MAR 16:2 Jandi-jih giyi muddah dordorh miny noenda dingk gappul barra many noenda durrun-kah. Noenda Jisas durra yuweny. Dingk gurlburr barra many, Mari Megdilin majih Selomi majih Mari da ngalanawoe Jeims.
MAR 16:3 Barra many barra yininy gappul, “Ma biyanah gayi dederah ngarlward karlina guwah ngarra warlkah noenda durrunah? Kayih karlina yarroe.” Barrbbuh barr naning noenda durrunah wila durhminy.
MAR 16:5 Noenda dingk-gappul barr walkminy yarrakun durrna-kah, bundaja barra naniny wirrinymal niyininy bayukka bardah barhyi kiyang-kiyang nuhl danginy. Noenda dingk-gappul barra kuwanwi-miny.
MAR 16:6 “Mulak narra kuwanwiman.” Barran-bak yininy. “Narra rij Jisas durra nawoekan noenda bih Nesareth-wala birrih buwa borlah-kah. Wangarr barr ngeh kabba ka warna durra. Mulak bakahn ka nura. Da nan bakkahn barr durra borddoh-miny, mulak bakkahn ka durra duru mahkurn.”
LUK 2:6 Jojib majih Meri mulak barra yappa bulugaba jœrnœ Bethlahem-kah kuwala barr niyanakan, walang barra yappa yuwiny bœndaja reh-jam wenyjih meh barr ngunu-nguninyjah. Barrbuh Meri bahr bohlminy kiyih dakku borddohkan. Nihdanda Meri dakku borddohminy bœndajah barrbuh barr yalu diyirrijmœrn, nulyinda, nattœh ngalan-ngong birri diyirrij munguy mijindakan. Nihdanda Meri ngarrkœna dakku bordohminy yarrakun bokjam kiyi ruhmakan nœnda wenyji reh birrih ngunu-nguninywala.
LUK 2:8 Kurnmukjih, kulupuy rorroboh-kah bih barr nirri-niddœny shiip-ngong.
LUK 2:9 Warrka, eynyjul Wangarr-wala duhrminy barrœ, danguny kaniny barrœ nœnda bahrminy Wangarr-wala barran bahrkabba barr guwanwiminy jininy.
LUK 2:10 Nœnda eynyjul yininy, “Mulak narra kuwanwiman. Nga niddœh danguny wurlah nokorrœh majih bih-kan warlaman.
LUK 2:11 Dawunda dingk wangkiny dakku bordohmœrn bœndaja nattœ dawal Bethlahem-ka bœnda wenyji David yarrardminy wala. Narra rah bœndaja narra nana. Yalu-yinda ka yuwa yarrakun. Walang narra minyjibuna nan danguny ka jœrnkoeyih. Nihdanda wanginy kayih durra marninyah nokorrœh. Nihddah Krais nœndamah Wangarr ngiddiyanginy bak juyminy nokorrœ. Nikkahrnœ kayih jarra karlina.”
