﻿Izehhiden.
125.
Izři n ugeɛɛed. Inni ittecřen x SIDI, aqa aten am wedrar n Ṣihyun, wenni war ittenhezzin, maca ittɣima i řebda. 
Am mammec idurar quwwaren i Urcalim, ammu iquwwar SIDI i řgens nnes, zi řexxu ař řebda. 
Maɣar azeǧaḍ n řɣar war ittɣimi ittareyyeḥ x temmurt n imseggaden, ḥima imseggaden war sswiẓẓiḍen ifassen nsen ɣar řɣar. 
Iři ad yegg SIDI tacuni deg iṣebḥanen, deg inni iseggden s wuř, 
maca inni i ɣa iḥeyyden zeg webrid ɣar ibriden ifarɣen, ad ten issiggʷej SIDI jmiɛ ak-d yinni itteggen řɣecc. Ad din yiři řehna x Israil. 
