತ್ತು.
1CO 5:3 ಮಾರು ಅಂಗ ತುಮಾರಾ ಕ್ಹಾತೆ ನೈ ರ‍್ಹಯು ತುಬಿ ಮಿ ಆತ್ಮಾಮಾ ತುಮಾರಾ ಕ್ಹಾತೆ ಛೆ. ತೆ ಪಾಪ ಕರಲ ಮನಕ್ಹನೆ ಮಿ ತೆಳಾಮಾಜ಼ ಪೈಸ್ಲೊ ಕರಿ ಪಾಡ್ಯೊಸ. ಮಿ ತ್ಯಾ ರ‍್ಹವತ್ತೊ ಕಯೊ ಪೈಸ್ಲೊ ಕರ್ತೊತೊ ತೆಜ಼ ಪೈಸ್ಲೊ ದಿದ್ಯೊಸ.
1CO 5:4 ಅಪ್ನೊ ಪ್ರಭು ಥಯಲ ಯೆಸುನಾ ನಾಮಪರ ಕ್ಹಾರಾ ಮಳಿನ ಆವೊ. ಮಿ ಆತ್ಮಾಮಾ ತುಮಾರಾ ಕ್ಹಾತೆ ರ‍್ಹೌಸ. ಅಪ್ನೊ ಪ್ರಭು ಥಯಲ ಯೆಸುನಿ ತಾಕತ ತುಮಾರಾ ಕ್ಹಾತೆ ರ‍್ಹವಸ.
1CO 5:5 ತೆ ಮನಕ್ಹನು ಪಾಪ ಸ್ವಭಾವ ಹಾಳ ಥಾವಾನಾ ಹುತಿ ತಿನೆ ಸೈತಾನ ಕನ ವಪ್ಸಿನ ದಿವೊ. ತೆಳಾಮಾ ಪ್ರಭುನಾ ಫೈಸಲಾನಾ ದಿನ್ನಮಾ ತಿನಿ ಜ಼ಲಮನಿ ಆತ್ಮಾ ರಕ್ಷಣೆ ಥಾವಾನೆ ಸಾಧ್ಯ ಥಾವಸ.
1CO 5:6 ತುಮೆ ಅಹಂಕಾರ ಥಾವಾನು ಚೊ಼ಕು ನ್ಹವೈ ದಕ್ಹೊ ಖಾವಾನೊ ಸೊಡೊ ಪುರಾ ಲೊಟನೆ ಪುಗ್ಗಾಡಸ ಕವಾನಿ ವಾತ ತುಮೊನೆ ಗ್ವತ್ತ ಛೆ.
1CO 5:7 ಜು಼ನ್ನು ಸೊಡಾನೆ ಕದ್ಯಾಮ ಪಾಪ ತುಮೊಮಾತು ಕಾಡಿ ಪಾಡೊ. ತೆಳಾಮಾ ತುಮೆ ನವಾ ಥಾವೊಶಿ. ತುಮೆ ಕ್ಹರಿಮಾಜ಼ ನೈ ಫುಗ್ಗಲ ಪಸ್ಕನೊ ರೊಕ್ಲೊ ಥಯಾಸ. ಹೊ, ಅಪ್ನಾ ಪಸ್ಕನೊ ಬಕ್ರಾನು ಬಚ಼್ಚು ಥಯಲ ಕ್ರಿಸ್ತ ಕೆಳಾಮಾಜ಼ ಬಲಿ ಥಯೊಸ.
1CO 5:8 ಆವೊ ಅಪೆ ಅಪ್ನೊ ಪಸ್ಕ ಸನ್ನ ಕರಿಯೆ. ತೆನೈಸೊ, ಪಾಪ ಕವಾನು ಜು಼ನ್ನಾ ಸೊಡಾನೆ ಕಾಡಿನ, ತೆನೈಸೊ ಸೊಡೊ ನೈ ರ‍್ಹಯಲ ರೊಕ್ಲಾನಾ ಕ್ಹಾತೆ, ಪರಿಶುದ್ಧ ವರಿ ಕ್ಹರಿನಾ ರೊಕ್ಲಾನಾ ಕ್ಹಾತೆ ಅಪೆ ಸನ್ನ ಕರಿಯೆ.
1CO 5:9 ಅಂಗನು ಪಾಪ ಕರಾಲಾ ಮನಕ್ಹೊನು ಸವಾಸ ತುಮೆ ಕರು ನೈ, ಕೈನ ಮಿ ಬರ್ದ್ಯೊಸ.
1CO 5:10 ಕದ್ಯಾಮ, ಎ ದುನಿಯಾಮಾ ಕೆಟ್ಟ ಮನಕ್ಹೊ, ಸ್ವಾರಥಿ ಮನಕ್ಹೊ, ಬಿಜಾ಼ವೊನು ಆಸ ಕರಾಲಾ, ಮುರತಿಯೊನೆ ಪುಜಾ ಕರಾಲಾ, ಮನಕ್ಹೊನು ಸವಾಸ ಛೊಡು ಕೈನ ಕಾವಾನು ಮಾರು ವಾತನು ಮತ್ಲಬ ನ್ಹವ್ಹೈ. ತಿಮ್ಮ ಕರ‍್ಯಾಮ ತುಮೆ ಎ ದುನಿಯಾನೆಜ಼ ಛೊಡಿನ ಜೌ಼ ಲಾಗಸ.
1CO 5:11 ತೆನೈಸೊ ಕುನ್ ಕ್ರಿಸ್ತಮಾನೊ ಭೈ ವ್ಹೈ ಕೈನ ಕವೈಲಿನ, ಅಂಗನು ಪಾಪ ಕರಾಲಾ ಮನಕ್ಹೊ, ಸ್ವಾರಥಿಯೊ, ಮೊಸ ಕರಾಲಾ, ಮುರತಿಯೊನೆ ಪುಜಾ ಕರಾಲಾ, ಬಿಜಾ಼ ಮನಕ್ಹೊನಾ ಹುತಿ ಕೆಟ್ಟ ಬೊಲಾಲಾ, ಪಿದೊಡಾ, ರ‍್ಹಯಲ ಇವ್ನಿ ಸವಾಸ ತುಮೆ ಕರು ನೈ ವರಿ ತಿನಾ ಕ್ಹಾತೆ ಬೈಟಿನ ಕ್ಹೌಬಿ ನೈ. ಎಜ಼ ಮಾರಾ ಪತ್ರನು ಉದ್ದೆಶ ವ್ಹೈ.
1CO 5:12 ಸಭೆ ನೈ ಮಳಲ ಮನಕ್ಹೊನೆ ಪೈಸ್ಲೊ ಕರಾನು ಮಾರು ಕಾಮ ನ್ಹವೈ. ತ್ಯುನೊನೆ ಕ್ಹುದಾಜ಼ ಪೈಸ್ಲೊ ಕರಸ. ತೆನೈಸೊ ಸಭೆನೆ ಸಂಬಂಧ ರ‍್ಹಯಲ ಮನಕ್ಹೊನೆ ಫೈಸ್ಲೊ ಕರಾಲಾ ತುಮೆ ನ್ಹವೈ ಸು?
1CO 5:13 ಕೆಟ್ಟ ಮನಕ್ಹನೆ ಸಭೆತಾ ಭಾರಾ ಘಾಲೊ ಕೈನ ಪವಿತ್ರ ಗ್ರಂಥ ಕವಸ.
1CO 6:1 ತುಮೊಮಾ ಕಿನೆ ತುಬಿ ಯಕ್ಲಾನಾ ಉಪ್ಪರ ವಿರೊದ ರ‍್ಹಯಾರೆ, ತುಮೆ ನ್ಯಾಯಾಲಯನೆ ಜಾ಼ವಾನು ಕಾ? ತ್ಯುನೆ ನಿತಿವಂತವಾಲಾ ನ್ಹವೈ. ಇಮ್ಮ ರ‍್ಹತಾಮಾ ತುಮೊನೆ ನ್ಯಾಯ ಪೈಸ್ಲೊ ಕರಾನೆ ತ್ಯುನೊನೆ ತುಮೆ ಮೌಕೊ ಕರಿನ ದಿವಾನು ಕಾ? ತುಮೊನೆ ಸರಮ ಔ. ತುಮೊನೆ ಪೈಸ್ಲೊ ದಿವಾನೆ ತುಮೆ ಕ್ಹುದಾನಾ ಮನಕ್ಹೊನೆ ಕಾ ಮೌಕೊ ದ್ಯು ನೈ?
1CO 6:2 ಕ್ಹುದಾನಾ ಮನಕ್ಹೊ ದುನಿಯಾನೆ ಪೈಸ್ಲೊ ಕರಸ ಕವಾನು ತುಮೊನೆ ಗ್ವತ್ತ ನೈ ಥಾತು ಸು? ಕ್ಹುದಾನಾ ಮನಕ್ಹೊ ದುನಿಯಾನೆ ಪೈಸ್ಲೊ ಕರಾಲಾ ರ‍್ಹಯಮ, ಹೆವಾ ನ್ಹಾನಾ ಸಂಗತಿಯೊನಾ ಹುತಿಬಿ ಪೈಸ್ಲೊ ಕರಸ ಕವಾನು ಕ್ಹರಿಜ಼ ವ್ಹೈ.
1CO 6:3 ಅಗಲ್ಯಾ ಕಾಲಮಾ ಅಪೆ ದೆವದುತೊನೆ ಪೈಸ್ಲೊ ಕರಿಯೆಸ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿನಾಹುತಿ ಎ ಜಿವಿತನಾ ಸಂಗತಿಯೊನಾ ಹುತಿ ಅಪೆ ಪೈಸ್ಲೊ ಕರಸಕೆಸ.
1CO 6:4 ಇಮ್ಮ ರ‍್ಹತಾಮಾ ತುಮೊಮಾ ಭಿನ್ನಾಭಿಪ್ರಾಯ ರ‍್ಹೈನ ತಿನೆ ನ್ಯಾಯನೊ ಪೈಸ್ಲಾನೊ ಜ಼ರುರತ ರ‍್ಹತಾಮಾ, ಸಭೆನೆ ಸಂಬಂಧ ನೈ ರ‍್ಹಯಲ ಮನಕ್ಹೊ ಕನ ತುಮೆ ಎ ಸಂಗತಿಯೊನೆ ಲಿನ ಜಾ಼ವಾನು ಕಾ? ತೆ ಮನಕ್ಹೊನೆ ಸಭೆಮಾ ಕೈಜ಼ ಔಕಾತ ನತ್ತಿ.
1CO 6:5 ತುಮೊಮಾ ಸರಮ ಆವಾದೆ ಕೈನ ಇಮ ಕವಾಡ್ಯೊಸ. ತಿನಾ ಭಾಯೊನಾ ವಚ್ಮಾ಼ ಫೈಸ್ಲೊ ಕರಾ ಯಕ್ಲೊ ಶಾಣ್ಯೊ ತುಮೊಮಾ ಯಕ್ಲೊಬಿ ನತ್ತಿ ಸು?
1CO 6:6 ಭೈ ಭೈನಾ ವಿರುದ್ದ ನ್ಯಾಯಾಲಯನೆ ಜಾ಼ವಾನು, ತೆಬಿ ನೈ ಬರೊಕ್ಹೊ ಕರಾಲಾವೊನಾ ಕ್ಹಾಮಾ ಜಾ಼ವಾನು ಚೊ಼ಕು ವ್ಹೈ ಸು?
1CO 6:7 ತುಮೊ ತುಮೊಮಾ ರ‍್ಹವಾನು ಗಲಿಬಿಲಿಜ಼ ತುಮೆ ಹಾರಾನೆ ಕಾರಣ ವ್ಹೈ. ತಿನಾತಿ ಅನ್ಯಾಯನೆ ತಡ್ದಿಲಿವಾನು ಚೊ಼ಕು ನ್ಹವೈ ಸು? ಮೊಸನೆ ಗುರಿ ಥಯಾತುಬಿ ಸಾಮಾಧಾನಕ್ಹು ರ‍್ಹವಾನು ಚೊ಼ಕು ನ್ಹವೈ ಸು?
1CO 6:8 ತಿನಾ ಬದಲ ತುಮೆಜ಼ ಅನ್ಯಾಯ ಕರೊಶಿ; ತುಮೆಜ಼ ಮೊಸ ಕರೊಶಿ; ತೆಬಿ ಭಾಯೊನೆ ತಿಮ್ಮ ಕರೊಶಿ.
1CO 6:9 ಅಧರಮಿಯೊ ಕ್ಹುದಾನಿ ರಾಜ್ಯನೆ ಯೊಗ್ಯ ನತ್ತಿ ಕೈನ ತುಮೊನೆ ಗ್ವತ್ತ ಛೆ. ತುಮೊನೆ ತುಮೆಜ಼ ತ್ರಾಸಮಾ ಘಾಲಿವೊ ನಕೊ. ಕೆಟ್ಟ ಮನಕ್ಹೊ, ಮುರತಿಯೊನೆ ಪುಜಾ ಕರಾಲಾ, ವ್ಯಭಿಚಾರಿಯೊ, ಸಲಿಂಗ ಕಾಮಿಯೊ,
1CO 6:10 ಚ್ವಟ್ಟಾ, ಲೊಭಿಯೊ, ಪಿದೊಡಾ, ಬಿಜಾ಼ವೊನು ಬೊಲಾಲಾ, ಮೊಸ ಕರಾಲಾ- ಇವ್ನೆ ಕುನ್ನಜ಼ ಕ್ಹುದಾನಿ ರಾಜ್ಯನೆ ಯೊಗ್ಯ ನ್ಹವೈ.
1CO 6:11 ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.
1CO 6:12 ಸುಬಿ ಕರಾನೆ ಮನೆ ಸ್ವತಂತ್ರ ಛೆ. ತೆನೈಸೊ ಕ್ಹಾರುಜ಼ ಮನೆ ಉಪಯೊಗ ನತ್ತಿ. ಹರಯಕ್ಕ ಕರಾನೆ ಮನೆ ಸ್ವತಂತ್ರ ಛೆ. ತೆನೈಸೊ ಮಿ ಕಿನೆಜ಼ ಗುಲಾಮ ನ್ಹವ್ಹೈ.
1CO 6:13 ಅನ್ನ ಪೆಟನಾ ಹುತಿ ವ್ಹೈ, ಪೆಟ ಅನ್ನನಾ ಹುತಿ ವ್ಹೈ" ಕವಾನು ಛೆ. ಕ್ಹುದಾ ಭಂಬಿಬಿ ಹಾಳ ಕರಸ. ತೆನೈಸೊ ಅಂಗ ರ‍್ಹವಾನು ಲೈಂಗಿಕ ಕಾಮೊ ಕರಾನಾಹುತಿ ನ್ಹವೈ; ಪ್ರಭುನಿ ಸೆವಾನಾ ಹುತಿ ವ್ಹೈ. ಪ್ರಭುಜ಼ ಅಂಗನೆ ಚ಼ಲಾಡಾಲೊ ವ್ಹೈ.
1CO 6:14 ಪ್ರಭುನೆ ಪುನರುತ್ಥಾನ ಕರಲ ಕ್ಹುದಾ ಅಪೊನೆ ತಿನಿ ಮ್ಹೊಟಿ ತಾಕತಕ್ಹು ಉಟಾಡಸ.
1CO 6:15 ತುಮಾರಾ ಅಂಗೊ ಕ್ರಿಸ್ತ ಯೆಸುನಾ ಅಂಗನಾ ಭಾಗೊ ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿಮ್ಮ ರ‍್ಹಯಮ ಮಿ ಕ್ರಿಸ್ತ ಯೆಸುನಾ ಅಂಗನಾ ಭಾಗೊ ಕಾಡಿನ ವ್ಯಭಿಚಾರ ಕರಾನಾ ಅಂಗನಾ ಭಾಗೊ ಕರ ಸಕುಸ ಸು? ಕೆಳಾಮಾಜ಼ ನೈ.
1CO 6:16 ಬೆ ಜ಼ನಾ ಯಕ್ಕಜ಼ ಅಂಗ ಥಾವಸ ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. ತಿನಾಹುತಿ ಸುಳಿನಾ ಕ್ಹಾತೆ ಲೈಂಗಿಕ ಸಂಬಂಧ ರ‍್ಹಯಲವಾಲೊ ತಿನಾ ಕ್ಹಾತೆ ಯಕ್ಕಜ಼ ಅಂಗ ಥಾವಸ, ಕೈನ ತುಮೊನೆ ಗ್ವತ್ತ ನತ್ತಿ ಸು?
1CO 6:17 ತೆನೈಸೊ ಪ್ರಭುನಾ ಕ್ಹಾತೆ ಸಂಬಂಧ ರ‍್ಹಯಲವಾಲೊ ಆತ್ಮಾಮಾ ಪ್ರಭುನಾ ಕ್ಹಾತೆ ಯಕ್ಕ ಥೈನ ರ‍್ಹವಸ.
1CO 6:18 ತಿನಾಹುತಿ ಲೈಂಗಿಕ ಪಾಪಕ್ಹು ನ್ಹಾಟಿನ ಜಾ಼ವೊ. ಯಕ್ಲೊ ಕರಾನಾ ಬಿಜಾ಼ ಪಾಪೊ ತಿನಾ ಅಂಗನೆ ದೆಕಾಡಿನ ದಿವಾನಾ ವ್ಹೈ. ತೆನೈಸೊ ಲೈಂಗಿಕ ಪಾಪ ಕರಾಲೊ ಮನಕ್ಹ ತಿನಾ ಸ್ವಂತ ಅಂಗನೆಜ಼ ವಿರುದ್ಧ ಥೈನ ಪಾಪ ಕರಸ.
1CO 6:19 ಕ್ಹುದಾ ತುಮೊನೆ ದಿದಲ ಪವಿತ್ರ ಆತ್ಮಾನೆ ತುಮಾರು ಅಂಗ ಗರ್ಭಗುಡಿ ಥಯುಸ; ತೆ ಪವಿತ್ರ ಆತ್ಮಾ ತುಮಾರಾಮಾ ರ‍್ಹವಾಡೊಸ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತುಮೆ ತುಮಾರಾ ಕ್ಹುದ್ದನಾ ನ್ಹವೈ. ತೆನೈಸೊ ಕ್ಹುದಾನಾ ವ್ಹೈ.
1CO 6:20 ಕಾಕದ್ಯಾಮ, ತುಮೊನೆ ಕಿಮ್ಮತ ದಿನ್ನ ಲಿದಲವಾಲಾ ವ್ಹೈ. ತಿನಾಹುತಿ ತುಮಾರಾ ಅಂಗೊನೆ ಕ್ಹುದಾನಿ ಮಹಿಮಾ ಕರಾ ವರಕ್ಹು ಕರೊ.
1CO 7:1 ತುಮೆ ಬರ್ದಿನ ಐಕಲ ವಿಷಯನಾ ಹುತಿ ಮಿ ಕವಾನು ಸು ವ್ಹೈ ಕದ್ಯಾಮ; ಯಕ್ಕ ಮನಕ್ಹ ಬಾಕ್ಡಿನಾ ಕ್ಹಾತೆ ಲೈಂಗಿಕ ಸಂಪರ್ಕ ನೈ ಮ್ಹೆಲ್ಲಿವಾನು ಚೊ಼ಕು ವ್ಹೈ.
1CO 7:2 ತೆನೈಸೊ ಲೈಂಗಿಕ ಪಾಪ ಘನ್ನು ಕೆಟ್ಟ ವ್ಹೈ. ತಿನಾಹುತಿ ಹರ ಯಕ್ಲಾ ದಾಣಗಾನೆ ತಿನಿ ಸ್ವಂತ ಬೈಕೊ ರ‍್ಹಯಾಮ ವರಿ ಹರಯಕ್ಕ ಬಾಕ್ಡಿನೆ ತಿನೊ ಸ್ವಂತ ಮಾಟಿ ರ‍್ಹಯಾಮ ಚೊ಼ಕು ವ್ಹೈ.
1CO 7:3 ಮಾಟಿ ತಿನಿ ಬೈಕೊನೆ ಮಾಟಿ ಬೈಕೊನಾ ಬಾಳ್ಯೊನೆ ಚಾ಼ಯೆ ಥಯಲ ಕ್ಹಾರುಜ಼ ದಿವಾದೆ. ವರಿ ಬೈಕೊ ಮಾಟಿನೆ ಮಾಟಿ ಬೈಕೊನಾ ಬಾಳ್ಯೊನೆ ಚಾ಼ಯೆ ಥಯಲ ಕ್ಹಾರು ಕರಾದೆ.
1CO 7:4 ಬೈಕೊನೆ ತಿನಾ ಅಂಗ ಪರ ಅದಿಕಾರ ನತ್ತಿ. ತೆನೈಸೊ ಮಾಟಿನೆ ತೆ ಅಂಗಪರ ಅದಿಕಾರ ಛೆ. ತಿನಾ ನಿಂಗತಜ ಮಾಟಿನೆ ತಿನಾ ಅಂಗ ಪರ ಅದಿಕಾರ ನತ್ತಿ. ತೆನೈಸೊ ಬೈಕೊನೆ ತೆ ಅಂಗಪರ ಅದಿಕಾರ ಛೆ.
1CO 7:5 ತಿನಾಹುತಿ ಮಾಟಿ ಬೈಕೊ ಯಕ್ಕನೆ ಯಕ್ಕ ದಾಂಪತ್ಯನಾ ಕಾಮೊ ಕರಾನೆ ಇನ್ಕಾರು ನೈ. ಧ್ಯಾನ, ಪ್ರಾಥನಾ ಕರಾಮಾ, ದಕ್ಹಿಯೆಳ ಯಕ್ಕನೆ ಯಕ್ಲಾ ದುರ ರ‍್ಹೆ ಸಕಸ, ತೆನೈಸೊ ತಿನೆ ಯಕ್ಕನೆ ಯಕ್ಕ ವಪ್ಪಗಿ ರ‍್ಹೌ. ತೆ ಥಯಲ ಪರ ಯಕ್ಕ ಥೌ. ನೈ ಥಯಾರೆ, ತುಮೊಮಾ ಹೊಂದಾಣಕಿ ನೈ ರ‍್ಹಯಲ ದೆಕಿನ ಸೈತಾನ ಶೊದನೆಮಾ ಪಾಡಸಕಸ.
1CO 7:6 ಮಿ ಕದಲ ಎ ಆಗನ್ಯಾ ನ್ಹವೈ, ಇಜಾಜ಼ತ ವ್ಹೈ.
1CO 7:7 ಕ್ಹಾರಾಬಿ ಮಿ ರ‍್ಹಯಲ ಲಿಂಗತ ರ‍್ಹೌ ಕೈನ ಮಾರು ಆಸ ವ್ಹೈ. ತೆನೈಸೊ ಕ್ಹುದಾ ಹರ ಯಕ್ಲಾನೆ ಖಾಸ ವರಾ ದಿದ್ಯೊಸ. ಯಕ್ಲಾನೆ ಯಕ್ಕ ವರಾ ರ‍್ಹಯಾಮ, ಬಿಜೆ಼ಕ್ಲಾನೆ ಬಿಜೆ಼ಕ ವರಾ ಛೆ.
1CO 7:8 ನೈ ಹಿವಾ ಥಯಲವಾಲಾವೊನೆ ವರಿ ರಾಂಡಿಯೊನೆ ಮಾರಿ ಗ್ಯಾನನಿ ವಾತ ಕೈ ವ್ಹೈ ಕದ್ಯಾಮ; ಮಿ ಯಕ್ಲೊಜ ರ‍್ಹಯಲ ನಿಂಗತ ತ್ಯುನೆ ರ‍್ಹವಾನು ತ್ಯುನೊನೆ ಚೊ಼ಕು ವ್ಹೈ.
1CO 7:9 ತ್ಯುನೊನೆ ಸಬರ ನೈ ರ‍್ಹಯುರೆ ಹಿವಾ ಕರಿಲಿವಾದೆ. ಅಂಗನಿ ಆಸನಿ ಆಗಕ್ಹು ಬಳಿನ ಮರಾತಿ ಹಿವಾ ಕರಿಲಿವಾನು ಚೊ಼ಕು ವ್ಹೈ.
1CO 7:10 ಹಿವಾ ಥಯಲವಾಲಾವೊನೆ ಮಾರಿ ಯಕ್ಕ ಆಗನ್ಯಾ; ಕ್ಹರಿಬಿ ತೆ ಮಾರಿ ನ್ಹವೈ, ಪ್ರಭುನಿ ಆಗನ್ಯಾ ವ್ಹೈ. ಬೈಕೊ ತಿನಾ ಮಾಟಿನೆ ಛೊಡಿಪಡು ನೈ.
1CO 7:11 ಯಕ್ಕೆಳೆ ಛೊಡಿನ ಗೈಮ ವರಿ ಹಿವಾ ಕರಿಲಿವ ನೈ. ನೈತೊ, ತಿನಾ ಮಾಟಿನಾ ಕ್ಹಾತೆ ಯಕ್ಕ ಥಾವಾದೆ. ತಿನಾ ನಿಂಗತಜ಼ ಮಾಟಿ ತಿನಿ ಬೈಕೊನೆ ಛೊಡಿಪಡು ನೈ.
1CO 7:12 ಉಗ್ರಲ ಕ್ಹಾರಾವೊನೆ ಮಿ ಕವಾನು ಸು ವ್ಹೈ ಕದ್ಯಾಮ; ಎ ಸಂಗತಿಯೊ ಕವಾಲೊ ಮಿಜ಼ ವ್ಹೈ, ಪ್ರಭು ನ್ಹವೈ; ಕ್ರಿಸ್ತಮಾ ಯಕ್ಕ ಭೈನೆ ಕ್ರಿಸ್ತವಿಶ್ವಾಸಿ ನೈ ರ‍್ಹಯಲ ಬೈಕೊ ರ‍್ಹೈಮ, ತೆ ತಿನಾ ಕ್ಹಾತೆ ಜಿವ್ನಾ ಕರಾನೆ ಒಪ್ಪಿಮ, ತೆ ಬೈಕೊನೆ ತಲಾಕ ದಿವ್ ನೈ.
1CO 7:13 ತಿನಾ ನಿಂಗತ ಯಕ್ಲಿ ಬಾಕ್ಡಿನೆ ಕ್ರಿಸ್ತಮಾ ಬರೊಕ್ಹೊ ನೈ ಮ್ಹೆಲೆಲ ಮಾಟಿ ರ‍್ಹಯಮ ತೆ ತಿನಾ ಕ್ಹಾತೆ ಬಾಳ್ಯೊ ಕರಾನೆ ಒಪ್ಪಿಲಿದ್ಯಾಮ, ತೆ ತಿನೆ ತಲಾಕ ದಿವ್ ನೈ.
1CO 7:14 ಕಾಕದ್ಯಾಮ ಕ್ರಿಸ್ತಮಾ ಬರೊಕ್ಹೊ ನೈ ಮ್ಹೆಲಲ ಮಾಟಿ ತಿನಾ ಬೈಕೊಕ್ಹು ಕ್ಹುದಾನಾ ಮನಕ್ಹೊಮಾ ಸಂಬಂದ ಪಡಲವಾಲೊ ಥಯೊ. ತಿನಾನಿಂಗತಜ಼ ಕ್ರಿಸ್ತಮಾ ಬರೊಕ್ಹೊ ನೈ ಮ್ಹೆಲಲ ಬೈಕೊ ತಿನಾ ಮಾಟಿಕ್ಹು ಕ್ಹುದಾನಾ ಮನಕ್ಹೊಮಾ ಸಂಬಂದ ಪಡಲವಾಲಿ ಥೈ. ತಿಮ್ಮ ನೈ ರ‍್ಹಯಾಮ ತಿನಾ ಬಚ್ಚಾ ಅಪವಿತ್ರ ಥಾತಾತಾ. ಹಮ್ನಾ ತುಬಿ ತ್ಯುನೆ ಕ್ಹುದಾನಾ ಮನಕ್ಹೊಮಾ ಮಳಲವಾಲಾ ಥಯಾಸ.
1CO 7:15 ಯಕ್ಕೆಳೆ, ಕ್ರಿಸ್ತ ವಿಶ್ವಾಸಿ ನೈ ರ‍್ಹಯಲ ಬೈಕೊ ರ‍್ಹವಾದೆ, ಮಾಟಿ ರ‍್ಹವಾದೆ ಜು಼ದಾ ಥೌಸ ಕದ್ಯಾಮ ತ್ಯುನೆ ಥಾವಾದೆ. ಹೆವಾ ಟೈಮಮಾ ಕ್ರಿಸ್ತಮಾ ರ‍್ಹಯಲ ಭೈ ರ‍್ಹವಾದೆ, ಭೆನ ರ‍್ಹವಾದೆ ಹಿವಾನಾ ಬಂಧನಮಾ ನತ್ತಿ. ಕಾ ಕದ್ಯಾಮ, ಕ್ಹುದಾ ತುಮೊನೆ ಶಾಂತಿ ಸಮಾಧಾನಕ್ಹು ರ‍್ಹವಾನೆ ಬಲಾಯೊಸ.
1CO 7:16 ತೆನೈಸೊ ಬಾಕ್ಡಿಜ಼ ಕ್ರಿಸ್ತ ವಿಶ್ವಾಸಿ ನೈ ರ‍್ಹಯಲ ತಾರಾ ಮಾಟಿನೆ ಉದ್ದಾರ ಕರುಸ ಕೈನ ಕಿಮ್ಮ ಕಶಿ? ಮಾಟಿ, ಕ್ರಿಸ್ತ ವಿಶ್ವಾಸಿ ನೈ ರ‍್ಹಯಲ ತಾರಿ ಬೈಕೊನೆ ಉದ್ದಾರ ಕರುಸ ಕೈನ ಕಿಮ್ಮ ಕಶಿ?
1CO 7:17 ಕ್ಹುದಾ ಬಲಾಯಲನೆ ವರಿ ಪ್ರಭು ದಿದಲ ವರದಾನೊನೆ ಸರಿಸಮಾನ ಹರ ಯಕ್ಲೊ ಜಿವ್ನಾ ಕರಾದೆ. ಕ್ಹಾರಾ ಸಭೆನೆ ಮಿ ಎಜ಼ ಕೌಸ.
1CO 7:18 ಸುನ್ನತಿ ಕರೈಲಿದಲವಾಲಾನೆ ಕ್ಹುದಾನೊ ಬುಲಾವೊ ಆಯಲ ರ‍್ಹಯಮ ತೆ ಸುನ್ನತಿ ಕರೈ ಲಿದಲನೆ ಚಿಂತಾ ಕರಾನಿ ಜ಼ರುರತ ನತ್ತಿ. ಸುನ್ನತಿ ನೈ ಕರೈ ಲಿದಲವಾಲಾನೆ ಕ್ಹುದಾನೊ ಬುಲಾವೊ ಆಯಲ ರ‍್ಹಯಮ ತೆ ಸುನ್ನತಿ ಕರಾವಾನಿ ಜ಼ರುರತ ನತ್ತಿ.
1CO 7:19 ಸುನ್ನತಿ ಕರೈ ಲಿವಾನು ವರಿ ನೈ ಕರೈ ಲಿವಾನು ಖಾಸ ನತ್ತಿ. ಕ್ಹುದಾನಾ ಆಗ್ಯ್ನಾನೆ ವಿಧೆಯ ಥೈನ ರ‍್ಹವಾನು ಖಾಸ ವ್ಹೈ.
1CO 7:20 ಕ್ಹುದಾ ಬಲಾಯಲ ಟೈಮಮಾ ಯಕ್ಲೊ ಕಯಾ ಸ್ಥಿತಿಮಾ ವ್ಹತ್ತೊ ತೆಜ಼ ಸ್ಥಿತಿಮಾ ಅಗೊ ಬಡಾದೆ.
1CO 7:21 ಕ್ಹುದಾ ಬಲಾತಾಮಾ ತು ಗುಲಾಮ ಗಿರಿಮಾ ವ್ಹತ್ತೊ ಸು? ಚಿಂತಾ ನಕೊ ಕರು. ತೆನೈಸೊ ಆಜಾ಼ದ ಥಾವಾನೆ ಮೌಕೊ ಮಳಲ ಟೈಮಮಾ ತು ಆಜಾದ ಥಾ.
1CO 7:22 ಪ್ರಭು ಬಲಾಯಲವಾಲೊ ಗುಲಾಮ ರ‍್ಹಯೊ ತುಬಿ ಪ್ರಭುಮಾ ತೆ ಆಜಾ಼ದ ವ್ಹೈ. ತಿನಾಹುತಿ ಆಜಾ಼ದ ಥಯಲವಾಲಾನೆ ಕ್ರಿಸ್ತ ಯೆಸು ಬಲಾಯಲ ರ‍್ಹಯಮ ತೆ ಕ್ರಿಸ್ತ ಯೆಸುನೊ ಗುಲಾಮ ಥಾವಸ.
1CO 7:23 ತುಮೊನೆ ಕಿಮ್ಮತ ದಿನ್ನ ಲಿದಲ ವ್ಹೈ. ತಿನಾಹುತಿ ಮನಕ್ಹೊನೆ ಗುಲಾಮೊ ಥಾವೊ ನಕೊ.
1CO 7:24 ಮಯಾನಾ ಭಾಯೊ ಭೆನೊ, ಕ್ಹುದಾ ಬಲಾತಾಮಾ ಕಯಾ ಸ್ಥಿತಿಮಾ ವ್ಹತ್ತೊ ತೆಜ಼ ಸ್ಥಿತಿಮಾ ಕ್ಹುದಾನಾ ಕ್ಹಾತೆ ನವಾ ಜಿವನಮಾ ಅಗೊ ಬಡಾದೆ.
1CO 7:25 ಹಿವಾ ನೈ ಕರಿಲಿದಲ ಮನಕ್ಹೊನಾ ಹುತಿ ಹಮ್ನಾ ಮಿ ಬರ್ದಾಡೊಸ. ಇನಾಹುತಿ ಪ್ರಭುಕ್ಹು ಆಯಲ ಕಯುಜ಼ ನಿಯಮ ಮಕನ ನತ್ತಿ. ಪ್ರಭುನಿ ಕೃಪಾಕ್ಹು ಬರೊಕ್ಹಾನೆ ಯೊಗ್ಯ ಥಯಲ ಮನಕ್ಹ ನಿಂಗತ ಮಾರಾ ವಿಚಾರೊ ತುಮಾರಾ ಕ್ಹಾಮೊ ಮ್ಹೆಲುಸ.
1CO 7:26 ಆಜ಼ನಿ ಎ ಪರಿಸ್ಥಿತಿಮಾ ಯಕ್ಲೊ ತೆ ರ‍್ಹಯಲ ಸ್ಥಿತಿಮಾಜ಼ ರ‍್ಹವಾನು ಚೊ಼ಕು ವ್ಹೈ ಕೈನ ವಿಚಾರ ಕರುಸ.
1CO 7:27 ತುನೆ ಬೈಕೊ ಛೆ ಸು? ಹಿವಾ ತೊಡಾನೆ ಕೊಶಿಶ ಕರು ನಕೊ. ತು ಹಿವಾ ನತ್ತಿ ಕರಿಲಿದ್ಯೊ ಸು? ಹಿವಾ ಕರಿಲಿವಾನೆ ಗಡಬಡ ಕರು ನಕೊ.
1CO 7:28 ತಿಮ್ಮ ಸುತಬಿ ತು ಹಿವಾ ಕರಿಲಿದ್ಯೊಮ ತೆ ಪಾಪ ನ್ಹವೈ. ತಿನಾ ಲಿಂಗತಜ಼, ಹಿವಾ ನೈ ಕರಿಲಿದಲ ಯಕ್ಕ ಬಾಕ್ಡಿ ಹಿವಾ ಕರಿಲಿದಿಮ ತೆ ಪಾಪ ನ್ಹವೈ. ತೆನೈಸೊ ಹಿವಾ ಕರಿಲಿದಲ ವಾಲಾವೊನೆ ತ್ರಾಸೊ ಘನ್ನಾ ವ್ಹೈ. ತೆ ಕ್ಹಾರು ತುಮೊನೆ ತ್ರಾಸ ಕರು ನೈ ಕವಾನುಜ಼ ಮಾರು ಆಸ ವ್ಹೈ.
1CO 7:29 ಮಯಾನಾ ಭಾಯೊ ಭೆನೊ, ಮಾರಿ ವಿಚಾರ ಆ ವ್ಹೈ; ಉಗ್ರಲ ಟೈಮ ದಕ್ಹೊಜ಼ ಛೆ. ತಿನಾಹುತಿ ಹಿವಾ ಕರಿಲಿದಲವಾಲಾ ಹಿವಾ ನೈ ಕರಿಲಿದಲವಾಲಾ ಲಿಂಗತ ರ‍್ಹವೊ.
1CO 7:30 ದುಖ ರ‍್ಹಯಲವಾಲಾ ನೈ ದುಖ ರ‍್ಹಯಲವಾಲಾ ಲಿಂಗತ, ಖುಶಿಕ್ಹು ರ‍್ಹಯಲವಾಲಾ ಖುಶಿಕ್ಹು ನೈ ರ‍್ಹಯಲವಾಲಾ ಲಿಂಗತ ವರಿ ಲಿದಲವಾಲಾ ಲಿದಲ ತ್ಯುನು ನ್ಹವೈ ಕೈನ ರ‍್ಹವಾದೆ.
1CO 7:31 ದುನಿಯಾನಿ ವ್ಯವಹಾರಮಾ ರ‍್ಹವಾಲಾ ತಿಮಾಜ಼ ರ‍್ಹೌ ನೈ. ಕಾಕದ್ಯಾಮ, ದುನಿಯಾಮಾನು ಕ್ಹಾರು ಹಾಳ ಥೈನ ಜಾ಼ವಸ.
1CO 7:32 ತುಮೆ ಚಿಂತಾ ಬಗರ ರ‍್ಹೌ ಕೈನ ಮಾರಿ ಆಸ ವ್ಹೈ. ಹಿವಾ ನೈ ಕರಿಲಿದಲವಾಲೊ ಪ್ರಭುನಿ ಸೆವಾಮಾ ರ‍್ಹವಸ; ಪ್ರಭುನೆ ಖುಶಿ ಕರಾನೆ ಕಾಮ ಕರಸ.
1CO 7:33 ಹಿವಾ ಕರಿಲಿದಲವಾಲೊ ದುನಿಯಾನಿ ವ್ಯವಹಾರಮಾ ಹೊಕ್ಯಲ ರ‍್ಹವಸ. ತೆ ತಿನಿ ಬೈಕೊನೆ ಖುಶಿ ಕರಾನೆ ಕೊಶಿಶ ಕರಸ.
1CO 7:34 ತೆ ಮನಕ್ಹ ತಿನಿ ಬೈಕೊನೆಬಿ ವರಿ ಪ್ರಭುನೆ ಮೆಚ್ಚಿಸಾನಾ ಹುತಿ ವಿಚಾರ ಕರು ಲಾಗಸ. ಹಿವಾ ನೈ ಕರಿಲಿದಲ ಬಾಕ್ಡಿ ನೈತೊ ಛೊಕ್ರಿ ಪ್ರಭುನಿ ಸೆವಾಮಾ ಕೆಳಾಮಾಬಿ ರ‍್ಹವಸ. ಅಂಗ ಆತ್ಮಾ ಭಂಬಿ ಪ್ರಭುನೆ ಮ್ಹೆಲಸ. ತೆನೈಸೊ ಹಿವಾ ಕರಿಲಿದಲ ಬಾಕ್ಡಿ ದುನಿಯಾನಿ ವ್ಯವಹಾರಮಾ ಪಡಲ ರ‍್ಹವಸ. ತಿನಾ ಮಾಟಿನೆ ಖುಶಿ ಕರಾನೆ ಕೊಶಿಶ ಕರಸ.
1CO 7:35 ತುಮೊನೆ ಸಹಾಯ ಥಾವಾದೆ ಕೈನ ಎ ಸಂಗತಿಯೊ ಕವಾಡೊಸ. ಮಿ ತುಮೊನೆ ಭಾಂದಾನೆ ಕೊಶಿಶ ನತ್ತಿ ಕರಾಡೊ. ತೆನೈಸೊ ತುಮೆ ಚೊ಼ಕಿ ವಾಟಮಾ ರ‍್ಹೌ ಕೈನ ಮಾರಿ ಆಸ ವ್ಹೈ. ತುಮೆ ತುಮಾರೊ ಟೈಮ ಬಿಜಾ ಕಾಮೊನೆ ದಿದ್ಯಾವಾಚಿ ತುಮೆ ಪುರಾ ಪ್ರಭುನಿ ಸೆವಾ ಕರು ಕೈನ ಮಾರಿ ಆಸ ವ್ಹೈ.
1CO 7:36 ತಿನಿ ದಿಕ್ರಿನು ಹಿವಾನಿ ವೈಸ ಥೈನ ಜಾ಼ವಾನೆ ದಿವಾನು ಚೊ಼ಕು ನ್ಹವೈ ಕೈನ, ತಿನೆ ಹಿವಾ ಕರಾನು ಜರುರಿ ವ್ಹೈ ಕೈನ ಯಕ್ಲೊ ವಿಚಾರ ಕರ‍್ಯೊಮ, ತೆ ತಿನಿ ಇಛಾ ನಿಂಗತ ಕರಾದೆ. ತೆ ತ್ಯುನೊನೆ ಹಿವಾ ಕರಿನ ದಿವಾದೆ. ತೆ ಪಾಪ ನ್ಹವೈ.
1CO 7:37 ತೆನೈಸೊ ತೆ ಕಿನಾಜ಼ ಜ಼ಬರದಸ್ತಿಕ್ಹು ನೈ ಐಕ್ಯೊಮ ಗಟ್ಟ ಮನಸ್ಸ ಕರಿಲಿದಲ ರ‍್ಹಯಮ, ತಿನಾ ಕ್ಹಾತೆ ನಾತ್ರು ಘಟ್ಟ ಥಯಲ ಛೊಕ್ರಿನಾ ಕ್ಹಾತೆ ಹಿವಾ ಕರಿಲಿವಾನು ನಕೊ ಕೈನ ಪೈಸ್ಲೊ ಕರಿಲಿದಲ ರ‍್ಹಯಮ ವರಿ ತಿನಾ ಖುದ್ದಕ್ಹು ಹತೊಟಿಮಾ ರ‍್ಹಯೊಮ ತೆ ತಿನಾ ನಿಂಗತಜ಼ ಕರಾದೆ. ಇಮ್ಮ, ಹಿವಾ ನೈ ಕರಿಲಿವಾನು ಚೊ಼ಕು ವ್ಹೈ.
1CO 7:38 ಇಮ್ಮ ಘಟ್ಟ ಥಯಲ ಛೊಕ್ರಿನಾ ಕ್ಹಾತೆ ಹಿವಾ ಕರಿಲಿವಾನು ಚೊ಼ಕು ವ್ಹೈ. ಹಿವಾ ನೈ ಕರಿಲಿವಾನು ಹಜು಼ನ ಚೊ಼ಕು ವ್ಹೈ.
1CO 7:39 ಮಾಟಿ ಜಿವ್ತೊ ರ‍್ಹಯೆ ಲಕ್ಕಾ ಬೈಕೊ ತಿನಾ ಬಂಧನಮಾ ವ್ಹೈ. ತೆ ಮರ‍್ಯೊರೆ ತೆ ಪಸಂದ ಕರಲವಾಲಾನೆ ವರಿ ಹಿವಾ ಥಾವಾನೆ ಆಜಾ಼ದ ವ್ಹೈ. ತೆನೈಸೊ ತೆ ಕ್ರೈಸ್ತವಿಶ್ವಾಸಿ ರ‍್ಹೌ.
1CO 7:40 ತೆ ಹಿವಾ ಕರಿಲಿದ್ಯಾವಾಚಿ ರ‍್ಹೈರೆ ಹಜು಼ನ ಘನ್ನಿ ನಸಿಬವಾಲಿ ವ್ಹೈ. ತೆ ಮಾರು ವಿಚಾರ ವ್ಹೈ. ರ‍್ಹೈತುಬಿ ಕ್ಹುದಾನಿ ಆತ್ಮಾಕ್ಹು ಎ ಕವಾಡ್ಯೊಸ, ಕವಾನು ಮಾರೊ ಬರೊಕ್ಹೊ ವ್ಹೈ.
1CO 8:1 ಮುರತಿಯೊನೆ ಚ಼ಡಾಯಲ ಅನ್ನನಾ ಹುತಿ ಮಿ ಸು ಕೌಸ ಕದ್ಯಾಮ; "ತುಮೊನೆ ಕ್ಹಾರಾವೊನೆ ಗ್ಯಾನ ಆಯುಸ" ಕೈನ ಕೈಲಿವೊಶಿ. ಗ್ಯಾನ ತುಮೊನೆ ಅಹಂಕಾರಿ ಕರಸ. ಮಯಾ ತುಬಿ ಭಕ್ತಿನೆ ಘಟ್ಟ ಕರಸ.
1CO 8:2 ಕುನ್ ತಬಿ ತಿನೆ ಗ್ವತ್ತ ಛೆ ಕೈನ ಹೆಮ್ಮೆ ಪಡ್ದಿಲಿವಾಲೊ ರ‍್ಹಯಮ ತೆ ತಿಳ್ದಿಲಿವಾನು ತೆ ಚೊ಼ಕಿ ತರಾ ತಿಳ್ದಿಲಿದಲ ನೈ ರ‍್ಹತೊ.
1CO 8:3 ತೆನೈಸೊ ಕ್ಹುದಾನೆ ಮಯಾ ಕರಾಲಾವೊನೆ ಕ್ಹುದಾ ವಳಕಸ.
1CO 8:4 ಮುರತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಹುತಿ ಮಾರು ವಿಚಾರ ಅಮ್ಮ ಛೆ; "ಮುರತಿಯೊನೆ ಕ್ಹರಿನು ಅಸ್ತಿತ್ವ ನತ್ತಿ. ಕ್ಹುದಾ ಯಕ್ಲೊಜ಼ ವ್ಹೈ ಬಿಜಾ಼ ಕ್ಹುದಾಜ಼ ನತ್ತಿ" ಎ ತುಮೊನೆ ಗ್ವತ್ತ ರ‍್ಹಯಲ ವಿಷಯ ವ್ಹೈ.
1CO 8:5 "ಕ್ಹುದಾವೊ" ಕವೈಲಿವಾಲಾ ದುನಿಯಾಮಾ ವಸೆ; ತ್ಯವಾ ಘನ್ನಾ "ಕ್ಹುದಾ" ವೊನೆ "ಪ್ರಭು" ವೊನೆ ಪುಜಾ ಕರಾನು ಛೆ.
1CO 8:6 ತಿಮ ರ‍್ಹಯುತಬಿ, ಅಪೊನೆ ಯಕ್ಲೊಜ಼ ಕ್ಹುದಾ ವ್ಹೈ. ತೆ ಅಪ್ನೊ ಹಮೆಶಾನೊ ಬಾ ವ್ಹೈ; ಕ್ಹಾರಿ ಸೃಷ್ಟಿನೆ ಖಾಸ ಕರಲವಾಲೊ ವ್ಹೈ ಅಪೆ ರ‍್ಹವಾನು ತಿನಾ ಹುತಿಜ಼ ವ್ಹೈ ಅಪೊನೆ ಯಕ್ಲೊಜ಼ ಪ್ರಭು ವ್ಹೈ ತೆಜ಼ ಯೆಸು ಕ್ರಿಸ್ತ ವ್ಹೈ ತಿನಾಕ್ಹುಜ಼ ಎ ಕ್ಹಾರು ತಯ್ಯಾರ ಥಯುಸ. ತಿನಾ ಮುಕಾಂತರ ಅಪೆ ಅಸ್ತಿತ್ವಮಾ ಛೆ.
1CO 8:7 ತೆನೈಸೊ ಕ್ಹಾರಾವೊನೆ ಇನು ಅರು ನತ್ತಿ. ದಕ್ಹಾ ಜ಼ನಾ ಪೈಲಾನಿ ಪದ್ದತ ಲಿಂಗತ ಆಯಲ ಮುರತಿಯೊನೆ ಆರಾಧನಾ ಕರ‍್ತಾ, ಮುರತಿಯೊನೆ ಚ಼ಡಾಯಲ ಅನ್ನ ಖಾವಸ. ತೆನೈಸೊ ತ್ಯುನಿ ಮನಸಾಕ್ಷಿ ಘಟ್ಟ ನೈ ರ‍್ಹಯಲಕ್ಹು ತ್ಯುನೆ ಅಶುದ್ಧ ಥಯಾಸ ಕೈನ ತಿಳ್ದಿಲಿವಸ.
1CO 8:8 ಅಪೆ ಖಾವಾನು ಅನ್ನ ಅಪೊನೆ ಕ್ಹುದಾನೆ ನೈ ಮಳಾಸಕತು. ತೆ ನೈ ಖಾವಾಕ್ಹು ಅಪೊನೆ ನಷ್ಟ ಸು ನತ್ತಿ. ಖಾವಾಕ್ಹು ಕಯು ಫೈದೊ ನತ್ತಿ.
1CO 8:9 ತೆನೈಸೊ ತುಮಾರಿ ಆಜಾ಼ದಿ ಉಪಯೊಗ ಕರ‍್ತಾಮಾ ಮನಸ್ಸ ನೈ ಘಟ್ಟ ರ‍್ಹಯಲ ಭೈನಾ ಬರೊಕ್ಹಾನೆ ಅಡ್ಡ ಥೌನೈ ಹುಶಾರಕ್ಹು ದೆಕಿಲಿವೊ.
1CO 8:10 ಗ್ಯಾನ ರ‍್ಹಯಲವಾಲೊ ವ್ಹೈ ಕೈನ ಕೈಲಿವಾಲೊ ತು ಮುರತಿಯೊನಾ ಗುಡಿಮಾ ಖಾವಾನೆ ಬೈಟಲ ಮನಸಾಕ್ಷಿ ಕಮ್ಮ ರ‍್ಹಯಲವಾಲೊ ದೆಕ್ಯಮ, ತೆಬಿ ಮುರತಿಯೊನೆ ಚ಼ಡಾಯಲ ಅನ್ನ ಖಾವಾನೆ ಹಿಮ್ಮತ ನೈ ಕರ‍್ತೊ ಸು?
1CO 8:11 ಎ ತಾರಾ ಗ್ಯಾನಕ್ಹು ಕಮಜೊ಼ರ ರ‍್ಹಯಲ ಭೈ ನಾಶನೆ ಗುರಿ ಥಾವಸ. ಯೆಸು ಕ್ರಿಸ್ತ ತಿನಾಹುತಿಬಿ ಜ಼ಲಮ ದಿದ್ಯೊ ನೈ ಸು?
1CO 8:12 ಇಮ್ಮ ತುಮೆ ತುಮಾರಾ ಮನಸಾಕ್ಷಿ ಕಮ್ಮ ರ‍್ಹಯಲ ಭಾಯೊ ವರಿ ಭೆನೊನೆ ದುಖ ಕರಿನ, ತ್ಯುನಾ ವಿರುದ್ಧ ಪಾಪ ಭಾಂದಿಲಿವಾಕ್ಹು ಯೆಸು ಕ್ರಿಸ್ತನಾ ವಿರುದ್ಧ ಪಾಪ ಕರೊಶಿ.
1CO 8:13 ಮಿ ಖಾವಾನು ಅನ್ನ ಮಾರಾ ಭೈನೆ ಅಡ್ಡ ಥಯುಮ ಮಿ ಕೆಳಾಮಾಜ಼ ತೆ ಅನ್ನ ನೈ ಖಾತೊ, ತಿನಾ ಬರೊಕ್ಹಾನೆ ಅಡ್ಡ ನೈ ಲಾತೊ.
1CO 9:1 ಮಿ ಆಜಾ಼ದ ಮನಕ್ಹ ನ್ಹವೈ ಸು? ಅಪೊಸ್ತಲ ನ್ಹವೈ ಸು? ಅಪ್ನಾ ಪ್ರಭು ಯೆಸುನೆ ದೆಕಲವಾಲೊ ನ್ಹವೈ ಸು? ಪ್ರಭುಮಾ ಮಿ ಸೆವಾ ಕರಲ ಫಲ ತುಮೆ ನ್ಹವೈ ಸು?
1CO 9:2 ಬಿಜಾ಼ವೊನೆ ಮಿ ಅಪೊಸ್ತಲ ನ್ಹವೈತೊ ತುಮೊನೆ ಮಿ ಅಪೊಸ್ತಲಜ಼ ವ್ಹೈ. ಮಿ ಅಪೊಸ್ತಲ ವ್ಹೈ ಕವಾನೆ ಪ್ರಭುನೆ ಮಳಲವಾಲಾ ತುಮೆಜ಼ ಜಿವ್ತಾ ಸಾಕ್ಷಿಯೊ ವ್ಹೈ.
1CO 9:3 ಮನೆ ಪುಚ್ಚಾಲಾ ಮನಕ್ಹೊನೆ ಮಾರು ಜವಾಬ ಎಜ಼ ವ್ಹೈ;
1CO 9:4 ತುಮೊಕಂತು ಅನ್ನ ಪಾನಿ ಲಿವಾನೆ ಹಮೊನೆ ಹಕ್ಕ ನತ್ತಿ ಸು?
1CO 9:5 ಉಗ್ರಲ ಅಪೊಸ್ತಲೊ ಲಿಂಗತ, ಪ್ರಭುನಾ ಭಾಯೊ ಲಿಂಗತ, ಪೆತ್ರಾ ಲಿಂಗತ ಮಿಬಿ ಕ್ರಿಸ್ತಮಾ ಭೆನ ವಿಶ್ವಾಸಿ ಯಕ್ಲಿನೆ ಹಿವಾ ಕರಲಿನ ತಿನಾ ಕ್ಹಾತೆ ಜಿವ್ನಾ ಕರಾನೆ ಮನೆ ಹಕ್ಕ ನತ್ತಿ ಸು?
1CO 9:6 ಜ಼ಲಮನಾ ಹುತಿ ಬಾರನಬ ವರಿ ಮಿ ಯಕ್ಕಜ಼ ರಾಬಿನ ಜಿವ್ನಾ ಕರಾನೆ ಆಗನ್ಯಾ ದಿದ್ಯಾಸು?
1CO 9:7 ಕಯೊ ಸೈನಿಕ ಸ್ವಂತ ಖರಚ಼ ಕ್ಹು ಯುದ್ದನೆ ಹುಬ್ರಿವಸ? ಕಯಾ ಖೆತರವಾಲೊ ತಿನಾ ಸ್ವಂತ ದ್ರಾಕ್ಕಷಿನಾ ಖೆತರ ಮಾತೊ ದ್ರಾಕ್ಷಿನೊ ಫಲ ಖಾತೊ ನೈ ಸು? ಕಯೊ ಕುರಬುರ‍್ಯೊ ತೆ ರಾಕಲ ಬಕ್ರಿಯೊನು ದುದ್ದ ಪಿತೊ ನೈ ಸು?
1CO 9:8 ಎ ಕ್ಹಾಲಿ ದುನಿಯಾ ಕವಾನಿಯೊ ವಾತೊ ನ್ಹವೈ. ಧರಮಶಾಸ್ತ್ರ ಎ ತಿಳ್ಸಾವಸ.
1CO 9:9 "ಮಾತಿ ಖುಂದಾನೆ ಬೈಲನು ಮ್ಹೊಡು ಭಾಂದು ನಕೊ" ಕೈನ ಮೊಶೆನಾ ಧರ್ಮಶಾಸ್ತ್ರಮಾ ಬರ್ದಲ ಛೆ. ನ್ಹ್ಯಾ ಕ್ಹುದಾನೆ ಬೈಲ ಪರ ಚಿಂತಾ ಛೆಸು? ನತ್ತಿ.
1CO 9:10 ಇನೆ ಅಪ್ನಾ ಹುತಿ ಕದಲ ನ್ಹ ವ್ಹೈಸು? ತೆಜ಼ ಉದ್ದೆಶಕ್ಹು ಬರ್ದಲ ಛೆ. ಹೊ, ಬಿತ್ತಾಲೊ ವರಿ ಕಾಟಾಲೊ ಆಯಲ ಬೆಳೆಮಾ ವಾಟೊ ಲಿವಾನಾ ಉದ್ದೆಶಕ್ಹುಜ಼ ರಾಬಸ.
1CO 9:11 ತುಮೊಮಾ ಆತ್ಮಿಕ ಬಿಯ್ಯಾ ಬಿತ್ತಲ ಹಮೆ ಪ್ರತಿಫಲಕ್ಹು ದಿನ್ನೆನಾ ಚಾ಼ಯೆ ಥಯಲ ಆಸ ಕರಾನು ಘನ್ನು ಥೈಯು ಸು?
1CO 9:12 ಬಿಜಾ಼ವೊನೆ ತುಮೊ ಪರ ಹವೊ ಹಕ್ಕ ರ‍್ಹಯಾಮ ತಿನಾತಿ ಹೆಚ್ಚ ಹಕ್ಕ ಹಮೊನೆ ರ‍್ಹೌ ನೈ? ತೆನೈಸೊ ಹಮೆ ಹಕ್ಕ ಚ಼ಲಾಯಾ ನೈ. ತಿನಾ ಬದಲ, ಕ್ರಿಸ್ತ ಯೆಸುನಾ ಸುವಾರತೆನೆ ಕೈಜ಼ ಅಡ್ಡಿ ಆಯೆ ನೈಸೊ ಕ್ಹಾರುಬಿ ತಡ್ದಿಲಿದ್ಯಾ.
1CO 9:13 ದೆವಾಲಯಮಾ ರ‍್ಹವಾಲಾ ದೆವಾಲಯನಿ ಆದಾಯಕ್ಹು ಜಿವ್ನಾ ಕರಸ. ಬಲಿನಾ ಕಟ್ಟಾ ಕನ ಸೆವೆ ಕರಾಲಾ ಬಲಿ ಚ಼ಡಾಯಲಮಾನು ಪಾಲ ಲಿವಸ. ಎ ತುಮೊನೆ ಗ್ವತ್ತ ಛೆ.
1CO 9:14 ತಿನಾ ಲಿಂಗತ ಸುವಾರ್ತೆ ಪ್ರಚಾರ ಕರಾಲಾ ಸುವಾರ್ತೆ ಪ್ರಚಾರನಾ ಆದಾಯಕ್ಹು ಜಿವ್ನಾ ಕರು ಕೈನ ಪ್ರಭುಜ಼ ಆಗನ್ಯಾ ದಿದ್ಯೊಸ.
1CO 9:15 ಮಿ ತುಬಿ ಎ ಹಕ್ಕೊಮಾ ಯಕ್ಕಬಿ ಚ಼ಲಾಯೊ ನೈ. ಚ಼ಲೌ ಕವಾನಿ ಉದ್ದೆಶಕ್ಹು ಎ ಬರ್ದಾಡ್ಯೊಸ ನತ್ತಿ. ತಿನಾತಿ ಮರಾನುಜ಼ ಚೊ಼ಕು ವ್ಹೈ. ಎ ಮಾರಿ ಹೆಮ್ಮೆನೆ ಕುನ್ನಜ಼ ನೈ ಬೊಲಸಕ್ತಾ.
1CO 9:16 ಸುವಾರ್ತೆ ಪ್ರಚಾರ ಕರಾಡ್ಯೊಸ ಕೈನ ಕೊಚ್ಚಿ ಲಿವಾನೆ ಮನೆ ಮೌಕೊ ನತ್ತಿ. ಕಾಕದ್ಯಾಮ, ಪ್ರಚಾರ ಕರುಜ಼ ಕವಾನಾ ಕರ್ತವ್ಯ ಪರ ಮಿ ಘಟ್ಟ ಛೆ. ಪ್ರಚಾರ ನೈ ಕರ‍್ಯೊಮ ಮನೆ ಅದಿಕಾರ ರ‍್ಹವಾದೆ!
1CO 9:17 ಮಿ ಸ್ವಂತ ಇಷ್ಟಾಕ್ಹು ಎ ಕಾಮ ಕರ‍ಲ ರ‍್ಹವತ್ತೊ ಕರೆಟ್ಟ ಇನಾಮ ದಿದ್ಯಾ. ತೆನೈಸೊ ಎ ಕಾಮ ಮನೆ ದಿದಲ ವ್ಹೈ ತಿನಾಹುತಿ ಕರತವ್ಯಕ್ಹು ಕರಾಡ್ಯೊಸ.
1CO 9:18 ತಿಮ್ಮ ರ‍್ಹಯಮ ಮನೆ ಮಳಾನು ಇನಾಮ ಸುವೈ? ಸುವಾರ್ತೆ ಕತಾಮಾ ಜಿವ್ನಾ ಕರಾನೆ ಮನೆ ರ‍್ಹವಾನು ಹಕ್ಕ ಉಪಯೊಗ ಕರ‍್ಯಾವಾಚಿ ಫ್ರಿಮಾ ಕವಾನು ನಸಿಬಜ಼ ಮಾರು ಪಗಾರ ವ್ಹೈ.
1CO 9:19 ಮಿ ಸ್ವತಂತ್ರ ವ್ಹೈ, ಕಿನೆಜ಼ ಗುಲಾಮ ನ್ಹವ್ಹೈ. ರ‍್ಹೈತಬಿ ಥಯಲ ತೆಕ್ಲಾ ಮನಕ್ಹೊನೆ ರಕ್ಷಣೆ ಮಾರಗಮಾ ಲಾವಾನೆ ಕೈನ ಕ್ಹಾರಾವೊನೆ ಗುಲಾಮ ಥಯೊ.
1CO 9:20 ಯಹುದಿಯೊನೆ ರಕ್ಷಣೆ ಮಾರಗಮಾ ಲಾವಾನೆ ಯಹುದಿಯೊನೆ ಯೆಹುದಿ ಥಯೊ. ಧರ್ಮಶಾಸ್ತ್ರನೆ ಚಾ಼ಲಿನ ಜಾ಼ವಾಲಾವೊನೆ ರಕ್ಷಣೆ ಮಾರಗಮಾ ಲಾವಾನೆ ಮಿ ತೆ ಧರ್ಮಶಾಸ್ತ್ರನೆ ನೈ ಚಾ಼ಲಾಲೊ ರ‍್ಹೈತುಬಿ ತ್ಯುನಾ ಹುತಿ ಚಾ಼ಲಾಲೊ ಥಯೊ.
1CO 9:21 ಧರಮಶಾಸ್ತ್ರತಾ ಭಾರಾ ರ‍್ಹಯಲವಾಲಾವೊನೆ ರಕ್ಷಣೆ ಮಾರಗಮಾ ಲಾವಾನೆ ಮಿ ಧರಮಶಾಸ್ತ್ರನಾ ಭಾರೊ ರ‍್ಹಯಲ ಲಿಂಗತ ಥಯೊ. ಯೆಸು ಕ್ರಿಸ್ತನಾ ನಿಯಮನೆ ವಿದೆಯ ಥಯಲ ಹುತಿ ಕ್ಹುದಾನಾ ನಿಯಮನೆ ಮಿ ಭಾರೊ ರ‍್ಹಯಲವಾಲೊ ನ್ಹವ್ಹೈ.
1CO 9:22 ಬರೊಕ್ಹಾಮಾ ಕಮ ಜೊ಼ರ ರ‍್ಹಯಲವಾಲಾವೊನೆ ರಕ್ಷಣೆ ಮಾರಗಮಾ ಲಾವಾನೆ ಮಿ ಕಮಜೊ಼ರ ಥಯೊ. ಕಿಮ್ಮ ತುಬಿ, ದಕ್ಹಾ ಜ಼ನಾವೊನೆ ತುಬಿ ಉದ್ದಾರ ಕರಾನೆ ಕ್ಹಾರಾವೊನೆ ಕ್ಹಾರುಜ಼ ಥಯೊ.
1CO 9:23 ಸುವಾರ್ತೆನಾ ಸೌಭಾಗ್ಯಮಾ ಪಾಲ ಲಿವಾಲೊ ಥೌ ಕೈನ ಎ ಕ್ಹಾರುಜ಼ ಸುವಾರ್ತೆನಾ ಹುತಿಜ಼ ಕರುಸ.
1CO 9:24 ತುಮೊನೆ ಗ್ವತ್ತ ರ‍್ಹಯಲ ಲಿಂಗತ ಮೈದಾನಮಾ ಘನ್ನಾ ಜ಼ನಾ ನ್ಹಾಟಾನಾ ಕ್ಹೆಲಮಾ ಭಾಗ ಲೆತಾ ನೈಸು? ತೆನೈಸೊ ಪಸ್ಟ ಬಹುಮಾನ ಮಳಾನು ಯಕ್ಲಾನೆಜ಼ ವ್ಹೈ. ತಿನಾಹುತಿ ಬಹುಮಾನ ಲಿವಾನೆ ತುಮೆಬಿ ನ್ಹಾಟೊ.
1CO 9:25 ಖೆಲ ಖೆಲಾನೆ ಆಯಲವಾಲಾ ಕ್ಹಾರಾ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿವಸ. ನಾಶ ಥಾವಾನಾ ಬಹುಮಾನ ಲಿವಾನಾಹುತಿ ಕೊಶಿಶ ಕರಸ. ಅಪೆ ತುಬಿ ಹಮೆಶಾನು ಬಹುಮಾನ ಲಿವಾನಾ ಹುತಿ ರಾಬಿಯೆಸ.
1CO 9:26 ಮಿ ತುಬಿ ಗುರಿ ಗ್ವತ್ತ ನೈಸೊ ನ್ಹಾಟತೊ ನೈ, ವಾರಾನಾ ಕ್ಹಾತೆ ಗುದ್ಯಾಡಾಲಾವೊನಾ ಲಿಂಗತ ಹೊರಾಡತೊ ನೈ.
1CO 9:27 ಬಿಜಾ಼ವೊನೆ ಬಲೈನ ಮಿಜ಼ ನಾ ಕಾಬಿಲ ಲಿಂಗತ, ಮಾರಾ ಅಂಗನೆ ರಬಾಡಿನ, ಮನೆ ಮಿಜ಼ ಹತೊಟಿಮಾ ಮ್ಹೆಲ್ಯುಸ.
1CO 10:1 ಮಯಾನಾ ಭಾಯೊ ಭೆನೊ, ಅಪ್ನಾ ಪೈಲಾನಾ ಮನಕ್ಹೊನೆ ಥಯಲ ಕ್ಹಾರು ತುಮಾರು ಧ್ಯಾನಮಾ ಲಾವಾನೆ ಕೊಶಿಶ ಕರಾಡ್ಯೊಸ. ತ್ಯುನೆ ಕ್ಹಾರಾ ಮ್ಹಾಡನಾ ಛೌಲಿಮಾ ಚಾ಼ಲ್ಯಾ. ಕ್ಹಾರಾ ಜ಼ನಾ ಸಮುಂದರನೆ ಸು ಥಯಾವಾಚಿ ದಾಟ್ಯಾ.
1CO 10:2 ಇಮ್ಮ ತ್ಯುನೆ ಮ್ಹಾಡಮಾಬಿ ಸಮುಂದರಮಾಬಿ ಬಾಪ್ತಿಸ್ಮ ಕರೈಲಿನ ಮೊಶೆನೆ ಶಿಷ್ಯಾ ಥಯಾ.
1CO 10:3 ಕ್ಹಾರಾ ಜ಼ನಾ ಯಕ್ಕಜ಼ ಆತ್ಮಿಕನು ರೊಕ್ಲೊ ಖಾದ್ಯಾ;
1CO 10:4 ತ್ಯುನಾ ಕ್ಹಾತೆ ರ‍್ಹಯಲ ಆತ್ಮಿಕ ದಗ್ಡಾನು ಪಾನಿ ಪಿದ್ಯಾ. ತೆಜ಼ ದಗ್ಡೊ ಕ್ರಿಸ್ತಜ಼ ವ್ಹತ್ತೊ.
1CO 10:5 ತೆನೈಸೊ ತ್ಯುನೊಮಾ ಘನ್ನಾ ಜ಼ನಾ ಕ್ಹುದಾನೆ ಪಸಂದ ಥಯಾ ನೈ. ತಿನಾಹುತಿ ಹಾಳ ಜ಼ಗಾಮಾ ಖಲಾಸ ಕರಿನ ತ್ಯುನಾ ಅಂಗೊ ರಾನ್ಮಾ ಪಡಿ ಗಯಾತಾ.
1CO 10:6 ಎ ಘಟನೆ ಕ್ಹಾರಾ ಅಪೊನೆ ಹುಶಾರಕ್ಹು ದಿವಾನಾ ವಾತೊ ಥಯಾಸ. ತ್ಯುನಾ ಲಿಂಗತ ಅಪೆ ಕೆಟ್ಟ ರ‍್ಹಯಲ ಆಸ ಕರು ನೈ.
1CO 10:7 ತ್ಯುನೊಮಾ ದಕ್ಹಾ ಜ಼ನಾ ಮುರತಿಯೊನೆ ಪುಜಾ ಕರಾಲಾ ಥಯಲ ಲಿಂಗತ ಅಪೆ ಥೌ ನೈ. ಇವ್ನಾ ಹುತಿ ಪವಿತ್ರ ಗ್ರಂಥಮಾ ಅಮ್ಮ ಬರ್ದಲ ಛೆ"ಎ ಮನಕ್ಹೊ ಖಾವಾನೆ ಕೈನ ಪಿವಾನೆ ಕೈನ ಬೆಟ್ಯಾ ನ್ಹಾಚಾ಼ನೆ ಕೆಟ್ಟ ತರಾಕ್ಹು ಉಟ್ಯಾ"
1CO 10:8 ತ್ಯುನಾಮಾ ದಕ್ಹಾ ಜ಼ನಾ ಲೈಂಗಿಕ ಪಾಪ ಕರಲಕ್ಹು ಯಕ್ಕಜ಼ ದಿನ್ನಮಾ ಇಕ್ಹಪರ ತನ್ನ ಹಜಾ಼ರ ಮನಕ್ಹೊ ಮರ‍್ಯಾ. ಅಪೆ ಲೈಂಗಿಕ ಕಾಮೊಕ್ಹು ದುರ ರ‍್ಹೌ.
1CO 10:9 ತ್ಯುನಾ ಬಗಲನಾ ದಕ್ಹಾ ಜ಼ನಾ ಪ್ರಭುನೆ ಪರಿಕ್ಷಾ ಕರ‍್ಯಾ. ತಿನಾಹುತಿ ಕ್ಹಾಪೊಕ್ಹು ನಾಶ ಥಯಾ. ತ್ಯುನಾ ಲಿಂಗತ ಪ್ರಭುನೆ ಪರಿಕ್ಷಾ ಕರಾನು ಅಪೊನೆ ನಕೊ.
1CO 10:10 ವರಿ ದಕ್ಹಾ ಜ಼ನಾ ಗುಣಗುಟ್ಯಾ; ಖಲಾಸ ಕರಾನಾ ದುತಕ್ಹು ಖಲಾಸ ಥಯಾ. ತುಮೆಬಿ ತ್ಯುನಾ ಲಿಂಗತ ಗುಣಗುಟ್ಟಾಲಾ ಥಾವೊ ನಕೊ.
1CO 10:11 ಎ ಕ್ಹಾರು ತ್ಯುನೊನೆ ಥಯಲ ಬಿಜಾ಼ವೊನೆ ಗ್ವತ್ತ ಥಾವಾನಾ ಹುತಿ ವ್ಹೈ. ಎ ಕ್ಹಾರು ಬರ್ದಿನ ಮ್ಹೆಲಲ, ದುನಿಯಾನಾ ಅಂತ್ಯನೆ ಆಯಲ ಅಪೊನೆ ಪೈಲಾಜ಼ ಹುಶಾರ ಥಾವಾನಾ ಹುತಿ ವ್ಹೈ.
1CO 10:12 ತಿನಾಹುತಿ ಚೊ಼ಕಿ ತರಾ ಛೆ ಕೈನ ಕೈಲಿವಾಲಾ, ಠೊಕರ ಲಾಗಿನ ಪಡೆ ನೈಸೊ ಹುಶಾರಕ್ಹು ರ‍್ಹೆ.
1CO 10:13 ಮನಕ್ಹೊಕ್ಹು ನೈ ಜಿತ್ತಾನಾ ಶೊಧನೆ ತುಮೊನೆ ಆಯಾ ನತ್ತಿ. ಕ್ಹುದಾ ದಿದಲ ವಾತ ಚು಼ಕ್ತೊ ನೈ. ನೈ ಜಿತ್ತಾನಾ ಶೊಧನೆನೆ ತುಮೊನೆ ಕೆಳಾಮಾಜ಼ ಘಾಲ್ತೊ ನೈ. ಶೊಧನೆ ಆಯಲ ಪರ ತಿಕ್ಹು ತಡ್ದಿಲಿವಾನಿ ತಾಕತ ಚು಼ಕೈಲಿವಾನಿ ವಾಟ ತೆಜ಼ ದಿವಸ.
1CO 10:14 ತಿನಾಹುತಿ ಮಯಾನಾ ಭಾಯೊ ಭೆನೊ, ಮುರತಿಯೊನಿ ಆರಾಧನಾ ಕರಾನು ಛೊಡಿ ಪಡೊ.
1CO 10:15 ತುಮೆ ತಿಳ್ದಿಲಿದಲವಾಲಾ ವ್ಹೈ ಕೈನ ತಿಳ್ದಿನ ಎ ಕವಾಡ್ಯೊಸ. ಮಾರಾ ವಾತೊ ತುಮೆಜ಼ ಪರಿಕ್ಷಾ ಕರಿನ ದೆಕೊ.
1CO 10:16 ಅಪೆ ಕ್ಹುದಾನೆ ಸ್ತುತಿ ಕರಿನ ಪಿವಾನಾ ವಾಟ್ಕಾಕ್ಹು ಪಿತಾಮಾ ಕ್ರಿಸ್ತನಾ ರಗತಮಾ ವಾಟೊ ಲಿವಾಲಾ ಥಯ್ಯೆಸ. ರೊಕ್ಲೊ ತೊಡಿನ ಖಾತಾಮಾ ಕ್ರಿಸ್ತನಾ ಶರಿರಮಾ ಪಾಲ ಲಿವಾಲಾ ಥಯ್ಯೆಸ.
1CO 10:17 ರೊಕ್ಲೊ ಯಕ್ಕಜ಼ ವ್ಹೈ; ತಿನಾಹುತಿ ಅಪೆ ಘನ್ನಾ ಜ಼ನಾ ರ‍್ಹೈತಬಿ ಯಕ್ಕಜ಼ ಶರಿರ ಥಯ್ಯೆಸ. ಕಾಕದ್ಯಾಮ ಅಪೆ ಕ್ಹಾರಾ ತೆ ಯಕ್ಕಜ಼ ರೊಕ್ಲಾನಾ ಪಾಲ ಲಿವಾಲಾ ಥಯಾಸ.
1CO 10:18 ಇಸ್ರಾಯೆಲನಾ ಮನಕ್ಹೊನಿ ಪದ್ದತ ದೆಕೊ; ಬಲಿ ಥೈನ ಚ಼ಡಾಯಲ ಖಾವಾಲಾ ಬಲಿಮಾನೊ ವಾಟೊ ಲಿದಲ ರ‍್ಹವಸ.
1CO 10:19 ಇಮ್ಮ ಮಿ ಕತಾಮಾ ಮುರತಿಯೊನೆ ಚ಼ಡಾವಾನೆ ಕರಲ ಅನ್ನ ಖಾಸ ವ್ಹೈ ನೈತೊ ಮುರತಿಜ಼ ಖಾಸ ವ್ಹೈ ಕೈನ ಮಿ ಕವಾನು ಮತ್ಲಬ ವ್ಹೈಸು? ಕಯುಜ಼ ನ್ಹವೈ,
1CO 10:20 ಮಿ ಕವಾನು ಸು ವ್ಹೈ ಕದ್ಯಾಮ; ಬಿಜಾ಼ ಮನಕ್ಹೊ ಬಲಿ ಭುತ್ಡಾವೊನೆ ಚ಼ಡಾವಸ ತೆನೈಸೊ ಕ್ಹುದಾನೆ ನ್ಹವೈ. ಇಮ್ಮ ತುಮೆ ಭುತ್ಡಾವೊನಾ ಕ್ಹಾತೆ ಪಾಲ ಲಿವಾನು ಮಿ ಕೆಳಾಮಾಜ಼ ಪಸಂದ ನೈ ಕರ‍್ತೊ.
1CO 10:21 ತುಮೆ ಪ್ರಭುನಾ ಪಾತ್ರೆತು ವರಿ ಭುತ್ಡಾವೊನಾ ಪಾತ್ರೆತು ಪಿವಾನೆ ಥಾತು ನೈ. ಪ್ರಭುನಾ ಪಂಕ್ಕತಿಮಾ ತಿನಾ ಲಿಂಗತ ಭುತ್ಡಾವೊನಾ ಪಂಕ್ಕತಿಮಾ ಖಾವಾನೆ ಥಾತು ನೈ.
1CO 10:22 ಅಪೆ ಪ್ರಭುನೆ ಕದ್ರಾವಾಡ್ಯಾಸು? ತಿನಾತಿ ಅಪೆ ತಾಕತವರ ವ್ಹೈ ಸು?
1CO 10:23 "ಸುಬಿ ಕರಾನೆ ಆಜಾ಼ದಿ ಛೆ" ಕೈನ ಕೆ ಸಕೆಸ ಸು. ತೆನೈಸೊ ಕ್ಹಾರು ಉಪಯೊಗ ನ್ಹವೈ. ಸುಬಿ ಕರಾನೆ ಆಜಾ಼ದಿ ಛೆ. ತೆನೈಸೊ ಕ್ಹಾರುಜ಼ ಅಭಿವೃದ್ಧಿ ಕರ‍್ತು ನೈ.
1CO 10:24 ಹರಯಕ್ಲೊ ಕ್ಹಾಲಿ ತಿನು ಚೊ಼ಕು ಆಸ ಕರ‍್ಯಾವಾಚಿ ಬಿಜಾ಼ವೊನು ಚೊ಼ಕಾನಾ ಹುತಿ ಆಸ ಕರು.
1CO 10:25 ಮನಸ್ಸಾಕ್ಷಿನೆ ಕೆಡ್ಸಾನಾ ಸವಾಲೊನೆ ಆವಾನೆ ದಿದ್ಯಾವಾಚಿ ಮಾಕ್ಹನಾ ಬಾಜ಼ರಮಾ ಇಕ್ಕಾನು ಕ್ಹಾರು ತುಮೆ ಲೈನ ವಿಚಾರ ಕರ‍್ಯಾ ಬಗರ ಖಾ ಸಕೊಶಿ.
1CO 10:26 ಕಾಕದ್ಯಾಮ"ಸೃಷ್ಟಿಮಾ ರ‍್ಹವಾನು ಕ್ಹಾರು ಪ್ರಭುನುಜ಼ ವ್ಹೈ"
1CO 10:27 ಕ್ರೈಸ್ತವಿಶ್ವಾಸಿ ನೈ ರ‍್ಹಯಲವಾಲೊ, ತುಮೊನೆ ಖಾವಾನೆ ಬಲಾಯೊಮ, ತುಮೊನೆ ಚೊ಼ಕು ಲಾಗ್ಯುರೆ ಜಾ಼ವೊ; ಮನಸ್ಸಾಕ್ಷಿನೆ ಕೆಡ್ಸಾನಾ ಸವಾಲೊನೆ ಆವಾನೆ ದಿದ್ಯಾವಾಚಿ ತೆ ಘಾಲಲ ತೆಕ್ಲು ಖಾವೊ.
1CO 10:28 ತೆಳಾಮಾ ಕುನತಬಿ"ಎ ಮುರತಿಯೊನೆ ಬಲಿ ದಿದಲ ವ್ಹೈ" ಕೈನ ಕದ್ಯಾಮ,ತಿಮ್ಮ ಕದಲವಾಲಾನಾ ಹುತಿ ವರಿ ಮನಸ್ಸಾಕ್ಷಿನಾ ಹುತಿ ತೆ ಖಾವೊ ನಕೊ.
1CO 10:29 ಕದ್ಯಾಮ, ತಾರಾ ಸ್ವಂತ ಮನಸ್ಸಾಕ್ಷಿನಾ ಹುತಿ ನೈ, ತುನೆ ಕದಲವಾಲಾನಾ ಮನಸ್ಸಾಕ್ಷಿನಾ ಹುತಿ ಖೌ ನಕೊ. ತುಮೊಮಾ ಯಕ್ಲೊ"ತಿನಿ ಆಜಾ಼ದಿನೆ ಬಿಜೆ಼ಕ್ಲಾನಿ ಮನಸ್ಸಾಕ್ಷಿ ಕಾ ಅಡ್ಡ ಥೌ? ಕೈನ ಪುಚ಼್ಚ ಸಕಸ.
1CO 10:30 ವರಿ "ಮಿ ಕ್ಹುದಾನೆ ಸ್ತೊತ್ರ ಕರಲ ರ‍್ಹಯಮ ವರಿ ಸ್ತೊತ್ರ ಕರಿನ ಖಾದಲ ಅನ್ನನಾ ಹುತಿ ಮಾರಾ ಉಪ್ಪರ ದುಷಣೆ ಕಾ? ಕೈನ ಪುಚ಼್ಚ ಸಕಸ.
1CO 10:31 ತಿನೆ ಮಾರು ಜವಾಬ ಎ ವ್ಹೈ; ತುಮೆ ಖಾದ್ಯಾತಬಿ ಪಿದ್ಯಾತಬಿ ಸು ಕರಿತಬಿ ಕ್ಹುದಾನಿ ಮಹಿಮಾನಾ ಹುತಿ ಕರೊ.
1CO 10:32 ಯೆಹುದಿಯೊನಾ ಹುತಿ ರ‍್ಹವಾದೆ, ಗ್ರಿಕವಾಲಾವೊನೆ ರ‍್ಹವಾದೆ, ಕ್ಹುದಾನಿ ಧರಮ ಸಭೆನಾ ಹುತಿ ರ‍್ಹವಾದೆ ಕರಾಲಾ ಥಾವೊ ನಕೊ.
1CO 10:33 ಮಿ ತಬಿ ಮಾರಾ ಸ್ವಂತ ಚೊ಼ಕಾನಾ ಹುತಿ ವಿಚಾರ ಕರ‍್ಯಾವಾಚಿ ಕ್ಹಾರಾ ಜ಼ನಾವೊನಾ ಉದ್ಧಾರನಾ ಹುತಿ ತ್ಯುನು ಚೊ಼ಕು ಆಸ ಕರಿನ, ಕ್ಹಾರಾವೊನೆ ಕ್ಹಾರಾಮಾ ಮೆಚ್ಚಿಸಾನೆ ಕೊಶಿಶ ಕರುಸ.
1CO 11:1 ಮಿ ಕ್ರಿಸ್ತ ಯೆಸುನೆ ಅನುಸರಿಸಲ ಲಿಂಗತ, ತುಮೆ ಮನೆ ಅನುಸರಿಸೊ.
1CO 11:2 ತುಮೆ ಹಮೆಶಾಬಿ ಮನೆ ಶೆ ಕರಿನ ಮಿ ತುಮೊನೆ ಕೈನ ದಿದಲ ಪದ್ದತನಾ ತರಿಕಾ ಕರೆಟ್ಟ ಚಾ಼ಲಿನ ಆವಾಡ್ಯಾಸ; ಇನಾ ಹುತಿ ತುಮೊನೆ ಮೆಚ್ಚುಸ.
1CO 11:3 ಯಕ್ಕ ವಿಷಯ ತುಮೊನೆ ಗ್ವತ್ತ ರ‍್ಹವಾದೆ. ಹರಯಕ್ಕ ಮನಕ್ಹನೆ ಕ್ರಿಸ್ತ ಯೆಸುಜ಼ ಮ್ಹೊಟೊ ವ್ಹೈ. ಹರಯಕ್ಕ ಬಾಕ್ಡಿನೆ ಮಾಟಿಜ಼ ಮ್ಹೊಟೊ ವ್ಹೈ. ಕ್ರಿಸ್ತ ಯೆಸುನೆ ಕ್ಹುದಾಜ಼ ಮ್ಹೊಟೊ ವ್ಹೈ.
1CO 11:4 ದಾಣಗೊ ಮಾತು ಝಾಕಿಲಿನ ಪ್ರಾಥನಾ ಕರ‍್ತೊ ರ‍್ಹಯಮ ನೈತೊ ಕ್ಹುದಾನಿ ವಾಕ್ಯಾ ಪ್ರವಚನಾ ಕರ‍್ತೊ ರ‍್ಹಯಮ ತಿನೊ ಮ್ಹೊಟೊ ಥಯಲ ಕ್ರಿಸ್ತ ಯೆಸುನೆ ಅಪಮಾನ ಲಾವಸ.
1CO 11:5 ಬಾಕ್ಡಿ ತಿನಾ ಮಾತಾನಾ ಉಪ್ಪರ ಛೆಡೊ ನೈ ಲಿದ್ಯಾವಾಚಿ ಪ್ರಾಥನಾ ಕರ‍್ತಿ ರ‍್ಹಯಮ ನೈತೊ ಕ್ಹುದಾನಿ ವಾಕ್ಯಾ ಪ್ರವಚನ ಕರ‍್ತಿ ರ‍್ಹಯಮ ತಿನೊ ಮ್ಹೊಟೊ ಥಯಲ ಮಾಟಿನೆ ಅಪಮಾನ ಲಾವಸ. ಛೆಡೊ ನೈ ಲಿದಲ ಬಾಕ್ಡಿ ತಿನು ಮಾತುಜ಼಼ ಬೊಳ್ಸಿ ಲಿದಲ ಲಿಂಗತ ವ್ಹೈ.
1CO 11:6 ತಿಮ್ಮ ಛೆಡೊ ನೈ ಲಿವಾಲಿ ಬಾಕ್ಡಿ ತಿನಾ ಮಾತಾನಾ ಬಾಲೊ ಕಾಡಿ ಪಡಾದೆ. ಬಾಕ್ಡಿನೆ ಮಾತಾನಾ ಬಾಲೊ ಕತ್ರಿ ಲಿವಾನು ರ‍್ಹವಾದೆ, ಬೊಳ್ಸಿ ಲಿವಾನು ರ‍್ಹವಾದೆ ಸರಮ ಕೈನ ಲಾಗ್ಯುಮ, ತೆ ಮಾತಾನೆ ಛೆಡೊ ಲಿವಾದೆ.
1CO 11:7 ದಾಣಗೊ ಮಾತಾನಾ ಉಪ್ಪರ ಛೆಡೊ ಲಿವ ನೈ. ಕಾಕದ್ಯಾಮ, ತೆ ಕ್ಹುದಾನು ರುಪ ವರಿ ತಿನಿ ಮಹಿಮಾನಿ ಪ್ರತಿಬಿಂಬ ವ್ಹೈ. ಬಾಕ್ಡಿ, ದಾಣಗಾನಿ ಮಹಿಮಾನಿ ಪ್ರತಿಬಿಂಬ ವ್ಹೈ.
1CO 11:8 ಬಾಕ್ಕಡಿಕ್ಹು ದಾಣಗೊ ನ್ಹವೈ; ದಾಣಗಾಕ್ಹು ಬಾಕ್ಡಿ ತಯ್ಯಾರ ಥೈ.
1CO 11:9 ತಿನಾ ಲಿಂಗತಜ಼ ಬಾಕ್ಡಿನಾ ಹುತಿ ದಾಣಗೊ ನ್ಹವೈ; ದಾಣಗಾನಾ ಹುತಿ ಬಾಕ್ಡಿ ತಯ್ಯಾರ ಥಯಲ ವ್ಹೈ.
1CO 11:10 ಇಮ್ಮ ದೆವ ದುತೊನಾ ಹುತಿ ತುಬಿ ಬಾಕ್ಡಿ ಮರ್ಯಾದಿ ದಿವಾನೆ ಛೆಡೊ ಘಾಲ್ಯು.
1CO 11:11 ರ‍್ಹೈತಬಿ ಪ್ರಭುನಾ ಇಸಾಬೆ ದಾಣಗೊ ನೈಸೊ ಬಾಕ್ಡಿ ನತ್ತಿ; ಬಾಕ್ಡಿ ನೈಸೊ ದಾಣಗೊ ನತ್ತಿ.
1CO 11:12 ಕಾಕದ್ಯಾಮ ಬಾಕ್ಡಿ ದಾಣಗಾಕ್ಹು ತಯ್ಯಾರ ಥಯಲ ಲಿಂಗತ ದಾಣಗೊ ಬಾಕ್ಕಡಿತೊ ಹುಟ್ಟಸ.
1CO 11:13 ಬಾಕ್ಡಿ ಛೆಡೊ ನೈಸೊ ಕ್ಹುದಾನೆ ಪ್ರಾಥನಾ ಕರಾನು ಲಕ್ಕಷಣ ವ್ಹೈ ಸು? ತುಮೆಜ಼ ವಿಚಾರ ಕರೊ.
1CO 11:14 ಲಾಂಬಾ ಬಾಲೊ ದಾಣಗಾನೆ ಸರಮ ವ್ಹೈ ಲಾಂಬಾ ಬಾಲೊ ಬಾಕ್ಡಿನೆ ಸುಂದರತಾ ನ್ಹವೈ ಸು?
1CO 11:15 ಲಾಂಬಾ ಬಾಲೊ ಬಾಕ್ಡಿನೆ ಮರ್ಯಾದಿನಾ ಹುತಿ ನ್ಹವ್ಯೆ ಸು?
1CO 11:16 ಇನಾಹುತಿ ಕುನತಬಿ ವಿವಾದ ಕರ‍್ಯೊಮ ತ್ಯವಾನೆ ಎ ಗ್ವತ್ತ ರ‍್ಹವಾದೆ; ಹೆವಿ ಪದ್ದತ ಅಪ್ನೊಮಾ ನತ್ತಿ; ವರಿ ಕಯಾಜ಼ ಸಭೆಮಾ ನತ್ತಿ.
1CO 11:17 ಹಮ್ನಾ ಮಿ ಕವಾನಿ ವಿಷಯಮಾ ತುಮೊನೆ ಮೆಚ್ಚತೊ ನೈ. ತುಮೆ ಸಭೆಮಾ ಮಳಾನು ಚೊ಼ಕಾನಾ ಹುತಿತುಬಿ ಹೆಚ್ಕಿ ಕೆಟ್ಟಜ಼ ಥಾವಸ.
1CO 11:18 ಪೈಲಾ, ತುಮೆ ಮಳಾನಿ ಸಭೆಮಾ ಗುಂಪೊ ಛೆ ಕೈಸ. ದಕ್ಹಾ ಇಸಾಬೆ ಎ ಸುದ್ದಿ ಕ್ಹರಿಜ಼ ವ್ಹೈ ಕೈನ ಮನೆ ಲಾಗಸ.
1CO 11:19 ತುಮೊಮಾ ಭೆದ ಭಾವ ರ‍್ಹವಾನು ಸಹಜ ಛೆ. ತಿಮ್ಮ ರ‍್ಹವಾ ಹುತಿಜ಼ ಪ್ರಾಮಾಣಿಕ ಕುನ್ ವ್ಹೈ ಕೈನ ಗ್ವತ್ತ ಕರಾನೆ ಸಾಧ್ಯ ಛೆ.
1CO 11:20 ರ‍್ಹೈತಬಿ ತುಮೆ ಕ್ಹಾರಾ ಯಕ್ಕ ಥೈನ ಮಳ್ತಾಮಾ ತುಮೆ ಕರಾನು ಭೊಜನ ಪ್ರಭುನು ಭೊಜನ ನ್ಹವ್ಹೈ.
1CO 11:21 ಕಾಕದ್ಯಾಮ, ಭೊಜನನಾ ಟೈಮಮಾ ಯಕೆಕ್ಲೊ ತೆ ಲಾಯಲ ಖಾವಾನೆ ಬಿಜಾ಼ವೊತಿ ಪೈಲಾ ಬೆಟಸ. ಯಕ್ಲೊ ಭುಕ್ಕೊ ಥಯಲ ರ‍್ಹವಸ; ವರಿಯಕ್ಲೊ ಪಿನ ಚಿತ್ತ ಥಯಲ ರ‍್ಹವಸ.
1CO 11:22 ಖಾವಾನೆ ಪಿವಾನೆ ತುಮೊನೆ ಸ್ವಂತ ಘರೊ ನತ್ತಿ ಸು? ಗತಿ ನೈ ರ‍್ಹಯಲವಾಲಾವೊನೆ ಸರಮುಂದಾ ಕರಿನ, ಕ್ಹುದಾನಿ ಸಭೆನೆ ಖಾಸ ನ್ಹವೈ ಕೈನ ದೆಕಾಡು ಕರ‍್ಯಾಸ ಸು? ಇನಾಹುತಿ ಮಿ ತುಮೊನೆ ಸು ಕೌ? ತುಮೊನೆ ಹೊಗಳು ಸು ಇನ್ಕಾರು? ಕ್ಹರಿಬಿ ತುಮೊನೆ ಹೊಗಳತೊ ನೈ.
1CO 11:23 ತುಮೊನೆ ಕರಲ ಉಪದೆಶ ಮಿ ಪ್ರಭುಕ್ಹು ಲಿದ್ಯೊಸ. ತೆ ಸು ವ್ಹೈ ಕದ್ಯಾಮ; ಪ್ರಭು ಯೆಸು, ತಿನೆ ತೆ ಧರಿನ ದಿದಲ ತೆ ರಾತ, ರೊಕ್ಲೊ ಲಿನ ಕ್ಹುದಾನೆ ಸ್ತೊತ್ರಾ ಕರಿನ ತೆ ತೊಡಿನ
1CO 11:24 "ಎ ತುಮೊನೆ ದಿದಲ ಮಾರು ಅಂಗ ವ್ಹೈ, ಇನೆ ಮಾರಿ ಶೆನಾ ಹುತಿ ಕರೊ "ಕದ್ಯೊ.
1CO 11:25 ತೆಳಾಮಾಜ಼ ಭೊಜನನಾ ಲಾಸ್ಟೆ ಪಾನ ಪಾತ್ರೆ ಲಿನ"ಎ ಪಾತ್ರೆ ಮಾರಾ ರಗತಕ್ಹು ತಯ್ಯಾರ ಥಯಲ ನವು ವಡಂಬಡಿಕೆ ವ್ಹೈ; ಇನೆ ತುಮೆ ಪಾನ ಕರ‍್ತಾಮಾ ಮಾರಿ ಶೆನಾ ಹುತಿ ಕರೊ "ಕದ್ಯೊ.
1CO 11:26 ಕೈನಜ಼, ತುಮೆ ಎ ರೊಕ್ಲೊ ಖೈನ ಎ ಪಾತ್ರೆತು ಪಾನ ಪಿತಾ ಟೈಮಮಾ ಪ್ರಭು ಆಯೆ ಲಕ್ಕಾ ತಿನು ಮರಣ ಕತಾ ರ‍್ಹವೊ.
1CO 11:27 ಕುನ ತಬಿ ಅಯೊಗ್ಯಕ್ಹು ಎ ರೊಕ್ಲೊ ಖಾದ್ಯೊರೆ, ನೈತೊ ಪ್ರಭುನಾ ಪಾತ್ರೆತೊ ಪಾನ ಕರ‍್ಯಮ ತೆ ಪ್ರಭುನಾ ಅಂಗನೆಬಿ ರಗತನೆಬಿ ವಿರುದ್ದ ಕರಾಲೊ ಥಾವಸ.
1CO 11:28 ಹರಯಕ್ಲೊ ಪೈಲಾ ತಿನೆ ತೆಜ಼ ಪರಿಕ್ಷಾ ಕರಲಿನ ಪಾಚಲ್ತೊ ತೆ ರೊಕ್ಕಲಾನೆ ಖಾವಾದೆ; ವರಿ ತೆ ಪಾತ್ರೆತೊ ಪಾನ ಕರಾದೆ.
1CO 11:29 ಕಾಕದ್ಯಾಮ, ತೆ ಪ್ರಭುನು ಅಂಗ ವ್ಹೈ ಕೈನ ಗ್ವತ್ತ ರ‍್ಹಯಾವಾಚಿ, ಖೈನ ಪಾನ ಕರಾಲೊ ನ್ಯಾಯನಾ ಪೈಸ್ಲಾನೆ ತಿನಾ ಉಪ್ಪರ ಲಾವಾನಾ ಹುತಿ ಖಾವಸ, ಪಿವಸ.
1CO 11:30 ತುಮೊಮಾ ಘನ್ನಾ ಜ಼ನಾ ಎಜ಼ ಕಾರಣಕ್ಹು ತಾಕತ ನೈಸೊ ಥಯಾಸ, ಅರಾಮ ನೈಸೊವಾಲಾ ಥಯಾಸ; ವರಿ ಕೆಕ್ಲಾಕಿ ಜ಼ನಾ ಮರ‍್ಯಾಸ.
1CO 11:31 ಅಪೊನೆ ಅಪೆಜ಼ ಪರಿಕ್ಷಾ ಕರಿಲಿದ್ಯಾಮ ಪ್ರಭುನಾ ನ್ಯಾಯನಾ ಪೈಸ್ಲಾನೆ ಗುರಿ ನೈ ಥಾತಾ.
1CO 11:32 ತಿಮ್ಮ ಸುಬಿ ಪ್ರಭುನಾ ಪೈಸ್ಲಾನೆ ಅಪೆ ಮ್ಹೈ ಥಯಮ ತ್ಯುನೆ ಅಪೊನೆ ದಂಡ ದಿನ್ನ, ತಿದ್ದಸ. ದುನಿಯಾಮಾ ಅಪೆ ತಪ್ಪ ನೈ ಕರಾಲಾ ಲಿಂಗತ ಕರಸ.
1CO 11:33 ತಿನಾಹುತಿ ಮಯಾನಾ ಭಾಯೊ ಭೆನೊ, ಪ್ರಭುನಾ ಭೊಜನನಾ ಹುತಿ ತುಮೆ ಯಕ್ಕ ಥೈನ ಮಳ್ತಮಾ ಯಕ್ಕನೆ ಯಕ್ಕ ಕೈದಿನ ರ‍್ಹವೊ.
1CO 11:34 ತುಮೆ ಭುಕ್ಕ ಮರಾನಾ ಹುತಿ ಸಭೆನೆ ಆವಾನು ರ‍್ಹಯಮ ಘರೊಮಾಜ಼ ಖಾವೊ. ತೆಳಾಮಾ ಸಭೆನೆ ಗೈನ ತುಮೆ ನ್ಯಾಯನಾ ಪೈಸ್ಲಾನೆ ಗುರಿ ನೈ ಥಾತಾ. ಹಜು಼ನ ಬಿಜಿಯೊ ವಾತೊ ಮಿ ಐನ ತಿಳಸೈನ ದಿವ್ಸ.
1CO 12:1 ಭಾಯೊ ಭೆನೊ, ಪವಿತ್ರ ಆತ್ಮಾನಾ ವರಾನಾ ಕ್ಹರಿನಾ ಹುತಿ ತುಮೆ ಚೊ಼ಕಿ ತರಾ ತಿಳ್ದಿಲಿವಾಲಾ ಥೌ.
1CO 12:2 ತುಮೆ ಬರೊಕ್ಹಾಮಾ ನೈ ರ‍್ಹತಾಮಾ, ತುಮೊನೆ ಮನಸ್ಸೆ ಆಯಲ ತಿಮ್ಮ ಮುಕಿಯೊ ಮುರತಿಯೊ ಕನ ಗೈನ ಆತಾತಾ; ಎ ತುಮೊನೆಜ಼ ಗ್ವತ್ತ ಛೆ.
1CO 12:3 ಅಕ್ಲು ತುಮೊನೆ ಕರೆಟ್ಟ ಗ್ವತ್ತ ರ‍್ಹವಾದೆ; ಪವಿತ್ರ ಆತ್ಮಾನಿ ಪ್ರೆರಣೆಕ್ಹು ಬೊಲಾಲೊ ಕುನ್ನಬಿ "ಯೆಸುನೆ ದಿಕ್ಕಾರ" ಕೆ ನೈ ಸಕ್ತೊ. ತಿನಾ ಲಿಂಗತಜ಼, ಪವಿತ್ರ ಆತ್ಮಾನಿ ಪ್ರೆರಣೆ ನೈಸೊ ಕುನ್ನಬಿ"ಯೆಸುಜ಼ ಪ್ರಭು ವ್ಹೈ" ಕೈನ ವಪ್ಪಿ ನೈ ಲೆಸಕ್ತೊ.
1CO 12:4 ಆತ್ಮಿಕ ವರಾ ಬಿಜಾ಼ ಬಿಜಾ಼ ಛೆ; ತೆ ಕ್ಹಾರು ದಿವಾನು ಪವಿತ್ರ ಆತ್ಮಾ ಯಕ್ಲೊಜ಼ ವ್ಹೈ.
1CO 12:5 ಸೆವಾ ಬಿಜಾ಼ ಬಿಜಾ಼ ಛೆ; ತೆನೈಸೊ ತೆ ಸೆವಾನೆ ಯೊಗ್ಯ ಪ್ರಭು ಯಕ್ಲೊಜ಼ ವ್ಹೈ.
1CO 12:6 ಕಾಮ್ನಾ ತರಿಕಾ ಬಿಜಾ಼ ಬಿಜಾ಼ ಛೆ; ತೆ ಕ್ಹಾರು ಕ್ಹಾರಿ ತರಾಮಾ ಕರಾಲೊ ಕ್ಹುದಾ ಯಕ್ಲೊಜ಼ ವ್ಹೈ.
1CO 12:7 ಹರ ಯಕ್ಲಾಮಾ ದಿಕ್ಹಿನ ಆವಾನಾ ಪವಿತ್ರ ಆತ್ಮಾನಾ ವರಾ ಕ್ಹಾರಾ ಜ಼ನಾವೊನಾ ಚೊ಼ಕಾನಾ ಹುತಿಜ಼ ದಿದಲ ವ್ಹೈ.
1CO 12:8 ಪವಿತ್ರ ಆತ್ಮಾನಾ ಮುಲಕ ಯಕ್ಲಾನೆ ಗ್ಯಾನನಾ ವಾತೊ, ಬಿಜೆ಼ಕ್ಲಾನೆ ತಿನಾ ಮುಲಕ ಶಾಣಾನಿಯೊ ವಾತೊ ಬೊಲಾನು ಮಳಸ;
1CO 12:9 ತೆಜ಼ ಪವಿತ್ರ ಆತ್ಮಾಕ್ಹು ಯಕ್ಲಾನೆ ಘನ್ನೊ ವಿಶ್ವಾಸ ಬಿಜೆ಼ಕ್ಲಾನೆ ಅರಾಮ ಕರಾನಿ ತಾಕತ ಮಳಸ.
1CO 12:10 ಯಕ್ಲಾನೆ ಪವಾಡ ಕರಾನಿ ತಾಕತ, ಬಿಜೆಕ್ಲಾನೆ ಪ್ರವಾದನೆ ಕರಾನಿ ತಾಕತ, ವರಿ ಯಕ್ಲಾನೆ ಕ್ಹರಿನೆ ತಿಳ್ದಿಲಿವಾನು ಗ್ಯಾನ, ಬಿಜೆಕ್ಲಾನೆ ಬಿಜಾ಼ ಬಿಜಾ಼ ಭಾಶಾ ಬೊಲಾನಿ ತಾಕತ, ವರಿ ಯಕ್ಲಾನೆ ತೆ ಕ್ಹಾರು ತಿಳ್ದಿಲಿವಾನು ಅರು ತೆ ಪವಿತ್ರ ಆತ್ಮಾಕ್ಹು ದಿವಸ.
1CO 12:11 ಎ ವರಾ ಕ್ಹಾರಾ ತೆ ಪವಿತ್ರ ಆತ್ಮಾ ಯಕ್ಕಜ಼ ತಿನಿ ಪಸಂದ ಲಿಂಗತ ಹರ ಯಕ್ಲಾನೆ ವಾಟಸ.
1CO 12:12 ಅಂಗ ಯಕ್ಕಜ಼ ವ್ಹೈ; ಅಂಗನಾ ಭಾಗೊ ಘನ್ನಾ ವ್ಹೈ. ತೆ ಅಂಗನಾ ಭಾಗೊ ಘನ್ನಾ ರ‍್ಹಯಾತಬಿ ತೆ ಯಕ್ಕಜ಼ ಅಂಗ ವ್ಹೈ. ತಿನಾ ಲಿಂಗತಜ಼ ಕ್ರಿಸ್ತ ಯೆಸು ವ್ಹೈ.
1CO 12:13 ಯಹುದ್ಯೊ ರ‍್ಹವಾದೆ, ಗ್ರಿಕವಾಲಾ ರ‍್ಹವಾದೆ, ಗುಲಾಮೊ ರ‍್ಹವಾದೆ, ಆಜಾ಼ದ ರ‍್ಹಯಲವಾಲಾ ರ‍್ಹವಾದೆ- ಅಪೆ ಕ್ಹಾರಾ ಯಕ್ಕಜ಼ ಅಂಗ ಥೌ ಕೈನ ಯಕ್ಕಜ಼ ಆತ್ಮಾಕ್ಹು ಬಾಪ್ತಿಸ್ಮ ಹೊಂದಿಲಿದ್ಯಾಸ. ಯಕ್ಕಜ಼ ಆತ್ಮಾನೆ ಅಪೊನೆ ಕ್ಹಾರಾವೊನೆ ಪಾನ ಥೈನ ದಿದಲ ಛೆ.
1CO 12:14 ಪುರಾ ಅಂಗ ಯಕ್ಕಜ಼ ಅಂಗನು ಭಾಗಕ್ಹು ನ್ಹವೈ, ಘನ್ನಾ ಅಂಗನಾ ಭಾಗೊಕ್ಹು ಮಳಲ ಛೆ.
1CO 12:15 ಕೆಳಾಮಾ ತುಬಿ ಪಗ್ಗ"ಮಿ ಹತ್ತ ನ್ಹವೈ, ಎ ಕಾರಣಕ್ಹು ಮಿ ಅಂಗನೆ ಮಳಿನ ನತ್ತಿ" ಕೈನ ಕದಲ ರ‍್ಹಯಮ ತೆ ಅಂಗನು ಭಾಗ ಥೈನ ರ‍್ಹವಾನು ಚು಼ಕಸ ಸು?
1CO 12:16 ನೈತೊ ಕಾನ"ಮಿ ಡೊಳೊ ನ್ಹವೈ" ಎ ಕಾರಣಕ್ಹು ಕೈನ ಕದಲ ರ‍್ಹಯಮ ತೆ ಅಂಗನು ಭಾಗ ಥೈನ ರ‍್ಹವಾನು ಚು಼ಕಸ ಸು?
1CO 12:17 ಅಂಗ ಪುರಾ ಡೊಳೊ ಥಯುಮ ತೆ ಐಕಾನು ಕಿಮ್ಮ? ನೈತೊ ತೆ ಪುರಾ ಕಾನಜ಼ ಥಯುಮ, ಬಾಸ ದೆಕಾನೆ ತಾಕತ ಕಿಜಾ಼ ಛೆ?
1CO 12:18 ಚೊ಼ಕು ಛೆ, ಕ್ಹುದಾ ತಿನಿ ಚಿತ್ತ ಲಿಂಗತ, ಹರಯಕ್ಕ ಅಂಗನಾ ಭಾಗನೆ ಕರೆಟ್ಟ ಜೊಡಸಾಯೊಸ.
1CO 12:19 ತೆ ಕ್ಹಾರಾ ಯಕ್ಕಜ಼ ಅಂಗನಾ ಭಾಗ ಥಯಾಮ ತ್ಯಾ ಅಂಗ ಕಿಜಾ಼ ಛೆ?
1CO 12:20 ಇಮ್ಮ ಅಂಗನಾ ಭಾಗೊ ಘನ್ನಾ ರ‍್ಹಯಾತಬಿ ಅಂಗ ಪುರಾ ಯಕ್ಕಜ಼ ವ್ಹೈ.
1CO 12:21 ಇಮ್ಮ ರ‍್ಹತಾಮಾ "ತಾರಿ ಜ಼ರುರತ ಮನೆ ನತ್ತಿ" ಕೈನ ಹತೆ ಡೊಳೊ ಕವಾನೆ ನೈ ಥಾತು. ತಿನಾ ಲಿಂಗತಜ಼"ತಾರಿ ಜ಼ರುರತ ಮನೆ ನತ್ತಿ" ಕೈನ ಪಗೊನೆ, ಮಾತು ಕವಾನೆ ನೈ ಥಾತು.
1CO 12:22 ತೆಕ್ಲುಜ಼ ನೈ, ತಾಕತ ನೈಸೊ ದಿಕ್ಹಾನಾ ಅಂಗನಾ ಭಾಗೊ ಅಪೊನೆ ಚಾ಼ಯೆಜ಼.
1CO 12:23 ನ್ಹಾನಾ ವ್ಹೈ ಕೈನ ಕವೈಲಿವಾನಾ ಅಂಗನಾ ಭಾಗೊ ಘನ್ನಾ‍ ಮ್ಹೊಟಾ ಕಾಮೊ ಕರಸ. ಜಾ಼ಕಿನ ಮ್ಹೆಲಾನಾ ಅಂಗನಾ ಭಾಗೊನೆ ಮರ್ಯಾದಿ ವಚಾ಼ಡಸ.
1CO 12:24 ಚೊ಼ಕು ಅಂಗನಾ ಭಾಗೊನೆ ರಕ್ಷಣೆನಿ ಜ಼ರುರತ ನೈ ರ‍್ಹತಿ. ಅಂಗನೆ ತಯ್ಯಾರ ಕರಲ ಕ್ಹುದಾ ಕಮಿ ರ‍್ಹಯಲ ಅಂಗನಾ ಭಾಗೊನೆ ಘನ್ನಿ ಮರ್ಯಾದಿ ದಿದ್ಯೊಸ.
1CO 12:25 ಅಂಗಮಾ ಭೆದ-ಭಾವ ನೈಸೊ ಅಂಗನಾ ಭಾಗೊನೆ ಯಕ್ನಾ ಯಕ್ಕನೆ ಚೊ಼ಕಾನಾ ಹುತಿ ಕರ‍್ಯೊಸ.
1CO 12:26 ಯಕ್ಕ ಅಂಗನಾ ಭಾಗನೆ ದುಕ್ಕ ಥಯುಮ, ಕ್ಹಾರಾ ಅಂಗನಾ ಭಾಗೊ ತಿನಾ ಕ್ಹಾತೆ ದುಕ್ಕ ಖಾವಸ. ಯಕ್ಕ ಅಂಗನಾ ಭಾಗನೆ ಖುಶಿ ಥಯುಮ, ಉಗ್ರಲ ಕ್ಹಾರಾ ಅಂಗನಾ ಭಾಗೊ ತಿನಾ ಕ್ಹಾತೆ ಮಳಿನ ಖುಶಿ ಕರಸ.
1CO 12:27 ತುಮೆ ಕ್ಹಾರಾ ಕ್ರಿಸ್ತ ಯೆಸುನು ಅಂಗ ಥಯಾಸ; ಹರಯಕ್ಲೊ ಎ ಅಂಗನು ಭಾಗ ಥಯೊಸ.
1CO 12:28 ಕ್ಹುದಾ ತುಮಾರಾ ಸಭೆಮಾ, ಪೈಲಾ ಅಪೊಸ್ತಲೊನೆ, ಬೆವಾ ಪ್ರವಾದಿಯೊನೆ, ತನ್ವಾ ಮಾಸ್ತರೊನೆ ನೆಮಿಶೊಸ. ಪಾಚಲ್ತೊ ಪವಾಡ ಕರಾಲಾವೊನೆ, ರೊಗ ಅರಾಮ ಕರಾಲಾವೊನೆ, ಉಪಕಾರ ಕರಾಲಾವೊನೆ, ಸಭೆ ಚ಼ಲೈ ಲಿನ ಜಾ಼ವಾಲಾವೊನೆ, ಘನ್ನಾ ಭಾಷಾ ಬೊಲಾಲಾವೊನೆ ನೆಮಿಶೊಸ.
1CO 12:29 ಕ್ಹಾರಾ ಜ಼ನಾ ಅಪೊಸ್ತಲೊ ನ್ಹವೈ, ಕ್ಹಾರಾ ಜ಼ನಾ ಪ್ರವಾದಿಯೊ ನ್ಹವೈ, ಕ್ಹಾರಾ ಜ಼ನಾ ಮಾಸ್ತರೊ ನ್ಹವೈ, ಕ್ಹಾರಾ ಜ಼ನಾ ಪವಾಡ ಕರಾಲಾ ನ್ಹವೈ,
1CO 12:30 ಕ್ಹಾರಾ ಜ಼ನಾ ರೊಗೊ ಅರಾಮ ಕರಾಲಾ ನ್ಹವೈ, ಕ್ಹಾರಾ ಜ಼ನಾ ಘನ್ನಾ ಭಾಷಾ ಬೊಲಾಲಾ ನ್ಹವೈ, ನೈತೊ ಕ್ಹಾರಾ ಜ಼ನಾ ಭಾಷಾ ತಿಳಸೈನ ದಿವಾಲಾ ನ್ಹವೈ.
1CO 12:31 ಖಾಸ ರ‍್ಹಯಲ ವರಾ ತುಮೆ ಪುರಾ ಶ್ರದ್ಧಾಕ್ಹು ಆಸ ಕರೊ. ಮಿ ತುಮೊನೆ ಹಜು಼ನ ಚೊ಼ಕಿ ರ‍್ಹಯಲ ವಾಟ ದೆಕಾಡುಸ;
1CO 13:1 ಮಿ ಮನಕ್ಹೊನಿ ಭಾಷಾ ಯಕ್ಕಜ಼ ದೆವದುತೊನಿ ಭಾಷಾಬಿ ಬೊಲ ಸಕುಸ. ತೆನೈಸೊ ಮಾರಾಮಾ ಮಯಾಜ಼ ನೈ ರ‍್ಹೈಮ,ಮಿ ಕ್ಹಾಲಿ ಟಣ ಟಣ ಕವಾನಿ ಘಂಟಿ ವ್ಹೈ, ಝನ ಝನ ಕವಾನಾ ತಾಳಾ ವ್ಹೈ.
1CO 13:2 ಪ್ರವಾದನೆ ಕರಾನಿ ವರಾ ಮನೆ ವಸೆ; ಕ್ಹುದಾನಿ ರಹಸ್ಯ ಸಂಗತಿಯೊ ಕ್ಹಾರಾ ವರಿ ಗ್ಯಾನ ಕ್ಹಾರು ಮಿ ತಿಳ್ದಿಲಿದ್ಯೊ ವಸೆ ವರಿ ಡೊಂಗರೊನೆ ಚ಼ಲಾವಾನಿ ಮ್ಹೊಟೊ ಬರೊಕ್ಹೊ ಮನೆ ವಸೆ. ಎ ಕ್ಹಾರು ಮಾರಾಮಾ ರ‍್ಹೈತಬಿ ಮಯಾಜ಼ ನೈ ರ‍್ಹೈಮ, ಮಿ ಶಾನಾ ಕಾಮನೊ ಮನಕ್ಹ ನ್ಹವೈ.
1CO 13:3 ಮಿ ಮಕನ ರ‍್ಹವಾನು ಹರಯಕ್ಕ ಮನಕ್ಹೊನೆ ಖಾವಾನೆ ದೆ ಸಕುಸ. ಹೆಮ್ಮೆ ಪಡ್ದಿಲಿವಾನೆ ಮಿ ಮಾರು ಅಂಗಜ಼ ವಪ್ಸಿನ ದೆ ಸಕುಸ. ತೆನೈಸೊ ಎ ಕಾಮೊ ಕ್ಹಾರಾ ಕರ‍್ಯಾ ತಬಿ ಮಯಾ ನೈ ರ‍್ಹೈಮ, ಮನೆ ಸುಜ಼ ಉಪಯೊಗ ನತ್ತಿ.
1CO 13:4 ಮಯಾ ತಾಳ್ಮೆ ರ‍್ಹಯಲ ವ್ಹೈ, ದಯಾ ರ‍್ಹಯಲ ವ್ಹೈ, ಮಯಾ ಅಸೈ ಕರಲೆತು ನೈ; ಹೊಗಳಿ ಲೆತು ನೈ; ಅಹಂಕಾರ ನೈ ಕರಲೆತು.
1CO 13:5 ಮಯಾ ಸರಮ ಲಾವಾನಾ ಕಾಮೊ ಕರ‍್ತು ನೈ; ಸ್ವಾರ್ಥಿ ನ್ಹವೈ ವರಿ ಜಲ್ದಿಜ಼ ಶಿಟ್ಟ ಥಾತು ನೈ; ತಿನೆ ಥಯಲ ಕೆಟ್ಟ ಶೆ ನೈ ಕರ‍್ತು.
1CO 13:6 ಮಯಾ ಕೆಟ್ಟನಾ ಹುತಿ ಖುಶಿ ಥಯಾವಾಚಿ ಕ್ಹರಿನಾ ಹುತಿ ಖುಶಿ ಥಾವಸ.
1CO 13:7 ಮಯಾ ಕ್ಹಾರುಜ಼ ತಾಳ್ಮೆಕ್ಹು ಸ್ವಿಕಾರ ಕರಸ; ಕೆಳಾಮಾಬಿ ಬರೊಕ್ಹೊ ಕರಸ; ಕೆಳಾಮಾಬಿ ನಿರಿಕ್ಷೆ ಕರಸ; ಕೆಳಾಮಾಬಿ ಘಟ್ಟ ಥೈನ ರ‍್ಹವಸ.
1CO 13:8 ಮಯಾ ಕೆಳಾಮಾಜ಼ ಕ್ಹರ‍್ತಿ ನೈ. ಪ್ರವಾದನೆ ಕರಾನಾ ವರಾ ಛೆ, ತೆನೈಸೊ ತೆ ಖಲಾಸ ಥಾವಸ. ಬಿಜಾ಼ ಬಿಜಾ಼ ಭಾಶಾಮಾ ಬೊಲಾನಿ ವರಾ ಛೆ, ತೆನೈಸೊ ತೆ ವರಾ ಖಲಾಸ ಥಾವಸ. ಗ್ಯಾನ ಕವಾನಿ ವರಾಬಿ ಛೆ, ತೆನೈಸೊ ತೆಬಿ ಖಲಾಸ ಥಾವಸ.
1CO 13:9 ಕಾ ಕದ್ಯಾಮ ಅಪೊನೆ ರ‍್ಹವಾನಿ ಎ ಗ್ಯಾನ ವರಿ ಎ ಪ್ರವಾದನೆ ಪುರಾ ರ‍್ಹಯಲ ನ್ಹವೈ.
1CO 13:10 ತೆನೈಸೊ ಪುರಾ ರ‍್ಹಯಲ ಆಯಲ ಪರ ಪುರಾ ರ‍್ಹಯಲ ಕ್ಹಾರು ಖಲಾಸ ಥಾವಸ.
1CO 13:11 ಮಿ ನ್ಹಾನೊ ರ‍್ಹತಾಮಾ ನ್ಹಾನಾವೊ ಲಿಂಗತ ಬೊಲ್ಯೊ, ವಿಚಾರ ಕರ‍್ಯೊ, ಯೊಜನೆ ಕರ‍್ಯೊ. ತೆನೈಸೊ ಮಿ ಜಾಂಜಿಮಾನ ಥಯಲ ಪರ ನ್ಹಾನಾವೊನಾ ಲಿಂಗತ ರ‍್ಹವಾನು ಛೊಡಿ ಪಾಡ್ಯೊ.
1CO 13:12 ತುಮೊನೆಬಿ ಎ ಲಾಗು ಥಾವಸ. ಅರ್ಖಾಮಾ ಖಾಲಿ ಭೌಲು ದಿಕ್ಹೆಲಿಂಗತ ಹಮ್ನಾ ಅಪೆ ದೆಕಾಡಾಸ. ತೆನೈಸೊ ಅಗಲ್ಯಾ ಕಾಲಮಾ ಅಪೆ ಖಾಮಾಜ಼ ದಿಕ್ಹೆಸ. ಹಮ್ನಾ ಮನೆ ತಿಳದಲ ಖಾಲಿ ಯಕ್ಕ ಭಾಗ ತೆಕ್ಲುಜ಼ ವ್ಹೈ, ತೆನೈಸೊ ತೆ ಕಾಲಮಾ ಕ್ಹುದಾ ಮನೆ ತಿಳ್ದಿಲಿದಲ ಲಿಂಗತ ಮಿ ಪುರಾಜ಼ ತಿಳ್ದಿಲ್ಯುಸ.
1CO 13:13 ತಿನಾ ಹುತಿ ಬರೊಕ್ಹೊ, ಆಸ ವರಿ ಮಯಾ ಹಮೆಶಾ ರ‍್ಹವಾನಾ ವ್ಹೈ. ತೆನೈಸೊ ಎ ಕ್ಹಾರಾಮಾ ಮಯಾಜ಼ ಘನಿ ಖಾಸ ವ್ಹೈ.
1CO 14:1 ಮಯಾಜ಼ ಇನಿಲಿವೊ. ತೆನೈಸೊ ಪವಿತ್ರ ಆತ್ಮಾನಿ ವರಾ ಹೊಂದಿ ಲಿವಾನೆ ಖಾಸ ಕರಿನ ಪ್ರವಾದನೆ ಕರಾನಿ ವರಾನಾ ಹುತಿ ಘನ್ನಾ ಅಪೆಕ್ಷಾ ಕರು.
1CO 14:2 ತಿನೆ ಕಾರಣ ಸು ವ್ಹೈ ಕದ್ಯಾಮ; ಬಿಜಿ಼ ಭಾಶಾಮಾ ಬೊಲಾನಿ ವರಾ ವ್ಹಂದಿಲಿದಲವಾಲೊ ಮನಕ್ಹೊನಾ ಕ್ಹಾತೆ ಬೊಲ್ತೊ ನೈ. ತೆ ಕ್ಹುದಾನಾ ಕ್ಹಾತೆ ಬೊಲಸ. ಕುನ್ನಜ಼ ತಿನೆ ಅರ್ಥಾ ಕರಿ ಲೆತಾ ನೈ. ಕಾಕದ್ಯಾಮ, ತೆ ಪವಿತ್ರ ಆತ್ಮಾನಾ ಮೂಲಕ ರಹಸ್ಯ ಸಂಗತಿಯೊ ಬೊಲ್ತೊ ರ‍್ಹವಸ.
1CO 14:3 ತೆನೈಸೊ ಪ್ರವಾದನೆ ಕರಾಲೊ ಮನಕ್ಹೊನಾ ಕ್ಹಾತೆ ಬೊಲಸ. ತೆ ಮನಕ್ಹೊನೆ ತಾಕತ, ಪ್ರೊತ್ಸಾಹ ವರಿ ಆದರಣೆ ದಿವಸ.
1CO 14:4 ಬಿಜಿ಼ ಭಾಶಾಮಾ ಬೊಲಾಲೊ ಮನಕ್ಹ ಖುದ್ದನೆ ಯಕ್ಕಜ಼ ಮದತ ಕರಿಲಿವಸ. ತೆನೈಸೊ ಪ್ರವಾದನೆ ಕರಾಲೊ ಕ್ಹಾರಿ ಸಭೆನೆ ಮದತ ಕರಸ.
1CO 14:5 ಬಿಜಿ಼ ಬಿಜಿ಼ ಭಾಶಾಮಾ ಬೊಲಾನಿ ವರಾ ತುಮೆ ಕ್ಹಾರಾ ವ್ಹಂದಿಲ್ಯು ಕೈನ ಮಾರು ಆಸ ವ್ಹೈ. ತೆನೈಸೊ ತುಮೆ ಪ್ರವಾದನೆ ಕರು ಕೈನ ಮಿ ಹಜು಼ನ ಘನ್ನೊ ಆಸ ಕರುಸ. ಕ್ಹಾಲಿ ಬಿಜಿ಼ ಬಿಜಿ಼ ಭಾಶಾಮಾ ಬೊಲಾಲಾತಿ ಪ್ರವಾದನೆ ಕರಾಲೊ ಘನ್ನೊ ಖಾಸ ಥಯೊಸ. ತೆನೈಸೊ ಬಿಜಿ಼ ಬಿಜಿ಼ ಭಾಶಾಮಾ ಬೊಲಾಲೊ ತೆ ಭಾಷಾ ತಿಳಸಾಲೊ ಥಯಲ ರ‍್ಹಯಮ, ತೆ ಪ್ರವಾದನೆ ಕರಾಲಾ ಲಿಂಗತ ಖಾಸ ಥಾವಸ. ತೆಳಾಮಾ ತೆ ಕವಾನಾ ಸಂಗತಿಯೊನಾ ಮೂಲಕ ಸಭೆನೆ ಮದತ ಥಾವಸ.
1CO 14:6 ಭಾಯೊ ಭೆನೊ, ಮಿ ಬಿಜಿ಼ ಬಿಜಿ಼ ಭಾಶಾಮಾ ಬೊಲಾಲೊ ಥೈನ ತುಮೊಕನ ಆಯೊಮ ತಿನಾಕ್ಹು ತುಮೊನೆ ಮದತ ಥಾವಸ ಸು? ನೈ! ಮಿ ತುಮೊನೆ ನವು ಕ್ಹರಿ ರ‍್ಹಯಲ ದೆಕಾಡಾನು, ಗ್ಯಾನ, ಪ್ರವಾದನೆ ವರಿ ಉಪದೆಶ ಲಾಯೊಮ ತುಮೊನೆ ಮದತ ಥಾತುತು.
1CO 14:7 ಆವಾಜ಼ ಭಾರು ಕಾಡಾನು ಕೊಳಲ ನೈತೊ ತುಣ-ತುಣ ಹಜು಼ನ ದಕ್ಹಾ ಜ಼ಲಮ ನೈ ರ‍್ಹಯಲ ಸಾಮನೊನೆ ತೆ ಕರೆಟ್ಟ ಥಾವಸ. ಬಿಜಾ಼ ಬಿಜಾ಼ ಆವಾಜೊ಼ ಕರೆಟ್ಟ ನೈ ಥಯಾಮ ಕಯು ಗಿದ್ದ ಕವಾಡಾಸ ಕವಾನು ತುಮೆ ತಿಳ್ದಿಲೆತಾ ನೈ. ಹರಯಕ್ಕ ಆವಾಜ಼ ಕರೆಟ್ಟ ಐಯುಮ ತುಮೆ ಸ್ವರ ತಿಳ್ದಿಲಿವೊಶಿ.
1CO 14:8 ಎನೈಸೊ ಯುದ್ದಮಾ ಪೊಂಗೊ ಕರೆಟ್ಟ ನೈ ವಜಾ಼ಡ್ಯೊಮ, ತೆ ಯುದ್ದನೆ ತಯ್ಯಾರ ಥಾವಾನೊ ಟೈಮ ವ್ಹೈ ಕವಾನು ಸೈನಿಕೊನೆ ಗ್ವತ್ತ ಥಾತು ನೈ.
1CO 14:9 ಎ ತುಮೊನೆಬಿ ಲಾಗು ಥಾವಸ. ತುಮೆ ತುಮಾರಿ ಜಿಬ್ಬಕ್ಹು ಬೊಲಾನಾ ವಾತೊ ಕರೆಟ್ಟ ರ‍್ಹೌ. ತುಮೆ ಕರೆಟ್ಟ ನೈ ಬೊಲ್ಯಾಮ, ತುಮೆ ಸು ಬೊಲಾಡಾಸ ಕವಾನು ಮನಕ್ಹೊ ತಿಳ್ದಿಲೆತಾ ನೈ. ತುಮೆ ವಾರಾನಾ ಕ್ಹಾತೆ ಬೊಲಲ ಲಿಂಗತ ದಿಕ್ಹಸ.
1CO 14:10 ದುನಿಯಾಮಾ ಘನ್ನಾ ಭಾಷಾ ಛೆ ಕವಾನು ಕ್ಹರಿಜ಼ ವ್ಹೈ ವರಿ ತೆ ಕ್ಹಾರಾ ಭಾಷಾವೊನೆ ಮತ್ಲಬ ಛೆ.
1CO 14:11 ತಿನಾಹುತಿ, ಯಕ್ಕ ಮನಕ್ಹ ಬೊಲಾನಿ ಭಾಷಾ ಮಿ ನೈ ತಿಳ್ದಿಲಿದ್ಯೊಮ ತೆ ಮನೆ ಬಿಜಾ಼ ದೆಶನೊ ಲಿಂಗತ ರ‍್ಹವಸ; ಮಿ ತಿನೆ ಬಿಜಾ಼ ದೆಶನೊ ಲಿಂಗತ ರ‍್ಹೌಸ.
1CO 14:12 ಎ ತುಮೊನೆಬಿ ಲಾಗು ಥಾವಸ. ತುಮೆ ಆತ್ಮಿಕ ವರಾ ಘನ್ನಾ ಆಸ ಕರೊಶಿ. ತಿನಾಹುತಿ, ಸಭೆ ಘಟ್ಟ ಥೈನ ರ‍್ಹವಾನೆ ಮದತ ಥಾವಾನಾ ವರಾ ವ್ಹಂದಿಲಿವಾನೆ ಘನ್ನಾ ಕೊಶಿಶ ಕರೊ.
1CO 14:13 ಇನಾಹುತಿ ಬಿಜಿ಼ ಭಾಶಾಮಾ ಬೊಲಾನಿ ವರಾ ರ‍್ಹಯಲವಾಲೊ ತೆ ಕವಾನಿ ವಿಷಯನೆ ತಿಳ್ಸಾವಾನಿ ತಾಕತನಾ ಹುತಿ ಕ್ಹುದಾ ಕನ ಪ್ರಾಥನಾ ಕರಾದೆ.
1CO 14:14 ಮಿ ಬಿಜಿ಼ ಭಾಶಾಮಾ ಪ್ರಾಥನಾ ಕರ‍್ಯೊಮ, ಮಾರಿ ಆತ್ಮಾ ಪ್ರಾಥನಾ ಕರಸ ವರಿ ಮಾರು ಮನಸ್ಸ ಬಿಜಿ ಜ಼ಗಾ ರ‍್ಹವಸ.
1CO 14:15 ತಿನಾಹುತಿ ಮಿ ಸು ಕರು? ಮಾರಿ ಆತ್ಮಕ್ಹು ಮನಸ್ಸಕ್ಹು ಪ್ರಾಥನಾ ಕರುಸ. ಮಾರಿ ಜ಼ಲಮನಿ ಆತ್ಮಾನಾ ಕ್ಹಾತೆ ಮನಸ್ಸನಾ ಕ್ಹಾತೆ ಗಿದ್ದ ಕೌಸ.
1CO 14:16 ತು ತಾರಿ ಜ಼ಲಮನಿ ಆತ್ಮಾಕ್ಹು ಸ್ತುತಿ ಕರ ಸಕಶಿ. ತೆನೈಸೊ ತ್ಯಾ ರ‍್ಹವಾಲೊ ಯಕ್ಲೊಬಿ ತಾರಿ ಕೃತಜ್ಞತಾ ಸ್ತುತಿ ತಿಳ್ದಿಲಿದ್ಯಾವಾಚಿ "ತಿಮ್ಮಜ಼ ಥಾವಾದೆ ಕೈನ ಕತೊ ನೈ. ಕಾಕದ್ಯಾಮ ತು ಕವಾನು ತಿನೆ ಗ್ವತ್ತ ಥಾತು ನೈ.
1CO 14:17 ಕ್ಹರಿ ಕೌ ಕದ್ಯಾಮ, ಕ್ಹುದಾನೆ ಕರಾನಿ ಕೃತಜ್ಞತಾ ಸ್ತುತಿಕ್ಹು ಬಿಜೆ಼ಕ್ಲಾನೆ ಮದತ ನೈ ಥಾತು.
1CO 14:18 ಬಿಜಿ಼ ಬಿಜಿ಼ ಭಾಷಾ ಬೊಲಾಲಾ ತುಮೊತಿಬಿ ಘನ್ನಿಯೊ ವರಾ ಮನೆ ಛೆ.
1CO 14:19 ತೆನೈಸೊ ಸಭಾ ಕುಟೊಮಾ ನೈ ಕಳಾನಾ ಬಿಜಾ಼ ಭಾಶಾಮಾ ದಕ್ಹ ಹಜಾ಼ರ ಭಾಶಾಮಾ ಕವಾತಿಬಿ ತಿಳ್ದಿಲಿವಾನಾ ಪಾಂಚ಼ ವಾತೊ ಕವಾನೆ ಪಸಂದ ಕರುಸ. ಬಿಜಾ಼ವೊನೆ ಉಪದೆಶ ಕರಾನಾ ಹುತಿ ಮಿ ಗ್ಯಾನಕ್ಹು ಬೊಲುಸ.
1CO 14:20 ಮಾರಾ ಭಾಯೊ ಭೆನೊ, ಬಚ಼್ಚಾವೊ ಲಿಂಗತ ವಿಚಾರ ಕರ‍್ಯಾವಾಚಿ ಮ್ಹೊಟಾವೊಲಿಂಗತ ವಿಚಾರ ಕರೊ. ಕೆಟ್ಟ ವಿಷಯಮಾ ನ್ಹಾನಾ ಬಚ಼್ಚಾ ಲಿಂಗತ ರ‍್ಹವೊ. ತೆನೈಸೊ ತುಮಾರಿ ವಿಚಾರೊಮಾ ಜಾಂಜಿಮಾನ ಲಿಂಗತ ರ‍್ಹವೊ.
1CO 14:21 ಬಿಜಿ಼ ಭಾಷಾ ಬೊಲಾನಾ ಮೂಲಕ ಬಿಜಾ಼ ದೆಶನಾ ಮನಕ್ಹೊನಾ ಮಿ ಎ ಮನಕ್ಹೊನಾ ಕ್ಹಾತೆ ಬೊಲುಸ. ತೆನೈಸೊ ತ್ಯುನೆ ಮಾರಾ ವಾತೆ ಕಾನ ದಿನ್ನ ನೈ ಐಕ್ತಾ ಕೈನ ಪ್ರಭು ಕವಸ ಕೈನ ರ್ಧಮಶಾಸ್ತ್ರಮಾ ಬರ್ದಲ ಛೆ.
1CO 14:22 ತಿನಾಹುತಿ ಬಿಜಾ಼ ಬಿಜಾ಼ ಭಾಷಾ ಬೊಲಾನಿ ವರಾ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ಆದಾರ ಥಯುಸ ತೆನೈಸೊ ಬರೊಕ್ಹೊ ಕರಾಲಾವೊನೆ ನ್ಹವೈ. ತೆನೈಸೊ ಪ್ರವಾದನೆ ಬರೊಕ್ಹೊ ಕರಾಲಾ ಮನಕ್ಹೊನಾ ಹುತಿ ಛೆ ತೆನೈಸೊ ಬರೊಕ್ಹೊ ನೈ ಕರಾಲಾವೊನಾ ಹುತಿ ನತ್ತಿ.
1CO 14:23 ಯಕ್ಕ ಟೈಮ ಪುರಾ ಸಭೆ ಮಳಿನ ಆಯಲ ಪರ ತುಮೆ ಕ್ಹಾರಾ ಬಿಜಿ಼ ಬಿಜಿ಼ ಭಾಷಾ ಬೊಲಾನು ಶುರು ಕರ‍್ಯಾಮ, ತ್ಯಾ ಆವಾನಾ ಗ್ಯಾನ ನೈ ರ‍್ಹಯಲವಾಲಾ ನೈತೊ ನೈ ಬರೊಕ್ಹೊ ಕರಾಲಾ ದಕ್ಹಾ ಜ಼ನಾ ತುಮೊನೆ ಪಿಸಾಳಾ ವ್ಹೈ ಕೈನ ಕವಸ.
1CO 14:24 ಯಕ್ಕ ಟೈಮ ತುಮೆ ಕ್ಹಾರಾ ಪ್ರವಾದನೆ ಕರ‍್ತಾಮಾ, ಗ್ಯಾನ ನೈ ರ‍್ಹಯಲ ನೈಸೊ ಮನಕ್ಹ ಮ್ಹೈ ಆಯಾಮ, ತುಮಾರಿ ಪ್ರವಾದನೆ ತೆ ಮನಕ್ಹನೆ ತಿನಾ ಪಾಪೊ ದೆಕಾಡಿನ ದಿವಸ ವರಿ ತುಮೆ ಕವಾನಾ ವಿಷಯನಾ ಆಧಾರನಾ ಉಪ್ಪರ ತಿನೆ ಪೈಸ್ಲೊ ಥಾವಸ.
1CO 14:25 ತೆ ಮನಕ್ಹನಾ ಮನಸ್ಸಮಾ ರ‍್ಹವಾನು ರಹಸ್ಯ ಸಂಗತಿಯೊ ಭಾರಾ ಆವಸ. ತಿನಾಹುತಿ ತೆ ಮನಕ್ಹ ಅಡ್ಡ ಪಡಿನ ಕ್ಹುದಾನೆ ಆರಾಧನಾ ಕರಸ" ಕ್ಹರಿಜ಼ ಕ್ಹುದಾ ತುಮಾರಾ ಕ್ಹಾತೆ ಛೆ" ಕೈನ ತೆ ಕವಸ.
1CO 14:26 ತಿನಾಹುತಿ ಭಾಯೊ ಭೆನೊ, ತುಮೆ ಕರಾನು ಸು ವ್ಹೈ? ತುಮೆ ಸಭೆ ಮಳಿನ ಆಯಲಪರ, ಯಕ್ಲೊ ಗಿದ್ದ ಕವಸ; ಯಕ್ಲೊ ಉಪದೆಶ ಕರಸ; ಯಕ್ಲೊ ಕ್ಹುದಾಕ್ಹು ನವು ಕ್ಹರಿ ತಿಳ್ಸಾವಸ; ಯಕ್ಲೊ ಬಿಜಿ಼ ಭಾಶಾಮಾ ಬೊಲಸ; ಯಕ್ಲೊ ತೆ ಬಿಜಿ಼ ಭಾಷಾ ಅನುವಾದ ಕರಸ. ಸಭೆ ಘಟ್ಟ ಥೈನ ಬೆಳದು ಕೈನ ಎ ಕ್ಹಾರಾವೊನು ಉದ್ದೆಶ ರ‍್ಹೌ.
1CO 14:27 ತುಮೆ ಸಭೆ ಮಳಲ ಪರ, ಕುನ್ ತಬಿ ಬಿಜಿ಼ ಭಾಶಾಮಾ ಬೊಲಾನೆ ಆಸ ಕರ‍್ಯಾಮ, ಬೆ ಜ಼ನಾ ನೈತೊ ತನ್ನ ಜ಼ನಾವೊತಿ ಘನ್ನಾ ಜ಼ನಾ ಬಿಜಿ಼ ಭಾಶಾಮಾ ಬೊಲು ನೈ. ತ್ಯುನೆ ಕವಾನು ವರಿ ಯಕ್ಕ ಮನಕ್ಹ ಅನುವಾದ ಕರು.
1CO 14:28 ತೆನೈಸೊ ಅನುವಾದ ಕರಾಲೊ ನೈ ರ‍್ಹಯೊಮ, ಬಿಜಿ಼ ಭಾಶಾಮಾ ಬೊಲಾಲೊ ಸಭೆಮಾ ಗಪ್ಪ ರ‍್ಹೌ. ತೆ ಮನಕ್ಹ ಕ್ಹಾಲಿ ತಿನಾ ಕ್ಹಾತೆಬಿ ಕ್ಹುದಾನಾ ಕ್ಹಾತೆ ಬೊಲು.
1CO 14:29 ಬೆ ಜ಼ನಾ ನೈತೊ ತನ ಜ಼ನಾ ಪ್ರವಾದಿಯೊ ಬೊಲು. ತ್ಯುನೆ ಕವಾನು ಬಿಜಾ಼ ವಿಚಾರ ಕರು.
1CO 14:30 ಸಭೆಮಾ ಬೈಟಲ ಬಿಜೆಕ್ಲಾ ಮನಕ್ಹನೆ ಕ್ಹುದಾನಿ ಸಂದೆಶ ಮಳಿಮ, ಪೈಲಾ ಬೊಲಾಲೊ ತಿನಿ ವಾತ ಹುಬ್ರಾಡಾದೆ.
1CO 14:31 ತುಮೆ ಕ್ಹಾರಾ ಯಕ್ಲೊ ಥಯಲ ಪರ ಯಕ್ಲೊ ಪ್ರವಾದನೆ ಕರ ಸಕೊಶಿ. ಎ ತರಿಕಾಮಾ ಕ್ಹಾರಾ ಮನಕ್ಹೊ ಶಿಕ್ಕಿಲಿವಸ ವರಿ ಪ್ರೊತ್ಸಾಹ ಥಾವಸ.
1CO 14:32 ಪ್ರವಾದಿಯೊನಾ ಜ಼ಲಮನಿ ಆತ್ಮಾ ಪ್ರವಾದಿಯೊನಾ ಸ್ವಾದಿನಮಾಜ಼ ರ‍್ಹವಸ.
1CO 14:33 ಕ್ಹುದಾ ಸಮಾಧಾನನೆ ಕಾರಣ ವ್ಹೈ ನೈತೊ ಗಲಿಬಿಲಿನೆ ಕಾರಣ ನ್ಹವೈ.
1CO 14:34 ಬಾಕ್ಡಿಯೊ ಸಭಾ ಕುಟಮಾ ಗಪ್ಪ ರ‍್ಹೌ. ಕ್ಹುದಾನಾ ಬಚ್ಚಾ಼ವೊನಾ ಕ್ಹಾರಾ ಸಭೆಮಾ ಎಜ಼ ಪದ್ದತ ರುಡಿಮಾ ಛೆ. ಬಾಕ್ಡಿಯೊನೆ ಬೊಲಾನಿ ಇಜಾಜ಼ತ ನತ್ತಿ. ತ್ಯುನೆ ಅದಿನ ಥೈನ ರ‍್ಹೌ. ಮೊಶೆನು ಧರಮಶಾಸ್ತ್ರಬಿ ಎಜ಼ ಕವಸ.
1CO 14:35 ತ್ಯುನೆ ಸುಬಿ ತಿಳ್ದಿಲಿವ ಕದ್ಯಾಮ, ಘರಮಾ ತ್ಯುನಾ ತ್ಯುನಾ ಮಾಟಿಯೊನೆ ಪುಚ಼್ಚಿನ ತಿಳ್ದಿಲಿವಾದೆ. ಬಾಕಡಿಯೊ ಸಭಾ ಕುಟಮಾ ಬೊಲಾನು ಚೊ಼ಕಿ ಲಕ್ಷಣಾ ನ್ಹವೈ.
1CO 14:36 ಕ್ಹುದಾನಿ ವಾಕ್ಯಾ ತುಮೊತಿ ಐಸ ಸು? ತೆನೈಸೊ ತುಮೊನೆ ಯಕ್ಕಜ಼ ಐನ ಮುಟ್ಯು?
1CO 14:37 ತುಮೊಮಾ ಕುನ್ನತಬಿ ಯಕ್ಲೊ ತೆ ಕ್ಹುದಾನಿ ವಾಕ್ಯಾ ಕವಾಲೊ ನೈತೊ ಪವಿತ್ರ ಆತ್ಮಾನಿ ಪ್ರೆರಣೆ ವ್ಹಂದಿಲಿದಲವಾಲೊ ಕೈನ ತಿಳ್ದಿಲಿದಲ ರ‍್ಹಯೊಮ, ಮಿ ತುಮೊನೆ ಬರ್ದಲ ಕ್ಹಾರು ಪ್ರಭುನಿ ಆಗನ್ಯಾ ವ್ಹೈ ಕೈನ ಚೊ಼ಕಿ ತರಾ ತಿಳ್ದಿಲಿವೊ.
1CO 14:38 ಕುನ್ ತಬಿ ಇನೆ ವಪ್ಪಿ ನೈ ಲಿದ್ಯಾಮ, ತುಮೆ ತ್ಯುನೊನೆ ವಪ್ಪಿ ಲಿವಾನು ಜ಼ರುರತ ನತ್ತಿ.
1CO 14:39 ಭಾಯೊ ಭೆನೊ, ಕ್ಹುದಾನಿ ವಾಕ್ಯಾ ಕವಾಮಾ ಆಸಕ್ತಿಕ್ಹು ರ‍್ಹವೊ. ಬಿಜಿ಼ ಬಿಜಿ಼ ಭಾಶಾ ಬೊಲಾಲಾವೊನೆ ತರಬೊ ನಕೊ.
1CO 14:40 ತೆನೈಸೊ ಕ್ಹಾರುಜ಼ ಮರ್ಯಾದಿಕ್ಹು ಕರೆಟ್ಟ ಕರೊ.
1CO 15:1 ಮಯಾನಾ ಭಾಯೊ ಭೆನೊ, ಮಿ ತುಮೊನೆ ಕದಲ ಚೊ಼ಕಿ ಸಂದೆಶ ಶೆಂ ಕರೊ. ತುಮೆ ತಿನೆ ಸ್ವಿಕಾರ ಕರ‍್ಯಾಸ. ತಿಮಾಜ಼ ಘಟ್ಟ ಥೈನ ಹುಬ್ರಯಾಸ.
1CO 15:2 ಮಿ ತುಮೊನೆ ಚೊ಼ಕಿ ಸಂದೆಶ ಕೈನ ದಿದಲ ಸಂಗತಿನೆ ಘಟ್ಟ ವಿಶ್ವಾಸ ಕರ‍್ಯಾಮ ತುಮೆ ಜ಼ಲಮ ಉದ್ದಾರ ಪಡ್ದಿಲಿವೊಶಿ. ನೈತೊ ತುಮಾರು ವಿಶ್ವಾಸ ಹಾಳಥಾಸ.
1CO 15:3 ಮಿ ಪಡ್ದಿಲಿದಲ ಖಾಸ ವ್ಹೈ ಕೈನ ತಿಳ್ದಿಲಿನ ತುಮೊನೆ ವಪ್ಪಸಾಯೊಸ. ತೆ ಕಯು ಕಯು ವ್ಹೈ ಕದ್ಯಾಮ, ಪವಿತ್ರ ಗ್ರಂಥಮಾ ಕದಲ ಪ್ರಕಾರ ಕ್ರಿಸ್ತ ಯೆಸು ಅಪ್ನಾ ಪಾಪೊನಾ ಪರಿಹಾರನಾ ಹುತಿ ಜ಼ಲಮ ದಿದ್ಯೊ.
1CO 15:4 ತಿನೆ ಮಜಾ಼ರಮಾ ಘಾಲ್ಯಾ. ತೆಜ಼ ಗ್ರಂಥನಾ ಪ್ರಕಾರ ತನ್ವಾ ದಿನ್ನೆ ತೆ ಪುನರುತ್ಥಾನ ಥಯೊ.
1CO 15:5 ಪಾಚಾ಼ತು ಕೆಫನೆಬಿ ಬಾರಾ ಜ಼ನಾವೊನಾ ಶಿಷ್ಯಾವೊನೆ ದಿಕ್ಹ್ಯೊ.
1CO 15:6 ಪಾಚಲ್ತೊ ಯಕ್ಕಜ಼ ಟೈಮಮಾ ಪಾಂಚ಼ ಕ್ಹೊ ತಿಬಿ ಜಾ಼ಸ್ತ ಭಾಯೊನೆ ತೆ ದಿಕ್ಹ್ಯೊ. ತಿಮಾನಾ ದಕ್ಹಾ ಜ಼ನಾ ಮರಿ ಗಯಾತಾ ಘನ್ನಾ ಜ಼ನಾ ಹಜು಼ನಬಿ ಜಿವ್ತಾ ಛೆ.
1CO 15:7 ತೆ ಥಯಲ್ಪರ ಯಾಕೊಬನೆಬಿ ಪಾಚಲ್ತೊ ಕ್ಹಾರಾ ಅಪೊಸ್ತಲೊನೆ ದಿಕ್ಹ್ಯೊ.
1CO 15:8 ಲಾಸ್ಟೆ ದಿನ್ನ ಭರಾತಿ ಪೈಲಾಜ಼ ಹುಟ್ಟಲ ಬಚ್ಚಾ಼ ಲಿಂಗತ ಮನೆಬಿ ದಿಕ್ಹ್ಯೊ.
1CO 15:9 ಮಿ ತಬಿ ಅಪೊಸ್ತಲೊಮಾ ನ್ಹಾನೊ ವ್ಹೈ, ಅಪೊಸ್ತಲ ಕವಾನಾ ನಾಮನೆಬಿ ಲಾಯಕ ನತ್ತಿ. ಕಾಕದ್ಯಾಮ ಸಭೆವಾಲಾ ಮನಕ್ಹೊನೆ ತ್ರಾಸ ದಿದ್ಯೊ.
1CO 15:10 ಮಿ ಹಮ್ನಾ ಎ ಸ್ಥಿತಿಮಾ ರ‍್ಹವಾನು ಕ್ಹುದಾನಿ ಮರ್ಗಾಕ್ಹುಜ಼ ವ್ಹೈ. ತಿನಿ ಮರ್ಗಾ ಮಪರ ವ್ಯರ್ಥ ಥೈ ನೈ. ಮಿ ತ್ಯುನಾ ಕ್ಹಾರಾವೊತಿಬಿ ಹೆಚ್ಕಿ ಶ್ರಮಾ ಕರಿನ ಸೆವೆ ಕರ‍್ಯೊಸ. ತೆ ಕರಲವಾಲೊ ಮಿ ನ್ಹವೈ, ಮಾರಾಮಾ ರ‍್ಹವಾನಿ ಕ್ಹುದಾನಿ ಮರ್ಗಾಜ಼ ಕರಲ ವ್ಹೈ.
1CO 15:11 ಮಿ ರ‍್ಹಯೊತಬಿ ಸು, ತ್ಯುನೆ ರ‍್ಹಯಾತಬಿ ಸು? ಹಮೆ ಕದಲ ಸಂದೆಶ ಯಕ್ಕಜ಼ ವ್ಹೈ. ತಿನೆ ತುಮೆ ಬರೊಕ್ಹೊ ಕರ‍್ಯಾಸ.
1CO 15:12 ಕ್ರಿಸ್ತ ಯೆಸು ಮೌತತೊ ಪುನರುತ್ಥಾನ ಹೊಂದಿಲಿದ್ಯೊ ಕೈನ ಹಮೆ ಕವಾಮಾ, ಮರಲವಾಲಾ ಪುನರುತ್ಥಾನ ನೈ ಥಾತಾ ಕೈನ ತುಮೊಮಾ ದಕ್ಹಾ ಜ಼ನಾ ಕವಾನು ಕಿಮ್ಮ ವ್ಹೈ?
1CO 15:13 ಮರಲವಾಲಾ ಪುನರುತ್ಥಾನ ನತ್ತಿ ಕೈನ ಕ್ಹರಿ ರ‍್ಹಯಮ ಕ್ರಿಸ್ತ ಯೆಸು ಪುನರುತ್ಥಾನ ನತ್ತಿ ವ್ಹಂದಿಲಿದ್ಯೊ ಕೈನ ಥಯು.
1CO 15:14 ಕ್ರಿಸ್ತ ಯೆಸು ಪುನರುತ್ಥಾನ ನತ್ತಿ ಥಯೊ ಕದ್ಯಾಮ ಹಮಾರಿ ಬೊದನೆ ವ್ಯರ್ಥ ವ್ಹೈ ವರಿ ತುಮಾರೊ ಬರೊಕ್ಹೊಬಿ ವ್ಯರ್ಥ ವ್ಹೈ.
1CO 15:15 ಎನೈಸೊ ಮರಲವಾಲಾ ಪುನರುತ್ಥಾನ ನೈ ಥಾತಾ ಕವಾನು ಕ್ಹರಿಜ಼ ರ‍್ಹಯಮ ಕ್ಹುದಾ ಕ್ರಿಸ್ತ ಯೆಸುನೆ ಪುನರುತ್ಥಾನ ನತ್ತಿ ಕರಲ ಲಿಂಗತ ಥಯು. ಕ್ಹುದಾ ಕ್ರಿಸ್ತ ಯೆಸುನೆ ಮೌತತೊ ಪುನರುತ್ಥಾನ ಕರ‍್ಯೊಸ ಕೈನ ಸಾಕ್ಷಿ ಕದಲ ಹಮೆ ತೆಳಾಮಾ ಕ್ಹುದಾನಾ ಹುತಿ ಸುಳ್ಳ ಸಾಕ್ಷಿ ಕದಲ ಲಿಂಗತ ಥಯು.
1CO 15:16 ಮರಲವಾಲಾ ಪುನರುತ್ಥಾನ ನೈ ಥಾತಾ ಕೈನ ಕದ್ಯಾಮ ಕ್ರಿಸ್ತ ಯೆಸುಬಿ ಪುನರುತ್ಥಾನ ನತ್ತಿ ಥಯೊ.
1CO 15:17 ಕ್ರಿಸ್ತ ಯೆಸು ಪುನರುತ್ಥಾನ ನತ್ತಿ ಥಯೊ ಕದ್ಯಾಮ ತುಮಾರೊ ಬರೊಕ್ಹೊ ವ್ಯರ್ಥ ವ್ಹೈ, ವರಿ ತುಮೆ ಹಜು಼ನಬಿ ತುಮಾರಾ ಪಾಪಮಾಜ಼ ಛೆ.
1CO 15:18 ಎನೈಸೊ ಕ್ರಿಸ್ತ ಯೆಸುಮಾ ಮರಲವಾಲಾ ಕ್ಹಾರಾ ಜ಼ನಾ ಹಾಳ ಥಯಾ ಕದಲ ಲಿಂಗತ ವ್ಹೈ.
1CO 15:19 ಕ್ರಿಸ್ತ ಯೆಸುಮಾ ಅಪೊನೆ ರ‍್ಹವಾನೊ ಬರೊಕ್ಹೊ ಕ್ಹಾಲಿ ಎ ಜಿ಼ಂದಗಿನೆ ಸಿಮಿತ ರ‍್ಹಯಮ ಅಪೆ ಕ್ಹಾರಾ ಮನಕ್ಹೊತಿಬಿ ಕಿಳ ವ್ಹೈ.
1CO 15:20 ತೆನೈಸೊ ಕ್ರಿಸ್ತ ಪುನರುತ್ಥಾನ ಥೈನ ಆಯೊ. ಮರಲವಾಲಾವೊಮಾ ಪಸ್ಟ ಫಲ ಥಯೊ.
1CO 15:21 ಯಕ್ಕ ಮನಕ್ಹಕ್ಹು ಮರಣ ಆಯಲ ಲಿಂಗತ ಯಕ್ಕ ಮನಕ್ಹಕ್ಹು ಮರಲವಾಲಾವೊನೆ ಪುನರುತ್ಥಾನ ಆಯುಸ.
1CO 15:22 ಆದಾಮನಾ ಸಂಬಂಧಕ್ಹು ಕ್ಹಾರಾ ಜ಼ನಾ ಮರಣನೆ ಗುರಿ ಥಯಲ ಲಿಂಗತ ಕ್ರಿಸ್ತ ಯೆಸುನಾ ಸಂಬಂಧಕ್ಹು ಕ್ಹಾರಾ ಜ಼ನಾ ಜಿವ್ತಾ ಥೈನ ಉಟಸ.
1CO 15:23 ಎ ಭಾಗ್ಯನೆ ಯಕೆಕ್ಲೊ ಕ್ರಮಬದ್ದ ತರಿಕಾಮಾ ಪಡ್ದಿಲಿವಸ. ಪಸ್ಟ ಫಲ ಥೈನ ಕ್ರಿಸ್ತ ಯೆಸುಜ಼ ಜಿವ್ತೊ ಥಯೊ. ಪಾಚಾ಼ತಾ, ಕ್ರಿಸ್ತ ಯೆಸುನೆ ಮಳಲವಾಲಾ ಯೆಸು ವರಿ ಯಕ್ಕೆಮ ಆತಾಮಾ ಜಿವ್ತಾ ಥಾವಸ.
1CO 15:24 ಅಂತ್ಯ ಆವಾನು ತೆ ಥಯಲ್ಪರಜ಼ ವ್ಹೈ. ತೆಳಾಮಾ ಯೆಸು ಕ್ಹಾರು ಸಾಮ್ರಾಜ್ಯ ಅದಿಕಾರ ತಾಕತ ಹಾಸಿಲ ಕರಿನ ಬಾ ಥಯಲ ಕ್ಹುದಾನೆ ಒಪ್ಸಿನ ದಿವಸ.
1CO 15:25 ಕ್ಹುದಾ ತಿನಾ ಕ್ಹಾರಾ ದುಶ್ಮನೊನೆ ತ್ಯುನಾ ಪಗೊ ಹೆಟಾ ಘಾಲೆ ಲಕ್ಕಾ ತ್ಯುನೆ ರಾಜ್ಯ ಕ್ರಿಸ್ತ ಆಳು.
1CO 15:26 ಕ್ಹಾರಾತಿ ಲಾಸ್ಟೆ ಖಲಾಸ ಥಾವಾನು ದುಶ್ಮನಜ಼ ಮರಣ ವ್ಹೈ.
1CO 15:27 "ಕ್ಹುದಾ ಕ್ಹಾರುಜ಼ ಹತ್ಮಾ ಲಿನ ತಿನಾ ಪಾದಪಿಠ ಕರಿಲಿದ್ಯೊಸ" ಕೈನ ಬರ್ದಲ ಛೆ" ಕ್ಹಾರುಜ಼ ಹತ್ಮಾ ಲಿದಲ ಛೆ" ಕೈನ ಕತಾಮಾ, ತಿಮ್ಮ ಅದಿನ ಕರಿಲಿದಲ ಕ್ಹುದಾ ತಿಮಾ ಮಳ್ಯೊ ನೈ ಕವಾನು ಸ್ಪಶ್ಟ ಛೆ.
1CO 15:28 ಕ್ಹಾರುಜ಼ ಕ್ರಿಸ್ತ ಯೆಸುನಾ ಅದಿನಮಾ ಥಯಲ್ಪರ ದಿಕ್ರೊ ಥಯಲ ತೆಜ಼, ಕ್ಹಾರುಜ಼ ಅದಿನ ಕರಿನ ದಿದಲ ಕ್ಹುದಾನೆ ಅದಿನ ಥೈನ ರ‍್ಹವಸ. ತೆಳಾಮಾ ಕ್ಹುದಾ ಕ್ಹಾರಾವೊನೆ ಕ್ಹಾರುಜ಼ ಥೈನ ರ‍್ಹವಸ.
1CO 15:29 ಮರಲವಾಲಾವೊನೆ ಪುನರುತ್ಥಾನ ನತ್ತಿ ಕದ್ಯಾಮ, ಮರಲವಾಲಾವೊನಾ ಹುತಿ ಬಾಪ್ತಿಸ್ಮ ಕರೈ ಲಿವಸತೊ ತಿನು ಉದ್ದೆಶ ಸು ವ್ಹೈ? ಮರಲವಾಲಾವೊನೆ ಪುನರುತ್ಥಾನ ನತ್ತಿ ಕದ್ಯಾಮ ತ್ಯುನಾ ಹುತಿ ಬಾಪ್ತಿಸ್ಮ ಕರಾನು ಉಪಯೊಗ ಸು ವ್ಹೈ?
1CO 15:30 ಅಪೆಬಿ ಕಾ ಹರಯಕ್ಕ ಟೈಮ್ಮಾ ಖತ್ರಾಮಾ ಕಾ ಪಡಾಡ್ಯಾಸ?
1CO 15:31 ಹೊ ಭಾಯೊ ಭೆನೊ, ಹರಯಕ್ಕ ದಿನ್ನ ಮಿ ಮೌತನಾ ಮ್ಹೊಡಾಮಾ ಛೆ. ಅಪ್ನೊ ಪ್ರಭು ಯೆಸು ಕ್ರಿಸ್ತಮಾ ತುಮಾರಾ ಹುತಿ ಮನೆ ರ‍್ಹವಾನಿ ಹೆಮ್ಮೆಕ್ಹು ಎ ಕ್ಹರಿಬಿ ಕವಾಡ್ಯೊಸ.
1CO 15:32 ಮಿ ಎಫೆಸಮಾ ಮೃಗ ಯುದ್ದ ಕರಲ ಮನಕ್ಹೊನಾ ಹುತಿ ರ‍್ಹಯಮ ಮನೆ ಸು ಫೈದೊ ನತ್ತಿ? ಮರಲವಾಲಾ ಪುನರುತ್ಥಾನ ನೈ ಥಾತಾ ಕದ್ಯಾಮ"ಆವೊ ಅಪೆ ಖೈಯೆ, ಪಿಯ್ಯೆ, ವಂತಾ ಮರಿಯೆಸ್ತೊ" ಯೆಶಾಯ 22. 13
1CO 15:33 "ಮೊಸ ಜಾ಼ವೊ ನಕೊ; ಕೆಟ್ಟ ಸವಾಸ ಚೊ಼ಕಾ ಪನನೆ ಕೆಡಸಸ್"
1CO 15:34 ಗೌರ ಕರಿನ ವಿಚಾರ ಕರೊ! ನಿತಿವಂತವಾಲಾ ಥೈನ ಹುಶಾರಕ್ಹು ರ‍್ಹವೊ. ಪಾಪ ಕರೊ ನಕೊ. ದಕ್ಹಾ ಜ಼ನಾವೊನೆ ಕ್ಹುದಾನಾ ಹುತಿ ಗ್ಯಾನಜ಼ ನತ್ತಿ; ತುಮೊನೆ ಸರಮ ಔಜ಼ ಕೈನ ಎ ಕವಾಡ್ಯೊಸ.
1CO 15:35 ಮರಲವಾಲಾವೊನೆ ಪುನರುತ್ಥಾನ ಥಾವಾನು ಕಿಮ್ಮ? ಕಯಾ ಅಂಗಕ್ಹು ಪಡ್ದಿಲಿವಸ? ಕೈನ ಕುನ್ನಬಿ ಸವಾಲ ಕರ ಸಕಸ.
1CO 15:36 ಪಿಸಾಳಾ! ತು ಬಿತ್ತಲ ಬಿಯ್ಯೊ ನೈ ಮರ‍್ಯೊಮ, ತೆ ಜಿವ್ತು ಥಾವಸ ಸು?
1CO 15:37 ದೆಕ; ಯಕ್ಕ ಟೈಮ ಘೌ ರ‍್ಹವಾದೆ ಬಿಜಿ಼ ಕಯುಬಿ ಬಿಯ್ಯೊ ರ‍್ಹವಾದೆ ಬಿತ್ತತಾಮಾ ಖಾಲಿ ಬಿಯ್ಯಾಜ಼ ಘಾಲಸ ತೆನೈಸೊ ಅಗು ಬೆಳದಾನು ಝಾಡ ಬಿತ್ತತೊ ನೈ.
1CO 15:38 ತೆನೈಸೊ ಕ್ಹುದಾ ತಿನಿ ಪಸಂದ ಲಿಂಗತ ತಿನೆ ಅಂಗ ದಿವಸ. ಯಕೆಕ್ಕ ಬಿಯ್ಯಾನೆ ತಿನಾ ತಕ್ಕ ಅಂಗ ದಿವಸ. ಆದಿಕಾಂಡ 1. 11
1CO 15:39 ಕ್ಹಾರಾ ಅಂಗೊ ಯಕ್ಕಜ಼ ತರಾನಾ ನ್ಹವ್ಹೈ; ಮನಕ್ಹನು ಅಂಗ ಬಿಜು಼ ವ್ಹೈ, ಜಾನವರನು ಅಂಗ ಬಿಜು಼ ವ್ಹೈ, ಪಕ್ಷಿಯೊನು ಅಂಗ ಬಿಜು಼ ವ್ಹೈ ಮಚ಼್ಲಿನು ಅಂಗ ಬಿಜು಼ ವ್ಹೈ.
1CO 15:40 ಎನೈಸೊ ಸ್ವರ್ಗನಾ ಅಂಗೊ ಛೆ, ಭುಲೊಕನಾ ಅಂಗೊ ಛೆ, ತೆನೈಸೊ ಸ್ವರ್ಗನಾ ಅಂಗೊನು ಮಹಿಮಾಜ಼ ಬಿಜಿ಼ ವ್ಹೈ, ಭುಲೊಕನಾ ಅಂಗೊನಿ ಮಹಿಮಾ ಬಿಜಿ಼ ಛೆ.
1CO 15:41 ಸುರ್ಯಾನು ಉಜಾಲು ಯಕ್ಕ ತರಾ ರ‍್ಹಯಮ, ಚಂದಪ್ಪಾನು ಉಜಾಲು ಬಿಜಿ಼ ತರಾ ರ‍್ಹವಸ, ತಿನಾ ಲಿಂಗತಜ಼ ಚಿಕ್ಕಿಯೊನು ಉಜಾಲುಬಿ ಬಿಜಿ಼ ತರಾ ವ್ಹೈ.
1CO 15:42 ಮರಲವಾಲಾವೊನೆ ಥಾವಾನು ಪುನರುತ್ಥಾನ ತಿನಾ ಲಿಂಗತಜ಼ ರ‍್ಹವಸ. ಬಿತ್ತಾನು ಹಾಳ ಥಾವಾನು. ಪುನರುತ್ಥಾನ ಥಾವಾನು ಹಮೆಶಾ ರ‍್ಹವಾನು ವ್ಹೈ.
1CO 15:43 ಕೆಟ್ಟ ಸ್ಥಿತಿಮಾ ಬಿತ್ತಾವಸ; ಮಹಿಮಾಮಾ ಪುನರುತ್ಥಾನ ಥಾವಸ; ಬಲಹಿನ ಸ್ಥಿತಿಮಾ ಬಿತ್ತಾವಸ, ತಾಕತ ವ್ಹಂದಿಲಿನ ಪುನರುತ್ಥಾನ ಥಾವಸ;
1CO 15:44 ಬಿತ್ತಲ ಪ್ರಾಕೃತ ಅಂಗ ಥೈನ ಬಿತ್ತಾವಸ; ಪುನರುತ್ಥಾನ ಥಾವಾನು ಆತ್ಮಿಕ ಅಂಗ ವ್ಹೈ. ಪ್ರಾಕೃತ ಅಂಗ ರ‍್ಹವಾನು ರ‍್ಹಯಮ ಆತ್ಮಿಕ ಅಂಗ ರ‍್ಹವಾನು ಕ್ಹರಿಜ಼ ವ್ಹೈ.
1CO 15:45 "ಪಸ್ಟ ಮನಕ್ಹ ಥಯಲ ಆದಾಮ ಜ಼ಲಮ ಲಿದಲ ಮನಕ್ಹ ವ್ಹೈ "ಕವಾನು ಪವಿತ್ರ ಗ್ರಂಥಮಾ ಬರ್ದಲ ಛೆತೊ. ಲಾಸ್ಟನೊ ಆದಾಮ ತುಬಿ ಜ಼ಲಮ ದಿವಾಲೊ ಆತ್ಮಾ ಥಯೊ.
1CO 15:46 ಆತ್ಮಿಕ ರ‍್ಹಯಲ ಪೈಲಾ ಆಯಲ ನ್ಹವ್ಹೈ, ಪ್ರಾಕೃತ ರ‍್ಹಯಲ ಪೈಲಾ ವ್ಹೈ; ಪಾಚಾ಼ತು ಆತ್ಮಿಕ ರ‍್ಹಯಲ ವ್ಹೈ.
1CO 15:47 ಪೈಲಾ ಮನಕ್ಹ ಮಾತಿಕ್ಹು ಕರಲ ವ್ಹೈ; ಜಿಮಿನನೆ ಮಳಲವಾಲೊ ವ್ಹೈ, ಬೆವಾ ಮನಕ್ಹ ಸ್ವರ್ಗತೊ ಆಯಲವಾಲೊ ವ್ಹೈ.
1CO 15:48 ಮಾತಿಕ್ಹು ಹುಟ್ಟಲವಾಲೊ ಕ್ಯವೊ ಛೆ ಮಾತಿನೆ ಸಂಬಂಧ ರ‍್ಹಯಲವಾಲಾ ತ್ಯವಾಜ಼ ಥಾವಸ; ಸ್ವರ್ಗತೊ ಆಯಲವಾಲೊ ಕ್ಯವೊ ಛೆ ಸ್ವರ್ಗನಾ ವ್ಹೈ.
1CO 15:49 ಅಪೆ ಮಾತಿಕ್ಹು ಹುಟ್ಟಲವಾಲಾನಾ ರುಪ ಲಿದಲ ಪ್ರಕಾರ ಸ್ವರ್ಗತೊ ಆಯಲವಾಲಾನಾ ರುಪ ಲ್ಯು.
1CO 15:50 ಮಯಾನಾ ಭಾಯೊ ಭೆನೊ, ಮಿ ಕವಾನು ಸುವ್ಹೈ ಕದ್ಯಾಮ, ಹಾಳ ಥಾವಾನು ಅಂಗ ಕ್ಹುದಾನಿ ರಾಜ್ಯನೆ ವಶಮಾ ನೈ ಕರಸಕ್ತು; ತಿನಾನ ಲಿಂಗತಜ಼, ಹಾಳ ಥೈನ ಜಾ಼ವಾನು ಅಮರತ್ವನೆ ಬಾದ್ಯ ಥಾವಾನೆ ಸಾಧ್ಯಾ ನತ್ತಿ.
1CO 15:51 ದೆಕೊ! ಯೆಳಕ್ಕಾ ದಡಿ ರ‍್ಹಯಲ ಸಂಗತಿ ಮಿ ತುಮೊನೆ ಕೌಸ, ಅಪೆ ಕ್ಹಾರಾ ಮರ‍್ತಾ ನೈ, ಬದಲಾವಣೆ ಥೈಯೆಸ.
1CO 15:52 ಲಾಸ್ಟ ತುತ್ತುರಿನು ಆವಾಜ಼ ಡುಬ್ತಾಮಾ, ದಕ್ಹಿ ಯೆಳಮಾ, ಡೊಳಾ ಝಾಕೆ ಲಕ್ಕಾ ಬದಲಾವಣೆ ಅಪೆ ಕ್ಹಾರಾ ಥೈಯೆಸ. ಹೊ, ತುತ್ತುರಿ ಮೊಳಗಿ ಮರಲವಾಲಾ ನಿರ್ಣಯ ಥೈನ ಉಟಸ, ಅಪೆ ರುಪಾಂತರ ಥಯೆಸ.
1CO 15:53 ಹಾಳ ಥಾವಾನಾ ಎ ಅಂಗ ನಿರ್ಲತ್ವ ಘಾಲಿವಸ, ಮರಣನೆ ಅದಿನ ಥಯಲ ಎ ಅಂಗ ಅಮರತ್ವ ಘಾಲಿವಾನು ಜ಼ರುರಿ ಛೆ.
1CO 15:54 ಹಾಳ ಥಾವಾನು ಎ ಅಂಗ ನಿರ್ಲಯತ್ವ ಘಲಿದಲ ಪರ ಮರಣನೆ ಅದಿನ ಥಯಲ ಎ ಅಂಗ ಅಮರತ್ವನೆ ಘಾಲಿದಲ ಪರ ಬರ್ದಲ ವಾತ ಪುರಾ ಥಾವಸ.
1CO 15:55 ಎ! ಮರಣ ತಾರಿ ಝಿತ್ತ ಕಿಜಾ಼ ಛೆ? ಎ! ಮರಣ ತಾರಿ ಬಿಜಾ಼ವೊನೆ ಹಾಳ ಕರಾನಿ ತಾಕತ ಕಿಜಾ಼ ಛೆ?
1CO 15:56 ಮೌತನಿ ಕೊಂಡಿ ಪಾಪಜ಼ ವ್ಹೈ; ಪಾಪನಿ ತಾಕತನಿ ಆದಾರ ಧರ್ಮ ಶಾಸ್ತ್ರನಾ ವಿಧಿಯೊಜ಼ ವ್ಹೈ.
1CO 15:57 ತೆನೈಸೊ ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ಝಿತ್ತ ದಿವಾಲಾ ಕ್ಹುದಾನೆ ಹಮೆಶಾಬಿ ಮಹಿಮಾ ಥಾವಾದೆ.
1CO 15:58 ತಿನಾ ಹುತಿ ಮಾರಾ ಮಯಾನಾ ಭಾಯೊ ಭೆನೊ, ಘಟ್ಟ ಥೈನಬಿ ನಿಶ್ಚಲ ಥೈನ ರ‍್ಹವೊ. ಕಾಕದ್ಯಾಮ ತುಮೆ ಕ್ಹುದಾನಿ ಸೆವಾಮಾ ಕರಾನಿ ಕೊಶಿಶ ವ್ಯರ್ಥ ನೈ ಥಾತು. ತೆ ತಿಳ್ದಿಲಿನ ಕ್ಹುದಾನು ಕಾಮ ಹಮೆಶಾಬಿ ಘನ್ನಿ ಆಸಕ್ತಿಕ್ಹು ವರಿ ಹಮೆಶಾಬಿ ಶ್ರಧ್ದಾ ರ‍್ಹಯಲವಾಲಾ ಥೈನ ಕರಾಲಾ ಥಾವೊ.
1CO 16:1 ಹಮ್ನಾ ಕ್ಹುದಾನಾ ಮನಕ್ಹೊನಾ ಹುತಿ ದೊಕ್ಡಾ ಜ಼ಮಾ ಕರಾನಾ ಹುತಿ, ಮಿ ಗಲಾತ್ಯ ಪ್ರಾಂತ್ಯನಾ ಸಭೆನೆ ಕೈನ ದಿದಲ ತಿಮ್ಮಜ಼ ತುಮೆ ಕರೊ.
1CO 16:2 ತುಮೊಮಾ ಹರಯಕ್ಲೊ ತಿನೆ ಆಯಲ ಪಗಾರಮಾ ಥಯಲ ತ್ಯಕ್ಲು ಅಟ್ವಾಡಾನಾ ಪೈಲಾ ದಿನ್ನಮಾ ಕದ್ಯಾಮ (ಐತವಾರ) ಜ಼ಮಾ ಕರಿನ ತಿನಾ ಘರಮಾ ಮ್ಹೆಲಿದಲ ರ‍್ಹೌ. ಇನಾಕ್ಹು ಮಿ ಆಯಲ ಪರ ದೊಕ್ಡಾ ಜ಼ಮಾ ಕರಾನಿ ಜ಼ರುರತ ನೈ ರ‍್ಹತಿ.
1CO 16:3 ವರಿ ಮಿ ಆಯಲ ಪರ ತುಮೆ ಕಿನೆಜ಼ ಪ್ರಾಮಾಣಿಕ ವ್ಹೈ ಕೈನ ದೆಕಾಡೊಶಿ ಸು, ತ್ಯುನಾ ಕ್ಹಾತೆ ತುಮಾರು ಕೊಡುಗೆ ಯೆರುಸಲೆಮನೆ ಲಿನ ಜಾ಼ವಾನೆ ಪತ್ರ ದಿನ್ನ ವಳೌಸ.
1CO 16:4 ವರಿ ಮಿಬಿ ಜಾ಼ವಾನು ಚೊ಼ಕು ಲಾಗ್ಯುಮ ತ್ಯುನೆ ಮಾರಾ ಕ್ಹಾತೆ ಆ ಸಕಸ.
1CO 16:5 ಮಿ ದಾಟಿನ ಜೌ ಕೈನ ಕದಲ ಮಕೆದೊನ್ಯ ಸಿಮೆ ದಾಟತಾಮಾ ತುಮೊಕನ ಐನ ತುಮೊನೆ ಮಳಿನ ಜೌ಼ಸ.
1CO 16:6 ನೈತೊ ತುಮೊಕನ ಥಂಡನೊ ದಿನ್ನ ತಬಿ ಕಾಟುಸ; ತಿನಾ ಲಿಂಗತಜ಼ ಮಿ ಜಾ಼ವಾನಿ ಜ಼ಗಾಯೆ ತುಮೆ ಮನೆ ವಳೈನ ದಿವಾನೆ ಮದತ ಕರ ಸಕೊಶಿ.
1CO 16:7 ಮಿ ದಾಟಿನ ಜಾ಼ವಾನಾ ಎ ದಕ್ಹಾ ಟೈಮಮಾ ತುಮೊನೆ ದೆಕಾನೆ ಆಸ ಕರ‍್ತೊ ನೈ. ಕರ್ತಾನಿ ಅಪ್ಪಣೆ ಥಯಾಮ ತುಮೊಕನ ದಕ್ಹೊ ಟೈಮ ರ‍್ಹವಾನೆ ಆಸ ಕರುಸ.
1CO 16:8 ಪಂಚಾಶತ್ತಮ ದಿನ್ನೆ ಸನ್ನ ಆಯೆ ಲಕ್ಕಾ ಎಫೆಸಮಾ ರ‍್ಹೌಸ;
1CO 16:9 ಕಾಕದ್ಯಾಮ ಸೆವೆನೆ ಅನುಕುಲ, ಸಫಲತಾ ಥಯಲ ಮನೆ ಮ್ಹೊಟೊ ಮೌಕೊ ಛೆ. ತಿನಾ ಲಿಂಗತಜ಼ ವಿರೊಧಿಯೊ ಘನ್ನಾ ಜ಼ನಾ ಛೆ.
1CO 16:10 ತಿಮೊಥೆ ಆಯೊಮ ತೆ ತುಮೊಮಾ ಭೆಂವಾಚಿ ದೆಕಿಲಿವೊ, ತೆಬಿ ಮಾರಾ ಲಿಂಗತ ಕರ್ತಾನಿ ಸೆವೆ ಕರಸ.
1CO 16:11 ತಿನಾಹುತಿ ಕುನ್ನಜ಼ ತಿನೆ ಇನ್ಕಾರು ನೈ. ತೆ ಮಕನ ಆಯೆ ಲಿಂಗತ ತಿನೆ ಸಮಾದಾನಕ್ಹು ವಳಾವೊ, ತೆ ಭಾಯೊನಾ ಕ್ಹಾತೆ ಆವಾನು ಮಿ ಕೈದತೊ ಬೆಟ್ಯೊಸ.
1CO 16:12 ಭೈ ಅಪೊಲೊಸನಾ ಹುತಿ; ತೆ ಭಾಯೊನಾ ಕ್ಹಾತೆ ತುಮೊನೆ ಮಳು ಕೈನ ಮಿ ಘನ್ನೊ ತಿನೆ ಪ್ರೊತ್ಸಾಹ ಕರ‍್ಯೊಸ. ತೆನೈಸೊ ತೆ ಹಮ್ನಾ ನೈ ಆತೊ ಕೈನ ನಿರ್ಧಾರ ಕರ‍್ಯೊಸ. ತೆನೈಸೊ ಚೊ಼ಕೊ ಮೌಕೊ ಮಳಲಪರ ಆವಸ.
1CO 16:13 ಹುಶಾರಕ್ಹು ರ‍್ಹವೊ, ಕ್ರಿಸ್ತನಾ ಬರೊಕ್ಹಾಮಾ ಘಟ್ಟ ಥೈನ ಹುಬ್ರ್ಯವೊ. ಧೈರ್ಯವಾಲಾ ಥಾವೊ, ತಾಕತವಾಲಾ ಥಾವೊ.
1CO 16:14 ತುಮೆ ಕರಾನು ಕ್ಹಾರು ಮಯಾಕ್ಹು ಕರೊ.
1CO 16:15 ಸ್ತೆಫನನಾ ಘರವಾಲಾ ಅಖಾಯಮಾನಾ ಪೈಲಾನೊ ವಿಸ್ವಾಸಿ ವ್ಹೈ ಕೈನ ವರಿ ತ್ಯುನೆ ಕ್ಹುದಾನಾ ಮನಕ್ಹೊನಿ ಸೆವಾನಾ ಹುತಿ ತ್ಯುನೊನೆ ಒಪ್ಸಿನ ದಿದಲವಾಲಾ ವ್ಹೈ ಕೈನ ತುಮೆ ಗ್ವತ್ತ ರ‍್ಹಯಲವಾಲಾ ಛೆ.
1CO 16:16 ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ಸೆವೆಮಾ ಹಮೊನೆ ಮದತ ಕರಾಲಾ ವರಿ ಕೊಶಿಶ ಕರಾಲಾ ಕ್ಹಾರಾ ಜ಼ನಾವೊನೆ ತುಮೆ ವಪ್ಸಿನ ದಿವೊ.
1CO 16:17 ಸ್ತೆಫನ, ಪೊರ್ತುತೊಸನ, ಅಖಾಯಿಕ ಆಯಲ ಮನೆ ಕ್ಹುಶಿ ಥೈಸ. ತುಮೊಕ್ಹು ಥಯಲ ಕಮಿ ತ್ಯುನೆ ಪುರಾ ಕರ‍್ಯಾ.
1CO 16:18 ತ್ಯುನೆ ಮಾರಿ ಆತ್ಮಾನೆ ವರಿ ತುಮಾರಿ ಆತ್ಮಾವೊನೆ ತಂಪ ಕರ‍್ಯಾಸತೊ. ಇಮ್ಮ ರ‍್ಹಯಲಕ್ಹು ಹವಾವೊನೆ ಗ್ವತ್ತ ಕರಿ ಲಿವೊ.
1CO 16:19 ಆಸ್ಯಸಿಮೆನಾ ಸಭೆವಾಲಾ ತುಮೊನೆ ನಮಸ್ಕಾರ ಕರಸ. ಅಕ್ವಿಳ ವರಿ ಪ್ರಿಸ್ಕಲ್ಲಳ ತ್ಯುನಾ ಘರಮಾ ಮಳಿನ ಆವಾನಾ ಸಭೆವಾಲಾವೊನಾ ಕ್ಹಾತೆ ಕರ್ತನಾ ನಾಮ ಪರ ಘನ್ನಾ ತುಮೊನೆ ನಮಸ್ಕಾರ ಕರಸ.
1CO 16:20 ಭಾಯೊ ಕ್ಹಾರಾ ತುಮೊನೆ ನಮಸ್ಕಾರ ಕವಾಡಾಸ. ಯಕ್ನೆ ಯಕ್ಕ ನಮಸ್ಕಾರ ಕರೊ.
1CO 16:21 ಪೌಲಾ ಕವಾಲೊ ಮಿ ಸ್ವಂತ ಹತೊಕ್ಹು ನಮಸ್ಕಾರ ಬರ್ದಾಡ್ಯೊಸ.
1CO 16:22 ಕುನ್ನತಬಿ ಕರ್ತಾನೆ ನೈ ಮಯಾ ಕರ‍್ಯಮ ತೆ ಶ್ರಾಪವಾಲೊ ಥಾವಾದೆ. ಹಮಾರಾ ಕರ್ತಾ ಆ!
1CO 16:23 ಕರ್ತಾ ಥಯಲ ಯೆಸು ಕ್ರಿಸ್ತನಿ ಕೃಪಾ ತುಮಾರಾ ಕ್ಹಾತೆ ರ‍್ಹವಾದೆ.
1CO 16:24 ಕ್ರಿಸ್ತ ಯೆಸುಮಾ ಮಾರಿ ಮಯಾ ತುಮಾರಾ ಕ್ಹಾರಾವೊನಾ ಕ್ಹಾತೆ ರ‍್ಹವಾದೆ.
2CO 1:1 ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.
2CO 1:2 ಅಪ್ನೊ ಬಾ ಥಯಲ ಕ್ಹುದಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತ ಕ್ಹು ತುಮೊನೆ ಕೃಪಾ, ಶಾಂತಿ ಮಳಾದೆ.
2CO 1:3 ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನೊ ಬಾ ಥಯಲ ಕ್ಹುದಾನೆ ಸ್ತೊತ್ರ ಥಾವಾದೆ. ತೆ ಮರಗಾಲೊ ಬಾ ವರಿ ಕ್ಹಾರಿ ತರಾಕ್ಹು ಕಾಳಜಿ ಕರಾಲೊ ಕ್ಹುದಾ ರ‍್ಹೈನ,
2CO 1:4 ಅಪೊನೆ ಆವಾನಾ ಕ್ಹಾರಾ ದುಕ್ಕೊಮಾ ಬಿ ಅಪೊನೆ ಸಂತೈಸಾಲೊ ವ್ಹೈ. ಅಪೆ ಕಿಮ ದುಕ್ಕಮಾ ರ‍್ಹತಾಮಾ ಕ್ಹುದಾ ಅಪೊನೆ ಸಂತೈಸ್ಯೊ ತಿನಾ ಲಿಂಗತ ಅಪೆ ಬಿಜಾ಼ವೊನೆ ಕರು.
2CO 1:5 ಕಾಕದ್ಯಾಮ ಕ್ರಿಸ್ತನಾ ಹುತಿ ಅಪೊನೆ ಕಿಮ ತ್ರಾಸ ಹೆಚ್ಕಿ ಥಾತು ಆವಸ ತಿನಾ ಲಿಂಗತ ಕ್ರಿಸ್ತಕ್ಹು ಹೆಚ್ಕಿ ಆದರಣೆ ಮಳಸ.
2CO 1:6 ಅಪೊನೆ ತ್ರಾಸ ರ‍್ಹಯಲಜ ರ‍್ಹಯೊಮ ತೆ ತ್ರಾಸೊ ತುಮೊನೆ ಆದರಣೆ ಥೈನ ವರಿ ರಕ್ಷಣೆನಾ ಹುತಿ ಅಪೊನೆ ಆದರಣೆ ರ‍್ಹಯುಮ ತೆ ತುಮೊನೆ ಆದರಣೆನಾ ಹುತಿ ಅಪೊನೆ ರ‍್ಹಯಲ ತ್ರಾಸೊ ತುಮೆ ತಡ್ದಿಲಿನ ವಪ್ಪಿಲಿವಾನೆ ಎ ತುಮೊನೆ ಮದದತ ಥಾವಸ.
2CO 1:7 ತುಮಾರಿ ವಿಷಯಮಾ ಹಮೊನೆ ಘನ್ನಿ ನಿರಿಕ್ಷೆ ಛೆ. ತುಮೆ ಹಮಾರಾ ತ್ರಾಸೊಮಾ ಕ್ಹಾತೆ ಹಿಸ್ಸೊ ಲಿದಲ ಹುತಿ ಹಮೊನೆ ಆವಾನಿ ಆದರಣೆಮಾ ತುಮೆ ಹಿಸ್ಸೊ ಲಿವಾಲಾ ಥಾವೊಸಿ ಕೈನ ಹಮೊನೆ ಗ್ವತ್ತ ಛೆ.
2CO 1:8 ಭಾಯೊ ಭೆನೊ, ಹಮೆ ಎಶ್ಯಾ ಸಿಮೆಮಾ ಖಾದಲ ಕಷ್ಟ ತ್ರಾಸ ತುಮೊನೆ ಗ್ವತ್ತ ರ‍್ಹೌ ಕೈನ ಆಸ ಕರಿಯೆಸ. ತ್ಯಾ ಹಮಾರಿ ತಡ್ದಿಲಿವಾನಿ ತಾಕತತಿಬಿ ಜಾಸ್ತಿ ತ್ರಾಸ ಅನುಭವಿಶಾ ತ್ಯಾ ಹಮೆ ತುಟಿ ಗಯಾ ಜಿವ್ತಾ ರ‍್ಹಯೆಸ ಕೈನ ಆಸ ಜವೈ ಲಿದ್ಯಾ.
2CO 1:9 ಮರಾನು ತೊ ಗ್ಯಾರಂಟಿ ವ್ಹೈ ಕೈನ ಲಾಗತಾ ಟೈಮಮಾ ಹಮೆ ಹಮೊಪರ ಬರೊಕ್ಹೊ ಮ್ಹೆಲ್ಯಾ ಬಗರ ಮರೆಲವಾಲಾವೊನೆ ಜಿವ್ತೊ ಕರಾಲಾ ಕ್ಹುದಾಪರ ಬ್ಹರೊಕ್ಹೊ ಮ್ಹೆಲು ಕೈನ ಆ ಕ್ಹಾರು ಹಮಾರಾ ಕ್ಹಾತೆ ಥಯು.
2CO 1:10 ತೆ ಹಮೊನೆ ತೆಕ್ಲು ಖತರನಾಕ ಮೌತಕ್ಹು ವಚಾ಼ಡ್ಯೊ. ಅಗೊಬಿ ಕೆಳಾಮಾಬಿ ವಚಾ಼ಡಸ.
2CO 1:11 ತುಮೆ ಹಮಾರಾ ಹುತಿ ಪ್ರಾರ್ಥನಾ ಕರೊಶಿ ತಿನಾ ಹುತಿ ಬಿ ತೆ ಹಮೊನೆ ಆಗೊ ಬಿ ವಚಾ಼ಡಸ ಕೈನ ತಿಪರ ಆಸ ಮ್ಹೆಲ್ಯಾಸ. ಅಮ್ಮಜ಼ ಘನ್ನಾ ಜಾನಾವೊನಿ ಪ್ರಾರ್ಥನಾ ಕ್ಹು ಹಮೊನೆ ಥಾವಾನಾ ಉಪಕಾರನಾ ಹುತಿ ಘನ್ನಾ ಮನಕ್ಹೊಕ್ಹು ಕ್ಹುದಾನೆ ಕೃತಜ್ಞತಾ ಸ್ತುತಿ ಥಾವಸ.
2CO 1:12 ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.
2CO 1:13 ತುಮೆ ಹಮಾರಾ ಪತ್ರಾಮಾ ಒದಿನ ಕಳೈಲಿವಾನಾ ಸಂಗತಿಯೊಜ ಹೊತ್ತಾ ವರಿ ಬಿಜು಼ ಸುಜ಼ ಹಮೆ ತುಮೊನೆ ಬರದ್ಯಾ ನತ್ತಿ.
