﻿1 ⵉⵎⴻⵥⵔⵓⵢⴻⵏ.
1.
ⴰⴷⴰⵎ, ⵛⵉⵜ, ⴰⵏⵓⵛ, 
ⵇⵉⵏⴰⵏ, ⵎⴰⵀⴰⵍⴰⵍ-ⵉⵍ, ⵢⴰⵔⴰⴷ, 
ⵃⴰⵏⵓⵅ, ⵎⴰⵜⵓⵛⴰⵍⴰⵃ, ⵍⴰⵎⴰⴽ, 
ⵏⵓⵃ, ⵛⴰⵎ, ⵃⴰⵎ, ⵢⴰⴼⴰⵜ. 
ⴰⵔⵔⴰⵡⴻⵏ ⵏ ⵢⴰⴼⴰⵜ ⵜⵓⵖⴰ ⴰⵜⴻⵏ ⴷ ⵊⵓⵎⴰⵔ, ⵎⴰⵊⵓⵊ, ⵎⴰⴷⴰⵢ, ⵢⴰⵡⴰⵏ, ⵜⵓⴱⴰⵍ, ⵎⴰⵛⵉⴽ ⴷ ⵜⵉⵔⴰⵙ. 
ⴰⵔⵔⴰⵡⴻⵏ ⵏ ⵊⵓⵎⴰⵔ ⵜⵓⵖⴰ ⴰⵜⴻⵏ ⴷ ⴰⵛⴽⴰⵏⴰⵣ, ⴷⵉⴼⴰⵜ ⴷ ⵜⵓⵊⴰⵔⵎⴰ. 
ⴰⵔⵔⴰⵡⴻⵏ ⵏ ⵢⴰⵡⴰⵏ ⵜⵓⵖⴰ ⴰⵜⴻⵏ ⴷ ⵉⵍⵉⵛⴰ, ⵜⴰⵔⵛⵉⵛⴰ, ⵉⴽⵉⵜⵜⵉⵢⵢⴻⵏ ⴷ ⵉⴷⵓⴷⴰⵏⵉⵢⵢⴻⵏ. 
ⴰⵔⵔⴰⵡⴻⵏ ⵏ ⵃⴰⵎ ⵜⵓⵖⴰ ⴰⵜⴻⵏ ⴷ ⴽⵓⵛ, ⵎⵉⵚⵔⴰⵢⵉⵎ, ⴼⵓⵟ ⴷ ⴽⴻⵏⵄⴰⵏ. 
ⴰⵔⵔⴰⵡⴻⵏ ⵏ ⴽⵓⵛ ⵜⵓⵖⴰ ⴰⵜⴻⵏ ⴷ ⵙⴻⴱⴰ, ⵃⴰⵡⵉⵍⴰ, ⵙⴰⴱⵜⴰ, ⵔⴰⵄⴰⵎⴰ ⴷ ⵙⴰⴱⵜⴰⴽⴰ. ⴰⵔⵔⴰⵡⴻⵏ ⵏ ⵔⴰⵄⴰⵎⴰ ⵜⵓⵖⴰ ⴰⵜⴻⵏ ⴷ ⵛⴰⴱⴰ ⴷ ⴷⴰⴷⴰⵏ. 
ⴽⵓⵛ ⵉⵊⵊⴰ-ⴷⴷ ⵏⵉⵎⵔⵓⴷ. ⵡⴰⵏⵉⵜⴰ ⵉⴱⴷⴰ ⴰⴷ ⵢⵉⵍⵉ ⴷ ⵉⵊⵊ ⵏ ⵊⵊⵉⵀⴻⵍ ⵅ ⵜⴻⵎⵎⵓⵔⵜ. 
