﻿Zabbu̱li̱.
121.
Kyembu kya kutemba hakyendi̱. Mei̱so gange gali̱ngi̱ri̱i̱ri̱ ha lusahu. Kujunwa kwange kuruga hanya? 
Kujunwa kwange kuruga hali Mukama, munyakuhanga iguru na nsi. 
Talikuleka ku̱gwa, yogwo akulinda tahongera. 
Mu mananu, yogwo alinda I̱saleeri̱ tahongera kandi tiyeebbaka. 
Mukama yooyo akulinda, Mukama yooyo mu̱tu̱ntu̱lu̱ ha mukono gwamu gwab̯udyo. 
Lyoba tilili kuhutaaza mwinsi kadi gubbe mweri̱ i̱jolo. 
Mukama yaakulindanga hali bibiibi byensei̱ yaalinda b̯womi b̯wamu. 
Mukama yaalindanga magyendere gaamu na mei̱ri̱re gaamu, kuruga hataati̱ na biro byensei̱. 