2CO 1:14 ತುಮೆ ಹಮೊನೆ ಕ್ಹಾಲಿ ನಕ್ಕರ ಕಳಿಲಿದ್ಯಾಸ ಲಾಸ್ಟಲಕ್ಕಾಬಿ ಒಪ್ಪಿಲಿವೊಶಿ ಕೈನ, ಅಪ್ನೊ ಪ್ರಭು ಥಯಲ ಯೆಸು ಆವಾನಾ ದಿನ್ನೆ ತುಮೆ ಹಮಾರಿ ಘಮಂಡ ಕರಾನೆ ಕಾರಣ ಥಯಲಲಿಂಗತ ಹಮೆಬಿ ತುಮಾರಾ ಘಮಂಡ ಕರಾನೆ ಕಾರಣ ಥಯೆಸ ಕೈನ ತುಮೆ ಒಪ್ಪಲಿವೊಶಿ.
2CO 1:15 ಮಿ ಆ ಕ್ಹಾರಾ ವಿಷಯಮಾ ಘನ್ನೊ ಬರೊಕ್ಹಾವಾಲೊ ವ್ಹತೊ. ತಿನಾಹುತಿ ಮಿ ತುಮೊನೆ ಮಳತಾಮ ಮಿ ವಿಚಾರ ಕರ‍್ಯೊತೊ. ತೆಳಾಮಾ ತುಮೊನೆ ಬೆಸಲಾ ಆಶಿರ್ವಾದ ಮಳತುತು.
2CO 1:16 ಪೈಲಾ ತುಮೊಕನ ಐನ ಪಾಚಲ್ತೊ ಮೆಕೆದೊನಿಯಾನೆ ಗೈನ ತೆ ಥಯಲ್ಪರ ಮೆಕೆದೊನಿಯಾ ತೊ ವರಿ ತುಮೊಕನ ಐನ ತುಮೆ ಮನೆ ಯುದಾಯನೆ ಜಾ಼ವಾನಾ ಹುತಿ ಮನೆ ಮದತ ಕರೊ ಕೈನ ಕವಾನಿ ವಿಚಾರ ವ್ಹತಿ.
2CO 1:17 ಮಿ ಎ ವಿಚಾರ ಕರ್ತಾಮಾ ತುಮೊಕನ ಆವಾನು ಉದ್ದೆಶ ಕ್ಹರಿಮಾಜ಼ ಮನೆ ನ್ಹೊತು ಕೈನ ವಿಚಾರ ಕರ‍್ಯಾಸು? ಮಿ ದುನಿಯಾಮಾ ವಿಚಾರ ಕರಲನಿಂಗತ ಮಿ ವಿಚಾರ ಕರ‍್ಯೊಸು? ತ್ಯುನೆತೊ ವಿಚಾರ ಕರ್ತಾಮಾ ಯಕ್ಕೆಬ ಹು ಯಕ್ಕೆಬ ನೈ ಕವಸ.
2CO 1:18 ತುಮೆ ಕ್ಹುದಾಪರ ಬರೊಕ್ಹೊ ಕರಾಲಾ ರ‍್ಹವತ್ತೊ. ಹಮೆ ತುಮೊನೆ ಯಕ್ಕಜ಼ ಟೈಮ್ಮಾ ಹೊ ನೈತೊ ನೈ ಕವಾನು ತುಮೆ ನತ್ತಿ ಕದ್ಯಾ ಕವಾನು ಬರೊಕ್ಹೊ ಕರಸಕ್ತಾತಾ.
2CO 1:19 ಮಿ ವರಿ ಸಿಲ್ವಾನ, ತಿಮೊಥಿ ವರಿ ತುಮೊನೆ ಕ್ಹಾರವೊನೆ ಗ್ವತ್ತ ರ‍್ಹಯಲ ಕ್ಹುದಾನೊ ದಿಕ್ರೊ ಯೆಸು ಕ್ರಿಸ್ತ ಹಮ್ನಾ ಹು ಕೈನ ಪಾಚಾ಼ತಾ ಫರಾಲೊ ನ್ಹವೈ. ಕೆಳಾಮಾಬಿ ಕ್ಹರಿನೆ ಕ್ಹರಿಜ ವ್ಹೈ ಕೈನ ಕವಾಲೊ ವ್ಹೈ ತೆ ಕೆಳಾಬಿ ಯಕ್ಕ ಸೆಮ ರ‍್ಹವಾಲೊ ವ್ಹೈ.
2CO 1:20 ತಿನಾಹುತಿ ಕ್ಹುದಾ ಕರಲ ಪುರಾ ವಾಗ್ದಾನೊ ಕ್ರಿಸ್ತಮಾ ಕ್ಹರಿನಾ ವ್ಹೈ. ಅಪೊ ಕಂತಿ ಕಿಮ್ಮ ಕ್ಹುದಾನೆ ಮಹಿಮಾನಾ ಹುತಿ ಹಮೆ ಕ್ರಿಸ್ತನಾ ಮೂಲಕ ಆಮೆನ ಕೈನ ಕಯ್ಯೆಸ.
2CO 1:21 ತುಮೊನೆ ವರಿ ಹಮೊನೆ ಕ್ರಿಸ್ತಮಾ ಘಟ್ಟ ಕರಾಲೊ ಕ್ಹುದಾಜ ವ್ಹೈ. ಕ್ಹುದಾ ತಿನಾ ಖಾಸ ಆಶಿರ್ವಾದೊ ಅಪೊನೆ ದಿದ್ಯೊಸ.
2CO 1:22 ಅಪೆ ತಿನಾ ವ್ಹೈ ಕೈನ ದೆಕಾಡಾನಾ ಹುತಿ ತೆ ಅಪೊಪರ ಶಿಕ್ಕೊ ಘಾಲ್ಯೊಸ. ತೆ ತಿನಿ ಪವಿತ್ರ ಆತ್ಮಾ ಅಪ್ನಾ ಮನಸ್ಮಾ ಮ್ಹೆಲ್ಯೊಸ. ತೆ ಅಪೊನೆ ದಿದಲ ವಾಗ್ದಾನ ಪುರಾಕರಸ ಕವಾನು ಪವಿತ್ರ ಆತ್ಮಾಜ಼ ಅಪೊನೆ ಸಾಕ್ಷಿ ಥೈಸ.
2CO 1:23 ತುಮೊನೆ ಶಿಕ್ಷಾದಿವಾನ ರ‍್ಹೈನೆಕಾ ದುಖ ದಿವಾನು ರ‍್ಹೈನೆಕಾ ಮನೆ ಮನಸ ನ್ಹೊತು. ತಿನಾಹುತಿ ಮಿ ತುಮೊಕನ ವಾಪಸ ಫರಿನ ನತ್ತಿ ಆಯೊ.
2CO 1:24 ತುಮಾರೊ ಬರೊಕ್ಹೊ ಹತೊಟಿಮಾ ಮ್ಹೆಲ್ಲಿವಾನಾ ಹುತಿ ಹಮೆ ಕೊಶಿಸ ಕರಾಡ್ಯಾಸ ಕೈನ ಮಿ ಕವಾಡ್ಯೊ ನತ್ತಿ.ತುಮೆ ಬರೊಕ್ಹಾಮಾ ಘಟ್ಟ ಛೆ. ತೆ ನೈಸೊ ಹಮೆ ತುಮಾರಿ ಖುಶಿನಾ ಹುತಿ ತುಮಾ ಕ್ಹಾತೆ ಕಾಮ ಕರಾಲಾ ಥಯಾಸ.
2CO 2:1 ಬಿಜೆಕ್ಕೆಮ ತುಮೊಕನ ಐನ ತುಮೊನೆ ತ್ರಾಸಮಾ ಪಾಡು ನೈ ಕೈನ ಮಿ ಫೈಸಲೊ ಕರಲಿದ್ಯೊಸ.
2CO 2:2 ಮಿಜ಼ ತುಮೊನೆ ದುಖ ದಿದ್ಯೊಮ, ಮನೆ ಕುನ್ನ ಖುಶಿ ಕರಸ? ಮಾರಾಕ್ಹು ದುಖಮಾ ಪಡಲವಾಲಾ ತುಮೆ ನ್ಹವೈ ಸು?
2CO 2:3 ತಿನಾಹುತಿ ಮಿ ತೆ ಪತ್ರ ಬರ್ದ್ಯೊಸ; ಮನೆ ಖುಶಿ ಕರಾಲಾಜ ಮನೆ ದುಖಮಾ ಪಾಡು ನೈ ಕೈನ ಮಿ ಆಯೊ ನೈ ಮಾರಿ ಖುಶಿಜ಼ ತುಮಾರಿ ಖುಶಿ ವ್ಹೈ ಕೈನ ಮಿ ತಿಳದಿಲಿದ್ಯೊಸ.
2CO 2:4 ಮಿ ತುಮೊನೆ ಘನ್ನೊ ತ್ರಾಸಕ್ಹು ವರಿ ಮನಸ ದುಕ್ಕಕರಿಲಿನ ವರಿ ರೊತೊಜ ಬರದ್ಯೊಸ. ಮಾರು ಉದ್ದೆಶ ತುಮೊನೆ ದುಖ ಕರುಕೈನ ನ್ಹವೈ.ತೆ ನೈಸೊ ಮಿ ತುಮೊನೆ ಕೆಕ್ಲೊ ಮಯಾ ಕರೊಸ ಕೈ ತಿಳ್ಸವಾನು ವ್ಹೈ.
2CO 2:5 ಮನಸೆ ದುಖ ಕರಾಲೊ ತುಮೊಮಾ ಯಕ್ಲೊ ರ‍್ಹೈತಬಿ ತೆ ಕ್ಹಾಲಿ ಮನೆ ಯಕ್ಕಜ಼ ದುಖ ನತ್ತಿ ಕರ‍್ಯೊಸ ತುಮಾರಾಮಾ ಘನ್ನಾಜ಼ನಾವೊನೆ ದುಖ ಕರ‍್ಯೊಸ. ತೆ ದುಖ ಕ್ಹಾರಾ ಜ಼ನಾವೊನೆ ಥಯುಸ ಕೈನ ಮಿ ಕತೊ ನೈ.
2CO 2:6 ಹವಾ ಮನಕ್ಹನೆ ತುಮಾರಾ ಘನ್ನಾ ಮನಕ್ಹೊ ಕ್ಹು ಮಳಲ ಶಿಕ್ಷಾ ಬಸ್ಸ.
2CO 2:7 ಹಮ್ನಾ ತುಮೆ ತಿನೆ ತಿನೆ ಶಿಕ್ಷಾ ದಿದ್ಯಾವಾಚಿ ತಿನೆ ಮಾಫಕರೊ, ತಿನೆ ಮಯಾ ಕರೊ. ನೈತೊ ತೆ ಘನ್ನೊ ದುಖಮಾ ಡುಬಿ ಜಾ಼ವಸ.
2CO 2:8 ತಿನಾಹುತಿ ತಿನೆ ತುಮೆ ಮಯಾ ದೆಕಾಡು ಕೈನ ಮಾಂಗಿಲ್ಯುಸ.
2CO 2:9 ಕ್ಹಾರಾ ವಿಷಯಮಾ ತುಮೆ ವಿಧೆಯ ಥಯಾಸು ನೈ ಕೈನ ತುಮಾರಿ ಚಾಳಿಯೊ ಪರಿಕ್ಷಾ ಕರ್ಲಿನ ತಿಳಿದಿಲ್ಯು ಕೈನ ತೆಜ಼ ಉದ್ದೆಶಕ್ಹು ಬರ್ದ್ಯೊಸ.
2CO 2:10 ತುಮೆ ಕಿನೆ ಮಾಫ ಕರೊಶಿ ನೈ ತಿನೆ ಮಿಬಿ ಮಾಫ ಕರುಸ. ತುಮಾರಾ ಹುತಿಜ಼ ತಿನೆ ಕ್ರಿಸ್ತನಾ ಸನ್ನಿದಾನಮಾ ಮಾಫ ಕರ‍್ಯೊಸ.
2CO 2:11 ಸೈತಾನ ಅಪೊನೆ ಮೊಸ ಕರಿಪಾಡು ನೈ ಕೈನ ಅಮ ಕರ‍್ಯೊ. ತೆ ಸು ಕರಸ ತಿನಾ ವಿಚಾರೊ ಕಿಮ ಶೆ ಕೈನ ಅಪೆತೊ ಚೊ಼ಕಿ ತರಾಜ಼ ತಿಳದಿಲಿದ್ಯಾಸ.
2CO 2:12 ಕ್ಹುದಾ ಮಾರಾ ಹುತಿ ಬಾಕಲ ಕಾಡ್ಯೊಸ ಕೈನ ವಿಚಾರ ಕರಲಿನ ಕ್ರಿಸ್ತನಿ ಸುವಾರ್ತೆ ಕವಾನೆ ಮಿ ತ್ರೊವಾ ಕವಾನಾ ಗಾಮೆ ಆಯೊ.
2CO 2:13 ರ‍್ಹೈತುಬಿ ತ್ಯಾ ಮಾರೊ ಭೈ ತಿತ ನೈ ಮಳಲಕ್ಹು ಮನೆ ಸಮಾದಾನ ಥಯು ನೈ ತಿನಾ ಹುತಿ ತ್ಯಾ ರ‍್ಹಯಲ ಕ್ಹಾರಾವೊನೆ ಮಳಿನ ತ್ಯಾಂತೊ ಮೆಕೆದ್ಯೊನೆ ಆಯೊ.
2CO 2:14 ಕ್ಹುದಾ ಸ್ತೊತ್ರಾ ಥಾವಾದೆ ಕ್ರಿಸ್ತನಾ ಮುಲಕ ಕೆಳಾಮಾಬಿ ಅಪೊನೆ ಜಿತ್ತಾಡಾಲೊ ವ್ಹೈ. ಕ್ಹುದಾನು ಗ್ಯಾನನಿ ಚೊ಼ಕಿ ಬಾಸ ಕ್ಹಾರಿ ಜ಼ಗಾ ಫೈಲಾವಾನೆ ಅಪೊನೆ ಉಪಯೊಗ ಕರ‍್ಯೊಸ.
2CO 2:15 ರಕ್ಷಣೆ ಮಾಟ ರ‍್ಹಯಲ ಕುನ ವಾಲಾವೊನೆ ವರಿ ನಾಶ ಕೈನ ವಾಟ್ಮಾ ರ‍್ಹ ಮನಕ್ಹೊ ಕ್ಹುದಾ ಮಾ ಕ್ರಿಸ್ತ ಪವಿತ್ರ ಥಯಾಸ.
2CO 2:16 ಅಪೆ ನಾಶನಾ ವಾಟ್ಮಾ ರ‍್ಹಯಲ ವಾಲಾವೊನೆ ತ್ಯುನೆ ಬಳಾನು ಆಗ ಥಯಾಸ; ರಕ್ಶನನಾ ವಾಟ್ಮಾ ರ‍್ಹಯಲವಾಲಾವೊನೆ ಜುವ ದಿವಾಲಾ ಸುಗಂದ ವ್ಹೈ. ಹವಾ ಕಾಮೊನೆ ಕುನ್ನ ಲಾಯಕ ವ್ಹೈ?
2CO 2:17 ಕೆಕ್ಲಾಲಿ ಮನಕ್ಹೊ ಕ್ಹುದಾನಿ ವಾಕ್ಯಾ ತಿಮಾ ಸು ಚಾ಼ಯೆ ತೆ ಘಾಲಿನ ಕೈನ ವ್ಯಾಪಾರ ಕರಸ. ಹಮೆ ತೊ ತಿಮ್ಮ ನವೈ. ಕ್ಹುದಾ ಕಂತಾಜ ಇನಿಲಿದಲವಾಲಾ ಥೈನ ಕ್ಹುದಾ ಕ್ಹಾಮಾ ಕ್ರಿಸ್ತ ಯೆಸುನಾ ಅನ್ಯೊನ್ಯತೆಮಾ ಹಮೆ ಸು ಹೊತ್ತು ತೆಜ಼ ತುಮೊನೆ ಕದ್ಯಾಸ.
2CO 3:1 ಹಮೊನೆ ಹಮೆಜ಼ ಘನ್ನಾ ಚೊ಼ಕಾ ವ್ಹೈ ಕೈನ ಕೈಲಿವಾಡ್ಯಾಸ ಸು? ನೈತೊ ಬಿಜಾ಼ವೊನೆ ದೆಕಾಡಾನಾ ಹುತಿ ಯೊಗ್ಯತಾ ಪತ್ರ ಹಮೊನೆ ಚಾ಼ಯೆ ಕೈನ ತುಮೊನೆ ಲಾಗಸ ಸು? ನೈತೊ ತೆ ಯೊಗ್ಯತಾ ಪತ್ರ ತುಮೊಕ್ಹು ಹಮೆ ಲ್ಯು ಸು?
2CO 3:2 ಹಮೊನೆ ತುಮೆಜ಼ ತೆ ಯೊಗ್ಯತಾ ಪತ್ರ ವ್ಹೈ ತೆ ಪತ್ರ ಹಮಾರಾ ಮನಸೊಮಾ ಬರ್ದಲ ಛೆ ತೆ ಪತ್ರ ಕ್ಹಾರಾವೊನೆ ಗೊತ್ತ ಛೆ. ತೆ ಪತ್ರ ಕ್ಹಾರಾ ಒದಸ.
2CO 3:3 ತುಮೆ ಬಿ ತಿಮ್ಮಜ಼ ದೆಕಾಡೊಶಿ ಕಿಮ್ಮ ಕದ್ಯಾಮ ಕ್ರಿಸ್ತ ಹಮಾರಾ ಹತೆ ಬರ್ದಾಯಲ ಲಿಂಗತಜ಼. ತುಮೆ ಹಮಾರಿ ಸೆವಾನು ಫಲ ವ್ಹೈ. ತೆ ಪತ್ರ ಕ್ಹಾಲಿ ಮಸಿಕ್ಹು ಲಿಕ್ಕಲ ನವೈ. ಜುವ ರ‍್ಹಯಲ ಕ್ಹುದಾನಿ ಆತ್ಮಾಕ್ಹುಜ಼ ಬರ್ದಲ ವ್ಹೈ. ದಗ್ಡಾನಾ ಹಲಗಿಪರ ನೈ ಮನಕ್ಹನಾ ಮನಸನಾ ಹಲಗಿಪರ ಬರ್ದಲ ವ್ಹೈ.
2CO 3:4 ಹಮೊನೆ ಹವೊ ಬರೊಕ್ಹೊ ಕ್ರಿಸ್ತನಾ ಮುಲಕಜ ಕ್ಹುದಾಪರ ಛೆ.
2CO 3:5 ಹಮೊಕ್ಹುಜ಼ ಸುಬಿ ಥಯುಸ ಕವಾನೆ ಅಕ್ಲಾ ಹಮೆ ಲಾಯಕ ನತ್ತಿ. ಹಮೊನೆ ಯೊಗ್ಯತೆ ಆಯಲ ಕ್ಹುದಾಕ್ಹುಜ಼ ವ್ಹೈ.
2CO 3:6 ತೆ ನೌ ವಡಂಬಡಿಕೆನಾ ಸೆವಕೊ ಥಾವಾನೆ ತಾಕತ ಹಮೊನೆ ದಿದ್ಯೊಸ. ಆ ನೌ ವಡಂಬಡಿಕೆ ಲಿಖಿತ ರುಪನಾ ಲಿಂಗತ ನತ್ತಿ ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲವಾಲೊ ವ್ಹೈ. ಲಿಖಿತ ರುಪಮಾ ರ‍್ಹಯಲ ವಡಂಬಡಿಕೆ ಮೌತ ಲಾವಸ. ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲ ವಡಂಬಡಿಕೆ ಜುವ ದಿವಸ.
2CO 3:7 ದಗ್ಡಾ ಪರ ಬರ್ದಲ ಆ ಮೌತನೆ ಲಾವಾನು ಶಾಸನ ಘನ್ನು ಮಹಿಮಾಕ್ಹು ಭರಲ ವ್ಹತ್ತು. ತೆ ಮಹಿಮಾಕ್ಹು ಮೊಶೆನು ಮ್ಹೊಡಾ ಪರ ತೆ ಮಹಿಮಾ ವ್ಹತ್ತಿ ತೆ ಮಹಿಮಾ ದಕ್ಹಾ ದಿನ ಥಯಲ್ಪರ ಗೈ ಪಡಾನಿ ರ‍್ಹೈತಬಿ ತೆ ಮಹಿಮಾಕ್ಹು ಮೊಶೆನು ಮ್ಹೊಡು ದೆಕಾನೆ ಇಸ್ರಾಯೆಲ ಮನಕ್ಹೊನೆ ಥಯು ನೈ.
2CO 3:8 ತೆಜ಼ ಮಹಿಮಾ ತೆಕ್ಲಿ ರ‍್ಹಯಾರೆ ಕ್ಹುದಾನಿ ಆತ್ಮಾನೆ ಸಂಬಂದ ರ‍್ಹಯಲ ಆ ಸೆವಾ ಹಜು ಕೆಕ್ಲಿ ಮಹಿಮಾಕ್ಹು ಭರಲ ರ‍್ಹೌ?
2CO 3:9 ತಪ್ಪ ಕರಾಲಾನೆ ಫೈಸಲೊ ಕರಾನೆ ರ‍್ಹಯಲ ಸೆವಾಜ಼ ಮಹಿಮಾಕ್ಹು ಭರಲ ರ‍್ಹಯಾರೆ ಆ ನಿತಿನಿ ಸೆವಾ ಹಜು಼ನ ಕೆಕ್ಲಿಕಿ ಮಹಿಮಾಕ್ಹು ಭರಲ ರ‍್ಹೌ?
2CO 3:10 ಹಮ್ನಾ ಘನ್ನಿ ಮಹಿಮಾ ರ‍್ಹಯಲ ಸೆವಾ ಆಯಲಕ್ಹು ಪೈಲಾ ರ‍್ಹಯಲ ಸೆವಾನಿ ಮಹಿಮಾ ತಿನಾ ಕ್ಹಾಮಿ ಮಹಿಮಾ ನೈಸೊ ಥೈ.
2CO 3:11 ಕ್ಹರಿಜಾ಼ವಾನಿ ಮಹಿಮಾಜ಼ ಅಕ್ಲಿ ಪ್ರಭಾವಕ್ಹು ಭರಲ ರ‍್ಹಯಾಮ ಕೆಳಾಮಾಬಿ ಹಮೆಶಾಬಿ ರ‍್ಹವಾನಿ ಮಹಿಮಾ ಹಜು಼ನ ಕೆಕ್ಲಿಕಿ ಜಾಸ್ತ ಪ್ರಭಾವಕ್ಹು ಭರಲ ರ‍್ಹೌ ನೈ?
2CO 3:12 ಹಮೊನೆ ಅಕ್ಲೊ ಬರೊಕ್ಹೊ ರ‍್ಹಯಲ ಹುತಿಜ಼ ಹಮೆ ಅಕ್ಲಾ ಧೈರ್ಯಕ್ಹು ಛೆ.
2CO 3:13 ಅಪೆ ಮೊಶೆನಿಂಗತ ನತ್ತಿ. ಕುಂದಿ ಜಾ಼ವಾನಿ ಮಹಿಮಾ ಅಂತ್ಯಥಾನಾನು ಇಸ್ರಾಯೆಲನಾ ಮನಕ್ಹೊ ನೈ ದೆಕಲನಿಂಗತಮೊಶೆ ತಿನಾ ಮ್ಹೊಡಾನೆ ಘುಮುಸ ಘಾಲ್ಲಿದ್ಯೊ.
2CO 3:14 ತೆನೈಸೊ ತೆ ಮನಕ್ಹೊ ಗ್ಯಾನ ನೈಸೊವಾಲ ಥೈನ ತ್ಯುನೆ ಕಳೈಲಿದ್ಯಾ ನೈ. ತ್ಯುನೆ ಜುನ್ನು ವಡಂಬಡಿಕೆ ಒದತಾಮಾ ಹಜುನಬಿ ತೆಜ಼ ಘುಮುಸಮಾ ಕಳೈಲಿವಸ. ತೆ ಘುಮುಸ ಕಾಡ್ಯಾ ನೈ. ಕಾ ಕದ್ಯಾಮ ತೆ ಘುಮುಸ ಕ್ರಿಸ್ತಕ್ಹುಜ ಕಡಾವಸ.
2CO 3:15 ಹಜುನಬಿ ಮೊಶೆನು ಧರ್ಮಶಾಸ್ತ್ರ ಒದತಾಮಾ ತ್ಯುನಾ ಮನಸೊಬಿ ಮಂಡ ರ‍್ಹವಸ.
2CO 3:16 ತ್ಯುನೆ ಮನಸ ರ‍್ಹಯಲ ಪ್ರಭು ಬಗಲ ಫರ್ತಾಮಾಜ಼ ತೆ ಝಾಕಲ ಖುಲ್ಲಾ ಥಾವಸ.
2CO 3:17 ತೆ ರ‍್ಹಯಲ ಪ್ರಭು ಕ್ಹುದಾನಿ ಆತ್ಮಾ ವ್ಹೈ. ಕಿಜಾ಼ ಪ್ರಭುನಿ ಆತ್ಮಾ ರ‍್ಹವಸ ತ್ಯಾ ಬಿಡುಗಡೆ ರ‍್ಹವಸ.
2CO 3:18 ಅಪ್ನಾ ಮ್ಹೊಡಾ ಘುಮುಸಕ್ಹು ಝಕಾಯಾ ನತ್ತಿ. ಅಪ್ನಾ ಮ್ಹೊಡಾಪರ ಘುಮುಸ ನೈಸೊವಾಲಾ ಥಯಾಸ. ಪ್ರಭುನಿ ಮಹಿಮಾ ಅರಕ್ಹಾಮಾ ದಿಕ್ಹಾನಾ ಭೌಲಾನಿಂಗತ ಛೆ.ಪ್ರಭುಕ್ಹು ದಿಕ್ಹಾನಿ ಮಹಿಮಾ ಅಪೊನೆ ಘನ್ನಿ ಬದಲಾವಣೆ ಕರಿನ ತಿನಾನಿಂಗತಜ಼ ಕರಸ.ಎ ಕ್ಹಾರು ಕಾಮ ಕ್ಹುದಾನಿ ಆತ್ಮಾ ಥಯಲ ಪ್ರಭುನುಜ ವ್ಹೈ.
2CO 4:1 ತಿನಾಹುತಿ ಕ್ಹುದಾ ತಿನಿ ಮರ್ಗಾಕ್ಹು ಎ ಸೆವಾ ದಿದ್ಯೊಸ. ತಿನಾಹುತಿ ಅಪೆ ಬುಚಕ್ತಾ ನೈ.
2CO 4:2 ಸರಮ ಆವಾನು ಕಾಮ ಝಾಕಿಲಿನ ಕರಾನಾ ಕಾಮೊ ಅಪೆ ಛೊಡಿನ ಅಪೆ ಕುತಂತ್ರ ಉಪಯೊಗ ಕರ್ತಾಜ ನೈ. ಕ್ಹುದಾನು ಉಪದೆಶ ಬದಲಿ ಕರ್ತಾಜ ನೈ. ಅಪೆ ಕ್ಹರಿ ರ‍್ಹಯಲಜ ಕೈಯೆಸ. ಹಮೆ ಕುನ್ನ ವ್ಹೈ ಕವಾನು ಮನಕ್ಹೊನೆ ದೆಕಾಡಿನ ದಿಯೆಸ. ಇಮ ಹಮೆ ಕ್ಹುದಾನಾ ಕ್ಹಾಮಾ ಕೆವಾ ಛೆ ಕವಾನು ತ್ಯುನಾ ಮನಸೊಮಾ ತಿಳದಿಲಿವಸ.
2CO 4:3 ಅಪೆ ಕವಾನಿ ಸುವಾರ್ತೆ ದಕ್ಹಾ ಮನಕ್ಹೊನೆ ದಡಿನ ವಸೆ ತೆ ಸುವಾರ್ತೆ ನಾಶಥಾವಾಲಾವೊನೆ ತೆ ದಡಿನ ಛೆ.
2CO 4:4 ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.
2CO 4:5 ಅಪೆ ಅಪ್ನಾ ಹುತಿ ಭೊದನೆ ಕರ್ತಾ ನೈ. ತೆ ನೈಸೊ ಯೆಸು ಕ್ರಿಸ್ತಜ ವ್ಹೈ ಕೈನ ವರಿ ತಿನಾ ಸೆಕೊ ವ್ಹೈ ಕೈನ ಭೊದನೆ ಕರಿಯೆಸ.
2CO 4:6 ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.
2CO 4:7 ಅಪೊನೆ ಎ ನಿಕ್ಷೆಪ ಕ್ಹುದಾಕ್ಹುಜ ಮಳ್ಯುಸ.ಅಪೆತೊ ನಿಕ್ಷೆಪ ಭರಲ ಗಾಡಗಿಯೊನಿಂಗತ ಛೆ.ಎ ಮ್ಹೊಟಿ ತಾಕತ ಆಯಲ ಕ್ಹುದಾಕಂತುಜ಼ ವ್ಹೈ ಕೈನ ದೆಕಾಡಿನೆ ದಿವಸ. ಅಪೊಕಂತು ನ್ಹವೈ.
2CO 4:8 ಅಪ್ನಾ ಸುತ್ತೆ ಮುತ್ತೆ ಅಡ್ಚನ ಛೆ. ಹಾರ್xಯಾ ನತ್ತಿ. ಘನ್ನಿಸಲಾ ಸು ಕರು ಕೈನ ಅಪೊನೆ ಗ್ವತ್ತನತ್ತಿ ವರಿಬಿ ಅಪೆ ಭುಚಕ್ತಾನೈ.
2CO 4:9 ಅಪೆ ತ್ರಾಸಮಾ ಪಡ್ಯಾ. ಕ್ಹುದಾ ಅಪೊನೆ ಢಕಲ್ಯೊ ನೈ. ದಕ್ಹಿಯೆಳ ಅಪೊನೆ ತ್ರಾಸ ಥಯು. ವರಿಬಿ ಅಪೆ ನಾಶ ಥಯಾನೈ.
2CO 4:10 ಅಪ್ನಾ ಅಂಗಮಾ ಯೆಸುನೊ ಜ಼ಲಮ ದಿಕ್ಹು ಕೈನ ತೆ ಮರಣ ಅನುಭವಿಶ್ಯೊ.
2CO 4:11 ಅಪೆ ಜಿವ್ತಾ ರ‍್ಹಯಾತುಬಿ ಯೆಸುನಾ ಹುತಿ ಹಮೆಶಾಬಿ ಮರಣನಿ ಅಪಯಮಾ ಛೆ. ಮರಿಜಾ಼ವಾನು ಅಪ್ನಾ ಅಂಗಮಾ ತಿನೊ ಜ಼ಲಮ ದಿಕ್ಹಾದೆ ಕೈನ ಎ ಅಪ್ನಾ ಕ್ಹಾತೆ ಥಯು.
2CO 4:12 ತಿನಾಹುತಿ ಅಪ್ನೊಮಾ ಮರಣ ಕಾಮ ಕರಸ. ವರಿಬಿ ಜ಼ಲಮ ತುಮೊಮಾ ಕಾಮ ಕರಸ.
2CO 4:13 ಮಿ ಬರೊಕ್ಹೊ ಕರಲಹುತಿಜ ಬೊಲ್ಯೊಸ.ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ. ಅಪ್ನೊ ಬರೊಕ್ಹೊಬಿ ತಿನಾ ನಿಂಗತಜ ಛೆ. ಅಪೆ ಬರಿಕ್ಹೊ ಕರಲಹುತಿಜ ಬೊಲಿಯೆಸ.
2CO 4:14 ಪ್ರಭು ಥಯಲ ಯೆಸುನೆ ಮರಲವಾಲಾವೊಮಾತೊ ಉಟಾಡಲ ಕ್ಹುದಾ ಅಪೊನೆಬಿ ಕ್ರಿಸ್ತನಾ ಕ್ಹಾತೆ ಉಟಾಡಸ. ಕವಾನು ಅಪೊನೆ ಗ್ವತ್ತ ಛೆ. ಕ್ಹುದಾ ಹಮೊನೆ ತುಮಾರಾ ಕ್ಹಾತೆಜ ತಿನಾ ಕ್ಹಾಮೊ ಹುಬ್ರಾಡಸ.
2CO 4:15 ಎ ಕ್ಹಾರು ತುಮಾರಾಹುತಿಜ ಇಮ ಕ್ಹುದಾನಿ ಮರ್ಗಾ ಜಾಸ್ತಿ-ಜಾಸ್ತಿ ಮನಕ್ಹೊನೆ ಕ್ಹುದಾನೆ ಮಹಿಮಾ ಕರಸ.
2CO 4:16 ತಿನಾಹುತಿ ಅಪೆ ಬಲಹಿನ ಥೈನ ರ‍್ಹತಾನೈ. ಅಪ್ನು ಭಾರಲ್ಯು ಅಂಗನೆ ವೈಸ ಥಾವಸ ವರಿ ಬಲಹಿನ ಥಾವಸ ಅಪ್ನು ಅಂತರ್ಯ ದಿನ್ನೆ ದಿನ್ನೆ ನೌ ಥಾವಸ.
2CO 4:17 ದಕ್ಹಾ ದಿನ್ನ ಅಪ್ನೊನೆ ಅಡ್ಚನ ರ‍್ಹವಸ. ವರಿಬಿ ಹಮೆಶಾನಿ ಮಹಿಮಾ ಹೊಂದಿಲಿವಾನೆ ತೆ ಅಪೊನೆ ಮದತ ಥಾವಸ.
2CO 4:18 ತಿನಾಹುತಿ ಅಪೊನೆ ದಿಕ್ಹಾನು ಕ್ಹಾನಾ ಕ್ಹಾರಾನಾಹುತಿ ವಿಚಾರ ಕರ್xಯಾವಾಚಿ ಅಪೊನೆ ನೈ ದಿಕ್ಹಾನಾವೊನಾ ಹುತಿ ವಿಚಾರ ಕರಿಯೆಸ.ವರಿ ಅಪೊನೆ ದಿಕ್ಹಾನು ಕ್ಹಾರುಜ ದಕ್ಹಾ ದಿನ್ನ ರ‍್ಹವಸ ನೈಸೊ ದಿಕ್ಹಾನು ಹಮೆಶಾಬಿ ರ‍್ಹವಸ.
2CO 5:1 ಜಿಮಿನಪರ ಅಪೆ ರ‍್ಹಯಲ ಗುಡಾರ ಕದ್ಯಾಮ ಅಪ್ನು ಅಂಗ ನಾಶ ಥಾವಸ ಕೈನ ಹಮೊನೆ ಗ್ವತ್ತ ಛೆ ತೆ ನೈಸೊ ತೆ ಥಾತಾಮಾ ಅಪೊನೆ ರ‍್ಹವಾನಾ ಹುತಿ ಕ್ಹುದಾ ಅಪೊನೆ ಯಕ್ಕ ಘರ ದಿವಸ. ತೆ ಮನಕ್ಹೊ ಭಾಂದಲ ಘರ ನ್ಹವೈ. ತೆ ಪರಲೊಕಮಾ ರ‍್ಹಯಲ ಹಮೆಶಾನು ಘರ ವ್ಹೈ.
2CO 5:2 ಅಪೆ ಹಮ್ನಾ ಎ ಅಂಗಮಾ ಸುಸ್ತ ಥೈ ಗೈಯಾಸ. ಪರಲೊಕಮಾ ರ‍್ಹಯಲ ಅಪ್ನೊ ಘರ ಕ್ಹುದಾ ಅಪೊನೆ ಕೆಳಾಮಾ ದಿವಸ ಕೈನ ದೆಕಡ್ಯಾಸ.
2CO 5:3 ತೆ ಅಪೆ ಘಾಲ್ಲೆತಾಮಾ ಉಗಾಡಾ ರ‍್ಹತಾ ನೈ.
2CO 5:4 ಎ ಘರಮಾ ರ‍್ಹಯೆ ಲಕ್ಕಾ ಅಪೊನೆ ಯಕ್ಕ ವಜ್ಜು ಛೆ. ವರಿ ಅಪೆ ನೆಳ್ಳಿಯೆಸ. ಉಗಾಡಾ ರ‍್ಹವಾನು ಅಪೊನೆ ನೈ ಚೊ಼ಕು ರ‍್ಹಯಲ ಹುತಿ ಪರಲೊಕನು ಘರ ಘಾಲ್ಲಿವಾನೆ ಮನಸ ಕರಿಯೆಸ. ಮರಿ ಜಾ಼ವಾನು ಎ ಅಂಗ ಅಪ್ನಾ ಪುರಾ ಅಂಗನೆ ಔಳಗಿಲಿವಸ.
2CO 5:5 ಇನಾಹುತಿಜ ಕ್ಹುದಾ ಅಪೊನೆ ತಯ್ಯಾರ ಕರ‍್ಯೊಸ.ಎ ಕ್ಹಾರು ಕ್ಹರಿಜ ವ್ಹೈ ಕೈನ ದೆಕಾಡಾನಾ ಹುತಿ ಪವಿತ್ರ ಆತ್ಮಾ ಅಪೊನೆ ದಿದ್ಯೊಸ.
2CO 5:6 ತಿನಾ ಹುತಿಜ ಅಪೆ ಹರ ಟೈಮ್ಮ ಧೈರೆಕ್ಹು ಛೆ. ಎ ಅಂಗಮಾ ಜಿವ್ತಾ ರ‍್ಹಯೆ ಲಕ್ಕಾ ಪ್ರಭುಕ್ಹು ದುರ ರ‍್ಹಯೆಸ ಕೈನ ಕವಾನು ಅಪೊನೆ ಗ್ವತ್ತ ಛೆ.
2CO 5:7 ಅಪೆ ಸು ದೆಕಾಡ್ಯಾಸ ತಿನಾ ಹುತಿ ಅಪೆ ಜಿವ್ತಾ ನತ್ತಿ. ವರಿಬಿ ಅಪೆ ಕಿಪರ ಬರೊಕ್ಹೊ ಮ್ಹೆಲ್ಯಾಸ ತಿನಾಹುತಿ ಜಿವ್ತಾ ಛೆ.
2CO 5:8 ತಿನಾಹುತಿ ಅಪೆ ಧೈರ್ಯವಾಲಾ ಥೈನ ಎ ಅಂಗ ಛೊಡಿನ ಪ್ರಭುನಾ ಕ್ಹಾತೆ ರ‍್ಹವಾನು ಕ್ಹರಿಮಾಜ಼ ಆಸ ಕರಿಯೆಸ.
2CO 5:9 ಕ್ಹುದಾನೆ ಮೆಚ್ಚೆಸಾನು ಯಕ್ಕಜ಼ ಅಪ್ನು ಉದ್ದೆಶ ವ್ಹೈ. ಅಪೆ ಅಪ್ನಾ ಅಂಗಮಾ ನ್ಹ್ಯಾ ರ‍್ಹತಾಮಾಬಿ ಪ್ರಭುನಾ ಕ್ಹಾತೆ ತ್ಯಾ ರ‍್ಹವಾನೆ ತಿನೆ ಮೆಚ್ಚೆಸಾನು ಯಕ್ಕಜ಼ ಉದ್ದೆಶ ವ್ಹೈ.
2CO 5:10 ಅಪೆ ಕ್ಹಾರಾ ನ್ಯಾಯ ವಿಚಾರಣೆನಾ ಹುತಿ ಕ್ರಿಸ್ತನಾ ಕ್ಹಾಮಾ ಹುಬ್ರೌ. ಹರಿಯಕ್ಲೊ ದುನಿಯಾನಿ ಅಂಗಮಾ ರ‍್ಹತಾಮಾ ಕರಲ ಚೊ಼ಕಾನಾ ಹುತಿ ವರಿ ಕೆಟ್ಟನಾ ಹುತಿ ರ‍್ಹೈನೆಕಾ ತಿನೊ ಪ್ರತಿಫಲ ಹೊಂದಸ.
2CO 5:11 ಪ್ರಭುನು ಭೆ ಸುವೈ ಕವಾನು ಅಪೊನೆ ಗ್ವತ್ತ ಛೆ. ತಿನಾಹುತಿ ಕ್ಹರಿನೆ ವಪ್ಪಿಲಿವಾನಾಹುತಿ ಮನಕ್ಹೊನೆ ಮದತ ಕರಾನೆ ಅಪೆ ಕೊಶಿಶ ಕರಿಯೆಸ.ಅಪೆ ಕೆವಾ ಛೆ ಕವಾನು ಕ್ಹುದಾನೆ ಗ್ವತ್ತ ಛೆ. ತುಮೆಬಿ ತುಮಾರಾ ಮನಸೊ ಕಿಮ ಛೆ ಕವಾನು ವಳಕ್ಯಾಸ ಕೈನ ಬರೊಕ್ಹೊ ಛೆ.
2CO 5:12 ಹಮೆ ತುಮಾರಾ ಕ್ಹಾಮಾ ವರಿ ಯಕ್ಕೆಬ ಸಾಬಿತ ಕರಾಡ್ಯಾನತ್ತಿ. ವರಿಬಿ ಹಮಾರಾ ಹುತಿ ತುಮೊಕನ ಕವಾಡ್ಯಾಸ. ತುಮೆ ಹಮಾರಿ ವಿಶಯಮಾ ಹಮ್ಮೆ ಕರಾನೆ ತುಮೊನೆ ಸಬುತ ದಿಯೆಸ. ತೆಳಾಮಾ ಡೊಳೆ ದಿಕ್ಹಾನಾ ಕಾಮೊನೆ ದೆಕಿನ ಹೆಮ್ಮೆ ಪಡಾನಾ ಮನಕ್ಹೊನೆ ದಿವಾನು ಸಬೊತ ಹಮೊಕನ ರ‍್ಹವಸ. ತೆ ಯಕ್ಕ ಮನಕ್ಹಮು ಮನಸನಾ ಹುತಿ ಚಿಂತಾ ಕರ್ತೊ ನೈ.
2CO 5:13 ಹಮೆ ಪಿಸಾಳಾ ವಸೆತೊ ತೆ ಕ್ಹುದಾನಾ ಹುತಿ ವ್ಹೈ.ವರಿ ಹಮೊಕನ ಚೊ಼ಕು ಗ್ಯಾನ ರ‍್ಹಯುಮ ತುಮಾರಾ ಹುತಿಜ ವ್ಹೈ.
2CO 5:14 ಕ್ರಿಸ್ತನಿ ಮಯಾ ಹಮೊನೆ ವತ್ತಾಯಾ ಕರಸ. ಕಾ ಕದ್ಯಾಮ ಕ್ಹಾರಾ ಮನಕ್ಹೊನಾ ಹುತಿ ತೆ ಮರ್xಯೊಸ ಕೈನ ಅಪೊನೆ ಗ್ವತ್ತ ಛೆ. ತಿನಾಹುತಿ ಕ್ಹಾರಾ ಮರ್xಯಾ.
2CO 5:15 ಜಿನ್ತಾ ರ‍್ಹವಾಲಾ ಇತ್ತುಪ್ಪರ ತ್ಯುನಾಹುತಿ ಜಿವ್ನಾ ಕರು ನೈ ಕೈನ ಕ್ರಿಸ್ತ ಕ್ಹಾರಾ ಮನಕ್ಹೊನಾ ಹುತಿ ಮರ್xಯೊ. ತೆ ಮನ್ಕಹೊ ತಿನಾಹುತಿ ಜಿವ್ನಾ ಕರು ಕೈನ ತೆ ತ್ಯುನಾಹುತಿ ಮರ್xಯೊ ವೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟ್ಯೊ.
2CO 5:16 ಇಮ್ಮ ರ‍್ಹಯಲಹುತಿ ದುನಿಯಾ ಮನಕ್ಹೊನಾಹುತಿ ವಿಚಾರ ಕರಾನು ಆಜತಾ ಅಪೆ ಕಿನಾಜ ಹುತಿ ವಿಚಾರ ಕರ್ತಾ ನೈ. ದುನಿಯಾ ವಿಚಾರ ಕರಲಿಂಗತ ಪಾಚ಼ಲ್ಯಾ ಕಾಲಮಾ ಹಮೆ ಕ್ರಿಸ್ತನಾ ಹುತಿ ವಿಚಾರ ಕರ್xಯಾತಾ. ಹಮ್ನಾ ತಿಮ ಹಮೆ ವಿಚಾರ ಕರ್ತಾ ನೈ.
2CO 5:17 ಕುನಬಿ ಕ್ರಿಸ್ತಮಾ ರ‍್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು.
2CO 5:18 ಎ ಕ್ಹಾರುಜ ಕ್ಹುದಾಕ್ಹುಜ ಥಯು. ಕ್ರಿಸ್ತನಾ ಮುಲಕ ಕ್ಹುದಾ ಅಪೊನೆ ತಿನಾಕ್ಹಾತೆ ಅಮಾಧಾನ ಕರ‍್ಯೊಸ. ವರಿ ಬಿಜಾವೊನೆಬಿ ಸಮಾಧಾನಮಾ ಬಲೈಲಾವಾನೆ ಕ್ಹುದಾ ತೆ ಕಾಮ ಅಪೊನೆ ದಿದ್ಯೊಸ.
2CO 5:19 ಕದ್ಯಾಮ ಕ್ಹುದಾ ಕ್ರಿಸ್ತಮಾ ಕ್ಹಾರಿ ಜಗತ್ನೆ ತಿನಾ ಕ್ಹಾತೆ ಸಮಾಧಾನ ಕರಿಲೆತೊತೊ.ಕ್ಹುದಾ ಕ್ರಿಸ್ತಮಾ ಮನಕ್ಹೊನು ಅಪರಾಧ ದೆಕಾಡತೊ ನೈ. ಎ ಸಮಾಧಾನನು ಸುದ್ದಿ ಮನಕ್ಹೊನೆ ಕೆ. ಕಾಮ ಕ್ಹುದಾ ಅಪೊನೆ ದಿದ್ಯೊಸ.
2CO 5:20 ತಿನಾಹುತಿ ಕ್ರಿಸ್ತನಾ ಬಗಲ್ತಾ ಬೊಲಾನಾಹುತಿ ಮೊಕ್ಲಲ ಛೆ. ಎ ಕ್ಹುದಾ ಎ ಕ್ಹಾರು ಅಪ್ನಾ ಬಗಲ್ತೊ ಮನಕ್ಹೊನೆ ಬಲಾವಾನು ವ್ಹೈ.ಕ್ಹುದಾನಾ ಕ್ಹಾತೆ ತುಮೆ ಸಮಾಧಾನಮಾ ರ‍್ಹವೊ ಕೈನ ತೊಮೊಕನ ಮಾಂಗಿಲೆತಾಮಾ ಕ್ರಿಸ್ತನಾ ಬಗಲ್ತಾ ಬೊಲಾಲಾ ಥಯಾಸ.
2CO 5:21 ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.
2CO 6:1 ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ವ್ಹೈ. ಇನಾಹುತಿ ಹಮೆ ತುಮೊಕನ ಸು ಮಾಂಗಿಲಿಯೆಸ ಕದ್ಯಾಮ. ತುಮೆ ಕ್ಹುದಾಕಂತು ಹೊಂದಿಲಿದಲ ಕೃಪಾ ಉಪಯೊಗ ಥಾವಾ ವರಕ್ಹು ದೆಕಿಲಿವೊ.
2CO 6:2 ಕ್ಹುದಾ ಅಮ ಕವಸ.
2CO 6:3 ಅಪ್ನಿ ಸೆವಞ ಅಪ್ನ ಸೆವ ಕಿನ ಕ್ಹ ಕೆಟ್ಟ ಆಗನ ಛೆ ಕೈನ ರ‍್ಹೌ ನೈಸೊ ಅಪೆ ಕಿನ ಅಡ್ಡಿ ತ್ಯುನೆ ನೈ.
2CO 6:4 ತಿನಾ ಬದಲ ಕ್ಹಾರ ವಿಷಯ ಹುತ ಹುತಿ ಕ್ಹುದಾ ಸೆವ ವ್ಹೈ ಕೈನ ಅಪ್ನ ಸೆವ ವಪ್ಪಿ, ಅಪೆ ಮಾ ತ್ರಾಸ ಕಮ್ಮ ರ‍್ಹ ಇಕ್ಕ ಮಾರ ಪಡ
2CO 6:5 ಜೆಲ ಎ ಕ್ಹಾರ. ಅಂಗ ಭಾಗಿನ ಕಾಮ ಕರಾ. ನಿಂದರ ನೈಸೊ. ಭುಕ್ಕ ಟೈಮ ಮಾ ಬಲಹಿನ ಮಾ ಭುಕ್ಕ. ಎ ಕ್ಹಾರ ರ‍್ಹಯಲ ವಿಷಯಮಾ ಘನ್ನ ಸಮಾಧಾನ ದೆಕಾಡ ದಿವ;
2CO 6:6 ಶುದ್ಧ ಮನಸ ಗ್ಯಾನ ತಡ್ದಿಲಿವಾನು ಮರ್ಗ ಪವಿತ್ರ ಕಪಟ ನೈಸೊ ಮಯಾ.
2CO 6:7 ಕ್ಹರಿ ವಾಕ್ಯ ಕ್ಹುದಾ ಮಹಿಮಾ ಎ ಕ್ಹಾರ ರ‍್ಹ ಮಾ ರ‍್ಹಯಲ ಹತೊ ರ‍್ಹಯಲ ನಿತಿವಂತ ಮಾ ರ‍್ಹಯಲ ಹತೊ ನಿತಿ ಕವಾನು ಆಯುಧೊ ಘಾಲ್ಲಿದಲ ಪರ ಘಾಲ.
2CO 6:8 ಅಪೆ ಯಾದಿ ವರಿ ಸೆವ. ರ‍್ಹಯಲ ಕ್ಹರಿನೆ ರ‍್ಹ ಮೊಸ ವ್ಹೈ ಕವಾಲ.
2CO 6:9 ಅಪೆ ಘನ್ನ ಪ್ರಸಿದ್ದ ರ‍್ಹ ವಳಕ ತೆನ ಸೆವ ಕರಾ. ಮರಲ ಕೈನ ನೈ ಗ್ವತ ತೆ ತಬಿ ನೊಹಾ. ದೆಕಿನ ಶಿಕ್ಷಾ ಛೆ ಕೈನ ಕುನ ವ್ಹತ್ತಾ ತಬಿ ಖಲಾಸ ಕೈನ ಥಯಾಸ.
2CO 6:10 ದುಖ ರ‍್ಹ ಸೆವ ಹಮೆಶಾ ಖುಶಿ ರ‍್ಹ. ಗರಿಬ ಛೆ ಕೈನ ರ‍್ಹ ಬಿಜಾ಼ ಮನಕ್ಹೊ ಸೌಕಾರ ಮನಕ್ಹ ಕರಾ. ಸುಜ಼ ಕುನ ನೈ ರ‍್ಹ ಕ್ಹಾರ ಅಪೆ ಛೆ ಕೈನ ಕೈ ರ‍್ಹ.
2CO 6:11 ಕೊರಿಂಥಮಾ ರ‍್ಹ ಖುಲ್ಲಾ ಮನಸ ಅಪೆ ತಾರ ರ‍್ಹ ಬೊಲ.
2CO 6:12 ತುಮೊಮಾ ತುಮ ಸಂಶ ಚಾಳಿ ನೈ. ಎ ತುಮೊಮಾ ತುಮ ರ‍್ಹ.
2CO 6:13 ತೆ ತಿನಾಹುತಿ ನೈ ತುಮ ಬಚ್ಚಾ ಲಿಂಗತ ಕವಾ. ಅಪೆ ಎ ತಿಮ್ಮ ಕ್ಹಾರ ಮನಸ ಮಯಾ ಕರಾ ತುಮ ಕ್ಹಾರ ಮನಸ ಹಮೊನೆ ಅಪೊನೆ ಮಯಾ ಕರಾ.
2CO 6:14 ತುಮೆ ಕ್ರಿಸ್ತಪರ ಕುನ್ನ ಬರೊಕ್ಹೊ ನತ್ತಿ ಮುಕ್ಯಾ ತ್ಯುನಾ ಕ್ಹಾತೆ ರ‍್ಹವೊ ನಕೊ, ಧರ್ಮ ವರಿ ಅಧರ್ಮ ಕೆಳಾಮಾಬಿ ಮಳಿನ ರ‍್ಹವಸ ಸು?
2CO 6:15 ನೈ ಉಜಾಲ ವರಿ ಅಂದಾರಾ ಸು ಖಾವ ವ್ಹೈ? ಕ್ರಿಸ್ತನೆ ಸೈತಾನ ಒಪ್ಪಿಲಿದ್ಯಾ ಸು ವ್ಹೈ? ಕ್ರೈಸ್ತೊನೆ ವ್ಹೈ?
2CO 6:16 ಕ್ಹುದಾನಿ ಸಭಾಮಂದಿರ ವರಿ ಮೊರತಿಯೊನೆ ಸು ಇಜಾಜ಼ತ ವ್ಹೈ? ಅಪೆ ಕ್ಹುದಾ ಕದ್ಯೊ ಎ ತಿಮ್ಮ ಜಿವ್ತೊ ರ‍್ಹಯಲ ಕ್ಹುದಾನಿ ಸಭಾಮಂದಿರ ಕುನ ವ್ಹತ್ತಾ. ಮಾರ ಮಿ ಘರಮಾ ಕರುಸ ತುಮ. ತ್ಯುನೊನೆ ತುಮೊಮಾ ಮಿ. ಮಿ ನೈ ತ್ಯುನೊನೆ ಕ್ಹುದಾ ತಯ್ಯಾರ. ತ್ಯುನೆ ಮಾರ ಮನಕ್ಹೊ ಥಯಾಸ. ಕೈನ ಕದ್ಯೊ.
2CO 6:17 ಕಿಮ ಮನಕ್ಹೊ ಕ್ಹುದಾನಿ ವಾಕ್ಯ ಬಿಜಾ಼ ಮಳೈ ವ್ಯಾಪಾರ ಕರಸ. ಅಪೆ ತೆ ನ್ಹ ಹೊಲಸ ರ‍್ಹಯಲ ಮುಟ್ಟ ನಕೊ ಕೈನ ರ‍್ಹಯಲ ಪ್ರಭು ಕವಸ.
2CO 6:18 ಎನೈಸೊ ಅಪೆ ನೈ ತುಮ ವಿಧೆಯ ನೈ ಕರಾ ನೈ ತುಮ ಕುನ ಛೆ ಥಯೊಸ. ತುಮ ನೈ ಮನೆ ದಿಕ್ರ ಕ್ಹರಿ ಕೈನ ಸರವಶಕ್ಕತ ಲಿಂಗತ ರ‍್ಹಯಲ ಪ್ರಭು ಕೌ.
2CO 7:1 ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.
2CO 7:2 ತಾರ ಮನಸ ಹಮೊನೆ ಅಪೊನೆ ಜ಼ಗಾ ದಿವ. ತುಮೊಮಾ ತುಮ ಕಿನ ಅಪೆ ಅನ್ಯಾಯ ತ್ಯುನೆ ನೈ. ಕಿನ ಮೊಸ ಕರಾ. ಕಿನ ಹಾನಿ ಕರಾ.
2CO 7:3 ತುಮ ತಪ್ಪ ದೊಷ ಕೈನ ಮಿ ಎ ಕ್ಹಾರ ಕವಾ ನೈ. ತಾರ ರ‍್ಹ ಮರ‍್ಯ ಜಿವ್ತೊ ರ‍್ಹ ಮುಲಕ ತೆ ನಾಮ ಯಕ್ಲು ನೈ. ತುಮ ಹಮಾರಾ ಮನಸ ಛೆ ಕೈನ ಪೈಲಾ ಕದ್ಯೊ ನೈ.
2CO 7:4 ತುಮೊಮಾ ತುಮ ನೈ ಮನೆ ಘನ್ನೊ ಆತೊ ಬರೊಕ್ಹ ಛೆ ಕೈನ. ಘನ್ನು ಅಭಿಮಾನ ಛೆ ಕೈನ. ಮಿ ಕ್ಹಾರ ತರಾನಾ ಮಾ ತ್ರಾಸ ಹಬಾಳ ಕರ್ಲ ಯಕ್ಲೊ ಲುಕ್ಸಾನ.
2CO 7:5 ಅಪೆ ಮೆಕೆದೊನಿಯ ಆತಾಮಾ ಹಮಾರಾ ಅಂಗ ಸಮಾಧಾನ ನೈ ತೆನ ಬದಲ ಕ್ಹಾರ ರ‍್ಹಯಲ ವಿಷಯಮಾ ಹಮೊನೆ ಅಪೊನೆ ತ್ರಾಸ ವ್ಹತ. ಭಾರ ವಾದ ಮ್ಹೈ ಭೆ
2CO 7:6 ತೆನೈಸೊ ಮಾ ತ್ರಾಸ ರ‍್ಹ ಬಿಯ್ಯ ಕರಸ ಕ್ಹುದಾ ತಿತ ಮೊಕ್ಲ ಮುಲಕ ತುನೆ ಅಪೊನೆ ಬಿಯ್ಯ ಕರಾ.
2CO 7:7 ತೆ ಐನ ಯಕ್ಕಜ಼ ನೈಸೊ ತಾರ ಹುತ ಹುತಿ ತೆ ಘನ್ನೊ ಸಮಾಧಾನ ಹೊಂದ ಕೈನ ತಾರ ಯಕ್ಲೊ ಮ್ಹೊಟ ಮಯಾ ತಾರ ದುಖ ಪರ ಮನೆ ರ‍್ಹಯಲ ತಾರ ಬಿಯ್ಯ ಎ ಕ್ಹಾರ ನೈ ತುಮ ಕತಾಮಾ ಕೈನ ಮಿ ಹಜು಼ನ ಘನ್ನೊ ಖುಶಿ ಥಯೊ.
2CO 7:8 ಮಿ ಬರ್ದಲ ಪತ್ರ ತುನೆ ತುಮ ದುಖ ತಬಿ ನೈ ಮನೆ ನೈ ತೆ ನೈ ತುಮ ದಕ್ಹ ದುಖ ಕರಾ ಹಮ್ನಾ ಖುಶಿ ಕರುಸ ತುಮ.
2CO 7:9 ನೈ ತುಮ ತ್ರಾಸ ಥಯೊಸ ಕೈನ ಮಿ ಹಮ್ನಾ ಖುಶಿ ಕರಾ ತುಮ ದುಖ ಕೈನ ಪಶ್ಚಾತಾಪ ಹೊಂದ ಹುತ ಹುತಿ ಖುಶಿ ಪಡ ತುಮ ಕ್ಹುದಾನಿ ಚಿತ್ತ ಲಿಂಗತ ಕರ್ಲ ಯಕ್ಲೊ ದುಖ ಹಮಾರಾ ಹುತ ಹುತಿ ಸುಜ಼ ಲುಕ್ಸಾನ ಥೈಯು.
2CO 7:10 ಕ್ಹುದಾನಿ ಛೆ ತ್ರಾಸ ರಕ್ಷಣೆ ಕಾರ ಕರಲ. ಪಶ್ಚಾತಾಪ ಹುಟ್ಟ. ತೆ ಪಶ್ಚಾತಾಪ ಪಾಪ ಮದತ ನೈ. ತೆನ ದುನಿಯಾ ವರಿ ರ‍್ಹಯಲ ದುಖ ಮರಲ.
2CO 7:11 ದೆಕ, ತುಮ ಕ್ಹುದಾನಿ ಛೆ ಐನ ದುಖ ನೈ ತುಮ ಕಿಮ ತಪ್ಪ ಶಿಕ್ಷಾವೊನೆ ದಿವ ಕಿಮ ಕಟ್ಟ ನಿಟ್ಟ ತುಮ ವ್ಹೈ ಕೈನ ನೈ ಕೌ ಕಿಮ. ಕಿಮ ಮನಸ ದುಖ ಕರಿ ಕಿಮ ಕೌ ಭುಚ಼ಕ ದೆಕಾಡ. ಯಾದಿ ಕರ್ಲ ಹುತ ಹುತಿ ಕಿಮ ಘನ್ನ ಶಿಟ್ಟ ಕೈನ ಶಿಕ್ಷಾ ತ್ಯುನೆ ಎ ಕ್ಹಾರ ಶಾನಾವೊನಾ.
2CO 7:12 ಮಿ ತುಮೊನೆ ಬರ್ದತಾಮಾ ತಪ್ಪ ಕರಲವಾಲಾನೆ ಶಿಕ್ಷಾ ಮಲು ಕೈನ ವರಿ ತಪ್ಪ ಕಿನೆ ಥಯುಸ ತಿನೆ ಕರೆಟ ಫೈಸಲೊ ಥೌ ಕೈನ ಬರ್ದ್ಯೊ ನತ್ತಿ. ಹಮಾರಾಹುತಿ ತುಮೊನೆ ರ‍್ಹಯಲ ಆಸಕ್ತಿ ಕ್ಹುದಾನಾ ಕ್ಹಾಮಿ ತುಮೊನೆ ದಿಕ್ಹಿ ಔ ಕೈನಜ ಬರ್ದ್ಯೊಸ.
2CO 7:13 ವಚ್ಮಾ ನೈ. ತುಮ ಕ್ಹಾರ ತಿತ ಮನಸ ವಳಕ ಹುತ ಹುತಿ ತಿನಾ ಯಕ್ ಖುಶಿ ದೆಕಿನ ಅಪೆ ವರಿ ತೃಪ್ತ.
2CO 7:14 ತಿನಾಹುತಿ ಕದ್ಯಾಮ ಮಿ ತಿತ ಕ್ಹ ತುಮಾರಾ ಹೆಮ್ಮೆ ಕ್ಹರಿ ವ್ಹೈ. ಇಮ್ಮ ಹೆಮ್ಮೆ ಹುತ ಹುತಿ ಮಿ ನೈ. ತಿನಾ ಬದಲ ಅಪೆ ನೈ ತುಮ ಕದ್ಯೊ ಕ್ಹಾರ ಕಿಮ ಕ್ಹರಿ ವ್ಹೈ ಎ ತಿಮ್ಮ ತಿತ ಕ್ಹ ತಾರ ಹುತ ಹುತಿ ಹೆಮ್ಮೆ ಕ್ಹರಿ ವ್ಹೈ ದಿಕ್ಹ ಐನ.
2CO 7:15 ತುಮ ವಿಧೆಯ ಭೆ ಭಕ್ತಿ ನೈ ತಿನೆ ವಿಧೆಯ ಕರಾ ಶೆ ಹಿವಾ ಹುತಿ ತುಮ ತೆನ ರ‍್ಹಯಲ ಮಯಾ ನೈಸೊ ಹೆಚ್ಕಿ ಛೆ ದಿವ.
2CO 7:16 ಹುತಿ ತುಮ ನೈ ಮನೆ ಕ್ಹಾರ ಧ್ವಯ ಕ್ಹಾರ ಬರೊಕ್ಹ ರ‍್ಹಯಲ ಹುತ ಹುತಿ ಮಿ ಖುಶಿ ಕರುಸ ತುಮ.
2CO 8:1 ಭಾಯೊ ವರಿ ಭೆನೊ ಮೆಕೆದೊನಿಯ ಸಭೆವಾಲಾ ಕ್ಹುದಾ ದೆಕಾಡಲ ಮರ್ಗ ಹುತ ಹುತಿ ನೈ ತುಮ ಕವಾನಿ ಆಸ ಕರುಸ ತುಮ.
2CO 8:2 ತೆ ವಿಸ್ವಾಸಿಯೊ ಘನ್ನ ಕಷ್ಟ ಪಡೆ ಪಡಿ ಐನ ನೈ. ತ್ಯುನೆ ಘನ್ನ ಗರಿಬ ಮನಕ್ಹೊ ವ್ಹೈ. ವರಿಬಿ ತ್ಯುನೆ ತ್ಯುನಾ ಯಕ್ಲೊ ಮ್ಹೊಟ ಖುಶಿ ಘನ್ನು ದಿದ.
2CO 8:3 ತ್ಯುನೊಕನ ತ್ಯುನೊನೆ ಲಿಂಗತ ಕರಿ ದಿವ ಕೈನ ಮಿ ತ್ಯುನೊಕನ ತುಮ ಕವಸ. ತ್ಯುನೆ ತ್ಯುನಾ ತಾಕತ ಮಿರಿನ ದಿವ.
2CO 8:4 ಅಪೆ ಛೆ ಕೆಳಾಮಾ ನೈ ಗ್ವತ ತೈ ತರಾಮಾ ದಿದ.
2CO 8:5 ತ್ಯುನೆ ತ್ಯುನಾ ದೊಕ್ಡಾ ದಿವ ಪೈಲಾ ತ್ಯುನೆ ತ್ಯುನೆ ಪ್ರಭು ವರಿ ಹಮೊನೆ ಅಪೊನೆ ವಪ್ಸಿನ ದಿದ. ಕ್ಹುದಾ ಮಾ ಆಸ ರ‍್ಹ ಎ ವ್ಹೈ.
2CO 8:6 ತ್ಯಾಂತ ಬಿಜಾ಼ ಬಗಲ ಶುರು ಕರಲ ಲಿಂಗತ ರ‍್ಹಯಲ ಧರಮ ಕರಾ ಕೈನ ಅಪೆ ನೈ ತಿನೆ ಭಿಕ.
2CO 8:7 ತುಮ ಕ್ಹುದಾ ಜ಼ಗಾ ಬರೊಕ್ಹ ಕತಾಮಾ ಬೊಲ ಹುಷಾರ ಗ್ಯಾನ ಕ್ಹಾರ ಲಿಂಗತ ತುಮ ವರಿ ಅಪ್ನ ಬಿಯ್ಯ ಹುಟ್ಟಲ ಮಯಾ ಕಿಮ ಸಮೃದ್ದಿ ಥಯಾಸ ಎ ತಿಮ್ಮ ರ‍್ಹಯಲ ಧರಮ ಕಾರ ಸಮೃದ್ದಿ ರ‍್ಹೌ.
2CO 8:8 ಎ ಕ್ಹಾರ ಅಪರುಪ ವ್ಹೈ ಕೈನ ಕವಾ ನೈ. ತೆನೈಸೊ ಬಿಜಾ಼ವೊನೆ ಆಸಕ್ತಿ ದೆಕಿನ ತಾರ ಮಯಾ ಕಿಮ ಘಟ್ಟ ಛೆ ಕೈನ ಕರಾ ಕೈನ.
2CO 8:9 ಅಪ್ನ ರ‍್ಹಯಲ ಪ್ರಭು ಲಿಂಗತ ಯೆಸು ಕ್ರಿಸ್ತ ಮರ್ಗ ನೈ ತುಮ ನೈ ಗ್ವತ ಛೆ ದಿವ ನೈ. ಘನ್ನೊ ಸೌಕಾರ ಮನಕ್ಹ ರ‍್ಹ ತಿನಾ ಗರಿಬ ತುಮ ಸೌಕಾರ ಮನಕ್ಹ ರ‍್ಹೌ ಕೈನ ತಾರ ಹುತ ಹುತಿ ಗರಿಬ ಥಯೊ.
2CO 8:10 ಮಿ ನೈ ತುಮ ಕವಾನು ಸು ಕದ್ಯಾಮ ಮಾ ವರಕ್ಹ ದಿವ ತುಮ ಪೈಲಾ ವ್ಹತ್ತಾ ವರಿ ಪೈಲಾ ಪೈಲಾ ದಿವ ತುಮ ವ್ಹೈ.
2CO 8:11 ತೆ ತಿನಾಹುತಿ ತುಮ ನೈ ಕರಾ ತ್ಯುನೆ ಕರಾ ಕ್ಹಾರ ಕರಾ ಹಮ್ನಾ ತಾರ ತ್ಯುನೆ ಕರಾ ವರಿ ಮನಸ
2CO 8:12 ಯಕ್ಲೊ ಮನಕ್ಹ ದಿವಾನು ಮನಸ ರ‍್ಹ ತಿನಾ ಯೊಗ್ಯ ವಚ್ಮಾ ದಿವ ತೆ ಸಮರ್ಪಕ ದಿದ ಲಿಂಗತ ರ‍್ಹ. ನೈ ತಿನೆ ಕ್ಹುದಾನಿ ಆಸ ಛೆ ಹೊಂದ.
2CO 8:13 ನೈ ಬಿಜಾ಼ವೊನೆ ಕಷ್ಟ ಪರಿಹಾರ ನೈ ತುಮ ಕಷ್ಟ ಆವಸ ಕೈನ ಮಾರ ಮನಸ ನ್ಹ ವ್ಹೈ.
2CO 8:14 ಕ್ಹಾರ ಸರಿಸಮಾನ ರ‍್ಹೌ ಕೈನ ಮಾರ ಮನಸ ವ್ಹೈ. ತೆಕ್ಲಾಮಾಜ಼಼ ತೆ ಟೈಮ ತಾರ ಸಮೃದ್ದಿ ತುಮೊಮಾ ತುಮ ರ‍್ಹಯಲ ಚಾ಼ಯೆ ಕ್ಹಾರ ಕರಲ. ಅಗೊ ತ್ಯುನಾ ಸಮೃದ್ದಿ ವಾಲಾವೊನೆ ತುಮ ರ‍್ಹಯಲ ಆಸ ಕ್ಹಾರ ಕರಸ. ಉತ್ರಿನ ಯಕ್ಲೊ ಮೌಕೊ ಕೈನ. ಎ ತಿಮ್ಮ ಸಮಾ ಐನ.
2CO 8:15 ಧರಮ ನಿಯಮ ದೆಕ ಘನ್ನು ಜ಼ಮಾ ನೈ ಕರಾ ಮುಕ್ಕ ಘನ್ನು ಕರಲ ನೈ. ಮಿ ಮಿಜ಼ ನೈ ಜ಼ಮಾ ಕರಲ ಚಾ಼ಯೆ ಕರಲ ನೈ.
2CO 8:16 ತಾರ ಹುತ ಹುತಿ ರ‍್ಹಯಲ ಚೊ಼ಕ ಚಿಂತಾ ತಿತ ಮಾ ರ‍್ಹಯಲ ಮನಸ ಹುಟ್ಟ ನೈ ತಿನೆ ಸ್ತೊತ್ರ ಕವಸ.
2CO 8:17 ನೈ ತಿನೆ ಅಪೆ ರ‍್ಹ ತುಮ ಗೈನ ಕೈನ ಮಾಂಗ ಸುಜ಼ ತೆ ಒಪ್ಪ ಯಕ್ಕಜ಼ ನೈಸೊ ಘನ್ನ ಆಸಕ್ತಿವಾಲೊ ಥಯೊ, ತಿನಾ ಮರ್ಜಿ ಲಿಂಗತ ರ‍್ಹ ತುಮ ಐನ.
2CO 8:18 ತಿನಾ ರ‍್ಹ ಬಿಜಾ಼ ಹಮಾರಾ ಭೈ ಮೊಕ್ಲ. ಎ ಭೈ ತುನೆ ರ‍್ಹಯಲ ಸುವಾರ್ತೆನಾ ಹುತಿ ಸುವಾರ್ತೆ ಸೆವ ಕ್ಹಾರ ಸಭೆ ಚೊ಼ಕ ಪಡ ಥಯೊಸ.
2CO 8:19 ಎ ತಿನಾಹುತಿ ಯಕ್ ನೈಸೊ ಪ್ರಭು ಮಹಿಮಾನಾ ಹುತಿ ವರಿ ಅಪ್ನ ತಿನಾಹುತಿ ವ್ಹಂದಿಲಿವ ಮನಸ ದೆಕಾಡ ಹುತ ಹುತಿ ಅಪೆ ಕರಾ ರ‍್ಹಯಲ ಧರಮ ಕರಾ ಸಂಬಂಧ ಕೈನ ಹಮಾರಾ ರ‍್ಹ ಪ್ರಯಾಣ ನೈ ಕರಾ ಕವಾನು ಮಾ ಸಭೆ ತಿನೆ ತುನೆ ಇನಿ.
2CO 8:20 ಅಪೆ ಜ಼ಮಾ ಕರಾ ರ‍್ಹಯಲ ಎ ಉದಾರ ಕಾಣಿಕ ಹುತ ಹುತಿ ಯಕ್ಲೊ ಮನಕ್ಹ ಪರ ಅಪೊನೆ ತಪ್ಪ ಘಾಲ ಸಮುಂದರಮಾ ಜ಼ಗಾ ದಿದ ನೈ.
2CO 8:21 ತಿನಾಹುತಿ ಕದ್ಯಾಮ ಪ್ರಭು ಮಾ ನಜ಼ರಮಾ ಯಕ್ಕಜ಼ ನೈಸೊ ಮನಕ್ಹೊ ಮಾ ನಜ಼ರಮಾ ಚೊ಼ಕ ರ‍್ಹ ಕರಾ ಅಪ್ನ ಉದ್ದೆಶ ವ್ಹೈ.
2CO 8:22 ಎ ಭಂಬಿಜ಼ನಾ ರ‍್ಹ ಹಮಾರಾ ಭೈ ಬಿಜಾ಼ ಯಕ್ ಮೊಕ್ಲ. ಅಪೆ ಹರಿ ಯಕ್ ಟೈಮ ಘನ್ನ ಕಾಮೊಮಾ ನೈ ತಿನೆ ಪರಿಕ್ಷಾ ನೈ ಕರಾ ನೈ ತಿನೆ ಆಸಕ್ತಿ ಛೆ ಕೈನ ನೈ ಗ್ವತ ಕರಿ ಹಮ್ನಾ ತೆ ಹುತಿ ತುಮ ಜ಼ಗಾ ಖಾಸ ಬರೊಕ್ಹ ಹಜು಼ನ ನೈಸೊ ಹೆಚ್ಕಿ ಆಸಕ್ತಿವಾಲೊ ಥಯೊಸ.
2CO 8:23 ತಿತ ಹುತ ಹುತಿ ಕೌ ಕದ್ಯಾಮ ತೆ ಮಾ ಮನೆ ವಾಟೊ ಲಿವಾಲೊ ವ್ಹೈ. ತಾರ ಹುತ ಹುತಿ ನೈ ಮನೆ ನೈ ಮದತ ಕರಸ ಥಯೊಸ. ತೆ ಮಾ ಭೈ ಹುತ ಹುತಿ ಕೌ ಕದ್ಯಾಮ ತ್ಯುನೆ ಸಭೆ ತರಕ್ಹ ವ್ಹತ್ತಾ ವ್ಹೈ ವರಿ ಕ್ರಿಸ್ತ ಮಹಿಮಾ ದೆಕಾಡ ಥಯಾಸ.
2CO 8:24 ತೆ ತಿನಾಹುತಿ ತ್ಯುನೊನೆ ಮಯಾ ದಿಕ್ಹ ಅಪೆ ನೈ ತುಮ ವ್ಹೈ ಮುಲಕ ತೆ ನಾಮ ಯಕ್ಲು ನೈ ವಿಧೆಯ ಸಭೆ ತಾರ ಕವಾಲಾ ತುಮ ಕರುಸ.
2CO 9:1 ಯುದ ಕ್ಹುದಾ ಮನಕ್ಹೊ ಹುತ ಹುತಿ ಮಿ ರ‍್ಹ ತುಮ ಬೆವಾ ಟೈಮ ರ‍್ಹ ಮಿ ನೈ ತುಮ ಮನಕ್ಹೊ ಘನ್ನ ಮನಕ್ಹೊ ಕ್ಹುಶಿ ಕರಾ.
2CO 9:2 ಮದತ ಕರು ಕವಾನಿ ಆಸ ತುಮೊನೆ ಛೆ ಕೈನ ಮನೆ ಗ್ವತ್ತ ಛೆ. ಮಕೆದೊನೊಯಾಮಾ ಮನಕ್ಹೊನೆ ತುಮಾರಿ ಹುತಿ ಹೆಮ್ಮೆ ಕ್ಹು ಕವಾಡ್ಯೊಸ. ಅಖಾಯಾಮಾ ರ‍್ಹಯಲ ತುಮೆ
2CO 9:3 ವರಿಬಿ ಅಪೆ ನೈ ತುಮ ಹೆಮ್ಮೆ ಸಬುತ ಛೆ ಕೈನ ಮಿ ಕದ್ಯೊ ನಿಯಮ ತುಮ ತಯ್ಯಾರ ಛೆ ಕೈನ ತೆ ಭೈ ಮೊಕ್ಲ.
2CO 9:4 ತುಮ ತಯ್ಯಾರ ಕರಾ ಕರಲ ಯಕ್ ಟೈಮ ಮಾರ ರ‍್ಹ ತಯ್ಯಾರ ನೈ ಕೈನ ದೆಕ ಅಪೆ ಹುತಿ ತುಮ ಎ ತಿನಾಲಿಂಗತಜ಼ ಬರೊಕ್ಹ ಜ಼ಗಾ ಹುತ ಹುತಿ ಅಪೆ ಸರಮ. ತುಮ ಎ ತಿಮ್ಮ ಕೌ.
2CO 9:5 ಎ ತಿಮ್ಮ ರ‍್ಹ ಎ ಭಾಯೊ ಪೈಲಾ ರ‍್ಹ ತುಮ ಐನ ತುಮ ಪೈಲಾ ಕದ್ಯೊ ವಾಗ್ದಾನ ವರಾ ತಯ್ಯಾರ ನೈ ಕರಾ ನೈ ತುಮ ನೈ ಮದತ ಕರಾ ತ್ಯುನೊನೆ ಮಾಂಗ ಸುಜ಼ ಜರುತ್ತ ಛೆ ಕೈನ ಕವಾನು ನೈ ಮನೆ ನೈ ಗ್ವತ ತೆ. ಎ ತಿಮ್ಮ ದಾನ ದಿವಾನು ವತ್ತಾಯ ನೈ ರ‍್ಹ ಮನಸೆ ತಿನೆ ದಿದ ದಾನ ರ‍್ಹ.
2CO 9:6 ತೆನೈಸೊ ಲೆಕ್ಕ ಬಿತ್ತಾಲ ಲೆಕ್ಕ ನೈ ಕಾಟ. ಲೆಕ್ಕ ಬಿತ್ತಾಲ ಲೆಕ್ಕ ಕಾಟ. ಎ ನೈ ತುಮ ನೈ ಗ್ವತ ರ‍್ಹ.
2CO 9:7 ಹರಿ ಯಕ್ಲೊ ಮನಕ್ಹ ತ್ಯುನಾ ಮಾ ರ‍್ಹಯಲ ಮನಸ ಕೈಲೆತಾಮಾ ಕರಲ ಲಿಂಗತ ದುಖ ರ‍್ಹ ಜ಼ಬರದಸ್ತಿಕ್ಹು ರ‍್ಹ ಕುನ ನೈ ದಿವ ಹುತ ಕ್ಹ ದಿವ ಕ್ಹುದಾ ಮಯಾ ಕರಸ.
2CO 9:8 ಕ್ಹುದಾ ಕ್ಹಾರ ದಾನ ದಿವ ನೈ ತುಮ ಸಾತ ವಚ್ಮಾ ಬಿಜಾ಼ ಹುತ ಹುತಿ ತಾಕತವಾಲೊ ರ‍್ಹಯಲ ಹುತ ಹುತಿ ಕ್ಹಾರ ರ‍್ಹಯಲ ವಿಷಯಮಾ ಕ್ಹಾರ ಕುನ ವ್ಹತ್ತಾ ಕೈನ ಕ್ಹಾರ ಚೊ಼ಕ ಕಾಮೊ ಘನ್ನ ಕರಾ ಮಾ.
2CO 9:9 ತೆ ರ‍್ಹಯಲ ಗರಿಬ ಘನ್ನು ದಿದ. ತೆ ನಿತಿ ಹಮೆಶಾ ರ‍್ಹ.
2CO 9:10 ರೈತ ಬಿಯ್ಯ ಖಾವ ಅನ್ನ ರ‍್ಹಯಲ ಮನಕ್ಹ ನೈ ತುಮ ನೈ ಬಿತ್ತ ಹುತ ಹುತಿ ಬಿಯ್ಯ ದಿನ ತೆ ಬಿತ್ತಸ ನೈ ಕರಾ ತಾರ ರ‍್ಹಯಲ ಧರಮ ಕೈನ ಪೈಲಾ ಕರಸ.
2CO 9:11 ಎ ತಿಮ್ಮ ತುಮ ಕ್ಹಾರ ತರಾನಾ ರ‍್ಹಯಲ ವಿಷಯಮಾ ಸೌಕಾರ ಮನಕ್ಹ ಛೆ ಕೈನ ಖುಲ್ಲಾ ಮನಸೆ ತಿನೆ ನೈ ದಿವ ತುಮ ತಾಕತ ಕೈನ ಮಾ ಅಪ್ನ ಮುಲಕ ಕ್ಹುದಾ ಮಾ ಸ್ತುತ ಛೆ ಕೈನ.
2CO 9:12 ಕಿಮ ಕದ್ಯಾಮ ಎ ತುಮ ಘನ್ನ ಸೆವ ವಳಕ ಪವಿತ್ರ ರ‍್ಹಯಲ ಮನಕ್ಹೊ ಚಾ಼ಯೆ ಕ್ಹಾರ ಛೆ ಕೈನ ಯಕ್ ನೈಸೊ ಘನ್ನ ಮನಕ್ಹೊ ಕ್ಹುದಾನಿ ಸ್ತುತ ಐನ.
2CO 9:13 ಎ ಮದತ ಕ್ಹ ದಿಕ್ಹ ಐನ ತಾರ ಚೊ಼ಕ ಭಾವ ತ್ಯುನೆ ಕತಾಮಾ ದೆಕ್ತಾಮಾ ತುಮ ಕ್ರಿಸ್ತ ಕವಾ ವಿಧೆಯ ಲಿಂಗತ ಹುತ ಹುತಿ ತ್ಯುನೆ ವರಿ ಕ್ಹಾರ ಖುಲ್ಲಾ ಮನಸ ಮದತ ಕರಲ ಹುತ ಹುತಿ ಕ್ಹುದಾ ಮಾ ಕ್ಹುದಾ.
2CO 9:14 ಯಕ್ ನೈಸೊ ತುಮೊಮಾ ತುಮ ರ‍್ಹಯಲ ಘನ್ನ ಮರ್ಗ ಕೃಪಾ ತ್ಯುನೆ ಪ್ರಾಥನಾ ತ್ಯುನೆ ಕರಾ ಕೈನ ತಾರ ಹುತ ಹುತಿ ಆಸ ಕರಸ.
2CO 9:15 ಕ್ಹುದಾ ದಿದ ಮೊಜ಼ ಕೈನ ನೈಸೊ ದಿವ ಹುತ ಹುತಿ ನೈ ತಿನೆ ಸ್ತುತ ಕೈನ.
2CO 10:1 ಪೌಲ ಲಿಂಗತ ಮಿ ಕ್ರಿಸ್ತ ಮಯಾ ಮರಗ ತುಮ ಮಾಂಗ ಸುಜ಼. ಮಿ ತಾರ ರ‍್ಹ ದಿನ ಕೈನ ರ‍್ಹ. ತುಮ ದುರ ರ‍್ಹ ಟೈಮ ದಿನ ಕೈನ ರ‍್ಹ ಕೈನ ದಕ್ಹ ಮನಕ್ಹೊ ಕತಾತಾ.
2CO 10:2 ಮಿ ಕಾಲನಾ ಲೌಕಿಕಮಾನಾ ನೈ ಲೌಕಿಕಮಾನಾ ಮನಕ್ಹೊ ರ‍್ಹಯಲ ಲಿಂಗತ ರ‍್ಹೌ ಕೈನ ದಕ್ಹ ಮನಕ್ಹೊ ವಿಚಾರ ಕರಸ. ಮಿ ಆತಾಮಾ ತ್ಯುನಾ ವಿರುದ ಕೈನ ಘನ್ನ ತ್ಯುನೊಮಾಜ಼ ರ‍್ಹೌ ಕೈನ ವಿಚಾರ ನೈ ಕರಾ ಲಿದ್ಯೊಸ. ತೆನೈಸೊ ನೈ ತುಮ ತೆ ಮಾ ಎ ಉಪಯೊಗ ಕರಾ ಚಾ಼ಯೆ ಯಕ್ಲೊಬಿ ಕರ್ಲ ಕೈನ ನೈ ತುಮ ಮಾಂಗ ಸುಜ಼.
2CO 10:3 ಅಪೆ ಅಂಗ ಚಾ಼ಲ ಮಾ ಅಪ್ನ ಅಂಗ ಯುದ ತ್ಯುನೆ ಕರಾ ನೈ.
2CO 10:4 ದುನಿಯಾ ರ‍್ಹಯಲ ಮನಕ್ಹೊ ಉಪಯೊಗ ನೈ ಕರಾ ಆಯುಧೊ ತಿನಾ ವಿರುದ ಆಯುಧೊ ರ‍್ಹ ಅಪೆ ಯುದ ಕರಾ. ಮಾ ಅಪ್ನ ಆಯುಧೊ ಕ್ಹುದಾನಿ ತಾಕತ ರ‍್ಹಯಲ ವ್ಹೈ. ದುಶ್ಮನ ಘನ್ನ ಯಕ್ಲೊ ಮ್ಹೊಟ ತಾಕತ ಭಾಂದ ಆಯುಧೊ ಹಾಳ ಕರಸ. ಅಪೆ ಮನಕ್ಹೊ ವಾದ ಹಾಳ ಕರಸ.
2CO 10:5 ಕ್ಹುದಾ ಗ್ಯಾನ ವಿರುದ ಕರ್ಲ ಸ್ವಕ್ಕ ವಾತೊ ಹಾಳ ಕರಸ. ಹರಿ ವಿಚಾರ ಹತೊಟಿಮಾ ಕರ‍್ಯೊ ತ್ಯುನೊನೆ ಬದಲ ಕರಿ ಕ್ರಿಸ್ತನೆ ವಿಧೆಯ ಕೈನ ಮದತ ಕರಸ.
2CO 10:6 ತುಮೊಮಾ ತುಮ ಕ್ರಿಸ್ತನೆ ವಿಧೆಯ ನೈ ಕರಾ ಸುಬಿ ಯಕ್ ರ‍್ಹ ಶಿಕ್ಷಾವೊನೆ ದಿವ ತಯ್ಯಾರ ಛೆ ಕೈನ. ತೆನೈಸೊ ಪೈಲಾ ಪೈಲಾ ತುಮ ಕ್ಹಾರ ವಿಧೆಯ ರ‍್ಹೌ ಕೈನ ಮಿ ಆಸ ಕರುಸ ತುಮ.
2CO 10:7 ತಾರ ಕ್ಹ ರ‍್ಹಯಲ ಕ್ಹರಿ ಕಾಮೊ ತುಮ ಲಕ್ಷ ದಿವ. ಯಕ್ ಮನಕ್ಹ ತೆ ಹುತ ಹುತಿ ಕ್ರಿಸ್ತ ವ್ಹೈ ಕೈನ ಗ್ವತ ತಿನಾ ಲಿಂಗತ ಅಪೆ ಕ್ರಿಸ್ತ ವ್ಹೈ ಕೈನ ತೆ ಗ್ವತ.
2CO 10:8 ಪ್ರಭು ತುನೆ ಅಪೊನೆ ದಿದ ಅದಿಕಾರ ಹುತ ಹುತಿ ಅಪೆ ನೈಸೊ ಹೆಚ್ಕಿ ಹೆಮ್ಮೆ ಪಡಿ ಕವಾನು ಕ್ಹರಿ ವ್ಹೈ. ತೆನೈಸೊ ತೆ ತುನೆ ಅಪೊನೆ ಎ ಅದಿಕಾರ ದಿದ ನೈ ತುಮ ತಾಕತ ಟೊಪ್ಲಿಯೊ ಕವಸ ವ್ಹೈ. ತೆ ಛೊಡಿನ ನೈ ತುಮ ತ್ರಾಸ ದಿವ ಹುತ ಹುತಿ ನ್ಹ ತೆನೈಸೊ ತಿನಾ ಹುತ ಹುತಿ ಹೆಮ್ಮೆ ಪಡಾ ಮಿ ಸರಮ ನೈ.
2CO 10:9 ಮಾರ ಪತ್ರ ಮುಲಕ ನೈ ತುಮ ಭುಚ್ಕಾ಼ಡ ಕರಾ ಕೈನ ತುಮ ವಿಚಾರ ಕರಾ ಕೈನ ಮಾರ ಆಸ ನೈ.
2CO 10:10 ಪೌಲ ಪತ್ರ ತಾಕತ ಥಯಾಸ ವರಿ ಖಾಸ ಥಯಾಸ. ವರಿಬಿ ತೆ ಹಮಾರಾ ರ‍್ಹ ಬಲಹಿನ ಕೈನ ರ‍್ಹ. ಪರ ತಿನಾ ವಾತೊ ಇನ್ಕಾರ‍ ಕೈನ ರ‍್ಹ. ಕೈನ ದಕ್ಹ ಮನಕ್ಹೊ ಕವಸ.
2CO 10:11 ತೆ ಮನಕ್ಹೊ ಎ ವಿಷಯ ನೈ ಗ್ವತ ಲಿಂಗತ ರ‍್ಹೌ. ತೆ ಸು ವ್ಹೈ ಕದ್ಯಾಮ ತೆಳಾಮ ಅಪೆ ತಾರ ರ‍್ಹ ತುನೆ ಕೈ ತೆ ತಿನಾಹುತಿ ಎ ಕಾಮೊ ಪತ್ರ ಮುಲಕ ಕವಾ.
2CO 10:12 ತೆ ತ್ಯುನ ಸ್ವಂತ ಅಪೆ ತಾರ ರ‍್ಹಯಲ ಪತ್ರ ಅದಿಕಾರ ದೆಕಾಡ ದಿವ. ತ್ಯುನಾ ಘನ್ನ ಖಾಸ ವ್ಹೈ ಖಾವ ವಿಚಾರೊನೆ. ತ್ಯುನೆ ಸುಜ಼ ನೈ ಗ್ವತ ನೈ ಕೈನ ದೆಕಾಡ ದಿದ.
2CO 10:13 ತೆ ತೆನ ಹಮೊನೆ ಅಪೊನೆ ದಿದ ಕಾಮ ಟೈಮ ಮಾ ಅಪ್ನ ಕ್ಹ ತುನೆ ಅಪೊನೆ ಅಪೆ ವ್ಹೈ ಕೈನ ಹೆಮ್ಮೆ. ಕ್ಹುದಾ ದಿದ ಕಾಮ ಟೈಮ ಅಪೆ ರ‍್ಹ ಕ್ಹಾರ ಕರಾ ಕೈನ ಹೆಮ್ಮೆ ಪಡಿ ನೈಸೊ ಹಮಾರಾ ಕಾಮ ತಾರ ತುಮೊಮಾ ಕರಾ ಎ ಸೆವ ವ್ಹೈ.
2CO 10:14 ಅಪೆ ಘನ್ನ ಹೆಮ್ಮೆ ನೈ. ಅಪೆ ರ‍್ಹ ತುಮ ನೈ ಆವಾನು ಘನ್ನ ಹೆಮ್ಮೆ. ತೆನೈಸೊ ಅಪೆ ರ‍್ಹ ತುಮ ಐನ ನೈ ಕ್ರಿಸ್ತ ತುನೆ ರ‍್ಹಯಲ ಸುವಾರ್ತೆನಾ ಹುತಿ ಸುವಾರ್ತೆ ರ‍್ಹ ಅಪೆ ಐನ ನೈ.
2CO 10:15 ಅಪೆ ಹೆಮ್ಮೆ ಹಮಾರಾ ಕಾಮೊ ಹುತ ಹುತಿ ಆದರಣೆ ಥಯಾಸ. ಬಿಜಾ಼ ಮನಕ್ಹೊ ಕರಲ ಕಾಮೊ ಹುತ ಹುತಿ ಅಪೆ ಹಮೊನೆ ಅಪೊನೆ ಹೆಮ್ಮೆ ನೈ. ತಾರ ಬರೊಕ್ಹ ಕಿಮ ಘಟ್ಟ ಕರ್ಲ ಹಮ್ನಾ ಕಾಮ ಹಜು಼ನ ಖುಶಿ ರ‍್ಹಯಲ ವಿಷಯಮಾ ಕವಾಲಾ. ಕವಾನು ಬರೊಕ್ಹ ಹಮೊನೆ ಅಪೊನೆ ಆಸ ಛೆ ಕೈನ.
2CO 10:16 ತಾರ ಗಾಮೆ ದುರ ರ‍್ಹಯಲ ಜ಼ಗಾ ಸುವಾರ್ತೆ ಕೌ ಕವಾನು ಹಮೊನೆ ಅಪೊನೆ ಆಸ ಛೆ ಕೈನ. ಬಿಜಾ಼ ಮನಕ್ಹ ಮಾ ಗಾಮ ಯಕ್ ಕರಲ ಕಾಮ ಹುತ ಹುತಿ ಹೆಮ್ಮೆ ಕವಾನು ಆಸ ಹಮೊನೆ ಅಪೊನೆ ನೈ.
2CO 10:17 ತೆನೈಸೊ ಹೆಮ್ಮೆ ಪ್ರಭು ರ‍್ಹ ಹೆಮ್ಮೆ.
2CO 10:18 ಯಕ್ಲೊ ಮನಕ್ಹ ರ‍್ಹ ಇನಿ ತೆ ಚೊ಼ಕ ವ್ಹೈ ಕೈನ ಕ್ಹ ಮಿ ಛೆ ಹುತ ಹುತಿ ನೈ ತಿನೆ ವಿಧೆಯ ಕರಸ ನೈ. ಪ್ರಭು ಕುನ ಚೊ಼ಕ ವ್ಹೈ ಕೈನ ವಿಚಾರ ಕರಸ ತೆ ಮನಕ್ಹ ವಿಧೆಯ ಛೆ ಕೈನ.
2CO 11:1 ಮಿ ಕಮ ಗ್ಯಾನ ರ‍್ಹ ತುಮ ಮಾರ ಹುತ ಹುತಿ ತಡ್ದಿಲಿನ ರ‍್ಹೌ ಕೈನ ಮನಸ ಕರುಸ ತುಮ. ತೆನೈಸೊ ತುಮ ಯಕ್ ಮಾರ ಹುತ ಹುತಿ ತಡ್ದಿಲಿನ ರ‍್ಹ.
2CO 11:2 ಕಾಕದ್ಯಾಮ ಮಿ ಕ್ಹುದಾಮಾ ರ‍್ಹಯಲ ಚಿಂತಾಕ್ಹುಜ ಮಿ ತುಮಾರಾ ಹುತಿ ಚಿಂತಾ ಕರುಸ. ತುಮೊನೆ ಕ್ರಿಸ್ತ ಕವಾನಾ ಯಕ್ಲಾಜ ದಾಣ್ಗನೆ ಕಯುಜ಼ ತಪ್ಪ ನೈ ರ‍್ಹಯಲ ಬಾಕ್ಡಿನಾ ಲಿಂಗತ ತುಮೊನೆ ತಿನಾ ಹತ್ಮಾ ದ್ಯುಸ.
2CO 11:3 ಕುಯುಕ್ತಿ ಕ್ಹ ಕುಯುಕ್ತಿ ಕ್ಹ ಮೊಸ ಲಿಂಗತ ತಾರ ಹವ್ವ ಮನಸ ಕ್ರಿಸ್ತ ಹುತ ಹುತಿ ರ‍್ಹಯಲ ಯಕ್ಕಜ಼ ಮನಸ ಪವಿತ್ರ ಛೊಡಿನ ಕೆಟ ಕೈನ ಭೆ ನೈ ಮನೆ ಛೆ ಕೈನ.
2CO 11:4 ಯೆಸುನಾ ಹುತ ಹುತಿ ಅಪೆ ಉಪದೆಶ ಕರಲ ಕಾಮೊ ಬಿಜಾ಼ ಕಾಮೊ ಕವಾನು ಸುವಾರ್ತೆ ತುಮ ಐನ ಉಪದೆಶ ಕವಸ ತುಮ ತಡ್ದಿಲಿನ ರ‍್ಹ ತುಮ ಅಪೊನೆ ವಿಧೆಯ ಕರಿ ಪವಿತ್ರ ಆತ್ಮಾ ಕವಾ ರ‍್ಹಯಲ ಆತ್ಮಾ ಸುವಾರ್ತೆ ವಿಧೆಯ ನೈ ಕರಾ ಘನ್ನ ಚೊ಼ಕ ವ್ಹತ್ತಾ ಥಯಾಸ ತುಮ ಹಮಾರಾ ರ‍್ಹಯಲ ವಿಷಯಮಾ ತಡ್ದಿಲಿನ ರ‍್ಹೌ.
2CO 11:5 ತೆ ಮ್ಹೊಟ ತುಮೊಮಾ ಮನೆ ಮ್ಹೊಟ ವ್ಹೈ ಕೈನ ಮಿ ವಿಚಾರ ಕರಸ ನೈ.
2CO 11:6 ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ ನೈ ಮನೆ ಬಿ ಗ್ಯಾನ ಛೆ ಕೈನ. ಎ ನೈ ತುಮ ಹರಿ ಯಕ್ ತರಾಮಾ ಕರೆಟ್ಟ ದೆಕಾಡ ದಿದ.
2CO 11:7 ಇಮ್ಮ ಕ್ಹುದಾನಿ ಸುವಾರ್ತೆ ವರಾ ಕದ್ಯೊ. ನೈ ತುಮ ಖಾಸ ನೈ ಕರಾ ಮಿ ತಗ್ಗಿನ ಕೈನ ತೆ ತಪ್ಪ ವ್ಹೈ ಕೈನ ನೈ ಮದತ ತುಮ ಕರಾ ಸು?
2CO 11:8 ಮಿ ಬಿಜಾ಼ ಸಭೆ ತಾರ ತುಮೊಮಾ ಸೆವ ನೈ ಕರಾ ದೊಕ್ಡಾ ಮಾಂಗಿಲಿದ್ಯ.
2CO 11:9 ಮಿ ತಾರ ರ‍್ಹ ತೆ ತಿನಾಹುತಿ ಮರಿ ತುನೆ ದೆಕ್ಯೊ ನೈ ತುಮ ತ್ರಾಸ ದಿದ ನೈ. ಮೆಕೆದೊನಿಯ ಐನ ಭಾಯೊ ಮನೆ ಚಾ಼ಯೆ ಲಿಂಗತ ಕರಿ ಮಿ ಮಿ ನೈ ತುಮ ಕೈ ಲಿಂಗತ ಅಗು ವಜ್ಜ ನೈ ನೈಸೊ ದೆಕ. ಹಜು಼ನ ಅಗೊ ಮಿ ನೈ ತುಮ ವಜ್ಜ ಕೈನ ರ‍್ಹ ನೈ.
2CO 11:10 ಎ ರ‍್ಹಯಲ ವಿಷಯಮಾ ಮಿ ಹೆಮ್ಮೆ ಪಡಾನು ಅಖಾಯಾಮಾನೊ ಯಕ್ಲೊಬಿ ನೈ ಹುಬ್ರಾಡ್ತೊ ಕ್ರಿಸ್ತಮಾ ಕ್ಹಾಮೊ ಕ್ಹರಿಕ್ಹುಜ಼ ಕೌಸ.
2CO 11:11 ತಿನಾಹುತಿ? ಹುತಿ ತುಮ ಮಯಾ ರ‍್ಹಯಲ ಹುತ ಹುತಿ? ಕ್ಹುದಾ ವಳಕ
2CO 11:12 ತೆನೈಸೊ ನೈ ಮನೆ ನೈ ಕರಾ ಮದತ ನೈ ಕರಾ ದೆಕ ಕಯು ಪಗ್ಗ ಫರಿನ ಮಳೆ ನೈಸೊ ಮಿ ಕರಾ ನೈ ಕೈಲಿ ಅಗೊ.
2CO 11:13 ಸುಳ್ಳ ಅಪೊಸ್ತಲ ಅಪೆ ಹೆಮ್ಮೆ ಕ್ಹುದಾ ತುನೆ ಅಪೊನೆ ವಾಟಿನ ದಿದ ಬಿಜಾ಼ ಹೆಮ್ಮೆ. ತುನೆ ತೆ ತಾರ ಕೊಶಿಶ ಐನ ನೈ.
2CO 11:14 ಎಸು ಘಾಬ್ರಾ ಥಾವಾನು ನ್ಹವೈ. ಸೈತಾನ ತೆಜ಼ ಉಜಾ಼ಲಾನಾ ರುಪಮಾ ದೆವದುತ ರುಪ ಘಾಲ್ಲೆತಾಮಾ,
2CO 11:15 ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ.
2CO 11:16 ತ್ಯುನೆ ಕತಾಮಾ ದೆಕ್ತಾಮಾ ತುಮ ಕ್ರಿಸ್ತ ಕವಾ ವಿಧೆಯ ಲಿಂಗತ ಹುತ ಹುತಿ ತ್ಯುನೆ ವರಿ
2CO 11:17 ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ ನೈ ಮನೆ ಬಿ ಗ್ಯಾನ ಛೆ ಕೈನ. ಎ ನೈ ತುಮ ಹರಿ ಯಕ್ ತರಾಮಾ ಕರೆಟ್ಟ ದೆಕಾಡ ದಿದ.
2CO 11:18 ಕ್ಹುದಾ ಕ್ಹಾತ ಕಾಮ ರ‍್ಹ ಅಪೆ ನೈ ತುಮ ಕೈಲಿವಾನು ಸು ಕದ್ಯಾಮ; ಕ್ಹುದಾ ಪಡ ಮರ್ಗ ಜ಼ವೈ ಹುಬ್ರಾಡ ನಕೊ.
2CO 11:19 ಭಾಯೊ ವರಿ ಭೆನೊ ಮೆಕೆದೊನಿಯ ಸಭೆವಾಲಾ ಕ್ಹುದಾ
2CO 11:20 ದೆಕಾಡಲ ಮರ್ಗ ಹುತ ಹುತಿ ನೈ ತುಮ ಕವಾನಿ ಆಸ ಕರುಸ ತುಮ.
2CO 11:21 ತ್ಯುನೊಕನ ತ್ಯುನೊನೆ ಲಿಂಗತ ಕರಿ ದಿವ ಕೈನ ಮಿ ತ್ಯುನೊಕನ ತುಮ ಕವಸ. ತ್ಯುನೆ ತ್ಯುನಾ ತಾಕತ ಮಿರಿನ ದಿವ.
2CO 11:22 ಎ ಗ್ಯಾನ ನೈಸೊವಾಲಾ ರ‍್ಹಯಲ ವಾಲಾಲಿಂಗತ ಕೌಸ. ತ್ಯುನೆ ಇಬ್ರಿಯೊನಾ ರ‍್ಹಯಾಮ ಮಿಬಿ ಇಬ್ರಿಯೊನೊ ವ್ಹೈ. ತ್ಯುನೆ ಇಸ್ರಾಯಲನಾ ರ‍್ಹಯಮ ಮಿಬಿ ಇಸ್ರಾಲನೊ ವ್ಹೈ. ತ್ಯುನೆ ಅಬ್ರಹಾಮನಾ ಖಾಂದಾಣಾ ರ‍್ಹಯಮ ಮಿಬಿ ತೆಜ಼ ಖಾಂದಾನನೊ ವ್ಹೈ.
2CO 11:23 ತ್ಯುನೊಕನ ತ್ಯುನೊನೆ ಲಿಂಗತ ಕರಿ ದಿವ ಕೈನ ಮಿ ತ್ಯುನೊಕನ ತುಮ ಕವಸ. ತ್ಯುನೆ ತ್ಯುನಾ ತಾಕತ ಮಿರಿನ ದಿವ..
2CO 11:24 ತುಮ ಕ್ಹುದಾ ಜ಼ಗಾ ಬರೊಕ್ಹ ಕತಾಮಾ ಬೊಲ ಹುಷಾರ ಗ್ಯಾನ ಕ್ಹಾರ.
2CO 11:25 ತ್ಯುನೆ ಮನಸ ರ‍್ಹಯಲ ಪ್ರಭು ಬಗಲ ಫರ್ತಾಮಾಜ಼ ತೆ ಝಾಕಲ ಖುಲ್ಲಾ ಛೆ ಕೈನ.
2CO 11:26 ತ್ಯುನೆ ಮನಸ ರ‍್ಹಯಲ ಪ್ರಭು ಬಗಲ ಫರ್ತಾಮಾಜ಼ ತೆ ಝಾಕಲ ಖುಲ್ಲಾ ಛೆ ಕೈನ.
2CO 11:27 ತೆನೈಸೊ ತೆ ಮನಕ್ಹೊ ತ್ಯುನಾ ಒದತಾ ಮನಕ್ಹೊ ಥೈಗೈ. ತೆ ದಿನ ಹುತಿ ಲಕ್ಕಾ ಜು಼ನ್ನ ವಡಂಬಡಿಕೆ ಒದತಾ ಟೈಮ.
2CO 11:28 ಅಪೆ ದೆಕ ಕ್ಹಾರ ಲೆಕ್ಕ ಕರಾ ನೈ ದಿಕ್ಹ ಕ್ಹಾರ ದಕ್ಹ ರ‍್ಹ. ದಿಕ್ಹ ಹಮೆಶಾ ರ‍್ಹ. ಹಮೆಶಾ ರ‍್ಹ ವ್ಹೈ.
2CO 11:29 ಕಿಮ ತ್ಯುನೆ ಕದ್ಯೊ ಕ್ಷಣ ಮಾತ ಎ ಹಮಾರಾ ಐನ ದಕ್ಹ ಸಂಕಟ ಲಾಸ್ಟ ಟೈಮ ಪ್ರತಿ ಫಲ ಛೆ ಹೊಂದ. ನೈ ತುಮ ಹಮೆಶಾ ಘನ್ನು.
2CO 11:30 ತೆ ತಿನಾಹುತಿ ಅಪೆ ಧೈರ್ಯ ರ‍್ಹೌ ನೈ. ಅಪ್ನ ಅಂಗ ಹಾಳ ತಿಳ್ದ ರ‍್ಹ ಅಪ್ನ ಅಂತರಂಗ ನೌ ತಿಳ್ದ ರ‍್ಹ.
2CO 11:31 ಕಿಮ ಮನಕ್ಹೊ ಕ್ಹುದಾನಿ ವಾಕ್ಯ ಬಿಜಾ಼ ಮಳೈ ವ್ಯಾಪಾರ ಕರಸ. ಅಪೆ ತೆ ನ್ಹ.
2CO 11:32 ದಮಸ್ಕಮಾ ರಾಜೊ಼ ರ‍್ಹಯಲ ಅರೆತನಾ ಟೈಮಮಾ ತ್ಯಾನೊ ಅದಿಪತಿ ಮನೆ ಧರು ಕೈನ ದಮಸ್ಕ ಗಾಮ ಕೈದಾಡೊತೊ ತೆಳಾಮಾ
2CO 11:33 ಟೊಪ್ಲಿ ನೈ ತುಮ ಕದ್ಯೊ ಕ್ಹಾರ ಕಿಮ ಕ್ಹರಿ ವ್ಹೈ ಎ ತಿಮ್ಮ ತಿತ ಕ್ಹ ತಾರ ಹುತ ಹುತಿ.
2CO 12:1 ಹೆಮ್ಮೆ ಚೊ಼ಕ ನೈ. ಎ ತಿಮ್ಮ ರ‍್ಹ ನೈ ಮನೆ ಹೆಮ್ಮೆ ಛೆ ಕೈನ. ತೆ ತಿನಾಹುತಿ ರ‍್ಹಯಲ ಪ್ರಭು ನೈ ಮನೆ ದಿದ ದರ್ಶನ ವರಿ ಕೌ ಅಪೊನೆ ದಿದ ಹುತ ಹುತಿ ಕವಸ.
2CO 12:2 ಕ್ರಿಸ್ತ ರ‍್ಹಯಲ ಮನಕ್ಹ ಮಿ ವಳಕ. ತೆ ಚೌ಼ದಾ ವರಕ್ಹ ಪಾಚ ತನ್ ತ್ಯುನೊಕನ ಹಬಾಳ ಗಯಾ. ನೈ ತಿನೆ ಅಂಗ ಕ್ಹ ಬಲೈ ಗಯಾ. ನೈತೊ ಅಂಗ ಬಲೈ ಗಯಾ ಕವಾನು ನೈ ಮನೆ ನೈ ಗ್ವತ ನೈ. ಮಾ ಕ್ಹುದಾ ನೈ ಗ್ವತ ವ್ಹೈ.
2CO 12:3 ತೆ ಲಕ್ಕಾ ಬಲೈ ಗೈನ, ಕವಾನು ಐನ ನಕೊ ವರಿ ಕೌ ಅಪೊನೆ ನೈ ದಿವ ಐನ ನೈಸೊ ವಾತೊ ಐಕಿನ ವಳಕ. ತೆ ಟೈಮ ಅಂಗ ವ್ಹಂದ ಕವಾನು ಸು ಅಂಗ ಹೊಂದ ಥಯೊ ನೈ ಕವಾನು ನೈ ಮನೆ ನೈ ಗ್ವತ ನ್ಹೊತು. ತೆ ಮಾ ಕ್ಹುದಾ ನೈ ಗ್ವತ ವ್ಹೈ.
2CO 12:4 ಮಿ ಕಮ ಗ್ಯಾನ ರ‍್ಹ ತುಮ ಮಾರ ಹುತ ಹುತಿ ತಡ್ದಿಲಿನ ರ‍್ಹೌ ಕೈನ ಮನಸ ಕರುಸ ತುಮ. ತೆನೈಸೊ ತುಮ ಯಕ್ ಮಾರ ಹುತ ಹುತಿ ತಡ್ದಿಲಿನ ರ‍್ಹ.
2CO 12:5 ತಾರ ರ‍್ಹಯಲ ವಿಷಯಮಾ ಮಿ ಚಿಂತಾ. ಎ ಚಿಂತಾ ಕ್ಹುದಾ ಆವಸ ಕೈನ ನೈ ತುಮ ಕ್ರಿಸ್ತ ದಿವ ಕೈನ ಮಿ ವಾತ ಕದ್ಯೊ.
2CO 12:6 ಹೊಗಳಿಲಿವಾನು ಮಾರು ಯಕ್ಕ ಎಲೆ ಮನ್ನ ರ‍್ಹೈತಬಿ ತಿಮ್ಮ ಹೊಗಳಿಲಿವಾಮಾ ಗ್ಯಾನ ನೈಸೊವಾಲಾ ಲಿಂಗತ ನೈ ಥಾತೊ, ಕಾಕದ್ಯಾಮ ಕ್ಹರಿಜ ಕವಾಡೊಸ. ರ‍್ಹೈತಬಿ ಕುನ್ನಬಿ ಮಾರಾಮಾ ದಿಕ್ಹಾತಿಬಿ ಮಾರಾಕ್ಹು ಐಕಾತಿಬಿ ಕುನ್ನ ಮನೆ ಮ್ಹೊಟೊ ವ್ಹೈ ಕೈನ ಕೌ ನೈ.
2CO 12:7 ಕುಯುಕ್ತಿ ಕ್ಹ ಕುಯುಕ್ತಿ ಕ್ಹ ಮೊಸ ಲಿಂಗತ ತಾರ ಮನಸ ಕ್ರಿಸ್ತ ಹುತ ಹುತಿ ರ‍್ಹಯಲ ಯಕ್ಕಜ಼ ಮನಸ ಪವಿತ್ರ ಛೊಡಿನ ಕೆಟ ಕೈನ ಭೆ ನೈ ಮನೆ ಛೆ ಕೈನ.
2CO 12:8 ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ ನೈ ಮನೆ ಬಿ ಗ್ಯಾನ ಛೆ ಕೈನ. ಎ ನೈ ತುಮ ಹರಿ ಯಕ್ ತರಾಮಾ ಕರೆಟ್ಟ ದೆಕಾಡ ದಿದ.
2CO 12:9 ಮಿ ಬಿಜಾ಼ ಸಭೆ ತಾರ ತುಮೊಮಾ ಸೆವ ನೈ ಕರಾ ದೊಕ್ಡಾ ಮಾಂಗಿಲಿದ್ಯ.
2CO 12:10 ಮಿ ಕಮ ಗ್ಯಾನ ರ‍್ಹ ತುಮ ಮಾರ ಹುತ ಹುತಿ ತಡ್ದಿಲಿನ ರ‍್ಹೌ ಕೈನ ಮನಸ ಕರುಸ ತುಮ. ತೆನೈಸೊ ತುಮ ಯಕ್ ಮಾರ ಹುತ ಹುತಿ ತಡ್ದಿಲಿನ ರ‍್ಹ.
2CO 12:11 ಇಮ್ಮ ಕ್ಹುದಾನಿ ಸುವಾರ್ತೆ ವರಾ ಕದ್ಯೊ. ನೈ ತುಮ ಖಾಸ ನೈ ಕರಾ ಮಿ ತಗ್ಗಿನ ಕೈನ ತೆ ತಪ್ಪ ವ್ಹೈ ಕೈನ ನೈ ಮದತ ತುಮ ಕರಾ ಸು?
2CO 12:12 ಮಿ ಕಾಲನಾ ಲೌಕಿಕಮಾನಾ ನೈ ಲೌಕಿಕಮಾನಾ ಮನಕ್ಹೊ ರ‍್ಹಯಲ ಲಿಂಗತ ರ‍್ಹೌ ಕೈನ ದಕ್ಹ ಮನಕ್ಹೊ ವಿಚಾರ ಕರಸ. ಮಿ
2CO 12:13 ಮನೆ ದೆಕಿಲಿವಾನು ವಜ್ಜು ಯಕ್ಕ ತುಮೊಪರ ಛೊಡ್ಯಾ ಬಗರ ವರಿ ಕಯುಜ಼ ಮಿ ತುಮೊನೆ ಬಿಜಾ಼ ಸಬೆವಾಲಾವೊತಿ ಕಮ್ಮ ನತ್ತಿ ದೆಕ್ಯೊ, ಮಿ ತುಮೊನೆ ಕರಲ ಆ ಅನ್ಯಾಯ ಮಾಫ ಕರೊ.
2CO 12:14 ಮಿ ರ‍್ಹ ತುಮ ಬೆವಾ ಟೈಮ ರ‍್ಹ ಮಿ ನೈ ತುಮ
2CO 12:15 ಮಿತೊ ಮನೆ ರ‍್ಹಯಲ ತುಮಾರಿ ಅತ್ಮ ರಕ್ಷಣೆನಾ ಹುತಿ ಖುಶಿಕ್ಹು ಖರ್ಚ ಕರುಸ, ಮನೆಜ ಖರ್ಚ ಕರಲ್ಯುಸ, ಮಿ ತುಮೊನೆ ಘನ್ನೊ ಮಯಾ ಕರ‍್ಯಾರೆ ತುಮೆ ಸು ಮನೆ ಕಮ್ಮ ಮಯಾ ಕರೊಶಿ?
2CO 12:16 ಮೊಸ ಲಿಂಗತ ತಾರ ಮನಸ ಕ್ರಿಸ್ತ ಹುತ ಹುತಿ ರ‍್ಹಯಲ ಯಕ್ಕಜ಼ ಮನಸ ಪವಿತ್ರ ಛೊಡಿನ ಕೆಟ ಕೈನ ಭೆ ನೈ ಮನೆ ಛೆ ಕೈನ.
2CO 12:17 ಯಕ್ ತಾರ ಮಾಟಿ ಕೈನ ರ‍್ಹೌ ಮಿ ನೈ ತುಮ ಕ್ರಿಸ್ತನೆ ತಿನಾ ಚೊ಼ಕ ನೌರ ನೈ ಕರಾ ನೈ ದಿವ
2CO 12:18 ತುಮೊಕನ ಜಾ಼ವಾನಾ ಹುತಿ ತಿತಾನೆ ಮಾಂಗಿಲಿನ ತ್ಯುನಾ ಕ್ಹಾತೆ ಭೈನೆ ವಳಾಯೊ ತಿತಾ ತುಮೊನೆ ಮೊಸ ಕರಿನ ಸುಬಿ ಕಾಳ್ಳಿದ್ಯೊಸು? ಹಮೆ ಯಕ್ಕಜ಼ ವಾಟಪರ ಯಕ್ಕಜ಼ ಹೆಜ್ಜಿಪರ ಮುಕ್ಯಾ ನೈಸು?
2CO 12:19 ಹಮೆ ಅಕ್ಲಿಯೆಲ ಲಕ್ಕಾ ತುಮರಾ ಕ್ಹಾತೆ ವಾದ ವಿವಾದ ಕರಾಡಾಸ ಕೈನ ತಿಳದಿಲಿದ್ಯಾಸ ಸು? ತುಮಾರಾ ಕ್ಹಾಮಾ ನೈ, ಕ್ಹುದಾನಿ ಸನ್ನಿಧಿಮಾಜ ಹಮೆ ಕ್ರಿಸ್ತಮಾ ರ‍್ಹೈನ ಬೊಲೆಸ. ಮಯಾನಾ ಭಾಯೊ ಹಮೆ ಆ ಕ್ಹಾರು ಕರಾನು ತುಮಾರಿ ಭಕ್ತಿ ವೃದ್ದಿನಾ ಹುತಿ ವ್ಹೈ.
2CO 12:20 ಕಷ್ಟ ಪಡೆ ಪಡಿ ಐನ ನೈ. ತ್ಯುನೆ ಘನ್ನ ಗರಿಬ ಮನಕ್ಹೊ ವ್ಹೈ. ವರಿಬಿ ತ್ಯುನೆ ತ್ಯುನಾ ಯಕ್ಲೊ ಮ್ಹೊಟ ಖುಶಿ ಘನ್ನು ದಿದ
2CO 12:21 ಮಯಾ, ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ
2CO 13:1 ಮಿ ರ‍್ಹ ತುಮ ತನ್ ಟೈಮ ಆವಸ. ಸುಬಿ ದುರ ರ‍್ಹ ನೈ ತಿನೆ ತನ್ ಸುಳ್ಳ ಸಾಕ್ಷಿಯೊ ಆದಾರ ರ‍್ಹೌ. ಕೈ ಬರ್ದಲ ಛೆ ಕೈನ.
2CO 13:2 ಮಿ ರ‍್ಹ ತುಮ ಬೆವಾ ಟೈಮ ರ‍್ಹ ಮಿ ನೈ ತುಮ ಫರಿನ ಐನ ನೈ ತುಮ ಶಿಕ್ಷಾ ದಿದ್ಯಾವಾಚಿ ತಿನೆ ರ‍್ಹ ನೈ ಕೈನ ಕದ್ಯೊ.
2CO 13:3 ಕ್ರಿಸ್ತ ಮಾ ಮನೆ ಬೊಲಸ ಕವಾನು ತುಮ ಸಾಕ್ಷಿ ಐಕಲ ಹುತ ಹುತಿ ಮಿ ಥಯಾಸ ಕವಸ. ತೆ ತಾರ ಹುತ ಹುತಿ ತಾಕತ ವ್ಹೈ ಕೈನ ತಾಕತವಾಲೊ ಥಯೊಸ. ತಾಕತ ಕಾಮೊ ತುಮೊಮಾ ತುಮ ಕರಸ ಥಯೊಸ.
2CO 13:4 ತೆ ತಾಕತ ಟೈಮ ಪರ ರ‍್ಹಯಲ ಶಿಲುವಿ ಘಾಲ ಕ್ಹರಿ ವ್ಹೈ.
2CO 13:5 ತುಮ ಕ್ರಿಸ್ತ ಬರೊಕ್ಹ ಛೆ ಕೈನ ನೈ ಕವಾನು ತುಮಾರಾ ತುಮ ವಳಕ. ತುಮ ಚೊ಼ಕ ರ‍್ಹಯಲ ರ‍್ಹ.
2CO 13:6 ಅಪೆ ರ‍್ಹಯಲ ಪರಿಕ್ಷಾ ಪಡಿ ಕೈನ ನೈ ತುಮ ನೈ ಗ್ವತ ಛೆ ಕೈನ ನೈ ಮನೆ ಬರೊಕ್ಹ ಛೆ ಕೈನ.
2CO 13:7 ತುಮ ಕೆಟ್ಟ ಕರಾ ನೈ ಕೈನ ಅಪೆ ನೈ ಕ್ಹುದಾ ಪ್ರಾಥನಾ ಕರಾ. ಲಾಯ ಅಪೆ ಥಯಾಸ ಪಡೆ ಪಡಿ ಕವಾನು ದಿಕ್ಹ ಐನ ಕೈನ ಅಪ್ನ ಉದ್ದೆಶ ನೈ.
2CO 13:8 ಕ್ಹರಿ ವಿರುದ ಅಪೆ ಸುಜ಼ ರ‍್ಹಯಲ ಪ್ರಭು ನೈ. ಕ್ಹರಿ ಸುಜ಼ ಬೆಳದಾನು ಹುತ ಹುತಿ ಕ್ಹಾರ ಕರಾ.
2CO 13:9 ಅಪೆ ತಾಕತ ನೈ ಕರ್ಲ ತುಮ ತಾಕತ ರ‍್ಹ ಖುಶಿ ರ‍್ಹ. ಎ ತುಮ ಕ್ಹಾರ ಐನ ಕೈನ ಪ್ರಾಥನಾ ಕರಾ.
2CO 13:10 ತುನೆ ಎ ಮಿ ರ‍್ಹ ತುಮ ನೈ ರ‍್ಹ ನೈ ತುಮ ನೈ ಪಡ ಬದಲ ಭಾಂದ ಹುತ ಹುತಿ ಬರ್ದ. ರ‍್ಹಯಲ ಪ್ರಭು ನೈ ಮನೆ ದಿದ ಅದಿಕಾರ ರ‍್ಹ ತುಮ ಆತಾಮಾ ಕಾಟ ದೆಕಾಡ ಹುತ ಹುತಿ ಮೌಕೊ ರ‍್ಹೌ ನೈ ಕೈನ ಎ ಕ್ಹಾರ ಬರ್ದ.
2CO 13:11 ಲಾಸ್ಟಮಾ ಭಾಯೊ ಖುಶಿ ಕರೊ ಶಿದಾ ಕರ್ಲಿವೊ ಧೈರ‍್ಯಕ್ಹು ರ‍್ಹವೊ ಯಕ್ಕಜ಼ ಮನಸಕ್ಹು ರ‍್ಹವೊ ಸಮಾದಾನ ಕ್ಹು ರ‍್ಹವೊ ತೆಳಾಮಾ ಮಯಾಕ್ಹು ರ‍್ಹಯಲ ಶಾಂತಿದಾಯಕ ರ‍್ಹಯಲ ಕ್ಹುದಾ ತುಮಾ ಕ್ಹಾತೆ ರ‍್ಹವಸ.
2CO 13:12 ಮಯಾ ಮಟ್ಟಿ ದಿನ ಯಕ್ ಮಯಾ ಕರಾ.
2CO 13:13 ಅಪ್ನೊ ಪ್ರಭು ಯೆಸು ಕ್ರಿಸ್ತನೊ ಆಶಿರ್ವಾದ ಕ್ಹುದಾನಿ ಮಯಾ ಪವಿತ್ರ ಆತ್ಮಾನಿ ಅನ್ಯುನ್ಯೆತೆ ತುಮಾರಾ ಕ್ಹಾರಾವೊನಾ ಕ್ಹಾತೆ ರ‍್ಹವಾದೆ.
2CO 13:14 ಅಪ್ನ ರ‍್ಹಯಲ ಪ್ರಭು ಲಿಂಗತ ಯೆಸು ಕ್ರಿಸ್ತ ಕೃಪಾ ಕ್ಹುದಾನಿ ಮಯಾ, ಪವಿತ್ರ ಆತ್ಮಾ ಖಾವ ತಾರ ರ‍್ಹ.
GAL 1:1 ಅಪೊಸ್ತಲ ಥಯಲ ಪೌಲಾ ಮಿ ಬರ್ದಾನು ಪತ್ರ. ಮನೆ ಅಪೊಸ್ತಲ ಕೈನ ಇನಿಲಿದಲ ಮನಕ್ಹೊ ನ್ಹವೈ. ಮನೆ ಮನಕ್ಹೊ ಮೊಕ್ಲಲವಾಲಾ ನ್ಹವೈ. ಮನೆ ಅಪೊಸ್ತಲ ಕೈನ ಕರಲ ಕುನ ವ್ಹೈ ಕದ್ಯಾಮ, ಯೆಸು ಕ್ರಿಸ್ತ ವರಿ ಬಾ ಥಯಲ ಕ್ಹುದಾ ವ್ಹೈ. ಯೆಸುನೆ ಮರಲವಾಲಾವೊಮಾತೊ ಉಟಾಡಲವಾಲೊ ಕ್ಹುದಾಜ಼ ವ್ಹೈ.
GAL 1:2 ಮಿ ವರಿ ಮಾರಾ ಕ್ಹಾತೆ ರ‍್ಹಯಲ ಕ್ಹಾರಾ ಭಾಯೊ ಎ ಪತ್ರ ಗಲಾತ್ಯಮಾ ರ‍್ಹಯಲ ಸಬೆವಾಲಾವೊನೆ ಸು ಬರ್ದಾಡ್ಯೊಸ ಕದ್ಯಾಮ;
GAL 1:3 ಅಪ್ನೊ ಬಾ ಥಯಲ ಕ್ಹುದಾ ಪ್ರಭು ಥಯಲ ಯೆಸು ಕ್ರಿಸ್ತ ತುಮೊನೆ ಮರಗಾ ವರಿ ಶಾಂತಿ ದಿವಾದೆ.
GAL 1:4 ಎ ಕೆಟ್ಟ ಜಗತ್ಮಾತಾ ಅಪೊನೆ ಛೊಡೌ ಕೈನ ಯೆಸು ಅಪ್ನಾ ಪಾಪೊನಾ ಹುತಿ ತಿನಾಕ್ಹು ತಿನೆಜ಼ ದಿಪಾಡ್ಯೊ. ಎ ಬಾ ಥಯಲ ಕ್ಹುದಾನಿ ಚಿತ್ತ ವ್ಹತ್ತಿ.
GAL 1:5 ಹಮೆಶಾಬಿ ಕ್ಹುದಾನೆ ಮಹಿಮಾ ಥಾವಾದೆ ಆಮೆನ
GAL 1:6 ದಕ್ಹಾ ದಿನ್ನ ಪಾಚಾ಼ ತಿನಾ ಪಾಚಾ಼ ಆವಾನಾ ಹುತಿ ತುಮೊನೆ ಬಲೈಲವಾಲೊ ಕ್ಹುದಾಜ಼ ವ್ಹೈ. ತೆ ತುಮೊನೆ ಯೆಸು ಕ್ರಿಸ್ತನಾ ಮುಲಕ ಆಯಲ ತಿನಿ ಮರಗಾ ಮುಲಕ ಬಲಾಯೊ. ತೆನೈಸೊ ಹಮ್ನಾ ಮಿ ತುಮಾರಾ ವಿಷಯಮಾ ಘಾಬ್ರೊ ಥಯೊಸ. ತುಮೆ ಹಮ್ನಾ ಮ್ಹೊಡು ಪ್ಹರೈಲಿನ ಬಿಜಿ಼ ಸುವಾರ್ತೆಪರ ಬರೊಕ್ಹೊ ಕರ‍್ಯಾಸ.
GAL 1:7 ಕ್ಹರಿಮಾಜ಼ ಕೌ ಕದ್ಯಾಮ, ಬಿಜು಼ ಕಯುಜ಼ ಕ್ಹರಿನಿ ಸುವಾರ್ತೆ ಕೈಜ಼ ನತ್ತಿ. ತೆನೈಸೊ ದಕ್ಹಾ ಮನಕ್ಹೊ ತುಮೊನೆ ಗಲಿಬಿಲಿ ಕರಾಡಾಸ. ತ್ಯುನೆ ಕ್ರಿಸ್ತನಿ ಸುವಾರ್ತೆ ಬದಲಿಕರು ಕೈನ ದೆಕಾಡ್ಯಾಸ್.
GAL 1:8 ಹಮೆ ತುಮೊನೆ ಕ್ಹರಿನಿ ಸುವಾರ್ತೆ ಕದ್ಯಾಸ. ತಿನಾಹುತಿ ಹಮೆಜ಼ ರ‍್ಹವಾದೆ, ಸ್ವರ್ಗನೊ ಕ್ಹುದಾನಾ ದುತ ರ‍್ಹವಾದೆ ಬಿಜಿ ಸುವಾರ್ತೆ ಕದ್ಯಾಮ ಕ್ಹರಾಪ ಮಳಾದೆ.
GAL 1:9 ಮಿ ತುಮೊನೆ ಎ ಪೈಲಾಜ಼ ಕದ್ಯೊತಬಿ ಹಮ್ನಾ ವರಿ ಕೌಸ. ತುಮೆ ಹಮ್ನಾಜ಼ ಸ್ವಿಕಾರ ಕರಲ ಕ್ಹರಿನಿ ಸುವಾರ್ತೆನಾ ವಿರುದ್ದ ರ‍್ಹಯಲ ಕುಯೊಬಿ ರ‍್ಹಯೊತಬಿ ಕದ್ಯಾಮ ತಿನೆ ಕ್ಹರಾಪ ಮಳಾದೆ.
GAL 1:10 ಮನಕ್ಹೊ ಮನೆ ಸ್ವಿಕಾರ ಕರಾನಾ ಹುತಿ ಮಿ ಕೊಶಿಶ ಕರಾಡ್ಯೊಸ ಕೈನ ತುಮೆ ತಿಳ್ದೊಸಿಸು? ನೈ! ಮಿ ಕ್ಹುದಾನೆಜ಼ ಖುಶಿ ಕರಾನೆ ಕೊಶಿಶ ಕರಾಡ್ಯೊಸ. ಮನಕ್ಹೊನೆ ಖುಶಿ ಕರಾನಾ ಹುತಿ ಮಿ ಕೊಶಿಶ ಕರಾಡೊ ಸು? ಮಿ ಮನಕ್ಹೊನೆ ಖುಶಿ ಕರಾನೊ ರ‍್ಹಯೊಮ ಯೆಸು ಕ್ರಿಸ್ತನೊ ಸೆವಕ ಥೈನ ರ‍್ಹತೊ ನ್ಹೊತೊ.
GAL 1:11 ಭಾಯೊ ಅಪೆ ಕದಲ ಸುವಾರ್ತೆ ಮನಕ್ಹೊಕಂತು ಆಯಲ ನ್ಹವೈ ಕೈನ ತುಮೊನೆ ಗ್ವತ್ತ ರ‍್ಹವಾದೆ.
GAL 1:12 ತುಮೊನೆ ಸುವಾರ್ತೆ ಮಳಲ ಮನಕ್ಹೊ ನ್ಹವೈ. ಕುನ್ನಜ಼ ಮನೆ ಸುವಾರ್ತೆ ಕದ್ಯುನತ್ತಿ. ಮಿ ಮನಕ್ಹೊನೆ ಕವಾನು ಸುವಾರ್ತೆ ಯೆಸು ಕ್ರಿಸ್ತಜ಼ ಮನೆ ದಿದಲ ವ್ಹೈ.
GAL 1:13 ಮಾರಿ ಪಾಚ಼ಲಿ ಜಿವಿತನಾ ಹುತಿ ತುಮೆ ಐಕ್ಯಾಸ. ಮಿ ಯಹುದಿ ಧರಮವಾಲೊ ವ್ಹತ್ತೊ. ಕ್ಹುದಾನಿ ಸಬೆನೆ ಮಿ ಘನ್ನೊ ತ್ರಾಸ ಕರ್ತೊತೊ. ಕ್ರೈಸ್ತ ರ‍್ಹಯಲ ಸಬೆನೆ ಹಾಳ ಕರಾನೆ ಕೊಶಿಶ ಕರ‍್ಯೊತೊ.
GAL 1:14 ತೆನೈಸೊ ಯೆಹುದಿ ಧರಮಪರ ಮ್ಹೊಟೊ ಥಾವಾನೆ ಮಾರೊ ಟೈಮ ವರಿ ಮಾರಾ ವೈಸ್ಮಾನಾ ಮನಕ್ಹೊತಿ ಮಿ ಹುರುಪ ಕ್ಹು ಘನ್ನಾ ಕಾಮೊ ಕರ‍್ಯೊ. ಹಮಾರಾ ಬುಡಾ ಬುಡಿ ಪದ್ದತೊ ಬಿಜಾ಼ವೊತಿಬಿ ಘನ್ನೊ ಮಿ ಕರ‍್ಯೊ.
GAL 1:15 ತೆನೈಸೊ ಮಿ ಹುಟ್ಟಾತಿ ಅಗ್ದುರ ಮಾರಾ ಹುತಿ ಕ್ಹುದಾನಿ ಮ್ಹೊಟಿ ವಿಚಾರ ವ್ಹತ್ತಿ. ತಿನಾಹುತಿ ಕ್ಹುದಾನಿ ಮರಗಾಕ್ಹು ಮನೆ ಬಲಾಯೊ.
GAL 1:16 ತಿನಾ ದಿಕ್ರಾನಾ ಹುತಿ ರ‍್ಹಯಲ ಸುವಾರ್ತೆ ವಿಶ್ವಾಸ ನೈ ರ‍್ಹಯಲ ಮನಕ್ಹೊನೆ ಕೌ ಕೈನ ಕ್ಹುದಾನಿ ಚಿತ್ತ ವ್ಹತ್ತಿ. ತಿನಾಹುತಿ ಕ್ಹುದಾ ತಿನಾ ದಿಕ್ರಾನೆ ಮನೆ ದೆಕಾಡ್ಯೊ. ತೆ ಮನೆ ಬಲಾತಾಮಾ ಮಿ ಕಿನೆಜ಼಼ ಪುಚ್ಯೊ ನೈ.
GAL 1:17 ಅಪೊಸ್ತಲೊನೆ ದೆಕಾನಾ ಹುತಿ ಜೆರುಸೆಲಿಮೆ ಗಯಾ ನೈ. ತ್ಯುನೆ ಮುತ್ತಿಬಿ ಅಗ್ದುರಜ಼ ಅಪೊಸ್ತಲೊ ವ್ಹತ್ತಾ. ತೆನೈಸೊ ಮಿ ತಡಾ ಕರ‍್ಯಾವಾಚಿ ಅರೆಬಿಯಾ ಕವಾನಾ ದೆಶೆ ಗಯೊ. ಪಾಚಲ್ತೊ ದಮಸ್ಕ ಕವಾನಾ ಗಾಮೆ ವಾಪಸ ಆಯೊ.
GAL 1:18 ತನ್ನ ವರಕ್ಹಪರ ಪೆತ್ರಾನೆ ಮಳಾನಾ ಹುತಿ ಜೆರುಸೆಲಿಮೆ ಗಯೊ. ತಿನಾ ಕ್ಹಾತೆ 15 ದಿನ್ನ ಲಕ್ಕಾ ವ್ಹತ್ತೊ.
GAL 1:19 ಪ್ರಭುನಾ ಭೈ ಥಯಲ ಯಾಕೊಬನೆ ಛೊಡಿನ ಬಿಜಾ಼ ಕಯಾಜ಼ ಅಪೊಸ್ತಲೊನೆ ಮಿ ಮಳ್ಯೊನೈ.
GAL 1:20 ಮಿ ಬರತ್ತೊ ರ‍್ಹಯಲ ಎ ಸಂಗತಿಯೊ ಸುಳ್ಳ ನ್ಹವೈ ಕೈನ ಕ್ಹುದಾನೆ ಗ್ವತ್ತ ಛೆ.
GAL 1:21 ಸಿರಿಯಾ ಪ್ರಾಂತ್ಯ ವರಿ ಕಿಲಿಕ್ಯ ದೆಶೆ ಗಯೊ.
GAL 1:22 ತೆನೈಸೊ ಯೆಸು ಕ್ರಿಸ್ತಮಾ ರ‍್ಹಯಲ ಜುದೆಯಮಾ ರ‍್ಹಯಲ ಸಭೆವಾಲಾ ಮನೆ ಕೆಳಾಮಾಜ಼ ಮಳ್ಯಾನ್ಹೊತಾ.
GAL 1:23 "ಎ ಮನಕ್ಹ ಹಮೊನೆ ತ್ರಾಸ ಕರ್ತೊತೊ. ತೆನೈಸೊ ಹಮ್ನಾ ತೆ ಹಾಳ ಕರಾನೆ ಕೊಶಿಶ ಕರಲ ಬರೊಕ್ಹಾನಾ ಹುತಿ ಮನಕ್ಹೊಕನ ಕವಾಡ್ಯೊಸ" ಕವಾನು ಯಕ್ಕಜ಼ ತ್ಯುನೆ ಐಕ್ಯಾತಾ. ಮಾರಾಹುತಿ ಕ್ಹುದಾನೆ ಮಹಿಮಾ ಕರ‍್ಯಾ.
GAL 1:24 ಸುದ್ದಿ ಐಕಿನ ತ್ಯುನೆ ಮಾರಾ ಮುಕಾಂತರ ಕ್ಹುದಾನೆ ಮಹಿಮಾ ಕರ‍್ಯಾ.
GAL 2:1 ಚೌ಼ದಾ ವರಕ್ಹ ಥಯಲಪರ ಮಿ ಬಾರಬನಾ ಕ್ಹಾತೆ ತಿತಾನೆ ಬಲೈನ ವರಿ ಯೆರುಸೆಲೆಮೆ ಬಿಜೆಕ್ಕೆಮ ಗಯೊ.
GAL 2:2 ಮಿ ಜೌ಼ಸ ಕೈನ ಕ್ಹುದಾ ಮನೆ ಕದಲ ಹುತಿ ವಿಸ್ವಾಸಿಯೊಪರ ಮ್ಹೊಟಾ ರ‍್ಹಯಲ ವಾಲಾ ತೆ ಮನಕ್ಹೊಕನ ಗಯೊ. ಹಮೆ ಯಕ್ಲಾಜ಼ ರ‍್ಹತಾಮಾ, ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನಿ ಸುವಾರ್ತೆ ಇವ್ನೊನೆ ಕದ್ಯೊ. ಮಿ ಪೈಲಾ ಕರಲ ಸೆವೆ ವರಿ ಹಮ್ನಾ ಕರಾನಿ ಸೆವೆ ಹಾಳ ಥೌ ನೈ ಕವಾನಾ ಉದ್ದೆಶಕ್ಹು ಇವ್ನೊನೆ ಕಳಲ ಲಿಂಗತ ಮಾರಿ ಸೆವೆನಾ ಹುತಿ ಕದ್ಯೊ.
GAL 2:3 ತಿತಾ ಮಾರಾ ಕ್ಹಾತೆ ವ್ಹತ್ತೊ. ತೆ ಗ್ರಿಕವಾಲೊ ವ್ಹತ್ತೊ. ತೆನೈಸೊ ತೆ ಸುನ್ನಿತಿ ಕರೈಲ್ಯು ಕೈನ ಕುನ್ನಜ಼ ಜ಼ಬರದಸ್ತಿ ಕರ‍್ಯುನೈ.
GAL 2:4 ಎ ಸಮಶ್ಯಾನಾ ಹುತಿ ಹಮೆ ಬೊಲಾನೆಜ಼ ವ್ಹತ್ತು. ಕಾಕದ್ಯಾಮ ದಕ್ಹಾ ಸುಳ್ಳ ಭಾಯೊ ಐನ ಅಪ್ನಾ ಸಬೆಮಾ ಮಳೈಗಯಾತಾ. ಯೆಸು ಕ್ರಿಸ್ತಮಾ ಹಮೊನೆ ರ‍್ಹಯಲ ಆಜಾ಼ದಿನಾ ಹುತಿ ದಡಿ ರ‍್ಹಯಲ ಗ್ವತ್ತ ಕರಲಿವಾನೆ ವರಿ ತ್ಯುನಾ ಗುಲಾಮೊ ಕರ್ಲಿವಾನಾ ಹುತಿ ಆಯಾತಾ.
GAL 2:5 ತೆನೈಸೊ ತ್ಯುನೆ ಆಸ ಕರಲ ಕಯುಜ಼ ಹಮೆ ಯಕ್ಕ ಕ್ಷಣಬಿ ಮೌಕೊ ದಿದ್ಯಾ ನೈ. ಸುವಾರ್ತೆಮಾ ರ‍್ಹಯಲ ಕ್ಹರಿ ತುಮೊಮಾ ಘಟ್ಟ ಥೈನ ರ‍್ಹೌ ಕೈನಜ಼ ಹಮಾರಿ ಆಸ ವ್ಹತ್ತಿ.
GAL 2:6 ತಿನಾಹುತಿ ಮಿ ಬೊದನೆ ಕರಾನು ಸುವಾರತೆನೆ ತ್ಯುನೆ ಸುಜ಼ ಮಳಾಯಾ ನೈ. ತ್ಯುನೆ ಮ್ಹೊಟಾ ರ‍್ಹಯಾತಬಿ ಮ್ಹೊಟಾ ಥೈನ ನ್ಹೊತಾಸು ತೆ ಮನೆ ಖಾಸ ನ್ಹವೈ. ಕ್ಹುದಾನೆ ಕ್ಹಾರಾ ಮನಕ್ಹೊ ಯಕ್ಕಜ಼ ವ್ಹೈ.
GAL 2:7 ಖತ್ನಾ ಥಯಲವಾಲವೊನೆ ಅಪೊಸ್ತಲ ಕವಾನು ನಾಮ ಚಾ಼ಲಾನಾ ಹುತಿ ಪೆತ್ರಾನೆ ಕದಲವಾಲೊ ಬಿಜಾ಼ ಮನಕ್ಹೊನೆ ಕವಾನಾಹುತಿ ಮನೆ ಕದ್ಯೊ.
GAL 2:8 ಕಾಕದ್ಯಾಮ ಯಹುದಿಯೊನೆ ಅಪೊಸ್ತಲಕರಿನ ಕಾಮ ಕರಾನೆ ಕ್ಹುದಾ ಪೆತ್ರಾನೆ ದಿದಲ ಲಿಂಗತಜ಼ ಯಹುದ್ಯೊ ನೈ ರ‍್ಹಯಲ ವಾಲಾವೊನೆ ಅಪೊಸ್ತಲಲೊ ಕರಿನ ಕಾಮ ಕರಾನೆ ಮನೆಬಿ ದಿದ್ಯೊ.
GAL 2:9 ಕ್ಹುದಾ ಮನೆ ಎ ಖಾಸ ರ‍್ಹಯಲ ವರಾ ದಿದ್ಯೊಸ ಕವಾನು ಮ್ಹೊಟಾವ್ಹೈ ಕೈನ ಕವೈಲಿವಾಲಾ ಯಾಕೊಬ, ಪೆತ್ರಾ, ಯೊಹಾನ ಪಡ್ದಿಲಿದ್ಯಾ. ತಿನಾ ಹುತಿ ತ್ಯುನೆ ಬಾರನನೆ ವರಿ ಮನೆ ಸ್ವಿಕಾರ ಕರ‍್ಯಾ. ತ್ಯುನೆ ಹಮೊನೆ"ಪೌಲಾ ವರಿ ಬಾರನಬ, ತುಮೆ ಯಹುದ್ಯೊ ನೈ ರ‍್ಹಯಲವಾಲಾವೊಕನ ಜಾ಼ವೊ. ಹಮೆ ಯಹುದ್ಯೊಕನ ಗೈಯೆಸ್ ಕೈನ ಕದ್ಯಾ.
GAL 2:10 ಗರಿಬ ಮನಕ್ಹೊನೆ ಶೆ ಮ್ಹೆಲ್ಲಿನ ತ್ಯುನೊನೆ ಮದತ ಕರು ಕೈನ ಯಕ್ಕಜ಼ ಯಕ್ಕ ಸಂಗತಿಯೊ ತ್ಯುನೆ ಹಮೊನೆ ಕದ್ಯಾ. ಮಿ ಎ ಕಾಮ ಕರುಕೈನ ವ್ಹತ್ತು.
GAL 2:11 ಪೆತ್ರಾ ಅಂತಿಯೊಕ್ಯನೆ ಆಯಲ ಟೈಮ್ಮಾ, ತೆ ತಪ್ಪ ಕರಲವಾಲೊ ವ್ಹೈ ಕೈನ ಕರೆಟ್ಟ ದಿಕ್ಹಲ ಹುತಿ ಮಿ ತಿನೆ ಕ್ಹಾಮೊ ಹುಬ್ರೈನ ತು ಕರಾನು ತಪ್ಪ ವ್ಹೈ ಕೈನ ಕದ್ಯೊ.
GAL 2:12 ಥಯಲ ಸಂಗತಿಯೊ ಸುವೈ ಕದ್ಯಾಮ ; ಪೆತ್ರಾ ಪೈಲಾ ಅಂತಿಯೊಕ್ಯನೆ ಆಯಲ ಟೈಮಾ ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕ್ಹಾತೆ ಖಾದ್ಯೊ ವರಿ ಮಳಿನ ವ್ಹತ್ತೊ. ತೆ ಥಯಲಪರ ಯಾಕೊಬ ಮೊಕ್ಲಲ ದಕ್ಹಾ ಯಹುದ್ಯೊ ಆಯಾ. ತೆಳಾಮಾ, ಪೆತ್ರಾ ಯಹುದ್ಯೊ ನೈರ‍್ಹಯಲವಾವೊ ಕ್ಹಾತೆ ಖಾವಾನು ದೆಕಿನ ತಿನೆ ಹುಬ್ರಾಡ್ಯೊ. ಪೆತ್ರಾ ತಿನಾಕ್ಹು ತೆ ಯಹುದ್ಯೊ ನೈ ರ‍್ಹಯಲವಾವೊನಾ ಕಂತೊ ಸರಕ್ಯೊ. ಯಹುದ್ಯೊ ನೈ ರ‍್ಹಯಲವಾಲಾ ಕ್ಹಾರಾ ಮನಕ್ಹೊ ಸುನ್ನಿತಿ ಕರೈಲ್ಯು ಕೈನ ಬರೊಕ್ಹೊ ಕರಲ ಯಹುದಿಯೊನೆ ತೆ ಭುಚ಼ಕ್ಯೊ.
GAL 2:13 ಇಮ್ಮ ಪೆತ್ರಾ ಕಪಟ ದೆಕಾಡ್ಯೊ. ಯಹುದ್ಯೊ ರ‍್ಹಯಲ ವಿಸ್ವಾಶಿಯೊ ಪೆತ್ರಾನೆ ದೆಕಿನ ಸಿಕ್ಯಾ. ಕಪಟತನಾಕ್ಹು ಚಾ಼ಲಿನ ಗಯಾ. ಇವ್ನೆ ಕರಾನು ದೆಕಿನ ಬಾರನಬ ಬಿ ಶಿಕ್ಯೊ.
GAL 2:14 ತೆ ಯಹುದಿಯೊನೆ ಚಾಳಿ ಮಿ ವಳಕ್ಯೊ. ತ್ಯುನೆ ಕ್ಹರಿನಿ ಸುವಾರ್ತೆ ಐಕಿನ ಚಾ಼ಲ್ಯಾವಾಚಿ ದೆಕಿನ ತ್ಯಾ ರ‍್ಹಯಲ ಕ್ಹಾರಾ ಯಹುದಿಯೊನೆ ಐಕು ಡೊಳಾ ದಿಕ್ಹಾವರಕ್ಹಾ ಮಿ ಪೆತ್ರಾನೆ"ತು ಯಹುದ್ಯೊವಾಲೊ ವ್ಹೈ. ತೆನೈಸೊ ತು ಯಹುದ್ಯೊ ರ‍್ಹಯಲ ಲಿಂಗತ ನತ್ತಿ. ತು ಯಹುದ್ಯೊ ನೈರ‍್ಹಯಲವಾಲಾವೊ ಲಿಂಗತ ಜಿವ್ನಾ ಕರಾಡ್ಯೊಸ. ಇಮ್ಮ ರ‍್ಹಯುಮ ತು ಯಹುದ್ಯೊ ನೈ ರ‍್ಹಯಲಾವೊನಾ ಕ್ಹಾಮೊ ಯಹುದ್ಯೊ ಲಿಂಗತ ಜಿವ್ನಾ ಕರತಾ ರ‍್ಹೌ ಕೈನ ಮನಕ್ಹೊನೆ ವತ್ತಾಯ ಕರಾನು ಕಾ? ಕೈನ ಕದ್ಯೊ.
GAL 2:15 ಹಮೆತೊ ಹುಟ್ಟಲ್ತಾಬಿ ಯಹುದ್ಯೊ ವ್ಹೈ. ಹಮೆ ಪಾಪಿ ವ್ಹೈ ಕೈನ ಕವೈಲಿವಾನಾ ಬಿಜಾ಼ ಮನಕ್ಹೊ ಲಿಂಗತ ನ್ಹವೈ.
GAL 2:16 ಕ್ಹಾಲಿ ಧರಮಶಾಸ್ತ್ರಮಾ ರ‍್ಹಯಲ ಕರಾಲೊ ಯಕ್ಲೊಬಿ ಕ್ಹರಿಕ್ಹು ರ‍್ಹವಾನೆ ಸಾದ್ಯ ನತ್ತಿ ಹಮೊನೆ ಗ್ವತ್ತ ಛೆ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಕ್ಹುಜ಼ ಯಕ್ಲೊ ನಿತಿವಂತನೊ ಥಾವಾನೆ ಸಾದ್ಯೆ ಛೆ. ತಿನಾಹುತಿ ನಿತಿವಂತನೊ ಥಾವಾನೆ ಹಮೆ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲ್ಯಾ. ಇಮ ರ‍್ಹತಾಮಾ, ಹಮೆ ನಿತಿವಂತವಾಲಾ ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲಕ್ಹುಜ಼ ವ್ಹರತಾಗಿ ಧರಮಶಾಸ್ತ್ರಮಾ ರ‍್ಹಯಲ ಲಿಂಗತ ಕರಲಕ್ಹು ಕುನ್ನಜ಼ ನಿತಿವಂತವಾಲಾ ಥಾವಾನೆ ಸಾದ್ಯ ನತ್ತಿ.
GAL 2:17 ಯಹುದ್ಯೊ ರ‍್ಹಯಲವಾಲಾ ಅಪೆ ನಿತಿವಂತವಾಲಾ ಥಾವಾಹುತಿ ಯೆಸು ಕ್ರಿಸ್ತಕನ ಆಯಾ. ತಿನಾಹುತಿ ಹಮೆಬಿ ಪಾಪಿಯೊ ಛೆ ಕವಾನು ದಿಕ್ಹಸ. ಕ್ರಿಸ್ತ ಹಮೊನೆ ಪಾಪಿಯೊಕರಸ ಕೈನ ಇನೊ ಮತ್ಲಬ ವ್ಹೈಸು? ನ್ಹವೈ.
GAL 2:18 ತೆನೈಸೊ ಮಿ ಛೊಡಿಪಾಡಲ ತೆ ಕಾಮೊ ಮಿ ವರಿ ಭೊದನೆ ಕವಾನು ಚಾಲು ಕರ‍್ಯೊಮ ಕ್ಹರಿಮಾಜ಼ ತಪ್ಪ ಕರಲವಾಲೊ ಥೌಸ.
GAL 2:19 ಮಿ ಧರಮಶಾಸ್ತ್ರ ಹುತಿ ಜಿವ್ನಾ ಕರಾನು ಛೊಡಿಪಾಡ್ಯೊ. ಮನೆ ಧರಮಶಾಸ್ತ್ರಜ಼ ಖಲಾಸ ಕರಿಪಾಡ್ಯು. ಮಿ ಹಮ್ನಾ ಕ್ಹುದಾನಾ ಹುತಿ ಜಿವ್ತೊ ರ‍್ಹೌ ಕೈನ ಧರಮಶಾಸ್ತ್ರನಾ ಪಾಲೆ ಮರಿಗಯೊ. ಮಿ ಕ್ರಿಸ್ತನಾ ಕ್ಹಾತೆ ಶಿಲುಬಿಪರ ಚ಼ಡೈಲಿದ್ಯೊ.
GAL 2:20 ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.
GAL 2:21 ಎ ಕ್ಹುದಾನಿ ವರಾ ವ್ಹೈ ವರಿ ಎ ಮನೆ ಘನ್ನು ಖಾಸ ವ್ಹೈ. ಕಾಕದ್ಯಾಮ ಧರಮಶಾಸ್ತ್ರ ಹಮೊನೆ ನಿತಿವಂತವಾಲಾ ಕರಾಲು ರ‍್ಹವತ್ತೊ, ಕ್ರಿಸ್ತ ಮರವಾನಿ ಜ಼ರುರತಜ಼ ನ್ಹೊತಿ.
GAL 3:1 ಯೆಸು ಕ್ರಿಸ್ತ ಶಿಲುವಿಪರ ಮರಲ ಹುತಿ ಗಲಾತ್ಯಮಾ ರ‍್ಹಯಲ ತುಮೊನೆ ಘನ್ನಿ ಚೊ಼ಕಿತರಾ ಕದ್ಯಾ. ತೆನೈಸೊ ತುಮೆ ವಟ್ಟಜ಼ ಗ್ಯಾನ ನೈಸೊವಾಲಾ ವ್ಹೈ. ತುಮೊನೆ ಮೊಸ ಕರಾನೆ ಬಿಜೆ಼ಕ್ಲಾನೆ ಮೌಕೊ ಕರಿನ ದಿದ್ಯಾ.
GAL 3:2 ಎ ಯಕ್ಕ ವಿಷಯ ಮನೆ ಕವೊ. ತುಮೆ ಪವಿತ್ರ ಆತ್ಮಾನೆ ವ್ಹಂದೊಲಿದಲ ಕಿಮ ವ್ಹೈ? ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಲ ಹುತಿ ವ್ಹಂದ್ಯಾಸು? ನತ್ತಿ. ಸುವಾರ್ತೆ ಐಕಿನ ತಿಮಾ ಬರೊಕ್ಹೊ ಮ್ಹೆಲಿನ ಪವಿತ್ರ ಆತ್ಮಾ ವ್ಹಂದಿಲಿದ್ಯಾಸ.
GAL 3:3 ಕ್ರಿಸ್ತಮಾಜ಼ ತುಮಾರಿ ಜಿವ್ನಾ ಪವಿತ್ರ ಆತ್ಮಾನಾ ಕ್ಹಾತೆ ಶುರು ಕರ‍್ಯಾಸ. ಹಮ್ನಾ ತಿನೆ ತುಮಾರಿ ಸ್ವಂತ ತಾಕತ್ನಾ ಕ್ಹಾತೆ ಅಗು ಜಾ಼ವಾನೆ ಕೊಶಿಶ ಕರೊಶಿ ಸು? ತೆ ಗ್ಯಾನ ನೈಸೊವ್ಹೈ.
GAL 3:4 ಘನಿಯೊ ಸಂಗತಿಯೊ ಅನುಭವಕ್ಹು ತಿಳ್ದಿಲಿದ್ಯಾಸ. ತೆ ಅನುಭವ ಕ್ಹಾರು ವೈರ್ಥ ವ್ಹೈ?
GAL 3:5 ತಿನಾಹುತಿ ಕ್ಹುದಾ ಪವಿತ್ರ ಆತ್ಮಾನೆ ದಿವಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈ ಸು? ಕ್ಹುದಾ ಮ್ಹೊಟಾ ಕಾಮೊ ಕರಾನು ತುಮೆ ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಾಕ್ಹು ವ್ಹೈಸು? ನ್ಹವೈ. ಸುವಾರ್ತೆ ಐಕಿನ ತಿಪರ ಬರೊಕ್ಹೊ ಮ್ಹೆಲಲ ಹುತಿ ಕ್ಹುದಾ ತುಮೊನೆ ಪವಿತ್ರ ಆತ್ಮಾ ದಿವಸ. ವರಿ ಮ್ಹೊಟಾ ಕಾಮೊ ಕರಸ.
GAL 3:6 ಪವಿತ್ರ ಗ್ರಂಥ ಅಬ್ರಹಾಮನಾ ಹುತಿ ಎಜ಼ ಕವಸ" ಅಬ್ರಹಾಮ ಕ್ಹುದಾಪರ ಬರೊಕ್ಹೊ ಮ್ಹೆಲ್ಯೊ. ಕ್ಹುದಾ ತಿನಾ ಬರೊಕ್ಹಾನೆ ದೆಕಿನ ನಿತಿವಂತವಾಲೊ ಕವಾನೊ ಪೈಸಲೊ ತಿನೆ ಮಳ್ಯೊ.
GAL 3:7 ತಿನಾಹುತಿ ಬರೊಕ್ಹೊ ರ‍್ಹಯಲವಾಲಾ ಮನಕ್ಹೊ ಅಬ್ರಹಾಮನಾ "ಕ್ಹರಿನಾ ಬಚ್ಚಾ಼ ವ್ಹೈ "ಕವಾನು ತುಮೊನೆ ಗ್ವತ್ತ ರ‍್ಹೌ.
GAL 3:8 ಕ್ಹುದಾ ಯಹುದ್ಯೊ ನೈ ರ‍್ಹಯಲವಾಲಾ ತ್ಯುನೊ ಬರೊಕ್ಹಾನಾ ಹುತಿ ನಿತಿವಂತವಾಲಾ ವ್ಹೈ ಕೈನ ಕರಸ" ಅಬ್ರಹಾಮ, ತಾರಾಕ್ಹು ಕ್ಹುದಾ ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊನೆ ಆಶಿರ್ವಾದ ದಿವಸ" ಕವಾನಿ ಸುವಾರ್ತೆ ತಿನೆ ಪೈಲಾಜ಼ ಕದ್ಯಾತಾ ಕೈನ ಪವಿತ್ರ ಗ್ರಂಥ ಕವಸ. (ಆದಿಕಾಂಡ 12-3)
GAL 3:9 ತೆ ಇಪರ ಬರೊಕ್ಹೊ ಕರಲ ಹುತಿ ಆಶಿರ್ವಾದ ಮಳಿ. ಎಜ಼ ನಿಯಮೊ ಹಜು಼ನಬಿ ಲಾಗು ಥಾವಸ. ತಿನೆ ಆಶಿರ್ವಾದ ಮಳಲ ಲಿಂಗತಜ಼ ಅಬ್ರಹಾಮನಾ ಕ್ಹಾತೆ ಬರೊಕ್ಹೊ ಮ್ಹೆಲಲ ಕ್ಹಾರಾ ಮನಕ್ಹೊನೆಬಿ ಆಶಿರ್ವಾದ ಮಳಸ. (ಧರ್ಮೊಪದೆಶಕಾಂಡ 27-26)
GAL 3:10 ತೆನೈಸೊ ನಿಂತಿವಂತವಾಲಾ ಥಾವಾನೆ ಧರಮಶಾಸ್ತ್ರಪರ ಬರೊಕ್ಹೊ ಮ್ಹೆಲಲವಾಲಾವೊನೆ ಕ್ಹರಾಪ ಹೊಂದಿಲಿದಲವಾಲಾ ಥಯಾಸ. ಕಾಕದ್ಯಾಮ ಪವಿತ್ರ ಗ್ರಂಥ ಕದಲ ತಿಮ್ಮ"ಧರಮ ಶಾಸ್ತ್ರಮಾ ಬರ್ದಲ ಕ್ಹಾರಾ ನಿಯಮೊ ಕೈದಿಲಿನ ಚಾ಼ಲು. ತ್ಯುನೊನೆ ಕೆಳಾಮಾಜ಼ ಅವಿಧೆಯ ಥಾವಾಲಾನೆ ಕ್ಹರಾಪ ಹೊಂದಿಲಿದಲವಾಲಾ ಥಾವಸ.
GAL 3:11 ತಿನಾಹುತಿ ಧರಮಶಾಸ್ತ್ರನಾ ಮುಲಕ ಕಯೊಜ಼ ನಿತಿವಂತವಾಲೊ ಥಾವಾನೆ ಸಾದ್ಯನತ್ತಿ ಕವಾನು ದಿಕ್ಹಿನ ಆವಸ. ಪವಿತ್ರ ಗ್ರಂಥ ಕದಲ ಲಿಂಗತ "ಬರೊಕ್ಹಾನಾ ಮುಕಾಂತರ ನಿತಿವಂತಥಯಲವಾಲೊ ಹಮೆಶಾಬಿ ಜಿವ್ತೊ ರ‍್ಹವಸ"
GAL 3:12 ಧರಮಶಾಸ್ತ್ರ ಬರೊಕ್ಹಾನಿ ವಾಟ ಛೊಡಿನ, ಎ ನಿಯಮೊ ಕರಾಲೊ ತ್ಯುನಾ ಮುಕಾಂತರ ಜ಼ಲಮ ಪಡ್ದಿಲಿವಸ. ಕೈನ ಕವಸ. (ಯಾಜಕಕಾಂಡ 18:5) (ಧರ್ಮೊಪದೆಶಕಾಂಡ 21:23)
GAL 3:13 ಧರಮಶಾಸ್ತ್ರ ಅಪ್ನಾ ಉಪ್ಪರ ಕ್ಹರಾಪ ಲಾವಾ ವರಕ್ಹು ಕರಸ. ತೆನೈಸೊ ಕ್ರಿಸ್ತ ತೆ ಕ್ಹರಾಪ ತಿನಾ ಉಪ್ಪರ ಲಿದ್ಯೊ. ತೆ ಅಪ್ನಿ ಜ಼ಗಾ ತೆಜ಼ ಲಿದ್ಯೊ. ಕ್ರಿಸ್ತ ತಿನಾಕ್ಹು ತೆ ಕ್ಹರಾಪಮಾ ಪಾಡ್ಯೊ. ಪವಿತ್ರ ಗ್ರಂಥಮಾ ಬರ್ದಲ ಲಿಂಗತ"ಝಾಡನೆ ಅಟ್ಕಾಯಲ ಹರಿಯಕ್ಕ ಮನಕ್ಹ ಕ್ಹರಾಪ ಮಳಲಲಿಂಗತ ಥಯೊಸ.
GAL 3:14 ಕ್ಹಾರಾ ಮನಕ್ಹೊನೆ ಕ್ಹುದಾನೊ ಆಶಿರ್ವಾದ ಮಳುಕೈನ ಕ್ರಿಸ್ತ ಇಮ್ಮ ಕರ‍್ಯೊ. ಎ ಆಶಿರ್ವಾದ ಕ್ಹುದಾ ಅಬ್ರಹಾಮನೆ ವಾತ ದಿದ್ಯೊತೊ. ಎ ಆಶಿರ್ವಾದ ಯೆಸು ಕ್ರಿಸ್ತನಾ ಮುಲಕ ಆವಸ. ಕ್ಹುದಾ ವಾತದಿದಲ ಪವಿತ್ರ ಆತ್ಮಾನೆ ಅಪೆ ಹೊಂದಿಲಿವಾಹುತಿ ಯೆಸು ಮರ‍್ಯೊ. ಬರೊಕ್ಹೊ ಮ್ಹೆಲಾನಾಹುತಿ ಅಪೆ ಎ ವಾತ ಪಡ್ದಿಲಿವಸ.
GAL 3:15 ಮಾರಾ ಭಾಯೊ ವರಿ ಭೆನೊ, ಮಿ ತುಮೊನೆ ಯಕ್ಕ ಉದಾಹರಣ ದ್ಯುಸ. ಯಕ್ಲೊ ಬಿಜೆಕ್ಲಾನಾ ಕ್ಹಾತೆ ವಪ್ಪಂದ ಕರಾನಾ ಹುತಿ ವಿಚಾರ ಕರೊ. ತೆ ವಪ್ಪಂದ ಘನ್ನು ಥಾತಾಮಾ ತೆ ಬಂದಕರಾನೆ ಥಾತುನೈ ವರಿ ತಿಮಾ ಕಿನೆಜ಼಼ ಸುಜ಼ ಮಳಾವಾನೆ ಥಾತು ನೈ.
GAL 3:16 ಕ್ಹುದಾ ಅಬ್ರಹಾಮನೆ ತ್ಯುನಾ ಬಚ್ಚಾ಼ವೊನೆ ವಾತ ದಿದ್ಯೊ" ತಾರಿ ಸಂತತಿನೆ "ಕೈನ ಕ್ಹುದಾ ಕದ್ಯೊ ನೈ. ಕಾಕದ್ಯಾಮ ಘನ್ನಾ ಮನಕ್ಹೊ ಕವಾನು ಮತ್ಲಬ ಕವಾನು ಮತ್ಲಬ ದಿವಸ. ತೆನೈಸೊ ಕ್ಹುದಾ ತಿನೆ, ತಾರಿ ಸಂತತಿನೆ ಕೈನ ಕದ್ಯೊ. ತಿನೊ ಮತ್ಲಬ ಸು ವ್ಹೈ ಕದ್ಯಾಮ, ಯಕ್ಲೊಜ಼ ಯಕ್ಕ ಮನಕ್ಹ ವ್ಹೈ ತೆಜ಼ ಕ್ರಿಸ್ತ ವ್ಹೈ.
GAL 3:17 ಮಿ ಕವಾನು ಸುವೈ ಕದ್ಯಾಮ, ಕ್ಹುದಾ ಅಬ್ರಹಾಮ್ನಾ ಕ್ಹಾತೆ ಯಕ್ಕ ವಡಂಬಡಿಕೆ ಕರಲಿನ ತೆ ಘಟ್ಟ ಕರ‍್ಯೊ. ತಿನಾಹುತಿ 430 ಥಯಲ್ಪರ ಆಯಲ ಧರಮಶಾಸ್ತ್ರ ಅಬ್ರಹಾಮನೆ ಕ್ಹುದಾ ಕರಲ ವಾಗ್ದಾನ ಬಂದ ಕರಾನೆ ಥಾತು ನೈ ಬದಲಿ ಕರಾನೆ ಥಾತು ನೈ.
GAL 3:18 ಕ್ಹುದಾ ವಾಗ್ದಾನ ಕರಲ ತೆಕ್ಲು ಧರಮಶಾಸ್ತ್ರ ಚ಼ಲೈಲಿನ ಜಾ಼ವಾಕ್ಹು ಮಳಸ್ಸು? ನ್ಹವೈ. ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಚಾ಼ಲಾನಾ ಹುತಿ ಅಪೆ ತಿನೆ ಪಡ್ದಿಲಿಲ್ಯು ಕೈನ ರ‍್ಹಯುಮ ತಿನೆ ಅಪೊನೆ ದಿವಾನು ಕ್ಹುದಾನಿ ವಾತ ನ್ಹವೈ. ತೆನೈಸೊ ಕ್ಹುದಾ ತೆ ಕರಲ ವಾಗ್ದಾನಾ ಮುಲಕ ತಿ ಆಶಿರ್ವಾದೊ ಅಬ್ರಹಾಮನೆ ತಿಮ್ಮಜ಼ ದಿದ್ಯೊ.
GAL 3:19 ತಿಮ್ಮ ರ‍್ಹಯುಮ ಧರಮಶಾಸ್ತ್ರ ರ‍್ಹಯಲ ಶಾನಾಹುತಿ ವ್ಹೈ? ಮನಕ್ಹೊನು ತಪ್ಪ ದೆಕಾಡಾನಾಹುತಿ ಧರಮಶಾಸ್ತ್ರ ದಿದ್ಯಾ. ಅಬ್ರಹಾನಮೊ ಖಾಸ ದಿಕ್ರೊ ಆಯೆಲಕ್ಕಾ ಧರಮಶಾಸ್ತ್ರ ವ್ಹತ್ತು. ಎ ಸಂತಾನಾ (ಯೆಸು) ಹುತಿ ಕ್ಹುದಾ ವಗ್ದಾನ ( ವಾತ ದಿವಾನು) ಕರ‍್ಯೊತೊ. ಧರಮಶಾಸ್ತ್ರ ದೆವ ದುತೊನಾ ಮುಲಕ ದಿದ್ಯಾ. ಮನಕ್ಹೊನೆ ಧರಮಶಾಸ್ತ್ರ ದಿವಾನಾ ಹುತಿ ದೆವದುತೊ ಮೊಶೆನೆ ಉಪಯೊಗ ಕರ‍್ಯಾ.
GAL 3:20 ಯಕ್ಕಜ಼ ಪಕ್ಷ ರ‍್ಹಯುಮ ವಚ್ಮಾ಼ ಕುನ್ನಜ಼ ಚಾ಼ಯೆ ಥಯ್ಯು ನತ್ತಿ. ಕ್ಹುದಾ ಯಕ್ಲೊಜ಼ ವ್ಹೈ.
GAL 3:21 ಧರಮಶಾಸ್ತ್ರ ಕ್ಹುದಾನಿ ವಾಗ್ದಾನನೆ ವಿರುದ್ದ ವ್ಹೈ ಕೈನ ಇನೊ ಮತಲ್ಬ ವ್ಹೈ ಸು? ನ್ಹವೈ! ಜ಼ಲಮ ದಿವಾನು ಧರಮಶಾಸ್ತ್ರ ರ‍್ಹವತ್ತೊ. ತಿನೆ ಚಾ಼ಲಿಲಿನ ಜಾ಼ವಾನಾ ಮುಕಾಂತರ ನಿತಿವಂತವಾಲಾ ಥಾತಾತಾ.
GAL 3:22 ತೆನೈಸೊ ಎ ಕ್ಹರಿ ನ್ಹವೈ. ಕಾಕದ್ಯಾಮ ಕ್ಹಾರುಜ಼ ಪಾಪಮಾ ಪಡ್ಯುಸ. ಕೈನ ಪವಿತ್ರ ಗ್ರಂಥ ದೆಕಾಡಿನ ದಿವಸ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಲಾವೊನೆ ತ್ಯುನೊ ಬರೊಕ್ಹಾ ಆದಾರ ಥಯ್ಯುಸ. ವಾಗ್ದನಿ ಫಲಾ ಮಳು ಕೈನ ಪವಿತ್ರ ಗ್ರಂಥ ದೆಕಾಡಿನ ದಿದ್ಯುಸ.
GAL 3:23 ಎ ಬರೊಕ್ಹೊ ಆವಾತಿ ಅಗ್ದುರ ಅಪೆ ಧರಮಶಾಸ್ತ್ರನಾ ಬಂದನಮಾ ವ್ಹತ್ತಾ. ಆವಾನೊ ರ‍್ಹಯಲ ಬರೊಕ್ಹಾನಿ ವಾಟ ಕ್ಹುದಾ ಅಪೊನೆ ದೆಕಾಡಿನ ದಿಯೆಲಕ್ಕಾ ಅಪೊನೆ ಸ್ವತಂತ್ರ ನ್ಹೊತು.
GAL 3:24 ತಿನಾಹುತಿ ಕ್ರಿಸ್ತ ಆಯೆಲಕ್ಕಾ ಧರಮಶಾಸ್ತ್ರ ಅಪೊನೆ ಮಾಲಕ ಥೈನ ವ್ಹತ್ತು. ಕ್ರಿಸ್ತ ಆಯೆಲಪರ ಅಪೆ ಬರೊಕ್ಹೊ ಕರಲಹುತಿ ನಿತಿವಂತವಾಲಾ ಥಾವಾನೆ ಸಾದ್ಯ ಥಯು.
GAL 3:25 ಹಮ್ನಾ ಬರೊಕ್ಹಾನಿ ವಾಟ ಐಸ. ತಿನಾಹುತಿ ಹಮ್ನಾ ಅಪೆ ಧರಮಶಾಸ್ತ್ರನಿ ಅಧಿನಮಾ ಜಿವ್ನಾ ಕರತಾ ನೈ.
GAL 3:26 ತುಮೆ ಕ್ಹಾರಾ ಕ್ರಿಸ್ತಮಾ ಬಾಪ್ತಿಸ್ಮ ಕರೈಲಿದಲಹುತಿ ಕ್ರಿಸ್ತಮಾಜ಼ ತುಮೆ ಛೆ.
GAL 3:27 ಕ್ರಿಸ್ತ ಯೆಸುಮಾ ಬರೊಕ್ಹೊ ಮ್ಹೆಲಾನಾ ಮುಕಾಂತರ ತುಮೆ ಕ್ಹಾರಾ ಕ್ಹುದಾನಾ ಬಚ್ಚಾ಼ ಥಯಾಸ ಕೈನ ದೆಕಾಡಿನ ದಿವಸ.
GAL 3:28 ಹಮ್ನಾ ಕ್ರಿಸ್ತಮಾ ಯಹುದಿ, ಗ್ರಿಕ ಕವಾನು ಫರಕ ನತ್ತಿ; ಸ್ವತಂತ್ರ ರ‍್ಹಯಲವಾಲಾ ವರಿ ಗುಲಾಮೊ ಕವಾನು ಫರಕ ನತ್ತಿ; ಬಾಕಡಿಯೊ ವರಿ ದಾಣಗಾಮಾ ಫರಕ ನತ್ತಿ. ತುಮೆ ಕ್ಹಾರಾ ಕ್ರಿಸ್ತ ಯೆಸುಮಾ ಯಕಜ಼ ಥಯಾಸ.
GAL 3:29 ತುಮೆ ಕ್ರಿಸ್ತವಾಲಾ ಥಯಾಸ. ತಿನಾಹುತಿ ತುಮೆ ಅಬ್ರಹಾಮನಾ ಸಂತಾನವಾಲಾ ವ್ಹೈ. ಕ್ಹುದಾ ತಿನೆ ಕರಲ ವಾಗ್ದಾನ ಲಿಂಗತ ತುಮೆ ಕ್ಹಾರಾ ಕ್ಹುದಾನಿ ಆಶಿರ್ವಾದ ಪಡ್ದಿಲಿವೊಸಿ.
GAL 4:1 ವರಿ ಮಿ ಸು ಕೌಸ ಕದ್ಯಾಮ; ಆಸ್ತಿಪರ ಹಕ್ಕ ರ‍್ಹಯಲವಾಲೊ ನ್ಹಾನೊ ರ‍್ಹಯಲ ಟೈಮಾ ತಿನೆ ಬಿ ವರಿ ಗುಲಾಮನೆ ಸುಜ಼ ಫರಕ ರ‍್ಹತು ನೈ. ಆಸ್ತಿಪರ ಹಕ್ಕ ರ‍್ಹಯಲವಾಲೊ ತಿನೊ ಹಕ್ಕ ರ‍್ಹಯುತಬಿ ತೆ ಗುಲಾಮ ಲಿಂಗತ ರ‍್ಹವಸ.
GAL 4:2 ಕಾಕದ್ಯಾಮ ತೆ ಹಜು಼ನಬಿ ನ್ಹಾನೊ ರ‍್ಹತಾಮಾ ಜ಼ತ್ತನ ಕರಾಲಾವೊನೆ ವರಿ ಶಿಕ್ಲಾಲಾವೊನೆ ವಿಧೆಯ ಥೈನ ರ‍್ಹೌ. ತೆನೈಸೊ ತಿನೊ ಬಾ ತಿನಿ ವೈಸ ಮುಟ್ತಾಮಾ ತೆಳಾಮಾ ತೆ ನ್ಹಾನೊ ಪಟ್ಟೊ ಸ್ವತಂತ್ರ ಥಾವಸ.
GAL 4:3 ತಿನಾ ನಿಂಗಜ಼ ಅಪೆಬಿ ಪೈಲಾ ಬಚ್ಚಾ಼ವೊ ಲಿಂಗತ ಛೆ. ಎ ಜಗತ್ಮಾ ಉಪಯೊಗ ನೈಸೊ ನಿಯಮೊನೆ ಅಪೆ ಗುಲಾಮೊ ಥಯಾಸ.
GAL 4:4 ತೆನೈಸೊ ಕರೆಟ್ಟ ಟೈಮ ಆಯಲ್ಪರ ತಿನಾ ದಿಕ್ರಾನೆ ಮೊಕಲ್ಯೊ. ಕ್ಹುದಾನೊ ದಿಕ್ರೊ ಹೆಣ ಮನಕ್ಹನಾ ಪೆಟಮಾತೊ ಹುಟ್ಟಿನ, ಧರಮಶಾಸ್ತ್ರನಿ ಅಧಿನಮಾ ಜಿವ್ನಾ ಕರ‍್ಯೊ.
GAL 4:5 ಧರಮಶಾಸ್ತ್ರನಿ ಅಧಿನ್ಮಾ ರ‍್ಹಯಲ ಅಪೊನೆ ಛೊಡೈನ ತಿನಾ ಬಚ್ಚಾ಼ ಕರಲ್ಯು ಕೈನ ಕ್ಹುದಾನಿ ಉದ್ದೆಶ ವ್ಹತ್ತಿ.
GAL 4:6 ತುಮೆ ಕ್ಹುದಾನಾ ಬಚ್ಚಾ಼ ವ್ಹೈ. ತಿನಾಹುತಿ ಕ್ಹುದಾ ತಿನಿ ಆತ್ಮಾ ತುಮಾರಾ ಮನಸ್ಮಾ ಮೊಕಲ್ಯೊ" ಬಾ, ಮಾರಾ ಬಾ "ಕೈನ ಆತ್ಮಾ ವದ್ರಸ.
GAL 4:7 ತಿನಾಹುತಿ ಹಮ್ನಾ ತು ಪೈಲಾಲಿಂಗತ ಗುಲಾಮ ನ್ಹವೈ. ತು ಕ್ಹುದಾನೊ ದಿಕ್ರೊ ವ್ಹೈ. ತು ಕ್ಹುದಾನೊ ದಿಕ್ರೊ ರ‍್ಹಯಲ ಹುತಿ ತೆ ತುನೆ ಕ್ಹಾರಾವೊಪರ ಅದಿಕಾರ ಕರಾನೆ ದಿದ್ಯೊಸ.
GAL 4:8 ಪೈಲಾನಾ ಕಾಲಮಾ ತುಮೆ ಕ್ಹುದಾ ತಿಳದ್ಯಾವಾಚಿ಼ ಸುಳ್ಳ ರ‍್ಹಯಲ ದಿವಸ್ತಾನೊನೆ ಗುಲಾಮೊ ವ್ಹತ್ತಾ.
GAL 4:9 ಹಮ್ನಾತೊ ಕ್ಹರಿನಾ ಕ್ಹುದಾನೆ ತಿಳ್ದಿಲಿದ್ಯಾಸ. ಕ್ಹರಿ ಕೌ ಕದ್ಯಾಮ, ತಾರಾ ಹುತಿ ತಿಳ್ದಿಲಿದಲವಾಲೊ ಕ್ಹುದಾಜ಼ ವ್ಹೈ. ಇಮ್ಮ ರ‍್ಹತಾಮಾ ಪೈಲಾ ತುಮೆ ಕರತಾ ರ‍್ಹಯಲ ತಾಕತ ನೈಸೊ ಕಾಮೆ ನೈ ಆವಾನು ರ‍್ಹಯಲ ನಿಯೊಮೊನೆ ತುಮೆ ಕಾ ಪಾಚಾ಼ ಫರಿನ ದೆಕು? ತೆವಾವೊನೆ ವರಿ ತುಮೆ ಗುಲಾಮೊ ಥೌ ಕೈನ ಛೆಸು?
GAL 4:10 ಖಾಸ ರ‍್ಹಯಲ ದಿನೊ, ವಾರೊ, ಕಾಲಮಾನೊ ವರಿ ವರಕ್ಹೊನಾ ಹುತಿ ಧರಮಶಾಸ್ತ್ರ ಕವಾನು ಉಪದೆಶ ಹಜು಼ನಬಿ ತುಮೆ ಕರಾಡಾಸ.
GAL 4:11 ತುಮಾರಿ ವಿಷಯಮಾ ಮನೆ ಭುಚ್ಕಾ಼ನೆ ವಾಟಾಡ್ಯುಸ. ತುಮಾರಾ ಹುತಿ ಮಿ ಕರಲ ಮ್ಹೈನತ ವ್ಯರ್ಥ ಥಾವಸ ಕೈನ ಮನೆ ಭೆಂ ಛೆ.
GAL 4:12 ಭಾಯೊ ಭೆನೊ, ಮಿ ತುಮಾರಾ ಲಿಂಗತ ವ್ಹತ್ತೊ. ತಿನಾಹುತಿ ಮಾರಾ ಲಿಂಗತ ಥಾವೊ ಮನೆ ತುಮೆ ಸುಜ಼ ಕೆಟ್ಟ ಕರ‍್ಯಾ ನೈ.
GAL 4:13 ಪೈಲಾ ತುಮೆ ಮನೆ ಘನ್ನಾ ಚೊ಼ಕಾ ವ್ಹತ್ತಾ. ಮಿ ತುಮೊಕನ ಪಸ್ಟ ಆಯಲ ಮಿ ಅರಾಮ ಥಾವಾನಾ ಹುತಿ ಆಯಲ ವ್ಹೈಕೈನ ತುಮೊನೆ ಗ್ವತ್ತ ಛೆ. ಮಿ ತುಮೊನೆ ಸುವಾರ್ತೆ ಕದಲ ತೆಳಾಮಾಜ಼ ವ್ಹೈ.
GAL 4:14 ಮಾರು ದುಖ ತುಮೊನೆ ವಜ್ಜು಼ ಥೈತು. ತೆನೈಸೊ ತುಮೆ ಮಾರಿ ವಿಷಯಮಾ ಬೆಜ್ಜಾರ ಥಯಾನೈ. ತುಮೆ ಮನೆ ವಳೈಪಾಡ್ಯಾ ನೈ. ಕ್ಹುದಾನು ದುತ ವ್ಹೈ ಕೈನ ತುಮೆ ಮನೆ ಬಲೈಲಿದ್ಯಾ ಮಿಜ಼ ಯೆಸು ಕ್ರಿಸ್ತ ವ್ಹೈ ಕೈನ ಮನೆ ಸ್ವಿಕಾರ ಕರ‍್ಯಾ.
GAL 4:15 ತೆಳಾಮಾ ತುಮೆ ಘನ್ನಾ ಖುಶಿ ವ್ಹತ್ತಾ. ತೆ ಖುಶಿ ಹಮ್ನಾ ಕಿಜ್ಗಾ಼ ಛೆ? ಮನೆ ಸಹಾಯಾ ಕರಾನೆ ತುಮೆ ಸುಬಿ ಕರಾನೆ ತಯ್ಯಾರ ವ್ಹತ್ತಾ ಕವಾನು ಮನೆ ಶೆ ಛೆ. ತುಮಾರಾ ಹತೆ ಥಯುಮ ತುಮಾರಾ ಡೊಳಾಜ಼ ಕಿತ್ತಿನ ಮನೆ ದಿಪಾಡ್ತಾತಾ.
GAL 4:16 ಮಿ ತುಮೊನೆ ಕ್ಹರಿ ರ‍್ಹಯಲ ಕದಲ ಹುತಿ ಹಮ್ನಾ ಮಿ ತುಮಾರೊ ದುಶ್ಮನ ಥಯೊಸು?
GAL 4:17 ತುಮೊನೆ ಜ಼ಬರದಸ್ತಿ ಕರಾನಾ ಹುತಿ ತೆ ಮನಕ್ಹೊ ಕೊಶಿಶ ಕರಿನ ಕಾಮ ಕರಾಡಾಸ. ತೆನೈಸೊ ಚೊ಼ಕಿ ವಿಚಾರಕ್ಹು ನ್ಹವೈ. ತುಮೆ ಮನೆ ವಿರುದ್ದ ಥೈನ ಫ್ಹರಿನ ಪಡು ಕೈನ ತ್ಯುನೆ ತುಮೊನೆ ಜ಼ಬರದಸ್ತಿ ಕರಾಡಾಸ. ತುಮೆ ತ್ಯುನೆ ಕದಲ ಲಿಂಗತಜ಼ ಚಾ಼ಲು ವರಿ ಬಿಜು಼ ಕುನ್ನಜ಼ ಕದಲ ತಿಮ್ಮ ಚಾ಼ಲುನೈ ಕೈನ ತ್ಯುನಿ ಆಸ ವ್ಹೈ. ತುಮಾರಿ ವಿಷಯಮಾ ಮನಕ್ಹೊ ಆಸಕ್ತಿ ದೆಕಾಡಾನು ಚೊ಼ಕು ವ್ಹೈ.
GAL 4:18 ತೆನೈಸೊ ತ್ಯುನಿ ಉದ್ದೆಶ ಚೊ಼ಕಿ ರ‍್ಹಯಮಜ಼ ತುಮೊನೆ ಚೊ಼ಕು ಥಾವಸ. ಎ ಕ್ಹರಿಜ಼ ವ್ಹೈ. ಮಿ ತುಮಾರಾ ಕ್ಹಾತೆ ರ‍್ಹತಾಮಾಬಿ ತುಮೊತಿ ದುರ ರ‍್ಹಯೊತುಬಿ ಎ ಕ್ಹರಿಜ಼ ವ್ಹೈ.
GAL 4:19 ಬಚ್ಚಾ಼ವೊ ಲಿಂಗತ ರ‍್ಹಯಲ ಗಲಾತ್ಯ ಸಭೆವಾಲಾವೊ ಘನಿಯೊ ತ್ರಾಸ ಖಾವಾಲಿಯೊ ಮಾವೊ ಲಿಂಗತ ಮಿ ತುಮಾರಾ ಹುತಿ ತ್ರಾಸ ಖಾವಾಲೊ ಲಿಂಗತ ಛೆ. ತುಮೆ ಕ್ಹರಿಬಿ ಕ್ರಿಸ್ತಲಿಂಗತ ಥಾಯೆ ಲಕ್ಕಾ ಮನೆ ಎ ತ್ರಾಸ ರ‍್ಹವಸ.
GAL 4:20 ಹಮ್ನಾ ಮಿ ತುಮಾರಾ ಕ್ಹಾತೆ ರ‍್ಹವತ್ತೊ ಬಿಜೆಕ ರಿತಿಮಾ ಕತೊತೊ. ತುಮಾರಿ ವಿಷಯಮಾ ಹಮ್ನಾ ಸು ಕರು ಕೈನ ಮನೆ ಕಳಾಡ್ಯು ನತ್ತಿ.
GAL 4:21 ತುಮೊಮಾ ದಕ್ಹಾಜ಼಼ನಾ ಮೊಶೆನು ಧರಮ ಶಾಸ್ತ್ರನೆ ಹಜು಼ನಬಿ ಅಧಿನ ಥಾವಾನೆ ಆಸ ಕರೊಶಿ. ಧರಮ ಶಾಸ್ತ್ರ ಸು ಕವಸ ಕವಾನು ತುಮೊನೆ ಗ್ವತ್ತ ಛೆ ಸು? ಮನೆ ಕವೊ.
GAL 4:22 ಪವಿತ್ರ ಗ್ರಂಥ ಸು ಕವಸ ಕದ್ಯಾಮ, ಅಬ್ರಹಾಮನೆ ಬೆ ಪಟ್ಟಾ ವ್ಹತ್ತಾ. ಯಕ್ಲಾ ಪಟ್ಟಾನಿ ಮಾ ಆಳ ಥೈನ ವ್ಹತ್ತಿ, ಬಿಜಕ್ಲಾನಿ ಮಾ ಸ್ವತಂತ್ರ ವ್ಹತ್ತಿ.
GAL 4:23 ಮನಕ್ಹನಿ ಆದತ ರ‍್ಹಯಲ ರಿತಿಮಾ ಅಬ್ರಹಾಮನೊ ದಿಕ್ರೊ ತೆ ಆಳನಿ ಪೆಟ್ಮಾ ಹುಟ್ಯೊ. ಸ್ವತಂತ್ರ ಥಯಲ ಹೆಣ ಮನಕ್ಹಮಾ ಹುಟ್ಟಲ ದಿಕ್ರೊತೊ ಕ್ಹುದಾ ಅಬ್ರಹಾಮನೆ ಕರಲ ವಾಗ್ದಾನನೊ ಪ್ಹಲಾ ವ್ಹತ್ತೊ.
GAL 4:24 ಎ ಸಂಗತಿಯೊ ಹಮೊನೆ ಹೊಲಿಕೆ ಕರಿನ ದೆಕಾಡ್ಯಾಸ. ಕ್ಹುದಾನಾ ವರಿ ಮನಕ್ಹನಾ ವಚ್ಮಾ಼ ಥಯಲ ಬೆ ವಡಂಬಡಿಕೆನೆ ಎ ಬೆ ಹೆಣ ಮನಕ್ಹೊ ವಳಕ ಥಯ್ಯೊಸ. ಸಿನಾಯ ಡೊಂಗರನಾ ಉಪ್ಪರ ಕ್ಹುದಾ ದಿದಲ ಧರಮ ಶಾಸ್ತ್ರಜ಼ ಪಸ್ಟಲಿ ವಡಂಬಡಿಕೆ ವ್ಹೈ. ಎ ವಡಂಬಡಿಕೆನಾ ಅಧಿನ್ಮಾ ರ‍್ಹಯಲ ಮನಕ್ಹೊ ಗುಲಾಮೊ ಲಿಂಗತ ವ್ಹತ್ತಾ. ಮಾ ಥಯಲ ಹಾಗರಳ ತೆ ವಡಂಬಡಿಕೆ ಲಿಂಗತ ವ್ಹತ್ತಿ.
GAL 4:25 ತಿನಾಹುತಿ ಹಾಗರಳ ಅರೆಬಿಯಾಮಾ ರ‍್ಹಯಲ ಸಿನಾಯಿ ಡೊಂಗರ ಲಿಂಗತ ಛೆ. ಯಹುದ್ಯೊನಾ ಗಾಮ ರ‍್ಹಯಲ ಜೆರುಸೆಲಿಮನೆ ತೆ ತಿನಾ ಲಿಂಗತ ಛೆ. ಎ ಗಾಮ ಗುಲಾಮ ಗಿರಿಮಾ ಛೆ ವರಿ ತ್ಯಾನಾ ಮನಕ್ಹೊ ಕ್ಹಾರಾ ಧರಮ ಶಾಸ್ತ್ರನೆ ಗುಲಾಮೊ ಥಯಾಸ.
GAL 4:26 ತೆನೈಸೊ ಸ್ವರ್ಗಮಾ ರ‍್ಹಯಲ ಜೆರುಸೆಲೆಮ ಸ್ವತಂತ್ರ ಥಯಲ ಹೆಣ ಮನಕ್ಹ ಲಿಂಗತ ಛೆ. ಎಜ಼ ಅಪ್ನಿ ಮಾ ವ್ಹೈ.