ⵎⵉⵚⵔⴰⵢⵉⵎ ⵉⵊⵊⴰ-ⴷⴷ ⵉⵍⵓⴷⵉⵢⵢⴻⵏ, ⵉⵄⴰⵏⴰⵎⵉⵢⵢⴻⵏ, ⵉⵍⴰⵀⴰⴱⵉⵢⵢⴻⵏ, ⵉⵏⴰⴼⵜⵓⵃⵉⵢⵢⴻⵏ, 
ⵉⴼⴰⵜⵔⵓⵙⵉⵢⵢⴻⵏ, ⵉⴽⴰⵙⵍⵓⵃⵉⵢⵢⴻⵏ, ⵉⵏⵏⵉ ⵣⵉ ⵉ ⴷⴷ-ⵉⵇⵇⴰⵔⵚⴻⵏ ⵉⴼⵉⵍⵉⵙⵟⵉⵏⵉⵢⵢⴻⵏ, ⵓⵍⴰ ⴷ ⵉⴽⴰⴼⵜⵓⵔⵉⵢⵢⴻⵏ. 
ⴽⴻⵏⵄⴰⵏ ⵉⵊⵊⴰ-ⴷⴷ ⵚⵉⴷⵓⵏ, ⴰⵎⴻⵏⵣⵓ ⵏⵏⴻⵙ, ⴷ ⵃⵉⵜ, 
ⴰⵢⴰⴱⵓⵙⵉ, ⴰⵎⵓⵔⵉ, ⴰⵊⵉⵔⵊⴰⵛⵉ, 
ⴰⵃⵉⵡⵉ, ⴰⵄⴰⵔⵇⵉ, ⴰⵙⵉⵏⵉⵢ, 
ⴰⵔⵡⴰⴷⵉ, ⴰⵚⴰⵎⴰⵔⵉ ⴷ ⵓⵃⴰⵎⴰⵜⵉ. 
ⴰⵔⵔⴰⵡⴻⵏ ⵏ ⵛⴰⵎ ⵜⵓⵖⴰ ⴰⵜⴻⵏ ⴷ ⵄⵉⵍⴰⵎ ⴰⵛⵛⵓⵔ, ⴰⵔⴼⴰⴽⵛⴰⴷ, ⵍⵓⴷ, ⴰⵔⴰⵎ, ⵄⵓⵣ, ⵃⵓⵍ, ⵊⴰⵜⴰⵔ ⴷ ⵎⴰⵛⵉⴽ. 
ⴰⵔⴼⴰⴽⵛⴰⴷ ⵉⵊⵊⴰ-ⴷⴷ ⵛⴰⵍⴰⵃ ⵓ ⵛⴰⵍⴰⵃ ⵉⵊⵊⴰ-ⴷⴷ ⵄⴰⴱⵉⵔ. 
ⵜⵜⵡⴰⵔⵡⴻⵏ-ⴷⴷ ⵉ ⵄⴰⴱⵉⵔ ⵜⵏⴰⵢⴻⵏ ⵏ ⵡⴰⵔⵔⴰⵡⴻⵏ. ⵉⵊⵊⴻⵏ ⵇⵇⴰⵔⴻⵏ ⴰⵙ ⴼⴰⵍⴰⵊ, ⵎⵉⵏⵣⵉ ⴷⴻⴳ ⵡⵓⵙⵙⴰⵏ ⵏⵏⴻⵙ ⵜᵉⵜⵜⵡⴰⴱⴹⴰ ⵜⴻⵎⵎⵓⵔⵜ, ⵓⵛⴰ ⵇⵇⴰⵔⴻⵏ ⴰⵙ ⵉ ⵓⵎⴰⵙ ⵢⵓⵇⵟⴰⵏ. 
