﻿1 ⵉⵎⴻⵥⵔⵓⵢⴻⵏ.
5.
ⴰⵔⵔⴰⵡⴻⵏ ⵏ ⵔⵓⴱⵉⵏ, ⴰⵎⴻⵏⵣⵓ ⵏ ⵉⵙⵔⴰⵉⵍ - ⵎⵉⵏⵣⵉ ⵏⴻⵜⵜⴰ ⵜⵓⵖⴰ-ⵜ ⴷ ⴰⵎⴻⵏⵣⵓ, ⵎⴰⵛⴰ ⵓⵎⵉ ⵏⴻⵜⵜⴰ ⵉⵙⵙⴻⵅⵙⴰⵔ ⵜⴰⵙⵙⵓⵜ ⵏ ⴱⴰⴱⴰⵙ, ⵜⴻⵎⵎⴻⵡⵛ ⵜⴰⵙⵖⴰⵔⵜ ⵏ ⵜⵎⴻⵏⵣⵓⵜ ⵏⵏⴻⵙ ⵉ ⵡⴰⵔⵔⴰⵡⴻⵏ ⵏ ⵢⵓⵙⵓⴼ, ⵎⵎⵉⵙ ⵏ ⵉⵙⵔⴰⵉⵍ, ⵎⴰⵛⴰ ⵡⴰⵔ ⵉⴵⵉ ⴰⵎⴻⵏⵏⵉ ⴰⵍⴰⵎⵉ ⵢⵓⵙⵓⴼ ⵉⵜⵜⵡⴰⵣⴻⵎⵎⴻⵎ ⴷⵉ ⵍⵉⵙⵜⴰ ⵏ ⵊⵊⴰⴷⵉⵔⴰ ⵄⵍⴰⵃⵙⴰⴱ ⵜⴰⵙⵖⴰⵔⵜ ⵏ ⵜⵎⴻⵏⵣⵓⵜ ⵏⵏⴻⵙ, 
ⵎⴰⵖⴰⵔ ⵢⴰⵀⵓⴷⴰ ⵉⴷⵡⴻⵍ ⴷ ⴱⵓ-ⵜⴻⵖⵔⵓⴹⵜ ⵊⴰⵔ ⴰⵢⵜⵎⴰⵙ ⵓ ⵣⵣⴰⵢⴻⵙ ⵉⴼⴼⴻⵖ ⵍⵃⴰⴽⴻⵎ ⵡⴰⵅⵅⴰ ⵜⴰⵙⵖⴰⵔⵜ ⵏ ⵜⵎⴻⵏⵣⵓⵜ ⵜⵓⵖⴰ-ⵜⵜ ⵖⴰⵔ ⵢⵓⵙⵓⴼ - 
ⴰⵔⵔⴰⵡⴻⵏ ⵏ ⵔⵓⴱⵉⵏ, ⴰⵎⴻⵏⵣⵓ ⵏ ⵉⵙⵔⴰⵉⵍ, ⵜⵓⵖⴰ ⴰⵜⴻⵏ ⴷ ⵃⴰⵏⵓⴽ ⴷ ⴼⴰⵍⵍⵓ, ⵃⴰⵚⵔⵓⵏ ⴷ ⴽⴰⵔⵎⵉ. 