GAL 4:27 ಕಾಕದ್ಯಾಮ ಪವಿತ್ರ ಗ್ರಂಥಮಾ ಇಮ್ಮ ಬರ್ದ್ಯಾಸ ಬಚ್ಚಾ಼ ನೈಸೊ ಹೆಣ ಮನಕ್ಹ ಖುಶಿ ಥಾ ತ್ರಾಸ ನೈಸೊ ಹೆಣ ಮನಕ್ಹ ಜೊ಼ರ ವದರ ಮಾಟಿ ರ‍್ಹಯಲ ಹೆಣ ಮನಕ್ಹತಿ ಮಾಟಿನೆ ಛೊಡಲವಾಲಿನೆ ಬಚ್ಚಾ಼ ಘನ್ನಾ ಛೆ. (ಯೆಶಾಯ 54-1)
GAL 4:28 ಅಬ್ರಹಾನೊ ಯಕ್ಲೊ ದಿಕ್ರೊ ಮನಕ್ಹಮಾ ಹುಟ್ಟಲ ಲಿಂಗತ ಹುಟ್ಯೊ. ಅಬ್ರಹಾಮನೊ ಬಿಜೆಕ್ಲೊ ದಿಕ್ರೊ ಕ್ಹುದಾನಿ ವಾಗ್ದಾನನೊ ಫ್ಹಲ ಥೈನ ಕ್ಹುದಾನಿ ಆತ್ಮಾನಿ ತಾಕತ ಕ್ಹು ಹುಟ್ಯೊ. ಮಾರಾ ಭಾಯೊ ಭೆನೊ, ತುಮೆಬಿ ಇಸಾಕ ಲಿಂಗತ ವಾಗ್ದಾನನಾ ಬಚ್ಚಾ಼ ಥಯಾಸ. ಮನಕ್ಹನಿ ರಿತಿಮಾ ಹುಟ್ಟಲ ಪಟ್ಟೊ ವರಿ ಯಕ್ಲಾನೆ ತ್ರಾಸ ಕರ‍್ಯೊ. ಎಜ಼ ಹಜು಼ನಿಬಿ ಚಾ಼ಲಾಡ್ಯುಸ.
GAL 4:29 ತಿನಾಹುತಿ ಪುರ್ವಮಾ ಸ್ವಾಭಾವಿಕ ಥೈನ ಹುಟ್ಟಲವಾಲೊ ಕ್ಹುದಾನಿ ಆತ್ಮಾನಿ ಬಲಕ್ಹು ಹುಟ್ಟಲವಾಲೆ ತ್ರಾಸ ಕರೆಲಲಿಂಗತ ಹಮ್ನಾಬಿ ಛೆ.
GAL 4:30 ತೆನೈಸೊ ಪವಿತ್ರ ಗ್ರಂಥ ಸು ಕವಸ? ಆಳನೆ ವರಿ ತಿನಾ ಬಚ್ಚಾ಼ನೆ ಭಾರೊ ಘಾಲ ಸ್ವತಂತ್ರ ರ‍್ಹಯಲ ಹೆಣ ಮನಕ್ಹನೊ ಪಟ್ಟೊ ತಿನಾ ಬಾನೆ ರ‍್ಹಯಲ ಹರಿ ಯಕ್ಕ ಅದಿಕಾರ ಪಡ್ದಿಲಿವಸ. ವರಿಬಿ ದಾಸಿನೆ ಸುಜ಼ ಮಳ್ತು ನೈ.
GAL 4:31 ತಿನಾಹುತಿ, ಮಾರಾ ಭಾಯೊ ಭೆನೊ, ಅಪೆ ದಾಸಿನಾ ಬಚ್ಚಾ಼ ನ್ಹವೈ. ಅಪೆ ಸ್ವತಂತ್ರ ರ‍್ಹಯಲ ವಾಲಿನ ಬಚ್ಚಾ಼ ವ್ಹೈ.
GAL 5:1 ಹಮ್ನಾ ಅಪೊನೆ ಸ್ವತಂತ್ರ ಛೆ. ಕ್ರಿಸ್ತ ಅಪೊನೆ ಸ್ವತಂತ್ರ ಕರ‍್ಯೊ. ತಿನಾಹುತಿ ಘಟ್ಟ ಥೈನ ರ‍್ಹವೊ. ಮನಸ ಬದಲಿ ಕರಲಿನ ವರಿಬಿ ಗುಲಾಮ ಗಿರಿಮಾ ರ‍್ಹವೊ ನಕೊ.
GAL 5:2 ಐಕೊ, ಮಿಜ಼ ಪೌಲಾ. ತುಮೆ ಸುನ್ನತಿ ಕರೈಲಿನ ಗುಲಾಮಗಿರಮಾ ವರಿ ಪಡ್ಯಾಮ ಕ್ರಿಸ್ತಕ್ಹು ತುಮೊನೆ ಸುಜ಼ ಫೈದೊನತ್ತಿ.
GAL 5:3 ವರಿ ಮಿ ಹರಿ ಯಕ್ಲಾನೆ ಹುಷಾರ ಕರುಸ. ತುಮೆ ಸುನ್ನತಿ ಕರೈಲಿದ್ಯಾಮ ಧರಮಶಾಸ್ತ್ರಮಾನು ರ‍್ಹಯಲ ಕ್ಹಾರು ಕರಲಿನ ಜೌ಼.
GAL 5:4 ತುಮೊಮಾ ರ‍್ಹಯಲ ಕ್ಹಾರಾ ಮನಕ್ಹೊ ಧರಮ ಶಾಸ್ತ್ರಮಾ ಕ್ಹಾರು ಪಾಲನ ಕರಾಕ್ಹು ಧರಮ ಕರಾಲಾ ಲಿಂಗತ ಕೊಶಿಶ ಕರತಾ ರ‍್ಹಯಾಮ, ತ್ಯುನೆ ಕ್ಹಾರಾ ಕ್ರಿಸ್ತಕ್ಹು ದುರ ಥೈಗಯಾಸ ವರಿ ಕ್ಹುದಾನಾ ಆಶಿರ್ವಾದಕ್ಹು ಭಾರಾ ಛೆ.
GAL 5:5 ತೆನೈಸೊ ಅಪೆ ಬರೊಕ್ಹಾನಾ ಮುಲಕ ನಿತಿವಂತವಾಲಾ ಥೈಯೆಸ ಕವಾನು ಆಸ ಅಪೊನೆ ಛೆ. ಕ್ಹುದಾನಿ ಆತ್ಮಾನಿ ಮದತಕ್ಹು ಎ ಆಸ ಥಾವಸ ಕೈನ ದೆಕಾಡಾಸ.
GAL 5:6 ಯಕ್ಲೊ ಕ್ರಿಸ್ತ ಯೆಸುಮಾ ರ‍್ಹತಾಮಾ ಸುನ್ನತಿ ಥೈಸು ನತ್ತಿ ಕೈನ ಕವಾನು ಖಾಸ ನ್ಹವೈ. ಖಾಸ ಸುವೈ ಕದ್ಯಾಮ ಮಯಾಕ್ಹು ಕರಾನೊ ಬರೊಕ್ಹೊ.
GAL 5:7 ತುಮೆ ಚೊ಼ಕಿತರಾ ಚಾ಼ಲಿಲಿನ ಚಾ಼ಲ್ಯಾಸ. ತುಮೆ ಕ್ಹರಿನೆ ವಿಧೆಯ ಥಯಾಸ. ಕ್ಹರಿನಿ ವಾಟ ಕರುನೈ ಕೈನ ತುಮೊನೆ ವತ್ತಾಯ ಕರಲವಾಲಾ ಕುನ ವ್ಹೈ?
GAL 5:8 ತೆ ವತ್ತಾಯ ಆಯಲ ತುಮೊನೆ ಇನಿಲಿದಲವಾಲಾಕ್ಹು ನ್ಹವೈ.
GAL 5:9 ಹುಶಾರಮಾ ರ‍್ಹವೊ"ದಕ್ಹಾ ಖಾಟಾಕ್ಹು ತಪಾಲಾಮಾ ರ‍್ಹಯಲ ಮಕ್ಹಳಲ ಲೊಟ ಕ್ಹಾರೊ ಖಾಟೊ ಥಾವಸ"
GAL 5:10 ತೆ ಬಿಜಿಯೊ ವಿಚಾರೊ ತುಮೆ ನಂಬ್ತಾ ನೈ ಕೈನ ಪ್ರಭುಮಾ ತುಮಾರಾ ಹುತಿ ಬರೊಕ್ಹಾ ಕ್ಹು ಛೆ. ಕುನ ಯಕ್ಲೊ ತೆ ವಿಚಾರೊಕ್ಹು ತುಮೊನೆ ಗಲಿಬಿಲಿ ಕರಾಡ್ಯೊಸ. ತೆ ಕುನಬಿ ರ‍್ಹೈತಬಿ ದಂಡ ಮಳಸ.
GAL 5:11 ಮಾರಾ ಭಾಯೊ ವರಿ ಭೆನೊ, ಮನಕ್ಹೊ ಸುನ್ನತಿ ಕರೈಲ್ಯುಕೈನ ಮಿ ಭೊದನೆ ಕರತೊ ನೈ. ಸುನ್ನತಿ ಜ಼ರುರತನಾ ಹುತಿ ಉಪದೆಶ ಕರಾಲೊ ರ‍್ಹವತ್ತೊ, ಮಿ ಹುಜು಼ನಬಿ ತ್ರಾಸಮಾ ಕಾ ಛೆ? ಮನಕ್ಹೊ ಸುನ್ನತಿ ಕರೈಲ್ಯುಕೈನ ಮಿ ಹಜು಼ನಬಿ ಉಪದೆಶಕರತೊ ರ‍್ಹವತ್ತೊ, ಶಿಲುಬಿನಾ ಹುತಿ ಮಾರಿ ಭೊದನೆನೆ ಅಡ್ಡಿ ಥಾತುಜ಼಼ ನೈ.
GAL 5:12 ತುಮೊನೆ ಗಲಿಬಿಲಿ ಕರಾಲಾ ತ್ಯುನೊನೆ ಥಯಲ ಸುನ್ನತಿ ನ್ಹವೈತೊ ತ್ಯುನು ಅಂಗ ಕತ್ರಿಲಿದ್ಯಾಮಜ಼ ಚೊ಼ಕು ವ್ಹೈ.
GAL 5:13 ಮಾರಾ ಭಾಯೊ ವರಿ ಭೆನೊ, ತುಮೆ ಸ್ವತಂತ್ರ ಥೌ ಕೈನ ಕ್ಹುದಾ ತುಮೊನೆ ಬಲಾಯೊಸ. ತೆನೈಸೊ ಪಾಪ ನೈ ರ‍್ಹಯಲ ತುಮಾರಿ ಚಾಳಿಯೊ ಮೆಚ್ಚಿಸಾನಾ ಹುತಿ ತುಮೊನೆ ರ‍್ಹಯಲ ಸ್ವತಂತ್ರನೆ ನ್ಯೆವಾ ಕರೊ ನಕೊ. ತೆನೈಸೊ ಮಯಾಕ್ಹು ಯಕ್ಲಾನಿ ಸೆವೆ ಯಕ್ಲೊ ಕರೊ.
GAL 5:14 "ತುಮೆ ತುಮೊನೆ ಮಯಾ ಕರಲಲಿಂಗತ ಬಿಜಾ಼ವೊನೆ ಮಯಾ ಕರೊ "ಕವಾನು ಯಕ್ಕಜ಼ ಯಕ್ಕ ಆಗನ್ಯಾಮಾ ಕ್ಹಾರು ಧರಮಶಾಸ್ತ್ರಜ಼ ದಡಿನ ಛೆ.
GAL 5:15 ತುಮೆ ಯಕ್ಕನೆ ಯಕ್ಕ ಕಡ್ಡಿನ ಫಾಡಿನ ಗಳಾನಾ ರ‍್ಹಯಾಮ ಯಕ್ಲಾಕ್ಹು ಯಕ್ಲೊ ಹಾಳ ಥಾವೊಸಿ. ತಿನಾಹುತಿ ಹುಶಾರಕ್ಹು ರ‍್ಹವೊ!
GAL 5:16 ತಿನಾಹುತಿ ಮಿ ತುಮೊನೆ ಕವಾನು ಸುವೈ ಕದ್ಯಾಮ, ಪವಿತ್ರ ಆತ್ಮಾನೆ ಚಾಲಿಂಜಾ಼ವಾಲಾ ಥಾವೊ. ತೆಳಾಮಾ, ತುಮಾರಾ ಅಂಗನಿ ಆಸ ವಿಚಾರ ಕರಾನು ಕೆಟ್ಟ ಸಂಗತಿಯೊ ತುಮೆ ಕರತಾ ನೈ.
GAL 5:17 ಅಪ್ನಾ ಅಂಗನಿ ಆಸ ಕ್ಹುದಾನಿ ಆತ್ಮಾನೆ ವಿರುದ್ದ ರ‍್ಹಯಲ ಸಂಗತಿಯೊ ಆಸ ಕರಸ. ಕ್ಹುದಾನಿ ಆತ್ಮಾ ಅಪ್ನಾ ಅಂಗನಿ ಆಸನೆ ವಿರುದ್ದ ರ‍್ಹಯಲ ಸಂಗತಿಯೊ ರ‍್ಹೌ ಕೈನ ಆಸ ಕರಸ. ತಿನಾಹುತಿ ತುಮೆ ಕ್ಹರಿಮಾಜ಼ ಆಸ ಕರ‍ಲ ಕರಾನೆ ಥಾಯೆ ನೈಸೊ ತೆ ಯಕ್ಕನೆ ಯಕ್ಕ ಲಡಸ.
GAL 5:18 ತೆನೈಸೊ ತುಮೆ ತುಮೊನೆ ಕ್ಹುದಾನಿ ಆತ್ಮಾನೆ ವಪ್ಸಿನ ದಿದ್ಯಾಮ ತುಮೆ ಧರಮಶಾಸ್ತ್ರನಿ ಅಧಿನಮಾ ನತ್ತಿ.
GAL 5:19 ಅಪನು ಅಂಗ ಆಸ ಕರಾನು ಕೆಟ್ಟ ಕಾಮೊ ದಿಕ್ಹಿನ ಆವಸ. ವ್ಯಭಿಚಾರ, ಅನೈತಿಕ ಸಂಭಂಧ ಅಶುದ್ಧ,
GAL 5:20 ಸುಳ್ಳ ದೆವಸ್ತಾನೊನಿ ಆರಾಧನಾ, ಮಾಟಾಮಂತ್ರ, ದ್ವೆಶ, ಲಡೈ, ಸಂಗಟ, ಘನ್ನಿ ಸಿಟ್ಟ, ಸ್ವಾರ್ಥ, ಸಿಟ್ಟ, ಹಿನಾವಾನು,
GAL 5:21 ಲಬಾಡ್ತನಾ, ಪಿದೊಡಿತನಾ ಹವಾ ಘನ್ನಾ ತರಾನಾ. ಮಿ ತುಮೊನೆ ಪೈಲಾಜ಼ ಹುಶಾರ ಕರಲ ಲಿಂಗತ ಹಮ್ನಾ ಬಿ ಕರಾನಾ ಮನಕ್ಹೊ ಕ್ಹುದಾನಿ ರಾಜ್ಯಮಾ ಮಳಾನೆ ಥಾತು ನೈ.
GAL 5:22 ತೆನೈಸೊ ಕ್ಹುದಾನಿ ಅತ್ಮಾಮಾತಿ ಹುಟ್ಟಾನಿ ಮಯಾ, ಸಮಾದಾನ, ಶಾಂತಿ, ಖುಶಿ, ತಡ್ದಿಲಿವಾನು, ಮರಗಾನು, ಉಪಕಾರ, ಬರೊಕ್ಹೊ,
GAL 5:23 ಸಾದುತ್ವ ಅಪ್ನಾಕ್ಹು ಅಪೊನೆ ಹತೊಟಿಮಾ ಮ್ಹೆಲ್ಲಿವಾನು. ಇವ್ನೊನೆ ತಪ್ಪ ವ್ಹೈ ಕೈನ ಕಯುಜ಼ ಧರಮಶಾಸ್ತ್ರ ಕತು ನೈ.
GAL 5:24 ಕ್ರಿಸ್ತ ಯೆಸುನಾ ಮನಕ್ಹೊ ತ್ಯುನು ಅಂಗನು ಆಸನೆ ಶಿಲುವಿಪರ ಚ಼ಡಾಯಾಸ. ತ್ಯುನೆ ತ್ಯುನಾ ಪೈಲಾನಿ ಸ್ವಾರ್ಥನಿಯೊ ಆಸೊ ವರಿ ತ್ಯುನೆ ಕರು ಕೈನ ಕೈಲಿದಲ ಕೆಟ್ಟಕಾಮೊ ಛೊಡಿನೆ ದಿದಲವಾಲಾ ಥಯಾಸ.
GAL 5:25 ಅಪ್ನಿ ನೈ ಜಿವಿತ ಪವಿತ್ರ ಆತ್ಮಾಕ್ಹು ಪಡ್ದಿಲಿದಲ ಹುತಿ ಅಪೆ ತಿನೆಜ಼ ಅನುಸರಸಿಲ್ಯು.
GAL 5:26 ಅಪೆ ಸ್ವಕ್ಕವಾಲಾ ಥೌ ನೈ, ಯಕ್ಲಾನೆ ಯಕ್ಲೊ ಶಿಟ್ಟ ಲಾವಾಲಾ ಥೌ ನೈ, ಯಕ್ಕಲಾಪರ ಯಕ್ಲೊ ಸಂಗಟ ಘಾಲ್ಲಿವಾಲಾ ಥೌ ನೈ.
GAL 6:1 ಭಾಯೊ ವರಿ ಭೆನೊ, ತುಮಾರಿ ಸಬೆಮಾ ಕುನಬಿ ತಪ್ಪ ಕರ‍್ಯಾಮಾ, ಆತ್ಮಿಕ ಥಯಲ ವಾಲಾ ತುಮೆ ತಿಕನ ಗೈನ ಮಯಾಕ್ಹು ಗೈನ ತಿನೆ ತಿದ್ದಿನ ಕರೆಟ್ಟ ಕರೊ. ತೆನೈಸೊ ಹುಷಾರಮಾ ರ‍್ಹವೊ! ತುಮೆಬಿ ಶೊದನೆಮಾ ಪಡಾನೆ ಸಾದ್ಯೆ ಛೆ.
GAL 6:2 ತುಮಾರು ವಜ್ಜು಼ ಉಚಾವೊ. ಇಮ್ಮ ತುಮೆ ಕ್ರಿಸ್ತನಿ ಆಗನ್ಯಾ ಕ್ಹರಿಮಾಜ಼ ಕರೊ.
GAL 6:3 ಕಾಕದ್ಯಾಮ ಕಯೊಬಿ ತೆ ಮ್ಹೊಟೊ ನೈ ರ‍್ಹಯೊತಬಿ ತಿನಾಕ್ಹು ತೆ ಮ್ಹೊಟೊ ವ್ಹೈ ಕೈನ ಕೈಲಿದಲ ರ‍್ಹಯೊಮ ತೆ ತಿನೆಜ಼ ಮೊಸಕರಲಿವಸ. ಯಕ್ಲೊ ತಿನೆ ಬಿಜೆ಼ಕ್ಲಾನಾ ಕ್ಹಾತೆ ಹೊಲ್ಸಿಲ್ಯು ನೈ.
GAL 6:4 ಹರಿ ಯಕ್ಲೊ ತಿನಿ ಚಾಳಿಯೊ ತೆಜ಼ ದೆಕಿಲಿವಾದೆ. ತೆಳಾಮಾ ತೆ ಸುಬಿ ಹೆಚ್ಕಿ಼ ಥೌ ಕೈನ ಕಾಮೊ ಕರಲ ರ‍್ಹಯುಮ ತೆ ತಿನೆ ಗ್ವತ್ತ ಥಾವಸ.
GAL 6:5 ಕಾಕದ್ಯಾಮ ಹರಿ ಯಕ್ಲೊ ತಿನಿಯೊ ಜವಾಬ್ದಾರಿಯೊ ತೆಜ಼ ಉಚೈಲ್ಯುಜ಼.
GAL 6:6 ಕ್ರಿಸ್ತನು ಸಂದೆಶ ಶಿಕ್ಕಾಲೊ, ತಿನೆ ಶಿಕ್ಲಾವಾಲಾನೆ ತಿಕನ ರ‍್ಹವಾನು ಕ್ಹಾರಿ ಚೊ಼ಕಿತನಾಮಾ ವಾಟೊ ದಿವುಜ಼.
GAL 6:7 ಮೊಸ ಜಾ಼ವೊನಕೊ! ತುಮೆ ಕ್ಹುದಾನೆ ಮೊಸಕರಾನೆ ಸಾಧ್ಯ ನತ್ತಿ. ಯಕ್ಲೊ ತೆ ಸು ಬಿತ್ತಸ ತೆಜ಼ ಕಾಟಸ.
GAL 6:8 ಯಕ್ಲೊ ತಿನಾ ಅಂಗನಿ ಆಸ ಪುರಾ ಕರು ಕೈನ ಪಾಪನಾ ಕಾಮೊ ಕರ‍್ಯೊಮ ತಿನಿ ಅಂಗನಿ ಆಸ ತಿನೆ ಹಮೆಶಾ ಹಾಳ ಕರಸ. ತೆನೈಸೊ ಯಕ್ಲೊ ಪವಿತ್ರ ಆತ್ಮಾನೆ ಮೆಚ್ಚಸಾನೆ ಹುತಿ ಚೊ಼ಕಾ ಕಾಮೊ ಕರತೊ ರ‍್ಹಯುಮ, ತೆ ಪವಿತ್ರ ಆತ್ಮಾಕ್ಹು ಹಮೆಶಾನು ಜ಼ಲಮ ಪಡ್ದಿಲಿವಸ.
GAL 6:9 ಅಪೆ ಚೊ಼ಕಾ ಕಾಮೊ ಕರಾಮಾ ಬೆಜ್ಜಾರ ಥೌ ನೈ. ಕರೆಟ್ಟ ಟೈಮಮಾ ಅಪೆ ಹಮೆಶಾನು ಜ಼ಲಮ ಪಡ್ದಿಲಿವಸ. ತಿನಾಹುತಿ ಚೊ಼ಕಾ ಕಾಮೊ ಕರಾನು ಛೊಡುನೈ.
GAL 6:10 ಕಿನೆಬಿ ಚೊ಼ಕು ಕರಾನೆ ಮೌಕೊ ರ‍್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ಲಿಂಗತ ರ‍್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.
GAL 6:11 ಎ ಕ್ಹಾರು ಮಿಜ಼ ಮಾರಾ ಹತೆ ಬರ್ದಾಡ್ಯೊಸ. ಮಿ ಕೆಕ್ಲಾ ಮ್ಹೊಟಾ ಅಕ್ಷರೊಮಾ ಬರ್ದಾಡ್ಯೊಸ ದೆಕೊ!
GAL 6:12 ತುಮೆ ಸುನ್ನಿತಿ ಕರೈಲ್ಯು ಕೈನ ತುಮೊನೆ ದಕ್ಹಾಜ಼಼ನಾ ಜ಼ಬರದಸ್ತಿ ಕರಾಡಾಸ. ತ್ಯುನೊನೆ ಮಳೈಲಿವಾದೆ ಕವಾನುಜ಼ ತ್ಯುನು ಉದ್ದೆಶ ವ್ಹೈ. ಕ್ರಿಸ್ತನಿ ಶಿಲುಬೆನಾ ಹುತಿ ತ್ಯುನೆ ತ್ರಾಸಮಾ ಪಡಿಯೆಸ ಕೈನ ಭೆಕ್ಹು ತ್ಯುನೆ ಇಮ್ಮ ಕರಸ.
GAL 6:13 ಸುನ್ನಿತಿ ಕರೈಲಿದಲವಾಲಾ ತ್ಯುನೆಜ಼ ಧರಮಶಾಸ್ತ್ರನೆ ವಿಧೆಯ ಥಾವಾಡ್ಯಾನತ್ತಿ. ತೆನೈಸೊ ತುಮೊನೆ ಸುನ್ನತಿ ಕರೈನ ತಿನಾ ಹುತಿ ಅಗು ಥೌ ಕೈನ ತ್ಯುನಿ ಆಸ ವ್ಹೈ.
GAL 6:14 ತೆಯ್ಯೊ ವಿಷಯನಾ ಹುತಿ ಮಿ ಮ್ಹೊಟೊ ಥಾತೊಜ಼ ನೈ. ಮಿ ಹೆಮ್ಮೆ ಪಡ್ದಾನೆ ಮನೆ ರ‍್ಹಯಲ ಯಕ್ಕಜ಼ ಕಾರಣ ಸು ವ್ಹೈ ಕದ್ಯಾಮ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಶಿಲುಬೆಜ಼ ವ್ಹೈ. ಶಿಲುಬಿಪರ ಯೆಸುನೆ ಥಯಲ ಮರಣನಾ ಹುತಿ ಜಗತ ಮಾರಾ ಪಾಲೆ ಮರಿ ಗಯ್ಯುಸ. ಮಿ ಬಿ ಜಗತ್ನಾ ಪಾಲೆ ಮರಿಗಯೊ.
GAL 6:15 ಕಾಕದ್ಯಾಮ ಯಕ್ಲಾನೆ ಸುನ್ನಿತಿ ಥೈಸು ಸುನ್ನಿತಿ ಥೈ ನತ್ತಿಸು ಕವಾನು ಮ್ಹೊಟು ನ್ಹ ವ್ಹೈ. ವರಿಬಿ ನೈ ಸ್ರಷ್ಠಿ ಥಾವಾನು ಮ್ಹೊಟು ವ್ಹೈ.
GAL 6:16 ಎ ನಿಯಮೊ ಪಾಲನ ಕರಾಲಾ ಕ್ಹಾರಾ ಮನಕ್ಹೊನೆ, ಎ ನಿಯೊಮೊ ಪಾಲನೆ ಕರಾಲಾ ಕ್ಹಾರಾ ಮನಕ್ಹೊನೆ ವರಿ ಕ್ಹರಿನಾ ಇಸ್ರೆಲವಾಲಾ ಥಯಲ ಕ್ಹುದಾನಾ ಕ್ಹಾರಾ ಮನಕ್ಹೊನೆ ಶಾಂತಿ ಮರಗಾ ಥಾವಾದೆ.
GAL 6:17 ಇನಾಹುತಿ ಇತ್ತಿ ಉಪ್ಪರ ಮನೆ ತ್ರಾಸ ಕರೊ ನಕೊ. ಮಾರಾ ಅಂಗಪರ ರ‍್ಹಯಲ ದುಕ್ಕೊನೆ ವಳಕ ಛೆ. ಮಿ ಕ್ರಿಸ್ತವಾಲೊ ವ್ಹೈ ಕವಾನು ಎಜ಼ ವಳಕ ವ್ಹೈ.
GAL 6:18 ಮಾರಾ ಭಾಯೊ ಭೆನೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಕೃಪಾ ತುಮಾರಾ ಆತ್ಮಾನಾ ಕ್ಹಾತೆ ರ‍್ಹವಾದೆ ಆಮೆನ್.
EPH 1:1 ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ಮಿ ಕ್ಹುದಾನಿ ಆಸನಿಂಗತ ಅಪೊಸ್ತಲ ಥಯೊಸ. ಎಫೆಸ ಗಾಮ್ಮಾ ರ‍್ಹವಾಲಾ ವರಿ ಕ್ರಿಸ್ತ ಯೆಸುಪರ ಬರೊಕ್ಹೊ ಮ್ಹೆಲಲ ಪರಿಶುದ್ಧ ಕ್ಹುದಾನಾ ಮನಕ್ಹೊನೆ ಮಿ ಎ ಪತ್ರ ಬರ್ದಾಡ್ಯೊಸ.
EPH 1:2 ಅಪ್ನೊ ಬಾ ಥಯಲ ಕ್ಹುದಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತ ತುಮೊನೆ ಮರಗಾ ಶಾಂತಿ ದಿವಾದೆ.
EPH 1:3 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೊ ಕ್ಹುದಾ ಬಾ ಥಯಲವಾಲಾನೆ ಸ್ತೊತ್ರ ಥಾವಾದೆ. ಸ್ವರ್ಗಮಾ ರ‍್ಹವಾನು ಹರ ಯಕ್ಕ ಆಶಿರ್ವಾದ ಕ್ಹುದಾ ಅಪೊನೆ ಕ್ರಿಸ್ತಮಾ ದಿದ್ಯೊಸ.
EPH 1:4 ಜಗತ್ತ ಸೃಷ್ಟಿ ಥಾವಾತಿ ಪೈಲಾಜ಼ ಕ್ಹುದಾ ಅಪೊನೆ ಕ್ರಿಸ್ತಮಾ ಇನಿಲಿದ್ಯೊ. ತಿನಿ ಸನ್ನಿಧಿಮಾ ಅಪೆ ಮಯಾಕ್ಹು ರ‍್ಹೈನ ಪರಿಶುದ್ಧ ನಿರದೊಷಿಯೊ ರ‍್ಹಯಲ ರ‍್ಹೌಕೈನ ತಿನು ಉದ್ದೆಶ ವ್ಹತ್ತು.
EPH 1:5 ಅಪೊಪರ ರ‍್ಹಯಲ ಮಯಾಕ್ಹು ಕ್ರಿಸ್ತ ಯೆಸುನಾ ಮುಲಕ ಅಪೊನೆ ತಿನಾ ಸ್ವಂತ ಬಚ್ಚಾ ಥೈನ ಕರಿಲಿವಾನೆ ತೆ ಪೈಲಾಜ಼ ನಿರಧಾರ ಕರ‍್ಯೊತೊ. ತೆ ತಿನಿ ಚಿತ್ತ ವರಿ ಉದ್ದೆಶ ವ್ಹತ್ತಿ.
EPH 1:6 ಕ್ಹುದಾನಿ ಮರಗಾಕ್ಹು ಥಯಲ ಎ ನಿರಧಾರ ತಿನೆ ಸ್ತೊತ್ರಾ ಥಾವಾನೆ ಕಾರಣ ವ್ಹೈ. ಕ್ಹುದಾ ತೆ ಮರಗಾ ತಿನಾ ಮಯಾನಾ ದಿಕ್ರಾನಾ ಮುಕಾಂತರ ಅಪೊನೆ ಉಪಾರ ಮನಸ್ಸಕ್ಹು ದಿದ್ಯೊಸ.
EPH 1:7 ತಿನಾ ರಗತಕ್ಹು ಅಪೊನೆ ಬಿಡುಗಡೆ ಮಳಿ. ಕ್ಹುದಾನಿ ಮ್ಹೊಟಿ ಮರಗಾಕ್ಹು ಅಪ್ನಾ ಪಾಪೊ ಮಾಫ ಥಯಾ.
EPH 1:8 ಕ್ಹುದಾ ಅಪೊನೆ ತೆ ಮರಗಾ ಪುರಾಜ಼ ಉದಾರ ಮನಸಕ್ಹು ದೆಕಾಡ್ಯೊ. ಕ್ಹುದಾ ತೆ ದಡೈನ ಮ್ಹೆಲಲ ಪ್ಲಾನ ಅಪೊನೆ ತಿಳಾಸಾನಾ ಮುಕಾಂತರ ಅಪೊನೆ ಪುರಾಜ಼ ಗ್ಯಾನ ತಿಳವಳಿಕಿ ದಿದ್ಯೊ.
EPH 1:9 ಕ್ಹುದಾ ಎ ತಿನಿ ಉದ್ದೆಶಕ್ಹು ಕರ‍್ಯೊ. ಕ್ರಿಸ್ತನಾ ಮುಲಕ ಎ ಪುರಾ ಕರಾನೆ ತೆ ಪ್ಲಾನ ಕರ‍್ಯೊ.
EPH 1:10 ಕಾಲ ಪುರಾ ಥಯಲಪರ ಜಿಮಿನ ವರಿ ಸ್ವರ್ಗಮಾ ರ‍್ಹಯಲ ಕ್ಹಾರುಜ಼ ಕ್ರಿಸ್ತಮಾ ಮಳೈನ ತಿನಿ ಅಧಿನ ಕರು ಕೈನ ಕ್ಹುದಾನಿ ಯೊಜನೆ ವ್ಹತಿ.
EPH 1:11 ತೆನೈಸೊ ಅಪೆ ಕ್ಹುದಾನಾ ಬಚ್ಚಾ಼ ಥೈಯೆ ಕೈನ ಕ್ರಿಸ್ತಮಾ ಅಪೊನೆ ಇನಿಲಿದ್ಯಾ. ಅಪೆ ತಿನಾ ಬಚ್ಚಾ಼ ಥೈಯೆಕೈನ ಕ್ಹುದಾ ತಿನಿ ಚಿ಼ತ್ತಲಿಂಗತ ಪೈಲಾಜ಼ ಪ್ಲಾನ ಕರ‍್ಯೊತೊ.
EPH 1:12 ಇಮ್ಮ ರ‍್ಹತಾಮಾ ತಿನಿ ವಿಚಾರ ವರಿ ಆಸಲಿಂಗತ ಹರಿಯಕ್ಕ ಕರಾಲೊ ಕ್ಹುದಾಜ಼ ವ್ಹೈ.
EPH 1:13 ಎ ತುಮೊನೆಬಿ ಲಾಗು ಥಾವಸ. ತುಮೆ ಕ್ಹರಿ ಭೊದನೆನಾ ಹುತಿ ಕದ್ಯಾಮ ತುಮಾರಿ ರಕ್ಷಣೆನಾ ಹುತಿ ಸುವಾರ್ತೆನಾ ಹುತಿ ಪುಚ್ತಾ಼ಮಾ ಕ್ರಿಸ್ತಮಾ ಬರೊಕ್ಹೊ ಮ್ಹೆಲೊ. ಕ್ಹುದಾ ತಿನಿ ವಾಗ್ದಾನನಾ ಲಿಂಗತ ತುಮೊನೆ ಪವಿತ್ರ ಆತ್ಮಾನೆ ದಿವಾನಾ ಮುಕಾಂತರ ತುಮೊಪರ ತಿನಿ ಖಾಸ ರ‍್ಹಯಲ ಶಿಕ್ಕೊ ಘಾಲ್ಯೊ.
EPH 1:14 ಕ್ಹುದಾ ತಿನಾ ಮನಕ್ಹೊ ವಗ್ದಾನ ಕರಲ ಕ್ಹಾರು ಅಪೆ ವ್ಹಂದಿಲಿಯೆಸ ಕವಾನೆ ತೆ ಪವಿತ್ರ ಆತ್ಮಾಜ಼಼ ಕ್ಹಮ ಥೈಸ. ಕ್ಹುದಾ ಕಮೈಲಯಿದಲ ಮನಕ್ಹೊನಿ ಎ ಪುರಾಜ಼ ವಿಮೊಚನೆ ಕರಸ. ಕ್ಹುದಾನಿ ಮಹಿಮಾನೆ ಸ್ತೊತ್ರಾ ಥೌ ಕೈನ ಎ ಕ್ಹಾರಾನು ಉದ್ದೆಶ ಥೈಯುಸ.
EPH 1:15 ಕರ್ತಾ ತಿನಾಹುತಿಜ಼ ಮಾರಿ ಪ್ರಾಥನಾಮಾ ಮಿ ತುಮೊನೆ ಶೆ ಕರಿಲಿನ ತುಮಾರಿ ವಿಷಯಮಾ ಕ್ಹುದಾನೆ ಹಮೆಶಾಬಿ ಸ್ತೊತ್ರ ಕೌಸ ಪ್ರಭು ಥಯಲ ಯೆಸುಮಾ ತುಮೊನೆ ರ‍್ಹಯಲ ಬರೊಕ್ಹಾನಾ ಹುತಿ
EPH 1:16 ವರಿ ಕ್ಹಾರಾ ಕ್ಹುದಾನಾ ಮನಕ್ಹೊಪರ ತುಮೊನೆ ರ‍್ಹಯಲ ಮಯಾನಾ ಹುತಿ ಐಕಲ ದಿನಂತೊಬಿ ಮಿ ತುಮಾರಿ ವಿಷಯಮಾ ಕ್ಹುದಾನೆ ಸ್ತೊತ್ರ ಕೌಸ.
EPH 1:17 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಕ್ಹುದಾ ಮಹಿಮಾನೊ ಸ್ವರುಪ ಥಯಲ ಬಾ ಥಯಲವಾಲಾನೆ ಮಿ ಹಮೆಶಾಬಿ ಪ್ರಾಥನಾ ಕರುಸ ಕ್ಹುದಾನಿ ಗ್ಯಾನಕ್ಹು ಕದ್ಯಾಮ ತೆ ತುಮೊನೆ ತಿಳಸಾಯಲ ಗ್ಯಾನಕ್ಹು ತುಮೊನೆ ಗ್ಯಾನಿ ಕರಾನಿ ಆತ್ಮಾ ತೆ ತುಮೊನೆ ದಿವಾದೆ ಕೈನ ಮಿ ಪ್ರಾಥನಾ ಕರುಸ.
EPH 1:18 ತುಮೆ ತುಮಾರಾ ಮನಸ್ಮಾ ಹಜು಼ನ ಹೆಚ್ಕಿ಼ ಗ್ಯಾನ ಆವಾದೆ ಕೈನ ಪ್ರಾಥಾನ ಕರುಸ ಅಪೆ ಕೆಯ್ಯೊ ಆಸ ಹೊಂದಿಲ್ಯು ಕೈನ ಕ್ಹುದಾ ಅಪೊನೆ ಇನಿಲಿದ್ಯೊಸ ಕವಾನು ತೆಳಾಮಾ ತಿಳದಿಲಿವೊಸಿ; ತೆ ತಿನಾ ಪರಿಶುದ್ಧ ಮನಕ್ಹೊನೆ ವಾಗ್ದಾನ ಕರಲ ಆಶಿರ್ವಾದ ಕೆಕ್ಲು ಮ್ಹೊಟು ವ್ಹೈ ಕವಾನು ತಿಳ್ದಿಲಿವೊ.
EPH 1:19 ಬರೊಕ್ಹೊ ಮ್ಹೆಲಾನು ಅಪೊನೆ ಕ್ಹುದಾನಿ ತಾಕತ ಕೆಕ್ಲೊ ಮ್ಹೊಟು ವ್ಹೈ ಕವಾನು ತೆಳಾಮಾ ತುಮೆ ತಿಳದಿಲಿವೊಸಿ. ಕ್ರಿಸ್ತನೆ ಮರಣಮಾತೊ ಜಿವ್ತೊ ಕರಿನ ಉಟಾಡಾನೆ ಕ್ಹುದಾ ಉಪಯೊಗ ಕರಲ ಮ್ಹೊಟಿ ತಾಕತ ತೆಜ಼ ವ್ಹೈ.
EPH 1:20 ಕ್ಹುದಾ ಕ್ರಿಸ್ತನೆ ಸ್ವರಗಾಮಾ ತಿನಾ ಶಿದಾಬಗಲ ಬೈಟಾಡಿಲಿದ್ಯೊ.
EPH 1:21 ಕ್ಹುದಾ ಕ್ರಿಸ್ತನೆ ಕ್ಹಾರಾ ಅದಿಪತಿಯೊತಿಬಿ ಅದಿಕಾರಿಯೊತಿಬಿ ತಾಕತವಾಲಾವೊತಿಬಿ ರಾಜಾ಼ವೊತಿಬಿ ಮ್ಹೊಟೊ ಕರ‍್ಯೊ. ಎ ದುನಿಯಾಮಾ ರ‍್ಹೈನೆಕಾ ಅಗಲ್ಯಾ ದುನಿಯಾಮಾ ರ‍್ಹವಾದೆ ದಿದಲ ಕಯುಬಿ ನಾಮ ರ‍್ಹಯಲವಾಲಾವೊತಿಬಿ ಕ್ರಿಸ್ತ ಮ್ಹೊಟೊ ವ್ಹೈ.
EPH 1:22 ಕ್ಹುದಾ ಹರಿ ಯಕ್ಕಪರ ಕ್ರಿಸ್ತನಾ ಅದಿಕಾರಮಾ ದಿದ್ಯೊ. ಸಬೆನಾ ಹುತಿ ಕ್ಹುದಾ ತಿನೆ ಹರಿಯಕ್ಕಪರ ಮ್ಹೊಟೊ ಕರ‍್ಯೊ.
EPH 1:23 ಸಬೆ ಕ್ರಿಸ್ತನು ಅಂಗ ಥಯುಸ. ಸಬೆ ಕ್ರಿಸ್ತಕ್ಹು ಭರಿ ಗೈಯುಸ. ತೆ ಕ್ಹಾರುಜ಼ ಹರಿಯಕ್ಕ ವಿಷಯಮಾ ಪುರಾ ಕರಸ.
EPH 2:1 ಪೈಲಾ ತುಮಾರಿ ಆತ್ಮಿಕ ಜಿವ್ನಾ, ತುಮಾರಾ ಪಾಪೊ ವರಿ ತುಮೆ ಅವಿಧೆಯತೆನಾ ಕಾಮೊಕ್ಹು ಮರಿ ಗಯಾತಾ.
EPH 2:2 ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.
EPH 2:3 ಪೈಲಾ ಅಪೆ ಕ್ಹಾರಾ ತೆ ಮನಕ್ಹೊ ಲಿಂಗತ ಜಿವ್ಸಾಡಾತಾ. ಅಂಗನಾ ಅಪ್ನಾ ಆಸೊ ಪುರಾ ಕರಾನೆ ಅಪೆ ಕೊಶಿಶ ಕರಾಡಾತಾ. ಅಪ್ನು ಅಂಗ, ಮನಸ್ಸ ಆಸ ಕರಲ ಕ್ಹಾರು ಅಪೆ ಕರ‍್ಯಾ. ಅಪೆ ದುಷ್ಟ ಮನಕ್ಹೊ ಥಯಾತಾ. ಅಪ್ನಿ ತೆ ಜಿವಿತಕ್ಹು ಅಪೆ ತೆಳಾಮಾಜ಼ ಕ್ಹುದಾನಿ ಶಿಟ್ಟನೆ ಗುರಿ ಥಾವಾನು ವ್ಹತ್ತು. ಅಪೊನೆ ವರಿ ಬಿಜಾ಼ ಮನಕ್ಹೊನೆ ಕಯುಜ಼ ಫರಕಜ಼ ನ್ಹೊತು.
EPH 2:4 ತೆ ನೈಸೊ ಮರಗಾನೊ ಮಾಲಕ ಥಯಲ ಕ್ಹುದಾ ಅಪೊನೆ ಘನ್ನೊ ಮಯಾ ಕರ‍ಸ ಕೈನ ದೆಕಾಡಿನ ದಿದ್ಯೊಸ
EPH 2:5 ಅಪೆ ಕ್ಹುದಾನೆ ವಿರುದ್ದ ಥೈನ ಕರಲ ಕಾಮೊಕ್ಹು ಆತ್ಮಿಕಮಾ ಮರಲವಾಲಾ ಥಯಾತಾ. ತೆ ನೈಸೊ ಅಪೊನೆ ಕ್ರಿಸ್ತನಾ ಕ್ಹಾತೆ ವಚಾ಼ಡ್ಯೊ. ತುಮೆ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ.
EPH 2:6 ಕ್ಹುದಾ ಅಪೊನೆ ಕ್ರಿಸ್ತನಾ ಕ್ಹಾತೆ ಉಟಾಡಿನ ತಿನಾ ಕ್ಹಾತೆ ಸ್ವರ್ಗಮಾ ಸಿಂಹಾಸನನಾ ಉಪ್ಪರ ಬೈಟಾಡ್ಯೊಸ. ಕ್ರಿಸ್ತ ಯೆಸುಮಾ ರ‍್ಹವಾಲಾ ಅಪ್ನಾ ಹುತಿ ಕ್ಹುದಾ ಎ ಕರ‍್ಯೊ.
EPH 2:7 ಕ್ಹುದಾ ತಿನಾ ಮ್ಹೊಟಿ ಕೃಪಾನೆ ಅಗಲ್ಯಾ ದುನಿಯಾಮಾ ದೆಕಾಡು ಕೈನ ಅಮ ಕರ‍್ಯೊಸ. ಕ್ಹುದಾ ಎ ಕೃಪಾ ತಿನಿ ಮರಗಾಕ್ಹು ಅಪೊನೆ ಕ್ರಿಸ್ತ ಯೆಸುಮಾ ದೆಕಾಡಸ.
EPH 2:8 ತಿನಾಹುತಿ ತುಮೆ ಬರೊಕ್ಹಾನಾ ಮುಲಕ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ. ತೆ ರಕ್ಷಣೆ ತುಮೊಕ್ಹು ಥಯಲ ನ್ಹವ್ಹೈ, ತೆ ಕ್ಹುದಾನು ವರ ವ್ಹೈ.
EPH 2:9 ತುಮೊನೆ ರಕ್ಷಣೆ ಮಳಲ ತುಮಾರಾ ಚೊ಼ಕಾ ಕಾಮೊಕ್ಹು ನ್ಹವೈ. ತಿನಾಹುತಿ ತಿನೆ ತೆಜ಼ ವಚಾ಼ಡಿಲಿದ್ಯೊಸ ಕೈನ ಕುನ್ನಜ಼ ತಾರಿಫ ಕರಿಲಿವಾನೆ ಸಾಧ್ಯ ನತ್ತಿ.
EPH 2:10 ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ‍್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ‍್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ‍್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.
EPH 2:11 ತಿನಾಹುತಿ ತುಮೆ ಹುಟ್ಟಲ ತೆಳತಾ ಬಿಜಾ಼ ಮನಕ್ಹೊ ಥಯಾತಾ. ತುಮೊನೆ "ಸುನ್ನತಿ ನೈ ರ‍್ಹಯಲವಾಲಾ" ಕೈನ ಯಹುದ್ಯೊ ಬಲಾವಸ. ತುಮೊನೆ "ಸುನ್ನತಿ ನೈ ರ‍್ಹಯಲವಾಲಾ" ಕೈನ ಬಲಾವಾಲಾ ಯಹುದ್ಯೊ ತ್ಯುನಾ ಹುತಿ "ಸುನ್ನತಿವಾಲಾ" ಕೈನ ಕೈಲಿವಸ. ತ್ಯುನಿ ಸುನ್ನತಿ ಅಂಗಮಾ ಹತೊಕ್ಹು ಕರಲ ರ‍್ಹವಸ.
EPH 2:12 ಪೈಲಾನಾ ಕಾಲ್ಮಾ ತುಮೆ ಕ್ರಿಸ್ತ ನೈಸೊವಾಲಾ ಥಯಾತಾ ಕವಾನು ಶೆ ಕರಿಲಿವೊ. ತುಮೆ ಇಸ್ರೆಲನಾ ಮನಕ್ಹೊ ನ್ಹೊತಾ. ಕ್ಹುದಾ ತಿನಾ ಮನಕ್ಹೊನಾ ಕ್ಹಾತೆ ಕರಲ ವಾಗ್ದಾನೊನೆ ಸಂಬಂಧ ರ‍್ಹಯಲ ವಡಂಬಡಿಕೆನೆ ತುಮೆ ವ್ಹಂದಿಲಿದಲ ನ್ಹೊತಾ. ತುಮೊನೆ ಆಸ ನ್ಹೊತಿ ವರಿ ತುಮೆ ಕ್ಹುದಾನೆ ತಿಳ್ದಿಲಿದಲ ನ್ಹೊತಾ.
EPH 2:13 ಹೊ, ತುಮೆ ಯಕ್ಕ ಟೈಮಮಾ ಕ್ಹುದಾಕ್ಹು ಘನ್ನಾ ದುರ ವ್ಹತ್ತಾ. ತೆನೈಸೊ ಹಮ್ನಾ ತುಮೆ ಕ್ರಿಸ್ತ ಯೆಸುನಾ ರಗತಕ್ಹು ಕ್ಹುದಾನಾ ನಜ್ದಿಕ ರ‍್ಹಯಲವಾಲಾ ಥಯಾಸ.
EPH 2:14 ಕ್ರಿಸ್ತಕ್ಹು ತುಮೊನೆ ಹಮ್ನಾ ಸಮಾದಾನ ಮಳ್ಯುಸ. ಕ್ರಿಸ್ತ ಯಹುದಿಯೊನೆ ಯೆಹುದಿ ನೈಸೊವಾಲಾವೊನೆ ಯಕ್ಕಜ಼ ಜನಾಂಗ ಥೈನ ಕರ‍್ಯೊಸ. ಯಹುದ್ಯೊ ಯಹುದ್ಯೊ ನೈಸೊವಾಲಾ ತ್ಯುನಾ ವಚ್ಮಾ ಯಕ್ಕ ಅಡ್ಡ ಗೊಡಿ ಛೆ ಕೈನ ಬಿಜಾ಼ ಥಯಾತಾ. ತ್ಯುನೆ ಯಕ್ಕನೆ ಯಕ್ಕ ದ್ವೆಶ ಕರ‍್ತಾತಾ. ತೆನೈಸೊ ಕ್ರಿಸ್ತ ತಿನು ಅಂಗಜ಼ ದಿವಾನಾ ಮುಲಕ ದ್ವೆಷ ಕವಾನಿ ಗೊಡಿನೆ ಪಾಡಿ ಪಾಡ್ಯೊ.
EPH 2:15 ಯೆಹುದಿಯೊನು ಧರಮಶಾಸ್ತ್ರ ಘನ್ನಾ ಆಗನ್ಯಾ ನಿಯಮೊ ವ್ಹಂದಲ ಛೆ. ತೆ ನೈಸೊ ಕ್ರಿಸ್ತ ತೆ ಧರಮಶಾಸ್ತ್ರನೆ ಪುರಾ ಕರ‍್ಯೊ. ಯಹುದಿಯೊನೆ ವರಿ ಯೆಹುದಿ ನೈಸೊವಾಲಾವೊನೆ ತಿನಾಮಾ ಯಕ್ಕಜ಼ ಜನಾಂಗ ಕರಿನ ಶಾಂತಿ ಖಾಯಮ ಕರು ಕವಾನುಜ಼ ಕ್ರಿಸ್ತನು ಉದ್ದೆಶ ವ್ಹತ್ತು.
EPH 2:16 ಎ ಭಂಬಿ ಜನಾಂಗೊನಾ ವಚ್ಮಾ ರ‍್ಹಯಲ ದ್ವೆಶ ಕ್ರಿಸ್ತ ಶಿಲುಬಿನಾ ಮುಲಕ ಪುರಾ ಕರ‍್ಯೊ. ಎ ಜನಾಂಗೊ ಯಕ್ಕಜ಼ ಅಂಗ ಥಯಲ್ಪರ ತ್ಯುನೊನೆ ಕ್ಹುದಾ ಕನ ಚ಼ಲೌ ಕವಾನುಜ಼ ಕ್ರಿಸ್ತನು ಆಸ ವ್ಹತ್ತು. ಶಿಲುಬಿ ಪರ ಜ಼ಲಮ ದಿವಾನಾ ಮುಲಕ ಕ್ರಿಸ್ತ ತಿನಿ ಎ ಆಸ ಪುರಾ ಕರ‍್ಯೊ.
EPH 2:17 ಕ್ಹುದಾಕ್ಹು ದುರ ಥಯಲ ತುಮೊಕನಬಿ ನಜ್ದಿಕ ರ‍್ಹಯಲವಾಲಾವೊಕನಬಿ ಕ್ರಿಸ್ತ ಐನ ಸಮಾಧಾನನಾ ಹುತಿ ಉಪದೆಶ ಕರ‍್ಯೊ.
EPH 2:18 ಹೊ, ಕ್ರಿಸ್ತನಾ ಮುಲಕ ಅಪೆ ಕ್ಹಾರಾ ಯಕ್ಲಾನಾ ಆತ್ಮಾಕ್ಹು ಅಪ್ನೊ ಬಾ ಥಯಲ ಕ್ಹುದಾ ಕನ ಆವಾನೆ ಶಕ್ತ ಥಯಾಸ.
EPH 2:19 ತಿನಾಹುತಿ ಯಹುದ್ಯೊ ನೈಸೊವಾಲಾ ಥಯಲ ತುಮೆ ಹಮ್ನಾ ಭಾರಲ್ಯಾ ದೆಶವಾಲಾ ನ್ಹವ್ಹೈ ವರಿ ಬಿಜಾ಼ ಮನಕ್ಹೊ ನ್ಹವ್ಹೈ. ಹಮ್ನಾ ತುಮೆ ಕ್ಹುದಾನಾ ಪರಿಶುದ್ಧ ಮನಕ್ಹೊನಾ ಕ್ಹಾತೆ ಮನಕ್ಹೊ ಥಯಾಸ. ತುಮೆ ಕ್ಹುದಾನಾ ಘರದಾನನೆ ಮಳಲವಾಲಾ ಥಯಾಸ.
EPH 2:20 ವಿಶ್ವಾಸಿಯೊ ಥಯಲ ತುಮೆ ಕ್ಹುದಾನು ಸ್ವಂತ ಘರ ಥಯಾಸ. ಅಪೊಸ್ತಲೊ ಪ್ರವಾದಿಯೊ ಕವಾನಿ ಫಾಯಾನಾ ಉಪ್ಪರ ತೆ ಘರ ಭಾಂದಲ ಛೆ. ಕ್ರಿಸ್ತಜ಼ ತೆ ಘರನೊ ಮುಲಾಮಾನೊ ದಗ್ಡೊ ಥಯೊಸ.
EPH 2:21 ಪುರಾ ಘರಜ಼ ಕ್ರಿಸ್ತಮಾ ಯಕ್ಕ ಥೈನ ಛೆ. ಕ್ರಿಸ್ತಜ಼ ತೆ ಬೆಳಸಿನ ಪ್ರಭುಮಾ ಪರಿಶುದ್ಧ ಥಯಲ ದೆವಾಲಯ ಕರಸ.
EPH 2:22 ತುಮೆ ಕ್ರಿಸ್ತಮಾ ಬಿಜಾ಼ ಮನಕ್ಹೊನಾ ಕ್ಹಾತೆ (ಯೆಹುದಿಯೊನಾ ಕ್ಹಾತೆ) ಭಂದಾವಾಡಾಸ. ಕ್ಹುದಾ ತಿನಿ ಆತ್ಮಾನಾ ಮುಲಕ ರ‍್ಹವಾ ವರಕ್ಹು ರ‍್ಹವಾನಿ ಜ಼ಗಾ ಥೈನ ರ‍್ಹವಾಡಾಸ.
EPH 3:1 ಪೌಲಾ ಕವಾಲೊ ಮಿ ಕ್ರಿಸ್ತ ಯೆಸುನೊ ಸೆರೆ ಆಳ ವ್ಹೈ. ಯಹುದ್ಯೊ ನೈಸೊ ತುಮಾರಾ ಹುತಿ ಮಿ ಸೆರೆ ಆಳ ಥಯೊಸ.
EPH 3:2 ಕ್ಹುದಾ ತಿನಿ ಕೃಪಾನಾ ಮುಲಕ ಮನೆ ಎ ಕಾಮ ದಿದ್ಯೊಸ ಕವಾನು ತುಮೊನೆ ಕ್ಹರಿಬಿ ಗ್ವತ್ತ ಛೆ. ತುಮೊನೆ ಮದತ ಕರಾನೆ ಕ್ಹುದಾ ಎ ಕಾಮ ಮನೆ ದಿದ್ಯೊ.
EPH 3:3 ಕ್ಹುದಾ ತಿನಾ ದಡಿ ರ‍್ಹಯಲ ವಿಚಾರ ಮನೆ ತಿಳಸಾಯೊ ವರಿ ದೆಕಾಡ್ಯೊ. ಇನಾ ಹುತಿ ಮಿ ತೆಳಾಮಾಜ಼ ತುಮೊನೆ ದಕ್ಹು ಬರ್ದ್ಯೊಸ.
EPH 3:4 ಮಿ ಬರ್ದಲ ಎ ಸಂಗತಿಯೊ ತುಮೆ ಒದಲ ರ‍್ಹಯಾಮ ಕ್ರಿಸ್ತನು ದಡಿ ರ‍್ಹಯಲ ಕ್ಹರಿನೆ ಮಿ ಕ್ಹರಿಬಿ ತಿಳದಿಲಿದ್ಯೊಸ ಕವಾನು ತುಮೊನೆ ಗ್ವತ್ತ ಥಾವಸ.
EPH 3:5 ಪಾಚ಼ಲ್ಯಾ ಕಾಲಮಾ ರ‍್ಹಯಲ ಮನಕ್ಹೊನೆ ತೆ ದಡಿನೆ ರ‍್ಹಯಲ ಕ್ಹರಿನೆ ತೆ ತಿಳಸಾಯೊ ನೈ. ಹಮ್ನಾ ತುಬಿ ಕ್ಹುದಾ ತಿನಿ ಆತ್ಮಾನಾ ಮುಲಕ ತೆ ದಡಿನ ರ‍್ಹಯಲ ಕ್ಹರಿನೆ ತಿನಿ ಪರಿಶುದ್ಧ ಅಪೊಸ್ತಲೊನೆಬಿ ಪ್ರವಾದಿಯೊನೆಬಿ ದೆಕಾಡ್ಯೊಸ.
EPH 3:6 ಎ ತೆ ದಡಿನೆ ರ‍್ಹಯಲ ಕ್ಹರಿ; ಯಹುದ್ಯೊ ನೈಸೊವಾಲಾ ಸುವಾರ್ತೆನಾ ಮುಲಕ ಕ್ರಿಸ್ತ ಯೆಸುಮಾ ರ‍್ಹವಾಲಾ ಥೈನ ಯೆಹುದಿಯೊನಾ ಕ್ಹಾತೆ ಯಕ್ಕಜ಼ ಅಂಗ ರ‍್ಹಯಲವಾಲಾ ವಾಗ್ದಾನಮಾ ಪಾಲ ಲಿವಾಲಾ ಥಯಾಸ.
EPH 3:7 ಕ್ಹುದಾ ದಿದಲ ಖಾಸ ಕೃಪಾ ವರಕ್ಹು ಮಿ ಸುವಾರ್ತೆ ತಿಳಸಾನಾ ಹುತಿ ಸೆವಕ ಥಯೊ. ಕ್ಹುದಾ ತಿನಿ ತಾಕತ ಉಪಯೊಗ ಕರಿನ ಮನೆ ತೆ ಕೃಪಾ ವರ ದಿದ್ಯೊ.
EPH 3:8 ಕ್ಹುದಾನಾ ಮನಕ್ಹೊಮಾ ಮಿಜ಼ ನ್ಹಾನೊ ವ್ಹೈ. ಕ್ರಿಸ್ತನಿ ಆಸ್ತಿನಾ ಹುತಿ ರ‍್ಹಯಲ ಸುವಾರ್ತೆನೆ ಮಿ ಯಹುದ್ಯೊ ನೈಸೊವಾಲಾವೊನೆ ತಿಳಸೌ ಕೈನ ಕ್ಹುದಾ ಮನೆ ಕೃಪಾ ವರ ದಿದ್ಯೊ. ತೆ ಆಸ್ತಿ ಪುರಾ ಕಳೈಲಿವಾನೆ ಸಾಧ್ಯ ನತ್ತಿ.
EPH 3:9 ದಡಿನ ರ‍್ಹಯಲ ತಿನಾ ವಿಚಾರೊ ಕ್ಹಾರಾ ಮನಕ್ಹೊನೆ ತಿಳಸೌ ಕವಾನು ಕಾಮ ಕ್ಹುದಾ ಮನೆ ದಿದ್ಯೊ. ಪೈಲಾನಾ ಕಾಲ್ತು ತೆ ಕ್ಹುದಾ ಕನ ದಡಿನ ವ್ಹತ್ತು. ಹರಯಕ್ಕ ಸೃಷ್ಟಿ ಕರಲವಾಲೊ ಕ್ಹುದಾಜ಼ ವ್ಹೈ.
EPH 3:10 ತಿನಾ ಬಿಜಾ಼-ಬಿಜಾ಼ ತರಾನು ಗ್ಯಾನ ಆಕಾಶ ಮಂಡಳಮಾ ರ‍್ಹವಾನಾ ಕ್ಹಾರಾ ಅದಿಪತಿಯೊನೆ ಅದಿಕಾರಿಯೊನೆ ಹಮ್ನಾ ಸಭೆನಾ ಮುಲಕ ಗ್ವತ್ತ ಥೌ ಕವಾನು ಕ್ಹುದಾನು ಉದ್ದೆಶ ವ್ಹತ್ತು.
EPH 3:11 ಪೈಲಾನಾ ಕಾಲ್ತೊ ಎಜ಼ ಕ್ಹುದಾನು ವಿಚಾರ ವ್ಹತ್ತು. ಕ್ಹುದಾ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ತಿನಿ ವಿಚಾರ ಲಿಂಗತ ಕರ‍್ಯೊ.
EPH 3:12 ಅಪೆ ಕ್ರಿಸ್ತಮಾ ರ‍್ಹವಾನಾ ಬರೊಕ್ಹಾನಾ ಮುಲಕ ಕ್ಹುದಾ ಕನ ಸ್ವಾತಂತ್ರ ಕ್ಹು ವರಿ ಭೆವಾಚಿ ಜಾ಼ವಾನೆ ಸಾಧ್ಯ ಥಯು.
EPH 3:13 ಇಮ್ಮ ರ‍್ಹತಾಮಾ ಮಿ ತುಮಾರಾ ಹುತಿ ಆವಾನಾ ತ್ರಾಸೊ ದೆಕಿನ ದುಖಿ ಥೈನ ಧೈರ್ಯ ಜ಼ವೈಲಿವೊ ನಕೊ. ಮಾರಾ ತ್ರಾಸೊ ತುಮೊನೆ ಮರ್ಯಾದಿ ಲಾವಸ.
EPH 3:14 ತಿನಾಹುತಿ ಬಾನಾ ಕ್ಹಾಮಾ ಉಂದಾ ಗುಡ್ಗಾ ಘಾಲುಸ.
EPH 3:15 ಭುಲೊಕಮಾ ವರಿ ಸ್ವರ್ಗಮಾ ರ‍್ಹವಾನು ಹರಯಕ್ಕ ಘರದಾನು ತಿನಾಕ್ಹು ತಿನು ಕ್ಹರಿ ನಾಮ ವ್ಹಂದಿಲಿವಸ.
EPH 3:16 ಎ ತುಮಾರಾ ಆತ್ಮಾವೊನೆ ಘಟ್ಟ ಥೈನ ರ‍್ಹವಾನೆ ಚಾ಼ಯೆ ಥಯಲ ತಾಕತ ತಿನಿ ಮಹಿಮಾನಾ ಪ್ರಕಾರ ದಿವ್ ಕೈನ ಬಾ ಕನ ಮಾಂಗಿಲ್ಯುಸ. ತೆ ತಿನಿ ಆತ್ಮಾನಾ ಮುಲಕ ತುಮೊನೆ ತೆ ತಾಕತ ದಿವಸ.
EPH 3:17 ತುಮಾರಾ ಬರೊಕ್ಹಾನಾ ಮುಲಕ ಕ್ರಿಸ್ತ ತುಮಾರಾ ಮನಸ್ಸೊಮಾ ರ‍್ಹೌ ಕೈನ ಪ್ರಾಥನಾ ಕರುಸ. ತುಮಾರಿ ಜಿವ್ನಾ ಮಯಾಮಾ ಘಟ್ಟ ಥೈನ ರ‍್ಹೌ ಕೈನ ವರಿ ಮಯಾನಾ ಉಪ್ಪರ ಭಂದೌ ಕೈನ ಮಾಂಗಿಲ್ಯುಸ.
EPH 3:18 ತುಮೆ ವರಿ ಕ್ಹುದಾನಾ ಪರಿಶುದ್ಧ ಮನಕ್ಹೊ ಕ್ಹಾರಾ ಕ್ರಿಸ್ತನಿ ಮಯಾನಿ ಮಹತ್ವನೆ ಮತ್ಲಬ ಕರಿಲಿವಾನೆ ಚಾ಼ಯೆ ಥಯಲ ತಾಕತ ವ್ಹಂದಿಲಿದಲವಾಲಾ ಥೌ ಕೈನ ಪ್ರಾಥನಾ ಕರುಸ. ಕ್ರಿಸ್ತನಿ ಮಯಾನು ರುಂದಮಾ ಲಾಂಬಾಮಾ ವರಿ ಉಂಡಾಮಾ ಉಚ್ಚಾಮಾ ತುಮೆ ಅರ್ಥ ಕರಿಲ್ಯು ಕೈನ ಪ್ರಾಥನಾ ಕರುಸ.
EPH 3:19 ಕ್ರಿಸ್ತನಿ ಮಯಾ ಮನಕ್ಹೊ ತಿಳ್ದಿಲಿವಾನೆ ಸಾಧ್ಯ ನತ್ತಿ. ತೆನೈಸೊ ತೆ ಮಯಾನೆ ತುಮೆ ತಿಳ್ದಿಲಿವಾಲಾ ಥೌ ಕೈನ ಪ್ರಾಥನಾ ಕರುಸ. ತೆಳಾಮಾ ತುಮೆ ಕ್ಹುದಾನೆ ಪುರಾ ಮನಸ್ಸಕ್ಹು ಭರಲವಾಲಾ ಥಾವಾನೆ ಸಾಧ್ಯ ಥಾವಸ.
EPH 3:20 ಅಪ್ನೊಮಾ ಕಾಮ ಕರಾನು ತಿನಿ ತಾಕತಕ್ಹು ಅಪೆ ಪುಚ್ಚಾತಿಬಿ ವಿಚಾರ ಕರಾತಿಬಿ ಕೆಕ್ಲೊಕಿ ಘನ್ನು ಘನ್ನು ಕ್ಹುದಾ ಕರಸ.
EPH 3:21 ತಿನೆ ಸಭೆಮಾಬಿ ಕ್ರಿಸ್ತ ಯೆಸುಮಾಬಿ ತಲ ತಲಾಂತರಮಾಬಿ ಯುಗ ಯುಗಾಂತರಬಿ ಮಹಿಮಾ ಥಾವಾದೆ. ಆಮೆನ.
EPH 4:1 ಮಿ ಕ್ಹುದಾನೊ ರ‍್ಹಯಲ ಹುತಿ ಜೈಲಮಾ ಛೆ. ತುಮೆ ಕ್ಹುದಾಕ್ಹು ಬಲಾಯಲವಾಲಾ ವ್ಹೈ. ತಿನಾಹುತಿ ತುಮಾರಾ ಬಲಾಯನಾ ಹುತಿ ತಿನಾಲಿಂಗತ ಯೊಗ್ಯ ಥೈನ ಜಿವ್ನಾ ಕರು ಕೈನ ತುಮೊನೆ ಮಾಂಗಿಲ್ಯುಸ.
EPH 4:2 ಕೆಳಾಮಾಬಿ ತಗ್ಗಿನ, ವರಿ ತಾಳ್ಮೆಕ್ಹು ರ‍್ಹಯಲವಾಲಾ ಥೈನ ಯಕ್ನೆ ಯಕ್ಕ ಮಯಾಕ್ಹು ತಡ್ದಿಲಿನ ರ‍್ಹವೊ.
EPH 4:3 ತುಮೆ ತಿನಾ ಮುಲಕ ಸಮಾದಾನ ಕವಾನಾ ಬಂಧನೊ ಕ್ಹು ಯಕ್ಕ ಥಯಾಸ. ಇನಾ ಲಿಂಗತ ರ‍್ಹವಾನೆ ತುಮಾರಾ ಹತೆ ಥಯಲ ತೆಕ್ಲು ಕೊಶಿಶ ಕರೊ. ಸಮಾಧಾನ ತುಮೊನೆ ಕ್ಹಾರಾವೊನೆ ಯಕ್ಕ ಕರಾದೆ.
EPH 4:4 ಅಂಗ ಯಕ್ಕಜ಼ ವ್ಹೈ ವರಿ ಪವಿತ್ರ ಆತ್ಮಾಬಿ ಯಕ್ಲೊಜ಼ ವ್ಹೈ. ತುಮೆ ಕ್ಹಾರಾ ಯಕ್ಕಜ಼ ಆಸ ವ್ಹಂದಲ ರ‍್ಹೌ ಕೈನ ಕ್ಹುದಾ ತುಮೊನೆ ಬಲಾಯೊ.
EPH 4:5 ಯಕ್ಲೊಜ಼ ಪ್ರಭು ವ್ಹೈ, ಯಕ್ಕಜ಼ ಬರೊಕ್ಹೊ ವ್ಹೈ, ಯಕ್ಕಜ಼ ಬಾಪ್ತಿಸ್ಮ ವ್ಹೈ.
EPH 4:6 ಕ್ಹಾರಾವೊನೆ ಬಾ ಥಯಲ ಕ್ಹುದಾ ಯಕ್ಲೊಜ಼ ವ್ಹೈ. ತೆ ಕ್ಹಾರುಜ಼ ಅದಿಕಾರಕ್ಹು ಆಳಸ. ತೆ ಕ್ಹಾರಿ ಜ಼ಗಾ ರ‍್ಹವಾಲೊ ವ್ಹೈ ವರಿ ಕ್ಹಾರಾವೊಮಾ ರ‍್ಹವಾಲೊ ವ್ಹೈ.
EPH 4:7 ಕ್ರಿಸ್ತ ತುಮೊಮಾ ಹರ ಯಕ್ಲಾವೊನೆ ಖಾಸ ವರಾ ದಿದ್ಯೊಸ. ಹರಯಕ್ಲೊ ಕ್ರಿಸ್ತನಿ ಆಸ ಲಿಂಗತ ವರ ವ್ಹಂದಿಲಿದ್ಯೊಸ.
EPH 4:8 ತಿನಾಹುತಿಜ಼ ಪವಿತ್ರ ಗ್ರಂಥಮಾ ಇನಾ ಲಿಂಗತ ಬರ್ದಲ ಛೆ; "ತೆ ಉನ್ನತ ಜ಼ಗಾಪರ ಉಪ್ಪರ ಜಾ಼ತಾಮಾ ದುಶ್ಮನೊನೆ ಕೈದಿಯೊ ಕರಿನ ನಿಂಗೈನ ಮನಕ್ಹೊನೆ ದಾನ ಧರ್ಮ ಕರ‍್ಯೊ"
EPH 4:9 "ತೆ ಉನ್ನತ ಜ಼ಗಾಯೆ ಗಯೊ" ಕದ್ಯಾಮ ತೆ ಭುಲೊಕ ಪರ ಉತ್ರಿನ ಐನ,
EPH 4:10 ಜಿಮಿನನಾ ಅಧೊಲೊಕನೆ ಉತ್ರಿನ ಗೈನ, ತ್ಯಾಂತೊ ಹಬಾಳ ದಾಟಿನ ಉನ್ನತ ಜ಼ಗಾಯೆ ಗಯೊ ಮತ್ಲಬ ವ್ಹೈ. ಆಕಾಶ ಮಂಡಲಮಾ ತೆ ರ‍್ಹೌ ಕೈನ ತೆ ತಿಮ್ಮ ಕರ‍್ಯೊ.
EPH 4:11 ತೆ ದಕ್ಹಾ ಜ಼ನಾವೊನೆ ಅಪೊಸ್ತಲೊ ಕರಿನ ದಕ್ಹಾ ಜ಼ನಾವೊನೆ ಪ್ರವಾದಿ ಕರಿನ ದಕ್ಹಾ ಜ಼ನಾವೊನೆ ಸುವಾರ್ತೆ ಕವಾಲಾ ಕರಿನ ದಕ್ಹಾ ಜ಼ನಾವೊನೆ ಸಭಾಪಾಲಕ ಕರಿನ ವರಿ ಉಪದೆಶಕ ಕರಿನ ನೆಮಶ್ಯೊ.
EPH 4:12 ಕ್ರಿಸ್ತನಿ ಸೆವಾನಾ ಹುತಿ ಕ್ಹುದಾ ಪರಿಶುದ್ಧ ಮನಕ್ಹೊನೆ ತಯ್ಯಾರ ಕರಾನೆ ತೆ ತ್ಯುನೊನೆ ನೆಮಿಸ್ಯೊ.
EPH 4:13 ತಿನಾಹುತಿ ಅಪೆ ಕ್ಹಾರಾ ಬರೊಕ್ಹಾಕ್ಹು ಕ್ಹುದಾನಾ ದಿಕ್ರಾನಾ ವಿಷಯನಾ ಗ್ಯಾನಕ್ಹು ಯಕ್ಕ ಥಯೆ ಲಕ್ಕಾ ಎ ಸೆವಾ ಅಗು ಬಡು. ಅಪೆ ಪುರಾ ಥಯೆ ಲಕ್ಕಾಕದ್ಯಾಮ ಪುರಾ ಮನಸ್ಸಕ್ಹು ಮುಟ್ಟೆ ಲಕ್ಕಾ ಬೆಳದು.
EPH 4:14 ತಿನಾಹುತಿ ಅಪೆ ಹಮ್ನಾತಾ ಬಚ್ಚಾ಼ ಥೈನ ರ‍್ಹೌ ನೈ. ಸಮುಂದರನಿ ಧಡ್ಕಿಯೊ ಹೈತಿ ಜಾ಼ವಾನಾ ಹಡ್ಗೊ ಲಿಂಗತ ಗಲಿ ಬಿಲಿ ಥೌ ನೈ. ಅಪೊನೆ ಮೊಸ ಕರಾನೆ ಮನಕ್ಹೊ ಕವಾನಾ ಕಯಾಜ಼ ನವಾ ಉಪದೆಶೊಕ್ಹು ಅಪೆ ಕಳವಳ ಥೌ ನೈ. ಮನಕ್ಹೊನೆ ಮೊಸ ಕರಿನ ಕೆಟ್ಟ ವಾಟಮಾ ಚ಼ಲೌ ಕವಾನಿ ಉದ್ದೆಶಕ್ಹು ತೆ ಕೆಟ್ಟ ಬೊದಕೊ ಬಿಜಾ಼-ಬಿಜಾ಼ ತರಾನಾ ವಿಚಾರೊ ಕರಸ.
EPH 4:15 ಅಪೆತುಬಿ ಕ್ಹರಿನೆ ಮಯಾಕ್ಹು ಕೌ; ಕ್ಹಾರಾ ವಿಷಯಮಾ ಬೆಳ್ದಿನ ಕ್ರಿಸ್ತ ಥಾವಾನೆ ಕೊಶಿಶ ಕರು. ಕ್ರಿಸ್ತ ಮಾತು ಥಯೊಸ ಅಪೆ ಅಂಗ ಥಯಾಸ.
EPH 4:16 ಪುರಾ ಅಂಗಜ಼ ಯೆಸುನೆ ಸಂಬಂಧ ರ‍್ಹಯಲ ವ್ಹೈ. ಅಂಗನು ಯಕೆಕ ಭಾಗ ಯಕ್ಕನೆ ಯಕ್ಕಕ ಮಳಿನ ಛೆ. ಹರಯಕ್ಕ ಅಂಗ ತಿನು ತೆ ಕಾಮ ಕರಾಕ್ಹು ಪುರಾ ಅಂಗಜ಼ ಬೆಳ್ದಿನ ಮಯಾಮಾ ಘಟ್ಟ ಥೈನ ರ‍್ಹವಾನೆ ಸಾಧ್ಯ ಥಾವಸ.
EPH 4:17 ಪ್ರಭುನಾ ಹುತಿ ಮಿ ತುಮೊನೆ ಎ ಕೌಸ ವರಿ ಹುಶಾರಕಿ ದಿವ್ಸ. ಅವಿಶ್ವಾಸಿಯೊ ಲಿಂಗತ ಇತ್ತಿ ಉಪ್ಪರ ಜಿವ್ನಾ ಕರೊ ನಕೊ. ತ್ಯುನಾ ವಿಚಾರೊ ಉಪಯೊಗ ನೈಸೊ ಥಯಾಸ.
EPH 4:18 ತ್ಯುನೆ ಕಳಿ ಲೆತಾ ನೈ. ವರಿ ತ್ಯುನಾ ಮನಸೊ ಘಟ್ಟ ಕರ್ಲಿದಲ ರ‍್ಹವಸ. ತ್ಯುನೆ ನೈ ಐಕಲಕ್ಹು ತ್ಯುನೊನೆ ಸುಜ಼ ಗ್ವತ್ತ ನತ್ತಿ. ತಿನಾಹುತಿ ಕ್ಹುದಾ ದಿವಾನಿ ಜಿವಿತ ವ್ಹಂದಿಲಿವಾನೆ ತ್ಯುನೊನೆ ಸಾಧ್ಯ ನತ್ತಿ.
EPH 4:19 ತ್ಯುನೊನೆ ಸರಮ ನತ್ತಿ. ತ್ಯುನೆ ತ್ಯುನಾ ಜಿವಿತೊ ಕೆಟ್ಟ ಕಾಮೊನೆ ಉಪಯೊಗ ಕರಸ; ವರಿ ತ್ಯುನೊನೆ ರ‍್ಹಯಲ ಘನ್ನಿ ಆಸ, ಕ್ಹಾರಾ ತರಾನಾ ಕೆಟ್ಟ ಕಾಮೊ ಹಜು಼ನ ಘನ್ನು ಕರಾನೆ ಆಸ ಕರಸ.
EPH 4:20 ತೆನೈಸೊ ಕ್ರಿಸ್ತನಾ ತುಮೆ ಶಿಕ್ಕಲ ಎ ಕ್ಹಾರು ನ್ಹವ್ಹೈ.
EPH 4:21 ತುಮೆ ತಿನು ವಿಶಯ ಐಕ್ಯಾಸ ಕವಾನು ಮನೆ ಗ್ವತ್ತ ಛೆ. ತುಮೆ ತಿನಾಮಾ ರ‍್ಹವಾಕ್ಹು ಕ್ಹರಿ ಶಿಕ್ಯಾಸ. ಹೊ, ಕ್ಹರಿ ಕವಾನು ಯೆಸುಮಾ ಛೆ.
EPH 4:22 ತುಮೆ ತುಮಾರಾ ಪಾಚ಼ಲ್ಯಾ ಕೆಟ್ಟ ಕಾಮೊ ಛೊಡು ಕವಾನು ಕದ್ಯಾಮ ತುಮಾರಿ ಜು಼ನ್ನಿ ಚಾಳಿಯೊ ಛೊಡಿ ಪಾಡು ಕೈನ ಶಿಕ್ಯಾ. ಮನಕ್ಹೊ ತ್ಯುನೆ ಕರು ಕೈನ ಆಸ ಕರಾನಾ ಕೆಟ್ಟ ಕಾಮೊಕ್ಹು ಜುಡಿನ ರ‍್ಹಯಲಕ್ಹು ತೆ ಜು಼ನ್ನಿ ಚಾಳಿಯೊ ದಿನ್ನತಾ ದಿನ್ನೆ ಹಜು಼ನ ಕೆಟ್ಟ ಥಾವಸ.
EPH 4:23 ತೆನೈಸೊ ಅಂತರಂಗಮಾ ನವಾ ಥೈನ ನವಾ ಚಾಳಿಯೊ ವ್ಹಂದಿಲಿವಾ ಲಿಂಗತ ತುಮೆ ಶಿಕ್ಯಾಸ.
EPH 4:24 ತೆ ಚಾಳಿಯೊ ಕ್ಹುದಾನಿ ಹೊಲಿಕೆನಾ ಪ್ರಕಾರ ಕ್ಹರಿನಿ ನಿತಿ ರ‍್ಹಯಲ ಪರಿಶುದ್ಧ ರ‍್ಹೈನ ಭಾಂದಲ ಛೆ.
EPH 4:25 ತಿನಾಹುತಿ ತುಮೆ ಸುಳ್ಳ ಬೊಲ್ಯಾವಾಚಿ ಯಕನೆ ಯಕ್ಕ ಕೆಳಾಮಾಬಿ ಕ್ಹರಿಜ಼ ಕವೊ. ಕಾಕದ್ಯಾಮ ಅಪೆ ಕ್ಹಾರಾ ಯಕ್ಕಜ಼ ಅಂಗನೆ ಮಳಲ ಭಾಗೊ ವ್ಹೈ.
EPH 4:26 ಶಿಟ್ಟ ಥಯಾತುಬಿ ಪಾಪ ಕರೊ ನಕೊ ವರಿ ದಿನ್ನ ಕ್ಹಾರಿ ಶಿಟ್ಟಮಾಜ಼ ರ‍್ಹವೊ ನಕೊ.
EPH 4:27 ತುಮೊಪರ ಝಿತ್ತಾನೆ ಸೈತಾನನೆ ಮೌಕೊ ನಕೊ ದಿವೊ.
EPH 4:28 ಚ್ವಟ್ಟೊ ಚೊ಼ರಿ ಕರಾನು ಛೊಡಿನ ತೆಜ಼ ರಾಬಾದೆ; ತೆ ತಿನಾ ಹತೊ ಚೊ಼ಕು ಕರಾನೆ ಉಪಯೊಗ ಕರಾದೆ. ತೆಳಾಮಾ ಗರಿಬೊನೆ ಮದತ ಕರಾನೆ ತಿನೆ ಸಾಧ್ಯ ಥಾವಸ.
EPH 4:29 ತುಮಾರಾ ಮ್ಹೊಡಾಕ್ಹು ಕೆಟ್ಟ ವಾತೊ ಔ ನೈ. ಭಕ್ತಿನೆ ಘಟ್ಟ ಕರಾನಾ ಕಾಲನೆ ಕರೆಟ್ಟ ರ‍್ಹಯಲ ವಾತೊ ರ‍್ಹಯಾರೆ ಐಕಾಲಾವೊನಾ ಚೊ಼ಕಾನಾ ಹುತಿ ತೆ ಕವೊ.
EPH 4:30 ಪವಿತ್ರ ಆತ್ಮಾನೆ ದುಖ ಕರೊ ನಕೊ. ತುಮೆ ಕ್ಹುದಾನೆ ಮಳಲವಾಲಾ ವ್ಹೈ ಕವಾನೆ ತೆಜ಼ ಕ್ಹುದಾನು ಪ್ರಮಾಣ ಥಯೊಸ ಕರೆಟ್ಟ ಟೈಮಮಾ ತುಮೊನೆ ಬಿಡುಗಡೆ ಕರುಸ ಕವಾನು ದೆಕಾಡಾನಾ ಹುತಿ ಕ್ಹುದಾ ತುಮೊನೆ ತಿನೆ ದಿದ್ಯೊ.
EPH 4:31 ಕ್ಹಾರು ದ್ವೆಶ, ಶಿಟ್ಟ, ಕಳವಳ, ದುಶಣೆ, ಎ ಕ್ಹಾರಾ ತರಾನಾ ಕೆಟ್ಟ ತನಾ ತುಮೊಕ್ಹು ದುರ ಕರೊ.
EPH 4:32 ಯಕ್ಕನೆ ಯಕ್ಕ ಮರಗಾ ದೆಕಾಡೊ. ಯಕ್ಕನೆ ಯಕ್ಕ ಮಯಾ ಕರೊ. ಕ್ಹುದಾ ಕ್ರಿಸ್ತಮಾ ತುಮೊನೆ ಮಾಪ ಕರಲ ಲಿಂಗತ ತುಮೆ ಯಕ್ಕನೆ ಯಕ್ಕ ಮಾಫ ಕರೊ.
EPH 5:1 ತುಮೆ ಕ್ಹುದಾನಾ ಮಯಾನಾ ಬಚ್ಚಾ಼ ವ್ಹೈ; ತಿನಾಹುತಿ ತುಮೆ ತಿನಾ ಲಿಂಗತ ರ‍್ಹೌ.
EPH 5:2 ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.
EPH 5:3 ತೆನೈಸೊ ತುಮಾರಾ ವಚ್ಮಾ ಅಂಗನು ಪಾಪ ರ‍್ಹೌ ನೈ. ಕಯಾ ತರಾನು ಕೆಟ್ಟ ರ‍್ಹವಾದೆ ಮಿ ಕವಾನು ರ‍್ಹವಾದೆ ರ‍್ಹೌ ನೈ. ಕಾಕದ್ಯಾಮ ತೆ ಕ್ಹುದಾನಾ ಪರಿಶುದ್ಧ ಮನಕ್ಹೊನೆ ಚಾ಼ಯೆ ಥಯಲ ನ್ಹವ್ಹೈ.
EPH 5:4 ತೆನೈಸೊ ತುಮಾರಾ ವಚ್ಮಾ ಕೆಟ್ಟ ವಾತೊ ರ‍್ಹೌ ನೈ. ತುಮೆ ಮುರಖ ತನಾಕ್ಹು ಬೊಲು ನೈ ವರಿ ಕೆಟ್ಟ ಅಕ್ಹಾನಾ ವಾತೊ ಬೊಲು ನೈ. ತೆ ತುಮೊನೆ ಚಾ಼ಯೆ ಥಯಲ ನ್ಹವ್ಹೈ. ತೆನೈಸೊ ಕ್ಹುದಾನೆ ಸ್ತೊತ್ರ ಕವಾಲಾ ರ‍್ಹೌ.
EPH 5:5 ಎ ತುಮೊನೆ ಚೊ಼ಕಿ ತರಾ ಗ್ವತ್ತ ರ‍್ಹವಾದೆ; ಅಂಗನಾ ಪಾಪೊ ಕರಾಲಾವೊನೆ, ಕೆಟ್ಟ ಕಾಮೊ ಕರಾಲಾವೊನೆ, ಮಿ ಕವಾಲಾವೊನೆ, ಕೆಟ್ಟ ಆಸ ಕರಾಲಾ, ಕ್ರಿಸ್ತನಾ ವರಿ ಕ್ಹುದಾನಾ ರಾಜ್ಯಮಾ ಜ಼ಗಾಜ಼ ನತ್ತಿ. ಮಿ ಕವಾನು ಮುರತಿಯೊನೆ ಆರಾಧನಾ ಕರಲ ಲಿಂಗತ ಸೆಮ ಛೆ.
EPH 5:6 ಕ್ಹರಿ ನೈ ರ‍್ಹಯಲ ಸಂಗತಿಯೊ ಕೈನ ತುಮೊನೆ ಮೊಸ ಕರಾನೆ ಕಿನೆಜ಼ ಮೌಕೊ ದಿವೊ ನಕೊ. ತೆ ಸಂಗತಿಯೊನಾ ಮುಲಕ ಕ್ಹುದಾನಿ ಶಿಟ್ಟ ತಿನೆ ವಿಧೆಯ ನೈ ಥಾವಾಲಾ ಮನಕ್ಹೊನಾ ಉಪ್ಪರ ಆವಸ.
EPH 5:7 ತಿನಾಹುತಿ ತುಮೆ ತ್ಯವಾ ಮನಕ್ಹೊನಾ ಕ್ಹಾತೆ ವಾಟೊ ಲಿವಾಲಾ ಥಾವೊ ನಕೊ.
EPH 5:8 ಕಾಕದ್ಯಾಮ ಪಾಚ಼ಲ್ಯಾ ಕಾಲಮಾ ತುಮೆ ಅಂದಾರು ಥಯಾತಾ. ಹಮ್ನಾ ತುಬಿ ತುಮೆ ಪ್ರಭುಮಾ ಪುರಾ ಉಜಾಲು ಥಯಾಸ. ತಿನಾಹುತಿ ಉಜಾಲಾನೆ ಮಳಲ ಬಚ್ಚಾ಼ ಲಿಂಗತ ಜಿವ್ನಾ ಕರೊ.
EPH 5:9 ಉಜಾಲಾನು ಫಲ ಚೊ಼ಕಾಮಾಬಿ ನಿತಿಮಾಬಿ ಕ್ಹರಿಮಾಬಿ ದಿಕ್ಹಿನ ಆವಸ.
EPH 5:10 ಪ್ರಭುನೆ ಕಯು ಪಸಂದ ಛೆ ಕವಾನು ತಿಳ್ದಿಲಿವಾನೆ ಕೊಶಿಶ ಕರೊ.
EPH 5:11 ಅಂದಾರಾಮಾ ರ‍್ಹವಾನಾ ಮನಕ್ಹೊ ಕರಾನಾ ಕಾಮೊ ಕರೊ ನಕೊ. ತಿಕ್ಹು ಚೊ಼ಕು ಸುಜ಼ ಥಾತು ನೈ. ತೆನೈಸೊ ಅಂದಾರಾಮಾ ಥಾವಾನಾ ಕಾಮೊ ತಪ್ಪ ವ್ಹೈ ಕವಾನು ದೆಕಾಡಾನೆ ಚೊ಼ಕಾ ಕಾಮೊ ಕರೊ.
EPH 5:12 ತೆ ಮನಕ್ಹೊ ಗುಪ್ತ ಕಾಮೊನಾ ಹುತಿ ಬೊಲಾನೆಬಿ ಸರಮ ಆವಸ.
EPH 5:13 ತೆನೈಸೊ ತೆ ಕಾಮೊ ತಪ್ಪ ವ್ಹೈ ಕೈನ ಅಪೆ ದೆಕಾಡತಾಮಾ ಉಜಾಲಾಕ್ಹು ತೆ ಕಾಮೊ ಚೊ಼ಕಿ ತರಾ ದಿಕ್ಹಸ.
EPH 5:14 ಹರಯಕ್ಕಬಿ ಚೊ಼ಕಿ ತರಾ ದೆಕಾಡಾನುಜ಼ ಉಜಾಲು ವ್ಹೈ. ತಿನಾಹುತಿ ಅಮ್ಮ ಬರ್ದಲ ಛೆ;
EPH 5:15 ತಿನಾಹುತಿ ತುಮೆ ಕಿಮ್ಮ ಜಿವ್ನಾ ಕರಾಡಾಸ ಕವಾನಾ ಹುತಿ ಘನ್ನಾ ಹುಶಾರಕ್ಹು ರ‍್ಹವೊ. ಗ್ಯಾನ ನೈಸೊ ಮನಕ್ಹೊ ಲಿಂಗತ ಜಿವ್ನಾ ಕರ‍್ಯಾವಾಚಿ ಗ್ಯಾನಿಯೊ ಲಿಂಗತ ಜಿವ್ನಾ ಕರೊ.
EPH 5:16 ಎ ದಿನ್ನೊ ಕೆಟ್ಟ ಛೆ. ತಿನಾಹುತಿ ತುಮೊನೆ ರ‍್ಹಯಲ ಹರಯಕ್ಕ ಮೌಕೊ ಚೊ಼ಕು ಕರಾನೆಜ಼ ಉಪಯೊಗ ಕರೊ.
EPH 5:17 ತುಮೆ ಪಿಸಾಳಾ ಥಯಾವಾಚಿ ಕ್ಹುದಾನಿ ಚಿತ್ತ ಸು ವ್ಹೈ ಕವಾನು ತಿಳ್ದಿಲಿವೊ.
EPH 5:18 ಪಿನ ನಿಶಾಮಾ ರ‍್ಹವೊ ನಕೊ, ತೆ ಪಾಪನಾ ಕಾಮೊಮಾ ಚ಼ಲಾವಸ, ತೆನೈಸೊ ಕೆಳಾಮಾಬಿ ಪವಿತ್ರ ಆತ್ಮಾಕ್ಹು ಭರಲ ರ‍್ಹವೊ.
EPH 5:19 ಕಿರತನೆಕ್ಹು ಗಿದ್ದೊಕ್ಹು ಆತ್ಮಿಕ ಗಿದ್ದೊಕ್ಹು ಯಕ್ನೆ ಯಕ್ಕ ಬೊಲೊ. ತುಮಾರಾ ಮನಸೊಮಾ ಪ್ರಭುನೆ ಮೆಜಿಕ ವಜಾ಼ಡಿನ ಗಿದ್ದೊ ಕವೊ.
EPH 5:20 ಹರಯಕ್ಕ ವಿಷಯಮಾಬಿ ಬಾ ಥಯಲ ಕ್ಹುದಾನೆ ಅಪ್ನೊ ಪ್ರಭು ಯೆಸು ಕ್ರಿಸ್ತನಾ ನಾಮಪರ ಕೆಳಾಮಾಬಿ ಸ್ತೊತ್ರಾ ಕರೊ.
EPH 5:21 ತುಮೆ ಯಕ್ಕನೆ ಯಕ್ಕ ಅಧಿನ ಥೈನ ರ‍್ಹೌ. ಕಾಕದ್ಯಾಮ ತುಮೆ ಕ್ರಿಸ್ತಮಾ ಭೆ ಭಕ್ತಿಕ್ಹು ಛೆ.
EPH 5:22 ಬಾಕ್ಡಿಯ, ತುಮೆ ಪ್ರಭುನೆ ಮ್ಹೈ ಥೈನ ರ‍್ಹಯಲ ಲಿಂಗತ ತುಮಾರಾ ಮಾಟಿಯೊನೆಬಿ ಮ್ಹೈ ಥೈನ ರ‍್ಹವೊ.
EPH 5:23 ಕ್ರಿಸ್ತ ಸಭೆನೆ ಮಾತು ರ‍್ಹಯಲ ಲಿಂಗತ ಮಾಟಿಬಿ ಬೈಕೊನೆ ಮಾತು ಥಯೊಸ. ಸಭೆ ಕ್ರಿಸ್ತನು ಅಂಗ ವ್ಹೈ. ಕ್ರಿಸ್ತ ತೆ ಅಂಗನೊ ರಕ್ಷಕ ಥಯೊಸ.
EPH 5:24 ಸಭೆ ಕ್ರಿಸ್ತನಾ ಅದಿನಮಾ ಛೆ. ತಿನಾ ಲಿಂಗತಜ಼ ಬೈಕೊ ಮಾಟಿನಾ ಅದಿನಮಾ ಛೆ. ಹರಯಕ್ಕ ವಿಷಯಮಾ ಬೈಕೊ ತ್ಯುನಾ ಮಾಟಿನೆ ಅದಿನ ಥೈನ ರ‍್ಹೌ.
EPH 5:25 ಮಾಟಿಯೊ, ಕ್ರಿಸ್ತ ಸಭೆನೆ ಮಯಾ ಕರಲ ಲಿಂಗತ ತುಮೆ ತುಮಾರಿಯೊ ಬೈಕೊನೆ ಮಯಾ ಕರು.
EPH 5:26 ಕ್ರಿಸ್ತ ಸಭೆನೆ ಪರಿಶುದ್ಧ ಕರಾನಾ ಹುತಿ ಜ಼ಲಮ ದಿದ್ಯೊ. ಸುವಾರ್ತೆ ಕವಾನಾ ಮುಲಕ ಪಾನಿಕ್ಹು ಧ್ವಯಿನ ತೆ ಸಭೆನೆ ಪರಿಶುದ್ಧ ಕರ‍್ಯೊ.
EPH 5:27 ಮಹಿಮಾನೆ ತಯ್ಯಾರ ರ‍್ಹಯಲ ಜಾಂಜಿಮಾನ ಲಿಂಗತ ರ‍್ಹವಾನಿ ಸಭೆ ತಿನೆ ದಿವ ಕೈನ ತೆ ಜ಼ಲಮ ದಿದ್ಯೊ. ಸಭೆ ದೊಶ ನೈಸೊ ಶುದ್ಧ ರ‍್ಹೌ ಕೈನ ವರಿ ಕೆಟ್ಟತನಾ ರ‍್ಹವಾದೆ ಪಾಪ ರ‍್ಹವಾದೆ ತೆನೈಸೊ ಬಿಜು಼ ಕಯುಜ಼ ತಪ್ಪ ರ‍್ಹವಾದೆ ಸಭೆಮಾ ರ‍್ಹೌ ನೈ ಕೈನ ತೆ ಜ಼ಲಮ ದಿದ್ಯೊ.
EPH 5:28 ತಿನಾಹುತಿ ಮಾಟಿಯೊ ತ್ಯುನಾ ಸ್ವಂತ ಅಂಗೊನೆ ಮಯಾ ಕರಲ ಲಿಂಗತ ತ್ಯುನಿ ಬೈಕೊನೆ ಮಯಾ ಕರು. ತಿನಿ ಬೈಕೊನೆ ಮಯಾ ಕರಾಲೊ ತಿನೆ ತೆಜ಼ ಮಯಾ ಕರಾಲೊ ಥಯೊಸ.
EPH 5:29 ಕಾಕದ್ಯಾಮ ಕುನ್ನಜ಼ ಕೆಳಾಮಾ ತಿನಾ ಅಂಗನೆ ದ್ವೆಷ ನೈ ಕರ‍್ತೊ. ಹರಯಕ್ಲೊ ತಿನಾ ಅಂಗನೆ ಚೊ಼ಕಿ ತರಾ ದೆಕಿಲಿವಸ. ಕ್ರಿಸ್ತ ಸಭೆನಾ ಹುತಿ ಕರಾನುಜ಼ ತೆ ವ್ಹೈ.
EPH 5:30 ಕಾಕದ್ಯಾಮ ಅಪೆ ತಿನಾ ಅಂಗನಾ ಭಾಗೊ ಥಯಾಸ.
EPH 5:31 ಪವಿತ್ರ ಗ್ರಂಥಮಾ ಕದಲ ಲಿಂಗತ"ತಿನಾಹುತಿ ದಾಣಗೊ ತಿನಾ ಮಾ ಬಾಪನೆ ಛೊಡಿನ ತಿನಿ ಬೈಕೊಮಾ ಮಳಸ ವರಿ ತ್ಯುನೆ ಭಂಬಿ ಜ಼ನಾ ಯಕ್ಕಜ಼ ಅಂಗ ಥಾವಸ"
EPH 5:32 ಮಿ ಕ್ರಿಸ್ತನೆಬಿ ಸಭೆನೆಬಿ ರ‍್ಹಯಲ ಸಂಬಂಧನಾ ಹುತಿ ಬೊಲಾಡೊಸ. ರಹಸ್ಯ ರ‍್ಹಯಲ ಎ ಕ್ಹರಿ ಘನ್ನು ಖಾಸ ರ‍್ಹಯಲ ವ್ಹೈ.
EPH 5:33 ತೆನೈಸೊ ತುಮೊಮಾ ಹರಯಕ್ಕ ಮಾಟಿ ತಿನೆ ತೆಜ಼ ಮಯಾ ಕರಲ ಲಿಂಗತ ತಿನಿ ಬೈಕೊನೆ ಮಯಾ ಕರು ವರಿ ಬೈಕೊ ತಿನಾ ಮಾಟಿನೆ ಭೆ ಭಕ್ತಿಕ್ಹು ರ‍್ಹೌ.
EPH 6:1 ಬಚ್ಚಾ಼ವೊ, ಪ್ರಭುನಾ ಚಿತ್ತ ಲಿಂಗತ ತುಮಾರಾ ಮಾ ಬಾಪನೆ ವಿಧೆಯ ಥೈನ ರ‍್ಹವೊ. ತೆ ನ್ಯಾಯಬದ್ಧ ರ‍್ಹಯಲ ವ್ಹೈ.
EPH 6:2 ಕ್ಹುದಾನಿ ಆಗನ್ಯಾ ಕಯೆ ಲಿಂಗತ"ತುಮೆ ತುಮಾರಾ ಮಾ ಬಾಪನೆ ಮರ್ಯಾದಿ ದಿವ ಎ ಪಸ್ಟ ಆಗನ್ಯಾನೆ ಸಂಬಂಧ ಛೆ.
EPH 6:3 ತೆ ವಾಗ್ದಾನ ಅಮ್ಮ ಛೆ; "ತೆಳಾಮಾ ತುಮೊನೆ ಚೊ಼ಕು ಥಾವಸ ವರಿ ತುಮೆ ಜಿಮಿನ ಪರ ಘನ್ನಾ ವರಕ್ಹ ಜಿವ್ತಾ ರ‍್ಹವೊಶಿ"
EPH 6:4 ಬಾಪೊ, ತುಮಾರಾ ಬಚ್ಚಾ಼ವೊನೆ ಶಿಟ್ಟ ಲಾಯಾವಾಚಿ ಪ್ರಭುನಾ ಉಪದೆಶಕ್ಹು ಬಾನಾ ಬಚ್ಚಾ಼ವೊ ಲಿಂಗತ ಬೆಳ್ಸಾವೊ.
EPH 6:5 ಸೆವಕೊ, ತುಮಾರಾ ಭುಲೊಕನಾ ಮಾಲಕೊನೆ ಭೆಕ್ಹು ಮರಯಾದಿಕ್ಹು ವಿಧೆಯ ಥಾವೊ. ತುಮೆ ಕ್ರಿಸ್ತನೆ ವಿಧೆಯ ಥಯೆ ಲಿಂಗತ ಯಥಾರಥ ಮನಸಕ್ಹು ವಿಧೆಯ ಥಾವೊ.
EPH 6:6 ತ್ಯುನಿ ಮಯಾ ಗಳಸಿಲ್ಯು ಕೈನ ತ್ಯುನೆ ದೆಕ್ತಾಮಾ ಸೆವಾ ಕರ‍್ಯಾವಾಚಿ ತುಮೆ ಕ್ರಿಸ್ತನೆ ವಿಧೆಯ ಥೈನ ರ‍್ಹಯಲ ಲಿಂಗತ ತ್ಯುನೊನೆಬಿ ವಿಧೆಯ ಥೈನ ರ‍್ಹೌ. ಕ್ಹುದಾನೆ ಪಸಂದ ರ‍್ಹಯಲ ತುಮೆ ಪುರಾ ಮನಸ್ಸಕ್ಹು ಕರು.
EPH 6:7 ತುಮೆ ಕರಾನಾ ಕಾಮೊ ಖುಶಿಕ್ಹು ಕರೊ. ಖಾಲಿ ಮನಕ್ಹೊನಿ ಸೆವಾ ಕರಾಲಾ ಲಿಂಗತ ಕರ‍್ಯಾವಾಚಿ ಪ್ರಭುನಿ ಸೆವಾ ಕರಾಲಾ ಲಿಂಗತ ಕರೊ.
EPH 6:8 ಚೊ಼ಕು ಕರಾಲಾ ಹರ ಯಕ್ಲಾನೆಬಿ ಕ್ಹುದಾ ಪ್ರತಿ ಫಲ ದಿವಸ ಕವಾನು ಶೆಮಾ ಮ್ಹೆಲಿವೊ. ಹರಯಕ್ಕ ಮನಕ್ಹ ತಿನೊ ಸೆವಕ ಥೈನ ರ‍್ಹವಾದೆ ತೆನೈಸೊ ಸ್ವಾತಂತ್ರ ಥೈನ ರ‍್ಹವಾದೆ ತೆ ಕರಾನಾ ಚೊ಼ಕಾ ಕಾಮೊನೆ ಪ್ರತಿಫಲ ವ್ಹಂದಿಲಿವಸ.
EPH 6:9 ಮಾಲಕೊ, ತಿನಾ ಲಿಂಗತಜ಼ ತುಮಾರಾ ಸೆವಕೊನೆ ಚೊ಼ಕಾ ಥೈನ ರ‍್ಹವೊ. ತ್ಯುನೊನೆ ಭೆ ಆಯೆ ಲಿಂಗತ ಬೊಲೊ ನಕೊ. ತುಮೊನೆಬಿ ತ್ಯುನೊನೆಬಿ ಮಾಲಕ ರ‍್ಹಯಲವಾಲೊ ಸ್ವರ್ಗ ಲೊಕಮಾ ಛೆ ಕವಾನು ತುಮೊನೆ ಗ್ವತ್ತ ಛೆ. ತೆ ಹರ ಯಕ್ಲಾನೆಬಿ ವಿರುದ್ದ ನೈಸೊ ಫೈಸಲೊ ಕರಸ.
EPH 6:10 ಲಾಸ್ಟ ವಾತ ಸುವ್ಹೈ ಕದ್ಯಾಮ, ಪ್ರಭುಮಾ ತಿನಿ ಮ್ಹೊಟಿ ತಾಕತಮಾ ಘಟ್ಟ ಥೈನ ರ‍್ಹವೊ.
EPH 6:11 ಕ್ಹುದಾನಾ ಕ್ಹಾರಾ ಆಯುದ್ದೊ ಘಾಲಿವೊ. ತೆಳಾಮಾ ಸೈತಾನನಾ ಕುತಂತ್ರನೆ ವಿರುದ್ದ ಥೈನ ಹೊರಾಡಾನೆ ತುಮೊನೆ ಸಾಧ್ಯ ಥಾವಸ.
EPH 6:12 ಅಪ್ನಿ ಹೊರಾಟ ಮನಕ್ಹೊನಾ ವಿರುದ್ದ ನ್ಹವ್ಹೈ. ಅಪೆ ಅಂಧಕಾರನಾ ಅದಿಪತಿಯೊನೆ ಅದಿಕಾರಿಯೊನೆ ವರಿ ಎ ಲೊಕನಾ ಅಂದಾರಾನಾ ತಾಕತೊನೆ ಹಬಾಳನಾ ದುಷ್ಟ ತಾಕತೊನೆ ವಿರುದ್ದ ಥೈನ ಹೊರಾಡಾಸ.
EPH 6:13 ತಿನಾಹುತಿಜ಼ ತುಮೆ ಕ್ಹುದಾನಾ ಕ್ಹಾರಾ ಆಯುದ್ದೊ ಘಾಲ್ಯು. ತೆಳಾಮಾ ಯುದ್ದನಾ ದಿನ್ನೊಮಾಬಿ ಹೊರಾಟ ಪುರಾ ಕ್ಹರಲ ಪರಬಿ ಘಟ್ಟ ಥೈನ ಹುಬ್ರವಾನೆ ತುಮೊನೆ ಸಾಧ್ಯ ಥಾವಸ.
EPH 6:14 ತಿನಾಹುತಿ ಕ್ಹರಿನೆ ಭಾಂದಿಲಿನ ನಿತಿ ಕವಾನಾ ಹಿರಾವೊನಿ ಪಟ್ಟಿ ಛಾತಿನೆ ಭಾಂದಿಲಿನ
EPH 6:15 ಸಮಾಧಾನನಿ ಸುವಾರ್ತೆನಾ ಪಾದರಕ್ಷೆ ಘಾಲಿನ ಘಟ್ಟ ಥೈನ ಹುಬ್ರಿವೊ.
EPH 6:16 ತೆನೈಸೊ ಬರೊಕ್ಹೊ ಕವಾನಾ ಗುರಾಣಿನೆ ಧರಿಲಿವೊ. ಸೈತಾನನಾ ಆಗನಿಯೊ ಬಾಣೊ ಹುಬ್ರಾಡಾನೆ ತುಮೊನೆ ಇಕ್ಹು ಮದತ ಥಾವಸ.
EPH 6:17 ಕ್ಹುದಾನಿ ರಕ್ಷಣೆ ಮಾತಾನು ಕವಚ ಲಿಂಗತ ಘಾಲಿವೊ. ಪವಿತ್ರ ಆತ್ಮಾನಿ ತಲ್ವಾರ ಕದ್ಯಾಮ ಕ್ಹುದಾನಿ ವಾಕ್ಯಾ ದಿವೊ.
EPH 6:18 ತುಮೆ ಪವಿತ್ರ ಆತ್ಮಾನಿ ಸಹಾಯಕ್ಹು ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ‍್ತಾ ಕ್ಹಾರಿ ತರಾನಾ ಪ್ರಾಥನಾ ಕರೊ ವರಿ ತುಮೊನೆ ಚಾ಼ಯೆ ಥಯಲ ಹುತಿ ಮಾಂಗಿಲಿವೊ. ಇನಾಹುತಿ ಕೆಳಾಮಾಬಿ ತಯ್ಯಾರ ಥೈನ ರ‍್ಹವೊ. ಪ್ರಾಥನಾ ಛೊಡಿನ ದಿವೊ ನಕೊ. ಕ್ಹುದಾನಾ ಮನಕ್ಹುನಾ ಹುತಿ ಕೆಳಾಮಾಬಿ ಪ್ರಾಥನಾ ಕರೊ.
EPH 6:19 ತೆನೈಸೊ ಮಾರಾ ಹುತಿಬಿ ಪ್ರಾಥನಾ ಕರೊ. ಮಿ ಬೊಲ್ತಾಮಾ ಸುವಾರತೆನಿ ರಹಸ್ಯ ಕ್ಹರಿನೆ ಭೆಂವಾಚಿ ಕವಾನೆ ಚಾ಼ಯೆ ಥಯಲ ವಾತೊ ಕ್ಹುದಾ ಮನೆ ದಿವ್ ಕೈನ ಪ್ರಾಥನಾ ಕರೊ.
EPH 6:20 ಸುವಾರ್ತೆ ತಿಳ್ಸಾವಾನುಜ಼ ಮಾರು ಕಾಮ ವ್ಹೈ. ಹಮ್ನಾ ಜೈಲಮಾಬಿ ಮಿ ತೆ ಕಾಮ ಕರಾಡ್ಯೊಸ. ಮಿ ಕಯಾ ತರಾಮಾ ಕರು ತೆಜ಼ ತರಾಮಾ ಭೆಂವಾಚಿ ಬೊಲಾನೆ ಸಾಧ್ಯ ಥಾಯೆ ಲಿಂಗತ ಪ್ರಾಥನಾ ಕರೊ.
EPH 6:21 ಅಪ್ನೊ ಮಯಾನೊ ಭೈ ಥಯಲ ತುಖಿಕನೆ ತುಮೊಕನ ವಳಾವಾಡೊಸ. ತೆ ಪ್ರಭುನಿ ಸೆವಾಮಾ ಬರೊಕ್ಹಾವಾಲೊ ಸೆವಕ ಥಯೊಸ. ನ್ಹ್ಯಾನಾ ಸಂಗತಿಯೊ ಕ್ಹಾರಿಯೊ ತೆ ತುಮೊನೆ ತಿಳ್ಸಾವಸ. ಮಿ ನ್ಹ್ಯಾ ಗಯೊಸ ವರಿ ಸು ಕರಾಡ್ಯೊಸ ಕವಾನು ತೆಳಾಮಾ ತುಮೊನೆ ಗ್ವತ್ತ ಥಾವಸ.
EPH 6:22 ಹಮಾರಿ ಪರಿಸ್ಥಿತಿ ತುಮೊನೆ ಗ್ವತ್ತ ರ‍್ಹೌ ಕವಾನು ಮಾರು ಆಸ ವ್ಹೈ. ತೆನೈಸೊ ತೆ ತುಮೊನೆ ಪ್ರೊತ್ಸಾಹ ಕರಸ.
EPH 6:23 ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ಬರೊಕ್ಹಾಮಾ ರ‍್ಹಯಲ ಕ್ಹಾರಾ ಭಾಯೊ ವರಿ ಭೆನೊನೆ ಶಾಂತಿ ಮಯಾ ಮಳಾದೆ.
EPH 6:24 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಹಮೆಶಾನಿ ಮಯಾಕ್ಹು ಮಯಾ ಕರಾಲಾ ತುಮೊಪರ ಕ್ಹುದಾನಿ ಕೃಪಾ ಹಮೆಶಾಬಿ ರ‍್ಹವಾದೆ.
PHI 1:1 ಯೆಸು ಕ್ರಿಸ್ತನೊ ಆಳ ಥಯಲ ಪೌಲಾ ತಿಮೊಥಿ ಫಿಲಿಪ್ಪಿವಾಲಾವೊನೆ ಬರ್ದಾನು ಪತ್ರ. ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪರಿಶುದ್ಧ ರ‍್ಹಯಲ ಮನಕ್ಹೊನೆ ಕ್ಹಾರಾ ಮ್ಹೊಟಾ ಮನಕ್ಹೊನೆ ಸಭೆಮಾ ಸೆವೆ ಕರಾಲಾವೊನೆ ಹಮೆ ಎ ಪತ್ರ ಬರ್ದಾಡ್ಯಾಸ.
PHI 1:2 ಮಾರೊ ಬಾ ಥಯಲ ಕ್ಹುದಾಕ್ಹು ವರಿ ಯೆಸು ಕ್ರಿಸ್ತ ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.
PHI 1:3 ಹಮೆ ತುಮೊನೆ ಶೆ ಕರ‍್ತಾ ಟೆಮ್ಮಾ ಕ್ಹುದಾನೆ ಸೊತ್ರಾ ಕರಿಯೆಸ,
PHI 1:4 ಮಿ ಕ್ಹಾರಾವೊನಾಹುತಿ ಹಮೆಶಾಬಿ ಖುಶಿಕ್ಹು ಪ್ರಾಥನಾ ಕರಾವಾಲೊ ಥೌಸ.
PHI 1:5 ಕಾಕದ್ಯಾಮ ತುಮೆ ಪೈಲಾತಾಬಿ ಹಜು಼ನ ಲಕ್ಕಾಬಿ ಸುವಾರ್ತೆ ಪ್ರಚಾರಮಾ ಮದತ ಕರಾಲಾ ಥಯಾಸ ಕೈನ ಮಾರಾ ಕ್ಹುದಾನೆ ಕೃತದನ್ಯತಾ ಸುತ್ತಿ ಕೌಸ.
PHI 1:6 ಎ ಚೊ಼ಕು ಕಾಮ ತುಮೊಮಾ ಶುರುಕರಲವಾಲೊ ತೆ ಚ಼ಲೈಲಿನ ಜ಼ಾವಲೊ ಯೆಸು ಕ್ರಿಸ್ತ ಆವಾನಾ ದಿನಮಾ ಪುರ್ಣತನೆ ಲಾವಸ ಕೈನ ಮನೆ ಬರೊಕ್ಹೊ ಛೆ.
PHI 1:7 ತುಮೊಮ್ಮಾ ರ‍್ಹಯೆಲ ಮನೆ ಗ್ವತ್ತ ತಾವಾನು ಚೊಕ್ಹು ವ್ಹೈ. ಮಿ ಭಂದನಮ್ಮಾ ರ‍್ಹತಾಮ್ಮಾಬಿ ಸುವಾರ್ತೆ ನಾಹುತಿ ವಾದ ವಿವಾದಮಾ ತುಮೆ ಕ್ಹಾರಾ ಮಾರಾ ಕ್ಹಾತೆ ಕ್ಹುದಾನಿ ಮರ್ಗಾಮಾ ವಾಟೊ ಲಿವಾಲಾ ಥಯಾಸ ತುಮೊನೆ ಮಾರಾ ಮನಸ್ಸಮ್ಮಾ ಮ್ಹೆಲ್ಯುಸ.
PHI 1:8 ಕ್ರಿಸ್ತ ಯೆಸು ರ‍್ಹಯಲ ಮರಗಾಕ್ಹು ತುಮಾರಾಹುತಿ ಕೆಕ್ಲೊಕೆ ಆಸ ಕರುಸ. ಇನೆ ಕ್ಹುದಾಜ಼ ಸಾಕ್ಷಿ ವ್ಹೈ.
PHI 1:9 ವರಿ ತಮಾರಿ ಮಯಾ ಹಜ಼ು ಘನಿ ಥಾತಿ ಕ್ಹಾರು ಗ್ಯಾನ ವಿವೆಕ ತಮೊನೆ ಮಳಾದೆ ಕೈನ ತಮಾರಾಹುತಿ ಪ್ರಾರ್ಥನಾ ಕರುಸ.
PHI 1:10 ಚೊಕ್ಹು ಕೆಟನು ವಳಕಾನು ಫರಕ ಹುತಿ ಚೊ಼ಕುಜ಼ ‍ರ‍್ಹಯೆಲ ಇನಿಲಿವಾಲಾ ಥೌ; ಕ್ರಿಸ್ತ ಆವಾನಾಮಾ ತುಮೆ ಪರಿಶುದ್ಧ ರ‍್ಹೈನ ಸುಜ಼ ತಪ್ಪ ನೈಸೊವಾಲಾ ಥೌ. 11 ಯೆಸು ಕ್ರಿಸ್ತ ಮುಲಕ ಥಯಲ ನಿತಿ ಕವಾನು ಫಲಕ್ಹು ಭರಲವಾಲಾ ಥೈನ ರ‍್ಹೌ ಕೈನ ಕ್ಹುದಾನೆ ಘನತೆ ವರಿ ಸ್ತೊತ್ರ ಕೌ ಕೈನ ಮಾಂಗಿಲ್ಯುಸ.
PHI 1:11 ಯೆಸು ಕ್ರಿಸ್ತನಾ ಮುಲಕ ರ‍್ಹಯೆಲ ನಿತಿ ಕವಾನು ಫಲ ಭರೆಯೆಲ ವಾಲಾರೊನೆ ರವಾನು ರ‍್ಹಯೆಲ ಕ್ಹುದಾನೆ ಮರ್ಯಾದಿ ಸ್ತೊತ್ರಾ ಕರ‍್ಯಾ ಕೈನ ಮಾಗಿಲಿದ್ಯಾ.
PHI 1:12 ಭಾಯೊ ಮಾರಾಕ್ಹಾತೆ ಥಾವಾನು ಕ್ಹಾರು ಸುವಾರ್ತೆ ಕವಾನಾಹುತಿ ಮದತ್ತ ಥೈ ಕೈನ ತುಮೆ ತಿಳ್ದಿಲ್ಯು ಕೈನ ಮಾರು ಮನಸ್ಸ ಕರುಸ.
PHI 1:13 ಕಿಮ ಕದ್ಯಾಮ ಮಿ ಯಕ್ಕ ಜೆಲಮ್ಮಾ ರ‍್ಹಯೆಲ ಕ್ರಿಸ್ತಾನಾಹುತಿ ‍ಹೈ ಕಯೆನ ರಾಜಾ಼ನು ಘರ ಕೈದಾಲಾ ಕ್ಹಾರಾ ಜ಼ನಾವೊನೆ ವರಿ ಬಿಜಾ಼ವೊನೆಬಿ ಗೊತ್ತ ಥೈಯು.
PHI 1:14 ತೆನೈಸೊ ಭಾಯೊಮ್ಮಾ ಘನ್ನಾ ಜ಼ನಾ ಮನೆ ಜೆಲಮಾತ್ತಾ ಕರ್ತಾಮ್ಮಾ ಭರೊಕ್ಹೊವಾಲಾ ಥೈನ ಕ್ಹುದಾನಿ ವಾಕ್ಯ ಭೆವಾಚಿ ಕವಾನಾಹುತಿ ಹಜ಼ು ಹೆಚಕ್ಗಿ ಧೈರ್ಯ ವ್ಹಂದಿಲಿದ್ಯಾಸ..
PHI 1:15 ದಕ್ಹಾ ಜ಼ನಾ ಸಂಗಟ ಘಾಲ್ಲಿನ ಭೆದ ಭಾವ ಹುಟ್ಸೌ ಕೈನ ಮನಸ್ಸಕ್ಹು ವರಿ ಬಿಜಾ಼ ದಕ್ಹಾ ಜ಼ನಾ ಚೊ಼ಕಿ ನಡತೆಕ್ಹೊ ಕ್ರಿಸ್ತನೆ ಪ್ರಚುರ ಕರಸ.
PHI 1:16 ಯುನೆತಬಿ ಮಿ ಸುವಾರ್ತನಾ ವಿಷಯಮ್ಮಾ ಉತ್ತರ ದಿವಾನಾಹುತಿ ನ್ಹ್ಯಾ ಘಾಲೆಲಹುತಿ ತಿಳ್ದಿಲಿನ ಮಯಾಕ್ಹು ಪ್ರಸಿದ್ದಿ ಕರಾಡಾಸ.
PHI 1:17 ತೆ ಬಿಜಾ಼ ತರಾನಾ ರ‍್ಹಯೆಲ ಮನಕ್ಹೊ ಮಿ ಬೆಡಿಯೊಕ್ಹು ಭಂದಾಯಲ ರ‍್ಹತಾಮಾಬಿ ಮನೆ ತ್ರಾಸ ದ್ಯುಕೈನ ವಿಚಾರ ಕರಿನ, ಕ್ಹರಿ ನೈ ರ‍್ಹಯೆಲ ಖುದ್ದನಾ ಉದ್ದೆಶ ಕ್ಹು ಕ್ರಿಸ್ತನೆ ಪ್ರಸಿದ್ದ ಕರಸ.
PHI 1:18 ಕಿಮ್ಮೆಬಿ ಥಯುತಬಿ ಸು? ಕಿಮ್ಮೆಬಿ ರ‍್ಹೈನಕಾ ಕಯಾ ತರಿಕಾ ಕ್ಹುಬಿ ರ‍್ಹೈನಕಾ ಮಶಕರಿಮಾ ರ‍್ಹೈನಕಾ ಕ್ಹರಿಕ್ಹು ರ‍್ಹೈನಕಾ ಕಿಮ್ಮೆಬಿ ಕ್ರಿಸ್ತನಾ ವಿಷಯ ಕ್ಹಾರಿ ಜ಼ಗಾ ಗೊತ್ತ ಥಯಾರೆ ಅನಾಹುತಿ ಮಿ ಖುಶಿ ಥೌಸ ಆಗೊಬಿ ಖುಶಿ ಥೌಸ.
PHI 1:19 ತುಮೆ ಮಾರಾಹುತಿ ಪ್ರಾಥನಾ ಕರಾಡಾಸ ವರಿ ಯೆಸು ಕ್ರಿಸ್ತನಿ ಆತ್ಮಾಮನೆ ಮದತ ಕರಾಡಿಸ. ತಿನಾಹುತಿ ಮಾರೊ ತ್ರಾಸ ಮನೆ ರಕ್ಷಣೆ ಕರಸ ಕೈನ ಮನೆ ಗ್ವತ್ತ ಛೆ.
PHI 1:20 ಕಿಮ್ಮ ಕದ್ಯಾಮ ಮಿ ಕೈ ವಿಷಯಮಾಬಿ ಸರ್ವಮ್ಯಾವಾಚಿ ಹಮೆಶಾ ಲಿಂಗತ ಹಮ್ನಾಬಿ ಧೈರ್ಯಕ್ಹು ಛೆ. ಮಿ ವಾಚೊತಬಿ ಸೈ ಛೆ ಮರ್ಯೊತಬಿ ಸೈ ಛೆ ಮಾರಾ ಅಂಗನಾ ಮುಲಕ ಕ್ರಿಸ್ತನಿ ಮಹಿಮಾ ಥೌ ಕೈನ ಮಾರಿ ಆಸ ವ್ಹೈ.
PHI 1:21 ಮನೆತೊ ವಾಚ಼ು ಕೈನ ಕವಾನು ಕ್ರಿಸಜ಼ ವ್ಹೈ. ಮರ‍್ಯೊತುಬಿ ಪೈದೊಜ಼ ಛ್ಹೈ.
PHI 1:22 ಮಿ ಜಿವ್ತೊ ರ‍್ಹಯಾತಬಿ ಫಲದಿವಾನು ಕಾಮ ಮನೆ ರ‍್ಹವಸ. ತೆನೈಸೊ ಮಿ ಮರುಸ? ನೈತೊ ವಾಚು಼ಸು? ಸು ಇನಿಲ್ಯು ಕೈನ ಮನೆ ತಿಳ್ದಾಡು ನತ್ತಿ.
PHI 1:23 ಎ ಬೆಮಾ ಸು ಇನಿಲ್ಯು ಕವಾನು ಕಠಿನ ಛೆ. ಯ್ಹಾತ್ತಾ ಗೈನ ಕ್ರಿಸ್ತನಾ ಕ್ಹಾತೆ ರ‍್ಹೌ ಕೈನ ಮಾರಿ ಆಸ ವ್ಹೈ, ತೆ ಘನು ಚೊಕ್ಹು ವ್ಹೈ.
PHI 1:24 ತೆನೈಸೊ ಮಿ ತೊ ಅಂಗಮಾ ಅರಾಮ ಥಯಲವಾಲಾ ತ್ಯುಮಾರಾಹುತಿ ತುಮೊನೆ ಘನು ಅವಶ್ಯಕ ಛೆ.
PHI 1:25 ತಿನಾಹುತಿ ತುಮೊನೆ ಕ್ರಿಸ್ತನೊ ಭರ‍ೊಕ್ಹೊ ಅಗು ಭಡಾನು ವರಿ ಕ್ಹುಶಿ ಥಾವಾನಾ ಹುತಿ ಮಿ ಜಿವ್ತೊ ಥೈನ ತುಮಾರಾ ಕ್ಹಾತೆ ರ‍್ಹೌಸ ಕೈನ ಘಟ್ಟ ಮನಸ್ಸಕ್ಹು ನಂಬ್ಯೊಸ.
PHI 1:26 ಇಮ್ಮ ಮಿ ಫರಿನ ತುಮೊಕನ ಆವಾನಾ ಹುತಿ ತುಮೆ ಯೆಸು ಕ್ರಿಸ್ತನಾ ವಿಷಯಮಾ ಕ್ಹುಶಿ ಕರಾನೆ ಮಕ್ಹು ಘನು ಮದ್ದತ್ತ ರ‍್ಹವಸ.
PHI 1:27 ಇಮ್ಮ ಕ್ರಿಸ್ತನಾ ಸುವಾತೆಮಾ ಯೊಗ್ಯ ಥಯೆನ ಚ್ಯಾಲಿ ಜಾ಼ವೊ. ತೆಲಾಮಾ ಮಿ ಅಯೆನ ತುಮೊನೆ ದೆಕ್ಕಯವಾಲಾ ಕ್ಹರಿಜ಼ ವೆ.
PHI 1:28 ತಮೆ ತಿಮ್ಮ ರಹೆಲಕ್ಹು ದುಶ್ಮನೊ ಹಾಳಥಾವಾನೆ, ತಮಾರಾ ರಕ್ಷಣೆನಾ ಹುತಿ ಯಕ್ಕ ವಳಕ ಛೆ. ತೆ ಕ್ಹುದಾಕ್ಹು ಥಯಲ ಪೈಲಾಜ ವಳಕ ಥೈಸ.
PHI 1:29 ಕ್ರಿಸ್ತನಾ ಉಪ್ಪರ ಭರೊಕ್ಹೊ ಮ್ಹೆಲಾನು ಯಕ್ಕ ನ್ಹೈವೈ ತಿನಾಹುತಿ ದುಖ ಕ್ಹಾವಾನಾ ಹುತಿ ತಮನೊನೆ ವರಾ ಥೈನ ಮಳಿಸ.
PHI 1:30 ಇಮ್ಮ ತಮೆ ಮಾರಾಮ್ಮಾ ದಿಕ್ಹೆಲ ವರಿ ಮಾರಾ ಹುತಿ ಪುಚಾನು ತೆ ಹೊರಾಟ ತಮನೊನೆ ಬಿ ಥಾವಾಸ.
PHI 2:1 ಕ್ರಿಸ್ತಕ್ಹು ಪ್ರೊತ್ಸಾಹ, ಮಯಾ,ಸಮಾಧಾನ,ಪವಿತ್ರತ್ಮಾನಿ ಅನ್ಯುನತೆ, ಮರಗಾ ಹುಟಸ.
PHI 2:2 ತಮ್ಮೆ ಕ್ಹಾರಾ ಯಕ್ಕ ಮನಸಕ್ಹು, ಯಕ್ಕ ಮಯಾಕ್ಹು, ಅನ್ಯೊನ್ಯತೆ ಥಯಲ ವಾಲಾ ವರಿ ಯಕ್ಕ ಗುರಿಕ್ಹು ಮಾರಾ ಕ್ಹುಶಿನೆ ಪುರಾ ಕರೊ.
PHI 2:3 ಕ್ಹುದನಾ ಹುತಿ ರ‍್ಹೈನೆಕಾ, ಮಿ ವ್ಹೈ ಕೈನ ಕವೈಲಿವಾನು ಕೈಯುಜ ಕರೆವಾಚಿ ಹರ ಯಕ್ಲೊ ಚೊ಼ಕಾ ಮನಸಕ್ಹು ಬಿಜೆಕ್ಲಾನೆ ತಿತಿಬಿ ಚೊ಼ಕೊ ವ್ಹೈ ಕೈನ ಕವಾದೆ.
PHI 2:4 ತಮಾರಾಮ್ಮಾ ಹರಯಕ್ಲೊ ಕ್ಹುದಾಹುತಿ ದೆಕಿಲಿದೆ ವಾಚಿ ಬಿಜಾ಼ನಾಹುತಿ ಬಿ ದೆಕಾದೆ.
PHI 2:5 ಕ್ರಿಸ್ತ ಯೆಸಲಿಂಗತ ತಮಾರುಬಿ ಮನಸ ರ‍್ಹವಾದೆ.
PHI 2:6 ತೆ ಕ್ಹುದಾನಾನಿಂಗ ರ‍್ಹಯೊ ತಬಿ ವರಿಬಿ ಕ್ಹುದಾನೆ ಹೊಲಸಾನೆ ತೆ ವಿಚಾರ ಕರ‍್ಯೊನೈ.
PHI 2:7 ತಿನಾಕ್ಹು ತೆ ತಗಸಿಲಿನ ಆಳನಿಂಗ ರ‍್ಹೈನ ಮನಕ್ಹನೆ ಸಮಾನ ಥಯೊ. ಮನಕ್ಹನಾ ರುಪನಿಂತ ದಿಕ್ಹೊ.
PHI 2:8 ತೆ ತಿನಾಕ್ಹು ತಗಿಸಿಲಿನ ಮೌತನೆ ಕದ್ಯಾಮ ಶಿಲೆಬಿನಿ ಮೌತ ರ‍್ಹೈನೆಕಾ ಒಪ್ಪಿಲಿವಾನಾಕ್ಲೊ ವಿದೆ ಥಯೊ.
PHI 2:9 ಇನಾಹುತಿ ಕ್ಹುದಾ ತಿನೆ ಘನಿ ಮ್ಹೊಟಿ ಸ್ಥಾನ ದಿನ ಕ್ಹಾರಾ ನಾಮ್ಮತಿ ಶ್ರೆಷ್ಠನಾಮ್ಮ ತಿನೆ ದಿದ್ಯೊ.
PHI 2:10 ತಿನಾಹುತಿ ಸ್ವರ್ಗಮ್ಮಾ ಜಿಮಿನ ಪರ ಪಾತಾಳಮಾ ರ‍್ಹಹೆಲವಾಲಾ ಯೆಸುನಾ ನಾಮ್ಮಪರ ಉಂದಾಘುಡಗಾ ಘಾಲಿನ ಅಡ್ಡ ಪಡಿನ
PHI 2:11 ಬಾ ಥಯಲ ಕ್ಹುದಾನಿ ಮಹಿಮಾನಾ ಹುತಿ ಹರಯಕ್ಕ ಜಿಬಬಿ ಯೆಸು ಕ್ರಿಸ್ತನೆ ಕರ್ತಾ ವ್ಹೈ ಕೈನ ತಿಳದಿಲಿವಾನು.
PHI 2:12 ತಿಮ್ಮ ರ‍್ಹಯಲಕ್ಹು ಮಾರಾ ಮಯಾನಾ ತಮ್ಮೆ ಮಾರಾ ವಾತೊ ಹಮೆಶಾಬಿ ಪಾಲನೆ ಕರಲ ಲಿಂಗತ ಹಮ್ನಾಬಿ ಪಾಲನೆ ಕರೊ. ಮಿ ತಮಾರಾ ಕ್ಹಾತೆ ರ‍್ಹತ್ತಾಮ್ಮಾ ಯಕ್ಕ ನೈಸೊ, ಮಿ ನೈಸೊ ಟೆಮ್ಮಾ ಘನಿ ಭಕ್ಹು ಕಾಪಾಲಾ ಥೈನ ತಮಾರಾ ತಮಾರಾ ರಕ್ಷಣೆ ಕರಲಿಯೊ.
PHI 2:13 ಕಾಕದ್ಯಾಮ್ಮಾ ಕ್ಹುದಾ ದೆಕಾಡಲ ಜ ಪುರಾ ಕರು ಕೈನ ತುಮೊಮ್ಮಾ ಉದ್ದೆಶ ವರಿ ಕೊಶಿಶ ಹುಟಸಾಲೊ ಥಯೊಸ.
PHI 2:14 ಗುಣೆಗುಟೆವಾಚಿ ವಿವಾದ ರ‍್ಹಹೆ ವಾಚಿ ಕ್ಹಾರು ಕರೊ.
PHI 2:15 ಇಮ್ಮ ತುಮೆ ತಪ್ಪ ನೈಸೊವಾಲಾ ವರಿ ಯಕ್ಕಜ಼ ಮನಸ್ಸವಾಲಾ ಥೈನ ವಾಕಿ ಗ್ಯಾನ ಪಿಸಾಳಾವೊನಿ ಜಾತನಿ ವಚಮ್ಮಾ ಕ್ಹುದಾನಾ ತಪ್ಪ ನೈಸೊವಾಲಾ ಬಚ್ಚಾ ಥಾವೊಶಿ.
PHI 2:16 ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.
PHI 2:17 ತಮಾರೊ ಭರೊಕ್ಹೊ ಕವಾನು ಯಜ್ಞ ಕ್ಹುದಾನೆ ಚ಼ಡಾವಾನು ಸೆವಾಮ್ಮಾ ಮಿಜ಼ ಬಲಿಥೈನ ಅರ್ಪಿತ ಥೈವು ಕೈನ ಮನೆ ಖುಶಿ ವ್ಹೈ,ತಮಾರಾ ಕ್ಹಾತೆಬಿ ಷಿ ಕರುಸ,
PHI 2:18 ತಿಮ್ಮಜ಼ ತಮೆಬಿ ಖುಶಿ ಕರೊ, ಮಾರಾ ಕ್ಹಾತೆ ಖುಶಿ ಕರೊ.
PHI 2:19 ತಿನಾಹುತಿ ಮಿ ತಿಮೊಥಿನೆ ಜಲದಿಜ ತಮನೊಕನ ವಳೌ ಕೈನ ಕರ್ತಾ ಥಯಲ ಯೆಸುಮ್ಮಾ ಮಾಂಗಿಲ್ಯುಸ. ತಿನಾ ಮುಖಾಂತರ ತಮಾರ ಸಂಗತಿಯೊ ತಿಳ್ದಿನ ಮಿ ಆದರಣೆ ವ್ಹಂದ್ಯೊ.
PHI 2:20 ತಿನಾಲಿಂಗತ ತುಮಾರಾ ಕಾಮೊನಾ ಹುತಿ ಕ್ಹರಿಕ್ಹು ಚಿಂತಾಕರಾಲಾ ಮಾರಾ ಕ್ಹಾತೆ ಕುನಜ ನತ್ತಿ.
PHI 2:21 ಕ್ಹಾರಾಜ಼ನಾ ತ್ಯುನಾಕಾಮ್ಮಾ ಮನಸ ಮ್ಹೆಲಸ ಹೊರತ್ತಾಗಿ ಯೆಸು ಕ್ರಿಸ್ತನಾ ಕಾಮ್ಮಪರ ಮನಸ ನೈಮ್ಹೆಲತ್ತಾ.
PHI 2:22 ತಿನಾಹುತಿ ತಿಮೊಥಿನಾ ಯೊಗ್ಯತೆನೆ ತಮೆ ತಿಳದಿಲಿದ್ಯಾಸು. ದಿಕ್ರೊ ಬಾಪನೆ ಕಿಮಜ ತಮ್ಮಜ ತೆ ಮಾರಾ ಕ್ಹಾತೆ ಸುವಾರ್ತಾ ಪೈಲಾವಾನೆ ಸೆವೆ ಕರಾಡ್ಯೊಸ ಕೈನ ತಮನೊನೆ ಗೊತ್ತ ಛೆ.
PHI 2:23 ತಿನಾಹುತಿ ಮಾರು ವಿಚಾರ ಕಿಮಥಾವಸ ಕೈನ ತೆ ಗೊತ್ತ ಥಯಲ ಪರ ತಿನೆ ವಳಾವಾನೆ ವಿಚಾರ ಕರುಸ.
PHI 2:24 ತೆನೈಸೊ ಮಿಬಿ ಜಲದಿಜ ಔಸ ಕೈನ ಕರ್ತಾ ಪರ ಘನೊ ಭರೊಕ್ಹೊ ಮ್ಹೆಲೊಸ.
PHI 2:25 ಮಾರು ಕಮಿ ನಿಗಾನೆ ತಮ್ಮೆ ವಳಾಯೆಲ ಮಾರಾ ಭಾಯೊ ಮಾರಾ ಕ್ಹಾತೆ ರ‍್ಹಯಲ ಸೆವಕೊ ಸಹಸೆನಾನಿ ಥಯಲ ಎಪಫ್ರೊದಿತನೆ ತಮನೊ ಕನ ವಳಾವಾನು ಅವಶಕ್ಯ ವ್ಹೈ ಕೈನ ಮಿ ವಿಚಾರ ಕರ‍್ಯೊಸ.
PHI 2:26 ತೆ ತಮಾರಾ ಹುತಿ ಮಾಯಾ ಕರಾಡೊತೊ ವರಿ ತೆಬಿ ಅರಾಮ ನೈರ್‍ಹಯಲ ಸುದ್ದಿ ತಮೆ ಐಕೆಲಕ್ಹು ತೆ ದುಖ ಕರಲಿದ್ಯೊ.
PHI 2:27 ತೆ ರೊಗಮ್ಮಾ ಪಡಿನ ಮಾರಾನೊ ವ್ಹತ್ತೊಸು ಕೈನ ಕ್ಹರಿಜ ವೈಸು, ತಿನಾಹುತಿ ಕ್ಹುದಾ ತಿನೆ ಮರಿಗ್ಯೊ. ತಿನೆ ಯಕ್ಕಜ಼ ನೈ ಮನೆಬಿ ದುಖ ರೌನೈಸೊ ಮರಗ್ಯೊ.
PHI 2:28 ತಿನಾಹುತಿ ತಮೆ ತಿನೆ ದೆಕಿನ ಫರಿನ ಖುಶಿ ಕರು ಕೈನ ಮಾರು ದುಖ ಕಮ್ಮ ಥೌ ಕೈನ ಮಿ ತಿನೆ ಘನೊ ಗಡಬಡಕ್ಹು ವಳಾಯೊ.
PHI 2:29 ತಿಮ್ಮ ರ‍್ಹತ್ತಾಮ್ಮಾ ತಮೆ ಮನೆ ಕರಾನು ಕಾಳಜಿಮ್ಮಾ ಕಮಿ ಭರಾನೆ ತೆ ಜ಼ಲಮ್ಮನು ಆಸ ಛೊಡಿನ ಕ್ರಿಸ್ತನಾ ಸೆವೆನಾ ಹುತಿ ಮಾರಾನಾ ಸ್ಥಿತಿಮ್ಮಾ ರ‍್ಹತ್ತಾಮ್ಮಾ ತಮ್ಮೆ ತಿನೆ ಪುರಾ ಖುಶಿಕ್ಹು ಕರ್ತಾನಾ ಪರ ಮಳೆಲಿಯೊ ತೆವಾವೊನೆ ಮರಿಯಾದಿ ವೈವಾಲಾ ಕೈನ ಮೊಜೊ.
PHI 2:30 ತೆ ಕ್ರಿಸ್ತನಾ ಕಾಮನಾ ಹುತಿ
PHI 3:1 ಲಾಸ್ಟಮ್ಮಾ ಮಾರಾ ಭಾಯೊ ಕರ್ತಾಮ್ಮಾ ಖುಶಿ ಕರು. ಪೈಲಾ ತಿಳದೆಲ ತೆ ವಾತೊ ವತಿ ಲಿಕಾನಾಹುತಿ ಮನೆಸು ಬಾಜಾ಼ರ ನತ್ತಿ ತೆ ಅಪನೊನೆ ಘಟ್ಟ ಕರಸ.
PHI 3:2 ತೆ ಕುತ್ತಾರೊವೊಕ್ಹು ಹುಶಾರ ರ‍್ಹಹೊ. ಕೆಟ್ಟಕಾಮ್ಮೊ ಕರವಾಲಾಕ್ಹು ಹುಶಾರ ರ‍್ಹಹೊ. ಖತ್ನಾ ಕೈನ ಕವೈಲಿನ ಅಂಗ ಕಟೈಲಿವಾಲಾವೊ ಕ್ಹು ಹುಶಾರ ರ‍್ಹಹೊ.
PHI 3:3 ಕ್ಹರಿನಾಜ ಖತ್ನಾ ಕರಾವಾಲಾ ಕುವೈ ಕದ್ಯಾಮ್ಮಾ ಕ್ಹುದಾನಿ ಆತ್ಮಾಕ್ಹು ಭರಲವಾಲಾ ಆರಾಧನಾ ಕರಾವಾಲಾ ಕ್ರಿಸ್ತ ಯೆಸುಮ್ಮಾ ಖುಶಿ ಕರಾವಾಲಾ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ನೈರ‍್ಹಹೆಲವಾಲಾ ಹಮೆಜ಼ ವ್ಹೈ.
PHI 3:4 ಮಿತೊ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ಮ್ಹೆಲಾನೆ ಬಿ ಮೌಕೊಛೆ. ಬಿಜಾ಼ ಕುನಬಿ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ಮ್ಹೆಲಾನೆ ವಿಚಾರ ಕರ‍್ಯಾಮ್ಮಾ ಮಿ ತಿನಾತಿ ಹೆಚ್ಚಗಿ ತಿಮ್ಮಜ ವಿಚಾರ ಕರಸಕಸಿ.
PHI 3:5 ಹುಟ್ಟಿನ ಆಟವಾ ದಿನಮ್ಮಾ ಮನೆ ಖತ್ನಾ ಥೈವು,ಮಿ ಇಸ್ರಾಯೆಲ ಖಾಂದಾನೊವೈ, ಬೆನ್ಯಾಮಿನನ ಜಾತನೊ ವ್ಹೈ,ಇಬ್ರಿಯಮ್ಮಾತೊ ಹುಟೆಲ ಇಬ್ರಿವಾಲೊ ವ್ಹೈ, ಧರಮಶಾಸ್ತ್ರನಾ ನಜರಮ್ಮಾ ದೆಕ್ಯಾಮ್ಮಾ ಮಿ ಫರಿಸಾಯನೊ ವ್ಹೈ,
PHI 3:6 ಆಸಕ್ತಿ ದೆಕ್ಯಾಮ್ಮಾ ಮಿ ಕ್ರಿಸ್ತನಾ ಸಭೆನೆ ತರಾಸ ಕರಲವಾಲೊ ವ್ಹೈ, ಧರಮಶಾಸ್ತ್ರನಾ ನಿಯಮನಾ ಪ್ರಕಾರ ದೆಕ್ಯಾಮ್ಮಾ ಮಿ ತಪ್ಪ ನೈಸೊ ವ್ಹೈ.
PHI 3:7 ತೆನೈಸೊ ಮನೆ ಫೈದೊರ‍್ಹಹೆಲಮ್ಮಾ ಕ್ರಿಸ್ತನಾ ಹುತಿ ಲುಕ್ಸಾನ ಮೊಜೊ.
PHI 3:8 ತೆಕ್ಲುಜ ನೈಸೊ ಮಾರಾಕರ್ತಾ ಥಯಲ ಯೆಸು ಕ್ರಿಸ್ತನಾನಿಂತ ಚಾ಼ಲಾನು ಘನು ಚೊ಼ಕು ವ್ಹೈ ಕೈನ ವಳಕಿನ ಯೆ ಕ್ಹಾರು ಮಿ ಹಾಳ ಥಾವಾ ವ್ಹೈಕೈನ ಕೈಲಿದ್ಯೊಸ. ತಿನಾಹುತಿ ಮಿ ಕ್ಹಾರು ಜವೈಲಿನ ತೆ ಕ್ಹಾರಾನೆಜ ಮಿ ಕಸ ವ್ಹೈ ಕೈನ ಕಲಿದ್ಯೊ.
PHI 3:9 ಇಮಾ ವಿಚಾರ ಸುವೈ ಕದ್ಯಾಮ್ಮಾ, ಮಿ ಕ್ರಿಸ್ತನೆ ಕಮೈಲಿನ ಧರಮಶಾಸ್ತ್ರನೆ ಫಲ ಥೈನ ರ‍್ಹಯಲ ಕ್ಹುದನಿ ನಿತಿ ನ್ಹವೈ,ಕ್ರಿಸ್ತ ಪರ ಭರೊಕ್ಹೊ ಕರ‍್ಯಾಮ್ಮ ಕದ್ಯಾಮ್ಮಾ ಕ್ರಿಸ್ತಪರ ಫೆಲಾನಾ ಭರೊಕ್ಹೊ ಫೆಲಾನಾ ಹುತಿ ಕ್ಹುದಾ ದಿವಾನಿ ನಿತಿ ಹೊಂದಿಲಿನ ಕ್ರಿಸ್ತಮ್ಮಾ ರ‍್ಹವಾಲೊ ವ್ಹೈಜ಼.
PHI 3:10 ತಿನೆ ತಿನಾ ಪುನರುತ್ಥಾನಮಾ ರ‍್ಹಯಲ ತಾಕತನೆ, ತಿನಾ ತರಾಸಮ್ಮಾ ವಾಟೊ ಲಿವಾಲೊ ತಿನಿ ಯಕ್ಕ ಪದವಿ ವ್ಹೈ ಕೈನ ತಿಳದಿಲಿನ ತಿನಾ ಮೌತನಾ ಹುತಿ ತಿನಾನಿಂತ ಜ ರುಪ ಲಿವಾಲೊ ಕೈನ ಮಾರಿ ಆಸ ಥೈಸ.
PHI 3:11 ಇಮ್ಮ ರ‍್ಹೈಮ್ಮ ಮರಲವಾಲಾ ದಕ್ಹಾಜ಼಼ನಾವೊನೆ ಥಾವಾನು ಪುನರುತಾನು ಅನುಭವ ಮನೆ ಬಿ ಥಾಸ.
PHI 3:12 ಅಕ್ಲಾಮ್ಮಾಜ ಮಿ ಯೆ ಕ್ಹಾರು ಪಡದಿಲಿನ ಪುರಾ ಥಾವಾನಾ ಹುತಿ ಆಯೆಲವಾಲೊ ವ್ಹೈ ಕೈನ ಕತೊನೈ. ತೆನೈಸೊ ಮಿ ಸು ಹೊಂದೊಲಿವಾನಾ ಹುತಿ ಯೆಸು ಕ್ರಿಸ್ತಜ ಮನೆ ಧರಲಿದ್ಯೊ ತೆ ಹೊಂದಿಲಿವಾನಾ ಹುತಿ ಕೊಶಿಶ ಕರಾಡ್ಯೊಸ.
PHI 3:13 ಭಾಯೊ ಮಿ ಪಡದಿಲಿವಾಲೊ ವ್ಹೈ ಕೈನ ಮಿ ಹಜು಼ನ ಲಕ್ಕಾ ಕೈಲೆತೊ ನೈ. ತೆನೈಸೊ ಯಕ್ಕ ಮಿ ಪಾಚ ಥಯಲ ಕ್ಹಾರು ಇಕ್ಹರಿನ ಅಗ್ಲು ಥಾವಾನು ಕರಾನಾ ಹುತಿ ಮಿ ತಗ್ಗಲವಾಲೊ ಥೈನ,
PHI 3:14 ಕ್ಹುದಾ ಕ್ರಿಸ್ತನಾ ಮುಲಕ ಅಪ್ನೊ ಉಪ್ಪರ ಬಲೈನ ಅಪ್ನಾ ಕ್ಹಾಮೊ ಮುಕಲ ಬಿರುದ ಹೊಂದಾನಿ ವಾಟ ಮಳಾದೆ ಕೈನ ನ್ಹಾಟಡೊಸ.
PHI 3:15 ಅಪ್ನಾಮ್ಮಾ ಶಾಣ್ಯಾಥಯಲವಾಲಾ ಕ್ಹಾರಾ ಯೆ ವಿಷಯಮ್ಮಾ ಯೆಜ ವಿಚಾರವಾಲಾ ಥೈನ ರ‍್ಹೈ ವರಿ ಯಕ್ಕ ಕೈಬಿ ವಿಷಯಮ್ಮಾ ತುಮೆ ಬಿಜಿ ವಿಚಾರವಾಲಾ ಥಯಲ ರ‍್ಹೈಯಾಮ್ಮಾ ತೆ ಕ್ಹುದಾ ತುಮೊನೆ ದೆಕಾಡಿನ ದಿವಸ.
PHI 3:16 ತೆತೊ, ಅಪೆ ಕಯೊ ತರಿಕಾನಿಂತ ಚಾ಼ಲಿನ ನ್ಹ್ಯಾಲಕ್ಕಾಬಿ ಆಯಾ ತಿನಾನಿಂತಜ ಚಾ಼ಲಿನ ಗಯೆ.
PHI 3:17 ಭಾಯೊ ವರಿ ಭೆನೊ, ತುಮೆ ಮಾರಾಕ್ಹಾತೆ ಮಳಿನ ಮಾರಾ ಕ್ಹಾತೆ ಚಾಲಾವಾಲಾ ಥಾವೊ ಹಮೆ ದೆಕಾಡಾನಾ ತರಿಕಾಮ್ಮಾಜ ಚಾಲಾವಾಲಾವೊನೆ ಧ್ಯಾನ ಲಿವೊ.
PHI 3:18 ಕಾಕದ್ಯಾಮ್ಮ ಘನಾಜ಼ನಾ ಕ್ರಿಸ್ತನಾ ಶಿಲೆಬೆನಾ ವಿರೊದ್ದ ಥೈನ ಚಾಲಸ. ತ್ಯುನಿ ವಿಷಯಮ್ಮಾ ತುಮೊನೆ ಕೆಕ್ಲಿಸಲ ಕದ್ಯೊ, ಹಮ್ನಾ ಬಿ ರೊತೊ ಕೌಸ.
PHI 3:19 ಹಾಳಥವಾನುಜ ತ್ಯುನಿ ಲಾಸ್ಟನಿ ಪರಿಸ್ಥಿ ವ್ಹೈ, ಪೆಟಜ ತ್ಯುನು ಕ್ಹುದಾವೈ, ಸರಾಮಾವುನಜ ಕಾಮ್ಮ ತ್ಯುನೊನೆ ಚುಕು ವ್ಹೈ ತ್ಯುನೆ ದುನಿಯಾಮ್ಮಾ ರ‍್ಹಯಲ ಕಾಮೊನೆ ಚಿಂತಾ ಕರಸ.
PHI 3:20 ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ.
PHI 3:21 ತೆ ಕ್ಹಾರುಜ ತಿನಾ ಅದಿನಮ್ಮಾ ಕರಲಿವಾನು ಕ್ಹಾರಾವೊ ಪರ ಅದಿಕಾರ ವ್ಹಂದಲವಾಲೊ ಥೈನ ದಿನ್ನ ಸ್ವಭಾವಾಲೊ ಥೈನ ಅಪನು ಅಂಗ ಘನು ತಾಕತವರ ಥೈನ ತಿನಾ ಅಂಗ ಲಿಂಗತ ರುಪಾಂತರ ಕರಸ.
PHI 4:1 ಮಾರಾ ಭಾಯೊ ಭೆನೊ ಮಿ ತುಮೊನೆ ಮಯಾ ಕರುಸ ವರಿ ತುಮೊನೆ ದೆಕಾನೆ ಆಸ ಕರುಸ ಮನೆ ತುಮೆ ಕ್ಹುಶಿ ಕರೊ ಮಿ ತಮಾರಾ ಹುತಿ ಹೆಮೆ ಪಡಾನಿನಿಂತ ಕರ‍್ಯಾಸ. ಮಿ ಕದಲನಿಂತ ತುಮೆ ಪ್ರಭುನಿ ವಾಟಪರ ಚಾ಼ಲೊ.
PHI 4:2 ಪ್ರಭುಮ್ಮಾ ಯಕ್ಕಜ಼ ಮನಸವಾಲಾ ರ‍್ಹೈಕೈನ ಮಿ ಯೆಹುದಿಳನೆ ವರಿ ಸಂತುಕೆನೆ ಸಮಾಧಾನಕ್ಹು ಮಾಂಗಿಲಿಸ.
PHI 4:3 ಮಾರಾ ದೊಸ್ತ, ತು ಮಾರಾ ಕ್ಹಾತೆ ಕಾಮ್ಮಕರಾವಾಲೊ ಥೈನ ಸೆವೆ ಕರೊತೊ ರ‍್ಹೈಹುತಿ ಯೆ ಬಾಕಡಿನೆ ಬಿ ಮದತ ಕರು ಕೈನ ತುಕನ ಮಾಂಗಿಲ್ಯುಸ. ಯೆ ಬಾಕಡಿಯೊ ಮಾರಾ ಕ್ಹಾತೆ ಸುವಾರ್ತೆನಾ ಹುತಿ ಸೆವೆ ಕರಿಯೊಸ. ಮಾರಾ ಕ್ಹಾತೆ ಸೆವೆ ಕರಾತ್ತಾ ರ‍್ಹಯಲ ಕ್ಲೆಮನ್ಸ ವರಿ ಬಿಜಾ಼ ಸೆವಕೊನೆ ಕ್ಹಾತೆ ಯೆ ಬಾಕಡಿಯೊ ಸೆವೆ ಕರಿಯೊಸ. ಯೆ ಬಾಕಡಿಯೊನು ನಾಮ ಜಿವಭಾದ್ಯ ಬುಕ್ಕಮ್ಮಾ ಬರ್ದಲ ಛೆ.
PHI 4:4 ಹಮೆಶಾಬಿ ಪ್ರಭುಮ್ಮಾ ಖುಶಿ ಕರೊ;ಖುಶಿ ಕರೊ ಕೈನ ವರಿ ಕೌಸ.
PHI 4:5 ತುಮಾರು ಮೃದು ಸ್ವಭಾವ ಮರಗಾ ಮನಕ್ಹೊ ದೆಕಾವಾಲಾನಿಂತ ಥಾವಾದೆ. ಪ್ರಭು ಭೆಗಿನ ಆವಸ.
PHI 4:6 ಶಾನಾಹುತಿ ಚಿಂತಾ ಕರು ನಕೊ. ತೆನೈಸೊ ಪ್ರಾರ್ಥನಾ ಕರತ್ತಾ ತುಮೊನೆ ಚಾ಼ಯೆ ಥಯಲ ಕ್ಹುದಾಕನ ಮಾಂಗಿಲಿವೊ. ತುಮೆ ಪ್ರಾರ್ಥನಾ ಕರತಾಮ್ಮಾ ಕ್ಹುದಾನೆ ಕೃತ್ತಜ್ಞತ್ತಾ ಸ್ತುತಿ ಕರೊ.
PHI 4:7 ಕ್ಹುದಾನಿ ಶಾಂತಿ ಕ್ರಿಸ್ತಯೆಸುಮ್ಮಾ ತುಮಾರಾ ಮನಸೊನೆ ಕಾಯಿದಸ. ಕ್ಹುದಾ ದಿವಾನಿ ಯೆ ಶಾಂತಿ ಅಪೆ ನೈ ತಿಳದಿಲಿವಾನಾಕ್ಲು ಘನಿ ಮ್ಹೊಟಿಶೆ.
PHI 4:8 ಮಿ ತುಮೊನೆ ಲಾಸ್ಟಮಾ ಸು ಕೌಸ ಕದ್ಯಾಮ ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊಪರ ತುಮಾರೊ ಧ್ಯಾನ ರ‍್ಹೈನಕಾ.
PHI 4:9 ತುಮೆ ಮಾರಾಕ್ಹು ಶಿಕಲ ಕ್ಹಾರು. ಹೊಂದಿಲಿದೆಲ ಕ್ಹಾರು ಐಕಲ ವರಿ ಡೊಳೆ ದೆಕೆಲ ಕರೊ. ತೆಳಾಮಾ ಶಾಂತಿ ದಿವಾಲೊ ಕ್ಹುದಾ ತಮಾರಾ ಕ್ಹಾತೆ ರ‍್ಹವಸ.
PHI 4:10 ಮಪರ ರ‍್ಹಯಲ ತುಮಾರಿ ಚಿಂತಾವರಿ ತುಮೆ ದೆಕಡಿನೆದಿದಲ ಹುತಿ ಮಿ ಪ್ರಭುಮಾ ಘನ್ನು ಖುಶಿ ಕರುಸ. ತುಮೆ ಮಾರಾ ಹುತಿ ಚಿಂತಾ ಕರ್ತಾಛೆ. ತೆನೈಸೊ ತೆ ದೆಕಾಡಾನೆ ಮೌಕೊಜ಼ ನ್ಹೊತೊ.
PHI 4:11 ಮಿ ಎ ವಾತೊ ಕವಾನು ಮಾರಾಮಾರ‍್ಹಯಲ ಕಮಿಕ್ಹು ನ್ಹವೈ. ಮಾರಾಮಾ ರ‍್ಹಯಲ ಕ್ಹಾರಾಮಾ ವರಿ ಮನೆ ಥಾವಾನು ಕ್ಹಾರಾವೊಮಾ ತೃಪ್ತಥಾವಾನೆ ಮಿ ಶಿಕ್ಯೊಸ.
PHI 4:12 ಭುಕ್ಕೊ ರ‍್ಹತಾಮಾ ಸಮೃದ್ದಿ ರ‍್ಹತಾಮಾ ಕಿಮ ಜಿವ್ನಾ ಕರು ಕವಾನು ಮನೆ ಗ್ವತ್ತ ಥಯುಸ. ಕಯಾ ಟೈಮ್ಮಾಬಿ ಕೈಯಿ ಸ್ಥಿಮಾ ರ‍್ಹೈನೆಕಾ ಖುಶಿ ಮನೆ ಗ್ವತ್ತ ಛೆ. ಖಾವಾನೆ ಚಾ಼ಯೆ ಥಯಲ ತೆಕ್ಲು ನೈ ರ‍್ಹತಾಮಾಬಿ ಮನೆ ಚಾ಼ಯೆ ಥಯಲ ತೆಕ್ಲು ವ್ಹಂದತಾಮಾ ನೈ ವ್ಹಂದಟೈಮ್ಮಾ ಶಿಕ್ಕಿಲಿದ್ಯೊಸ.
PHI 4:13 ಕ್ರಿಸ್ತನಾ ಮುಲಕ ಕ್ಹಾರಾ ಕಾಮೊ ಕರ ಸಕುಸ. ಕಾಕದ್ಯಾಮ ತೆ ಮನೆ ತಾಕತ ದಿವಸ.
PHI 4:14 ವರಿಬಿ ಮಿ ತ್ರಾಸಮಾ ರ‍್ಹತಾಮಾ ತುಮೆ ಮನೆ ಮದದತ ಕರಲ ಚೊ಼ಕು ಥಯು.
PHI 4:15 ಎನೈಸೊ ಪಿಲಿಪ್ಪಿ ಗಾಮಾ ವಾಲಾ ಮಿ ಪೈಲಾ ತುಮೊಮಾ ಸುವಾರ್ತೆ ಕೈನ ಮೆಕೆದೊನಿಯೆ ಜಾ಼ತಾಮಾ ತುಮಾರಿ ಸಭೆ ಮನೆ ಮದತಕರಿಸ ಕೈನ ಮನೆ ಗ್ವತ್ತ ಛೆ.
PHI 4:16 ಮಿ ಥಸಲೊನೊಕಮಾ ರ‍್ಹತಾಮಾ ಮನೆ ಛಾಯೆ ಥಯಲ ತುಮೆ ಬೆ ತನ್ನ ಸಲಾ ದಿದ್ಯಾಸ.
PHI 4:17 ಕ್ಹರಿಮಾ ತುಮೊಕ್ಹು ಕೊಡಗೆ ಲಿವು ಕೈನ ಮಾರಿ ಆಸ ನ್ಹವೈ. ತೆ ದಿವಾನಾ ಮುಲಕ ಅಗೊ ಹೆಚ್ಕಿ ದಿವಾನಾ ಹುತಿ ಆರ್ಶವಾದೊ ತುಮೆ ವ್ಹಂದಿ ಲ್ಯು ಕೈನ ಮಾರಿ ಆಸ ವ್ಹೈ.
PHI 4:18 ಎಪೆಫ್ರೊದಿತ ತುಮೆ ದಿದಲ ಮನೆ ಲೈನ ದಿದಲ ಹುತಿ ಚಾ಼ಯೆ ಥಯಲಮ ತೆಕ್ಲು ಘನ್ನು ಛೆ. ತುಮೆ ದಿದಲ ಕ್ಹಾರು ಕ್ಹುದಾನೆ ಛಡಾಯಲ ಪರಿಮಳ ರ‍್ಹಯಲ ಬಲಿ ಥೈಸ. ಎ ಕ್ಹುದಾನೆ ಪಸಂದ ಥೈಸ.
PHI 4:19 ಮಾರೊ ಕ್ಹುದಾ ಯೆಸುನಾ ಮುಲಕ ತಿನಿ ಪ್ರಭಾವನೆ ಸೌಕಾರ್ತಾನೆ ಕ್ಹು ತುಮೊನೆ ಚಾ಼ಯೆ ಥಯಲ ತೆಕ್ಲು ದಿವಸ.
PHI 4:20 ಅಪ್ನೊ ಬಾ ಥಯಲ ಕ್ಹುದಾನೆ ಹಮೆಶಾಬಿ "ಮಹಿಮಾ "ಥಾವಾದೆ ಆಮೆನ.
PHI 4:21 ಕ್ಹುದಾನಾ ಕ್ಹಾರಾಮನಕ್ಹೊನೆ ಕ್ರಿಸ್ತಮಾ ಮಾರಿ ನಮಸ್ಕಾರ ಕೈನ ಮಾರಾ ಕ್ಹಾತೆ ಭಾಯೊ ಭೆನೊ, ತುಮೊನೆ ನಮಸ್ಕಾರ ಕರ‍್ಯಾಸ.
PHI 4:22 ಕ್ಹಾರಾ ಕ್ಹುದಾ ಬಚ್ಚಾ಼ ತುಮೊನೆ ನಮಸ್ಕಾರ ಕರ‍್ಯಾಸ. ಸಿಸರ ರಾಜಾ಼ನಾ ಘರ್ಮಾ ರ‍್ಹಯಲ ಬರೊಕ್ಹಾಲಾಬಿ ತುಮೊನೆ ನಮಸ್ಕಾರ ಕರ‍್ಯಾಸ.
PHI 4:23 ಪ್ರಭು ಯೆಸು ಕ್ರಿಸ್ತನಿ ಮರ್ಗಾ ತುಮಾರಾ ಕ್ಹಾತೆ ರ‍್ಹವಾದೆ.
COL 1:1 ಕ್ಹುದಾ ತಿನಾ ಚಿತ್ತಾನಾ ಅನುಸಾರ ಯೆಸುಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿತಾ ಬರ್ದಲ ಪತ್ರ.
COL 1:2 ಕೊಲೆಸ್ಸಮಾ ರ‍್ಹಯಲ ಕ್ಹುದಾನಾ ಮನಕ್ಹೊನೆ ಕದ್ಯಾಮ ಕ್ರಿಸ್ತಮಾ ಬರೊಕ್ಹೊವಾಲಾ ವರಿ ಪವಿತ್ರ ಥಯಲ ಭಾಯೊ, ಭೆನೊನೆ ಮಿ ಎ ಪತ್ರ ಮಾರೊ ಭಯ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಬರ್ದಾಡ್ಯೊಸ. ಮಾರೊ ಬಾ ಥಯಲ ಕ್ಹುದಾಕ್ಹು ತಮೊನೆ ಮರಗಾ,ಶಾಂತಿ ಮಳಾದೆ.
COL 1:3 ಹಮೆ ಪ್ರಾರ್ಥನಾ ಕರ್ತಾಮ್ಮಾ ತಮಾರಾ ವಿಷಯಮ್ಮಾ ಕ್ಹುದಾನೆ ಸ್ತೊತ್ರ ಕೈಯೆಸ. ಮಾರೊ ಪ್ರಭು ಥಯಲ ಯೆಸು ಕ್ರಿಸ್ತ ಬಾ ಥಯಲ ಕ್ಹುದಾ
COL 1:4 ಹಮೆ ಕ್ಹುದಾನೆ ಸ್ತೊತ್ರ ಕರಾನೆ ಕಾರಣ ಸುವೈ ಕದ್ಯಾಮ ಕ್ರಿಸ್ತಮಾ ಯೆಸುಮಾ ರ‍್ಹಯಲ ತಮೊನೆ ರ‍್ಹಯಲ ಬರೊಕ್ಹಾನಾ ಹುತಿ, ಕ್ಹುದಾ ಮನಕ್ಹೊ ಪರ ತಮೊನೆ ರ‍್ಹಯಲ ಮಯಾನಾಹುತಿ ಪುಚ್ಯೊಸ.
COL 1:5 ತಮೊನೆ ನಿರಿಕ್ಷೆ ರ‍್ಹಯಲನಾಹುತಿ ಕ್ರಿಸ್ತನಾ ಪರ ಬರೊಕ್ಹೊ ಮ್ಹೆಲ್ಯಾ ವರಿ ಕ್ಹುದಾನಾ ಮನಕ್ಹೊನೆ ಮಯಾ ಕರ‍್ಯೊ. ತಮೆ ನಿರಿಕ್ಷೆ ಕರಾನು ತಮಾರಾಹುತಿ ಸ್ವರ್ಗಲೊಕಮಾ ತಯಾರ ಕರ‍್ಯಾಸ ಕವಾನು ತಮೊನೆ ತಿಳ್ದಾಸ. ತಮೊನೆ ತಿಳ್ಸಾಯೆಲ ಕ್ಹರಿ ವಾಕ್ಯ ಕದ್ಯಾಮ ಸುವಾರ್ತೆನೆ ತಮೆ ಪುಚತ್ತಾಮ್ಮಾ ತೆ ನಿರಿಕ್ಷೆನಾಹುತಿ ತಿಳದಿಲಿದ್ಯಾಸ.
COL 1:6 ತಮೆ ಸುವಾರ್ತೆ ಐಕಿ ಕ್ಹುದಾನಿ ಮರಗಾನಿ ಕ್ಹರಿ ತಿಳ್ದಿಲಿದಲಕ್ಹು ಸುವಾರ್ತೆ ತುಮೊಮ್ಮಾ ಘನಿ ಥಾವಾಡಿಸ ವರಿ ಮನಕ್ಹೊನೆ ಆಶಿರ್ವಾದ ಥೈನ ರ‍್ಹೈಯುಸ. ತಿನಾಲಿಂಗತಜ಼ ದುನಿಯಾಮಾ ಕ್ಹಾರಿ ಜ಼ಗಾಬಿ ಸುವಾರ್ತೆ ಘನಿ ಥಾವಾಡಿಸ ವರಿ ಆಶಿರ್ವಾದ ಥೈನ ರ‍್ಹವಸ.
COL 1:7 ತಮೆ ಎಪಫ್ರದಿಕ್ಹು ಕ್ಹುದಾನಿ ವರಗಾ ತಿಳ್ದಿಲಿದ್ಯಾಸ. ತೆ ಹಮಾರಾ ಕ್ಹಾತೆ ಸೆವೆ ಕರಾಡ್ಯೊಸ. ಹಮೆ ತಿನೆ ಮಯಾ ಕರೆಯೆಸ. ತೆ ಹಮಾರಾಹುತಿ ಕ್ರಿಸ್ತನೊ ಬರೊಕ್ಹೊವಾಲೊ ಸೆವಕ ಥಯೊಸ.
COL 1:8 ಪವಿತ್ರ ಆತ್ಮಾನೆ ಪ್ರೆರಿತ ಥಯಲ ತುಮಾರಿ ಮಯಾನಾ ಹುತಿ ರ‍್ಹಯಲ ವಿಷಯ ಮನೆ ಕೈನ ದಿದಲ ತೆಜ಼ ವ್ಹೈ.
COL 1:9 ಇಮ್ಮ ರ‍್ಹಯಲ ಹುತಿ ಎ ತುಮಾರಿ ಮಯಾನಾ ಹುತಿ ಹಮೆ ಐಕಲ ದಿಂತಾ ತುಮಾರಾ ಹುತಿ ಇಕ್ಹರ‍್ಯಾವಾಚಿ ತುಮೆ ಕ್ಹಾರಿ ತರಾನಿ ಆತ್ಮಿಕನಿ ವಿಷಯನಾ ಹುತಿ ಗ್ಯಾನಕ್ಹು ಕ್ಹುದಾನಿ ಚಿತ್ತ ತಿಳದಿಲಿವಾನಾಹುತಿ
COL 1:10 ಕ್ಹುದಾನಿ ಪಸಂಪ ಡೊಳಾ ದಿಕ್ಹಾವರಕ್ಹಾ ತುಮೆ ಚೊ಼ಕಾ ಥಛ ಕೈನ ಕ್ಹಾರಿ ತರಾನಾ ಚ಼ೊಕಾ ಫಲ ದಿವಾಲಾ ಥೌ ಕೈನ ಬೆಳತ್ತಾ ರ‍್ಹೌ ಕೈನ
COL 1:11 ತಿನಿ ಮಹಿಮಾನಿ ತಾಕತ ಲಿಂಗತ ಕ್ಹಾರಿ ತರಾಮಾ ತಾಕತ ಹೊಂದಿನ ಕ್ಹಾರಿ ರಾಕ್ಹು ತಡ್ಇಲಿವಾನು ಶಾಂತಿ ಸಮಾಧನಕ್ಹು ತಡ್ದಿಲ್ಯು ಕೈನ,
COL 1:12 ಕ್ಹುದಾನಾ ಭಕ್ತೊ ಕ್ಹುದಾನಾ ಉಜಾಲಾಮಾ ರ‍್ಹಯಲ ವಾಟೊ ಲಿವಾನಾ ಹುತಿ ಅಪೊನೆ ಯೊಗ್ಯ ಕರಿನ
COL 1:13 ಕ್ಹುದಾ ಅಪೊನೆ ಅಂದಕಾರನೊ ಅದಿಕಾರಮತೊ ಛೊಡೈನ ತಿನಾ ಮಯಾನಾ ದಿಕ್ರಾನಾ ರಾಜ್ಯಮಾ ಮಳಾಯೊ.
COL 1:14 ಎ ದಿಕ್ರಾಮಾ ಅಪ್ನಾ ಪಾಪೊ ಮಾಫಕರಿನ ಅಪೊನೆ ಬಿಡುಗಡೆ ಥೈ.
COL 1:15 ಕ್ರಿಸ್ತ ನೈ ದಿಕ್ಹಾನು ಕ್ಹುದಾನು ರೊಪ ವ್ಹೈ. ಕ್ಹಾ ಸೃಷ್ಠಿನೆ ತೆಜ಼ ಮ್ಹೊಟೊ ವ್ಹೈ.
COL 1:16 ಭುಪರ ಲೊಕಮಾ ರ‍್ಹಯಲ ದಿಕ್ಹಾನಿ ನೈ ದಿಕ್ಹಾನು ಕ್ಹಾರುಜ಼ ಸಿಂಹಾಸನ್ನ ರ‍್ಹೈನೆಕಾ ಕ್ಹಾರವೊಪರ ಅದಿಕಾರ ರ‍್ಹೈನೆಕಾ ತಿನಾಕ್ಹುಜ಼ ತಯ್ಯಾರ ಥಯು. ಕ್ಹಾರುಜ಼ ತಿನಾಕ್ಹುಜ಼ ವರಿ ತಿನಾಹುತಿಜ಼ ತಯ್ಯಾರ ಥಯು.
COL 1:17 ತೆ ಕ್ಹಾರಾವೊತಿ ಪೈಲಾಜ಼ ರ‍್ಹಯಲವಾಲೊ ವ್ಹೈ. ತಿಮಾ ಕ್ಹಾರುಜ಼ ಯಕ್ಕ ಥಯುಸ.
COL 1:18 ಸಬೆ ಕವಾನು ಅಂಗನೆ ತೆ ಮಾತು ಥಯೊಸ. ಕ್ಹಾರಾವೊಮಾ ತೆಜ಼ ಪೈಲಾ ವ್ಹೈ. ಮರಲವಾಲಾವೊಮಾತೊ ತೆಜ಼ ಜಿವ್ತೊ ಥೈನ ಉಟಿನ ಆಯಲವಾಲೊ ತೆಜ಼ ವ್ಹೈ.
COL 1:19 ಕಾಕದ್ಯಾಮ ತಿಮಾಜ಼
COL 1:20 ವರಿ ತೆ ಶಿಲುಬಿಪರ ಚುವಾಯಲ ರಗತಕ್ಹು ತಿಕ್ಹು ಸಮಾಧಾನ ಹುಟ್ಸಿನ ವರಿ ಭುಪರಲೊಕಪರ ರ‍್ಹಯಲ ಕ್ಹಾರುಜ಼ ತಿನಾ ದಿಕ್ರಾನಾ ಮುಲಕ ಸಮಾಧಾನ ಕರಿಲ್ಯು ಕೈನ ಬಾ ಥಯಲ ಕ್ಹುದಾ ಆಸ ಕರ‍್ಯೊ.
COL 1:21 ಎನೈಸೊ ಪೈಲಾನ ಕಾಲ್ಮಾ ರ‍್ಹಯಲ ಬಿಜಾ಼ ಮನಕ್ಹೊ ಕೆಟ್ಟ ಕಾಮೊಕ್ಹು ಮನಸ್ಮಾ ಶಿಟ್ಟ ಮ್ಹೆಲ್ಲಿನ ತಿನಾ ವಿರೊದಿಯೊ ಥಯಾತಾ.
COL 1:22 ಹಮ್ನಾತೊ ಕ್ಹುದಾ ತುಮೊನೆ ಯೆಸು ಕ್ರಿಸ್ತನಾ ಅಂಗನಾ ಮರಣನಾ ಮುಲಕ ವಪ್ಪಂದ ಕರಿಲಿದ್ಯೊಸ. ಕ್ಹುದಾ ತಿನಿ ಸನ್ನಿಧಿಮಾ ತುಮೊನೆ ಪರಿಶುದ್ಧ ಕರಿನ, ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ಹುಬ್ರಾಡು ಕೈನ ಕ್ಹುದಾ ಇಮ್ಮ ಕರ‍್ಯೊ.
COL 1:23 ಹಬಾಳನಾ ಹೆಟು ರ‍್ಹಯಲ ಕ್ಹಾರಿ ಸೃಷ್ಟಿನೆ ಕದಲ ಸುವಾರ್ತೆಕ್ಹು ಹುಟ್ಟಲ ಆಸಕ್ಹು ಹಲ್ಲು ನೈ ಕೈನ ಬರೊಕ್ಹಾಮಾ ಘಟ್ಟ್ಟ ಹುಬ್ರಯಲ ರ‍್ಹಯಾಮ
COL 1:24 ಮಿ ಹಮ್ನಾ ತುಮಾರಾ ಹುತಿ ಅನುಭವಿಸ್ತೊ ರ‍್ಹಯಲ ತ್ರಾಸಮಾ ಖುಶಿ ರ‍್ಹೈನ ಕ್ರಿಸ್ತನಾ ತ್ರಾಸಮಾ ಹಜುಸನ ಉಗ್ರಲ ಸಭೆ ಕವಾನಿ ತಿನಾ ಅಂಗನಾ ಹುತಿ
COL 1:25 ಕ್ಹುದಾನಾ ಮನಸ ಲಿಂಗತ ತುಮಾರಾ ಚೊ಼ಕಾನಾ ಹುತಿ ಮಿ ತುಮಾರಿ ಸಭೆನೆ ಸೆವಕ ಥಹಯೊ.
COL 1:26 ಎ ದಡಿ ರ‍್ಹಯಲ ಕ್ಹರಿನಿ ವಾಕ್ಯಾ ಪಾಚ಼ಲ್ಯಾ ಯುಗತು ಮಾತಾ ಮಾತಾತು ದಡಿನ ವ್ಹತ್ತು. ತೆ ವಾಕ್ಯಾ ಕ್ಹುದಾ ಹಮ್ನಾ ತುಮಾರಾ ಕ್ಹಾಮಾ ಲಾಯೊಸ.
COL 1:27 ಎ ಮರ್ಮಾನಿ ಮಹಿಮಾ ಕೆಕ್ಲು ಛೆ ಕವಾನು ಬಿಜಾ಼ ಮನಕ್ಹೊನೆ ಕವಾನಾ ಹುತಿ ಕ್ಹುದಾ ಮನಸ ಕರ‍್ಯೊ.
COL 1:28 ಅಪೆ ತಿನೆ ಕತಛೆ, ಕ್ಹಾರಾವೊನೆಬಿ ಗ್ಯಾನ ಕತಾ ವರಿ ಕ್ಹಾರಾವೊನೆ ರ‍್ಹಯಲ ಕ್ಹಾರುಜ಼ ಗ್ಯಾನ ಕತಾ
COL 1:29 ಮಾರಾಮಾ ಕಾಮಾ ಪುರಾ ಕರಾನು ಕ್ಹುದಾನಿ ತಾಕತಕ್ಹು ಇನಾಹುತಿಜ಼ ರಾಬುಸ.
COL 2:1 ಮಿ ತುಮೊನೆಘನ್ನೊ ಕೊಶಿಶ ಕರಾಡ್ಯೊಸ ಕವಾನು ತುಮೊನೆ ಗ್ವತ್ತ ರ‍್ಹೌ ಕವಾನು ಎನೈಸೊ ವಲೊ ದೆಕಿಮಾ ರ‍್ಹಯವಾಲಾವೊನೆ ವರಿ ಮನೆ ನೈಸೊ ದೆಕಲವಾಲಾವೊನೆ ಮದತ ಕರಾನೆ ಕೊಶಿಶ ಕರಾಡ್ಯೊಸ.
COL 2:2 ತ್ಯುನೆ ಅಂತರ್ಯಮಾ ಆಸಕ್ತಿವಾಲಾ ಮಯಾಮಾ ಯಕ್ಕ ಥೈನ ರ‍್ಹೌ ಕೈನ
COL 2:3 ಯೆಸು ಸ್ವಾಮಿಮಾಜ್ ಹರಯಕ ಗ್ಯಾನ ವರಿ ಪುರಾ ಛೆ.
COL 2:4 ಕುನ್ನಜ ತುಮೊನೆ ಮಯಾನ ವಾತೊಕ್ಹು ಮೊಸ ಕರು ನೈ ಕೈನ ಮಿ ಆ ಕ್ಹಾರು ಕವಾಡೊಸ
COL 2:5 ಮಿ ತ್ಯಾ ತುಮೊಕೊನ ನೈ ರ‍್ಹೈತಬಿ ಆತ್ಮಾಕ್ಹು ತುಮಾರಾ ಕ್ಹಾತೆ ರ‍್ಹೈನ ತುಮೆ ಯಕ್ ತೊರ್ ತರಿಕಾಕ್ಹು ಚಾಲನು ವರಿ ತುಮೆ ಬರೊಕ್ಹಾಮಾ ಘಟ್ಟ್ಟ ಹುಬ್ರಯಲ ದೆಕಿನ ಘನ್ನೊ ಖುಶಿ ಥೌಸ.
COL 2:6 ತುಮೆ ಯೆಸು ಸ್ವಾಮಿನೆ ಮಲೈಲಿಂಗತ ತಿನೆ ಮ್ಹೈ ಥೈನ ಜಿವಸೊ.
COL 2:7 ತುಮೆ ತಿಮಾ ಬೆರುರಿನ,ತಿಮಾಜ಼ ಆಗಾ ಬಡತಾ ವರಿ ತುಮೊನೆ ಕದಲ ವಾಕ್ಯಾನಾ ಪ್ರಕಾರ ಬರೊಕ್ಹಾಕ್ಹು ರ‍್ಹೈನ ಕ್ಹುದಾನೆ ಜಾಸ್ತ-ಜಾಸ್ತ ಸ್ತೊತ್ರಾ ಕವೊ.
COL 2:8 ಮೊಸ ಕರಾನಾ ವರಿ ಕಾಮ ನೈಸೊ ಆವಾನಾ ತತ್ವಗ್ಯಾನ ಭೊದನೆಕ್ಹು ತುಮೊನೆ ಕುನ್ನ ತ್ಯುನಾ ಬಸಮಾ ಕರಲಿದ್ಯಾ ವಾಚಿ ಹುಶಾರ್ ರ‍್ಹವೊ. ಆ ಕ್ಹಾರು ಮನಕ್ಹೊನಿ ಪದ್ಧತ ವರಿ ಲೊಕನಿ ಬೊದನೆನೆ ಸಂಬಂದ ಪಡೆಲ ವ್ಹೈ ಕ್ರಿಸ್ತನೆ ನವೈ.
COL 2:9 ಕ್ಹುದಾನಿ ಹರಯಕ್ಕ ಗುನ್ ಕ್ರಿಸ್ತಮಾ ಹೊತ್ತು.
COL 2:10 ತೆ ಹರಯಕ್ಕ ಅದಿಕಾರ ವರಿ ಅದಿಕಾರಿಯೊತಿ ಉಪ್ಪರ ರ‍್ಹಯಲಕ್ಹು ತುಮೆ ತಿನಾಮಾ ರ‍್ಹೈನ ತಿನುಪುರಾ ಹೊಂದಿಲಿದ್ಯಾ.
COL 2:11 ಕ್ಹುದಾ ತಿಮಾ ಮನಕ್ಹೊನಾ ಹತೆನೈಸೊ ಥಾವಾನು ಖತ್ನಾ ಕರ‍್ಯೊಸ. ಕ್ರಿಸ್ತನಿ ಸುನ್ನತಿ ಶಾರಿರಿಕ ಥಯಲ ಪಾಪ್ನಿಯೊ ಚಾಳಿಯೊ ಕಾಡಿಪಾಡಾನುಜ಼ ವ್ಹೈ.
COL 2:12 ತುಮೆ ಬಾಪ್ತಿಸ್ಮ ಕ್ರಿಸ್ತನಾ ಕ್ಹಾತೆ ಬುರ‍್ಯಾ ವರಿ ತಿನೆ ಮರಲವಾಲಾವೊಮಾತೊ ಉಟಾಡಲ ಕ್ಹುದಾನಿ ತಾಕತಮಾ ಬರಕ್ಹೊ ಮ್ಹೆಲಾನಾ ಮುಲಕ ತಿನಾ ಕ್ಹಾತೆ ತುಮೆ ಉಟಿನ ಆಯಾಸ.
COL 2:13 ಅಪರಾದ ಕರ‍ಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.
COL 2:14 ಅಪೆ ಪುರಾಜ಼ನಾ ಪಾಪಿಯೊ ವ್ಹೈ ಕೈನ ಅಪೊನೆ ದೆಕಾಡಿನ ದಿವಾನು ಆಗ್ಯಾನಾ ರುಪಮಾ ರ‍್ಹಯಲ ಕಾಗಜ್ ಕಾಡಿನ ಶಿಲುವಿಪರ ತೆ ಘಾಲ್ಲಿನ ಅಪೊಪರ ರ‍್ಹಯಲ ತೆ ಕಾಗಜ್ ಕಾಡಿಪಾಡ್ಯೊ.
COL 2:15 ತೆ ಅಪೊನೆ
COL 2:16 ತಿನಾಹುತಿ ಕ್ಹಾವಾಪಿವಾನಾ ಹುತಿ ರ್‍ಹೈನಕಾ ಸನ್ನ್ ಅಮಾಸ ವರಿ ಸಬ್ಬತ ದಿನ್ನನಾ ಹುತಿ ತುಮೆ ತಪ್ಪ ಕರಾಲಾ ವ್ಹೈ ಕೈನ ಕುನ್ನಜ ಫೈಸಲೊ ಕರ‍್ಯಾವಾಚಿ ರ‍್ಹವಾದೆ.
COL 2:17 ಆ ಕ್ಹಾರು ಖಾಲಿ ಆಗಾ ಥಾವಾನಾ ಕಾಮೊನು ಭೌಲು ಥಯುಸ, ಅನು ಅಸಲಿ ರುಪ ಕ್ರಿಸ್ತಜ ವ್ಹೈ.
COL 2:18 ಮನಸ್ಮಾ ಕಪಟ ಮುಕ್ಕಿಲಿನ ಮಾಂಡ್ಯಾಜ ದಕ್ಹಾಜ಼಼ನಾ ನ್ಹಾನಾ ಥೈನ ಚಾ಼ಲಿನ ಕ್ಹುದಾನಾ ದುತೊನೆ ಆರಾದನಾ ಕರಸ,ವರಿ ಹಮೊನೆ ದರ್ಶನ ಮಳ್ಯುಸ ಕೈನ ಪ್ಹುಗಸ,ಲೊಕನಾ ಗ್ಯಾನಖು ಹಮೆಜ಼ ಮ್ಹೊಟಾ ವ್ಹೈ ಕೈನ ಕವಸ,ತ್ಯುನೊನೆ ತುಮಾರಿ ಜ಼ಗಾ ಕಾಳ್ಳಿವಾನೆ ದಿವೊ ನಕೊ.
COL 2:19 ಅಮ್ಮ ರ‍್ಹಯಲವಾಲೊ ಕ್ರಿಸ್ತನೆ ಹೊಲ್ಸೆಲ ಭೆಜಾಖು ಸಂಬಂದ ತೊಡಿಲಿದಲ ಲಿಂಗತ ವ್ಹೈ, ಕಿಮ ಅಪ್ನೊ ಭೆಜೊ ಅಪ್ನಾ ಅಂಗನೆ ನರೊಖು ತಿನೆ ಚಾ಼ಯೆ ಥಯಲ ಬೆಳವಣಗಿ ದಿವಸ ತಿನಾಲಿಂಗತ ಕ್ರಿಸ್ತನೆ ಜುಡೆಲವಾಲೊ ತಿನಾಲಿಂಗತಜ಼ ಬೆಳ್ದತೊ ಜಾ಼ವಸ.
COL 2:20 ಲೊಕನಿ ಪೈಲಾ ರ‍್ಹೈಯಲ ಬೊದನೆನಾ ಪಾಲೆ ತುಮೆ ಕ್ರಿಸ್ತನಾ ಕ್ಹಾತೆ ಮರೆಲ ರ‍್ಹಯಾರೆ, ಹಮ್ನಾತೊಬಿ ಲೊಕನಾ ಮನಕ್ಹೊ ಕರಲ ಆಗ್ಯಾ ವರಿ ಉಪದೆಶ
COL 2:21 ಆ ದ್ಹರು ನಕೊ, ಅನು ಸ್ವಾದ ದೆಕು ನಕೊ,ತೆ ಮುಟ್ಟು ನಕೊ ಆ ಕ್ಹಾರಾ ವಾತೊನೆ ಅದಿನ ಕಾ ಥಾವೊಶಿ?
COL 2:22 ಆ ಕ್ಹಾರಾ ಮನಕ್ಹೊ ಕರಲ ಆಗ್ನೆ ವರಿ ಬೊದನೆ ಉಪಯೊಗ ಕರಿನ ಹಾಳ ಥಾವಾನಾ ಸಾಮ್ನೊನೆ ಸಂಬಂದ ಪಡೆಲ ವ್ಹೈ.
COL 2:23 ಆ ಕ್ಹಾರಾ ಉಪದೆಶ ಮನಕ್ಹೊ ಕರಲ ಪದ್ದತನಾ ಪ್ರಕಾರ, ಖಾಲಿ ದೆಕಾಡಾನಾ ಹುತಿ ಅಂಗನೆ ಬಗ್ಸಾಡಾನಾ ಹುತಿ ಗ್ಯಾನ ವ್ಹೈ ಕೈನ ದಿಕ್ಹಿನ ಆವಸ ಮಾತ್ರ ತೆ ಅಪ್ನಾಮಾ ರ‍್ಹಯಲ ದುನಿಯಾಮಾ ರ‍್ಹಯಲ ಆಶವೊನೆ ಭಂದಿನ ಘಾಲಾನೆ ನೈ ಆತು ವರಿ ಆ ಕ್ಹಾರು ಶಾನಾ ಕಾಮನು ನತ್ತಿ.
COL 3:1 ತುಮೆ ಕ್ರಿಸ್ತನಾ ಪಿನರುತ್ತಾನ ಮಾ ಭಾಗಿ ಥಯಾಸ ಕದ್ಯಾಮ ತುಮೆ ಪರಲೊಕನು ಉಪ್ಪರ ರ‍್ಹಯಲ ಹುಡುಕು, ತ್ಯಾ ಕ್ರಿಸ್ತ ಕ್ಹುದಾನಾ ಸಿದಾ ಬಗಲ ಬೈಟ್ಯೊಸ.
COL 3:2 ಭುಲೊಕಮಾ ರ‍್ಹಯಲ ಸಂಗತಿಯೊನಾ ಹುತಿ ನೈ, ಪರಲೊಕಮಾನಾ ಸಮಗತಿಯೊನಾ ಹುತಿ ವಿಚಾರ ಕರೊ.
COL 3:3 ಕಾಕದ್ಯಾಮ ತುಮೆ ಲೊಕನಾ ಪಾಲೆ ಮರಿನ ತುಮಾರೊ ಜು ಕ್ರಿಸ್ತನಾ ಕ್ಹಾತೆ ಕ್ಹುದಾಕನ ಛೆ.
COL 3:4 ತುಮಾರೊ ಜುವ ಥೈಯಲ ಕ್ರಿಸ್ತ ಆತಾಖು ತುಮೆಬಿ ತಿನಾ ಕ್ಹಾತೆ ಮಹಿಮೆ ಆವೊಶಿ.
COL 3:5 ತಿನಾಹುತಿ ತುಮಾರಾಮಾ ರ‍್ಹಯಲ ಲೊಕಿನಿ ಆಸ ಕದ್ಯಾಮ, ಜಾರತ್ವ,
COL 3:6 ಆ ಪುರಾ ಪಾಪೊನಾ ಹುತಿ ಕ್ಹುದಾನಿ ವಾತ ನೈ ಐಕಾಲಾ ಕ್ಹುದಾನಿ ಶಿಟ್ಟ ಇವ್ನೊಪರ ಆವಸ.
COL 3:7 ತುಮೆಬಿ ಪೈಲಾ ಆ ಕ್ಹಾರು ಕರಾಲಾ ಹೊತ್ತಾ.
COL 3:8 ಹಮ್ನಾತೊಬಿ ಶಿಟ್ಟ,ಖುಜ್ಜಾನು,ಸೊಕ್ಕ,ಭಿಜಾವೊಪರ ತಪ್ಪ ಘಾಲಾನು ವರಿ ಗಾಲೊ ದಿವಾನು ಛೊಡಿ ಪಡೊ.
