﻿Izehhiden.
87.
Azehhed, izři n ayt n Quraḥ. Dsas nnes aqa-t x idurar iqeddsen. 
SIDI ittexs tiwwura n Ṣihyun aṭṭas x marra tizeddɣin n Yaɛqub. 
Timesřayin yuɛřan qqaren xam, a tandint n AREBBI. Silah. 
Necc ad barrḥeɣ Rahab d Babil ɣar yinni i d ayi issnen. Xzar, Filicit d wenni zi Ṣuri ak-d Ukuci ... ‘Wanita ittwaxeřqed-dd din!’ 
Maca x Ṣihyun ad inin: ‘Ina marra ttwaxeřqen-dd dayes!’, Amɛuǧi x kuřci ad tt issemten. 
SIDI ad izemmem di lista n řegnus: ‘Wanita ixřeq-dd din’. Silah. 
Nitni ttɣennajen am ceṭṭḥen: ‘Tařawin inu marra dayem!’ 
