﻿ⵉⵥⴻⵀⵀⵉⴷⴻⵏ.
110.
ⴰⵣⴻⵀⵀⴻⴷ ⵏ ⴷⴰⵡⵓⴷ. ⵙⵉⴷⵉ ⵉⵙⵙⴰⵡⴰⵍ ⴰⴽ-ⴷ ⵙⵉⴷⵉ ⵉⵏⵓ: ⵇⵉⵎ ⵖⴰⵔ ⵓⴼⵓⵙ ⴰⴼⵓⵙⵉ ⵉⵏⵓ, ⴰⵍ ⴷⴷ-ⵙⵙⴰⵔⵙⴻⵖ ⵍⵄⴻⴷⵢⴰⵏ ⵏⵏⴻⵛ ⴷ ⵜⴰⵏⴻⴱⴷⴰⵜ ⵙⴰⴷⵓ ⵉⴹⴰⵔⴻⵏ ⵏⵏⴻⵛ. 
ⵙⵉⴷⵉ ⴰⴷ ⵉⵙⵙⴻⴽⴽ ⴰⵣⴻⴵⴰⴹ ⵏ ⵚⵚⵓⵍⵟⴰ ⵏⵏⴻⵛ ⵣⵉ ⵚⵉⵀⵢⵓⵏ, ⵛⴻⴽ ⴰⴷ ⵜⵚⴻⵍⵍⵟⴻⴷ ⴷⵉ ⵍⵡⴻⵙⵟ ⵏ ⵍⵄⴻⴷⵢⴰⵏ ⵏⵏⴻⵛ. 
ⵍⴳⴻⵏⵙ ⵏⵏⴻⵛ ⴰⴷ ⵢⵉⵍⵉ ⴷ ⴰⵎⵙⴻⵄⵄⴰⴼ ⴷⴻⴳ ⵡⴰⵙⵙ ⵏ ⵚⵚⵓⵍⵟⴰ ⵏⵏⴻⵛ, ⴰⴷ ⴷⴷ-ⵢⴰⵙ ⴷⵉ ⵜⵉⵙⵙⵉⵇⵜ ⵉⵇⴻⴷⴷⵙⴻⵏ ⵣⵉ ⵍⴻⵎⵍⴰⵡⵍⴻⵜ ⵏ ⵜⵓⴼⴼⵓⵜ, ⴰⵎⵎⵓ ⵉ ⵖⴰ ⵢⵉⵍⵉ ⵉ ⵛⴻⴽ ⵏⵏⴷⴰ ⵏ ⵢⵉⵏⵏⵉ ⵄⴰⴷ ⵎⴰⵎⵎⴻⵛ ⴷ ⴰⵛ ⴷⴷ-ⵉⵜⵜⵡⴰⵅⴻⵍⵇⴻⵏ. 
ⵙⵉⴷⵉ ⵉⵊⵊⵓⴵ, ⵄⴻⵎⵎⴰⵔⵚ ⴰⴷ ⵅⴰⵙ ⵉⵏⴷⴻⵎ: “ⵛⴻⴽ ⴷ ⴰⴽⴻⵀⵀⴰⵏ ⵉ ⵍⴻⴱⴷⴰ, ⵄⵍⴰⵃⵙⴰⴱ ⵚⵚⵉⴼⴻⵜ ⵏ ⵎⴰⵍⴽⵉⵚⴰⴷⵉⵇ!”, ⵉⵅⵙ ⴰⴷ ⵢⵉⵏⵉ ‘ⴰⵊⴻⴵⵉⴷ ⴷ ⴰⵎⵙⴻⴳⴳⴻⴷ’. 
ⵙⵉⴷⵉ ⴰⵇⴰ-ⵜ ⵖⴰⵔ ⵓⴼⵓⵙ ⴰⴼⵓⵙⵉ ⵏⵏⴻⵛ. ⵏⴻⵜⵜⴰ ⴰⴷ ⵉⵍⴱⴻⵣ ⵉⵊⴻⴵⵉⴷⴻⵏ ⴷⴻⴳ ⵡⴰⵙⵙ ⵏ ⵡⴻⵖⴹⴰⴱ ⵏⵏⴻⵙ. 
ⵏⴻⵜⵜⴰ ⴰⴷ ⵉⵃⴰⴽⴻⵎ ⵅ ⵍⴻⴳⵏⵓⵙ, ⴰⵇⴰ ⴷⴰ ⵜⴰⵎⵎⵓⵔⵜ ⵜⴻⵛⵛⵓⵔ ⵙ ⵍⵅⴻⵛⴱⴰⵜ, ⴰⴷ ⵉⵍⴱⴻⵣ ⴰⵣⴻⴵⵉⴼ ⵅ ⵉⵛⵜ ⵏ ⵜⴻⵎⵎⵓⵔⵜ ⵜⴰⵎⴻⵇⵇⵔⴰⵏⵜ. 
ⴰⴽ-ⴷ ⵡⴻⴱⵔⵉⴷ ⴰⴷ ⵉⵙⵓ ⵣⵉ ⵜⴻⵖⵣⴰⵔⵜ, ⵅ ⵓⵢⴰ ⴰⴷ ⵉⵙⵙⴳⴻⵄⵄⴻⴷ ⴰⵣⴻⴵⵉⴼ ⵏⵏⴻⵙ. 
