﻿Izehhiden.
122.
Izři n ugeɛɛed. N Dawud. Necc farrḥeɣ umi d ayi nnan: “Neccin ad nuyur ɣar Taddart n SIDI. 
Iḍaren nneɣ bedden-dd ɣar tewwura nnec, a Urcalim!” 
Urcalim tᵉttwabna am yict n tendint nni ittwacebbaren mliḥ ak-d yixef nnes. 
Ɣar dinni ttgeɛɛadent tqebbař, tiqebbař n SIDi, ɛlaḥsab lfariḍa i Israil, ḥima ad qadan Isem n SIDI. 
Maɣar dinni bedden řekrasi n ccreɛ řekrasi n taddart n Dawud. 
Ttarem i řehna n Urcalim: “Aqa ad feřḥen inni cem ittexsen, 
ḥima ad din yiři řehna ɣar řḥiḍ n zzat nnem, uřa d řhudnet di řeqṣur nnem.” 
Di ṭṭweɛ n aytma d imeddukkař inu ad iniɣ: “Ad dayem yiři řehna!” 
Di ṭṭweɛ n Taddart n SIDI, AREBBI nneɣ, ad ac arzuɣ x min icnan. 
