﻿ⴰⵢⵓⴱ.
3.
ⴰⵡⴰⵔⵏⵉ ⵎⴰⵏ ⴰⵢⴰ ⵢⴰⵔⵣⴻⵎ ⴰⵢⵓⴱ ⴰⵇⴻⵎⵎⵓⵎ ⵏⵏⴻⵙ, ⵉⵏⵄⴻⵍ ⴰⵙⵙ ⵏ ⵡⴻⵅⵍⴰⵇ ⵏⵏⴻⵙ. 
ⴰⵢⵓⴱ ⵉⵟⵟⴻⴼ ⴷⴻⴳ ⵡⴰⵡⴰⵍ, ⵉⵏⵏⴰ: 
ⴰⴷ ⵉⴼⵏⴰ ⴰⵙⵙ ⵉ ⴷⵉ ⴷⴷ-ⵜⵜⵡⴰⵅⴻⵍⵇⴻⵖ, ⵓⵍⴰ ⴷ ⴵⵉⵍⴻⵜ ⵉ ⴷⵉ ⵏⵏⴰⵏ: ‘ⵉⵊⵊ ⵏ ⵡⴻⵔⵢⴰⵣ ⵉⵜⵜⵡⴰⴽⵙⵉ.’ 
ⴻⵊⵊ ⴰⵙⵙ ⵏⵏⵉ ⴰⴷ ⵉⴷⵡⴻⵍ ⴷ ⵜⴰⴵⴻⵙⵜ, ⵄⴻⵎⵎⴰⵔⵚ ⵡⴰⵔ ⵅⴰⵙ ⵉⵜⵜⵙⵙⴻⵇⵙⵉ ⴰⵔⴻⴱⴱⵉ ⵣⴻⴳ ⵓⵊⴻⵏⵏⴰ, ⵓ ⵡⴰⵔ ⵅⴰⵙ ⵜᵉⵜⵜⵛⴻⵄⵛⵉⵄ ⵜⴼⴰⵡⵜ ⵏ ⵓⵣⵉⵍ ⵄⴰⴷ. 
ⵉⵍⵉ ⵜⴰⴵⴻⵙⵜ ⴷ ⵜⵉⵍⵉ ⵏ ⵍⵎⴻⵡⵜ ⴰⴷ ⵅⴰⵙ ⴰⵔⵣⵓⵏⵜ, ⴻⵊⵊ ⵉⵙⴻⵢⵏⵓⵜⴻⵏ ⴰⴷ ⵣⴻⴷⵖⴻⵏ ⵜⵉⵡⴰ ⵏⵏⴻⵙ. ⵉⵍⵉ ⴰⴷ ⵅⴰⵙ ⵡⴹⴰⵏⵜ ⵜⴽⴻⴱⴱⴰⵙⵉⵏ ⵙ ⵓⵣⵉⵍ! 
ⴰⴷ ⵜⴻⴽⴽⴻⵙ ⵜⴽⴻⴱⴱⴰⵙⵜ ⵢⵓⴵⵖⴻⵏ ⴵⵉⵍⴻⵜ ⵏⵏⵉ, ⴻⵊⵊ ⴵⵉⵍⴻⵜ ⵏⵏⵉ ⵡⴰⵔ ⵜⴼⴰⵔⵔⴻⵃ ⵊⴰⵔ ⵡⵓⵙⵙⴰⵏ ⵏ ⵓⵙⴻⴳⴳⵯⴰⵙ, ⴻⵊⵊ ⵉ-ⵜⵜ ⵡⴰⵔ ⴷⴷ-ⵜᵉⵜⵜⵉⵙ ⴷⵉ ⵍⴻⵃⵙⴰⴱ ⵏ ⵉⵢⵓⵔⴻⵏ. 
