﻿Izehhiden.
121.
Izři n ugeɛɛed. Necc ssgeɛɛdeɣ tiṭṭawin inu ɣar idurar, manis dd ɣa tas twiza inu? 
Twiza inu zi SIDI, wenni iggin ijenwan d temmurt. 
Netta war ittejji aḍar nnec ad ifarɣ, wenni cek iḥeṭṭan war ittnudum. 
Xzar, wenni iḥeṭṭan Israil war ittnudum u war itteṭṭeṣ. 
SIDI d ameḥḍay nnec, SIDI d tiři nnec ɣar ufus afusi nnec. 
Deg wass tafuct war cek teccit ca, uřa d taziri s ǧiřet. 
SIDI ad cek iḥḍa zi marra řɣar, Netta ad iḥḍa řeɛmar nnec. 
SIDI ad iḥḍa uffuɣ nnec d wadaf nnec, zi řexxu ař i řebda. 
