﻿Izehhiden.
130.
Izři n ugeɛɛed. Zi řaǧaɣ řaɣiɣ-dd xak, a SIDI! 
A Sidi inu, seř i tmijja inu, ejj imezzuɣen nnec ad fetnen x tmijja n tutra inu! 
A SIDi, mařa teḥḍiḍ řmuɛṣiyyat mliḥ, a Sidi inu, man wen izemmaren ad iqqim ibedd. 
Maca ɣarek asameḥ, maḥend ad zzayek ggʷeden. 
Necc sitimeɣ di SIDI, řeɛmar inu iccur s usitem, ttrajiɣ awař nnes, 
Řeɛmar inu ittraja Sidi inu, aṭṭas zeg iɛessasen ttrajan ɣar uteffu. 
Ejj Israil ad iraja SIDI, maɣar tamexsiwt icewwaren aqa-tt ɣar SIDI, ɣares afekki iceṭṭ. 
Netta ad issenjem Israil zi marra řmuɛṣiyyat nnes. 
