﻿ⵉⵥⴻⵀⵀⵉⴷⴻⵏ.
61.
ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵣⴻⵏⵣⵓⵏ ⵅ ⵉⴼⵉⵍⴰⵏ. ⵏ ⴷⴰⵡⵓⴷ. 
ⴰ ⴰⵔⴻⴱⴱⵉ, ⵙⴻⵍ ⵉ ⵓⵍⴰⵖⵉ ⵉⵏⵓ, ⵙⴻⵍ ⵎⵍⵉⵃ ⵉ ⵜⵥⴰⴵⵉⵜ ⵉⵏⵓ. 
ⵣⵉ ⵟⵟⴰⵔⴼ ⴰⵏⴻⴳⴳⴰⵔ ⵏ ⵜⴻⵎⵎⵓⵔⵜ ⵜⵜⵍⴰⵖⵉⵖ ⵅⴰⴽ, ⵅⵎⵉ ⵉⵜⵜⴻⴼⵛⵉⵍ ⵡⵓⵍ ⵉⵏⵓ. ⵏⴷⴻⵀ ⴰⵢⵉ ⵅ ⵉⵊⵊ ⵏ ⵊⵊⴰⵔⴼ ⵢⵓⵄⵍⴰⵏ ⵅⴰⴼⵉ. 
ⵎⴰⵖⴰⵔ ⵛⴻⴽ ⴷ ⴰⵎⵛⴰⵏ ⵏ ⵜⴰⵔⴻⵡⵍⴰ ⵉ ⵏⴻⵛⵛ, ⴷ ⵍⴱⵓⵔⵊ ⵉⵊⴻⵀⴷⴻⵏ ⴹⵉⴷⴷ ⵉ ⵍⴻⵄⴷⵓ. 
ⵏⴻⵛⵛ ⴰⴷ ⵇⵇⵉⵎⴻⵖ ⴷⴻⴳ ⵓⵇⵉⴹⵓⵏ ⵏⵏⴻⵛ ⵉ ⵍⴻⴱⴷⴰ, ⴰⴷ ⴰⵔⴻⵡⵍⴻⵖ ⵙⴰⴷⵓ ⵓⴷⵓⵔⵔⵉ ⵏ ⵡⴰⴼⵔⵉⵡⴻⵏ ⵏⵏⴻⵛ. ⵙⵉⵍⴰⵀ. 
ⵎⴰⵖⴰⵔ ⵛⴻⴽ, ⴰ ⴰⵔⴻⴱⴱⵉ, ⵜⴻⵙⵍⵉⴷ ⵖⴰⵔ ⵍⵡⵓⵄⵓⴷ ⵉⵏⵓ. ⵛⴻⴽ ⵜⴻⵡⵛⵉⴷ ⴰⵢⵉ ⵜⴰⵙⵖⴰⵔⵜ ⵏ ⵢⵉⵏⵏⵉ ⵉⵜⵜⴻⴳⴳⵯⴻⴷⴻⵏ ⵉⵙⴻⵎ ⵏⵏⴻⵛ. 
ⴰⵔⵏⵉ ⵄⴰⴷ ⵓⵙⵙⴰⵏ ⵅ ⵡⵓⵙⵙⴰⵏ ⵏ ⵓⵊⴻⴵⵉⴷ, ⴻⵊⵊ ⴰⴷ ⴰⵔⴻⴷⴼⴻⵏ ⵉⵙⴻⴳⴳⵯⵓⵙⴰ ⵏⵏⴻⵙ ⵉⵊⵊ ⵉ ⵡⴻⵏⵏⴻⵖⵏⵉ ⴰⵎ ⵊⵊⵉⵍ ⵉⴹⴼⴰⵔ ⵓⵎⴰⵙ. 
ⵏⴻⵜⵜⴰ ⴰⴷ ⵉⵇⵇⵉⵎ ⵣⵣⴰⵜ ⵉ ⵡⵓⴷⴻⵎ ⵏ ⴰⵔⴻⴱⴱⵉ ⵉ ⵍⴻⴱⴷⴰ. ⴰⴷ ⵅⴰⵙ ⵜⴻⵃⴹⴰ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⵍⴰⵎⴰⵏ. 
ⵅⴻⵏⵏⵉ ⴰⴷ ⵣⴻⵀⵀⴷⴻⵖ ⵉ ⵢⵉⵙⴻⵎ ⵏⵏⴻⵛ ⵉ ⵍⴻⴱⴷⴰ, ⵃⵉⵎⴰ ⴰⴷ ⴽⴻⵎⵎⵍⴻⵖ ⵍⵡⵓⵄⵓⴷ ⵉⵏⵓ, ⴰⵙⵙ ⴰⵡⴰⵔⵏⵉ ⵓⵎⴰⵙ. 