COL 3:9 ಯಕ್ಲಾನೆ ಯಕ್ಲೊ ಮಾಂಡ್ಯಾ ಬೊಲೊನಕೊ, ಕಾಕದ್ಯಾಮ ತುಮೆ ಪೈಲಾನಿಯೊ ಪುರಾ ಚಾಳಿಯೊ ಛೊಡಿನ ಕ್ರಿಸ್ತನಾ ಚಾಳಿಯೊ ನಯೊ ಚಾಳಿಯೊ ಹೊಂದಿಲಿದಲ ವಾಲಾ ವ್ಹೈ.
COL 3:10 ಆ ನೈ ಚಾಳಿ ಅಪೊನೆ ಸೃಷ್ಟಿ ಕರೆಲನಾ ಗ್ಯಾನನಾ ಪ್ರಕಾರ ದಿನ್ನೆ ದಿನ್ನೆ ನೈ ಥಾತಿ ಆವಸ.
COL 3:11 ಆ ಗ್ಯಾನ ಮಾ ಮಿ ಗ್ರಿಕ ವ್ಹೈ ಮಿ ಯಹುದ್ಯನೊ ವ್ಹೈ ಕೈನ ಫರಕ್ ನತ್ತಿ, ಖತ್ನಾ ಕರಿಲಿದಲವಲೊ ಖತ್ನಾ ನೈಕರಿಲಿದನವಾಲೊ ಕೈನ ಸುಜ಼ ಫರಕ ನತ್ತಿ, ಮಾರೊ ಮನಕ್ಹ ವ್ಹೈ ಮಾರೊ ಮನಕ್ಹ ನವೈ, ಆಳ ವ್ಹೈ ಆಳ ನವೈ ಕವಾನು ಸುಜ಼ ಫರಕ ನತ್ತಿ, ತಿನಾಹುತಿ ಕ್ರಿಸ್ತಜ ಕ್ಹಾರು ವ್ಹೈ ವರಿ ಪುರಾವೊಮಾ ರ‍್ಹವಾಲೊ ವ್ಹೈ.
COL 3:12 ತಿನಾಹುತಿ ತುಮೆ ಕ್ಹುದಾ ಡೊಳಮಾ ಪರಿಶುದ್ಧ ವರಿ ಕ್ಹುದಾ ತುಮೊನೆ ಮಯಾ ಕರಲ ಹುತಿ ತುಮೆ ಮರಗಾಲಾ, ದಯಾ ಕರಾಲಾ, ಮಿಜ಼ ನ್ಹಾನೊ ವ್ಹೈ,ವರಿ ಸಾತ್ವಿಕತ್ವ ವರಿ ಪುರಾ ತಾಳಿಲಿನ ಜಾವನಾ ಚೊ಼ಕಾ ಚಾಳಿಯೊ ಘಾಲ್ಲಿವೊ.
COL 3:13 ಯಕ್ಲಾನೆ ಯಕ್ಲೊ ಖಮಾಳಿನ ಗೈನ, ಬಿಜಾ಼ಯಕ್ಲಾಪರ ತಪ್ಪ ಘಾಲಾನಾಹುತಿ ಕಾರಣ್ ತುಮೊನೆ ಮಳ್ಯುತಬಿ, ತ್ಯುನೊಪರ ತಪ್ಪಘಾಲ್ಯಾವಾಚಿ ಮಾಫ ಕರೊ,ಕರ್ತಾ ತುಮೊನೆ ಮಾಫ ಕರೆಲಲಿಂಗತ ತುಮೆಬಿ ಮಾಫ ಕರೊ.
COL 3:14 ಆ ಕ್ಹಾರಾವೊತಿಬಿ ಅಪೊನೆ ಪುರಾ ಕರಾನು ಮಯಾಜ್ ತುಮಾರಾಮಾ ಜಾಸ್ತ ರ‍್ಹವಾದೆ.
COL 3:15 ಕ್ರಿಸ್ತನು ಸಮಾಧಾನ ತುಮಾರಾ ಮನಸ್ಮಾ ಆಳಾದೆ. ಆಜ ಸಮಾಧಾನಮಾ ತುಮೆ ಕ್ಹಾರಾ ಮಳಿನ ರ‍್ಹೌ ಕೈನ ಬಲಾಯೆಲ ಛೆ ತೆನೈಸೊ ಕ್ಹುದಾ ಕರಲ ಉಪಕಾರ ನೆನಸ್ತ ರ‍್ಹವೊ.
COL 3:16 ಕ್ರಿಸ್ತನಿ ವಾಕ್ಯಾ ತುಮಾರಾಮಾ ಸಮೃದ್ಧಿ ಥೈನ ರ‍್ಹವಾದೆ. ಹರಯಕ್ಕ ಗ್ಯಾನಖು ಯಕ್ಲಾನೆ ಯಕ್ಲೊ ಉಪದೆಶ ಕರತಾ ಗ್ಯಾನ ದೆತಾ ರ‍್ಹವೊ. ಕೀರ್ತನೆಖು,ಸ್ತುತಿ ಕರತಾ ವರಿ ಆತ್ಮಿಕನೆ ಸಂಬಂಧ ಪಡೆಲ ಗಿದ್ದೊಖು ತುಮಾರಾ ಮನಸ್ಮಾ ಕ್ಹುದಾನೆ ತೆ ಕರಲ ಉಪಕಾರೊನಾ ಹುತಿ ಖುಶಿ ಥೈನ ಸ್ತೊತ್ರ ಕವೊ.
COL 3:17 ತುಮೆ ತುಮಾರಾ ವಾತೊಖು ರ‍್ಹವಾದೆ,ತುಮಾರಾ ಚಾಳಿಯೊಖು ಸು ಕರಿತೊಬಿ ತೆ ಕ್ಹಾರು ಅಪ್ನೊ ಕರ್ತಾ ಥಯಲ ಯೆಸುನಾ ನಾಮಪರ ಕರೊ ವರಿ ಅಪ್ನೊ ಬಾ ಥಯಲ ಕ್ಹುದಾನೆ ಕ್ರಿಸ್ತನಾ ಮುಲಕ ಸ್ತುತಿ ಕರೊ.
COL 3:18 ಹೆಣ್ಣ ಮನಕ್ಹೊ, ಕರ್ತಾನೆ ಕರೆಕ್ಟ ಲಾಗೆಲ ಲಿಂಗತ ತುಮಾರಾ ಮಾಟಿಯೊನೆ ಅಧಿನ ಥಾವೊ.
COL 3:19 ತಿನಾ ಲಿಂಗತ ದಾಣ್ಗಾಬಿ, ತುಮಾರಾ ಬಾಕ್ಡಿಯೊನೆ ಮಯಾ ಕರೊ, ತ್ಯುನಾ ಕ್ಹಾತೆ ತುಮಾರೊ ವ್ಯವಾರ ಚ಼ೊಕೊ ರ‍್ಹವಾದೆ.
COL 3:20 ಬಚ್ಚಾ಼ವೊ, ಹರಯಕ್ಕ ವಿಷಯಮಾ ತುಮಾರಾ ಮಾ ಬಾಪನೆ ತ್ಯುನೆ ಕದಲ ಲಿಂಗತ ಐಕೊ,ಕಾಕದ್ಯಾಮ ಆ ಕ್ಹುದಾನಾ ನಜರಮಾ ಚೊ಼ಕು ವ್ಹೈ.
COL 3:21 ಬಾನಿ ಜಾಗಪರ ರ‍್ಹಯಲ ತುಮೆ ತುಮಾರಾ ಬಚ್ಚಾವೊನಾ ತಡೈನ ಮನಸ ದುಃಕ ಕರೊ ನಕೊ.
COL 3:22 ಯಕ್ಲಾನಾ ಹೆಟಾ ಕಾಮ ಕರಾಲಾವೊ, ಆ ಲೊಕಮಾ ರ‍್ಹಯಲ ತುಮಾರಾ ಮಾಲಕೊನಿ ಹರಯಕ್ಕ ವಾತ ಐಕಿನ ಜವೊ, ಮನಕ್ಹೊ ತುಮೊನೆ ಚೊ಼ಕಾ ಛೆ ಕೈನ ಕೈಲಿವಾನಾ ಹುತಿ ಖಾಲಿ ತುಮಾರಾ ಮಾಲೊಕೊ ನಾ ಖಾಮಾ ಕಾಮ ಕರ‍್ಯಾ ವಾಚಿ, ಕೆಳಾಮಾಬಿ ದೆಕಾಲಾ ಕರ್ತಾನೆ ಬುಚ್ಕಿನ ನಿಯತ್ತಖು ಕಾಮ ಕರೊ.
COL 3:23 ತುಮೆ ಕಯುಬಿ ಕಾಮ ಕರಿತೊಬಿ ತೆ ಮನಕ್ಹನಾ ಹುತಿ ಕರ‍್ಯಾವಾಚಿ ಕರ್ತಾನಾ ಹುತಿ ಮನಸಖು ಕರೊ.
COL 3:24 ಕರ್ತಾನಾ ಕ್ಹಾತೆ ಮಳಾನಿ ಫಲ ಮಲಸ ಕೈನ ತಿಲಿದಿಲಿನ ಅಪ್ನೊ ಕರ್ತಾ ಥಯಲ ಕ್ರಿಸ್ತ ಯೆಸುನಾ ವಾಟಮಾ ಚಾ಼ಲೊ.
COL 3:25 ಬೆ ನಂಬರ್ ಧಂದೊ ಕರಾಲೊ ತೆ ಕರಾನಾ ಕಾಮನೆ ತಿನೆ ದಂಡ ಮಲಸ ಅಮಾ ಸುಜ಼ ತೆ ಮ್ಹೊಟೊ ಆ ನ್ಹಾನೊ ಕವಾನು ಸುಜ಼ ನತ್ತಿ.
COL 4:1 ಕ್ಹಾರಾ ಮಾಲಕೊ, ಸ್ವರ್ಗಲೊಕಮಾ ತುಮಾರಾ ಉಪ್ಪರ ಯಕ್ ಮಾಲಕ ಶೆ ಕೈನ ತಿಳ್ದಿಲಿನ ತುಮಾರಾ ಆಳೊನಾ ಕ್ಹಾತೆ ತ್ಯುನೊನೆ ಮೊಸ ಕರ‍್ಯಾವಾಚಿ ಕ್ಹರಿಕ್ಹು ರ‍್ಹವೊ.
COL 4:2 ಪ್ರಾರ್ಥನಾ ತಪ್ಯಾ ಬಗರ ಕರೊ, ಹುಶಾರ ರ‍್ಹೈನ ಕ್ಹುದಾನೆ ತೆ ಕರಲ ಉಪಕಾರ ನೆನಸ್ತಾ ರ‍್ಹವೊ.
COL 4:3 ಕ್ರಿಸ್ತನಿ ಅಸಲಿ ಅರ್ಥ ಕದ್ಯಾಮ ಕ್ಹಾರಾ ಮನಕ್ಹೊನೆ ಹಮೆ ಸುವಾರ್ತಾ ಕವಾನೆ ಕ್ಹುದಾ ಬಾಕಲ ಕಾಡು ಕೈನ ಪ್ರಾರ್ಥನಾ ಕರೊ. ಆ ಸುವಾರ್ತಾನಾ ಹುತಿಜ ಮಿ ಜೆಲಮಾ ಶೆ.
COL 4:4 ಮಿ ಸುವಾರ್ತನು ಅಸಲಿ ಮತ್ಲಬ ಕಿನೆ ಬುಚ್ಕ್ಯಾ ವಾಚಿ ಕೌ ಕೈನ ಪ್ರಾರ್ಥನಾ ಕರೊ.
COL 4:5 ಟೈಮನೆ ಚೊ಼ಕಿತರಾ ಇಸ್ತೆಮಾಲ ಕರಲಿನ ಭಾರಲ್ಯಾ ಮನಕ್ಹೊನಾ ಕ್ಹಾತೆ ಗ್ಯಾನಖು ಚಾ಼ಲಿಲಿನ ಜಾವೊ.
COL 4:6 ತುಮೆ ಬೊಲಾನೊ ತರಿಕೊ ಕೆಳಾಮಾಬಿ ಕೃಪೆನಾ ಕ್ಹಾತೆ,ವರಿ ಮಿಟ್ಟಾನಾ ಲಿಂಗತ ಸ್ವಾದ ರ‍್ಹೈನಕಾ, ಅಮ್ಮಜ಼ ತುಮೆ ಕಿನೆ ಕಿಮ ಬೊಲು ಕೈನ ತಿಳ್ದಿಲಿವೊ.
COL 4:7 ಮಯಾನೊ ಭೈ ವರಿ ಬರೊಕ್ಹಾನೊ ಲಾಯಕ ರ‍್ಹಯಲ ಸೆವಕ ವರಿ ಕರ್ತಾಮಾ ಆಳ ಥಯಲ ತುಖಿಕ ಮಾರಾ ವಿಷಯಮಾ ತುಮೊನೆ ಪುರಾ ಕವಸ.
COL 4:8 ತುಮೆ ಹಮಾರಾ ಹುತಿ ತಿಳ್ದಿಲಿವಾನಾ ಹುತಿ,ತೆ ತುಮಾರಾ ಮನಸ್ಮಾ ಹುಟ್ಸಾವಸ,
COL 4:9 ತಿನೆ ಬರೊಕ್ಹಾನೆ ಲಾಯಕ ರ‍್ಹಯಲ ವರಿ ಮಯಾನೊ ಭೈ ಥಯಲ ತುಮಾರಾ ಉರಿನನ ಥಯಲ ಓಸಿಮನ ಕ್ಹಾತೆ ವಲಾಯೊಸ. ತ್ಯುನೆ ಹೈ ಥಾವಾನು ಹರ ಯಕ್ಕ ತುಮೊನೆ ಕವಸ.
COL 4:10 ಮಾರಾ ಕ್ಹಾತೆ ಜೆಲಮಾ ರ‍್ಹಯಲ ಅರಿಸ್ತಾರ್ಕನ ವರಿ ಬಾರ್ನಬನ ಭೈಘೊವಾಲೊ ಮಾರ್ಕ ತುಮೊನೆ ನಮಸ್ಕಾರ ಕವಸ. ತೆ ತುಮೊನೆಕನ ಆಯಾರೆ ತಿನೆ ಮಳೈ ಲಿವೊ. ತಿವ್ನಾ ಹುತಿ ತುಮೆ ಆಗ್ಯಾ ಹೊಂದಿಲಿದ್ಯಾಸತೊ.
COL 4:11 ಯುಸ್ತನ ಕವಾಲೊ ಯೆಸು ತುಮೊನೆ ನಮಸ್ಕಾರ ಕರಸ. ಖತ್ನಾ ಕರಿಲಿದಲವಾಲಾ ಇವ್ನೆಜ ಕ್ಹುದಾನಿ ರಾಜ್ಯ ಭಾಂದಾನೆ ಸಾತ ದಿದಲವಾಲಾ ವ್ಹೈ, ಅವ್ನೊಖು ಮನೆ ಘನ್ನು ಚೊ಼ಕು ಥಯುಸ.
COL 4:12 ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.
COL 4:13 ಆ ತುಮಾರಾ ಹುತಿಬಿ,ಲವೊದಿಕಮಾ ರ‍್ಹಯಲ ವಾಲಾವೊನ ಹುತಿಬಿ ವರಿ ಹಿರಿಯಾಪೊಲಿಯಮಾ ರ‍್ಹಯಲ ವಾಲಾವೊನಾ ಹುತಿಬಿ ಘನ್ನೊ ಕೊಶಿಶ ಕರಾಡ್ಯೊಸ ಕೈನ ಮಿ ತುಮೊನೆ ಸಾಕ್ಷಿ ಕೌಸ.
COL 4:14 ಮಯಾನೊ ಡಾಕ್ಟರ ಥಯಲ ಲುಕ ವರಿ ಧೆಮನ ತುಮೊನೆ ನಮಸ್ಕಾರ ಕವಸ.
COL 4:15 ಲವೊದಿಕಮಾ ರ‍್ಹಯಲ ಭಾಯೊನಾಬಿ ವರಿ ನುಂಪಳಬಿ ವರಿ ತಿನಾ ಘರಮಾ ಮಳಾನಿ ಸಬೆವಾಲಾವೊನೆಬಿ ನಮಸ್ಕಾರ ಕದ್ಯೊಸ ಕೈನ ಕವೊ.
COL 4:16 ತುಮೆ ಆ ಕಾಗಜ ರ‍್ಹಯಲ ಒದಲಪರ ಲವೊದಿಕನಾ ಸಬೆಮಾಬಿ ಆ ಒದಾ ಲಗಾಡೊ ವರಿ ಮಿ ಲಿಕ್ಕಲ ಆ ಕಾಗಜ ತುಮೆ ಲವೊದಿಕತಾ ಮಂಗೈಲಿನ ಒದಿಲಿವೊ.
COL 4:17 ಅರ್ಖಿಪ್ಪನೆಬಿ ಕರ್ತಾಖು ಹೊಂದಿಲಿದಲ ಸೆವೆನಾ ವಿಷಯಮಾ ಹುಶಾರಕ್ಹು ರ‍್ಹೈನ ಪುರಾಕರ ಕೈನ ಕವೊ.
COL 4:18 ಆ ಕ್ಹಾರೊ ಪೌಲ ಥಯಲ ಮಿಜ಼ ಮಾರಾ ಹತೆ ಲಿಕ್ಯೊಸ. ಮಿ ಜೆಲಮಾ ಶೆ ಕವಾನು ತುಮೊನೆ ಶೆ ರ‍್ಹವಾದೆ. ಕೃಪೆ ತುಮಾರಾ ಕ್ಹಾತೆ ರ‍್ಹವಾದೆ.
1TH 1:1 ಅಪ್ನೊ ಬಾ ಥಯಲ ಕ್ಹುದಾಮಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕ ಸಬೆವಾಲಾವೊನೆ ಪೌಲ, ಸಿಲ್ವಾನ ವರಿ ತಿಮೊಥೆ ಬರ್ದಾನು ಪತ್ರ. ಕ್ಹುದಾನಿ ಕೃಪಾ ಶಾಂತಿ ತುಮೊನೆ ರ‍್ಹವಾದೆ.
1TH 1:2 ಕ್ಹುದಾನೆ ಪ್ರಾಥನಾ ಕರ್ತಾಮಾ ತುಮೊನೆ ಹಮೆಶಾಬಿ ಶೆ ಕರಲಿನ ತುಮಾರಾ ಹುತಿ ಕ್ಹುದಾನೆ ಸ್ತುತಿ ಕರಿಯೆಸ.
1TH 1:3 ಅಪ್ನೊ ಬಾ ರ‍್ಹಯಲ ಕ್ಹುದಾಕನ ಪ್ರಾಥನಾ ಕರ್ತಾಮಾ ತುಮಾರೊ ಬರೊಕ್ಹಾ ಕ್ಹು ವರಿ ಮಯಾಕ್ಹು ಕರಲ ಕಾಮೊಕ್ಹು ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತಮಾ ಅಪೊನೆ ರ‍್ಹಯಲ ಆಸಕ್ಹು ತುಮೆ ಘಟ್ಟ ಥೈನ ಹುಬ್ರಯಲಕ್ಹು ಹಮೆ ತಿನೆ ಹಮೆಶಾಬಿ ಸ್ತುತಿ ಕರಿಯೆಸ.
1TH 1:4 ಹಮಾರಾ ಭಾಯೊ ವರಿ ಭೆನೊ, ಕ್ಹುದಾ ತುಮೊನೆ ಮಯಾ ಕರಿನ. ತೆ ತುಮೊನೆ ತಿನಾ ವ್ಹೈಕೈನ ಇನಿಲಿದ್ಯೊಸ ಕವಾನು ಹಮೊನೆ ಗ್ವತ್ತ ಛೆ.
1TH 1:5 ಹಮೆ ತುಮೊಕನ ಸುವಾರ್ತೆ ಲಾಯಾ ತೆ ಕ್ಹಾಲಿ ವಾತೊ ನ್ಹವೈ. ತಾಕತಕ್ಹು ವರಿ ವರಿ ಪವಿತ್ರ ಆತ್ಮಾನಾ ಕ್ಹಾತೆ ಲಾಯಾಸ. ಇಮಾ ಕ್ಹಾರು ಕ್ಹರಿ ಛೆ. ಎನೈಸೊ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ತುಮಾರಾ ಹುತಿ ಕಿಮ ಜಿವ್ನಾ ಕರ‍್ಯಾ ತುಮೆ ತಿಳ್ದಿಲಿದ್ಯಾಸ. ಎ ಕ್ಹಾರು ತುಮಾರಾ ಚೊ಼ಕಾನಾ ಹುತಿ ಥಯುಸ.
1TH 1:6 ತುಮೆ ಹಮಾರಾ ಲಿಂಗತ ವರಿ ಪ್ರಭುನಾ ಲಿಂಗತ ಚಾ಼ಲ್ಯಾ; ಘನ್ನು ತ್ರಾಸ ಖಾದ್ಯಾತಬಿ ಪವಿತ್ರ ಆತ್ಮಾ ಕ್ಹು ಆಯಲ ಸಂದೆಶ ಖುಶಿಕ್ಹು ವಪ್ಪಿಲಿದ್ಯಾ. ತೆ ಖುಶಿ ತುಮೊನೆ ಪವಿತ್ರ ಆತ್ಮಾಜ಼಼ ದಿದಿ.
1TH 1:7 ತಿನಾಹುತಿ ಮೆಕೆದೊನಿಯಾ ವರಿ ಅಖಾಯಾಮಾ ರ‍್ಹಯಲ ವಿಸ್ವಾಶಿಯೊನೆ ತುಮೆ ಉದಾಹರಣ ಥಯಾಸ.
1TH 1:8 ಪ್ರಭುನು ಉಪದೆಶ ಮೆಕೆದೊನಿಯಾವಾಲಾವೊನೆ ವರಿ ಅಖಾಯಾಮಾ ರ‍್ಹಯಲ ಮನಕ್ಹೊನೆ ತುಮಾರಾಕ್ಹು ಫೈಲಿ ಗಯು. ಎನೈಸೊ ಕ್ಹುದಾಪರ ರ‍್ಹಯಲ ತುಮಾರೊ ಬರೊಕ್ಹೊ ಕ್ಹಾರಿ ಜ಼ಗಾನಾ ಮನಕ್ಹೊ ತಿಳದಿಲಿದ್ಯಾ ತಿನಾಹುತಿ ತುಮೆ ಕರಲ ಬರೊಕ್ಹನಾ ಹುತಿ ಸುಜ಼ ಕವಾನು ನತ್ತಿ.
1TH 1:9 ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ಹಮಾರು ಭೊದನೆ ಮನಸೆ ವಪ್ಪಿಲಿದಲ ಹುತಿ ಮುರತಿಯೊನೆ ಪುಜಾ ಕರಾನು ಛೊಡಿನ ಜಿವ್ತೊ ರ‍್ಹಯಲ ಕ್ಹರಿನಾ ಕ್ಹುದಾನೆ ಆರಾಧನಾ ಕರಾನು ಚಾಲು ಕರ‍ಲ ಹುತಿ ತ್ಯಾನಾ ಮನಕ್ಹೊ ಕವಸ.
1TH 1:10 ಕ್ಹುದಾನೊ ದಿಕ್ರೊ ಸ್ವರಗತೊ ಆವಾನು ದೆಕಾನಾ ಹುತಿ ತುಮೆ ಇಮ್ಮ ಕರ‍್ಯಾ. ಕ್ಹುದಾಜ಼ ತಿನಾ ದಿಕ್ರಾನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ತೆಜ಼ ಯೆಸು ವ್ಹೈ. ಅಗು ಥಾವಾನಿ ಕ್ಹುದಾನಿ ಶಿಟ್ಟನೊ ಫೈಸಲಾಕ್ಹು ತುಮೊನೆ ವಚಾ಼ಡಾಲೊ ಎಜ಼ ವ್ಹೈ.
1TH 2:1 ಹಮಾರಾ ಭಾಯೊ ವರಿ ಭೆನೊ, ಹಮೆ ತುಮೊಕನ ಆಯಲ ಬೆಕ್ಕಾರ ಥಯು ನೈ ಕವಾನು ತುಮೊನೆ ಗ್ವತ ಛೆ.
1TH 2:2 ಥೆಸಲೊನಿಕೆ ಆವಾತಿ ಪೈಲಾ ಹಮೆ ಫಿಲಿಪ್ಪಿಮಾ ಕೆಕ್ಲು ತ್ರಾಸ ಖಾದ್ಯಾ ಕೈನ ತುಮೊನೆ ಗ್ವತ್ತ ಛೆ. ತೆನೈಸೊ ಹಮೆ ಧೈರ್ಯಕ್ಹು ರ‍್ಹವಾನೆ ವರಿ ಕ್ಹುದಾಕಂತಿ ಆಯಲ ಸುವಾರ್ತೆ ಕವಾನೆ ಕ್ಹುದಾಜ಼ ಹಮೊನೆ ಆಸ್ರೊ ಕರ‍್ಯೊ.
1TH 2:3 ಕ್ಹುದಾ ಸು ಕವಸ ತೆಜ಼ ಹಮೆ ಕದ್ಯಾ. ಹಮೆ ಕರಾನಿ ಭೊದನೆ ತಪ್ಪ ನ್ಹವೈ ವರಿ ಕೆಟ್ಟ ಉದ್ದೆಶ ತಿಮಾ ನತ್ತಿ ವರಿ ತುಮೊನೆ ಮೊಸ ಕರಾನೆ ಕೊಶಿಶ ನತ್ತಿ.
1TH 2:4 ಹಮೆ ಸುವಾರ್ತೆ ತಿಳ್ಸಿಯೆಸ. ಕಾಕದ್ಯಾಮ ಕ್ಹುದಾ ಹಮೊನೆ ಪರಿಕ್ಷಾ ಕರ‍್ಯೊಸ ವರಿ ಸುವಾರ್ತೆ ಕವಾಹುತಿ ಹಮೊನೆ ದಿದ್ಯೊಸ. ತಿನಾಹುತಿ ಮನಕ್ಹೊನೆ ಮೆಚ್ಚಿಸಾನು ಛೊಡಿನ ಅಪ್ನೊ ಮನಸ ಪರಿಕ್ಷಾ ಕರಾಲೊ ಕ್ಹುದಾನೆಜ಼ ಮೆಚ್ಚಿಸಾನೆ ಕೊಶಿಶ ಕರಿಯೆಸ.
1TH 2:5 ಹಮೆ ತುಮೊಕನ ಆಯಲ ತುಮೊನೆ ಚೊ಼ಕೊಜ಼ ಕೈನ ಸುಳ್ಳ ಕೈನ ತುಮೊನೆ ಮಳ್ಳ ಕರಲಿವಾನೆ ನವೈ ಕೈನ ತುಮೊನೆ ಗ್ವತ್ತ ಛೆ. ಹಮೆ ತುಮೊಕಂತಾ ದೊಕ್ಡಾ ಕಾಳ್ಳಿವಾನೆ ಕೊಶಿಶ ಕರ‍್ಯಾ ನೈ; ಹಮಾರಿ ಆಸ ಝಾಕಿಲಿನ ವೆಷ ಘಾಲ್ಲಿದ್ಯಾನ್ಹೊತಾ. ಎ ಕ್ಹರಿ ವ್ಹೈಕೈನ ಕ್ಹುದಾನೆ ಗ್ವತ್ತ ಛೆ.
1TH 2:6 ತುಮೊಕನ ರ‍್ಹವಾದೆ ಬಿಜಾ಼ವೊಕನ ಆವಾನು ಮಾನಾ ಮರ್ಯಾದಿ ತುಮೊಕ್ಹು ರ‍್ಹೈನೆಕಾ ವರಿ ಬಿಜಾ಼ ಮನಕ್ಹೊತಿ ರ‍್ಹೈನೆಕಾ ಹಮೆ ಕೆಳಾಮಾಜ಼ ಆಸ ಕರ‍್ಯಾನೈ.
1TH 2:7 ಹಮೆ ಕ್ರಿಸ್ತನಾ ಅಪೊಸ್ತಲೊ ಥೈನ ತುಮಾರಾ ಕ್ಹಾತೆ ರ‍್ಹತಾಮಾ, ಹಮಾರಾ ಹುತಿ ತುಮೊನೆ ರಬಾವಾನೆ ಹಮಾರೊ ಅದಿಕಾರ ಉಪಯೊಗ ಕರ ಸಕ್ತಾತಾ. ತೆನೈಸೊ ತುಮಾರಾ ಕ್ಹಾತೆ ಹಮೆ ಘನ್ನಾ ಶಾಂತ ವ್ಹತ್ತಾ. ಮಾ ತಿನಾ ನ್ಹಾನಾ ಬಚ್ಚಾ಼ವೊನೆ ಕಿಮ ಜ಼ತ್ತನೆ ದೆಕಿಲಿವಸ ಹಮೆ ತಿಮ್ಮಜ಼ ದೆಕಿಲಿದ್ಯಾ.
1TH 2:8 ತುಮೊನೆ ಹಮೆ ಘನ್ನಾ ಮಯಾ ಕರ‍್ಯಾ. ತಿನಾಹುತಿ ಕ್ಹುದಾನಿ ಸುವಾರ್ತೆ ತುಮಾರಾ ಕ್ಹಾತೆ ಕೈಲಿವಾನೆ, ಯಕ್ಕಜ಼ ನೈಸೊ, ತುಮಾರಾ ಹುತಿ ಹಮಾರೊ ಜ಼ಲಮ ದಿವಾನೆ ಬಿ ತಯ್ಯಾರ ಥಯಾ.
1TH 2:9 ಹಮಾರಾ ಭಾಯೊ ವರಿ ಭೆನೊ, ಹಮೆ ಅನುಭವಿಸಲ ತ್ರಾಸ ವರಿ ತುಮೊನೆ ಶೆ ಛೆ. ತುಮೊನೆ ಕ್ಹುದಾನು ಉಪದೆಶ ಕರತಾಮಾ ತುಮೆ ರಾಬಲ ದೊಕ್ಡಾಮಾ ವಾಟೊ ದ್ಯು ನೈ ಕೈನ ತುಮೊನೆ ತ್ರಾಸ ಥೌ ನೈ ಕೈನ ದಿನ್ನ ರಾತ ರಾಬಿನ ಜಿವ್ನಾ ಚ಼ಲಾವಾಡ್ಯಾತಾ.
1TH 2:10 ವಿಸ್ವಾಶಿಯೊ ರ‍್ಹಯಲ ತುಮಾರಾ ಕ್ಹಾತೆ ಹಮಾರು ನಡುವಳಿಕೆಕ್ಹು ರ‍್ಹತಾಮಾ ತಪ್ಪ ಕರೆನೈಸೊ ರ‍್ಹೈನ ವರಿ ಪರಿಶುದ್ಧ ರ‍್ಹೈನ ವರಿ ಕೆಟ್ಟ ನೈಸೊ ರ‍್ಹೈನ ಜಿವ್ನಾ ಕರ‍್ಯಾತಾ. ಎ ಕ್ಹಾರು ಕ್ಹರಿ ವ್ಹೈ ಕೈನ ತುಮೆಜ಼ ಸಾಕ್ಷಿ ವ್ಹೈ ವರಿ ಕ್ಹುದಾಬಿ ಸಾಕ್ಷಿ ಥಯೊಸ.
1TH 2:11 ಯಕ್ಲಾನಾ ಕ್ಹಾತೆ ಹಮೆ ಇಮ್ಮ ವ್ಹತ್ತಾ ಕೈನ ತುಮೊನೆ ಗ್ವತ್ತ ಛೆ.
1TH 2:12 ಹಮೆ ತುಮೊನೆ ಪ್ರೊತ್ಸಾಹಿತ ಕರ‍್ಯಾ ವರಿ ತುಮೊನೆ ಮಯಾ ಕರ‍್ಯಾ. ವರಿ ಹಮೆ ತಮನೊನೆ ವಿಂತಿ ಕರ‍್ಯಾ ತುಮೊನೆ ತಿನಿ ರಾಜ್ಯನೆ ವರಿ ಮಹಿಮಾನೆ ಬಲಾಯಲ ಕ್ಹುದಾನಾ ಹುತಿ ಯೊಗ್ಯ ರ‍್ಹಯಲ ಜಿವ್ನಾ ಕರೊ ಕೈನ ತುಮೊನೆ ಕದ್ಯಾ. ತೆ ತುಮೊನೆ ತಿನಿ ರಾಜ್ಯಮ್ಮಾ ವರಿ ಮಹಿಮಾ ಪಾಲ ಲಿವಾನೆ ಬಲಾಯಾಸ.
1TH 2:13 ತುಮೆ ಕ್ಹುದಾನು ಸಂದೆಶ ವಪ್ಪಿಲಿದಲಹುತಿ ಹಮೆ ಕ್ಹುದಾನೆ ಹಮೆಶಾಬಿ ಸ್ತುತಿ ಕರಿಯೆಸ. ಹಮೊಕ್ಹು ತೆ ಸಂದೆಶ ಐಕಿನ, ತೆ ಕ್ಹುದಾನಿ ವಾಕ್ಯಾ ವ್ಹೈ ಕೈನಜ಼ ವಪ್ಪಿಲಿದ್ಯಾಸ ತೆನೈಸೊ ಮನಕ್ಹೊ ಕದಲ ವಾಕ್ಯಾಕ್ಹು ನ್ಹವೈ. ಎ ಕ್ಹರಿಮಾಜ಼ ಕ್ಹುದಾನು ಸಂದೆಶ ವ್ಹೈ. ತೆ ಸಂದೆಶಪರ ಬರೊಕ್ಹೊ ಕರಲ ಹುತಿಜ಼ ತುಮೊಮಾ ತೆ ಕಾಮ ಕರಸ.
1TH 2:14 ಹಮಾರಾ ಭಾಯೊ ವರಿ ಭೆನೊ, ತುಮೆ ಯುದಾಯಮ್ಮಾ ರ‍್ಹಯಲ ಕ್ಹುದಾನಿ ಸಬೆ ಲಿಂಗತ ಛೆ. ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲ ಹುತಿ ತ್ಯುನೆ ಬಿಜಾ಼ ಯೆಹುದಿಯೊನಾ ಮನಕ್ಹೊನಾ ಹತೆ ತ್ರಾಸ ಖಾದ್ಯಾ. ತಿಮ್ಮಜ ತಮೆಬಿ ತಮಾರಾ ಸ್ವಂತ ಮನಕ್ಹು ತ್ರಾಸ ಕ್ಹಾವೊ.
1TH 2:15 ತೆ ಮನಕ್ಹೊ ಪ್ರಭು ಥಯಲ ಯೆಸುನೆ ವರಿ ಪ್ರವಾದಿಯೊನೆ ಖಲಾಸ ಕರಿಪಾಡ್ಯಾ. ತ್ಯುನಾ ದೆಶಮಾತಾ (ಜುದೆಯ) ಹಮೊನೆ ಜ಼ಬರದಸ್ತಿಕ್ಹು ಭಾರಾ ಘಾಲಿಪಾಡ್ಯಾ. ತ್ಯುನೆ ಕ್ಹುದಾನೆ ಪಸಂದ ನ್ಹೊತಾ ವರಿ ಕ್ಹಾರಾ ಮನಕ್ಹೊನಾ ವಿರುದ್ಧ ಛೆ.
1TH 2:16 ಹೊ, ಯೆಹುದಿ ನೈಸೊ ಮನಕ್ಹೊ ರಕ್ಷಣೆ ದಿವಾನಿ ಸುವಾರ್ತೆ ಅಪೆ ಕಯೆನೈಸೊ ಅಪೊನೆ ತಡ್ದಾನೆ ತ್ಯುನೆ ಕೊಶಿಶ ಕರಾಡಾಸ. ಇಮ್ಮ ತ್ಯುನೆ ತ್ಯುನಾ ಪಾಪೊನೆ ಹಜು಼ನ ದಕ್ಹಾ ಪಾಪೊಕ್ಹು ಘಡೊ ಭರಿನ ಆಯೊಸ. ಲಾಸ್ಟೆ ಕ್ಹುದಾನಿ ಶಿಟ್ಟ ತ್ಯುನಾ ಉಪ್ಪರ ಆವಸ.
1TH 2:17 ಮಾರಾ ಭಾಯೊ ಭೆನೊ, ಹಮೆ ತುಮೊಕ್ಹು ದಕ್ಹಿಯೆಳ ಛೊಡಿನ ಗಯಾತಾ. ವಿಚಾರಕ್ಹು ನೈ ಶಾರಿರಿಕ್ಹು ದುರ ಥಯಾಸ. ತುಮೊನೆ ದೆಕಾನೆ ಘನ್ನಿ ಆಸಕ್ಹು ಘನ್ನಾ ಕೊಶಿಶ ಕರ‍್ಯಾ.
1TH 2:18 ಹೊ, ತುಮೊಕನ ಔ ಕರ‍್ಯಾತಾ. ಪೌಲಾ ಥಯಲ ಮಿ, ಕ್ಹರಿಬಿ ಘನ್ನಿಸಲಾ ಔ ಕೈನ ಕೊಶಿಶ ಕರ‍್ಯೊ, ತೆನೈಸೊ ಮನೆ ಸೈತಾನ ಹುಬ್ರಾಡ್ಯೊ.
1TH 2:19 ಯೆ ಥಯಲ ಪರ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ಆಯಲಪರ ಹಮೆ ತಾರಿಫ ಕರಲಿವಾನಿ ಹಮಾರಿ ಆಸ, ಹಮಾರಿ ಖುಶಿ, ಹಮಾರಿ ಕಿರಿಟ ತುಮೆಜ಼ ವ್ಹೈ.
1TH 2:20 ಕ್ಹರಿಮಾಜ಼ ತುಮೆ ಅಭಿಮಾನ ವ್ಹೈ. ಹಮಾರಿ ಖುಶಿ ಥಯಾಸ.
1TH 3:1 ತಿನಾಹುತಿ ಮಿ ನ್ಹ್ಯಾ ನೈ ರ‍್ಹವಾನೆ ಥಯುತಬಿ ಅಥೆನಿಮ್ಮಾ ಯಕ್ಲೊಜ ರ‍್ಹವಾನು ಚೊ಼ಕು ವ್ಹೈ ಕೈನ ವಿಚಾರ ಕರ‍್ಯೊ.
1TH 3:2 ಅಪೆ ಅಪ್ನಾ ಕ್ರಿಸ್ತನಾ ಬರೊಕ್ಹೊಮ್ಮಾ ವರಿ ಕ್ಹುದಾನಾ ಹುತಿ ಹಮಾರೊ ಭೈ ವ್ಹೈ. ತೆ ಕ್ಹುದಾನಾ ಹುತಿ ಹಮಾರಾ ಕ್ಹಾತೆ ಕಾಮ ಕರಾಡ್ಯೊಸ. ಕ್ರಿಸ್ತನಾ ವಿಷಯನಿ ಸುವಾರ್ತೆ ಮನಕ್ಹೊನೆ ತಿಳ್ಸಾವಾನೆ ಹಮೊನೆ ಮದತ ಕರಾಡ್ಯೊಸ. ತುಮಾರೊ ಬರೊಕ್ಹೊನಾ ಘಟ್ಟ ಕರಾನೆ ವರಿ ತುಮೊನೆ ಖುಶಿ ಕರಾನೆ ತಿಮೊಥೆನೆ ವಳಾಯಾಸ.
1TH 3:3 ಹಮ್ನಾ ಹಮೊನೆ ಆಯಲ ತ್ರಾಸ ತುಮೊಮಾ ಕುನ್ನಜ಼ ಕಳವಳ ಥೌನೈ ಕೈನ ತಿಮೊಥೆನೆ ವಳಾಯಾಸ. ಹಮೊನೆ ಹವಾ ತ್ರಾಸೊ ಕ್ಹುದಾನಿ ಚಿತ್ತಕ್ಹುಜ ಆವಸ ಕೈನ ತುಮೊನೆ ಗ್ವತ್ತ ಛೆ.
1TH 3:4 ಕಾಕದ್ಯಾಮ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ, ಅಪೆ ಕ್ಹಾರಾ ತ್ರಾಸ ಖಯೆಸ ಕೈನ ತುಮೊನೆ ಹಮೆ ಪೈಲಾಜ಼ ಕತ್ತಾ ವ್ಹತ್ತಾ. ಹಮೆ ಕದಲ ತಿಮ್ಮಜ಼ ತೆ ಥಯು ಕವಾನು ತುಮೊನೆ ಗ್ವತ್ತ ಛೆ.
1TH 3:5 ತಿನಾಹುತಿ ಹಜು ತಡ್ದಿಲಿದೆ ವಾಚಿ ಯಕ್ಕ ಟೈಮ್ಮ ಸೈತಾನ ತಮನೊನೆ ಶೊದನೆ ಲಿದೆಲಕ್ಹು ಹಮೆ ಕರಲ ಕ್ಹಾರು ಹಾಳ ಥೈಗಯು ಸುನೈ ಕೈನ ತಮಾರಾ ಬರೊಕ್ಹೊನಾಹುತಿ ಮಿ ತಿಳ್ದಿಲಿವಾನಾಹುತಿ ತೆ ಮಿ ತುಮೊಕನ ವಳೈನ ದಿದ್ಯೊ.
1TH 3:6 ತೆನೈಸೊ ತಿಮೊಥೆ ತುಮೊಕಂತೊ ಹಮೊಕನ ಫರಿನ ಆಯಲಪರ, ತುಮಾರೊ ಬರೊಕ್ಹೊ ವರಿ ಮಯಾನಾ ಹುತಿ ಚೊ಼ಕಿಯೊ ವಾತೊ ಹಮೊನೆ ಕದ್ಯೊ. ತುಮೆ ಕೆಳಾಮಾಬಿ ಹಮೊನೆ ಶೆ ಕರೊಶಿ ಕೈನ ವರಿ ದೆಕಾನಿ ಆಸಕ್ಹು ಛೆ ಕೈನ ತೆ ಹಮೊನೆ ಕದ್ಯೊ. ತಿನಾಲಿಂಗತಜ಼ ಹಮೆ ತುಮೊನೆ ದೆಕಾನೆ ಘನ್ನಿ ಆಸಕ್ಹು ಛೆ.
1TH 3:7 ಭಾಯೊ ಭೆನೊ, ಹಮಾರಾ ಕ್ಹಾರಿ ತರಾನಾ ತ್ರಾಸಮಾ ವರಿ ಸಂಕಟಮಾ ತುಮಾರಾ ಹುತಿ ಹಮೊನೆ ಪ್ರೊತ್ಸಾಹ ಮಳ್ಯು.
1TH 3:8 ಪ್ರಭು ಮಾ ತುಮೆ ಘಟ್ಟ ಥೈನ ಹುಬ್ರಯಾಸ, ಇನಾಹುತಿ ಹಮೆ ಜಿವ್ನಾ ಕರಾಡಾಸ.
1TH 3:9 ತುಮಾರಾ ಹುತಿ ಹಮ್ನಾ ಕ್ಹುದಾನಾ ಹುತಿ ಧನೈವಾದ ಕೈಯೆಸ. ತುಮಾರಾ ಹುತಿ ತಿನಾ ಕ್ಹಾಮಾ ಹಮೊನೆ ರ‍್ಹಯಲ ಖುಶಿನಾ ಹುತಿ ಧನೈ ಕೈಯೆಸ.
1TH 3:10 ದಿನ್ನ ರಾತ ತುಮಾರಾ ಹುತಿ ಘನ್ನಾ ಹಮೆ ಪ್ರಾಥನಾ ಕರಾಡಾಸ. ತುಮೊನೆ ಡೊಳೆ ದೆಕಿನ ತುಮಾರಾ ಬರೊಕ್ಹಾಮಾ ರ‍್ಹಯಲ ಕಮಿ ಪುರಾ ಕರಾನಾ ಹುತಿ
1TH 3:11 ಹಮೆ ತುಮೊಕನ ಆವಾನಿ ವಾಟ ಸಿದಾ ಕರಾಹುತಿ ಹಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸುನೆ ಪ್ರಾಥನಾ ಕರಾಡಾಸ.
1TH 3:12 ಹಮೆ ತುಮೊನೆ ಮಯಾಕರಲ ಲಿಂಗತ ತುಮಾರಿ ಮಯಾ ಘಟ್ಟ ಥಯಲ ಲಿಂಗತ ಯಕ್ಲಾನೆ ಯಕ್ಲಾಪರ ವರಿ ಬಿಜಾ಼ ಮನಕ್ಹೊಪರ ಮಯಾ ಹೆಚ್ಕಿ ಥಾವಾದೆ ಕರಿನ ಪ್ರಭುನೆ ಪ್ರಾಥನಾ ಕರಿಯೆಸ.
1TH 3:13 ತುಮಾರಾ ಮನಸೊಮಾ ಘಟ್ಟ ರ‍್ಹವಾದೆ ಕರಿನ ಇಮ್ಮ ಪ್ರಾಥನಾ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ತಿನಾ ಪವಿತ್ರ ಮನಕ್ಹೊನಾ ಕ್ಹಾತೆ ದಿಕ್ಹತಾಮಾ ತುಮೆ ಬಾ ಥಯಲ ಕ್ಹುದಾನಿ ಸನ್ನಿದಿಮಾ ಪರಿಶುದ್ಧ ವರಿ ತಪ್ಪ ನೈಸೊವಾಲಾಥೈನ ರ‍್ಹವೊಸಿ.
1TH 4:1 ಲಾಸ್ಟಮಾ ಕವಾನು ಸು ವ್ಹೈ ಕದ್ಯಾಮ ಭಾಯೊ ವರಿ ಭೆನೊ, ಹಮ್ನಾ ತುಮೊನೆ ಬಿಜಿ಼ಯೊ ದಕ್ಹಿಯೊ ವಿಚಾರೊ ತಿಳಸುಸ. ಕ್ಹುದಾನೆ ಕಿಮ ಮೆಚ಼ಸಾನೆ ಜಿವ್ನಾ ಕರು ಕೈನ ತುಮೊನೆ ಶಿಕ್ಲಾಯಾಸ. ತುಮೆ ತಿನಾಲಿಂಗತಜ಼ ಜಿವ್ನಾ ಕರಾಡಾಸ. ತಿನಾಲಿಂಗತಜ಼ ಹಜು಼ನ ಹೆಚ್ಕಿ ನಜಿ಼ಕ ರ‍್ಹೈನ ಜಿವ್ನಾ ಕರು ಕೈನ ಹಮೆ ತುಮ್ನೊನೆ ಯೆಸುನಾ ನಾಮಪರ ಮಾಂಗಿಲಿಯೆಸ ವರಿ ಪ್ರೊತ್ಸಾಹ ಕರಿಯೆಸ.
1TH 4:2 ಹಮೆ ತುಮೊನೆ ಕಯಾ ಕಾಮೊ ಕರೊ ಕೈನ ಕದ್ಯಾಸ ತೆ ತುಮೊನೆ ಗ್ವತ್ತ ಛೆ. ಪ್ರಭು ಯೆಸುನಿ ಅದಿಕಾರಕ್ಹು ತೆ ಸಂಗತಿಯೊ ತುಮೊನೆ ಕದ್ಯಾಸ.
1TH 4:3 ಕ್ಹುದಾನಿ ಚಿತ್ತ ಸು ವ್ಹೈ ಕದ್ಯಾಮ ತುಮೆ ಪರಿಶುದ್ಧ ಥೈನ ರ‍್ಹೌ ಕೈನ ಅನೈತಿಕ ಶಾರಿರಿಕ ಸಂಭಂದಕ್ಹು ದುರ ರ‍್ಹವೊ.
1TH 4:4 ತುಮೊಮಾನಾ ಕ್ಹಾರಾ ಜ಼ನಾ ತಿಳದಿಲಿದಲ ರ‍್ಹೌ ತ್ಯುನಿಯೊ ಸ್ವಂತ ಬೈಕೊನಾ ಕ್ಹಾತೆ ಪರಿಶುದ್ಧ ಥೈನ ವರಿ ಮರ್ಯಾದಿಕ್ಹು ರ‍್ಹೌ.
1TH 4:5 ಎ ವಿಷಯಮಾ ತುಮಾರಾ ಭಾಯೊನೆ ಮೊಸ ಕರು ನೈ.
1TH 4:6 ಹಮೆ ಹಮ್ನಾ ಕದಲಲಿಂಗತಜ಼ ವರಿ ಹುಶಾರ ಕರಲ ಲಿಂಗತ ಎ ಕ್ಹಾರಿ ವಿಷಯಮಾ ಪ್ರಭು ಶಿಕ್ಷಾ ದಿವಸ.
1TH 4:7 ಕ್ಹುದಾ ಅಪೊನೆ ಪರಿಶುದ್ಧ ಥೈನ ಜಿವ್ನಾ ಕರು ಕೈನ ಬಲಾಯೊಸ. ಅಪೆ ಪಾಪೊಮಾ ಜಿವ್ನಾ ಕರು ನೈ ಕೈನ ತಿನಿ ಆಸ ವ್ಹೈ.
1TH 4:8 ತಿನಾಹುತಿ ಎ ಉಪದೆಶ ಲಿಂಗತ ನೈ ರ‍್ಹವಾಲೊ ಅವಿಧೆಯ ಥೈನ ರ‍್ಹವಸ ತೆ ಮನಕ್ಹೊನೆ ನ್ಹ ವ್ಹೈ ಪವಿತ್ರ ದಿದಲ ಕ್ಹುದಾನೆ ವ್ಹೈ.
1TH 4:9 ಕ್ರಿಸ್ತಮಾ ರ‍್ಹಯಲ ಭಾಯೊ ವರಿ ಭೆನೊನೆ ಕಿಮ ಮಯಾ ಕರು ಕವಾನಾ ಹುತಿ ಹಮೆ ತುಮ್ನೊನೆ ಬರ್ದು ಕೈನಜ಼ ನತ್ತಿ. ಯಕ್ಲಾನೆ ಯಕ್ಲೊ ಕಿಮ ಮಯಾ ಕರು ಕೈನ ಕ್ಹುದಾ ತುಮ್ನೊನೆ ಶಿಕ್ಲಾಯೊಸ.
1TH 4:10 ಮಕೆದೊನಿಯಮಾ ರ‍್ಹಯಲ ಭಾಯೊ ವರಿ ಭೆನೊನೆ ತುಮೆ ಕ್ಹರಿಮಾಜ಼ ಮಯಾ ಕರಾಡಾಸ. ತೆ ಹಜು಼ನ ಹೆಚ್ಕಿ ಮಯಾ ಕರು ಕೈನ ಹಮೆ ತುಮ್ನೊನೆ ಕೈಯೆಸ.
1TH 4:11 ಶಾಂತಿಕ್ಹು ಜಿವ್ನಾ ಕರಾನೆ ತುಮೊಕನ ಥಯಲ ತೆಕ್ಲು ಕೊಶಿಶ ಕರೊ. ತುಮಾರಾ ಕಾಮಕ್ಹು ಕಾಮ ಮ್ಹೆಲೊ ತುಮಾರಾ ಸ್ವಂತಾನಾ ಹುತಿ ಕಮಾವೊ ಇನಾಹುತಿ ಹಮೆ ತುಮೊನೆ ಪೈಲಾಜ ಕದ್ಯೊಸ.
1TH 4:12 ತುಮೆ ಇಮ್ಮ ಕರ‍್ಯಾಮ, ವಿಸ್ವಾಶಿಯೊ ನೈ ರ‍್ಹಯಲವಾಲಾ ತುಮೆ ಜಿವ್ನಾ ಕರಾನೊ ತರಿಕೊ ದೆಕಿನ ತುಮೊನೆ ಮರ್ಯಾದಿ ದಿವಸ. ಕಿಪರಜ಼ ತುಮೆ ವಜ್ಜು ಥೈನ ರ‍್ಹತಾ ನೈ.
1TH 4:13 ಹಮಾರಾ ಭಾಯೊ ಭೆನೊ, ಮರಿಗಯಲ ಮನಕ್ಹೊನಾ ಹುತಿರ‍್ಹಯ ಕ್ಹರಿ ಮಿ ತುಮೊನೆ ತಿಳಸಾವಾನೆ ಆಸ ಕರಿಯೆಸ. ಆಸ ನೈಸೊ ಮನಕ್ಹೊ ಲಿಂಗತ ತುಮೆ ದುಖಮಾ ರ‍್ಹವಾನು ನಕೊ.
1TH 4:14 ತೆನೈಸೊ ವರಿ ಯೆಸು ಮರಿನ ಜಿವ್ತೊ ಥೈನ ಆಯೊಸ ಕೈನ ಅಪೆ ಬರೊಕ್ಹೊ ಕರಿಯೆಸ. ತಿನಾಲಿಂಗತಜ಼ ತಿಪರ ಬರೊಕ್ಹೊ ಮ್ಹೆಲಿನ ಮರಲವಾಲಾವೊನೆ ಕ್ಹುದಾ ಕ್ರಿಸ್ತಾನಾ ಕ್ಹಾತೆ ಉಟಾಡಸ.
1TH 4:15 ಹಮ್ನಾ ಹಮೆ ತುಮೊನೆ ಕವಾನು ಪ್ರಭುನು ಸಂದೆಶಜ಼ ವ್ಹೈ. ಪ್ರಭು ವರಿ ಆತಾಮಾ ಹಮ್ನಾ ಜಿವ್ತಾ ರ‍್ಹಯಲವಾಲಾ ಅಪೆ ಹಜು಼ನಬಿ ಜಿವ್ತಾ ರ‍್ಹಯಾಮ ಅಪೆ ಪ್ರಭುನಾ ಕ್ಹಾತೆ ರ‍್ಹಯೆಸ. ವರಿಬಿ ಪೈಲಾ ಮರಲವಾಲಾವೊತಿಬಿ ಅಪೆ ಪಾಚಾ಼ ರ‍್ಹಯೆಸ.
1TH 4:16 ಕ್ಹುದಾ ಸ್ವರಗತೊ ಉತ್ರಿನ ಆವಸ. ಖಾಸ ದೆವದುತ ಕ್ಹುದಾನಿ ತುತ್ತುರಿನಾ ಕ್ಹಾತೆ ಆಗನ್ಯಾ ಕರಸ. ತೆಳಾಮಾಜ಼ ಕ್ರಿಸ್ತಮಾ ರ‍್ಹೈನ ಮರಲವಾಲಾ ಪೈಲಾ ಉಟಿನ ಆವಸ.
1TH 4:17 ಪಾಚಾ಼ತಾ, ಜಿವ್ತಾ ರ‍್ಹಯಲವಾಲಾ ಅಪೆ ಮರಲ ವಾಲಾವೊನಾ ಕ್ಹಾತೆ ಯಕ್ಕ ಥೈನ ರ‍್ಹಯೆಸ. ಪ್ರಭುನೆ ಮ್ಹಾಡಮಾ ತಿನಾ ಕ್ಹಾಮಾ ರ‍್ಹವಾನೆ ಅಪೊನೆ ಮೆಘಮಾ ಉಚೈಲಿಂಜಾ಼ವಸ. ಇಮ್ಮ ಅಪೆ ಹಮೆಶಾಬಿ ಪ್ರಭುನಾ ಕ್ಹಾತೆ ರ‍್ಹಯೆಸ.
1TH 4:18 ತಿನಾಹುತಿ ಎ ವಾತೊಕ್ಹು ಯಕ್ಲಾನೆ ಯಕ್ಲೊ ಪ್ರೊತ್ಸಾಹ ಕರೊ.
1TH 5:1 ಭಾಯೊ ಭೆನೊ, ಹಮ್ನಾ ಎ ಕೆಳಾಮಾ ಥಾವಸ ಕೈನ ಹಮೆ ದಿನ್ನ ವರಿ ವಕ್ಹತನಾ ಹುತಿ ಬರದಾನೆ ಜ಼ರುರತ ನತ್ತಿ.
1TH 5:2 ಕಾಕದ್ಯಾಮ ಪ್ರಭು ಕ್ಹಾಮೊ ಆವಾನೊ ದಿನ್ನ ರಾತೆ ಚ್ವಟ್ಟೊ ಆಯಲ ಲಿಂಗತ ಯಕ್ಕಜ಼ ದುಮ ಆವಸ ಕವಾನು ತುಮೊನೆ ಚೊ಼ಕಿ ತರಾ ಗ್ವತ್ತ ಥಯುಸ.
1TH 5:3 "ಕ್ಹಾರುಜ಼ ಶಾಂತಿ ಸಮಾದಾನೆ ಛೆ ಕವಾನಾ ಮನಕ್ಹೊ ತಿಳ್ದಿಲಿವಾನಾ ಟೈಮ್ಮಾಜ಼ ಹಾಳ ಥಾವಾನು ಯಕಾಕಿಜ಼ ಥಾವಸ. ತೆ ಮನಕ್ಹೊ ಚುಕೈಲಿವಾನೆ ಥಾತು ನೈ.
1TH 5:4 ತೆನೈಸೊ ಭಾಯೊ ವರಿ ಭೆನೊ, ತುಮೆ ಅಂದಾರಾಮಾ (ಪಾಪಮಾ) ರ‍್ಹವಾಡ್ಯಾ ನತ್ತಿ. ತೆ ದಿನ್ನ ತುಮೊನೆ ಚ್ವಟ್ಟಾ ಲಿಂಗತ ಯಕ್ಕದುಮ ಆತೊ ನೈ.
1TH 5:5 ತುಮೆ ಕ್ಹಾರಾ ಉಜಾಲಾಮಾ ರ‍್ಹಯಲವಾಲಾ ವ್ಹೈ ವರಿ ದಿನ್ನಾ ಉಜಾಲಾಮಾ ರ‍್ಹಯಲವಾಲಾ ವ್ಹೈ. ಅಪೆ ರಾತೆ ರ‍್ಹೈನೆಕಾ ನೈತೊ ಅಂದಾರಾಮಾ ರ‍್ಹಯಲವಾಲಾ ನ್ಹವೈ.
1TH 5:6 ತಿನಾಹುತಿ.
1TH 5:7 ನಿಂದರ ಕರಾಲಾ ಮನಕ್ಹೊ ರಾತ್ಮಾ ನಿಂದರ ಕರಸ. ದಾರು ಪಿನ ನಿಷಾ ಕರಾಲಾ ರಾತ್ಮಾ ನಿಷಾಮಾ ರ‍್ಹವಸ. ತಿನಾಹುತಿ ಕ್ಹಾರಾ
1TH 5:8 ತೆನೈಸೊ ಅಪೆ ದಿನ್ಮಾ ರ‍್ಹಯವಾಲಾ ಹುತಿ ಅಪೊನೆ ಹತೊಟಿಮಾ ಮುಕ್ಕಿ ಲಿದೆಲ ರ‍್ಹೌ. ಅಪ್ನಾಕ್ಹು ಅಪ್ನೊನೆ ವಚಾ಼ಡಿಲಿವಾನೆ ಮಯಾ ಬರೊಕ್ಹೊ ಮ್ಹೆಲ್ಲಿದಲ ರ‍್ಹೌ. ರಕ್ಷಣೆನೆ ಆಸ ಅಪೊನೆ ಕಿರಿಟ ಲಿಂಗತ ರ‍್ಹೌ.
1TH 5:9 ಕ್ಹುದಾ ಅಪೊನೆ ಇನಿಲಿದಲ ತಿನಿ ಶಿಟ್ಟನೆ ಗುರಿ ಥೌ ಕೈನ ನ್ಹವೈ. ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೊನೆ ರಕ್ಷಣೆ ಥೌ ಕೈನ ಕ್ಹುದಾ ಅಪೊನೆ ಇನಿಲಿದ್ಯೊ.
1TH 5:10 ಅಪೆ ತಿನಾ ಕ್ಹಾತೆ ಜಿವ್ನಾ ಕರು ಕೈನ ಯೆಸು ಅಪ್ನಾ ಹುತಿ ಮರ‍್ಯೊ. ಯೆಸು ಅಪೊನೆ ದಿಕ್ಹತಾಮಾ, ಅಪೆ ಜಿವ್ತಾ ರ‍್ಹೈಯೆ ಸು ಮರಲ ರ‍್ಹೈಯೆ ಸು ಕೈನ ಕವಾನು ಖಾಸ ನ್ಹವೈ.
1TH 5:11 ತಿನಾಹುತಿ ಯಕ್ಲಾನೆ ಯಕ್ಲೊ ಪ್ರೊತ್ಸಾಹ ಕರೊ. ಹಮ್ನಾ ತುಮೆ ಕರತಾ ರ‍್ಹಯಲ ತೆಜ಼ ವ್ಹೈ.
1TH 5:12 ಭಾಯೊ ವರಿ ಭೆನೊ, ಹಮೆ ತುಮೊಕನ ಮಾಂಗಿಲಿಯೆಸ,ಹಮ್ನಾ ತುಮೊಮಾ ಮ್ಹೈನತಕ್ಹು ಕಾಮ ಕರತಾ ತುಮೊನೆ ಪ್ರಭುನಿ ವಾಟಮಾ ಚ಼ಲಾವಾಲಾವೊನೆ ವರಿ ಉಪದೆಶ ಕರಾಲಾವೊನೆ ಮರ್ಯಾದಿ ದಿವೊ.
1TH 5:13 ತ್ಯುನೆ ತುಮೊಮಾ ಕರಾನಿ ಸೆವೆನಾ ಹುತಿ ತ್ಯುನೊನೆ ಖಾಸ ಮಯಾಕ್ಹು ಮರ್ಯಾದಿ ದಿವೊ. ತುಮೆ ಕ್ಹಾರಾ ಸಮಾದಾನಕ್ಹು ಜಿವ್ನಾ ಕರೊ.
1TH 5:14 ಮಾರಾ ಭಾಯೊ ವರಿ ಭೆನೊ, ಕಾಮ ಕರ‍್ಯಾವಾಚಿ ರ‍್ಹವಾಲಾ ಮನಕ್ಹೊನೆ ಹುಷಾರಕಿ ಕರೊ ಕೈನ ತುಮೊನೆ ಮಾಂಗಿಲಿಯೆಸ. ಭುಚಿ಼ಕಿನ ರ‍್ಹಯಲವಾಲಾವೊನಾ ಪ್ರೊತ್ಸಾಹ ಕರೊ; ತಾಕತ ನೈಸೊವಾಲಾವೊನೆ ಮದದ ಕರ; ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನ ಕ್ಹು ರ‍್ಹವೊ.
1TH 5:15 ಕುನ ಕೆಟ್ಟ ಕರಲವಾಲಾವೊನೆ ಕೆಟ್ಟ ಕರ‍್ಯಾವಾಚಿ ಕ್ಹಾರವೊನೆ ಚೊ಼ಕುಜ಼ ಕರೊ. ಯಕೆಕ್ಲಾನೆ ವರಿ ಕ್ಹಾರಾವೊನೆ ಹಮೆಶಾಬಿ ಚೊ಼ಕು ಕರಾನೆ ಕೊಶಿಶ ಕರೊ.
1TH 5:16 ಹಮೆಶಾಬಿ ಖುಶಿಕ್ಹು ರ‍್ಹವೊ.
1TH 5:17 ಹಮೆಶಾಬಿ ಪ್ರಾಥನಾ ಕರೊ.
1TH 5:18 ಕ್ಹುದಾನೆ ಕ್ಹಾರಾ ದಿನೊಮಾ ಸ್ತೊತ್ರಾ ಕವೊ. ಎಜ಼ ತುಮಾರು ವಿಷಯನಾ ಹುತಿ ಯೆಸು ಕ್ರಿಸ್ತಮಾ ದಿಕ್ಹಿನ ಆಯಲ ಕ್ಹುದಾನಿ ಚಿತ್ತ ವ್ಹೈ.
1TH 5:19 ಪವಿತ್ರ ಆತ್ಮಾನು ಆಗ ಇಜ್ಜಾವೊ ನಕೊ.
1TH 5:20 ಪ್ರವಾದನೆನೆ ಹಿನಾವೊ ನಕೊ.
1TH 5:21 ಕ್ಹಾರುಜ಼ ಪರಿಕ್ಷಾ ಕರೊ, ಚೊ಼ಕು ರ‍್ಹಯಲ ಘಟ್ಟ ಧರಿಲಿವೊ.
1TH 5:22 ಕ್ಹಾರಾ ತರಾನಾ ಕೆಟ್ಟ ಕಾಮೊ ಕ್ಹು ದುರ ರ‍್ಹವೊ.
1TH 5:23 ಶಾಂತಿಕ್ಹು ರ‍್ಹಯಲ ಕ್ಹುದಾ ತೆಜ಼ ತುಮೊನೆ ಕ್ಹಾರಿ ತರಾಕ್ಹು ಶುದ್ಧ ಕರಾದೆ ಕೈನ ಪ್ರಾಥನಾ ಕರಿಯೆಸ. ಪ್ರಭು ಥಯಲ ಯೆಸು ಕ್ರಿಸ್ತ ಅಪೊನೆ ದಿಕ್ಹತಾಮಾ ತುಮಾರಿ ಆತ್ಮಾ, ಅಂಗ, ಜ಼ಲಮ, ಸುಜ಼ ಕೆಟ್ಟ ರ‍್ಹಯೆ ನೈಸೊ ಪ್ರಾಥನಾ ಕರಿಯೆಸ.
1TH 5:24 ತುಮೊನೆ ಬಲಾಯಲವಾಲೊ ತೆ ತಮಾರಾ ಹುತಿ ಕರಸ. ತೆ ಬರೊಕ್ಹಾವಾಲೊ ವ್ಹೈ.
1TH 5:25 ಭಾಯೊ ಭೆನೊ, ಹಮಾರಾ ಹುತಿ ಪ್ರಾಥನಾ ಕರೊ.
1TH 5:26 ಭಾಯೊ ವರಿ ಭೆನೊ ವಿಸ್ವಾಶಿಯೊ ಮಳತಾಮಾ ಹತ್ತ ಮಳಾವೊ.
1TH 5:27 ಎ ಪತ್ರ ಭಾಯೊ ಭೆನೊನೆ ಒದಿನ ತಿಳ್ಸೊ ಕೈನ ಮಿ ತುಮೊನೆ ಪ್ರಭುನಿ ಅದಿಕಾರಕ್ಹು ಮಾಂಗಿಲಿವಾಡೊಸ.
1TH 5:28 ಪ್ರಭು ಯೆಸು ಕ್ರಿಸ್ತನಿ ಮರಗಾ ತುಮಾರಾ ಕ್ಹಾತೆ ರ‍್ಹವಾದೆ.
2TH 1:1 ಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕವಾಲಾವೊನಿ ಸಬೆನೆ ಪೌಲಾ, ಸಿಲ್ವಾನ ವರಿ ತಿಮೊತಿ ಬರ್ದಾನು ಪತ್ರ.
2TH 1:2 ಅಪ್ನೊ ಬಾ ಥಯಲ ಕ್ಹುದಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಿ ಕೃಪಾ ವರಿ ಶಾಂತಿ ತುಮೊಮಾ ರ‍್ಹವಾದೆ.
2TH 1:3 ಮಾರಾ ಭಾಯೊ ವರಿ ಭೆನೊ ತುಮಾರಿ ವಿಷಯಮಾ ಹಮೆಶಾಬಿ ಕ್ಹುದಾನೆ ಸ್ತೊತ್ರಾ ಕಯೆಸ. ಇಮ್ಮ ಕರಾನು ಚೊ಼ಕು ವ್ಹೈ. ಕಾ ಕದ್ಯಾಮ ತುಮಾರೊ ಬರೊಕ್ಹೊ ವರಿ ಹೆಚ್ಕಿ಼ ಥಯಲ ಹುತಿ ತುಮಾರಿ ಮಯಾ ಹೆಚ್ಕಿ಼ ಥಾತಿ ರ‍್ಹವಸ.
2TH 1:4 ಕ್ಹುದಾನಿ ಸಭೆಮಾ ತುಮಾರಾ ಹುತಿ ಖುಶಿಕ್ಹು ಕಯೆಸ. ತುಮೊಮಾ ರ‍್ಹಯಲ ಬರೊಕ್ಹೊ ತಡ್ದಿಲಿವಾನಾ ಹುತಿ ಬಿಜಿ಼ಯೊ ಸಭೆಮಾ ಕಯೆಸ. ತುಮೆ ಕಷ್ಟ ಪಡ್ಯಾತಬಿ ವರಿಬಿ ತ್ರಾಸೊ ಖಾದ್ಯಾತಬಿ ಬರೊಕ್ಹಾಮಾ ಜಿವ್ನಾ ಕರಾಡಾಸ.
2TH 1:5 ಕ್ಹುದಾ ನ್ಯಾಯ ರ‍್ಹಯಲ ಫೈಸಲೊ ಕರಸ ಕೈನ ತೆಜ಼ ದೆಕಾಡಿನ ದಿವಸ ಕ್ಹುದಾನಿ ರಾಜ್ಯನೆ ತುಮೆ ಯೊಗ್ಯ ಥೈನ ತುಮೆ ತ್ರಾಸ ಖಾವಾನು ತೆ ರಾಜ್ಯನಾ ಹುತಿಜ಼ ವ್ಹೈ.
2TH 1:6 ಕ್ಹುದಾ ನ್ಯಾಯ ರ‍್ಹಯಲಜ಼ ಕರಸ. ತುಮೊನೆ ತ್ರಾಸ ದಿವಾನಾ ಮನಕ್ಹೊನೆ ಕ್ಹುದಾಜ಼ ತ್ರಾಸ ದಿವಸ.
2TH 1:7 ತೆ ತ್ರಾಸಮಾ ಪಡಲ ತುಮೊನೆ ವರಿ ಹಮೊನೆ ಸಮಾದಾನ ದಿವಸ. ಪ್ರಭು ಥಯಲ ಯೆಸು ತಿನಾ ದುತೊನಾ ಕ್ಹಾತೆ ಸ್ವರಗತೊ ಆತಾಮಾ ಎ ಸಮಾದಾನ ದಿವಸ.
2TH 1:8 ಪ್ರಭು ಯೆಸು ಕ್ರಿಸ್ತ ಸ್ವರಗತೊ ಆಗನಿ ಜ್ವಾಲಾನಾ ಕ್ಹಾತೆ ಆತಾಮಾ ಸುವಾರತೆನೆ ನೈ ವಿಧೆಯ ಥಯಲವಾಲಾವೊನೆ ವರಿ ಇನ್ಕಾರಲ ವಾಲಾವೊನೆ ಶಿಕ್ಷಾ ದಿವಸ.
2TH 1:9 ತ್ಯುನೊನೆ ಪ್ರಭುನಾ ಕ್ಹಾತೆ ರ‍್ಹವಾನೆ ತ್ಯುನೊನೆ ಮೌಕೊ ಮಳ್ತೊ ನೈ ವರಿ ಹಮೆಶಾನಿ ಶಿಕ್ಷಾ ಥಾವಾಸ. ತೆ ತಿನಿ ಮ್ಹೊಟಿ ತಾಕತನಾ ಕ್ಹಾತೆ ತ್ಯುನೊನೆ ದುರ ಮ್ಹೆಲಸ.
2TH 1:10 ಪ್ರಭು ಥಯಲ ಯೆಸು ದಿಕ್ಹ್ತಾಮಾ ಎ ಕ್ಹಾರು ಥಾವಸ. ತೆ ತಿನೆ ಮಳಾನು ರ‍್ಹಯಲ ವೈಭವ ಸ್ವಿಕಾರ ಕರಾನೆ ತಿನಾ ಪರಿಶುದ್ಧ ಮನಕ್ಹೊನಾ ಕ್ಹಾತೆ ದಿಕ್ಹಸ. ನಂಬಲ ಮನಕ್ಹೊ ತಿನೆ ದೆಕಿನ ಘಾಬ್ರಾ ಥಾವಸ. ಹಮೆ ಕದಲ ನಂಬಲವಾಲಾ ತುಮೆ ವಿಸ್ವಾಸಿಯೊನಾ ಕ್ಹಾತೆ ರ‍್ಹವೊಸಿ.
2TH 1:11 ತಿನಾಹುತಿ ಹಮೆಶಾಬಿ ತುಮಾರಾ ಹುತಿ ಚೊ಼ಕಿ ವಾಟಮಾ ತುಮೆ ಜಿವ್ನಾ ಕರು ಕೈನ ಕ್ಹುದಾ ತುಮೊನೆ ಬಲಾಯೊ, ತೆ ವಾಟಮಾ ತುಮೆ ಜಿವ್ನಾ ಕರಾನಾ ಹುತಿ ಪ್ರಾಥನಾ ಕರಿಯೆಸ. ತುಮೊಮಾ ರ‍್ಹಯಲ ಚೊ಼ಕಾ ಚೊ಼ಕಾಜ಼ ಕಾಮೊ ಕರಾನಾಹುತಿ ತುಮೊನೆ ಪ್ರೊತ್ಸಾಹ ಕರಸ. ತುಮೊಮಾ ರ‍್ಹಯಲ ಬರೊಕ್ಹೊ ತುಮಾರಾ ಮುಕಾಂತರ ಕಾಮ ಕರಸ. ಎ ಕಾಮೊ ತುಮೆ ಜಾಸ್ತಿ-ಜಾಸ್ತಿ ಕರಾನೆ ಕ್ಹುದಾ ತಿನಿ ತಾಕತಕ್ಹು ಕರಾದೆ ಕೈನ ಮಾಂಗಿಲಿಯೆಸ.
2TH 1:12 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನು ನಾಮ ತುಮೊಮಾ ಮಹಿಮೆ ಥಾವಾದೆ ಕೈನ ವರಿ ತುಮೊನೆಬಿ ತಿಮಾ ಮಹಿಮಾ ಮಳಾದೆ ಕೈನ ಹಮೆ ಪ್ರಾಥನಾ ಕರಿಯ್ಯೆಸ. ತೆ ಮಹಿಮಾ ಅಪ್ನೊ ಕ್ಹುದಾ ವರಿ ಪ್ರಭು ಯೆಸು ಕ್ರಿಸ್ತಕ್ಹುಜ಼ ಆವಸ.
2TH 2:1 ಮಾರಾ ಭಾಯೊ ಭೆನೊ, ಯೆಸು ಕ್ರಿಸ್ತ ಆವಾನಾ ಹುತಿ ತುಮೊನೆ ದಕ್ಹಿಯೊ ವಾತೊ ಕವಾನು ಛೆ. ಅಪೆ ಕ್ಹಾರಾ ಮಳಿನ ತಿನೆ ಮಳಾನು ದಿನ್ನಾ ಹುತಿ ತುಮಾರಾ ಕ್ಹಾತೆ ಕವಾನೆ ಆಸ ಛೆ.
2TH 2:2 ಪ್ರಭುನೊ ದಿನ್ನ ಯಕ್ಲಾಮಾಜ಼ ಐಜ಼ ಪಡ್ಯುಸ ಕೈನ ಕುನಬಿ ತುಮೊನೆ ಕದ್ಯಾಮ ತೆಳಾಮಾಜ಼ ಕಳವಳ ಥಾವೊನಕೊ ಕುನಬಿ ತಿನಾ ಪ್ರವಾದನೆಮಾ ರ‍್ಹೈನೆಕಾ ಉಪದೆಶಮಾ ರ‍್ಹೈನೆಕಾ ತಿಮ ಕವಾನು ಸಾದ್ಯ ಛೆ. ಕುನಬಿ ಸುಳ್ಳ ಪತ್ರ ಹಮಾರಾ ನಾಮಪರ ತೆಜ಼ ಬರ್ದಿನ ತುಮಾರಾ ಕ್ಹಾಮೊ ಒದಿನ ತಿಳಸಾನೆ ಸಾದ್ಯ ಛೆ.
2TH 2:3 ಕುನ ಕೈ ತರಾಮಾ ತುಮೊನೆ ಮೊಸ ಕರಾನೆ ಮೌಕೊ ದಿವೊ ನಕೊ ಲಾಸ್ಟಾಮಾ ವೈರಿ ಆಯೆಲಕ್ಕಾ ವರಿ ವಿರೊದ ಉಟೆಲಕ್ಕಾ ಪ್ರಭುನೊ ದಿನ್ನ ಆತೊ ನೈ.
2TH 2:4 ಕ್ಹುದಾ ಕೈನ ಕವೈಲಿವಾನು ಸುಜ಼ ರ‍್ಹೈನೆಕಾ, ಮನಕ್ಹೊ ಪುಜಾ ಕರಾನು ಸುಬಿ ರ‍್ಹೈನೆಕಾ ವಿರೊಧಿ ರ‍್ಹಯಲವಾಲೊ ವಿರೊದ ಕರಿನ, ತ್ಯುನೊತಿಬಿ ತಿನಾಕ್ಹು ತೆ ಹೆಚ್ಕಿ಼ ಕವೈಲಿನ ಕ್ಹುದಾನಿ ಸನ್ನಿದಿಮಾ ಗೈನ ಬೈಟಿನ ತೆಜ಼ ಕ್ಹುದಾ ವ್ಹೈ ಕೈನ ಕವೈಲಿವಸ.
2TH 2:5 ಮಿ ತುಮಾರಾ ಕ್ಹಾತೆ ರ‍್ಹತಾಮಾ ಎ ಸಂಗತಿಯೊ ಥಾವಾಸ ಕವಾನು ಮಿ ತುಮೊನೆ ಪೈಲಾಜ಼ ಕದ್ಯೊಸ ಶೆ ನತ್ತಿ ಸು?
2TH 2:6 ಹಮ್ನಾ ವಿರೊದ ರ‍್ಹಯಲವಾಲೊ ತರಬಲ ಸು ವ್ಹೈ ಕವಾನು ತುಮೊನೆ ಗ್ವತ್ತ ಛೆ. ತೆ ಕರೆಟ್ಟ ಟೈಮ್ಮಾ ಆವಸ ಕೈನ ತಿನೆ ಹಮ್ನಾ ತರಬಲ ಛೆ.
2TH 2:7 ದಡಿ ರ‍್ಹಯಲ ವಿರೊದಿ ಯಕ್ಲಾಮಾಜ಼ ಜಗತ್ಮಾ ತಿನು ಕಾಮ ಕರತೊ ಛೆ. ತೆನೈಸೊ ತೆ ದಡಿ ರ‍್ಹಯಲ ಕೆಟ್ಟ ತಾಕತನಾ ವಿರೊದಿನೆ ತರಬಾನೆ ಯಕ್ಲೊ ಛೆ ತೆ ಕದ್ಯಾ ಬಗರ ತೆ ಕಾಮ ಕರತೊ ನೈ.
2TH 2:8 ಧರಮನೆ ವಿರೊದ ರ‍್ಹಯಲವಾಲೊ ದಿಕ್ಹಸ ಪ್ರಭು ಥಯಲ ಯೆಸು ಆತಾಮಾ ತಿನೆ ಮ್ಹೊಡಾನಾ ವಾರಾಕ್ಹು ಖಲಾಸ ಕರಿಪಾಡಸ. ತಿನಿ ದಿಕ್ಹಾನಿ ಮಹಿಮಾಕ್ಹು ತಿನೆ ಹಾಳ ಕರಸ.
2TH 2:9 ತೆ ವಿರೊದಿ ಸೈತಾನನಿ ಮ್ಹೊಟಿ ತಾಕತಕ್ಹು ಮಳಲ ರ‍್ಹವಸ ತೆ ಘನ್ನಿಯೊ ಮೊಸನಾ ಪವಾಡೊ ಮ್ಹೊಟಾ ಕಾಮೊ ಅದ್ಭುತ ಕಾಮೊ ಕರಸ.
2TH 2:10 ಕ್ಹರಿನೆ ಮಯಾ ಕರ‍್ಯಾವಾಚಿ ಚು಼ಕಿಗಯಲ ಮನಕ್ಹೊನೆ ಮೊಸ ಕರಾನೆ ತೆ ಕ್ಹಾರಾ ತರಾನಾ ತಂತ್ರ ಕರಸ. ತ್ಯುನೆ ಕ್ಹರಿ ಸು ವ್ಹೈ ಮಯಾ ತಿಳ್ದಿಲಿನಬಿ ರಕ್ಷಣೆ ಹೊಂದಿಲಿದ್ಯಾ ನೈ.
2TH 2:11 ತೆನೈಸೊ ತೆ ಮನಕ್ಹೊ ಕ್ಹರಿನಿ ಮಯಾ ಕರ‍್ಯಾನೈ ತಿನಾ ಹುತಿ ಕ್ಹರಿನೆ ಛೊಡಿನ ಕ್ಹರಿ ನೈ ರ‍್ಹಯಲ ಬರೊಕ್ಹೊ ಕರಾ ವರಕ್ಹು ಕರಾನು ಯಕ್ಕ ತಾಕತ ಕ್ಹುದಾ ತ್ಯುನೊಕನ ಮೊಕ್ಲಸ.
2TH 2:12 ಕ್ಹರಿನೆ ಬರೊಕ್ಹೊ ನೈ ಕರಾಲಾ ಪಾಪ ಕರಾಮಾ ಕ್ಹುಶಿ ರ‍್ಹವಾಲಾ ಮನಕ್ಹೊ ಶಿಕ್ಷಾನೆ ಗುರಿ ಥಾವಸ.
2TH 2:13 ಮಯಾನಾ ಭಾಯೊ, ಭೆನೊ, ತುಮೊನೆ ವಚಾ಼ಡಾನಾ ಹುತಿ ಕ್ಹುದಾ ತುಮೊನೆ ಆದಿಮಾ ಇನಿಲಿದ್ಯೊಸ. ತುಮೊನೆ ಪರಿಶುದ್ಧ ಕರಾನು ಪವಿತ್ರ ಆತ್ಮಾಕ್ಹು ವರಿ ಕ್ಹರಿಪರ ತುಮೊನೆ ರ‍್ಹಯಲ ಬರೊಕ್ಹಾಕ್ಹುಜ ತುಮೆ ರಕ್ಷಣೆ ಹೊಂದ್ಯಾಸ.
2TH 2:14 ತುಮೆ ರಕ್ಷಣೆನೆ ಹೊಂದಿಲಿದಲ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಮಹಿಮಾನಿ ಪಾಲ ಲಿವಾಲಾ ಥಾವೊ ಕೈನ, ಹಮೆ ಕದಲ ಸುವಾರ್ತೆನಾ ಮುಲಕ ಕ್ಹುದಾ ತುಮೊನೆ ಬಲಾಯೊಸ.
2TH 2:15 ತಿನಾಹುತಿ ಮಾರಾ ಭಾಯೊ ಭೆನೊ, ಘಟ್ಟ ಥೈನ ರ‍್ಹವೊ ಹಮೆ ವಾತೊನಾ ಮುಲಕ ವರಿ ಪತ್ರನಾ ಮುಲಕ ತುಮೊನೆ ಕದಲ ಭೊದನೆ ಬರೊಕ್ಹೊ ಕರಿನ ರ‍್ಹವೊ.
2TH 2:16 ತುಮೆ ಕವಾನು ಚೊ಼ಕಿ ಸಂಗತಿಯೊ ವರಿ ಕರಾನು ಚೊ಼ಕು ಕಾಮೊಮಾ ತುಮೊನೆ ತಾಕತ ಆದರಣೆ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಬಾ ಥಯಲ ಕ್ಹುದಾ ತುಮೊನೆ ದಿವಾದೆ ಕೈನ ಹಮೆ ಪ್ರಾಥನಾ ಕರಿಯೆಸ. ಕ್ಹುದಾ ಹಮೊನೆ ಮಯಾ ಕರ‍್ಯೊ. ತೆ ತಿನಿ ಮರಗಾಕ್ಹು ಅಪೊನೆ ಚೊ಼ಕಿ ಆಸ ಹಮೆಶಾ ರ‍್ಹಯಲ ಆದರಣೆ ದಿದ್ಯೊ.
2TH 2:17 ಚೊ಼ಕು ಕಾಮೊಮಾಬಿ ಹರ ಹಮೆಶಾಬಿ ತಮ್ಮಾರಾ ಕ್ಹಾತೆ ರ‍್ಹವಾಂದೆ.
2TH 3:1 ಲಾಸ್ಟಮಾ ಹಮಾರಾ ಭಾಯೊ ಭೆನೊ, ಹಮಾರಾ ಹುತಿ ಪ್ರಾಥನಾ ಕರೊ. ಪ್ರಭುನಿ ಉಪದೆಶ ಘನಿ ಫೈಲಿಜೌ಼ ಕೈನ ಪ್ರಾಥನಾ ಕರೊ. ತುಮಾರಾ ಲಿಂಗತ ಬಿಜಾ಼ ಮನಕ್ಹೊ ಎ ಉಪದೆಶ ಮರ್ಯಾದಿ ದ್ಯು ಕೈನ.
2TH 3:2 ಕೆಟ್ಟ ರ‍್ಹಯಲ ಮನಕ್ಹೊ ವರಿ ದುಷ್ಟ ರ‍್ಹಯಲ ಮನಕ್ಹೊನಾ ಹತ್ಮಾತು ಹಮೊನೆ ವಚಾ಼ಡ ಕೈನ ಕ್ಹುದಾನೆ ಪ್ರಾಥನಾ ಕರೊ. ಪ್ರಭುಮಾ ಕ್ಹಾರಾ ಮನಕ್ಹೊ ಬರೊಕ್ಹೊ ಮ್ಹೆಲ್ಯಾ ನತ್ತಿ.
2TH 3:3 ತೆನೈಸೊ ಪ್ರಭು ಬರೊಕ್ಹಾವಾಲೊ ವ್ಹೈ. ತೆ ತುಮೊನೆ ಘಟ್ಟ ಕರಸ ವರಿ ಕೆಟ್ಟ ಕ್ಹು ತುಮೊನೆ ವಚಾ಼ಡಸ.
2TH 3:4 ಮಿ ತುಮೊನೆ ಕದಲ ಸಂಗತಿಯೊ ತುಮೆ ಕರಸ ಕೈನ ಬರೊಕ್ಹೊ ಪ್ರಭುಜ಼ ಹಮೊನೆ ದಿದ್ಯೊಸ. ತುಮೆ ಇತ್ತಿ ಉಪ್ಪರ ಎ ಕ್ಹಾರು ಕರೊಶಿ ಕೈನ ಹಮೊನೆ ಗ್ವತ್ತ ಛೆ.
2TH 3:5 ಕ್ಹುದಾನಿ ಮಯಾನಿ ತಿಳವಳಿಕಿ ವರಿ ಕ್ರಿಸ್ತಮಾ ತಡ್ದಿಲಿವಾನೆ ತುಮಾರಾ ಗ್ಯಾನಮಾ ಪ್ರಭುಜ಼ ಅಗೊ ಚ಼ಲಾವಾದೆ ಕೈನ ಹಮೆ ಪ್ರಾಥನಾ ಕರಿಯೆಸ.
2TH 3:6 ಹಮಾರಾ ಭಾಯೊ ಭೆನೊ, ಕಾಮ ನೈ ಕರಾಲಾ ವಿಸ್ವಾಸಿಯೊ ಅಪ್ನೊ ಪ್ರಭು ಥಯಲ ಯೆಸುನಿ ಅದಿಕಾರಕ್ಹು ತುಮೊನೆ ಕವಾಡ್ಯಾಸ ಹಮೆ ದಿದಲ ಕ್ಹಾರಾ ಉಪದೆಶ ಲಿಂಗತ ತುಮೆ ಚಾ಼ಲೊ.
2TH 3:7 ಹಮೆ ಜಿವ್ನಾ ಕರಲಲಿಂಗತ ತುಮೆ ಜಿವ್ನಾ ಕರು ಕೈನ ತುಮೊನೆ ಗ್ವತ್ತ ಛೆ. ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ಮೈಗಳ ಥೈನ ನ್ಹೊತಾ.
2TH 3:8 ದೊಕ್ಡಾ ದಿದ್ಯಾವಾಚಿ ಕಿಕನಜ಼ ಅನ್ನ ಖಾದ್ಯಾ ನ್ಹೊತಾ. ತುಮೊಮಾ ಕಿನೆಜ಼ ತ್ರಾಸ ಥೌ ನೈ ಕೈನ ರಾತ ದಿನ್ನ ಛೊ಼ಡ್ಯಾವಾಚಿ ಕಾಮ ಕರ‍್ಯಾ.
2TH 3:9 "ಹಮೊನೆ ಮದದ ಕರೊ" ಕೈನ ತುಮೊನೆ ಪುಚ್ಚಾ಼ನೆ ಹಕ್ಕ ರ‍್ಹೈ. ತೆನೈಸೊ ಹಮೆ ಜ಼ತ್ತನ ಥಾವಾನಾ ಹುತಿ ಚಾ಼ಯೆ ಥಯಲ ಹಮೆಜ಼ ರಾಬ್ಯಾ, ಕಾಕದ್ಯಾಮ ತುಮೊನೆ ಹಮೆ ದೆಕಾಡಿನ ದಿದ್ಯಾಸ.
2TH 3:10 ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ"ಕಾಮ ನೈ ಕರಾಲೊ ಅನ್ನ ಖೌ ನೈ" ಕವಾನಿಯೊ ನಿಯಮೊ ದಿದ್ಯಾ.
2TH 3:11 ಕಾಕದ್ಯಾಮ ತುಮೊಮಾ ದಕ್ಹಾ ಜ಼ನಾ ಕಯೊಜ಼ ಕಾಮ ಕರ‍್ಯಾವಾಚಿ ಬಿಜ಼ಾವೊನಿ ಜಿವಿತ್ಮಾ ರ‍್ಹವಸ ಕವಾನು ಐಕ್ಯಾಸ.
2TH 3:12 ತ್ಯುನು ಕಾಮ ತ್ಯುನೆ ದೆಕಿಲ್ಯು ಕೈನ ತ್ಯುನೊನೆ ಕವಾಡ್ಯಾಸ. ತ್ಯುನೆಜ಼ ರಾಬಿನ ತ್ಯುನು ಅನ್ನ ತಯ್ಯಾರ ಕರಲ್ಯು ಕೈನ ಪ್ರಭು ಥಯಲ ಯೆಸು ಕ್ರಿಸ್ತಮಾ ಮಾಂಗಿಲಿಯೆಸ.
2TH 3:13 ಹಮಾರಾ ಭಾಯೊ ಭೆನೊ, ಚೊ಼ಕು ಕರಾಮಾ ಕೆಳಾಮಾಜ಼ ಬೆಜ್ಜಾರ ಥಾವೊ ನಕೊ.
2TH 3:14 ಎ ಪತ್ರನಾ ಮುಲಕ ತುಮೊನೆ ಕದಲ ವಾತೊನೆ ಕಯೊಬಿ ವಿಧೆಯ ನೈ ಥಯೊಮ, ತೆ ಕುನ ವ್ಹೈ ಕವಾನು ಶೆ ಮ್ಹೆಲ್ಲಿವೊ. ತಿನಿ ಸಹವಾಸ ಕರೊ ನಕೊ. ತೆಳಾಮಾ ತೆ ಸರಮಾವಸ.
2TH 3:15 ತೆನೈಸೊ ತಿನೆ ದುಷ್ಮನ ವ್ಹೈ ಕೈನ ತಿಳದ್ಯಾವಾಚಿ ಕ್ರಿಸ್ತಮಾ ರ‍್ಹಯಲ ಭೈ ವ್ಹೈ ಕೈನ ಗ್ಯಾನ ಕವೊ.
2TH 3:16 ಶಾಂತಿ ದಾಯಕ ರ‍್ಹಯಲ ಪ್ರಭು ಕ್ಹಾರಾ ದಿನೊಮಾ ವರಿ ಕ್ಹಾರಿ ತರಾಮಾ ತುಮೊನೆ ಶಾಂತಿ ದಿವಾದೆ. ಪ್ರಭು ತುಮಾರಾ ಕ್ಹಾತೆ ರ‍್ಹವಾದೆ.
2TH 3:17 ಪೌಲಾ ಥಯಲ ಮಿ ಹಮ್ನಾ ಮಾರಾ ಹತಕ್ಹು ಬರ್ದಿನ ಎ ಪತ್ರ ಮುಕ್ಕತಾಯಾ ಕರಾಡ್ಯೊಸ.
2TH 3:18 ಮಾರಾ ಪತ್ರೊನೆ ಎಜ಼ ಮಾರಿ ವಳಕ ವ್ಹೈ. ಎಜ಼ ಮಿ ಬರ್ದಲ ವ್ಹೈ.
1TI 1:1 ಹಮ್ಮಾರೊ ರಕ್ಷಕ ಥಯಲ ಕ್ಹುದಾ ವರಿ ಯೆಸುಕ್ರಿಸ್ತ ತೆ ಹಮಾರಾ ಕೈದಾನಿ ಆದೆಶಕ್ಹು ಪೌಲಾ ಥಯಲ ಯೆಸುಕ್ರಿಸ್ತನೊ ಅಪೊಸ್ತಲ ಥಯೊ.
1TI 1:2 ತು ಬರೊಕ್ಹೊ ರ‍್ಹಯಲವಾಲೊ ಥಯಲಕ್ಹು ಮನೆ ಕ್ಹರಿನೊ ದಿಕ್ರಾ ಲಿಂಗತ ಛೆ. ಬಾ ಥಯಲ ಕ್ಹುದಾಕ್ಹು ವರಿ ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಕ್ಹು ಕೃಪಾ ಮರಗಾ ಶಾಂತಿ ತುನೆ ಮಳಾದೆ.
1TI 1:3 ಮಿ ಮಕೆದೊನಿಯೆ ಜಾ಼ತಾಮಾ, ತು ಎಫೆಸಮಾ ರ‍್ಹೆ ಕೈನ ತುಕನ ಮಿ ಮಾಂಗಿಲಿದ್ಯೊತೊ. ಕಾ ಕದ್ಯಾಮ ದಕ್ಹಾ ಜ಼ನಾ ತ್ಯಾ ಸುಳ್ಳ ಸಂಗತಿಯೊ ಉಪದೆಶ ಕರಾಡಾಸ. ತು ತ್ಯುನೊನೆ ಆಗನ್ಯಾ ದಿನ್ನ ಹುಬ್ರಾಡ.
1TI 1:4 ವಿಚಾರ ಕರಲ ಕಾನಿಯೊನೆಬಿ ವರಿ ತುಮಾರಾ ಪಿತೃವೊನು ಖಾಂದಾನನೆ ಧ್ಯಾನದ್ಯುನೈ ಕೈನ ತ್ಯುನೊನೆ ಆಗನ್ಯಾ ದೆ. ತೆ ಸಂಗತಿಯೊ ವಾದ-ವಿವಾದ ಲಾವಸ. ತ್ಯವಾಕ್ಹು ಕ್ಹುದಾನಾ ಕಾಮನೆ ಸುಜ಼ ಉಪಯೊಗ ನತ್ತಿ. ಕ್ಹುದಾನು ಕಾಮ ಬರೊಕ್ಹಾ ಕ್ಹು ಕರು.
1TI 1:5 ಮಯಾಜ಼ ತೆ ಆಗ್ನ್ಯಾನಿ ಗುರಿ ವ್ಹೈ. ತೆ ಮಯಾ ಮಳು ಕದ್ಯಾಮ ಮನಕ್ಹೊ ಚೊ಼ಕಾ ಮನಸೆ ರ‍್ಹಯಲವಾಲಾ ರ‍್ಹೌ; ಯೊಗ್ಯ ಥಯಲ ಕಾಮಜ಼ ಕರಾಲಾ ರ‍್ಹೌ; ವರಿ ಕಪಟ ನೈಸೊ ಬರೊಕ್ಹೊ ರ‍್ಹಯಲವಾಲಾ ರ‍್ಹೌ.
1TI 1:6 ದಕ್ಹಾ ಜ಼ನಾ ಎ ಗುರಿ ಚು಼ಕಿನ ನೈಸೊ ಕರಾನಾ ವಿಷಯಮಾ ಬೊಲ್ತಾ ರ‍್ಹವಸ.
1TI 1:7 ತ್ಯುನೆ ಧರಮ ಉಪದೆಶ ಕರಾಲಾ ಥೌಕೈನ ತ್ಯುನು ಆಸವೈ. ತೆನೈಸೊ ತ್ಯುನೆ ಸು ಬೊಲ್ಲಿವಾಡಾಸ ಕವಾನು ತ್ಯುನೊನೆ ತಿಳದ್ಯುನತ್ತಿ. ತ್ಯುನೊನೆ ಕ್ಹರಿಮಾಜ಼ ತಿಳದ್ಯುಸ ಕೈನ ತ್ಯುನೆ ಕವಾನಾ ಸಂಗತಿಯೊನೆ ತ್ಯುನೆ ತಿಳ್ದಿಲೆತಾ ನೈ.
1TI 1:8 ಧರಮಶಾಸ್ತ್ರ ಚೊ಼ಕು ವ್ಹೈ. ತೆನೈಸೊ ತಿನೆ ಕ್ಹರಿಕ್ಹು ಪುರಾ ಕರು.
1TI 1:9 ಧರ್ಮಶಾಸ್ತ್ರನೆ ತಯ್ಯಾರ ಕರಲ ಚೊ಼ಕಾವೊನಾ ಹುತಿ ನವೈ ಕೈನ ಅಪೊನೆ ತಿಳದ್ಯುಸ. ತಿನೆ ತಯ್ಯಾರ ಕರಲ ತಿನಾ ವಿರುದ್ದ ಚಾ಼ಲಾಲಾ ವರಿ ತಿನೆ ನೈ ಚಾ಼ಲಿಲಿನ ಜಾ಼ವಾಲಾ ಮನಕ್ಹೊನೆ ವ್ಹೈ. ಕ್ಹುದಾನೆ ವಿರುದ್ದ ಥಯಲ ಮನಕ್ಹೊನೆ ವರಿ ಪಾಪಿಯೊನೆ, ಧರಮ ನೈಕರಾಲಾವೊನೆ ವರಿ ಪರಿಶುದ್ಧ ನೈರ‍್ಹಯಲವಾಲಾವೊನೆ, ಮಾ-ಬಾಪನೆ ಖಲಾಸ ಕರಾಲಾವೊನೆ ವರಿ ಮನಕ್ಹೊನೆ ಖಲಾಸ ಕರಾಲಾವೊನೆ,
1TI 1:10 ಲೈಂಗಿಕ ಪಾಪ ಕರಾಲಾವೊನೆ, ಸುಳ್ಳ ಕವಾಲಾವೊನೆ, ದಿದಲ ವಾತೊ ಚುಕಾಲಾ ಮನಕ್ಹೊನೆ, ಕ್ಹುದಾನಿ ಕ್ಹರಿನಿ ಉಪದೆಶನಾ ವಿರೊದ ಥೈನ ಸುಚಾ಼ಯೆ ತೆ ಕರಾಲಾವೊನೆ ತಿನೆ ತಯ್ಯಾರ ಕರ‍್ಯಾಸ.
1TI 1:11 ತೆ ಉಪದೆಶ ಮನಕ್ಹೊನೆ ತಿಳಸಾನಾ ಹುತಿ ಕ್ಹುದಾ ತುನೆ ದಿದಲ ಸುವಾರತೆನು ಯಕ್ಕ ಭಾಗ ಥಯುಸ. ನಸಿಬವಾಲೊ ಥಯಲ ಕ್ಹುದಾ ಕಂತು ಎ ಮಹಿಮಾನಿ ಸುವಾರ್ತೆ ಐಸ.
1TI 1:12 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ಮಪರ ರ‍್ಹಯಲ ಬರೊಕ್ಹಾನಾ ಹುತಿ, ತಿನೆ ಸೆವಾ ಕರಾನೆ ಎ ಕಾಮ ಮನೆ ಮರಗಿನ ದಿದಲ ಹುತಿ ಮಿ ತಿನೆ ಸ್ತುತಿ ಕರುಸ. ತೆ ಮನೆ ತಾಕತ ದಿವಸ.
1TI 1:13 ಪೈಲಾ, ಮಿ ಕ್ರಿಸ್ತನಾ ವಿರೊದ ಬೊಲ್ಯೊತೊ. ತಿನೆ ಮಿ ತ್ರಾಸ ಕರ‍್ಯೊತೊ. ತಿನೆ ದುಖ ಥಾವಾವರಕ್ಹು ಕಾಮೊ ಕರ‍್ಯೊತೊ. ವರಿಬಿ ಮಿ ಸು ಕರಾಡ್ಯೊಸ ಕವಾನು ಮನೆ ಗ್ವತ್ತ ನೈರ‍್ಹಯಲ ಹುತಿ ಕ್ಹುದಾ ಮನೆ ಮರಗ್ಯೊ. ಬರೊಕ್ಹೊ ನೈ ರ‍್ಹತಾಮಾ ಮಿ ತೆ ಕ್ಹಾರು ಕರ‍್ಯೊತೊ.
1TI 1:14 ತೆನೈಸೊ ಅಪ್ನೊ ಪ್ರಭುನಿ ಪುರಾ ಮರಗಾ ಮನೆ ಮಳಿ. ಯೆಸು ಕ್ರಿಸ್ತಪರ ರ‍್ಹಯಲ ಬರೊಕ್ಹೊ ವರಿ ಮಯಾ ತೆ ಕೃಪಾನಾ ಕ್ಹಾತೆ ಐ.
1TI 1:15 ಮಿ ಕವಾನಿಯೊ ಎ ಸಂಗತಿಯೊ ಕ್ಹರಿನಿಯೊಜ಼ ವ್ಹೈ. ತಿನಾಹುತಿ ತುಮೆ ತಿನೆ ಪುರಾ ವಪ್ಪಿಲಿವೊ. ತೆ ಸುವ್ಹೈ ಕದ್ಯಾಮ; ಪಾಪಿಯೊನೆ ವಚಾ಼ಡಾನಾ ಹುತಿ ಯೆಸು ಕ್ರಿಸ್ತ ಎ ಲೊಕಮಾ ದಿಕ್ಹ್ಯೊ. ತೆ ಪಾಪಿಯೊಮಾ ಮಿಜ಼ ಮ್ಹೊಟೊ ವ್ಹೈ.
1TI 1:16 ತೆನೈಸೊ ಮನೆ ಮರಗಾ ಮಳಿ. ಯೆಸು ಕ್ರಿಸ್ತ ತಿನೆ ಘನ್ನು ತಡ್ದಿಲಿವಾನು ಮಾರಾಮಾ ದೆಕಾಡಾನಾ ಹುತಿ ಮನೆ ಮರಗಾ ದಿದ್ಯೊ. ಪಾಪಿಯೊಮಾ ಕ್ಹಾರಾತಿ ಮ್ಹೊಟೊ ಥಯಲ ಮನೆ ಕ್ರಿಸ್ತ ತಿನಿ ತಾಳ್ಮೆ ದೆಕಾಡ್ಯೊ. ಹಮೆಶಾನೊ ಜ಼ಲಮನಾ ಹುತಿ ಕ್ರಿಸ್ತಮಾ ಬರೊಕ್ಹೊ ಮ್ಹೆಲಾಲಾ ಮನಕ್ಹೊನೆ ಮಿ ವಳಕ ಥೌ ಕೈನ ತೆ ಮನೆ ಮರಗ್ಯೊ.
1TI 1:17 ಹಮೆಶಾ ರಾಜ಼ ಕರಾಲಾ ರಾಜಾ಼ನೆ ಮಹಿಮಾ ವರಿ ಮರ್ಯಾದಿ ರ‍್ಹವಾದೆ. ತಿನಾ ಹತೆ ನೈ ಥಾವಾನು ಕಯುಜ಼ ನತ್ತಿ. ತೆ ದಿಕ್ಹೆ ನೈಸೊ ರ‍್ಹವಸ. ಯಕ್ಕಲೊಜ಼ ಕ್ಹುದಾ ಥಯಲ ತಿನೆ ಮರ್ಯಾದಿ ವರಿ ಮಹಿಮಾ ಹಮೆಶಾಬಿ ಥಾವಾದೆ. ಆಮೆನ್.
1TI 1:18 ತಿಮೊತಿ, ತು ಮಾರೊ ದಿಕ್ರಾ ಮಿ ತುನೆ ಸು ಆಜ್ಞಾ‍ ದ್ಯು ಕದ್ಯಾಮ, ಪೈಲಾ ತಾರಿ ವಿಚಾರಮಾ ತಿಳಸಾಯಲ ಪ್ರವಾದನೆ ಲಿಂಗತ ಬರೊಕ್ಹೊ ಮ್ಹೆಲಿನ ಹೊರಾಟ ಕರ.
1TI 1:19 ತಾರಾಮಾ ಬರೊಕ್ಹೊ ಘಟ್ಟ ಥೈನ ರ‍್ಹವಾದೆ, ತುನೆ ಚೊ಼ಕು ಲಾಗಲಜ಼ ಕರ. ದಕ್ಹಾಜ಼಼ನಾ ಇಮ್ಮ ಕರ‍್ಯಾನೈ. ತ್ಯುನೊ ಬರೊಕ್ಹೊ ಕ್ಹಾರೊ ಹಾಳ ಥೈ ಗಯೊ.
1TI 1:20 ಹುಮೆನಾಯ ವರಿ ಅಲೆಕ್ಸಾಂಡ್ರಿಯಾ ತಿಮ ಕರ‍್ಯಾ. ಕ್ಹುದಾನಾ ವಿರೊದ ಬೊಲುನೈ ಕೈನ ತ್ಯುನೆ ತಿಳ್ದಿಲಿವಾನಾ ಹುತಿ ತ್ಯುನೊನೆ ಸೈತಾನಕನ ದಿದ್ಯೊ.
1TI 2:1 ಕ್ಹಾರಾತಿ ಪೈಲಾ ಮಿ ತುಮೊನೆ ಸು ಕೌಸ ಕದ್ಯಾಮ, ಕ್ಹಾರಾ ಮನಕ್ಹೊನಾ ಹುತಿ ಕ್ಹುದಾನೆ ಧನ್ಯವಾದ ಕರೊ, ತಿನೆ ಸ್ತುತಿ ಕರೊ.
1TI 2:2 ಅಪೊಮಾ ಶಾಂತಿ ಸಮಾಧಾನ ರ‍್ಹವಾದೆ ಕೈನ ಕ್ಹುದಾನೆ ಪುರಾ ಭಕ್ತಿಕ್ಹು ಮರ್ಯಾದಿಕ್ಹು ಆರಾಧನಾ ಕರಾ ಹುತಿ ಸಾಧ್ಯ ಥಯುಮ ರಾಜಾ಼ವೊನಾಹುತಿ ಅದಿಕಾರಿಯೊನಾಹುತಿ ಕ್ಹುದಾನೆ ಧನ್ಯವಾದ ಕವೊ.
1TI 2:3 ಎ ಚೊ಼ಕು ವ್ಹೈ ವರಿ ಅಪ್ನೊ ರಕ್ಷಕ ಥಯಲ ಕ್ಹುದಾನೆ ಎ ಪಸಂದ ವ್ಹೈ.
1TI 2:4 ಕ್ಹಾರಾ ಮನಕ್ಹೊನೆ ರಕ್ಷಣೆ ಮಳಾದೆ ಕೈನ, ಕ್ಹರಿ ವಳಕಾದೆ ಕೈನ ತಿನಿ ಆಸ ವ್ಹೈ.
1TI 2:5 ಕ್ಹುದಾ ಯಕ್ಲೊಜ಼ ವ್ಹೈ, ಕ್ಹುದಾನಾ ವರಿ ಮನಕ್ಹೊನಾ ವಚ್ಮಾ಼ನೊ ಯಕ್ಲೊಜ಼ ವ್ಹೈ. ಮನಕ್ಹ ಥಯಲ ಯೆಸು ಕ್ರಿಸ್ತಜ಼ ವ್ಹೈ.
1TI 2:6 ಯೆಸು ಕ್ಹಾರಾ ಮನಕ್ಹೊನಾ ಜಾ಼ತನಾ ಪಾಪೊನಾ ಹುತಿ ತಿನೆ ತೆ ಒಪ್ಸಿನ ದಿದ್ಯೊ. ಕ್ಹುದಾ ಕ್ಹಾರಾವೊನೆ ರಕ್ಷಣೆ ಮಳಾದೆ ಕೈನ ಕ್ಹುದಾನಿ ಆಸನೆ ತೆ ಕರೆಟ್ಟ ಟೈಮ್ಮಾ ದೆಕಾಡಿನ ದಿದ್ಯೊ.
1TI 2:7 ತಿನಾ ಹುತಿ ಸುವಾರ್ತೆ ಕವಾನಾ ಹುತಿ ಅಪೊಸ್ತಲೊ ಥಾವಾಹುತಿ ಯಹುದ್ಯೊ ನೈರ‍್ಹಯಲ ಮನಕ್ಹೊನೆ ಸುವಾರ್ತೆ ಕವಾಹುತಿ ಮನೆ ಇನಿಲಿದ್ಯೊ. ಎ ಕ್ಹರಿ ವ್ಹೈ ಎ ವಾತ ಸುಳ್ಳ ನ್ಹವೈ. ಕ್ಹರಿ ವಳಕಾದೆ ಕೈನ ಬರೊಕ್ಹೊ ಕರು ಕೈನ ಮಿ ತ್ಯುನೊನೆ ಸುವಾರ್ತೆ ಕದ್ಯೊ.
1TI 2:8 ಕ್ಹಾರಿ ಜ಼ಗಾವೊಪರ ದಾಣ್ಗಾ ಪ್ರಾಥನಾ ಕರು ಕೈನ ಮಾರಿ ಆಸ ವ್ಹೈ. ತ್ಯುನಾ ಪವಿತ್ರ ಹತೊ ಉಪ್ಪರ ಉಚೈನ ಪ್ರಾಥನಾ ಕರಾಲಾ ತ್ಯುನೆ ಪರಿಶುದ್ಧ ಥಾವಾದೆ. ತ್ಯುನೆ ವಾದ ಕರಾಲಾ ವರಿ ಸಿಟ್ಟಕರಾಲಾ ಥೌ ನೈ.
1TI 2:9 ಇನಾ ಲಿಂಗತಜ಼ ಹೆಣ ಮನಕ್ಹೊ ತ್ಯುನೊನೆ ಚಾ಼ಯೆಥಯಲ ವಣ್ಣಾಜ಼ ತ್ಯುನೆ ಘಾಲ್ಯು ಕೈನ ಮಾರಿ ಆಸ ವ್ಹೈ. ತ್ಯುನಾ ವಣ್ಣಾ ತ್ಯುನೆ ಮರ್ಯಾದಿ ವಾಲಿಯೊ ವ್ಹೈ ಕೈನ ದಿಕ್ಹಾ ವರಕ್ಹಾ ರ‍್ಹೌ. ತ್ಯುನೆ ಚೊ಼ಕಿಯೊ ದಿಕ್ಹಾನೆ ತ್ಯುನಾ ಬಾಲೊ ಭಾಂದಿಲ್ಯು ನೈ; ಕ್ಹೊನು ವರಿ ಮೊಗಾನಾ ವಣ್ಣಾ ಘಾಲ್ಯು ನೈ.
1TI 2:10 ತೆನೈಸೊ ತ್ಯುನೆ ತೆ ಬಾಕಡಿಯೊ ತ್ಯುನೊನೆ ಚೊ಼ಕಾ ಕಾಮೊ ಕರಾನಾ ಹುತಿ ತ್ಯುನಿ ಸುಂದರತಾ ದೆಕಾಡಿಲ್ಯು. ಕ್ಹುದಾನೆ ಆರಾಧನಾ ಕರೆಸ ಕೈನ ಕವಾಲ್ಯೊ ಹೆಣ್ಣ ಮನಕ್ಹೊ ತ್ಯುನೊನೆ ತಯ್ಯಾರ ಕರಲ್ಯು.
1TI 2:11 ಹೆಣ್ಣ ಮನಕ್ಹೊ ಉಪದೆಶ ಐಕು ವರಿ ವಿಧೆಯ ಥಾವಾಹುತಿ ತಯ್ಯಾರ ಥೌ. ಕ್ಹಾರಿ ತರಾಕ್ಹು ತಿನಾಕ್ಹು ತೆ ಒಪ್ಸಿನ ದ್ಯು.
1TI 2:12 ತ್ಯುನೆ ದಾಣಗಾವೊನೆ ಉಪದೆಶ ಕರಾನು ರ‍್ಹವಾದೆ ತ್ಯುನಾ ಉಪ್ಪರ ಅದಿಕಾರ ಚ಼ಲಾವಾಹುತಿ ಮಿ ಮೌಕೊ ನೈ ದೆತೊ. ತ್ಯುನೆ ಗಪ್ಪ ರ‍್ಹೌ.
1TI 2:13 ಕಾಕದ್ಯಾಮ ಪೈಲಾ ಸೃಷ್ಟಿ ಥಯಲ ಆದಾಮ ವ್ಹೈ. ಪಾಚಾ಼ತಿ ಸೃಷ್ಟಿ ಥಯಲ ಹವ್ವಳ ವ್ಹೈ.
1TI 2:14 ತೆನೈಸೊ ಸೈತಾನಕ್ಹು ಮೊಸಮಾ ಪಡಲ ಆದಾಮನೆ ನ್ಹವೈ. ಹೆಣ್ಣ ಮನಕ್ಹ ಮಳ್ಳ ಥೈನ ಮೊಸನೆ ಬಲಿ ಥೈನ ಪಾಪಮಾ ಪಡಿ.
1TI 2:15 ತೆನೈಸೊ ಹೆಣ್ಣ ಮನಕ್ಹ ಬರೊಕ್ಹಾಮಾ, ಮಯಾಮಾ, ಪರಿಶುದ್ಧತೆಮಾ ವರಿ ಪವಿತ್ರತಾಮಾ ಘಟ್ಟ ಥೈನ ರ‍್ಹಯ್ಯೊಮ ಬಚ್ಚಾ ಜನ್ನತಾಮಾ ರಕ್ಷಣೆ ಮಳಸ.
1TI 3:1 ಮಿ ಕವಾನಿಯೊ ವಾತೊ ಕ್ಹರಿನಿಯೊಜ಼ ವ್ಹೈ. ತೆ ಸು ವ್ಹೈ ಕದ್ಯಾಮ, ಸಬಾಪಾಲಕ ಥೌಸ ಕೈನ ಕೊಶಿಶ ಕರಾಲೊ ಚೊ಼ಕು ಕಾಮಜ಼ ಕರಾಲೊ ವ್ಹೈ.
1TI 3:2 ತೆ ಸಭೆನಾ ಮ್ಹೊಟಾ ಮನಕ್ಹೊನಾ ಕೆಟ್ಟ ವಾತೊಮಾ ಪಡೆನೈಸೊ ಚೊ಼ಕೊ ಥೈನ ರ‍್ಹೌ. ತುನೆ ಯಕ್ಕಲಿಜ಼ ಬೈಕೊ ರ‍್ಹೌ. ತೆ ಘನ್ನೊ ಗ್ಯಾನಿ ರ‍್ಹೌ; ಮನಕ್ಹೊ ಮರ್ಯಾದಿ ದಿವಾನೆ ಯೊಗೈ ರ‍್ಹೌ
1TI 3:3 ತೆ ಪಿವಾನೆ ಆಸ ರ‍್ಹೌನೈ. ವರಿ ತ್ರಾಸ ಕರಾಲೊ ರ‍್ಹೌನೈ. ತೆ ಶಾಂತಿ ಸಮಾಧಾನವಾಲೊ ರ‍್ಹೌ; ದೊಕ್ಡಾವೊಪರ ಆಸ ರ‍್ಹೌನೈ.
1TI 3:4 ತಿನಾ ಸ್ವಂತ ಖಾಂದಾನವಾಲಾವೊನೆ ಚೊ಼ಕೊ ಚ಼ಲೈ ನಿಂಜಾ಼ವಾಲೊ ರ‍್ಹೌ. ತಿನಾ ಬಚ್ಚಾ಼ ತಿನೆ ಮರ್ಯಾದಿ ದ್ಯು.
1TI 3:5 ತಿನಾ ಸ್ವಂತ ಘರವಾಲಾವೊನೆ ಆಳಾನು ನೈ ಗ್ವತ್ತ ರ‍್ಹಯಲವಾಲೊ ಕ್ಹುದಾನಿ ಸಭೆಮಾ ಆಳಾನೆ ಯೊಗ್ಯ ನತ್ತಿ.
1TI 3:6 ತೆ ನವೊ ವಿಶ್ವಾಸಿ ರ‍್ಹೌ ನೈ. ನವಾ ವಿಶ್ವಾಸಿನೆ ಸಬೆಪರ ಮ್ಹೊಟೊ ಕರ‍್ಯಾಮ, ತಿನೆ ಸ್ವಕ್ಕ ಆವಸ. ಸೈತಾನ ತಿನಾ ಸ್ವಕ್ಕ ಕ್ಹು ತಿನೆ ಶಿಕ್ಷಾ ಮಳಲ ಲಿಂಗತ ಇನೆಬಿ ಶಿಕ್ಷ್ಯಾ ಮಳಸ.
1TI 3:7 ಸಬೆಪರ ಮ್ಹೊಟೊ ರ‍್ಹಯಲವಾಲೊ ಸಭೆಮಾ ರ‍್ಹಯಲ ಮನಕ್ಹೊಕ್ಹು ಮರ್ಯಾದಿ ಲ್ಯು. ತೆಳಾಮಾ ತೆ ಮನಕ್ಹೊನಾ ಕೆಟ್ಟ ವಾತೊಕ್ಹು ವಾಚಿ಼ನ ರ‍್ಹವಸ. ಸೈತಾನ ಘಾಲಲ ಬಲಿಕ್ಹು ವಾಚಿ಼ನ ರ‍್ಹಸ.
1TI 3:8 ಇನಾ ಲಿಂಗತಜ಼ ಸಭೆಮಾ ಚೊ಼ಕಾ ಸೆವಕೊ ಥಯಲವಾಲಾ ತ್ಯುನಿ ನಡತೆಕ್ಹು ಬಿಜಾ಼ವೊಕ್ಹು ಚೊ಼ಕು ಕವೈಲಿವಾನೆ ಯೊಗ್ಯ ವ್ಹೈ. ಮ್ಹೊಡು ದೆಕಿನ ಬೊಲ್ಯಾವಾಚಿ ರ‍್ಹೌ. ತ್ಯುನೆ ದಾರು ಪಿನ ಟೈಮ ಕಾಡಾಲಾ ರ‍್ಹೌ ನೈ. ವರಿ ಬಿಜಾ಼ವೊನೆ ಮೊಸ ಕರಿನ ಸೌಕಾರ ಥಾವಾನೆ ಕರುನೈ. ದೊಕಡಾನಿ ಆಸ ರ‍್ಹೌ ನೈ.
1TI 3:9 ಘನಿ ರ‍್ಹಯಲ ಕ್ಹರಿನೊ ಬರೊಕ್ಹೊ ದಿಕ್ಹಿನ ಆವಾನಿ ಗ್ಯಾನಕ್ಹು ಧರಲಿದೆಲವಾಲಾ ರ‍್ಹೌ.
1TI 3:10 ತ್ಯುನೊನೆ ತು ಪೈಲಾ ವಳಕೊ. ತ್ಯುನೆ ಕೆಟ್ಟ ಕಾಮೊಮಾ ನೈ ರ‍್ಹಯಾಮ ಸೆವೆ ಕರಸ ಕವಸ.
1TI 3:11 ಇನಾಲಿಂಗತಜ಼ ಸಭೆಮಾ ಸೆವೆ ಕರಾಲ್ಯೊ ಹೆಣ ಮನಕ್ಹೊನೆ ಮನಕ್ಹೊ ಮರ್ಯಾದಿ ಲಿವಾನೆ ಯೊಗ್ಯ ರ‍್ಹೌ. ತ್ಯುನೆ ಬಿಜಾ಼ ಮನಕ್ಹೊನಾ ಹುತಿ ಕೆಟ್ಟ ಕವಾಲ್ಯೊ ರ‍್ಹೌನೈ. ತ್ಯುನಾಕ್ಹು ತ್ಯುನೆ ಹತೊಟಿಮಾ ರ‍್ಹೌ. ಕ್ಹಾರಾ ವಿಷಯನಾ ಹುತಿ ಸಮಾಧಾನಕ್ಹು ವರಿ ಬರೊಕ್ಹಾವಾಲಾ ರ‍್ಹೌ.
1TI 3:12 ಸಭೆಮಾ ಸೆವೆಕರಾಲಾ ಯಕ್ಕಲಿನೆಜ಼ ಹಿವಾ ಕರಲಿದಲ ರ‍್ಹೌ. ತ್ಯುನೆ ತ್ಯುನಾ ಬಚ್ಚಾ಼ವೊನೆ ವರಿ ಘರವಾಲಾವೊನಾ ಮ್ಹೊಡೆ ಚೊ಼ಕು ಕವೈಲಿವಾಲಾ ರ‍್ಹೌ.
1TI 3:13 ಚೊ಼ಕಿ ವಾಟಮಾ ಸೆವೆ ಕರಾಲಾ ಮನಕ್ಹೊ ತ್ಯುನೊನೆ ಚಾ಼ಯೆ ಥಯಲ ಮರ್ಯಾದಿನಿ ಜ಼ಗಾ ಲಿವಸ. ಯೆಸು ಕ್ರಿಸ್ತನಿ ತ್ಯುನೊ ಬರೊಕ್ಹಾನಾ ಹುತಿ ತ್ಯುನೆ ಬರೊಕ್ಹಾ ವಾಲಾ ಘಟ್ಟ ಥೈನ ರ‍್ಹವಸ.
1TI 3:14 ಮಿ ತುಕನ ಭೆಗಿನ ಔಸ ಕೈನ ಬರೊಕ್ಹೊ ಮನೆ ಛೆ. ವರಿಬಿ ಆ ಕ್ಹಾರು ಬರ್ದಾಡ್ಯೊಸ.
1TI 3:15 ಪಾಚಲ್ತೊ ಮಿ ತುಕನ ಭೆಗಿನ ನೈ ಆಯೊತಬಿ ಕ್ಹುದಾನಾ ಘರಮಾ ಕರಾನಾ ಕಾಮೊ ತುನೆ ಗ್ವತ್ತ ಛೆ. ತೆ ಘರ ಜಿವ್ತೊ ರ‍್ಹಯಲ ಕ್ಹುದಾನು ಸಬೆ ವ್ಹೈ. ತೆ ಕ್ಹರಿನಿ ಫಾಯಾ ವರಿ ಆಸ್ರೊ ವ್ಹೈ.
1TI 3:16 ಕ್ಹುದಾನಿ ಭಕ್ತಿನೆ ಆದಾರ ಥಯಲ ಕ್ಹರಿ ವರಿ ಸಂಶೊವಾಚಿ ಅಪ್ನಿ ಅರಾಧನಾನಿ ಜಿವಿತ ದಡಿರ‍್ಹಯಲ ಮ್ಹೊಟಿ ವ್ಹೈ ಕ್ರಿಸ್ತ ಮನಕ್ಹನಾ ರುಪಮಾ ಅಪೊನೆ ದಿಕ್ಯೊ. ತೆಜ಼ ಕ್ರಿಸ್ತ ವ್ಹೈಕೈನ ಪವಿತ್ರ ಆತ್ಮಾ ದೆಕಾಡಿನ ದಿದಿ. ಕ್ಹುದಾನಾ ದುತೊನೆ ತೆ ದಿಕ್ಹ್ಯೊ. ತಿನಾ ಹುತಿ ಸುವಾರ್ತೆ ಕ್ಹಾರಾ ಮನಕ್ಹೊನೆ ಪ್ರಚಾರ ಕರ‍್ಯೊ. ಜಗತ್ಮಾ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ. ತೆ ಮಹಿಮಾನಾ ಕ್ಹಾತೆ ಸ್ವರಗಾಮಾ ಗಯೊ.
1TI 4:1 ತಿನಾಹುತಿ ಅಗಲ್ಯಾ ದಿನೊಮಾ ದಕ್ಹಾ ಮನಕ್ಹೊ ಮೊಸ ಕರಾನು ಆತ್ಮನಾ ವಾತೊಪರ, ಸೈತಾನನಾ ವಾತೊಪರ ಬರೊಕ್ಹೊ ಕರಿನ ಸುಳ್ಳನಾ ಆತ್ಮನಾ ಆಜ್ಞಾ ಐಕಿನ ಪಾಲ್ಸಸ,ವರಿ ಸೈತಾನನಾ ಶಿಕ್ಷಣ ನಿಂಗತ ಚಾಲಸ.
1TI 4:2 ತೆ ಭೊದನೆ ಸುಳ್ಳ ಬೊಲಾಲಾ ವರಿ ಮೊಸ ಕರಾಲಾ ಮನಕ್ಹೊ ಕಂತು ಆವಸ. ತ್ಯುನೆ ಕ್ಹರಿ ಸುವ್ಹೈ ವರಿ ಕೆಟ್ಟ ಸುವ್ಹೈ ವಳಕ್ಕತಾನೈ. ಉನ್ನು ಥಯಲ ಲ್ಹೊಡಾಕ್ಹು ಬಳಿನ ರಾಕ ಥಯಲ ಲಿಂಗತ ತ್ಯುನು ಗ್ಯಾನಬಿ ಹಾಳ ಥೈ ಜಾ಼ವಸ.
1TI 4:3 ತೆವಾ ಮನಕ್ಹೊ ಹಿವಾ ಕರಲ್ಯುನೈ ಕೈನ ವರಿ ದಕ್ಹು ಅನಾಜ಼ ಖೌನೈ ಕೈನ ತ್ಯುನೆ ಕವಸ. ತೆನೈಸೊ ಬರೊಕ್ಹೊ ರ‍್ಹಯಲವಾಲಾ ವರಿ ಕ್ಹರಿ ತಿಳದಿಲಿದಲವಾಲಾ ಸ್ತುತಿ ಕರಿನ ತೆ ಅನಾಜ಼ ಖಾವಾದೆ ಕಾಕದ್ಯಾಮ ತೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ.
1TI 4:4 ಕಾ ಕದ್ಯಾಮ ಕ್ಹುದಾ ತೆ ತಯ್ಯಾರ ಕರಲ ಹರಿ ಯಕ್ಕ ಚೊ಼ಕು ರ‍್ಹವಸ ತಿನೆ ಸ್ತುತಿ ಕರಿನ ಲಿವಾನು ಸುಬಿ ರ‍್ಹೈನೆಕಾ ತಿರಸ್ಕಾರ ಕರುನೈ.
1TI 4:5 ಕಾಕದ್ಯಾಮ ಕ್ಹುದಾನಿ ವಾಕ್ಯಾಕ್ಹು ವರಿ ಪ್ರಾಥನಾ ಕ್ಹು ತೆ ಅನ್ನ ಪವಿತ್ರ ಥಾವಸ.
1TI 4:6 ತ್ಯಾ ರ‍್ಹಯಲ ಭಾಯೊ ಭೆನೊ ಎ ಕ್ಹಾರು ಕದ್ಯಾಮ, ತು ಕ್ರಿಸ್ತ ಯೆಸುನೊ ಚೊ಼ಕೊ ಸೆವಕ ಥಾಸಿ ಕವಾನು ಬರೊಕ್ಹಾನಿಯೊ ವಾತೊ ವರಿ ಚೊ಼ಕು ಉಪದೆಶ ಕರಿನ ಚಾ಼ಲಲ ಹುತಿ ತಾಕತವಾಲೊ ವ್ಹೈ ಕೈನ ದೆಕಾಡಿನ ದೆಶಿ.
1TI 4:7 ಕ್ಹುದಾ ಕ್ಹರಿಕ್ಹು ಮಳಾನಿ ಕಾನಿಯೊ ಮನಕ್ಹೊ ಕವಸ. ತೆ ಕಾನಿಯೊ ಲಿಂಗತ ಚ಼ಾಲು ನಕೊ. ಕ್ಹುದಾ ನೆ ಕ್ಹರಿ ಕ್ಹು ಸೆವೆ ಕರಾನು ತುಮಾರಾಕ್ಹು ತುಮೆ ತಿಳ್ದಿಲಿವೊ.
1TI 4:8 ಶಾರಿರಿಕ ವ್ಯಾಯಾಮಕ್ಹು ಅಪ್ನೊನೆ ದಕ್ಹಿ ರಿತಿಮಾ ತುಮೊನೆ ಆಸ್ರೊ ಥಾವಸ. ತೆನೈಸೊ ಕ್ಹುದಾನಿ ಸೆವೆ ಕರಾನು ತುಮೊನೆ ಕ್ಹಾರಿ ತರಾ ಆಸ್ರೊ ಥಾವಸ. ಕ್ಹುದಾನಿ ಸೆವೆ ಕ್ಹಾರಾ ಲೊಕಮಾ ಆಶಿರ್ವಾದ ಥೈನ ರ‍್ಹವಸ. ಕಾಕದ್ಯಾಮ ಹಮ್ನಾನೊ ಟೈಮ್ಮ ವರಿ ಆವಾನೊ ಕಾಲಮ್ಮಾ ದಿದೆಲ ವಾಗ್ದಾನ ಮಳಲಿದ್ಯುಸ.
1TI 4:9 ಎ ಸಂಗತಿಯೊಪರ ಬರೊಕ್ಹೊ ಕರಾನು ಕ್ಹಾರಾಕ್ಹು ಯೊಗ್ಯ ವ್ಹೈ.
1TI 4:10 ತಿನಾಹುತಿ ಅಪೆ ಕಷ್ಟಕ್ಹಾವಾಡಾಸ,ಪ್ರಯಾಸ ಕರಾಡಾಸ,ಕಾಕದ್ಯಾಮ್ಮ ಕ್ಹಾರಾ ಮನಕ್ಹೊನೆ, ವಿಶೆಷ ಕರಿನ ಬರೊಕ್ಹೊ ಕರಾವಾಲಾವೊನೆ, ರಕ್ಷಕ ಥಯಲ ಜ಼ಲಮ್ಮ ರ‍್ಹಯಲ ಕ್ಹುದಾನಾ ಉಪ್ಪರ ಹಮೆ ಬರೊಕ್ಹೊ ಮ್ಹೆಲಾಲಾ ಥಯಾಸ.
1TI 4:11 ಎ ಕ್ಹಾರಿ ಆಗನ್ಯಾ ಕೈನ ವರಿ ತಿಳಸ,
1TI 4:12 ತು ಜಾಂಜಿಮಾನ ರ‍್ಹಯಲ ಹುತಿ ತುಜ಼಼ ಮ್ಹೊಟೊ ವ್ಹೈ ಕೈನ ಕವೈಲಿದ್ಯಾವಾಚಿ ತುನೆ ಹಿನಾವಾನೆ ಕಿನೆಜ಼ ಮೌಕೊ ದ್ಯು ನಕೊ. ವಿಸ್ವಾಶಿಯೊ ಕಿಮ ರ‍್ಹೌ ಕೈನ ತುಜ಼಼ ತ್ಯುನೊನೆ ದೆಕಾಡಿನ ದ್ಯು. ತು ಬೊಲಾನು ಚಾ಼ಲಾನು ಮಯಾಮಾ ವರಿ ಬರೊಕ್ಹಾಮಾ ವರಿ ಪರಿಶುದ್ಧ ಜಿವಿತ್ಮಾ ತು ತ್ಯುನೊನೆ ದೆಕಾಡಿನ ದ್ಯು.
1TI 4:13 ಕ್ಹುದಾನಿ ವಾಕ್ಯಾ ಮನಕ್ಹೊನೆ ಒದಿನ ಕೈನ ತ್ಯುನೊನೆ ಘಟ್ಟ ಕರಿನ ವರಿ ತ್ಯುನೊನೆ ಭೊದನೆ ಕರಿನ. ಮಿ ಆಯೆಲಕ್ಕಾ ಎ ಕ್ಹಾರು ತು ಕರತೊಜ಼ ರ‍್ಹೌ.
1TI 4:14 ತುಕನ ರ‍್ಹಯಲ ಮರಗಾನಿ ವರಾನೆ ತಿನೆ ಅಲಕ್ಷ ಕರೊ ನಕೊ ತೆ ವರಾ ತಮಾರಾ ಪ್ರವಾದಿ ಕರಲ ಹತ್ತ ವ್ಹೈ. ವರಿ ಮ್ಹೊಟಾ ಮನಕ್ಹೊಕ್ಹು ತಾರಾ ಉಪ್ಪರ ಹತ್ತ ಮ್ಹೆಲ್ಯಾಸ.
1TI 4:15 ಎ ಕಾಮೊ ಕರತೊಜ಼ ರ‍್ಹೆ. ಎ ಕಾಮೊ ಕರಾನೆಜ಼ ತುಮಾರಿ ಜಿವಿತ ವಪ್ಸಿನ‍ ದ್ಯು. ತೆಳಾಮಾ ತಾರು ಕಾಮ ಅಭಿವೃದ್ದಿ ಥಾವಾನು ಕ್ಹಾರಾ ಮನಕ್ಹೊ ದೆಕಸ.
1TI 4:16 ತಾರಿ ಜಿವಿತ್ಮಾ ತಾರಿ ಬೊಧನೆಮಾ ಹುಷಾರಕಿಮಾ ರ‍್ಹೆ. ಚೊ಼ಕಿ ತರಾನಿ ಜಿವ್ನಾ ಕರತೊ ಬೊಧನೆ ಕರತೊ ತೆಳಾಮಾ ತು. ತುನೆ ತಾರಿ ಬೊದನೆ ಐಕಾಲಾವೊನೆ ವಚಾ಼ಡುಸ.
1TI 5:1 ವೈಸ ಥಯಲ ಮನಕ್ಹೊನೆ ಸಿಟ್ಟೆ ಬೊಲ್ಯಾವಾಚಿ ತ್ಯುನೊನೆ ಬಾಪ ವ್ಹೈನ ತಿಳ್ದಿಲಿನ ತ್ಯುನಾ ಕ್ಹಾತೆ ಬೊಲ. ತಿನೆ ಮರ್ಯಾದಿ ದ್ಯು. ಕಾಕದ್ಯಾಮ ತ್ಯುನೆ ಯಕ್ಲಾಜ ಛೆ.
1TI 5:2 ವೈಸ ಥಯಲ ಹೆಣ ಮನಕ್ಹೊನೆ ಮಾ ಲಿಂಗತ ಜಾಂಜಿಮಾನ ಹೆಣ ಮನಕ್ಹೊನೆ ಭೆನೊ ಲಿಂಗತ ತಿಳದ. ಹಮೆಶಾಬಿ ತ್ಯುನಾ ಕ್ಹಾತೆ ಚೊ಼ಕಿ ತರಾ ಚಾ಼ಲ.
1TI 5:3 ಕುನ್ನಜ಼ ನೈ ರ‍್ಹಯಲ ರಾOಡಿ ಹೆಣ ಮನಕ್ಹೊನೆ ರಾಕ.
1TI 5:4 ದಿಕ್ಕ ನೈಸೊ ಮಾಟಿ ಮರೆಲವಾಲಿನೆ ಆಸ್ರೊ ಥಾವೊ. ತಿನಾಹುತಿ ರ‍್ಹಯಾಮ, ತ್ಯುನೆ ಮಾ ಬಾಪನೆ ಆಸ್ರೊ ಕರಲ ಲಿಂಗತ ತಿವ್ನಾ ಸ್ವಂತ ಖಾಂದಾನನೆ ಮರ್ಯಾದಿ ದ್ಯು. ತ್ಯುನೆ ಇಮ್ಮ ಕರ‍್ಯಾಮ, ಮಾ ಬಾಪನೆ ವರಿ ಬುಡಾ ಬುಡಿನೆ ತ್ಯುನೊನೆ ಉಪಕಾರ ಕರಲ ಲಿಂಗತ ಥಾವಸ. ತೆ ಕ್ಹುದಾನೆ ಪಸಂದ ವ್ಹೈ.
1TI 5:5 ಯಕ್ಕ ರಾOಡಿ ಹೆಣ ಮನಕ್ಹ ಕ್ಹರಿಮಾಜ಼ ತಿನೆ ಕುನ್ನಜ಼ ಆಸ್ರೊ ನೈಸೊ ಯಕ್ಕಲಿಜ಼ ರ‍್ಹೈಮ, ತೆಳಾಮಾ ತೆ ತಿನಾ ಆಸ್ರಾನೆ ಕ್ಹುದಾಪರ ಆಸ ಮ್ಹೆಲಸ. ತೆ ಹೆಣ ಮನಕ್ಹ ದಿನ್ನ ರಾತ ಪ್ರಾಥನಾ ಕರಸ. ತೆ ಆಸ್ರೊ ಮಾಂಗಸ.
1TI 5:6 ತೆನೈಸೊ ಮಾಟಿ ಮರಲವಾಲಿ ತಿನಾ ಮನಸ ಮನಸೆ ಆಯಲ ಲಿಂಗತ ಜಿವ್ನಾ ಕರಿಮ ತೆ ಜಿವ್ತಿ ರ‍್ಹೈತಬಿ ಮರಲಲಿಂಗತ ವ್ಹೈ.
1TI 5:7 ಮನಕ್ಹೊನಾ ಕೆಟ್ಟವಾತೊನೆ ಗುರಿ ಥಾಯೆ ನೈಸೊ ತಿನೆ ರ‍್ಹವಾನು ಶಿಕ್ಲಾ. ತೆಳಾಮಾ ತ್ಯುನೆ ತಿನೆ ಕೆಟ್ಟವಾತೊ ಬೊಲಾನೆ ಥಾತು ನೈ.
1TI 5:8 ಕಯೊಬಿ ತಿನಾ ಸ್ವಂತ ಮನಕ್ಹೊನೆ ವರಿ ತಿನಾ ಸ್ವಂತ ಘರವಾಲಾವೊನೆ ನೈ ರಾಕ್ಯೊಮ ತೆ ಕ್ಹರಿಕ್ಹು ಚಾ಼ಲಾಲೊ ನ್ಹವೈ. ತೆ ಬರೊಕ್ಹೊ ನೈ ರ‍್ಹಯಲ ಮನಕ್ಹತಿ ಕೆಟ್ಟ ವ್ಹೈ.
1TI 5:9 ರಾOಡಿ ಹೆಣ ಮನಕ್ಹೊನಾ ಲಿಸ್ಟಮಾ ಕ್ಹಾಟ ವೈಸ್ ಥಯಲ ರ‍್ಹೌ. ತೆ ತಿನಾ ಮಾಟಿನಾ ಬರೊಕ್ಹೊಮಾ ರ‍್ಹೌ.
1TI 5:10 ತೆ ಚೊ಼ಕಾ ಕಾಮೊ ಕರಸ ಕೈನ ಕವೈಲಿದಲ ರ‍್ಹೌ. ಕದ್ಯಾಮ ತೆ ತಿನಾ ಬಚ್ಚಾ಼ವೊನೆ ರಾಕಿನ, ಆಯಲ ಮನಕ್ಹೊನೆ ಮರ್ಯಾದಿ ದಿದಲ ವಾಲಿ, ಕ್ಹುದಾನಾ ಮನಕ್ಹೊನಾ ಪಗೊ ಧ್ವಯಲವಾಲಿ, ತ್ರಾಸಮಾ ರ‍್ಹಯಲ ಮನಕ್ಹೊನೆ ಆಸ್ರೊ ಕರಲವಾಲಿ ವರಿ ತಿನಾ ಹತೆ ಥಯಲ ತೆಕ್ಲು ಚೊ಼ಕಾ ಕಾಮೊ ಕರಲವಾಲಿ ರ‍್ಹೌ.
1TI 5:11 ವರಿ ಮಾಟಿಮರಲ ಜಾಂಜಿಮಾನ ಹೆಣ ಮನಕ್ಹೊನೆ ತೆ ಲಿಸ್ಟಮಾ ಮಳೌನೈ. ತ್ಯುನೆ ಕ್ರಿಸ್ತನೆ ವಪ್ಪಿಲಿದಲ ರ‍್ಹೈಯೊತಬಿ ತ್ಯುನಾ ಅಂಗನಿ ಆಸನಾ ಹುತಿ ಹಗ್ಲೆಲ್ಲಾ ತಿನೆ ಆಸ ಕರಸ. ಪಾಚಾ಼ತಿಯೊ ತ್ಯುನೆ ಹಿವಾಕರಲಿವಾನೆ ಆಸ ಕರಸ.
1TI 5:12 ತ್ಯುನೆ ದಿದಲ ವಾತ ದಾಟಿನ ಗಯೊಸ ತ್ಯುನೊನೆ ಫೈಸಲೊ ಥಾವಸ.
1TI 5:13 ಎನೈಸೊ ತ್ಯುನೆ ಘರೊ-ಘರೊ ಫರತಿಯೊ ತ್ಯುನೊ ಟೈಮ ಕಾಡಾನು ಚ಼ಾಲು ಕರಾನು ಶಿಕ್ಕಸ. ಫಾಲ್ತು ವಾತೊ ಬೊಲತ್ಯೊ ಬಿಜಾ಼ವೊನು ಬೊಲತ್ಯೊ ಟೈಮ ಹಾಳ ಕರಸ ಕವಾನಿಯೊ ನೈಸೊ ವಾತೊ ಕವಸ.
1TI 5:14 ತಿನಾಹುತಿ ಜಾಂಜಿಮಾನ ಮಾಟಿ ಮರಲವಾಲಿಯೊ ಹಿವಾ ಕರಲಿನ ಬಚ್ಚಾ಼ ಜ಼ನ್ನಾದೆ ವರಿ ತ್ಯುನಾ ಘರೊ ದೆಕಿಲಿವಾದೆ. ತೆಳಾಮಾ ತ್ಯುನೊನೆ ಕೆಟ್ಟವಾತೊ ಕುನ್ನಜ಼ ಬೊಲತು ನೈ.
1TI 5:15 ತೆನೈಸೊ ಹಮ್ನಾಜ಼ ದಕ್ಹಾಜ಼಼ನಾ ತಿವ್ನಿ ವಾಟ ಬದ್ಲಿ ಕರಿನ ಸೈತಾನ್ನಾ ಪಾಚಾ಼ ಚಾ಼ಲಿಯೊಸ.
1TI 5:16 ತೆನೈಸೊ ವಿಶ್ವಾಸಿಯೊ ಥಯಲ ಹೆಣ ಮನಕ್ಹೊನಾ ಘರೊಮಾ ರಾಂಡಿಯೊ ರ‍್ಹಯ್ಯೊಮ ತೆ ತ್ಯುನೊನೆ ಜ಼ತ್ತನ ಕರಾದೆ. ತ್ಯುನೊನೆ ದೆಕಿಲಿವಾನು ಜವಾಬ್ದಾರಿಯೊ ಸಬೆನೆ ದ್ಯು ನೈ. ತೆಳಾಮಾ ಕುನ್ನಜ಼ ನೈ ರ‍್ಹಯಲ ರಾOಡಿ ಬಾಕಡಿಯೊನೆ ಅರಾಕಿ ಕರಾನಿ ಸಬೆನೆ ಸಾದ್ಯ ಥಾವಸ.
1TI 5:17 ಸಬೆನೆ ಚೊ಼ಕಿತರಾ ಚ಼ಲೈನಿಂಜಾ಼ವಾಲಾ ಮ್ಹೊಟಾ ರ‍್ಹಯಲವಾಲಾ ಮರಯಾದಿನೆ ವರಿ ಬೆ ಪಟ್ಟ ಪಗಾರನೆ ಯೊಗ್ಯ ವ್ಹೈ. ಖಾಸ ಕರಿನ ಉಪದೆಶ ವರಿ ಶಿಕ್ಲಾವಾನು ಕಾಮ ಪುರಾ ಮನಸೆ ಕರಾಮಾ ಹಮೆಶಾ ತಿಮಾ ರ‍್ಹಯಲವಾಲಾ ಮ್ಹೊಟಿ ಮರ್ಯಾದಿ ದಿವಸ.
1TI 5:18 ಕಾಕದ್ಯಾಮ "ಕ್ಹಾಳ ಖುಂದಾನಿ ಬೈಲನು ಮ್ಹೊಡು ಭಾಂದು ನೈ "ಕವಾನು "ರಾಬಾಲಾ ಆಳನೆ ತಿನಿ ಕುಲಿನಾ ತಕ್ಕ ಪಗಾರ ಮಳು "ಕವಾನು ಪವಿತ್ರ ಗ್ರಂಥ ಕವಸ್ತೊ.
1TI 5:19 ಸಬೆಪರ ಮ್ಹೊಟಾ ರ‍್ಹಯಲ ವಾಲಾವೊನಾಹುತಿ ತಿವ್ನಾ ವಿರುದ್ದ ಕುನಬಿ ಕತು ರ‍್ಹಯುಮ ಬೆ ಜ಼ನಾ ನೈತೊ ತನ್ನ ಜ಼ನಾ ರ‍್ಹಯಾಮಜ಼ ತಿವ್ನಿಯೊ ವಾತೊ ಐಕು ನಕೊ.
1TI 5:20 ಪಾಪ ಕರಾಲಾ ಮನಕ್ಹೊನೆ ಸಭೆಮಾ ರ‍್ಹಯಲ ಮನಕ್ಹೊನಾ ಕ್ಹಾಮೊಜ಼ ಬರ್ಬಡ. ತೆಳಾಮಾ ಬಿಜಾ಼ವೊನೆಬಿ ಎಚ್ಚರಕಿ ಮಳಸ.
1TI 5:21 ತು ವಿಚಾರ ಕರಾತಿ ಪೈಲಾ ತಪ್ಪ ಘಾಲ್ಯಾವಾಚಿ, ಪಕ್ಷಪಾತಕ್ಹು ಸು ಕರ‍್ಯಾವಾಚಿ, ಮಿ ಕದಲ ವಾತೊನಾ ಪ್ರಕಾರ ಚಾ಼ಲು ಕೈನ ಕ್ಹುದಾನಾ ಕ್ಹಾಮಾ, ಕ್ರಿಸ್ತ ಯೆಸುನಾ ಕ್ಹಾಮೊ, ಇನಿಲಿದಲ ದೆವದುತೊನಾ ಕ್ಹಾಮಾ ಕ್ಹರಿ ಕವಸ.
1TI 5:22 ತು ತಾರಾ ಹತೊ ಕಿಪರಬಿ ಮ್ಹೆಲಿನ ತಿನೆ ಸಭಾಪರ ಮ್ಹೊಟೊ ಕರಾತಿ ಅಗ್ದುರ ಮನಸ ದಿನ್ನ ವಿಚಾರ ಕರ. ಬಿಜಾ಼ ಮನಕ್ಹೊನಾ ಪಾಪಮಾ ಪಡೆನೈಸೊ ಶುದ್ಧ ಥೈನ ರ‍್ಹೆ.
1TI 5:23 ತಿಮೊತಿ, ತು ಪಾನಿ ಪಿದ್ಯಾವಾಚಿ ದಕ್ಹು ದ್ರಾಕ್ಷಿಯೊನು ರಕ್ಹ ಪ್ಯು. ಇನಾಹುತಿ ತು ಖಾದಲ ಅನ್ನ ಪಚನ ಕರಾನಿ ತಾಕತ ಹೆಚ್ಕಿ ಥಾವಸ ವರಿ ಹಗ್ಲೆಲ್ಲಾ ಅರಾಮ ನೈಸೊ ಪಡತೊ ನೈ.
1TI 5:24 ದಕ್ಹಾ ಮನಕ್ಹೊ ಕರಲ ಪಾಪೊ ದಿಕ್ಹಿನ ಆವಸ. ತ್ಯುನೊನೆ ಫೈಸಲೊ ಥಾವಸ ಕವಾನು ದೆಕಾಡಿನ ದಿವಸ. ತೆ ದಕ್ಹಾ ಮನಕ್ಹೊ ಕರಲ ಪಾಪೊ ದಕ್ಹಯೆಳ ಪರ ಕಳಸ.
1TI 5:25 ತಿಮ್ಮಜ಼ ದಕ್ಹಾ ಚೊ಼ಕಾ ಕಾಮೊ ದಿಕ್ಹಿನ ಆವಸ. ಹಜು಼ನ ದಕ್ಹಾ ಕಾಮೊ ದಿಕ್ಹಿನ ನೈ ಆಯಾ ತಬಿ ತೆ ದಡಿರ‍್ಹತು ನೈ.
1TI 6:1 ಗುಲಾಮೊ ತಿನಾ ಮಾಲಕನೆ ಕ್ಹಾರಾಕ್ಹುಜ಼ ಮರ್ಯಾದಿ ದ್ಯು. ತೆಳಾಮಾ ಕ್ಹುದಾನಾ ನಾಮನೆ ವರಿ ಅಪೆ ಕವಾನು ಉಪದೆಶನೆ ಕುನ್ನಜ಼ ಕೆಟ್ಟ ವ್ಹೈ ಕೈನ ಕತಾನೈ.
1TI 6:2 ದಕ್ಹಾ ಮನಕ್ಹೊನೆ ಬರೊಕ್ಹೊವಾಲಾ ಮಾಲಕೊ ಛೆ. ತಿನಾಹುತಿ ತೆ ಗುಲಾಮೊ ವರಿ ಮಾಲಕೊಜ಼ ಭಾಯೊ ಥಯಾಸ. ತೆನೈಸೊ ತ್ಯುನೆ ತಿನಾ ಮಾಲಕೊನೆ ಕಮ ಮರ್ಯಾದಿ ದೆಕಾಡು ನೈ ತ್ಯುನಾ ಮಾಲಕನಿ ಸೆವಾ ಹಜು಼ನ ಚೊ಼ಕಿತರಾ ಕರು. ಕಾಕದ್ಯಾಮ ತ್ಯುನೆ ಚೊ಼ಕಾ ಕಾಮೊನಾಹುತಿ ತ್ಯುನೊನೆ ತಿಮ್ಮ ಮ್ಹೆಲ್ಯಾಮ ಬರೊಕ್ಹೊ ರ‍್ಹಯಲವಾಲಾ ವ್ಹೈ ವರಿ ಮಯಾನಾ ದೊಸ್ತೊ ಥೈನ ರ‍್ಹಯಾಸ. ಎ ಕಾಮೊ ಕರು ಕೈನ ತು ಮನಕ್ಹೊನೆ ಉಪದೆಶ ಕರು ವರಿ ತಿಳಸೌ.
1TI 6:3 ದಕ್ಹಾ ಮನಕ್ಹೊ ಸುಳ್ಳ ಸಂಗತಿಯೊ ಕವಸ. ತೆ ಮನಕ್ಹೊ ಅಪ್ನೊ ಪ್ರಭು ಥಯಲ ಯೆಸುನಿ ಕ್ಹರಿನಿಯೊ ವಾತೊ ನೈ ವಪ್ಪಿಲೆತಾ. ಕ್ಹುದಾನಿ ಸೆವಾನೆ ಕ್ಹರಿಜ಼ ಕರು ಕವಾನಿ ಉಪದೆಶ ತ್ಯುನೆ ನೈ ಸ್ವಿಕಾರ ಕರತಾ.
1TI 6:4 ಕೆಟ್ಟ ಶಿಕ್ಲಾವಾಲೊ ಗಮಂಡಿಕ್ಹು ಭರಲ ರ‍್ಹವಸ ವರಿ ತಿನೆ ಸುಜ಼ ಕಳತು ನೈ. ತೆ ಕ್ಹಾಲಿ ವಾದ-ವಿವಾದ ಕರಾಮಾ ರ‍್ಹವಸ. ಇಕ್ಹು ಸಂಗಟ, ಲಡೈ, ತ್ರಾಸ ವರಿ ಕೆಟ್ಟ ಸಂಶೊ ಹುಟ್ಟಸ.
1TI 6:5 ಎನೈಸೊ ಕೆಟ್ಟ ಜ಼ನಾವೊಮಾ ವಾದವಿವಾದ ಹುಟ್ಟಸ. ತೆ ಮನಕ್ಹೊ ಕ್ಹರಿನೆ ಛೊಡಲವಾಲಾ ವ್ಹೈ. ಕ್ಹುದಾನಿ ಸೆವಾ ದೊಕಡಾ ಕಮಾವಾನಿ ಯಕ್ಕ ವಾಟ ವ್ಹೈ ಕೈನ ತ್ಯುನಿ ವಿಚಾರ ವ್ಹೈ.
1TI 6:6 ಕ್ಹುದಾನಿ ಸೆವಾ ಕರಾಲೊ ತಿಕನ ರ‍್ಹಯಲಮಾ ಖುಶ ರ‍್ಹವಸ, ತೆ ಮ್ಹೊಟೊ ಸೌಕಾರಜ಼ ವ್ಹೈ.
1TI 6:7 ಅಪೆ ದುನಿಯಾಮಾ ಆಯಲಪರ ಸುಜ಼ ಲಿನ ಆಯಾ? ಸುಜ಼ ನತ್ತಿ. ಅಪೆ ಮರತಾಮಾ ಸುಜ಼ ಲಿನ ಜಾ಼ತಾ ನೈ? ಸುಜ಼ ನತ್ತಿ.
1TI 6:8 ತಿನಾಹುತಿ ಅನ್ನ ವಣ್ಣಾ ರ‍್ಹಯುಮ ಬಸ್ಸ, ಅಪೆ ಖುಶಿ ರ‍್ಹಯೆಸ.
1TI 6:9 ತೆನೈಸೊ ಸೌಕಾರ ಥೌಸ ಕವಾಲಾ ತ್ಯುನೊನೆ ತ್ಯುನೆಜ಼ ತ್ರಾಸನೆ ಗುರಿ ಕರಲಿವಸ. ತ್ಯುನೆ ಪಾಕ್ಹೊ ಘಾಲಿದಲವಾಲಾ ಥಯಾಸ. ತ್ಯುನೆ ಕೆಟ್ಟ ಆಸೊಮಾ ಪಡಸ. ತೆ ಮನಕ್ಹೊನೆ ಹಾಳ ಕರಿನ, ವರಿ ಬರಬಾದ ಕರಸ.
1TI 6:10 ದೊಕಡಾನಿ ಮಯಾಕ್ಹು ಕ್ಹಾರಾ ತರಾನಾ ಕೆಟ್ಟ ಕಾಮೊ ಹುಟ್ಸಾವಸ. ದಕ್ಹಾ ಜ಼ನಾ ಪಡ್ದಿಲಿವಾನಾ ಹುತಿ ಬೊರೊಕ್ಹೊ ಜ಼ವೈಲಿದ್ಯಾಸ ವರಿ ಘನ್ನಾ ತ್ರಾಸೊಕ್ಹು ತ್ಯುನು ಮನಸ ಘಟ್ಟ ಥೈ ಗೈಯುಸ.
1TI 6:11 ತೆನೈಸೊ ತು ಕ್ಹುದಾನೊ ಮನಕ್ಹ ವ್ಹೈ. ತಿನಾಹುತಿ ಎ ಕ್ಹಾರಾ ಸಂಗತಿಯೊಕ್ಹು ದುರ ರ‍್ಹೆ. ತೆನೈಸೊ ನಿತಿವಂತ, ಭಕ್ತಿನಿ ಸೆವಾ ಬರೊಕ್ಹೊ ಸಮಾಧಾನ ಧೈರ್ಯ ಮಯಾ, ತಾಳ್ಮೆ, ಉದಾರ ಮನಸನೊ ಥೈನ ರ‍್ಹೆ.
1TI 6:12 ಬರೊಕ್ಹಾನಾ ಖೆಲಮಾ ತಾರಿ ಚೊ಼ಕಿತನಾಕ್ಹು ನ್ಹಾಟ ಲಿಂಗತ ಛೆ. ನ್ಹಾಟಾನಾ ಖೆಲಮಾ ಝಿತ್ತಾನೆ ತುಕನ ಥಾವಾ ಯಕ್ಲು ಕೊಶಿಶ ಕರ. ಹಮೆಶಾನೊ ಜಿವನ ಪಡದಿಲಿವಾನೆ ಕೊಶಿಶ ಕರ. ತೆ ಪಡದಿಲಿವು ಕೈನ ಬಲೈಲಿದಲವಾಲೊ ವ್ಹೈ. ಕ್ರಿಸ್ತನಾ ಬರೊಕ್ಹಾನಾ ಹುತಿ ಕ್ಹರಿ ತು ಘನ್ನಾ ಮನಕ್ಹೊನಾ ಕ್ಹಾಮೊ ವಪ್ಪಿಲಿವು.
1TI 6:13 ಪೊಂತ್ಯ ಪಿಲಾತನನಾ ಕ್ಹಾಮೊ ಸಾಕ್ಷಿ ದಿದಲ ಕ್ರಿಸ್ತ ಯೆಸುನಾ ಸನ್ನಿಧಾನಮಾಬಿ ಕ್ಹಾರಿ ಸೃಷ್ಟಿನೆ ಜ಼ಲಮ ದಿದಲವಾಲಾ ಕ್ಹುದಾನಿ ಸನ್ನಿಧಿಮಾಬಿ ಮಿ ತುನೆ ಕವಾನು ಸುವೈ ಕದ್ಯಾಮ,
1TI 6:14 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಆವಾನೊ ಟೈಮಲಕ್ಕಾ ತು ಎ ಕಾಮೊ ತಪ್ಪವಾಚಿ಼, ಚು಼ಕ್ಯಾವಾಚಿ ಕರತೊ ರ‍್ಹೆ.
1TI 6:15 ಕ್ಹುದಾ ಕರೆಟ್ಟ ಟೈಮಮಾ ತೆ ಕರಸ. ತೆ ನಸಿಬವಾಲೊ ಯಕ್ಲೊಜ಼ ರಾಜಾ಼ವೊನೊ ರಾಜೊ಼ ಪ್ರಭುವೊನೊ ಪ್ರಭು ಥಯೊಸ.
1TI 6:16 ಮರಣ ನೈಸೊವಾಲೊ ತೆ ಯಕ್ಕಲೊಜ಼ ವ್ಹೈ. ತೆ ಘನ್ನಿ ಉಜಾಲಾಮಾ ರ‍್ಹವಾಲೊ ರ‍್ಹಯಲಕ್ಹು ತಿನಾ ಕ್ಹಾಮಾ ಮನಕ್ಹೊ ಜಾ಼ವಾನೆ ನೈ ಥಾತು. ತಿನೆ ಹಜು಼ನ ಲಕ್ಕಾ ಕುನ್ನಜ಼ ದೆಕ್ಕಯು ನತ್ತಿ; ದೆಕಾನೆ ಥಾತುಬಿ ನೈ. ತಿನೆ ಮರಯಾದಿಬಿ ಅದಿಕಾರಬಿ ಹಮೆಶಾ ರ‍್ಹವಾದೆ. ಆಮೆನ್.
1TI 6:17 ಇಹಲೊಕನಾ ವಿಚಾರಮಾ ಸೌಕಾರ ರ‍್ಹಯಲ ಮನಕ್ಹೊನೆ ಎ ಆಗನ್ಯಾ ತಿಳಸಾ. ಗರವ ಕರ‍್ಯಾವಾಚಿ ದೊಕಡಾನಾ ಪಾಚೊ಼ ಪಡ್ಯಾವಾಚಿ ಕ್ಹುದಾಪರ ಆಸ ಮ್ಹೆಲ್ಯಲವಾಲೊ ಥೈನ ತ್ಯುನೊನೆ ತಿಳಸಾ. ದೊಕಡಾ ಬರೊಕ್ಹೊನಾ ನ್ಹವೈ. ಕ್ಹುದಾತುಬಿ ಅಪ್ನಾ ಕ್ಹುಷಿನಾಹುತಿ ಕ್ಹಾರು ಅಪೊನೆ ದಿವಸ.
1TI 6:18 ಚೊ಼ಕಾ ಕಾಮೊ ಕರು ಕೈನ ಸೌಕಾರೊನೆ ತಿಳಸಾ. ಚೊ಼ಕಾ ಕಾಮೊ ಕರಾಮಾಜ಼ ಸೌಕಾರೊ ಥೈನ ರ‍್ಹವೊ ಕೈನ ತ್ಯುನೊನೆ ತಿಳಸಾ. ಉಪಕಾರ ಕರಾಮಾಬಿ ವಾಟಿಲಿವಾಮಾಬಿ ಕ್ಹುಷ ರ‍್ಹವಾನೆ ತ್ಯುನೊನೆ ತಿಳಸಾ.
1TI 6:19 ತೆಳಾಮಾ ತ್ಯುನೆ ಸ್ವರ್ಗಮಾ ಯಕ್ಕ ಗಾಟ್ರು ಭಾಂದಿನ ಮ್ಹೆಲಲ ಲಿಂಗತ ಥಾವಸ. ತೆ ಗಾಟ್ರುಜ಼ ತ್ಯುನಿ ಅಗ್ಲಿ ಜಿವನಾನೆ ಘಟ್ಟ ಫಾಯಾ ವ್ಹೈ. ಇಮ್ಮ ತ್ಯುನೆ ಕ್ಹರಿನಿ ಜಿವಿತ ಪಡದಿಲಿವಸ.
1TI 6:20 ತಿಮೊತಿ, ತಾರಾ ಹತ್ತಮಾ ವಪ್ಸಿನ ದಿದಲ ಚೊ಼ಕಿ ಬೊಧನೆ ಚೊ಼ಕಿತರಾ ವಚಾ಼ಡ. ದುನಿಯಾನಿ ವಿಚಾರನಾ ಕೆಟ್ಟ ಸಂಗತಿಯೊ ಕವಾನಾ ಮನಕ್ಹೊ ಕ್ಹರಿನಾ ವಿರುದ್ದ ವಾದ ಕರಾಲಾ ಮನಕ್ಹೊಕ್ಹು ದುರ ರ‍್ಹೆ. ತ್ಯುನೆ ತಿನೆ ಗ್ಯಾನ ವ್ಹೈ ಕೈನ ಕದ್ಯಾತುಬಿ ತೆ ಕ್ಹರಿನು ಗ್ಯಾನ ನ್ಹವೈ.
1TI 6:21 ದಕ್ಹಾಜ಼಼ನಾ ತ್ಯುನೊನೆ ಗ್ಯಾನ ಛೆ ಕೈನ ಕದ್ಯಾತುಬಿ ಕ್ಹರಿನು ಉಪದೆಶ ಛೊಡಲವಾಲಾ ರ‍್ಹವಸ. ಕ್ಹುದಾನಿ ಮರಗಾ ತುಮಾರಾ ಕ್ಹಾರಾವೊನಾ ಕ್ಹಾತೆ ರ‍್ಹವಾದೆ.
2TI 1:1 ಯೆಸು ಕ್ರಿಸ್ತನೊ ಅಪೊಸ್ತಲ ಥಯಲ ಪೌಲಾ ತಿಮೊತಿನೆ ಬರ್ದಾನು ಬೆವಾ ಪತ್ರ. ಕ್ಹುದಾನಿ ಚಿ಼ತ್ತಲಿಂಗತ ಮಿ ಅಪೊಸ್ತಲ ಥಯೊ. ಕ್ರಿಸ್ತ ಯೆಸುಮಾ ರ‍್ಹಯಲ ಜ಼ಲಮನಿ ವಾಗ್ದಾನ ಮನಕ್ಹೊನೆ ಕವಾಹುತಿ ಕ್ಹುದಾ ಅಪೊನೆ ಮೊಕಲ್ಯೊ.
2TI 1:2 ತಿಮೊತಿ, ತು ಮಾರೊ ಮಯಾನೊ ದಿಕ್ರೊ ರ‍್ಹಯಲಲಿಂಗತ ವ್ಹೈ. ಬಾ ಥಯಲ ಕ್ಹುದಾಕಂತು ವರಿ ಪ್ರಭು ಥಯಲ ಯೆಸು ಕ್ರಿಸ್ತನಿ ತುನೆ ಆಶಿರ್ವಾದ ಮರಗಾ ಶಾಂತಿ ಮಳಾದೆ.
2TI 1:3 ಮಿ ರಾತ ದಿನ್ನ ಮಾರಿ ಪ್ರಾಥನಾಮಾ ಚು಼ಕಾಯಾವಾಚಿ ತುನೆ ಶೆ ಕರಿನ ತಾರಿ ವಿಷಯಮಾ ಕ್ಹುದಾನೆ ಸ್ತುತಿ ಕರುಸ. ಮಾರಾ ಶಾನಾ ಸೆವೆ ಕರಲ ತಿನೆಜ಼ ವ್ಹೈ ಪುರಾ ಮನಸಾಕ್ಷಿಕ್ಹು ಮನೆ ಕಳಲ ಲಿಂಗತ ತಿನಿ ಸೆವೆ ಕರುಸ.
2TI 1:4 ತು ಮಾರಾಹುತಿ ಡೊಳಾಮಾನು ಪಾನಿ ಕಾಡಲ ಮನೆ ಶೆ ಛೆ. ತುನೆ ದೆಕು ಕೈನ ಘನ್ನಿ ಆಸ ಛೆ. ತುನೆ ದೆಕ್ತಾಮಾ ಮಾರಾಮಾ ಖುಶಿ ಭರಿ ಜಾ಼ವಸ.
2TI 1:5 ತಾರೊ ಕ್ಹರಿನೊ ಬರೊಕ್ಹೊ ಮನೆ ಶೆ ಛೆ. ತೆ ಬರೊಕ್ಹೊ ತಾರಿ ಬುಡಿ ಥಯಲ ಲೊವಿಯಾಮಾ ತಾರಿ ಮಾ ಥಯಲ ಯುನಿಕಮಾ ವ್ಹತ್ತೊ. ಹಮ್ನಾ ತೆಜ಼ ಬರೊಕ್ಹೊ ತಾರಾಮಾ ಛೆ ಕೈನ ಮನೆ ಗ್ವತ್ತ ಛೆ.
2TI 1:6 ಕ್ಹುದಾ ತುನೆ ಮರಗಿನ ದಿದಲ ವರದಾನ ತು ಶೆ ಕರಲ್ಯು ಕೈನ ಮಿ ಆಸ ಕರಾನು ಇನಾ ಹುತಿಜ಼ ವ್ಹೈ. ಮಿ ಮಾರಾ ಹತೊ ತುಪರ ಮ್ಹೆಲ್ತಾಮಾ ಕ್ಹುದಾ ತುನೆ ತೆ ವರದಾನ ದಿದ್ಯೊ. ತು ತೆ ವರದಾನನೆ ಜಿವ್ತೊ ಮ್ಹೆಲ.
2TI 1:7 ಕ್ಹುದಾ ಅಪೊನೆ ದಿದಲ ಆತ್ಮಾ ಭುಚ್ಕಾನಿ ಆತ್ಮಾ ನ್ಹವ್ಹೈ. ಅಪೊನೆ ತಾಕತ ಭರಿನ, ಮಯಾ ವರಿ ಹತೊಟಿಮ ಮುಕ್ಕಾನಿ ಆತ್ಮಾ ತೆ ದಿದ್ಯೊಸ.
2TI 1:8 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳ್ಸಾನಾ ಹುತಿ ಪ್ರಭುನಾ ಹುತಿ ಜೆಲ್ಮಾ ರ‍್ಹಯಲ ಮಾರಾ ಹುತಿ ಸರಮಾವೊ ನಕೊ. ತಿನಾ ಬದಲ ಸುವಾರ್ತೆನಾ ಹುತಿ ಮಾರಾ ಕ್ಹಾತೆ ತ್ರಾಸ ಅನಭವಿಸು, ತಿನಾಹುತಿ ಚಾ಼ಯೆ ಥಯಲ ತಾಕತ ಕ್ಹುದಾಜ಼ ತುನೆ ದಿವಸ.
2TI 1:9 ತೆ ಅಪೊನೆ ವಚಾ಼ಡಿನ, ತಿನಾ ಸ್ವಂತ ಮನಕ್ಹೊ ಥಾವಾಹುತಿ ಅಪೊನೆ ಬಲಾಯೊ. ಹಮೆ ಕರಾನಾ ಚೊ಼ಕಾ ಕಾಮೊಕ್ಹು ಎ ಕ್ಹಾರು ಥಯು ಕೈನ ನ್ಹವೈ. ತೆ ತಿನಿ ಚಿ಼ತ್ತಲಿಂಗತ ತೆ ಅಪೊನೆ ವಚಾ಼ಡಿನ ತಿನೊ ಆಶಿರ್ವಾದ ಲಿಂಗತ ಕರ‍್ಯೊ. ಹಮೆಶಾತೊಬಿ ರ‍್ಹವಾಲೊ ಎ ಮರಗಾ ಕ್ರಿಸ್ತ ಯೆಸುನಾ ಮುಲಕ ಅಪೊನೆ ಮಳ್ಯು.
2TI 1:10 ತೆ ಮರಗಾ ನ್ಹ್ಯಾಲಕ್ಕಕಾ ಅಪೊನೆ ದೆಕಾಡಿನ ದಿದ್ಯೊ ನತ್ತಿ. ಅಪೊನೆ ರಕ್ಷಕ ಥಯಲ ಯೆಸು ಕ್ರಿಸ್ತ ಆಯಲ ಪರ ತೆ ಅಪೊನೆ ದೆಕಾಡಿನ ದಿದ್ಯೊ. ಯೆಸು ಮರಣ ನಾಶ ಕರಿನ, ಅಪೊನೆ ಜಿವ್ತಾ ರ‍್ಹವಾನಿ ವಾಟ ಸುವಾರ್ತೆನಾ ಮುಲಕ ದೆಕಾಡಿನ ದಿದ್ಯೊ.
2TI 1:11 ತೆ ಸುವಾರ್ತೆನಾ ಹುತಿ ಮನೆ ಅಪೊಸ್ತಲ ಥೈನ ಮಾಸ್ತರ ಥೈನ ಇನಿಲಿದ್ಯೊ.
2TI 1:12 ಎ ಸುವಾರ್ತೆನಾ ಹುತಿಜ಼ ಮಿ ಕಷ್ಟ ಖಾವಾಡೊಸ. ಮಿ ಬರೊಕ್ಹೊ ಕರಲ ವಾಲಾನೆ ವಳಕ್ಯೊಸ. ತೆ ಮನೆ ವಪ್ಸಲ ತೆ ದಿನೊ ಆಯೆಲಕ್ಕಾ ಜ಼ತ್ತನ ಕರಾನೆ ತೆ ತಾಕತವಾಲೊ ವ್ಹೈ ಕೈನ ಕ್ಹರಿಮಾಜ಼ ಮನೆ ಗ್ವತ್ತ ಛೆ.
2TI 1:13 ಮಕ್ಹು ಐಕಲ ಕ್ಹರಿನಿಯೊ ವಾತೊ ಐಕಿನ ಚಾ಼ಲ. ತು ಸು-ಸು ಉಪದೆಶ ಕರು ಕವಾನು ತೆ ವಾತೊಜ಼ ಸಾಕ್ಷಿ ಥಯುಸ. ಯೆಸು ಕ್ರಿಸ್ತಮಾ ರ‍್ಹಯಲ ಅಪ್ನಾ ಬರೊಕ್ಹಾಮಾ ವರಿ ಮಯಾಮಾ ರ‍್ಹೈನ ಯಕ್ಕ ಉದಾಹರಣೆ ಥೈನ
2TI 1:14 ತಾರಾ ಹತ್ಮಾ ದಿದಲ ಕ್ಹರಿನೆ ಪವಿತ್ರ ಆತ್ಮಾನಿ ಮದತಕ್ಹು ಕೈದಿಲಿನ ಜಾ಼. ತೆ ಅಪೊಮಾ ರ‍್ಹವಾಡೊಸ.
2TI 1:15 ಎಶ್ಯಾ ದೆಶ್ಮಾ ರ‍್ಹಯಲ ಕ್ಹಾರಾ ಮನಕ್ಹೊ ಮನೆ ಠುಕ್ಕರಾಯಾಸ ಕವಾನು ತುನೆ ಗ್ವತ್ತ ಛೆ. ಪುಗೆಲಿನ, ಹೆರ್ಮೊಗನ ಮನೆ ಠುಕ್ಕರಾಯಾಸ.
2TI 1:16 ಪ್ರಭು ಒನೆಸಿಫ್ರೊನ ಖಾಂದಾನನೆ ಮರಗಾ ದೆಕಾಡಾದೆ. ತೆ ಘನ್ನಿ ಟೈಮ್ಮಾ ಮನೆ ಪ್ರೊತ್ಸಾಹ ಕರ‍್ಯೊಸ. ಮಿ ಜೆಲ್ಮಾ ರ‍್ಹತಾಮಾಬಿ ತೆ ಸರಮ್ಯೊ ನೈ.
2TI 1:17 ತೆ ರೊಮೆ ಆಯಲ ಬರಬ್ಬರ ಘನ್ನು ಹುಡ್ಕಿನ ಮನೆ ಕಾಡ್ಯೊ.
2TI 1:18 ತೆ ದಿನಮಾ ಒನೆಸಿಫ್ರೊನ ಪ್ರಭುಕ್ಹು ಕರುಣಾ ಮಳಾದೆ. ಎಫೆಸಮಾ ರ‍್ಹತಾಮಾ ತೆ ಮನೆ ಘನ್ನಿ ತರಕ್ಹು ಆಸ್ರೊ ಕರ‍್ಯೊಸ ತುನೆ ಗ್ವತ್ತ ಛೆ.
2TI 2:1 ಕ್ರಿಸ್ತ ಯೆಸುನಾ ಮಯಾನಾ ದಿಕ್ರಾ ತಿಮೊತಿ, ತು ಮಾರೊ ದಿಕ್ರಾ. ಕ್ರಿಸ್ತ ಯೆಸುಮಾ ಘಟ್ಟ ಥೈನ ರ‍್ಹೆ.
2TI 2:2 ಮಿ ಉಪದೆಶಕರಲ ಸಂಗತಿಯೊ ತು ಐಕ್ಯೊಸ. ತೆ ಬಿಜಾ಼ ಘನ್ನಾ ಮನಕ್ಹೊ ಐಕ್ಯಾಸ. ತು ತೆ ಸಂಗತಿಯೊ ಉಪದೆಶ ಕರ. ತುನೆ ಬರೊಕ್ಹೊ ಮ್ಹೆಲಾಲಾ ದಕ್ಹಾ ಜ಼ನಾವೊನೆ ತೆ ಉಪದೆಶೊ ದೆ. ತೆಳಾಮಾ ತ್ಯುನೆ ತೆ ಸಂಗತಿಯೊನೆ ಬಿಜಾ಼ವೊನೆ ಉಪದೆಶ ಕರಾನೆ ಥಾವಸ.
2TI 2:3 ಕ್ರಿಸ್ತ ಯೆಸುನೊ ಕ್ಹರಿನೊ ಚೊ಼ಕೊ ಸೈನಿಕ ಲಿಂಗತ ಹಮೊನೆ ರ‍್ಹವಾನು ತ್ರಾಸಮಾ ತು ವಾಟೊಲಿವಾಲೊ ಥಾ.
2TI 2:4 ಸೈನಿಕ ತಿನಾ ಸೈನ್ಯಾದಿಕಾರಿನೆ ಪಸಂದ ಔ ಕೈನ ಆಸ ಕರಸ. ತಿನಾಹುತಿ ತೆ ಸೈನಿಕ ಲೊಕ ವ್ಯವಹಾರಮಾ ಅಟಕ್ಯಾವಾಚಿ ಹುಶಾರಮಾ ರ‍್ಹವಸ.
2TI 2:5 ನ್ಹಾಟಾನು ಖೆಲಮಾ ಝಿತ್ತು ಕದ್ಯಾಮ, ನ್ಹಾಟಾಲೊ ಕ್ಹಾರಾ ನಿಯಮೊ ಪಾಲಸು.
2TI 2:6 ಮ್ಹೈನತಕ್ಹು ಕಾಮ ಕರಾಲಾ ರೈತನೆ ಬೆಳಿಮಾ ಪೈಲಾ ಪಾಲ ಮಳು.
2TI 2:7 ಮಿ ಕವಾನು ಎ ಸಂಗತಿಯೊನಾ ಹುತಿ ವಿಚಾರ ಕರ. ಎ ಕ್ಹಾರಾ ಸಂಗತಿಯೊ ತಿಳ್ದಿಲಿವಾನು ಗ್ಯಾನ ಪ್ರಭು ತುನೆ ದಿವಸ.
2TI 2:8 ಯೆಸು ಕ್ರಿಸ್ತನೆ ಶೆ ಕರಲೆ. ತೆ ದಾವಿದನಾ ಕ್ಹಾಂದಾನನೊ ವ್ಹೈ. ತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊ. ಎ ಸುವಾರ್ತೆಜ಼ ಮಿ ಮನಕ್ಹೊನೆ ತಿಳಸೌಸ.
2TI 2:9 ಎ ಕಾರಣಕ್ಹು ತ್ರಾಸ ಖಾವಾಡೊಸ. ಕೆಟ್ಟ ಮನಕ್ಹ ಲಿಂಗತ ಬೆಡಿಯೊಕ್ಹು ಭಂದೈ ಗಯೊಸ. ರ‍್ಹೈತುಬಿ ಕ್ಹುದಾನಾ ವಾಕ್ಯಾನೆ ಬಂಧನ ನತ್ತಿ.
2TI 2:10 ತಿನಾಹುತಿ ಮಿ ತಾಳ್ಮೆಕ್ಹು ಎ ತ್ರಾಸೊನೆ ಅಪನೈಲಿವಸ. ಕಾಕದ್ಯಾಮ ಕ್ಹುದಾ ಇನಿಲಿದ್ಯಲ ಮನಕ್ಹೊನೆ ಸಹಾಯ ಕರು ಕೈನ ಮಾರು ಆಸ ವ್ಹೈ. ತೆ ಮನಕ್ಹೊ ಕ್ರಿಸ್ತ ಯೆಸುಮಾ ರಕ್ಷಣೆ ಪಡ್ದಿಲ್ಯು ಕೈನ ಮಿ ಎ ಕ್ಹಾರಾ ತ್ರಾಸೊನೆ ಸ್ವಿಕಾರ ಕರಲಿದ್ಯೊಸ. ತೆ ರಕ್ಷಣೆನಾ ಕ್ಹಾತೆ ಹಮೆಶಾನು ಜ಼ಲಮ ಮಳಸ.
2TI 2:11 ಎ ಉಪದೆಶ ಕ್ಹರಿನು ವ್ಹೈ; "ಅಪೆ ತಿನಾಕ್ಹಾತೆ ಮರಲ ರ‍್ಹಯಮ, ತಿನಾಕ್ಹಾತೆ ಜಿವ್ತಾ ರ‍್ಹೈಯೆಸ.
2TI 2:12 ಅಪೆ ಕಷ್ಟನೆ ಸ್ವಿಕಾರ ಕರಲಿದ್ಯಾಮ, ತಿನಾಕ್ಹಾತೆ ರ‍್ಹೈಯೆಸ. ಅಪೆ ತಿನೆ ಸ್ವಿಕಾರ ನೈ ಕರಲಿದ್ಯಾಮ, ತೆ ಅಪೊನೆ ಸ್ವಿಕಾರ ನೈ ಕರಲೆತೊ.
2TI 2:13 ಅಪೆ ಬರೊಕ್ಹೊ ನೈಸೊವಾಲಾ ರ‍್ಹಯಾತುಬಿ, ತೆ ಹಜು಼ನಬಿ ಬರೊಕ್ಹೊ ರ‍್ಹಯಲವಾಲೊ ವ್ಹೈ; ಕಾಕದ್ಯಾಮ ತೆ ತಿನಿ ಸ್ವಭಾವನೆ ವಿರುದ್ದ ನೈ ರ‍್ಹೆಸಕ್ತೊ.
2TI 2:14 ಮನಕ್ಹೊನೆ ಎ ಸಂಗತಿಯೊ ತಿಳಸ್ತೊ ರ‍್ಹೆ. ವಾತೊನಾಹುತಿ ವಾದ ಕರು ನೈ ಕೈನ ತ್ಯುನೊನೆ ಕ್ಹುದಾನಿ ಸನ್ನಿದಾನಮಾ ಹುಶಾರ ಕರ. ವಾದ-ವಿವಾದಕ್ಹು ಕಿನೆಜ಼ ಚೊ಼ಕು ನೈ ಥಾತು. ವಾದ-ವಿವಾದ ಐಕಾಲಾ ಮನಕ್ಹೊ ನಾಶ ಥಾವಸ.
2TI 2:15 ಕ್ಹುದಾನಿ ನಜ಼ರಮಾ ಯೊಗ್ಯ ಮನಕ್ಹ ಥಾವಾನೆ ತುಕ್ಹು ಥಾಯೆ ಯಕ್ಲು ಕೊಶಿಶ ಕರ ವರಿ ತುನೆಜ಼ ಒಪ್ಸಿನ ದೆ. ತಿನಾ ಕಾಮಮಾ ನೈ ಸರಮಾಲೊ ಕಾಮವಾಲೊ ಥಾ, ಕದ್ಯಾಮ ಕ್ಹರಿನು ಉಪದೆಶ ಯೊಗ್ಯಕ್ಹು ಕವಾಲೊ ಥಾ.
2TI 2:16 ಅಶುದ್ಧ ರ‍್ಹಯಲ ವ್ಯರ್ಥ ಸಂಗತಿಯೊ ಬೊಲಾಲಾ ಮನಕ್ಹೊಕ್ಹು ದುರ ರ‍್ಹೆ. ತೆಯ್ಯೊ ವಾತೊ ಮನಕ್ಹೊನೆ ಕ್ಹುದಾಕ್ಹು ಹಜು಼ನ ದುರ ಕರಸ.
2TI 2:17 ತ್ಯುನಾ ಕೆಟ್ಟ ಉಪದೆಶೊ ಅಂಗಮಾ ಫೈಲಾನಾ ರೊಗೊ ಲಿಂಗತ ಜಾಸ್ತ ಥಾವಸ. ಹುಮೆನಾಯ ವರಿ ಪಿಲೆತನ ತಿನಾ ಲಿಂಗತ ಬೊಧನೆ ಕರಲ ಮನಕ್ಹೊ ವ್ಹೈ.
2TI 2:18 ತ್ಯುನೆ ಕ್ಹರಿನು. ಕ್ಹಾರಾ ಮನಕ್ಹೊನೆ ಥಾವಾನು ಪುನರುತ್ಥಾನ ಕೆಳಾಮಾಜ಼ ಥೈ ಗಯುಸ ಕೈನ ತ್ಯುನೆ ಕವಸ. ತ್ಯುನೆ ಭಂಬಿಜ಼ನಾ ದಕ್ಹಾ ಮನಕ್ಹೊನೊ ಬರೊಕ್ಹೊ ಹಾಳ ಕರ‍್ಯಾಸ.
2TI 2:19 ತೆನೈಸೊ ಕ್ಹುದಾನಿ ಮ್ಹೊಟಿ ಬುನಾದಿ ಹಲ್ತಿಜ಼ ನೈ" ಪ್ರಭುನೆ ತಿನಾ ಕುನ್ ವ್ಹೈ ಕೈನ ಗ್ವತ್ತ ಛೆ "ವರಿ "ಪ್ರಭುಮಾ ಬರೊಕ್ಹೊ ಮ್ಹೆಲ್ಯಲವಾಲಾ ಕೆಟ್ಟ ವಾಟ ಛೊಡಿಪಾಡು "ಕೈನ ತೆ ಬುನಾದಿನಾ ಉಪ್ಪರ ಬರ್ದ್ಯಾಸ.
2TI 2:20 ಮ್ಹೊಟಾ ಘರಮಾ ಕ್ಹೊನು-ರುಪ್ಪಾಕ್ಹೊ ಕರ‍ಲ ಸಾಮನೊ ರ‍್ಹವಸ. ತೆನೈಸೊ ಝಾಡಕ್ಹು, ಮಾತಿಕ್ಹು. ಕರ‍ಲ ಸಾಮನೊ ರ‍್ಹವಸ. ದಕ್ಹಾವೊನೆ ಚೊ಼ಕಾ ಕಾಮೊನೆ ಉಪಯೊಗ ಕರಸ. ದಕ್ಹಾ ಕೆಟ್ಟ ಕಾಮೊನೆ ಉಪಯೊಗ ಕರಸ.
2TI 2:21 ಇಮ್ಮ ರ‍್ಹತಾಮಾ ಯಕ್ಲೊ ತಿನಾ ಕೆಟ್ಟ ಕಾಮೊ ಚೊ಼ಡಿನ ತಿನೆಜ಼ ತೆ ಶುದ್ಧ ಕರಿಲಿದ್ಯೊರೆ ತಿನೆ ಖಾಸ ಕಾಮೊನೆ ಉಪಯೊಗ ಕರಸ. ತೆ ಕ್ಹುದಾನಿ ಸೆವೆನೆ ಚಾ಼ಯೆ ಥಯಲವಾಲೊ ವ್ಹೈ; ಸೌಕಾರನೆ ಉಪಯೊಗ ಥಾವಸ; ಚೊ಼ಕಾ ಕಾಮೊ ಹತ್ತಮಾ ಲಿವಾನೆ ತಯ್ಯಾರ ಥಾವಸ.
2TI 2:22 ಜಾಂಜಿಮಾನೊ ಆಸ ಕರಾನಾ ಕೆಟ್ಟ ಕಾಮೊಕ್ಹು ತು ದುರ ರ‍್ಹೆ. ಮಯಾ, ಬರೊಕ್ಹೊ ವರಿ ಶಾಂತಿ ವ್ಹಂದಲವಾಲೊ ಥೈನ ನಿತಿಕ್ಹು ಜಿ಼ವ್ಸಾನೆ ಕೊಶಿಶ ಕರ. ಪ್ರಭುಮಾ ಬರೊಕ್ಹೊ ಮ್ಹೆಲಲ ವರಿ ಪರಿಶುದ್ಧ ಮನಸ್ಸ ರ‍್ಹಯಲ ಮನಕ್ಹೊನಾ ಕ್ಹಾತೆ ಮಳಿನ ಎ ಕಾಮೊ ಕರಿನ ಪ್ರಭುನೆ ಸಹಾಯನೆ ಬಲಾವೊ.
2TI 2:23 ಗ್ಯಾನ ನೈಸೊ ವರಿ ವ್ಯರ್ಥ ಥಯಲ ವಾದ-ವಿವಾದಕ್ಹು ದುರ ರ‍್ಹೆ. ತೆ ವಾದ-ವಿವಾದ ಲಡೈಕ್ಹು ದುರ ರ‍್ಹೌ ಕವಾನು ತುನೆ ಗ್ವತ್ತ ಛೆ.
2TI 2:24 ಪ್ರಭುನೊ ಸೆವಕ ವಾದವಿವಾದ ಕರುಜ಼ ನೈ. ತು ಹರ ಯಕ್ಕಲಾವೊನೆ ಮರಗಾ ದೆಕಾಡು; ಚೊ಼ಕೊ ಉಪದೆಶ ಕರಾಲೊ ಥೌ; ತಾಳ್ಮೆಕ್ಹು ರ‍್ಹೌ.
2TI 2:25 ತು ತಾರಾ ಕ್ಹಾತೆ ನೈ ಮಳಾನಾ ಮನಕ್ಹೊನೆಬಿ ಚೊ಼ಕಾ ತರಾ ಉಪದೆಶ ಕರು. ತ್ಯುನೆ ಕ್ಹರಿನೆ ಒಪ್ಪಿಲಿವಾವರಕ್ಹು ಕ್ಹುದಾ ತ್ಯುನಾ ಮನಸ್ಸೊನೆ ಬದಲಸ್ತೊ.
2TI 2:26 ತೆ ತಿನಿ ಆಸಲಿಂಗತ ತ್ಯುನಾಕ್ಹು ಕಾಮೊ ಕರಿಲಿವಾಡೊಸ ತೆನೈಸೊ ತ್ಯುನೆ ಹುಶಾರ ಥೈನ, ಸೈತಾನನೆ ತ್ಯುನೊನೆ ಬಲಿಮಾ ಪಾಡ್ಯಲ ವಳ್ಕಿನ ವರಿ ಸೈತಾನನಿ ಬಲಿಕ್ಹು ಚು಼ಕೈಲಿವ.
2TI 3:1 ಶೆಮಾ ಮ್ಹೆಲಿಲಿವೊ! ಲಾಸ್ಟನಾ ದಿನೊಮಾ ಘನ್ನಾ ಕೆಟ್ಟ ದಿನೊ ಆವಸ.
2TI 3:2 ತೆ ಟೈಮಮಾ ಮನಕ್ಹೊ ಸ್ವಾರಥಿಯೊ ಥಾವಸ, ದೊಕಡಾನಿ ಆಸ ರ‍್ಹಯಲವಾಲಾ ರ‍್ಹವಸ; ಖುದ್ದನಿ ತಾರಿಫ ಕರಿಲಿವಾಲಾ; ಸಿಟ್ಟ ರ‍್ಹಯಲವಾಲಾ; ಚಾಡಿಯೊ ಕವಾಲಾ ರ‍್ಹವಸ; ಮಾ ಬಾಪ್ನಿ ವಾತ ನೈ ಐಕಾಲಾ; ಮರಗಾ ನೈಸೊವಾಲಾ ರ‍್ಹವಸ; ಪವಿತ್ರ ನೈ ರ‍್ಹಯಲವಾಲಾ ರ‍್ಹವಸ;
2TI 3:3 ಬಿಜಾ಼ವೊನೆ ಮಯಾ ನೈ ಕರಾಲಾ ರ‍್ಹವಸ; ಮಾಫ ನೈ ಕರಾಲಾ ರ‍್ಹವಸ; ದೊಶ ಕರಾಲಾ ರ‍್ಹವಸ. ತ್ಯುನಾ ಉಪ್ಪರ ತ್ಯುನೊನೆ ಬರಕ್ಹೊ ನೈಸೊವಾಲಾ ರ‍್ಹವಸ; ಚೊ಼ಕು ರ‍್ಹಯಲನೆ ನೈ ಶೆರಾಲಾ ರ‍್ಹವಸ; ಅಹಂಕಾರಿಯೊ ರ‍್ಹವಸ.