ⴰⵔⵔⴰⵡⴻⵏ ⵏ ⵢⵓⵡⵉⵍ: ⵎⵎⵉⵙ ⵛⴰⵎⵄⵉⵢⴰ, ⵎⵎⵉⵙ ⵀⴰⵊⵓⵊ ⵎⵎⵉⵙ ⵛⵉⵎⵄⵉ, 
ⵎⵎⵉⵙ ⵎⵉⵅⴰ, ⵎⵎⵉⵙ ⵔⴰ’ⴰⵢⴰ, ⵎⵎⵉⵙ ⴱⴰⵄⵍ 
ⴷ ⵎⵎⵉⵙ ⴱⴰ’ⵉⵔⴰ, ⵡⴻⵏⵏⵉ ⵢⵉⵡⵢⵉ ⵜⵉⵖⵍⴰⵜ-ⴼⵉⵍⴰⵙⵉⵔ, ⴰⵊⴻⴵⵉⴷ ⵏ ⴰⵛⵛⵓⵔ, ⴷⵉ ⵍⵎⴻⵏⴼⴰ. ⵏⴻⵜⵜⴰ ⵜⵓⵖⴰ ⴷ ⵍⵃⴰⴽⴻⵎ ⵏ ⵉⵔⵓⴱⵉⵏⵉⵢⵢⴻⵏ. 
ⴰⵢⵜⵎⴰⵙ, ⵜⵜⵡⴰⵙⴻⵜⵜⴼⴻⵏ ⵄⵍⴰⵃⵙⴰⴱ ⵍⴰⴵⴰⵜ ⵏⵙⴻⵏ, ⵓⵎⵉ ⵏⵉⵜⵏⵉ ⵜⵜⵡⴰⵣⴻⵎⵎⴻⵎⴻⵏ ⴷⵉ ⵍⵉⵙⵜⴰ ⵏ ⵊⵊⴰⴷⵉⵔⴰ ⵄⵍⴰⵃⵙⴰⴱ ⴰⵅⵍⴰⵇ ⵏⵙⴻⵏ, ⵜⵓⵖⴰ ⴰⵜⴻⵏ ⴷ ⴰⵣⴻⴵⵉⴼ ⵢⴰⵄⵉⵢⵉⵍ ⴷ ⵣⴰⴽⴰⵔⵉⵢⵢⴰ 
ⴷ ⴱⵉⵍⴰⵄ, ⵎⵎⵉⵙ ⵏ ⴰⵙⴰ, ⵎⵎⵉⵙ ⵏ ⵛⴰⵎⵄⵉ, ⵎⵎⵉⵙ ⵏ ⵢⵓⵡⵉⵍ. ⵏⴻⵜⵜⴰ ⵜⵓⵖⴰ ⵉⵣⴻⴷⴷⴻⵖ ⴷⵉ ⵄⴰⵔⵓⵄⵉⵔ ⴰⵍ ⵏⴰⴱⵓ ⴷ ⴱⴰⵄⵍ-ⵎⴰⵄⵓⵏ. 
ⵉⵣⴷⴻⵖ ⴷⵉ ⵛⵛⴰⵔⵇ ⴰⵍ ⵡⴰⴷⴰⴼ ⵖⴰⵔ ⵍⴻⵅⵍⴰ ⵉ ⵉⵙⵙⵡⵉⵥⵥⴹⴻⵏ ⵉⵅⴻⴼ ⵏⵏⴻⵙ ⵣⴻⴳ ⵉⵖⵣⴰⵔ ⵏ ⵍⴼⵓⵔⴰⵟ, ⵎⴰⵖⴰⵔ ⵍⴻⴱⵀⴰⵢⴻⵎ ⵏⵙⴻⵏ ⴷⴻⵡⵍⴻⵏ ⵙ ⵡⴰⵟⵟⴰⵙ ⴷⵉ ⵜⴻⵎⵎⵓⵔⵜ ⵏ ⵊⵉⵍⵄⴰⴷ. 
ⴷⴻⴳ ⵡⵓⵙⵙⴰⵏ ⵏ ⵛⴰⵡⵓⵍ ⴳⴳⵉⵏ ⵏⵉⵜⵏⵉ ⴰⵎⴻⵏⵖⵉ ⴰⴽ-ⴷ ⵉⵀⴰⵊⵔⵉⵢⵢⴻⵏ, ⵉⵏⵏⵉ ⵉⵡⴹⴰⵏ ⵙ ⵓⴼⵓⵙ ⵏⵙⴻⵏ. ⵏⵉⵜⵏⵉ ⴳⴳⵉⵏ ⴰⴷ ⵣⴻⴷⵖⴻⵏ ⴷⴻⴳ ⵉⵇⵉⴹⴰⵏ ⵏⵙⴻⵏ ⵅ ⵎⴰⵔⵔⴰ ⴰⵖⴻⵣⴷⵉⵙ ⵖⴰⵔ ⵛⵛⴰⵔⵇ ⵏ ⵊⵉⵍⵄⴰⴷ. 