ⵢⵓⵇⵟⴰⵏ ⵉⵊⵊⴰ-ⴷⴷ ⴰⵍⵎⵓⴷⴰⴷ, ⵛⴰⵍⴰⴼ, ⵀⴰⴹⴰⵔⵎⴰⵡⵜ, ⵢⴰⵔⴰⵃ, 
ⵀⴰⴷⵓⵔⴰⵎ, ⵓⵣⴰⵍ, ⴷⵉⵇⵍⴰ, 
ⵄⵉⴱⴰⵍ, ⴰⴱⵉⵎⴰⵢⵉⵍ, ⵛⴰⴱⴰ, 
ⵓⴼⵉⵔ, ⵃⴰⵡⵉⵍⴰ ⴷ ⵢⵓⴱⴰⴱ. ⵎⴰⵔⵔⴰ ⵉⵏⴰ ⵜⵓⵖⴰ ⴰⵜⴻⵏ ⴷ ⴰⵔⵔⴰⵡⴻⵏ ⵏ ⵢⵓⵇⵟⴰⵏ. 
ⵛⴰⵎ, ⴰⵔⴼⴰⴽⵛⴰⴷ, ⵛⴰⵍⴰⵃ, 
ⵄⴰⴱⵉⵔ, ⴼⴰⵍⴰⵃ, ⵔⴰⵄⵓⵡ, 
ⵙⴰⵔⵓⵊ, ⵏⴰⵃⵓⵔ, ⵜⴰⵔⴰⵃ, 
ⴰⴱⵔⴰⵎ, ⵡⴰ ⴷ ⵉⴱⵔⴰⵀⵉⵎ. 
ⴰⵔⵔⴰⵡⴻⵏ ⵏ ⵉⴱⵔⴰⵀⵉⵎ ⵜⵓⵖⴰ ⴰⵜⴻⵏ ⴷ ⵉⵙⵃⴰⵇ ⴷ ⵉⵙⵎⴰⵄⵉⵍ. 
ⵉⵏⴰ ⴷ ⵉⵏⵏⵉ ⵣⵣⴰⵢⵙⴻⵏ ⴷⴷ-ⵉⵜⵜⵡⴰⵔⵡⴻⵏ: ⴰⵎⴻⵏⵣⵓ ⵏ ⵉⵙⵎⴰⵄⵉⵍ ⵜⵓⵖⴰ-ⵜ ⴷ ⵏⴰⴱⴰⵢⵓⵜ, ⵅⴻⵏⵏⵉ ⵇⵉⴷⴰⵔ, ⴰⴷⴰⴱⵉⵍ, ⵎⵉⴱⵙⴰⵎ, 
ⵎⵉⵛⵎⴰⵄ, ⴷⵓⵎⴰ, ⵎⴰⵙⵙⴰ, ⵃⴰⴷⴰⴷ ⴷ ⵜⴰⵢⵎⴰ, 
ⵢⴰⵟⵓⵔ, ⵏⴰⴼⵉⵛ ⴷ ⵇⵉⴷⵎⴰ. ⵉⵏⴰ ⵜⵓⵖⴰ ⴰⵜⴻⵏ ⴷ ⴰⵔⵔⴰⵡⴻⵏ ⵏ ⵉⵙⵎⴰⵄⵉⵍ. 
ⴰⵔⵔⴰⵡⴻⵏ ⵏ ⵇⴰⵟⵓⵔⴰ, ⵜⴰⵢⵢⴰ ⵏ ⵉⴱⵔⴰⵀⵉⵎ: ⵏⴻⵜⵜⴰⵜ ⵜⵓⵔⵓⵡ-ⴷⴷ ⵣⵉⵎⵔⴰⵏ, ⵢⵓⵇⵛⴰⵏ, ⵎⴰⴷⴰⵏ, ⵎⵉⴷⵢⴰⵏ, ⵢⵉⵛⴱⴰⵇ ⴷ ⵛⵓⵃⴰ. ⴰⵔⵔⴰⵡⴻⵏ ⵏ ⵢⵓⵇⵛⴰⵏ ⵜⵓⵖⴰ ⴰⵜⴻⵏ ⴷ ⵛⴰⴱⴰ ⴷ ⴷⴰⴷⴰⵏ. 
