﻿ⵉⵥⴻⵀⵀⵉⴷⴻⵏ.
14.
ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵏ ⴷⴰⵡⵓⴷ. ⴰⴱⵓⵀⴰⵍⵉ ⵉⵏⵏⴰ ⴷⴻⴳ ⵡⵓⵍ ⵏⵏⴻⵙ: “ⵡⴰⵔ ⴷⵉⵏ ⴱⵓ ⴰⵔⴻⴱⴱⵉ!” ⵏⵉⵜⵏⵉ ⵜⵜⴰⵔⴻⴷⴷⴵⴻⵏ, ⵜⵜⴻⴳⴳⴻⵏ ⵜⵉⵎⴻⵙⵍⴰⵢⵉⵏ ⵉⴹⴻⵅⵙⴻⵏ, ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵎⵉⵏ ⵉⵛⵏⴰⵏ. 
ⵙⵉⴷⵉ ⵉⵅⴻⵣⵣⴰⵔ-ⴷⴷ ⵣⴻⴳ ⵓⵊⴻⵏⵏⴰ ⵖⴰⵔ ⵜⴰⵔⵡⴰ ⵏ ⴱⵏⴰⴷⴻⵎ, ⵃⵉⵎⴰ ⴰⴷ ⵉⵥⴰⵔ, ⵎⴰ ⴷⵉⵏ ⵃⴻⴷ ⴷⴰⵢⴻⵙ ⵍⴻⴼⵀⴰⵎⴻⵜ, ⵉⵊⵊ ⵡⴻⵏⵏⵉ ⵢⴰⵔⴻⵣⵣⵓⵏ ⴰⵔⴻⴱⴱⵉ. 
ⵎⴰⵔⵔⴰ ⴼⴼⵖⴻⵏ ⵣⴻⴳ ⵡⴻⴱⵔⵉⴷ, ⴰⵇⴰ ⴰⵜⴻⵏ ⵊⵎⵉⵄ ⴷⴻⵡⵍⴻⵏ ⴷ ⵉⵄⴻⴼⴼⴰⵏⴻⵏ, ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵍⵅⴰⵔ, ⵓⵍⴰ ⴷ ⵉⵊⵊ. 
ⵎⴰⵔⵔⴰ ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ ⵎⴰ ⵡⴰⵔ ⵖⴰⵔⵙⴻⵏ ⴱⵓ ⵜⵓⵙⵙⵏⴰ, ⵉⵏⵏⵉ ⵉⵜⵜᵉⵜⵜⴻⵏ ⵍⴳⴻⵏⵙ ⵉⵏⵓ ⴰⵅⵎⵉ ⵜⵜᵉⵜⵜⴻⵏ ⴰⵖⵔⵓⵎ? ⵏⵉⵜⵏⵉ ⵡⴰⵔ ⵜⵜⵍⴰⵖⴰⵏ ⵅ ⵙⵉⴷⵉ. 
ⴰⵇⴰ ⵜⴻⵡⴹⴰ-ⴷⴷ ⵅⴰⵙⴻⵏ ⴷⵉⵏ ⵉⴳⴳⵯⵓⴷⵉ ⵜⴻⵎⵖⴰⵔ, ⵎⴰⵖⴰⵔ ⴰⵔⴻⴱⴱⵉ ⴰⵇⴰ-ⵜ ⴰⴽ-ⴷ ⵊⵊⵉⵍ ⵏ ⵉⵎⵙⴻⴳⴳⴰⴷⴻⵏ. 
ⴽⴻⵏⵏⵉⵡ ⵜⵏⴻⴼⴹⴻⵎ ⴰⵔⵔⴰⵢ ⵏ ⵍⵎⵓⵙⴰⴽⵉⵏ, ⵎⴰⵛⴰ ⵙⵉⴷⵉ ⴷ ⴰⵎⵛⴰⵏ ⵏⵏⴻⵙ ⵏ ⵜⴰⵔⴻⵡⵍⴰ. 
ⵎⴰⵏ ⵡⴻⵏ ⵣⵉ ⵚⵉⵀⵢⵓⵏ ⵉ ⵖⴰ ⵢⵉⵡⵢⴻⵏ ⴰⵙⴻⵏⵊⴻⵎ ⵏ ⵉⵙⵔⴰⵉⵍ! ⵅⵎⵉ ⴷⴷ ⵖⴰ ⵢⴰⵔⵔ ⵙⵉⴷⵉ ⵉⵎⴻⵃⴱⴰⵙ ⵏ ⵍⴳⴻⵏⵙ ⵏⵏⴻⵙ, ⴰⴷ ⵢⴰⵔⵛⴻⵇ ⵢⴰⵄⵇⵓⴱ, ⴰⴷ ⵉⴼⴰⵔⵃ ⵉⵙⵔⴰⵉⵍ. 