ⴰⵔⵔⴰⵡⴻⵏ ⵏ ⵊⴰⴷ ⵜⵓⵖⴰ ⵣⴻⴷⴷⵖⴻⵏ ⴰⵊⴻⵎⵎⴰⴹⵉⵏ ⵏⵙⴻⵏ ⴷⵉ ⵜⴻⵎⵎⵓⵔⵜ ⵏ ⴱⴰⵛⴰⵏ ⴰⵍ ⵙⴰⵍⵅⴰ. 
ⵢⵓⵡⵉⵍ ⵜⵓⵖⴰ-ⵜ ⴷ ⴰⵣⴻⴵⵉⴼ ⵏⵙⴻⵏ ⵓ ⵛⴰⴼⴰⵎ ⵜⵓⵖⴰ-ⵜ ⴷ ⵡⵉⵙⵙ ⵜⵏⴰⵢⴻⵏ, ⴷ ⵢⴰⵄⵏⴰⵢ ⴷ ⵛⴰⴼⴰⵜ. ⵏⵉⵜⵏⵉ ⵜⵓⵖⴰ ⵣⴻⴷⴷⵖⴻⵏ ⴷⵉ ⴱⴰⵛⴰⵏ. 
ⴰⵢⵜⵎⴰⵜⵙⴻⵏ, ⵜⵜⵡⴰⵙⴻⵜⵜⴼⴻⵏ ⵄⵍⴰⵃⵙⴰⴱ ⵜⵓⴷⵔⵉⵏ ⵏ ⵉⴱⴰⴱⴰⵜⴻⵏ ⵏⵙⴻⵏ, ⵜⵓⵖⴰ ⴰⵜⴻⵏ ⴷ ⵎⵉⵅⴰⵢⵉⵍ ⴷ ⵎⴰⵛⵓⵍⵍⴰⵎ ⴷ ⵛⴰⴱⵄⴰ ⴷ ⵢⵓⵔⴰⵢ ⴷ ⵢⴰⵄⴽⴰⵏ ⴷ ⵣⵉⵄⴰ ⴷ ⵄⴰⴱⵉⵔ, ⵙⴻⴱⵄⴰ ⵏ ⵡⴰⵡⵎⴰⵜⴻⵏ. 
ⵉⵏⴰ ⵜⵓⵖⴰ ⴰⵜⴻⵏ ⴷ ⴰⵔⵔⴰⵡⴻⵏ ⵏ ⴰⴱⵉⵃⴰⵢⵉⵍ, ⵎⵎⵉⵙ ⵏ ⵃⵓⵔⵉ, ⵎⵎⵉⵙ ⵏ ⵢⴰⵔⵓⵃ, ⵎⵎⵉⵙ ⵏ ⵊⵉⵍⵄⴰⴷ, ⵎⵎⵉⵙ ⵏ ⵎⵉⵅⴰⵢⵉⵍ, ⵎⵎⵉⵙ ⵏ ⵢⴰⵛⵉⵛⴰⵢ, ⵎⵎⵉⵙ ⵏ ⵢⴰⵀⴷⵓ, ⵎⵎⵉⵙ ⵏ ⴱⵓⵣ. 
