﻿ⵉⵥⴻⵀⵀⵉⴷⴻⵏ.
29.
ⴰⵣⴻⵀⵀⴻⴷ ⵏ ⴷⴰⵡⵓⴷ. ⵡⵛⴻⵎ ⵉ ⵙⵉⴷⵉ, ⴰⵔⵔⴰⵡ ⵏ ⵉⵔⴻⴱⴱⵉⵜⴻⵏ, ⵡⵛⴻⵎ ⵉ ⵙⵉⴷⵉ ⴰⵄⵓⴵⵉ ⴷ ⵜⵣⴻⵎⵎⴰⵔ. 
ⵡⵛⴻⵎ ⵉ ⵙⵉⴷⵉ ⴰⵄⵓⴵⵉ ⵏ ⵢⵉⵙⴻⵎ ⵏⵏⴻⵙ, ⴱⴻⵏⴷⵇⴻⵎ ⵣⵣⴰⵜ ⵉ ⵙⵉⴷⵉ ⴷⵉ ⵍⵄⴻⵣⵣ ⵏ ⵣⵣⴰⵡⴻⵛⵜ ⵉⵇⴻⴷⴷⵙⴻⵏ. 
ⵜⵎⵉⵊⵊⴰ ⵏ ⵙⵉⴷⵉ ⵜⴻⴷⴷⴰⵔⴹⴻⵃ ⵜⵉⵡⴰ ⵉ ⵡⴰⵎⴰⵏ, ⴰⵔⴻⴱⴱⵉ ⵏ ⵓⵄⵓⴵⵉ ⵉⵙⵙⵀⴻⵎⵀⴻⵎ, ⵙⵉⴷⵉ, ⵅ ⵡⴰⵎⴰⵏ ⴰⵟⵟⴰⵙ. 
ⵜⵎⵉⵊⵊⴰ ⵏ ⵙⵉⴷⵉ ⵜⴻⵛⵛⵓⵔ ⵙ ⵊⵊⴻⵀⴷ, ⵜⵎⵉⵊⵊⴰ ⵏ ⵙⵉⴷⵉ ⵜⴻⵛⵛⵓⵔ ⵙ ⵍⵄⴻⵣⵣ. 
ⵜⵎⵉⵊⵊⴰ ⵏ ⵙⵉⴷⵉ ⵜᵉⵜⵜⴰⵔⴻⵥⵥⴰ ⵜⵉⵛⴻⵊⵊⵓⵔⴰ ⵏ ⵜⵏⴻⴳⵍⵉⵏ, ⵙⵉⴷⵉ ⵉⵜⵜⴰⵔⴻⵥⵥⴰ ⵜⵉⵏⴻⴳⵍⵉⵏ ⵏ ⵍⵓⴱⵏⴰⵏ. 
ⵢⴰⵔⵔⴰ ⵉ-ⵜⴻⵏ ⴰⴷ ⵏⴻⴳⵣⴻⵏ ⴰⵎ ⵓⵄⴻⵊⵎⵉ, ⴰⴷⵔⴰⵔ ⵏ ⵍⵓⴱⵏⴰⵏ ⴷ ⵡⴻⴷⵔⴰⵔ ⵏ ⵙⵉⵔⵢⵓⵏ, ⴰⵎ ⵓⵎⴻⵥⵢⴰⵏ ⵏ ⵉⵖⴰⵢⴹ ⵏ ⵍⴻⵅⵍⴰ ⴰⴽ-ⴷ ⵡⴰⵛⵛⴰⵡⴻⵏ ⴷ ⵉⵣⵉⵔⴰⵔⴻⵏ. 
ⵜⵎⵉⵊⵊⴰ ⵏ ⵙⵉⴷⵉ ⵜⵏⴻⵇⵇⴻⵛ ⵉⵛⴻⵄⵄⴰⵍⴻⵏ ⵏ ⵜⵎⴻⵙⵙⵉ. 
ⵜⵎⵉⵊⵊⴰ ⵏ ⵙⵉⴷⵉ ⵜⴰⵔⵔⴰ ⵍⴻⵅⵍⴰ ⵉⵜⵜⴰⵔⵊⵉⵊⵉ, ⵙⵉⴷⵉ ⵢⴰⵔⵔⴰ ⵍⴻⵅⵍⴰ ⵏ ⵇⴰⴷⴰⵛ ⵉⵜⵜⴰⵔⵊⵉⵊⵉ. 
ⵜⵎⵉⵊⵊⴰ ⵏ ⵙⵉⴷⵉ ⵜⴰⵔⵔⴰ ⵜⵓⴷⴰⴷⵉⵏ ⵜⵜⴰⵔⵡⴻⵏⵜ, ⵏⴻⵜⵜⴰ ⵉⵜⵜⵄⴰⵔⵔⴰ ⵉⵣⴻⵖⵔⴰⵏ, ⵎⴰⵛⴰ ⴷⵉ ⵣⵣⴰⵡⴻⵛⵜ ⵏⵏⴻⵙ ⵜⴰⵎⴻⵇⵇⵔⴰⵏⵜ ⵎⴰⵔⵔⴰ ⵜⴻⵙⵙⴰⵡⴰⵍ ⵅ ⵓⵄⵓⴵⵉ ⵏⵏⴻⵙ. 
ⵙⵉⴷⵉ ⵜⵓⵖⴰ ⵉⵜⵜⵖⵉⵎⴰ ⴰⵎ ⵍⵇⴰⴹⵉ ⵖⴰⵔ ⵙⵙⴻⵃⵍⴻⵜ ⵏ ⵡⴰⵎⴰⵏ, ⵙⵉⴷⵉ ⵉⵜⵜⵖⵉⵎⴰ ⴰⵎ ⵓⵊⴻⴵⵉⴷ ⵉ ⵍⴻⴱⴷⴰ. 
ⵙⵉⴷⵉ ⴰⴷ ⵉⵡⵛ ⵊⵊⴻⵀⴷ ⵉ ⵍⴳⴻⵏⵙ ⵏⵏⴻⵙ, ⵙⵉⴷⵉ ⴰⴷ ⵉⴱⴰⵔⴻⴽ ⵍⴳⴻⵏⵙ ⵏⵏⴻⵙ ⵙ ⵍⴻⵀⵏⴰ. 