2TI 3:4 ಲಾಸ್ಟನಾ ದಿನೊಮಾ ಮನಕ್ಹೊ ದೊಸ್ತೊನೆ ಮೊಸ ಕರಾಲಾ ರ‍್ಹವಸ; ದುಡಕಿನ ಪಿಸಾಳಾವೊಲಿಂಗತ ಕಾಮೊ ಕರಾಲಾ ರ‍್ಹವಸ; ಅಹಂಕಾರಕ್ಹು ಫುಗ್ಗಾಲಾ ರ‍್ಹವಸ; ಕ್ಹುದಾನೆ ಮಯಾ ಕರ‍್ಯಾವಾಚಿ ವ್ಯಭಿಚಾರನೆ ಮಯಾ ಕರಾಲಾ ರ‍್ಹವಸ;
2TI 3:5 ತೆ ಮನಕ್ಹೊ ತ್ಯುನೆ ಕ್ಹುದಾನಿ ಸೆವಾ ಕರಾಲಾ ವ್ಹೈ ಕೈನ ನಾಟಕ ಕರತಾ ರ‍್ಹವಸ. ತೆನೈಸೊ ತ್ಯುನೆ ಕ್ಹರಿಮಾಜ಼ ತಿನಿ ಕ್ಹರಿನಿ ತಾಕತನೆ ಇನ್ಕಾರ‍್ಯಾಸ. ತು, ತ್ಯವಾ ಮನಕ್ಹೊಕ್ಹು ದುರ ರ‍್ಹೆ.
2TI 3:6 ತ್ಯುನೊಮಾ ದಕ್ಹಾಜ಼಼ನಾ ಘರೊನೆ ಗೈನ, ಪಾಪಿಯೊ ಥಯಲ ಬಾಕಡಿಯೊನೆ ತೆ ಬಾಕಡಿಯೊ ಘನ್ನಾ ಪಾಪನಾ ಅಪರಾದೊ ಕ್ಹು ರ‍್ಹವಸ.
2TI 3:7 ತೆ ಬಾಕಡಿಯೊ ಕೆಳಾಮಾಬಿ ನವಾ ಉಪದೆಶೊ ಶಿಕ್ಕಾನೆ ಕೊಶಿಶ ಕರ‍್ಯಾತುಬಿ ಕ್ಹರಿನೆ ಪುರಾ ತಿಳದಿಲಿವಾನೆ ತ್ಯುನೊನೆ ನೈ ಥಾತು.
2TI 3:8 ಯನ್ನ ವರಿ ಯಂಬ್ರನೊನೆ ಮೊಶೆನೆ ವಿರೊಧ ಕರ‍್ಯಾ. ಎ ಮನಕ್ಹೊ ಇವ್ನಾ ಲಿಂಗತಜ಼ ವ್ಹೈ. ತ್ಯುನೆ ಕ್ಹರಿನೆ ವಿರೊಧ ಕರಸ. ತೆ ಮನಕ್ಹೊನಾ ವಿಚಾರೊ ಕ್ಹಾರಾ ಗಲಿಬಿಲಿ ಥೈ ಗಯಾಸ. ತ್ಯುನೆ ಬರೊಕ್ಹೊಮಾ ಚಾ಼ಲಾನಿ ತ್ಯುನಿ ಕೊಶಿಶಮಾ ಹಾರಿ ಗಯಾಸ.
2TI 3:9 ತೆನೈಸೊ ತ್ಯುನಾ ಕಾಮೊಮಾ ತ್ಯುನೊನೆ ಜಯಾ ನೈ ಮಳ್ತಿ. ತ್ಯುನೆ ಗ್ಯಾನ ನೈಸೊವಾಲಾ ವ್ಹೈ ಕೈನ ಕ್ಹಾರಾ ಮನಕ್ಹೊನೆ ದಿಕ್ಹಸ. ಯನ್ನ, ಯಂಬ್ರರನೆ ಇಮ್ಮಜ಼ ಥೈಯು.
2TI 3:10 ತುತೊ ಮಾರಿ ಭೊದನೆನಾ ಲಿಂಗತ ಚಾ಼ಲಿನ ಉದ್ದೆಶ ಬರೊಕ್ಹೊ ಮಯಾ ಅಗಾ ಬಡಾವಾನು ಎಜ಼ ವ್ಹೈ.
2TI 3:11 ಮನೆ ಥಯಲ ತ್ರಾಸ ವರಿ ಕಷ್ಟನಾ ಹುತಿ ತುನೆ ಗ್ವತ್ತ ಛೆ. ಅಂತಿಯೊಕ್ಯ, ಇಕೊನ, ಲುಸ್ತ್ರಮಾ ಮನೆ ಥಯಲ ಕ್ಹಾರಿ ಸಂಗತಿಯೊ ತುನೆ ಗ್ವತ್ತ ಛೆ. ಮಿ ತೆ ಜ಼ಗಾವೊಪರ ಥಯಲ ತ್ರಾಸೊ ತಡ್ದಿಲಿದ್ಯೊ. ತೆನೈಸೊ ತೆ ಕ್ಹಾರಾ ತ್ರಾಸೊಮಾತೊ ಪ್ರಭು ಮನೆ ವಚಾ಼ಡ್ಯೊ.
2TI 3:12 ಕ್ರಿಸ್ತ ಯೆಸುಮಾ ಕ್ಹುದಾನಿ ಭಕ್ತಿಮಾ ಜಿವ್ಸಾಲಾ ಹರ ಯಕ್ಲಾ ತ್ರಾಸ ಕ್ಹಾವಸ.
2TI 3:13 ಕೆಟ್ಟ ಮನಕ್ಹೊ ವರಿ ಸುಳ್ಳ ಬೊಧಕೊ ಬಿಜಾ಼ವೊನೆ ಮೊಸ ಕರತಾ ತ್ಯುನೊನೆಬಿ ಮೊಸ ಕರ‍್ಲೆತಾ ದಿನ್ನತಾ ದಿನ್ನೆ ಕಿಳಮಟ್ಟೆ ಉತರತಾ ಜಾ಼ವಸ.
2TI 3:14 ತೆನೈಸೊ ತು ಶಿಕ್ಕಲ ಉಪದೆಶೊನೆ ಚಾ಼ಲಿಲಿನಜಾ಼. ತೆ ಕ್ಹರಿಜ಼ ವ್ಹೈ ಕೈನ ತುನೆ ಗ್ವತ್ತ ಛೆ. ತೆ ತುನೆ ಶಿಕ್ಲಾಯಲ ಮನಕ್ಹೊ ಬರೊಕ್ಹೊಮಾ ಘಟ್ಟ ಥೈನ ರ‍್ಹೆ ತುಮೊನೆ ಗ್ವತ್ತ ಛೆ ತುಮೊನೆ ಶಿಕ್ಲಾಯಲವಾಲು ಕುನ ವ್ಹೈ ಕವಾನು.
2TI 3:15 ತು ಶೆ ಕರಿಲೆ ನ್ಹಾನ ಪಂತೊಜ಼ ತುನೆ ಪವಿತ್ರ ಗ್ರಂಥನಾ ಹುತಿ ಗ್ವತ್ತ ಛೆ. ತುನೆ ಗ್ಯಾನಿ ಕರಾನೆ ಎ ಪವಿತ್ರ ಗ್ರಂಥಜ಼ ಕಾರಣ ವ್ಹೈ. ಕ್ರಿಸ್ತ ಯೆಸುಮಾ ರ‍್ಹವಾನೊ ಬರಕ್ಹಾಕ್ಹು ಎ ಗ್ಯಾನ ರಕ್ಷಣೆಮಾ ಚ಼ಲಾವಸ.
2TI 3:16 ಕ್ಹಾರಿ ವಾಕ್ಯಾ ಕ್ಹುದಾನಿ ಪ್ರೆರಣಾಕ್ಹುಜ಼ ಥಯುಸ. ಉಪದೆಶ ಕರಾನಾ ಹುತಿ ದೆಕ್ಲಾಡಿನ ದಿವಾನೆಬಿ ತಿದ್ದಿಲಿವಾನೆಬಿ ಚೊ಼ಕಿ ಬೊಧನೆನೆ ತೆ ಉಪಯೊಗ ಥೈಯುಸ.
2TI 3:17 ತಿನಾಹುತಿ ಕುನ್ನ ಕ್ಹುದಾನಿ ಸೆವಾ ಕರುಸ ಕವಾಲೊ ತಯ್ಯಾರ ರ‍್ಹೈನ ಕ್ಹಾರಿ ತರಾನಾ ಚೊ಼ಕಾ ಕಾಮೊನೆ ಯೊಗ್ಯ ಥಾವಸ.
2TI 4:1 ಜಿವ್ತಾ ರ‍್ಹಯಲ ಮನಕ್ಹೊನೆ ಮರಿಗಯಲ ಮನಕ್ಹೊನೆ ಫೈಸಲೊ ಕರಾಲೊ ಕ್ರಿಸ್ತ ಯೆಸು ವ್ಹೈ. ತೆ ತಿನಿ ರಾಜ್ಯನೆ ವ್ಹಂದಿಲಿದ್ಯೊಸ. ತೆ ರಾಜೊ಼ ಥೈನ ಅದಿಕಾರ ಕರಾನೆ ವರಿ ಆವಾಡೊಸ. ತಿನಾಹುತಿ ಯೆಸು ಕ್ರಿಸ್ತನಾ ವರಿ ಕ್ಹುದಾನಿ ಸನ್ನಿಧಿಮಾ ಮಿ ತುನೆ ಕವಾನು ಸು ವ್ಹೈ ಕದ್ಯಾಮ,
2TI 4:2 ಸುವಾರ್ತೆ ಮನಕ್ಹೊನೆ ತಿಳಸಾ. ದಿನ್ನೊ ಚೊ಼ಕಾ ರ‍್ಹೈತುಬಿ ನೈ ಚೊ಼ಕಾ ರ‍್ಹೈತುಬಿ ಬೊಧನೆ ಅಗೊ ಬಡಾತೊಜಾ಼. ಮನಕ್ಹೊ ಕರಾನು ತ್ಯುನೊನೆ ತಿಳಸಾ. ತ್ಯುನೆ ತಪ್ಪ ಕರ‍್ತಾಮಾ ತೆ ತ್ಯುನೊನೆ ದೆಕಾಡಿನ ದೆ ವರಿ ತ್ಯುನೊನೆ ಪ್ರೊತ್ಸಾಹ ಕರ ತ್ಯುನೊನೆ ಭುಚ್ಕಾ಼ಡ, ತ್ಯುನೊನೆ ಪ್ರೊತ್ಸಾಹ ಕರ ಎ ಕ್ಹಾರು ಹುಷಾರಕ್ಹು ವರಿ ತಾಳ್ಮೆಕ್ಹು ಕರ.
2TI 4:3 ಮನಕ್ಹೊ ಕ್ಹರಿನು ಶಿಕ್ಕಲಾವಾನು ನೈ ಐಕಾನೊ ದಿನ್ನ ಆವಾನೊ ಛೆ. ಮನಕ್ಹೊ ತ್ಯುನೊನೆ ಚೊ಼ಕಾ ಲಾಗಾನಾ ಬೊಧಕೊನೆ ವರಿ ತ್ಯುನಾ ಕಾನೊನೆ ಚೊ಼ಕಿಲಾಗಾನಿ ಬೊಧನಾ ಕರಾಲಾ ಬೊಧಕೊ ಹುಡ್ಕಸ್.
2TI 4:4 ಮನಕ್ಹೊ ಕ್ಹರಿನೆ ಧ್ಯಾನ ದಿದ್ಯಾವಾಚಿ ಸುಳ್ಳ ಕಾನಿಯೊ ಘೊರ ಕರಿನ ಐಕಸ.
2TI 4:5 ತೆನೈಸೊ ತು ಕ್ಹಾರಾ ಟೈಮಮಾ ತಾರಾಕ್ಹು ತುನೆ ಹತೊಟಿಮಾ ಮ್ಹೆಲ್ಲೆ. ತ್ರಾಸೊ ಐಯುಮ ತಡದಿಲೆ. ಸುರವಾತೆ ಕೆ. ಕ್ಹುದಾನಾ ಸೆವಕನೆ ಯೊಗ್ಯ ಥಯಲ ಕ್ಹಾರಾ ಕಾಮೊ ಕರ‍್ತೊ ರ‍್ಹೆ.
2TI 4:6 ಕಾಕದ್ಯಾಮ ಮಿ ತುಬಿಮಾರ ಹುತಿ ಕೌ ಕದ್ಯಾಮ ಮಾರಿ ಜಿವಿತ ಬಲಿದಾನನೊ ಟೈಮ ನಜಿ಼ಕ ಆಯೊಸ.
2TI 4:7 ಖೆಲಮಾ ಮಿ ಚೊ಼ಕೊ ಖೆಲ್ಯೊ. ವರಿ ಮಾರಿ ನ್ಹಾಟ ಕ್ಹರಾಯೊಸ; ಮಾರಾ ಬರೊಕ್ಹೊನಾ ವಚಾ಼ಡಿಲಿದ್ಯೊಸ.
2TI 4:8 ಚೊ಼ಕಾವೊನೆ ಮಳಾನಿ ಜಿತನಿ ಮಾಲಾ ಹಮ್ನಾ ಮನೆ ತಯ್ಯಾರ ಥೈಸ. ಚೊ಼ಕೊ ರ‍್ಹಯಲ ನ್ಯಾಯ ಕರಾಲೊ ಪ್ರಭು ಮನೆ ತೆ ದಿನಮಾ ದಿವಸ. ಮನೆ ತೆಕ್ಲುಜ಼ ನೈಸೊ ತೆ ಆವಾನು ಆಸ ಕರಿನ ತಿನಾಹುತಿ ಮಯಾಕ್ಹು ಕೈದಾವಾಲಾವೊನೆ ಎ ದಿವಸ.
2TI 4:9 ತುನೆ ಥಯಲ ತೆಕ್ಲು ಭೆಗಿನ ಮಕನ ಆ.
2TI 4:10 ದೆಮನ ಎ ಜಗತ್ನೆ ಘನ್ನೊ ಮಯಾ ಕರ‍್ಯೊ. ತಿನಾಹುತಿ ಮನೆ ಛೊಡಿನ ಥೆಸಲೊನಿಕೆ ಗಯೊ. ಕ್ರೆಸ್ಕನ ಗಲಾತ್ಯಯೆ ಗಯೊ. ತಿತಾ ದಲ್ಮಾತ್ಯ ಕವಾನಾ ಗಾಮೆ ಗಯೊ.
2TI 4:11 ಲುಕ ಯಕ್ಲೊಜ಼ ಮಾರಾ ಕ್ಹಾತೆ ಛೆ. ತು ಆತಾಮಾ ಮಾರಕನೆ ತಾರಾ ಕ್ಹಾತೆ ಬಲೈಲಿನ ಆ. ಕಾಕದ್ಯಾಮ ತೆ ಮಾರಿ ಸೆವಾನೆ ಮದದ ಕರಸ.
2TI 4:12 ಮಿ ತುಖಿಕನೆ ಪುರಾ ಅದಿಕಾರ ದಿನ್ನ ಎಫೆಸಮಾ ಮೊಕಲ್ಯೊ.
2TI 4:13 ಮಿ ತ್ರೊವಾಮಾ ರ‍್ಹತಾಮಾ ಕರಪಕನ ಮಿ ರ‍್ಹಯಲ ಟೈಮ್ಮಾ ಮಿ ಘಾಲ್ಲಿದಲ ಉಪ್ಪರಲ್ಯು ಅಂಗ್ಡು ಛೊಡಿನ ಆಯೊಸ. ತು ಮಕನ ಆತಾಮಾ ತೆ ತು ಲಿನ ಆ. ತು ಪೈಲಾ ಚಾ಼ಮ್ಡಾಕ್ಹು ಕರಲ ಸುರಳಿ ಲಿನ ವರಿ ಚಾಮ್ಡಾನಾ ಕಾಗತೊ ಲಿನ ಆ.
2TI 4:14 ತಾಂಬಾನು ಕಾಮ ಕರಾಲೊ ಅಲೆಕ್ಸಾಂಡರ ಮನೆ ಕೆಟ್ಟ ಕರ‍್ಯೊ ತೆ ಘನ್ನಾ ಕೆಟ್ಟ ಕಾಮೊನಾ ಹುತಿ ಕ್ಹುದಾ ತಿನೆ ಪ್ರತಿ ಪ್ಹಲ ದಿವಸ.
2TI 4:15 ತೆ ತುನೆಬಿ ತ್ರಾಸ ದಿದ್ಯಾವಾಚಿ ತು ಹುಶಾರ ರ‍್ಹೆ. ತೆ ಅಪ್ನಾ ಉಪದೆಶನಾ ವಿರುದ್ದ ಘನ್ನೊ ಹೊರಾಡ್ಯೊ.
2TI 4:16 ಪೈಲಾ ಮಿ ಮನೆ ವಚಾ಼ಡಿಲಿವಾನಾ ಹುತಿ ಕರತಾಮಾ ಕುನ್ನಜ಼ ಮನೆ ಸಾತ ದಿವಾನೆ ಆಯಾನೈ. ಕ್ಹಾರಾ ಮನೆ ಛೊಡಿನ ಗಯಾ, ಕ್ಹುದಾ ತ್ಯುನಾ ತಪ್ಪೊನೆ ಮೊಜೊ಼ ನೈ.
2TI 4:17 ವರಿ ಕ್ಹುದಾ ಮಾರಾ ಕ್ಹಾತೆ ವ್ಹತ್ತೊ. ಮಿ ಸುವಾರ್ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನೆ ಕ್ಹುದಾ ಮನೆ ತಾಕತ ದಿದ್ಯೊ. ತೆ ಮನೆ ಮರಣಮಾತೊ ವಚಾ಼ಡ್ಯೊ.
2TI 4:18 ಕುನಬಿ ಮನೆ ಕ್ಹಾರಾ ತ್ರಾಸೊ ದಿವಾನು ರ‍್ಹಯೊಮ, ಕ್ಹುದಾ ಮನೆ ವಚಾ಼ಡಸ ವರಿ ಕ್ಹುದಾ ಮನೆ ತಿನಾ ಸ್ವರಗಾಮಾ ಮಳೈಲಿವಸ. ಯುಗೊ ಯುಗೊಮಾ ಕ್ಹುದಾನಿ ಮಹಿಮಾ ಥಾವಾದೆ. ಆಮೆನ್.
2TI 4:19 ಪ್ರಿಸ್ಕಳಿನೆ, ಅಕ್ವಿಳನೆ ವರಿ ಒನೆಫೊರನ್ನಾ ಘರ ವಾಲಾವೊನೆ ಧನೈವಾದ ಕೆ.
2TI 4:20 ಎರಸ್ತನ ಕೊರಿಂಥಮಾ ವ್ಹತ್ತೊ. ತ್ರೊಫಿಮನ್ನೆ ಅರಾಮ ನೈ ರ‍್ಹಯಲ ಹುತಿ ಮಿ ತಿನೆ ಮಿಲೆತಮಾ ರ‍್ಹವಾ ಲಗಾಡ್ಯೊ.
2TI 4:21 ಥಂಡನಾ ದಿನೊತಿ ಅಗ್ದುರ ತುನೆ ಥಯಲ ತೆಕ್ಲು ಮಕನ ಆವಾನೆ ಕೊಶಿಶ ಕರ. ಯುಬೊಲ, ಪೊದೆಯೆ, ಲೀನ, ಕ್ಕಲೌದ್ಯ, ಇವ್ನೆ ವರಿ ಇವ್ನಾ ಭಾಯೊ ಭೆನೊ ತುನೆ ನಮಸ್ಕಾರ ಕದ್ಯಾಸ.
2TI 4:22 ಪ್ರಭು ತಾರಿ ಆತ್ಮಾನೆ ಕ್ಹಾತೆ ರ‍್ಹವಾದೆ, ತಿನಿ ಮರಗಾ ತುಮೊಪರ ರ‍್ಹವಾದೆ.
TIT 1:1 ಕ್ಹುದಾನೊ ಸೆವಕ ಥಯಲ ವರಿ ಯೆಸುನೊ ಅಪೊಸ್ತಲ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಇನಿಲಿನ ಮನಕ್ಹೊನೊ ಬರೊಕ್ಹೊ ಘಟ್ಟ ಕರಾಹುತಿ ವರಿ ಕ್ಹರಿ ಕವಾಹುತಿ ಮನೆ ಮೊಕಲ್ಯೊ. ಕ್ಹುದಾನಿ ಸೆವೆ ಕಿಮ ಕರು ಕೈನ ತೆ ಕ್ಹರಿ ದೆಕಾಡಿನ ದಿವಸ.
TIT 1:2 ಹಮೆಶಾನೊ ಜ಼ಲಮಪರ ಅಪೊನೆ ರ‍್ಹಯಲ ಬರೊಕ್ಹಾಕ್ಹುಜ಼ ತೆ ಬರೊಕ್ಹೊ ವರಿ ಗ್ಯಾನ ಹುಟ್ಯುಸ. ಹಮೆಶಾನೊ ಜ಼ಲಮ ದ್ಯುಸ ಕೈನ ಪೈಲಾತೊಜ಼ ಕ್ಹುದಾ ಅಪೊನೆ ವಾತ ದಿದಲ. ಕ್ಹುದಾ ಸುಳ್ಳ ನೈ ಬೊಲ್ತೊ.
TIT 1:3 ಕರೆಟ್ಟ ಟೈಮ ಆತಾಮಾ ಕ್ಹುದಾ ತೆ ಹಮೆಶಾನೊ ಜ಼ಲಮ ಜಗತ್ನೆ ದೆಕಾಡಿನ ದಿದ್ಯೊ. ಮನೆ ವಪ್ಸಿನ ದಿದಲ ಎ ಸಂದೆಶ ಅಪ್ನೊ ರಕ್ಷಕ ಥಯಲ ಕ್ಹುದಾನಿ ಆಗನ್ಯಾಲಿಂಗತ ಕವಾಡ್ಯೊಸ.
TIT 1:4 ಮಿ ಎ ಪತ್ರ ತಿತಾನೆ ಬರ್ದಾಡ್ಯೊಸ. ಅಪ್ನೊ ಬರೊಕ್ಹೊ ಸಂಬಂಧಮಾ ತು ಕ್ಹರಿನೊಜ಼ ಮಾರೊ ದಿಕ್ರಾನಿಂಗತ ಛೆ. ಮಾರೊ ಬಾ ಥಯಲ ಕ್ಹುದಾಕಂತೊ ವರಿ ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತ ಕಂತೊ ತುನೆ ಕೃಪಾ ವರಿ ಶಾಂತಿ ಮರಗಾ ಮಳಾದೆ.
TIT 1:5 ಹಜು಼ನ ಪುರಾ ನೈ ಥಯಲ ಕಾಮೊ ಪುರಾ ಕರಾಹುತಿ ಹರಿಯಕ್ಕ ಗಾಮ್ಮಾ ಸಬಾಪಾಲಕೊನೆ ಇನಿಲಿವಾನಾಹುತಿ ವರಿ ಉಪದೆಶ ಕವಾಹುತಿ ಮಿ ತುನೆ ತೆ ಜ಼ಗಾ ಛೊಡಿನ ಆಯೊ.
TIT 1:6 ಸಭಾಪಾಲಕ ಥಾವಾಲೊ ಕೆಟ್ಟ ಮನಕ್ಹ ವ್ಹೈ ಕೈನ ಕವೈಲಿದಲ ರ‍್ಹೌ ನೈ. ತಿನೆ ಯಕ್ಕಲಿಜ಼ ಬೈಕೊ ರ‍್ಹೌ. ತಿವ್ನಾ ಬಚ್ಚಾ಼ ವಿಸ್ವಾಶಿಯೊ ರ‍್ಹೌ. ತ್ಯುನೆ ಕೆಟ್ಟ ವ್ಹೈ ಕೈನ ಕವೈಲಿದಲ ರ‍್ಹೌ ನೈ.
TIT 1:7 ಸಬಾಪಾಲಕ ಕ್ಹುದಾನಿ ಸೆವೆ ಕಿಮ ಜವಾಬ್ದಾರಿ ಉಚೈಲಿದಲ ರ‍್ಹವಸ. ತಿನಾಹುತಿ ತೆ ಅಪಾರಾದಿ ವ್ಹೈ ಕೈ ಕವೈಲಿದಲ ರ‍್ಹೌ ನೈ; ಸ್ವಕ್ಕವಾಲೊ ರ‍್ಹೌ ನೈ; ತಿನಾಕ್ಹು ತಿನೆಜ಼ ದೆಕಿಲೆತೊ ರ‍್ಹೌ ನೈ; ವರಿ ಸಿಟ್ಟವಾಲೊ ರ‍್ಹೌ ನೈ; ವರಿ ಪಿದೊಡೊ ರ‍್ಹೌ ನೈ; ವರಿ ಲಡೈ ಕಾಡ್ತೊ ರ‍್ಹೌ ನೈ; ಮನಕ್ಹೊನೆ ಮೊಸ ಕರಿನ ಸೌಕಾರ ಥಾವಾನೆ ಕೊಶಿಶ ಕರತೊ ರ‍್ಹೌ ನೈ.
TIT 1:8 ಸಭಾ ಪಾಲಕ ಮನಕ್ಹೊನೆ ತಿನಾ ಘರೆ ಬಲೈನ ಮರ್ಯಾದಿ ದ್ಯು. ತೆ ಚೊ಼ಕಾನೆ ಮಯಾ ಕರು; ಗ್ಯಾನ ವಾಲೊ ರ‍್ಹೌ;ನಿತಿಂತ ರ‍್ಹೌವರಿ ಪರಿಶುದ್ಧ ರ‍್ಹೌ; ತೆ ತಿನಾ ಹತೊಟಿಮಾ ರ‍್ಹೌ;
TIT 1:9 ಅಪೆ ಕವಾನಿ ಸುವಾರ್ತೆ ತೆ ಬರೊಕ್ಹಾ ಕ್ಹು ವಪ್ಪಿಲಿದಲ ರ‍್ಹೌ, ವರಿ ತೆ ಕ್ಹರಿ ಕ್ಹು ವರಿ ಯೊಗ್ಯ ಕ್ಹು ಮನಕ್ಹೊನೆ ಭೊದನೆ ಕರತೊ ರ‍್ಹೌ. ತೆ ಕ್ಹರಿನಿ ಬೊಧನೆನಾ ವಿರುದ್ದ ಮನಕ್ಹೊನು ತಪ್ಪ ದೆಕಾಡಿನ ದಿವಾ ವರಕ್ಹೊ ರ‍್ಹೌ.
TIT 1:10 ಅವಿಧೆಯ ರ‍್ಹಯಲ ಮನಕ್ಹೊ ಘನ್ನಾ ಛೆ. ತ್ಯುನೆ ತ್ಯುನು ವಳಕೆವಾಚಿ ವರಿ ಬಿಜಾ಼ ಮನಕ್ಹೊನೆ ಕೆಟ್ಟ ವಾಟಪರ ಬಲೈಲಿನ ಜಾ಼ವಸ. ಯೆಹುದಿಯೊನೈಸೊ ಮನಕ್ಹೊನೆ ಸುನ್ನತಿ ಕರೈಲ್ಯು ಕೈನ ಕವಾಲಾ ಮನಕ್ಹೊನಾ ಹುತಿ ಮಿ ಕವಾಡ್ಯೊಸ.
TIT 1:11 ತೆ ಮನಕ್ಹೊನು ಬೊದನೆ ತಪ್ಪ ವ್ಹೈ ಕೈನ ದೆಕಾಡಿನ ದಿವಾನು ವರಿ ಉಪಯೊಗನೈಸೊ ಕಾಮೊ ವ್ಹೈ ಕೈನ ಸಬಾಪಾಲಕ ದೆಕಾಡಿನ ದಿವಾ ವರಕ್ಹೊ ರ‍್ಹೌ. ತ್ಯುನೆ ನೈಸೊ ಕರಾನು ಉಪದೆಶ ಸಂಗತಿಯೊ ಕರಿನ ಕ್ಹಾರು ಖಾಂದಾನ ಹಾಳ ಕರಿಪಾಡ್ಯಾಸ. ತ್ಯುನೆ ಮನಕ್ಹೊನೆ ಮೊಸ ಕರಿನ, ದೊಕ್ಡಾ ಗಳ್ಸಾನಾ ಹುತಿ ತೆ ಕ್ಹಾರಿಯೊ ವಾತೊ ಕವಸ.
TIT 1:12 ತ್ಯುನೆ ಪ್ರವಾದಿಯೊಮಾನೊ ಯಕ್ಲೊ ವ್ಹೈ"ತೆ ಜ಼ಗಾನಾ ಮನಕ್ಹೊ ಹಮೆಶಾಬಿ ಸುಳ್ಳ ಬೊಲಸ. ತ್ಯುನೆ ಕೆಟ್ಟ ಜಾನವರೊ ಥಯಾಸ; ಬೆಜ್ಜಾರಕ್ಹು ಕಾಮ ನೈ ಕರಾಲಾ ಥೈನ ಪೆಟ ಡೊಗ್ಗಾಯೆ ನೈಸೊ ಥಯಾಸ "ಕೈನ ಕದ್ಯೊಸ.
TIT 1:13 ಪ್ರವಾದಿಯೊ ಕದಲ ವಾತೊ ಕ್ಹರಿನಿಯೊಜ಼ ವ್ಹೈ. ತಿನಾಹುತಿ ತ್ಯುನೆ ಕರಾನಾ ತಪ್ಪೊ ತ್ಯುನೊನೆ ಕೆ. ತು ತ್ಯುನಾ ಹುತಿ ಸಿಸ್ತ ರ‍್ಹೌ, ತೆಳಾಮಾ ತ್ಯುನೆ ಬರೊಕ್ಹಾ ಪರ ಘಟ್ಟ ಥೈನ,
TIT 1:14 ವರಿ ಯಹುದ್ಯೊ ವಿಚಾರ ಕರಿನ ಕದಲ ಕಾನಿಯೊ ತ್ಯುನೆ ವಪ್ಪಿಲೆತಾ ನೈ. ವರಿ ಕ್ಹರಿ ನೈ ವಪ್ಪಾಲಾ ಮನಕ್ಹೊ ಆಗನ್ಯಾ ಪಾಲಸ್ತಾ ನೈ.
TIT 1:15 ಪರಿಶುದ್ಧ ಥಯಲ ಮನಕ್ಹೊ ತ್ಯುನಾ ಕ್ಹಾರಾಜ಼ ಮನಕ್ಹೊ ಪರಿಶುದ್ಧ ಥಯಲ ರ‍್ಹವಸ. ತೆನೈಸೊ ಪಾಪಮಾಜ಼ ಭರಿಗಯಲ ವರಿ ಬರೊಕ್ಹೊ ನೈಸೊ ವಾಲಾ ಮನಕ್ಹೊ ತ್ಯುನೊಮಾ ಕಯುಜ಼ ಪರಿಶುದ್ಧ ರ‍್ಹತು ನೈ, ತ್ಯುನಿಯೊ ವಿಚಾರೊ ವರಿ ತ್ಯುನು ಮನಸ್ಸಬಿ ಪರಿಶುಧ್ದ ರ‍್ಹತು ನೈ.
TIT 1:16 ಕ್ಹುದಾನಾ ಹುತಿ ತ್ಯುನೊನೆ ಕಳ್ಯುಸ ಕೈನ ಕದ್ಯಾ. ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ ಕೈನ ತ್ಯುನಾ ಕೆಟ್ಟ ಕಾಮೊಕ್ಹು ದೆಕಾಡಿನ ದಿವಸ. ತ್ಯುನೆ ಘನ್ನಾ ಕೆಟ್ಟ ಮನಕ್ಹೊ ವ್ಹೈ. ವರಿ ತ್ಯುನೆ ಚೊ಼ಕಾ ಕಾಮೊ ಕರಾನೆ ಯೊಗ್ಯ ನ್ಹವೈ.
TIT 2:1 ತೆ ನೈಸೊ ತು ತೆಜ಼ ಶಿಕ್ಲಾ ಕ್ಹರಿನು ಉಪದೆಶ ಕವಾಲಾ ಥೈನ ರ‍್ಹೌ.
TIT 2:2 ಶಾನಾ ಮನಕ್ಹೊನೆ ಸಿಕ್ಲಾ ತ್ಯುನೆ ಮರ್ಯಾದಿವಾಲಾ ವ್ಹೈ. ತ್ಯುನಾಕ್ಹು ತ್ಯುನೊನೆ ಹತೊಟಿಮಾ ಮ್ಹೆಲ್ಲ್ಯು ಮಯಾಮಾ ವರಿ ಬರೊಕ್ಹಾಮಾ ತಟ್ದಿಲಿವಾಲಾ ವರಿ ಘಟ್ಟ ಥೈನ ರ‍್ಹೌ.
TIT 2:3 ಇನಾ ಲಿಂಗತಜ಼ ವೈಸ್ ಥಯಲ ಬಾಕ್ಡಿಯೊನೆ ಸಿಕ್ಲೌ ಪರಿಶುದ್ಧ ರ‍್ಹಯಲ ಮನಕ್ಹೊ ಯೊಗ್ಯರ‍್ಹಯಲ ಕಾಮೊ ಕರು. ಚಾಡಿಯೊ ಕವಾಲಿಯೊ ರ‍್ಹೌ ನೈ ದಾರುನೆ ಗುಲಾಮ ಥೈನ ರ‍್ಹೌ ನೈ. ತ್ಯುನೊನೆ ಚೊ಼ಕಿಯೊಜ಼ ವಾತೊ ಶಿಕ್ಲಾವಾಲಿಯೊ ರ‍್ಹೌ.
TIT 2:4 ತೆನೈಸೊ ಜಾಂಜಿಮಾನ ಬಾಕ್ಡಿಯೊನೆ ತ್ಯುನೆ ಶಿಕ್ಲಾವಾದೆ ತ್ಯುನಾ ತ್ಯುನಾ ಬಚ್ಚಾ಼ವೊನೆ ಮಾಟಿಯೊನೆ ಮಯಾ ಕರಾಲಿಯೊ ರ‍್ಹೌ.
TIT 2:5 ತ್ಯುನೆ ಖುದ್ದನಾ ಹತೊಟಿಮಾ ಪರಿಶುದ್ಧ ಚೊ಼ಕಿಯೊ ಘರ್ಮಾನಿಯೊ ಹೆಣ ಮನಕ್ಹೊ ಥೈನ ತ್ಯುನಾ ಮಾಟಿಯೊನೆ ಅದಿನ ಥೈನ ರ‍್ಹೌ. ಇಮ್ಮ ಕ್ಹುದಾನಿ ವಾಕ್ಯಾನೆ ಕುನ್ನಜ಼ ಹಿನಾವಾನೆ ದ್ಯುನೈ.
TIT 2:6 ಇನಾಲಿಂಗತ ಜಾಂಜಿಮಾನೊನೆ ಗ್ಯಾನಿಯೊ ಥೈನ ರ‍್ಹವೊ ಕೈನ ತಿಳಸಾ.
TIT 2:7 ಕ್ಹಾರಾ ಕಾಮೊನೆ ತಾರಾಕ್ಹು ತುನೆ ಬಿಜಾ಼ವೊನಾ ಕ್ಹಾಮು ಉದಾಹರಣ ಥೈನ ರ‍್ಹೌ.
TIT 2:8 ಶಿಕ್ಲಾತಾಮಾ ಚೊ಼ಕಿಯೊವಾತೊ ಉಪಯೊಗ ಕರಿನ ಇಮ್ಮ ರ‍್ಹತಾಮಾ ತಾರಾ ವಿರೊದಿಯೊ ರ‍್ಹಯಲವಾಲಾವೊನೆ ತಾರಾ ವಿರೊದಥೈನ ಬೊಲ್ಯವಾಚಿ ರ‍್ಹಯಾಮಾ ತ್ಯುನಾಕ್ಹು ತ್ಯುನೆಜ಼ ಸರ್ಮಾವಸ.
TIT 2:9 ಆಳೊನೆ ಎ ಸಂಗತಿಯೊ ತಿಳಸಾ; ತ್ಯುನೆ ತ್ಯುನಾ ಮಾಲಕೊನೆ ಕೆಳಾಮಾಬಿ ತ್ಯುನೆ ಕದಲ ತಿಮ್ಮ ರ‍್ಹೈನ ತ್ಯುನೊನೆ ಮೆಚ್ಚಸಾನೆ ಕೊಶಿಶ ಕರು. ತ್ಯುನೆ ತ್ಯುನಾ ಮಾಲಕೊನಾ ಕ್ಹಾತೆ ವಿವಾದ ಕರು ನೈ.
TIT 2:10 ತ್ಯುನೆ ಸಾಮನೊ ಚೊ಼ರಿ ಕರುನೈ ವರಿ ತ್ಯುನೆ ಬರೊಕ್ಹು ರ‍್ಹಯಲವಾಲಾ ವ್ಹೈ ಕೈನ ದೆಕಾಡಿನ ದಿವೊ. ಆಳೊ ಇಮ್ಮ ಚಾ಼ಲಿನ ಜಾ಼ತಾ ರ‍್ಹಯಾಮ, ತ್ಯುನೆ ಕರಾನಾ ಹರ ಯಕ್ಕ ಕಾಮಮಾ ಅಪ್ನೊ ರಕ್ಷಕ ಥಯಲ ಕ್ಹುದಾನು ಉಪದೆಶ ಚೊ಼ಕು ವ್ಹೈ ಕೈನ ದೆಕಾಡಾನೆ ಥಾವಸ.
TIT 2:11 ಕಾಕದ್ಯಾಮ ಕ್ಹುದಾನಿ ಮರ್ಗಾ ಕ್ಹಾರಾ ಮನಕ್ಹೊನೆ ರಕ್ಷಣೆನಾ ಹುತಿ ದೆಕಾಡಿನ ದಿವಸ.
TIT 2:12 ಆ ಕೃಪಾ ಅಪೊನೆ ಕ್ಹುದಾನೆ ವಿರುದ್ದ ಥೈನ ಜಿವ್ನಾ ಕರ‍್ಯಾವಾಚಿ ದುನಿಯಾಮಾನಾ ಮನಕ್ಹೊ ಕರಾನೆ ಬಯಸಾಲಾ ಕೆಟ್ಟ ಕಾಮೊ ಕರ‍್ಯಾವಾಚಿ ತೆ ಹುಬ್ರಾಡಸ. ಅಪೆ ಕ್ಹುದಾನಿ ಸೆವಾ ಕರಾಡಾಸ ಕೈನ ದೆಕಾಡಾನಾಹುತಿ ಚೊ಼ಕಾಥೈನಬಿ ಗ್ಯಾನಿಥೈನಬಿ ದುನಿಯಾಮಾ ಹಮ್ನಾ ರ‍್ಹೌ ಕೈನ ತೆ ಶಿಕ್ಕಲಾಡಸ.
TIT 2:13 ಅಪ್ನೊ ಮ್ಹೊಟೊ ಕ್ಹುದಾ ವರಿ ಯೆಸು ಕ್ರಿಸ್ತ ಆವಾನು ಕೈದತಾ ರ‍್ಹಯಲವಾಲಾ ಅಪೆ ತಿನಾಲಿಂಗತ ರ‍್ಹೌ. ತೆಜ಼ ಅಪ್ನೊ ಮ್ಹೊಟಿ ಆಸ ಥಯೊಸ. ತೆ ತಿನಿ ಮಹಿಮಾನಾ ಕ್ಹಾತೆ ಆವಸ.
TIT 2:14 ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.
TIT 2:15 ಎ ಸಂಗತಿಯೊ ಮನಕ್ಹೊನೆ ತಿಳಸಾವಾನೆ ತುನೆ ಪುರಾ ಅದಿಕಾರ ಛೆ. ಮನಕ್ಹೊನೆ ತಾಕತವರ ಕರಾನೆ ಎ ಅದಿಕಾರ ಬಳಸಿನ, ತ್ಯುನೆ ಕರಾನು ತಿಳಸ. ತ್ಯುನೆ ಖಾಸ ಥಯಲವಾಲಾ ನ್ಹವೈ ಕೈನ ದೆಕ್ಹಲ.
TIT 3:1 ತು ಮನಕ್ಹೊನೆ ಸು ತಿಳಸೌ ಕದ್ಯಾಮ; ತುಮಾರಾ ಸೌಕಾರೊನೆ ಅದಿಕಾರಯೊನೆ ಅದಿನ ಥೈನ ರ‍್ಹೌ; ಕ್ಹಾರಾ ಚೊ಼ಕಾ ಕಾಮೊ ಕರಾನೆ ತಯಾರ ರ‍್ಹವೊ.
TIT 3:2 ಕಿನೆಜ಼ ನಾಮಬೊಟ ಮ್ಹೆಲೊ ನಕೊ, ಕಿನಾ ಕ್ಹಾತೆ ಲಡೈ ಕಾಡ್ಯಾವಾಚಿ ಚೊ಼ಕಿತರಾ ಕ್ಹಾರಾವೊನಾ ಕ್ಹಾತೆ ಅರಾಮ ರ‍್ಹವೊ.
TIT 3:3 ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.
TIT 3:4 ಅಪ್ನೊ ರಕ್ಷಕ ಥಯಲ ಕ್ಹುದಾನಿ ಮಯಾ ಮರಗಾ ದಿಕ್ಹಾಡಿಸ.
TIT 3:5 ತೆ ಅಪೊನೆ ವಚಾ಼ಡಲ ತಿನಿ ಮರಗಾಕ್ಹುಜ಼ ವ್ಹೈ ಚೊ಼ಕಾಥಾವಾನೆ ಅಪೆ ಕರ‍ಲ ಕಾಮೊಕ್ಹು ನ್ಹವೈ. ತೆ ಅಪೊನೆ ಅಂಗ ಧವಾಹುತಿ ಪವಿತ್ರ ಆತ್ಮಾಕ್ಹು ನವಾ ಕರಿನ ವಚಾ಼ಡ್ಯೊ.
TIT 3:6 ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪವಿತ್ರ ಆತ್ಮಾ ಅಪೊಪರ ರಿಚಾ಼ಯೊಸ.
TIT 3:7 ತಿನಾಹುತಿ ಕ್ಹುದಾ ತಿನಿ ಕೃಪಾಕ್ಹು ಅಪೊನೆ ನಿತಿವಾಲಾ ಕರ‍್ಯೊಸ. ಅಪೊನೆ ಹಮೆಶಾನೊ ಜ಼ಲಮ ಮಳು ಕೈನ ತೆ ಅಪೊನೆ ದಿದ್ಯೊ. ತೆಜ಼ ಅಪ್ನಿ ಆಸ ವ್ಹೈ.
TIT 3:8 ಎ ಭೊದನೆ ಕ್ಹರಿನಿಯೊಜ಼ ವ್ಹೈ. ತು ಕ್ಹಾರಿಯೊ ಸಂಗತಿಯೊ ಮನಕ್ಹೊನೆ ಕೌಜ಼ ಕೈನ ಮಿ ಆಸ ಕರುಸ. ತೆಳಾಮಾ, ಕ್ಹುದಾಪರ ಬರೊಕ್ಹೊ ಮ್ಹೆಲಲವಾಲಾ ಹುಶಾರ ರ‍್ಹೈನ ತ್ಯುನಿ ಜಿವಿತಮಾ ಚೊ಼ಕಾ ಕಾಮೊ ಕರಸ. ಎ ಕ್ಹಾರಾವೊನೆ ಚೊ಼ಕು ವ್ಹೈ. ವರಿ ಎ ಕ್ಹಾರಾವೊನೆ ಚಾ಼ಯೆ ಥಯುಸ.
TIT 3:9 ಗ್ಯಾನ ನೈ ರ‍್ಹಯಲ ಮನಕ್ಹೊ ಕರಾನಾ ಕಾಮೊ, ಮತ್ಲಬ ಸುಜ಼ ಗ್ವತ್ತ ನೈ ರ‍್ಹಯಲ ಖಾಂದಾನ ವಾಲಾ ಬೊಲಾನು. ಮೊಶೆ ಬರ್ದಲ ಧರಮ ಶಾಸ್ತ್ರನಾ ನಿಯಮೊನೆ ಲಾವಾನು ಲಡೈನಾ ಹುತಿ ದುರ ರ‍್ಹೆ, ತಿನಿ ಸುಜ಼ ಕಿಮ್ಮತ ನತ್ತಿ, ತಿಕ್ಹು ಮನಕ್ಹನೆ ಸುಜ಼ ಉಪಯೊಗ ನತ್ತಿ.
TIT 3:10 ಕಯೊಬಿ ಭೆದ ಹುಟ್ತೊ ರ‍್ಹಯೊಮ, ತಿನೆ ಬೆ ಎಚ್ಚಿರಿಕೆ ಕೆ. ವರಿಬಿ ತೆ ನೈ ಐಕ್ಯೊಮ ತಿನಿ ಸಹವಾಸ ಕರು ನಕೊ.
TIT 3:11 ತೆ ಕೆಟ್ಟ ಮನಕ್ಹ ವ್ಹೈ ತೆ ಪಾಪ ಕರಾಲೊ ವ್ಹೈ ಕೈನ ತುನೆ ಗ್ವತ್ತ ಛೆ. ತಿನಾ ಸ್ವಂತ ಕಾಮೊಕ್ಹುಜ಼ ತೆ ಆರೊಪಿ ವ್ಹೈ ಕೈನ ಫೈಸಲೊ ಥಯೊಸ.
TIT 3:12 ಮಿ ತುಕನ ಅರ್ತೆಮನ್ನೆ ವರಿ ತುಖಿಕನೆ ಮೊಕಲ್ತಾಮಾ, ನಿಕೊಪೊಲಿಮಾ ರ‍್ಹಯಲ ತು ಮಕನ ಥಯಲ ತೆಕ್ಲು ಭೆಗಿನ ಆವಾನೆ ಕರ. ಮಿ ಆ ಥಂಡನು ದಿನ್ನ ತ್ಯಾಜ಼ ಕಾಡು ಕೈನ ಛೆ.
TIT 3:13 ವಕಿಲ ಥಯಲ ಜೆನ ಅಪೊಲೊಸ ತ್ಯಾಂತಾ ಆವಸ. ತ್ಯುನೆ ಆವಾಹುತಿ ತುನೆ ಥಯಲ ತೆಕ್ಲು ತ್ಯುನೊನೆ ಮದದ ಕರ. ತ್ಯುನೊನೆ ಸುಜ಼ ಕಮ ಥಯಾವಾಚಿ ದೆಕಿಲೆ.
TIT 3:14 ಅಪ್ನಾ ಮನಕ್ಹೊ ತ್ಯುನೆ ತ್ಯುನು ಯಕ್ಕಜ಼ ದೆಕಿಲಿದ್ಯಾವಾಚಿ ಬಿಜಾ಼ವೊನೆ ಮದದ ಕರಾನು ಶಿಕ್ಕಿನ ತ್ರಾಸಮಾ ರ‍್ಹಯಲ ಮನಕ್ಹೊನೆ ಉಪಕಾರ ಕರು.
TIT 3:15 ನ್ಹ್ಯಾ ಮಕನ ರ‍್ಹಯಲ ಮನಕ್ಹೊ ತುನೆ ಸ್ತುತಿ ಕವಸ. ಕ್ರಿಸ್ತಪರ ಬರೊಕ್ಹೊ ಮ್ಹೆಲಲವಾಲಾ ಅಪೊನೆ ಮಯಾ ಕರಾಲಾ ಕ್ಹಾರಾ ಮನಕ್ಹೊನೆ ಸ್ತುತಿ ಕೆ. ಕ್ಹುದಾನಿ ಕೃಪಾ ತುಮೊಪರ ರ‍್ಹವಾದೆ.
PHM 1:1 ಯೆಸು ಕ್ರಿಸ್ತನಾ ಹುತಿ ಜೆಲ್ಮಾ ರ‍್ಹಯಲ ಪೌಲ ವರಿ ಭೈ ಥಯಲ ತಿಮೊಥೆಕ್ಹು ಹಮಾರೊ ಮಯಾನೊ ವರಿ ಕ್ಹಾತೆ ಸೆವಾ ಕರಾನಾ ತುನೆಬಿ ,
PHM 1:2 ವರಿ ಭೆನ ಥಯಲ ಅಪ್ಫಿಯಳನೆ, ಹಮಾರಾ ಕ್ಹಾತೆ ಹೊರಾಡಾಲಾ ಅರ್ಖಿಪ್ಪನೆ ವರಿ ತುಮಾರಾ ಘರಮಾ ಮಳಿನ ಆಯಲ ಸಭೆನೆ ಬರ್ದಾನು ಸು ವ್ಹೈ ಕದ್ಯಾಮ;
PHM 1:3 ಅಪ್ನೊ ಬಾ ಥಯಲ ಕ್ಹುದಾ ವರಿ ಪ್ರಭು ಯೆಸು ಕ್ರಿಸ್ತ ಮರಗಾ ಶಾಂತ ತುಮಾರಾ ಕ್ಹಾತೆ ರ‍್ಹವಾದೆ.
PHM 1:4 ಮಾರಿ ಪ್ರಾಥನಾಮಾ ತುನೆ ಹಮೆಶಾಬಿ ಶೆ ಕರ್ಲಿನ ತಾರಾಹುತಿ ಕ್ಹುದಾನೆ ಸ್ತೊತ್ರಾ ಕೌಸ.
PHM 1:5 ಕ್ಹುದಾನಾ ಪವಿತ್ರ ಮನಕ್ಹೊಪರ ತುನೆ ಮಯಾ. ವರಿ ಪ್ರಭು ಯೆಸುಮಾ ರ‍್ಹಯಲ ತಾರೊ ಬರೊಕ್ಹೊ ದೆಕಿನ ಕ್ಹುದಾನೆ ಸ್ತೊತ್ರಾ ಕೌಸ.
PHM 1:6 ತು ತಾರೊ ಬರೊಕ್ಹೊ ಹಮೆಶಾಬಿ ವಾಟಿಲಿವಾನಾ ಮುಲಕ ಕರ್ಇಸ್ತಮಾ ಅಪೊನೆ ರ‍್ಹಯಲ ಕ್ಹಾರಿಯೊ ಚೊ಼ಕಿ ವರಾ ಕಲೈಲಿವಾದೆ ಕೈನ ಮಿ ಪ್ರಾಥನಾ ಕರುಸ.
PHM 1:7 ಮಾರಾ ಭೈ, ಕ್ಹುದಾನಾ ಮನಕ್ಹೊ ತು ಮಯಾ ದೆಕಾಡಿನ ತ್ಯುನಾ ಮನ್ಸೊನೆ ಸಮಾಧಾನ ಕರಲ ದೆಕಿನ ಮನೆ ಘನ್ನಿ ಖುಶಿ ಥೈಸ.
PHM 1:8 ತು ಕರಾನು ಯಕ್ಕ ಕಾಮ ಛೆ ತು ತೆ ಕಾಮ ಕುರಜ ಕವಾನು ಮನೆ ಆಗನ್ಯಾ ದಿವಾನೆ ಯೆಸು ಕ್ರಿಸ್ತಮಾ ಅದಿಕಾರ ಛೆ.
PHM 1:9 ತೆ ನೈಸೊ ಮಿ ತುನೆ ಆಗನ್ಯಾ ದಿದ್ಯಾವಾಚಿ ಮಯಾಕ್ಹು ತುಕನ ಮಾಂಗಿಲಿವಾಡ್ಯೊಸ. ಪೌಲಾ ಥಯಲ ಮಿ ಹಮ್ನಾ ಗಡಿಯೊ ಥೈಗಯೊಸ. ವರಿ ಮಿ ಕ್ರಿಸ್ತ ಯಸುನಾ ಹುತಿ ಮಿ ಜೆಲ್ಮಾ ಛೆ.
PHM 1:10 ಮಾರೊ ದಿಕ್ರೊ ಥಯಲ ಒನೆಸಿಮನನಾ ಹುತಿ ತುಕನ ಮಾಂಗಿಲಿವಾಡ್ಯೊಸ. ಮಿ ಜೆಲ್ಮಾ ರ‍್ಹತಾಮಾ ತೆ ಮಾರೊ ದಿಕ್ರೊ ಥಯೊಸ.
PHM 1:11 ಪೈಲಾ ತೆ ತುನೆ ಸುಜ಼ ಉಪಯೊಗವಾಲೊ ನ್ಹೊತೊ. ಹಮ್ನಾ ತೆ ಮನೆಬಿ ವರಿ ತುನೆಬಿ ಉಪಯೊಗವಾಲೊ ಥಯೊಸ.
PHM 1:12 ತಿನೆ ಹಮನ್ಆ ತುಕನ ಫರಿನ ಮೊಕ್ಲಾಡ್ಯೊಸ. ತಿನಾ ಕ್ಹಾತೆ ಮಾರಾ ಮನಸ್ನೆಬಿ ತುಕನ ಮೊಕ್ಲಾಡ್ಯೊಸ.
PHM 1:13 ಮಿ ಹಮ್ನಾ ಸುವಾರ್ತೆನಾ ಹುತಿ ಜೆಲ್ಮಾ ರ‍್ಹತಾಮಾ ಮನೆ ಮದತ ಕರಾನಾ ಹುತಿ ಮಕನ ಮುಕ್ಕಿಲ್ಯು ಕೈಲಿದ್ಯೊ.ತ್ಯಾ ಮನೆ ತೆ ಮದತ ಕರ್ತೊ ತಾರಿಬಿ ಸೆವೆ ಕರಸಕ್ತೊತೊ.
PHM 1:14 ವರಿಬಿ ಎ ವಿಶಯನಾ ಹುತಿ ತಾರಿ ಪರವಾನಿಗೆ ಲಿದ್ಯಾವಾಚಿ ಎ ಫೈಸಲೊ ಲಿವಾನೆ ಮನೆ ಮನಸ ನತ್ತಿ. ಕಾ ಕದ್ಯಾಮ ತು ಕರಾನಾ ಚೊ಼ಕಾ ಕಾಮೊ ಮನ್ಸೆ ಕರೊ ಜಬರದಸ್ತಿಕ್ಹು ಕರು ನೈ.
PHM 1:15 ಒನೆಸಿಮನ ದಕ್ಹಾ ದಿನ್ನ ತುಕ್ಹು ದುರ ಥಯೊತೊ. ಕಾ ಕದ್ಯಾಮ ತೆ ಹಮೆಶಾಬಿ ತಾರಾ ಕ್ಹಾತೆ ರ‍್ಹವಾದೆ ಕೈನ ಇಮ ಥಯೊಸುಖ!
PHM 1:16 ಇತ್ತಿಉಪ್ಪರ ತೆ ತಾರೊ ಗುಲಾ ಥಯಾವಾಚಿಜಾಸ್ತಿ ಮಯಾನೊ ಭೈ ಥಯೊಸ. ತೆ ಮಿ ಘನ್ನು ಮಯಾ ಕರುಸ. ತೆ ನೈಸೊ ತು ತಿನೆ ಘನ್ನು ಮಯಾ ಕರ. ತಿನೆ ತು ಯಕ್ಕ ಮನಕ್ಹ ವರಿ ಪ್ರಭುಮಾ ಯಕ್ಕ ಭೈ ವ್ಹೈ ಕೈನ ಮಯಾ ಕರ.
PHM 1:17 ಮನೆ ತು ತಾರೊ ಯಕ್ಕ ಸಾತಿದಾರ ವ್ಹೈ ಕೈನ ವಪ್ಪಿಲಿವಾನೊ ರ‍್ಹಯೊಮ, ಒನೆಸಿಮನನೆ ತಾರಾ ಕ್ಹಾತೆ ಮಳೈ ಲೆ. ತು ಮನೆ ವಪ್ಪಿಲಿದಲ ತಿಮ್ಮಜ ತಿನೆಬಿ ವಪ್ಪಿಲೆ.
PHM 1:18 ತೆ ತುನೆ ಸುಬಿ ತಪ್ಪ ಕರ‍್ಯೊಮ ತೆ ತಪ್ಪ ಮಪರ ಘಾಲ. ತೆ ತುನೆ ಸುಬಿ ದಿವಾನೆ ರ‍್ಹಯೊಮ ತೆ ಕ್ಹಾರು ಮರಾ ಹಿಸಾಬಮಾ ಲಗಾಡ.
PHM 1:19 ಪೌಲಾ ಥಯಲಮಿ ಮಾರಾ ಸ್ತಂತ ಹತೊಕ್ಹು ಎ ಕ್ಹಾರು ಬರ್ದಾಡ್ಯೊಸ. ಒನೆಸಿಮನ ತುನೆ ಸುಬಿ ದಿವಾನು ರ‍್ಹಯೊ ಮಿ ತೆ ಕ್ಹಾರು ತುನೆ ದ್ಯುಸ.ತಾರಿ ಆತ್ಮಿಕನಿ ಜಿವಿತನಾಹುತಿ ತು ಮನೆ ಕೆಕ್ಲೊ ರುಣಿ ಥಯೊಸ ಕೆಳಮಾಜ ಮಿ ಕತೊ ನೈ.
PHM 1:20 ಮಾರಾ ಭೈ, ಪ್ರಭುಮಾ ಮಿ ತಾರಾ ಕ್ಹು ಮದತ ಹೊಂದಿಲ್ಯುಸು? ತೆ ಸುವೈ ಕದ್ಯಾಮ ಮಾರಾ ಮನಸ್ನೆ ಕ್ರಿಸ್ತಮಾ ಜತ್ತನ ಕರ.
PHM 1:21 ಮಿ ಮಾಂಗಿಲಿದಲ ತು ಕರ್ಸಿ ಕವಾನು ಮನೆ ಗ್ವತ್ತ ರ‍್ಹಯಲ ಹುತಿ ಮಿ ಎ ಪತ್ರ ಬರ್ದಾಡ್ಯೊಸ. ಮಿ ಮಾಂಗಿಲಿದಲತಿಬಿ ತು ಜಾಸ್ತಿ ಕರ್ಸಿ ಕವಾನು ಮನೆ ಬರೊಕ್ಹೊ ಛೆ.
PHM 1:22 ಮನೆ ರ‍್ಹವಾನಾ ಹುತಿ ಯಕ್ಕ ಖೊಲಿ ತಯ್ಯಾರ ಕರ.ಕ್ಹುದಾ ತಾರಿ ಪ್ರಾಥನಾ ಐಕಿನ ಮನೆ ತುಕನ ಆವಾನಾ ಹುತಿ ಮೌಕೊ ದಿವಸ ಕವಾನು ಮನೆ ಬರೊಕ್ಹೊ ಛೆ.
PHM 1:23 ಕ್ರಿಸ್ತ ಯೆಸುನಾ ಹುತಿ ಮಾರಾ ಕ್ಹಾತೆ ಜೆಲ್ಮಾ ರ‍್ಹಯಲ ಎಪಫ್ರ ನಮಸ್ಕಾರ ಕದ್ಯೊಸ.
PHM 1:24 ಮಾರ್ಕ, ಅರಿಸ್ತಾಕ, ದೆಮನ, ಲೊಕ, ಇವ್ನೆ ಕ್ಹಾರಾ ತುನೆ ನಮಸ್ಕಾರ ಕದ್ಯಾಸ. ಇವ್ನೆ ಕ್ಹಾರಾ ಮಾರಾ ಕ್ಹಾತೆ ಕಾಮ ಕರಾಲಾ ಥಯಾಸ.
PHM 1:25 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಕೃಪಾ ತುಮಾರಿ ಆತ್ಮಾನಾ ಕ್ಹಾತೆ ರ‍್ಹವಾದೆ.
HEB 1:1 ಪೈಲಾನಾ ದಿನ್ನೊಮಾ ಅಪ್ನಾ ಮನಕ್ಹೊನಾ ಕ್ಹಾತೆ ಪ್ರವಾದಿಯೊಕ್ಹು ಬಿಜಿ-ಬಿಜಿ ತರಾಮಾ ಕ್ಹುದಾ ಘನ್ನಿ ಸಲಾ ಬೊಲ್ಯೊ.
HEB 1:2 ತೆನೈಸೊ, ಎ ಲಾಸ್ಟನಾ ದಿನ್ನೊಮಾ ಕ್ಹುದಾ ಅಪ್ನಾ ಕ್ಹಾತೆ ತಿನಾ ದಿಕ್ರಾನಾ ಮುಕಾಂತರ ಬೊಲ್ಯೊಸ. ತಿನಾ ದಿಕ್ರಾಕ್ಹುಜ಼ ಕ್ಹುದಾ ಪುರಾ ದುನಿಯಾಮಾನು ಹರಯಕ್ಕ ಸೃಷ್ಟಿ ಕರ‍್ಯೊ, ವರಿ ಹರಯಕ್ಪರ ತಿನೆ ಅದಿಕಾರ ದಿದ್ಯೊ.
HEB 1:3 ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ಲಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ‍್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.
HEB 1:4 ಕ್ಹುದಾ ತಿನೆ ದೆವದುತೊನಾ ನಾಮೊತಿಬಿ ಮ್ಹೊಟು ನಾಮ ತಿನೆ ಮ್ಹೆಲ್ಯೊತೊ, ಕಾಕದ್ಯಾಮ ಕ್ಹುದಾ ತಿನೆ ದೆವದುತೊತಿಬಿ ಮ್ಹೊಟೊ ಕರ‍್ಯೊತೊ.
HEB 1:5 ಕಿಮ್ಮ ಕದ್ಯಾಮ ಕ್ಹುದಾ ಕಯಾಜ ದೆವದುತನೆ ಅಮ್ಮ ಕದ್ಯೊ ನತ್ತಿ, ತು ಮಾರೊ ದಿಕ್ರೊ ವ್ಹೈ ಮಿಜ಼ ತುನೆ ಹಮ್ನಾ ಪಡದಿಲಿದ್ಯೊಸ ವರಿ ಮಿ ತಿನೊ ಬಾ ಥೈನ ರ‍್ಹೌಸ ತೆ ಮಾರೊ ದಿಕ್ರೊ ಥೈನ ರ‍್ಹವಸ.
HEB 1:6 ತೆನೈಸೊ ಕ್ಹುದಾ ತಿನಾ ಪೈಲಾರ ದಿಕ್ರಾನೆ ದುನಿಯಾಮಾ ಫರಿನ ವಳಾತಾಮಾ, ದೆವದುತೊ ಕ್ಹಾರಾ ತಿನೆ ಆರಾಧನಾ ಕರು” ಕೈನ ಕದ್ಯೊಸ.
HEB 1:7 ದುತೊನಾ ಹುತಿ ಕ್ಹುದಾ ಕವಾನು ಸುವೈ ಕದ್ಯಾಮ, ಕ್ಹುದಾ ತಿನಾ ದುತೊನೆ ವಾರಾ ನಿಗಂತಬಿ ವರಿ ತಿನಾ ಸೆವಕೊನೆ ಆಗನಾ ಕೆಂಡಾ ಲಿಂಗತಬಿ ಕರ‍್ಯೊಸ.
HEB 1:8 ದಿಕ್ರಾನಾ ಹುತಿತೊ ಕ್ಹುದಾ, ತಾರು ಸಿಂಹಾಸನ ಯುಗೊ ಯುಗೊತಕಾ ರ‍್ಹವಸ ನ್ಯಾಯನಿ ಲಾಕಡಿಜ ತಾರಿ ರಾಜ ಕರಾನಿ ಲಾಕಡಿ ವ್ಹೈ.”
HEB 1:9 ತು ನ್ಯಾಯನೆ ಮಯಾ ಕರ‍್ಯೊ ವರಿ ಅನ್ಯಾಯ ದ್ವೆಶ ಕರ‍್ಯೊ. ತಿನಾಹುತಿ ತಾರೊ ಕ್ಹುದಾಜ಼, ತುನೆ ತಾರಾ ಕ್ಹಾತೆ ರ‍್ಹಯಲವಾಲವೊತಿಬಿ ಮ್ಹೊಟಿ ಜ಼ಗಾಮಾ ಬೈಟಾಡಿನ ಘನ್ನಿ ಖುಶಿನಾ ತೆಲಕ್ಹು ಅಬಿಷೆಕ ಕರ‍್ಯೊ” ಕೈನ ಕದ್ಯೊ.
HEB 1:10 ವರಿ ತೆನೈಸೊ ಕ್ಹುದಾ ಅಮ್ಮ ಕವಸ, ಕರ್ತಾ ಆದಿಮಾ ತು, ಜಿಮಿನನೆ ಫಾಯಾ ಘಾಲ್ಯೊಸ ವರಿ ಹಬಾಳತೊ ತಾರಾ ಹತನು ಕಾಮ ವ್ಹೈ.”
HEB 1:11 ತೆನೈಸೊ ಆ ಕ್ಹಾರು ಹಾಳ ಥೈ ಜ಼ಾವಸ, ಮಾತ್ರಾ ತು ಹಮೆಶಾಬಿ ರ‍್ಹಶಿ. ತೆ ಕ್ಹಾರು ವಣ್ಣಾವೊನಾ ನಿಗಂತ ಜುನ್ನು ಥಾವಸ.
HEB 1:12 ತೆ ಕ್ಹಾರು ಉಪ್ಪರಲ್ಯು ಅಂಗ್ಡಾನಾ ಲಿಂಗತಬಿ ವರಿ ವಣ್ಣಾವೊನಾ ಲಿಂಗತಬಿ ತು ಮಡಚಿ ಪಡಶಿ ವರಿ ತೆ ಬದಲಿ ಥಾವಸ. ತುತೊ ಕೆಳಾಮಾಜ಼ ಬದ್ಲಿ ಥಾತೊ ನೈ. ತಾರಿ ವಯಸ್ಸ ಕೆಳೆಜ಼ ಕ್ಹರತಿ ನೈ.
HEB 1:13 ವರಿ ಕ್ಹುದಾ ಕಯಾ ದೆವದುತನಾ ಹುತಿಬಿ ಅಮ್ಮ ಕದ್ಯೊ ನತ್ತಿ. ಮಿ ತಾರಾ ದುಶ್ಮನೊನೆ ತಾರಾ ಪಗನಾ ಹೆಟೊ ಘಾಲೆ ಲಕ್ಕಾ ತು ಮಾರಾ ಸಿದಾ ಹತ ಬಗಲ ಬೈಟ,
HEB 1:14 ತೆ ದೆವದುತೊ ಕ್ಹಾರಾ ಕ್ಹುದಾನಿ ಸೆವಾ ಕರಾಲಾ ಆತ್ಮಾ ವ್ಹೈ ವರಿ ರಕ್ಷಣೆ ಹೊಂದಾಲಾ ಮನಕ್ಹೊನಿ ಮದತ ಕರಾನೆ ವಳಾಯಲವಾಲಾ ವ್ಹೈ.
HEB 2:1 ತಿನಾಹುತಿ ಅಪ್ನೊನೆ ಶಿಕ್ಲಾಯಲ ಸಂಗತಿಯೊನಾ ಲಿಂಗತ ಘನ್ನಾ ಹುಶಾರಕ್ಹು ಚಾ಼ಲು, ಕ್ಹರಿನಿ ವಾಟ ಛೊಡ್ಯಾ ಬಗರ ಹುಶಾರ ರ‍್ಹೌ.
HEB 2:2 ಕ್ಹುದಾ ತಿನಾ ದುತೊನಾ ಮುಕಾಂತರ ದಿದಲ ವಾಕ್ಯಾ ಕ್ಹರಿನಿ ವ್ಹೈ ಕೈನ ದೆಕಾಡಿನ ದಿದಲ ಶೆ. ಯಹುದ್ಯೊ ಆ ವಾಕ್ಯಾನೆ ವಿರುದ್ದ ತಪ್ಪ ಕರತಾಮಾ ವರಿ ಆ ವಾತ ನೈ ಐಕ್ತಾಮಾ ತಿನಾ ತಕ್ಕ ತ್ಯುನೊನೆ ಶಿಕ್ಷಾ ಮಳತಿತಿ.
HEB 2:3 ಅಪೊನೆ ದಿದಲ ಎ ಖಾಸ ರಕ್ಷಣೆ ಅಪೆ ಧ್ಯಾನ ನೈ ದಿದ್ಯಾಮ ಅಪೊನೆ ಶಿಕ್ಷಾ ಮಳಸ. ಆ ಪೈಲಾಜ಼ ಕರ್ತಾ ಕದಲ ಛೆ ವರಿ ತಿಕ್ಹು ಐಕಲವಾಲಾ ರಕ್ಷಣೆನಾ ಹುತಿ ಅಪೊನೆ ಹಜು಼ ಘಟ್ಟ್ಟ ಕರ್‍ಯಾಸ.
HEB 2:4 ಎನೈಸೊ ಕ್ಹುದಾ ತಿನಾ ಅದ್ಭುತ ಕಾಮುಕ್ಹು, ಸುಚಕ ಕಾರ‍್ಯೊಕ್ಹು, ಘನ್ನಾ ತರಾನಾ ಮ್ಹೊಟಾ ಕಾಮೊಕ್ಹು ವರಿ ಪವಿತ್ರ ಆತ್ಮಾನಾ ವರಾಕ್ಹು ತಿನಾ ಮನಸೆ ಆಯಲ ತಿಮ್ಮ ದಿವಾನಾ ಮುಲಕ ತೆ ದೆಕಾಡಿನ ದಿದ್ಯೊ.
HEB 2:5 ಮಿ ಹಮ್ನಾ ತುಮೊನೆ ಕವಾನು ಅಗು ಆವಾನು ನವು ಜಗತ್ನೆ ಆಳಾನೆ ಕ್ಹುದಾ ದೆವ ದುತನೆ ಇನಿಲಿದ್ಯೊ ನೈ.
HEB 2:6 ಎ ಪವಿತ್ರ ಗ್ರಂಥನಾ ಯಕ್ಕ ಭಾಗಮಾ - ಕ್ಹುದಾ, ತು ಮನಕ್ಹೊನೆ ಕಾ ಶೆಂ ಕರು? ತು ಮನಕ್ಹೊನಾ ಹುತಿ ಕಾ ಚಿಂತಾ ಕರು? ತೆ ತೆಕ್ಲು ಖಾಸ ವ್ಹೈ ಸು?
HEB 2:7 ಕ್ಹಾಲಿ ದಕ್ಹಾ ಟೈಮನಾ ಹುತಿ ತು ತಿನೆ ದೆವದುತೊತಿ ನಕ್ಕರಜ಼ ಕಮ್ಮ ಕರ‍್ಯೊಸ. ತು ತಿನೆ ಮಹಿಮಾನು ವರಿ ಮರ್ಯಾದಿ ಕವಾನು ಕಿರಿಟ ಮುಕ್ಯೊಸ.
HEB 2:8 ಕ್ಹಾರು ತಿನಾ ಪಗೊನಾ ಹೆಟೊ ಘಾಲಿನ ಕ್ಹಾರು ತಿನಾ ಬಸ್ಮಾ ದಿದ್ಯೊ. ಕ್ಹುದಾ ಕ್ಹಾರು ತಿನಾ ಹತ್ಮಾ ದಿನ ಯಕ್ಕಬಿ ಚಿಜ಼ ಛೊಡ್ಯಾ ಬಗರ ಹರಯಕ್ಕ ತಿನಾ ಅಧಿನಮಾ ದಿದ್ಯೊತಬಿ, ಹರಯಕ್ಕ ಚಿಜ಼ಪರ ತೆ ರಾಜ಼ ಕರಾನು ಹಮೊನೆ ಹಜು಼ನಬಿ ದೆಕಾಡಾ ನತ್ತಿ.
HEB 2:9 ದಕ್ಹಾ ಟೈಮ ಲಕ್ಕಾ ಯೆಸುನೆ ದೆವದುತೊತಿ ನಕ್ಕರಜ಼ ಕಮ್ಮ ಕರ‍್ಯೊ. ತೆನೈಸೊ ಯೆಸು ಸ್ವಾಮಿ ಅಪ್ನಾಹುತಿ ದುಕ್ಕ ಖೈನ ಮರಲಹುತಿಜ಼ ಅಪೊನೆ ಮಹಿಮಾನು ವರಿ ಮರ್ಯಾದಿನು ಕಿರಿಟ ಮಳ್ಯುಸ. ತಿನಾಹುತಿಜ಼ ಕ್ಹುದಾನಾ ಕೃಪಾಕ್ಹು ಯೆಸು ಸ್ವಾಮಿ ಕ್ಹಾರಾವೊನಾ ಹುತಿ ಕಷ್ಟ ಅನಭವಿಸಿನ ಮರ‍್ಯೊ.
HEB 2:10 ಕ್ಹಾರು ಸೃಷ್ಟಿ ಕರಲ ಕ್ಹುದಾಜ಼ ವ್ಹೈ. ಕ್ಹಾರಾ ಸೃಷ್ಟಿ ಥಯಲ ತಿನಿ ಮಹಿಮಾನಾ ಹುತಿಜ಼ ವ್ಹೈ. ಕ್ಹುದಾ ತಿನಾ ಬಚ್ಚಾವೊನಾ ಕ್ಹಾತೆ ತಿನಿ ಮಹಿಮಾ ವಾಟಿಲಿವಾನಾ ಹುತಿ ತೆ ತ್ಯುನೊನೆ ರಕ್ಷಣೆಮಾ ಚ಼ಲಾವಾನಾ ಹುತಿ ಕ್ಹುದಾ ಯೆಸು ಸ್ವಾಮಿನೆ ಕ್ಹಾರಿ ತರಾನಿ ತ್ರಾಸ ದಿವಾನಾ ಮುಕಾಂತರ ತಿನೆ ಪುರಾ ರಕ್ಷಕ ಕರ‍್ಯೊ.
HEB 2:11 ಮನಕ್ಹೊನೆ ಪರಿಶುದ್ಧ ಕರಾಲೊ ಯೆಸು ವರಿ ತಿನಾ ಮುಕಾಂತರ ಪರಿಶುದ್ಧ ಥಾವಾಲಾ ಮನಕ್ಹೊ ಯಕ್ಕಜ಼ ಘರವಾಲಾ ವ್ಹೈ. ತಿನಾಹುತಿ ತೆ ಮನಕ್ಹೊನೆ ಭಾಯೊ, ಭೆನೊ ಕವಾನೆ ತೆ ಸರಮಾಯೊ ನೈ.
HEB 2:12 ಯೆಸು ಕ್ಹುದಾನೆ ಅಮ್ಮ ಕವಸ; ಮಿ ಮಾರಾ ಮನಕ್ಹೊಕನ ತು ಮಾರಾ ಕ್ಹಾತೆ ಸು ಕರ‍್ಯೊ ಕೈನ ಕೌಸ ವರಿ ಮಿ ತ್ಯುನಾ ವಚ್ಮಾ಼ ತಾರಾ ನಾಮನಿ ಮಹಿಮಾ ಹೊಗಳುಸ.
HEB 2:13 ತೆ ವರಿ ಅಮ್ಮ ಕವಸ; ಮಿ ಕ್ಹುದಾಪರ ಬರೊಕ್ಹೊ ಮ್ಹೆಲುಸ. ವರಿ ಯಕ್ಕ ಸಲಾ ತೆ ಕವಸ; ಮಿ ನ್ಹ್ಯಾಛೆ. ಕ್ಹುದಾ ಮನೆ ದಿದಲ ಬಚ್ಚಾ಼ವೊನಾ ಕ್ಹಾತೆ ಛೆ.
HEB 2:14 ಬಚ್ಚಾ ಕಿಮ್ಮ ಅಂಗ ಹೊಂದ್ಯಾಸ ತಿನಾಹುತಿ ಯೆಸು ಸ್ವಾಮಿಬಿ ತ್ಯುನಾ ಲಿಂಗತ ಥಯೊ ತೆ ಮೌತನಾ ಮುಕಾಂತರ ಕದ್ಯಾಮ ಮೌತನಾ ಅದಿಕಾರಿ ರ‍್ಹಯಲ ಸೈತಾನನೆ ನಾಶ ಕರಾನಾ ಹುತಿ
HEB 2:15 ತ್ಯುನೊನೆ ಮರಾನಿ ಯಕ್ಕ ಭೆಂಕ್ಹು ಪುರಾ ಜಿಂದಗಿ ಆಳಥೈನ ರ‍್ಹಯಲವಾಲಾವೊನೆ ಛೊಡಾವಾನಾಹುತಿ ತ್ಯುನಾ ಲಿಂಗತ ಥೈನ ಆಯೊ
HEB 2:16 ತೆ ಸಹಾಯಾ ಕರಾನು ಅಬ್ರಹಾಮನಾ ಖಾಂದಾನಾವಾಲಾವೊನೆ ಯಕ್ಕಜ಼ ವ್ಹೈ. ದೆವದುತೊನೆ ನ್ಹವೈ.
HEB 2:17 ತಿನಾಹುತಿಜ ತೆ ಹರಯಕ್ಕ ವಿಷಮಾ ತಿನಾ ಭಾಯೊ ಭೆನೊನಾ ಲಿಂಗತ ರ‍್ಹವಾನು ಜರುರತ ವ್ಹತ್ತು. ಅನಾ ಲಿಂಗತ ತೆ ಮನಕ್ಹೊನೆ ಪಾಪೊಕ್ಹು ಛೊಡಾವಾನಾ ಹುತಿ ಕ್ಹುದಾನಾ ಕಾಮೊಮಾ ಮರಗಾ ದೆಕಾಡಾಲೊ ಬರೊಕ್ಹಾವಾಲೊ ಮ್ಹೊಟೊ ಯಾಜಕ ಥಯೊ.
HEB 2:18 ತೆ ಕಿಮ್ಮ ಶೊಧನೆಮಾ ಪಡಿನ ಕಸ್ಟ ಅನಭವಿಸ್ಯಲ ಹುತಿ ಹಮ್ನಾ ಕುನ್ನ ಶೊಧನೆಮಾ ಪಡಸ ತ್ಯುನಿ ಮದತ ಕರಾನೆ ಕಾಬಿಲ ಛೆ.
HEB 3:1 ತಿನಾಹುತಿ ಮಾರಾ ಭಾಯೊ ಭೆನೊ, ಪರಿಶುದ್ಧ ರ‍್ಹವಾನಾ ಹುತಿ ಕ್ಹುದಾಕ್ಹು ಬಲೈ ಲಿದಲವಾಲಾ ಥಯಲ ತುಮೆ ಯೆಸುನಾ ಹುತಿಜ಼ ವಿಚಾರ ಕರೊ. ಕ್ಹುದಾ ತಿನೆ ಅಪೊಕನ ವಳಾಯೊ. ತೆ ಅಪೆ ಬರೊಕ್ಹೊ ಮ್ಹೆಲಲ ಖಾಸ ಯಾಜಕ ವ್ಹೈ.
HEB 3:2 ಕ್ಹುದಾ ಕದಲ ಕಾಮ ಕರಾನೆ ಯೆಸು ಬರೊಕ್ಹಾವಾಲೊ ವ್ಹತ್ತೊ. ಕಿಮ ಕದ್ಯಾಮ ಮೊಶೆ ಕಿಮ ಕ್ಹುದಾನಾ ಘರಮಾ ಬರೊಕ್ಹೊನೊ ವ್ಹತ್ತೊ
HEB 3:3 ಯಕ್ಕ ಮನಕ್ಹ ಘರ ಭಾಂದಲ ಪರ ಮನಕ್ಹೊ ಘರತಿಬಿ ತಿನೆ ಘನ್ನಿ ಮರ್ಯಾದಿ ದಿವಸ ತಿನಾ ಲಿಂಗತ ಯೆಸು ಮೊಶೆತಿಬಿ ಘನ್ನಿ ಮರ್ಯಾದಿ ಹೊಂದಿಲಿದ್ಯೊಸ.
HEB 3:4 ಹರ ಯಕ್ಕ ಘರ ಕುನ್ನಯಕ್ಕ ಭಾಂದಲ ರ‍್ಹವಸ. ತೆನೈಸೊ ಕ್ಹುದಾಜ಼ ಕ್ಹಾರು ಭಂದಲವಾಲೊ ವ್ಹೈ.
HEB 3:5 ಕ್ಹುದಾನಾ ಘರಮಾ ಮೊಶೆ ಆಳನಾ ಲಿಂಗತ ಬರೊಕ್ಹಾವಾಲೊ ವ್ಹತ್ತೊ. ಅಗು ಥಾವಾನಿ ಸಂಗತಿಯೊನೆ ತೆ ಸಾಕ್ಷಿ ಥಯೊತೊ.
HEB 3:6 ಕ್ರಿಸ್ತತಬಿ ದಿಕ್ರೊ ಥೈನ ಕ್ಹುದಾನಾ ಘರಮಾ ಅದಿಕಾರ ಚಲಾವಾಲೊ ವ್ಹೈ. ವಿಶ್ವಾಸಿಯೊ ಥಯಲ ಅಪೆ ಅಪೊನೆ ರ‍್ಹಯಲ ಬರೊಕ್ಹೊ ವರಿ ವಿಶ್ವಾಸ ತಿಪರ ಮ್ಹೆಲಿನ ಲಾಸ್ಟ ಲಕ್ಕಾ ಘಟ್ಟ್ಟ ಹುಬ್ರಯಾರೆ ಅಪೆ ತಿನು ಘರ ಥಯೆಸ.
HEB 3:7 ತಿನಾಹುತಿ ಪವಿತ್ರ ಆತ್ಮಾ ಕದಲ ಲಿಂಗತ ತುಮೆ ಆಜ ಕ್ಹುದಾನಿ ವಾತೊನೆ ಕಾನ ದಿದ್ಯಾರೆ,
HEB 3:8 ಪೈಲಾನಾ ದಿನೊಮಾ ತುಮಾರಾ ಮ್ಹೊಟಾ ಮನಕ್ಹೊ ಕ್ಹುದಾನೆ ವಿರುದ್ದ ಥಯಲ ಲಿಂಗತ ತುಮಾರಾ ಮನಸೊ ಮಂಡ ಕರಿಲಿವೊ ನಕೊ. ತೆಳಾಮಾ ತ್ಯುನೆ ಉಸುಕನಿ ಜಿ಼ಮಿನ ಪರ ಕ್ಹುದಾನೆ ಪರಿಕ್ಷಾ ಕರ‍್ಯಾ.
HEB 3:9 ಮಿ ಉಸುಕನಿ ಜಿ಼ಮಿನ ಪರ ಚಾ಼ಳಕ್ಹ ವರಕ್ಹ ಕರಲ ತುಮಾರಾ ಬುಡಾ ಬುಡಿಯೊ ದೆಕ್ಯಾಸ. ಮನೆ ವರಿ ಮಿ ತಡ್ದಿಲಿವಾನಿ ತಾಕತನೆ ಪರಿಕ್ಷಾ ಕರ‍್ಯಾ.
HEB 3:10 ತಿನಾಹುತಿ ತ್ಯುನಾ ಉಪ್ಪರ ಮಿ ಶಿಟ್ಟ ಥಯೊತೊ, ತ್ಯುನು ಮನಸ ಕೆಳಾಮಾಬಿ ಭಟಕ್ತು ರ‍್ಹವಸ ಮಾರಿ ವಾಟನೆ ತ್ಯುನೆ ತಿಳ್ದಿಲಿದ್ಯಾ ನೈ” ಕೈನ ಮಿ ಕದ್ಯೊ.
HEB 3:11 ತಿನಾಹುತಿ ಮಿ ಶಿಟ್ಟ ಥೈನ ಆ ಮನಕ್ಹೊ ಕೆಳಾಮಾಜ, ಮಿ ಕರಲ ಅರಾಮ ಕರಾನಿ ಜ಼ಗಾಮಾ ಆತಾಜ ನೈ ಕೈನ ಕ್ಹಮ್ಮ ಘಾಲ್ಯೊ.”
HEB 3:12 ಭಾಯೊ ಭೆನೊ, ಜುತೊ ರ‍್ಹಯಲ ಕ್ಹುದಾಕ್ಹು ತುಮೊನೆ ದುರ ಕರಾನು ಕಯುಜ಼ ಪಾಪ ವರಿ ಬರೊಕ್ಹೊ ನೈ ರ‍್ಹವಾನು ಸುಜ಼ ತುಮಾರಾ ಮನಸೊಮಾ ಕಿನಾಮಾಜ಼ ರ‍್ಹಯಾ ಬಗರ ಹುಶಾರ ರ‍್ಹವೊ.
HEB 3:13 ವರಿಬಿ ಯಕ್ಲಾನೆ ಯಕ್ಲೊ ಧೈರ್ಯ ದಿವೊ, ಆಜ಼ನೊ ದಿನ್ನ ರ‍್ಹತಾಮಾಜ಼ ಎ ಕ್ಹಾರು ಕರೊ. ಪಾಪಮಾ ಅಟ್ಕಿನ ಮೊಸ ಥೈನ ಮನಸ ಮಂಡ ಕರಿಲಿದ್ಯಾವಾಚಿ ಯಕ್ನಾ ಯಕ್ಕ ಮದತ ಕರೊ.
HEB 3:14 ಅಪೊನೆ ರ‍್ಹಯಲ ಪೈಲಾನೊ ಬರೊಕ್ಹೊ ಲಾಸ್ಟಲಕ್ಕಾ ಅಪೆ ಘಟ್ಟ್ಟ ಧರ‍್ಯಾರೆ ಅಪೆ ಕ್ರಿಸ್ತನಾ ಹಿಸ್ಸಾಮಾ ಭಾಗಿದಾರ ಥಯೆಸ.
HEB 3:15 ಪವಿತ್ರ ಗ್ರಂಥ ಸು ಕವಸ ಕದ್ಯಾಮ; ತುಮೆ ಹಮ್ನಾ ಕ್ಹುದಾ ಕವಾನು ಐಕ್ಯಾಮ, ಪೈಲಾನಾ ಕಾಲ್ಮಾ ತುಮಾರಾ ಬುಡಾ ಬುಡಿಯೊ ಕ್ಹುದಾನಾ ವಿರುದ್ದ ಥಯಲ ತಿಮ್ಮ ತುಮಾರಾ ಮನಸೊ ಮಂಡ ಕರಲಿವೊ ನಕೊ.
HEB 3:16 ಕ್ಹುದಾನೊ ಗಳೊ ಐಕಿನಬಿ ತಿನಾ ವಿರುದ್ದ ಥಯಲ ಕುನ ವ್ಹೈ? ಮೊಶೆನಾ ಮೂಲಕ ಇಜಿಪ್ತತಾ ಬಿಡಗಡೆ ವ್ಹಂದಲವಾಲಾ ನ್ಹವೈ ಸು?
HEB 3:17 ಛಾ಼ಳಕ್ಹ ವರಕ್ಹ ಕ್ಹುದಾ ಕಿಪರ ಶಿಟ್ಟ ಥಯೊತೊ? ಪಾಪ ಕರಲವಾಲಾವೊನಾ ಉಪ್ಪರ ನೈವ ಸು? ತ್ಯುನಾ ಕ್ಹಾರಾ ಮುರ್ದಾ ಉಸುಕನಿ ಜಿಮಿನ್ಪರ ಪಡ್ಯಾತಾ.
HEB 3:18 ಸಮಾಧಾನಮಾ ತ್ಯುನೆ ಮಳ್ತಾಜ಼ ನೈ ಕ್ಹುದಾ ಕಿನಾಹುತಿ ಕ್ಹಮ ಘಾಲಿನ ಕದ್ಯೊತೊ? ತಿನಿ ವಾತ ನೈ ಐಕಲವಾಲಾ ಮನಕ್ಹೊನಾ ಹುತಿ ನ್ಹವೈ ಸು?
HEB 3:19 ತಿನಾಹುತಿ ಕ್ಹುದಾನಿ ಸಮಾಧಾನ ಕಾ ಮಳಿ ನೈ ಕೈನ ಕದ್ಯಾಮ, ತ್ಯುನೊನೆ ಕ್ಹುದಾಪರ ಬರೊಕ್ಹೊ ನೈ ರ‍್ಹಯಲ ಹುತಿಜ಼ ವ್ಹೈ ಕೈನ ಅಪೊನೆ ದಿಕ್ಹಿನ ಆವಸ.
HEB 4:1 ಇಮ್ಮ ರ‍್ಹತಾಮಾ, ಕ್ಹುದಾ ತೆ ಮನಕ್ಹೊನೆ ದಿದಲ ವಾಗ್ದಾನ ಅಪೊಮಾ ಹಜು಼ನಬಿ ಛೆ. ಅಪೆ ಕ್ಹುದಾನಾ ಸಮಾಧಾನಮಾ ಜೌ಼ ಕವಾನುಜ಼ ತೆ ವಾಗ್ದಾನ ವ್ಹೈ. ತಿನಾಹುತಿ ಅಪ್ನೊಮಾ ಕುನ್ನಜ಼ ತೆ ವಾಗ್ದಾನನು ಫಲ ಲಿವಾಮಾ ನಾಕಾಮಿಯಾಬ ಥಯೆನೈಸೊ ಘನ್ನಾ ಹುಶಾರಕ್ಹು ರ‍್ಹಯೆ.
HEB 4:2 ರಕ್ಷಣೆನಿ ವಾಟನಾ ಹುತಿ ತ್ಯುನೊನೆ ತಿಳಸಾಯಲ ಲಿಂಗತ ಅಪೊನೆಬಿ ತಿಳಸ್ಯಾ. ತ್ಯುನೆ ತೆ ಬೊಧನೆ ಐಕ್ಯಾತಬಿ ತ್ಯುನೊನೆ ಉಪಯೊಗ ಥೈಯು ನೈ. ಕಾಕದ್ಯಾಮ ತ್ಯುನೆ ತಿನೆ ಬರೊಕ್ಹಾಕ್ಹು ಸ್ವಿಕಾರ ಕರ‍್ಯಾ ನೈ.
HEB 4:3 ಬರೊಕ್ಹೊ ಕರಾಲಾ ಅಪೆಜ಼ ಕ್ಹುದಾನಾ ಸಮಾಧಾನಮಾ ಜಾ಼ವಾನೆ ಲಾಯಕ ಥಯಾಸ. ಆ ಜಗತ್ತ ತಯ್ಯಾರ ಥಯಲ್ಪರ ತಿನಾ ಕಾಮೊ ಕ್ಹರಿನ ಗೈತಬಿ ಕ್ಹುದಾ, ತೆ ಮನಕ್ಹೊ ಸಮಾಧಾನಮಾ ಕೆಳಾಮಾಜ ಆತಾ ನೈ ಕೈನ ಮಿ ಶಿಟ್ಟ ಥೈನ ಕ್ಹಮ ಘಾಲ್ಯೊತೊ” ಕೈನ ಕದ್ಯೊ.
HEB 4:4 ಪವಿತ್ರ ಗ್ರಂಥನಾ ಯಕ್ಕ ಭಾಗಮಾ ತೆ ಅಟ್ವಾಡಾನಾ ಕ್ಹಾತ್ವಾ ದಿನ್ನನಾ ಹುತಿ ಅಮ್ಮ ಬೊಲ್ಯೊಸ; ತಿನಾಹುತಿ ಕ್ಹುದಾ ತಿನಾ ಕಾಮೊ ಕ್ಹಾರಾ ಕ್ಹರೈನ ಕ್ಹಾತ್ವಾ ದಿನ್ನೆ ಅರಾಮ ಕರ‍್ಯೊ.”
HEB 4:5 ಪವಿತ್ರ ಗ್ರಂಥನಾ ವರಿಯಕ್ಕ ಭಾಗಮಾ, ತೆ ಮನಕ್ಹೊ ಮಾರಾ ಸಮಾಧಾನಮಾ ಕೆಳಾಮಾಬಿ ಆತಾ ನೈ" ಕೈನ ಕದ್ಯೊಸ.
HEB 4:6 ತಿನಾಹುತಿ ಕ್ಹುದಾ ದಕ್ಹಾ ಜ಼ನಾವೊನೆ ತಿನಾ ಸಮಾಧಾನಮಾ ಮಳಾನೆ ಮೌಕೊ ದಿದ್ಯೊಸ. ಪೈಲಾ ಸುವಾರ್ತೆ ಐಕಲವಾಲಾ ತಿನಾ ಲಿಂಗತ ನೈ ಚಾ಼ಲಲ ಹುತಿ ತಿಪರ ನೈ ಬರೊಕ್ಹೊ ಕರಲಹುತಿ ತಿನಾ ಸಮಾಧಾನಮಾ ಮಳ್ಯಾ ನೈ.
HEB 4:7 ತಿನಾಹುತಿ ತೆ ವರಿ ಯಕ್ಕ ಖಾಸ ದಿನ್ನ ವಿಚಾರ ಕರ‍್ಯೊ. ತಿನೆ, ಆಜ಼” ಕೈನ ಬಲಾಯೊಸ. ತೆ ದಿನ್ನನಾ ಹುತಿ ತೆ ಘನ್ನಾ ದಿನ್ನ ಥಯಲ್ಪರ ದಾವಿದನಾ ಮುಲಕ ತಿಳಸಾಯೊ. ಪವಿತ್ರ ಗ್ರಂಥನು ಎ ಭಾಗನೆ ಹಮೆ ಪೈಲಾಜ಼ ಯಕ್ಕೆಮ ದೆಕ್ಯಾತಾ;
HEB 4:8 ಯೆಹುಶುವ ತೆ ಸಮಾಧಾನಮಾ ತ್ಯುನೊನೆ ಮಳಾಯೆಲ ರ‍್ಹವತ್ತೊ ಕ್ಹುದಾ ಕಾ ತೆ ದಿನ್ನನಾ ಹುತಿ ಬೊಲ್ತೊತೊ.
HEB 4:9 ತಿನಾಹುತಿ ಕ್ಹುದಾನಾ ಮನಕ್ಹೊನಾ ಹುತಿ ಅಟ್ವಾಡಾಮಾ ಯಕ್ಕ ದಿನ್ನ ತೆ ಅರಾಮ ಕರಾನೊ ದಿನ್ನ ವ್ಹೈ. ಕಿಮ್ಮ ಕ್ಹುದಾ ಕ್ಹಾತ್ವಾ ದಿನ್ನೆ ಅರಾಮ ಕರ‍್ಯೊ ತಿಮ್ಮಜ಼ ತೆ ದಿನ್ನಬಿ ವ್ಹೈ.
HEB 4:10 ಕಿಮ್ಮ ಕದ್ಯಾಮ, ಕ್ಹುದಾ ತಿನಾ ಕಾಮೊ ಕ್ಹರೈನ ಕಿಮ್ಮ ಅರಾಮ ಕರ‍್ಯೊ ತಿನಾ ಲಿಂಗತ ತಿನಾ ಅರಾಮಮಾ ಮಳಾಲೊಬಿ ತಿನಾ ಕಾಮೊ ಕ್ಹರೈನ ಅರಾಮ ಕರಸ.
HEB 4:11 ಕ್ಹುದಾನಾ ಅರಾಮಮಾ ಅಪೆ ಜಾ಼ವಾನಾ ಹುತಿ ಕೊಶಿಶ ಕರಿಯೆ ಅಪ್ನಾಮಾನೊ ಯಕ್ಲೊಬಿ ತೆ ಮನಕ್ಹೊನಾ ಲಿಂಗತ ತಿನಿ ವಾತ ಐಕ್ಯಾ ಬಗರ ರ‍್ಹಯಾವಾಚಿ ಘನ್ನಾ ಹುಷಾರಕ್ಹು ರ‍್ಹಯೆ.
HEB 4:12 ಕ್ಹುದಾನಿ ವಾಕ್ಯಾಮಾ ಜುವ ಶೆ ತೆ ಕಾಮ ಕರಾಲು ವ್ಹೈ, ವರಿ ಘನ್ನಿ ಧಾರ ರ‍್ಹಯಲ ತಲ್ವಾರತಿಬಿ ಖತರ್ನಾಕ ವ್ಹೈ, ಜ಼ಲಮ ಆತ್ಮಾವೊನೆ ಹಡಕಾ ಮಾಕ್ಹನೆ ಕಾಟ್ತು ಜಾ಼ವಸ. ಮನಸಮಾನಾ ವಿಚಾರೊನೆ ವರಿ ಉದ್ದೆಶನೆ ವಳಕಸ.
HEB 4:13 ಅಪೆ ಕಿನೆ ಲೆಕ್ಕೊ ವಪ್ಸಾನು ಛೆ, ತಿನಾ ಡೊಳೆ ಸುಜ಼ ಝಕಾಯಲ ನತ್ತಿ. ತಿನೆ ಕ್ಹಾರುಜ಼ ದಿಕ್ಹಸ. ತಿನೆ ಕ್ಹಾರು ಗೊತ್ತ ಛೆ ಅಪೆ ಅಪ್ನಾ ಜಿವಿತನಾ ಹುತಿ ಲೆಕ್ಕೊ ದಿವಾನು ತಿನೆ ಯಕ್ಲಾನೆಜ಼ ವ್ಹೈ.
HEB 4:14 ಸ್ವರ್ಗೆ ಗಯಲ ಖಾಸ ಮ್ಹೊಟೊ ಯಾಜಕ ಯಕ್ಲೊ ಅಪೊನೆ ಛೆ. ತೆಜ಼ ಕ್ಹುದಾನೊ ದಿಕ್ರೊ ಥಯಲ ಯೆಸು ವ್ಹೈ. ತಿನಾಹುತಿ ಅಪೊನೆ ರ‍್ಹಯಲ ಬರೊಕ್ಹಾಮಾ ಘಟ್ಟ್ಟ ರೈನ ಅಗಾ ಬಡಿಯೆ.
HEB 4:15 ಅಪ್ನೊ ಮ್ಹೊಟೊ ಯಾಜಕ ಥಯಲ ಅಪೊನೆ ರ‍್ಹಯಲ ಕಮಜೊ಼ರಿ ವಳಕಾನೆ ತಾಕತವಾಲೊ ಛೆ ತೆ ಆ ಜಗತಮಾ ರ‍್ಹತಾಮಾ, ಕ್ಹಾರಿ ತರಾಮಾ ಅಪ್ನಾ ಲಿಂಗತಜ಼ ಶೊಧನೆಮಾ ಪಾಡ್ಯೊತಬಿ ವಟ್ಟಜ಼ ಪಾಪ ಕರ‍್ಯೊ ನೈ.
HEB 4:16 ತಿನಾಹುತಿ ಅಗಾ ಪಾಚಾ಼ ಕರ‍್ಯಾವಾಚಿ ತಿನಿ ಕೃಪಾ ಕವಾನಿ ಸಿಂಹಾಸನನಾ ನಜಿಕ ಧೈರ್ಯಕ್ಹು ಐಯೆ. ಅಪೊನೆ ಜರುರತ ರ‍್ಹತಾಮಾ ಅಪೊನೆ ಚಾ಼ಯೆ ಥಯಲ ಮದತ ಅಪೆ ತ್ಯಾ ಕೃಪಾ ವರಿ ಮರಗಾ ವ್ಹಂದಿಲಿಯೆಸ.
HEB 5:1 ಹರಿಯಕ್ಕ ಖಾಸ ಯಾಜಕನೆ ಮನಕ್ಹೊಮಾತೊ ಇನಿಲಿನ ಕ್ಹುದಾನೆ ಸಂಬಂಧ ರ‍್ಹಯಲ ಕಾಮೊ ಮನಕ್ಹೊನಾ ಹುತಿ ಕರಾನೆ ಹುಬ್ರಾಡಸ. ತೆ ಯಾಜಕ ತ್ಯುನಾ ಪಾಪೊನಾ ಹುತಿ ಕ್ಹುದಾನೆ ಕಾಣಿಕೆ ವರಿ ಬಲಿಯೊ ದಿವಸ.
HEB 5:2 ತೆ ಕ್ಹಾರಾ ಮನಕ್ಹೊ ಲಿಂಗತ ತಾಕತ ನೈಸೊವಾಲೊ ಥಯಲ ಹುತಿ ನೈ ತಿಳ್ದಿಲಿವಾಲಾ ವರಿ ವಾಟ ಚು಼ಕಲ ಮನಕ್ಹೊನಾ ಹುತಿ ಶಾಂತಕ್ಹು ತಡ್ದಿಲಿವಾನೆ ಶಕ್ತ ಥಯೊಸ.
HEB 5:3 ತಿನಾಹುತಿ ತೆ ತಾಕತ ನೈಸೊವಾಲೊ ಥಯಲ ಹುತಿ ತೆ ಮನಕ್ಹೊನಾ ಪಾಪೊನಾ ಹುತಿ ಯಕ್ಕಜ಼ ನೈ ತಿನಾ ಸ್ವಂತ ಪಾಪೊನಾ ಹುತಿಬಿ ಬಲಿಯೊ ಚ಼ಡಾವಸ.
HEB 5:4 ಕುನ್ನಜ ತಿನಾಕ್ಹು ತೆಜ಼ ಮ್ಹೊಟೊ ಯಾಜಕ ಥಾವಾನೆ ಥಾತು ನೈ, ಕೆಳ್ಳಕಾ ಕ್ಹುದಾ ತಿನೆ ಇನಿಲೆತೊ ನೈ. ಕಿಮ್ಮ ಆರೊನನೆ ಇನಿಲಿದಲ ಲಿಂಗತ ತೆ ಮನಕ್ಹನೆ ಇನಿಲಿವಸ.
HEB 5:5 ಕ್ರಿಸ್ತಬಿ ಇನಾ ಲಿಂಗತ ನೆಮ್ಸಲವಾಲೊ ವ್ಹೈ. ತೆ ಖಾಸ ಯಾಜಕ ವ್ಹೈ ಕೈನ ತಿನೆ ತೆಜ಼ ಇನಿಲಿದ್ಯೊ ನೈ, ತೆನೈಸೊ ಕ್ಹುದಾ ತಿನೆ ಇನಿಲಿದ್ಯೊ. ಕ್ಹುದಾ ಕ್ರಿಸ್ತನೆ ಅಮ್ಮ ಕದ್ಯೊ; ತು ಮಾರೊ ದಿಕ್ರೊ ವ್ಹೈ. ಆಜ಼ ಮಿ ತಾರೊ ಬಾ ಥಯೊ.”
HEB 5:6 ಪವಿತ್ರ ಗ್ರಂಥಮಾ ಬಿಜೆಕ ಬಗಲ ಕ್ಹುದಾ ಅಮ್ಮ ಕವಸ; ತು ಮೆಲ್ಕಿಜೆದಕ ಲಿಂಗತ ಹಮೆಶಾಬಿ ಮ್ಹೊಟೊ ಯಾಜಕ ಥೈನ ರ‍್ಹಸಿ.”
HEB 5:7 ಕ್ರಿಸ್ತ ಭುಲೊಕಮಾ ಜಿವನಾ ಕರತಾಮಾ, ಕ್ಹುದಾಕನ ಪ್ರಾಥನಾ ಕರಿನ ಮದತ ಮಾಂಗಿಲಿದ್ಯೊ. ತೆ ಘನ್ನೊ ಹಲಬ್ತೊ ಜೊ಼ರ ರೊತೊ ಕ್ಹುದಾಕನ ಪ್ರಾರ್ಥನಾ ಕರ‍್ಯೊ. ತಿನೆ ಮೌತಮಾತೊ ವಚಾ಼ಡ ಕೈನ ತಿನಾಹುತಿ ತೆ ಕ್ಹುದಾನಾ ಚಿತ್ತ ಲಿಂಗತ ತೆ ಕ್ಹಾರು ಕರಲವಾಲೊ ಥಯೊ. ವರಿ ಸ್ವಭಾವಕ್ಹು ವ್ಹಂದ್ಯೊ. ತಿನಾಹುತಿ ಕ್ಹುದಾ ತಿನಾ ಪ್ರಾರ್ಥನಾನೆ ಜವಾಬ ದಿದ್ಯೊ.
HEB 5:8 ತೆ ಕ್ಹುದಾನೊ ದಿಕ್ರೊ ಥಯೊತಬಿ ಕಸ್ಟ ವರಿ ತ್ರಾಸಕ್ಹು ವಚಾಡಿಲಿದ್ಯಾವಾಚಿ ತಿಮಾಜ಼ ವಿದೆಯ ಥಾವಾನು ಶಿಕ್ಕಿಲಿದ್ಯೊ.
HEB 5:9 ಅಮ್ಮ ತೆ ಪರಿಶುದ್ಧ ವ್ಹತ್ತೊ. ಕ್ಹುದಾನೆ ವಿದೆಯ ಥಾವಾನಾ ಕ್ಹಾರಾ ಮನಕ್ಹೊ ಹಮೆಶಾ ರ‍್ಹಯಲ ರಕ್ಷಣೆ ವ್ಹಂದಿಲಿವಾನೆ ತೆಜ಼ ಕಾರಣ ವ್ಹೈ.
HEB 5:10 ವರಿ ಕ್ಹುದಾ ತಿನೆ ಮೆಲ್ಕಿಜೆದೆಕ ಲಿಂಗತ ಮ್ಹೊಟೊ ಯಾಜಕ ಕರ‍್ಯೊ.
HEB 5:11 ಎ ವಿಷಯನಾ ಹುತಿ ಹಮೆ ತುಮೊನೆ ಕವಾನು ಘನ್ನು ಛೆ. ತೆನೈಸೊ ತುಮೆ ಅನೆ ತಿಳ್ದಿಲಿವಾನೆ ಕೊಶಿಸ ಕರಾನಾಹುತಿ ರ‍್ಹಯಲ ಕ್ಹಾರು ಕವಾನು ಘನ್ನು ಕಷ್ಟ ಛೆ.
HEB 5:12 ತುಮೊನೆ ಟೈಮ ಚಾ಼ಯೆ ಥಯಲ ಅಕ್ಲು ಹಮ್ನಾಜ಼ ತುಮೆ ಉಪದೆಶ ಕರಾಲಾ ಥೌ. (ತೆನೈಸೊ ಹಜು಼ನ ತುಮೆ ಥಯಾ ನತ್ತಿ.) ಅಮ್ಮ ರ‍್ಹತಾಮಾ ಕ್ಹುದಾನಾ ಉಪದೆಶನೆ ಪೈಲಾ ಪಾಠತಾ ಜರುರತ ವ್ಹತ್ತು. ದುದ್ದ ಲಿಂಗತ ರ‍್ಹಯಲ ಉಪದೆಶ ಹಮೆ ತುಮೊನೆ ಕರಲಾ ಥೌ. ತುಮೆ ಘಟ್ಟ್ಟ ಅನ್ನ ಕ್ಹಾವಾಲಾ ನತ್ತಿ ಥಯಾ.
HEB 5:13 ತುಮೆ ದುದ್ದ ಪಿವಾಲಾ ಬಚ್ಚಾ಼ವೊ ಲಿಂಗತ ಛೆ. ತುಮೆ ಸುಜ಼ ತಿಳ್ದಿಲಿದ್ಯಾವಾಚಿ ಕೆಟ್ಟ ಸುವೈ ವರಿ ಚೊ಼ಕು ಸು ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ.
HEB 5:14 ತೆನೈಸೊ ಘಟ್ಟ್ಟ ರ‍್ಹಯಲ ಅನ್ನ ಜಾಂಜಿಮಾನೊ ವ್ಹೈ ಬಚ್ಚಾವೊನೆ ನ್ಹವೈ, ಕದ್ಯಾಮ ಕೆಟ್ಟ ವರಿ ಚೊ಼ಕಾನೆ ಅನುಭಕ್ಹು ತಿಳ್ದಿಲಿನ, ತಿನಾ ಲಿಂಗತ ಚಾ಼ಲಾಲಾವೊನಾ ಹುತಿ ವ್ಹೈ.
HEB 6:1 ತಿನಾಹುತಿ ಕ್ರಿಸ್ತ ಯೆಸುನಾ ಹುತಿ ಚಾಲು ಕರಲ ಪಾಠ ಅಪೆ ಮುಗಸಲವಾಲಾ ಥೌ. ಅಪೆ ಚಾಲು ಕರಲ ಪಾಠನೆ ವರಿ ಜೌ ನೈ ಅಪ್ನಾ ಪೈಲಾನಾ ಪಾಪೊನೆ ಕೆಟ್ಟ ಕಾಮೊ ಛೊಡಿನ ಕ್ಹುದಾಮಾ ಬರೊಕ್ಹೊ ಮ್ಹೆಲಿನ ಕ್ರಿಸ್ತಮಾ ಅಪ್ನೊ ಜಿವನ ಶುರು ಕರು.
HEB 6:2 ತೆ ಟೈಮಮಾ ಬಾಪ್ತಿಸ್ಮಾನಾ ಹುತಿ, ಮರಿನ ಉಟಾಲಾವೊನಾ ಹುತಿ ವರಿ ಹಮೆಶಾನೊ ಫೈಸಲಾನಾ ಹುತಿ ಬೊದನೆ ಕರ‍್ಯಾ. ತೆನೈಸೊ ಹಮ್ನಾ ಅಪೆ ಪುರಾಜ಼ ಗ್ಯಾನಮಾ ಜಾ಼ವಾನೆ ಜ಼ರುರತ್ತ ಛೆ.
HEB 6:3 ಕ್ಹುದಾನಿ ಚಿತ್ತ ರ‍್ಹೈಮ ಇಮ್ಮಜ಼ ಅಗಾ ಗೈಯೆಸ.
HEB 6:4 ಕ್ರಿಸ್ತನಿ ವಾಟ ಮನಕ್ಹೊ ಛೊಡಿನ ಗಯಲ್ಪರ, ತುಮೆ ತ್ಯುನಾ ಜಿವ್ನಾ ಬದಲಿ ಕರಾನೆ ಥಾವಸ ಸು ವರಿ? ಮಿ ಕ್ಹರಿಜ಼ ವಳಕಿನ ಮನಕ್ಹೊನೆ ಹುತಿ ಬೊಲಾಡೊಸ.
HEB 6:5 ತ್ಯುನೆ ಕ್ಹುದಾನಿ ವರಾ ಪಡ್ದಿಲಿದಲವಾಲಾ ವ್ಹೈ. ಪವಿತ್ರ ಆತ್ಮಾನೆ ವಾಟೊ ಲಿವಾಲಾ ತಯಾಸ. ಕ್ಹುದಾ ಕದಲ ಸಂಗತಿಯೊ ಐಕಲ ತ್ಯುನೆ ಕ್ಹುದಾನಿ ನವು ದುನಿಯಾನೆ ಮ್ಹೊಟಿ ತಾಕತೊನೆ ದೆಕಲವಾಲಾ ಥಯಾಸ. ತೆ ಕ್ಹಾರು ಚೊ಼ಕು ವ್ಹೈ ಕೈನ ತ್ಯುನೆ ಶಿಕ್ಯಾಸ.
HEB 6:6 ವರಿಬಿ ತ್ಯುನೆ ಕ್ರಿಸ್ತನಿ ವಾಟ ಛೊಡಿನ ಗಯಾ. ತ್ಯುನಿ ಜಿವಿತ ವರಿ ಬದಲಿ ಕರಲಿನ ಕ್ರಿಸ್ತಮಾ ಆವಾನೆ ಸಾದ್ಯ ನತ್ತಿ. ಕಾಕದ್ಯಾಮ ಕ್ರಿಸ್ತನೆ ಛೊಡಿನ ಗಯಲ ತ್ಯುನೆ ವರಿ ಶಿಲುಬೆನೆ ಚ಼ಡೈನ ಮೊಳಾ ಮಾರಲವಾಲಾ ಕ್ಹಾರಾ ಮನಕ್ಹೊಮಾ ತಿನೆ ಮರ್ಯಾದಿ ಕಾಡಲವಾಲಾ ಥಯಾಸ.
HEB 6:7 ತೆ ಮನಕ್ಹೊ ತಿಪರ ಹಗಲೆಲ್ಲಾ ಥಾವಾನಾ ಪಾನಿನೆ ಜೆಗ್ಗಿಲಿವಾನು ಜಿಮಿನ ಲಿಂಗತ ಛೆ. ತೆ ಮನಕ್ಹೊ ಅನ್ನ ದಿವಾದೆ ಕೈನ ರೈತ ತಿಮಾ ಸಾಸವಿ ಘಾಲಿನ ಬೆಳಸಸ. ತೆ ಮನಕ್ಹೊನೆ ಉಪಯೊಗ ಥಾವಾನು ಬೆಳೆ ಬೆಳಶ್ಯೊಮ, ತಿನಾಹುತಿ ಕ್ಹುದಾಕಂತೊ ಆಶಿರ್ವಾದ ಮಳಸ.
HEB 6:8 ತೆನೈಸೊ ತೆ ಕಾಟಾವೊನಾ ಝಾಡೊ ಬೆಳಶ್ಯೊಮ ಉಪಯೊಗ ನೈಸೊ ಥಯಲ ಕ್ಹುದಾನಿ ಕ್ಹರಾಪನೆ ಗುರಿ ಥಾವಸ. ತೆ ಜಿಮಿನ ಆಗಕ್ಹು ಬಾಳಿನ ಹಾಳ ಕರಿಪಾಡಸ.
HEB 6:9 ಮಯಾನಾ ದೊಸ್ತೊ, ಹಮೆ ಎ ಸಂಗತಿಯೊ ತುಮೊನೆ ಕತಾ ರ‍್ಹಯಾತಬಿ ತುಮೊಕ್ಹು ಇತ್ತಿಬಿ ಚೊ಼ಕು ರ‍್ಹಯಲ ಕಾಮೊನೆ ಆಸ ಕರಿಯೆಸ. ರಕ್ಷಣೆನೆ ಸಂಭಂದ ರ‍್ಹಯಲ ಕಾಮೊ ತುಮೆ ಕರೊಶಿ ಕೈನ ಹಮೆ ಘಟ್ಟ್ಟ ಬರೊಕ್ಹೊ ಕರ‍್ಯಾಸ.
HEB 6:10 ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ.
HEB 6:11 ತುಮೆ ವ್ಹಂದಿಲಿದಲ ಆಸ ಪುರಾ ಥಾಯೆಲಕ್ಕಾ ತುಮೊಮಾ ಹರಿ ಯಕ್ಲೊ ಪೈಲಾನಿ ಆಸಕ್ತಿ ರ‍್ಹಯಲ ಲಾಸ್ಟ ಲಕ್ಕಾಬಿ ದೆಕಾಡಿನ ದ್ಯು ಕೈನ ಆಸ ಕರುಸ.
HEB 6:12 ತುಮೆ ಸೊಮಾರಿಯೊ ಥೈನ ರ‍್ಹೌ ನೈ ಕೈನ ಹಮಾರಿ ಆಸ ನ್ಹವೈ. ಕ್ಹುದಾನಿ ವಾಗ್ದಾನನಿ ಫಲ ಲಿವಾಲಾ ಮನಕ್ಹೊ ಲಿಂಗತ ತುಮೆ ರ‍್ಹೌ ಕೈನ ಹಮಾರಿ ಆಸ ವ್ಹೈ. ತೆ ಮನಕ್ಹೊನೆ ಬರೊಕ್ಹೊ ವರಿ ತಡ್ದಿಲಿವಾನು ರ‍್ಹಯಲ ಹುತಿ ತ್ಯುನೆ ಕ್ಹುದಾನಿ ವಾಗ್ದಾನನಾ ಲಿಂಗತ ಫಲ ಪಡ್ದಿಲಿದ್ಯಾ.
HEB 6:13 ಕ್ಹುದಾ ಅಬ್ರಹಾಮನೆ ಕ್ಹಾತೆ ಯಕ್ಕ ವಾಗ್ದಾನ ಕರ‍್ಯೊ. ಕ್ಹುದಾತಿ ಮ್ಹೊಟು ಕುನ್ನಜ಼ ನತ್ತಿ. ತಿನಾಹುತಿ ಕ್ಹುದಾ ತಿಪ್ಪರಜ಼ ಕ್ಹಮ ಘಾಲ್ಲಿನ ತಿನಾ ವಾತ ಲಿಂಗತಜ಼ ಕರ‍್ಯೊ.
HEB 6:14 ತೆ ತಿನೆ, ಮಿ ಕ್ಹರಿಮಾಜ಼ ತುನೆ ಆಶಿರ್ವಾದ ಕರುಸ. ಘನ್ನಿಯೊ ಸಂತತಿಯೊ ತುನೆ ದ್ಯುಸ” ಕೈನ ಕದ್ಯೊ.
HEB 6:15 ಅಬ್ರಹಾಮ ಎ ವಾತ ಪುರಾ ಥಾಯೆಲಕ್ಕಾ ತಡ್ದಿಲಿನ ರ‍್ಹಯೊ. ಪಾಚಲ್ತೊ ಕ್ಹುದಾನಿ ವಾಗ್ದಾನನು ಫಲ ಮಳ್ಯು.
HEB 6:16 ಮನಕ್ಹೊ ವಾಗ್ದಾನ ಕರತಾಮಾ ಕೆಳಾಮಾಬಿ ತ್ಯುನೊತಿ ಮ್ಹೊಟೊ ರ‍್ಹಯಲ ಕಿನೆಬಿ ಯಕ್ಲಾನೆ ಉಪಯೊಗ ಕರಲಿವಸ. ತ್ಯುನೆ ಕದಲ ಕ್ಹರಿ ವ್ಹೈ ಕೈನ ತೆ ವಾಗ್ದಾನ ಖಚಿತ ಕರಲಿವಸ. ಇನಾಹುತಿ ತ್ಯುನಾ ಕ್ಹಾರಾ ವಾಗ್ವಾದೊನೆ ಪುರಾ ಥಾವಸ.
HEB 6:17 ತೆ ಕರಲ ವಾಗ್ದಾನನೆ ಸ್ವಿಕಾರ ಕರಾಲಾವೊನೆ, ಕ್ಹುದಾ ತಿನಾ ಉದ್ದೆಶನೆ ಕೆಳಾಮಾಜ಼ ಬದಲತೊ ನೈ ಕೈನ ಸ್ಪಶ್ಟ ಕವಾನೆ ಆಸ ಕರ‍್ಯೊ; ತಿನಾಹುತಿ ತೆ ಪ್ರತಿಜ್ಞೆನೆ ವಾಗ್ದಾನಮಾ ಮಳಾಯೊ.
HEB 6:18 ಕ್ಹುದಾನಿ ವಾಗ್ದಾನ ವರಿ ಕ್ಹಮ ಘಟ್ಟ್ಟ ರ‍್ಹಯಲ ಬೆ ಆದಾರ ಛೆ. ಇನಾಹುತಿ ಅಪೊನೆ ಕೆಳಾಮಾಜ಼ ಮೊಸ ಥಾತು ನೈ. ಇನಾಹುತಿ ಕ್ಹುದಾನಾ ರಕ್ಷಣೆನಾ ಹುತಿ ನ್ಹಾಟಿನ ಆಯಲ ಅಪೆ ಅಪ್ನಾ ಆಸಮಾ ಘಟ್ಟ್ಟ ಥೈನ ರ‍್ಹವಾನೆ ಪ್ರೊತ್ಸಹ ಮಳ್ಯೊ.
HEB 6:19 ಎ ಆಸ ಅಪ್ನಿ ಆತ್ಮಾನೆ ತ್ರಾಸಮಾ ಲಿಂಜಾ಼ಯೆ ನೈಸೊ ವಚಾಡಾನಾ ಹುತಿ ಶಕ್ತಿ ಥಯಲ ಘಟ್ಟ್ಟ ರೈನ ಲಂಗರ ಲಿಂಗತ ಛೆ. ತೆ ಸ್ವರ್ಗನೊ ಆಲಯ ಹಬಾಳನಾ ಹೆಟು ದಡಿ ರ‍್ಹಯಲ ಮಹಾ ಪವಿತ್ರ ಜ಼ಗಾನಾ ಮ್ಹೈ ಪ್ರವೆಶ ಕರಸ.
HEB 6:20 ಅಪ್ನಾ ಹುತಿ ಯೆಸು ಅಪ್ನಾತಿ ಪೈಲಾ ತ್ಯಾ ಗಯೊಸ ವರಿ ತೆ ಮೆಲ್ಕೆಜೆದೆಕ ಲಿಂಗತ ಹಮೆಶಾಬಿ ರ‍್ಹವಾಲೊ ಮ್ಹೊಟೊ ಯಾಜಕ ಥಯೊಸ.
HEB 7:1 ಮೆಲ್ಕಿಜೆದೆಕ ಸಾಲೆಮಿನೊ ರಾಜೊ಼ ವ್ಹತ್ತೊ ವರಿ ಕ್ಹುದಾನೊ ಯಾಜಕ ವ್ಹತ್ತೊ. ಅಬ್ರಹಾಮ ರಾಜಾ಼ವೊನೆ ಹರಾಡಿನ ಆತಾಮಾ ತೆ ಅಬ್ರಹಾಮನೆ ಮಳಿನ ಆಶಿರ್ವಾದ ದಿದ್ಯೊ.
HEB 7:2 ಅಬ್ರಹಾಮ ತಿನೆ ತಿಕನ ರ‍್ಹಯಲ ಕ್ಹಾರಾವೊಮಾನು ದಕ್ಹವಾನು ಯಕ್ಕ ಭಾಗ ದಿದ್ಯೊ. ಸಾಲೆಮೆನೊ ರಾಜೊ಼ ಥಯಲ ಮೆಲ್ಕಿದೆಜೆಕ ಕವಾನು ನಾಮನೊ ಬೆ ಮತ್ಲಬ ಛೆ. ಮೆಲ್ಕಿದೆಜೆಕ ಕದ್ಯಾಮ, ನಿತಿನೊ ರಾಜೊ಼” ಮತ್ಲಬ ವ್ಹೈ. ಸಾಲೆಮೆರಾಜೊ಼ ಕದ್ಯಾಮ” ಶಾಂತಿನೊ ರಾಜೊ಼ ವ್ಹೈ ಕೈನ ಮತ್ಲಬ ವ್ಹೈ.
HEB 7:3 ಮೆಲ್ಕಿಜೆದೆಕನಾ ಮಾ ಬಾಪ ಕುನ ವ್ಹೈ ಕೈನ ತೆ ಕಿಜಾತೊ ಆಯೊಸ ಕವಾನು ತೆ ಕೆಳಾಮಾ ಹುಟ್ಟೊಸ ಕವಾನು ತೆ ಕೆಳಾಮಾ ಮರಿಯೊಸ ಕವಾನು ಕಿನೆಜ಼ ಗೊತ್ತ ನತ್ತಿ. ತೆ ಕ್ಹುದಾನೊ ದಿಕ್ರಾ ಲಿಂಗತ ವ್ಹತ್ತೊ; ತೆ ಹಮೆಶಾಬಿ ಯಾಜಕ ಥಯೊಸ.
HEB 7:4 ಮೆಲ್ಕಿಜೆದೆಕ ಕೆಕ್ಲೊ ಮ್ಹೊಟೊ ವ್ಹೈ ಕವಾನು ತುಮೆ ದೆಕೊಶಿ. ಅಪ್ನೊ ಮೂಲ ಪಿತೃ ಥಯಲ ಅಬ್ರಹಾಮ, ಯುದ್ದಮಾ ಝಿತ್ತಲಮಾನು ದಕ್ಹವಾ ಯಕ್ಕ ಭಾಗ ತಿನೆ ದಿದ್ಯೊ.
HEB 7:5 ವರಿ ಲೆವಿ ಖಾಂದಾನನಾ ಮನಕ್ಹೊಮಾ ಅಬ್ರಹಾಮನಾ ಖಾಂದಾನವಾಲಾ ರ‍್ಹಯಾತಬಿ ಇಸ್ರಾಯೆಲನಾ ಮನಕ್ಹೊಕಂತಾ ದಕ್ಹವಾಮಾನು ಯಕ್ಕ ಭಾಗ ಲ್ಯು ಕೈನ ಧರಮಶಾಸ್ತ್ರ ಕವಸ, ಕದ್ಯಾಮ ಯಾಜಕೊ ತ್ಯುನಾ ಖಾಸ ಮನಕ್ಹೊಜ಼ ಕುಡ್ಸಸ.
HEB 7:6 ಮೆಲ್ಕಿಜೆದೆಕ ಲೆವಿನೊ ಘರದಾನನೊ ನ್ಹೊತೊ, ರ‍್ಹೈತುಬಿ ತೆ ಅಬ್ರಹಾಮಕ್ಹು ದಕ್ಹವಾಮಾನು ಯಕ್ಕ ಭಾಗ ಪಡ್ದಿಲಿದ್ಯೊ. ಕ್ಹುದಾಕ್ಹು ವಾಗ್ದಾನ ವ್ಹಂದಿಲಿದಲವಾಲಾನೆ ಆಶಿರ್ವಾದ ಕರ‍್ಯೊ.
HEB 7:7 ಖಾಸ ರ‍್ಹಯಲ ಮನಕ್ಹ ನ್ಹಾನಾ ಮನಕ್ಹನೆ ಅಶಿರವಾದ ದಿವಸ ಕವಾನು ಕ್ಹಾರಾ ಮನಕ್ಹೊನೆ ಗ್ವತ್ತ ರ‍್ಹಯಲ ವಿಚಾರ ವ್ಹೈ.
HEB 7:8 ಯಾಜಕೊ ದಕ್ಹವಾಮಾನು ಯಕ್ಕ ಭಾಗ ಲಿವಾಲಾ ಯಕ್ನಾ ಯಕ್ಕ ದಿನ್ನ ಮರಸ. ತೆನೈಸೊ ಅಬ್ರಹಾಮಕ್ಹು ದಕ್ಹಾವಾಮಾನು ಯಕ್ಕ ಭಾಗ ಪಡ್ದಿಲಿದಲ ಮೆಲ್ಕಿಜೆದಕ ಜಿವ್ತೊ ರ‍್ಹವಸ ಕೈನ ಪವಿತ್ರ ಗ್ರಂಥ ಕವಸ.
HEB 7:9 ವರಿ ದಕ್ಹವಾಮಾನು ಯಕ್ಕ ಭಾಗ ಲಿವಾಲೊ ಲೆವಿಬಿ ಅಬ್ರಹಾಮನಾ ಮುಲಕ ದಕ್ಹವಾಮಾನು ಯಕ್ಕ ಭಾಗ ದಿದಲ ಲಿಂಗತ ಥಯು.
HEB 7:10 ಕಾಕದ್ಯಾಮ ಲೆವಿ ಹುಜ಼ನ ಹುಟ್ಯೊ ನ್ಹೊತೊ, ತೆನೈಸೊ ಮೆಲ್ಕಿಜೆದೆಕ ತಿನೆ ಮಳಾನೆ ಆಯಲ ಟೈಮಮಾ ತಿನೊ ಪುರವಿಕ ಥಯಲ ಅಬ್ರಹಾಮನಾ ಸ್ವಭಾವಮಾ ಲೆವಿ ವ್ಹತ್ತೊ.
HEB 7:11 ಇಸ್ರಾಯೆಲೊನೆ ದಿದಲ ಧರಮ ಶಾಸ್ತ್ರ ಲೆವಿಯೊನಾ ಯಾಜಕತ್ವನಾ ಉಪ್ಪರ ಆಧಾರ ಛೆ. ಲೆವಿಯೊನಾ ಎ ಯಾಜಕತ್ವಕ್ಹುಜ಼ ಪುರಾ ರಡಿ ಥಾವಾನು ರ‍್ಹವತ್ತೊ, ಆರೊನನಿ ಪರಂಪರಾನೆ ನೈ ಮಳಾನಾ, ಮೆಲ್ಕಿಜೆದೆಕನಿ ಪರಂಪರಾನೆ ಮಳಲ ಬಿಜೆಕ್ಕ ಯಾಜಕ ಆವಾನಿ ಜ಼ರುರತ ಸು ವ್ಹತ್ತಿ?
HEB 7:12 ಬಿಜೊ಼ ಯಾಜಕ ಆಯೊಮ, ತೆಳಾಮಾ ಧರಮಶಾಸ್ತ್ರ ಬದಲಿ ಥಾವಸ.
HEB 7:13 ಅಪೆ ಕ್ರಿಸ್ತನಾ ಹುತಿ ಎ ಕ್ಹಾರು ಕವಾಡಾತಾ. ತೆ ಬಿಜಾ಼ ಖಾಂದಾನನೆ ಸೆರಲವಾಲೊ ವ್ಹೈ. ತೆ ಖಾಂದಾನೊಮಾ ಕುನಬಿ ರ್‍ಹೈನಕಾ ಯಾಜಕ ಥೈನ ಸೆವಾ ಕರ‍್ಯಾ ನ್ಹೊತಾ.
HEB 7:14 ಅಪ್ನೊ ಪ್ರಭು ಕ್ರಿಸ್ತ ಯೆಹುದ ಖಾಂದಾನಮಾತೊ ಆಯೊಸ ಕೈನ ಚೊ಼ಕಿತರಾ ಥಯುಸ. ತೆ ಖಾಂದಾನನೆ ಸೆರೆಲ ಯಾಜಕೊನಾ ಹುತಿ ಮೊಶೆ ಸುಜ಼ ಕದ್ಯೊ ನೈ.
HEB 7:15 ಮೆಲ್ಕಿಜೆದೆಕ ಲಿಂಗತಜ಼ ಹಜಿ ಯಕ್ಲೊ ಯಾಜಕ ಯೆಸು ಆಯಲಕ್ಹು ಆ ವರಿ ಹೆಚ್ಕಿ ಚೊ಼ಕು ಥಯುಸ.
HEB 7:16 ತೆ ಯಾಜಕ ಥಯೊ, ತೆ ಮನಕ್ಹೊನಾ ನಿಯಮೊ ಲಿಂಗತ ನೈಸೊ ಕೆಳಾಮಾಜ಼ ನಾಶ ಥಾಯೆ ನೈಸೊ ಜ಼ಲಮನಿ ತಾಕತನಾ ಕ್ಹಾತೆ, ಮೆಲ್ಕಿಜೆದೆಕನಾ ಲಿಂಗತ ಬಿಜೆಕ್ಕ ಯಾಜಕ ಉಟಸ ಕದ್ಯಾಮ ತೆ ಹಜು಼ನ ಚೊ಼ಕು ಥಾವಸತೊ.
HEB 7:17 ತಿನಾ ಹುತಿ ತು ಮಲ್ಕಿಜೆದೆಕ ಲಿಂಗತ ಹಮೆಶಾಬಿ ಯಾಜಕ ಥೈನ ರ‍್ಹಶಿ” ಕೈನ ಪವಿತ್ರ ಗ್ರಂಥಮಾ ಅಮ್ಮ ಕವಸ.
HEB 7:18 ಜುನ್ನಾ ನಿಯಮೊ ದುರ್ಬಲ ಕೆಟ್ಟ ಕಾಮೊ ಥಯಲಕ್ಹು ರದ್ದ ಥಯು.
HEB 7:19 ಮೊಶೆನೊ ಧರಮಶಾಸ್ತ್ರ ಸುಜ಼ ಸಿದ್ದ ಲಯು ನೈ. ಹಮ್ನಾ ಅಪೊನೆ ಚೊ಼ಕೊ ರ‍್ಹಯಲ ಯಕ್ಕ ಆಸ ದಿವಾಲಗಾಡ್ಯಾ. ಆ ಆಸ ಅಪೊನೆ ಕ್ಹುದಾನಾ ನಜಿಕ ಲಿಂಜಾ಼ವಸ.
HEB 7:20 ತಿನಾಹುತಿ, ಕ್ಹುದಾನಿ ಪ್ರತಿಜ್ಞೆ ಎಜ಼ ವ್ಹೈ. ಬಿಜಾ಼ ಮನಕ್ಹೊನೆ ಯಾಜಕೊ ಕರ‍್ತಾಮಾ ತೆವಿ ಪ್ರತಿಜ್ಞೆ ನ್ಹೊತಿ.
HEB 7:21 ಕ್ಹುದಾ ತಿನೆ ಕದಲ ಸುವೈ ಕದ್ಯಾಮ; ತು ಹಮೆಶಾಬಿ ಯಾಜಕ ರ‍್ಹಶಿ” ಕೈನ ಪ್ರಭು ವಾಗ್ದಾನ ಕರ‍್ಯೊ. ತಿನಾಹುತಿ ಮಿ ಕೆಳಾಮಾಬಿ ಪಶ್ಚಾತ್ತಾಪ ನೈ ಪಡತೊ ಕದ್ಯೊ. ವರಿ ಕ್ರಿಸ್ತಜ಼ ಕ್ಹುದಾನಾ ವಾಗ್ದಾನ ಲಿಂಗತ ಯಾಜಕ ಥಯೊ.
HEB 7:22 ಕ್ಹುದಾ ತಿನಾ ಮನಕ್ಹೊನಾ ಕ್ಹಾತೆ ಕರಿಲಿದಲ ಖಾಸ ಥಯಲ ವಡಂಬಡಿಕೆನೆ ಯೆಸುಜ಼ ಆಧಾರ ವ್ಹೈ ಕವಾನು ಅನು ಮತ್ಲಬ ವ್ಹೈ.
HEB 7:23 ತೆನೈಸೊ ಘನ್ನಾ ಯಾಜಕೊ ತ್ಯಾ ವ್ಹತ್ತಾ. ಕಾಕದ್ಯಾಮ ತ್ಯುನೆ ಮರ‍್ಯಾಮ ತ್ಯುನು ಕಾಮ ಅಗಾ ಬಡಾವಾನೆ ಸಾಧ್ಯ ಥಾತು ನ್ಹೊತು.
HEB 7:24 ತಿನಾಹುತಿ ಯೆಸು ಹಮೆಶಾಬಿ ಜ್ಯುತೊ ರ‍್ಹಯಲವಾಲೊ ಥಯೊಸ. ತೆ ಯಾಜಕ ಥೈನ ತಿನು ಕಾಮ ಬಿಜಾ಼ವೊಕನ ಜಾ಼ವಾನೆ ನೈ ದೆತೊ.
HEB 7:25 ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ.
HEB 7:26 ಯೆಸು ಅಪೊನೆ ಚಾ಼ಯೆ ಥಯಲ ಪ್ರಧಾನ ಯಾಜಕ ವ್ಹೈ. ತೆ ಪಾಪ ನೈಸೊ ಪರಿಶುದ್ಧ ನಿಷ್ಕಳಂಕಿ ಪಾಪಿಯೊನಾ ಪ್ರಭಾವನೆ ಮ್ಹೈ ಥಯಲವಾಲೊ ಹಬಾಳತಿ ಉನ್ನತ ಥಯೊಸ.
HEB 7:27 ತೆ ಬಿಜಾ಼ ಯಾಜಕ ಲಿಂಗತ ನವ್ಹೈ. ತ್ಯುನೆ ಥಯಾಮ ಹರಯಕ್ಕ ದಿನ್ನೆ ಬಲಿ ಚಡೌ. ತ್ಯುನೆ ತ್ಯುನಾ ಸ್ವಂತ ಪಾಪೊನಾ ಹುತಿ ಬಲಿ ಚಡಾಯಲ್ಪರ ಬಿಜಾ಼ವೊನಾ ಹುತಿ ಚಡೌ. ತೆನೈಸೊ ಕ್ರಿಸ್ತ ತಿಮ್ಮ ಕರ‍್ತೊ ನೈ. ತೆ ತಿನೆಜ಼ ಬಲಿ ಚ಼ಡೈನ ಯಕ್ಕ ಸಲಾ ಕಾಮ ಕರಿನ ಮುಗ್ಸಿಪಾಡ್ಯೊ.
HEB 7:28 ಧರಮಶಾಸ್ತ್ರ ಮನಕ್ಹೊಮಾನಾ ಪ್ರಧಾನ ಯಾಜಕೊನೆ ಇನಿಲಿವಸ. ಇನಿಲಿದಲ ಆ ಮನಕ್ಹೊ ಮಾನವ ದೌರ್ಬಲ್ಯನೆ ವ್ಹಂದಲವಾಲಾ ಥಯಾಸ. ತಿನಾಕ್ಹು ಕ್ಹುದಾ ಧರಮಶಾಸ್ತ್ರ ಥಯಲ್ಪರ ಕರಲ ವಾಗ್ದಾನ ಕ್ಹುದಾನಾ ದಿಕ್ರಾನೆ ಪ್ರಧಾನ ಯಾಜಕ ಕರ‍್ಯೊ. ತೆ ದಿಕ್ರೊ ಹಮೆಶಾಬಿ ಸರ್ವ ಸಂಪುರ್ಣ ಥೈನ ಕರಲವಾಲೊ ಛೆ.
HEB 8:1 ಹಮೆ ಹಮ್ನಾ ಕವಾನಿಯೊ ಸಂಗತಿಯೊನಿಯೊ ಸಾರಾಂಶ ಸು ವ್ಹೈ ಕದ್ಯಾಮ; ತುಮೊನೆ ಕದಲ ಲಿಂಗತ ಸ್ವರ್ಗಮಾ ಮಹಿಮಾ ರ‍್ಹಯಲವಾಲೊ ಸಿಂಹಾಸನನಾ ಶಿದಾ ಹತಬಗಲ ಬೈಟಲ ಮ್ಹೊಟೊ ಯಾಜಕ ಅಪ್ನಾಹುತಿ ಛೆ.
HEB 8:2 ಎ ಪವಿತ್ರ ಜ಼ಗಾಪರ ಕದ್ಯಾಮ; ಮನಕ್ಹನಾ ಹತೆಜ಼ ಕರ್ತಾ ಘಾಲಲ ಕ್ಹರಿನು ಗುಡಾರಮಾ ಸೆವೆ ಕರಾಲೊ ಥಯೊಸ.
HEB 8:3 ಹರಿಯಕ್ಕ ಮ್ಹೊಟೊ ಯಾಜಕ ಕಾಣಿಕೆ ವರಿ ಬಲಿ ಚ಼ಡಾವಾನೆ ನೆಮಕ ಥಯಲ ಯಕ್ಕಜ಼ ರ‍್ಹವಸ.
HEB 8:4 ತೆ ಹಜು಼ನಬಿ ಜಿಮಿನಪರ ರ‍್ಹಯಲ ಹುತಿ ಯಾಜಕ ಥಾತೊ ನ್ಹೊತೊ. ಕಾಕದ್ಯಾಮ ಧರಮಶಾಸ್ತ್ರನಾ ಪ್ರಕಾರ ಕಾಣಿಕೆ ಚ಼ಡಾವಾಲಾ ವ್ಹತ್ತಾತೊ.
HEB 8:5 ಆ ಯಾಜಕೊ ಕರಾನಾ ಕಾಮೊ ಪರಲೊಕಮಾನಾ ಲಿಂಗತ ಸೆಮ ವರಿ ಭೌಲಾ ಲಿಂಗತ ವ್ಹತ್ತಾ. ಮೊಶೆ ಗುಡಾರ ಭಾಂದು ಕೈನ ಕತಾಮಾ, ಕ್ಹುದಾ ತಿನೆ, ದೆಕ, ಮಿ ತುನೆ ಡೊಂಗರ‍ಪರ ದೆಕಾಡಿನ ದಿದಲ ಲಿಂಗತಜ಼ ಕ್ಹಾರು ಕರು ಕೈನ ಎಚ಼್ಚರ ಕವೈ ಲಿದಲ ಲಿಂಗತಜ಼ ಥಯು.
HEB 8:6 ಎಜ಼ ತರಾಮಾ ಯೆಸು ತಿನಾ ಮನಕ್ಹೊನಾ ಹುತಿ ಕ್ಹುದಾಕಂತು ಲಾಯಲ ನವೊ ವಡಂಬಡಿಕೆ ಜುನ್ನಾತಿ ಚೊ಼ಕು ಛೆ. ಚೊ಼ಕಾ ಸಂಗತಿಯೊನಾ ವಾಗ್ದಾನನಾ ಆಧಾರನಾ ಉಪ್ಪರ ನವೊ ವಡಂಬಡಿಕೆ ಚಾ಼ಲು ಥಯುಸ. ತೆನೈಸೊ ಯೆಸುನೆ ದಿದಲ ಕಾಮೊ ತೆ ಯಾಜಕೊನೆ ದಿದಲ ಕಾಮತುಬಿ ಕೆಕ್ಲು ಮಹತ್ವ ಥಯುಸ.
HEB 8:7 ಪೈಲಾನಿ ವಡಂಬಡಿಕೆ ದೊಶ ನೈಸೊ ರ‍್ಹಯಲ ರ‍್ಹವತ್ತೊ, ಬೆವಾ ವಡಂಬಡಿಕೆನಿ ಜ಼ರುರತಜ಼ ರ‍್ಹತಿ ನ್ಹೊತಿ.
HEB 8:8 ತೆನೈಸೊ ಕ್ಹುದಾ ತೆ ಮನಕ್ಹೊಮಾ ತಪ್ಪ ದೆಕಾಡಿನ ಅಮ್ಮ ಕದ್ಯೊ, ‘ದೆಕೊ, ಮಿ ಇಸ್ರಾಯೆಲನಾ ಘರ್ದಾನವಾಲಾವೊನಾ ಕ್ಹಾತೆ ಯೆಹುದಿನಾ ಘರ್ದಾನಾವಾಲಾವೊನಾ ಕ್ಹಾತೆ ನವೊ ಯಕ್ಕ ಒಡಂಡಿಕೆ ಕರಿಲಿವಾನಾ ದಿನ್ನೊ ಆವಸ’ ಕೈನ ಕರ್ತಾ ಕವಸ.
HEB 8:9 ‘ಎ ವಡಂಬಡಿಕೆ ಮಿ ಇವ್ನಾ ಪಿತೃವೊನೆ ಹತ ಧರ್ಲಿನ ಇಜಿಪ್ತ ದೆಶತೊ ಬಲೈಲಾಯಲ ದಿನ್ನೊಮಾ ಇವ್ನಾ ಕ್ಹಾತೆ ಕರಿಲಿದಲ ವಡಂಬಡಿಕೆ ಲಿಂಗತ ನ್ಹವೈ. ಕಾಕದ್ಯಾಮ ತ್ಯುನೆ ಮಿ ಕದಲವಾತಪರ ಘಟ್ಟ್ಟ ಥೈನ ನೈ ಹುಬರಯಲ ಹುತಿ ಮಿ ತ್ಯುನೊನೆ ಲಕ್ಷಾ ಕರ‍್ಯೊ ನೈ’ ಕೈನ ಕರ್ತಾ ಕವಸ.
HEB 8:10 ‘ತೆ ದಿನೊ ಥಯಲ್ಪರ ಮಿ ಇಸ್ರಾಯನಾ ಘರ್ದಾನವಾಲಾವೊನಾ ಕ್ಹಾತೆ ಮಿ ಕರಿಲಿವಾನಿ ವಡಂಬಡಿಕೆ’ ಅಮ್ಮ ರ‍್ಹವಸ, ‘ಮಿ ಮಾರಿ ಆಗನ್ಯಾ ತ್ಯುನಾ ಮನಸಮಾ ಮುಕ್ಕುಸ. ಮಿ ತ್ಯುನಾ ಮನಸೊಪರ ಬರದುಸ. ಮಿ ತ್ಯುನೊ ಕ್ಹುದಾ ಥೈನ ರ‍್ಹೌಸ. ತ್ಯುನೆ ಮಾರಾ ಮನಕ್ಹೊ ಥೈನ ರ‍್ಹವಸ.
HEB 8:11 ಎನೈಸೊ ಹರಿ ಯಕ್ಲೊ ತಿನಾ ಬಾಜು಼ವಾಲಾನೆ ತಿನಾ ಭೈನೆಬಿ ಕರ್ತಾನೆ ವಳಕೊ ಕೈನ ಕವಾನು ರ‍್ಹತು ನೈ. ಕಾಕದ್ಯಾಮ ನ್ಹಾನಾ ರ‍್ಹಯಲವಾಲೊಬಿ ಚೊ಼ಕೊ ರ‍್ಹಯಲವಾಲಾಲಕ್ಕಾ ಕ್ಹಾರಾಜ಼ ಮನೆ ವಳಕಸ.
HEB 8:12 ಮಿ ತ್ಯುನಾ ಕೆಟ್ಟಕಾಮೊ ಮರ್ಗಿನ ಮಾಫ ಕರುಸ ವರಿ ತ್ಯುನಾ ಪಾಪೊ ಕೆಳಾಮಾಜ಼ ತ್ಯುನಾ ಶೆಮಾಜ಼ ಆವಾನೆ ದೆತೊ ನೈ’ ಕೈನ ಕರ್ತಾ ಕವಸ.
HEB 8:13 ತೆ ನವು ಕೈನ ಕವಾಮಾ ಪೈಲಾ ರ‍್ಹಯಲ ವಡಂಬಡಿಕೆನೆ ಜು಼ನ್ನು ಕರ‍್ಯೊಸ. ತೆ ಜು಼ನ್ನು ಥಾತು ಕ್ಹರಿಜಾ಼ವಾನೆ ನಜಿಕಮಾ ಛೆ.
HEB 9:1 ಪೈಲಾನಿ ವಡಂಬಡಿಕೆಮಾ ಆರಾಧನೆನಾ ನಿಯೊಮೊ ವ್ಹತ್ತಾ. ವರಿ ತಿಮಾ ಮನಕ್ಹ ಕರಲ ದೆವಾಲಯನಿ ಜ಼ಗಾ ವ್ಹತ್ತಿ.
HEB 9:2 ಕದ್ಯಾಮ ಯಕ್ಕ ಗುಡಾರ ಭಾಂದತಾತಾ ವರಿ ತಿಮಾ ಬೆ ಭಾಗ ಕರತಾತಾ. ಪಸ್ಟಲ್ಯಾ ಭಾಗನೆ ಪವಿತ್ರ ಜ಼ಗಾ ವ್ಹೈ ಕೈನ ಕತಾತಾ. ತ್ಯಾ, ಯಕ್ಕ ದಿವ್ವಾನೊ ಖಂಬೊ ವರಿ ಯಕ್ಕ ಟೆಬಲ ವ್ಹತ್ತು. ತಿಪರ ಕ್ಹುದಾನೆ ಎಡಿ ಚ಼ಡಾವಾನೆ ರೊಕ್ಲೊ ಮ್ಹೆಲ್ತಾತಾ.
HEB 9:3 ವರಿ ಬೆವಾ ಪರದಾನಾ ಪಾಚೊ಼ ಹಜಿಯಕ್ಕ ಕ್ಹೊಲಿನೆ, ಘನ್ನಿ ಪವಿತ್ರ ಜ಼ಗಾ ಕೈನ ಬಲಾತಾತಾ.
HEB 9:4 ಗರಭ ಗುಡಿಮಾ ಕ್ಹೊನಾನಿ ಆರತಿ ವರಿ ಕ್ಹೊನಾನಾ ಮ್ಹೈ ಭಾರಾ ಲಗಾಡಲ ವಡಂಬಡಿಕೆನು ಮಂಜುಷ ಎ ಕ್ಹಾರು ವ್ಹತ್ತು; ತೆ ಮಂಜುಷಮಾ ಎಡಿ ಮ್ಹೆಲಲ ಕ್ಹೊನಾನೊ ಥಾಳೊ ಆರೊನನಿ ಬೆಳ್ದಲ ಲಾಕಡಿ, ವಡಂಬಡಿಕೆ ಬರ್ದಲ ದಗ್ಡಾ ವ್ಹತ್ತಾ.
HEB 9:5 ತಿನಾ ಉಪ್ಪರ ಕೃಪಾ ಸನನೆ ಝಾಕಾನು ತೆಜಸನಾ ಕೆರುಬಿಯೊ ವ್ಹತ್ತಾ. ತೆ ಹಮ್ನಾ ಯಕ್ಕ ಯಕ್ಕ ಕವಾನೆ ಸಾದ್ಯನತ್ತಿ.
HEB 9:6 ಎ ಕ್ಹಾರು ತಯ್ಯಾರ ಕರಲ್ಪರ ಯಾಜಕೊ ಹಮೆಶಾಬಿ ಕ್ಹುದಾನಿ ಸೆವೆ ಕರಾಲಾ ಥೈನ ಗುಡಾರನಿ ಪೈಲಾನಾ ಭಾಗಮಾ ಜಾ಼ವಸ, ತ್ಯಾ ಕ್ಹುದಾನಿ ಸೆವೆನಾ ವಿದಿಯೊ ತಿಮ್ಮಜ಼ ಕರ‍್ತಾ ವ್ಹತ್ತಾ.
HEB 9:7 ತೆನೈಸೊ ಬೆವಾ ಭಾಗಮಾ ಮ್ಹೊಟೊ ಯಾಜಕ ಯಕ್ಕಜ಼ ವರಕ್ಹಮಾ ಯಕ್ಕ ಸಲಾ ಜಾ಼ತೊತೊ. ತೆ ತಿನಾ ಕ್ಹಾತೆ ರಗತ ಲಿದ್ಯಾವಾಚಿ ಜಾ಼ತೊ ನ್ಹೊತೊ. ತೆ ರಗತ ಲಿನ ತೆ ಕರಲ ವರಿ ಮನಕ್ಹೊ ಕರಲ ತಪ್ಪನಾ ಹುತಿ ಚ಼ಡಾತೊತೊ.
HEB 9:8 ಆ ಗುಡಾರನಿ ಪೈಲಾನು ಭಾಗ ಹಜು಼ನ ರ‍್ಹಯೆ ಲಕ್ಕಾಬಿ ಘನ್ನು ಪರಿಶುದ್ಧ ರ‍್ಹಯಲ ಜ಼ಗಾನೆ ಜಾ಼ವಾನೆ ವಾಟ ಹಜು಼ನ ಲಕ್ಕಾಬಿ ದಿಕ್ಹಿ ನತ್ತಿ ಕವಾನು ಪವಿತ್ರ ಆತ್ಮ ದೆಕಾಡಿನ ದಿವಸ.
HEB 9:9 ತೆ ಹಮ್ನಾನಿ ದುನಿಮಾ ದೆಕಾಡಿನ ದಿವಸ. ತೆ ಸುವೈ ಕದ್ಯಾಮ ತಿನಾ ಪದ್ದತನಾ ಪ್ರಕಾರ ಬಲಿ ಥಾವಾನಿ ಕಾಣಿಕಿಯೊ ವರಿ ಬಲಿಯೊ ಆರಾಧನಾ ಕರಾಲಾವೊನಾ ಮನಸಾಕ್ಷಿಯೊ ಪುರಾ ಕರಾನೆ ಥಯು ನೈ.
HEB 9:10 ತೆ ಕ್ಹಾವಾ ಪಿವಾನಾ ವರಿ ತರಾ ತರಾನು ಪಂಕ್ಶನೊನೆ ಮ್ಹೈ ರ‍್ಹಯಲ ಅಂಗ ಧವಾನು ರ‍್ಹಯಲಬಿ ಅಂಗನೆ ಯಕ್ಕಜ಼ ಸಂಬಂದ ರ‍್ಹಯಲ ನಿಯಮೊ ವ್ಹೈ. ಆ ಚೊ಼ಕಾ ರ‍್ಹಯಲ ಕಾಲ ಲಕ್ಕಾ ನೆಮಕ ಥಾವಸ.
HEB 9:11 ತೆನೈಸೊ ಕ್ರಿಸ್ತ ಹಮ್ನಾಜ ಮ್ಹೊಟೊ ಯಾಜಕ ಥೈನ ಆಯೊಸ. ಹಮ್ನಾ ಅಪೆ ವ್ಹಂದಲ ಚೊ಼ಕಿಯೊ ಸಂಗತಿಯೊನೆ ತೆ ಮ್ಹೊಟೊ ಯಾಜಕ ಥಯೊಸ. ಬಿಜಾ಼ ಯಾಜಕೊ ಥಯಾತಬಿ ಗುಡಾರೊಮಾ ಸೆವಾ ಕರ‍್ಯಾ. ತೆನೈಸೊ ಕ್ರಿಸ್ತಬಿ ಗುಡಾರಮಾ ಸೆವಾ ಕರ‍್ಯಾವಾಚಿ ತಿನಾತಿಬಿ ಶ್ರೆಷ್ಠ ಥಯಲ ಜ಼ಗಾಮಾ ಸೆವಾ ಕರಸ ತೆ ಹಜಿ಼ ಕೆಕ್ಲು ಪುರಾ ಥಯಲ ವ್ಹೈ. ತೆ ಮನಕ್ಹ ತಯಾರ ಕರಲ ನ್ಹವೈ. ಜಗತನೆ ಸೆರಲಬಿ ನ್ಹವೈ
HEB 9:12 ತೆ ಯಕ್ಕಜ಼ ಯಕ್ಕ ಸಲಾ ಮ್ಹೊಟಿ ಪವಿತ್ರ ಜ಼ಗಾನೆ ಪ್ರವೆಶ ಕರ‍್ಯೊ. ತೆ ಗಾಯಿಯೊನೆ ವರಿ ಬೈಲನಾ ಬಕ್ರಾನಾ ಬಚ್ಚಾವೊನೊ ರಗತ ನೈ ಲಿನ ತಿನಾ ಸ್ವಂತ ರಗತಕ್ಹು ಮಹಾ ಪವಿತ್ರ ಜ಼ಗಾಕನ ಐನ ಹಮೊನೆ ಹಮೆಶಾ ಸ್ವಾತಂತ್ರ ಲಿನ ಐನ ದಿದ್ಯೊ.
HEB 9:13 ಗಾಯೊನು ವರಿ ಬೈಲೊನು ರಗತನೆ ಬೈಲೊನಾ ಬಚ್ಚಾ಼ವೊನಾ ರಾಕನೆ ವರಿ ತೆ ಆರಾದನೆನಾ ಜ಼ಗಾಮಾ ಪ್ರವೆಶ ಕರಾ ಅಕ್ಲಾ ಶುದ್ಧ ನೈ ರ‍್ಹಯಲ ಮನಕ್ಹೊನಾ ಉಪ್ಪರ ಚುಪಡತಾತಾ. ತೆ ರಗತ ವರಿ ರಾಕ ಮನಕ್ಹೊನಾ ಕ್ಹಾಲಿ ಅಂಗನೆ ಶುದ್ಧ ಕರತಾತಾ.
HEB 9:14 ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.
HEB 9:15 ಕ್ಹುದಾಕು ಬಲಾಯಲ ಮನಕ್ಹೊ, ಕ್ಹುದಾನಾ ವಾಗ್ದಾನನೆ ವ್ಹಂದಿಲ್ಯು ಕೈನ ಕ್ರಿಸ್ತ ಆ ನವೊ ವಡಂಬಡಿಕೆ ಕ್ಹುದಾಕಂತೊ ಲಾಯೊ. ಕ್ಹುದಾನಾ ಮನಕ್ಹೊ ತೆ ಕ್ಹಾರು ಹಮೆಶಾಬಿ ವ್ಹಂದಿಲಿವಾನೆ ಸಾಧ್ಯ ಛೆ. ಕಾಕದ್ಯಾಮ ಪೈಲಾನು ವಡಂಬಡಿಕೆನಾ ಕಾಲಮಾ ಕರಲ ಪಾಪೊನೆ ಮನಕ್ಹೊನೆ ಬಿಡಗಡೆ ಥೌ ಕೈನ ಕ್ರಿಸ್ತಬಿ ಮರಣ ವ್ಹಂದ್ಯೊ.
HEB 9:16 ಯಕ್ಲೊ ಮರಾತಿ ಪೈಲಾಜ ಉಯಿಲ ಬರ್ದಿನ ಮ್ಹೆಲಸ. ತೆನೈಸೊ ಮರಲವಾಲೊ ತೆ ಉಯಿಲನೆ ಬರ್ದಲವಾಲೊ ವ್ಹೈ ಕೈನ ಮನಕ್ಹೊ ಕರಿನ ದೆಕಾಡು.
HEB 9:17 ತೆ ಲಿಕ್ಕಲವಾಲೊ ಹಜಿಬಿ ಜ್ಯುತೊ ರ‍್ಹಯಾಮ ತಿನೆ ಸುಜ಼ ಕಿಮ್ಮತ ನತ್ತಿ. ತಿನೆ ಬರ್ದಲವಾಲೊ ಮರಲ್ಪರ ತೆ ಉಪಯೊಗ ಥಾವಸ.
HEB 9:18 ತಿನಾಹುತಿ ಕ್ಹುದಾ ತಿನಾ ಮನಕ್ಹೊನಾ ಕ್ಹಾತೆ ಕರಿಲಿದಲ ಪೈಲಾನಿ ವಡಂಬಡಿಕೆಬಿ ರಗತ ನೈಸೊ ನತ್ತಿ ಹುಬ್ರಯಿ.
HEB 9:19 ಪೈಲಾ, ಮೊಶೆ ಕ್ಹುದಾನಾ ಹರಯಕ್ಕ ಆಗ್ಯಾನೆ ಧರಮಶಾಸ್ತ್ರನಾ ಲಿಂಗತ ಕ್ಹಾರಾ ಮನಕ್ಹೊನೆ ಕದಲ್ಪರ, ತೆ ಪಾನಿ, ಲಾಲ ಕಾಪುಕ, ಹಿಸ್ಸೊಪನಿ ಕಾಡಿ ಅನಾಕ್ಹಾತೆ ಬೈಲೊನಾ ಬಚ್ಚಾ಼ವೊನಾ ವರಿ ಗೈಯೊನಾ ಬಚ್ಚಾವೊನಾ ವರಿ ಬೈಲನು ರಗತ ಲಿನ ಸುರಳಿನಾ ಉಪ್ಪರ ಕ್ಹಾರಾ ಮನಕ್ಹೊನಾ ಉಪ್ಪರ ಛಿಪಡ್ಯೊ.
HEB 9:20 ಆ ಕ್ಹುದಾ ತುಮಾರಾ ಹುತಿ ಆಗ್ಯಾ ಕರಲ ವಡಂಬಡಿಕೆನು ರಗತ ಥಯುಸ ಕೈನ ಕದ್ಯೊ.
HEB 9:21 ತೆನೈಸೊ ದೆವಾಲಯನಾ ಉಪ್ಪರಬಿ ಕ್ಹುದಾನಾ ಸೆವೆನೆ ಚಾ಼ಯೆ ಥಯಲ ಕ್ಹಾರಾ ಸಾಮ್ನೊನಾ ಉಪ್ಪರ ತಿನಾ ಲಿಂಗತಜ಼ ರಗತ ಛಿಪಡ್ಯೊ.
HEB 9:22 ಧರಮಶಾಸ್ತ್ರನಾ ಲಿಂಗತಜ಼ ಪುರಾ ಕಮ ಜಾಸ್ತ ಕ್ಹಾರಾ ಸಾಮ್ನೊ ರಗತಕ್ಹು ಶುದ್ಧ ಥಾಸಕಸ ರಗತ ನೈಸೊ ಪಾಪನೆ ಮಾಫಿ ನೈ ಮಳತಿ.
HEB 9:23 ತಿನಾಹುತಿ ಪರಲೊಕಮಾ ರ‍್ಹಯಲ ಸಾಮ್ನೊನಾ ಭೌಲಾಲಿಂಗತ ರ‍್ಹಯಲ ಸಾಮ್ನೊ ಶುದ್ಧ ಥೌ ಕೈನ ಹವಾ ಬಲಿಯೊ ಜ಼ರುರತ ರ‍್ಹಯಾಮಾ, ಪರಲೊಕಮಾ ರ‍್ಹಯಲ ಕ್ಹಾರಾನೆ ಶುದ್ಧಕರಾನೆ ಇತ್ತಿಬಿ ಚೊ಼ಕೊ ರ‍್ಹಯಲ ಯಜ್ಞ ಬಲಿಯೊನಿ ಜ಼ರುರತ ಛೆ.
HEB 9:24 ಕಾಕದ್ಯಾಮ ಕ್ರಿಸ್ತಬಿ ಕ್ಹರಿ ರ‍್ಹಯಲ ದೆವಾಲಯನೆ ಭೌಲು ಥೈನ ಹತ್ತಕ್ಹು ಭಾಂದಲ ಪವಿತ್ರ ಜ಼ಗಾನೆ ನೈ ಗೈನ, ಕ್ಹುದಾನಿ ಸನ್ನಿದಿಮಾ ಅಪ್ನಾಹುತಿ ಹಮ್ನಾ ಪ್ರತ್ಯಕ್ಷ ಥಾವಾನೆ ಪರಲೊಕಮಾ ಗಯೊ.
HEB 9:25 ತೆನೈಸೊ, ಮ್ಹೊಟೊ ಯಾಜಕ ವರಕ್ಹೆ-ವರಕ್ಹೆ ಜಾನವರನು ರಗತ ಲಿನ ಘನ್ನಿ ಪರಿಶುದ್ಧ ಜ಼ಗಾನೆ ಜಾ಼ವಾನಾ ಲಿಂಗತ ಕ್ರಿಸ್ತಬಿ ತಿನೆ ಹಗಲೆಲಾ ಅರ್ಪಿತ ಕರಾನಾಹುತಿ ತ್ಯಾ ಗಯೊ ನೈ.
HEB 9:26 ತಿಮ್ಮಜ ಸಮರ್ಪಿತ ಕರಾನೆ ಚಾ಼ಯೆ ಥಯಲ ಪಮಾಫ ತೆ ದುನಿಯಾತೊ ಕೆಕ್ಲಿ ಸಲಾ ತ್ರಾಸ ಕ್ಹಾವಾನೆ ಥಾತುತು. ತೆನೈಸೊ ಯಕ್ಕ ಸಲಾ, ದುನಿಯಾ ಕ್ಹರೆಲಕ್ಕಾ, ತೆ ಪಾಪ ಪರಿಹಾರ ಕರಾನಾ ಉದ್ದೆಶಕ್ಹು ತಿನಾಕ್ಹು ತೆಜ಼ ಯಜ್ಞ ಕರಿಲಿವಾನಾ ಹುತಿ ಪ್ರತ್ಯಕ್ಷ ಥಯೊ.
HEB 9:27 ಯಕ್ಕ ಸಲಾ ಮರಾನು ವ್ಹೈ ಪಾಚಾ಼ತು ನ್ಯಾಯ ತಿರ್ಪ ಮನಕ್ಹೊನೆ ಕಿಮ್ಮ ನೆಮಕ ಥಯಸ,
HEB 9:28 ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.
HEB 10:1 ಧರಮಶಾಸ್ತ್ರ ಅಗು ಆವಾನು ರ‍್ಹಯಲ ಚೊ಼ಕಿಯೊ ಸಂಗತಿಯೊನು ಭೌಲೊ ಯಕ್ಕಜ಼ ವ್ಹೈ. ತಿನಾಹುತಿ ತೆ ಧರಮಶಾಸ್ತ್ರ ಹರಿಯಕ್ಕ ವರಕ್ಹೆ ಹಮೆಶಾಬಿ ಯಕ್ಕಜ಼ ತಾರಾನಿ ಬಲಿ ಚ಼ಡಾವೊ, ಕ್ಹುದಾನಾ ನಜಿಕ ಆವಾಲಾವೊನೆ ಕೆಳಾಮಾಜ಼ ಪರಿಪುರ್ಣ ಕರಿನ ಲಾವಾನೆ ಥಾತು ನೈ.
HEB 10:2 ಬಲಿನೆ ಲಾಯಲ ಕ್ಹಾರು ಹುಬರೈ ಪಡತುತು, ಕಾಕದ್ಯಾಮ ಆರಾದನಾ ಕರಾಲಾ ಯಕ್ಕ ಸಲ ಶುದಿ ಥಯಲ್ಪರ ತ್ಯುನೊನೆ ಪಾಪ ಕವಾನು ಕದ್ರಾತು ನ್ಹೊತು.
HEB 10:3 ಹಮ್ನಾತಬಿ ತೆ ಯಜ್ಞ ಬಲಿಯೊಕ್ಹು ಹರ ವರಕ್ಹಮಾ ಪಾಪೊ ಶೆಂ ಕರಾನು ಛೆ,
HEB 10:4 ಕಾಕದ್ಯಾಮ ಹೊರಿಯೊನು ವರಿ ಬಕ್ರಾವೊನು ರಗತಕ್ಹು ಪಾಪ ಪರಿಹಾರ ಕರಾನು ಸಾಧ್ಯ ನತ್ತಿ.
HEB 10:5 ತಿನಾಹುತಿ ಕ್ರಿಸ್ತ ಭುಲೊಕಮಾ ಆತಾಮಾ, (ಕ್ಹುದಾ) ಬಲಿಯೊನು ಕಾಣಿಕೆ ತುನೆ ಪಸಂದ ನ್ಹೊತು, ತೆನೈಸೊ ಮನೆ ಯಕ್ಕ ಅಂಗ ತಯ್ಯಾರ ಕರಿನ ದಿದ್ಯೊಸ,
HEB 10:6 ಕ್ಹಾರಾ ತರಾನಿಯೊ ಬಲಿಯೊಮಾ ಪಾಪ ಪರಿಹಾರನಾ ಬಲಿಯೊಮಾ ತು ಕ್ಹುಶಿ ಥಾತೊ ನೈ.
HEB 10:7 ಮಿ ತೆಳಾಮಾ, ಹಮ್ನಾ, ಕ್ಹುದಾ, ಗ್ರಂಥನಾ ಸುರಳಿಮಾ ಮಾರಾಹುತಿ ಬರ್ದಲ ಲಿಂಗತಜ಼ ತಾರಿ ಚಿತ್ತ ಪುರಾ ಕರಾನಾ ಹುತಿ ಆಯೊಸ” ಕೈನ ಕದ್ಯೊ.
HEB 10:8 ಧರಮಶಾಸ್ತ್ರನಾ ಪ್ರಕಾರ ಚಡಾಯೆಲ ಬಲಿಯೊಮಾ, ಕ್ಹಾರಾ ತರಾನಾ ಬಲಿಯೊಮಾ ವರಿ ಪಾಪ ಪರಿಹಾರನಾ ಬಲಿಯೊ ತುನೆ ಪಸಂದ ನ್ಹೊತು. ತು ತ್ಯವಾ ಕ್ಹಾರಾಮಾ ಕ್ಹುಶಿ ಥಾತೊ ನೈ” ಕೈನ ಕದ್ಯೊಸ.
HEB 10:9 ತೆ ಥಯಲಪರ ತೆ ದೆಕ, ತಾರಿ ಚಿತ್ತ ಪುರಾ ಕರಾನಾ ಹುತಿ ಆಯೊಸ” ಕೈನ ಕದ್ಯೊಸ. ತೆ ಬೆವಾನು ಪುರಾ ಕರಾನಾ ಹುತಿ ಯಕ್ವಾನೆ ಕಾಡಿ ಪಡಸ.
HEB 10:10 ಯೆಸು ಕ್ರಿಸ್ತ ಯಕ್ಕಸಲ ತಿನು ಅಂಗ ಬಲಿ ದಿನ ಕ್ಹುದಾನಿ ಚಿತ್ತ ಪುರಾ ಕರಲ ಹುತಿಜ಼ ಅಪೆ ಶುದ್ಧ ಥಯಲವಾಲಾ ಥಯಾ.
HEB 10:11 ತೆನೈಸೊ ಹರಯಕ್ಲೊ ಯಾಜಕ ದಿನೆಬಿ ಸೆವೆ ಕರತೊ ಕೆಳಾಮ್ಮಾಜ ಪಾಪ ನೈ ಕಡಾವಾನು, ಯಕ್ಕ ತರಾನಾ ಬಲಿಯೊ ಹಗ್ಲೆಲಾ ಚಡಾತೊ ಹುಬ್ರಯೊಸ.
HEB 10:12 ತೆನೈಸೊ ಕ್ರಿಸ್ತ ಪಾಪೊನಾ ಹುತಿ ಹಮೆಶಾಬಿ ಯಕ್ಕಜ಼ ತರಾನಿ ಬಲಿ ಚಡಾಯೆಲ ಪರ ಕ್ಹುದಾನಾ ಬಾಜು಼ಮಾ ಬೈಟ್ಯೊ.
HEB 10:13 ತ್ಯಾತೊ ತಿನಾ ವಿರೊದಿಯೊ ತಿನಾ ಪಗೊ ಮ್ಹೆಲಾನಿ ಜ಼ಗಾ ಕರೆಲಕ್ಕಾಬಿ ತೆ ಕೈದತೊ ರ‍್ಹವಸ.
HEB 10:14 ತೆ ಶುದ್ಧ ಥಾವಾಲಾವೊನೆ ಯಕ್ಕಜ಼ ಸೆಮ ಹಮೆಶಾಬಿ ಪರಿಪುರ್ಣ ಕರ‍್ಯೊಸ.
HEB 10:15 ಪವಿತ್ರಾತ್ಮಬಿ ಅಪೊನೆ ಸಾಕ್ಷಿ ದಿವಾಲೊ ಥೈನ,
HEB 10:16 ತೆ ದಿನ್ನೊ ಆಯಲ ಪರ ಮಿ ತ್ಯುನಾ ಕ್ಹಾತೆ ಕರಲಿವಾನಿ ಒಂಡಬಡಿಕೆ ಅಮ್ಮ ರ‍್ಹವಸ, ಮಾರಿಯೊ ಆಗನ್ಯಾ ತ್ಯುನಾ ಮನಸೊಮಾ ಮ್ಹೆಲುಸ, ತ್ಯುನಾ ಮನಸೊಮಾ ತೆ ಕ್ಹಾರು ಬರದುಸ ಕೈನ ಕರ್ತಾ ಕವಸ. ಎಕ್ಹಾರು ಕದಲ್ಪರ ಹಜು಼ನ,
HEB 10:17 ತ್ಯುನಾ ಪಾಪೊ ತ್ಯುನಾ ಕೆಟ್ಟ ಕಾಮೊಕ್ಹು ಮಿ ಕೆಳಾಮಾಜ ಶೆಂ ನೈ ಮ್ಹೆಲೆತೊ” ಕೈನ ಕದ್ಯೊ.
HEB 10:18 ಪಾಪ ಮಾಫ ಥಯಲ ಟೈಮಮಾ ಹಜು಼ನಬಿ ತೆ ಕ್ಹಾರಾ ವಿಷಯಮಾ ಬಲಿಯೊ ದಿವಾನು ಜರುರತ ನತ್ತಿ.
HEB 10:19 ಇಮ್ಮ ರ‍್ಹಯಾಮಾ ಭಾಯೊ, ಯೆಸು ತಿನಾ ರಗತಕ್ಹು ತಿನಾ ಅಂಗನಾ ಮುಲಕ ಅಪೊನೆ ನಯಾ ಜ಼ಲಮನಿ ವಾಟ ಖುಲಾ ಕರಿನ ದಿದ್ಯೊಸ.
HEB 10:20 ತಿನಾ ಮುಲಕ ಘನು ಪರಿಶುದ್ಧ ರ‍್ಹಯಲ ಜ಼ಗಾ ಜಾ಼ವಾನೆ ಅಪೊನೆ ಭರೊಕ್ಹೊ ಮಳೊಸ
HEB 10:21 ವರಿ ಕ್ಹುದಾನಾ ಘರದಾನ ಪರ ಅದಿಕಾರ ರ‍್ಹಯಲ ಚೊ಼ಕೊ ಯಾಜಕ ಅಪೊನೆ ಛೆ.
HEB 10:22 ತಿನಾಹುತಿ ಕೆಟ್ಟ ಮನಸಾಕ್ಷಿನೆ ವಳಕಿನ ಶುದ್ಧ ಕರಲಿನ, ಪಾತಳಾ ಪಾನಿಕ್ಹು ಧ್ವೈಲಿದಲ ಅಂಗಕ್ಹು, ಯಕ್ಕಜ಼ ಮನಸಕ್ಹು, ಬರೊಕ್ಹಾಕ್ಹು ಪುರಾ ಚಿತ್ತಕ್ಹು, ಕ್ಹುದಾನಾ ನಜಿಕ ಐಯೆ.
HEB 10:23 ಅಪೆ ಅಪನಿ ಆಸಕ್ಹು ಕರಿಲಿದಲ ಮಾಂಗಿಲಿದಲನಾ ಹುತಿ ಚಂಚಲ ಥಯಾವಾಚಿ ಘಟ್ಟ್ಟ ಮನಸಕ್ಹು ಭಾಂದಿನ ಧರಲಿಯೆ, ಕಾಕದ್ಯಾಮ ವಾಗ್ದಾನ ಕರಲವಾಲೊ ಬರೊಕ್ಹೊವಾಲೊ ವ್ಹೈ.
HEB 10:24 ಅಪೆ ಯಕ್ನಾ ಯಕ್ಕ ಚಿಂತಾ ಕರಾಲಾ ಥೌ ಮಯಾ ಕರತಾ ರ‍್ಹೌ ಕೈನ ಚೊ಼ಕಾ ಕಾಮೊ ಕರು ಕೈನ ಯಕ್ನಾ ಯಕ್ಕ ಅಗು ಬಡಾವಾನು ಕೊಶಿಶ ಕರಿಯೆ.
HEB 10:25 ಸಬೆ ಮಳಾನಿ ರುಡಾನೆ ದಕ್ಹಾಜ಼಼ನಾ ಛೊ಼ಡಿಪಡಲ ಲಿಂಗತ ಅಪೆಬಿ ಛೊಡ್ಯಾವಾಚಿ ತೆ ದಿನ್ನ ನಜಿಕ ಆವಸ ಕೈನ ತುಮೆ ತಿಳದಿಲಿದಲಕ್ಹು ಯಕ್ನಾ ಯಕ್ಕ ವರಿ ಜಾಸ್ತಿ ಅಗು ಬಡಾನು ಕೊಶಿಶ ಕರಿಯೆ.
HEB 10:26 ಅಪೆ ಕ್ಹರಿನು ಗ್ಯಾನ ವ್ಹಂದಿಲಿದಲ್ಪರಬಿ ಪಾಪ ಕರ‍್ಯಾಮಾ ಪಾಪ ಪರಿಹಾರನಾ ಹುತಿ ಕೈಜ಼ ಬಲಿ ಉಗರಿ ನತ್ತಿ.
HEB 10:27 ತಿನಾ ಬದಲ ಘನ್ನು ಭುಚ಼ಕಾನು ರ‍್ಹಯಲ ನ್ಯಾಯನಾ ಫೈಸಲಾನಿ ಆಸ ವರಿ ಕ್ಹುದಾನಾ ವಿರೊದಿಯೊನೆ ಬಾಳಾನಿ ಘನಿ ಶಿಟ್ಟನಿ ಆಗ ರ‍್ಹವಸ.
HEB 10:28 ಮೊಶೆ ಧರಮಶಾಸ್ತ್ರನೆ ತಿರಸ್ಕಾರ ಕರಲವಾಲಾವೊನೆ ಬೆ ನೈತೊ ತನ್ನ ಸಾಕ್ಷಿಯೊನಾ ಉಪ್ಪರ ಮರಾಗಾ ನೈಸೊ ಮರಣನಿ ಶಿಕ್ಷಾನೆ ಥಾತುತು ತೆಕ್ಲುಜ಼.
HEB 10:29 ತಿಮ್ಮ ರ‍್ಹತಾಮಾ, ಕ್ಹುದಾನಾ ದಿಕ್ರಾನೆ ಕ್ಹುಂದಿನ, ತಿನಾಕ್ಹು ತೆ ಶುದ್ಧ ಕರಲಿನ ಒಂಡಬಡಿಕೆನಾ ರಗತನೆ ಅಶುದ್ಧ ವ್ಹೈ ಕೈನ, ಕ್ಹುದಾನಿ ಮರಗಾ ರ‍್ಹಯಲ ವರಾನೆ ಆತ್ಮಾನೆ ಠುಕ್ರಾವಸ ಸು, ಹಜು಼ನ ಕೆವಾ ಖತರನಾಕ ಶಿಕ್ಷಾನೆ ಗುರಿ ಥಾವಸ ಕೈನ ತ್ಯುಮೆಜ ವಿಚಾರ ಕರಿನ ದೆಕೊ?
HEB 10:30 ಮುಯ್ಯಿನೆ ಮುಯ್ಯಿ ಫೆಡಾನು ಮಾರು ಕಾಮ ವ್ಹೈ, ಮಿಜ಼ ಪ್ರತಿಫಲ ದಿವಾಲೊ ವ್ಹೈ ಕೈನ ಕದಲವಾಲಾನೆ ವಳಕೆಸ. ತೆನೈಸೊ ಕರ್ತಾ ತಿನಾ ಮನಕ್ಹೊನೆ ಫೈಸಲೊ ಕರಸ ಕೈನ ಕದ್ಯೊಸ.
HEB 10:31 ಜುತೊ ರ‍್ಹಯಲ ಕ್ಹುದಾನಾ ಹತ್ತಮಾ ಕ್ಹಾಪಡಾನು ಕೆಕ್ಲುಕಿ ಖತರನಾಕ ವ್ಹೈ.
HEB 10:32 ತಿಮ್ಮ ರ‍್ಹತಾಮಾ ತುಮೆ ಗ್ಯಾನನು ಉಜಾಲು ವ್ಹಂದಿಲಿದಲ ಪರ ಕಷ್ಟನಾ ಅನುಭವ ಕವಾನಿ ಘನ್ನಿ ಹೊರಾಟ ತಡದಿಲಿನ ಪಾಚ಼ಲ್ಯಾ ದಿನ್ನೊ ಶೆ ಕರಿಲಿವೊ.
HEB 10:33 ದಕ್ಹಾದಿನ ತುಮೆ ಮನಕ್ಹೊನಾ ಹತೆ ಕದ್ರಾವಾನು ತ್ರಾಸ ಅನುಭವಸೊ ಕದ್ರೈಲಿವಾನೆ ಗುರಿ ಥಾವೊನಕೊ. ದಕ್ಹಾದಿನ ತ್ಯೌ ಕ್ಹಾರು ಅನುಭವಿಸಲೊನಾ ಕ್ಹಾತೆ ಮಳಿನ ರ‍್ಹೈನ ತ್ಯೌ ಕ್ಹಾರು ವಾಟಿ ಲಿವಾಲಾ ಥಾವೊ ನಕೊ.
HEB 10:34 ತುಮೆ ಜೆಲಮಾ ರ‍್ಹಯಲವಾಲಾವೊನೆ ಮರಗಾ ದೆಕಾಡೊ ತುಮಾರಾ ಹುತಿ ಚೊ಼ಕು ಘಟ್ಟ ರ‍್ಹಯಲ ರ‍್ಹವಾನಿ ಆಸ್ತಿ ಛೆ ಕೈನ ಚೊ಼ಕಿತರಾ ತಿಳ್ದಿನ ತುಮಾರಿ ಆಸ್ತಿ ಉದಾಳಿವಾಲಾವೊನೆ ಕ್ಹುಶಿಕ್ಹು ಛೊಡಿನ ದಿದ್ಯಾಸ.
HEB 10:35 ತಿನಾಹುತಿ ತುಮಾರಿ ಧೈರ್ಯ ಛೊಡಿಪಾಡೊನಕೊ. ತಿನೆ ಮ್ಹೊಟಿ ಪ್ರತಿಫಲ ಛೆ.
HEB 10:36 ತುಮೆ ಕ್ಹುದಾನಿ ಚಿತ್ತ ಪುರಾ ಕರಲಪರ ವಾಗ್ದಾನ ವ್ಹಂದಿಲ್ಯು ಕದ್ಯಾಮ ತುಮೊನೆ ತಾಳ್ಮೆನಿ ಜ಼ರುರತ ಛೆ.
HEB 10:37 ಆವಾಲೊ ಬಿಜಾ಼ ದಕ್ಹಾ ಟೈಮಮಾ ಆವಸ ತಡಾ ಕರತೊ ನೈ.
HEB 10:38 ವರಿಬಿ ಮಾರು ರ‍್ಹಯಲವಾಲೊ ನಿತಿಕ್ಹು ವರಿ ಬರೊಕ್ಹಾಕ್ಹು ಜಿವ್ನಾ ಕರಸ, ತೆ ತಿಕ್ಹು ಪಾಚೊ಼ ಸರಕ್ಯೊಮ ತಿಮಾ ಮಾರಿ ಮೆಚಿಕೆ ರ‍್ಹತಿ ನೈ.
HEB 10:39 ಅಪೆತೊ ಪಾಚಾ಼ ಸರಕ್ಯಾಚಿ ರ‍್ಹೈನ ಹಾಳ ಥಾತಾ ನೈ ಬರೊಕ್ಹೊ ಕರಾಲಾ ಥೈನ ಆತ್ಮಾ ರಕ್ಷಣೆ ವ್ಹಂದಾಲಾ ಥಯಾಸ.
HEB 11:1 ವಿಸ್ವಾಸ ಕದ್ಯಾಮ ಅಪೆ ಆಸ ಕರಲ ಕಾಮೊ ಬರೊಕ್ಹಾಕ್ಹು ರ‍್ಹಯಲ ಅಪ್ನಾ ಡೊಳೆ ನೈ ದಿಕ್ಹಲಜ಼ ಕ್ಹರಿ ವ್ಹೈ ಕೈನ ಕಳೈಲಿವಾನು ವ್ಹೈ.
HEB 11:2 ಘನ್ನಾ ದಿನ್ನಾ ಪಾಚಾ಼ ಜಿವ್ತಾ ರ‍್ಹಯಲ ಮನಕ್ಹೊಮಾ ಇನಾ ಲಿಂಗತ ಬರೊಕ್ಹೊ ರ‍್ಹಯಲ ಹುತಿ ತ್ಯುನೆ ಕ್ಹುದಾನಾ ಹುತಿ ಖುಶಿ ವ್ಹತ್ತಾ.
HEB 11:3 ಕ್ಹುದಾ ಕ್ಹಾಲಿ ತಿನಿಯೊ ವಾತಕ್ಹು ದುನಿಯಾ ತಯ್ಯಾರ ಕರ‍್ಯೊಸ ಕೈನ ತಿಳದಿಲಿವಾನೆ ಬರೊಕ್ಹೊಜ಼ ಅಪ್ನೊನೆ ಆಸರೊ ಕರಸ. ಕಿಮ್ಮ ಕದ್ಯಾಮ ಅಪ್ನಾ ಡೊಳೆ ದಿಕ್ಹಾನಾ ಸಾಮನಕ್ಹು ದುನಿಯಾ ತಯ್ಯಾರ ಥೈ ನೈ.
HEB 11:4 ಕಾಯಿನ ವರಿ ಹೆಬಲಬಿ ಕ್ಹುದಾನೆ ಬಲಿ ಚ಼ಡಾಯಾ. ತೆನೈಸೊ ಹೆಬಲಮಾ ಬರೊಕ್ಹೊ ರ‍್ಹಯಲ ಹುತಿ ತೆ ಕ್ಹುದಾನೆ ಚೊ಼ಕು ರ‍್ಹಯಲಜ಼ ಬಲಿ ಚ಼ಡಾಯೊ ತೆ ಚ಼ಡಾಯಲ ಸಾಮನಕ್ಹು ಮನೆ ಖುಶಿ ಥಯು ಕೈನ ಕ್ಹುದಾಜ಼ ಕದ್ಯೊ. ತಿಮಾ ಬರೊಕ್ಹೊ ರ‍್ಹಯಲ ಹುತಿ ಕ್ಹುದಾ ತಿನೆ ಚೊ಼ಕೊ ವ್ಹೈ ಕೈನ ಕದ್ಯೊ. ಹೆಬಲ ಮರಿಗಯೊ, ತಿಮ್ಮ ರ‍್ಹಯುತಬಿ ತಿಮಾ ಬರೊಕ್ಹೊ ರ‍್ಹಯಲ ಹುತಿ ಮನಕ್ಹೊ ತಿನಾಹುತಿ ಬೊಲಾಡಾಸ.
HEB 11:5 ಹನೊಕ ಮರಣ ಅನಭುಶಾವಾಚಿ ಎ ದುನಿಯಾಮಾತೊ ಉಪ್ಪರ ರ‍್ಹಯಲ ದುನಿಯಾಮಾ ಗಯೊ. ಪವಿತ್ರ ಗ್ರಂಥ ಕದಲ ತಿಮ್ಮ ತೆ ಜಾ಼ವಾತಿ ಅಗ್ದುರ ಕ್ಹುದಾನೆ ಕ್ಹರಿಮಾಜ಼ ಪಸಂದ ಆಯೊ. ತೆಳಾಮಾತೊಜ಼ ಮನಕ್ಹೊನೆ ದಿಕ್ಹ್ಯೊ ನೈ. ತಿಮಾ ರ‍್ಹಯಲ ಬರೊಕ್ಹಾಕ್ಹುಜ಼ ಕ್ಹುದಾ ತಿನೆ ತಿನಾ ಕ್ಹಾತೆ ರ‍್ಹವಾನಾ ಹುತಿ ಲಿನ ಗಯೊ.
HEB 11:6 ಬರೊಕ್ಹೊ ನೈಸೊ ಕ್ಹುದಾನೆ ಮೆಚಸಾನೆ ಥಾತು ನೈ. ಕ್ಹುದಾಕನ ಆವಾಲಾ ಕುನಬಿ ರ‍್ಹೈನೆಕಾ, ಕ್ಹುದಾ ಛೆ ಕೈನ ಮನಸೆ ಹುಡಕಾಲಾ ಮನಕ್ಹೊನೆ ತೆ ಪ್ರತಿ ಫಲ ದಿವಸ ಕವಾನು ಬರೊಕ್ಹೊ ಕರು.
HEB 11:7 ಹಜು಼ನ ಡೊಳೆ ನೈ ದಿಕ್ಹಾನಿಯೊ ಸಂಗತಿಯೊನಾ ಹುತಿ ಕ್ಹುದಾನೆ ನೊಹಾ ಹುಷಾರಕಿ ಕರ‍್ಯೊ. ನೊಹಾ ಕ್ಹುದಾಪರ ಬರೊಕ್ಹೊ ಮ್ಹೆಲ್ಯೊತೊ ವರಿ ತೆ ತಿನಿ ಭಯ ಭಕ್ತಿಮಾ ವ್ಹತ್ತೊ. ತಿನಾಹುತಿ ತೆ ತಿನಾ ಕುಟುಂಬನಾ ರಕ್ಷಣೆನಾಹುತಿ ಮ್ಹೊಟೊ ಹಡಗೊ ಭಾಂದಿನ, ಎ ದುನಿಯಾ ಕರಲ ತಪ್ಪ ದೆಕಾಡಿನ ದಿದ್ಯೊ. ಇಮ್ಮ ಬರೊಕ್ಹೊನಾ ಮುಲಕ ನಿತಿವಂತ ರ‍್ಹಯಲ ಮನಕ್ಹೊಮಾ ತೆಬಿ ಯಕ್ಲೊ ವ್ಹತ್ತೊ.
HEB 11:8 ಕ್ಹುದಾ ತೆ ದಿವ್ಸ ಕೈನ ಕದಲ ವಾಗ್ದಾನ ಕರಲ ಜ಼ಗಾಕನ ಜಾ಼ವಾನಾ ಹುತಿ ಅಬ್ರಹಾಮನೆ ಬಲಾಯೊ. ತೆ ಜ಼ಗಾ ಅಬ್ರಹಾಮನೆ ಕಿಜ್ಗಾ಼ ಛೆ ಕವಾನು ಗ್ವತ್ತ ನ್ಹೊತು. ಅಬ್ರಹಾಮಮಾ ಬರೊಕ್ಹೊ ರ‍್ಹಯಲಹುತಿ, ಕ್ಹುದಾನೆ ವಿಧೆಯ ಥೈನ ತೆ ಜ಼ಗಾಪರ ಜಾ಼ವಾನೆ ತಯ್ಯಾರ ಥಯೊ.
HEB 11:9 ಕ್ಹುದಾ ದ್ಯುಸ ಕೈನ ವಾತ ದಿದಲ ದೆಶಮಾ ರ‍್ಹವಾಲೊ ಥಯಲ ಬರೊಕ್ಹಾಕ್ಹುಜ಼ ವ್ಹೈ. ತೆಜ಼ ವಾಗ್ದಾನನೆ ಭಾದ್ಯ ಥಯಲ ಇಸಾಕ ಯಾಕೊಬಬಿ ತಿನಾಲಿಂಗತಜ಼ ದೆಶಮಾ ಜಿವನಾ ಕರ‍್ಯಾ.
HEB 11:10 ಕಾಕದ್ಯಾಮ ತೆ ಶಾಶ್ವತ ಥಯಲ ಅಸ್ತಿವಾರೊ ರ‍್ಹಯಲ ಗಾಮನೆ ಕದ್ಯಾಮ ಕ್ಹುದಾ ಕರಲ ಗಾಮನೆ ಕ್ಹಾಮೊ ದೆಕ್ತೊತೊ.
HEB 11:11 ತೆನೈಸೊ ಸಾರಳ ವಾಗ್ದಾನ ಕರಲವಾಲಾನೆ ನಂಬಿನ ತೆ ಪ್ರಾಯ ಖರಲವಾಲಿ ಥೈತಬಿ ಬರೊಕ್ಹಾಕ್ಹು ಪೆಟೆ ರ‍್ಹವಾನೆ ತಾಕತ ವ್ಹಂದಿ.
HEB 11:12 ಅಬ್ರಹಾಮ ಮರವಾನಿ ಯಕ್ಕಲಿ ವೈಸ ಥಯಲವಾಲೊ ರ‍್ಹಯೊತಬಿ ಹಬಾಳಮಾನಿಯೊ ಚಿಕ್ಕಿಯೊ ಲಿಂಗತ ಸಮುಂದರನಿ ದಂಡಿಪರ ರ‍್ಹಯಲ ಉಸುಕ ಲಿಂಗತ ಮೊಜಾ಼ನೆ ಥಾಯೆನೈಸೊ ಯಕ್ಲಾ ಬಚ್ಚಾ಼ ಹುಟ್ಯಾ.
HEB 11:13 ಎ ಕ್ಹಾರಾ ಮ್ಹೊಟಾ ದಾಣಗಾ ಮರೆಲಕ್ಕಾಬಿ ಬರೊಕ್ಹಾಮಾ ವ್ಹತ್ತಾ. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಾತ ತೆ ಮನಕ್ಹೊ ಪಡ್ದಿಲಿದ್ಯಾ ನೈ. ಅಗಾ ಘನ್ನಾ ದಿನೊ ಥಯಲ್ಪರ ತೆ ಥಾವಾನು ದೆಕಿನ ತ್ಯುನೆ ಘನ್ನಾ ಖುಶಿ ಥಯಾ. ತ್ಯುನೆ ಎ ದುನಿಯಾಮಾ ಮಹಿಮಾನ ಥೈನ ರ‍್ಹೈನ ವರಿ ವಳಕ ನೈಸೊವಾಲಾ ವ್ಹೈ ಕೈನ ಒಪ್ಪಿಲಿದ್ಯಾ.
HEB 11:14 ತ್ಯುನೆ ಇಮ್ಮ ಒಪ್ಪಲಿದಲ ಹುತಿ ಸ್ವಂತ ದೆಶೆ ಜಾ಼ವಾನಾ ಹುತಿ ಕೈದಾಲಾ ವ್ಹೈ ಕೈನ ದೆಕಾಡಿನ ದಿದ್ಯಾ.
