﻿1 Imezruyen.
6.
Arrawen n Lawi tuɣa aten d Jarcun, Qahat d Marari. 
Ina d ismawen n warrawen n Jarcun: Libni d Cimɛi. 
Arrawen n Qahat tuɣa aten d Ɛamram, Yiṣḥar, Ḥabrun d Ɛuzziyil. 
Arrawen n Marari tuɣa aten d Maḥli d Muci. Tina d řaǧat n Ilawiyyen, ɛlaḥsab řejdud nsen. 
N Jarcun: mmis Libni, mmis Yaḥat, mmis Zimma, 
mmis Yuwax, mmis Ɛiddu, mmis Zaraḥ d mmis Yatray. 
Arrawen n Qaḥat: mmis Ɛamminadab, mmis Quraḥ, mmis Assir, 
mmis Ilqana, mmis Abiyasaf, mmis Assir, 
mmis Taḥat, mmis Uriyil, mmis Ɛuzziya d mmis Cawul. 
Arrawen n Ilqana tuɣa aten d Ɛamasay d Aximut. 
Ilqana: mmis tuɣa-t Ilqana, mmis Ṣufay, mmis Naḥat, 
mmis Iliyab, mmis Yaruḥam d mmis Ilqana. 
Arrawen n Camwil tuɣa aten d Yuwil, amenzu nnes, u wenni d wiss tnayen tuɣa-t Abiya. 
Arrawen n Marari: Maḥli, mmis Libni, mmis Cimɛi, mmis Ɛuzza, 
mmis Cimɛa, mmis Ḥajiya d mmis Ɛasaya. 
Ina d inni igga Dawud ḥima ad iřin x uɣennej n yizřan di Taddart n SIDI, awarni řami tuɣa tiweḍ Ttabut ɣar wemcan n arraḥet nnes. 
Nitni tuɣa ttsexxaren s izřan zzat i Tzeddiɣt, zzat i Uqiḍun n Umsagar, ař ikemmeř Suliman řebni n Taddart n SIDI di Urcalim. Nitni bedden di tsexxart nsen ɛlaḥsab lfariḍa nsen. 
Ina d inni i din ibedden ak-d warrawen nsen: Zeg warrawen n Iqaḥatiyyen: Hayman, amedyaz, mmis n Yuwil, mmis n Camwil, 
mmis n Ilqana, mmis n Yaruḥam, mmis n Iliyil, mmis n Tuwaḥ, 
mmis n Ṣuf, mmis n Ilqana, mmis n Maḥat, mmis n Ɛamasay, 
mmis n Ilqana, mmis n Yuwil, mmis n Ɛazarya, mmis n Ṣafanya, 
mmis n Taḥat, mmis n Assir, mmis n Abiyasaf, mmis n Quraḥ, 
mmis n Yiṣhar, mmis n Qahat, mmis n Lawi, mmis n Israil. 
Umas Asaf tuɣa ittbedda ɣar ufusi nnes. Tuɣa Asaf d mmis n Baraxya, mmis n Cimɛi, 
mmis n Mixayil, mmis n Baɛasiya, mmis n Malkiya, 
mmis n Itni, mmis n Zaraḥ, mmis n Ɛadaya, 
mmis n Itan, mmis n Zimma, mmis n Cimɛi, 
mmis n Yaḥat, mmis n Jarcum, mmis n Lawi. 
Aytmatsen, arrawen n Marari, bedden ɣar uzeřmaḍ: Itan, mmis n Qici, mmis n Ɛabdi, mmis n Mallux, 
mmis n Ḥacabya, mmis n Amaṣya, mmis n Ḥilqiya, 
mmis n Amṣi, mmis n Bani, mmis n Camar, 
mmis n Maḥli, mmis n Muci, mmis n Marari, mmis n Lawi. 
Aytmatsen, Ilawiyyen, tuɣa ttwaggen i qaɛ tsexxart di Tzeddiɣt n Taddart n AREBBI. 
Maca Harun d warrawen nnes, inni issbexxaren tiɣarṣa x uɛalṭar n wecmaḍ u x uɛalṭar n řebxur, aqa aten ḥima ad bedden ak-d qaɛ řxedmet deg Weqdas x Uqeddas u ḥima ad ggen aṣřaḥ i Israil am mammec marra min tuɣa yumur Musa, amsexxar n AREBBI. 
Ina d arrawen n Harun: mmis Aliɛazar, mmis Finaḥas, mmis Abicuɛa, 
mmis Buqqi, mmis Ɛuzzi, mmis Zaraḥ-Yah 
mmis Marayut, mmis Amarya, mmis Axiṭub, 
mmis Ṣaduq d mmis Aximaɛaṣ. 
Ina d imucan mani tuɣa zeddɣen, ɛlaḥsab řemrageḥ nsen x temmurt nsen: i warrawen n Harun, i řaǧ n Iqahatiyyen, minzi tuɣa-tt teqduḥt i nitni. 