ⴰⵔⵔⴰⵡⴻⵏ ⵏ ⵎⵉⴷⵢⴰⵏ ⵜⵓⵖⴰ ⴰⵜⴻⵏ ⴷ ⵄⵉⵢⴼⴰ, ⵄⵉⴼⴰⵔ, ⵃⴰⵏⵓⵅ, ⴰⴱⵉⴷⴰⵄ ⴷ ⴰⵍⴷⴰⵄⴰ. ⵏⵉⵜⵏⵉ ⵎⴰⵔⵔⴰ ⵜⵓⵖⴰ ⴰⵜⴻⵏ ⴷ ⴰⵔⵔⴰⵡⴻⵏ ⵏ ⵇⴰⵟⵓⵔⴰ. 
ⵉⴱⵔⴰⵀⵉⵎ ⵉⵊⵊⴰ-ⴷⴷ ⵉⵙⵃⴰⵇ. ⴰⵔⵔⴰⵡⴻⵏ ⵏ ⵉⵙⵃⴰⵇ ⵜⵓⵖⴰ ⴰⵜⴻⵏ ⴷ ⵄⵉⵙⵓ ⴷ ⵉⵙⵔⴰⵉⵍ. 
ⴰⵔⵔⴰⵡⴻⵏ ⵏ ⵄⵉⵙⵓ ⵜⵓⵖⴰ ⴰⵜⴻⵏ ⴷ ⵉⵍⵉⴼⴰⵣ, ⵔⴰⵄⵓⵡⵉⵍ, ⵢⴰⵄⵓⵛ, ⵢⴰⵄⵍⴰⵎ ⴷ ⵇⵓⵔⴰⵃ. 
ⴰⵔⵔⴰⵡⴻⵏ ⵏ ⵉⵍⵉⴼⴰⵣ ⵜⵓⵖⴰ ⴰⵜⴻⵏ ⴷ ⵜⴰⵢⵎⴰⵏ, ⵓⵎⴰⵔ, ⵚⴰⴼⵉ, ⵊⴰⵄⵜⴰⵎ, ⵇⵉⵏⴰⵣ, ⵜⵉⵎⵏⴰⵄ ⴷ ⵄⴰⵎⴰⵍⵉⵇ. 
ⴰⵔⵔⴰⵡⴻⵏ ⵏ ⵔⴰⵄⵓⵢⵉⵍ ⵜⵓⵖⴰ ⴰⵜⴻⵏ ⴷ ⵏⴰⵃⴰⵜ, ⵣⴰⵔⴰⵃ, ⵛⴰⵎⵎⴰ ⴷ ⵎⵉⵣⵣⴰ. 
ⴰⵔⵔⴰⵡⴻⵏ ⵏ ⵙⴰⵄⵉⵔ ⵜⵓⵖⴰ ⴰⵜⴻⵏ ⴷ ⵍⵓⵟⴰⵏ, ⵛⵓⴱⴰⵍ, ⵚⵉⴱⵄⵓⵏ, ⵄⴰⵏⴰ, ⴷⵉⵛⵓⵏ, ⵉⵚⴰⵔ ⴷ ⴷⵉⵛⴰⵏ. 
ⴰⵔⵔⴰⵡⴻⵏ ⵏ ⵍⵓⵟⴰⵏ ⵜⵓⵖⴰ ⴰⵜⴻⵏ ⴷ ⴰⵅⵓⵔⵉ ⴷ ⵀⵓⵎⴰⵎ ⵓⵛⴰ ⵜⵓⵖⴰ ⵜⵉⵎⵏⴰⵄ ⴷ ⵓⵍⵜⵎⴰⵙ ⵏ ⵍⵓⵟⴰⵏ. 
ⴰⵔⵔⴰⵡⴻⵏ ⵏ ⵛⵓⴱⴰⵍ ⵜⵓⵖⴰ ⴰⵜⴻⵏ ⴷ ⵄⴰⵍⵢⴰⵏ, ⵎⴰⵏⴰⵃⴰⵜ, ⵄⵉⴱⴰⵍ, ⵛⴰⴼⵉ ⴷ ⵓⵏⴰⵎ. ⴰⵔⵔⴰⵡⴻⵏ ⵏ ⵚⵉⴱⵄⵓⵏ ⵜⵓⵖⴰ ⴰⵜⴻⵏ ⴷ ⴰⵢⴰ ⴷ ⵄⴰⵏⴰ. 