ⴰⵅⵉ, ⵎⵎⵉⵙ ⵏ ⵄⴰⴱⴷⵉⵢⵉⵍ, ⵎⵎⵉⵙ ⵏ ⵊⵓⵏⵉ, ⵜⵓⵖⴰ-ⵜ ⴷ ⴰⵣⴻⴵⵉⴼ ⵏ ⵜⴰⴷⴷⴰⵔⵜ ⵏ ⵉⴱⴰⴱⴰⵜⴻⵏ ⵏⵙⴻⵏ. 
ⵏⵉⵜⵏⵉ ⵜⵓⵖⴰ ⵣⴻⴷⴷⵖⴻⵏ ⴷⵉ ⵊⵉⵍⵄⴰⴷ, ⴷⵉ ⴱⴰⵛⴰⵏ ⵓ ⴷⵉ ⵜⵏⴻⴷⴷⴰⵎ ⵉ ⵖⴰⵔⴻⵙ ⴷⴷ-ⵉⵇⵇⵏⴻⵏ ⵓ ⴷⵉ ⵎⴰⵔⵔⴰ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵏ ⵛⴰⵔⵓⵏ ⴰⵍ ⵜⵉⵎⴰⵡⵡⵉⵏ ⵏⵙⴻⵏ. 
ⵎⴰⵔⵔⴰ ⵉⵏⴰ ⵜⵜⵡⴰⵣⴻⵎⵎⴻⵎⴻⵏ ⴷⵉ ⵍⵉⵙⵜⴰⵜ ⵏ ⵊⵊⴰⴷⵉⵔⴰ ⴷⴻⴳ ⵡⵓⵙⵙⴰⵏ ⵏ ⵢⵓⵜⴰⵎ, ⴰⵊⴻⴵⵉⴷ ⵏ ⵢⴰⵀⵓⴷⴰ, ⵓ ⴷⴻⴳ ⵡⵓⵙⵙⴰⵏ ⵏ ⵢⴰⵔⵓⴱⵄⴰⵎ, ⴰⵊⴻⴵⵉⴷ ⵏ ⵉⵙⵔⴰⵉⵍ. 
ⵣⴻⴳ ⵡⴰⵔⵔⴰⵡⴻⵏ ⵏ ⵔⵓⴱⵉⵏ ⴷ ⵡⴰⵔⵔⴰⵡⴻⵏ ⵏ ⵊⴰⴷ ⴷ ⵡⴻⵣⵢⴻⵏ ⵏ ⵜⴻⵇⴱⵉⵍⵜ ⵏ ⵎⴰⵏⴰⵙⵙⴰ, ⵣⴻⴳ ⴰⵢⵜ ⵏ ⵓⵎⴻⵏⵖⵉ, ⵣⴻⴳ ⵉⵔⵢⴰⵣⴻⵏ ⵉⵏⵏⵉ ⵢⴰⵔⴻⴱⴱⵓⵏ ⵜⴰⵙⴻⴷⴷⴰⵔⵜ ⵏ ⵓⵄⴻⵙⴽⴰⵔⵉ ⴷ ⵙⵙⵉⴼ ⴷ ⵢⵉⵏⵏⵉ ⵉⵎⴻⵃⴹⴻⵏ ⵍⵇⴻⵡⵙ ⵓ ⵜⵓⵖⴰ ⴷⴰⵔⵔⴱⴻⵏ ⴷⴻⴳ ⵓⵎⴻⵏⵖⵉ, ⴰⵇⴰ ⴷⵉⵏ ⴰⵔⴻⴱⵄⴰ ⵓ-ⵔⴻⴱⵄⵉⵏ-ⴰⵍⴻⴼ ⵓ-ⵙⴻⴱⵄⴰ-ⵎⵢⴰ ⵓ-ⵙⴻⵜⵜⵉⵏ ⵉⵏⵏⵉ ⴷⴷ-ⵉⴼⴼⵖⴻⵏ ⴰⴽ-ⴷ ⵍⵄⴻⵙⴽⴰⵔ. 
