﻿Ayub.
25.
Xas uca yarra-dd Bildad, i dd-yusin zi Cuḥa, inna: 
Ṣṣulṭa d jjehd issaggʷaden aqa aten ɣares, Netta ittegg řehna di řuɛřa nnes. 
Ma izemmar ad ḥesben mecḥař i ɣares n řɛeskar? X man war tᵉttgeɛɛed tfawt nnes? 
Mammec xenni izemmar bnadem ad yiři d amsegged zzat i Arebbi, mammec izemmar wenni dd-ittwarwen zi temɣart ad yiři d amezdag? 
Xzar, ɛad taziri simant nnes war tᵉttwesseg s řeṣfayet, itran war ṣfin di tiṭṭawin nnes. 
Ahta ɛad bnadem, wenni d awekki, u mmis n bnadem, wenni d akeccaw. 