ⴰⵔⵔⴰⵡⴻⵏ ⵏ ⵄⴰⵏⴰ ⵎⵖⵉⵔ: ⴷⵉⵛⵓⵏ. ⴰⵔⵔⴰⵡⴻⵏ ⵏ ⴷⵉⵛⵓⵏ ⵜⵓⵖⴰ ⴰⵜⴻⵏ ⴷ ⵃⴰⵎⵔⴰⵏ, ⵉⵛⴱⴰⵏ, ⵢⵉⵜⵔⴰⵏ ⴷ ⴽⴰⵔⴰⵏ. 
ⴰⵔⵔⴰⵡⴻⵏ ⵏ ⵉⵚⴰⵔ ⵜⵓⵖⴰ ⴰⵜⴻⵏ ⴷ ⴱⵉⵍⵀⴰⵏ ⴷ ⵣⴰⵄⵡⴰⵏ ⴷ ⵢⴰⵄⴽⴰⵏ. ⴰⵔⵔⴰⵡⴻⵏ ⵏ ⴷⵉⵛⵓⵏ ⵜⵓⵖⴰ ⴰⵜⴻⵏ ⴷ ⵄⵓⵚ ⴷ ⴰⵔⴰⵏ. 
ⵉⵏⴰ ⴷ ⵉⵊⴻⴵⵉⴷⴻⵏ ⵉ ⵜⵓⵖⴰ ⵉⴵⴰⵏ ⵅ ⵉⴷⵓⵎ, ⵇⴱⴻⵍ ⵎⴰ ⵜⵓⵖⴰ ⵉⵃⴻⴽⴽⴻⵎ ⵉⵊⵊ ⵏ ⵓⵊⴻⴵⵉⴷ ⵅ ⴰⵢⵜ ⵏ ⵉⵙⵔⴰⵉⵍ: ⴱⵉⵍⴰⵄ, ⵎⵎⵉⵙ ⵏ ⴱⴰⵄⵓⵔ. ⵜⴰⵏⴷⵉⵏⵜ ⵏⵏⴻⵙ ⵇⵇⴰⵔⴻⵏ ⴰⵙ ⴷⵉⵏⵀⴰⴱⴰ. 
ⵉⵎⵎⵓⵜ ⴱⵉⵍⴰⵄ ⵓⵛⴰ ⵢⵓⵡⴰⴱ, ⵎⵎⵉⵙ ⵏ ⵣⴰⵔⴰⵃ, ⵣⵉ ⴱⵓⵚⵔⴰ, ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ. 
ⵉⵎⵎⵓⵜ ⵢⵓⵡⴰⴱ ⵓⵛⴰ ⵃⵓⵛⴰⵎ ⵣⵉ ⵜⴻⵎⵎⵓⵔⵜ ⵏ ⵉⵜⴰⵢⵎⴰⵏⵉⵢⵢⴻⵏ ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ. 
ⵉⵎⵎⵓⵜ ⵃⵓⵛⴰⵎ ⵓⵛⴰ ⵀⴰⴷⴰⴷ ⵎⵎⵉⵙ ⵏ ⴱⴰⴷⴰⴷ ⵡⴻⵏⵏⵉ ⵉⵖⴻⵍⴱⴻⵏ ⵎⵉⴷⵢⴰⵏ ⴷⴻⴳ ⵉⵢⵢⴰⵔ ⵏ ⵎⵓ’ⴰⴱ, ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ. ⵉⵙⴻⵎ ⵏ ⵜⴻⵏⴷⵉⵏⵜ ⵏⵏⴻⵙ ⵇⵇⴰⵔⴻⵏ ⴰⵙ ⵄⴰⵡⵉⵜ. 