ⵅⵣⴰⵔ, ⴻⵊⵊ ⴵⵉⵍⴻⵜ ⵏⵏⵉ ⵄⴻⵎⵎⴰⵔⵚ ⵡⴰⵔ ⴷⴷ-ⵜᵉⵜⵜⵉⵔⵓⵡ, ⵡⴰⵔ ⴷⴰⵢⴻⵙ ⵉⵜⵜⵉⴷⴻⴼ ⵓⵙⵍⵉⵡⵍⴻⵡ. 
ⴻⵊⵊ ⵉⵏⵏⵉ ⵉⵙⵙⴼⴻⵟⵟⵃⴻⵏ ⴰⵙⵙ, ⴰⴷ ⵜ ⵏⴻⵄⵍⴻⵏ, ⵉⵏⵏⵉ ⵉⵜⵜⵃⴰⴽⴰⵏ ⴰⴷ ⵙⵙⴻⴽⴽⴰⵔⴻⵏ ‘ⵍⵉ$ⵉⵢⴰⵜⴰⵏ’. 
ⴻⵊⵊ ⴰⴷ ⵜⵜⵡⴰⴽⴻⴱⴱⵙⴻⵏ ⵉⵜⵔⴰⵏ ⵏ ⵜⵓⴼⴼⵓⵜ ⵏⵏⴻⵙ, ⴻⵊⵊ ⵉ-ⵜ ⴰⴷ ⵉⵔⴰⵊⴰ ⵜⴰⴼⴰⵡⵜ, ⵍⴰⵎⵉ ⵡⴰⵔ ⴷⵉⵏ ⵜⴻⴵⵉ. ⴻⵊⵊ ⴰⴱⵍⵉⵡⴻⵏ ⵏ ⵜⴼⴰⵡⵜ ⵏ ⵍⴻⴼⵊⴰⵔ ⵡⴰⵔ ⵜⵜ ⵥⴰⵔⵔⴻⵏ! 
ⵎⴰⵖⴰⵔ ⵏⴻⵜⵜⴰ ⵡⴰⵔ ⵉⴱⴻⵍⵍⴻⵄ ⵜⵉⵡⵡⵓⵔⴰ ⵏ ⵓⵄⴻⴷⴷⵉⵙ ⵏ ⵢⴻⵎⵎⴰ, ⵡⴰⵔ ⵉⴼⴼⴰⵔ ⵍⴻⵖⴱⴻⵏ ⵣⵣⴰⵜ ⵉ ⵜⵉⵟⵟⴰⵡⵉⵏ ⵉⵏⵓ. 
ⵎⴰⵢⴻⵎⵎⵉ ⵡⴰⵔ ⵎⵎⵓⵜⴻⵖ ⵍⴰⵎⵉ ⴷ ⴰⵢⵉ ⵜⵓⵖⴰ ⴷⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰ, ⵎⴰⵢⴻⵎⵎⵉ ⵡⴰⵔ ⵙⵙⵓⴼⴼⵖⴻⵖ ⴱⵓⵃⴱⴻⵍ, ⵍⴰⵎⵉ ⴷⴷ-ⴼⴼⵖⴻⵖ ⵣⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰ? 
ⵎⴰⵢⴻⵎⵎⵉ ⴷ ⴰⵢⵉ ⵔⴰⵊⴰⵏ ⵉⴼⴰⴷⴷⴻⵏ ⵓ ⵎⴰⵢⴻⵎⵎⵉ ⵉⴱⴱⴰⵛ, ⵃⵉⵎⴰ ⴰⴷ ⴷⴰⵢⵙⴻⵏ ⵟⵟⴻⴹⴻⵖ? 
