﻿ⵉⵥⴻⵀⵀⵉⴷⴻⵏ.
123.
ⵉⵣⵍⵉ ⵏ ⵓⴳⴻⵄⵄⴻⴷ. ⵏⴻⵛⵛ ⵙⵙⴳⴻⵄⵄⴷⴻⵖ ⵜⵉⵟⵟⴰⵡⵉⵏ ⵉⵏⵓ ⵖⴰⵔⴻⴽ, ⵛⴻⴽ ⵉ ⵉⵇⵇⵉⵎⴻⵏ ⵅ ⵍⴽⵓⵔⵙⵉ ⵏⵏⴻⵙ ⴷⴻⴳ ⵓⵊⴻⵏⵏⴰ. 
ⵅⵣⴰⵔ, ⴰⵎ ⵜⵉⵟⵟⴰⵡⵉⵏ ⵏ ⵉⵙⴻⵎⵖⴰⵏ ⵖⴰⵔ ⵓⴼⵓⵙ ⵏ ⴱⴰⴱ ⵏⵙⴻⵏ, ⴰⵎ ⵜⵉⵟⵟⴰⵡⵉⵏ ⵏ ⵜⴰⵢⵢⴰ ⵖⴰⵔ ⵓⴼⵓⵙ ⵏ ⵍⴰⵍⵍⴰⵙ, ⴰⵎⵎⵓ ⵉ ⵅⴻⵣⵣⴰⵔⴻⵏⵜ ⵜⵉⵟⵟⴰⵡⵉⵏ ⵏⵏⴻⵖ ⵖⴰⵔ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ, ⴰⵍ ⵅⴰⵏⴻⵖ ⵉ ⵖⴰ ⵉⵃⵉⵏⵏ. 
ⵃⵉⵏⵏ ⵅⴰⵏⴻⵖ, ⴰ ⵙⵉⴷⵉ, ⵃⵉⵏⵏ ⵅⴰⵏⴻⵖ, ⵎⴰⵖⴰⵔ ⵢⵓⵣⴰ ⵖⴰⵔⵏⴻⵖ ⵓⵙⴻⵃⵇⴰⵔ. 
ⵍⴻⵄⵎⴰⵔ ⵏⵏⴻⵖ ⵢⵓⵣⴰ ⵖⴰⵔⴻⵙ ⴰⵟⵟⴰⵙ ⵣⴻⴳ ⵓⵙⵜⴻⵀⵣⵉ ⵏ ⴰⵢⵜ ⵏ ⴱⵓ-ⵏⵏⴼⴰⵅⴻⵜ, ⵓⵍⴰ ⵣⴻⴳ ⵓⵙⴻⵃⵇⴰⵔ ⵏ ⵉⵖⴻⴱⴱⴰⵏⴻⵏ. 
