﻿Izehhiden.
1.
Sseɛd n weryaz, wenni war igguren di ccwar n iɛeffanen, d wenni war ibedden deg webrid n imednab, d wenni war iqqimen x řkursi n imestehzayen, 
maca řefraḥet nnes aqa-tt di Ccariɛa n SIDI u ittxarreṣ di Ccariɛa nnes ass d ǧiřet. 
Ad yiři am yict n tcejjart i ittwaẓẓun ɣar tɣezratin n waman, tenni itticen řɣiǧet nnes di řweqt nnes, afar nnes war ittiẓeɣ. Marra min ittegg, ad yiři.    
War ttiřin iɛeffanen ammu, minzi nitni am icarfa ittawi-y-i-t usemmiḍ. 
X uya iɛeffanen war ttbeddin ca deg wass n řeḥsab, uřa d imednab di tmesmunt n imseggaden. 
Minzi SIDI issen abrid n imseggaden, maca abrid n iɛeffanen ad ifna. 
