﻿Izehhiden.
112.
Hallilu-Yah! Alif. Sseɛd n weryaz nni itteggʷeden SIDI, Bit. wenni ifarrḥen aṭṭas x tweṣṣa nnes. 
Gimel. Tarwa nnes ad iřin jehhden di temmurt, Dalit. jjiř n yinni igguren nican ad ittwabarek. 
Hi. Řxir d wagřa ad ccuren taddart nnes, Waw. tasegda nnes tᵉttɣima i řebda. 
Zayin. I yinni igguren nican ad asen teɣři tfawt di taǧest. Xit. Netta d aḥnin d arḥim d umsegged. 
Tit. Aryaz nni ittḥinna u yareṭṭeř, ad yiři mliḥ, Yud. aqa iɛeddeř timesřayin nnes nican. 
Kaf. Maɣar netta war ittɣimi ittenhezza i řebda. Lamid. Ad din tiři řidaret deg umsegged i řebda. 
Mim. Netta war itteggʷed zi nnab i war iḥřin, Nun. Uř nnes imten, ittcař x SIDI. 
Samix. Uř nnes imten, war itteggʷed, Ɛayin. ař ɣa ixzar ɣar yinni t-i-dd iḥeṣṣaren. 
Pi. Izuzzar, ittic i imezřaḍ. Tsadi. Tasegda nnes tᵉttɣima i řebda, Quf. icc nnes ad ittwassuɛřa s ccan. 
Rix. Ad t iẓar uɛeffan, ad iffugem. Cin. Netta ad iɣezz s teɣmas, xenni ad ifsi. Taf. Meẓri n iɛeffanen ad ibḍeř. 
