﻿Izehhiden.
128.
Izři n ugeɛɛed. Sseɛd n kuř ijj wenni itteggʷeden SIDI, wenni igguren deg ibriden nnes. 
Aqa ad tecced zeg warber n ifassen nnec, ad tiřid d amimun d lemliḥ. 
Tamɣart nnec ad tiři am ict n tzayart i dd-ittawyen řɣiǧet di taddart nnec, arrawen nnec ad iřin am iɣemmuyen n zzitun quwwaren i ṭṭabřa nnec. 
Ammu i ɣa ittwabarek weryaz ijehden nni itteggʷeden SIDI. 
SIDI ad cek ibarek zi Ṣihyun, u ad tẓared aqa Urcalim ad tiři mliḥ, marra ussan n tudart nnec, 
wah, ad tẓared iḥenjiren n iḥenjiren nnec. Řehna ad yiři x Israil. 
