﻿Izehhiden.
120.
Izři n ugeɛɛed. Necc řaɣiɣ ɣar SIDI di řeḥṣaret inu u Netta isřa ayi. 
A SIDI, fekk řeɛmar inu zeg iyencicen issxarriqen, zeg iřes icemmten. 
Min d ac i ɣa yewc, min d ac i ɣa yarni iřes nni icemmten? 
Fřitcat n řqews qeḍɛent zeg ufus n ijj n umjahed, ak-d řefḥem n tcejjart n tagga. 
Uct inu, aqa necc d abarrani di Macik, aqa zeddɣeɣ ɣar iqiḍan n Qidar! 
Aṭṭas i izdeɣ řeɛmar inu ɣar yinni icarrhen řehna. 
Necc d aheddan, maca xmi ɣa ssiwřeɣ, xenni arezzun amenɣi. 
