﻿Lulanga lwa.
128.
Lwimbo lwa kusôka. Iragi lyâwe we rhînya Nyakasane, we shimba enjira zâge. 
By’omu maboko gâwe wâlye obone iragi onasîme. 
Mukâwe kwo ali nka muzâbîbu guyâna bwenêne omu mwâwe. Abâna bâwe kwo bali nka mirhô ya muzêti, bazungulusire ecîbo omu bululi bwâwe. 
Kwo agishwa ntyo, omuntu orhînya Nnâmahanga. 
Nyakasane akugishe kurheng’e Siyoni, ensiku zoshi z’obuzîne bwâwe. 
Obone oku Yeruzalemu agandâza, obone abâna b’abâna bâwe. Omurhûla gubè omu Israheli! 
