﻿ⵉⵥⴻⵀⵀⵉⴷⴻⵏ.
150.
ⵀⴰⵍⵍⵉⵍⵓ-ⵢⴰⵀ, ⵚⴻⴱⴱⵃⴻⵎ ⴰⵔⴻⴱⴱⵉ ⴷⵉ ⵣⵣⴰⵡⴻⵛⵜ ⵏⵏⴻⵙ ⵉⵇⴻⴷⴷⵙⴻⵏ, ⵚⴻⴱⴱⵃⴻⵎ ⵜ ⴷⵉ ⵍⴽⵓⴱⴱⴻⵜ ⵏ ⵊⵊⴻⵀⴷ ⵏⵏⴻⵙ! 
ⵚⴻⴱⴱⵃⴻⵎ ⵜ ⵅ ⵜⵎⴻⴳⴳⴰ ⵏⵏⴻⵙ ⵜⵉⵎⴻⵇⵇⵔⴰⵏⵉⵏ, ⵚⴻⴱⴱⵃⴻⵎ ⵜ ⵅ ⵍⴻⵎⵖⴰⵔⴻⵜ ⵏⵏⴻⵙ ⵜⴰⵎⴻⵇⵇⵔⴰⵏⵜ! 
ⵚⴻⴱⴱⵃⴻⵎ ⵙ ⵜⵎⵉⵊⵊⴰ ⵏ ⵓⵙⵓⴹⵉ ⴷⴻⴳ ⵓⵢⵉⵛⵛ ⵏ ⵉⵛⴰⵔⵔⵉ, ⵚⴻⴱⴱⵃⴻⵎ ⵙ ⵍⵀⴰⵔⴱⴰ ⴷ ⵍⴳⴰⵎⴱⵔⵉ! 
ⵚⴻⴱⴱⵃⴻⵎ ⵜ ⵙ ⵓⴱⴻⵏⴷⵉⵔ ⴷ ⵛⵛⴹⵉⵃ ⵙ ⵏⵏⵓⴱⵜⴰⵜ, ⵚⴻⴱⴱⵃⴻⵎ ⵜ ⵙ ⵜⵉⵔⴰⵔⵜ ⵏ ⵉⴼⵉⵍⴰⵏ ⴷ ⵜⴻⵎⵊⴰ! 
ⵚⴻⴱⴱⵃⴻⵎ ⴰⵙ ⵙ ⵍⵃⴻⵙⵙ ⵉⴼⵙⵓⵙⴻⵏ ⵏ ⵜⴻⴵⵓⵏⵉⵏ ⵏ ⵡⵓⵣⵣⴰⵍ, ⵚⴻⴱⴱⵃⴻⵎ ⴰⵙ ⵙ ⵍⵃⴻⵙⵙ ⵢⵓⵄⵍⴰⵏ ⵏ ⵜⴻⴵⵓⵏⵉⵏ ⵏ ⵡⵓⵣⵣⴰⵍ! 
ⵎⴰⵔⵔⴰ ⵎⵉⵏ ⵉⵜⵜⴰⵔⵔⴰⵏ ⵏⵏⴻⴼⵙ, ⵚⴻⴱⴱⴻⵃ ⵉ ⵙⵉⴷⵉ. ⵀⴰⵍⵍⵉⵍⵓ-ⵢⴰⵀ! 
