﻿Izehhiden.
93.
SIDI iḥekkem, Netta yarḍ s lɛaḍama, SIDI yarḍ s jjehd am s yijj n uḥezzam. Wah, ddunect tbedd temten, war tᵉttenhezzi ca. 
Řkursi igellden nnec imten zi mecḥař uya, Cek teǧid zi řebda. 
Iɣezran ssgeɛɛden, a SIDI, iɣezran ssgeɛɛden tmijja nsen. Iɣezran ad ssgeɛɛden řḥess n zzhir nsen. 
SIDI di řuɛřa ijhed x zzhir n waṭṭas n waman ijehden u x uhaji n řebḥar. 
Cchadat nnec aqa daysent řaman. Taqeddast tzehhej i Taddart nnec, a SIDI, ař marra ussan. 
