﻿1 Timoteu.
2.
Tsã fac rigeai nãinti di tuti, si s-facã spigiurari, rugãciunji, interviniri sh-hãristisiri trã tuts oaminjilji, 
trã amiradzlji sh-trã tuts atselji cai suntu tu puteari, tra s-putem s-tritsem unã banã arihãtipsitã sh-tu pace cu itsi dumnidzãsiri sh-tinjii. 
Aestã easti bunã sh-arisitã nãintea al Dumnidzãu, Ascãpãtorlu a nostru. 
Elu va tsi tuts oamnjilji si ascapã shi s-agiungã la cunushtearea a alihiljei. 
Un easti Dumnidzãlu, sh-un singur easti misitlu ntrã Dumnidzãlu sh-oamnjilji: Hristolu Isus om, 
tsi deadi bana ca arãscumpãrari trã tuts, ca mãrtirii tu chirolu tsi prindi. 
Trã atsea mini mi bãgarã predicãtor sh-apostul – dzãc alihea, nu arãd – nvitsãtor la pãngãnjilji tu pisti sh-tu alihea. 
Voi, tsi bãrbatslji s-pãrãcãlsescã iutsido, sculãnda mãnjili atseali curati, fãra nãriri sh-fãrã ngrãnji. 
Tutashã, voi tsi sh-muljerili si nveascã cu simplitati, cu tãpinii sh-cu tinjii, sh-nu cu cusitsi sh-cu furii, cu mãrgãritãri sh-cu stranji scumpi, 
ma cu fapti buni, cum lã-au hari a muljerilor tsi suntu spigiurati la Dumnidzãu. 
Muljearea s-nveatsã tu tãtseari, sh-cu sumbãgari trã tuti. 
Mini nu u alasã muljearea tsi s-nveatsã, sh-nitsi s-aibã autoritati pristi bãrbatlu, ma si sta tãcutã. 
Cã ma nãinti s-featsi Adamlu, sh-deapoea Eva. 
Sh-nu s-arãsi Adamlu, ma muljearea s-arãsi sh-cãdzu tu amãrtii. 
Cu tutã atsea ea va si-ascapã prit amintarea a cilimenjilor, macã ea va armãnã tu pisti, tu vreari sh-tu sãmtãtsiri cu tãpinii. 
