﻿ⵎⵉⵅⴰ.
4.
“ⴷⴻⴳ ⵓⵏⴻⴳⴳⴰⵔ ⵏ ⵡⵓⵙⵙⴰⵏ ⴰⴷ ⵉⵎⵙⴰⵔ, ⴰⵇⴰ ⴰⴷⵔⴰⵔ ⵏ ⵜⴰⴷⴷⴰⵔⵜ ⵏ ⵙⵉⴷⵉ ⴰⴷ ⵉⴱⴻⴷⴷ ⵉⵎⵜⴻⵏ ⵅ ⵜⵇⵉⵛⵛⴻⵜ ⵏ ⵉⴷⵓⵔⴰⵔ. ⴰⴷ ⵢⵉⵍⵉ ⵢⵓⵄⵍⴰ ⵅ ⵜⴻⵡⵔⵉⵔⵉⵏ, ⵓⵛⴰ ⵍⴻⴳⵏⵓⵙ ⴰⴷ ⵖⴰⵔⴻⵙ ⴷⴷ-ⴰⵣⵣⵍⴻⵏ. 
ⴰⵟⵟⴰⵙ ⵏ ⵍⴻⴳⵏⵓⵙ ⴰⴷ ⴳⴻⵄⵄⴷⴻⵏ, ⴰⴷ ⵉⵏⵉⵏ: “ⵊⵊⴻⵎ ⴰⵏⴻⵖ ⴰⴷ ⵏⴳⴻⵄⵄⴻⴷ ⵖⴰⵔ ⵡⴻⴷⵔⴰⵔ ⵏ ⵙⵉⴷⵉ ⵓ ⵖⴰⵔ ⵜⴰⴷⴷⴰⵔⵜ ⵏ ⴰⵔⴻⴱⴱⵉ ⵏ ⵢⴰⵄⵇⵓⴱ, ⵃⵉⵎⴰ ⴰⴷ ⴰⵏⴻⵖ ⵉⵙⵙⴻⵍⵎⴻⴷ ⵣⴻⴳ ⵉⴱⵔⵉⴷⴻⵏ ⵏⵏⴻⵙ, ⴰⴷ ⵏⵓⵢⵓⵔ ⵏⴻⵛⵛⵉⵏ ⴷⴻⴳ ⵉⵎⴻⵙⵔⴰⵇ ⵏⵏⴻⵙ, ⵎⵉⵏⵣⵉ ⵣⵉ ⵚⵉⵀⵢⵓⵏ ⴰⴷ ⴷⴷ-ⵜⴻⴼⴼⴻⵖ ⵛⵛⴰⵔⵉⵄⴰ ⵓ ⴰⵡⴰⵍ ⵏ ⵙⵉⴷⵉ ⵣⵉ ⵓⵔⵛⴰⵍⵉⵎ. 
ⵏⴻⵜⵜⴰ ⴰⴷ ⵉⵛⴰⵔⵔⴻⵄ ⵊⴰⵔ ⵍⴻⴳⵏⵓⵙ ⵉⵎⵖⴰⵔⴻⵏ ⵓ ⴰⴷ ⵉⵙⴻⴳⴳⴻⵎ ⵍⴻⴳⵏⵓⵙ ⵏⵏⵉ ⵖⴰⵔ ⵉⴵⴰ ⵜⵉⵣⴻⵎⵎⴰⵔ ⵜⵉⵎⴻⵇⵇⵔⴰⵏⵉⵏ, ⵄⴰⴷ ⵓⵍⴰ ⴷ ⵍⴻⴳⵏⵓⵙ ⵉⴳⴳⵯⴻⵊⴻⵏ. ⵏⵉⵜⵏⵉ ⴰⴷ ⴳⴳⴻⵏ ⵍⴻⵙⵢⵓⴼ ⵏⵙⴻⵏ ⴷ ⴷⴷⵓⵣⴰⵏ ⵓ ⴼⵍⵉⵜⵛⴰⵜ ⵏⵙⴻⵏ ⴷ ⵍⴻⵎⵡⴰⵙ ⵏ ⵡⴻⵣⴱⴰⵔ. ⵡⴰⵔ ⵉⵙⵙⴳⵉⵄⵄⵉⴷ ⵓⵍⴰ ⴷ ⵉⵊⵊ ⵏ ⵍⴳⴻⵏⵙ ⵄⴰⴷ ⵙⵙⵉⴼ ⵅ ⵡⴻⵏⵏⴻⵖⵏⵉ, ⵓ ⵏⵉⵜⵏⵉ ⵡⴰⵔ ⵍⴻⵎⵎⴷⴻⵏ ⵄⴰⴷ ⴰⵎⴻⵏⵖⵉ. 
