﻿Izehhiden.
100.
Izři n uqadi. Ejj ad tᵉdduqqez marra tammurt s usřiwřew i SIDI. 
Sexxarem i SIDI s řefraḥet, asem-dd zzat i wudem nnes s usřiwřew. 
Snem, aqa SIDI d AREBBI i yeǧa. Netta ixřeq aneɣ-dd u neccin nnes i neǧa, řgens nnes d wuǧi n tarewsa nnes. 
Adfem tiwwura nnes s uqadi, řemraḥat nnes s izřan n uṣebbeḥ, qadam t, barkem Isem nnes. 
Maɣar SIDI d aṣebḥan, tamexsiwt nnes icewwaren tᵉttɣima i řebda, řaman nnes zi jjiř ař jjiř. 