HEB 11:15 ತೆ ಮನಕ್ಹೊ ತ್ಯುನೆ ಛೊಡಿನ ಆಯಲ ದೆಶಪರ ಮನಸ ಮ್ಹೆಲಲ ರ‍್ಹವತ್ತೊ, ತ್ಯುನೆ ತ್ಯಾ ಫರಿನ ಜಾ಼ತಾತಾ.
HEB 11:16 ತೆನೈಸೊ ಚೊ಼ಕು ರ‍್ಹಯಲ ಸ್ವರ್ಗನಾ ಹುತಿ ಕೈದಾಡಾತಾ. ತಿನಾಹುತಿ ಕ್ಹುದಾ ತಿನೆ ತ್ಯುನೊ ಕ್ಹುದಾ ವ್ಹೈ ಕೈನ ಸರಮ್ಯಾವಾಚಿ ತ್ಯುನಾ ಹುತಿ ಯಕ್ಕ ಗಾಮ ತಯ್ಯಾರ ಕರ‍್ಯೊ.
HEB 11:17 ಕ್ಹುದಾ ಅಬ್ರಹಾಮನಾ ಬರೊಕ್ಹಾನೆ ಪರಿಕ್ಷಾ ಕರ‍್ಯೊ. ಇಸಾಕನೆ ಬಲಿನಾ ಬಕ್ರಾ ಲಿಂಗತ ಬಲಿ ದೆ ಕೈನ ಕ್ಹುದಾ ತಿನೆ ಕದ್ಯೊ. ಅಬ್ರಹಾಮಾ ಬರೊಕ್ಹೊ ರ‍್ಹಯಲ ಹುತಿ ವಿಧೆಯ ಥಯೊ.
HEB 11:18 ಕ್ಹುದಾ ತಿನೆ, ತಾರಿ ಸಂತತಿವಾಲಾ ಇಸಾಕನಾ ಮುಲಕ ಆವಸ” ಕೈನ ಪೈಲಾಜ಼ ದಿದಲ ವಾತ, ವರಿಬಿ ತಿನಾ ಯಕ್ಕಜ಼ ಯಕ್ಕ ದಿಕ್ರಾನೆ ಬಲಿ ದಿವಾನೆ ತಯ್ಯಾರ ಥಯೊತೊ.
HEB 11:19 ಕ್ಹುದಾ ಮರಲವಾಲಾವೊನೆ ಜಿವ್ತಾ ಕರಸ ಕೈನ ತೆ ಬರೊಕ್ಹೊ ಕರ‍್ಯೊತೊ. ಇಸಾಕನೆ ಬಲಿದೆತಾಮಾ ಕ್ಹುದಾ ತಿನೆ ತರಬತಾಮಾ, ತಿನೆ ಕ್ಹರಿಮಾಜ಼ ಇಸಾಕನೆ ಮರಣಮಾತೊ ವಾಚ಼ಲ ಲಿಂಗತ ಥಯು.
HEB 11:20 ಇಸಾಕ ಯಾಕೊಬನೆ ವರಿ ಎಸಾವನಿ ಭವಿಷ್ಯನೆ ಆಶಿರ್ವಾದ ದಿದ್ಯೊ. ತೆ ಗಡಿಯಾವೊನಿ ಲಾಕಡಿಲಿನ ಡ್ವಗ್ಗಿನ ಕ್ಹುದಾನೆ ಆರಾಧನಾ ಕರ‍್ಯೊ. ಇನಾಹುತಿಜ಼ ತಿಮಾ ಬರೊಕ್ಹೊ ವ್ಹತ್ತೊ.
HEB 11:21 ಯಾಕೊಬ ತೆ ಮೌತ ವ್ಹಂದಾನಾ ಟೈಮಮಾ ಬರೊಕ್ಹಾಕ್ಹುಜ಼ ಯೊಸೆಫನಾ ಬೆ ದಿಕ್ರಾವೊನೆ ಆರ್ಶಿವಾದ ಕರ‍್ಯೊ. ತಿನಾ ಲಾಕಡಿನಾ ಉಪ್ಪರ ಔಳಿಲಿನ ಕ್ಹುದಾನೆ ಆರಾದನಾ ಕರ‍್ಯೊ.
HEB 11:22 ಯೊಸೆಫ ತಿನಾ ಮರಾನಾ ಟೈಮಾ ಇಸ್ರಾಯೆಲೊ ಐಗುಪ್ತ ದೆಶತಾ ಜಾ಼ವಾನಾ ಹುತಿ ಬರೊಕ್ಹಾಕ್ಹುಜ಼ ಬೊಲಿನ ತಿನಾ ಹಡಕಾವೊನೆ ಲಿನ ಜಾ಼ವಾನಿ ವಿಷಯಮಾ ಅಪ್ಪಣೆ ದಿದ್ಯೊ.
HEB 11:23 ಮೊಶೆ ಹುಟ್ಟಲ್ಪರ ತಿನಾ ಮಾ ಬಾಪ ಬಚ್ಚು಼ ಚೊ಼ಕೊ ಛೆ ಕೈನ ದೆಕಿನ ರಾಜಾ಼ನಾ ಅಪ್ಪಣೆನೆ ಬುಚ್ಕೆ ನೈಸೊ ಬರೊಕ್ಹಾಕ್ಹುಜ ತಿನೆ ತನ್ನ ಮ್ಹೈನಾ ಝಾಕಿನ ಮ್ಹೆಲ್ಯಾ.
HEB 11:24 ಮೊಶೆ ಬೆಳ್ದಿನ ಮ್ಹೊಟೊ ಥಯೊ. ತೆ ಫರೊಹನನಿ ದಿಕ್ರಿನೊ ದಿಕ್ರೊ ವ್ಹೈ ಕವಾನು ಒಪ್ಪಿಲಿದ್ಯೊ ನೈ.
HEB 11:25 ತೆ ಪಾಪೊಕ್ಹು ಮಳಾನು ಸುಖನೆ ಇನಿಲಿದ್ಯೊ ನೈ. ತೆ ಸುಖಾ ಭೆಗಿನಜ಼ ಮುಗ್ದಿಜಾ಼ವಸ. ತಿನಾಹುತಿ ತೆ ಕ್ಹುದಾನಾ ಮನಕ್ಹೊನಾ ಕ್ಹಾತೆ ತ್ರಾಸ ಖಾವಾನುಜ಼ ಇನಿಲಿದ್ಯೊ. ತಿಮಾ ರ‍್ಹಯಲ ಬರೊಕ್ಹೊಜ಼ ಇನೊ ಕಾರಣ ವ್ಹೈ.
HEB 11:26 ಇಜಿಪ್ತನಿ ಪುರಾ ಆಸ್ತಿ ಪಡ್ದಿಲಿವಾತಿ ಕ್ರಿಸ್ತನಾ ಹುತಿ ತ್ರಾಸ ಅನುಭವಿಸಾನು ಮರಯಾದಿನು ಕಾಮ ವ್ಹೈ ಕೈನ ವಿಚಾರ ಕರ‍್ಯೊ. ಕ್ಹುದಾ ತಿನೆ ದಿವಾನಾ ಪ್ರತಿಫಲನಾ ಹುತಿ ಕೈದಾಡೊತೊ.
HEB 11:27 ತೆ ಇಜಿಪ್ತ ಬರೊಕ್ಹಾಕ್ಹುಜ಼ ಛೊಡಿನ ಗಯೊತೊ. ಫರೊಹನನಿ ಶಿಟ್ಟಕ್ಹು ತೆ ಭುಚ಼ಕ್ಯೊ ನೈ. ಕಿನೆಜ಼಼ ನೈ ದಿಕ್ಹಾನೊ ಕ್ಹುದಾ ತಿನೆ ದಿಕ್ಹಾಡೊಸ ಕೈನ ತೆ ಖಚಿತ ಕರಲಿದ್ಯೊ.
HEB 11:28 ಫಸ್ಕ ಸನ್ನ ಕರಿನ, ಬಾಕಲೊಪರ ರಗತ ಲಗಾಡ್ಯೊ. ಯೆಹುದ್ದಿಯೊನಾ ಪೈಲಾರ ಬಚ್ಚಾ಼ವೊನೆ ಮರಣನು ದುತ ಖಲಾಸ ಕರೆನೈಸೊ ರಗತ ಬಾಕಲೊಪರ ಲಗಾಡ್ಯಾ. ತಿಮಾ ರ‍್ಹಯಲ ಬರೊಕ್ಹಾಕ್ಹುಜ಼ ಇಮ್ಮ ಕರ‍್ಯೊ.
HEB 11:29 ಮೊಶೆಕ್ಹು ಅಗಾ ಗಯಲ ಮನಕ್ಹೊ ಲಾಲ ಸಮುಂದರನಿ ಕುಕ್ಹಿ ಜಿಮಿನಪರ ದಾಟಲ ಲಿಂಗತ ತೆ ಸಮುಂದರ ದಾಟಲ ಬರೊಕ್ಹಾಕ್ಹುಜ಼ ವ್ಹೈ. ತೆನೈಸೊ ಇಜಿಪ್ತ ದೆಶವಾಲಾ ಕೊಶಿಶ ಕರಿನ ಡುಬಿಗಯಾ.
HEB 11:30 ಕ್ಹುದಾನಾ ಮನಕ್ಹೊನಾ ಬರೊಕ್ಹಾಕ್ಹುಜ಼ ಜೆರಿಕೊ ಗಾಮನಿ ಗೊಡಿಯೊನಾ ಸುತ್ತೆ ಕ್ಹಾತ ದಿನ್ನ ಸುತ್ತತಾಮಾ ತೆ ಗೊಡಿಯೊ ಪಡಿಯೊ.
HEB 11:31 ರಹಾಬಳ ಕವಾಲಿ ಯಕ್ಕ ವ್ಯಭಿಚಾರ ಕರಾಲಿ ಇಸ್ರಾಯೆಲನಾ ಗುಡಾಚಾರಿನೆ ಬಲೈನ, ತ್ಯುನೊನೆ ದೊಸ್ತೊ ಲಿಂಗತ ದೆಕಿಲಿದಿ. ಬರೊಕ್ಹೊ ನೈಸೊ ಮನಕ್ಹೊನೆ ಖಲಾಸ ಕರಲ ಟೈಮಮಾ ತಿನೆ ಖಲಾಸ ನೈ ಕರಲ ತಿಮಾ ರ‍್ಹಯಲ ಬರೊಕ್ಹೊಜ಼ ವ್ಹೈ.
HEB 11:32 ಹಜು಼ನ ಮಿ ಸು ಕೌ? ಗಿದ್ಯೊನ, ಬಾರಾಕ, ಸಂಸೊನ, ಯೆಪ್ತಾಹ, ದಾವಿದ, ಸಮುವೆಲ ವರಿ ಪ್ರವಾದಿಯೊನಾ ವಿಷನಾ ಹುತಿ ಕವಾನೆ ಮನೆ ಟೈಮ ನೈ ಬಸ್ಸ ಥಾತು.
HEB 11:33 ತೆ ಕ್ಹಾರಾ ಮನಕ್ಹೊ ಘನ್ನಾ ಬರೊಕ್ಹಾವಾಲಾ ವ್ಹತ್ತಾ. ತೆ ಬರೊಕ್ಹಾಕ್ಹುಜ಼ ತೆ ರಾಜ್ಯನೆ ಹರಾಡ್ಯಾ. ತ್ಯುನೆ ಚೊ಼ಕಾ ರ‍್ಹಯಲಜ಼ ಕಾಮೊ ಕರ‍್ಯಾ ವರಿ ಕ್ಹುದಾ ಕರಲ ವಾಗ್ದಾನ ಪಡ್ದಿಲಿದ್ಯಾ.
HEB 11:34 ತ್ಯುನೊಮಾ ದಕ್ಹಾಜ಼಼ನಾ ಬರೊಕ್ಹಾಕ್ಹುಜ಼ ಸಿಂಯ್ಯಾನಾ ಮ್ಹೊಡಾ ಝಾಕ್ಯಾ; ದಕ್ಹಾಜ಼಼ನಾ ಆಗನಿ ತಾಕತ ತೊಡಿ ಪಡ್ಯಾ; ಹಜು಼ನ ದಕ್ಹಾಜ಼಼ನಾ ತಲ್ವಾರೊನಾ ಮ್ಹೊಡಾಮಾತಾ ವಾಚಿನ ಆಯಾ; ತಾಕತ ನೈ ರ‍್ಹಯಲವಾಲಾ ತ್ಯುನಾ ಬರೊಕ್ಹುಕ್ಹು ಘಟ್ಟಥಯಾ; ಯುದ್ದಮಾ ತಾಕತವರ ಥೈನ ದುಶ್ಮನೊನೆ ಹರಾಯಾ.
HEB 11:35 ಬಾಕ್ಡಿಯೊ ಮರಿಗಯಲವಾಲಾ ತ್ಯುನಾ ಮನಕ್ಹೊನೆ ಪುನರುತ್ಥನಕ್ಹು ವರಿ ವಚಾ಼ಡಿಲಿದ್ಯಾ. ಬಿಜಾ಼ ದಕ್ಹಾಜ಼಼ನಾ ತ್ರಾಸ ಖಾತಾಮಾಬಿ ಪುನರುತ್ಥಾನ ಥಯಲ್ಪರ ಚೊ಼ಕಿ ರ‍್ಹಯಲ ಜಿವಿತನಾ ಹುತಿ ಬಿಡುಗಡೆ ಥಾವಾನೆ ಒಪ್ಪಿಲಿದ್ಯಾ ನೈ.
HEB 11:36 ಬಿಜಾ಼ ದಕ್ಹಾಜ಼಼ನಾ ಬಿಜಾ಼ ಮನಕ್ಹೊನಾ ಹತೆ ಅಸೈ ಕರಿಲಿದ್ಯಾ, ಮಾರ ಖಾದ್ಯಾ, ಜೆಲ್ಮಾ ವ್ಹತ್ತಾ.
HEB 11:37 ದಕ್ಹಾ ಮನಕ್ಹೊನೆ ದಗ್ಡಾ ಮಾರಿನ ಖಲಾಸ ಕರ‍್ಯಾ. ದಕ್ಹಾ ಜ಼ನಾವೊನೆ ಖರಗಸ ಲಿನ ಕಾಟಿನ ಬೆ ತುಕ್ಡಾ ಕರ‍್ಯಾ. ದಕ್ಹಾ ಜ಼ನಾವೊನೆ ತಲ್ವಾರಕ್ಹು ಖಲಾಸ ಕರ‍್ಯಾ. ಇವ್ನೊಮಾ ದಕ್ಹಾಜ಼಼ನಾ ಬಕ್ರಾವೊನು ವರಿ ಬಕ್ರಾವೊನಾ ಬಚ್ಚಾ಼ವೊನಾ ಚಾ಼ಮ್ಡಾನಾ ವಣ್ಣಾ ಘಾಲ್ಲಿಲಿದ್ಯಾತಾ. ದಕ್ಹಾಜ಼಼ನಾ ಗರಿಬೊ ವ್ಹತ್ತಾ; ತ್ರಾಸಮಾ ರ‍್ಹಯಾತಬಿ ವರಿ ಮನಕ್ಹೊ ಕರಾನಾ ತ್ರಾಸಮಾ ಪಡ್ಯಾ.
HEB 11:38 ಇವ್ನೊನೆ ಆ ದುನಿಯಾ ಚೊ಼ಕಿ ನ್ಹೊತಿ ಇವ್ನೆ ಉಸುಕನಿ ಜ಼ಗಾ ವರಿ ಡೊಂಗ್ರೊಪರ ಜಿವ್ನಾ ಕರತಾ ಗುಹೆಮಾ ಜಿವ್ನಾ ಕರತಾತಾ.
HEB 11:39 ಇವ್ನೆ ಕ್ಹಾರಾ ತ್ಯುನಾ ಬರೊಕ್ಹಾಮಾ ಚೊ಼ಕು ನಾಮ ಕಮೈಲಿದ್ಯಾ, ತೆನೈಸೊ ತ್ಯುನೊಮಾನು ಕುನ್ನಜ಼ ವಾಗ್ದಾನನು ಫಲ ವ್ಹಂದಿಲಿದ್ಯು ನೈ.
HEB 11:40 ಕ್ಹುದಾ ಅಪೊನೆ ಚೊ಼ಕು ರ‍್ಹಯಲಜ಼ ದಿವಾನೆ ವಿಚಾರ ಕರ‍್ಯೊ. ಅಪ್ನಾ ಕ್ಹಾತೆ ತ್ಯುನೆ ಪುರಾ ಥಾವಾದೆ ಕೈನ ತೆ ವಿಚಾರ ವ್ಹೈ.
HEB 12:1 ತಿನಾಹುತಿ ಅಪ್ನಾ ಸುತ್ತೆಬಿ ಬರೊಕ್ಹಾಮಾ ರ‍್ಹಯಲ ಘನ್ನಾ ಮನಕ್ಹೊ ಛೆ. ಬರೊಕ್ಹೊ ಸು ವ್ಹೈ ಕವಾನು ತಿನಿ ಜಿವಿತನಿ ಸಾಕ್ಷಿಜ಼ ಕವಸ. ತಿನಾಹುತಿ ಅಪೆ ತ್ಯುನಾ ಲಿಂಗತಜ಼ ರ‍್ಹೌ. ಅಪ್ನಾ ಕ್ಹಾಮಿ ರ‍್ಹಯಲ ಗುರಿ ಮುಟ್ಟಾನೆ ನ್ಹಾಟು ವರಿ ಅಪ್ನಿ ಕೊಶಿಶ ಹುಬ್ರಾಡು ನೈ. ಅಪೊನೆ ತರಬಾನಾ ಕ್ಹಾರಿಯೊ ಸಂಗತಿಯೊ ಅಪ್ನಾ ಜಿವಿತಮಾತು ಕಾಡಿಪಾಡು. ಅಪೊನೆ ಆಸಾನಕ್ಹು ಧರ್ಲಿವಾನಾ ಪಾಪಕ್ಹು ಛೊ಼ಡೈಲ್ಯು.
HEB 12:2 ಅಪೆ ಹಮೆಶಾಬಿ ಯೆಸುನೆಜ಼ ಮಾದರಿ ಕರಿನ ಮ್ಹೆಲ್ಲಿದಲ ರ‍್ಹೌ. ಅಪೊನೆ ಬರೊಕ್ಹೊ ದಿವಾಲೊ ಪುರಾ ಕರಾಲೊ ತೆಜ಼ ವ್ಹೈ. ತೆ ತಿನಾ ಕ್ಹಾಮಾ ಮ್ಹೆಲಲ ಖುಶಿಕ್ಹು ಮರ್ಯಾದಿ ಅಲಕ್ಶ ಕರಿನ ಶಿಲುಬೆನು ಮರಣ ತಡ್ದಿಲಿದ್ಯೊ. ಹಮ್ನಾ ತೆ ಕ್ಹುದಾನಾ ಸಿಂಹಾಸನನಾ ಶಿದಾ ಹತ ಬಗಲ ಬೈಟ್ಯೊಸ.
HEB 12:3 ಯೆಸುನಾ ಹುತಿ ತುಮೆ ವಿಚಾರ ಕರೊ. ಪಾಪಮಾಜ಼ ರ‍್ಹಯಲ ಮನಕ್ಹೊ ತಿನಾ ವಿರುದ್ದ ಕೆಟ್ಟ ಕರ‍್ತಾಮಾ ತೆ ದಡ್ದಿಲಿನ ವ್ಹತ್ತೊ. ತಿನಾಲಿಂಗತಜ಼ ತುಮೆಬಿ ತಡ್ದಿಲಿನ ರ‍್ಹೌ ವರಿ ಧೈರ್ಯ ಛೊಡು ನೈ.
HEB 12:4 ತುಮೆ ಪಾಪನಾ ವಿರುದ್ದ ಹೊರಾಡತಾ ರ‍್ಹಯಾತಬಿ ತುಮೆ ಕರ‍್ತಾ ರ‍್ಹಯಲ ಹೊರಾಟ ತುಮೊನೆ ಮರಣನಾ ನಜಿಕ ಹಜು಼ನ ನತ್ತಿ ಲಾಯಾ.
HEB 12:5 ತುಮೆ ಕ್ಹುದಾನಾ ಬಚ್ಚಾ಼ ಥಯಾಸ. ತೆ ತುಮೊನೆ ಸಮಾದಾನಿಯೊ ವಾತೊ ಕವಸ. ತುಮೆ ತೆ ವಾತೊ ಇಕ್ಹರ‍್ಯಾಸ;
HEB 12:6 ಪ್ರಭು ತೆ ಮಯಾ ಕರಾಲಾವೊನೆಜ಼ ಶಿಕ್ಷಾ ದಿವಸ;
HEB 12:7 ತಿನಾಹುತಿ ಬಾಪ ದಿವಾನಿ ಶಿಕ್ಷಾ ವ್ಹೈ ಕೈನ ತುಮೆ ತಡ್ದಿಲಿವೊ. ಬಾ ಬಚ್ಚಾ಼ವೊನೆ ಶಿಕ್ಷಾದಿದಲ ಲಿಂಗತಜ಼ ಕ್ಹುದಾ ತುಮೊನೆ ಶಿಕ್ಷಾ ದಿವಸ. ಕ್ಹಾರಾ ಬಚ್ಚಾ಼ ಬಾಪಕ್ಹು ಶಿಕ್ಷಾಲಿವಸ.
HEB 12:8 ತುಮೊನೆ ಕೆಳಾಮಾಜ಼ ಶಿಕ್ಷಾ ನೈ ವ್ಹಂದ್ಯಾಮ ತುಮೆ ತುಮಾರಾ ಬಾಪನಾ ಕ್ಹರಿನಾ ಬಚ್ಚಾ಼ ನ್ಹವೈ.
HEB 12:9 ಎ ದುನಿಯಾಮಾ ತುಮೊನೆ ಕ್ಹಾರಾವೊನೆ ಶಿಕ್ಷಾ ದಿದಲ ಬಾಪೊನೆ ಅಪೊನೆ ರ‍್ಹಯಾತಬಿ ಅಪೆ ತ್ಯುನೊನೆ ಮರ್ಯಾದಿ ದಿದ್ಯಾ. ತಿನಾಹುತಿ ಅಪ್ನಿಯೊ ಆತ್ಮಾವೊನೆ ಬಾಪ ಥಯಲವಾಲಾನಾ ಹತೆ ಶಿಕ್ಷಾ ವ್ಹಂದಿಲಿವಾನು ಘನ್ನು ಖಾಸ ವ್ಹೈ. ಅಪೆ ಇಮ್ಮ ಕರ‍್ಯಾಮ ಜ಼ಲಮ ವ್ಹಂದಿಲಿಯೆಸ.
HEB 12:10 ಎ ದುನಿಯಾಮಾ ರ‍್ಹಯಲ ಬಾಪೊ ಅಪೊನೆ ದಕ್ಹಿಯಳ ಶಿಕ್ಷಾ ದಿದ್ಯಾ. ತ್ಯುನೆ ತ್ಯುನೊನೆ ಚೊ಼ಕು ವ್ಹೈ ಕೈನ ಕಳಲ ಲಿಂಗತ ಅಪೊನೆ ಶಿಕ್ಷಾ ದಿದ್ಯಾ. ತೆನೈಸೊ ಕ್ಹುದಾ ಅಪೆ ತಿನಾ ಪರಿಶುದ್ಧತೆಮಾ ಅಪೆ ಮಳು ಕೈನ ಅಪೊನೆ ಮದತ ಕರಾನಾ ಹುತಿ ಅಪೊನೆ ಶಿಕ್ಷಾ ದಿವಸ.
HEB 12:11 ಕೈಬಿ ಶಿಕ್ಷಾ ರ‍್ಹವಾದೆ ದಕ್ಹಿಯೆಳಜ಼ ಸುಖಾ ದಿನ ಹಮೆಶಾಬಿ ದುಖಜ಼ ದೆತಿಜ಼ ರ‍್ಹವಸ. ತೆನೈಸೊ ತೆ ಥಯಲ್ಪರ ತೆ ಶಿಕ್ಷಾಕ್ಹು ಅಪೆ ಶಿಕ್ಕಿನ ಯೊಗ್ಯ ರ‍್ಹಯಲ ಜಿವನ ಶುರು ಕರಾನಾ ಮುಕಾಂತರ ಅಪೊನೆ ಸಮಾಧಾನ ಮಳಸ.
HEB 12:12 ತುಮೆ ತಾಕತ ನೈಸೊವಾಲಾ ಥಯಾಸ. ತಿನಾಹುತಿ ತುಮೊಮಾ ತಾಕತ ಭರಲಿವೊ.
HEB 12:13 ತುಮೆ ಚೊ಼ಕಿ ರ‍್ಹಯಲ ವಾಟಮಾ ಜಿವ್ನಾ ಕರ‍್ತಾ ರ‍್ಹಯಾಮ ರಕ್ಷಣೆ ಮಳಸ ವರಿ ತುಮೊನೆ ಹಾಳ ಕರಾನು ರ‍್ಹಯಲ ತುಮಾರಿ ಕಮ್ಜೊ಼ರಿನೆ ಥಾತು ನೈ.
HEB 12:14 ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನಾಕ್ಹು ವರಿ ಪರಿಶುದ್ಧ ಥೈನ ಜಿವನಾ ಕರಾನೆ ಕೊಶಿಶ ಕರೊ. ಕಯಾನು ಜಿವ್ನಾ ಪರಿಶುದ್ಧ ರ‍್ಹತು ನೈ. ಪ್ರಭು ತಿನೆ ಕೆಳಾಮಾಜ಼ ದೆಕ್ತೊ ನೈ.
HEB 12:15 ತುಮೊಮಾ ಕುನ್ನಜ಼ ಕ್ಹುದಾನಿ ಮರ್ಗಾ ಜ಼ವೈಲ್ಯು ನೈಸೊ ಹುಶಾರಕಿಮಾ ರ‍್ಹವೊ. ತಿನಾಕ್ಹು ತುಮಾರು ಗುಂಪಜ಼ ಹಾಳ ಥಾವಸ.
HEB 12:16 ಕಯೊಜ಼ ಹಾಳ ಥಾವಾಲೊ, ಎಸಾವ ಲಿಂಗತ ತುಮೊಮಾ ಕಯೊಬಿ ದುನಿಯಾಮಾ ರ‍್ಹಯಲ ತುಮೊಮಾ ರ‍್ಹಯೆ ನೈಸೊ ಹುಶಾರಕಿಮಾ ರ‍್ಹವೊ. ತೆ ಎಸಾವ ಯಕ್ಕಜ಼ ಯಕ್ಕ ಖಾವಾನಾ ಅನ್ನನ ಹುತಿ ತಿನು ಮ್ಹೊಟಾಪನ್ನನು ಹಕ್ಕ ಇಕ್ಕಿಪಾಡ್ಯೊ.
HEB 12:17 ತುಮೊನೆ ಗ್ವತ್ತ ಲಿಂಗತ ತೆ ಥಯಲ್ಪರ ತಿನಾ ಬಾನೊ ಆಶಿರ್ವಾದ ಪಡ್ದಿಲಿವಾನೆ ಘನ್ನೊ ರ‍್ವಯೊ. ಎಸಾವ ತೆ ಕರಲ ಬದಲಿ ನೈ ಥಯಲ ಹುತಿ ಬಾನೊ ಆಶಿರ್ವಾದ ತಿನೆ ಮಳ್ಯೊ ನೈ.
HEB 12:18 ತುಮೆ ನೈ ಜ಼ಗಾಪರ ಆಯಾಸ. ತೆ ಜ಼ಗಾ ಇಸ್ರಾಯಲನಾ ಮನಕ್ಹೊ ಆಯಲ ಡೊಂಗರ ಪರಲಿ ಜ಼ಗಾ ನ್ಹವೈ. ಮುಟ್ಟಾನೆ ಥಾವಾನೆ ವರಿ ಆಗ ಲಾಗಲ ಡೊಂಗರ ಪರ ಆಯಾ ನತ್ತಿ. ತುಮೆ ಘನ್ನು ಅಂದಾರು ರ‍್ಹಯಲ ಜ಼ಗಾ ವರಿ ತುಫಾನನಾ ವಾರಾಕನ ನತ್ತಿ ಆಯಾ.
HEB 12:19 ತುಮೆ ಪೊಂಗಾವೊನಾ ನಜಿಕ ರ‍್ಹವಾದೆ ಅಪೊನೆ ಬೊಲಾನಿ ಅವಾಜ಼ಕನ ಆಯಾ ನತ್ತಿ. ಮನಕ್ಹೊ ಅವಾಜ಼ ಐಕ್ತಾಮಾ, ಬಿಜೆಕ ವಾತ ಹಮೊನೆ ಕೌ ನೈ ಕೈನ ಮಾಂಗಿಲಿದ್ಯಾ.
HEB 12:20 ತೆ ಡೊಂಗರನೆ ಮುಟ್ಟಾನು ಸುಬಿ ರ‍್ಹೈನೆಕಾ ತೆ ಯಕ್ಕ ಜಾನ್ವರಬಿ ರ‍್ಹೈನೆಕಾ ತಿನೆ ದಗ್ಡಾ ಮಾರಿನ ಖಲಾಸ ಕರಿಪಾಡೊ ಕವಾನಿ ಆಗನ್ಯಾ ಐಕಾನೆ ಮನಸ ಕರ‍್ಯಾ ನೈ.
HEB 12:21 ತೆ ಮನಕ್ಹೊ ತೆಳಾಮಾ ದೆಕಲ ಘನ್ನು ಖತರನಾಕ ರ‍್ಹಯಲ ಹುತಿ ಮೊಶೆ, ಮಿ ಭುಚ಼ಕಿನ ಕಾಪಾಡೊಸ” ಕದ್ಯೊ.
HEB 12:22 ತೆನೈಸೊ ತುಮೆ ಚಿಯೊನ್ ಡೊಂಗರನೆ, ಜ಼ಲಮ ರುಪಮಾ ರ‍್ಹಯಲ ಕ್ಹುದಾನು ಗಾಮ ಥಯಲ ಪರಲೊಕನಾ ಯೆರುಸಲೆಮನೆ, ಉತ್ಸವ ಸಂಘಮಾ ಮಳಲ ಕೊಟಿ-ಕೊಟಿ ದೆವದುತೊ ಕನ,
HEB 12:23 ಸ್ವರ್ಗಮಾ ನಾಮ ಬರ್ದೈ ಲಿದಲ ಚೊಚ್ಚಲ ಬಚ್ಚಾ಼ವೊನಿ ಸಭೆನೆ, ಕ್ಹಾರಾವೊನೆ ನ್ಯಾಯಾದಿಪತಿ ಥಯಲ ಕ್ಹುದಾಕನಬಿ, ರೆಡಿಮ್ಮಾ ಆಯಲ ನಿತಿಂವತ ಆತ್ಮಕನಬಿ,
HEB 12:24 ನವು ಒಡಬಂಡಿಕೆನೆ ವಚಮ್ಮಾ ಥಯಲ ಯೆಸು ಕನಬಿ, ಹೆಬಲನಾ ರಗತ ತುಬಿ ಚೊ಼ಕು ಬೊಲಾನಾ ಪ್ರೊಕ್ಷಣ ರಗತ ಕನಬಿ ಆಯಾಸ.
HEB 12:25 ಬೊಲ್ತಾ ರ‍್ಹಯಲವಾಲಾನೆ ತುಮೆ ಬೆಜಾರ ಕರ‍್ಯಾವಾಚಿ ದೆಕಿಲಿವೊ. ಕಾಕದ್ಯಾಮ ಜಿಮಿನಪರ ದೈವೊಕ್ತಿ ಕವಾಲಾವೊನೆ ಬೆಜಾರ ಕರಲವಾಲಾ ಶಿಕ್ಷಾಕ್ಹು ಚು಼ಕೈ ನೈಲೆತಾ ಕದ್ಯಾಮ, ಸ್ವರ್ಗಲೊಕತೊ ಬೊಲಾಲಾನೆ ಛೊಡಿನ ದುರ ಅಪೆ ಗಯಾಮ ಶಿಕ್ಷಾಕ್ಹು ಕಿಮ್ಮ ಚು಼ಕೈಲಿನ ಜಾ಼ಸಕೆಸ?
HEB 12:26 ತಿನು ಆವಾನು ಆವಾಜ಼ ತೆ ದಿನ್ನೊಮಾ ಜಿಮಿನನೆ ಹಲಾತುತು; ಹಮನಾಬಿ ತೆ ಹಜೆಕ ಸಲಾಬಿ ಮಿ ಜಿಮಿನನೆ ಯಕ್ಕನೈ ಪರಲೊಕನೆಬಿ ಹಲ್ಲಾಡುಸ ಕೈನ ವಾತ ದಿದ್ಯೊಸ.
HEB 12:27 ಹಜೆಕ ಸಲಾ, ಕವಾನಿ ಎ ವಾತ ವಿಚಾರ ಕರ‍್ಯಾಮ, ಹಲ್ಲಾಡ್ಯಲ ಸಾಮನೊ ಶಿದಾ ಥಾವಾಕ್ಹು ಕಾಡಿನ ನಕಾವಸ ಕೈನ ಘಟ್ಟ ಥಯು. ತೆಳಾಮಾ, ನೈ ಹಲ್ಲಾಯಲ ಸಾಮನೊ ಶಿದಾ ಥೈನ ಹುಬ್ರ್ಯವಸ.
HEB 12:28 ತಿನಾಹುತಿ ಕುನ್ನಜ಼ ಹಲ್ಲಾಡಲ ನೈ ಥಯಲ ರಾಜ್ಯ ಪಡ್ದಿಲಿವಾಲಾ ಥಯಲ ಅಪೆ ಕೃತಜ್ಞನಾವಾಲಾ ಥೈನ, ತಿನೆ ಪಸದ ಆಯಲ ಆರಾಧನಾನೆ ಭಕ್ತಿಕ್ಹು ವರಿ ಭುಚ಼ಕಕ್ಹು ಕರಿಯೆ;
HEB 12:29 ಕಾಕದ್ಯಾಮ ಅಪ್ನೊ ಕ್ಹುದಾ ಘನ್ನಿ ಮ್ಹೊಟಿ ಆಗ ಥಯೊಸ.
HEB 13:1 ಕ್ರಿಸ್ತನಮಾ ಭಾಯೊ ಭೆನೊ ಥಯಲ ತುಮೆ ಯಕ್ಕನೆ ಯಕ್ಕ ಮಯಾ ಕರೊ ವರಿ ಅತಿಧಿ ಸತ್ಕಾರ ಕರೊ.
HEB 13:2 ಅತಿಥಿ ಸತ್ಕಾರ ಕರಾನು ಇನ್ಕಾರ ಕರೊ ನಕೊ. ಕಾಕದ್ಯಾಮ ತೆ ಕರಾಮಾ ದಕ್ಹಾ ಜ಼ನಾ ಕಳ್ಯಾವಾಚಿ ದೆವದುತೊನೆ ಸತ್ಕಾರ ಕರ‍್ಯಾಸ.
HEB 13:3 ಜೆಲಮಾ ರ‍್ಹಯಲ ಮನಕ್ಹೊನೆ ಶೆಂ ಕರಿಲಿವೊ. ತುಮೆ ತ್ಯುನಾ ಕ್ಹಾತೆ ರ‍್ಹೈನ ಜೆಲಮಾ ರ‍್ಹಯಲವಾಲಾ ವ್ಹೈ ಕೈನ, ತ್ಯುನೊನೆ ಥಯಲ ಶರಿರನು ತ್ರಾಸ ತುಮೊನೆಬಿ ಥಯುಸ ಕೈನ ತಿಳ್ದಿನ, ತ್ಯುನೊನೆ ಶೆಂ ಕರಿಲಿವೊ.
HEB 13:4 ಕ್ಹಾರಾ ಜ಼ನಾ ಹಿವಾನೆ ಚೊ಼ಕು ವ್ಹೈ ಕೈನ ಮರ್ಯಾದಿದ್ಯು ವರಿ ಮಾಟಿ ಬೈಕೊನು ಸಂಬಂಧ ಕಯುಜ಼ ದಾಗ ನೈಸೊ ರ‍್ಹೌ. ಲೈಂಗಕ ಪಾಪ ಕರಾಲಾವೊನೆಬಿ ವರಿ ವ್ಯಬಿಚಾರ ಕರಾಲಾವೊನೆಬಿ ಕ್ಹುದಾ ಫೈಸಲೊ ಲಿವಾನೊ ದಿನ್ನ ಆವಸ ಕೈನ ತಿಳ್ದಿಲಿವೊ.
HEB 13:5 ದೊಕ್ಡಾನಾ ಉಪ್ಪರ ತುಮೊನೆ ರ‍್ಹಯಲ ಆಸಕ್ಹು ದುರ ರ‍್ಹವೊ. ತುಮೊನೆ ರ‍್ಹಯಲ ತೆಕ್ಲಾಮಾ ತ್ರಪ್ತಿಕ್ಹು ರ‍್ಹವೊ. ಮಿ ತುಮೊನೆ ಕೆಳಾಮಾಜ಼ ಹತ್ತ ನೈ ಛೊಡತೊ, ಕೆಳಾಮಾಜ಼ ಛೊಡತೊ ನೈ ಕೈನ ಕ್ಹುದಾಜ಼ ಕದ್ಯೊಸ.
HEB 13:6 ತಿನಾಹುತಿ, ಕರ್ತಾ ಮಾರೊ ಸಹಾಯಕ ವ್ಹೈ ಮಿ ಭುಚ಼ಕ್ತೊ ನೈ, ಮನಕ್ಹ ಮನೆ ಸು ಕರಸ? ಕೈನ ಅಪೆ ಧೈರ್ಯಕ್ಹು ಕೆ ಸಕೆಸ.
HEB 13:7 ತುಮೊನೆ ಕ್ಹುದಾನಿ ವಾಕ್ಯಾ ಕದಲ ತುಮಾರಾ ಸಬೆನಾ ಭೊದಕನೆ ಶೆಂ ಕರಿಲಿವೊ. ತ್ಯುನೆ ತ್ಯುನಿ ಜಿವನಮಾ ಕಿಮ್ಮ ಚಾ಼ಲಿನ ಗಯಾ ಕೈನ ತುಮೆ ಶೆಂ ಕರಿಲಿನ ತ್ಯುನಾ ಬರೊಕ್ಹಾನಾ ಲಿಂಗತ ಚಾ಼ಲಿನ ಜಾ಼ವೊ.
HEB 13:8 ಯೆಸು ಕ್ರಿಸ್ತ ಕಾಲ ರ‍್ಹಯಲ ತಿಮ್ಮ, ಆಜ಼ಬಿ, ಹಮೆಶಾಬಿ ರ‍್ಹವಸ.
HEB 13:9 ಬಿಜಾ಼ ಬಿಜಾ಼ ಉಪದೆಶೊನಾ ಬಲಿಮಾ ಖಾಪಡೊ ನಕೊ. ಕಾಕದ್ಯಾಮ ಕ್ಹುದಾನು ಕೃಪಾಕ್ಹು ಮನಸ್ಸ ಘಟ್ಟ ಕರಿಲಿವಾನು ಚೊ಼ಕುಜ಼ ವ್ಹೈ. ಕ್ಹಾವಾನಾ ಚಿಜೊ಼ನಾ ಹುತಿ ರ‍್ಹಯಲ ನಿಯಮೊ ಕರಾಲಾವೊನೆ ಸುಜ಼ ಫೈದೊ ನತ್ತಿ.
HEB 13:10 ಅಪನೊನೆ ಯಕ್ಕ ಯಜ್ಞವೆದಿ ಛೆ ಎ ಯಜ್ಞವೆದಿನಾ ಚಿಜೊ಼ ಕ್ಹಾವಾನೆ ಗುಡಾರಮಾ ಸೆವೆ ಕರಾಲಾವೊನೆ ಹಕ್ಕ ನತ್ತಿ.
HEB 13:11 ಪ್ರಧಾನಯಾಜಕ ಪಾಪ ಪರಿಹಾರನಾ ಬಲಿ ಜಾನವರೊನಾ ರಗತನೆ ಲಿನ ಪವಿತ್ರ ಜ಼ಗಾಪರ ಜಾ಼ವಸ, ತೆನೈಸೊ ತೆ ಜಾನವರೊನಾ ಅಂಗೊ ಪಾಳಿನಾ ಭಾರಾ ಬಾಳಾ ಲಗಾಡಸ.
HEB 13:12 ತಿನಾ ಲಿಂಗತ ಯೆಸುಬಿ ಸ್ವಂತ ರಗತಕ್ಹು ತಿನಾ ಮನಕ್ಹೊನೆ ಶುದ್ಧ ಕರಾನಾ ಹುತಿ ಗಾಮನಾ ಭಾರೊ ಮರ‍್ಯೊ.
HEB 13:13 ತಿನಾಹುತಿ ಅಪೆ ತಿನಾ ಮುಲಕ ಥಯಲ ತ್ರಾಸಮಾ ತಡ್ದಿಲಿವಾಲಾ ಥೈನ, ಪಾಳಿನಾ ಭಾರಾ ತಿಕನ ಗೈಪಡೆ.
HEB 13:14 ಕಾಕದ್ಯಾಮ ಎ ದುನಿಯಾಮಾ ಹಮೆಶಾ ರ‍್ಹವಾನು ಗಾಮ ಅಪೊನೆ ನತ್ತಿ. ಭವಿಷ್ಯಮಾ ಆವಾನಾ ಗಾಮನೆ ಅಗಾ ದೆಕ್ತಾ ಛೆ.
HEB 13:15 ತಿನಾಹುತಿ ಯೆಸುನಾ ಮುಲಕಜ಼ ಕ್ಹುದಾನೆ ಸ್ತೊತ್ರಾ ಕವಾನಿ ಬಲಿ ಛೊಡ್ಯಾವಾಚಿ ಕಯೆ, ತಿನೆ ಅಪೆ ಕರ್ತಾ ಕೈನ ಬರೊಕ್ಹೊ ಕರಿನ ಮ್ಹೊಡಾಕ್ಹು ಅರಿಕೆ ಕರಾನುಜ಼ ಅಪೆ ದಿವಾನಿ ಬಲಿ ವ್ಹೈ.
HEB 13:16 ಎನೈಸೊ ಉಪಕಾರ ಕರಾನು, ಬಿಜಾ಼ವೊನೆ ಮದತ ಕರಾನು ಇಕ್ಹರೊ ನಕೊ. ಎಜ಼ ಕ್ಹುದಾನೆ ಪಸಂದ ರ‍್ಹಯಲ ಬಲಿಯೊ ವ್ಹೈ.
HEB 13:17 ತುಮಾರಾ ಸಭಾನಾಯಕೊನಾ ವಾತ ಐಕೊ, ತ್ಯುನೊನೆ ಅದಿನ ಥೈನ ರ‍್ಹವೊ. ತ್ಯುನೆ ಲೆಕ್ಕೊ ದಿವಾಲಾ ಥಯಲ ಹುತಿ ತುಮಾರಿಯೊ ಆತ್ಮಾವೊನೆ ಕೈದಾಲಾ ಥಯಾಸ. ತ್ಯುನೆ ದುಖ ಥಯಾವಾಚಿ ಕ್ಹುಶಿಕ್ಹು ಎ ಕರಾನೆ ಥಾಯೆ ಲಿಂಗತ ದೆಕಿಲಿವೊ. ಕಾಕದ್ಯಾಮ ತ್ಯುನೆ ಯಕ್ಕ ತರಾ ರ‍್ಹವಾನು ತುಮೊನೆ ಫೈದೊ ನತ್ತಿ.
HEB 13:18 ಹಮಾರಾ ಹುತಿ ಪ್ರಾಥನಾ ಕರೊ. ಹಮೆ ಕ್ಹಾರಿಯೊ ವಿಷಯನಾ ಹುತಿ ಚೊ಼ಕಿತರಾ ಚಾ಼ಲಿಲಿನ ಜೌ಼ ಕೈನ ಚೊ಼ಕಿ ಮನಸನಿ ಸಾಕ್ಷಿ ವ್ಹಂದಿಲಿದ್ಯಾಸ ಕೈನ ಫೈಸಲೊ ಕರಿಲಿದ್ಯಾಸ.
HEB 13:19 ವರಿ ಮಿ ಘನ್ನೊ ಜಲ್ದಿ ಫರಿನ ತುಮೊಕನ ಆಯೆ ಲಿಂಗತ ತುಮೆ ಪ್ರಾಥನಾ ಕರು ಕೈನ ಮಿ ತುಮೊನೆ ಘನ್ನ ಮಾಂಗಿಲ್ಯುಸ.
HEB 13:20 ಹಮೆಶಾ ರ‍್ಹಯಲ ವಡಂಬಡಿಕೆನೆ, ರಗತಕ್ಹು ಪುರಾ ಕರಾನಾ ಹುತಿ, ಸಭೆ ಕವಾನು ಹಿಂಡನೆ ಮ್ಹೊಟೊ ಪಾಲಕ ಥಯಲ ಅಪ್ನೊ ಕರ್ತಾ ಥಯಲ ಯೆಸುನೆ ಮರಲವಾಲಾಮಾತೊ ಆವಾಲಗಾಡ್ಯಲ, ಶಾಂತಿದಾಯಕ ಥಯಲ ಕ್ಹುದಾ,
HEB 13:21 ತುಮೆ ತಿನಿ ಚಿತ್ತ ಪುರಾ ಕರಾನೆ ಘನ್ನಾ ಚೊ಼ಕಾ ಕಾಮೊನೆ ಚಾ಼ಯೆ ಥಯಲ ಅನುಕುಲ ತುಮೊನೆ ದಿವಾದೆ, ತೆ ಯೆಸು ಕ್ರಿಸ್ತನಾ ಮುಲಕ ತಿನೆ ಪಸಂದ ಆಯಲಜ಼ ಅಪೊಮಾ ಪುರಾ ಕರಾದೆ. ಹಮೆಶಾಬಿ ತಿನೆ ಸ್ತೊತ್ರಾ ಆಮೆನ.
HEB 13:22 ಭಾಯೊ, ಆ ಗ್ಯಾನನಾ ವಾತೊ ಸಹಿಸಿಲ್ಯು ಕೈನ ತುಮೊಕನ ಮಾಂಗಿಲ್ಯುಸ. ತುಮೊನೆ ಪುರಾ ಬಿಡಸಿನ ಬರದ್ಯೊಸ.
HEB 13:23 ಮಾರೊ ಭೈ ಥಯಲ ತಿಮೊಥಿನೆ ಬಿಡುಗಡೆ ಥೈಸ ಕೈನ ತುಮೊನೆ ಗೊತ್ತ ರ‍್ಹವಾದೆ. ತೆ ಜಲ್ದಿ ಆಯೊಮ ಮಿ ತಿನಾ ಕ್ಹಾತೆ ಐನ ತುಮೊನೆ ದಿಕ್ಹುಸ.
HEB 13:24 ತುಮಾರಾ ಕ್ಹಾರಾ ಸಭಾನಾಯಕೊನೆ ವರಿ ಪರಿಶುದ್ದ ಕ್ಹುದಾನಾ ಮನಕ್ಹೊನೆ ವಂದನೆ ಕವೊ. ಇಟಲಿ ದೆಶತಾ ಆಯಲವಾಲಾ ತುಮೊನೆ ವಂದನೆ ಕವಸ.
HEB 13:25 ಕ್ಹುದಾನಿ ಕೃಪಾ ತುಮಾರಾ ಕ್ಹಾರಾವೊನಾ ಕ್ಹಾತೆ ರ‍್ಹವಾದೆ.
JAM 1:1 ಕ್ಹುದಾನೆಬಿ ವರಿ ಯೆಸು ಕ್ರಿಸ್ತನೆಬಿ ದಾಸ ಥಯಲ ಯಾಕೊಬ ಬಿಜಾ಼ ದೆಶಮಾ ಫೈಲಿಗಯಲ ಇಸ್ರಾಯೆಲೊನಾ ಬಾರಾ ಖಾಂದಾನವಾಲಾವೊನೆ ಬರ್ದಾನು ಸು ವ್ಹೈ ಕದ್ಯಾಮ, ತುಮೊನೆ ಚೊ಼ಕು ಥಾವಾದೆ.
JAM 1:2 ಮಾರ ಭಾಯೊ ಭೆನೊ, ತುಮೆ ಬಿಜಾ಼-ಬಿಜಾ಼ ತರಾನಾ ಕಷ್ಟ ಖಾತಾಮಾ ತೆ ಕ್ಹಾರು ಚೊ಼ಕುಜ಼ ವ್ಹೈ ಕೈನ ತಿಳಿದಿಲಿವೊ.
JAM 1:3 ಕಾಕದ್ಯಾಮ ತುಮಾರಾ ಬರೊಕ್ಹಾನೆ ಥಾವಾನಿ ಪರಿಕ್ಷಾ ತುಮೊಮಾ ತಾಳ್ಮೆ ಹುಟ್ಸಾವಸ ಕೈನ ತುಮೆ ತಿಳಿದಿಲಿವೊ.
JAM 1:4 ತೆ ತಾಳ್ಮೆ ತುಮೊಮಾ ಪುರಾ ಥಾವಾದೆ, ತೆಳಾಮಾ ತುಮೆ ಪುರಾ ಚೊ಼ಕಿಯೊ ಚಾಳಿಯೊವಾಲಾ, ಪುರಾ, ಕಿಮಾಜ಼ ಸು ಕಮ್ಮ ನೈಸೊವಾಲಾ ಥಾವೊಶಿ.
JAM 1:5 ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ.
JAM 1:6 ಮಾತ್ರ ಕ್ಹುದಾಕನ ಮಾಂಗಾಲೊ ನಕ್ಕರಬಿ ಸಂಶೊ ಕರ‍್ಯಾ ಬಗರ ಬರೊಕ್ಹಾಕ್ಹು ಮಾಂಗಾದೆ. ಸಂಶೊ ಕರಾಲೊ ವಾರಾಕ್ಹು ಹೈತಿ ಜಾ಼ವಾನಾ ಸಮುಂದರನಾ ಧಡ್ಕಿಯೊ ಲಿಂಗತ ವ್ಹೈ.
JAM 1:7 ಅಮ್ಮ ಸಂಶೊ ಕರಾಲೊ ತೆ ಕರ್ತಾಕನ ಮಾಂಗಿಲಿದಲ ಮಳಸ ಕೈನ ವಿಚಾರ ಕರ‍್ಯಾ ಬಗರ ರ‍್ಹವಾದೆ.
JAM 1:8 ಕಾಕದ್ಯಾಮ ತೆ ಬೆ ಮನಸವಾಲೊ ವ್ಹೈ, ಯಕ್ಕ ಜ಼ಗಾ ಹುಬ್ರಾವಾಲೊ ನ್ಹವೈ.
JAM 1:9 ಘನ್ನಿ ಕೆಟ್ಟ ಸ್ಥಿತಿಮಾ ರ‍್ಹಯಲವಾಲೊ ಭೈ ತೆ ಯಕ್ಕ ಚೊ಼ಕಾ ಸ್ಥಾನಮಾ ಹುಬ್ರಯೊಸ (ಉಪ್ಪರ ಆಯೊಸ) ಕೈನ ಖುಶಿ ಥಾವಾದೆ.
JAM 1:10 ಸೌಕಾರ ರ‍್ಹಯಲವಾಲೊ ಭೈ ತೆ ಹೆಟೊ ಆಯೊಸ ಕೈನ ಖುಶಿ ಥಾವಾದೆ; ಕಾಕದ್ಯಾಮ ಸೌಕಾರ ರ‍್ಹಯಲವಾಲೊ ಚಾ಼ರಾನು ಫುಲ್ಲ ವರಾಯಲ ಲಿಂಗತ ವರೈ ಜಾ಼ವಸ.
JAM 1:11 ಸುರ್ಯೊ ಆಯಲ್ಪರ ಕಿಮ್ಮ ತಿನಾ ತಡಕಾಕ್ಹು ಝಾಡ ವರೈ ಜಾ಼ವಸ, ಕಿಮ ಫುಲ್ಲ ಝಡೈನ ತಿನಿ ಕ್ಹುಬಸುರತಿ ಹಾಳ ಥಾವಸ; ತಿನಾ ಲಿಂಗತಜ ಸೌಕಾರ ಕರಾನಾ ಕ್ಹಾರಾ ಕೊಶಿಶೊಮಾ ಹಾರಿಜಾ಼ವಸ.
JAM 1:12 ಕುನ್ನ ಕಷ್ಟ ತಡ್ದಿಲಿವಸ ಕ್ಹಾವಸ ತೆ ಆಶಿರ್ವಾದ ವ್ಹಂದಿಲಿದಲವಾಲೊ ವ್ಹೈ. ತೆ ಪರಿಕ್ಷಾಮಾತೊ ಬ್ಹಾರೊ ಆಯಲ್ಪರ ಕರ್ತಾ ತಿನೆ ಮಯಾ ಕರಲವಾಲಾವೊನೆ ಕದಲ ಲಿಂಗತಜ಼ ಹಮೆಶಾನು ಜ಼ಲಮನು ಕಿರಿಟ ವ್ಹಂದಿಲಿವಸ.
JAM 1:13 ಕುನ್ನಬಿ ಶೊದನೆಮಾ ಪಡ್ತಾಮಾ ತೆ ಪರಿಕ್ಷಾ ಕ್ಹುದಾಕಂತಿ ಐಸ ಕೈನ ಕೌ ನೈ. ಕಾಕದ್ಯಾಮ ಕ್ಹುದಾ ಕಿನೆಬಿ ಕೆಟ್ಟ ಕರಾನೆ ಕತೊ ನೈ. ವರಿ ತೆ ಕಿನೆಜ಼ ಪಾಪ ಕರಾನೆ ಕೈನ ಪರಿಕ್ಷಾ ಕರತೊ ನೈ.
JAM 1:14 ತೆನೈಸೊ ಹರಯಕ್ಲೊ ತಿನಾ ಕ್ಹುದನಾ ಆಸೊಮಾ ಡುಬಿನ ಮೊಸ ಥೈನ ಪರಿಕ್ಷಾಮಾ ಪಡಸ.
JAM 1:15 ತೆ ಆಸೊ ಪುರಾ ಪಾಪ ಕರಾನೆ ಲಿನ ಜಾ಼ವಸ. ತೆ ಪಾಪೊ ಜಾಸ್ತ ಥಾತಾ ಮರಣನೆ ಲಿಂಜಾ಼ವಸ.
JAM 1:16 ಮಾರಾ ಮಯಾನಾ ಭಾಯೊ ಭೆನೊ, ಮೊಸಮಾ ಪಡೊ ನಕೊ.
JAM 1:17 ಎ ಕ್ಹಾರಾ ಚೊ಼ಕಾ ವರಾ ವರಿ ಸುಜ಼ ಕಮ್ಮ ನೈ ರ‍್ಹಯಲ ವರಾ ಉಪ್ಪರತಾ ಆಯಲ ವ್ಹೈ, ತೆ ಕ್ಹಾರಾ ಚೊ಼ಕಾ ಕಾಮೊನೆ ಕಾರಣ ಥಯಲ ಕ್ಹುದಾ ಕಂತಾ ಆವಸ. ತೆ ಭೌಲಾ ಲಿಂಗತ ಬದಲಿ ಥಾವಾಲೊ ನವೈ, ಕೈನ ಫರಿ ಜಾ಼ವಾಲೊಬಿ ನವೈ.
JAM 1:18 ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.
JAM 1:19 ಮಾರಾ ಮಯಾನಾ ಭಾಯೊ ಭೆನೊ, ತುಮೆ ಆ ವಾತ ಚೊ಼ಕಿತರಾ ತಿಳ್ದಿಲಿವೊ, ಹರಯಕ್ಲೊ ಕಾನದಿನ ಐಕಾಮಾ ಚುರುಕ ರ‍್ಹವಾದೆ, ಬೊಲಾಮಾ ರ‍್ಹೈನಕಾ ಶಿಟ್ಟ ಕರಾಮಾ ರ‍್ಹೈನಕಾ ತಾಳ್ಮೆಕ್ಹು ವರಿ ನಿದಾನ ರ‍್ಹವಾದೆ.
JAM 1:20 ಕಾಕದ್ಯಾಮ ಮನಕ್ಹ ಶಿಟ್ಟಮಾ ರ‍್ಹತಾಮಾ ಕ್ಹುದಾ ಕವಾನಾ ಚೊ಼ಕಾ ಕಾಮೊ ಕರಾನೆ ಥಾತುಜ಼಼ ನೈ.
JAM 1:21 ತಿನಾಹುತಿ ಕ್ಹಾರಾ ಕೆಟ್ಟ ಕಾಮೊ ರ‍್ಹೈನಕಾ ಕ್ಹಾರಾ ಮೊಸನಾ ಕಾಮೊ ರ‍್ಹೈನಕಾ ಛೊಡಿನ ಅಪ್ನಾ ಮನಸೊಮಾ ಬೆರ ಘಾಲಲ ಕ್ಹುದಾನಿ ವಾಕ್ಯ ಘನ್ನಾ ಚೊ಼ಕಾ ಮನಸಕ್ಹು ವಪ್ಪಿಲಿವೊ. ತೆ ತುಮಾರಾ ಆತ್ಮಾವೊನೆ ವಚಾ಼ಡಾಯಕ್ಲಿ ತಾಕತವರ ಛೆ.
JAM 1:22 ಕ್ಹುದಾನಿ ವಾಕ್ಯನಾ ಲಿಂಗತ ಚಾ಼ಲಾಲಾ ಥೈನ ರ‍್ಹವೊ, ತೆ ಕ್ಹಾಲಿ ಐಕಾಲಾ ಯಕ್ಕಜ಼ ರ‍್ಹೈನ ತುಮೊನೆ ತುಮೆಜ಼ ಮೊಸ ಕರಲಿವೊ ನಕೊ.
JAM 1:23 ಕುನ್ನಬಿ ವಾಕ್ಯಾ ಕ್ಹಾಲಿ ಐಕಾಲೊ ರ‍್ಹೈನ ತಿನಾ ಲಿಂಗತ ನೈ ಚಾ಼ಲ್ಯೊಮ ತೆ ತಿನು ಮ್ಹೊಡು ಅರಕ್ಹಾಮಾ ದೆಕಾಲಾ ಮನಕ್ಹನಾ ಲಿಂಗತ ವ್ಹೈ.
JAM 1:24 ಕಾಕದ್ಯಾಮ ತೆ ತಿನೆ ದೆಕಿನಬಿ ಪಾಚಲ್ತೊ ತೆ ಕಿಮ್ಮ ಶೆ ಕೈನ ತೆಳಾಮಾಜ಼ ಇಕ್ಹರಿ ಪಡಸ.
JAM 1:25 ತೆನೈಸೊ ಅಪೊನೆ ಬಿಡುಗಡೆ ಕರಾನಿ ವಾಕ್ಯಾನೆ ಧ್ಯಾನದಿನ ಒದಿನ, ಶೆಂ ಕರಿಲಿನ ತಿನಾ ಲಿಂಗತ ಚಾ಼ಲಾಲೊ, ವಾಕ್ಯಾ ಐಕಿನ ಇಕ್ಹರ‍್ಯಾ ಬಗರ ತಿನಾ ಲಿಂಗತ ಚಾ಼ಲ್ತೊ ತಿನಿ ನಡತೆಕ್ಹು, ವರಿ ತಿನಾ ಕಾಮೊಕ್ಹು ಧನ್ಯ ಥಾವಸ.
JAM 1:26 ತಿನೆ ತೆ ಚೊ಼ಕೊ ಭಕ್ತ ವ್ಹೈ ಕೈನ ಕವೈಲಿವಾಲೊ ಕಯೊಬಿ ತಿನಿ ಜಿಬ್ಬ ತಿನಾ ಹತೊಟಿಮಾ ಮುಕ್ಕಿಲಿದ್ಯಾ ಬಗರ ತಿನಾ ಮನಸನೆ ಮೊಸ ಕರಲೆತೊ ರ‍್ಹಯಾಮ ತಿನಿ ಭಕ್ತಿ ಶಾನಾ ಕಾಮನಿ ನವೈ.
JAM 1:27 ಕಸ್ಟಮಾ ರ‍್ಹಯಲ ಕುನ್ನಜ ನೈಸೊವಾಲಾವೊನೆ, ರಾಂಡಿ ಬಾಕ್ಡಿಯೊನೆ ಧೈರ್ಯ ದಿನ ತಿನೆ ಆ ದುನಿಯಾಮಾ ಕಯುಜ಼ ದಾಗ ಲಾಗ್ಯಾ ಬಗರ ದೆಕಿಲಿವಾನುಜ಼ ಅಪ್ನೊ ಬಾ ಥಯಲ ಕ್ಹುದಾನಾ ಸನ್ನಿದಿಮಾ ಶುದ್ಧ, ಚೊ಼ಕಿ ರ‍್ಹಯಲ ಭಕ್ತಿ ವ್ಹೈ.
JAM 2:1 ಮಾರ ಭಾಯೊ ಭೆನೊ, ಮಹಿಮಾ ರ‍್ಹಯಲ ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನಾ ಉಪ್ಪರ ಬರೊಕ್ಹೊ ಮ್ಹೆಲಲವಾಲಾ ತುಮೆ ಯಕ್ಲಾನೆ ಹೆಟಾ ಯಕ್ಲಾನೆ ಉಪ್ಪರ ದೆಕಾಲಾ ರ‍್ಹೌ ನೈ.
JAM 2:2 ಕಿಮ್ಮ ಕದ್ಯಾಮ ಯಕ್ಲೊ ಮನಕ್ಹ ಕ್ಹೊನಾನಿ ಇಟ್ಟಿಯೊ ವರಿ ಚೊ಼ಕಾ ರ‍್ಹಯಲ ವಣ್ಣಾ ಘಾಲ್ಲಿನ ತುಮಾರಾ ಸಬೆಮಾ ಆತಾಮಾ ವರಿ ಯಕ್ಕ ಗರಿಬ ಮನಕ್ಹ ಚೊ಼ಕಾ ನೈ ರ‍್ಹಯಲ ವಣ್ಣಾ ಘಾಲ್ಲಿನ ಆತಾಮಾ,
JAM 2:3 ತುಮೆ ಚೊ಼ಕಾ ದಿಕ್ಹಾನಾ ವಣ್ಣಾ ಘಾಲ್ಲಿದಲವಾಲಾನೆ ಮರ್ಯಾದಿಕ್ಹು ದೆಕಿನ ತಿನೆ - ಆ ಉಪ್ಪರ ಬೈಟಾ ವರಿ ಗರಿಬನೆ ದೆಕಿನ ತು ತ್ಯಾ ಬೈಟ, ನೈತೊ ಹೆಟೊ ಬೈಟ ಕೈನ ಕದ್ಯಾಮ,
JAM 2:4 ತುಮೆ ತುಮಾರಾ ತುಮಾರಾಮಾಜ಼ ಭೆದ ಭಾವ ಕರಾಲಾ ಥೈನ, ಯಕ್ಲಾನೆ ಅಮ್ಮ ಯಕ್ಲಾನೆ ತಿಮ್ಮ ಕೈನ ವಿಚಾರ ಕರಾಲಾ ಥಾವೊಶಿ ಸು ನೈ?
JAM 2:5 ಮಾರಾ ಮಯಾನಾ ಭಾಯೊ ಭೆನೊ, ಐಕೊ ಕ್ಹುದಾ ಆ ದುನಿಯಾಮಾ ರ‍್ಹಯಲ ಗರಿಬೊನೆ ಬರೊಕ್ಹಾಮಾ ಸೌಕಾರ ವರಿ ತಿನೆ ಮಯಾ ಕರಾಲಾವಾಲಾವೊನೆ ತೆ ಕದಲ ತಿಮ್ಮ ತಿನಾ ರಾಜ್ಯಮಾ ಕೆಳಾಮಾಬಿ ರ‍್ಹವಾನೆ ಇನಿಲಿದ್ಯೊಸ ಸು ನೈ?
JAM 2:6 ತುಮೆತೊ ಗರಿಬೊನೆ ಮರ್ಯಾದಿ ನೈಸೊ ಕರ‍್ಯಾ. ತುಮೊನೆ ತ್ರಾಸ ಕರಿನ ಫೈಸಲೊ ಕರಾನಿ ಜ಼ಗಾ ಎಳದಿನ ಲಿನ ಜ಼ಾವಾಲಾ ಸೌಕಾರೊ ನವೈ ಸು?
JAM 2:7 ತುಮೊನೆ ಬಲಾಯಲ ತೆ ಕ್ಹಾರವೊತಿ ಉಪ್ಪರ ರ‍್ಹಯಲ ನಾಮನೆ ಕ್ಹರಾಪಾಲಾ ನವೈ ಸು?
JAM 2:8 ರ‍್ಹೈತಬಿ ಪವಿತ್ರ ಗ್ರಂಥಮಾ ರ‍್ಹಯಲ ಲಿಂಗತ ತಾರಾ ಬಾಜು಼ ಘರವಾಲಾನೆ ತು ತುನೆ ಕಿಮ್ಮ ಮಯಾ ಕರಶಿ ತಿನಾ ಲಿಂಗತ ಮಯಾ ಕರು ಕೈನ ಕವಾನಿ ಮ್ಹೊಟಿ ಆಗ್ಯಾನಾ ಲಿಂಗತ ಚಾ಼ಲ್ಯಾರೆ, ತುಮೆ ಚೊ಼ಕು ಕರಾಲಾ ಥಾವೊಶಿ.
JAM 2:9 ತೆನೈಸೊ ತುಮೆ ಆ ಛೊಡಿನ ಯಕ್ಲಾನೆ ಉಪ್ಪರ ಯಕ್ಲಾನೆ ಹೆಟಾ ದೆಕ್ಯಾಮ ಪಾಪ ಕರಾಲಾ ಥೈನ ವರಿ ತುಮೆ ಅಪರಾದಿ ವ್ಹೈ ಕೈನ ಪವಿತ್ರ ಗ್ರಂಥನಾ ಲಿಂಗತ ತುಮೊನೆ ಫೈಸಲೊ ಥಾವಸ.
JAM 2:10 ಕಾಕದ್ಯಾಮ ಯಕ್ಲೊ ಪವಿತ್ರ ಗ್ರಂಥಮಾ ರ‍್ಹಯಲ ಪುರಾ ಚಾ಼ಲಿನ ಗೈನ ಕ್ಹಾಲಿ ಯಕ್ಕಮಾ ಚು಼ಕ್ಯೊಮ ತೆ ಕ್ಹಾರಾ ವಿಶಯಮಾ ಅಪರಾದಿ ಥಾವಸ.
JAM 2:11 ಕಾಕದ್ಯಾಮ ವ್ಯಬಿಚಾರ ಕರು ನೈ ಕೈನ ಕದಲವಾಲೊಜ಼ ಯಕ್ಲಾನೆ ಖಲಾಸ ಕರು ನೈ ಕೈನಬಿ ಕದ್ಯೊಸ. ತಿನಾಹುತಿ ತು ವ್ಯಬಿಚಾರ ಕರ‍್ಯಾ ಬಗರ ರ‍್ಹೈತಬಿ ಯಕ್ಲಾನೆ ಖಲಾಸ ಕರಲ ರ‍್ಹಯಾರೆ ಪವಿತ್ರ ಗ್ರಂಥನಾ ವಿರುದ್ದ ಗಯಲ ಲಿಂಗತ ವ್ಹೈ.
JAM 2:12 ತುಮೆ ಅಪೊನೆ ವಚಾಡಾನಾ ಪವಿತ್ರ ಗ್ರಂಥನಾ ಲಿಂಗತ ಫೈಸಲೊ ವ್ಹಂದಿಲಿವಾಲಾವೊನೆ ತ್ಯುನಾ ಲಿಂಗತಜ಼ ಬೊಲೊ ವರಿ ವಿಧೆಯ ಥಾವೊ.
JAM 2:13 ಕಾಕದ್ಯಾಮ ಮರಗಾ ನೈ ದೆಕಾಡಾಲಾನೆ ಫೈಸಲಾನಾ ದಿನ್ನೆ ಮರಗಾ ನೈ ದೆಕಾಡತಾ. ಮರಗಾ ನ್ಯಾಯ ಫೈಸಲಾನಾ ದಿನ್ನನಾ ಉಪ್ಪರ ಝಿತ್ತಸ.
JAM 2:14 ಮಾರಾ ಭಾಯೊ ಭೆನೊ, ಯಕ್ಲೊ ತಿನೆ ಬರೊಕ್ಹೊ ಛೆ ಕೈನ ತಿನಾ ಲಿಂಗತ ತಿಮಾ ಕ್ರಿಯೆ ನೈ ರ‍್ಹಯರೆ ಸು ಉಪಯೊಗ ವ್ಹೈ? ತೆ ಬರೊಕ್ಹೊ ತಿನೆ ವಚಾ಼ಡಸ ಸು?
JAM 2:15 ತುಮೊಮಾ ಯಾಕ್ಲಾ ಭೈನೆ ನೈತೊ ಯಕ್ಲಿ ಭೆನನೆ ಘಾಲ್ಯಾನೆ ವಣ್ಣಾ ವರಿ ತೆ ದಿನ್ನನು ಅನ್ನ ಚಾ಼ಯೆ ಥಯಲ ವಕ್ಹತಮಾ,
JAM 2:16 ತುಮೊಮಾನೊ ಯಕ್ಲೊ ತಿನೆ ತೆ ಕ್ಹಾರು ದಿದ್ಯಾ ಬಗರ ಸಮಾಧಾನಕ್ಹು ಜಾ಼ವೊ, ಆಗ ಶೆಕಿಲಿವೊ, ಪೆಟ ಭರಿನ ಕ್ಹಾವೊ ಕೈನ ಕದ್ಯಾಮ ಸು ಉಪಯೊಗ ವ್ಹೈ?
JAM 2:17 ತಿನಾ ಲಿಂಗತ ಕ್ರಿಯೆ ನೈಸೊ ಬರೊಕ್ಹೊ ಮರಲ ಲಿಂಗತಜ಼ ವ್ಹೈ.
JAM 2:18 ರ‍್ಹೈತಬಿ ಯಕ್ಲೊ; ತುನೆ ಬರೊಕ್ಹೊ ಛೆ ವರಿ ಮಾರಾಮಾ ಕ್ರಿಯೆ ಛೆ ತು ತಾರಾಮಾ ಕ್ರಿಯೆ ನೈಸೊ ಬರೊಕ್ಹೊ ದೆಕಾಡ. ಮಿ ಮಾರಾ ಕ್ರಿಯೆಕ್ಹು ಬರೊಕ್ಹೊ ದೆಕಾಡುಸ ಕೈನ ಕತೊ ನೈ ಸು?
JAM 2:19 ಕ್ಹುದಾ ಯಕ್ಲೊಜ಼ ವ್ಹೈ ಕೈನ ತು ಬರೊಕ್ಹೊ ಕರಶಿ ಸು? ತು ಬರೊಕ್ಹೊ ಕರಲ ಕರೆಟ್ಟ ವ್ಹೈ. ಮಾತ್ರಾ ಭುತ್ಡಾಬಿ ತಿನಾ ಲಿಂಗತಜ ತಿಳ್ದಿನ ಬುಚ್ಕಿನ ಕಾಪಸ.
JAM 2:20 ಗ್ಯಾನ ನೈಸೊವಾಲಾ, ಕ್ರಿಯೆ ನೈಸೊ ಬರೊಕ್ಹೊ ಶಾನಾಜ಼ ಕಾಮೆ ಆತೊ ನೈ ಕೈನ ತುನೆ ಸಾಬಿತ ಕರು ಸು?
JAM 2:21 ಅಪ್ನೊ ಪಿತೃ ಥಯಲ ಅಬ್ರಹಾಮ ತಿನೊ ದಿಕ್ರೊ ಥಯಲ ಇಸಾಕನೆ ಬಲಿ ದೆತಾಮಾ ಕ್ಹರಿಕ್ಹು ರ‍್ಹಯಲವಾಲೊ ವ್ಹೈ ಕೈನ ಕೈಲಿದಲ ತಿನಾ ಕ್ರಿಯೆಕ್ಹುಜ಼ ವ್ಹೈ ಸು ನೈ?
JAM 2:22 ತಿನೊ ಬರೊಕ್ಹೊ ಕ್ರಿಯೆಕ್ಹುಜ಼ ಕಾಮ ಕರ‍್ಯುತು ವರಿ ತಿನಾ ಕ್ರಿಯೆಕ್ಹುಜ಼ ತಿನಾ ಬರೊಕ್ಹಾನು ಉದ್ದೆಶ ಪುರಾ ಥಯು ಕೈನ ದೆಕೆಸತೊ.
JAM 2:23 ಅಬ್ರಹಾಮ ಕ್ಹುದಾಪರ ಬರೊಕ್ಹೊ ಕರ‍್ಯೊ, ತೆ ಬರೊಕ್ಹೊಜ಼ ತಿನಾ ಹಿಸಾಬಮಾ ನಿತಿ ವ್ಹೈ ಕೈನ ಕವೈಲಿವಾ ವರಕ್ಹು ಛೆ ಕವಾನು ಪವಿತ್ರ ಗ್ರOಥಮಾ ಬರ್ದಲ ತಿಮ್ಮ ಪುರಾ ಥಯು. ತಿನಾಹುತಿ ಅಬ್ರಹಾಮ ಕ್ಹುದಾನೊ ದೊಸ್ತ ವ್ಹೈ ಕೈಲಿದ್ಯೊ.
JAM 2:24 ತಿನಾಹುತಿ ಮನಕ್ಹ ತೆ ಚಾ಼ಲಾಕ್ಹು, ತಿನಾ ಕಾಮೊಕ್ಹು ಚೊ಼ಕೊ ವ್ಹೈ ಕೈನ ಕವೈಲಿವಸ. ಕ್ಹಾಲಿ ಬರೊಕ್ಹಾಕ್ಹು ಯಕ್ಕಜ಼ ನ್ಹವೈ ಕೈನ ದೆಕೊಶಿ
JAM 2:25 ತಿನಾ ಲಿಂಗತಜ಼ ಕೆಟ್ಟ ಕಾಮೊ ಕರಾಲಿ ರಾಹಾಬ ಕ್ಹಬಿರಿಯೊನೆ ತಿನಾ ಘರ್ಮಾ ಬಲೈಲಿನ ಮ್ಹೆಲಿನ, ತ್ಯುನೊನೆ ಬಿಜಾ಼ ವಾಟತಿ ವಳೈನ ತಿನಾ ತೆ ಕಾಮೊಕ್ಹುಜ಼ ಚೊ಼ಕಿ ವ್ಹೈ ಕೈನ, ತಿನೆ ಫೈಸಲೊ ಥಯೊ ನ್ಹೊತೊ ಸು?
JAM 2:26 ಆತ್ಮಾ ನೈಸೊ ಕಿಮ್ಮ ಅಂಗ ಮರ‍್ಯುಸ ತಿನಾ ಲಿಂಗತ ಕಾಮ ನೈಸೊ ಬರೊಕ್ಹೊ ಮರಲ ಲಿಂಗತ ವ್ಹೈ.
JAM 3:1 ಮಾರಾ ಭಾಯೊ ಭೆನೊ, ಭೊದಕ ಥಯಲ ಹಮೊನೆ ಘನ್ನು ಖತರನಾಕ ಫೈಸಲೊ ಥಾವಸ ಕೈನ ತುಮೆ ತಿಳ್ದಿಲಿನ ಘನ್ನಾ ಜ಼ನಾ ಬೊದಕ ಥಾವೊ ನಕೊ.
JAM 3:2 ಅಪೆ ಕ್ಹಾರಾ ಜ಼ನಾ ಘನ್ನಾ ವಿಶಯಮಾ ತಪ್ಪ ಕರಾಲಾ ಥಯಾಸ. ಯಕ್ಲೊ ವಾತಮಾ ತಪ್ಪ ಕರ‍್ಯಾವಾಚಿ ನೈ ಚಾ಼ಲ್ಯೊಮ ತೆ ಕ್ಹಾರಿ ತರಾಮಾ ಚೊ಼ಕೊ ರ‍್ಹಯಲವಾಲೊ ತಿನಿ ಪುರಾ ಅಂಗನೆ ಹತೊಟಿಮಾ ಮುಕ್ಕಿಲಿವಾನೆ ಯೊಗ್ಯ ಥಯೊಸ.
JAM 3:3 ಘೊಡಾ ಅಪ್ನಿ ಇಚ್ಛಾ ಲಿಂಗತ ಚಾ಼ಲಾನೆ ತ್ಯುನಾ ಮ್ಹೊಡಾನೆ ಲಗಾಮ ಘಾಲೆಸ. ತೆಳಾಮಾ ತ್ಯುನಾ ಪುರಾ ಅಂಗನೆ ಅಪೊನೆ ಚಾ಼ಯೆ ಥಯಲ ಜ಼ಗಾಯೆ ಫರಾವಾನೆ ಥಾವಸ.
JAM 3:4 ಹಡಗಾನೆಬಿ ದೆಕೊ. ತೆ ಘನ್ನಾ ಮ್ಹೊಟಾ ರ‍್ಹಯಾತಬಿ ಜೊ಼ರ ವಾರಾಕ್ಹು ವಾಟ ಚು಼ಕಸ. ರ‍್ಹೈತಬಿ ಹಡಗಾನೆ ಚ಼ಲಾವಾಲೊ ಘನ್ನಿ ನ್ಹಾನಿ ಚುಕ್ಕಾಣಿಕ್ಹು ತೆ ಜಾ಼ವಾನಿ ಜ಼ಗಾಕನ ಫರಾವಸ.
JAM 3:5 ತಿನಾ ಲಿಂಗತಜ಼ ಜಿಬ್ಬಬಿ ಅಪನು ಶರಿರಮಾನು ನ್ಹಾನು ಅಂಗ ರ‍್ಹೈತಬಿ ಘನ್ನಾ ಮ್ಹೊಟಾ ವಾತೊ ಬೊಲಸ, ಮಿಜ಼ ವ್ಹೈ ಕೈನ ಕವಸ. ಆಗನಿ ನ್ಹಾನಿ ಚಿಣಕಿ ಮ್ಹೊಟಾ ರಾನನೆ ಬಾಳಸ.
JAM 3:6 ಜಿಬ್ಬಬಿ ಆಗಜ಼ ವ್ಹೈ. ಜಿಬ್ಬ ಧರಮ ನೈ ರ‍್ಹಯಲ ಲೊಕನಾ ಲಿಂಗತ ಅಪ್ನಾ ಅಂಗೊನಾ ವಚ್ಮಾ಼ ಮ್ಹೆಲಲ ಛೆ. ತೆ ಪುರಾ ಅಂಗನೆ ಹಾಳ ಕರಸ. ತೆಜ಼ ನರಕ ಕವಾನಿ ಆಗ ಲಗಾಡಿಲೆತಿ ಪುರಾ ಜಿಂದಗಿನೆ ಆಗ ಲಗಾಡಸ.
JAM 3:7 ಜಂಗಲಿ ಜಾನವರೊ, ಪಕ್ಷಿಯೊ, ಫರಾನಾ ಕಿಡಾ ವರಿ ಮಚ್ಲಿಯೊನೆ ಅಪೆ ಮನಕ್ಹೊ ಕ್ಹಾರಾ ತರಾನಾ ಜಾನವರೊನೆ ಹತೊಟಿಮಾ ಕರ‍್ಯಾಸ ವರಿ ಕರ ಸಕೆಸ.
JAM 3:8 ತೆನೈಸೊ ಜಿಬ್ಬನೆ ಕಯೊ ಮನಕ್ಹ ಹತೊಟಿಮಾ ನೈ ಲಾತೊ. ತೆ ಗಪ್ಪ ನೈ ರ‍್ಹವಾನು ಕೆಟ್ಟ ಥಯುಸ, ಅಂಗ ಥಯುಸ. ತೆ ಮರಣನಾ ಜಹೆರಕ್ಹು ಭರ‍್ಯುಸ.
JAM 3:9 ತೆಜ಼ ಜಿಬ್ಬಕ್ಹು ಅಪ್ನೊ ಪ್ರಭು ವರಿ ಬಾನೆ ಕೊಂಡಾಡೆಸ, ತಿನಾಹುತಿಜ಼ ಕ್ಹುದಾನಾ ಲಿಂಗತ ಸೃಷ್ಟಿ ಕರಲ ಮನಕ್ಹೊನೆ ಅಪೆ ಕ್ಹರಾಪೆಸ.
JAM 3:10 ತೆಜ಼ ಮ್ಹೊಡಾಕ್ಹು ಸ್ತುತಿ ವರಿ ಕ್ಹರಾಪ ಭಂಬಿ ಆವಸ. ಮಾರ ಭಾಯೊ ಭೆನೊ, ಇಮ್ಮ ಥೌ ನೈ.
JAM 3:11 ಯಕ್ಕಜ಼ ಇರಮಾತಾ ಗಳು ಪಾನಿ ವರಿ ಕಡು ಪಾನಿ ಭಂಬಿ ಆ ಸಕಸ ಸು.
JAM 3:12 ಮಾರಾ ಭಾಯೊ ವರಿ ಭೆನೊ, ಉಂಬ್ರೊನು ಝಾಡ ಆಲಿವ ತೆಲನಾ ಝಾಡೊನು ಫಲೊ ದಿವಸ ಸು? ದ್ರಾಕ್ಷಿಯೊನು ಝಾಡ ಉಂಬ್ರೊನಾ ಫಲೊ ದಿವಸ ಸು? ತಿಮ್ಮಜ಼ ಮಿಟ್ಟಾನಾ ಪಾನಿನಾ ಇರಮಾತು ಗಳು ಪಾನಿ ಆತು ನೈ.
JAM 3:13 ಅಪ್ನಾಮಾ ಶಾಣ್ಯೊ ವರಿ ಗ್ಯಾನಿ ಕುನ್ನ ವ್ಹೈ? ಕುನ್ನಬಿ ರ‍್ಹಯಾಮ ತೆ ತಿನಾ ಚಾಳಿಯೊಕ್ಹು ದೆಕಾಡಾದೆ. ಸಮಾದಾನ ಶಾಂತಿಕ್ಹು ನ್ಹಾನೊ ಥೈನ ಜಾ಼ವಾನುಜ಼ ಶಾಣ್ಯಾನಿ ಚಾಳಿ ವ್ಹೈ.
JAM 3:14 ತಿನಾಹುತಿ ತುಮಾರಾ ಮನಸೊಮಾ ಮತ್ಸರ, ಸ್ವಾರ್ಥ, ತುಮಾರಾಜ಼ ಹುತಿ ವಿಚಾರೊ ಭರಲಿದ್ಯಾರೆ ತುಮೊನೆ ತುಮೆ ಶ್ಯಾನಾ ವ್ಹೈ ಕವೊ ನಕೊ, ಕ್ಹರಿನೆ ವಿರುದ ರ‍್ಹಯಲ ಸುಳ್ಳ ಬೊಲಿನ ಹೊಗಳಿ ಲಿವೊ ನಕೊ.
JAM 3:15 ತೆ ತುಮೊಕಂತು ಆಯಲ ಗ್ಯಾನ ನ್ಹವೈ. ತೆ ಲೊಕನೆ ಸಂಬಂದ ರ‍್ಹಯಲ ವ್ಹೈ, ಲೌಕಿಕ ರ‍್ಹಯಲ ವ್ಹೈ, ಭುತ್ಡಾವೊನೆ ಸಂಬಂದ ರ‍್ಹಯಲ ವ್ಹೈ.
JAM 3:16 ಮತ್ಸರ, ಸ್ವಾರ್ಥ ರ‍್ಹವಾನಿ ಜ಼ಗಾ ಲಡೈಯ್ಯೊ, ವರಿ ಘನ್ನಾ ತರಾನಾ ಕೆಟ್ಟ ಕಾಮೊ ರ‍್ಹವಸ.
JAM 3:17 ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.
JAM 3:18 ಸಮಾದಾನ ಕರಾಲಾ ಸಮಾದಾನ ಕವಾನಾ ಬಿಯ್ಯಾನೆ ಬಿತ್ತಿನ ನಿತಿ ಕವಾನು ಫಲ ಕಾಟಸ.
JAM 4:1 ತುಮೊಮಾ ಲಡೈಯ್ಯೊ, ಕಿತ್ತಾನು ಕಿಜಾ಼ಂತು ಆವಸ? ತುಮಾರಾ ಇಂದ್ರಿಯೊಕ್ಹು ಆವಾನು ಹೊರಾಡಾನಾ ವಿಚಾರೊಕ್ಹು ಘನ್ನಿ ಆಸಕ್ಹು ಆವಸ.
JAM 4:2 ತುಮೆ ಆಸ ಕರಲ ಪಡ್ದಿಲಿದ್ಯಾ ನತ್ತಿ. ತುಮೆ ಖಲಾಸ ಕರ‍್ಯಾತಬಿ, ಸಂಗಟ ಘಾಲಿಲಿದ್ಯಾತಬಿ ಆಸ ಕರಲ ಲಿದ್ಯಾವಾಚಿ ಛೆ; ತುಮೆ ಕಿತ್ತಾ - ಕಿತ್ತ ಕರೊಶಿ, ಲಡೈ ಕರೊಶಿ. ತೆನೈಸೊ ತುಮೆ ಕ್ಹುದಾಕನ ನೈ ಮಾಂಗಿಲಿದಲಕ್ಹು ತುಮೊನೆ ಸುಜ಼ ಲಿವಾನೆ ಥಾವಾಡು ನತ್ತಿ.
JAM 4:3 ತುಮೆ ಮಾಂಗಿಲಿದ್ಯಾತಬಿ ಮಾಂಗಿಲಿದಲ ತುಮಾರಾ ದುನಿಯಾಮಾನಿ ಆಸನಾ ಹುತಿ ಕೆಟ್ಟ ಉಪಯೊಗ ಕರಿಲ್ಯು ಕವಾನಿ ಕೆಟ್ಟ ಉದ್ದೆಶಕ್ಹು ಮಾಂಗಿಲಿವಾನಾ ಹುತಿ ತುಮೊನೆ ಮಳಾಡು ನತ್ತಿ.
JAM 4:4 ವ್ಯಭಿಚಾರಿಯೊ, ಎ ದುನಿಯಾನಿ ದೊಸ್ತಿ ಕ್ಹುದಾನೆ ದುಶ್ಮನ ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿನಾಹುತಿ ದುನಿಯಾನೆ ದೊಸ್ತ ಥೈನ ರ‍್ಹೌಸ ಕವಾಲೊ ತಿನೆ ಕ್ಹುದಾನೊ ವಿರೊದಿ ಥೈನ ಕರಿಲಿವಸ.
JAM 4:5 ಕ್ಹುದಾ ಅಪೊಮಾ ಮ್ಹೆಲಾನಿ ಪವಿತ್ರ ಆತ್ಮಾ ಅಭಿಮಾನ ಆಸನಾ ಕ್ಹಾತೆ ಅಪ್ನಾಹುತಿ ಆಸ ಕರಸ ಕವಾನಿ ವಾತ ಸುಳ್ಳ ವ್ಹೈ ಕೈನ ಪವಿತ್ರ ಗ್ರಂಥ ಕವಸ ಕೈನ ತಿಳ್ದಿಲಿವೊ ನಕೊ.
JAM 4:6 ತೆ ಅಪೊನೆ ಘನ್ನಿ ಕೃಪಾ ದಿವಸ. ತಿನಾಹುತಿ, ಕ್ಹುದಾ ಅಹಂಕಾರಿಯೊನೆ ವಿರುದ್ದ ಥಯೊಸ, ದಿನ ರ‍್ಹಯಲವಾಲಾವೊನೆ ಕೃಪಾ ದಿವಸ ಕೈನ ಧರಮಶಾಸ್ತ್ರ ಕವಸ.
JAM 4:7 ಇಮ್ಮ ರ‍್ಹತಾಮಾ ಕ್ಹುದಾನೆ ಅದಿನ ಥೈನ ರ‍್ಹೈನ ಸೈತಾನನೆ ಭುಚ್ಕಾಡೊ, ತೆಳಾಮಾ ತೆ ತುಮೊನೆ ಛೊಡಿನ ನ್ಹಾಟಿ ಜಾ಼ವಸ.
JAM 4:8 ಕ್ಹುದಾನಾ ನಜಿಕ ಆವೊ, ತೆಳಾಮಾ ತೆ ತುಮಾರಾ ನಜಿಕ ಆವಸ. ಪಾಪಿಯೊ, ತುಮಾರಾ ಹತೊ ಶುದ್ದ ಕರಿಲಿವೊ; ಬೆ ಮನಸೊ ರ‍್ಹಯಲವಾಲಾ, ತುಮಾರಾ ಮನಸೊ ಚೊ಼ಕಾ ಕರಿಲಿವೊ.
JAM 4:9 ದುಖ ಥಾವೊ, ಗೊಳಾಡೊ, ಡೊಳಾಮಾನು ಪಾನಿ ಕಾಡೊ; ತುಮಾರು ಅಕ್ಹಾನು ಛೊಡಿನ ಪ್ರಭುನಿ ಕೃಪಾನಾ ಹುತಿ ಗೊಳಾಡಿನ ಮಾಂಗಿಲಿವೊ. ತುಮಾರಿ ಲೌಕಿಕ ಕ್ಹುಶಿನೆ ಛೊಡಿನ ಪ್ರಭುನೆ ಪಡ್ದಿಲಿವಾನು ಕೊಶಿಶ ಕರೊ.
JAM 4:10 ಪ್ರಭುನಾ ಕ್ಹಾಮಾ ತುಮೊನೆ ತುಮೆ ತಗಸಿಲಿವೊ; ತೆ ತುಮೊನೆ ಉಪ್ಪರ ಉಚಾವಸ.
JAM 4:11 ಭಾಯೊ ವರಿ ಭೆನೊ, ಯಕ್ಕನೆ ಯಕ್ಕ ದುಖ ಕರೊ ನಕೊ. ಕುನ್ನತುಬಿ ತಿನಾ ಭೈನೆ ದುಖ ಕರ‍್ಯಾಮ ನೈತೊ ತಿನಾ ಭೈನಾ ವಿಷಯನಾ ಹುತಿ ತಿರ್ಪ ಕರ‍್ಯೊಮ ತೆ ಧರಮಶಾಸ್ತ್ರನೆ ದುಖ ಕರಿನ ಧರಮಶಾಸ್ತ್ರನಾ ವಿಷಯಮಾ ತಿರ್ಪ ಕರಲ ಲಿಂಗತ ಥಾವಸ. ತೆನೈಸೊ ತು ಧರಮಶಾಸ್ತ್ರನಾ ವಿಷಯಮಾ ತಿರ್ಪ ಕರ‍್ಯೊಮ ತು ನ್ಯಾಯಾದಿಪತಿ ವ್ಹೈ ಕೈನ ಕವೈಲೆಶಿ ತೆನೈಸೊ ತಿನೆ ಚಾ಼ಲಿನ ಜಾ಼ವಾಲೊ ಥಾತೊ ನೈ.
JAM 4:12 ಧರಮಶಾಸ್ತ್ರ ದಿದಲ ನ್ಯಾಯಾದಿಪತಿ ಯಕ್ಕಜ಼ ವ್ಹೈ; ತೆಜ಼ ವಚಾ಼ಡಾನೆಬಿ ವರಿ ನಾಶ ಕರಾನೆಬಿ ತಾಕತವಾಲೊ ವ್ಹೈ. ಇಮ್ಮ ರ‍್ಹತಾಮಾ ತಾರಾ ಬಾಜು಼ನಾ ಮನಕ್ಹನಾ ವಿಷಯಮಾ ತಿರ್ಪ ಕರಾನೆ ತು ಕುನ್ನ ವ್ಹೈ?
JAM 4:13 ಹಮ್ನಾ ನೈತೊ ವಂತಾ ಅಪೆ ಹೆವಾ ಗಾಮೆ ಗೈನ ತ್ಯಾ ಯಕ್ಕ ವರಕ್ಹ ರ‍್ಹೈನ ವ್ಯಾಪಾರ ಕರಿನ ಫೈದೊ ಕರಿಲಿಯೆಸ ಕವಾಲಾ ಐಕೊ.
JAM 4:14 ವಂತಾ ಸು ಥಾವಸ ಕವಾನು ತುಮೊನೆ ಗ್ವತ್ತ ನತ್ತಿ. ತುಮಾರಿ ಜಿವ್ನಾ ಕೆವಿ ವ್ಹೈ? ತುಮೆ ದಕ್ಹಿಯೆಳ ದಿಕ್ಹಿನ ಪಾಚ಼ಲ್ತಾ ನೈ ದಿಕ್ಹಾನಿ ಠಾರ ಲಿಂಗತ ಥಯಾಸ.
JAM 4:15 ತಿನಾಹುತಿ ತುಮೆ ತ್ಯವಾ ವಾತೊ ಛೊಡಿನ ಕ್ಹುದಾನಿ ಚಿತ್ತ ರ‍್ಹಯುಮ ಅಪೆ ಜಿವ್ತಾ ರ‍್ಹೈನ ಎ ಕಾಮ ರ‍್ಹವಾದೆ ತೆ ಕಾಮ ರ‍್ಹವಾದೆ ಕರ ಸಕೆಸ ಕೈನ ಕೌ.
JAM 4:16 ತೆನೈಸೊ ತುಮೆ ತುಮಾರಾ ಅಹಂಕಾರಕ್ಹು ತುಮಾರಾಹುತಿ ಹೊಗಳಿ ಲಿವಾಡಾಸ. ತ್ಯವಿ ಹೊಗಳಕಿ ಕ್ಹಾರಿ ಕ್ಹುದಾನಾ ಕ್ಹಾಮಿ ಕೆಟ್ಟಜ಼ ವ್ಹೈ.
JAM 4:17 ಇಮ್ಮ ರ‍್ಹಯಲಕ್ಹು ಚೊ಼ಕು ಕರು ಕವಾನು ಗ್ವತ್ತ ರ‍್ಹಯುತಬಿ ತೆ ನೈ ಕರಾಲೊ ಪಾಪ-ಪಾಪ ಕರಾಲೊ ಥಯೊಸ.
JAM 5:1 ಸೌಕಾರೊ, ತುಮೊನೆ ಆವಾನಾ ತ್ರಾಸೊನಾ ಹುತಿ ರವೊ, ಗೊಳಾಡೊ.
JAM 5:2 ತುಮಾರಿ ಆಸ್ತಿ, ದೌಲತ ನಾಶ ಥೈಸ. ತುಮಾರಾ ವಣ್ಣಾವೊನೆ ನುಶಿ ಲಾಗಿಸ.
JAM 5:3 ತುಮಾರು ಕ್ಹೊನು, ರುಪ್ಪು ಜಂಗ ಲಾಗಿನ ಮಾತಿನೆ ಸಂವಾ ಥಯಾಸ. ತ್ಯುನು ಜಂಗ ತುಮೊನೆ ವಿರುದ್ದ ಸಾಕ್ಷಿ ಥೈನ, ಆಗ ಲಿಂಗತ ತುಮಾರಾ ಮಾಕ್ಹನೆ ಬಾಳಿ ಪಡಸ. ಅಂತ್ಯ ಕಾಲ ಅಯುತುಬಿ ಆಸ್ತಿ ಜ಼ಮಾ ಕರಿಲಿನ ಮ್ಹೆಲಿ ಲಿದ್ಯಾಸ.
JAM 5:4 ದೆಕೊ, ತುಮಾರಾ ಖೆತರೊಮಾ ಕಾಮ ಕರಲವಾಲಾವೊನೆ ಹಮಾಲಿ ದಿದ್ಯಾಬಗರ ಮೊಸ ಕರ‍್ಯಾಸ. ತೆ ಹಮಾಲಿನು ಅವಾಜ಼ ವರಿ ಕಾಮ ಕರಲವಾಲಾವೊನು ಅವಾಜ಼ ಸ್ವರ್ಗನಾ ಸೈನ್ಯನೊ ಸೆನಾದಿಶ್ವರ ಥಯಲ ಕರ್ತಾನಾ ಕಾನೊಪರ ಗೈನ ಮುಟ್ಟಿಸ.
JAM 5:5 ಭುಲೊಕಮಾ ತುಮೆ ಸುಖಾ ಕ್ಹಾವಾನಾ ಹುತಿ ತುಮೊನೆ ಪಸಂದ ಆಯಲ ತಿಮ್ಮ ಜಿವ್ನಾ ಕರಾಡಾಸ;
JAM 5:6 ಪೌಲ ಚೊ಼ಕ ಮನಕ್ಹೊ ಶಿಕ್ಷಾ ಥಯಾಸ ನೈ ದಿವ. ತ್ಯುನೆ ತಮನೊನೆ ವಿರುದ ನೈ ತೆನ ನೈ ತ್ಯುನೊನೆ ಕ್ಹ ತ್ಯುನೆ ಕರಿ.
JAM 5:7 ಭಾಯೊ ಭೆನೊ ಕೈನ ತಾಳ್ಮೆ ರ‍್ಹ ಪ್ರಭು ಕರಲ ಯೆಸು ಆವಾನು ಛೆ ಕೈನ. ತೆ ತಿನಾಹುತಿ ತ್ಯ ಲಕ್ಕಾ ಕೈನ ತಾಳ್ಮೆ ರ‍್ಹ ತಿನಾ ನಾ ಬೆಳೆ ಜಿಮಿನ ಆವಸ ರೈತ ಕೈನ ಕಾಯಿದ. ಪೈಲಾ ವರಿ ಲಾಸ್ಟ ಪಾನಿ ತಿನಾ ಬೆಳೆ ರೈತ ಕಾಯಿದ.
JAM 5:8 ಪೌಲ ತಾಳ್ಮೆ ತೆನ. ಪೌಲ ಆದರಣೆ ಅಪೆ ಐನ ನೈ ನಕೊ. ಪ್ರಭು ಯೆಸು ಪಾಟೆ ಆವಾನು ಛೆ ಕೈನ.
JAM 5:9 ಭಾಯೊ ಭೆನೊ, ಯಕ್ ಉಪ್ಪರ ತಪ್ಪ ನೈ ಕೌ ನಕೊ. ಪೌಲ ಮಯಾ ಕರಾ ಚೊಡ ರ‍್ಹಯಲ ನೈ, ಗುಣ ಕೈನ ಅಪ್ನ ಫೈಸಲ ದಿದ. ಫೈಸಲ ಹಮೊನೆ ತ್ಯುನೊನೆ ತಿನಾಹುತಿ ವ್ಹಂದಿಲಿವ ಥಯೊಸ.
JAM 5:10 ಭಾಯೊ ಭೆನೊ, ಪ್ರಭು ವಿಷಯಮಾ ಕವಾನು ಪ್ರವಾದ ತಮನೊನೆ ಉದಾಹರಣ ಕೈನ ರ‍್ಹ. ತ್ಯುನೆ ಮರ್ಯಾದಿ ಅಗು ದುಖ ಕ್ಹ ಸಮಾಧಾನ ರ‍್ಹ.
JAM 5:11 ತಾಳ್ಮೆ ರ‍್ಹ ಅಪೆ ಕೈನ ಕವಾನು ನೈ. ಯೊಬ ಕೈನ ಹುತಿ ತಮನೊನೆ ಕವಾನು. ಯೊಬ ಕ್ಹಾರ ತರಾನಿಯೊ ದುಕ ಕ್ಹ ಪರ ತ್ಯುನೊನೆ ಪ್ರಭು ನೈ ತಿನೆ ಮದತ ಕರಾ. ಪ್ರಭು ಮರ್ಗ ವರಿ ಮರಗ ಭರಿ ಬಲೈ ಜ಼ಗಾ ಕೈನ ತೆ ತಮನೊನೆ ದಿದ.
JAM 5:12 ಮಾರ ಭಾಯೊ ಭೆನೊ, ಪೆಟ ನಾಮ ನಕೊ ಉಪಯೊಗ. ವ್ಹೈ ರ‍್ಹ "ವ್ಹೈ "ನೈ ಕೌ ಕರಾ ನೈ-ನೈ ಕೌ. ಪೌಲ ಥಯಾಸ ಕರಾ ತಮನೊನೆ ದ್ವೆಶ ವ್ಹೈ ಕೈನ ಫೈಸಲ ನೈ ಕರಿ.
JAM 5:13 ತಾರ ದುಕ ಮ್ಹೈ ಕರಲ ಪ್ರಾರ್ಥ ಕರಾ. ತಾರ ಕ್ಹ ಕರಸ ಕೌ.
JAM 5:14 ತುಮೊಮಾ ಅರಾಮ ನೈಸೊವಾಲೊ ಛೆಸು? ತೆ ಸಭೆಮ ಮ್ಹೊಟಾ ರ‍್ಹಯಲವಾಲಾವೊನೆ ಬಲೈ ನೈಕಾ ತ್ಯುನೆ ಕರ್ತಾನಾ ನಾಮಪರ ಪ್ರಾಥಾನಾನು ತೆಲ ಲಗಾಡಿನ ತಿನಾ ಹುತಿ ಕ್ಹುದಾನೆ ಪ್ರಾಥನಾ ಕರಾದೆ.
JAM 5:15 ಬರೊಕ್ಹಾಕ್ಹು ಕರಾಲ ಪ್ರಾಥನಾ ರೊಗಿನೆ ಅರಾಮ ಕರಸ ವರಿ ಕರ್ತಾ ತಿನೆ ವಚಾ಼ಡಸ ತೆ ಪಾಪ ಕರ‍್ಯೊತುಬಿ ಕ್ಹುದಾ ತೆ ಕ್ಹಾರಾ ಪಾಪೊನೆ ಮಾಫ ಕರಸ.
JAM 5:16 ಪೌಲ ಕರಲ ಪಾಪ ಯಕ್ ಕೆಳಾಂಬಿ ತಿಳಶ್ಯಾ. ತೆ ತಿನಾಹುತಿ ಯಕ್ ಪ್ರಾರ್ಥ ಕರಾ. ಪೌಲ ಥಯಾಸ ಕರಾ, ಕ್ಹುದಾ ತಮನೊನೆ ಬಿಡುಗಡೆ ಕರಸ. ನಿತಿ ಬಡ್ಡಿಕ್ಹು ಕರಲ ಪ್ರಾರ್ಥನಾ ತಾಕತ ರ‍್ಹ.
JAM 5:17 ಎಲಿಯ ಅಪ್ನ ಯಕ್ ಮನಕ್ಹ ವ್ಹತ. ಪಾನಿ ನೈ ಐನ ತೆ ಪ್ರಾರ್ಥ ಕರತ ಕ್ಹಡಾ ಲಕ್ಕಾ ತೆ ಗಾಮ ಪಾನಿ ನೈ ಐನ!
JAM 5:18 ತೆಳಾಮ ಎಲಿಯ ಆವಾನು ಪ್ರಾರ್ಥ ಛೆ ಕೈನ ತ್ಯ ಸ್ವರ್ಗ ಪಾನಿ ಐನ ಜಿಮಿನ ಪರ ತ್ಯುನೊನೆ ವರಿ ಬೆಳೆನೆ ಪೈಲಾ ದಿವ.
JAM 5:19 ಮಾರ ಭಾಯೊ ಭೆನೊ, ತಾರ ಯಕ್ ದುರ ಕೈನ ನೈ ತಿನೆ ಮದತ ನೈ ಕರಾ ನೈ ತಿನೆ ಕ್ಹರಿ ರ‍್ಹಯಲ ವಾಟ ಪಾಚ.
JAM 5:20 ತೆ ಶೆ ಜ಼ಗಾ ಯಕ್ ಪಾಪ ತಪ್ಪ ರ‍್ಹಯಲ ವಾಟ ಕ್ಹರಿ ರ‍್ಹಯಲ ವಾಟ ಆವಾಡ್ಯೊತೊ ತೆ ಪಾಪ ಆತ್ಮಾ ಮರಲ ನೈಸೊ ನೈ ಕಿಮ ಪಾಪ ಕೈನ ನೈ ಥೈಯುಸ.
1PE 1:1 ಯೆಸು ಕ್ರಿಸ್ತನೊ ಅಪೊಸ್ತಲ ಥಯಲ ಪೆತ್ರಾ, ಪೊಂತ ಗಲಾತ್ಯ, ಕಪ್ಪದೊಕ್ಯ, ಎಶ್ಯಾ, ಬಿಥುನಿಯ ಕವಾನಾ ಭಾರಲ್ಯಾ ಗಾಮೊಮಾ ಜು಼ದಾ ಥೈಗೈಯಲ ಕ್ಹುದಾನಾ ಮನಕ್ಹೊನೆ ಬರ್ದಾನು ಪತ್ರ.
1PE 1:2 ಕ್ಹುದಾ ತುಮೊನೆ ಪರಿಶುದ್ಧ ಕರಾನಾ ಹುತಿ ಘನ್ನಾ ದಿನ್ನ ಪಾಚೊ಼ ವಿಚಾರ ಕರಲಿದ್ಯೊತೊ. ತುಮೊನೆ ಪರಿಶುದ್ದ ಕರಾನೆ ಪರಿಶುದ್ದ ಆತ್ಮಾನು ತುಮೆ ಯೆಸು ಕ್ರಿಸ್ತನಾ ರಗತಕ್ಹು ಪರಿಶುದ್ದ ಥೈನ ತಿನೆ ವಧೆಯ ಥೌ ಕೈನ ಕ್ಹುದಾನಿ ವಿಚಾರ ವ್ಹತಿ. ಮರ್ಗಾ ವರಿ ಶಾಂತಿ ತುಮೊನೆ ಜಾಸ್ತಿ ಥಾವಾದೆ.
1PE 1:3 ಅಪ್ನೊ ಪ್ರಭು ಥಯಲ ಯೆಸು ಬಾ ಥಯಲ ಕ್ಹುದಾನೆ ಸ್ತೊತ್ರಾ. ಕ್ಹುದಾ ಮ್ಹೊಟೊ ಮರಗಾಲೊ ವ್ಹೈ. ತೆ ತಿನಿ ಮರಗಾ ಕ್ಹು ಅಪೊನೆ ನವೊ ಜ಼ಲಮ ದಿದ್ಯೊಸ. ಮರಲವಾಲಾವೊಮಾತೊ ಉಟಿನ ಆಯಲ ಯೆಸು ಕ್ರಿಸ್ತನಾ ಮುಕಾಂತರ ತೆ ಅಪೊನೆ ವಾಚಾ಼ನೊ ಜ಼ಲಮ ದೆಕಾಡಿನ ದಿವಸ.
1PE 1:4 ಕ್ಹುದಾ ತಿನಾ ಬಚ್ಚಾವೊನೆ ದಿವಾನೊ ಆಶಿರ್ವಾದಮಾ ಆಸ ಛೆ. ತೆ ತುಮಾರಾ ಹುತಿ ಪರಲೊಕಮಾ ಮುಕ್ಕಲ ಛೆ. ತೆ ಹಾಳ ನೈ ಥಾತು ವರಿ ನಾಶ ಥಾತು ನೈ. ತಿನಿ ಸುಂದರ್ತಾ ಜವೈಲೆತು ನೈ.
1PE 1:5 ಕ್ಹುದಾನಿ ತಾಕತ ತುಮಾರಾ ಬರೊಕ್ಹಾನಾ ಹುತಿ ಕೈದಸ. ತುಮೊನೆ ರಕ್ಷಣೆ ಥಾಯೆ ಲಕ್ಕಾ ತುಮೊನೆ ಚೊ಼ಕಿತರಾ ಮುಕ್ಕಸ. ತಯ್ಯಾರ ರ‍್ಹಯಲ ಲಾಸ್ಟನಾ ದಿನ್ಮಾ ತುಮೊನೆ ಮಳಸ.
1PE 1:6 ಎ ತುಮೊನೆ ಘನ್ನಿ ಖುಶಿ ದಿವಸ. ತೆನೈಸೊ ತುಮೊನೆ ದಕ್ಹಾದಿನ್ನ ಘನ್ನಿತರಾನಿಯೊ ತ್ರಾಸೊ ಆವಸ ವರಿ ತೆ ತುಮೊನೆ ಘನ್ನು ದುಖ ದಿವಸ.
1PE 1:7 ತುಮಾರೊ ಬರೊಕ್ಹೊ ಘನ್ನೊ ಶುದ್ಧ ಛೆ ಕೈನ ದೆಕಾಡಾನಾ ಹುತಿ ತೆ ತ್ರಾಸ ಆವಸ. ತುಮಾರೊ ಬರೊಕ್ಹೊ ಚೊ಼ಕಾ ಕ್ಹೊನಾತಿ ಘನ್ನು ಮೊಗು ವ್ಹೈ. ಕ್ಹೊನು ಹಾಳ ಥೈ ಜಾ಼ವಸ ರ‍್ಹೈತಬಿ ತಿನೆ ಆಗ್ಮಾ ಕರಗೈನ ತಿನೆ ಸುಂದರತಾ ದೆಕಾಡಸ. ಯೆಸು ಕ್ರಿಸ್ತ ಅಪೊನೆ ದಿಖ್ತಾಮಾ, ತುಮಾರೊ ಬರೊಕ್ಹೊ ತುಮೊನೆ ಮರ್ಯಾದಿ ದಿಲಾವಸ.
1PE 1:8 ತುಮೆ ಕ್ರಿಸ್ತನೆ ನೈ ದೆಕ್ಯಾತಬಿ ತುಮೆ ತಿನೆ ಮಯಾ ಕರೊಶಿ. ಹಮ್ನಾ ತುಮೆ ತಿನೆ ನೈ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾಸ. ತುಮೊಮಾ ನೈ ಕವಾನಾ ಯಕ್ಕಲಿ ಖುಶಿ ಛೆ. ತೆ ಖುಶಿ ದೆಕಾಡಾನೆ ವ್ಹೈ.
1PE 1:9 ಯಾಕೆಂದರೆ ತುಮರಾ ಬರೊಕ್ಹೊನಾಹುತಿ ತುಮಾರಾ ಬರೊಕ್ಹಾನೆ ಯಕ್ಕ ಗುರಿ ಛೆ. ತಮಾರಿ ಆತ್ಮಾ ವಚಾ಼ಡು ಕವಾನಿ ತೆ ಗುರಿ ವ್ಹೈ. ತುಮಾರಿ ಗುರಿ ಥಯಲ ರಕ್ಷಣೆ ಹೊಂದಿಲಿವೊಸಿ.
1PE 1:10 ಪ್ರವಾದಿ ಎ ರಕ್ಷಣೆನಾ ಹುತಿ ಚೊ಼ಕಿ ತರಾ ಹುಡ್ಕಿನ ಪರಿಕ್ಷಾ ಕರಾನೆ ಕೊಶಿಶ ಕರ‍್ಯಾ. ತುಮೊನೆ ಅಗಿ ಮಳಾನಿ ಮರಗಾನೆ ಹುತಿ ತ್ಯುನೆ ಬೊಲ್ಯಾ.
1PE 1:11 ಕ್ರಿಸ್ತನಿ ಆತ್ಮಾ ತ್ಯುನೊಕನ ವ್ಹತಿ. ತೆ ಆತ್ಮಾ ಕ್ರಿಸ್ತನೆ ಥಾವಾನಿ ಕಷ್ಟ ವರಿ ತೆ ಥಯಲಪರ ತಿನೆ ತಿನಿ ಥಾವಾನಿ ಮಹಿಮಾನಾ ಹುತಿ ಕತಿತಿ. ತೆ ಪ್ರವಾದಿಯೊ ಆತ್ಮಾ ದೆಕಾಡಾನು ತಿಳ್ದಿಲಿವಾನೆ ಕೊಶಿಶಿ ಕರತಾತಾ. ತೆ ಕ್ಹಾರು ಕೆಳಾಮಾ ಥಾವಸ ವರಿ ತೆ ಟೈಮ್ಮಾ ಜಗತ್ತ ಕಿಮ ರ‍್ಹವಸ ಕೈನ ತಿಳ್ದಿಲಿವಾನೆ ಕೊಶಿಶ ಕರ‍್ಯಾತಾ.
1PE 1:12 ತೆ ಪ್ರವಾದಿಯೊ ಕರಲ ಸೆವಾ ತುಮಾರಾ ಹೊರತಾಗಿ ತಿವ್ನಾ ಹುತಿ ನ್ಹವೈ. ತ್ಯುನೊನೆ ಗ್ವತ್ತ ಥಯು. ಹಮ್ನಾ ತುಮೆ ಐಕಲ ಸಂಗತಿಯೊ ತ್ಯುನೆ ಕತಾಮಾ ತ್ಯುನೆ ತುಮಾರಿ ಸೆವೆ ಕರಾಡಾತಾ. ಸ್ವರಗಾತಾ ಮೊಕ್ಲಲ ಪವಿತ್ರ ಆತ್ಮಾ ಆಸ್ರಾಕ್ಹು ಸುವಾರ್ತೆ ಕದಲ ವಾಲಾಜ಼ ಎ ಸಂಗತಿಯೊ ಕದ್ಯಾ. ತ್ಯುನೊನೆ ತೀಳಸಲ ಸಂಗತಿಯೊನಾ ಹುತಿ ತಿಳದಿಲಿವಾಹುತಿ ದೆವ ದುತೊ ಕೈದಾಡ್ಯಾಸ.
1PE 1:13 ತಿನಾಹುತಿ ತುಮೆ ತುಮಾರು ಮನಸ ಸೆವೆನಾ ಹುತಿ ತಯ್ಯಾರ ಕರಿಲಿವೊ. ತೆನೈಸೊ ತುಮೊನೆ ತುಮಾರಿ ಹತೊಟಿಮಾ ಮ್ಹೆಲ್ಲಿವೊ. ಯೆಸು ಕ್ರಿಸ್ತ ಅಪೊನೆ ದಿಕ್ಹಾನಾ ಟೈಮ್ಮಾ ತುಮೊನೆ ಮಳಾನಿ ಮರಗಾ ವರಿ ಮಳಾನಿ ವರಾ ಪರ ತುಮಾರಿ ಆಸ ಪುರಾ ರ‍್ಹೌ.
1PE 1:14 ತುಮೆ ಪೈಲಾ ಎ ಸಂಗತಿಯೊನಾ ಹುತಿ ನೈ ತಿಳದಿಲಿದಲ ಹುತಿ, ತುಮೆ ತುಮಾರಾ ಮನಸೆ ಆಯಲ ತಿಮ್ಮಜ಼ ಕೆಟ್ಟ ಕಾಮೊ ಕರ‍್ಯಾ. ಹಮ್ನಾ ತುಮೆ ವಿಧೆಯ ಥಯಲ ಕ್ಹುದಾನಾ ಬಚ್ಚಾ಼ ವ್ಹೈ. ತಿನಾಹುತಿ ತುಮೆ ಪೈಲಾ ಜಿವ್ನಾ ಕರಲ ತಿಮ್ಮಜ಼ ಹಮ್ನಾ ಕರೊ ನಕೊ.
1PE 1:15 ಕ್ಹುದಾ ಪರಿಶುದ್ಧ ರ‍್ಹಯಲಹುತಿ ತುಮೆ ಬೊಲಾನು ವರಿ ರ‍್ಹವಾನೊ ತರಿಕೊ ಶುದ್ಧ ರ‍್ಹವಾದೆ. ತುಮೊನೆ ಬಲಾಯಲವಾಲೊ ಕ್ಹುದಾಜ಼ ವ್ಹೈ.
1PE 1:16 "ಮಿ ಪರಿಶುದ್ಧ ರ‍್ಹಯಲಕ್ಹು ತುಮೆಬಿ ಪರಿಶುದ್ಧ ಥೈನ ರ‍್ಹೌ "ಕವಾನು ಪವಿತ್ರ ಬುಕ್ಕ ಕವಸ.
1PE 1:17 ತುಮೆ ಕ್ಹುದಾಕನ ಪ್ರಾಥನಾ ಕರತಾಮಾ ತಿನೆ ಬಾ ಕೈನ ಬಲಾವೊಶಿ. ಕ್ಹುದಾ ಹರಯಕ್ಲಾವೊನೆ ತ್ಯುನಾ-ತ್ಯುನಾ ಕಾಮೊಲಿಂಗತ ಪೈಸ್ಲೊ ಕರಸ. ತುಮೆ ಎ ದುನಿಯಾಮಾ ರ‍್ಹವಾಲಾ ವ್ಹೈ ಕೈನ ಕ್ಹುದಾನೆ ಭುಚಿ಼ಕಿನ ಜಿ಼ವ್ಸೊ.
1PE 1:18 ಪೈಲಾ ತುಮೆ ತುಮಾರಾ ಮನಸೆ ಆಯಲ ತಿಮ್ಮ ಜಿವ್ನಾ ಕರ‍್ಯಾತಾ ಕರತಾ ವ್ಹತ್ತಾ ತುಮೊನೆ ಗ್ವತ್ತ ಛೆ. ತುಮೊತೆ ಪೈಲಾ ಜಿವ್ನಾ ಕರಲವಾಲಾ ತ್ಯುನೊಕ್ಹು ತುಮೆ ಸಿಕ್ಯಾ. ತಿನಾಹುತಿ ತುಮೊನೆ ಬಿಡುಗಡೆ ಥಾವಾನು ಹಾಳಥಾವಾನು ಕ್ಹೊನಾ ರುಪ್ಪಕ್ಹು ನ್ಹವೈ.
1PE 1:19 ಪುರಾ ಅಂಗಥಯಲ ವರಿ ಪರಿಶುದ್ಧ ಥಯಲ ಬಕ್ರಾನು ಬಚ್ಚು಼ಥಯಲ ಯೆಸುನಾ ರಗತಕ್ಹು ತುಮೊನೆ ಮುಕ್ತಿ ಮಳಿ.
1PE 1:20 ಎ ಜಗತ್ತ ರಡಿ ಥಾವಾತಿ ಅಗ್ದುರಜ಼ ಯೆಸು ಇನೈಲಿದ್ಯೊ. ತೆನೈಸೊ ಎ ಜಗತ ಅಂತೆ ಥಾವಾನಾ ಟೈಮ್ಮಾ ತುಮೊನೆ ದಿಕ್ಹ್ಯೊಯೊ.
1PE 1:21 ತುಮೆ ಕ್ರಿಸ್ತನಾ ಮುಲಕ ಕ್ಹುದಾನೆ ವಳಕ್ಯಾ. ಕ್ಹುದಾ ಕ್ರಿಸ್ತನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಪಾಚಲ್ತೊ ಕ್ಹುದಾ ತಿನೆ ತಾಕತ ದಿದ್ಯೊ. ತಿನಾಹುತಿ ತುಮಾರೊ ಬರೊಕ್ಹೊ ವರಿ ಆಸ ಕ್ಹುಹುದಾಪರ ರ‍್ಹವಾದೆ.
1PE 1:22 ತುಮೆ ಕ್ಹರಿನೆ ವಿಧೆಯ ಥಾವಾನಾ ಮುಲಕ ತುಮೊನೆ ಪರಿಶುದ್ಧ ಕರಲಿದ್ಯಾ. ಹಮ್ನಾ ತುಮೆ ತುಮಾರಾ ಭಾಯೊ ಭೆನೊನೆ ಕ್ಹರಿಮಾಜ಼ ಮಯಾ ಕರಾಲಾ ಥಯಾಸ. ತಿನಾಹುತಿ ಯಕ್ಲಾಪರ ಯಕ್ಲೊ ಮನಸೆ ಮಯಾ ಕರೊ.
1PE 1:23 ತುಮೆ ನವೊ ಜ಼ಲಮ ಲಿನ ಹುಟ್ಟಲ ಲಿಂಗತ ವ್ಹೈ. ಎ ನವೊ ಜ಼ಲಮ ಹಾಳಥಾವಾನೊ ಜ಼ಲಮಕ್ಹು ನತ್ತಿ ಲಿದ್ಯಾ. ತೆ ಜ಼ಲಮ ಹಾಳ ನೈ ಥಾವಾನು ಜ಼ಲಮಕ್ಹು ಲಿದ್ಯಾಸ. ಜ಼ಲಮ ರ‍್ಹಯಲ ಹಮೆಶಾ ರ‍್ಹಯಲ ಕ್ಹುದಾನಿಯೊ ವಾತೊಕ್ಹು ತುಮೆ ನವೊ ಜ಼ಲಮ ಲಿದ್ಯಾಸ.
1PE 1:24 ಕ್ಹುದಾನು ಬುಕ್ಕ ಸು ಕವಸ ಕದ್ಯಾಮ ಕ್ಹಾರಾ ಮನಕ್ಹೊ ಚಾ಼ರಾ ಲಿಂಗತ ಛೆ. ತ್ಯುನೆ ಕರಾನು ಕ್ಹಾರು ಶೊಕ ಚಾ಼ರಾನಾ ಪ್ಹುಲ್ಲೊ ಲಿಂಗತ ಛೆ. ಚಾ಼ರೊ ವರೈಜಾ಼ವಸ. ಪ್ಹುಲ್ಲೊ ಉದ್ರಿ ಜಾ಼ವಸ.
1PE 1:25 ತೆನೈಸೊ ಕ್ಹುದಾನಿಯೊ ವಾತೊ ಹಮೆಶಾ ಜಿವ್ತಿಯೊ ರ‍್ಹವಸ. ತೆ ವಾತೊ ಸುವೈ ಕದ್ಯಾಮ ತಮನೊನೆ ಕದಲ ಸುವಾರ್ತಾನಿ ವಾಕ್ಯ ವ್ಹೈ. ಯೆಶಾಯ 40:6-8
1PE 2:1 ತಿನಾಹುತಿ ಬಿಜಾ಼ ಮನಕ್ಹೊನೆ ಕೆಟ್ಟ ಕರೊನಕೊ. ಸುಳ್ಳ ಬೊಲೊ ನಕೊ, ಮೊಸಕರೊ ನಕೊ, ಸಂಗಟ ಘಾಲ್ಲಿವೊನಕೊ, ಮನಕ್ಹೊನಾ ಹುತಿ ಕೆಟ್ಟವಾತೊ ಬೊಲೊ ನಕೊ. ಎ ಕ್ಹಾರು ತುಮಾರಿ ಜಿವಿತಮಾತಾ ಭಾರಾ ಘಾಲೊ.
1PE 2:2 ಹಮ್ನಾ ಹುಟ್ಟಲ ಬಚ್ಚಾ಼ವೊ ಲಿಂಗತ ರ‍್ಹವೊ. ತುಮಾರಿ ಆತ್ಮಾ ಜ಼ತ್ತನ ಕರಲ ಲಿಂಗತ ಶುದ್ಧ ದುದ್ದನೆ (ಕ್ಹುದಾನಿಯೊ ವಾತೊ) ಆಸ ಕರೊ. ತುಮೆ ತೆ ಪಿದ್ಯಾಮ ಬೆಳ್ದಿನ ರಕ್ಷಣೆ ವ್ಹಂದೊಶಿ
1PE 2:3 ತುಮೆ ಹಮ್ನಾಜ಼ ಕ್ಹುದಾನಿ ಚೊ಼ಕಿತನಾನೆ ಸವಾದ ದೆಕ್ಯಾಸ.
1PE 2:4 ಪ್ರಭು ಥಯಲ ಯೆಸುನೆ ಜ಼ಲಮ ರ‍್ಹಯಲ "ದಗ್ಡೊ ವ್ಹೈ" ಎ ಜಗತ್ನಾ ಮನಕ್ಹೊ ತ್ಯುನೊನೆ ತೆ "ದಗ್ಡೊ" ನಕೊ ಕೈನ ಫೈಸಲೊ ಕರ‍್ಯಾ. ತೆನೈಸೊ ತೆ ಕ್ಹುದಾ ಇನಿಲಿದಲ "ದಗ್ಡೊ" ವ್ಹೈ ತೆ ಕ್ಹುದಾನಿ ನಜ಼ರಮಾ ಚೊ಼ಕೊ ವ್ಹೈ. ತಿನಾಹುತಿ ತಿನಾ ನಜಿಕ ಆವೊ.
1PE 2:5 ತುಮೆಬಿ ಜ಼ಲಮ ರ‍್ಹಯಲ ಮಂಗಾಳಾ ವ್ಹೈ. ಆತ್ಮಾನೆ ಸಂಬಂದ ಥಯಲ ದೆವಾಲಯ ಥಾವಾಹುತಿ ತುಮೆಜ಼ ತಯ್ಯಾರ ಥಾವಾಡ್ಯಾಸ; ಕ್ಹುದಾಕ್ಹು ಒಪ್ಪಿಲಿದ್ಯಲ ಆತ್ಮಿಕಕ್ಹು ಬಲಿಯೊ ದಿವಾನೆ ಯೆಸು ಕ್ರಿಸ್ತಕ್ಹು ಕ್ಹುದಾನೆ ದಿವಾನು ಪವಿತ್ರ ಯಾಜಕೊ ಥಯಾಸ.
1PE 2:6 ಪವಿತ್ರ ಗ್ರಂಥ ಸು ಕವಸ ಕದ್ಯಾಮ"ಮಿ ಚೊ಼ಕು ರ‍್ಹಯಲ ಮುಲಾಮಾ ಪಡ್ಯಲ ದಗ್ಡಾನೆ ಇನಿಲಿದ್ಯೊಸ. ಮಿ ತೆ ದಗಡಾನೆ ಚಿಯೊನಮಾ ಮ್ಹೆಲ್ಯೊಸ; ತುನೆ ಬರೊಕ್ಹೊ ಕರಾಲೊ ಕೆಳಾಮಾಬಿ ನಿರಾಸ ನೈ ಥಾತೊ "ಯೆಶಾಯ 28:16
1PE 2:7 ಬರೊಕ್ಹೊ ರ‍್ಹಯಲ ಮನಕ್ಹೊ ಥಯಲ ತುಮೊನೆ ತೆ ದಗ್ಡೊ (ಯೆಸು) ಘನ್ನೊ ಮೊಗಾನೊ ವ್ಹೈ. ತೆನೈಸೊ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ತೆ ಅಮ ಕದ್ಯೊಸ; "ಭಾಂದಾವಾಲಾ ನಕೊ ಕೈನ ಛೊಡಲ ದಗ್ಡೊಜ಼ ಮುಲಾನೊ ದಗ್ಡೊ ಥಯೊ" ಕಿರ್ತನೆ. 118:22
1PE 2:8 ನೈ ಬರೊಕ್ಹೊ ಕರಾಲಾವೊನೆ ತೆ; "ಮನಕ್ಹೊನೆ ಟೆಕ್ಹ ಲಾಗಾನೊ ದಗ್ಡೊ ಮನಕ್ಹೊನೆ ಪಾಡಾನೊ ದಗ್ಡೊ ಥಯೊಸ" ಯೆಶಾಯ 8:14 ಕ್ಹುದಾನಿ ವಾತ ನೈ ಐಕಾಕ್ಹು ಮನಕ್ಹೊ ಟೆಕ್ಹ ಲಗಾಡ್ಲಿನ್ ಪಡಸ. ತೆ ಮನಕ್ಹೊನೆ ಇಮ್ಮಥೌ ಕೈನ ಕ್ಹುದಾನಿ ವಿಚಾ಼ರ ವ್ಹತ್ತಿ.
1PE 2:9 ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.
1PE 2:10 ಯಕ್ಕ ಕಾಲಮಾ, ತುಮೆ ಕ್ಹುದಾನಾ ಮನಕ್ಹೊ ನ್ಹೊತಾ. ತೆನೈಸೊ ಹಮ್ನಾ ತುಮೆ ಕ್ಹುದಾನಾ ಮನಕ್ಹೊ ಥಯಾಸ. ಪೈಲಾ ತುಮೆ ಮರಗಾ ಮಳಿ ನ್ಹೊತಿ. ತೆನೈಸೊ ಹಮ್ನಾ ತುಮೆ ಕ್ಹುದಾನಿ ಮರಗಾ ಮಳಿಸ್.
1PE 2:11 ಮಯಾನಾ ದೊಸ್ತೊ, ತುಮೆ ಎ ದುನಿಯಾಮಾ ಫರಾಲಾ ವರಿ ಬಿಜಾ಼ ಗಾಮವಾಲಾ ಲಿಂಗತ ಛೆ. ತಿನಾಹುತಿ ತುಮಾರಾ ಅಂಗೊನೆ ಪಸಂದ ರ‍್ಹಯಲ ಕೆಟ್ಟ ಸಂಗತಿಯೊಕ್ಹು ದುರ ರ‍್ಹೆ. ಎ ತುಮಾರಾ ಜ಼ಲಮನಾ ಆತ್ಮಾನೆ ವಿರುದ್ದ ಥೈನ ಲಡಸ.
1PE 2:12 ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.
1PE 2:13 ಎ ಜಗತ್ನಾ ಅದಿಕಾರಿಯೊನೆ ವಿಧೆಯ ಥೈನ ರ‍್ಹವೊ. ಪ್ರಭುನಾ ಹುತಿ ಎ ಕ್ಹಾರು ಕರೊ. ಕ್ಹಾರು ಅದಿಕಾರ ರ‍್ಹಯಲ ರಾಜಾ಼ನೆ ವಿಧೆಯ ಥಾವೊ.
1PE 2:14 ರಾಜೊ಼ ಮೊಕ್ಲಾನಾ ಅದಿಕಾರಿಯೊನೆ ವಿಧೆಯ ಥಾವೊ. ತಪ್ಪ ಕರಾಲಾವೊನೆ ಶಿಕ್ಷಾ ದಿವಾನೆ ಚೊ಼ಕು ಕರಾಲಾವೊನೆ ಚೊ಼ಕಾ ವ್ಹೈ ಕೈನ ಕವಾಹುತಿ ತ್ಯುನೊನೆ ವಳಾಯೊಸ.
1PE 2:15 ತುಮೆ ಚೊ಼ಕು ಕರತಾಮಾ ತುಮಾರಾಹುತಿ ಕೆಟ್ಟ ವಾತೊ ಬೊಲಾಲಾವೊನೆ ಥಾತು ನೈ. ಕ್ಹುದನಿ ಮರ್ಜಿ ಎಜ಼ ವ್ಹೈ.
1PE 2:16 ಸ್ವತಂತ್ರ ಮಳಲವಾಲಾವೊಲಿಂಗತ ಜಿವ್ನಾ ಕರೊ. ತೆನೈಸೊ ತುಮೆ ಕರಾನು ಕೆಟ್ಟ ಕಾಮೊ ಝಾಕಾಹುತಿ ತೆ ಸ್ವತಂತ್ರ ಉಪಯೊಗ ಕರೊನಕೊ. ತುಮೆ ಕ್ಹುದಾನಿ ಸೆವೆ ಕರತಾ ಜಿವ್ತಾ ರ‍್ಹವೊ.
1PE 2:17 ಕ್ಹಾರಾ ಮನಕ್ಹೊನೆ ಮರ್ಯಾದಿ ದಿವೊ. ಕ್ಹುದಾನಾ ಘರವಾಲಾ ಭಾಯೊನೆ ಭೆನೊನೆ ಮಯಾಕರೊ. ಕ್ಹುದಾ ಕ್ಹು ಭುಚ಼ಕೊ ವರಿ ರಾಜಾ಼ನೆ ಮರ್ಯಾದಿ ದಿವೊ.
1PE 2:18 ಸೆವೆ ಕರಾಲಾವೊ, ತುಮಾರಾ ಮಾಲಕೊನೆ ರ‍್ಹಯಲ ಅದಿಕಾರ ತುಮೆ ವಪ್ಪಿಲಿವೊ. ಎ ಕ್ಹಾರು ತುಮೆ ಘನ್ನಿ ಮರಯಾದಿಕ್ಹು ಕರೊ. ಚೊ಼ಕಾ ರ‍್ಹಯಲ ವರಿ ಮರಗಾಲಾ ಮಾಲಕೊನೆ ತುಮೆ ವಿಧೆಯ ಥೌ ವರಿ ಕೆಟ್ಟ ರ‍್ಹಯಲ ಮಾಲಕೊನೆಬಿ ವಿಧೆಯ ಥೈನ ರ‍್ಹೌ.
1PE 2:19 ಯಕ್ಲಾನೆ ಅನ್ಯಾಯಾ ಥಾತಿ ರ‍್ಹೈಮ ಕ್ಹುದಾನಾಹುತಿ ತಡ್ದಿಲಿನ ಗಯೊಮ ಕ್ಹುದಾ ತಿನೆ ಮೆಚ್ಚೆಸ.
1PE 2:20 ತೆನೈಸೊ ತುಮೊನೆ ತುಮೆ ತಪ್ಪ ಕರಿನ ಮಾರ ಖಾದ್ಯಾಮ ತುಮೊನೆ ಸು ಫೈದೊ? ತೆನೈಸೊ ಚೊ಼ಕು ಕರಿನ ತುಮೆ ಮಾರಾ ಖಾದ್ಯಾಮ ತೆ ಕ್ಹುದಾನಾ ಕ್ಹಾಮು ಚೊ಼ಕು ವ್ಹೈ.
1PE 2:21 ಇನಾಹುತಿ ತುಮೊನೆ ಬಲಾಯಾಸ. ತುಮೊನೆ ರ‍್ಹವಾನೊ ತರಿಕೊ ಯೆಸು ಕ್ರಿಸ್ತಜ಼ ವ್ಹೈ. ತೆ ಕರಲ ಲಿಂಗತಜ಼ ತುಮೆ ಕರೊ. ತುಮೊನೆ ತ್ರಾಸ ಆತಾಮಾ ತಡ್ದಿಲಿನ ರ‍್ಹೌ. ಕಾಕದ್ಯಾಮ ಕ್ಕರಿಸ್ತಬಿ ತ್ರಾಸ ಖಾದ್ಯೊ.
1PE 2:22 "ತೆ ಕಯುಜ಼ ಪಾಪ ಕರ‍್ಯೊನೈ. ತಿನಾ ಮ್ಹೊಡಾಮಾತು ಕೈಜ಼ ಸುಳ್ಳ ವಾತ ಐ ನೈ"
1PE 2:23 ಮನಕ್ಹೊ ಕ್ರಿಸ್ತನೆ ಗಾಳೊ ದಿದ್ಯಾತಬಿ ತ್ಯುನೊನೆ ತೆ ಗಾಳೊ ದಿದ್ಯೊ ನೈ. ತೆ ತ್ರಾಸ ಖಾದ್ಯೊತಬಿ ಮನಕ್ಹೊನೆ ಭುಚ್ಕಾ಼ಡ್ಯೊ ನೈ. ತೆ ತಿನು ಕಾಮ ಕ್ಹುದಾಪರ ಛೊಡ್ಯೊ. ಕ್ಹರಿನೊ ಫೈಸಲೊ ಕರಾಲೊ ಕ್ಹುದಾ ಯಕ್ಕಲೊಜ಼ ವ್ಹೈ.
1PE 2:24 ಕ್ರಿಸ್ತ ಅಪ್ನಾ ಪಾಪೊ ತಿನಾ ಅಂಗಪರ ಉಚೈಲಿನ ಶಿಲುಬಿರ ಚ಼ಡ್ಯೊ. ಅಪೆ ಪಾಪನಾ ಹುತಿ ಜಿವ್ತಾ ರ‍್ಹಯಾವಾಚಿ಼. ಕ್ಹರಿಕ್ಹು ಜಿವ್ತಾ ರ‍್ಹೌ ಕೈನ ಮನಸ ವ್ಹತ್ತು. ತಿನಾ (ಕ್ರಿಸ್ತನಾ) ದುಕೊಕ್ಹು ತುಮೊನೆ ಅರಾಮ ಥಯು.
1PE 2:25 ತುಮೆ ವಾಟ ಚು಼ಕಲ ಬಕ್ರಾವೊ ಲಿಂಗತ ಛೆ. ವರಿಬಿ ತುಮಾರೊ ಕುರುಬುರ‍್ಯಾಕನ ಕದ್ಯಾಮ ತುಮಾರಿ ಆತ್ಮಾನೆ ವಚಾ಼ಡಾಲಾಕನ ಫರಿನ ಆಯಾಸ.
1PE 3:1 ಹೆಣ ಮನಕ್ಹೊ, ಇನಾಲಿಂಗತಜ಼ ತುಮಾರಾ ಮಾಟಿಯೊನೆ ಅಧಿನ ಥೈನ ರ‍್ಹವೊ. ತ್ಯುನೊಮಾ ದಕ್ಹಾಜ಼಼ನಾ ಕ್ಹುದಾನಿ ವಾಕ್ಯಾನೆ ಅವಿಧೆಯ ರ‍್ಹಯಾತಬಿ
1PE 3:2 ತುಮೆ ಕ್ಹುದಾನಿ ಭಯ ಭಕ್ತಿಮಾ ರ‍್ಹೈನ ಸುಜ಼ ಕಳಂಕ ನೈಸೊ ಜಿವ್ನಾ ಕರಾನು ತುಮೊನೆ ದೆಕಿನ ಕ್ಹುದಾನಿ ವಾಕ್ಯಾ ನೈ ಗ್ವತ್ತ ರ‍್ಹಯುತಬಿ ಕ್ಹುದಾನಿ ವಾಕ್ಯಾಪರ ತುಮೆ ಬರೊಕ್ಹೊ ಮ್ಹೆಲಲ ದೆಕಿನ ತುಮೆ ರ‍್ಹವಾನು ದೆಕಿನ ತ್ಯುನೊನೆ ಶಿಕ್ಕಸ.
1PE 3:3 ಮಾತಾನಾ ಬಾಲೊ ಚೊ಼ಕಿ ತರಾ ವಳ್ಳಿವಾನು ರ‍್ಹೈನೆಕಾ ಕ್ಹೊನಾನು ಸಾಮನ ಚೊ಼ಕಾ ವಣ್ಣಾ ರ‍್ಹೈನೆಕಾ ತುಮಾರಿ ಸುಂದರ್ತಾನೆ ತೆ ಸಾಮನ ಖಾಸ ಥಯನ ರ‍್ಹೌ
1PE 3:4 ತುಮೆ ರ‍್ಹವಾನೊ ತರಿಕೊ ಶಾಂತಿ ಸಮಾದಾನ ಥಯಲ ತುಮಾರಿ ಅಂತರಯಜ಼ ಚೊ಼ಕು ದಿಕ್ಹಾನು ರ‍್ಹೌ. ತೆ ಸುಂದರತಾ ಹಾಳಥಾತಿ ನೈ. ತೆ ಕ್ಹುದಾನೆ ಘನ್ನು ಮೊಗು ವ್ಹೈ.
1PE 3:5 ಘನ್ನಾ ದಿನ್ನಪಾಚಾ಼ ಜಿವ್ತಾ ರ‍್ಹಯಲವಾಲಾ ಕ್ಹುದಾನಿ ವಾಟ್ಮಾ ಚಾ಼ಲಿನ ಪರಿಶುದ್ಧ ಥಯಲ ಹೆಣ ಮನಕ್ಹೊ ಇನಾಲಿಂಗತಜ಼ ತಯ್ಯಾರ ಥೈನ. ತ್ಯುನೆ ತಿವ್ನಾ ಮಾಟಿಯೊನೆ ಅಧಿನ ಥಯ್ಯೊತಿಯೊ.
1PE 3:6 ಮಿ ಸಾರಾಳಾ ಲಿಂಗತ ರ‍್ಹಯಲ ಹೆಣ ಮನಕ್ಹೊನಾ ಹುತಿ ಕವಾಡ್ಯೊಸ. ತೆ ತಿನಾ ಮಾಟಿ ರ‍್ಹಯಲ ಅಬ್ರಹಾಮನೆ ವಿಧೆಯ ಥೈನ ವ್ಹತ್ತಿ, ತಿನೆ ತೆ ಮಾರೊ ಮಾಲಕ ಕೈನ ಕತಿತಿ. ಹೆಣ ಮನಕ್ಹೊ ಥಯಲ ತುಮೆ ಭುಚಕ್ಯಾವಾಚಿ ಕೆಳಾಮಾಬಿ ಚೊ಼ಕು ರ‍್ಹಯಲಜ಼ ಕರಿಯೊಮ, ತುಮೆ ಸಾರಳನಾ ಕ್ಹರಿನಾ ಬಚ್ಚಾ಼ ಥಾವೊಸಿ.
1PE 3:7 ದಾಣ್ಗಾವೊ, ಇನಾಲಿಂಗತಜ಼ ತುಮೆ ತುಮಾರಿ ಬೈಕೊವೊನೆ ಕಳೈಲಿನ ತುನಾ ಕ್ಹಾತೆ ಜಿವ್ನಾ ಕರು. ತುಮೆ ತುಮಾರಿ ಬೈಕೊವೊನೆ ಮರ್ಯಾದಿ ದ್ಯು. ತ್ಯುನೆ ತುಮೊತಿ ತಾಕತ ಕಮ ರ‍್ಹಯಲವಾಲಿಯೊ ವ್ಹೈ. ತೆನೈಸೊ ಕ್ಹುದಾ ತುಮೊನೆ ದಿವಾನೊ ಆಶಿರವಾದಜ಼ ಕದ್ಯಾಮ ಕ್ಹರಿನೊ ಜ಼ಲಮ ದಿವಾನು ಮರಗಾ ತುಮಾರಿ ಬೈಕೊವೊನೆಬಿ ದಿವಸ. ತುಮೆ ಅಮ ಜಿವ್ನಾ ಕರತಾ ರ‍್ಹಯಾಮ ಪ್ರಾಥನಾ ಕರಾನೆ ತುಮೊನೆ ಅಡು ಥಾತು ನೈ.
1PE 3:8 ತಿನಾಹುತಿ ತುಮೆ ಕ್ಹಾರಾಜ಼ನಾ ಮಳಿನ ಶಾಂತಿಕ್ಹು ರ‍್ಹವೊ. ಯಕ್ನೆ ಯಕ್ಕ ಕಳೈಲಿವಾನು ಕೊಶಿಶ ಕರೊ. ಯಕ್ನೆ ಯಕ್ಕ ಭಾಯೊ ಲಿಂಗತ ಮಯಾ ಕರು. ಮರಗಾ ದೆಕಾಡಾಲಾ ವರಿ ಸಮಾದಾನ ರ‍್ಹಯಲವಾಲಾ ಥೌ.
1PE 3:9 ಕೆಟ್ಟ ಕರಲವಾಲಾವೊನೆ ಕೆಟ್ಟ ಕರ‍್ಯಾವಾಚಿ, ಮನಸ ದುಖ ಕರಲವಾನಲಾವೊನೆ ಮನಸ ದುಖ ಕರ‍್ಯಾವಚಿ, ತ್ಯುನೊನೆ ಆಶಿವ್ರಾದ ಕರಕೈನ ಕ್ಹುದಾಕನ ಮಾಂಗಿಲಿವೊ ಕಾಕದ್ಯಾಮ ಆಶಿವ್ರಾ ವ್ಹಂದಿಲಿವಾನೆ ತುಮೆ ಬಲೈಲಿದಲವಾಲಾ ಥಯಾಸ.
1PE 3:10 ಕ್ಹುದಾನು ಬುಕ್ಕ ಸು ಕವಸ ಕದ್ಯಾಮ" ಎ ಜಿವಿತ್ಮಾ ಖುಶಿ ರ‍್ಹತಾ ಚೊ಼ಕಾ ದಿನ್ನೊ ಆಸ ಕರಾಲಾ ಕೆಟ್ಟ ವಾತೊ ನೈ ಕವಾಲಾ ಥಾವೊ. ಸುಳ್ಳ ಬೊಲೊ ನಕೊ.
1PE 3:11 ತೆ ಕೆಟ್ಟ ಕರ‍್ಯಾವಾಚಿ ಚೊ಼ಕುಜ಼ ಕರೆನಕಾ. ತೆ ಸಮಾದಾನ ಮಳಾನು ದೆಕ್ತೊ ತಿನಾಹುತಿ ತೆ ಮಳಾದೆ ಕೈನ ಕೊಶಿಶ ಕರಾದೆ.
1PE 3:12 ಕ್ಹರಿಕ್ಹು ರ‍್ಹಯಲವಾಲಾವೊನಾ ಪ್ರಭು ಕೈದಸ. ತ್ಯುನಿ ಪ್ರಾಥನಾ ಐಕಸ. ತೆನೈಸೊ ಕೆಟ್ಟ ಕರಾಲಾ ಮನಕ್ಹೊನೆ ಪ್ರಭು ವಿರೊದ ಕರಸ.
1PE 3:13 ತುಮೆ ಕೆಳಾಮಾಬಿ ಚೊ಼ಕೊಜ಼ ಕರಾನು ಕೊಶಿಶ ಕರತಾ ರ‍್ಹಯಾಮ, ಕುನ್ನಜ಼ ತುಮೊನೆ ಕೆಟ್ಟ ನೈ ಕರತು.
1PE 3:14 ತೆನೈಸೊ ಚೊ಼ಕು ಕರತಾಮಾ ತುಮೆ ತ್ರಾಸ ಖಾ ಸಕೊಶಿ. ತೆನೈಸೊ "ತುಮೊನೆ ತ್ರಾಸಮಾ ಘಾಲಾನಾ ಮನಕ್ಹೊನೆ ಭುಚ಼ಕೊ ನಕೊ ವರಿ ಚಿಂತಾ ಕರೊ ನಕೊ"
1PE 3:15 ತ್ಯುನಾ ಧಮ್ಕಿಯೊನೆ ಬುಚ್ಕ್ಯಾ ಬಗರ ತುಮಾರಾ ಮನಸೊಮಾ ಕ್ರಿಸ್ತಜ಼ ಪ್ರಭು ಥೈನ ರ‍್ಹವಾದೆ. ತುಮೊಮಾ ಯಕ್ಕ ಆಸನೆ ಸು ಆದಾರ ಛೆ ಕೈನ ತುಮೊನೆ ಪುಚ್ಚಾ಼ಲಾ ಹರಿಯಕ್ಕಲಾನೆ ಜವಾಬ ದಿವಾನೆ ಕೆಳಾಮಾಬಿ ತಯಾರ ಥೈನ ರ‍್ಹವೊ. ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ.
1PE 3:16 ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ. ತುಮೆ ಕರಾನು ಚೊ಼ಕು ವ್ಹೈ ಕದ್ಯಾಮ ತುಮೊನೆ ಕೆಳಾಮಾಬಿ ತಿಳ್ದಾದಾದೆ ತೆಳಾಮ ತುಮೆ ಕ್ರಿಸ್ತಮಾ ಚೊ಼ಕಾ ಥೈನ ಜಿವ್ನಾ ಕರಾನು ದೆಕಿನ ತುಮಾರಾ ಹುತಿ ಕೆಟ್ಟ ಬೊಲಾಲಾ ತ್ಯುನೆ ಕದಲ ಕೆಟ್ಟ ಕಾಮೊನಾ ಹುತಿ ಸರಮಾವಸ.
1PE 3:17 ಕೆಟ್ಟ ರ‍್ಹಯಲ ಕರಿ ತ್ರಾಸ ಖಾವಾತಿ ಚೊ಼ಕು ಕರಿನ ತ್ರಾಸ ಖಾವಾನು ಚೊ಼ಕು ವ್ಹೈ. ಹೊ ತೆ ಕ್ಹುದಾನಿ ಆಸ ರ‍್ಹೈಮ ತೆಜ಼ ಚೊ಼ಕು ವ್ಹೈ.
1PE 3:18 ತುಮಾರಾ ಪಾಪೊನಾ ಹುತಿ ಕ್ರಿಸ್ತ ಯಕ್ಕಸಲಾ ತ್ರಾಸ ಖೈನ ಮರ‍್ಯೊ ಕ್ಹರಿಕ್ಹು ರ‍್ಹಯಲ ತೆ ಅಪರಾದಿಯೊನಾ ಹುತಿ ಜ಼ಲಮ ದಿದ್ಯೊ. ತುಮೊನೆ ಕ್ಹಾರಾವೊನೆ ಕ್ಹುದಾ ಕನ ಚ಼ಲಾವಾನಾಹುತಿ ತೆ ತಿಮ್ಮ ಕರ‍್ಯೊ. ತಿನೊ ಅಂಗ ಖಲಾಸ ಕರಾಯಾ. ತೆನೈಸೊ ತೆ ಆತ್ಮಾನಿ ಸಂಭದಮಾ ಜಿವ್ತೊ ಥಯೊ.
1PE 3:19 ಪಾಚಲ್ತೊ ತೆ ಆತ್ಮಾನಾ ರುಪಮಾ ಗೈನ ಜೆಲ್ಮಾ ರ‍್ಹಯಲ ಆತ್ಮಾವೊನೆ ಕ್ಹುದಾನಿ ವಾತ ಕದ್ಯೊ.
1PE 3:20 ಘನ ದಿನ್ನ ಪಾಚಾ಼ ನೊಹಾನಾ ದಿನೊಮಾ ಕ್ಹುದಾನೆ ಅವಿದೆಯ ಥಯಲವಾಲಾಜ಼ ತ್ಯುನೆ. ನೊಹಾ ಹಡ್ಗೊ ಭಾಂದತಾಮಾ ಕ್ಹುದಾ ಸಮಾದಾನಕ್ಹು ಕೈದಾಡ್ಯೊತೊ. ದಕ್ಹುಜ಼ನಾ ಕದ್ಯಾಮ ಕ್ಹಾಲಿ ಆಟ್ ಜ಼ನಾ ತೆ ಹಡಗಾಮಾ ಪಾನಿಕ್ಹು ವಾಚ್ಯಾ.
1PE 3:21 ತೆ ಪಾನಿ ಹಮ್ನಾ ತುಮೊನೆ ವಚಾ಼ಡಾನು ರ‍್ಹಯಲ ತೆ ದಿಕ್ಕಷಾಸ್ನಾನ ರ‍್ಹಯಲ ಲಿಂಗತ ಛೆ. ಬಾಪ್ತಿಸ್ಮ ಅಂಗನಿ ರಾಡಿ ಧ್ವಯಲ ಲಿಂಗತ ನ್ಹವೈ. ತೆ ಚೊ಼ಕಿ ಮನಸ ಸಾಕ್ಷಿ ಚಾ಼ಯೆ ಕೈನ ಮಾಂಗಿಲಿದಲ ಲಿಂಗತ ಛೆ. ಯೆಸು ಕ್ರಿಸ್ತ ಮರಣಕ್ಹು ಉಟಿನ ಆಯಲಕ್ಹು ತೆ ತುಮೊನೆ ವಚಾ಼ಡಸ್.
1PE 3:22 ಹಮ್ನಾ ಯೆಸು ಸ್ವರಗೆ ಗಯೊಸ ತೆ ಕ್ಹುದಾನಾ ಬಾಜು಼ಮಾ ಛೆ. ತೆ ಕ್ಹುದಾನಾ ದುತೊನೆ ಅದಿಕಾರಿಯೊನೆ ತಾಕತನೆ ಆಳಾಡ್ಯೊಸ.
1PE 4:1 ಕ್ರಿಸ್ತ ಮನಕ್ಹನು ಅಂಗ ಲಿದಲ ಟೈಮ್ಮಾ ತ್ರಾಸ ಅನುಭವಿಶೊ. ತಿನಾಹುತಿ ಕ್ರಿಸ್ತಮಾ ರ‍್ಹಯಲ ಮನಸ ತುಮೆ ವ್ಹಂದಲಿನ ತುಮಾರಾ ಕ್ಹು ತುಮೆ ತಾಕತ ಭರಲಿವೊ. ಅಂಗಕ್ಹು ತ್ರಾಸ ಖಾದಲ ಮನಕ್ಹ ಪಾಕ್ಹು ಮುಕ್ತ ಥಯೊಸ.
1PE 4:2 ತಿನಾಹುತಿ ಎ ಜಗತ್ಮಾ ಮನಕ್ಹೊನಿ ಮರ್ಜಿ ಲಿಂಗತ ಕೆಟ್ಟ ಕಾಮೊ ಕರ‍್ಯಾವಾಚಿ, ಕ್ಹುದಾನಿ ಮರ್ಜಿ ಲಿಂಗತ ಕಾಮೊ ಕರತಾ ಜಿವ್ನಾ ಕರತಾ ತುಮಾರಾ ಕ್ಹು ತುಮೆ ತಾಕತ ಭರಲಿವೊ.
1PE 4:3 ಪೈಲಾ ಬರೊಕ್ಹೊ ನೈಸೊ ಮನಕ್ಹೊ ಕರಾನಾ ಕಾಮೊ ಕರತಾ ಘನ್ನು ಟೈಮ ಹಾಳ ಕರ‍್ಯಾ. ತುಮೆ ಲೈಂಗಿಕ ಪಾಪೊ ಕರಾಡಾಸ. ತುಮೊನೆ ಚೊ಼ಕುಲಾಗಲ ಕಾಮೊ ಕರಾಡಾಸ; ಪಿದೊಡಾ ಥಯಾಸ, ಕ್ರುರಿಯೊ ಥಯಾಸ, ಹಸೈ ರ‍್ಹಯಲ ನೈಸೊಕರಾನಾ ವರಿ ಮತ್ಲಬನಾ ಕಾಮೊ ವರಿ ಪಿವಾ ಖಾವಾನು ಚ಼ಲಾವಡ್ಯಾಸ. ಮೊರ್ತಿಯೊನೆ ಆರಾಧನಾ ಕರಾಡ್ಯಾ.
1PE 4:4 ತುಮೆ ಹಸೈ ರ‍್ಹಯಲ ವರಿ ನೈಸೊ ಕರಾನಾ ಕಾರ‍್ಯೊ ನೈಕಾರುನು ದೆಕಿನ ಬರೊಕ್ಹೊ ನೈಸೊವಾಲಾ ತುಮಾರಾ ಹುತಿ ಘಾಬ್ರಾಥಾವಸ. ತಿನಾಹುತಿಜ಼ ತ್ಯುನೆ ತುಮೊನೆ ಕೆಟ್ಟವಾತೊ ಕವಸ.
1PE 4:5 ತೆನೈಸೊ ಬರೊಕ್ಹೊ ನೈಸೊವಾಲಾ ತ್ಯುನೆ ಕರಾನಾ ಕಾಮೊನಾ ಹುತಿ ತ್ಯುನೆಜ಼ ಕೌ ಲಾಗಸ. ಮರಿಗಯಲ ಮನ್ಹೊನೆ ವರಿ ಜಿವ್ತಾ ರ‍್ಹಯಲ ಮನಕ್ಹೊನೆ ಫೈಸ್ಲೊ ಕರಾನೆ ತಯ್ಯಾರ ರ‍್ಹಯಲ ಕ್ರಿಸ್ತನೆ ತ್ಯುನೆ ತಿನೆ ವಿಚಾರಣೆ ದ್ಯು.
1PE 4:6 ಮರಿಗಯಲ ಮನಕ್ಹೊನೆ ಸುವಾರ್ತೆ ಕವಾಲಗಾಡ್ಯಾ. ತ್ಯುನೆ ಅಂಗನಾ ಸಂಭಂದಕ್ಹು ಮರವಾನಿ ಶಿಕ್ಷಾ ಮಳಿತಬಿ ಅತ್ಮಾನಾ ಸಂಬಂದಮಾ ಕ್ಹುದಾನಾ ಲಿಂಗತ ಜಿವ್ತಾ ರ‍್ಹೌಕೈನಜ಼ ಉಪದೆಶ ಕವಾಲಗಾಡ್ಯಾ.
1PE 4:7 ಕ್ಹಾರಾ ಕಾಮೊನೆ ಮುಗ್ಸಾನೊ ಟೈಮ ನಜಿ಼ಕ ಆಯೊಸ. ತುಮೆ ಗ್ಯಾನವಾಲಾ ಥೈನ ತುಮಾರಾಕ್ಹು ತುಮೆ ತುಮೊನೆ ಹತೊಟಿಮಾ ಮ್ಹೆಲ್ಲಿವೊ. ತುಮೊನೆ ಪ್ರಾಥನಾ ಕರಾಹುತಿ ಎ ತುಮೊನೆ ಸಹಾಯಾ ಕರಸ.
1PE 4:8 ತುಮೆ ಯಕ್ಲಾನ ಯಕ್ಲೊ ಹಮೆಶಾಬಿ ಮಯಾ ಕರಾನು ಘನು ಖಾಸ ವ್ಹೈ. ಮಯಾ ಘನಾ ಪಾಪೊನೆ ಝಾಕಿಪಾಡಸ.
1PE 4:9 ಗುಣ ಗುಟ್ಯಾವಾಚಿನ ಮಕ್ಹೊನೆ ಅತಿಥಿಸತ್ಕಾರ ಕರೊ.
1PE 4:10 ತುಮೊಮಾ ಹರಿ ಯಕ್ಲೊ ಕ್ಹುದಾ ಕಂತೊ ಆತ್ಮಿಕನಿ ವರಾ ಪಡ್ದಿಲಿದ್ಯಾಸ. ಕ್ಹುದಾ ತುಮೊನೆ ಘನ್ನಿತರಾಮಾ ತಿನಿ ಕೃಪಾಕ್ಹು ದಿದ್ಯೊಸ. ತುಮೆ ಕ್ಹುದಾನಿ ವರಾ ಉಪಯೊಗ ಜವಾಬ್ದಾರಿವಾಲಾ ಥೈನ ಸೆವಕೊ ಥಯಾಸ. ತಿನಾಹುತಿ ಚೊ಼ಕಾ ಸೆವಕೊ ಥಾವೊ. ಯಕ್ನಾ ಯಕ್ಕ ಸೆವೆ ಕರಾನೆ ತುಮೊನೆ ದಿದಲ ವರಾ ಉಪಯೊಗ ಕರೊ.
1PE 4:11 ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.
1PE 4:12 ಮಾರಾ ಮಯಾನ ದೊಸ್ತೊ, ತುಮೆ ಹಮ್ನಾ ಅನುಭವಿಸಾನು ಕಷ್ಟನಾ ಹುತಿ ಘಾಬ್ರಾ ಥಾವೊನಕೊ. ತೆ ತುಮಾರಾ ಬರೊಕ್ಹೊ ಪರಿಕ್ಷಾ ಕರಾಹುತಿ ಆವಸ. ಘನ್ನೊ ತ್ರಾಸ ಆವಸ ಕೈನ ತುಮೆ ವಿಚಾರ ಕರೊನಕೊ.
1PE 4:13 ತೆನೈಸೊ ತುಮೆ ಕ್ರಿಸ್ತನೊ ತ್ರಾಸ ವಾಟಿಲಿವಾಡ್ಯಾಸ ಕೈನ ತುಮೆ ಖುಶಿಕ್ಹು ರ‍್ಹವೊ. ಕ್ರಿಸ್ತ ತಿನಿ ಮಹಿಮಾ ದೆಕಾಡಾನಾ ಹುತಿ ತುಮೆ ಖುಶಿ ಕರೊಶಿ.
1PE 4:14 ತುಮೆ ಕ್ರಿಸ್ತಮಾ ರ‍್ಹಯಲ ಹುತಿ ತುಮಾರಾ ಹುತಿ ಮನಕ್ಹೊ ಕೆಟ್ಟ ಬೊಲ್ಯಾಮ ತುಮೆ ಭಾಗ್ಯವಂತವಾಲಾ ವ್ಹೈ. ಘನ್ನು ಉಜಾಲಾನು ಆತ್ಮಾ ತುಮೊಮಾ ಛೆ. ತೆ ಕ್ಹುದಾನಿ ಆತ್ಮಾ ವ್ಹೈ.
1PE 4:15 ತುಮೆ ಕೆಟ್ಟ ಮನಕ್ಹೊ ಥೌ ನೈ. ಮನಕ್ಹೊನೆ ಖಲಾಸ ಕರಾಲಾ ಥೌ ನೈ, ಚ್ವಟ್ಟಾ ಥೌ ನೈ, ವರಿ ಬಿಜಾ಼ವೊನೆ ತ್ರಾಸ ಕರು ನೈ. ಹೆವು ಕರಾಲಾ ತ್ರಾಸಮಾ ಪಡಸ.
1PE 4:16 ತುಮೆ ಕ್ರೈಸ್ತರೊ ಥಯಲಕ್ಹು ತ್ರಾಸ ಖಾದ್ಯಾಮ, ಸರಮಕ್ಹು ರ‍್ಹೌನೈ. ತೆ ( ಕ್ರೈಸ್ತ ) ನಾಮನಾಹುತಿ ತುಮೆ ಕ್ಹುದಾನೆ ಸ್ತೊತ್ರಾ ಕರೊ.
1PE 4:17 ತುಮಾರೊ ಫೈಸಲಾನೊ ದಿನ್ನ ಆಯೊಸ. ತೆ ಕ್ಹುದಾನಾ ಘರತು ಶುರು ಥಾವಸ. ತುಮೊಮಾಜ಼ ತೆ ಶುರು ಥಯುಮ್, ಕ್ಹುದಾನಿ ಸುವಾರತಾನೆ ವಿಧೆಯ ನೈ ಥಾವಾನಾ ಮನಕ್ಹೊನೆ ಸು ಥಾಸ?
1PE 4:18 "ಕ್ಹರಿಕ್ಹು ರ‍್ಹಯಲವಾಲೊ ರಕ್ಷಣೆ ವ್ಹಂದಾನೆ ಕಷ್ಟ ಥಯುಮ. ಭಕ್ತಿಮಾ ಕಮ ರ‍್ಹಯಲವಾಲೊ ವರಿ ಪಾಪಿನಿ ಗತಿ ಸುವೈ?
1PE 4:19 ತಿನಾಹುತಿ ಕ್ಹುದಾನಿ ಆಸ ಲಿಂಗತ ತ್ರಾಸ ಕ್ಹಾವಾಲಾ ತ್ಯುನೆ ಜ಼ಲಮನಿ ಆತ್ಮಾ ತಿನೆ ವಪ್ಸಿನ ದ್ಯು. ತ್ಯುನೊನೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ. ತಿನಾಹುತಿ ತ್ಯುನೆ ತಿನಾಮಾ ಬರೊಕ್ಹೊ ಮ್ಹೆಲೊ. ಇಮ್ಮ ರ‍್ಹತಾಮಾ ತ್ಯುನೆ ಚೊ಼ಕುಜ಼ ಕರತಾಜ಼ ರ‍್ಹೌ.
1PE 5:1 ತುಮಾರಿ ಸಬೆಮಾ ಮ್ಹೊಟಾ ರ‍್ಹಯಲವಾಲಾವೊನಾ ಮಿ ದಕ್ಹಿಯೊ ವಾತೊ ಕೌ ಕೈನ ಛೆ. ಮಿ ಯಕ್ಲೊ ಮ್ಹೊಟೊ ಥಯೊಸ. ಮಿ ಕ್ರಿಸ್ತನೆ ತ್ರಾಸ ದಿವಾನು ಡೊಳೆ ದೆಕ್ಯೊಸ. ಹಮೊನೆ ದಿಕ್ಹಾನಾ ಟೈಮ್ಮಾ ಮಿ ತಿಮಾ ಭಾಗಿದಾರ ಥಯೊಸ.
1PE 5:2 ತುಮೆ ಸಬೆನಾ ಜವಾಬದಾರಿಲಿದಲವಾಲಾ ಸಬೆನೆ ರಾಕು ಕೈನ ಮಿ ಮಾಂಗಿಲ್ಯುಸ್. ತ್ಯುನೆ ಕ್ಹುದಾನಾ ಹಿಂಡ ವ್ಹೈ. ತುಮೆ ತೆ ಹಿಂಡನೆ ಕೈದೊ. ಕಾಕದ್ಯಾಮ ತೆ ತುಮಾರಿ ಆಸ ವ್ಹೈ. ತೆ ವಜ್ಜು಼ ಜ಼ಬರದಸ್ತಿಕ್ಹು ಉಚಾಯಲ ವಜ್ಜು಼ ನ್ಹವೈ. ಕ್ಹುದಾ ತೆಜ಼ ಆಸ ಕರಸ; ತುಮೆ ತೆ ಹಿಂಡನೆ ಕೈದಾನು ದೊಕ್ಕಡಾಹುತಿ ನ್ಹವೈ, ಕ್ಹುದಾನಿ ಸೆವೆ ಕರಾನು ತುಮೊನೆ ರ‍್ಹಯಲ ಕ್ಹುಶಿನಾ ಹುತಿ ವ್ಹೈ.
1PE 5:3 ತುಮೆ ಜವ್ದಾರಿರ‍್ಹಯಲವಾಲಾ ತೆ ಹಿಂಡಪರ ಜ಼ಬರದಸ್ತಿ ಕರೊ ನಕೊ. ತುಮೆ ತ್ಯುನೊನೆ ಚೊ಼ಕಿ ಸಾಕ್ಷಿ ಥಾವೊ.
1PE 5:4 ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹತಾಮಾ, ತುಮೊನೆ ಮಾತಾಪರ ಕಿರಿಟ ಮಳಸ. ಮ್ಹೊಟಿ ತಾಕತಮಾ ರ‍್ಹಯಲ ತೆ ಕಿರಿಟ ತಿನೆ ಕಳಾ ಜ಼ವೈಲಿತಿಜ಼ ನೈ.
1PE 5:5 ಜಾಂಜಿಮಾನೊ ಮಿ ತುಮೊನೆ ದಕ್ಹಿಯೊವಾತೊ ಕೌ ಕೈನ ಛೆ. ತುಮೆ ಮ್ಹೊಟಾವೊನೆ ಅಧಿನ ಥೈನ ರ‍್ಹವೊ. ತುಮೆ ಯಕ್ನಾ ಯಕ್ಕ ಮಯಾಕ್ಹು ಚಾ಼ಲಿಲಿವೊ. ಕ್ಹುದಾ ಸ್ವಕ್ಕ ರ‍್ಹಯಲವಾಲಾವೊನಾ ವಿರುದ್ದ ವ್ಹೈ. ತೆ ನೈ ತಗ್ಗಿನ ರ‍್ಹಯಲ ಮನಕ್ಹೊನೆ ಮರಗಾ ದೆಕಾಡಸ್"
1PE 5:6 ತಿನಾಹುತಿ ಕ್ಹುದಾನಾ ಹತೊನಾ ತಾಕತನಾ ಹೆಟಾ ರ‍್ಹಯಲವಾಲಾ ತಗ್ಗಿನ ರ‍್ಹವೊ. ಚೊ಼ಕೊ ದಿನ್ನ ಆಯಲಪರ ತುಮೊನೆ ಉಪ್ಪರ ಉಚಾವಸ.
1PE 5:7 ತೆ ತುಮೊನೆ ರಾಕಲ ಹುತಿ ತುಮಾರಿ ಚಿಂತಾ ತಿನೆ ವಪ್ಸಿನ ದಿವೊ.
1PE 5:8 ಯಕ್ಕಜ಼ ಮನಸ ವಾಲಾರ‍್ಹವೊ ವರಿ ಹುಶಾರ ಥೈನ ರ‍್ಹವೊ. ಸೈತಾನ ತುಮಾರೊ ದುಶ್ಮನ ವ್ಹೈ. ತೆ ವದ್ರಾನೊ ಶಿಯ್ಯಾ ಲಿಂಗತ ಕಿನೆ ಖೌ ಕೈನ ಹುಡ್ಕತೊ ರ‍್ಹವಸ ತೆ ಮನಕ್ಹೊನೆ ಹುಡ್ಕಾಡ್ಯೊಸ.
1PE 5:9 ತುಮಾರಾ ಬರೊಕ್ಹಾಮಾ ಘಟ್ಟರ‍್ಹೈನ ತಿನೆ ದೆಕೊ. ಕಾಕದ್ಯಾಮ ಜಗತ್ಮಾ ರ‍್ಹಯಲ ತುಮಾರಾ ಭಾಯೊ ಭೆನೊ ತುಮೊನೆ ರ‍್ಹಯಲ ತ್ರಾಸ ಖಾವಾಡ್ಯಾಸ ತುಮೊನೆ ಗ್ವತ್ತ ಛೆ.
1PE 5:10 ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.
1PE 5:11 ಕ್ಹಾರೊ ಅದಿಕಾರ ತಿನೊಜ಼ ವ್ಹೈ. ಆಮೆನ್.
1PE 5:12 ಮಿ ಆ ನ್ಹಾನು ಪತ್ರ ಸಿಲ್ವಾನನಾ ಆಸ್ರಾಕ್ಹು ಬರ್ದ್ಯೊ. ತೆ ಕ್ರಿಸ್ತಮಾ ರ‍್ಹೈನ ಬರೊಕ್ಹಾವಾಲೊ ಭೈ ವ್ಹೈ ಕವಾನು ತುನೆ ಗ್ವತ್ತ ಛೆ. ಮಿ ತುನೆ ಪೊಕ್ಹಾಲಾವಾನೆ ವರಿ ಅಗೊ ಬಡಾನೆ ಎ ಪತ್ರ ಬರ್ದ್ಯೊಸ. ಎಜ಼ ಕ್ಹುದಾನಿ ಕ್ಹರಿನಿ ಮರಗಾ ಕವಾನು ತುಮೊನೆ ಕೌ ಕೈನಜ಼ ಮಾರಿ ಆಸ ವ್ಹತಿ. ತೆ ಮರಗಾಮಾ ಘಟ್ಟ ಥೈ ರ‍್ಹವೊ.
1PE 5:13 ಬಾಬಿಲೊನಮಾ ರ‍್ಹಯಲ ಸಭೆವಾಲಾ ತುಮೊನೆ ನಮಸ್ಕಾರ ಕದ್ಯಾಸ. ತುಮೊನೆ ಇನಿಲಿದಲ ಲಿಂಗತಜ಼ ತೆ ಮನಕ್ಹೊನೆ ಇನಿಲಿದ್ಯಾಸ. ಕ್ರಿಸ್ತಮಾ ಮಾರೊ ದಿಕ್ರೊ ಥಯಲ ಮಾರ್ಕ ತುಮೊನೆ ನಮಸ್ಕಾರ ಕದ್ಯೊಸ.
1PE 5:14 ತುಮೆ ಮಳಲ ಟೈಮ್ಮಾ ಯಕ್ನಾ ಯಕ್ಕ ಮಯಾಕ್ಹು ಮಟ್ಟಿ ದಿವೊ. ಕ್ರಿಸ್ತಮಾ ರ‍್ಹಯಲ ತುಮೊನೆ ಕ್ಹಾರಾವೊನೆ ಸಮಾಧಾನ ಥಾವಾದೆ.
2PE 1:1 ಯೆಸು ಕ್ರಿಸ್ತನೊ ಸೆವಕ ಥಯಲ ಸಿಮೆಯೊನ ಪೆತ್ರಾ ಅಪ್ನಾ ಕ್ಹಾತೆ ಘನ್ನಾ ಮ್ಹೊಟಾ ಬರೊಕ್ಹಾಮಾ ರ‍್ಹಯಲ ಮನಕ್ಹೊನೆ ಬರ್ದಾನು ಪತ್ರ. ಅಪ್ನೊ ಕ್ಹುದಾ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತ ಕ್ಹರಿನೊ ರ‍್ಹಯಲ ಹುತಿ ತೆ ಬರೊಕ್ಹೊ ತುಮೊನೆ ಮಳ್ಯೊಸ. ತೆ ಯೊಗ್ಯ ರ‍್ಹಯಲಜ಼ ಕರಸ.
2PE 1:2 ತುಮೊನೆ ಮರಗಾ ವರಿ ಶಾಂತಿ ಹೆಚ್ಕಿ಼ ಮಳಾದೆ. ಕ್ಹುದಾನೆ ವರಿ ಅಪೊನೊಯ ಪ್ರಭು ಥಯಲ ಯೆಸುನೆ ತುಮೆ ಕ್ಹರಿಕ್ಹು ತಿಳ್ದಲಹುತಿ ತುಮೊನೆ ಕೃಪಾ ಶಾಂತಿ ಮಳಾದೆ.
2PE 1:3 ಯೆಸುನೆ ಕ್ಹುದಾನಿ ತಾಕತ ಛೆ. ಜಿವ್ನಾ ಕರಾನೆ ವರಿ ಕ್ಹುದಾನಿ ಸೆವೆ ಕರಾನೆ ಚಾ಼ಯೆ ಥಯಲ ಹರಿ ಯಕ್ಕ ತಿನಿ ತಾಕತ ಅಪೊನೆ ದಿದ್ಯೊಸ. ಅಪೆ ತಿನೆ ತಿಳದಲ ಹುತಿಜ಼ ತೆ ಕ್ಹಾರು ಪಡ್ದಿಲಿದ್ಯಾಸ. ಯೆಸು ತಿನಿ ಪ್ರಭಾವಕ್ಹು ವರಿ ತಿನಿ ಗುಣಾಕ್ಹು ಅಪೊನೆ ಬಲಾಯೊ.
2PE 1:4 ಯೆಸು ತೆ ಕರಲ ವಾಗ್ದಾನಕ್ಹು, ತಿನಾ ಪ್ರಭಾವಕ್ಹು ವರಿ ಗುಣಾವೊಕ್ಹು ಅಪೊನೆ ಮ್ಹೊಟು ರ‍್ಹಯಲ ವರಿ ಚೊ಼ಕು ರ‍್ಹಯಲ ವರಾ ದಿದ್ಯೊಸ. ತೆ ವರಾಕ್ಹು ತುಮೆ ಕ್ಹುದಾನಿ ಗುಣಾವೊಮಾ ಹಿಸ್ಸೊ ಲಿವಾಲಾಥಾವಾನೆ ಸಾದ್ಯ ಛೆ. ಇಮ್ಮ ರ‍್ಹತಾಮಾ ತುಮೆ ಎ ಲೊಕಮಾ ಕೆಟ್ಟ ಆಸಕ್ಹು ಆವಾನು ಕೆಟ್ಟಕ್ಹು ಚು಼ಕೈಲಿದಲವಾಲ ಥಯಾಸ.
2PE 1:5 ತುಮೆ ಎ ಆಶಿರ್ವಾದ ಹೊಂದಲ ಹುತಿ ತೆ ಕ್ಹಾರು ತುಮಾರಿ ಜಿವಿತ್ಮಾ ಉಪಯೊಗ ಕರಲಿವೊ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ತುಮಾರಾ ಬರೊಕ್ಹಾನೆ ಸದ್ಗುಣ ಸದ್ಗುಣನೆ ಗ್ಯಾನ
2PE 1:6 ಗ್ಯಾನನೆ ದಮೆ ದಮೆನೆ ತಾಳ್ಮೆ ತಾಳ್ಮೆನೆ ಕ್ಹುದಾನೆ ಸೆವಾ
2PE 1:7 ಕ್ಹುದಾನಿ ಸೆವೆನೆ ಭಾಯೊನಿ ದೊಸ್ತಿನಿ ಮಯಾ ಕುಡ್ಸೊ
2PE 1:8 ಎ ಕ್ಹಾರು ತುಮೊಮಾ ರ‍್ಹೈನ ಬೆಳತ್ತು ರ‍್ಹಯುಮ, ತುಮೆ ಕೆಳಾಮಾಜ಼ ತಾಕತ ಕಮ ರ‍್ಹಯಲವಾಲಾ ಥಾತಾ ನೈ. ಎ ತುಮೊನೆ ಬೆಳ್ದಾನೆ ಆಸ್ರೊ ಕರಸ. ಹಮಾರೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಗ್ಯಾನಮಾ ಕೆಳಾಮಾಜ಼ ಗ್ಯಾನ ನೈಸೊವಾಲಾ ಕವೈ ಲೆತಾನೈ. ಆ ಕ್ಹಾರು ತುಮೊನೆ ಆಸ್ರೊ ಕರಸ.
2PE 1:9 ತೆನೈಸೊ ಎ ಕ್ಹಾರು ಕಿನಾಮಾ ರ‍್ಹತುನೈ ತೆ ಚೊ಼ಕಿತರಾ ದೆಕ್ತೊ ನೈ. ತೆ ಕುಡ್ಡೊ ಥೈನ ರ‍್ಹವಸ; ತೆ ಚೊ಼ಕೊ ಥಯಲ ಇಕ್ಹರಲ ಲಿಂಗತ ರ‍್ಹವಸ.
2PE 1:10 ಮಾರಾ ಭಾಯೊ ಭೆನೊ, ಕ್ಹುದಾಕಂತಾ ಕ್ಹರಿಮಾಜ಼ ಇನಿಲಿದಲವಾಲಾ ವರಿ ಬಲಾಯಲವಾಲಾ ವ್ಹೈ ಕೈನ ದೆಕಾಡಾನಾ ಹುತಿ ಘನ್ನಾ ಕೊಶಿಶ ಕರೊ. ಇಮ್ಮ ತುಮೆ ಕರ‍್ಯಾಮ ಕೆಳಾಮಾಜ಼ ತುಮೆ ಪಡ್ತಾ ನೈ.
2PE 1:11 ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಾ ರಾಜ್ಯಮಾ ತುಮೊನೆ ಮ್ಹೊಟಿ ಸ್ವಾಗತ ದಿವಸ. ತೆ ರಾಜ್ಯ ಹಮೆಶಾ ರ‍್ಹಯಲ ವ್ಹೈ.
2PE 1:12 ಎ ಕ್ಹಾರು ತುಮೊನೆ ಗ್ವತ್ತ ಛೆ. ತುಮೊನೆ ರ‍್ಹಯಲ ಕ್ಹರಿಮಾ ಘಟ್ಟ್ಟ ಥೈನ ರ‍್ಹವೊ. ತೆನೈಸೊ ಎ ಕ್ಹಾರು ಶೆ ಕರಲಿವಾನೆ ಮಿ ತುಮೊನೆ ಹಮೆಶಾ ಮದತ ಕರುಸ.
2PE 1:13 ಮಿ ಎ ಜಗತ್ಮಾ ಹಜು಼ನ ಜಿವ್ತೊ ರ‍್ಹತಾಮಾಜ಼ ಎ ಕ್ಹಾರು ತುಮೊನೆ ಶೆ ಲಾವಾನೆ ಚೊ಼ಕು ವ್ಹೈಕೈನ ಮಾರಿ ವಿಚಾರ ವ್ಹೈ.
2PE 1:14 ಮಿ ಘನ್ನೊ ಭೆಗಿನ ಎ ಅಂಗನೆ ಛೊಡುಕೈನ ಮನೆ ಗ್ವತ್ತ ಛೆ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತ ತೆ ದೆಕಾಡಿನ ದಿದ್ಯೊಸ.
2PE 1:15 ತು ಎ ಕ್ಹಾರು ಹಮೆಶಾಬಿ ಶೆ ಕರಲಿವಾನೆ ಮಿ ತುನೆ ಥಯಲ ತೆಕ್ಲು ಸಹಾಯಾ ಕರಾನೆ ಕೊಶಿಶ ಕರುಸ. ಮಿ ಆ ಜಗತ ಛೊಡಿನ ಗಯಲ್ಪರ ಬಿ ತು ಎ ಕ್ಹಾರಿಯೊ ಸಂಗತಿಯೊಬಿ ಶೆ ಕರಲ್ಯು ಕೈ ಮಾರಿ ಆಸ ವ್ಹೈ.
2PE 1:16 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ತಾಕತನಾ ಹುತಿ ವರಿ ತೆ ಆವಾನಾ ಹುತಿ ತುಮೊನೆ ಕದ್ಯಾಸ. ತೆ ಸಂಗತಿಯೊ ಮನಕ್ಹೊ ತ್ಯುನಿ ಶಾಣೆತನಾ ಕ್ಹು ಕದಲ ಕಾನಿಯೊ ನ್ಹವೈ. ಯೆಸುನಿ ಮಹಿಮಾ ಹಮೆ ಡೊಳೆ ದೆಕ್ಯಾಸ.
2PE 1:17 ತೆ ಕ್ಹಾರಾವೊತಿ ಘನ್ನೊ ತಾಕತ ರ‍್ಹಯಲ ಕ್ಹುದಾನು ಅವಾಜ಼ ಐಕ್ಯೊ. ತೆಳಮಾಜ಼ ತೆ ತಿನೊ ಬಾ ಥಯಲ ಕ್ಹುದಾ ಕಂತೊ ತಾಕತ ವರಿ ಮಯಾಕ್ಹು ಮರ್ಯಾದಿ ವ್ಹಂದಿಲಿದ್ಯೊ "ಕೈನ ಕದ್ಯೊ. ತೆ ಅವಾಜ಼ ಆ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಘನ್ನು ಪಸಂದ ಕರ‍್ಯೊಸ.
2PE 1:18 ಅಪೆ ಯೆಸುನಾ ಕ್ಹಾತೆ ಪರಿಶುದ್ಧ ಡೊಂಗರಪರ‍ ರ‍್ಹತಾಮಾ ಸ್ವರಗತೊ ಆಯಲ ತೆ ಅವಾಜ಼ ಹಮೆ ಐಕ್ಯಾ.
2PE 1:19 ಪ್ರವಾದಿಯೊ ಕದಲ ಎ ಸಂಗತಿಯೊ ಐಕಿನ ವರಿ ಘನ್ನು ಕ್ಹರಿ ಲಾಗ್ಯು. ತ್ಯುನೆ ಕದಲ ಕ್ಹಾರುಜ಼ ಐಕಿನ ವರಿ ತಿನಾನಿಂಗ ಚಾ಼ಲಾನು ಚೊ಼ಕು ವ್ಹೈ. ತ್ಯುನೆ ಕದಲ ಸಂಗತಿಯೊ ಅಂದಾರಾಮಾ ಉಜಾಲು ದಿವಸ. ತುಮಾರಾ ಮನಸ್ಮಾ ದಿನ್ನ ನಿಕ್ಹಳಿನ, ಪಾಟ್ಲ್ಯೊ ಉಜಾಲು ಥಾಯೆಲಕ್ಕಾ ತೆ ಉಜಾಲು ರ‍್ಹವಸ.
2PE 1:20 ತುಮೆ ಪೈಲಾ ತಿಳ್ದಿಲ್ಯು ಕದ್ಯಾಮ ತೆ ಸು ವ್ಹೈ ಕದ್ಯಾಮ, ಪವಿತ್ರ ಗ್ರಂಥಮಾ ರ‍್ಹಯಲ ಕೈ ಮ್ಹೊಟಿ ವಾಕ್ಯಾ ಯಕ್ಕಜ಼ ಮನಕ್ಹನಾ ಹುತಿ ನತ್ತಿ ಐ.
2PE 1:21 ಕೈಜ಼ ಪ್ರಾವಾದನೆ ರ‍್ಹವಾದೆ ಮನಕ್ಹನಾ ಚಿತ್ತತಿ ನತ್ತಿ ಐ. ತೆನೈಸೊ ಮನಕ್ಹೊನೆ ಪವಿತ್ರ ಆತ್ಮಾಕ್ಹು ಚ಼ಲೈನ ಕ್ಹುದಾ ಕದಲಜ಼ ಬೊಲ್ಯಾ.
2PE 2:1 ಪೈಲಾನಾ ಕಾಲ್ಮಾ, ಕ್ಹುದಾನಾ ಮನಕ್ಹೊಮಾ ಸುಳ್ಳ ಪ್ರಾದಿಯೊ ವ್ಹತ್ತಾ. ಹಮ್ನಾಬಿ ಛೆ ತುಮೊಮಾ ದಕ್ಹಾ ಸುಳ್ಳ ಪ್ರವಾದಿಯೊ ಛೆ. ಮನಕ್ಹೊನೆ ಹಾಳಮಾ ಚ಼ಲಾವಾನು ಸುಳ್ಳ ಭೊದನೆ ತ್ಯುನೆ ಕವಸ. ತ್ಯುನೆ ಸುಳ್ಳ ಭೊದನೆ ಕರಾಲಾ ನ್ಹವೈ ಕೈನ ತುಮೊನೆ ತೀಳದ್ಯಾವಾಚಿ ತ್ಯುನೆ ಭೊದನೆ ಕವಸ. ತ್ಯುನೆ, ತ್ಯುನೊನೆ ಬಿಡುಗಡೆ ಲೈನ ದಿದಲ ವಾಲಾನೆಜ಼ (ಯೆಸುನೆ) ನೈ ವಪ್ಪಿಲೆತಾ. ತಿನಾಹುತಿ ತ್ಯುನಾಕ್ಹು ತ್ಯುನೆಜ಼ ಹಾಳ ಕರಲಿವಸ.
2PE 2:2 ತ್ಯುನೆ ಕರಾನಾ ಕೆಟ್ಟ ಕಾಮೊ ಮನಕ್ಹೊಬಿ ಕರಸ. ತೆ ಮನಕ್ಹೊನಾ ಹುತಿ ಕ್ಹರಿನಿ ವಾಟನಾ ಹುತಿ ಬಿಜಾ಼ ಮನಕ್ಹೊ ಕೆಟ್ಟ ವಾತೊ ಬೊಲಸ.
2PE 2:3 ಸುಳ್ಳ ಭೊದೊಕೊನೆ ಚಾ಼ಯೆಥಯಲ ಕ್ಹಾಲಿ ತುಮಾರಾ ದೊಕ್ಡಾ ವ್ಹೈ. ತಿನಾಹುತಿ ಕ್ಹರಿ ರ‍್ಹಯಲ ವಾತ ನೈ ಕೈನ ತುಮೊನೆ ಉಪಯೊಗ ಕರಲಿವಸ. ತೆನೈಸೊ ಘನ್ನಾ ದಿನ್ತೊತಿಬಿ ತೆ ಸುಳ್ಳ ಭೊದೊಕೊನಾ ವಿರುದ್ದ ಫೈಸಲೊ ತೈಯ್ಯಾರ ಥಯೊಸ. ತ್ಯುನೆ ಹಾಳ ಥಾವಾಲಾನಾ ಹತೆ (ಕ್ಹುದಾ) ತ್ಯುನೆ ಚು಼ಕೈಲಿವಾನೆ ಥಾತು ನೈ.
2PE 2:4 ದೆವದುತೊ ಪಾಪೊ ಕರತಾಮಾ, ತ್ಯುನೊನೆ ಶಿಕ್ಷಾದಿದ್ಯಾವಾಚಿ಼ ಛೊಡ್ಯೊನೈ. ತೆ ತ್ಯುನೊನೆ ಬೆಡಿಯೊ ಭಾಂದಿನ ನರಕ್ಕಮಾ ಢಕ್ಕಲ್ಯೊ. ಅಂದಾರು ರ‍್ಹಯಲ ಖಾಡಿಮಾ ಘಾಲ್ಯೊ. ತ್ಯುನೊನೆ ಫೈಸಲೊ ಥಾಯೆಲಕ್ಕಾ ತ್ಯಾಜ಼ ರ‍್ಹವಸ.
2PE 2:5 ಘನ್ನಾ ದಿನಪಾಚಾ಼ ರ‍್ಹಯಲ ಮನಕ್ಹೊನೆ ಕ್ಹುದಾ ಶಿಕ್ಷಾ ದಿದ್ಯೊ. ತೆ ಕಾಲ್ಮಾ ತಿನಾ ವಿರುದ್ದ ಮನಕ್ಹೊ ಭರಿಗಯಲ ಟೈಮ್ಮಾ ತೆ ಘನ್ನು ಪಾನಿಲಾಯೊ. ತೆನೈಸೊ ನೊಹಾನೆ ವರಿ ಕ್ಹಾತ ಜ಼ನಾವೊನೆ ವಚಾ಼ಡ್ಯೊ. ಕ್ಹರಿಕ್ಹು ರ‍್ಹಯಲವಾಲಾ ವಾಚು಼ಕೈನ ನೊಹಾಜ಼ ಮನಕ್ಹೊನೆ ಕದಲ ವ್ಹೈ.
2PE 2:6 ಕ್ಹುದಾ ಸೊದೊಮ, ಗೊಮುರ ಕವಾನಾ ಕೆಟ್ಟ ಗಾಮ್ನೆ ಶಿಕ್ಷಾ ದಿದ್ಯೊ. ತೆ ತೆ ಗಾಮ್ಮ ಸುಜ಼ ಉಗ್ರೆ ನೈಸೊ, ಬಾಳಿನೆ ರಾಕ ಕರಿಪಾಡ್ಯೊ. ತಿನಾ ವಿರುದ್ದ ಥಯಲ ಮನಕ್ಹೊನೆ ಸು ಥಾವಸಕೈನ ಕವಾನು ತೆ ಗಾಮ್ನೆ ದೆಕೊ ಕೈನ ಮುಕ್ಯೊಸ.
2PE 2:7 ತೆನೈಸೊ ಕ್ಹುದಾ ತೆ ಗಾಮ್ಮಾತೊ ಲೊಟಾನೆ ವಚಾ಼ಡ್ಯೊ. ಲೊಟಾ ಕ್ಹರಿಕ್ಹು ವ್ಹತ್ತೊ. ಕೆಟ್ಟ ಮನಕ್ಹೊನೆ ದೆಕಿನ ದುಕಿ ಥಯೊತೊ.
2PE 2:8 ಲೊಟಾ ಕ್ಹರಿಕ್ಹು ವ್ಹತ್ತೊ. ವರಿ ತೆ ದಿನ್ನೆ ತೆ ಮನಕ್ಹೊನಾ ಕ್ಹಾತೆ ಜಿವ್ನಾ ಕರಾಡೊತೊ. ವರಿ ತ್ಯುನೆ ಕರಾನಾ ಕೆಟ್ಟ ಕಾಮೊ ವರಿ ಐಕಿನ ಘನ್ನೊ ದುಕಿ ಥಾತೊತೊ.
2PE 2:9 ಹೊ, ಪ್ರಭು ಥಯಲ ಕ್ಹುದಾ ತಿನಾ ಭಕ್ತೊನೆ ತ್ರಾಸ್ಮಾತೊ ಹಮೆಶಾಬಿ ವಚಾ಼ಡಸ . ತೆ ಕೆಟ್ಟ ಮನಕ್ಹೊನೆ ಫೈಸ್ಲಾನೊ ದಿನ್ನ ಆಯೆಲಕ್ಕಾ ಶಿಕ್ಷಾ ದಿವಸ.
2PE 2:10 ಕ್ಹುದಾನೊ ಅದಿಕಾರನೆ ವಿರುದ್ದ ಕರಾಲಾ ಮನಕ್ಹೊನೆ ವರಿ ತ್ಯುನಾ ಪಾಪನೆ ವರಿ ತ್ಯುನಾ ಮನಸೆ ಆಯಲ ತಿಮ್ಮ ಕಾಮೊ ಕರಾಲಾ ಮನಕ್ಹೊನೆ ಕ್ಹುದಾ ಅಮ್ಮ ಶಿಕ್ಷಾ ದಿವಸ.