ⵏⵉⵜⵏⵉ ⵎⵎⴻⵏⵖⴻⵏ ⴰⴽ-ⴷ ⵉⵀⴰⵊⵔⵉⵢⵢⴻⵏ ⵓ ⴰⴽ-ⴷ ⵢⴰⵟⵓⵔ ⴷ ⵏⴰⴼⵉⵛ ⴷ ⵏⵓⴷⴰⴱ. 
ⵏⵉⵜⵏⵉ ⵜⵜⵡⴰⵄⴰⵡⵏⴻⵏ ⴷⴻⴳ ⵓⵎⴻⵏⵖⵉ ⴰⴽⵉⴷⵙⴻⵏ ⵓⵛⴰ ⵉⵀⴰⵊⵔⵉⵢⵢⴻⵏ ⴷ ⵎⴰⵔⵔⴰ ⵉⵏⵏⵉ ⴰⴽⵉⴷⵙⴻⵏ ⵉⴵⴰⵏ, ⵎⵎⴻⵡⵛⴻⵏ ⴷⴻⴳ ⵓⴼⵓⵙ ⵏⵙⴻⵏ, ⵎⴰⵖⴰⵔ ⵏⵉⵜⵏⵉ ⵙⵖⵓⵢⴻⵏ ⴷⴻⴳ ⵓⵎⴻⵏⵖⵉ ⵖⴰⵔ ⴰⵔⴻⴱⴱⵉ ⵓ ⵡⴰⵏⵉⵜⴰ ⵉⵊⵊⴰ ⴰⴷ ⵉⵙⵙⴰⵔⴹⴰ ⵉⵅⴻⴼ ⵏⵏⴻⵙ ⵙ ⵜⵥⴰⴵⵉⵜ ⵢⵓⴵⵖⴻⵏ ⵏⵙⴻⵏ, ⵎⵉⵏⵣⵉ ⵏⵉⵜⵏⵉ ⵜⴻⵛⵍⴻⵏ ⵅⴰⵙ. 
ⵏⵉⵜⵏⵉ ⵃⴻⵡⵡⵙⴻⵏ ⵍⵎⴰⵍ ⵏⵙⴻⵏ: ⵅⴻⵎⵙⵉⵏ-ⴰⵍⴻⴼ ⵏ ⵉⵍⴻⵖⵎⴰⵏ ⵏⵙⴻⵏ, ⵎⵉⵜⴰⵢⴻⵏ ⵓ-ⵅⴻⵎⵙⵉⵏ-ⴰⵍⴻⴼ ⵏ ⵡⵓⴵⵉ ⵓ ⴰⵍⴼⴰⵢⴻⵏ ⵏ ⵢⴻⵖⵢⴰⵍ ⵓ ⵎⵢⴰⵜ-ⴰⵍⴻⴼ ⵏ ⵉⵡⴷⴰⵏ. 
ⵎⵉⵏⵣⵉ ⵜⵓⵖⴰ ⴷⵉⵏ ⴰⵟⵟⴰⵙ ⵏ ⵢⵉⵏⵏⵉ ⵉⵜⵜⵡⴰⵏⵖⴻⵏ, ⵎⴰⵖⴰⵔ ⵜⵓⵖⴰ-ⵜ ⴷ ⵉⵊⵊ ⵏ ⵓⵎⴻⵏⵖⵉ ⵏ ⴰⵔⴻⴱⴱⵉ. ⵏⵉⵜⵏⵉ ⴳⴳⵉⵏ ⴰⴷ ⴷⵉⵏ ⵣⴻⴷⵖⴻⵏ ⴷⴻⴳ ⵡⴻⵎⵛⴰⵏ ⵏⵙⴻⵏ ⴰⵍ ⵍⵎⴻⵏⴼⴰ. 