ⵏⵉⵜⵏⵉ ⴰⴷ ⵇⵇⵉⵎⴻⵏ, ⴽⵓⵍ ⵉⵊⵊ ⵙⴰⴷⵓ ⵜⵣⴰⵢⴰⵔⵜ ⵏⵏⴻⵙ ⵓ ⵙⴰⴷⵓ ⵡⴰⵔⵜⵓ ⵏ ⵜⴰⵣⴰⵔⵜ ⵏⵏⴻⵙ, ⵓⵛⴰ ⵓⵍⴰ ⴷ ⵉⵊⵊⴻⵏ ⴰⴷ ⵜⴻⵏ ⵉⵙⵙⵏⴻⵅⵍⴻⵄ, ⵎⴰⵖⴰⵔ ⴰⵇⴻⵎⵎⵓⵎ ⵏ ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⴰⵇⴰ ⵉⵏⵏⴰ ⵜ.” 
“ⵎⵉⵏⵣⵉ ⵎⴰⵔⵔⴰ ⵍⴻⴳⵏⵓⵙ ⴰⴷ ⵓⵢⵓⵔⴻⵏ, ⴽⵓⵍ ⵉⵊⵊ ⵣⵣⴰⵢⵙⴻⵏ ⴷⴻⴳ ⵢⵉⵙⴻⵎ ⵏ ⴰⵔⴻⴱⴱⵉ ⵏⵏⴻⵙ, ⵎⴰⵛⴰ ⵏⴻⵛⵛⵉⵏ ⴰⴷ ⵏⵓⵢⵓⵔ ⴷⴻⴳ ⵢⵉⵙⴻⵎ ⵏ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ, ⵉ ⵍⴻⴱⴷⴰ ⵇⴰⵄ.” 
“ⴷⴻⴳ ⵡⴰⵙⵙ ⵏⵏⵉ, ⵉⵇⵇⴰⵔ ⵙⵉⴷⵉ, ⵏⴻⵛⵛ ⴰⴷ ⵢⴰⵔⵡⴻⵖ ⵎⵉⵏ ⵉⵇⴻⵊⴷⵃⴻⵏ, ⵓ ⴰⴷ ⵖⴰⵔⵉ ⵙⵙⵎⵓⵏⴻⵖ ⵎⵉⵏ ⵅ ⵓⵣⵣⵍⴻⵏ, ⵓ ⵡⵉ ⴷⵉ ⴳⴳⵉⵖ ⵏⴻⵛⵛ ⵍⵖⴰⵔ. 
ⵎⵉⵏ ⵉⵇⴻⵊⴷⵃⴻⵏ ⴰⴷ ⵜ ⴳⴳⴻⵖ ⴷ ⵍⴱⴰⵇⵉ, ⵓⵍⴰ ⵎⵉⵏ ⵉⵜⵜⵡⴰⵄⴰⵔⵔⵏⴻⵏ ⵖⴰⵔ ⵍⴰⴳⴳⵯⴰⵊ, ⴰⴷ ⵜ ⴳⴳⴻⵖ ⴷ ⵉⵊⵊ ⵏ ⵍⴳⴻⵏⵙ ⵙ ⵜⵣⴻⵎⵎⴰⵔ ⴷ ⵜⴰⵎⴻⵇⵇⵔⴰⵏⵜ, ⵓⵛⴰ ⵙⵉⴷⵉ ⴰⴷ ⵅⴰⵙⴻⵏ ⵢⵉⵍⵉ ⴷ ⴰⵊⴻⴵⵉⴷ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ, ⵣⵉ ⵍⴻⵅⵅⵓ ⴰⵍ ⵍⴻⴱⴷⴰ. 