Wcin asen Ḥabrun di temmurt n Yahuda ak-d ddmani n tarewsa nnes i d as dd-innḍen. 
Iyyar n tendint d dcurat nnes wcin t i Kalib, mmis n Yafunni. 
I warrawen n Harun wcin asen tineddam n tarewřa Ḥabrun d Libna ak-d ddmani n tarewsa nnes, Yattir d Ictamuɛa ak-d ddmani n tarewsa nnes, 
Ḥilayn ak-d ddmani n tarewsa nnes, d Dabir ak-d ddmani n tarewsa nnes, 
d Ɛacan ak-d ddmani n tarewsa nnes, d Bayt-Cams ak-d ddmani n tarewsa nnes. 
Zi teqbič n Binyamin ksin nitni Jabɛa ak-d ddmani n tarewsa nnes, d Ɛallimat ak-d ddmani n tarewsa nnes, d Ɛanatut ak-d ddmani n tarewsa nnes. Marra tineddam nsen tuɣa atent d třeṭṭac n tneddam ak-d řaǧat nsen. 
I warrawen n Qahat i iqqimen zi řaǧ n teqbič, ttwaɛeyynent s tqedduḥt ɛecra n tneddam zeg wezyen n teqbič, zeg wezyen n Manassa. 
I warrawen n Jarcun ttwaɛeyynent ɛlaḥṣab řaǧat nsen zi teqbič n Issakar, u zi teqbič n Acir, u zi teqbič n Naftali, u zi teqbič n Manassa di Bacan třeṭṭac n tneddam. 
I warrawen n Marari ɛlahsab řaǧat nsen ttwaɛeyynent s tqedduḥt tenɛac n tneddam zi teqbič n Rubin, u zi teqbič n Jad u zi teqbič n Zabulun. 
Ayt n Israil wcin i Ilawiyyen tineddam-a ak-d ddmani nsent n tarewsa. 
S tqedduḥt wcin nitni tineddam-a i ittwařaɣan s yisem nsent zi teqbič n warrawen n Yahuda u zi teqbič n warrawen n Cimɛun u zi teqbič n warrawen Binyamin. 
Uca zi řaǧat n warrawen n Qahat ṭṭfen nitni ɛawed tineddam zi teqbič n Ifrayim di temmurt nsen. 
Minzi wcin asen zi tneddam n tarewřa Cakim ak-d ddmani n tarewsa nnes x idurar n Ifrayim, d Jazar ak-d ddmani n tarewsa nnes, 
d Yaqmaɛam ak-d ddmani n tarewsa nnes, d Bayt-Ḥurun ak-d ddmani n tarewsa nnes, 
d Ayalun ak-d ddmani n tarewsa nnes d Jat-Rimmun ak-d ddmani n tarewsa nnes. 
Zeg wezyen n teqbič n Manassa ksin nitni Anir ak-d ddmani n tarewsa nnes, d Bilɛam ak-d ddmani n tarewsa nnes i min iqqimen zi řaǧ n warrawen n Qahat. 
Arrawen n Jarcum ksin ɛawed zi řaǧ n wezyen n teqbič n Manassa: Julan di Bacan ak-d ddmani n tarewsa nnes d Ɛactarut ak-d ddmani n tarewsa nnes. 
U zi teqbič n Issakar ksin nitni Qadac ak-d ddmani n tarewsa nnes, Dubra ak-d ddmani n tarewsa nnes, 
Ramut ak-d ddmani n tarewsa nnes u Ɛanim ak-d ddmani n tarewsa nnes. 
Zi teqbič n Acir ksin nitni Macal ak-d ddmani n tarewsa nnes, d Ɛabdun ak-d ddmani n tarewsa nnes, 
d Ḥuquq ak-d ddmani n tarewsa nnes, d Raḥub ak-d ddmani n tarewsa nnes. 
Zi teqbič n Naftali ksin nitni Qadac di Ljalil ak-d ddmani n tarewsa nnes, d Ḥammun ak-d ddmani n tarewsa nnes d Qaryatayim ak-d ddmani n tarewsa nnes. 
Inni iqqimen n warrawen n Marari ksin ɛawed zi teqbič n Zabulun Rimmunu ak-d ddmani n tarewsa nnes, d Tabur ak-d ddmani n tarewsa nnes 
u x ujemmaḍ n L’Urdun ɣar Ariḥa, ccarq n L’Urdun, ksin nitni zi teqbič n Rubin Baṣar di řexřa ak-d ddmani n tarewsa nnes, d Yahṣa ak-d ddmani n tarewsa nnes, 
d Qadimut ak-d ddmani n tarewsa nnes, d Mayfaɛa ak-d ddmani n tarewsa nnes, 
u zi teqbič n Jad ksin nitni Ramut di Jilɛad ak-d ddmani n tarewsa nnes, d Maḥanayim ak-d ddmani n tarewsa nnes, 
d Ḥacbun ak-d ddmani n tarewsa nnes, d Yaɛzir ak-d ddmani n tarewsa nnes. 