ⴰⵔⵔⴰⵡⴻⵏ ⵏ ⵡⴻⵣⵢⴻⵏ ⵏ ⵜⴻⵇⴱⵉⵍⵜ ⵏ ⵎⴰⵏⴰⵙⵙⴰ ⵣⴻⴷⵖⴻⵏ ⴷⵉ ⵜⴻⵎⵎⵓⵔⵜ ⵏⵏⵉ. ⵏⵉⵜⵏⵉ ⵎⵎⴰⵔⵏⵉⵏ ⵣⵉ ⴱⴰⵛⴰⵏ ⴰⵍ ⴱⴰⵄⵍ-ⵃⵉⵔⵎⵓⵏ ⴷ ⵙⴰⵏⵉⵔ ⴷ ⵡⴻⴷⵔⴰⵔ ⵏ ⵃⴰⵔⵎⵓⵏ. 
ⵉⵏⴰ ⵜⵓⵖⴰ ⴰⵜⴻⵏ ⴷ ⵉⵣⴻⴵⵉⴼⴻⵏ ⵏ ⵜⵓⴷⵔⵉⵏ ⵏ ⵉⴱⴰⴱⴰⵜⴻⵏ ⵏⵙⴻⵏ: ⵄⵉⴼⴰⵔ ⴷ ⵢⵉⵛⵄⵉ ⴷ ⵉⵍⵉⵢⵉⵍ ⴷ ⵄⴰⵣⵔⵉⵢⵉⵍ ⴷ ⵉⵔⵎⵉⵢⴰ ⴷ ⵀⵓⴷⴰⵢⴰ ⴷ ⵢⴰⵃⴷⵉⵢⵉⵍ. ⵏⵉⵜⵏⵉ ⵜⵓⵖⴰ ⴰⵜⴻⵏ ⴷ ⴰⵢⵜ ⵏ ⴱⵓ-ⵜⴻⵖⵔⵓⴹⵜ, ⵉⵔⵢⴰⵣⴻⵏ ⵉⵎⴻⵃⴹⴻⵏ, ⵉⵔⵢⴰⵣⴻⵏ ⵏ ⵢⵉⵙⴻⵎ, ⵉⵣⴻⴵⵉⴼⴻⵏ ⵏ ⵜⵓⴷⵔⵉⵏ ⵏ ⵉⴱⴰⴱⴰⵜⴻⵏ ⵏⵙⴻⵏ. 
ⵏⵉⵜⵏⵉ ⵖⴷⴰⵔⴻⵏ ⴰⵔⴻⴱⴱⵉ ⵏ ⵍⴻⵊⴷⵓⴷ ⵏⵙⴻⵏ ⵓ ⵙⵙⴼⴻⵙⴷⴻⵏ ⵉⵅⴻⴼ ⵏⵙⴻⵏ ⵙ ⵉⵔⴻⴱⴱⵉⵜⴻⵏ ⵏ ⵍⴻⴳⵏⵓⵙ ⵏ ⵜⴻⵎⵎⵓⵔⵜ, ⵉⵏⵏⵉ ⵜⵓⵖⴰ ⵉⵜⴻⵃⵃⴰ ⴰⵔⴻⴱⴱⵉ ⵣⵣⴰⵜ ⵉ ⵡⵓⴷⴻⵎ ⵏⵙⴻⵏ. 