ⵉ ⵛⴻⵎ, ⵎⵉⴳⴷⴰⵍ-ⵄⵉⴷⵔ, ⴰ ⵛⴻⵎ, ⵜⴰⵡⵔⵉⵔⵜ ⵏ ⵢⴻⴵⵉⵙ ⵏ ⵚⵉⵀⵢⵓⵏ! ⴰⴷ ⵖⴰⵔⴻⵎ ⴷⴷ-ⵜⴰⵙ, ⵡⴰⵀ, ⴰⴷ ⵖⴰⵔⴻⵎ ⴷⴷ-ⵜⴰⵙ ⵍⴻⵃⴽⴰⵎⴻⵜ ⵜⴻⵏⵏⵉ ⵉ ⵜⵓⵖⴰ ⵉⴵⴰⵏ ⴷⴻⴳ ⵓⵎⴻⵣⵡⴰⵔⵓ, ⵜⴰⴳⴻⵍⴷⵉⵜ ⵏ ⵢⴻⴵⵉⵙ ⵏ ⵓⵔⵛⴰⵍⵉⵎ.” 
“ⵍⴻⵅⵅⵓ ⵎⴰⵛⴰ, ⵎⴰⵢⴻⵎⵎⵉ ⵜⴻⵙⵖⵓⵢⵢⵓⴷ ⴰⵎⵎⵓ ⵙ ⵊⵊⴻⵀⴷ? ⵎⴰ ⵡⴰⵔ ⵖⴰⵔⴻⵎ ⵉⴵⵉ ⵓⵊⴻⴵⵉⴷ? ⵎⴰ ⵉⵜⵜⵡⴰⵀⴻⵍⵍⴻⴽ ⵓⵎⵛⴰⵡⴰⵔ ⵏⵏⴻⵎ, ⴰⵇⴰ ⵉⵟⵟⴻⴼ ⵉ ⵛⴻⵎ ⵍⴻⵃⵔⵉⵇ ⴰⵎ ⵏ ⵢⵉⵛⵜ ⵏ ⵜⴻⵎⵖⴰⵔⵜ ⵉⵜⵜⴰⵔⵡⴻⵏ? 
ⵖⵏⴻⵙ ⵓ ⵜⵄⴻⴱⴱⵣⴻⴷ, ⴰ ⵛⴻⵎ, ⵢⴻⴵⵉⵙ ⵏ ⵚⵉⵀⵢⵓⵏ, ⴰⵎ ⵉⵛⵜ ⵏ ⵜⴻⵎⵖⴰⵔⵜ ⵉⵜⵜⴰⵔⵡⴻⵏ. ⵎⴰⵖⴰⵔ ⵡⴰⵅⵅⴰ ⵍⴻⵅⵅⵓ ⴰⴷ ⵜⴻⴼⴼⵖⴻⴷ ⵣⵉ ⵜⴻⵏⴷⵉⵏⵜ, ⴰⴷ ⵜⵣⴻⴷⵖⴻⴷ ⴷⴻⴳ ⵉⵢⵢⴰⵔ, ⵓⵛⴰ ⴰⴷ ⴷⴷ-ⵜⴰⵙⴻⴷ ⴰⵍ ⴱⴰⴱⵉⵍ. ⵎⴰⵛⴰ ⴷⵉⵏ ⴰⴷ ⵜⵏⴻⵊⵎⴻⴷ, ⴷⵉⵏⵏⵉ ⴰⴷ ⵛⴻⵎ ⵉⴼⴻⴽⴽ ⵙⵉⴷⵉ ⵣⴻⴳ ⵓⴼⵓⵙ ⵏ ⵍⵄⴻⴷⵢⴰⵏ ⵏⵏⴻⵎ.” 