ⵉⵎⵎⵓⵜ ⵀⴰⴷⴰⴷ ⵓⵛⴰ ⵙⴰⵎⵍⴰ ⵣⵉ ⵎⴰⵙⵔⵉⵇⴰ ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ. 
ⵉⵎⵎⵓⵜ ⵙⴰⵎⵍⴰ ⵓⵛⴰ ⵛⴰⵡⵓⵍ, ⵣⵉ ⵔⴰⵃⵓⴱⵓⵜ ⵖⴰⵔ ⵢⴻⵖⵣⴰⵔ ⵏ ⵍⴼⵓⵔⴰⵟ, ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ. 
ⵉⵎⵎⵓⵜ ⵛⴰⵡⵓⵍ ⵓⵛⴰ ⴱⴰⵄⵍ-ⵃⴰⵏⴰⵏ, ⵎⵎⵉⵙ ⵏ ⵄⴰⴽⴱⵓⵔ, ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ. 
ⵉⵎⵎⵓⵜ ⴱⴰⵄⵍ-ⵃⴰⵏⴰⵏ ⵓⵛⴰ ⵀⴰⴷⴰⴷ ⵉⴷⵡⴻⵍ ⴷ ⴰⵊⴻⴵⵉⴷ ⴷⴻⴳ ⵡⴻⵎⵛⴰⵏ ⵏⵏⴻⵙ. ⵜⴰⵏⴷⵉⵏⵜ ⵏⵏⴻⵙ ⵇⵇⴰⵔⴻⵏ ⴰⵙ ⴼⴰⵄⵉ ⵓ ⵜⴰⵎⵖⴰⵔⵜ ⵏⵏⴻⵙ ⵇⵇⴰⵔⴻⵏ ⴰⵙ ⵎⴰⵀⵉⵟⴰⴱ’ⵉⵍ, ⵢⴻⴵⵉⵙ ⵏ ⵎⴰⵟⵔⵉⴷ, ⵢⴻⴵⵉⵙ ⵏ ⵎⴰ-ⴷⴰⵀⴰⴱ. 
ⵉⵎⵎⵓⵜ ⵀⴰⴷⴰⴷ ⵓⵛⴰ ⵅⴻⵏⵏⵉ ⴷⴻⵡⵍⴻⵏ ⵢⵉⵏⴰ ⴷ ⵉⵎⵖⴰⵔⴻⵏ ⵏ ⵉⴷⵓⵎ: ⴰⵎⵖⴰⵔ ⵜⵉⵎⵏⴰⵄ, ⴷ ⵓⵎⵖⴰⵔ ⵄⴰⵍⵡⴰ, ⴷ ⵓⵎⵖⴰⵔ ⵢⴰⵜⵉⵜ, 
ⴷ ⵓⵎⵖⴰⵔ ⴰⵀⵓⵍⵉⴱⴰⵎⴰ, ⴷ ⵓⵎⵖⴰⵔ ⵉⵍⴰ, ⴷ ⵓⵎⵖⴰⵔ ⴼⵉⵏⵓⵏ, 
ⴷ ⵓⵎⵖⴰⵔ ⵇⴰⵏⴰⵣ, ⴷ ⵓⵎⵖⴰⵔ ⵜⴰⵢⵎⴰⵏ, ⴷ ⵓⵎⵖⴰⵔ ⵎⵉⴱⵚⴰⵔ, 
ⴷ ⵓⵎⵖⴰⵔ ⵎⴰⵊⴷⵉⵢⵉⵍ, ⴷ ⵓⵎⵖⴰⵔ ⵄⵉⵔⴰⵎ. ⵉⵏⴰ ⵜⵓⵖⴰ ⴰⵜⴻⵏ ⴷ ⵉⵎⵖⴰⵔⴻⵏ ⵏ ⵜⵇⴻⴱⴱⴰⵍ ⵏ ⵉⴷⵓⵎ. 
