﻿Izehhiden.
12.
I umeqqran n imeɣnajen. X ufiřu wiss tmenya. Azehhed n Dawud. 
Senjem, a SIDI, minzi ameddukkeř amtiqqi war iqqim ɛad, maɣar war din ɛad imtiqqan jar tarwa n bnadem. 
Nitni ssawařen jar asen s ixarriqen, s iyencicen ccuren s wawařen imiziḍen, aqa ssawařen s tnayen n iɣembab. 
Ejj SIDI ad iqḍeɛ marra iyencicen ccuren s wawařen imiziḍen, uřa d iřes s wawařen n ukebbar, 
inni iqqaren: “S yiřes nneɣ ad ɣarneɣ yiři uqarru imɣar, iyencicen aqa aten nneɣ! Man wen iǧan xaneɣ d sidi?” 
“Di ssibbet n wareddeǧ n řmusakin, uřa di ssibbet n iɣuyyan n imezřaḍ ad kkareɣ řexxu Necc”, inna SIDI, “Wenni x tuɣa idduqez netta, Necc ad t awyeɣ di řaman.” 
Tiwařin n SIDI aqa atent d tiwařin ṣfant, ttwassizdgent am nnuqart deg ijj n řkas i ufesyi deg ucař, ttwaṣeffant sebɛa n twařawin.    
Cek, a SIDI, ad ten teḥḍid, ad aneɣ tessared zi jjiř-a, i řebda qaɛ. 
Iɛeffanen gguren ttennḍen mani ma xmi ɣa ikkar ddeǧ jar tarwa n bnadem. 
