﻿1 Imezruyen.
8.
Binyamin ijja-dd Bilaɛ, amenzu nnes, Acbil d wiss tnayen, Axrax d wiss třata, 
Naḥu d wiss arebɛa u Rafa d wiss xemsa. 
Bilaɛ tuɣa ɣares arrawen-a: Addar, Jira d Abihud, 
Abicuɛa, Nuɛman, Axuxa, 
Jira, Cafufan d Ḥuram. 
Ina d arrawen n Aḥud. Nitni tuɣa aten d izeǧifen x ibabaten n řaǧat n imezdaɣ n Jibɛa. Nedhen i-ten ɣar Manaḥat, 
aqa d Naɛman, Axiya d Jira. Netta indeh i-ten. U netta ijja-dd Ɛuzza d Axiḥud. 
Caḥarayim ijja-dd iḥenjiren di temmurt n Mu’ab, awarni i umi tuɣa issuffeɣ timɣarin nnes Ḥucim d Baɛra. 
Ak-d temɣart nnes Xudac ijja-dd Yubab, Ḍibya, Mica, Malkam, 
Yaɛuṣ, Cabiya d Mirma. Ina tuɣa aten d arrawen nnes, izeǧifen x ibabaten n řaǧat. 
Ak-d Ḥucim ijja-dd netta Abiṭub d Ilfaɛal. 
Arrawen n Ilfaɛal tuɣa aten d Ɛabir, Micɛam, Camid nni ibnan Unu d Lud ak-d tneddam i ɣares dd-iqqnen, 
Bariɛa d Camaɛ. Ina tuɣa aten d izeǧifen n ibabaten n řaǧat n imezdaɣ n Ayalun. Nitni uẓẓřen x imezdaɣ n Jat. 
Axiyu, Cacaq, Yarimut, 
Zabadya, Ɛarad, Ɛadar, 
Mixayil, Jicfa d Yuxa tuɣa aten d arrawen n Bariɛa. 
Zabadya, Macullam, Ḥazki, Ḥabir, 
Yicmaray, Yazliya d Yubab tuɣa aten d arrawen n Ilfaɛal. 
Yaqim, Zikri, Zabdi, 
Iliɛinay, Ṣillatay, Iliyil, 
Ɛadaya, Baraya d Cimra tuɣa aten d arrawen n Cimi. 
Yicfan, Ɛabir, Iliyil, 
Ɛabdun, Zixri, Ḥanan, 
Ḥananya, Ɛilam, Ɛntutiya, 
Yafdiya d Fanuwil tuɣa aten d arrawen n Cacaq. 
Camcaray, Caḥarya, Ɛatalya, 
Yaɛracya, Iliya d Zikri tuɣa aten d arrawen n Yaruḥam. 
Ina tuɣa aten d izeǧifen x ibabaten, ttwasettfen ɛlaḥsab jjadira nsen, izeǧifen i iǧan. Nitni tuɣa zeddɣen di Urcalim. 
Di Jibɛun izdeɣ babas n Jibɛun u tamɣart nnes qqaren as Maɛka. 
Amenzu nnes tuɣa Ɛabdun, xenni Ṣur, Qis, Baɛal, Nadab, 
Jadur, Axxiyu d Zakir. 
Miqlut ijja-dd Cama. Uřa d nitni zedɣen di Urcalim ajemmaḍ n aytmatsen, jmiɛ ak-d yaytmatsen. 
Nir ijja-dd Qis u Qis ijja-dd Cawul u Cawul ijja-dd Yunatan, Malkicuɛa, Abinadab d Icbaɛal. 
Mmis n Yunatan tuɣa Marib-Baɛal. Marib-Baɛal ijja-dd Mixa. 
Arrawen n Mixa tuɣa aten d Fitun, Malik, Tariɛ d Aḥaz. 
Aḥaz ijja-dd Yahuɛadda u Yahuɛadda ijja-dd Ɛalmat, Ɛazmawet d Zimri. Zimri ijja-dd Muṣa, 
u Muṣa ijja-dd Binɛa. Mmis tuɣa Rafaɛ, mmis Ilɛasa d mmis Aṣiyal. 
Aṣiyal tuɣa ɣares setta n warrawen u ina d ismawen nsen: Ɛazriqam, Bukra, Ismaɛil, Caɛarya, Ɛubadya d Ḥanan. Nitni marra tuɣa aten d arrawen n Aṣiyal. 
Arrawen n umas Ɛaciq tuɣa aten d Ulam, amezwaru nnes, u wiss tnayen tuɣa-t d Yaɛuc d wiss třata Ilifalaṭ. 
Arrawen n Ulam tuɣa aten d iryazen, ayt n bu-teɣruḍt imeḥḍen nni imeḥḍen řqews. Nitni tuɣa ɣarsen aṭṭas n warrawen d wayyawen, s marra mya u-xemsin. Marra ina zeg warrawen n Binyamin. 