2PE 2:11 ದೆವದುತೊ ಸುಳ್ಳ ಭೊದನೆ ಕರಾಲಾವೊತಿಬಿ ಘನ್ನಾ ತಾಕತ ವಾಲ ವ್ಹೈ ವರಿ ಘನ್ನಾ ಘಟ್ಟ್ಟ ರ‍್ಹವಸ. ವರಿಬಿ ದೆವದುತೊ ಸುಳ್ಳ ಬೊದಕೊನೆ ಕ್ಹುದಾನಿ ಸನ್ನಿದಿಮಾ ದೊಶದೆತಾ ನೈ.
2PE 2:12 ತೆನೈಸೊ ಎ ಸುಳ್ಳ ಬೊದಕೊ ತ್ಯುನೊನೆ ನೈ ಗ್ವತ್ತ ಥಯಲ ಸಂಗಿತಿಯೊನಾ ವಿರುದ್ದ ಕೆಟ್ಟಬೊಲಸ. ತ್ಯುನೆ ವಿಚಾರ ಕರ‍್ಯಾವಾಚಿ ಕಾಮೊ ಕರಾಲಾ ಜಾನವರೊ ಲಿಂಗತ ರ‍್ಹವಸ. ಧರೈಲಿನ ಖಲಾಸ ಥಾವಾನಾಹುತಿ ಹುಟ್ಟಲ ಕೆಟ್ಟ ಪಶುವೊನಿಂಗ ಹಾಳಥಾವಾಲಾ ಲಿಂಗತ ರ‍್ಹವಸ.
2PE 2:13 ತ್ಯುನೊಕ್ಹು ಘನ್ನಾ ಮನಕ್ಹೊ ತ್ರಾಸ್ಮಾ ಪಡಸ. ತ್ಯುನೆ ಕರಲ ತೆಜ಼ ಪ್ರತಿಫಲ ರ‍್ಹವಸ. ಎ ಸುಳ್ಳ ಬೊದಕೊ ಮನಕ್ಹೊನಾ ಕ್ಹಾಮಾ ಕೆಟ್ಟ ಕಾಮೊಮಾ ಖುಶಿ ರ‍್ಹವಸ. ತ್ಯುನೊನೆ ಖುಶಿ ಕರಾನು ಕೆಟ್ಟ ಕಾಮೊಕ್ಹು ತ್ಯು ಖುಶಿ ಥಾವಸ.
2PE 2:14 ತ್ಯುನೆ ಜಾರತ್ವಕ್ಹು ಭರಲ ವರಿ ಡೊಳಾ ಕರಾನಾ ಪಾಪೊ ನೈ ಛೊಡಲಹುತಿ
2PE 2:15 ಎ ಸುಳ್ಳ ಬೊದಕೊ ಚೊ಼ಕಿವಾಟ ಛೊಡಿನ, ಕೆಟ್ಟ ವಾಟ ಧರ‍್ಯಾಸ. ಬಿಳಾಮನ ಬೆಯೊರನ್ನೊ ದಿಕ್ರೊ. ತಿನು ಧರಮನೆ ಛೊಡಿನ ಅಧರಮಕ್ಹು ಆಯಲ ಫೈದಾನೆ ಮಯಾ ಕರ‍್ಯೊ.
2PE 2:16 ವರಿ ತೆ ಕರಾನು ತಪ್ಪ ವ್ಹೈ ಕೈನ ಯಕ್ಕ ಗದ್ಡು ತಿನೆ ಕದ್ಯು. ತೆ ಯಕ್ಕ ಮುಕ ಪಶು ವ್ಹೈ. ತೆನೈಸೊ ತೆ ಮನಕ್ಹ ಲಿಂಗತ ಬೊಲಿನ ತೆ ಪ್ರವಾದಿನಾ ಪಿಸಾಳಾನೆ ಅಡ್ಡಿ ಕರ‍್ಯು.
2PE 2:17 ತೆ ಸುಳ್ಳಬೊದಕೊ ಪಾನಿ ನೈಸೊ ಖಾಲಿ ರ‍್ಹಯಲ ಇರೊ ಲಿಂಗತ ರ‍್ಹವಸ. ತ್ಯುನೆ ಮ್ಹೊಟೊ ವಾರೊ ಐನ ಮ್ಹಾಡನೆ ಉರಾಡ್ಲಿನಿಂಜಾ಼ವಾಲಿಂಗತ ರ‍್ಹವಸ. ತ್ಯುನಾ ಹುತಿ ಅಂದಾರಾನಿ ಜ಼ಗಾ ಕೈದಿನ ಮ್ಹೆಲ್ಯಾಸ.
2PE 2:18 ತ್ಯುನೆ ಮತಲ್ಬನೈಸೊ ವಾತೊ ಬೊಲಿನ ಗ್ವತ್ತ ಛೆ ಕೈನ ಕೈಲಿವಸ. ಕೆಟ್ಟ ವಾಟ್ಮಾ ಚಾ಼ಲಾಲಾ ಮನಕ್ಹೊನಾ ಕ್ಹಾತೆ ನವಾಕ್ಹು ಚು಼ಕೈಲಿನ ಆಯಲ ಮನಕ್ಹೊನೆ ವಾಟ ಚು಼ಕಾವಸ. ತ್ಯುನಾ ಪಾಪಕ್ಹು ಕರಾನೆ ಆಸ ರ‍್ಹಯಲ ಕೆಟ್ಟ ಕಾಮೊ ಕರಿನ ಎ ಸುಳ್ಳ ಬೊದಕೊ ತ್ಯುನೊನೆ ವಾಟ ಚು಼ಕಾವಸ.
2PE 2:19 ಎ ಸುಳ್ಳ ಭೊದಕೊ ತೆ ಮನಕ್ಹೊನೆ ಬಂದನ್ಮಾತಾ ಛೊಡೈಸ ಕೈನ ವಾತ ದಿವಸ ತೆನೈಸೊ ಎ ಸುಳ್ಳಭೊದಕೊಜ಼ ಬಂದನಮಾ ರ‍್ಹೈನ ಹಾಳ ಥಾವಾನೆ ಸಂಗತಿಯೊನ ಗುಲಾಮೊ ಥೈನ ರ‍್ಹವಸ. ಯಕ್ಲೊ ಕಿಕ್ಹು ಹಾರ‍್ಯೊಸ ತಿನೆ ಗುಲಾಮ ಥಯೊಸ.
2PE 2:20 ಎ ಜಗತ್ಮಾನಾ ಕೆಟ್ಟ ಕಾಮೊಕ್ಹು ತೆ ಮನಕ್ಹೊನೆ ವಚಾ಼ಡ್ಯಾ. ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನೆ ತಿಳದಿಲಿವಾನಾಹುತಿ ತ್ಯುನೊನೆ ಬಿಡುಗಡೆ ಥೈ. ತೆನೈಸೊ ತೆ ಮನಕ್ಹೊ ತ್ಯುನಾ ಪಾಚ಼ಲ್ಯಾ ಸಂಗತಿಯೊನೆ ಪಾಚಾ಼ ಫರಿನ ಗಯಾಮಾ ವರಿ ತೆ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿದಲ ರ‍್ಹಯಾಮ ತ್ಯುನೆ ಪೈಲಾತಿಬಿ ಘನ್ನಾ ಕೆಟ್ಟ ಥೈ ಜಾ಼ವಸ.
2PE 2:21 ಹೊ, ತೆ ಮನಕ್ಹೊ ಚೊ಼ಕಿವಾಟ ಗ್ವತ್ತ ವಾಚಿ಼ ಗಯಲ ರ‍್ಹಯಾಮಾ ಚೊ಼ಕು ಥಾತುತು. ಚೊ಼ಕಿ ವಾಟ್ಮಾ ತಿಳ್ದಿಲಿನ ಚೊ಼ಕಿ ವಾತೊನೆ ಪಾಚಾ಼ಪ್ಹರಾತಿ ತೆ ನೈ ತಿಳ್ದಿಲಿದ್ಯಾಮ ಚೊ಼ಕು ವ್ಹತ್ತು.
2PE 2:22 ಕ್ಹರಿಮಾಜ಼ ಎ ವಾತೊ ಲಿಂಗತ ತ್ಯುನೆ ಕರ‍್ಯಾ; "ಕುತ್ರು ತೆ ವಕ್ಕಕಲಜ಼ ಚಾ಼ಟಾನೆ ಫ್ಹರಿನ ಗಯು. ವರಿ ಧ್ವಯಲ ಢುಕ್ಕುರ ರಾಡಿಮಾ ಉಳ್ಯಾಡಾನೆ ಗಯು"
2PE 3:1 ಮಾರಾ ಮಯಾನ ದೊಸ್ತೊ, ಮಿ ತುಮೊನೆ ಬರ್ದಾನು ಎ ಬೆವಾ ಪತ್ರ ವ್ಹೈ. ತುಮಾರು ಯಕ್ಕಜ಼ ಮನಸ ರ‍್ಹಯಲ ವರಿ ತುಮೆ ಶೆ ಕರಲಿವೊ ಕೈನ ಎ ಬೆಬಿ ಪತ್ರ ಬರ್ದ್ಯೊಸ.
2PE 3:2 ಪರಿಶುದ್ಧ ಪ್ರವಾದಿಯೊ ಪೈಲಾನಾ ಕಾಲ್ಮಾ ಕದಲ ತುಮೆ ಶೆ ಕರಲ್ಯುಕೈನ ಮಾರಿ ಆಸ ವ್ಹೈ. ಅಪ್ನೊ ರಕ್ಷಕ ಥಯಲ ಪ್ರಭು ತುಮಾರಾ ಅಪೊಸ್ತಲೊನಾ ಮುಲಕ ದಿದಲ ಆಗನ್ಯಾ ಶೆ ಕರಿಲಿವೊ.
2PE 3:3 ಲಾಸ್ಟನಾ ದಿನೊಮಾ ಸು ಥಾವಸ ಕವಾನು ತುಮೆ ತಿಳ್ದಿಲಿವಾನು ಘನ್ನು ಜ಼ರುರತ ಛೆ. ಮನಕ್ಹೊ ತುಮೊನೆ ದೆಕಿನ ಹಿನಾವಸ್. ತ್ಯುನೆ ತ್ಯುನಾ ಮನಸೆ ಆಯಲತಿಮ್ಮ ಕೆಟ್ಟ ಕಾಮೊ ಕರತಾ ಜಿವ್ನಾ ಕರತಾ ರ‍್ಹವಸ.
2PE 3:4 ತೆ ಮನಕ್ಹೊ"ತೆ ವರಿ ಆವಾನು ಛೆ ಕೈನ ಕದಲ. ತೆ ಕಿಜ್ಗಾ ಛೆ? ಹಮಾರಾ ಪಿತ್ರೊ ಮರಿಗಯಾ. ತೆನೈಸೊ ಎ ಜಗತ ಆದಿಮಾ ರ‍್ಹಯಲ ಲಿಂಗತಜ಼ ಛೆ "ಕೈನ ಕವಸ.
2PE 3:5 ತೆನೈಸೊ ಘನ್ನಾ ದಿನ್ನ ಪೈಲಾ ಸು ಥೈತು ಶೆ ಕರಿಲಿವಾನೆ ತ್ಯುನು ಮನಸ ನತ್ತಿ. ಆದಿಮಾ ಕ್ಹುದಾ ಹಬಾಳ ತಯ್ಯಾರ ಕರ‍್ಯೊ. ಕ್ಹುದಾ ಜಗತ್ನೆ ಪಾನಿಮಾತೊ ವರಿ ಪಾನಿಕ್ಹು ತಯ್ಯಾರ ಕರ‍್ಯೊ. ಎ ಕ್ಹುರು ಕ್ಹುದಾನಿ ವಾತಕ್ಹು ತಯ್ಯಾರ ಥಯಲ.
2PE 3:6 ಪಾಚಲ್ತೊ ತೆ ಜಗತ ಮ್ಹೊಟು ಪಾನಿ ಐನ ಹಾಳ ಥಯಲ.
2PE 3:7 ಹಮ್ನಾ ರ‍್ಹಯಲ ಹಬಾಳ ವರಿ ಜಿಮಿನ್ನೆ ಕ್ಹುದಾನಿ ವಾಕ್ಕಯಾಜ಼ ಆಸ್ರೊ ಥೈಸ. ಹಬಾಳ ವರಿ ಜಿಮಿನ ಆಗಕ್ಹು ಹಾಳ ಥಾವಾನೆ ಮುಕ್ಯಾಸ. ಕ್ಹುದಾನಾ ವಿರುದ್ದ ರ‍್ಹಯಲ ಮನಕ್ಹೊನೆ ಥಾವಾನಾ ಫೈಸಲಾನಾ ದಿನ್ನಾ ಹುತಿ ಹಾಳಥಾನಾಹುತಿ ಹಬಾಳ ಜಿಮಿನ ಮುಕ್ಯಾಸ.
2PE 3:8 ತೆನೈಸೊ ಮಯಾನಾ ಭಾಯೊ, ಆ ಯಕ್ಕ ತುಮೆ ಇಕ್ಹರೊ ನಕೊ. ಪ್ರಭುನೆ ಯಕದಿನ್ಬಿ ಹಜಾ಼ರ ಕ್ಹವರಹ ರ‍್ಹಯಲಲಿಂಗತ ವ್ಹೈ ವರಿ ಹಜಾ಼ ವರಕ್ಹು ಯಕ್ಕದಿನ ರ‍್ಹಯಲ ಲಿಂಗತ ವ್ಹೈ.
2PE 3:9 ದಕ್ಹಾ ಮನಕ್ಹೊ ತಿಳ್ದಲ ತಿಮ್ಮ, ಪ್ರಭು ತೆ ವಾತ ದಿದಲ ತಿಮ್ಮ ಕರಾನು ತಡಾಕರಿನ ಪುರಾ ಕರತೊ ನೈ. ಕ್ಹುದಾ ತುಮಾರಾ ಹುತಿ ದಡ್ದಿಲಿನೆ ಛೆ ಕಯುಜ಼ ಮನಕ್ಹ ಜ಼ವೈಜೌನೈಕೈ ಕ್ಹುದಾನು ಮನಸ ಛೆ. ಹರಿ ಯಕ್ಲೊ ತಿನು ಮನಸ ಬದ್ಲಿಕರಲಿನ, ಪಾಪ ಕರಾನು ಹುಬ್ರಾಡಿಪಾಡು ಕ್ಹುದಾನಿ ಆಸ ಛೆ.
2PE 3:10 ತೆನೈಸೊ ಕ್ಹುದಾ ದಿಕ್ಹಾನೊ ಟೈಮ ಚ್ವಟ್ಟೊ ಕಿಮ ಆವಸ ತಿಮ್ಮ ಆವಸ. ಹಬಾಳಮಾ ಮ್ಹೊಟಿ ಅವಾಜ಼ಕ್ಹು ಮಾಯಾ ಥಯಲಲಿಂಗತ ಹಬಾಳಮಾ ರ‍್ಹಯಲ ಕ್ಹಾರಿ ಸೃಶ್ಟಿಯೊ ಆಗಕ್ಹು ಹಾಳ ಥೈ ಜಾ಼ವಸ. ಆ ಜಗತ ವರಿ ತಿಮಾ ರ‍್ಹಯಲ ಕ್ಹಾರುಜ಼ ಆಗಕ್ಹು ಹಾಳ ಥೈಜಾ಼ವಸ.
2PE 3:11 ಮಿ ತುಮೊನೆ ಕದಲ ತಿಮ್ಮ ತರಿಕಾಕ್ಹು ಕ್ಹಾರು ಹಾಳ ಥೈಜಾ಼ವಸ. ತಿನಾಹುತಿ ತುಮೆ ಕೆವಾ ಮನಕ್ಹೊ ಥೌ? ತುಮೆ ಪರಿಶುದ್ಧ ಥೈನ ರ‍್ಹೌ ವರಿ ಭಕ್ತಿವಾಲಾ ರ‍್ಹೌ.
2PE 3:12 ತುಮೆ ಕ್ಹುದಾ ಆವಾನೊ ದಿನ್ನ ದೆಕ್ಕತಾ ರ‍್ಹೌ. ತೆ ದಿನ್ನ ಆತಾಮಾ, ಹಬಾಳ ಆಗ ಕ್ಹು ಹಾಳ ಥೈ ಜಾ಼ವಸ. ವರಿ ಹಬಾಳಮಾ ರ‍್ಹಯಲ ಕ್ಹಾರುಜ಼ ಆಗ ಕ್ಹು ಬಳಿನ ಕರಗೈ ಜಾ಼ವಸ.
2PE 3:13 ಅಪೆತೊ ಕ್ಹುದಾ ವಾತದಿದಲ ಹಬಾಳ ವರಿ ಜಿಮಿನ ದೆಕಾಡ್ಯಾಸ. ಕ್ಹರಿ ತಿಮಾ ಛೆ.
2PE 3:14 ಮಯಾನಾ ದೊಸ್ತೊ, ಇನಾಹುತಿ ಅಪೆ ಕ್ಹಾಮಾ ದೆಕಾಡ್ಯಾಸ. ತಿನಾಹುತಿ ತುಮೆ ಪಾಪ ನೈಸೊವಾಲಾ ಥೈನ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ಕ್ಹುದಾನಾ ಕ್ಹಾತೆ ಸಮಾಧಾನಕ್ಹು ರ‍್ಹವಾನು ಕರೊ.
2PE 3:15 ಅಪೊನೆ ರಕ್ಷಣೆ ಮಳು ಕದ್ಯಾಮ ಕ್ಹುದಾನಿ ಸಮಾಧಾನ ಕ್ಹುಜ಼ ವ್ಹೈ ಕೈನ ತುಮೆ ತಿಳ್ದಿಲಿವೊ. ಅಪ್ನೊ ಮಯಾನೊ ಭೈ ಥಯಲ ಪೌಲಾನೆ ಕ್ಹುದಾನಿ ಗ್ಯಾನಕ್ಹುಜ಼ ಅಪೊನೆ ಪತ್ರ ಬರ್ದಿನ ಎಜ಼ ತಿಳ್ಸಾಯೊಸ.
2PE 3:16 ಪೌಲಾ ತಿನಾ ಕ್ಹಾರಾ ಪತ್ರಮಾ ಇನಾಹುತಿ ವರಿ ಇನಾಲಿಂಗತಜ಼ ಬರದಸ್. ದಕ್ಹಾ ಟೈಮ್ಮಾ ಪೌಲಾ ಪತ್ರಮಾ ರ‍್ಹಯಲ ತಿಳದಿಲಿವಾನೆ ತ್ರಾಸ ಥಾವಸ. ದಕ್ಹಾಜ಼಼ನಾ ಎ ಕ್ಹಾರು ಚೈ಼ ಕರಿನ ತಪ್ಪ ಮತ್ಲಬ ದಿವಸ. ತ್ಯುನೆ ಪಿಸಾಳಾ ವ್ಹೈ. ವರಿ ಬರೊಕ್ಹಾಮಾ ಕಡ್ಮಿ ಛೆ. ತ್ಯುನೆ ಪವಿತ್ರ ಗ್ರಂಥಮಾ ರ‍್ಹಯಲ ತಪ್ಪ ಕೈನ ದಿವಸ. ಇನಾಲಿಂಗತಜ಼ ತ್ಯುನಾಕ್ಹು ತ್ಯುನೆಜ಼ ಹಾಳ ಕರಲಿವಸ.
2PE 3:17 ಮಯಾನಾ ಭಾಯೊ, ಇನಾಹುತಿ ತುಮೆ ತಿಳ್ದಿಲಿದ್ಯಾಸ. ತಿನಾಹುತಿ ತುಮೆ ಹುಶಾರಮಾ ರ‍್ಹವೊ ತೆ ಕೆಟ್ಟ ಮನಕ್ಹೊ ತ್ಯುನೆ ಕರಾನಾ ಕಾಮೊಕ್ಹು ತುಮೊನೆ ವಾಟ ಚು಼ಕೌನೈಸೊ ದೆಕಿಲಿವೊ. ತುಮೊಮಾ ರ‍್ಹಯಲ ಘಟ್ಟ್ಟ ಬರೊಕ್ಹೊ ಛುಟೆ ನೈಸೊ ಹುಶಾರ ಥೈನ ರ‍್ಹವೊ.
2PE 3:18 ತುಮಾರೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಿ ಮರಗಾ ಮಾ ವರಿ ತಿಳವಳ್ಕಿಮಾ ಬೆಳತ್ತಾಜ಼ ರ‍್ಹವೊ. ತಿನೆ ಹಮ್ನಾ ವರಿ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ.
1JO 1:1 ಎ ಜಗತ ಶುರು ಥಾವಾತಿ ಅಗ್ದುರಜ಼ ರ‍್ಹಯಲ ಜ಼ಲಮ ರ‍್ಹಯಲ ಕ್ಹುದಾನಿ ಹುತಿ ಹಮೆ ತುಮೊನೆ ಬರ್ದಾಡ್ಯಾಸ; ಎ ಕ್ಹಾರು ಕಾನೊಕ್ಹು ಐಕ್ಯಾಸ; ಡೊಳಾಕ್ಹು ದೆಕ್ಯಾಸ; ಧ್ಯಾನ ದಿನ ದೆಕ್ಯಾಸ, ಹತೊಕ್ಹು ಮುಟ್ಟಿನ ದೆಕ್ಯಾಸ.
1JO 1:2 ತೆ ಜ಼ಲಮ ಹಮೊನೆ ದಿಕ್ಹ್ಯೊಸ. ಹಮೆ ತೆ ದೆಕಲ ಹುತಿ ತಿನಾ ಹುತಿ ಸಾಕ್ಷಿ ಕೈಯೆಸ. ಹಮೆ ಹಮ್ನಾ ತುಮೊನೆ ತೆ ಜಿವ್ತಾ ಜ಼ಲಮ್ನಿ ಸಾಕ್ಷಿ ಕವಾಡ್ಯಾಸ. ತೆ ಬಾ ಥಯಲ ಕ್ಹುದಾನಾ ಕ್ಹಾತೆ ಹಮೆಶಾನೊ ಜ಼ಲಮ ವ್ಹೈ. ಕ್ಹುದಾ ತೆ ಹಮೆಶಾನೊ ಜ಼ಲಮ ದೆಕಾಡ್ಯೊ.
1JO 1:3 ಹಮೆ ದೆಕಲ ಕ್ಹಾರು ವರಿ ಐಕಲ ಹಮ್ನಾ ಹಮೆ ತುಮೊನೆ ಕವಾಡ್ಯಾಸ. ಕಾ ಕದ್ಯಾಮ ತುಮೆ ಹಮಾರಿ ಅನ್ಯುನತೆಮಾ ಪಾಲ ಲಿವಾಲಾ ಥೌ ಕೈನ ಹಮಾರಿ ಆಸ ವ್ಹೈ. ಅಪ್ನಿ ಅನ್ಯುನೆತೆ ಬಾ ಥಯಲ ಕ್ಹುದಾ ವರಿ ತಿನೊ ದಿಕ್ರೊ ಯೆಸು ಕ್ರಿಸ್ತನಾ ಕ್ಹಾತೆ ರ‍್ಹವಾನು ವ್ಹೈ.
1JO 1:4 ಅಪ್ನಿಕ್ಹು ಪುರಾ ಥಾವಾದೆ ಕೈನ ಹಮೆ ತುಮೊನೆ ಎ ಸಂಗತಿಯೊ ಬರ್ದಾಡ್ಯಾಸ.
1JO 1:5 ಹಮೆ ಕ್ಹುದಾಕಂತು ಐಕಿನ ತುಮೊಕನ ಕವಾನಿಯೊ ವಾತೊ ಕಯ್ಯೊ ವ್ಹೈ ಕದ್ಯಾಮ, ಕ್ಹುದಾ ಉಜಾಲು ವ್ಹೈ. ತಿಮಾ ಅಂದಾರು ನತ್ತಿ.
1JO 1:6 ತಿನಾಹುತಿ ಕ್ಹುದಾನಾ ಕ್ಹಾತೆ ಅನ್ಯುನ್ಯೆತಾಮಾ ಛೆ ಕೈನ ಹಮೆ ಕೈಲಿನ, ಅಂದಾರಾಮಾ ಜಿವಸ್ತಾ ರ‍್ಹಯ್ಯಾಮ ಸುಳ್ಳ ಕದಲಲಿಂಗತ ಥಯ್ಯು. ಕಾಕದ್ಯಾಮ ಅಪೆ ಕ್ಹರಿ ಪಾಲನ ನತ್ತಿ ಕರಾಡ್ಯಾ.
1JO 1:7 ಕ್ಹುದಾ ಉಜಾಲು ಥೈನ ಛೆ. ತಿನಾಹುತಿ ಅಪೆ ಉಜಾಲಾಮಾ ಜಿವ್ನಾ ಕರು. ಅಪೆ ಉಜಾಲಾಮಾ ಜಿವ್ನಾ ಕರಾಲಾ ರ‍್ಹಯಾಮ ಯಕ್ನಾ ಯಕ್ಕ ಅನ್ಯುನ್ಯೆತಾಮಾ ಛೆ ಕೈನ ವರಿ ಕ್ಹುದಾನೊ ದಿಕ್ರೊ ಯೆಸು ರಗತ ಅಪ್ನಾ ಕ್ಹಾರಾ ಪಾಪೊಕ್ಹು ಛೊಡಾವಸ.
1JO 1:8 ಅಪೊಮಾ ಪಾಪ ನತ್ತಿ ಕೈನ ಕೈಲಿದ್ಯಾಮ, ಅಪೊನೆ ಅಪೆಜ಼ ಮೊಸ ಕರಲಿವಾಲಾ ಥಯಾಸ. ವರಿ ಅಪೊಮಾ ಕ್ಹರಿ ನತ್ತಿ.
1JO 1:9 ತೆನೈಸೊ ಅಪ್ನಾ ಪಾಪೊ ಕೈಲಿದ್ಯಾಮ, ತೆ ಬರೊಕ್ಹೊವಾಲೊ ನಿತಿವಂತವಾಲೊ ರ‍್ಹಯಲ ಹುತಿ ಅಪ್ನಾ ಕ್ಹಾರಾ ಕೆಟ್ಟ ಕಾಮೊ ಮಾಫ ಕರಿನ ಅಪೊನೆ ಶುದ್ಧ ಕರಸ.
1JO 1:10 ಅಪೆ ಪಾಪ ಕರ‍್ಯಾ ನತ್ತಿ ಕೈನ ಕದ್ಯಾಮ ಕ್ಹುದಾನೆಜ಼ ಸುಳ್ಳ ವ್ಹೈ ಕೈನ ಕವಾಲಾ ಥಯಾಸ ವರಿ ಕ್ಹುದಾನಿ ವಾಕ್ಯಾನೆ ನೈ ವಪ್ಪಿಲಿವಾಲಾ ಥೈಯೆಸ.
1JO 2:1 ಮಾರಾ ಮಯಾನಾ ಬಚ್ಚಾ಼ವೊ, ತುಮೆ ಪಾಪ ಕರು ನೈ ಕೈನ ಮಿ ತುಮೊನೆ ಪತ್ರ ಬರ್ದಾಡ್ಯೊಸ. ತೆನೈಸೊ ಕುನಬಿ ಪಾಪ ಕರ‍್ಯಾಮ ಅಪೊನೆ ಮದತ ಕರಾನೆ ಯೆಸು ಕ್ರಿಸ್ತ ಛೆ. ನಿತಿವಂತವಾಲೊ ಥಯಲ ತೆ ಬಾ ಅಪ್ನೊ ಬಾ ಥಯಲ ಕ್ಹುದಾನಾ ಕ್ಹಾತೆ ಛೆ.
1JO 2:2 ಅಪ್ನಾ ಪಾಪೊ ವರಿ ಕ್ಹಾರಾ ಮನಕ್ಹೊನಾ ಪಾಪೊ ಪರಿಹಾರ ಕರಾನೆ ಯೆಸುಜ಼ ವಾಟ ವ್ಹೈ.
1JO 2:3 ಕ್ಹುದಾನಿ ಆಗನ್ಯಾನೆ ಅಪೆ ವಿಧೆಯ ಥಯಲ ರ‍್ಹಯಾಮ, ಕ್ಹುದಾನಾ ಹುತಿ ಕ್ಹರಿಮಾಜ಼ ತಿಳ್ದಿಲಿದ್ಯಾಸ ಕವಾನು ಗ್ವತ್ತ ಥಾವಸ.
1JO 2:4 "ಕ್ಹುದಾನೆ ಮಿ ವಳಕ್ಯೊಸ "ಕೈನ ಕವಾಲೊ ಕ್ಹುದಾನಿ ಆಗ್ಯ್ನಾನೆ ನೈ ವಿಧೆಯ ಥಯಲ ರ‍್ಹಯೊಮ, ತೆ ಸುಳ್ಳಮಾ ರ‍್ಹಯಲವಾಲೊ ವ್ಹೈ ವರಿ ತಿಕನ ಕ್ಹರಿಜ಼ ನತ್ತಿ.
1JO 2:5 ತೆನೈಸೊ ಕಯೊಬಿ ಕ್ಹುದಾನಿ ವಾಕ್ಯಾನೆ ವಿದೆಯ ಥಯೊಮ, ಕ್ಹರಿಜ಼ ಕ್ಹುದಾಪರ ತಿನೆ ರ‍್ಹಯಲ ಮಯಾ ಪುರಾಜ಼ ವ್ಹೈ. ಅಪೆ ಕ್ಹುದಾನೆ ಅನುಸರಸಾಡ್ಯಾಸ ಕವಾನು ಇಕ್ಹುಜ಼ ತಿಳ್ದಿಲಿಯೆಸ.
1JO 2:6 ಮಿ ಕ್ಹುದಾಮಾ ಛೆ ಕವಾಲೊ ಯೆಸು ಜಿವ್ನಾ ಕರಲಲಿಂಗತ ಜಿವ್ನಾ ಕರು.
1JO 2:7 ಮಾರಾ ಮಯಾನಾ ದೊಸ್ತೊ, ಮಿ ತುಮೊನೆ ನಯ್ಯೊ ಆಗನ್ಯಾ ಬರದಾಡ್ಯೊ ನತ್ತಿ. ಪೈಲಾತೊಬಿ ಎ ಆಗನ್ಯಾ ತುಮೊನೆ ವ್ಹತ್ತಿ. ತುಮೆ ಹಮ್ನಾಜ಼ ಐಕಲ ವಾಕ್ಯಾಜ಼ ಎ ಆಗನ್ಯಾ ವ್ಹೈ.
1JO 2:8 ತೆನೈಸೊ ಎ ಆಗನ್ಯಾ ಮಿ ತುಮೊನೆ ನಯ್ಯೊ ಆಗನ್ಯಾ ರ‍್ಹಯಲ ಲಿಂಗತ ವ್ಹೈ ಕೈನ ಕದಲ ಲಿಂಗತ ಬರ್ದಾಡ್ಯೊಸ. ತೆ ಆಗನ್ಯಾ ಕ್ಹರಿನಿಯೊಜ಼ ವ್ಹೈ. ತಿನು ಕ್ಹರಿ ತುಮೆ ಯೆಸುಮಾ ವರಿ ತುಮೊಮಾ ದೆಕ ಸಕೊಸಿ. ಅಂದಾರು ಗೈಪಡಾಡುಸ ವರಿ ಕ್ಹರಿನು ಉಜಾಲು ಆಯುಸ.
1JO 2:9 "ಮಿ ಉಜಾಲಾಮಾ ಛೆ "ಕೈನ ಕವಾಲೊ ತೆ ತಿನಾ ಭೈನೆ ಮೊಸ ಕರತೊ ರ‍್ಹಯೊಮ, ತೆ ಮನಕ್ಹ ಅಂದಕಾರಮಾ ಛೆ.
1JO 2:10 ತಿನಾ ಭೈನೆ ಮಯಾ ಕರಾಲೊ ಉಜಾಲಾಮಾ ಛೆ. ಬಿಜೆ಼ಕ್ಲಾನೆ ಪಾಪಮಾ ಚ಼ಲಾವಾನು ತಿನಾಮಾ ರ‍್ಹತು ನೈ.
1JO 2:11 ತೆನೈಸೊ ತಿನಾ ಭೈನೆ ಮೊಸ ಕರಾಲೊ ಅಂದಕಾರಮಾ ಛೆ. ತೆ ಅಂದಕಾರಮಾ ಜಿವ್ನಾ ಕರಸ. ತಿನೆ ತೆ ಕಿಜ್ಗಾ಼ ಚಾ಼ಲ್ಯೊಸ ಕವಾನು ಗ್ವತ್ತ ನತ್ತಿ. ಕಾಕದ್ಯಾಮ ಅಂದಕಾರನಿ ತಾಕತ ತಿನೆ ಡೊಳಾ ದಿಕ್ಹೆ ನೈಸೊ ಕರಿಪಾಡ್ಯುಸ.
1JO 2:12 ಮಯಾನಾ ಬಚ್ಚಾ಼ವೊ, ತುಮಾರಾ ಪಾಪೊ ಕ್ರಿಸ್ತನಾ ಮುಲಕ ಮಾಫ ಥಯಲ ಹುತಿ ಮಿ ಆ ತುಮೊನೆ ಬರ್ದಾಡ್ಯೊಸ.
1JO 2:13 ಬಾವೊ, ಆದಿತೊ ರ‍್ಹಯಲವಾಲಾನೆ ತುಮೆ ತಿಳದಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ. ಜಾಂಜಿಮಾನೊ, ತುಮೆ ಕೆಟ್ಟ ರ‍್ಹಯಲವಾಲಾನೆ ಹರಾಡಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ.
1JO 2:14 ಬಚ್ಚಾ಼ವೊ, ತುಮೆ ಬಾ ನೆ ವಳಕಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ. ಬಾ ಥಯಲವಾಲಾ, ಆದಿಮಾತೊಬಿ ರ‍್ಹಯಲವಾಲೊ ತುಮೆ ತಿಳದಲಹುತಿ ಮಿ ತುಮೊನೆ ಬರ್ದಾಡ್ಯೊಸ. ಜಾಂಜಿಮಾನೊ, ತುಮೆ ಘನ್ನಾ ತಾಕತ ರ‍್ಹಯಲವಾಲಾ ಹುತಿ ವರಿ ತುಮೆ ಕೆಟ್ಟನೆ ಸೊಲ್ಸಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ.
1JO 2:15 ಎ ಜಗತ ರ‍್ಹೈನೆಕಾ ಜಗತಮಾ ರ‍್ಹಯಲ ಸಾಮನ ರ‍್ಹೈನೆಕಾ ತಿನೆ ತುಮೆ ಮಯಾ ಕರೊ ನಕೊ. ಎ ಜಗತ್ನೆ ಮಯಾ ಕರಾಲೊ ಬಾನೆ (ಕ್ಹುದಾನೆ) ಮಯಾ ಕರತೊ ನೈ.
1JO 2:16 ಜಗತಮಾ ರ‍್ಹಯಲ ಕೆಟ್ಟ ಸು ವ್ಹೈ ಕದ್ಯಾಮ; ಅಪೊನೆ ಪಾಪೊ ಕರು ಕೈನ ಮನಸ ಜಗ್ಗಾನಾ ಕಾಮೊ, ಅಪೆ ದೆಕಾನು ಪಾಪೊನು ಸಾಮನ ಅಪೊನೆ ಮಳು ಕೈನ ಆಸ ಕರಾನು, ವರಿ ಅಪೊಕನ ರ‍್ಹಯಲ ಸಾಮನೊಮಾ ಸ್ವಕ್ಕ ಕರಾನು. ತೆನೈಸೊ ಇವ್ನೊಮಾ ಕಯುಜ಼ ಕ್ಹುದಾ ಕಂತು ಆತು ನೈ. ಎ ಕ್ಹಾರು ಎ ಜಗತಮಾತು ಆವಸ.
1JO 2:17 ಎ ಜಗತ ವರಿ ಮನಕ್ಹೊ ಆಸ ಕರಾನು ಹಾಳ ಥೈಜಾ಼ವಸ. ತೆನೈಸೊ ಕ್ಹುದಾನಿ ಚಿ಼ತ್ತಲಿಂಗತ ಕರಾಲೊ ಹಮೆಶಾಬಿ ಜಿವ್ತೊ ರ‍್ಹವಸ.
1JO 2:18 ಮಾರಾ ಮಯಾನಾ ಬಚ್ಚಾ಼ವೊ, ಅಂತ್ಯ ಕಾಲ ನಜಿಕ ಆಯೊಸ! ಕ್ರಿಸ್ತನೊ ದುಶ್ಮನ ಆವಾಡ್ಯೊಸ ಕೈನ ತುಮೆ ಐಕ್ಯಾಸ. ತಿನಾಹುತಿ ತುಮೆ ಅಂತ್ಯ ಕಾಲ ನಜಿ಼ಕ ಆಯೊಸ ಕೈನ ತುಮೊನೆ ಗ್ವತ್ತ ಛೆ.
1JO 2:19 ಕ್ರಿಸ್ತನೊ ದುಶ್ಮನೊ ಅಪ್ನಾ ಗುಂಪಮಾ ರ‍್ಹಯಾತಬಿ. ತ್ಯುನೆ ಅಪೊನೆ ಛೊಡಿನ ಗಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ಸಭೆವಾಲಾ ರ‍್ಹವತ್ತೊ ಅಪ್ನಾ ಕ್ಹಾತೆ ರ‍್ಹತಾತಾ. ತೆನೈಸೊ ತ್ಯುನೆ ಗೈ ಪಡ್ಯಾ. ತ್ಯುನೆ ಕ್ಹರಿಮಾಜ಼ ಅಪ್ನಾ ನ್ಹೊತಾ ಕವಾನು ಇಕ್ಹು ದೆಕಾಡಿನ ದಿವಸ.
1JO 2:20 ಪರಿಶುದ್ಧ ರ‍್ಹಯಲವಾಲೊ (ಕ್ಹುದಾ ನೈತೊ ಕ್ರಿಸ್ತ) ದಿದಲ ವರಾ ತುಮೊನೆ ಮಳಿಸ. ತಿನಾ ಹುತಿ ತುಮೆ ಕ್ಹಾರು ಕ್ಹರಿ ವಳಕ್ಯಾಸ.
1JO 2:21 ಮಿ ತುಮೊನೆ ಕಾ ಬರ್ದಿನ ದ್ಯು? ತುಮೆ ಕ್ಹರಿ ನತ್ತಿ ವಳಕಿ ಲಿದ್ಯಾ ಕೈನ ಬರ್ದುಸು? ನೈತೊ! ತುಮೆ ಕ್ಹರಿ ವಳಕಲ ಹುತಿ ಮಿ ಎ ಪತ್ರ ಬರ್ದಾಡ್ಯೊಸ. ಕ್ಹರಿ ಕ್ಹು ಕಯುಜ಼ ಸುಳ್ಳ ಆತು ನೈ ಕವಾನು ತುಮೊನೆ ಗ್ವತ್ತ ಛೆ.
1JO 2:22 ತಿನಾಹುತಿ ಸುಳ್ಳ ಕವಾಲೊ ಕುನ ವ್ಹೈ? ಯೆಸು ಕ್ರಿಸ್ತ ನ್ಹವೈ ಕೈನ ಕವಾಲೊ ಸುಳ್ಳ ಬೊಲಾಲೊ ವ್ಹೈ. ತೆ ಕ್ರಿಸ್ತನೊ ದುಶ್ಮನ ವ್ಹೈ. ತೆ ಬಾನೆ ರ‍್ಹೈನೆಕಾ (ಕ್ಹುದಾನೆ) ತಿನಾ ದಿಕ್ರಾನೆ ರ‍್ಹೈನೆಕಾ (ಕ್ರಿಸ್ತನೆ) ನಂಬತೊ ನೈ.
1JO 2:23 ದಿಕ್ರಾನೆ ನೈ ನಂಬಲ ವಾಲೊ ಬಾನೆ ನೈ ವ್ಹಂದಿಲೆತೊ. ತೆನೈಸೊ ದಿಕ್ರಾನೆ ಮಳೈಲಿದಲವಾಲೊ ಬಾನೆ ಬಿ ಹೊಂದಲ ಲಿಂಗತ ವ್ಹೈ.
1JO 2:24 ತುಮೆ ಶುರುತಾಬಿ ಐಕಲ ಭೊದನೆ ಲಿಂಗತ ಚಾ಼ಲೊ. ತೆ ಭೊದನೆ ಲಿಂಗತ ಚಾ಼ಲಾಲಾ ತುಮೆ ದಿಕ್ರಾಮಾ ಬಿ ಬಾಮಾ ಬಿ ರ‍್ಹಯಲ ಲಿಂಗತ ವ್ಹೈ.
1JO 2:25 ಕ್ರಿಸ್ತ ಅಪೊನೆ ಹಮೆಶಾನೊ ಜ಼ಲಮ ದ್ಯುಸ ಕೈನ ದಿದಲ ವಾಗ್ದಾನ.
1JO 2:26 ತುಮೊನೆ ತಪ್ಪ ವಾಟ್ಮಾ ನಿಂಜಾ಼ವಾಲಾ ಮನಕ್ಹೊನಾ ಹುತಿ ಎ ಪತ್ರ ಬರ್ದಾಡ್ಯೊಸ.
1JO 2:27 ಕ್ರಿಸ್ತ ಖಾಸ ರ‍್ಹಯಲ ವರಾ ತುಮೊನೆ ಮರಗಿನ ದಿದ್ಯೊ. ತೆ ತುಮೊಮಾ ಹಜು಼ನ ಛೆ. ತಿನಾಹುತಿ ತುಮೊನೆ ಕಯಾಜ಼ ಉಪದೆಶನಿ ಜ಼ರುರತ ನತ್ತಿ. ತೆ ತುಮೊನೆ ದಿದಲ ವರಾ ತೆ ತುಮೊನೆ ಕ್ಹಾರುಜ಼ ಉಪದೆಶ ಕರಸ. ತೆ ಕ್ಹರಿಜ಼ ವ್ಹೈ ಸುಳ್ಳ ನ್ಹ ವ್ಹೈ. ತಿನಾಹುತಿ ತುಮೆ ತೆ ಉಪದೆಶ ಲಿಂಗತ ತಿಮಾ ರ‍್ಹವೊ.
1JO 2:28 ಹೊ, ಮಾರಾ ಮಯಾನಾ ದಿಕ್ರಾವೊ, ತಿನಾಮಾಜ಼ ರ‍್ಹಯ್ಯೆ. ಅಪೆ ಇಮ್ಮ ಕರ‍್ಯಾಮ. ಕ್ರಿಸ್ತ ಫ್ಹರಿನ ಆವಾನಾ ದಿನಮಾ ಅಪೆ ಭುಚ್ಕಾನಿ ಜ಼ರುರತ ನತ್ತಿ. ದಡಿ ರ‍್ಹವಾನಿ ಜ಼ರುರತ ನತ್ತಿ; ಸರಮಾವಾನಿ ಜ಼ರುರತ ರ‍್ಹತಿ ನೈ.
1JO 2:29 ಕ್ರಿಸ್ತ ನಿತಿವಂತವಾಲೊ ವ್ಹೈ ಕವಾನು ತುಮೊನೆ ಗ್ವತ್ತ ಛೆ. ತಿನಾಹುತಿ ಚೊ಼ಕು ಕರಾಲಾ ಮನಕ್ಹೊ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತುಮೊನೆ ಗ್ವತ್ತ ಛೆ.
1JO 3:1 ಬಾ ಅಪೊನೆ ಘನ್ನೊ ಮಯಾ ಕರ‍್ಯೊ! ಕ್ಹುದಾನಾ ಬಚ್ಚಾ಼ ವ್ಹೈ ಕೈನ ಕವೈಲಿವಾನಾ ಯಕ್ಲೊ ಕ್ಹುದಾ ಅಪೊನೆ ಮಯಾ ಕರ‍್ಯೊ. ಅಪೆ ಕ್ಹರಿಮಾಜ಼ ಕ್ಹುದಾನ ಬಚ್ಚಾ಼ ವ್ಹೈ. ತೆನೈಸೊ ಜಗತ್ಮಾ ರ‍್ಹಯಲ ಮನಕ್ಹೊತೊ ಹಮೆ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತಿಳ್ದಿಲಿದ್ಯಾ ನತ್ತಿ. ಕಾಕದ್ಯಾಮ ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ.
1JO 3:2 ಮಯಾನಾ ದೊಸ್ತೊ, ಹಮ್ನಾ ಅಪೆ ಕ್ಹುದಾನಾ ದಿಕ್ರಾ ಥಯಾಸ. ಅಗಾ ಅಪೆ ಸು ಥೈಯೆಸ ಕೈನ ಅಪೊನೆ ದೆಕಾಡಿನ ದಿದ್ಯೊ ನತ್ತಿ.
1JO 3:3 ಕ್ರಿಸ್ತಮಾ ಆಸ ಮ್ಹೆಲಲ ಹರಿ ಯಕ್ಲಾ ಕ್ರಿಸ್ತ ಕಿಮ ಪರಿಶುದ್ಧ ಛೆ ತಿನಾ ಲಿಂಗತಜ಼ ಹರಿ ಯಕ್ಲಾ ಪರಿಶುದ್ಧ ಥೌ.
1JO 3:4 ಪಾಪ ಕರಾಲೊ ಕ್ಹುದಾನಿಯೊ ಆಗನ್ಯಾ ದಾಟಿನ ಜಾ಼ವಲೊ ಥಾವಸ. ಹೊ ಪಾಪ ಕರಾನು ವರಿ ಕ್ಹುದಾನಿಯೊ ಆಗನ್ಯಾನೆ ವಿರುದ್ದ ಕರಾಲೊಬಿ ತ್ಯುನೊನೆ ಸುಜ಼ ಫರಕ ನ್ಹವೈ.
1JO 3:5 ಕ್ರಿಸ್ತ ಮನಕ್ಹೊನೆ ಪಾಪಕ್ಹು ಛೊಡಾವಾ ಹುತಿ ಆಯೊಸ ಕವಾನು ತುಮೊನೆ ಗ್ವತ್ತ ಛೆ. ತಿಕನ ಪಾಪ ಕವಾನು ನತ್ತಿ.
1JO 3:6 ತಿನಾಹುತಿ ಕ್ರಿಸ್ತಮಾ ರ‍್ಹಯಲ ಮನಕ್ಹ ಪಾಪ ಕರತೊಜ಼ ರ‍್ಹತೊ ನೈ. ಪಾಪ ಕರತೊಜ಼ ರ‍್ಹವಾಲೊ ತಿನೆ ಕೆಳಾಮಾಜ಼ ಕಳೈಲಿದಲವಾಲೊ ನ್ಹವೈ ವರಿ ಕೆಳಾಮಾಜ಼ ತಿಳದಿಲಿದವಾಲೊ ನ್ಹವೈ.
1JO 3:7 ಮಯಾನಾ ಬಚ್ಚಾ಼ವೊ, ತುಮೊನೆ ಕುನ್ನಜ಼ ತಪ್ಪ ವಾಟ್ಮಾ ನಿಂಜಾ಼ಯೆ ನೈಸೊ ತುಮೆ ದೆಕಿಲಿವೊ. ಕ್ರಿಸ್ತ ನಿತಿವಂತವಾಲೊ ವ್ಹೈ. ತಿನಾ ಲಿಂಗತಜ಼ ನಿತಿವಂತವಾಲಾ ಥೌಸ ಕೈನ ಕವಾಲಾ ಚೊ಼ಕುಜ಼ ಕಾಮ ಕರು.
1JO 3:8 ಸೈತಾನ ಪೈಲಾತೊಬಿ ಪಾಪೊ ಕರಾಡ್ಯೊಸ. ಪಾಪೊ ಕರಾಲೊ ಸೈತಾನಾ ಕ್ಹಾತೆ ಮಳಲವಾಲೊ ವ್ಹೈ. ಕ್ಹುದಾನೊ ದಿಕ್ರೊ ಕ್ರಿಸ್ತ ಸೈತಾನ್ನಾ ಕಾಮೊ ಹಾಳ ಕರಾನೆಜ಼ ಆಯೊಸ.
1JO 3:9 ಕ್ಹುದಾಕಂತೊ ನವೊ ಜ಼ಲಮಲಿನ ಹುಟ್ಟಿನ ಆಯಲವಾಲೊ ಪಾಪಮಾ ರ‍್ಹತೊಜ಼ ನೈ ಕಾಕದ್ಯಾಮ ತೆ ದಿದಲ ನವೊ ಜ಼ಲಮ ಕ್ಹುದಾನೊ ರ‍್ಹಯಲ ರ‍್ಹವಸ. ತೆ ಕ್ಹುದಾಕಂತೊ ನವೊ ಜ಼ಲಮ ಲಿನ ಹುಟ್ಟಲ ಹುತಿ ತೆ ಅಗೊಬಿ ಪಾಪ ಕರಾನೆ ಥಾತು ನೈ.
1JO 3:10 ತಿನಾ ಹುತಿ ಕ್ಹುದಾನಾ ಬಚ್ಚಾ಼ ವರಿ ಸೈತಾನನಾ ಕುನ ವ್ಹೈ ಕೈನ ತಿಳದಿಲಿಯ್ಯೆಸ. ಯೊಗ್ಯ ರ‍್ಹಯಲ ನೈ ಕರಾಲಾ ಮನಕ್ಹೊ ಕ್ಹುದಾನಾ ಬಚ್ಚಾ಼ ನ್ಹವೈ. ತಿನಾ ಭೈನೆ ನೈ ಮಯಾ ಕರಾಲೊ ಕ್ಹುದಾನೊ ದಿಕ್ರೊ ನ್ಹವೈ.
1JO 3:11 ಅಪೆ ಯಕ್ನಾ ಯಕ್ಕ ಮಯಾ ಕರು ಕವಾನು ತುಮೆ ಪೈಲಾತಾಬಿ ಐಕಲ ವಾಕ್ಯಾ.
1JO 3:12 ತುಮೆ ಕಾಯಿನ ಲಿಂಗತ ರ‍್ಹವೊ ನಕೊ. ತೆ ಕೆಟ್ಟನಾ ಕ್ಹಾತೆ ರ‍್ಹಯಲವಾಲೊ ವ್ಹತ್ತೊ. ತೆ ತಿನಾ ಭೈನೆ (ಹೆಬಲ) ಖಲಾಸ ಕರಿಪಾಡ್ಯೊ. ತೆ ತಿನಾ ಭೈನೆ ಖಲಾಸ ಕರಲ ಶಾನಾ ಹುತಿ ವ್ಹೈ? ತಿನಾ ಕಾಮೊ ಕೆಟ್ಟಜ಼ ವ್ಹೈ. ತಿನಾ ಭೈನಾ ಕಾಮೊ ಚೊ಼ಕಾ ರ‍್ಹಯಲ ಹುತಿ ವ್ಹೈ.
1JO 3:13 ಭಾಯೊ ಭೆನೊ, ಎ ದುನಿಯಾಮಾನಾ ಮನಕ್ಹೊ ತುಮೊನೆ ದುಶ್ಮನಿ ಕರ್ತಾಮಾ ಘಾಬ್ರಾಥಾವೊನಕೊ.
1JO 3:14 ಅಪೆ ಮರಣನೆ ದುರ ಕರಿನ ಜಿವ್ತಾ ರ‍್ಹವಾನೆ ಆಯಾಸ ಕವಾನು ಅಪೊನೆ ಗ್ವತ್ತ ಛೆ. ಕ್ರಿಸ್ತಮಾ ಮಾರಾ ಭಾಯೊ ಭೆನೊನೆ ಅಪೆ ಮಯಾ ಕಾರಿಕ್ಹು ಎ ಕ್ಹಾರು ವಳಕ್ಯೊಸ.
1JO 3:15 ತಿನಾ ಖುದ್ದನಾ ಭೈನೆ ದ್ವೆಶ ಕರಾಲೊ ಹರಿ ಯಕ್ಲೊ ಖಲಾಸ ಕರಾಲೊ ಥಯಾಸ. ಕಯಾಜ಼ ಖಲಾಸ ಕರಾಲಾಮಾ ಹಮೆಶಾನೊ ಜ಼ಲಮ ರ‍್ಹತೊ ನೈ. ಕೈನ ಮನೆ ಗ್ವತ್ತ ಥಯುಸ.
1JO 3:16 ಯೆಸು ತಿನೊ ಜ಼ಲಮಜ಼ ದಿದಲ ಹುತಿ ಕ್ಹರಿನಿ ಮಯಾ ಛೆ ಕವಾನು ಹಮೆ ವಳಕಿಲಿದ್ಯಾ ತಿನಾಹುತಿ ಭಾಯೊ ಭೆನೊನಾ ಹುತಿ ಅಪೆ ಜ಼ಲಮ ದ್ಯು.
1JO 3:17 ಎ ದುನಿಯಾಮಾ ಸೌಕಾರ ರ‍್ಹಯಲ ಕುನಬಿ ಕೊರೆತೆಮಾ ರ‍್ಹಯಲ ತಿನಾ ಭೈನೆ ದೆಕಿನಬಿ ಮದತ ನೈ ಕರ‍್ಯಮ ತಿಮಾ ಕ್ಹುದಾನಿ ಮಯಾ ರ‍್ಹವಾನೆ ಸಾದ್ಯ ಛೆ ಸು?
1JO 3:18 ಮಾರಾ ಬಚ್ಚಾ಼ವೊ ಮಾರಿ ಮಯಾ ಖಾಲಿ ವಾತೊಮಾ ವರಿ ಶಬ್ದುಮಾ ರ‍್ಹೌ ನೈ ಮಾರಿ ಮಯಾ ಕ್ಹರಿನಿ ಮಯಾ ರ‍್ಹೌ ಅಪೆ ಕರಾನಾ ಕಾಮಾಮಾಜ಼ ಆಪನಿ ಮಯಾ ದೆಕಾಡಿನ ದ್ಯು.
1JO 3:19 ಅಪೆ ಕ್ಹರಿನಿವಾಟಮಾ ರ‍್ಹಯಲಿವಾಲಾ ವ್ಹೈ ಕೈನ ಇನಾ ಮುಲಕಜ಼ ತಿಳದಿಲಿಯೆಸ.
1JO 3:20 ಅಪನಿ ಮನಸಾಕ್ಷಿ ಅಪೆ ತಪ್ಪಿಸ್ಥ ವ್ಹೈ ಕೈನ ಕದ್ಯಾ ತಬಿ ಅಪೆ ಕ್ಹುದಾನಾ ಕ್ಹಾಮಾ ಸಮಾಧಾನ ಕ್ಹು ರ‍್ಹವಾನೆ ಸಾಧ್ಯ. ಕಾಕದ್ಯಾಮ ಅಪನಿ ಮನಸ್ಸನಿ ತಿಬಿ ಕ್ಹುದಾ ಮ್ಹೊಟೊ ವ್ಹೈ.
1JO 3:21 ಮಾರೊ ಮಯಾನೊ ದೊಸ್ತತೊ, ಅಪೆ ತಪ್ಪ ಕರಾಡಾನತಿ ಕೆಲಾಮಾಬಿ ತುಮೊನೆ ಕಲಿಮ, ಅಪೆ ಕ್ಹುದಾನೆ ಕ್ಹಾತೆ ದೈರೆಕ್ಹು ಆವಾನು ಸಾದ್ಯ.
1JO 3:22 ವರಿ ಅಪೆ ತಿನಿ ಕದಲ ತಿಮ್ಮ ರ‍್ಹೈನ ತಿನಿ ಎಣಿಕೆಮಾ ರ‍್ಹೈನ ತಿನೆ ಪಸಂದ ರ‍್ಹಯಲ ಕಾಮೊ ಕರಾಲಾ ರ‍್ಹಯಲ ಹುತಿ ಅಪೆ ಸು ಮಾಂಗಿಲಿದ್ಯಾ ತುಬಿ ತಿಕ್ಹು ವ್ಹಂದಿಲಿಯೆಸ.
1JO 3:23 ಕ್ಹುದಾನಾ ಆಗನ್ಯೆ ಸು ವ್ಹೈ ಕದ್ಯಾಮ ತಿನೊ ದಿಕ್ರೊ ಥಯಲ ಯೆಸು ಕ್ರಿಸ್ತಮಾ ಅಪೆ ಬರೊಕ್ಹೊ ಮ್ಹೆಲಿನ ಯಕ್ನೆ ಯಕ್ಕ ಮಯಾ ಕರು ಕವಾನುಜ಼ ವ್ಹೈ.
1JO 3:24 ಕ್ಹುದಾನಿ ಆಗನ್ಯಾನೆ ವಿಧೆಯ ರ‍್ಹಯಲವಾಲೊ ಕ್ಹುದಾಮಾ ಛೆ ಕವಾನು ಅಪ್ನೊನೆ ಕಿಮ ಗ್ವತ್ತ‌‌ ಛೆ ಕ್ಹುದಾ ಅಪ್ನೊನೆ ದಿದಲ ಪವಿತ್ರ ಆತ್ಮಾ ಕ್ಹುಜ಼ ಅಪೊನೆ ಗ್ವತ್ತ ಛೆ.
1JO 4:1 ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.
1JO 4:2 ಕ್ಹುದಾನಿ ಆತ್ಮಾನೆಬಿ ತುಮೆ ವಳಕಿಲಿವಾನೆ ಇಮ್ಮಜ಼ ಸಾದ್ಯ ಛೆ" ಎ ದುನಿಯಾಮಾ ಮನಕ್ಹ ಥೈನ ಆಯಲ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಮಿ ಬರೊಕ್ಹೊ ಕರುಸ "ಕೈನ ಕವಾನಿ ಆತ್ಮಾಜ಼಼ ಕ್ಹುದಾಕಂತಿ ಆಯಲ ವ್ಹೈ.
1JO 4:3 ಯೆಸುನಾ ಹುತಿ ಇಮ್ಮ ನೈ ಕವಾನಿ ಆತ್ಮಾ ಕ್ಹುದಾಕಂತಿ ಆಯಲ ನ್ಹವೈ. ತೆ ಆತ್ಮಾ ಕ್ರಿಸ್ತನಾ ವಿರೊದಿ ವ್ಹೈ. ಕರ್ಇಸ್ತನೊ ವಿರೊದಿ ಆವಸ ಕವಾನು ತುಮೆ ಐಕೊಶಿ. ಕ್ರಿಸ್ತನೊ ವಿರೊದಿ ಹಮ್ನಾಜ಼ ದುನಿಯಾಮಾ ಛೆ.
1JO 4:4 ಮಾರಾ ಮಯಾನಾ ಬಚ್ಚಾ಼ವೊ, ತುಮೆ ಕ್ಹುದಾನೆ ಸೆರಲವಾಲಾ ವ್ಹೈ. ತೆನೈಸೊ ತುಮೆ ತ್ಯುನೊನೆ
1JO 4:5 ತೆ ಮನಕ್ಹೊ ಎ ದುನಿಯಾಮಾ ಮಳಲವಾಲಾ ವ್ಹೈ. ತಿನಾಹುತಿ ತ್ಯುನೆ ಕವಾನು ಕ್ಹಾರು ಎ ದುನಿಯಾನೆ ಮಳಲ ವ್ಹೈ. ತುನೆ ಸು ಕದ್ಯಾತುಬಿ ದುನಿಯಾನಿಯೊಜ಼ ವಾತೊ ಕವಸ.
1JO 4:6 ಹಮೆತೊ ಕ್ಹುದಾಕುತ ಆಯಲ ವ್ಹೈ. ತಿನಾಹುತಿ ಕ್ಹುದಾನೆ ವಳಕಲವಾಲಾ ಮನಕ್ಹೊ. ಹಮೆ ಕವಾನು ಐಕಸ. ತೆನೈಸೊ ಕ್ಹುದಾಕಂತಾ ನೈ. ಅಯಲ ಮನಕ್ಹೊ ಹಮೆ ಕವಾನು ಐಕ್ತಾ ನೈ. ಕಯು ಕ್ಹರಿ ಕವಾನು ಆತ್ಮ ಕಯು ಸುಳ್ಳ ಕವಾನಿ ಆತ್ಮ ಕವಾನು ಇಮ್ಮ ಕವಸ.
1JO 4:7 ಮಯಾನಾ ದೊಸ್ತೊ. ಮಯಾ ಕ್ಹುದಾಕಂತು ಆಯಲ ರ‍್ಹಯಲ ಹುತಿ ಅಪೆ ಬಿ ಯಕ್ನೆ ಯಕ್ಕ ಮಯಾ ಕರು. ಮಯಾ ಕರಾಲೊ ನವೊ ಜ಼ಲಮಲಿನ ಹುಟ್ಟಲವಾಲೊ ಥಯಾಸ. ತಿನಾಹುತಿ ತೆ ಕ್ಹುದಾನೆ ವಳಕಲವಾಲೊ ವ್ಹೈ.
1JO 4:8 ಮಯಾ ನೈ ಕರಾಲೊ ಕ್ಹುದಾನೆ ವಳಕಾಲೊ ನ್ಹವೈ. ಕಾಕದ್ಯಾಮ ಕ್ಹುದಾ ಮಯಾನೊ ರುಪ ವ್ಹೈ.
1JO 4:9 ಕ್ಹುದಾ ತಿನಾ ರ‍್ಹಯಲ ಯಕ್ಲಾಜ಼ ದಿಕ್ರಾನಾ ಮುಲಕ ಮನೆ ಜ಼ಲಮ ದಿವಾನಾ ಹುತಿ ದುನಿಯಾಮಾ ಮೊಕಲ್ಯೊ. ಇನಾ ನಿಂಗತ ಕ್ಹುದಾ ತಿನಿ ಮಯಾ ದೆಕಾಡ್ಯೊ.
1JO 4:10 ಅಪೊಪರ ರ‍್ಹಯಲ ಕ್ಹುದಾನಿ ಮಯಾ ಕ್ಹರಿನಿಜ಼ ವ್ಹೈ. ಅಪೊನೆ ಕ್ಹುದಾಪರ ರ‍್ಹಯಲ ಕ್ಹರಿನಿ ಮಯಾ ನ್ಹವೈ. ಅಪ್ನಾ ಪಾಪ ನಿವಾರಣನಾ ಹುತಿ ಕ್ಹುದಾ ತಿನಾ ದಿಕ್ರಾನೆ ಮೊಕಲ್ಯೊ.
1JO 4:11 ಮಯಾನಾ ದೊಸ್ತೊ, ಇಮ್ಮ ಕ್ಹುದಾ ಅಪೊನೆ ಘನ್ನಿ ಮಯಾ ಕರ‍್ಯೊ! ತಿನಾಹುತಿ ಅಪೆ ಯಕ್ನೆ ಯಕ್ಕ ಮಯಾ ಕರು. ಕ್ಹುದಾನೆ ಕುನ್ನಜ಼ ದೆಕ್ಯು ನತ್ತಿ. ತೆನೈಸೊ ಅಪೆ ಯಕ್ನೆ ಯಕ್ಕ ಮಯಾ ಕರ‍್ಯಾಮ ಕ್ಹುದಾ ಅಪ್ನಾಮಾ ರ‍್ಹವಸ. ಅಪೆ ಯಕ್ನಾ ಯಕ್ಕ ಮಯಾ ಕರ‍್ಯಾಮ ಕ್ಹುದಾನಿ ಮಯಾ ಅಪ್ನಾಮಾ ಪುರಾ ಥೈನ ರ‍್ಹವಸ.
1JO 4:12 ಕ್ಹುದಾನೆ ಕುನ್ನಜ಼ ಕೆಳಾಮಾ ದೆಕ್ಯು ನತ್ತಿ. ಅಪೆ ಯಕ್ಲಾನೆ ಯಕ್ಲಾ ಮಯಾ ಕರ‍್ಯಾರೆ ಕ್ಹುದಾ ಅಪ್ನೊಮಾ ರ‍್ಹಯಲ ರ‍್ಹವಸ, ವರಿ ತಿಕ್ಹು ಮಳಾನಿ ಮಯಾ ಅಪ್ನೊಮಾಬಿ ಆವಸ.
1JO 4:13 ಅಪೆ ಕ್ಹುದಾಮಾ ಛೆ ವರಿ ಕ್ಹುದಾ ಅಪೊಮಾ ಛೆ ಕವಾನು ಅಪೊನೆ ಗ್ವತ್ತ ಛೆ. ಕ್ಹುದಾ ತಿನಿ ಆತ್ಮಾ ದಿದಲ ಹುತಿ ತಿನಾಹುತಿ ಅಪ್ನೊನೆ ಎ ಗ್ವತ್ತ ಥಯೊಸ.
1JO 4:14 ಕ್ಹುದಾ ತಿನಾ ದಿಕ್ರಾನೆ ದುನಿಯಾನೆ ರಕ್ಷಕ ಕರಿನ ಮೊಕಲ್ಯೊ ಅಪೆ ದೆಕ್ಯಾಸ.
1JO 4:15 ಯೆಸು ಕ್ರಿಸ್ತ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕುನ್ನ ವಪ್ಪಿಲಿವಸ ತಿನಾಮಾ ಕ್ಹುದಾ ರ‍್ಹವಸ ವರಿ ತೆ ಕ್ಹುದಾಮಾ ರ‍್ಹವಸ.
1JO 4:16 ಕ್ಹುದಾ ಅಪೊಪರ ಮ್ಹೆಲಲ ಮಯಾ ಅಪೆ ಗ್ವತ್ತ ಕರ್ಲಿದ್ಯಾಸ ವರಿ ಅಪೆ ಬರೊಕ್ಹೊ ಕರ‍್ಯಾಸ. ಕ್ಹುದಾ ಮಯಾನೊ ಸ್ವರುಪ ವ್ಹೈ. ಮಯಾಮಾ ಘಟ್ಟ್ಟ ಥೈನ ರ‍್ಹವಾಲೊ ಕ್ಹುದಾ ತಿಮಾ ಘಟ್ಟ್ಟ ಥೈನ ರ‍್ಹವಸ.
1JO 4:17 ಪೈಸಲಾನಾ ದಿನಮಾ ಅಪ್ನೊಮಾ ರ‍್ಹಯಲ ಧೈರ್ಯಕ್ಹುಜ಼ ತಿನಿ ಮಯಾ ಅಪ್ನೊಮಾ ಬೆಳದಲ ಛೆ. ಕಾ ಕದ್ಯಾಮ ಯೆಸು ಕಿಮ್ಮ ಛೆ ಅಪೆಬಿ ತಿಮ್ಮಜ಼ ದುನಿಯಾಮಾ ಛೆ.
1JO 4:18 ಮಯಾ ರ‍್ಹಯಲ ಜ಼ಗಾ ಭೆ ನತಿ. ಬುಚುಕ ರ‍್ಹಯಲ ಜ಼ಗಾ ಭೆ ರ‍್ಹವಸ. ತೆ ನೈಸೊ ಭೆ ನೆ ಮಾರಿಪಡಸ. ಬುಚಕಾಲೊ ಮಾಯಾಮ್ಮಾ ಪುರಾನೈ ಥಾತೊ ನೈ.
1JO 4:19 ಕ್ಹುದಾ ಪೈಲಾತೊಜ ಅಪನೊನೆ ಮಾಯಾ ಕರಲಕ್ಹು ಅಪೆ ತಿನಿ ಮಯಾ ಕರಿಯೆಸ.
1JO 4:20 ಯಕ್ಲೊ ತೆ ಕ್ಹುದಾನೆ ಮಯಾ ಕರಸ ತೆ ಕೈನ ತಿನಾ ಭಾಯೊನೆ ದುಶ್ಮನಿ ಕರ‍್ಯಾಮ ತೆ ಸುಳ್ಳ ಬೊಲಾಲೊ ಥಯೊಸ. ಕಾ ಕದ್ಯಾಮ್ಮಾ ತಿನಾ ಕ್ಹಾತೆ ರ‍್ಹಯಲ ಭಾಯೊನೆಬಿ ಮಯಾ ಕರವಾಲೊ, ತೆ ನೈ ದೆಕೆಲ ಕ್ಹುದಾನೆ ಕಿಮ್ಮ ಮಯಾ ಕರಸಕ?
1JO 4:21 ಕ್ಹುದಾನೆ ಮಯಾ ಕರಸ. ತಿನೆ ಭಾಯೊನೆ ಮಯಾ ಕರಸ ಕೈನ ಆಜ್ಞಾ ಅಪೆ ತಿನಾಕ್ಹುಜ ಹೊಂದ್ಯಾಸ.
1JO 5:1 ಯೆಸು ಕ್ರಿಸ್ತ ವ್ಹೈ ಕೈನ ಬರೊಕ್ಹೊ ಕರಾಲೊ ಹರಯಕ್ಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ, ಕುನ್ನ ಹುಟ್ಸಯಲ ಬಾಪನೆ ಮಯಾ ಕರಸ ತೆ ತಿನಾ ಬಾಪಕ್ಹು ಹುಟ್ಟಲವಾಲಾ ಹರಯಕ್ಲಾನೆ ಮಯಾ ಕರಸ.
1JO 5:2 ಅಪೆ ಕ್ಹುದಾನಾ ಬಚ್ಚಾವೊನೆ ಮಯಾ ಕರಸ ಕೈನ ಕ್ಹುದಾನೆ ಮಯಾ ಕರಿನ ತಿನಿ ವಾತ ಲಿಂಗತ ಚಾಲ್ಯಾರೆಜ ಗ್ವತ್ತ ಥಾವಸ.
1JO 5:3 ಕ್ಹುದಾನಾ ಉಪ್ಪರ ರ‍್ಹಯಲ ಮಯಾ ಸು ವ್ಹೈ ಕದ್ಯಾಮ ತಿನಾ ಆಗ್ಯಾನಾ ಲಿಂಗತ ಚಾಲಾನುಜ ವ್ಹೈ. ತಿನಾ ಆಗ್ಯಾ ವಜ್ಜು ನ್ಹವೈ.
1JO 5:4 ಮ್ಹೊಟೊ ಕುರಬುರ‍್ಯೊ (ಕ್ರಿಸ್ತ) ದಿಕ್ಹಾತಾಮಾ, ತುಮೊನೆ ಕಿರಿಟ ಮಳಸ. ಮ್ಹೊಟಿ ಮಹಿಮಾ ವ್ಹಂದಿಲಿದ್ಯಾಮ ತೆ ಕಿರಿಟ ತಿನು ಸುಂದ್ದರತಾ ಜವೈ ಲೈತೊನೈ.
1JO 5:5 ಜಾಜಿಮಾನೆ ಮಿ ತುಮೊನೆ ದಕ್ಹಿಯೊ ವಾತೊ ಕೌಕಯಿನ. ಆಯೊಸ. ತುಮೆ ಮೊಟಾಹೊನೆ ಅದಿನ ಥಹೊ. ತುಮೆ ಕ್ಹಾರಾ ಯಕ್ಕನೆ ಯಕ್ಕಲೊ ತಗಿಲಿ ಚಲು.
1JO 5:6 ಕಾಕದ್ಯಾಮ ಯೆಸು ಕ್ರಿಸ್ತ ಪಾನಿಕ್ಹು ರಗತಕ್ಹು ಸಾಕ್ಷಿ ಹೊಂದವಾಲೊ ವ್ಹೈ. ಪಾನಿಕ್ಹು ಯಕ್ಕಜ಼ ನೈ ರಗತಕ್ಹು ಸಾಕ್ಷಿ ಹೊಂದಲವಾಲೊ ವ್ಹೈ. ಆತ್ಮಾ ಸಾಕ್ಷಿ ದಿವಸ ಕಾಕದ್ಯಾಮ ತೆ ಆತ್ಮಾ ಕ್ಹರಿನಿ ಆತ್ಮಾ ವ್ಹೈ.
1JO 5:7 ತೆ ತುಮೊನೆ ಪಾಲನೆ ಕರಾನಾಹುತಿ ತುಮಾರಿ ಚಿಂತಾ ಕ್ಹಾರಿ ತಿನೆ ಒಪ್ಪಸೊ.
1JO 5:8 ಆತ್ಮ ಪಾನಿ ವರಿ ರಗತ ಎ ತನ್ನೆನೆ ಸಾಕ್ಷಿನಿ ವಚಾರ ಯಕ್ಕಜ಼ ವ್ಹೈ.
1JO 5:9 ಮನಕ್ಹೊ ಸಾಕ್ಷಿ ಕತಾಮಾ ಅಪೆ ಬರೊಕ್ಹೊ ಕರಿಯೆಸ ತೆನೈಸೊ ಕ್ಹುದಾನಿ ಸಾಕ್ಷಿ ತಿತ್ತಿಬಿ ಖಾಸವ್ಹೈ. ಕ್ಹುದಾ ತಿನ್ನಾ ಸ್ವಂತ ದಿಕ್ರಾನಾ ಹುತಿ ಕದಲ ಕ್ಹರಿಜ಼ ತೆ ಅಪೊನೆ ದಿದಲ ಸಾಕ್ಷಿ ವ್ಹೈ.
1JO 5:10 ಕ್ಹುದಾನಾ ದಿಕ್ರಾನೆ ಬರೊಕ್ಹೊ ಕರಲಾವೊನೆ ಕ್ಹುದಾಕ್ಹು ಸಾಕ್ಷಿದಿದಲ ಕ್ಹರಿ ವ್ಹಂದಲ ರ‍್ಹವಸ. ಕ್ಹುದಾನೆ ನೈನಂಬಲವಾಲೊ. ಕ್ಹುದಾನೆ ಸುಳ್ಳವಾಲೊ ಕರಸ. ಕಾಕದ್ಯಾಮ ಕ್ಹುದಾ ತಿನಾ ದಿಕ್ರಾನೆ ಹುತಿ ಕದಲ ತೆ ಬರೊಕ್ಹೊ ನೈ ಕರ್ತೊ.
1JO 5:11 ತೆ ಸಾಕ್ಷಿ ಕೈವೈ ಕದ್ಯಾಮ, ಕ್ಹುದಾ ಅಪನೊನೆ ಹಮೆಶಾನೊ ಜ಼ಲಮ್ಮ ದಿದ್ಯೊಸ. ತೆ ಜ಼ಲಮ್ಮ ತಿನಾ ದಿಕ್ರಾಮಾ ಛೆ ಕೈನ.
1JO 5:12 ಕುನ ಕ್ಹುದಾನಾ ದಿಕ್ರಾನೆ ನಂಬಸ ತ್ಯುನೊನೆ ತೆ ಜ಼ಲಮ್ಮ ಛೆ,ತೆನೈಸೊ ಕುನ ಕ್ಹುದಾನಾ ದಿಕ್ರಾನೆ ನೈ ನಂಬತು ತ್ಯುನೊಮಾ ತೆ ಜ಼ಲಮ್ಮ ನತ್ತಿ.
1JO 5:13 ಕ್ಹುದಾನಾ ದಿಕ್ರಾಪರ ಭರೊಕ್ಹೊ ಮ್ಹೆಲಾವಾಲಾ ಥೈನತಮನೊಮ್ಮಾ ತೆ ಹಮೆಶಾನು ಜ಼ಲಮ್ಮ ಛೆಕೈನ ಗೊತ್ತ ಥವಾನಾಹುತಿ ತಮನೊನೆ ಆ ವಿಷಯಯೊ ಲಿಕ್ಯೊ.
1JO 5:14 ವರಿ ಕ್ಹುದಾನಾ ಚಿತ್ತನಾ ಪೆ ಮಾಂಗಿಲಿವಾನು ತೆ ಪುರಾ ಕರಸ ಕೈನ ಭರೊಕ್ಹೊ ತಿಪರ ರ‍್ಹವಸ.
1JO 5:15 ಅಪೆ ಸು ಮಾಂಗಿಲಿದ್ಯಾ ತಬಿ ತೆ ಅಪೆ ಮಾಂಗಿಲಿದೆಲ ಐಕಸ ಕೈನ ಅಪ್ನೊ ಗೊತ್ತ ರ‍್ಹೈಮ, ಅಪೆ ಮಾಂಗಿಲಿವಾನು ತಿಕ್ಹು ಅಪೊನೆ ಮಳಸ ಕೈನ ಗೊತ್ತ ಥಾವಸ.
1JO 5:16 ತುಮಾರಾಮಾ ಕುನಬಿ ಯಕ್ಕ ವಿಸ್ವಾಸಿ ತಿನಾ ಬಾ ಮೌಥ ನೈಸೊ ಪಾಪ ದೆಕಿನ ತೆ ಕ್ಹುದಾ ಕನ ಮಾಂಗಿಲಿವಾದೆ ತೆಳಾಮಾ ಕ್ಹುದಾ ಮೌತ ನೈಸೊ ಪಾಪ ಕರಾವಾಲಾವೊನೆ ಜ಼ಲಮ ದಿವಸ. ಮೌತ ರ‍್ಹಯಲ ಪಾಪ ಛೆ ತೆ ಪಾಪನಾ ವಿಷಯಮ್ಮಾ ತೆ ಮಾಂಗಿಲ್ಯು ಮಿ ನೈ ಕತೊ.
1JO 5:17 ನಿತಿನೆ ವಿರುದ್ದ ಥಯಲ ಕ್ಹಾರು ಪಾಪ ಥೈಯುಸ. ತೆನೈಸೊ ಮೌತ ರ‍್ಹಯಲ ಪಾಪ ಛೆ.
1JO 5:18 ಕ್ಹುದಾಕ್ಹು ಹುಟೆಲ ಪಾಪ ನೈಕರತ್ತಾ ಕೈನ ಮನೆ ಗೊತ್ತ ಛೆ. ಕ್ಹುದಾಕ್ಹು ಹುಟೆಲ ಕ್ಹುದಕ್ಹು ತಿನೆ ವಚಾಡಲಿವಸ ಕೆಟ್ಟನು ತೆ ನೈ ಮೊಟ್ಟತೊ.
1JO 5:19 ಕ್ಹಾರಿ ದುನಿಯಾಮ್ಮಾ ಕೆಟನಾ ವಿಷಮಾ ರ‍್ಹೈತಬಿ ಅಪೆ ಕ್ಹುದಾನೆ ಸಂಬಂಧಪಟ್ಟೆಲ ವಾಲಾ ಛೆ ಕೈನ ಅಪನೊನೆ ಗೊತ್ತ ಛೆ.
1JO 5:20 ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.
1JO 5:21 ಮಯಾನಾ ಬಚ್ಚಾ಼ವೊ, ಮುರ್ತಿಯೊನಾ ನಜಿಕ ಗಯಾವಾಚಿ ತಮನೊನೆ ವಚಾಳಿವೊ.
2JO 1:1 ಸಭೆಮಾ ಮ್ಹೊಟೊ ಥಯಲ ಮಿ ಯಾವೊನೆ ವರಿ ತ್ಯುನಾ ಬಚಾವೊನೆ ಬರ್ದಾನು ಸುವೈ ಕದ್ಯಾಮ; ಅಪ್ನೊಮಾ ರ‍್ಹಯಲ ವರಿ ಅಪ್ನಾ ಕ್ಹಾತೆ ಕೆಳಾಮಾಬಿ ಹಮೆಶಾಬಿ ಅಪ್ನಾ ಕ್ಹಾತೆ ರ‍್ಹವಾನು ಕ್ಹರಿನಾ ಹುತಿ ಮಿ ತುಮೊನೆ ಕ್ಹರಿಕ್ಹು ಮಯಾ ಕರುಸ; ಮಿ ಯಕ್ಕಜ಼ ನೈ ಮಾರಾ ಕ್ಹಾತೆ ಕ್ಹರಿ ಸು ವ್ಹೈ ಕೈನ ತಿಳಿದಿಲಿದಲ ಕ್ಹಾರಾಜ಼ನಾ ತುಮೊನೆ ಮಯಾ ಕರಸ.
2JO 1:2 ಹಮಾರಾ ರಹೆಲ ವರಿ ಹರ ಯಕ್ಕ ವತ್ಕ ರ‍್ಹವಾಹು ಕ್ಹರಿನಾಹುತಿ, ಮಿ ತಮನೊನೆ ಕ್ಹರಿಜ ಮಯಾ ಕರುಸ. ಮಿ ನೈಸೊ ಕ್ಹರಿನೆ ಕುನ ಮಯಾ ಕರಸ ತಮನೊನೆ ಬಿ ಮಯಾ ಕರಸ.
2JO 1:3 ಬಾ ಥಯಲ ಕ್ಹುದಾಕ್ಹು, ಕ್ಹುದಾನೊ ದಿಕ್ರೊ ಥಯಲ ಯೆಸು ಕ್ರಿಸ್ತಕ್ಹು, ಕೃಪೆ, ಮರಗಾ, ಶಾಂತಿ, ಕ್ಹರಿ, ಮಯಾ ಹರ ಯಕ್ಕ ವಕ್ಹತ ಅಪ್ನಾ ಕ್ಹಾತೆ ರ‍್ಹವಾದೆ.
2JO 1:4 ಬಾ ಕ್ಹು ಹಮೆ ಹೊಂದಿಲಿದೆಲ ಆಜ್ಞಾಕ್ಹು, ಪ್ರಕಾರ ತಮಾರಾ ಬಚಾವೊಮಾ ದಕ್ಹಜ಼ನಾ ಕ್ಹರಿನಾಜ ಥೈನ ಚಾ಼ಲಾನು ದೆಕಿನ ಮಿ ಘನೊ ಖುಶಿ ಥಯೊ.
2JO 1:5 ಮಾರಿ ಮಾವೊ, ಮಿ ತಮನೊನೆ ನಯಾ ಆಜ್ಞಾ ಬರದೆವಾಚಿ ಪೈಲಾತೊಜ ಹಮನೊನೆ ರ‍ಹೆಲ ಆಜ್ಞಾ ತಮನೊನೆ ಬರ್ದಾಲೊ ಥೈನ; ಅಪೆ ಯಕ್ಕನೆ ಯಕ್ಕ ಮಯಾ ಕರಾಲಾ ಥೈನ ಕೈನ ತಮನೊನೆ ಕನ ಮಾಂಗಿಲ್ಯುಸ.
2JO 1:6 ಕ್ಹುದಾನಿ ಆಗನ್ಯಾನೆ ಕಾಯಿದಿಲಿನ ವಿಧೆಯತೆ ಥೈವಾನುಜ ಮಯಾ ವ್ಹೈ. ಮಾಯಾ ಚಾಲಾವಾಲಾ ವ್ಹೈ ಕೈನ ತಮೆ ಪೈಲಾತಾ ಪುಚೆಲ ಆಜ್ಞಾ ಥೈಸು.
2JO 1:7 ಕಾಕದ್ಯಾಮ ಯೆಸುಕ್ರಿಸ್ತ ಮನಕ್ಹ ಥೈನ ಆಯೊ ಕವಾನು ಒಪೆವಾಚಿ ರಹೆಲ ದಕ್ಹಜ಼ನಾ ಮೊಸ ಕರಾವಾಲಾ ದುನಿಯಾಮ್ಮಾ ಆಯಾತ್ತಾ. ಹವಾಜ ಯೆಸುನೆ ಒಪೆವಾಚಿ ಮೊಸ ಕರಾವಾಲಾ ಕ್ರಿಸ್ತನಾ ವಿರೊದಿಯೊ ಥಯಾಸ.
2JO 1:8 ತಮೆ ಮ್ಹೈನತ ಕರಿನ ಕರಲ ಜುವೈಲೆವಾಚಿ ಪುರ್ಣ ಪ್ರತಿಫಲ ಹೊಂದಿಲಿವಾನಾ ಹುತಿ ಹುಶಾ ರ‍್ಹೈ.
2JO 1:9 ಕ್ರಿಸ್ತನ ಉಪದೆಶಮಾ ನೈ ಘಟ ರ‍್ಹಯೆಲವಾಲಾವೊನೆ ತಿನೆ ದಾಟಿ ಜಾ಼ವಾಲಾವೊನೆ ತ್ಯುನಾ ಕ್ಹಾತೆ ಕ್ಹುದಾ ರ‍್ಹತೊ ನೈ. ತೆ ಉಪದೆಶಮಾ ಘಟ ರಹವಾಲಾವೊನಾ ಕ್ಹಾತೆ ಬಾ ಬಿ ರ‍್ಹವಸ ವರಿ ದಿಕ್ರೊ ಬಿ ರ‍್ಹವಸ.
2JO 1:10 ತೆ ಉಪದೆಶ ದಾಟಿ ಜಾ಼ವಾ ವಾಲಾ ಕುನಬಿ ತಮನೊ ಕನ ಆಯಾಮ್ಮಾ ತಿನೆ ಘರಾ ನಕೊ ಲ್ಯು ಕೈನ ತಿನೆ ಚೊ಼ಕು ಥಾವಾದೆ ಕೈನ ಕೌನೈ.
2JO 1:11 ಕಾಕದ್ಯಾಮ್ಮ ತಿನೆ ಚೊ಼ಕು ಥಾಂವಾದೆ ಕೈನ ಕವಾನು ತೆ ಕಟ್ಟಕಾಮೊಮ್ಮಾ ವಾಟೊ ಲಿವಾಲೊ ಥೈವಸ.
2JO 1:12 ತುಮೊನೆ ಬರ್ದಾನಾ ಹುತಿ ಮನೆ ಘನಿಯೊ ವಿಷಯೊ ರ‍್ಹೈತಬಿ ತಿನೆ ಮನಸಕ್ಹು ಕಾಗತಪರ ಬರ್ದಿನ ತಿಳಸಾನಾ ಹುತಿ ಮನೆ ಮನಸ ನತ್ತಿ. ತಿನಾಹುತಿ ಮಿ ತುಮಾರಾ ಕ್ಹಾಜ ಬೊಲು ಕೈ ಮನಸ ಛೆ. ತೆಳಾಮಾ ತುಮಾರು ಕ್ಹುಶಿ ಪರಿಪುರ್ಣ ಥಾವಸ.
2JO 1:13 ತಾರಿಯೊ ಭೆನೊನಾ ಬಚ್ಚಾ ತುನೆ ವಂದನೆ ಕವಾಡ್ಯಾಸ.
3JO 1:1 ಸಭೆಮಾ ಮ್ಹೊಟೊ ಥಯಲ ಮಿ ಕ್ಹರಿಕ್ಹು ಮಯಾ ಕರಲ ಮಯಾನಾ ಭೈನೆ ಗಾಯನನೆ ಬರ್ದಾನು ಸುವೈ ಕದ್ಯಾಮ ;
3JO 1:2 ಮಯಾನಾ, ತು ತಾರಾ ಆತ್ಮನಾ ವಿಷಯಮಾ ಅಭಿವೃದ್ದಿ ಥಯಲ ನಿಂಗತ, ಕ್ಹಾರಾ ವಿಷಯಮಾ ಅಭಿವೃದ್ದಿ ಹೊಂದಿನ ಚೊ಼ಕೊ ಥೈನ ರ‍್ಹೌ ಕೈನ ಮಿ ಪ್ರಾರ್ಥನಾ ಕರುಸ.
3JO 1:3 ಭಾಯೊ ತೆಳಾಮಾ-ತೆಳಾಮಾ ಮಕನ ಐನ, ತುಕನ ರ‍್ಹಯಲ ಕ್ಹರಿನಾ ವರಿ ತು ಕ್ಹರಿಕ್ಹು ಚಾ಼ಲಿನ ಜಾ಼ವಾನಾ ಹುತಿ ಮಕನ ಕತಾಮಾ ಮಿ ಖುಶಿ ಥೌಸ.
3JO 1:4 ಮಾರಾ ಬಚ್ಚಾ ಕ್ಹರಿ ಲಿಂಗತ ಚಾ಼ಲಿನ ಜಿವ್ನಾ ಕರಾಡಾಸ ಕೈನ ಐಕಿನ ಥಯಲ ಖುಶಿ ಯಕ್ಲಿ ಬಿಜಿ ಖುಶಿ ನತ್ತಿ.
3JO 1:5 ಮಯಾನಾ, ವಳಕ ನೈಸೊ ವಾಲಾ ಭಾಯೊನೆ ತು ಮರ್ಯಾದಿ ದಿವಾನೆ ಬರೊಕ್ಹೊ ಕರಾಲಾನೆ ಯೊಗ್ಯ ಥೈನ ರ‍್ಹಶಿ.
3JO 1:6 ತ್ಯುನೆ ಸಭೆನಾ ಕ್ಹಾಮ್ಮಾ ತು ದೆಕ್ಲಾಡೆಲ ಮಯಾನಾ ಹುತಿ ಸಾಕ್ಷಿ ಕದ್ಯಾ. ತ್ಯುನೊನೆ ತು ಕ್ಹುದಾನಾ ಸೆವಕೊನೆ ಯೊಗ್ಯ ರ‍್ಹಯಲ ತರಿಕಾಮಾಜ ಅಗು ಬಡಾವಾನು ಚೊ಼ಕು ರ‍್ಹವಸ.
3JO 1:7 ಕಾ ಕದ್ಯಾಮ ತ್ಯುನೆ ಕ್ರಿಸ್ತನಾ ನಾಮನೆ ಪ್ರಚಾರ ಕರಾನಾ ಹುತಿ ಚಾ಼ಲ್ಯಾಸ. ಬಿಜಾ ಮನಕ್ಹೊ ಕಂತ್ತಾ ಸುಜ಼ ಲಿವಾಲಾ ನ್ಹೈ.
3JO 1:8 ತಿನಾಹುತಿ, ಹಮೆ ಕ್ಹರಿಜನೆ ಸಹಾಕಾರಿ ಥೈವ ಕೈನ ತೆವಾವೊನೆ ಮಳಲಿವಾನು ಮುಲಾಜಾಮ್ಮಾ ಛೆ.
3JO 1:9 ತೆ ನೈಸೊ ಸಭೆಮಾ ಮ್ಹೊಟೊ ಥೈನ ರ‍್ಹೌಸ ಕವಾಲೊ ದಿಯೊತ್ರೆಫನ ಹಮಾರಿಯೊ ವಾತೊ ವಪ್ಪಿಲೆತೊ ನೈ. ತಿನಾಹುತಿ ಮಿ ಆಯೊಮ ತೆ ಕರಾನಾ ಕಾಮೊನಾ ಹುತಿ ಕ್ಹಾರಾವೊನೆ ಶೆ ದಿಲೌಸ.
3JO 1:10 ತೆ ಫಾಲತು ಕಾಮ ಕರಾಲೊ, ಹಮಾರಾ ವಿಷಯಮಾ ಕೆಟ್ಟ ಪ್ರಚಾರ ಕರಾಡ್ಯೊಸ. ಯಕ್ಲುಜ ನೈಸೊ ತೆ ತಿನಾ ಭಾಯೊನಾ ತಿನಾ ಕ್ಹಾತೆ ರ್xಔ ಕವಾಲಾವೊನೆ ಅಡ್ಡ ಕರಿನ ಸಭೆಮಾತೊ ಬಾರೊ ಕಾಡಸ. ಮಯಾನಾ ತು ಕೆಟ್ಟ ಚಾಳಿ ಪಾಲ್ಶಾವಾಚಿ ಚೊ಼ಕಿ ಚಾಳಿಯೊ ಪಾಲಸ.
3JO 1:11 ಚೊ಼ಕು ಕರಾಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ. ಕೆಟ್ಟ ಕರಾಲೊ ಕ್ಹುದಾನೆ ದೆಕಲವಾಲೊ ನ್ಹ ವ್ಹೈ. ದೆಮೆತ್ರಿ ಭೊಳೊ ವ್ಹೈ ಕೈನ ಕ್ಹಾರಾವೊನಾ ಕ್ಹಾಮೊಜ಼ ಸಾಕ್ಷಿ ಥಯೊಸ.
3JO 1:12 ಹಮೆ ಬಿ ತುಮೊನೆ ಆ ವಿಷಯಮಾ ಸಾಕ್ಷಿ ದಿವಾಲಾ ವ್ಹೈ; ಹಮಾರಿ ಸಾಕ್ಷಿ ಕ್ಹರಿ ವ್ಹೈ ಕೈನ ತುಮೆ ಗೊತ್ತ ಛೆ.
3JO 1:13 ಮಿ ಬರ್ದಾನಿಯೊ ಸಂಗತಿಯೊ ಘನಿಯೊ ಛೆ. ತೆ ನೈಸೊ ಮಶಿಲಿನ ಬರ್ದಾನಾ ಯಕ್ಲಿ ಮಸಿಲಿನ ಬರ್ದಾನೆ ಮನೆ ಮನಸ ನತ್ತಿ.
3JO 1:14 ಮಿ ಭೆಗಿನ ಐನ ದೆಕುಸ ಕೈನ ಆಸ ಮ್ಹೆಲುಸ. ತೆಳಾಮಾ ಅಪೆ ಕ್ಹಾಮಾಜ಼ ಬೊಲಿಯೆ.
3JO 1:15 ತುನೆ ಸಮಾಧಾನ ರ‍್ಹವಾದೆ. ದೊಸ್ತೊ ತುನೆ ವಂದನೆ ಕರ‍್ಯಾಸ. ತ್ಯಾ ರ‍್ಹಯಲ ಕ್ಹಾರಾ ದೊಸ್ತೊನೆ ವಂದನೆ ಕೆ.
JUD 1:1 ಯೆಸು ಕ್ರಿಸ್ತನೊ ಸೆವಕ ಯಾಕೊಬ್ನೊ ಭೈ ಥಯಲ ಯುದನ ಕ್ಹುದಾಕ್ಹು ಬಲಾಯಲವಾಲಾ ಬಾ ಥಯಲ ಕ್ಹುದಾನೆ ಮಯಾನಾ ಥಯಲ ಯೆಸು ಕ್ರಿಸ್ತಮಾ ಚೊ಼ಕಿತರಾ ರ‍್ಹಯಲವಾಲಾವೊನಾ ಹುತಿ ಬರ್ದಾನು ಪತ್ರ.
JUD 1:2 ತುಮೊನೆ ಮರ್ಗಾ, ಶಾಂತಿ ವರಿ ಮಯಾ ಜಾಸ್ತಿ ಥಾವಾದೆ.
JUD 1:3 ಮಯಾನಾ ದೊಸ್ತೊ, ಅಪೆ ಕ್ಹಾರಾ ವಾಟಿಲಿವಾನಿ ಮರ್ಗಾನಾ ಹುತಿ ತುಮೊನೆ ಬರ್ದು ಕೈನ ಮಿ ಘನ್ನೊ ಆಸ ಕರ‍್ಯೊತೊ.ತೆ ನೈಸೊ ವರಿ ಯಕ್ಕ ವಿಶಯನಾ ಹುತಿ ಮಿ ಬರ್ದಾನು ಜರುರತ್ತ ಛೆ ಕೈನ ಛೆ ಕೈನ ತಿಳದಿಲಿದ್ಯೊ. ಕ್ಹುದಾ ತಿನಾ ಪರಿಶುದ್ಧ ಮನಕ್ಹೊನೆ ದಿದಲ ಬರೊಕ್ಹಾನಾ ಹುತಿ ತುಮೆ ಪ್ರಯಾಸ ಪಡ್ದಿನ ಹೊರಾಡಾನಾ ಲಿಂಗತ ಮಿ ತುಮೊನೆ ಪ್ರೊತ್ಸಾಹ ಕರಾನಾ ಹುತಿ ಮನಸ ಕರುಸ. ಕ್ಹುದಾ ಅಪೊನೆ ಬರೊಕ್ಹೊ ಯಕ್ಕಸಲಾ ದಿದ್ಯೊಸ. ತೆ ಕ್ಹಾರಾ ಕಾಲಮಾಬಿ ಚೊ಼ಕು ಛೆ.
JUD 1:4 ದಕ್ಹಾ ಜ಼ನಾ ಮನಕ್ಹೊ ಗ್ವತ್ತವಾಚಿ ತುಮಾರಿ ಸಬೆಮಾ ಆಯಾಸ. ಇವ್ನೊನೆ ಥಾವಾನಿ ಶಿಕ್ಷಾನಾ ಹುತಿ ಘನ್ನಾ ದಿನ್ನಾ ಪಾಚಾ಼ಜ಼ ಪ್ರವಾದಿಯೊ ಬರ್ದ್ಯಾಸ. ಎ ಮನಕ್ಹೊ ಕ್ಹುದಾನಾ ವಿರುದ್ದ ಥಯಾಸ.ತ್ಯುನೆ ಪಾಪನಾ ಕಾಮೊ ಕರಾನಾ ಹುತಿ ಅಪ್ನಾ ಕ್ಹುದಾನಿ ಮರ್ಗಾನಿ ನೈವಾ ಕರ್ಲಿನ ತ್ಯುನೆ ಅಪ್ನೊ ಯಕ್ಕಜ಼ ಮಾಲಕ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಪಾಚಾ಼ ಆವಾಲಾ ಥಯಾಸ.
JUD 1:5 ತುಮೆ ಕ್ಹಾರುಜ಼ ತಿಳದಿಲಿದಲ ದಕ್ಹಾ ವಿಚಾರೊ ಶೆ ಕರ್ಲಿವಾನೆ ಮಿ ತುಮೊನೆ ಮದತ ಕರಾನೆ ಆಸ ಕರುಸ. ಪ್ರಾಬು ತಿನಾ ಮನಕ್ಹೊನೆ ಇಜಿಪ್ತ ದೆಶತೊ ಲೈನ ತ್ಯುನೊನೆ ವಚಾ಼ಡಲ ಶೆ ಕರ್ಲಿವೊ. ತೆಳಾಮಾಜ಼ ಬರೊಕ್ಹೊ ನೈಸೊವಾಲಾ ಮನಕ್ಹೊನ ನಾಶ ಕರಿಪಾಡ್ಯೊ.
JUD 1:6 ದೆವದುತೊ ಅದಿಕಾರ ವ್ಹಂದ್ಯಾತಬಿ ತೆ ವಚಾ಼ಡಿಲಿದ್ಯಾವಾಚಿ ಸ್ವಂತ ರ‍್ಹಯಲ ಜ಼ಗಾ ‍ಚೊಡಿನ ಗಯಲ ಶೆ ಕರೊ. ತಿನಾಹುತಿ ಪ್ರಭು ತೆ ದೆವದೊತೊನೆ ಅಂದಕಾರಮಾ ಮ್ಹೆಲ್ಯೊ. ತ್ಯುನೊನೆ ಹಮೆಶಾಬಿ ಬೆಡಿಯೊಮಾ ಭಾಂದಿನ ಮ್ಹೆಲ್ಯೊ.ಮ್ಹೊಟಾ ದಿನ್ನ ದಿನ್ನೆ ತ್ಯೊನೊನೆ ಫಸ್ಒ ಥಾವಾನಾ ಹುತಿ ತ್ಯಾ ಮ್ಹೆಲ್ಯೊ.
JUD 1:7 ಸೊದಮ ವರಿ ಗೊಮುರ ಗಾಮೊನೆ ತ್ಯುನಾ ಆಜು಼ ಬಾಜು಼ ರ‍್ಹಯಲ ಗಾಮನೆ ಶೆ ಕರ್ಲಿವೊ. ತೆ ಕ್ಹಾರು ತೆ ದೆವದುತನಿಂಗತ ಥಯಾ. ತೆ ಗಾಮೊಮಾ ಲೈಂಗಿಕ ಪಾಪೊ ವರಿ ಕೆಟ್ಟ ಕಾಮೊ ಭರಿಗಯಾತಾ. ತ್ಯುನೆ ಹಮೆಶಾನಿ ಆಗಮಾ ತ್ರಾಸ ಖಾತಾ ರ‍್ಹವಸ. ತ್ಯುನೊನೆ ದಿದಲ ಶಿಕ್ಷಾ ಅಪೊನೆ ಅಪೆ ಶಿಕ್ಕಿಯೆಸ.
JUD 1:8 ತುಮಾರಿ ಸಭೆಮಾ ಆವಾಲಾ ಮನಕ್ಹೊನೆ ಇನಾಲಿಂಗತಜ಼ ಥಾವಸ. ತ್ಯುನಾ ಕ್ಹಪ್ನೊಜ಼ ತ್ಯುನೊನೆ ವಾಟ ಥಾವಸ. ತ್ಯುನಾ ಪಾಪೊಕ್ಹುಜ಼ ತ್ಯುನೊನೆಜ಼ ವ್ಹಲಸ ಕರ್ಲಿವಸ. ತ್ಯುನೆ ಪ್ರಭುನೊ ಅದಿಕಾರನೆ ತಿರಸ್ಕಾರ ಕರ್ಲಿವಸ. ತಾಕತವರ ರ‍್ಹಯಲ ದೆವದುತೊನಾ ವಿರುದ್ದ ಕೆಟ್ಟ ವಾತೊ ಬೊಲಸ.
JUD 1:9 ಮ್ಹೊಟೊ ದೆವದುತ ರ‍್ಹಯಲ ಮಿಕಾಯಲಜ಼ ಖುದ್ದ ಇಮ್ಮ ಕರ‍್ಯೊ ನೈ. ಮೊಶೆನು ಮರಲ ಅಂಗ ಕಿನೆ ಮಳು ಕೈನ ಮಿಕಾಯೆಲ ಸೈತಾನನಾ ಹುತಿ ದೊಷಣೆ ಕರಾನೆ ಧೈರ್ಯಕರ‍್ಯಾವಾಚಿ" ಪ್ರಭುಜ಼ ತುನೆ ಶಿಕ್ಷಾ ದಿವಸ "ಕೈನ ಕದ್ಯೊ.
JUD 1:10 ತೆನೈಸೊ ಎ ಮನಕ್ಹೊ ನೈ ಕಳಲನೆ ಟಿಕಾ ಕರಸ ತ್ಯುನೊನೆ ದಕ್ಹುಜ಼ ಗ್ವತ್ತ ಥಾವಸ. ತೆನೈಸೊ ಗ್ಯಾನ ನೈಸೊ ಪ್ರಾಣಿಯೊ ಲಿಂಗತ ಸಹಜ಼ ಪ್ರವೃತ್ತಿಕ್ಹು ಕಳೈಲಿವಸ ಯಕ್ಕಜ಼ ಮನಸಕ್ಹು ಕಳೈಲೆತಾ ನೈ. ಎಜ಼ ತ್ಯುನೊನೆ ಹಾಳ ಕರಸ.
JUD 1:11 ತ್ಯುನೊನೆ ಕೆಟ್ಟ ಪರಸ್ತಿಥಿ ಆವಸ. ಎ ಮನಕ್ಹೊ ಕಾಯಿನ ಚಾ಼ಲಲ ವಾಟ್ಮಾಜ಼ ಚಾ಼ಲಸ. ತ್ಯುನೆ ಆಸ್ತಿ ಗಳ್ಸಾನಾ ಹುತಿ ಬಿಳಾಮನನಿ ವಾಟ್ಮಾ ಚಾ಼ಲಾನೆ ತ್ಯುನಾಕ್ಹು ತ್ಯುನೊನೆ ವಪ್ಸಿನ ದಿದ್ಯಾಸ. ಕೊರಹನ ಕರಲಲಿಂಗತಜ಼ ಕ್ಹುದಾನಾ ವಿರುದ್ದ ಹೊರಾಡ್ಯಾಡ್ಯಾಸ. ತ್ಯುನೆ ಕ್ಹಾರಾ ಕೊರಹಲಿಂಗತ ಹಾಳಥಾವಸ.
JUD 1:12 ತುಮಾರಾ ಅನ್ಯುನೆತೆನಾ ಭೊಜನಮಾ ಎ ಮನಕ್ಹೊ ಡುಬಿ ಗಯಲ ದಗ್ಡಾವೊಲಿಂಗತ ಛೆ. ತ್ಯುನೆ ಭೆ ನೈಸೊ ತುಮಾರಾ ಕ್ಹಾತೆ ಕವಾಡ್ಯಾಸ. ತ್ಯುನೆ ಖುದ್ದನಾ ಹುತಿಜ಼ ಚಿಂತಾ ಕರಾಲಾ ಕುರಬುರ‍್ಯಾ ಥಯಾಸ. ತ್ಯುನೆ ಪಾನಿ ನೈಸೊ ಮ್ಹಾಡಲಿಂಗತ ಥಯಾಸ. ವಾರೊ ತೆ ಮ್ಹಾಡನೆ ತಿನಾ ಕ್ಹಾತೆ ಲಿನ ಗೈಪಡಸ. ತ್ಯುನೆ ಕಯಾ ಟೈಮ್ಮಾ ಫಲ ದ್ಯು ತೆ ಕಾಲಮಾ ಫಲ ದಿದ್ಯಾವಾಚಿ ಬೆರ ಕ್ಹಮಾತಾಜ಼ ಕಿತೈನ ಪಡಲ ಝಾಡೊಲಿಂಗತ ಛೆ.
JUD 1:13 ಇವ್ನೆ ಸಮುಂದರಮಾ ರ‍್ಹಯಲ ಧಡ್ಕಿಯೊ ಲಿಂಗತ ಛೆ. ಎ ಧಡ್ಕಿಮಾತು ಆವಾನು ಬುರುಕ ಲಿಂಗತ ಇವ್ನೆ ಸರಮ ನೈಸೊ ಕಾಮೊ ಕರಾಡಾಸ. ಎ ಮನಕ್ಹೊ ಹಬಾಳಮಾ ಫರಾನಿಯೊ ಚಿಕ್ಕಿಯೊ ಲಿಂಗತ ಛೆ. ತ್ಯುನಾಹುತಿ ಹಮಾಶಾಬಿ ಅಂದಾರಾ ರ‍್ಹವಾನಿ ಜ಼ಗಾಮಾಜ಼ ರ‍್ಹವಾಲಗಾಡಸ.
JUD 1:14 ಆದಾಮತೊ ಕ್ಹಾತ್ವಾ ಮಾತಾನೊ ರ‍್ಹಯಲ ಹನೊಕ ಎ ಮನಕ್ಹೊನಾ ಹುತಿ ಅಮ್ಮ ಕದ್ಯೊಸ; "ದೆಕೊ, ಲಾಕೊಶಿ ತಿನಾ ಪರಿಶುದ್ಧ ದುತೊನಾ ಕ್ಹಾತೆ ಆವಾಡ್ಯೊಸ.
JUD 1:15 ಪ್ರಭು ಹರಿಯಕ್ಲಾನೆ ಫೈಸಲೊ ಕರಸ. ಭಕ್ತಿಮಾ ಕಮಿ ರ‍್ಹಯಲವಾಲಾ ತಿನಾ ವಿರುದ್ದ ಕರಲ ಕ್ಹಾರಾ ಕೆಟ್ಟ ಕಾಮೊ ವರಿ ಪಾಪಿಯೊ ತಿನಾ ವಿರುದ್ದ ಬೊಲಲ ಕ್ಹಾರಿ ವಾತೊ ಖಂಡ್ಸಾನೆ ತೆ ಆವಾಡ್ಯೊಸ.
JUD 1:16 ಎ ದುರ್ಭೊದಕೊ ಗುಣ ಗುಟ್ಟಾಲಾ ತಪ್ಪ ಹುಡ್ಕಾಲಾ ಕೆಟ್ಟ ಆಸಮಾ ಪಡಲವಾಲಾ ಮಿ ವ್ಹೈ ಕೈನ ಕವಾಲಾ ಮ್ಹೊಡು ದೆಕಿನ ಬೊಲಾಲಾ ಥಯಾಸ.
JUD 1:17 ಮಯಾನಾ ದೊಸ್ತೊ, ಅಪ್ನಾ ಪ್ರಭು ಯೆಸು ಕ್ರಿಸ್ತನಾ ಅಪೊಸ್ತಲೊ ಪೈಲಾ ಸು ಕದ್ಯಾತಾ ಕೈನ ಶೆ ಕರಿಲಿವೊ.
JUD 1:18 ಅಪೊಸ್ತಲೊ ತುಮೊನೆ, ಅಂತ್ಯಕಾಲಮಾ ಕ್ಹುದಾನಾ ಹುತಿ ಅಕ್ಹಾಲಾ ಮನಕ್ಹೊ ರ‍್ಹವಸ ಕೈನ ಕದ್ಯಾ ಎ ಮನಕ್ಹೊ ತ್ಯುನಾ ಮನಸೆ ಆಯಲ ತಿಮ್ಮಜ ವರಿ ಕ್ಹುದಾನಾ ವಿರುದ್ದ ರ‍್ಹಯಲ ಕರಾಲಾ ಥಯಾಸ.
JUD 1:19 ಎ ಮನಕ್ಹೊ ತುಮೊಮಾ ಭೆದ ಹುಟ್ಸಾವಸ.ಎ ಮನಕ್ಹೊ ತ್ಯುನಿಯೊ ಪಾಪನಿಯೊ ಚಾಳಿಯೊ ನಿಂಗತ ಯಕ್ಕಜ಼ ಕರಸ.ತ್ಯುನೊಮಾ ಪವಿತ್ರ ಆತ್ಮಾ ನತ್ತಿ.
JUD 1:20 ತೆ ನೈಸೊ ಮಯಾನಾ ಭಾಯೊ, ತುಮೊಮಾ ರ‍್ಹಯಲ ಪರಿಶುದ್ದ ಬರೊಕ್ಹಾನಾ ಮುಲಕ ಪವಿತ್ರ ಆತ್ಮಾ ಭರಿತ ಥೈನ ಪ್ರಾಥನಾ ಕರೊ.
JUD 1:21 ಹಮೆಶಾನಾ ಜ಼ಲಮನಾ ಹುತಿ ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನಿ ಮರ್ಗಾ ದೆಕ್ತಾ ತುಮೊನೆ ಕ್ಹುದಾನಿ ಮಯಾಮಾ ವಚಾಡಿಲಿವೊ.
JUD 1:22 ಶಕ್ಕ ರ‍್ಹಯಲ ಮನಕ್ಹೊನೆ ಮರ್ಗೊ.
JUD 1:23 ಬಿಜಾ಼ ಮನಕ್ಹೊನೆ ವಚಾ಼ಡೊ. ತೆ ಮನಕ್ಹೊನೆ ಆಗಮಾತಾ ಭಾರಾ ಲಾವೊ. ತುಮೆ ದಕ್ಹಾ ಮನಕ್ಹೊನೆ ಮರ್ಗಾ ದೆಕಡತಾಮಾ ಹುಷಾರಕ್ಹು ಪಾಪೊಕ್ಹು ರಾಡಿ ಥಯಲ ತ್ಯುನಾ ವಣ್ಣಾವೊನೆಬಿ ದುಶ್ಮನಿ ಕರೊ.
JUD 1:24 ತೆ ತಾಕತವರ ಥಯೊಸ. ತುಮೆ ಪಡೆನೈಸೊ ತೆ ತುಮೊನೆ ಮದದತ ಕರಸ. ತೆ ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ತಿನಿ ಮಹಿಮಾನಿ ಸನ್ನಿಧಿಮಾ ಲಾವಾನೆ ತುಮೊನೆ ಘನ್ನಿ ಮ್ಹೊಟಿ ಖುಶಿ ದಿವಾನೆ ಶಕ್ತ ಥಯೊಸ.
JUD 1:25 ತೆಜ಼ ಯಕ್ಲೊ ಕ್ಹುದಾ ವ್ಹೈ. ಅಪೊನೆ ವಚಾ಼ಡಾಲೊ ವ್ಹೈ. ಆದಿಮಾ ರ‍್ಹಯಲ ಲಿಂಗತಜ಼ ಹಮ್ನಾಬಿ ವರಿ ಅಗೊಬಿ ಹಮೆಶಾಬಿ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಮುಲಕ ತಿನೆ ಪ್ರಭಾವ, ಮಹತ್ವ, ಆಧಿಪತ್ಯ ವರಿ ಅದಿಕಾರೊ ರ‍್ಹವಾದೆ. ಆಮೆನ.
REV 1:1 ಎಜ಼ ಯೆಸು ಕ್ರಿಸ್ತನಿ ಪ್ರಕಟನೆ ವ್ಹೈ. ಕ್ಹುದಾ ಭೆಗಿನಜ಼ ಅಗು ಥಾವಾನು ತಿನಾ ಸೆವಕೊನೆ ದೆಕಾಡಾನಾ ಹುತಿ ಎ ಕ್ಹಾರು ಯೆಸುನೆ ದೆಕಾಡಿನ ದಿದ್ಯೊ. ಕ್ರಿಸ್ತ ತಿನೊ ಸೆವಕ ಥಯಲ ಯೊಹಾನನೆ ದೆಕಾಡಾನಾ ಹುತಿ ತಿನಾ ದುತನೆ ಮೊಕಲ್ಯೊ.
REV 1:2 ಯೊಹಾನ ತೆ ದೆಕಲ ತೆಕ್ಲು ತೆ ತಿಳಶ್ಯೊ. ಎ ಕ್ಹಾರು ಕ್ರಿಸ್ತ ಕದಲ ಕ್ಹರಿಜ಼ ವ್ಹೈ. ಕ್ಹುದಾಕಂತು ಆಯಲ ಸಂದೆಶ ವ್ಹೈ.
REV 1:3 ಕ್ಹುದಾಕಂತು ಆಯಲ ಎ ಸಂದೆಶನಿ ವಾಕ್ಯಾ ಒದಾಲಾ ಎ ಸಂದೆಶ ಐಕಿನ ಎ ಕ್ಹಾರು ಕೈಕೊಂಡಿಲಿನ ಚಾ಼ಲಾಲ ನಸಿಬವಾಲಾ ವ್ಹೈ. ಕಾಕದ್ಯಾಮ ಪುರಾ ಥಾವಾನು ಕಾಲ ನಜಿಕ ಆಯೊಸ.
REV 1:4 ಎಶ್ಯಾ ಪ್ರದೆಶಮಾ ರ‍್ಹಯಲ ಕ್ಹಾತ ಸಭೆನೆ ಯೊಹಾನ ಸು ಬರದಸ ಕದ್ಯಾಮ; ವರ್ತಮಾನ, ಭುತ, ಭವಿಷ್ಯತ ಕಾಲಮಾ ರ‍್ಹವಾಲಾನಾ ಹತೆ ವರಿ ತಿನಿ ಸಿಂಹಾಸನ್ನಾ ಕ್ಹಾಮೊ ಕ್ಹಾತ ಆತ್ಮಾವೊಕ್ಹು ವರಿ
REV 1:5 ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ಶಾಂತಿ ಮಳಾದೆ. ಯೆಸು ಬರೊಕ್ಹಾನಿ ಸಾಕ್ಷಿ ಥಯೊಸ. ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯಲವಾಲಾವೊಮಾ ಎಜ಼ ಪೈಲಾ ವ್ಹೈ. ತೆ ಜಗತ್ನಾ ರಾಜಾ಼ ರ‍್ಹಯಲವಾಲಾವೊನೆ ಅಧಿಪತಿ ಥಯೊಸ. ಯೆಸು ಅಪೊನೆ ಮಯಾ ಕರಸ. ತೆ ತಿನಾ ರಗತ ಕ್ಹು ಅಪ್ನಾ ಪಾಪೊ ಧ್ವಯಿನ ಬಿಡುಗಡೆ ಕರ‍್ಯೊ;
REV 1:6 ಅಪೊನೆ ಯಕ್ಕ ರಾಜ್ಯ ಕರಿನ ಅಪೊನೆ ತಿನೊ ಬಾ ಥಯಲ ಕ್ಹುದಾನೆ ಸೆವೆ ಕರಾಲಾ ಯಾಜಕೊ ಕರ‍್ಯೊ. ಯೆಸುನೆ ಹಮೆಶಾಬಿ ಮಹಿಮಾ ವರಿ ಅದಿಕಾರ ರ‍್ಹವಾದೆ! ತಿಮ್ಮ ಥಾವಾದೆ.
REV 1:7 ದೆಕೊ, ಯೆಸು ಮ್ಹಾಡನಾ ಕ್ಹಾತೆ ಆವಾಡ್ಯೊಸ" ಹರಿ ಯಕ್ಲೊ ತಿನೆ ದೆಕಸ, ತಿನೆ ವಿರುದ ಕರಾಲಾ ಬಿ ದೆಕಸ" ತಿನೆ ದೆಕಿನ ದುನಿಯಾಮಾನಾ ಮನಕ್ಹೊ ಛಾತಿ ಬಡೈಲಿನ ಅಡ್ಡಸ ಹೊ, ಎ ಕ್ಹಾರು ಥಾವಸ! ತಿಮ್ಮ ಥಾವಾದೆ"
REV 1:8 ಪ್ರಭು ಥಯಲ ಕ್ಹುದಾ ಸು ಕವಸ ಕದ್ಯಾಮ" ಮಿಜ಼ ಆದಿ ವರಿ ಅಂತ್ಯ ವ್ಹೈ. ಮಿ ವರತಮಾನ ಕಾಲ, ಭುತಕಾಲ ವರಿ ಭವಿಷ್ಯತ ಕಾಲಮಾ ರ‍್ಹವಾಲೊ ವ್ಹೈ. ಮಿಜ಼ ತಾಕತವರ ವ್ಹೈ.
REV 1:9 ಯೊಹಾನ ಕವಾಲೊ ಮಿ ಕ್ರಿಸ್ತಮಾ ತುಮಾರೊ ಭೈ ವ್ಹೈ. ಅಪೆ ಕ್ಹಾರಾ ಮಳಿನ ಯೆಸುನಾ ಹುತಿ ತ್ರಾಸಮಾ ರಾಜ್ಯಮಾ ತಡ್ದಿಲಿವಾಮಾ ವಾಟೊಲಿವಾಲಾ ಥಯಾಸ. ಮಿ ಕ್ಹುದಾನಿ ವಾಕ್ಯಾಮಾ ಯೆಸುನಿ ಸಾಕ್ಷಿಮಾ ರ‍್ಹಯಲ ಹುತಿ ಪತ್ಮೊಸ ಕವಾನಿ ಜ಼ಗಾಮಾ ವ್ಹತ್ತೊ.
REV 1:10 ಪ್ರಭುನಾ ದಿನ್ಮಾ ಪವಿತ್ರಮಾ ಆತ್ಮಾ ಮನೆ ಹತೊಟಿಮಾ ಲಿದ್ಯೊ. ತೆಳಾಮಾ ತಿನಾ ಪಾಚೊ಼ ಯಕ್ಕ ಮ್ಹೊಟಿ ಅವಾಜ಼ ಐಕ್ಯೊ. ತೆ ಅವಾಜ಼ ಬೊಂಗಾವೊನೆ ಅವಾಜ಼ ಲಿಂಗತ ವ್ಹತ್ತು.
REV 1:11 ತೆ ಅವಾಜ಼"ತು ದೆಕಾನು ಕ್ಹಾರು ಯಕ್ಕ ಬುಕ್ಮಾ ಬರ್ದಿನ ಎಫೆಸೆ ಸ್ಮುರನ ಪೆರಗಮ ಥವತೈರ ಸಾರದಿಸ ಫಿಲಿದೆಲ್ಫಿಯಾ ವರಿ ಲವೊದಿಕಿಯಾ ಕವಾನಾ ಕ್ಹಾತ ಸಭೆನೆ ಮೊಕಲ" ಕೈನ ಕದ್ಯು.
REV 1:12 ಮಾರಾ ಕ್ಹಾತೆ ಕುನ ಬೊಲಾಡ್ಯುಸ ಕೈನ ದೆಕಾನೆ ಮಿ ಪಾಚೊ಼ ಫರತಾಮಾ, ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದೆಕ್ಯೊ.
REV 1:13 ತೆ ದಿವ್ವಾನಾ ಖಾಮೊನಾ ವಚ್ಮಾ಼" ಮನಕ್ಹನಾ ದಿಕ್ರಾನಾ ಲಿಂಗತ ರ‍್ಹಯಲವಾಲಾನೆ ದೆಕ್ಯೊ. ತೆ ಮ್ಹೊಟು ಅಂಗ್ಡು ಘಾಲ್ಲಿದ್ಯೊತೊ, ಕ್ಹೊನಾನಿ ಪಟ್ಟಿ ಛಾತಿನೆ ಭಾಂದಿಲಿದ್ಯೊತೊ.
REV 1:14 ತಿನಾ ಮಾತಾನಾ ಬಾಲೊ ಬಕ್ರಾಲಿಂಗತ ಕಾಫುಕ ಲಿಂಗತ ಧೊಳಾ ವ್ಹತ್ತಾ, ಡೊಳಾ ಆಗನಿ ಜ್ವಾಲಾ ಲಿಂಗತ ವ್ಹತ್ತಾ.
REV 1:15 ತಿನಾ ಪಗೊ ಆಗ್ಮಾ ಲಾಲ ಕರಲ ತಾಂಬಾ ಲಿಂಗತ ವ್ಹತ್ತಾ. ಗಳೊ ವೈನ ಜಾ಼ವಾನು ಪಾನಿನು ಅವಾಜ಼ ಲಿಂಗತ ವ್ಹತ್ತು.
REV 1:16 ತೆ ತಿನಾ ಸಿದಾ ಹತ್ಮಾ ಕ್ಹಾತ ಚಿಕ್ಕಿಯೊ ವ್ಹತ್ತಿಯೊ. ತಿನಾ ಮ್ಹೊಡಾಮಾತು ಧಾರ ರ‍್ಹಯಲ ತಲ್ವಾರ ಭಾರು ಆವಾಡ್ಯುತು ತಿನು ಮ್ಹೊಡು ದುಪಾರನಾ ಸುರ‍್ಯಾ ಲಿಂಗತ ಮಿಂಚಾ಼ಡ್ಯುತು.
REV 1:17 ಮಿ ತಿನೆ ದೆಕ್ತಾಮಾ, ತಿನಾ ಪಗೊಕನ ಮರಲವಾಲಾ ಲಿಂಗತ ಪಡಿಗಯೊ. ತೆ ತಿನೊ ಸಿದಾ ಹತ ಮಪರ ಮ್ಹೆಲಿನ"ಭುಚ಼ಕು ನಕೊ ಮಿಜ಼ ಆದಿ ವರಿ ಅಂತ್ಯ ವ್ಹೈ.
REV 1:18 ಮಿಜ಼ ಜಿವ್ತೊ ರ‍್ಹವಾಲೊ ವ್ಹೈ. ಮಿ ಮರ‍್ಯೊ. ತೆನೈಸೊ ಹಮ್ನಾ ದೆಕ ಮಿ ಯುಗ ಯುಗಾಂತರಮಾ ಜಿವ್ತೊ ರ‍್ಹವಾಲೊ ಥಯೊಸ. ಮರಣ ವರಿ ಪಾತಳನಿ ಅದಿಕಾರ ಮಕನ ಛೆ"
REV 1:19 "ತಿನಾಹುತಿ ತು ದೆಕಲ ಸಂಗತಿಯೊ ಬರದ ಹಮ್ನಾ ಥಾವಾನಿಯೊ ಸಂಗತಿಯೊ ವರಿ ಅಗಿಯೊ ಥಾವಾನಿ ಸಂಗತಿಯೊ ಬರದ.
REV 1:20 ಮಾರಾ ಸಿದಾ ಹತ್ಮಾ ತು ದೆಕಲ ಕ್ಹಾತ ಚಿಕ್ಕಿಯೊ ವರಿ ತು ದೆಕಲ ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದಡಿರ‍್ಹಯಲ ಅಮ್ಮ ಛೆ ಕ್ಹಾತ ಚಿಕ್ಕಿಯೊ ಕದ್ಯಾಮ ಕ್ಹಾತ ಸಭೆನಾ ದುತೊ ಕ್ಹಾತ ದಿವ್ವಾನಾ ಖಾಮೊ ಕದ್ಯಾಮ ಕ್ಹಾತ ಸಭೆ ವ್ಹೈ ಕೈನ ಕದ್ಯೊ.
REV 2:1 ಎಫೆಸಮಾ ರ‍್ಹಯಲ ಸಬೆನಾ ದುತನೆ ಎ ಬರದ ತಿನಾ ಸಿದಾ ಹತ ಬಗಲ ರ‍್ಹಯಲ ಕ್ಹಾತ ಚಿಕ್ಕಿಯೊ ಧರಲಿದಲವಾಲೊ ವರಿ ಕ್ಹಾತ ದಿವ್ವಾನಾ ಖಾಮೊ ವಚ್ಮಾ಼ ಫರಾಲೊ ತುನೆ ಎ ಕ್ಹಾರು ಕವಸ.
REV 2:2 "ತು ಕರವಾನು ಮನೆ ಗ್ವತ್ತ ಛೆ. ತು ತ್ರಾಸ ಖೈನ ಕಾಮ ಕರತೊ ತಡ್ದಿಲಿನ ರ‍್ಹಸಿ ತು ಕೆಟ್ಟ ಮನಕ್ಹೊನೆ ತಡ್ದಿಲೆತೊ ನೈ ಕವಾನು ಮನೆ ಗ್ವತ್ತ ಛೆ. ಅಪೊಸ್ತಲೊ ನೈ ರ‍್ಹಯಾತಬಿ ತ್ಯುನೊನೆ ಅಪೊಸ್ತಲೊ ವ್ಹೈ ಕೈನ ಕೈಲಿವಾಲಾವೊನೆ ತುಮೆ ಪರಿಕ್ಷಾ ಕರಿನ ತ್ಯುನೆ ಸುಳ್ಳ ವ್ಹೈ ಕೈನ ತು ವಳಕ್ಯೊ.
REV 2:3 ತು ತಡ್ದಿಲಿನ ಹಮೆಶಾಬಿ ಕೊಶಿಶ ಕರಾಡ್ಯೊಸ. ಮಾರಾ ನಾಮನಾ ಹುತಿ ತ್ರಾಸನೆ ಧೈರ್ಯಕ್ಹು ತಡ್ದಿಲಿದ್ಯೊ.
REV 2:4 "ತೆನೈಸೊ ತಾರಾ ವಿರೊದ ಥೈನ ಮಿ ಕವಾನು ಸು ವ್ಹೈ ಕದ್ಯಾಮ "ತು ಮಪರ ರ‍್ಹಯಲ ಪೈಲಾನಿ ಮಯಾ ಇಕ್ಹ್ರಿ ಪಾಡ್ಯೊಸ.
REV 2:5 ತಿನಾಹುತಿ ತು ಮುಕಂತೊ ದುರ ಥೈಗಯೊಸ ಕವಾನು ಶೆ ಕರಿಲೆ ಮನಸ ಬದ್ಲಿ ಕರಲೆ ತು ಪೈಲಾ ಕರಲ ಕಾಮೊಜ಼ ಕರ ತು ಬದಲಿ ನೈ ಥಯೊಮ ಮಿ ತು ರ‍್ಹಯಲ ಜ಼ಗಾ ಐನ ತಾರು ದಿವ್ವಾನೊ ಖಾಮ ತಿನಿ ಜ಼ಗಾಂತೊ ಕಾಡಿ ಪಾಡುಸ.
REV 2:6 ತೆನೈಸೊ ತು ಚೊ಼ಕು ರ‍್ಹಯಲ ಯಕತಬಿ ಕರಾಡ್ಯೊಸ ತೆ ಸು ವ್ಹೈ ಕದ್ಯಾಮ ನಿಕೊಲಾಯತ ಕವಾಲೊ ಯಕ್ಲೊ ಕರಾನಾ ಕಾಮೊನೆ ಶೆರತೊ ನೈ. ಮಿಬಿ ತ್ಯುನಾ ಕಾಮೊನೆ ಶೆರತೊ ನೈ.
REV 2:7 ಪವಿತ್ರ ಆತ್ಮಾ ಸಬೆನೆ ಕತೊ ರ‍್ಹಯಲ ಎ ಸಂಗತಿಯೊ ಐಕಾಲೊ, ಧ್ಯಾನ ದಿನ್ನ ಐಕ. ಕಯೊ ಝಿತ್ತಸ ತಿನೆ ಜ಼ಲಮ ರ‍್ಹಯಲ ಝಾಡನು ಪ್ಹಲ ತಿನೆ ಖಾವಾನು ಹಕ್ಕ ದ್ಯುಸ. ಎ ಝಾಡ ಕ್ಹುದಾನಾ ಮಳಾಮಾ ಛೆ.
REV 2:8 ಸ್ಮುರನಮಾ ರ‍್ಹಯಲ ಸಬೆನಾ ದುತನೆ ಎ ಬರದ; ಆದಿಮಾ ವರಿ ಅಂತ್ಯಮಾ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಾಡ್ಯೊಸ. ಮರಿನ ಜಿವ್ತೊ ಥೈನ ಉಟಿನ ಆಯಲ ವಾಲೊ ತೆಜ಼ ವ್ಹೈ.
REV 2:9 ತಾರೊ ಕಷ್ಟ ಮನೆ ಗ್ವತ್ತ ಛೆ. ತು ಗರಿಬ ವ್ಹೈ ಕವಾನು ಮನೆ ಗ್ವತ್ತ ಛೆ. ವರಿಬಿ ತು ಘನ್ನೊ ಸೌಕಾರ ವ್ಹೈ. ತಾರಾ ಹುತಿ ಮನಕ್ಹೊ ಕವಾನಿಯೊ ಕೆಟ್ಟ ಸಂಗತಿಯೊ ಮನೆ ಗ್ವತ್ತ ಛೆ. ತೆ ಮನಕ್ಹೊ ತ್ಯುನಾಕ್ಹು ತ್ಯುನೊನೆ ಯೆಹುದಿಯೊ ವ್ಹೈ ಕೈನ ಕೈಲಿವಸ. ವರಿಬಿ ತ್ಯುನೆ ಕ್ಹರಿನಾ ಯೆಹುದಿಯೊ ನ್ಹೈ. ತ್ಯುನೆ ಸೈತಾನನಾ ಗುಂಪವಾಲಾ ವ್ಹೈ.
REV 2:10 ತಾರಾ ಕ್ಹಾತೆ ಥಾವಾನಿಯೊ ಸಂಗತಿಯೊನಾ ಹುತಿ ತು ಭುಚ಼ಕು ನಕೊ. ಮಿ ತುನೆ ಸು ಕೌಸ ಕದ್ಯಾಮ. ಸೈತಾನ ತುಮೊಮಾ ರ‍್ಹಯಲ ದಕ್ಹಾ ಜ಼ನಾವೊನೆ ಪರಿಕ್ಷಾ ಕರಾಹುತಿ ಜೆಲ್ಮಾ ಘಾಲಾಲಗಾಡಸ. ತುಮೆ ದಕ್ಹ ದಿನ್ನ ತ್ರಾಸ ಖಾವೊಸಿ. ತು ಮರತಾಮಾಬಿ ಬರೊಕ್ಹಾಮಾ ರ‍್ಹಯೊಮ, ಮಿ ತುನೆ ಜ಼ಲಮ ಕವಾನಿ ಕಿರಿಟ ದ್ಯುಸ.
REV 2:11 "ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲಾ, ಧ್ಯಾನ ದಿನ್ನ ಐಕ. ಝಿತ್ತಾಲಾನೆ ಬೆವಾ ಮರಣಕ್ಹು ಸುಜ಼ ಹಾಳ ನೈ ಥಾತು.
REV 2:12 ಪೆರಗಮಾ ರ‍್ಹಯಲ ಸಬೆನಾ ದುತನೆ ಎ ಬರದ; "ಘನ್ನು ಚುಪ ರ‍್ಹಯಲ ತಲ್ವಾರ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಸ.
REV 2:13 "ತು, ಕಿಜ್ಗಾ ರ‍್ಹಸಿ ಕವಾನು ಮನೆ ಗ್ವತ್ತ ಛೆ. ಸೈತಾನನು ಸಿಂಹಾಸನ ಕಿಜ್ಗಾ ಛೆ ತು ತ್ಯಾ ಛೆ. ವರಿಬಿ ತು ಮನೆ ಬರೊಕ್ಹಾವಾಲೊ ರ‍್ಹಸಿ. ಅಂತಿಪಸ್ನಾ ಕಾಲ್ಮಾ ತು ಮಪರ ಮ್ಹೆಲಲ ಬರೊಕ್ಹೊ ಕವಾನೆ ತು ಪಾಚೊ಼ ಸರಕ್ಯೊ ನೈ. ತಾರಾ ಗಾಮ್ಮಾ ಖಲಾಸ ಥಯಲ ಅಂತಿಪನ ಮಾರಾ ಬರೊಕ್ಹೊನಾ ಸಾಕ್ಷಿ ಥಯೊ. ತು ರ‍್ಹಯಲ ಗಾಮ ಸೈತಾನನು ಗಾಮ ಥೈಯುಸ.
REV 2:14 "ತೆನೈಸೊ ತಾರಾ ವಿರೊದ ಕವಾನಿಯೊ ದಕ್ಹಿಯೊ ಸಂಗತಿಯೊ ಛೆ. ತಾರಿ ಸಬೆಮಾ ಬಿಲಾಮನ್ನಿ ಕೆಟ್ಟ ಭೊದನೆ ಲಿಂಗತ ಚಾ಼ಲಿನ ಜಾ಼ವಾಲಾ ಮನಕ್ಹೊ ಛೆ. ಇಸ್ರೆಲನಾ ಮನಕ್ಹೊನೆ ಇಮ್ಮ ಪಾಪಮಾ ಪಡೆ ಲಿಂಗತ ಕರು ಕವಾನು ಬಿಲಾಮ ಬಾಲಾಕನೆ ಕೆಟ್ಟ ಭೊದನೆ ಕರ‍್ಯೊ. ತಿನಾಹುತಿ ಇಸ್ರೆಲೊ ಮೊರತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಮುಕಾಂತರ ವರಿ ಕೆಟ್ಟ ಲೈಂಗಿಕನಾ ಪಾಪೊ ಕರಾನಾ ಮುಕಾಂತರ ಪಾಪ ಕರ‍್ಯಾ.
REV 2:15 ತಾರಿ ಸಬೆಮಾಬಿ ಇಮ್ಮಜ಼ ಚಾ಼ಲಾಡ್ಯುಸ. ನಿಕೊಲಾಯಿತನಾ ಭೊದನೆ ಚಾ಼ಲಾಲಾ ಮನಕ್ಹೊ ತುಕನ ಛೆ.
REV 2:16 ತಿನಾಹುತಿ ತಾರು ಮನಸ ಬದಲಿ ಕರಿಲೆ" ನೈತೊ, ಮಿ ಖುದ್ದ ತುಕನ ಭೆಗಿನ ಐನ, ಮಾರಾ ಮ್ಹೊಡಾತು ಭಾರಿ ಆವಾನಿ ತಲ್ವಾರ ಕ್ಹು ತೆ ಮನಕ್ಹೊ ವಿರುದ್ದ ಹೊರಾಡುಸ.
REV 2:17 "ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲೊಜ಼ ಮನಸ ದಿನ್ನ ಐಕ ಝಿತ್ತಾಲಗಾಡಲ ಹರಿ ಯಕ್ಕ ಮನಕ್ಹನೆ ಮಿ ಝಾಕಿನ ಮ್ಹೆಲಲ ಮನ್ನ ದ್ಯುಸ ತಿನೆ ಮಿ ಧೊಳೊ ರ‍್ಹಯಲ ದಗ್ಡೊ ದ್ಯುಸ ತೆ ದಗ್ಡಾಪರ ನೌ ನಾಮ ಬರ್ದ್ಯಾಸ ಎ ನೌ ನಾಮ ಕಿನೆಜ಼಼ ಗ್ವತ್ತ ನತ್ತಿ ಎ ದಗ್ಡೊ ಮಳಲವಾಲೊ ಯಕ್ಕಜ಼ ನೌ ನಾಮ ವಳಕಿಲಿವಸ.
REV 2:18 "ಥುವತೈರಮಾ ರ‍್ಹಯಲ ದುತನೆ ಎ ಕ್ಹಾರು ಬರದ" ಕ್ಹುದಾನೊ ದಿಕ್ರೊ ಎ ಸಂಗತಿಯೊ ಕವಸ. ಆಗ ಲಾಗಲ ಲಿಂಗತ ಉಜಾಲು ರ‍್ಹಯಲ ಡೊಳಾ ಮಿಂಚಾ಼ನು ತಾಂಬಾ ಲಿಂಗತ ಪಗೊ ರ‍್ಹಯಲವಾಲೊ, ತುನೆ ಎ ಕ್ಹಾರು ಕವಸ.
REV 2:19 "ತು ಕರಾನು ಕಾಮೊ ಮನೆ ಗ್ವತ್ತ ಛೆ. ತಾರಿ ಮಯಾ, ಬರೊಕ್ಹೊ, ಸೆವೆ ವರಿ ತಡ್ದಿಲಿವಾನು ಮನೆ ಗ್ವತ್ತ ಛೆ. ತು ಹಮ್ನಾ ಪೈಲಾತಿ ಜಾಸ್ತಿ ಕರಾನು ಗ್ವತ್ತ ಛೆ.
REV 2:20 ತೆನೈಸೊ ತಾರಾ ವಿರೊದ ಎ ಕ್ಹಾರು ಕವಾನು ವ್ಹತ್ತು. ಯೆಜೆಬೆಲ ಕವಾಲಿ ಬಾಕ್ಡಿ ತಿನಾ ಮನಸ ಲಿಂಗತ ಕರಾನೆ ಮೌಕೊ ದೊದ್ಯೊಸ. ತೆ ತಿನೆ ಪ್ರವಾದಿ ವ್ಹೈ ಕೈನ ಕೈಲಿನ ತೆ ಕವಾನಿ ಭೊದನೆನೆ ಮಾರಾ ಸೆವಕೊನೆ ಮುಕಂತೊ ದುರ ಕರಾಡಿಸ. ಲೈಂಗಿಕ ಪಾಪ ಕರಾನು ವರಿ ಮೊರ್ತಿಯೊನೆ ಚ಼ಡಾಯಲ ಅನ್ನ ಖಾವಾನಾ ಹುತಿ ಮರಾ ಮನಕ್ಹೊನೆ ಸಿಕ್ಲಾವಾಡಿಸ.
REV 2:21 ತಿನು ಮನಸ ಬದಲಿ ಕರಲಿನ ಪಾಪೊಕ್ಹು ದುರ ಸರಕಾನೆ ಮಿ ತಿನೆ ಟೈಮ ದಿದ್ಯೊ ತಬಿ ಬದಲಿ ಥಾವಾನೆ ತಿನೆ ಮನಸ ನತ್ತಿ.
REV 2:22 "ತಿನಾ ಹುತಿ ತೆ ಘನ್ನಿ ತ್ರಾಸ ಖಾತಿ ವಚ್ಚಾ಼ನಾಮಾ ಪಡಾನಾ ಲಿಂಗತ ಕರುಸ. ತಿನಾ ಕ್ಹಾತೆ ಲೈಂಗಿಕ ಪಾಪ ಕರಾಲಾ ಮನಕ್ಹೊ ಘನ್ನು ತ್ರಾಸ ಖಾವಸ. ತೆ ಕರಾನು ಕಾಮೊನೆ ತ್ಯುನೆ ಮ್ಹೊಡು ನೈ ಪ್ಹರ‍್ಯಾಮ. ಮಿ ಎ ಹಮ್ನಾಜ಼ ಕರುಸ.
REV 2:23 ಯಕ್ಲಾನೆ ತ್ಯುನಾ ತ್ಯುನಾ ಕಾಮೊನೆ ತಕ್ಕ ಪ್ರತಿಫಲ ದ್ಯುಸ.
REV 2:24 "ತೆನೈಸೊ ಥುವತೈರಮಾ ರ‍್ಹಯಲ ಬಿಜಾ಼ವೊನೆ ಮಿ ಕವಾನು ಸುವೈ ಕದ್ಯಾಮ ತುಮೆ ತಿನಿ ಭೊದನೆ ಲಿಂಗತ ಚಾ಼ಲ್ಯಾ ನೈ. ಸೈತಾನನು ಘನ್ನಿ ರಹಸ್ಯ ರ‍್ಹಯಲ’ ಕೈನ ತ್ಯುನೆ ಕವಾನಿಯೊ ಸಂಗತಿಯೊ ತುಮೆ ಸಿಕ್ಯಾ ನೈ. ತಿನಾಹುತಿ ಮಿ ಬಿಜಿ ಯಕ್ಕ ವಜ್ಜು಼ ತುಮೊಪರ ಘಾಲ್ತೊ ನೈ.
REV 2:25 ಮಿ ಆಯೆಲಕ್ಕಾ ಹಮ್ನಾ ತುಮೆ ರ‍್ಹಯಲ ಲಿಂಗತಜ಼ ರ‍್ಹವೊ.
REV 2:26 "ಜಿತ್ತಾಲಾನೆ ವರಿ ಮಿ ಆಸ ಕರಾನು ಲಾಸ್ಟ ಲಕ್ಕಾ ಕರಾಲಾನೆ ಮನಕ್ಹೊನಾ ಉಪ್ಪರ ಅದಿಕಾರ ದ್ಯುಸ"
REV 2:27 ‘ತೆ ಲ್ಹೊಡಾನಿ ಲಾಕ್ಡಿಕ್ಹು ತ್ಯುನೊಪರ ರಾಜ಼ ಕರಸ. ಮಾತಿನಿ ಗಾಡ್ಗಿಯೊನೆ ಲಿಂಗತ ತ್ಯುನೊನೆ ಪುಡಿ-ಪುಡಿ ಕರಸ.
REV 2:28 ಮಿ ಮಾರಾ ಬಾ ಕ್ಹು ಪಡ್ದಲಿದಲ ತಾಕತ ಛೆ. ಮಿ ತಿನೆ ಸುರ‍್ಯೊ ಲಿಂಗತ ಉಜಾಲು ದಿವಾನಿ ಚಿಕ್ಕಿ ದ್ಯುಸ.
REV 2:29 ಪವಿತ್ರ ಆತ್ಮಾ ಸಬೆನೆ ಕವಾನು ಎ ಸಂಗತಿಯೊ ಐಕಾಲೊ ಧ್ಯಾನ ದಿನ್ನ ಐಕ.
REV 3:1 ಸಾರದಿಸಮಾ ರ‍್ಹಯಲ ಸಬೆನಾ ದುತನೆ ಆ ಬರದ; ಕ್ಹುದಾ ಕ್ಹಾತ ಆತ್ಮಾ ವರಿ ಕ್ಹಾತ ಚಿಕ್ಕಿಯೊ ಹೊಂದಿಲಿದಲವಾಲೊ ಕವಾನು ಸು ವ್ಹೈ ಕದ್ಯಾಮ;ತು ಕರಾನು ಮನೆ ಗ್ವತ್ತ ಛೆ. ತು ಜಿವ್ತೊ ರ‍್ಹಯಲವಾಲೊ ವ್ಹೈ ಕೈನ ಮನಕ್ಹೊ ಕವಸ. ತೆನೈಸೊ ತು ಕ್ಹರಿಮಾಜ಼ ಮರಿ ಗಯೊಸ.
REV 3:2 ಉಟ! ಮರವಾನಿ ಸ್ತಿಥಿಮಾ ರ‍್ಹಯಲವಾಲಾವೊನೆ ತಾಕತ ದೆ. ತು ಕರಲ ಕಾಮೊಮಾ ಮಾರಾ ಕ್ಹುದಾನಾ ಕ್ಹಾಮು ಸುಜ಼ ತಪ್ಪ ನೈಸೊ ಮಿ ದೆಕ್ಯೊ ನೈ.
REV 3:3 ತಿನಾಹುತಿ ತು ವಪ್ಪಿಲಿನ ವರಿ ಐಕಲ ಉಪದೆಶ ಇಕ್ಹರ‍್ಯಾವಾಚಿ ತಿನೆ ವಿಧೆಯ ಥೈನ ರ‍್ಹೆ. ತಾರಿ ಜಿವ್ನಾ ವರಿ ತಾರು ಮನಸ ಬದಲಿ ಕರಲೆ! ಹುಶಾರ ಥಾ! ನೈತೊ, ಮಿ ಚ಼್ವಟ್ಟಾ ಲಿಂಗತ ತುಕನ ಐನ ಘಾಬ್ರೊ ಕರಿಪಾಡುಸ. ಮಿ ಕೆಳಾಮಾ ಔಸ ಕವಾನು ತುನೆ ಗ್ವತ್ತ ಥಾತು ನೈ.
REV 3:4 ತೆನೈಸೊ "ತಾರಿ ಸಬೆಮಾ ರ‍್ಹಯಲ ಸಾರದಿಸನಾ ದಕ್ಹಾಜ಼಼ನಾ ಹಜು಼ನ ಪರಿಶುದ್ಧ ಥಯಾಸ. ತ್ಯುನಾ ವಣ್ಣಾ ರಾಡಿ ಕರಲಿದ್ಯಾ ನೈ. ತ್ಯುನೆ ಮಾರಾ ಕ್ಹಾತೆ ಚಾ಼ಲಸ ತ್ಯುನೆ ಚೊ಼ಕಾ ರ‍್ಹಯಲ ಹುತಿ ತ್ಯುನೆ ಧೊಳಾ ವಣ್ಣಾ ಘಾಲ್ಲಿವಸ.
REV 3:5 ಝಿತ್ತಾಲಾ ಹರಿ ಯಕ್ಕ ಮನಕ್ಹನೆ ಆ ಮನಕ್ಹೊ ಲಿಂಗತ ಧೊಳಾ ವಣ್ಣಾ ಘಾಲ್ಲಿವಸ. ತೆ ಮನಕ್ಹನು ನಾಮ ಮಿ ಜಿವಬಾದೆ ಬುಕ್ಕಮಾತೊ ಕಾಡಿ ಪಾಡ್ತೊ ನೈ. ತೆ ಮಾರೊ ವ್ಹೈ ಕೈನ ಮಾರಾ ಬಾನಾ ಕ್ಹಾಮೊ ವರಿ ತಿನಾ ದುತೊನಾ ಕ್ಹಾಮೊ ಕೌಸ.
REV 3:6 ಪವಿತ್ರಆತ್ಮಾ ಸಬೆನೆ ಕವಾನಿಯೊ ಸಂಗತಿಯೊ ಐಕಾಲೊ, ಕಳೈಲೆ.
REV 3:7 ಫಿಲಿದೆಲ್ಫಿಮಾ ರ‍್ಹಯಲ ಸಬೆನಾ ದುತನೆ ಎ ಕ್ಹಾರು ಬರದ "ಪವಿತ್ರ ವರಿ ಕ್ಹರಿಕ್ಹು ರ‍್ಹಯಲವಾಲೊ ದಿವಾನೊ ಎ ಸಂದೆಶ ವ್ಹೈ. ದಾವಿದನಾ ಘರದಾನಾನಿ ಚಾವಿ ಮಕನ ಛೆ. ಮಿ ಕಾಡಲ ಬಾಕಲ ಕುನ್ನಜ಼ ಝಾಕ್ಕತು ನೈ. ವರಿ ಮಿ ಬಾಕಲ ಝಾಕಲ ಕುನ್ನಜ಼ ಕಾಡ್ತು ನೈ.
REV 3:8 ತು ಕರಾನಾ ಕಾಮೊ ಮನೆ ಗ್ವತ್ತ ಛೆ. ತಾರಾ ಕ್ಹಾಮೊ ಬಾಕಲ ಖುಲ್ಲಾಜ಼ ಕರಿನ ಮುಕ್ಕಯೊಸ. ತೆ ಕುನ್ನಜ಼ ಝಾಕ್ಕತುಜ಼಼ ನೈ. ತು ಕಮ್ಜೊ಼ರ ಮನಕ್ಹ ವ್ಹೈ ಕೈನ ಮನೆ ಗ್ವತ್ತ ಛೆ. ವರಿಬಿ ತು ಮಿ ಕದಲ ಭೊದನೆ ಲಿಂಗತ ಚಾ಼ಲ್ಯೊ. ತು ಮಾರು ನಾಮ ಲಿವಾನೆ ಭುಚ಼ಕ್ಕಯೊ ನೈ.
REV 3:9 ಧ್ಯಾನ ದೆ! ತ್ಯಾ ಸೈತಾನನಾ ಗುಂಪವಾಲಾ ಛೆ. ತೆ ತ್ಯುತಾಕ್ಹು ತ್ಯುನೆ ಯೆಹುದಿಯೊ ವ್ಹೈ ಕೈನ ಕೈಲಿವಸ. ವರಿ ಬಿ ತ್ಯೊನೆ ಕೈಲಿವಾನು ಸುಳ್ಳ ವ್ಹೈ. ತ್ಯುನೆ ಕ್ಹರಿನಾ ಯೆಹುದಿಯೊ ನ್ಹವೈ. ತೆವಾ ಮನಕ್ಹೊ ತಾರಾ ಕ್ಹಾಮಾ ತಾರಾ ಪಗೆ ಪಡಾ ವರಕ್ಹು ಕರುಸ. ಮಿ ಮಯಾ ಕರಾನಾ ಮನಕ್ಹೊ ತುಮೆಜ಼ ವ್ಹೈ ಕೈನ ತ್ಯುನೆ ತೆಳಾಮಾ ವಳಕಸ.
REV 3:10 ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ.
REV 3:11 "ಮಿ ಭೆಗಿನ ಔಸ. ಹಮ್ನಾ ತು ಕಿಮಛೆ ತಿಮ್ಮಜ಼ ರ‍್ಹೆ ತೆಳಾಮಾ ತಾರು ಕಿರಿಟ ಕುನ್ನಜ಼ ಕಾಳ್ಳೆತು ನೈ.
REV 3:12 ಝಿತ್ತಲ ಮನಕ್ಹನೆ ಮಿ ಮಾರಾ ಕ್ಹುದಾನಿ ಆಲಯಮಾ ಆಧಾರಸ್ತಂಭ ಕರುಸ. ತೆ ಕ್ಹುದಾನಿ ಆಲಯ ಕೆಳಾಮಾಜ಼ ಛೊಡಿನ ಜಾ಼ವಾನಿ ಜ಼ರುರತ್ತ ನತ್ತಿ. ಮಾರಾ ಕ್ಹುದಾನು ನಾಮ ವರಿ ಮಾರಾ ಕ್ಹುದಾನು ಗಾಮನು ನಾಮ ತಿಪರ ಬರದುಸ. ನವು ಯರುಸೆಲಿಮಜ಼ ತೆ ಗಾಮನು ನಾಮ ವ್ಹೈ. ತೆ ಗಾಮ ಮಾರಾ ಕ್ಹುದಾಕಂತು ಸ್ವರಗತು ಉತ್ರಿನ ಆವಸ. ಮಾರು ನವು ನಾಮ ತಿಪರ ಬರದುಸ.
REV 3:13 ಪವಿತ್ರ ಆತ್ಮಾ ಸಬೆನೆ ಕವಾನು ಎ ಕ್ಹಾರಿಯೊ ಸಂಗತಿಯೊ ಐಕಾಲೊ ಧ್ಯಾನ ದಿನ್ನ ಐಕ.
REV 3:14 ಲವೊದಿಕಿಯಾ ಸಬೆನಾ ದುತನೆ ಆ ಪತ್ರ ಬರದ; "ಆಮೆನ ಕವಾಲೊ ಕದ್ಯಾಮ ಬರೊಕ್ಹಾವಾಲೊ ಕ್ಹರಿನಿ ಸಾಕ್ಷಿ ಕ್ಹುದಾನಿ ಸೃಷ್ಟಿನೆ ಅದಿಪತಿ ಥಯಲವಾಲೊ ಕವಾನು ಸು ವ್ಹೈ ಕದ್ಯಾಮ;
REV 3:15 "ತು ಕರಾನು ಕ್ಹಾರು ಮನೆ ಗ್ವತ್ತ ಛೆ. ತು ಉನ್ನೊಬಿ ನತ್ತಿ ವರಿ, ಥಂಡೊಬಿ ನತ್ತಿ! ತು ಉನ್ನೊತಬಿ ರ‍್ಹವಾನು ವ್ಹತ್ತು ನೈತೊ ಥಂಡೊತಬಿ ರ‍್ಹವಾನ ವ್ಹತ್ತು!
REV 3:16 ತೆನೈಸೊ ತು ಉನ್ನೊಬಿ ನತ್ತಿ ವರಿ ಥಂಡೊಬಿ ನತ್ತಿ ದಕ್ಹೊಜ಼ ಉನ್ನೊ ರ‍್ಹಯಲ ಹುತಿ ಮಿ ತುನೆ ಮ್ಹೊಡಾಮಾತೊ ಥುಕ್ಕಕಿ ಪಾಡುಸ.
REV 3:17 ತಾರಿಕ್ಹು ತುನೆ ಸೌಕಾರ ವ್ಹೈ ಕೈನ ಕೈಲಿವಾಡ್ಯೊಸ. ತು ಸೌಕಾರ ರ‍್ಹಯಲ ಹುತಿ ತುನೆ ಸುಜ಼ ಕಮಿ ಥಾತು ನೈ ಕೈನ ತು ವಿಚಾರ ಕರಿಲಿದ್ಯೊಸ. ತೆನೈಸೊ ಕ್ಹರಿಮಾಜ಼ ತು ಕೆಟ್ಟ ಪರಿಸ್ತಿತಿಮಾ ಪಡಲವಾಲೊ ಥಯೊಸ. ಕೆಟ್ಟ ನಸಿಬ ವಾಲೊ ವರಿ ದಲಿದ್ದರ ಥಯೊಸ, ಕುಡ್ಡೊ ಥಯೊಸ ವರಿ ಭೊಂಗಳೊ ಥಯೊಸ. ವರಿಬಿ ಎ ಕ್ಹಾರು ತುನೆ ಗ್ವತ್ತ ನತ್ತಿ.
REV 3:18 ಆಗ್ಮಾ ಘಾಲಿನ ಹಸಾ ಕರಲ ಕ್ಹೊನಾ ಲಿಂಗತ ಥೌ ಕೈನ ಮಾರಾಕ್ಹು ತುನೆ ಗ್ವತ್ತ ಥಾವಾದೆ ಕೈನ ತಿಳಸೈನ ದ್ಯುಸ. ತೆಳಾಮಾ ತು ಕ್ಹರಿಮಾಜ಼ ಸೌಕಾರ ಥಾಸಿ. ಮಿ ತುನೆ ಕವಾನು ಸು ವ್ಹೈ ಕದ್ಯಾಮ; ಧೊಳಾ ವಣ್ಣಾ ಇಕ್ಕಾತೊ ಲೆ. ತೆಳಾಮಾ ತು ಹಸೈಲಾಗಾನು ತಾರು ಭೊಗಳು ಅಂಗ ಝಾಕಿಲಿವಾನೆ ಥಾವಸ. ತು ತಾರಾ ಡೊಳಾನೆ ಲಗಾಡಾನೆ ವಕ್ಹಡ ಇಕ್ಕಾತೊ ಲ್ಯು ಕೈನ ಮಿ ತುನೆ ಕೌಸ. ತೆಳಾಮಾ ತುನೆ ಕ್ಹರಿನಾ ಡೊಳಾ ದಿಕ್ಹಸ.
REV 3:19 "ಮಿ ಮಯಾ ಕರಾನಾ ಮನಕ್ಹೊನೆಜ಼ ಮಿ ತಿದ್ದುಸ ವರಿ ಶಿಕ್ಷಾ ದ್ಯುಸ. ತಿನಾಹುತಿ ತುಮೆ ಆಸಕ್ಕತಿಮಾ ರ‍್ಹವೊ! ಕ್ಹುದಾ ಬಗಲ ಫ್ಹರೊ.
REV 3:20 ದೆಕೊ, ಮಿ ತುಮಾರಾ ಬಾಕಲಕನ ಹುಬ್ರೈನ ವಜಾ಼ಡ್ಯಾಡ್ಯೊಸ. ಕಯೊಬಿ ಮಾರೊ ಗಳೊ ಐಕಿನ ಬಾಕಲ ಕಾಡ್ಯೊಮ, ಮಿ ಮ್ಹೈ ಐನ ತಿನಾ ಕ್ಹಾತೆ ಖಾವಾನೆ ಬೈಟುಸ ವರಿ ತೆ ಮಾರಾ ಕ್ಹಾತೆ ಖಾವಸ.
REV 3:21 "ಮಿ ಝಿತ್ತಿನ ಮಾರಾ ಬಾನಾ ಕ್ಹಾತೆ ತಿನಾ ಸಿಂಹಾಸನ್ಪರ ಬೈಟ್ಯೊಸ. ತಿನಾ ಲಿಂಗತಜ಼ ಝಿತ್ತಲ ಹರಿ ಯಕ್ಲೊ ಮಾರಾ ಕ್ಹಾತೆ ಸಿಂಹಾಸನ್ಪರ ಬೈಟಾನಾ ಲಿಂಗತ ಹಕ್ಕ ದ್ಯುಸ.
REV 3:22 ಪವಿತ್ರ ಆತ್ಮಾ ಸಬೆನೆ ಕವಾನಿಯೊ ಎ ಸಂಗತಿಯೊ ಐಕಾಲೊ, ಧ್ಯಾನ ದಿನ್ನ ಐಕ"
REV 4:1 ಪಾಚಲ್ತೊ ಮಿ ದೆಕ್ತಾಮಾ ಮಾರಾ ಕ್ಹಾಮೊ ಸ್ವರ್ಗನು ಬಾಕಲ ಖುಲ್ಲಾ ಥಯಲ ಮಿ ದೆಕ್ಯೊ. ಮಾರಾ ಕ್ಹಾತೆ ಪೈಲಾ ಬೊಲಲ ಆವಾಜ಼ಜ಼ ವರಿ ಮಾರಾ ಕ್ಹಾತೆ ಬೊಲ್ಯು. ತೆ ಅವಾಜ಼ ತುತ್ತುರಿನಿ ಅವಾಜ಼ ಲಿಂಗತ ವ್ಹತ್ತು" ತೆ ಅವಾಜ಼ಮಾ ಉಪ್ಪರ ಚ಼ಡಿನ ನ್ಹ್ಯಾ ಆ. ಅಗು ಥಾವಾನು ಮಿ ತುನೆ ದೆಕಾಡಿನ ದ್ಯುಸ "ಕೈನ ಕದ್ಯು.
REV 4:2 ತೆಳಾಮಾಜ಼ ಮಿ ಪವಿತ್ರ ಆತ್ಮಾನಾ ವಶ್ಮಾ ಥಯೊ. ಸ್ವರ್ಗಮಾ ಮಾರಾ ಕ್ಹಾಮುಜ಼ ಯಕ್ಕ ಸಿಂಹಾಸನ ವ್ಹತ್ತು. ಕುನ ಯಕ್ಕ ತೆ ಸಿಂಹಾಸನ ಪರ ಬೈಟಲ ದೆಕ್ಯೊ.
REV 4:3 ಸಿಂಹಾಸನ ಪರ ಬೈಟಲವಾಲಾನು ಮ್ಹೊಡು ಸುರ‍್ಯಕಾಂತ ಪದ್ಮರಾಗ ದಗ್ಡಾವೊ ಲಿಂಗತ ಮಿಂಚಾ಼ಡೊತೊ, ಸಿಂಹಾಸನ್ನಾ ಸುತ್ತೆ ಹಸರ ರಂಗ ದಿಕ್ಹಾನು ಕಾಮನ ಬಿಲ್ಲ ವ್ಹತ್ತು.
REV 4:4 ತೆ ಸಿಂಹಾಸನ್ನಾ ಸುತ್ತೆ ಇಕ್ಹಪರ ಚಾರ ಶಾನಾ ಮನಕ್ಹೊ ಬೈಟ್ಯಾತಾ. ತ್ಯುನೆ ಧೊಳಾ ವಣ್ಣಾ ಘಾಲ್ಲಿದ್ಯಾತಾ. ತ್ಯುನಾ ಮಾತಾಪರ ಕ್ಹೊನಾನಾ ಕಿರಿಟೊ ವ್ಹತ್ತಾ. ಎ
REV 4:5 ತೆ ಸಿಂಹಾಸನಮಾತಿ ಬಿಜ಼ಲಿ ಗಡ ಗಡಾನಿ ಅವಾಜ಼ ವರಿ ಬಿಜಿಯೊ ಬಿಜೊಯೊ ಆವಾಡ್ಯುತು. ತೆ ಸಿಂಹಾಸನಾ ಕ್ಹಾಮಾ ಕ್ಹಾತ ದಿವ್ವಾ ಲಾಗಲ ವ್ಹತ್ತಾ. ತೆ ದಿವ್ವಾ ಕ್ಹುದಾನಿಯೊ ಕ್ಹಾತ ಆತ್ಮಾ ವ್ಹತ್ತಿಯೊ.
REV 4:6 ಎನೈಸೊ ಸಿಂಹಾಸನಾ ಕ್ಹಾಮು ಕಾಂಚ಼ನು ಸಮುಂದರ ಲಿಂಗತ ದಿಕ್ಹಾನು ಸುಯ್ಯಕ ಸಾಮನ ವ್ಹತ್ತು. ತೆ ಘನ್ನು ಹಸಾ ವ್ಹತ್ತು. ತೆ ಸಿಂಹಾಸನಾ ಕ್ಹಾಮು ವರಿ ತಿನಾ ಹರಿ ಯಕ್ಕ ಬಗಲ ಚಾರ ಜಿವಿಯೊ ವ್ಹತ್ತಿಯೊ. ತೆ ಜಿವಿನಾ ಪಾಚಾ಼ ವರಿ ತಿನಾ ಕ್ಹಾಮಾ ಡೊಳಾ ಭರಿ ಗಯಾತಾ.
REV 4:7 ಪಸ್ಟಲಿ ಜಿವಿ ಶಿಂಯ್ಯಾ ಲಿಂಗತ ವ್ಹತ್ತು. ಬೆವಾ ಜಿವಿ ಗೈ ಲಿಂಗತ ವ್ಹತ್ತಿ. ತನ್ವಾ ಜಿವಿ ಮನಕ್ಹನಾ ಮ್ಹೊಡಾ ಲಿಂಗತ ವ್ಹತ್ತು. ಚಾರವಾ ಜಿವಿ ಗರುಡ ಪಕ್ಕಷಿ ಲಿಂಗತ ವ್ಹತ್ತಿ.
REV 4:8 ಹರಿ ಯಕ್ಕ ಜಿವಿನೆ ಛೆ ರೆಕ್ಕಯಾ ವ್ಹತ್ತಾ. ತೆ ಜಿವಿನಾ ಭಾರಲ್ಯಾ ಭಾಗ ವರಿ ಮ್ಹೈನಾ ಭಾಗನೆ ಡೊಳಾ ವ್ಹತ್ತಾ. ಎ ಚಾರೆ ಜಿವಿಯೊ ದಿನ್ನ ರಾತ ಛೊಡೆ ನೈಸೊ ಅಮ್ಮ ಕತ್ಯೊತ್ಯೊ"ಕ್ಹುದಾ ಥಯಲ ಪ್ರಭು, ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ ಪರಿಶುದ್ಧ ವ್ಹೈ. ತೆ ಮ್ಹೊಟಿ ತಾಕತ ವಾಲೊ ವ್ಹೈ. ತೆ ಭುತಕಾಲಮಾ ರ‍್ಹಯಲವಾಲೊ ವರತಮಾನ ಕಾಲಮಾ ರ‍್ಹಯಲವಾಲೊ ವ್ಹೈ. ವರಿ ಆವಾಲೊ ವ್ಹೈ.
REV 4:9 ಎ ಜಿವಿಯೊ, ಸಿಂಹಾಸನ ಪರ ಬೈಟಲ ವಾಲಾನೆ ಪ್ರಭಾವ ವರಿ ಮರ್ಯಾದಿ ವರಿ ಕೃತಜ್ಞತೆ ಕವಾಡಿಯೊತ್ಯೊ. ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತೆಜ಼ ವ್ಹೈ.
REV 4:10 ಇಕ್ಹಪರ ಚಾರ ಮ್ಹೊಟಾ ಶಾನಾ ಮನಕ್ಹೊ ತ್ಯುನೆ ಘಾಲ್ಲಿದಲ ಕಿರಿಟೊ ಕಾಡಿನ ಬಾಜು಼ಮಾ ಮ್ಹೆಲಿನ, ಸಿಂಹಾಸನ ಪರ ಬೈಟಲವಾಲಾನೆ ಉಂದಾಗುಡಗಾ ಘಾಲ್ಲಿನ ಪಗೆಪಡಿನ, ಯುಗ ಯುಗಮಾ ಜಿವ್ತೊ ರ‍್ಹವಾಲೊ ತಿನೆ ಆರಾಧನಾ ಕರತಾ ಅಮ್ಮ ಕದ್ಯಾ;
REV 4:11 "ಹಮಾರಾ ಪ್ರಭು, ಹಮಾರಾ ಕ್ಹುದಾ! ತು ಪ್ರಭಾವ, ಮರ್ಯಾದಿ, ಹರಿ ಯಕ್ಕನೆ ಯೊರಗ್ಯ ವ್ಹೈ. ಕ್ಹಾರು ತಯ್ಯಾರ ಕರಲವಾಲೊ ತುಜ಼಼ ವ್ಹೈ. ತಾರಿ ಮರ್ಜಿ ಲಿಂಗತ ಎ ಕ್ಹಾರು ವ್ಹತ್ತು; ವರಿ ಕ್ಹಾರು ತಯ್ಯಾರ ಥಯು"
REV 5:1 ಸಿಂಹಾಸನ ಪರ ಬೈಟಲವಾಲಾನಾ ಸಿದಾ ಹತ್ಮಾ ಯಕ್ಕ ಸುರುಳಿ ದೆಕ್ಯೊ. ತಿನಾ ಭಂಬಿ ಬಗಲ ಬರ್ದಲ ವ್ಹತ್ತು. ತೆ ಕ್ಹಾತ ಮುದ್ರೆಕ್ಹು ಕರ‍ಲ ವ್ಹತ್ತು.
REV 5:2 ತಾಕತವರ ಥಯಲ ದೆವದುತ ಜೊ಼ರ ಆವಾಜ಼ಕ್ಹು"ಎ ಶುರುಳಿನಾ ಮುದ್ರೆ ಕಾಡಾನೆ ಯೊಗ್ಯ ಥಯಲವಾಲೊ ಕುನ ವ್ಹೈ? ಕೈನ ಪ್ರಕಟನೆ ಕರ‍್ಯೊ.
REV 5:3 ತೆನೈಸೊ ಸ್ವರ್ಗಮಾ ರ‍್ಹೈನೆಕಾ ಭುಲೊಕಮಾ ರ‍್ಹೈನೆಕಾ ಪಾತಾಳಮಾ ರ‍್ಹೈನೆಕಾ ಎ ಶುರುಳಿನೆ ಕಾಡಿನ ದೆಕಾಲಾ ಕುನ್ನಜ಼ ನ್ಹೊತು.
REV 5:4 ತೆ ಸುರಳಿ ಖುಲ್ಲಾ ಕರಾನೆ ವರಿ ದೆಕಾನೆ ಯೊಗ್ಯ ಯಕ್ಲೊಬಿ ನತ್ತಿ ಕಕೈನ ಮಿ ಘನ್ನೊ ರ‍್ವಯೊ.
REV 5:5 ತೆನೈಸೊ ಮ್ಹೊಟಾವೊಮಾನೊ ಯಕ್ಲೊ ಮನೆ"ರೌ ನಕೊ ದೆಕ! ಯುದನಾ ಘರದಾನಾನೊ ಸಿಂಯೊ ಥಯಲವಾಲೊ ಜಿ಼ತ್ಯೊಸ. ತೆ ದಾವಿದನಾ ಘರದಾನೊ ವ್ಹೈ. ತೆ ಶುರುಳಿನೆ ವರಿ ತಿನಾ ಕ್ಹಾತ ಮುದ್ರೆನೆ ಕಾಡಾನೆ ಯೊಗ್ಯ ವ್ಹೈ "ಕೈನ ಕದ್ಯೊ.
REV 5:6 ಪಾಚಲ್ತೊ ಸಿಂಹಾಸನನಾ ವರಿ ಚಾರ ಜಿವಿಮೊ ವಚ್ಮಾ ಯಕ್ಕ ಬಕ್ರಾನಾ ಬಚ್ಚಾ಼ನೆ ಮಿ ದೆಕ್ಯೊ. ಮ್ಹೊಟಾಬಿ ತೆ ಬಕ್ರಾನಾ ಬಚ್ಚಾ಼ನಾ ಆಗಪಾಚಾ಼ ವ್ಹತ್ತಾ. ತೆ ಬಕ್ರಾನು ಬಚ್ಚು಼ ಖಲಾಸ ಕರಲ ಲಿಂಗತ ವ್ಹತ್ತು. ತಿನೆ ಕ್ಹಾತ ಶಿಂಗಡಾ ಕ್ಹಾತ ಡೊಳಾ ವ್ಹತ್ತಾ. ತೆ ಎ ದುನಿಯಾನೆ ವಳಾಯಲ ಕ್ಹುದಾನಾ ಕ್ಹಾತ ಆತ್ಮಾ ವ್ಹತ್ತಾ.
REV 5:7 ತೆ ಬಕ್ರಾನು ಬಚ್ಚು಼ ಐನ ಸಿಂಹಾಸನನಾ ಉಪ್ಪರ ಬೈಟಲವಾಲಾನಾ ಸಿದಾ ಹತ್ತಮಾನಿ ಸುರುಳಿ ಲಿದ್ಯುತು.
REV 5:8 ತೆಳಾಮಾ ಚಾರ ಜಿವಿಯೊ ವರಿ ಇಖ್ಪರ ಚಾರ ಮ್ಹೊಟಾ ಮನಕ್ಹೊ ತೆ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಉಂದಾ ಗುಡ್ಗಾ ಘಾಲಿನ ಪಗೆ ಪಡ್ಯಾ. ಹರಯಕ್ಕಲಾನಾ ಹತ್ಮಾ ಯಕ್ಕ ಯಕ್ಕ ತಂಬುರಿ ವ್ಹತ್ತಿ. ಧವಾಂಡೊ ಭರಲ ಕ್ಹೊನಾನಾ ಸಾಮನೊ ತ್ಯುನೆ ಧರಿಲಿದ್ಯಾತಾ. ಸಾಮನೊ ಕ್ಹುದಾನಿ ಪರಿಶುದ್ಧ ಮನಕ್ಹೊನಾ ಪ್ರಾಥನಾ ಥಯಾತಾ.
REV 5:9 ತ್ಯುನೆ ಕ್ಹಾರಾ ಬಕ್ರಾನಾ ಬಚ್ಚಾ಼ನಾ ಹುತಿ ಯಕ್ಕ ನೌ ಗಿದ್ದ ಕದ್ಯಾ; ತು ಖಲಾಸ ಬಲಿ ಥಯಲ ಹುತಿ, ಸುರುಳಿ ಲಿನ, ತಿನಾ ಮುದ್ರೆನೆ ತೊಡಾನೆ ಯೊಗ್ಯ ಛೆ. ತು ತಾರಾ ರಗತಕ್ಹು ಘನ್ನಾ ಕುಲ, ಭಾಷಾ, ದೆಶೊ ಬಿಜಯೊ ಬಿಜಿಯೊ ಜಾ಼ತೊನಾ ಮನಕ್ಹೊನೆ ಕ್ಹುದಾನಾ ಹುತಿ ಕಿಮ್ಮತ ದಿನ ಲಿದ್ಯೊಸ.
REV 5:10 ತ್ಯುನೊನೆ ಯಕ್ಕ ರಾಜ್ಯ ಲಿಂಗತ ಕರ‍್ಯೊ; ಕ್ಹುದಾನಾ ಹುತಿ ಯಾಜಕೊ ಕರ‍್ಯೊ; ತ್ಯುನೆ ದುನಿಯಾಮಾ ಆಳಸ"
REV 5:11 ಪಾಚಲ್ತೊ ಮಿ ದೆಕಲ ಪರ, ಘನ್ನಾ ದೆವದುತೊನಿ ಆವಾಜ಼ ಐಕ್ಯೊ. ಎ ದೆವದುತೊ ಸಿಂಹಾಸನನಾ, ಚಾರ ಜಿವಿಯೊ ವರಿ ಮ್ಹೊಟಾ ಮನಕ್ಹೊ ಕ್ಹಾರಾ ಸುತ್ತೆ ವ್ಹತ್ತಾ. ತ್ಯುನಿ ಸಂಕ್ಯಾ ಹಜಾ಼ರೊಸಿ ಲಾಕೊಶಿ ಕರೊಡ ವ್ಹತ್ತಿ.
REV 5:12 ಎ ದೆವದುತೊ ಜೊ಼ರ ಆವಾಜ಼ಕ್ಹು ಅಮ್ಮ ಕದ್ಯಾ; "ಖಲಾಸ ಥಯಲ ಬಕ್ರಾನು ಬಚ್ಚು಼ ಅದಿಕಾರ, ಆಸ್ತಿ, ಗ್ಯಾನ, ತಾಕತ, ಮರ್ಯಾದಿ, ಪ್ರಭಾವ, ಸ್ತೊತ್ರಾ ಲಿವಾನೆ ಯೊಗ್ಯ ಛೆ!
REV 5:13 ಎನೈಸೊ ಹಬಾಳ ಪರಬಿ ಜಿ಼ಮಿನ ಪರಬಿ ಜಿ಼ಮಿನನಾ ಹೆಟಾಬಿ ಸಮಂದರಮಾಬಿ ರ‍್ಹವಾನು ಹರ ಯಕ್ಕ ಜಿವ ಇಮ್ಮ ಕವಾನು ಐಕ್ಯೊ; "ಸಿಂಹಾಸನನಾ ಉಪ್ಪರ ಬೈಟಲವಾಲಾನೆಬಿ ಬಕ್ರಾನು ಬಚ್ಚು಼ ಥಯಲವಾಲಾನೆಬಿ ಮಹಿಮಾ ಸ್ತೊತ್ರ, ಮರ್ಯಾದಿ, ಪ್ರಭಾವ, ಅದಿಕಾರ ಹಮೆಶಾಬಿ ರ‍್ಹವಾದೆ!
REV 5:14 ತೆ ಚಾರ ಜಿವಿಯೊ "ಇಮ್ಮಜ಼ ಥೌ" ಕೈನ ಕದ್ಯಾ. ಶಾನಾ ಮನಕ್ಹೊ ಉಂದಾ ಗುಡ್ಗಾ ಘಾಲಿನ ಆರಾಧನಾ ಕರ‍್ಯಾ.
REV 6:1 ಪಾಚಲ್ತೊ ಬಕ್ರಾನು ಬಚ್ಚು಼ ಕ್ಹಾತ ಮುದ್ರೆಮಾ ಯಕ್ಕ ಮುದ್ರೆ ಪ್ಹೊಡತಾಮಾ ಮಿ ಧ್ಯಾನ ದಿದ್ಯೊ. ತೆ ಚಾರ ಜಿವಿಯೊಮಾ ಯಕ್ಕ ಜಿವಿ ಬಿಜ಼ಲಿ ಲಿಂಗತ ಬೊಲಾನು ಮಿ ಐಕ್ಯೊ. ತೆ "ಆ! ಕೈನ ಕದ್ಯು.
REV 6:2 ಮಿ ದೆಕ್ತಾಮಾ ಮಾರಾ ಕ್ಹಾಮು ಯಕ್ಕ ಧೊಳೊ ಘೊಡೊ ಹುಬ್ರಯಲ ಮನೆ ದಿಕ್ಹ್ಯೊ. ಘೊಡಾಪರ ಬೈಟಲವಾಲಾನಾ ಹತ್ಮಾ ಬಿಲ್ಲು ಬಾಣ ವ್ಹತ್ತಿ. ತಿನೆ ಯಕ್ಕ ಕಿರಿಟ ದಿದ್ಯಾ. ತೆ ಝಿತ್ತಾನಾ ಹುತಿ ಚಾ಼ಲ್ಯೊ.
REV 6:3 ತೆ ಬಕ್ರಾನು ಬಚ್ಚು಼ ಬೆವಾ ಮುದ್ರೆ ಖುಲ್ಲಾ ಕರ‍್ಯೊ. ತೆಳಾಮಾ ಬೆವಾ ಜಿವಿ"ಆ! ಕೈನ ಕದಲ ಐಕ್ಯೊ.
REV 6:4 ತೆಳಾಮಾ ಬಿಜೆಕ ಘೊಡೊ ಭಾರೊ ಆಯೊ. ಎ ಲಾಲ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನೆ ದುನಿಯಾಮಾ ರ‍್ಹಯಲ ಸಮಾಧಾನ ಕಾಡಿಪಾಡನೆ ವರಿ ಮನಕ್ಹೊ ಯಕ್ನಾ ಯಕ್ಕ ಖಲಾಸ ಕರಿಲಿವಾನೆ ತಿನೆ ಅದಿಕಾರ ದಿದಲ ವ್ಹತ್ತು. ಎ ಘೊಡಾಪರ ಬೈಟಲವಾಲಾನೆ ಯಕ್ಕ ಮ್ಹೊಟಿ ತಲ್ವಾರ ದಿದ್ಯಾತಾ.
REV 6:5 ತೆ ಬಕ್ರಾನು ಬಚ್ಚು಼ ತನ್ವಾ ಮುದ್ರೆ ಖುಲ್ಲಾ ಕರ‍್ಯು. ತೆಳಾಮಾ ತೆ ತನ್ವಾ ಜಿವಿ "ಆ! ಕೈನ ಕದಲ ಮಿ ಐಕ್ಯೊ. ಮಿ ದೆಕ್ತಾಮಾ, ಮಾರಾ ಖಾಮೊ ಕಾಳೊ ಘೊಡೊ ಹುಬ್ರಯಲ ಮನೆ ದಿಕ್ಹ್ಯೊ. ತೆ ಘೊಡಾಪರ ಬೈಟವಾಲಾನಾ ಹತ್ಮಾ ಯಕ್ಕ ತಕ್ಕಡಿಯೊ ಧರಲಿದ್ಯೊತೊ.
REV 6:6 ತೆಳಾಮಾ ಯಕ್ಕಲಾನೊ ಅವಾಜ಼ ಲಿಂಗತ ಅವಾಜ಼ ಐಕ್ಯೊ. ತೆ ಚಾರ ಜಿವಿಯೊರ‍್ಹಯಲ ಜ಼಼ಗಾತೊ ಎ ಅವಾಜ಼ ಭಾರು ಅಯು. ತೆ ಅವಾಜ಼"ಯಕ್ಕ ದಿನ್ನಾ ಕಾಮ್ನೆ ಯಕ್ಕ ಮಾಪ್ಟು ಘೌ ಯಕ್ಕ ದಿನ್ನಾ ಕಾಮನ್ಎ ತನ್ನ ಕಿಲೊ ಬಾರಲಿ. ತೆನೈಸೊ ತೆಲ ದ್ರಾಕ್ಷಿಯೊನು ರ‍ಕ್ಹ ಕೆಡ್ಸುನಕೊ ಕೈನ ಕದ್ಯು.
REV 6:7 ತೆ ಬಕ್ರಾನು ಬಚ್ಚು಼ ಚಾ಼ರವಾ ಮುದ್ರೆ ಖುಲ್ಲಾ ಕರ‍್ಯು. ತೆಳಾಮಾ ಚಾರವಾ ಜಿವಿ"ಆ! ಕೈನ ಕದ್ಯು ಕೈನ ಕವಾನು ಅವಾಜ಼ ಮನೆ ಐಕು ಐಯು.
REV 6:8 ಮಿ ದೆಕ್ತಾಮಾ ಮಾರಾ ಕ್ಹಾಮು ಯಕ್ಕ ಪಿಳಿಮಾತಿನೊ ಕಲರನು ಘೊಡೊ ರ‍್ಹಯಲ ಮನೆ ದಿಕ್ಹ್ಯೊ. ತೆ ಘೊಡಾಪರ ಬೈಟಲವಾಲೊ ಮೌತ ವ್ಹೈ. ತಿನಾ ಪಾಚೊ಼ ಪಾತಾಳ ಕವಾಲೊ ಆಯೊ. ತ್ಯುನೊನೆ ಜಿಮಿನ್ನಿ ಚಾರವಾ ಭಾಗಪರ ಅದಿಕಾರ ದಿದ್ಯಾ. ಚಾ಼ಕಾಕ್ಹು ಬರಗಾಲಕ್ಹು ರೊಗಕ್ಹು ವರಿ ದುನಿಯಾಮಾ ರ‍್ಹಯಲ ಪಶುವೊಕ್ಹು ಮನಕ್ಹೊನೆ ತಲ್ವಾರ ಕ್ಹು ಖಲಾಸ ಕರಾನು ಅದಿಕಾರ ತಿನೆ ದಿದ್ಯಾ.
REV 6:9 ಬಕ್ರಾನು ಬಚ್ಚು಼ ಪಾಂಚ್ವಾ಼ ಮುದ್ರೆ ಖುಲ್ಲಾ ಕರ‍್ಯು. ತೆಳಾಮಾ ಯಗ್ನ್ಯಾ ದಿವಾನಾ ಕಟ್ಟಾನಾ ಹೆಟಾ ದಕ್ಹಿಯೊ ಆತ್ಮಾ ರ‍್ಹಯಲ ಮಿ ದೆಕ್ಯೊ. ಕ್ಹುದಾನು ಸಂದೆಶನೆ ತ್ಯುನೆ ವಪ್ಪಿಲಿನ ಕ್ಹರಿನೆ ಬರೊಕ್ಹಾವಾಲೊ ಥಯಲ ಹುತಿ ಖಲಾಸ ಥಯಲ ವಾಲಾವೊನಿಯೊ ಎಜ಼ ಆತ್ಮಾ ವ್ಹೈ.
REV 6:10 ಎ ಆತ್ಮಾವೊ"ಪವಿತ್ರ ಥಯಲ ವರಿ ಕ್ಹರಿವಾಲೊ ರ‍್ಹಯಲ ಪ್ರಭು, ಹಮೊನೆ ಖಲಾಸ ಕರಲವಾಲೊವೊನೆ ಫೈಸಲೊ ಕರಾನೆ ವರಿ ತ್ಯುನೊನೆ ಶಿಕ್ಷಾ ದಿವಾನೆ ತು ಕೆಕ್ಲೊ ಟೈಮ ಲೆಸಿ? ಕೈನ ಜೊ಼ರ ವದ್ರಿಯೊ.
REV 6:11 ತೆ ಆತ್ಮಾವೊಮಾ ಹರಿ ಯಕ್ಕ ಆತ್ಮಾವೊನೆ ಧೊಳಾ ಮ್ಹೊಟಾ ಅಂಗ್ಡಾ ದಿದ್ಯಾತಾ. ಹಜು಼ನ ದಕ್ಹಾ ಟೈಮ ಕೈದಾನೆ ತ್ಯುನೊನೆ ಕದ್ಯಾ. ತ್ಯುನಾ ಭಾಯೊ ವರಿ ಭೆನೊಮಾ ಹಜು಼ನ ದಕ್ಹಾ ಜ಼ನಾ ಸೆವೆಮಾ ಛೆ. ತ್ಯುನೆಬಿ ಖಲಾಸ ಥೌ. ಇವ್ನೆ ಕ್ಹಾರಾ ಖಲಾಸ ಥಯಲಕ್ಕಕಾ ಕೈದು ತೆ ಆತ್ಮಾವೊನೆ ಕದ್ಯಾ.
REV 6:12 ತೆ ಬಕ್ರಾನು ಬಚ್ಚು಼ ಛೆವಾ ಮುದ್ರೆ ಖುಲ್ಲಾ ಕರಾನು ಮಿ ದೆಕ್ಕತೊಜ಼ ವ್ಹತ್ತೊ. ತೆಳಾಮಾ ಮ್ಹೊಟೊ ಭುಕಂಪ ಥಯು. ಸುರ‍್ಯೊ ಕಾಳಿ ಘುಂಗಡಿ ಲಿಂಗತ ಕಾಳೊ ಥೈಗಯೊ. ಚ಼ಂದಪ್ಪಾ ಲಾಲ ಲಾಲ ರಗತ ಥೈಗಯೊ.
REV 6:13 ಹಬಾಳಮಾನಿಯೊ ಚಿಕ್ಕಿಯೊ ತುಫಾನನೊ ವಾರೊ ಛುಟ್ತಾಮಾ ಉಂಬ್ರೊನಾ ಝಾಡಮಾತೊ ಉಂಬ್ರೊ ಕಿಮ ಪಡಸ ತಿಮ್ಮ ಹಬಾಳಮಾತಿಯೊ ಚಿಕಿಯೊ ಪಡಿಯೊ.
REV 6:14 ಹಬಾಳ ಬೆ ಭಾಗ ಥೈನ ಸುರಳಿ ಸುತ್ತಲ ಲಿಂಗತ ಸುತೈ ಗಯು. ಹರಿ ಯಕ್ಕ ಡೊಂಗರ ವರಿ ದ್ವಿಪ ತ್ಯುನೆ ರ‍್ಹಯಲ ಜ಼ಗಾತು ಬಿಜಿಬಗಲ ಸರಕ್ಕಯಾ.
REV 6:15 ತೆಳಾಮಾ ದುನಿಯಾಮಾ ರ‍್ಹಯಲ ರಾಜಾ಼ ವರಿ ಅದಿಪತಿಯೊ ಸೆನಾದಿಪತಿಯೊ ಸೌಕಾರೊ ತಾಕತವಾಲಾ ಹರಿ ಯಕ್ಲೊ ಗುಲಾಮೊ ಸ್ವತಂತ್ರ ರ‍್ಹಯಲ ಮನಕ್ಹ ಗವಿಯೊಮಾ ವರಿ ಡೊಂಗ್ರೊಪರ ದಗಡಾವೊನಾ ಹೆಟಾ ದಡಿಲಿದ್ಯಾ.
REV 6:16 ತೆ ಮನಕ್ಹೊ ದಗಡಾವೊನೆ ವರಿ ಡೊಂಗ್ರೊನೆ"ಹಮೊಪರ ಪಡೊ. ಸಿಂಹಾಸನ್ಪರ ಬೈಟಲವಾನಾ ನಜ಼ರಕ್ಹು ಹಮೊನೆ ಝಾಕಿಲಿವೊ. ಬಕ್ರಾನಾ ಬಚ್ಚಾ಼ನಿ ಸಿಟಕ್ಹು ಹಮೊನೆ ಝಾಕೊ,
REV 6:17 ತ್ಯುನೊ ಶಿಟ್ಟ ದಿಕ್ಹಾನೊ ಮ್ಹೊಟೊ ದಿನ್ನ ಐಪಡ್ಯೊಸ. ತೆ ಶಿಟ್ಟನಾ ಕ್ಹಾಮಾ ಹುಬ್ರವಾನೆ ಕಿನೆಜ಼಼ ಥಾತು ನೈ "ಕೈನ ಕದ್ಯಾ.
REV 7:1 ಎ ಥಯಲಪರ ಚಾರ ದೆವದುತೊ ಜಿಮಿನ್ನಾ ಚಾರೆ ಮುಲಾಮಾ ಹುಬ್ರಯಲ ಮಿ ದೆಕ್ಯೊ. ವಾರೊ ಜಿಮಿನಪರ ರ‍್ಹೈನೆಕಾ ಸುಮುದ್ರಪರ ರ‍್ಹೈನೆಕಾ ಝಾಡೊಪರ ರ‍್ಹೈನೆಕಾ ವಾರೊ ಔ ನೈಸೊ ತ್ಯುನೆ ಚಾರೆ ದಿಕ್ಕಕನಾ ವಾರಾನೆ ತಡದ್ಯಾತಾ.
REV 7:2 ಪಾಚಲ್ತೊ ಬಿಜೆಕ ದೆವದುತ ಪುರ್ವ ದಿಕ್ಕತೊ ಆವಾನು ಮಿ ದೆಕ್ಯೊ. ಜ಼ಲಮ ರ‍್ಹಯಲ ಕ್ಹುದಾನು ಮುದ್ರೆ ಎ ದೆವದುತಕನ ವ್ಹತ್ತು. ಎ ದೆವದುತ ಚಾರ ದೆವದುತೊನೆ ಜೊ಼ರ ಅವಾಜ಼ ಕ್ಹು ಬಲಾಯೊ. ಜಿಮಿನ್ನಿ ವರಿ ಸಮುಂದರನೆ ಹಾಳ ಕರಾನೆ ಅದಿಕಾರ ಕ್ಹುದಾ ಎ ಚಾರ ದೆವದುತೊನೆ ದಿದ್ಯೊತೊ.
REV 7:3 "ಅಪ್ನಾ ಕ್ಹುದಾನೆ ಸೆವೆ ಕರಾಲಾ ಮನಕ್ಹೊನಾ ಮಾತಾಪರ ಸಿಕೊ ಮಾರೆ ಲಕ್ಕಾ ಜಿಮಿನ್ನೆ ರ‍್ಹೈನೆಕಾ ಸಮುಂದರನೆ ರ‍್ಹೈನೆಕಾ ಝಾಡೊನೆ ರ‍್ಹೈನೆಕಾ ತ್ರಾಸ ಕರೊ ನಕೊ. ಕೈನ ಕದ್ಯೊ.
REV 7:4 ಪಾಚಾ಼ತಾ, ಸಿಕ್ಕಕೊ ಮಾರಿಲಿದಲವಾಲಾವೊನೊ ಇಸಾಬ ಮನೆ ಐಕು ಐಯು. ತ್ಯುನೆ ಕೆಕ್ಲಾ ವ್ಹೈ ಕದ್ಯಾಮ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ. ತ್ಯುನೆ ಇಸ್ರೆಲನಾ 12 ಘರದಾನಾನೆ ಮಳಲವಾಲಾ ವ್ಹೈ.