ⵅⴻⵏⵏⵉ ⵉⵙⵙⴻⴽⴽⴰⵔ ⴰⵔⴻⴱⴱⵉ ⵏ ⵉⵙⵔⴰⵉⵍ ⴱⵓⵃⴱⴻⵍ ⵏ ⴼⵓⵍ, ⴰⵊⴻⴵⵉⴷ ⵏ ⴰⵛⵛⵓⵔ, ⴷ ⴱⵓⵃⴱⴻⵍ ⵏ ⵜⵉⵖⵍⴰⵜ-ⴼⵉⵍⵏⴰⵙⵉⵔ, ⴰⵊⴻⴵⵉⴷ ⵏ ⴰⵛⵛⵓⵔ, ⵓ ⵡⴰⵏⵉⵜⴰ ⵉⵏⴷⴻⵀ ⵉ-ⵜⴻⵏ ⵖⴰⵔ ⵍⵎⴻⵏⴼⴰ: ⴰⵢⵜ ⵏ ⵔⵓⴱⵉⵏ ⴷ ⴰⵢⵜ ⵏ ⵊⴰⴷ ⴷ ⵡⴻⵣⵢⴻⵏ ⵏ ⵜⴻⵇⴱⵉⵍⵜ ⵏ ⵎⴰⵏⴰⵙⵙⴰ. ⵏⴻⵜⵜⴰ ⵢⵉⵡⵢⵉ ⵜⴻⵏ ⵖⴰⵔ ⵃⴰⵍⴰⵃ ⴷ ⵅⴰⴱⵓⵔ ⴷ ⵀⴰⵔⴰⵏ ⵓ ⵖⴰⵔ ⵉⵖⵣⴰⵔ ⵏ ⵊⵓⵣⴰⵏ, ⵓ ⵏⵉⵜⵏⵉ ⵇⵇⵉⵎⴻⵏ ⴷⵉⵏⵏⵉ ⴰⵍ ⴰⵙⵙ-ⴰ. 
ⴰⵔⵔⴰⵡⴻⵏ ⵏ ⵍⴰⵡⵉ ⵜⵓⵖⴰ ⴰⵜⴻⵏ ⴷ ⵊⴰⵔⵛⵓⵏ, ⵇⴰⵀⴰⵜ ⴷ ⵎⴰⵔⴰⵔⵉ. 
ⴰⵔⵔⴰⵡⴻⵏ ⵏ ⵇⴰⵀⴰⵜ ⵜⵓⵖⴰ ⴰⵜⴻⵏ ⴷ ⵄⴰⵎⵔⴰⵎ, ⵢⵉⵚⵀⴰⵔ ⴷ ⵃⴰⴱⵔⵓⵏ ⴷ ⵄⵓⵣⵣⵉⵢⵉⵍ. 
ⴰⵔⵔⴰⵡⴻⵏ ⵏ ⵄⴰⵎⵔⴰⵎ ⵜⵓⵖⴰ ⴰⵜⴻⵏ ⴷ ⵀⴰⵔⵓⵏ ⴷ ⵎⵓⵙⴰ, ⵓ ⵎⴰⵔⵢⴰⵎ ⵓⵍⵜⵎⴰⵜⵙⴻⵏ. ⴰⵔⵔⴰⵡⴻⵏ ⵏ ⵀⴰⵔⵓⵏ ⵜⵓⵖⴰ ⴰⵜⴻⵏ ⴷ ⵏⴰⴷⴰⴱ ⴷ ⴰⴱⵉⵀⵓ, ⴰⵍⵉⵄⴰⵣⴰⵔ ⴷ ⵉⵜⴰⵎⴰⵔ. 
