﻿Izehhiden.
136.
Qadam SIDI, maɣar Netta iṣbeḥ, maɣar tamexsiwt nnes icewwaren tᵉttɣima i řebda. 
Qadam wenni d AREBBI x marra irebbiten, maɣar tamexsiwt nnes icewwaren tᵉttɣima i řebda. 
Qadam wenni d Sidi x marra isiditen, maɣar tamexsiwt nnes icewwaren tᵉttɣima i řebda, 
... wenni itteggen lmuɛjizat timeqqranin, Netta waha, maɣar tamexsiwt nnes icewwaren tᵉttɣima i řebda, 
... wenni iggin ijenwan s řefhamet, maɣar tamexsiwt nnes icewwaren tᵉttɣima i řebda, 
... wenni iggin tammurt x waman, maɣar tamexsiwt nnes icewwaren tᵉttɣima i řebda. 
... wenni iggin tifawin timeqqranin, maɣar tamexsiwt nnes icewwaren tᵉttɣima i řebda, 
tafuct ḥima ad teḥkem x wass, maɣar tamexsiwt nnes icewwaren tᵉttɣima i řebda, 
taziri d itran ḥima ad ḥekmen x ǧiřet, maɣar tamexsiwt nnes icewwaren tᵉttɣima i řebda, 
... wenni iwtin Imiṣriyyen deg imenza nsen, maɣar tamexsiwt nnes icewwaren tᵉttɣima i řebda, 
... wenni dd-issuffɣen Israil zi řwest nsen, maɣar tamexsiwt nnes icewwaren tᵉttɣima i řebda, 
s ufus ijehden d uɣiř ittwassgeɛɛden, maɣar tamexsiwt nnes icewwaren tᵉttɣima i řebda. 
... wenni ibḍan Řebḥar n Telga x tnayen, maɣar tamexsiwt nnes icewwaren tᵉttɣima i řebda, 
uca isseẓwa Israil di řwest nnes, maɣar tamexsiwt nnes icewwaren tᵉttɣima i řebda. 
uca inḍar Firɛun di Řebḥar n Telga ak-d řɛeskar nnes, maɣar tamexsiwt nnes icewwaren tᵉttɣima i řebda. 
... wenni inedhen řgens nnes deg webrid di řexřa, maɣar tamexsiwt nnes icewwaren tᵉttɣima i řebda. 
... wenni iwtin ijeǧiden imeqqranen, maɣar tamexsiwt nnes icewwaren tᵉttɣima i řebda, 
uca inɣa ijeǧiden ijehden, maɣar tamexsiwt nnes icewwaren tᵉttɣima i řebda. 
Ɛqeř x Siḥun, ajeǧid n Imuriyyen, maɣar tamexsiwt nnes icewwaren tᵉttɣima i řebda, 
x Ɛuj, ajeǧid n Bacan, maɣar tamexsiwt nnes icewwaren tᵉttɣima i řebda. 
Tammurt nsen iwca i-tt d tasɣart, maɣar tamexsiwt nnes icewwaren tᵉttɣima i řebda, 
d tasɣart i umsexxar nnes Israil, maɣar tamexsiwt nnes icewwaren tᵉttɣima i řebda. 
Idar aneɣ di ddeǧ nneɣ, maɣar tamexsiwt nnes icewwaren tᵉttɣima i řebda. 
Netta ikkes aneɣ-dd zeg ifassen n yinni d aneɣ iḥṣaren, maɣar tamexsiwt nnes icewwaren tᵉttɣima i řebda. 
Netta d wenni itticen macca i marra imuddaren, maɣar tamexsiwt nnes icewwaren tᵉttɣima i řebda. 
Qadam Arebbi n ijenwan, maɣar tamexsiwt nnes icewwaren tᵉttɣima i řebda. 