REV 7:5 ಯುದನಾ ಖಾಂದಾನತಾ 12,000 ರುಬೆನ ಖಾಂದಾನತಾ 12,000 ಗಾದನ ಖಾಂದಾನತಾ 12,000
REV 7:6 ಅಶೆರನಾ ಖಾಂದಾನತಾ 12,000 ನಫ್ತಾಲಿನ ಖಾಂದನತಾ 12,000 ಮನಸ್ಸೆಯ ಖಾಂದಾನತಾ 12,000
REV 7:7 ಸಿಮೆಯೊನನಾ ಖಾಂದಾನತಾ 12,000 ಲೆವಿನಾ ಖಾಂದಾನತಾ 12,000 ಇಸ್ಸಾಕಾರನ ಖಾಂದಾನತಾ 12,000
REV 7:8 ಜೆಬುಲೊನನಾ ಖಾಂದಾನತಾ 12,000 ಯೊಸೆಫನಾ ಖಾಂದಾನತಾ 12,000 ಬೆನ್ಯಾಮಿನ ಖಾಂದಾನತಾ 12,000
REV 7:9 ಪಾಚಲ್ತೊ ಮಿ ದೆಕ್ತಾಮಾ, ಮನಕ್ಹೊನು ಮ್ಹೊಟು ಗುಂಪ ದೆಕ್ಯೊ. ತ್ಯುನೆ ಮೊಜಾ಼ನೆ ಥಾಯೆ ನೈಸೊ ಯಕ್ಲಾ ಮನಕ್ಹೊ ವ್ಹತ್ತಾ. ತ್ಯುನೊಮಾ ಕ್ಹಾರಿ ಜಾ಼ತವಾಲಾ, ದುನಿಯಾಮಾ ಕ್ಹಾರಿಯೊ ವಾತೊ ಬೊಲಾಲಾ ವ್ಹತ್ತಾ. ಎ ಮನಕ್ಹೊ ಸಿಂಹಾಸನಾ ಕ್ಹಾಮಾ ವರಿ ಬಕ್ರಾನಾ ಬಚ್ಚಾ಼ನಾ ಕ್ಹಾಮಾ ಹುಬ್ರಯಾತಾ. ತ್ಯುನೆ ಕ್ಹಾರಾ ಧೊಳಾ ವಣ್ಣಾ ಘಾಲ್ಲಿನ ಹುಬ್ರಯಾತಾ ವರಿ ತ್ಯುನೆ ಖಜುರನಾ ಝಾಡೊನಿಯೊ ಠೊಂಗಿಯೊ ಧರ್ಲಿನ ಹುಬ್ರಯಾತಾ.
REV 7:10 ತ್ಯುನೆ ಜೊ಼ರ ವದರತಾ"ಸಿಂಹಾಸನ್ಪರ ಬೈಟಾಲಾ ಅಪ್ನಾ ಕ್ಹುದಾನೆ ವರಿ ಬಕ್ರಾನಾ ಬಚ್ಚು಼ ಥಯಲವಾಲಾನೆ ಬಿಡುಗಡೆ ಮಳಸ "ಕೈನ ವದ್ರ್ಯಾ.
REV 7:11 ಶಾನಾ ಮನಕ್ಹೊ ತ್ಯಾ ವ್ಹತ್ತಾ ವರಿ ಚಾರ ಜಿವಿಯೊ ವ್ಹತ್ತಿಯೊ. ತ್ಯುನಾ ಸುತ್ತೆ ವರಿ ಸಿಂಹಾಸನ್ನಾ ಸುತ್ತೆ ದೆವದುತೊ ಹುಬ್ರಯಾತಾ. ದೆವದುತೊ ಸಿಂಹಾಸನ್ನಾ ಕ್ಹಾಮಾ ಉಂದಾಗುಡಗಾ ಘಾಲ್ಲಿನ ಕ್ಹುದಾನೆ ಆರಾಧನೆ ಕರ್ತಾ,
REV 7:12 ತ್ಯುನೆ, ಅಮ್ಮ ಕದ್ಯಾ"ಅಪ್ನಾ ಕ್ಹುದಾನೆ ಸ್ತೊತ್ರಾ ಪ್ರಭಾವ ಗ್ಯಾನ ಕೃತದನ್ಯಾ ಸ್ತುತಿ ಮರ್ಯಾದಿ ವರಿ ತಾಕತ ಹಮೆಶಾ ರ‍್ಹವಾದೆ. ಆಮೆನ್"ಕದ್ಯಾ.
REV 7:13 ತೆಳಾಮಾ ಶಾವೊಮಾನೊ ಯಕ್ಲೊ"ಧೊಳಾ ವಣ್ಣಾ ಘಾಲ್ಲಿದಲವಾಲಾ ಎ ಮನಕ್ಹೊ ಕುನ ವ್ಹೈ! ತ್ಯುನೆ ಕಿಜಾ಼ಂತಾ ಆಯಾಸ? ಕೈನ ಮನೆ ಪುಚ್ಯೊ.
REV 7:14 "ಸ್ವಾಮಿ, ತ್ಯುನೆ ಕುನ ವ್ಹೈ ಕವಾನು ತುನೆ ಗ್ವತ್ತ ಛೆ "ಕೈನ ಮಿ ಕದ್ಯೊ. ತೆಳಾಮಾ ತೆ ಶಾನೊ"ಎ ಮನಕ್ಹೊ ಘನ್ನೊ ತ್ರಾಸ ಖೈನ ಆಯಲವಾಲಾ ವ್ಹೈ. ತ್ಯುನೆ ಬಕ್ರಾನು ಬಚ್ಚಾ಼ನಾ ರಗತಕ್ಹು ತ್ಯುನಾ ವಣ್ಣಾ ಧ್ವಲಿದ್ಯಾಸ. ಹಮ್ನಾ ತ್ಯುನೆ ಹಸಾ ಥಯಾಸ ವರಿ ಧೊಳಾ ಥಯಾಸ.
REV 7:15 ತಿನಾಹುತಿ ಎ ಮನಕ್ಹೊ ಹಮ್ನಾ ಕ್ಹುದಾನಾ ಸಿಂಹಾಸನ್ನಾ ಕ್ಹಾಮಾ ಹುಬ್ರಯಾಸ. ತ್ಯುನೆ ಕ್ಹುದಾನೆ ತಿನಿ ಆಲಯಮಾ ದಿನ್ನ ರಾತ ಆರಾಧನಾ ಕರಸ. ಸಿಂಹಾಸನ್ನಪರ ಬೈಟಲವಾಲೊ ತ್ಯುನೊನೆ ಜ಼ತ್ತನ ಕರಸ.
REV 7:16 ತೆ ಮನಕ್ಹೊನೆ ಇತ್ತಿ ಉಪ್ಪರ ಭುಕ್ಕ ವರಿ ತರಕ್ಹ ಸುರ‍್ಯಾನೊ ತಡಕೊ ರ‍್ಹತೊಜ಼ ನೈ. ತ್ಯುನೊನೆ ಕಯೊಜ಼ ತಡಕೊ ಬಾಳ್ತೊ ನೈ.
REV 7:17 ಸಿಂಹಾಸನ್ನಾ ವಚಾ಼ಮಾ ರ‍್ಹಯಲ ಬಕ್ರಾನು ಬಚ್ಚು಼ ಥಯಲ ತ್ಯುನೊ ಕುರಬುರ‍್ಯೊ ವ್ಹೈ. ತೆ ತ್ಯುನೊನೆ ಜ಼ಲಮ ದಿವಾನು ಪಾನಿನಿಯೊ ಹರಿಯೊಕನ ಬಲೈಲಿನ ಜಾ಼ವಸ. ತ್ಯುನಾ ಡೊಳಾ ಕ್ಹೊಪಡಾನು ಪಾನಿ ಕ್ಹುದಾ ನುಚ್ಚಿಪಾಡಸ. ಕೈನ ಕದ್ಯೊ.
REV 8:1 ಎ ಬಕ್ರಾನು ಬಚ್ಚು಼ ಥಯಲವಾಲೊ ಕ್ಹಾತ್ವಾ ಮುದ್ರೆ ಖುಲ್ಲಾ ಕರ‍್ಯೊ. ತೆಳಾಮಾ ಸ್ವರ್ಗಮಾ ಅರದಿ ತಾಸ ಶಾಂತ ಥೈಗಯು.
REV 8:2 ಕ್ಹುದಾನಾ ಕ್ಹಾಮು ಕ್ಹಾತ ದೆವದುತ ಹುಬ್ರಯಲ ಮಿ. ದೆಕ್ಯೊ ತ್ಯುನೊ ನೆ ಕ್ಹಾತ ತುತ್ತುರಿಯು ದಿದ್ಯಾತಾ.
REV 8:3 ಬಿಜೆಕ್ಲೊ ದೆವದುತ‍ ಐನ ಯಜ್ಞವೆದಿನಾ ಕ್ಹಾಮೊ ಹುಬ್ರಯೊ ಎ ದೆವದುತ ಉದನು ಧವಾಂಡೊ ‌‍ರ‍್ಹಯಲ ಕ್ಹೊನಾನಿ ಪರಾತ ಧರ್ಲಿನ ಹುಬ್ರಯೊತು ಕ್ಹುದಾನಾ ಪರಿಶುದ್ಧ ರ‍್ಹಯಲ ಮನಕ್ಹೊ ಪ್ರಾಥನಾ ‍ಕರ್ತಾ ತಿನಿ ಚ಼ಡಾವಾನೆ ತಿನೆ ಘನ್ಯು ಉದನೊ ಧವಾಂಡೊ ಎ ದೆವದುತ ಸಿಂಹಾಸನ್ನಾ ಕ್ಹಾಮೊ ಕ್ಹೊನಾನಿ ಯಜ್ಞವೆದಿಪರ ತೆ ಉದನೊ ಧವಾಂಡಾನು ಮುಕ್ಕಯೊ.
REV 8:4 ಉದ ಘಾಲಲ ಧವಾಂಡೊ ದೆವದುತನಾ ಹತ್ಮಾತು ಕ್ಹುದಾನಾ ಮನಕ್ಹೊನಿ ಪ್ರಾರಥನಾನಾ ಕ್ಹಾತೆ ಕ್ಹುದಾಕನ ಗಯು.
REV 8:5 ತೆಳಾಮಾ ದೆವದುತೊ ಉದನೊ ಧವಾಂಡೊ ರ‍್ಹಯಲ ಪರಾತ ಯಜ್ಞವೆದಿನೆ ಆಗಕ್ಹು ಭರಿನೆ ತಿನೆ ಜಿಮಿನಪರ ನಾಕಿಪಾಡ್ಯೊ ತೆಳಾಮಾ ಬಿಜಲಿ ಗಡಗಡಾನು ವರಿ ಮಿಂಚಾ಼ನು ಬಿಜಿಯೊ ಅವಾಜೊ಼ ಭುಕಂಪೊ ಥಯಾ.
REV 8:6 ಪಾಚಾ಼ತಾ ತೆ ಕ್ಹಾತ ಜ಼ನಾ ವರಿ ದೆವದುತೊ ಕ್ಹಾತ ತುತ್ತುರಿಲಿನ ವಜಾ಼ಡಾನೆ ತಯಾರ ಥಾವಾಡ್ಯಾತಾ.
REV 8:7 ಪೈಲಾನೊ ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ರಗತಮಾ ಕಲಾಯಲ ಘಾರಗಿಯೊ ವರಿ ಆಗ್ನು ಪಾನಿ ಜಿಮಿನಪರ ಥಾವಾಡ್ಯುಸ ಜಿಮಿನ್ನಿ ತನ್ವಾ ಭಾಗ ವರಿ ಹಸರ ಝಾಡೊ ಬಳಿಗಯಾ. ವರಿ ಝಾಡೊಮಾ ತನ್ವಾಭಾಗ ಯಕ್ಕ ಬಳಿ ಗೈಯು.
REV 8:8 ಬೆವಾ ದೆವದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಆಗಕ್ಹು ಮ್ಹೊಟು ಡೊಂಗರ ಲಿಂಗತ ರ‍್ಹಯಲ ಯಕ್ಕ ಸಾಮನ ಸಮುಂದರಮಾ ನಾಕ್ಕಯೊ. ತೆಳಾಮಾ ಸಮುಂದರನು ತನ್ವಾ ಯಕ್ಕ ಭಾಗ ರಗತ ಲಿಂಗತ ಥಯು.
REV 8:9 ಸಮುಂದರಮಾ ರ‍್ಹಯಲ ಜಿವಿಯೊಮಾ ತನ್ವಾ ಯಕ್ಕ ಭಾಗ ಮರಿ ಗೈಯು. ವರಿ ಹಡಗಾವೊಮಾ ತನ್ವಾ ಯಕ್ಕ ಭಾಗ ಆಳ ಥೈಗಯು.
REV 8:10 ತನ್ವಾ ದೆವದುತ ತಿನಿ ತುತ್ತುರಿ ವಜಾ಼ಡ್ಯೊ ತೆಳಾಮಾ ಆಗ ಲಾಗಲ ಮ್ಹೊಟಿ ಚಿಕ್ಕಕಿಲಿಂಗತ ಹಬಾಳಮಾತಿ ಉತ್ರಿನ ಪಡಿ ತೆ ಚಿಕ್ಕಕಿ ನದಿಮಾ ವರಿ ಪಾನಿನಿ ಧಡ್ಕಿಯೊಮಾ ತನ್ವಾ ಯಕ್ಕ ಭಾಗಪರ ಪಡಿ.
REV 8:11 ತೆ ಚಿಕ್ಕಕಿನೆ "ಕಡು ಕವಾನು "ಝಾಡ ಪಾನಿಮಾ ತನ್ವಾ ಯಕ್ಕ ಭಾಗ ಕಡು ಥೈಗೈಯು. ತೆ ಕಡು ಪಾನಿ ಘನ್ನಾ ಮನಕ್ಹೊ ಪಿನ ಮರಿಗಯಾ.
REV 8:12 ಚಾರವಾ ದೆವದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸುರ್ಯಾನು ತನ್ವಾ ಭಾಗ ಚ಼ಂದಪ್ಪಾನೊ ತನ್ವಾ ಭಾಗ ವರಿ ಚಿಕ್ಕಕಿಯೊನು ತನ್ವಾ ಭಾಗ ತ್ಯುನೊಮಾನು ಯಕ್ಕ ಅಂದಾರು ಥೈಗೈಯು. ದಿನ್ಮಾಬಿ ವರಿ ರಾತ್ಮಾಬಿ ತನ್ವಾಮಾನೊ ಯಕ್ಕ ಭಾಗನೆ ಉಜಾಲು ನೈಸು ಥೈಗಯು.
REV 8:13 ಮಿ ದೆಕಲಲಿಂಗತ ವಾಯುಮಂಡಲಮಾ ಘನ್ನು ಉಚ್ಚಾ಼ಪರ ಯಕ್ಕ ಗರುಡ ಪಕ್ಕಷಿ ಉಡಾನು ಮಿ ದೆಕ್ಯೊ ತೆ ಪಕ್ಕಷಿ ಝೊರ ಅವಾಜ಼ ಕ್ಹು ತ್ರಾಸ! ತ್ರಾಸ! ಜಿಮಿನಪರ ರ‍್ಹಯಲ ಮನಕ್ಹೊನೆ ತ್ರಾಸ; ಬಿಜಾ಼ ತನ್ನ ದೆವದುತೊ ತ್ಯುನಿಯೊ ತುತ್ತುರಿಯೊ ವಜಾ಼ಡ್ತಾಮಾ ತ್ರಾಸ ಆವಾನು ಶುರು ಥಾವಸ ಕೈನ ಶುರು ಥಾವಸ ಕೈನ ವದ್ರಾನು ಐಕ್ಯೊ.
REV 9:1 ಪಾಂಚ಼್ವಾ ದೆವ ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಯಕ್ಕ ಚಿಕ್ಕಿ ಹಬಾಳಮಾತಿ ಜಿಮಿನಪರ ಪಡಾನು ಮಿ ದೆಕ್ಯೊ. ತೆ ಚಿಕ್ಕಿನೆ ಪಾತಾಳನೆ ಜಾ಼ವಾನಿ ಚಾವಿ ತಿಕನ ದಿದ್ಯಾತಾ.
REV 9:2 ಪಾಚಾ಼ತಾ ತೆ ಚಿಕ್ಕಿ ಪಾತಾಳನೆ ಗೈನ ತ್ಯಾನಿ ಚಾವಿ ಖುಲ್ಲಾ ಕರಿ. ಮ್ಹೊಟಿ ಖಾಡಿಮಾತಿ ಭಟ್ಟಿಮಾನೊ ಧವಾಂಡೊ ಆವಾನಾ ಲಿಂಗತ ತೆ ಖಾಡಿಮಾತು ಧವಾಂಡೊ ಉಪ್ಪರ ಆಯೊ. ತೆ ಖಾಡಿಮಾತೊ ಆಯಲ ಧವಾಂಡಾಕ್ಹು ಸುರ‍್ಯೊಲಕ್ಕಾ ಕಾಳೊ ಥೈ ಗಯೊ.
REV 9:3 ಪಾಚಲ್ತೊ ಫಿರಕಾ ಧವಾಂಡಾಮಾತಾ ಜಿಮಿನಪರ ಐನ ಉತರ‍್ಯಾ. ತ್ಯುನೊನೆ ಇಚ್ಚಿಯೊ ಲಿಂಗತ ಕಡ್ಡಾನಿ ತಾಕತ ದಿದಲ ರ‍್ಹೈ.
REV 9:4 ಜಿಮಿನಪರ ಚಾ಼ರಾನೆ ರ‍್ಹೈನೆಕಾ ತರಕಾರಿನೆ ರ‍್ಹೈನೆಕಾ. ಝಾಡೊನೆ ಸುಜ಼ ಹಾಳ ಕರೆ ನೈಸೊ. ತೆ ಪ್ಹಿರಕಾವೊನೆ ಕದಲ ರ‍್ಹೈ.
REV 9:5 ಮನಕ್ಹೊನೆ ಪಾಂಚ಼ ಮ್ಹೈನಾ ಲಕ್ಕಾ ತ್ರಾಸ ಕರಾನು ತಾಕತ ಪ್ಹಿರಕಾವೊನೆ ದಿದ್ಯಾ. ತೆನೈಸೊ ಮನಕ್ಹೊನೆ ಖಲಾಸ ಕರಾನಿ ತಾಕತ ಪ್ಹಿರಕಾವೊನೆ ದಿದ್ಯಾ ನೈ. ಎ ಫಿರಕಾ ಕಡ್ತಮಾ ಇಚ್ಚಿಯೊ ಕಡ್ಡಲ ಲಿಂಗತ ದುಖ ಥಾತುತು.
REV 9:6 ತೆ ದಿನೊಮಾ ಮನಕ್ಹೊ ಮರಾನೆ ವಾಟ ಹುಡಕ್ಕಯಾತಬಿ ತ್ಯುನೊನೆ ಮಳ್ತಿ ನೈ. ತ್ಯುನೆ ಮರುಸ ಕದ್ಯಾತಬಿ ಮರಣ ತ್ಯುನೊಕಂತು ದುರ ನ್ಹಾಟಸ.
REV 9:7 ಫಿರಕಾ ಯುದ್ದನೆ ತಯ್ಯಾರ ಕರಲ ಘೊಡಾವೊ ಲಿಂಗತ ದಿಕ್ಹಾಡ್ಯಾ. ತ್ಯುನಾ ಮಾತಪರ ಕ್ಹೊನಾನಿ ಕಿರಿಟೊ ಲಿಂಗತ ಸು ಯಕ್ಕ ವ್ಹತ್ತು. ತ್ಯುನಾ ಮ್ಹೊಡಾ ಮನಕ್ಹೊನಾ ಮ್ಹೊಡಾ ಲಿಂಗತ ವ್ಹತ್ತಾ.
REV 9:8 ಮಾತಾನಾ ಬಾಲೊ ಬಾಕ್ಡಿನಾ ಬಾಲೊ ಲಿಂಗತ ವ್ಹತ್ತಾ. ದಾತೊ ಶಿಯ್ಯಾನಾ ದಾತೊ ಲಿಂಗತ ವ್ಹತ್ತಾ.
REV 9:9 ಛಾ಼ತಿಯೊ ಲ್ಹೊಡಾಕ್ಹು ಕರಲ ಕವಚ ಲಿಂಗತ ವ್ಹತ್ತಾ. ರಕ್ಕಯಾವೊನಾ ಅವಾಜ಼ ಯುದ್ದಮಾ ಘಾಬ್ರಾ ಥೈನ ನ್ಹಾಟಾನಾ ಕೆಕ್ಕಲಾಕೆ ಘೊಡಾವೊಲಿಂಗತ ವರಿ ರಥನಿ ಅವಾಜ಼ ಲಿಂಗತ ವ್ಹತ್ತು.
REV 9:10 ಇಚ್ಚಿಯೊ ಲಿಂಗತ ಪುಚ್ಡಿಯೊ ಕೊಂಡಿಯೊ ವ್ಹತ್ತಿಯೊ. ಮನಕ್ಹೊನೆ ಪಾಂಚ಼ ಮ್ಹೈನಾ ಲಕ್ಕಾ. ತ್ರಾಸ ದಿವಾನು ತಾಕತ ತ್ಯುನಾ ಪುಚ್ಡಿಯೊಮಾ ವ್ಹತ್ತು.
REV 9:11 ಪ್ಹಿರಕಾವೊಪರ ಯಕ್ಕ ರಾಜೊ಼ ವ್ಹತ್ತೊ. ಪಾತಾಳಮಾ ರ‍್ಹವಾಲೊ ದುತ ತ್ಯುನೊ ರಾಜೊ಼ ಥಯೊತೊ. ತಿನೆ ಹಿಬ್ರುಮಾ "ಅಬದ್ದೊನ; ಕೈನ ನಾಮ ವ್ಹತ್ತೊ. ಗ್ರಿಕ್ಕಮಾ "ಅಪೊಲ್ಲ್ಯೊನ "ಕೈನ ನಾಮ ವ್ಹತ್ತು.
REV 9:12 ಪೈಲಾನು ಮ್ಹೊಟಿ ತ್ರಾಸ ಗೈಪಡ್ಯು. ಹಜು಼ನ ಬೆ ಮ್ಹೊಟಿಯೊ ತ್ರಾಸೊ ಆವಾನು ವ್ಹತ್ತು.
REV 9:13 ಛೆವಾ ದೆವದುತ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಕ್ಹುದಾನಿ ಸನ್ನಿಧಿಮಾ ರ‍್ಹವಾಲೊ. ಕ್ಹೊನಾನಿ ಯಗ್ನೆನಿ ಚಾ಼ರೆ ಬಗಲ್ತು ಅವಾಜ಼ ಆವಾನು ಮಿ ಐಕ್ಯೊ.
REV 9:14 ತೆ ಅವಾಜ಼ ತುತ್ತುರಿ ರ‍್ಹಯಲ ಛೆವಾ ದೆವದುತನೆ "ಯುಫ್ರಟಿಸ ಕವಾನಿ ಮ್ಹೊಟಿ ನದಿಕನ ಭಾಂದಿನ ಮ್ಹೆಲಲ ಚಾರ ದೆವದುತೊನೆ ಛೊಡಿಪಾಡ "ಕೈನ ಕದ್ಯೊ.
REV 9:15 ಆ ಚಾರ ಮನಕ್ಹೊ ದೆವದುತೊನೆ ಎಜ಼ ವರಕ್ಹ ಎಜ಼ ಮ್ಹೈನೊ ಎಜ಼ ದಿನ್ನ ಎಜ಼ ತಾಸ್ಮಾ ತಯ್ಯಾರ ಕರಲ ರ‍್ಹೈ. ಜಿಮಿನಪರ ರ‍್ಹಯಲ ಮನಕ್ಹಹೊಮಾ ತನ್ವಾ ಯಕ್ಕ ಭಾಗ ಖಲಾಸ ಕರಾನೆ ಇವ್ನೊನೆ ಬಿಡುಗಡೆ ಕರ‍್ಯಾ.
REV 9:16 ತಿವ್ನೊಮಾ ರ‍್ಹಯಲ ಅಶ್ವವದಳನಾ ಸೈನಿಕೊ 20 ಕರೊಡ ಕೈನ ಮನೆ ಐಕು ಐಯು.
REV 9:17 ಮಿದರಶನಮಾ ಘೊಡಾ ಘೊಡಾವೊಪರ ರ‍್ಹಯಲವಾಲಾವೊನೆ ದೆಕ್ಯೊ. ತ್ಯುನೆ ಅಮ್ಮ ದಿಕ್ಹಾಡ್ಯಾತಾ ತ್ಯುನೆ ಆಗ ಲಿಂಗತ ಲಾಲ ಕಾಳು ನಿಲಿ ವರಿ ಗಂಧಕ ಲಿಂಗತ ಹಳ್ದಿ ಕವಚ ಹೊಂದಯಾತಾ. ಘೊಡಾವೊನಾ ಮಾತಾ ಶಿಯ್ಯಾವೊನಾ ಮಾತಾ ಲಿಂಗತ ದಿಕ್ಹಾಡ್ಯಾತಾ ಘೊಡಾವೊನಾ ಮ್ಹೊಡಾಮಾತು ಆಗ ಧವಾಂಡೊ ವರಿ ಗಂಧಕ ಆವಾಡ್ಯುತು ಸಿಂಯ್ಯಾನಾ ಲಿಂಗತ ಮಾತಾ ವ್ಹಾತಾ.
REV 9:18 ಜಿಮಿನಪರ ಮನಕ್ಹೊನು ತನ್ವಾಮಾನು ಯಕ್ಕ ಭಾಗ ಘೊಡಾವೊನಾ ಮ್ಹೊಡಾಮಾತು ಭಾರು ಆಯಲ ಆಗ ವರಿ ಗಂಧಕ ತ್ರಾಸಕ್ಹು ಖಲಾಸ ಥಯಾತಾ.
REV 9:19 ಘೊಡಾವೊನಿ ತಾಕತ ತಿವ್ನಾ ಮ್ಹೊಡಾಮಾ ವರಿ ಪುಚ್ಡಿಯೊ ವ್ಹತ್ತಿ. ತಿವ್ನಿಯೊ ಪುಚ್ಡಿಯೊ ಮನಕ್ಹೊನೆ ಕಡ್ಡಾನು ಹೆಡಿ ಕ್ಹಾಪ ಲಿಂಗತ ವ್ಹತ್ತು. ತಿಕ್ಹು ತೆ ತೆ ತ್ರಾಸ ದೆತುತು.
REV 9:20 ಎ ತ್ರಾಸೊ ಕ್ಹು ಮರ‍್ಯಾವಾಚಿ ವಾಚ಼ಲ ಮನಕ್ಹೊ ತಿವ್ನಾ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಪ್ಹರ‍್ಯಾ ನೈ. ತಿವ್ನಾ ಸ್ವಂತ ಹತೊಕ್ಹು ತಯ್ಯಾರ ಕರಲ ಮೊರತಿಯೊನೆ ಛೊಡಿಪಾಡ್ಯಾ ನೈ. ತ್ಯುನೆ ಭುತ್ಡಾವೊನೆ ಪುಜಾ ಕರಾನು ಛೊಡ್ಯಾ ನೈ. ಕ್ಹೊನು, ರುಪ್ಪು, ತಾಂಬು, ಡಗ್ಡಾಕ್ಹು ವರಿ ಝಾಡೊಕ್ಹು ಕರಲ ನೈ. ಚಾ಼ಲಾನು ನೈದೆಕಾನುವರಿ ನೈ ಐಕಾನು ಮೊರತಿಯೊನೆ ಪುಜಾ ಕರಾನು ತ್ಯುನೆ ಛೊಡ್ಯಾ ನೈ.
REV 9:21 ಎ ಮನಕ್ಹೊ ತಿವ್ನಾ ಮನಸೊ ವರಿ ಜಿವ್ನಾ ಬದಲಿ ಕರಲಿದ್ಯಾ ನೈ ವರಿ ಬಿಜಾ಼ವೊನೆ ಖಲಾಸ ಕರಾನು ಛೊಡ್ಯಾ ನೈ. ತ್ಯುನೆ ಕರಾನು ಮಾಟಾ ಮಂತ್ರಾ ಲೈಂಗಿಕ ಪಾಪೊ ವರಿ ಚೊ಼ರಿ ಕರಾನು ಛೊಡ್ಯಾ ನೈ.
REV 10:1 ಪಾಚಾ಼ತಾ ಘನ್ನೊ ತಾಕತವರ ರ‍್ಹಯಲ ಬಿಜೆಕ್ಲೊ ದೆವದುತ ಸ್ವರಗತೊ ಉತ್ರಿನ ಆತೊ ರ‍್ಹಯಲ ಮಿ ದೆಕ್ಯೊ. ತೆ ದೆವದುತ ಮೆಘ ಘಾಲ್ಲಿಲಿದ್ಯೊತೊ. ತಿನಾ ಮಾತಾನಾ ಸುತ್ತೆಬಿ ಕಾಮನ ಬಿಲ್ಲು ವ್ಹತ್ತಾ. ತೆ ದೆವದುತನು ಮ್ಹೊಡು ಸುರ‍್ಯಾ ಲಿಂಗತ ವ್ಹತ್ತು ತಿನಾ ಬಗೊ ಆಗನಾ ಖಂಬಾವೊ ಲಿಂಗತ ವ್ಹತ್ತಾ.
REV 10:2 ತೆ ದೆವದುತ ನ್ಹಾನಿ ಸುರಳಿ ಧರಿಲಿದ್ಯೊತೊ. ತಿನಾ ಹತ್ಮಾ ರ‍್ಹಯಲ ಸುರಳಿ ಖುಲ್ಲಾ ಥೈ. ತೆ ಬಿನೊ ಜ಼ಮ್ನೊ ಪಗ ಸಮುಂದರಪರ ವರಿ ತಿನು ಡಾವೊ ಪಗ ಜಿಮಿನಪರ ಮ್ಹೆಲಿನ,
REV 10:3 ವರಿ ಶಿಯ್ಯೊ ಅಡ್ಡಲ ಲಿಂಗತ ಜೊ಼ರ ವದರ‍್ಯೊ. ತೆ ಥಯಲಪರ ಕ್ಹಾತ ಡೊಂಗ್ರೊ ಬೊಲ್ಯಾ.
REV 10:4 ಎ ಕ್ಹಾರು ಮಿ ಬರ್ದು ಕೈನ ಕತಾಮಾ ಸ್ವರಗತೊ ಯಕ್ಕ ಅವಾಜ಼ ಮನೆ"ತೆ ಕ್ಹಾತ ಡೊಂಗ್ರೊ ಬೊಲಲ ತು ಬರ್ದು ನಕೊ. ತೆ ವಾತೊ ಝಾಕಿನ ಮ್ಹೆಲ "ಕೈನ ಕದ್ಯು.
REV 10:5 ತೆ ಥಯಲಪರ ಜಿಮಿನಪರ ವರಿ ಸಮುಂದರಪರ ಐನ ಹುಬ್ರಯಲ ಯಕ್ಕ ದೆವದುತನೆ ದೆಕ್ಯೊ. ತಿನೊ ಜ಼ಮ್ನೊ ಹತ ಸ್ವರ್ಗ ಬಗಲ ಕರ‍್ಯೊತೊ.
REV 10:6 ತೆ ದೆವದುತ ಯುಗ ಯುಗಮಾ ರ‍್ಹಯಲವಾಲಾನೆ ವರಿ ಹಬಾಳ ವರಿ ತಿಮಾ ರ‍್ಹಯಲ ಕ್ಹಾರುಜ಼, ಜಿಮಿನಪರ ರ‍್ಹಯಲ ಕ್ಹಾರುಜ಼, ಸಮುಂದರ ವರಿ ತಿಮಾ ರ‍್ಹಯಲ ಕ್ಹಾರುಜ಼ ತಯ್ಯಾರ ಕರಲ ವಾಲಾನಿ ತಾಕತಕ್ಹು ಅಮ್ಮ ಕದ್ಯೊ; "ಹಬ್ದಾ ಕೈದಾನಿ ಜ಼ರುರತ್ತ ನತ್ತಿ.
REV 10:7 ಕ್ಹಾತ್ವಾ ದೆವದುತ ತಿನೆ ತುತ್ತುರಿ ವಾಜಾ಼ಡಾನಾ ಟೈಮ್ಮಾ ಕ್ಹುದಾನಾ ದಡಿರ‍್ಹಯಲ ವಿಚಾರೊ ಪುರಾ ಥಾವಸ. ಕ್ಹುದಾ ತಿನಾ ಸೆವಕೊ ಥಯಲ ಪ್ರವಾದಿಯೊನೆ ಕದಲ ಸುವಾರ್ತೆಜ಼ ಎ ವಿಚಾರೊ ವ್ಹೈ"
REV 10:8 ಪಾಚಲ್ತೊ ಸ್ವರಗತೊ ತೆಜ಼ ಅವಾಜ಼ ಮಿ ಐಕ್ಯೊ. ತೆ ಅವಾಜ಼ ಮನೆ"ಜಾ಼, ದೆವದುತನಾ ಹತ್ಮಾತಿ ಸುರಳಿ ಖುಲ್ಲಾ ಥಯಲ ತು ಲೆ. ತೆ ದೆವದುತ ಸಮುಂದರಪರ ವರಿ ಜಿಮಿನಪರ ಹುಬ್ರಯೊಸ" ಕೈನ ಕದ್ಯು.
REV 10:9 ತಿನಾ ಹುತಿ ಮಿ ದೆವದುತಕನ ಗೈನ, ತೆ ನ್ಹಾನಿ ಸುರಳಿ ದೆ ಕೈನ ಮಿ ತಿನೆ ಕದ್ಯೊ. ತೆ ದೆವದುತ ಮನೆ"ಸುರಳಿಲಿನ ತು ಖೈಪಾಡ. ತೆ ತಾರಾ ಪೆಟ್ಮಾ ಖಾಟು ರ‍್ಹವಸ, ತೆನೈಸೊ ತಾರಾ ಮ್ಹೊಡಾಮಾ ಜೆನ ಲಿಂಗತ ಗಳು ರ‍್ಹವಸ "ಕೈನ ಕದ್ಯೊ.
REV 10:10 ತೆ ನ್ಹಾನಿ ಸುರಳಿ ದೆವದುತಕಂತೊ ಮಿ ಲಿನ ಮಿ ಖಾದ್ಯೊ. ತೆ ಮಾರಾ ಮ್ಹೊಡಾಮಾ ಜೆನ ಲಿಂಗತ ಗಳು ವ್ಹತ್ತು, ತೆನೈಸೊ ತೆ ಗಳಲಪರ, ತೆ ಮಾರಾ ಪೆಟ್ಮಾ ಖಾಟು ವ್ಹತ್ತು.
REV 10:11 ತೆಳಾಮಾ ತೆ ಮನೆ ವರಿ ಕದ್ಯೊ"ತು ವರಿ ಘನ್ನಿಯೊ ಜ಼ನಾಂಗ್ನೆ, ಪ್ರಜಾವೊನೆ, ಜಾತನೆ ವರಿ ರಾಜಾ಼ವೊನಾಹುತಿ ಪ್ರವಾದನೆ ಕರು "ಕೈನ ಕದ್ಯೊ.
REV 11:1 ಪಾಚಾ಼ತಾ ಧಾಂಡಾ ಲಿಂಗತ ರ‍್ಹಯಲ ಅಳ್ತಿನಿ ಯಕ್ಕ ಲಾಕಡಿ ಮನೆ ದಿನ್ನ ಅಮ್ಮ ಕವಾಯಾ; "ಜಾ಼, ಕ್ಹುದಾನಿ ಯಗ್ನೆವೆದಿ ವರಿ ತಿನಿ ಆಲಯ ಅಳತಿ ಕರ; ವರಿ ತ್ಯಾ ಆರಾಧನಾ ಕರಾಲಾ ಮನಕ್ಹೊನೆ ಮೊಜ಼.
REV 11:2 ತೆನೈಸೊ ಆಲಯನಿ ಭಾರಲಿ ಅಂಗಳಾ ಅಳತಿ ಕರ‍್ಯಾವಾಚಿ ಛೊಡಿಪಾಡ. ತೆ ಯೆಹುದಿಯೊ ನೈ ರ‍್ಹಯಲ ಮನಕ್ಹೊನೆ ಛೊಡ್ಯಾಸ. ತೆ ಮನಕ್ಹೊ ಪವಿತ್ರ ಗಾಮಪರ 42 ಮ್ಹೈನಾ ಖುಂದತಾ ಚಾ಼ಲಸ..
REV 11:3 ಕೊತ್ಳಾ ಘಾಲ್ಲಿದಲ ಮಾರಿ ಬೆ ಸಾಕ್ಕಷಿಯೊನೆ ಅದಿಕಾರ ದ್ಯುಸ. ತ್ಯುನೆ ಬಾರಾಕ್ಹೊನ ಕ್ಹಾಟ ದಿನ್ನ ಪ್ರವಾದನೆ ಕರಸ"
REV 11:4 ಭುಲೊಕನೊ ಪ್ರಭುನಿ ಸನ್ನಿದಾನಮಾ ಹುಬ್ರಯಲ ಬೆ ತೆಲನಾ ಝಾಡೊ ವರಿ ಬೆ ದಿವ್ವಾನಾ ಖಂಬಾ ಎ ಬೆ ಸಾಕ್ಷಿ ವ್ಹೈ.
REV 11:5 ಎ ಸಾಕ್ಕಷಿನೆ ಕುನಬಿ ಕೆಟ್ಟ ಕರಾನೆ ಕೊಶಿಶ ಕರ‍್ಯಾಮ, ಸಾಕ್ಕಷಿಯೊನಾ ಮ್ಹೊಡಾಮಾತು ಆಗ ಭಾರಿ ಐನ ತ್ಯುನಾ ದುಶ್ಮನೊನೆ ಕದ್ಯಾಮ ತ್ಯುನೊನೆ ತ್ರಾಸ ಕರಾನೆ ಕೊಶಿಶ ಕರಲ ಕ್ಹಾರಾವೊನೆ ಖಲಾಸ ಕರಸ.
REV 11:6 ಎ ಸಾಕ್ಕಷಿಯೊ ತ್ಯುನಾ ಪ್ರವಾದನೆನಾ ಟೈಮಮಾ ಹಬಾಳ ಪರತು ಪಡಾನು ಪಾನಿ ಹುಬ್ರಾಡಾನೆ ಪಾನಿನೆ ರಗತ ಕರಾನೆ ಜಿಮಿನ್ನೆ ಕ್ಹಾರಿ ತರಾನಾ ತ್ರಾಸೊ ದಿವಾನೆ ಅದಿಕಾರ ವ್ಹಂದಲ ರ‍್ಹವಸ. ತ್ಯುನೆ ತ್ಯುನೊನೆ ಮನಸ್ಸ ಆಯಲ ತೆಕ್ಲು ಅಮ್ಮ ಕರ ಸಕಸ.
REV 11:7 ಎ ಬೆ ಸಾಕ್ಷಿಯೊ ತ್ಯುನಿ ಸಂದೆಶ ಕೈನ ಕ್ಹರಲ ಪರ ಪಾತಾಳಮಾತು ಉಪ್ಪರ ಆವಾನು ಜಾನವರ ತ್ಯುನಾ ವಿರುದ್ದ ಯುದ್ದ ಕರಸ. ಎ ಜಾನವರ ತ್ಯುನೊನೆ ಸೊಲ್ಸಿನ ಖಲಾಸ ಕರಸ.
REV 11:8 ಎ ಸಾಕ್ಷಿಯೊನಾ ಬೆ ಮುರದಾ ಮ್ಹೊಟಾ ಗಾಮ್ನಾ ವಾಟಮಾ ಪಡಲ ರ‍್ಹವಸ. ಎ ಗಾಮನೆ ಸೊದೊಮ ವರಿ ಇಜಿಪ್ತ ಕೈನ ನಾಮ ಥಾವಸ. ತೆ ಗಾಮನಾ ನಾಮೊನೆ ಖಾಸ ಮತ್ಲಬ ಛೆ. ಪ್ರಭು ಎ ನಗರಮಾಜ಼ ಶಿಲುಬಿ ಪರ ಘಾಲ್ಯಾ.
REV 11:9 ಕ್ಹಾರಾ ಮನಕ್ಹೊ, ಘರದಾನು, ವಾತೊ, ಜಾ಼ತವಾಲಾ ಕ್ಹಡಾ ತನ್ನ ದಿನ್ನ ಲಕ್ಕಾ ಎ ಸಾಕ್ಷಿಯೊನಾ ಮುರದಾವೊನೆ ದೆಕತಾ ರ‍್ಹವಸ. ತ್ಯುನೊನೆ ಸಮಾದಿ ಕರಾನೆ ಮನಕ್ಹೊ ವಪ್ಪಿಲೆತಾ ನೈ.
REV 11:10 ಎ ಭಂಬಿಜ಼ನಾ ಮರಲ ಹುತಿ ಜಿಮಿನ ಪರ ರ‍್ಹಯಲ ಮನಕ್ಹೊ ಖುಶಿ ಥಾವಸ. ತ್ಯುನೆ ಕಾರಯೊ ಕರಿನ, ಯಕ್ಕನೆ ಯಕ್ಕ ಆಯಾರ ದಿವಸ. ಎ ಭಂಬಿ ಪ್ರವಾದಿಯೊ ಜಿಮಿನ ಪರ ರ‍್ಹಯಲ ಮನಕ್ಹೊನೆ ಘನ್ನು ತ್ರಾಸ ದಿದಲಕ್ಹು ಎ ಮನಕ್ಹೊ ಅಮ್ಮ ಕರಸ.
REV 11:11 ತೆನೈಸೊ ಕ್ಹಡಾ ತನ್ನ ದಿನ್ನ ಥಯಲ್ಪರ ಕ್ಹುದಾ ತೆ ಭಂಬಿ ಪ್ರವಾದಿಯೊಮಾ ವರಿ ಜ಼ಲಮ ಆಯೆಲಿಂಗತ ಕರ‍್ಯೊ. ತೆಳಾಮಾ ತ್ಯುನೆ ತ್ಯುನಾ ಪಗೊಪರ ಹುಬ್ರಯಾ. ತ್ಯುನೊನೆ ದೆಕಲ ಕ್ಹಾರಾ ಮನಕ್ಹೊ ಭೆಕ್ಹು ಭರಿ ಗಯಾ.
REV 11:12 ಪಾಚಾ಼ತಾ "ಉಪ್ಪರ ಚ಼ಡಿನ ಆವೊ" ಕೈನ ಸ್ವರಗತಿ ಮ್ಹೊಟಿ ಆವಾಜ಼ ತೆ ಪ್ರವಾದಿಯೊನೆ ಐಕೊ ಆಯು. ತೆಳಾಮಾ ತೆ ಭಂಬಿ ಪ್ರವಾದಿಯೊ ಹಬಾಳನಾ ಕ್ಹಾತೆ ಸ್ವರ್ಗನೆ ಗಯಾ. ತ್ಯುನೆ ಜಾ಼ವಾನು ತ್ಯುನಾ ದುಶ್ಮನೊ ದೆಕತಾ ವ್ಹತ್ತಾ.
REV 11:13 ತೆ ಟೈಮಮಾ ಮ್ಹೊಟು ಭುಕಂಪ ಥಯು. ತೆ ಗಾಮನು ದಕ್ಹಮಾನು ಯಕ್ಕ ಭಾಗ ಹಾಳ ಥಯು. ಭುಕಂಪಮಾ ಕ್ಹಾತ ಹಜಾ಼ರ ಮನಕ್ಹೊ ಹಾಳ ಥಯಾ. ನೈ ಮರಲ ಮನಕ್ಹೊ ಘನ್ನಾ ಭೆಕ್ಹು ಸ್ವರಗಮಾನಾ ಕ್ಹುದಾನೆ ಶ್ರೆರಷ್ಠನೆ ಮಹಿಮಾ ಕರ‍್ಯಾ.
REV 11:14 ಬೆಂವಾ ಮ್ಹೊಟು ಮುಸಿಬತ್ತ ಖರ‍್ಯು. ತನ್ವಾ ಮ್ಹೊಟು ಭೆಗಿನ ಆವಸ.
REV 11:15 ಕ್ಹಾತ್ವಾ ಕ್ಹುದಾನು ದುತ ತಿನಿ ತುತ್ತುರಿ ವಜಾ಼ಡ್ಯೊ. ತೆಳಾಮಾ ಸ್ವರ್ಗಮಾ ಮ್ಹೊಟಾ ಆವಾಜೊ಼ ಥಯಾ. ತೆ ಆವಾಜೊ಼ ಅಮ್ಮ್ ಕದ್ಯಾ; "ಎ ಲೊಕನು ರಾಜ್ಯ ಹಮ್ನಾ ಅಪ್ನಾ ಪ್ರಭುನಾ ವರಿ ತಿನೊಜ಼ ರ‍್ಹಯಲ ಕ್ರಿಸ್ತನಿ ರಾಜ್ಯ ಥೈಸ. ತೆ ಯುಗೊ ಯುಗೊಮಾಬಿ ಅದಿಕಾರ ಚ಼ಲಾವಾ ವಾಲೊ ವ್ಹೈ"
REV 11:16 ಪಾಚಾ಼ತಾ ಇಖ್ಪರ ಚಾರ ಜ಼ನಾ ಶಾನಾ ಉಂದಾ ಗುಡ್ಗಾ ಘಾಲಿನ ಆರಾಧನಾ ಕರ‍್ಯಾ. ಕ್ಹುದಾನಿ ಸನ್ನಿಧಿಮಾ ತ್ಯುನಿ ಸಿಂಹಾಸನನಾ ಉಪ್ಪರ ಬೈಟಲ ಶಾನಾಜ಼ ತ್ಯುನೆ ವ್ಹೈ.
REV 11:17 ತೆ ಶಾನಾ ಅಮ್ಮ್ ಕದ್ಯಾ; "ಪ್ರಭು, ಸರವಶಕ್ಕತ ರ‍್ಹಯಲ ಕ್ಹುದಾ, ಭುತಕಾಲಮಾ ರ‍್ಹಯಲವಾಲಾ, ವರತಮಾನ ಕಾಲಮಾ ರ‍್ಹವಾಲಾ, ತುನೆ ಕೃತಜ್ಞತಾಸ್ತುತಿ ಕರೆಸ. ತು ತಾರಿ ಮ್ಹೊಟಿ ಅದಿಕಾರ ಉಪಯೊಗ ಕರಿನ ತಾರಿ ಆಡಳಿತ ಶುರು ಕರಲಕ್ಹು ತುನೆ ಕೃತಜ್ಞತಾಸ್ತುತಿ ಕರೆಸ.
REV 11:18 ದುನಿಯಾನಾ ಮನಕ್ಹೊ ಶಿಟ್ಟ ಥಯಾತಾ. ತೆನೈಸೊ ಎ ತಾರಾ ಶಿಟ್ಟನೊ ಟೈಮ ವ್ಹೈ. ಮರಲವಾಲಾವೊನೆ ಫೈಸಲೊ ದಿವಾನೊ ಟೈಮ ಎಜ಼ ವ್ಹೈ. ತಾರಾ ಸೆವಕೊ ರ‍್ಹಯಲ ಪ್ರವಾದಿಯೊನೆಬಿ ತಾರಾ ಪರಿಶುದ್ಧ ಮನಕ್ಹೊನೆ ತುನೆ ಮರ್ಯಾದಿ ದಿವಾಲಾ ಮ್ಹೊಟಾವೊನೆಬಿ ನ್ಹಾನಾವೊನೆಬಿ ಪ್ರತಿಫಲ ದಿವಾನೊ ಟೈಮ ಆ ವ್ಹೈ. ದುನಿಯಾ ಹಾಳ ಕರಾಲಾವೊನೆ ಹಾಳ ಕರಾನೊ ಟೈಮ ಆ ವ್ಹೈ"
REV 11:19 ಪಾಚಾ಼ತು ಸ್ವರ್ಗಮಾ ರ‍್ಹಯಲ ಕ್ಹುದಾನಿ ಆಲಯ ಕ್ಹುಲ್ಯು. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಡಂಬಡಿಕೆ ಮ್ಹೆಲಲ ಪೆಟ್ಟಗಿ ತಿನಾ ಆಲಯಮಾ ದಿಕ್ಹಿ. ತೆಳಾಮಾ ಬಿಜ್ಲಿಯೊ ಮಾರ‍್ಯೊ, ಆವಾಜೊ಼ ಥಯಾ, ಭುಕಂಪೊ ಥಯಾ ವರಿ ಘಾರಗಿಯೊನು ಪಾನಿ ಐಯು.
REV 12:1 ತೆಳಾಮಾ ಸ್ವರಗಮಾತು ಯಕ್ಕ ಮ್ಹೊಟು ಅದ್ಭುತ ದಿಕ್ಹ್ಯು. ಸುರ‍್ಯಾನೆಜ಼ ವಣ್ಣಾ ಲಿಂಗತ ಘಾಲ್ಲಿನ ಯಕ್ಕ ಬಾಕ್ಡಿ ತ್ಯಾ ವ್ಹತ್ತಿ. ತಿನಾ ಪಗೊನಾ ಹೆಟೊ ಚ಼ಂದಪ್ಪಾ ವ್ಹತ್ತೊ. ತಿನಾ ಮಾತಾಪರ ಬಾರಾ ಚಿಕ್ಕಕಿಯೊನು ಯಕ್ಕ ಕಿರಿಟ ವ್ಹತ್ತು.
REV 12:2 ತೆ ಪೆಟೆ ವ್ಹತ್ತಿ. ತೆ ಜ಼ನ್ನಾನಾ ತ್ರಾಸಕ್ಹು ಜೊ಼ರ ವದ್ರಿ.
REV 12:3 ತೆಳಾಮಾಜ಼ ಹಬಾಳಮಾ ಬಿಜೆ಼ಕ ಅದ್ಭುತ ದಿಕ್ಹ್ಯು. ಲಾಲ ರ‍್ಹಯಲ ಯಕ್ಕ ಮ್ಹೊಟೊ ಕ್ಹಾಪ ವ್ಹತ್ತೊ. ತೆ ಕ್ಹಾಪ್ನೆ ಕ್ಹಾತ ಮಾತಾ ವ್ಹತ್ತಾ. ಹರಿ ಯಕ್ಕ ಮಾತಾಪರ ಯಕೆಕೆ ಕಿರಿಟ ವ್ಹತ್ತು. ತೆ ಕ್ಹಾಪ್ನೆ ಕ್ಹಾತ ಸಿಂಗ್ಡಾ ವ್ಹತ್ತಾ.
REV 12:4 ತೆ ಕ್ಹಾಪ್ನಿ ಪುಚ಼ಡಿ ಹಬಾಳಮಾನಿಯೊ ಚಿಕ್ಕಕಿಯೊಮಾ ತನ್ವಾ ಯಕ್ಕ ಭಾಗ ಜಗ್ಗಿಲಿನ ಜಿಮಿನಪರ ನಾಕಿ ಪಾಡ್ಯು ತೆ ಕ್ಹಾಪ. ಜ಼ನ್ನಾನಿ ತ್ರಾಸಮಾ ರ‍್ಹಯಲ ಬಾಕ್ಡಿನಾ ಕ್ಹಾಮೊ ಹುಬ್ರಯೊ ತೆ ಬಾಕ್ಡಿ ಜ಼ನ್ನಾನಾ ಬಚ್ಚಾ಼ನೆ. ಗಳಾನೆ ತೆ. ಕ್ಹಾಪ ಕೈದಾಡ್ಯೊತು.
REV 12:5 ತೆ ಬಾಕ್ಡಿ ತೆ ಕ್ಹಾರಿ ಜಾ಼ತೊನೆ ಲ್ಹೊಡಾನಿ ಲಾಕ್ಡಿಕ್ಹು ವರಿ ತಿನಾ ಸಿಂಹಾಸನ ಕನ ಲಿನ ಗಯು.
REV 12:6 ತೆ ಬಾಕಡಿಕ್ಹು ತಿನಾಹುತಿ ಕ್ಹುದಾ ತಯ್ಯಾರ ಕರಲ ಉಸುಕನಾ ಯಕ್ಕ ಗಾಮಾ ನ್ಹಾಟಿ ಗೈ. ತೆ ಉಸುಕನಾ ಗಾಮ್ಮಾ ತಿನೆ ಬಾರಾಕ್ಹೊನ ಕ್ಹಾಟ ದಿನ್ನ ಜ಼ತ್ತನ ಕರಸ.
REV 12:7 ಪಾಚ಼ಾತಾ ಸ್ವರ್ಗಮಾ ಯಕ್ಕ ಯುದ್ದ ಥೈ ಮಿಕಾಯೆಲ ವರಿ ತಿನಾ ಕ್ಹಾತೆ‍‍ ರ‍್ಹಯಲ ದುತೊ ತೆ ಕ್ಹಾಪನಾ ತಿನಾ ದುತೊನಿ ವಿರುದ್ದ ತ್ಯುನೆ ಯುದ್ದ ಕರಾ.
REV 12:8 ತೆನೈಸೊ ತೆ ಮ್ಹೊಟೊ ಕ್ಹಾಪ ವರಿ ತಿನಾ ದುತೊ ಸೊಲಿನ ಸ್ವರಗಮಾ‍‍ ರಹೆಲ ತ್ಯುನಿ ಜ಼ಗಾ ಜ಼ವೈಲಿದ್ಯಾ.
REV 12:9 ತೆ ಮ್ಹೊಟಾ ಕ್ಹಾಪನೆ ಸ್ವರಗತೊ ತೆ ಮ್ಹೊಟಾ ಕ್ಹಾಪನೆ ಸೈತಾನ ಕೈನ. ವರಿ ರಾಕ್ಷೆತ ಕೈನ ನಾಮ ವ್ಹೈ ತೆ. ಜಗತ್ಯೆ ಕೆಟ ಟವಾಟ್ಮಾ ಚ಼ಲಾವಸ) ತಿನಾ ದುತೊನೆ ಲಿಮಿನಪರ ನಾಕ್ಯಾತಾ.
REV 12:10 ತೆಳಾಮಾ ಜಗತ್ಮಾ ಯಕ್ಕ ಮ್ಹೊಟು ಅವಾಜ಼ ಮಿ ಐಕ್ಯೊ; ಹಮಾರಾ ಕ್ಹುದಾನೆ ಜ಼ಯ ಮಳಿ, ತಾಕತ ವರಿ ಆದಿಕಾರ ಕ್ರಿಸ್ತನೊ ವ್ಹೈ. ಅಪ್ನಾ ಭಾಯೊನೆ ವರಿ ಭೆನೊನೆ ತಪ್ಪ ಘಾಲಾಲಾನೆ ಭಾರಾ ನಾಕಲ ಹುತಿ ಎ ಕ್ಹಾರು ಆಯೊಸ. ಅದ್ಯಾ ಕ್ಹುದಾನ ಕ್ಹಾಮಾ ದಿನ್ನರಾತ ಅಪ್ನಾ ಭಾಯೊನಾ ಹುತಿ ತೆ. ದುರ ಕದ್ಯೊ
REV 12:11 ತ್ಯುನೆ ಜ಼ಲಂಪರಲಿ ಮಯಾ ಛೊಡಿನ ಬಕ್ರಾನು ಬಚ್ಚು಼ ಥಯಲವಾಲಾನಾ ರಗತಕ್ಹು ತ್ಯುನು ಕ್ಹರಿನು ಭೊದನೆ ಕ್ಹು ವರಿ ಸಾಕ್ಕಷಿಕ್ಹು ಝಿತ್ತ್ಯಾ.
REV 12:12 ತಿನಾಹುತಿ ವರಿ ಸ್ವರ್ಗ ತಿಮಾ ರ‍್ಹವಾಲಾ ಖುಶಿ ಥಾವಾದೆ! ತೆನೈಸೊ ಜಿಮಿನ, ಸಮುಂದರ, ಸೈತಾನ ತುಮೊಕನ ಆಯಲ ಹುತಿ ಕೆಟ್ಟ ಪರಿಸ್ಥಿತಿ ಆವಸ! ಸಿಟ್ಟ ಕವಾನು ಸೈತಾನ್ಮಾ ಭರಿ ಗೈಯುಸ. ತಿನೆ ರ‍್ಹಯಲ ದಕ್ಹೊಜ಼ ಟೈಮ ವ್ಹೈ ಕವಾನು ತಿನೆ ಗ್ವತ್ತ ಛೆ.
REV 12:13 ತೆ ಮ್ಹೊಟಾ ಕ್ಹಾಪ್ನೆ ಜಿಮಿನಪರ ಡಕ್ಕಲಲ ತಿನೆ ಗ್ವತ್ತ ಛೆ. ತಿನಾಹುತಿ ತೆ ಕ್ಹಾಪ ಪಟ್ಟೊ ಜ಼ನ್ನಲಿ ಬಾಕ್ಡಿನೆ ತ್ರಾಸ ದಿವಾನಾ ಹುತಿ ಪಿಟ್ಟಲಾಗ್ಯೊ.
REV 12:14 ತೆನೈಸೊ ತೆ ಬಾಕ್ಡಿನೆ ಬೆ ಮ್ಹೊಟಿ ಹದ್ದೊನಾ ರಕ್ಕಯಾ ದಿದಲ ಹುತಿ, ತೆ ಬಾಕ್ಡಿನೆ ಉಸುಕನಾ ಗಾಮ್ಮಾ ತಯ್ಯಾರ ಕರಲ ಜ಼ಗಾ ಉಡಿನೆ ಜಾ಼ವಾನೆ ಥಯೊ. ತ್ಯಾ ತೆ ಬಾಕ್ಡಿ ಕ್ಹಡಾ ತನ್ನ ವರಕ್ಹ ಖತರ್ನಾಕ ಕ್ಹಾಪ್ನೆ ದಿಕ್ಹ್ಯಾವಾಚಿ ಜ಼ತ್ತನ ಥೈ.
REV 12:15 ತೆಳಾಮಾ ಕ್ಹಾಪ ತಿನಾ ಮ್ಹೊಡಾಮಾತು ನದಿನಾ ಲಿಂಗತ ಪಾನಿ ಭಾರು ಕಾಡ್ಯು. ತೆ ಪಾನಿನಿ ತಾಕತಕ್ಹು ತೆ ಬಾಕ್ಡಿನೆ ವೈನ ಜಾ಼ವಾದೆ ಕೈನ ತೆ ಕ್ಹಾಪ್ನು ಮನಸ ವ್ಹತ್ತು.
REV 12:16 ತೆನೈಸೊ ಜಿಮಿನ ತೆ ಬಾಕ್ಡಿನೆ ಮದದ ಕರು ಕೈನ ತಿನು ಮ್ಹೊಡು ಖುಲ್ಲಾ ಕರಿನ, ತೆ ಕ್ಹಾಪ್ನಾ ಮ್ಹೊಡಾಮಾತು ಭಾರು ಆಯಲ ಪಾನಿನೆ ಪಿಪಾಡಿ.
REV 12:17 ತೆಳಾಮಾ ಕ್ಹಾಪ ತೆ ಬಾಕ್ಕಡಿಪರ ಘನ್ನೊ ಶಿಟ್ಟ ಥೈನ ತಿನಾ ತಿನಾ ಬಚ್ಚಾ಼ವೊನೆ ಕದ್ಯಾಮ ಕ್ಹುದಾನಿ ಆಗನ್ಯಾಲಿಂಗತ ಚಾಲ್ಲಿನ ಜಾ಼ವಾಲಾವೊನೆ ವರಿ ಯೆಸುನಾಹುತಿ ಸಾಕ್ಷಿ ಕವಾಲಾವೊಪರ ಯುದ್ದ ಕರಾನೆ ಶುರು ಕರ‍್ಯೊ.
REV 12:18 ತೆ ಮ್ಹೊಟೊ ಕ್ಹಾಪ ಸಮುಂದರನಿ ದಂಡಿಪರ ಹುಬ್ರಯೊತೊ.
REV 13:1 ಪಾಚಾ಼ತು ಸಮುಂದರಮಾತು ಯಕ್ಕ ಜಾನ್ವರ ಭಾರು ಆವಾನಿ ಮಿ ದೆಕ್ಯೊ. ತಿನೆ ದಕ್ಹ ಮಾತಾ ದಕ್ಹ ಶಿಂಗ್ಡಾ ವ್ಹತ್ತಾ. ತಿನಾ ಹರಿ ಯಕ್ಕ ಮಾತಾಪರ ಯಕೆಕ ಕಿರಿಟ ವ್ಹತ್ತು. ತಿನಾ ಹರಿ ಯಕ್ಕ ಮಾತಾಪರ ಕ್ಹುದಾನಿ ಮರ್ಯಾದಿ ಕಾಡಾಲವಾಲೊ ವ್ಹೈ ಕೈನ ಬರ್ದಲ ವ್ಹತ್ತು.
REV 13:2 ತೆ ಜಾನ್ವರ ದೆಕಾನೆ ಚಿರತೆ ಲಿಂಗತ ವ್ಹತ್ತಿ. ತಿನಾ ಪಗೊ ರಸುಲನಾ ಪಗೊ ಲಿಂಗತ ವ್ಹತ್ತಾ. ತಿನು ಮ್ಹೊಡು ಸಿಂಯ್ಯಾ ಲಿಂಗತ‍ ವ್ಹತ್ತು. ತೆ ಜಾನ್ವರನೆ ಮ್ಹೊಟೊ ಕ್ಹಾಪ ತಿನಿ ತಾಕತ ವರಿ ತಿನಿ ಸಿಂಹಾಸನ ವರಿ ತಿನೊ ಅದಿಕಾರ ದಿದ್ಯು.
REV 13:3 ಜಾನ್ವರನಾ ಯಕ್ಕ ಮಾತಾಪರ ದುಖ ಥೈನ ಮರಲ ಲಿಂಗತ ದಿಕ್ಹಾಡಿತಿ. ತೆ ಮರಾನಾ ವರಕ್ಹು ದುಖ ಅರಾಮ ಕರ‍್ಯೊ. ಎ ದುನಿಯಾಮಾ ರ‍್ಹಯಲ ಮನಕ್ಹೊ ತೆ ಕ್ಹಾರು ದೆಕಿನ ಘಾಬ್ರಾ ಥೈನ ತಿನಾ ಪಾಚಾ಼ ಗಯಾ.
REV 13:4 ತೆ ಮ್ಹೊಟೊ ಕ್ಹಾಪ ತಿನಿ ಕ್ಹಾರಿ ತಾಕತ ತೆ ಜಾನ್ವರನೆ ದಿದಲ ಹುತಿ ಕ್ಹಾರಾ ಮನಕ್ಹೊ ತೆ ಜಾನ್ವರನೆ ವರಿ ತೆ ಮ್ಹೊಟಾ ಕ್ಹಾಪ್ನೆ ಆರಾಧನಾ ಕರ‍್ಯಾ"ಜಾನ್ವರ ತಿಬಿ ಬಿಜು಼ ಕುನ್ ತಾಕತ ವರ ಛೆ? ತಿನಾ ವಿರುದ್ದ ಕುನ್ ಯುದ್ದ ಕರಸ? ಕೈನ ಕವಾಡಾತಾ.
REV 13:5 ತೆ ಜಾನ್ವರನೆ ಗ್ವಡ್ಡ ವಾತ ವರಿ ದುಶಣೆನಿಯೊ ವಾತೊ ಕವಾನೆ ಮೌಕೊ ದಿದ್ಯಾ. ತೆ ಜಾನ್ವರನೆ ತಿನಿ ತಾಕತ ಉಪಯೊಗ ಕರಾನೆ ಚಾ಼ಳಕ್ಹಪರ ಬೆ ಮ್ಹೈನಾ ದಿದ್ಯಾ.
REV 13:6 ತೆ ಜಾನ್ವರ ಕ್ಹುದಾನಿ ಮರ್ಯಾದಿ ಕಾಡಾನೆ ತಿನು ಮ್ಹೊಡು ಖುಲ್ಲಾ ಕರ‍್ಯು. ತೆನೈಸೊ ಕ್ಹುದಾನಾ ನಾಮನಾ ವಿರುದ್ದ ವರಿ ಕ್ಹುದಾ ರ‍್ಹಯಲ ಜ಼ಗಾನಾ ವಿರುದ್ದ ಸ್ವರ್ಗಮಾ ರ‍್ಹಯಲ ಮನಕ್ಹೊನಾ ವಿರುದ್ದ ದುಶಣೆ ಕರ‍್ಯು.
REV 13:7 ಕ್ಹುದಾನಾ ಮನಕ್ಹೊ ಕ್ಹು ಯುದ್ದ ಕರಿನ, ತ್ಯುನೊನೆ ಸೊಲ್ಸಾನೆ ತಿನೆ ತಾಕತ ದಿದ್ಯುತು. ಕ್ಹಾರಾ ದೆಶೆ ಕ್ಹಾರಿ ಜಾ಼ತ, ಕ್ಹಾರಾ ಮನಕ್ಹೊ, ವರಿ ಕ್ಹಾರಾವೊನಾ ಘರದಾನಾವೊಪರ ಹಕ್ಕಕ ಚ಼ಲಾವಾನೆ ತೆ ಜಾನ್ವರನೆ ಅದಿಕಾರ ದಿದ್ಯುತು.
REV 13:8 ದುನಿಯಾಮಾ ರ‍್ಹಯಲ ಕ್ಹಾರಾ ಮನಕ್ಹೊ ತೆ ಖತರ್ನಾಕ ಜಾನ್ವರನೆ ಆರಾಧನಾ ಕರಸ. ದುನಿಯಾ ಶುರುತಿಬಿ ಖಲಾಸ ಥಯಲ ಬಕ್ರಾನಾ ಬಚ್ಚು಼ ಥಯಲ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದಲ ನತ್ತಿ ತೆಜ಼ ಎ ಮನಕ್ಹೊ ವ್ಹೈ.
REV 13:9 ಎ ಕ್ಹಾರು ಐಕಾಲೊ ಧ್ಯಾನ ದಿನ್ನ ಐಕಾದೆ.
REV 13:10 ಜೆಲ್ಮಾ ನಿಂಜಾ಼ವಾಲೊ ತಿನೆಜ಼ ಜೆಲ್ಮಾ ನಿಂಜಾ಼ವಸ ತಲ್ವಾರಕ್ಹು ಖಲಾಸ ಖಲಾಸ ಕರಾಲೊ ತಲ್ವಾರ ಕ್ಹು ಖಲಾಸ ಥಾವಸ. ತಿನಾಹುತಿ ಕ್ಹುದಾನಾ ಮನಕ್ಹೊ ತಡ್ದಿಲಿನ ಬರೊಕ್ಹಾಮಾ ರ‍್ಹೌ.
REV 13:11 ತೆ ಥಯಲಪರ ಜಿಮಿನಮಾತು ಆವಾನಿ ವರಿ ಯಕ್ಕ ಜಾನ್ವರ ದೆಕ್ಯೊ. ತಿನೆ ಟಗರ ಲಿಂಗತ ಬೆ ಸಿಂಗ್ಡಾ ವ್ಹತ್ತಾ. ತೆ ಮ್ಹೊಟಾ ಕ್ಹಾಪ ಲಿಂಗತ ಬೊಲಾಡ್ಯುತು.
REV 13:12 ಎ ಜಾನ್ವರ ಪೈಲಾನಿ ಜಾನ್ವರನಿ ಅದಿಕಾರ ಉಪಯೊಗ ಕರಾಡಿತಿ. ಜಿಮಿನಪರ ರ‍್ಹಯಲ ಮನಕ್ಹೊ ಪೈಲಾನಿ ಜಾನ್ವರನೆ ಆರಾಧನಾ ಕರಲ ಲಿಂಗತ ಇನೆಬಿ ಆರಾಧನಾ ಕರು ಕೈನ ತೆ ತಿನಿ ತಾಕತ ಉಪಯೊಗ ಕರಾಡ್ಯುತು. ಮರವಾನಿ ಸ್ಥಿತಿಮಾತೊ ಅರಾಮ ಥಯಲಜ಼ ಪೈಲಾನಿ ಜಾನ್ವರ ವ್ಹೈ.
REV 13:13 ಎ ಬೆವಾ ಜಾನ್ವರ ಮ್ಹೊಟು ಅದ್ಭುತ ಕರಾಡ್ಯುತು. ತೆ ಮನಕ್ಹನಾ ಕ್ಹಾಮು ಹಬಾಳಮಾತು ಆಗ ಜಿಮಿನಪರ ಲಾವಾಡ್ಯುತು.
REV 13:14 ಎ ಬೆವಾ ಜಾನ್ವರ ಅದ್ಭುತ ಕರಾನೆ ತಿನೆ ದಿದಲ ತಾಕತ ಕ್ಹು ಜಿಮಿನಪರ ರ‍್ಹಯಲ ಮನಕ್ಹೊನೆ ಮಳ್ಳ ಕರಸ. ಪೈಲಾನಿ ಜಾನ್ವರ ಮನಕ್ಹೊ ತಿನಿ ಸೆವೆ ಕರು ಕೈನ ಮ್ಹೊಟು ಅದ್ಭುತ ಕರಸ. ತಲ್ವಾರ ಕ್ಹು ದುಖ ಕರಲಿದಲ ಮರಾನಿ ಕ್ಹು ವಾಚ಼ಲ ಜಾನ್ವರನೆ ಮರ್ಯಾದಿ ದೆಕಾಡಾನಾ ಹುತಿ ಮೊರತಿಯೊ ತಯ್ಯಾರ ಕರಾನಾ ಹುತಿ ಮನಕ್ಹೊನೆ ಕದ್ಯು.
REV 13:15 ಪೈಲಾನಿ ಜಾನ್ವರನಿ ಮೊರತಿನೆ ಜ಼ಲಮ ದಿವಾನಾ ಹುತಿ ತಿಮಾ ಉಸುಲ ಭರ‍್ಯೊ. ಬೆವಾ ಜಾನ್ವರನೆ ದಿದ್ಯು. ತೆಳಾಮಾ ತೆ ಮೊರತಿನೆ ಬೊಲಾನಿ ತಾಕತ ಐ. ತೆಳಾಮಾ ತಿನೆ ಪುಜಾ ಕರಾಲಾವೊನೆ ಖಲಾಸ ಕರು ಕೈನ ಆಗನ್ಯಾ ದಿದ್ಯು.
REV 13:16 ಬೆವಾ ಜಾನ್ವರಬಿ ಕ್ಹಾರಾವೊನೆ ಕದ್ಯಾಮ ನ್ಹಾನಾವೊನೆ, ಮ್ಹೊಟಾವೊನೆ, ಸೌಕಾರೊನೆ, ಗರಿಬೊನೆ, ಗುಲಾಮೊನೆ ವರಿ ಸ್ವತಂತ್ರನೊ ತ್ಯುನಾ ಸಿದಾ ಹತೊಪರ ರ‍್ಹೈನೆಕಾ ನೈತೊ ತ್ಯುನಾ ಕಪ್ಪಾಳಪರ ವಳಕ ಘಲೈ ಲ್ಯು ಕೈನ ಜ಼ಬರದಸ್ತಿ ಕರ‍್ಯು.
REV 13:17 ಎ ವಳಕ ರ‍್ಹಯಲವಾಲವೊನೆ ಕುನ್ನಜ ಇಕ್ಕುಬಿ ನೈ. ಖರುದಿ ಕರುಬಿ ನೈ. ಎ ವಳಕ ಸು ವ್ಹೈ ಕದ್ಯಾಮ ತೆ ಜಾನ್ವರನು ನಾಮ ನೈತೊ ತಿನು ನಂಬರ ವ್ಹೈ.
REV 13:18 ಗ್ಯಾನ ರ‍್ಹಯಲ ಮನಕ್ಹ ಜಾನ್ವರನು ನಾಮ ರ‍್ಹೈನೆಕಾ ತಿನು ನಂಬರ ರ‍್ಹೈನೆಕಾ ತಿನೊ ಮತ್ಲಬ ವರಿ ತೆ ಶಾನ ಹುತಿ ವ್ಹೈ. ಕವಾನು ತೆ ತಿಳದಿ ಲಿವಸ. ನ್ಹ್ಯಾ ಗ್ಯಾನ ಕವಾನು ಚಾ಼ಯೆ. ಎ ನಂಬರ ಮನಕ್ಹನು ನಂಬರ ವ್ಹೈ. ತಿನು ನಂಬರ 666.
REV 14:1 ತೆ ಥಯಲಪರ ಮಿ ದೆಕ್ತಾಮಾ, ಬಕ್ರಾನು ಬಚ್ಚು಼ ಥಯಲವಾಲೊ ಮಾರಾ ಕ್ಹಾಮೊಜ಼ ವ್ಹತ್ತೊ. ತೆ ಚಿಯೊನ ಕವಾನಾ ಡೊಂಗರಪರ ಹುಬ್ರಯೊತೊ. ತಿನಾ ಕ್ಹಾತೆಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ವ್ಹತ್ತಾ. ತಿವ್ನಾ ಕಪ್ಪಾಳೊಪರ ತಿನು ನಾಮ ವರಿ ತಿನಾ ಬಾನು ನಾಮ ಬರ್ದಲ ವ್ಹತ್ತು.
REV 14:2 ಮಿ ಸ್ವರ್ಗಮಾತೊ ಯಕ್ಕ ಅವಾಜ಼ ಐಕ್ಯೊ. ತೆ ಅವಾಜ಼ ಪಾನಿನಿಯೊ ಧಡ್ಕಿಯೊನೊ ಅವಾಜ಼ ಲಿಂಗತ ವರಿ ಬಿಜ್ಲಿನೊ ಅವಾಜ಼ ಲಿಂಗತ ವ್ಹತ್ತು. ಮನಕ್ಹೊ ವಜಾ಼ಡಾನು ಅವಾಜ಼ ಲಿಂಗತ ತೆ ಅವಾಜ಼ ಮನೆ ಐಕು ಆವಾಡ್ಯುತು.
REV 14:3 ಮನಕ್ಹೊ ಸಿಂಹಾಸನ್ನಾ, ಚಾರ ಜಿವಿಯೊನಾ ವರಿ ಶಾನಾವೊನಿ ಸನ್ನಿದಿಮಾ ನೌ ರಿಕಾಡ ಕದ್ಯಾ. ಎ ದುನಿಯಾಮಾತಾ ಬಿಡುಗಡೆ ಥಯಲ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ಯಕ್ಕಜ಼ ಎ ಗಿದ್ದ ಶಿಕ್ಕಾನೆ ಶಕ್ತ ಛೆ. ಎ ಗಿದ್ದ ಬಿಜು಼ ಕುನ್ನಜ಼ ಶಿಕ್ಕತು ನೈ.
REV 14:4 ಇವ್ನೆ ಬಾಕ್ಕಡಿನಿ ಸಹವಾಸ ಕರಿನ ಹೊಲಸ ಥಯಾವಾಚಿ ಜಾಂಜಿಮಾನ ಥೈನ ವ್ಹತ್ತಾ. ಬಕ್ರಾನು ಬಚ್ಚು಼ ಕಿಜ್ಗಾ ಗೈಯುತಬಿ ತಿನಾ ಪಾಚಾ಼-ಪಾಚಾ಼ ಜಾ಼ವಸ. ಎ ದುನಿಯಾಮಾತಾ ಬಿಡುಗಡೆ ಥಯಲ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ವ್ಹೈ. ಕ್ಹುದಾನೆ ಬಕ್ರಾನು ಬಚ್ಚಾ಼ನೆ ಅರಪಿತ ಥಯಲವಾಲಾವೊಮಾ ಇವ್ನೆಜ಼ ಪೈಲಾರ ವ್ಹೈ.
REV 14:5 ಎ ಮನಕ್ಹೊ ಸುಳ್ಳ ಕವಾಲಾ ನ್ಹೊತಾ. ಇವ್ನೆ ದೊಶ ನೈಸೊವಾಲಾ ವ್ಹತ್ತಾ.
REV 14:6 ಪಾಚಾ಼ತಾ ವರಿಯಕ್ಕ ಕ್ಹುದಾನು ದುತ ವಾರಾಮಾ ಘನ್ನು ಉಪ್ಪರ ಉಡಾನು ಮಿ ದೆಕ್ಯೊ. ಜಿಮಿನ ಪರ ರ‍್ಹವಾನು ಹರಯಕ್ಕ ಜನಾಂಗ, ಘರದಾನು, ಮನಕ್ಹೊ, ಭಾಷಾನಾ ಕ್ಹಾರಾ ಮನಕ್ಹೊನೆ ಬೊಧನೆ ಕರಾನೆ ಹಮೆಶಾನು ಸುವಾರ್ತೆ ತೆ ಕ್ಹುದಾನಾ ದುತ ಕನ ವ್ಹತ್ತು.
REV 14:7 ತೆ ಕ್ಹುದಾನೊ ದುತ ಜೊ಼ರ ಆವಾಜ಼ಕ್ಹು"ಕ್ಹುದಾನೆ ಭುಚ಼ಕೊ. ತಿನಿ ಸ್ತುತಿ ಕರೊ. ಕ್ಹಾರಾ ಮನಕ್ಹೊನೆ ಕ್ಹುದಾ ಫೈಸಲೊ ದಿವಾನೊ ಟೈಮ ನಜಿ಼ಕ ಆಯೊಸ. ಕ್ಹುದಾನೆ ಆರಾಧನಾ ಕರೊ. ಸ್ವರ್ಗನೆ ಜಿಮಿನನೆ ಸಮುಂದರನೆ ಪಾನಿನಾ ಧಡ್ಕಿಯೊನೆ ಸೃಷ್ಟಿ ಕರಲವಾಲೊ ತೆಜ಼ ವ್ಹೈ "ಕೈನ ಕದ್ಯೊ.
REV 14:8 ಪಾಚಾ಼ತಾ ಬೆವಾ ಕ್ಹುದಾನೊ ದುತ ಯಕ್ವಾ ಕ್ಹುದಾನಾ ದುತನಾ ಪಾಚ಼ೊ ಜಾ಼ತೊ"ತೆ ಹಾಳ ಥೈ! ಬಾಬಿಲೊನ ಪಡಿ ಗಯು! ತೆ ಘನ್ನಾ ಜನಾಂಗೊನೆ ತಿನಿ ಜಾರತ್ವ ಕ್ಹು ವರಿ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿಲಾಯಲವಾಲಿ ವ್ಹೈ "ಕೈನ ಕದ್ಯೊ.
REV 14:9 ಕ್ಹುದಾನು ತನ್ವಾ ದುತ ಪೈಲಾ ಬೆ ಕ್ಹುದಾನಾ ದುತೊನಾ ಪಾಚೊ಼ ಗಯೊ. ಎ ತನ್ವಾ ಕ್ಹುದಾನೊ ದುತ ಜೊ಼ರ ಆವಾಜ಼ಕ್ಹು ಅಮ್ಮ ಕದ್ಯೊ; "ಕೆಟ್ಟ ಜಾನ್ವರನೆ ಜಾನ್ವರನಿ ಮುರತಿನೆ ಆರಾಧನಾ ಕರಾಲಾವೊನೆ ವರಿ ಜಾನ್ವರನಿ ಚಿತ್ರಾ ಹಣಿ ಪರ ರ‍್ಹವಾದೆ ತಿನಾ ಹತ್ತ ಪರ ರ‍್ಹವಾದೆ ಘಾಲಲಾವೊನೆ ಕೆಟ್ಟ ಥಾವಸ.
REV 14:10 ತೆ ಕ್ಹುದಾನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರಕ್ಹ ಪಿವಸ. ಕ್ಹುದಾನಿ ಶಿಟ್ಟ ಕವಾನಾ ಕುಂಡಾಮಾ ಎ ದ್ರಾಕ್ಷಿಯೊನು ರಕ್ಹ ತಿನಿ ಪುರಾ ತಾಕತಕ್ಹು ತಯ್ಯಾರ ಕರ‍್ಯಾಸ. ತಿನೆ ಪರಿಶುದ್ಧ ರ‍್ಹಯಲ ಕ್ಹುದಾನಾ ದುತೊನಾ ವರಿ ಬಕ್ರಾನು ಬಚ್ಚು಼ ರ‍್ಹಯಲವಾಲಾನಾ ಕ್ಹಾಮಾ ಆಗನಾ ಲಾಲ ಕೆಂಡಾವೊಕ್ಹು ತ್ರಾಸ ದಿವಸ.
REV 14:11 ತ್ಯುನಿ ತ್ರಾಸನೊ ಧವಾಂಡೊ ಕೆಳಾಮಾಬಿ ಆತೊಜ಼ ರ‍್ಹವಸ. ಕೆಟ್ಟ ಜಾನ್ವರನೆ ವರಿ ತಿನಿ ಮುರತಿನೆ ಆರಾಧನಾ ಕರಾಲಾ ವರಿ ತ್ಯುನು ನಾಮ ಗೊಂದನ ಘಾಲಿವಾಲಾ ಮನಕ್ಹೊನೆ ಪಾಟೆಬಿ ರಾತೆಬಿ ಅರಾಮ ಕವಾನು ನತ್ತಿಜ಼ ನತ್ತಿ"
REV 14:12 ಎ ಪರಸ್ಥಿಮಾ, ಕ್ಹುದಾನಾ ಪರಿಶುದ್ಧ ಮನಕ್ಹೊ ತಾಳ್ಮೆಕ್ಹು ರ‍್ಹೌ. ತ್ಯುನೆ ಕ್ಹುದಾನಿ ಆಗನ್ಯಾವೊನೆ ವಿಧೆಯ ಥೈನ ರ‍್ಹೌ ವರಿ ಯೆಸು ಪರ ಬರೊಕ್ಹೊ ಮ್ಹೆಲಲ ರ‍್ಹೌ.
REV 14:13 ಪಾಚಲ್ತೊ ಮಿ ಸ್ವರಗತೊ ಯಕ್ಕ ಆವಾಜ಼ ಐಕ್ಯೊ. ತೆ ಆವಾಜ಼ ಅಮ್ಮ ವ್ಹತ್ತು; "ಎ ಬರದ; ಆಜ಼ತಾ ಪ್ರಭುನಾ ಭಕ್ಕತೊ ಥೈನ ಮರಾಲಾ ಮನಕ್ಹೊ ಧನ್ಯ ವ್ಹೈ" ಹೊ ಎ ಕ್ಹರಿ ವ್ಹೈ. ತೆ ಮನಕ್ಹೊ ತ್ಯುನಾ ಕಷ್ಟನಾ ಕಾಮೊ ಕ್ಹರೈನ ಅರಾಮ ಕರಸ. ತ್ಯುನೆ ಕರಲ ಕ್ಹಾರು ತ್ಯುನಾ ಕ್ಹಾತೆ ರ‍್ಹವಸ" ಕೈನ ಪವಿತ್ರ ಆತ್ಮಾ ಕವಸ.
REV 14:14 ಮಿ ದೆಕ್ತಾಮಾ ಮಾರಾ ಕ್ಹಾಮೊ ಮನಕ್ಹನೊ ದಿಕ್ರೊ ಲಿಂಗತ ದಿಕ್ಹಾಲೊ ತೆ ಧೊಳಾ ಮ್ಹಾಡ ಪರ ಬೈಟ್ಯಲ ವ್ಹತ್ತೊ. ತಿನಾ ಮಾತಾನಾ ಉಪ್ಪರ ಕ್ಹೊನಾನು ಕಿರಿಟ ವ್ಹತ್ತು ವರಿ ತಿನಾ ಹತ್ಮಾ ಧಾರ ರ‍್ಹಯಲ ಯಕ್ಕ ದಾತಡು ವ್ಹತ್ತು.
REV 14:15 ತೆಳಾಮಾ ವರಿ ಯಕ್ಕ ಕ್ಹುದಾನೊ ದುತ ಆಲಯಮಾತೊ ಭಾರೊ ಆಯೊ. ಎ ಕ್ಹುದಾನೊ ದುತ ಮ್ಹಾಡನಾ ಉಪ್ಪರ ಬೈಟಲವಾಲಾನೆ"ತಾರು ಕುಡುಗೊಲ ಲಿನ ಜಿಮಿನನಾ ಉಪ್ಪರ ರ‍್ಹಯಲ ಫಸಲ ಮಳಾ. ಕಾಕದ್ಯಾಮ ಸುಗ್ಗಿಕಾಲ ಆಯೊಸ. ಜಿಮಿನನಾ ಉಪ್ಪರ ರ‍್ಹಯಲ ಫಸಲ ತಯ್ಯಾರ ಥೈಯುಸ "ಕೈನ ಕದ್ಯೊ.
REV 14:16 ತಿನಾಹುತಿ ಮ್ಹಾಡಪರ ಬೈಟಲವಾಲ ಇನಾ ಹತ್ಮಾ ರ‍್ಹಯಲ ದಾತಡು ಜಿಮಿನಪರ ನಾಕ್ಕಯೊ. ತೆಳಾಮಾ ಜಿಮಿನಪರ ರ‍್ಹಯಲ ಪೈರ ಕಾಟ್ಯಾ.
REV 14:17 ಪಾಚ಼ತಾ ಬಿಜೆಕ ದೆವದುತ ಸ್ವರ್ಗನೊ ಅಲಯಮಾತೊ ಭಾರೊ ಆಯೊ. ತೆ ದುತಕನಬಿ ಧಾರ ರ‍್ಹಯಲ ದಾತಡು ವ್ಹತ್ತು.
REV 14:18 ಪಾಚಲ್ತೊ ಬಿಜರಕ್ಕಲೊ ದೆವದುತ ಯಜ್ಞವೆದಿಕೆಮಾತೊ ಆಯೊ. ತಿನೆ ಆಗಪರ ಅದಿಕಾರ ವ್ಹತ್ತು. ತೆ ದೆವದುತ ದಾತಡು ರ‍್ಹಯಲ ದೆವದುತನೆ ಬಲೈನ, ತುಕನ ರ‍್ಹಯಲ ಧಾರ ದಾತಡು ಲಿನ, ಜಿಮಿನಪರ ರ‍್ಹಯಲ. ದ್ರಾಕ್ಷಿಯೊನಾ ಮಳಾಮಾತೊ ದ್ರಾಕ್ಕಷಯೊನಾ ಗೊಂಚ್ಲಾ಼ ಮಳಾ. ಜಿಮಿನಪರ ದ್ರಾಕ್ಷಿಯೊ ಪಾಕಿಗೈಯೊಸ. ಕದ್ಯೊ.
REV 14:19 ತೆ ದೆವದುತ ತಿಕನ ರ‍್ಹಯಲ ದಾತಡು ಜಿಮಿನಪರ ನಾಕ್ಕಯೊ, ಕ್ಹಾರಿಯೊ ದ್ರಾಕ್ಷಿಯೊ ಮಳೈನ, ಕ್ಹುದಾನಿ ಶಿಟ್ಟ ಕವಾನು ದ್ರಾಕ್ಷಿಯೊನಾ ಮಳಾಪರ ನಾಕ್ಕಯೊ.
REV 14:20 ತೆ ದ್ರಾಕ್ಕಷಿಯೊನೆ ಗಾಮ್ನಾ ಭಾರೊ ರ‍್ಹಯಲ ದ್ರಾಕ್ಕಷಿಯೊನೆ ಆಲೆನೆ ಚಿಕ್ಕಲಿ ಪಾಡ್ಯಾ. ತೆ ದ್ರಾಕ್ಕಷಿಯಮಾತೊ ರಗತ ಭಾರು ಆಯು. ತೆ ರಗತ ಘೊಡಾವೊನಾ ಲಗಾಮ ಯಕ್ಲಾ ಉಪ್ಪರ ಉಡ್ಯು ಪಾಂಚ಼ ವರಿ ಬೆಕ್ಹೊ ಮೈಲ ದುರ ವೈನ ಗಯು.
REV 15:1 ಪಾಚಲ್ತೊ ಸ್ವರ್ಗಮಾತೊ ಬಿಜೆಕ ಅದ್ಭುತ ಮಿ ದೆಕ್ಯೊ. ತೆ ಘನ್ನು ಘಾಬ್ರು ಥಾವಾ ವರಘು ವ್ಹತ್ತು. ಕ್ಹಾತ ತ್ರಾಸ ಲಾವಾನು ಕ್ಹಾತ ದೆವದುತೊ ತ್ಯಾ ವ್ಹತ್ತಾ. ಕ್ಹುದಾನಿ ಶಿಟ್ಟ ತ್ರಾಸೊ ಕ್ಹು ಖಲಾಸ ಥಾತು ರ‍್ಹತಾಮಾ ತೆ ಲಾಸ್ಟನಾ ತ್ರಾಸೊ ವ್ಹತ್ತಾ.
REV 15:2 ಆಗ ಮಳಾಯಲ ಅರಕ್ಹಾ ಲಿಂಗತ ದಿಕ್ಹಾನು ಸಮುಂದರ ಲಿಂಗತ ಮನೆ ದಿಕ್ಹಾಡ್ಯುತು. ಜಾನ್ವರನೆ, ತಿನಿ ಮೊರತಿನೆ ವರಿ ತಿನು ನಾಮನು ಅಕ್ಷರನೆ ಸೊಲ್ಸಿನೆ ಝಿತ್ತಲ ಕ್ಹಾರಾ ಜ಼ನಾ ಸಮುಂದರನಿ ದಂಡಿಪರ ಹುಬ್ರಯಾತಾ. ಕ್ಹುದಾ ದಿದಲ ವಜಾ಼ಡಾನು ಸಾಮನೊ ತ್ಯುನೊಕನ ವ್ಹತ್ತು.
REV 15:3 ತ್ಯುನೆ ಕ್ಹುದಾನೊ ಸೆವಕ ಥಯಲ ಮೊಶೆನು ಗಿದ್ದ ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಗಿದ್ದ ಕದ್ಯಾ. ‘ಪ್ರಭು, ವರಿ ಕ್ಹಾರಾವೊತಿ ತಾಕತವರ ಥಯಲವಾಲಾ ಕ್ಹುದಾ,ತು ಮ್ಹೊಟಾಲಾ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ಕರಶಿ,ಕ್ಹಾರಿ ಜಾ಼ತಾವಾಲಾವೊನಾ ರಾಜಾ಼, ತಾರಿ ಯಕ್ಕ ವಾಟೊ ವರಿ ಫೈಸಲೊ ಕ್ಹರಿನೊ ವ್ಹೈ.
REV 15:4 ಪ್ರಭು ಮಾರಾ ಮನಕ್ಹೊ ತುಕ್ಹು ಭುಚ಼್ಕಸ; ಕ್ಹಾರಾ ಮನಕ್ಹೊ ತಾರಾ ನಾಮನೆ ಸ್ತುತಿ ಕರಸ. ತುಜ಼಼ ಯಕ್ಲೊ ಪರಿಶುದ್ಧ ವ್ಹೈ. ತು ನ್ಯಾಯಕ್ಹು ಕಾಮೊ ಕರಾಲೊ ವ್ಹೈ ಕೈ ದೆಕಾಡಿನ ದೆಶಿ. ಮನಕ್ಹೊ ಕ್ಹಾರಾ ತಾರಿ ಸನ್ನಿದಿಮಾ ಐನ ತುನೆ ಅರಾಧಾನಾ ಕರಸ"
REV 15:5 ಎ ಥಯಲ್ಪರ ಮಿ ದೆಕ್ತಾಮಾ ಸ್ವರ್ಗನು ಬಾಕಲ ಖುಲ್ಲಾ ಥಯು. ತ್ಯಾ ಪವಿತ್ರ ಝೊಪ್ಡಿ ವ್ಹತ್ತಿ,
REV 15:6 ಕ್ಹಾತ ತ್ರಾಸೊ ಲಾವಾಲಾ ಕ್ಹಾತ ದೆವದುತೊ ಆಲಯಮಾತಾ ಭಾರಾ ಆಯಾ. ತ್ಯುನೆ ಧೊಳಾ ವರಿ ಮಿಂಚಾ಼ನಾ ಮಡಿ ಕರಲ ವಣ್ಣಾ ಘಾಲ್ಲಿದ್ಯಾತಾ. ವರಿ ತ್ಯುನಿಯೊ ಪಿಟ್ಟೊನೆ ಕ್ಹೊನಾನಿಯೊ ಪಟ್ಟಿಯೊ ಭಾಂದಿಲಿದ್ಯಾತಾ.
REV 15:7 ಚಾರ ಜಿವಿಯೊನಾ ಯಕ್ಕ ಜಿವಿ ಎ ಕ್ಹಾತ ದೆವದುತೊನೆ ಕ್ಹಾತ ಕ್ಹೊನಾನಿಯೊ ಪರಾತೊ ದಿದಿ. ಎ ಪರಾತೊಮಾ ಹಮೆಶಾಬಿ ಜಿವ್ನಾ ಕರಾಲೊ ಕ್ಹುದಾನಿ ಶಿಟ್ಟ ಭರಿತಿ.
REV 15:8 ಕ್ಹುದಾನಿ ವೈಭವ ವರಿ ತಾಕತನೊ ಧವಾಂಡೊ ಆಲಯಮಾ ಭರಿ ಗೈತು. ಕ್ಹಾತ ದೆವದುತೊ ಕ್ಹಾತ ತ್ರಾಸೊ ಮುಗ್ದೆಲಕ್ಕಕಾ ಆಲಯಮಾ ಮ್ಹೈ ಜಾ಼ವಾನೆ ಥಾತು ನ್ಹೊತು.
REV 16:1 ಪಾಚಾ಼ತು ಆಲಯಮಾತು ಯಕ್ಕ ಮ್ಹೊಟು ಆವಾಜ಼ ಮನೆ ಐಕು ಐಯು. ತೆ ಆವಾಜ಼ ಕ್ಹಾತ ಕ್ಹುದಾನಾ ದುತೊನೆ"ತುಮೆ ಗೈನ ಕ್ಹಾತ ಸಾಮನೊಮಾ ರ‍್ಹಯಲ ಕ್ಹುದಾನಿ ಶಿಟ್ಟನೆ ದುನಿಯಾಪರ ರಿಚಾ಼ವೊ "ಕೈನ ಕದ್ಯು.
REV 16:2 ಕ್ಹುದಾನೊ ಪಸ್ಟ ದುತ ಚಾ಼ಲ್ಯೊ. ತೆ ತಿನಾ ಸಾಮನಮಾ ರ‍್ಹಯಲ ದುನಿಯಾಪರ ರಿಚಾ಼ಯೊ. ತೆಳಾಮಾ ಕೆಟ್ಟ ಜಾನ್ವರನು ಗುರುತ ವ್ಹಂದಲ ವರಿ ತಿನಿ ಮುರತಿನೆ ಆರಾಧನಾ ಕರಾಲಾ ಮನಕ್ಹೊ ಕ್ಹಾರಾವೊನೆ ಅಸಯ್ಯ ವರಿ ದುಖನಾ ಘುಮ್ಡಾ ಥಯಾ.
REV 16:3 ಬೆಂವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ಸಮುಂದರನಾ ಉಪ್ಪರ ರಿಚಾ಼ಯೊ. ತೆಳಾಮಾ ಸಮುಂದರ ಪಾನಿ ಮರಲ ಮನಕ್ಹೊನು ರಗತ ಲಿಂಗತ ಥಯು. ಸಮುಂದರಮಾ ರ‍್ಹಯಲ ಹರಯಕ್ಕ ಜಿವ ಪುರಾ ಮರಿ ಗಯೊ.
REV 16:4 ತನ್ವಾ ಕ್ಹುದಾನು ದುತ ತಿನಾ ಸಾಮನಮಾ ರ‍್ಹಯಲ ನದಿನಾ ವರಿ ಪಾನಿನಾ ತಳಾ ಪರ ರಿಚಾ಼ಯೊ. ತೆಳಾಮಾ ನದಿಯೊ ವರಿ ಪಾನಿನಾ ತಳಾ ಕ್ಹಾರಾ ರಗತ ಥೈಗಯಾ.
REV 16:5 ತೆಳಾಮಾ ಪಾನಿನೊ ಅಧಿಪತಿ ಥಯಲ ದುತ ಕ್ಹುದಾನೆ ಕದಲ ಮನೆ ಐಕು ಐಯು; "ತುಜ಼಼ ಕೆಳಾಮಾಬಿ ರ‍್ಹಯಲವಾಲೊ ವ್ಹೈ. ತು ಯಕ್ಕಲೊಜ಼ ಪರಿಶುದ್ಧ ವ್ಹೈ. ತು ದಿದಲ ಎ ಕ್ಹಾರಾ ಫೈಸಲಾ ತು ನ್ಯಾಯವಂತ ಥಯೊಸ.
REV 16:6 ತೆ ಮನಕ್ಹೊ ತಾರಾ ಕ್ಹುಪಾನಾ ಮನಕ್ಹೊ ವರಿ ತಾರಾ ಪ್ರವಾದಿಯೊ ರಗತ ಚು಼ವಾಡ್ಯಾ. ತ್ಯುನೆ ಇನೆ ಲಾಯಕ ಛೆ.
REV 16:7 ಯಜ್ಞವೆದಿತಾ ಅಮ್ಮ್ ಕದಲ ಐಕ್ಯೊ; "ಹೊ, ಕ್ಹುದಾ ಥಯಲ ಪ್ರಭು, ಸರವಶಕ್ಕತ, ತಾರಾ ಫೈಸಲಾ ಕ್ಹಾರಾ ಕ್ಹರಿನಾ ವ್ಹೈ ವರಿ ನ್ಯಾಯನಾ ವ್ಹೈ"
REV 16:8 ಚಾರ‍್ವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ಸುರ‍್ಯಾನಾ ಉಪ್ಪರ ರಿಚಾ಼ಯೊ. ಮನಕ್ಹೊನೆ ಘನ್ನಾ ತಡಕಾಕ್ಹು ಬಪಾವಾನಿ ತಾಕತ ದಿದ್ಯೊ.
REV 16:9 ಮನಕ್ಹೊ ಆಗ ಲಿಂಗತ ರ‍್ಹಯಲ ತಡಕಾಕ್ಹು ಬಪೈ ಗೈನ ಕ್ಹುದಾನಾ ನಾಮನೆ ಕ್ಹರಾಪ್ಯಾ. ಎ ತ್ರಾಸೊನೆ ಕ್ಹುದಾ ಯಕ್ಕಲೊಜ಼ ಹತೊಟಿಮಾ ಲಿವಾಲೊ ವ್ಹೈ. ತೆನೈಸೊ ಮನಕ್ಹೊ ತ್ಯುನಾ ಮನಸೊ ಜಿವಿತ ಬದ್ಲಿ ಕರಿಲಿದ್ಯಾ ನೈ. ಕ್ಹುದಾನಿ ಮಹಿಮಾ ಕರಾನೆ ವಪ್ಪಿಲಿದ್ಯಾ ನೈ.
REV 16:10 ಪಾಂಚ಼ವಾ ಕ್ಹುದಾನೊ ದುತ ತಿನಾ ಸಾಮನಮಾ ರ‍್ಹಯಲ ತೆ ಕೆಟ್ಟ ಜಾನ್ವರನಾ ಸಿಂಹಾಸನನಾ ಉಪ್ಪರ ರಿಚಾ಼ಯೊ. ತೆ ಕೆಟ್ಟ ಜಾನ್ವರನಾ ರಾಜ್ಯಮಾ ಅಂದಾರು ಭರಿ ಗಯು. ಮನಕ್ಹೊ ದುಖಕ್ಹು ತ್ಯುನಾ ಜಿಬ್ಬೊ ಕಡ್ಡಿ ಲಿದ್ಯಾ.
REV 16:11 ಮನಕ್ಹೊ ತ್ಯುನೊನೆ ಥಯಲ ಅರಯಾವೊಕ್ಹೊ ವರಿ ದುಖಕ್ಹು ಸ್ವರ್ಗಮಾ ರ‍್ಹಯಲ ಖರಾಪ್ಯಾ. ತೆ ತ್ಯುನೆ ಕರಾನಾ ಕೆಟ್ಟಕಾಮೊ ಛೊಡಿನ ತ್ಯುನಾ ಮನಸೊ ಬದಲಿ ಕರಾನೆ ವಪ್ಯಾ ನೈ.
REV 16:12 ಛೆವಾ ದೆವದುತ ತಿಕನ ರ‍್ಹಯಲ ಸಾಮನ್ಮಾನು ಯುಫ್ರಟಿಸ ಮ್ಹೊಟಿ ನದಿಮಾ ನಾಕಿಪಾಡ್ಯೊ. ನದಿಮಾ ರ‍್ಹಯಲ ಪಾನಿ ಕ್ಹಾರುಜ಼ ವರೈ ಗಯು. ಇನಾ ಹುತಿ ಪುರ್ವ ದಿಕ್ಕಕಮಾ ರ‍್ಹಯಲ ರಾಜಾ಼ವೊನೆ ಆವಾನೆ ವಾಟ ಥೈ.
REV 16:13 ತೆಳಾಮಾ ಬೆಂಡಕಾ ಲಿಂಗತ ರ‍್ಹಯಲ ತನ್ನ ಕೆಟ್ಟ ಆತ್ಮಾವೊನೆ ಮಿ ದೆಕ್ಯೊ. ತೆ ಬೆಂಡಕಿಯೊ ಮ್ಹೊಟಾ ಕ್ಹಾಪ್ನಾ ಮ್ಹೊಡಾಮಾತಿಯೊ, ಜಾನ್ವರನಾ ಮ್ಹೊಡಾಮಾತಿಯೊ ವರಿ ಸುಳ್ಳ ಪ್ರವಾದಿಯೊನಾ ಮ್ಹೊಡಾಮಾತಿಯೊ ಭಾರಿಯೊ ಐಯ್ಯೊ.
REV 16:14 ತೆ ಕೆಟ್ಟ ಆತ್ಮಾವೊ ಸೈತಾನಿನಿಯೊ ಆತ್ಮಾವೊ ವ್ಹತ್ತಿಯೊ. ತ್ಯುನೊನೆ ಮ್ಹೊಟು ಅದ್ಭುತ ಕಾರಾನಿ ತಾಕತ ಛೆ. ಎ ಅಶುದ್ಧ ಆತ್ಮಾವೊ ಕ್ಹಾರವೊತಿ ತಾಕವರ ರ‍್ಹಯಲ ಕ್ಹುದಾನಾ ಮ್ಹೊಟಾ ದಿನ್ನಾ ದಿನೆ ಥಾವಾನು ಯುದ್ದೊನೆ ಕ್ಕಹಾರಿ ದುನಿಯಾಮಾ ರ‍್ಹಯಲ ರಾಜಾ಼ವೊನೆ ಮಳಾವಾನೆ ಭಾರಿಯೊ ಜಾ಼ವಸ.
REV 16:15 "ಐಕೊ, ಮಿ ಚ್ವಟ್ಟ ಲಿಂಗತ ಔಸ. ಹುಷಾರ ರ‍್ಹೈನ ತಿನಾ ವಣ್ಣಾ ವಚಾ಼ಡಿಲಿವಾಲೊ ನಶಿಬವಾಲೊ ವ್ಹೈ. ತೆ ತೆಳಾಮಾ ವಣ್ಣಾ ಔಯಸೊ ಭಾರೊ ಗೈನ ಸರಮಾಯೆ ನೈಸೊ ಕರಲೆತೊ ನೈ"
REV 16:16 ತೆ ಥಯಲಪರ ಕೆಟ್ಟ ಆತ್ಮಾವೊ ರಾಜಾ಼ವೊನೆ ಹಿಬ್ರೊ ಜಾ಼ತ್ಮಾ ಹರ್ಮೆಗೊದನ ಕವಾನು ನಾಮ ರ‍್ಹಯಲ ಜ಼ಗಾಪರ ಮಳಾಯಾ.
REV 16:17 ಕ್ಹಾತ್ವಾ ದೆವದುತ ತಿಕನ ರ‍್ಹಯಲ ಸಾಮನಮಾನು ವಾರಾಮಾ ರಿಚಾ಼ಯೊ. ತೆಳಾಮಾ ಯಕ್ಕ ಮ್ಹೊಟಿ ಅವಾಜ಼ಮಾ ಕ್ಹುದಾನಿ ಆಲಯಮಾ ರ‍್ಹಯಲ ಸಿಂಹಾಸನಕಂತಿ ಆಲಯ ಲಕ್ಕಾ ಐ. ತೆ ಅವಾಜ಼ "ಖಲಾಸ ಥೈಗಯೊ" ಕೈನ ಕದ್ಯು.
REV 16:18 ತೆಳಾಮಾ ಬಿಜ್ಲಿಯೊ ಅವಾಜ಼ೊ ಗುಡಗುಡಾನು ಶುರು ಥಯು ವರಿ ಭುಕಂಪ ಥಯು. ಮನಕ್ಹೊ ಜಿಮಿನಪರ ರ‍್ಹಯವಾನು ಶುರು ಕರಲ ಹುತಿ ತೆವು ಮ್ಹೊಟು ಭುಕಂಪ ಕೆಳಾಮಾಜ಼ ಥಯು ನ್ಹೊತು.
REV 16:19 ತೆ ಮ್ಹೊಟು ಗಾಮ ಫುಟಿನ ತನ್ನ ಭಾಗ ಥಯಾ. ಜನಾಂಗೊನಾ ಗಾಮೊ ಹಾಳ ಥೈ ಗಯಾ. ಮ್ಹೊಟು ಗಾಮ ಥಯಲ ಬಾಬೆಲೊನನೆ ಕ್ಹುದಾ ಶಿಕ್ಷಾ ದಿದ್ಯಾವಾಚಿ ರ‍್ಹಯೊ ನೈ. ತೆ ತಿನಾ ಘನ್ನಿ ಶಿಟ್ಟ ಕವಾನಿ ದ್ರಾಕ್ಷಿಯೊನು ರ‍ಕ್ಹ ಕ್ಹು ಭರಲ ಸಾಮನ ತೆ ಗಾಮನೆ ಪಿವಾನೆ ದಿದ್ಯೊ.
REV 16:20 ಕ್ಹಾರಿಯೊಜ಼ ದಿಪ ದಡಿ ಗಯ್ಯೊ ವರಿ ಡೊಂಗ್ರೊಜ಼ ನೈಸೊ ಥೈ ಗಯಾ.
REV 16:21 ಹಬಾಳಮಾತು ಮನಕ್ಹೊಪರ ಮ್ಹೊಟಿಯೊ ಘಾರಗಿಯೊ ಪಡಿಯೊ. ತೆ ಘಾರಗಿಯೊ ಕಮ್ಮ ಜಾಸ್ತಿ 50 ಕಿಲೊ ಯಕ್ಲಾ ವಜ್ಜಿಯೊ ವ್ಹತ್ತಿಯೊ. ಎ ತ್ರಾಸೊಕ್ಹು ಮನಕ್ಹೊ ಕ್ಹುದಾನೆ ದ್ವೆಷ ಕರ‍್ಯಾ. ಎ ತ್ರಾಸೊ ಘನ್ನಿಯೊ ಮ್ಹೊಟಿಯೊ ವ್ಹತ್ತಿಯೊ.
REV 17:1 ಕ್ಹಾತ ದೆವದುತೊಮಾನೊ ಯಕ್ಲೊ ಮಾರಾ ಕ್ಹಾತೆ ಬೊಲ್ಯೊ. ಕ್ಹಾತ ಸಾಮನೊ ವ್ಹಂದಲ ವಾಲಾವೊಮಾನೊ ಎಬಿ ಯಕ್ಲೊ ವ್ಹತ್ತೊ. ತೆ ದೆವದುತ"ಆ, ಘನ್ನಿ ಪ್ರಚಾರ ಥಯಲ ಯಕ್ಕ ಧಂದೊ ಕರಾಲಿ ಬಾಕ್ಡಿನೆ ದಿವಾನಿ ಶಿಕ್ಷಾ ಮಿ ತುನೆ ದೆಕಾಡುಸ. ಘನ್ನಾ ಪಾನಿಪರ ಬೈಟಲವಾಲಿ ತೆಜ಼ ವ್ಹೈ.
REV 17:2 ದುನಿಯಾಮಾ ರ‍್ಹಯಲ ರಾಜಾ಼ ತಿನಾ ಕ್ಹಾತೆ ಮಳಿನ ಲೈಂಗಿಕ ಪಾಪ ಕರ‍್ಯಾ. ದುನಿಯಾಮಾ ರ‍್ಹಯಲ ಮನಕ್ಹೊ ತಿನು ಲೈಂಗಿಕ ಪಾಪ ಕವಾನು ದಾರು ಪಿನ ನಿಶಾ ಕರ‍್ಯಾ "ಕೈನ ಕದ್ಯೊ.
REV 17:3 ತೆ ಥಯಲ್ಪರ ದೆವದುತ ಪವಿತ್ರ ಆತ್ಮಾಮಾ ರ‍್ಹಯಲವಾಲಾನೆ ಮನೆ ಉಚೈನ ಉಸುಕ ರ‍್ಹಯಲ ಜಿಮಿನಪರ ಲಿಂಗಯೊ. ತ್ಯಾ ಯಕ್ಕ ಬಾಕ್ಡಿ ಲಾಲ ರ‍್ಹಯಲ ಯಕ್ಕ ಜಾ಼ನವರಪರ ಬೈಟಲ ಮಿ ದೆಕ್ಯೊ. ತೆ ಜಾನ್ವರನಾ ಅಂಗಪರ ದೆವದುಶಣೆನಾ ನಾಮೊ ಬರ್ದಲ ವ್ಹತ್ತು. ತಿನೆ ಕ್ಹಾತ ಮಾತಾ ದಕ್ಹ ಶಿಂಗ್ಡಾ ವ್ಹತ್ತಾ.
REV 17:4 ತೆ ಧೂಮ್ರ ವರಣ ವರಿ ಲಾಲ ಕಲರ‍್ನಾ ವಣ್ಣಾ ಘಾಲ್ಲಿದಿದತಿ. ತೆ ಘಾಲ್ಲಿದಲ ಕ್ಹೊನು ರತ್ನ, ಮುತ್ತ, ವರಿ ಘನ್ನಾ ಸಾಮ್ನೊ ಕ್ಹು ಉಟಿನ ದಿಕ್ಹಾಡಿತಿ. ತಿನಾ ಹತ್ಮಾ ಕ್ಹೊನಾನಿ ವಾಟಕಾ ಧರಲಿದಿತಿ. ತೆ ವಾಟ್ಕಾಮಾ ಹಸೈ ಕ್ಹು ವರಿ ತೆ ಕರಾನಾ ಲೈಂಗಿಕ ಪಾಪೊ ಕ್ಹು ಅಶುದ್ಧ ಕ್ಹು ಭರಿ ಗೈತು.
REV 17:5 ತಿನಾ ಮಾತಾಪರ ಬರ್ದಲ ರ‍್ಹೈ. ತೆ ಬರ್ದಲನೆ ಗುಡಾರಥ ರ‍್ಹೈ. ತ್ಯಾ ಬರ್ದಲ ಅಮ್ಮ ರ‍್ಹೈ; "ಬಾಬಿಲೊನ ಕವಾನು, ಮ್ಹೊಟು ಗಾಮ ಜಿಮಿನ್ಪರ ರ‍್ಹಯಲ ಕೆಟ್ಟ ಕಾಮೊನೆ ವರಿ ವೈಬಿಚಾರ ಕರಾಲಿಯೊನಿಯೊ ಯಾ"
REV 17:6 ತೆ ಬಾಕ್ಡಿ ಪಿನ ನಿಶಾಮಾ ರ‍್ಹಯಲ ಮಿ ದೆಕ್ಯೊ. ತೆ ಕ್ಹುದಾನಾ ಪರಶುದ್ಧ ರ‍್ಹಯಲ ಮನಕ್ಹೊನು ರಗತ ಪಿನ ನಿಶಾಮಾ ವ್ಹತ್ತಿ. ಯೆಸುಮಾ ತ್ಯುನೊನೆ ರ‍್ಹಯಲ ಬರೊಕ್ಹೊನಾ ಹುತಿ ಕದಲ ಮನಕ್ಹೊನು ರಗತ ತೆ ಪಿನ ನಿಶಾಮಾ ವ್ಹತ್ತಿ. ತೆ ಬಾಕ್ಡಿನೆ ಮಿ ದೆಕ್ತಾಮಾ ಮಿ ಘನ್ನೊ ಘಾಬ್ರೊ ಥಯೊ.
REV 17:7 ತೆಳಾಮಾ ದೆವದುತ ಮನೆ"ತು ಕಾ ಘಾಬ್ರೊ ಥಯೊ? ಎ ಬಾಕ್ಕಡಿನು ಗುಡಾರಥ ವರಿ ಎ ಚ಼ಡಿನ ಜಾ಼ವಾನು ಕ್ಹಾತ ಮಾತಾ ವರಿ ದಕ್ಹ ಶಿಂಗ್ಡಾ ರ‍್ಹಯಲ ಜಾನ್ವರನು ಗುಡಾರಥ ಮಿ ತುನೆ ಕೌಸ.
REV 17:8 ತು ದೆಕಲ ಎ ಜಾನ್ವರ ಯಕ್ಕ ಟೈಮ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ತೆ ಜಾನ್ವರ ಪಾತಾಳಮಾತು ಜಿ಼ವ್ತು ಥೈನ ಉಪ್ಪರ ಉಟಿನ ಆಯಲ್ಪರ ಹಾಳ ಥಾವಸ. ದುನಿಯಾಮ ಜಿವ್ನಾ ಕರಾಲಾ ಮನಕ್ಹೊ ತೆ ಜಾನ್ವರನೆ ದೆಕಿನ, ತೆ ಯಕ್ಕ ಕಾಲ್ಮಾ ಜಿವ್ತು ವ್ಹತ್ತು, ಹಮ್ನಾ ನತ್ತಿ. ತೆನೈಸೊ ವರಿ ತೆ ಆವಸ ಕೈನ ಘಾಬ್ರಾ ಥಾವಸ. ದುನಿಯಾ ತಯ್ಯಾರ ಥಾವಾತಿ ಅಗ್ದುರತುಜ಼಼ ಜಿವಭಾದೆ ಬುಕ್ಮಾ ಎ ಮನಕ್ಹೊನು ನಾಮ ಬರ್ದಲ ನತ್ತಿಜ಼.
REV 17:9 ಇನೊ ಮತ್ಲಬ ಕಳೈಲಿವಾನೆ ಗ್ಯಾನ ಚಾ಼ಯೆ. ತೆ ಜಾನ್ವರನಾ ಕ್ಹಾತ ಮಾತಾ ತೆ ಬಾಕ್ಡಿ ಬೈಟಾನಾ ಕ್ಹಾತ ಡೊಂಗ್ರೊ ವ್ಹೈ. ತೆ ಕ್ಹಾತ ರಾಜಾ಼ ವ್ಹೈ.
REV 17:10 ಪಾಂಚ಼ ರಾಜಾ಼ ತ್ಯುನು ರಾಜ್ಯ ಥೈ ಗಯುಸು. ಯಕ್ಕಲೊಜ಼ ರಾಜೊ಼ ಹಮ್ನಾ ಜಿವ್ತೊ ಛೆ. ಲಾಸ್ಟನೊ ರಾಜೊ಼ ಆವಸ. ತೆ ಐನ ದಕ್ಹೊಜ಼ ಟೈಮ ರ‍್ಹವಸ.
REV 17:11 ಯಕ್ಕ ಕಾಲ್ಮಾ ಜಿವ್ತೊ ರ‍್ಹಯಲ, ಹಮ್ನಾ ತೆ ಜಿವ್ತೊ ನೈ ರ‍್ಹಯಲ ಎ ಜಾನ್ವರ ಆಟ್ವಾ ರಾಜೊ಼ ವ್ಹೈ. ಎ ಆಟ್ವಾ ರಾಜೊ಼ ಕ್ಹಾತ ರಾಜಾ಼ವೊನಾ ಕ್ಹಾತೆ ರ‍್ಹಯಲ ವಾಲೊ ವ್ಹೈ. ತೆ ಹಾಳ ಥಾವಸ.
REV 17:12 "ತು ದೆಕಲ ದಕ್ಹ ರಾಜಾ಼ವೊನೆ ತೆಜ಼ ದಕ್ಹ ಶಿಂಗ್ಡಾ ವ್ಹೈ. ಹಜು಼ನ ತ್ಯುನಾ ರಾಜ್ಯ ಪಡ್ದಿಲಿದ್ಯಾ ನತ್ತಿ. ತೆನೈಸೊ ತ್ಯುನೆ ರಾಜ಼ ಕರಾನೊ ಅದಿಕಾರ ಜಾನ್ವರಾನಾ ಕ್ಹಾತೆ ಯಕ್ಕ ತಾಸ ಪಡ್ದಿಲಿವಸ.
REV 17:13 ದಕ್ಹೆ ರಾಜಾ಼ವೊನು ವಿಚಾರ ಯಕ್ಕಜ಼ ರ‍್ಹವಸ. ತ್ಯುನೆ ತ್ಯುನೊ ಅದಿಕಾರ ವರಿ ತಾಕತ ತೆ ಜಾನ್ವರನೆ ದಿವಸ.
REV 17:14 ತ್ಯುನೆ ಕ್ಹಾರಾ ಬಕ್ರಾನು ಬಚ್ಚು಼ ಥಯಲ ಕ್ಹಾದ್ದ ಕರಸ. ತೆನೈಸೊ ಬಕ್ರಾನು ಥಯಲ ವಾಲೊ ಪ್ರಭುವೊನೊ ಪ್ರಭು ರ‍್ಹಯಲ ಹುತಿ ರಾಜಾ಼ವೊನಪರ ರಾಜೊ಼ ರ‍್ಹಯಲ ಹುತಿ ತ್ಯುನೊನೆ ಸೊಲ್ಸಾವಸ. ತಿನಾ ಕ್ಹಾತೆ ತೆ ಬಲಾಯಲ ಮನಕ್ಹೊ ವರಿ ತಿನೆ ಬರೊಕ್ಹೊ ಕರಿನ ತಿನಾ ಪಾಚಾ಼ ಆಯಲ ಮನಕ್ಹೊ ವರಿ ತೆ ಇನಿಲಿದಲ ಮನಕ್ಹೊ ಬಿ ವ್ಹತ್ತಾ "ಕೈನ ಕದ್ಯೊ"
REV 17:15 ತೆ ಥಯಲ್ಪರ ದೆವದುತ ಮನೆ ಅಮ್ಮ ಕದ್ಯೊ; "ತೆ ಧಂದೊ ಕರಾಲಿ ಬೈಟಲ ಪಾನಿನೆ ತು ದೆಕ್ಯೊ. ಎ ಪಾನಿನು ವಳಕ ಸು ವ್ಹೈ ಕದ್ಯಾಮ ದುನಿಯಾಮಾ ರ‍್ಹಯಲ ಮನಕ್ಹೊ ಕ್ಹಾರಾ ಖಾಂದಾನಾನಾ ವರಿ ಘನ್ನಿ ತರಾನಿ ಜಾ಼ತಜ಼ ವಳಕ ವ್ಹೈ.
REV 17:16 ತು ದೆಕಲ ತೆ ಜಾನ್ವರ ವರಿ ದಕ್ಹ ಸಿಂಗ್ಡಾ ತೆ ಧಂದೊ ಕರಾಲಿನೆ ದ್ವೆಶ ಕರಸ. ತಿಕನ ರ‍್ಹಯಲ ಕ್ಹಾರುಜ಼ ಕಿತ್ತಿಲಿನ, ತಿನೆ ಭೊಗ್ಳಿ ಕರಿನ ಛೊಡಸ. ತ್ಯುನೆ ತಿನು ಖೈನ, ತಿನೆ ಆಗ್ಮಾ ಬಾಳಿ ಪಾಡಸ.
REV 17:17 ತಿನು ಕಾಮ ಕರು ಕೈನ ಆಸ ಕ್ಹು ಕ್ಹುದಾ ತೆ ರಾಜಾ಼ವೊನೆ ತಯ್ಯಾರ ಕರ‍ಲ ಹುತಿ ತ್ಯುನೆ ರಾಜ಼ ಕರಾನೆ ರ‍್ಹಯಲ ಅದಿಕಾರ ಜಾ಼ನ್ವರನೆ ದಿವಾನೆ ಮನಸ ಕರ‍್ಯಾ. ಕ್ಹುದಾ ಕದಲ ಕ್ಹಾರುಜ಼ ಪುರಾ ಥಾಯೆಲಕ್ಕಾ ತ್ಯುನೆ ರಾಜ಼ ಕರಸ.
REV 17:18 ತು ದೆಕಲ ಬಾಕ್ಡಿ ದುನಿಯಾಮಾ ರ‍್ಹಯಲ ರಾಜಾ಼ವೊನೆ ಆಲಾನಿ ಮ್ಹೊಟು ಗಾಮ ವ್ಹೈ.
REV 18:1 ಪಾಚಲ್ತೊ ಬಿಜೆಕ ದೆವದುತ ಸ್ವರಗತೊ ಆವಾನು ಮಿ ದೆಕ್ಯೊ. ಎ ದೆವದುತನೆ ಮ್ಹೊಟಿ ಅದಿಕಾರ ವ್ಹತ್ತಿ. ಎ ದೆವದುತ ಜಿಮಿನ್ಪರ ಮಹಿಮಾನಿ ಉಜಾಲು ಲಾಯು. ದೆವದುತ ತಿನಿ ತಾಕತ ನಿ ಅವಾಜ಼ ಕ್ಹು ಜೊ಼ರ ವದರ‍್ಯೊ;
REV 18:2 "ತೆ ಹಾಳ ಥೈ! ಬಾಬಿಲೊನ ಕವಾನು ಮ್ಹೊಟು ಗಾಮ ಹಾಳ ಥಯು! ತೆ ಭುತ್ಡಾ ರ‍್ಹವಾನಿ ಜ಼ಗಾ ಥೈ ಗೈ, ಕ್ಹಾರಿ ಅಶುದ್ಧ ಆತ್ಮಾ ತ್ಯಾಜ಼ ರ‍್ಹೈ ಗೈಯೊ. ಹಸೈ ವರಿ ಅಶುದ್ಧ ರ‍್ಹಯಲ ಪಕ್ಕಷಿಯೊನೆ ಆಸ್ರೊ ಥೈ"
REV 18:3 ಕ್ಹುದಾನಿ ಶಿಟ್ಟ ಕವಾನು ವರಿ ತಿನು ಲೈಂಗಿಕ ಪಾಪ ಕವಾನು ದ್ರಾಕ್ಷಾರಸ ಕವಾನು ದುನಿಯಾಮಾನಾ ಮನಕ್ಹೊ ಪಿನ ನಿಶಾ ಕರಲಿದ್ಯಾ. ಜಿಮಿನಪರ ರ‍್ಹಯಲ ರಾಜಾ಼ ಕ್ಹಾರಾ ತಿನಾ ಕ್ಹಾತೆ ವೈಭಿಚಾರ ಕರ‍್ಯಾಸ. ತಿನೆ ಸಾತ ದಿದಲವಾಲಾ ದುನಿಯಾಮಾನಾ ಘನ್ನಾ ಮನಕ್ಹೊ ತಿನಿ ಘನ್ನಿ ಸುಕಾಕ್ಹು ಸೌಕಾರ ಥಯಾ.
REV 18:4 ಪಾಚಾ಼ತು ಸ್ವಗ್ರಮಾ ಬಿಜೆಕ ಅವಾಜ಼ ಅಮ್ಮ ಕವಾನು ಮಿ ಐಕ್ಯೊ" ಮಾರಾ ಮನಕ್ಹೊ, ತುಮೆ ತೆ ಗಾಮ್ಮಾತಾ ಭಾರಾ ಐಪಡೊ. ತೆಳಾಮಾ ತುಮೆ ಘನ್ನಾ ಪಾಪ ಕರಾಲಾ ಥಾತಾ ನೈ; ತಿನೆ ಥಾವಾನು ತ್ರಾಸ ತುಮಾರಾ ಕ್ಹಾತೆ ಥಾತು ನೈ.
REV 18:5 ತೆ ಗಾಮ್ನಾ ಪಾಪೊ ಸ್ವರ್ಗನೆ ಮುಟ್ಟಾ ಯಕ್ಲಾ ಬೆಳ್ದಿನ ಹುಬ್ರಯಾಸ. ತೆ ಕರಲ ಕೆಟ್ಟ ಕಾಮೊ ಕ್ಹುದಾ ಇಕ್ಹರ‍್ಯೊ ನತ್ತಿ.
REV 18:6 ತೆ ಗಾಮ ಬಿಜಾ಼ವೊನೆ ದಿದಲ ಲಿಂಗತಜ಼ ತುಮೆ ತಿನೆ ದಿವೊ. ತೆ ಕರಲನೆ ತಿನೆ ಬೆ ಯಕ್ಲು ಜಾಸ್ತಿ ತಿನೆ ದಿವೊ. ತೆ ಬಿಜಾ಼ವೊನೆ ದಿದಲ ದ್ರಾಕ್ಕಷಾರಸತಿಬಿ ತುಮೆ ತಿನೆ ಬೆ ಯಕ್ಲು ಜಾಸ್ತಿ ಘಟ್ಟ್ಟ ರ‍್ಹಯಲ ದ್ರಾಕ್ಕಷಾರಸ ತಿನೆ ತಯ್ಯಾರ ಕರಿನ ದಿವೊ.
REV 18:7 ತೆ ತಿನೆ ಘನ್ನಿ ವೈಭವಕ್ಹು ಜಿವ್ನಾ ಕರಿ. ತಿನಾಹುತಿ ತಿನೆ ತಿನಾ ತಕ್ಕ ತಿನೆ ತ್ರಾಸ ವರಿ ಸುಖಾ ಆವಾನಾ ವರಕ್ಹು ಕರೊ. ‘ಮಿ ಸಿಂಹಾಸನ್ಪರ ಬೈಟಲ ರಾಣಿ ವ್ಹೈ. ಮಿ ರಾಂಡಿ ನ್ಹವೈ, ಮಿ ಕೆಳಾಮಾಜ಼ ರೊತಿ ರ‍್ಹತಿ ನೈ’ ಕೈನ ತಿನಾಕ್ಹು ತೆಜ಼ ಕೈಲಿವಸ.
REV 18:8 ತಿನಾಹುತಿ ತಿನೆ ಮರಣ, ರವಾನು, ಘನ್ನೊ ರೊಗೊ ಕವಾನಾತ್ರಾಸೊ ಯಕ್ಕಜ಼ ದಿನ್ಮಾ ಆವಸ. ತಿನೆ ಫೈಸಲೊ ಕರಲ ಕ್ಹುದಾ ಥಯಲ ಪ್ರಭು ಘನ್ನೊ ತಾಕತವಾಲೊ ರ‍್ಹಯಲ ಹುತಿ ತೆ ಆಗಕ್ಹು ಹಾಳ ಥೈಜಾ಼ವಸ.
REV 18:9 "ತಿನಾಕ್ಹಾತೆ ಲೈಂಗಿಕ ಪಾಪ ಕರಿನ ತಿನಿ ಆಸ್ತಿಮಾ ವಾಟಾಮಾ ರ‍್ಹಯಲ ವಾಲಾ ದುನಿಯಾಮಾ ರ‍್ಹಯಲ ರಾಜಾ಼ ತೆ ಬಳಿನ ರಾಕಮಾತೊ ಆವಾನೊ ಧವಾಂಡೊ ದೆಕಿನ ತೆ ರಾಜಾ಼ ಘನ್ನಾ ರ‍್ಹವಸ ವರಿ ದುಖ ಪಡಸ.
REV 18:10 ತಿನು ಥಾವಾನಾ ತ್ರಾಸ ದೆಕಿನ ರಾಜಾ಼ ಭುಚಿ಼ಕಿನ ದುರ ಹುಬ್ರೈನ ಅಮ್ಮ ಕವಸ ಅಯ್ಯೊ-ಅಯ್ಯೊ ಮ್ಹೊಟು ಗಾಮ ಘನ್ನು ತಾಕತ ವರ ಥಯಲ ಬಾಬಿಲೊನ ಗಾಮ ಯಕ್ಕಜ಼ ತಾಸ್ಮಾ ತುನೆ ದಂಡನೆ ಥೈಗೈತೊ!
REV 18:11 "ಭುಲೊಕ್ಮಾ ರ‍್ಹಯಲ ಮನಕ್ಹೊ ಬಾಬಿಲೊನಾ ಹುತಿ ರ‍್ಹವಸ ವರಿ ದುಖಿ ಥಾವಸ. ತ್ಯುನೆ ಇಕ್ಕಕಾನು ಸಾಮನ ಲಿವಾನಾ ಹುತಿ ಕುನ್ನಜ಼ ನೈ ರ‍್ಹಯಲ ಹುತಿ ತ್ಯುನೆ ದುಖಿ ಥಾವಾಸ.
REV 18:12 ತ್ಯುನೆ ಕ್ಹೊನು, ರುಪ್ಪು, ರತ್ನ, ಮುತ್ತೊ, ಘನ್ನು ನರಮ ರ‍್ಹಯಲ ನಾರುಮಡಿ, ಧೂಮ್ರ ವರಣನಾ ಫಡಕಾ, ರೆಷಮಾ, ರಕ್ಕತಾಂಬರ, ಕ್ಹಾರಾ ತರಾನು ಮೊಗಾನು ಝಾಡಕ್ಹು, ತಾಂಬಾಕ್ಹು, ಲ್ಹೊಡಾಕ್ಹು ವರಿ ಚಂದ್ರಕಾಂತ ಶಿಲೆ ಎ ಕ್ಹಾರು ಇಕ್ಕಸ.
REV 18:13 ತೆ ವ್ಯಾಪರ ಕರಾಲಾ ದಾಲ್ಚಿನಿ, ಸಾಂಬರನೊ ಮಸಾಲೊ ಉದ, ಬಾಸ್ನು ತೆಲ, ಸಾಂಬ್ರಾಣಿ, ದ್ರಾಕ್ಕಷಾರಸ ವರಿ ಓಲಿವ ತೆಲ, ನರಮ ಲೊಟ, ಘೌ, ಢೊರೊ ಗೈಯ್ಯೊ, ಬಕ್ರಾ, ಘೊಡಾ, ರಥಾ, ಮನಕ್ಹೊನೆ ಗುಲಾಮೊ ಕರಿ ಇಕ್ಕಸ. ಇಕ್ಕಾಲಾ ಇಮ್ಮ ಕವಸ;
REV 18:14 ಬಾಬೆಲೊನಿ ತು ಆಸ ಕರಲ ಪ್ಹಲ ತುಕ್ಹು ದುರ ಥಯು. ತಾರು ಕ್ಹಾರು ವೈಭವ ತುಕನ ರ‍್ಹಯಲ ಸೌಕಾರತನಾ ವರಿ ತಯ್ಯಾರ ಕರಾನು ಸಾಮನ ದಡಿ ರ‍್ಹೈ ಗಯುಸ. ತೆ ಕ್ಹಾರು ತು ವರಿ ಕೆಳಾಮಾಜ಼ ಪಡತ್ತು ನೈ.
REV 18:15 "ತೆ ವ್ಯಾಪಾರಿಯೊ ತಿನೊ ತ್ರಾಸ ದೆಕಿನ ಭುಚಿ಼ಕಿನ ತಿಕಂತಾ ಘನ್ನಾ ದುರ ಗೈನ ಹುಬ್ರವಸ. ತೆ ಕ್ಹಾರು ಸಾಮನ ತಿನಿ ಇಕ್ಕಿನ ಸೌಕಾರ ಥಯಲವಾಲೊ ಇವ್ನೆಜ಼ ವ್ಹೈ.
REV 18:16 ತ್ಯುನೆ ದುಖ ಕ್ಹು ಉಳ್ಯಾಡತಾ ಅಮ್ಮ ಕವಸ ಅಯ್ಯೊ, ಅಯ್ಯೊ, ಮ್ಹೊಟು ಗಾಮ"ತೆ ನರಮ ರ‍್ಹಯಲ ವಣ್ಣಾ, ಧುಮ್ರವರಣನಾ ವಣ್ಣಾನಾ ವರಿ ರಕ್ಕತಾಂಭರನಾ ಸಾಮನೊಕ್ಹು ತಯ್ಯಾತ ಥೈತಿ. ತೆ ಕ್ಹೊನು, ರತ್ನ, ಮುತ್ತೊಕ್ಹು ಚೊ಼ಕಿ ದಿಕ್ಹಾಡಿತಿ!
REV 18:17 ಎ ಕ್ಹಾರಿ ಸೌಕಾರತನಾ ಯಕ್ಕಜ಼ ತಾಸ್ಮಾ ಹಾಳ ಥೈತೊ"ಹಡಗಾನಾ ಮಾಲಕೊ ಹಡಗಾಮಾ ಜಾ಼ವಾಲಾ ಕ್ಹಾರಾ ಮನಕ್ಹೊ ಹಡಗಾ ಚ಼ಲಾವಾಲಾ ಸಮುಂದರಕ್ಹು ದೊಕಡಾ ಕಮಾವಾಲ ಮನಕ್ಹೊ ದುರ ಹುಬ್ರೈನ.
REV 18:18 ಬಾಬಿಲೊನನಾ ಬಳಾನಿಕ್ಹು ಆವಾನೊ ಧವಾಂಡೊ ದೆಕಿನ ತ್ಯುನೆ ಝೊರ ಅವಾಜ಼ ಕ್ಹು, ತೆ ಗಾಮೊ ಲಿಂಗತ ರ‍್ಹಯಲ ಮ್ಹೊಟಾ ಗಾಮೊ ವ್ಟಜ಼ ನ್ಹೊತು. ಕೈನ ಕದ್ಯಾ.
REV 18:19 ತ್ಯುನೆ ತ್ಯುನಾ ಮಾತಾವೊಪರ ಧುಳ್ಳ ರಿಚೈ಼ಲಿನ, ದುಖಕ್ಹು ರೊತಾ ಅಮ್ಮ ಕದ್ಯಾ; ಅಯ್ಯೊ!, ಅಯ್ಯೊ!, ಎ ಮ್ಹೊಟಾ ಗಾಮ್ನೆ ಕೈ ಗತ್ತಿ ಥೈ! ಸಮುಂದರ ಪರಲ್ಯಾ ಹಡಗಾವೊನಾ ಮಾಲಕೊ. ತಿನಿಕ್ಹು ಸೌಕಾರ ಥಯಾ! ತೆನೈಸೊ ಯಕ್ಕಜ಼ ತಾಸ್ಮಾ ಹಾಳ ಥೈಗೈ!
REV 18:20 ಸ್ವರ್ಗ, ಇನಾಹುತಿ ತು ಖುಶಿ ಥಾ! ಕ್ಹುದಾನಾ ಪರಿಶುದ್ಧ ಮನಕ್ಹೊ, ಅಪೊಸ್ತಲೊ, ಪ್ರವಾದಿಯೊ, ತುಮೆ ಖುಶ ಕರೊ! ತೆ ತುಮೊನೆ ಕರಲ ಕೆಟ್ಟಕ್ಹು ಕ್ಹುದಾ ತಿನೆ ಶಿಕ್ಷಾ ದಿದ್ಯೊ"
REV 18:21 ಪಾಚಲ್ತೊ ಘನ್ನೊ ತಾಕತವರ ಥಯಲ ಬಿಜೆಕ ದೆವದುತ ಯಕ್ಕ ಮ್ಹೊಟೊ ದಗ್ಡೊ ಉಚೈನ. ತೆ ದಗ್ಡೊ ದೆವದುತ ತೆ ದಗ್ಡೊ ಸಮುಂದರಮಾ ನಾಕಿನ ಅಮ್ಮ ಕದ್ಯೊ; "ಮ್ಹೊಟು ಗಾಮ ಥಯಲ ಬಾಬಿಲೊನ ಇನಾಲಿಂಗತಜ಼ ನಕೈ ಜಾ಼ವಸ. ಎ ಗಾಮ ಕೆಳಾಮಾಜ಼ ದಿಕ್ಹತು ನೈ.
REV 18:22 ಹಾರಪ ವರಿ ಘನ್ನಾ ವಜಾ಼ಡಾನಾ ಮನಕ್ಹೊ ಮೆಜಿಕ, ಪಾಂಯೊ ವರಿ ಪಿಂಗಿಯೊ ವಜಾ಼ಡಾಲಾ ಮನಕ್ಹೊ ಮೆಜಿಕ ತುಕಂತು ಕೆಳಾಮಾಜ಼ ಐಕು ಆತು ನೈ. ಬಡಗ್ಯಾನು ಕಾಮ ಕರಾಲಾ ತುಕನ ಕೆಳಾಮಾಜ಼ ಮಳತಾ ನೈ. ದಳಾನು ಅವಾಜ಼ ತುಕಂತು ಕೆಳಾಮಾಜ಼ ಐಕು ಆತು ನೈ.
REV 18:23 ದಿವ್ವೊ ತುನೆ ಕೆಳಾಮಾಜ಼ ಉಜಾಲು ದೆತೊ ನೈ. ನೌರಾ ನೌರಿನು ಅವಾಜ಼ ಕೆಳಾಮಾಜ಼ ತುಕಂತು ಐಕು ಆತು ನೈ. ತಾರಾ ವ್ಯಾಪಾರಿಯೊ ದುನಿಯಾಮಾ ಮ್ಹೊಟಾ ಮನಕ್ಹೊ ಥಯಾ. ತು ಕರಾನು ಮಾಟಾ ಮಂತ್ರಾಕ್ಹು ತಾರಾ ಕ್ಹಾರಾ ಜಾ಼ತನಾ ಮನಕ್ಹೊ ಮಳ್ಳ ಥಯಾ.
REV 18:24 ತೆ‍ ಪ್ರವಾದಿಯೊನೆ, ಕ್ಹುದಾನಾ ಪರಿಶುದ್ಧ ಮನಕ್ಹೊ ವರಿ ಜಿಮಿನಪರ ಖಲಾಸ ಥಯಲ ಕ್ಹಾರಾ ರಗತ ಚು಼ವೈನ ಅಪರಾದಿ ಥೈ.
REV 19:1 ಎ ಥಯಲ್ಪರ, ಸ್ವರ್ಗಮಾ ಘನ್ನಾ ಮನಕ್ಹೊನು ಘನ್ನು ಝೊರ ವದ್ರಾನು ಅವಾಜ಼ ರ‍್ಹಯಲ ಲಿಂಗತ ಅವಾಜ಼ ಐಕ್ಯೊ. ತೆ ಮನಕ್ಹೊ ಅಮ್ಮ ಕವಾಡ್ಯಾತಾ" ಹಲ್ಲೆಲುಯಾ, ಪ್ರಭಾವ ಅದಿಕಾರ ಹಮಾರಾ ಕ್ಹುದಾನೆಜ಼ ವ್ಹೈ.
REV 19:2 ತೆ ಕರಾನಾ ಫೈಸ್ಲಾ ಕ್ಹರಿಕ್ಹು ವರಿ ನ್ಯಾಯ ಕ್ಹು ವ್ಹೈ. ಅಪ್ನೊ ಕ್ಹುದಾ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ. ತೆ ಕರಾನಾ ಲೈಂಗಿಕ ಪಾಪೊಕ್ಹುಜ಼ ದುನಿಯಾ ಕೆಟ್ಟಿ ಗೈ. ತೆ ತಿನಾ ಸೆವಕೊನು ರಗತನಾ ಪ್ರತಿ ತೆ ಶಿಕ್ಷಾ ತೆ ಧಂದೊ ಕರಾಲಿನೆ ಶಿಕ್ಷಾ ದಿದ್ಯೊ"
REV 19:3 ಎನೈಸೊ ಸ್ವರ್ಗಮಾ ತೆ ಸು ಕದ್ಯಾ ಕದ್ಯಾಮ" ಹಲ್ಲೆಲುಯಾ!
REV 19:4 ತೆಳಾಮಾ 24 ಮನಕ್ಹೊ ಮ್ಹಹೊಟಾ ಮನಕ್ಹೊ ಚಾರ ಜಿವಿಯೊ ಸಿಂಹಾಸನ್ಪರ ಬೈಟಲಾವಾಲಾ ಕ್ಹುದಾನೆ ಅಡ್ಡ ಪಡಿ ನಮಸ್ಕಾರ ಕರ‍್ಯಾ. ಆರಾಧನಾ ಹಲ್ಲೆಲುಯಾ ಕರ‍್ಯಾ.
REV 19:5 ತೆ ಥಯಲ್ಪರ ಸಿಂಹಾಸನ ಕಂತಾ ಆಯಲ ಯಕ್ಕ ಅವಾಜ಼ ಕ್ಹುದಾನಾ ಕ್ಹಾರಾ ಆಳೊ ತ್ಯುನೊಮಾ ಭೆ ರ‍್ಹಯಲ ಮ್ಹೊಟಾ ನ್ಹಾನಾ ಅಪ್ನಾ ಕ್ಹುದಾನೆ ಕೊಂಡಾಡೊ ಕೈನ ಕದ್ಯು.
REV 19:6 ತೆ ಥಯಲ್ಪರ ಮನೆ ಬಿಜೆ ಅವಾಜ಼ ಐಕು ಐಯು. ತೆ ಘನ್ನಾ ಮನಕ್ಹೊನಾ ಗುಂಪನಿ ಅವಾಜ಼ ಲಿಂಗತ ಜಲಪ್ರವಾಹ ಲಿಂಗತ ಅವಾಜ಼ ವ್ಹತ್ತು. ಬಿಜಿಲಿನಾ ಲಿಂಗತ ಅವಾಜ಼ ವ್ಹತ್ತು. ತೆ ಅಮ್ಮ ಕದ್ಯು. ಹಲ್ಲೆಲುಯಾ ಅಪ್ನೊ ಕ್ಹುದಾ ಥಯಲ ಪ್ರಭು ಆಳಾನೆ ಚಾಲು ಕರ‍್ಯೊ. ತೆ ಕ್ಹರಿಕ್ಹು ತಾಕತ ವಾಲೊ ವ್ಹೈ.
REV 19:7 ಅಪೆ ಕ್ಹಾರಾ ಖುಶಿ ಕರಿಯೆ! ಕ್ಹುದಾನಿ ಮಹಿಮಾ ಕರಿಯೆ. ಬಕ್ರಾನು ಬಚ್ಚು಼ ಥಯಲವಾಲೊ ಹಿವಾನಾ ದಿನೊ ಆವಾಡೊಸ ಕೈನ ಕ್ಹುದಾನೆ ಮಹಿಮಾ ಕರ‍್ಯಾ.
REV 19:8 ನರಮ ರ‍್ಹಯಲ ಚೊ಼ಕಾ ವಣ್ಣಾ ನೌರಾನೆ ಘಾಲ್ಲಿವಾನೆ ದಿದ್ಯಾ. ತೆ ಚೊ಼ಕಾ ವಣ್ಣಾ ಉಜಾಲ ಲಿಂಗತ ವ್ಹತ್ತಾ. ವರಿ ಘನ್ನಾ ಹಸಾ ವ್ಹತ್ತಾ.
REV 19:9 ತೆಳಾಮಾ ದೆವದುತ ಮನೆ ಅಮ್ಮ ಕದ್ಯೊ. "ಅಮ್ಮ ಬರದ; ಬಲಿನೆ ಬಕ್ರಾನು ಬಚ್ಚು಼ ಥಯಲವಾಲಾನಾ ಹಿವಾಮಾಬ ಬಲಾಯಲ ಮನಕ್ಹೊ ಧನ್ಯ ವ್ಹೈ" ತೆ ಥಯಲ್ಪರ ದೆವದುತ"ಎ ಕ್ಹಾರಿಯೊ ವಾತೊ ಕ್ಹರಿನಿಯೊ ವ್ಹೈ ಕೈನ ಕದ್ಯೊ.
REV 19:10 ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.
REV 19:11 ಪಾಚಲ್ತೊ ಸ್ವರ್ಗ ಖುಲ್ಲಾಥಾವಾನು ಮಿ ದೆಕ್ಯೊ. ಮಾರಾ ಕ್ಹಾಮೊ ಯಕ್ಕ ಧೊಳೊ ಘೊಡೊ ವ್ಹತ್ತೊ. ತೆ ಘೊಡಾಪರ ಬೈಟಲವಾಲಾನು ನಮ ಬರೊಕ್ಹಾವಾಲೊ ವರಿ ಕ್ಹರಿನೊ ವ್ಹೈ. ತಿನಾ ಫೈಸ್ಲಾಮಾ ವರಿ ಯುದ್ದಮಾ ಕ್ಹರಿಕ್ಹು ಫೈಸಲೊ ರ‍್ಹವಸ.
REV 19:12 ತಿನಾ ಡೊಳಾ ಆಗ್ನಿ ಕಂಡಾಲಿಂಗತ ವ್ಹತ್ತಾ. ತಿನಾ ಮಾತಾಪರ ಘನ್ನಾ ಕಿರಿಟೊ ವ್ಹತ್ತಾ. ತಿಪರ ಯಕ್ಕ ನಾಮ ಬರ್ದಲ ವ್ಹತ್ತು, ತೆನೈಸೊ ತೆ ನಾಮನೊ ಮತ್ಲಬ ತಿನೆ ಯಕ್ಕಜ಼ ವ್ಹರತಾಗಿ ಬಿಜಾ಼ ಕಿನೆಜ಼಼ ಗ್ವತ್ತ ನಹೊತು.
REV 19:13 ತೆ ರಗತಮಾ ಭರಿಗಯಲ ಮ್ಹೊಟು ಅಂಗ್ಡು ಘಾಲ್ಲಿದ್ಯೊತೊ. ತಿನು ನಾಮ "ಕ್ಹುದಾನಿ ವಾಕ್ಯಾ ವ್ಹೈ"
REV 19:14 ಸ್ವರ್ಗಮಾ ರ‍್ಹಯಲ ಸೈನಿಕೊ ಧೊಳಾ ಘೊಡಾವೊಪರ ಬೈಟಿನ ತಿನಾ ಪಾಚಾ಼ ಆವಡ್ಯಾತಾ. ತ್ಯುನೆ ಧೊಳಾ ವರಿ ನರಮ ರ‍್ಹಯಲ ವಣ್ಣಾ ಘಾಲ್ಲಿದ್ಯಾತಾ.
REV 19:15 ಘೊಡಾಪರ ಬೈಟಲವಾಲಾನಾ ಮ್ಹೊಡಾಮಾ ಧಾರ ರ‍್ಹಯಲ ಯಕ್ಕ ತಲ್ವಾರ ಭಾರಿ ಆವಾಡಿತಿ. ತೆ ಲ್ಹೊಡಾನಿ ಬಾರ ಕ್ಹು ಜನಾಂಗೊನೆ ಆಳಸ. ತೆ ಕ್ಹಾರಾವೊತಿ ತಾಕತವರ ಥಯಲ ಕ್ಹುದಾನಿ ಶಿಟ್ಟ ದ್ರಾಕ್ಕಷಿಯೊನೆ ಚಿಕ್ಕಲಲ ಲಿಂಗತ ಚಿಕ್ಕಲಿ ಪಾಡಸ.
REV 19:16 ತಿನಾ ಮ್ಹಟಾ ಅಂಗ್ಡಾಪರ "ರಾಜಾ಼ವೊನೊ ರಾಜ಼ೊ ವರಿ ಪ್ರಭುವೊನೊ ಪ್ರಭು" ಕೈನ ಬರ್ದಲ ರ‍್ಹೈ.
REV 19:17 ತೆ ಥಯಲ್ಪರ ಯಕ್ಕ ದೆವದುತ ಸುರ್ಯಾಪರ ಹುಬ್ರಯಲ ಮಿ ದೆಕ್ಯೊ. ತೆ ದೆವದುತ ಹಬಾಳಮಾ ಉಡಾನಿಯೊ ಪಕ್ಕಷಿಯೊನೆ ಅಮ್ಮ ಕವಾಡೊತೊ"ಕ್ಹುದಾ ಘಾಲಾನು ಮ್ಹೊಟು ಖೌನೆ ಮಳಿನ ಆವೊ.
REV 19:18 ತುಮೆ ರಾಜಾ಼ವೊನು ವರಿ ಸಹಸ್ರಾದಿಪತಿಯೊನೆ ವರಿ ಪ್ರಸದ್ದಿ ಥಯಲ ಮನಕ್ಹೊನಾ ಖಾವಾನೆ ಮಳಿನ ಆವೊ. ಘೊಡಾವೊನೊ ಘೊಡವೊಪರ ಬೈಟಲವಾಲೊವೊನೆ ಸ್ವತಂತ್ರ ಥಯಲ, ಗುಲಾಮೊನೆ, ನ್ಹಾನವೊನೆ ಮ್ಹೊಟಾವೊನಾ ಅಂಗ ಖಾವಾನೆ ಆವೊ"
REV 19:19 ಪಾಚಲ್ತೊ ಮಿ ದುನಿಯಾಮಾ ರ‍್ಹಯಲ ಮನಕ್ಹೊನೆ ವರಿ ಜಾನ್ವರೊನೆ ದೆಕ್ಯೊ. ತ್ಯುನೆ ಘೊಡಾಪರ ಬೈಟಲವಾಲಾನಾ ವರಿ ತಿನಾ ಸೈನಿಕೊಪರ ಯುದ್ದ ಕರಾನಾ ಹುತಿ ತ್ಯುನಾ ಸೈನಿಕೊನೆ ಮಳಾಯಾ.
REV 19:20 ತೆನೈಸೊ ತೆ ಜಾನ್ವರನೆ ಸುಳ್ಳ ಪ್ರವಾದಿಯೊನೆ ಧರ‍್ಯಾ. ಎಜ಼ ಸುಳ್ಳ ಪ್ರವಾದಿ ಜಾನ್ವರನಾ ಹುತಿ ಅದ್ಭುತ ಕರಲವಾಲೊ. ಎ ಸುಳ್ಳ ಪ್ರವಾದಿ ಜಾನ್ವರನಿ ವಳಕ ಘಲೈಲಿದಲವಾಲೊ ವರಿ ತಿನಾ ಮೊರತಿಯೊನೆ ಆರಾಧನಾ ಕರಲ ಮನಕ್ಹೊನೆ ಮಳ್ಳ ಕರಾನಾಹುತಿ ಎ ಅದ್ಭುತ ಕರ‍್ಯೊ. ಎ ಸುಳ್ಳ ಪ್ರವಾದಿನೆ ಜಾನ್ವರನೆ, ಆಗನಿ ಇರಮಾ ಜಿವ್ತಾವೊನೆ ನಾಕಿಪಾಡ್ಯಾ.
REV 19:21 ತ್ಯುನಿ ಸೈನ್ಯಾ ಘೊಡಡಪರ ಬೈಟಲವಾಲಾನಾ ಮ್ಹೊಡಾಮಾತಿ ಆಯಲ ತಲ್ವಾರಕ್ಹು ಖಲಾಸ ಥಯಾ. ತ್ಯುನಾ ಅಂಗೊನೆ ಪಕ್ಕಷಿಯೊ ಪೆಟ ಭರಿನ ಖೈ ಪಾಡಿಯೊ.
REV 20:1 ತೆಳಾಮಾ ಸ್ವರ್ಗಮಾತೊ ದೆವದುತ ಹೆಟೊ ಆವಾನು ಮಿ ದೆಕ್ಯೊ. ತೆ ದೆವದುತ ಪಾತಾಳನಿ ಚಾವಿಜ಼ ತಿಕನ ವ್ಹತ್ತಿ ವರಿ ಮ್ಹೊಟಿ ಬೆಡಿಯೊ ತಿನಾ ಹತ್ಮಾ ವತಿ.
REV 20:2 ತೆ ಜು಼ನ್ನೊ ಮ್ಹೊಟೊ ಕ್ಹಾಪನೆ ಧರ‍್ಯೊ. ತೆಜ಼ ಮ್ಹೊಟೊ ಕ್ಹಾಪಜ಼ ಸೈತಾನ ವ್ಹೈ. ದೆವದುತ ಸೈತಾನನೆ ಬೆಡಿಯೊಕ್ಹು ಭಾಂದಿನ ಯಕ್ಕ ಹಜಾ಼ರ ವರಕ್ಹ ಬಂದನಮಾ ಮ್ಹೆಲ್ಯೊ.
REV 20:3 ತೆ ದೆವದುತ ತೆ ಮ್ಹೊಟಾ ಕ್ಹಾಪನೆ ಪಾತಾಳಮಾ ಢಕ್ಕಲಿನ ಬಾಕಲ ಘಾಲಿನ ಚಾವಿ ಘಾಲ್ಯೊ, ತೆ ಮ್ಹೊಟೊ ಕ್ಹಾಪ ಹಜಾ಼ರ ವರಕ್ಹ ಥಾಯೆಲಕ್ಕಾ ದುನಿಯಾಮಾ ರ‍್ಹಯಲ ಮನಕ್ಹೊನೆ ಮಳ್ಳ ಕರಲ ಹುತಿ ತೆ ದೆವದುತ ಇಮ್ಮ ಕರ‍್ಯೊ. ಯಕ್ಕ ಹಜಾ಼ರ ವರಕ್ಹ ಥಯಲ್ಪರ ತೆ ಮ್ಹೊಟಾ ಕ್ಹಾಪನೆ ದಕ್ಹಾದಿನ್ನ ಬಿಡುಗಡೆ ಕರಸ.
REV 20:4 ತೆ ಥಯಲ್ಪರ ಮಿ ದಕ್ಹಾ ಸಿಂಹಾಸನೊ ವರಿ ತ್ಯುನೊಪರ ಬೈಟಲ ಮನಕ್ಹೊನೆ ದೆಕ್ಯೊ. ತ್ಯುನೊನೆ ಮನಕ್ಹೊನೆ ಫೈಸಲೊ ಕಾರಾನೊ ಅದಿಕಾರ ವ್ಹಂದಿಲಿದ್ಯಾತಾ. ಯೆಸುನಾ ಕ್ಹರಿನೆ ವರಿ ಕ್ಹುದಾನಾ ಸಂದೆಶನೆ ಬರೊಕ್ಹೊ ಕರಲವಾಲಾಮ ರ‍್ಹೈನ ತಿನಾಹುತಿ ಖಲಾಸ ಥಯಲವಾಲಾ ಜ಼ಲಮನಿ ಆತ್ಮಾವೊನೆ ಮಿ ದೆಕ್ಯೊ. ತೆ ಮನಕ್ಹೊ ಜಾನ್ವರನೆ ರ‍್ಹೈನೆ ಕಾ ವರಿ ತಿನಿ ಮೊರತಿನೆ ರ‍್ಹೈನೆಕಾ ಆರಾಧನಾ ಕರ‍್ಯಾನ್ಹೊತಾ. ತ್ಯುನೆ ತಿವ್ನಾ ಮಾತಾಪರ ನೈತೊ ಹತೊಪರ ರ‍್ಹೈನೆಕಾ ತೆ ಜಾನ್ವರನೊ ಸಿಕ್ಕಕೊ ಘಲೈ ಲಿದ್ಯಾ ನ್ಹೊತಾ. ತೆ ಮನಕ್ಹೊ ವರಿ ಜಿವ್ತಾ ಥೈನ ಕ್ರಿಸ್ತನಾ ಕ್ಹಾತೆ ಯಕ್ಕ ಹಜಾ಼ರ ವರಕ್ಹ ರಾಜ಼ ಕರಸ.
REV 20:5 ಮರಿ ಗಯಲ ಬಿಜಾ಼ ಮನಕ್ಹೊ ಯಕ್ಕ ಹಜಾ಼ರ ವರಕ್ಹ ಪುರಾ ಥಯಲಕ್ಕಕಾ ಜಿವ್ತಾ ನ್ಹೊತಾ. ಎಜ಼ ಪೈಲಾನು ಪುನುಥಾನ ವ್ಹೈ.
REV 20:6 ಪೈಲಾನಾ ಪುನರುತ್ಥಾನಮಾ ಮಳಾಲಾ ಪವಿತ್ರ ವರಿ ಧನೈ ಥಯಾಸ. ಎ ಮನಕ್ಹೊಪರ ಬೆವಾ ಮರಣನೊ ಅದಿಕಾರ ನತ್ತಿ. ತೆ ಮನಕ್ಹೊ ಕ್ಹುದಾನೆ ವರಿ ಕ್ರಿಸ್ತನೆ ಯಾಜಕೊ ಥೈನ ರ‍್ಹವಸ. ತ್ಯುನೆ ತ್ಯುನಾ ಕ್ಹಾತೆ ಹಜಾ಼ರ ವರಕ್ಹ ರಾಜ಼ ಕರಸ.
REV 20:7 ಯಕ್ಕ ಹಜಾ಼ರ ವರಕ್ಹ ಥಯಲ್ಪ, ಸೈತಾನನೆ ಭಾಂದಿನ ಘಾಲಲಮಾತಾ ಛೊ಼ಡಸ.
REV 20:8 ಸೈತಾ ಗೊಗ ವರಿ ಮಾಗೊಗ ಜಾ಼ತವಲಾವೊನೆ ಮೊಸ ಕರಾನೆ ಬೊಲೊಕ್ಕಮಾ ಗೈನ ತೆ ಮನಕ್ಹೊನೆ ಯುದ್ದಕರಾನಾ ಹುತಿ ಮಳಾವಸ. ತ್ಯುನೆ ಕ್ಹಾರಾ ಸಮುಂದರನಿ ದಂಡಿಮಾ ರ‍್ಹಯಲ ಉಸುಕ ಲಿಂಗತ ಮೊಜಾ಼ನೆ ಔ ನೈಸೊ ಯಕ್ಲಾ ರ‍್ಹವಸ.
REV 20:9 ಸೈತಾನನಿ ಸೆನಾ ಕ್ಹಾರಿ ಜಿಮಿನ್ಪರ ಶಿಸ್ತಕ್ಹು ಚಾ಼ಲಿನ ಕ್ಹುದಾನಾ ಮನಕ್ಹೊನಾ ಗುಂಪನಾ ಸುತ್ತೆ ಕ್ಹುದಾನು ಮಯಾನಾ ಗಾಮ್ನಾ ಸುತ್ತೆ ಮಳ್ಯಾ. ತೆನೈಸೊ ಸ್ವರಗಮಾತಿ ಉತ್ತರಿನ ಆಯಲ ಆಗ ತ್ಯುನೊನೆ ಹಾಳ ಕರಿಪಾಡಿ
REV 20:10 ಸೈತಾನನೆ ಬಳತಿ ರ‍್ಹಯಲ ಆಗನಿ ಇರಮಾ ನಕೈ ಗಯೊ. ತ್ಯಾ ಜಾನ್ವರಬಿ ವ್ಹತ್ತಿ, ಸುಳ್ಳ ಪ್ರವಾದಿಯೊಬಿ ವ್ಹತ್ತಾ. ತ್ಯಾ ತ್ಯುನೆ ಹಮೆಶಾಬಿ ದಿನ್ನ ರಾತ ತ್ರಾಸ ಖಾವಸ.
REV 20:11 ತೆ ಥಯಲ್ಪರ ಮಿ ಬಿಜೆಕ ಮ್ಹೊಟಿ ಸಿಂಹಾಸನ ತೆ ಸಿಂಹಾಸನ್ಪರ ಬೈಟಲವಾಲಾನೆ ದೆಕ್ಯೊ. ತಿನಾ ಕ್ಹಾಮಾತಿ ಜಿಮಿನ ವರಿ ಹಬಾಳ ಗೈನ ದಡಿರ‍್ಹೈಗಯು.
REV 20:12 ಮರಿಗೈಲವಾಲಾವೊಮಾ ನ್ಹಾನಾ ಮ್ಹೊಟಾ ಮನಕ್ಹೊ ತೆ ಸಿಂಹಾಸನ್ನಾ ಕ್ಹಾಮಾ ಹುಬ್ರಾಯಾತಾ. ತೆಳಾಮಾ ಜಿವಭಾದ್ಯ ಪುಸ್ತಕ ಖಲ್ಲಾ ಕರ‍್ಯಾ. ಬಿಜಾ಼ ಪುಸ್ತಕೊಬಿ ಖುಲ್ಲಾ ಕರಿನ ಮುಕ್ಕಯಾತಾ. ಮರಿಗಯಲ ಮನಕ್ಹೊ ವರಿ ತ್ಯುನೆ ಕರಲ ಕ್ಹಾರಾ ಕಾಮೊನೆ ದೆಕಿನ ತ್ಯುನೊ ಫೈಸಲೊ ಕರ‍್ಯಾ. ಎ ಕ್ಹಾರು ಪುಸ್ತಕೊಮಾ ಬರ್ದಲ ಛೆ.
REV 20:13 ಸುಮುದ್ರಮಾ ಪಡಿನ ಮರಲ ಮನಕ್ಹೊನೆ ತೆ ಸಮುಂದರ ವಪ್ಸಿನ ದಿದ್ಯು. ಮೃತ್ಯು ಪಾತಾಳಮಾ ರ‍್ಹಯಲ ಮನಕ್ಹೊನೆ ವಪ್ಸಿನ ದಿದ್ಯು. ಹರಿ ಯಕ್ಕ ಮನಕ್ಹೊನೆ ತ್ಯುನಾ ಕಾಮೊನಾ ತಕ್ಕ ಫಸ್ಲೊ ಥಯೊ.
REV 20:14 ಪಾಚಾ಼ತಾ ಮೃತ್ಯುನೆ ವರಿ ಪಾತಳನೆ ಆಗನಿ ಇರಮಾ ನಾಕಾ ಲಗಾಡ್ಯಾ. ಎ ಆಗನಿ ಇರ ಬೆವಾ ಮರಣ ವ್ಹೈ.
REV 20:15 ಜಿವ ಭಾದ್ಯ ಪುಸ್ತಕ್ಕಮಾ ಕಿನೊ ನಾಮ ಬರ್ದಲ ನತ್ತಿ ತೆ ಮನಕ್ಹನೆ ತೆ ಆಗನಿ ಇರಮಾ ನಾಕಾಲಗಡಸ.
REV 21:1 ತೆ ಥಯಲ್ಪರ ನೌ ಸ್ವರಗಲೊಕ ವರಿ ನೈ ಜಿಮಿನ ಮಿ ದೆಕ್ಯೊ. ಪೈಲಾನು ಸ್ವರಗಲೊಕ ವರಿ ಪೈಲಾನಿ ಜಿಮಿನ ದಡಿ ರ‍್ಹೈ ಗಯುತು ತ್ಯಾ ಸಮುಂದರ ನ್ಹೊತು.
REV 21:2 ಪರಿಶುದ್ಧ ಗಾಮ ಸ್ವರಗತು ಕ್ಹುದಾಕಂತು ಉತ್ರಿನ ಅವಾನು ಮಿ ದೆಕ್ಯೊ. ತೆ ಪರಿಶುದ್ಧ ಗಾಮಜ಼ ನೌ ಯೆರುಸೆಲೆಮ ವ್ಹೈ. ನೌರಿ ತಿನಿ ನೌರಾನಾ ಹುತಿ ತೆ ತಯ್ಯಾರ ಥಯಲ ಲಿಂಗತ ತಿನೆ ತಯ್ಯಾರ ಕರ‍್ಯಾತಾ.
REV 21:3 ಸಿಂಹಾಸನಕಂತು ಯಕ್ಕ ಝೊರ ಅವಾಜ಼ ಮಿ ಐಕ್ಯೊ. ತೆ ಅವಾಜ಼ ಕ್ಹುದಾನು ಘರ ಮನಕ್ಹೊನಾ ಕ್ಹಾತೆ ಛೆ. ತೆ ತ್ಯುನಾ ಕ್ಹಾತೆ ರ‍್ಹವಸ. ತ್ಯುನೆ ತಿನಾ ಥೈನ ರ‍್ಹವಸ. ಕ್ಹುದಾಜ಼ ತ್ಯುನಾ ಕ್ಹಾತೆ ರ‍್ಹವಸ. ವರಿ ತ್ಯುನೊ ಕ್ಹುದಾ ಥೈನ ರ‍್ಹವಸ.
REV 21:4 ಕ್ಹುದಾ ತ್ಯುನಾ ಡೊಳಾಮಾನು ಪಾನಿ ನುಚ್ಚಿ ಪಾಡಸ. ತ್ಯಾ ಮರಣ ಕವಾನುಜ಼ ರ‍್ಹತು ನೈ, ದುಖ ರ‍್ಹತು ನೈ, ರವಾನು ರ‍್ಹತು ನೈ ವರಿ ಜುನ್ನಿಯೊ ವಾಟೊಜ಼ ಗೈಪಡಿಯೊ "ಕೈನ ಕದ್ಯು.
REV 21:5 ಸಿಂಹಾಸನ್ಪರ ಬೈಟಲವಾಲೊ"ದೆಕ ಮಿ ನೌ ತರಾನು ಕ್ಹಾರುಜ ತಯ್ಯಾರ ಕರುಸ" ಕೈನ ಕದ್ಯೊ. ತೆ ಥಯಲ್ಪರ ಎ "ಕ್ಹಾರಿಯೊ ವಾಕ್ಯಾ ಕ್ಹರಿನಿಯೊ ವ್ಹೈ ಕೈನ ನಂಬಾನಾ ಹುತಿ ಎ ಕ್ಹಾರುಜ಼ ಬರದ" ಕೈನ ಕದ್ಯೊ.
REV 21:6 ಸಿಂಹಾಸನ್ಪರ ಬೈಟಲವಾಲೊ ಮನೆ ಅಮ್ಮ ಕದ್ಯೊ; "ಕ್ಹಾರುಜ಼ ಪುರಾ ಥಯು! ಮಿಜ಼ ಆದಿ ವ್ಹೈ ಮಿಜ಼ ಅಂತ್ಯ ವ್ಹೈ. ಮಿಜ಼ ಶುರು ವ್ಹೈ ಮಿಜ಼ ಸಮಾಪ್ತಿ ವ್ಹೈ. ಪಾನಿನಿ ತರಕ್ಹ ರ‍್ಹಯಲವಾಲಾವೊನೆ ಮಿ ಜ಼ಲಮ್ನು ಘನ್ನು ಪಾನಿ ಪುಶಕ್ಕಯಾಟಿ ದ್ಯುಸ.
REV 21:7 ಝಿತ್ತಾಲಾನೆ ಎ ಕ್ಹಾರು ಮಳಸ. ಮಿತಿನೊ ಕ್ಹುದಾ ಥೈನ ರ‍್ಹೌಸ, ತೆ ಮಾರೊ ದಿಕ್ರೊ ಥೈನ ರ‍್ಹವಸ.
REV 21:8 ತೆನೈಸೊ ಭುಚ್ಕವಾವೊಲನೆ ಬರೊಕ್ಹೊ ನೈಸೊ ವಾಲಾವೊನೆ, ವ್ಹಲಸ ಕಾಮೊ ಕರಾಲಾವೊನೆ, ಮನಕ್ಹೊನೆ ಖಲಾಸ ಕರಾಲಾವೊನೆ, ಲೈಂಗಿಕ ಪಾಪೊ ಕರಾಲಾವೊನೆ, ಮಾಟಾ ಮಂತ್ರಾ ಕರಾಲಾವೊನೆ, ಮೊರತಿಯೊನೆ ಆರಾಧನಾ ಕರಾಲಾವೊನೆ, ಸುಳ್ಳ ಕವಾಲಾವೊನೆ ಮಳಾನಿ ಜ಼ಗಾ ಆಗ ರ‍್ಹಯಲ ಇರಜ಼ ವ್ಹೈ ಎ ಭೆವಾ ಮರಣ ವ್ಹೈ.
REV 21:9 ಲಾಸ್ಟನಾ ಕ್ಹಾತ ತ್ರಾಸಸೊ ತ್ಯುನಾ ಸಾಮ್ನೊಮಾ ಭರಲಿದಲ ಕ್ಹಾತ ದೆವದುತೊಮಾ ಯಕ್ಲೊ ಮಕನ ಐನ ಮಾರಾ ಕ್ಹಾತೆ ಬಕ್ರಾನು ಬಚ್ಚು಼ ಥಯಲವಾಲಾನಿ ಬೈಕೊನ ಥಾವಾಲಿನ ನೌರಿನೆ ಮಿ ತುನೆ ದೆಕಾಡುಸ" ಕೈನ ಕದ್ಯೊ.
REV 21:10 ತೆ ದೆವದುತ ಪವಿತ್ರ ಆತ್ಮಾಮಾ ರ‍್ಹಯಲವಾಲಾ ಮನೆ ಘನ್ನು ಮ್ಹೊಟು ರ‍್ಹಯಲ ಡೊಂಗರಪರ ಮನೆ ಬಲೈನಿಂಗಯೊ. ದೆವದುತ ಪವಿತ್ರ ರ‍್ಹಯಲ ಯೆರುಸೆಲೆಮ ಗಾನ್ಮೆ ದೆಕಾಡ್ಯೊ. ತೆ ಗಾಮ ಸ್ವರಗಮಾತು ಕ್ಹುದಾಕಂತು ಉತ್ರಿನ ಆವಾಡ್ಯುತು.
REV 21:11 ತೆ ಗಾಮ ಕ್ಹುದಾನಿ ಮಹಿಮಾಕ್ಹು ಮಿಂಚಾ಼ಡ್ಯುತು. ತೆ ಘನ್ನು ಮೊಗು ವಜ್ರಾಲಿಂಗತ ಮಿಂಚಾ಼ಡ್ಯುತು. ಮೊಗಾನು ರತ್ನ ಲಿಂಗತ ಮಿಂಚಾ಼ಡ್ಯುತು.
REV 21:12 ತೆ ಗಾಮ್ನೆ ಬಾರಾ ಬಾಕ್ಲೊ ರ‍್ಹಯಲ ಯಕ್ಕ ಮ್ಹೊಟಿ ಗೊಡಿ ವ್ಹತ್ತಿ. ತೆ ಬಾಕ್ಕಲೊನಾ ಕ್ಹಾಮೊ ಬಾರಾ ದೆವದುತೊ ವ್ಹತ್ತಾ. ಹರಿ ಯಕ್ಕ ಬಾಕಲಪರ ಎಸ್ರೆಲನಾ ಬಾರಾ ಜಾ಼ತವಾಲಾವೊನಾಮಾ ಯಕ್ಕಜ಼ ಜಾ಼ತನು ನಾಮ ಬರ್ದಲ ವ್ಹತ್ತು.
REV 21:13 ಪುರವದಿಕ್ಕಕಮಾ ತನ್ನ ಬಾಕ್ಲೊ, ದಕ್ಕಷಿಣ ದಿಕ್ಕಕಮಾ ತನ್ನ ಬಾಕ್ಲೊ, ವರಿ ಪಶ್ಚಿಮ ದಿಕ್ಕಕಮಾ ತನ್ನ ಬಾಕ್ಲೊ ವ್ಹತ್ತಾ.
REV 21:14 ತೆ ಗಾಮ್ನಿಯೊ ಗೊಡಿಯೊ ಬಾರಾ ಫಾಯಾ ದಗ್ಡಾವೊಪರ ಭಾಂದ್ಯಾತಾ. ತೆ ಫಾಯಾನಾ ದಗ್ಡಾವೊಪರ ಬಕ್ರಾನು ಬಚ್ಚು಼ ಥಯಲವಾಲಾವೊನಾ ಬಾರಾ ಅಪೊಸ್ತಲೊನಾ ನಾಮೊ ಬರದ್ಯಾತಾ.
REV 21:15 ಮಾರಾ ಕ್ಹಾತೆ ಬೊಲಲ ದೆವದುತಕನ ಕ್ಹೊನಾನಿ ಅಳತಿ ಕರಾನಿ ಪಟ್ಟಿ ರ‍್ಹೈ. ತೆ ಗಾಮನೆ ವರಿ ತಿನಾ ಬಾಕ್ಕಲೊನೆ ವರಿ ಗೊಡಿಯೊನೆ ತೆ ಕ್ಹೊನಾನಿ ಪಟ್ಟಿಕ್ಹು ಅಳತಿ ಕರಾಡೊತೊ.
REV 21:16 ತೆ ಗಾಮ ಚೌಕ ಆಕಾರಮಾ ಕರಲ ರ‍್ಹೈ. ತೆಕೆಕ್ಕಲು ಉಚ್ಚು಼ ವ್ಹತ್ತು ತೆಕ್ಲುಜ಼ ಲಾಂಬು ರ‍್ಹೈ. ದೆವದುತ ತೆ ಪಟ್ಟಿಕ್ಹು ತೆ ಗಾಮನೆ ಅಳತಿ ಕರ‍್ಯೊ. ತೆ ಗಾಮ 1,500 ಮೈಲ ಲಾಂಬಾಮಾ 1,500 ಚೌಕಮಾ ರ‍್ಹೈ ವರಿ 1,500 ಉಚ್ಚು಼ ರ‍್ಹೈ.
REV 21:17 ದೆವದುತ ಗೊಡಿಯೊ ಅಳತಿ ಕರ‍್ಯೊ. ತೆ ಮನಕ್ಹೊನಾ ಮೊಳಾಮಾ 216 ಪುಟ ರ‍್ಹೈ. ದೆವದುತ ಉಪಯೊಗ ಅಳತಿ ಕರಲಜ಼ ಎಜ಼ ವ್ಹೈ.
REV 21:18 ಗೊಡಿಯೊ ಸುರ‍್ಯಕಾಂತ ಶಿಲೆ ಕ್ಹು ತಯ್ಯಾರ ಕರ‍್ಯಾತಾ. ಗಾಮ ಕಾಂಚ಼ನಾ ಲಿಂಗತ ಕ್ಹೊನಾಮಾ ತಯ್ಯಾರ ಕರ‍್ಯಾತಾ.
REV 21:19 ಗಾಮನಿಯೊ ಗೊಡಿಯೊ ಪ್ಹಾಯಾನಾ ದಗ್ಡಾವೊಮಾ ಕ್ಹಾರಾ ತರಾನಾ ಮೊಗಾನಾ ರತ್ನೊ ವ್ಹತ್ತಾ. ಪೈಲಾನೊ ಮುಲಾನೊ ದಗ್ಡೊ ವಜ್ರಾನೊ, ಬೆವಾ ವೈಢುರ‍್ಯಾ, ತನ್ವಾ ಪಚ್ಚೆ,
REV 21:20 ಚಾರವಾನು ಪದ್ಮರಾಗ ಪಾಂಚ಼ವಾ ಗೊಮೆದಿಕ, ಛೆವಾ ಮಾಣಿಕ್ಕಯ, ಕ್ಹಾತ್ವಾ ಪಿತರತ್ನ, ಆಟ್ವಾ ಬೆರುಲ್ಲ, ನೌವಾ ಪುಷ್ಯರಾಗ ದಕ್ಹವಾ ಗರುಡಪಚ್ಚೆ, ಗ್ಯಾರವಾ ಇಂದ್ರನಿಲ ವರಿ ಬಾರವಾ ನಿಲಸ್ಫಟಿಕ.
REV 21:21 ಬಾರಾ ಬಾಕ್ಲೊ ಬಾರಾ ಮುತ್ತೊ ಥಯಾತಾ. ಹರಿಯಕ್ಕ ಬಾಕಲ ಯಕೆಕ ಮುತ್ತ ಲಿಂಗತ ವ್ಹತ್ತಾ. ತೆ ಗಾಮ್ನಿ ಒಣಿಯೊ ಅರಕ್ಹಾ ಲಿಂಗತ ಶುದ್ಧ ವ್ಹತ್ತಿಯೊ ವರಿ ತೆ ಕ್ಹೊನಾಕ್ಹು ಕರಲ ರ‍್ಹೈ.
REV 21:22 ಮಿ ಗಾಮ್ಮಾ ಯಕ್ಕ ಆಲಯಬಿ ದೆಕ್ಯೊ ನೈ. ಕ್ಕಹಾರಾವೊಕ್ಹು ತಾಕತ ವರ ರ‍್ಹಯಲ ಕ್ಹುದಾ ಪ್ರಭು ವರಿ ವರಿ ಬಕ್ರಾನು ಬಚ್ಚು಼ ಥಯಲ ತೆ ಗಾಮ್ನು ಆಲಯ ಥಯಾಸ.
REV 21:23 ತೆ ಗಾಮಪರ ಸುರ‍್ಯೊ ರ‍್ಹೈನೆಕಾ ಚ಼ಂದಪ್ಪಾ ರ‍್ಹೈನೆಕಾ ಉಜಾಲು ದಿವಾ ವರಕ್ಹು ನ್ಹೊತು. ಕ್ಹುದಾನಿ ತಾಕತಜ಼ ತೆ ಗಾಮನೆ ಉಜಾಲು ದಿವಾಡ್ಯುತು. ಬಕ್ರಾನು ಬಚ್ಚು಼ ಥಯಲವಾಲೊ ತೆ ಗಾಮನೆ ಲೈಟ ಥಯೊಸ.
REV 21:24 ಬಕ್ರಾನು ಬಚ್ಚು಼ ಥಯಲವಾಲು ದಿವಾನಾ ಉಜಾಲಾಕ್ಹುಜ಼ ದುನಿಯಾಮಾ ರ‍್ಹಯಲ ಮನಕ್ಹೊ ಚಾ಼ಲಸ. ದುನಿಯಾಮಾ ರ‍್ಹಯಲ ರಾಜಾ಼ ತ್ಯುನಿ ಕ್ಹಾರಿ ಆಸ್ತಿ. ತೆ ಗಾಮನೆ ಲಾವಸ.
REV 21:25 ತೆ ಗಾಮನು ಬಾಕಲ ಕೆಳಾಮಾಜ಼ ಝಾಕಲ ರ‍್ಹತುನೈ. ಕಾಕದ್ಯಾಮ ತ್ಯಾ ರಾತ ಕವಾನುಜ಼ ನತ್ತಿ.
REV 21:26 ಜಾ಼ತೊನೆ ರ‍್ಹಯಲ ಮರ್ಯಾದಿ ವರಿ ವೈಭವ ತೆ ಗಾಮನೆ ಆವಸ.
REV 21:27 ಪರಿಶುದ್ಧ ನೈ ರ‍್ಹಯಲ ಗಾಮೊ ತೆ ಗಾಮ್ಮಾ ಆತುಜ಼಼ ನೈ. ಮರ್ಯಾದಿ ಕಾಡಾನಾ ಕಾಮೊ ಕರಾಲೊ ರ‍್ಹೈನೆಕಾ ಸುಳ್ಳ ಬೊಲಾಲೊ ರ‍್ಹೈನೆಕಾ ತೆ ಗಾಮ್ಮಾ ಕೆಳಾಮಾಜ಼ ಆತೊಜ಼ ನೈ. ಬಕ್ರಾನು ಬಚ್ಚು಼ ಥಯಲವಾಲೊ ಜಿವಭಾದ್ಯ ಪುಸ್ತಕಮಾ ಕಿನು ನಾಮ ಬರ್ದ್ಯೊಸ ತ್ಯುನೆ ಯಕ್ಕಜ಼ ತೆ ಗಾಮ್ಮಾ ಆ ಸಕಸ.
REV 22:1 ತೆಳಾಮಾ ದೆವದುತ ಜಿವ ಜಲನಿ ನದಿ ಮನೆ ದೆಕಾಡ್ಯೊ. ತೆ ನದಿ ಘನ್ನಿ ಮಿಂಚಾ಼ಡಿತಿ. ತೆ ನದಿ ಕ್ಹುದಾ ವರಿ ಬಕ್ರಾನಾ ಬಚ್ಚಾ಼ನಿ ಸಿಂಹಾಸನಕನಕಂತಿ ವೈನ,
REV 22:2 ತೆ ಗಾಮನಿ ಒಣಿನಾ ವಚ್ಮಾ ವೈನ ಆವಾಡಿತಿ. ತೆ ನದಿನಾ ಬೆ ಬಿ ದಂಡಿಯೊಪರ ಜ಼ಲನಾ ಝಾಡೊ ವ್ಹತ್ತಾ. ತೆ ಝಾಡೊ ಹರಿಯಕ್ಕ ಮ್ಹೈನಾಮಾ ಫಲ ದಿತು ವರಕ್ಹನಾ ಬಾರಾ ತರಾನಾ ಫಲ ದಿವಸ. ತೆ ಝಾಡನಾ ಪಾಲೊ ಜಾ಼ತವಾಲಾವೊನೆ ಅರಾಮ ಕರಸ.
REV 22:3 ಕ್ಹುದಾಕ್ಹು ಕ್ಹರಾಪ ಲಿದಲ ಕಯುಜ಼ ಗಾಮ ತೆ ಗಾಮ್ಮಾ ರ‍್ಹತು ನೈ. ಕ್ಹುದಾನು ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಸಿಂಹಾಸನ್ನ ತೆ ಗಾಮ್ಮಾ ರ‍್ಹವಸ. ಕ್ಹುದಾನಾ ಸೆವಕೊ ತ್ಯುನೊನೆ ಆರಾಧನಾ ಕರಸ.
REV 22:4 ತ್ಯುನೆ ತಿನು ಮ್ಹೊಡು ದೆಕಸ. ಕ್ಹುದಾನು ನಾಮ ತ್ಯುನಾ ಮಾತಾಪರ ಬರದಸ.
REV 22:5 ತ್ಯಾ ರಾತ ಕವಾನುಜ಼ ರ‍್ಹತು ನೈ. ಮನಕ್ಹೊನೆ ಲೈಟನು ಉಜಾಲು ರ‍್ಹೈನೆಕಾ ಸುರಯಾನು ಉಜಾಲು ಚಾ಼ಯೆ ಥಾತು ನೈ. ಪ್ರಭು ಥಯಲ ಕ್ಹುದಾಜ಼ ತ್ಯುನೊನೆ ಉಜಾಲು ದಿವಸ. ತ್ಯುನೆ ಹಮೆಶಾಬಿ ರಾಜಾ಼ವೊಲಿಂಗತ ರಾಜ಼ ಕರಸ.
REV 22:6 ತೆ ದೆವದುತ ಮನೆ, ‘ಎ ವಾಕ್ಯಾ ಕ್ಹರಿನಿಯೊ ವ್ಹೈ. ವರಿ ಬರೊಕ್ಹೊ ಕರಾನಿಯಯೊ ವ್ಹೈ. ಪ್ರವಾದಿಯೊನಿ ಆತ್ಮಾವೊನೆ ಪ್ರಭುಜ಼ ಕ್ಹುದಾ ಥಯೊಸ. ಭೆಗಿನೆಜ಼ ಥಾವಾನಿಯೊ ಸಂಗತಿಯೊನೆ ತಿನಾ ಸೆವಕೊನೆ ದೆಕಾಡಾನ ಹುತಿ ಕ್ಹುದಾ ತಿನಾ ದುತನೆ ಮೊಕಲ್ಯೊಸ.
REV 22:7 ಮಿಜ಼ ಯೊಹಾನ. ಮಿ ಎ ಕ್ಹಾರು ಐಕ್ಯೊ ವರಿ ದೆಕ್ಯೊ. ಮಿ ಎ ಕ್ಹಾರು
REV 22:8 ಐಕಿನ ದೆಕ್ತಾಮಾ, ಮಿ ದೆಕಾಡಲ ದೆವದುತ ಆರಾಧನಾ ಕರಾನಾ ಹುತಿ ತಿನಾ ಪಗೊಮಾ ಅಡ್ಡ ಪಾಡ್ಯೊ.
REV 22:9 ತೆನೈಸೊ ತೆ ದೆವದುತ ಮನೆ, ‘ಆರಾಧನಾ ಕರು ನಕೊ! ಮಿಬಿ ತಾರಾ ಲಿಂಗತಜ಼, ಎ ಪುಸ್ತಕಮಾ ರ‍್ಹಯಲ ವಾಕ್ಯಾನೆ ವಿಧೆಯಥಯಲ ಕ್ಹಾರಾ ಮನಕ್ಹೊ ಲಿಂಗತ ವರಿ ತಾರಾ ಭಾಯೊ ಥಯಲ ಪ್ರವಾದಿಯೊ ಲಿಂಗತ ಯಕ್ಕ ಸೆವಕ ಲಿಂಗತ ಮಿಬಿ ವ್ಹೈ. ತು ಕ್ಹುದಾನೆ ಅರಾಧನಾ ಕರು! ಕೈನ ಕದ್ಯೊ.
REV 22:10 ಪಾಚಲ್ತೊ ತೆ ದೆವದುತ ಮನೆ"ಎ ಪುಸ್ತಕಮಾ ರ‍್ಹಯಲ ಪ್ರವಾದನೆ ವಾಕ್ಯಾ ದಡೈನ ಮ್ಹೆಲು ನಕೊ. ಎ ಕ್ಹಾರು ಪುರಾ ಥಾವಾನು ದಿನ್ನ ನಜಿಕ ಆಯೊಸ.
REV 22:11 ತಪ್ಪ ಕರತೊ ರ‍್ಹಯಲವಾಲೊ ತಪ್ಪ ಕರತೊಜ಼ ರ‍್ಹವಾನೆ ಛೊಡಿಪಾಡ. ಕೆಟ್ಟ ರ‍್ಹಯಲವಾಲೊ ಕೆಟ್ಟ ಕರಾನೆಜ಼ ಛೊಡಿ ಪಾಡ. ಚೊ಼ಕು ಕರತೊ ರ‍್ಹಯಲವಾಲಾನೆ ಚೊ಼ಕು ಕರಾನೆ ಛೊಡಿಪಾಡ. ಪರಿಶುದ್ಧ ರ‍್ಹಯಲವಾಲೊ ಪರಿಶುದ್ಧ ರ‍್ಹೈನೆಕಾ" ಕೈನ ಕದ್ಯೊ.
REV 22:12 ‘ಐಕ ಮಿ ಭೆಗಿನೆಜ಼ ಔಸ! ಮಾರಾ ಕ್ಹಾತೆ ಪ್ರತಿ ಫಲ ಲೌಸ. ಹರಿ ಯಕ್ಕ ಮನಕ್ಹನೆ ತ್ಯುನೆ ಕರಲ ಕಾಮೊನಾ ತಕ್ಕ ಪ್ರತಿಫಲ ದ್ಯುಸ.
REV 22:13 ಮಿ ಆದಿ ಅಂತ್ಯ ಪೈಲಾನೊ ವರಿ ಲಾಸ್ಟ ಶುರು ವರಿ ಖಲಾಸ ವ್ಹೈ.
REV 22:14 ತ್ಯುನು ಮ್ಹೊಟು ಅಂಗ್ಡು ರ‍್ಹಯಲವಾಲಾ ಧ್ವಲಿದವಾಲಾ ಧನ್ಯ ವ್ಹೈ. ತ್ಯುನೆ ಜ಼ಲಮ ದಿವಾನು ಝಾಡನು ಫಲ ಖಾವಾನೆ ತ್ಯುನೊನೆ ಹಕ್ಕಕ ರ‍್ಹವಸ. ತ್ಯುನೆ ಬಾಕಲನಾ ಮುಕಾಂತರ ತೆ ಗಾಮ್ಮಾ ಜಾ಼ವಾಸ.
REV 22:15 ಗಾಮ್ನಾ ಭಾರಾ ಮನಕ್ಹೊನೆ ಭಟ್ಕಾವಾಲಾ ಛೆ. ಮಾಟಾ ಕರಾಲಾ ಛೆ, ಲೈಂಗಿಕ ಪಾಪೊ ಕರಾಲಾ ಮನಕ್ಹೊ ಛೆ, ಮನಕ್ಹೊನೆ ಖಲಾಸ ಕರಾಲಾ ಛೆ, ಮೊರತಿಯೊನೆ ಆರಾಧನಾ ಕರಾಲಾ ಮನಕ್ಹೊಬಿ ಛೆ ವರಿ ಸುಳ್ಳನೆ ಮಯಾ ಕರಾಲಾ ವರಿ ಕವಾಲಾ ಮನಕ್ಹೊ ಛೆ.
REV 22:16 ‘ಯೆಸು ಕವಾಲೊ ಮಿಜ಼, ಮಾರಿ ಸಭೆನೆ ಉಪಯೊಗ ಥಾವಾನು ಎ ಸಂಗತಿಯಯೊನಾ ಹುತಿ ಸಾಕ್ಷಿ ಕವಾನಾ ಹುತಿ ಮಾರಾ ದುತನೆ ಮೊಕಲ್ಯೊ. ದಾವಿದನಾ ಘರ್ದಾನಾಮಾ ಹುಟ್ಟಲವಾಲೊ ಉಜಾಲು ಥೈನ ರ‍್ಹಯೊಸ"
REV 22:17 ಪವಿತ್ರ ಆತ್ಮಾ ಹಿವಾನಿ ನೌರಿ"ಆ" ಕವಸ ಎ ಐಕಾಲೊ ಹರಿ ಯಕ್ಕ ಮನಕ್ಹ"ಆ" ಕೈನ ಕೌ. ತರಕ್ಹ ಲಾಗಲವಾಲೊ ಮಕನ ಆವಾದೆ; ತಿನೆ ಮನಸ ರ‍್ಹಯುಮ ಜಿವಜಲ ಪುಶಕ್ಕಯಾಟಿಲಿವಾದೆ.
REV 22:18 ಎ ಪುಸ್ತಕಮಾ ರ‍್ಹಯಲ ಪ್ರವಾದನನೆನಿ ವಾಕ್ಯಾ ಐಕಲ ಹರಿ ಯಕ್ಲಾನೆ ಮಿ ಹುಷಾರಕಿ ಕೌಸ; ಎ ವಾಕ್ಯಾನೆ ಕುನಬಿ ಸುಬಿ ಮಳೈಯುಮ, ಕ್ಹುದಾ ಎ ಪುಸ್ತಕಮಾ ಬರ್ದಲ ತ್ರಾಸೊ ತಿನೆ ದ್ಯುಸ.
REV 22:19 ಪ್ರವಾದನೆ ಪುಸ್ತಕಮಾನು ಕುನಬಿ ಕುನಬಿ ಸುಬಿ ಕಾಡ್ಯಾಮ, ಕ್ಹುದಾ ಪುಸ್ತಕಮಾ ಬರ್ದಲ ಪವಿತ್ರ ಗಾಮ್ಮಾ ವರಿ ಜ಼ಲಮನು ಝಾಡಮಾ ರ‍್ಹಯಲ ತ್ಯುನೊನೆ ರ‍್ಹಯಲ ವಾಟೊ ಕಾಡಿ ಪಾಡಸ.
REV 22:20 ಎ ಕ್ಹಾರುಜ಼ ಕ್ಹರಿ ವ್ಹೈ ಕೈ ಕವಾಲೊ ಯೆಸುಜ಼ ವ್ಹೈ" ಹೊ "ಮಿ ಭೆಗಿನಜ಼ ಔಸ" ಕೈನ ಕವಸ. ಆಮೆನ! ಪ್ರಭು ಯೆಸು, ಆ!
REV 22:21 ಪ್ರಭು ಯೆಸುನಿ ಮರಗಾ ಕ್ಹಾರಾ ಮನಕ್ಹೊನೆ ರ‍್ಹವಾದೆ.
