﻿Lulanga lwa.
125.
Lwimbo lwa kusôka. Abacîkubagira Nyakasane kwo bali ak’entondo ya Siyoni, yo erhahuligana enahabà ensiku n’amango. 
Kula Yeruzalemu entondo zimugosire, kwo na Nyamuzinda agosire olubaga lwâge buno n’ensiku zoshi. 
Nanga ntà mango akarhi k’endyâlya kwânahume oku mwanya gw’abashinganyanya. Abashinganyanya bakanalambûla okuboko kwâbo mpu bajiremw’okubî. 
Nyamwagirwa abinja obajirire ebinja, n’ab’omurhima gushingânîne kwo n’okwo. 
Abagera omu njira zikubire bôhe, Nyakasane abalibirhekwo, abageze omu njira nguma n’ababî. Omurhûla muli Israheli! 
