﻿Zabbu̱li̱.
137.
Ha migira mya Bbabbu̱looni̱, twecali̱i̱ri̱ hansi twalira, b̯u̱twezu̱ki̱ri̱ Sayu̱u̱ni̱. 
Ha misaali myayo, hooho twabbani̱ki̱ri̱ ndi̱ngi̱di̱ zeetu̱. 
Kubba banyagi̱ banyakututwala mu b̯unyagwa baatu̱weereeri̱ ku̱hi̱i̱ma, baturagira ku̱bahi̱i̱mi̱ra byembu byabaha kusemererwa, bakoba yati, “Mu̱tu̱hi̱i̱mi̱re ki̱mwei̱ ha byembu bya Sayu̱u̱ni̱!” 
Tu̱hi̱i̱ma teetei̱ kyembu kya Mukama mu nsi gitali gyetu̱? 
B̯undikwebeera, ai̱ Yeru̱salemu̱, mukono gwange gwab̯udyo gwalimalanga! 
Lulimi lwange lwalemerenga ha b̯unkudankuda, b̯u̱ntali̱kwi̱zu̱ka, b̯u̱ntali̱si̱i̱ma Yeru̱salemu̱ na kusemererwa kukukiirayo ki̱mwei̱! 
Ai̱ Mukama, i̱zu̱ka bantu bʼEdomu̱ ha kiro kya Yeru̱salemu̱ gyanyagi̱i̱rwe, nka kubalu̱kengi̱ nibakoba, “Bbotola, Bbotola, bbotolera ki̱mwei̱ ku̱doosya ha mu̱si̱nge!” 
Ai̱ Bbabbu̱looni̱, oli̱zi̱ka ye! Kayeesi̱i̱mi̱ri̱ yogwo alikusasula kwijanjana na ki̱kyo ki̱watu̱koori̱! 
Kayeesi̱i̱mi̱ri̱ alitwala nkerembe zaamu akazikenya ha lubbaali! 
