﻿ⵉⵥⴻⵀⵀⵉⴷⴻⵏ.
47.
ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵣⴻⴳ ⴰⵢⵜ ⵏ ⵇⵓⵔⴰⵃ. ⴰⵣⴻⵀⵀⴻⴷ. 
ⴰ ⵎⴰⵔⵔⴰ ⵍⴻⴳⵏⵓⵙ, ⵡⵜⴻⵎ ⴷⴻⴳ ⵉⴼⴰⵙⵙⴻⵏ, ⴷⵓⵇⵇⵣⴻⵎ ⵙ ⵓⵙⵍⵉⵡⵍⴻⵡ ⵣⵣⴰⵜ ⵉ ⴰⵔⴻⴱⴱⵉ. 
ⵎⴰⵖⴰⵔ ⵙⵉⴷⵉ, ⴰⵎⵄⵓⴵⵉ ⵅ ⴽⵓⵍⵛⵉ, ⴰⵇⴰ ⵉⵙⵙⴰⴳⴳⵯⴰⴷ, ⵏⴻⵜⵜⴰ ⴷ ⵉⵊⵊ ⵏ ⵓⵊⴻⴵⵉⴷ ⴷ ⴰⵎⴻⵇⵇⵔⴰⵏ ⵅ ⵎⴰⵔⵔⴰ ⵜⴰⵎⵎⵓⵔⵜ. 
ⵏⴻⵜⵜⴰ ⵉⵙⵙⴰⴹⴰⵔⴰ ⴰⵏⴻⵖ ⵍⴻⴳⵏⵓⵙ, ⵏⴻⵜⵜⴰ ⵢⴰⵔⵔⴰ ⵛⵛⵓⵄⵓⴱ ⵙⴰⴷⵓ ⵉⴹⴰⵔⴻⵏ ⵏⵏⴻⵖ. 
ⵏⴻⵜⵜⴰ ⵉⴼⴰⵔⵔⴻⵣ ⵜⴰⵙⵖⴰⵔⵜ ⵏⵏⴻⵖ ⵉ ⵏⴻⵛⵛⵉⵏ, ⵜⴻⵏⵏⵉ ⴷ ⴰⴼⴻⵢⵢⴻⵛ ⵏ ⵢⴰⵄⵇⵓⴱ ⵡⴻⵏⵏⵉ ⵜⵓⵖⴰ ⵉⵜⵜⴻⵅⵙ. ⵙⵉⵍⴰⵀ. 
ⴰⵔⴻⴱⴱⵉ ⵢⵓⵍⵉ ⵙⴻⵏⵏⴻⵊ ⵙ ⵓⵙⵍⵉⵡⵍⴻⵡ, ⵙⵉⴷⵉ, ⵖⴰⵔ ⵜⵎⵉⵊⵊⴰ ⵏ ⵓⵙⵓⴹⵉ ⴷⴻⴳ ⵓⵢⵉⵛⵛ ⵏ ⵉⵛⴰⵔⵔⵉ. 
ⵣⴻⵀⵀⴷⴻⵎ ⵉ ⴰⵔⴻⴱⴱⵉ, ⵣⴻⵀⵀⴷⴻⵎ! ⵣⴻⵀⵀⴷⴻⵎ ⵉ ⵓⵊⴻⴵⵉⴷ, ⵣⴻⵀⵀⴷⴻⵎ! 
ⵎⴰⵖⴰⵔ ⴰⵔⴻⴱⴱⵉ ⴷ ⴰⵊⴻⴵⵉⴷ ⵅ ⵎⴰⵔⵔⴰ ⵜⴰⵎⵎⵓⵔⵜ. ⵣⴻⵀⵀⴷⴻⵎ ⴰⵢⴰ ⵉ ⵓⵅⴻⵎⵎⵉ ⴷⴰⵢⴻⵙ. 
ⴰⵔⴻⴱⴱⵉ ⵉⵃⴻⴽⴽⴻⵎ ⵅ ⵍⴻⴳⵏⵓⵙ, ⴰⵔⴻⴱⴱⵉ ⵉⵜⵜⵖⵉⵎⴰ ⵅ ⵍⵄⴰⵔⵛ ⵏⵏⴻⵙ ⵉⵇⴻⴷⴷⵙⴻⵏ. 
ⵜⴰⵔⵡⴰ ⵏ ⵜⴰⵚⵉⵍⴻⵜ ⵏ ⵍⴻⴳⵏⵓⵙ ⵜⵜⵡⴰⵙⵙⵎⵓⵏⴻⵏ ⴰⴽ-ⴷ ⵍⴳⴻⵏⵙ ⵏ ⴰⵔⴻⴱⴱⵉ ⵏ ⵉⴱⵔⴰⵀⵉⵎ, ⵎⴰⵖⴰⵔ ⵜⵉⵙⴻⴷⴷⴰⵔⵉⵢⵢⴻⵏ ⵉ ⵓⵙⴻⵍⵇⵉ ⵏ ⵜⴻⵎⵎⵓⵔⵜ ⵉ ⴰⵔⴻⴱⴱⵉ. ⵏⴻⵜⵜⴰ ⴰⵇⴰ ⵉⵜⵜⵡⴰⵙⵙⵄⵓⴵⴰ ⵇⴰⵄ. 
