﻿ⵉⵥⴻⵀⵀⵉⴷⴻⵏ.
62.
ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙⴰⴷⵓ ⵓⴼⵓⵙ ⵏ ⵢⴰⴷⵓⵜⵓⵏ. ⵏ ⴷⴰⵡⵓⴷ. 
ⵡⴰⵀ, ⵍⴻⵄⵎⴰⵔ ⵉⵏⵓ ⵢⴰⵔⴻⵙⵙⴰ, ⵉⵜⵜⵔⴰⵊⴰ ⴰⵔⴻⴱⴱⵉ ⵡⴰⵀⴰ, ⴰⵇⴰ ⵣⵣⴰⵢⴻⵙ ⴷⴷ-ⵉⵜⵜⴰⵙ ⵓⵙⴻⵏⵊⴻⵎ ⵉⵏⵓ. 
ⵡⴰⵀ, ⵏⴻⵜⵜⴰ ⴷ ⵜⴰⵚⴹⴰⵔⵜ ⵉⵏⵓ ⴷ ⵓⵙⴻⵏⵊⴻⵎ ⵉⵏⵓ, ⵍⴱⵓⵔⵊ ⵉⵏⵓ ⵢⵓⵄⵍⴰⵏ, ⵡⴰⵔ ⵜⵜᵉⴼⵔⵉⵖⴻⵖ ⴰⵟⵟⴰⵙ. 
ⵎⴻⵛⵃⴰⵍ ⵄⴰⴷ ⵉ ⵖⴰ ⵜⴻⴽⴽⴻⵎ ⵜⵀⴻⵊⵊⵎⴻⵎ ⵅ ⵡⴻⵔⵢⴰⵣ? ⵎⴻⵛⵃⴰⵍ ⵄⴰⴷ ⴰⵇⴰ ⵜⵍⴻⵀⵀⴰⵎ ⵎⴰⵃⴻⵏⴷ ⴰⴷ ⵜ ⵜⴻⵖⴹⵍⴻⵎ, ⴰⵎ ⵉⵊⵊ ⵏ ⵍⵃⵉⴹ ⵉⵡⴻⵟⵟⴰ, ⴰⵎ ⵢⵉⵊⵊ ⵏ ⵡⴻⵖⴱⴰⵔ ⵉⵜⵜⵡⴰⵖⴹⴻⵍ? 
ⵡⴰⵀ, ⵏⵉⵜⵏⵉ ⵜⵜⴻⵎⵛⴰⵡⴰⵔⴻⵏ ⵡⴰⵀⴰ ⵃⵉⵎⴰ ⴰⴷ ⵜ-ⵉ-ⴷⴷ-ⵖⴻⴹⵍⴻⵏ ⵣⴻⴳ ⵡⴻⵎⵛⴰⵏ ⵏⵏⴻⵙ ⵢⵓⵄⵍⴰⵏ. ⵏⵉⵜⵏⵉ ⴰⵔⴻⵟⵟⴰⵏ ⵙ ⵉⵅⴰⵔⵔⵉⵇⴻⵏ. ⵜⵜⴱⴰⵔⴽⴻⵏ ⵙ ⵓⵇⴻⵎⵎⵓⵎ ⵏⵙⴻⵏ, ⵎⴰⵛⴰ ⴷⴻⴳ ⵡⵓⵍ ⵏⵙⴻⵏ ⵏⴻⵄⵄⵍⴻⵏ. ⵙⵉⵍⴰⵀ. 
ⵡⴰⵀ, ⵔⴰⵊⴰ ⵉ ⴰⵔⴻⴱⴱⵉ, ⴰ ⵍⴻⵄⵎⴰⵔ ⵉⵏⵓ, ⵎⵉⵏⵣⵉ ⵣⵣⴰⵢⴻⵙ ⵍⴰⵢⴰⵙ ⵉⵏⵓ. 
ⵡⴰⵀ, ⵏⴻⵜⵜⴰ ⴷ ⵜⴰⵚⴹⴰⵔⵜ ⵉⵏⵓ ⴷ ⵓⵙⴻⵏⵊⴻⵎ ⵉⵏⵓ, ⵍⴱⵓⵔⵊ ⵉⵏⵓ ⵢⵓⵄⵍⴰⵏ, ⵡⴰⵔ ⵜⵜⴻⴼⵔⵉⵖⴻⵖ ⵛⴰ. 