ⴰⵍⵉⵄⴰⵣⴰⵔ ⵉⵊⵊⴰ-ⴷⴷ ⴼⵉⵏⴰⵃⴰⵙ, ⴼⵉⵏⴰⵃⴰⵙ ⵉⵊⵊⴰ-ⴷⴷ ⴰⴱⵉⵛⵓⵄⴰ, 
ⴰⴱⵉⵛⵓⵖⴰ ⵉⵊⵊⴰ-ⴷⴷ ⴱⵓⵇⵇⵉ, ⴱⵓⵇⵇⵉ ⵉⵊⵊⴰ-ⴷⴷ ⵄⵓⵣⵣⵉ, 
ⵄⵓⵣⵣⵉ ⵉⵊⵊⴰ-ⴷⴷ ⵣⴰⵔⴰⵃ-ⵢⴰⵀ, ⵣⴰⵔⴰⵃ-ⵢⴰⵀ ⵉⵊⵊⴰ-ⴷⴷ ⵎⴰⵔⴰⵢⵓⵜ, 
ⵎⴰⵔⴰⵢⵓⵜ ⵉⵊⵊⴰ-ⴷⴷ ⴰⵎⴰⵔⵢⴰ, ⴰⵎⴰⵔⵢⴰ ⵉⵊⵊⴰ-ⴷⴷ ⴰⵅⵉⵟⵓⴱ, 
ⴰⵅⵉⵟⵓⴱ ⵉⵊⵊⴰ-ⴷⴷ ⵚⴰⴷⵓⵇ, ⵚⴰⴷⵓⵇ ⵉⵊⵊⴰ-ⴷⴷ ⴰⵅⵉⵎⴰⵄⴰⵚ, 
ⴰⵅⵉⵎⴰⵄⴰⵚ ⵉⵊⵊⴰ-ⴷⴷ ⵄⴰⵣⴰⵔⵢⴰ, ⵄⴰⵣⴰⵔⵢⴰ ⵉⵊⵊⴰ-ⴷⴷ ⵢⵓⵃⴰⵏⴰⵏ 
ⵓ ⵢⵓⵃⴰⵏⴰⵏ ⵉⵊⵊⴰ-ⴷⴷ ⵄⴰⵣⴰⵔⵢⴰ. ⵡⴰⵏⵉⵜⴰ ⵜⵓⵖⴰ ⴷ ⵡⴻⵏⵏⵉ ⵉⵜⵜⵙⴻⵅⵅⴰⵔⴻⵏ ⴰⵎ ⵓⴽⴻⵀⵀⴰⵏ ⴷⵉ ⵜⴰⴷⴷⴰⵔⵜ ⵉ ⵉⴱⵏⴰ ⵙⵓⵍⵉⵎⴰⵏ ⴷⵉ ⵓⵔⵛⴰⵍⵉⵎ. 
ⵄⴰⵣⴰⵔⵢⴰ ⵉⵊⵊⴰ-ⴷⴷ ⴰⵎⴰⵔⵢⴰ, ⴰⵎⴰⵔⵢⴰ ⵉⵊⵊⴰ-ⴷⴷ ⴰⵅⵉⵟⵓⴱ, 
ⴰⵅⵉⵟⵓⴱ ⵉⵊⵊⴰ-ⴷⴷ ⵚⴰⴷⵓⵇ, ⵚⴰⴷⵓⵇ ⵉⵊⵊⴰ-ⴷⴷ ⵛⴰⵍⵍⵓⵎ, 
ⵛⴰⵍⵍⵓⵎ ⵉⵊⵊⴰ-ⴷⴷ ⵃⵉⵍⵇⵉⵢⴰ, ⵃⵉⵍⵇⵉⵢⴰ ⵉⵊⵊⴰ-ⴷⴷ ⵄⴰⵣⴰⵔⵢⴰ, 
ⵄⴰⵣⴰⵔⵢⴰ ⵉⵊⵊⴰ-ⴷⴷ ⵙⴰⵔⴰⵢⴰ ⵓ ⵙⴰⵔⴰⵢⴰ ⵉⵊⵊⴰ-ⴷⴷ ⵢⴰⵀⵓⵚⴰⴷⴰⵇ. 
ⵢⴰⵀⵓⵚⴰⴷⴰⵇ ⵢⵓⵢⵓⵔ ⴰⴽⵉⴷⵙⴻⵏ ⵓⵎⵉ ⵙⵉⴷⵉ ⵉⵏⴷⴻⵀ ⵢⴰⵀⵓⴷⴰ ⴷ ⵓⵔⵛⴰⵍⵉⵎ ⵖⴰⵔ ⵍⵎⴻⵏⴼⴰ ⵙ ⵓⴼⵓⵙ ⵏ ⵏⴰⴱⵓⵅⴰⴷⵏⴰⵚⵚⴰⵔ. 
