﻿Zaburey.
130.
Woo ti žigiyanoo dooni foo. Ay goo guusu beeriyaŋ ra kaŋ ay ga ni cee, Abadantaa. 
Abadantaa, haŋajer ay jindoo se! Yala ma haŋajer ay suurandiyaney se. 
Abadantaa, nda a gar ni mmʼir laybey guna, ay Koyoo, may no ma hin ka kay ni jine? 
Amma ni do yaafayan ga duwandi hala borey ma hunbur ni. 
Ay ga naata Abadantaa ra, ay hundoo ga naata, ay ga naata nga meešennoo ga. 
Ay hundoo gʼay Koyoo batu ka bisa takaa kaŋ nda koyraa lakkalkey ga subbaahoo kaayanoo batu, koyraa lakkalkey ga subbaahoo kaayanoo batu. 
Izirayel, ma Abadantaa batu! Zama borohennataray si duwandi kala Abadantaa do, de mo feeriyan beeri goo a do. 
Nga no ma Izirayel feeri ka hun nga laybey kul ra. 