ⵅⴻⵏⵏⵉ ⵉⵍⵉ ⴰⴷ ⵣⵣⵍⴻⵖ ⵍⴻⵅⵅⵓ, ⴰⴷ ⵙⵙⵇⴰⵔⴻⵖ. ⵉⵍⵉ ⴰⴷ ⵟⵟⵚⴻⵖ. ⵅⴻⵏⵏⵉ ⴱⴰⵍⴰⴽ ⴰⴷ ⵖⴰⵔⵉ ⵜⵉⵍⵉ ⵍⵀⵓⴷⵏⴻⵜ 
ⵊⵎⵉⵄ ⴰⴽ-ⴷ ⵉⵊⴻⴵⵉⴷⴻⵏ ⴷ ⵉⵎⵛⴰⵡⴰⵔⴻⵏ ⵏ ⵜⴻⵎⵎⵓⵔⵜ, ⵉⵏⵏⵉ ⵉⴱⵏⴰⵏ ⵉ ⵢⵉⵅⴻⴼ ⵏⵙⴻⵏ ⴰⵔⵔⵡⵉⵏⴰⵜ ⵉⵅⵍⴰⵏ, 
ⵏⵉⵖ ⵊⵎⵉⵄ ⴰⴽ-ⴷ ⵍⵃⵓⴽⴽⴰⵎ ⵏⵏⵉ ⵖⴰⵔ ⵉⴵⴰ ⵡⵓⵔⴻⵖ, ⵉⵏⵏⵉ ⵉⵛⵛⵓⵔⴻⵏ ⵜⵓⴷⵔⵉⵏ ⵏⵙⴻⵏ ⵙ ⵏⵏⵓⵇⴰⵔⵜ, 
ⵏⵉⵖ ⵏⴻⵛⵛ ⵡⴰⵔ ⵜⵜⵉⵍⵉⵖ ⵄⴰⴷ ⴰⵎ ⵢⵉⵊⵊ ⵏ ⵡⴻⵖⵔⴰⵢ ⵏ ⵜⴻⵎⵖⴰⵔⵜ ⵙⵙⵏⵓⴼⴼⴰⵔⴻⵏ ⵜ, ⴰⵎⴻⵛⵏⴰⵡ ⵉⵙⴻⵢⵎⴰⵏ ⵏⵏⵉ ⵄⴻⵎⵎⴰⵔⵚ ⵡⴰⵔ ⵉⵥⵔⵉⵏ ⵜⴰⴼⴰⵡⵜ. 
ⴷⵉⵏⵏⵉ ⵙⵙⴱⴻⴷⴷⴻⵏ ⵉⵄⴻⴼⴼⴰⵏⴻⵏ ⵣⵉ ⵚⵚⴷⴻⵄ, ⴷⵉⵏⵏⵉ ⵜⵜⴰⵔⴻⵢⵢⴰⵃⴻⵏ ⵉⵏⵏⵉ ⵓⵎⵉ ⵉⴼⵏⴰ ⵊⵊⴻⵀⴷ ⵏⵙⴻⵏ. 
ⴷⵉⵏⵏⵉ ⵜⵜⴰⵔⴻⵢⵢⴰⵃⴻⵏ ⵉⵎⴻⵃⴱⴰⵙ ⵎⵓⵏⴻⵏ, ⵡⴰⵔ ⵇⵇⵉⵎⴻⵏ ⵜⵜⴻⵙⵍⴰⵏ ⵄⴰⴷ ⵉ ⵜⵎⵉⵊⵊⴰ ⵏ ⵉⵎⵣⴻⵢⵢⴰⵔⴻⵏ ⵏ ⵉⵙⴻⵎⵖⴰⵏ. 
ⴰⵇⴰ ⴷⵉⵏ ⴰⵎⴻⵥⵢⴰⵏ ⴷ ⵓⵎⴻⵇⵇⵔⴰⵏ, ⵉⵙⵎⴻⵖ ⵉⵏⵏⵓⴼⵙⴻⵍ ⴷⵉⵏ ⵣⵉ ⴱⴰⴱ ⵏⵏⴻⵙ. 