ⴰⵙⴻⵏⵊⴻⵎ ⵉⵏⵓ ⴷ ⵓⵄⵓⴵⵉ ⵉⵏⵓ ⴰⵇⴰ ⴰⵜⴻⵏ ⴷⵉ ⴰⵔⴻⴱⴱⵉ, ⵏⴻⵜⵜⴰ ⴷ ⵜⴰⵚⴹⴰⵔⵜ ⵉⵏⵓ ⵉⵊⴻⵀⴷⴻⵏ, ⴰⵎⵛⴰⵏ ⵉⵏⵓ ⵏ ⵜⴰⵔⴻⵡⵍⴰ ⴰⵇⴰ-ⵜ ⴷⵉ ⴰⵔⴻⴱⴱⵉ. 
ⵜⵉⵇⵇⴻⵎ ⵍⴻⴱⴷⴰ ⴷⴰⵢⴻⵙ, ⴰ ⵍⴳⴻⵏⵙ! ⵣⴻⴵⵄⴻⵎ ⵓⵍ ⵏⵡⴻⵎ ⵣⵣⴰⵜ ⵉ ⵡⵓⴷⴻⵎ ⵏⵏⴻⵙ. ⴰⵔⴻⴱⴱⵉ ⴷ ⴰⵎⵛⴰⵏ ⵏⵏⴻⵖ ⵏ ⵜⴰⵔⴻⵡⵍⴰ. ⵙⵉⵍⴰⵀ. 
ⵡⴰⵀ, ⵜⴰⵔⵡⴰ ⵏ ⴰⴷⴰⵎ ⴰⵇⴰ ⴰⵜⴻⵏ ⴷ ⵍⴻⵄⵡⵉⵏ, ⵜⴰⵔⵡⴰ ⵏ ⵡⴻⵔⵢⴰⵣ ⴰⵇⴰ ⴷⴰⵢⵙⴻⵏ ⴰⵅⴰⵔⵔⵉⵇ. ⴰⴷ ⴳⴻⵄⵄⴷⴻⵏ ⴷⵉ ⵍⵎⵉⵣⴰⵏ ⵙ ⵜⵏⴰⵢⴻⵏ ⵏ ⵟⵟⴰⵡⵢⴰⵜ, ⴰⵇⴰ ⴰⵜⴻⵏ ⵊⵎⵉⵄ ⴼⵙⵓⵙⴻⵏ ⵅ ⵍⴻⵄⵡⵉⵏ. 
ⵡⴰⵔ ⵜⵜⴻⵛⵍⴻⵎ ⵅ ⴷⴷⴻⴵ, ⵡⴰⵔ ⵜⵜⴻⵊⵊⵉⵎ ⴰⴷ ⴽⴻⵏⵏⵉⵡ ⵊⴻⴱⴱⴷⴻⵏ ⵣⴻⴳ ⵡⴻⴱⵔⵉⴷ ⵙ ⵓⴽⴽⴰⵔⴹⴰ. ⵎⴰⵍⴰ ⴰⴳⵍⴰ ⵉⵎⴻⵇⵇⴰⵔ, ⵡⴰⵔ ⵅⴰⵙ ⵙⵙⵔⵓⵙⴰⵎ ⵓⵍ ⵏⵡⴻⵎ. 
ⴰⵔⴻⴱⴱⵉ ⵉⵙⵙⵉⵡⴻⵍ ⵉⵛⵜ ⵏ ⵜⵡⴰⵍⴰ, ⵙⵍⵉⵖ ⵜⵏⴰⵢⴻⵏ ⵏ ⵜⵡⴰⵍⴰⵡⵉⵏ, ⴰⵇⴰ: “ⵊⵊⴻⵀⴷ ⵣⵉ ⴰⵔⴻⴱⴱⵉ”. 
ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵉ ⵛⴻⴽ, ⴰ ⵙⵉⴷⵉ ⵉⵏⵓ! ⵎⵉⵏⵣⵉ ⵛⴻⴽ ⴰⴷ ⵜⵅⴻⴵⵚⴻⴷ ⴽⵓⵍ ⵉⵊⵊ ⵄⵍⴰⵃⵙⴰⴱ ⵎⵉⵏ ⵉⴳⴳⴰ. 
