﻿Izehhiden.
13.
I umeqqran n imeɣnajen. Azehhed n Dawud. 
Mecḥař ɛad, a SIDI, i d ayi ɣa tᵉttud? Ař mecḥař ɛad i xafi i ɣa tessnuffared udem nnec? 
Mechař i iqqimen ad ggeɣ ɛad řehmum di řeɛmar inu, acḍan deg wuř inu mkuř ass? Ař meřmi ɣa issɛuǧa řeɛdu inu ixef nnes xafi? 
Xzar-dd, arr-dd xafi, a SIDI, AREBBI inu! Egg tfawt ɣar tiṭṭawin inu, ḥima war ttᵉṭṭṣeɣ iḍeṣ n řmewt, 
ḥima řeɛdu inu war iqqar: “Necc ɣellbeɣ xas!”, ḥima wenni d ayi iḥeṣṣaren war ifarreḥ mařa farɣeɣ. 
Necc ttecřeɣ x tmexsiwt nnec icewwaren. Uř inu ad ifarḥ x usenjem nnec. Necc ad ɣennjeɣ i SIDI, maɣar Netta igga dayi řxir. 