ⵎⴰⵢⴻⵎⵎⵉ ⵜⴻⵎⵎⴻⵡⵛ ⵜⴼⴰⵡⵜ ⵉ ⵍⵎⴻⵙⴽⵉⵏ, ⵓ ⵜⵓⴷⴰⵔⵜ ⵉ ⵢⵉⵏⵏⵉ ⵓⵎⵉ ⵉⵜⵜⵡⴰⵙⵙⴰⵔⵣⴻⴳ ⵍⴻⵄⵎⴰⵔ ⵏⵙⴻⵏ, 
ⵉ ⵢⵉⵏⵏⵉ ⵉⵜⵜⵎⴻⵥⵔⴻⵏ ⴷⵉ ⵍⵎⴻⵡⵜ, ⵎⴰⵛⴰ ⵡⴰⵔ ⵜⵜ ⵓⴼⵉⵏ, ⵉⵏⵏⵉ ⵉⵖⴻⵣⵣⴰⵏ ⵅ ⵍⵎⴻⵡⵜ ⴽⵜⴰⵔ ⵅ ⵍⴻⴽⵏⵓⵣ ⵉⵏⵏⵓⴼⴰⵔⴻⵏ, 
ⵉⵏⵏⵉ ⵉⴼⴰⵔⵔⵃⴻⵏ ⴰⵟⵟⴰⵙ ⴰⵍⴰⵎⵉ ⴷⴻⵡⵍⴻⵏ ⵏⴻⴳⴳⵣⴻⵏ, ⵓ ⵜⵜⵖⴻⴱⴱⴰⵏ ⵎⴻⵥⵔⵉ ⵅⵎⵉ ⵜⵜⴰⴼⴻⵏ ⴰⵏⴹⴻⵍ? 
ⵎⴰⵢⴻⵎⵎⵉ ⵜⴻⵎⵎⴻⵡⵛ ⵜⴼⴰⵡⵜ ⵉ ⵡⴻⵔⵢⴰⵣ ⵡⴻⵏⵏⵉ ⵓⵎⵉ ⵉⵜⵜⵡⴰⵙⵙⵏⵓⴼⴼⴰⵔ ⵡⴻⴱⵔⵉⴷ ⵏⵏⴻⵙ, ⵉ ⵡⴻⵔⵢⴰⵣ ⵡⴻⵏⵏⵉ ⵅⴻⴼ ⵉⴱⴻⵍⵍⴻⵄ ⴰⵔⴻⴱⴱⵉ ⵣⵉ ⵎⴰⵔⵔⴰ ⵉⵖⴻⵣⴷⵉⵙⴻⵏ? 
ⵎⵉⵏⵣⵉ ⴷⴻⴳ ⵡⴻⵎⵛⴰⵏ ⵏ ⵡⴻⵖⵔⵓⵎ ⵉⵏⵓ ⵉⵜⵜⴰⵙ-ⴷⴷ ⵓⵡⴻⵃⵡⴻⵃ ⵉⵏⵓ, ⵉⵖⵓⵢⵢⴰⵏ ⵉⵏⵓ ⵜⵜⵡⴰⵣⴻⴵⵄⴻⵏ ⴰⵎ ⵡⴰⵎⴰⵏ. 
ⵎⵉⵏⵣⵉ ⵜⵓⵖⴰ ⵜⵜⵏⴻⵅⵍⴰⵄⴻⵖ ⵓ ⴰⵎⴻⵏⵏⵉ ⴷⴷ-ⵉⴼⴼⴻⵖ ⵎⵉⵏ ⵣⵉ ⵜⵓⵖⴰ ⵜⵜⴻⴳⴳⵯⴻⴷⴻⵖ, ⵡⴹⵉⵖ ⴷⴰⵢⴻⵙ. 
ⵡⴰⵔ ⵖⴰⵔⵉ ⵍⵀⵓⴷⵏⴻⵜ, ⵡⴰⵔ ⴰⵔⵙⵉⵖ ⵛⴰ ⵓ ⵡⴰⵔ ⵜⵜⴰⵔⴻⵢⵢⵉⵃⴻⵖ. ⴰⵇⴰ ⵓⵙⵉⵏ-ⴷⴷ ⵉⵎⵅⵓⵎⴱⴰⵔ. 
