﻿Zaburey.
133.
Woo ti žigiyanoo dooni kaŋ Dawda nʼa don. Nga ne, a ga boori, a ga hennay armayaŋ ma waafaku ka goro cere bande! 
A ga hima nda jii henna kaŋ doo boŋoo boŋ ka zunbu kaaboo ga, Haruna kaaboo ga, ka zunbu nga bankaarawey miɲey ga. 
A ga hima nda Hermoŋ tondi hondoo harandaŋoo kaŋ ga zunbu Siyoŋ tondi hondey boŋ, zama no din no Abadantaa na nga albarkaa noo, ka hunari noo hala abada. 
