﻿ⴰⵢⵓⴱ.
25.
ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴱⵉⵍⴷⴰⴷ, ⵉ ⴷⴷ-ⵢⵓⵙⵉⵏ ⵣⵉ ⵛⵓⵃⴰ, ⵉⵏⵏⴰ: 
ⵚⵚⵓⵍⵟⴰ ⴷ ⵊⵊⴻⵀⴷ ⵉⵙⵙⴰⴳⴳⵯⴰⴷⴻⵏ ⴰⵇⴰ ⴰⵜⴻⵏ ⵖⴰⵔⴻⵙ, ⵏⴻⵜⵜⴰ ⵉⵜⵜⴻⴳⴳ ⵍⴻⵀⵏⴰ ⴷⵉ ⵍⵓⵄⵍⴰ ⵏⵏⴻⵙ. 
ⵎⴰ ⵉⵣⴻⵎⵎⴰⵔ ⴰⴷ ⵃⴻⵙⴱⴻⵏ ⵎⴻⵛⵃⴰⵍ ⵉ ⵖⴰⵔⴻⵙ ⵏ ⵍⵄⴻⵙⴽⴰⵔ? ⵅ ⵎⴰⵏ ⵡⴰⵔ ⵜᵉⵜⵜⴳⴻⵄⵄⴻⴷ ⵜⴼⴰⵡⵜ ⵏⵏⴻⵙ? 
ⵎⴰⵎⵎⴻⵛ ⵅⴻⵏⵏⵉ ⵉⵣⴻⵎⵎⴰⵔ ⴱⵏⴰⴷⴻⵎ ⴰⴷ ⵢⵉⵍⵉ ⴷ ⴰⵎⵙⴻⴳⴳⴻⴷ ⵣⵣⴰⵜ ⵉ ⴰⵔⴻⴱⴱⵉ, ⵎⴰⵎⵎⴻⵛ ⵉⵣⴻⵎⵎⴰⵔ ⵡⴻⵏⵏⵉ ⴷⴷ-ⵉⵜⵜⵡⴰⵔⵡⴻⵏ ⵣⵉ ⵜⴻⵎⵖⴰⵔⵜ ⴰⴷ ⵢⵉⵍⵉ ⴷ ⴰⵎⴻⵣⴷⴰⴳ? 
ⵅⵣⴰⵔ, ⵄⴰⴷ ⵜⴰⵣⵉⵔⵉ ⵙⵉⵎⴰⵏⵜ ⵏⵏⴻⵙ ⵡⴰⵔ ⵜᵉⵜⵜⵡⴻⵙⵙⴻⴳ ⵙ ⵍⴻⵚⴼⴰⵢⴻⵜ, ⵉⵜⵔⴰⵏ ⵡⴰⵔ ⵚⴼⵉⵏ ⴷⵉ ⵜⵉⵟⵟⴰⵡⵉⵏ ⵏⵏⴻⵙ. 
ⴰⵀⵜⴰ ⵄⴰⴷ ⴱⵏⴰⴷⴻⵎ, ⵡⴻⵏⵏⵉ ⴷ ⴰⵡⴻⴽⴽⵉ, ⵓ ⵎⵎⵉⵙ ⵏ ⴱⵏⴰⴷⴻⵎ, ⵡⴻⵏⵏⵉ ⴷ ⴰⴽⴻⵛⵛⴰⵡ. 
