﻿ⵉⵥⴻⵀⵀⵉⴷⴻⵏ.
124.
ⵉⵣⵍⵉ ⵏ ⵓⴳⴻⵄⵄⴻⴷ. ⵏ ⴷⴰⵡⵓⴷ. ⵎⵍⵉ ⵙⵉⴷⵉ ⵡⴰⵔ ⴽⵉⴷⵏⴻⵖ ⵉⴱⴻⴷⴷ! ⵉⵏⵉ ⵜ ⵅⴻⵏⵏⵉ ⴰⵎⵎⵓ, ⴰ ⵉⵙⵔⴰⵉⵍ, 
ⵎⵍⵉ ⵙⵉⴷⵉ ⵡⴰⵔ ⴽⵉⴷⵏⴻⵖ ⵉⴱⴻⴷⴷ, ⵓⵎⵉ ⴰⴽⵉⴷⵏⴻⵖ ⴷⴷ-ⴽⴽⴰⵔⴻⵏ ⵉⵡⴷⴰⵏ, 
ⵉⵍⵉ ⵙⴰⵔⴹⴻⵏ ⴰⵏⴻⵖ ⴰⵎ ⵏⴻⴷⴷⴰⵔ, ⵓⵎⵉ ⵢⴰⵔⵖⴰ ⵓⵅⴻⵢⵢⴻⵇ ⵏⵙⴻⵏ ⵅⴰⵏⴻⵖ, 
ⵉⵍⵉ ⴰⵎⴰⵏ ⴼⴻⵢⵢⴹⴻⵏ ⵅⴰⵏⴻⵖ, ⵉⵍⵉ ⵉⵛⵜ ⵏ ⵍⵃⴻⵎⵍⴻⵜ ⵜⴻⴽⴽⴰ ⵅ ⵍⴻⵄⵎⴰⵔ ⵏⵏⴻⵖ, 
ⵉⵍⵉ ⴰⵎⴰⵏ ⵉⵃⴰⵊⴻⵏ ⴽⴽⵉⵏ ⵅ ⵍⴻⵄⵎⴰⵔ ⵏⵏⴻⵖ. 
ⴰⴷ ⵉⵜⵜⵡⴰⴱⴰⵔⴻⴽ ⵙⵉⴷⵉ, ⵡⴻⵏⵏⵉ ⵡⴰⵔ ⴷⴷ ⴰⵏⴻⵖ ⵉⵜⵜⴻⵊⵊⵉⵏ ⴷ ⵜⴰⴽⴻⵛⵛⴰⴹⵜ ⵉ ⵜⴻⵖⵎⴰⵙ ⵏⵙⴻⵏ. 
ⵍⴻⵄⵎⴰⵔ ⵏⵏⴻⵖ ⵢⴰⵔⵡⴻⵍ ⴰⵎ ⵡⴻⵊⴹⵉⴹ ⵣⵉ ⵍⴼⴻⵅ ⵏ ⵓⵏⴻⴳⵎⴰⵔ. ⵍⴼⴻⵅ ⵢⴰⵔⴻⵥ ⵓ ⵏⴻⵛⵛⵉⵏ ⵏⴻⵏⴼⴻⴽⴽ. 
ⵜⵡⵉⵣⴰ ⵏⵏⴻⵖ ⵜⴱⴻⴷⴷ ⴷⴻⴳ ⵢⵉⵙⴻⵎ ⵏ ⵙⵉⴷⵉ, ⵡⴻⵏⵏⵉ ⵉⴳⴳⵉⵏ ⵉⵊⴻⵏⵡⴰⵏ ⴷ ⵜⴻⵎⵎⵓⵔⵜ. 
