﻿1 Imezruyen.
25.
Zeg warrawen n Asaf d Hayman d Yadutun iɛzeř Dawud ak-d ikumandaren n řɛeskar iryazen i tsexxart nni ittnebban s řgambriyat d lharpat d taǧunin n wuzzař. Řqedd n yeryazen i iggin řxedmet n tsexxart nsen tuɣa-t d wa: 
I warrawen n Asaf: Zakkur, Yusuf, Natanya d Acriyil, nitni d arrawen n Asaf. Tuɣa-ten sadu ufus n Asaf. Netta tuɣa ittnebba x iceyyaren n ujeǧid. 
I Yadutun: arrawen n Yadutun tuɣa aten d Jadalya, Ṣari, Icaɛya, Ḥacabya d Mattitya, setta n warrawen. Tuɣa-ten sadu ufus n babatsen Yadutun, wenni tuɣa ittnebban am ittirar x řgambri, am ittqada d issemɣara SIDI. 
I Himan: arrawen n Hayman tuɣa aten d Buqqiya, Mattanya, Ɛuzziyil, Cabuwil, Yarimut, Ḥananya, Ḥanani, Iliyata, Jiddalti, Rumamti-Ɛazar, Yucbaqaca, Malluti, Hutir d Maḥziyut. 
Nitni marra tuɣa aten d arrawen n Hayman, amwařaw n ujeǧid s řefhamet n wawařen n AREBBI, ḥima ad ssgeɛɛden icc nnes, minzi i uya yarzef AREBBI i Hayman arbeɛṭac n warrawen d třata n tḥenjirin. 
Marra ina tuɣa aten sadu ufus n babatsen, n Asaf, Yadutun d Hayman, maḥend ad ɣennjen izřan di Taddart n SIDI s taǧunin n wuzzař d lharpat d řgambriyat i tsexxart di Taddart n AREBBI sadu ufus n ujeǧid. 
Řqedd nsen, jmiɛ ak-d aytmatsen, inni tuɣa ittwassřemden deg izřan i SIDI, řqedd n marra inni ɣarsen tizemmar di man aya, tuɣa-t mitayen u-tmenya u-tmanyin. 
Nitni nḍaren tiqedduḥin i tɛessast, am umeẓyan am umeqqran, am umseřmad am umeḥḍar. 
Taqedduḥt tamezwarut tekkar as-dd i Yusuf. Wiss tnayen i Jadalya. Netta d aytmas d warrawen nnes, tenɛac n yeryazen. 
Wiss třata tekkar as-dd i Zakkur, netta ak-d warrawen nnes d aytmas, tenɛac n yeryazen. 
Wiss arebɛa tekkar as-dd i Yaṣri, netta ak-d warrawen nnes d aytmas, tenɛac n yeryazen. 
Wiss xemsa tekkar as-dd i Natanya, netta ak-d warrawen nnes d aytmas, tenɛac n yeryazen. 
Wiss setta tekkar as-dd i Buqqiya, netta ak-d warrawen nnes d aytmas, tenɛac n yeryazen. 
Wiss sebɛa tekkar as-dd i Yacaryila, netta ak-d warrawen nnes d aytmas, tenɛac n yeryazen. 
Wiss tmenya tekkar as-dd i Icaɛya, netta ak-d warrawen nnes d aytmas, tenɛac n yeryazen. 
Wiss tesɛa tekkar as-dd i Mattanya, netta ak-d warrawen nnes d aytmas, tenɛac n yeryazen. 
Wiss ɛecra tekkar as-dd i Cimɛi, netta ak-d warrawen nnes d aytmas, tenɛac n yeryazen. 
Wiss ḥiṭac tekkar as-dd i Ɛazaryil, netta ak-d warrawen nnes d aytmas, tenɛac n yeryazen. 
Wiss tenɛac tekkar as-dd i Hacabya, netta ak-d warrawen nnes d aytmas, tenɛac n yeryazen. 
Wiss třeṭṭac tekkar as-dd i Cubayil, netta ak-d warrawen nnes d aytmas, tenɛac n yeryazen. 
Wiss arbeɛṭac tekkar as-dd i Mattitya. netta ak-d warrawen nnes d aytmas, tenɛac n yeryazen. 
Wiss xemmesṭac tekkar as-dd i Yarimut, netta ak-d warrawen nnes d aytmas, tenɛac n yeryazen. 
Wiss seṭṭac tekkar as-dd i Ḥanan-Yah, netta ak-d warrawen nnes d aytmas, tenɛac n yeryazen. 
Wiss sbeɛṭac tekkar as-dd i Yacbaqaca, netta ak-d warrawen nnes d aytmas, tenɛac n yeryazen. 
Wis tmenṭac tekkar as-dd i Ḥanani, netta ak-d warrawen nnes d aytmas, tenɛac n yeryazen. 
Wiss tseɛṭac tekkar as-dd i Malluti, netta ak-d warrawen nnes d aytmas, tenɛac n yeryazen. 
Wiss ɛicrin tekkar as-dd i Iliyata, netta ak-d warrawen nnes d aytmas, tenɛac n yeryazen. 
Wiss waḥit u-ɛicrin tekkar as-dd i Hutir, netta ak-d warrawen nnes d aytmas, tenɛac n yeryazen. 
Wiss tnayen u-ɛicrin tekkar as-dd i Jiddalti, netta ak-d warrawen nnes d aytmas, tenɛac n yeryazen. 
Wiss třata u-ɛicrin tekkar as-dd i Maḥziyut, netta ak-d warrawen nnes d aytmas, tenɛac n yeryazen. 
Wiss arebɛa u-ɛicrin tekkar as-dd i Rumamti-Ɛazar, netta ak-d warrawen nnes d aytmas, tenɛac n yeryazen. 
