﻿ⵉⵥⴻⵀⵀⵉⴷⴻⵏ.
126.
ⵉⵣⵍⵉ ⵏ ⵓⴳⴻⵄⵄⴻⴷ. ⵓⵎⵉ ⵉⵙⵙⴻⵄⵇⴻⴱ ⵙⵉⴷⵉ ⵉⵏⵏⵉ ⴷⴷ-ⵉⴷⴻⵡⵍⴻⵏ ⵖⴰⵔ ⵚⵉⵀⵢⵓⵏ, ⵜⵓⵖⴰ ⴰⵏⴻⵖ ⴰⵅⵎⵉ ⵢⵉⵏⵏⵉ ⵉⵜⵜⵓⵔⵊⴰⵏ. 
ⵜⵓⵖⴰ ⴰⵇⴻⵎⵎⵓⵏ ⵏⵏⴻⵖ ⵉⵛⵛⵓⵔ ⵙ ⵜⴹⴻⵃⵃⴰⵛⵜ, ⵉⵍⴻⵙ ⵏⵏⴻⵖ ⵉⵛⵛⵓⵔ ⵙ ⵓⵙⵍⵉⵡⵍⴻⵡ. ⵏⵏⴰⵏ ⵊⴰⵔ ⵍⴻⴳⵏⵓⵙ: ‘ⵙⵉⴷⵉ ⵉⴳⴳⴰ ⴷⴰⵢⵙⴻⵏ ⵜⵉⵎⴻⵙⵍⴰⵢⵉⵏ ⵜⵉⵎⴻⵇⵇⵔⴰⵏⵉⵏ!’ 
ⵙⵉⴷⵉ ⵉⴳⴳⴰ ⴷⴰⵢⵏⴻⵖ ⵜⵉⵎⴻⵙⵍⴰⵢⵉⵏ ⵜⵉⵎⴻⵇⵇⵔⴰⵏⵉⵏ, ⴰⵇⴰ ⵏⴻⵛⵛⵉⵏ ⵏⴼⴰⵔⵃ ⵣⵣⴰⵢⴻⵙ. 
ⴰ ⵙⵉⴷⵉ, ⵇⴻⴵⴻⴱ ⵜⴰⵎⴻⵃⴱⴰⵙⵜ ⵏⵏⴻⵖ, ⴰⵎ ⵎⴰⵎⵎⴻⵛ ⵜⵜⵇⴻⴵⴱⴻⵏⵜ ⵜⵉⵖⴻⵣⵔⴰⵜⵉⵏ ⵜⴰⵎⵎⵓⵔⵜ ⵏ ⵍⵊⴰⵏⵓⴱ. 
ⵉⵏⵏⵉ ⵉⵣⴰⵔⵔⵄⴻⵏ ⵙ ⵉⵎⴻⵟⵟⴰⵡⴻⵏ, ⴰⴷ ⵎⵊⴰⵔⴻⵏ ⵙ ⵓⵙⵍⵉⵡⵍⴻⵡ. 
ⵡⴻⵏⵏⵉ ⵢⴰⵔⴻⴱⴱⵓⵏ ⵜⴰⵅⴰⵏⵛⴻⵜ ⵏ ⵣⵣⴰⵔⵉⵄⴻⵜ, ⵉⵜⵜⵔⵓ ⵅⵎⵉ ⴷⴷ-ⵉⴳⴳⵓⵔ, ⵎⴰⵛⴰ ⵅⵎⵉ ⴷⴷ ⵖⴰ ⵢⴰⵙ, ⴰⴷ ⴷⴷ-ⵢⴰⵙ ⵙ ⵓⵙⵍⵉⵡⵍⴻⵡ, ⴰⴷ ⵢⴰⵔⴱⵓ ⵜⵉⵇⴻⴱⴱⵉⴹⵉⵏ ⵏ ⵉⵎⴻⵏⴷⵉ ⵏⵏⴻⵙ. 
