﻿Izehhiden.
113.
Hallilu-Yah, sɛuǧem, kenniw imsexxaren n SIDI, sɛuǧem Isem n SIDI! 
Ad ittwabarek Isem n SIDI, zi řexxu ař řebda. 
Zi manis dd-tneqqar tfuct ař manis tɣeǧi tfuct, ad ittwassɛuǧa Isem n SIDI. 
SIDI yuɛřa x marra řegnus, tiwa i ijenwan d aɛuǧi nnes. 
Man wen iǧan am SIDI, AREBBI nneɣ, wenni izeddɣen di řuɛřa qaɛ, 
wenni yuḍaren maḥend ad iẓar deg ijenwan u x temmurt! 
Wenni dd-issnekkaran amuqřiř zi tɛejjajt, issgeɛɛed amezřuḍ zeg wefraḍ 
maḥend ad t issɣim ak-d tarwa n taṣiřet, ak-d tarwa n taṣiřet n řgens nnes. 
Wenni issezdaɣen tenni war ittirwen di taddart, am ict n yemmatsen n iḥenjiren tfarḥ. Hallilu-Yah. 