ⵍⴻⵅⵅⵓ ⵎⴰⵛⴰ ⵎⵓⵏⴻⵏ ⵅⴰⴽ ⴰⵟⵟⴰⵙ ⵏ ⵍⴻⴳⵏⵓⵙ. ⵏⵉⵜⵏⵉ ⵇⵇⴰⵔⴻⵏ: ‘ⵏⴻⵜⵜⴰⵜ ⴰⴷ ⵜᵉⵜⵜⵡⴰⵄⴰⵔⵔⴰ!’ ⵜⵉⵟⵟⴰⵡⵉⵏ ⵏⵏⴻⵖ ⴰⴷ ⵥⴰⵔⴻⵏⵜ ⵚⵉⵀⵢⵓⵏ. 
ⵏⵉⵜⵏⵉ ⵡⴰⵔ ⵙⵙⵉⵏⴻⵏ ⵉⵏⵡⴰⵢⴻⵏ ⵏ ⵙⵉⴷⵉ, ⵓ ⵡⴰⵔ ⴼⴻⵀⵀⵎⴻⵏ ⵛⴰ ⵛⵛⵡⴰⵔ ⵏⵏⴻⵙ! ⵎⴰⵖⴰⵔ ⵏⴻⵜⵜⴰ ⵉⴽⵙⵉ ⵜⴻⵏ ⵖⴰⵔⴻⵙ ⴰⵎ ⵜⵇⴻⴱⴱⵉⴹⵉⵏ ⵏ ⵉⵎⴻⵏⴷⵉ ⴷⴻⴳ ⵓⵏⴻⴷⵔⴰⵔ.” 
“ⴽⴽⴰⵔ, ⵜⴻⵙⵙⴰⵔⴻⵡⵜⴻⴷ, ⴰ ⵛⴻⵎ, ⵢⴻⴵⵉⵙ ⵏ ⵚⵉⵀⵢⵓⵏ, ⵎⴰⵖⴰⵔ ⵏⴻⵛⵛ ⴰⴷ ⴰⵔⵔⴻⵖ ⵢⵉⵛⵛ ⵏⵏⴻⵎ ⴷ ⵓⵣⵣⴰⵍ, ⵓ ⴰⴷ ⴰⵎ ⴳⴳⴻⵖ ⵜⵉⵛⴻⴹⵢⵉⵏ ⵏⵏⴻⵎ ⵣⵉ ⵏⵏⵃⴰⵙ, ⵓ ⵛⴻⵎ ⴰⴷ ⵜⵍⴻⴱⵣⴻⴷ ⴰⵟⵟⴰⵙ ⵏ ⵍⴻⴳⵏⵓⵙ ⵓ ⵏⴻⵛⵛ ⴰⴷ ⵃⴰⵔⵔⵎⴻⵖ ⵜⴰⴽⴻⵛⵛⴰⴹⵜ ⵏⵙⴻⵏ ⵎⴰⵔⵔⴰ ⵉ ⵙⵉⴷⵉ, ⵓⵍⴰ ⴷ ⴰⴳⵍⴰ ⵏⵙⴻⵏ ⵉ ⵙⵉⴷⵉ ⵏ ⵎⴰⵔⵔⴰ ⵜⴰⵎⵎⵓⵔⵜ. 
ⵅⴻⵏⵏⵉ ⵍⴻⵅⵅⵓ, ⵍⴻⵃⵎⴻⵎ ⵉⵊⵊⴻⵏ ⵖⴰⵔ ⵡⴻⵏⵏⴻⵖⵏⵉ, ⴰ ⵛⴻⵎ ⵢⴻⴵⵉⵙ ⵏ ⵉⵛⵜ ⵏ ⴱⴰⵏⴷⵉⵢⵢⴰ ⵏ ⵉⵅⴻⵡⵡⴰⵏⴻⵏ! ⵏⴻⵜⵜⴰ ⵉⵃⴻⵚⵚⴰⵔ ⴰⵏⴻⵖ. ⵏⵉⵜⵏⵉ ⴰⴷ ⵛⵛⴰⵜⴻⵏ ⵍⵇⴰⴹⵉ ⵏ ⵉⵙⵔⴰⵉⵍ ⵅ ⵓⵇⴰⴱⵙⵉ ⵙ ⵉⵊⵊ ⵏ ⵡⴻⵄⵎⵓⴷ.” 
